|
|
#32
08-27-2010, 10:20 PM
| ||
| | ||
| الثامن عشر الفصل الاول بعض الفرح يا صاحبي باطنه هم وبعض الهموم افراح لو هي حزينة * ليـــــــــــــــــــلى * طوول الليل مانمت صاابني ارق صليت الفجر ونزلت المطبخ اسويلي كاسه نسكاافيه حااسه الصداع رح يفجر راسي لقيت حنان جالسه وقدامهاا كوب النسكاافيه وشكلهاا سرحااانه قربت منهاا هزيتهاا : حنووون شفيك انتبهت لي وابتسمت : ولااشي شمصحيك اللحين قلت لهاا : انا نمت بالاصل .. طالعت السخانه فيهاا مويه ؟ قالت لي : ايه فيهااا ... ليه مانمتي سحبت كووب وسويتلي نسكاافيه واناا افكر ياترى اقولهاا ولا بلاااش بس اناا محتاجه احد افضفض له ومافي غيرهاا سحبت كرسي وجلست قلت لهاا : حناان ابغى اقووولك شي بس ابغيك توعديني الكلاام الي يصير بينااا مايطلع برى وماابغااك تحكميين علي اووكي حنااان : تامرين امر عمتي ليلى تفضلي تكلمي قالت لهاا : يووم كنا بالمستشفى وجيت حطيت لكم الاكل وطلعت قالت لي : ايه قلت لهاا : حنااان اناا شفت ساعتهاا ريااان اخوو احلام صديقتي كنت احسب نفسي مشبهه لكن رحت اتاكد وطلع هو (طالعتني بنظره ) ريان صغير تقريبا ثمان سنوااات اول ماشفته سالته : رياان شتسووي هني ريان ميز صووتي وقالي : ليلى هذي انتي مسحت على شعره وقلت له : ايه انت ليه هنااا رياان قالي : انا هناا لان ابووي هنااا ومارح اطلع الا يوم يطلع معاااي للبيت صدقيني حنان حسيت بصدمه كبييره ابو احلاام متووفي والي بالمستشفى اخووه عبد الرحمن صدقيني الي شفته مو رياان الطفل حسيت نفسي اكلم شخص الدنيا طحنته طحن بهمومهااا لو شفتيه كيف عيونه تملت بالدمووع وهي يحكي شلون صاار الحاادث وااحد نازل من بيته ومااشي بامااان الله جاه وااحد بزر مسرع بسيارته ويصدمه لا ساارق السياره كماان من ابووه حنان : لاحول ولاقوة الا بالله طيب ليه كذبتي عليناا قلت لهاا : انا ماكذبت انا قلت جزء من الحقيقه حنان : مافهمت قلت لها : سالت ريان عن احلااام قالي انهاا راااحت تطمن على امهاا وهو رح يااخذ الاكل يوديه لهاا لان امه من طااح ولدها طاحت وراااه وعرفت منه ان اخوه بالعناية المشدده بصرااحه مااقدرت امنع نفسي ورحت ابغى اشووفه حنان بصدمه : شنوووووووو قلت لها : حناان انا والله مابيني وبينه شي ولا قد كلمته ولاا كلمه لكن هي مره وحده شفته فيهاا ومن يومتهاا مااغااب عني كنت اقول انه وهم لكن صدقيني يووم عرفت انه مريض حسييت بضييق بصدري ويوم شفته مااقدرت احبس دموعي وربي يااحناااان اناا ماسيت بنفسي الا وانا قداام سريره واطاالع الاجهزة الي متصله فيه كاان بغيبوبه وانااستغليت غياب الممرضات ودخلت مع انه مو وقت زيااره تمنيت يوم شفته اكوون مكاانه ويكون هو سليم ومعاافى تقرب منه تاملت وجهه عمري ماشفته من هذا القرب كاان نفسي اضمه نفسي ابكي على صدره لكني تذكرت انه لا يحللي ولا احلله واني معاه بخلوه جييت ابي اطلع لكني سمعت صووت الاجهزه عرفت ان قلبه تووقف جو الممرضاات ركض يحاولو ينعشوونه واناا واقفع اطالعهم رجلي تيبست مكاانهاا ماحسيت الا بالممرضه تسحبني وطلعني برى حجرته وبعدين خرجو من عنده وقالولي انه بخييير لما سمعت هالكلمه حسييت بفرح كبير مااتمر الا ثواني لان احساس الذنب بدأ يقطعني صدقيني ندماانه لاني رحتله لاني ادري انه غلط وماايجوز دعيت على نفسي ملايين المرااات لاني خنت ثقة ابووي حناان انا صرتاخجل احط عيني بعيين ابووي لاني احس اني استغفلته خنث الثقه خدعته والي زااد المي اني شفت احلاام واناا خارجه من القسم حسيت نفسي صغيييره وااايد واااايد هي مااعرفتني لاني كنت مغطيه لكني عرفتهاا لانهاا كانت فااتحه ومافي احد بالممر ماقدرت اقولهاا هذي انا صديقتك لاني اعرف بطيح من عينها رحت لامها وسلمت عليها حسيت نفسي منافقه غشاشه ( وبديت ابكي بحراره ) حنان قالت لي : ليلى انتي سويتي هالشي بالسر لانك ماتقدرين تسوينه علن لانه خطأ بخطأ روحتك لشاااب مابين وبينه أي صله ومو محرم لك حرااااااااام اذا تبين تحبينه بكيفك اذا بتربطين نفسك بوهم كيفك ياليلى لكن لاتطيحين بالمحظور لاتخونيين ثقة ابووي فيك لاتخدعين الكل وتخدعيين نفسك انتي بقراارت نفسك عارفه ان الي سويتيه خطأ ليلى : الحب مو وهم حناان : بحالتك انتي وهم ليلى انتي ماشفتيه الا مرات تنعد ع اصابع اليد الوحده شلوون حبيتيه لاتقولين حب من اول نظره هذا اسمه اعجاب اعجبتك الشخصيه اعجبتك وسامته وهالخرابيط لكن حب مو بحب .. الحب مايجي الا مع العشره مايجي الا يوم تعرفين الشخص على حقيقته بحسناته وعيوووبه كلهااا ليلى لاتربطين نفسك بخيال وتقوولين تحبينه ليلى : صدقيني انا قلت لنفسي هالكلااام بس برضو ماقدرت انسااه حنان : بتنسينه ان شاء الله بتنسينه ... وان لك نصيب معااه صدقيني بتاخذينه ليلى بحسره والم : طحت من عينك حنان ابتسمت : انا قبل أي شي اثق فيك وصدقيني انتي الان كبرتي بنظري لانك اعترفتي بخطأك وزي مااوعدتك هذاا سربيننا *حــــــــــــــناان * مااتوقعت ان كل هذاا يطلع من ليلى صرت خاايفه عليهاا اول كنت شايله هم نور ومريم والان صاارت ليلى اااخ يااقلبي شنو بتتحمل سألتني ليلى : ماقلتي لما دخلت لك لقيتك سرحانه بايش كنتي تفكرين قلت لها : بالدنيااا قالت لي : الدنيا او بندر وغمزت بعيونهاا قلت لهاا وانا اقوم: تصدقيين انك سخيفه سحبتني من يدي وجلستني : اجلسي بس امزح معااك اغير بس جو الكآبه الي احناا فيه .. صدق حنان شمضاايقك اعتبريني نور وفضفضي لي قلت لها : شمعنى نوور قالت لي : لانك ماتفضفضيين الا لهاا وانا ومريم معطيتنا الطرشاا ضحكت عليهاا : افهم هذي غييره سحبتني من خشمي تعرف ان هالحركة تضايقني : اييييييييييه قلت لهاا : عاارفه ليلى اناا خاايفه من بكره ليلى بقمة العبط : خير اشفيه بكره تو النااس ع الخوف عرسك بعده جد عصبت منهاا : اوووهوو ليلى فتحي مخك اقولك خاايفه من بكره من المجهوول ليلى قالت لي : وليه تخاافييين .. لو بتفكريين بالمجهوول ماارح ترتااحين ابد .... حلاااة المجهول وحلااة بكره بغمووضه باسراااره مانعرف ايش مخبيلنااا لكن نكون على ثقه ان كل اللي يصير لناا مقسووم ومقدر من رب العاالمين ودووم رب العالمييين يقسم لنا الخير حتى لو شفناه شر لكن يكوون بااطنه خير واحنا ماندري تنهدت: صااادقه واالله سالتني : حنان حجزتي عند الصاالون قلت لهاا : لييش ؟ قالت لي : تستهبليين انتي ليش لايكون نسيتي ان عرسك بعد بكره واكيد بتسووين نفسك قلت لهاا : مووضرووري ليلى شرقت بالنسكاافه : نعم مو ضرروري ؟ اذا ماكشختي يوم عرسك متى تكشخيين ؟ وبعدين من قال ان الشور شوورك ياامااماا امك حجزتلك بالصاالون خلااص وراحت بنفسها اشترت لك فستاااان انا قلت اسألك اذا عندك خبر لكن شكلك ماتدرين عن الدنياا سالتهاا بصدمه : نعم شتقووولين ؟متى صاار هالشي ؟ ردت علي : امس لماا رجعنا من المستشفى انتي ومريم دخلتو نمتوو امي رااحت مع عمتي واناا اشترينالك فستااان ومريناا نحجزلك عند الكوفيرااا قلت لهاا : واناا مالي شوور قالت لي : لو عليك ماكاان سويتي شي ويمكن بعد طلعتي لرجال وانتي لابسه اسود بسوود (طالعتها بنص عيين ) لاتطالعيني كذا بصراحه انتي ممكن تسوين أي شي محد يقدر يتوقع ردود افعااالك الله يعين الولد عليكي قلت لهاا : اذا خايفه عليه هالكثر خذيه ليلى عصبت مني : حناان تتكلمين عنه كأنه غرض عيييب هالاسلووب احترمي ع الاقل كونه ولد عمك وخالتك بنفس الوقت اعرف انك مو متقبلته وهذا شي مايبيله ذكااء بس ع الاقل احترميه كرجل احنا ماشفنا منه الا كل خير قلت لها : ممكن نسكر هالموضوع هذااا ليلى وهي تقووم : كيفك خلاال هاليومين كاانت الاوضااع ببيت ابو نوور مستقره الاستعدادات للحفله قائمه على قدم وسااق نور وتركي علااقتهم ببعض كل مالهاا تتحسن ومن يوم الغذاا مااجو يزورون اهلهاا
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#33
08-27-2010, 10:21 PM
| ||
| | ||
| اليوم الموعود عرس حنان وبندر حنان وعكس كل العراايس الحبيبه نااامت الين مااقالها النوم ارحميني وقومي ولاكأنها عروس ولا يحزنوون صحيت الظهر تسبحت صلت خذت فستانهاا وليلى اختهاا وع الصااالون نور جات بعد صلاة المغرب واستقبلتهااا جدتهاا بكلمتين الجده : نوري ليه جايه اللحين تو النااي كاان جيتي عقب العشا ولا قريب الزفه نور عضت ع شفايفهاا : جدتي انا الود ودي اكون من الصبح هني لكن تركي اهوالي اخرني تركي الي دخل وجلس قريب من جدته : لاتكذبين علي انتي الي جلستي تتدلعيين وماتبين تروحين بدري عشان لايكرفونك شغل نور فتحت عيونهاا ع الاخير مصدوومه من زووجهاا الي يكذب وحطهاا بوقف لا تحسد عليه مع جدتهاا الجده : ااخ منك يااانور هذا وانتي البكر مفروض تكونيين من الفجر هني وانت (وتاشر لتركي وتخبطه بعصاااهاابالخفيف ) محسوب عليها زوج ليه هاا ليه ماجريتهاا من شعرهاا وجبتهاا اذا مرتك نسيت الذرابه (السنع ) انت مفروض تذكرهاا وحرمتك بعدها صغيره مانشره عليها نشره عليك انت يالثوور نووور ابتسمت بشماااته بوجه الجده تقووم انا بروح حجرتي ... واشرت على نوور... وانتي شوفي الشغالات وتاكدي ان كل شي جااهز نوور : ان شاء الله الجده : وانت يااتركي وووين اخووك تركي : مدري عنه الجده : انت مااتستحي مااتدري وين اخووك محسووب عليه اخو ليه ؟اسمع يااتركي اللحين تروح تشوف اخوك وينه ساامع اكيد محتاس بمشاغل العرس وانت تقول لصقة عنزروت ماتفاارق حرمتك تركي " ويللللللللللي من هالعجووز " ان شاء الله جدتي نور قاامت بتمشي تشوف الي وراها من الاشغاال الا ويمسكها تركي من يدها بسرعه : ووووووووين نرو : مالك دخل تركي : اذا انا مالي دخل اجل من نور : لا والله مهتم فيني مره مو كأنك تسببت بتهزيئي من شووي تركي : وطاحت برااسي اناا خلااص نور مسويه نفسها زعلاانه : اترك يدي ياااتركي تركي يعاندهاا ويقرب يده من قلبه ويسحب نور باتجاهه : وان ماتركتهااا نور تحاول تسحب نفسهاا : تركي استحي لايجي احد ويشوفنا كذاا تركي : وخير يااطير زووووووجتي حقييييييي انا وبس نوور : زووجتك ببيتناا مو هني وخر ودفته وطلعت تركي خرج من البيت وهو يضحك ومبسووط لان علااقته بحرمته تتحسن يووم عن يووم ... وهو خاارج قاابل بندر الي توه وااصل دخلو بيت الشعر تركي : حيالله المعرس وين كنت بندر بابتسامه مجامله :حياك الله ياااخوي وين بعد مريت ع الطبااخ وبعدين رحت الحلاااق تركي : يااعيني كل هذا للعرووس اشوف القصه الحلووه والدقن المرتبه والوجه الي يلق لق مسوي تنظيف بشره وصنفره صح اشوف حوجبك مرتبه بزياده لايكون بس مسويهاا لك بالخيط او بالشمع او يمكن بالملقااط بندر : انت من جدك ليه يااباابا شقااايلين لك علي خكري تركي : خخخخخخخ يااخي امزح معاك بندر :تركي مالي مزااج للمزح ترى تعبااان وااصله معااي لين طرف خشمي تركي : خير واناا خوك شنو مضاايقك بندر تنهد بحسره : طوول الليل مانمت العرسان ماينامون من الفرحه واناا مانمت من الهم هم احسه يطبق على صدري الليله الي يتمنااهاا الكل انا اتمنى اهرب منهاا اتمنى احياان امووت قبل لاتتم هالليله تركي : شهالكلاام اذكر ربك يااابندر حااول تقبل الواقع وانت ترى لسى فيها ان مااتقدر تحمل يااخي قول ماعد ابيهاا بندرابتسم بحسره : يااريت اقدر لكن خلااص طاح الفااس بالرااس والله يعيني على مابلااني تركي : ياابندر ليه تسمي زواجك بلوه ياخي اعتبرهاا بداايه يمكن تحب حنان بعدالزواج وماتقدر تستغني عنهاا بندر : احبهاا مستحيل لو هي اخر بنيه بالعالم مستحيل احبهاا بنت عمك بالنسبه لي فرض مفروض لهاا ان حقوقها كامل توصلها ومااقصر معااهاا بشي غير كذا مالهاا شي مني تركي : والحب بندر : حب مستحيل انا كم مره قلت لك مافي بنت تقدر تحرك هذاا واشر على قلبه تركي تكلم بجديه وحده مع بندر : شوف ياابندر انت اخوي وتعرف قيمتك ومحبتك عندي لكن حطها حلقة بذنك حناان زي اختي واليوم الي بتظلمها فيه صدقني محد بيوقفلك غيري لا تقول انا ويها بعيد بغربه محد درى عنهاا ترى ياااويلك بندر : لاتخااف عليهااا الساعه عشر حضر المملك ملك لكل من بندر وحنااان طبعا طلع صوت الزغرايد والطقطقه (مسويين دي جي ) وكانو عازميين القرااايب بس (عند حنان ) ام حناان حضنت بنتهاا : مبرووك يااابنيت الف مبرووك حنان وهي بحضن امها وتقاااوم رغبة قويه بالبكاء : الله يبااارك فيك يمه حضنتهاا عمتها : الف مبرووك ياابنتي الف مبروك حطي ولدي بعيونك يااحنان حنان ابتسمت : ان شاءالله عمتي " ان مارويته نجوم الظهر ماكون بنت عبدالله" جدتهاا : مبرووك يااحنااانو ماهقيت يوم اشوفك عرووس ام حنان : عمتي شهالكلااام الجده : وانا صاادقه الي يشوفهاا يقول ولد لكن اليوم ماشاء الله عيني عليها بااارده مافي احلى عنهااا حتى طلعت احلى من نوور ام حنان : بناتي كلهم حلوااات مريم بمزح : من يشهد للعرووس سلم الكل عليها وخواااتهاا حضنوهاا وبوسووهاا كانو فرحانيين لهاا حناان ماكانت قاادرة تفرح رسمت الضحكة على وجهها لارضاء اهلها تركوها بغرفتها ونزلو للمعازييم (عند الرجال ) ابو نور : بندر ياولدي خل حناان بعيونك ترى بتااخذ اغلى بناااتي بندر : عمي حناان بعيووني لاتوصي حريص ابونوور : بندر الواحد مايدري ايش تخبي له الايام ياولدي لو جا اليوم الي تعووف فيه بنتي لاتذلهاا وتذكر انهاا دمك ولحمك والزواج امساك بمعروف او تسريح باحساان فاهمني بندر : عمي زي ماقلت انت حناان دي ولحمي تاكد ان عمري مارح اهينهاا ولا اذلها ياعمي محد يهين نفسه ويرضى عليها الذل ابو نور ويحط يده على كتف بندر : كفوو والله هذي هقوتي فيك يااوليدي ابو تركي بحزم : اسمع يابندر اليوم الي تشتكي فيه حرمتك منك اخر يوم بيني وبينك لاانت ولدي ولا انا اعرف وزي ماانت ولدي هي بنتي وماارضى عليهاا ساامع والله ثم الله ثم الله ان دريت انك جرحتها بيوم لاتشوف الي ماايسرك بندر " تقولون بااخذ ست الحسن والدلاال مو حنانوه العربجيه " مابتسمع ولا بتسوف مني الا الي يسرك يبه وجا الموعد المرتقب حنان انزفت على موسيقى هااديه وكلاسيكيه كانت طالعه حلوووه بفستاانهاا الاحمر العوودي الفستان كان عرياان (بلا اكتااف ) مااسك من فوووق ويبدا بالاتساااع من تحت وفيه ذييل وكان مطرز من منطقة الصدر بالخيط وكان التطريز عبارة عن مزيج الاحمر والذهبي حنان رفعت شعرهاا بتسريحه بسيطه جداا ونااعمه وحطت مكيااج نااعم مره الكل لما شاافها ذكر اسم الله عليهاا لانها باانت فعلاا بمنتهى الجماال والروووعه حنان جلست شووي وبدأ النااس يباركون لهاا وهي تبتسم مجاامله لهم الا وشوي الحريم بدأو يلبسون العبايات عرفت ان زوجهاا بيدخل *حـــــــــــــــنان * اول ماشفت الحريم معتفسات عرفت ان عريس الغفله بيدخل ماابالغ ان قلت ان حسيت قلبي بيخرج من بين ضلووعي صوت دقااته كان عالي وكان سرريع بديت احس بمغص ببطني مايسوى علي ذا البندر ان كان كل ماذكرته مغصتني بطني .... دخل بندر وكان معاه ابوي وعمي ماااقدرت ارفع عيني وانااظره مدري ليه بيني وبينكم استحيت اعرف ان غريبه علي استحي لكن اول مره يشوفني كذاا سلم علي وبااركلي رديت عليه السلااام اول ماسلم علي ابووي حسيت بالدمعه تخنقني لكن حااولت امس نفسي وماابكي اخر شي احتااجه اني اكون ضعيفه قااد بندروه ابوي وعمي ماطولوا وطلعوااا طبعاا انا وبندر ودووناا المجلس الدااخلي عشاان نااخذ رااحتنااا جلست بعيد عنه لكن عمتي قومتي وحطتني جنبه ماحبيت احرجها ورحت منصاااعه اول ماخرجت عمتي قمت من مكاني بسرعه وجلست بعيد قالي : ترى ماافيني جرب قلت له وانا اشوفه من فووق لتحت : وانا شيضمني قالي : انتي على طوول لسانك طوويل قلت له : ان عجبك قالي : وان ماعجبني اشترت له ع الجدران وقلت : دق راس باي جدار من هذوول تكلم بحده وقال : حنااان تكلمي بأدب تراني اللحين زووجك فااهمة يعني شنو زووجك ابسط حقوقي عليك انك تحترميني قلت له : انت مالك أي حق عندي لانك بنظر ولاشي وزواجنا بعد ولاشي ماله أي ووجوود حبر على وورق ابتسم بسخريه وقالي : ترى يكون بعلمك لاني اسير هوواك ولا ميت عليك انتي ماتهزيين فيني شعره ساامعه ماتهزيين شعره فيني وماتزوجتك الا تنفيذ لرغبة ابووي لا اكثر ولاا اقل فلا تاكلين بنفسك مقلب ساامعه قهرني بروده وهو لكن الي قهرني انه قالي : على فكرة حركاات البناات هذي مو حلوه عليك كان لبستي بنلطون وتيشرت احلى ع الاقل احس انك حنان مو منكان لاعبين فيه جد قهرني هنا قمت واناا مقهووره وقلت له : تعرف انك بااارد وبلا ذوووق ابتسم ببرود وقاالي : شكرا ع المجامله اللطيفه هذااك الوقت كان نفسي امسك المزهريه الي قدامي واحذفه فيهاا جيت ابي اطلع من الغرفه لكني دست ع فستااني وطحت على وووجهي ضحك علي من قلبه مالت عليه وقالي : داامك ماتعرفين تلبسين فساااتين ليه تلبسيها وتاخذينهاا طويله من زود الطوول يعني الي فيك يمكن ماتتعدين 150 سم والله حاله .. والله اني صاادق انتي حدك الجنز وبس قمت وانا انفض الفستاان وقلت له : وانت اخر انسان بالوجود يهمني اسمع راايه خرجت من الغرفه وانا مشمره الفستااان واغلي غيض وغضب بندر بخااطره " اشهد انك حلووه لكنك قليلة ادب وشكلي برجع اربيك من اول وجديد يااحرمي المصوون " * ســــــــــــلطان * رجعت من الشركه تعبااان وهلكاااان سلمت ع اماايه وطلعت حجرتي عسب ارتااح اول مادخلت الحجرة كانت جالسه ع السرير وعطرهاا كله شاال البقعه بصرااحه عطر عجييب ابتسمت لي ووقفت : حمد الله ع السلاامه ابتسامتهاا نستني كل التعب : يسلم غااليج يالغلاااا شيخه وهي رايحه صووب الكبت ووجهه احمر : ماعندي اغلى منك يااسلطااان قربت منهاا : يااويل حااالي انااا .. تكفيين عيديهاا شيخه احمر وجها بزيااده ودفرتني عنهاا : بس عااااد رح تسبح واعطتني الفوطه جاا صووت هادم اللذاااات وفرق الجمااعاااات حمداانوووه سلطاااااااااااااان سلطاااااااااااااان سلطااان : والي هذا شيبي مني الحيين شيخه قالت لي معليه سلطاااان روووح شووفه
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#34
08-27-2010, 10:22 PM
| ||
| | ||
| الفصل الثااني ماني صفحة في كتابكـ عشان تنزعهـــا ولاني ثوب من ثيابك تبدله متى ما بغيت صحــــيح احبـــــكـ بس عزتي تمنعهــا مـا اوطـــي الرأس قد مـــا وطـــــيــت وكرامتـــــي يالغالي اشيـــلها وارفعهـا وادوس قلبي برجلي ومن حبكـ انتهيت * ســــــــــــلطان * رجعت من الشركه تعبااان وهلكاااان سلمت ع اماايه وطلعت حجرتي عسب ارتااح اول مادخلت الحجرة كانت جالسه ع السرير وعطرهاا كله شاال البقعه بصرااحه عطر عجييب ابتسمت لي ووقفت : حمد الله ع السلاامه ابتسامتهاا نستني كل التعب : يسلم غااليج يالغلاااا شيخه وهي رايحه صووب الكبت : ماعندي اغلى منك ياسلطاان قربت منهاا : يااويل حااالي انااا .. تكفيين عيديهاا شيخه احمر وجها ودفرتني عنهاا : بس عااااد رح تسبح واعطتني الفوطه جاا صووت هادم اللذاااات وفرق الجمااعاااات حمداانوووه سلطااااااان سلطاااااااااااان سلطااان : والي هذا شيبي مني الحيين شيخه قالت لي معليه سلطاااان روووح شووفه * حمداااااان * تعب واناا اوعيه ولاا فااد اخر شي خذيت قلااص الماي وسكبته عليه نش مفزووع من النووم نقعت ضحك عليه قالي : لا بارك الله في بليس ياهرم روعتني قلت له وانا اضحك : دوااااااااااااااااااااااااااااااااك قالي : هين ان مارويتك ياسباااال خيستني قلت له : انا بغيت اعرف شيخه شلون كانت تخليك تنش من الرقاد حشى مو نووم هذاا لي ساعة اهزك وبندت المكيف وبطلت الليت لكن لاحياة لمن تنادي لانت دب قطبي بسبات شتوي كان نشيت حذفني بالمخده على وجهي وقالي : زووووووووووول قلت له : سلطاااان مابترووح الشركه قالي وهو طفران : مو براايح عاطي عمري اجازه ارتحت عمي حمداان يالله يااباابا عطني مقفاااك حبيت اطفره زياده قلت له : ترى اناا راايح بيت عمي بشووف حرمتي اقصد الي بتصير حرمتي تحب تخااوني ماحسيت فيه الا وهو طامر علي يبي يضربيني ويصاارخ : ايا جليل الحيا يامضيع المذهب حرمتك هااا من حرمتك يااامسود الوجه للاسف زخني من كندورتي وقااام يعطيني بكوووس والله عورني بطني قلت له : سلطااان واللي يعاافيك خلاااص اااااااخ يمه لحقي علي يمااااااااااااااااااااا مادرينا الا بااب حجرة سلطان ينفتح وكانت اختي ميثه ميثه : خييييييييييييييييييير وقفنا انا وسلطان وطالعنهااا سلطان : ميثوه متى يتي ؟ ميثاا : الناس تسلم بالاول قلت لهاا وانا اوقف بعد ماقام عني سلطان : والله انتي الي ياايه مو بحن ميثاا : انزين السلاام عليكم شحالكم اخواني ربكم ابخير قلنا لها بصووت وااحد : وعليكم السلاام ورحمة الله وبركاته الحمد الله شحالج انتي قالت لنا وهي تقعد ع السرير وتحط رجل على رجل : الحمد الله وقالت لسلطاان : انت رووح تسبح بغيتك برمسه وانت ( واشرت لي ) رووح دورلك شغله قلت لهاا : يعني طرده ميثه : زيين انك فهمتهاا بروحك قلت لها : انا بعرف شلون مستحملج ثااني مدت لسانها تغايضني : انا وزوجي مايخصك فينااا وياااريت تخفف من زياراتك عندناا يااخي علمت ريلي الهيااته فتحت عيني : شنو شنو لايكون ماخذه شريف مكه اناا مخربني الا مرابعتي لريلج ميثه حاسة بوزهاا : والله كلكم شرات بعض مدري متى بتكبروون وتتحملوون مسؤوليه (وصدت صووب سلطان ) انت بعدك هني ياابوي خلصنااا ترى ورااي شغلات مو بس انت سلطان حرج من اسلووبهاا : ميثووه احشمي عمرج تراااني موبصغر عياااالج ميثه قفطت واناا ضحكت عليها من الخااطر : هزبووووووووهااا سلطاان عطااني نظره فحترمت نفسي وطلعت ... * ســــــــــــلطـــــــــان * ميثووه مو متعوده تزورنا من صبح الله استغرب الزياره مع اني حااس بمضمونهااا رحت تسبحت وبعد مااخلصت خرجت لهاا كانت تترياني بصالة جنااحي .... يلست قبالهاا وقلت لهاا هاا يام حمداان شعندج ميثه ابتسمت : كل خير يااخوي ... سلطااان اعرف اني اصغر عنك بواااايد حتى اصغر من الهرم حمدانوه وان الي مفروض ينصح الثااني انت مو اناا سلطان انا ياايه اكلمك عن حرمتك زميت شفايفي ليه كل ماابي انسى احد يذكرني ميثه : سلطان انت موبيااهل انت رياال تفز لك مياالس ووحد طريك الا وينقال والنعم فيه مخاوي شما .. ياخوي اناا مره ومحد يفهم المره الا مره شراتهاا يااخوي ترااك مقصر وااااايد بحق حرمتك قلت لهاا : اشوف الكل يبي يعلمني شلون اعامل حرمتي ميثه بجديه : سلطاان شيخه تحبك الا تموووت بالترااب الي تمشي عليه ولو طلبتهاا روحهاا بترخصهاا لك قلت لها بسخريه : واللحين تبي الطلااق قالت لي : سلطااان مايرخص الغالي الا كثر غلطااته وانت ماقصرت غلطت بحقهاا وااايد غلطت عليها يوم خذتها عسب تذكرك بغيرهاا غلطت يوم انك معاهاا بجسمك وقلبك عند غيرهاا غلطت يوم انك زقرتهاا بليلة عرسهاا باسم غيرهاا غلطت يوم حرمتهاا من كلمه حلوووه تمنتهاا منك يااسلطااان المره ممكن تغفر لريلها كل شي وتتحمل منه أي شي مقابل انهاا تعرف ان لها مكاان بقلبه صدقني كل مره بالدنياا تتمنى انها تكون ملكه ع قلب ريلهاا وانهاا معاااه وين مااراح شاايلهاا وصااينهااا فيه وان فارقهاا حتى ثوواني تسمع لهفته عليهاا بصوته وشووق عيونه لهااا وانت عطيت كل هذاا لوحده وحرمت الثانيه منه يااخوي عطي البنت طلااقهاا وخلهاا تدااوي جرااحهااا رفعت رااسي الي كنت موخيه طول مااميثه ترمس اول ماقالت عطها طلاقها وقلت لهاا وانا مصدووم : شنوو ينيتي انتي اطلقهااا ؟هذا بدل ماتعقلينهاا ميثه حرجت : انت شوو ماتحس شيخه تموت معااك باليوم الف مره وانت مااتحس شتبي منهااا سلطان هو سؤال وااحد انت ماتبي تطلقهاا ليه ؟ تحبهاا ؟ قلت لهاا : ماادري ميثه : اوووووف يعني منو يدري ولد اليرااان قلت لهاا: تصدقين حلمت فيهاا حلمت انها معاااي ميثه انا والله مفتقدهاا مفتقد ضحكتهااا الي كل مادخلت البيت استقبلتني فيهاا مفتقد صوتهاا عطرهاا حتى هوشتهاا افتقدتهااا ميثه ابتسمت بمكر : واناا اقول شتسوي كندورة شيخه ع الشبريه والمره مو هني شنو تبيها تذكرك فيهاا !! سلطان"ويلي شلون نسيتهاا وين اودي ويهي الي احترق " ميثه نقعت ضحك : خخخخ هههههااااي حليلك يااخوي تستحي ...... سلطان انت تحبهاا ؟ قلت لهااا : الظااهر ميثه : انزيين داام جذيه روحلهاا وتفااهم معاااهاا لاتضيعهاا من يدك ترى والله انت الخسراااان بالاول والاخير قلت لها : بمرهاا العصر ميثه : لو انا منك اروح لها اللحين وانشب بحلقهااا ترى ماافي حد بالبيت الكل راح المزرعه وانا جيت هني عسب يخلالك الجو قلت لها وانا مضاايق : وليه يخلونهاا برووحهاا قلت له : هي ماكانت مشتهية ترووح ولا اناا وخلوناا عسب نكون رباعه لكني جذبت عليهاا ربي يسامحني وقلت لها انك مريض واني بزورك قلت لهاا : وهي استهمت علي قلت له : والله اني خفت ترووح فيهاا سلطااان والله شيخه تحبك قلت لها : والله ادري وانا والله ابيهاااا قالت لي : اجل يالله روووح لهااا الحق قبل مايردون قوم عمي وقفت بطلع لكني تقدمت صوووب ميثه بستها ع رااسهاا : فديت ميثااني وعقلهاا ميثه ابتسمت بخجل : تربيتك يااسلطااان طلعت من البيت حتى مااتريقت لاني معزم اتريق مع شيخه * شيــــــــــخه * من يووم مااخبرتني ميثة انه مريض و قلبي ياكلني على سلطان كنت ابتصل عليه اعرف احااوله بس امتع سمعي بصووته رفعت السماااعه طقيت الرقم ولك باخر لحظه سديت الخط قررت للحوش اشووف الزرااعه وقفت اسقي الزرع اشغل نفسي عن التفكير بسلطاااان .... ااه ياشيخه تبي تتصلين عليه شلون هانت عليج نفسج ؟ ميته عليه تبين تعرفين اخباااره ؟ هو حتى ماكلف خاطره يدق عليج من ذاك اليوم سلطاان باايعج يااشيخه بااايعج ااخ يااااسلطااان ليتك تحس ليتك مابين بعينك على كثر ماجاك لا واحسااافه ليتني ماعطيتك تخطي وعذرك واتحمل خطاايك هوويت غلطاتك كثر ماهويتك ضحيت بالدنيا عشان دنياك وخليت كل الي يبيني وجيتك كنت بعيوني وين اطالع القااك حتى ولو غمضت عيني لقيتك من كثر ماحبك واقدرك واهواك مااذكر اني في حياتي عصيتك ولا فاد كل الي اسويه وياك اتعبت قلبي ليتك تحس ليتك واللحين روح ساعدني انساك ولاتجي حتى لو اني بغيتك وان جا على بالي بقاياذكراك بحاول انساها مثل مانسيتك جاني صوت من خلفي: الا شاااريج بعمري يااابنت عمي صديت ورااي اطالع اتأكد انه هوو واني مو جالسه اتخيل ..شفته هو هوو سلطاان ريلي حبيبي عذاااابي وااقف قبااالي عيني بعيووونه يااربي هذا شجاابه ليه يبي يذبحني يقتلني حراام يااسلطاااان والله حراام ارحم قلبي قلت له : سلااامتك قالو انك مريض خير شعندك قالي : الله يسلمك اشكي قلبي وجيت اطلب علااجه ابتسمت بسخريه : روح دور على علااجك بالمقااابر وجه اعتفس حسيته تضاايق : وليه المقااابر واناا دواي قداام عيني قلت له : هذا دوا مغشوش مااينفعك رح للاصل مالك غيره قالي : وانا رااضي بالمغشووش وحابنه قلت له وانا اتقطع : طلبتك يااولد عمي رد علي : تم يالغااليه الا فرقااج قلت له اتمصخر : بعطيك صووره عسب تذكرك فيهاا ويصير عندك الاصل ونسختهاا قرب مني قلت اكيد بيصفعني ... قالي : سمعي ياابنت النااس انا طوولت بالي عليج هي كلمتيني بترديين معي ولا بعرس علييج يعرس علي ... هذاا بيذبحني بالحيا .. غصب عني دمووعي ساااااالت ع خدودي قلت له : تبي تعرس اعرس والقلب داعيلك وان تباااني احظر زفاافك بحظره وان تبااني انعشلك بنعشلك تموون ياااولد العم لكن ووين بتلاااقي وحده تشبهاا (تقصد اليازيه ) طالعني بنظراات كلها ذهوول : هالكثر انتي مجرووحه هالكثر ماعدت اهمج قلت له : انت ذبحتني اكثرمن مره وجاي تسألني اذا كنت مجرووحه ..امرك عجيب اقترب مني اكثر مديت يدي امنعه من الاقترااب: حدددددك ماسوااالي ساالفه واقترب اكثر واكثر لكن توقف يووم سمع صووت حمدااان يهااود .. حمدت ربي الف مره انه جاء لاني كنت خايفه من سلطان مووت اما سلطااان كااان شووي وينفجر من الغيض
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#35
08-27-2010, 10:22 PM
| ||
| | ||
| * حمــــــــــــــــــدان * عرفت انه راايح يراضي حرمته اصلاا انا وميثووه متفقين على هالخطه ووفقاا للخطه المحبووكه اناا لازم اغلس على سلطااان دخلت بيت عمي وشفت السيااااره واقفه سمعت حس سلطاان وشيخه عرفت انهم جهت الزراع رحت لهم هوودت هوووووووووود يااهل البيت هوووووووووود سلطاان والغضب مبين بصووته : هدااا هدااا شقيييت الحلق وانامقبل عليهم وماعبرت سلطان قلت لشيخه: سلاام عليج ياااشيخه الحريم شحالج شخبااارج شيخه : وعليك السلاام هلاا بشيخ الشباااب الحمدالله مانشكي باااس شحالك انت قلت لها : دامج الغاليه بخير اناا بعد بخير .. حليلهاا حرمة اخووي قفطت كملت اقهر سلطاان : شيخه بسألج سؤال قالت لي : تفضل قلت لهاا : شراايج فيييني قالت لي : ريااال والنعم فيييييييييك قلت لها : يعني لو بغيت اخطب مايردووني قالت لي : تبووس ايدها مجلب من فكرت تضويهااا جا صوت سلطاان الغااضب : خلصتتوو ولا بعد التفت عليه وبكل براءة : اااوه سلطاان انت هني اسمحلي يااخوي مااشفتك سلطاان رد علي وهو يصك ع اسنانه : لا والله لايكون بس لابس طاقية الاخفاء وانا ناااسي قلت له استخف دمي : والله ماادري نزل السفره واناا باقولك شيخه كاانت تكتم ضحكتهاا وكان هالشي وااضح قالت لي : اقرب يااحمداان ماانت غريب لحظه بييبلك الفواله جلسة ع الزووليه الي كانت مفرووشه : مشكووره ياابنت عمي وقلت لسلطااان علامك وااقف ايلس ياريااال البيت بيتك سلطاان يلس وهووو يغلي وهالشي كاان وااضح وااااااااايد قلت لشيخه وهي ساايره طلبتج يااابنت العم شيخه : تم قلت لهاا : اناا ماتريقت خلي الفواله بعدين وهاتيلي ريوووق نط سلطااان : انت شنو ماتستحي حد قالك حرمتي بشكاارتك سير كل ببيتناا ولا باي مطعم شيخه ردت عليه تغاايظه : وهذا بيته يااسلطااان وهو طلب مني والتفت لي دقاايق والريووق يكون زااااهب وساارت عناا قلت لهااا : فديييتج ياابنت عمي اول ماختفت شيخه عن الانظااار سلطاااان انفجر فيني : لعنبو انت ماتستحي على ويهك اناا مو بتاارس عينك قدام عيني تفدا حرمتي قلت له : وانت شعااليك .. انت بتطلقهاا واناا بااخذهاا بالعربي اناا احبهاا واباااهااا ماحسيت الا ويد سلطاان على خدي .. حزنت بنفسي واناا ريال بلحية وشنبانضرب لكن لو بذبحي رااحة سلطان وحرمته ما اغليتهاا عليه قلت له : داااامك ميت عليهاا ليه مااتقوولهااا ؟خلك صرييح معاها قولها انك تحبهااا قوولهاا انا طقيت ااخوي عشاانج لاني اغااار عليج لاني امووت فييج سلطااان قاام بيطلع ومارد علي قت له : جباااااااااان طووول عمرك جباااااااان وبتم جذيييه عفد علي يرني من كندورتي بدأ يطقني على صووت الهوووشه ياااااااات شيخه وقفت تطالعناااا وتبكي شيخه : بس والي يعاافيكم بس قربت من سلطااان : هددددددده يااسلطان هذااخووك هذاا ولدك الي انت مربيه سلطاااان هده سلطااان ان لي بقلبك غلاااههده تكفى يااسلطااان سلطان اول مااسمع عباارتهاا رمااني ع الارض وطالعهااا : خاايفه عليه ؟هالكثر غاالي عندج ؟ هالكثر يعنيلج ؟ وانااا ؟ وانااا يااااشيخه ؟ شيخه ماردت عليه تمت تبكي ودفنت ويههاا بيدهااا سلطاان قالهاا : سمعي ياااشيخه دام رااسي يشم الهوا حرام مااا كنتي لرياال غيري شيخه رفعت رااسها مصدوومه من كلاام سلطاان ...... انا استغلييت المووقف وقلت له : انت ليش انااااني هي مااتباااااااك تسمعني ماااااتبااااااااك طلقهاا وخلهاا تشوف حياااتهااا مع الي يبيهاا وشاااريهااا سلطاان التفت لي : لم اثمك ياااحمدان لذبحك قلت له وانا اووقف وامسح الدم من ع شفااتي : مااااااااااااترووم وشيخه بتطلقهاا وريلك فووق رقبتك سلطان ابتسم لي بسخريه : ومن بيجربني انت قلت له : ايه انااا قالي : الي ماتطووله بيدك وااصله بريلك ومشى بيطلع قلت له وبصوت عالي عسب يسمعني : بتشووووف يااسلطان ان ماطلقتهاا منك وخذتها وسكنتهاا بنفس البيت ما اكون حمدااان شيييخه صرخت : حمدااااااااااااااان لكن ماشي فرصه ارد على طووول رجع سلطااان يبي يضربني لكن تووقف اول مااشاااف شيييخه طااايحه ع الارض ربعناا صوووبهاااا وصلت لهاا اسرع منه بحكم اني الاقرب لكني تووقفت بعييد مااايحق لي احط ايدي عليهاا هذي حرمة اخووي سلطاان نزل ع الارض حط شيييخه بحضنه : شيييخه شييييخه تكفيين ردي علي ... حمدااان بسرعه رروووح شغل سيااارتك وازقر ميري تيب عبااتهاا رحت بسرعه سوويت الي طلبه سلطاااان خذنااهاا المستشفى اول ماوصلنا الطوارىء ودخلوهااا صد لي سلطاان وقالي : لوو سمحت مهمتك انتهت ماابي اشووف رقعت ووويهك هني قلت له : سلطااان قالي : عن الفضاايح بالمستشفى لو سمحت سييييييير طلعت وتركته انا فعلاا مالي أي حق اكوون هني هو زوجهاا هو الوحيد الي له الحق انه يكوون هني وغيره لااا سرت البيت اول ماادخلت حمت ربي ان محد بالصاله على طول سرت وتسبحت بدلت كندوورتي اتصلت على ميثه ميثه : هاا بشر نجحت الخطه قلت لهاا : ميثه قولي لامج انج بتسيرين بيتج واني اتريااج برى عسب اوصلج ميثه : ليييييييييييييه ؟ قلت لها : انتي نزلي وبعدين بقوولج ميثه: ان شاء الله ميثه ساارت وخبرت امي الي طلبته ... اول ماركبت السيااره ميثه : تسمح تقوولي شصااير ؟ وليه ويهك صااير شواارع حكيت ميثه الي صاار ... ميقه قالت لي : انت اكيد ينيت ليه تمااديت معااااه قلت لك غلس انغزه بس مو جذاا قالت لها : اخووج ماايحس الابذي الطريجه لو شفتيه شلوون كان محرج وانا ارمسهاا ميثه سلطااان مد ايده علي عسبتهااا قالت لي : لا والله زيييين ماذبحك ..انزين هي شحاالهاا قلت لهااا : ماادري .. اول مااوصلنااا المستشفى دقت ميثه عليه وقالهاا انه بقسم الطوارىء رحنا صووبه كاان ياالس على كرسي ومبين عليه انه تعباان وااااااااايد ميثه : شلوونهااا رفع رااسه : الطبييب يقوول عندهاا ارتفااااع حااد بالضغط واللحين بينزلونها و يحطونها بغرفة لحالهاا الين مايتأكدوون ان مافيها ضغط وان هذا بس عااارض مو اكثر ميثه : انزيين ماشفتهاا قال بحسره : مااخلوووني رفضت تشووفني يوم نشت حطيت ايدي على كتفه على طوول وخرها : بعد عني قلت لك ماابي اشوف رقعت ويهك ميثه : تكفى ياااسلطاااان افهم السالفه بالاول سلطاان : انتي ماتعرفين سواد ويه اخوج ميثه : لاادري انا ويااه متفقين على هالشي سلطان بصدمه : حتى انتي يااميثه ميثه : يااخوي حن نبي مصلحتك ونبيك تحس بقيمة حرمتك قبل لايفوت الفووت وماكان عندنا الا ذي الطريقه تقربت منه : سلطااان شلون تصدق اني حاط عيني عليهاا يااخوي حرمتك من يوم مافكرت تخطبهاا حرمتهاا على نفسي حتى لو كانت ردتك ماكنت بييوم بفكر فيهاا ويشهد الله ان مكانة شيخه عندي شرااات مكاانة الريم وميثه ... انا بغيتك تغاار بغيتك تقوول لهاا انك تحبهااا يكفيك يااسلطاان ويكفيهاا عذاااب سلطاان حضني وقال : ساااامحني يااااخوي ساامحني ليت ايدي انشلت ولاا امتدت علييك قلت له : الله لاايقوول انت لو تبي روحي ارخصتها لك ميثه تمسح دموعهااا من تحت الغشوه : الله لاايحرمكم من بعض سلطان صد صوبها : ميثه تكفييين قوليلها ابي اشووفهااا ميثه : مابقولهاا رووح ادخل بنفسك لو بنشاورها مابطيع بنت عمك رااسهاا ياابس سلطااان طاااع شوور ميثه ورااح صوووب حرمته الي نقلوها لحجرة خاصه * سلطــــــــــــــــــان * كلااام حمداان ريحني وااايد ... اخووي كبر وصاار ينشد به الظهر .. اخ يااشيخه والله مادريت ان لك كل هالغلااة بقلبي .. دخلت عليهاا كانت مغمضة عيونهااا واول ماحست ان حد دخل فتحت عيونهاا شافتني يااي صوبهاا صدت الصوب الثااني حز بخاطري انهاا ماتبي شوفتي لكن لازم اتحمل انا غلطت وااايد بحقهاا وجا الوقت الي اكفر فيه عن خطااااي قربت منهااا بستهاا ع جبينهاا وقلت لهاا : سلاامتج الغاليه تمت صاادة ومااردت علي ... لفيت حول الشبريه ووقفت محل مااكانت صاادة رجعت صدت الصوب الثاني وعملت نفس الشي استمرينا على ذا الوضع اكثر من خمس مرات تصد وانا الحقهاا الى ان صدت صووبي ودمووع عينهااا تجري ع خدهااا : انت شتببببببببببببببببي مني ارحمني ارحمني قلت لهاا : شيخه انااا ابيج انا احبج شيخه ابتسمت لي بسخريه : لااا ومن متى هالاكتشااف الخطيييير قلت لهاا واناا اتقرب اكثر صوبهاا : من يووم ماااتركتيييني من يووم ماحسيت اني يالس اخسررج شيخه انا (ومديت يدي بمسح ع شعرها ) الا تدفرهاا بعيد وقالت بعصبيه : لاتحط ايدك علي اكرهك واكره لمستك خلااص يااسلطاااان النفس عاااااااااااافتك وعاافت قربك قلت لهاا : شيخه عطيني فرصه قالت لي : اعطيك فرصه ليه ؟ عشااان تذبحني اكثر مما انا مذبوحه اعطيك فرصه عسب ارجع احبك وارجع اكتوووي بنااار هجرك ؟ ياابن النااس طلقني ؟ انا خلااص مااابيك قلت لهاا ك انتي ارتاحي اللحين وبعدين بنرمس قالت لي : لاتعاملني كاني يااااهل انااا مابرتااح الا يووم تطلقني تسمع طلقنييييي اذا انت ريااااال من صلب ابووك طلقني كلامهاا استفزني لكني كتمت غيضي : انتي مو بوعيج ومااا بحاسبج على رمستج طلعت من حجرتها الا من المستشفى كلهااا خفت اتم واغلط عليهااا
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| للي ناوي يضحك | ♥ βőΛ ♫ | نكت و ضحك و خنبقة | 0 | 08-07-2009 03:51 AM |
| شر البلية ما يضحك ...... | بسمة فوق شفاه ناعمة | أرشيف المواضيع الغير مكتمله او المكرره او المنقوله و المخالفه | 19 | 07-17-2007 01:05 PM |
| كاريكاتير يضحك | ام مريم | أرشيف المواضيع الغير مكتمله او المكرره او المنقوله و المخالفه | 19 | 11-07-2006 07:00 PM |
| (قصة تخلي اللي ما يضحك يضحك )!!!!!!!!!!!!شوفوها | شبيه الريح | أرشيف المواضيع الغير مكتمله او المكرره او المنقوله و المخالفه | 1 | 04-20-2006 03:42 PM |
العرض العادي
