|
|
#56
04-16-2010, 09:10 AM
| ||
| | ||
| الفصل الثامن مرت ساعتين على اقلاع الطائره فاطمه وسامي يسولفون شوي ويمزحون شوي اما الاجواء مع الباقي عاديه ابوفاطمه وابو سامي جنب بعض وسوالف تعرفون عاد الرجال اذا سولفوا بأعلى صوتهم و ام فاطمه وام سامي جنب بعض والرجال كل شوي يهاوشونهم قصروا صوتكم فشلتونا ووراهم ريم وليالي وامل جنب بعض وعبد الله وكريم جنب بعض يعني بس سامي و فاطمه اللي بعيدين عنهم فاطمه: سامي سامي: عيون سامي آمري فاطمه: عادي اروحعند امي شوي؟ سامي: ليش ؟؟ وش تبين يقولون متهاوشين والا شي فاطمه: لامو كذا بس بقول لها شي وارجع سامي: طيب روحي انا انتظرك هنيلاتطولين فاطمه: من عيوني " وتبتسم له" طيب ابعد شوي خلني اطلع راحتفاطمه عند امل مو عند امها بس كذا بتتمشى زهقت من الجلسه فاطمه: اهلين اموله وحشتيني منساعتين امل: ههههههه تركتي سامي لا يكون نام عنك فاطمه: لالا صاحي اقول ليالي روحي عند سامي لين اجي انا هناك ليالي:طيب راحت ليالي عند سامي وجلست فاطمه مكانها امل: لا صج ليش جيتيوتركتي سامي؟ فاطمه: ابغي اخذ راحتي شوي استحي طول الوقت جنبه امل: اهاانا احسب انه نايم عنك فاطمه: لا ما نام ولا شي بالعكس بس يسولف واللهالحين بيعصب لما تروح له ليالي بدالي امل: هههههههه اتخيل وجههاخوي وبالفعل لا راحت ليالي وجلست جنب سامي استغرب سامي: لايا حلوه هذا مكان اختك فاطمه ليالي:ادري هي قالت لي روحي عند سامي سامي: والله!! ليش هي وينها؟ ليالي: عند امل قالت لي اجلسي مع سامي لين اجي ساميبصوت واطي: طيب والله ارويها ليالي: وش تقول سامي: ولا شي حبوبهوش اخبارك بس ليالي تبتسم: بخير وجلس وهو معصب وفاطمه هناك سوالفوضحك مع امل امل: اقول صار لك ساعه عندي والله سامي بيعصب فاطمه: معليش بسشوي امل: الا تعالي انتي وش قلتي لي سعود حط لك على السرير يوميلبس فاطمه: دفتر اشعار وش فيك انتي بس تنسين امل: لا بس كنت بتأكد فاطمه: طيب امل: طيب يالله روحي لزوجك ترابيكفخني انا مو انتي فاطمه: ههههههه طيب اصلا انا ناويه اروحباااااي ورجعت عند سامي فاطمه: ليالي روحي هناك خلاص ليالي: طيبفكه انتي وزوجك بس معصب علي فاطمه: هههههههههههه راحت ليالي وكل هذاوسامي ساكت فاطمه: وسع لي شوي خلني ادخل سامي: لا ارجعي عند امل الحق علياللي منتظرك هنا فاطمه: لا هي قالت لي الا اجلس عندها يالله خلني ادخل لاتفشلني قدامالناس ووسع لها المكان وجلست سامي: بس تراك نصابه ليالي ما تعرفينها تعلمكل شي تقول ان انتي من نفسك جيتي وقلتي لها روحي فاطمه: طيب حياتياسفه سامي يتدلع: لا توني زعلان فاطمه: طيب وش اسوي لك عشاناراضيك يا قلبي سامي: اممممممممم افكر بس بأي وقت اطلب منك شي تسوينه فاطمه:اممممممم بس على حسب الطلب سامي: لالالا اجل بزعل قلت لك اللي ابيه فاطمهتاخذه على قد عقله: ان شاء الله بس اهم شي لاتزعل سامي: طيب خلاص موزعلان فاطمه: طيب وين سماعاتي بشاهد لي فلم سامي: اختك حطتها تحت الكرسي شكلها ونزل وجابها لها من تحت الكرسي سامي:تفضلي فاطمه: مشكور وقعدت تسمع وتتفرج على فلم وما سولفوا مدة ساعتين لين طفشت فاطمه من تلفزيونهم بايخ شوي سكرته لقت سامي سرحان فاطمه: سموي سامي: نعم حياتي فاطمه: ليش سرحان وبمن ترااغار سامي: هههه لا ولا شي افكر فيك بس فاطمه: وليش تفكر فيني واناجنبك سامي: قاعد افكر كم طفل بجيب منك فاطمه مستحيه : هههههههههههههههههههههههه سامي: اص فضحتينا وبعدين ما في شييضحك فاطمه: والله انك مثل الأطفال لأن الأولاد بالمراهقه يقولون بجيبدرزن لكن اذا كبروا ما يبون الا واحد والا اثنين وانت الظاهر خلصت سنالمراهقه سامي: لا انا غير الى الان ما غيرت رأيي فاطمه: لا والله زينعلمتني بدري اجل بطلت سامي: بطلتي شنوو فاطمه: اتزوجك انا مفكره مااجيب ولا وطفل لاني اخاف من من الولاده من اللي اشوفه من الحريم والكلام اللييقولونه سامي: افا تخافين وانا معاك فاطمه: لاحبيبي الحرمه لما بتولد ما تعرف زوجها من ابوها تخاف وتنسى عمرها سامي: لا ما عليك امي تقولالولاده عاديه ما فيها شي فاطمه: هههه عمتي اصلا هي اكثر وحده تخوفني منها ترا علمتك امر مفروغ منه ما ابغى اطفال سامي: هههههههه طيب الحين تقولينكذا بعدين اذا تزوجتي نفسك بتشتاق للأطفال عاد علميني ونشوف من انا والاانتي فاطمه: طيب بنشوف ويا ويلك تغصبني على شي سامي: وانا اقدر اغصبك فاطمه: ايه اشوا طيب لحظه سامي: وش عندك فاطمه: لا بس بطلع شي من شنطتي سامي: وشو فاطمه : سرررررررررررررر سامي: افا لا انتي بس تزعليني فاطمه: اصبر شويوبتعرف وطلعت شي من شنطتها وقالت له: تفضل سامي : شنو هذا؟ فاطمه: افتحه وتعرف كان كيس بوسطه علبه فيها كبك وقلم ومحفظه بسحلوه و معاه اكسسوار للجوال بس حلو بعد فيه حرفين s وf سامي: طيببفكه فاطمه: لا مو الحين اذا وصلنا سامي: اجل ليش عطيتيني اياه الحينمدام افتحه بعدين فاطمه: تنقهر شوي وتفكر وش فيه سامي: لا عادي ما انقهر ولا شي اقدر افتحه الحين فاطمه: لالالا تكفى على شاني موالحين سامي: وليش؟؟ فاطمه: استحي سامي: هههههه والله شي فطوموتستحي فاطمه: يؤؤؤؤؤ سموي ليش انا يعني ما استحي سامي: لا حبيبتيامزح فاطمه: طيب خلني انام نعسانه سامي: طيب بس كذا نامي نومالعوافي ماردت عليه بس ابتسمت له نامت تقريبا ساعتين او اكثر قامتلقت سامي نايم جنبها بعد ولقت راسها على كتفه انبسطت من الجو اللي هي فيه ورجعتنامت مره ثانيه قامت لقت سامي يتأملها وسرحان بعد فاطمه: وش تطالع فيني كذا؟ سامي: ها لا ولا شي فاطمه: ليش اول مره تشوفني؟؟ سعود بمزح: لا بس اشوفك بس تصدقين شكلك وانتي نايمه يضحك كأنك طفله مادهبراطمك فاطمه: اول شي مو اسمها براطم اسمها شفايف ياخي تحظر وثانيشي انا شكلي ما يضحك وثالث شي عيب تتامل فيني كذا انا حبيبتك سامي : ان شاء الله فاطمه: ههههههههه كم باقي ونوصل سامي: ساعه فاطمه: تكسر جسمي بروح ادور شوي سامي: ما يحتاج تقومين كلها ساعه ونوصل فاطمه : طيب سامي: الا اقول وش رايك بخطيب امل اختي فاطمه فتحتعيونها على الاخر: خطيب !! خطيب ويش ؟؟؟ سامي: هههه ليش انتي ما تدرين غريبهامل ما قالت لك فاطمه: لا ما قالت لي وشو سامي: لا مدامها ما قالت لكيعني ما تبيك تعرفين اسف فاطمه: طيب انا اوريك زعلانه منك ولفت وجههاعلى الجهه الثانيه وكانت معصبه من امل اللي ما علمتها سامي: خلاص بعلمك ولا تزعلين حبيبتي فاطمه بغير ما تطالعه: قول سامي: خطبها واحد من اولاد عمامي اسمه عادل فاطمه: احلف سامي: والله ليش يعني بكذب فاطمه قعدت تصيح سامي: فاطمه وش فيك تصيحين انا الغبي اللي علمتك فاطمه وهي تصيح: لا انت مالك شغل خلاص خلني بحالي تكفى سامي: طيب على راحتك بس اهم شي لاتزعلين ما ردت عليه فاطمه كانت مقهوره من قلبها وتطالع برا وتشوف الجزر كانت عارفه ان مابقى شي على هبوطهم كانت تصيح مقهوره من صديقتها العزيزه اللي عمرها ماخبت عليها شي لاكبيره ولا صغيره حتى اللي كان يصير بينها وبين سامي وحتى باحلامها و بافكارها وكل شي يمكن يصير او تتخيله وامل ما تعلمها انها مخطوبه تخبي عليها اما سامي المسكين متقطع قلبه عليها اللي قاعده تصيح وانقهر انه تكلم بالموضوع شوي واعلنت الطياره عن الهبوط وصلوا ونزلوا للمطار وجات امل عند فاطمه وهم نازلين تكلمها بس فاطمه ما كلمتها طبعا مسحت دموعها ع شان لا احد يحس بشي الحين امل: فاطمه شكلك توك كنتي تصيحين وش سوا لك سامي؟ فاطمه وهي تطالع على الجهه الثانيه: لا طبعا سامي ما يزعلني امل: اجل وش فيك فاطمه: ولا شي خلاص يا امل نزلوا تحت وركبوا سيارتين اجره لقوها تستناهم ركبت كل عايله بسياره وتوجهوا للمكان اللي بيسكنون فيه وكان فلتين بشاليه يطل على البحر بعد ما ارتاحوا لهم ساعات من السفر امل تدور على فاطمه: ريم وين فاطمه ليش ما جات ريم: ما ادري بس قاعده تصيح ودخلت غرفتها وقفلت الباب ولمن قلت لها بنطلع قالت ما بطلع معاكم امل: بروح اشوف وش فيها استنونا سامي: انصحك ما تروحين ترا بتكفخك امل: ليش انت مسوي لها شي لان من الطياره وانا اشوفها تصيح سامي: لا زعلانه منك انتي امل: انا!! ليش ؟؟ سامي: علمتها عن عادل انه خطبك وزعلت منك تقول انااخبرها بكل شي وهذا الموضوع المهم ما تعلمني عنه امل: بس والله اني نسيت ولا جاء ببالي سامي: تقولين لي انا روحي شوفيها اما احنا بنقعد على الشاطيء وعلميني وشي صير امل: طيب طيب باي راحت امل عند فاطمه ودقت الباب فاطمه: لا احد يدخل قلت ماني رايحه تعبانه " وكان صوتها باين انها تصيح" امل: اناامل ابي اكلمك فاطمه: قلت لا احد يدخل دخلت امل: فاطمه بس بفهمك شي فاطمه: انا ما احبك اذا انتي صديقة عمري اللي احبها اكثر من أي شخص بالدنيا ما تثقين فيني وتخبين عني شيء مهم وانا كل شي اعلمك اياه حتى لو افكاري اللي افكر فيها واحلامي كل هذا وامل ساكته تبي فاطمه تطلع اللي بقلبها كله عشان تقدر تتكلم امل: طيب الحين هديتي والا لسى ما ردت عليها قعدت لافه وجهها على الجهه الثانيه وهي منسدحه على السرير امل: فاطمه والله اني نسيت ولا جا ببالي شي اول امس قال لي ابوي وكنت مشغوله ولا فكرت بالموضوع ونسيت اقول لك فاطمه: طيب انا قاعده معك بالطياره ساعه ما قلتي لي شي شوفي انا ما اجبرك تعلميني شي هذه اسرارك الخاصه بس انا مقهوره لاني كنت اعلمك كل شي حتى اشيائي الخاصه وهذا غلط مني مفروض ما اوثق ولا باحد غير امي و بس امل بدت تصيح : فاطمه لا .... لاتقولين كذا والله بزعل منك فاطمه: عادي ازعلي ما يهمني مثل ما انتي مااهتميتي فيني انا بعد ما اهتم فيك وانا اصلا دوم اكتشف انك كنتي مغبيه علي اشياء واسكت اقول يمكن نست واحيانا اقول لك وتعتذرين بس مو دوم يا امل امل: لا والله انا كذا نسايه تكفين اعذريني فاطمه: خلاص انا اوعدك انك تتمين صديقتي العزيزه بس في حدود لصداقتنا هذي امل: اللي هي !! فاطمه: ما اعلمك ولا سر من اسراري الخاصه ابد وانتي بعد وما اقولك أي شي ما اعلمه لسماح يعني اللي اغبيه عن سماح اغبيه عنك امل: ليش كذا تنقلب علاقتنا يا فاطمه !! فاطمه: انا الحين ما اوثق فيك بس يمكن بيوم من الايام ترجع صداقتنا مثل ما كانت امل: وعد ؟ فاطمه: انا قلت يمكن مو اكيد وتكفين خليني لحالي ابي انام الساعه 3 بالليل الحين امل: ههههههههه لا الساعه 12 فاطمه: حتى لو....... ابغي انام بدري عشان اقوم بدري احسن شي بالدول الآجنبيه انك تقومين بدري وتتمشين من الصبح والا ليش جايين هنا امل: طيب على راحتك " وباستها على راسها" باي وطلعت امل وخلت فاطمه بالغرفه اللي نامت على طول سامي: هاا بشري ؟ امل: انت بس فارق عني كان خليتني انا اعلمها بنفسي بس انت خربت كل صداقتي مع فاطمه " وقعدت تصيح" سامي: ليش وش صار؟؟؟ طبعا الباقين قاعدين يلعبون بالبحر يعني ما في غير سامي ووامل امل قالت له كل اللي صار بالغرفه سامي: صراحه تستاهلين انتي بعد دايم تغبين عليها وهي تعلمك كل شي امل: انت بعد اكيد مرتك لازم تدافع عنها سامي: لا هذا ماله علاقه انا اتكلم باللي انا قاعد اشوفه المهم ماعلينا انا بروح انام..... باي امل: باي ما جات الساعه ثنتين الا الكل نايم قامت فاطمه على الساعه 5 الفجر وكان النور توه بادي يطلع وجلست عندالبحر وتلعب بالماي برجلها ما كان في غيرها اهلها كلهم نايمين الا هي قايمه بدري فجأه الا يجي عندها سامي سامي: صباح الخير يا قمر فاطمه تبتسم له: صباح النور ....... وش مصحيك الحين حياتي ؟ سامي: لا نمت بدري وقمت الحين وبعدين الدول الاجنبيه اذا ما قمتي بدري ماله داعي تجين فاطمه: اممممممم اجل وصلت لك كلامي سامي: من اللي وصلت كلامك ؟ فاطمه: اختك طبعا هذي هي ووجها تبيني اثق فيها وهي ما تعلمني شي وبعد توصل كلامي لاي احد سامي: انا احد انا زوجك ترا لو ما تدرين فاطمه: تكفى سامي والله اسفه ترا اعصابي تعبانه سامي: عارف انا اصلا عاذرك انتهى الفصل الثامن شنو بيصير بعلاقه فاطمه وامل ؟؟؟ بتضل متغيره والا بترجع زي ما هي؟؟ هالرحله شنو بتخبي للكل .؟ |
|
#57
04-16-2010, 10:31 AM
| ||
| | ||
| *& مشكوووووورة حبيبتي على التكملة &*
__________________ آللّهمّ آجْعلنآ ممنْ يمْشي على آلصرآطْ سريعـًآ فينجـُو مـنْ حرهآ وً لَهَبهـَآ آلى جنـّآت آلنعيم |
|
#58
04-16-2010, 01:41 PM
| ||
| | ||
| وااااااااااااااو الروايه تجنن يعطيك العافيه نترقب الجزا التاني بالتوفيق .gif "thanks") وهذي لك احلى ورده |
|
#59
04-17-2010, 11:43 AM
| ||
| | ||
|
جزاك الله خيرا اختتي كتابات جيدة تسلمي |
|
#60
04-18-2010, 03:14 PM
| ||
| | ||
|
مشكورة انتظر البارت الجديد بشوق
__________________ ربي... اجعل القران رفيق دربي ربي... سهل عليه دروسي احبك ربي.. من اعماق قلبي سلاما ع الدنيا ان ما كان فيها صديق صدوق صادق الوعد الصداقة حب لا يموت  |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية ابي انام بحضنك واصحى بنص الليل كاااااااملة رواية رومنسية جنااااااان رووعة | بنت كيوت شفايفها توت | قصص قصيرة | 28 | 08-11-2013 08:28 AM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية غارقات في دوامة الحب رواية ولا أروع بقلم الكاتبة:عيون القمر | بنت ناس وقلبها حساس | أرشيف المواضيع الغير مكتمله او المكرره او المنقوله و المخالفه | 57 | 06-30-2011 04:40 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
| رواية قلوب ستتحطم {انميه؛بقلمي} | ήỡỗя สℓķỡỗй. | أرشيف المواضيع الغير مكتمله او المكرره او المنقوله و المخالفه | 4 | 04-01-2010 07:13 PM |
العرض العادي
