|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#16
08-27-2010, 05:42 AM
| ||
| | ||
| ياغايب عن عيوني خاطري يطريك في كل لحظة عيونك كيف بانساها لو غبت ماغاب طيفك عني وطاريك كنك معي في خفايا الروح واقصاها فجأ توقف صوت الضحكااات وحل مكاانه نظره ذهوووول ماعداا حنااان الي سطحت ضحك ع الاخير * حـــــــــــــــــــــــــــــــنـــــــــــــــــ ـــــــــــــــــان * وااااااااااي ياابطني ماني قااادره امسك نفسي من الضحك خخخخخخخخخخخخخ اول مره اشوفها بهالشكل كخخخخخخخخ قلت لهاا : يمه شهذااااا خخخخخخخخ وفطسوو بعدي نور ليلى امي : شفيكم تضحكوووو شاايفيني مضحكه؟!!!!!!!! حنانووه وجع ان شاء الله على ايش تضحكين ؟؟؟ قلت لهااا : يمه نااظري وجهك بالمراايه رااحت امي للمراايه وانصدمت يوم شاافت وجههااااا!!!! وبعدين افطست ضحك مع بناااتهااااا على شكلهاااا سالتهاا ليلى : يمه من عمل فيك كذااا جاوبتها : هذي مريمووو حسبي الله على ابليسهااا حطلتي هذا القنااع وقالت زين للوجهي قالت لها ليلى : انزين وليه ماغسلتي وجهك ؟ من متى حاطتنه ؟ مي واهي تذكر : عقب ماانام ابوك نور : ويلي يمه ابوي نايم من 11 ناظري الان الساعه 2 الفجر قامت امي اغسلت وجهها بحمام الغرفه (اكرمكم الله ) شوي وان تدخل علينااا مريم كانت شاايله صينيه فيهاا هوت شووكلت ...قلت لها وانا اخذ منهااا الصينيه شنو هالنشااط كله هوت شوكلت مره وحده اخبرج ماتطيقين المطبخ مريم وهي تجلس ع السرير قالت : الي يسمعك يقول الان مسويه مفطح كله هوت شوكلت وبعدين تراه مو عشانك عشاان عروسنا الحلووه نور ناظرتها باابتساامه كلها امتنااات : تسلمين يالغاااليه وبدت دموعهاا ليلى : والليل اللحين ليه تبكين وفري دموعك لبكره اديتها بكس على ذراعهاا : انتي ماتعرفين تتكلمين ليلى : وانا شقلت ؟ قلت لها : جبتي السبب خطا وناظرت لنور بنظرة مكر مريم الي فهمت خطتي كملت على نفس المنوال : ياغبيه هذا كله شوق لتركي نور الي انصدمت من رد مريم : لا والله وطلع للبزر لساان مريم : اذا انا مبزره انتي عجووز ..ومدتلها لساانهاا وجرت خصله من شعرهاااا الطويل نور توجعت واايد : ااااااااي ارويك يالدب وقاامت جرت ورى مريم بالغرفه امي كاانت واقفه عند بااب الحماااام وتناظرنا وهي تضحك على شكل نور ومريم صاارو يدوورون حوليهااااا ومريم تحاول تهرب برى الغرفه لان نور لو مسكتهاا مارح ترحمهااا صار قريبه وايد من عند الباااب نور الي ماقدرت تمسكهاا سحبت طرف الشاااال الي كانت لافته على راسهااا وبمجرد ما وصلت مريم للباب لاحظت ان نور ماتبعتهاا واصوات الضحك توقفت التفت وراها شافت نور واقفه مكانها ماتحركت وبيدهااا شي تعرفه !!!!!!!! نور ومنصدمه من تصرفهاا : انا اسفه والله مااقصد مريم ابتسمت لها وقربت الين عندها سحبت الشاال وقالت : ولا يهمك عن اذنكم امي وقفتهاا : مريم يمه على وين خليك معاانااا مريم : تعباانه يمه برووح انااام وابي اكون بكرة مصحصحه لعرس النوري حتى انتووو لازم تنامو تتركوها تناام قالت عباارتهاا وهي تسحب نور مره ثانيه من شعرها نامي لا تصير عينك منفوخه ويهرب الرجاال ليلى : خلااص مارح يقدر طاحت الفاس بالراس مريم : من قاال طاحت تو الناس بعده ماملك قلت : يبوس ايده وجه وقفا ان النوري وافقت تاخذه امي بس خلاااص كلتو الرجاال اشوف غرفكم يالله قداامي عاد احترمنا انفسنااا ورحنااا كلنا غرفناااااااا الامارات (دبي ) حاط شماغه على كتفه ماسك طرف ثوبه لا يتعثر فيه وشبشبه بدينه (عز الله مقامكم ) دخل البيت شووي شووي عن يحس فيه احد حمدان : الحمد الله ماكو احد الا ان اللنباات اتولعت فجأه وجاه الصوت الي كان خايف منه سلطان : حمدانووه حمدان الي جمد مكانه واعتدل في قامته وبخاطره يقول " رحنا وطي " حمدان : هـ...هلاا سلطان سلطان : لا والله هلاا سلطان تسمح تقلي الساعه كم اللحين حمدان : والله مو لابس ساعه بشوفلك كم الوقت من حجرتي ..وراح باتجاه الدرج الا ويسحبه سلطان من ظهره سلطان : تعالي هني وين راايح ؟ حمدان : بشووف السااعه سلطان : لا مشكور ماقصرت السااعه 3 الفير حمدان : لااااااااااا؟ تصدق توني ادري مشكله يوم الوحد مامعه ساعه سلطان : لا والله تمصخر حظرتك الساعه 3 الفير.. انا ابي افهم انت ماتستح على وجهك ريال شطولك شعرضك وتبي من ينبهك لتصرفااتك انت تشوفهاا عدلة ترد بهالوقت مايرد بهالوقت الا السكاارى اصحااب البلااوي حمدان : انت تدري اني موراعي هالسوالف سلطان : اسمعني سلطانوه احسلك تصطلب بنفسك لا تخليني اتبع معاك معااك اسلوب مارح يسرك انت تسمع حمدان في خاطره "شيفكناا منه الان " اسمعني ياحمدانوه وهذا اخر انذاار لك قسم بالله ان باجر ماشفتك الساعه 8 بمكتبك بالشركه لااسحب السيااره والموبايل حتى مصروف مافي ودورلك حد يعطيك بيزاات حمدان : حرام عليك خلهاا 10 طالعه سلطان بنظره تحرق فقاله حمدان : طيب تسع سلطان نفس النظره من غير رد ....... حمدان اخر محااوله : انزين 9 سلطان : اهي 8 وان زدت عليها خمس دقاايق بيصير الي مايرضيك وانت تعرفني ماارجع بكلميت لو على رقبتي حمدان بصوت واطي : انت تقولي سلطان: تقول شي حمدان سلامة راسك يااخوي سلطان انا بروح ارقد تصبح على خير وانت ارقد وراك قعده باجر وطلع سلطان غرفته لينام سلطان : وين ارقد طيرت الرقاده كله طلع باتجاه حجرته وبخاطره " الله ياخذك يا ثاني كان لازم تاخرنااا مالت عليك وعلي مرابعك شفكني الان من سلطان دامه حطني براسه " شاف نور الغرفه شغال عرف انها لسى صاحيه طق البااب يستأذن عليهاا لكن ماجاه الرد دخل شافها ع سجاادتها رافع كفهاا للسما وتدعي الله ام سلطاان : ياارب ان تهدي عياالي لطريق وتبعد عنهم عياال الحرام وتفرحني فيهم ياارب العااالمين حمدان: اميييييييين ان شاء الله ام سلطان : انت رديت حمدان يستخف دمه : لاطلعت ام سلطان : حمدانوه اصطلب عاااد حمدان بلهجة مصريه وهو ينحني باتجاه امه يبي يحظنهاا : مال الأمر زعلااان احنا مايخلصنااش زعلك ابداا ياجميل ام سلطان وهي تدفه بعيد عنهاا : صك عني حمداان : افاا يمه اهون عليج واناا حبيبك وليدك حمدان اصغر عيااالك ام سلطان : والريم وميثه وين راحوو حمداان : اممم كل وحده ببيت ريلهااا مافي غيري انا هني معاااك وقرقووش ام سلطان وهي تضرب صدرها : يالله سترك من قرقووش هذاا حمدان : خخخخخخ يمه علامك هذا سلطان اخوي ام سلطان : مسود الوجه هذا كلام تقوله على اخوك العود حمدان : مساامحه يمه ام سلطان : رح دارك خلني اوطي راسي شوي قبل الاذن حمدان : طرده يمه ام سلطان : ايه ياللا عطنا مقفااك الصبح الساعه 7:30 *ســـــــــــــــــــــــلــــــــــــــــطـــــــ ـــــــــــان * صحي على صوت المنبه يالله شلون الان بقووم فيني رقااد كله هذا من حمداانوه هذا الولد بييب اخرتي اكيد بعده للحين خايس رقااد قمت تسبحت مريت على حجرة حمدان السموحه اقصد خرابة حمدان طقيت البااب ماكوو رد رديت وطقيت ثاني مره محد رد علي فتحت البااب المشهد الاعتياادي الكنادير بكل مكاان تلقاهاا مكتب الكمبيوتر مزبله بصرااحه هذا الولد شلون عايش بهالعفن مو عارف شقيت طريقي الين ماوصلت اخيرا الشبريه رفعت الغطاا بس مالقيت احد استغربت الصراحه ...هذا وين رااح ؟!!!!!!!!! نزلت تحت الصاله لقيت الوالده تقهوى حبيتهاا على راسهاا :السلام عليكم الوالده : وعليكم السلاام سالتها : يمه وين حمدان ردت : اخوك من السااعه سبع وهو طالع سالتهاا : وين راح ؟ جاوبتني : الشركه فتحت اعيوني مو مصدق الي اسمعه حمدان طلع الشركه مستحيل اكيد قص على امي وراح ينام عند واحد من ربعه يعرفني ان صحيت وهو راقد بغسل شراعه استاذنت من امي وطلعت باتجاه الشركه اول ماوصلت ناظرت ساعتي كانت ثمان ونص وقلت بخاطري " ياويلك ياحمدان وسواد ليلك ان مالقيتك " على طول اتجهت لمكتبه فتحت البااب من غير لااستاذن شفته لاول مره من زماان ماقعد ع المكتب اووووبس اقصد نام ع المكتب قربت له طقيت ع المكتب لكن لاحياة لمن تناااادي زدت الطق ع المكتب حمدان بصوت كله نوووم : انزين يمه شوي شووي صرخت عليه : حمداااااااااااااااااااااااااااااااانوه فز من نوومه مخترع ع الاخيروقام وقف على حيله كنت بضحك على شكله لكن مسكت نفسي قلت له : غسل ويجهك والحقني ع مكتبي حمدان : ان شاء الله عشر دقاايق وهو في مكتبي رتب شكله قلت له : اجلس لا تتم واقف على راسي يلس الين ماخلصت الملفات الي بديني سالته : انت ياي الشركه ليه قالي : انت الي قلت امس رديت عليه : يعني ييت بس لاني قلت لو ماتكلمت ماكان شفت رقعت ويهك تم سااكت عرفت ان كلامي ماعجبه قلت له : حمدان انت عمرك اللحين 23 جامعتك وخلصتهاا الان صار لازم تجابل شغلك هذا حلاالك ولازم تعرف شلك وشعليك حمدان جاوبني : انت وين رحت قلت له : افهمني يااخوي اليوم اناا فووق الترااب باجر تحته من يدري شيصير لك بغمضة عين ماابي يصيرلك الي صارلي عقب الوالد الله يرحمه حمداااان : جعل يومي قبل يومك لاتقول هالكلاام يا سلطاان ابتسكت من نبرة الخوف الي سمعتهااا بصوته : بسم الله عليك يااخوي انت توك شبااب انا خلاص راحت علي حمدان : الاعتراف بالحق فضيله انفجرت انا وياااه ضحك قلت له : الان عطني مقفااك بشوف شغلي سالني : انزين انا شسوي قلت له : روح البيت ناام لا يشوفك الموظفين نايم على مكتبك ومن بكرة تبدأ دوامك سااامع ابتسم لي :يخليك لي يااخوي وحبني على رااسي وطيراان ع البيت رجعت غرقت في كووم من الملفاات الي مالها نرجع للسعوديه الحبيبه (جدة) في قاعة الافرااح مشغول قد شعر رااسه يتاكد من كل شي بنفسه العشااء الضياافه ع الطاولاات حتى الكوشه تاكد من زينتهاا حاسس نفسه فرحاان واايد اخيراا بتصير نور له وحده كلها سااعااات رن تلفوونه رف يشوف من كان ابوه : هلاا يباا تركي: وينك فيه رد عليه : يباا انا بالقاعه اتاكد من التجهيزاات ابوه : حسبي الله على ابليسك من ولد اقول مو نااوي تملك ان شااء الله تركي : الان ؟!! ابوه : لا بكره اكيد الان عرسك مابق يعليه الا سااعااات اسمع تروح الان الفندق بدل ملاابسك وجيب المملك وتعاال ساامع تركي : ان شاء الله رااح بسرعه اخذ له شااور بسرعه طاالع بدقنه : يووه يبغاله تضبيط ..مايخاالف اضبطه بالليل وصل لبيت عمه معاه المملك دخل المجلس الكل يباارك له حظرو كل الاهل من الريااض لزواج تركي ونور .. تركي كان متشقق من الفرح اخيرا نور صارت حرمته حلم الطفووله اخيرا تحقق على النقيض تماام نور كانت في حاله من الاكتئاااب الحزن الي تحاول تخفيه بابتساامه مصطنعه عن تاكلهاا جدتهااا ولا تسمع نغزات من بقية افراد العائلة الكريمه بعد ماوقعت ع الورقه كانت يدهااا ترتجف بحجرهااا قربت منهاا حناان حطت يدهاا على يد نور وضغطت عليهاا توقفها عن الرجفااان : اهدأي الجزء الصعب راااح خلاااص ماله داعي هالتوتر قالت لها نور: احس نفسي وقعت على ورقة وفااتي حنان نهرتهاا : لا تقولين هالكلاااام الا شهادة ميلاادك الجديده انساانه جديده انولدت للحياااة استقبليها بفرح بتفاائل نور بتشاائم : اخاف تنتهي قبل لاا تبتدي حنان : البداية دووم صعبه ولابد من التعثر لكن هذاا مايعني النهاايه ابتسمي الان مع خالص ودي
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#17
08-27-2010, 05:51 AM
| ||
| | ||
| يمطر لغيري من حنانك سحـابـك ويــموت قـلبي ظامي بين ايـاديـك رجيت عطفك بس طال الرجا بك لين انقطع باليأس كل الرجـا فـيك صار وقت الظهر الكل صار بحالة استنفاار !!! خبركم عرس يعني صوالين فسااتين وحووسه وزنبليطه البيت اخيرا فضي مابقي الا العرووس وامها وعمتها وطبعاا هتلر اووه سوري اقصد الجده * نــــــــــــور * دخلت غرفتي ابي ارتااح شووي مانمت امي ابدااا الكل يقول شي طبيعي العروس كذا ماتناام كل العرايس معروف خوفهم شسباابه الا اناا خووفي غير !!! خوف ماني قاادره احطله حدوود خووف احسه رح يدمر مستقبلي هذا ان كان لي مستقبل!!! يااترى مارح يجي اليوم الي يعاايرني فيه تركي بالمااضي ؟! اصلااا انا ماني قاادره اصدق انه بيتزوجني حباا فيني احسااسي يقول شعوره بالذنب او رغبته بالانتقااام مني لاني رفضته او.....او ....او .... فرضيات واسئله كثيره ماالقى لهاا اجاابه .... لفت نظري علبه محطوطه ع التسريحه اول مره اشوفهاا جذبني اللون كانت حمراا واايد ملفوفه بالتل الذهبي فتحت العلبه... كان القااع كله مفروش بورد كان في علبه صغيرونه فتحتهاا لقيت فيهااااطقم ناااعم من الذهب الابيض وبجنب العلبه الصغيرونه كان في مصحف مغلف بالمخمل الاحمر كتجليد واخر شي كان في ظرف فتحته بلهفه ابي اعرف من الي ارسل لي هالهديه لقيتها رساله من اغلى الناس على قلبي كتبو لي اول كلام مني انا حنااان طبعا بحكم السن بسم الله نبدأ احم احم والله ياانور كبرتي وصرتي عرووس تعرفين نور انتي ماكنتي اختي الكبيره ابدا انتي صديقتي المقربه وامي الصغيره واحيان كنت احسك بنتي مدري شلون كذاا بس هذاااحسااسي وصح رح افقد بعد مستودع اسرااري رح افقدك وااايد .. رح افقد رنة ضحكتك رح افقد عصبيتك صمتك حتى سرحانك رح افتقده وااايد !!! اتمنى من كل قلبي يكون تركي يستااهلك وان زعلك تلفون بسيط تلاقيني عندك لا اطلع شياطيني كلها فيه واخليه يشوف النجوم بعز الظهر نور يااقلبي اعطي نفسك فرصه تعيشين حره بلاقيود وصدقيني مارح تندمين ابداا احبك حناان اوووف مابغت تخلص اختك العله هااي نور انا ليلى اسمعي نفس الكلاام الي كتبته حنان فووق ابغى اقوله لك فمافي داعي اعيده يعني مو كثرة حبر حرام التبذير نور رح افتقد وااااايد رح افتقد شريكتي بالغرفه ارح افتقد من اشكيلهاا من اخرعهاا باخر الليل ح افتقد حتى قومتك من النوم مزووعه!! رح افتقد مشورتك وعقلك الكبير الي تجيله ساعات يخبصها بس يظل كبير اتمنى لك التوفيق ان شاء الله واول بنت تجيبينها سميها علي ساامعه اموووت فيك ليلى اخيراا جا دووري مابغو يعطوني القلم هذا كله لاني الصغيره مالت عليهم دبب قووه النوري يااحلى عجيز بالسعودية كلهاا ماخلو لي كلاام اقووله لكن خذيها نصيحه مني حتى لو تشوفيني مبزره لكن احيان المبزره يطلع منهم حكم لاضااق صدرك مالك الا القراان رح يهدي سرك ويريحك واقبلي على حياتك الجديده بتفاائل وقدمي الخير تلقيه ان شاء الله شي بعد ان لعب زوجك بذيله تلفوون اقصه له مع حبي مريم ملحووظه مهمه طبعا الهديه قطاا كلنا دفعنا فيهاا من الي وفرنااه ترى حنانوه شاركت بمكافاتها واناا ومراايم بالمصرووف نتمنى الطقم يعجبك ترى دوخنا البيااع الين مااتفقنا .... وترى الهديه مو بقيمتهاا الهديه بمشااعر من يهديهاا <<نرقع موو وسلاام معطر من قلوبنااا اخوااااتك الحلوااات ضحكت وااايد على اسلوب اخوااتي بنفس الوقت ساالت دموعي مااتوقعت يحملون هالمشااعر لي الكلماات رغم بساطتها وعفويتهاا الا انهاا اثرت فيني وااايد ضميت الرساله لصدري حسيت اني اضم خواااتي وكل تفكيري صاار منصب في كيف رح اقدر على بعدهم ؟!!! يتبع ...
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#18
08-27-2010, 05:52 AM
| ||
| | ||
| في الامارات رجع اخيرا من الشركه تاخر اليوم كانت تنتظره ع الغذا سلطان : السلام عليكم ام سلطان : هلاا يااوليد عليكم السلام علامك ابطيت سلطان : اانشغلت بمشروع عندي وماسيت بالوقت ام سلطان : ياولدي العمر يخلص والشغل مايخلص .. بروح انشب لك الغدا سلطان: تغديتوا ؟ ام سلطان : انت عارف مااقدر اتاخر ع ادويتي واخووك خاايس رقااد سلطان : بروح اقومه ام سلطان : خله بحااله وتعال كل بالمطبخ بالمطبخ جلست معااه ع الطااوله وكانت تناظره وهو ياكل * ســــــــــــلــــــــــــطـــــــــان * كانت يالسه تراقبني وساكته طول الوقت عرفت انهاا تبي ترمس بموضوع لكن مو عارفه من وين تبتدي ..... قلت لها : يمه فيج شي ردت : مافيني الاالعافيه قلت : اجل علامك ساكته ماترمسين مو بعادتك قالت : وليه ارمس وانا اعرف ان رمستي رح تضاايقك حطيت الملعقه من يدي وناظرتها : بترمسين عن شيخه امي : ايه شيخه ياولدي مايصير حرمتك لها شهر عند اهلها وانت ماتسأل عنهاا رديت : يمه شيخه بترد يوم يطيح الي براسهاا امي وماعجبها كلاامي : ياسلطان مايصير هالكلاام وانا عايشه معاكم واعرف شلي يدوور امبينكم ياولدي انت مقصر بحقها تخرج من صباح الله خير وماترد الا حزت الغذا والنوم كانه فندق مو بيت ياولدي حرمتك لها حقوق عليك سلطان بخاطره " اه يومه لو تعرفين سبب زعلهاا " رديت عليهاا :يمه شتبين يعني اودر شغلي واقعد يمهاا سلطان : انا ماقلت شذيه لكن ...اسمع ياسلطان لو لي غلاه عندك روح وراضي شيخه البنيه ماتستااهل سلطان ان شاء الله بروح لهاا بااجر امي بحزم : لا اليوم سلطان : تامرين امر بروحلها ان شاء الله عقب العشاا امي ابتسمت : الله يريح قلبك ياولدي شرات ماانت مريحني خلصت غداي وطلعت حجرتي نمت ماحسيت بنفسي ونشيت العصر رحت اخلص شغلي لجل اروح لشيخه العشا في السعوديه (الصالون ) *مـــــــــــــــريــــــــــــــم * جا دوري اخيرا بوضع المكيااج تعبت وانا استنى مابغو يخلصون الخبيره : شلون فستانك قلت لها : فووشي الخبيره : طيب فيه أي لون ثااني جاوبتها : لااااا الخبيره طيب بس ممكن تشيلي الطرحه لاتنعدم من الفونديشن وعشان كذا رح يكون جزء من جبهتك مو متغطي بلعت ريقي بصعوبه اخر شي محتاجته الان هو خلع الطرحه كله من تحت راسك ياحنان قلت لها ماابي صاالون ولامكياج لكنها ماتسمع قلت لهاا : مو مشكله انتي حطي الان الاسااس وكملي شغلك (سحبت الطرحه الين اخر الجبهه ) استغربت الخبيره بس كملت شغلهاا واثناء وضعها للشدو على عيني : مارح تسوين شعرك ؟ سؤالها مافاجأني لانه كان متوقع : خلي يكون عندي شعر بالاول بعدين اسرحه!! الخبيره مسكينه حسيتها انصدمت من كلامي : عفوو مافهمت شقصدك ؟!! رجعت طرحتي على روى وانكشف رااسي كان املس واايد قلت لها : هذا قصدي انا اعاني من اللوكيمياا واخذ علاج كيميائي وهذي اثاره الخبيره : اسف ماكنت اعرف مو القصد احرجك ابتسمت لهاا : ولا يهمك عادي انا تعودت الخبيره : مأجوره ان شاء الله رديت عليها : امييييين الخبيره : طيب مو معقول رح تقعدي بالطرحه في العرس موو ؟ قلت لها : ايه انا افكر احط اكستنشن الخبيره : كوويس في عندنا وحده خبيره بتركيب التوصيلات رح تركبلك ايااهااا وصدقيني مستحيل احد يعرف انه مو شعرك فرحت واايد لمحاولة الخبيره تخفف عني قلت لهاا : ااوكي دخلت عليناا حنان شافتني بلا طرحه ابتسمت لانها حست انس تخلصت اخيراا من خوفي اني اواجه الناس بدون طرحه قلت لها عن رغبتي بحط شعرفرحت واااايد وراحت تكلم المصففه بنفسهااا بعد صلااة المغرب اخيراا خلصناامن الكوافير واتجهنا للبيت نلبس الملاابس ونروح للقاعه بالسيارة ليلى : اكبر ياللا ودي بيت اكبر : ليلى انيت مايعرف يسوي سلااام انا وحنان فطسنا عليها ضحك مسكينه دوم اكبر يفشلها ليلى : ولا يهمك عمي انا غلطانه حقك علي السلام عليكم اكبر كيسا حال هي ؟ (كيف حالك ) اكبر : وعليكم السلام .خذا شكر هي تم كاسي ليلى : تشي كي قلت : حلوو قلبنا هنود حنان ترطن مع اكبر تعاندي : اكبر ميري بابا كهاا؟(اكبر وين ابوي ) اكبر : مجي معلوم نهي (مااعرف ) ليلى : ميري امي اور دادي ماه ؟(امي وجدتي ) اكبر : ان كر (في البيت ) عاد وصلت حدي لازم اوقفهم لو ماوقفتهم رح يكملون : خلاص عرفت انكم ترطنون فكوني راسي صدع طبعاا انفجرو ضحك علي لانهم متعمدين واكبر مو مصدق يضحك الدووب وحنان تبي تغايضني: يا غصت كسكلي ؟ (ليه هالعصبيه ) سكت مارديت عن انفجر فيهاا وصلنا البيت بدلنااا هدومناا صلينا العشاا واتجهنا للقاعه طبعاا ماسمحت لنا حنان نشوف نور قال سبرايس قاال اذكرت شي وايد ضحكني كنت نازله ع الردج بعد مالبست فستااني وبيدي عباايت جدتي الي كانت بوجهي فتحت عينها ع الاخر سالت وهي متشككه : مريم هاذي انتي ؟ ابتسمت وقربت لها: ايه هاذي انا شرايك اول مره المح الدمع بعيونهاا : تخبلين ياابنتي اقري على نفسك عن ينظرك احد قلت لها : ان شاءالله سالتها : حلو الشعرعلي ؟تخيله لو صدق قالت لي : فيه او من غيره بتمين حلووه الله يشفيك ياابنتي ويجي اليوم الي اشوفك فيه عرووس في خاطري " الجانب الحسن بمرضي ان جدتي حنونه علي اكثر من خواتي الحمد الله " قلت لهاا : امين ويطول لناا بعمرك خلينا نطلع السيااره سالتني : وين ليلى وحنان ؟ قلت لها : حنان بتجلس مع نور وليلى وامي وعمتي بالسياره قالت : اجل مشيناا الامارات *ســــــــلطـــــــــان * بعد العشاء رحت ازور شيخه حرمتي وبنت عمي بنفس الوقت دقيت الرس فتح لي ثاني وهو اصغر من شيخه بسنتين عمره 23 استقبلني بترحيب ثاني : حياالله ولد العم قلت له : الله يحيك شلونك ياثاني قالي : الحمد الله وينك ياريال ماقمنا نشوفك رديت عليه وانا متفشل الصراحه : مشاغل الدنيا قام وقالي : بروح انادي حرمتك ادري جاي عشانهاا ..وهو واصل عند البااب التفت وقاال .سلطان هذا بيت عمك وتجيه باي وقت والي بينك انت وحرمتك مارح يأثر ابد في علاقتنا احنا اهل والدم مايصير ماي ابد ابتسمت له هذا هو ثااني عاقل وراكز مدري ليه اخوي ماخذ من طبعه رغم انه ربيعه من ايام الطفوله بعد نص سااعه دخلت علي كانت لابسه جلابيه ومو متعدله شيخه : السلام عليكم وقفت لها : وعليكم السلام شحالج شيخه ردت علي : الحمد الله شحالك انت ربك بخير قلت: الحمد الله تمينا اكثر من ربع ساعه ساكتين * شــــــــــــيخـــــــــــــــــــــه * ياربي ليه يانا دامه بيقعد ساكت شنو يبي يحرق اعصاابي ولا يعذب قلبي !!!! حاولت اسرق نظرات له طالعت ويهه يااربي عمري ماشفت واحد بحلاوته .. عيونه اللوزيه الي بلون العسل ولا بشرته المايله للسمره جبينه العريض وخشمه الشيوخي .. ويلي رفع نظره انتبه اني اخزه ....ويل حالي من هالبسمه تكوي قلبي كوووي ليتك ترحم حالي يااسلطاان الوقت صاار طوويل ومليت من الصمت وقفت بطلع ايب شي يشربه فشله له نص ساعه ماشرب شي وقفني : وين بتروحين قلت له : بيب لك عصير قال : ماني يااي عسب اشرب قلت له وانا ايلس : اجل ليه يااي قالي يستفزني : بيت عمي وكيفي وقت مابغيت ييت قلت له وانا متنرفزه : اجل شحقه خليتهم ينادون علي قالي : انا ماقلت هذا اخوج الي ناداج وقفت بطلع من الميلس زخني من يديني وقال : انتي على طول جبريت محد يقدر يسولف معج مارديت عليه سحبت يدي من يده كان نفسي احط راسي على صدره واظمه واقوله اشتقت لك بالحيل لكن عزت نفسي منعتني اعق عمري عليه كافي الي تحملته سالني : مابتردين لبيتج قلت له : ارد حق منو ؟ قال : حق عمتج وحقي سالته : انت من صجك تبيني ارد وولا جاي عشان ترضي عمتي مارد علي قلت لها وانا ابتسم بسخريه : كنت عارفه لكن كذبت عمري قلت يمكن حس فيج اخيراا يمكن فقدج ..لكن ماشي فايده انت ثلج ولا عمرك رح تحس حرج علي : شيييييييييخه قلت له : أي شيخه انت ليه جااي بس تبي تعذبني بشووفتك اسمع يااسلطان انا ابي طلاقي لطقنننننننننننني ياسلطان طلقنيييييييييييييييييييييييي اتفاجأ من طلبي وقال : انتي ينيتي أي طلاق الي تبينه قلت له : وليه تبين اقعد على ذمتك ؟ انت حتى الحب ماتحبني ؟تخرج من صباح الله وماترد الا للنوم قولي ليه مو عسب تتفادى شووفتي ؟ قالي : الحب مو كل شي قلت له وانا ابكي بحرقه : الا كل شي اذا ماكو حب ماكو موده ماكو رحمه ليه تعيش مع انساان وانت عايفنه ليه انا ماارضاها على نفسي ياسلطان ماارضاهاا خلنا مثل مادخلنا بالمعروف نفترق بالمعرووف قالي : انا مو بعايفنك يابنت عمي ولاتنسين مامر ع زواجنا سنه وانتي تبين الطلاق قلت له باصراار : ايه ابيه ولاتقول كلام الناس هذا اخر همي سالني : انتي شاورتي هلج بكلامج قلت له : هذا شي يخصني والقراار بالاول والاخير لي اناا وحدي قالي: شيخه اناا شاااريك قلت له : وانا بعت قالي : بهالسهوله تقولينهاا قلت له وانا احاول استجمع قوتي : لو كنت بمكاني كان سويت هالشي محد يقبل على نفسه عيشه الغصيبه سالني : اغصبوج اهلج علي قلت بخاطري " غصبني قلبي عليك " قلت له وانااضحك بسخريه : انا الي مغصوبه او انت سلطان اشوفك قمت تنكت حرج علي : انا مافي احد يغصبني قلت له : الا بالعرس انغصبت غصبتك ذكرياااااتك غصبتك اليازية شفت نظرت الذهوول بعينه قالي : ...................
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#19
08-27-2010, 05:53 AM
| ||
| | ||
| لولا العذاب اللي أنا فيه ما كان عيني هلت الدمع هتاف ولا كان قلبي بيحترق فيه ولابيصيب نبض القلب رجاف لكن العذاب قلبي إتعود عليه وذاق منه طعم و مر الأحساف وبات قلبي دايم الهم طاريه وكن الفرح فدنيتي ماله أطياف قلت له : الا بالعرس انغصبت غصبتك ذكرياااااتك غصبتك اليازيه شفت نظرت الذهوول بعينه قالي : الياازيه ؟!!!!!!!! قلت له بكل حرقه : ايه الياازيه ..الياازيه ... قالي : ليه تحيين الي ماات قلت له : لو ماات كان هذا حالناا اقراااب واغرااب قالي: انتي توهميين ابتسمت بسخريه وقلت له : اتوهم .؟! يجوز ليه لاااا !! انا موافقه ع رمستك اناا توهم بس ابيك تحط عينك بعيني وتقولي انك خلااص نسيت الياازيه حط عينك بعيني وقولي انك مااتذكرهاا قولي انك مو عاايش على ذكراااهاا قولي انك مااتشوفهاا فينني قولي القصاايد حق منو تكتبهاا ؟ حق منوو ؟تحلم حق منووو يااسلطااان ؟!!! هزني من اكتاافي وصرخ بويهي : الياااااازيه ميييييييته تفهمين شنو يعني ميته ؟! صرخت بوجه قلت له : ماااات الجسد لكن ذكريااتهااا احلامهاا هي بكبرهاا عايشه بقلبك مااماااااتت انت معي وفكرك كله فيهاا جاتني صفعه قويه منه الغريبه مابكيت .... حطيت ايدي ع خدي : لهاالدرجه رمسي عنها يعذبك ؟! هالكثر تحبهااا...ليت لي نص هالحب كان سكت وماشكيت سلطاان قالي وهو محرج : لاترمسين عنهااا قلت لهاا : وليه لاارمس وانا اشوفهاا بكل مكان بحناك الي مطر لغيري وتبخل فيه علي في اهاااتك في ضحكااتك حتى حرووف شعرك ...وعديت له ابياات قدرت أنساك في وهمي وفي الواقع تعبت أنساك قدرت أنساك في بوحي وفي صدري ألم ناداك أنا اللي كنت لك وحدك وضعت اليوم من بعدك وخى عيونه الارض وتم سااكت قلت له : سلطاان انت ابد ماحبيتني ولا اعطيت عمرك فرصه تحبني عشت بعالمك الخااص عاالم لك ولليااازيه عاالم اناا ابداا مو جز منه (وخنقتني العبره لكن رصيت على عمري عن اضعف اكثر قداامه ) انت الشي الوحيد الي خلاك تاخذني هالوجه ...وجه الياازيه رفع بصره نااظرني مو مصدق رمستي كملت ايه وجهي انت تشووفهاا فيني تشوف اليازيه ماتشوف شيخه ..تعرف انا قمت اعااف هالوجه لانه يذكرني بخياانتك......... قالي : خياانه؟ قلت له : ايه خياانه خنت حبك للياازيه بزواجك مني وخنتي مع ذكرااهااا تم سااكت قلت له وانا طالعه من الميلس : اللساان يكذب لكن العيون فَضْاااااااااااحه.......... فَضْاااااااااااحه يااسلطاااااان .. انطر ورقة طلااقي طلعت من الميلس دخلت حجرتي دفنت راسي بالمخده بكيت حرقه... وبكيت الم بكيت ع فرااق الحبيب ....وبكيت من مراارة خياانه .... انا استااهل ...انا استااهل ..ليتني ماحبيته ليتني ماقلت ايه ليتني ماخذته ....... اخ يالياازيه حرمتيني منه وانتي حيه وحتى بعد موتك ماصار لي ...ااااااااااااااااااااه رجعت بذاكرتي خمس سنيين ورى يوم جااء تركي بيتناا هو وعمتي استغربناا الزيااره لان بالعاده عمتي ماتاخذ موعد ولزمت يكون ابوي موجود !! اذكر شلون كناا متوترين مو عارفين سبب الزيااره ومن بين كل توتري كنت فرحاانه واايد اني بشووف سلطاان ...حبيبي الي احتفظت بحبي له سر بيني وبين نفسي ومابحت لحد ابد عنه حتى اليازيه توأمي ماقلت لهاا .... بعد ماطلعو قوم عمي من بيتناا جمعنا ابوي وقالناا ان سلطان يااي يخطب الياازيه !!!!!!! اتذكر شلون انصبغ وجهها حياا وشلون وقامت تركض لحجرتناا وانا اسمع صوت خواني يبركون لهاا وخوااتي مستانسااات الكل فرحاان لها بتاخذ سلطااان الريل الي تمناااه كل البنااات بعايلتناا اخلااق وجماال وفلووس اناا وحدي ماحسيت بالم حسيت بحسره حسيت بخنجر طعني بالظهر شلوون شلووون يخطبهاا وانا ؟! انا الي احبه ..معقول مااحس فيني؟!... خطبهاا ليه؟ شتفرق عني ؟! احناا توأم ..شفيهاا زود ياسلطااان ..انسحب من اليلسه وطلعت حجرتي شفتهاا على سريرهاا وضاامه دميتها الدب بصدرهاا اول مادخلت ركضت علي مسكت ايديني وداارت بي وقالت ؟اخيراا ...اخيراااا انخطب لاا والمعرس سلطاان ...بصير حرمته وبيصير ريلي ..بيصير حقي انا وحدي .... سألتهاا : تحبينه ؟! جاوبتني : ارتااح له وااايد وتعجبني شخصيته والحب بعد الزواج ماقدرت احبس ادموعي سالت على طوول ناظرت دموعي سالتني : ليه البكاء ؟ لايكوون تحبين سلطاان ؟ خبطتهاا خفيف على ايدهاا وقلت لهاا : يالسبااال هذي حزن لفرااقج وفرح لج واجبرت نفسي ع الابتساام وضميتهاا لصدري بخاطري" ااااااخ لو دريتي عن اللي في قلبي ااااااااخ يااسلطان تمنيتك لي وصرت لغيري " وجاء يوم عذاابي ...يووم العرس... شفت الفرحه بعيون اليازيه والشوق بعيون سلطاان ....وعرفت كيف الموت وانت حي ... حسدت اختي بذاك اليوم وبنفس الوقت دعيت لها بالسعاده والتوفيق جاني الخبر يا صاحبي واظلم الكون قدام عيني ثم نطقت الشهاده على العموم اقولها الف مليون مبروك من قلب شكاله بعاده مبروك لا يهمك سواليف وضنون من عاشق يهديك فرحه فواده سو الفرح اليوم وابليس ملعون والى يشب النار يجني رماده انا اول العالم على الصاله يلفون اول معازيم الفرح والحداده *في السعوديه* *نــــــــــــــــــــــور * اووف اخرا خلصت شعري ذبحتني ... الان شبيلبسني هالفستااان ؟!! ناديت حنان تسااعدني ومااقصرت و بعد جهد خلصت لبسي قالت لي : وااااااااااااااااااااااااااو نوري طالعه حلوووه قلت لهاا : يعني انا من اول شينه؟ ضحكت علي وباستني ع خدي : الا انتي شيخة الزين قلت لها : ايه رقعيهاا حنااااااان : خخخخخخخ انتي لايهمك رايي الااهم راي زوجك رنت الكلمه بادني زووجي وبدأت الافكار تجي وترووح وقلبي يدق بسرعه قلت لحناان امنعها تكمل : تكفين مو ناقصني قلق حناان : هههه قومي قومي اكبر تحتت بنرووح القااعه وصلناا القااعه دخلت للغرفه المخصصه لي وبدأت المصووره باخذ الصور ذبحتني اضحكي ..اوقفي ...اجلسي...بغيت اذبحهااا عند الرجاااااال تركي كان جالس بالبشت الاسوود بصدر القاعه والكل يباارك ويسلم عليه وبما ان العرس بجده لازم يكون فيه طرب والدنيا كلهاا ربشه شاف شخص جااي عليه ماصدق عينه قال اكيد يشبه وقف قدامه الشاااب بقامته الطويلة نسبياا ..وكان هوو *تـــــــــــــركي * وقف قداامي ماصدقت عيني ان هذا هو يالله شقد تغير بهالسنه كبر ضميته لصدري كاني اضم ابني مو اخوي قلت له : اشتقت لك واااااااااايد بندر : وانا بعد مبروك ياابو محمد ابتسمت له : اشوفك كبرت بندر ضحك : انت كل سنه تقول هالكلااام سألته : سلمت ع ابوي وعمي بندر : ايه نعم شفتهم وسلمت تذكرت شي: انت مو قلت ماتقدر تجي الا عقب شهر قالي : انا اخذت اجازة اسبووع مااقدر افوت عرسك ابتسمت له وقلت بمكر : عرسي ولا تبي تشوف العروس قالي : هذا اخر شي يهمني قلت له اغير الموضوع لاني حسيته تضايق : امي تدري انك جيت ؟ قالي : لا مااتدري بخليها سبرايس لهاا شوي ونادوني عشاان اتصور مع نور كان نفسي اروح لهاا ركض بس عااد استحيت شيقولون علي مشفووح *نــــــــــــــور * طلبو تركي يجي يتصور معي ترجيت حناان انهاا تقولهم ماله دااعي : حناااان تكفين ماابيه يدخل اخاف يصير فيني شي قالت لي : نور شفيك مجنونه انتيايش اقولهم ولله اختي ماتبي زوجها يدخل قلت لها بترجي : حناان خاااااايفه والله خاااايفه قالت لي : ترى هو تركي مو وحش سمعنا نحنحه عن البااب عرفناا انه جاا قلت لها بعفويه : حنان شيلتي ... حنان طالعتني وهي خلاص طفشانه مني : لا والله شرايك اجيب العباية والنقااب يكون احس واريح لك ..نور هذا زوووجك *حــــــــــــنـــــــــــــــان * لبست برقعي وعبااتي لان تركي دااخل حاولت اطلع لكن نور حلفت ماتقعد بالغرفه معاه لحالهاا وبما اني اعرف زين انهاا رح تسويها استسلمت دخل عليناا تركي كان مستحي واايد حتى انه مااسلم قلت له : هااااااااااااااااااي يالاخو ترااك داخل على مسلمين حسيته تفشل مني يااحراام ونورايل كانت ترتجف ابتسمت ع شكله تركي : انتي لازم تفششلين الواحد السلام عليكم ارتحتي عمتي حناان قلت له : ايه ياوليدي وعليكم السلااام وجلست ع الكرسي الي جنب المصوره وقلت له تعال تصور مع حرمتك وخلصناا اقرب لاتسوي فيها مستحي اعرف ان ودك تنط جنبهاا نور طالعتني بنظره معناهاا شتهببين انتي لكن طبعا عملت نفسي ولا شايفتهاا ....تركي ضحك ع اسلوبي ونظراات نور قلت له : لااا اشوى تعرف تضحك قالي يفشلني الدب : انت عليك لسان الله يعين اخووي فشلني الدب ماعرفت شقوووول طلبت المصوره يقربوون من بعض وتكون وجيههم بوجيه بعض انا طبعا كنت المتفرجه ونور المرعوووبه المرتجفه وتركي المتشقق ضحك نور مو قاادره ترفع عينها فوجهه لان الحبيب فاتح عيونه ع وسعهاا يخزها حست باحراج نور فحاولت الطف الموقف : تركي شوي شوي على عيونك لاتطيح من محااجرهاا تركي يستفزني : كيفي حرميت انتي شدخلك طبعاا طااح وجهي بس على ميين : وانا اختها واقولك اختي مضاايقه من نظراتك ..بس يارجال تقول مو شايف حرمه بحيااتك تركي : عمرك شفتي واحد عنده قمر وماايقعد يخز فيه هنور مسكينه صااار وجههااا احمر من الاحرااج وانا نفسي انحرجت ..الدب حس فيني وقال : حنان عطينا مقفاااك نور بسرعه : لا حنااان تكفين اقعدي تركي : بس انا ماابيها ازعااج بصرااحه نور قالت له وهي منفعله : وانا ابيهااا وترى هذي اختي مااسمحلك تقول عنهاا ازعااج تركي ناظرهاا وهو رافع حواجبه وع شفايفه ضحكه : لااا والله نور استحت لانها حست اخيرا ع نفسهااا ...انفجرنا انا وتركي ضحك عليهاا قلت لهم واناا طالعه : اصلاا انا طالعه لان خلاص الزفه بعد شووي وماابيهااا تفوتني ..صح تركي امشي بشويش ترى الفستان ثقيل ع النوري تركي يهزلي رااسه : حااضر عمتي اوامر ثاانيه قلت له وانا طالعه خلااص : لا بس اذا تذكرت بقولك طلعت وتركتهم رحت اخذت لي مكاان حلوو اشوف الزفه عدل انطفت الانوار و امتلت القاعه برح البخووور و صوت الموسيقى الكلاسيكيه صدح واضواء الشمووع زينت الطاولااات ع الجهه اليمن من المسرح دخل تركي واليسرى نور يمشوون باتجااه بعض وسط صوت الزغاريد ودموع امي وعمتي التقو بنص الطريق مسك يدهاا واتجهوو للمكان المخصص لهم الكوشى الي طغى عليها الاحمر الخمري والذهبي كانت بانتظار الملك والملكه وقفو واجهو الناااس اخذت لهم المصوره كم صوره وهم واقفين بعدين جلسوو بدل مكان الدبله وهي سوت نفس الشي شربوو العصير وطلعو الامهات يسلمو عليهم نور اول ماشافت امها بدت تبكي وامهاا مو مقصره معاهااا جات الجده ووخرتهم عن بعض : موضي ذكري ربك البنيه تزوجت وخري هناااك ام نور : هذي بنتي اول فرحتي الجده : مااختلفناا وهي وين رايحه كلها الرياض حثوة حصى ام نور سكتت لانه مو وقت نقااش دخل ابو نور وعمهاا يسلمو عليهاا وعلى تركي ابو نور : مبروك يااتركي ..الله الله بنور هذي امانه عند تركي : بعيوني يااعمي لااتوصي حريص ابو نور : وهذي هقوتنا فيك ياولدي ابو نور باس بنت على جبينها وضمهاا لصدره : وجا اليوم الي انتي فيه عرووس ماتخيلتك يوم تبعدين عني نور : كانت تبكي وماتتكلم ابو نور وهو يرفع راسها ويمسح دموعهاا : ماابي اشوف دمعه بعيونك انتي عرووس اضحكي يانور اذا تعزين ابوك اضحكي نور ماكسرت كلام ابوها مسحت دموعها وابتسمت ..سلم عليها عمهاا ووصى تركي عليهااااااا شوي وقالو ان اخو العريس بيدخل عاد هني الكل استغربواولهم حناان الي المفاجاة الجمت لسانهاا
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#20
08-27-2010, 05:53 AM
| ||
| | ||
| تعبت ابي انسى وعيا يغيب عن البال طاريك كل ماقلت نسيتك عاتبتني دموعي وصاحت كذاب اكذب انا لاقلت نسيتك واكذب لاقلت حبيت غيرك كان جالس قدا م البحر من يوم ماطلع من بيت عمه وهو هني المد عالي وصوت الموج يصم الآذان * ســـــــــــــــــــــلـــــــــــــــــــــــطـــ ـــــــــــــان * اخ لوما الخوف من الله كان عقيت روحي بالبحر ورتحت من كل الهموم ااه ياشيخه تلوميني في حبها ..حبيتها من صغرها ... حبيتها وانا الي قتلت حبي ااه ياليااازيه ياعشق السنيين ااااه رجع شريط الذكريات ..لليوم الي شافها فيه ..اليوم اللي دق فيه القلب للحب لاول مره ...كان توه بالعشرين من عمره وما مر على وفات ابوه غير ثلاث سنيين صلى العيد بالمصلى الي قريب من بيته واخذ اخوه حمدان واتجهوا لبيت عمهم يهنونهم بالعيد استقبلهم بالحوش ثااني الي اخذ حمدان وراحو يلعبون بالسياكل دخل البيت هود محد رد عليه دخل وجلس بالصاله جاته الشغاله ميري : قوة بااباا سلطان سلطان : اهلا ميري روحي ازقري بااباا ميري : ان ساء الله جلس ينتظر له اكثر من عشر دقايق ومحد معبره سلطان بخاطره " هذي وين ساارت " شوي ويسمع صووت جااي من جهت الدرج شكل اخيرا احد عبره وجااء ..ركز السمع زيين هذا صوت بنيه أمـــي يـا أمـــي يا أمــــايـــه ... راع البـحــــر مــا بـــــاه شـايــل مــزمـات الـعــومـه ... تـقــطـــر عـلـى عـلـبــاه أبـــــى وليـــــــد عــــــــمـي ... لــــو بـخــنـيــــره ورداه جــابــض خـطــام الـصــفــرا ... ولا ضـــــيـع عــصــــــاه سلطان تنحنح عشان تنتبه له البنيه الي نازله عرفت على طول الصوت رفعت الشيله ع راسها وغطت شعرها زيين اليازيه : هلا هلا سلطان ..شحالك ربك بخير سلطان مو عارف من يكلمه من بنات عمه وعينه بالارض :الحمد الله شحالج انتي الشيخه ؟ اليازيه : دووم ان شاء الله عيدك مباارك سلطان : وعيدك الشيخه اليازيه لاحظت ان سلطان مو عارف هي ميين فضحكت سلطان رفع عينه يبغى يشوف شلي يضحك بنت عمه واتفاجأ من الي واقفه قدامه !!!! الطفله الي كان حافظ شكلهاا تغير وصارت بينة بعز الشبااب وجمالها الهادىء الساحر يشد الواحد غصب عنه لكن طبعا من هاااذي مايعرف ؟!! سلطان : قلت شي يضحك اليازيه افتشلت منه : لا سلامة راسك سلطان : انزين ليه تضحكين اليازيه : مو سامع نفسك من يوم مادخلت وانت الشيخه الشيخه ترى لي اسم سلطان بخاطره " ويلي من لسانها " : السموحه يابنت العم بس انا مو بعارف انتي منو اليازيه او شيخه ؟ اليازيه : طالع عمرك انا اليازيه ..معقلو ماتعرف تفرق امبينا سلطان : لا والله انا اشوفكن شكل واحد ماتفرقن بالمره اليازيه بثقه : الا في فرووق اممم شيخه ابيض عني بوايد وعيونها لونها فاااتح وعندهاا غمازات يوم تضحك وتستحي واااايد اما اناااالعكس تماام سلطان : اهاا يعني انتي ماتستحيين اليازيه : ههههههه لاا انا جريئه هاذيك من يقولها احد كلمه حمرن خدودهاا سلطان ضحك بخاطره على عفوية اليازيه : طيب ياليازيه ممكن تزقرين عمي وعمتي عسب اسلم عليهم اليازيه : ان شاء الله واختفت من قدام عينه لكن صورتها انحفرت في عقله وقلبه ...سلطان سلم على عمه وعمته وجاته شيخه وسلمت هي بعد وحطت له الفواله سلطان كان يسترق النظر لشيخه ولاحظ الفروقات الي قالت عليها اليازيه لكن مع كل هذا يحسهن متشبهات ومافي فرق يفكر فيها من يوم ماطلع من بيت عماامه سلطان بخاطره " معقول البنيه الي كنت اشيلها وانا صغير كبرت وحلوة .. ااااه محلاها ومحلا ضحكتهاا ..انت اكيد ينيت تفكر بياهل ...يااهل بس حلووه وتنحب ...لااا انا صدق ينيت " واخترقت هالذكرى ذكرى كلها الم ذكرى تسارع فيها نفس سلطاان وصت ضربات قلبه يصم اذنه ...شافهاا وهي مرميه ع الارض والدم مغطي وجههاا ..حاول يناديها يصرخ بسمهاا ..ماقدر كان عااجز .... تذكر شلون قام من نومه مفزوع بسبب صراخهاا اليازيه : سلطاااااااااااان الحق علي سلطان وهو يقوم من نومه مفزووع : خير شصاار اليازيه وهي تتوجع : سلطااااااان الحق علي بااموت ااااااااه سلطان : ذكري الله يامره مافيك الا العافيه الياازيه : اااااااااااااااااه اقولك باااموت الوجع بيذبحني ..ااااااه سلطاان : هذا كله من الفلف الي كتيه قلت لك لاتاكلين ماسمعتي اليازيه : سلطااانوه مو ناقصتك نش احس نفسي بربي سلطان باستغرااب : تربين تو الناااس الياازيه : ااااااي اقولك بربي اااااااااااااااااااي سلطان بدل ملابسه بسرعه واخذ حرمته يوديها المستشفى كانت طول الطريق تصاارخ وتبكي سلطان كان انتباهه مشتت بينها وبين الطريق صار قدامه حادث دخلت شاحنتين ببعض سلطان من سرعته ماقدر يسيطر ع السيااره وصدم فيهاا من قوة الاصطدااام الياازيه اصطدم راسها بالزجااج الامامي وخرجت من وادحرجت ع الارض .....اخر مشهد تذكره سلطان صورة اليازيه وهي ممددة ع الارض وبعدهاا غاب عن الوعي ... صحى بالمستشفى بعد مرور اربعة ايام شااف امه وحمداان حوله ام حمدان من بين دموعها : حمد الله ع سلامتك ياوليدي سلطان بتعب : اليـ...اليازيه .. حمدان : لاتتعب نفسك ياخوي انت ارتاح اللحين سلطان : ش...شلونهاا... حمدان : مافيها الا العافيه انت بس ارتااح ام سلطان ناظرت بعيون حمدان نظرات عتب ..تعاتبه لاخفائه الحقيقه المره سلطان رجع ناام بفعل الادويه ..صحى الفجر نفس الوجيه ونفس الاسئله نفس الاجاباات ... الصبح بالمستشفى حمدان: ياعمي انا مااقدر اخبره باللي صاار ..انت خبره ابو اليازيه : يصير خير بخبره باللي صار مع اني ماتمنيت اكون انا الي اخبره شقوله ياحمداان حرمتك مااتت وولدك ماندري بيعيش ولا بيموت ام اليازيه وهي تبكي بحرقه : قووله انه هو الي ذبحهااا ..ذبح بنتي ....اااه يااابنتي شيخه وهي تحاول تهديها : يمه شهالرمسه ذكري ربج هذا قضاء الله وقدره ام اليازيه : ونعم بالله شوي وان الدكتور المسئول عن حالة ولد سلطان جااي باتجاههم واخذ حمدان ع الزاويه حمدان : خير ياادكتور عسى ماشر الدكتور : انتو ناس مؤمنه بقضاء ربناا..وتعرفو ان الموت علينا حق حمدان : الصبي مااات ؟!!!! الدكتور : شدو حيلكم ترك الدكتور حمدان بحالة من الصدمه ...من وين بيلقاهاا سلطان بالاول حرمته والان ولده ...ويلي على حالك خبر وفاة المولود كان كفيل بتفجير غضب ام الياازيه : ذبحهم ذبح عيالي ولد عذيجه (ام سلطان ) ذبحهم حسبي الله عليه ام سلطان وقلبها محروق ع ضناهاا : ذكري ربج يامر ه ام اليازيه : ذبحهم لا باارك الله في ولدج حرمني منهم حرمه ربي الرااحه ابو اليازيه بغضب : صكي يااامره لاعاد اسمع حسج ..السموحه منك يام سلطان انتي مقدره الوضع ام سلطان اتفت بهز راسهاا وماقالتشي احترام لابو اليازيه الرجال الي ماقصر معاها ولا مع عيالهاا من وفاة زوجهااا ابو اليازيه بلغ سلطان بخبر وفاة زوجته وولده سلطان الخر سبب له صدمه كبيره وماقدر يستوعب موت زوجته وابنه ولااام نفسه على هالشي ..سلطان قعد فترة بالمستشفى يتعالج بالطب النفسي *حـــــــــــــــمــــــــــــدان * تأخر وايد في الرده ..حرقنا تلفونه مايرد ..امايه مشتطه عليه واااااااااايد ..عرفت انه راح بيت عمي فااستنتجت انهم مااتفقوا ..اصلاا هم متى اتفقواا ...؟!!! خرجت من البيت رحت ادوره ..توجهت على طول البحر ..اعرفه كل ماضاق حاله راح للبحر شفته وافق يطالع الافق وشكله مو حاس باللي حوله لدرجة اني زقرته اكثر من مره ماجاوبني ...اتصلت بامايه طمنتها عليه ونزلت من سيارتي تقربت منه حطيت ايدي ع كتفه وقلت : علامك يابو راشد عسى ماشر طالعني بنظرة الم وسالني : شلون عرفت اني هني جاوبته : هذي عادتك من تضايقك تربع صوب البحر قالي : تعتب يااخوي ....تعبت قلت له : سلاامتك ياااخوي ...قول ياسلطان شلي تاعبك ارمي احملوك علي ابتسم من وسط المه : تو الناس ع الهموم ..عظمك طري قلت له : افاا ياسلطان كذا ماتشوفني حمل لهمومك ..هذا ظنك فيني ..اقول ارمي لافلخك بهالحصى ابتسم وقال : موقادر انساها احسها معي بكل مكان صوتها مايفارق خيالي حسها الى الان يرن باذني ..قلت باتزوج بكمل حياااتي ..مادريت اني رحت للشقى برجلي جاوبته : انا عاف شكثر كنت تحبها لكن اخطيت يوم خذت اختها (ناظرني باستغراب) اسمحلي ياخوي انتماقدرت تنسى اليازيه لانك مابغيت هالشي تقدر تقولي بصراحه ليه خذت شيخه ؟!!بنت عمي حشيم عاجل لكنت انت ماختها عسب هالخصال انت خذتها عسب تذكرك باليازيه قالي : حتى شيخه قالت هالرمسه قلت له : اكيد بتعرف وبتحس الحريم يعرفن شلي يدور بعقول ازواجهن وقلوبهم حتى من غير مايرمس الواحد منا قالي يتمصخر: الاخو خبير ضحكت : هذاا كلام امك ....شبتسوي مع حرمتك قالي : صدقني مااادري ...محتااار ....وهي تبي الطلااق طلبها ماا فاجاني لاني كنت متوقعه : انت بتطلقها ؟ رد علي : ماااادري ماااااااادري قلت له : اذا انت ماتدري من يدري؟ اسمع ياخوي اذا انت عايف البنيه طلقها ولا تخليها معلقه لاهي متزوجه ولاهي مطلقه جاوبني : الغريبه اني مو عايفنها صدقني انا مااكرهها ابدا ..وفكرة اني اتركها مو متقبلنها بعد سالته : انت تحبهاا ؟؟ بكل صراه تحب شيخه ؟!! جاوبني : ارتاح لها ..وتعودت عليهاا قلت له : وانت تشوف هااذي اسباااب تكفي انكم تعيشون مع بعض ؟!! واذا انت تشوفها تكفي بالنسبه لشيخه مااظن تكفي خصوصا ان شيخه تحبك وتدور رضاك لكن انت مو هامنك شي .......سلطان ياخوي اذا ماتحبها طلقها وخلها تشوف نصيبها مع ريال غيرك يسعدها وتسعده حسيته انتظ من كلامي وناظرني وهومحرج : انت شتخرف شنو ريال ثاني ؟!! عرفت اني ضربت ع الوتر الحسااسااات وييت ع العوووق سلطان يغاار ع حرمته مجرد التفكير انها ممكن تصير لغيره اشعلت نار الغيره بقلبه : لا مااخرف اذا انت ماتبيها وماتحبها وهي خلاص عافتك طلقها ...شيخه بعز شباابها ومزيونه والف ريال يتمناها حليله قالي : لا والله ماكان اللي ترمس عنها حرمتي فلت له : وهي بنت عمي وماارضى عليها تبهدل قالي : يعني انا مبهدلنهاا قلت له : ايه نعم لاتسمع منك كلمة حلوه ولاحتي تبادلها الاهتماام ..كل اهتمامك لمره ماتت من ارع سنيين ...شيخه مايعبهاا شي ومو قاصرنها شي عسب تحبهاا لكن انت الي قفلت قلبك على ذكر اليازيه ويلست تعذب شيخه طالعني بصدمه : اعذبها ؟!!!!!!!!! قلت له : ايه تعذبها ياخوي ماشي يعذب المحب كثر ان قلب حبيبه موله عند غيره حتى لو كان ميت او اقرب الناس له ابتسم لي : اشوفك ياحمدان قمت توزع نصايح قلت له وانا نافخ صدري: ليه قالولك ان توزيع النصايح حكر عليك قالي : خلااص بيوزك قلت له : خووز عني قال اتيوز ..لاياارياال خلن ياتمتع بعزوبيتي قالي : لاا انا من باكر بخلي امايه تدورلك هروووس قلت له اغايضه : وليه تدور والعروس موجودد سالني باهتماام : حاط عينك ع حد معين ؟!!!!!!!!! قلت له : عرب ننطر طلاقهم وبناخذهم عيونهم بلون العسل وابيض من اللبن .......وربعت صووب سيااارتي استغرق سلطان كم ثاانيه الين مايستوعب رمستي واني اقصد شيخه قاام يزاعج علي ويتوعد لحقني يبي يضربني ..لكن على منوو على طول دخلت سيارتي امنت الابوااب وع البيت لحقني بسيااارته ..وصلت قبله ودخلت اربع صووب حجرتي لكن للاسف لحقني وذبحني بكوووس بطني يعوورني ااااخ امي كانت وااقفه تشوفناا وتضرب كف بكف وتقول : الحمد الله استخفوا عيااالي
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| للي ناوي يضحك | ♥ βőΛ ♫ | نكت و ضحك و خنبقة | 0 | 08-07-2009 03:51 AM |
| شر البلية ما يضحك ...... | بسمة فوق شفاه ناعمة | أرشيف المواضيع الغير مكتمله او المكرره او المنقوله و المخالفه | 19 | 07-17-2007 01:05 PM |
| كاريكاتير يضحك | ام مريم | أرشيف المواضيع الغير مكتمله او المكرره او المنقوله و المخالفه | 19 | 11-07-2006 07:00 PM |
| (قصة تخلي اللي ما يضحك يضحك )!!!!!!!!!!!!شوفوها | شبيه الريح | أرشيف المواضيع الغير مكتمله او المكرره او المنقوله و المخالفه | 1 | 04-20-2006 03:42 PM |
العرض العادي
