|
|
#106
03-23-2015, 02:46 AM
| ||
| | ||
| وليد : ما تدرين الدنيا مليانه بحكايات غريبه .. خليها على ربك بس .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل السادس و الاربعون )) " وصل راكان شهد على انه بيوصلها و بيرجع لكن كان في باله شي ثاني من زمان ما شاف إلهام و هذي فرصه يشوفها ما كان راكان واعي للي يسويه كان همه بس يشوفها لو من بعيد .. شهد طبعاً ما كانت تدري للي يخطط له راكان على بالها بيوصلها و بيمشي .." شهد : اسمع احتمال ما ادق عليك يمكن يوصلني خالد .. ع العموم اذا ما وصلني و انا اشك اكيد بيوصلني بس اذا صار و صار رح ادق عليك يعني ما له داعي تستناني .. راكان : طيب امشي اوصلك لهم .. شهد : لااا ما في داعي .. " و كأن راكان بيسمع الكلام .. المهم راح ورى شهد بدون ما تحس و لقاها .. لقى من خفق قلبه لها .. لقى من سهر ليالي و ليالي يطريها .. لقى اللي ملكت قلبه قبل لا يعرفها .. لقى اللي يعشقها و كلمة عشق قليله بحقها .. لقى اللي يحبها بكل جوارحه .." إلهام : هلاا وغلا شهوده اش اخبارك ؟ شهد : الحمدلله زينه .. انتي اللي اشلونك و اش مسويه ؟ ماخذه اجازاه من الجامعه و ما صرنا نشوفك .. إلهام : ههههه هانت اليوم اربعاء و باقي يومين و ان شاء الله برجع اداوم .. بعدين اذا تبيني تعالي زوريني بالبيت .. شهد : لا حبيبتي اسميها قلت ذوق اذا جيت .. إلا وينه ؟ إلهام : مين ؟ حبيب القلب .. شهد : لا تحرجيني انتي عارفه .. إلهام : ايه لا خلاص ما رح احرجك .. راح يشتري شوية شغلات و راجع اللحين .. هاه شوفيه شرف الاخ .. خالد : انا اشوف القعده صارت حلوه .. ما شاء الله يا زين الوجيه الحلوه .. إلهام : يا سلااام يعني بوجودي ما كانت حلوه ههههه .. خالد : افاا من قال ؟ بس تعرفين هذي حبيبة القلب و لازم نتغزل فيها شوي .. إلهام : ههههه لا انا عارفه .. الله يسعدكم .. يا الله شوف طالع وجهها خلاص البنت ذابة حيا .. خالد : هههههه يا حياتي يا شهوده هذا اللي احبه فيك يا عمري انتي .. إلهام : طيب انا اخليكم و بروح اتمشى هناك شوي و بشتري لي شوية شغلات .. اوك شهد : لا وين رايحه خليك .. خالد : لا خليها تروح تتمشى تغير جو يعني .. إلهام : ههههههه سمعتي خليني اروح عاد هذي واضحه .. " لما راحت إلهام خالد ما سكت بس يضحك مبسوط من حقه اما شهد هزأته شوي على اللي سواه .." شهد : ما كان لازم تقول لأختك كذا .. خالد : ههههه يا حياتي يا روحي انتي ابي نقعد لحالنا عشان اقول لك كل اللي بقلبي .. شهد : بس ما يصير .. بعدين بطل ضحك .. خالد : هههههه ما فيني ما اقدر احسني مبسوط من زمان ما قعدت معك هالقعده الحلوه .. شهد : طيب اضحك براحتك .. خالد : ههههههههههههه يا حلوك والله تهبلين .. بس تصدقين و حشتيني كثييير حتى بمنامتي صرت اشوفك من كثر ما افكر فيك قبل لا انام .. شهد : هههه بس تراك تحرجني كذا .. " إلهام بالفعل راحت تتمشى و كانت مراقبه الاخ راكان كان يراقبها وين ما راحت و هي ما حست .. لما ابتعدت شوي عن شهد و خالد قرر راكان يروح و يكلمها بس بطريقة انهم التقوا مصادفه .. يعني الهام دخلت على احد المحلات و هو دخل وراها و يعني انه تفاجأ لما شافها .." راكان : اوووه إلهام انتي هنا ؟ إلهام : مين ؟ راكان هلاااا والله زمااان اش اخبارك ؟ و اش تسوي هنا ؟ راكان : هااا الحمدلله انا زين .. جيت وصلت شهد قالت تبي تطلع معك وصلتها و قلت بما اني جيت خل اروح اتمشى شوي .. ( كان يلمح لها انه جاي عشانها ..) إلهام : اهاا .. راكان : قولي لي انتي اش اخبارك و اش مسويه بحياتك الجديده ؟ إلهام : والله اذا بقولك يبغا لنا قعده طوييييييله .. راكان : طيب تعالي نقعد بالكافيه اللي هناك بعيد و ما رح يلاحظك احد .. إلهام : يلااا اش وراي .. والله اني اشتقت اسولف معك تصدق .. احس اني ارتاح بس احكي لك اللي بقلبي .. راكان : يسعدني هالشي .. ان شاء الله دوم تكوني مرتاحه .. " راحوا و اقعدوا بالكافيه و سولفوا عن كل شي .." راكان ( بايعها ) : تدرين .. دايم افكر فيك .. إلهام ( تحس بشي غريب و في نفس الوقت شي مريحها ) : اشلون ؟! راكان ( رقعها ) : يعني افكر بحياتك .. يعني تكسرين خاطري لانك انجبرتي تعيشين حياة ما كنتي تبينها .. إلهام : اهاا .. خليها على الله بس .. لكن قول لي إبراهيم صدق صدق خطب ؟ راكان ( تضايق كثيير لانها سألت عنه ) : والله ما ادري اش اقول لك .. يعني انتي الى اللحين تفكرين فيه ؟ إلهام : اش اسوي مو بإيدي ماني من الناس اللي ينسى خله بسهوله .. قول لي بس هو صدق خطب ؟ راكان : أي هذا اللي سمعته .. ابراهيم ما قال بس الكل عرف .. إلهام : اه اه يا راكان طعني طعنه قويه .. ما صدق اني تزوجت كأنه يبيها من الله .. تخيل ما صار لي يومين من تزوجت الا راح و خطب .. راكان : تبيني اقول لك الصراحه و لا اسمعك و اسكت احسن .. إلهام : لا قول ما عاد يفرق شي اللحين .. راكان : بصراحه بصراحه هو ما يحبك .. إلهام : اشلون ؟! هو قالك ..؟ راكان : اهدي .. لاااا ما قال لي لكن واضحه لو يحبك كان تمسك فيك ع الاقل كان خطبك البيت ما رح يأخر شي او يخرب شي بصراحه مو عذر .. يعني لو انا بمكانه كان ظليت وراك و لا تركتك و لا تزوجت غيرك و بستناك الى اخر عمري .. إلهام ( حست كأنه يقول هذا الشي من قلبه اش قد حبت هذا الاحساس ) : طيب .. يمكن معك حق .. راكان : إلهام انتي تبكين ؟ إلهام : لاا بس .. ( كانت عيونها مليانه دمع تعودت ع البكي تحس انها ما كانها عايشه بالدنيا تحس انها ما لها قيمه او اهميه ) راكان : إلهام انا آسف اذا كلامي زعلك .. إلهام : لا مو منك انا اساساً من يوم تزوجت و الدموع ما تفارق عيني .. بس اللي قااهرني و فاقع مرارتي و خايفه منه ان ابراهيم ما كان يحبني اساساً .. لو ادري انه ما كان يحبني رح احس اني وحده غبيه و انضحك علي و رح اكره نفسي اكثر من ما انا كارهتها اللحين .. راكان : تكفين إلهام لا تقولين كذا .. لو طلع ابراهيم ما حبك فهو الانسان الغبي مو انتي رح يكون هو الخسران خسر انسانه مثلك فيها كل الصفات اللي يتمناها أي احد .. صدقيني هو من البدايه ما كان يستاهلك .. انتي قدرك اعلى .. إلهام : مقدره لك هالكلام و ادري انك تبي تخفف علي .. لكن لا تجامل و تبالغ .. انا ماني لهذي الدرجه .. راكان : انا ما اجاملك و لا بالغت ع الاقل هذي وجهة نظري فيك صدقيني انتي انسانه رائعه بكل معنى الكلمه هذا رأيي فيك و تستاهلين حياه احسن من حياتك هذي .. إلهام : كلك ذوق و هذا رأيك و انا احترمه .. راكان : قولي لي انتي ليه قلتي انك من يوم تزوجتي و دموعك ما تفارق عينك .. يعني سعود معاملته لك قاسيه ..؟ إلهام : لا لا بالعكس .. لكن وش ترجي مني و انا عايشه مع شخص ما احبه و لا ابيه ؟.. راكان : يمكن مع الايام تتعودي عليه و تحبينه .. إلهام : مستحيل يا راكان و مستحيل جداً بعد .. سعود عاندني و وطى راسي و انا ما رح اسامحه .. حتى لو ان ابراهيم تزوج انا بظل على رأيي سعود ما ابيه و لا يمكن اني اصير ابيه بيوم من الايام .. راكان : اعتقد رح تتعودي عليه مع الوقت .. إلهام : ما الومك انت ما تعرفني زين .. اذا قلت انا ما ابي الشي معناته لا يمكن اصير ابيه .. " بانت على ملامح راكان السعاده و الارتياح من كلام إلهام لدرجة ان إلهام لاحظت هالشي .. و ظلت تسأل نفسها معقول .. معقول راكان طول المده اللي راحت كان يفكر فيها ..؟ بصراحه حتى هي ما راح عن بالها كان يطرا على بالها احيانا لكنها كانت تحاول ما تفكر بهالشي حتى ما تطيح بوهم حب مره ثانيه .. حاولت إلهام تغير الموضوع او بالاصح تتأكد من اللي هي شاكه فيه من زمان ( محبة راكان لها من عدمها ) فكرت تسأله عن حبيبته اللي ما تعرف اسمها و لا مره شافتها .." إلهام : اتركنا اللحين من موضوع سعودوه الزفت اللي انا طلعت من البيت بسبته ما ابي اكدر خاطري .. وخلنا نسترجع ذكريات زمان و قول لي اش اخبار حبيبتك المجهوله ؟ راكان : دامك جيتي على طاريها .. هي زينه بس في عندها شوية مشاكل .. كنت اخاف ان ربي ما يجمعني فيها بس احس ان الحظ شوي شوي و بدا يبتسم لي و لها .. إلهام : طيب احكي لي اش مشاكلها ؟ و ليش ما تقدر انك تتزوجها ؟ راكان : صعب احكي لك .. إلهام : ليش صعب .. ما انا حكيت لك كل شي عني .. و صاير تعرف عني اللي ما تعرفه اعز خوياتي .. يلا قول اسمعك .. راكان : صدقيني كل شي بوقته حلو .. اللحين ما اقدر احكي لك أي شي .. إلهام : طيب شهد تعرف البنت ..؟ راكان : أي تعرفها .. بس انتي ليش مهتمه كذا ؟ إلهام : لااا بس عندي فضول .. لكن تصدق هذي البنت اللي تحبها محظوظه فيك .. راكان : لا انا اللي محظوظ فيها .. انا مو احبها و بس انا اعشقها اموووت اتعب و انا اقول لك احبها .. حبي لها اكبر من أي حب في هالدنيا انا حتى احبها اكثر من نفسي .. إلهام : وااو بجد محظوظه البنت فيك .. راكان : امنيتي الوحيده انها تطلع تحبني مثل ما احبها .. إلهام : مو معقول انت الى اللحين ما سألتها اذا تحبك و لا لا؟ راكان : للاسف ما صار لي فرصه اسألها و ما اتوقع بتصير لي .. لكن رح استناها لآخر يوم بحياتي .. إلهام : هذا هو الحب بمعنى الكلمه .. هذا هو الحب اللي كنت اتمناه من ابراهيم .. بقول لك نصيحه .. خليك تستنى حبيبتك لابد و يجي يوم و يجمعكم مع بعض .. راكان : وهذا اللي بسويه .. إلهام : والله شوقتني اعرف من هذي البنت اللي انت مجنون فيها .. ابي اشوفها تدري ليه ؟ راكان : ليه ..؟ إلهام : عشان اقول لها لا تفرطين براكان تراه انسان نادر الوجود و حبه صادق و اذا تركتيه رح تكونين خسرانه .. و بقول لها بس يكفي لا تعذبين راكان .. ترى مبين ان البنت معذبتك هاه لا تقول اشلون عرفت .. و بضمن لها انك تحبها بجد .. راكان ( هذا انتي هذا انتي يا روحي ) : الله هذي شهادة اعتز فيها يا إلهام ما تدرين اش قد كلامك هذا بسطني .. إلهام : و انا ان شاء الله بدعي لكم ان ربي يجمعكم و الله يوفقكم و يسعدكم .. راكان : ههههههههه تسلمين .. إلهام : هههه ليه تضحك ؟ راكان : لاا و لا شي .. إلهام : لااااا انت وراك سر .. راكان : و كبير بعد .. رح تتفاجئي فيه .. إلهام : يا سلااام اجل يلا دامك فتحت السالفه يلا قول .. راكان : لا لا كل شي بوقته انا قلت لك .. " مرت ساعتين و الاخت إلهام ما رجعت و خالد قلقان عليها شوي .. فقرر يدق عليها .. و اختنا في الله قاعده مع اخونا في الله و لا حسو بالوقت .." إلهام : او ماي هذا خالد يدق .. الا كم صار لنا و احنا قاعدين ..؟ راكان : والله ما ادري ما حسيت بالوقت ( من حقه ما يحس بالوقت دام الاخ مع حبيبته ..) ردي عليه .. إلهام : اممم طيب عن اذنك .. " خالد عصب لان إلهام ما ردت بسرعه خاف انه يكون صار لها شي .." خالد : لهوو وينك ماني شايفك .. إلهام : أنا بالكافيه .. واللحين جايتكم .. خالد : يلا بسرعه نبي نمشي .. إلهام : اوكي اوكي انا بالطريق .. " لما قفلت إلهام من خالد و كانت تبي تروح تحس و كأن شي يمنعها انها تروح ودها تقضي كل يومها مع راكان انبسطت معه نساها الدنيا و ما فيها .." راكان : يعني انتي رايحه اللحين .. إلهام : اييه بعد لازم اروح .. شوف بكره احتمال اطلع ع البحر بنفس هذا الوقت اذا تحب ممكن اشوفك هناك بصراحه سوالفك ما تنمل .. راكان : اكيييد رح اكون هناك ان شاء الله حتى لو ما جيتي .. صار احلى مكان عندي البحر .. إلهام : ههههه ليه ؟ اش معنى ؟ راكان : بس لان حبيبتي تحبه .. إلهام ( بدت شكوكها تزيد ) : اهاا ما شاء الله ما ادري ليه احس اني اعرف حبيبتك هذي .. راكان : لانو فعلاً تعرفينها .. إلهام : والله حيرتني .. بس يلا ع العموم انا ماشيه و اذا صار لي ان شاء الله اللقاك بكره .. راكان : اوكيه بإنتظارك .. " إلهام مشت و هي تفكر بكل اللي صار جد راكان شغل بالها .. لما وصلت لخالد و شهد كانت شاردة الفكر .. خالد ما لاحظ بس شهد لاحظت حتى سألت إلهام اذا كانت لحالها او لا فردت الهام انه ما كان معها احد يعني انكرت .. لكن اللي أكد شكوك شهد ان سيارة اخوها راكان كانت موجوده شافتها شهد لكن سكتت و لها كلام ثاني معه بالبيت .." ------------------------------------------------------------------------ " اما راكان فمعروف اش كانت حالته هيمان بالحب و مبسوط لأبعد حد .. لكن وليد و منال و شهد ما تركوه انشبوا له .. " راكان : اش فيكم ؟ تراني ما سويت شي غلط .. ارجوووكم خلوني عايش بهذا الاحساس اللي مذوبني .. شهد : هييه انت راكانوه البنت متزوجه .. راكان : وشو اللي هييه راكانوه .. اصغر عيالك انا .. منال : و هي صادقه البنت متزوجه اشلون اصلاً تسمح لنفسك تقعد معها .. اصلاً هذي البنت اشلون ترضاها على نفسها انها تقعد مع واحد غريب .. شكل البنت مو متربيه .. راكان : مناااااال خييير .. تراني ما اسمح لك .. البنت متربيه غصب عن اللي ما يرضى .. بعدين هي ما تبي زوجها و قالت لي انها رح تتطلق منه عاجلا ام اجلا .. شهد : ليه تبي تتطلق .. يعني ابراهيم و بيتزوج هي تخرب حياتها ليه ؟ راكان : ياخي ما تحب زوجها .. انتو اش لكم علاقه .. كيفها تستمر معه و لا تتطلق هذي حياتها و هذا شي راجع لها .. اللحين يلا اطلعو ابي اقعد مع نفسي شوي .. منال : طرده يعني .. معليه .. الا انت وليدوه اش فيك ساكت عاجبتك سوالفه .. وليد : انتو ما عليكم اطلعو و احنا نبي ندردش مع بعض .. شهد : يلا امشي منال .. احنا مو مرحب فينا هنا .. منال : هههههه يلا .. و ابيك تحكي لي كل شي صار بينك و بين خالد .. " وليد كان يطالع اخوه بنص عين .. راكان استغرب هالنظره .." راكان : ليش اطالعني كذا ؟ وليد : انا توقعت بتروح تشوفها من بعيد .. اما انك تقعد معها لا و تسولف بعد و ساعتين هذا اللي ما توقعته .. راكان : وليد لا تكبر الموضوع .. كانت تشكي لي همها .. غير كذا ترتاح كثير لما تفتح لي قلبها .. وليد : بس ولو ما يصير البنت متزوجه لو درى زوجها و لا حتى اخوانها بيذبحونك .. تراني خايف عليك و بنفس الوقت ما ابيك تطيح من عيون الناس لو دروا .. راكان : لا تخاف ما رح يصير شي من هذا ان شاء الله و الله قعدتنا بريئه .. وليد : قلت لي بريئه .. مو انا اللي مخوفني هذي اللي اسمها براءه .. راكان : تكفى خلني اللحين اعيش اللحظه و اتذكر اللي صار .. لاني الى اللحين مو مصدق اني قعدت معها و كلمتها .. وليد : الحمدلله و الشكر على نعمة العقل .. ------------------------------------------------------------------------ " يا ترى من كان بانتظار الهام لما رجعت للبيت .. اكيد سعود .." إلهام : سعود يا الزفت تراني ما لي خلقك .. سعود : إلهااااام لا تجبريني امد ايدي عليك .. انتي ما تحترميني و لا عمرك احترمتيني .. إلهام : و لا عمري بحترمك .. معناها فكنا و لا تقعد تسوي سوالف ما لها داعي .. سعود : وين .. كنتي .. الى اللحين ؟ إلهام : وين كنت يعني كنت مع اخوي و خطيبته .. سعود : كذابه .. أنا رحت ع المول اللي كانوا فيه شفتهم قاعدين لحالهم و انتي مو معهم .. إلهام : يعني انت ملاحقنا و تراقبني ..؟ سعود : لا تجاوبين على سؤالي بسؤال اللحين تقولين لي وين كنتي و مع مين ؟ إلهام : هههه و تشك فيني بعد .. زين زين خلك كذا محترق من داخل و منت عارف اش تسوي .. حره فيك خلك مع شكوكك هذا جزاء اللي ياخذ شي مو له .. " سعود خلاص ما فيه ما قدر يتحمل كلامها مرررره عصبته لدرجة انه جا بيمد أيده و إلهام خافت و لفت وجهها .. لكنه مسك نفسه بآخر لحظه و اخذ شماغه و طلع .. ورود شافته يوم طلع شافت انه كان معصب نادته ما رد عليها فراحت تسأل إلهام .." ورود : اش صار ؟ اش فيكم ؟ اش فيه سعود طلع معصب كذا ؟ إلهام : ورود تكفين مالي خلق .. اخوك المحترم كان بيمد ايده علي .. ورود : لا عاد ما اصدق .. سعود ما عمره مد ايده على احد صحيح هو مشكلجي شوي بس طيب و قلبه حنون .. ابيك تفهميني السالفه من اول اش سويتي حتى كان رح يمد ايده عليك ؟ إلهام : بحكي لك و امري لله .. " إلهام قالت لورود كل شي و قالت لها عن تصرفاتها مع سعود و إلهام في قرارة نفسها عارفه ان سعود معه حق يعصب منها و يمد ايده و هي هذا اللي تبيه اصلاً حتى يكون عذر للطلاق .." ورود : يا الله كل هذا سويتيه مع اخوي .. إلهام : ادري اش بتقولين .. انه هو معه حق في اللي سواه و معه حق يعصب مني .. بس ارجوك افهميني انا ما ابي اخوك .. ورود : طيب عطيه فرصه .. خليه يثبت لك انه يستاهلك .. اصلاً بسكوته عنك هذا دليل انه يحبك حيل .. إلهام : بس انا ما احبه ما احبه و قلت لكم هالكلام قبل الزواج .. ورود : لكن ما يصير اللي تسوينه بأخوي .. تراني بجد زعلت عليه .. إلهام : الحل الوحيد انه يطلقني .. ورود : يطلقك و ما صار لك شهر من تزوجتي .. مو كلام هذا و لا هو بحل ..انا اللي ارجوووك عطيه فرصه حني عليه شوي صدقيني لو حبيتيه رح يكون خاتم بصبعك .. انا متأكده سعود يموت فيك .. إلهام : ولو ما فيني ما اقدر اترجاااك افهميني .. ورود : خلاص فهمت انتي في احد بحياتك .. إلهام : بقولك الصراحه و ما رح اخبي عنك .. صح كان في احد بحياتي بس لما درى اني تزوجت رح و خطب .. و اللحين .. ورود : و اللحين لازم تنسينه و تلتفتين لحياتك و بيتك انسيه مثل ما نساك و زي ما قلت لك عطي سعود فرصه .. إلهام : خلاص ورود ما فيني اتكلم تكفين خليني لحالي .. ورود : طيب على امرك بس لا تنسين اللي قلت لك اياه .. " و كأن إلهام بتعطيه فرصه اصلاً و لا اهتمت لكلام ورود .. اما سعود فراح يتمشى يعني لف بالسياره و كان يكلم نفسه إلهام جننت الرجال كان يقول : ليش حبيتك يا الهام ليش حبيتك ؟! .. و باليوم الثاني إلهام ما قدرت تروح بظل المشاكل اللي ببيت زوجها ما قدرت انها تروح للبحر و المسكين راكان كان بإنتظارها يستناها على احر من الجمر و انتظر و انتظر لكن ما في امل .. حتى من كثر مشاكل إلهام نست انه يستناها بالبحر .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــ شكرا للمتابعين الجدد شرفتم روايتي وحللتم أهلا أقتربت سفيتنا على أن ترسو وأقتربت نهاية الموسم الأول فكونوا بلقرب متابعة شيقه أتمناها لكم اركم بعد الغد بتكملة البارتات دمتم سالمين |
|
#107
03-24-2015, 11:26 AM
| ||
| | ||
|
حجز
__________________  |
|
#108
03-26-2015, 06:35 PM
| ||
| | ||
|
اهلا البارت يجنن و الاحداث كل مالها عم تحلى و انا مرة متشوقة للبارت الجاي فبليز لا تطولي علينا سلااام
__________________ |
|
#109
03-27-2015, 04:45 PM
| ||
| | ||
| و كأن إلهام بتعطيه فرصه اصلاً و لا اهتمت لكلام ورود .. اما سعود فراح يتمشى يعني لف بالسياره و كان يكلم نفسه إلهام جننت الرجال كان يقول : ليش حبيتك يا الهام ليش حبيتك ؟! .. و باليوم الثاني إلهام ما قدرت تروح بظل المشاكل اللي ببيت زوجها ما قدرت انها تروح للبحر و المسكين راكان كان بإنتظارها يستناها على احر من الجمر و انتظر و انتظر لكن ما في امل .. حتى من كثر مشاكل إلهام نست انه يستناها بالبحر .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــ (( الفصل السابع و الاربعون )) " بعد مرور يومين رجعت إلهام للدوام بالجامعه كالعاده و التقت بالشله .." ليان : بنااات في عندي لكم خبر جناااااان .. شهد : ايش يلا قولي .. ليان : لااا خل هديل تقول .. شهد : اخلصو علينا وحده تقول .. هديل : انكبتني ليان .. خلاص بقول .. قرروا اهلنا يعني انا و ليان انهم يقدمون زواجنا .. شهد : لااا احلفي .. والله ونااسه .. متى بيصير ؟ ليان : رح يصير باجازة منتصف الفصل الثاني .. يعني الاجازه الجايه .. يعني بنص شهر 5 .. شهد : زين زين والله بس ليه قدمتوه .. هديل : يعني هم شافوا الهام تزوجت و عادي ما اثر فقالوا ليه ما نفرح بعيالنا .. شهد : اهاا .. ليان : و الكروت بكره ان شاء الله بجيبها لكم .. هاا اش رايك يا الهام ..؟ هديل : إلهام بالها مو معنا .. ليان : إلهاااااااام .. إلهام : نعم .. ليان : اش فيك شايله هموم الدنيا كلها على راسك .. إلهام : خليني بحالي و بهمي .. هديل : الهام ما سمعتينا قدمنا يوم زواجنا .. إلهام : ان شاء الله الف مبروك مقدما .. ليان : البنت ابد ما همها .. لو اعرف انك تحبين سعود كان قلت سرحانه فيه .. إلهام : يوووووه يا ليان تتعمدين تضايقيني يعني .. ليان : اسفه مره اسفه ما قصدت .. إلهام : قولي لي ابراهيم متى زواجه .. شهد : شوفو البنت متزوجه و تسأل عن حبيبها .. إلهام ( تنهدت ) : يا الله .. ما ني راده عليكم هذا و انتو خوياتي و تعرفون كل شي .. ليان : معليه يا الهام .. بس جد مفروض تنسينه .. إلهام : ليوووون تكفين لا تتعبين قلبي .. جاوبيني و بس .. ليان : طيب طيب هدي .. زواجه بعد تقريبا 3 اسابيع .. إلهام : ايش ؟! بهالسرعه .. طيب هو ما قال لي ذاك اليوم انه بيجي يخطبني بالاجازه و بنتزوج على طول ما قال لي كذا .. اش معنى هذي البنت ما سوا معها نفس ما سوى معي .. هديل : يمكن يبي ينساك بسرعه .. إلهام : ههه ينساني .. ما هو نساني من قبل لا اتزوج .. ليان اذا شفتيه قولي له هالكلمتين .. قولي له إلهام تقول لك انها ندمانه لانها حبت واحد مثلك و قولي له لو صارت فرصه ثانيه اننا نصير لبعض رح اوقف بوجه هذي الفرصه .. يعني يحلم فيني مره ثانيه ما عاد ابيه .. ليان : ما اقول الا لاحول و لا قوة الا بالله .. ------------------------------------------------------------------------ " بعد مرور 3 أسابيع و بليلة زواج إبراهيم إلهام حضرت الحفل مع ليان بالرغم من ان ليان اصرت عليها ما تروح لكن الهام راكبه راسها الا تبي تروح و سوت اللي براسها و راحت .. و بنفس ليلة زواج ابراهيم كانت ليلة خطبة ورود لوليد .." إلهام : اللحين هذي الهنوف اللي فضلها علي ..؟ ليان : لهو و اللي يسلمك ما نبي مشاكل .. إلهام : اللحين انا صرت راعية مشاكل ..؟ ليان : لا انا ما قلت كذا .. بس لا تنسين انتي قلتي لي تبين تحضرين عشان تستانسين و بس مو عشان تعلقين .. إلهام : و انا قلت شي غلط اللحين .. من جد البنت هذي ما تقارن فيني .. ليان : استغفر الله .. اتركي الغرور اللحين و قول لي اشلون سعود خلاك تجين الزواج و اليوم خطبة اخته ..؟ إلهام ( بضحك هستيري ) : هههه حبيبتي انا اذا بغيت اسوي شي اسويه ابن امه يقدر يمنعني .. ليان ( مستغربه اول مره الهام تقول مثل هالكلام ) : بجد انتي فيك شي .. انا اقصد اكيد شهد و منال بيكونون موجودات من رح يستقبلهم ؟ إلهام : صراحه سؤال غبي .. يعني مين ؟ اكيد ام العروسه عمتي .. و بعدين شهد كلمتها و قلت لها اني ما رح اكون موجوده .. ليان : طيب طيب اخاف شوي و تعطيني كف .. خليني ساكته احسن .. إلهام : اناااااا آآآآآسفه .. لكن اكيد ما رح اكون طبيعيه و لا رح اكون بالمود يعني حبيبي اللي اموت فيه او كنت اموت فيه اليوم زواجه و تبيني اضحك و اسولف عادي .. ليان : عشان كذا ما كان ودي انك تجين زواجه اليوم .. إلهام : جيت و اللي صار صار خلاص خلينا نشوف العروسه ( و تضحك بإستهزاء ) و نملي عيونا منها .. " كانوا ليان و الهام يتناجرون و شافتهم ام ابراهيم و استغربت وجود إلهام فنادت ليان تفهم منها اش السالفه .." ليان : هلااا عمتي .. ام ابراهيم : اش جايب خويتك إلهام ؟ ليان : عمتي اش هالسؤال ؟ ام ابراهيم : أنا اعرف كل شي و اعرف ان هذي حبيبة ولدي سابقاً .. و هي متزوجه اللحين .. ابي افهم اش جايبها لزواج إبراهيم ..؟ ليان : مين قالك ؟ و من وين جبتي هالكلام اصلاً ؟ ام ابراهيم : ليووون لا تلفين و تدورين علي قولي لي هذي اش جايبها ؟ يعني جايه تخرب زواج ولدي .. ترى ما اسمح لأي كان يخرب زواج ابرهيم .. واللحين ابيك تطردينها .. و لا بأطردها انا .. ليان : اش هالكلام يا عمتي .. هذا لا هو من اصلنا و لا من عوايدنا .. و الهام ما رح تسوي لك شي انا اوعدك .. ام ابراهيم : يكون من الاحسن انها ما تسوي شي .. " بجد بجد تضايقت ليان من كلام عمتها لكن اللي كانت تبي تفهمه اشلون عمتها درت بعلاقة ابراهيم بإلهام .. لما رجعت ليان لإلهام ما كاانت رايقه و السبب كلام عمتها الغريب .." إلهام : اش فيك ؟ و اش فيها عمتك ؟ حسيت كأنها تهاوشك .. ليان : لااا ما في شي .. بس مشاكل تخصها .. إلهام : اهاا .. طيب .. ------------------------------------------------------------------------ " بنفس الليله لما رجع راكان و اهله ع البيت .. راكان تذكر شي مهم شي اعطته إلهام هو ما كان ناسيه بس خباه و طلب من وليد يخبيه عشان ما يتعلق بإلهام لكن اللحين خلاص صار و تعلق فيها فطلب من وليد يرجعه له .. هذا الشي هو السلسال اللي بحرف الـ .. هذا السلسال اللي اهدته إلهام لراكان بالمطار ايام لندن اذا تذكرون .." وليد : اشلون طرى على بالك اللحين ..؟ راكان : هو دايماً على بالي بس كل يوم اقول بكره باخذه .. وليد : شكل اليوم يوم شفت اسعود انقهرت .. يمكن عشان كذا .. راكان : تكفى وليد جيبه .. وليد : اوك بعطيك اياه بس لا تتأمل .. راكان : انت جيبه و ان شاء الله ربك بيفرجها .. وليد : ان شاء الله .. " إلهام بزواج إبراهيم ما قدرت تسوي شي حتى ما شافت ابراهيم و كان مستحيل اساساً تشوفه .. المهم بذيك الليله ما كان لها خلق تروح بيت زوجها اللي هو بيت عمها فرجعت على بيت ابوها طبعاً رجعت مع خالد و خالد كلم سعود بعد ما نامت إلهام لانها كانت تعبانه و قال له ان إلهام بتبات عندهم .. و سعود ما عاد له كلام اش بيده يسوي .." ------------------------------------------------------------------------ " في صباح اليوم الثاني .. لما قعدت إلهام من النوم كانت مرتاحه لانها نامت زين بفراشها القديم اشتاقت لغرفتها .. و بالصدفه كذا شافت الدبوب هذا الدبدوب اللي اعطاها او اهداها اياه راكان ابتسمت له و كان ودها لو ترجع ذيك الايام .. لما انزلت تحت لقت اسعود بإنتظارها .." إلهام : سعووود ؟! اش اللي جابك هنا من صباح الله خير .. سعود : جيت آخذك .. إلهام : ايش ؟! و ليش ان شاء الله يعني ما يصير اقعد عند اهلي كم من يوم .. سعود : كم من يوم ؟! ليه ؟ أنا مزعلك و لا متهاوشين عشان تقعدين عند اهلك كم من يوم .. بعدين للحين ما تفاهمنا على الحركه اللي سويتيها امس .. تتركين اختي بيوم خطبتها عشان زواج وحده ما تسوى .. إلهام ( بخاطرها : والله هي من ناحية ما تسوى ما تسوى بس مارحت عشانها ) : بكيفي و انا حره المكان اللي ابي اروحه اروحه و انت مالك كلمه علي .. سعود : انا الظاهر لازم اغير طريقة تعاملي معك .. صار لنا اربعة اشهر متزوجين و لا يوم حسيت فيه اننا فعلاً متزوجين .. إلهام : ههههه ( ضحكة سخريه ) : ليكون صدقت اننا متزوجين ؟ هههههه يا حليلك احلامك اكبر منك .. " خالد سمع هواشهم يوم كان نازل .. استغرب ما درى ان العلاقه بينهم متوتره هالقد .. فكر انه خلاص الهام بدت تتعايش مع سعود .." خالد : اش هالاصوات ؟ ليه تتناجرون اللحين ؟ سعود : تعال .. تعال شوف اختك و اسمع كلامها اللي يسم البدن .. خالد : إلهام اش صاير ؟ إلهام : ما صاير شي بس سعود كالعاده يحب يكبر المواضيع .. " سعود منقهر و محتر بشكل كبير .. يعني اللحين قامت و طلعت نفسها بريئه و ان سعود شرير .." سعود : انا اللحين اكبر المواضيع .. خالد انا من يوم تزوجتها و هي تقول لي كلام و لا حتى ابليس يقوله .. خالد : لهالدرجه ؟ سعود : و اكثر من ما تتصور .. إلهام : لا تهتم له .. هو جاب الشي لنفسه خليه .. سعود : أي لا يهتم و انا اعيش بعذاب طول حياتي .. تدري انها امس طالعه للزواج بدون اذني و المشكله ان امس كانت خطبة اختي كان من المفروض انها تكون موجوده يعني من الاصول .. خالد : انا فكرت ان عندك خبر .. سعود : الهام ما تحسب لي اية حساب .. خالد : مو معقول كل هذا يطلع منك يا الهام .. إلهام : شوف خالد نصيحه مني لا تتدخل .. صحيح احبك و اعزك بس انصحك بمشاكلي لا تتدخل .. و نصيحه لك انت يا سعود الزفت مافي داعي اطلع مشاكلنا برى و إلا ترى والله لا اكبر المشكله و اوصلها للطلاق و اذا تبي محاكم بعد .. سعود : هاا شفت .. سمعت بإذنك ؟ خالد : اوووه اش هالكلام يا الهام .. لكن خلاص ما تبيني اتدخل كيفك انتي مع زوجك انا ما لي علاقه .. يلا انا اللحين رايح للشركه و انتو حلو مشاكلكم .. " لما راح خالد ع الشركه كلم رائد عن اللي صار طبعاً رائد ملتزم بالاتفاق يتمنى الاربع الاشهر الجايه تمر بسرعه عشان تتطلق الهام و تفتك من سعود كان قلبه على الهام .. اما الهام رجعت مع سعود للبيت و النفس شينه لكنها مع ذلك اعتذرت من ورود لانها ما كانت موجوده بالخطبه .." ورود : لا انا مسامحتك .. بس استغربت يعني اللي جايين يخطبوني هم اهل صديقتك شهد و انتي مو موجوده .. إلهام : معليه انا كلمت شهد و قلت لها ما اقدر اجي و تفهمت .. ورود : اهاا انا قلت ما سألت عنك .. إلهام : ع العموم الف الف مبروك .. شفتي مو انا قلت لك ذاك اليوم ان وليد يحس بشي اتجاهك و ان نظراته كله عليك .. ورود ( بخجل ) : ايييه و صارت قصص بالشركه .. إلهام : الله يعني قصص رومانسيه .. ورود : تقدرين تقولين .. إلهام : اجل احكي لي يمكن اروق شوي كنت مخططه اجي البيت و انام او بالاصح ادخل الغرفه عشان ما اشوف اخوك .. لكن بما انه عندك سوالف يلا علميني اسمعك .. ورود : طيب بعلمك بس بشرط .. تحكي لي اش صار بينك و بين اسعود هالمره .. إلهام : اوك ما طلبتي .. مع اني اكره ما اكره لما احكي عنه .. " طبعاً ظلوا سوالف و سوالف اخذ و عطا .. " وانتهى ليل هنا وأنتهى معه الوسم الأول توقعاتكم للموسم الثاني أنتظرها بفارغ الصبر والموسم بنتظاركم لاتحرموني من أبداعكم ستبحر سفينتي بعد ردودكم الشافيه |
|
#110
03-28-2015, 01:14 AM
| ||
| | ||
|
واااو بارت رائع مع انه قصير بس كتيير حلو الهام حقيقة ما فهمت شو بدها هو ابراهيم تزوج و خلاص و فهمنا انو هي تكره سعود بس هي ليش ما بتحاول تنسا هالشي و لنفترض انو بدها تطلقو و بعدين شو ؟؟ هي ما بتعرف بحب راكان لالها اذا هي مستنية شي تاني عالاغلب بس من الواضح انو هي بلشت تحب راكان بدون ما تحس و لهيك رح نستنى بالموسم الثاني اذا قدر سعود يخليها تنسى او تخلص مهلة رائد و يجي دور راكان و طبعا انا بفضل الخطة الثانية ههه المهم بانتظارك بااي
__________________ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
