رواية برائة طفوله تحولت لصدف \ بقلمي انا و صديقتي - الصفحة 9 - عيون العرب

zozo1420 · #41 04-19-2013, 10:40 AM

" البارت الثامن جاي "

zozo1420 · #42 04-19-2013, 07:24 PM

"البارت الثامن "

ماجد قام يرقص : هههههههههههههههههههههههه احسن عشان ثاني مره ما تبكين وتسوين فيها دموع التماسيح
وجدان : حيواااااااااااااان
البنات صح انهم معصبات بس ضحكو على شكل وجدان : ههههههههههههههههههههههههه
وجدان: وجججججججع ي حمار اوريك
فيصل : هههههههههههههههه من قال لك
فهد : هههههههههههههههههههههههههه احلى مقلب
البنات بصوت عالي : ويييييييييييييييييييع
غيداء : جد جد عيال
العيال : خييييييير ؟
ريما : روحو
رغد : سوبر
غيداء : ماركت
وجدان : جيبو شبسات وحلويات
ماجد : احلموووووووو
البنات : بلييييييييييييييييز
ماجد : ماافي , مد لسانه و طلع لغرفته
البنات يطالعون فهد
فهد : لا تطالعون ماني رايح , وطلع لغرفته
البنات كلهم راحو لفيصل الي تمسكه من كتفه و الي من يده و الي من راسه
البنات : تكفى
فيصل : كيف اسوق و انا بكرسي ؟
البنات : يووووووووووووووووووووه
رغد : طيب حاول بماجد او فهد
فيصل : ما اقدر راسهم يابس
وجدان نططت : لقيتها لقيتها
غيداء تنطط معها : وشي الي لقيتيها لقيتيها
ريما نططت معهم : قولي قولي
رغد : هيه يا المهبيل وقفو
وجدان : عبد المجيد ! نياهاهاهاهاهاهاها لقيتها
كل البنات راحو ركض ماتشوف الا غبارهم
فيصل : الحمد و شكر لك يا رب
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
نروح لاشجان
قامت ميلاف وراحت للمطبخ الي تحت و صادفت وهي نازله عبد الملك
عبد الملك مسكها من كتفها : ملوف اختي
ميلاف : وش تبغى
عبد الملك : افا ما ابغى شي بس انتي مثل حسبت اختي صيته و اغليك مثل اختي صيته و انتي بنت خالي
ميلاف : خلاص درينا
عبد الملك :سمعت انك قلتي للبنت الي مسكتها انك اختي و كذا
ميلاف : ايه البنت بغت تموت وانت اعمى ما تشوف
عبد الملك : ما ادري حسبالي انتي
ميلاف : ما يهم تبي شي
عبد الملك : ايه هي البنت تقرب لاهل العزيمه الي اليوم او من جيرانهم او وش سالفتها
ميلاف : هي تقرب لاهل العزيمه وجيرانهم يلا باي ههههع , ونزلت وراحت للمطبخ
عبد الملك يحك شعره : ياربي هذي الانسانه لية كل حياتها الغازل
وطلع فوق لغرفة اشجان طق الباب
اشجان ما تسمع لانها حاطه الايباد و تتسمع بالسماعات
فتح الباب عبد الملك : اشجان شجون
ما نتبهت له اشجان
سحب السماعات من اذنها : هيه اكلمك انا
اشجان : خيييير
عبد الملك : ذيك البنت الي مسكتها اليوم هي تقرب لاهل العزيمه ولا بنت جيرانهم ولا وش سالفتها
اشجان : اييييييةة تقصد ريما تقرب لاهل العزيمه
عبد الملك : اجل اسمها ريما حلو والله , حط يده بدقنه
اشجان تغمز : لا يكون حبيتها
عبد الملك ارتبك : لا وين بس كنت ابعتذر لها
اشجان : اعتذرت لها ميلاف و كذبت وقالت ان انت اخوها
عبد الملك : ايةة بس ما يصلح لازم انا بنفسي اعتذر لها
اشجان : لا يرحم امك البنت بغت تموت
عبد الملك لاشعورياً : بسم لله عليها
اشجان تصفر و تصفق : ياهووووووووووو صرنا نحب هههههههههههه
عبد الملك انتبه لنفسه : هييييييييييه وجع
اشجان : مكشوف
عبد الملك : خلاص خلاص اية احبها مو بس احبها الا اعشقها و ابيها
اشجان تغمز له : اضبطها لك
عبد الملك : يا بعد قلبي انتي اية بالله
اشجان : من عيوني بس قول متى و اي يوم
عبد الملك : خلاص

مرت الايام و جاء يوم الثلاثاء
بالتحديد بمدرسة وجدان
وجدان : ههههههههههه من جد حصوص
حصه : ايةة
وجدان : لا انتي فضيعه
حصه تغمز : ها وش صار مع الحب
وجدان حمرة خدودها : حصيص وجع
حصه تضرب اشجان من كتفها : الله صرنا نستحي بعد
وجدان : لا لا ماصار شي وانتي صار شي مع سليمان
حصه تحط كف يدها على خدودها : الا صار
وجدان : وش
حصه : الا نسيت اقول لك
وجدان بحماس :وشو
حصه : جنا حبيبي امس و يبي يجي يأخذني اليوم من المدرسه تعرفين انا البنت الوحيده وماعندي
اخوان و عشان كذا جاء عشان يخفف التعب على بابا
وجدان : طيب لية ماتروحين مع السواق
حصه : بابا ما يرضى
وجدان : ايه ابشوف هذا السليمان الي ما خذ عقلك
جتهم طايره و بعدين تشقلبت على وجهها
وجدان و حصه : بسم لله عليك روان وش فيك
روان : الحقو نبي فزع تهاوشت بشاير مع بنت
وجدان : وش مسويات بعد
روان : والله وناسه مسويات هواشه تعالو بسرعه
وجدان و حصه و روان راحو للهواشه
دخلت وجدان بين البنات وصارت بالوسط و قامت تصرخ : هدوووووووووووووووووء
الكل سكت لان صراخها عالي
التفت وجدان للبنات الي متهاوشه مع بشاير : وش السالفه وش صاير
البنت : خييييييييير جايه محاميه مثلا
وجدان : هاهاهاهااهااه لا صراح ابفطس من الضحك تكفين بطني يعورني الله يخليك لا تنكتين لان جد جد انتي مليقا
البنت مد يدها تبي تصفق وجدان كف بس وجدان اسرع مسكت يدها و لوت يدة البنت على ظهر البنت
البنت تصارخ : اااااااااااااااااااايييييييييي ييددددددددديييييييييييييييي وججججججججججججع فكيني
وجدان : عشان ثاني مره تعرفين كيف تمدين يدك علي
امجاد : اححسسسسسن اقوى وجدان اقوى
حصه : تستاهلين
روان : كفوووووووو يا بنت الاجواد
ساره : اقوى عشان تتوب
وجدان : اسمعيني زين وحطيني على بالك ان حاولتي انك تمسين او تضرين او حتى بس ترفعين صوتك على وحده من صديقاتي محد يلوم نفسه غيرك و بصراخ عالي فااااااااهمه
البنت : ااااااااااااااااهههههههههه من انتي انتي مو بنت ولد خليني
وجدان : انا وجدان بنت وائل ال**** الي راح تكسر راسك فاهمه , وتركت يد البنت
البنت تمسك يدها : اه يدي ااااه يا جعل يدك بالكسر يا ******
كل البنات شهقو
وجدان : هههههههههههههه انا ما ابي اوصخ لساني معك وييييع قطيعه
حصه راحت تبي تهجم على البنت بس مسكوها البنات : هييييييييييييييييه انتي زوتيها ترااا زودتيها وجع
روان : اقول بنات خلونا نروح عنها وييييييع مانبي نوصخ السنتنا
البنات : وييييييييييييييييييع يلا
وراحو
البنت ماتت قهر
مر اليوم و جات وقت الطلعه
طلعو وجدان و حصه و وقفو عند الباب المدرسه عشان يشوفون الي بيجي ياخذهم تأخر الوقت و جاء سليمان
حصه تأشر لاوجدان : وجدان شوفي هذى سليمان واي فديته
وجدان نطت من مكانها : يمممه
حصه استغربت : وش فيك ؟
وجدان : لا لا بس احس شي نغزني
وجدان تكلم نفسها: لالالالالا مو معقوله هذى نفسه الي بالمطعم دخلنا سيارته انا و اشجان يممممه خليني
اخبي وجهي
حصه تهز وجدان : وجدان وين رحتي
وجدان : ها لا لا وش كنتي تقولين
حصه : لا يكون خقيتي
وجدان : لا وين عاد كلش ولا حبيبك يا حياتي
حصه : ههههههه طيب ملاحظتي شي
وجدان : لا وشو
حصه : الوقت تأخر وش رايك اوصلك
وجدان : لا لا راح يجي اخوي و يأخذني
حصه : يلا عاد بيتأخر صدقيني و ما بقى الا و انتي بالمدرسه فضت
وجدان : امممم طيب بس ابروح ادق على اخوي
حصه : لالالا من جوال سليمان دقي
وجداان : ها لا لا
حصه : حلفت عليك
وراحت و اخذت جوال سليمان و جابته لوجدان
وجدان : حصوص الله يهديك مو لازم جوال الولد
حصه : اقول بس يلا دقي
وجدان دقت على طلال
وجدان : طلال وينك
طلال : اعذريني وجدان ابتأخر عليك اليوم لان عندي محاضره قولي لعبد المجيد يجيك
وجدان : لا خلاص صديقتي حصه بتوصلني
طلال : خلاص اجل يلا مع السلامه
وجدان : في امان الرحمان
حصه : ها وش قال
وجدان : وافق
حصه : وناسه يلا
ركبت وجدان ورا سليمان و حصه جمب سليمان
سليمان : اشوف معنا ضيوف ؟
حصه : هههه اي هذى صديقتي وجدان تأخر اخوها و قلت نوصلها وحنا بطريقنا ^^
سليمان : حياها الله
وجدان بصوت واطي ما ينسمع : الله يحييك
حصه : هههههههههههههه
سليمان : وش فيك بسم لله
حصه : ابسألك عن واحد بالمدرستك اسمه عبد العزيز ال******
سليمان بستغراب : سلامات لية
حصه ابتسمت ابتسامه عريضه : هههههه لا بس ذا حبيب وجدان
وجدان نست نفسها و تكلم بصوت عالي : لا كذابه حصيص
سليمان عرف وجدان من صوتها و تذكر ذيك البنت الي دخلت سيارته بالمطعم
وجدان سدت فمها ونزلت راسها
سليمان : ههههههههههههههههههههههههههههههههههههههه
حصه : ههههههههههههههههههه يلا تعرفه
سليمان : ما ادري كأن مر اسمه علي طيب في علامات اعرفه مثلا شامه جرح شي كذا
حصه : اممم علامات وجدان وش العلامات
وجدان : ما ابي اقول
حصه : تذكرت وشي في شامه شبه كبيره على رقبته بالجهه اليمين
سليمان : كأني عرفته
حصه : اية تكفى اذا عرفته خله يجي معك بكره ابشوفك
سليمان يطالع لحصه بنص عين : و لية ان شاء الله
حصه : عشان وججــ ما امداها تكمل سدت فمها وجدان
* نسيت لاقول ان سليمان و حصه يحبون بعض و معترفين لبعض *
وجدان : لف من هنا لو سمحت
سليمان : طيب
حصه : اممممممممممممم
وجدان بعدت يدها عن فم حصه
حصه : جوجو وش فيك
وجدان : ولا شي ,, وقف وقف هنا
سليمان : هذا هو ؟
وجدان : ايةة شكرا على التوصيل ونزلت للبيت
اول ما دخلت راحت لغرفتها طيران
اخذت لها شور سريع غيرت مريولها و لبست شورة جنز فوق الركب على كيلون اسود و بلوزه عاريه
مافي كم لونها ابيض على جيكيت خفيف لونه برتقالي
و ربطة شعرها ذيل حصان و نزلت خصلات على وجها و حطت كحل خفيف و اختمتها بعطر من زارا
و جدان وهي نازله من الدرج : صباح الجوري
كلهم بصوات متفرقه : صباح الياسمين , صباح النرجس
جلست على طاوله الطعام وهي مبتسمه ابتسامه عريضه
طلال : جيجو اعترفي وش مسوي بلوه اليوم
وجدان تطالع طلال براءه و تشبك اصابعها مع بعض و تلعب فيهم : ابد ما سوي شي
عبد المجيد : لا لا لا ورا ذا النظرات و الحركات الف بلوه وشي
ابو طلال : هيييه انت وياه بنتي ما تسوي بلاي والله محد يسوي بلاوي قد بعض الناس , و يطالع لفهد
فهد ما كان منتبه لنظرات ابوه كان حاط عينه بالصحن ويأكل و رفع عيونه شاف ابوه يطالع له
فهد : انا
ام طلال : لا جدتي
فهد : حرام عليكم ما اسوي بلاوي انا ماجدو هو الي يسوي
نجود : يا كبرها عند ربي انت ما تسوي لا عز الله قامت القيامه
فيصل : فهيد بلا كذب
فهد : قولو وش سويت
ام طلال : من هو الي حاط كتشب داخل المايكرويف
نجود : من حاط تحت مخدتي صرصور
فيصل : من الي قصص ملابسي كلها
ابو طلال : من الي مكسر التلفزيون
طلال : من الي مخربش على شماغي
عبد المجيد : من الي حاط جوالي بالغساله
ماجد : من الي لاعب بوجهي و انا نايم ومصورني و راسلها لاخوياي
وجدان : من الي كسر غرفتي كل شي فيها
فهد : طبعاً مو انا
كلهم ماعاد فهد : مافي غيرك
فهد : حرام انا ما اسوي كذا
ابو طلال : ترا هذي المصايب قليله في مصايب مسويها اكبر تكسر سيارة الناس
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
اشجان اول ما رجعت راحت وبدلت و اخذت شور سريع و لبست بنطلون سكيني ابيض و بلوزه مقلمه كحلي و ابيض
و حطت بلشر وردي و روج وردي
كل العائلة تجمعو على طاولة الطعام
ابو شجاع : اسمعو عندي قرار
كلهم : وشو ؟
ابو شجاع : الي يجيب لي نسبه عاليه و زينه اجيب له الي يبيه
اشجان : واااااو يعني لو انا جبت نسبه عالي وقلت نسافر برا نسافر
ابو شجاع : نروح لكل دول العالم اذا تبين
كوكب : ونااسه خلاص ابي اجتهد
خالد : انا عندي لك طلب مخصص يبه
ام شجاع : يمه من طلباتك تخوف
عبد العزيز : عن نفسي طلبي خفيف اتحداكم تعرفون
كلهم بصوت واحد : سياره جديده
عبد العزيز : اوووف كيف عرفتو
شجاع : كل سنه تبغى لك سياره جديده انت
عبد العزيز : اي والله اطفش احب اغير
تركي : و على حسابنا تطفش
خلصو غداء و كل واحد راح لشغله بقى تركي عند التلفزيون يتفرج رن التلفون رد تركي
تركي : الو
: السلام عليكم
تركي :وعليكم السلام
: اشجان موجوده
تركي : اية بس من انتي
: مسرع ما نسيتني
تركي : وجدان
وجدان : اية
تركي : وش تبغين فيها
وجدان : سر
تركي : قولي و اقول لها
وجدان : نو
اشجان جت وجلست عند التلفزيون و شافت تركي يكلم
اشجان : تركي من تكلم
تركي : واحد من اخوياي
وجدات تصرخ : لالالالالالالالالالالالالالالالالالالالالالالالالالالالالالالالالالالالا كذاب
اشجان : اقول بلا سخاف عطني
تركي اقول لك واحد من اخوياي
اشجان سحبت السماعات من تركي
اشجان : الو
وجدان : اشجان ابجيكم عندي خبر
اشجان : وشو بسم لله
وجدان : ابجيكم بعد صلاة العصر بكره يلا باي
اشجان : مع السلامه
سكرت اشجان من وجدان
تركي : وش تبغى
اشجان : مالك دخل
تركي : اوريك
اشجان حطت رجولها وهجت لغرفتها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند رغد
رغد : ماما شوفي رأفت الحيوان معيي ليعطيني الريموت
ام مالك : رأفت عط اختك الريموت
رأفت : تحلم يمه خير تحط لنا مسلسل كله بكاء وصياح
مالك : رأفت تجي معي نطلع
رأفت : اطلع بس وين توأمي
لمار : عز فوق
لمى و هي تنزل من الدرج تزحلق : وااااااو هيييييه هههههههههه
رأفت : لمو نياهاهاهاهااهه
رأفت راح يلعب لمى
دخل ابو مالك البيت
ابو مالك : السلام عليكم
كلهم :وعليكم السلام
ناصر و مشعل نزلو تحت عند ابوهم
ناصر راح وحب راس ابوه و كلهم نفس الشي
ابو مالك :كيف الدراسه ماشيه صح
ناصر : فري
ابو مالك : انت خلك على جمب حالة خاصه
كلهم : ههههههههههه
مالك : تونا يبه
ابو مالك : حتى ولو ابغاكم اول بأول
مشعل : يبه الله يهديك شايفنا بزارين مثل رغد ولمار و لمى
رغد و لمى : خييييييييييييير يا سلام انا برز
ناصر : اية لا يكون تحسبون نفسكم كبار
رغد : هييييييه تراني بالمتوسط يا الدلخ
مالك : لا رغد كبيره بس لمار و لمى
لمار : لا لا غصبن عنكم كبيره
ام مالك : خلاص انتي كبيره عن الحنه
لمى : ماما , وتشد على ثوب ام مالك
ام مالك : عيون ماما وش تبين
لمى : ابعا العب بلا بالملاديح
مالك : تعالي انا العب بالملاديح يا ملديحه انتي
مشعل : شوفو هذي الرقه و الدلع مو زي بعض الناس
رغد و لمار : من تقصد
ناصر : عارفين نفسهم
عز وهو مدرعم عليهم من فوق : يباااااااااااااااااااااااااا
ابو مالك : خخييييير
عز : خيير بوجهك بس صنبور المويه الي فوق انفلت علي و انا اتروش شوفه
ابو مالك : طيب , وطلع فوق يشوف الصنبور
و كل واحد راح بجهه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند غيداء
غيداء : راما خلينا اليوم نسوي شي مجنون طفشت
راما : وش نسوي
غيداء : اممممممممم ما ادري اي شي
راما : اقول اهجدي ما عندنا شي نسويه
غيداء : اففففففف ابنزل
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند ريما
ريما قاعده تسمع و تمسح دموعها: اهئ اهئ اهئ
دخلت عليها محمد : سلامات ليش تبكين من مات
ريما : اهئ اهئ
محمد : هيه اقول لك من مات
ريما : اهئ اهئ اهئ طلال
محمد طير عيونه : كيف مااااااااااات
ريما : صدمته سياره اهئ اهئ اهئ
محمد نزل تحت وهو طاير
ام خالد : وش فيك محمد عسى ما شر
محمد : طلال مات بحادث سياره
ام خالد حطت يدها على صدرها : يمممممه طلال
محمد راح و اتصل على عبد المجيد و ام خالد جلست قدام محمد عشان تشوف وش صاير
محمد : الو
عبد المجيد : الو
محمد بحزن وحس بغصه : الله يعظم اجركم
عبد المجيد بأستغراب : سلامات لية
محمد : طلال ما مات
عبد المجيد : بسم لله على طلال ممات هذى هو قدامي جالس تبي تكلمه
محمد مو فاهم شي : اا اية
عبد المجيد عطا طلال جواله عشان يكلم محمد
طلال : السلام عليكم
محمد : وعليكم السلام
طلال : كيف الحال
محمد : الحمدلله وانت
طلال : دووووم يا رب بخير ولله الحمد
محمد : يدوم عزك نبض قلبك , يلا ما ابي اطول عليك
طلال : مع السلامه
محمد : في امان الرحمن
سكر محمد من طلال و وجه معصب مرررررررررررررره
ام خالد وهي خايفه : ها وش يقول
محمد بصوت عالي هز اركان البيت : رييموووووووووووووووووووووووووووه يا الحيوانه
ريما و هي نازله من الدرج : خيييرررر
محمد بعصبيه : انتي قلتي ان طلال مات وينه مامات يا تبن
ريما : ايةة طلال مات
محمد بعصبيه زياده : يا التبن طلال ما مات توني مكلمه ومن قال لك انه مات
ريما قلبت تضحك تسدحت على الارض من الضحك : ههههههههههههههههههههههه يممممه بطني بطني هههههههههههههههه ههههههههه خلاص بطني
محمد : وجججع انا مو فاهم شي
ريما تمسح دموعها من الضحك : لا يكون دقيت على خالتي ام طلال
محمد : اية دقيت
ريما رجعت تضحك :من جدك دقيت
ام خالد : ريمو قولي وش السالفه
ريما : انا اقصد طلال بطل المسلسل الي كنت اتفرج عليه مات
محمد مسك اعصابه : ريمو اذلفي فوق لا الحين اذبحك
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
مر اليوم وجاء يوم الاربعاء الصباح
وجدان و نجود وهم نازلات من الدرج : صباح الخير
كلهم بأصوات متفرقه : صباح النور
وجدان : من الحلو الي يوديني اليوم
ماجد : انا اليوم دوري
وجدان : يلا اجل
ام طلال : اجلسي افطري اول مو زين بعدين تدوخين
وجدان اخذت قطعة خبز : لا ماما ما اقدر تأخرت
ام طلال : وين بدري
نجود : بالنسبه لك يا ماما بدري لان انتي ما عندك حصص الاولى
ماجد : يلا حتى انا تأخرت
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
اشجان : هييييييييه تركيو توصلني اليوم
تركي : يا ليل ماني فاضي تأخرت مررره يلا باي و طلع من البيت
اشجان : وججججججججع شجاع وصلني
شجاع : يلا بسرعه افطري
اشجان : طيب
عبد العزيز وهو نازل بالبجامه : صباح النرجس
كلهم بأصوات متفرقه : صباح الياسمين , الجوري
كوكب : هيييه عزوز تراك تأخرت
عبد العزيز يطالع الساعه الي بيده : اووووووووووووووف تأخرت و بقوه يا حول ماني فاضي اوقف الحصه كلها
ام شجاع : طيب يلا بدل و افطر
اشجان : يلا شجاع نروح
شجاع : يلا
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
رغد تصرخ بأعلى صوتها : اااااااااااااااااااااااااااااااااااااااااااااااااااااااااااااااااااااااااااااااااااااااااااا
رأفت و عز و مشعل و ناصر : وجعااااااااااااااااااااا فقعتي اذاني
رغد : ماااااااااامممماااااااا وين البووووت حقي جديد
ام مالك : ما ادري عنك اسألي سيتي
رغد راحت ركض للمطبخ : سيتيو وين بوتي
سيتي : انا مافي يعرف وين حطي انتي
رغد : حط الله راسك بحهنم قولي اميين
سيتي : امميين وانتي بعد
رغد طيرت عيونها : وعمى , وراحت تدور البوت
ابو مالك: يلا انا رايح
ام مالك : الله معاك
لمار : مامي انا بروح بعد بس انتظر رغدو التبن
ام مالك: ما لقت البوت حقها
لمار : لا
ام مالك توقف عند الدرج تنادي : يا رغد رغد خلاص البسي اي بوت وانا ادوره لك بعدين
رغد وهي نازله من الدرج و مكشره : يلا مشينا
مالك يشرب كافيه و ببرود : خلصتو
رغد و لمار : اية
مالك : يلا
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ريما باست راس امها و ابوها : يلا سلام مامي دادي يلا خلود ودني
خالد : يلا مع السلامه
محمد وهو نازل : اووووف مالي خلق اداوم ابغيب
ابو خالد : وانت طول حياتك مالك خلق لشي
محمد : يلا ابروح انام
ام خالد : الله يهديك
ريم : ماامي انا ابغيب خالد وريما راحو وخلوني
ابو خالد : اخر مره
ريم تنطط : اية يلا باي ابنام
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
بالمدرسه و بالتحديد بفصل وجدان
روان : جوجو شفتي البنت الي امس بغيتي تكسرين يدها
وجدان : ايةة
روان : اليوم استغفر الله تطالع لنا انا و مجود و بيشو نظرات استغفر الله
بشاير : اي والله ويعو عليها من زينها
امجاد : كأنها خوفتنا لا اجي افقع وجها
جت حصه و رولا : السلام
البنات : وعليكم السلام
حصه : شخباركم
البنات :بخير وانتي
حصه : دوووووم يا رب تماام الحمدلله
رولا : بنات خلونا نتواعد بمكان وش رايكم ؟
البنات : موافقين
وجدان : بس وين ؟
رولا : اي مكان
امجاد : اممم كافي
بشاير : مطعم
روان : ملاهي
حصه : مول
وجدان : حديقه
رولا : شاليه
البنات : حلو شاليه بس متى ؟
ساره : اممممم خلوها الشهر الجاي ازين لان نكون فاضيين
البنات : اوك
وقامو يسولفون
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
اشجان اول ما دخلت المدرسه وهي قافله معها
كيان جات لآشجان <<<< تذكرتوها الي صديقة اشجان و وجدان بالابتدائي
كيان : وش فيه الحلو زعلان
ليان <<<< تذكرتوها : لالالالالالالالا اكيد في شي ؟
اشجان : اوووف انتي وياها مو رايقه لكم
كيان : خليها ليان قافله معها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
رغد اول ما دخلت راحت وضمت صديقاتها
رغد : الدوبات اشتقت لكككم بقوووووه
البنات : احنا اكثر
خلود : وي احسكم تغيرتو
رغد : اكيد تغيرنا
امل : ههههههه يا زينكم يلا بنات خلونا نروح
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
دخلت المدرسه وهي تغني
لاتصعبه عليه وانت بيديك الحلول قول باعلى الصوت احبك واترك الطبع الخجول
انا مابي حب ناقص ارفضه ماله قبول طول عمري في غرامي مقبل انصاف الحلول
جت المدرسه : خير ريما عسى ماشر وين حنا فيه
ريما : اه يا ابله قلبي يعورني
المدرسه خافت : عسا ماشر اوديك الطبيبه
ريما : وش طبيبه يا ابله قلبي ينبض باسمه
المدرسه عصب : ريما وجع بلا قلة حيا يلا عاد قدامي و لا اعاقبك
ريما قامت تغني : ما يسوى اعيش الدنيا بدونك
المدرسه اعصبت عليها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
غيداء وقت بالحصه وقاعده تهز و الابله تكتب بالصبوره ما تشوفها
غيداء : هزي يا نواعم بخصرك الحرير هزي هزي هزي
الابله لفت : غيداء ايه قاعده تعملي
غيداء وقفت : ما اسوي شي ابله بس اسوي كذا وقامت تهز و تقول هزي يا نواعم بخصرك الحرير
الابله : غيداء اخرقي برا يلا
غيداء : افا يا ابله ما هقيتها منك انتي سألتيني و انا جاوبتك وين الغلط
الابله : انتي بتهزي بحصتي هزي بحصت غيري
غيداء : اوووف ابله كل الابلات يقولون لي هزي بحصة غيري
عليا : غيود اجلسي اهجدي بس
غيداء : وين اهجد خليني اطلع روحها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
بالفسحه "
ميلاف :اقول هيام وش رايك نهج من الحصه
هيام : مواقفه بس وين نروح
رهام : ابهج معكم
ميلاف : يلا اجل نهج كلنا
الهام و ايلاف : انا بعد
ميلاف : خلاص بس اسمعو الخطه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
بشاير و اشواق طاقتها نومه غايبات
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
بمدرسة عبد العزيز كان جالس و يأكل
جاه واحد : انت عبد العزيز ال******
عبد العزيز : اية انا
: تشرفت بمعرفتك انا سليمان ال******
عبد العزيز : و النعم الشرف لي بس كيف عرفت اسمي و شكلي
سليمان : من الشامه الي برقبتك انت مشهور ههههههه
عبد العزيز : هههههههههه هلا والله كيفك
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
مر اليوم وجت الطلعه طلعت هي وحصه
حصه : ها وش رايك تجين نوصلك زي امس
وجدان : لا لا خلاص
حصه : اوووف منك
وجدان و حصه : جا
قعدو يطالعون بعض و بعدين ضحكو : هههههههههههههههه
وجدان : مو سليمان الي جاء ابوك
حصه : ايةة اليوم ابوي سليمان اليوم نام
وجدان : اها يلا مع السلامه
حصه : مع السلامه
ركبت وجدان السياره
طلال : يلا ابوديك لان عندي محاضره مهمه
وجدان: طيب
سرع طلال وكانت سياره تلاحقم بس مانتبه له طلال ولا اهتم لانه مسرع يبي يروح للجامعه
طلال نزل وجدان عند الباب وراح على طول
وجدان طبعا رمت الشيله وحطتها على كتفها بما انها صغيره
وجدان لفت لقة عبد العزيز جاي
عبد العزيز :وجدان
وجدان : هلا
راح عبد العزيز عند وجدان : كيف الحال
وجدان : بخير و انت
وقعدو شوي يسولفون ويضحكون
كان شخص يطالع لهم و يموت قهر
راح الشخص و مر من عند عبد العزيز
: هلا والله عزوز كيفك
راحت وجدان ودخلت بيتها
عبد العزيز : بخير و انت
: الحمدلله يلا كنت مار قلت اسلم عليك
عبد العزيز : هلا الله يسلمك
" انتهى البارت
توقعاتكم !
من هذا آلشخص الي جاء وسلم على عبد العزيز ؟
عبد الملك راح يقابل ريما و يعترف لها ؟
شجاع و نجود وش صار لهم ؟
وش الخبر الي تبي تقوله وجدان لاشجان ؟
تركي و غاليه مالهم حس وينهم ؟

اسومه الشمري · #43 04-27-2013, 10:24 PM

سلام وين الردووووود انا وصديقتي zozo1420 ماراح نقدر ننزل البارت الجاي يما تردون على هالباااااارت

zozo1420 · #44 05-11-2013, 07:06 PM

( البارت التاسع نزل )

zozo1420 · #45 05-11-2013, 07:33 PM

"البارت التاسع "

راح الشخص و مر من عند عبد العزيز
: هلا والله عزوز كيفك
راحت وجدان ودخلت بيتها
عبد العزيز : بخير و انت
: الحمدلله يلا كنت مار قلت اسلم عليك
عبد العزيز : هلا الله يسلمك
: مع السلامه
عبد العزيز : في امان الرحمن
عبد العزيز يكلم نفسه : يا حليلك يا سليمان
~~~~~~~~~~~~~~~~~~~~~~~~~~~~~~~~~~~
اول ما دخلت وجدان البيت راحت طيران لغرفتها حتى ما سلمت ولا شي
في طاولة الطعام الكل متجمع
ابو طلال : الا اقول بنتي وينها ؟
ام طلال : اول ما جت من الدرسه راحت طيران لغرفتها
نجود قامت : ابروح اشوفها
راحت نجود لغرفة وجدان
فهد يهس لفيصل : فاصوليا
فيصل مارد ولا عطاه وجه
فهد : يوووه فيصل
فيصل لوف وجهه : نعم
فهد : تو اناديك وراك ما ترد
فيصل : ما ناديتني ناديت الفاصوليا هي الي ماردت مو انا -_-"
فهد : ي ثقل دمك اقول شكل اختك مسويه بلوى
فيصل : واعتقد انها اختك بعد
فهد : اية اختنا تهقي وشي
فيصل : من امس و هي مو مضبوطه في شي حتى مو شي صغير شكله كبير اخ بس ما ادري وش مخبيه وجدانوه
فهد : الله اعلم
ماجد يطالع لفهد و فيصل وهم يتهامسون : تحشون ها اعترفو
فهد : الله يهديك ي خوي احش على من
ماجد : علي من غيري
فيصل : اصلا ما جبنا طاريك
عبد المجيد : ماجد شريحة جوال الجديده وين وديتها ؟
ماجد : عطيتها لتركي جيرانا
عبد المجيد : اية حسبتك ضيعتها
ام طلال : اقول طلال حبيبي
طلال : سمي يمه
ام طلال : سم الله عدوك ماتبي ادور لك على عروسه
طلال اول ما سمع كلمة عروسه اختفت ملامح وجهه : لا يمه توي
ام طلال : وشو توك وهذى انت كبرت بسم لله عليك
ابو طلال : لا تضغطين على الولد خليه بحاله
طلال : يعني تبين فراقي يمه
ام طلال : وي لا ان شاء الله بسم لله عليك وش فراقك يا بعدي لا لا بس ابفرح فيك و ابي اشوف عيال
طلال : قريب ان شاء الله
فهد يحك راسه : اتخيل شكل طلال معه عيال و يقول يلا امش يا ولد والله مو لايق المشكله
المشكله مو العيال المشكله الابو مجنون هههههههههههههه
ما يدري فهد الا ملعقه ماشيه 220 وقفت بجبهته
فيصل كان يشرب مويه و شرق من الضحك : كح كح كح
ام طلال : بسم لله عليك فيك شي
فيصل : كح كح وراحت الشرقه هههههههههههههه يمممه بطني فهد هيه ولد
فهد منزل راسه ولا رد
طلال : الحين انا مجنون
ابو طلال : خلاص ي عيال وش فيك انت تعلب بالمواعين
طلال : هو يقول اني مجنون
فهد رفع راسه وهو مبتسم ابتسامه عريضه : هيهيهيهيهيهيهيهيهي
قام فهد و اخذ كوب و حط فيه زبادي و مويه و راح المطبخ و حط فيه ملح و سكر و قام يخلط فيهم و بعدين اخذ
من الدرج نوتيلا و حط شوي عليها و رجع لطاولة الطعام ووقف ورا كرسي طلال لف طلال كرسيه و مايدري الا
كل الي بالكوب انكب فوق راسه
فهد : احلى هديه لاحلى اخو بالدنيا
ام طلال : وججججع فهد هذى اخوك الكبير احترمه
فهد : خير يمه خليه هو يحترمني عشان احترمه
طلال قام بدون اي كلام وراح المغسله عشان يغسل شعره
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند اشجان
رجعت البيت وهي طايره من الفرحه مو مصدقه انه الاربعاء لان الاسبوع ذا مر بطيئ
راحت وبدلت و لبست لها بجامه ناعمه و نزلت تغدى على الغدا
اشجان بدلع : دادي
ابو شجاع : عيوني
اشجان : تسلم لي عيونك ممكن طلب
ابو شجاع : اطلبي تدللي امري وش تبين
اشجان : يا جعلني ما انحرم منك
ابو شجاع : ولا منك
شجاع : وش فيكم قلبتو تغزلون ببعض اشجان خلصي وش تبين ترا بعض الناس غارت
تركي : اشجان اختي حبيبتي اجلي الي تبينه بعدين ارحمي من في الارض يرحكم من في السماء
عبد العزيز : الله الله صرنا نغار بعد انا ما اقدر خقيت على الي يغارون
كوكب : هههههههههه يا حليلك اول مره اشوفك كذا ماما
خالد قام يصفق
ابو شجاع : لا والله قدامي بعد تغزلون بزوجتي اقول انقلعو بس
كلهم الا ام شجاع : ههههههههههههههههههههه
ام شجاع وجهها قلب طماطم
خالد : اوووووووف صرنا نستحي هههههههههههه تطور الامر يا إلهي
ام شجاع : جب انت بس اخر من يتكلم
عبد العزيز : هههههههه روح لقط وجهك خويلد
ام شجاع : وانت بعد اشجانوه خلصي وش تبين
اشجان تطالع بأمها براءه : ابغى حلويات و شبسات و مشروبات و كيك و كل مستلزمات السهره
ابو شجاع : لية ؟
اشجان : عشان بيشو و الطقه بجون و حتى وجدان و الي يقربون لها
عبد العزيز اول ما سمع وجدان فز قلبه : انا اروح اجيب لك بس قولي وش تبين
اشجان تطالع لعبد العزيز بنص عين : غريبه
عبد العزيز : ترا ابطل
اشجان : خلاص
تركي لا شعورياً : و غاليه بتجي
كوكب : وش دخلك انت
انتبه لنفسه : ها لا ابد بس اسأل
كوكب بعد اقتناع : اها
تركي : على فكره في جمعة عيال عند بيت مالك اليوم
شجاع : اية صح نسيت
عبد العزيز : حتى انا اجل يلا اشجان قولي وش تبين بسرعه
خلصو غدا وقامت اشجان تملي عبد العزيز الطلبات الي تبيها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ساعه 5 و نص العصر
بشاير : اوووووف وش البس
دخلت عليها اشواق : يا ربي عندك لبس زين البسه ما لقيت لي افففف
بشاير : حتى انا
اشواق : لا شوفي ذا الفستان يجنن البسيه
بشاير : امممم ما ادري
اشواق : اقول البسيه شوفيه يجنن
بشاير : طيب , وراحت تلبسه و اول ما طلعت
اشواق : اوووووووووووووه يجنن يهبل
بشاير تطالع نفسها بالمرايه : ايةة مقبول
اشواق : وشو مقبول الا يطير العقل يجنن
بشاير : طيب انتي وش تلبسين
اشواق : ما لقيت لي
بشاير : امشي ابروح اشوف وش تلبسين
راحو بشاير و اشواق لغرفة اشواق
بشاير : اممممم لا مو هذى ولا هذى اية هذى هذى يجنن
اشواق : ما عليه يلا
وراحت لبسته
بشاير : يجنن يهبل
اشواق : يسلمووووو
بشاير : الله يسلمك يلا تأخرنا خلينا نحط شوي ميك اب
اشواق : وانتي الصادقه يلا ترا العيال عندهم جمعه عند مالك و اخاف نواف يروح ويخلينا
كانت لابسه بشاير

و حاطه كحل فوق عيونها و مكثفه المسكار و حاطه روج وردي فاتح و فارده شعرها ولابسه كعب ابيض
اما اشواق لابسه

ومكثفه المسكار و حاطه بلشر وردي و روج وردي بس اغمق من بشاير ولابسه كعب برتقالي و فارده شعرها
و ملففه خصل
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
راما : يا ربي ما خلصتي غيداء
غيداء تحط روج : الحين خلصت يلا مشيا
راما : اخرتينا
غيداء : اسفه يلا ابروح البس كعب و اجيك انزلي انتي
راما انتظرك بسرعه
غيداء طيب
غيداء لابسه

وحاطه كحل خفيف و بلشر وردي و روج احمر قوي وكعب ذهبي و مسويه شعرها كيرلي
اما راما لابسه

و حطت كحل و بلشر وردي و روج عنابي كعب اسود و ملففه شعرها من تحت و مسويه بف صغير
~~~~~~~~~~~~~~~~~~~~~~~~~~~~~~~~~~~~~~~~~~
رغد : اااففففف ماما شكلي حلو
ام مالك : والله يجنن تهبلين بسرعه روحي قبل لا يجون العيال طبعا جمعة العيال عندنا اليوم
رغد : ايةة ادري اففففف احس شكلي مو حلو
ام مالك : حلو والله حلو
رغد رن جوالها وردت : الو هلا ...... اية الحين اطلع ابلبس عبايتي يلا ..... مع السلامه وسكرت
ام مالك : هذي وجدان
رغد : اية تقول انا انتظرك تحت
ام مالك : يلا بسرعه
رغد لابسه

وراسمه كحل فوق عيونها و حاطه روج مايل للبرتقالي و مكسره شعرها وكعب لحمي على برتقالي و فارده شعرها
ولافه الخصلتين من قدام
~~~~~~~~~~~~~~~~~~~~~~~~~~~~~~~~
ريما : اووووف اووووووف شعري الزفت مو رضي يضبط افففففف
محمد : انت من اليوم تأففين يختي خلاص والله حلو خلصينا بسرعه ترا تأخرت على العيال
ريما : افف اففف يلا مشينا
محمد : الحمدلله على السلامه
ريما لابسه

ومكثفه المسكار مررره و طالعه عيونها كبار مره و روج وردي على لحمي و كعب وردي و مسويه كعكه
~~~~~~~~~~~~~~~~~~~~~~~
ميلاف توها تقوم من النوم وتمغط وفجأه دق جوالها ردت وصوتها كله نوم : الو ..... نععععععم
و بصراخ وشوووو الساعه كم الحين ....... صيته توني اقوم اففففف محد قعدني ابروح اتروش و البس اية خلاص .....
وجع لا تسبين يلا انقلعي
ونزلت تحت وهي قافله معها
ميلاف بصراخ : سهى ي تبن وينك افف وين راحت ذي
كانت نازله من الدرج غدير : وش فيك تصارخين
ميلاف يوم شافت غدير صرخت
غدير تسد اذانها : وجع فجرتي اذاني وش فيك
ميلاف : ما لبستي
غدير : لية
ميلاف : عشان نروح لبيت اشجان ي مهبوله
غدير : يووه نسيت
ميلاف : سهى وينها
غدير : نايمه
ميلاف تصرخ : قوميها
وراحت ركض و قامت تنطط فوق سهى
سهى وصوتها كل نوم : هيييييه ميلافوه ابعدي عني
ميلاف : تدرين الساعه كم الحين ؟
سهى : ما يهم
ميلاف : ترى نبي نروح لبيت اشجان و نخليك
سهى فزت من مكانها وراحت لبست
وراحت ميلاف اخذت لها شور سريع
ميلاف كانت لابسه

و حطه مسكار بس ما كثفتها و كحل خفيف و روج وردي شبه غامق و كعب اسود وعليه وردي و رافعه شعرها
سهى لابسه

و حطة بس روج و كحل وكعب اخضر فاتح مرره و حاطه شعرها على الجمب
غدير لابسه

وحطة ظل و روج و كحل عين القطه وكعب بني و رفعت شعرها الي فوق ومنزله شعرها من تحت و حاطه ربطه بنيه
~~~~~~~~~~~~~~~~~~~~~~~~~~~~~~~~~~~
صيته و منال كانو ينتظرون ميلاف عشان تنزل هم و يروحون
صيته لابسه

و كحل ابيض و روج لحمي و كعب ابيض و مسويه بشعرها فيونكه
منال لابسه

وكحل ازرق و روج وردي وكعب ذهبي و رافعه شعرها ذيل حصان
~~~~~~~~~~~~~~~~~~~~~~~~~~~~~~~~
غالية كانت جالسه قدام و جمبها عبد الرحمن و ورا غلا و حلا
غاليه كانت لابسه

و حاطه روج وردي و مكثفه المسكرا و كعب ابيض و رافعه شعرها ذيل حصان وملففته
ومنزله خصل من الجمبين و ملففتهم و شكلها كيوت
و حلا لابسه

و حاطه كحل و روج وردي وكعب اسود و فارده شعرها
و غلا لابسه

و حاطه روج بني غامق و كعب ابيض و ملففه شعرها من تحت و رافعه خصلتين من على الجمبين ومرجعتهم ورا
وحاطه فيونكه بيضاء
~~~~~~~~~~~~~~~~~~~~~~~~~~~~~
اما وجدان كانت لابسه

ومكثفه المسكار و روج وردي فاتح و فارده شعرها و حاطه ورده على الجمب و كعب ابيض
اما نجود كانت لابسه

و حاطه روج وردي و كحل و مكثفه المسكار و مكسره شعرها
~~~~~~~~~~~~~~~~~~~~~~~~~~~~~~~~~~~
اما اشجان كانت لابسه

و حاطه كحل و مكثفه المسكار و روج وردي غامق و فارده شعرها
اما كوكب كانت لابسه

و حاطه كحل و روج احمر فاتح و ملففه شعرها و كعب اسود
~~~~~~~~~~~~~~~~~~~~~~~~~~~~~~~~~~~~
كل البنات وصلو لبيت اشجان و كوكب استقبلتهم
كوكب : يلا هلا والله حيا الله من جنا
البنات : الله يحييك
كوكب : تفضلو
البنات :زاد فضلك
و البنات توزعو الي على المرايه و الي جالسه و الي تكلم و الي تسولف و الي تضبط شكلها ...... إلخ
راحت كوكب للمطبخ عشان تجيب الحلا و توزعو البنات في ارجاء المنزل هههع
و ما بقى بالمقلط (مجلس العائله ) الا ( بشاير - اشواق - غاليه - منال )
كانو جالسه بشاير جمبها اشواق و جمبها منال و جمبها غاليه
وقدام اشواق و بشاير و منال الباب يعني الي يفتح الباب عشان يتأكد اذا في احد ولا لا كان بس يشوف
اشواق و بشاير و منال اما غاليه ما تبين
~~~~~~~~~~~~~~~~~~~~~~~~~~~~~~~~~~~~
عند العيال اول ما وصلو البنات و طلعو شجاع و تركي و عبد العزيز وخالد من البيت و ركبو سياره
ابو طلال لانها كبيره وطلال اخذها عشان كلهم يروحون مع بعض
اول ما ركبو
طلال : هلا والله
عيال : هلا فيك
عبد المجيد : تركي
تركي : سم
عبد المجيد : سم الله عدوك وين شريحتي الجديده احتاجها
تركي : اي صح ذكرتني نسيتها دقيقه ابنزل اجيبها وراح يجيب الشريحه و دخل غرفة المقلط و يوم فتح الباب
شاف اشواق و بشاير و منال هو عايدي عنه لانهم يقربون له ولا يتغطون عنه او حتى يلبسون عبايه و دخل و
مانتبه لغاليه
اشواق قامت تصرخ : تركي يالي ما تستحي
تركي خاف و لف وجهه لورا و شاف الملاك الي كان ينتظر يشوف من زمان تركي تصنم بمكانه
بشاير قامت و دفت تركي
تركي : هيييه خير تدفين
منال : صدق انك ما تستحي ما تشوف البنت جالسه شوفها مستحيه الله يقطع عدوك
تركي : ما شفتها
اشواق : ي سبحان الله
غاليه قامت تبي تروح لصاله ومسكتها منال
منال : والله منتي طالعه خير حنا جيات قبله اقول تركيوه اذلف
غاليه بصوت واطي : منال تكفين خليني
تركي ما هتم لمنال : الا اقول انتي وش اسمك اعتقد غاليه صح
بشاير و اشواق و منال طيرو عيونهم : ها كيف عرفت
كان تركي منزل شعره على يعيونه ومتغير شكله عشان كذا غاليه كانت مشبهه عليه
تركي : عرفتها يوم عشاء فيصل و رفع شعره على فوق غاليه اول مشافته تمنت الارض تنشق و تبلعها
خلونا نرجع على ورا
((((((((((((((((((((((تذكرون عشاء فيصل ,جاء اليل وجاء المعازيم راح فيصل و الي يدفه تركي ! فيصل شاف غاليه جالسه على الارض و تلعب لمى
فيصل بصوت مبحوح : غاليه غاليه
غاليه ما سمعته
فيصل :تركي
تركي نزل راسه له : هلا
فيصل : ناد ذيك البنت اسمها غاليه
تركي :ان شاء الله ,,, وبصوت عالي غاليه غاليه
لفت له غاليه
تركي تجمد بمكانه
كانت غاليه جميييله وكان شعرها طويل يكسسي ظهرها و كان نصه طايح نصه على كتفها من قدام و النص الثاني على ظهرها و لونه مايل للبوني الفااااااااااااتح و عيونها لونها اخضر فااااااااااااااتح و بيضه و جسمها حلو تركي انجن عليها
فيصل يسحب بلوزة تركي ,, تركي توه يستوعب
غاليه قعدت تناظر لتركي
تركي : تعالي
غاليه قامت وراحت عند تركي
فيصل : غاليه
غاليه : هلا ,, ونزلت نفسها حطيه يدينها على ركبها كأنها تركع وميلت راسها نص شعرها طاح على الجمب و النص الثاني على ظهرها
فيصل : نادي عماتي و خالاتي ابسلم عليهم
غاليه : ان شاء الله
جاء فواز و سحب تركي لغاليه وقربه من بعض و قال بصوت شبه همس بس الي يسمعه تركي و غاليه
فواز : تركي هذي غاليه هذي زوجتك وش رايك فيها ههههههههههههه وراح يركض ويضحك
غاليه وجها قلب احمر
تركي نزل راسه و ابتسم
راحت غاليه تنادي عمات و خلات فيصل )))))))))))))))))))))))))))ادري ما تدرون عن ذي السالفه خليتها مفاجئه
نرجع للواقع
غاليه بعد يد منال بقوه و راحت تركض لصاله
تركي ما قدر يسكت من الضحك
اشواق و بشاير و منال مو فاهمين شي ؟
تركي : يلا ابروح كنت ابخذ شريحه و اطلع
ميلاف و بشايرر : اذا رجعت تقول لنا وش السالفه
تركي يضحك : هههههههه اللقافه ذابحتكم
و طلع وهو طاير من الفرحه
ركب السياره و الابتسامه شاقه وجهه
عبد المجيد : وش فيك مستانس هلكثر
خالد : يعني ليه اكيد شاف المزز
فيصل: صدق شفت مزز
تركي : لا وين تخيل لالا بس واحد من اخوياي قال لي خبر حلو
عبد العزيز : وشو ؟
تركي : ياخي ليه اللقافه مالك دخل
وكملو طريقهم
~~~~~~~~~~~~~~~~~~~~~~~~~~~~~~~~~~~~~~~~~~
عند البنات غاليه راحت لصاله و بصعوبه تنفس جتها اشجان وسلمت عليها
اشجان : وش فيك غاليه تعبانه ؟
غاليه : ها ..... لا لا مو تعبانه
اشجان : اجل وش فيك كذا
جو اشواق و بشاير و منال
منال مسكت غاليه : تعريفنه
اشواق : قد كلمتيه
بشاير : من متى تعرفون بعض
اشجان : وش فيكم
غاليه : ما اعرفه والله بس..........
كلهم : بس وشو ؟
غاليه تدور خطه : ها ..... ايه مره كبيت عليه شاهي و انا ما ادري
منال : كيف ؟
غاليه : وانا امشي صقعت فيه وهو لاف ظهره علي =))
اشواق و بشاير : عشان كذا شكله جاي ينتقم منك
اشجان : من هذا
منال : تركي اخوك
اشجان : اخوي
اشواق : اي وش فيك
بشاير : اقول وين البنات
كل البنات راحو لغرفة الضيوف و ضحك و لعب و بعدين طلعو للحديقه كانت كبيره و ولعو مسجل بأعلى صوت
طبعاً ام شجاع كانت بغرفتها على النت ماحبت تجي مع البنات عشانها هي كبيره وكذا خلهم براحتهم
قامو يرقصون البنات و فله و الي تستهبل و الي تضحك و الي ترقص و الي تغني و الي تضبط شكلها........ إلخ
وجدان سحبت اشجان بعيد عن البنات
اشجان : وش فيك وجدان بسم لله
وجدان : خليني اقول لك الشي المهم ما اقدر اأجله
اشجان جلست على الارض : قولي
وجدان جلست نفسها و قالت لها عن سالفه سليمان وكيف عرفت انه ولد خالت حصه
اشجان مطيره عيونها : كذاااااااااااااابه وجدان
وجدان : والله هو نفسه بالضبط
اشجان : وجدان لازم تبعدين عن حصه
وجدان : لا لا ما اقدر حصه طيبه وهي صديقتي و انا واثقه فيها
اشجان : طيب و الحل ؟
وجدان : ما ادري بس خايفه
اشجان : ي ربي
وجدان : ما اتوقع سليمان يقدر يسويها !
اشجان : لية
وجدان : لو بيعلم اهلنا كان ماخلنا ننزل من سيارته ولا نبهنا اننا نطالع اللوحات وهو شكله طيب من كلام حصه عنه
اشجان ارتاحت : اية وانتي الصادقه لالا شكلنا ظلمنا الولد
ومن ورا الشجر كان شخص يتسمع لهم
شخص : اي ولد و وش قصته هذا
وجدان و اشجان لفو يبون يشوفون من الشخص و انصدموا

توقعاتكم :

من هذى الشخص الي كان يتسمع لوجدان و اشجان ؟
تركي راح يعترف لغاليه عن الي بقلبه ؟

* رجاًء ما احلل اي احد ينقل الروايه و ينسبها له لازم يكتب اسمي *

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية سراب حياتي..بقلمي	Journalistic Nehal	روايات كاملة / روايات مكتملة مميزة	60	02-28-2015 07:33 PM
رواية فاطمه بقلمي	سحر الشرق2002	روايات كاملة / روايات مكتملة مميزة	109	02-26-2015 05:02 PM
(زخرفة رعب) رواية بقلمي	كاكاشي كونان	أرشيف المواضيع الغير مكتمله او المكرره او المنقوله و المخالفه	4	01-12-2014 12:46 PM
روايتي الثانية : رواية انمي رعب دراما تضحية غموض (اهداء الى صديقتي الغالية ) أرجو التثبيت	ربيكا 39	أرشيف المواضيع الغير مكتمله او المكرره او المنقوله و المخالفه	102	08-20-2012 07:56 AM
رواية الحقيبه السوداء رواية رعب لن تندم اذا دخلت / بقلمي	لمحة غيث	أرشيف المواضيع الغير مكتمله او المكرره او المنقوله و المخالفه	4	06-27-2012 12:39 AM