|
|
#31
07-23-2008, 02:45 PM
| ||
| | ||
| رد: نور وعبدالله روايه كويتيه سعوديه الساعه 11 الصبح راشد يقعد نور : نوروه يلله قومي نور بنعس : روح قعد هشوم اول راشد : هشوم بخليه اهوا بيي لاني عيزت وانا اقعده مو راضي يقوم نور بكسل : زين يلله كاني قايمه راشد : بسرعه لاتتأخرين قامت نور سبحت على السريع وغيرت ملابسها ولا تدق عليها فرح نور : هلا فروحه فرح : انتوا وينكم .. كللكم بالشاليه ؟ نور : هههه اييه فرح : زين متى بتيوون نور : انا وراشد الحين بنرد البيت .. بس هشام نايم اول مايقوم بيي فرح : وييي انا معتمده على هشووم يودينا نور : وين ؟ فرح : اليوم بستلم فستاني مال عرس ريم نور : امبيييييي تعاالي .. انا اليوم بروفتي الاخيرة منو يوديني بعد فرح : شوفي راشد اذا ماعنده شغل مروني ونروح نور : ايي صح .. زين يله اقوله وابلغج فرح : اوكي لاتتأخرون .. بيباي نور : باي نزلت نور تحت في الصاله لقت راشد وبيده مفاتيح السيارة ينطرها وهشام نايم في الصاله نور : هههههههههه ويي هذا شفيه نايم بالصاله راشد : لا وبعد البجامه اللي خذاها مني مالبسها نايم بالجينز نور : هشوم طول عمرة عفسه وفوضوي الله يعين اللي بتاخذه راشد : تعالي صج منورفيجتج هذي اللي يقول بيخطبها نور طلعت عيونها : يخطبها !!! راشد : ايي امس يايني ويكلمني انه يبيها ومسوي فيها قيس ههههه نور وهي تضحك : لايكون بشاير ؟ راشد : والله ماادري عن اسمها بس قالي رفيجتج .. وقاعد يقنعني اوافق اتزوج لان امي قايلتله ماكو زواج قبل اخوك العود نور : هههههههههههه والله لو تدري بشاير بتنصدم راشد : ليش اهيا ماتبيه ؟ نور ماتدري شترد : تصدق ماادري .. اهيا من كثر مااذاها المسكينه تقول تكرهه .. بس الله اعلم بالقلوب راشد : تكفيين نور شوفي شنو كان يطالع .. الفلم الهندي اللي يبته ذاك اليوم نور :ههههههههه الحب عامل عمايلوه راشد : قومي قومي لانتأخر بس نور : ابي ادق على بشور اقولها شوي ولا هشام يقوم هشام : نور تكفيين .. اذا رفضتني لاتقوليلي نور مخترعه : بسم الله الرحمن الرحيم انتا مو نايم ؟ راشد يضحك : يبي يطمن .. جذي الحب يحرمك من النوم .. والله حالتك ماتسر هههههههههه هشام : اووف انتوا مو فالحين الا بالطنازه .. وينك ياخلود انتا بس اللي فاهمني اقول نور .. انتي تتوقعين توافق ؟ نور تستغل الوضع : شوف اذا رضيت اليوم تودينا الخياط بقولك رايها هشام فز من مكانه : مو بس الخياط .. اوديج القمر اذا تبيين نور وهي تصفق مستانسه : عاااش هشوووم هههه زين انا بروح البيت الحين باخذ الفاتورة واجهزلي جم شغله وانتا لما تيي نروح هشام : تامرين نور هانم .. أي اوامر ثانيه نور : هههه لا تقدر تنصرف ركبت نور مع راشد وردوا البيت واثنينهم تغيرت افكارهم من هاليومين نور طلعت من حزنها شوي .. ولو ان عبدالله حاضر في كل خطوة تخطيها وكل نفس تتنفسه لكنها على الاقل قدرت تتخطى حالة الحزن اللي كانت عايشتها الحب اصبح لها جريمه وماتبي تكررها ولاتخوضها مرة ثانيه بحياتها راشد موضوع الزواج هذا شاغله .. وصورة شوق مرتبطه بهالموضوع .. ماايدري ليش كل ماطرى هالموضوع على باله ظهر ويه شوق الطفولي والبريئ يدامه .. راشد ماقدر يخبي حقيقه اعجابه بشوق بس يمكن ماوصلت حد الحب .. يمكن هدوءها وحياها شده لصوبها وايد وبنفس الوقت حس راشد بالمسوؤليه اتجاه خواته واخوانه .. ويمكن حس بالراحه انه نور وهشام الجأوله يوم كانوا متضايقين .. وهالشي خلاه يلوم روحه .. وينه عنهم كل هالسنين .. لا ابو يدري عنهم ويحس فيهم .. وام بروحها تبي من يواسيها على ابوها واخوانها ومرت ابوها كان الطريج الى البيت فر صه لنور وراشد يفكر كل واحد فيهم بحياته اليديده ويخطط لها في بيت بوخالد الصاله كانت مليانه بالبنات مها وابتساام وهيا ونورة وسعاد واسماء.. رفيجات ريم نوروفرح وحصه وفاطمه مشاعل ومها بنات اخت زوج فاطمة ريم اتفقت مع الكل انهم يلبسون جينزات وتوبات فيها حركه ريم كانت لابسه جينز اسود حلو وتوب اسود فيه قصات وسلاسل روعه وفاتحه شعرها الطويل وكان شكلها جنان نور كانت لابسه جينز فاتح ومشكوك من طرف واحد بالتركواز مع توب تركوازي سمبل ومكياج ناعم ورافعه شعرها بطريقة تلوق على لبسها وكانت ملفته بشكل روعه البنات الباجي كانوا لابسين حلو .. لكن مشاعل كانت الاجمل بينهم مشاعل كانت حلوة وناعمه بس ماتقارن بجمال نور الجذاب .. كانت لابسه جينز ياي على الزيتي مع توب حلو وشعرها كان كستنائي فاتح وملامحها ناعمه الكل كان فرحان ومستانس .. ونور ريم قبل لايوصولون البنات جهزوا المسجل وتموا البنات بين رقص ووسوالف وكانت القعده ماتنمل حصه وفاطمه كل شوي يطلون عليهم وفرحانين لريم .. حصه تكلم فاطمه : ماشالله هذي بنت سميه حماتج .. مملوحه وناعمه فاطمه : منو مشاعل ولا مها ؟ حصه : اللي لابسه زيتي فاطمه : تقصدين مشاعل حصه : شرايج ماتناسب خالد ؟ فاطمة : والله مشاعل خوش بنيه حصة : جم عمرها ؟ فاطمه : 20 وتوها تشتغل .. حصة : زيين عيل خل اقول حق خالد اذا له نيه زواج نخطبها له شرايج فاطمة : الله يسمع منج ان شالله حصة : بس عاد فرق بينها وبين نور .. فاطمة : نور ماشالله عليها كاملة .. شوفيها شلون طالعه من بين كل البنات تقولين قمر حصه : ومشاعل بعد ماعليها زود .. فاطمة : صاجه .. وان شالله تكون من نصيب خلود حصة : ان شالله .. في الصاله كان الفرح عام المكان والكل يرقص ومستانيس .. باختصار كانت القعده حلوة ونور اختلطت مع البنات بسرعه واهما حبوها ريم : بنات يله كل وحده تلبس عباتها بنطلع الحين عشان نرد مبجر مانبي نتأخر قاموا البنات يلبسون وريم دخلت تاخذ عباتها قامت اسماء بحكم انها الجريئه بينهم وقالت اسماء : بنات عرس ريووم يوم الخميس .. لازم نسوي لها مفاجأة شرايكم ؟ البنات كلهم وافقوا على كلامها .. سعاد : شرايكم نيبلها كيكه ابتسام : لا فكرة قديمه نبي شي يديد نور : بنات .. انا في بالي فكرة بقولها لكم اسماء : قوولي نور نور قالت لهم الفكرة وراقتلهم ووصت كل وحده فيهم تلتقط احلى صوة لريم خلال هالقعده من غير ماتحس عليهم اسماء : زين ومنو بينفذ الفكرة عقب نور : ماعليكم انا اعرف رفيجتي شاطره بهالسوالف .. اقولها تسويلنا ياه هيا : صار عييل .. اسماء : شششش ياات ريم ووصلت ريم والجيمع لبس وطلعوا بثلاث سيارات سيارة ابتسام واسماء وفاطمة اخت ريم وصلوا المطعم وكانت احلى قعده .. تعشوا واستانسوا وكانت ريم حاسه انها بتفقد هالقعده ويعز عليها فراقهم اسماء : بنات قبل لاتروحون بيوتكم والمطعم فاضي خلونا نلعب لعبه على السريع ريم : يله قولي اسماء : كل وحده تسأل الثانيه سؤال او تطلب منها طلب والثاينه لازم تنفذة واذا مانفذته عقابها ترقص مصري على اغنيه خليجيه يوم العرس ريم : ههههههههههههههههه خوش خوش .. ان شالله مااطلع انا بس اسماء : بما انج العروس .. لازم نبدى فيج . . نبيج تنزلين من تحت الطاوله وتطلعين من الجهه الثانيه ريم : يالنحيييسه هيييين يااسوم .. تشوفين اذا زوجتج اخوي اسماء : لادخيل قلبج كلش ولا هالشي .. خلص هوونا الجميع : ههههههههههههههههههههههههههههههههههه ريم : بسويها ترى سهله بس راقبولي المكان لحد يشوفني وتموا يلعبون وهم مستانسين .. وراح الوقت واهم مو حاسين فيه رجعوا البيت ونور ردت مع ريم بيتهم لان اخوها هناك ريم : نور لاتنسين البطاقات ملوت اهل امج نور : اوكي .. يله تامريني على شي ؟ ريم : لا ولا شي سلامتج .. نور : يله تصبحين على خير طلعت نور مع هشام للبيت اماريم فماباجي على عرسها غير ثلاث ايام يادوب تقضيهم بين برنامج العروس اللي يبدى باجر ويخلص يوم الاربعا وبنفس اليوم بلليل بيت بوراشد بيون يقضون السهره هناك حسب طلب بوخالد الدمام علي يكلم عبدالله : لا عبدالله مالك عذر تيي يعني تيي عبدالله : علي والله مشغول صدقني علي : شدعوة اذا كلش حاس روحك ماعندك وقت تعال الخميس بلليل واطلع اليمعه الصبح عبدالله اللي انحرج ومايدري شيرد : خلص مثل ماتبي .. بس لاتقولي اقعد ولا شي .. يوم واحد احضر العرس وارجع علي : اوكي .. يله هذي سارة تبيك عبدالله : هلا سارة .. سارة : هلا عبدالله شلونك وشلون ابوي وفراس عبدالله : طيبين الحمدلله .. انتي كيفك ؟ سارة : بخير فديتك .. اقول صحيح مرت فراس بتيي معاه ؟ عبدالله : اعتقد هو قال سارة : اووف الله يعينا عليها عاد هذي دايم شايفه روحها عبدالله سكت وماعلق سارة : يله عبدالله لاتتأخرون انا جهزت غرفة لابوي تحت وفراس ومرته جنبه وانت غرفتك موجوده عبدالله : طيب سارة سارة تبتعد شوي عن علي : انسى عبدالله انسى عبدالله : لو اقدر كان نسيت سارة : حاول وبتقدر عبدالله : الله كريم سارة بيأس : طيب حط بالك على روحك عبدالله : ان شالله .. مع السللامه علي يكلم سارة .. شفيج .. شكلج متاضيق سارة .. صاير شي سارة : والله هالعبدالله حالته ماتسر علي : ليش عسى ماشر .. خرعتيني سارة اللي متاضيقه من حال عبدالله وحبت تقول لاحد يمكن يقدر يساعدها : اهوا ماكان يبي البنت اللي ابوي خطبها .. كان وده يخطب بنت بوراشد . .بس ابوي استعجل وخطبله من غير لايسأله علي : الله يعينك ياعبدالله .. والله ماادري شقولج سارة : اسكن علي .. احس روحي مخنوقه ودي ابجي علي : سارة حبيبتي .. لاتخافين .. ان شالله بس يتزوج راح ينسى وترد حالته مثل قبل ماتدرين يمكن هالزواج فيه خير له سارة : ان شالله يوم الثلثاء الساعه 2 الظهر بيت بوراشد ام راشد : حيا الله من يانا .. حياج الله ام عيسى تفضلي ام عيسى واقفه هي وشوق وهي تدش داخل : الله يحيج ياام راشد .. تسلمين ام راشد وهي تدخلهم غرفة الاستقبال : زين انه شفناكم وييتوا على كثر ماسولف لنا راشد عنكم ام عيسى : يحليله راشد والله تعودنا عليه تصدقين ام راشد تكلم شوق : شلونج يابنيتي شخبارج ؟ شوق بصوت هادي وابتسامه : بخير خالتي الحمدلله ام راشد وهي تكلم ام عيسى : ماشالله هذي بنيتج الكبيرة ؟ ام عيسى : لا عيسى اكبر عيالي وعقب شوق وعندي بدر الصغير ام راشد : ان شالله استانستو بلندن ؟ ام عيسى : ويييي ياوخيتي .. لندن ماتنبغى .. كلها هالاجانب واللي مطلعه ريولها واللي مطلعه يدينها .. انا ماادري الناس شحقة ميته عليها ام راشد : هههههه .. الجو ياام عيسى .. الجو ام عيسى : أي والله صدقتي كلش ولا جوهم .. تصدقين انا رحت هناك بيضيت هههههه ام راشد : هههههههههههههههه ام عيسى : شنسوي حق هاليهال .. نبي نونسهم ام راشد : صاجه .. عاد ليش مايه بوعيسى ام عيسى : لا ويين .. بوعيسى رايح مع ربعه طالعين يحدقون ام راشد : هذي الساعه المباركه اللي زرتونا فيها ام عيسى : والله ساعتج ابرك .. انا قلت لراشد ماله داعي ياوليدي .. بس هو اصر الا انتعبكم ام راشد : ههههه شدعوه تعبكم راحه وتدش نور وفرح ويسلمون تغدى الجميع .. وام راشد استانست على ام عيسى .. وقعدوا على سوالف وجاي نور كانت تسولف مع شوق وارتاحت لها حييل .. البنت حبوبه وهاديه وراكزة .. نور : زين .. رحتوا محلات السلفريدج اللي باكسفورد ؟ شوق : لا .. ليش حلو ؟ نور : من صجج ؟ انا قايله حق راشد عن هالمحل .. الله يسلمج اهوا محل كبيير وفيه اغلب الشغلات اللي ندور عليها .. جناان شوق : يي .. عيوس نحييس .. كل ماقلتله ودني السوق .. يقول انتوا ماتملون من السوق نور : ههههههه مب بس اخوج .. كل الشباب جذي شوق : أي والله صاجه .. وعلى هالسوالف والقعده الحلوة .. ام راشد حبت ام عيسى .. وحستها مثل اختها بالضبط .. وشافتها الاخت اللي فقدتها ام راشد بحياتها ام راشد وهي عند الباب تسلم على عيسى : زين ياوليدي كرروها كل مرة .. عيسى وهو واقف يم راشد : مانبي نتعبج ياخالتي .. والله انتوا ماقصرتوا ام راشد : ولا انتوا قصتروا يوم كان راشد عندكم ام عيسى : ها ياوخيتي بينا اتصال ان شالله ام راشد : ان شالله .. سلمي على بوعيسى ام عيسى : يوصل ان شالله وطلعوا مع راشد الين السيارة ام عيسى تكلم راشد : وانتا ياوليدي جنك نسيتنا .. ماتقول ولهت على طباخ خالتي .. ماوحشتكش على قوله اخوانا المصرييين راشد للي ضحك من قلبه : ههههههههههههههه .. بلى خالتي .. وفي حد مايشتاق لطباخج .. ان شالله قريب بس شسوي ولدج مايعزمني .. مابي ارز الويه عيسى يدز راشد بيدينه : انا يالدب ؟ ام عيسى :عيوووس .. صج مافيك خير عيسى : استانست .. هذي هي الحين بتثور فيني راشد : هههههههههههههههه .. لا خالتي عيسى مايقصر .. ان شالله قريب بزوركم عيسى ركب السيارة وهو يكلم راشد : يله تبي شي ..!! انا اكلمك ان شالله وراشد حس ان عينه فاقدة شخص .. بس مابين بالسيارة .. قرب شوي من عيسى وعينه تدور على شوق راشد بتردد حط عينه بعين عسليه جنان : شوق شلونج !! شوق بصوت بشويش ينسمع : بخير انتا شلونك راشد ؟ راشد بقلبه .. والله ياهشوم بتنفرج كربتك قريب .. شكلي بكلم امي اليوم : بخير .. الحمدلله .. عيووس .. اكلمك اليوم طيب ؟ عيسى : طيب .. يلا مع السلامه راشد : الله وياك راح عيسى .. وعين راشد للحينه تتبع الكرسي اللي ورى .. وين ماكانت شوق قاعده .. ورجع دخل البيت ام راشد تكلمه : يحليلها ام رفيجك والله خوش مرة راشد : وعيسى بعد .. وشوق كلهم ماشالله نور وهي تخز راشد : عيسى ومنو ..!! راشد عرف قصد نور : هههههههه شتبين !! نور : بس حلوة ! راشد : صج نور ؟ نور : وحبوبه بعد .. ام راشد : انتوا شتقولون ؟ نور : هههههههه اقولها رشوود ؟ راشد : لا نطري .. بعدي ماقررت نور : والله محد بيستانس كثر هشووم .. بتفك ازمته راشد : ايييه .. ههههه الا وين هشوم نور : ماادري .. يمكن نايم راشد : زين انا بمشي .. احد يبي شي ؟ نور تغمز لامها ام راشد : زيين زيين بقوله راشد : شنو ؟ ام راشد : نور تبي تاخذ فستان عرس ريم من المشغل وتبي تشتري جم شغله ناقصتها حق العرس .. انا قلت يعني لو تقدر توديها راشد : لازم يعني نوروه ؟ نور : كيفك خلص راشد تذكر ان اذا ماودها من بيوديها .. خواته ماعندهم احد .. : قومي يالله وقولي لفروحه بعد .. نور بسعاده لاتوصف : ان شالله .. بروح ابدل راحت نور .. تشوف شنو ناقصها وهي تكلم فرح : يله لبسي ترى الحين بنروح فرح : اخذتي من امي فلوس ؟ نور : مب لازم راشد معانا اهوا بيدفع فرح : زين انا ناقصتني ساعه واكسسوار شعر نور : ماادري انا جنه عندي ساع وتذكرت نور الساعه اللي اهداها ياه عبدالله يوم عيد ميلادها تناسب الفستان تمام فرح : نور ! نور : روحي فرح لبسي انا بعد بلبس فرح : عندج ساعه ولا لا ؟ نور : طلعي فرح الحين .. بشوفلج طلعت فرح وسكرت نور الباب واستندنت عليه وتذكرت ذاك اليوم شلون فرحت بهديته .. بوجوده .. بصوته وبالورد وبكل شي .. شلون حياتها كانت مع عبدالله .. شلون كان يتذكر اقل كلمه هي تقولها .. وشلون كانت تفكر لهديه له يوم ميلاده .. فكرت تلبس الساعه .. لكن بعدين شالت هالشي من بالها بس تذكرت فراقه .. شلون باعها برخيص وهي اللي شرته بالغالي رمت الساعه من يدها ورمت كلشي يتعلق فيه من حياتها خلاص الماضي ودعته محيت ذكراه من قلبي انا من باعني بعته ولا دربه يجي دربي خلاص الماضي ودعته تعاند كل احاسيس وابدا خطوة النسيان متى مازارني طيفك اقوله روح ياخوان خلاص الماضي ودعته صبرت اكثر من اللازم صبرت ومابقى بي حيل وعمري صار بس ذا بك بقايا للسهر والليل خلاص الماضي ودعته الاربعاء في بيت بوخالد الساعه 3 ونص العصر وصل بوراشد وفراس وزوجته اميرة وصبا بنتهم وعبدالله مطار الكويت علي وسارة ومشعل كانوا في الاستقبال علي : حيالله عمي تو مانورت الكويت والله سارة : وربي وربي الدنيا كلها منورة بوصولك يبا وسلموا على فراس واميرة وعبدالله سارة تكلم فراس : شدعوه يااخوي من العيد الين العيد اشوفك .. ماتقول اختي ازورها واتطمن عليها فراس كان بيتكلم ولا ترد اميرة : وشنو فيها الكويت نجي نزورها ..!! حر مووت سارة تخز فراس مستغربه وتقول بقلبها : بدينا من الحين وتكلم اميرة : فيها اخته حبيبته .. مايتحمل الحر عشانها .. ولا شرايك فراس ؟ فراس : هاا . .أي صح .. يله بتوصلونا ولا ناخذ تاكسي علي : افاا عليك بس انت تامر . .. حياك الغالي وهم متجهين الين السيارة .. ابو عبدالله كان بشويش يمشي ويسولف مع سارة ويطمن عليها علي كان يكلم فراس عن أجارات السكن في الكويت مندمج معاه عبدالله كان شايل صبا بنت فراس .. وفي عالم أخر ,, بيت بوخالد بوخالد يكلم خالد : قوم يابوك شوفهم وصلوا ولا لا ؟ خالد : انا قايل لعبدالله اول ماتوصلون كلمني ..معقوله تأخرت طيارتهم الحين الساعه 3ونص بوخالد : زين كلم علي ريل سارة .. اذا الطيارة عليها تأخير ولا شي خالد : ان شا لله يبا علي كان معاه عبدالله وبوعبدالله في السيارة ومشعل كان معاه فراس واميرة وسارة ويدق خالد على علي .. وعقب جم رنه رد عليه علي : هلا بالغالي .. خالد : السلام عليكم .. هلا فيك بومحمد علي : وعليكم السلام والرحمه .. شخبارك خالد شمسوي ؟ خالد : نسأل عنكم .. والله ابوي يحاتي .. يقول طيارة عمي بوعبدالله ماوصلت للحين ؟ علي بابتسامه : الا وصلوا وكاهم يمي الحين رادين البيت خالد : والله .. زين طمنتي يااخوك .. هذا وانا قايل لعبدالله وموصيه اول مايوصل يكلمني علي يلتفت لعبدالله وقلبه مكسور على حاله .. من اول ماوصل ماتحجى ولا نطق بكلمه وهو سرحان وباين عليه الارق والتعب حيل علي : لا الظاهر نسى .. خالد : زين عطني اتحمدله بالسلامه علي يكلم عبدالله : عبدالله ... عبوود .. عبدالله : هلا علي علي : خالد عالتلفون يبيك عبدالله : اوو هو قالي اخبره اول مااوصل .. عطني ياه خالد : جذي يالدب وانا اللي قايلك خبرني قبل ماتوصل عبدالله : ههه السموحه الغالي .. والله نسيت حقك علي خالد : ولا يهمك اهم شي وصلتوا بالسلامه .. اقول ابوك يمك ؟ ابوي يبي يكلمه عبدالله : ايه لحظة شوي عبدالله يعطي التلفون لابوه : يبا هذا بوخالد عالتلفون بوخالد : الو السلام عليكم بوعبدالله بصوت كله شوق : وعليكم السلام ورحمه الله وبركاته .. بوخالد : الحمدلله على سلامتك الغالي والله نورت الكويت بوعبدالله : منوره باهلها والله بوخالد : يعني ماتييون الا بالمناسبات .. شدعوه وانا اخوك وحشتونا بوعبدالله : مايوحشك غالي والله .. وربي لو مو معزتكم ماجينا .. حنا اهل وهذا احنا جيناكم .. الجايه عليكم عاد بوخالد : هههههه .. ان شالله يله اخليك الحين ... ترى ها مااوصيك اليوم العشا ببيتنا ومنها تشوف بوراشد والجماعه كلها بوعبدالله : ان شالله خير الغالي بوخالد : سلم على العيال .. مع السلامه بوعبدالله : بحفظ الله .. الله وياك بوعبدالله كانت فرحته ماتوصف باتصال بوخالد .. طول عمرهم كانوا يروحون ويجون عند بعض .. بس من توفت ام عبدالله .. هولهى بزواجه .. والعيال كبروا وانشغلوا .. وصار الاتصال فقط بالمناسبات المحدوده يوم الخميس الساعه 11 الصباح نور زايرة بشاير ببيتهم .. وقاعدين بالغرفه بشاير : زين شرايج فيه الحين ؟ نور : حلو .. بس نبي اغنيه حلوة تلوق على العرض بشاير : مم شرايج بهذي ؟ نور : أي حلوة .. زين حطي هالصورة بعد بشاير : وااااو نور .. هالصورة عجييبه .. كلكم فيها نور : هذي يوم كنا بالمطعم خذيتها واحنا ناكل .. شوفي ريم هني بشاير : بتفقدونها ؟ نور : حييل والله .. يله الله يوفقها بشاير : زين شوفي العرض كله نور : روعه روعه بشور .. يله قومي دام خلصنا نمر البيت اخذ اغراضي وفرح وامي ونروح الصالون بشاير : خل اشوف امي زاهبه .. واييج نور : اوكي راحت ام بشاير وام راشد ونور وفرح وبشاير كلهم الصالون نور وبشاير خلصوا مبجر واتجهوا الي الفندق عشان يظبطون المفاجأة لريم .. اما ريم فكانت في صالون الفندق دخلت بشاير ونور على ريم بالصالون نور : ريووم ماخلصتي للحين ؟ ريم : باجي بس شعري .. نور وااااااو شنو هذا نور بحيا : احم احم .. حلو ريم : أأأأخ بس لو وافقتي على خلود نور وهي تطق ريم : مالت عليج زيين .. ريم : تطقيني وانا عرووس .. بدال ماتحظنيني وتبجين على فراقج نور : هههههه شدعوه رايحه القمر .. !! ريم : هههههه .. بشور شلونج ؟ بشاير : الحمدلله .. مبروك مقدما يالغاليه ريم : الله يبارك فيج .. نوروه .. خلص هونا عنج .. والله رفيجتج صكت عليج نخطبها لخلود احسن نور : هههههههه لا عاد بشور محجوزة حق حبيب القلب بشاير : ويييييييع نور : هههههههههه ماعليج منها مو من قلبها بشاير اللي انحرجت : نوروه وبعدين معاج انتي ؟ ريم تغمز لنور : صج صج ..!! نور وهي تضحك : ايييييه ريم : أي واحد ؟ نور : ولدكم .. هشووم بشاير : نوروه ويهد . لاتطلعين اشاعات زين نور : زيين خلص لاتعصبين ههههههه ريم : بناات .. انا خايفه نور : ليش .. مشعل قايل انه بياكلج ؟ ريم : ههههههههههههههههههه .. حلوة بشاير ونور : ههههههههه .. قومي يالله بلا دلع سوي مكياجج .. واحنا بننطرج بره نور كانت لابسه سلفر حرير من النوع الغالي .. طويل ومخصر على جسمها وفيه فصوص سوار فسكي من الظهر على طول الفستان .. وكان له ذيل بسيط ومكياجها وشعرها زي نانسي في اغنيه انتا ايه وكان شكلها ملفت وجمالها جذاب اما بشاير فكانت لابسه اوف وايت .. طبقات قصير الين الركب ومعاه شحاطه ذهبيه ومزينه شعرها القصير الين جتوفها بورده زي اخر طلعه لهيفا وهبي وكان شكلها حلو وروعه العرس وكان متعوب عليه .. والكل مستانس مابين رقص ووناسه ام راشد وفرح وام بشاير يوو عقب .. نور تكلم امها : يما عطيتي بطاقات حق مرت ابوج واهل ابوج ؟ ام راشد : دقيت ثلاث مراات وكل مرة يقولولي طالعه .. واخر مرة دقيت قالتلي عندي استقبال نور : هههه يعني ماتبي تيي ؟ ام راشد : تدرين شسويت ؟ عطيت كرتين لام عيسى وشوق والكرت الثاني عطيته لزوجة رفيج ابوج نور : منو اعرفها ؟ ام راشد : أي زوجه العميد عبد الوهاب تعرفينه رفيج ابوج بالشغل نور : ايي عرفته .. زوجته صبيحه ؟ ام راشد : ايي هذي اهي نور بابتسامه : زين .تسوين .. انتي سويتي اللي عليج وتعزمين رفيجاتج احسن دخلت ريم والكل معجب بجمالها ويحسد اللي بياخذها لانها طلعت روعه فوق مااهيا حلوة ونعومه بشاير تنادي نور : نور نوروووه .. نور : نعم كاني يايه بشاير : يوو كل رفيجاتها ؟ نور : ايي يله شغليه الحين بشاير : طيب وشغلوا الفلم اللي كان بدايته اهداء من رفيجات ريم لها وكان يحوي صور تضم ريم من وهيا صغيرة مع رفيجاتها الين اخر يوم قبل الزواج .. ورافقته اغنيه لعبدالمجيد جناان وكان الفلم مؤثر اللي خلا ريم تبجي يوم قاموا رفيجاتها كلهم يرقصون حوالينها والفرحه مو شايلتهم لرفيجة عمرهم رغم حزنهم بفقدانها .. صار وقت دخول المعرس .. قاموا الحريم يتغطون نور تكلم هشام بالتلفون : منو بيدش ؟ نغطيها ؟ هشام : ايي اخو مشعل بيدش واحنا كلنا بندش بعد .. وعيال عمي بوعبدالله نور من الازعاج ماسمعت زيين : يي هشوم ماادري شتقول .. زين حصه بتدق على خالد وتقولكم متى بتدشون هشام : زين يله باي نور : باي ام راشد تنادي نور : نور .. تعالي يما نور راحت لوين ماامها كانت واقفه وشافت يمها وحده ويهها مو غريب عليها : هلا يما ام راشد تكلم سارة .. : هذي نور شفتيها ؟ نور بصدمه كانت تشوف سارة وتحاول تكون طبيعيه بس ماقدرت سارة اللي سلمت على نور وهي تقول بقلبها .. الله يسامحك يايبا .. هالبنت ماتتفوت .. جمال واهل واخلاق نور ابتعدت بسرعه وهي بصمت رهيب ساره : شلونج نور ؟ نور : بخير الله يسلمج سارة وهي تناظر نور وكان ودها لوتطمن عبدالله على نور : الحمدلله نور تكلم امها .. : انا بروح عند بشاير راحت نور عند بشاير بذهن شارد بشاير : نور .. نوروه يله لبسي ترى الحين بيدشون نور : هاا .. يله زين راحت تلبس نور وعقبها دخلوا الرياييل بشاير : نوروه .. اخوج هشوم هذا ؟ نور : ههههه ايييه .. شوفيه شلون يخزج .. خل اروحله راحت نور وسلمت على هشام وراشد .. هشام يهمس لنور : ياحلووها ام البيج هذي منو ؟ نور : وااي انتا مافيه اعير منك .. بس بس ذبحت البنت خز هشام : والله صح منو هذي ؟ نور : يالمليييق .. هشام : زين قوليلها طالعه اليوم ... شيفه .. اأأ اقصد قمر نور : ههههههههههههههه هيين بعلمها هشام : لا واللي سلمج الحين تبرطم وتزعل وتفركش الزواج .. مو وقته نور : ههههههههههه هشام بصوت واطي : نوروه غطي ويهج ماتشوفين كله رياييل داشين ؟ نور تبي تغيضه وهي تتلفت ورى .. : وين ماكوا احد غريييب والتقت عيونها بعينه في الطرف الثاني عبدالله : علي مابغى ادش يعني مابغى ادش علي : ادخل انتا مو غريب عبوود مشعل : عبوود ان مادخلت معاي .. ترى ماادخل بعرسك عبدالله انحرج بس ماكان وده يدش عشان مايشوف نور ونظراتها اللي بتذبحه علي : يالله ياريال .. عزيمه اهي !! عبدالله بيأس : طيب وهم داشين الصاله عبدالله مارفع عينه عن الارض .. كان وده لو يقدر يرجع ومايكمل الدرب مع باجي الرياييل رفع عينه عبدالله يوم سمع حد يناديه ساره : عبدالله .. علي وينه ؟!! رفع عيونه عبدالله وقال : علي هناااك جنب خال وتجمدت عيونه بعيون مافاارقته ولا لحظة بحياته بس هالمرة هالعيون الحلوة المكحله .. كانت تبجي ومليانه دموع وتناظره وهي تخبي اشيا كثيرة عبدالله ماقدر يتحرك من مكانه .. وريوله ماشالته وين ماكان واقف .. حاول يجر خيبته .. يجر حزنه .. يبعد عيونه او ريله بس ماقدر .. الين هالعيون فارقته وهي ترميه بسهم آلم قلبه وماقدر يتحمل مواجيعه تحرك بدمعه محبوسه الين مامشعل كان واقف وسلم عليه ومادرى شلون هالاحرف طلعت منه وقال مبروك !! وعقبها حس انه كان اسرع من الريح .. طلع من الصاله وماكان وده يفارقها .. بس ماقدر يتحمل نظرتها .. كانت مؤلمه حيل طلع ولحقته سارة سارة : عبدالله .. عبدالله عبدالله من غير مايلتفت لها وقف : نعم سارة : شفيك ..!! عبدالله : الله يخليكم اتركوني .. كفايه مب قادر اتحمل ياسارة مب قادر .. قلتلكم مافيني ادخل واشوفها مافيني سارة : هدي روحك الحين بالبيت نتحجى خلص عبدالله ناظرها بنظره والتفت وطلع من هالمكان خذا تلفونه ودز لنور .. (( حاولت اجمع في غيابك شتاتي .. بعضي معك عيا يفارق خويه )) |
|
#32
07-23-2008, 02:45 PM
| ||
| | ||
| رد: نور وعبدالله روايه كويتيه سعوديه البارت 18 بشاير اللي كانت تدور نور وتدق عليها لكن ماترد واخيرا شافتها بغرفه البوفيه بشاير : نوروه انتي وينج .. عيزت وادق علييييي وانصدمت بدموع نور وهي تراقب الدريشه وبيدينها تلفونها وتبجي بشاير : نور .. نور شفيج شصاير ؟ نور اللي حضنت بشاير وتمت تبجي وهي تقول : شفته بشور .. شفته .. كان داخل مع الرياييل .. بشاير امسكت نور من جتوفها : وشنو يعني شفتيه .. هالشي المفروض يخليج قويه مب بهالضعف اللي انتي فيه نور .. اللي تسوينه هذا مو زين لج . . دموعج ماراح ترد شي .. كلشي انتهى مثل ماقلتي .. حاولي تنسينه نور بصوت يقطع القلب : ياليت بشاير وهي تسمع صوت رنه مسج من تلفون نور : اكييد اهوا نور وهي تفتح المسج اللي كان فعلا من عبدالله وعقب ماقرته غمضت عينها بالم وبصورة تدل على تعب هالقلب الصغير بشاير اللي قلبها متقطع على نور .. واحضنتها بقوة .. بشاير : انسي كلشي .. كلشي .. وامشي نروح نستانس نور مشت مع بشاير جسد .. لكن روح وقلب ماقدرت الا تتركهم معاه حاولت كثير انها تنساه .. لكن حبها له اكبر من مجرد شي ينسى .. لانها عاشت فيه وعاش فيها البنت الجميله اللي ظهرت هالليله في العرس .. والكل كان حاط عينه عليها .. كانت مجرد ورده حلوة المظهر .. لكنها من الداخل تنزف .. وتنزف بقوة والم مر على عرس ريم ثلاث اشهر .. وخلال هالاشهر .. تقدم هشام لبشاير وخطبها بعد ماتم الاتفاق على انه يكمل هالسنه وعقبها يتزوجون راشد كلم امه عن شوق وامه فرحت من الخاطر .. لانها حست ان هالبنت دخلت قلبها وبنت ناس واهلها زينين لكن ماتم الاتفاق رسمي .. مجرد كلام بين راشد وامه عنها الين مايخلص راشد سنه التدريب مالته اللي بدت من شهر اما نور .. فبعد عرس ريم .. كثروا خطاطيبها .. لكنها في كل مرة تتعذر باي عذر .. كانت شايله فكرة الزواج من راسها .. او بالاصح فكرة كونها مع ريال .. رغم محاولات امها وتدخل اخوانها الا انها كانت مصرة على موقفها وتمت عايشه على امل وخيال عبدالله وذكراه بس بصمت بشاير كانت رافضه خطبتها من هشام .. لمجرد الاستمتاع في تعذيبه .. ولو انها من الداخل عرفت انها تمووت فيه .. لكن طبعا مانست اللي سواه فيها .. عشان جذي .. ماوافقت على الخطبه الا بعد شهرين وكان وقتها هشام يحاول يرضيها باي طريقه عبدالله ملج على مضاوي بنت بوضاحي ... والزواج بيتم بعد شهر حسب كلام ابو عبدالله وطبعا اهوا مافكر يشوفها ولا حاول .. رغم محاولات سارة في كثير من المرات بانها تخليه يشوف صورتها لكن رفض عبدالله خلاها تعرف انه للحين مانسى نور .. لكنها بقلبها تقول .. مصيرك ياعبدالله بتنسى ريم ومشعل .. اجمل زوجين في الدنيا في بيت بوراشد غرفة نور هشام : زين .. ليش غيرت وقت محاضرتها ؟ نور : اوووف هشووم زهقتني .. قلتلك ماغيرتها .. اهيا دكتورها اعتذر مرتين .. وانا عرضت عليها ترد معاي لاني اخلص بهالوقت بس هشام بضيق : ودكتورها ناوي يداوم طول هالكورس ؟ نور : ياااربي الله يعيني عليكم واحد بالبيت ووحده بالجامعه هشام :زين نوروه .. اختي العزيزة نور اللي هدت الكتاب من ايدها : نعم هشام :شكثر تحبين اخوج؟ نور: ماعندي اسلفك .. هشام :شدعوه انا اخذ من اختي فلوس .. افااا نور :هاا شتبي ؟ هشام : مم يعني لوباجر تقولين لبشاير انج بتردينها .. نور : محاضراتي تخلص قبلها بساعه هشام : معليه قعدي نطريها .. ولا انتو مو رفيجات طفوله ؟ نور : ههههه نصااب وبعدين ؟ هشام : مم .. انا بيي اخذكم نور : ماراح ترضى هشام : عاد انتي لاتقولين لها اني انا اللي باخذكم .. قوليلها السايق نور : نو .. ماتعودت اجذب عليها هشاام : اوووف .. حراام عليكم خطيبتي وممنوع اشوفها يعني .. بالخش مثل الحراميه نور : ههههههه هشووم اخاف تزفني .. ترى بشور مو هينه .. اخاف من لسانها والله تحقد علي هشام : ماعليج .. انتي بس وافقي وخلي الباجي علي نور : زين .. زين يله اطلع الحين خلني ادرس باجر عندي كويز هشام : فديييت هالاخت .. يااربي انا شلون اعيش من غيرج نور : يماا منك انت .. سكر الباب وراك في بيت بوخالد ريم : والله بتعجبك .. انتا روح شوفها وعقب احكم خالد بقلبه .. يعني مافي امل يانور : ماادري ريم حصه : خلنا نروح وان ماعجبتك سو اللي تبيه خالد : ونور ؟ حصه بعصبيه : ردينا على نور .. يبا البنت ماتبي تتزوج ليش مو راضي تفهم ياخالد خالد بيأس : خل ريم تسألها .. اخر مره حصه : البنت قالتلي مابي خالد .. مابيه مو عاجبني .. خالد بصدمه : هي قالت جذي حصه : ايه .. اقص عليك انا ..!! خالد : خلص سو اللي تبونه وطلع من الصاله وهو متاضيج .. معقوله نور ماتبيني انا بالذات .. بس ماكان هذا ردها ريم تكلم حصه باستغراب : ومتى كلمتي نور ؟ حصه ببرود وهي تصب لنفسها جاي : ماكلمتها ريم : يعني تجذبين ؟ حصه : عشان اخوج ريم : بس مب زين تتبلين على البنت .. حرام عليج حصه : فكينا انتي الثانيه .. يعني شنو سبب رفض نور لخالد دامها ماتبيه اهوا بالذات ريم بنبره حاده : لو ماتبيه اهوا بالذات جان مارفضت كل اللي تقدمولها من طرفي وطرف فاطمه حصه : طيب .. رفضت خالد لا غيره .. ليش نخليه يتعلق بامل ضعيف .. ريم : بس مو على حساب غيرنا .. مانجذب ياحصه ونتبلى على بنات الناس حصه : وييييه .. سويتها جريمه وقصه .. ريم : ويمكن خالد وافق رده فعل للكلمه اللي قلتيها حصه : اووو .. خلصينا انتي الثانيه .. ودقي على فاطمه خلينا نحدد وقت نزور حماتها سميه ريم قامت ولا علقت على كلام حصه .. : ودقت على فاطمه وكلمتها وعقب عطت التلفون لحصة و دقت على مشعل يي ياخذها في الطرف الثاني فاطمة : كلمتي خالد ؟ حصة : ايه وقال سو اللي تبونه فاطمة : زين عيل متى تبينا نزورهم ؟ حصه : اول دقي وسأليها .. فاطمة : ويييه .. من بيلاقي مثل اخوي خالد .. كامل والكامل وجهه سبحانه بس الصج ينقال .. خلود الف بنت تتمناه حصه : الا نور فاطمه : البنات تارسين الديرة .. ونصيبهم مو لبعض حصه : ادري .. بس اخوج يبيها .. تصدقين لليوم يقول لريم كلميها فاطمة : تدرين .. !! ياكثر اللي شافوها بعرس ريم واخطبوها بس اهي ترفض حصه : وشنو السبب عاد ؟ فاطمة : تقول تبي تكمل دراستها حصه : وعمي شلون مطاوعها ؟ فاطمه : من صجج .. والله لو يدري عمي تلقينه ماخلاها .. بس الظاهر ان مرت عمي عايشه ماتقوله ان نور ترفض كل اللي تقدمولها حصه : المهم .. خلينها من نور الحين .. نبي الخميس الياي نزورهم فاطمه : خلص انا بكلمها واردلج خبر حصه : صار .. يله سلمي عليهم .. مع السلامه فاطمة : مع السلامه في الدمام المستشفى الدكتور : انا الحين احذرك .. ترى صحتك في تدهور والتدخين هذا بيضر التنفس عندك عبدالله : دكتور .. احس بحرقة واختناق اذا مادخنت الدكتور : طبيعي لانك تخلص علبة كامله يوميا .. اخ عبدالله ترى حالتك الصحية ان ماحطيت بالك عليها ترى اهيا بخطر عبدالله يضحك .. وعقب قال : طيب وكتب الدكتور شويه مضادات للحرقه : بالسلامه طلع عبدالله من الطبيب وتركي كان ناطره بره عبدالله : قلتلك مافي شي انتا بس متخوف مدري من ايش ..!! امش يله وهم يمشون تركي : انا ياعبدالله .. وربي لو ماجريتك جر ماجييت هناا .. الصحه ماتتعوض المهم شقال الدكتور ؟ عبدالله : عطاني مضادات للحرقه وقالي وقف تدخين تركي : سمعت ..!! عبدالله : ليت الفعل زي الكلام تركي : والله محد خسران غيرك .. ياعبدالله الحبن بديت حياة جديده وبعد شهر بيكون لك زوجه وعايلة .. ان مااهتميت بصحتك عشان نفسك .. اهتم فيها عشان اهلك وزوجتك واصحابك واللي يحبونك عبدالله : اللي يحبوني ماعادوا يبوني .. وشله اهتم بصحتي تركي : لازم تنسى .. وتبدى حياة جديده عبدالله سكت .. كلام تركي صحيح والكل يعيد عليه نفس الكلام .. ابوه .. فراس .. وسارة .. بس ليش هو مب قادر ينسى .. تم طول الطريج ساكت .. حس ان ممر السمتشفى طول اكثر من اللازم .. تعب من التفكير ومن الواقع ومن الحرمان تعب حتى من المستقبل اللي للحين مايدري وش هي بيكون حاله رجع البيت عبدالله : يله تركي تبي شي !! تركي : ايه .. ابيك تهتم بصحتك .. وترد عبدالله اللي اعرفه .. مبسوط ويضحك رغم آلامه وحزنه كل الربع فاقدينك .. كلهم ينتظرون عبدالله الاولي .. عبدالله ناظر تركي بنظره وعقب قال : تدري .. احس ربي ماجمعني باللي احبها عقاب لاني لعبت بقلوب كثير من البنات .. بس وربي ياتركي .. اني حبيتها من قلبي .. ولا عمري حبيت حد كثر ماحبيتها مااحس ان حياتي لها طعم من غيرها .. الواحد ليبغى يتزوج الدنيا ماتوسعه من الفرحه .. الكل يباركله وهو مستانس وانا احس الناس تعزيني .. وترثي حالتي من دونها تركي ماعرف شيقول .. عبدالله كان صاج بكل كلمه قالها لكنه علق : الله يوفقك ان شالله .. ادعي ربك ينسيك ياعبدالله عبدالله : اذا بدعي رب العالمين .. ابدعيه يجمعني فيها تركي : عندك للحين امل ..!! عبدالله : الين اخر نفس فيني .. فمان الله اليوم الثاني في الجامعه نور : اما دكتورج هذا نكته نكته ههههه.. اول مرة اشوف دكتور شعر عربي ودمه خفيف هههه بشاير : هههه والله موتنا من الضحك .. نور : زين خل ادق على هشام .. اأأ اقصد السايق اشوفه وصل ولا لا بشاير : هييي .. انتي قلتليلي بتعزميني على الغدا .. مو تحزرين فيني . .ترى انا مييته يووع نور : ههههههه افاا علييج .. خليني ادق بس وتدق نور على هشام نور : الو .. مسا الخير محامينا هشام : هلا هلا .. براعيه الصوت وباللي يمها نور : احم احم .. يسلمو ههه .. اقولك السايق بره ؟ هشام : هاا . .ايي اخذكم الحين نور اللي تسوي روحها ماتدري : وليش انتا ؟ هشام يلقنها شنو تقول : قولي ان سييارة البيت وقفت بالشارع نور اللي تكرر اللي يقوله هشام : ويييه سيارتنا وقفت .. شلون نرد البيت الحين ؟ هشام : هههههههههههه وربي اموووووووت علييج يااحلى اخت .. ياايكم طيران نور : لا اخاف بشاير تستحي .. هاا .. زين يله تعال باي بشاير وهي فاتحه عيونها على الاخر .. : شنو يله تعال ؟؟!! نور : بشوور شسوي سيارتنا واقفه .. تبينا نرد بتكسي ؟ بشاير : وليش هشام اللي يي ياخذنا .. ليش مو ابوج ؟ نور : هههه حلفي !!! متى ابوي اخذني من الجامعه ؟ بشاير بخجل : لا مابي .. شنو يقولون عنا البنات ؟ نور : مايقولون شي .. انتي مو بروحج انا معاج وبعدين هشام خطيبج ولا نسيتي ؟ بشاير : لا مانسيت ... بس للحين ماصار شي نور : ششش بس لا تزيدين حجي وايد .. يله امشي نوقف عن الشمس الين مايي بشاير بتردد : طيب .. ادق على امي اول نور : اوكيه بشاير تدق على امها اللي ماعارضت الفكرة .. وعقب عشر دقايق وصل هشام بسيارة الجييب نوروبشاير وهم متجهين للسيارة نور بخبث : ههه بشور شوفي البنات شلون يخزون باخوي فديته .. مزيون بشاير بغيره : وييه .. ماعندهم سالفه مادري على شنو !! نور : هههههههه انا ادري .. جيكر وشيفه بشاير : انتي هيييي . .لاتقولين شيفه نور : هههههههههه الحين توج تقولين ماعندهم سالفه بشاير وهي تضحك : بس انا اللي اقول ههههه نور : امبييي هذي بتدش معانا السيارة .. بشاير بعصبيه : واخوج يخزها .. الحين ببط عيونه نور : ههههههههههههههههه .. قاعد يخزج يالحوله .. بشاير باحراج : لاتجذبين .. خلص ماني يايه نور : يله فشلتينا الحين احد ينتبه علينا .. بطلي دلع دخلت نور وشاير السيارة .. وسلمو عقب قال هشام : شلونج بشاير ؟ بشاير من ورى : بخير الحمدلله هشام : سامحينا السيارة كانت عطلانه واضطريت انا اييبكم بشاير : معليه .. بس لوقايلتلي نور جان اخذت سيارتي وماتعبناكم هشام : شدعوه تعبكم راحه .. احنا نتشرف والله نور كانت منصدمه من هالانسجام الغير طبيعي .. وتقول بقلبها .. اول مرة مايتهاوشون فيها .. الحمدلله يارب هشام قام حط اغنيه عبدالمجيد عبدالله .. اهتم فيني وعقب قال : بشاير .. هالاغنيه شتذكرج فيه ..!! نور ضحكت : احم احم نحن هناا ههههههههه بشاير كانت منصدمه : عادي .. وقامت ودزت مسج حق نور (( اخوج استخف وقعد .. اخاف مريض ولا فيه شي .. دخيلج مو طبيعي هذا مو هشام )) نور قرت المسج وضحكت حييل .. هشام : الحمدلله والشكر .. شفيج تضحكين ؟؟ نور : ماكو شي روميو .. خلك مندمج مع الاغنيه هشام مااهتم لكلام نور .. لانه مايستحي منها وبعدين الفرصه ماتتكرر وعقب قال : ياليت نسمع ضحكات ناس اللي ترد الروح بشاير هني انحرجت حييل ودزت لنور )) ودوني بيتنا .. اخوج باعها )) نور تكلم هشام : هشووم شنو صار على خطبه راشد اخوي ؟ هشام : ماكو كلم امي واهي ناويه تكلم ابوي هاليومين ان شالله ويخطبونها رسمي لانه اهوا يبي يملج قريب نور : اووو تطورات ماادري عنها هشام : اييه .. بعد خالد بيخطبون له قريب يوم الخميس الياي نور : والله ؟ هشام : اييه .. خبرج خلود كلشي اسويه لازم يسوي نفسي .. يغااار هالدب .. نور : الله يوفقه يارب خالد خوش واحد هشام : واشوفج وافقتي عليه نور بضيق : شياب هالموضوع الحين هشام : ماادري عنج .. انتي تقولين خوش واحد نور : وانا صاجه هشام : عيل ليش رفضتيه .. حسافه كنت ابيه يكون لج .. خلود مافيه منه نور سكت وحست انها بتبجي .. ليش هشام يقول جذي .. اهي موبيدها .. ليش مايحس ان الموضوع اكبر مو موافقتها او رفضها .. تذكرت كلشي صار بعد رفضها لخالد .. وتمت ساكته وهي ملتفته صوب الددريشه بشاير حست بنور .. وتقول بقلبها .. صج رياييل مايحسون وقامت دزت لها مسج (( ماعليج منه نور .. هشوم لسانه متبري منه ماتعرفينه ..!! )) قرت المسج نور وسكتت هشام : انتي شسالفه تلفونج كل شوي وصلج مسج ؟ نور وهي تبي تحره : بشور تبي تقولي اشيا ماتبيك تسمعها .. هشام التفت الين ورى ورد عقب : عسى مو قاعده تحش فيني بس نور : هههه بلى .. اصلا كل موضوعنا عليك هشام : هيين انتوا الثنتين .. ان ماغديتكم فلافل ماكون هشام بشاير : انا بروح بيتنا هشام : لا لا مايصير وشنو تقولين علينا بعدين قليلين اصل مانغديج .. عيب بشاير : نور بلييز مابي اتغدى .. ودوني البيت نور : سمعت شقالت .. يله لا تسوي فيها حاتم الطائي هشام : تامرين امر يانور .. جم نور احنا عندنا .. وحده ومطلعه الشيب براسي نور ضحكت لان الحجي كان موجهه لبشاير والاثنينين في انسجام رجعوا البيت نور : والله شكلها متحلفه فيني هشام :آآآآه ياحلوها وهي معصبه .. هذا اللي يحليها نور : الحمدلله والشكر .. الله يتمم علينا العقل هشام : نوروه ماتسمعين صوت عالي ..!! نور : بلى .. صوت ابوي وامي .. من الصاله هشام : شصاير ؟ نور :ماادري .. تعال خل نشوف واتجهوا الاثنين للصاله .. هشام : عسى ماشر .. شفيكم يما !! ابو راشد : قول حق اخوك رشود هذا .. خل يشيل هالبنت من راسه احسن هشام مو فاهم : شسالفه ..!! يما ام راشد : اسأل ابوك .. من قلتله ان راشد يبي يتزوج بنت شاهين العيسى وهو حمقان ومعصب هشام : ليش يبا .. ألبنت فيها شي ؟ ابوراشد : انا قلت لا .. يعني لا !! نور منصدمه .. : معقوله انتا ابو .. شهالقساوة .. ليش دايم تفرق الناس وماتجمعهم مع اللي يحبونهم تمت ماسكه هشام بقوه ودموعها تنزل بصمت .. ليش وشنو السبب ماتدري .. دخل راشد فجأة .. ويه يركض صوب الصاله بعد ماسمع اصوات عاليه راشد : شفيكم .. صوتكم واصل اخر الدنيا يبا ؟ ابوراشد : اسمعني انت .. البنت هذي شيلها من راسك .. راشد منصدم : أي بنت ؟ بوراشد : بنت شاهين العيسى راشد : لييش ؟ بوراشد : بس جذي .. ماكو سبب راشد ناظر ابوه بنظرة غريبه وعقب قال : مايكفي عليك انك ابو بالاسم .. حتى هالشي ماتبينا نحسسك فيه .. انت حرام تكون ابو.. حراااااااااااااام بوراشد وهو يطق راشد طرااق على خده : جب ..!! راشد وهو حاط ايده على خده : طقني .. كفخني .. خلني اصحى .. يمكن اللي قاعد اشوفه حلم ماهو بحقيقه .. هدمت حياتنا واحد ورى الثاني .. ومادريت عنا لا واحنا صغار ولا واحنا كبار .. يتمتنا وانتا موجود .. والحين ياي تحرمنا واحد واحد .. من حياة ثانيه بعيده عنك .. انت شنو ..!! في قلب بهالقساوة مو كفايه عليك مخبي بلاوي عن امي وعن اخوك .. مو كفايه عليك الصدمه اللي عيشتني فيها انا وهشام طول هالسنين .. صدمه معرفتنا بابونا الظابط .. اللي مخوف الكل وهو في الحقيقه يعيش حياة مع وح هشاام : رااشد ..!!! سكت راشد .. بس بعد مافرغ كل اللي بقلبه طول هالسنين .. بعد ماقال كل اللي كان لازم يقوله من سنين كثيرة .. دمعت عيونه .. وطلع من البيت وهو في حاله مايعلم فيها الا رب العالمين عم الهدوء المكان كله بوراشد وهو يوجهه كلامه لهشام وام راشد : راشد مستحيل يتزوج بنت شاهين .. سمعتوني ..!! وطلع اهو الثاني من البيت عقب ماقالهم انه مايبي يشوف راشد مرة ثانيه مر شهر على ذيج السالفه وكان راشد ساكن في بيت عمه بوخالد والوضع للحينه متأزم بينه وبين ابوه بوخالد يكلم راشد : اسمع بعد ثلاث ايام عرس عبدالله بالدمام .. وابو عبدالله محرص علينا نروح .. وانا ماودي نروح وانت ابوك للحينكم متزاعلين .. روح وانا عمك له واعتذرله واذا على سالفه الزواج انا بكلمه وان شالله بيوافق راشد : عمي انتا ماتعرف ابوي .. تقدر تسأله شنو السبب .. خل يعطيني سبب واحد مقنع وانا مستعد اصرف النظر عنها بوخالد : خلص اليوم ان شالله نروح انا وانت له في البيت وتعتذرله ونفهم منه سبب رفضه راشد : ماراح يستقبلني بوخالد : بس انا معاك هالمرة مو مثل المرات اللي فاتت راشد : طيب . .بس اخر مره راح احاول فيها ياعمي بوخالد : ان شالله بيصير كل الخير ياوليدي في بيت بوراشد ام راشد تكلم نور : روحي يماا شوفي كلشي زاهب بالديوانيه لان اخوج راشد وعمج وولد عمج بيون الحين نور : يماا .. تتوقعين ابوي بيستقبله ام راشد وهي ضايق خلقها : ان شالله .. وجود عمج معاه بيخليه يستقبلهم .. والله ماادري ليش تسوي جذي يابوراشد .. هذا اكبر عيالك وشايل اسمك .. وايدك اليمين .. طول عمره يمشي على شورك .. ليش تسوي جذي نور اللي دنت يم امها وهي تمسح دموعها : لاتبجين يماا .. ان شالله بيصير كل خير ام راشد : بس لو افهم ليش مايبي بنت شاهين .. شنو العيب فيها او في ابوها ؟ نور بقلبها .. : العيب مو بالبنت يما .. العيب في ابوي نور تهدي امها .. : عمي بيتفاهم زين مع ابوي يما .. وكلشي بيرد طبيعي وراش بيرد البيت هني لا تبجين ام راشد : ان شالله .. راحت نور تجهز اللي وصته عليها امها .. وهي فكرها بعييد عن كلشي بيدينها .. غيرت ملابسها ولبست حجابها وراحت المطبخ توصي الخدم يزهبون الجاي والقهوة فرح توها نازله من غرفتها : نور شقاعده تسوين .. !! ووين بتروحين ؟ نور : ولا مكان .. بس عمي واخوي راشد بيون الحين فرح بصدمه : والله .. !! وابوي ؟؟ نور : ماادري فرووح الله يستر فرح : طيب وليش لابسه شيلتج ؟ نور : لان خالد ولد عمي بيي فرح : زين .. انزل انا ؟ نور : لا امي قالتي اقولج لاتنزلين .. الين مااناديج انا .. فرح : احسن بعد .. نور : فرووحه .. اسمع تلفوني يرن .. روحي شوفي منو بلييز فرح : زين راحت فرح تشوف تلفون نور .. وعقب ياات وبيدها التلفون فرح : هذي ريم تبيج نور بوناسه ..: هلا وغلا بالريم .. زين سمعنا هالصوت انتي وينج ؟ ريم : ههههه موجوده يالغاليه .. بس انتي المختفيه نور : أي والله .. تدرين كويزات وامتحانات ودوام متعب ريم : ممم زين بغيت اسألج بتروحون عرس عبدالله بالدمام ؟ نور بصدمه شلتها عن النطق .. او بالاصح كانت غير مستوعبه الاسم اللي سمعته ريم : الو .. نور ؟؟ نور : ه .. هلا .. معاج .. ريم : بتروحون ؟ نور : ماادري .. خلينا الحين بسالفه راشد اخوي ريم : تعالي شصار ؟؟ خلود قالي انه للحين مو راضي عمي يكلمه نور بذهن مشتت : ايه .. اليوم ياي عمي واخوي .. وان شالله يصير خير ريم : ان شالله .. طمنيني نور شنو بيصير .. ويارب يكون اليوم خير نور : يارب ريم : زين .. نوروه . . تتوقعين امج بتروح العرس ؟ نور وهي تغمض عيونها بالم : ماادري ريم ريم : والله وناسه .. العرس بيكون الخميس ماعندج دوام .. والصراحه كلنا بنروح وحجزنا من قبل يومين ونقعد كلنا بنفس الفندق .. تعالي والله سفرة ماتتفوت نور : ماادري .. يمكن مااقدر .. السبت عندي امتحان ريم : شوفي الامتحان يمديج تدرسيله يلله نور نور ماقدرت تنطق اكثر : ريم حبيبتي بعدين اكلمج .. يمكن عمي يه .. تبين شي ؟ ريم : لاسلامتج .. دقي عاد نور : ان شالله .. مع السلامه سكرت نور من ريم .. وهي بشبه صدمه وكملت تحضيرالقهوة وهي تبجي بهدووء وتمسح دموعها بهودء بعد وفي كل دمعه تنزل من عينها واللي تقرر انها تكون اخر دموعها .. تجر وراها سيل طويل ماله نهايه رن جرس البيت .. ودخلوا بوخالد وخالد وراشد وهشام وابوراشد كان بالديوانيه ومو باين على ويهه أي تعابير يتبع |
|
#33
07-23-2008, 02:48 PM
| ||
| | ||
| رد: نور وعبدالله روايه كويتيه سعوديه البارت 19 بوراشد : حياك الله يااخوي .. تو مانور البيت والله بوخالد وهو ماسك راشد بيده : بوجودكم وان شالله بينور اكثر لما نشوف راشد رجع لبيته بوراشد : والله ان ماتسنع وصار ريال .. ماابيه ببيتي راشد انحرج من كلام ابوه .. وخالد انصدم من اسلوب عمه بوخالد : راشد طول عمره ريال وانا اخوك .. والانسان خطاي وكلنا نخطي عدل .!! بوراشد : صحيح بوخالد : وهذا انا يايبه يعتذر منك ويبوس راسك قرب راشد من ابوه وباس راسه ببرود وعقب ابتعد ورجع لوين ماكان عمه قاعد ابوخالد : اييه وانا ابوك .. هذا راشد اللي نعرفه كلنا .. طول عمره ريال .. الحين خلنا نقعد ونتفاهم يااخوي ونحل المشكله بوراشد : هالبنت لا .. يعني لا ؟ بوخالد بعصبيه : قلنا نتفاهم مانصارخ ونفرض راينا وبس .. ماتعودت منك هالاسلوب يابوراشد بوراشد : السموحه بوخالد .. ماكان قصدي .. بس هالسالفه انا منتهي منها ومابي احد يناقشي بوخالد : وليش هالبنت بالذات مب راضي عليها .. ميصير الرفض من غير اسباب بوراشد وقف بعصبيه : ابوها .. ابوها خذا صفقه مني قبل جم شهر ورست لشركتهم واللي المفروض ترسي لنا بس ايوها تم ورى الموضوع الين ماخسر الشركه ملايين كنا المفروض نربحها .. وتبيني بعد هذا كله ازوج ولدي لبنته؟ راشد انصدم .. وبوخالد اكثر بوخالد : وتربط مصير عيالك بسبب تافهه مثل هذا ؟ راشد : بوخالد ؟ بوخالد : لا تقول بوخالد .. معقوله الكلام اللي تقوله ولا انت تضحك علينا .. صفقه وخسرتها .. عيالك يدفعون الثمن ليش ؟ بوراشد : أي ثمن واي خرابيط .. والدنيا متروسه بنات .. يعني مافي غيرها ؟ بوخالد : حسبت ان اخوي يفكر بعياله قبل مايفكر بروحه .. هذا اللي ربيتك عليه ..!! هذا اللي علمنا ياه ابوي سنين طويله ؟ بوراشد : انت مكبر الموضوع عالفاضي .. وحاط اعتبار لكلام اليهال راشد ماتحمل اكثر .. واتجهه الين الباب يبي يطلع لكن بوخالد مسكه من ايدينه بوخالد : انطر ياراشد .. بوراشد .. ولدك ولدي .. واذا انت ماتبي تخطبله .. انا بخطبله البنت بوراشد : من صجك انت ؟ بوخالد يدز راشد يروح لابوه ويستعطفه شوي وراح راشد لوين ماكان ابوه واقف راشد : يبا .. انا اسف على الكلام اللي طلع مني .. والبنت مالها ذنب باللي بينك وبين ابوها .. وصفقه راحت تيي وراها صفقات .. يبا عشان ولدك .. ماعمري طلبت منك شي وهذا انا اطلبه .. دخيلك لاتردني خالد انبهر من قساوة عمه .. هو يعرف انه صارم وغير مبالي بعياله .. بس ماتوقع يكون قلبه قاسي بهالطريقة اللي يشوف راشد بهالطول والعرض مايتوقع انه انسان مكسور فاقد حنان الاب .. بوراشد وهو لاف ويهه الصوب الثاني : خلاص سو اللي تبيه .. بس انا ماروح .. عندك عمك خل يروح معاك راشد ابتسم ابتسامه بارده وعقب قال : مشكور يبا .. وباس راسه مرة ثانيه وببرود اكثر بوخالد : رشوود يله قوم من عند ابوك اشووف .. وسولنا طريج .. نبي نشوف ام راشد ونشرب عندها استكانه جاي بوراشد بابتسامه لعمه اللي في نظره اغلى من الاب : ان شالله نور وام راشد بالصاله راشد : هلا وغلا بام راشد والله والله ولهت عليج ويركض لامه يلمها وهي تبجي وقلبها متقطع على ولدها .. اللي شاف الهوايل من ابوه نور : ويييه كل هذا زعل رشوود .. والله ولدج دلوع ههههه راشد : شدعوه .. بيتنا اصلا كان ظلمه وتوه نور يوم ييت نور : ههههههههههه راشد : يله زهبي الجاي والقهوة عشان عمي بيدش نور : من عيوووني في الدمام سارة وعيالها وريلها كانوا هناك من يومين سارة تكلم عبدالله : ياعيني شنو كل هذا ؟ عبدالله : هههه ايش ؟ ساره : وين رايح .. شنو هالكشخه ؟ عبدالله : مافي بس جااين رجاجيل عند ابوي وبنزل تحت ساره : ايه من قدك .. معرس جديد والكل جاي يباركلك عبدالله : معرس !! ... ليه وهو كل معرس لازم يكون فرحان والناس تجي تباركله ؟ ساره : يعني تبي تقنعني انك مب فرحان ؟ عبدالله : هههه .. وانا من متى اانتوا تحسون فيني .. خليها على الله سارة : حراام عليك عبود .. انا اختك حبيبتك مااحس فيك ؟ عبدالله : سارة .. بيت بوراشد وبوخالد بيجون ؟ سارة : كلمتني ريم وقالت ان اهما كلهم بيجون عبدالله : بيت بوراشد بعد سارة : اعتقد عبدالله وهو وده يعرف اذا نور بتي ولا لا : كلهم ؟ سارة : عارفة شتقصد .. ماادري عبدالله سكت ومشى من عند سارة لكنها نادته ساره : عبدالله .. بذمتك حرمه ثانيه الحين .. انساها وابدى من جديد عبدالله : سارة .. بقولك كلمتين وماعاد تشوفيني افتح هالموضوع مرة ثانيه .. انا بنساها .. صدقيني بنساها .. لكن تأكدي اني نسيت روحي وسعادتي وراحتي معاها .. ومشى عبدالله لوين مالازم يكون موجود .. وكأنه لعبه يحركها ابوه زي مايبي يضحك ويوقف ويقعد ويسلم وهو جسد من غير روح وعقب كل شي يصعد لغرفته وماينام الا وذكرى نور تكون اخر مايطري بباله .. وصورة ويهها الطفولي اخر ماتشوفه عيونه اليوم الثاني في بيت بوراشد بوراشد وام راشد وفرح ونور قاعدين يتغدون بوراشد وهو متابع برنامج على الجزيرة : ماعندي وقت عايشه .. روحوا انتوا ام راشد : دخيلك بوراشد .. منها نحضر عرس عبدالله ومنها تسافر معانا .. متى متى ماطلعنا يميمع كلنا فرح : ايي يبا الله يخليك تعال معانا ابوراشد : مااقدر .. الاجتماع مهم ولازم احضره ام راشد : يتأجل يوم او يومين ماراح يتأثر شي ابوراشد : خلص .. بس نتم يومين ونمشي .. ام راشد وهي مستاسه : الله يخليك يارب ويديمك .. هشام بيي بس بشوف راشد اذا يقدر ولا لا ..!! نور قامت ام راشد : يما ماااكلتي .. احطلج فواكه شوي ؟ نور : لا يما .. الحمد لله شبعت .. وصعدت غرفتها وهي ماسكه راسها بالم وتقول بقلبها :شسوي الحين.. مستحيل اروح .. مستحيل ودقت على بشاير نور : الو بشاير : هلا نونو حبيبتي .. اقولج بصلي وعقب ادق عليج نور : زين بشاير : نور شفيج ..!! نور وهي تبجي : مابي اروح عرسه بشاير بصدمه : ليش خالتي ووعمي بيروحون نور بدموع اكثر : ايه بشاير سكتت .. وعقب قالت : شوفي انتي لازم تروحين عشان سببين .. اولا عشان تأقلمين نفسج على هالوضع .. يانور انتي راح تشوفينه بعدين وايد .. ومو بعيده تشوفين زوجته وتزوركم بالمستقبل .. لازم تتعودين على هالوضع وثاني شي .. عشان تورينه انج مو مهتمه له .. نور هدت شوي .. كلام بشاير صحيح .. بس ياترى تقدر تشوفه .. تقدر تصمد وماتنهار بشاير : نور .. !! نور وهي تمسح دموعها : معاج .. بشاير : نور ادري الموضوع صعب .. بس لازم تتعودين عليه نور:خلص بشاير .. بروح العرس بشاير : وتنسينه ؟ نور غمضت عيونها بالم : اوعدج نور كان في كلامها اصرار غريب .. صحيح هي بتقدر تنسى عبدالله وتبدى حياتها من يديد ؟.. اوبكلامها هذا تحاول تخبي حبها بكره مزيف؟ او هذا كله غضب مايطفيه شي بالدنيا ؟ يوم الخميس الدمام عرس عبدالله سارة واقفه عند باب الصاله وهي ترحب بالمعازيم يم اهل العروس ريم وفاطمه وحصه دخلوا وسلموا على سارة سارة : هلا وغلا .. حياكم الله فاطمه : مبروكين الغاليه سارة : الله يبارك فيج فاطمة : ام راشد مايات للحين ؟ سارة بقلق : لا للحين .. تلقينهم قريبين حياكم الله .. تفضلوا ريم وفاطمة وحصه كانوا كاشخين ولابسين لكن مو بشكل بارز وملفت في الطرف الثاني نور دخلت مع امها وفرح نور حست ان الدنيا كلها تلف فيها .. ان الناس تدور والدنيا مقلوبه .. حاولت تتماسك وتبين انها بخير هاليوم نور كانت حديث الحريم والخطابات .. كانت مصرة تطلع اجمل وحده في العرس .. مب عشان شي بس عشان تثبت له انه خسر وخسر كثيير سارة : هلا والله .. تأخرتوا ليش ؟ ام راشد : تدرين بنات يبون يكشخون ويلبسون .. سارة وعينها على نور : ماشالله تبارك الله .. الله يبلغج فيهم ان شالله .. هذيل عرايس ام راشد : الله يسلمج .. بس عاد بنات هالايام يتدلعون مايبون يتزوجون سارة باهتمام : ليش ماشالله مو ناقصهم شي .. ام راشد : يتعذرون بالدراسه والجامعه .. الله على زمانا من تكمل البنت 16 ولا 17 الا وعندها ولد ولا اثنين سارة كانت تشوف نور وهي خايفة ان يكون سبب رفض نور للزواج اهوا عبدالله .. سارة : والله لو حمود ولدي كبير جان زوجته وحده من بناتج ام راشد : هههههههههههههه نور التفت لساره وعقب راحت عيونها على الكوشه ريم تنادي نور : نوروه .. نور : هلا كاني يايه دخلت العروس .. موضي ونور كانت في صمت وهدوء مو طبيعي .. ريم : نور تعبانه فيج شي ؟ نور اللي كل شوي تمسك راسها : لا بس دوار بسيط .. عادي ولا يهمج ريم : شنو مااكلتي شي من الصبح نور : بلا اكلت بس مااعرف ليش والله ريم : زين شرايج فيها حلوة ؟ نور : منو ؟ ريم : شفيج العروسه ؟ نور رفعت عيونها وعقب قالت : حلوة ريم : مم يعني عاديه .. توقعتها احلى نور : مو مهم .. المهم هو يرتاحلها ريم : بس مو مثلج نور انصدمت : شنو ؟ ريم : ههه شفيج .. اقصد اليوم انتي صاكه على الكل .. حتى على العروس شوفي الحريم شلون يخزون فيج .. وكل شوي يت وحده واسألت امج عنج نور : ريم .. متى بيخلص العرس ؟ ريم :ههههههههههههه .. بسم الله تونا يايين ماصارلنا ساعه فاطمه وحصه : قوموا يلله نرقص على هالاغنيه .. سارة تنادينا ريم : يلله نوروه . .قومي نور : مابي ريم : قومي عن العيارة .. بعد قولي ماتعرفين ترقصين .. انتي تحبين هالاغنيه نور : لا ريم راسي يعورني ريم :قومي شوي نور : بقوم .. بس بعد شوي ريم : على راحتج نور بقلبها ماتبي تظهر أي انكسار او ضعف .. كان ودها تقوم ترقص .. بس حست هالامر اصعب مما كانت تتصور تمنت وقتها انها ترد الفندق لان زاد عليها الصداع .. ريم تجر نور : يله نوروه قامت نور .. على اغنيه بكيتك لحسين الجسمي ورقصت ووجنها ترقص بيوم كفنها .. كانت تتصنع الابتسامه وهي من الداخل بكل نغمة تنجرح الف الف خنجر وتصيييح لالم من الداخل .. لكن ماحد يحس .. ولاحد يشوف غير قمر يرقص وماخذ الانظار كلها ريم وفاطمة وحصة وام راشد وفرح يصفقون مبسوطين .. فاطمة : بسم الله ماشالله عليها .. اقري على بنيتج خالتي ام راشد ام راشد : لا اله الا الله .. الف من ذكره ريم بقلبها يلتنا نطرنا شوي وحاولنا فيج يانور .. وكنتي من نصيب خالد وقت دخول المعرس .. تغطوا الحريم ونور قلبها كل ماله ويدق .. خايفة انها تنهار .. خايفة قعدت تقرى المعوذات وسورة الكرسي وتذكر الله وهالشي خلها هاديه شوي .. في الطرف الثاني سارة تكلم علي بالتلفون : يلله خمس دقايق ودخلوا علي : طيب دخل عبدالله .. وكأي معرس اول مايدش الصاله .. تكون انظاره ملتفته صوب الكوشه اللي قاعده عليها شريكة حياته اللي اختارها ورضى فيها ورضت فيه بس وين كانت عيون عبدالله .. وتدور علي مين ..!! تلتفت بين الويوه الين ماتشوف عيون مو غريبه عليها ابد .. عيون تمنت تكون يمه في هالليله .. حس بالانكسار وبالضعف .. كان وده لو يقوم من مكانه الحين ويسحب ايدينها ويطلع فيها بعييد عن الكل كان وده يمسح الدموع اللي غارقة عيونها والمحبوسه كبرياء .. في الطرف الثاني نور ماقدرت تتم اكثر .. خاصه بعد مادخل عبدالله وعيونه مافارقتها كلش قامت ودقت على هشام نور : الو هشام هشام : هلا نور .. نور : تقدر تردني الفندق الحين ؟ هشام : ليش ؟ خلص العرس ماشالله ؟ نور : لا بس راسي يعورني هشام : ماادري ماعندي سيارة .. خلص باخذ سيارة خالد واييج نور : طيب .. دق علي اول ماتوصل هشام: زين يله باي ريم : نوروه شكلج تعبان حيل نور : أي والله .. دقيت على هشام يي ياخذني برد الفندق ريم : زين تسوين .. اقول نوروه .. شفتيه ؟ نور : منو ؟ ريم : المعرس عبدالله .. تدرين انه اول مرة يشوف زوجته نور بفضول : ليش ؟ ريم : لان هني المتزوجين مايشوفون حريمهم مثلنا ويقعدون معاهم .. بس بالصور .. وتقول سارة انه حتى الصورة مارضى يشوفها نور : ليش ؟ ريم : ماادري .. نور تصادمت عيونها مع عيونه مرة ثانيه وتم عبدالله يناظرها بشكل ملفت .. وهالشي خلا نور تقوم وتطلع ريم : يه هشام ؟ نور : ياي بالطريج بس بدخل داخل عن الازعاج .. مافيني .. سلمي عليهم ريم : يوصل نور : يله اشوفكم .. باي ريم : باي عبدالله بقلبه وهو يشوف نور تطلع وتروح بعيد عن عيونه .. تخطيي وتجر خطواتها بعيد عن قلبه ..لكنها اقرب له من الوريد حس انه كلشي انتهى .. ودنيته من غير نور بدت .. ياترى بيقدر يتحمل وينسى ..!!! التفت ... وتوها ... توها ما اختفت ... ماكساها الليل ... باللون الحزين ... التفت ... وتعالت صرخته ... في نظرته ... صاح ... لكن بالنظر ... وانكسر .... شوفه عثر ... حسايف .. تذبل الضحكه وهى بين الشفايف .. تذبل الفرحه وتضيع ... ويصبح الكون الوسيع ... مايكفي خطوتين .. لاكساه الليل بااللون الحزين .. يوم مدلها يده .. كانت الرجفه لقا .. ودعت فيها الشقا .. وتركت بين الاصابع .. عطرها .. وعمرها ... ما جت على وقت الوعد ... إلا ذاك اليوم ... و عمرها ... ما بكت .. و ما ضحكت ... ما حكت له .. واسكتت مثل ذاك اليوم ... كانت أجمل من خياله ... كانت انضر ... كانت أكثر ... من أماني عمره الظامي حنين .. و اختفت ... من كساها الليل باللون الحزين اختفت في الطريق اللي معه ... كانت تجيه ... كيف دربٍ جمعه معها ... خذاه ... ليتها اختارت سواه ... تزرع القرقا لياليها ... عليه ... وحسايف ... حسايف ... |
|
#34
07-23-2008, 02:49 PM
| ||
| | ||
| رد: نور وعبدالله روايه كويتيه سعوديه البارت 20 بعد عرس عبدالله باسبوع بيت بوراشد ام راشد تكلم راشد : ها يماا .. تبيني ادق على ام عيسى اليوم ؟ راشد : ايي واللي سلمج ترى مافيني صبر .. يعني اقصد ليش نأجل الموضوع اكثر .. اخاف ابوي يطلع لنا بسالفه ثانيه ام راشد: هههههه والله وكبرتوا وبتزوجون وتخلوني ام راشد : ماعاش من يخليج يايما .. كل يوم غدا وعشا عندج ويدخل هشام الصاله هشام : مسا الخيرياست الحبايب ام راشد : مسا النور .. شش اسكت بحاجي الحرمه هشام بشويش يكلم راشد : أي حرمه ؟ راشد : احم .. خالتي .. اقصد ام شوق هشام : ومنو شوق ؟ راشد : شفيك انت .. !! شوق اخت عيسى هشام : هههههههههههههههههههههههههه ام راشد تخز هشام عشان يقصر صوته راشد : ششش ماتشوف امي تكلم خالتي .. لاتزعجهم هشام : ياعيني .. من الحين مايبي يزعجها .. والله مو هيين رشود راشد بابتسامه : شنو يعني .. بعض الناس مو احسن مني .. هشام : هههه اصلا انا بتزوج عشان اريحكم من مصروفي بس راشد : ههههههه ايييه صح .. ماادري منو اللي كان ماينام الليل وهو يفكر فيها .. ويسهر على اغاني عبدالحليم وام كلثوم هشام : ههههههههههههه استر على والنبي يااخويا راشد : ههههههههههههههههههه عاد اسكت لااطلع فضايحك . هشام : ههه زيين ام راشد وهي تتكلم بالتلفون : عيل احنا تأخرنا ..!! راشد وهشام التفتوا صوب امهم ام راشد : لا عيل الله يوفقها .. مبروك راشد بصمت اكثر وانتباه ام راشد : زين عيل ياوخيتي .. سلمي على ابوكم .. فمان الله راشد : شصاير يما ؟ ام راشد مااعرفت شتقول : يماا .. البنت راشد : شفيها ؟ ام راشد : البنت مخطوبه من قبل اسبوعين جذي راشد : ........ هشام : يله الله يوفقها .. مو نصيب راشد : ..... ام راشد : ياوليدي البنات تارسين الديرة .. والف الف بنت تتمناك .. انت نسيت انك دكتور ومو ناقصك شي راشد : خلص يما .. مو نصيب وطلع من الصاله مكسور .. ومكسور حييل مب عشان ماقدر يخطب شوق .. لانه حاس انه ماله حظ بالدنيا .. وكل ماقربت منه السعاده .. وقف شي بويهه هشام يناديه : راشد .. راشد انطر بيي معاك طلع راشد بره البيت . . وركب سيارته هشام : وين رايج ؟ راشد : ماادري هشام : زين بيي معاك راشد : .... ركبوا اثنينهم السيارة .. وعم الهدوء المكان وبعد ربع ساعه .. وقف راشد عند البحر ونزل من السيارة ونزل وراه هشام هشام : عارف ان الموضوع صعب عليك .. بس كلشي نصيب رشوود .. ويمكن هالشي فيه خيره لك ولها راشد : الموضوع مو موضوع نصيب ... الموضوع موضوع ابوي .. لو كان موافق عليها جان خطبتها من شهر هشام : لو الله كاتب انها تكون لك بتكون لك .. لو خطبها الاف غيرك راشد : ...... هشام : حسبتك اقوى من جذي رشود راشد وهو يغمض عيونه بالم : تعبان ياهشام .. تعبان هشام حس انه اللي في راشد مو قضيه شوق .. اللي فيه اكبر من جذي .. هموم وحزن وغضب ومشاعر مختلطه .. حس انه محتاج لاحد يكلمه ويكون قريب منه .. تعودوا هم اللي يشكوله دايما .. بس مافكروا انه اهو بعد انسان وله مشاعر وقلب يحس فيه .. ويتضايق من امور كثيرة اقترب من راشد وقال : رشوود .. ثق تماما ان انا وامي وخاوتي وعمي وحتى ابوي نبيلك الخير .. وان شالله ربي يرزقك اللي احسن منها راشد : انت مو فاهمني هشام : ابوي ..؟؟ .. ابوي هو اللي مضايقك راشد : ...... هشام : راشد .. يمكن انت غبت سنين عنا .. وماخالطت ابوي كثر ماانا والبنات خالطناه انا معاك .. ابوي يمكن ظلمنا وايد .. حتى انا لا تتوقع اني سلمت منه .. دخلت الحقوق وانا كانت ميولي اني اروح الجيش مع خالد .. لكنه وقف بمستقبلي .. حملني مسؤليه خواتي وامي وانا توني متخرج من الثانوي واللي بعمري المفروض يشوفون حياتهم وروحهم .. كنت بعمري محتاج لابو يحسسني باهتمامه وحنانه مو استلم انا مكانه في البيت وفوق هذا كله .. كان دايما يتهمني بالتقصير والكسل واللامبالاه نور كان راح يغصبها على واحد اهيا ماتبيه .. وبالزور اقتنع بعد ماحطيناه امام الامر الواقع فرح فقدت حنان الابو قبلي وقبلك .. كلنا قدرنا نتأقلم مع ابوي .. لسبب واحد بس .. لانه ابونا .. لانقدر نغيره ولانبدله راشد : ....... هشام : انا ادري ان اللي ابوي سواه معاك مو شويه .. لكن تقدر تقولي شنو نقدر احنا نسوي ؟ هذا ابونا ياراشد .. وواجب علينا نتحمله ..بالعكس لازم نحاول نتقرب منه ونغيره ولو انه صعب بس لازم نحاول راشد كان طول عمره محتاج لاحد يكلمه ويشكيله وياخذ بشوره لكنه ماتوقع بيوم من الايام انه هالشخص هذا يمكن يكون اخوه .. اللي اصغر منه ودايم يلجأله في مشاكله حس بالراحه .. كلام هشام صحيح ليش اهوا بس اللي متذمر .. اخوانه وخواته كلهم عايشين نفس الحياة ويمكن اكثر راشد : تدري .. يمكن السنين اللي كنت انت هني بروحك .. علمتك اشيا انا ماتعلمتها بلندن هشام : ههههه لاتسويني حكيم الحين .. راشد ابتسم وبقلبه مرتاح من كل كلمه قالها اخوه رغم الاشيا الكثيرة اللي خسرها بحياته .. رغم خسارته لشوق البنت اللي دخلت قلبه هشام : زيين ترى انا نصايحي مو ببلاش .. بتعشيني اليوم ؟ راشد : هههه ياويلي منك انت .. ماهمك الا بطنك هشام: ها بتعشيني ولا اسحب كلامي الحين ؟ راشد : لا يبا بنعشيك يله اركب ركبوا اثنينهم وانتبه راشد ان تلفونه كان فيه اربع مسكولات اثنين من امه وواحد من نور .. والاخير من عيسى راشد : امك داقه علي اهي ونور هشام : حتى انا امي داقه علي بس 6 مرات راشد : ههههه الحين انا اللي طالع متاضيق تدق عليك انتا اكثر مني ليش ؟ هشام : طالع هذا .. وعبالك معزتك مثل معزتي عند مامي فديتها ام راشد راشد : الا تدري ان المفقودات دايم تلاقيها عندك هشام : هههههههههههههههه راشد ادق عليها واطمنها احسن ام راشد : هلا يماا خوفوتوني عليكم وينكم ؟ راشد : هلا ام راشد .. احنا الحين يايين ناخذكم ونروح نتعشى يميع ام راشد بارتياح .. حست انه ولدها مو متاضيق ولازعلان : يما حبيبي الزواج نصيب ونذر علي لاازوج احسن منها راشد : ان شالله .. زين كلمي البنات وانا الحين يايكم ام راشد : ان شالله ياوليدي .. حطوا بالكم بالطريج راشد : ان شالله .. فمان الله هشام : شهالكرم ياحاتم الطائي ..!! راشد : تستاهل ام راشد نطلعها وتغير جو هشام : والله اذا فلوسك زايده .. عطونا الله يعطيكم راشد : واااي منك انت .. ابوي كل شهر يحطلك 500 دينار وين توديهم ؟ هشام : يااخوي المصاريف زادت .. وترى انا شاب ماني بنيه .. اطلع واروح وايي وعزايم ونوادي راشد : اووف شكثر تتحجى انت .. زين يصير خير خلني ادق على عيسى اشوفه ويدق على عيسى راشد : السلام عليكم عيسى : وعليكم السلام والرحمه .. هلا رشود راشد : سامحني بس ماانتبهت على تلفوني عيسى : رشوود .. الحين تخطب اختي وانا ماادري راشد : هههه ليش ؟ عيسى : جان قلتي علاقل فركشت الخطبه وزوجتها لك راشد : كلشي نصيب عيووس ... الله مو كاتب عيسى : على قولتك الله كريم .. انت وينك ؟ راشد : والله بطلع اهلي اليوم جذي طلعه وتعشى يميع .. من زمان ماطلعنا عيسى : خوش .. عيل باجر اشوفك بالديوانيه ... في سالفه ابيك فيها راشد : صار ان شالله .. عيسى : ها تبي شي ؟ راشد : سلامتك .. الله وياك عيسى : مع السلامه في بيت بوراشد بيب بيب ام راشد : يلله قومو كاهم عند الباب نور اللي ماكان لها خلق تطلع من البيت : يله فروحه قومي طلع الجميع وكانت الطلعه حلوة .. احلى مما كان الجميع متصور هشام اللي كان فرحان ويتحجى عن مخططاته بعد الزواج ومكتب المحاماه اللي مفكر يفتحه ومسقبله بالمنتخب راشد اللي نسى حزنه وهمومه .. واستانس يوم شاف اخوانه كلهم مرتاحين ويضحكون وامه حبيبه قلبه مرتاحه فرح مثل مايسميها هشام دلوعه البيت .. لكن بنفس الوقت هي حلات القعده ومن غيرها ام راشد ماتيي نور اللي قعدتها مع اخوانها نستها جروح كثيرة متخبيه في قلبها .. نستها خسارتها لحبها وانكسار قلبها وطلعت من جو الضيق اللي كانت فيه هالاسبوع باختصار .. الكل رجع ونفسيته عال العال في الدمام رجع عبدالله وموضي من اسبوع العسل اللي كان المفروض يكون عسل ابو عبدالله وفراس كانوا في انتظارهم بالبيت بوعبدالله : الحمدلله على السلامه ياوليدي .. مبروكين عبدالله : الله يبارك فيك يبا موضي تسلم على عمها : شلونك عمي .. شخبارك ؟ بوعبدالله : بخير عساج بخير .. الحمدلله على السلامه .. ها عسى استانستوا موضي تطالع عبدالله : الحمدلله فراس يسلم على عبدالله : مبروك بومحمد .. والحمدلله على سلامتك عبدالله : الله يسلمك .. يله انا بصعد غرفتي بوعبدالله : الله وياكم .. صعد عبدالله وموصي غرفتهم واللي كانت عبارة عن جناح كبير فيه غرفه وحمام داخلي وصاله ومطبخ تحضيري وغرفته تبديل وكان كلشي مختارته له سارة قبل ماترد الكويت موضي : احطلك شي عبدالله ؟ عبدالله : لا مشكورة .. تعبان وابي انام موضي : على راحتك انسدح عبدالله في الغرفه اما موضي راحت تفتر في الجناح وتشوفه وعقب دقت على امها ام ضاحي : هلا وغلا موضي حبيبتي .. متى رديتوا ؟ موضي : هالحين يما .. تونا وصلنا ام ضاحي : الحمدلله على السلامه .. ها عسى استانستوا هناك ؟ موضي : ايه ام ضاحي : وشفيك تقولينها من غير نفس ؟ موضي : ماادري يما .. عبدالله مدري شفيه ؟ ام ضاحي بقلق : شفيه ؟ موضي : مدري .. كلامه معي قليل .. ودايم سرحان وساكت .. هو ماقصر معي ابد بس احسه مب مرتاح ام ضاحي : يماا معليه انتوا ماصارلكم اسبوع .. ان شالله بس يتعود عليك بعدين بيتغير .. اهم شي انتي مرتاحتله موضي : والله مومقصر علي بشي .. بس ام ضاحي : لا بس ولا شي .. بركه الغدا عندنا خبري عبدالله وانا بقول لابوك يكلمه موضي : طيب .. تبين شي يما ؟ ام ضاحي : ايه .. سويتي اللي قلتلج عليه كله بالسفر ؟ موضي : أيه كلشي .. ام ضاحي : طيب .. يله انا اشوفك بكره موضي : ان شالله ام ضاحي : مع السلامه موضي : مع السلامه اليوم الثاني في بيت بوعيسى ام عيسى قاعده تشوف برنامج افتح قلبك وشوق قاعده يمها ام عيسى : شواقه .. ماقلتج امس منو دقت علي ؟ شوق : امس ؟ .. منو ؟ ام عيسى : ام راشد شوق بفضول : والله .. يحليلها .. شلونها ام عيسى : بخير .. بس كانت داقه عشان شي معين شوق : شنو يما ؟ ام عيسى : تخيلي .. كانت بتخطبج لولدها راشد شوق وقلبها يدق : زين .. وانتي شقلتيلها ؟ ام عيسى : شقول بعد .. اعتذرتلها وقلت لها انج مخطوبه .. شوق بخيبه : ....... ام عيسى : تدرين عاد كان ودي ربي يرزقج واحد مثل راشد .. ماشالله عليه كامل والكامل وجهه سبحانه شوق للحينها ساكته ام عيسى : والله لو كلمتني ام راشد شوي بدري ..قبل خطبتج والله مارديتها .. بس يلله نصيب وان شالله ربي يوفقج بعد ثلاث اشهر من الاحداث السابقة في بيت بوخالد حصه تكلم ريم : زين انتي لاتقوليها عشان ماترفض الفكرة ريم : شسوي عيل ؟ حصه : كلمي ام راشد .. وقوليلها ريم : لا اخاف نور تزعل مني .. اهي قالتلي لاتيبين لي طاري الزواج كلش حصه : بس والله هالريال مايتفوت والف بنت تتمناه .. ريم : ولله مادري حصه .. انا بكلمها اول واذا رفضت مافي بيدنا شي حصه : لا انا بكلم ام راشد واخبرها .. وهي بطريقتها تقول لنور وان شالله يصير خير ريم : على راحتج وتدق حصه على ام راشد يرن تلفون البيت تشيله فرح : الو حصه : الو السلام عليكم فرح : وعليكم السلام والرحمه .. حصه : منو معاي ؟ فرح ولا نور ؟ فرح : لا انا فروحه حصه : فروحه شلونج حبيبتي .. امج هني ؟ فرح : ايه .. دقايق اذ تسمحين اناديها لج وتنادي فرح ام راشد اللي كانت بغرفتها وتشيل التلفون من فوق ام راشد : الو حصه : هلا ام راشد .. شلونج معاج حصه ام راشد : هلا وغلا حصه انا بخير الحمدلله .. انتي طمنيني عنج وعن اليهال .. ريلج شلونه ؟ حصه : كلهم بخير وعافيه .. والله انا يايتج بموضوع اليوم وان شالله ربي يكتب اللي فيه الخير ام راشد : هلا والله امريني حصه : الصراحه انا مكلميني ناس عن بنيتج نور .. وهما حابين يزورونكم .. وانا قلت في البدايه لريم تكلم نور بس قالتي انها بترفض والريال ماينعاب ياام راشد .. فقلت اقولج وانتي شوري عليها وربي يقدم اللي فيه الخير ام راشد : والله شقولج ياحصه .. هالبنت مادري شفيها عالزواج .. مااجذب عليج مايمر اسبوع الا ويخطبونها لكن والله مابيدي شي .. عيزت معاها .. تقول ماتبي تتزوج حصه : طيب شنو السبب ام راشد : تتعذر بالدراسه .. بس وايد بنات متزوجين ويدرسون شنو فيها ؟ حصه : خلص خليها علي انا بكلمها .. اذا مايضايقج ام راشد : لا خل اكلمها انا بالاول وان مافاد انتي كلميها حصه : خلص على راحتج .. الا ماقلتيلي شصار على ملجه هشام حددتوها ولا بعد ؟ ام راشد : ايه .. ان شالله الخميس الياي الملجه والعرس عقب مايخلص هالسنه .. وكنت ناويه اخبركم بس انتي سبقتيني حصه : زين عيل مبروك ويستاهل هشام .. الله يوفقه ويتمم عليه ويسعده ام راشد : وخالد .. مو قلتو انكم لقيتوله بنيه زينه .. ماصار شي يديد بالموضوع ؟ حصه : والله خبرج كل يوم اقوله نروح نكلمهم يقولي نطري الاسبوع الياي .. وهذا اهوا كل يوم يقولي باجر بس ماعليج .. ان شالله بنروح خلال هالشهر ام راشد : زين تسوون .. احسن شي للشباب بهالعمر .. الزواج يعقلهم ويخليهم يتحملون المسؤليه شوي حصه : وانتي صاجه .. الفال لراشد ان شالله ام راشد : الله يسمع منج يارب حصه : شايفه .. والله صار هم الشباب اكبر من هموم البنات ام راشد : صدقتي والله .. حصه : زين عيل .. شوفيلي موضوع نور ورديلي خبر ان شالله ام راشد : على خير يارب .. حصه : سلمي على البنات .. فمان الله ام راشد : يوصل .. مع السلامه سكرت ام راشد من حصه واتجهت لغرفه نور طق طق طق نور : لحظة شوي وفتحت الباب وهي بثوب الصلاه ام راشد : تقبل الله يابنيتي نور : منا ومنج يما .. حياج دخلت ام راشد وهي ماتدري شلون تقنع هالبنت اللي كارهه الزواج وكارهه انها حتى تشوف اللي متقدم لها ام راشد : شوفي نور .. انتي الحين كبيرة وواعيه وفاهمه .. وابيج تسمعيني للنهايه .. في واحد متقدم لج ويبي يخطبج واهوا خوش ريال .. شرايج اكلمهم يوون .. شوفيه واذا مااعجبج نفركش السالفه نور : يما لاتكملين .. هالموضوع انتي عارفه رااي فيه ام راشد بعصبيه : أي رااي واي خرابيط .. شوفي انا مااقول لابوج عشان مايغصبج على شي .. مابيج تتزوجين وانتي مو مقتنعه .. بس سمعيني يانور .. وهذا انا اقولج ياها هالموضوع هذا لازم تلاقين له حل .. ولا ترى انا اعرف شلون اتصرف فيه نور : ... ام راشد : يعني شلون الحين ؟ نوروبنظرة ماتحمل شي من الامل والسعاده : ماابي ام راشد بليين اكثر : يابنيتي .. قوليلي طيب .. شنو السبب ؟؟ نور : بكمل دراستي .. ام راشد : بس ؟ نور : ايه .. بس ام راشد : الله يهديج بس ... ترى الفرصه يانور ماتتكرر مرتين .. واذا ياج واحد زين اليوم .. لاتتوقعين بييلج الاحسن منه بالمستقبل وطلعت ام راشد من عند نور ..وهي ماتدري ان بنتها ماهمها هذا ولا ذاك .. اللي كان يهمها راح وتركها .. وخذى قلبها معاه ... في الدمام موضي : طيب ليش مانروح انا وانت ؟ عبدالله : تبين تروحين .. روحي انتي .. انا مالي نفس موضي : عبدالله . انتا شفيك ؟ .. ليه كل ماقلتلك نطلع انا وانت بروحنا تعذرت لي باشيا سخيفه عبدالله : موضي لاتكبرين الموضوع .. قلتلك تبين تروحين عند اهلك روحي .. انا مانيب رايح موضي : ليه ؟ عبدالله : تعبان موضي : من ايش ؟ عبدالله : من العمل موضي : بس انت رجعت بكير اليوم عبدالله : اوو .. وشو تحقيق اهو ؟ موضي واللي بتبجي خلص : ممكن اعرف انت ليه تزوجتني عبدالله : .... موضي : ليه ماتجاوب ؟ عبدالله : موضي .. انا مقصر عليك بشي ؟ موضي باصرار : ليه تزوجتني ؟ عبدالله : شهالسؤال ؟ موضي : انا مااحس انك مستانس او مرتاح معي زي العالم والناس .. انت ماتبيني ولا ايش ..!! عبدالله : مالي نفس اتهاوش .. تبين تروحين ؟ موضي : ايه عبدالله : قومي طيب .. عشان اوصلك موضي قامت بهدوء وهي منصدمه : معقوله ثلاث اشهر ياعبدالله وللحينك بعييد عني .. وكأنك في عالم غير العالم اللي انا فيه .. عبدالله : ايش تبغين قولي وانا اعملك ! موضي : مابغى شي .. ابغى احس اني متزوجه .. ابغى احس انك تحبني !! عبدالله غمض عيونه بالم وهو يقول بقلبه : الا هالشي ياموضي مقدر عليه موضي تمت تناظر ويهه .. : ودني عند اهلي احسن طلعوا الاثنين من البيت وكل واحد في قلبه افكار واشيا كثيرة .. موضي كانت مستغربه من ابتعاد عبدالله للحين عنها .. هو طبعه جذي ولا هي اللي مب قادرة تفهمه ..!! عبدالله كان في جو غير ودنيا غير .. سؤال موضي اظهر جروح قديمه وحب كان يحاول ان يخبيه عن الناس وعن نفسه .. بس الظاهر ماقدر .. وهو يقول بقلبه .. ياليت الحب كلمة بهالسهلوله ننطق فيها ياموضي .. كان قلتها لك من زمان .. وصلت موضي بيت ابوها عبدالله : امرج متى ؟ موضي : على راحتك .. عبدالله : خلص انا عندي كم شغله اخلصها وعلى الساعه 11 امرك طيب ؟ موضي من غير نفس : طيب طلعت وسكرت الباب وراها واول مااختفت عن عينه .. سند راسه على الكرسي .. وهو وده يرتاح من اللي اهو فيه .. وده لو يقدر يحبها .. على الاقل مب مثل نور .. بس يتقبل فكرة انها زوجته .. وتحتاج لانها تحس بالحب والموده .. بس وين !! هالشي كان اصعب مما كان يتصور في بيت ام ضاحي ام ضاحي : هلا ياابنيتي .. ها عبدالله بره ؟ موضي : لا عنده شغل مانزل ام ضاحي : وماقلتليله ان الليله عندنا عشا ؟ موضي : الا يما .. بس عنده شغله مهمه ولازم يسويها ام ضاحي بضيق : على راحته ودخلت موضي الصاله الداخليه عشان لاحد يشوفها وقررت تدق على سارة تخبرها بكل شي موضي : الو السلام عليكم سارة : وعليكم السلام ورحمة الله وبركاته .. هلا والله بمضاوي موضي : هلا فيج يالغاليه .. كيفك ؟ سارة : بخيرالله يسلمج وانتي شلونج ؟ موضي : تمام .. شلون العيال والكويت ؟ سارة : العيال بخير .. والكويت مشتاقتلكم .. وينه عبود الدب انا قايلتله يشوف له اجازة قريب وتجون تزورونا موضي :.. سارة عبدالله مب جنبي .. الصراحه انا داقه ابي اكلمك بموضوع يخصه سارة بقلق : ايش فيه موضي خوفتيني ؟ موضي : لا مافيه .. بس سارة : شفيج ؟ تكلمي !! موضي : عبدالله ياسارة .. مدري شفيه دايم ساكت وكلامه معي قليل .. مااعرف اذا هو يشكي من شي .. تعبان ولا لا .. بس احسه مب مرتاح او ؟ سارة اللي فهمت ان عبدالله للحينه مب متأقلم بزواجه : موضي حبيبتي .. خوفتيني .. الرياييل كلهم جذي بس مع العشرة يبدون يتغيرون موضي : يعني هو طبعه كذا ؟ سارة مااعرفت شتقول : ايه عبدالله من النوع الهادي .. شوفي الريال ماتحسين انه بدى يتقرب من زوجته الا اذا ياب منها عيال .. ترى الولد يغيرالريال فوق تحت موضي : بس هالشي مب بيدي ياسارة سارة : انتي روح الطبيب وشوفي شنو يقولج .. طيعيني بس يدي انج حامل بتتغير معاملته وكلامه وكل شي .. واذا عليه اهو .. خلص انا مستعده اكلمه هاليومين .. واشوف شفيه موضي : والله مب عارفه ايش اقولك . .بس انتي اخته ومااعرف اشكي او اقول لاحد غيرك ساره : زين ماسويتي .. ماعليك .. الحين سوي اللي قلتلك عليه والباجي خليه على الله ثم علي موضي : ان شالله سارة : ولاتحاتين .. موضي : تسلمين .. تعبتك معي يله تبين شي ؟ سارة : لاسلامتك .. سلمي موضي : يوصل .. مع السلامه سارة : مع السلامه سكرت سارة من موضي وهي تقول بقلبها .. لازم احط حد لهالموضوع .. وقامت ودقت على عبدالله وسلمت عليه وكلمته عادي .. ووصت انه يهتم بموضي بس ماحسسته انها دقت تشتكي لها في بيت بوراشد ام راشد : زين عيل كتبتي منو عندج ؟ نور : مم بيت عمي وبيت يدي وام عيسى وصديقاتج وام ناصر ومرت عبدالوهاب صبيحه ..وو بس ام راشد : زيين .. فكري بعد في احد نسيناه ؟ نور : مم ماادري ..!! ام راشد : اييه بنت عم ابوج .. سارة نور بهدوء : بتعزمينها ؟ ام راشد : اكييد نور : طيب .. جذي العدد اوكي .. بيت عمي ومرت يدي عندهم خبر عن ملجة هشام بس باجي ام ناصر وصديقاتج ام راشد : هذيل سهلين .. الحين ادق عليهم واخبرهم ان شالله نور : اوكي .. انا بروح مع ريووم نشتري جم شغله ناقصتنا .. وبدق على بشاير اذا ناقصها شي ام راشد : زيين يماا .. روحوا مع السايق نور : طيب .. اكلم ريم واخبرها ام راشد : زين حبيبتي .. وقامت نورتدق على ريم وخبرتها بتمرها بعد ساعه وعقبها دقت على بشاير .. تشوفها اذا ناقصها شي عشان تييبه معاها بالطريج عند بيت بوخالد بيب بيييب ريم من الدريشه : نطري نور .. دقايق وانزل نور وهي تبتسم : انطرج .. لاتتأخرين يرن تلفون نور .. المتصل ام راشد ام راشد : هلا يما نور .. انتي وينج ؟ نور : انا عند بيت ريم ماما .. تبين شي ؟ ام راشد : لا .. بس ابوج يبي اوراق ضروري ويبي احد يوديهم المكتب بالشغل .. اقولج ردي البيت خذوا الاوراق وعقب روحوا السوق نور : يي يما .. جذي اخاف نتأخر .. وين هشوم ولا راشد ؟ ام راشد : محد فيهم يرد علي .. وابوج يبي الاوراق ضروري نور : طيب .. الحين يايه بيباي وتوصل ريم ريم : سووووري نوروه تأخرت ؟ نور : لا بس شوي خست بالحر .. ريوووم شتسوين عفيه .!.! ريم : ههههههههه لا بس توه مشعل يابني بيت ابوي .. نور : زين ريووم .. شوفي بتعبج معاي شوي معليه ريم : افااا عليج جم نور عندنا احنا .. وحده بس نور : ههههه تسلمين .. بس ابوي يبي اوراق ولازم اوديهم له المكتب يعني بمر البيت وعقب بروح المكتب وبعدين نروح السوق ريم : معليه .. ماوراي شي .. بس هاا عاد على هالحوسه تعزميني على عصير او برد نور : هههههههههه .. زين من عيوني بعد اسبوع الخميس .. ملجة هشام وبشاير بشاير : يي نور .. شوفي طيب شعري من ورى اوكيه ؟ نور : والله والله حلو .. جناان بشاير : نور .. شكلي اوكيه نور : ههههه ياويلي والله بين هشام يوم يشوفج بشاير : ههههههه .. لحظة خل افهم هذا مدح ولا ذم ؟ نور : ههههههههههههه والله مدح .. ليش فيج اصلا شي ينذم ؟ بشاير : فدييتج بعد قلبي والله نور : زين انا بنزل اكيد في احد يه .. واشوفج بعد شوي بشاير : نوروه وين رايحه .. بتخليني بروحي ؟ نور : ههههههه .. دقايق بس وارجع وراحت نور توقف مع امها وتسلم على المعازيم بفرح وسعاده ماتوصف .. مو هذا احلى يوم اللي تشوف اخوها وصديقه عمرها بيكونون في بيت واحد .. وهالشي حسسها بالسعاده ونساها اشيا كثيرة كانت سبب دموعها شهور وايام يرن تلفون نور المتصل هشام نور : اووف ذبحتني هشووم ... هشام : زيين في وايد حريم ؟ نور : هههه شنو خايف منهم انتا ؟ هشام : أي والله .. كل وحده تخز من صوب .. شلون مااخاف نور : هههه زين الحين انتا خلك ريلاكس حبيبي .. ولاتدق كل شوي .. انا لما ادق عليك تدش هشام : زين اوو لاتعصبين .. اقولج .. مايصير اكلم بشاير الحين ؟ نور : لا قلتلها وقالتلي لا هشام بخيبه : ليش عاد .. ملجنا احنا والحين صارت زوجتي رسمي نور : ياعمي بتمل منها فكني الحين خلني اشوف شغلي هشام : ايي روحي حبيبتي .. ضبطي عرسنا بعد قلبي نور : ههههه طيب باي دخلت بشاير وكانت طالعه جناان .. خصوصا ان تقاسيم وييها كانت جذابه والميك اب والفستان طلعها رهييبه ام راشد تنادي نور : تعالي نور يما نور : هلا ماما ام راشد تكلم صبيحه : هذي هي .. شفتيها ؟ صبيحه : ماشالله تبارك الله .. والله بنيتج كبرت .. خابرتها يوم كانت صغيره تلعب مع فهد ولدي تذكرين ؟ ام راشد : ايي والله ايام .. الا فهد شخباره ؟ صبيحه : الله يسلمج فهد يدرس بجامعه عجمان بالامارات وماباقيله غير سنه ويتخرج ان شالله عاد انا قلت هالمرة ماراح يسافر من غير مااازوجه ام راشد : الله يبلغج فيه ان شالله صبيحه وعينه على نور : وجني لقيت البنت .. عسى الله يكتبها من نصيبه ام راشد فهمت وماعلقت لانها عارفه رد نور .. اما نور فكانت تسمع بصمت وهدوء ..ومن غير أي تعابير وعلى هالموضوع وصلوا المعازيم كلهم تقريبا .. واخيرا يت سارة اخت عبدالله سارة : شلونج ام راسد .. مبروكين ام راشد : الله يبارك فيج .. ليش عاد تأخرتي ؟ سارة : على مانام ناصر ييت على طول .. والتفتت لنور .. : شلونج نور حبيبتي ؟ مبروكين على اخوج نور وبعيون مشتته بعيدا عن ويه ساره : بخير الله يسلمج .. الله يبارك فيج ام راشد : ها بشري شلون علي والعيال سارة : كلهم بخير والله ام راشد : وعبدالله مع زوجته .. عسى مرتاح ؟ مايبي يزوركم نور لااراديا التفتت صوب سارة وامها من اسمعت اسم عبدالله وكأنها بتسمع اخبار تنطرها من شهور .. سارة بصوت مسموع وهي تشوف نور وتقصدها بالكلام : والله شقولج .. بس لو يتزوجون .. عشان غيرهم يرتاح ام راشد ماافهمت : منو اهما ؟ سارة ومصرة انها توصل اللي تبيه لنور : ناس يخربون حياة غيرهم .. لان حياتهم مختربه ام راشد وهي للحين مو مستوعبه : شنو هي حزايه ياسارة ؟ سارة : لا ماعليج .. قوليلي انتي متى ان شالله عرس هشام ؟ نور كانت في صدمه .. او شبهه صدمه ان الكلام هذا كان فعلا موجهه لها .. وكأن سارة تقولها انتي سبب تعاسه عبدالله .. انتي سبب حزنه وضيقه .. كانت مومستوعبه الى الان .. ان الحجي هذا كان من سارة .. بس هي ابتعدت عنه ..!! ومن يوم ماتزوج ولا عمرها فكرت تكلمه او حتى تشوفه . . كلشي بينها وبينه مقطوع من سمعت انه بيتزوج .. ليش الحين يلمونها على اشيا هي مو سببها . مب كافي العذاب والحزن اللي اهي فيه ؟ مب كافي انها خسرت حياتها وقلبها .. مب كافي ان الفرحه مثل باجي البنات ماتقدر تفرحها ولا تحس فيها .. وشو اكثر يبون يسوون فيها ..!! راحت لغرفة بشاير وقعدت تبجي من الخاطر .. حتى بفرحتها باعز الناس لها .. حرموها منها ريم : خالتي وين نور !! ام راشد : والله ماادري .. كانت هني قبل شوي .. !! ريم : ام بشاير تقول خل يدش هشام الحين !! ام راشد : دقي عليها يماا.. اكيد تلقينها بمكان هني ولاهناك ريم : صح .. خل ادق وتدق ريم على نور نور تشوف المتصل .. ريم تمسح دموعها وترد نور : الو ريم : الو .. نوروه وينج انتي .. يله خالتي ام بشاير تقول خل يد ش المعرس الحين نور وهي تحاول ان يكون صوتها طبيعي : يله كاني يايه .. كنت بغرفه بشاير نسيت شي .. وشكلي خلص بتركه ومراح ادور عليه ريم : ليش .. شنو مضيعه !! عسى مو شي غالي ؟ نور وهي تغمض عيونها : غالي حييل .. بس خلص ضاع ومراح القاه ريم : زين تبيني ادوره لج !! نور : لا حبيبتي .. كاني نازله الحين نزلت نور واللي تحاول انها تظهر بانها طبيعيه وتضحك وترقص وتصور مع اخوها ولكنها من الداخل مجروحه .. تمنت يومها انها تطلع من هالمكان .. بعيد عن عيون الكل وخصوصا سارة في الطرف الاخر هشام وهو قاعد يم بشاير يساسرها : مبروك بشاير بحيا : الله يبارك فيك هشام : حلو هاللون عليج .. ليش من قبل ماتلبسينه !! بشايروهي تبتسم : هشام .. الليله احلى ليلة .. مافيني اعصب هشام بضحكه جنان : احلى وانتي معصبه تدرين .. بشاير : لا والله ..!! نور تقترب منهم نور وهي مبتسمه : مبروك لاحلى اخو واحلى صديقه بالدنيا هشام وهو يبي يغايض بشاير : نوروه .. ويني عن كل هالبنات بشاير تخزه بطرف عينها وعقب تقول : هشووم !! نور : ياويلي .. حتى بهاليوم تتهاوشون ..!! ههههههه هشام : ياعيون هشوم .. فديت اسمي اول مرة ادري انه حلو .. ياقمر بشاير وهي مستحيه : شفتيه .. يقص علي بكلمتين .. وانا بسرعه ارضى عليه نور : لانه مايقدر يزعلج .. زين بشور يت المصورة .. خل تاخذ لكم جم لقطه يله في الطرف الثاني في البوفيه ريم كانت مقررة تفاتح نور بموضوع .. وشافتها قاعده بروحها فانتهزت الفرصه ريم : هلا بنت عمي .. يصير اتعشى معاج نور بابتسامه : افاا عليج .. المكان كله لج .. حياج ريم : هههه لااصدق روحي عاد نور : جم ريم عندنا احنا ..!! وحده بس ريم : ياحبيبتي انتي .. نور .. معليه اكلمج بموضوع نور : امم .. اكييد .. تفضلي ريم : ممكن اعرف سبب رفضج للزواج ؟ نور سكتت شوي وهي تلعب بكوب الماي اللي يمها وعقب قالت : انا مب رافضه الزواج ريم : عيل ليش قاعده ترفضين كل واحد يتقدملج .. وانتي ماشالله مب ناقصج شي .. في حد معين ببالج نور ؟ نور التفتت لها بسرعه : لا ريم : عيل شنو السبب ؟ نور وباصرار غريب : كنت حابه اكمل دراستي .. بس الحين ماعندي مانع ريم : وشنو اللي غير وجهه نظرج ؟ نور اللي تذكرت وش سمعت من سارة وغمضت عيونها بالم وعقب قالت : فكرت زين .. وامي اقنعتني ريم : زين .. تدرين انج ونستيني نور : ههه شدعوه .. قاعده على قلبج ؟ ريم : لا .. بس نور انتي بنت كاملة والكامل وجهه سبحانه .. والصراحه دامج مو رافضه الفكرة .. ودي اعرف رايج اذا تغير بخالد اخوي ولا لا .. ترى اهوا للحين يبيج نور : شوفي ريم .. انا بقولج شي ماقلته لاحد .. انا احب خالد .. ولاني احبه ابيه يعيش بسعاده وراحه .. وصدقيني لو كنت اقدر اوفرله هالشي جان قبلت فيه .. خالد بمعزة هشام اخوي .. واجذب عليج ان قلتلج اني مااتمنى واحد زيه .. لكني مقدر اسعده .. صدقيني خالد اكبر خسارة لي .. بس ان شالله ربي يعوضه احسن مني ريم اللي فهمت نور وعرفت رايها : خلص دام هذا رايج .. الله يوفقج ويوفقه ان شالله نور بابتسامه : ريم .. انا والله احبكم ريم :وييه فديتج وانا امووت فيج والله .. وكملوا سوالف عن عرس هشام وشنو بيسوون .. وكانت ريم تتحجى لكن نور في عالم اخر .. وهي بالها انها تريح غيرها اذا كانت هي فعلا سبب عذابهم .. بعد اسبوع من الملجه في غرفه نور نور : ماينيت بشاير : لا انتي ميونه .. واذا تفكيرج جذي .. انا اول وحده بعارض هالزواج نور : مو انتوا كنتوا تحنون علي عشان اتزوج .. ويوم وافقت تلوميني !! بشاير : احنا كنا نبيج تتزوجين عن قناعه مب عشان سارة قالت لج هالكلام .. ترى محد بيخسر الا انتي نور : انا ماارضى اكون سبب تعاسه غيري بشاير .. وزواجي من فهد بيخلي عبدالله ينساني .. مو هذا اللي تبيه سارة !! بشاير : وحياتج .. ومستقبلج !! ماتفكرين بهالشي ؟ نور بالم : انا من بعد عبدالله ماعدت افكر بشي بشور .. كلشي بحياتي انتهى بشاير : نور .. حرام عليج اللي تسوينه هذا والله حراام انتي قاعده تقسين على روحج واذا فاكرة اللي قاعده تسوينه هذا انتقام .. ترى انتي قاعده تنتقمين من نفسج نور : ابوي موافق ويقول انه ريال زين .. بشاير : يعني ماكو فايده !! نور : بشاير دخيلج .. هالموضوع انا خلصت منه .. بشاير وبعيون ملاينه دموع : وبتتركينا وتسافرين الامارات ؟ نور : سنه وحده وعقب مايخلص بنرد الكويت بشاير : خلص اذا انتي مقتنعه باللي قاعده تسوينه .. الف مبروك نور بابتسامه : نسيتي انج قلتيلي لازم تنسينه .. يمكن فهد ينسيني ياه بشاير : هههه يي شكلنا ارتحنا لفهد نور :هههه ليش انا شفته اصلا .. باجر بيون وان شالله يصير خير بشاير : نور .. ابيج تفكرين للمرة الاخيرة .. اذا كانت موافقتج بس عشان تقهرين سارة او عبدالله .. فمحد خسران غيرج .. واذا كانت عشان تبدين حياة يديده .. فربي يوفقج نور اكتفت بابتسامه وعقب احضنت بشاير وهي تبجي بس ماتدري شنو السبب .. هل عشانها بتفارق اهلها سنه كامله وبتعيش بعيد مع ريال ماتعرفه ولا يعرفها ؟ .. ولا عشانها لازم تنسى عبدالله وذكريات عبدالله وماضيه ؟؟ ولا خوف من المستقبل والقرار اللي اتخذته غصبا عنها اليوم الثاني في بيت بشاير بيب بيب بشاير وهي تلبس عباتها بسرعه وتنزل ل هشام بالسيارة بشاير : ييي شوي شوي هشام .. توك ياي ؟ هشام : دقيت عليج ثلاث مرات ليش ماتردين ؟ بشاير : كنت اسبح والله .. وماشفت التلفون الا يوم سمعت الهرن هشام : مم زين نمشي الحين ؟ بشاير وهي تبتسم : ايه هشام وهو يخزها ويناظر ويهها : شرايج ياقمر نكشت فيهم ونروح انا وياج على مطعم قعدته على البحر حلو ؟ بشاير : لا حرام .. اليوم خطبه نور ولازم اكون موجوده .. لاحقين على الطلعات هشام : يماا منج .. ماتبي يطوفها شي بشاير : هههه لا مو قصدي جذي .. بس رفيجتي حبيبتي لازم اكون معاها هشام : ههههه زيين ذبحتينا درينا انها رفيجتج .. بس عاد مو حبيبتج بشاير بثقه : الا حبيبتي هشام بابتسامه تذوب : وانا ؟ بشاير : انت شنو ؟ هشام : انا مو حبيبج ؟ بشاير بحيا : لا هشام : افاا .. كده حتزعليني منك بش بش بشاير : هشووم بطل زيين هشام : مابي .. شوفي ان ماتحجيتي ترى ماراح اوديج بيت رفيجتج حبيبتج هذي بشاير : ههههههه يالنحييس هشام : يله قولي بشاير بخجل : شنو اقول ..!! هشام : قولي زي ماتقول نور .. قولي احبك بشاير : ههههههههه يحليلك .. قمت تقول لنزار .. عفيه يانور هشام : مو مني .. ذبحتنا بمسلسل نزار .. من كثر ماتشوفه حفظت كل اشعاره بشاير : زين حطلنا شي نسمع هشام : ماكو لما تقولينها ؟ بشاير : انسى هشام بخيبه : ليييييش يالنحيسه ؟ بشاير : ههه كيفي هشام : زين انا احبج بشاير ونظرها على ايدينها .. : زين حطلنا شي نسمع هشام وهو يمسك ايدينها ويناطرها بحنيه جنان : تحبيني زي مااحبج .. !! بشاير بخجل : ايه هشام : قوليها طيب بشاير : ههه مابي .. يله خل نمشي هشاام تأخرنا هشام : اووف .. نحييسه بشاير بغرور : ههههههه يرن تلفون هشام المتصل خالد هشام : هلا وغلا بالحب كله .. اموت فيج انتي وينج ؟ بشاير اللي طلعت عيونها .. والتفتت له خالد من الطرف الثاني : يامجرم ياقاسي .. هي يمك ..!! هشام : آآآه والله وحشتيني خالد : هههههههه يووز حرام عليك .. احاجيك .. يمديك الحين تيي تاخذ الاوراق اللي بغيتهم هشام : أي يمدي ..!! وين ؟ خالد : انا الحين رايح الجمعيه .. محتاج جم شغله .. تعالي هناك هشام : طيب .. يله مسافه الطريج خالد : اوكيه .. يله حبيبي نشوفك هشام : ان شالله .. وين بوستي خالد : هههههههههههههه استح على ويهك .. ترى الحين بتقوم تكفخك بالجنطه هشام : اوووف شكلها جذي خالد : هههههههه تستاهل .. يله باي هشام : باي سكر هشام من خالد وهو ميت من الضحك .. شكل بشاير كان نكته وهي معصبه وتهز ريولها وعيونها المكحله تخزه بقهر .. حاول يمسك روحه ويكمل هالمسرجيه معاها هشام : بسم الله شفيج معصبه ؟ بشاير : منو هذي ؟ هشام : وحده .. كنت احاجيها قبل مانتزوج بشاير : والله ؟ هشام : بس اهي للحين تدق علي .. وتبي تشوفني بالجمعيه .. الصراحه ماقدرت اقولها لا بشاير اللي بتبجي خلص : انتا ماتستحي على ويهك .. ردني البيت هشام : هههههههههههههههههه بشاير : ردني البيت اقولك هشام : زين ليش تبجين ؟ بشاير : تردني البيت ولا وقف السيارة .. مابيك .. تفهم ولا لا ؟ هشام اللي ماقدر يمسك روحه : هههههههههههههههههههههه يالمينونه بشاير اللي بجت خلص : اكرهك .. هشام : هههههههه هذا .. خالد هههههههههه بشاير : جذااب .. هشام : ههههه والله خالد .. دخيلج شوفي شكلج وانتي معصبه مو طبيعي بشاير اللي صارت تبجي : لاتقص علي هشام كسرت خالطره : والله والله خلود .. بس كنت بعصبج شوي .. اسف خلص لاتبجين بشاير :بلا انت قايل تبي تقابلها بالجمعيه هشام : اهوا يبي يعطيني ااوراق وقالي انا بالجمعيه .. واذا مو مصدقتني الحين بنورح ونشوفين بشاير وهي تناظره وبعوين مليانه دموع : مااحبك هشام : بس انا امووت فيج .. بشاير : .... هشام : بش بش .. بشورة .. بشاير !! يالدلوعه انتي بشاير :..... هشام : زين ماتبين تردين علي.. عيل هالاغنيه الحلوة لج وحط لها اغنيه دلوعتي لراشد الماجد وقعد يغني مع راشد .. وهو يبتسم لها بشاير : .... هشام : للحين الحلو زعلان ؟ بشاير : لما اشوف بعيني عقب بسامحك هشام : هههههه طيب يازعوله .. في بيت بوراشد في الصاله ام راشد وبشاير وصبيحه ام فهد اما في الديوانيه فكان بوراشد وراشد وهشام وبوفهد وفهد ام راشد : حيالله من يانا .. والله من زمان مازرتونا ياام فهد صبيحه : أي والله صاجه .. يله مافي احلى من هالمناسبه نشوفكم فيها .. بعد الحين صرنا اهل ام راشد : ان شالله صبيحه : الا وين نور ؟ ام راشد : نازله الحين .. بشاير روحي ناديها في الديوانيه بوراشد : بعد حنا مالازم نسأل عنكم .. نعرف بعضنا زيين .. بوفهد : ههه شفت شلون .. بعد هالعيال كبرونا ولا احنا تونا صغار بوراشد : هههههه .. الله يكتب اللي فيه الخير .. الا فهد يابوك انت شتدرس بالامارات ؟ فهد اللي كان طويل وعريض .. ابيض ومسوي سكوكه .. بشكل عام كان مقبول ومايعيبه شي فهد : ادرس ادارة اعمال بوراشد : ماشالله .. وشكثر باجيلك ؟ فهد : سنه ان شالله واخلص بوراشد : وليش درست بالامارات بالتحديد فهد يشوف ابوه وعقب رد بوفهد : والله ليش هي الجامعه الوحيده اللي عادلتلها المواد اللي ماخذها وخبرك ديرة خليجيه احسن من دول هالاجانب .. بوراشد : أي والله صاج .. هشام يساسر راشد : شكله مامشى بالكويت ودزوه بره راشد : شكله جذي .. بوراشد : قوم هشام ييب الجاي والقهوة هشام : تامر يبا في غرفة نور بشاير : تدرين .. يقولون عمره 29 سنه نور من غير اهتمام : طيب بشاير : مم ماسألتيني شلون صاير شكله ؟ نور : ليش انتي شفتيه ؟ بشاير : ايه واحنا داشين بيتكم .. اهما دخلوا نور : اهاا بشاير :ماتبين تعرفين شلون صاير ؟؟ .. مم طويل قصير .. ابيض ..مزيون جيكر ههههه نور : هههههههههه عادي بشاير : اشوف عيونج يالنصابه نور : هههههههههه بشاير : نور .. حاولي تبدين حياة يديده نور : قاعده احاول صدقيني .. بشاير : يله زين ننزل نزلت نور وقعدت بالصاله شوي .. عقب دخت الديوانيه وشافت فهد وشافها . والاثنين كانت نظرتهم لبعض جدا عاديه .. مافيها أي رفض او قبول .. وكأن الاثنين مغصوبين بس بطريقه غير مباشرة .. نور طلعت من الديوانيه بنفس الشعور اللي دخلت فيه .. اما فهد فشاف نور انها مش بطاله وحلوة .. وهذا اهم شي والزواج شي لابد انه يصير عالاقل يدام اهله لكنه في الحقيقة مغصوب عليه ولا فكر انه يتزوج راحت ام فهد وراح الجميع .. وصعدت نور غرفتها .. سكرت الباب واستندت عليه وهي تتذكر شلون كانت هي وعبدالله يخططون لهاليوم وش هو بيسوي .. وشنو اهوا بيسوي .. شلون كان شوقهم لهالوقت .. يوم مايكونون لبعض تذكرت يوم قالها عبدالله .. مستحيل تكونين لاحد غيري .. تذكرت اشيا كثيرة .. كانت تحاول تنساها طول هالوقت .. لكنها ماقدرت بس هالحين يه الوقت اللي تودع فيه نور كلشي يربطها في عبدالله .. حتى ابسط ذكرياتها معاه خلاص الماضي ودعته محيت ذكراه من قلبي انا من باعني بعته ولا دربه يجي دربي خلاص الماضي ودعته تعاند كل احاسيس وابدا خطوة النسيان متى مازارني طيفك اقوله روح ياخوان خلاص الماضي ودعته صبرت اكثر من اللازم صبرت ومابقى بي حيل وعمري صار بس ذا بك بقايا للسهر والليل خلاص الماضي ودعته في بيت بوراشد راشد يكلم هشام : ماادري ليش احس هالريال مو خالي هشام : منو تقصد ..!! فهد ؟ راشد : ايه .. ماتحس انه غامض شوي هشام :بلى .. بس يمكن اهو طبعه هادي .. في ناس جذي راشد : ماادري .. يجوز هشام :يقولون نور موافقه ؟ راشد بصدمه : والله ..!! هشام : ايه بشاير قالتلي راشد : غريبه .. مع انه يوها ريايل احسن منه مليون مرة .. شللي خلاها توافق عليه ؟.. تظن امي اثرت على رايها ؟ هشام : مااعتقد .. امي ماتغصبنا على شي .. بس اكييد اهي فكرت من نفسها راشد : زين .. الله يكتب اللي فيه الخير .. نور غاليه والصراحه انا مومرتاح له هالفهد هشام : رشوود لاتوسوس الريال ماشفنا عليه شي .. وسألنا عليه وقالولنا خوش ريال .. بعد ليش توسوس !! راشد : ماادري هشووم .. الله يقدم اللي فيه الخير لهالبنت .. نور ماعادت زي اول .. نور الحبوبه الطيوبه اللي حسها مالي البيت كله .. صايرة دوم تسرح وضايق خلقها .. وجنها حابسه دموعها وباي لحظة تنزل .. هالبنت محيرتني هشام : رشوود لاتكبر المواضيع .. ماافيها الا العافيه .. صحيح الفترة الاخيرة صرنا مانشوفها دايم .. بس يمكن شي بالدراسه مضايقها .. تدري نور شلون تحرص على دراستها .. راشد وهو مو مقتنع : يجوز هشام : وينها اهي الحين ؟ راشد : بغرفتها اكييد .. تعال خل نروح لها هشام : يله .. وصعدوا اثنينهم جناح البنات فوق .. راشد : الا فروح وينها ؟ هشام : فروحه نايمه بدار امي راشد : ههههههههه احلف ؟ هشام : والله راشد : هذي متى تكبر ؟ هشام : هههه والله ماادري .. واللي حارني امي عبالها للحين عمرها 4 سنين راشد : يحليلها هشام وهو يطق الباب طق طق طق نور : حياج يما .. هشام وهو يضحك : ان شالله يماا .. ليش قاعده بروحج يابنيتي نور وهي تفتح الباب وتضحك : هههههههههههههه .. مو متعود تطق الباب بذرابه قلت اكييد امي راشد : هههههه متعوده علينا نفتح الباب على مصراعيه .. مانستحي نور : افاا عليك راشد الغرفه غرفتك هشام وهو يقط ويهه : بعد قلبي اختي .. والله ادري نور :ههههههه الا انتا ... لازم تاخذ موعد قبل لاتدش .. اوافق او لا ؟ هشام : لييش يالدبه ؟؟ نور : كيفي لانك نحييس .. ماوديت بشور اليوم المشغل هشام : بسم الله .. مسرع ماقالتلج .. اوووف اناالغلطان تزوجت رفيجتج .. الحين بس تتشكى عندج نور : هههه اهي ماتشكت .. انا حسيت فيها .. راشد : ها نور .. تسمحين لاخوانج اليوم يدردشون معاج شوي ؟ نور بفرح : اكيييد راشد : زين .. شرايج بفهد ؟ نور من غير أي تعابير : زين راشد : شنو يعني زين ؟ نور : يعني زين .. راشد : موافقه ؟ .. تبين تقعدين معاه مرة ثانيه نور بجواب سريع : لا .. مابي اقعد معاه كفايه راشد : ليش احس انج موافقه غصبن عنج .. في احد غاصبج ؟ نور اللي تبي تخفي شعورها وتتصنع السعاده : شفيك راشد .. محد غاصبني .. راشد : يعني خلص اقول لابوي رايج نور وهي تاخذ نفس وكأن الكلمة موراضيه تطلع منها وتحاول تجر حروفها غصب : ايه هشام : يماا منكم انتوا .. حسد اللهم ياكافي .. بس تزوجت هي وخالد الحقوني نور : ههههه والدور على رشود ان شالله راشد : لا ويين .. انا خلوني مع مرضاي وايد ابرك نور : الا ماتدري عن شوق شصار لها ؟ راشد باسف : لا والله .. من هذيج السالفه ماتجرأت اسأل عيسى نور : تبيني ادق عليها رشود .. !! راشد : لا ماله داعي نور .. خلص ويلتفت لهشام : انت ياي تكلم نور ولا تدزز مسجات هشام اللي لاهي بتلفونه : نوروه بسألج سؤال .. هالبنت شنو كانت طفولتها !! شكلها تعيسه وبتحط حرتها فيني نور : هههههه منو بشوور !! هشام : يننتني .. اراضيها تزعل .. ازعلها ترضى هههههه نور : شوف عاد بشاير اذا زعلتها تحمل ماييك من وراها هشام: امووت واعرف هالحريم شلون يفكرون .. راشد : هشوم اترك التلفون شوي .. قاعدين نسولف احنا هشام : هلا قول راشد : الا شخبار عبدالله مادرى انك ملجت ؟ هشام : بلا دقيت عليه وخبرته وباركلي يحليله .. كان وده يي بس ماعنده اجازه الحين نور تحاول انها تتأقلم مع هالاسم عشان تتعود انه مايأثر عليها راشد : والله خوش ريال تدري .. هشام : أي ماشالله عليه .. اقولك شي وماتضحك .. قبل لما كنا نقعد وياه كنت اقول لخلود هالريال يذكرني بنور نور لا اراديا رفعت راسها تبي تسمع اكثر راشد : ههههه شكو ؟ هشام : ماادري والله ههههه حتى خلود قعد يضحك علي .. احسهم نفس التفكير سبحان الله نور : زين قومو خل ننزل عند امي شوي .. تلقاها قاعده بروحها الحين راشد : امي يابعد عين امج نايمه يم بنتها فروحه بالغرفه نور : ههههههههه قول والله ؟ هشام : شفتي نوروه .. المفروض امي تعوضني .. بعد جم شهر ماراح اكون بهاللبيت .. تنوم يمها هالدلوعه وتقولها قصص ليلى والذيب نور : ههههههههههههههه راشد : استح لاتعيب على اختك هشام : بذمتك اللي امي تسويه صح ؟ راشد : معليه فروحه الصغيرة .. خلها تدلعها انت شحارك ؟ هشام : الا حارني .. محد يدلعني .. نور : ههههه اووف عندك الحبن بشاير تدلع عليها على كيفك هشام : أي والله .. مافي غيرها فديتها والله .. اروحلها احسن راشد : وانا بعد اقوم عندي جم شغله اخلصها نور : زين .. كل يوم تعالوا مروني هني هشام : هههه والله حاطه لروحج اعتبار واهميه ياست الحسن .. وليش ماتنزلين انتي من مملكتج وتزورينا في يواخيرنا نور :ههههههههههههههه لا ان شالله لارحت القفص الذهبي بزورك راشد : اووف انتا شكثر تهذر يله ننزل في بيت بوعبدالله موضي : مااشوفك مستانس ؟ عبدلله : الا مستناس .. مبروك موضي : ببرود جذي ؟ عبدالله : والله مستانس ياموضي .. شفيج ؟ موضي : زين تعال مي بكره عندي مراجعه وابيك تجي معي عبدالله : وليه امك ماتبي تجي معك ؟ موضي : وليه امي اللي تجي .. انت مو زوجي ؟ عبدالله : طيب .. خلص يصير خير لي بكره .. موضي : اييه صح .. نسيت اخبرك كلمت سارة اليوم وقالت ابلغك تدق عليها عبدالله : وليه لما تدق سارة ماتقوليلي ؟ موضي : وليه لازم اقولك ؟ عبدالله بنظره : انتي شاكيه لها شي ؟ موضي : لا عبدالله : موضي .. اذا انا مقصر معك تعالي كلميني انا .. مااحب حد يدخل بحياتنا موضي : بس هذي سااااار عبدالله : ولو كانت امك .. أي شي مب عاجبك او مزعلك .. تعالي وكلميني مفهوم ؟ موضي بخوف : طيب وقام عبدالله ودق على سارة سارة : هلا بالابو الجديد .. هلا بومحمد عبدالله : ههههه مسرع مادريتي ؟ سارة : افاا عليك . .انا اختك الف الف مبروك عبدالله : الله يبارك فيك .. تقول موضي تبيني خير ان شالله سارة : كنت باقولك .. دريت ان هشام ملج قبل اسبوعين !! عبدالله : ايه ادري .. هو دق علي يحليله وباركتله الله يوفقه .. هشام يستاهل سارة واللي كانت قاصده في اتصالها هالخبر : ونور بعد انخطبت وملجتها بعد يومين عبدالله بصدمه : مييييين!! سارة : نور انخطبت عبدالله وهو يبتعد شوي عن موضي : خالد ؟ سارة : لا مب خالد .. ولد رفيج ابوها بالدوام عبدالله اللي حس الدنيا كلها تسكرت بويهه .. معقوله نور بتكون لريال ثاني .. معقوله نستني بهالسهوله .. لا مالازم اصير اناني .. بس انا للحين احبها .. للحين سارة : عبدالله .. الو ... !! عبدالله : معاج سارة : انا تعمدت اقولك هالخبر عشان تنساها عبالك انا مدري عن شي .. مدري انك للحين تفكر فيها !! عبدالله : .... سارة : عبدالله .. انسى نور الحين .. تراهي صارت لريال غيرك .. فكر بموضي وابنك اللي جاي عبدالله وهو ينطق بألم : طيب .. سارة اللي عرفت مافي فايده من اخوها .. : زين عطني موضي اكلمها عبدالله ينادي موضي : موضي .. تعالي سارة عالتلفون تبيك وطلع برة البيت ومسك تلفونه ودق على هشام هشام : هلا وغلا بأهل الدمام .. عبدالله وهو يجر الحروف جر : هلا هشام كيفك .. ايش اخبارك ! هشام: بخير عساك بخير .. انتا شلونك شمسوي ؟ عبدالله : تمام الله يسلمك .. كنت بس ابغى اباركلك لخطبه اختك .. هشام : الله يبارك فيك .. ماتقصر يااخوي .. بس جذي من بعييد .. نبي نشوفك الغالي عبدالله : ودي اجي والله . بس هالحين ماعندي اجازة هشام : زين شرايج تجي بعد اسبوع .. على ملجة نور لان احنا مسوين عشا بيتمون يوم وعقب بيسافرون الامارات تقعدون يومين بالويك اند .. شرايك ؟ عبدالله اللي في خاطره يودع نظر عينه نور : ملجتها بعد اسبوعين ؟ هشام : اييه لانها بتسافر عقبها الامارات ريلها يدرس هناك .. عبدالله وهو يطلع السجارة الاخيرة اللي بالعلبه ويشعلها : يعني بيتمون هناك ؟ هشام : اييه .. يله عاد عبدالله وحشتنا والله .. عبدالله : خلص اشوف الاهل واعطيك خبر هاليومين هشام : ان شالله انا ناطر ردك الغالي .. عبدالله : يله سلم على عمي والاهل كلهم .. هشام : وصل حبيبي .. عبدالله : مع السلامه هشام : مع السلامه سكر عبدالله من هشام وهو يتنهد من الخاطر .. يقول بقلبه : آآه يانور .. وش سوى فينا الزمن .. كلمن راح بدرب ثاني وشلون بتحمل اشوفك من رجال غيري .. وشلون اقدر اخليك تروحين من يدي .. غمض عيونه بألم وهو يدي ربه ينسه نور شان يقدر يكمل حياته بعد اسبوعين ملجة نور وفهد في بيت سارة سارة : خلص موضي اذا مافيك تروحين مب لازم موضي : والله ودي سارة بس احس روحي تعبانه شوي سارة : معليه حبيبتي .. انا بروح واعتذر عنج .. انتي نامي وارحتاحي شوي موضي : طيب .. بس بشوف عبدالله بيروح العشا ؟ سارة : دقي عليه وشوفي .. يله تبين شي حبيبتي ؟ موضي : لا سلامتك .. وسلمي عليهم سارة : وصل حبيبتي .. مع السلامه موضي : الله وياك في غرفة نور كانت نور زي القمر .. من غير لا تكشخ وتلبس .. وشلون لما تكون عروس !! كل رفيجاتها يوم دخلوا عليها يباركون لها .. كانوا يقولون يابخت من بياخذها .. الكل حاسده على هالبنت من كافه النواحي .. بشاير وهي تلولش : كلولولولولولولوووووش نور بابتسامه : بشوور ينيتي ؟ بشاير : الحين لما ايبب اكون ينيت .؟ ماشالله لا اله لا الله .. نور قريتي على نفسج !! نور : قريت .. بشاير : ماادري ليش ماتبين عرس .. عالاقل جان نطرتوا عقب العيد وسويتو عرس نوروه نور : انا مابي عرس بشور .. انتي تدرين بشاير : خلص مانبي نفتح هذا الموضوع نور : سارة يت ؟ بشاير بنظرة : ليش يهمج ؟ نور : ايه بشاير : اهي تحت . وماتتصورين فرحتها نور وهي تمض عيونها : اكييد .. ريحت اخوها .. اكييد بتستانس بشاير : مو وقت هالحجي .. الحين بس نبي نفكر بفهد زين ؟ نور بايجاب مزيف نور : زوجته مايت ؟ بشاير : لا .. تقول تعبانه .. لانها حامل بالشهر الثاني . نور : وعبدالله ؟ بشاير : هشام قالي انه يه العشا .. نور سكتت ماتدري ليش فضولها يه في وقت غير مناسب .. طول هالوقت ماكانت تسأل عنه ولا عن سارة ولا زوجته طول هالوقت كانت تحاول تخفي حبه وتدفنه .. والحين في هالليله اللي الفروض ماتفكر فيها الا بفهد .. تسألأ عنه !! معقوله هي للحين مانسته !! بشاير : نوروه .. شفيج سرحانه ؟ نور بابتسامه كأنها مغصوبه عليها : ادعيلي بشور اني احب فهد .. ادعيلي انه ينسيني عبدالله بشاير : يارب .. تحبينه وتنسن عبدالله وماضيه كله يله زهبي روحج عشان بتنزلين في الجانب الاخر عبدالله دخل الديوان وكل خطوة يتذكر فيها ضحكة هالنور .. بسمتها .. سوالفها .. ذكرياتها .. شلون بيودعها وبتصير لريال ثاني .. قعد يناظر زوجها .. وفي خاطرة لو يقدر انه يبعده عنها .. حط يده بيده .. وباركله .. باركله بأن سلب منه روحه .. غرس فيه الف الف خنجر .. وكتم انفاسه اللي كان عايش عشانها .. بعده عن حياته وهواه وقلبه .. بس وش يقدر يقول غير .. قدر ومكتوب أبد .. ما جيت ابارك ولكن جيت باوصّيك على الله ناوي ٍ تدخل بها الليله .. مُعذّبْتي ترى لولا الظروف اللي عطتْك وحدّت محاكيك قسم بالله ما تدخل عليها لو على رْقبْتي ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي كذا شاءت بنا الأقدار تحرمني لجل تعطيك كذا لازم عشان تفوز إنت .. أخسر بتجربْتي تراها غاليه جداً .. وتكفى .. والله يخليك تدللها .. تدلعها .. تنسّيها مصاحبْتي أنا من كثر ما اغليها أحس اني بديت اغليك ولا تسأل بأيّة حق ولا ّ وش مناسبْتي لإنك لو بتسألني بتسمع شيء ما يرضيك لذا ياخوي لا تسأل ولا تسمع لأجوبْتي أبيك تحطها في داخل عيونك وبين ايديك وهي دلوعه اعتادت على كثرة مداعبْتي فداعبها شوي شوي حتى تشتهي طاريك وشاغبها إلين تقول لك: بطّل مشاغبْتي واذا هي مالها خلقك..ولا تضحك ولا تسلّيك تحمّلها وإسألها: يا عمري ليه عصّبْتي وبالك اسمع انّك يوم تضربها وهي تشكيك ما يحتاج اورّي لك بفن الضرب موهبْتي صحيح انك بتملكها ومعك الصك بالتمليك وانا عارف حدود الله ومن حقك معاقبْتي ولكن قلّها المجنون وصّاني وهو يعنيك يقول انّه بينتظرك ولو شيّب وشيّبْتي وانا مجنونها اللي ما نساها وانت ما يمديك تغطّي ذكرياتي في هواها.. وربْع تجربْتي أحس اني تماديت بكلامي.. والغضب حاديك ولو انّك في مكاني ما تفكّر في محاسبْتي كفاك اني تركت الليله اشغالي عشان اجيك دخلت القاعه برجلي ولا ادري ويش عاقبْتي وانا ما جيت اخرّب عرسك الليله ولا أذّيك أنا جيتك عشان اخاطبك واسمع مخاطبْتي توصّى..وانتبه..واحرص عليها والله يهنّيك ترى كل الكلام اللي طلَع من ضيقيَ وكبْتي ولكن ما قدرت انّي أقوله وانت ما يخفيك أخاف انّي إذا قلته تقوم وتقطع رْقبْتي |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سعوديه كافره !! لعنة الله عليها .. | ستالايت | أرشيف المواضيع الغير مكتمله او المكرره او المنقوله و المخالفه | 19 | 05-27-2014 11:52 PM |
| غرور وكبرياء قصه سعوديه | تئلمت بس تعلمت | أرشيف المواضيع الغير مكتمله او المكرره او المنقوله و المخالفه | 4 | 01-25-2009 06:44 AM |
| صور باربي كويتيه | حلوة قطر | أرشيف المواضيع الغير مكتمله او المكرره او المنقوله و المخالفه | 5 | 09-10-2008 03:41 PM |
العرض العادي
