|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#28
03-23-2013, 02:36 AM
| ||
| | ||
| يا رفيف الماء .. وفجر العيد .. وأحزان المواني يا أكثر أهل الأرض طيبة قلب .. وأسرار دفينه المكان اللي هنا .. مليان ضحكات ، وأغاني والكلام اللي بغيت أقول .. يحتاج ل سكينه ! شوفي الركن البعيد هناك .. كنه صدر حاني هذا هو اللي يليق ب شاعر و بنت حزينه! أنسي الشارع ، وعتمات الزوايا ، والمباني هاتي يدينك نلف الغيم و نشكل مدينه !! عندي الليلة كلام و صمت .. وأخاف الثواني تظلمه .. أو تظلم اللي فيه كم ضاعت سنينه بس لازم تسمعين اللي أبي ولا تراني لو ب أعيده لك .. نسيت .. ورحت أقول اللي تبينه شي واحد قبل ما أبدأ .. ما أبي أي شي ثاني يخطر ف بالك .. وأنا أكشف لك شعور تجهلينه ! إن أنا .. وبكل ما تحمله " أحبك " من معاني كنت ، وراح أبقى أحبك .. لين .. مدري وش هو لينه !! بس والله ماقدرت أنسى .. ولا همي نساني لا ذكرت إنسان .. فيه أسرار مابينك وبينه كل ما تطري علي فكرة هواك الأولاني أشعر إني أنطعن مليون مره من يدينه! أشعر إن عيونك .. الله ما خلقها إلا عشاني كيف كانت تبتسم له؟!.. قولي إنك تخدعينه !! صورة إنه كان يمسح دمعك .. تزلزل كياني وكيف كان يلم شعرك .. ويتبعثر في يمينه حتى اسمك يوم رحت أدلله .. حظي رماني.. بنفس الاسم اللي يقول .. بذمتك ماهي غبينه !؟ وكني اللي .. كل ما أناديك بالاسم الفلاني أطلب النسيان .. يترك منه شي تذكرينه !! لا تظنيني أناني .. لا .. أنا مانيب أناني لو سلمت من الغرق . ب أموت في ظهر السفينه! يا إني ما أكمل وأعاني .. أو أكمل ثم أعاني.. كل ما اسمع طاري اسمه .. أو تجي عيني في عينه! أينا كان الضحيه ؟.. وأينا اللي كان جاني ؟ مدري !.. ولكن قراري لازم إنك تقبلينه: مثل ما أكره فكرة إنه واحدٍ ياخذ مكاني ما أقدر أجلس في مكان إنسان.. كنتي تعشقينه! " فهـد المسـآعد " ♥ المعَـزوفــة الـسادسة ♥ في البيت عن الصبـآيـآ : طلعوا الجوري والبندري عند ابوهم واخواتهم .. اللي كانت اصواتهم عاليه ابو الجوري : هلا ببناتي هلا البندري والجوري يبتسمون له ... - بعد ما جلسوا - الجوري : وش سالفتكم اصواتكم لاخر البيت الهنوف وهي مرتبعه على الارض : ايييووووا جابكم الله البندري عقدت حواجبها : خير ..؟؟ مها : من وين يجي الخير دام الاراء مختلفة .. البندري والجوري نظروا ببعض الجوري : فهمونا وش فيه ..؟؟ العنود : سلمكم الله بس حنا نبي نسافر اسبوع اسبوعين ونرجع قريب رمضان الجوري : طيب عادي حلو مو غريب علينا .. ابو الجوري : المشكلة خواتك مهبلين بي كل وحدة تبي مكان وحنا الاجازة راحت وما تمشينا الجوري : اوككِ انا اقول .. الاردن الهنوف : وييع لا لا نبي دبي مها : خير دبي والادرن هيه خلوها سويسرا البندري : اققول مالكم غير آبها من زمان عنها العنود : نعم نعم ..ابها البندري : ليه يَ حُبي انتي مو عاجبتك ابها ؟؟؟ العنود : رحنا ابها في اجازة الربيع للمدارس البندري : اجل اذا مو ابها خلوها فرنسا العنود : خير فرنسا ثم ليه انا مالي راي .. اقول خلوها ماليزيا او ايطاليا .. واذا مرة مرة رافضين خلونا نروح الكويت البندري تربعت على الكنبه : ههيه مو انتي يَ البزرة تحكمين في طلعتنا وجيتنا .. - نظرت بابوها وبحده - احجز لنا على فرنسا واذا ما لقيت خلها على ابها الهنوف عصبت : اقول مو لانك الكبيرة تقولين هالكلام دبي يعني دبي - التفت على ابوها - يبه واللي يحفظك احجز على دبي الجوري فارت اعصابها : هيه انتتي معها لا يكثر الاردن كويسه وحلوة مها وقفت وصرخت : سسويسسرا يعنيي سسـ .... - قطع عليها صرخت ابوها اللي الجمتهم كلهم عن الكلام - : بسسسس بسس انتي معها الحق مو عليكم علي مشاوركم البيت يمسكم وسفرة ما في سفرة .. - اخذ نفس - المهم كيف كان يومك يَ الجوري ؟ الجوري بارتباك واضح : حـ ..حـلوو .. ابو الجوري : نظام المستشفى كيف ..؟؟ الجوري : ححلو .. سنة تدريب تحت ايد الاطباء ثم يحق لي اخذ اسم الدكتورة مها : يعنني كأنه تطبيق عملي .؟ الجوري : ايه .. مها : حلو .. الجوري : يسس عشان كمان اكون اخذت ثقتي بنفسي اكثر واكثر ابو الجوري وقف : الله يوفقك يَ بنتي .. على فكرة تعالي ابيك بجناحي الجوري : طيب .. - ووقفت ومشت ورا ابوها - الهنوف : يَ ربي وش يبي فيها البندري لقتها فرصة تمسكها عليها : وش دخلك بينهم من جد مقلوووفة ... الهنوف : والله جد ودي اعرف العنود : الحين تطلع ونعرف مها : نشوف .... - - - فـي مكـآن اخخـر ..: انطلق بسيارته الفراري لبيت صديقه الذي لـآ يعلم ما حـل به ... اكثر شي ازعجه ان بيت بدر بعيد كثير البعد عن بيته ... كل اشارة يتوقف عندها يحسب اللحظات والدقائق التي تمر .. كل ذلك من اجل الوصول ... هو يعلم ان صديقه مريض لكن هو خائف ان الحاصل امر اخر ... استطاع الوصول لبيت صديقه في وقت قياسي ... دخل بسيارته لحديقة بيت بدر ونزل بسرعة : راكان توجه بسرعة للباب الخشبي اللي ما تغير من كان طفل كانت له ذكريات هنا مع بدر ضغط الجرس حتى الجرس معطل .. دق الباب بقوة لكن ما فيه فايدة ولا اي رد صار يدق ويدق ... وتذكر اللي مضى من سنين الثانوية ... (( كانوا في ساحة المدرسة الثانوية لكن كانت مدرسة عالمية .... وفي جانب منها تحت شجرة كان جالس يلعب بجواله ... جاه بدر وجلس جنبه ... بدر : راكان راكان التفت له : هلا بدر : مد كفك لي .. راكان استغرب لكن مد ايده : وهاذي ايدي .. بدر حط كفه على كف راكان .. وابتسم ثم ابعد ايده راكان نظر .. : مفتاح ..؟؟ بدر : ايه مفتاح ... راكان عقد حواجبه : وش ابي فيه ؟؟ بدر ابتسم ونزل راسه : ابد بس اذا يوم تعبت وجيت وما فتحت الباب ابيك تفتح وتدخل ... لان الايام الجاية مو سهله خاصة بعد ما عرفت من الدكتور اني مريض ... راكان حط ايده على كتف بدر : ولا يهمك ... ابششر وهذا هو مع مجموعة مفاتيحي ... - طلع ميدالية مفاتيحه ودخل المفتاح فيها - بدر ابتسم له ووقف راكان : على وين ..؟؟ بدر : يلا خلنا نرجع للفصل .. راكان : بس بقي وقت بدر : انا ابي ادخل قبل ما يرن الجرس راكان : يَ مجتهد بدر يسسحب راكان : اقول قققووم يَ كسسسول ...)) راكان بسرعة طلع الميدالية وميز المفتاح بسرعة وفتح الباب .. ودخل .. اول ما دخل نظر في وجهه درج يطلع لدور الثاني والدرج قريب مرة من الجدار ... وفي درجات تنزل لصالة وسط فيها 3 كنبات وفي الركن مطبخ ... وغرفة مقفلة تذكر راكان انها مجلس الحريم ... ونظر بالمدخل نفسه ما تغير وهو اللي يدخل على مجلس الرجال الكبير ... دخل لصالة وبدا يصوت : بدر بدر .. مشا بخطوات سريعه شوي ناحيه باب زجاجي كبير .. فتحه .. وطبعا الباب يفتح على قاعدة مرتفعه خشبيه عليها طاولة وكرسيين ومظلله وعن يمينها درجات تنزل للحديقة وكان هذا الباب يوصل للبيت من الخلف .. راكان في نفسه : بدر مو هنا ... يَ ربي وينه - بدت اعصابه تفور وطلع بسرعة لدور الثاني - ... بعد ما طلع اتجهه لغرفة في اخر الصالة بالركن ... وكان بابها شبه مغلق ... فتحه بسرعة ... راكان انصدم من شكل بدر ... كان بدر طايح مغشي عليه .. ولابس بجامه لونها سماوي محددة بالاطراف باللون الازرق .. وازارير بلوزته مفتوحة .. وجواله طايح جنبه ... راكان شاله بين ايديه : بدر بدر راكان وضع بدر على السرير وبدا يضرب خده بخفه : بدر بدر بدا بدر يفيق ... راكان اللي كان ضغطه واصل المليون بدا يهدا .. شاف كاسة مويه مليانه اخذها وبدا يحط في ايده ويمسح على وجهه ... بدر فتح عيونه ببطئ ... وبصوت مبحوح : فين انا .. ووش صار راكان ارتاح وبدت ملامحه تتحول لفرح : بدر الحمد لله انك بخير بدر يتلفت بنظره يمين يسار : راكان وش صصار ..؟؟ راكان : انت وش صار معك يَ خي خرعتني ..!! بدر غمض عينه بقوة وفتحها بعد ثواني : كـ... كنت ا...اكلمك ..بـ .. بـعدين .. حسيت بألم قمت من السرير على اساس اجيب علاجي وانا اكلمك بس ما قدرت اتحمل الالم ... بعـ .. بعدها ما حسيت بشي و فقدت وعيي .. راكان : طيب فين علاجك ...؟؟ بدر اشر باصبعه على درج من ادراج تسريحته .. راكان وهو يمشي : الله يصلحك حاطه بعيد عنك .. ما يصير لازم بجيبك يكون ... بدر ضحك ومع كل ضحكة يتألم : اقول الغرفة تراها جدا صغيرة يعني ماله داعي ... لا تحسب نفسك بجناحك .. راكان بكل غرور وهو يجيب المويه ويتجه لبدر : فديتني انا وجناحي الراققي والفريد من نوعه بدر وهو يجلس : مصدق نفسك صحيح انه حلو لكن نعرف انه دلع منيرة وراشد مو ذوقك الفريد اللي تقول عنه .... راكان : اقققول امسك خذ علاجك بس ... بدر اخذ منه العلاج بايد وايده الثانية المويه : ما اقول غير الله يحفظهم لك ولا تنحرم منهم .. - واخذ علاجه وشرب المويه - راكان : اللهم امـين ... نظر راكان ببدر وهو ياخذ علاجه ويشرب .. حالته من سئ لاسوأ ... لا عطف واهتمام اب ولا حنان ام ولا وقفات اخوان واخوات .. بدر يحرك ايده لراكان : هيه يَ ابو الشباب وين رحت راكان : ها لا ابد ولا شي .. بدر ليه جرسك معطل ..؟؟ بدر : جد ..؟؟ راكان : ايه جد اقول صلحه او غيره .. بدر : تغيير مستحيل اغير اي شي بذا البيت .. لكن بصلحه راكان راعاه في هالنقطة عدم تغيير اي شي فيه وثم قال : اسمع بنام عندك الليلة ... بدر : نعم .. اقول شوف الباب معه يلا راكان بحدة : بجلس يعني اجلس بدر عصب : خخير تجلس بكرة وخير ان شاء الله وانا مثل ما انت شايف الحمد لله ارتحت و يلا اقلب - اطلع - راكان وقف واعطاه ظهره : انت حر بس بالليل اي شي تتصل فاهم بدر ابتسم : اوككِ تممر امر يَ ححلو راكان ضحك ومشى للباب : لا انت فصلت بعد دواك ... بدر يتغطئ : اقول راكان واللي يحفظك سكر اللمبات معك .. راكان قفلها ما بقى غير ضوء الابجورة : وهاذي هي تسكرت .. بدر : مشكور تصبح على خير واسفين تعبناك .. راكان : كم بدير عندي ..؟؟؟ بدر : اقول مو كانك كثرتها .. راكان : لا مرة انت اللي كلامك قليل الحق مو عليك علي .. يلا يلا بس سسلام بدر ابتسم : مع الف سسلامة ... قفل راكان الباب .. وانتبهه من تحت الباب ان ضوء الابجورة انفقل ... ابتسم .. نظر بالبيت اغلبية غرفه مقفله .. حتى المطبخ المفتوح الصغير الموجود في الركن الثاني من الصالة الوسط .. وكان يتألف الطابق من - مطبخ مفتوح و 4 غرف وحمامين وكلها مفتوحة على الصالة .. كان نظام البيت راقي وحلو لكنه مو قصر ممكن نقول عنه فله لانه من الداخل روعة .. - تأمل 3 غرف مقفله عدا غرفة بدر .. الصالة بعض كنابتها مغطاه بفراش ابيض .. كان مركز عينه على غرفتها بذات .. تذكر لحظات كانت تلعب معه ومع بدر واحيان كانت تتخاصم وتتجادل معه .. ما قدر يتحمل قرر يطلع .. من البيت بسرعة .. يحس موجات الذكريات الماضيه توجعه وتحطمه ... قبل يركب سيارته ركب سيارته نظر شاف كراج كبير لسيارات ما في غير سيارة وحدة سيارة بدر الكامري.. بدت تسيطر على عقله امور من ماضيه لم يستطع التحمل دخل سيارته وانطلق بسرعة ..وتوجهه لقصر ابوه وامه .. - - - فـي البيت عند الصبايآ : طلعت الجوري مبسوطة وهي شايله صندوق كبير خشبي .. وكيس برضو وفوق الصندوق ورد ملون طبيعي الببنات وقفوا مصدومين .. الجوري نزلت اللي معها على الطاولة المتوسطة بين الكنبات .. الهنوف بسرعة تفتح الكيس وتطلع اللي جوته ...: الله شوكولاييين البندري تفتح الصندوق : مشاء الله طقم الماس عودي بعد ..!! العنود ومها : ولا ورد طبيعي ..؟؟ البندري تنظر بالجوري اللي مبسوطة : وش السالفة يَ بنت .. ؟؟ الجوري وهي توزع ابتسامات : ابد الله يسلمكم هديه الهنوف : ومن مين وليش وكيف و ... الجوري تقاطعها : شوي شوي علي .. هذي هديتي من بابي عشان الوظيفة توسعت عيون البنات والعنود نزلت نظارتها.. الجوري شافتهم ساكتين : خير وش فيكم سكتوا الهنوف : يعني لوتوظفت ابوي بيجيب لي هالخير سمعوا صوته وراهم : اكيد .. البندري : انا توظفت وانتهيت .. ابو الجوري : بس انتي تتذكرين اني سويت لك عشاء كامل في الاحساء بالمزرعة .. البندري ابتسمت : وكيف انسى ذاك اليوم .. ابو الجوري : اختك تتبعك ومثلك .. الهنوف وهي ترفع ايدينها لسماء بترجي : يَ رب عقبال ما اتوظف .. ويسوي لي ابوي مو ليلة عشا وحدة ليالي ويجيب لي من الشوكولاين اللي يرظي هذا المؤدب والجميل - وحطت ايدها على بطنها - البنات وابوهم انفقعوا ضحك على شكلها .. ابو الجوري : يَ بنتي حرام عليك خفي عليه شوي .. شوفي اخواتك صعاليك مشاء الله الا انتي .. الهنوف وهي تنظر بنفسها : والله اني ارشقهم ابو الجوري: وهاذي ميزتك الهنوف باسته : يسعد لي الفهمان اما البقيه فارت اعصابهم من كلام ابوهم .. ابو الجوري انتبه لهم : احم احم يلا كل وحدة على سريرها .. الهنوف اخذت صحن الشوكولاين : انا بودي هذا للثلاجة .. الجوري : تودينه مو تاكلينه واضضح الهنوف : خخير اكل توني متعشيه مشاء الله علي البندري: ايه صح صدقناك بين كل اكلة والثانية دقيقة او دقيقتين .. مشاء الله عيني عليك باردة الهنوف : اوفف الجلسة معكم نكدة البنات بصوت واحد : طسسسي مها : وانا بشيل الورد وين احطه جوريتي ..؟؟ الجوري : امم .. حطيه في هاذي .. - واشرت على فازة فاضيه على الطاولة اللي تتوسط الكنبات - مها : طيب الجوري : اما الصندوق بحطه بدرج التسريحة .. ابو الجوري : خلاص يلا الان شوفوا الوقت تاخخر كلوحدة على سريرها العنود : من جد ابي انننام .. هيه انتي ان سويتي نذالتك اليوم يَ ويلك ... - تكلم الجوري - مها : ايوا .. جد ما تهنيت بالنوم ابو الجوري :انا موصيها عليكم ... البندري : انا بعاير الساعه .. احسن حل ولا قومة اليوم اللي الله لا يعيدها من قومة .. يلا تصبحون على خخير الكل : وانتي من اهله .. مها : وانا كمان بس بروح اجيب هنيف وادخلها معي الى الان بالمطبخ .. الجوري شهقت : الحقيها لا تاكل شي ... - ركضت - مها تجري ورا اختها: طيب طيب بلحقها .. بس انتظريني ابو الجوري يتثاوب : يلا تصبحين على خير العنود : وانت من اهله .. مشا ابوهم خطوتين الا يسمعون صراخ الجوري : لـــــــــــآ يَ الخـــآيسسة وش سويتي .. ابو الجوري : هههههههههههه خلصتها عليكم العنود : ههههههههههه الله يكون بعونا بس ... ابو الجوري : يلا يلا تاخرت لثاني مرة تصبحين على خير العنود : لثاني مرة انت من اهله ... مشا ابو الجوري والعنود دخلت تنام ومها والجوري طاحوا ضرب في الهنوف ...والبندري دخلت لجناحها المظلم ولا احد يعلم هل هي مستيقظة ام هي نائمة بسلام .. - - - فـي قصر راشد اليوسف .. دخل للقصر وشاف امه منهارة تبكي وابوه يهديها ... راكان : احم احم .. الام رفعت راسها بسرعة : من راكان .. تعال يَ ولدي وين رحت ليه خوفتنا عليك راكان اخذها بالاحضان يهديها .. ابوه بحده : خوفتنا وش السالفة ..؟؟ راكان : الله يهديكم وش فيكم تراني مو صغير تخافون علي امه : شلون ما نخاف عليك .. المهم ليه طلعت فهمنا راكان اخذ نفس : بدر اغمى عليه ورحت الحقه الام شهقت : ويلي على ولدي .. وش فيه كيف طيب ..؟ راكان : ايه طيب اخذ علاجه والان هو نايم الاب : لا حول ولا قوة الا بالله قايل له يجي عندنا بس هو رافض .. راكان : مو جايك ... خويي وعرفه الام : بس ليه يرفض ما عنده حتى قرايب يرعونه .. راكان : هو كذا خليها على ربك .. يلا عرفتوا وش صار .. عن اذنكم بنام .. وراي دوام تصبحون على خير ابوه وامه : وانت من اهله .. توجهه راكان لجناحه .. بعد ما ارتاح وتطمن على بدر ..
__________________ هنـآك أشخآص يحتآجهم (عقلكَ) وهنـآك أشخآص يحتآجهم (قلبك) وَهنآك من تحتآجهم أنتَ لآنَك بــَ بسـآطة تصِبحَ بــَ دونهِم َبــَلآعنوانَ |
|
#29
03-23-2013, 02:37 AM
| ||
| | ||
| - الــيـوم الثـــــآني - - السـاعة 7صباحا ..- - فـي سيـآرة سعد - البندري : متى اجازتك .؟ الجوري: هيه توني متوظفة تقولين اجازة بس انا امس فكرت اني اخذها وقت سفرنا .. بس مدام مو مسافرين مو اخذه اجازة البندري: بكرة ان شاء الله اخر يوم وبعده تبدا اجازتي ... الجوري : حلـو .. انا على اساس اخذها بس والله مو مسافرين مو اخذه البندري : ابوي مو معقوله ما يسافر.. الجوري : هه ما تعرفينه لا قال الكلمة ما يتراجع البندري: وتشوفين اذا اليوم ما قال اننا مسافرين بلد اختارها هو .. الجوري: من حقه امس يعصب ... البندري ضحكت : من جد اشكالنا كانت .. غصب تخليك تعصبين .. سعد : الجوري خلاص وصلنا .. انزلي يلا يَ بنتي الجوري: ما حسينا بالوقت .. البندري: انزلي بس يلا .. الجوري : مالت عليك نتقابل يَ ئمر - قمر - البندري: ان شاء الله بس يلا سكري الباب الجوري قفلت الباب وبخطوات سريعه دخلت للمستشفى .. - - - دآخل المستشفى : دخلت بسرعة لغرفة التبديل .. وقابلت فاطمة : فاطمة : هلا والله .. الجوري: هلا فيك غنـاتي .. فاطمة وهي تفتح دولابها : اخبارك الييوم الجوري : منيحة وانتي .؟؟ فاطمة : عال العال الجوري وهي تلبس تدخل العباية في الدولاب : دوم يَ رب فاطمة وهي تلبس البالطو : غريبة نهاد ما جات ..؟ دخلت بعربجيتها المعروفة وكانت معصبه : اووووف يَ ربي .. وش هالحالة .. الجوري : خيير نهاد مع الصبح معصبه .. نهاد تنزل عبايتها بعصبيه وترميها في الدولاب : وش اسوي يعني .. صاحيه من الساعه 4 وحطي وشيلي .. يَ خختي محد يرحمني .. الجوري : هه وهذا اننتي في اكبر واصغر منك .. مو انا الكبيرة يَ حسسرة اصحى واصحي القبيلة حقتي فاطمة : ههههههه حرام .. انا كويس وضعي انا وحيدة بالبيت .. الجوري : انتي وحيدة ابوك وامك .. فاطمة : لا .. عندي فاتن وفراس وكلهم متزوجين .. وانا مخدومة من يوم يومي الجوري : مشاء الله .. عشتوا بدا الغرور فاطمة : مو غرور بس انا هاذي حياتي .. نهاد : هه وانا يَ حسرة اطبق هنا وهناك .. اخخ بس .. الجوري : ليه كم عدد اخوانك انتي ست نهاد ..؟؟ نهاد : اولا نواف و ندى متزوجين و اللي بالبيت انا ونادية .. ومهند .. وسالم .. يعني 4 اللي بالبيت فاطمة : مشاء الله يعني 6 عددكم اصلا نهاد : يسس .. سالم ونادية اكبر مني .. ومهند صغير .. والحالة زفت الجوري : اقول احمدي ربك بس .. كلنا على بعض بالبيت حنا 5 بنات فاطمة : ما عندك اخوان الجوري : لا انا والبندري توام ومها والهنوف توام والعنود .. فاطمة : كلكم توائم .. نهاد : قولي مشاء الله .. فاطمة : مشاء الله ولا اله الا الله .. الجوري : اصلا حنا اخوات من الاب .. فاطمة : مين ومين قصدك ..؟ قطع عليهم .. دخول النيرس .. : لو سمحتوا تفضلوا لقاعة الاجتماعات .. عشان الجراحين متجمعين هناك .. الجوري : اوككِ الان ... بعد ما راحت النيرس .. الجوري : يلا خلونا نروح بسرعة لا نتاخر .. نهاد تمشي للباب : يلا .. طلعوا الثلاثة للقاعة وهناك : دخلت اولا فاطمة ودخلت بعدها نهاد واخيرا الجوري وكانت القاعة كبيرة والطاولة كبيرة مستطيلة وكان حولينها طبعا صدر القاعة فيصل اللي ما وصل وكان الموجودين .. (( راكان - بدر - سعاد - وجراحيين ومنهم متدربين مثل نهاد وفاطمة والجوري .. جلست نهاد جنب سعاد .. وجلست فاطمة جنبها وكانت بين نهاد وبدر .. وبقي الجوري واقفة ومافي مكان غير جنب راكان ... نظر راكان فيها فهم انها كاره المكان جنبه ضحك في نفسه وطنشها .. سعاد : الجوري وش رايك تكملين واقفه واضح حبيتي الوقفه ..؟ الجوري : ها لا لا بجلس .. وجلست جنب راكان ... ريحة عطر راكان عاجبتها بس قوية تحسسها انها بتستفرغ - الله يكرمكم - راكان يحس انه وده يكفخ سعاد .. بسببها جلست جنبه .. الجوري تكح وراكان متوتر .. والكل ملاحظ وفجآة انفتح الباب ودخل فيصل وبصوته الجبلي المضخم : السلام عليكم ورحمة الله الكل وقف : وعليكم السلام والرحمة .. جلس فيصل في صدر القاعة واشر له يجلسون : تفضلوا الكل جلس راكان عدل جلسته ونفس الشي الجوري والبقية وبدر لبس نظارته المستطيلة ونفس الشي فيصل .. كان موضوع الاجتماع حول المريض اللي طلب راكان من الجوري تسوي بحث عن حالته وكيف يقدرون يعالجونه وخاصة انه من رجال الاعمال المعروفين وهو معتمد على الله ثم على هالاطباء تحدديدا .. مرت دقيقة ورا دقيقة صارت ربع ساعه ... ثم نصف ساعه ... ثم ساعه .. إلــى ان ...: فيصل : طيب اخذنا حنا بآرآئكم .. لكن حسب ما هو موجود عندي البحث اللي عملته يَ راكان كان جدا دقيق .. وعليه رح نسوي العملية .. ان شاء الله اليوم لان الحالة صعبه فلازم نلحق نستعجل بالعلاج راكان انحرج : معليش يَ دكتور فيصل .. بس مو انا اللي عملت هالبحث .. فيصل عقد حواجبه راكان نظر بالجوري اللي ارتكبت من نظرته ورجع نظر في فيصل : الدكتورة الجوري هي اللي عملته .. وانا سلمته لكم فيصل : رائعة يَ الجوري كويس .. الجوري ساكته .. وما ردت فيصل : اوككِ طيب اللي ححيدخلون العملية هم سعاد وراكان وبدروحامد ..بس لازم من المتدربات ... اوككِ مدام الجوري انتي اللي عملتيه رح تدخلين .. فاطمة ونهاد نظروا ببعض وابتسموا .. راكان : معليش يَ دكتور فيصل .. بس الجوري عندها مُعينات .. وكذا شغله اليوم بكلفها بها .. سعاد عصبت لان الجوري من متدرباتها وهي اللي توزع الاعمال بينهم كانت بترد لكن رد فيصل كان اسرع :اوككِ على كذا اللي بتدخل نهاد .. الجوري نظرت براكان اللي ابتسم بخبث .. حست بقهر من تصرفه اللي ماله اي داعي .. بدر نفس الشي فاهم قصد راكان انه ما يبغاها تدخل .. وانقهر من تصرف صديقه .. فيصل : ان شاء الله اليوم الساعه 6 مساء بنجريها ان شاء الله تفضلوا .. طلعوا كلهم الجوري ركضت برى القاعه .. مقهورة ولحقتها فاطمة .. اما نهاد عصبت وراحت لراكان اللي توجه لمكتبه .. في مكتب راكان : بدر بعصبيه : وش هالتصرف ... تقول قرارات من عندك .. ليه هي اللي تعبت وجابت البحث الدقيق والصحيح .. راكان وهو يحس نفسه حقق نصر : بدر تشوف الباب تفضل معه .. بدر انقهر منه زود : طول عمرك اناني ومغرور .. لكن توصل لظلم .. راكان عصب: يعني انا ظالم بدر: ايه ظالم ... تروح تعتذر من البنت فاهم راكان وقف معصب : لا يَ حنون زمانك انت اقول اقلب عني بس بدر تجنن من تصرفاته الباردة وطلع بسرعة طلع بدر دخلت سعاد .. سعاد بكل عصبيه : خخير يَ استاذ انت .. متى بتترك وقاحتك هاذي ها ..لا تحسبني غافلة عن تصرفك .. راكان: اوهووو وش فيكم علي اليوم ها وش فيككم .. سعاد بين اسنانها : اسسمع زين يَ راكان هاذي من قروبي وانا اوزع الاعمال .. بينهم .. مو انت .. في قروبكك سو اللي تبي فهمت راكان طنش كلامها اما سعاد طلعت من عنده معصبه .. سعاد صادفت نهاد تمشي معصبه .. مسكتها سعاد وهي ماسكه ايد نهاد : على وين ؟ نهاد : اتركيني بروح اكفخ هالراكان .. سعاد : خلاص يَ نهاد تفاهمت معه نهاد تفك ايدها ..: والله العظيم لا اخليه يدخلها بدالي سعاد مسكتها ورجعتها : تعااااالي خليه .. خلاص فيصل قال كلمة يعني تمشي .. والجوري عاقله وتفهم .. نهاد : ليه يَ دكتورة مع ثاني يوم .. يصير كذا لنا تونا مالنا غير يوم واحد سعاد : وش تسوين .. يلا يلا كلمي لي البنات والحقوني اوزعكم .. نهاد تمشي وبكل احباط : طييب .. الشغل وراي وراي .. سعاد : نهاااد وبعدديين تحرككي نهاد خافت : طيبب طيب خلاص بروح ... - - - فـي الخُـبر : كان في الشركة منغمس في اوراقه وملفاته .. جاه اتصال ..رد فهد : هلا .. سعود سعود : هلا فيك اخبارك ..؟؟ فهد بدون نفس : بخخخخير سعود : اوف وش هالنفس القافله .. يَ خخي توأمك تكلمه تسذا .. فهد عصب : سعود قول وش تبي وخلصصني سعود بكل روقان : تعال زورني فهد : اججل تراب .. وقفل الخط في وجه اخوه فهد في نفسه : مروق الاخ خخير يبني اجيه في الرياض.. اووف احس بغثيان .. باستآذن توجهه لمكتب المدير (( مشاري )) دخل بدون ما يدق الباب .. فهد : مششاري .. مشاري : اولا في شي اسمه ادق الباب استاذن وثاني شي انا بالشركة استاذ مشاري مو مشاري .. فهد : لا بالله مشاري : اي والله فهد : باستاذن .. ويمكن اخذ اجازة مشاري وقف معصب : ترا كثرت استاذنك بالاضافة لاجازاتك اللي ما تنتهي .. ولما تجي تشكتي من الضغط شو حالك يَ خخي كيف فهد ما يبي يكثر كلام : قلت لك انا باخذ اجازة من اليوم ومن الان تحديدا والسلام - وطلع - مشاري ضرب بايده على المكتب : هذا مو فهد .. حالته صايره تغث يَ رب صبرك ... فهد طلع من الشركة وتوجهه لقصر ابوه يمكن يهدا ويرتاح - - - فـي مكان اخـر .: كان دآخل الفلة الموجودة بالمزرعة يروق مزاجه اللي اصبح سئ للغاية .. واثناء ما هو مسترخخي .. قطع عليه صوت جواله ..: الو ..: السلام عليكم ..: وعليكم السلام هلا يبه الاب : وينك ..؟؟ ..: في السعودية الاب : ادري بالسعودية فين ..تحديدا ؟؟ ...: الشرقيه وفي الحسآ - الاحساء - تحديدا .. الاب عصب : انا ما قلت يَ تروح عند عمك في الدمام او جدة عند خوالك .. ..: الدمام عند عمي مو رايح وجدة ما عندي اي استعداد الاب عصب زود : يَ ولد احترم نفسك وروح لبيت عمك او خوالك .. ..: شوف يبه بروح لعمي ان شاء الله في رمضان ونفس الشي خوالي .. اما الان بجلس بالحسا الاب : لا حول ولاقوة الا بالله طول عمرك بارد ... عمك يعرف طيب انك وصلت ...: لا ما يعرف .. ولا ابيه يعرف عشان كذا اذا اتصلت لا تجيب له طاري الاب : طيب يلا تامر شي ...: لا سلامتك الاب : اذن مع السلامة قفل الخط وهو حده معصب .. اتصال ابوه ومووضوع يروح لعمه وخواله ازعجه ... واستسلم لنوم لانه افضل حل للبعد عند مشاكله .. - - - فـي الخـبر دخل لقصر ابوه .. والكل كان متواجد .. (( ابوه - امه - رفاء - مراد )) فهد : السلام عليكم الكل : وعليكم السلام .. فهد : وش الاخبار باصوات متفرقة : الحمد لله .. بخير .. امه : وانت وش اخبارك يَ ولدي ..؟؟ فهد ياخذ نفس: طيب الحمد لله امه : بقوم اجيب لك شي بارد فهد : يَ ليت امه : اجل انا قايمه - وقامت متوجهه للمطبخ - ابوه: غريبه خرجت من الشركة بدري ..؟؟ فهد : خلصت وقلت على ايش اجلس << نصاب .. وانت استاذ مراد وينك عنها اليوم ؟ مراد يكح وبصوت مبحوح : كنت بلحقك بس تعبت شوي فهد : سلامتك مراد يرتجف : الله يسلمك رفاء : اووف الجو حار وانت بتطق من البرد .. مراد عصب : رفاء وقسم لاجي اتوطى ببطنك رفاء عصبت : ما قلت شي .. مراد :واضح اللي ما قال .. فهد : بس خلاص انتو الاثنين كل يوم على هالحال .. مراد ورفاء سكتوا وكل واحد طنش الثاني .. دخلت الام : تفضل يَ ولدي فهد : مشكورة يمه .. اخذ فهد رشفه ..: على فكرة انا مسافر ... الكل نظر فيه ..: فهد : ايه مسافر الليله الرياض بروح عند سعود امه : ليه فيه شي ولدي ..؟؟ فهد : لا بس انا اخذت اجازة وبروح عنده ابوه : اجازاتك كثرة يَ ولد .. فهد : وش اسوي .. ابوه : ترا هذا ينقص من سمعتك الكويسه اكثر واحد مهمل بعايلتنا انت فهد : لقب جديد ها - يقصد انه كل مرة يسمونه اسم - ابوه : وشكله اللقب اللي بيستمر معك طول حيااتتك انتبهه يَ ولد ... فهد وقف : بالاذن بروح جناحي ارتاح .. الكل : الله معك .. ابوه في نفسه : هذا الولد بيجنني .. بديت انهبل منه .. يَ رب انك تهديه .. - خلوني اعرفكم على العائلة الكريمه - ابو فهد (( سلطان )) : شخصيته عصبي .. حكيم .. في نفس الوقت حنون وهو مزاجي جدا ام فهد (( زينب )) : شخصيتها حنونة طيبة وحليمه وفيها من العصبيه .. ام فهد هي بالحقيقة الزوجة الثانية لسلطان .. فهد وسعود ومراد هم اولاد الاولى اللي توفت لانها كانت مريضه وهي هدى اخت هند وربتهم زينب .. ورفاء هي اختهم من ابوهم .. والوحيدة اللي جابتها زينب من سلطان وتحب الكل يقول لها ام فهد ... فهد : جسمه رويان ابيضاني حواجبه عريضه مرسومه شفايفه ورديه وجهه دائري شعره ناعم وطويل لنهاية رقبته عيونه واسعة وكحيله .. عصبي .. طيوب وحبوب بنفس الوقت .. مملوح .. مزاجي ..25 سنة سعود : نسخة من اخوه فهد لكن الفرق ان سعود النظارة ما تنزل عن عينه اما فهد ما يلبس .. شخصيته حليم وصبور ومحبوب ومملوح .. 25 سنة مراد : ابيضاني قصير ونحيف .. شعره ملفلف .. عصبي وراعي دجة واستهبال ومملوح.. 24 سنة .. رفاء : قصيرة بشرتها بيضاء وعيونها كحيلة وواسعة وشعرها بني طويل .. مزاجيه هاديه محبوبة ومملوحةة مثل اخوانها .. 19 سنة - - - فـي بيت عبد العزيز الجـآبر : كانت في المطبخ مع الخدم تشرف تساعد .. دخلت ربا : سهـآ سها : هلا ربا : تعالي خلينا نجلس شوي مع بعض .. سها : طيب .. مشت مع اختها ودخلوا الصالة جلست سها جنب ربا .. سها : احس عندك شي تبين تقولينه ..؟؟ ربا : ايه عندي .. سها : وش فيه ..؟ ربا : انتي اللي وش فيك ..؟؟ سها : وش قصدك ..؟ ربا : امس بالجمعة ما جلستي معنا وحتى لما جلستي ما تتكلمي ولا تضحكي وواضح في شي مضايقك سها ضحكت وتذكرت كلام عماتها : لا ابد مافيني شي .. ربا عصبت : انتي وش صار لك تغيرتي كثير مو سها الاولى سها نزلت راسها : صدقيني ما فيني شي .. بس تعرفين انا تعبانة ربا وقفت : ايه واضح التعبان صرتي ما تعطيني فرصة اننا نجلس مع بعض مثل اول احسك تتهربين منا حنا اهلك - وجريت تبكي - سها تصوت : ربا ربااا .. يلا وش اسوي معها في هالاثناء دخل مشاري : مشاري وهو تعبان رمى نفسه على الكنبه : السلام عليكم سها : وعليكم السلام مشاري : خير وش السالفة ..؟ سها : ابد الله يسلمك ما في اي شي بس ربا تبعانة شوي مشاري : اخذت علاجها امس وديتها للمستشفى سها : لا لا يَ اخوي تعبانة نفسيتها مشاري : ليه وش السالفة سها : بعدين افهمك بروح اراضيها .. مشاري : انتظري بروح معك .. سها تمشي قبله : طيب تحرك يلا وقف مشاري ولحقها عشان يشوفون ربا اللي مقهورة من تصرفات اختها ..
__________________ هنـآك أشخآص يحتآجهم (عقلكَ) وهنـآك أشخآص يحتآجهم (قلبك) وَهنآك من تحتآجهم أنتَ لآنَك بــَ بسـآطة تصِبحَ بــَ دونهِم َبــَلآعنوانَ |
|
#30
03-23-2013, 02:38 AM
| ||
| | ||
| مضت الدقـآئق والسـآعـآت .. لتصبح السـآعة 12 ونصف ظهرا .. فـي بيت مازن السعيد .. دخلت للبيت وشافت امها وابوها .. جالسين .. هند : السلام عليكم ابوها وامها : وعليكم السلام هند جلست: وش اخباركم .. الام : بخير وانتي كيف دوامك اليوم ..؟؟ هند: كويس بكرة اخر يوم لي انا اخذت اجازة ابوها : كويس .. يمكن نروح الجنوب .. في هالاسبوع هند : حلو .. امها : والبندري اخذت اجازتها ولا لا ..؟ هند : ايه معي ..هي .. بس الجنوب كلنا بنروح امها : ايه .. حنا وبيت اخوك محمد وبناخذ معنا عيال هدى الله يرحمها .. هند : اها كويس .. يبه كيف مشروعك ..؟ الاب : الحمد لله كويس .. الام : انت لو اخذت المبلغ من سلطان ورجعت به املاكك ثم رجعت المبلغ له كان احسن الاب بحدة : مو مازن ولد محمد يستلف وياخذ من الناس الام وهند سكتوا .. هند وهي توقف عن اذنكم ببدل ملابسي .. واساعدك يمه بتجهيز الغداء الام: الله يرضى عليك - - - فـي المستشفى : توجهه راكان لقسم العيون .. وطلب انه يدخل على الدكتورة منال فتح الباب ودخل عليها راكان : السلام عليكم منال وقفت : وعليكم السلام والرحمة اهلا يَ راكان اخبارك ..بشرنـآ..؟؟ راكان : الحمد لله .. منال جلست: تفضل اجلس .. راكان جلس : دكتورة منال اليوم جايك بموضوع يخص مريض عندي معاه ورم في الدماغ - نسال الله السلامة - والواضح انه يا دكتورة مأثر جدا على النظر .. فلازم استعين بك في هالحالة منال : اوككِ انت جبت معك الاشعة او ملف المريض عشان اشوفه راكان : لا .. منال : طيب شوف اسبقني الان لجناح الدكتورات وهناك نتفاهم راكان: انتي بجدك جناح لدكتورات ادخله كملت والله منال : الان مافي اي احد فيه راكان : يمكن وحدة من الدكتورات تبغى تستريح فيه .. منال : قلت لك الان فاضي مافيه احد .. اسبقني الان الحقك .. راكان بتردد : طيب - - - في جـآنب اخر من المستشفى .. وفي الجناح المخصص لدكتورات .. كانت جالسه عند الشباك وضامه رجلها لها .. وسانده راسها على زجاجه ومقهورة من حالها .. واللي يصير لها تذكرت اول لقاء لهم .. وكان اسوأ لقاء في حياتها .. مقهورة من تصرفاته .. تحاول تحترمه فتلقى منه كل كره وحقد .. كانت متوجهه لعالمها الخاص .. ولثمتها وطرحتها في حضنها وتاركه شعرها المرفوع ..ما انتبهت لدخوله ووقوفه سرحان هو الاخر بعالم ثاني .. حست ان احد وراها التفت .. شافتها ... والتقت عيونهم سرحت فيه وهو نفس الشي .. وفجـآة شهقت .. وهو صحى على نفسه حين شهقت الجوري فقدت توازنها وطاحت على الارض راكان سمع صوت طقه ايد عرف انها لما طاحت طاح جسمها كله على ايدها اليمنى ومفصلها الايمن هو منه صدر الصوت .. قرب يساعدها خاصة انها تتالم وما تقدر تصلح طرحتها وتتغطى منه لكنها اعطته نظرة قوية وصرخت برااااا .. راكان لا اراديا طلع .. وسكر الباب يحس نبضه يتسارع ,,, ندم انه دخل لكن ضميره انبه .. قرر يرجع ويساعدها فتح الباب بهدوء شافها على الارض تبكي وحطاه ايدها على مفصلها الايمن .. وسمعها تردد : حسبي الله فيك يَ راكان من اول ظهور لك وحياتي منقلبه فوق تحت وتبكي من الالم .. راكان سكر الباب وركض لان في باله فكرة .. - - - فـي البيت عند الصبـآيـآ ..: كانوا الاربع متجمعين .. (( مها - الهنوف - العنود - البندري اللي وصلت من شغلها )) دخلت لطيفة عليهم ..: البندري روحي بدلي ملابسك وتعالي ساعديني .. البندري : اوككِ - وقامت متوجهه لغرفتها - لطيفة : والهنوف والعنود انزلوا جيبوا الاغراض اللي جابها عمكم توه الهنوف والعنود : اوككِ بقي مها اللي كانت سرحانه بعالم اخر .. شافتهم نزلوا مع الدرج .. لحقتهم .. ووقفت عند اوله تشوفهم حتى اختفوا .. لطيفة جات وراها : وش تفكرين فيه ..؟ مها : لا ولا شي .. لطيفة ما عجبها رد مها : طيب .. مها : خالتي انا بدخل جناحي ما ابي احد يلحقني طيب لطيفة بدت شكوكها تزداد : طيب بس ليش..؟ مها وهي تفتح باب الجناح : ولا شي .. قلت لك .. لطيفة سكتت بس طنشتها ودخلت المطبخ .. استغلت هالفرصة مها وفتحت الباب اللي يودي على الملحق فوق .. وقفلته وطلعت مع الدرج .. ولما وصلت .. فتحت باب الملحق .. كل شي مرتب وهو المكان المطلوب ... مها تفرك ايدها : هو المطلوب اممم يلا ببدا اشتغل وارتب اموري .. - - - نرجع للمسـتشفى ..: راكان يجري بسرعة وشاف الشخص المطلوب .. راكان : فاطمة فاطمة .. فاطمة التفت له : نعم دكتور راكان راكان : ابي اسالك وين القى الجوري ..؟؟ فاطمة : اضنها قالت بتروح ترتاح شوي .. خاصة ما عندها شغل الان .. راكان : امم يعني هي في جناح الدكتورات .. فاطمة : ايوا .. راكان: طيب ابيك تروحين لها وتكلمينها لي ... فاطمة : طيب بس عطني شوي راكان : ارجوك يَ فاطمة الموضوع مهم .. فاطمة : طيب خلاص الان بروح راكان في نفسه : حلو هي بتروح للجناح وهناك تشوف حالة الجوري .. وتساعدها وبعدين تكلمها لي واشوف وش فيها ايدها ... - - - مشت فاطمة بسرعة للجناح .. ودخلت وشافت الجوري جالسه وماسكه ايدها وتبكي فاطمة بخوف : الجوري وش فيك ..؟ الجوري : فاطمة بالله عليك ساعديني في لبس الطرحة واللثمه .. فاطمة : اوككِ اخذت فاطمة طرحة ولثمه الجوري وعدلتها لها .. فاطمة : كذا مزبوط الحمد لله ان الدكتور راكان طلب اني ادورك واكلمك له .. الجوري في نفسها : واضحة فكرته الغبيه يخلي فاطمة تدورني عشان تساعدني وبعدين يسال وش صار بايدي شاطر مشاء الله عليه فاطمة : الجوري فين رحتي ..؟ الجوري : هلا عيوني .. ابد معك راكان طلبني .؟ فاطمة : يسس .. الجوري : اوككِ بروح له الان فاطمة : انتبهي لايدك يمكن فيها كسر شي الجوري ضحكت : ما اتوقع .. يلا برب يَ عسسل فاطمة : ههههههه تيت يَ فُلةة الجوري وهي تففتح الباب : خطا انا باربي مو فُلة .. فاطمة تمشي وراها : يَ غبيه اقصد ورد الفُل مو فُلة فُلة .. هذيك اللي مدري كيف شكلها .. الجوري: اللي مدري كيف شكلها ايام كنت بزرة كنت اشتري العابها واتضارب مع العنود عليها هههههههههه فاطمة : ههههههههه شكلها ذكريات ححلوة الجوري : مرة تجنن يلا يَ وحشه .. اقابلك بعدين فاطمة : ان شاء الله سسلام الجوري : سسلاموو توجهت فاطمة تكمل شغلها والجوري توجهت لراكان - - - فـي البيت : فـي الملحق ..: مها : ايوا كذا .. حلو كذا خلصت تجهيز ما علي غير ان شاء الله ابدا بس اكيد مارح ابدا غير بكرة ان شاء الله وقت النوم.. - نظرت بالساعه - اوووف تاخرت اخاف ابوي يجي ويعرف اني هنا وربي يدفني .. بنزل احسن .. نزلت بسسرعة وفي الدرجات القريبة من الباب .. مشت بخفه وعلى اطراف اصابع رجلينها وفتحت الباب بهدوء ارتاحت مافي احد بالصالة .. ومشت وكانها طالعة من جناحها .. استغربت ما في احد .. خافت بدت تصوت : ههيييه يَ عالم فينكم ..؟؟ سمعت الهنوف من المطبخ تناديها : هنا هنا بالمطبخ مشت ولقت اخواتها الثلاث .. مها : وين خالتي .؟ الهنوف تاكل خيار : تبغينها تنتظرك راحت بيتها خلاص وراها رجال مو مثلك يَ حسسرة .. مها سحبت كرسي : وانتي بس بلع ابوي مو صراف كل يوم يدفع فلوس الخضار والفواكة والاكل الهنوف : مع نفسك ... والله انها شي شي البندري : انتي كل شي عندك حلو .. الهنوف شرقت : كح كح قولي مشاء الله عينك هه وش طولها -تاشر على ذراعها- البندري صدت عنها .. العنود : الله يعين عليكم من بنات البندري والهنوف ومها : وعلييك يَ رب - - - عند راكـآن & الجـوري ..: دخلت عليه وهي مرتبكة وحاقدة في نفس الوقت نظر فيها شكلها غير وهي باللثمه .. راكان وقف وبدا يمشي اتجاهها .. وهي مع كل خطوة ترتبك زود وبدا الخوف يتسلل لها اكثر .. قرب اكثر واكثر اصبح مقابلها تماما وقريب بكثيرمنها مد ايده هي بس شافتها غمضت عينها بقوة وما حست غير بايده تمسك ذراعها .. الجوري : هيه وش تسوي انت .؟؟ راكان ضغط عليها .. الجوري صرخت .. راكان : الواضح عندك التواء في المفصل الجوري بعصبيه : ووش دخلك انت مو انت دكتور العظام راكان : يمكن مو انا بس انا بوديك له امشي معي الجوري فكت نفسها منه : اتركني ومو رايحة واذا طالبني عشان هالشي مو رايحة ومشت خطوتين للباب ما حست غير بسحبته لها راكان : قلت تمشين معي يعني تمشين .. وسحبها عشان يتوجهون لقسم لدكتور العظام - - - عند دكتور العظـآم : الدكتور يحرك ايد الجوري اللي مع كل تحريكه تصرخ .. وتتالم.. الدكتور : يمكن فعلا معك التواء افضل شي نعمل اشعة .. راكان : اوككِ مو مشكله تعمل الان الاشعة .. الجوري تنظر في راكان نظرات حقد وكره وهذا الشي اربكه كثير راكان : اوككِ يلا يَ الجوري تعملي اشعة ... الجوري بدون نفس : طيب - عملت الجوري بعد هالاثناء الاشعة وفعلا كان عندها التواء بسيط في المفصل الايمن لايدها اعطاها الدكتور التعلميات المتبعة عشان يستعيد مفصلها نشاطه بوقت سريع - - - - فـي بيت ابو الجوري : وصل الاب من العمل مرهق وتعبان .. وعلى الطاولة اثناء الغداء : الاب : اسمعوا يَ بنات الكل التفت له .. الاب : ان شاء الله يوم الاربعاء الجاي اقلاعنا للندن اخذت اجازتي الثلاثاء يكون اخر يوم لي ان شاء الله.. البنات نظروا ببعض .. البندري : جد يبه لندن الاب : ايوا لندن الهنوف : اخر مكان اتوقعه نسافر له لندن الاب : ليه وش فيها لندن بالعكس حلوة .. الهنوف : ايه صح بس لندن سافرنا لها قبل كذا الاب: وبنسافر لها هالسنة كمان وانتهى النقاش انا حجزت وخلصصت العنود :طيب يبه بس حنا السته ولا معنا عمي سعد وخالتي لطيفة الاب : لا بس حنا .. قلت لهم بس هم يبون يروحون للبحرين وبيطلعون على مكة والمدينة .. مها : حلوة والله لندن وليه لا يلا عن اذنكم بروح اسوي لي كم شغله - مسحت بسرعة ايدينها بالمنديل وقامت - الكل مستغرب تصرفاتها الغريبة .. البندري بنظرات تفحص في نفسها : هالبنت تخفي الف شي وشي في نفسها .. ولازم اعرفه ... ومو بس هي اخواتي كلهم متغيرين .. من الجوري الى العنود .. وش اللي صار وش فينا تغيرنا ... معقوله ايامنا الجاية تكون صعبه .. اعوذ بالله وش هالكلام نفضت الافكار السيئة من راسها على امل يكون القادم افضل... - - - الساعةة 3 ظهر في المستشفى : عند فاطمة & الجوري & نهاد : نهاد : الحمد لله على سلامتك الجوري : الله يسلمك .. فاطمة : انتي الى الان ما فهمتيني وش صار؟؟ الجوري : ابد الله يسلمك زلت رجلي وطحت << نصصابة وبقوة نهاد : الحمد لله بس انه التواء ولا اكبر من كذا الجوري : الحمد لله فاطمة ودها تعرف وش ماضي الجوري .. لكن حست ان الوقت مو مناسب .. فقررت تسكت ...
__________________ هنـآك أشخآص يحتآجهم (عقلكَ) وهنـآك أشخآص يحتآجهم (قلبك) وَهنآك من تحتآجهم أنتَ لآنَك بــَ بسـآطة تصِبحَ بــَ دونهِم َبــَلآعنوانَ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| طلبآت تواقيع الانمي ..برعآيه..{شله عشآق هينآتآ}.. | x hinata x | أرشيف المواضيع الغير مكتمله او المكرره او المنقوله و المخالفه | 17 | 01-26-2010 12:50 AM |
| ₪•" حكآية الذكريآت "≈ ểḟ-a tale of memories » ~ | البرنسيه | أرشيف المواضيع الغير مكتمله او المكرره او المنقوله و المخالفه | 22 | 10-11-2009 03:27 AM |
| قلوب النساء اقوئ من قلوب الرجال شو رايك ياادم | امي الغالية | مواضيع عامة | 2 | 07-14-2009 09:45 PM |
| بنآت هذي إلآزياء ل عشآق ستآيل إلروك والإيمو | بنت العز ما تنهز | حواء ~ | 6 | 02-10-2009 03:54 AM |
| مع عشلق الليل الحالمين... | abdar2008 | أرشيف المواضيع الغير مكتمله او المكرره او المنقوله و المخالفه | 1 | 01-12-2009 12:42 AM |
24Likes
العرض العادي
