ادخلوا على مواضعي

وهذا بارت لعيوووونكم انشالله رااح انزل بارتين


البارت 22


في بيت بوراشد
بوراشد وهو يوقف على حيله معصب : شللي تقوله هذا هشوم ؟
هشام بخوف : يبا . دخيلك لاتدري امي وطي صوتك
بوراشد : شهالخرابيط .. بس قعدت تبجي راح اخوك الغبي يركض يبيها .. هذي ياهل ياهشوم وطبيعي بتصير مشاكل بينها وبين فهد اول سنه من زواجهم ..
هشام : يبا الموضوع مثل مافهمني راشد عود .. وشكلها المشكله كبيرة بعد
بوراشد : دق على اخوك هذا وخلني اكلمه
يدق هشام على راشد بس كان جهازه مغلق
هشام : يبا الجهاز مغلق .. تلقاهم الحين بالطريج يايين
بوراشد : حسبي الله ونعم الوكيل ..

وطلع من الديوانيه وهو يقول : اول مايوصولون خبرني
هشام وهو متضايق من لهجه ابوه : ان شالله
ويقول بقلبه .. ياناس هذي بنته مو وحده من الشارع .. شلون يرضى ريال غريب يهينها وينزل دموعها ويبينا نسكت ونطالعه .. الله يهيدك بس يايبا

الدمام
في بيت بوضاحي
عبدالله : البنت بتم عندي .. يعني بتم عندي
بوضاحي : وش ذا الهرج اللي تقوله ياعبدالله .. البنت تحتاج لرعايه
عبدالله : حرام عليكم ياعمي .. مابقالي غير هالبنت بتحرموني منها بعد ؟
بوضاحي : ومين قال هالكلام ياولدي .. البنت بنتك ومتى مابغيت تجي تشوفها وتطمن عليها .. هذا بعد بيتك الثاني
عبدالله باصرار : لا ياعمي .. البنت باخذها معي البيت .. وانا اللي بهتم فيها
بوضاحي : وشلون بتهتم فيها يعني !! انت عندك دوام وامك الله يرحمها متوفيه ومافيه حد بيحط باله عليها .. ذي جاهل وتحتاج عنايه
عبدالله : مرت اخوي فراس موجوده .. وانا بس اجي من الدوام بكون فاضي لها .. دخيلك ياعمي كفايه الناس اللي فقدتهم ..
بوضاحي وهو متاضيق من حال عبدالله : ياولدي .. اذا انا رضيت البنت تكون عندك .. خالتك ام ضاحي ماهيب راضيه
عبدالله باصرار اكثر : خلص اذا جذي .. البنت وقت دوامي تكون عندكم وبس اجي من الدوام اخذها معي واجيبها اليوم الثاني
بوضاحي : والله مدري شقولك ..
عبدالله : لا تقول شي ياعمي .. بنتي مقدر افقدها .. زي مافقدت امها وغيرهم
بوضاحي اللي حس كلام عبدالله معقول ومستحيل يقتنع بغيره : اللي تشوفه ياولدي
عبدالله : حطوا بالكم عليها مااوصيك ياعمي
بوضاحي : الا ماقلت ياعبدالله شنهو بتسميها .. ميصير البنت تتم من غير اسم للحين ؟
عبدالله قبل لاتتوفى موضي كان مقرر يسميها نور .. بس هالحين حس انه واجب عليها يسميها على امها : موضي
بوضاحي : خير ماسميت ياولدي .. الله يرحمج يابنيتي ويجعل مثواج الجنه
عبدالله : اميين . يله انا ماشي .. تامرني على شي ؟
بوضاحي : سلامتك .. الله وياك حافظك الله



الكويت
بيت بوراشد
دخلت نور البيت هي وراشد .. حست ان هالجو وهالمكان فقدتهم من زمان .. يااه شكثر مشتاقه .. بيتنا وغرفتي واوارقي وكليتي ورفيجاتي .. حست جنها اول مرة تتنفس من خمس اشهر .. اول مرة تحس بالراحه

هشام اللي سمع صوت الباب : هلا نور الحمدلله على سلامتج . . طمنيني عنج شصاير ؟
نور ارتمت بحظنه وهي تبجي
هشام : حسبي اللله ونعم الوكيل .. لاتبجين مايسوى دموعج يالغاليه
ام راشد من على الدري سمعت صوت بجي : شصاير هش و !!!
وبصدمه تطيح عيونها على نور : هلا وغلا بدنيتي وناسي تو مانورت الكويت .. وتروح تحضنها بقوة
ام راشد : الا وين فهد ؟
راشد : يما .. انا امس رحت يبت نور من الامارات ..
ام راشد : شصاير ؟ ليش ..!! عسى ماشر قولي نور ؟
نور بدموع : مابيه يما .. مابيه أذناني وايد
ام راشد وهي تبجي : ياويل قلبي عليج يابنتيني .. قوليلي شنو السبب ؟
نور بقلبها .. ياليت اقدر اقول .. بس ربي ستر عليك يافهد وانا بستر عليك : ......
ام راشد : خلص يما الحين روحي ارتاحي بغرفتج وبعدين لنا كلام بهالموضوع
بوراشد وهو داخل البيت : ها وصلت يا راعي البيت ؟
وعم الهدوء من دخلته البيت
راشد وهو يلتفت لابوه : هلا يبا ..
بوراشد : شنهواللي سويته هذا ماتقولي .. وشلون تتصرف على كيفك من غير لاتاخذ شوري
راشد يتعوذ من بليس : يبا .. نور دقت واشتكت عندي .. تبيني اسكت !! .. الا اروحلها طيران بعد
بوراشد : لا عفيه عليك .. ماشالله .. وليش انا مالي كلمه هني ؟
راشد : الكلمة لك يابوراشد .. بس بعد نور هذي اختي وماارضى دموعها تنزل وحنا نتم ساكتين
بوراشد وهو يلتفت لها : وانتي تعالي هني .. شنهي الجريمه اللي سواها فهد عشان تدقين على اخوج وتخرعينا معاه
نور وهو خايفه : ....
بوراشد : ماتحجين .. ولا بس شاطره تبجبجين وتدقدقين تلفونات .. هذي اخره الدلع ياعايشه .. عيالج حتى بيوتهم مب قادرين يحافظون عليها ..
نور منصدمه وتألم من الخاطر . .آآه ياييبا لو تدري وش صارلي .. : ....
بوراشد : هشوم دق على بوفهد وعطني ياه ..وانتي مثل مايبتي جنطتج بتردينها الامارات عند ريلج
نور ببجي : مابيه يبا مابيه دخيلكم مابي ارد له
بوراشد : تركي عنج الدلع .. وهالمشاكل بتنحل ان شالله
راشد وهو يكلم نور : نور قوليلنا طيب السبب .. مافيه شي من غير سبب انتي مو حابته يعني او مو متقبلته ؟
بوراشد : وشهالكلام وهالخرابيط اللي تقولها انتا ؟ أي حب واي بطيخ ..!!
نور بانهيار : لا ياراشد .. انا مقدر اعيش مع واحد سكير اربع وعشرين ساعه .. مقدر اعيش مع واحد يخوني كل ليله مع وحده بغرفتي .. مقدر اعيش مع واحد جذاب .. قص علي قالي انه يدرس بالامارات وطلع لا يدرس ولاشي.. حتى دراستي ماخلاني اكملها .. تعبت ماعاد فيني اتحمل .. كل هذا وتميت ساكته وصابرة قلت معليه يمكن يتحسن .. بس كلشي وصل حده ..
وانهارت على الارض تبجي وام راشد يمها وهي تقول : حسبي الله عليك جانك سويت كل هذا ببنيتي
راشد بعصبيه وليش ماقلتلينا من الاول؟
نور : اهوا هددني اني مااقولكم ولا شي .. ابوس ايدك يبا مابي ارجعله اذا رجعت راح امووت
ابوراشد كان مصدوم بس بعد شوي قال : هشام دق على بوفهد خلني اكلمه








مرت سنتين على طلاق نور .. حست فيهم انها كبرت عشر سنين .. مهما يكون اسم مطلقه على بنت ماتجاوز عمرها 22 سنه مؤلم وايد .. الكل كان يحاول يحطيها بحنانه واهتمامه .. حتى ابوها بوراشد اللي معروف عنه انه قاسي وصعب بعد اللي مرت فيه بنته نور مع فهد حس بالذنب .. والغريب ان مع انها كانت مطلقه الا ان فرص الزاواج كانت مفتوحه يدامها .. بس يمكن اللي مرت فيه نور من بلاوي خلاها تصرف عن فكرة الزواج ومحد كان يغصبها عليها .. لعلمهم بان اللي شافته هالبنت ماهو شوي ..
وبهالسنتين انخرطت بالدراسه وتخرجت بمعدل عالي بس عشان تشغل روحها وماتفكر بشي ..
تزوجت بشاير وهشام وشرط بشاير كان انهم يتمون في بيت بوراشد لانها حابه تكون يم نور .. وجودها بروحها بيخليها تفكر وهالشي مب زين لها

عبدالله كانت موضي الصغيرة بالنسبه له كل حياته ..كان في الواقع يناديها نور بينه وبينها لكن بالاوراق الثبوتيه كان اسمها موضي
نور ماغابت ولا لحظة عن باله بس مادرى انها تطلقت ولا عرف باللي صار لها .. كانت سارة متعمدة ماتقوله بعد ماعرفت عزوف نور عن الزواج .. لان هالشي بيخليه يتعلق بأمل ضعيف

الكويت
بيت سارة
سارة وهي تكلم عبدالله : يله عاد عبود مازرتنا من زمان .. ابي اشوف موضي الصغيرة
عبدالله : تصدقين سارة .. خاطري اجي الكويت .. من زمان ماجيت .. حتى هشام يقولي تعال
سارة بقلق : انتا تكلم هشام ؟
عبدالله : ايه يحليله . هو بين فترة والثانيه يدق ويسأل علي
سارة : وو قالك شي ؟
عبدالله باستغراب : عن ايش !!
سارة : هاا .. لا ولا شي .. بس
عبدالله : وش فيه سارة .. انتي تدرين عن شي ومخبيته عني ؟
سارة بارتباك : لا
عبدالله باحساسه اللي مايخيب : نور ؟
سارة : وش جاب طاري نور هالحين .. !!
عبدالله : مدري .. حسيت ان الموضوع يتعلق فيها
سارة : يااه ياعبدالله .. للحينك تحب نور ؟؟
عبدالله : الين بكره .. ماتدرين هالبنت وش تعني لاخوج ياسارة .. نور هي النبض اللي انا عايش عليه في هالدنيا ..
سارة بقلبها .. ياوليلي لو تدري وش صار فيها ياعبدالله وش بيصير فيك : عبدالله انا حاسه بتأنيب الضمير
عبدالله : ليه ؟
سارة : عبدالله .. اذا قلتلك ماتعصب علي ؟
عبدالله : وش فيه ياسارة تراك اقلقتيني ؟
سارة : بس والله اللي سويته هذا لصالحك .. وانا مابيك تفكر بشي الامل فيه مفقود
عبدالله بجديه : قولي مانيب زعلان
سارة : نور تطلقت من سنتين .. بعد ماتوفت موضي الله يرحمها باسبوع .. اللي سمعته ان ريلها كان سكير واذاها وايد .. وانا ماحبيت اقولك لاني سبق ودريت انها رافضه تتزوج نهائيا .. من جذي ماقلتلك عشان ماتتعلق فيها
عبدالله بصدمه : حراام عليكم .. كل هذا يصير لنور وانا اخر من يعلم !!
سارة : سامحني يااخوي .. بس اضطريت اخبي عليك عش ااا
عبدالله بعصبيه : الله يساحمك ياسارة .. الله يسامحك ..
سارة : انا اسفه عبدالله والله غصبن علي خبيت عليك
عبدالله : وشلي نزل عليك الوحي وخلاكي تنطقين ؟
سارة : يعني اذا انت جيت الكويت اكيد بتعرف .. ووو ماابي تعرف من غيري بعدين بتزعل علي
عبدلله باهتمام : وهي كيفها الحين ؟ .. وش صار لها خبريني كل شي
سارة : عبدالله .. لاتخليني اندم اني قلتلك
عبدالله : شوفي بالاول حرمتوني منها .. بس لاتفكرين انكم تقدرون تحرموني منها مرة ثانيه
سارة اسكتت .. وفي خاطرها تساعد اخوها خبرته بكل شي صار لنور ..
سارة : والحين هي تشتغل
عبدالله : وين ؟
ساره : ههههه يوو ياعبدالله .. حتى المكان اللي تشتغل فيه تبي تعرفه ؟
عبدالله بسعاده لاتوصف : كلشي .. ياسارة .. كلشي
سارة خايفه على اخوها من صدمه ثانيه : تشتغل مدرسه رياض اطفال في الروضه .. تبي اسم الروضه بعد ؟
عبدالله : هههه لا راح اعرفها بنفسي .. ياااه ماتدرين شكثر احس بالنشوة الحين .. كأني رجعت مراهق او طفل صغير يدور على امه اللي فقدها من زمان .. ولقاها بعد ثلاث سنين من العذاب والصبر
سارة : وش بيفيد هالحين ياعبدالله لما عرفت اخبارها ؟
عبدالله : اشيا كثيرة .. اول شي الحقير فهد هذا انا راح اعرف اعلمه شلون يبكي نور قلبي ..
سارة : عبدالله .. انت جنيت ؟
عبدالله : لا ..معلينا .. انا في العيد جايكم ان شالله
سارة بفرح : والله ؟
عبدالله : ايه .. سارة .. طلبتك لاترديني
سارة : قول
عبدالله : اذا ودك اخوك يعيش باقي عرمه مرتاح .. طلبتك اخبارها اول باول تجيبينها لي
سارة : اكييد تهمني مصلحتك .. ان شالله
عبدالله : مع السلامه
سارة : مع السلامه

سكر عبدالله من سارة .. والدنيا كلها موشايلته من الفرحه .. نور واخيرا بتكون لي .. الحمدلله لك يارب
وانت يافهد حسابك معي عسير .. لاتظن ان من يلمس شعره من شعر نور بيتهنى بحياته ..

من بعيد .. موضي الصغيرة : بابا ليه تضحك !!
عبدالله يبتسم لي هالصغيرة اللي بالكاد تنطق حروفها الاولى : بابا اسعد انسان في الدنيا يانور .. بابا بعد كمن اسبوع بيشوف نظر عينه .. بس تعتقدين هي للحينها زعلانه علي وماتبي تشوفني !!
موضي تبتسم
عبدالله : احبها .. والله العظيم للحين احبها


في بيت بوخالد
كانت الزواره كل خميس تتم هناك بعد طلاق نور اشيا كثيرة تغيرت .. ابوخالد كان لها الاب الثاني .. وبعد ملجه خالد على مشاعل صارت العلاقات احسن بينهم ..
ريم تكلم نور : نوروه .. حطي صينيه البشاميل حق الرياييل .. لاني حطيت الصينينه الثاني حقنا
نور : اوكي شيف ريووم .. يه يه يه مااعبر شنو هالسوالف ترى مافيني اصبر بروح اكل
ريم : هههههه اييه شنسوي كله من الزواج .. ماتشوفيني يااطبخ يااحوس ورى سعود الصغير
نور : فدييت قلبه سعود .. مسكين كله نايم عن العيارة
ريم : ياااي نور والله دنيا .. منو يصدق ان انا صرت مسؤله عن ياهل صغير ..!!
ويدش خالد المطبخ : الا منو يصدق ان ريوووم اللي ماتعرف تطبخ غير البيض قامت تسوي مجابيس
ريم ورنور : هههههههههههههههه
نور : اييه ايام الدلع راحت يابنت بوخالد
ريم : لا ياقلبي للحينهم يدلعوني ..
نور : هههههههههههه
خالد : يلله شقاعد تسون انتو للحين .. الرياييل ماتوا من اليوع
نور : انطر شوي خلود ... باجي السلطه
خالد : اوو صج نسيت .. نوروه ابوي يبيج قالي اناديج
نور تطق خلود بالملعقه اللي بيدها : يالدب توك تتذكر
وطلعت بره ولقت ابوخالد ينطرها
نور : السموحه عمي ترى ولدك الدب توه يقولي
ابوخالد وهو يضحك : معليه يابنتيني . شلونج شخبارج ؟ طميني عنج ؟
نور بابتسامه ماتوصف : بخير فديتك الحمدلله .. انتا شلونك ؟ والله ولهت عليك
ابو خالد : والله لو ولهتي على عمج جان ييتي زرتيني
نور : سامحني بس تدري الدوام متعب شلون ..
ابو خالد : الله يعطيج العافيه .. شوفي نور مابي اعيد الكلام كل مرة .. انا عمج بس تحسين بضيق تعالي قوليلي
نور : اكييد .. وانا من لي غيرك ياعمي .. ودامك يمي دووم بكون بخير
ابو خالد : عسى يابنتي .. يله اشوف انا الرياييل بالديوانيه
نور : الله وياك .. عمي ذوق السلطه ترى انا مسويتها هههه
ابو خالد : ههههههه من غير لااذوقها تسلم ايددج
نور : ههههههه الله يسلمك احم احم


دخلت نور وتغدا الجميع .. وعقب الغدا قعدت هي وبشاير وريم يزهبون الجاي والحلو .. وعقب قرروا يطلعون يتسوقون حق العيد
بشاير وهي تنطرهم بالسيارة : بيب بيب
نور وهي تدخل السيارة : شفيج فضحتنينا سعود نايم وريوم ماتبيه يقوم يأذيها بعدين
بشايير : يلله ترى انا خست بالشمس . .ساعه شقاعدين تسون
نور : انا قعدت ادور شيلتي لاني كنت الاعب اليهال وضيعوها ..
وريوم راحت تاخذ من مشعل فلوس
بشاير : وانتي فلوسج معاج .. هاا ترى مااسلف احد
نور : ههههههههه ويعه .. شقالولج منتفه .. حبيبتي انا من غير من أخذ شي من احد معاشي عندي .. مو مثلكم اطر
بشاير : ههههههههههه الله ياخذ بليسج صدقتي
نور : انا بعرف شلون قص عليج هشوم وخلاج ماتشتغلين
بشاير : اخوج بعد ماتعرفينه .. عشرة مايقدرون عليه ماادري شلون يفر راسي
نور : ههههه تدرين عاد قبل كنتي رقيقه الحين صايرة دفشه عليه
بشاير تطالع نور : انا ؟؟؟ !! هيين بشوف من يوديكم
نور :ههههههههههههههه والله اضحك معاج .. تعالي هههههه
بشاير : ماارضى لما تعبين سيارتي بنزين
نور : اوووف اكد على عميان انا .. زيين قعدي هههههه
بشاير : فديتج اضحك معاج هههه
ريم تدش السيارة .. هاا تأخرت عليكم ؟
بشاير :لا بس طبخنا تحت الشمس شوي
ريم : ههههه .. شسوي مشعلوا ساعه على مايطلع من الديوانيه .. وغيرت لسعود وييت
بشاير : يلله مشينا ياهوانم
نور وريم : يلله ..
ريم : حطيلنا شي نسمعه عااد
بشاير : زيين بسم الله ..
وتغير الموجه وتطلع اغنيه معجبه لنانسي عجرم
وتعلي الصوت بشاير ..
نور : هههه يالمينونه والله شكلنا شبهه
بشاير : الله وناسه تذكرت ايامنا قبل شكثر كنا نقز انا وياج
ريم : ايه والله صدقتوا .. احلى ايام قبل الزواج
نور : هههههههه محد قالكم تزوجوا ..
ريم : ايه والله صاجه .. يله شنسوي
بشاير : شر لابد منه ههه
ريم ونور : هههههههههههههه
بشاير : يله وين تبون تروحون ؟
نور : ابي المارينا . .في شغلات حلوة نازله وخاطري اتسوق هناك
بشاير : زين شرايكم نروح المرينا .. عقب بوديكم مشغل عجييب فيه دراعات تينن
ريم : ايه جذي اوكي
بشاير : احم احم والعشا من عليه ؟
ريم : هههههه بدينا شغل هشووم .. صج من عاشر القوم
نور : ههههههههههههههههه
بشاير : خلص فضحتوني .. انا عازمتكم
نور وريم : درينا على فلافل هههههههههههههههه
بشاير : ههههههههههههههه

راحوا هالبنات تسوقوا وعقب رجعوا وكلهم بنفسيات احلى واحلى .. كانت نور لما تتم معاهم تنسى الدنيا ومافيها ..
نور وهي تنادي ريم : ريووووم سعود قعد تعالي اخذيه
ريم : زين كاني يايه
بشاير : نطروني .. بي وياكم
صعدوا هالثلاثه غرفة ريم وكانت نور ماسكه سعود وتحوس فيه لانه كان يبجي
نور : حرام عليج ميت من اليوع
ريم : بعد قلبي وليدي خليه عندج نور بروح اسويبه حليبا
ريم وهي تزهب الرضاعه: صج ماقلتلكم . . اخو سارة عبدالله .. بيي على العيد
بشاير التفتت لنور على طول وشافتها تلهي روحها مع سعود
ريم : عاد بييب بنته موضي .. تقول سارة بنته جناااان ماشالله عليها ..
بشاير : يحليلها .. وهي الحين عند منو عايشه ؟
ريم : الصبح تكون عند يدتها .. وبعد الدوام اهوا يي ياخذها للبيت
بشاير : وليه مافكر يتزوج ؟
ريم : تقول سارة حاولو فيه وايد بس مارضى
بشاير : الله يوفقه ان شالله
ريم وهي تكلم نور : هههه نوروه تذكرين لما طلعتليله بالغلط يوم عزيمه الرياييل ببيتنا
نور بابتسامه : ... ايه اذكر
ريم : تدرون يكسر خاطري
نور ماتحملت اكثر .. : ريم خذي سعود بدل هالسوالف او يبي الرضاعه انا بعطيه
ريم : اووف زيين يبيه .. اوديه عند ابوه احسن ..
ورنزلت ريم وتمت نور وبشاير تطالها بنطرة : شفيج ؟
نور : مافيني شي انتي شفيج تشوفيني جذي ؟
بشاير : ماارتحتي لانج عرفتي اخباره
نور : ماتهمني اخباره
امشي ننزل تحت ..
بشاير بصدمه : اوكيه


بعد اسبوعين
هشام : كل عام وانتي احلى ام بالدنيا
ام راشد : وانت بخير وصحه وسلامه
راشد وهو كاشخ بالغتره والدشداشه : كل عام وانتي بخير يما
ام راشد بابتسامه : وانتا بخير ياوليلي
هشام وهو يبارك لراشد وعقب يقول : ياويلي من ولدج يماا .. لا يوقف يمي بعدين ياخذ معجبيني على هالكشخه
راشد : هههه راحت عليك حبيبي الحين انت متزوج ..خل المعجبين حقي
هشام : هههههههه يحقلك .. اروح ابارك لابوي .. يما ابوي وينه ؟
ام راشد : راح صلاة العيد الحين ياي
هشام : طيب شنو مسويتله فطور يالغلا ..!!
ام راشد : كلشي تحبه .. فيه خبز رقاق من الصبح انا ونور سويناه وفيه بيض وبلاليط العيد بعد اذا تبي
هشام : الله ونااسه ..
راشد : راشد روح قعد فرح .. عيزت وانا اقعدها
هشام : بشور وينها من الصبح مالقيتها ؟
ام راشد : راحت اهي ونور صلاه العيد معاي وعقب راحوا الصالون
هشام : بل بل .. حرييم يموتون على الصالونات .. حتى بالعيد !!
ام راشد : افتح التلفزيون وانا امك .. خلنا نشوف الدنيا شلون معيده .. وخلصوا ريوق عشان بنمر بين ابوي وعقب بنروح بيت عمكم بوخالد .. حرص علينا نيي مبجر
هشام : تامرين ام راشد .. اقول يماا .وين عيديتي ؟
راشد : هههه استح على ويهك .. محامي طول وعرض تبي عيديه
هشام : كيفي امي .. للحين بعيونها صغير صح يما ؟ حتا انتا لازم تعطيني عيديه
راشد : هههههههههه ان شالله عمي
الساعه 11 صباحا من اول يوم من ايام العيد
في سيارة راشد متجهين لبيت بوخالد
راشد وفرح ونور بسيارة راشد وعايشه وابوراشد بالسيارة الثانيه وهشام وبشاير راحو لبيت امها تسلم عليها وعقب بيون بيت بوخالد
راشد يكلم فرح : فرووحه جم يمعتي ؟
فرح وهي تعد فلوسها : ممم قول مشالله اول
راشد : ههه ماشالله .. قولي جم عاد ؟
فرح : ممم للحين مع عيديه امي صار عندي60 دينار
راشد : بل بل بل ..
فرح وهي تطق راشد من ورى : قول مشالله
نور وراشد يضحكون : ههههههههه
راشد : فروحه شرايج تعطيني ياهم استثمرهم وثالث يوم العيد بعطيج ياهم وفوقهم فوائد
فرح وهي مغمضه وبثقه : الفوائد حرام
نور : ههههههههههههه عفيه فرووحه
راشد : سكتتني هههههههههه
فرح تكلم نور بشويش : قوليله يطلعنا اليوم
راشد : شفيكم توشوشون ؟
نور تبتسم : فروحه ودها تطلب منك طلب
راشد : افاا بس طلب واحد .. تامر الشيخه فرح
فرح : واللي سلمك رشود طلعنا اليوم عقب الغدا
راشد : فروح اليوم اول ايام العيد وكل مكان زحمه ويين تبين تروحين يعني ؟
فرح : مم نروح السينما فلم كتكوت يقولون حلو رشود وعقب نروح حديقه الشعب
راشد : ممم على شرط .. العزيمه عليج
فرح وهي معصبه : رشوووود
راشد : ههههههه عيل شحقه هالعيديه ماتقوليلي !!
نور : اووو ياراشد ودها حرام عليك
راشد : زين وانتي ماتبين تطلعين ؟
نور تبتسم : لا انا باخذ اليهال وبوديهم المركز العلمي ..
راشد : انا ماادري شلون تتحملين حنه اليهال .. ياويلي يصدعون الراس
نور : حرام عليك .. اصلا العيد حق هاليهال يستانسون
راشد : يحليلج .. صج مدرسه روضه
نور : انفع هاا !! هههههه


في بيت بوخالد كانت ذبايح العيد والناس والزحمه .. فعلا جو عائلي بحت وحلو
البنات نور وبشاير وريم ومشاعل وفرح كانوا شايلين العزيمه
ريم تكلم نور : نوروه تعالي سلمي في حريم يسألون عنج
نور: ان شالله يايه بس انوم سعود ولدج
ريم : للحين مانام ؟
نور : لا من ازعاج اليهال بعد قلبي مانام
ريم : عطيني ياه يمكن يبي حليبا
نور : زين .. خذي
خل اروح اسلم .. في حد يه ؟
ريم : ايه جاراتنا .. واهل امي وام صهيب وسارة مرت علي
نور وقفت عند كلمه سارة .. بس عقبها كملت طريجها لصاله الاستقبال وكانت لابسه حراير فوشيا مع اوف وايت وتحتها جينز فاتح شوي وقصت شعرها الاسود الين حد جتفها مع مكياج خفيف .. بشكل عام كانت روعه
سلمت نور على الحريم وعلى سارة
نور : عيدج مبارك
سارة بقلبها .. ماشالله كل مالج وتحلوين يانور : عساج من العايدين والفايزين
وطاحت عين نور على بنت صغيرة كانت قاعده يم سارة عمرها سنتين وشكلها ذكرها بشخص ماكان غايب عن بالها ولا لحظة
ولا اراديا قالت : هذي بنتج ؟
سارة بفضول من اجابه نور وبعيون تتفحص رده فعلها قالت : لا بنت عبدالله .. يو امس وعيدوا معانا اليوم
نور وهي طاير قلبها على هالبنت : ماشالله عليها تينن
تكلمها وتمد لها ايدها : السلام عليكم
موضي الصغيرة تبتسم وتخبي راسها قرب سارة
نور بابتسامه : شنو اسمج ؟
موضي : نور
نور انصدمت وارتفعت عيونها لسارة عقب رجعت وقالت لموضي : انتي اسمج موضي ولا نور ؟
موضي : نور
سارة وهي تناظر نور وبشويش : ابوها يناديها نور
نور ارتبكت مااعرفت شتسوي .. بس بعدين قالت : انا بودي اليهال كلهم المركز العلمي .. خل .. موضي تيي معاهم بتستانس
سارة : والله ماادري اقول لعبدالله اول .. اخاف مايرضى تدرين موضي صغيرة
نور : على راحتج انا رايحه البس
ابتعدت نور وبفكر سرحان قالت : يله الكل يلبس بنروح الحين
اليهال اللي كانوا يلعبون بالحديقه بره وبصراخهم : هياااايله خاله نور بتطلعنا
بشاير : والله انتي مو صاحيه .. هذيلي بيطلعولج قروون
نور : ههههه حرام عليج .. والله محد يطلعلي قرون غيرج انتي ولا هذيلي مالهم حس
بشاير : يماااااا هذيلي مالهم حس .. قوليلي ينانوه
نور : اسمله عليهم لاتقولين جذي .. اذا فيج حرة تعالي معانا
بشاير : ههههه لا حبيبتي .. هشوم قايل بيطلعني بعد مايردون من الصلاه
نور : عشتوو .. طيعيني تعالي ترى هشوم ماله امان كل شوي كلمة
بشاير : لا لا روحي .ز لو اقعد بالبيت ماراح ايي مع هالمزعجين
نور : هههههههه زين اذا ماطلعتي لاتروحون مكان .. نطورني زين
بشاير : اوكي بس لاتتأخرين
نور : اوكي


في الطرف الثاني
سارة تكلم عبدالله : انتا وينك ؟
عبدالله : تونا جايين من الصلاه
سارة : طيب .. نور بتطلع كل اليهال .. شرايك اخلي موضي تروح معاهم
عبدالله : ميين !! .
سارة بشويش : ها قول يلله تراهم ينطرون بالسيارة
عبدالله : ايه خلها تروح ..
سارة بصدمه : غريبه .. انت ماتخلي موضي تطلع مع أي احد .. ليه امس ماخليتها تروح مع علي والعيال ؟
عبدالله اكتفى بابتسامه وعقب قال : هذي النور
سارة : طيب يله خلني البسها
عبدالله : طيب بيباي
سارة : باي

نور وحوالينها اليهال تكلم سارة : بتي موضي معانا ؟
سارة : ايه ابوها رضى .. يله روحي مضاوي
موضي للحينها ماسكه بسارة
نور تبتسم لها وبيدينها لعبه : همم موضي تعالي بنروح العاب هذي حقج بعد
موضي تطالع سارة : اروح عمتي !!
سارة : ايه روحي ماما
تركض موضي وتاخذ اللعبه وهي مستانسه واليهال حوالينها وشعور هالبنت الصغيرة ماينوصف .. اول مرة تشوف اطفال حوالينها يضحكون ويلعبون هي طول عمرها وحيده
نور الدنيا ماكانت شايلتها .. وعينها على هالبنت الصغيرة .. حبتها ماتدري ليش .. فيها من عبدالله كثير عيونها وصوتها وابتسامتها ..
وهي تشوفها بهالسعاده .. كانت تحس بالسعاده .. تعلقت فيها بشكل جنوني ..

زينه بنت فاطمه : خاله نور يصير نشوف السمج اللي هناك ؟
نور : اييه حبيبتي روحي .. خذي موضي معاج
موضي وهي تضحك : وشو هذا !!
نور وهي تكلمها : هذا اسمه سمج
موضي : ابغى اروح هناك خاله نور
نور وهي ميته على هالبنت .. فديت اللي تقول خاله نور .. ياول قلبي اول مرة ادري ان اسمي حلو : روحي ياقلبي

الكل كان مستانس من اليهال .. نور كانت تناظرهم بحب بس موضي كانت سعادتها خلا نور تتعلق فيها بشكل غير طبيعي .. حست ان هالبنت قلبت كيانها .. معقوله لانها من ريحه عبدالله ..!! لا مستحيل

اليوم الثالث من ايام العيد
في بيت سارة
سارة : طيب وين بتروح
عبدالله : مشوار سارة ضروري .. وبرجع ان شالله
سارة : طيب خذ سيارتي
عبدالله : لا ابغى اروح مع واحد صاحبي
سارة : اوكيه لاتتأخر
عبدالله : ان شالله

وطلع عبدالله مع صاحبه يعرفه يدرس بالكويت
بندر : اهو وين يشتغل ؟
عبدالله : في كي او سي .. اعتقد شركه البترول .. واللي عرتفه ان هالشركه تحافظ على سمعه الموظفين .. يعني لازم يكون الموظف حسن السيرة والسلوك .. وطبعا هالشي ماينطبق على فهد
بندر : طيب .. وفيه أي دليل عندك على انه سمعته مو شي
عبدالله : ايه .. لقيت عليه كم قضية سكر وبقدمها لللمسؤل
بندر : بس مو حرام تقطع رزقه !!
عبدالله : لاتخاف هذا ماراح ينقطع رزقه .. بس ابي اعلمه ان بنات الناس مب لعبه .. مهما يكون ذي بنت عمي وماارضى حد يهينها وبعيد ميصير ناس مثل فهد تمسك وزارات .. انسان سكير وخمير وش تبي يطلع منه !
بندر : اوكي .. اذا جذي اجل يستاهل كل الاوراق معاك ؟
عبدالله : ايه .. بس اتجهه الحين للشركه
بندر : طيب


يمكن هالمشوار حسس عبدالله بالراحه على انه انتقم لنور ولو بجزء بسيط . .بعد ما شاف المسؤول واطلع على القضايا اللي على فهد وكلها بتواريخ قريبه وطالع بكفاله وتعهد .. خبر عبدالله انه كان مرشح لرئاسه القسم واشكره وايد لان سمعه الشركه بتأثر بموظف مثل فهد .. وبنفس الوقت وقع على قرار رفعه من الشركه وتفنيشه

في بيت سارة
عبدالله : ها غداج زاهب ياامحمد !!
سارة : وش عندك الفرحه مب شايلتك .. مين شفت بهالمشوار ؟
عبدالله : الا قولي وش سويت بهالمشوار ؟
سارة : هههه وش سويت قول ؟
عبدالله : ههههههههه سر
سارة : يماا منك قول عاد ؟
عبدالله : الا موضي وينها ؟
سارة : تلعب مع العيال بالحديقه
عبدالله : ناديها دخيلج مشتاقلها
سارة : شوي ويدخلون .. خل اروح ازهب الغدا علي على وصول
عبدالله : طيب انا بغير ملابسي وانزل

شوي وعلي يوصل
وسارة تنادي العيال من الحديقه وتنادي عبدالله
عبدالله وهو نازل : كاني نزلت .. وشو مسويتلنا سارونه اليوم
علي : احم احم .. نحن هنا .. تونا يايين من الدوام وتعبانيين
عبدالله : هههههههه .. هلا علي السموحه ماشفتك والله
علي : يله لنا الله .. انت من تشوف اختك تنسانا
عبدالله وهو يشبل موضي : الا من اشوف هالبنت انسى دنيتي كلها
موضي تضحك وعبدالله يلاعبها
علي بقلبه .. الحمدلله اللي رزقك هالبنت تملي عليك حياتك .. والله ماتستاهل اللي يصيرلك ياعبدالله بس شنو نقول .. نصيب
موضي : بابا ابغى اروح عند خاله نور
عبدالله بصدمه وكأنه ماسمع : ايش حبيبي !!
موضي تعلي صوتها وعلى بالها ابوها ماسمع : ابغى اروح عند خاله نور
عبدالله وهو يناظر سارة ويرد لموضي وعيونه تحمل اشيا كثيرة ويقول بقلبه .. لاتلوموني يوم حبيتها .. حتى موضي حبتها : ان شالله بابا بنروح قريب
علي : هاا ابو موضي .. سمعنا انك ناوي تخطب بنت بوراشد الكبيرة
عبدالله : مسرع ماقالتلك
علي : هههههههههه ايه مفيش حاقه تتخبى ياحبيبي
عبدالله : ان شالله .. الله يكتب اللي فيه الخير .. انا كلمت ابوي وخبرته وهو استانس وقال بيكلم ابوها خلال هاليومين
علي : على خير ان شالله

تغدا الجميع .. وعبدالله باله بعييد .. يفكر بنور ياترى بتوافق ولا بترفضه .. ياترى بيجتمع هو معاها ولا للحينها زعلانه عليه ومب راضيه .. لا مستحيل تكون نست الحب اللي جمعني بها ثلاث اسنين ..
آآآآه يانور .. وش سويتي فيني .. سنين من العذاب والحرمان عشتها انطر يوم يحن علي القدر ويجمعني معك ولو في الاحلام .. واخير بيصير حقيقه .. خلي هالحلم يتحقق يانور .. وانسي اللي فات
شغل اغنيه اكثر من اول احبك حقت احلام .. وغفت عيونه جنب موضي الصغيرة


يتبع

البارت 23


في غرفة نور
نور : انا ماني موافقه
بشاير بصدمه : نعم !!
نور وبعيون مليانه الكثير : ......
بشاير : انت من صجج تحجين !! .. مو هالشي كنتي تنطرينه من زمان .. ثلاث سنين من العذاب يانور ماذقيتي فيهم طعم السعاده ويوم وصلت الين عندج تقولين ماني موافقه !! ليش ؟
نور بألم : مابيه
بشاير : نور كلميني بجد شوي
نور : انا ماامزح بهالامور يابشاير .. عبدالله هو سبب التعاسه اللي عشتها طول عمري .. هو سبب كل اللي صارلي
كثر ماكنت احبه .. كثر ماااكرهه الحين
بشاير : لا يانور .. عبدالله مب اهوا السبب هذا النصيب وانتي تدرين انه ابوه هو السبب وبعدين لو اهوا مايبيج جان ماتقدملج بعد هالسنين .. نور عبدالله يحبج مثل ماانتي للحين تحبينه .. كفايه ريحي روحج وريحيه معاج
نور وهي تصيح : مااحبه .. اكرهه مابيه بشاير مابيه
بشاير : جذابه .. انتي بس للحينج معصبه منه وزعلانه عليه ولا انتي للحين تحبينه
نور بكبرياء : لا
بشاير : شوفي انا ماني قايله لهشام انج مو موافقه .. بقوله انج بتفكرين ..
نور باصرار : ...... مراح افكر هذا قراري
بشاير : لاتتاخذين قرار تندمين عليه طول عمرج .. يانور ادري اللي صارلج مو شويه ويمكن لو وحده مكانج ماكانت راح تسامح عبدالله .. بس انتي بعد قدري ظروفه .. حسي فيه خلي كلشي يرد مثل ماكان
نور : ......
بشاير وهي تقرب من نور وتمسك جتوفها : نور .. عبدالله يحبج .. ريحيه !
نور غمضت عيونها وعقب قالت : مابيه
وطلعت من الغرفه وهي تصييح من الخاطر .. ماتدري ليش تبجي ولا تدري ليش ارفضت .. شي داخلها يحن له يقولها هذا حبج يانور .. عبدالله اللي ذقتي المر عشانه ترفضينه !!
بس تحس بالقهر بالغضب .. اكرهك ياعبدالله اكرهك واكره اليوم اللي قلبي حبك فيه .. انت سبب تعاستي كلها

ثلاث ايام وبشاير تحاول في نور بس ماكو فايده .. هالسنين اللي عاشتهم نور كانوا كفيلين بأنهم يخلونها تكره اسمه بس ماتدري ليش فيه شي باعماقها يبيه
بشاير : نور .. اخر كلام عندج ؟
نور : ايه
بشاير : خلص انا بروح ابلغ هشام واهوا يقول لعمي بوراشد .. بس هذا انا اقولها لج انتي اللي بتندمين

صوت من الصاله تحت : نور .. نور !!
بشاير : هذا مو هشام ؟
نور : بلى .. ليش يصارخ ؟
بشاير : ماادري قومي نور ..
ونزلوا تحت لوين ماكان هشام واقف
بشاير ونور بخوف : شفيك ..!!
هشام : ابوي بالمستشفى .. بشور روحي يبي فرح من المدرسه الحين تطلع .. ونور لبسي يله لان امي بروحها بالمستشفى
نور بخوف : ابووي !! شفيه ؟
هشام بضيقه وكلمات بالغصب تطلع : ابوي خسر بالاسهم مليونين دينار وو وتعب شوي ونقلوه المستشفى
نور بصياح : ياويل قلبي على ابوي .. دقايق البس عباتي وايي
هشام والدنيا صاكه فيه : انا انطرج بالسيارة

في المستشفى
نور وهشام وراشد وام راشد
هشام : ها راشد طمنا .. عسى مافي خطورة ؟
راشد بقلب متألم وحروف مغصوصه : .. أأابوي صارت له جلطه بالقلب وهالشي سببله شلل
نور قعدت تصيح وهي حاضنه امها اللي كانت شبهه منهارة
هشام : لا حول ولا قوة الا بالله .. يايما تعوذي من ابليس .. ماينفع البجي اهوا محتاج دعائكم . .راشد خذ امي وردها البيت
ام راشد ودموعها غرقتها : وين تبون تاخذوني .. ابي اشوف ابوراشد .. دخيلك هشام .. راشد .. دخيلكم خلوني اشوفه .. هذا الغالي .. هذا ابوي وامي ودنيتي كلها . .
راشد وقلبه متقطع على امه : يماا الزيارة ممنوعه الحين .. انتي روحي البيت وصليلج ركعتين وادعي ربج يفج هالكربه ويقومه بالسلامه .. الصياح ماينفع
ام راشد تصيح ..
راشد يلتفت لنور : نور الله يهداج انا خابرة قويه .ز نبيج تساعدين امي تقومين انتي تبجين !!
نور تبجي وعقب تقول : هذا ابوي ياراشد .. والله مااقدر .
راشد يقرب منها : نور دخيلج هدي امي .. اخذيها وردوا البيت وانا ببلغكم بكل شي ان شالله
نور وهي تمسح دموعها : ان شالله
خذا هشام نور وام راشد ووصلهم البيت عقب رجع المستشفى عند راشد
ام راشد كانت في حاله انهيار وبجي .. بوراشد كان يعني لها كلشي وبيوم وليله يطيح من طوله كانت لها صدمه اما نور فكانت تخفف على امها وهي اللي فيها يكفيها وزياده ..

المستشفى
راشد كان يكلم الدكتور وهشام جنبه
راشد : طيب معناه ان الشلل اللي صارله بالعضلات بس .. !!
الدكتور : نعم دكتور راشد .. ولا تخافون الموضوع يبيله خمس او ست اشهر بالعلاج الطبيعي والتدليك بيمشي
راشد : وفيه أي أثر على عضلات الظهر او العمود الفقري
الدكتور : من حسن الحظ ان الجلطه ماكانت قويه .. وهالشي سببله شلل موضعي في اعضاء الحركه
راشد : طيب وبالنسبه للعلاج متى الوقت اللازم عشان تبتدون فيه ؟
الدكتور : والله يادكتور راشد انت تدري ان العلاج الطبيعي يحتاج اختصاصيين جيدين واذا تبي نصيحه دكتور .. انا انصحك بدكتور الماني شاطر .. تقدر تكلمه
راشد : ومتى لازم نبدى العلاج ؟
الدكتور : بعد اسبوع ان شالله
راشد : خلص بهاالاسبوع خلنا ندق على الدكتور ونشوفه اذا موجود بالمانيا عشان احجز على اول طيارة
الدكتور : مثل ماتريد دكتور راشد .. والحين تقدر تروح لان الوالد تحت العنايه وبس يقوم بنعطيك خبر
راشد : ان شالله .. مااوصيك دكتور رائد ..
الدكتور : افاا عليك .. الوالد في ايدي امينه لاتحاتي

طلع راشد وكان شبهه مشتت .. ابوه في يوم وليله طاح من طوله .. ابوه اللي طول عمره بهيبته يشوفه الحين طريح الفراش لا يقدر يتحرك لا يتكلم .. والله دنيا !! الحمدلله على كل حال
في السيارة
هشام : راشد .. شنو قالك الدكتور ؟
راشد وهي يتنهد : مثل ماسمعت ؟
هشام : يعني ماكو فايده ؟
راشد : احمد ربك ياهشام .. صحيح اللي ابوي صارله مب شوي .. لكن الحمدلله انه الشلل اصاب العضلات والجلطه ماكانت قويه .. ولا ماكان فيه امل تشوف ابوي يوقف على ريوله
هشام :الحمدلله على كل حال .. تعتقد ابوي بيمشي مرة ثانيه !!
راشد : ان شالله .. بس نحتاج شويه صبر ووقت .. والباجي على رب العالمين
هشام : خلص يعني بنسافر المانيا ؟
راشد : انا اللي بسافر معاه .. انتا بتم هني البيت ميصير من غير ريال ..
هشام : وامي ؟
راشد : امي بحاول نقنعها انها ماتيي
هشام : وانتاصاج .. امي بروحها تعبانه وريولها ماتتحمل وبعدين انتا تدري شكثر فرح متعلقه فيها ماتقدر تهدها ولا تروح معاها وهي عندها مدارس
راشد : صح .. عشان جذي انا قلت امي تقعد .. بس ان شالله توافق
هشام : وبتروح بروحك ؟
راشد : ايه
هشام : طيب خذ معك نور ؟
راشد : نور عندها دوام .. وليش اخذها ؟
هشام : راشد انتا ماتقدر بروحك ..وابوي محتاج عنايه .. خلها تاخذ اجازة ولو من غير راتب
راشد : صح كلامك ..
هشام : والله مليونين مو شوي .. هذي صدمه كبيرة
يرن تلفون راشد ..

المتصل ابوخالد
راشد : هذا عمي .. اكيد درى بالسالفه
راشد : هلا عمي
ابوخالد : شسالفه ياراشد .. شفيه ابوك !! عسى ماشر ؟
راشد : ماشر ياعمي لاتخاف .. بس !
ابوخالد : شسالفه تكلم ياراشد .. تراك خوفتني
راشد مو عارف شلون يقول لعمه الموضوع مب بهالسهوله
ابوخالد : طيب هو باي مستشفى .. انا يايكم مع خالد الحين
راشد : لا لا ياعمي مافي داعي احنا تونا طالعين من المستشفى .. ومافيه الا العافيه
ابوخالد : يعني اهوا طلع من المستشفى ؟
راشد : هاا .. لا بيتم جم يوم عشان الفحوصات ..
ابوخالد : زين ومتى وقت الزيارة ؟
راشد : باجر ان شالله انا بمرك وبتشوفه ياعمي
بوخالد اللي كان متخوف على اخوه وحاس انه فيه شي : طيب ياراشد .. طمني شنو يصير ها !!
راشد : طيب ان شالله .. مع السلامه
بوخالد : فمان الله

هشام : ليش ماقلته رشود .. الحين بيحاتي حرام ؟
راشد : والله بغيت اقوله .. بس مااعرفت شلون هشوم .. الموضوع مو سهل والله
يرن تلفون هشام . .المتصل خالد
هشام : شفت هذا خالد دق اكيد حاسين انه في شي
هشام : الو .. هلا خالد
خالد : ها هشوم .. شسالفه شفيه عمي ؟
هشام : والله ماادري شقولك ..
خالد : قول عسى ماشر ؟
هشام بضيقه : جلطه ياخالد
خالد بصدمه : لا حول ولا قوة الا بالله .. شنهو السبب عاد ؟
هشام : خسرنا بصفقه الاسهم مليونين دينار وهالشي سببله جلطه في القلب بس ربك ستر
خالد : والحين وضعه شلون ؟
هشام : هالاسبوع يبين راح نحجز على اول طيارة لالمانيا وبيروح راشد معاه وان شالله خير
خالد : مايشوف شر عمي .. مايستاهل بس هذا شي مكتوب وربي يقومه بالسلامه
هشام بنبره تعور القلب : ان شالله يارب
خالد : لاتضيق خلقك هشوم .. ازمه وتعدي ان شالله .. كله اجر عند الله
هشام بضيق : هذا ابوي ياخالد .. تخيل ابوك تشوفه طايح لا يتحجى ولا يتحرك .. شنو يصير فيك ؟.
خالد : والله داري .. ترى مثل ماهو ابوك .. هو ابوي انا بعد .. بس مالازم نيأس من رحمه الله .. ادعوله وربي بيفرجها ان شالله
هشام : ان شالله .. خلود دخيلك انت قول لعمي مو عارفين شلون نقوله
خالد : خلص انا ببلغه لا تحاتون .. طمنونا اول بأول .. بعد الصلاه بييك الديوانيه
هشام : ناطرك .. يله مع السلامه
خالد : الله وياك

راشد يلتفت لهشام : هشوم .. ماني خابرتك ضعيف جذي !!
هشام : ماادري اول مرة احس اني احب ابوي
راشد يبتسم : هذا ابونا ياهشام .. شفيك !!
هشام بنبرة ضيق : ودي اسوي أي شي عشان يرد يمشي ..
راشد وهو يناظر الفراغ : الله يسمع منك

في بيت بوراشد
الوضع متأزم .. والكل قاعد على اعصابه .. راشد حاط التلفون يمه ينطر أي اتصال من الدكتور رائد اما ام راشد قعدت تصلي وتدعي ربها ونور وهشام وبشاير بالصاله وفرح اللي ماخبروها بشي قاعده تكتب واجبات المدرسه
فرح : نور تعالي شوفي هالمسأله .. والله ابلتنا ماشرحتها زين !!
نور وبالها وفكرها مو معاها : زين عطيني أي وحده ؟
فرح : السؤال الثاني ..مال المثلثات
نور تحاول تركز بس موقادرة : يي يافرح ماادري .. خلص خليها اشرحها لج بعدين
فرح : انتو شفيكم !! بسم الله مو عادتكم ساكتين
هشام : فروحه سكتي واللي عافيج
فرح بزعل : زين لا تزف
شالت كتبها وراحت غرفتها تكمل باجي شغلها
تلفون راشد يرن
راشد : هلا دكتور وائل
الدكتور : بغيت اخبرك اني دقيت على مستشفى ميونخ وسألت عن الدكتور هايزن وخبروني انه الحين في مستشفى السعودي واخذت منهم رقمه ...
راشد : طيب
الدكتور : انا كلمته وخبرته عن حاله الوالد وقالي انه بيكون في السعوديه لمده سنه عنده دورة هناك .. وتقدرون تدزون الوالد الحين واهوا بشرف على الحاله بنفسه
راشد : طيب عطني اسم المستشفى
وعطاه الدكتور اسم المستشفى
راشد : والله ماادري شلون اشكرك تعبتك معاي دكتور رائد
الدكتور : هذا واجبنا .. واذا مو عشان الصداقه ترى هالشي واجب مهني ولا نسيت
راشد : تسلم . . وانت سويت الواجب واكثر والله .. نقدر نزوره الحين ؟
الدكتور : انا افضل تيون باجر لانه الحين اهوا تعبان حيل
راشد باسف : خلص مثل ماتشوف
الدكتور : طيب دكتور ..لاتحاتون الله كريم ان شالله
راشد : ان شالله .. شاكرلك مرة ثانيه .. مع السلامه
سكر راشد من هشام وخبره باللي قاله الدكتور
هشام : زين ليش ماتسأل عبدالله اهوا للحين بالكويت .. اعتقد باجر بيسافر !
راشد : أي والله .. ماادري وين هالمستشفى .. !!
هشام : لحظة ادق عليه
ويدق هشام على عبدالله

عبدالله .. هذا هشام يارب داق عشان موافقه نور : هلا وغلا
هشام : هلا حبيبي شلونك !
عبدالله : بخير .. عسى ماشر وش فيه صوتك !!
هشام : والله .. ابوي تعب علينا ووديناه المستشفى
عبدالله : لا تقول .. مايشوف شر ان شالله .. لا حول ولا قوة الا بالله .. والحين هو كيفه !!
هشام : ماادري شقولك .. الله كريم هذا راشد يبي يكلمك .. بيسألك عن مستشفى عندكم بالسعوديه قايلين فيه دكتور شاطر
عبدالله : طيب
ويكلمه راشد
راشد : يعني تعرف المستشفى ؟
عبدالله : ايه اهو في المنطقه الشرقيه .. عندنا وصحيح هالمستشفى تخصصي والدكاترة اللي فيه جيدين
راشد : زين عيل طمنتني
عبدالله : طيب ومتى بتسافرون ؟
راشد : الدكتور قالنا يبتدي العلاج بعد اسبوع يعني اذا نروح بعد ثلاث ايام جذي زين
عبدالله : اجل خلص .. لاتحاتي شي ياراشد
راشد : لا افاا عليك .. خيرك سابج
عبدالله : لا تقولي ولا اقولك .. شوف التذاكر اليوم تكون عندك والسكن بيتكم الثاني موجود بالدمام طيب !!
راشد : من صجك عبدالله ..!! لا جذي وايد حنا اخوان واهل صحيح بس هذا وايد
عبدالله : لا واجد ولا شي .. لاتخليني ازعل منك ..
راشد : لا عبدالله متقصر حبيبي بس لان اختي بتكون معانا فنحتاج سكن ولا فندق
عبدالله من سمع هالخبر اعتفس : ها .. طيب خلص على راحتك والله حبينا تنورن البيت بجيتكم
راشد : تسلم حبيبي هذا من اصلك الطيب .. حنا بس نبيك تدلينا المستشفى
عبدالله : خلص انا مسافر بعد كم يوم .. اخلي حجزي معاكم واوصلكم الين المستشفى ان شالله
راشد : والله ماادري شقولك عبدالله .. خجلتني
عبدالله : ازعل منك راشد . حنا اهل لا تقول كذا
راشد: هذا العشم فيك .. انا اخبرك بحجزنا اليوم ان شالله
عبدالله: على خير حبيبي .. ومايشوف شر بوراشد
راشد : الشر ماييك ان شالله .. فمان الله
عبدالله : فمان الله

سكر عبدالله من راشد وهو مب عارف وش بيسوي .. تضايق عشان بوراشد وتضايق بعد لانه ماعرف للحين راي نور .. كلشي بيتوقف الين مابوراشد يقوم بالسلامه
بس معليه بكون انا معاك يانور .. بمكان واحد .. يالله هالشي يكفيني وبيصبرني ..

بعد يومين
بيت بوراشد
راشد : يما انتي ماتقدرين تيين معانا .. شوفي شلون تتعبين كل يومين وبعدين نسيتي فرح !! منو بتم عنده
ام راشد وهي معصبه : مستحيل .. تبيني اخلي بوراشد بهالحاله واتم انا بالكويت !! شنو تقول ياراشد
راشد : يما .. فهميني انتي ماتقدرين .. وصدقيني بس تتحسن حاله ابوي راح نكمل علاجه بالكويت
ام راشد وهي تصيح : حرام عليكم .. هذا بوراشد .. شلون تبوني اخليه وهو محتاجلي
راشد بشويش : يماا . واحنا وين رحنا انا ونور بنكون معاه
ام راشد سكتت .. كلام راشد كله صح اهي ريولها ماتساعدها على التعب والسفر وفرح ماتقدر تخليها !!
ام راشد : زين بس اول يومين تدزولي اييكم
راشد يوافقها عشان تقتنع : ان شالله

موعد السفر
في الطيارة
راشد ونور ابو راشد طبعها مع ستاف طبي
عبدالله وموضي الصغيرة في درجه رجال الاعمال
راشد : هلا عبدالله شلونك .. ها متى وصلتو ؟
عبدالله : تونا دخلنا .. تأخرنا تدري سارة تبي تدز اغراض لابوي وفراس يوو ابلشتنا
راشد يبتسم : يحليلها ..
عبدالله : خبرني شلون الوالد .. اخباره ؟
راشد : الحمدلله احسن .. الحين يعرفنا انا ونور ويتحجى بس بشويش يبيله فتره
عبدالله وعيونه تدور نور .. لقى بنت قاعده جنب سرير ابوراشد لابسه عباه وشيله .. ووجه كان واحشه ثلاث سنين بحالها .. ياه يانور .. ماتغير فيك شي .. الا حلويتي زياده .. نفس الوجه الطفولي الجذاب اللي احبه موت .. نفس العيون اللي عذبتني طول هالسنين .. بس من غير ابتسامه .. ياليت اقدر انزع هاله الحزن عن هالوجه القمر يانور القمر
راشد : ها وين قاعد انت ؟
عبدالله : حنا بالاين اللي قدامكم ..
وحط عيونه بعيون نور اللي كانت تخبي اشيا جهلها وماعرف أي تفسير لها .. ومسرع ماشاحت بعيونها عنه ولهت باي شي حوالينها
موضي وهي جنب ابوها : بابا ابغى اروح عند خاله نور !!
راشد بابتسامه : يحليلها لاتقولي هذي بنتك ؟
عبدالله : ههه ايه
راشد : هههه تعرف نور !!
عبدالله بقلبه .. وتحبها زي مايحبها ابوها واكثر : ايه خذتهم مرة المركز العلمي وابلشتني من ذاك اليوم
راشد بشويش : ترى موضوعك تأجل .. تدري اللي صار لابوي .. يعني الوضع مايسمح حاليا
عبدالله : لا تقول كذا ياراشد.. الله يقوم الوالد بالسلامه .. وان شالله مايصير الا اللي يبيه ربك
راشد بقلبه .. والله انك خوش ريال ياعبدالله : ان شالله
موضي وهي تهز دشداشه عبدالله : بابا .. معليه اروح !!
عبدالله يحط عينه بعين نور مرة ثانيه : مدري والله .. خلي خاله نور ابوها تعبان
موضي باصرار وهي مب فاهمه : بابا !!
راشد : خلها تروح .. تعالي حبيبي
وتركض موضي لنور اللي من شافتها وهي تبوس فيها وتلاعبها وتمت طول الوقت معاها
عبدالله يشوف هالثنتين ويقول بقلبه .. لو ادري ان موضي بتخليني اشوف هالابتسامه اللي وحشتني .. كان من زمان جبتها لك ... متى بس اشوف هالابتسامه عندي بالبيت .. ولي انا !!
دخيلك يانور لاتخيبين ظني .. انتي السعاده اللي ابيها .. دخليلك خليني اعيش بسعاده ولو لحظات من عمري

قعد على الكرسي وسند راسه وهو تعبان منهد حيله .. يحس بنغزه بصدره وتوجعه بقوه
تذكر نور .. تذكر وجهها وضحكتها .. تذكر ان موضي بعد شوي بتجي وبتحمل شي من عطرها وبقاياه بيدينها
وتمت صورتها في باله مافارقته ولا دقيقه

وترحل تحسبني لارحلت اقدر على النسيان !
وانا اللي لاطرا طاري رحيلك ضعت بشتاتي

دخيلك ،،بسألك لارحت منهو فيننا الخسران
أنا والاّ انت ؟،،جاوب قبل ماتكتب بي آهاتي

أنا اللي من عرفتك والسما قوس ، وغلاك الوان
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان
وحزن عمري يموت بضحكتك ياكل بسماتي

تعرف انك غلاي وراحتي ، وان التعب لابان
يموت ان جيتلك ياللي هواك اجمل حكاياتي

وتعرف اني على بساط انتظاري أجمع الأحزان
واكبّلها اذا وصلك اخذني من متاهاتي

انا من قبل اعرفك مالقيت لهالعمر عنوان
سوى : حزن وأمل ضايع ،ويأسي هو مداراتي

أنا من قبل اعرفك كنت اقول ان الغلا حقران
واقول ان الهوى كذبه ،،قناعاتي كما الآتي :

قليل اللي صدق ،،واللي يخون بهالزمن كسبان
كثير اللي يمرون ،،وقِناعاتي قناعاتي

وجيت انت وعرفت اني بحكمي كنت انا الغلطان
وصرت انت القناعات ،،وحنيني إتجاهاتي

دخيلك ،،مابقى فيني شعور ٍ يحتمل خذلان
دخيلك لاتخليني أسير ليأس راياتي

أنا مدري عن اللي لي تشيل بداخل الوجدان
شعور بحب ،أو رغبة تشمّت بانكساراتي

وكل اللي ابي تعرف: انا مااقدر على النسيان
لأني جيت لك كلي ،،وصعب آعيش بشتاتي



يتبع

البارت 24


في المستشفى
عبدالله وراشد يكلمون الدكتور بره
نور عند بوراشد في غرفه المستشفى
الدكتور : don’t worry doctor rashed
راشد : thanks doctor

عبدالله : ها بشر شقالك !!
راشد : يقول ان الجلطة اللي سببتله الشلل ماكانت قويه وراح يبدى بالعلاج الطبيعي باجر ..
عبدالله : وبيطول العلاج الين مايمشي !!
راشد : اهوا قال ثلاث اشهر بالكثير .. اذا ابوي ساعدنا وتقبل العلاج
عبدالله : ان شالله كلها كم شهر ويرجع لنا بوراشد زي اول واحسن لاتحاتي
راشد : الله يسمع منك ان شالله
عبدالله : طيب انتو للحين مااكلتوا شي .. ترى ابوي موصيني عشاكم الليله عندنا
راشد : حبيبي ماتقصر .. بس تدري ابوي مانقدر نهده .. شوي واييب لنا عشا من بره .. خبرك انا انام عند ابوي ونور بوديها الفندق وعقب اتعشى ..
عبدالله : لا كذا وربي ازعل منك .. حياك انت والاهل .. تعشوا عندنا وعقب افراج
راشد : ههههههه والله
عبدالله : راشد ترى البيت بيتك وماله داعي اعزمك ولا احرص عليك
راشد انحرج وحس انه لازم يقبل بالعزيمه . عبدالله ماقصر معاهم وميصير يرده جذي : خلص اكلم الاهل واعطيك خبر
في غرفة بوراشد
نور كانت تناظر ويه ابوها اللي منسدح على فراش ابيض .. وتقول بقلبها
يبا . .ياليت تقدر تكلمني .. ابي اقولك اشيا كثيرة يبا .. ابي انام بحضنك الحنون واصييح
ابي ارجع نور الصغيرة اللي همها بس العابها .. ماتدل درب الحب ولا عذابه
آآآه يايبا .. ليه الاحزان تجي مرة وحده !!
ويدخل راشد
راشد : نور احاجيج .. عبدالله عازمنه على العشا عندهم .. ماادري استحيت اقوله لا . . وقلتله اكلم الاهل واقولك
نور : روح انتا انا بتم عند ابوي
راشد : احنا بنرد المستشفى مرة ثانيه .. فشله نور ابوعبدالله جم مرة عزمنه واحنا نتعذر . . ميصير اخاف يزعلون
نور : طيب انتا روح .. انا ليش اروح !!
راشد باستغراب : وليش ماتبين تروحين !
نور : بتم عند ابوي راشد . خلص انتا روح
راشد : فشله ترى ..
نور حست انها فشله شنو بيقولون عنها بس بعد ماتبي تشوفه .. مب غصب
راشد : شوفي اذا درى ابوي انج مارحتي راح يزعل نوروه .. عيب ترى
نور باستسلام : طيب

في بيت عبدالله بالدمام
المجلس
فراس : حياك الله ياراشد .. تفضل البيت بيتك
راشد : الله يسلمك .. يلتفت لابوعبدالله اللي كان قاعد مايقدر يقوم
راشد : شلونك عمي .. شخبارك ان شالله بخير
بوعبدالله : هلا ياولدي .. كذا صارلكم يومين من جيتوا ولا تمرون ولا تسألون !
راشد : والله تدري عمي .. ابوي والمستشفى وحوسه الدكاتره ..
بوعبدالله : طيب وهو الحين كيفه .. طمنا عن صحته ياولدي .. ترى ابوك غالي علينا مرة
راشد : احسن .. الحين يتكلم بس بشويش ..
بوعبدالله : اجل بكره من الصبح نجي انا وعبدالله نزوره ان شالله
راشد : ماله داعي عمي .. كفايه سؤالكم
بوعبدالله : وشو ماله داعي .. هذا بوراشد .. حنا مثل الاخوان.. هذا واجب ياولدي
راشد : طول عمرك راعي واجب عمي .. ماتقصر

في الطرف الثاني
اميرة زوجه فراس : وهو شلونه الحين ؟
نور : بخير الحمدلله .. الدكتور طمنا عن حاله ويقول بتحسن
اميرة : ان شالله .. حياكي الله وشلون شفتي الدمام .. عسى حبيتيها ؟
نور بابتسامه : والله مارحت مكان .. من المستشفى الين الفندق ومن الفندق الين المستشفى
اميرة بغرور : الا بتعجبك .. احلى من الكويت مليون مرة
نور انصدمت .. بس عقب قالت : اكيد كل مكان له جمال وحلاة وماشالله الدمام حلوة زي ماالكويت حلوة بعد
اميرة بقلبها .. يي فرق بينها وبين سارة .. تعرف وشلون تتحجى وتذكرت مرة قالت لسارة ان الكويت مب حلوة حر هبت بويهها وصرخت عليها
نور تبتسم : ماعندج غير صبا ؟
اميرة : ايه .. كفايه صبا صغيرة الحين
نور : لا حرام عليج يبيلها اخت ولا اخو بتونس معاهم
اميرة : اهي وموضي خوات .. كفايه
نور اللي اشتاقت لموضي : وينها صحيح !!
اميرة : يلعبون فوق ..
وتلتفت الين الدري : كاهم انزلوا
موضي من بعيد : خاله نور !!
نور زادت ابتسامتها اكثر : هلا وغلا
موضي تقرب من نور وتوبسها وعقب تقعد جنبها : وين لعبتي !!
نور : هههههه نسسيتها ! لج حق تزعلين
اميرة تبتسم : تدرين ان موضي ماتحب الغرب .. نادرا ماتجي عن حد من الحريم كذا
نور ماحبت كلام اميرة .. هي ماتحس انها غريبه على موضي .. تحس انها قطعه منها .. موضي جزء من عبدالله واي شي يكون من عبدالله نور لاشعوريا تتعلق فيه ..
نور : بس احنا اصدقاء من زمان .. صحيح مضاوي ؟
موضي وهي تضحك : اييه
اميرة استغربت تعلق موضي بنور .. صحيح هالبنت تنحب .. بس اللي يشوف نور شلون متعلقه فيها يقول انها تعرفها من زمان
اميرة : وهذي بنتي صبا
نور تشوف صبا اللي كانت ماتبتسم زي موضي ومتخبيه ورى امها : اهليين صبا .. السلام عليكم
صبا : ...
اميرة : روحي سلمي على خاله نور ماما
وتسلم صبا وعقب تقعد جنب امها
موضي : خاله نور .. ابغى اوريكي شي
وتركض الين المجلس وتدخل
عبدالله : هلا حبيبي
موضي وهي تحط يدينها بمخابي عبدالله
عبدالله : ههه شبغيتي
موضي بحروف البنت الصغيرة : ابغى ... مسباح
عبدالله اللي يعرف شكثر موضي تحب تلعب بمسباحه الذهبي : وش تبغين فيه !!
موضي : اعطيه خاله نور
عبدالله اختبص من سمع اسمها .. وهو يشوف راشد يشوفه
عبدالله : بعدين بابا .. روحي الحين
موضي باصرار : بابااا !!
ودخلت يدها في مخباه وخذت المسباح واركضت بسرعه
عبدالله كان من غير شعور .. وعقبها ضحك .. مايدري ليش بس هالبنت أي شي تسويه ولو كان غلط يخليه يضحك من الخاطر
راشد : ههههههه بنتك ماشالله عليها دمها عسل
عبدالله : ايه طالعه على ابوها ههه
والكل يضحك : ههههههههههههه

بعد العشا
راشد يكلم نور : يله انا بره
نور : طيب الحين اطلع
اميرة اللي حبت نور .. : والله تو الناس هذا احنا قاعدين
نور : لاا وين تأخر الوقت .. سهرناكم معانا
اميرة : لا سهرتونا ولا شي .. وبعدين لكم جيه ثانيه مب كذا تمشون بسرعه
نور : بعد قلبي .. ماقصرتوا
اميرة : انا اكلمك ان شالله وتجين انا وانتي نروح السوق تغيرين جو بدل جو هالمستشفيات
نور : ان شالله .. يله مع السلامه
اميرة : الله وياكي يالغلا

وطلعت نور هي وراشد اللي خذله سيارة تأجير من اول ماوصلو المطار
راشد : يحليلهم والله ناس طيبين
نور : ايه
راشد وهو يضحك : والله بو عبدالله طلع دمه خفيف طول القعده ضحك وسوالف
نور : ..
راشد : وانتي شسويتي ؟
نور : والله اميرة خوش مرة .. بس يعني لازم الواحد يعرف شلون يتحجى معاها
راشد : ههه ليش ؟
نور : مسكينه من عذرها سارة دايم تتشكى منها .. بس بيني وبينك البنت زينه بس نعرف شلون نتصرف معاها
راشد : كل انسان فيه بذره زينه وبذرة شينه .. والشاطر فينا اللي يقدر يبرز الزين في الشخص اللي يدامه
نور : صحيح .. كلامك
راشد : اما موضي بنت عبدالله هذي .. فلم فلم ثاااني ههههههه
نور تفاعلت مع موضوع موضي : ايييييه .. تينن
راشد : ههههه ايه ابله نور .. .
نور : هههههه
راشد : يله نزلي .. معاج مفتاح الغرفه صح ؟
نور : عند الرسبشن .. يله انت بترروح المستشفى ؟
راشد : ايه
نور : طيب .. باجر تعالي مبجر
راشد : طيب .. يله تصبحين على خير
نور : وانت من اهله

نزلت نور من السيارة ودخلت الفندق وراحت غرفتها
وهي تحس انه في شي بداخلها مرتاح .. لكن لا.. ماتبي هالراحه تستمر
لان سببها عبدالله .. ومستحيل ترضى ان الراحه هذي تتغلب عليها او حتى تخليها تفكر انها يمكن تعيش معه او تتقبله مرة ثانيه
مستحيل ياعبدالله .. انت الحين ولا شي بالنسبه لي .. كلشي انتهى بيني وبينك ولايمكن شي يرجع زي اول
تذكرت ايام فهد والعذاب اللي شافته معاه .. تذكرت السجن اللي كانت محبوسه فيه .. تذكرت كلام سارة
تذكرت قلبها المكسور اللي من عقبه مادل طريج الحب .. تذكرت كل الحزن اللي عاشتهم هالسنين
وعقب قالت .. انت سبب كلشي
غيرت ملابسها وعقب افتحت التلفزيون شوي .. وطلعت اغنيه .. عبد المجيد عبدالله .. والله ماكان الفراق اختياري
وانتبهت لشي بشنطتها .. يي هذا مسباح عبدالله .. الله يهديج ياموضي .. قلتلها رديه بس الظاهر حطته بجنطتي
خذت المسباح وتلاعبت فيه حن قلبها له .. قربته من خدها وقعدت بمكانها تبجي على اطلال الماضي وذكريات مب قادرة تنساها .. حست بالاستسلام .. بالضعف يدام أي شي ولو كان بسيط بس انه من ريحه عبدالله
والله ماكان الفراق اختياري
ولا عمري اخترت الفراق ولقيته
وانا اعشقك عشق المطر للصحاري
مهما قسى وقتك علي مانسيته
اليوم الثاني
نور كانت بالمستشفى جنب ابوها
وراشد عند الدكتور يسأله عن بعض الامور الطبيه

نور : همم يبا يلله .. اخر لقمه والله والله
ابوراشد : بس نور .. شبعت الحمدلله
نور: زين خلص مالي شغل الحين اذا يه راشد بقوله انك مااكلت
ابوراشد وهو يشوف نور : انتوا مالكم ذنب تتعبون روحكم عشاني ..
نور : لاتقول جذي يبا .. اذا احنا مانسويلك ولا نتعب عشانك .. انسوي ليمن عيل ؟؟
ابوراشد: لو كان هالابوا يستحق التضحيه
نور وعيونها تبرق انكسار : انتا اكثر ابو يستحق انه نضحيله ..
بوراشد : ...
نور : بابا .. احنا من غيرك مانسوى شي .. دخيلك هالحجي لاعاد اسمعه مرة ثانيه
بوراشد يبتسم : وين راشد ؟
راشد : مم عند الدكتور ..

بره الغرفه
عبدالله : تفضل يبا .. اكيد هو الحين ماعنده حد ..
ابوعبدالله : يله وانا ابوك ..
دخلوا الاثنين ..
ونور كانت داخل ..
بوراشد ماانتبه بسبب ضعف النظر .. اما عبدالله فتسمر مكانه وحس بالاحراج
نور وقفت على حيلها .. وطاحت عيونها بعيون عبدالله
تموا هالاثنين ثواني على هالحال .. وكل منهم في داخله اشيا كثيرة مب عارف لها تفسير
طلعت نور من الغرفه والدموع على وشك انها تنزل ..
عبدالله طلع وراها
عبدالله بتردد وبصوت واطي : .. نور
نور غمضت عيونها تحاول تزيح شعورها بالراحه بس تسمع اسمها ينطقه لسانه
ومن غير لاتلتفت : ..
عبدالله ماعرف شيقول ولا عرف ليش ناداها ولا ليش لحقها .. ماقدر يتحمل اكثر . . حس انه حروفه ماتطاوعه والكلام اختفى ..
عبدالله : ادخلي .. انا بتم بره انطر راشد
نور بقهر .. مين حاسب نفسك تقولي ادخل ولا اطلع ومن غير لاتلتفت له ادخلت الغرفه مرة ثانيه لانها حست انه لازم تدخل وقفتها بره مو عدله
عبدالله سند راسه للجدار وفي باله اميه فكرة وفكرة .. يالله يانور .. حتى المكان اللي انا فيه ماتبينه .. شكلي عرفت ردج قبل لايوصلني ..



مر شهرين وحال بوراشد في تحسن مستمر .. كان يمشي لكن بمساعده العكازات وطبعا جلسات العلاج الطبيعي الثلاثه باليوم كان لها مفعولها .. بوراشد استجاب للعلاج ولكنه تعالج بعد من شي ثاني .. في شي حسه هالشهرين اللي طاح فيهم عمره وحياته ماشعر فيه ..
راشد .. راشد مو ولده الكبير وذراعه اليمين وبس .. راشد ابو .. ابو لنور وفرح وهشام
كان يشوف لهفة عياله بس يحاجون راشد غير عن لهفتهم له .. كان يشوف شلون راشد يسهر الليل بالنهار ايام ماكانت حالته سيئه .. وهو شنو سواله .. !! شنو عطاه !! .. لو واحد مكان راشد مب ملزوم يتم معاي هالشهور وانا عاجز .. عاجز عن الابوه وعاجز عن المشي والحركه

في المستشفى
نور تدخل وابوها منسدح على فراشه : السلام عليكم .. ازايك يابا !!
بوراشد : هههه الحمدلله بخير .. وانتي شلونج ؟
نور : كلوو تمام .. ههه امس انا وراشد شفنا فلم مصري حلو يبا يضحك
بوراشد : الله يخليلكم راشد ان شالله
نور : ويخليك لنا بعد ..
بوراشد : انا خلص مابقى من عمري شي .. كلها جم سنه بنعيشها .. وراشد فيه البركه
نور : كلام يديد هذا !! .. بابا انتا بترد تمشي زي اول واحسن وراشد اخونا صحيح .. لكن انت ابونا اللي مانعوضك بشي
بوراشد : نور .. عشان خاطر ابوج .. وافقي على عبدالله
نور انصدمت ... ليش ابوي يقول جذي .. شياب طاري هالموضوع اللحين : يبا انت عارف رايي بهالموضوع
بوراشد : يابنيتي .. تركي لج كل هالسنين من غير سبب .. مابيه يتكرر .. واتركج بعد لكن بسبب اقوى مني ومنج
نور : ليش تقول هالكلام .. الله يعطيك طولة العمر
بوراشد : نور .. عبدالله خوش ريال واهله بعد زينين ومنه وفينه ... لاتزعليني عليج .. وافقي عشان ابوج
نور بتصيح .. وتقول بقلبها مابيه .. دخيلك يايبا لاتغصبوني : يبا انا !!
بوراشد : ابي اطمن عليج .. قبل ربج لاياخذ امانته .. ابي اطمن عليكم يانور
نور وهي تصيح : دخيلك يايبا لاتقول هالكلام .. خلص اللي تبيه يصير
بوراشد وهو يحضن بنته : الله يرضى عليج يابنيتي . . واشوفج مرتاحه بحياتج

البارت 25


بيت بوعبدالله
الدمام

بوعبدالله : اجل ماعطوك خبر للحين ؟
عبدالله : يبا .. تعرف الظروف اللي يمرون فيها .. مدري . .احس مب وقته
بوعبدالله : الحمدلله الحين بوراشد حالته احسن من اول .. افتح الموضوع مع راشد
عبدالله اللي خايف من الاجابه .. وحاس ان نور مب موافقه .. عشان جذي يحاول يطول الموضوع ومايسأل راشد : ان شالله
بوعبدالله : طيب اليوم بعد صلاة العصر خذني ابي ازور بوراشد وعقب نمر انا وانتا بوضاحي من زمان ماشفته
عبدالله : خلص يبا اللي تشوفه
وهو في قلبه مستانس انه بيشوف نور .. صارله اسبوع ماشافها ولو من بعييد .. حتى موضي دايم تسأل عنها


في المستشفى
راشد يكلم الدكتور اللي طمنه عن حالة بوراشد وقاله انهم يقدرون يستكملون العلاج بالكويت .. ووصاه على اختصاصي هناك بيفيده وايد

راشد : خلص يبا الدكتور يقول كلها اسبوع وترد الكويت ..
بوراشد براحه : الله يطمن قلبك ياوليدي .. والله ريحيتني
راشد : هههه ها بوراشد مليت منا ؟
بوراشد : الا مليت من قعده المستشفيات .. ولهت على البيت
راشد : بس البيت !!
بوراشد: وعلى ام راشد والعيال وبوخالد .. على ربعي والدوام
راشد بابتسامه : اقولك شي .. الصراحه انا حاسدك ههه
ماشالله تدري يايبا من اول مايينا وهالشهرين اللي تميت فيهم بالمستشفى .. تلفوني ماسكت .. الكل يدق علي يسأل عنك .. والله عندك معارف وايد ومسؤلين كبار تفاجأت باتصالاتهم وكلهم يبوني ابلغهم متى بترد الكويت
بوراشد : هههه الله يهديك ياراشد .. اذا انت تحسدني على هالشي .. فانا احسدك على اشيا كثيرة ..ياليت اخوانك يحبوني زي مايحبونك
راشد حس انه ابوه فاقد شي .. ويمكن حب هالعالم كله له مايعوضه عن حب عياله له : يبا .. يوم طحت بالمستشفى بالكويت ..تدري هشام شنو قالي ..!!
قال اول مرة احس اني احب ابوي حييل .. ودي اسوي أي شي عشان يرد مثل اول اوحسن
بوراشد ماتتصورون شعوره بهالكلمه .. كانت سعاده وفرح ماينوصفون
بوراشد : هو قال جذي !!
راشد يبتسم : يبا .. لاتتصور انك مب غالي علينا
بوراشد سكت شوي عقب قال : راشد .. انا ادري اني مب القدوة اللي لازم تقتدي فيها .. واعرف بعد اني مااصلح اكون ابو .. بس انا ابيكم تصيرون احسن مني .. وخصوصا انت ياراشد
راشد : ليش تقول هالكلام يايبا .. انت قدوتنا وسندنا وعزوتنا بعد
بوراشد : عمرك شفتنا نقول عن مدمن المخدرات انه قدوة لعياله
راشد باستغراب : لا
بوراشد : شلون تبينا نقول عن ريال فاتح له شقه لل
ماقدر بوراشد يكمل هالكلمه .. حس انه مغصوص فيها .. شنو بيقول لولده .. بشنو بيواجهه فيه .. مايدري اصلا ليش فتح هالموضوع .. بس كل اللي حسه انه راشد اقرب له من روحه ووده يقوله كل شي
راشد : لاتكمل يبا .. انا عارف هالموضوع من زمان
بوراشد انصدم : تدري !!
راشد : تذكر يوم خطبتلي سلوى بنت خاله خالد ولد عمي .. تذكر وقتها كنت صغير .. يومها انتا طردتني من البيت لاني رفضت اتزوجها وكنت ماادري وين اروح .. احوس بالشوارع .. شفت سيارتك واقفه عند وحده من العمارات
ماادري شللي خلاني اتم بالسيارة الين انتا ماطلعت ووو .. كانت معاك وحده .. و
بوراشد : خلص ياراشد لاتكمل ..
راشد حس انه كسر بأبوه : يبا .. مااقصد اضايقك بس .. انا اسف
بوراشد : والله ياراشد اني من عقب اللي صار لاختك بطلت كل شي .. حسيت اني مسؤل عن كل اللي مرت فيه نور
راشد سكت .. كلام ابوه صح ..
بوراشد وهو يناظر ولده بخيبه : اكييد من داخلك تلوم حظك اللي عطاك ابو مثلي
راشد : يبا .. الحين بس افتخر ان عندي ابو مثلك
بوراشد يبتسم ويحظن ولده بقوة .. يحظنه وكأنه كان فاقد شعور الابوه من زماان
راشد وهو يضحك : اول مرة نتفق على شي ههههه
بوراشد : هههه وبيدوم هالاتفاق ..
راشد يبتعد عن ابوه شوي : زين انا بروح اييب نور لانها ذبحتني تلفونات
بوراشد: على طاري نور .. ترى هي موافقه على عبدالله
راشد باستغراب : شلون ؟
بوراشد : انا اقنعتها .. عبدالله خوش ريال والنعم فيه وانا ابي اطمن عليها وقعدتها من غير زواج جذي مقلقتني
راشد : كلامك عدل يبا .. اهم شي تكون اهي مقتنعه .. وبيني بينك انا كنت متحمس لهالزواج اكثر منك .. عبدالله ريال زين وبنضمن بنتنا بتكون مرتاحه عنده
بوراشد : زين يله روح ييب نور خل اشوفها وعقب خذها وودها السوق مسكينه من اول مايات ماطلعت الا مرتين ولا ثلاث
راشد مرتاح من الخاطر من التغير اللي صار لابوه .. تذكر كلام هشام يوم قاله يمكن يجي يوم ابوي يتغير فيه .. وقتها ماصدقه واعتبره خيال ..
راشد : صار يبا .. خالتي ليلى دقت علي وقالتلي اييب نور عندها واهم بيطلعون يميع
ويرن تلفون راشد ..
المتصل نور
نور : انتا وينك ؟
راشد : اووو زين والله ياي اخذج
نور : يله ترى مليت مابقى فلم بالتلفزيون ماشفته .. حتى التنظيف خليتهم يرتبون الشقه ثلاث مرات
راشد : هههههههه زين يالمطفوقه .. كاني ياي
نور : هههه يله
راشد وهو عنده خط ثاني : نوروه يله باي عندي خط
نور : اوكي بيباي
راشد يرد على الخط الثاني . . المتصل كان عبدالله
راشد : هلا والله عبدالله
عبدالله : هلا راشد .. كيفك .. وش اخبار عمي وو الاهل !!
راشد : بخير عساك بخير وانت شلونك .؟ ومضاوي شخبارها ولهنا عليها يامعود ؟
عبدالله : ههههه .. كلنا بخير يالغالي .. شبغيت اقوللك .. انا جايب ابوي اليوم بعد صلاه العصر المستشفى
راشد : حياكم الله حبيبي .. أي وقت تيون فيه
عبدالله اللي يبي يعرف اذا نور بتكون موجوده ولا لا : اخاف نزعج الاهل
راشد فهم عبدالله شنو يبي : مافيها ازعاج حبيبي .. انا باخذ نور بوديها عند خالتي ليلى وبتم هي هناك
عبدالله بفضول : عندك خاله هنا ؟
راشد : ايه اخت امي من ابوها .. وطول الوقت نور عندها
عبدالله بخيبه : يعني نجي بدري شوي معليه ؟
راشد : هههههههه عبود .. شتبي ؟
عبدالله : هههههه مابي شي .. بس يااخوك مدري اذا الكلام بهالموضوع مناسب ولا لا ؟
راشد يبتسم : أي موضوع ؟
عبدالله : موضوعي انا .. يعني بس لو اعرف اذا الاهل موافقين ..
راشد بخبث : ليش !!
عبدالله : عشان نرتاح هههه
راشد : تطمن الاهل موافقين .. بس انطر هالاسبوع بنرد فيه الكويت الدكتور طمنا عن حاله الوالد وبالكويت نتفق على كل شي
عبدالله اللي للحين ماصدق الكلمه اللي سمعها .. ماسمع عقبها ولا شيي .. الاهل موافقين !!
معقوله نور وافقت !! معقوله الحلم اللي كنت استناه سنين .. راح يتحقق .. الحمدلله يارب .. الحمدلله انه السعاده بتنفتح لي من جديد .. يااه يانور .. مين بيصدق انك بتكونين لي .. لي انا بس .. ومافيه أي قوة بالدنيا بتاخذك مني
راشد : عبوود .. !!
عبدالله : هلا معك
راشد : ويي انت حالتك ماتسر
عبدالله : شهرين الله يهداكم .. وربي قاعد على اعصابي
راشد : طيب لاتطولون اليوم .. تعال مبجر ..
عبدالله اللي الدنيا موشايلته من الفرحه : ان شالله .. انت تامر
راشد اللي يضحك من وناسه عبدالله : طيب .. مع السلامه
عبدالله : مع السلامه

سكر عبدالله من راشد وهو من فرحته مايدري شيسوي .. دق على سارة وخبرها بالموضوع اللي اهي بعد ماتوقعت ان نور توافق .. كانت من داخلها تحس انها ظلمتها حييل .. لكن موافقتها تحسسها بان نور نست الماضي ..
في الكويت
مر اسبوع و موعد وصول بوراشد من السفر
الكل كان في المطار .. يستقبله .. من صغير الين الكبير
هذا غير ربعه وموظفيه ..
كان المطار حافل .. ماشالله كان محبوب من الكل وعلاقاته كثيرة .. بس كان مايدري عن بيته لكن يمكن هالصدمه اللي مر فيها وعته وفتحت عيونه على اشيا هو كان غافل فيها .. وكنز غالي مايتعوض .. وهو راشد

في بيت بوراشد
الكل كان فرحان برجعته .. الديوانيه كانت مليانه من ناس مهمين واهل ورياييل .. الورد كان مالي البيت وام راشد كانت الدنيا مب شايلته من الوناسه .. رجعة حبيبها واللي لها بهالدنيا تسوى انها تفرح فيه مب يوم ..الا العمر كله
بيت بوخالد كانوا مسوين عزيمة كبيرة بعد جم يوم في الشاليه .. باختصار .. بوراشد كمل فرحه عايله فقدت السعاده من زمان

الساعه 12 ونص
الديوانييه
اغلب الريايل مشوا .. ومابقى غير بوخالد وخالد وهشام وريل ريم وبقيه رياييل العايله
بوخالد قاعد يم بوراشد ويكلمه بشويش : ها يااخوي .. وجنك ماخسرت شي بالبورصه .. واعتبر المليونين اللي راحوا بالاسهم رجعولك وزود
بوراشد :لا اوانااخوك .. صحيح اللي خسرته كله كان شقا عمري .. بس صدقني اني ربحت اشيا كثيرة .. ماتتعوض بفلوس الدنيا كلها
بوخالد مرتاح من علاقة راشد بابوه : انت مثل ماتعرف فلوس الورث للحينها بالبنك .. تقدر تاخذهم وتستثمرهم وانت ماشالله عندك معرفه طويله وخبره جبيرة .. استثمرهم بالعقار .. او حتى ابني الارض اللي نملكها بلندن
بوراشد : بوخالد الله يهداك .. نسيت اني املك للحين ضعف هالمبلغ . . مابي اورطك بشي يابوخالد .. ماشالله عندك ولدك اولى ان يكون مسؤل عن هالفلوس .. هذا حلالهم
بوخالد : لا .. العيال مايفهمون بالعقار شي .. انت اولى .. انشالله بس تشد حيلك هالشهرين .. اعطيك توكيل بكل شي .. نبي هالعايله ترد تلتحم من يد ويديد
بوراشد : ان شالله .. الله كريم
بوخالد : الا ماقلتلي شصار على موضوع نور .. عسى وافقت ؟
بوراشد : ابشرك وافقت .. وان شالله بيملجون هالشهر
بوخالد اللي ارتاح من الخاطر ... : الحمدلله .. مبرووك الله يوفقها ان شالله .. وعبدالله منه وفينا .. والقريب اولى من الغريب وانا اخوك
بوراشد : على قولتك .. الله يوفقهم ان شالله

في صاله الاستقبال
نور : يييي تعبت بروح اغير ملابسي .. تعتب من هالدراعه
ريم : ايواا ياواد انتا .. شهالزين يانور .. كلهذا عشان عبااادي
نور بضيق : شكو .!! اقولج لاتروحون بغير ملابسي وارد
ريم : تأخر الوقت حبيبتي .. وسعود نايم
نور : بشور وللي يرحم والديج .. مسكيها لاتنحاش ماني مطوله
ريم : هههههههههههه وااي هالببنت من ردت من الدمام ولسانها طايل
بشاير : الله يعينا اذا تزوجت .. بتاكلنا هههههه
نور : ههههه اسكتي انتي وياها ..
بشاير حاسه ان نور مرتاحه لكنها ماتحب تتكلم بموضوع عبدالله .. حتى انها يوم درت انها موافقه سكرت على الموضوع وقالت لها انها وافقت عشان ابوها بس .. معقوله للحين تكابر ..!! معليه يانور .. باجر بس ترتبطين فيه بيرد هالحب مرة ثانيه

راحت غيرت نور ملابسها .. ونزعت الساعه اللي يابها لها عبدالله بعيد ميلادها قبل سنتين .. ماكانت تبي تلبسها بس بشاير اصرت لانها تناسب الدراعه الفوشيا .. فما حبت تقولها انها من عبدالله وماتبي تلبسها لهالسبب

افتحت الدرج وحطت الساعه وطاحت عينها على مسباح ذهبي تمووت فيه .. مسكته بيدينها .. حست انها ضعيفه ياربي شسوي .. شلون وافقت اني ارتبط فيك ياعبدالله .. وليش مرتاحه الحين !! ليش مااحس بشعور الكره زي مااكنت احسه وانا مع فهد ..
رجعت المسباح مكانه .. ونزلت بعد ماغيرت ملابسها للبنات تحت توريهم الشغلات اللي شرتهم من اسواق الدمام


بعد فترة
بوعبدالله : الف مبروك يابوراشد
بوراشد : الله يبارك فيك .. تسلم
بوخالد : مبروكين .. وربي يبارك فيهم ان شالله
الكل يبارك لعبدالله .. حس انه رجع شاب من جديد .. تذكر امه لو كانت عايشه شلون بتفرح فيه وبنور .. تذكر نور شلون بتكون مستانسه بليله خططنا لها سنين .. يااااه يارب مايكون حلم
بوراشد : مااوصيك ياولدي .. ترى نور غاليه حطها بعيونك
عبدالله : لاتوصي ياعمي .. نور بعيوني وزود ..
راشد وهشام وخالد باركوا لعبدالله وكانوا مستانسين ومرتاحين غير فرحتهم بزواجها من فهد
راشد يكلم هشام : تدري احس الحين بس اني مرتاح ومطمن على نور
هشام : مو قلتلك هالريال احسه يشبهه نور ههههه
راشد : وانتا صاج .. شكثر بيقعدون هني ؟
هشام : عبدالله يقول بيتمون يومين عقب بيروحون الدمام ومن هناك بيروحون ماليزيا
راشد : ان شالله .. الله يوفقهم يارب
هشام : خلني اشوف نور .. جنه عبدالله بيدخل الحين
راشد : يله

في الجانب الاخر

بشاير من فتحه الباب : لاتدخل هشوم فيه حريم
هشام : فديت هالصوت .. ابي اشوف الكاشخه انا
بشاير استحت : يووز عني مو وقتك يله .. بيدش عبدالله الحين ؟
هشام وهو بخاطره يطفرها : ياويل قلبي على هالعيون .. بشور صكيتي على حليمه بولند
بشاير : هههههه انتا صاحي ولا شفيك
هشام يبتسم : ميصير اغازل مرتي يعني !!
بشاير بحيا : مب وقته طيب .. يله قولي
هشام بحب : احبج
بشاير : ييي هشووم .. قولي بيدش عبدالله الحين ؟
هشام : ههه ايه .. يله خلكم جاهزين ..
بشاير : طيب

دخل عبدالله وقعد شوي مع نور وعقب ركبوا السيارة اهم الاثنين وراحوا لفندق الرايه اللي كان حاجزه عبدالله من فترة .. وبيقعدون يومين عقب بيروحون الدمام .. موضي كانت عند سارة بهالفترة .. وهالشي ماكانت تدري عنه نور

بالسيارة
مشغل اغنيه لقيت روحي لنوال الكويتيه
عبدالله وهو بالسيارة والدنيا كلها مب شايلته : مبروك يااحلى نور بهالدنيا كلها
نور بشعور مب فاهمه شنهو : الله يبارك فيك
عبدالله : ماتتصورين فرحتي اليوم .. احس انه حلم يانور . وماصدقت متى بيتحقق
نور ومشاهد السنين الفاتت كلها صارت يدام عيونها .. ماتدري ليش تذكرت يوم ماقالها عبدالله ابوي خطبلي .. وبتزوج .. حست انها نفرت منه حييل .. كرهته .. حست بنها ذليله وكأنها فضله رضى فيها بعد ماتسكرت كل الابواب بويهه .. اهي تدري بقرارة نفسها انه يحبها .. بس يمكن لانها للحين ماطابت نفسها ورضت عنه بعد

ماتدري ليش تذكرت صفعه فهد لها لاول مرة بحياتها .. ماتدري ليش تذكرت كاسات الخمر وايام الامارات اللي عاشتهم بذل..
نور : عبدالله بقولك كلمه مانيب عايدتها مرة ثانيه .. لاتتصور اني رضيت فيك بنفسي .. انا رضيت لان هذي كانت رغبه ابوي .. وماكنت ابي اكسر بخاطره ولا ازعله مني
نور كانت تقول هالحجي وهي مغمضه عيونها المكحله .. كانت تصييح من الداخل .. ماتدري ليش تقسي عليه جذي .. ماتدري ليش هالمشاهد تيي دايم على بالها ..
التفت صوب الدريشه ماتبي تشوف اثر كلماتها القاسيه على ملامح عبدالله .. ولا بعد تبي تواجه نور القاسيه اللي الزمن خلاها تنسى عبدالله وتكلمه بكل جفا

في الطرف الثاني
صارت هالكلمه ترن في باله ... >> انا رضيت لان هذي رغبة ابوي <<
سكت بعد ماكان متفاعل وفي اوج وناسته .. وكأنه صفعه قويه الجمته عن الحديث .. كان وده يطير بنور ويضحك معها زي اول واكثر .. كان وده يقولها عن حياته شلون كانت كئيبه من غيرها .. شلون مرت هالسنين من عمره ما حس فيهم بطعم الراحه .. كان وده يصرخ باعلى صوته من غير لايخاف من احد .. احبج يانور .. وربي احبج .. بس الكلام اللي قالته خلته اشبهه بالمصدوم .. بعد ماكان بينه وبينها حواجز كثيرة القدر كان راسمها .. صارت هالحواجز هي من تحطها وهي من ترسمها ..

كان الطريج طوويل الين الفندق .. نور كانت ماسكه دموعها ماتبي تطلع بموقف الضعيفه ..
اما عبدالله فكان ينطر منها أي حرف .. أي كلمه تخبره فيهم انها ماتقصد الكلام اللي تقوله .. ينطر أي تعبير على هالويه اللي يمووت فيه يدل على انها مرتاحه

في الفندق
كان عبدالله حاجز سويت كامل .. بس كان فعلا سويت روعه .. الغرف فخمه والمكان راقي حيل
نور كانت لابسه فستان قصير لونه اوف وايت زي فستان نانسي وفيه كرستالات من فوق وعلى الاطراف مع تسريحه جنان ومكياج لبناني خفيف يناسب الحفله المحفوفه اللي سووها في بيت بوراشد
اما عبدالله فراح يشوف الشنط تحت
غيرت نور ملابسها ولبست فستان نوم عادي حييل .. بس هي طالعه جنان فيه
عبدالله والشنط معاه : نور ادخلي السيرفس بيدخلون الشنط
نور من غير لاترد عليه ادخلت الغرفه
عبدالله : thank you
وتوجه للغرفه
عبدالله : اسمحيلي بحط اغراضي هنا .. لكني بنام بالصاله اذا هالشي يريحك
نور من غير لاتشوفه خذت شنطتها ورتبت اغراضها
عبدالله تم يناظرها بحب .. كان وده هالليله تكون ليله عمره .. يااه شكثر كان ينطرها
نور : وين موضي ؟
عبدالله باستغراب : ببيت سارة .. لما نبي نروح الدمام بناخذها معنا
نور : معليه يبها باجر .. انا مقدر اتم من غير موضي
عبدالله : طيب .. تعشيتي !!
نور : مب يوعانه
عبدالله : نور .. شنو تبغيني اسويلك عشان ترضين .. انتي تدرين اني للحين احبك .. ولو مااحبك ماكنت انا وياك مع بعض ..
نور : عبدالله كفايه .. انا مكسورة .. مجروحه من الداخل مافيني ارجع طبيعيه زي اول .. مافيني انسى الماضي بهالسهوله ..
عبدالله بعصبيه : وش تبيني اسويلك طيب .. انا لوكان بيدي ماعيشتك بكل هذا .. انتي تدرين شكثر انا عانيت بعد .. خلينا نعيش من جديد .. وش اللي بيضرك .. !!
نور : لاتصرخ .. اطلع اصلا انتوا كلكم نفس بعض .. انت زي فهد ماتختلف عنه بولا شي
وقعدت بمكانها تصيح .. عبدالله ماعرف شون صرخ عليها .. حس بالذنب .. نور كلشي بحياته ويوم صارت له يقوم يعصب عليها جذي .. وقف متسمر مكانه .. وده يكفكف دموعها ويمسحها .. مايبي هالويه اللي طول عمره يمووت فيه يتوهج حزن وتبلله الدموع .. طلع و
قعد بالصاله رايح وراد .. مب عارف ينام .. الساعه 2 ونص ونور الغرفه للحين مفتوح عند نور .. معقوله للحين صاحيه !!
في الغرفه
كانت نور في نوبه بكاء .. وحوالينها مسباح عبدالله خذته وقطعته بس طلع منها .. تمت على السرير متاضيقه .. هي ماتدري ليش تسوي معه جذي .. بس ليش يصرخ عليها
خذت حبيبات المسباح الذهبي ودخلتهم بالخيط مرة ثانيه .. وربطته وحضنته بيدها وخذها النعاس ونامت بمكانها
عبدالله من بره يطق الباب بشويش
عبدالله : نور .. نور !!
تجرأ وفتح الباب .. ولقاها نايمه على السرير وبيدينها شي
قرب منها وشاف مسباحه الذهبي اللي خذته منه موضي عشان توريه نور ..
قرب من ايدينها اللي حاضنه فيهم المسباح .. وباسها حس روحه ضعيف يدام هالبنت .. مايدري ليش
غطاها بشويش وباسها على راسها وسكر الليت وراح الصاله ونام هناك
اليوم الثاني
الساعه 9 ونص
صحت نور بدري .. ويدينها توجعها .. كانت نايمه عليها غلط امس
انتبهت انها للحين ماسكه المسباح .. خذته وردته الدرج .. وعقب فتحت الباب بشويش تشوف عبدالله اذا صاحي ولا نايم
الهدوء عم الصاله .. وهالشي خلاها تتجرأ وتطلع
لقت واحد طويل وعريض نايم على الكنبه يدام التلفزيون واللحاف طايح منه ..
ماتدري ليش ياها الفضول انها تشوفه وهو نايم .. لاشعوريا قربت منه وطلت بويه بشويش
كان فعلا مستغرق بالنوم .. وباين عليه التعب ..
ضحكت على شكله شلون نايم بعمق ..
غطته باللحاف وعقب راحت سبحت على السريع وغيرت ملابسها ونطرته يقوم عشان يروح ييب موضي من بيت سارة

بعد ساعه
نور بالغرفه قاعده تسرح شعرها الاسود .. كان تحفه من الجمال .. رفعته بشكل سريع بس جذاب
وعبدالله اللي توه صحى من النوم واقف على الباب ومتنسد عليه من غير ماتحس هي عليه ويناظرها باعجاب
قرب شوي شوي .. نور وهي ماسكه المشط بيدينها وتشوف عبدالله من المرايا
حط ايده على شعرها .. وقرب منها وعقب قال : صباح الورد
نور لا اراديا اوقفت من مكانها .. وابتعدت عنه كانت مرتاحه بس ماتدري شللي خلاها تقوم .. صباح الخير .. لاتنسى تييب موضي اليوم ..
عبدالله بخيبه : انا اسف .. ان شالله بس اسبح واروح ايبها
نور بفضول : بتأخر ؟
عبدالله عجبه السؤال : يمكن
نور بفضول اكثر : شكثر يعني ؟
عبدالله : بتغدى عند سارة وعقب اجي مع موضي
سارة عازمتني انا وانتي على الغدا ..
نور .. جذي يعني .. هي عازمتني وموقايل لي : وليش ماقلتلي !!
عبدالله وهو يطلع فوطته : انتي مب طايقه اخوها .. ابتقبلين عزيمه الغدا !!
نور من غير لاتلتفت له : هي اللي عازمتني .. مب انت
عبدالله يقرب منها شوي : يعني اذا انا اللي عزمتج ماتجين !!
نور بعناد : اكيد مراح ايي
عبدالله ياخذ نفس : طيب انا بسبح واطلع القاج جاهزة !!
نور بقلبها وشو قالولك عني .. تبيني البس بربع ساعه يعني ..
وعلى السريع طلعت لها تنورة بيج مع توب ابيض وجكيت بيج جنان فيه قصات وكان روعه عليها .. حطت مكياج ناعم يناسب بيت سارة ولبست عباتها اللي كانت طالبتها تفصال من الامارات ..
طلع عبدالله بسرعه متعمد يبي يربكها ..
عبدالله : يلله انا انطرك باللوبي تحت
نور : بشويش .. للحين ماخلصت طيب
عبدالله يضحك من الداخل شلون هي محتاسه .. كان يدري انها مستحيل بتخلص بربع ساعه
عبدالله : حلوة يانور .. وربي حلوة
نور التفت له بغرور عقب قالت : مب محتاجه شهادتك
عبدالله تضايق .. على كل كلمه تنرفزة وتعصبه .. اهو شنو قال عشان تكلمه بهالاسلوب .. بس معليه بتحمل .. وبمسك اعصابي ..

بالسيارة
عبدالله كان ساكت .. مقهور وحاز بخاطره اللي قاعد تسويه نور .. بس يقول بقلبه كلشي يهون عشانج
نور مستغربه من هدوءه ..
نور : معليه تمر السوبر ماركت شوي ؟
عبدالله : ليه بغيتي شي ؟
نور : ايه ابي اشتري كم شغله لموضي
عبدالله كان مرتاح من الخاطر لشي واحد بنور . . وهو اهتمامها بموضي .. هالشي كان يخليه يرضى عنها رغم كل اللي تسويه .. هو نفسه نسى موضي . بس هي تذكرتها : طيب
نور وهي تشوف عبدالله طلع سجارة من العلبه واشعلها .. ودها تقوله ودها تاخذها منه وترميها .. بس تكابر
واخيرا قالت
نور : من متى تدخن ؟
عبدالله يبي يحنن قلبها عليه : من اول ماتركتك
نور : ماتدري ان التدخين يضر بصحتك !!
عبدالله ببرود : ادري
نور : طيب لاتدخن
عبدالله اللي قام يسعل ويكح : ...
نور سكتت .. بس عقبها مااقدرت تسكت : لاتدخن يدامي زين
عبدالله : لاتخافين على روحج .. مابيصير فيج شي
نور عصبت وتنرفزت .. هي كانت خايفه عليه بس ماحبت تقولها له عشان لايحس .. ليش يقول جذي يعني

في بيت سارة
سارة : هلا وغلا .. حيا الله المعاريس .. الف الف مبروك
تسلم على نور وعلى عبدالله
سارة : تو مانور البيت والله
عبدالله راح الديوانيه اما نور فتمت عند سارة ..
سارة : ها بشري .. شلون عبدالله معاج عسى ما اذاج بشي ؟
نور بابتسامه : الحمدلله
الا وين موضي ؟
سارة : تلعب مع العيال بره .. الحين بيون ..

وقعدوا على سوالف وجاي وقهوة عقب الغدا .. نور نست كلشي قالته سارة .. لكن سارة للحين تحس بتأنيب الضمير وهالشي خلاها تبين اهتمام زايد بنور ..
سارة : طيب خلو موضي هني .. وانتوا عقب ماتردون من ماليزيا خذوها ..
نور : شنقولين سارة .. اساسا البنت صغيرة .. مدري شلون عبدالله بيرضى يخليها ويسافر .. وبعدين شنو بيضرنا اذا اخذناها معانا ..
سارة اللي انصدمت من نور .. وحده بعمرها ماتفكر تاخذ معها ياهل بعمر موضي بتأذيها وماتخليها تتونس بشهر عسل مايتعوض
سارة : والله انتي عبدالله اتفقوا .. وموضي بنتكم
نور استانست من الخاطر من كلمه سارة .. موضي بنتكم .. وربي زي بنتي واعز : اكييد
موضي : خاله نور !!
نور : هلا وغلا .. وحشتيييني
موضي تمسكها من ايدينها : تعالي
نور تضحك : وين ؟
موضي تسحبها من ايدها : هنااك ..
نور قامت وياها وهي تضحك .. ودخلت غرفه
انصدمت .. كان عبدالله نازع دشداشته وقاعد بالمكسر والفنيله .. يطالع مباراة

نور استحت وماعرفت وين تروح .. موضي للحينها ماسكه ايدها ..
نور : اسفه .. موضي .. ماكنت ادري .. انا
عبدالله ضحك : شفيج ؟ههههه
نور ويهها قلب الوان : يله موضي نطلع
موضي : انا مع خاله نور بابا .. يله نلعب
عبدالله : فديت اللي تبي تلعب .. قولي لخاله اذا تلعب معانا !!
نور لحينها مرتبكه : لا انا بطلع مضاوي .. لعبي مع بابا وعقب تعالي نلعب بره
عبدالله : نور ..
نور التفت له : هلا
عبدالله : تبين نمشي !!
نور : على راحتك
عبدالله : طيب .. البس دشداشتي واجي
نور هزت راسها واطلعت ..
ماتدري ليش طلعت مبتسمه .. يمكن لانها اول مرة تشوف عبدالله بهالوضع .. حست بالتعب .. ودها تكون نور اللي عهدها بس مو بيدها .. كلما تحن له ويرجع حبه في داخلها يشعل .. تجمعت كل مشاهد البؤس بحياتها يدام عيونها ..


بيت بوراشد
ام راشد وفرح وبشاير وراشد بالصاله
ام راشد : رشود حبيبي .. قوم دق على نور شوفهم بيون اليوم الليل ولا لا ؟
راشد : يوو يماا ... شوي بس خل تخلص المباراة .. ماتشوفين ولدج شلون يشوت الكرة .. نبي هدف
ام راشد: انا ماادري شلون رضيت انه يلعب هالخرابيط ..
راشد : يمااا الرياضه مو خرابيط تقوي البدن .. ماتذكرين شكثر انا كنت العب
ام راشد : الا اذكر .. وعقب تركت الرياضه وقمت تشيل مدري وش تسمونهم حديد ..
راشد : هههه اثقال يماا ..
ام راشد : عاجبك جسمك جذي يعني ؟
راشد : اكييد .. كل الرضا .. وبعديه الرياضه بانواعها ماتضر . .اللي يضر اهو الرياضه القاسيه والادويه الابر
فرح : اوووف رشوود اسكت شوي ... ترى ماقمنا نركز
بشاير : ياويل قلبي طاح هشووم شوووفو ؟
راشد : هههه الا طيح الخصم .. شوفي اللاعب الثاني شلون قاعد يتلوى جنه سمجه
فرح : ايييييه صح
راشد : وين يقدرون يطيحون هشوم .. هههه
بشاير : اسمله عليه الرحمن الرحيم .. قول ماشالله
راشد : هههه ماشاالله ماقلنا شي ..
فرح : بشوور .. شوفي البنات اللي هني قاعدين يشجعون
بشاير بقهر : ادري بس لاتذكرني .. ماادري ليش مارحت الاستاد
فرح : شحقه !!
بشاير : اشوف اذا هشوم عيونه تروح هني ولا هناك .. عشان اشلعهم
راشد ملتفت بصدمه : حشى مو حريم .. وحوش اعوذ بالله
فرح : هههههههههههههه عدل عدل بشوور
ام راشد : اوووف انتوا بعدين معاكم .. صدعتوا راسنا بهالمباراة .. دقو على نور
فرح : انا بدق عطيني التلفون بشاير يمج
بشاير : هاج
فرح تدق على نور
نور : هلا وغلا .. بفرح قلبي ودنياي انتي
فرح : هلا نور شلونج شخبارج .. ترى امي اذتنا تسأل متى بتيين ؟
نور : ماادري يمكن اليوم بلليل على العشا بنيي
فرح : والله ؟
نور :ايه .. بشاير وهشام هني ؟
فرح : هشام عنده مباراة الحين بتخلص وبشاير هني
نور : فيه احد بيي بعد ؟
فرح : ايه بيت عمي
نور: خلص ان شالله مانتأخر
فرح : حيااج نور .. لاتتأخرين
نور : ان شالله .. امي يمج ؟
فرح : ايه . هاج ياها
وتكلم نور ام راشد
ام راشد : هلا ماما
نور : هلا يما .. شلونكم ؟
ام راشد : بخير ياقلبي .. انتي شلونج وشلون عبدالله ومضاوي
نور : كلهم بخير يماا .. ان شالله اليوم على العشا بنكون عندكم طيب
ام راشد : ان شالله يماا .. ابوج يسلم عليج .. اهوا نايم الحين بس يقعد اخليه يحاجيج
نور : طيب .. سلمي عليهم
ام راشد : وصل .. مع السلامه

سكرت نور من ام راشد وكانت بالسيارة في طريقهم للفندق .. موضي كانت نايمه ورى ..
عبدالله : ترى باجر طيارتنا بدري ..
نور من غير اهتمام : طيب
عبدالله : مب بخاطرج نطلع مكان اليوم ؟
نور : لا
عبدالله اخذ نفس وعقب طلع سجارة يبي يدخن
نور التفتت لها بسرعه واخذت منه السجاره .. ماتدري ليش سوت جذي .. يمكن رد قعل طبيعي او .. ماتدري
عبدالله طالعها باستغراب واعجاب .. ماتوقع تسويها ..
نور تداركت الامر : موضي نايمه .. لاتدخن مب زين
عبدالله بخيبه : وانا اللي عبالي خايفه علي
نور : مافيه شي يخليني اخاف عليك
عبدالله انصدم وناظرها بعين وعقب غمضها بالم وقال : مشكورة
نور كرهت روحها اكثر على الكلام اللي قاعده كل يوم تقوله ياه .. ماتصورت انها بتكون بهالقسوة


يتبع

توقعاتكم بالبارت 26