عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات و قصص بالعاميه

روايات و قصص بالعاميه قصص و روايات باللهجه العاميه

Like Tree64Likes
 
 
LinkBack أدوات الموضوع انواع عرض الموضوع
  #16  
قديم 10-17-2016, 03:29 PM
 

.: الجزء العآشر :.

" الله يآمكثر العوآطف الله يآمكثر الصدف ..
الله يامحلآ لون وجهه يومه ينخطف ..!
يسحب كل غلآ مخلوق(ن) في قلبي ؛؛
وكل مشاعر صآدقه من قلبي لقلبه . تنجرف ! "


/
\
/

فكرت اني اقوله عن اني احبه بس هو لسلمى .. طيب خليني اقول احسن من اكبته بقلبي اللي مايتحمل شي ابد

قلت بهمس : نايف ..
رفع عينه وناظرني ارتبكت بس قلت ضروري اعترف له ..
قلت : نايف انا ابي اقول لك شي واتمنى انك ماتزعل مني ..
نايف : طيب ايش ؟؟
بلعت ريقي : نايف انا ...

سكتت فتره كيف اقولها بس خلاص مو لازم انزل كرامتي وانا ادري انه يموت بهوا سلمى او التراب اللي تمشي عليه ..!

هزيت راسي : انسى السالفه !!
رفع عينه : أوعدك ماازعل بس قولي ..
هزيت راسي : لاخلاص مافيه داعي ..
شوي وقمت .. وقلت : طيب انا بروح اتوضى لجل مايأذن الا وانا على سجادتي ..
ابتسم : طيب .. مشكورة بجد ونستيني تسلمين ..

ابتسمت ابتسامه عريضه وابتعدت ابي اقول لأي احد عن اللي صار لأول مرة في التاريخ نايف يجلس معي ويضحك ويسولف كمان .. في ذي الاياام نايف متغير ميه وثمانين درجة قسم انها وناسه احلا ليلة بالحياة .. رحت لدفتري وكتبت " نايف غير يارب تدوم السعاده عليه " وجنبه التاريخ " 9/8 يوم الخميس ليلة الجمعه الساعه 3:45 " قمت توضيت انتظرته يأذن وصليت نزلت مباشرة وصلحت الفطور وصعدت نمت ..
أمنيه ان يجي اليوم اللي اشوف نايف لابس الغترة والبشت وانا بالابيض .. اصارخ لكل العالم واقول اني اموت بهواهـ ..!
*
*

صحيت على صوت ميشو ..
قلت : وجع ان شاء الله .. ماتعرف الادب انت ؟؟
تكتف : لا .. يلا قومي تعبت جالس بلحالي ..
تأففت : ياربيه صدق حمار وماعندك ذوق شكو تصحيني ؟؟
ميشو : ساروه ياحماره انتي قومي يلا زهقان الكل نايم ..
تأكدت ان ميشو مستحيل يتركني الا لما يتأكد اني قمت من النوم ..
قلت بملل : الساعه كم ؟؟
ميشو : 11 وعشر ..
قلت : طيب اطلع انا شوي وجايه وراك ..
ميشو : لاحبيبتي ماتطوف علي يلا قومي ..
قلت : مشعلو ماتفهم ؟ اطلع برى ابغير ملابسي واجيك ..
قال : طيب قومي
قلت : لا أستحي تشوفني بذي الملابس انقلع براا ..
ميشو : ابي اشوف اش لابسه
انقهرت : أولا انت مو ابوي ولا عمي ولا خالي ولا اخوي .. أو حتى تكون زوجي فـ عيب عليك تفهم ؟؟
ميشو : لأول مرة اتمنى اني اكون زوجك علشان اعرف اش لابسه
قلت : مشعلو يلا اذلف بغير وبجيك ..
فعلا بعد عناء طويل طلع غيرت ملابسي الى بني تصدقون شفت ملابس عندي وردي واصفر وبرتقالي واحمر مالبست اي وحده منهم .. لأن الالوان القاتمه هي كل حياتي .. بدلت ونزلت جلست شوي مع خالتي وبعد تقريبا ساعه صلينا الظهر .. ميشو جلس مع مروى
قلت : خالتي قومي نصعد غرفتنا ..
ميشو : لاتخافين مااقط اذني عليك من حلاتها سواليفك
قلت : خالتي فيه مثل يقول اللي مايطول العنب
خالتي : حامض عنه يقول
ضحكت حسيته تنرفز واتجهت ابصعد سمعت صوت مرت خالي
تقول : صحي نايف من البارح نايم وما صحى
هزيت راسي وصعدت دخلت خالتي غرفتي ورحت غرفة نايف .. وبالموت صحى لأنه مانام شي ابد ..
فتح عينه : انتي صحيتي ؟؟ كيف نمتي وصحيتي بذي السرعة ؟؟
قلت : الله يخلي ميشو أقصد مشكل مشاكل ماتركني بحالي ..

ضحك على الذكرى " مشكل مشاكل " هذي لها قصه طويلة عريضه ان شاء الله بيجي وقت واقولها لكم .. المهم رحت غرفتي ولقيتها بيدها بطاقة زفة ريم ..

قالت : هذي لي ؟؟
ابتسمت : ايه كيف عرفتي ؟؟
خالتي مشاعل : لان مكتوب عليها اسمي .. طيب مين أعطاكي هيا ؟؟
قلت : ريم خويتي .. لك لزفتها
خالتي مشاعل : زفتهااا ؟؟!!
هزيت راسي ... كملت : طيب ناويه تروحين ؟؟
ضحكت : هه ابشرك قلت لريم اني مابحضر المسكينه حجزت لي معها بالصالون !
تخصرت : ليش بالله منتيب رايحه ؟؟
قلت وانا اجلس : لأن متأكده ميه على ميه مستحيل خالي يرضى فـ ليش اتعب حالي واحرج نفسي وأسأله ؟؟
خالتي : طيب مو انا مثل امك ؟! كيف ماقلتي لي ؟! يمكن اقدر اساعدك !!
هزيت كتوفي : اكيد خالي مايرضى لاتعابلين بعمرك
خالتي : لا بيرضى غصب عنه
ضحكت بسخريه : اعطيك اللي تبين اذا رضى
خالتي : لاتتحديني اقدر اسويها ..

بعد ماخلصنا سوالف انا وخالتي نزلنا وتغذينا قسم ان خالتي مافيه مثلها صلحت الغذا ! الله يرزقها بنت يارب ..
بعد اذان العصر جلسنا عند التلفزيون بطريقة عجيبه كلنا متجمعين حتى مرت خالي شاهدنا فيلم مصري ماشاء الله صارت عادة يوم الجمعه نتابع فيلم .. بصراحه انا مو من هواياتي اتابع افلام قمت رحت غرفة فيصلوه وأخذت كتاب صايرة مثقفه على حساب فيصل كان كتاب لنزار قباني ناسيه اسمه بس اذكر ان فيه قلوب بالاحمر ناسيه والله .. جلست اقرا تحت وطبعآ فيصل ماترك تعليقه على كل صغيره وكبيره بالفيلم .. صعدت غرفتي كويت ملابسي ورجعت .. بعدين صلينا .. يعني تقريبا الكل عارف جدولي .. بعد ماطلعت خالتي رحت كويت لفيصل ملابسه ... ولبست ملابسي وجلست احط المكياج خصلاتي نازلة على وجههي بشكل متناسق .. سمعت صوت البوري يعلن ان تركي وصل ..
قفلت غرفتي ونزلت يعني عارفه ان نايف بيجي وفعلا جالي ..
قال : خوذي جوالي ..
ابتسمت .. فـ كمل : ابشوف اصبعك !!
لصقه لي .. رفع عينه وابتسم خقيت على طول .. شوي وراح انتظرت لين دق الجوال على طول دخلت وانا ادعي يارب اليوم اعرف واخلص ..
فتحت الباب : السلاام ولو ان السلام لأشكالك حرام ..
ناظرني : هلا ..!
قلت : بليز خبرني وأوعدك ماعاد تشوف وجهي ثاني ..
هز كتوفه : اش اخبرك ؟
قلات : لاتستهبل أولا ! ابي اعرف ليش يوم الجمعه بالذات ؟!
قال : لأن فيصل اختاره ..
قلت : طيب اش يسوي فيصل في بيتكم ؟!
سمعت " عشان الحب واللي بيني وبينكـ ... الخ " رفعت الجوال شفت مكتوب " سلمى " وجع ان شاء الله .. صمت الجوال
قلت : هااه خبرني ؟
قال : ايش ؟؟؟
انقهرت بس مسكت اعصابي : فيصل اش يسوي في بيتكم اخاف بيتكم ملاهي أو صالة بلياردو ؟؟
سمعته يقول : هيهيهي ياخف دمك يابت .. فيصل عنده بيتنا جنه تفهمين !!
بلمت : كيف يعني ؟؟
شوي وسمعت نفس النغمه أوووف سلمى اش بهاا ؟؟
تركي : ردي ليش حاقره حرام ..
انقهرت : جاوب ولا لك شغل فيني
قال : فيصل يموت على بيتنا اش دخلني فيه حتى يمكن يحبه اكثر منك انتي ..

والله من خفة دمك ولا ايش ؟!

قلت : هيهيهيهي بايخه ! طيب ممكن تعلمني سر الجاذبيه ؟؟
تركي : مايدري نيوتن عن بيتنا لو يدري سمى الجاذبيه باسمه ..
شوي ودق الجوال : أووووووف اش عندها هذي الا تبي تكلم ؟؟ ..
ورفعت عيني له : كمل !!
هز كتوفه : اش اقول ؟؟
تنرفزت : قسم بالله اني خاطري اذبحك او افلع راسك بالجزمه .. احكيني اشوف ... طيب عندكم في بيتكم بنات ؟ أقصد أخوات عندك ؟؟
ضحك : هههههههههههههههه لاتخافين ايه عندي بس ابشرك مو احلا منك
تصبغت احمر بس قلت : طيب وغلاة اغلا الغاليين عندك ان تقول لي اش يسوي عندكم ؟!
تركي : ابد يسولف ويتعشى ويسهر بعدين يرجع
قلت : بس ؟؟
هز كتوفه : بس
ألحين سر وبعدين كيذا ؟! اش بقى وما سألته ؟ شوي وسمعت صوت نفس النغمه قسم اني منقهره بذي السلمى أولا تقطع علي الحكي مع ذا وثانيا وهو الاهم تتصل على نايف .. أووف
سمعته يقول : اش عندك معها ذي ماتبين تردين ؟!
قلت : مو شغلك تفهم يعني ايش مو شغلك ؟ وبلا لقافه لو سمحت ..
تمنيت يخلص ذا الوقت بسرعه وفعلا طلعت وتخبيت ورى الشجره تقريبا دقايق وشفت تركي بعدين طلع فيصل اكيد نايف بقى بالمقلط دخلت وفعلا كان نايف يشيل القهوه ..
قلت : تفضل جوالك عندك 5 مكالمات من زوجتك ..
نايف : زوجتي ؟؟ قصدك سلمى ؟
قلت : أكيد
قال بدون مايناظرني : متى اتصلت ؟؟
قلت بقهر : يوم اني كنت مع خويكم ذا هو يبط الكبد و...
مسكت لساني الحمدلله ماقلت شي عن سلمى ولا بعدين اش بيصير ؟!
سكتت فتره ثم قلت : بربك نايف ليه تخليني اتلثم ؟!
ابتسم : ماعرفتي ليش ؟!
توقعته بيقول أغار عليك شي يعني مابي حد يشوفك وجهزت نفسي للخجل وهزيت راسي بـ لا ..!
قال : يجي لك يوم وتعرفين ..
أحلف انت بس ! أووف قهر ..
قلت : تصبح على خير
طلعت بدون مااسمع رده ومشيت لغرفتي قفلت الباب وشلت كل شي اخذت الروب ورحت للحمام عزكم ربي تحممت ولبست الروب طلعت أخذت بيجاما بيج مع بني فتحت شعري جففته انسدحت على السرير حطيت ميوزك هاديه .. تركي وعرفت انه ياخذ فيصل لبيتهم وعرفت تقريبا أغلب المعلومات .. باقي سر واحد ليش تركي بالذات ؟؟ مدري اسأل فيصل ؟ لالا بيسوي لي سالفة ماتنتهي ..
غيرت مسار افكاري الى ريم .. خالتي مشاعل تقول اني بروح .. يارب فعلا كلامك ياخالتي يكون صحيح .. لوأن امي موجوده ماترددت لحظه بانها ماتخليني اروح ..
مو ملاحظين معي شي ؟ ان كل مره اجلس بلحالي امي تجي بأفكاري ؟ رغم اني ماشفتها ابد بس دوم اقول لو امي باقي موجوده ليش ؟؟ كانت بتنزل دموعي بس منعتها انا الحين نعسانه ومالي خلق ابكي .. بقول لكم شغله عني .. اني اذا كنت نعسانه مالي خلق آكل ولا اتحمم ولا اسولف ولا اضحك ولا ابكي .. بس افكر وانا اسمع شي او اقرى .. لو يقولون لي خالي بيحرقك اذا نمتي وانا نعسانه عادي عندي .. اصلا انا تعودت على الحرق .. بس هل فعلا هذا اسلوب تربيه ؟؟ ضحكت على نفسي كيف ادخل في موضوع واطلع من موضوع ثاني أهلوس هههههه .. ابدي بـ فيصل وتركي وأوصل لاسلوب التربيه .. نمت !

*
*
*

صحيت الساعه اربع وخمس صليت الفجر ونزلت صلحت الفطور كنت جيعانه اكلت خبز مع جبن شربت كاس عصير فراوله ولاعت كبدي متغير طعمه .. صعدت غرفتي ومشطت شعري حطيت لي شباصات ابيض وحطيت بشعري جل كنت روعه حطيت كالعاده قذله اتميلح .. حطيت محدد على شفاتي بالوردي وحطيت روج وردي وخففته حطيت كحله خفيفه ورحت المدرسه مع الاستاذه مروى اللي كل يوم معجبها شكلي خل تخطبني لأخوها ههههههه ..
الحصه الثاله كنا فراغ رحت فصل ريم وحضرت معهم حصه اش اقول عن ذي الابله الله لا يبلانا ياناس .. حامل وتنافخ بعد يقولون الجنين ياخذ كل صفات امه اذا كان في بطنها عز الله اانه رايحن فيها ذا ولدها ..
أول مادخلت كتبت العنوان ( مظاهر التجديد في الشعر ) بس ناسيه اي عصر الاموي ولا العباسي المهم تبون تعرفون اش تقول ؟؟ طيب تفضلي ياابله المايك عندك :.

الابلعه : بسم الله الرحمن الرحيم والصلاة السلام على اشرف الانبياء والمرسلين محمد وصحبه اجمعين ..أما بعد .. اليوم باذن الله تعالى راح ناخذ ..
وبصراخ : اللي ورى ريم واللي بجنبها ..
ألحين انا سكاته اش بها ذي ؟؟
كملت : عنوان درسنا مكتوب .. طيب اي شي من القديم عندكم تستمرون عليه ؟؟ هااه اللي عند الشباك ؟!
وقفت البنت : لا نشتري غيره ..
ضحكني ردها بس سكتت وكالعاده حطت اللوم على ريم ..
الابله : طيب الشعر كمان في تجديد ومافيه شي يستمر على حاله في العصر الجاهلي كانوا ينظمون على طريقه واحده .. ومع التقدم العقلي الخصب تجدد الشعر ومن اهم الاغراض الللي تجددت المدح .. افتحوا الكتب وحطوا التاريخ أي كتاب يجيني مافيه تواريخ مستحيل اقبله طيب ؟؟ اللي عند الباب اقري ..
طبعا البنت قرت مقطع وبعدين قامت ريم تكمل ..
ريم : وماينبغي ان يقوم عليه من الاخذ بدستور الشريعه وتقوى الله والعدالة .. يقول ابو العتاهيه في الخليفه هارون الرشيد .. وراعَ يُراعي اللهِ ...
قاطعتها : اللهَ
كملت ريم : وراعَ يٌراعي اللهَ في امة ٍ .. يدافع عنها الشرِ ...
قاطعتها : ركزي ياريم ..
مدري الابله اش بها على ريم ؟ حاطه دوبها ودوب ريم وياويل ماتغلط مدري ريم ذابحه لها احد ولا شي ..
ريم : يدافع عنها الشرّ غيرُ رقودِ .. تجافى عن الدنيا وأيقن أنها .. مفارقةٌ ليس بدا ......
قاطعتها بعصبيه : ليست ياريم مهوب ليس ركزي لا تخلين العرس ياخذ كل تفكيرك دراستك غير ..
وأشرت لبنت تقرى ..

أهاااا الحين عرفت ليش تنافخ على ريم الحين هي منقهره منها الظاهر انها ماتزوجت الا بعد الثلاثين المهم مالي دخل فيها بس بجد قهرتني .. الحين الادب يحطون له ابلة مثل ذي ؟ ماصدقت على ربي انتهت الحصه هذا وانا حضرت بس حصه واتنرفزت كيف ريم الله يعينها يلا هذا اخر اسبوع لها في ذي المدرسه كيف ياربي بتحمل فراقها ؟ بعد ماخلصنا ورجعنا للبيت صليت وصلحت الغذا لهم رحت ذاكرت بعدين صليت العصر ورجعت اذاكر ويوم اذن المغرب صليت وصلحت العشا ونمت ..

*
*

صحيت الساعه 11 وربع صليت العشا ونزلت مالقيت احد احسن بعد .. سويت بيض وجبن ههههه احب الجبن اش اسوي يعني ؟؟ اكلته وغسلت الصحون بعدين شربت عصير سيزر برتقال وجزر طعمه رهيب انصحكم فيه اسوي دعايه له ماشاء الله علي .. صعدت غرفتي والله فاضيه .. استخرجت دفتر من دفاتري وبديت اكتب وانا ادندن بأنغام اغنيه :.

وردة حمراء واخرى بيضاء ..
طفولة مرحه ,,
وشقيه بالوقت ذاته ..!
لا أحد يفهم من يكون بالنسبه لقلبي ..
قبل اكثر من 10 سنوات متتاليه ..
و... حبه ينمو بقلبي باستمرار
وبدون توقف ..!!
إقتحم حياتي فجأه ..
واستحوذ على أفكاري ,,
وأخذ يحرك مشاعري حيث اراد ..
ولا أعلم مالنهايه !!
مع هذا المخلوق العجيب ..
الرهيب ..
الغريب ..
واخيرا ... الحبيب ..
هل انا احبه فعلا ؟!
لااعلم ..!
هل هو بالنسبة لي كل حياتي ؟!
لااعلم ..!
كيف تمكن من الوصول الى قلبي ؟!
لااعلم ..!
هل هذه النهايه ؟؟
اعتقد حان وقت الافصاح عن بعض مشاعري تجاهه ..
أحبه .. نعم وقد أصل لمرحلة الجنون ..
ولكنني احبه ؛؛
واعشقه .. واعشق نظراته القاسيه والحنونه بالوقت ذاته ..!
هذه وردة حمراء ..
تعبّر عن كل المعاني المكبوته داخل قلبي الصغير ..
وهذه وردة بيضاء لنبدأ حياة جديدة بيضاء مثل هذه الوردة تماما ! ..

سكرت الدفتر كنت افكر مع كل كلمة اقولها حتى اني ابدي بأغنيه وانتهي بغيرها مو مصدقه اني " احب نايف " بكل شي فيني احس ان عقلي بينفجر جديدة ذي الكلمه علي .. انسدحت على السرير وتركت لعيني الحريه بأن تختار النوم او السهر !

*
*
*

يوم الاثنين جاء خالي ابو ميشو وقال ان خالتي تعبانه .. قلت لكم ان فيها شي بس اش فيها .. تصدقون احسن شي ان بكرة مو الجمعه علشان مااتورط .. المهم لبست عبايتي ونزلت ورحت معهم وصلنا عند بيتهم وطق بوري طلع ميشو وامه وصعدوا السياره اكيد رايحين المستشفى ..
قلت : سلامات خالتي عسى ماشر اش فيك ؟؟ عين وما صلت على النبي
ماسمعت الا صوت ضحكتها متأكدين ان هذي مريضه ؟
خالتي مشاعل : عبدالله ! ماقلت لساره ليه جايه معنا ؟
ليش جايه معهم ؟؟ اش السالفه ؟؟
ميشو : اكيد لا
قلت : لحظه انا مو عارفه استوعب السالفه خالتي ومو مريضه سليمه ولله الحمد اش بها كمان ؟!
التفت لي ميشو اللي كان جالس جنبي : اسمعي السالفه ان خالتك بتروح معك المول تشترين لك ملابس وذي الاشياء ...
فتحت عيني : اش تقول انت ؟! تشتري لي ملابس ؟ ليش ؟!
خالتي : علشان زفة خويتك ..
قسم خنقتني العبره كيف ياربيه ان خالتي مانست وعدها اني اروح ؟ سندت راسي على كتف ميشو وجلست ابكي بصمت ..
ميشو : اش فيك ؟؟
قلت : ابد بس اول مرة احس بحضن حد يحميني ..
ابتسم : بالله !! هذا وانا باقي ماحضنتك وتقولين كيذا كيف لو سويتها ؟؟
انصبغت احمر .. سمعت خالتي : مشعل ! اش ذا الكلام اللي تقوله ؟؟ ماعندك حيا انت ؟ ولا وجهك مغسول بمرق ماتحس ؟؟
ميشو : والله مدري عنها تقول حضن وماحضن اكيد انا !!
ابعدت راسي عنه : احلف انت بس يعني تركت العالم كله وجيت لك ؟ افهم الكلام يعني حد يهت فيني وطبعا المقصود بذي العبارة مو انت امك !
قال : اقلبي وجهك اجل ..
حبيت انرفزه : على اي صفحه ؟؟
ميشو : هيهيهي قديمه
ماقدرت اكتم ضحكتي وصرحت فيها للكل ..
ميشو : ضحكتي بلا ضروس قولي آمين ..
جملته زادتني ضحك ..
طبعا وصلنا ومابي اطولها وهي قصيرة واقول كم مول رحنا .. بقول على طول اش شريت .. فستان برتقالي واحمر يوصل لحد الركبة وبعدين بوت لونه بيج يعني تقريبا من درجات الفستان .. طيب الفستان من فوق مفتوح وفيه قبعه مثل الاميرات بنفس اللونين .. اما الاكسسواراات كانت رهيبه ذوق ميشو مثل الاصداف بالبيج .. ماكنت ابي اشتري ساعه بيج لأن عندي بس أصرت خالتي ان يكون كل شي جديد .. وأكسسوار بسيط باليد جنب الساعه طبعا بحطها باليمين كالعاده .. وفي الاذن اصداف روعه ماأتخيل شكلي .. رجعت البيت وتركت الاغراض بالسيارة بعد مااتفقنا ان يوم الاربعاء يجون ياخذوني ونروح بيت خالتي وألبس واصلح اموري .. دخلت البيت صليت المغرب متأخر وصلحت العشا وعلى طول رحت نمت ..

*
*
*

ماصحيت الا على صوت المنبه الساعه 12 كامله صليت العشا وذاكرت تزلت تحت اكلت العشا اللي صلحته بعدين رحت غرفتي وتحممت بعدين طلعت جففت شعري بالشيسوار .. ناظرت الساعه 2 و 13 دقيقه مسكت القرآن قريت منه تقريبا جزء عم بالاضافه الى سورة يس ماتدرون قد ايش احس براحه اذا قريت سورة يس اعشقها موت .. انتظرت لاذان الفجر صليت وصلحت الفطور بعدين جففت شعري اطرافه كانت مروله على داخل اخذت اشارب وحطيته بالشنطه أول مااوصل بحطه .. حطيت احمر شفاه تعودت على بساطة المظهر علشان يبرز جمالي هههه الله والجمال صحيح سمرا بس عاجبني شكلي تحجبت وانتبهت ان بعض اطراف قذلتي طالعه ودخلتها وانا انزل الدرج صدمت .. رفعت راسي
وابتسمت : روعتني تصدق ؟؟
صفر : ايش هادا الجمال يابت قسم لو شافك .. وهمس : نايف استخف
ابتسمت : ياحمار لاتخليني استحي وترى لعلمك تراني مو حاطه كحله ولو تشوف شعري تموت تقول لي ابي زوجتي تشابهك ..
تقصدت اقول ذي الكلمه بس فيصل مابين اي اهتمام للي سمعه ..
فيصل : طيب افتحي الحجاب ابي اشوف ..
قلت : هينا ؟؟ اعذرني مااقدر ..
فيصل : ليش بالله .. خلاص انا قلت هينا يعني كيفي ..
قلت : لابس لو نايف مر اش بيقول عني ؟؟
ابتسم : بيقول معقول ذا القمر في البيت معنا ؟!
ضحكت وسحبته الى غرفتي وفعلا مدح شكلي كبر راسي هههههه .. رحت المدرسه وقررت اهرب من كل اليوم لأنه آخر يوم لريم بالمدرسه ذي وبكرة الاربعاء بيجي زوجها وبيشل ملفها الى الدمام ومابتحضر لان بكره زفتها ..
طلعت من اول حصه ورحت لريم وسحبتها تقريبا كل خويات ريم طلعوا معنا رحنا ورى المدرسة بحيث محد يشوفنا ..
قلت : والله انا من رايي نخلي اليوم اسبيشل كول بما انه اخر يوم
ريم : ههههههههههه شوفي اما تقولين كول ولا اسبيشل .. اسبيشل كول مرة وحده مايصير ..
ضحكت : لا يصير لأن اليوم غير ..
سمعت بنت : طيب اش نسوي مثلا ؟
قلت : انتوا اختروا نلعب ولا نطبل ونغني ؟؟
سمعت بنت : لانلعب ذي صعبه نغني احلا ..
قلت : طيب مين اللي ترشحون اللي تغني ؟!
ريم : بصراحه في خاطري اسمع صوتك انتي ؟!
البنات : ايه نبي ..
ابتسمت لأول مرة أجلس مع مجموعة بنات 6 أو 7 تقريبا ..
قلت : ولو اني ادري ان كل اللي هينا بيتضايقون بس ..
قاطعتني ريم : الا نبي تغنين ..
قلت : طيب اش بخاطركم ؟؟!
سمعت بنت صوتها ناعم : نبي بنت النور ..
ابتسمت : بس انا مو حافظه الا المقطع الأول ..
ريم : طيب اكتبها لك بيدك ..
فعلا بديت اغني ولما خلصت الكل كان معجب بصوتي سبحان الله مروى تقول انه مو حلو ابد هههه أصلا انا الخبلا اللي اصدق كلامها ..
قلت : اسمعوا بنات الحين نبي نطلع من المدرسه ..
شهقوا .. وسمعت بنت : تبين اهلنا يذبحوننا ؟
هزييت كتوفي : اش معني يعني انا اللي اهلي مايذبحوني ؟ نطلع الحين ولما يجي وقت الطلعه نرجع .. اش رايكم ؟؟
البنت الناعمه : فكرة حلوة والله ..
ماتوقعت ان كل ذا الجمال وبالنهايه تطلع مرجوجه مثلي .. المهم لبسنا عباياتتنا ورحنا الى الباب كان مقفل أووووف ..
قلت : عندي فكرة تعرفون الجدار اللي يطل على برى ننقز عليه ..
فكره بجد مجنونه ..!
ريم : لا تقولين عاد حنا بنات مو عيال نسوي كيذا
قلت : اللي عنده اعتراض يعطينا حل افضل ..
الكل سكت .. كملت : طيب يلا ..
فعلا طلعنا من المدرسه ..
ريم : طيب وين بنروح ؟!
فكرت : نروح مطعم أو كوفي ؟؟
شهقت بنت : اهئ لا عاد انا اخاف ..
بنت : وانا كمان ..
قلت : خلاص انا بروح وانتوا ابقوا هينا ..
سمعت البنت الناعمه : انا بجي معك ..!

بصراحه ذي البنت الناعمه شكلها مو غريب علي ابد شكلها مرجوجه مثلي .. والله هذا وانا اكبر منهم المفروض اعقلهم .. المهم الكل راح معي الكوفي طبعا رحنا مشي ههههه والله تعبنا وصلنا ودخلنا وجلسنا على اقرب طاوله من التعب على طول فكيت لثمتي والكل كمان تتصورون ليه تلثمنا ؟؟ علشان محد يعرفنا ريم كمان فكت ..!

قلت : هييييي ريوم لا يشوفك رجلك تلثمي ..
ريم : لا مستحيل .. بس يلا انا ابي اي شي بارد ..
والكل اتفق ورحت وفعلا شربنا ..
بنت : تعالي ان شاء الله بنرجع المدرسة مشي ؟؟
قلت : طبعا لا ..
البنت : أجل كيف ؟؟
قلت بنبرة لا تخلو من السخريه : على حماري طبعا .. أكيد ياعمري بناخذ تاكسي ..
شهقوا : لالا انا اخاف ..
البنت الناعمه : انا عادي عندي اروح معك ..
بنات ! فيها ذي البنت شي متأكدة انها مو صاحيه مثلي ..
قلت : خلاص مادام ذي الحلوة معي ماأخاف ..
جلسنا فترة ولما صارت الساعه عشر وقفنا وطلعنا .. ننتظر تاكسي مافيه .. مشينا بنرجع للمدرسة وفي طريقي شفت شي لا يمكنن تتصورونه ..
شهقت : اهئ ذا فيصل اخوي ومعاه نايف ..
سمعت بنت : احلفي ؟؟ يلا نروح لهم ونصعد سيارتهم والله تكسرت ..
قلت : احلفي انتي بس اخاف يشوفوني بنات تغطوا ..
سمعت البنت الناعمه : اذا انتوا مو رايحين انا بروح وبخبرهم ياخذونكم ..
سمعت بنت : ايه الله يجزاك خير وانا بجي معك ..
قلت برجا : بليز لا ما اقدر بليز ..
لكن لاحياة لمن تنادي .. قلت : خلاص انا بروح وامري لربي ..
وقفوا واتجهت لسيارة نايف اللي واقفه عند الشارع .. وتقربت من نافذة فيصل وانا متلثمه : بوووو
نقز فيصل : بسم الله منو انتي ؟؟
ضحكت : هههههههاااي احلف برب الكعبة ماعرفتني ؟؟
سكت فترة ثم قطب حاجبينه : ساروووه وجع اش تسوين هنا ؟؟
بصراحه خفت وقلت : أقولك وماتعلم احد ؟؟ بصراحه هربت من المدرسه من الحصة الاولى انا وشلة ريم ..
صرخ : كيف ؟!
اتروعت : لا تصارخ انا بجنبك ثانيا حنا بالشارع لا تنسى ..
قال : طيب فهميني ..
قلت بهمس : بصراحه انا جيت علشان توصلني ولأني بصراحه مالي خلق ارجع المدرسة ورجلي مكسرة .. ياحبذا لو توصلني انا والبنات ..
أشر على نايف : سيارته مو سيارتي ..
أفتشلت .. نايف : طيب تعالوا ناخذ فيكم اجر ..
بصراحه ضحكت ورحت لهم ..
البنت الناعمه : هااه اش قالوا ؟؟
قلت : يلا هجوم ..
مشينا بهدوء ورزانه ورحنا السيارة انقسمنا على مجموعتين بعضنا ورى وبعضنا قدام أحسن شي في سيارة نايف حجمها .. ومشينا ..
فيصل : طيب ممكن تفهميني كيف طلعتوا ؟ واصلا ليش طلعتوا ؟؟
قلت : اسمع بماأن بكره .. أأأأي ..
حسيت بقرصة ريم .. لف لي فيصل : اش فيك ؟
قلت : ابد سلامتك ..
ياربي ريم تنحرج ههههه ..
كملت : بماأن بكرة يوم مميز وكئيب فـ حبيت انا مع ريوم وشلتها نطلع من الحصص وفعلا اخذنا الشنطايات ورحنا ورى المدرسة نتسلى بعدين رحنا للباب لقيناه مقفول أقترحت اننا ننقز من الجدار ..
سكتت آخذ نفس .. سمعت صوت فيصل : أهئئ !! نقزتي من الجدار ؟؟ انا الرجال ماسويتها كيف بنت ؟
انحرجت : ترى كلنا سويناها مو بس انا ..
حسيت بعيون البنات وابتسمت .. فيصل : طيب كملي ؟؟
قلت بجرأة : رحناك كوفي ..
فيصل : قسم برب الكعبه ماشفت أجرأ منك .. كيف ماانتبهت انا ونايف لكم ؟؟
همست : تلثمنا ..
فيصل : وطبعا فكيتوا يوم جلستوا هينا ..
سمعت ريم تهمس لي : ذا اخوك فيصل صح ؟؟
قلت : كيف عرفتي ؟؟
قالت : هذا هو نفسه اللي كلمته ذيك اليوم ..
قلت : أي يوم ؟!
ريم: لا تصيرين خبلا عاد يوم اطفشه باتصالاتي ..
قلت : اييييييييه ماشاء الله عليك ..
تمنيت نايف يتكلم وماان لبثت ان تمنيت الا وتكلم ..
نايف : طيب خبروني وين بيوتكن ؟؟
ايه هادا الذوق مو اخو ريم " وين بيتكم " هههههههه
همسوا لي : ماندل ..
والله حالهم من حالي .. قلت بهمس : طيب ألقابكم ؟؟
وفعلا وصلوا بيوتهن بسلام .. بقيت مع فيصل ونايف الين وصلنا البيت صلحت الغذا وصليت الظهر نزلت وجلست في المطبخ شوي ودخلت مروى معصبة ..
مروى : انتي وين رحتي ؟!
اتروعت من نبرتها : لا تنافخين كل السالفه اني .. كنت تعبانه وطلعت بس ..
سكتت أدري انها الحين منقهره بس قلعتها .. طلعت من المطبخ ناديت على فيصل ونايف وجلسنا نتغذى ولما خلصنا شلت الاكل ورحت غرفتي ذاكرت الى اذان المغرب صليت وصلحت العشا ونمت ..

*
*

صحيت الساعه عشر صليت ونزلت صلحت لي خبز مع جبن أكلت وانا مااسمع لأحد صوت أكيد الكل نايم كملت اكلي بعدين صلحت لي عصير برتقال وشربته تذكرت ان علي اختبار اووف كيف نسيت ركضت لغرفة فيصل لقيته بسابع نومة طلعت ورحت الى غرفتي وانا مبرطمة .. تذكرت ميشوو يمكن عارف لها .. رحت واتصلت له كان نايم قفلت وجلست اهز رجلي بعصبيه وقهر والله فيني الصيحه .. باذات الكيميا فيه صعوبه يربيه ومشكله اتصل لريم وهي بكرة زفتها وثانيا هي بثاني .. جاتني دمعه على خدي وعلى طول مسحتها .. قررت اروح لنايف وفعلا طقيت غرفته بس محد يرد ياربيه كيف حتى ذا نايم ..
سمعت صوت : خير ساره ؟!
التفتت بربكه : ابد بس اذا ممكن تساعدني بشي ؟؟
قطب حاجبينه : ايش ؟؟
قلت : اذا نعسان رح نم ولا تعطل حالك ..
طنش كلامي : ايش هو ؟؟
نزلت راسي وقلت : بكرة عندي اختبار كيميا وفيصل وميشو نايمين وريم ....
قاطعني : طيب هاتي كتابك واي شي تحتاجينه وتعالي لي المقلط أنتظرك ..
ابتسمت : طيب ..
رحت غرفتي وقلت لازم انسى اني احبه علشان اعرف اركز وفعلا نزلت فهمني هيا ولما خلصلت ..
قلت : مشكور نايف ماقصرت ادري تعبتك معي بس اعذرني .. تسلم ..
ابتسم : لاعادي أصلا كنت جالس بلحالي فاضي ..
لميت اغراضي وانا مبتسمه واتجهت للباب ..
نايف : سارهـ ..!
التفت له وهزيت راسي بمعنى آمرني .. ماأخبي عليكم ان قلبي يرتجف ..
قال : تعالي اجلسي ابي اكلمك شوي ..
رحت وجلست بهدوء ..
قال : لا تطالعيني كيذا .. السالفه ومافيها .... سكت فتره : تصبحين على خير !!
استغربت منه اكثر من مرة يسوي ذي الحركه اكيد يبي يقول عن تركي ..
قلت : متأكد انك كنت بتقول كيذا ؟
هز راسه .. فـ قلت : طيب ماكنت تبي تقول شي عن تركي ؟
قطب حاجبينه : تركي ؟! ليش هو اصلا قالك شي وحبيتي تستفسرين عندي ؟
قلت : لا .. بس هوا دايم يضيع الوقت فـ ياليت لو تقرب لي عن السالفه ..
ابتسم : ليش هو اصلا انتي فهمتي منه شي هو كله يسولف ..
اش به نايف على " ليش هو اصلا " ههه معجب بالكلمه ..
قلت : ايه والله وانا بصراحه ماعندي استعداد انتظر اكثر ..
سكت فتره ثم قال : طيب اسأليه مين يكون فيصل بالنسبة له وليه يحبه كثير !!
قلت : نعم ؟! متأكد ان ذا الشي اللي بيخليني اعرف ؟ هذا سؤال للأطفال ..
ضحك : ههههه أكيد متأكد لأن هذا السؤال بيختصر عليك روحاتك وجياتك
بلمت : كيف يعني ؟!
نايف : لا تفكرين كثير لأن بكرة عندك كويز ..
هزيت راسي وطلعت من المقلط وذهني شارد .. يعني ليه يحبه ؟؟ لأنه خويه .. معقول فيصل يطلع متزوج اخته ؟! قسم لو يطلع متزوج بدون مدري مااكلمه ابد .. بس خالي مُصر الا يزوجه مروى .. وهو يدري ان تركي ليش يجي .. معقول راضي ان بنته تتزوج واحد متزوج ؟ نايف يقول ان الموضوع فيه شي يخصني !! اش صاير ؟ ياربيه احس راسي بينفجر من التفكير .. أو مثل ماقال نايف لاأفكر علشان بكرة عندي اختبار .. صعدت غرفتي ذاكرت الين تعبت رحت نمت ..

.: نهاية الجزء العآشر :.
ۿـﺎلـﮧَ- likes this.
  #17  
قديم 10-17-2016, 03:32 PM
 

.: الجزء الحآدي عشر :.

" دنيـآ كفـى اللهـ شرهـآ .. تـ خ ــلي كـل قآاسي [ يلين ..! "
/
\
/

هزيت راسي وطلعت من المقلط وذهني شارد .. يعني ليه يحبه ؟؟ لأنه خويه .. معقول فيصل يطلع متزوج اخته ؟! قسم لو يطلع متزوج بدون مدري مااكلمه ابد .. بس خالي مُصر الا يزوجه مروى .. وهو يدري ان تركي ليش يجي .. معقول راضي ان بنته تتزوج واحد متزوج ؟ نايف يقول ان الموضوع فيه شي يخصني !! اش صاير ؟ ياربيه احس راسي بينفجر من التفكير .. أو مثل ماقال نايف لاأفكر علشان بكرة عندي اختبار .. صعدت غرفتي ذاكرت الين تعبت رحت نمت ..

*
*
*

لأول مرة احس صوت المنبه مزعج لأني ابي انوم قمت وصليت بعدين تحممت أخذت حجابي وحطيته على كتفي ونزلت لأني مابي اجفف شعري لاني مابعد فكرت اش بسوي فيه .. نزلت بهدوء وصلحت الفطور وصعدت غرفتي الحمدلله نايف ماطلع وقفت عن المرايا وجففت شعري بالشيسوار ورفعته بكليب اسود هه علامة حزن على فراق ريم .. لبست طوق اسود وماحطيت شي بوجهي غير القلوس قررت اتلثم مابي اجد يقول " امس حلوة واليوم ابد " نزلت وفطرت وعلى آخر اللحظات تحجبت ولا تلثمت غيرت رايي هه متقلبة المزاج ..
رحت المدرسه وانا كارهه نفسي وماصدقت على ربي وصلت البيت صلحت الغذا وصليت بعدها تحممت ولما خلصت كانت الساعه واحده ونصف .. ياربيه كيف ن اليوم زفة ريوم انسدحت على السرير وماحسيت الا وانا نايمه .. صحيت على صوت مروى !!
فتحت عيني : نعم ؟!
قالت بنبرة خوف : عمتي مشاعل
اتروعت : اش بها ؟؟
مروة سكاته .. قلت : مروى بليز اش بها خالتي مشاعل ؟؟
قالت : مدري مشعل اتصل وقال ساره تبيها امي ضروري ..
تنهدت بارتياح اكيد علشان يطلعوني من البيت ..
قلت : الساعه كم ؟؟
قالت : 2 وربع ..
قمت وغسلت وجهي ولبست ونزلت طلعت مع ميشوو تأكدت ان البطاقات عندي ومحد انتبه عليهم رحت السياره ومرينا على بيت خالتي طلعت مشاعل ومعها الاكياس اللي شريناهم ورحنا الصالون ..
قلت : خالتي مابتنزلين معي ؟!
جاوبتني : لا أنا بروح عندي اشغال في البيت .. هذا جوالي اذا خلصتي اتصلي على مشعل ..
هزيت راسي ورحت الصالون شفت ريم ومعها بنت على طول حضنتها ..
قلت : وحشتيني ياحماره هذا يوم وماقدرت اتحمل كيف لو للأبد ؟!

حسيت بدموعها على كتفي يااه معقول اني وحشتها ؟ صداقتنا تقريبا ماكملت سنة !! ابتعدت عن حضنها وناظرت باللي جنبها واشرت لها مين هيا ؟؟

ابتسمت : هذي مها اختي اللي حكيت لك عنها ..
سلمت عليها وشوي وابتعدت مها وراحت تكمل شعرها .. جلست مع ريم يابعد عمري مسكينه خايفه !! شي طبيعي أصلا تخاف رجال كيذا فجأة ماشافته أول مرة تشوفه تجلس معه بلحالهم ؟؟ .. تستغربون كيف ماشافته ولا كلمته .. أهلها قالوا انهم يبونها تدرسس بهدوء بدون اي شي يشغلها .. طبعا سويت شعري كان كيرلي وحطت لي المزينه تاج فيه كريستال احمر هههه كل شي كريستال عندي .. وبعد ماأذن المغرب لبست عدساتي كانوا شفافين وصلحت المكياج كان هادي وحلو أول مااذن العشا صليت ولبست الفستان وحطيت الكبوس لبست البوت ياربيه طالعه أجنن .. طلعت لريم ..
شهقت : لالا ماتروحين كيذا أخاف تغطين علي روحي غيري ملابسك وامسحي المكياج ..
ابتسمت : والشعر عادي مااسوي فيه شي ؟؟
ضحكت : لا الكل متعود على شعرك الحلو ..
ابتسمت على مجاملتها وماعلقت ..
مها : بتروحين معنا ولا مع اهلك ؟
ردت ريم : طبعا معي ..
قلت : غلطانه بروح مع خالتي مشاعل ..
ريم : لا سارونه بليز الله يخليك روحي معي ..
قلت : والله بخاطري بس خالتي بتاخذني ..
سحبت الجوال مني وقالت : ايش اسمها خالتك هينا ؟!
ضحكت : هذا اصلا جوالها ..
وسحبته منها .. ريم وشوي وتبكي : لابليز الله يخليك لا تروحين عني ..
قلت : مهاوي عندك ..
مها : لاحبيبتي انا مااقدر عليها بلحالي ..
ريم : اتصلي على اللي بياخذك القاعه وقولي له لا يجي ولا يتعب حاله ..

بصراحه كسرت خاطري قمت واتصلت على ميشو واقنعته طبعا .. اصلا اللي رد ابوه وقال اللي يريحني بجد تمنيت ان مشاعل امي ..
اتصلت مها على ابوها وجاء واخذنا للقاعه .. وعلى طول دخلت ريم كان من المفترض تدخل على اغنية " مذهله " بس عناد حطيت زفة راشد واحلامم " مرحبا يا اجمل عروس ..." لاني مجنونة راشد ..
ولما جلست حطينا مذهله رحت وجلست معها مااقول ان الكل يناظرني لجل سواد عيني بس لاني مع العروسه ..
بعدين انزفت ريم لبرى وطبعا انا ماخليتها سبقتها وطلعت شفت سيارة العريس قررت سلم عليه .. رحت لقيته ..
قلت : السلام عليكم ..
سمعت صوت اثنين انتبهت لانسان يسوق يوووه ذا اخو ريم ..
قلت : ألف مبروك ..
ابتسم زوجها : ربي يبارك فيك ..
مديت يدي وصافحته كانت يده بارده شوي وجات ريم ساعدتها تصعد ويدها نفس الشي باردة ..
همست باذنها : اش فيكم انتي وزوجك ايدينكم باردة ؟
شهقت وهمست : سلمتي عليه بيدك ؟؟
اتروعت ايه ليه ؟؟
همست : ليه يعني ؟؟ عايلته عيب حتى لو كنتي بنت عمته ولا عمه ..
حطيت يدي على فمي : لاااااااهـ ! الله يعينك على ذي العيله اجل ..
غمزت لي وهمست : يقولون ان زوجي عنده توأم روعه ابقترح عليهم يخطبونك له ..
ضحكت : لا بليز انا ابي واحد يفهم للحياه ..
وقلت بصوت شوي عالي : دعواتي وامنياتي لكم بقضاء ليلة ممتعه ..
احترق وجه ريم تحت اللثام اعرفها تستحي وزوجها ابتسم .. اخوها ماصدق شي وضحك ..
همست : اشوف فيك يوم ياساروه ..
ضحكت : آمين .. ههههههه
وسكتت فترة ثم قلت : ريموه مابي يعدي ذا الشهر الا وكرشتك لقدام ..
وطت راسها وقالت : حرك السيارة ..

هههههههه اش حلاتها ريوم تستحي ياحظه زوجها فيها .. رجعت للقاعه وكملت رقص ووناسه الساعه تقريبا 3 الا ثلث اتصلت على خالتي ووصلوا ..
سعدت السيارة : السلام عليكم .. والتفت لميشو : بليز ميشو ابتعد مالي خلق اروح للباب الثاني ..
رحمني والله وابتعد على طول رميت نفسي والاثقال ..
خالتي : هااه اتوقع انك تعبانه اكيد رقصتي ؟؟
رديت بلهفه : ايه والله ربي يعطيك مليون عافيه ياخالتي بصراحه شي عجيب بس تصدقين زوجها مادخل للقاعه يقولون محافظين ومدري ايش .. ايه شفت اختها مرة طيوبه وتجنن .. امها تقول اني اشبه ريم شبه مو صاحي انا ماصدقت ...
ميشو : آآآآه شوي شوي ماتتعبين انتي اسكتي شوي ؟!
قلت : اش حارق رزك ياخي خالتي وحره فيها ..
ميشو : طيب اسكتي ريحي عمرك ..
سكتت عنه وناظرت من الشباك تقريبا متجهين الى بيت خالتي لا عاد انا ابي اعرف اش سالفة يوم الجمعه واخاف ابقى معهم وماالحق ..
قلت : خالي ! عادي توصلني لبيتنا ؟
خالتي : ليش ان شاء الله .. ماتبين تجلسين عندنا ؟!
تورطت : لا ابدا خالتي بس اصرف لي ارجع البيت لان تعبانه وابي انام ..
ميشو : طيب نامي معنا اش ب بيتنا ؟!
قلت : أحلا بيت بس ابي ارجع ..
خالي : خلاص براحتك
ابتسمت : مشكوور
وصلت البيت .. ميشو : تعالي انتي ماعندك مفاتيح ش بتسوين ؟؟
خالتي : قلت لك ارجعي معنا انتي اللي اصيرتي .. شفتي ؟!
هزيت كتوفي : لاعادي انقز من الجدار ..
ماشاء الله علي مسرع ماتعودت كيف انقز هههه ..
شهقت خالتي : انهبلتي ؟!
قلت : نوو بس عادي .. ليله سعيدة
وجيت بطلع ناداني ميشو : يابرنسيسه الكبوس ..
ابتسمت : شكرا ميشو ..
خالتي : تعالي متى بيصلحون صورك ؟!
قلت : مدري المصورة قالت بعد اسبوعين او ثلاثه .. تصبحون على خير ..

ماسمعت الرد وعلى طول التفتت محد يراقبني ونقزت آآي وجع ان شاء الله اللفه تعلقت وجريتها اانشقت لبست الكبوس .. سمعت صوت تصفيق و " براافو " .. لااه اليوم انا راايحتن فيها ..!
ۿـﺎلـﮧَ- likes this.
  #18  
قديم 10-17-2016, 03:33 PM
 

((2))
لفيت على وجهي لقيته نايف مااقول مابدى قلبي يدق من الخوف بس نايف احسن من خالي .. تنفست بقوه وجاء نايف وسحبني من يدي وظل ممسكها والمشكله بدون لفه او حجاب بس العبيه والكبوس ..
همست : اترك يدي ..!
ساكت ويناظرني .. هزيته : نايف اترك يدي لو سمحت ..
قال : مو تاركها أول تخبريني وين كنتي !!
ياذا البلشه .. قلت : مو قايله الا لما تفكني قسم يألمني ..
نايف : تكلمي أفكك ..
قلت : واذا ماقلت اش بتسوي ؟؟
هز كتوفه : بس بصاارخ ..
انا اعرف نايف مستحيل يسويها حنون لاقصى درجه فـ أنا متطمنه من ذي الناحية ..
قلت : مو متكلمه ويلا صارخ ..
سكت فتره ثم تركني واشر على مكان جنب الزرع : خلنا نروح هناك واحكيني وين كنتي ..
قلت بخوف : لانايف عيب ..!
قطب حاجبينه : وشهو عيبه ؟!
قلت : انا بنت عمتك وانت ولد خالي وجالسين بأنصاف الليول لا والأزيد لبسي وبذا المكياج ..
ابتسم : دامني اقدر اضبط نفسي وماارتكب جريمه في البنت اللي قبالي واضمن لك مايصير لها شي لو كنت معها بغرفة النوم .. عادي اجلس معك كيذا ..

ولع وجهي ذا مايستحي مثل اخته ؟!

جلست بهدوء ودخلت شعري داخل الكبوس بحيث مايبين شي ..
نايف : احكيني وين كنتي ؟!
همست : بس مو تخبر احد حتى فيصل مابيه يدري ..
هز راسه واشر لي ابدي بالحكي .. قلت : كنت في زفة ريم خويتي ..
قطب حاجبينه : زفتها ؟! اللي اعرفه انك رحتي مع عمتي لأنها مريضه ..
جلست فتره على مااستوعبت ان عمته هي نفسها خالتي .. واعيد واكرر انا ماافهم الا اذا قالوا خالتك ..
قلت : لا ذي خطه من خالتي علشان اروح .. على خالي ..
ابتسم : ماشاء الله ونقزتي من الجدار ؟!
طنشت كلامه : اصلا انت ليه صاحي ؟!
نايف : ايد بس دايم بالليل ماانوم ..
قلت : تصبح على خير بروح غرفتي ..

ابتعدت ودخلت البيت ورحت غرفتي شلت العدسات وقفلت باب غرفتي أخذت الروب ورحت اتحمم خلصت ولبست بيجاما صليت بعدين صلحت الفطور ونمت ..

*
*
*

ماصحيت الابعد اذان الظهر قمت وكل شي فيني يألمني مو قادرة امشي أكيد لأني بقيت البارح بطوله امشي بالكعب وارقص لا وراسي مصدع الله يستر بس .. صليت ونزلت صلحت الغذا ماقدرت اكلت بندول ونمت ياخوفي امرض وبكرة آخر يوم باذن الله لي مع سواليفي مع ذا التركي ..!
ابتسمت من داخلي وانا ادعي الله مايصير نذل ومايقول .. فعلا سؤال غريب " ليه ياتركي تحب فيصل ؟! مين يكون هوا بالنسبة لك ؟"ابد ماطرى على بالي اني اسأل مثل ذا السؤال يالله احس بلقافه لمعرفة الجواب .. بكل بساطه بيقول لأنه خويي .. طردت بسرعه ذي الافكار عني .. ونفضتها عن بالي ..
صحيت على أذان العصر حلو صلاتي ماتأخرت صليت ورحت لفيصل محتاجه اتكلم مع اي احد .. مشيت لغرفته كانت فاضيه ياكرهك يافيصل ماتدري اني محتاجتك .. قفلت النور ويوم جيت بطلع قابلته ..
فيصل : اش عندك بغرفتي ؟!
قلت : هيهيهي فيها كل ثروتك عاد .. جايه ادور عليك ..
قطب حاجبينه : ليش بالله ؟!
قلت : فيصلوه ياحمار انت ماتحس ؟ لي يومين ماشفتك وذا اليوم الثالث وانت ولا سألت اختك موجودة بالدنيا ولا لا ..
ضحك : اشغال والله!!
قلت بسخريه : ايه معذور مو لأن الوزير مايعطس الا ويعطيك قبلها بساعه خبر ولا المصانـ ...
قاطعني : صدق حماره الحين اش تبين انجزي ؟!
قلت : ياربيه على النفس لعلمك اخاص اني مو جايه اسولف معك وانك اذا عرفت السالفه انت اللي بتركض وراي فـ من باب الذوق ان تعدل اسلوبك ..
تكتف : وايش السالفه اللي بلاحقك لجلها ؟!
اعطيته ظهري وانا ماشيه : عن مروى بنت خالك ..
ومشيت لغرفتي فيني الضحكه جد .. صحيح ان مافيه اي سالفة بس حلو احرق اعصابه على مايعرف سكرت الباب واتجهت للمرايا .. شلت حجابي ووقفت اتأمل شعري صار طويل هه تذكرون مرة قلت لكم بخبركم عن سالفة شعري القصير ؟! وانا عند وعدي بس مو وقته الحن تعرفون .. رفعت اصبعي اناظره ماتغير يمكن بس شوي .. فتحت علبة المكياج جديدة لأول مرة استعملها وجلست اصبغ وجهي من الملل أوووف رحت للمسجله وفتحتها على اغنية الحل الصعب .. وبديت اغني معاها .. وانا ادندن انتبهت ان الاغنيه وقفت معقول خلصت ؟! التفت لقيت فيصل واقف جنب المسجله ومبرطم مثل الأطفال .. ماقدرت الا ابتسم حتى وهو زعلان يجنن مو حرام كل ذا الحلا والحنان على مروى ؟! لا والمشكله يحبها ..
قلت : خير اخ فيصل ؟!
فيصل : تو الناس صباح الفل تو منتبهه على صار لي ساعتين ادق على الطاوله وانتي عايشه جوك ولا كأني موجود أحكي مع الطوفه انا ؟؟
ضحكت : طيب افتح المسجله حلوه الاغنيه خلها تكمل ..
جلس على السرير : خبريني اش بها مروى وافتح لك المسجله .. وثانيا ايش السرقات هذي مابقى كتاب بغرفتي الا واخذتيه مابقى كاسيت ومسجله الا وتاخذينها .. ياخوفي تسرقيني بعد !
ضحكت : لا عاد اذا تبيهم اخذهم بس كاسيتات راشد لا والف لا اشتري لك غيرهم ولا تحلم ارجعهم
فيصل : تصدقين لو شفت راشد ذا قسم قلت له ارحم حال اختي ..
تحمست للفكره : ايه وقول له اموت عليه مهووسه فيه الا انجن على صوره صوته كل شي فيه حلو ويهبل ..
ابتسم : لا تموتين علينا .. بس مهما حاولتي تضيعين السالفه لا تحلمين مابي اطلع من هينا الا لما اعرف اش السالفه ؟!
قلت بنذاله : بس انا تعبانه وابي انوم ..
حط يده على خصره : لا والله !! احكيني اشوف ..
هزيت كتوفي : مافيه سالفه !
حسيته تنرفز شوي ويذبحني هه انا اوريك فيصلوه اجل انا تسفهني يومين ماتسأل عني ؟ هييييين !
قال بقهر : لا عاد مصختيها
قلت بابتسامه : حط عليها ملح ..
فيصل : ساروه لا تستهبلين ولا قسم برب الكعبه اللي فوقي انزل افضحك عند نايف قدام خالي ..
فيصلوه الحمار كله يهدد بس طيب امسك عليك شي ومااخليك بحالك غلطتي الوحيده اني ماخليته يحلف علشان مايقول ..
قلت : واقسم لك ان مافيه سالفة بس كنت احرق اعصابك لانك ياحمار طنشتني يومين ويوم جيت ابي اسولف معك نرفزتني ..
قطب حاجبينه وكأنه مو مستوعب وبعد شوي قام يلحقني بالغرفه وانا اصارخ لحظات حلوة موت ولما تعبت وقفت الهث وهو جنبي ..
قلت : فيصل حنا كبرنا اترك حركات البزران على جنب وشف قربت توصل لـ 22 وانت تراكض ؟!
فيصل : لاعاد يعني انتي اللي عمرك سنتين قريب تكملين العشرين .. بس الظاهر عقلك مابعد كبر ..
اتنرفزت وسكتت وجلست اناظره شكله جنان اكيد يشابه ابوي .. وانا ؟! اشابه امي ولا ايش ؟!
قلت : فيصل !!
جاوبني : هممممم ؟؟
رفعت راسي : اوصف لي شكل ...
ماقدرت انظق الاسم اكيد بتدمع عيني ومابي فيصل يشوف دموعي ..
فيصل : أوصف لك ؟! ايش ؟!
وطيت راسي : أوصف لي شكل .. أمي !!
انتبهت انه يناظرني : سارهـ !! ناظريني ..
رفعت عيني وانا ماسكه دمعتي وانا سكاته ..
فيصل : انتي كبرتي وماله داعي كل ذا انتي مو بزر علشان اذكرك ان ...
كملت وانا خانقتني العبره : ان امي ماعاد ترجع .. أدري بس اوصف لي شكلها حرام يعني ؟؟ ولا عيب ؟؟
وقف : لا مو عيب ولا حرام بس انتي كيذا تنكدين حياتك ..
قلت : هه اصلا بدون ماتوصف حياتي منكده .. فيصل بليز كمل .. ثانيا انا مااذكر شكلها كنت بزر ..

اسندت راسي وغمضت عيوني .. سمعت صوت الباب يتسكر أكيد طلع ليه مو راضي يخبرني عن شكلها ؟؟ ليش ؟؟ .. أمي فيها شي ؟ ناقصها شي ؟..

*

سمعت اذان المغرب صليت ونزلت رحت للمقلط وكالعاده نايف مع فيصل بس مروى وين ؟؟ أكيد بغرفتها .. جلست جنب فيصل
قلت : فيصلووه
مارد .. رجعت وقلت : فيصلووه ياحمار
فيصل : ماحمار الا اللي قايلها ..
قلت : أوووه تطور والله وقمت تعرف تتكلم !!
رجع سكت .. اش فيه الحمار مو راضي يتكلم معي بس هين انا اوريك هه صايره اهدد اليوم فيه ومااشوف سويت له شي بس انا لك ان ماخليتك تتكلم غصب عنك .. عناد السالفه يعني !!
قلت : تصدق طالع متغير ؟!
ساكت !! ..
انقهرت منه وقمت شوي وسمعت ضوت ضحكه التفت شفته فيصل ..
فيصل : ههه سارووه .. ههه حـ ههههه حلوة وانتي معصبه هههههه ..
كتمت ضحكتي ولفيت : احلف انت بس ..
ماعليه تبي تنرفزني اعلمك مين اكون طيب !!
ابتعدت عن المقلط ورحت المطبخ أوووه مروى !!
قلت : ماشاء الله مروى اش بتسوين ؟؟
ابتسمت : أحاول اصلح شي
قلت : طيب اش حاطه ببالك تسوين ؟!
هزت كتوفها : أممممم أي شي .. حلا .. لأأنه ابسط شيي ..
قلت : طيب أساعدك ولا مايحتاج تعرفين ؟!
قالت : لا مشكورة ...
عاد بالذات اليوم فاضيه .. صعدت غرفتي شوي وشفت فيصل سكت عنه ..
فيصل : اش فيك زعلانه ؟!
أخذت الروب ودخلت الحمام عزكم ربي مليت البانيو مويا باردة وانسدحت افكر .. شي شاغل بالي ذي الايام .. فيصل دايم يناظرني ويتأملني !! صاير شي ؟؟ أو نايف قاله شي ؟! أو حتى مروى وخالي ؟! والله مو عارفه كيف افكر ومن وين ابتدي .. دخلت راسي بالمويا ثواني وطلعته .. مرت في بالي صورة خالتي مشاعل !! معقول تشابهه امي ؟! كيف اني ماسألت خالتي مشاعل عن شكل امي ؟! أكيد تعرفها وحافظه شكلها ..
نهال !!
هذا اسم امي اللي ماانطقه الا في الاحلام .. ولا مرة قلت أمي أو يمه دوم أقول خالتي !! معقول ان الملجأ الوحيد هلو خالتي مشاعل ؟! طيب ليش ؟؟ ليش انا محرومه من امي وابوي ؟! استغفر الله بس انا اش اخربط ؟! انا مو بزر سنتين علشان افهم !! أنا من يوم انولدت ماشفت امي اشمعنى هذي الايام أحس اني محتاجه لها ؟! ناظرت الساعه ما مضى الا 35 دقيقه فقط نصف ساعه تقريبا وخمس دقايق !! أنتبهت من سرحاني على صوت طرق على الباب تذكرت اني ماقفلت باب غرفتي ..
قلت : خير ؟؟
سمعت صوت : قومي اطلعي بسرررعه ..
اتروعت : خير فيصل اش صاير ؟؟
فيصل : خالي يبيك بسرعه ويقول ان مانزلتي خلال خمس دقايق يذبحك ..
ارتجفت : طيب رح قله جايه ..

لبست الروب على عجله وانا افكر اش سويت ؟؟ لحظه ليكون تركي ؟! دق قلبي بقوة تعرفون اذا احد سوي شي خطير يخاف بسرعه .. طلعت للغرفه لبست برمودا زيتي وبلوزة بيج والحجاب الزيتي ونزلت تحت على طول للمقلط ..
قلت : فيصل وينه خالي ؟؟!
التفت لي : خير ان شاء الله اش تبين فيه ؟!
هذا اللي ناوي اذبحه الحين ..!
قلت : لاتستهبل علي قبل شوي طارق الباب ليش ؟!
قطب حاجبينه : أنـا ؟؟؟؟؟
تنرفزت : وينه خالي ؟!
هز كتوفه : من الظهر طالع ..!
رحت وجلست جنبه مو مستوعبه هل هو مقلب منه يبي يقهرني ولا ايش ؟!
قلت : فيصل فهمني اش صاير .. قبل شوي طرقت علي الباب ووقلت خالي يبيك ركز معي شوي !
فيصل : احلفي انتي بس .. ألحين اطق مشوار لغرفتك ؟! أصلا من يوم تركتك في الغرفه رجعت هنا .. " التفت لنايف " حتى اسألي نايف !!
ناظرت نايف .. قال : فيك شي سارة ؟!
مااخبي عليكم خفت بس تذكرت كلام خالتي انه عادي اذا انا خايفه من شي اتخيل ..
هزيت راسي : ابد بس كيذا ..
شوي ودخلت مروى .. على طول قاالت : تعالي افتحي لي الفرن ..

هه خيبه ماتعرف تصلح شي ابد .. هزيت راسي ورحت لها شغلت الفرن ورحت غرفتي شلت الحجاب واتجهت للمرايا أخذت البلسم وحطيت لي صار شعري حلو جاف على مبلول .. مشطت شعري وربطته وانسدحت على السرير أحس برعب ورجفه تسيطر على كل جسمي مدري ليه .. ابي انوم .. ناظرت الساعه يعني تقريبا أقل من خمس دقايق على اذان العشا .. رحت توضيت وانتظرت على سجادتي الين اذن صليت وحطيت المنبه على اربع الفجر ونمت ..

*
*
*

صحيت فعلا وصليت بعدين نزلت تحت جهزت الفطور وصلحت لي خبز مع جبن تستغربون مني الفطور خبز وجبن والغذا والعشا !! ليش مُصرة عليهم ..لأني احبهم أحب البساطه من الفطور اللي اصلحه كل يوم .. لما خلصت شربت عصير فراوله .. لمحت الاكواب اخذتهم وغسلتهم من جديد وجففتهم .. سمعت صوت تصفير التفت كان فيصل .. لفيت وكملت شغلي كان يهذر على راسي بس مالي خلق اتكلم الحين .. خلصت ورحت غرفتي وكان يتبعني انتبهت انه دخل وفتح الانوار غمضت عيوني بقوة ..
وقلت : فيصل قفل الانوار بليز ..
سك الباب وأخذ كرسي وحطه قبالي وجلس ..
فيصل : اش فيك ؟؟
قلت : فيصل ورحمة امك قفل الانوار تعبانه تفهم ؟؟ راسي مدوخ وابي انوم ..
فيصل : ساروه ياحماره قومي تنامين كثير انتي ..
تأففت : انت الحمار كل يوم جمعه تنام الصبح شكو اليوم جالس مافيه سهرة ولا ايش ؟! رح نم وانقلع عني ..
فيصل : قسم انك ماعندك ماعند جديتي ..
قلت : اسمع تبي تجلس هينا حياك ربي بس التزم الصمت ولا ماتبي الباب قدامك وتدله !!
وقف : شكلك رايحه فيها .. تصبحين على طراق ..
وطلع غمضت عيوني وانا مبتسمه عليه ربي لا يفرقنا عن بعض .. وان شاء الله مهما صار يظل بعين الا اخو في ذي الدنيا .. قفلت عيوني بقوة مابي افكر ابي اناام ..!

*
ۿـﺎلـﮧَ- likes this.
  #19  
قديم 10-17-2016, 03:35 PM
 



((3))
*
صحيت على صوت صراخ انتبهت انها مروى خير اللهم اجعلو خير ..
قلت : خير مروى ؟!
قالت : مطوله بالنوم ؟!
انقهرت من اسلوبها وطنشت ولا كأني سمعت شي ..
مروى : قومي الساعه 12 وربع الظهر !!
فزيت وعلى طول غسلت وجهي ورحت للساععه كانت عشر وخمس انقهرت ليش تكذب لبست تنورة سوداء طويله على أطرافها ذهبي وبلوزه ذهبيه اكمام هه تناسق .. أذكر ان عندي ساعه ذهبي من فيصل ماقد لبستها .. فتحتها ولبستها بـ " اليمين " لبست حجاب أبيض وعليه شيله ذهبي ونزلت تحت ..
خالتي : مابغيتي تصحين ؟!
قلت : أهلا مس مشاعل هاور يو ؟؟
خالتي عاد خرطت لي انجليزي مافهمت منه ولا حرف ..
قلت : يس .. سوري .. بليز .. نو .. ثري هاندريد ..
معنى الكلام / أجل .. عذرا .. رجاءاً .. لا .. ثلثميه ...
خالتي :هههههههههه سلط الله على ابليسك انا مالي خلق اضحك وذي تستهبل ..
قلت وانا اجلس : وينه ميشو ؟؟
رفعت ساعتها : تقريبا من عشرين دقيقه طلع مع فيصل نايف ..
فتحت عيني : سلامات ؟! وين راحوا ؟؟
هزت كتوفها : يتمشون ..

ركضت للتلفون دقيت على فيصل أول ماانفتح الخط

قلت : فيصلوه ياحمار ياألعن مخلوق شفته بحياتي ياوجه البوم يامشكله ياجعلك اللي منيب قايله .. تطلع وما تخبرني وجع ان شاء الله ..
فيصل : ههههههههههه والله محد قالك تنامين وتطنشيني اليوم الفجر وتحملي نتايج فعلتك ..
انقهرت : حمار انته تدري ؟؟!
فيصل : حمار اخو حمارة هههههههااي ..
قلا : هيهيهي ينقالك خفيف دم بايخه اصلا قل لي وين رحتوا ؟!
سمعته يقول : أمممم حنا نمشي بالسيارة !!
قلت : شف أول ماترجع حسابك معي فاهم ؟ ويلا بقفل ..
فيصل : مافيه بايو ؟! أو مع السلامه ؟! تشاو مثلا ؟!
قلت : مالت عليك ..
وقفلت الخط صدق مقهورة ألحين هو يبي يطلع ياخذ معه ميشو ليه ؟! لا ومروى صحيتني بعد .. تذكرت اني ناويه أسأل خالتي عن شكل امي اتجهت لها وجلست بهدوء ..
قلت : خالتي ابي اطلب طلب وياريت ماترديني ..
ابتسمت : آمري حبيبتي ؟؟
قلت بهمس : أبي توصفين لي شكل امي ؟
قطبت حاجبيني : اش اللي ذكرك فيها ؟!
قلت : خالتي ذي امي لا يمكن انساها بليز توصفين لي شكلها بليز ..
مشاعل : ابد مااذكر شكلها ..

موقلت لكم امي فيها شي ؟! كيف الكل مايذكر شكلها ؟! كيف ينسون ؟ ماحبيت أضغط عليها لان مصيري بعرف اذا مو بكرة اللي بعده .. واذا مو اللي بعده بيجي لي يوم واعرف .. هزيت راسي يعني طيب ورحت للمطبخ صلحت الغذا مع خالتي كنت اتجنب اني اتكلم أخاف تزعل شوي وسمعت صوت اكياس رفعت راسي لقيته ميشو أكيد فيصل جاء أنا أعلمه ..
كنت بتحرك بس شفت نايف مع فيصل يدخلون المطبخ .. اتجهت لفيصل وتكتفت يعني اني قويه ومايهزني شي قدامه ..
قلت : وين كنتوا ؟!
خليتها صيغه جمع علشان مايعصب علي ..
فيصل : كنا نتمشى عندك مانع ؟!
قلت : احلف انت بس .. قصدي ليه يا ... فيصل ماقلت لي ؟!
فيصل : وليه ان شاء الله ؟ أخاف ولية امري وانا باقي مدري !!
قلت بقهر : مو شغلك ..
ماكملت جملتي الا وميشو يضحك واتجه لأقرب كرسي وجلس وفيصل كمان جنبه ويضحكون .. نايف عادي ماتغير شي ..
قلت : اش فيك اخ مشكل مشاكل ؟!
ماسمعت غير ضحكته ومد يده لفيصل وصفقوا مع بعض ..
قلت : آآخ يابطني ارحموني مااقدر تقول القصبي والسدحان لا لا والله مقدر ..
وقلت بنبرة اعلا : اش عليه تضحكون ؟!
ميشو : والله صادق فيصل ههه ..
قطبت حاجبيني وناظرت خالتي كمان مستغربه ..
قلت : احكيني ؟!
ميشو : أول مادقيتي انفتحت سيرتك على طول فيصل قال بتزعل وبتقول موشغلك فيني لما أكلمها وفعلا ..
فتحت عيني على آخرها الحين لهم ساعه يضحكون علي ؟؟ قسم انهم يقهرون .. ناظرت نايف كان عادي رجعت ناظرت ميشو ..
تكتفت : طيب اش كمان قلتوا ؟
ميشو بابتسامه : ابداً بس فيصل علمنا كيف تسوين له ..
ولف لفيصل : فيصل سوي لها كيف اذا زعلت !!

ناظرتهم مو مصدقه ! فيصل مد شفته اللي تحت ومدري كيف كان يناظر بنظرة تضحكني وأعطى ميشو ظهره .. جلست قبالهم وانا اناظر ..

ميشو : سارونه اش فيك زعلتي ؟!
كنت بتكلم بس لف فيصل له ..
فيصل : احلف ياشيخ أنت تصير أنا ؟
ميشو : يلا عاد فيصل ..
رجع فيصل ولف عنه فيني الضحكه بس مسكتها ..
ميشو : اش فيك زعلتي ماقلت شي انا .. خبريني اش فيك ؟!
لف له فيصل وأشر عليه باصبعه السبابه .. وقال : انت مو شغلك فيني ..
كتمت ضحكتي لا يوقفون ..
ميشو : بس انا اخوك ..
فيصل : وياليتك ماكنت أخوي فيصل انت ماتحس ؟! ماتناظر اسلوبك معي ؟! ذي الايام ؟! نسيـ ...
ماقدرت اكتم ضحكتي أكثر من كيذا وضحكت بأعلى صوت عندي ماتوقعته يقلدني ابدا والمشكله نفس تصرفاتي .. سبحان الله كيف قدر يمتص غضبي ويخيني أضحك ربي لا يحرمني منه .. رحت وجلست جنبه ..
همست : فيني الصيحه ..
فيصل : لا تزعلين قسم كنت ابيك تضحكين ..
والله كلامه مازادني الا شهقات صحيح ربي حرمني من ام وابو بس عوضني باخو مافيه مثله وخاله تعتبرني مثل بنتها ربي لا يغير علينا ..
فيصل : سارونة ترى والله كنت امزح ..
قلت : ومين قلك اني شايله بخاطري عليك ؟!
قطب حاجبينه : أجل ليش ؟!
رميت نفسي بحضنه وجلست اشاهق ..
فيصل : اش فيك سارونه تعبانه شي ؟!
قلت : فيصلوه ياحمار احبك ..
فيصل : بالله كيف تيجي ذي ياحمار أحبك ؟! ثانيا اش حلاتي أهبل ..
ضحكت وقمت من حضنه صحيح افتشلت قدام الاوادم احضن اخوي بس عادي عندي مافيه حد غريب .. قمت بهدوء ورحت وغسلت وجهي رجعت لهم وجلست بهدوء موطيه راسي وأفكر ..
نايف ,,
وفيصل ,,
وميشو ,,
ومشاعل ..
الوحيدين اللي يعرفون كيف انا افكر ويقولون قبل مأأسأل .. ربي لا يحرمني منهم .. فيصل بالذات اللي لو الدنيا جهه وهوا جهه اتجه له بدون تردد .. ماتدرون قد ايش فيصل يعني لي .. فيصل بالنسبه لي انسان يفوق الوصف بكثير كل انواع الحنان عنده .. أقسى حنون .. صحيح تطق فيوزاته احيانا بس يظل اخوي اللي احبه ومالي غنى عنه .. فجأه نقزت صورة تركي قدامي .. بدا قلبي يدق الليله بعرف اش صاير !! يووه ماجهزت لي ملابس .. قمت انتبهت الكل يناظرني ..
قلت : هييييي اش فيكم تناظروني ؟! مسويه شي غلط ولا ايش ؟؟!
ميشو : ابد بس كنتي جالسه وساكته وفجأه قمتي مو عاجبتك سوالفنا ولا ايش ؟!
قلت بسرعه : مين قال ؟!
والله لو يدرون اني ماسمعت ولا حرف من اللي قالوه ..
ابتعدت لغرفتي وجهزت لي ملابس عاديه تماما .. بلوزة ورديه وبنطلون جينز .. جهزت عبايتي الورديه هه كل الالوان ماشاء الله عندي .. ورحت تحممت ولما خلصت قفلت الباب كويت ملابس وعلقتهم بالدولاب .. مشطت شعري صحيح قصير بس حلو بس بدى ينمو وصل لكتفي أمم فيه لون طبيعي مو بني بس فيه لون المهم ماعليكم منه أخذت لي ملابس بيجاما لبستها صليت وقفلت الانوار وانسدحت .. ماكنت ابي انام بس ابي افكر مااعرف افكر الا اذا كان هدوء والنور مقفل وأحلى شي وانا قريب انوم .. مابي أخبي عليكم واقول مو خايفه من الليله ومجهزة نفسي لأي صدمه .. خايفه من الكلام اللي بقوله تركي واذا عرف خالي اني دخلت .. أو حتى مجرد فكرة اني ادخل لخوي اخوي ولو كان الكل داري ترعبني .. تتوقعون مثل ماقلت من قبل ان فيصل متزوج اخته ؟! يمكن .. بس مااتوقع .. طيب لهالدرجه فيصل يمون عليه ويسهر معهم ؟! ابتسمت من داخلي على لقافتي أقصد حب الفضول مااحب حد يقول اني ملقوفه .. هه الحين انتظرت اسابيع مو عاجزة انتظر ساعات .. انفتح الباب ودخل فيصل وسكر الباب مسكت اللحاف اش لي لابسه ذي البيجاما فتح النور وجلس على طرف السرير يناظرني ..
قلت : خير اش صاير اش بك تناظرني كيذا ؟!
هز كتوفه : ابد بس غريبه العاده يوم الجمعه تتغذين معنا ؟!
قلت : لا مشكور مالي نفس ..
فيصل : لاتكونين زعلتـ....
قاطعته : لا مازعلت مجنونه انا ازعل على كيذا ؟
ابتسم : طيب ليه تصيحين ؟!
أدري ان قلت له ان الله عوضني عن امي وابوي بيقول لي " انتي مو بزر أفهمك أنهم ماعاد يرجعون لنا " فـ فضلت الصمت ..
بعدين قلت : على اسلوبك كيف امتصيت غضبي !!
فيصل : متأكده ؟؟
اشرت على عيوني يعني تأكد .. قال : أصدقك ماله داعي .. طيب يلا قومي مشعل يسأل عنك يقول وينها خطيبتي وزوجتي ؟
ضحكت على خبال ميشو يكبر ولا يعثقل مثلي تماما صحيح قالها بسخريه بس الحيا شي اساسي بالبنت مو مثل مروى .. اي جد وينها مروى ؟!
قلت : طيب ثواني أغير ملابسي وانزل ..
فعلا ماصدقت خبر انه طلع قفلت الباب غيرت ملابسي ونزلت تحت .. أول مانزلت سمعت صوت ميشو ..
يقول : هلا والله تو مانور المكان وينك حبيبتي تركتيني بلحالي ؟!
قلت : معليه حبيبي أعذرني هههههههاااي ...
فيصل : ماتستحين انتي ؟!
ميشو : رجاءاً فيصل لا تغلط على مرتي ثانيا احبها وتحبني شكو تتلقف ؟!
ناظرت نايف كان عادي والله انه بارد .. حسيت من كلام ميشو اني حمارة ومولعه لآخر درجه والله فيصل مايعديها لو شافني على طول يعلق .. قلت ابي اغير السالفه ..
ابتسمت : طيب ابي العب معك ميشو !!
ابتسم لي ابتسامه عريضه وقال : وانتي كل يوم جمعه ضروري تلعبين معي ؟ ياربيه أموت مقدر ..خالتي مشاعل تكلمت من بعد ماكانت طول الوقت ساكته .. قالت : مشعل استح على وجهك ذي بنت خالتك تفهم !!
قلت : طيب ابي العب ..
فيصل : والله بزر ..
برطمت : يعني الالعاب بس للبزران ؟! فيه العاب للي بسننا .. عادي والله ؟؟
ميشو : صادقه بنت خالتي ..
قلت : أحلا ميشو .. هاه فيصل ياقلبي اش رايك ؟!
فيصل : طيب ايش نلعب ؟!
ابتسمت : كيفك انتوا اختاروا وانا العب معكم ..
مشاعل : طيب القافيه ..
ضحكت : يااااااي خالتي بتلعبين معي وناسه والله !!
اكتفت بالابتسامه .. فيصل : أجل وين مروى ؟!
أوووف في كل شي مروى بس يالله ماعندي حل غيره ..
قلت : شوي بقوم أقول لها ..
ابتعدت عن المقلط ورحت لغرفة مروى ترددت اطرق الباب بس بعدين حبيت اروعها وفتحت الباب بقوة ..
قالت : هييييييييييي
قلت : سوري مروى ..
جاتني اللقافه : مروى اش تسوين في اللابتوب ؟!
مروى : مو شغلك .. وقسم ان قلتي لأمي انك شوفتيني ع اللابتوب ذبحتك تفهمين ؟!
هزيت راسي موافقه وجلست جنبها ..
قالت : اش عندك ؟!
قلت : خبريني اش تسوين ؟
سكتت فتره ثم قالت بصوت هامس : على الشات ..

الشات ؟؟؟ كلمه جديدة في قاموسي رغم اني سمعت فيها بس وين مو ذاكره ,,

قلت : طيب اش ذا الشات ؟؟
مروى : مو كأنك تسألين كثير ؟
قلت : يلا عاد مروى !!
مروى : هذا مجموعه قروبات بنات وشباب يسولفون مع بعض يعني يتعرفون وبس ...
قطبت حاجبيني : بس يتعرفون ؟
هزت راسها بـ لا .. ثم كملت : يعني اللي تبي توريه صورتها ايميلها أو حتى رقم جوالها بس اسمها مااقوله !!
قلت : طيب اش اسمك ؟!
مروى : اش ذا السؤال ؟!
قلت : قسم آخر سؤال ..
مروى : سالي ..
قلت باستنكار : سالي ؟؟؟؟؟؟؟؟؟؟
تأففت : الحين انتي اش تبين رازة وجهك ؟؟ خلصيني ؟!
والله نسيت اني جايه مو لجل افتح تحقيق ..
قلت : ابد بس نايف وفيصل وميشو وامه آند مي بنلعب لعبه وياليت تلعبين معنا ..
قالت : طيب شوي ونازله ..
هزيت راسي وطلعت من غرفتها .. كيف اني كنت احسب ان مروى ترقم الشباب بس طلع عندها مصدر كامل وهي جالسه في بيتها أقصد غرفتها .. وانا اقول من وين تجيب ارقامهم وماتقفل من واحد الا ويجي الثاني !!
نزلت تحت وكنت سرحانه خفت احد ينتبه وبديت اشاركهم بكلمات مختصره ..

*

تقريبا بعد نصف ساعه شرفت .. كل ذا الوقت مع اخوياها ؟؟ مالي شغل فيها ولو اني اقدر اقول لخالي بس كيفها مو خوف منها ولا شي بس تكرهني ... هي بروحها كارهتني بعد اسوي كيذا ؟؟ جلست جنب خالتي وقبالها فيصل ..
قلت : طيب وصلت مروى ننقسم فريقين يلا اختاروا ؟!
ميشو : أممممممم أنا ابي مع امي ..
ابتسمت : طيب انا مع فيصل .. وانتي مروى ؟!
مروى : مع عمتي ..
قلت : أجل نايف معنا يلا اختاروا لكم أسم ..
ميشو بعد فتره : نبي حرف m
قطبت حاجبيني : ليش بالله ؟!
ميشو بفلسفه : أبد بس أنا مشعل وامي مشاعل وذي مروى فـ أفضل شي ان يكون شي مشترك بيننا ..
ابتسمت : اجل حنا n بما أنا نايف اكبرنا ..
نايف : لالا .. خليا على حرفك لأنك البنت الوحيدة ..
ميشو : انتي ماتستحين جالسه مع رجال وانتي بنت .. ياخوفي تصيرين بوي ..
انقهرت : والله ماكنت ابي اقول ذا الشي بس انت اجبرتني .. بربك الحين انت اللي مسوي فيها بطل ؟! جالس بين بنات ؟؟!
ميشو : بس ذي امي !!
قلت : ولاتنسى ان فيصل اخوي ..
سكت ميشو .. خالتي : قسم ان مايعرف يسكت مشعل الا انتي ..
ضحكت .. ميشو : هاه مااخترتوا اسم ؟!
قلت : قلنا حرف n
نايف : لا حرفها ..
عندت : لا حرفك ..
فيصل : وانا طفايه بينكم صح ؟! مااخذتوا رايي أو حتى حرفي ..
ابتسمت : حبيبي والله خلاص حرف f ولا تزعل ..
خالتي مشاعل : أجل نقول حرف القاف ..
بلعت ريقي .. وصفر ميشو : أحلا ماما ..
ناظرت فيصل هز كتوفه ونايف ساكت عاد اش نسوي ؟! بديت احط الحروف .. قأ قب قت الين وصلت الى قف عاد تذكرت شي ..
صرخت : عرفت !
ميشو بضحكه : ايش ؟؟
قلت : أحم قفا نبكي نمن ذكرى حبيب ومنزل ..
وسكتت مو ذاكره شي ناظرت فيصل .. قلت : موذاكره ..
مروى : هههههههههههههههه مالنا شغل !!
فيصل : بسقط اللوا بين الدخول فحومل ..
صرخت : أموت عليك فيصل بعد عمري انته ماترضى تشمت العذال فيني ..
وناظرت ميشو بطرف عيني ..
ميشو : هااه يمه حرف اللام ؟؟
سكتوا فتره .. مروى : طيب عادي اغنيه ؟؟
فيصل : ايه عادي ..
ناظر ميشو مروى وكأنه يقول اش عندك ؟؟
مروى : ليه بس اعيش مابين همي وخوفي .. كثر المحبه فيك والطيب مابان !!
صفر ميشو : أحلا بنت من بعد ساره ..
ضحكت على كلمته ..
مشاعل مبتسمه : حرف النوون ..

مسكت نفسي اعدد اغنيات راشد وحده وحده .. ياربيه مو قادره اتذكر شي ياربيه !!

سمعت فيصل : تعال نايف اي اغنيه اللي فيها نسي ليالي بيروت ؟
قطبت حاجبيني اعرف ذي الاغنيه بس اش اسمها ناسيه حاولت اتذكر .. شوي وسمعت ..
نايف : قصدك شايف نفسه ؟! وسكت فتره وقال : نسي ليالي بيروت لما قالي بحبك موت وهلأ جنبي عم بيفوت ولا كنه شايفني ..
ماقدرت من الفرحه ونقزت وبست فيصل على خده ..
ميشو : لاماتستحي ابد انتي ..
اشرت عليه بحب : أخووي وكيفي .. ويلا تشطر عاد حرف الياء ..
مشاعل : ياللي شفت احلامي فيه والتقيت بأحلا جنه ادعي ربي وارتجيه ربي لايحرمني منه .. هااء ..!
صفر ميشو : أحلااا أم ..
صرخت : هيهات انا انسى هواك ساكن بوجداني ..
فيصل : يعزف على اوتار قلبي هيض اشجاني ..
قلت : حتى المشاعر حكت لك انت شي ثاني ..
نايف : انت المحب اللي لا مايصح تبديلوو ..
قلت : أحلا والله حرف الواو ..
مروى : واو ؟؟ لا هيا تبديله ..
قلت : بس يقولها تبديلوو ..
نايف : خلاص عندي حل لا واو ولا هاء .. حرف اللام ..
ميشو : يمه حرف اللام أنقذيني ..
سكتوا فتره يفكرون .. قلت : هااه مالقيتوا شي ؟!
ميشو : اسكتي خليني أفكر .. ثانيا مدري تحبين تخلين لنا حرف اللام ..
قلت : ماتبي لام حط وااو ..
ميشو : خلنا على مجنوننا أحسن ..
طبلت مروى : ليك الواوا بوس الواوا خلي الواو يصح .. لما بوست الواوا شيلتوا صار الواوا بح .. حااء ياعمري ..
ناظرت فيصل ونايف .. على طول قال نايف : حبيبي الله يخليك ابي ترجع تريحني .. انا اترجاك لا تنسى ليالي الحب وسنيني ..
التفت له : من وين جبتها ؟؟
فيصل : هذي وانتي مجنونة راشد ماتعرفين اغانيه ..
نايف : لاتفشلني ترى سارة اللي علمتني هيا ..
قطبت حاجبيني : أنا ؟؟!
نايف : أيه .. أكثر من مرة أمشي لغرفتي واسمعك حاطتها خلاص حفظتها ..
فيصل : ايه عاد انتي أول مانزل الشريط لاصقتن فيها ..
رميت نفسي عليه : بالذات ذي الاغنيه عذااااب صوته ياربي احبه يخبلني ..
ضحكت خالتي : رحمتك ..
ميشو : لاتخونيني ياحماره ..
فطست ضحك : ههههههههههااااي قسم وربي انك فللله اموت عليك ميشوو ..
قال بطريقه مضحكه : أنا ولا راشد ؟؟
ضحكت : راشد طبعا .. أبيع الدنيا كلها لجل عيونه ..!!
ميشو : وانا ولد البطه السوداء ؟؟
ضربته امه : اش عندك تسب فيني ؟!

*

بصراحه اليوم يُسجل في التاريخ لأول مرة نجتمع انا ومروى بحب صحيح مو حب لكن مو كره ..
أذن المغرب وصلينا بعدين تفرقنا وصعدت انا لغرفة فيصل معه واخترت له ملابس كويتهم .. وبعدين نزلت وجلست مع ميشو .. قسم انه مايستحي على وجهه ومغسول وجهه بمرق أجل يقولي زوجتي اليوم ؟ أدري انه يهبل فيني بس انا استحي .. المهم نقلب سيرة ميشوو ..
نايف !! اليوم جنان لأول مرة أدري انه يحب اغنية " عشان الحب " ويمكن اكثر مني بعد .. مدري ليه متعلق فيها يمكن مثل الشي اللي يخليني احبها .. ليش لما اسمع ذي الاغنيه بالذات يعورني قلبي وكأن الاغنيه لها قصة تبكي ؟؟ ونقلب السيرة الى فيصل .. صحيح انه دوم معي طيوب واحبه بس اليوم غير لكل الناس ..

لما طلعت خالتي لبيتهم جلست بالصالة وبيدي جوال فيصل في البدايه كنت افتش عن اسم تركي بس مالقيته يمكن متعمد انه مايحطه .. أو يمكن تركي أحد الاسماء التاليه هه كأني بحصة عربي .. المهم فيه اسماء غريبه رموز وارقام ومدري ايش يمكن .. انتقلت الى نغماته كلها فرح ماعنده شي حزن ابتسمت ربي يجعل كل ايامك حلوة يافيصل .. سمعت صوت من وراي لفيت كان نايف ..
قال : مارحتي لبستي دقايق وجاي ..
صرخت : احلف !!
ابتسم : والله ..
دفيته عن الباب وابعدته وهو يضحك وركضت لغرفتي ..
رحت لغرفة فيصل كان يجهز اغراضه كالعاده اللي ياخذها معه وما لبس ولا تحمم أحسن .. رجعت غرفتي ولبست ملابسي رولت قذلتي وصارت روعه حطيت كحله مع مكياج وردي خفيف وهادي كمان لبست برقع وناظرت نفسي بالمرايا ياربيه اهبّل .. عفست الدنيا ادور ساعتي الورديه مالقيتها مو لازم ساعه .. لبست اسواره مكانها .. روعه ذهب .. وحطيت خاتمي اللي من فيصل آخر عيد ميلاد اعطاني هوا .. طلعت من غرفتي متسلله وقفلتها وطلعت برى على طول .. ياخوفي خالي يشوفني .. صحيح هو وينه ؟؟ هه نسيت انه يشتغل ذا الوقت وتارك كل المهمه على نايف !! ..
كالعاده جاء نايف وتأكد من شكلي ولف لي اصبعي .. وجواله .. جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت ..
قلت : السلاام ..
رفع عينه : وعليكم..
قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال ..
وقف وصار قبالي .. قال : اسمعيني انتي اول .. أنتي مو مروى صح ؟!

بلعت ريقي وبدى قلبي يدق طبول .. هزيت راسي بـ ايه ..

قال : أجل انتي مين ؟؟ سلوى ؟ سهام ؟ سلمى ؟ ..
ياربيه ! عنده قاموس أسماء العيله واسمي مو موجود .. كنت بتكلم بس قاطعني ..
قالي : اسمعي لا تكذبين لاني أقدر بسهوله أعرف ..
قلت : اخبرك بس ماتعلم فيصل ؟؟
هز راسه .. قلت : قرب اذنك ..
قال : نعم ؟؟أعرفك تعرفيني تهمسينن باذني ؟؟
ياربيه معه ذا يحسبني احبه ولا شي والله حاله ..
تقربت منه وهمست باذنه : يعني السالفه عناد ؟؟
مسك يدي وابعدني .. قال : قلت انا مااعرفك ..!
انقهرت : خلاص اجل بروح ..
وسويت نفسي بروح ..
قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك ..
دق قلبي وقلت : لا تقول له تكفى .. أنا ساره !!
قطب حاجبينه : ساره ؟؟ أخت سامي وسلمى ؟!
مو معقول يعرف الكل الا اخت خويه ..
قلت برعشه : لالا .. أنا سارة .. أخت فيصل ..

/
\
/

.: نهاية الجزء الحآدي عشر :.
ۿـﺎلـﮧَ- likes this.
  #20  
قديم 10-17-2016, 03:38 PM
 

.: الجزء الثآني عشر :.

" الحزن في ×صوتگ ,, أزعج ساكني ..
لين صآر ][ الگون من حولي ..حزين ..!
غصب عني "حزن" صوتگ هآجني *
ليــن خلّى × ξـآاصـي× المع ـنى يليــن "

/
\
/

جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت ..
قلت : السلاام ..
رفع عينه : وعليكم..
قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال ..
وقف وصار قبالي .. قال : اسمعيني انتي اول .. أنتي مو مروى صح ؟!
بلعت ريقي وبدى قلبي يدق طبول .. هزيت راسي بـ ايه ..
قال : أجل انتي مين ؟؟ سلوى ؟ سهام ؟ سلمى ؟ ..
ياربيه ! عنده قاموس أسماء العيله واسمي مو موجود .. كن بتكلم بس قاطعني ..
قالي : اسمعي لا تكذبين لاني أقدر بسهوله أعرف ..
قلت : اخبرك بس ماتعلم فيصل ؟؟
هز راسه .. قلت : قرب اذنك ..
قال : نعم ؟؟أعرفك تعرفيني تهمسينن باذني ؟؟
ياربيه معه ذا يحسبني احبه ولا شي والله حاله ..
تقربت منه وهمست باذنه : يعني السالفه عناد ؟؟
مسك يدي وابعدني .. قال : قلت انا مااعرفك ..!
انقهرت : خلاص اجل بروح ..
وسويت نفسي بروح ..
قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك ..
دق قلبي وقلت : لا تقول له تكفى .. أنا ساره !!
قطب حاجبينه : ساره ؟؟ أخت سامي وسلمى ؟!
مو معقول يعرف الكل الا اخت خويه ..
قلت برعشه : لالا .. أنا سارة .. أخت فيصل ..
كانه مو مستوعب اللي قلته ولا مدري اش سالته ..
قال : ساره ؟؟ أخته ؟؟
خفت : ليش شفتني من قبل ؟
بقى يناظرني فتره : متأكده ؟ ترى عادي عندي اسأله !!

ياربيه اش هذي الورطه اللي طحت فيها والله ماشفته من قبل ..

قلت : ايه بس بليز لاتقول لفيصل ..
قال وهو باقي يناظرني : أحاول ..
قلت : لاتصير نذل عاد .. وغلاة اغلا الغالين عندك ..
هز كتوفه : قلت بحاول و 90 % أقول له ..
فيني الصيحه .. شهقت وطاحت دموعي ماحبيت انه يعرف نقطه ضعفي فـ طلعت وعلى طول لفيت ورى البيت سندت راسي وانا اتراجف ودموعي على خدي واحس انها حارة ..
شفت ان فيصل وتركي متجهين للباب انتبهت طرف عبايتي طالعه سحبتها بهدوء .. وانا اناظر فيصل كيف انه مو مبتسم ماصدقت خبر شفتهم طلعوا وبديت اشاهق وارتجف .. الله يستر تركي بيقوله .. ليتني مارحت وشفته ليتني ماصرت ملقوفه .. حسيت ان لو درت مرت خالي اني هنا ذبحتني .. ددخلت البيت وانا اتراجف الحمد لله محد شافني وقتها كنت مجنونه وممكن اعترف للكل .. ماحسيت بنفسي الا وانا داخله غرفة نايف شفته عند المرايا ..
التف لي : تعالي انتي وين رحتي طلعت مالقيتك ؟
سكرت الباب وسندت راسي عليه وبديت ابكي ..
تقرب مني : اش صاير لك ؟!
بديت اشاهق بقوة مدري لانه في حضني ولا من قبل شوي ؟؟ مد يده وفتح البرقع ورماه على السرير ..
قال : اش فيك تبكين ؟!
ماتحركت من مكاني لاني لو بس حركت شي طاح نايف بحضني لانه قريب بقوة ..
همس : طيب اهدي ..

رغم انه همس الا انه وجهه مقابل وجهي تماما ولذلك سمعته .. قام من عندي واتجه لسريره نزلت عيوني وكملت ابكي رجع لنفس وضعيته واعطاني مويه .. فعلا ريقي جاف شربت منه وباقي ابكي .. شوي شوي سكتت ..

نايف : طيب هديتي الحين ؟
هزيت راسي بـ ايه ..!
نايف : ممكن تخبريني اش بك ؟!
قلت : قلت له اني سارة وقال يمكن يقول لفيصل ..
فتح عينه : ليش انتي من قبل ماقلتي له انك سارة اخت فيصل ؟!
هزيت راسي بـ لا ..!
كملت : قلت له اني مروى ..
ناظرني : طيب بس ذي السالفه ؟!
هزيت راسي بـ ايه ..!
ابتسم ابتسامته اللي تخبلني .. ثم قال : لا تخافين مستحيل يسويها وثانيا لو أنك قلتي له من البدايه انك اخت فيصل انتهت المشكله ..
ناظرته : نايف مستوعب انه يقول لفيصل ؟ وفيصل يقول لخالي ؟ واروح فيها ؟!
ابتسم : قلت لك ماراح يقول .. ولا تخافين ..
قلت : اش اللي يخليك تتأكد ؟
تقرب مني لدرجه ان قلبي صار يطبل .. وهمس باذني : اسرار بعدين تعرفينها ..
بلعت ريقي وقلت : يعني اتطمن ؟!
هز راسه بـ ايه ..!

والله استحيت من وضعي انه كنه حاضني بس ماسك الباب لو بس يترك يده من الباب يطيح بحضني والله لو شافني فيصل وانا بذي الحاله معه ليذبحني .. لا وانا ابكي وهو يحضني وفي غرفة النوم .. وفيصل مايقصر يشك بكل شي ماعنده ثقه فيني .. ناظرت نايف ورجعت ابكي عاد ذي المره لأن كل ذا الانسان يروح لسلمى ..
قسم اني خبله مو راضيه فيصل يتزوج مروى ولا نايف وسلمى ..
نايف : اش السالفه بعد ؟!
كنت بتهور وبقوله بس سكتت .. قلت بهمس : نايف !!
قطب حاجبينه : آمري ؟!
قلت : نايف أنا .. أنا ..
أبي اعترف بس مو قادرة ..!
قال : انتي ايش ؟؟
قلت : ولا شي ..
حركت يدي وفعلا طاح نايف في حضني شهقت ورجعت ارتجف ..
نايف : أنا ...
قاطعته : انا اللي تحركت أعذرني ماكان قصدي ..

وقفت ورحت غرفتي قفلت الباب وانسدحت على السرير ابكي .. على نايف قبل شوي وخوف من تركي و ... أمي !!!

مثل البزران ابكي رغم ان نايف يطمني .. طيب ليه نايف متأكد ؟! يووه ياسارة احمدي ربك رحتي لنايف ولا انتي الحين تصيحين وخايف .. غيرت ملابسي ولبست بيجاما وحطيت المنبه وصليت العشا وعلى طول نمت ..

*
*
*

صحيت الساعه 12 وحليت واجباتي وذاكرت .. حطيت الكتب بالشنطه تحممت ولبست برمودا وردي وبلوزة ورديه أكمام هه اليوم كله وردي .. أخذت حجاب وردي ونزلت البيت هادي اكيد الكل نايم .. رحت المطبخ جيعانه لاني ماتعشيت من التفكير اخذت خبز مع جبن أكلته بعدين شربت عصير تفاح ناظرت الساعه 3 الا خمس .. مايمديني انام شوي وبيأذن . رجعت غرفتي ولما أذن صليت .. سمعت طرق على الباب فتحته ..
قال : صاحيه ؟؟
قلت بخوف : ايه اش تبي ؟!
هز كتوفه : ابد ماجاني نوم الا لما أكلمك ..
ارتعشت ياخوفي تركي قال له وانا اعرف فيصل مايعصب لأن الامور ماتنحل بذا الطريقه .. طلعت معه للمقلط دخلنا ..
قلت بخوف : فيصل روعتني اش صاير ؟!
فيصل : اتوقع تعرفين ليه جايبك هينا فـ ياريت ماتستهبلين ..
نقز قلبي ألعن ابو شكلك ياتركي كانك ورطتني مع اخوي .. بلعت ريقي بصعوبه ..
قلت : قسم ماكنت ابي اجلس معه بس ...
قاطعني : ساره !! أوقفي لحظه عن الحكي ..أنا مو رافض فكرة انك تحبينه بس مو يعني انك تعاملينه وكأنه زوجك ..
بسم الله .. تحبينه ؟!
ليش تركي مفهمه اني احبه ؟ مالت عليك صدق مهبول وماعندك ماعند جدتي .. لا وكأنه زوجك .. ماعنده سالفه !
قلت : وان شاء الله هو مفهمك اني احبه ؟!
فيصل : أنا ادري انك تحبين نايف وانتي بلسانك قلتي بس حركاتك مع مشعل مالها داعي !!
تنفست بقوة ألحين كل السالفه على ميشو ؟ قسم قلبي انخرش وصار طبول ..غير العرق اللي تصبب وآخرتها ميشو ؟!
تنهدت : أفهم ان كل شي صار قدام خالتك ونايف ومروى وقدامك ماكان فيه كلام عيب نقوله وانت تدري انه كل الكلام اللي انقال على طبقى السخريه والهبال ..
فيصل : ساره !! انـ.....
قاطعته : لا تتكلم اذا كان ذا الشي يزعجك وتتوقع اني اسوي شي مع ميشو فـ انت غلطان .. أخوي الصغير وانت عارف انه يعتبرني مثل اخته وأكثر .. وثالثا وهو الاهم انو هوا اصغر مني .. واذا كانت شكوكك ماتسمح لك انا اعتذر .. أوكي ؟؟ أقدر أقوم ؟؟
فيصل : ممكن ماتقاطعيني ؟؟ أنا سمعت انك جالسه مع ميشو بلحالكم ولما جات سكتتوا .. تفهمين ؟؟
بلمت : مين اللي جات ؟!
فيصل : لا تستهبلين !!
اش بلاه ذا مايفتهم ؟! .. قلت : طيب خبرني مين اللي جات ؟!
فيصل : بنت خالك ..

أهاا يعني السالفه كلها من تحت راسها .. بس ليش ؟! يمكن علشاني شفت انها بالشات ؟ ومافيني اعلم ؟؟ علشان الحين لو قلت كلمه وحده يقولون منقهره لانها فضحكتني .. مدري ذي من ايش عقلها .!!

قلت : اسمع ياأخوي المحترم أولا أنا أول مرة اسمع بذا الحكي ثانيا طول الوقت كنا جالسين مع بعض كلنا متى امداني اسوي كل ذا ؟؟ واذا ماعندك ثقه فيني اتوقع عندك ثقه بتربية خالتك .. واعذرني انا بروح انوم ..
قمت ورحت المطبخ صلحت الفطور وصعدت غرفتي ياربيه مع ذا المروى اللي مدري؟ .. حاقدة علي .. مدري ؟ تتنرفز لما تشوفني أووف .. حطيت المنبه على 6 الا ثلث ونمت في الحقيقه مانمت كنت افكر ليه بنت خالي تعاملني كيذا ؟؟ ..

*

المهم أول ماصاح المنبه قمت مشطت شعري وحطيت لي خصلات على وجهي ونفخته من ورى قلت ابحط كحله وابلبس العدسات وفعلا طلعت قمر حطيت قلوس احمر ولبست عبايتي ونزلت طلعت برى .. أنتظر خالي ومروى يخلصون .. فعلا صعدنا السيارة ورحنا المدرسه جلست بلحالي من بعد ريم اللي تجبرني بسواليفها اني اندمج واسولف .. طلعتني من الانعزال ورات عني أحس الدموع متحجرة في عيوني .. لحظه تذكرون البنت الناعمه ؟ حكيت لكم عنها يوم الثلاثاء ؟؟
جات وقالت : اش بك جالسه بلحالك ؟!
ابتسمت : اممممم مع مين اجلس وريم راحت الدمام ؟!
ابتسمت : يعني مافيه في المدرسه الا ريم ؟؟ وانا ؟؟
مبين انها طيوبه جلست جنبي .. من زمان وانا اقول لكم عندي سؤال يقرقع بقلبي لذي البنت ..
قلت : بت اش اسمك ؟!
ابتسمت : نجلاء .. وانتي سارة صح ؟!
ابتسمت : قد ايش ياربي انا مشهورة ..
اكتفت بابتسامتها .. ثم قلت : ابي اسأل سؤال اذا مايضايقك ذا الشي ؟!
ابتسمت : عادي حبيبتي آمريني ؟!
قلت بهدوء : تذكرين يوم شفتك مع شلة ريم ؟ كنتي جريئه لحد كل شي اقوله تسويينه .. ليش ؟؟
ابتسمت وصمتت .. قلت : اذا ماتبين تجاوبين عادي ...
نجلاء : لا ابي اجاوب .. لاني تقريبا كل خواني عيال ولا بنت غيري ماخذه منهم جرأه وحركات صبيانيه بس مو معنى ذلك اني بوي واكثر من مرة اقول للشله يسوون معي كيذا بس مايرضون وسبحان الله انتي من السما .. كيف تقدرين تقنعينهم والله مدري ؟؟!
ابتسمت : هه كلهم عيال ؟! بس شكلك يوحي انك بنوته ناعمه ورقيقه ..
نجلاء : سالفة طويله عريضه ماله داعي ذا ...
قاطعتها : مستعده اسمع ..
نجلاء : انا بنت وسط 6 عيال من يومي كنت البس مثلهم واسوي مثلهم غير كيذا اني اشابههم كثير .. أمي مارضت تشوفني البس مثلهم وكل شي مثلهم أخذتني بيت عمي 4 ساعه جالسه مع بناتهم عاد كل وحده أحلا من الثانيه واللي تنعم اظافرها واللي تتمكيج وجلست معهم أغلب سنواتي وانا رجعت .. بنت فيها انوثه بس حركات صبيانيه ..
ابتسمت : حلو .. أنا استغربت كيف بنت نعومه تسوي كيذا ؟
نجلاء : وانتي كمان نعومه وجرأه .. ياترى ممكن اعرف اش السالفه ؟!
هزيت كتوفي : انا ساكنه في بيت خالي .. مروى معنا باالمدرسه اذا شفتها بقول لك .. أممم عندي اخو واحد ولا اخت فـ ماخذه منه غير اني من يومي مااحب اجلس مع بنات لا تسأليني ليش لأني نفسي مااعرف ليش !!
ابتسمت : حلو كمان !!
سولفت معاها الين انتهت الفسحه صعدت الفصل وقلبي يرقع مدري ليه ..!

*
*

المهم رجعت البيت غيرت ملابسي وصلحت الغذا بعدين رحت صليت الظهر نزلت وتغذيت وشلت الاكل بعدها ورحت غرفتي .. من حسن حظي اني ذاكرت كل شي وحليت واجباتي .. ونزلت تحت المقلط شفت فيصل ونايف ..
قلت : السلااااام ..
ماامداني اكمل ذي الجمله الا واسمع الملق يقول " هدف " ابتسمت بغرور وجلست على الكنبه .. حطيت رجل على رجل ..
وقلت : شفت جيتي عليك مباركه ..
فيصل : 3 وانا 2 وتقولين نتيجه مباركه ..
بلعت ريقي اش اللي خلاني اقول كيذا ؟! أدري فيه الحين مابيبقى احد الا وبيقوله اني وجه نحس ..
قلت : يعني الهدف لنايف ؟!
فيصل : نووو .. لي انا طبعا ..
تنهدت : يعني انا وجه خير وجبت هدف ..
قال بنبرة ماعرفت افهمها : ولوو تظلين وجه نحس ..
قلت : طالعه على اخوي ..
فيصل : هااه شوفي كرت احمر من وجهك ..
قلت وانا اهز رجلي : جب زين ..
شوي وسمعته : تعالي بقولك شي ..
دق قلبي الله يستر رحت وجلست في الوسط بين فيصل ونايف ماشفته الا انسدح على رجلي ..
قلت : هااه ايش عندك ؟!
ضحك : ولا شي ..
قلت : ولا شي ؟!
فيصل : ههههههه ككنت ابي انسدح على رجلك وادري فيك ملقوفه بتجين ..
سكتت عنه وبديت العب بشعره .. قلت : شعرك صار طويل يبي لك تقصه ..
فيصل : لا انا ابيه يصيير طويل .. يعني شعر اختي أقصر من شعري ..
ضحكت : شف لو تصعد السما وتنزل الارض لوتسوي اللي تسويه اموت عليك ..
نايف : بت اعقلي تراه اخوك ..
قلت : مو هاذي المشكله ..
قطب حاجبينه : اش المشكله انه اخوك .. ليش ؟؟
قلت : لان مرته بتروح وطي كل يوم رازتن وجهي وجالسه معه بصير له زوجته الثانيه حتى انه مايشوف زوجته الا مرة في اشهر ..
فيصل : ومين قلك اني بتزوج قبلك ؟! اذا تزوجتي انتي بعدين افكر اتزوج ..
قلت : ساعات يسكر خاطري ..
فيصل : مين ؟!
قلت : زوجي .. لاني احبك اكثر من اي مخلوق .. اتمنى زوجي نسخه أصليه منك بالضبط .. صحيح احيانا تطق فيوزاتك بس مع ذلك اموت فيك ..
صفر فيصل : وااناا امووت عليك ..
استغربت منه انتبهت انه سجل هدف ..
قلت : مبروك ابو محمد !!
قال : الله يبارك فيك يا ام .... ايش ؟!
قلت : أمممم سارة وبس ..
نايف : ابو محمد ؟! معلومه جديدة مين ذا ؟!
فيصل : طبعا على اسم الوالد ..
قلت بابتسامه : محمد فيصل محمد فيصل العلي ياااااي اسم ولدك يهبل ..
فيصل : حتى اسم ولد نايف حلو .. جاسم نايف جاسم نايف جابر ..
نايف : اششش اسكت لا تسمعك الوالدة وتصدق ..
قلت : ليش ؟
نايف : مين قلك اصلا ان اسم جاسم يعجبني ؟!
فيصل : بس اللي اعرفه ان الولد الاول يسمي على اسم ابوه كيف لاصرت الولد الوحيد ؟!
نايف : لا حبيبي انا مااحب ذا الاسم وكانه يبي ولد .. يتزوج على امي ..
شهقت : اهئ اش تخربط ؟؟ وان شاء الله اي اسم اللي بيكون بدل جاسم ؟!
نايف : ناصر طبعا ..
قطبت : ليش بالله ؟ ناصر عاد ؟!
ابتسم : سلمى عاجبها وانا كمان خلاص ..

مااقول لكم مانقهرت بس دامه يحبها شكو اتدخل فيهم خلني ساكته أحسن .. هزيت رجلي بعصبيه وانا اشوف شعر فيصل يطاير ..

فيصل : أووووف وقفي عاد ..
قلت : وشايف ان رجلي عندك مخده ؟!
فيصل : وقبل شوي تقول لي احبك !!
قلت : لا تحرف في الكلام ...
قام من رجلي وشهق : اهئ نايف مو قالت لي احبك ؟! الحين تنكر ..
قلت بضحكه : انا ماقلت احبك !!
فيصل : بتجننيني انتي ؟!
نايف : يمكن خرفت وماعاد تدري اش تقول ..
قلت بغرور : لا ياحبيبي انا قلت اموت عليك مو احبك .. احبك كلمه عاديه بس اموت عليك غير
ابتسم : نقز قلبي ياحماره قلت يمكن صرت مااسمع عدل مثل خلق الله ..
قلت : لو كل ذي الدنيا تشك انهم يحبونك الا انا تأكد ..
نايف : وينك يامرى تسوين لي مثل فيصل ..
اكتفيت بالابتسامه .. لما اذن العصر رحت صليت وبعدها نمت ..

*
*

صحيت على اذان المغرب صليت العشا ونزلت صلحت العشا وتعشينا .. بعد اذان العشاا رحت كلمت خالتي ام ريم وطلبت نتها مها .. سولفت معاها تقريبا ساعه الا ربع ولما قفلت دقيت على ريم طبعا ماخليت دموعي وطول الوقت ابكي لها وهي تهديني .. وسط مكالمتي جاء فيصل ..
قال : قومي بسررعه قبل ماتموتين !!!
اتروعت : لحظه ريوم .. نعم ؟ أموت ؟ ليه ؟ اش صاير ؟؟
فيصل : قلت لك قومي الحين وافهمك السالفه بغرفتي !!
قلت : ريوم مدري اش به فيصل شوي وادق عليك اذا ماتوفيت ..
ضحكت تتوقع اني امزح وقفلت وصعدت غرفة فيصل ياربيه مايكون تريك له يد في السالفه ..
قلت : وصعدنا غرفتك خير اش عندك ؟!
فيصل : سلمى آند نايف ..!
عاد انا بروحي منقهره من اسم سلمى وبعد يقول سلمى ونايف شوي وارتكب جريمه ..
قلت بقهر : اش بهم ؟!
ابتسم : طالعين مع بعض !!
فتحت عيني : من متى ؟!
قال : والله مدري بس قبل شوي تلقفت ورزيت اذني سمعت مرت خالك تقول لبنتها ..
قلت : وطبعا انت جاي علشان تنكد علي والله لو مادريت احسن لي ..
ضربني على كتفي : صدق حماره الحين جاي واقولك تردين كيذا صدق ماعندك سالفه ..
قلت : ابي اطلع من البيت ..
شهق : اهئ وين بتروحين ياحظي ؟!
قلت : تطلع معي نروح كوفي ؟!
شهق .. ضربت كتفه : اش بك تشاهق قسم انك تروعني ..
فيصل : انتي انهبلتي ولا ايش ؟! بربك السيارة ونقدر ندبرها طيب والاذن ؟
هزيت كتوفي : قل لهم اني رايحه المكتبه يلا عاد فيصل حاسه اني مخنوقه ..
ابتسم : ولو اني ادري اني بروح فيها بس طيب
قمت : بقوم اجهز يلا انتظرك ..
طلعت من غرفته ورحت لبست جينز اسود وبلوزة سوداء لبست عبايتي وتكحلت .. انتظرت شوي وجاء فيصل
قلت : بشر ؟!
ابتسم : يلا ..


فعلا طلعت معه للشارع .. قلت : ابي اسأل دامك تعرف تسوق ليه ماتشتري لك سيارة ؟!
قال : تصدقيني اذا قلت اخاف من الحوادث ؟!
قلت : هذا انت الحين تسوق ..
فيصل : والله قلبي يتراجف لانك معي وخايف يصير لنا شي ..
ابتسمت : يامعقد .. ليش بالله تقول كيذا ؟
فيصل : لأن ابوك توفى بحادث ..

ابوي ؟؟؟؟؟؟؟؟؟؟؟
توفى بحادث ؟؟
معلومه جديده ؟؟
ماتوقعت السالفه كيذا توقعت انه توفى عادي بدون اي شي ..
طيب وامي ؟!
خفت اساله ويتعكر مزاجه ..

قلت : خلنا نروح الراشد !!
ناظرني : قسم بالله انك جريئه بطريقه مرعبه .. بربك نروح الراشد ؟!
هزيت راسي : اي يلا عاد لا تصير حمار ..
ابتسم : طيب نروح ..
فعلا رحنا الراشد ياحبي لك يافيصل مابقى شي الا وشراه لي ولما طلعنا ..
قلت : بصراحه لايق عليك تحمل الاغراض كلها ..
فيصل : صدق ماعندك ذوق الحين جزاتي مطلعك ومدري ايش وبعدين كيذا ؟!
قلت : والله انك روعه ..
سكت فتره ثم قال : ساره !!
قلت : همممممممممم ؟
ناظرني : تلثمي !!
متأكدين ان ذا فيصل ؟؟ أول مرة يقول لي كيذا !! العاده عنده عادي !!
قلت : طيب ليش ؟!
قال : ماتشوفين العيال يقزونك من فوقك لتحتك ؟!
قلت : انت بس اشر على اللي يناظرني اوريك فيه ..
ناظرني : طيب تلثمي ..
قلت : بصراحه أختنق ..
شبكت ذارعي بذراعه وناظرته وابتسمت .. شوي ووقف واخذ طرف شيلتي ولثمني ..
قلت : قسم لو يشوفونا الهيئه يصعدوننا بالجمس ..
ضحك : ههههااي اخت واخوها يحبها وتحبه حرام ؟!
اكتفيت بالابتسامه .. وشبكت ذراعه معي وكملنا نمشي وصلنا للكوفي وجلسنا ماحبيت اطري له تركي لو امي أو ابوي لانه يتضايق ..
قلت : آآآه يليت مروى ونايف معنا ..
ضحك : قصدك نايف فقط ..
قلت : لا ياحبيب أختك دامك تحب مروى فـ أنا احبها غصب عني ..
فيصل : لو ماحنا بمكان عام سويت لك حركه
قطبت حاجبيني : ايش ؟!
همس : لميتك !!!
ضرخت : اهئ علشان المره صدق الهيئه يجون لجلنا ..
ضحك بصوت عالي والكل يناظرنا ..
قلت : قم بس قم خلنا نرجع البيت تأخرنا ..
قال : الساعه كم ؟!
قلت : 12 إلا ...
صرخ : احلفي ؟!
قلت : قسم .. ثانيا كل مرة الناس يناظروننا .. ناظر الكل يناظر ..
قال : أوقفي هنا ولا تتلفتين شوي وجاي ..
وقفت مكاني وماحسيت فيه الا شايلني ..
شهقت : الحين الكل بيناظر من اللقافه ..
ابتسم : ادري ..

فتحت لثمتي وحبيته على خده ماسمعت الا تصفير وتصفيق ومدري ايش حسيت بالاحراج وكيف الناس ملاقيف .. ياخوفي يتوقعون اننا نحب بعض .. الا أكيد ..

همس لي فيصل : قسم ماشفت اجرأ منك ..
قلت : أمشي بسرعه ..
همس : ماتشوفين البوابه بعيدة ؟!
قلت : ولا تزعل حالك ..
حطيت يدي حول رقبته بطريقه رومانسيه حلوه
ناظرني وابتسم : ترى قسم اسوي حركه اخليهم يفتحون البلوتوث ..
ضحكت : لا بلييز مانبي فضايح ..
قال : ترى اللثمه طاحت ..
تذكرت اني ماحطيتها وانتهزت الفرصه انه بنزلني لاني حسيت بالاحراج الكل يناظر ..
قلت : عدلها لي ..
قطب حاجبينه : أنا ؟!
قلت : ايه انت لاني مااعرف ..
وفعلا نزلني ولفها لي وكملنا نمشي ..
قلت : تتوقع نايف وسلمى رجعوا ؟!
قال : انتي مانسيتي ؟ الحين مطلعك ومدري ايش علشان تنسين والحين كيذا ؟! قسم انك ترفعين الضغط ..
قلت : علمتني وشلون احب علمني وشلون ابنسى .. اش اسوي بعمري اذا انا احبك
ابتسم : الظاهر يبي لك طراق علشان تصحين اني اخوك ..
قلت : لا عاد الحين قبل شوي تشيلني وبوسه والحين طراق هه بس احبك ..


فيصل انسان من الخيال لا يمكن في يوم انساه لو مهما حصل شعور حلو ان اخوك يعوضك حنان امك وقسوة ابوك والرومانسه وكل شي حلو .. احس بخسارة انه يتزوج مروى .. صعدنا السياره جلست أدور باشرطته لراشد مالقيت ..
قلت : خير ماعندك لراشد ؟
قال : أولا ذي سيارة خالك ثانيا كل اشرطه راشد عندك ولا نسيتي ؟
قلت : أوووف طيب اش الحل ؟!
هز كتوفه : دوري اي حد غيره ..
فعلا جلست اشغل شريط واقفله مافيه احد بالنسبه لي ينافس راشد .. ولما وصنا البيت ..
قال : اسمعي اغراضك الليله بجيبها لك ..
ابتسمت : طيب تسلم فيصل قسم مدري اش اقولك بصراحه انت شيييييي ..
ابتسم : يلا ادخلي .. وانا بقلط السياره واجيك ..
فعلا دخلت احسن ماشفت مروى أو امها دخلت غرفتي وعلى طول نمت .. أحسن شي اذا بغيت تهرب من التفكير النوم .. لا تفكير في نايف .. لا تفكير في تركي .. النوم هو الافضل ..!

*
*
*

صحيت الساعه 4 الفجر صليت ماجاني نوم قمت صلحت الفطور ثم تحممت .. جففت شعري ورفعته بشباصه أزرق ونزلت لي خصلات لبست الساعه الزرقاء وحطيت حلقات في اذني صغيره فتحت دولابي آخذ العبايه انتبهت ان اللي شريتهم البارح فيه .. ابتسمت عليه كيف انه ماازعجني .. اخذت الكحله كالعاده وحطيت مرطب .. لبست عبايتي ونزلت .. شفت الكل يتفطرون ..
قلت : صباح الخير ..
الكل : صباح النور ..
ابتسمت وجلست مقابل مروى كانت تقزني مدري معجبها شكلي ولا ايش مو شغلي فيها المهم خلصت الست مروى فطورها وطلعنا وصلنا المدرسه كانت عندنا ابلة غايبه استغليت الفرصه وكتبت واجباتي ولما خلصت جلست افكر في نايف تذكرت يوم حضني حسيت ببروده في جسمي وانا اتذكره كيف ان حضنه حسسني بالامان ان تركي ماراح يقول لفيصل شي .. انعاد على الموقف اكثر من مرة احس بقهر ان نايف لسلمى .. توقعت انه حب طفوله أو لاني محتاجه حنان حبيته .. ماتوقعت اني اكون مجنونته .. انتهت الحصه ووقفت احلامي أخذت شنطتي ونزلت الشارع ماصدقت جاء خالي صعدت معه رجعت البيت صلحت الغذا صليت ونمت ..

*
*

صحيت قبل اذان العصر ذاكرت ثم صليت .. فتحت دفتري اللي حكيت لكم عنه وكتبت " امنيه يارب اتمنى تتحق .. يجي يوم واشوف نايف معي في بيت واحد " وكالعاده جنبه الناريخ " 19/8 " فتحت دولابي واخذت اكياسي وبديت اناظرهم ايه صح شريت لي أو بمعنى اصح فيصل اللي شرالي .. المهم هو انه مجموعة مكياج جديدة روعه بمعنى الكلمه أخذتها وجلست مقابله المرايا اصبغ وجهي انقهرت وغسلته .. المهم اذن المغرب صليت ونزلت صلحت العشا .. قررت اتعشا معاهم اليوم .. انتظرت قربت تيجي الساعه ثمان ونصف ومابعد وصل خالي .. اوووف عاد مايتأخر الا اليوم بالذات ؟؟ المهم اكلت خبز وجبن وصعدت غرفتي .. تحممت بسرعه وبوقت قياسي ..
انسدحت على السرير وماامداني اتغطى باللحاف الا واسمع صوت بوري ..ارتعشت صوت سيارة تركي الله يستر قلت مابقوم أطل من الشباك وتلحفت دقائق معدودة وانتبهت ان الباب ينفتح .. رفعت راسي كان خالي .. أشهد ان لا اله الا الله واشهد ان سيدنا محمد رسول الله ..!



.: نهاية الجزء الثآني عشر :.
ۿـﺎلـﮧَ- likes this.
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
- ابـن القمــر || ﺭﻭﺍﻳﺔ ﻗﺼﻴﺮﺓ Zackary روايات و قصص الانمي 8 06-20-2016 08:14 PM
القمــر يحسدونة على جمالة وانتم وش يحسدونتك عليه ؟؟؟ اختاري من 1 _ 20 جروحي تنزف احزاني أرشيف المواضيع الغير مكتمله او المكرره او المنقوله و المخالفه 200 11-21-2014 12:11 PM
حقيــقة صــورة صــدام على القمــر !! العربية أرشيف المواضيع الغير مكتمله او المكرره او المنقوله و المخالفه 43 03-28-2007 06:04 AM
عام جديد ... ورحيل القمــر ؟؟؟ طبيب العراق أرشيف المواضيع الغير مكتمله او المكرره او المنقوله و المخالفه 2 02-20-2007 05:11 AM


الساعة الآن 08:16 AM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011