|
|
#101
03-19-2015, 05:41 PM
| ||
| | ||
|
__________________  |
|
#102
03-21-2015, 01:40 PM
| ||
| | ||
|
السلام عليكم كيفك؟؟ انشاء الله وبخير بارت جميل ورائع بس اتمنى انو مشكله ركان والهام تنحل ولاعاد يخرجو مع بعض ونرى صدقيني بارتاتك كلها طويله بس انا ابا استهبل معك واكتب انوا البارت قصير وفي امان الله
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
|
#103
03-21-2015, 02:39 PM
| ||
| | ||
|
مرحبا انا كتير فرحانة ما عم صدق في كتيير بارتات و كلها روعة بس كل ما قريت بارت زعلت اكثر خاصة اللي صار مع الهام ها البنت مسكينة كل المصايب طاحت عليها و الحقيقة ما صرت حبو لابراهيم صحيح هو اعترف بحبو للهام بس كيف قدر يتخلى عنها بهاي السهولة راكان احسن منو بكتير بتمنى تحس فيه الهام و ليان كمام وضعها صعب ياريت يصير لهاد عامر شي يخليه يحس باللي عم بيسويه بانتظار البارت لا تطولي و لا تنسيني سلام
__________________ |
|
#104
03-23-2015, 12:48 AM
| ||
| | ||
|
القصة حلوة جنان بس ياريت تنزلوها بسرعة بلييييييز
|
|
#105
03-23-2015, 02:39 AM
| ||
| | ||
| أعتذر بكل الوان الأعتذار لنقطاعي لمرض بعيني من الأشعه أنتبهو هههههههههه وظروف عائليه لكن الأن سأكرمكم ببحر من البارتات لعيونكم" و ينسدح ع السرير و يغطي نفسه .. منال منصدمه من هالحب .. بعدين حملت نفسها و راحت على غداها .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ (( الفصل الثاني و الاربعون )) " ليان كانت طالعه من بيت إبراهيم و دق جوالها كان المتصل إلهام .." ليان : اوه إلهام اليوم صباحية زواجك اش عندك داقه ..؟ إلهام : هذا بدال ما ترحبين فيني تقولين لي هالكلام .. ليان : لا بس مستغربه ..!! إلهام : و لا تستغربين و لا شي .. يكفيك الكلام اللي سمعته اياه خليته يهز بدنه .. ليان : لااا مو من جدك .. من بدايتها هواش و نجره .. إلهام : اش فيك انتي تتكلمين و كأني قايله اني رح اعيش معه بسبات و نبات ..؟! ليان : ههههه والله انتي لازم تسوينها و تعيشين على قولتك بسبات و نبات .. إلهام : على جثتي .. انتي شفتي ابراهيم ؟ ليان : ليه تسألين انتي متزوجه أللحين .. إلهام : ليون لا تنرفزيني تراني ما لي خلق اللي فيني مكفيني .. جاوبيني بسرعه .. ليان : بجاوبك بس ما يصلح بالتلفون .. إلهام : اجل تعالي البيت .. ليان : هههههههههههه ضحكتيني انتي مو في بيت اهلك عشان اجيك بعدين اشلون اجيك اصلاً و زوجك عندك .. إلهام : اذا ما جيتي انا بجي .. ليان : وين تجين ؟ إلهام : بيتكم ولا نروح أي مكان .. المهم ابي اشوفك .. ليان : مشكلتي اعرفك زين و ادري انك عنيده .. بس انا مستحيل اجيك تبين اهل زوجك يقولون هذي ما تستحي جايه بأول يوم زواج لخويتها .. إلهام : اوكي لا ترجينا انا جايتلك اللحين .. انتي وين ؟ ليان : انا اللحين بالسياره .. إلهام : اجل حولي ع البحر .. نص ساعه بالكثير و اكون عندك ان شاء الله .. ليان : طيب .. اجل اشوفك .. إلهام : يلااا جايه .. " الا يدخل سعود .." سعود : وين رايحه ؟ إلهام : بروح حق ليان .. سعود : ليه ان شاء الله ..؟ إلهام : وشو اللي ليه ؟ ابيها بسالفه و ابي اروح لها .. سعود : ما رح اسمح لك تروحين .. إلهام : ليش انا سألتك اذا تسمح و لا لا ؟ .. انا رايحه غصب عنك رضيت و لا انرضيت ..رايحه رايحه .. " يروح سعود يقفل باب الغرفه و يقعد ع السرير و يطالع إلهام و يقول لها .." سعود : يلا علميني اشلون بتروحين ..؟ إلهام : يعني منت مخليني اروح ؟ سعود : لأ ما رح اخليك تروحين .. إلهام : زين .. " تروح و تضرب الباب بقوه و تصارخ .. يقوم سعود و يمسكها و يرميها ع السرير و يسكتها .. و اكيد هي تصارخ و دموعها بدون ارادتها تنزل تحس ان حريتها مسلوبه ما تعودت ان احد يعاملها كذا .. لما سعود شافها تبكي ما هانت عليه راح قعد جنبها و قام يمسح على شعرها بس هي فزت و ابتعدت عنه و قعدت ع الكنبه .." سعود : إلهام حبيبتي والله ما قصدت اخليك تبكين .. انا احبك و ما ابي أي شي يزعلك ( يروح يفتح الباب ) خلاص تبين تروحين روحي بس تكفين لا تزعلين مني .. دموعك غاليه علي .. بعدين ترى حتى انا مفروض اكون زعلان منك انتي من امس تحقريني و قاعده تغلطين علي منتي بحاسبتني زوجك .. " إلهام لبست عباتها و طلعت و لا ردت عليه .. " سعود : ياااااا ربي انا اش سويت عشان هذي البنت تعاملني كذا .. ------------------------------------------------------------------------ " هذي المره رح ندخل شوي بأجواء عائلة سمر زوجة رائد اخو إلهام .. رح نروح لبيت امها و نشوف مين اللي كان عندها و اش قصته .." ام سمر : هلاا بك يا ولدي فهد ( فهد ولد اخت ام سمر .. يعني يصير ولد خالة سمر) .. فهد : هلااا بك خالتي .. ام سمر : اش اخبارك و اش اخبار امك ..؟ فهد : كلهم زينين و يسلمون عليك .. ام سمر : الله يسلمك .. فهد : خالتي ؟! ام سمر : هلااا .. فهد : سمر من تزوجت ؟ ام سمر : اش لك فيها ليش تسأل ؟ البنت شافت نصيبها و انت لازم تشوف نصيبك .. فهد : يا خالتي اشلون تزوجت هذا الشخص و هي ما تحبه ؟ ام سمر : من قال لك انها ما تحبه .. حتى لو كانت ما تحبه رح تحبه مع الوقت .. فهد : اشك بهالشي .. ام سمر : والله انك قوي عين انت اللي تاركها و جاي تسأل .. فهد : خالتي انتو اللي عقدتو السالفه .. لو انها ما راحت تدرس بكندا لكان اللحين احنا متزوجين و عايشين بخير و نعمه .. ام سمر : والله هذا مستقبلها و حبت تكمل دراستها و فرصه جت لي عندها ما تستغلها ليه ؟ تضيع مستقبلها ليه ؟ فهد : كان المفروض تضحي عشاني .. ام سمر : انت اناني و هذا اللي حرمك من سمر .. فهد : يا خالتي حتى لو انا وافقت ابوي ما كان راضي ان زوجتي تكون دارسه برى .. ام سمر : اجل معناته سكر الموضوع ما لكم نصيب .. فهد : بس انا ابي اعرف من زوجها يعني بتخبونه عني مثلاً ؟ .. ام سمر : لا ليش نخبيه .. زوجها رجال كفو و من عيال النعمه .. هو مدير شركه و اخلاقه عاليه و اكيد سمر رح تكون مرتاحه معه .. فهد : طيب اش اسمه ؟ ام سمر : اسمه رائد .. فهد : ابي اشوفه و اتعرف عليه و نصير اصحاب .. ام سمر : زين بس لا تسوي مشاكل ماني ناقصه .. فهد : لأ مشاكل ليه و عشان مين .. ام سمر : اجل عن قريب رح نعزمهم ببيتنا و ان شاء الله نعزمك انت و اختي تشرفونا .. فهد : ان شاء الله .. اجل يلا انا استأذن رايح .. " بعد ما راح دخلت نور مستغربه اش جايبه هذا فهد .." نور : يما اش يبي فهد ؟ ام سمر : يبي يتعرف على زوج اختك .. نور : اييييش ؟! و انتي اش قلتي له ؟ ام سمر : قلت له بنعزمهم قريب و هو رح يحضر مع امه و يتعرف عليه يومها .. نور : لا يما مو من جدك .. ما تخافين يسوي مشاكل ..؟ ام سمر : لاا ما هو ببزر فهد كبير و عاقل .. نور : يماااا الحب ما يعرف كبير و لا صغير او عاقل و مجنون .. ام سمر : اقول اسكتي و عن الفلسفه اللي ما لها داعي .. ------------------------------------------------------------------------ " إلهام وصلت البحر و كانت ليان تستناها .. المفاجأه ان إلهام كانت عيونها حمرا من كثر البكي .." ليان : ول بسم الله اش فيك ليه وجهك كذا ؟ إلهام ( تنهدت بأعلى صوتها ) : قولي اش ما فيني .. تخيلي كنت بطلع منعني و قفل علي الباب .. بس بعدين تركني لما شافني قمت ابكي .. " تروح ليان و تضم إلهام بقوه .." ليان : حبيبتي بلييييز لا تسوين بنفسك كذا .. انتي لازم تعيشين معه و تتقبلين هالشي هذا نصيبك و قدرك .. " إلهام توخر عنها بعصبيه .." إلهام : ليوون اذا بتقولين لي هالكلام .. رجاءاً لا تكلميني انتي ما جربتي اشلون تعيشين مع انسان ما تحبينه .. ليان : انا آسفه لا تعصبين مني .. يلا احكي لي اش صار و كيف يعاملك .. إلهام : ما صار شي و معاملته ما تهم انا اقعد انرفزه يمكن يكرهني و يطلقني .. أنا حتى ما سمحت له يلمسني .. ليان : جد والله ..؟ إلهام : أي ورح اسوي اكثر من كذا بعد .. ليان : تدرين لو غيره و شاف جمالك ما كان رح يتردد لحظه وحده .. بس شكل اسعود جد ما يبي يزعلك .. إلهام : هو يظن انه بيكسبني كذا .. بس صدقيني اذا كرهتي انسان مستحيل تحبينه .. ليان : طيب انتي اش هدفك من هذا كله تبين تتطلقين و ترجعين حق إبراهيم يعني ؟.. إلهام : أي ابي اكون لـ إبراهيم .. ابراهيم و بس .. ليان : بسسس ! إلهام : بس ايش ؟ ليان : ابراهيم رح يخطب الهنوف .. " الخبر كان صدمه قووويه لـ إلهام .. حتى قامت تتصرف بشكل هيستسري من قوة الصدمه .." إلهام : ههههههههه (ضحك هستيري ) لااا انتي تمزحين معي .. الهنوف هو قال ما يحبها اشلون رح يتزوجها و يكمل حياته معها .. ليان : ارجووك لا تسوين بنفسك كذا لا تخليني اندم لاني قلت لك .. إلهام ( وهي بكيانه ) : لا اا قولي يعني ابراهيم ما كان يحبني و لا عمره حبني ؟ طيب ليش ما قال لي .. ليشي سوى كذا .. ليان : عشان كذا اقولك انسيه و عيشي حياتك مع سعود .. إلهام ( و هي تبكي ) : سعود لأ .. انا خلاص ما عدت ابغا شي من الدنيا احس و كأن إبراهيم طعني بظهري طعنه قويه .. كأنه انتهز الفرصه ما صار لي يومين متزوجه الا هو يروح يخطب .. كانه يبيها من الله .. طيب ليش ؟ أنا وش فيني ؟ ليه ما يبيني ؟ لييييه سوى معي كذا لما قلت له تعال اخطبني و نطرني و انا كنت مستعده انتظره لآخر العمر .. ( ويزيد بكي إلهام و تضرب على رجولها كان شكلها مره يكسر الخاطر ) ليييوووون قولي لي ليه يسوي فيني كذا ؟ ليان : لهو ياااا عمري تكفين لا تسوين بنفسك كذا .. خلاص اللي صار صار .. بعدين مو انتي اللي قلتي له يتزوج و يشوف نصيبه ..؟ إلهام ( بصوت مبحوح من كثر الحزن و البكي ) : قلت له و يا ليتني ما قلت له ما توقعت يسويها كذا بسرعه توقعت ينتظرني اقل شي سنه و بعدها يفقد الامل و يروح يتزوج .. خلا ص ما رح اسامحه ابدا .. قويه هذي توقعته بيكون حزين لاني تزوجت .. اثره ضاربني بالطوفه و لا مهتم .. ليان : إلهاام والله قطعتي قلبي .. ارجااااااااك لا تبكين كذا ما احد يستاهل تنزلين دموعك عشانه .. إلهام : تدرين هذي غلطتي انا و استاهل اللي صار لي .. انا اللي رميت نفسي عليه و اجبرته يحبني .. و الادهى من كذا اوهمت نفسي اني ميته عليه و اعشقه من الصميم .. لكن في الاخير طلع كله كذب في كذب .. ليان : يعني انتي ما تحبي ابراهيم ..؟ إلهام : ان قلت لأ كذبت و ان قلت أي بعد كذبت .. ما ادري والله ما ادري .. احس في شي ناقص .. في شي بالنص بس ماني عارفه ايش .. ليان : خلاص يا روحي سكري ع الموضوع و انسي ابراهيم و انسي الماضي كله و ألتفتي لبيتك و زوجك .. إلهام : اسعود لأ كم مره اقول لك لأ .. مااااااا ابيييييييه .. ليان : والله ماني عارفه اش اقولك .. إلهام : لا تقولي و لا شي مصيره رح يطلقني و اوعدك بهالشي .. زي ما قلت لكم قبل رح اخليه يعيش معاي بجحيم و لا ما اكون انا إلهام بنت فيصل العمر .. اذا هو مفكر ان ما احد يقدر يقول له لأ فأنا بعد مثله ما احد يقدر يقول لي لأ .. الدم يغلي في عروقي و احس اني حدي معصبه و لو رحت له البيت اللحين يمكن ارتكب فيه جريمه .. والله قلبي محرووووق .. ليان : يا سااااتر اش هالكلام الغريب اول مره اسمعه منك .. إلهام : من اللي فيني .. ليان : لا ما يصير اهدي و خذي نفس و تأملي البحر و استرخي شوي .. إلهام : ههه ( ضحكة استهزاء ) استرخي ؟! كيف استرخي و انا عايشه مع النحيس سعود .. " قعدت إلهام اكثر من ساعتين مع ليان بالبحر بعدين رجعت ع البيت و هي ما لها خلق تدخله .. و كان الاخ سعود زوجها ينتظرها .. " سعود : يا الله تحيهم .. شكلك ناسيه انه في احد بالبيت يستناك .. إلهام : اسمع .. تراني حدي متضايقه و واصله معي .. سعود : واصله معك و لا لا مو مشكلتي .. وين كنتي الى اللحين ؟ إلهام : تصدق .. انا .. بحياتي ما رح اقدر اعيش معك لو مهما صار انت لو عندك كرامه كان طلقتني من امس .. سعود : اييييش ؟! اطلقك ؟! انتي مجنونه شي ؟ .. تونا ما صار لنا يوم متزوجين تبين اطلقك .. هههه قولي غير هالكلام .. إلهام : ابعد من طريقي بروح الحمام .. " إلهام تمر من جنبه و هي مو طايقته و تروح الحمام تاخذ شاور هي ما تبي تنفرد معه حتى ما يصير شي .." " سعود يقعد ع السرير و يحط ايدينه على راسه و يسأل نفسه : يا ربي اش اسوي معها عشان ترضى علي و تحبني .. كان مبين ان اسعود باله طويل و يتحمل و مبين حبه لها لكن النفس اذا عافت شخص عافته خلاص ما تقدر تحبه .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل الثالث و الاربعون )) " بما ان خالد صار خطيب شهد قرروا انهم يطلعون مع بعض يتعشون طبعاً شهد ما طلعت معه لحالها طلبوا منها تاخذ اخوها تركي لانه الوحيد الفاضي .. و راحو على المول هم قعدوا بالمطعم تبع المول و اعطو تركي فلوس عشان يلعب بالألعاب و ينفردون لحالهم .." خالد : أخيراً صرنا لحالنا .. شهد : ههههههههههه ليش يعني ؟ عادي لو تركي موجود .. خالد : لااا مو عادي تبيني اقول لك كلمة احبك قدامه ..؟ شهد : ههههه ما فيها شي ليش لأ .. خالد : ههههه لا فيها ابي اتغزل فيك و ما ابي احد يسمعني غيرك .. " شهد بطبعها الخجول اسكتت ما ردت .." خالد : يا حيااتي فديته الخجلان .. شهد : ههههههه .. بس خلاص ما اقدر على الكلام .. خالد : يا عمري انتي و يلوموني فيك .. بس تدرين الظاهر ان اهلك حاطين تركي حارس شخصي ..شوفيه المسكين يلعب شوي و شوي يجي يطالعنا .. شهد : ههههه لااا مو لهالدرجه يمكن يخاف نروح عنه .. خالد : هههههه يعني و ين بنروح بخطفك مثلاً ؟ ههههههههه .. شهد : هههههههههههه .. خالد : شهد !! بما اني صرت خطيبك و قريب ان شاء الله بصير زوجك .. يعني ابيك تعلميني بكل شي ما ابيك تخبين عني أي شي .. ان كان يخصك او حتى يخص إلهام .. شهد : اش تلمح له ؟! خالد : بقولها لك على بلاطه .. أنا من اول كنت حاسس إنه في شخص بحياة إلهام بس هي ما قالت او اعترفت و انا ما حبيت اسألها عشان ما احرجها .. شهد : و المطلوب مني ؟! خالد : ابيك تقولين لي .. كلامي صح و لا لا ؟ شهد : سوري ما اقدر اقول لك أي شي اذا في شي يخص إلهام هي اللي رح تقوله .. ما اقدر اخون ثقة إلهام فيني .. خالد : خلاص انتي قلتي اللي ابي اعرفه .. معناته شكوكي كانت بمحلها .. شهوده يا حياتي الهام اختي و انا خايف عليها ابي اعرف هي مبسوطه مع اسعود و لا لا .. يعني انتي بكذا مو تخونين ثقتها بالعكس تساعدينها .. اللحين قولي لي تعرفين من هو الشخص اللي كان بحياتها ؟ شهد : أي اعرف .. خالد : هو ابراهيم صح ؟ شهد : ما شاء الله هذا انت تعرف اجل ليه تسألني ؟ خالد : كنت حاس من اول .. المسكينه .. إلى اللحين بعدها تحبه ؟ شهد : ما ادري بس اتوقع شي اكيد انها تحبه .. كانو مخططين يتزوجون .. خالد : يعني كانوا يكلمون بعض ؟ شهد ( شهقت ) : يا ويلي اش قلت انا .. خالد : لااا لا تخافي انا ما رح اعاقبها .. بس اللي ابغا افهمه اذا كانو اتفقوا على الزواج ليه ما جا ابراهيم و خطبها ..؟ شهد : يقول كان رح يجي بس بالعطله لانه قاعد يبني فله يبيها لـ إلهام .. خالد : صحيح شفتها .. بس انا لازم اشوف ابراهيم و اسأله .. شهد : اش تبغا تعرف بعد .. يعني سالفه و انتهت .. خالد : ابي اسأله ليش ما علمني و صارحني بحبه لها .. كنت رح اساعدهم .. شهد : والله خايفه من تدخلك هذا .. خالد : يا حياتي يا روحي يا عمري انتي انا بس بأستفسر عن بعض الامور لا تخافي لهو ما رح تعرف بشي .. ------------------------------------------------------------------------ " في بيت هديل بدر ما وصفنا لكم اش قد كان مبسوط بخطبته لـ ليان .. يتمنى يجي يوم زواجه بسرعه .. " بدر : هدوله حياتي اش اخبارك ؟ هديل : تمام بس كلامك الحلو هذا وراه شي يلا آمر اش بغيت .. بدر : ههههههه فاهمتني دااائماً .. اش رايك يعني لو ندق على ليان و نواف و نطلع مع بعض يعني نتعرف على بعض اكثر ..؟ هديل : اممممم .. والله ما ادري .. افكر .. بدر : يلااا عاد لا تخليني على اعصابي وافقي و خلاص .. هديل : هههههههههههههه اوك خلاص موافقه .. بدر : برااااافو عليكي .. يلاا دقي عليها .. هديل : لااااا وش اللي دقي عليها .. خليها بكره شوف الساعه كم اللحين .. بدر : أي دقي و علميها اننا بكره نبي نطلع مع بعض .. هديل : اوك اوك لا تموت علينا ههههههه .. خل اروح اجيب جوالي .. بدر : هذا هو جبته معي و انا جاي .. هديل : ههههههه ما شاء الله وااااثق اني بدق .. بدر : هههههههههه أي اكيد لاني اعرف اختي هدوله حبيبتي .. هديل : ههههههه يلعن ام المصالح اللي تجيب الكلام الحلو .. يلا خلني ادق عليها .. " بالفعل دقت على ليان و ليان وقتها كانت تفكر بإلهام و اش قاعد يصير معها بهاذيك اللحظه .. دق جوال ليان و قطع عليها افكارها .." ليان : آلووو .. هديل : آلو هلاا ليون اش اخبارك ؟ ليان : اهلين هدول انا الحمدلله بصحه و عافيه .. هديل : الحمدلله .. انا بصراحه دقيت عشان اخذ منك موعد نطلع بكره .. ليان : نطلع ؟! وين نروح ؟ هديل : بصراحه بدر يبي يتعرف عليك اكثر و ده نطلع مع بعض .. ليان : اممممم مع انه مو وقته ابداً انا مشغول بالي على إلهام .. هديل : ليه خيييير ان شاء الله اش فيها إلهام ..؟ ليان : لااا بس تعرفين ما تحب اسعود .. ما ادري اشلون بتعيش معه .. هديل : اجل وافقي ع الطلعه بكره و رح نتكلم بهالموضوع .. ليان : خلاص اوك يبي لي اغير جو بس يكون بعلمك بقول حق نواف يجي معنا .. هديل : هههه براحتك ما بدر رح يجي برضو .. ليان : هههههه زين يلا اشوفك على خير .. ------------------------------------------------------------------------ " في بيت عم إلهام .. كانوا إلهام و سعود بالغرفه سعود يحاول يتكلم مع إلهام لكن الهام مو عاطيته وجه قاعده ع الاب توب تبعها و لا كأن في احد معها بالغرفه .. " سعود ( واصله حده ) : إلهااااااام انا لما اكلمك اتركي كل شي و طالعيني .. " ما ردت عليه إلهام و طنشته و لا كأنها تسمعه .." سعود : الهاااامووه ( يروح و يصك لاب توبها بقوه و يوقفها و يهاوشها ) اسمعيني زين انا ماني طرطور عندك و لا جدار صبرت و صبرت و صبري له حدود .. إلهام : اترك ايدي اتركها .. سعود : اسمعيني لا يكون تفكرين اني ما لمستك لاني خايف منك او انتي لك كلمه علي لا يا حبيبتي هذا لأني احبك و اموت فيك و ما تهونين علي اسوي شي بدون رضاك و لا لو احد غيري كان ما تركك من اول ليله .. " إلهام توخر عنه بالقوه و تبعد عنه و طالعته نظرة احتقار مع انه ما سوى لها شي و الكلام اللي قاله صحيح لكن اش تسوي بقلب عاف شخص و انتهى .. بهذي اللحظه اندق باب غرفتهم .. راح سعود يشوف .." سعود : هلااا ورود .. ورود : اش فيك كذا معصب ..؟ سعود : ماني معصب اش بغيتي ؟ ورود : يلااا تعالوا انزلوا تتعشون معنا .. سعود : لااا ما نبي جيبوا العشا هنا .. ورود : اش هالكلام ؟ ابوي رح يكون موجود ع العشا اليوم لازم كلنا نتجمع كالعاده .. سعود : طيب .. خلاص دقايق و جايين .. ورود : يلاا نستناكم .. " بعد ما راحت سعود طالع الهام بنظرة انكسار و قال لها بهدوء .." سعود : سمعتيها اش قالت ؟ إلهام : ما ابي عشا .. سعود : لازم نروح اذا مو عشاني عشان ابوي اللي هو عمك .. إلهام : ماني .. مشتهيه .. أي .. شي .. سعود : اش تبينهم يقولون ؟ إلهام : و يهمك كلامهم ؟ سعود : الله يخليك الهام و الله ما عاد فيني اتحمل .. تكفين عن العناد و يلا تعالي .. إلهام : عشا ما ابي و ماني نازله .. اذا تبي روح انت .. سعود : اش اقولهم اذا اسألوني عنك ؟ إلهام : مو مشكلتي .. قول لهم انها ما تحبني و لا تبيني عشان كذا ما نزلت .. سعود : لا حول و لا قوة الا بالله .. " لما نزل سعود و تعشى مع اهله و ما نزلت الهام اكيد سألوه ليش فقال لهم انها تعبانه و مو مشتهيه تحس انها مسخنه شوي و تعتذر منهم لانها ما نزلت .. لكن ورود ما صدقت كلام سعود هي شافت إلهام و ما كان فيها شي .. سكتت ورود ما حبت تتكلم لكن بعد العشا طلبت تحكي مع سعود .." ورود : سعود سعود .. سعود : هاا اش بغيتي بعد ؟ ورود : ابي اسولف معك اشوي .. سعود : والله مالي خلق اللي فيني مكفيني .. ورود : مو هذا اللي ابي اسولف عنه .. انا اخبر اللي يتزوج يكون مبسوط خصوصاً اول ايام زواجها بس انت انا شايفه العكس .. سعود : اششش تعالي نقعد فوق و نتكلم ما ابي احد يسمعنا .. ( راحوا فوق بالصاله و قعدوا فيها ..) والله ما ني عارف ابدا من وين .. ورود : قول يا اخوي فضفض انا اسمعك .. سعود : تصدقين اني الى اللحين ما لمستها .. ورود : ايييييييش .. طيب ليش ؟ اش صار بينكم ..؟ سعود : والله انها معذبتني يا ورود بالطلعه و بالدخله تقول لي اكرهك و انا انجرح من جواة قلبي لكني اسكت و اتحملها .. احاول اني اطول بالي و اهدي نفسي لكن مع ذلك ما غيرت اسلوبها .. يا ورود هذي طلعت جد تكرهني و من قلبها .. اش اسوي معها حتى تحبني ؟ ورود : يا ليتك استشرتني قبل لا تتزوجها كنت رح اقولك لا البنت ما تبيك .. سعود : بس انا ابيها حتى لو قلتي لأ وقتها ما كنت رح اسمع كلامك .. بعدين انتي اش دراك انها ما تبيني .. في احد قايل لك ان في شخص ثاني بحياتها ؟ " سعود كان معلق على انه في شخص بحياتها و دائماً يسأل بس ما احد يجاوبه بصراحه .. كان احساسه قوي انه في احد بحياتها .." ورود : لا مو كذا بس كان مبين انها ما تبيك .. سعود : كنت عارف انها ما تبيني بس توقعت مع الوقت رح تحبني .. ورود : معناته اصبر ما صار لكم يومين .. اصبر كم من شهر يمكن ربي يهديها و تحبك .. سعود : الله يسمع منك .. يلاا انا رايح اشوفها .. " لما راح سعود على غرفته لقى إلهام غاطه بنومها .. لكن في الحقيقه ما كانت نايمه كانت مسويه عمرها انها نايمه ما تبي تكلم سعود او تواجهه .. سعود جا و قعد جنبها و حط ايده على شعرها و الهام كانت خايفه انه يسوي شي .. لكن كرامته ما سمحت له يلمس وحده ما تبيه .. مع انه كان بالكاد يمنع نفسه .. " ------------------------------------------------------------------------ " في اليوم الثاني بالشركه ورود صارت تمون على وليد صارت تشكي له اذا تضايقت و تحكي له عن كل شي .. فحكت له اللي بيصير مع سعود .." وليد : طيب ما عرفتي الهام ليش تسوي كذا مع سعود ؟ ورود : لا والله ما ادري .. بس اللي اعرفه ان الهام من اول ما كانت تبيه بس ما توقعتها تسوي كذا مع سعود .. والله انه كاسر خاطري لو تشوف حالته بس مبين انه مو مبسوط معها .. وليد : لا حول و لا قوة الا بالله .. مشاكل من اول يوم زواج لهم .. ورود : أي والله .. الله يحميهم بس .. وليد : آمين .. هاا متى تبين اجي اخطبك ؟ ورود : اللحين مو قلت لي بعد زواج اختك عشان تفضون .. وليد : بصراحه ما اقدر اصبر عنك صايره توحشيني و انتي معاي فـ اشلون و انتي بعيده .. انا ابي اخطبك مجرد خطبه و الزواج ان شاء الله بعد زواج شهد .. اش رايك ؟ .. ورود : سوي اللي يريحك .. وليد : خلاص حياتي بعد اسبوع من اللحين رح اجي اطلب ايدك .. ع الاقل نصير نتكلم براحتنا ما نخاف من احد .. ورود : ههههههه خلاص اللي تشوفه ... اللحين يلاا خلينا نروح نشتغل لا يجي رائد يهزأنا .. وليد : ههههههههههههههههه و هو يقدر ؟ ورود : هههههههههه طبعاً ما هو المدير العام و اذا يبغا بعد يقدر يفصلنا .. وليد : هههههه اجل يلا خلينا نروح بكرامتنا .. ورود : ههههههه هذا اللي اقوله .. ...........يتبعوليد : هههههه اجل يلا خلينا نروح بكرامتنا .. ورود : ههههههه هذا اللي اقوله .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ (( الفصل الرابع و الاربعون )) " بالشركه خالد حب يكلم ابراهيم في موضوع يخص الهام .." إبراهيم : حياك .. اجل تقول موضوع ضروري .. خالد : أي والله ضروري لكنه ما يخص الشركه .. إبراهيم : طيب قول .. خالد : بسألك سؤال .. يعني انت و لا مره قلت لي اسم حبيبتك .. ممكن تقول لي اياه اللحين ؟ إبراهيم : طيب ليه تسأل ؟ وش اللي طرا على بالك ؟ خالد : طرا و خلصنا قول لي .. إبراهيم : اسمها الهـ ( الا يدق الباب و يدخل راكان ) .. هلا راكان .. راكان : معليش بس في شخص يقول انه جاي من طرف شركة الموارد يقول انه حدد معك موعد .. إبراهيم : أي أي صح خله يدخل بسرعه .. خالد : طيب الظاهر انك مشغول .. اجل خلينا نلتقي بالاستراحه اليوم .. إبراهيم : ان شاء الله .. " ابراهيم استغرب سؤال خالد ابداً ما جا في وقته .. خاف ان خالد يكون درى بعلاقته مع اخته إلهام .." ------------------------------------------------------------------------ " وليد رجع البيت كان شايل هاذيك الاخبار حق راكان .." منال : هلا والله بـ وليد غريب جاي بدري اليوم على غير العاده .. وليد : أيه ما كان في شغل كثير .. الا وينه زوجك ما نشوفه ابد .. منال : أي زوجي دائما مشغول ما بين هنا و بيروت .. تعرف قاعد ينقل كل شي يخصنا الى هنا .. وليد : زين والله بتقعدون هنا على طول .. منال : أي و غير كذا قاعد يدور على بيت حلو نسكن فيه .. وليد : ليه ؟! بتنقلون من هنا ..؟ منال : أي اكيد اجل بنقعد على طول .. وليد : لااا خليكم مونسينا بالبيت ما نقدر ما نسمع تهزيأتك كل يوم .. منال : ههههههههه يعني هذا رايك فيني ؟ وليد : ههههه لا طبعاً .. الا وينه راكان جا ولا ما بعد ؟ منال : لا جا راح غرفته على طول .. وليد : زين انا رايح له عندي له اخباااار تجنن .. منال : ممكن اعرفها ..؟ وليد : لااا سوري .. بيني و بينه .. منال : أي معليه مصيري اعرف .. وليد : يلاا انا رايح له .. " راكان استأذن من دوامه و رجع بدري اصلاً ما قام يهتم بشغله كثير من بعد زواج إلهام .." وليد : راااااااكاااااان راااااكانوه .. راكان : نعم خير اش فيك ؟ الواحد ما يقدر ينام شوي .. وليد : قوم اقعد عندي لك اخبار رح تطير النوم من عيونك .. راكان : ايش ؟ قول .. وليد : إلهام .. راكان : اش فيها إلهام صاير لها شي لا سمح الله .. ؟ وليد : لا ما صار لها شي .. بس سمعت ان علاقتها مع سعود سيئه جدا لدرجة انه ما لمسها تخيل .. راكان ( منصدم ) : احلف قول والله .. وليد : أي والله هذا اللي سمعته .. راكان : من وين سمعته و اشلون ؟ وليد : لا تخاف مصدري موثوق .. راكان : أي فهمت اكيد من ورود .. وليد : كانت زعلانه على حال اخوها .. راكان : بس اش بيفيدني هالشي حتى لو صار و اتطلقت رح تروح لـ إبراهيم .. وليد : ليش انت ما دريت ؟ راكان : دريت بـ إيش ؟ وليد : ابراهيم خطب .. راكان ( مصدوم بقوه من الخبر ) : اييييييييييش مو من صدقك .. وليد : الا والله هذا اللي سمعته كل الشركه صارت تدري .. راكان : يعني .. يعني .. في امل ؟ وليد : ان شاء الله في امل .. راكان : كنت عارف و كنت حاسس إلهام رح تكون لي عاجلا ام آجلا .. وليد اسمع هذي الابيات لعيون إلهام حبيبة قلبي .... صحيـح انك تركتــيني و ظلــيت بـالحـالي صحيح اني قلت فراقــك علــي مــا يهون الوقــت سـرقني وانا افكر بـك ياللي ببالي عشـت بـوسـط تفكيـري بلحـظــة سكــون حاولت اتذكر بغيــابـك الـلي منك بقـى لي حاولت اذكر حبـي لك الصامـت المجنون ابي احس بك جنبي وانــي مـعـك بالعــالي ابي اصير ملكك انتي يا حــب قلبـي الحنون انتي كلك لي وانتي الكون وما فيه يسوا لي عذبيني بحبك قدماتبين فديته اللي علي يمون ادري أنـا اللـي عنــك ابعــد يا كثر ترحالي بس معك اكــون كــل شي و بلاك ما اكون كلمة احبك لو تجـي مــنك اش قد تعنى لي لو أسمعها بس يــزداد حـبـي لـك بـجنـون الجــو بــوجودك يصبــح دفـى و يحـلى لي و بغيابـك يصيـر مــوحـــش كانــه مدفـون تعبت روحـي تحتريك و البال ما يهنـا لــي جيبوها لـي ابيــها لـواشـوفها لحظه تكـفـون احس عذابـك بلسـم علــى قلـبـي ودوا لــي و لا اسمح لغيرك يعذبنــي ميـن مـا يكــون انا مملكتك يا بعـد عمري و انتي علي والي انا هـواك و همسك انـا كل شي لك بهالكون بانتظرك ترجعين او ليـن تقولين لي حلالي بــانتظـرك العمر كلـه يا حـب قلبي الحنـون وليد : الله هالله عليك .. صح لساااااانك .. بس ابغا افهم انت تكتبه لمين ؟ راكان : اكيد لـ إلهام اجل لمين ..؟ ههههه اش هالسؤال الغبي ؟ وليد : هههههههه انا عارف انها عن إلهام بس اللي قاهرني و دايما اسئلك اشلون رح تعرف انك تكتب قصايد عنها ..؟ راكان : رح تعرف رح تعرف لا يهمك انت بيجي يوم و اشوفها و اعطيها هذا الدفتر شفته ؟ فيه كل الابيات اللي كتبتها عنها .. وليد : ههههه الله يجمعك معها ان شاء الله .. راكان : ان شاء الله .. ------------------------------------------------------------------------ " دقت هديل على ليان و اكدت الموعد و اطلعو مع بعض .. راحو على واحد من المولات .. هديل راحت مع نواف و بدر راح مع ليان .." بدر : الله .. تصدقين امس ما نمت قاعد استنى الصبح يطلع عشان اشوفك و امشي معك و اقول لك اللي عندي .. " ليان ما ردت و لا طالعت بدر .." بدر : ليون اش فيك ؟ انتي لسا زعلانه مني حتى بعد ما خطبتك و قريب ان شاء الله رح تصيرين زوجتي ؟ ليان : مو كذا بس انا ابي اسمعك ما ابي اتكلم .. بدر : حياتي انتي فديتها عيونك .. اش تحبي تسمعي مني ؟ ليان : يعني .. احكي لي عن نفسك .. او عن حبك القديم .. بدر : لا تخليني ازعل منك .. أي حب قديم انا قلت لك ان سديم ما كانت تعني لي شي و لا عمرها عنت لي كل شي كان مجرد خطه لا اكثر .. ليان : طيب طيب اش فيك كذا عصبت ما قلنا شي .. اجل احكي لي أي شي يخطر على بالك .. بدر : اوك ما طلبتي شي .. ------------------------------------------------------------------------ " خالد كان رايح للإستراحه و هناك كان رح يقابل ابراهيم و يكملون موضوعهم ..خالد كان يفكر باللي قاله ابراهيم بالمكتب ..ابراهيم قال الهـ و ما كمل .. على طول طرا ببال خالد اخته إلهام .. شغلت باله هالقصه .. المهم لما وصل كان ابراهيم بانتظاره .." إبراهيم : هلا خالد .. اش اخبارك ..؟ خالد : انا زين بس خلينا ندخل بالموضوع على طول .. إبراهيم : أي موضوع ؟! خالد : ابراهيم لا تتغابا .. انا كنت اسألك اش اسم حبيبتك و انت ما قلت لي .. إبراهيم : ايييييييه .. بس ما قلت لي انت ليه مهتم ..؟ خالد : لا ترد على سؤالي بسؤال جاوبني و ريح بالي .. إبراهيم : بس انا ماني فاهم ماني مجبور اقول لك اسمها .. لكن رح اقول اسمها الهنوف و هي اخت زوجة اخوي عبدالرحمن .. ارتحت اللحين ..؟ خالد : هااا .. أي لا خلاص بس كنت شاك بشي .. إبراهيم ( كنت عارف انك شكيت اني احب الهام ) : شاك ؟! شاك بوشو ؟ خالد : لا انسى خلاص .. فارس : ما شاء الله اعز اصحابي قاعدين على جنب و ساحبين علي .. إبراهيم : لا والله فروس حياك .. بس كان عندنا كم من شغله تتعلق بالشركه و حليناها خلاص .. فارس : ايييه ما عليه صدقتكم .. الا قول لي صحيح انت خطبت .. إبراهيم : أي والله صحيح .. فارس : ان شاء الله الف مبروووك .. بس ورى ما علمتنا ؟ و لا كل شي صار سكيتي .. إبراهيم : لا والله مو كذا بس الموضوع صار بسرعه .. و هذاني قلت لكم .. صلاح : يعني صدق خطبت ؟ إبراهيم : أي والله .. صلاح : زين الف مبروك .. نسمع من الناس و لا نسمع منك .. خالد : اييه خلها على الله اذا انا و هو انا اعز اصحابه ما علمني .. فارس : باللهي جد .. خالد ما يدري ..؟ إبراهيم : قلت لكم كل شي صار بسرعه .. بسكم لا تمسكونها علي اللحين .. اش يفكني من لسانكم ..؟ صلاح : لااا ما عليه ما رح نزعجك .. بس والله من محبتنا لك بغينا نكون اول من يعرف .. إبراهيم : خلاص ابشروا و لا يهمكم .. ان شاء الله اول ما يتحدد موعد الزواج رح تكونون انتو اول من ابلغهم .. خالد : يلا على خير ان شاء الله .. ------------------------------------------------------------------------ " إلهام كالعاده كانت قاعده بغرفتها تندب حظها المهم .. دق جوالها و كان المتصل اخوها رائد يبي يتطمن عليها .." رائد : هلا حبيبتي لهو اش اخبارك ؟ إلهام : هلااا رئوود .. انا حالي ماشيه .. رائد : اش فيك ؟ ليه صوتك كذا ؟ إلهام : لااا ما فيني شي .. رائد : تحبين اجيك زياره ..؟ إلهام : معقول اقول لك لأ .. انت تشرف يا اخوي بأي وقت .. رائد : خلااص انا ابي اجيك بكره اللحين الوقت متأخر ما يسمح .. إلهام : براحتك يا اخوي اللي تشوفه .. " بعد ما قفلت إلهام من رائد كان سعود يستناها و يطالعها بنظره مليانه شر يمكن هذا التعبير الاقرب .. المهم كان مصر هاذيك الليله الا ياخذ حقه منها .. ما عاد يقدر يتحمل كل يوم يشوفها قدامه و لا يقدر يلمسها هذا بالنسبه له صعب و عذاب بعد .. يعني مو معقول معه بنفس الغرفه و لا يقدر حتى يحط ايده على شعرها .. إلهام لما شافت نظراته على طول فهمتها و حاولت تتهرب منه .." إلهام : انا رايحه الحمام .. " يمسك سعود ايدها و يقول لها ......." سعود : انا فاهمك زين .. روحه مانتي برايحه تفهمين .. إلهام : اترك .. ابي اروح .. سعود : انا تحملتك و خلاص ما عاد اقدر انا ابيك كل ما فيني يبيك .. إلهام : و انا ما ابيك و كل ما فيني ما يطيقك .. سعود : لا تجادليني انتي اللحين زوجتي و اذا انا سويت هذا الشي ما احد رح يلومني بالعكس انتي ملزومه بهالشي رضيتي و لا لا .. إلهام : سويت هالشي و لا ما سويته ما رح يفرق تدري ليه ؟ لانك انت اساساً طايح من عيني و ان سويت هالشي بتطيح للابد و بتثبت لي انك عديم احساس و ما عمرك بحياتك حبيتني .. سعود : تراني مليت من الكلام على بالك انك رح تقنعيني اني ما المسك .. إلهام : ما عندي كلام اقوله .. " إلهام ما تبي لكنه اجبرها و خلاص صارت زوجته و انتهت هذي المسأله .. انتهت على دموع الهام بالتأكيد .." ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــ (( الفصل الخامس و الاربعون )) " باليوم الثاني و زي ما اتفق رائد مع إلهام جا و زارها ببيت عمه .." رائد : هلا لهو وش اخبارك و ش مسويه بالحياه الجديده ..؟ إلهام : الحمدلله .. رائد : لفي علي و طالعيني .. إلهام : خليني اروح اجيب لك شي تشربه .. لازم اضيفك ما ابيك تقول عني ما اهتم بضيوفي .. رائد : لااا تعالي هنا .. " يروح رائد يلحقها و يمسكها و يطالع وجهها .." رائد : بسم الله اش في وجهك كذا ؟ إلهام : ليه اش فيه ؟ رائد : عيونك مرره حمرا اول مره انا اشوفك بهذي الحاله .. انتي كنتي بكيانه امس ؟ إلهام : لا لا خلني اروح اجيب لك شي .. رائد : لا تضيعين السالفه .. تعالي اقعدي هنا و احكي لي اش صار ..؟ إلهام : ما ابي ازعجك يا اخوي .. رائد : آآفا يا إلهام مو انا بيت اسرارك و لا لاني تزوجت خلاص ما عاد ينفع تقولين لي .. إلهام : لااا مو كذا بس .... رائد : انا ادري انك مجبوره على سعود و ادري انك ما تبينه عشان كذا لا تحاولين تخبين عني احكي لي كل شي .. اذا سعود غلط عليك او ازعجك علميني بس و انا اوريه .. إلهام : لا ما في شي من اللي قلته .. بس خلاص انا ماني طايقته ما ابيه ما احب اشوفه قدامي .. امس اجبرني على شي انا ما ابيه عشان كذا انا بكيانه .. رائد : طيب خليني اكلمه .. إلهام : لا الله يخليك ما ابي تصير أي مشاكل تكفى .. رائد : ليش خايفه كذا انا بس بكلمه .. إلهام : بس ما ابي مشاكل لو ابي المشاكل كان ما وافقت على سعود من اول .. رائد : اسمعيني .. انتي لازم تثقين فيني اوكي .. انا ما ابي لك المشاكل انا ابي اللي يريحك .. انتي خلي الموضوع علي و لا تآكلين هم .. اللحين سعود وينه ؟ إلهام : فوق نايم .. رائد : اذا ما عليك امر روحي صحيه و قولي له اني ابيه .. إلهام : على امرك يا اخوي .. " إلهام ما كانت طايقه تكلم سعود خصوصاً بعد اللي صار لها امس .. فجت له بنفس شينه تقعده .." إلهام : سعووود سعود يا الزفت اقعد .. سعود : خير إلهام اش هالكلام من صباح الله خير.. إلهام : لا تناقش قوم اقعد و روح تحت اخوي يبيك .. سعود : مين ؟ خالد و لا رائد ؟ إلهام : لا رائد .. اخلص علي و قوم بسرعه .. سعود : ماني بقايم إلين تتكلمين معي زين و تحسنين الفاظك .. اطلبي مني بآدب نفس ما يطلبون مني الآوادم .. إلهام : اقول يالخايس لا تصدق عمرك انك سويت اللي تبيه امس معناته خلااااص بحن عليك .. هذا منى عمرك .. اللحين يلا يلا قوم و انزل له .. و لا اقولك اخليه هو يجيك احسن .. سعود : والله يا الهام لو ما كان اخوك تحت كان عطيتك كف يعلمك اشلون الادب و الاحترام .. إلهام : هييييه انت لا تنسى نفسك .. اذا ابوي و هو ابوي ما عمره مد ايده علي .. تجيني انت على اخر عمري تبي تعطيني كف .. ما عاش من يمد ايده على بنت ..... سعود : اقول لا تكملين درينا انك بنت عمي .. خليني ماسك نفسي اللحين لكن ما اوعدك اني بمسك نفسي على طول .. الهام انتبهي مني لاني بقعد لك .. إلهام : اعلى ما بخيلك اركبه .. سعود : خليني اللحين ساكت خل اروح حق اخوك ابرك لي .. " إلهام على الرغم من انها مبينه قويه الا انها تكره نفسها لانها تسوي كذا بسعود .. مع انها عرفت ان ابراهيم خطب لكنها لسا مصره على موقفها الا تبي تعيش سعود بجحيم .. لانه عاندها و تزوجها و الهام تكره ما تكره بحياتها اللي يعاندها .. في اثناء ما كان سعود يسولف مع رائد تحت إلهام كانت بغرفتها كالعاده تبكي على حظها صارت الدموع جزأ لا يتجزأ من حياتها .. تحس ان الايام الاخيره اللي راحت كانت بالنسبه لها جحيم و غيرت مجرى حياتها و هدمت المستقبل اللي الهام كانت راسمته لنفسها .. خلونا نروح لرائد و نشوف اش يبغا من سعود .." سعود : هلا رائد .. اش اخبارك ؟ رائد : خلك مني اللحين و قول لي اشلونك مع إلهام ..؟ سعود : ههه ( ابتسامة سخريه ) اشلوني انا مع إلهام ؟!! انت قصدك اشلون إلهام معي ؟ رائد : اش الفرق ؟ سعود : لااا تفرق و كثير بعد .. انا والله زين مع إلهام و ما في مني مو مدح لنفسي بس انا عارف واجباتي اتجاهها و غير كذا انا احبها و لا يمكن أأذيها بالعكس احب اشوفها مبسوطه .. بس هي اشلونها معي ؟ رح اقولك انها زفت زفت زفت .. رائد : إلهام زفت معك ؟ اشلون ؟! فهمني .. إلهام ما احد يقدر يقول عنها انها زفت مع الناس بالعكس الهام طيبه و على نياتها و مافي منها .. سعود : ايي هذا معكم انتو بس معي انا لاا .. تصدق على الطلعه و الدخله تسمعني كلاام يسم البدن .. انا ما اسوي لها شي بس هي اللي دائماً تقعد تقول لي ما ابيك و ما اطيقك و من هالكلام .. رائد : تبي الصراحه انت تستاهل من الاول انا قايل لك ان الهام ما تبيك بس انت اللي اصريت .. لكن صراحةً ما توقعت الهام تسوي كذا و تنكد عيشتك جد .. سعود : رح اتحملها و ان شاء الله مع الايام رح تحبني و تتعود علي .. رائد : ما اتوقع لان الهام اذا قالت ما تبي الشي ما رح ترجع عن كلمتها ابد .. سعود : خلك محضر خير .. رائد : ههههههه انا صريح معك هذي إلهام و انا مربيها و حافظها زين .. الا قول لي ليش إلهام عيونها حمرا مبين انها بكيانه امس ؟ سعود : والله ما ادري اش اقولك هي من يوم تزوجتها و هي كله تبكي .. رائد : ياخي لازم تطلقها .. سعود : اش قاعد تقول انت انهبلت .. ما كملنا اسبوع الا تبيني اطلقها .. متى صارت ذي ؟ رائد : تبيني اشوف اختي كذا و اسكت ؟ اشوفها تتعذب معاك و اقعد اتفرج ؟ سعود : عطني فرصه ياخي مو احنا اتفقنا على 8 اشهر .. بعد هالثمانيه اذا جت و قالت لك انها ما تبيني انا مستعد اطلقها .. رائد : اش يصبرني بس و انا شايف اختي حبيبتي متضايقه ولاني بقادر اسوي لها شي .. سعود : معليه يا اخوي تحمل .. لو اني ما احب اختك و اعزها كان ما تحملت كلامها هذا كله و طلقتها على طول .. رائد : طيب رح اتحمل و اصبر و امري لله .. سعود : اخ بس اتمنى لو تقول لي من اللي ماخذ عقل و قلب إلهام ابي اشوف اش فارق عني .. رائد : لا حول ما انتهينا من هذي السالفه .. سعود : لا ما انتهينا و انا اشوفها تكرهني و السبب حبيب القلب المجهول .. رائد : ترى ما اسمح لك اختي اللحين متزوجه و ما في احد بباله و لا يمكن تخون شرف زوجها .. سعود : ما قلنا شي بس ابي اعرف .. رائد : تكفى سكر الموضوع و لا عاد تفتحه ثاني .. " بذيك اللحظه إلهام طرت على بال خالد لما كان قاعد بالبيت و البيت فاضي اشتاق لضحكات إلهام و سوالفها حتى اشتاق لأزعاجها له لما يكون نايم حس بفراغ كبير بالبيت مرت 5 ايام بدون إلهام حتى لما يكلمها تلفون غير لما كانت عندهم بالبيت .. المهم خطر بباله يطلع معها و بالمره يطلع مع شهد لانه من زمان عن شهد ما شافها لكنه كل يوم يكلمها و يرسل لها مسجات .. و دق على إلهام و إلهام كانت بحالة الحزن تبعها .." إلهام : هلا خالد هلا عمري اش اخبارك ..( وتشههق مع الصوت الحزين خوفت خالد عليها ) خالد : إلهام اش فيك اش في صوتك كذا ؟ إلهام : لا يا عمري ما فيني شي .. المهم انت اش اخبارك ..؟ خالد : لهوو انا اعرفك زين هذا مو صوت إلهام قبل .. إلهام : انا ما عدت إلهام قبل .. كل شي تغير .. خالد : لااا انتي يبي لك قعده و انا داق عشان كذا .. اش رايك يعني اذا زوجك ما يمانع نطلع انا و انتي و شهد معانا ..؟ نطلع نغير جو و احس ان انتي يبي لك تغيير جو .. إلهام : أي والله يبي لي .. انا عادي ما عندي مانع اتمنى اطلع .. خالد : حلوو .. متى تبيني امرك ؟ إلهام : رح اشوف سعود و برد عليك اتفقنا ؟ خالد : اوك بس لا اطولين .. إلهام : هههه لا لا تخاف رح ارد بسرعه عشان خاطر شهد .. " لما راحت إلهام تقول لـ سعود ما كان راضي سعود من قرارة نفسه لكن رائد موجود و صعب يرفض طلب الهام قدام اخوها .." سعود : اوكي ليش لأ ما عندي مانع .. بس ما يصير اجي معك .. إلهام : لاااااااااأ ما يصير خطيبة خالد رح تكون معنا .. رائد : اجل خلاص خليني انا اوصلك بطريقي للمكان اللي تبينه .. إلهام : لااا خالد يبي يمرني .. رائد : معليه .. كلميه و اسأليه عن المكان و انا بوديك له .. نبي نجتمع ثلاثتنا بعدين كلموا شهد تجي .. إلهام : طيب اللي تشوفه .. " و سعود ميت حره هنا و الهام تبتسم له ابتسامه شريره هناك .. المهم وصلها رائد على المول اللي رح يلتقون فيه و التقوا فعلاً .. كان منظرهم ثلاثتهم خيااال اكثر من رائع تحسهم على قلب واحد و نسوا كل شي مكدرهم .. " رائد : يلا انا ابي امشي تأخرت على سمر اللحين بتسوي لي سالفه .. خالد : ههههههه يعني الزواج كذا ؟ شكله يخوف .. رائد : ههههههههه لا و انا اخوك لا تخاف .. انا ما ابي سمر تزعل مني هذا كل الموضوع .. بعدين لازم تكلمون شهد عشان تجي .. إلهام : اوك رائد الله معاك .. رائد : يلا بس لا تقاطعوني تعالوا زوروني .. إلهام : ان شاء الله اكيد رح نجي .. " لما راح رائد إلهام دقت على شهد و شهد كانت قاعده بالصاله مع كل اخوانها بمن فيهم راكان .. كلمتها و طلبت منها تجي ما ترددت شهد و على طول وافقت .." شهد : يلا انا رايحه .. منال : على وين ؟ ما ودك تقعدين معي باقي لي يومين و انتقل من هنا .. شهد : منول حبيبتي انتي بتكونين هنا بالشرقيه ما رح تروحي بعيد .. بعدين انا طالعه لان الهام تبيني اجي و لان خالد بعد هناك .. راكان : إلهام ؟! منال : بسم الله اش فيك فزيت ؟ شهد : انا ادري عنه .. ايه الهام ليش منصدم كذا ؟ راكان : لا بس مستغرب معقول زوجها بيخليها تطلع بدونه ؟.. شهد : ليش احد قالك ان زوجها شرير ؟ هي قاعده مع اخوها مو مع احد غريب .. راكان : اجل يلا امشي .. شهد : سلااامات وين ؟ راكان : ابوصلك .. شهد : لااا مشكور بخلي السواق يوصلني .. راكان : انا طالع طالع خلاص بوصلك بطريقي .. يلاا لا تعاندين انا مو برايح عشانها .. البنت تزوجت والله يسعدها مع زوجها .. وليد : خليه يوصلك هذا راكانوه و احنا نثق فيه ما رح يسوي شي غلط .. شهد : دام العاقل تكلم معناته خلاص اش اقول انا .. راكان ( همس حق وليد ) : شكرا يا احلى اخ بالعالم .. وليد : ههههههههه العفو .. " لما راحوا قامت تهزيئات منال اش يفك وليد اللحين من لسانها .." منال : ليش سويت كذا ؟ وليد : اش سويت ؟ منال : ليش خليته يتأمل على شي مستحيل ..؟ وليد : انتي ما شفتيه يوم انطرا اسمها اشلون تغير و كأن الحياه ارجعت له من جديد .. انتي ما كنتي جنبه ما سمعتي تنهيدته القويه اللي طلعها من اعماق اعماق صدره .. منال : ولو مع ذلك هو قاعد يتأمل ع الفاضي .. وليد : خليك متفائله ما تدرين اش يصير بعدين .. منال : اش بيصير يعني ؟ اذا حتى البنت ما تدري انه يحبها .. وليد : ما تدرين الدنيا مليانه بحكايات غريبه .. خليها على ربك بس .. ............يتبع |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
