|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#22
02-27-2013, 07:21 PM
| ||
| | ||
|
اقتباس: المشاركة الأصلية كتبت بواسطة المشاغبة الصغنونة  من هذى الشخص الي كان يبكي ؟ وجدااان و هل فيصل راح يموت او يقوم ؟ ووعع ان شاء الله يقووووم وش سر عبد العزيز مع وجدان ؟ امممم يمكن عبد العزيز يحب وجدان ابدااااااااااااااااااااااااااااااااااااااع في ابداااااااااااااااااع ارحمينا حبيبتي هع جوناااااااااااااااااااااان القصة تهبل ، تجنن اعتبريني متـــــــــــــــــــابعهـ انتظركــ بفارغ الصبر و اتمنى انك ترسليلي الرابط لما تحطين البارت يسسـyslmooـلمُو حبيبتي ع المرور العطر الي عطر صفحتي :looove: ! ان شاء الله و مشـــكوووره يا بعد حيي ع التوقعات :madry:
__________________ ^ "روآيـــــتِي آنــآ و صّصديقتي" ^ ~>" آسـسّـألُونِ "<~ |
|
#23
02-27-2013, 07:23 PM
| ||
| | ||
|
اقتباس: المشاركة الأصلية كتبت بواسطة MissEmily حلوه الروايهـ عيُونك الححلوه يسسـyslmooـلمو ع المرور :wardah:
__________________ ^ "روآيـــــتِي آنــآ و صّصديقتي" ^ ~>" آسـسّـألُونِ "<~ |
|
#24
02-28-2013, 03:53 PM
| ||
| | ||
| "البارت الخامس " بعدها قام فهد و الحمدلله ما به شي بس انتظرو يقوم فيصل ما قام ساعه ساعتين 3 ساعات ما قام 5 ساعات ما قام وجدان اصرت انها تنام عند امها ووفقو ونامت و كان في شخص يبكي بغزاره و اليل ما نام كان يبكي ما سكت من البكي و كان على زاوية السرير و يبكي دخلت بشاير بشاير متفاجئه : اشجاااان وش فيك تبكين ؟ اشجان ارتبكت ومسحت دموعها : ها .................... لا ........... ولا شي بس شفت مقطع محززن مره بشاير ما اقتنعت : هممم طيب وراحت جآي اليوم الثاني الي هو يوم الجمعه ! دق ابو شجاع عند ابو طلال ! ابو شجاع : السلام عليكم ! ابو طلال ( ابو وجدان) : وعليكم السلام ابو شجاع : ها قام فيصل ابو طلال بحزن : لا مثل ماهو حالته ما تغيرت لا شانت ولا زانت ابو شجاع : الله معاك بأذن لله يقومه بالسلامه و يرجع مثل اول ابو طلال :اميين , حب ابو طلال يغير السالفه ابو طلال : الا شخبار الوالده ابو شجاع : الحمدلله زينه الا اقول يا ابو طلال ابو طلال : سم ابو شجاع : سم الله عدوك انت مو مسافر لرياض صح ابو طلال : اية ابجلس بحايل عند فيصل ابو شجاع : طيب يا طويل العمر وعيالك ؟ دراسه عليهم ابو طلال : يوه نسيت العيال ان عندهم دراسه ! والله ما ادري وش اسوي ؟ ابو شجاع : خلاص خلهم يسافرون معي لرياض وينامون عندي الى ان ترجع ابو طلال : لا لا ازعاج والله ابو شجاع : لا والله لا ازعاج ولا شي افا ما هقيتها منك يا ابو طلال بعد عشرة عمر تقول كذا ابو طلال : والله ما ادري اعذرني ابو شجاع : خلهم يسافرون معي وينامون عندي وخلصنا ما بها شي ابو طلال : خلاص ابعطي طلال مفتاح سيارتي وهو يسوق و انا و الوالده نروح بطياره ابو شجاع : خلاص اجل ابو طلال : اية واذا وصلو لرياض خلهم يروحون لعمهم وخالتهم هناك طلال يدل المكان بيتهم ابو شجاع : لا لا يا ابو طلال خلهم ينامون عندي ازين بيتنا قبال بيتكم و اذا اعيالك بغو شي من بيتكم هذى البيت قدامهم ابو طلال : لا ازعاج والله وبعدين عمهم و خلاتهم ما يرضون ابو شجاع : طيب بس ليله يا ابو طلال عشان خاطري طلبتك ابو طلال : خلاص ابو شجاع بفرح : يلا استأذنك ابو طلال : في امان الرحمن قفل ابو شجاع والابتسامه بوجهه عند ابو طلال كان بالمستشفى و راح عند وجدان الي كانت عند امها دخل ابو طلال ابو طلال : اححم السلام عليكم ام طلال و وجدان : وعليكم السلام ابو طلال : وجدان اليوم بتسافرين انتي و اخوانك مع ابو شجاع ام طلال بصدمه : وشو ليه احراج والله لا لا وين تسافر معهم احراج مره و ازعاج لهم ابو طلال : والله قلت لابو شجاع نفس كلامك بس هو اصر انهم يسافرون معه وينامون بيته ليله و بعده يروحون لعمهم وخالتهم ام طلال : همممم طيب دق جوال ام طلال ام مالك : السلام عليكم ام طلال : وعليكم السلام ام مالك : ها شخبار فيصل ام طلال خنقتها العبره : مثل ماهو ام مالك : خلاص ترا انا و ابو مالك جايين لحايل ام طلال بصدمه : لييييه ام مالك : عشان فيصل ام طلال : لا تجين ولاشي خليك ام مالك : لا لا اخالته و عمهم كيف ما نجيه لا حنا جايين ترى ام طلال : وعيالك ام مالك : بينامون عند خالتهم ____________________ابعرفكم ع ابو مالك و ام مالك _________________ ابو مالك : محمد رجال طيب ومرح وهو اخو ابو وجدان و لا يحب احد يتكلم عن عايلته بسوء ام مالك : روز طيب و حركيه تحب تشتغل و هي اخت ام وجدان و تشبه اختها عيالهم : مالك :طيب و مرح ودمه خفيف طالع على ابوه وهو نحيف و طويل شوي و ابيض و جذاب نظراته رهيبه وهو 3 ثانوي ناصر : دفششش مرررره و مشكلجي اي مشكله تصير لازم يكون هو فيها وشكله عايدي و خشمه طويل و شكله شبه طويل و وبشرته مايله للون البرونزي كأنه ابيض على برنزي وهو ب2ثانوي مشعل : مثل مالك بس اذا عصب عصب يحب التفحيط و التحدي اذا احد تحداه يسوي التحدي مهما كان وهو ب 1 ثانوي رغد : طيب وهبله ودفشه و شعرها قصير يعني الى رقبتها و لونه مايل للاشقر وهي بيضه و عيونها لونها عسلي و كبار و تشبه وجدان بس مو مره يعني الي يشوفهم يقول يقربون لبعض وهي ب 2متوسط عز - رأفت : توأم مرح ينادونهم وهم مجنن يجننون ديره و ما يفرقون بينهم ابد نسخة بعض وهم دايم يلبسون نفس ملابس بعض عشان اذا جو يجننون الناس يهبلون فيهم ولا يفرقون بينهم و هم يشبون امهم و عيونهم كبار وهم ب1متوسط لمار : تشبه مالك وفيها شوي غرور بس اذا اجت تهاوش محد يقدر يرد عليها لانه تكسحه كسح و ترد الكلمه 10 وهي بخامس لمى : عمرها 3 سنوات ____________________________________________________________________________________________________ ___ ام طلال : اها ترا عيال بيجون لرياض ! مع جيرانا ام شجاع ام مالك : اها طيب خليهم ينامون عند عيالي عند خالتهم ازين ام طلال : ما ادري بس جارنا اصر على ابو طلال انهم ينامون عنده ليله ام مالك : اها اية وبعده يروحون عند عيال ام طلال : ما ادري احسه زحمه يكون هناك عيالك و غير عيال ابو خالد لا ام مالك : اجل وين ؟ ام طلال : ابخليهم ينامون عند ابو شجاع هناك عند بيتنا و اذا بغو شي البيت عند عيونهم ام مالك : خلاص حلو والله ام طلال : ايه ___________________ اعرفكم على ابو خالد و ام خالد ________________________________ ابو خالد : رجل عايدي مثل غيره ام خالد : مررح مره و تهبل تستهبل و الي يشوف استهبالها يقول صغيره عيالهم : خالد : عايدي وجدي اغرب اوقاته و طول حياته مشغول ^^" على ما ادري وش ؟ وشكله عايدي وهو ب1ثانوي محمد : هااااااااادي و باااااارد ابرد من الثلج و يرفع الضغط بروده شكله جسمه رياضي و طويل شوي و نظراته تخوف وهو ب3متوسط ريما : حبوووبه وهبله و خواااااف دجاجه درجه اولى على اشياء تافهه تخاف وتشبه رغد و وجدان ! و شعرها نص ظهرها ولونه اسود زي سواد اليل و عيونه لونها ازرق فاتحححح مره وهي ب1متوسط ريم : هاديه مثل محمد بس تخب البزوره عشقها و تشبه محمد وهي بخامس ____________________________________________________________________________________________________ ___ راحت وجدان لبيت جدة اشجان عشان نروح مع اشجان و عائلتها لرياض راحو اخوان وجدان بسيارتهم و معهم اشجان و ابو شجاع معه عائلته و كانت الصمت سيد الموقف سافرو على الغروب وصلو اخر اليل رواحو نامو نامت وجدان على سرير اشجان و اشجان جالسه على الايباد وحاطه السماعات و نجود عند المرايا * نجود تعشق المرايا طوله وقته عندها * و كوكب برا الغرفه و شجون عند نجود تسولف عليها كانت وجدان نايمه و حلمت انها بغرفه كانت تزين و لابسه فستان احمر قصير و كعب احمر عالي و كانت بكامل زينتها و تشوف نفسها بالمرايا و جمبها دولاب و معلق عليه ثوب و دخل عليها شخص ما كانت تشوفه كانت بالمرايا و الباب على الجمب المرايا و هي تقول مين ؟ مين ؟ مين ؟ 3 مرات قالت مين بس مارد الى انه لفت و انصدمت لقته عبد العزيز اخو اشجان كان شكل وجدان يجنن و لابس فستان كان بدون اكمام عاري من الكتوف و ضيق من فوق و عند الخصر في فيونكا كبيره بس مو مره و بعدين واسع من تحت يوصل الى الركب و لابسه كعب احمر عالي و شعرها كانت فاكته و فردته كان شعرها كاسي ظهرها و لونه مايل للاحمر عبد العزيز كان منجن على شكلها و انتبه لثوب كان وراها استغرب وش جاب ثوب عند الغرفه ذي ؟ و بذات ان ذي غرفة بنات عصب قال : ثوب من ذا ههها وجدان خافت من ومن صوته : ها ما ادري و بعدها فزت من نومها كان كل ذا حلم لفت وجدان لاشجان وجدان : هيييه اشجان اشجان : خير ؟ وجدان : ابغى مويه جيبي لي اشجان : روحي انزلي جيبي ماني جايبه لك وجدان : استحي انزل اشجان : ما علي منك وجدان : ااافففففف منك بس راحت وجدان طلعت من الغرفه و تركض لجهت الدرج ومنزله راسها و صقعت بشخص كان معطيها ظهره هذى الشخص قال بصوت شبه عالي : هييييييه انت ما تشوف وجدان عرفته من صوته لف هذى الشخص لقاها وجدان ارتبك وقالت : اسسفه اسسفه وجدان بخوف باين : عبد العزيز ! عبد العزيز أستغرب خوفها : وش فيك وجدان تذكرت الحلم و ارتبكت : ها ........... لا ولا شي بس ابشرب مويه عبد العزيز : اها طيب وجدان راحت نزلت تشرب و نزل وراها عبد العزيز راح لتلفزيون الي بالصاله الي تحت و كانت الصاله قبال المطبخ طلعت وجدان من المطبخ و تبي تطلع على الدرج بس سمعت عبد العزيز ينادينها عبد العزيز : وجدان وجدان وجدان لفت له : هلا بغيت شي عبدالعزيز : لا سلامتك بس ورا ماتجين تفرجين معي وجدان استحت وقالت : ها عبد العزيز : وش فيك تعالي اقول راحت وجدان وجلس تفرج على التلفزيون اذن الفجر و نزل ابو شجاع عشان يروح يصلي لقى وجدان و عبد العزيز يتفرجون ابو شجاع : ماشاء الله قاعدين عبد العزيز : اي نتفرج ابو شجاع : ورا ما نمتو عبد العزيز : ما جانا نوم ابو شجاع : طيب ي عبد العزيز روح قوم العيال عشان يجون يصلون الفجر و انتي يا وجدان قومي البنات عشان يصلون عبد العزيز و وجدان : ان شاء الله راح عبد العزيز يقوم العيال و وجدان راحت قومت البنات بعد الصلاه كانت كوكب تبي تروح للغرفه و شافت غرفه الي فيها التلفزيون طافيه اللمبات قالت ابروح اتفرج اكيد العيال تحت و دخلت الغرفه وكان التلفزيون مولع و شافت شخص جالس على الكنب الي اول ما تجلس عليه تدخل داخله شكله زي ذا وهذى الكنب داي يجلس به خالد و يسحبه بكل مكان هي تحسبه خالد هذى الشخص و قفت عند الباب و حست عند رجولها زي شعر يمسكها انخرعت و صرخت و تركض و طاح على حضن الشخص الي كان جالس على الكنب و مسكت بلوزه و قامت تقول بصوت شبه عالي : يماااااااااا خااااااااالد خالد يمااااااااه في شي مسكني تأكد الشخص ان الي دخل بنت و مسك الشخص يد كوكب وبعدها عنه و راح ولع اللمبات كوكب لفت وجها تبي تشوف الشخص اول ما لفت انصدمت !!!!!!!!!!!!!!!!!!!!!!!!!!!!!!!!!!!!!! الشخص هذى مو خالد كان عبد المجيد اخو وجدان كوكب تمنت ان الارض تنشق و تبلعها عبد المجيد كان متجمد ويقول بنفسه ( وش ذا الملاك الي نزيل علي @@ معقوله هذي كوكب ) عبد المجيد يقول لكوكب : وش فيك ضرختي ؟ كوكب : ها.............. ب ............. بسس..................... في شي مسكني وكان زي شعر عبد المجيد نزل وجلس على الارض و نزل عيونه و قام يقلد صوت البس و فجأه جته بستيه و كوكب اول ما شافت البستين نطت من مكانها و و عبد المجيد قام يضحك وهي على طول راحت و طلعت من الغرفه ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ نروح عند وجدان اول ما خلصو صلاه كانت هي بالصاله الي تحت و على الزاويه وكانت ظامه رجولها و حاطه وجها على ركبها و تبكي بصمت جاها عبد العزيز عبد العزيز : وجدان وجدان : نعم عبد العزيز : وش فيك وجدان رفعت راسها : مافيني شي عبد العزيز انهبل على شكلها الي كانت خودها حمره من البكي : اجل وراك تبكين وجدان : ما ابكي عبد العزيز : كذابه كنتي تبكين وجدان : اقول لك ما ابكي عبد العزيز لا شعوريا قرب عندها و همس بأذنها : ترى دموعك غاليه علي وجدان انصدمت من كلامه : ها عبد العزيز انتبه لكلامه : ها وجدان ابقول لك شي بس ما تزعلين يعني شي بس ما تزعلين وجدان خافت انه يتكلم عن فيصل : وقالت قوووول وشو ليكون فيصل صار فيه شي عبد العزيز : ها لالا شي بس ما تزعلين وجدان : قول ماراح ازعل عبد العزيز : اممم خلاص خلاص وجدان اصرت الا و تعرف : قول وشو عبد العزيز : خلاص اقول لك وجدان بصوت شبه عالي : تقول يعني تقول عبد العزيز عصب : يووووووه خلاص اقول لك و بعدين قامت وجدان راحت تركض لدرج و اول ما وصلت فوق قربت للغرف الا صقعت بكوكب الي كانت طالعه من غرفة التلفزيون و بعدين راحو كلهم و تحشرو عند الباب كوكب : انا ادخل اول وجدان : لا انا عبد العزيز لحق وجدان وشافها هي وكوكب متحاشرات عند الباب وضحك دخلت كوكب اول و بقوه طاحت وجدان على الارض عبد العزيز بصوت شبه عالي و يضحك : هههه هيه انتي انتبهي شوي على البنت وجدان لفت لعبد العزيز وبتسمت دخلت وجدان و راحت هي و كوكب انجضعو على سرير اشجان و نامو اشجان بدت عيونها تعورها من الايباد قامت اشجان تبي تنام بسريرها وشافت كوكب و وجدان نايمات عليه اشجان : اااااااففففففففف من هذولا الغبيات نايمات بسرير عجزانه افرش لي نجود لفت : يووه حتى انا عجزانه اشجان : انا ابروح انام عند العيال نجود : طيب و قامت نجود وفرشة لها نطت عليها شجون شجون : ابنام عندك عشان اكمل لك نجود : يحووول طيب طيب نجود بنفسها ( احوول من هذي يا كثر هذرتها ما شاء الله ×_×") راحت اشجان عند العيال تنام و دخلت الغرفه وهم ما يدرون ونامت على السرير قام تركي يبي ينجضع على السرير وشاف احد تركي : من بالسرير خالد : ما به احد تركي : الا ابروح اشوف راح تركي و شاف اشجان نايمه عليه تركي : يحووووووول من اشجانوه نايمه عليه وراح وخلاها , كانت الساعه 5 ونص الصبح دق جوال طلال طلال شاف من الي دق وقال : اكشخ ابوي صاير يسهر ههههع العيال : ههههه رد طلال : هلا يبه ابو طلال : هلا فيك شخباركم طلال : نحمد الله ونشكره و انت وامي وفيصل ابو طلال : كلنا بخير ابشرك فيصل يبي يكلمك طلال الفرحه مو سايعته : اييييييييييييه يبه تكفى ابو طلال عطى فيصل الجوال فيصل : هلا هلا طلال : هلااااااااااااااااااااااااااااااااااا فيك يا اخوي بعدين لف للعيال و قال بصوت شبه عالي : عيال فيصل قام وهذى هو يكلمني ^^ العيال استانسو الي يصفر و الي يزغرت و الي يصرخ فيصل يضحك : هههههههههههههههه فديتكم طلال : هههههه شفت كيف قامت اشجان يوم سمعت صوت فيصل وراحت تلعب بالبلاستيشن خالد : بسم لله مو كنتي نايمه اشجان : الا بس ابلعب بالبلاستيشن خالد : يا ربنا انتي ما تحبين البلاستيشن ! اشجان : مالك دخل كيفي وهي تلعب كان عقلها و قلببها مو مع البلاستيشن كان مع فيصل اهم شي انها تسمع صوته و فجأه خالد يصرخ عليها : الزوووومبي يا المجنوووووووونه الزومبي اشجان انتبهت لزومبي الي جاها و صرخت و رمت يدت البلاستيشن و راحت عند العيال و سحبت الجوال من عبد المجيد وقامت تكلم اشجان : فيصل شخبارك فيصل : هلا اشجان بخير ولله الحمد اشجان لا شعورياً قالت : اشتقت لك العيال انصدمو منها فيصل منصدم : ها انتبهت اشجان لنفسها : ها اقصد وجدان اشتاقت لك مرره طول اليوم وهي تبكي ما سكتت فيصل : يا قلبي عليك يا وجدان و انا اشتقت لها اكثر اشجان : اشتقنا لك كيف فيصل متى تجي فيصل فهم قصدها انها هي الي اشتاقت له و في ناس المهم انه هي و ناس فيصل : و انا اكثر , امممم بعد كم يوم ان شاء الله اشجان بفرح باين : والله يلا انتظرك ا ا اقصد وجدان تنتظرك فيصل : ههههههه فديتها الا هي وينها اشجان نايمــ تبي تكمل بس ماجد سحب منها الجوال ماجد : هلا بأخوي فيصل : هلا فيك ماجد : والله المكان بدونك ماله طعم فيصل بمرح : حط فيه سكر ماجد بمرح : هههههه المشكله ان السكر بالمستشفى فيصل : ههههههههههههههههه قامت اشجان من عند العيال وراحت عند البنات و فتحت الباب بقوه و قامت تصرخ و تقول : ونااااااااااااسه نط وجدان من مكانها : بسم لله وشو الوناسه اشجان : فيصل قام و اخوانك الحين يكلمونه وجدان قامت تصرخ و تنطط من الفرحه راحت وجدان ركض عند العيال ودخلت الغرفه و نطت بحضن طلال طلال : ااحححح وجعع قومي عني وجدان ما اهتمت و ظلت جالسه بحضنه و اخذت الجوال وقامت تكلم وجدان تكلم و تبكي من الفرح : فيصل فيصل فيصل : عيونه و قلبه وحياته وجدان تبكي : مو مصدقه فيصل وش كثر اشتقت لك فيصل : يا قلبي و انا اكثر وجدان تبكي : فيصل متى تجي فيصل : ان شاء الله بعد كم يوم خلاص يا وجدان لا تبكين وجدان و هي تبكي : وش اسوي ابكي من الفرحه كان قدام وجدان عبد العزيز الي ما شال عينه عنها وجدان نست السالفه الي صارت لها مع عبد العزيز وجدان : فيصل اشتقت لك اشتقت لك والله , وقامت تبكي بحراره العيال تأثرو من وجدان الي عيونه دمعت لان شكلها يقطع القلب كأن ما عندها غير فيصل بالدنيا * طبعاً فيصل عند وجدان يسوى الدنيا و ما فيها وجدان كانت تحب فيصل بجنون كانت تعتبره ابوها و امها و اخوها و اختها و كل شي و فيصلب نفس الشي لدرجه ان وجدان كانت وهي صغير تلبس نفس لبس فيصل و تقلده بكل شي و تروح مرات معه لصلاه وهو بعد يحبها واذا احد غلط عليها او سوا بها شي لو بسيط خلاه اخر يوم بحياته * عبد العزيز تقطع قلبه على وجدان نفسه يقول خلاص لا تبكين فيصل : وجدان حبيبتي خلاص وجدان : طيب , ومسحت دموعها فيصل : يلا وجدان ابنام وجدان : نوم العوافي يلا في امان الرجمن فيصل : مع السلامه وقفل طلال حضن وجدان بقوه عشان تهدي شوي لانها كانت تشاهق طلال : خلاص جوجو وجدان : اهئ اهئ طيب طلال : يلا اضحكي هذا هو قام ( الكل يعرف معزت فيصل عند وجدان و معزت وجدان عند فيصل ) قامت وجدان عن العيال وراحت لغرفة البنات وهي طايره من الفرحه و دخل الغرفه و هي تراقص و تغني اشجان طار عنها النوم و لازالو كوكب و نجود و شجون نايمات وجدان جلست عند اشجان و تفرج معها على الايباد فجأه سمعت وجدان صوت معتز يبكي وجدان : اشجان قومي اخوك يبكي اشجان : يوه بكيفه عند الشغاله وجدان بصدمه : انتي تخلين اخوك ينام عند الشغاله اشجان : لا طبعا بس هو ينام عند امي و يقوم الساعه 6 و الحين الساعه 6 و امي تنزله عند الشغاله تعرفين عنده شغاله لحاله ( عند ابو اشجان 3 شغالات 1- شغاله للاطفال 2- شغاله تطبخ 3- شغاله تنظف لان البيت كبيرررر مره ) وجدان : اها ابقوم انا ابشوفه طلعت وجدان و كان على ظهرها غرفة العيال على طلعت عبد العزيز شاف وجدان تروح لغرفة معتز راح وراها و هي ما تدري دخل الغرفه وجدان ما لقت الشغاله كانت الشغاله طالعه تجيب اغراض لمعتز وجدان دخلت وشالت معتز وتقول : معتوزي اغوو يا زينو يا ناس يهبل جاء عبد العزيز و سند ظهره على الباب و حط رجله على رجله الثانيه و يناظر له وجدان حست ان احط يطالع لها ولف ورا لقته عبد العزيز وجدان عبد العزيز : اعجبك وجدان : اية عبد العزيز : تبين نفسه وجدان : ها ههه ايه عايدي يعني لو امي جابت نفسه ^^ عبد العزيز : لا لك انتي حقكك وجدان : كيف ؟ عبد العزيز : يعني لك لحالك وجدان : هههههه ايه قصدك يعني اذا كبرت اجيب زيه عبد االعزيز : ايه وجدان : ايه ما فكرت عبد العزيز : تبين ولا وجدان فهمت قصدك بس تبي تستغبي : شلون ايه ابي عبد العزيز : حلو وجدان : وانت عبد العزيز : ايه اكيد وجدان : اها عبد العزيز : يعني ولد نفس ولدي وجدان فهمت قصده بس تبي مفر تروح منه : لا ابي بنت عبد العزيز : خلاص اجل بنت وجدان : وش فيك انت عبد العزيز : بتزوجين صح وجدان : ها ايه عبد العزيز : يعني اي احد يبي يطق بابكم تقبلينه وجدان : ها ايه عبد العزيز : طيب من هو زوجك وجدان ابتلشت به : ها العامل ^^ عبد العزيز : انا عامل @@ وجدان : وش دخلك انت عبد العزيز : ها ما ادري وجدان : وش فيك عبد العزيز : قصدي انك تبغين ولدنا نفس معتز وجدان قلب وجها الوان : وشو عبد العزيز تعب منها وراح وطلع من الغرف بس يوم طلع صرخ وجدان وزمت معتز هو اتغرف وراح طل وجدا : معتوزي ^^ اغوووو وناسه حبيبي طلع يحبني عبد العزيز اول ما سمع ( حبيبي طلع يحبني ) انجن و طلع من وراها و سوا حبتين هي نخرعت و استحت قال عبد العزيز : كشفتك ههههههههههه وجدان لفت وجها لمعتز وقام تلعبه وهو نزل لمستواها ومسك دقنها ولفه لوجهه وقال وش قصد بـ(حبيبي طلع يحبني ) وجدان ارتبكت : ها ........ ولا شي عبد العزيز : كيفك بس صدقيني راح يجي يوم وتقولين وش معناه وغصبن عند يلا ابروح افحط الحين وجدان بخوف : انجنيت وين تفحط لا بعد بذا الوقت عبد العزيز غمز له : تخافين علي وجدان استحت : لا ما اخاف روح احسن عبد العزيز : تبين تروحين وجدان : ايه ^^ عبد العزيز : اخوياني بيجون وجدان : اوما افففف عبد العزيز : ما عليك اقول لهم خلاص نأجل التفحيط لبعدين وانتي و انا و فهد نروح نفحط ! وجدان : ايه وناااااسه عبد العزيز : شوفي روحي و البسي عبايتك و اذا شفتينا نبي نطلع انا و فهد كأنك تجين وتقولين تكفى ابروح معكم خلاص وجدان : اوكي ^^ راح عبد العزيز وقال لفهد وافق فهد ويوم جو يبون يطلعون جاتهم وجدان وجدان : ابروح معكم فهد : اقول اركدي بس وجدان : بلييييييييز فهد عبد العزيز : خلها تجي ما بغت تطلع من عزلت الكأبه الي هي بها فهد : طيب يلا قبل ما يطلعون قال عبد العزيز لوجدان و بعصبيه شوي : روحي البسي عبايتك ولا بتطلعين كذا وجدان : طيب اكيد ابلبس عبايتي طلعو كلهم وراحو يفحطون طلع فهد من شباك السياره وقام يسوي حبتين و حركات و عبد العزيز يفحط به ووجدان طول يومها وهي تصرخ وعايش ومتونسه ولا كأنها بنت و بعدين دخل فهد فهد : هيه انقلع وقف عند البقاله خلص الحمضيات حقتي عبد العزيز : وانت طول وقتك تشرب حمضيات فهد : وش دخلك يلا بس وقف وقف عند البقاله ونزل فهد و عبد العزيز يشترون عطى عبد العزيز وجدان حلويات و شبسات و كذا و فرحت طلعت من جيبتها فلوس تبي تعطي عبد العزيز وجدان : عبد العزيز خذ لف عليها عبد العزيز : نعم , ليه ان شاء الله وجدان : قيمت الحلويات و الاغراض عبد العزيز : اقول احتفظي بهم وجدان : وليه عبد العزيز : وشو ليه انا وشو بالنسبه لك انسان عادي وجدان : ها لا مو انسان عادي عبد العزيز رفع حاجب و نزل الحاجب الثاني : احل انسان وشو ؟ وجدان : ها انت انسانه مثل اخوي فهد عبد العزيز: اها و اخذ منها الحلويات وجدان : لييييييه اخذتهم عبد العزيز : اول شي قولي لي كلمة حلوه وجدان ارتبكت : ها ....... آآآممم ............ هههممممممم ........... شكراً عبد العزيز : بس بس شكراً وجدان : اجل جاء فهد عندهم : يلا مشينا عبد العزيز : لا روح جيب ما لتيزرز و بيبسي و ماريندا وووووووووووو فهد : اوف كل ذا عبد العزيز : ايه انا ادفع لك بعدين بس روح فهد : يحوول طيب راح فهد عبد العزيز لف ورا عشان يشوف وجدان : ها يلا وجدان : قلت وخلصت عبد العزيز : اجل مافي وجدان : اففف منك خلاص عبد العزيز : ههههههه فديت الزعلان انا وجدان لفت وجها لجة الشباك : انقلع عبد العزيز : طيب بس كلمه حلوه يعني صعب وجدان : طيب طيب واخذت مجله كانت على جيبت المرتبه و حطتها بوجها و قامت تصرخ و تصرخ وبعدين قالت : انا اصلا يوم شفت صورك عند اشجان اعجبت فيك كنت جميل ووسيم بس مو حب نو اعجاب بس وبعد ايام شفت شهامته و وقفاتك مع اخواني و بذاك الوقت حبيت عبد العزيز فرح من كلامها وسحب المجله من وجها : ههههههههههههه يا حليلك خدودك حمرت هههههههههههه وجدان وجها قلب الوان : اااااااااااااههههههههههههههه عطني يلا عبد العزيز : خوذي , وعطاها الحلويات و جاء فهد وقامو يفحطون الى ان جات الساعه 9 الصبح مرّو من قدام مول وجدان قالت : واااو هذى المول به كعب يجنن عبد العزيز : والله وجدان : والله راح لف عبد العزيز لجهة المول ووقف به فهد : على وين يا اخ عبد العزيز : ابشوف الكعب الي تقوله وجدان فهد : وليه ان شاء الله لو يكون بتلبسه هههههههههه عبد العزيز : لا اذا حلو ابأخذه لاشجان * طبعاً وجدان تعشق الكعععععب تنجن اذا شافت كعب * فهد : يحووول بصرعه ونزلو قامو يتمشون بالمول و اشترو كم غرض و دخلو محل الجزم و جدان شافت كعب احمر يهبل اخذته وقالت : نفس الكعب الي بحلمي والله نفسه تماماً عبد العزيز : عجبك وجدان : مرررررره اخذه عبد العزيز و حاسب عليه و طلعو وراحو يتمشون بالمول و بعدها راحو للبيت وكانت الساعه 12 يوم جو وقفو السياره الا شافو سيارة ابوشجاع جايه بعد عبد العزيز دق على الشغاله وقال لها افتحي الباب عبد العزيز : وجدان حطي الطرحه على راسك وادخلي بسرعه وجدان : طيب فهد : يلا انزلي بسرعه نزلت وجدان ودخلت وبعدها عبد العزيز و فهد دخلو مع بعص ابو شجاع و ام شجاع و عبد العزيز و فهد وكانت بالصاله نجود اول ماشافت عبد العزيز دخل شالت شاله وحطته على راسها و راحت بتطلع لدرج يوم وصلت لنص الدرج ناديتها ام شجاع ام شجاع : يا نجود نجود وقفت و عطتها ظهره : هلا خالتي ام شجاع : نادي البنات و انت يا فهد روح ناد العيال عندي لكم مفاجأه انجود وفهد : ان شاء الله راحت نجود و قالت للبنات يجون ولبست عبايتها و تغطت ونزلت تحت و اخذت ام شجاع جلال وغطت نفسها عشان طلال و عبد المجيد و ماجد وفهد تغطى عنهم اجتمعو كلهم بالصاله ابو شجاع : احححم اححححم ابقول لكم مفاجأه شجاع : عاد مفاجأتك يا يبه غير ابو شجاع : هههههه اسمع , المفاجأه هي ان فيصل قام كلهم بصوت واحد : ندري ابو شجاع : بسم لله متى ؟ ماجد : كلمنا ابوي و كلمنا فيصل ابو شجاع : ما شاء الله , بس لحد الحين ما خلصت مفاجئاتي خالد : يلا قول وش الثانيه متحمس ابو شجاع : هد هههههه , المفاجأه هي ............... بالبارت الجاي توقعاتكم : وش المفاجأه الثانيه ؟ وش راح يصير بين كوكب و عبد المجيد ؟ وجدان و عبد العزيز هل راح يدوم حبهم ؟
__________________ ^ "روآيـــــتِي آنــآ و صّصديقتي" ^ ~>" آسـسّـألُونِ "<~ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية سراب حياتي..بقلمي | Journalistic Nehal | روايات كاملة / روايات مكتملة مميزة | 60 | 02-28-2015 07:33 PM |
| رواية فاطمه بقلمي | سحر الشرق2002 | روايات كاملة / روايات مكتملة مميزة | 109 | 02-26-2015 05:02 PM |
| (زخرفة رعب) رواية بقلمي | كاكاشي كونان | أرشيف المواضيع الغير مكتمله او المكرره او المنقوله و المخالفه | 4 | 01-12-2014 12:46 PM |
| روايتي الثانية : رواية انمي رعب دراما تضحية غموض (اهداء الى صديقتي الغالية ) أرجو التثبيت | ربيكا 39 | أرشيف المواضيع الغير مكتمله او المكرره او المنقوله و المخالفه | 102 | 08-20-2012 07:56 AM |
| رواية الحقيبه السوداء رواية رعب لن تندم اذا دخلت / بقلمي | لمحة غيث | أرشيف المواضيع الغير مكتمله او المكرره او المنقوله و المخالفه | 4 | 06-27-2012 12:39 AM |
14Likes
العرض العادي
