|
|
#86
03-14-2015, 06:16 AM
| ||
| | ||
| كيفك؟؟؟♥♥ روايتك حلوووووة حيييييل اسسفة علي ردي المتأخر مررررررة رواااااايتك روووووعة ولا احلي منها بفففففففففففففففففففففففففف من الهام ذي في البداية كرهتها الان لا مع تحياتي:رورو اتمني ان تتقبلي مروري البسيط
__________________  أستغفر الله وأتوب إليه. استغفرالله عدد ماكان وعدد مايكون. سبحان الله وبحمده عدد خلقه ورضا نفسه وزنة عرشه ومداد كلماته. التعديل الأخير تم بواسطة roro col ; 03-14-2015 الساعة 08:27 AM |
|
#87
03-15-2015, 10:44 PM
| ||
| | ||
| (( الفصل الثاني و الثلاثون )) متابعه ممتعه مومو مزحه ولا كذبة ابريل ست بارتات يله عيشو هنا:lolz: " ببيت هديل كان بدر طالب من هديل تجيه الصاله يبيها بموضوع مهم .." هديل : هاا .. اش هالموضوع المهم و الخطير لهالدرجه .. بدر : أنا قررت اتزوج .. هديل : الله وناااااسه آلف مبروك .. خل ابشر امي .. بدر : اقول اقعدي .. اش فيك دفشه كذا هذا و انتي بتتزوجين .. المهم انا ابي اتزوج ليان .. هديل : وااااو هذا احلى خبر .. من جدك ؟. بدر : شايفه وضعي يسمح لي اني امزح بموضوع زي هذا ؟ .. هديل : طيب .. معناته حلو انت تبيني اكلم امي يعني عشان نخطب لك .. بدر : مو حتى توافق ليان بالاول .. هديل : ليه انت سألتها و هي رفضت ..؟ بدر : أي رفضت .. مع انها مفروض توافق لان هذا الحقير عامر ما رح يسكت على الطق اللي طقيته ذاك اليوم .. ما ادري اش يخطط له .. واللحين انا خايف على ليان منه بصراحه .. و انا لما سألت ليان ارفضتني ابيك تقنعينها .. هديل : مشكلتك معقده اذا هي رافضه انا ما اقدر اسوي شي .. بدر : تكفين كلميها و الله اني خايف عليها من عامر .. هديل : بس خايف عليها ؟ ما في شي ثااني ..؟ بدر : اش قصدك ؟ هديل : يعني ما تحبها ؟ بدر : الصراحه .. احبها موت .. بس يا ليتها تفهم .. هديل : دامك اعترفت لي بحبها و بهالسهوله و بسرعه .. ابشر رح اساعدك و رح اكلم ليان و ان شااء الله انها توافق .. بس ما ادري من وين لوين حبيتها .. بدر : لا ان شاء الله توافق .. ههههه انا معجب فيها كثير مو حب حب بس انا متأكد انه مع الوقت رح احبها .. و مشكوره لانك رح تساعديني و الله لا يحرمني منك .. هديل : تسلم .. و لو احنا اخوان و لبعض .. " هديل من زود الفرحه بسرعه راحت دقت على ليان وحددت معها موعد عشان تقابلها و تقول لها و كان الموعد قريب .." ------------------------------------------------------------------------ " ببيت إلهام انتهت المده اللي كان لازم تفكر فيها إلهام بردها على الموافقه من عدمها بقصة سعود .. مع انها كانت بهذاك الوقت متضايقه حيل الا انها قدرت تمسك نفسها و تمسح دموعها ما تبي ابوها يشوفها بهالحاله كان ابوها قاعد بالصاله ناداها عشان يسألها .." ابو رائد : هااا.. الهام وش ردك ؟ عمك ينتظر .. إلهام : ردي عن نفسي ما ني موافقه اما اذا كان عشانكم فأنا موافقه .. ابو رائد : يعني ايش ؟ انتي موافقه و لا لأ ؟ إلهام : لا يبا ما اقدر ارفض .. موافقه .. ابو رائد : معليه يا بنيتي سامحيني ما كان ودي يصير اللي صار .. إلهام : لا يبا مو ذنبك ..هذا قدري .. استخرت لربي و دلني على طريق الخير .. ابو رائد : الحمدلله على كل حال و دام انك استخرتي ان شاء الله ان زواجك هذا يكون خير .. بس ابيك تعرفين زواجك رح يكون بعد شهر .. إلهام : اشلون .؟. و الدراسه ؟ ابو رائد : ما يمنع يا بنيتي .. إلهام : أنا ماني مستعجله على العذاب .. ابو رائد : لا تقولين كذا يا بنتي انتي تعذبيني انا .. بعدين اسعود و اهلها هم يبون كذا اذا تحبين تفاهمي مع سعود .. إلهام : خلاص يبا هذا اللي بيصير .. ( بعد لحظة صمت ) يباا ابو رائد : هلاااا إلهام : ابي نخطب حق خالد .. ابو رائد : انتي و انتي بحالتك هذي تفكرين بـ خالد .. إلهام : أي يا يبا انا وعدته اني اكلمك .. حدد لي موعد .. ابو رائد : خلاص يا بنيتي اللي تشوفينه .. بأي يوم تحبين تروحين روحي و اخذي معك نرجس .. إلهام : ان شاء الله يبا .. ----------------------------------------------------------------------- " ببيت شهد جاها خبر عن اختها منال اللي عايشه بلبنان جاها خبر انها رح تنتقل اخيراً للسعوديه رح تعيش عندهم .." شهد : الله ماني مصدقه صار لي زمان ما شفتها .. تركي : انا بعد اشتقت لها و لعيالها .. شهد : اقول تركي اش رايك نعطيها غرفتك .. تركي : يا سلام .. و انا وين أنام ؟ شهد : مع وليد و راكان غرفتهم كبيره .. تركي : لا ما ابي احب اكون لحالي .. شهد : يلا عاد تركيوه اترك عنك الدلع و نام بغرفة اخوانك فشله تجي و مافي لها غرفه هنا .. تركي : ينامون بفندق .. شهد : ما رح يسمح ابوي انت عارف .. بعدين حتى انا رح اخلي عيالها احمد و شاديه ينامون عندي و بكذا تعادلنا انا و انت تمام ؟ تركي : طيب خلاص خلاص وافقت .. شهد : ابعدي اخوي .. تركي : أنا بروح اللحين ابذاكر .. هاا شوفي هذا راكان وصل و شكله معصب حده .. شهد : روح روح انت لا تتدخل بهالامور خلك بمذاكرتك .. تركي : رايح رايح و انا اش قلت يعني .. " بالفعل كان راكان حده معصب .. معصب من عدة اشياء اولا لأن إلهام كانت متضايقه لانها ما تبي ولد عمها و كاسره خاطره .. ثانيا لانه يغار موت على الهام خاصه لما تروح لإبراهيم .. ثالثا لان إلهام طلعت و ما اعطته وجه هذا حسسه انه عديم الفايده و انه مجرد صندوق لآسرار الهام لا اكثر و لا اقل .. رابعا و الاهم اللي مكدر خاطره و مخليه معصب حيل ان حبه من طرف واحد .." شهد : راكان اش فيك ؟ بعدين وين وليد ؟ راكان : تكفين شهد ما لي خلق اسئلتك انا ما فيني شي و وليد عنده شغل ساعه بالكثير و رح يجي .. شهد : طيب اعصابك ما قلنا شي .. هذا جزاتي لاني اسأل عنك و خايفه عليك .. راكان : شهوده بجد انا ماني رايق اليوم ابد و اطمني ما فيني شي زي ما قلت لك و ما في داعي تخافين علي .. شهد : اقص ايدي اذا ما كان ورى عصبيتك هذي الهام .. راكان : اوف اوف اتركيني في حالي .. خل اروح انام احسن لي .. ----------------------------------------------------------------------- " خل نرجع حق عامر و نشوف اش خطط يسوي .. طبعاً اجتمعوا شلة الشباب بمكانهم المعتاد كانوا خالد و ابراهيم حاضرين طبعاً بعد ما خلصوا دواماتهم اما بدر فما قام يجي لانه ما يبي يشوف عامر .." خالد : صحيح شباب ليه بدر ما عاد يجي و لا نواف حتى ؟ صلاح : بدر ما ادري عنه اما نواف شكله مشغول بتحضير زواجه غير شغله بشركتكم مره و مره بشركة ابوه .. خالد : اييييه صح .. عامر اش فيه بدر ما قام يجي ؟ انت خويه و اكيد تعرف .. عامر : اش دراني عنه .. صلاح : عامر اش فيك من ايام مانت على بعضك حتى بدر ما قمت تطلع معه زي اول قول لي انتو متهاوشين شي ؟ عامر : شوفوا اذا بتقعدون طول السهره تسألوني عن بدر تراني بمشي .. خالد : ما قلنا شي نبي نعرف بس .. عامر : ما معكم جواله دقوا عليه و اعرفوا اللي تبون تعرفونه .. صلاح : خلاص خلاص شوي و بتقوم اطقنا احنا .. خالد اش فيه خويك ساكت و رايح لبعيد ( يقصد إبراهيم ) ؟ خالد : والله علمي علمك من يوم طلعنا من الشركه و هو على هالحاله .. صلاح : برهوم برهووووووم .. إبراهيم : نعم .. بغيت شي .. صلاح : انت مو بالجو اش فيك ؟ إبراهيم : ما فيني شي بس امور الشركه شاغلتني .. خالد : صدقناك اللحين .. والله شكلك متهاوش مع حبيبتك المجهوله .. إبراهيم : ههههههه .. حبيبتي ؟! .. ما عندي حبيبه .. صلاح : مشيها على غيرنا ترى لا يغرك اننا بدون فايده و عاله ع المجتمع ههه بس ترانا نفهم بالحب و باللي يحبون .. إبراهيم : ههههههههه .. خليها على الله بس .. ربك يحلها .. عامر : صلاح خلينا نتمشى ابيك بسالفه بيني و بينك .. صلاح : اذا ما يزعلون الشباب بروح .. خالد : لاااا وين نزعل روح روح .. شكله يبي يصيد بنت و يبي استشارتك .. صلاح : هههههههههههه.. انا اعتزلت .. عامر : يلا امش عن الهذره .. صلاح : طيب اش فيك مستعجل ؟ خالد : روح لا يفصل علينا الاخ اللحين .. صلاح : ههههههههههه .. اجل يلا .. " راحوا صلاح و عامر ورح احكي لكم اللي صار بينهم بعد ما نحكي عن سوالف ابراهيم و خالد شوي .." خالد : بيني و بينك زين يا شيخ انهم راحوا لو ما راحوا كنت انا اخذتك و رحنا تمشينا .. إبراهيم : ليه كنت تبي شي ؟ خالد : أي ابي اشياء مو شي .. إبراهيم : قول اسمعك .. خالد : تراني ما نسيت يوم هزأتني بالشركه قدام اختي .. إبراهيم : متى ؟! خالد : طبعاً ما رح تذكر يوم كنت معصب و ضارب مخك .. إبراهيم : ايييييه تذكرت .. بس انا اعتذرت لك .. خالد : ما ابي اعتذار ابي السبب .. غير كذا اليوم بعد انت مو على بعضك ابد كله سرحان و مهموم .. أنا مو خويك ؟ احكي لي ياخي و ريح عمرك .. إبراهيم : ما ابي اشغلك بهمومي .. خالد : و لو .. احنا اصحاب وش فايدة الصديق اذا ما وقف مع صديقها بشدته و ساعده .. إبراهيم : ادري انك كفو بس ما اقدر اقولك .. خالد : طيب .. السالفه فيها حب صح ؟ إبراهيم : أي .. خالد : و افترقتوا صح ؟ إبراهيم : اش تبي توصل له .. خالد : و لا شي ابي اساعدك بس .. إبراهيم : اتركك مني و خلنا فيك .. خالد ( والله اني كنت عارف انك تحب اختي ) : أنا ما عندي شي مهم .. " خالد ما قدر ياخذ من ابراهيم لا حق و لا باطل بس اهم شي انه عارف بعلاقة اخته بإبراهيم بس ما هو متأكد.. خلونا نشوف عامر اش يخطط له .." صلاح : أنا كنت عارف انك تدري ليه بدر ما قام يجي .. عامر : هو اللي بدا و انا برد له الطق اللي طقني اياه .. صلاح : و انت اشلون تروح حق البنت اللي هو ماخذها له ..؟ عامر : مو هي بنت شوارع .. معناته ترضى بأي احد .. اللحين رح تساعدني و لا اشلون ؟ صلاح : اساعدك في وشو ؟ عامر : ابي أأدب بدر و خويته .. صلاح : اش تبي تسوي يعني ؟ عامر : انت اقترح علي .. صلاح : تبيني أتمشكل مع بدر مع انه ما سوى لي شي ..؟! عامر : لااا عطني فكره للانتقام و بس .. صلاح : حتى و لو بكون شريكك بالقصه .. عامر : صلاح تكفى ابي فكره و بس .. صلاح : عطني مهله كم يوم و اشوف .. عامر : زين ماني مستعجل .. بس هالله هالله الفزعه انت ما ترضاها لي .. صلاح : ان شاء الله ما يصير خاطرك الا طيب .. عامر : مشكوووور ما قصرت .. ------------------------------------------------------------------------ " رجع وليد عالبيت و كانت شهد بانتظاره .." وليد : اش عندك هنا و مكشره و معصبه ..؟ شهد : علمني راكان اش فيه ؟ وليد : ليه اش فيه ؟ شهد : أنا اللي اسألك جا البيت وهو معصب اش صار بالشركه خلاها يعصب كذا ؟ وليد : ما صار شي .. شهد : امممممم .. طيب .. إلهام كانت هناك ؟ وليد : أي جت زياره .. و اظنها راحت تشوف ابراهيم بعدين .. حبيبها هو صح ..؟ شهد : ما عندي جواب لان الجواب واضح .. بس فهمت اللحين ليه راكان معصب .. يغار الاخ شكله .. وليد : معناته اللحين تأكدت ان حبيب الهام ابراهيم .. ع العموم خل اروح لراكان اشوف اش سالفته .. شهد : يا الله مع كل هالمشاكل نسيت .. ترى اختي منال بتجي من لبنان و بتعيش هنا زوجها نقل مكان عمله اخيراً .. وليد : صدق والله و ناسه من زمان ما شفتها ولا شفت عيالها .. متى قالت لك رح توصل ؟ شهد : بعد يومين ان شاء الله رح يضبون اغراضهم و يجون و يكون بعلمك رح تقعد عندنا على بال ما تحصل لها بيت .. وليد : اوك مافي مشكله .. راكان يدري ..؟ شهد : لأ ما قلت له كان معصب و ما امداني .. اصلاً ما اعطاني فرصه اتكلم .. وليد : خلاص و لا يهمك انا بكلمه و اشوف اش فيه .. " راح له وليد و فعلاً كانت حالة راكان صعبه اول مره يشوفه وليد كذا كان حزززين مره و ما له خلق أي احد حتى نفسه .." وليد : راكان اش فيك ؟ راكان : تكفى مالي خلق تكفى .. لا تسألني عن شي .. وليد : انت اللي تكفى انا اخوك و انت تهمني .. راكان : خلني بحالي بس .. وليد : ماني تاركك إلين تقولي اش فيك .. راكان : انت اللحين مو تعبان من الشغل رح نام احسن ما توجع راسك بمشاكلي .. وليد : لا راكان انا راضي ابي اوجع راسي .. انا متأكد ان الهام لها علاقه باللي فيك اللحين .. راكان : انت مصر شكلك .. وليد : بقوة .. راكان : انا شفتها اليوم عالبحر .. لا تفهم غلط تراها كانت مصادفه و غريبه هالمصادفه .. المهم كانت جايه من عند ولد عمها و كانت بكيانه لان ولد عمها ما رضى يتراجع عن فكرة الزواج منها و بصراحه ما الومه من اللي يشوف الهام و لا يفكر فيها .. المهم كانت يأسانه و متضايقه حيييل كسرت خاطري .. بعدين اضطريت اروح للشركه و قالت لي انها تبي تجي وراي .. تدري ليه كانت حابه تجي للشركه ؟ جت عشانه عشانه هو .. طلبت مني اني ما اخلي أي احد يدخل لهم يوم كانوا بالمكتب ما ادري اش صار معها و طلعت و دموعها على خدها حتى اني سألتها ما اعطتني وجه .. اخ يا وليد لما اتذكر الموقف احس اني حمار و اني مجرد لعبه بإيدها .. وليد : اهدا يا اخوي اهدا و انت مو حمار و لا انت بلعبه بإيدها لان انت اللي تلاحقها و تحبها مو هي .. تراني عرفت من يكون حبيبها هو ابراهيم و ما له داعي تخبي كل شي مكشوف .. راكان : اشلون عرفت ؟ وليد : من تصرفاتها اليوم و سألت شهد و ما كان جوابها واضح بس فهمت ان المقصود هو ابراهيم .. المهم اش رايك لو تعترف لها بحبك ؟ يمكن ترتاح .. راكان : وش الفايده هي رح تتزوج خلال شهر .. خلاص شكل حكاية حبي معها بتنتهي بهالنهاية .. لكن وش نقول فهم قلبي اذا قدر يفهم .. وليد : والله ما ادري اش اقولك ؟ راكان : لا تقول و لا تتعب نفسك قلت لك لا توجع راسك بمشاكلي .. وليد : لا لا انا ابي اسمع مشاكلك عشان انت ترتاح .. راكان : مشكور لوقفتك معي .. وليد : ولو .. اكيد بوقف معك انت اخوي .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل الثالث و الثلاثون )) " احنا ما تكلمناعن رائد و سمر بعد زواجهم .. طبعاً زواجهم كان حلو و لا يوصف تقدرون انتو تتخيلونه رح اترك هالشي لكم .. أما بعد الزواج فهم للحين مبسوطين بس الظاهر ان سمر عندها شوية اسئله لرائد خلاص مر كم يوم و طيحة الميانه معه .." سمر : رائد أنا من اول ليله كنت حابه اسألك هالسؤال بس استحيت قلت ااجلها لوقت ثاني و اللحين انا حابه اعرف ... رائد : أي حبيبتي اسألي .. سمر : هههه ( ضحكت خجل ) يا حلو حبيبتي منك .. يعني انا صدق حبيبتك ؟ رائد : ليه السؤال ؟ سمر : ما صار بينا قصة حب بس عشان كذا .. قلت يمكن كان في بحياتك وحده كنت تحبها .. رائد : لا لا تخافين انتي زوجتي و حبي الاول و الاخير .. وانتي ؟ سمر : أنا وشو ؟ رائد : كان في بحياتك شخص ..؟ سمر : هاا .. لا لا ما كان .. رائد : أكيد لو كان كنتي رح تعلميني صح ؟ سمر : أي طبعاً .. رائد : انتي عارفه ان الصراحه بين الزوجين هي اهم شي .. سمر : صحيح معك حق .. طيب .. سؤال ثاني بعد .. رائد : اسألي اليوم فتح باب التحقيق شكله ههههه .. سمر : ههههههه معليش تحملني ..قول لي ليش اخترتني انا من بين كل البنات ؟ و انت الف وحده تتمناك .. لان الهام اختارتني و لا لانك ما حصلت غيري ..؟ رائد : ما في خيار ثالث مو يمكن لاني احبك .. سمر : بجد ؟! رائد : بقولك سر صغير .. الهام كانت من اول تبي تعرفني عليك تصدقين حتى قبل لا تقول لي ان هذي انتي حسيت اني معجب فيك من قبل لا اعرفك حتى .. سمر : الله عالرومانسيه .. ما خطر لي انك ممكن تكون معجب .. رائد : ههههههههههه و احب بعد .. اش رايك لو نطلع نتمشى برى شوي تعرفين اليوم اخر يوم و بكره بأبدا الشغل ما رح افضى .. سمر : يا حرام الشغل رح ياخذك مني .. اش هالحاله .. رائد : ههههههه يعني رح تشتاقين لي .. سمر : سؤالك غبي هههههههه اكيد رح اشتاق لك مو انا خلاص تعودت عليك .. رائد : ههههههههههه يا بعد عمري .. يلا روحي اجهزي خل نطلع .. " رائد مبسوط بحياته من هنا و الهام خايفه من مصيرها من هناك .." نرجس : آلف مبروك يا بنتي رح تجي زوجة عمك بكره عشان امور الزواج .. إلهام : تفتكرين اني مبسوطه يا ماما نرجس .. نرجس : والله اني عارفه يا بنيتي بس ما بإيدي شي .. تبين نصيحه مني .. إلهام : قولي يمكن استفيد و يخف عذابي .. نرجس : اسمعيني يا بنتي اللي صار صار خلاص ما في بإيدك حيله انتي رح تتزوجينه لا تفكرين باللحين فكري ببعدين ما دام انك استخرتي و ارتحتي اتوكلي على الله اكيد بيكون معك .. إلهام : كلامك جواهر .. بس اشلون بخلي قلبي يحبه و انا واثقه انه ما في امل ..؟ نرجس : يمكن ربي ما يريدك تحبينه يمكن يريد يبعدك عن اللي انتي اللحين تحبينه .. إلهام ( مستغربه كلامها و مذهوله ) : انتي عرفتي ؟ نرجس : أي انا افهمك و اعرفك زين انا عارفه انه في بقلبك شخص بس ما اعرف من هو .. إلهام : خلاص افترقنا .. نرجس : لازم تفترقون ما يصير انتي على ذمة رجال و بعدك تتواصلين مع الثاني .. إلهام : لا يا ماما نرجس مستحيل اكون كذا بس اتزوج هذا اللي ما يتسمى رح اقطع علاقتي لا انا من اليوم قطعتها .. نرجس : برافو عليك هذي الهام اللي انا ربيتها .. إلهام : تسلمي .. ماما نرجس احنا لازم نخطب حق خالد و بسرعه .. نرجس : خلينا نخلص منك اول .. بعدين ما صار لنا كثير من خلصنا من رائد بزواجه تعبنا حيل .. إلهام : يا ماما نرجس بس نخطب له .. و انا كلمت ابوي و قال انه موافق و عادي نروح بأي يوم .. نرجس : طيب خلاص متى تبينا نروح ..؟ إلهام : رح احدد موعد مع شهد .. نرجس : طيب يصير خير .. ----------------------------------------------------------------------- " هديل كلمت ليان و طلبت تشوفها ضروري .." ليان : خوفتيني قولي لي اش الموضوع المهم هذا .. له علاقه بعامر ؟ هديل : اهدي .. مافي أي شي يتعلق بعامر .. ليان : اووف ريحتيني .. قولي اجل اش الموضوع ..؟ هديل : اخوي بدر يبي يتقدم لك .. ليان : اييييييش ؟ّ ! لا لا انا ما ابيه ( طبعاً هالكلام من ورى قلبها بالعكس هي انبسطت من جواة قلبها انه اخيراً فكر فيها ) .. هديل : يا سلااااااااام اخوي مو عاجبك .. ليان : لا مو كذا بس انا ما ابيه .. مو هو سبب المصايب اللي انا فيها .. هديل : مو عشان كذا يبي يتزوجك .. يعني عشان يحميك من عامر .. ليون انتي لازم توافقين هذا اخوي و انا اعرفه مثل ما اعرف نفسي هو يحبك و الدليل تصرفاته المتغيره من ذاك اليوم يوم شافك .. على فكره حتى شلته ما قام يطلع معهم .. بعدين هو حاس بالذنب عشان اللي سواه عامر .. هذا عامر كان خويه الروح بالروح و بدر كان واثق فيه و يفضفض له و بالصدفه حكى عنك و الظاهر ان هذا عامر واحد ما له امان بس ما ادري اشلون عرف بيتكم .. المهم ان بدر والله يحبك و مستعد يسوي أي شي عشانك .. ليان : ههههههههههااااي لا والله بهالبساطه .. ما ابيه .. هديل : بعد كل هالكلام اللي قلته ؟.. اسمعيني انا عارفه انك تقولين هالكلام من ورى قلبك و عارفه انك تحبين بدر الى اللحين .. ليان ( بتردد ) : لا .. لا انا خلاص نسيته .. هديل : شوفي انا اللي عندي قلته و ما رح اضغط عليك .. بس بقولك نصيحه لا تضيعين حبك من ايدك يوم جاك مثل ما الهام خسرت حبها و هي اللحين تعاني .. و صدقيني لو كنتي تحبينه و صديتيه و راح و تزوج غيرك رح تحسين بالعذاب صح .. هذي فرصتك و جت لي عندك .. ليان : أنا ..... هديل : لا لا .. لا تردين علي اللحين .. روحي البيت و فكري باللي قلته زين .. اوكي ؟ ليان : اوكي رح افكر بس ما اوعدك بشي .. هديل : راجعي نفسك و بس و تذكري الاشياء الحلوه عن بدر .. ليان : اجل يلا خلينا نروح البيت خلصت العطله بكره ورانا دوام .. هديل : تونا وصلنا ما تمشينا بالمول .. ليان : اش رايك ادق على نواف يجي .. حرام خربت عليكم ذاك اليوم .. هديل : ما ادري .. بكيفك .. ليان : زين زين رح ادق عليه و لا تخافين رح اكون معكم ما رح اترككم .. بمشي وراكم و حولكم و بكون ذربه و اسكر آذاني عشان ما اسمع كلامكم .. هديل : هههههههههههه ضحكتيني .. ليان : متى تتزوجون و نخلص .. هديل : ان شاء الله اذا وافقتي رح يكون زواجنا بليله وحده .. ليان : ههههههه حلوه الفكره .. خل ادق عليه بس .. " دقت ليان على نواف و اكيد جا و بسرعه بعد كان مستانس لانه بيشوف خطيبته .. ما صار شي مهم بس انتو تعرفون ان احلى و اروع الايام هي ايام الخطوبه فكان نواف كله يتغزل و هديل ذااااابت حيا .. وليان وراهم بتفطس من الضحك .." ------------------------------------------------------------------------ " خلونا نروح شوي على بيت عم الهام ابو سعود و نشوف اش الأحداث اللي صايره عندهم .." أم سعود : لا تنسين يا ورود بكره لازم تطلعين بدري من دوامك فهمتي .. لازم نخطب الهام رسمي اللحين و نحدد الاشياء الثانيه .. ورود : أي يما ما رح انسى كم مره تذكريني .. أم سعود : من حقي مبسوطه ولدي بيتزوج .. ورود : أي يما انبسطي ما قلت لأ .. أم سعود : ياالله انك توفقه و تسعده يا رب .. شفتيه اشلون مستانس ؟ شكله يحبها بجنان .. ورود : أيييه ان شاء الله دووووووم يبقى مستانس .. ام سعود : و ان شاء الله عقبالك بعد .. ورود : لا يما تو الناس .. ( هي تقول كذا من الظاهر لكن من جواها تحس بالغيره هذي الهام اللي اصغر منها رح تتزوج حتى خوياتها رح يتزوجون و هي قربت تعنس هذا اللي كانت ورود شايفته مع ان عمرها لسا بدري ..) ام سعود : أي تو الناس .. بتدخلين الخمس و عشرين و انتي ما بعد جا نصيبك اللي مثلك اللحين متزوجه و عندها عيال .. ورود : هذا انتي قلتيها يا يما نصيب .. ام سعود : أي والله نصيب .. رح ادعي لك بصلاتي دايم .. كان ودي لو تزوجك رائد بدال ما يتزوج وحده ما يعرف عنها شي .. ورود : خلاص يما الولد تزوج و اللحين هو مبسوط مع زوجته .. ماله داعي هالكلام اللحين .. " قاطعهم سعود بدخوله كان فرحان بنفسه حيل .." سعود : شوفوني جيت .. اش رايكم ببشت زواجي ؟ ورود : ما شاء الله متى امداك فصلته ..؟ هههههههه شكلك فصلته قبل لا تخطبها .. سعود : ههههه أي صح قبل لا اخطبها فصلته لاني واثق انها بتقبل فيني و من اللي يرفض سعود ولد بو سعود و ام سعود .. ام سعود : ابعدي وليدي ما احد يرفضه .. طالع تهبل بالبشت .. شوقتني ليوم زواجك .. سعود : قريب يما قريب .. ورود : أي ان شاء الله .. سعود : اش فيك ورود شكلك مو فرحانه لي ..؟ " ورود ما ردت .." ام سعود : لا اكيد هي فرحانه بس ضغوطات الشغل مثلك عارف .. سعود : اييييييه احسب .. ------------------------------------------------------------------------ " وصلت اخيرا اخت شهد منال و الكل كان فرحان فيهم .." منال : مشكورين على هالاستقبال الحلو .. شهد : لااا ولو فرحانين فيك حيل .. منال : تسلمي .. وانا بعد مبسوطه .. شهد : وانتي الله يهداك كل سنه و نص و احياناً كل سنتين تجينا .. منال : اش اسوي ظروف شغله .. بس الحمدلله اخيرا وافقوا ينقلونه هنا شهد : هذا زوجك اللي مو راضي قلنا له يشتغل مع ابوي بالشركه بس تفكيره ما ادري اشلون جاي .. منال : هذا اللي يعجبني فيه عصامي و كون نفسه .. شهد : ايه حركااااات .. مو زي الشباب الثانيين ما يصدقون يحصلون واسطه لكن بعضهم مساكين يكسرون الخاطر خاصه اللي من الطبقات المتوسطه و اللي اقل منهم .. ياكلونهم اذا ما كان عندهم واسطات .. منال : والله ما عرفنا لك .. إلا وين تركي ما شفته .. شهد : ما ادري شكله بالغرفه فوق .. منال : خل اروح له .. شهد : بس اول تكفين نادي احمد و شاديه ابي اشوفهم مشتاقة لهم .. منال : ان شاء الله ما طلبتي شي .. " لما راحت منال حق تركي المسكين كان منخش منها آخر مره شافها كان عمره 8 سنين .. كان مره مستحي من اخته بس وحده وحده رح يتعود عليها .." منال : تركي اش فيك منخش ؟ تركي : ماني منخش بس ... منال : تعال اقعد ابي اسولف معك .. تركي : تسولفين في ايش ابي اذاكر .. منال : بعد عمري .. خلاص خلاص ما ابي ازعجك .. " جوا عيال منال و شافتهم شهد و انبسطت معهم و نزلت منال عندهم و كانت مستغربه ردة فعل اخوها تركي حست بتأنيب الضمير لانها ابتعدت عنهم خمس سنين كانت زعلانه من داخلها .." شهد : منال عيالك يهبلون .. ياحبي للبزران .. منال : ادري ان عيالي يهبلون طالعين علي .. شهد : ههههههههههه حلوووه .. عاد تدرين احنا لازم نسوي لك عزيمه و نعزم كل الناس .. منال : لاااا ما في داعي كل هذا .. شهد : اش اللي ما في داعي رح نصير بلا ذوق ترضينها ؟.. منال : هههههه لا طبعاً يا اهل الذوق انتو .. شهد : اييييه اكيد .. معناته رح نسوي العزيمه .. و انتي روحي ارتاحي و نامي اللحين ترى غرفتكم جاهزه احنا ما تركناكم ترتاحون اش نسوي من وناستنا فيكم .. منال : ماني تعبانه لا تخافين ما جينا مشي بالطياره جايين .. شهد : لا ولو روحي ارتاحي و ان شاء الله بعد بكره عزيمتكم هاا وش رايك ..؟ منال : ما شاء والله وصايره انتي الكل بالكل .. شهد : أي افا عليك هم مشغولين و تاركين لي ادارة البيت .. معناته اتفقنا ان بعد بكره عزيمتكم ان شاء الله ؟ منال : حبيبتي اللي تشوفينه .. لو جايه علي ما ابي لا عزيمه و لا شي تكفيني شوفتكم .. " دق جوال شهد و كانت هذي إلهام .." شهد : هلا و غلا لهو .. إلهام : هلا فيك .. شهد : اش اخبارك ؟ إلهام : الحمدلله زينه و انتي ؟ شهد : تمام .. إلهام : اسمعيني انا داقه ابي اخذ منك موعد .. شهد : موعد وشو ؟ إلهام : أنا و ماما نرجس رح نجي نخطبك اخيراً .. شهد ( تجمدت ما عرفت اش تقول و تغيرت ملامح وجهها حتى جاها ضحك هستيري مو صاحي .. اخيراً بيتحقق حلمها و بتعيش مع حبيبها ..) إلهام : آلو آلوووووو شوشو وين رحتي ..؟ شهد : هااا ؟ لااا معك معك .. إلهام : زين متى نجيكم ..؟ شهد : أنا اقول بعد اسبوع احسن عشان اختي منال جت من لبنان و احنا ناويين نسوي عزيمه بعد بكره و بنقعد معها و كذا .. إلهام : طيب حلو بعد اسبوع و الحمدلله على سلامتها .. و مافي أي مشاكل متى ما حبيتي نجي رح نجي .. شهد : الله يسلمك .. و بخصوصكم احنا رح نكون بانتظاركم .. إلهام : بعد عمري ياحليلك شكلك ذبتي حيا اللحين .. هههههههههه .. شهد : هههههههههههههه بيني و بينك .. " منال طبعاً لاحظت التغير اللي صار لشهد و سألتها طبعاً بس شهد ما رضت تقول لها الموضوع الا بعد العزيمه .." ........يتبع التعديل الأخير تم بواسطة عبق النسيم ; 03-15-2015 الساعة 11:09 PM |
|
#88
03-15-2015, 10:56 PM
| ||
| | ||
| " منال طبعاً لاحظت التغير اللي صار لشهد و سألتها طبعاً بس شهد ما رضت تقول لها الموضوع الا بعد العزيمه .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل الرابع و الثلاثون )) " إلهام كانت مستنيه خالد على نار عشان تقول له الخبر اللي رح يفرحه .." خالد : اووووووه أشوفك قاعده اكيد وراك شي .. إلهام : اش معنى يعني ان وراي شي ؟ خالد : بالعاده انتي تكونين بغرفتك ما تقعدين بالصاله و خصوصاً هالقعده الا في وراك شي .. إلهام : أي صح في وراي شي .. عندي لك خبر حلوه و بمليون ريال .. خالد : يعني هالخبر يستاهل المليون .. إلهام : بقوله و انت شوف اذا يستاهل و لا لا .. أنا كلمت شهد و اتفقت معها على الخطبه و رح تكون بعد اسبوع يعني رح تصير خطيب شهد اخيراً .. خالد : أمااااا .. ما اصدق احلفي .. إلهام : أي والله صدق .. خالد : هذا يستاهل المليار مو المليون يا بعد عمري يا الهام فديتك والله يا أحلى اخت بالدنيا .. إلهام : اترك الكلام الحلو حق شهوده زين .. و اسمع انت لازم تفاتح اخوانها بالموضوع .. خالد : ايش ؟! أنا لاا لاااا لا ما اقدر اش بقولهم .. لالا خلي ابوي يفاتح ابوها و خلاص .. إلهام : لا يا خالد مو حلوه بحق اخوانها انهم آخر من يعلم والله بيزعلون لما يعرفون من ابوهم انتو اصحاب و تروح تخطب اختهم و هم ما يدرون ابداً مو حلوه بحقهم .. خالد : لا تكفين ما اقدر .. إلهام : طيب أنا عندي الحل .. بما انه رائد و وليد اصدقاء حيل اش رايك ان رائد يقول لوليد و وليد يقول لراكان و بكذا تنتهي السالفه .. خالد : أي أي صح حلوه الفكره .. مشكوووووووره اختي و يلوموني ليه احبك .. إلهام : ههههههههههه أي أي كثر منها بس .. خالد : ههههههههه انا مرررررررررره مبسوط خليني اروح غرفتي و اعيش احلامي .. إلهام : أي روح روح و أنا اخطط عنك .. نرجس : إلهام زوجة عمك بعد نص ساعه بتكون هنا كل شي جاهز ؟ إلهام : أي يا ماما نرجس كل شي جاهز .. اطمني .. نرجس : ليه ما انتي مبسوطه ؟ إلهام : ارجوووك يا ماما نرجس إلا انتي لا تسأليني هالسؤال وانتي تدرين ليه .. بعدين افضل اني ما اكون موجوده يوم يجون .. نرجس : لا يا حبيبتي لازم تكونين موجوده اترجاك لا تبيني لهم انك مو مبسوطه .. إلهام : اش يفرق يعني أكيد هم يدرون اني ماخذته غصب عني .. نرجس : لا يا قلبي اللي يقولونه الرجال ما يدرون فيه الحريم .. إلهام : طيب لا تآكلين هم .. بحاول قد ما اقدر اشق حلقي من الضحك .. نرجس : هههههه ما قصدت كذا .. إلهام : اللي هو .. وخلاص .. " وبعد ما راحت هالنص ساعه وصلوا عمتها و بنتها و عمها و سعود .." ام سعود : انتي طبعاً يا نرجس عارفه احنا ليش جايين .. نرجس : أي طبعاً عارفه .. ام سعود : طيب وين عروستنا ..؟ نرجس : اللحين هي جايه حبت انه تقدم لكم العصير بنفسها .. ام سعود : يا حليلها اكيد انها مبسوطه .. زين رح نتكلم بالمهر و نحدد الملكه و الزواج .. نرجس : براحتك يا ام سعود اللي تشوفينه .. هذا هي عروستنا جت و جابت العصير .. ام سعود : هلا والله هلا وغلا بعروسة وليدي عروسة الغالي .. إلهام : هلا فيك يا خاله .. ورود : هلا الهام .. إلهام : هلا فيك ورود .. ام سعود : اجل خلونا نحدد الملكه .. ورود : لحظه يما اذا ما فيها مشكله حابه نطلع انا و الهام عالحديقه نتمشى انا ما شفت حديقتهم و عشان تاخذون راحتكم بالكلام هذي سوالفكم انتو يا الحريم .. ممكن ؟ ام سعود : والله انا ما عندي مانع .. نرجس : طبعاً اذا حبت الهام تروح تروح ما في أي مشكله .. ورود : يلا الهام .. إلهام : يلااا .. " إلهام بسبة سعود كرهت كل العائله كان واضح عليها الحزن ما كانت فرحانه او خجوله نفس ما كانت ورود و امها يتخيلون عشان كذا ورود حبت تفهم من الهام السالفه .. ورود عكس اخوها طيبه و تحب الناس ما هي انانيه و تتضايق لما تشوف احد متضايق بس الهام ما كانت تعرفها زين .." إلهام : أنا عارفه انك ما طلعتيني عشان تشوفين حديقتنا زي ما قلتي .. ورود : يعجبني فيك ذكائك .. كلامك صح انا ما احسك مبسوطه .. انتي ما تبين اخوي ؟ إلهام : ليه ؟ هو ما قالك انه ماخذني غصب ؟ ورود : اشلون ؟! لا والله ما قالي .. يعني انتي ما تبينه ؟ إلهام : اللحين فات الاوان على حكاية ابيه و لا ما ابيه و ش تفرق ما هو خلاص كل شي صار .. ورود : طيب انتي قلتي له انك ما تبينه ..؟ إلهام : ههه قلت له ؟ أنا قلت له و ترجيته بعد بس ما رضى الا ياخذني .. ورود : اخوي اناني و انا اعرفه ما يحب الا نفسه و اذا حط شي بباله لازم يسويه .. بس تراه طيب .. إلهام : غريب انا فكرتكم تدرون .. ورود : لا والله ما ندري لو ادري ما كان سكت كان حاولت بكل الطرق اني اوقفه عند حده .. إلهام : وليش رح تسوين هالشي عشاني ..؟ ورود : لأنك ما تستاهلين اخوي .. سعود الحياه بنظره مجرد لعبه فيها رابح و فيها خاسر و لو اخذك معناته ربح و لو ما اخذك معناته خسر و صعب عليه انه يتقبل الخساره انا اكره هالصفه فيه ما يحسب حساب مشاعر لاحد .. عشان كذا كنت رح اساعدك بأي طريقه كانت .. إلا إذا كان يحبك فهذا شي ثاني .. إلهام : أنا فكرتكم متفقين مع بعض علي .. ورود : ههه اشلون تفكرين كذا ؟! إلهام : اللي ما يعرفك يا ورود يجهلك .. ورود : و انتي صادقه بس لا تحكمين على الشخص قبل لا تعرفينه .. شوفي انا ما اخوفك من اخوي على الرغم من انه سيء شوي الا انه له قلب طيب و تقدرين تملكينه و تخلينه خاتم بصبعك .. عالاقل لقيتي اللي بيشاركك حياتك .. إلهام : ليش هالصوت الحزين ..؟ انتي زعلانه لانك ما تزوجتي ..؟ ورود : ههههه لا ماني زعلانه ليش ازعل ؟ إلهام : طيب قولي لي ما احد تقدم لك بالرياض مثلاً .. ورود : لأ .. اساساً ما احد اعجبني من اهلنا بالرياض .. إلهام : اهاا .. بس وحده مثلك حلوه و خريجه جامعه و اللحين موظفه و ما احد فكر فيها .. ورود : نصيب اش نسوي .. إلهام : طيب ما في بحياتك شخص اللحين ..؟ ورود : لأ ما في .. إلهام : انتي متأكده ؟ ورود : ما فهمت اش تبين توصلين له ..؟ إلهام : لا انا بس اشوف انه في حولك ناس مهتمه فيك بس انتي مو ملاحظتهم .. ورود : مين قصدك ؟ إلهام : انتي دوري و شوفي يمكن بالشغل ... يعني .. ورود : بلا الغاز و قولي على طول .. إلهام : ههههه اذا انتي ما لاحظتي انا ما اقدر اقول .. ورود : زين رح اركز عالموظفين اكثر و اشوف اذا كلامك صحيح .. إلهام : أنا حسيت كذا شفت نظراته لك .. ورود : لحظه انتي قصدك يوم جيتينا الشركه ذاك اليوم لان هاذيك كانت المره الوحيده اللي اجتمعت فيها بالشركه معك و مع اخوك خالد و مع نائب المدير وليد كنا احنا الاربعه يعني اللي تقصدينه واحد من اثنين يا خالد يا وليد بس خالد لأ لانه اصلاً ما يبيني اجل ما بقى الا وليد .... لا لا مو من جدك .. إلهام : اخيراً فهمتي بعد كل هالتحليلات .. ورود : انتي اكيد تمزحين ؟. إلهام : لا والله ما امزح شفته اشلون كان يطالعك بنظرة اعجاب .. ورود : بس انا دايما اتعامل معه ما عمره طالعني حتى دائماً شايل عينه عني .. اشلون تقولين انه طالعني ؟ إلهام : والله ما اكذب شفته و لاحظت هالشي بعد اذا انتي صرتي اطالعينه يشيل عينه عنك و بس تصيرين منهمكه بالشغل يحط عينه عليك و يتأملك .. ورود : لا لا مو صدق انتي كذا خوفتيني منه بصير انتبه على نفسي اكثر .. إلهام : ليش الخوف ؟ بالعكس هو محترم و خوي رائد هم اصحاب حيل .. بعدين لو كان يبي يغلط معك كان تحرش فيك او طالعك بنظره غلط صح و لا لا ؟ .. بس هو ههههههههه يمسك نفسه إلين تنشغلين وبعدين ما يقدر الا يطالعك .. " ورود اسكتت ما عرفت اش تقول حست باحساس مضطرب كأن كل شي حولها تغير كأنه رح تصير لها حياة ثانيه بتصير تروح الشغل كل يوم بس مو نفس نظرة الامس بتروح بنظره غير ..." إلهام : ورود ترى وليد شاب حلو و اخلاق و الاف البنات يتمنونه نصيحه مني لك ان كان فعلاً يحبك لا تضيعينه من بين ايديك و ان ما كان يحبك حاولي تخلينه يحبك .. ورود : ليش تقولين لي هالكلام ..؟ تعتقدين اني اذا ما التفت لوليد ما عمري رح اتزوج ..؟ إلهام : لا ورود انا ما اقصد كذا لا تفهميني غلط .. انا ابي لك الخير و وليد الكل يمدح فيه و اضمن لك رح تكونين سعيده معه ان شاء الله .. فكري باللي قلته .. ورود : زين و لا يهمك .. خلينا ندخل خلاص شفت حديقتكم حلوه بس بردت الجو اليوم بارد .. إلهام : ههههههههههههه قال ايش شفت حديقتكم .. هذا الكلام تقولينه للحريم جوا .. لكن أمرك يلا ندخل .. ------------------------------------------------------------------------ " ببيت شهد منال راحت تنام اما شهد فراحت تجهز حق عزيمة بكره .." شهد : وليد انت فاضي اليوم صح ..؟ وليد : يعني .. ليه ؟ شهد : اشلون يعني ما انت جيت بدري من الشغل معناها فاضي .. وليد : مو شرط .. جبت اوراقي معي .. شهد : زين ابيك توديني السوق ابي نجهز حق عزيمة منال .. وليد : ليه ما تقولين حق راكان ..؟ شهد : راكان صاك على نفسه بالغرفه ما صار احد يقدر يكلمه .. صار مزاجي مره .. وليد : أنا بروح له اللحين و بسولف معه شوي و بعدين اخذك عالسوق اتفقنا ؟ شهد : اوك لا تتأخر ابي اخلص بسرعه .. وليد : لا و لا يهمك .. " راكان صار ما يتحاكى ابد حالته صعبه و يتمنى لو الهام تحس فيه بس .. " وليد : راكان ما مليت من عيشتك هذي ؟ راكان : ليش اش فيها عيشتي ؟ وليد : شغل و نوم و صاك على عمرك بالغرفه حتى اكل ما قمت تاكل و لا تطلع مع الشباب و لا تنزل تسولف معنا حتى منال شكت ان فيك شي .. راكان : ما عاد في أي شي يهمني بهالدنيا .. اشتقت لها كل يوم بعد الدوام اروح البحر و اقعد بمكانا اقول يمكن تجي و انتظر و انتظر بدون فايده ما تجي .. وليد انا ابي استناها رح ترجع لي صح ؟ قول لي انها رح ترجع لي .. وليد : والله ما ادري اش اقولك .. تكفى يا اخوي لا تسوي بنفسك كذا لا تخوفنا عليك .. راكان : لا تخاف هذا مرض الحب و العشق ما رح يقتلني .. وليد : ما هم قالوا من الحب ما قتل .. اخاف العكس يقتلك الحب .. راكان : أنا ميت خلاص .. عشـت طــــول عـــمـــري أنتــظــر رجــعــتـــك و يــــا ليتنــي مــــا تعـذبــت لاجـــل اشـــوفــك و قـــلـــت رح تـــرجـــعين لـقـــلــب عــشــقـــك حــــبــــك و فــــداك و قـــادر إنـــه يـصـــونــك قـــلـــت ويــنــك حبيبــتي ويـــن صـــار قـــدرك قريــبه مـن قلبـي و لا بعيــده عنـي عـــيــونـك وينك يا اللي اشتـــاق لــك القــلــب وانــتظــرك وينك يا اللي صـرت كلي لك و صرت مـجنونـك وينك يا اللي تعبــت الروح كثر مـــا احتــرتـــك وينك يا اللي يفرح القلب و تسعد العين بشوفك وينك يا اللي تــركــتي الـزمــن عـنــي أبــعـدك وينك يا اللي من بعد الفرقى ضـاعـت دروبـــك حبيتــك ويشهــد رب السمــا إنــي أعـشـــقــــك أمـوت بصــوتك وجمالـهــا نظـــرت عيــونــك أنتي القــمــر نــفســه يـقـــول مـــا اجــمــــلــك و أنـــا قلـبـــي يــقــــول مـــا يــقـــدر بــدونـك يــا اللــي أبــعــدك عـنــي الــزمــن و أشغــلــك مـا زلت عـلى حــبــك و بــعــدنــي مـجنـونـك و إن كـــان لك هـــم بـــــه الــدنـيـــا أتــعــبـــك مــا فـي غيري يــا عمري يشــيــل همـــومــك وليد : صح لسانك ..خلك تشيل هموم نفسك عشان تشيل همومها .. ما ني مصدق كل هالكلام فيها ..؟ راكان : و اكثر هذا حتى ما يعبر عن اللي بقلبي .. وليد : القلب اذا حب مشكله .. الحب عذاب و يتعب .. راكان : ليش ؟ جربت الحب ؟ وليد : قاعد اجربه .. راكان : من هي سعيدة الحظ ..؟ وليد : وحده ما تعرفها .. راكان : لا عاد اكيد اعرفها .. قول و لا تستحي .. و لا تخبي عني شي لاني انا ما اخبي عنك .. وليد : اه منك اذا تبي تعرف الشي لازم تعرفه .. راكان : يلا قول و لا تصرف .. وليد : بصراحه ورود اللي معنا بالشركه عاجبتني مره حلوه و اسلوبها راقي .. راكان : مين ورود ؟ وليد : ورود بنت عم الهام .. راكان : ما شفت الا هذي ؟ اخت الحقير سعود .. وليد : وش فيها ورود ماهي زي اخوها .. راكان : تكفى وليد كلهم زي بعض .. وليد : لا تحط بذمتك و تظلم البنت مو زين عشانك .. راكان : كيفك انت حر انا ما رح اتدخل .. خلني في همي .. هم واحد قاسي يكفيني .. " دخلت شهد اش تسوي وليد تأخر عليها خذته السوالف .." شهد : وليد يلا نبي نروح ما صارت كل هذي السوالف والله طلعتو تسولفون اكثر من الحريم .. وليد : يلا جاي .. " راحت السوق وخذت كل اللي تبيه و رجعت بدري عشان عندها دوام الصبح مع العزيمه رح تتعب كثير .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل الخامس و الثلاثون )) " صباح اليوم الثاني اجتمعت الشله بالجامعه و اللي عنده اخبار يقولها .." هديل : يلا بسم الله نبدا نشرة الصباح .. يلا قولوا لي اش صار معكم من سوالف مهمه .. شهد : يا حبك للنشرات الاخباريه .. بعدين ورى ما تبدين انتي ..؟ هديل : هههههه مقبوله منك .. و ما صار لي موقف مهم اقوله او سالفه خطيره .. ليان : لااااا و يوم تطلعين مع نواف المول و انا وراكم .. شهد : ما شاء الله و تقولين ما صار شي مهم احكي لنا بالتفصيل اش كان يقولك ؟ هديل : لا لا ما يصير اقول لكم اش قال اترككم مني اللحين يعني سوالف الرجال وخطيبته ما تهمكم قولوا لي انتو .. الاخبار عندكم .. إلهام : هههههههه شوفوها تصرف .. معليه أنا باقول .. كل يوم يقرب مصيري و تقرب نهايتي .. ليان : الله يهديك ليه تقولين كذا ..؟ إلهام : كثر ما بينت لكم اني ما اهتم كثر ما انا خايفه من مصيري مع سعود انا واثقه اني ما رح اكون سعيده معه و يكون بعلمكم رح انكد عليه عيشته رح اخليه يندم ليش انه تزوج وحده اسمها الهام رح اخليه يكرهني و يطلقني بأسرع وقت ... شهد : اش هالكلام الخطير .. هديل : لااا انتي تمزحين .. ليان : أي قولي انك تمزحين .. إلهام : لا والله هذا اللي بيصير و اوعدكم اني ما اخليه يرتاح بحياته دامه عايش معي .. شهد : اهدي اهدي و تعوذي من ابليس .. إلهام : اتعوذ من ابليس ؟! .. ماهو ابليس نفسه .. ليان : لا حول و لا قوة الا بالله .. اش بتسوين له يعني ؟ إلهام : اصبروا علي و انتوا بتشوفون اش بسوي فيه بس خل نتزوج و انا اعلمه اشلون يكسر راس الهام بنت فيصل .. هديل : لا اله الا الله اول مره اشوفك بالزعل هذا كله صايره تخوفين .. إلهام : انا ما بعد سويت شي .. ليان : لا تسوين اركدي لا تهدمين حياتك بإيديك مو تقولين استخرتي يمكن ربي كاتب لك فيه الخير .. إلهام : و نعم بالله و أنا متكله على الله ما قلت شي و هذا اللي مصبرني اصلاً و مخليني اكمل بطريقي .. بس لازم اعلمه هذا سعود قدره .. خلاص قفلوا الموضوع و علمونا انتو اش صار معكم .. ليان : ما رح يتقفل الموضوع إلين تتراجعين عن فكرة الانتقام هذي .. يا شينك لا مثلتي دور الشريره .. هديل : أي والله ..اش حلاتك و وش زينك لا صرتي البنت البريئه الطيوبه .. إلهام : أنا ماني شريره ابد أنا بس ابي اعلمه و اعرفه قدره .. شهد : اذا صار و صار و تزوجتيه خلاص انسي كل شي و عيشي معه طبيعي .. إلهام : لا والله .. انتوا ما رح تفهموني ابد .. ما عاش من يلوي ذراعي .. هديل : الظاهر انه مافي فايده .. ليان : عنيده وراسها يابس .. إلهام : هذا انتو تدرون اني عنيده معناته قفلوا الموضوع .. بعدين عندي لكم خبر بعد اقل من اسبوع يعني كذا يوم من اللحين رح نروح و نخطب شهد .. هديل : الله من جدك ونااااسه .. آلف آآآآآلف مبرووووك يا شوشو .. ليان : أخيراً رح يعيش عصفورا الحب مع بعض .. آآآآلف مبرووك .. شهد : الله يبارك فيك .. بعدين ليون عن الفلسفه الزايده وش عصفورا حب و ما عصفورا .. إلهام : ههههههههههه بس حلوه الجمله الأخت تثقفت .. شهد : هههههههه .. على فكره قبل لا انسى انتو و اهاليكم معزومين اليوم عالعشا بمناسبة رجوع اختي بالسلامه و لانها رح تظل هنا بالسعوديه على طول .. ليان : اختك منال صح ؟ شهد : أي و انا عندي غيرها ؟ ليان : صح ما عندك غيرها .. يلا الحمدلله على سلامتها و احنا ان شاء الله اول الحاضرين .. شهد : الله يسلمك .. اجل رح استناك ع الباب يا ليون هههه .. وانتو جايين صح ؟ ( تقصد الهام و هديل ) إلهام و هديل : أكييييييييييد .. ليان : إلا بنات بقول وينها مرام ما عاد تقعد معنا ؟ هديل : خبرك عتيق لقت لها شله غيرنا .. ليان : احلفي بعد حيي ما يصير تتركنا .. إلهام : تبين الصراحه احنا ما عطيناها وجه بالفتره الأخيره من حقها البنت تدور لها على احد غيرنا.. ليان : أي والله انك صادقه .. اوه شوفيها هناك تمشي مع بنتين خل اناديها .. مرااااام مراااااام .. ( اشرت لهم بما معناه لحظه ) .. اش فيها تأخرت اش قاعدين يقولون لها هاذيل اللي معها ..؟ شهد : ما عندك صبر .. شوفيها هذا هي جت حبيبة قلبك .. ليان : يالله تحيهم اش اخبارك مرام ؟ من زمان عنك ؟ وين غطيتي ؟ شهد : شوي شوي عالبنت اكلتيها بقشورها .. مرام : لا خليها عادي .. انا زينه و هذاني بالجامعه ماني بعيده .. ليان : هذا و انتي صرتي من نسايب الهام و لا عاد شفناك .. مرام : والله انتو دايماً مع بعضكم مشغولين اخاف اني ازعجكم .. إلهام : لا عادي بأي وقت تعالي .. اش اخبار نور ؟ تكلمينها ؟ مرام : أي هي زينه كلمتها الاسبوع اللي طاف و تقول انها بتجينا الجامعه زياره .. هديل : أي زين نستناها .. ليان : مين البنتين اللي كانوا معك .. مرام : اه اللي من شوي .. هاذيلا بنات جدد تعرفت عليهم وحده اسمها ريناد و الثانيه روان .. تصدقون انهم ما كانوا يدرون اني اعرفكم .. لان البنت اللي اسمها ريناد معجبه بإلهام و الثانيه روان معجبه بشهد يا حليلهم .. إلهام و شهد : ههههههههههه .. هديل : وااااو طلع عندكم معجبات حتى بالجامعه .. إلهام : اكره ما اكره هالسوالف .. شهد : أنا بعد ما احب السوالف .. مرام : لا هم بس يبون يتعرفون عليكم .. عاجبهم اسلوبكم و جرأتكم .. إلهام : ما في مشكله اذا تعارف ما لي خلق صداقات جديده بس جد مو وقته اللحين .. مرام : طيب براحتكم .. شهد : ايهم روان و ايهم ريناد ؟ مرام : ريناد اللي شعرها قصير و قصتها حلوه و مخصله اشقر .. و روان الثانيه اللي شعرها للكتف او اطول شوي و لونه بني .. شهد : يصير خير .. هديل : يلا بنات قوموا المحاضره رح تبدا .. ليان : أي يلا جايين .. " بعد اليوم الدراسي الطويل رجعوا للبيت لكن ما نسوا عزيمة شهد كانت العزيمه بالبيت يعني بيتهم كبير و مجرد اربع عوايل رح يحضرون .." أول الحاضرين طبعاً كانت ليان و اهلها .. ليان : اوووه الظاهر جينا بدري .. شهد : لا و لا بدري و لا شي زين جيتي .. ليان : وينها اختك نبي نشوفها .. شهد : اللحين رح تجي .. اش اخبارك يا خالتي ..؟ ( تقصد ام ليان ) ام ليان : الحمدلله زينه انتي اشلونك ؟ شهد : الحمدلله .. اش تحبون تشربون ..؟ ام ليان : حبيبتي أي شي من ايدينك حلو .. شهد : تسلمين خالتي .. و احلى عصير لاحلى خاله .. ليان : لا تصدقين عمرك من ايديني انا احلى .. ام ليان : ليان !! شهد : لا عادي خالتي احنا متعودين كذا هذي سوالفنا .. ام ليان : ههههههههه يا زين سوالفكم تهبلون .. " بعدها بثواني وصلت هديل و امها ..." هديل : اووه ليان هنا ما كذبتي يوم قلتي انك اول الحاضرين .. ليان : اييييييه عشان تعرفين ليان لا قالت .. ام ليان : هاا عروستنا وش اخبارك ؟ ليان : هههههههههههه يما خجلتي البنت وجهها صار احمر .. هديل : هههه انا زينه انتي اشلونك ..؟ ام ليان : الحمدلله يا بنيتي .. وينها امك ورى ما جت ..؟ هديل : لا هي اللحين جايه هي وراي .. ام ليان : ايه زين خير ان شاء الله .. " دخلت عليهم منال و سلموا عليها كانوا مبسوطين فيها .." منال : احسكم ناقصين .. شهد : أي باقي الهام ما جت مدري اش بلاها .. ليان : خل ادق عليها اشوف اش فيها .. هديل : لا لا اصبري شوي يمكن بالطريق .. " فعلاً كانت بالطريق توها وصلت .. و توقعوا مين كان يستناها على احر من الجمر كان راكان ما غيره واقف برى على انه يكلم جوال لكنه في الحقيقه كان يستناها .. وده يشوفها الولد جن خلاص ما عاد يتحمل و لا لحظه بدونها صار مهووس فيها ينتهز أي فرصه ممكن انه يشوفها فيها.. اول ما نزلت من السياره على انه خلص مكالمته و راح يرحب فيها .." راكان : هلا فيك .. توك وصلتي ..؟ إلهام : اهلا .. أي توني والله اني عارفه اني تأخرت فشله .. راكان : لا ليش فشله ما بعد يجي وقت العشا .. إلهام : أي ولو كان المفروض اني اجي بالموعد بس وش اسوي انشغلت و زحمت الطريق كملها.. المهم قول لي اش اخبارك و وش عندك تكلم هنا بالخش اكيد تكلم حبيبتك و ما تبي احد يسمعك .. راكان : او بالاصح انتظر حبيبتي .. إلهام : اش قصدك ؟ حبيبتك رح تجي العزيمه اليوم ؟! راكان : هااا لا ما ادري اذا رح تجي و لا لا استنى و اشوف .. إلهام : لا تخاف دامكم عزمتوها اكيد رح تجي و اخيراً بشوفها .. راكان (تنهد بخفه) : أي ان شاء الله تجي .. " وليد شافهم و هم يكلمون بعض برى عصب من اللي شافه ان اخوه قاعد يعذب نفسه و اللي قاهره بعد ان إلهام مو مهتمه فقال لازم يكلمها تبعد عنه بعدين قال لا خليني استناها لين تتزوج اكيد ما عاد تكلم راكان و هي بذمة رجال .." إلهام : عفواً راكان لازم ادخل .. راكان : أي يلا روحي اكيد يستنوك اللحين .. إلهام : يلا اشوفك على خير .. " وصلت إلهام و طبعاً سحرتهم بجمالها كالعاده هي بطبعها حلوه بس تحب تكشخ و طبعاً تصير وااو .." ليان : واو الهام ما شاء الله طالعه تهبلين .. إلهام : هههههه ما قلتي شي جديد .. شهد : ههههههههههههه بدينا بالغرور .. هديل : بناااات شوفوا سمر جت .. شهد : أي عزمناهم اش على بالكم هي مرة اعز صديق لاخوي .. هديل : يعني وناسه .. خل نروح نسلم عليها .. إلهام : يلا و ودي بعد اشوف رائد مشتاقة له حيل يا زين حسه بالبيت .. رح اشوفه بعد العزيمه ان شاء الله .. " سلموا على سمر كانت سمر مونستهم بعدين سمر و منال تقريبا نفس الاعمار فكانوا متفقين مع بعضهم يعني صاروا اصحاب ..." إلهام : سمر ليه ما جبتي نور معك ؟ سمر : ما خطر لي اجيبها .. إلهام : ايه من زمان عنها ما شفتها .. زين اذا شفتيها سلمي عليها .. سمر : ان شاء الله يوصل .. منال : قلتي لي انتي دارسه بكندا ..؟ سمر : أي .. منال : حلو .. ليه ما تشتغلين اللحين دام عندك هالشهاده .. سمر : ما ادري جا موضوع الزواج و خرب علي يعني .. منال : اهاا .. إلهام : نبي نروح انا و الشله تحت نبي نسولف على راحتنا يعني اسمحوا لي انتو ( تقصد منال و سمر و ام ليان و ام هديل ) متزوجات يعني حنا لنا سوالفنا و انتو لكم سوالفكم .. منال ( بمزح و استهبال ) : أي أي روحوا يلا عبالكم بنمنعكم يلا روحوا بالعكس تريحونا حنا نبي الفكه عشان ناخذ راحتنا بالكلام .. شهد : ههههههههاي اللحين تبون الفكه منا معليه هين يا منول .. ليان : يلا يلا خل نروح بس معليكم منهم .. ------------------------------------------------------------------------ " ما رح اذكر لكم تفاصيل العزيمه لانه ما صار فيها شي مهم او يستحق الذكر مجرد عزيمة عشا و سوالف و ما الى ذلك .. في هذا الوقت كانوا الشباب كلهم كالعاده مجتمعين بالاستراحه عدا اللي حضروا العزيمه طبعاً .." صلاح : هلا فارس من زمان عنك وينك ياخي ما تنشاف .. فارس : ما تدري انا خطبت و زواجي بالعطله .. صلاح : اييييه .. آلف مبروك .. انا اقول وينك بالعاده انت و نواف و احيانا ابراهيم ما تفترقون و اللحين ما ادري اش صاير .. فارس : لا انا اللي ما صرت اطلع واجد .. و اللحين هذاني اليوم جيت وين الشباب ..؟ صلاح : انا الوحيد اللي اجي كل يوم .. عندك عامر شوي و يوصل هو بالطريق .. أما خويك ابراهيم ما عاد شفناه اصلاً كله ضايق خلقه و خويك الثاني خالد نفس الشي بس من يوم فتحوا شركتهم هذي و هم مشغولين و انت اخبر .. ما صاروا يجون هنا زي اول و بدر متهاوش مع عامر ما عاد يجي و نواف نفسك من خطب ما عاد شفناه و وليد و رائد من لما راحوا بريطانيا و رجعوا نسونا خاصه بعد ما تزوج رائد .. و اللحين كل اللي ذكرتهم لك معزومين عند وليد عشان اخته رجعت ما رح يجون الاستراحه اليوم .. اه و تعرفنا على واحد جديد بالشله اسمه فهد شفه جا .. فارس : ول ول شوي شوي علي كل هالاخبار و الاشياء صارت و انا ما عندي علم .. ابيك تحكي لي بالتفصيل عن كل واحد و حكايته .. صلاح : أي و لا يهمك بس بالاول سلم على فهد .. فارس : بس ما قلت لي هو وليد ما عزمك ؟ صلاح : لا هو عزم كل الشباب اللي يعرفهم يعني يقربون له او اهله يعرفونهم .. فارس : أي فهمت .. خل اسلم على خويك هذا الجديد .. بعدين تحكي لي .. " هذا فهد مو غريب و تذكروا وين ذكرته و بأي جزء من الروايه .. رح تتسآئلون هذا فهد مين و اش يكون رح تعرفون الجواب لو تذكرتو وين ذكرناه اساساً .. المهم سلم على فهد و تعرف عليه و كان شاب عادي تعرف عليه صلاح عن طريق اخوه و ارتاح له و صار يقضي وقته معه .. المهم بعد ما حكى صلاح لفارس اللي غاب عن الاحداث لفتره طويله وصل عامر و طلب انه يكلم صلاح في موضوع خاص و انتوا تعرفونه .." عامر : يا خي تعبت و انا افكر الحقني بالحل .. صلاح : شوف انا اقول احسن شي انكم تتصالحون و ترجعون لبعض و اترك عنك انتقام و ما انتقام حنا اخوان .. عامر ( كان رح يهزأ صلاح عشان هالكلام لكن من كلامه جت براسه فكره شيطانيه ..) : امممم خلاص انا مستعد اتصالح معه .. صلاح : زييين هذا عامر اللي اعرفه .. فارس : صلاااااح عااااااامر يلا انا ماشي .. صلاح : لا وين ياخي تو الناس .. فارس : لا بروح متى ما اجتمعت الشله علمني زين و انا ان شاء الله ابكلمهم و رح نجتمع اذا الله آراد .. صلاح : ان شاء الله رح نجتمع .. فارس : يلا تصبحون على خير .. صلاح : و انت من اهله .. عامر : مع السلامه .. خلنا نشوفك لا تغيب واجد .. فارس : يلا ان شاء الله ما رح اغيب .. " راح فارس لبيته و هناك عند شهد انتهت السهره و كلٍ راح على بيته ..." التعديل الأخير تم بواسطة عبق النسيم ; 03-15-2015 الساعة 11:07 PM |
|
#89
03-16-2015, 12:44 PM
| ||
| | ||
|
القصة مرة روعة بدي الباقي
__________________ [youtube]http://www.youtube.com/watch?v=XXXXXXXXXXX[/youtube] |
|
#90
03-17-2015, 12:38 AM
| ||
| | ||
| لااااا لهو لبرهووم
لااااااااااااااااااااااااااااااااااااااااااااااااااااااااااااااااااااااااااااااا لهوووووو لبرهووووم  انا زعلت كتيييييير  ليش لهوو لسعود ليش ليش  ابي افهم لييييييش غضب1غضب1غضب1غضب1غضب1  خلاص انا زعلت ما بدّي اقرأ البارت اذا نزل  وسلامتك.
__________________ http://vb.arabseyes.com/t471293-new-post.html وجودكم يسعدني ويسعد غيري لذلك شرفو صديقتي بروايتها الاولى  |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
