|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#12
08-27-2010, 05:33 AM
| ||
| | ||
| لاجيــت انـا باسامــحــك تبكي الجــــراح مـاودهــا مشتــاق ودي اصــافحك وعيـــت يــــدي لامــدهــا ++++++++++++++++ حنان ماتحملت وقاالت : وشفيها تربيتناا ياجدتي في ايش مو عاجبينك مااشوفناا صايعات ولا قليلات ادب ومحج يقدر يقول كلمة على تربية امي لناا جدتي جاوبتهاا : وهاللسان شيطلع حنان كانت رح ترد على جدتي لكن امي منعتهاا ماتبي الدنيا تشعل بينهم اكثر مما هي شعلانه *حـــــــــــــــــــنــــــــــــــــــــــــااان * ياااربي احس بداخلي نار مشتعله هذي هي جدتي ماتغيرت لازم تسمعنا كلاام يسم البدن الله يستر ويعدي هالزيارة على خير سمعنا صوت ابوي وهو يتنحن بيدخل يسلم على جدتي جدتي : هلاا بوليدي هلا بالغالي ابوي وهو يحب راسهاا : هلاا يمه شلونك شخباارك عسااك بخير جدتي : اخباري مو بزينه وزعلاانه عليك ابوي : افااا يمه كله ولا زعلك انا مااقدر عليه جدتي : ودامك ماتقدر على زعلي ليه مقصر فيني مااشوفك ولا اشوف بنات الا بالاعياد والاجازات وكل كلاامك معي بالتلفوناات ابوي متلوم : يمه اعترف اني مقصر بس لازم تعذريني البنات عندهم دراسه وانا مااقدر افارقهم مالنا احد بجده ممكن ينتبه لهم جدتي ووصلت لمبتغاهاا : اجل خلااص اتركك من جده وارجع للرياض واقعد هني بين اهلك ونااس هني عاد وجوهنا كلنا تلونت بالوان قوس قزح مستحيل نرجع الرياض ونعيش فيهاا نترك جده نوو وااااي اكيد جدتي تبي تذبحناا ابوي ينهي النقااش : يمه هذا الموضوع كل مره نعيد ونزيد فيه البنيات وراهم جامعات ومدارس وغير كذا حلاالنا نخليه لمنوو المال السايب يعلم السرقه جدتي : كيفك حمدت ربي ان ابوي ماطاعهااا ولا رحنا وطي طلع ابوي للمقلط عشان يتغدا مع عمي وتركي وطبعا انحط لناا الغذا احناا بعد الغدا كان ع الارض وكله بصحن واحد كبير ومافي شي اسمه ملاعق وصحون جانبيه لا حطوهاابتصير فضيحتنا بجلاجل جلسنا ع السفره الشغالات كانو حاطين ملاعق للسلطه ومزودين كم لعقه اذااحتاج احد ما ان لمحت جدتنا المصون الملاعق حتى بدت محاضره جدتي بنقمة : ليش هالملاعق عمتي ام تركي: هذي للسلطه ياااخاله جدتي واهي تناظرنا بطرف عينها : احسب بعد على يدينهم نقش الحنا ولا المدارس كبرت روسهم على عاداتنااا وتقلدوون الكفره عمتي ناظرتناا بعيون كلها اسف ابتسمناا بوجههاا دلاله اننا عارفين جدتنا وطبعهاا الغريبه ان جدتنا بكل القسوه عليناا الا انها كانت تهتم بمريم تطمن عليها وعن احوالهاا حتى بالعيديه تعطيها فلوس اكثر مناا جدتي بعد الغدا طلعت تقيل شوووي احنا هني تنفسنا الصعداء اخيراا بنقعد شووي من غير هوشه وصيااااح قدمت لنا عمتي الشاي وجلسناا نتكلم عمتي : معليه ياحصه تعرفين خالتك وطبايعهاا لا تاخذين في بالك من كلامهاا امي ابتسمت : تعلميني عليهاا مهما كان هي مره كبيره ولازم مانعاندها قالت كلمتهاا وهي تناظرني فغصيت بالشاي الي اشربه الكل ضحك علي عمتي : حنان يابنتي طولي بالك عليهاا لا تندين معاهااا بكره رح تعيشين معانا بنفس البيت اذا ماكسبتي جدتك بصفك رح تتعبين خصوصا ان بندر حبيب قلبهاا مدري ليه سرت رعشه بجسمي من انذكر اسمه ناظرت الارض احسها تتحرك من تحتي الكل فسره خجل الا اني مدري يمكن كنت ادور على شق بالارض ارمي نفسي فيه بس اخلص من هذا الي اسمه بندر امي تسأل عمتي : متى جاي ان شاء الله عمتي : امس كلمنا وان اشاء الله رح يجي بعد شهرين امي : ليه مايخلي الاجازه ع رمضان عمتي: ياريت قلنا له قال مايقدر ماعنده الا الان ومارح يقدر يجي الا عقب سنه عاد ابو تركي قال خلااص يملك على حنان وياخذهامعه مايقعد بالغربه لحاله امي : قلي ابو نور والله مدري كيف بصبر على فراق بنتي عمتي : هذا حال الدنياا ماقدرت استوعب الكلاام اللحين هذا الي رح يصير زوي بيجي بعد شهرين لا ويبغاني اترك ديرتي هذا اكيد مجنوون كيف اتركهاا اروح مع واحد غريب مكان مااعرفه مايربطني فيه شي اترك خوااتي امي اترك ابووي شلون اقدر اقعد من غير ابووي من غير حنان امي وهوشات ليلى! اذا تضايقت وين رح تكون نور؟ من رح يكتم اسرارها لمن رح تفضفض غيري؟ مريم من رح يونسها من رح يروح معاها مواعيدهاا لمن رح تشكي غير ي مستحيل اترك كل هذاا ورى ظهر يواروح مع هذا الي مفروض يصير زووجي شلوون ماا نبهني من شروودي الا صوت ليلى وهي تصااارخ علي يكلمها ليلى : قووولي والله .........انتي متأكده لا تكوني غلطااانه ....ايه ادري انا كنت حاطتها رغبة ثانيه والحمد الله طحت فيهاا ....خخخ يابنتي ريح ابو علي ولا عدمه سلمي ع الواالده ..... زين يوصل ان شاء الله ...في امان الكريم امي سالتها على طووول : شفيه ليلى شصاار ليلى : ماصار الا الخير هذي ليلى تبشرني طلعت نتايج الامتحان وما انقبلت في الطب البشري امي بحسره : واحسرتي عليك يابنيتي ها وانيت ذبحتي عمرك بالمذااكره ليلى : ههههه يمه لا تهتمين انا والله مو زعلااانه بالمره تصدقون انا قلت اني لو ماانقبلت رح استخف لكن بالعكس انا احس نفسي مبسووطه امس صليت بالليل ودعيت ربناا ان لو لي خير بالبشري يسره لي وشكلوه ان مافيه خير فتيسرت التقنيه امي : شنو هذي التقنيه ليلى : يمه هذي كليه جديده فتحوها مالها سنتين بعد محد تخرج منهاا عمتي : زين يعني لا تخرجتي بتصيري شنو ردت ليلى : بصير دكتوره زي زي الي تخرجو من الطب البشري لكن عدد السنيين اقل امي : خلااص درسي عظام عشان تعالجين رجولي ليلى : خخخ يمه هذا يخرج دكاترة اشعه وتخدير ودكاترة متخصصين بامراض الدم والعلااج الطبيعي امي بصدمه : يعني انتي بتصيرين تصورين رجول النااس وتاخذين تحاليلهم هذا الي تسويه الممرضات ليلى : يعني زيهم بعدين هذول يمه اغلبهم الا دكاتره عمتي : مابقي الا تشتغلين هالشغله ياكثر الي يسونها من غير دكتره كله نناديهم بمرضه ولا سستر ليلى تدافع عن تخصصها : لاننا محتاجين توعيه احنا نستصغر هالوظايف مع انها اهم من وظيفة الدكتور نفسه الدكتور مايقدر يعطيك علاج الا لما يشوف هالتحاليل اشطالع فيهاا مايقدري سوي عملية اذا دكتور التخدير مو موجود رجلك ماتجبس من غير اشاعة مانعرف الامراض السرطانيه حمى الله السامعين من غيرهاا وبدل مايجي الاجنبي بهاوظايف نكون احنا فيهاا احنا الاقدر نراعي مرضانا ونراعي عاداتنا وتعاليم دينااا والوطن يمه مايبنيه الا عيااله وبناته الين متى رح نعتمد ع الاجنبي عمتي وامي بان عليهم الاقتناع من كلام ليلى : والله انك صاادقه هذي هي ليلى دوم تاخذ الامور بتفائل وتاخذ الاشياء بموضوعيه رغم صغر سنها الا انها عااقله وهذا الي يخليني مااخاف ابد عليها * نـــــــــــــــــــــــــــــور * بعد ماصلينا قررت اطلع اتمشى بالحديقه امي وعمتي راحو المطبخ يجهزون القهوه وياخذون الاخبار والعلووم اما خواتي طلعوو الجناح الخاص فيهم وابوي وعمي طلعو يزورون واحد من اصدقئهم القدامى اما تركي نايم بحجرته اخذت الشيله معاي من بااب الاحتياط خفت لايطلع سواق بوجهي الجو اليوم حلوو وشوي مغيم هذي هي الرياض جوها ماينعرف له متقلب يوم حر يوم برد نزلت اتمشى الحديقه وااايد كبيره بحكم مساحة الارض الكبيره جداا عمي زرع فيهاا نخل زيااده اكيد هذا من شور جدتي تموت ع الرطب اتذكر كان في مسبح بوجه المقلط لكن عمي ردمه بعد ماطاحت فيه حنااان وهي صغيره وبغت تمووت غرقى الحمد الله كان يومتهاا اكبر السواق موجود وطلعهااا بعد مانادته ليلى وقفت فجأه مردي شلون رجولي خذتني لذااك المكاان ماتوقعت بيوووم ارجع لهذي المنطقه عمي غير بالحوش كله ماقدر يهدم هالمكااان ليه الى الان قاائم ماتغير ليه بعده موجود يبيه تذكاار لكل الالم لكل العذااب بسرعه درت راسي ورجعت بخطى سريعه اقرب ماتكون للركض منها للمشي وانا ماشيه والتفت حولي خفت يكون احد يحقني يمكن المااضي ماادري المهم حسيت احد يلحقني ماحسيت بنفسي الا وانا مصطدمه بشي قداامي رفعت نظري اطالع شنو هذا كان تركي قدامي بسرعه وخر عني ووخرت عنه وبحركه سريعه رفعت الشيله على راسي وغطيت وجهي نزل اعيونه بالارض عشان لا يحرجني وقال : السموحه منك يابنت العم قلت له بارتبااك : ماصار شي انا الي ماانتبه جيبت ابي امشي ناداني : شلونك يااانور شخباارك رديت عليه : الحمد الله رد علي : نور انا ابيك بموضوع قلت له باستنكار : مااعتقد ان بينا مواضيع رد علي : الا في يانور قلت له : الي اهو ؟ جاوبني : نور انا بعدني ابيك على سنة الله ورسوله حسيت بارتبااك بخووف مابغيت ابينها : وانت تعرف راي بالموضوع هذا جاوبتك ع طلبك من سنيين رد علي بحزم : تلوميني على شي انا مو مسؤول عنه وانتي تدرين اني احبك رديت عليه بانفعال : تركي مااعتقد اني جالس تقوله يصير وهذي الوقفه مالها داااعي جيت بمشي ماحسيت الا ويده ماسكه ايدي استغربت من تصرفه ماعمره تجرا وسوى هالحركه قلت له : انت جنيت اترك ايدي لا اجمع عليك امه لا اله الا الله قال : صرخي ولا هامني انتي أي قلب عندك تعرفين اني احبك من زمااان من يوم ماكنا صغااار من يوم مااكانو يقولون نور لتركي وتركي لنور تذكرين عشت احلم باليوم الي يجمعني انا وياك ببيت واحد اليوم الي تنزفين فيه لي وجا اليوم لكن ماكنتي انتي العروس كانت غيرك وحده ماقدرت احبها ماقدرت اكمل حياتي معااهاا عشت انا وياها بتعااسه مااتفقنااا ابدااا كنت اتخيل شلون بتكون حيااتي معااك شلون رح تعيش بسعاااده لكنك حرمتيني من حلمي ليه رديتيني ليه ياانور لا تحمليني ذنب غيري حرام عليك تظلميني وتظلمين نفسك نور انا ابي ارجع اخطبك من عمي شقلتي ؟ قلت له وانا خلاص وصلت حدي وجريت ايي من ايده : لو انت اخر رجااال بهالكون ماخذتك سامعني ياتركي ماااخذتك تدري ليه لان كل شي صاار لي من تحت راااسك انت تقدر تقولي من الي دخله بيتناا من الي رحب فيه وقال صديقي ومافي مثله من غيرك تركي : نور انا مستعد اسوي الي يرضيك رديت عليه : تقدر ترجع الي راااح يااتركي ؟ تقدر ترجعه ؟ جااوبني ؟ ليه سااكت تقدر تمحي النظره الي البنات كانو يطالعوني فيها بالجامعه تقدر ترجع كرامتي الي انجرحت بالجامعه من وحده ماتسوى؟ تقدر يااتركي ؟ تركته قبل لا يجاوب رحت اركض لداخل البيت بغيت اهرب منه ماابغى اسمع ولاكلمه منه ماابغى اسمع دفاااع ولاا مبررات ماابغى ذكرى المااضي تعود وتجرحني ماصد قت لملمت جرااحي ليه ترجع تنفتح ليه ؟ وصلت لحجرتي حمدت الله ان محد فيهاا اكيد انهم بالمجلس دخلت على طول للحمام ( اكرمكم الله ) غسلت وجهي مره واثنيين وعشر يمكن يطلع كل الي صار مع تركي وهم بوهم يمكن احلم اتخيل المهم ماايكون صدق للاسف كان واقع مو خياال تمددت ع السرير غمضت عيووني رجعت اتذكر ذاك اليوم عمري مانسيته ومااعتقد اني ممكن انساااه ابد آآآآآآآآه كنا عايشين لسى بالرياض واحنا وعمي ساكنيين ببيت واحد وقتها كان عمري تسع سنيين ابوي طلع البر واخذ معاه حنان طبعااوراح معاه عمي وولده بندر اما ليلى كانت مريضه وعندهاا حمى فما تقدر تنزل تلعب معاااي ومريووم كانت صغيره اربع سنين تقريبا فجلس الكل بالبيت واناا طلعت العب بالحديقه طبعا طلعت من بااب المطبخه الي يودي ع الحديقه الخلفيه من غير لحد يحس فيني قلت العب شووي قبل لا يرد تركي ويعملها سالفه لي شلون طلعت والدنيا تمطر كان يخااف علي وايد ويهتم فيني واايد لكن عمره ماتجااوز حدوده معاااي المهم نزلت العب بالحديقه قدام الغرفه الي بناها عمي لتركي عشان يستقبل فيها اصدقائه اذا جو عنده منها ياخذون راحتهم ومنهاا مايكون في مضايقة لنسوان البيت او حد لحريتهن وانا العب بالحوش انفتح البااب حق الغرفه اتوقعت بيكون تركي رجع من برى لكن اتفاجاة انه خالد صديقه اذكر ان عمري ماارتحت له ولا هضمته ناداني وقال :شتسووين يااحلوه قلت له وانا مشغوله باللعب بالمطر : جالسه العب شوف المطره كيف حلوه قال : ايه وناظرني بنظرااات بذاك اليوم مافهمتها اما اليوم لما اتذكرهاا احس بحرقه بجسمي كله كأنه كان يجردني من هدومي بهالنظراات جلس يراقبني وانا العب اكثر من نص سااعه وبعدين دخل الغرفه قلت بنفسي وقتها فكه اخيرا ذلف لكن بعد عشر دقاايق نادااني خالد : نور نور تعالي اقفلي المكيف مره برد جاوبته : وانت ليه ماتقفله بنفسك خالد : ماني لاقي المفتاح تعالي انتي ادرى رحت وانا اتأفأف من طلبه دخلت الغرفه اتجهت للمفتاح ايل خلف الستاره عشان اطفيه الا وسمعت بااب الغرفه ينقفل التفت له وسالته : ليه قفلت الباااب قالي : اسمعي خليك سااكته وانا اعطيك عشرة ارياال قلت : ماابي فلوس وخر عني جيت اب ياطلع سحبني من كم الفستان عصبت عليه : كذا قطعت الفستان ان ماقلت لتركي ماجاوبني ابتسم ابتسامه كلهاا خبث ورماني ع الارض جردني من اهدومي و .... صرخت وصرخت ناديت ابوي امي عمتي تركي ناديته ونااديت محد رد ع صووتي محد جاا وانقذني منه قبل لااا يسلبني اعز ماااملك قبل لايجردني من طفولتي وبعد ماخلص وشبع مد يدينه لرقبتي يبي يخنقني عشان اموت وتموت معااي جريمته البشعه صخرته حاولت ادفعه بعيد عني ماقدرت فرق الجسم فرق العمر مو بصاالحي واخيرا على صوت صرخاتي المكتومه جاء تركي كسر الباااب وانصدم يوم شاف صديقه اذكر انه هجم عليه وضربه الين مااغمى عليه من كثر الضرب كنت بالركن متكوره على نفسي بلاا ملااابس شعري هو الي سااترني خلع ثووبه ولبسني اياه اخذني لدااخل البيت كل الي اذكره اني ارتميت بحظن امي وماصحيت الا وانا بالمستشفى عقبهاا صرت اعاني من حاله نفسيه كرهت كل الرجال ماقدرت اتحمل أي رجل غير ابوي يقرب مني حتى الاطباء ماقدرت اتحمل قربهم وجلست على هالحال لمدة عشر سنيين ماكنا ننزل الرياض الا بالاعياااد ومااخرج من البيت ابداا الحديقه مااعتبهاا لاجل كذا بعد الحادث انتقلنا طبعا لجده عشاان ابتعد عن مكان الذكرى الاليمه اما خالد انحكم عليه ثمانيين جلده حد الزنا بالاضافة الى ثمانيين جلده حد الشرب لانه ماكان بوعيه وقت مااعتدى علي عمري مارح اسامح تركي اهو السبب لو مارافق هالي اسمه خالد ماصار الي صار هو الي دخله البيت لا وجا يبي يعمل فيها راعي نخوه ويتزوجني يبي يستر على بنت عمه الي كان السبب في توسيخ اسمهاا ترن ترن ترن <<التلفون الداخلي رفعت السماعه : هلااا مريم : اهليين اقول انزلي ترى حطو القهوه بسرعه لاتنزل جدتك وتفضحناا جاوبتها : خلااص الان نازله مع خالص ودي
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#14
08-27-2010, 05:38 AM
| ||
| | ||
| امريكاا (شيكاغو ) اخيرا جلس ع الكرسي ليرتااح صارله وقت وهو يركض * بــــــــــــــــــــــنــــــــــــــــــــــــــ در * معقول لي سااعتين اركض ولا حسيت بالوقت لهالدرجه احسااسي بالزمااان توقف مااتوقعت اني رح اعطي هالموضوع أي اهتماااام ..!!! رجعت فيه ذاكرته لوقت مو بعيد قبل يومين تحديد بالضبط الساعه 12 الظهر كان راجع من الجامعه مخلص المحاضرات بدري شووي ما ان دخل شقته الفخمه حتى رن التلفون ركض له بسرعه بندر: hello تركي : السلام عليكم بندر بفرح : وعليكم السلام والرحمه هلاا والله بابو محمد تركي : خخخخ شكلك انت الي رح تصير ابو محمد قبلي بندر : ليه ناوي تعنس تركي : خخخخ لا بس انت الي خنتني وخليتهم يخطبولك كذا يابندر من غير ماتقول لتركي اخوك حبيبك صديقك بندر كان متفاجأ : هااااي انت يالحبيب اشفيك مخرف أي خطوبه أي بطيخ ؟ تركي : علينا هالحركااات ياباابا كل شي باااان بندر : اقول تركي انعدل بالطيب عن أي خطوبه تتكلم ؟ تركي بجديه : خطوبتك من حناان بنت عمي بندر: ومن قال اخطبوهاا ؟ تركي : بندر اشفيك الوالد خطبهاا لك مو انت قايله هالشي ؟ بندر : لاا انا اصلاا وين كلمته لي اسبوعين ماسمعت صوته تركي: شلون امس ابوي مكلم عمي قدامي وقاله ترى بندر يبي حناان بندر : تركي لو هذا مقلب تراه باايخ ساامع تركي : بندر هالمواضيع مافيها مزح بندر معصب : شلون ابوي يسوي كذا ؟ ليه يخطبلي من غير لا يسألني عن راي شنو قدامه بزر يمشيه على كيفه ؟ تركي : بندر هدي اعصاابك يااخوي مايسوى عليك ؟ بندر : ايش اهدي اعصابي انت بعد تستهبل تركي : بندر لا يكون ناسي اني اخوك الكبير تكلم معي باحترام بندر : تركي انا اسف بس الموضوع مو هين هذا زواج عشرة عمر تركي : انت معترض ع الزواج او ع البنت بندر : ع الاثنيين تركي : اعتراضك ع الزواج وفهمنااه ماتبي تفقد حريتك ومسؤوليه ودراستك وهالشغلاااات لكن اعتراضك على حنان شسببه ؟شايف عليها شي سامع عنها شي لا سمح الله ؟ بندر : انا لو سامع او شايف كان ذبحتهاا من زمان لا تنسى هذي تربية عمك عبد الله بس ...... تركي : ياخي طفرتني بس شنو بندر بضجر : اووف منك يااخي اتذكرهاا من كنا صغار عربجية وماكانت بنت ابداا تذكر يوم ماكانت ترووح معانا المقنااص بالله في بنت تحب القنص ياارجال تركي : ايه في عروس المستقبل بندر : ياثقل دمك تركي : بتكلم ابوي ؟ بندر : ابوك ماكلف عمره يشاورني تبيني اروح له بكل بساطه اقوله بنت اخوك ماابيهاا ؟ مو عاجبتني ؟ تركي : تبيني اكلمه ؟ بندر : لا والي يعافيك خله راضي عنك لا يغضب عليك والسبب انا تركي : بعده زعلان منك ؟ بندر : اجل ليش يبيني اتزوج ؟ تركي : وهذيك الملقوفه كان لازم ترد بندر : حظ اخوك الاقشر تركي : ايش يدريك يمكن البنت ترفض ؟ بندر : مااعتقد مع اني اتمنى تركي : اقول بندر ترى اخرتي والمكالمات غاليه ياللا مع السلامه بندر : خخخ مع السلامه رفعت راسي صحاني من حلم يقظتي صوت احمد صديقي وانيسي في غربتي احمد اماراتي يدرس معاي تعرفت عليه بيوم التسجيل في الجامعه من خمس سنيين وندرس الماجستر سوىسكنا بنفس الشقه لمدة ثلااث سنيين بعدها الحبيب تركني وسكن بالعمارة الي جنبي لانه تزوج وصار عنده بندر صغيروون احمد : شتسوي هني كسرت البااب وانا ادق عليك جاوبته : تعرفني مااستغنى عن رياضة الصبح قالي : بس اليوم مبكر مو عادتك ...سكت شوي ....اعتقد انك تفكر بموضع العرس رديت : ااااااااااااه صدقني مانمت طول الليل وانا افكر قال : انت ليه تقدم الشر ياريال تفاول بالخير قلت : عمر يماتخيلت اني بتزوج بهالطريقه سألني بمزح : لا يكون الاخ كان ناوي يعيش قصة حب قبل الزواج قلت له : تعرف ان هذا عمره ماكان تفكيري قال : اجل شنو الطريقه الي كنت ناوي تتزوج فيهاا قلت له : يااخي اختار صفاتها اشوفها عجبتني قلت ايه ماعجبتني يفتح الله لكن مو وحده مفروضه علي فرض مااقدر اقول زينه ولاا شينه يااخي انا شكلها حتى مااعرفه كل الي اذكره عنهاا طفله عمرها 12 سنه سالني : كانت مزيونه ناظرته بطرف عيني : هذا سؤال بربك جاوبني : الا هذا اهم سؤال بحوارنا قلت له بسخريه : ليه ان شاء الله رد : لانك بتعرف فيه مواصفات عروسك سالته باستغراب :شلون يعني جاوبني : شوف يالحبيب اذا كانت وهي صغيره شينه فاكيد بكبرها بتكون اشين او بنفس المستوى اما اذا كانت مزيونه فالزين يزيد يوم عن يوم ساعتهاا ضحكت بصوت عالي بصرااحه احيان مااادري شلون يفكر انقلبت ملامح احمد للجديه وقالي : اسمعها مني يابندر انا بحسبة اخوك ومابينا أي اسرار يوم خذت ام بندر ماكانت شرات ماابي حتى المواصفات الي ابيها ماكانت فيها حتى التعليم مافيه تكافىء مثل ماتعرف اهي بنت عمي ومن صغيري محيره لي فشي طبيعي اكبر اخذها تقريبا كنت مهيأ نفسي للفكره بعد زواجي منها وعشرت الايام تعلمت شلون احبها تعلمت ان الي يحب بيتغاضى عن كل عيوب حبيبه وبيشوف حبيبه ياكثر ماكنت احاول اغايضها اطلعها عن طورها عاملتهاا بجفى واايد الا انهاا ماسوت مثلي كل ماصديت اقبلت وان اقبلت تغلت اللحين الان ماعندي احد يسواهاا ابد قلت له : الله يهنيكم ان شا ء الله ام بندر مره والنعم فيهاا انا اشهد انها بنت رجال قالي : مو كانك طايح غزل بحرمتيه رديت اغايضه : وناسي اني حسبت اخوها قال : لا مانسيت تعجبني يوم تهددني فيك خخخخخ شديت اذنه بخفه : ايه اعرف ان وراها ظهر ولا تغرك الغربه ترى ان اشتكت لي منك لنت صاحبي ولا اعرفك قالي : المهم الان اقتنعت قلت له : شوف يابو الشباب اعترف كلامك حلو ومقنع ونوعا ما تقبلت فكرة العرس لكن الحب اتوقع صعب خصوصا انها مو من النوع الي يعجبني شخصيتها قوويه واايد وطبعهااا طبااع رجاال تصدق الوالد يوم كان يطريها قدامنا مايقول الا ولد عبد الله she`s not my type رد علي : زين و your type شيطلع ؟ جاوبته : ابي وحده تكون قدمي مره بمعنى الكلمه كلها رقه وانوثه وحده كذا مدري شلون بس انت اكيد فااهم رد علي: ياخي انت الكلام معك ضاايع لكن تدري مارح يجيب راسك الا هالبنيه قلت له : ماجبتها امهااا الي بتجيب راسي قالي : انت موذابحك الا هالغرور سالته : وليه مو ثقه بالنفس ؟ قال : لان الثقه الزايده عبط قلت له : مالت عليك وعلى الي مصاحبك قوم بنتأخر ع الجامعه نرجع لارض السعوديه الرياض بمبنى الشركه العائليه بالرياض * تــــــــــــــركــــــــــــــي * كان جالس بمكتبه ولسى كلماتهاا ترن باذنه " لو انت اخر رجااال بهالكون ماخذتك" معقول لهالدرجة مو طايقتي يانور وانا الي امني نفسي فيك قلت عقب مافكيتي خطبتك بتقبلين فيني لكن اهاااااااا لو دريتي بغلاك عندي كان عذرتيني اتذكر يوم ماانولدتي ورحنا لامك المستشفى يومتها حطوك بيدي بعد ماذبحتهم وانا اسأل وين النونو وينه كنتي صغيروونه واايد ووجهك احمر عيونك صغاار جلست اناظر فيك واتاملك سالتني جدتي عجبتك البنيه رديت عليهاا : ايه حلوه قالت : خلااص هذي لما تكبر بتصير حرمتك شرايك ابتسمت وهزيت راسي بالموافقه وعشت على هالحلم عمري كله لكن الصد واااه من الصد حسبي الله على من كان السبب خخخخخ شكلي جنيت اكلم نفسي ترن ترن ترن ...........هلاا يااسر ياسر : استاذ تركي عمي عبد الله بره يبي يقاابلك تركي عمي دخله شتستنى ركضت الين البااب وفتحت بنفسي عمي شتسوي هني اقصد ليه مادخلت على طول رد علي : قلت لا تكون مشغول واعطلك رديت : افا ياعمي مافي شي اهم منك دخلناا مكتبي صبيت له فنجان قهوة وجلست قباله قالي : تركي انا ابيك بسالفه ياوليدي قلت له : امرك ياااعمي صار شي بالشغل قالي : وانت كل تفكيرك بالشغل قلت له : وانا شعندي غيره قالي : شوف ياتركي انا حسبت ابوك وتعرف شكثر اغليك واعزك تفاجأت من كلام عمي عرفت ان الموضوع مهم ولا ماقال هالكلام كمل : شوف ياتركي انا الله مارزقني عيال ورزقني باربع بنات يسون عندي ملاايين الرجال قلت : والنعم فيهم ياعمي بناتك ماعليهم زوود قالي : ينعم بحالك ياوليدي شوف كل اب يحلم بانه يزوج بناته ويامن مستقبلهم انا الله عطاني المال والحمد الله اعرف لا غابت عيني بناتي مارح يكون قاصرهم شي لكن اعرف ان زي مافي نااس زسنه اعرف ان الشين ملياان وانهن بيكونون مطمع للكل قلت له : عسى عمرك طويل ياعمي واحنا وين رحناا قالي : اسمع ياتركي ولا تقاطعني ياولدي حناان انا مااخاف عليهاا هذي الرجال الي مارزقني الله فيه ليلى عاقله والطب ماخذ فكرها مريم اعرف ان محد بيقصر معاها وحتى صغر سنهاا الاانها قويه وماينخاف عليهاا هذي تربية حناان خوفي كله على نور اعرفها ضعيفه وماعندها القوه الي عند خواتهاا طيبتها سلاح ضدهاا واعرف انهاا مارح تلقى الرجل الي يستاهلهااا شفت جربنا فهد وكيف كانت النتيجه تركي الرجال مو عيب انه يخطب لبنته الي يستاهلها ويشوفه كفو لهاا ويشهد الله انه لو غيرك مافتحته بالموضع شرايك ياتركي تاخذ نور استغربت من كلامه مااتوقعت يوم ان عمي يسويها ويعرض علي نور نرو الي مو بس احبهاا الا امووت فيهاا قلت لعمي : عمي طلبك هذا على عيني وراسي لكن طلبك هذاامااقدر اقبله مو نقيصه ببنتك لا سمح الله لكن ياعمي انت ماترضاها علي اخذ وحده عايفتني قال: ومن قال انها عايفتنك قلت له : انت ناسي اني خطبتها وهي رفضت قالي : الي صار لها مو قليل خلاها تكره الرجال وانا ضامن لك موافقتها سالته : رح تغصبهاا ؟ قالي : رح اقنعهااا قلت له : بس ياعمي انا ماارضى اخذها وهي ماتبيني قالي : وان ترجيتك قلت له : عمي شهالكلاام شنو تترجاني انا عصاك الي ماتعصااك لكن هذا زواج ...... وقف من مكانه اتجه للشباااك المطل عالرياض وقالي : اسمع ياتركي انا ايامي خلااص صارت معدوده بهذي الدنيا انت تعرف اني رجال عنده القلب وابي اطمن عليها قبل موتي وانا اعرف شكثر انت تغليهاا وتحبهااا ولا ياوليدي مافي رجال يخطب مره مرتين الا اذا شاريهاا قلت له : انا موافق يااعمي قولها اني ابيها على سنة الله ورسوله عمي ابتسم وقال : الله يريح قلبك ياتركي خرج عمي وتركني بحيرتي مدري ليه وافقت هل هو نزول لغربة عمي او رغبتي الحقيقية بقرب نور ؟ يتبع
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#15
08-27-2010, 05:39 AM
| ||
| | ||
| يا دمعة عيني في فرحي و دمعة عيني في أحزاني.. يا حب تالي العمر اهلا نطرته سنين لي جاني.. بشيلك في وسط عيني يا أغلا حب لاقاني ... و فقلبي يا فرح قلبي و شبابي اللي رجع ثاني ... +++++++++++++++++ مايدرون ايش صار لها دخلت عليهم فجأة البيت واركضت لغرفتهاا ارتمت ع السرير دفنت راسها بمخدتها * نــــــــــــــــــــــــــــور* اه ليه هذا يصيرلي ليه ياااربي ؟ مو معقوله هذا شيبي مني ؟ ليه كل ماقلت بنسى يرجع شي ويذكرني فيه ليه ؟ اتذكرت كلاام ابوهاا او بالاحرى صدمته لها !!! ابو نور: اسمعي يانور انتي الان ماشاء الله كبرتي وشفتي اختك اصغر منك وبتتزوج نور : يبا وفر الكلاام انا شايلة هالموضوع من دماغي ابو نور : من غير ماتعرفي العريس من يكون ؟ نور : ماايهمني ابداا ابو نور : اسمعي يانور الي خطبك تركي ولد عمك وانا عطيته كلمتي نور الي انصدمت وماقدرت تقول شي الا ان دموعها انهمرت على خدها كمل ابوها كلاامه من غير أي اهتماام لدموعهااااا : نور يابنتي انتي كبرتي وصرتي ماشاء الله عليك الكل يشكر بعقلك وتربيتك وانا ابي اتطمن عليك قبل لا تغيب عيني الزواج ستر لك ويابنتي المره بالدنيا لازم يكون لها سند ومايسندها غير رجلهاا وانا لو مااشوف تركي كفو لك ماكان وافقت عليه ابداا تركي يحبك يانور وشااريك جاوبته من وسط حرقتهاا : هو مايبيني لانه يحبني يبه هو يبي يكفر عن ذنبه صرخ بوجهااا ابوها : بس ياانور لاتلومين الرجال على شي اهو ماله أي ذنب فيه سامعه ماله ذنب ويكون بمعلومك عرسك بيكون قبل عرس حنان يعني بعد شهر من الان سمعت صوت طق على بااب حجرتهاا عرفت ان مافي غير شخص واحد ممكن يتجرأ ويقتحم خلوتهاا هو نفسه الشخص الوحيد الي تقدر تقوله كل شي من غيره أي شرط من غير أي قيد وهو نفسه رح يكون صوت المنطق بالنسبه لهاا * حــــــــــنــــــــــــــــــــــــان * كلنا اتفاجأنا من دخولها علينها ودموعها على خدها كانت قبل شوي مافيها شي كلها ربع ساعه مع ابوي بالحديقه رجعت معفوسه الحمد الله عمتي ماكانت موجوده ولا جدتي ولا شكانو قالوا ...طبعا عرفنا من ابوي ان تركي خطب نور وانه عطاه الموافقه . بيني وبين نفسي كنت احس بالصدمه اخر شي كنت اتوقعه ان ابوي يتبع معانا اسلوب الغصيبه !! ابوي الي كان يشاورنا بابسط الاشياء جا عند اهم قرار بحياتنا وقام ياثر علينا يمكن ماغصبني لكنه غصب نور ماقدرت امنع نفسي طلعت لهاا اعرف انها محتاجه لي محتاجه تتكلم وشخص يسمع طقيت الباااب فتحت لي كانت الدموع غزت خدودهاا قلت لها وانا اقلد اللهجه المصريه : مال الجميل زعلااان ؟ ماردت علي دخلت وسابتني ع الباااب دخلت الغرفه وصكيت الباااب اتمددت ع السرير بالقرب من مكان جلوسهاا قلت لهاا : تكلمي انا اسمع قالت لي وهي تمسح دموعهااا : ليه كل هذا يصيرلي ؟ سألتها : وشلي يصيرلك ومو عاجبك قالت : ليه كل ماجيت انسى يرجع المااضي ليه كل ماقلت بحط كل شي ورى ظهري يرجع يظهر مره ثاانيه كأن الفرح صار خصيمي والالم رفيقي جاوبتهاا : اكب رغلط ترتكبينه بحق نفسك حرمانهاا من ماضيهاا لا حرمتيهاا من الماضي الغيتي وجودهااا قاطعتني : الماضي كله الم كله عذااااااااااب رديت : اعرف والمناا هو الي يعطي للفرحه طعم هو الي يزين البسمه على شفاناا قالت لي : لانك ماتجرعتي الكااس ....مو انتي الي كل مارحتي مكان لاحقتك انظار الناس مو اعجاب الا اشفاق مصحوب بازدراء البعض يبعد عنك لانه يشوفك اشبه بالقذاره ممكن تنجسينه تذكرين فهد الي كان راعي بناات ومغازلجي وارفضته اخته كانت معاي بنفس القسم بالكليه جاتني ووسط البنات بالمدرج وقالت لي بالحرف الواحد انتي مو تحمدين الله ان اخوي جا وخطبك ولا انتي من يفكر يااخذ وحده زيك عاد من شهامته انهفكر يتنازل وياخد \وحده مستعمله يستر عليك وياخذ فيها اجر وثواب لكنك مو كفوو احد يااخذك اذكر شلون البنات نااظروني باشمئزااز اذكر زين صفعتي لهاا ورنيين الكف الي هز المدرج ابداا ماندمت ع هالشي لكن حتى الان كل ماتذكرت نظراات الطالباات لي حسيت بنار تحرقني شلون تجنبوني شلون حسيت بالالم يوم امر واشوفهم يتغامزون علي زي كذاا سحبت ملفي من الكليه وماكملت رديت عليهاا : يمكن انا مااقدر احس بحجم الالم مهما ادعيت المعرفه لكن اؤكد لك ان هالالم عمره مارح يخف اذا ماقدرتي تقضين على مسببه سالتني : شتقصدين رديت : اقصد القوقعه الي انتي حابسه نفسك فيهاا اكسريهااا واخرجي منهاا عيشي عمرك عيشي حااظرك لاتلغي ماضيك لكن لا تعيشين فيه بحاظرك الي صار ماكان هين لكن اننا نعاقب انفسنا لاخطاء غيرنا او نحمل الغير خطأ مالهم ذنب فيه قمت الظلم لا تسمحين لاصحاااب العقول المرضه انهاا تتحكم فيك وتشكل زي ماتبغي اشكال فهد واخته مليااانين بالدنياا يمكن بصور مختلفه لكنهم موجودين ان سمحنا لهم يعلبون بقناعاتنا رح نخسر وااايد ردت علي بكل الم : ابوي بيزوجني تركي يبي يستر علي اذا هذا تفكيره وهو اقرب المقربين اجل البعاد شلون جاوبتهاا : ابوي زي أي اب بهالكون كله كل امنيته يشوف بنااته ملكات في بيوت رجاجيلهم نور اسمعيني ياقلبي انتي وضعك غير يخلي فرصتك بالزواج انا ماابيك تضايقين مني او تزعلين من كلاامي هذا هو الوااقع الي عايشين فيه مارح يجيك الا ارمل او واحد يبيك ضره او راعي سوابق او مطلق يعين فرصتك بالاختياار وايد قليله نور : الي يسمعك يقول الان تركي مااعرس قبلي رديت : اعرس بس الفرق ان تركي يحب وشااريك ولاتنسين ياانور انه ولد عمك رح يخاف عليك وان مااحب ماذلك نور ضحكة بسخريه: اذا هذا السبب الي يخليني اقبل تركي انه ما رح يذلني ولانه ولد عمي اجل انيت قبلااانه ببندر لنفس السبب جاوبتهاا : ايه ولاني مابغيت اكسر كلمة ابوووي صدقيني انا بدااخلي خاايفه واايد من هالخطوه زواج بشخص مايجمعني فيه الا الذكريات والدم وغير كذا مافي أي قاسم مشترك وفوق كذا غربة احمدي ربك انك بتعيشيني هنااا ببلادك سالتني :ماتعتقدين انه يبي ينتقم مني لاني رفضته رديت عليها : تكونيين غبيه اذا اعتقدتي هالشي مااتوقع ان رجل بعقل تركي واخلااقه ينزل لهالمستوى من التفكير تنهدت بالم وقالت : مااقدر انسى ابد انه السبب في الي صاارلي بصرااحه هني وصلت حدي احس نفسي انفخ في قربة مخرومه قلت لهاا : ربنا يقول :" ولا تزر وازرة وزر اخرى " طلعت من الحجرة وتركتهاا لحااالهااا من غي رمااسمع رد عشاان لا اسوي فيها شي اندم عليه بصرااحه *بعد مرور شهر الموعد المنتظرليلة زواج تركي ونور * ناظرت الحناا الي زينت ايديهااا مو مصدقه ان خلاااص هذي اخر ليله لهاا في فراشهاا في غرفتها في بيتهاا بين خواتهاا امها وابوهاا اخر ليله لها في جده بكبرهااا ماعرفت شتسوووي اطلقت العناان لدموعهااا جاهاا صوت ليلى تنبيه لهاا انها مو لوحدهاا ليلى : نور والي يرحم والديك يكفي دمووع ترى من اول الليل احاول انام مو قادره يجيني الان صوت ونينك نور : اسفه مااقصد ازعج ليلى وهي تنعدل في جلستهاا : انتي ماازعجتيني اصلاا انا زي ماقلت مانمت مااتخيل نفس يوم ادخل هالغرفه ماالقاااك بالله افجع فين في غياااب نور حذفتهااا بالمخده الي صقعت بوجهها : مالت عليك انا قلت بتشتااقين لي اثر تفكيرك كله بالمقالب البايخه ليلى : ههههههههه والله رح اشتقلك وانفتح البااااب بالدفاااشه المعهووده وطلت عليهم حناااان : اااه يالخااايناات سهرة من ورااانااا نور : بسم الله انتي ماتعرفين تفتحين بالبااب زي خلق الله حنان باستعبااط : لا مااعرف شلوون نور : مافي فاايده الله يعين بندر عليك حنان : اذكريلنا شي عدل ليلى : اووف من الان ماتعجبك سيرتهوتعصبين منهاا اجل لا عرستو شبتسووين في الرجال حنان : والله عاد هذا يعتمد ع المزااج نور : بخلي ولد عمي يأمن على نفسه البناات : خخخخخ فجأ توقف صوت الضحكااات وحل مكاانه نظره ذهوووول ماعداا حنااان يتبع
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| للي ناوي يضحك | ♥ βőΛ ♫ | نكت و ضحك و خنبقة | 0 | 08-07-2009 03:51 AM |
| شر البلية ما يضحك ...... | بسمة فوق شفاه ناعمة | أرشيف المواضيع الغير مكتمله او المكرره او المنقوله و المخالفه | 19 | 07-17-2007 01:05 PM |
| كاريكاتير يضحك | ام مريم | أرشيف المواضيع الغير مكتمله او المكرره او المنقوله و المخالفه | 19 | 11-07-2006 07:00 PM |
| (قصة تخلي اللي ما يضحك يضحك )!!!!!!!!!!!!شوفوها | شبيه الريح | أرشيف المواضيع الغير مكتمله او المكرره او المنقوله و المخالفه | 1 | 04-20-2006 03:42 PM |
العرض العادي
