|
|
#41
10-17-2016, 08:17 PM
| ||
| | ||
| .: الجزء الرآبع والع ـشرون :. " قَلْبِيّـ ~يُوّصّلْ لِِگْ سَلاّآمَهـْ وِيِتْبَعَ ـهْ قُوْلِهـْ .. مَشْگُوُرْ عَلَىْـآ ×الْزّلْزَـاْآلْـ× ـآلليّ حَصَلْ بِآلْجُوفـْ~ وِ ... يُقُوُلـْ // أَگْتِمْ گلّ حُبْـ][ خَآفِيّ وِوِدّگْ تُقُوْلَهـْ أَبْتِسِمْـ وَآَنّآاْ بَفْهَمْ .. لاّآ تِعْ ـلِنـْ وِتِعَآاْنِدْ ـآلظُّرُوْفـ .. " / \ / مضت الحصص بسرعه وفي الحصه الثالثه كيميا غمضت عيوني وحطيت رايب على الطاوله ونمت .. ماحسيت الا بطرق اش بهم الناس يطقوني ؟! خخخ انتبهت انها ريوم ساعدتني اقوم وانا اترنح الين جلستني مكاني وكملت نومي وناسه الفسحه كلها نوم .. يعني تقريبا ساعه الا ربع نوم .. وصحيت لما سمعت الجرس رتبت اموري وقمت غسلت وجههي ياحسافه الروج اللي راح .. أخذت المرطب دايم احمله وحطيت لي انقضت الحصص على خير ونهايه الدوام طلعت بسرعه حتى ماشفت ريم كل همي اشوف سيارة تركي وعلى طول صعدت انتظرنا فتره حتى شفنا نجوى .. قلت مابفشل عمري وانوم بالسياره اصبر شوي اول ماوصلنا على طول الى غرفتي غيرت ملابسي وتوضيت وصليت اقولكم ماحسيت بنفسي الا وانا نايمه على السجاده وبجلال الصلاة ..! يمكن تغيرت حياتي وروتيني وجدولي تغير مكان نايف بقلبي فيه مثل يقول بعيد عن العين بعيد عن القلب .. يمكن تعبت من نايف يمكن حسيت بقلبي يميل لشخص آخر بس تأكد يانايف تظل معزتك بقلبي تسوى كل البشر .. إلا شخص وآحد لحد ألحين ماأدري من يكون ..! صحيت على صوت اعرفه تماما حزروا فزروا مين يكون ؟ مهوب نجوى ولا نهى ؟؟ معقول نوران ؟! لا ابدا ذي عمتي .. عمتي : ساره انتي تعبانه شي ؟! قطبت : ابدا الساعه كم ؟! شوي وقالت : 3 ونصف قمت وتوضيت من جديد وصليت العصر أخذت شنطتي ونزلت تحت .. كالعادة الكل مجتمع احسدهم بصراحه اغلب الوقت يكونون مع بعض ليه مااكون مثلهم ؟ بس انا غريبه عليهم حتى لو بنت خالهم بس تركي فيه !! دخلت ورميت جسمي على الكنبه : آآآآهـ احس اني تعبانه بقوة .. ابتسمت عمتي وقامت مدري اش بها .. مسكت الشنطه وفتحتها وبديت اكتب واجباتي .. نجوى : سوير طالعتها مستغربه لانها اول مرة تناديني كيذا وابتسمت لان الوحيد اللي يناديني كيذا هوا خالي جاسم ابتسمت : نعم نجيو ؟ ضحكت : طافك الظهر النقاش الحاد السياسي بين امي ونهى كل وحده ماتدري وين ربي حاشرها وتتفلسف تحمست : بالله كيف ؟! كانها اندمجت معي : أقولك كل وحدة تتكلم عن شي نهى عن فلسطين وماما بلبنان والله مدري كيف يفهمون لبعض .. قبل مااصدر اي ردة فعل او ضحكه رن التلفون مديت يدي ورديت .. من طبعي مااتكلم الا اذا اتكلم اللي ع الخط .. قال : ألو قلت : وعليكم السلام ورحمة الله وبركاته كانه ضحك : احم وين تركي ؟! قلت : ليه بالله ماتدق على جواله ؟! قال : جواله مقفل انحرجت : ثواني .. تر ... ولد عمتي ! لك التلفون قطب : بالله الجوال اش وظيفته ؟! قلت : وجع اش دخلني تعال .. تقرب من التلفون وكشف الرقم .. همس : قولي نايم .. قطبت غريبه حتى هينا يستخدمون ذا الاسلوب مو بس بالخُبر .. قلت : ماتعودت اكذب .. تافف : مو شغلك وخلصي رفعت التلفون عن يدي : مو فيه .. قال : طيب خبريه اني سألت قلت : طيب .. قفلت التلفون وكملت اكتب واجباتي شوي وجات عمتي وبيدها اكل وتلحقها الشغاله .. مااقول لكم ان الموضوع ماأثار اهتمامي بس تجاهلته .. احس بنظرات مصدرها عين الجميع الله يستر .. عمتي : شوفن تجربه نهى ونجوى بالمطبخ .. شهقت .. قال تركي : قولوا للمستشفى في حال حدوث اي طوارئ .. التفت على نجوى لقيتها ناويه على نيه خخخ .. قالت : انت بالذات لاتذوق كيفي قال ببرود : يعني بتوفى وابي اذوق مالت عليك .. ابتسمت بحب : شكلها مره نايس وحتى لو انا الطعم مو حلو يكفي انها من ايدين بنات عمتي نهى : شف الذوق ابتسمت واكلت قطعه كان طعمها صدق مش ولا بد بس احلا بكثير من طبخ مروى مدري هيا كيف تصنع الحلا مخلوط عجيب من كل بستان زهرة وياليت من كل بستان من كل زباله حشره خخخ صفرت : حلو ماارااا تسلمين .. تذكرت ميشو دايم يعلق على ( ماااراا ) واكثر من مرة يستهبل عليها وتركتها فتره علشان لايعلق بس رجعت لها .. ابتسموا حبيت اقهر تركي قلت : بصراحه طاف نصف عمر اللي ماذاق منها .. ولا لا ياعمتي ؟! اكتفت بالابتسامه .. تركي : حد قالك ياسارة انك حماره ؟! نجوى بسرعه : حلو البيت ساره حماره قلت : قبل حماره من متى الميانه ياولد عمتي ؟! ماحمار الا اللي قايلها واذا شايفني حماره فـ حماره بنت خال حمار .... قاطعني صوت الضحكات افتشلت وبلعت لساني وكملت اكتب واجباتي تحاشيا لنظرات الجميع .. * لميت اغراضي وصعدت الغرفه بدون مااناظر حد وراهن ان الكل كان طول الوقت يناظرني .. سيبنا من كول دا .. توضيت وانتظرت الصلاه لين اذن صليت وبقيت بغرفتي الين جات نهى تقول االعشا مااخفي عليكم جوعي الشديد لاني من البارح مااكل شي صحي .. لبست بلوزه اورنج وتنورة بيضا طويله فيها سلاسل جنان لبست حجاب ابيض عليه شيله اورنج بنفس الدرجه .. والساعه كمان دايم اتذكر نايف وانا البس الساعه وذا دليلي اني مانسيته .. رشيت عطر ونزلت تعشينا وبعدها رحنا للمقلط نتابع مسلسل كوميدي احترت انه يكون اماراتي او كويتي المهم انه خليجي الكل منخرط بدوامه ضحك وانا اناظرهم بطرف عيني كيف يضحكون .. طاحت عيني على نوره !! كيف نسيتها طول الوقت معليه انا الليله لها بس اذا تاكدت شكوكي ايش اسوي ؟! الله يستر مايكون بينهم شي والله بالعقال على ظهورهم لو بينهم شي .. لا هي مرحومه ولاهي عايشه .. هي نورة .. ضحكت بقوة وحسيت ان الكل يناظرني .. سمعت نجوى : اش بك تضحكي ؟! انحرجت : لا بس ... قاطعني : تذكرت شي .. ديت : وهو كذلك .. احس بقلبي يدق انا لازم اسأل نورة بس يمكن تنكر مين يقدر يحلها معي ؟! نايف ومو فيه .. وفيصل ؟؟ لاذي سمعة بنت عمته وثانيا لو بينهم شي ايش اقول ؟! بعدين لما اتأكد لكل حادث حديث .. مر وقت العا وصلينا وتركي ماطلع اش به ابي اصعد انوم بالصاله لا والمصيبه نورة قامت تنام معليه قبل الساعه وحده اكون موجوده .. ناظرت الساعه 11 وخمس وعشرين لا الظاهر الليله مو ناوي يطلع وانا اش علي منه كيفه هو حر قمت واتجهت للدرج انتبهت انه جنبي يصعد بغيت ابوسه على راسه لأول مره يفهم .. دخلت الغرفه وانتظرته يطلع لما سمعت ان امه توصيه يفتح جواله ولا يسرع ...الخ * غيرت ملابسي الى بيجاما ازرق مثل الثوب القصير بس فيه ذيل طويل بس الرجل مكشوفه من فوق كان ستان ومدري ايش المهم نقلت اغراضي وانسدحت اخذت معي كتاب فيصل سبحان الله ماحطيته الا لجل ذا اليوم بس ضروري ارجعه حرام سسرقه خخخ قريت منه حتى يوم سمعت صوت عمتي والبنات يصعدون ماحسيت بس سمعت كيف تيجي مدري .. ناظرت الساعه وحده الا ربع .. سمعت طرق نعول لفيت على غرفة نورة بس انصدمت ان تركي واقف قدامي مدري ايش اغطي ولا ايش .. تحجبت باللحاف .. قال : أوووه اش عندك هينا ؟! هزيت كتوفي : تغيير جو .. قال بسخريه : بالله !! سمعت صوت قفل نورة كأنها بتطلع ماحسيت بنفسي الا ساحبه تركي وادزه داخل غرفتي .. قلت : لا تطلع .. سكرت الباب بهدوء بسرعه وتلحفت شفت نوران طلعت بقيت ادعي يارب مايستلعن ويطلع .. أول ما تطمنت عن نورة قمت بفتح لتركي الباب تذكرت اني مو متلحفه او متغطيه ومع ذا اللبس ياذا الفشيله ساحبته لغرفة النوم بذي الملابس والمصيبه الاعظم بدون حجاب .. تحجبت باللحاف وفتحت غرفتي لقيته بوجهي .. قلت : أنا آسفه ماكان قصدي حسيته متوتر : لا عادي ... الظاهر خايف اكون عرفت .. مالي الا تركي اخبره يمكن يقنعني ان الكل داري او شي وارتاح .. قلت : انا بصراحه عندي موضوع شاغلني حبيت تشاركني فيه ياليت لو تسمعه .. فتح عينه : بغرفتك ؟! قلت بسخريه : أجل بغرفة جدي فيصل ؟! سكتت فتره اناظره ثم قلت : يووه كيف نسيت اننا بالدمام ؟! حسيته بيفتح لي محاضرة عن اني من الدمام ..! فـ قلت : انتظرك بالمقلط العلوي .. اشر علي : كيذا ؟؟ بذي الملابس ؟! .. وكمل بسخريه : والحجاب ؟! افتشلت : طيب اغير ملابسي واجيك .. ناظرني بحده : لما اكون مع بنت خالي بلحالنا بتكون خلوة ولما تكون بنت خالي بملابس كالعاده والحجاب رايح فيها .. مشكله !! أقترح عليك تتلثمين وتجين مثل ماتعودت بالخبر .. أبتعدت عن الباب لداخل الغرفه حسيته ارتبك .. قلت : أوكي انا مو متلثمه كيفي ولو تعرف ان الموضوع عن اختك .. اشرت عليه : انت تركض وراي .. ناظرني فتره ثم اتجه للباب : انتظرك بالمقلط .. ابتسمت بنصر : سكر الباب وراك .. اول ماتطمنت انه طلع فتحت دولابي واخذت بلوزة سوداء وبرمودتي الابيض لبست حجاب اسود اخترت لي كعب مناسب مايطق ورشيت عطر ورحت بكل شموخ وكبرياء للمقلط تركت الباب مفتوح لايفتح لي محاضره ويفقع لي خشتي وجلست قباله نظراته كلها خوف وحماس ليعرف السالفه يناظرني بصمت ,, قلت : تتأمل عجائب خلق الله ؟! كم يبي لك فيها ؟! سكت .. قلت : كم يبي لك خلصني ؟! تركي : اسمعي بنت خالي .. انسي الحواجز اللي بيننا وكل شي صار وتكلمي في السالفه اللي جايبتني علشانها .. كان فيه صوت داخلي يقول مثل ماكان يعاند بالخبر عاندي وصوت اخر يقول ذي بنت عمتك اتركي العداوه لو شوي .. رفعت حاجب : متحمس تبي تعرف ؟! قال : اتلفتي اعصابي .. سكتت فرته ثم قلت : قل وقسم باللي خلقني مااضر البنت ناظرني بخوف وبراءة اطفال : ليش مين البنت ؟! طنشت كلامه واصريت : اقسم لي .. تركي :وقسم باللي خلقني مااضر البنت .. قلت : حلو .. الحين ضمنت واقدر اقولك السالفه طبعا مستغرب ليه نايمه باالصاله والمصيبه ان لي 3 ايام انام بالصاله .. نفذ صبره : بدون مقدمات .. قلت : لا ضروري لان المقدمه بتوصلنا لحل .. ثانيا لاتقاطعني .. انا كنت اراقب اختك نورة فتح عينه : ليش اش صاير ؟! قلت : اششش اتركني اكمل .. تذكر يوم الجمعه ليلة السبت ؟! تركي : من يوم انولدت لين اليوم مليون ليلة سبت جات اي وحده ؟! قلت : اللي قبل ذي .. هز راسه .. !!! كملت : مريت لغرفة نورة سمعت صوت وشكيت واليوم تأكدت .. تركي : لو سمحتي تكلمي بسرعه لاتلعبين باعصابي .. ذوق ياولد عمتي من اللي ذقته معك افهم معنى انك تحرق الاعصاب بقوة .. ببرودك !! هزيت راسي : أوكي .. سامر يكون مع نورة كل ليلة .. ووطيت عيوني : بغرفة النوم ! فز من مكانه متجهه للباب .. سحبته من يده : تريك انا مو قايله لك علشان تخرب كل مخططاتي انا ابيك تساعدني نعرف اش نوع العلاقه اللي بينهم ناظرني بقوة .. ارتعبت : أدري انها اختك بس اصبر شوي .. حسيته بدى يلين ويقتنع سحبته وجلسته .. كملت بهدوء : خلنا نفكر بعقلانيه وهدوء سكت فتره ثم قال : تسألين نور .. رديت معترضه : لا لا أكيد تنكر لازم دليل .. بديت افكر كيف اتصرف لازم يكون شي دليل ضدها علشان تعترف او اولا نتأكد اذا كان بينهم شي .. ناظرته : ولد عمتي !! رفع عينه .. كملت : عندي حل .. جاوب بسرعه : ايش هو ؟! قلت : أذكر مرة سجلت مع نايف ولد خالي كاسيتات لمروى .. ماحبيت اكمل وافضح مروى انها تكلم عيال .. كملت : واللي اتذكرها ان كانت فيه مسجله صغيره لكن تسجل كل شي .. تركي :بس كيف نحصل على ذي المسجله ؟ أقصد من وين نشتريها ؟! ابتسمت ودق قلبي بقوة : ندق على نايف ولد خالي يعطينا هيا كلها ليلة وحدة اللي بناخذها .. يااه فرصه وجات لعندي .. أكون غبيه اذا طيرتها لازم استغلها ..! تركي : مو مشكله ندق عليه بكره .. قلت بوناسه : أوكيه اول ماارجع من المدرسه أكون بانتظارك هنا هز راسه موافقه واتجه للباب .. قلت : ولد عمتي !! لف علي .. قلت : أصحى تقول لامك او اي حد الا لما نتأكد اعرفك دلوعه ماما ابتسم : لاتشيلي هم .. وقفت : تصبح على طراق .. ضحك !! مدري ليه حسيت من نبرة ضحكتة في شي تغير بالكون كله ! مو بس في دآخلي ضحكة بريئه مدري .. ولا سمفونيه جديدة ؟؟ تنهدت بشرود وطردت الافكار هادي من بالي اللي ماتجي وراها الا الهم !! ابتعدت ورحت غرفتي قبله غيرت ملابسي وانسدحت على السرير افكر في عدة امور .. أولها واخيرا قلت لحد وارتحت نصف الهم راح مني الحمد لله ان تركي فهم السالفه .. نقزت لي صورة نايف ابتسمت وبدى قلبي يدق بقوة هذا وهو طيفه وانا ارتعش كيف لو صدق ؟! .. ابتسمت من جواي وغمضت عيوني افهموني ياناس مابي افكر .. .: نهاية الجزء الرآبع والع ـشرون :. |
|
#42
10-17-2016, 08:21 PM
| ||
| | ||
| .: الجزء الخآمس والع ـشرون :. "سَگبْ لِي أَرْوَعْ ×إِحْسَآاْسَهـْ × وأَعْطَاْآنِيّ // مِقْبَضْ ـآلدّلّهـْ .. وَأَنَاآ أَقَهْوِّيْهـْ مِنْ گِيِفِيّ مَزَآجٍ *نٍ* يِطْرِبـْ ~ أَوْزَـآاْنَهـْ .!" / \ / صحيت على صوت المنبه وقمت توضيت وصليت ثم تحممت حرصت في الفتره الاخيره تبقى السلسله دايم معي .. حطيت لي كريم بجسمي وفكرت ايش اسوي بشعري .. جففته بالمجفف وزينته مثل الذيل حطيت لي كريستال وردي وكحله ومرطب ياربيه كني طفله ابتسمت برضا ولبست مريولي احسن شي اني هينا لا اصلح فطور ولا اغسل ملابس وكأني اميره بس مع ذلك ارضى اعيش هناك شغاله بس جنب نايف .. لبست عبايتي وتحجبت اخذت شنطتي رفعت يدي اشوف بشوف الساعه تذكرت اني مالبست رجعت واخذت الساعه كانت خمس وخمس حلو .. رحت غرفة نوره كانت منسدحه بسلام الله يستر ماأكون اتوهم بس انا شايفتها بعيوني يوه ياساره انسي .. نزلت تحت اشعر بجوع فظيع انتظرت شوي مابي كل يوم اكل جبن ابجرب اكلهم انتظرت لما سمعت " صباح الخير " قلت : أهلا عمتي انا اليوم قبلك لأول مرة تُسجل في تاريخ العائله ابتسمت وجلست .. قلت : صحيتي نور ونهى وولدك ؟! كملت بابتسامه : ونجوى كمان .. صفرت : من وين طالعه الشمس ؟! سمعت " صباح الخير " لفيت كانت نهى ونورة .. قلت مع عمتي : صباح النور والخير والسكر .. بدأوا يتفطرون وبديتا تفطر معهم .. عمتي : اليوم طالع غير سارة تنزل من قدرها وتفطر معنا ؟! انحرجت : لا عمتي مو سالفة غرور بس امووت بالجبن حتى اسألي فيصل بعد .. مدوختهم بالخُبر .. سمعت " السلااام " قلت : يوه نجوى كمليها على الاقل انبسطي .. عمتي : ماناقص الا تركي .. حسيتها طالعه من قلب سكتت وابتسمت ..! سمعت .. " صباح الزفت " سمعت عمتي : الطيب عند ذكره تو اقول ماناقص الا شوفتك جلس جنب امه ابي اعرف ذا باقي بزر ولا ايش ؟! ابتسمت من جواي لان خالي دايم يقول " سوير البزر " هــــــه !! كل شي بالخبر يتغيير بالدمام .. تحاشيت اني اناظر لتركي مالي خلق لنظراته بعد البارح .. تفطرنا بهدوء لين قامت نهى ونورة : يلا خالي برا يقولون خالي !! مثلي بالخبر بس انا ابوي متوفي وهم ؟! وقف تركي : يلا يمه طالعين .. وقفت على طول ووراي نجوى .. تعمدت امشي ببطئ علشان نجوى تسبقني وفعلا وصلت للسياره قبلي وصعدنا تعمدت ابقى ساكته طول الطريق علشان تبقى علاقتنا حلوة علشان نورة .. المهم وصلنا ونزلت استغربت طلب نجوى نجوى : ابي اشوف البنت اللي تحبك ؟! قطبت : ليه ؟! نجوى : اممممم بس كسذا !! قلت : سوري آي كآان نوت ! قطبت : ليه ماتقدري ؟! ابتسمت : لانك تعرفينها ولاتطيح من عينك يلا قود بااي .. هربت منها الى ريم على طول قلت : اهلا بأم الاجيال الجديده .. ضحكت : اهلا برفيقتي العانس شهقت : مالت عليك بس .. ايه صدق شخبار الكائنات الحيه ؟! ابتسمت : اليوم اول موعد علشان يتأكدون .. شهقت : موعد وتجين المدرسه وقسم انك هبلا ضربت كتفي : ماهبل الا اللي قايلها .. انا لو هبلا كان نمت وراح ينقصونني لكن بستأذن الساعه 9 يعني قبل الفسحه ضحكت : الله يخلي العقول لأصحابها .. * مشينا تقريبا الين دق الجرس صعدنا دخلت الفصل وانا مشغول بالي بقوة على نوران ياربيه اليوم بكلم نايف ياناس تسمعون ؟ هذا نايف !! يارب يخلص اليوم بسرعه مالي خلق .. مر قدامي آخر مره شفته فيها سلام بارد وكأنه ماصدق خبر بس الليله اللي قبلها استقبلني بغرفة نومه ومسح دموعي ايش هادا التناقض ؟ يمكن يحس بالعطف تجاهي بس عمري مااشتكيت له .. ماصدقت انتهت الحصه الاولى وابتدت الثانيه مدري ليه احس الوقت ضدي .. دقات قلبي صارت مليون بالثانيه ابي بسرعه يمر الوقت بس خايفه من اللي جاي .. انقضت الحصص الاولى وجات الفسحه طبعا ريم استأذنت اخذت كتاب ونزلت فيه رحت شريت لي مويا بصراحه ماقدرت اقاوم الجالكسي واشتريت رحت وجلست وانا فاتحه الكتاب ووالله لو ح دشافني انفشل لاني فاتحه الكتاب ومفسحه .. انتبهت على صوت خمنت انها ندى وفعلا .. قالت : ماشاء الله لذي الدرجه الشطاره توصل فيك انك تنزلين الكتاب معك علشا نتحفظين الفهرس ؟! افتشلت : لان فيه فكره شاغله بالي .. ضحكت .. بديت اسولف معها علشان يضيع الوقت تطرقنا لامور عدة وصلنا يها الى جميع انحاء المملكه ويوم انتهت الفسحه سلمت عليها وودعتها وصعدت لفصلي الابله تشرح وعقلي طااير ولا ادري ايش تقول .. ماصدقت خبر انتهى اليوم الدراسي على طول لبست عبايتي بس تريثت قليلا خخخ انا دائما اذا خايفه اتكلم عربي فصيح مدري كيذا تيجي معي .. الين شفت نجوى تودع خوياتها طلعت معها فعلا صعدنا بهدوء الا صوت نجوى : ايش اقولك ياتركي اليوم صار شي عجيب بالصف تتوقع ايش ؟! التفت لها تركي .. كملت : أقولك من صعوبة الاختبار فيه بنت نزلت للإداره تدري ليه ؟! ضحك : هو اصلا ايش اختبارك ؟! ردت بسرعه : أحيااء .. البنت اللي بجنبي مو صاحيه تقولي وتأشر وتكح وتعطس ولما فقدت الامل اني اعلمها كتبت اسماء عيلتها خخخ تركي مندمج : ونزلت الاداره ؟! قويييييييييه ! نجوى : وقسم .. ضحك : ياما سويتها اكتب اسمي واسماء غيري واستهبل بس ماوصلت للاداره .. نجوى : تريييييك ! تركي : أصلا يحط لي الصفر وهو نايم .. وااي لذي الدرجه متدلع على امه ؟! صدق كسل خيبه هنا متدلع وانا هناك حرق مافيه تفاهم وجع ان شاء الله انا الأونثى الرقيقه يحرقوني وذا يباركون له ؟! مالت بس مالت على حظي .. أخذت دور المستمع لسواليفهم لان مالي خلق اشاركهم وثانيا مابي اسكت وافكر في نايف يكفي خلاص ..! وصلنا البيت علشان لايحسبني مرجوجه طلعت بهدوء ورحت غرفتي تحممت وصليت رحت للمقلط لقيت تركي فيه .. ابتسمت : تأخرت ؟! قال : بقوة .. يلا انا بدق وانتي كلميه ! قطبت : غريبه انت تبيني اكلم ولد خالي ؟! صايبك شي ولد عمتي ؟ ابتسم بسخريه : لا .. بس لو انا تكلمت وش اقوله ؟ ابي مسجلتك ؟! انكتمت وانا احس دقات قلبي كل الخُبر يسمعونها اقصد الدمام مو راضيه استوعب اني بالدمام لحد الآن !! تركي : أدق ولا ...؟ ابتسمت بخوف : دق .. وانا معك ! فتح السبيكر ودق على نايف .. دقـــــه ..! دقتيــــــــــن ..!! وو .. ثـــلاث ..!!! الظاهر مايرد على الارقام الغير مسجله ياعمري عمره .. شوي وسمعت : ألو .. بلعت ريقي : هلا .. قال : وعليكم السلام ورحمة الله وبركاته مين معي .. انحرجت وسكتت بس تعال مافيه الا شخصين اللي على طول يحرجون الواحد .. اما انا أو ... ميشو .. قلت : ميشو ياحمار ياحيوان .. نسيتني ؟! سكت فتره ثم قال : ساره ياحماره وحشتيني بقوة وينك يالقاطعه ؟! قلت : أحم معك نايف ؟! ميشو : وجع ان شاء الله مااشتقتي لي .. بعدين تعالي جوال مين ذا اللي دقيتي منه ؟! وقسم لو تكوني تزوجتي غيري اذبحك .. افتشلت بس ضحكت : ميشو ابي نايف .. ميشو : لاتعصبين ولا شي نايف نازل للبقاله شوي وجاي .. ايه والله صدقت امي يوم تقول نسيتينا ..! ناظرت تركي كان عادي .. ميشو : ذا نايف وصل .. قلت : ميشو لاتقوله مين انا ميشو : طيب .. سمعته يتمتم بكلمات اكيد قاله .. نايف : ألوووو ابتسمت هذا هو نايف من يومه لازم يطول حرف الواو ..!! قلت : احم الو .. هلا نايف ..! نايف : مين ؟! همست : بالله ماعرفتني ؟ سكت فتره ثم همس : ساره بنت عمتي ؟! ابتسمت لانه ذكرني : ليه تقولها بهمس وكأنك مو واثق من اجابتك صح ساره نايف : وحشني هبالك .. بس هبالي يانايف بس هبالي ؟ وانا ماوحشتك ؟! ناظرت تركي كان متغير بملامحه مافهمت المغزى منه .. قلت : احم نايف بطلبك شي .. نايف : آمري ؟! قلت : ابي مسجلتك الصغيره محتاجتها نايف : كيف يعني اجيبها لك الدمام ولا ايش ؟! قلت : إلا إذا تقدر .. نايف : بسس ذا ؟! قلت : ايوه .. نايف : طيب العصر اكون عندك أشوفك طالعه تستقبليني مو تطل لي وحده من بنات عمتك واتوهق .. بلعت ريقي وناظرت تركي اعرفه اكيد معصب علشان اخواته .. قلت : أحم اوكي الساعه كم ؟! نايف : امممم3 يناسبك ؟! جاوبت بسرعه : أكيد .. انحرجت : أقصد ايه ..! ياعمري حتى لو مو فاضيه افضى لك ..!! نايف : أوكي .. قلت : نايف !! قال : هلا ..؟؟! رديت : بقفل .. سكت فتره ثم قال : مافيه مشاكل بحفظ ربي .. قفلت وناظرت تركي على طول وقف واتجهنا للباب .. قال : والله اسلوب يقول لك وحشني هبالك !! لاهـ ! الظاهر ناوي على مصيبه كالعادة .. قلت : ليه مركز على ذي غريبه نايف قال هبالك وميشو قال وحشتيني ليه مو ميشو اللي علقت عليه ؟! ابتسم ابتسامه جانبيه : النبره يابنت خالي .. ماتصدقون على قد حجم الخوف حجم السعاده معقول في حد يحس ان نايف يفتقدني بقوة ؟! ابتسمت من داخلي واتجهت لغرفتي واسندت راسي على الباب ياااي ناظرت الساعه مايمدي لازم اجهز .. قفلت الباب مابي حد يدخل واخذت الروب ودخلت اخذت شور على السريع ورحت عند المرايا مدري ايش السر اللي خلاني افتح المسجله على اغنيه " دلوعتي " لمجنوني راشد وبديت اجفف شعري رغم ان الشيسوار صوته قوي الا اني كنت اردد معه .. خلصت ورولت شعري على جوه ونزلت لي قذله حلوة ماحطيت بشعري شي ابد حطيت كحله مع خط لونه وردي لاني اعرف ان نايف يحب الوردي .. فتحت الدولاب محتاره ايش البس لازم وردي اخذت بلوزة ورديه ربط عالحلق ولبست سلسله فيها حرفي خفيفه بقوة وبرمودا وردي كمان .. أخذت كعب وردي يطق .. وجهزت عبايتي الورديه اممم كانت كلها زخارف ومن فوق عند الصدر فيه كريستال وردي ينن وتكون مخصره ونازله الى نهايه الظهر تتوسع شوي .. اخذت حجاب فيه ورد ولبسته طالعه اجنن .. تعمدت انزل خصلات شعري بطريقه مرتبه علشان اصير طفله مااعجبني شكل شفايفي وحطيت احمر شفاه غامق .. ماناقص الا الابتسامه أخترت احلا عطر احبها " Boss femi " ورشيت منها اخذت الساعه وحطيتها باليمين وحطيت خاتم هديه من خالي موذاكرة المناسبه .. ناظرت شكلي برضا وبديت الف واشوف نفسي .. |
|
#43
10-17-2016, 08:23 PM
| ||
| | ||
| ((2)) ليتك يانايف تحس رغم فرحي الا اني ارتجف ناظرت الساعه باقي نصف ساعه تقريبا مابي انزل وتصير لي سالفه جلست خمس دقايق ومليت ونزلت لقيتهم بالصاله اول وحده انتبهت لي نهى قالت : اهئ ساره وين رايحه ؟! الكل ناظرني بدون استثناء .. ارتعبت بس قلت : بستقبل نايف جاي للدمام !! نهى : ايش ؟؟ لا ناويين على شي .. ناظرت تركي عادي ولاهامه شي .. رجعت اناظر نهى .. قلت : ليش سمعتيني اقول رايحه لمرقص ؟! رايحه لنايف ! عاد ذي المره تكلمت عمتي : وين رايح ذا النايف ؟! قلت : ابد بس بيمر للدمام وبيجي يزور بنت عمته .. فيها شي ؟! لو تدري ياعمتي انه جاي لجلي ايش تسوين ؟! ولا المصيبه علشان نتأكد من العلاقه اللي بين بنتك وولد اخوك !! .. عمتي : جاي للدمام !! جلست : ايه عمتي بيمر بيتكم شوي .. ناظرت الساعه باقي ربع ساعه بالضبط وتكمل 3 انتظرت شوي والكل ساكت ويناظرني ؛؛ خفت عمتي تقول لا بس مستحيل تسويها عندي سند قوي دلوعتها خخخ .. ايقظني من احلامي صوت جرس الهاتف .. رد تركي : هلا .. تمام اخبارك ؟! وماسمعت بقيت المحادثه لاني سرحت خخخ شوي وتركي ناظرني : ولد خالك .. حاولت اكون طبيعيه ماابين خوف ولافزعه ورحت للتلفون وجلست .. قلت بهمس : الووو نايف : هلا ساره صار لي ساعه واقف عند الباب خايف اطق الجرس وينزعجون وحرقتني الشمس .. ابي اتكلم طبيعي علشان يخف التوتر قلت بمرح : يانصاب اي شمس الساعه 3 ؟؟ ضحك : طيب اطلعيلي .. قلت : طيب طالعه رديت السماعه مكانها بهدوء واتجهت للباب تمنيت ان يكون حد معي وربي استجاب دعوتي بس حط لي تركي الله يستر .. طلعت معه وانا ساكته شفت تقريبا شخص من بعيد متسند على سيارته اكيد نايف ..! أسرعت بخطواتي له .. قلت بلهفه : هلا نايف . نزل نظارته انا هينا ذبت خلاص .. قال : اهلا ساره هذي المسجله .. اخذتها : مشكور .. قطبت : ليه مسوي بعمرك كيذا ؟! لف كله : حلو مو ؟! ياعمري لو تسوي بشعرك اللي تسويه تطلع حلو ناظرت لتركي اللي كان يراقب من بعيد ورجعت لنايف .. قلت : ايه حلو بس ذا لوك شبابي .. ضرب كتفي : ليه قدامك معجز ولا ايش .. ثانيا علشان يكمل التركيب كيف سياره كيذا ولوك محترم ؟! لفيت اناظر سيارته كانت فعلا شبابيه لونها قريب من البنفسجي ومكشوفه مافيها الا كرسيين هه ماعنده حل وسط اما كبيره موت ولا صغيره .. شهقت : شريت جديده ؟ نايف : تناسبني ؟! قسم لولا الحيا قلت كل شي حلو عليك .. قلت : روعه ابتسم : تاخذين لفه فيها ؟! بغيت ابوس راسه على ذا الاقتراح بس سكتت عيب لايتوقع اني مرجوجه .. ابتسمت وهزيت كتوفي : براحتك .. قال : طيب اصعدي .. تذكرت شي : ايه صدق لحظه شوي بستأذن من عمتي .. قطب : عادي ولد خالك ضحكت بسخريه : ذ الكلام بالخبر مهوب بالدمام .. دقايق .. تركت الكيس عنده ورحت لجوه شفت تركي .. همس : كول دا علشان يعطيك شي ؟! طنشته ورحت لعمتي .. قلت : طلبتك ! قطبت : ايش ؟ ماورى ذا العبوس خير ياعمتي .. بلعت ريقي : ابي اطلع مع نايف .. شهقت نجوى .. لفيت لها : اشششش ماالك دخل .. سكتت فتره تناظرني وانا اناظرها بنظرات ترجي .. قالت : طيب بس مايأذن الا وانتي معنا .. قلت : اوووكي .. وطرت للبوابه وصعدت جنبه .. ماحسيت الا شغل الديسكو بقوة .. قلت : ليش بالله ؟! صرخ : مااسمعك ؟! قلت : ليش بالله ؟ أشر على اذنه يعني مايسمع .. مديت يدي وقفلت المسجله .. قال : ليش ؟! هزيت كتوفي : مو لازم .. نايف : لا ضروري علشان اصير شبابي .. ضحكت .. ابتسم : ممم وين تبين نروح ؟! قلت : والله ماادل مكان هنا .. نايف : طيب كلنا بالهوا سوا بلف فيك لين اوصل لمكان حلو سكتت وبقيت اناظره ياعمري يجنن بالشعر ذا .. نايف : عاجبك ؟! قلت : لا والله كنه كهربا 220 قارصتك .. ناظرني وابتسمم وكمل يسوق وكملت اتأمله واخيرا وصلنا لمجمع مو ذاكره اسمه اصلا من الفرحه .. نزلت معه ومشيت جنبه شعور حلو تكون جنب اللي تحبه دخلنا مع بعض وانا بطير من الوناسه .. بس قلت أعقلي يابت عيب .. نايف : خلنا نروح للملابس .. ابتسمت : يلا .. رحت معه ودخلنا محل معين بديت امشي بين الملابس وهو وراي لين استقريت على بدله بحري رهيبه بلوزة مفتوحه من الصدر وبعدين اطرافها مو متساويه يعني اكيد البطن مايتغطى وبرمودا جنان وفيه زنار فضي نايف : اعجبتك ؟! ابتسمت : رهيبه .. سحبتها ورحت بحاسب ابعدني وحاسب مكاني بصراحه افتشلت بس والله انا ماضربته على يده الا يدفع .. ـآحسن وفر خخخخ .. ناظرته : نطلع ؟! ابتسم نايف : طيب ! فعلا طلعنا ولفينا اكثر من مكان وهو على السايلنت الين سمعت نغمته " عشان الحب واللي بيني وبينك ... الخ " قال : طيب انا بروح هناك اكلم واجيك هزيت راسي موافقه واول ماشفته ابتعد دخلت محل عطور رجالي شفت عطر تخبل على طول شريتها ماعندي وقت شريت منها 2 علشان وحده له والثانيه اتذكره فيها .. شريت كمان لميشو وسرعه طلعت ورجعت مكاني شوي وجاني : تأخرت ؟! ابتسمت : لا .. بس يلا تعبت من الكعب هز كتوفه : مشكلتك .. يلا نروح كوفي .. قلت بلهجه اطفال : لا نايف والله تعبت رجلي تألمني بقوة .. ايه صدق رجلي يانصابه هه اصلا انا خايفه اجلس معه !! نايف : أشيلك ؟! رفعت عيني له ورجعت وطيتها .. قلت بهجة اطفال : ايه ... اقصد لا تكفى تعبت ! نايف : طيب لاتموتين علينا .. ابتسمت له وطلعنا للسياره صعدت جنبه بكل فخر واعتزاز .. ناظرت الساعه الله يستر 7 ونصف !! 4 ساعات معه كيف ماحسيت .. سكتت وناظرته احسه يبي يقول شي فـجأه قام قلبي يدق من الفكره اني اعترف له .. ايه لازم اقول مافيه احلا من ذا الوقت همست : نايف ..!!! قال بدون يناظرني : هلا .. احسن شي انه ماناظرني لانه لو التفتت بتراجع عن قراري .. قلت : ابي اقولك شي واتمنى انك ماتزعل .. التفت وهو مقطب : ايش ؟! بلعت ريقي : واتمنى انه مايأثر في علاقتنا كـ قرايب .. نايف : ايش ؟ قلت : أحلف ماتزعل ؟! نايف : والله ..! بلعت ريقي : نايف من يومي بزر وانا احمل مشاعر لـ .. واحد !! قطب والتفتت : واحد ؟! هزيت راسي بـ ايه ..! كملت : ووو .. أكتشفت اني انا يانايف .. انا " وطيت راسي مابي اناظر بعيونه " أحبك .. رفعت عيني له ابي اشوف ردة فعله .. خلني اوصف لكم شكل نايف قبل مااقول له ملامحه هاديه وبرود وكأنه مو مهتم لما قلت ناظرني .. ابتسم : سبحآن من حط القلوب عند .. بعضها .. ناظرته مو فاهمه .. نايف : سبقتيني فيها .. سكتت ابي استوعب هل هذا فعلا نايف ؟ .. بلعت ريقي : اش تقصد ؟! صرخ : حتى اناااا ياااسااراااا احبك حسيت ؟؟؟؟ أني ملكت الدنيا بـ كلمته ..! حسييت ؟؟؟؟ بأن كل حلم في حياتي طار .. وصار حلمي الوحيد !! حسيت ؟؟؟ ان ربي خلقني علشان احبه ..!! حسيت ؟؟؟؟؟ بشعوور .. غريب ... محد .. حسه .. قبل .. كذآ !!!! يَآاْ عُيُونـْ × الْگُوُنْ × غِضّيـْ * بِآلْنّظَرْ * وِإِتْرِگيِنَآا .. ـآِثْنِيِنـْ ..{ ـعِيِنـْ ~ تِحِگِيِ لِـ"عِيِنـْ " .. إِتْرِگيِنَآا .. ـآلْشّوُقْ :. مَآخَلّاآ فِيِنَآاْ حَظَرَ .. بَلّاآ خُوُفـْ بـِ نِلْتِقِيْ ؛؛ وٌ...بَلّآا حِ ـيْرَهْ بـِ نِلْتِقِيّ ]~ حطيت يدي على فمه : اشش لاتفضحنا ناظرني : تعبير عن المشاعر فقط لاغير .. ناظرته بحب وابتسمت شوي ووقفنا عند الاشاره .. ناظرني : مو مصدق ..! ناظرته : ولا انا ؟! .. اعطيني كف استوعب نايف : لا عيب قبل كنت ولد خالك الحين تغير الوضع عيب .. ابتسمت وانا اتأمله .. قلت : اش حاط بشعرك ؟! نايف : اش فيك على شعري والله حلو .. قلت : بيني وبينك اول ما شفته اخترعت .. تعرف توم وجيري لما يخترعون يوقف شعرهم خفت مااعجبك شكلي واخترعت منه ضحك : يجنني هبالك .. براااءتك .. كل شي ..! احس قلبي بيوقف بتجي لي سكته قلبيه من الفرحه .. بس كأننا ناسيين شي .. سلمى .؟! لا مو طاريتها لايتعكر مزاجه .. صوت من داخلي يقول اطريها لازم تعرفين مصيرك .. قلت : نايف .. ناظرني .. كملت : ووو .. سلمى ؟! عقد حاجبينه ومشى : أي سلمى ؟! يآ برود الأعصاب هادي ..! سكت فتره ثم قال : قصدك بنت خالتي ؟ هزيت راسي بـ أيه .. بالله عليك يا نايف اقصد سلمى عمتي ؟! .. قطب : اش بها ؟! حسيت بقهر من برود اعصابه : نسيت ياول دخالي انها ... حط يده على فمي : لا مانسيت .. بس افهميني سلمى بنت خالتي فقط ! مستحيل اتخيل نفسي زوجها .. وفي نفس الوقت ماأتخيلت تبوسين وتنومين مع غيري .. بس انا .. نايف وبس ..! وطيت راسي من الاحراج وجع ذا مايستحي ؟! يقول نايف وبس .. قسم لولا الحيا قلت له انت ماتستحي بس حرام جو رومانسي خخخ .. رفعت ساعتي وشهقت : أذن العشا ؟! قال بدن يناظرني قال بدون يناظرني : ايه قلت : يافرحتي فيك والله .. عمتي بتذبحني قالت لايأذن الا وانتي هنا وحطيت يدي على فمي : يوه ماصليت !! ضحك .. قلت : والله فاضي .. وقف عند مسجد : انا نازل اصلي بتنزلين معي ؟؟ جاوبت بسرعه : اكيد نزلت من السياره العجيبه ودخلت المسجد كان فيه مجموعة بنات يصلون رحت توضيت وصليت معهم العشا ثم المغرب .. بقيت شوي عند السجادة استغفر ربي علشان الصلاه متأخره لين جالي نايف رحت معه .. صعدنا السياره وجلسنا ساكتين انا افكر ايش اقول لعمتي .. قال : والله شغلتي بالي مع عمتك ترا انا ولد خالك ضحكت : لاياولد خالي ذا بالخبر .. بالدمام ممنوع .. عقد حاجبينه : كيف يعني ؟ تحمست للسالفه : اسمع .. بالخبر اطلع معك بلحالنا عادي لان الكل واثق من نفسه لكن بالدمام ممنوع اطلع مع تركي بلحالنا .. ممنوع اكشف عن عيال عمي الصغار .. ضحك : اجل الله يعينك على عمتك .. بتذبحك ! ضحكت : لا تخاف لقيت حل ناظرني ورجع يسوق : ايش ؟؟؟ قلت بضحكه : والله عمتي قالت لا يأذن الا وانتي هنا عاد انا بقول حسبتك تقصدين اذان الفجر .. ضحك : هبلا ومجنونه قلت : اصلا عمتي طيبه معي بس تريك اللي يعلق بالطالعه والنازله نايف : سيبك منهم ! خلنا ننبسط ! مد يده للمسجله ورجع الازعاج كان شكله متناسق جدا ومناسب للسياره وشكل الوجه وصلنا عند الباب شفت تركي واقف من بعيد .. قلت : يميييي مو قلت لك !! ضحك : طنش تعش تنتعش !! قلت : تبتلش .. بالله نايف من متى وعندك ذا المثل ؟؟ سكت وابتسم انحرجت ووطيت راسي .. أخذت عطره واعطيتها هوا .. نايف : ايش هادي ؟؟ هزيت كتوفي .. طل من طرف الكيس وناظرني : متى شريتيها ؟ ابتسمت : يوم تكلم .. حلوة ؟؟ همس : تجنن ! ناظرت تركي ورجعت اناظر نايف : وذا لميشو هز راسه باعتراض : لا بس انا ! ابتسمت له ونزلت .. قال : ساره !! لفيت .. نايف : نسيتي المسجله افتشلت ورحت اخذتها يااه والله لو نسيت المسجله ليصلح مني تريك شاورما .. الحين رايحه وراجعه وانسى ؟؟ اخذتها على طول شغل الديسكو لما وصلت لأول درجه للبيت !! ناظرت تركي لقيته يراقبني لازم اقهره لفيت على نايف كان واقف بالسياره وحاط نظارته على شعره .. طالع شيي !! لازم اقهر تركي .. طبعت بوسه على يدي وطيرتها لنايف .. ضحك ومد لسانه لي كأنه يقول مو عاطيك مثلها .. ناظرت تركي .. يناظر نايف بنظرة خوف .. ضياع .. تشتت .. وحية وتساؤل ..بس لييييه الله اعلم ؟؟ برطمت مثل الاطفال واراهن اني صرت مثل براطم تركي خخخ .. حسيت بحركه وراي كان نايف قال : اصحي تركي يقولك يبي يشوف الاكياس اللي عندك ؟ قطبت : ليه ؟ نايف : بعدين تعرفي !! ابتسمت له وصافحته بلل شفايفه برواقه وباس خدي استحيت من حركته وناظرت تركي شوي وودخلت البيت كان واقف الظاهر يبي يتكلم مع تركي مريت من جهة تركي قال : باقي وقت كان جلستي شوي اسرعت بخطواتي الى فوق وطنشته..! .: نهاية الجزء الخآمس والع ـشرون :. |
|
#44
10-17-2016, 08:29 PM
| ||
| | ||
| .: الجزء السآدس والع ـشرون :. "ـآسْألِگْ بِالْلـّې خٍلْقْ « حٌبّگْ » .! يِسْرّېْ بِكّلْ شٍرْيَآنـْ~ گييّفْ تِقْدَرْ "تِنْسٍحبْ" وً.. ۶ـيُوْنٍېـّ تِنَآدّيْ طُيُوْفٍگْ ..؟ تِصْرَخْ .. ۈِتِجْرَحْ ~ ثِمٍ*ن* تِرْجِعْ لِيّ × نَدْمـّآان ؟ ۈلّـاآ أَدْرٍېّ ۈٍشْ ېصٍييّرْ بِـ عْ ـيُوْنٍېّ يُوۈمـٍ تِشُوْفِگْ .! أَحِسسّهآ تِبْتٍسّمْ ! وٍ .. تِرْمٍشّ ! تِحْ ـفًظْ *ضِحْكِتِگ* بِحَ ـنًآاْنٍ ,؛ تِرْسٍمـْ مِلـّاآمٍحْ ≈ طِفْلْ تَآيٍـﮧْ فٍيـّ « شُمُوخْ » إٍنْسّآنْ ]~ " / \ / ناظرت تركي .. يناظر نايف بنظرة خوف .. ضياع .. تشتت .. وحية وتساؤل ..بس لييييه الله اعلم ؟؟ برطمت مثل الاطفال واراهن اني صرت مثل براطم تركي خخخ .. حسيت بحركه وراي كان نايف قال : اصحي تركي يقولك يبي يشوف الاكياس اللي عندك ؟ قطبت : ليه ؟ نايف : بعدين تعرفي !! ابتسمت له وصافحته بلل شفايفه برواقه وباس خدي استحيت من حركته وناظرت تركي شوي وودخلت البيت كان واقف الظاهر يبي يتكلم مع تركي مريت من جهة تركي قال : باقي وقت كان جلستي شوي اسرعت بخطواتي الى فوق وطنشته .. دخلت غرفتي رميت الاكياس على السرير وحذفت عبايتي والشيله كمان ورحت للشباك شفت طرف نايف فقط ركضت لغرفة نورة بما انها جنب غرفتي اكيد بيكون نايف فيها واضح رحت وفعلا كان يتكلم مع تركي اسمع صوت الديسكو وانا فوق .. كان عادي يضحك ويبتسم ويسلف وكأن الميانه طايحه ؟! بس ... ليه ؟ وشعنى هالمرة عادي يسولفون ولا فيه شي غريب ؟! تركي اللي ماافهمه .. ونايف الكتوم .. الله اعلم وش وراهم هالاثنين !! بقيت اتأمله الين صعد سيارته سمعت صوت بالغرفه لفيت كانت نورة قالت : ساره ؟؟ ارتبكت : هلا نوران .. قطبت : آمريني ؟ اش بهم الناس يقطبون بوجههي ؟؟ حطيت خصله ورى اذني : ابدا بس حبيت اخذ شور بغرفتك اذا ممكن .. وهزيت كتوفي : تغيير جو .. ابتسمت وطلعت سكرت الباب تنفست بقوة وطليت من الشباك مالقيت حد لانايف ولا تركي اووف .. اخذت عمري بطلع من غرفتها بس تذكرت اني قلت لها بتحمم عندها يلا اش وراي رحت للحمام تكرمون مليت البانيو صابون ودخلت فيه وقلبي يطرق بقوة احلا يوم بحياتي لحد الان مو مستوعبه نايف وانا !! يمر قدامي شريط يوم اقوله كل شوي كلمته " مااتخيلك تبوسين وتنامين مع غيري " ابتسمت بخجل وكأنه تو قايل ذا الكلمه .. تذكرت اول مرة يرسل بوسه وطريقته فعلا محرجه وجريئه فجأة نقزت من البانيو وتذكرت كلمة نايف // " بعدين تعرفي " ياخوفي حاط شي بالاكياس قمت على طول ولفيت علي الروب واتجهت للباب بس شفت تركي بالصاله ناديت : نجوى يا نجوى .. نجوووى ! لف علي ثم رجع لحيث كان .. قال : خير ؟؟ قلت : ناد لي نجوى تركي : مافيه .! صرخت : نجوىىىىى .. يانجوى فينك ؟ شوي وشفتها جات .. تركي : ماتسمعين امي تناديك ؟ قلت : نجوى ؟ صرخ : روحي لامك الظاهر خافت وراحت .. صرخت : تريك اش سويت ؟؟ طنشني دخلت وسكرت الباب وانا مقهورة منه اش اسوي ؟؟ معقوله البس الثياب اللي كنت لابستها ؟ لا واااع اش ذا الوصاخه ؟ رحت لدولاب نورة كان مقفول وش ذا ؟ ليه تقفله ؟ مال قارون على غفله .. طاحت عيني على بيجاما لي تذكرت متى يوم لبستها يوم انوم معها اخذتها ولبستها صدق عاريه والحل ؟؟ خطرت في بالي فكره اخذت اللحاف وتحجبت فيه ومشيت بسرعه للباب كان باقي ناظرت شكلي اوكي مو ظاهر فيها شي وطلعت بسرعه ابي امر للغرفه .. فجأه ما حسيت باللحاف ..! لفيت كان تركي حاط رجله على اللحاف .. شهقت كأنه استوعب ولف .. استغليت انه مايناظرني .. وصرخت عليه : ياحمار ياحقير ياواطي ياسافل يامنحط يامقزز يالحثاله يامحترم .. لاتسألوني كيف جات معهم بس من القهر والعصبيه .. ركضت للغرفه بسرعه وغيرت ملابسي الى لبس محترم وطلعت من الغرفه لقيته على وضعيته حاط رجل على رجل وماسك جواله .. أخذت لحاف نوران ودخلت الغرفه ورجعت اللحاف مسكت قلبي الين الحين يدق كيف لا وانا باقي ماعرفت اش صاير بالكيس ؟؟ رحت بسرعه فتحته كان فيه سي دي !! حطيته على السرير واخذت المسجله وحطيتها في مكان مخفي وحطيت التوقيت الساعه وحده الا خمس .. رحت لغرفتي انا مااعرف اشغل سي ديهات وثانيا لو عرفت ماعندي لابتوب .. والحل ؟؟ اللي هنا مافيه الا تركي ونهى ايه نهى .. حطيت السي دي على المرايا وطلعت بسرعه احسن شي ان تركي مهوب بالصاله نزلت تحت لقيت نهى ونجوى وتركي بالمطبخ مالت عليك تريك ..! قلت : نهى طلبتك ! قالت : عطيتك بس ايش ؟ قلت وانا العب بطرف الشيله : اممم ابي اللابتوب حقك قطبت : ليش ؟ هذي والله الورطه .. تركي : لسانك اكله القط ؟ قسم لولا الحيا قمت وذبحته .. ناظرته من فوقه لتحته ولفيت على نهى : عندي سي دي ابي اشوف وش به .. ابتسمت : في الغرفه على المكتب .. والله افتشلت اقول لها مااعرف اشغله .. قلت : احم مااعرف اشغل السي دي .. سمعت ضحكة تركي طنشته بحديثي بس ماقدرت اطنشه في داخلي رغبه اني ابغى اناظره حتى لو كانت باحتقار !! .. نهى : طيب هاتي السي دي وافتحه .. جاوبت بسرعه : لالا انتي علميني بس .. نهى : اوكي قمت معها لغرفتها وجلست على السرير وانا مشتاقه بقوه اشوف ايش يحمل ذا السي دي .. نهى : شوفي تضغطين هنا ويطلع لك ذا تحطين فيه السي دي .. قلت : ايوه وبعدين ؟؟ التفتت : طبعا ذا السي دي لاختبارات بما اني ابلة عربي .. ابتسمت لانها مو قادرة تنسى وظيفتها مرة وحدة بالبيت ناظرت كان فيه فايلز كثير مبين ان لها سنوات كثير بذا المهنه ..! قلت : مبين ان لك سنوات بالتدريس .. ضحكت : من عمري 23 وانا ادرس كيف ماتصير لي خبره جاني فضول : ليه انتي كم عمرك ؟؟ نهى : 29 او 30 استغربت ...! كيف انها مو متزوجه لحد الان بس سكتت يمكن تتحسس من ذا الموضوع الا اكيد .. ابتسمت لها وسحبت اللابتوب لغرفتي وانا في غاية السعادة قفلت باب غرفتي واخذت السي دي ودخلته وركبته مثل ماعلمتني نهى .. فتحت ماي كومبيوتر مايُعرف بـ جهاز الكومبيوتر كان اسم السي دي ساره ياعمري عمره .. فتحته كان مثل عروض السينما كان شريط فيلم قديم وفيه اغنيه كان اغلبها صور لي طبعا يومي صغيره وكلهم بعدسة خالتي لان خالي ماكان يرضى اصور معهم يعني بموت واصور بكاميرته خخخ.. المهم سيبنا من كول دا شفت صوره قديمه موت يوم كنت سنتين او 3 تقريبا وجنبي فيصل ونايف نلعب بالرمل وانا بالوسط .. هذي الصورة الوحيدة اللي جمعت بيني وبين نايف وفيصل ثلاثتنا .. بقول لكم صورة فعلا دمعت لجلها عيني كانت خالي يحرق لي عند الركبه رجلي آآح .. فتحت الجينز اللي لابسته شفتها باقي .. احلا ذكره تدرون ليه انحرقت ؟؟ لاني طلعت مع نايف سوبرماركت .. انتهى عرض الصور وانحطت خلفيه حلوة صورتي متحجبه مااذكر متى .. وكلمات :. " كنا صغار وكبرنا ..! برائتنا في ابتسامتنا .. حملنا احلا الذكريات .. واجمل الاحاسيس البريئه .. والحب الطاهر .. معنا ! " اشتغلت اغنيه عشان الحب تغيرت الصورة الى صورة فيها نايف ينحرق بنفس اليوم اللي انحرقت فيه وبنفس المكان .. " حلوة الذكريات ..! لو تذكرك باغلا الحبايب ~ حلو ةالذكريات ..! لو تفكرك بالحبيب الغايب ~ حلوة الذكريات ..! بين اللي في هواه ذايب ~ حلوة الذكريات ..! ولو كانت اعظم المصايب .. تبقى حلوة الذكريات ]~ " " احيانا اتمنى اني اكون راشد الماجد واحيانا احبه لانك تحبيه واحيانا اغار منه بقوة .. عرفت مسبقا انك تحبين ذاا لاغنيه .. فـ أنا كمان حبيتها .. مجنونك ! " ارحمني يانايف شوي شوي والله والله مو قادرة اتنفس ابي هوا معقول ؟؟؟ انا مع نايف ؟ لي انا بلحالي ؟ يقول مجنوني !!! ياخي افهم اني اموت فيك .. ابي اصرخ للعالم واقول ياناس حسوا فيني ماتشعرون بحجم السعاده اللي انا فيه .. بديت احمد ربي واشكره قمت من على السرير واللابتوب مفتوح رحت وتوضيت وصليت ركعتين سكر مين كان يصدق ان نايف يكون لساره مجنونته ومجنونها ؟؟ سجدت لربي سجدة طويله نزلت فيها دموع كثيره دموع فرح طبعا ارادة ربي محد يقدر يوقف بطريقها ..! يارب انك تكملها على خير ..! قمت واخيرا وغسلت وجهي ورحت اناظر نايف بحب نفس الملامح ماتغيرت من يومه صغير ماكمل 8 سنوات الا وانا اموت على ترابه معقول يحملم عي نفس المشاعر .. قفلت السي دي واخذته للادراج المخفيه سبق وان حكيت عنها شفت دفتري كتبت " مين كان يتصور نايف لي ؟؟ الشكر لك يارب " قفلت الدفتر ورحت للابتوب وحطيته بغرفة نهى ونزلت تحت وانا اغني سعاده تفوق الوصف .. قاطعني صوت عمتي : ساره فيك شي؟؟ |
|
#45
10-17-2016, 08:32 PM
| ||
| | ||
| ((2)) ونزلت تحت وانا اغني سعاده تفوق الوصف .. قاطعني صوت عمتي : ساره فيك شي؟؟ فيني اشياء ياعمتي مبسوطه لان ولد خالي يحبني مثل ماانا احبه .. اكتفيت بالابتسامه وجلست حطيتت نوران بحضني وطحت فيها تبويس .. قلت : اموت عليك نورة انتي احلا وحدة بالدنيا من بعدي والله عمتي : ساره !! ذبحتي بنتي ناظرتها بعيون تشع منها السعاده .. وقلت : احبهاا نورة : ماما اتركيها لها فتره ماجلست معي تستغربون ليه اقول كذا باختصار لولا ربي ثم نوران ما طلعت مع نايف وعرفت .. وهذا اللي يخلين اقول كيذا .. سكتت وانا اسمع سواليفهم .. نهى : ايه يمه العصر اتصل علينا خالي يقول روحي له يبيك .. قطبت عمتي : ليه ماقلتي من البدلايه الحين يعصب .. نهى : مدري انا قلت لتركي قطبت عمتي : اش دخله ؟؟ بغيت اتلقف وارز وجههي واقول لانه مايقدر يسيبك لحظه بس سكتت نهى : يوه يمه يبيكم اثنينكم نجوى : امانه يمه خبريني اش صار سكت فتره اكيد تركي قاله عن سالفة نوره .. حمار !! عمتي : انثبري زين حكي بيني وبين خالك اقصد اخوي اش دخلكم ؟؟ نجوى برطمت : يمه طيب ليه تريك دايم معك ؟ تركي : لاني ولدها نجوى : انت ولا كلمه .. يمه حرام دايم تريك ونجوى ؟ مو بنتك ؟ .. عمتي : يوه يانجوى فكيني .. تركي ناظرني : يمه ماعصبتي عليها ؟؟ قسم لولا الحيا واني في بيتهم عطيته كف على وجهه اخليه مايعرف اسمه .. عمتي : ايه صدق ساره .. تأخرتي كثير وين رحتي ؟ قلت : احم بصراحه نايف على قوله وحشته بقوة اخذني لكوفي نسولف وبعدها رحنا المجمع وشرالي اشياء احتاجها وخلاص !! ناظرت وجه تركي ابي اشوف ردة فعله وهو اللي مايرضى على أي بنت تقرب له .. مضطره اكذب علشان اقهره .. بس كان مبتسم على جانب ..؟ اقسم انه غريب !! قطبت عمتي : تسولفون ؟ ابتسمت : ايوه عمتي : بس انا قولت ترجعين قبل الاذان حان وقت استخدام عذري العجيب قلت : مو عمتي قلتي قبل اذان الفجر انا جيت قبل الاذان ضحكت نهى وقال تركي : تفكرين بمزاجك انتي ؟ عمتي : تركي !! سكت احسن زين تسوي فيه يستاهل عمتي : انا قلت للأذان يعني اذان المغرب .. سكتت فتره كأني اتذكر : ايه عمتي يوم يأذن كنا بالمسجد نصلي تركي : بالله ! عمتي : تركي .. قال : خلاص يمه ! خخخ مثل الاطفال يحتمي بظهر امه مالت عليك رجال طول وعرض ماهي رجوله ياولد عمتي .. عمتي بهدوء : بس ولو ساره مايصير يجي الليل وانتي مع ولد خالك .. قلت بنفس نبرتها : عمتي نايف طيوب حلو لاتتوقعين شي غلط منه !! تركي : من ناحيه حلو فهو يعجبك بتحرره بالجينز مخصر وبالبلوزة رايحه فيها.. صرخ : هذا محترم ؟؟ انقهرت منه اللي يسبه حبيبي .. قلت : اسمع ياتركي .. تغلط علي معليه من باب الميانه مع بنت خالك .. تسبني تأذيني توصل بك الحقارة انك .. ولا ماله داعي اقول .. وكول ذا وانا ساكته بس تتجرأ على واحد من اهل امي مضطره اني مااحترمك لانه مهما كان يقربلي والله لو اني بمؤتمر صفقوالي خخخ.. ومع ذلك ماشفى غليلي فيه اجل من يكون يسب نايف ؟ لو تحسون بمدى الكره اللي حملته لتركي بس !! تركي : اجل بالله عليك فكري بس تنزلين من السياره و... انا الرجال استحيت منها سكتت لاني فهمت اش يقصد صدق انا استحيت منها بس طيب ياتركي .. قلت بقهر : اذا كان هوا فـ كنت متحجبه ولابسه عبايه وساتره عمري لكن قمة الوصاخه انك تدوس طرف اللحاف وانت عارف ان لو عندي ملابس لبستها .. بالله ناظر نفسك قبل تسبه .. قاطعني صوت عمتي : بس !! طفايه بينكم انا مافيه احترام ولا شي .. وثانيا ايش الكلام اللي اسمعه .. وصااخته ايش ياتركي ؟ ناظرني : تبين اسوي مثل نايف ؟! ولا بلاش تستحين ؟ ماخفي علي كانه يهددني صدق قلبي قام يدق اجعلك القهر ياتريك .. ناظرته وابتسمت .. عمتي : اش صاير .. وايشبه نايف ؟ ناظرته بتهديد واضح تسوي اقول وانا مو خايفه منه ولاعشرة مثله .. عمتي : كيف سوى نايف ؟ ابتسم لامه وناظرني وهو رافع حاجب : استحي اسويها لان مايسويها الا الوصخين امثاله .. هنا انفجرت : اوكي اسمعي ياعمتي .. دخلت غرفة نورة استأذنت منها اتحمم هناك كيفي اتحمم بالمكان اللي يريحني .. ولما خلصت فتحت الباب شفت ولدك بالصاله معطيني ظهره ناديت على نجوى وفعلا جات قال انك تبينها اوكي معليه عديتها بمزاجي .. ولبست البيجاما ولحفت باللحاف علشان اغطي وتعرفين بيجاما ماله داعي اوصف .. طلعت داس على طرف اللحاف وانكشف .. بالله مو ذا الوصاخه ؟! شهقت عمتي والكل استغرب .. عمتي : معليه تركي دواك عندي .. ايوااا ياعيني عليك ياعمتي أحبك .. ناظرني بقوة وطلع الدرج .. يييييس ! وقفت عمتي : نهى روحي ناديلي تركي انتظره بالمقلط .. تعالي معي ساره .. هه كأننا افلام ومسلسلات بس مااخفي عليكم الخوف من المواجهه اللي راح تصير .. معليه نايف ادري غلطان بس تركي غلطه اكبر .. مشيت بثقه الى المقلط مع عمتي كنا ساكتين الين جاء تركي ناظرني وحول نظره لامه .. عمتي : اجلس ياتركي وقل وش سوى نايف ؟ ناظرني سكتت طالعته بطرف عيني وبغرور واضح دخلت خصلاتي .. عمتي : يلا اشوف تركي : مااعرف يمه عمتي : كيف ماتعرف يعني ؟؟ مو انت شفته ؟؟ ولا مو ناوي تقول ؟ قل بهدوء : يمه انا مااعرف طيب ؟ ولو اعرف مو اناا اللي اسويها سكتت وكتمت غيظي .. عمتي : تركي لاخر مره اقولك وش سوى نايف ؟؟ سو مثله ! حسيته خلاص بيبكي بس ليه مدري : اعفيني يمه مااعرف ! لفت علي : وش سوى نايف ياسارة ؟ بلمت : انا ؟؟ اقصد مدري مو تركي قال ؟ يطبق ! عمتي : مو عيب عليكم تتهاوشون ؟ وطيت راسي .. كملت : اللي عمرها 19 ومدري ايش واللي عمره بالعشرين رايحن فيها .. مافيه احترام ؟ اخر عمرنا نتعامل بالوصاخه ؟ مافيه احترام ؟ ولد عمتك وانتي بنت خال حتى لو ماعرفت وش به نايف يكفيني اللي سويته ياتركي عيب من متى نتجرأ على بنات خالنا ؟ قد مرة قلت لك اني تحسفت انك تربيتي ؟ لو ماجد اللي رباك تزين اخلاقك ! الظاهر تقصد ابوه اللي هو ماجد .. ناظرتني : وانتي ساره !! اتركي اهل امك والخبر .. انتي بالدمام وضروري تكونين مثل اهل الدمام اهل ابوك !! سكتت فتره ثم قلت بهدوء : كيف انسى قوليلي طيب ؟ تربية خالي ومو ذنبي اوصل 19 وتتغير حياتي من الخبر للدمام .. ولاني اعتبر العيال اخواني مافيه مشكله عمتي : بس هم مو اخوانك ولو تقدم لك واحد منهم تقدرين تتزوجينه ! قلت : حاولت اكون من الدمام .. حاولت بس ماقدرت كل مرة اقول انسي اتصرف بعفويه بتربيتي .. لو كانت امي موجدة وابوي كمان بتربى بالخبر لاني بكون عايشه فيها.. رفعت عيني لتركي موطي راسه ويسمع او يفكر ويفكر بايش الله اعلم .. عمتي : طيب انا حاطتكم قدوة لنورة تصرفوا لو مرة بسلامه .. معليه عناد اخت لاخوها بدون تجاوز حدود هه تقول قدوة لنورة واحنا ماندري ايش بينها وبين سامر ولد عمي .. قمت من مكاني على ابو اني المؤدبه اللي سمعت المحاضرة واقتنعت وندمت مديت يدي له : اخوي .. رفع عينه وناظر عمتي : بنت خالي !! مُصر انه يكون ولد عمتي يمكن يستعار من كونه اخوي .. بس كيفه ! وقفت عمتي : طيب انا رايحه لعمر وطلعت .. بقيت اناظر تركي باشمئزاز رفع عينه وناظرني .. قمت وقفت واتجهت للباب .. قال : وش سويتي بغرفة نورة ؟ ضحكت بقوة : لا تخاف مانسيت .. وطلعت .. ليه اضحك صح ؟ لاننا مثل الاطفال هواش ومدري ايش وبالنهايه صلح ..! أو حتى يمكن لنبرته اللي تغيرت وكأننا نمثل قدام الكل العداوة ! دخلت غرفتي واتتجهت لشنطتي ياربيه طول اليوم ماذاكرت قررت انسى كول شي صارا ليوم علشان اركز وفعلا ذاكرت كانت الساعه 11 ونصفف حلصت ورحت انسدحت على السرير قفلت الانوار وبقيت افكر في نورة ايه صدق انا مشغله المسجله ماله داعي افكر فيها .. خلني افكر في نايف !! ابتسمت من داخلي صدق ماله حق يبوسني وقلة ادب بس من نايف شي ثاني .. حقدت على تركي .. هه نايف يبوسني وتركي يدوس على الطرف ويكشف علي .. ليه كل مرة يزيد كرهي لهذا الشيء اللي يسمونه تركي ؟! يمكن لانه يحتقرني .. أو يمكن ليه ماسألت يتفاوت درجات الكره له شوي كثير واحيانا احسه بريئ مايستاهل ويتصرف بعفويه ! فزيت من سريري ناظرت الساعه كانت 12 ونصف لبست عبايتي لان مالي خلق اغير وتحجبت اخذت النسخه الثانيه من عطر نايف ونزلت فيها تحت مالقيت حد .. وبقيت انتظر تركي لانه مهما كان ولد عمتي .. جلست على نصف الدرج وبقيت انتظره .. انتظرت شوي لين شفته دخل يقول الجينز مخصر والبلوزة رايحه فيها اش تسميه ياتركي اللي لابسه .. لو تقصّر البرمودا بعد شوي يكون احسن ؟؟ في البدايه ماانتبه لي بعدين لما صعد شافني على طول عقد حاجبينه : صاحيه ؟ وقفت : انتظرك ؟! ناظرني فتره : مممم وش تبين ؟! طريقة كسره للتاء والباء عجيبه شكيت انه من الشرقيه هع ! قلت : احم ابي اقولك لاتحط نايف في بالك .. تبقون اخوان .. ناظرني فتره بشك مدري ليه .. ثم قال : انا قفلت السيره وانتي فتحتيها .. وهز كتوفه : ومو شغلي فيك ! مديت له الكيس قطب .. ياناس اش بكم الكل يقطب في وجههي ؟! تركي : ايش هادا ؟! ابتسمت : شريتها لك ! سكت فتره يناظرني وكأنه يبي يدخل بعقلي ويعرف وش افكر به .. ثم قال : آسف مااقبل هدايا من بنات خالي ضحكت : ماعندك الا بنت خال وحده .. طيب انا اعطيت نايف وذا لك مو عيب تكسر خاطري ؟ ابتسم واخذها .. همس : تشكري ! قلت بنفس نبرته : تصبح على خير ظليت فتره واقفه وكأن شي خلاني اكون جامده ابتسمت نص ابتسامه له حسيت بالخجل من نفسي فعلا هادا انسان ويظل انسان ! هربت بسرعه قبل أتجمد كُليّا او اموت ضحك كيف انه مبتسم ومبرطم ودي اعرف السر في اللي جالس يسويه .. المهم تركي وخلاص ماحسيت بالذنت تجاهه صلت غرفتي وقفلت الباب الساعه وحده وخمس هه اكيد سامر راح لنورة .. شلت عبايتي وحجابي حذفتهم على الكنب انسدحت على السرير وسط الظلام افكر اليوم الثلاثاء وبكرة الاربعاء باقي الخميس والجمعه يجي فيصل .. اقوله ؟! لا اكيد بيقول هادي متهورة بس انا ماتعودت اخبي شي عن فيصل .. لا لزوم اسكت وانكتم مو كل شي ينقال لذا الفيصل بعد يسوي لي فضيحة بالخبر و الدمام .. ارسلت قبله لنايف واستسلمت للنوم ..! ـآحلاآمـ سعيدة سآرونه .. * * * صحيت ناظرت الساعه 4 الا ربع غريبه اش صاير فيني يمكن على قول المثل " ابي شرالي معطفا فلم انم من الفرح " هه اقصد " حبيبي قالي كلمة فلم انم من الفرح " خخخ حتى الامثال ما سلموا مني .. قمت وتوضيت بعدين رحت رشيت شعري بالبخاخ يعني سويته كيرلي طبيعي رفعت القذله مالي خلقها وحطيت الكحل والمرطب ولبست مريولي وحجابي واخذت عبايتي في يدي وجنبها الشنطة وطلعت قفلت غرفتي ونزلت شفت عمتي .. قلت بابتسامه : صباح الفل ابتسمت : صباح النور .. اووه صاحيه بدري حطيت شنطتي : منيب قادرة انوم تقلبت يمين يسار فوق تحت مافيه فايده الظاهر جاني ارق ابتسمت واتجهت لباب المطبخ .. قلت : وين ؟! عمتي : بصحي تركي قالي ربع ساعه بس ضحكت عليه : بقوم أذيه عنك عمتي .. انا بروح حسيتها انصدمت اييي وش سويت انا ؟ هزبت من نظراتها رحت لغرفة نور لقيتها بالحمام اخذت المسجله وقفلتها دخلت غرفة تركي وعلى طول فتحت المسجله تسجل .. رحت لسريره وقلت : تركي يامال الوجع قم ! سااااااااكت ! قلت : تريك ياقهر يامقزز ياوجه الموزة يلا قووم .. سااااااااكت ! تذكرت نايف ياسبحان الله تركي ونايف يتشابهون تركي عيونه اخضر ونايف مايل لبني يعني .. ونايف حنطي على سمار خفيف .. وتركي ابيض ناصع خخ يتشابهون بالملامح وغير كيذا ان اثنينهم عنيدين واثنينهم فيهم وصاخه خخخ والمصيبه اهديتهم نفس العطر .. معقول ساويت بين تركي ونايف ؟! تركي اللي اكرهه ونايف حبيبي ؟!! صرخت : تركيييي مابتقوم للمدرسه ؟ الظاهر ناوي ترسب ياحلاتك يوصل عمرك كيذا وانت بالثاانوي سااااااااكت ! ضحكت حتى وهو نايم مبرطم هه الظاهر الحلم مو عاجبه .. اخذت كوب المويا وغطست فيه يدي ويديت اقطر على وجهه .. قطب حاجبينه .. قلت : الظاهر يبي المويا على وجهه .. قربت من اذونه وصرخت : تركي ! مسكين تروع واول مافتح عيونه لقاني بوجهه عقد حاجبينه وتغطى باللحاف .. قت : تركي يلا قوم .. تركي : اطلعي من الغرفه .. كتمت ضحكتي : طيب بس قوم .. تركي : قولتلك اطلعي .. ابتسمت : طيب .. طعت من الغرفه وانا اضحك اكيد لابس شي غلط مثلي انحرج .. دخلت الغرفه حطيت المسجله بالدرج وقفلت الغرفه ونزلت تحت شفت الكل موجود عدا تركي جلست جنب نجوى أحس بنظرات عمتي تاكلني يمكن علشاني صحيت تركي وقسم اني بالخبر مرت خالي تقولي صحي نايف وخالتي تقولي صحي ميشو ويصحيني واصحيه عادي اش معنى ؟! يوه ياساره نسيتي انك بالدمام مهوب بالخبر ؟! .: نهاية الجزء السآدس والع ـشرون :. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| - ابـن القمــر || ﺭﻭﺍﻳﺔ ﻗﺼﻴﺮﺓ | Zackary | روايات و قصص الانمي | 8 | 06-20-2016 08:14 PM |
| القمــر يحسدونة على جمالة وانتم وش يحسدونتك عليه ؟؟؟ اختاري من 1 _ 20 | جروحي تنزف احزاني | أرشيف المواضيع الغير مكتمله او المكرره او المنقوله و المخالفه | 200 | 11-21-2014 12:11 PM |
| حقيــقة صــورة صــدام على القمــر !! | العربية | أرشيف المواضيع الغير مكتمله او المكرره او المنقوله و المخالفه | 43 | 03-28-2007 06:04 AM |
| عام جديد ... ورحيل القمــر ؟؟؟ | طبيب العراق | أرشيف المواضيع الغير مكتمله او المكرره او المنقوله و المخالفه | 2 | 02-20-2007 05:11 AM |
64Likes
العرض العادي
