|
|
#41
01-26-2015, 06:05 PM
| ||
| | ||
| البارت 32 اح قعد على مكتبه بتعب وارهاق قعد يفكر فيها قام ودخل غرفتها شافها نايمه ومجهزه شنطتها قبل لا تنام جاء بيطلع بس لفت انتباهه نوتا صغير على الطاوله وبجنبه قلم قرب من النوتا واخذه قعد بجنبها من جهة السرير الي نايمه عليه فتح النوتا وبدا يقرا الي فيه كل يوم تكتب موضوع حتى اليوم قبل لا تنام كتبت وحمدة ربها بس لفت انتباهه قبل كلامها حق اليوم كلامها الي كتبته امس عن ضاري . ضاري.. مليت من العذاب وما عدت أهواك آه منك وربي يشهد أنـــــــــي كرهتك وادعـــــي المولى عســــــــى تتشوه عسـاك ليتك شيطــــــان كـان بالفاتحه حـــــرقتك . ابتسم علىانه مو راضي انها تكتب عنه كلام مثل كذا بس ابتسم لماكتبت عنه شي اخذ القم وكتب . ميلاء مابغيتك فـالظلام ولابغيتك بـالحرام مابغيتك غير بـالعز الشريف المقتدي مابغيتك بـالتلاعب.. مابغيتك بـالكلام مابغيت الا اخوك يصير عم لولدي . خلا النوتا مفتوح على صفحته الي كاتب فيها متعمد علشان تقرا كلامه وحط القلم بوسطه قام وطلع من الغرفه متجه لمكتبه طلع ملف المعلومات عنها وعن اهلها دور رقم تلفون بيتهم دق ورد عليه ليث ليث بجمود: الو ضاري :........... ليث : الو ضاري :........... ليث : أذا مراح تكلمون لا تدقون وتزعجون خلق الله سكر بوجهه ام ليث : مين ليث : مدري والله ، بروح تبغين شي ام ليث : سلامتك ليث راح ودق التلفون مره ثانيه قامت ام ليث وردة : الو ضاري بجمود : وشلونك ياخاله ام ليث بخوف : بخير وانت وشلونك وشلون ميلاء ضاري : كلنا بخير ، وهي مشتاقه لك ، المهم ياخاله بكره العصر ابي اقابلك بأحدا المقاهي القريبه منكم علشان تشوفينها ام ليث بفرح : صدق ضاري : ايه بس ماأبغىاحد يدري ، قولي لهم اي عذر بس ماأبي احد فيهم يدري ام ليث : خلاص طيب ضاري : وش اقرب مقهى عندكم ام ليث : انا ماأحب المقاهي تعالي ببيت ام محمد جراتي هي بجنب بيتنا ، وهي لحالها زوجها ميت ومالها عيال ضاري : اي جيران الي علىاليمين ولا يسار ام ليث : لا يسار ضاري : خلاص بكره العصر اقالك هناك ام ليث : ان شاء الله سكرت ونزلت من عينها دمعة فرح ضاري سكر وتنهد بتعب وقام دخل ينام
__________________ #   ... |
|
#42
01-26-2015, 06:06 PM
| ||
| | ||
| البارت 33 أشتقت لك ..... أشتقت لضمة صدرك العطوف ، وريحة منديلك الأصفر وكفوفك وفيها الخضاب إيدك تزينه ، يووووووه يا يمه أحبكإنتِ الدفا ، وإنتِ لي الأمان . إنتِ طعم الحياة ، ورضا الآخرة، إنتِ علمتيني كثير اشياء وزرعتي فيني بساتين أجني ثمرها الين اليوموبكره وحتى الممات أبقطف اليوم وكل يوم كل اللي زرعتيه ورويتيه بأحساسك والحنان يا يمه فقدتك كثير !! وعيني من بعد فرقاك يا يمه حزينه فقدت النور في حياتي كلها قريب بشوف يايمه قريب . قامت من الساعه 6 الصباح قامت وتوضت وصلت ونزلت تحت تفطر بالمطبخ كانت تحس بسعاده ماتقدر توصفها تبي تشوف امها مشتاقه للحنونه مشتاقه لجنته مشتاقه لروحها وقلبها وعمرها مشتاقه للأغلى من الوريد مشتاقه لها كثير رجعت لغرفتها قعدة على السرير تنتظر انه يقوم ويجيها كانت تحس بملل فظيع لفت على نوتا حقها تبي تكتب فيه زي كل مره شافته مفتوح ومكتوب فيه قربت منه وخذته وأستغربت ان الخط مو خطها قرت الي كاتبه ضاري فتحت عيونها بصدمه ثم تلينت ملامحها ميلاء بهدوء مرعب : معاد فيه ميلاء بحياتك قامت ودخلت النوتا بشنطتها لفت لما سمعت خطواته تقرب منها
__________________ # ... |
|
#43
01-26-2015, 06:06 PM
| ||
| | ||
| البارت 34 ضاري بجمود : بعد ساعتين رحلتنا ، افطري ، وجهزي اغراضك علشان نمشي جاء بيطلع ضاري : ايه نسيت ، خذي عبايتك ومد لها عبايتها خذت عبايتها بهدوء طلع ضاري من الغرفه وهي بدت تجهز اغراضها لين ماوصل لها صوت روجين روجين بصراخ : يا فتاة الجمل هيا ضاري : فتاة الجمل ؟ روجين : نعم سيدي ، انا القبها بهاذا الأسم ضاري : لماذا ؟ روجين : لأنها تحب الجمل ضاري بأبتسامه : حقا روجين : نعم سيدي قطع عليهم نزولها ومعه الشنطه تسحبها وصل عندهم ضاري بجمود : عطيني الشنطه ميلاء : ماله داعي اقدر اشيله ضاري : عطينيها ترى مراح اسرقها ميلاء بسخريه : مدري يمكن تسرقها مثل ما سرقتني ضاري بحده وبتهديد : ميلاء ميلاء بجمود : نعم ضاري بخبث : وش رايك نقعد هينا الجو جميل ومناسب ، وامك بنسحب عليها ، صح علي ، هاه ميلاء بصدمه : حقير
__________________ # ... |
|
#44
01-26-2015, 06:07 PM
| ||
| | ||
| البارت 35 قبل لا تقلع الطياره طلبو من الراحلين انهم يقفلون جوالتهم ضاري طلع جواله ودق على محفوظ اخو وليد ، وصديق عدي ضاري : الو محفوظ : ارحب ، وينك يارجل ، عدي بينجن ضاري : أسمع انا دقيت عليك علشان تطمن عدي ان حياتي الجديده مرتاح فيها ولله الحمد ، وخله ينتبه على نفسه محفوظ : طيب ليش ما تدق عليه انت ضاري : الطياره بتقلع اللحين ، لو بدق عليه مراح يخليني أسكر الا لين اوصل السعوديه محفوظ : خلاص ابشر يوصل ضاري : ماقصرت ، يلا مع السلامه محفوظ : مع السلامه وبالفعل محفوظ دق على عدي ، وعدي لعن وسب ضاري محفوظ سكر بوجهه كلها دقايق ودق تلفون محفوظ وكان ابوه رد عليه محفوظ : سم ابو وليد : وينك محفوظ : أدور على صبي ابو وليد : ولد عجل ، ترى المزرعه ماعندها راعي محفوظ : ابشر يبه عطني يومين بالكثير ، وأجيب لك صبي ابو وليد : الهمام ، يلا مع السلامه محفوظ : بحفظ الله محفوظ دخل بقاله يبغى يشتري له مويه دخل لقى ولد متلطم يهاوش راعي البقاله محفوظ دخل وجاب له مويه وقف عند المحاسب لأن قدامه الولد ....... : ليش تطردني ، انا شغلي زين الهندي : لا انتا شغل مو زين ......... : طيب انا اللحين وين روح الهندي : مافي اعرف ، خلاص مافي نوم في بقاله ولا في شغل في بقاله ............ بعصبيه : طيب عطني أجرتي حق شغلي الي فات الهندي : لا ........... بغضب : وليه ان شاء الله الهندي : لأن شغل اول مو زين ........... : الله ياخذك ، طيب أسمع خلني انام هنا أجرة شغلي الي فات الهندي بعصبيه : انتا مايفهم مسكه وطلعه برى البقاله محفوظ كان يطالع الولد بتمعن محفوظ مد ريال للهندي واخذ المويه ولحق الولد محفوظ : يا الحبيب لف عليه الولد : نعم محفوظ : محتاج شعل الولد بفرح : أذا ماعليك امر محفوظ : اسمع مزرعة أبوي مافيها صبي ، وانا محتاجك تكون صبي وتهتم بالمزرعه وبالحلال ، وبخليك تنام هناك وتاكل بعد ، والأجره من بعد كل شهر الولد : صدق محفوظ بأبتسامه : والله ، يلا نروح للمزرعه اللحين الولد بخوف : يلا ركب السياره مع محفوظ بخوف محفوظ:ماقلت لي أسمك الولد بخوف : امم محفوظ بضحكه : بتخترع لك أسم ،قل الولد بخوف : عماد ، ايه ايه أسمي عماد محفوظ بضحكه : وش فيك كأنك شاك بأسمك الولد زادت رجفته الولد : انا مو عماد انا درر انا درر الي حدتها الأيام تمثل دور الولد انا درر الي حدتها لقمة العيش تصير ولد
__________________ # ... |
|
#45
01-26-2015, 06:11 PM
| ||
| | ||
| البارت 36 وصلو لأراضي السعوديه نزلو من الطياره وركبو السياره ضاري كان يسوق وبجنبه ميلاء ووراهم روجين بعد وقت طويل ميلاء تجمعت الدموع بعينها لما شافت انهم متوجهين للقصر ميلاء بشهقات : تكذب علي ، انت مراح تخليني اشوف امي ، تكذب علي ضاري كان ساكت وقفو عند باب القصر ضاري بحده : روجين هيا أذهبي الا القصر وخذي الحقائب معك روجين نزلت واخذت الشناط ودخلت القصر ضاري طلع من القصر ضاري بجمود : ارتاحي راح اخليك تشوفينها وصلو لحارة ابو ليث ميلاء حطت يدينها على فمها وصارت تشاهق بهستيريه وتبكي بكاء حاد ميلاء بهمس مع بكاء وشهقات : يمه ، يبه ، انس ، ليث طلعت منها ضحكه بسيطه مع دموع : حمد ، غصون ضاري بجمود : أذكري الله ميلاء مو مصدقه انها راح تشوف اهلها ضاري بحده : أسمعيني زين بعدة السياره ، لأن مراح تشوفين احد غير امك ، وامك راح نقابلها ببيت جيرانكم أظن ام محمد ميﻷء بصدمه : كيف يعني ابوي واخواني مراح اشوفهم ضاري بحده : مايستاهلونك ميلاء بغضب : مالك شغل ضاري بحده : مالي شغل ، اوكي نرجع للقصر ازين ، وش رايك ميلاء طالعة فيه بقهر والدموع بعينها ضاري بجمود : انزلي ميلاء انزلت ضاري راح وطق الباب حق بيت ام محمد فتحت له ام محمد : امر ضاري بجمود : حنا من طرف ام ليث ام محمد : حياكم حياكم دخلو وام محمد ضمت ميلاء كلها دقايق ودق الجرس ميلاء كانت نظراتها على الباب دخلت امها ميلاء بفرح والدموع بعينها وصدمه : ي يمه
__________________ # ... |
| مواقع النشر (المفضلة) |
| |
العرض العادي
