|
|
#21
09-19-2014, 03:09 PM
| ||
| | ||
| [cc=قبل كم ساعة]حجز[/cc] آلسلآم عليكم ورحمةة الله و بركأته شلونج يآ وردة ؟! إن شآء الله بخير !! ،، أعطيتج آلبعض من رأيي في هذآ آلبارت فِ ردي آلسابق بس حبيت أجيب عن ألآسئلةة _ ياترى وش هي الأحداث الجاية أعتقد شي مشوق رآح يصير و بِ ألآخص مع بهآر و سآلم وبِ آلنسبةة لِ هآجر مآ أظن رآح تسكت وإن شآء الله مآ تسكت زيد ربي يستر شنو رآح يسوي لأنه من آلنوع إلي يصب مشآكله وعصبيته عَ غيره مثل مآ عمل مع آلموظف .. _ وش السر الدفين وراء قناع الجد و وش كان يقصد بكلامه الأخير؟ أعتقد إن بنته عملت عملةة كبيرة أو آلشاب إلي تزوجته مو من طبقتهم يعني مو من آلطبقة آلعاليةة وأصرت عليه لذلك آلجد أعترض عَ زوآجهةة بس تعجبني عمتهم لأن قدرت توقف بوجه آلجد عكس آلكل .. _ علي&رفاف شلون بيتجاوزون هذه المحنة؟ مآ أدري بس قهرتني رفآف ربي يكون بعونهةة و علي مسكين لو خآطب بسرعةة كآن مآ أنشمل معهم هههه .. _ هاجر هل بتتقبل إلي انفرض عليها وشلون بتكون حياتها المستقبلية مع يوسف "المستهتر"؟ مآ أعتقد تقبل و رآح تحآول تتخلص منه بأي طريقةة وأعتقد توضح لِ يوسف هذآ آلشي و تتعآمل معه بِ جمود و أشمئزآز ،، مع إني أنقهرت عليهآ بس أتفق مع آلجد هي أكثر وحدة منآسبةة له و أعتقد تقدر تغير من يوسف و تسوي إلي أم يوسف مآ قدرت تسويه .. _ جاسم&وداد علاقتهم يسودها الهدوء والسلام ياترى هل بيكون لهم حياة مثالية؟ هآلأثنين مآ أدري !! أعتقد ملآئمين لِ بعض بِ ألآخص أنهم ألآثنين تقريباً نفس آلتفكير يعني عقلآنيين و إلى ألآن هم ألآثنين إلي مآ عندهم مشآكل كبير يعني مآ عندهم إلتزآمات مع أحد أو مشآعرهم تكآبر .. _ بهار شخصيتها ضعيفة وهذا الجزء بين هذا الشيء ياترى هل بتظل بضعفها في الأحداث الجاية و زيد بعصبيته ماكانت له مساحة بهذا الجزء ياترى هل الجاي بيوفي له حقه! بهآر مآ أعتقد تظل هجي وتآخذ شوي من عصبيةة زيد لكن بعد مآ يدوس زيد عَ قلبهآ هذآ إلي أعتقده ،، و أظن إنهم رآح يوآجهون مشآكل كثيرة إذى تم كل شي و تزوجوآ .. _ وش قصة سالم&جدته ؟ سآلم متأكدة إنه أبن عمتهم لذلك من آلبدايةة حس بِ أحسآس غريب لِ بهآر وأعتقد بعد إن سآلم من كل شي يتوضح لِ جدهم إنه أبن بنته أعتقد يزوجه بهآر لأني أحسهم منآسبين لِ بعض أحسن لهآ من ذآك زيد ،، وأعتقد جدته هي إلي تكشف ألآسرآر و آلغموض لأن هي آلوحيدة إلي تعرف بِ هآلشي .. _ وما الدور الي بياخذه مسعود ! أحسه مو زين نهائياً ، كلش مآ حبيته و لآ عجبني أحسه متعجرف ومغرور وشآيف نفسه هذآ وهو ولآ شي ، وأعتقد رآح يلعب عَ يوسف ويعمل له مشآكل لهآ أول مآ لها تآلي .. هذي أعتقآداتي ومن وجهةة نظري وشكراً يَ وردة عَ كلآمج آلجميل في بدآيةة آلبآرت حب9 آلجميع يحتآج إلى تشجيع ومسآندة في بدآيةة مشوآرهم وأنآ لولآ مسآعدة وتشجيع بعض آلبنات كآن مآ كملت روآيتي ربي يحفظج ويسلمج ولآ تنسيني في آلبآرت آلقادم .. تقبلي مروري آلمتوآضع في أمآن آلباري و رعآيته سلوى ~  ملاك الوفاء likes this.
__________________  آللحن ألآخير + زهرة الوآدي! = ألقابي التعديل الأخير تم بواسطة SAV_NAZ ; 09-19-2014 الساعة 06:59 PM |
|
#22
09-19-2014, 04:43 PM
| ||
| | ||
|
حجز   ملاك الوفاء likes this.
__________________ ♬ وَمَا مِنْ كَاتِبْ إلِاّ سَيَفْنَى وَيُبْقِي اَلْدَهْرْ مَا كَتَبَتْ يَدَاهْ فَلَا تَكْتُبْ بِخَطّكْ غَيْرَ سَطْرًا يَسُرُّكَ فِي اَلْقِيَامَةْ أَنْ تَرَاهْ ♬  |
|
#23
09-19-2014, 09:43 PM
| ||
| | ||
 الجزء الرابع ......................................................... - خطـة فـاشلة! - كانت راجعة البيت تمشي بهداوة ع الطريق كل خطوة تخطيها كانت تفكر بألف شيء وشيء لما وصلت لبوابة الفيلا الضخمة وقفت سيارة فخمة وطلع منها شاب طويل القامة عسلي العينين < أكيد عرفتوه آييه كان زيد بوقاره المعتاد وبملامحه الحادة بهار حست انه رجلها ماعادت تقدر تحملها لما جافته قدامها فتحت فمها بتنطلق لكنه ما وقف ليسمعها تجاهلها كالعادة ودخل البيت بهدوء حست بشعور مؤلم هي بس حبت تقول له آنها تتفهم وضعه وانها ماتبي تكون زوجة بس الي تبيه شوية احترام لا غير منه ! ابتسمت ابتسامة شفقة ع حالتها الصعبة عقبها دخلت وراء كانت الفيلا باردة من الداخل تملئها رائحة العود والبخور الآثاث يشع لمعان والأضواء مركزة بطريقة مبهرة تبين ان ساكنين ذا البيت باهضي الثراء انتزعت حذائها <أكرمكم الله > وركنته ع زواية الأحذية اخذت لها نعال منزلي لبسته بعدين كملت طريقها لتصعد الدرج وهي تركب الدرجات مرت هاجر نازلة من صوبها كانت تبكي بقوة وتشاهق نزلت وطلعت الحديقة بهار ماعجبها وضع هاجر بنفس الوقت رحمتها تركت جنطتها ودفتر محاضرتها ع طرف ونزلت لتجوف هاجر وتوقف معها كانت هاجر قاعدة ع كرسي طويل كان ع شكل متأرجح تمسح دموعها بألم قربت بهار شوي شوي لين ما وصلت وقعدت جنبها اول ما جافتها هاجر تزايدت دمعاتها وحضنتها بقوة حست انها بحاجة لحضن آي شخص تشوفة لتمتص شوية قوية حتى تقدر تكمل اخذت بهار تمسح ع ظهرها بلطف وتطبطب عليها مثل الأطفال مع الوقت هدءت هاجر بس مازالت ع نفس وضعيتها قالت بصوت مخنوق : بزوجوني انسان مايعرف ربه بهار بهار والدمعه بعينها ع قريبتها إلي بمثابة اختها : ادري بس انتي مالازم تضعفين احين هاجر حملت نفسها وقامت طالعت بهار بعين محمرة : شلون بقدر اكمل حياتي معه؟ بهار ماقدرت تنطق بشيء ، شلون مريض يداوي مريض! هي حالتها مشابهه وايد لحالة هاجر زيد بعد انسان صعب المراس مو بسهولة ان يتعامل معه ابداً مو مثل موسى او جاسم او حتى علي وعبدالعزيز انسان غريب وصعب! مرة يكون طيب ومرة شرير! على الأقل يوسف محدد شخصيته هو دايماً شرير إما زيد فهو متفاوت بكل شيء تصرفاته مو مضمونه بالمرة هاجر حست انها مست الجرح مثل مايقولون وذكرت بهار فيه رفعت يدها ومسحت ع شعر بهار برفق تعرفها ضعيفة وع نياتها مابتقدر ع زيد وع عصبيته ع الأقل هي قوية وماتسكت عن حقها بهار كلش مو من هالنوع هي دايماً حقها ضايع ماتحب تجادل ع اي شيء مسكت يد بهار وقالت بمرح محاولة انها تنسيها : شرايج تسهرين عدنا اليوم بما آنه اليوم الخميس؟ ضحكت بهار بخفوت وقالت : طيب بس لازم مع نوفوو لانه بتدبحني اذا تركتها هاجر خنفست وجهها بمزاح وقالت بصوت خافت : آف ام لسانين النشبة لازم بكل مكان وزمان موجودة ماقدرت بهار تجود نفسها عن الضحك من تعليق هاجر بعدين قالت : حرام عليج تراها حليلة والله نوف نطتتت عليهم ودخلت ع الخطط نوف بصوت مرتفع : آآآآآهههه يالخاينين تحشون فيني هاااااا هاجر وقفت بتفاجئ : آآخص من وين طلعتي انتي! نوف قربت وقالت بتفاخر : سمعت اسمي بالسالفة وجيت اركض < مثلي ههههه هاجر شدت خدود نوف بمزاح وقالت : آيا الفاضية وقسم محد متونس غيرج بهالبيت بتاخذين عزوزو الله يساعده بتذبحينه هو الوحيد الكاسر خاطري من الشباب <هههههههههههه ثلاثهم ضحكوا ع التعليق اضافت نوف بثقة : اصلاً هالشيء اذا صار طبعاً يحب ايده من قدام و وراء ________________________________________ كانت شيخة تسمع اصوات مرتفعة واصلة لغرفتها هي بطبيعتها ماتحب احد يزعجها بآي شكل من الأشكال قربت من الشباك وباعدت الستار جافت نوف وهاجر وبهار يسولفون ويضحكون بالحديقة اغتاضت بقووة مثل ما ذكرت من قبل هي ماتحب تجوف اي احد سعيد خصوصاً احين والجد ناوي ع هالنية قالت بنفسها بغضب : مروقين ومرتاحين ع الأخر تركت الستارة وراحت تتأكد من الساعة جافت الساعة 7:00 تركت كل شيء قربت من المرآية وقعدت تضبط نفسها تكثر الميك آب تعدل شعرها لبست الفستان الرمادي الي كانت مطلعته من كبتها كان عاري من فوق عند الصدر والظهر ضيق بشكل مهيب مطلع مفاتنها ع الآخر وحذاء <اكرمكم الله> باللون الأبيض كعب عالي يملئه كرستال يلمع مطلع شكله واو تأكدت من نفسها قبل لا تطلع من الغرفة مستعجبين ليشششش كل هذا! الجواب بسيط لأنها تدري انه 6المساء دوام زيد ينتهي ويوصل الفيلا جافت امها طالعه من غرفتها قربت لها وقالت بفرح : طالعة فل الفل يابنتي تهبلين ما اهتمت شيخة لكلام امها قالت بدون نفس : ادري طبعا .. اذا خلصتي كلام بنزل أنا الأم اغتاضت من اسلوب بنتها معها لما ابتعدت شيخة عنها قالت ام يوسف بصوت مرتفع : لا يجوفج جدج بتستوي لنا المصيبة مصيبتين ماردت شيخة ولا افتكرت بالي قالته امها .. كملت طريقها تمشي وتتبختر بمشيتها كانت تنزل الدرجات بتفائل فرحانة بالحيل اكيد احين لما بيجوفوها زيد بيفتن فيها وبيطلب من جده انه يزوجها منه تعرفه زيد صاحب كلمة عند جده اكيد بيسمع له لما خطت رجلها الطابق الأول <طابق عائلة ابو زيد> مباشرة اتجهت لغرفة زيد اخذت نفس عميق وطقت الباب عدة طرقات خفيفة بس مافتح الباب ! تعجبت و واصلت طق الباب بس بعد مافيه اي رد كان علي يمشي بأحباط متجه لغرفته جافها وقال بصوت منخفض : جدي طلب زيد من شوي وهو راح له لما سمعت شيخة ذا الكلام تطاير الشرار من عينها حقدت ع الجد اكثر واكثر قالت لنفسها بعصبية : ذا العجوز دايماً واقف بوجه سعادتي تركت المكان ورجعت لغرفتها معصبة وايد صفعت الباب بقوة وراها ام يوسف من جافتها تعجبت وقالت بنفسها : هالبنت مب طبيعة! رمت شيخة كل ماكان على طاولتها بالأرض قعدت ع سريرها اخذت مخده وقربتها لوجهها اخذت تصرخ بقوةة بعدها رمتها مكانها كانت تهتز وكلتا ايدينها ع راسها قالت بغضب : انا لازم اسوي شيء لاززم ______________________________________ كان الجد قاعد في غرفة المكتب دخل زيد بعد ما طرق الباب قرب من جده والحزن باين بعيونه قال بصوت واطي : آمر يدي بغيتني بشيء! رفع الجد يده بمعنى اقعد ع الكرسي قرب زيد وقعد ع الكرسي محاذل جده ماكان يطالع عين جده لأنه يدري انه بيجوف الحزن والكآبه فيه عم السكوت المكان لدقائق تكلم الجد بهدوء : تعرف ليش طلبتك تجيني يـولدي؟ رفع زيد راسه بعين مشتته وفكر ضايع : لا يا جدي ! غمض الجد عينه وقال بصوت جاد : بهار يـا زيد بهـار .. زيد مافهم كلام جده بالمرة بس تسائل بنفسه قال يمكن هي قايلة له شيء لحتى تضغط عليه من خلاله كمل الجد إلي كان يبي يوصله : هي ذهبه لا تخسرها .. حس زيد بالغضب بس حاول يمسك نفسه هو يحترم جده ويحبه وايد وهالشيء ابداً ماكان يبيه انه يأثر بعلاقته معآه بيحاول يعيش وكآن ولا شيء صار ، يعيش مع إلي انجبر عليها كأنه مايجوف احد قدامه يعيش معها لكن بنفس الوقت هو بالنسبة له عايش لوحده طول الوقت! هو دائماً من طفولته ينفذ كل قرار يتخذه جده ومايخالفه بولا شيء احين بعد بذا القرار المصيري بنفذه بس بنفذه بدون حـيآة بنفذه مجبر وقف الجد وادار ظهره لزيد سمع زيد صوت جده بدون لا يجوف وجهه : انت يـا زيد يولدي حاس اني ظلمتك حتى لو ماقلت او اعترضت انت مثلهم حآس بالظلم .. انت اكثر واحد اثق فيه بين احفادي ، عندك قوة كلمة وعندك حضور وشخصية قيادية بس عيبك عصبيتك ومزاجك قراراتك وقت عصبيتك هذي دايماً غلط .. ادار الجد ظهره ونظر لعين زيد هالمرة قال بحكمة : مابي غلط طرد الموظف المسكين اليوم يتكرر ببنتي بهار .. إيـاني إياك اجوف دموعها او حتى نظرة حزن وحدة بسببك هي غالية ع قلبي هي بلسم امراضي لاتزعلها بحياتك .. زيد ابعد نظره عن جده ماتكلم ومانطق بشفة حرف كان هادئ هدوء غريب الجد ماعجبه تصرف زيد لو صرخ او حتى اعترض كان ارتاح من قبله لكن هدوءه هذا كان ابد مو مطمننه الجد حافظ شخصيات كل واحد فيهم مثل ماقالت الجده وقف زيد بحترام وقال بهدوء : اذا كملت كلامك يدي انا استآذن .. سكت الجد والسكوت علامة الرضا مثل مايقولون ابتعد زيد وطلع من الغرفة تارك جده يغوص بتفكيره اللا متناهي .. ________________________________________ عزوز كان يسولف بقروب الصف بـالـwhatsapp حس بالملل ترك التلفون يولي خلآه يشحن طلع من غرفته واتجه لغرفة اخوه علي طق الباب شوي بعدين دخل جاف اخوه قاعد عند الشباك يفكر بعمق حتى ما انتبه لدخوله كان حاس بآخوه يدري انه يحب رفاف إلي معه بالصف قرب من اخوه شوي شوي خله يده ع كتف اخوه الهايم بالتفكير قال علي بصوت مشوش : خلاص ماعادت تبي تجوف وجهي قرب عبدالعزيز وقعد قدام اخوه ع طرف الشباك طالع وجهه بتدقيق وقال بتفكير : هـمممم والله يخوي مالي بالعشق والغرام بس شكلك خالص عالآخر علي اتنرفز من اسلوب اخوه إلي يحسه مو هامه شيء بالدنيا كل شيء طناز عنده : آيه اطنز خوهه انت موهامك شيء انجرح عزيز من كلامه قام وبعد كان بيطلع من الغرفة وقف من قرب للباب قال بصوت خافت : اذا ماتكلمت مو معناته مريح بوضعنا ذا بس اسكت لحتى ما اضايق روحي ع سالفة بايخة اذا ميت ع ذي البنت تراها وياي بصف وحلك بسيط اقدر اكلمها لك بنص دقيقة ، ماله داعي تستهم بنفسك آوكيه  لما طلع عزيز من الغرفة حس علي انه ظلم اخوه اذا هو مضايق مو معناته يجرح الناس إلي مالهم دخل نسى انه اخوه بعد مجبر مثله .. طلع من غرفته واتجه لغرفة اخوه طق الباب بهدواة بعدين دخل كان عزيز يطقطق بلعبة psp ومنسدح ع السرير قرب علي منه وقال بنبره كلها ندم : عزوزو تدري اني مضايق لا تاخذ الكلام كله جد ترك عزيز اللعبة وقعد متربع ع السرير قال موجه كلامه لآخوه : شنو ذا اعتذار ولا طناز !علي ناظر عزيز بنص عين وقال بهبل : لا طناز ابتسم عزيز وقال لعلي بجديه : وانت بعد لا تاخذ كل الآمور وتصعبها ع نفسك ترا بعض السوالف في الدنيا يبيلها وسعة صدر لا تاخذ كل شيء جد حس علي انه اخوه معه حق صح انه اصغر منه بالعمر بس حس انه اوعى منه بالتفكير قرب وانسدح جنبه ع السرير خله يده الثنتين وراء راسه قال بصوت واطي تقريباً : تقدر تكلمها لي ! ابتسم عزيز نص ابتسامة حب يلعب بأعصاب اخوه : لا ماقدر قعد علي وعدل نفسه ع السرير ناظره بنظرة متفاجئه ضحك عزيز ع شكل اخوه بعدين قال : وقسم شكلك مخيس يبي لي اصورك واطرش صورتك لـبرنامج توب تن ههههه علي وهو مافهم شيء : هآآ! كمل عزيز كلامه : يالخبل مابكلمها انا شخصياً بخلي نوفو تساعدني بذي الشغله ابتسم علي بخبث وحب يردها لعزيز : آآهه اشوفك مطيح الميآنة مع الست نوف ! عزوز توهق ماعرف شيقول باعد عينه عن اخوه جود تلفونه وسوه نفسه يطقطق فيه : آمم شتقصد يالمنحرف اصلا نوفو بالنسبة لي مهيب بنت هي وسلمانو واحد شلون يعني بجوفها وانا متربي معها من لما جينا لهدنيا! ضحك علي ع شكل عزيز عرف ان السالفة فيها آنا دام عزيز انخسف وجهه بس بنفس الوقت ارتاح ع الآقل عزيز متقبل نوف مو مثل حالة زيد اخذه تفكيره لزيد ياترى وش صار بينه وبين ثرية! __________________________________________ ؟؟؟ : شلون؟ ترى السالفة مو لعبة ! ؟؟؟(1) : ادري يالخبل لكن اذا قدرنا عليه راح نحصل فلوس ماتخلص ؟؟؟(2) بصوت مستهتزء : يلا مسعودوا لا تقول انك خايف مسعود والسالفة كلها مو داخله مخه : بس كلامك ذا خطير شلون تبيني استدرج واحد ليطيح بلعبتنا بهالطريقة! ؟؟؟(1) يفهمه الخطه : ترى القصة اسهل من ماتتخيل كل الي عليك انك تسويه تقنعه انه يعزمنا لشقته واحنا بنتكفل بالباقي آوكيه؟ مسعود والدنيا غرته : طيب موافق _____________________________ كان الوقت يمشي اسرع من ماكانوا يتوقعونه ابطال الرواية وتجهيزات الزواج هي الي مستحيل تنتهي بهالفيلا الكبيرة الكل نفسياتهم مختربة ماقدروا يقنعون الجد بآي طريقة كل واحد جرب حظه انه يقنع الجد بآسلوبه وماجاب نتيجة معاه موسى كان يدرب طلابه بذهن مشتت زيد كان عصبي وايد مع الموظفين جاسم كان يحاول ان مايربط شغله بحياته الشخصية خصوصاً وآنه وداد صارت تاخذ عنده دوره بهار تدوام بالجامعة وتفكيرها ابد مو مال دراسه نوف حاولت تكلم رفاف ع موضوع علي مثل ماطلب منها عزيز بس رفاف مارضت كانت متمسكة بموقفها لأبعد حد وهددت نوف بعد اذا فتحت السالفة مرة ثانية انه تقطع علاقتها فيها للأبد يوسف كل يوم يمر وضعه يسوء عن اليوم الي قبله يرجع البيت بنصوص الليالي شارب ومنتهي ماعنده هدف فالحياة الشهادة ماقدرت تفيده بآي شيء خصوصاً بحالة فاشلة مثل حالته! شيخة هي اكثر شخص حاول مع الجد كانت متمسكة بكل الطرق الي كانت من ممكن انها تغير رآيه كأنها اذا صار الي قاله الجد بتموت وبتكون حياتها بخطر! هاجر كانت دايماً حزينة كل يوم يمر كانت تحس آنها بترمى في الجحيم ومحد بيقدر يساعدها ، كانت غاسلة يدها مع يوسف هي تعرفه من زمان مستحيل يتغير! سالم كان في المحاضرة الي ياخذها مع بهار طول الوقت يظل يرسمها بدون لا تحس حبها من اول نظرة ، تصرفاتها وابتسامتها الطفولية البريئة حب كل شيء فيها كان يفكر من تتحسن وتستقر حالة جدته الصحية يروح يتقدم لها رسمي ! إما جدته فالسر ذابحها .. تخاف تجيها المنية قبل لا تخبر سالم السر المدفون الي طول هالسنين محتفظه فيه مثل ما وعدت ابوه ! مسعود كان مايقدر ينام والكوابيس تلاحقه طول الوقت كان يفكر شلون بيقدر ينفذ إلي طلبوه منه ، هو صح يبي فلوس وايد بس بعد هو جبان يخاف يجازف بكل شيء ويخسره بطرفة عين! اسماء كانت تجوف موسى ابعد من النجوم في السماء كانت تقول بقلبها اكيد حابب له بنت ولو ما يحب كان ما فرقت معآه انه يتزوجني او مايتزوجني! الكل يمرعليهم كلهم الوقت اسرع من الريح شيء مايصدقه عقل انه كل هالشخصيات بتكون ملكتهم بشهر واحد ومع بعض قرر الجد بما ان عددهم كبير راح يسوون العرس بفيلتهم لأنها اكبر من الصالات <ادري ودكم تذبحوني ع ذي الكذبة ! _________________________________________ يـا معريس عين الله ترآك والقمر والنجوم تمشي وراك وجـاء اليـوم المـوعـود يوم الزغاريت ونثر الورود كل المعاريس كانوا بغرفة التبديل الشباب مع بعض والبنات هماً مع بعض النفسيات ما لا داعي انه اخبركم عنها الجد كان اكثر واحد متحمس يجوف اعياله معرسين ام يوسف وام زيد كانوا فرحانين بالحيل إما ام موسى فكانت هي الأطيب من بينهم كانت ماكله هم عيالهم كيف بيكون وضعهم وهم مغصوبين ع ذا الشيء! هي تعرف ان الزواج يبنى ع علاقة الود ع آيش بينبنى زواج عيالهم ياترى! ع الكره ولا ع الحقد! في غرفة تبديل البنات كان لكل وحده خبيرة تجميل ومصففة شعر كانت بهار مخلصة من شعرها و خبيرة التجميل قاعدة تتفنن ع وجهها بالمكياج إما نوف فكانت مو مصدقه انها بتنزف بهالطريقة كانت تفكر كيف يعني ابوها بيمسك يدها ولا بيمسك يد ختها بهار! إما بالنسبة لها فكانت مخلصة شعر وميك آب طالعة قمر 14 ماشاء الله جميلة جمال موب طبيعي شعرها مرفوع بحركة ناعمة جداً يعني بأختصار طالعة حورية وداد كان باقي لها بس شعرها هي وضعها محايد مثل وضع جاسم كانت تجوف فيه زوج مثالي بس بنفس الوقت كانت مو متقبله طريقتهم للزواج يعني كيف الجد يبادر هو و يزوجهم لبعض بالقوة! هاجر كانت حزينة وطول ما خبيرة التجميل تعدل بوجهها وتطلب منها انها ترخي عينها وملامحها لحتى تمكيجها كانت ماتقدر من شدة التوتر إلي حاسه فيه .. كانت اطرافها ترتجف بقوة حاسة انها دجاجة بينصلخ جلدها بعد شوي! إما اسماء فكانت تكابر عاملة نفسها مو هامنها شيء وآنه ماهيب مفتكرة بس من داخلها كان قلبها يناقز كل ما فكرت انها بتجوف موسى وبتكون حرم موسى الـ؟؟ .. كانت خالصة و واقفة جنب نوف تعدل فستانها من تحت تحسه طويل شوي عليها .. قربت لنوف وهمست لها : تخيلي يـا نوف نلبس مثل الزي المدرسي ودحين نلبس ابيض مع بعض نوف وهي حايمة كبدها من كلام اسماء : انطمي كنه شيء حلو هذا احين! كل وحده متوترة اكثر من الثانية وداد وهاجر اخلصوا وداد بتسريحة شعرها الفرنسية مطلعه وجهها كيوت إما هاجر فكان أخر شيء هامنها الشكل آو شلون طالعه كانت عاملة تسريحة بسيطة بـطريقة ذيل السمكة السائدة بس الطرحة ع راسها مخفيه تسريحتها .. بهار كانت آخر من خلصت كانت طالعه آميرة وجميلة لآبعد الحدود بشفايفها الصغار الممتلئين بلون الكرز وبعينها الواسعه بلون اسود كالقمر كانت مو عاملة تسريحة معقدة كانت فقط مطلقة شعرها الطويل الكستنائي معطنها رونق وحلاوة مختلفة .. إذا لاحظتوا كل البنات موجودات بهاللحظة ماعدا شيخة ! إما بغرفة تبديل الشباب فالوضع خـوش-بـوش باللهجة البحرينية كان عزوز متخرع ع البشت إلي لابسه ويدور فيه حول نفسه عشآن يطير بالهواء يعني هو الوحيد إلي حاب شيء من بين كل هذا و بالنسبة للبقية فكان العزاء اقل مايحلمون يسونه آحين كان جاسم يعدل العقال ع رآسه لحتى يثبته قدام المراية زيد قاعد ع الكنبة بهدوء وحاط رجل ع رجل ومكتف بيدينه فعلاً كان مو مهتم لآي شيء وعن موسى فكان مِسلم آمره للرب ومحد يعلم بحاله من داخل كان يحس آنه بيظلم اسماء معه هو يحبها وهي ماتحبه فعلاً شيء صعب كيف بيتحمل يجوف الكره بعينها له! يوسف كان يتصارع مع ربطة الحذاء <اكرمكم الله كان معصب ومغتاض كيف بيعرس هو اصلا مايبي اي شيء يقيد حريته -الزائدة! قرب عزيز وقعد جنب زيد ضربه بكتفه وقال بمزح : آووه يالمعرس شفيك زعلان! زيد وكأنه محد حاجآه قاعد ومتصلب مكانه بجمود عزيز طقت جبده منه قال بملل : انزين فيسنا ي الطيب! حرك زيد رآسه بهدوء لأتجاه عزيز طالعه بنظرة حادة رعبته تركه عزيز بعد ما غسل يده منه هو دايماً طبعه جي مستحيل يتغير مايحب يعبر ولا يشرح يحب يكون بكل الأوقات بارد وغامض ! بعكس عزيز دايماً يحب ينكت ويفرفش للدنيا عزيز وهو يتحلطم بقلبه : المفروض اناديه النفسيه زيدوو وقسم مايتحاجه !جاسم بعد ما انتهت من تزبيط نفسه قعد جنب زيد برجوله قال له بدون ما يطالعه : حط اختي بعيونك ، انا فاهم انت مغصوب عليها بس الي مستحيل بيوم اني اتفهمه لك انك تجرحها او تبجيها .. تنهد زيد لكلامه وآشاح بوجهه عنه بضيق هو مو طايق يسمع اي نصائح بذا الوقت ولا يجوف آي شخص خصوصاً بهار كان مو طايق حتى يذكر اسمها بباله او حتى يمر بالصدفة في خياله! جاسم يعرف زيد عدل لجذي قال له هالكلام يعرفه لا عصب ينسى روحه وينسى كل الدنيا مابيحط اعتبار لأحد حمل جاسم نفسه وبعد عنه .. كان عزيز يناظر نفسه وكشخته بالمرآية <وقسم متخرع !قرب له جاسم ببشاشة وجه لأحظ عزيز جيته ورسم ابتسامة ع وجهه قال جاسم بدعابة خفيفة : حط اختي بعيونك ي النسيب عزيز ضحكته كلمة نسيب بس كتم ضحكته مو مصدق نفسه معرس للحين .. حاول يثقل روحه وقال برزانة : هي بعيوني لا توصلي حريص جاسم ضحكـه شكل عزيز و مع آنه اصغر سن لكنه يطمئن له اكثر من زيد التعامل معه اسهل بكثير من آخوه صعب الطباع .. موسى دخل ع الخط لف يده ع رقبة جاسم وقال بضحكة خفيفة : انت بعد ي النسيب حط اختي بعيونك فاهم! جاسم هني ضحك ماقدر يجود نفسه مو مصدق انه كل واحد يوصي الثاني ع اخته .. من يصدق انهم داروا داورا وبالنهاية بيأخذون كلهم من العائلة! الثلاثة حسوا بشوي اطمئنان وتفائل إما عن زيد و يوسف فكانوا كل واحد اثقل نفس من الثاني ثنينهم مملؤين غضب وظلم! بس يوسف يبين للكل ذا الشيء إما زيد فيكبته ويحاول ينسآه عزيز للحظة تعجب لمن حس آنه علي مو موجود آخذ يتسائل بداخله ياترى وين راح ! __________________________________________ خارج الفيلا في قسمها الخلفي كانوا الاثنين يخططون بكل ما يملكون من جهد كل واحد يمشي بروحه بقلق مستحيل يفقدون الأمل وفجـآة اصطدموا ببعض وقعوا هم الأثنين ع الأرض رفع علي راسه وجاف الشخص الي صدمه! شيخة حملت نفسها وقامت من الأرض كانت لآبسة فستان ابيض وشاقته من نصه السفلي يوصل لها لفوق الركبة حتى تقدر تمشي تعجبت لمن جافت علي كان لابس ثوب وبشت قالت بتسائل : آه انت شتسوي برآ! علي رد لها سؤالها بسؤال : انتي إلي شتسوين هالحزة! شيخة قالت بعد ما فقدت الحيلة : مستحيل اتزوج علي وقف واخذ ينفض الغبار من ثيابه وجه نظره لها وقال بأسف : للأسف اول مرة نتفق ع شيء شيخة وهي تدقق النظر حولها جآن تلقى حجة تتعذر فيها : آفف مافيه حل حس علي آنه في شخص طالع برآ مسك يد شيخة وخباها معه وراء شجرة صغيرة كان ابوه مع ابو موسى يمشون بهدوء وباين عليهم انهم يتكلمون بموضوع سري! قربوا الأثنين منهم .. كانت شيخة ماتدري شالسالفة وتبي تتكلم بسرعة مد علي ايده وخلاها وراء فمها عشآن يسكتها بو موسى والحزن ظاهر ع وجهه : كنت حاب تكون زكية معنا هذا اليوم بو زيد بقلة حيلة : شقول لك ي خوي .. كيف اخبر ابوي انها ماتت ؟ تموا يمشون لين ما اختفوا عن انظار علي وشيخة وكل ما مشوا انخفض صوتهم علي ظل يفكر من تكون زكية الي كان عمه يتكلم عنها! شيخة ما اهتمت وايد للموضوع كانت ماكلة هم المشكلة المستعصيه الي هم فيها احين قعدت تفكر وتفكر لين ما يئست خلاص قالت لـ علي : خلاص مافي حل ثاني علي شده كلامها سأل : آي حل تقصدين! ________________________________________ وجاء وقت الزفة أفضل الصلاة والسلام عليـك ياحبيب الله محمد كولووووووشششش ومبـــاركين عرس الأثنين ....... إلخ طبعاً كانت الأغاني والموسيقى السعيدة تعزف اتفق الجد معهم انه يدخلون ثلاثة ثلاثة من المعاريس القاعة البنات قاعدات ع الكراسي الفخمة المزينة كل وحدة الطرحة مغطية وجهها كان عزيز بموت من القلق والتفكير لا مو عشان الزفة قربت كان يفكر آخوه وينه تأخر للحين وما جاء! يمكن بأي وقت الجد يدخل ومايحصله حتى يوسف إللا مبالي بكلام الجد موجود احين أول ثلاثة قرر الجد انهم يطلعون جاسم & موسى & عزيز كان قلب اسماء يدق بسرعة من قالت لها امها انه موسى بيدخل احين ومثل الشيء عن وداد ونوف من كل وحده امها خبرتها انه * زوجها المستقبلي بيدخل آحين * نوف لأول مرة تحس انه عزيز مو ذاكـ الي تضحك عليه وتتهاوش معه الصبح كل يوم ع شيء تافه! آحين خلاص كتب القدر لهم انهم يكونون لبعض .. وداد كانت تحس بضربات قلبها تتسارع هي ماتبي شيء كبير هي بس تبي حياة طبيعة بسيطة ماتبي حب خيالي مثل الدرامـا ، بس تبي زوج يقدرها .. دخلوا تصورا كم صورة كل واحد تصور مع حرمته وهو يرفع الغطآء عن وجهها الموقف كان خيالي يطير العقل .. الشيء الوحيد إلي ترك لهم الجد الأختيار فيه هو خوآتم الدبل يعني لا مفر < هاهاهاههاهاها -انطمي !لأحظ الجد آن شيخة ماكانت موجوده ع كرسيها .. سأل الجد ابو محمد حرمته ام محمد عنها قالت آنها ماجافتها تركب المنصه! الجد حس انه في مؤامرة قديمة بتنحاك بهالفيلا بهالأثناء دخلت شيخة بسرعة القاعة وعملت نفسها خجلانه الجد آرتاح لما جافها تركب المنصه ع كرسيها بعد ما تصوروا الثلاثة طلب الجد ان يدخلون الثلاثة البقية آي زيد & يوسف & علي بهالأثناء دخلوا الي دخلوا بس الأثنين إلي هم زيد & يوسف! الجد اغتاض من هالحركة .. كانت بهار حاسه انه القدر صاف جنبها يقدم لها كل شيء كل شيء بشخص واحـد .. الأنسان الوحيد الي حبته من طفولتها كانت تجوفه يدخل برجولته المعتادة من خلال الغطاء الشفاف إلي مغطي وجهها مو مصدقه للحين آنها حرم زيـد الـ؟؟؟ ! تقدم وشوي شوي وصل وقفت و وقف جنبها نزل الغطاء من وجهها صور معها صورة وحدة بعدها قعد حست بشيء داخلها عورها ماباس جبينها مثل ما سووا البقية! ولا اكلها من الكيك ! ولا حتى لبسها الشبكة! نظراته إلي كلها كره وحقد نظراته الناعسة عورت قلبها اكثر شيء! إما عن هاجر فالخوف والقلق مافارقوها ولا ثانية شافته يدخل القاعة بهدوء كانت داخلها تتسائل ياترى احين هو شآرب او واعي ع عمره! كانت واقفه تنتظر وصوله المنصه لما وصل و وقف قدامها نزل الغطاء عن وجهها جافت وجهه بوضوح بذيك الأبتسامه الخبيثة المرسومة ع وجهه كانت ابتسامة عنوانها بداية شقاء لا ينتهي سبحان الله اقدار هاجر و بهار مشتركة حتى بهاذين الشخصين الجافين ! لبسها يوسف الشبكه بهدوء شربها عصير بكآس فخم بقوة ومرة وحدة حست بحركته يارب استر بدايتها كذا كيف تاليها! بعدت وجهها عنه بسرعه فنسكب بقية العصر ع فستانها وشوي ع وجهها ما اهتم يوسف لذا الشيء وآيد قربت ام موسى لها ونظفت فستانها من العصير لكن البقعة باقية فيه باقية مثل ما شقاء ذا الشخص الموجود باقي ! كانت بهار جالسة جنب زيد وحاسه انها بنفس الوقت لوحدها كان مثل الصنم لا تعليق لا ابتسامة ولا حتى آي مشاعر ! تحسه باقيا ماتُرك في الأرض ونُسي ألمها حاله كثير حست نفسها السبب بكل إلي يصير له كانت شيخة مغتاضة تراقب بهار وزيد جافت زيد لما ازال الغطاء عن وجهها حقدت ع بهار حست بشيء يشتع داخلها لكنها بنفس الوقت مرتاحه لأنها منعت جدها انها يزوجها نظرت لبهار وقالت بنفسها : آحين يبهاروا توها البداية لا تظنين انج ربحتين ترا صدقيني بذوقج المر مثل ما محد ذوقج إياه .. وابتسمت ابتسامة خبيثة لوحدها خلت الكل يسائل عن سببها ________________________________ البارت كانت احداثه متسارعه نوعاً ما .. ما حبيت اتاخر اكثر عن زواجهم لأن الأحداث الأحلى بتكون بعد الزواج ابي تكتبون لي توقعاتكم فمنكم استفيد احبتي طبعاً انا حددت انه كل اسبوع جمعة رآح اكتب لكم تكملة وانزلها لكم يا يوم الجمعة بالليل او السبت بالعصر او الصبح مابي اطول عليكم آكثر ماحب اكون ثقيلة وششششكراً استودعكم الله حتى البارت القادم
__________________  |
|
#24
09-20-2014, 02:59 AM
| ||
| | ||
|
مرحبا اختي اول شي ابارك لكي على تنزيل فصول روايتك ... انا قريت اول بارت واللي عجبني اكثر شي فيه هو انج كتبتيه وانتي مرتاحة وهذا مهم لان نفسية الكاتب تأثر على كتابته للفصل ومن ثم يوصل هالشعور لنا احنا القراء ... وفي شي مهم وهو انج تخلينا نتعرف اكثر عاللهجة البحرينية رغم اننا كلنا خليجيين لكن لهجة البحرين شوي غريبة علي على الاقل بسبب التشديد على بعض الحروف ... لن انتقد افضل ان اقرأ واستمتع بالبارتات القادمة فغالبا اللغة العامية هي تعتبر متنفس للكاتب وللقارىء بعيدا عن شدة صعوبة اللغة العربية الفصحى لانها لا احتمل الاخطاء ... حبيت البارت الاول وراح تكون لي قراءة اسبوعية لكل فصل ... اوعدج لانج تستحقين الاهتمام لكتاباتج عزيزتي وموفقة اختي .
ملاك الوفاء and SAV_NAZ like this. |
|
#25
09-20-2014, 02:18 PM
| ||
| | ||
|
- بسم الله الرحمن الرحيم   السلام عليكم ورحمةة الله وبركااته كيفك ان شاء الله بخخير وما تشكين من بآس ؟!  ما شاء الله تباارك الرحمن وش ذء الجمال ؟!وش ذءء الزين  الفصصل بقممة الطخااامةة والققمممال  انا خلاااااص عنجججد عششششقت روايييتك بججججنون يّ ويلي ذء بهااار وقسسم ترحّم تجاهلها ذءء الححيوان زيييد افف شايف نفسسه -_-1 وذي هاااااجر وقسم هي المظلومةة الوححيدة بقرار الججد   ، اففف حررام عليه ، ليه ما يرحمها  ، ويٌ حببييل بههار كاان بدها تهدئ عَ هاااجر ، فديتها بس ولا ذيء يومنها تنط علييهم نووف وقسسم فطست ضحك هههههههههههههههههههههههههههههههه :lamao: وهذي شيخةة استغفر الله عَ نعممة العققل بس يعني غصصب تبي تحببّ زيد فيها ، لا تخافين تراه زيود يحبني انا وبس موتوا بغيظكم مواهاهاها  <كف وقسسم يومنهم دخلوا ، ذء الحيوان زيد بس يشوفوها بنظراات حققد اففف منه حممار كلب -_-1 خلااص بطٌلت ما ابيه همم :فيس يلف وجه للجهة التانية: ولا ذءء يوسف خخخخ استغفر الله ، مرة وحدة شرب ذي هااجر وقسسم ترحّم يٌ ترى وش الخُطةة اللي نسجتها شيخخة وعلي ؟! والله انهم الالغاز بدتت تتنط بمخي هههههههـ توقعاااتي احم احم .gif "بيس2") شسمه اككيد ذء زييييد راح يسوي بـ بهار ، راح يكّرها بعيشتها ، وبيعصصب عليها ويبون يتهاوشون واما لهااجر اكييد ذء يوسف استغفر الله راج يرجع للبيت مب بوعيه وراح يضضرب هااجر ، عاااا الله لا يقوله واسماء وموسئ ذولا يرحّمون ، كل واحد يخبي حُبه عن الثاني ، بس اطن ان خداهم راح يعترف بس مين الله اعلم  <<اقالها تبي تحمسكٌم هههه وشيخةة وعليٌ والله ذولا راح يفجّرون راسيّ ، شككلها تبي تعصّب عليّ واقاله عصّب منها وطلقها ، بعدين اذا الجد سئل عن السبب راح تقول ان عصٌب علي وضربني ومدري ايش وكيذء اما جااسم و وداد راح تسسير حياتهم بهدؤء خخخخخخ  واتوقع الجججد راح يدري انه بنته مماااااتت وراح ينصصصدم ، اييه اييه وذء سااالم اككيد راح ينصدم عاطفياًوراح يكره زيد لانه اخذ منها حبيبته مواهاهاهاهاها كح كح ادري توقعاات مثثل وجههي هههههههههههههع :lamao: وقسسسم متحمسسسة للفصصل القااادم ، ااه متى يجي يوم الجمعةة وقسم حدي متحسممةة اهنئك حقاً عَ هذه الروواييةة الحمااسسسيةةة اشوفك ان شاء الله بالفصصل القااادم في ححفظ الله ورعايته ملاك الوفاء and SAV_NAZ like this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هام جداً♥♥ تنبيه الأخوات عن الخضوع بالقول في المنتديات♥♥نسأل الله العافية♥♥ | أحلى صحبة | خطب و محاضرات و أناشيد اسلاميه صوتية و مرئية | 21 | 07-02-2017 04:52 PM |
| سَـأَتَمَسَّــكْ بـِ|حُلميْ| .. حَتى يَتحقَّقْ .. ♥ْْ♥ْ~Love Live ♥ | ☂ يُـورلـيـڤ ْ✿ | أرشيف المواضيع الغير مكتمله او المكرره او المنقوله و المخالفه | 5 | 04-28-2014 12:41 PM |
| ♥♥♥♥ hïmï ὄᾗʛᾄќὗ αﾚïςε★ ♥♥♥♥ | hïmï ὄᾗʛᾄќὗ αﾚïςε★ | أرشيف المواضيع الغير مكتمله او المكرره او المنقوله و المخالفه | 3 | 05-31-2013 08:26 PM |
181Likes
العرض العادي
