|
|
#36
10-17-2016, 04:41 PM
| ||
| | ||
| .: الجزء الوآحد والع ـشرون :. " ورحلتُ إلى ×المآضي× البعيد .. لأُثبت لـ *قلبي *أنني اُحبه .. وعدت إلى الحآضر القريب .. لـم ~ ألقَ أيـــةُ ..{ مح ـبه ,؛ " / \ / صعدت السيارة وانا مبسوطه ..! قال : وقسم باللي خلق ذي القمر زوجتي انك مجنونه قلت : انت ماتعرفه مثلي في البيت 24 ساعه كله يعارض حتى اتفه الامور لا والمصيبه انه وحيد امه .. دلوعتها ريم : لاااا رحتي فيها من عمتك اجل قلت : لا عادي لاتشيلي همي ! ريم : تلاقينه الحين محترق قهر ضحكت عليها .. المهم وصلنا ونزلنا اما زوجها راح يخليني على راحتي شفته بيت كبير معقول كل ذا لريم ؟ الله يهينها قلت بلقافه : بالله ذا بيتك ؟! ضحكت : لا طبعا انا عندي جناح فوق تنفست بقوة : قولي من البدايه شهقت كل ذا لك وناسه ! ضحكت ودخلنا بيت ابو زوجها من غير محد يحس وصعدنا لجناح ريم دخلت على طول حذفت عبايتي وشنطتي وكل شي قلت : ابي بيجاما قالت : روحي الغرفه قلت : هيي اصحي ترا غرفتك انتي متزوجه عيب .. استحت وراحت جابت لي بيجاما واراهن ان ذي استر وحده فيهم لبستها وصليت .. ريم : يوه فشله اش بتاكلين ؟! قلت : عادي خبز وجبن .. اخذت جوالها خمنت انها بتدق على زوجها .. سحبته منها : ريم انا جايه عناد لتركي مو علشان اتغذى !! ريم : طيب وانا جيعانه .. قلت : حلفتك وغلاة رجلك ان ابي اطبخ من زمان ماطبخت ! ريم : لا سارة الا ذي رميت جوالها على الكنبه وسحبتها .. رحت عند اقرب مرايا رتبت شكلي وفعت شعري بكليب غير الخصلات اللي سقطت سهوا .. رتبت البيجاما ودخلت المطبخ ووراي ريم .. قلت : سوف نحضر الآن مكرونيا لاني مشتهيتها .. وبذوقك هيا لاول مرة تعالي هزت راسها : بعد الولادة باذن ربي ضحكت وطلعت كل شي احتاجه ثم جلست على الكرسي والاغراض على الطاوله سمعت طرق الجرس قامت ريم توقعت انه زوجها بس طلعت خالتها ام زوجها سويت نفسي ماانتبهت وكملت شغلي الين سمعت : السلام عليكم استحيت وقمت سلمت عليها : وعليكم السلام .. ناظرتني : اش تسوين ؟! يووه ياخوفي ماترضى حد يدخل مطبخ ولدها الله يستر بس ريم : قولت لها ياخالتي لا تدخل عاندت عاد مدري اش اسوي لها .. شاطره ريم ماتدري اش تسوي لي خخخ ..! خالتها : طيب روحوا وانا بكمل .. قلت : لا والله تكفين بخاطري اصلحها من زمان ماصلحت سكتت عني وجلست عن شمالي وريوم عن يميني .. ريم : خالتي ! .. ملوك اللي دق عليك وقال لك ؟! قالت : لا انا سمعت ان عندك خويتك واعرفك ياريم ماتعرفين تسوين شي قلت : معليه خالتي انا بعلمها اليوم ورفعت حاجبي لها انقهرت .. خالتها : اش اسمك انتي ؟! قلت : سارة العلي .. قطبت حاجبينها : العلي قلت : ايه سارة محمد فيصل العلي .. قالت : صدق !! قلت بخوف : ليه خالتي تعرفيننا ؟! قالت : اممم تقريبا ولد عم جدك متزوج بنت خالت امي .. هه فك اللغز على قول المثل ياخال ابوي حك ظهري قلت : اهااا هذي الكلمه يعني مافهمت .. كملت : اول مرة تزورين ريم صح ؟! قلت : ايه كنت معها في الخبر بالمدرسه بعدين نقلت ورحت معها قالت : غريب قليل اللي يصير كيذا وفي ابتسمت لها : لا مو القضيه كيذا لاني سكنت عند اهل عمي .. بصراحه مالي خلق تجرحني وتسأل عن ابوي .. فـ كملت : لان امي وابوي متوفين قالت : الله يرحمهم ووقفت ورحت للفرن وشغلته وجلست معهم .. وقفت خالتي : اجل دام خلصتي كل شي مالي دخل .. انزل واخليكم براحتكم قلت : لا عاد خالتي ماتبين تذوقين المكرونيا ؟! ابتسمت : مرة ثانيه ان شاء الله لا ناويه مرة ثانيه بعد ؟! قلت : لاخالتي اجلسي .. ريم : بليز ! ابتسمت وجلست رحت وصلحت عصير وحطيته بالثلاجه واتجهت لكرسي بجلس .. ريم : ساره حبيبتي هاتي لي مويا خالتها : لا والله !! في بيتك تراها .. ريم : لا عادي خالتي طايحه الميانه ! خالتها : لا والله مايجي ضحكت من داخلي .. ورحت جبت مويا ,؛ وقلت ابي اقهرها : تبين شي قبل اجلس ؟! ناظرتني بقوة .. ابتسمت لها .. بعد شوي طلعت المكرونيا وحطيته بالصحون وعلى الطاوله وبدينا ناكل .. أكلت خالتها اول لقمه وانا انتظر رايها .. قالت : حلو تسم يدك قلت بخجل : تسلمين خالتي ريم تناظرني بقوة وكأنها مو مصدقه اني ساره ههههه ..! قالت : ماشاء الله مبين انك متعودة تصلحينها .. ابتسمت : ايه من يومي بمتوسط قالت : بعمر ريم ؟! قلت : لا اكبر منها بسنتين .. قطبت حاجبينها : كيف تيجي ؟! قلت : عندي ثالث ثانوي مرتين .. ابتسمت لي : الله يوفقك .. وقفت : يلا اترككم .. همست لي ريم : خلنا نروح معها بوريك اخو زوجي .. قطبت : اخو زوجك ؟! همست : تذكرين ليلة الزفه قلت لك عنه حلو يلا نروح .. فرصه لاتعوض وناسه .. ريم : خالتي .. لفت لها .. فـ كملت : بنوصلك .. عادي ؟! ابتسمت .. رحت ولبست عبايتي وريم لبست عبايتها والفروقات العشره انا لاصقه فيني وهيا واسعه انا على كتوفي وهيا على راسها انا متحجبه وهيا متلثمه .. المهم نزلت معها وانا اتخيل شكله المهم انفتح الباب .. سمعت : يمه !! وين كنتي دورت عليك مالقيتك قزيته من فوقه الى اخمص قدميه ايه حلو ابي اتكلم علشان ينحرج فـ قلت : يلا خالتي انا بصعد مع ريوم .. ناظرته كأنه متعجب مني او مفتشل او لبسي مو عاجبه نزل راسه .. خالتها : لا سلامتك تسلمين .. سكرت الباب بهدوء وصعدت وانا اضحك بقوة مو قادره اسكت .. ريم : حرام عليك قلت : احسن له سكتت فتره ثم قلت : قلبي يدق طبول خايفه اش يصير ببيت عمي اعرف تركي عنيد بقوة ومايرضى حد من البنات يطلع ريم : بصراحه خفت قلت : تصدقين كل الرجال اللي اعرفهم عنيدين ؟ تركي ونايف وفيصل وزوجك واخيرا اخوك .. تذكرين ؟! ضحكت بقوة : اش جاب طاري اخوي بعد ؟! قلت : مدري ذكرته بس اذكر انه يقهرني بقوة .. ريم : صدقيني هوا كيذا يتعامل مع الكل واللي يعانده يكون اعند بزياده بس الشي اللي مايقدر عليه هو انه يستحي بقوة من اي بنت وبس فتحت عيني : وين دارسه كل ذا ؟! قالت : مالت عليك .. قومي نتابع فيلم ولو سمحتي صلحي بوب كورن قلت : مالت عليك انتي في بيتك واخدمك .. رحت اصلح البوب كورن ويوم خلصت رحت لريم لقيتها جالسه تتابع ... قلت : يالخاينه ماانتظرتيني قالت : طولتي جلست اتابع وانا منسدحه على رجل ريم وهي متحمسه له اما انا بس ابكي لان المشاهداللي تأثر على طول ابكي عليها بدون نقاش .. المهم انتهى الفيلم نهايه حلوة قمت ورتبت الصاله لاننا قلبنا عاليها واطيها ناظرت الساعه شوي ويأذن العصر تجهزت ولما اذن صلينا الحين برجع لبيت عمي والله يستر .. قلت : يلا دقي على زوجك صاير سايق لي بس معليه قالت : اش رايك نخلي اخو ملوك يوصلك تحمست : كيف بالله ؟! قالت : لحظه بس .. ودقت على زوجها : هلا ملوك .. شف اذا اتصلت عليك امك توصل خويتي قل مااقدر طيب ؟! " ضحكت " توقع ليه ؟! ابي اوريها اخوك .. كيذا .. والله كيذا .. لا مايجي .. فجأة صار وجهها احمر اكيد لاعب فيها ابن اللذين امنوا : طيب .. قلت طيب لما تيجي نتفاهم باي .. قفلت وابتسمت : انا حامل .. صرخت : احلفي !! ابتسمت : والله قلت : كيف عرفتي ؟! ابتسمت بخجل : تو ملوك قال بصراحه طقت علي اللقافه ابي اعرف اش اسمه ذا زوجها .. قلت : ريوم عادي أسألك سؤال ؟! قالت : آمريني بس ؟ قلت : اش اسمه زوجك ؟! قطبت : ليه ؟! قلت لكم اني صريحه .. قلت : لأن دايم تقولين ملوك واستغرب اش ذا الاسم اللي دلعه ملوك ؟! ابتسمت : مالك .. قلت : اووه حلو اسمه سكت فتره ثم قلت : يلا نروح لخالتك .. سحبت شنطتي ونزلنا ودخلت ريم ومدري اش قالت وطلعت ومعها اخو زوجها بجد عليه طول يذبح خخخ لو اني مااحب نايف حبيته خخخ صعدنا السيارة انا وريم ورى وامه قدام ماشاء الله العيله كلها من اجلي .. قال : يمه وين بيتها ؟! خالتها : وين بيتكم يمه ؟! ريم : دق على مالك يدل بيتهم وفعلا اتصلوا بس مالك لا يرد الظاهر ينفذ اوامر ريم .. المهم قال : طيب ماتعرفين محل تجاري مبني جنبه ؟! قلت : هممم هو يبعد عن المدرسه حوالي ساعه الانصف ودقيقه .. ضحكت ريم .. قال : يعني امشي من مدرستكم ساعه الا نصف ودقيقه ؟! قلت : لا شف انت بس وصل عند المدرسه وانا الباقي اعرف .. وفعلا وصلنا وانا اوصف لها المهم وقف عند بيت مايقع على الخريطه .. قال : ذا بيتكم ؟! قلت : لا .. مشى بيت ثم رجع وسأل : طيب ذا ؟! قلت : لا .. سكت فتره ثم قال : مافيه بيت العلي بذي المنطقه الا ذولي البيتين .. قلت : خلاص انزل هينا واسأل اي حد اشوفه .. ريم : مو صاحيه لاتسمع لها وفعلا حرك لمحت بيتنا .. قلت : ستوب ذس از ماي هاوس .. ضحكت ريم ونزلت .. قلت : بايو ريم مع السلامه خالتي وولدها .. مع دعواتي ان تدعون اين مااموت ! ضحكت ريم .. خالتي : ليش ؟ قلت : ها ؟ بس كيذا كلنا معرضين لخطر الموت .. بايو دخلت الفله شفت بوجهي تريك .. طنشته وصعدت الدرج .. سمعته : تصدقين لو تأخرتي دقيقه وحده ذبحتك ؟! صحيح انقهرت بس طنشته .. وصعدت لغرفتي على طول غيرت بيجاما ريم هه رايحة فيها ذا البيجاما ماتناسب بنت لازم متزوجه .. كتبت واجباتي وذاكرت واخيرا اليوم الاربعاء رتبت كتبي ليوم السبت علشان اخذ راحتي مع فيصل ياني مشتاقه له .. اذن علي المغرب صليت وانسدحت على السرير ابي انوم ماامداني اغمض عيوني الا اواسم حد يصحيني فتحت عيني كانت نورة مااقول لكم ماانقهرت بس معليه ذي بزر .. ابتسمت : آمريني نوران نورة : تركي يقول ... لا اله الا الله الملك احق المبين اش يبي بعد ؟! قلت : ايش ماسمعت ؟! نورة : تركي يقول فيه بنت تبيك على التلفون وطلعت فزيت اكيد ريوم .. مالي خلق اغير البيجاما غسلت وجهي ولبست عبايه وحجاب ونزلت اتجهت للتلفون وقلت : هلا وغلا امداك تشتاقين لي ؟ تو راجعه من بيتكم .. سكتت .. قلت : ألوو ريوم فينك سمعتها : انا مو ريم .. قطبت حاجبيني : اجل مين ؟! وناظرت نورة وتركي لانهم الوحيدين اللي معي بالصاله .. قالت بهمس : امداك تنسين ؟! انا اللي الصبح عندك .. سكتت فتره وقلبي يدق طبول كنت ابي اسأل من وين جاء رقمي عندها بس سكتت اللي عرفت كل معلوماتي سهل تجيب رقم التلفون .. قلت : اش تبين مني انتي ؟! همست : ولا شي قلت وانااتراجف : طيب ليه داقه ؟! قالت بهدوء : ابي اسألك يوم السبت ان شاء الله في الفسحه امممم .. وسكتت .. قلت : بلا مقدمات وقولي ! همست : عادي اكون معك بلحالنا بالفسحه ؟! دق قلبي : اش تقصدين ؟! قالت : اقصد ان ريم ماتكون معنا .. قلت بخوف : لا بس ريم اكثر من اختي عادي .. هي فعلا اكثر من اختي لكن مو ذا السبب الحقيقي .. السبب هو اني اخاف منها ومن شلّتها .. قالت : لا مايجي هذا اذا تبين تعرفين مين اكون .. قلت بتردد : طيب بس كيف اعرف وينك ؟! همست : بكون بلحالي جنب الشجرة اللي جنب المويا .. قلت : طيب موعدنا يوم السبت .. مدري ليه حسيتها تبتسم .. قلت : تبين شي ؟! قالت : لا مشكورة قلت بسرعه : اجل باي .. وقفلت الخط وانا ارتجف اولا من كلامه وثانيا من تركي ياخوفي يفتح تحقيق ..دقيت على ريم رد علي زوجها .. قالت : الووو قلت : هلا وين ريم ؟! تأفف : يالله ماتملين منها خليني شوي معها .. قلت وشوي وابكي : مالك بليز اعطيني هيا وقسم ضروري والله والله .. قال بهدوء : اش فيك لاتصيحين اهبل فيك .. خلاص اسف .. خوذي ذي خويتك .. حسيت بنظرات تركي وزاد قلبي طرق .. طمني صوت ريم تقول : هلا سارونه .. قلت : مصيبه ياريم ونزلت على راسي .. ريم : ايش فيه خبريني  روعتيني ؟!قلت : تعرفين البنت اللي الصبح .... قاطعتني : ايوه اش بها ؟! انا اول ماشفتها قلت وجهها مايبشر بالخير قلت : من شوي اتصلت علي وتقول ابي اشوفك يوم السبت بدون ريم والله ارعبتني ان نبرة صوتها كله همس تنفست بقوة : واش قلتي لها ؟! قلت : أبدا اكيد بوافق مضطره يعني مافيه خيار ثاني غصب عني سكتت فتره ثم قالت : اذا ريّحتي بقول لك شي قلت : ايش ؟ جاوبت : لا مهوب ذا الحين انتي خايفه .. تنفست : قولي لا اذبحك .. ريم : ملوك يحتاجني .. قلت : هه هه هه بايخه ! ايش انجزي ؟! ريم : خالتي اول ماوصلنا البيت مسكتني تحقيق من وين عرفتيها وايش .. وكيذا وليش كم عمرها اقولك شوي وتقولي اش برجها .. عاد لما سألتها ليش تخيلي اش قالت ؟! قلت بسرعه : مايبي لأبو امها كلام بتخطبني .. صفرت : ايوه تقولي تهقين لوخطبتها بتوافق .. قلت : ايش قولتي لها ؟! ريم : عاد سويت نفسي مدري ايش وقلت والله مدري يمكن تكمل دراستها .. نسيت نفسي : لو تخطبني اواافق بدون شك بصير جنبك طول اليوم .. ايه صدق اش اسمه ؟! ريم : الظاهر همام .. قلت : ولو ان الاسم يقهر بس يالله شكله يجنن عذاب يخقق يشق الراس .. موافقه .. ايوه كم عمره ؟! ريم : اممم هو توأم مع مالك يعني تقريبا 24 سنه قلت : يوه بعمر نايف ولد خالي .. ريم : أقول لك تقولي لا تقولين لحد ابد وبالخصوص لها وانا ولا عندي في ابو امها قلت بسرعه : موافقه .. ماحسيت الا بالتلفون ينقطع الخط أكيد مالك هين بس .. لفيت لقيت تركي حاط يده على التلفون .. صرخت : ياحمار اش سويت ؟! قال ببرود : لا تعصبين اول شي استحي تقولين ذا الحكي ثانيا اش ذا رايحه لخويتك ولا رايحه تنخطبين وعلى طول موافقه وخالي ؟! ماله راي ؟! بروده نرفزني بس ماعليه مو انا اللي يقفل الخط عندي ماحبيت ابين له اني مقهورة .. فـ قلت : ابي اعرف انت اش دخلك فيني ؟! تركي : ابدا بس لا تعطينها كلمه اول خالي يعرفه .. انقهرت : اولا انا كنت استهبل عليها ثانيا اش ذا الذوق تقفل بوجهها ؟! سحبت يده ودقيت على ريم .. قلت : معليه ريوم في بعض الناس جنبي ماعندهم ذوق .. قالت بملل : لاتقولين ولد عمتك ؟! قلت : ايه .. المهم مسيبنا منو اش اخبار بعض الكائنات الحيه ؟! ضحكت : هو كائن حي يابعدي .. قلت : يمكن يكونون توأم مثل زوجك وخطيبي ؟! ضحكت : خلاص صار خطيبي ؟! قلت : اهبل فيك ياحماره بس كسذا .. اجل انا آخر عمري آخذ لي واحد من الدمام مو صاحيه ولا ايش ؟! ريم : ليش بالله ؟! قلت : وقسم يقهرون وثانيا لو تزوجت واحد من الخبر ميه على ميه بسكن بالخُبر وناسه .. ريم : يعني اش اقول لها ؟! سكتت فتره ثم قلت : هيا اصلا اش قالت بالضبط ؟! ريم : قالت لمحي لها على خفيف وشوفي رايها .. ابتسمت : لمحي لها على خفيف اني بكمل دراستي .. ريم : ياحماره ليه ؟! قلت : لا ريم اولا انا بكمل وانا طموحاتي توصل اني ادرس واتوظف واكون شي ناجح ثانيا ابي واحد من الخُبر .. ريم : ترا ذبحتينا بالخبر كل شي تبينها .. قلت : لأني اموت على ترابها .. انتبهت ان نورة واقفه على راسي .. ابتسمت : اش بك نوران ؟! نورة : تقول امي جهزنا العشا يلا قلت : طيب .. ريم قود باي سلميني على الكائنات الحيه .. ضحكت : يوصل بايو قفلت الخط وناظرت تركي : اتمنى لو يوم واحد تتصرف بعقلانيه .. لفيت على نورة : نوران بروح اغير ذي العبايه اختنقت منها وبنزل .. نورة : بس كيذا احلا .. ابتسمت : لا والله ؟! لاني لابسه بيجاما يابعدي بروح اغير وانزل مو تاكلين .. وضحكت وصعدت الى غرفتي لبست بمودتي الابيض ياناس اموت على ذاا لبرمودا ولبست بلوزة بيضا اكمام حطيت عطر ولفيت حجاب الابيض وخذت الساعه وطلعت مشيت على الدرج وانا احاول البس الساعه بس كيف وانا امشي .. وقفت ولبستها وكملت طريقي الى المطبخ .. دخلت : السلام عليكم الكل : وعليكم السلام نورة : مااكلت انتظرتك .. ابتسمت ورحت جلست بجنبها : اموت عليك .. جلست آكل وانا افكر مين هذي البنت اللي تعرف عني كل شي انا ماكملت شهر في ذا المدرسه ؟! مين يعني ؟! مااخفي عليكم اني لاول مرة اخاف رغم ان كأن احد يقولي لاتخافين كـ عادتي قمت من بدري وغسلت فمي وصعدت غرفتي شوي وصليت العشا وعلى طول بسابع نومه .. لاتفكير يشغلني ابدا !!! * بما اني نمت من بدري اليوم فـ اكيد بصحى بدري تتوقعوا الساعه كم صحيت ؟! الساعه 2 بالضبط .. نزلت تحت وفتحت التلفزيون روتانا كليب بصراحه لوعندي رقمهم دقيت وقلت تعاقدوا مع راشد الماجد واحشني صوته فزيت لاني تذكرت ان فيه مسجله بغرفتي قفلت التلفزيون وصعدت واخذت شريط قسم مو ذاكره اسمه بس تقريبا اخر كاسيت المهم على اغنيه الحب خالد .. مدري اسمه راشد المهم سيبكم منو صحيح الاغنيه حلوة بس مو احلا من الحزينات لان راشد صوته حزين .. حطيت اغنيه المسافر بدون شعور بديت ابكي عليها بقوة لفت انتباهي مقطع " يالله ياقلبي تعبنا من الوقوف .. مابقى بالليل نجمه ولاطيوف .. " إلى لما قال " يلا ياقلبي سرينا .. ضاقت الدنيا علينا " فعلا راشد مبدع اصلا الابداع يتعلم من راشد .. هه مو جايه احكي لكم عن راشد لاني لو كتبت من اليوم لبكره مابكتفي .. المهم سمعتها حوالي 8 مرات وقفلتها فتخت دفتري بحزن وكتبت " ورحلتُ إلى المآضي البعيد .. لأُثبت لقلبي أنني اُحبه .. وعدت إلى الحآضر القريب .. لم ألقَ أيةُ محبه " مدري ليه طرت على بالي ذي الكلمات قفلت دفتري ورحت الحمام يعز قدركم وغسلت وجهي ناظرت الساعه كانت 3 إلا ربع .. رحت توصيت وفرشت سجادتي وبديت اقرا قران رغم الخوف اللي بقلبي من يوم السبت الا اني تطمنت تقريبا .. ظليت كيذا لما اذن صليت ودعيت دعائي " اللهم ان محمد ونهال ..." طويت سجادتي وفتحت دولابي لبست جينز اسود وبلوزة بني حطيت كحله ولبست حجابي كنت بحط قلوس بس شفايفي رايحه فيها حطيت مرطب وعطر لبست كعب عادي تماما ونزلت البيت كان فاضي طلعت الحديقه لاحظوا شي يوم كنت بالخُبر بالذات يوم الخميس اصعد السطح وبالدمام انزل للحديقه مو قلت ان الدمام غير ؟؟ حتى حيآتي تغيرت يومني جيت وسكنت هنآا ..! .: نهاية الجزء الوآحد الع ـشرون :. |
|
#37
10-17-2016, 04:44 PM
| ||
| | ||
| .: الجزء الثآني والع ـشرون :. " هُو أَنْتْ ×نَىـآدِيِتْ× ..؟ وَإِلاّ ألصُوُتْ خَيّلـْ~ لِي .. يَاآ مَنْ ** ضُلُوعِيْ إِذَاآ نَاآدِيتـْ سِمْعَ ـنّگ ,؛ إِشْتَقْتـْ لِگ حِييلْ ]~ و... وِدّيْ "أَسْألَگْ" ... قِلّيـْ ,؛ إِشْتِقْتـَ لِيْ ..؟ وإِلاّ طُيُوفـْ ..{ ألشُوقِ مَاآجَ ـنّگْ .؟ " / \ / بما اني نمت من بدري اليوم فـ اكيد بصحى بدري تتوقعوا الساعه كم صحيت ؟! الساعه 2 بالضبط .. نزلت تحت وفتحت التلفزيون روتانا كليب بصراحه لوعندي رقمهم دقيت وقلت تعاقدوا مع راشد الماجد واحشني صوته فزيت لاني تذكرت ان فيه مسجله بغرفتي قفلت التلفزيون وصعدت واخذت شريط قسم مو ذاكره اسمه بس تقريبا اخر كاسيت المهم على اغنيه الحب خالد .. مدري اسمه راشد المهم سيبكم منو صحيح الاغنيه حلوة بس مو احلا من الحزينات لان راشد صوته حزين .. حطيت اغنيه المسافر بدون شعور بديت ابكي عليها بقوة لفت انتباهي مقطع " يالله ياقلبي تعبنا من الوقوف .. مابقى بالليل نجمه ولاطيوف .. " إلى لما قال " يلا ياقلبي سرينا .. ضاقت الدنيا علينا " فعلا راشد مبدع اصلا الابداع يتعلم من راشد .. هه مو جايه احكي لكم عن راشد لاني لو كتبت من اليوم لبكره مابكتفي .. المهم سمعتها حوالي 8 مرات وقفلتها فتخت دفتري بحزن وكتبت " ورحلتُ إلى المآضي البعيد .. لأُثبت لقلبي أنني اُحبه .. وعدت إلى الحآضر القريب .. لم ألقَ أيةُ محبه " مدري ليه طرت على بالي ذي الكلمات قفلت دفتري ورحت الحمام يعز قدركم وغسلت وجهي ناظرت الساعه كانت 3 إلا ربع .. رحت توصيت وفرشت سجادتي وبديت اقرا قران رغم الخوف اللي بقلبي من يوم السبت الا اني تطمنت تقريبا .. ظليت كيذا لما اذن صليت ودعيت دعائي " اللهم ان محمد ونهال ..." طويت سجادتي وفتحت دولابي لبست جينز اسود وبلوزة بني حطيت كحله ولبست حجابي كنت بحط قلوس بس شفايفي رايحه فيها حطيت مرطب وعطر لبست كعب عادي تماما ونزلت البيت كان فاضي طلعت الحديقه لاحظوا شي يوم كنت بالخُبر بالذات يوم الخميس اصعد السطح وبالدمام انزل للحديقه مو قلت ان الدمام غير ؟؟ حتى حيآتي تغيرت يومني جيت وسكنت هنآا ..! جلست على الكراسي اناظر الشمس تشرق انبسطت بقوة على الجو لانه ناوي يبرد رحت للمويا وبديت ارش على الورود لفيت كل الحديقه ورشيتها اكثر من مرة كـ تعويض لان محد يهتم لها حاطينها زينه .. ناظرت الساعه كانت خمس الا .. دخلت البيت لقيت بس عمتي صاحيه اول ماشافتني قطبت الله يستر .. ابتسمت وجلست جنبها ولاتزال علامات الاستفهام عى وجهها .. قلت بابتسامه : اش تسوين ؟! هزت كتوفها : انتظر .. قطبت وقلت مثل الاطفال : اش تنتظرين ؟! واخيرا ابتسمت : صحيت ولدي وانتظره ابي نفطر .. قلت : وبناتك ماعندك فيهم صح ولا لا ؟! ضحكت .. قلت : قسم ارحمهم كل الدلع له ابتسمت : ماجربتي لانه ولدي الوحيد بس مايمنع اني اموت في بناتي كمان بنفس الوقت بصراحه كنت بقول اش تحبين فيه بس تذكرت ان اليوم في عين امه غزال .. قلت بابتسامه : يصير افطر معكم ولا جلسه خاصه اُسريه ؟! ردت بسرعه : لالا عادي بالعكس ننبسط معك قلت : من قلبك ؟! ضحكت : لا مو لذي الدرجه ترا ولدي عندي طول الوقت يعني ماأرد بنت اخوي علشان ولدي .. ابتسمت اول مرة تقول بنت اخوي .. ياإن ذا اخوها شاغل تفكيري بقوة المصيبه مااعرف عنه اي شي .. انتبهت على صوت تركي يصبح على امه بالخير اتجهنا للمطبخ وهي تسولف معه وانا ولا عندها في ابو امي .. قلت : نحنو هنا .. قال : ندري من زمان انك هينا .. لفيت على عمتي : بصراحه بصراحه ياعمتي ... قاطعني : ايه نبي الصراحه .. طنشته : بصراحه ياعمتي بخاطري بكره نسوي ... قاطعني : لا يمه لاتسوين .. انقهرت منه ولفيت له ابي استغل نقطه ضعفه علشان يفتشل بقوة .. قلت بقهر وانطلاقه باللغه الانجليزيه : Can you remain silent for 5 minutes plass? " تقدر يعني لو سمحت تكرمنا بسكوتك خمس دقايق ؟ " سكت فتره وظل يناظرني وهو مبتسم واقسم لكم مافهم ولا شي .. لفيت على عمتي : ايه عمتي ابي بكره يصير يوم مميز .. حط يده على خده وكأنه مندمج : ايه وبعدين ؟! ضحكت عمتي بقوة وانا مقهورة الظاهر قبل شوي ماانحرج انه مايفهم .. هين ياتريك .. قلت بهدوء : I want to talk little with your mother .. " اتكلم مع امك ! " شهق ولفت له عمتي : اش بك ؟! هه الظاهر خايفه عليه ..! اشر علي : مدري يمه الظاهر تسبك بالانجليزي ومحد فاهم لها .. فتحت عينها : بالله كيف دريت ؟! قال : والله يمه سمعتها تقول لي يور ماذر يعني امك .. وانا ماعندي الا ام وحده يعني انتي .. لفت لي : صدق ؟! قلت له : بس ذا اللي فهمته ؟! ابتسم هه الظاهر من الفشله .. لفيت على عمتي : اغسلي يدك منه السنه راسب .. تركي : بصابون ولا من غير ؟! قلت : هـ هـ هـ ألعن ابو التصريفه بس مسكين مفتشل .. سكت فتره ثم قال : ون .. تن .. هذولي توأم .. كتمت ضحكتي .. كمل : بعدين ثري .. واللي بعدها اما سيفين ولا فور .. بس خلنا نقول سيفن ونخلي الفور لعشا بكره .. لاول مرة بحياتي ابي اضحك والسبب ولد عمتي .. عمتي : لا اله الا الله من وين طالعه الشمس ؟ تركي يعرف انجليزي ؟ لا مااصدق .. قلت بضحكه : لو بس تدرين ياعمتي اش يقول .. عمتي : يقول حكي مو صاحي ؟! قلت : يقول الارقام لا ومو مرتبه وقسم لو اجيب نوران تقولهم بسرعه .. المهم عمتي نبي بكره فلله قطبت : ليه ؟! قلت : لان بكره يجي فيصل ونبي حفله مو صاحيه .. وبالذات برا في حديقة منزلكم .. هزت راسها نفي : لا لا كان عليك انت كاشفه بس بناتي ؟! قلت : بليز ماي آنت .. تركي : ايه يمه ارجوك قت : لا اله الا الله صدقوني اليوم مضيعه الشمس وطالعه غلط .. قمت من مكاني وحطيت يدي على جبهته : مصخن ولد عمتي ؟! ابعد يدي : ليه بالله ؟ جلست : لاول مرة ولد عمتي يوافقني على شي .. هاه عمتي اش رايك ؟! قالت : وانتي ميه على ميه بتكشفين .. وبناتي ؟ لا يعني لا .. بناتي وكشفوا عن عيال عمر بعد فيصل ؟! ناظرتها برجا .. عمتي : لا .. سكتت فتره ثم قلت : طيب انا عندي براقع يلبسونهم بس الليله .. عمتي : دام عندك براقع ليه ماتلبسينهم ؟! وناظرت ولدها .. قلت : بصراحه اختنق بقوة واحس ان شكلي غلط .. وقلبت السيرة : اش رايك بس الليله .. حلفتك بغلا تركي ! قال : احم .. ايه يمه لا تردينها تحلفك فيني اكتفت عمتي بالابتسامه ثم قالت : بس بشرط ! جاوبت بسرعه : ايش هوا ؟! قالت : انتي تلبسين مثلهم وماتزيدين عليهم ولاتنقصين .. قلت : عمتي ليه البس برقع ؟! هم علشان فيصل وانا ؟! عمتي : علشان ولدي تركي .. يالهي اش ذا القهر بس والله حافظ شكلي وبعد ؟! تركي : كان علي يمه فـ انا شفتها بجميع الاشكال كاشفه ومتلثمه ومتنقبه .. وناظرني حمار يقصد في المقلط .. كمل : والله ماناقص الا بدون حجاب .. طيرت عيوني : لا ياماما ذي بس بالاحلام ناقصه تربيه مااتحجب عن ولد عمتي ؟! ناظر عمتي وضحكت .. وقفت : الحمدلله .. يلا انا بروح من ذا الحين ارتب الطاولات برى وبعدها بصلح حلا واي شي يناسب بصلحه ! عمتي : لاتتعبين حالك الشغالين فيه .. ابتسمت : عمتي لأ .. ذا فيصل يعني اخوي الوحيد واغلا شي بالدنيا يعين مايستاهل يشوف شي مني ؟! ابتسمت : الله يوفقك .. طلعت برا ادور مكان حلو مناسب لجلسه واخير قررت عند حوض الورد كان فيه خمس طاولات اخذت اربع منهم مقابل الحوض على شكل الرقم 6 ثنتين افقي وثنتين عمودي .. قررت على كل طاوله راح تكون عليها نوع من الاكل مثلا الطاباق الرئيسيه والمعجنات والحلا والمشروبات وبما ان الطاولات كل وحده طولها اكثر من متر فـ ان شاء الله يكفي .. اخذت الطاوله الخامسه والاخيره وحطيتها بعيد عنهم شوي .. حسبت عدد الافراد .. اممم تقريبا ثمانيه انا مو غلطانه ؟! حطيت 3 بالطول وواحد بالعرض و 3 بالطول وواحد بالعرض وباذن الله التنظيم كالآتي :. الثلاث الاخوات مقابل انا ثم فيصل ثم تركي .. وعمي بلحاله وعمتي بلحالها .. دخلت البيت ورحت المطبخ ورحثت عن شمعه الين لقيت وحده على شكل صدفه اخذتها وحطيتها برا اممم ايش كمان ؟ ايه مسجله علشان تكمل الجلسه ونبي ميوزك هاديه صعدت غرفتي وبديت اجرب الكاسيتز الين لقيت طبعا المسجله بكرة بنزلها .. رحت لدولابي واخذت 3 براقع واحد لنهى وواحد لنجوى والثالث لي حطيتهم على السرير نوير خلها تكشف .. حطيت لي جدول في بعض انواع الحلا يستغرقون وقت كبير علشان تصير جامدة فـ بصلحها من ذا الحين .. نزلت المطبخ وصلحت " حلا الشوكولاته بالايس كريم " هذا شيي .. امم صلحت جيلي بجميع انواعه وكمان ايس بالفانيلا اما الباقي فـ بكره باذن الله .. اذن علي الظهر صليت وبديت افكر اش بنسوي كمان مسكت ورقه وقلم كتبت " بيتزا " بمااني مشتاقه لها .. و "حلا الانناس " وايه بصلح كوكتيل و" شاورما لحم & دجاج " اممم ايه " كباب وكبه " هه توأم .. امم ايه ضروري يكون معه بطاطا وسلطه ولازم خبز ايه الخبز متوفر .. بعد نبي ايش يحب فيصل ؟! جلست ساعه اتذكر الين عرفت ابيتزا الايطاليه موته كيف نسيته ؟؟ ايه بدق على المطعم يزين لنا ورق عنب عائلي كبير يااي بنكون فلله .. رحت اعطيت الورقه للشغالين وعلشان اذا شي ناقص من الحين والحمدلله كان كل شي جاهز قلت لهم يبدوا فيهم من الصبح وان شاء الله انا بكره بصحر من بدري واساعدهم .. دقيت على المطعم وقلت لهم بكره بعد اذان المغرب علشان يكون كل شي جاهز .. صعدت غرفتي اختار ملابس لبكرة اخذت تنورة سوداء طويله مع بلوزة ابيض اخترت عبايه مخصره بقوة وغسلتها بعد مو ناقصه تعربلني قدام فيصل .. جاء وقت الغذا قلت بنزل معهم بسولف .. وفعلا جلسنا .. قلت : بنات بقول لكم شي خطير جدا جدا .. نورة : لا تقولين طابخه الغذا ؟! ضحكت بقوة : مو مو كيذا اممم اتفقت مع السيدة سلمى العلي ان بكرة تكون مثل الحفله العاديه البسيطه بمناسبه قدوم فيصل .. نهى : الحين فيصل كل يوم جمعه يجي ليه حفله ؟! ضربتها نجوى : ياحماره خلنا ننبسط .. حرام والله لاتركي راضي يطلعنا ولا ... قاطعتها : واتفقت مع السيدة ذاتها انكم بتلبسون براقع .. شهقوا .. قلت : لا تخقافون بوصي فيصل مايناظر ولا يحرجكم .. نهى : طيب كيف ناكل ؟! ابتسمت : اثقبوا لكم في فمكم .. عمتي : اجل يكشفون ازين لهم .. قلت بحماس : ايه يكشفون .. عمتي : على جثتي .. قلت : لا لك طول العمر يارب .. المهم خلاص وقت الاكل تفتحون البراقع وتاكلون بدون مايشوفكم .. نجوى : مسوين اجرام نخاف؟! قلت : لا عاد لاتصيرون مُعقدين بس وقت الاكل يابعدي والباقي فلله .. بس بقول خبر مُحزن .. نورة : لاتقولين خالي مو راضي ؟! قلت : لا وانتي الصادقه امك تقول البس برقع مثلكم .. نجوى صفرت : يعيش الحق ياناس .. لفيت على تركي : بالله مو حافظ شكلي ؟! هز راسه مثل الاطفال ايه ..! قلت : بس امك تقول لاتصيرون شادّين .. سكتنا فتره ثم قلت : وراح يكون برا بالحديقه .... نهى : بس فشله مع فيصل .. والله يانهى مو خايفه الا من فيصل يقزكم من فوق الى اخمص قدميكم والله اعلم .. صرخت : يوه نسيت !! عمتي : ايش ؟! قلت : والله مو قصدي بس انا مع فيصل وبنات عمتي وعمي وعمتي وولدها ثمانيه والله نسيت بالغلط وقسم .. ابتسمت عمتي : عارفه مو لازم تقسمين .. فزيت .. قالت : وين ؟! قلت : بجهز لهم كراسي طلعت برى واضطريت اغير واحط جنب عمتي كرسي اضافي وكرسي اخر جنب عمي وتتغير السالفه تبون تعرفون التنظيم ؟ بكره اخبركم .. دخلت ورحت لجناح عمي بخبرة طقيت الباب شوي .. بعد شوي ماطلع لي احد .. قلت ابجلس دقيقه محد طلع فـ ... ماكملت جملتي الا وعمي بوجههي مبتسم .. قال : كنت عارف انها انتي .. ضحكت : ليه ؟! قال : محد يزورني غيرك .. قلت : بالذات ذا الوقت عندي شي ضروري عمي اسمع عمي بكـ... قاطعني : تفضلي .. افتشلت ودخلت جلسنا .. قلت : اسمع ياعمي الكل موافق وباقي انت نبي بكره العشا برا بحديقتكم .. قطب .. قلت : لاتخرب فرحتي ياعمي .. من الصبح وانا ارتب وانظم ارجوك اول طلب لي لا تردني ابتسم : وسلمى وبناتها ؟! جاوبت : عمتي قالت معليه بناتها يلبسون براقع .. عمي : براقع ؟؟ من وين ؟! قلت : احم .. احم من .. من عندي وقالت كمان انا مثلهم .. حلو ؟ ابتسم : خلاص .. قمت ورحت حبيت راسه : وقسم احبك ياعمي .. المهم ,؛ خبرت عيال عمي وانا متحمسه لبكره بقوة .. نزلت تحت لغرفتي ووقفت عند المرايا افكر اش بسوي بشعري بس صدق ماراح يطلع غير عيوني .. قررت فقط احط جل بشعري وكحله في عيني ومرطب .. جهزت كعب عالي بقوة لونه اسود فيه كريستالات ابيض يلا يمشي مع اللبس .. اخترت لي ذهب راح يكون بيدي اليمين الساعه لازم شي اساسي مثل نايف وخاتم بالسبابه وآخر بالابهام واسواره وخاتم باليسرى .. مدري اذا تعرفون عطر " ايلي " هذي لبكرة وناسه أذن علي العصر قمت وصليت بعدين نزلت اناظر التلفزيون معهم والله اناظر وانا صافطه عليهم وافكر في بكره .. بصراحه مشتاقه بقوة له .. نقزت لغرفتي وبقيت على السجاده الين اذن المغرب صليت وانسدحت على سريري مو قصدي انوم بس اريح شوي وبالغلط غطست بنومي .. صدقوني مو قصدي انوم بس النوم سُلطان ..! * * * صحيت على الساعه 12 شهقت يوم شفت الساعه ورحت صليت ..صلاة المغرب اتعبّد واتزهّد وسابقتها ومتجهزة والعشا رايحه فيها .. استغفر الله ربي كملت انسدحت وحطيت المنبه على الساعه 4 ونمت .. على طول صحيت وصليت الفجر قمت بحيويه ونشاط واخذت البراقع ورحت غرفهم بهدوء وحطيتها نزلت تحت اكلت خبز مع جبن على السريع ورحت مع الشغالين اساعدهم محد صحى اليو مالا عمتي تساعدني المهم اكثر من مرة تقاطعنا للصلاة والحمدلله كل شي صار جاهز على الساعه ست ونصف المغرب .. يالله باقي ساعتين ونصف يارب يمديني اتجهز رحت غرفتي وتحممت حطيت جل مع كحله ومرطب ولبست كل شي العبايه والحجاب وباقي البرقع لبعدين .. رشيت عطر ونزلت للحديقه أُشرف على كل شي الحمدلله كل شي مرتب حسبت عدد الكراسي مع عدد الافراد هه ياخوفي غلط .. ايه عشرة وحنا عشره .. حطيت المسجله خطرت في بالي فكرة في اغنيه تنفع يحطونها في المتحف اسمها .. بدايتها " ياارض احفظي ماعليكي " بحطها وبعدين الميوزك طول السهره .. رحت غرفة نجوى لقيتها متبهدله ساعدتها باللي اقدر عليه وقلت لها بضبط لها البرقع اذا بغت نهى خالصه بس تتدرب على البرقع خخخ .. صوت بوري طلعت كان المطعم اخذته ورتبته خيبه جات الساعه 8 ونصف وماراح تركي لاخوي .. المهم على الساعه 9 وربع راح .. ضبطت الاغنيه وحطيت عليها ثامر اول مااشر له يفتحها .. لبست نهى وساعدت نجوى على البراقع .. سار وظيفته يبقى برى لين شاف سيارة تركي يجي يخبرنا .. انا مع عمي وعمتي وبناتها بنكون حلقه عند الباب بصراحه ابي اشوف ردة فعله بقوة .. المهم مابشوقكم اكثر جاء لنا سامر وتضبطنا اول مادخل فيصل اشرت لثامر وبدت الاغنيه .. يا أرض احفظي ما عليكي .. حبيب قلبي حضر .. يا أرض احفظي ما عليكي .. اليوم طالع قمر...! حسيت ان فيصل مستغرب بقوة ويناظر بالبنات وحده وحده الين استقرت عينه علي رفعت البرقع ومديت له لساني والى الاحضان ياعشاق حسيت فعلا ببكي كيف لا وهو اخوي اللي احس له قبل يتكلم ويحس لي من قبل مااناظر له ؟! حسيت بيد ساعدتنا انتبهت انها يد عمي ورحنا باتجاه الكراسي .. قلت : احم هنا راح يكون عمي وجنبه فصول .. في جنب فيصل انا وفي مقابلي راح تقول نهى وجنب نهى نجوى وجنبي ثامر يعني ثامر قبال نجوى .. وجنب ثامر اخوه وقباله نهى .. راح يكون قبال عمي عمتي وطبعا ولد عمتي لو مايشوف امه جنبه يموت يجيه انهيار عصبي فـ راح تكون جنبه .. اتجهت للمسجله وشغلت الميوزك .. فيصل : بالله سارونه انتي اللي زينتي كل شي ؟! قلت : لا مو كل شي بس فكرة واخراج سارة العلي فيصل : ماتغيرتي ولا بتتغيرين .. بالخُبر بالسطوح والدمام بالحدايق .. عمي : بالسطوح ؟! فيصل : ايه والمشكله على طول نروح معها واكثر من مرة هي اللي تصير الضحيه .. قطب عمي : بالله كيف ؟!! فيصل : من يومنا صغار .. فرقتين كل وحدة ضد الثانيه .. انا ونايف وساره .. والفريق الاخر مروى ومشعل تقريبا هي كانت بس اللي تفكر لنا وتسوي لنا مخطط ومدري ايش ونايف اطلق عليها اسم المحقق كونان .. سمعت ضحكه من البنات بس ماعرفت مين اللي ضحكت .. قلت : خبرهم عن امجادي ياخوي .. ضحك .. عمي : ههه ليش اش مسويه ؟ فيصل : اممم انا كنت البطل في الفريق ونايف الرئيس بما انه اكبرنا بقول لكم موقف بتعرفون ذكاء ساره .. مشعل مع مروى متفقن انهم يوسخون المطبخ ويقولون حنا الثلاثه تطوف علي ذا القصه بس تطوف على اختي ؟ فتّنت عند خالتي مشاعل وثبتت عليهم الجريمه والعقاب ينظفون المطبخ .. عمي : هه تستاهل والله المحقق كونان ابتسمت من تحت البرع .. فيصل بابتسامه : مرة وحده اللي تغلبوا علينا بس ناي اخذ بثارنا .. عمي ضحك بقوة : ايه .. فيصل : اممم مدري يمكن يوم كان عمرها 18 مدري اش سوت لمشعل اقولك من القهر اللي فيه اشترى علبه علك وحلاو وعد ان مضغه جيدا حطه بشعر اختي جات لنا انا ونايف وتعاوننا وقصينا شعرها .. ناظر تتركي لقيته رايح فيها لو تحطون عليه عشا ينشوي عليه .. عمتي : ليه ماكانت تتحجب ؟ فيصل : لا طبعا .. اصلا ماتحجبت عنه الا بدايه ذي السنه احتراما لانها بتطق العشرين ..! سكتت وناظرت تركي خلاص منقهر تخيلوا لو قلت له بس نجوى بالغلط هاه بالغلط شافها فييصل ذبحها وهي ماشافا .. عمي : وبعدين ؟! فيصل : الليل اخذتها خالتي وقصته لها بوي والحين مدري اذا صار طويل ولا لا .. ضحكت .. نروة : سامر خلاص اعتزلنا .. ضحكت بقوة اكثر .. وابتسم تعلى الذكرى من داخلي الحين مروى تغيرت بقوة يافيصل ماصارت الحلوة اللي نتهاوش بدقيقه وثواني نتراضى ..! فيصل : اما مشعل ذا قصه نايف مرة طلع معها للبقاله كانت 12 سنه تقريبا وانا بقيت بالبيت علشان ادافع عنهم شهق تركي : بالله فيصل ؟! بلعت ريقي .. فيصل : ليه ؟ عمتي : 12 سنه ؟! اجل لو تدرين اني صعدت السطح مع نايف ودخلت المقلط لولدك قبل مااعرف مين هوا اش سويتي ؟! فيصل : هممم .. مشعل قال لخالي ومرته واول مارجعت نجت باعجوبه .. ومن يومها وهي تسميه مشكل مشاكل اسمه مميز مشعل مشاعل عمتي : كم عمره ؟! فيصل : اصغر منها بسنه .. بس طبعا يوم صار عمره 15 سنه قالت خلاص نسميه ميشو تركي : بربك فيصل وكل شي تنفذون اوامر بنت ؟! ماخفت علي نبرة السخريه في كلامه يارب فيصل يعطيه كلام يحطمه ناظرت فيصل فهمني .. قال : كيف لا ؟ وهي دلوعتنا انا مع نايف وطلباتها اوامر .. وابتسم .. تركي احترق .. فيصل : الظاهر الليله بنقضيها في الحكي عن سوير عمتي : هذا وانت توك داخل ورومنسيات ومدري ايش وبعد كل ذا سوير ؟! بصراحه رحمتها لو تدري انها من الامس ترتب وتصلح ومدري ايش .. صدق ماتستحي ! ناظرني ابتسم ابتسمت له بس تذكرت ان علي برقع قهر بس .. المهم قام الكل وتعشينا وبعدها افترقنا نتمشى بالحديقه نهى مع نجوى يتمشون الفرصه لاتُعوض .. وعمتي مع ولدها وانا مع فيصل .. اما عمي مع عياله على الطاوله .. حلو كل انسان مع اقرب الناس له .. فيصل : بقول لك شي ابتسمت : ايش ؟ قا : احبك بقوة .. دمعت عيني .. فتح البرقع : لاتبكين بصراحه انا اللي ابي ابكي وين القى مثلك ؟ على طول اتزوجها .. جاوبت بسرعه : نجوى ماجد عمران شكت فتره وهو مقطب .. خفت من ردة فعله وقلت : فيصل انا خايفه بقوة همس : ليه ؟ قلت بخوف : وقسم مدري عن السالفه يوم الاربعاء جات لي بنت وجلست جنبي سلمت ورد السلام واجب قالت لي شخبارك قلت انا مااعرفك ومدري ايش .. عاد قالت اسمي وعمري واشياء كثيرة ويوم الاربعاء اتصلت تقول تبيني يوم السبت .. فيصل : طيب اول ماترجعين من مدرسه دقي علي احكيني اش صار .. ابتسمت ابتسامه رضا .. ثم كملت : وقسم يافيصل اني ماقد شفتها علشان اعرفها .. ابتسم : ماجابت طاريي ابد ؟! قلت بسرعه : ايه سألتها ماتعرفين عدد اخواني واخواتي قالت عندك اخو واحد اسمه فيصل ضحك : بس وصلتي خير معجبه فيني هههههههه ضحكت بخوف : والله خايفه قربني له : دامك مع اخوك بنت امها اللي تقدر عليك حسيت بفخر انه جنبي ولاتستغربون ان قلت بامان وطمئنينه حسيت بعطش بقوة اتجهت لمكان عمي وشربت مويا شفت نجوى والله فره يتقرب منها رحت لها قلت : نجيو تعالي معي نجوى : ليه ؟؟ قلت : ماعليم كني تعالي وانتي ساكته يلا وسحبتها رحت لفيصل لقيته يلعب بجواله قلت : مُفاجأه نجوى موافقه تمشي معنا قرصتني نجوى اما فيصل رفع راسه لي متعجب غمزت له ابتسم وجلست بالوسط وشبكت يد بفيصل والثانيه لنجوى .. قلت بالبدايه بخلي نجوى تتكلم بطبيعتها بعدين نسولف قلت : ايه صدق نجوى اش رايك فيني ؟! همست : حمارة بقوة الظاهر فيصل سمعها على طول ضحك .. قلت : ليه ذا ولد خالك عادي نجوى : معليه ياحمارة حسابك عندي همست لفيصل : تكلم قول اي شي فيصل : عادي ترا اذا تبين سارة تروح عادي ابقى معك وجع ياحمار البنت تستحي ..! قلت : اخليكم على راحتكم بروح لعمتي قالت بسرعه : خوذيني معك .. قلت : ترا فيصل ماياكل .. وابتعدت وانا مبسوطه شي حلو اضر عصفورين بحجر واحد اولا اتخلص من مروى ثانيا لان مروى تعتبرة اخوها ثالثا نجوى تستاهله .. ابتسمت بخبث وناظرت ورى موطيه راسها وفيصل يهذر .. الله يوفقكم .. يعلم الله اني مابخاطري لكم الا السعادة رحت لعمتي وتركي ونهى قلت : اجل وين سامر وثامر ونوران ؟! ابتسمت عمتي : راحوا ينامون .. عمتي : وين فيصل ؟ ارتبكت : أأأأ مدري ! نهى : طيب و... عرفت انها تقصد نجوى .. قلت بسرعه : اي هعمي انا بقول لك شي قطب : ايش ؟ بلعت ريقي ياربيه اش اقول ؟ .. قلت : بروح لفيصل ابتعدت بسرعه ورحتلهم كانوا ساكتين .. قلت : هلوو فيصل يلا نجوى ماما تبيك .. قامت بسرعه وفيصل ابتسم رجعتها ورحت لفيصل .. قلت : هاه خبرني اش صار ؟! هز كتوفه : جايبه لي وحده ماتتكلم ابد والله اهذر ولا تتكلم قلت : خجوله بقوة وتستحي .. غمزت له اقصد مروى ضحك .. قلت : طيب اش رايك فيها؟؟ فيصل : مدري بس غريبه شوي تضحك وشوي مستحيه انا ابي بنت مثلك وتشبهلك ابيها جريئه لما اقول لها لا تناقشني وتشبهلك بالطول والعرض وملامح الوجه ولون البشره ولون العيون وكل شي فيك اذا موجودة مستعد اخطبها شلت البرقع : صدقني مافيه مثل نجوى .. سكت كأنه مايبي يجادلني .. طلع كعادته الساعه 12 ونصف طلعوا الشغالات ينظفوا اخذت المسجله معي وصعدت غرفتي فكيت العبايه وحذفتها على اقرب مكان وبديت اتأمل نفسي ماينلام فيصل لو طلب وحدة مثلي مو غرور بس شي حلو افتخر فيه .. ياااه بكره السبت الحمدلله حليت واجباتي شوي وماشفت الا الباب ينفتح وتدخل نجوى لااحم ولا دستور .. تخصرت : لو كنت اغير ملامبسي ؟! لوت يدي : انا ياحمارة تتركينيم ع اخوك بلحالنا ؟! سحبتها وجلسنا على السرير .. قلت بجرأة : نجوى . أحلفي باللي خلقك ان فيفي عبدو مارقصت على قلبك وانتي مع فيصل ؟! سكتت .. ابتسمت : عادي انسي .. همست : ياحمارة لكن احرجتيني معه .. قلت : انا متعمدة اسوي ذي الحركه سيبنا من ذا .. تحبين فيصل يانجوى ؟! وطت راسها : أشوف فيك يوم ياسارة ضحكت : امين يارب وقفت : يلا بروح انام غمزت : تنامين ولا تفكرين باخوي ؟! صرخت : حمارة .. وطلعت من الغرفه فديتك نجيو هذولي البنات ولا بلاش يستحون مو مثل مروى مو جايه اسب فيها اخر الليل .. قررت انزل تحت رتبت شكلي انا متأكدة ان تركي مو تحت ليه اتحجب نزلت تحت وانا رافعه تنورتي السوداء الطويله شفت الانوار مقفوله ناظرت الساعه وحدة ودقيقتين وصعدت متجهه لغرفتي بنوم سمعت صوت ضحكه ماكانت عاليه بس الصوت قريب مني اتبعت الصوت واكتشفت انه جاي من غرفة نورة .. مشيت والمشكله الكعب كان يصدر صوت .. شلته وقربت اذني بس تضحك انهبلت نوران وجلست رجعت غرفتي وغيرت ملابسي الى شورت وبلوزة خيوط لنصف البطن عادي انا بلحالي ومستحيل تركي يدخل او احد من عياال عمي .. فكيت رباط شعري وانسدحت على السرير افكر في نايف كيف اني كنت كل يوم اشوفه والحين ولاشي ولاحتى صوته المميز .. اصلا كل شي فيه مميز الطول الرشاقه سماره اللي يخبلني بقوة هذا حلمي .. والله انام احسن قفلت الابجورة ورحت بعالم الاحلام .. * * * |
|
#38
10-17-2016, 04:46 PM
| ||
| | ||
| ((2)) صحيت الساعه 4 الفجر صليت بعدين تحممت جففت شعري بالشيسوار وحطيت فراشه صغيره على جنب حطيت الكحله وقلوس احمر ناظرت الفراشه كانت اخضر وزهري قررت البس اخضر لبست مريولي ولبست الساعه الخضراء فتحت دولابي وقلبته فوق تحت مالقيت العبايه الخضراء ..طلعت عبايه الفراشه ولبستها لفيت حجاب فيه ورد على الاطراف رشيت عطر واخذت شنطتي واتجهت الى الدرج ناظرت الساعه خمس وخمس يلا باقي وقت رحت غرفة نورة كانت بالحمام تكرمون .. معقول صرت اتوهم ؟ واسمع اشياء غير مو جودة ؟ طلعت ورحت لغرفة نجوى لقيتها مقفله المكيف ومتلحفه بقوة .. تقربت منها وهمست : نجوى ! بس ترتجف ارعبني المنظر وتركت شنطتي ونزلت لعمتي اللي كانت بلحالها وقلت لها .. فعلا رحنا قاست درجه حرارتها وساعدتها انا تلبس العبايه وطلعوا شفت نورة تلحقهم اش صاير ؟! الله يستر نزلت تحت وجلست على الكرسي وفي حظني شنطتي سمعت طرق نعول خمنت انه تركي لان الكل طلعوا وفعلا دقائق ودخل المطبخ .. قال : صباح الخير قلت : صباح النور قطب : اجل وين امي ؟! هه دلوعه ماما .. قلت بملل : امك طلعت مع نجوى ونهى ونورة مع عمي وعياله الى المستشفى لان نجوى تعبانه جلس على لكرسي وهو ساكت صلح له خبزة مع جبنه هه لانه متعود امه اللي تصلح له كل شي فـ مايعرف .. اكل نصفها وقام طلع رحت معه وركبت جنبه وانا ساكته مابي هواش اليوم .. حسيت بنظراته لفيت له : واللي يرحم امك حرك وبلا سخافه قال : اولا انا تركي مو فيصل تركبين معه بلحالك قلت : بالله يعني اروح مشي ؟ سكت وكأنه يفكر ... قلت : بالله انت ولد عمتي ولو امشي بلحالي مشكله .. قال : طيب تغطي حطيت يدي على حلقي : أحس بخنقه تأف : طيب تلثمي هزيت كتوفي : مااعرف ناظرني وهو مقطب ومبرطم .. وقال بنبرة سخريه : والله ؟ يعني ماتعرفين ؟! بس اذكر اني مرة شفتك بالخُبر متلثمه ولا انا غلطان ؟! اكرهك ليه دايم تذكرني ؟ .. قلت ببرود : وانا كان نايف ولد خالي اللي يلثمني .. كانه انصدم : يلثمك ؟! ابتسمت : وقسم ..! سكت فتره كانه يبي يستوعب .. قلت : يالله حرك الشمس بتحرقني .. قال بجد : مااقدر احرك وانتي مو متلثمه لانك قدام معي وثانيا سمعتي .. تأففت وانصعت لأوامرة وتلثمت وبقيت ماسكه طرف اللثام مثل اول مرة ركبت معه مع فيصل .. لفيت له : حلو شكلي ؟! ناظرني نظرة رضا ولف يسوق وهو ساكت اول مرة نروح بدون هواش طول الطريق .. لفيت عليه وبديت اناظرنه وقسم نفس عيون نايف نفس كثافة الرموش الفرق الوحيد ان ذا عيونه اخضر ونايف مايل للعسلي .. عيلتنا خُرافيه بجد انا فيه شوي بني خخ ونايف عسلي وذا اخضر فيصل مثلي .. بس تصدقون احلا شي نايف ياقلبي ؟ انتبهت على صوته : مطوله تتأمليني ؟! مُعجبه ؟! قلت : هيهيهي لا مُغرمه ..! بانت على طرف شفايفه ابتسامة سخريه .. لفيت اناظر الشباك ناظرت الساعه قربت تصير ست غريبه العدة نوصل قبل .. حسيت بقلبي يدق بقوة لما تذكرت ان اليوم بشوف البنت الله يستر سندت راسي وانا اتنفس بقوة مدري كم صار لي على كيذا بس انتبهت على صوته همست : وصلنا ؟! هز راسه وابتسم .. فكيت اللثمه ونزلت ودخلت وقلبي طبول .. اول ماشلت عبايتي سمعت " صباح الفل " الله يستر لفيت لقيتها ريم تنفست بقوة : صباح السكر والجالكسي ابتسمت : اش بك ؟! قلت : اليوم بعرف وخايفه بقوة .. ريم : لاتخافين هيا بنت مش ولد يعني مافيه مانع تجلسون بلحالكم وابتسمت تطمني بس وين ياريم .. يلا عادي ! ماصدقت خبر دق الجرس صعدت فصلي الحصه الاولى رياضيات ياقهر ذا الوضيح كل يوم اذاكر وماتقومني .. الحصه الثانيه احياء مافيها اي شي جديد والثالثه ادب اول ماطق الجرس طلعت مرايا وناظرت شكلي مرتب الحمدلله سميت بالله ونزلت تحت رحت شريت لي مويا وشربت منها ورحت لذاك المكان اللي قالت عنه أحس انه منعزل عن المدرسه الله يستر .. قريت بسم الله 11 مرة وجلست على صخره وانا العب بالرمل برجلي وفكرة تاخذني وترجعني سمعت صوت " صباح الورد " ارتعبت رغم انه كان اقرب للهمس .. ابتسمت رغم التوتر : صباح الياسمين تأخرتي . ابتسمت .. خيبه بتمضي الفسحه على توزيع الابتسامات وجع ان شاء الله مليت من الانتظار قلت : اتوقع اني جايع اعرف مين نتي ؟ سكتت فتره ثم قالت : انا ندى .. ندى ؟؟ وخير يعني كم ندى بالمدرسه ؟ ابتسمت : كملي ؟! قالت : 18 سنه ثالث ثانوي ادبي اول وحدة اعرفها ادبي .. قلت بابتسامه : ماهمني ياحبيبتي ايش اسمك المهم من وين عرفتيني .. همست : من نجوى نجوى ؟؟؟؟؟؟؟؟ قلت بتعجب : ابي اعرف ليه يعني تبين تسوين احصائيات ولا ايش ؟! وطت راسها .. قلت : ايش قالت بهدوء : بصراحه انا ... وسكتت لا بالقطاره قد ايش ذكرتني بتركي تقهرني ذي النوعيه ابتسمت : ايوه ؟! قلبي يطق بقوة .. همست : انا .. انا احبك قالت احبك ولا انا غلطانه ؟؟ قسم لولا الحيا عطيتها كفف على وجهها بس تمالك اعصابي .. قلت بهدوء : ايش ؟؟ قالت : احم .. انا احبك انتي وجعع بكل قواة عين تقولها .. تنفست : وووو..؟ وطت راسها : ابيك لي ! استغفر الله ربي حتى بالدمام فيه ناس كيذا ؟؟ بالله اش اقول لها ؟ قلت : كيف يعني ؟! حسيتها بتبكي خخ ياحرام رومانسه بزياده .. قالت : ابيك ي انا ندى وبس مابيك تكلمين غيري ابد ابيك لي تنفست بقوة : ندى حبيبتي انا مو جايه المدرسه احب لي بنت وموضوع اني احبك حب صداقه هذا اقصى حد عندي .. ردت : بس ان ااحبك تفهمين ؟! لعنت نفسي الف مرة انا جايه المدرسه وشهوله اتزين بعد ؟ لعانه وخبلا بعد .. ياذا الورطه ياناس قسم قهر ابتسمت : ممكن تفهميني اش بتستفيدين مني ؟! تحبين رجال ممكن تتزوجينه وانا ؟؟ جاوبت بسرعه : مستحيل اتزوج اوعدك بس ابقي معي .. وقفت : بس ان ابيجي يوم واتزوج فيه .. خلاص البنت بكت : والله بغيت اموت يوم سمعت انك تحبين ريم كيف تتزوجين ؟؟ وفتحت لي ازرار مريولها : ناظري ؟! شفت شيء لايُصدق البنت راسمه في حلقها حرفي غير السلسله اللي فيها اسمي بغيت انجن عليها اش ذي البنت ياربي ؟؟ استغفر الله .. خخخخخ شسوي بعمري لاصرت حلوة واجنن بالخلايق ؟؟ شوي وشفتها مطلعه لي كيس خمنت انها هديه خخخ .. وفعلا مثل ماتوقعت ندى : طيب خوذي ذي شريتها باسمك ! ابتسمت : من صديقه لصديقه ولام ن ندى العاشقه ؟ قالت : مستحيل تكونين صديقتي بيوم .. هزيت راسي باعتراض : مااقبلها ..! قالت : أرجوك افهميني لو مرة .. أووه بعد تقول افهميني لو مرة خخخ .. ناظرتني برجا : بليز بصراحه كسرت خاطري وبخاطري بيني وبينكم اعرف اش فيها .. اخذتها وابتسمت لها قلت : طيب انا بقبل ذي المره بس اتمنى من كل قلبي ماتفكرين تحبين بنت ..! ندى : مستحيل احب غيرك .. بصراحه جاتني الضحكه بس سكتت .. قلت : مستعده احبك حب صداقه لاغير سكتت .. قلت : متى ما بخاطرك تكونين صديقتي حياك بأي وقت .. ابتعدت عن المكان قالت : موافقه بس اكون معك ابتسمت : طيب مضت الفسحه معها وصعدنا مع بعض استغربت من تصرفاتها كيف ان بنت تحب بنت المهم ماعلي منها .. خلصنا وطلعت على طول قبل اشوف اي حد انتظرت تركي الين شفته على طول صعدت .. قال : تلثمي .. تلثمت وانا ساكته فجأة تذكرت شكلها وهي تقول " انا احبك " وفطست ضحك مو قادرة ياناس ابي هوا .. سمعته : انهبلتي بنت خالي ؟! قلت : احم لا ابدا تذكرت شي .. سكت ثم رجعت اضحك .. قال : بعد اش فيك ؟ تذكرت شي ؟ هزيت راسي وانا اضحك الين ربي افرجها ووصلت المنزل الحين خوف ومدري ايش وفي النهايه سالفه حب ؟؟ دخلت البيت ورميت كل شي على جنب ورحت لغرفة نجوى ابي اتطمن عليها شفتها مو فيه الله يستر دخلت غرفتي وغيرت ملابسي وصليت ونزلت تحت لقيتها منسدحه على رجل امها بالصاله وامها تلاعب خصلاتها .. قلت : السلام عليكم .. خير نجوى ان شاء الله طبتي ؟! ابتسمت .. جلست على الكنبه واسندت ظهري .. قلت : ياحمارة اقلقتيني عليك .. قالت بهمس : اتدلع .. قلت بدلع : اتدلع .. مالت عليك قلبي نقز من مكانه .. ناظرت عمتي كانت تناظر ولدها وسرحانه فيه .. مدر ليه احس ان فيه لغز في السالفه كل واحد من افراد ذا المنزل يسرح في حد كل واحد وله قصه لازم اعرفها لقافه خخخ تثاوبت .. نهى : نعسانه ؟! حسيت من نبرتها انها مستغربه .. قلت : بقوة بعد .. قطبت : مو عاداتك .. قلت : ايه بقاوم وبروح اكتب واجباتي بعدين بنوم عمتي : لا روحي نامي اريح والليل اكتبي واجباتك قلت : ماتعودت اصير كسلانه مثل .. الله لايبلانا ناظرني تركي وهو مبرطم وقفت : يلا قود باي صعدت لغرفتي وكتبت واجباتي وذاكرت ماصدقت على الله خلصت على طول انسدحت ونمت .. * * * .: نهاية الجزء الثآني الع ـشرون :. |
|
#39
10-17-2016, 05:58 PM
| ||
| | ||
| .: الجزء الثآلث والع ـشرون :. " مِنْ يُقولـْ~ إنيّ لِغِ ـيرَگْ ..؟ أنَاآ لِگْ مَاآنِي لِغِيَرگْ ,؛ آنهـْ ** مِتْعَ ـلّقْ مَصِيرِيْ .. يآ ×حَبِيْبِي× فِي ~ مَصِيرَگْ ..! / \ / صحيت عى اذان العصر صليت ورجعت نمت الى الساعه خمس المغرب قمت وغسلت وجهي ولبست برمودا زيتي مع بلوزة ابيض كلها خربشات بالياباني .. ولقيت الحجاب الزيتي حطيت كحل ومرطب وعطر ونزلت شفت نهى مع نورة وجنبهم كتب ونجوى منسدحه وتركي يلعب بجواله .. قلت : السلام .. الكل : وعليكم السلام .. جلست جنب نهى ونروة اناظرهم .. عمتي : اتصل فيك فيصل يقول يبيك قولت له نايمه .. انتبهت : متى اتصل ؟! عمتي : تقرييبا بعد الغذا .. سكتت فتره ثم قلت : ماقال لكم اش يبي ؟! هزت راسها نفي واشرت على التلفون وكأنها تقول دقي عليه .. على طول رد : هلا .. قلت : اهلين مسرع مااشتقت لي .. فيصل : لا والله ياحماره خوفتيني عليك مع البنت طبعا اللقافه ماتركتني هااه اش صار ومين تكون ؟ قلت استهبل : أي بنت ؟يؤؤ خرفت اخوي ؟! جاوب بسرعه : ياحمارة انا على اعصابي .. اش قالت ؟ قلت : تخيل انا خايفه وبعدين تطلع سالفة حب ؟! كانه تحمس : اش قالت قلت : ياسارة ان ااحبك تفهمين ؟ افهميني لو مرة بحياتك .. صرخ : تحبك ؟! انا حسبالي تحبني مالت عليها بنت مع بنت وين صارت ذي ؟ قلت : وجع فقعت اذوني لا والهديه اللي مدري وش تبي .. ضحك : قولي قسم ؟! قلت : والله قال : ألحين تروحين تفتحينها وانا على الخط يلا قلت : نور تقدرين تروحين غرفتي بتشوفين كيس احمر هاتيه .. ابتسمت وراحت احس كل العيون تناظرني .. شوي ونزلت نورة والانظار حول الكيس .. قلت : فيصل معي ؟ رد : ايوة قلت : المقدمه كيس احمر مدري مخربط عليه حكي بالانجليزي واختك تدري ماتفهم شي ضحك : ايوه كملي كملت : سيبنا منو .. مربع لونه احمر كبير شكله يجنن .. صفر : أوه احمر حب ياقلبي قلت : اشش لاتقاطعني .. المهم داخل المربع يوجد ورد مجفف ورساله محروقه قال بلهفه واضحه : ايش مكتوب .. قلت وانا اغني : بتحدى العاالم وانا وياك .... قاطعني تصفيره : لاعادي ذي تموت عليك قلت : خيبه ياحمار استحي .. المهم يوجد صندوق صغير .. شهقت : مو معقول .؟! قال : ايش ؟! ضحكت : تخيل سلسله مدري وش نوعها حرف n ؟؟ فيصل : ليش تعرف انك تحوبي نايف ؟! رديت : لا ياغبي اسمها .. فيصل : ايش اسمها ؟! قلت : مو شغلك المهم .. يوجد شموع صغيره لحظه ايه فيه قلب احمر اسمع اش مكتوب .. من عاش بالدنيا بلا حبيب عاش فيها بمثل الغريب ضحك .. قلت : هااه اش رايك !؟ فيصل : انصحك البسي السلسله .. قلت : مايب لابو امها كلام .. ولبستها .. رجع يضحك .. قلت : مالت عليك مو رومانسي اب ياحمار الله يعين اللي بتاخذها بس امها داعيه عليها بليلة القدر .. سكت فتره : ايه صدق سلمي على حبيبتك .. قلت : الحب مو غصب .. مو كيفيك .. صفر : ماتخونين نايف ابد ! ولع وجهي : ياحمار ياوجه البوم عيب استحي على وجهك تدري انا الغلطانه اعلمك لا وكل شوي تصفر مالت عليك يلا بقفل .. وقفلت شوي ورجع التلفون يدق .. قلت : نعم ؟! فيصل : تدرين لو ماقفلتي بقفل قبلك ؟! وقفل في وجهي .. ضحكت على خباله وجمعت الاغراض داخل الكيس .. عمتي : ساره ..! ناظرتها وابتسمت : آمريني بس ؟! قالت : معليه اعذريني تلقفت وسمعت المحادثه بينكم بس اللي مافهمته ايش حكي الحب والخرابيط ؟ ضحكت .. كملت : لا وذي كمان اشرت على الكيس .. قلت : بصراحه ياعمتي بصراحه ؟! نجوى بحماس : ايه قلت لها : اش لقفك ؟! نهى : انجزي ضحكت : ذي من شخص يحبني الكل سكت عمتي تناظر نهى وتركي .. ونجوى تناظرني .. قلت : لا تفهموا غلط !! الكل ساكت ومبلم انحرجت لا يتوقعوني لوفر ولا شي كيذا .. قلت : فيه حد بالمدرسه يحبني ! ننجوى : مين هوا ؟! هذي المريضه بعد .. قلت : قصدك مين هيا .. وحدة وبس خلاص .. تركي : خير وحده تحبني وين جالسين حنا مافيه بنت تحب بنت يا ... بنت خالي .. عمتي : صادق تركي كيف قلت بقهر : تشكون ؟! شي جديد والله .. مافيه ثقه خلاص ؟! ولا انعدمت الثقه ؟! كنت على ووشك ابكي فعلا يعني مااخلص من فيصل الا ويجوا اهل ابوي ويكملونها ؟! تركي : والله اللي يشوفك يتوقع اي شي .. هنا قفلت معي .. صرخت عليه : انت مخلوق من ايش ؟! ماتفهم ؟! مو علشان اللي رباني خالي تقول ذا الحكي انا متربيه ومستحيل اخون ثقة اهلي .. وكملت بسخريه : هذا اذا فيه ثقه .. الكل ساكت .. عمتي : ساره ايش ذا الكلام الله يهديك ؟ الكل عارف انك متربيه واحسن تربيه بعد .. قلت بهدوء : والله حكي ولدك مايدل على كيذا .. عصبت عمتي : الكل راح يفهم غلط صدق كلام تركي فيه غلط .. بس معقول ذا من بنت ؟! وصلت عندي للاتش .. وانا متأكدة لو بقيت بجرحهم أخذت الكيس بعصبيه صعدت أول درجه .. لفيت : تمسون على خير ! صعدت السلم بقهر ورحت توضيت وصليت ركعتين لعل وعسى اخفف العصبيه اخذت المصحف وقريت كم آيه .. هديت بقيت على السجادة الين اذن المغرب صليت وانسدحت على السرير مابي انزل كافي اهانات مابي افكر في اي شي .. نقزت صورة نورة بوجهي .. يوه صدق البارح سمعتها تضحك ؟! انا لازم اشوف حل لذي السالفه بس كيف ؟! أروح اسألها ؟! يمكن تنكر ؟! أقول لأمها ؟! لا لا والف لا والله اخاف تذبحها ؟ أقول لمين ؟! لا مااقول لاحد الا لما اتأكد بعدين لكل حادث حديث .. بس كيف اتأكد ؟! مالي الا أراقبها بس كيف ؟! يالله ! انام الليله بالصاله اللي فوق واي شي اقدر اشوفه منها .. أوكي هذا مخططي .. حطيت المنبه على اذان العشا ورحت بنومه .. لا تفكير في نورة لا تفكير في ندى لا حقد على تركي .. النوم هو الحل الافضل ..! * * * مثل مابغيت صحيت وصليت كنت ابي انزل بس تذكرت ان تركي فيه وبيكرهني زياده فيه ايه صدق هو يطلع ذا الوقت طلعت من غرفتي متسلله ورحت للمقلط ميزة ذا المقلط انه يطل على الدرج الاول اللي لتحت والدرج الثاني لبيت عمي .. طليت من طرف الشباك انتظرت كثير الين صعد ناظرتالساعه عشر وخمس ابي احسب له كم يستغرق في لبسه .. انتظرت وانتظرت لما طلع ناظرت الساعه وشهقت اهئ 11 الا ربع ! والله البنات يخلصون قبله اول ماشفته نزل رحت للدرج الين شفته طلع تعمدت انزل بعده ورحت حبيت راس عمتي .. قلت : انا اسفه على كلامي .. ابتسمت : انا مو زعلانه كلامك صدق .. تركي زودها شوي .. أيه شوي ..! قلت بهدوء : عمتي اقسم لك ان الهديه من بنت معانا في المدرسه وقسم انا مثلك تفاجأت و... قاطعتني : انسي السالفه .. احترمت وجودها ورغبتها وقلبت السيرة نهى : نعسانه موت قلت : انا شبعانه نوم نهى : اش عليك طول اليوم نايمه .. اكتفيت بالابتسامه .. وصعدوا الواحدة تلو الاخرى وبقيت انا مع ععمتي وفت : يلا ابصعد متحمسه اعرف سر نورة .. عمتي : سارة ..! لفيت .. قالت : اتمنى ماتاخذين بخاطرك على تركي لانه ماخذ حجم كبير من الدلع ويغار على كل قريباته .. اصبري عليه ! ابتسمت وصعدت لغرفتي اخذت لحاف وانسدحت بالصاله ناظرت الساعه 11 وخمس .. تغطيت باللحاف لما سمعت صوت عمتي صاعده يارب ماتنتبه لي مدري هيا انتبهت ولا لا المهم ماقالت شي يمكن شافتني وسكتت ويمكن لا .. المهم انتظرت كثير وقلت بقوم بس قلت لا .. انا جالسه هينا الين يأذن .. كل شوي اناظر الساعه جات 12 ونصف وماصار شي بس صدق تركي يجي الساعه وحده لازم اقوم .. صوت من داخلي كان يقول لا اجلسي تغطيت باللحاف شميت ريحة عطره وبديت اسمي بالله الين سمعت صوت باب يتسكر عرفت ان ههوا ناظرت الساعه وحده الا خمس ياربيه ماصار شي شوي وسمعت باب ينفتح خمنت انه باب نورة تغطيت باللحاف وطلعت فقط عيوني ناظرتها كانت لابسه بنطلون جينز وبلوزة حمرا بلعت ريقي الله يستر .. شفتها قفلت غفتها بهدوء وصعدت درج بيت عمي !! لما تأكدت انها راحت كشفت انا متأكدة ميه على ميه الله يستر بس .. اخذت لحافي ورحت غرفتي وانسدحت وانا افكر ايش عندها نورة في بيت عمي ؟! بدذا الوقتت ؟ وليه تقفل غرفتها ؟! وليه اصلا تروح ؟! طيب ايش اسوي ؟! واهلها يدرون ؟! ا مااظن لو يدرون ماطلعت بالليل .. طيب يمكن شي ضروري ؟! وكم يبي لي علشان اعرف ؟! أسألها ؟ لا يمكن تنكر .. ياربيه اعطيني حل .. غمضت عيوني مابي افكر فيها ابي افكر بأي شي .. نقزت صورة فيصل يااه نجوى تحبه صدق انا لازم احاول اقرب نجوى لفيصل نجوى تحبه ثانيا تستاهله لانه يهمني سعادة اخوي بس كيف اقربه ؟؟ اووف كل شي يبي له حل قمت من السرير بعد ماايقنت ان مستحيل انوم ناظرت الساعه وحدة وثلث رحت الحمامات تكرمون وتحممت انتبهت ان السلسله باقي علي .. بلبسها طول العمر .. طلعت وجففت شعري ابي فكره جديدة جلست العب بشعري كل شوي آخذه لورى وارجعه قدام .. فكرت اسوي خطه فعلا نفخت شعري على خفيف ورولت الاطراف على برى وحطيت لي خصلات بشكل مبعثر يااي اجنن وينك يانايف تشوف شكلي بس تعاف سلمىوكل اخواتها .. ضحكت على كلامي ورحت حطيت لي كريم بكل جسمي ولما خلصت اخذت المبرد وبديت ارتب اظافري .. ناظرت الساعه باقي وقت كثير اش اسوي ؟! مالي الا احاول انوم .. حطيت المنبه على الساعه 4 ونمت .. صحيت قبلها بربع ساعه لان النفخه ماخلتني انام مضبوط رحت توضيت وبقيت على سجادتي الين اذن صليت وقمت رحت لبست مريولي ورتبت شكلي حطيت كحله غامقه واحمر شفاه ورشيت عطر ناظرت شكلي برضا ياحلاتي اهبّل .. لبست عبايتي وحجابي واخذت شنطتي ونزلت قلت : صباح الخير الكل : صباح النور جلست : لاول مرة الحق على نورة ونهى ابتسموا .. اخذت خبزة وحطيت فيها جبنه .. عمتي بملل : ساره !! ماتملين ؟! ناظرتها وضحكت .. نهى : أحط لك حليب ؟! هزيت راسي نفي : مابطيقوا بنوب جلسنا فتره حتى رن جوال نهى على طول سحبت نورة وقاموا خمنت انه عمي .. أخذت كاسة مويا وبديت اشرب منها .. سمعت " صباح الخير " قلت : والانوار .. ياهلا والله بنجوى ابتسمت وجلست جنبي .. همست لي : طول عمري اتمنى يكون عندي بنت خال او خاله بعمري وبعد مافقدت الامل طلعتي لي .. قلت : ربي لا يفرقنا .. سمعت عمتي : يارب ناظرت نجوى وسرحت اتخيلها مع فيصل على الكوشه بالابيض وفيصل مبسوط وبرضاه دعيت في جوّاي " يارب يجي ذا اليوم ويجي اليوم اللي اشوف نايف معي " مشكلتي احبه بقوة لذي الدرجه اتمناه زوج ؟؟ ابتسمت من داخلي اي بنت تحب تتمنى اللي تحبه معها على طول ضحكت بسخريه يكفي ياسارة هوا لسلمى اصحى .. انتبهت على يد نجوى تسحبني سلمت على عمتي وطلعت .. صعدت السياره والكل ساكت احسن بعد .. ووصلنا المدرسه ورحت على طول لريم وخبرتها عن ندى عاد الله لايوريكم شكلها يوم عرفت شوي وتموت من الضحك .. قالت : طيب اش بتسوين ؟! هزيت كتوفي : الشور للثور لو تنبحين يابقرة .. ريم : مارضوا ؟! خبرتها بالسالفه من طقطق للسلام عليكم وتوقعتها بتضحك بس الظاهر محترمتني .. المهم طلعت من المدرسه مع نجوى نهاية الدوام وصعدنا مع تركي والصمت اللي رحنا فيه ذاته رجعنا فيه .. وصلت البيت ورحت صليت وغيرت ونزلت تغذيت معهم وكان بالي ونظري مركز على نوران خفت تشوف شي او تلاحظ فقلبت لنهى صدقوني نهى لغز كبير ماينفهم .. احسها تضحك بس من جواتها تبكي مدري ليه بس مابي اضغط عليها علشان تفضفض لي يمكن اختها اقرب لها .. خلصت وقمت رحت حليت واجباتي ونزلت تحت معهم سوالف عاديه لولا نظران الحقد اللي كان مصدرها تركي .. مدري ليه يكرهني رغم اني ماسويت له شي يقهره المهم سيبنا منو وخلنا نعيش حياه طبيعيه .. اذن العصر صليت وبقيت بغرفتي مالي خلق شي ابد رحت للمرايا وبديت اناظر السلسله هذا حرف حبيبي نايف ولاتستغربون ان قلت لابستها علشانه بس .. * |
|
#40
10-17-2016, 08:07 PM
| ||
| | ||
| ((2)) المهم مضى اليوم باحداث عاديه ووصلنا لليل وهو الموعد لمعرفة سر نوره بعد اذان العشا نقزت ونقلت اغراضي وانسدحت ناظرت الساعه باقي وقت قمت ونزلت تحت وسلمت ورميت جسمي على الكنبه : يااااه اشتقت للخُبر كنت متعمدة اقهر تركي ناظرته لقيته يناظر امه ومدري يسوون حركات غريبه لفيت لاني لو بقيت اناظرهم بموت مناللقافه نجوى : اش اللي بالخُبر مو في الدمام ؟! رديت بسرعه : أهل امي عمتي : وهنا اهل ابوك .. والله ان الكل غالي بس كان تبين الصراحه اعرف اهل امي ولا اعرف امي واعرف اهل ابوي ولا اعرف ابوي .. بس الفرق ان اهل امي عشت معهم فتره اطول وذكريات اكثر وكل طفولتي معهم .. قلت بابتسامه : عزاي الوحيد ان لي اهل هنا .. ناظرت اصبعي انت السبب في بُعدي عن الخبر اانت .. والله اني رحت من خذمه اهل بيت خالي وجيت الى الشك وقسم ان جرح اليد احلا من جرح القلب صدق اهل ابوي ولامرة ضربوني بس اكثر من مرة يجرحوني .. صدق لقيت حنان بس كمان بالخُبر حنان خالتي ونايف .. هربت من الخُبر الى الدمام غصب عني ..! سمعت نهى : الليله الاثنين ؟! عمتي : ايوه .. فزّت للدرج .. نجوى بلقافه : اش عندك ؟! صعدت ولا عندها في نجوى بصراحه حتى انا بخاطري اعرف بس ياخبر الحين بفلوس بعد شوي بي بلاش .. شوي ونزلت نهى متجهه لتركي .. قالت : رح انسخ لي ذي الورقه ميه وخمس وعشرين انفجعت : ليه بالله ؟! نهى : بكره عندي اختبار يلا تركي حط رجل على رجل : مابي نهى بعصبيه : تريك يلا قم بس لاتعاند .. رفع حاجب : كيفي شوي وتبكي : يلا عاد سكت فتره ثم قال : بشرط نهى : اللي تبيه .. تركي : تقولين أخوي احلا واحد ميه وخمس وعشرين مرة .. فطست مع نجوى ضحك .. تركي : خلهم ينفعونك لو تموتين اجل .. انا مستمرة بالضحك .. نجوى : لا تركي عاد نهى : يمه دايم يذلني .. عمتي تناظرني وتضحك .. نهى : تركي والله احبك يلا بس .. يهز رجله : مافيه .. ناظرتني عمتي : ماعندك حل ؟! ضحكت : ليه بالله حلال مشاكل مثلا ؟! قطبت : غريبه العاده تسوين المستحيل علشان بنات عمتك .. سكت فتره ثم قلت : لاتذلين نفسك اعطيني هيا اصعد دقايق لعيال عمي نورة بسرعه : بروح معك نهى : لا عيب بعدين تشوفين الاختبار طسي .. والله يانهى انك بريئه وعلى نياتك ياحبيبي نورة بتروح تشوف واحد من عيال عمي بس مين ؟! قلت : لا مافيه .. رحت لنهى واخذت الورقه بغرور وصعدت لعيال عمي اعيتهم هما وطلعوا اثنينهم اكتشفت ان فيه باب في جناحهم ينزلك للحديقه على طول لأول مرة ادري نزلت وجلست .. تركي : اببي اعرف انتي طالعه ملقوفه على مين ؟! عمري ماتوقعت ان يكون عندي بنت خال بذا اللقافه .. أخو واخته شكوو ؟ ابتسمت : وانا عمري مااتوقعت يكون واحد يقرب لي يذل اخواته يمكن لاني تعودت ان فيصل يسوي اللي انا ابيه وطلبات مروى عند نايف اوامر .. شددت على كلمه نايف علشاان ينقهر .. ناظرت عمتي كاتمه ضحكتها مدري ليه تضحك ؟؟ نهى : اش قالوا ؟؟ قلت بغرور اصطناعي خخخ : اكيد ينفذون من دون نقاش .. نهى : اموت عليك سارة .. تركي ناظر امه اللي بدورها ضحكت بقوة اما تركي ابتسم .. دق الجرس اتجهت للباب .. صرخ : لحظه ! وقام هوا .. انتهزت الفرصه ورحت جلست لاول مرة عن يمين عمتي خخخ عناد له .. فعلا جاء وكان يقرا الاسئله بصوت عالي علشان نورة تسمع .. كنت اضحك على تصرفاته هو مع نهى يذكروني فيني دايم اتضارب مع فيصل .. .. واخيرا اعطاها هما وجاء بيرجع مكانه .. هه انصدم والله لو تشوفون شكله تقول عجوز ماكلين عشاها خخخ تكتف : خير بنت خالي .. ذا مكاني ؟؟ ابتسمت بنصر : مافيه جلست قبلك اذا تبي .. أشرت مكان جنبي : هنا واما اذا ماتقدر على بعاد امك تعال عن شمالها .. قال : قومي .. عندت : مافيه ولاتحلم نهى : عاشت سارة كرر : قومي احلا لك .. ترى قسم ماتشوفين اللي يسرك .. قلت بسخريه : اصحى انا بنت خالك ماتقدر تسوي فيني شي .. ناظر امه .. ناظرتها كانت عاديه جدا احسن مو معصبه آخذ راحتي .. عمتي : تركي تعال هينا جنبي وخل بنت خالك ضحكت باعلا صوت علامة النصر .. وقفت : خلاص تعال كسرت خاطري .. كل نظرا تالحقد كانت بعيونه ونظرة ماقدرت افهمها هي كره ولا غضب ..! شفت نورة تتثاوب سبقتها : تشااو تذكرت شكل ميشو وجدته تلاحقه بالعصا وفطست ضحك .. نجوى : موصاحيه .. قلت : والله تذكرني بميشو اقصد مشعل وللد خالتي .. جدته تلحقه بعصا وانت جنب امك .. تصبحون على خير صعدت بسرعه قبل لا احصل تهزيئه عالمييه ورح تالمقلط انتظره يصعد ويطلع .. ورحت على طول نمت بالصاله كانت الساعه تقريبا 11:45 هه لان الساعه اللي علي الكترونيه ودقيقه لابعد الحدود جدا جدا .. شوي والكل صعد بديت اردد الايه " وجعلنا من بين ايديهم سداو من خلفهم سدا فأغشيناهم فهم لا يبصرون " سورة يس .. يقولون ان ذي الايه تخلي اللي قدامك مايشوفك مثل قصه النبي يومه يهاجر .. هه وكأني مسويه اجرام اخاف واختفي .. المهم انتظرت كالعاده الين جات الساعه وحده الا ربع شرف الاخ تركي رددت الايه والحمدلله ماشافني بدى قلبي يدق بقوة الله يستر الحين الظاهر نورة بتصعد لاهل عمي .. انتظرت دقايق وسمعت صوت طرق نعول على طول تغطيت وانا اناظر من الطرف .. أهئ هذا واحد من عيال عمي دققت في ملامحه هذا سامر ولد عمي !! معقول ؟؟ ايش يسوي عند نوره ؟! ناظرني فتره الله يستر ماانتبه لي ثم دخل الغرفه وانقفل الباب !! ايش اللي يصير ؟ انا اتوهم ولا ايش ؟ معقول اللي يصير بذا البيت .؟ يعني البارح نورة راحت عنده واول يوم كان عندها ؟ معقول هوا يزورها بغرفتها وهيا تزوره بغرفته ؟! قمت بتكاسل ورحت غرفتي حطيت المنبه على الساعه أربع ونمت وانا نايمه احس اني مو مرتاحه صحيت وفكيت رباط شعري وبقيت اتقلب .. وقسم سالفة نورة شاغله بالي .. ضروري اقول لعمتي لا اكيد بتذبحها خصوصا انهم عندهم عيب تشوفه وتبقى معه بلحالهم كيف لو بغرفة النوم ؟! بس هما بزران مااقول غير الله يستر .. سمعت صوت الاذان رحت للبلكونه وفتحتها وبديت اردد مع الاذان واقرى الدعاء " اللهم رب هذه الدعوة ... الدعاء " رحت توضيت وصليت بقيت فتره على السجاده واقرى سورة يس دعيت لامي وابوي وقمت تحممت وطلعت لبست السلسله حطيت لي كريم بجسمي وكريم بشعري وبقى مبلول على جاف ومبهدل بطريقه حلوة .. حطيت كريستال بني على شكل قوقعات .. حطيت الكحل وحطيت محدد بينك وخربشته في شفيفي بطريقه حلوة .. مدري ايش اللي خلاني ابرطم طالعه دلوعه بقوة وكأني بزر أو بمعنى اصح طفله .. لبست مريولي وعبايتي ولفيت الحجاب ونزلت شفت نهى طالعه حسافه مالحقت عليها .. جلست جنب عمتي اتفطر شوي ونزل تركي كان يسولف مع امه وانا بالي مهوب معي ابد .. اش بو سامر مع نورة ؟! واش يسوي بغرفتها ؟ وليه اصلا يروح لها ؟؟ مسكت راسي لاينفجر وقمت متجهه للصيدليه اخذت بندول وجلست مكني انتبهت ان نجوى جات اكيد ماانتبهت لان راسي مصدع جلست على الكرسي فيني النوم ياناس .. عمتي : ساره اش بلاك شوي ورحتي للصيدليه وبندول والحين مسندره راسك اش بك حبيبتي ؟! قلت بتعب : تعبانه بقوة .. اكتفت بالابتسامه لما شفت نجوى وتركي قايمين قمت وسحبت شنطتي صعدت بسرعه وحطيت راسي بين ايديني وماحسيت بنفسي بعدها ابد ..! صحيت على طرق بوجههي مابانت عندي ملامح ذا الشخص ركزت بقوة ذي نجوى .. قالت : اذا تعبانه ارجعي البيت .. وقفت : لامشكوره .. تركي : لا عادي اوصلك .. ناظرته لاول مرة احس انه حنون !! أكثر من مره يشوفني تعبانه يعرض خدماته بسرعه وينسى اني اكبر عدو له .. معقول امه ربته على كيذا ؟ المهم سيبنا منه .. دخلت المدرسه شفت ندى قبالي ابتسمت بوجهها كانت تتأملني وانا اطوي عبايتي يوم خلصت رحت لها ومشينا .. أغلب الوقت كنا ساكتين .. قطعت الصمت : نعسانه بقوة .. ندى : ليه الساعه كم نمتي ؟! قلت : اممم وحدة تقريبا وصحيت 3 وربع شهقت : اهئ لا والله لو انا مكانك مااحضر اليوم .. وبطوله اكون منومه ابتسمت بسخريه : عندك انتي ياحبيبتي انا عمتي ماترضى تخاف على المستقبل اكتفت بالابتسامه .. تستحق اني اكون صديقتها لكن لا والف لا واعارض ومستحيل اقبل اكون ... حبيبتها ..! * مضت الحصص بسرعه وفي الحصه الثالثه كيميا غمضت عيوني وحطيت رايب على الطاوله ونمت .. ماحسيت الا بطرق اش بهم الناس يطقوني ؟! خخخ انتبهت انها ريوم ساعدتني اقوم وانا اترنح الين جلستني مكاني وكملت نومي وناسه الفسحه كلها نوم .. يعني تقريبا ساعه الا ربع نوم .. وصحيت لما سمعت الجرس رتبت اموري وقمت غسلت وجههي ياحسافه الروج اللي راح .. أخذت المرطب دايم احمله وحطيت لي انقضت الحصص على خير ونهايه الدوام طلعت بسرعه حتى ماشفت ريم كل همي اشوف سيارة تركي وعلى طول صعدت انتظرنا فتره حتى شفنا نجوى .. قلت مابفشل عمري وانوم بالسياره اصبر شوي اول ماوصلنا على طول الى غرفتي غيرت ملابسي وتوضيت وصليت اقولكم ماحسيت بنفسي الا وانا نايمه على السجاده وبجلال الصلاة ..! يمكن تغيرت حياتي وروتيني وجدولي تغير مكان نايف بقلبي فيه مثل يقول بعيد عن العين بعيد عن القلب .. يمكن تعبت من نايف يمكن حسيت بقلبي يميل لشخص آخر بس تأكد يانايف تظل معزتك بقلبي تسوى كل البشر .. إلا شخص وآحد لحد ألحين ماأدري من يكون ..! .: نهاية الجزء الثآلث الع ـشرون :. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| - ابـن القمــر || ﺭﻭﺍﻳﺔ ﻗﺼﻴﺮﺓ | Zackary | روايات و قصص الانمي | 8 | 06-20-2016 08:14 PM |
| القمــر يحسدونة على جمالة وانتم وش يحسدونتك عليه ؟؟؟ اختاري من 1 _ 20 | جروحي تنزف احزاني | أرشيف المواضيع الغير مكتمله او المكرره او المنقوله و المخالفه | 200 | 11-21-2014 12:11 PM |
| حقيــقة صــورة صــدام على القمــر !! | العربية | أرشيف المواضيع الغير مكتمله او المكرره او المنقوله و المخالفه | 43 | 03-28-2007 06:04 AM |
| عام جديد ... ورحيل القمــر ؟؟؟ | طبيب العراق | أرشيف المواضيع الغير مكتمله او المكرره او المنقوله و المخالفه | 2 | 02-20-2007 05:11 AM |
64Likes
العرض العادي
