|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
10-08-2010, 09:02 PM
| ||
| | ||
 اسمحيلي ما عاد بي مكان تطعنينه &&روايه سعوديه جرئــــــــــــــــــــــــــــــــيه بسم الله الرحمن الرحيم الئ احلئ اعضاء المنتدى حبيت شوي اغير من البرستيج حقي واخذ منحنى اخر علشان كذا راح اعرض لكم اول روايه من تاليفي واتمنى تعجبكم وانا اقبل انتقاداتكم ما فيه مشكله وراح تكون هاذي الروايه من مزيج من الالوان عاطفيه جرئيه حزينه مضحكه وفيها شوي من المشاكل والدراما وارجع اقول اتمنى تعجبكم البــــــــــــــــارت الاول اعذريني لو عالفرقا قويت ما تركتي باختياري حل ثاني كل شي فيه ضحيت ورضيت وللاسف قلبك باحاسيسه اناني جيت لك غيمه من الحب وهقيت اني القى بوسط قلبك لي مكاني والله اني يعلم الله ما نويت غير كل الخير ولك قلبي دعاني اعذريني لو عن ايامك سليت وش قلبك لو بغيت اندم عطاني ريماس نازله من الدرج سامي:ما اقدر عالكشخه يا ناس ريماس بتطنز:ماقدر عالكشخه !قول اخلص وش تبي؟ ريماس بنت جامعيه عمرها 22 سنه بقمة الجمال عيونها مره سوداء وسيعه شعرها اسود بشرتها بيضاء وخدودها ورديه والحين راح اعرفكم على سامي عمر  9 سنه جامعي شاب جميل دائما يمزح ومزحه بعض الاحيان ثقيل سامي:يالله!الحين ما امدحك الا لازم ابي شي؟ ريماس وهي تضحك:كذا تعودنا عليك سامي يتزعل:خلاص اخر مره امدحك دلع نازله من الدرج مسرعه ووقفها سامي سامي:ارحمي الدرج والله حرام دلع رافعه حاج:ههههه سخيف الحين ليش وقفتني؟ شوي تعالوا اعرفكم على دلع بنت ثالث ثانوي 18 سنه حلوه وبيضاءوشعرها بندقي وشوي مرجوجه هههههههههههه نرجع للبارت سامي: اخاف عليك تطيحين دلع:ليه شايفني مرجوجه سامي:شكلك نزل ابو نواف من الدرج ابو نواف هادي حنون طيب القلب وهو من اغنى الشركات بالمملكه ابو نواف:وشفيك انت وياها تتخانقون على الصباح؟ دلع تدلع:يبه شوف سامي يطنز علي راح ابو نواف ومسك اذن سامي سامي: اي يبه عورتني ابو نواف:علشان مره ثانيه تتادب جات دلال من عالدرج وماسكه شنطتها دلال اصغر وجده بالعائله ناعمه وبريئه ابو نواف :هلا وغلا بدلول دلال:صباح الخير يا بابي سامي:من اوله خراب ريماس:اذكر وانت صغير تقول كذا دلع تضحك سامي:تضحكين انتي وجهك دلع:هيه هيه هي اللي تكلمت مو انا جات ام نواف من المطبخ ام نواف هاديه حنونه طيبه وقلبها ابيض ام نواف:يله الفطور جهز راحو العيال على مدارسهم دق تلفون الصاله وردت ام نواف ام نواف:الو نواف:صباح الخير يا احلى ام ام نواف:هلا هلا نواف كذا اجل لاسلام ولا كلام سامحيني الدراسه ماخذه كل وقتي نواف شاب جامعي يدرس بالخارج اعمال حره جذاب بهيئته صوته فوق الخيال هذا البارت الاول اتمنى يعجبكم واشوف انتقادتكم للبارت واذا ما شفت ردود يعني ما عجبكم وراح اوقف الكتابه واذا عجبكم راح استمر بالافضل ان شاء الله وراح انزل كل بارت بنهاية الاسبوع يعني يوم الجمعه وان شاء الله يعجبكم وبس  والســــــــــلام مسك الختـــــام .gif "thanks") 
__________________  كل عـــــاآآ وانتــــم الى {الله}اقرب { رمضــــــــــان كريــــــــــــم} |
|
#4
10-15-2010, 09:10 PM
| ||
| | ||
| ام نواف:مسموح ياوليدي بس قلي شقاعد تسوي؟ نواف:الحين انا رايح للجامعه مع محمد ام نواف:ايه الله يوفقكم لصالح الاعمال نواف:الله يسمع منك يمه ام نواف:يله مابي اطول عليكم مع السلامه في بيت ابو وليد وليد:نوف وينك؟ نوف:هلا حياتي بغيت شي؟ وليد:سلامة قلبك الشماغ جاهز؟ نوف:ايه جاهز خلوني اعرفكم عالثنائي الرائع هههههه وليد شاب متزوج عمره 27 سنه طيب حنون واهم شي جميل شعره اسود لتحت اذنه له شركه خاصه فيه يشتغل بالنقل اما نوف بنت ناعمه حبوبه تحب المزح طبعا قاعده بالبيت نرجع للبارت وليد:تسلمين نوف:الله يسلمك ترى انا نازله تبي شي؟ وليد:لا سلامتك بالصاله ام وليد:هلا نوف صباح الخير نوف:صباح الخير خالتي ام وليد:الا وين وليد؟ طيبه وحنونه نوف:شوي وينزل شوق:صباح الخير شوق بنت عمرها 17 سنه ثالث ثانوي علمي بيضاء حلوه شعرها قصته فكتوريا ام وليد:صباح الخير نوف:صباح الخير وجهك منور اليوم شوق:نمت بدري امس نوف:صراحة انجاز شوق:هههههههههه جاء خالد من فوق وراحت نوف للمطبخ علشان تجهز الفطور خالد بصوت رزه:احم طريق شوق:تعال مافي احد خالد شاب جامعي يدرس هندسه كيميائيه عمره20 سنه جميل عيونه عسليه ناعمه بس صوته رجولي خالد:صباح الخير شوق:صباح النور خالد:وين الناس شوق:بالمطبخ يجهزون الفطور ابو وليد:صباح الخير خالد  سلم على ابوه)صباح النوروليد:الفطور جاهز ام وليد:ايه وهم عالطاوله ام وليد:الا وين رغود؟ وليد:بغرفتها ام وليد:كملوا فطوركم رايحه اشوفها وجايه نوف:لا خليك خالتي انا بروح وليد يناظر نوف ويبتسم صاده خالد ودقه على رجله وليد:ااااخ خير وش تبي؟ خالد يتطنز:ما كملت البيض حياتي وليد يتطنز:هههههه الحين بكمله  بغرفة رغد نوف :ممكن ادخل رغد:ايه ادخلي رغد اصغر وحده بالعائله نوف:افاا ليه تبكين؟ رغد:مابي اقول نوف:قولي واوعدك ما اعلم احد رغد ناظرت الارض وناظرته رغد:توعديني! نوف:اوعدك رغد:مااعرف اربط حزام مريولي:88: نوف تضحك  رغد معصبه:ليه نضحكين نوف:كل هالدموع بس علشان ما تعرفين تربطين رغد:ايه نوف:انا يوم كنت بسنك ما كنت اعرف اربط رغد:والله نوف:والله وابشرك مع الايام بتتعلمين رغد:اشوا نوف:الحين يله ننزل الفطور يستنى رغد:يله بيت ابو محمد فهد توه قاعد من النوم طبعا فهد شاب بالثانوي عمره18 سنه علمي يحب المشاكل وهو دائما لعاب بس يجنن  شفايفه ورديه على احمر فاااااااااااتح  فهد:يمه يمه ريمان:وشفيك من صباح الله خير تصارخ ريمان جامعيه عمرها 19 سنه تدرس طب خدودها دبدوبها شعرها اسود لحد نص ظهرها فهد:جعان ابي اكل ريمان: تعال احنا بغرفة الفطور فهد:اووف اجل انا اللي قايم متاخر ريمان:اصلا انت متى قمت بدري؟ فهد:تصدقين ولا مره شكلي بحطم الرقم القياسي ضحكت ريمان وراحو لغرفة الفطور فهد دخل وسلم وحب راس ابوه فهد:يمه ليه خلوتوني نايم للحين ام محمد:ليه ما تاكل وانت ساكت ريتاج:هههههههااااي لقط وجهك من الفشيله ريتاج جامعيه عمرها 18 سنه ثانوي قسم الادب تحب تتمشكل مع فهد شفايفه دبدوبه عيونها الناعسه فهد:تضحكين انتي وخشتك ريتاج:لا امنعني احسن ابو محمد:بس انت وياها احترموا النعمه اللي قدامكم طيب حنون بس عصبي اذا شلف شي ما يعجبه فهد:السموحه يبه ريناد :يله انا ماشيه مع السلامه ريناد بنت جامعيه عمر  2 سنه تدرس علم نفسعيونه مثل ريتاج الناعسه رموشها طويله شعرها قصتها فراوله ولونه بندقي ابو محمد:بحفظ الكريم جامعة الشباب سامي ماسك جواله سامي:شعول وينك للحين؟ مشعل:يله كاني جيت مشعل صديق سامي وخالد خالد:سامي من تكلم؟ سامي:اكلم مشعل اشوفه وين خالد:وينه فيه طيب؟ سامي:جاي بالطريق خالد:خلاص لامن جاء سلم عليه سامي:يوصل تلفت سامي يمين ويسار الا مشعل مقبل عليه سامي:ليه تاخرت؟ مشعل:يقولون النوم سلطان سامي يتطنز:ليه ما تصير اسلط منه مشعل:حاولت بس ما في فائده سامي يضحك:طيب امش لا نتاجر على المحاضره بثانوية الشباب فهد:تركي وش فيه وجهك؟ تركي:تتغاب علي يعني سالم:انا اقولك وش فيه توه قعد من النوم طبعا سالم وتركي اخوياء فهد تركي ينطنز:ما شاء الله حاس فيني يعني سالم:ما شاء الله علي فهد:اقول سلوم لا تطيح علينا ترى مو ناقصين سالم:حرام الواحد يمدح نفسه تركي:اللي يمدح نفسه قاطعه سالم سالم:ترى والله ان كملت بالدفتر على راسك فهد:ههههااااي مصخرك عدل سالم ناظر تركي على عين وجنب ورافع حاج سالم:اوريك اصبر بس بعـــــــــــــــــــددوام طويل^44^ سامي :يمه حطيتوا الغداء ام نواف:ايه ناد خواتك وتعال سامي :ان شاء الله على سفرة الغداء الكل موجود ما عدا ابو نواف ريماس:يمه وين ابوي للحين ما وصل ام نواف:توني مكلمته وقال بالطريق جاء ابو نواف منبسط وكلنا مستغرب ام نواف:يارب دووم البسمه ابو نواف:تسلمين ام نواف:بس ما قلتلي وش السبب؟ سامي بلقافه:اكيييد اعرس عليك يمه كلللوووش ام نواف:انطم وتظربه مع راسه ابو نواف:استح على وجهك سامي:ترى والله كنت امزح ريماس:مزحك ثقيل ابو نواف:معلينا بقولكم بعد الغداء بعد الغداء وبالصاله كلهم ام نواف:يله عاد قول وش عندك؟ ابو نواف:طيب نواف جاي بعد اسبوع وباحلى شهاده ام نواف:الله يبرك بالخير ريماس:واخيرا هو عاد لايدق ولا يسال ام نواف:ايه اليوم هو كلم دلع:المهم انه بيرد لنا بالسلامه سامي:طيب ومحمد جاي معه ولا لا؟ ابو نواف:الا جاي وناجح ما شاء الله عليه تغيرت ملامح ريماس لانها تكره تسمع سيرة محمد ودلع لا حظت عليه واشرت لها دلع:بروح للمطبخ ريماس:طيب جايه معك بالمطبخ دلع:هيه انتي ابي اعرف ليه كل ما جبنا سيرة محمد عصبتي ريماس:لاني ما احبه ما ادانيه غصب دلع:ليه هو وش سوا للك ريماس:هيه لا تنسين انه هو السبب بموت اخونا دلع توسعت عيونها:وانتي للحين ذاكره وبعدين لا تنسين انه مكتوب ومقدر ريماس:وشلون تبيني انسى ذابح اخوي وشلون قاطعتهم ام نواف ام نواف:وشفيكم اصوات واصله لاخر الشارع دلع:ما فينا شي يمه لا تخافين في بيت ابو وليد شوق:يمه لازم نجهز للعرس ام وليد:ايه هاذا اللي هامك شوق تتزعل:يوووه يمه يعني يرضيك اروح للعرس بملابس معيوده ام وليد:وش فيه شوق:يمه يا حبيبتي انا شوق بنت العائله المحترمه ام وليد:خلاص صدعتي راسي شوق :فديت راسك ابوليد:ترى محمد ونواف راجعين من السفر ام وليد:ومتى راجعين؟ ابو وليد:بعد اسبوع مــــــــــــــــــــــــــــــــــر الاسبوع بسرعه صبــــــــــاح العـــــــــــرس غرفة ريماس ابو نواف:يله ريماس قومي ريماس متخرعه:بسم الله يبه؟ ابو نواف:ايه ابوك وشفيك بسم الله عليك؟ ريماس:ولا شي بس مو من عوائدك تصحينا ابو نواف:طيب قومي صلي الظهر ريماس:ان شاء الله طلع ابو نواف من الغرفه وجاءت دلال اصغر وحده بالعائله دلال:يله قومي ريماس:وشفيك؟ دلال:علشان نجهز للعرس ريماس:طيب تعالي اوريك الثوب اللي لشتريته للك بعد صلاة العشاء (بالعـــــــرس) البنات قاعدين يمدحون ببعضهم نوف:صراحة انتم مصخره مصدقين نفسكم ريماس:نوف اذا ما تلاحظين حنا خمس وانتي لحالك ام محمد:يا ام نواف ريماس اكبر بناتك صح ام نواف:ايه عمرها 22 سنه ام محمد:ما شاء الله حلوه ام نواف:تسلمين من ذوقك نواف ومحمد ارجعوا من السفر قبل موعد رجعتهم بيومين محمد:نواف طيب ليه ماندق ونقول ان وصلنا نواف:يا اخي تخليها مفاجئه احسن محمد:طيب نمر بيتك ولا بيتي نواف:بيتنا علشان انه اقرب محمد:شورتك وهداية الله
__________________ كل عـــــاآآ وانتــــم الى {الله}اقرب { رمضــــــــــان كريــــــــــــم} |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايه ( المستقبل المجهول ) من تأليفي روايه مؤثره وكوميديه نوعا ماا | SHOSHATOTO | أرشيف المواضيع الغير مكتمله او المكرره او المنقوله و المخالفه | 176 | 03-12-2012 10:16 PM |
| نور وعبدالله روايه كويتيه سعوديه | $cool girl$ | روايات و قصص بالعاميه | 83 | 09-16-2011 07:16 AM |
| روايه ( احلام الحب ) روايه انمي من تأليفي | Đřęĕɱ | أرشيف المواضيع الغير مكتمله او المكرره او المنقوله و المخالفه | 68 | 12-06-2010 01:55 PM |
| تاهت في عينيه ,, (روايه سعوديه جريئه) مميزة | غزل! | أرشيف المواضيع الغير مكتمله او المكرره او المنقوله و المخالفه | 44 | 06-12-2010 05:31 PM |
العرض العادي
