|
|
#281
04-16-2008, 01:35 PM
| ||
| | ||
| رد: غلا .* بعد مرور شهرين *. يوم الثلاثاء.. خالد كان راجع من الشغل و التعب مبين عليه ، تعبه مب من الشغل يحس عوار فقلبه و خايف يقول لغلا ركب الدرج و شاف غلا فدارهم .. كانت توها حاطه مريم بالسرير ، شافت خالد و خافت .. انسدح خالد على السرير ويده على قلبه .. غلا قعدت حذاه وهو منسدح : نوررت البيت حبيبي خالد يبتسم لها ومافيه حيل يرد ، سحب ايدها و حطها على قلبه ، غلا انخطف قلبها غلا : بسم الله عليييك شفيك خالد يجذب عليها : كله منج غلا: شسويت ؟ خالد تعبان؟ خالد : شسوي احبج غلا : لا خالد قلبك فيه شي خالد : أي انتي فيه و سكت عنها ، وماقدرت تقول له شي لانه غمض عيونه .. غلا ركضت و جابت له كاس الماي لكنه نام ..! غلا بكل احباط قعدت عند راسه وهو نايم و التعب على ملامحه ساكن الغدا انحط و انشال ولاحد منهم جاسه .. غلا بايدها تمسح على وجهه الحاار (يابعد عمري ياخالد ، طول عمرك انت اللي تعابلني ، شصار فيك؟؟ ) مرت الساعات و خالد نايم .. اظلم الوقت وبعده نايم ،، غلا قرصها قلبها عليه ، ماتعرف شتسوي ،، تتصل لعمها ؟ عمتها؟ شتسوي ؟ تقومه من النوم؟. خالد باليالله قدر يفتح عيونه على اضوق شي و يشوف عيون غلا و هي تلف فيهم يمين يسار ، ماتعرف شتسوي غلا حست بشي على ايدها ، وبسرعه انتبهت له غلا : خالد .... انت قمت ! "تمسح على ايده و ذراعه" خالد : شنو ولهتي علي ؟ غلا تبوس راسه : اكيد ، بس قولي شفيك؟ تعبان؟ خالد يتظاهر انه صاحي : افا ، انا اتعب ، بس هد حيللي الشغل غلا : خالد ،،شفت شاللي خذته من الشغل ، كاهو سدحك من الظهر لين الحين ، شتسوى عليك؟ حبيبي صحتك بالدنيا خالد : آخ عليج تحاتيني غلا: خالد انا من صجي و انت تتغشمرر خالد : ماتغشمر ، مافيني شي ، حديد اناا و قام عن سريره يتسبح .. طلع و مالقى غلا بالغرفه بدل ملابسه اللي كانت حاطتهم لكن مافيه قوه ، فقل باب الدار وانسدح على السرير مغمض عينه خالد كان بداخله ألف صرخة عوار ، لكنه مايبي يبينها بعدها قام وهو معاند اللي فيه ، لبس ملابسه و طلع لغلا .. خالد يشوف الاكل وهو مشتهيه ومو مشتهيه غلا : لاتشوفه بنص عين بتاكله كله خالد : ههههههه ترا آكلج معاهم غلا : اذا بترجع مثل ماكنت ، كلني خالد : يقعد حذاها و مطوقها بيده : ليش شلون كنت؟ غلا تلف وجهه عنها : كنت خالد ، يلا اكل خالد : انشالله خالد قعد ياكل و نسى كل الي حذاه لانه كان يوعان عدل .. خالد : غلااا ! غلا : ها حبيبي! خالد : ابي لبن غلا : هههههه انشالله نزلت غلا عشان تجيب له اللبن و هي نازله من على الدرج شافت سياره صافه عند باب بيتهم من القزاز بس ماهتمت لها خذته و ودت اللبن لخالد و قعدت معاه و هو قاعد يشطب على اللي باقي وهو ياكل شوي و يسولف معاها شوي جاتهم الخدامه .. الخدامه : Mr.khalid ,, Your brother is waiting you in the living room خالد قام : عمر؟ (يلتفت لغلا) ، شيبي ؟ غلا : مادري؟ انزل له خالد : ببدل ملابسي اول غلا : اوكي انا انزل له خالد خطفها من على الدرج : لا انتي خلج غلا تخلبصت : انشالله لبس خالد ثوبه بسرعه ونزل وهو يسكر ازرته و شكله متخرع .. لان عمر من زمان قاطعهم ! شجاييبه الحين ؟ الخدامه الي كانت قاعده تشيل الاكل : But he said that he wants you also Madam غلا : وانتي شعليج اف ,, I don't want to see him الخدامه : I'll tell him this message when he come again غلا بققت عينها ..............................!!!!! شيبي عمر من خالد ؟؟ و شقصد الخدامه بشبه التهديد اللي وجهته لغلا؟ خالد يمكن يموت ؟؟ |
|
#282
04-16-2008, 01:39 PM
| ||
| | ||
| رد: غلا غلا فتحت باب الدار بكل قوتها و هدت عمرها على الكرسي وهي ماسكه راسها من جنبينه .. (( رجع يسويها؟ هذا استخف؟ بايع عمره؟ في حد يتجرأ لهدرجه ؟؟ لالا أكييد فعقله شي ، والله ان درى خالد بيذبحه يذبححه ،، شسوي فيه ؟؟ )) خالد بعد ماقعد مع عمر و سولفوا و شلونك و شخبارك ؟؟؟ عمر : وينها ام فيصل ؟ خالد وهو يرفع حاجب ويولع زقارته : ليش؟ عمر : ابيها تسمع هالسالفه؟ خالد : ضروريه ؟ عمر : بعد اذنك يعني .. ! خالد : زين انطر مشى خالد و راح للتيلفون رفعه وهو يطالع عمر بنص عيونه ، رن التليفون عند غلا و درت انه خالد ، خافت ترد بس شافته طول غلا بكل خوفها : الو؟ خالد : تعالي غلا عمر عنده سالفه غلا: شسالفته؟ خالد : مادري والله ، ليش تعبانه ؟ غلا : لالا ، بس ضروري؟ خالد : على راحتج عمر ( الله الحين ماتبين تشوفيني ؟ و تدورين الاعذار بعد ؟ ) .. غلا : اوكي .. غلا لفت شيلتها و شافت وجهها فالمنظره و مسكت طرفها شيبي عمير ؟ الله يستر منه لايكون بس صار بينه و بين خالد شي ، ترا خلاص انا تعبت و مابقت فيني روح تشيل اللي بيصير .. شافت موبايل خالد اللي محطوط على السايلنت يولع و يطفي أكيد حد يتصل و يبيه .. غلا رفعته و شافت الرقم ، بس مب مخزن ، مابغت ترد يمكن حد من ربعه ولا شي .. طفى و طلع ان في 3 مسجات من قبل و هالMissed call غلا كانت تبي تفتحهم بس جات الخدامه تستعجلها .. غلا : Ok Ok ،، اففف مب وقتهم والله نزلت غلا وهي تحس ان روحها طارت خالد و عمر ..! عمر وقف يوم شافها عشان يسلم و خالد كان ماسك على الكرسي من القهر صار مايبي أي لحظه تجمعهمم عمر : هلا أم فيصل ، شخبارج عساج طيبه ! غلا : الله يسلمك .. طيبين بشوفتك عمر : الله يخلييج و قعدوا و خالد شبت فيه حريقه يوم سمعها قالت له بشوفتك غلا من كثر ماهي مرتبكه قالت هالكلمه و هي دايمآ تقولها لما تسلم على أي حد عاد الحين خالد شيفهمه؟ خالد : شسالفتك ؟ عمر تخرع : أي سالفه خالد : مب تقول لا جات غلا بتقول لنا ؟ عمر : أي أكيد خالد : تحجى غلا تأشر لها بعيونه (شفيك؟) خالد يلف وجهه عنها مايبي يشوفها غلا فتحت عيونها على آخرهم !! أول مره تشوف هالحركه منه؟ شفيه؟ عمر : الله يسلمك و يسلمج ياام فيصل انا نويت أخطب " غلا و خالد كانوا فاتصال مع بعضهم ههه يعني غلا تفكر بالحركه وهو يبي يقهرها ، غلا لفت على عمر بقو لما سمعته " غلا : شنو ؟ خالد : بتخطب ؟ عمر : مايصير ؟ ولا بس انت ! خالد : لا انا ماقلت جذي ، بس عمر يقرب من خالد و ركبهم حاكه فبعضها : اذا مالله كتب لي نصيب فاللي (حبيتها) ،، حبيتها هاه حط تحتها خطين .. I used to يعني .. ليش احرم نفسي من اللي انت عايش فيه ؟ ولا مايصير ؟ خالد : ...... ، لا على راحتك .. غلا ماتدري شصار فيها؟ حست ان الدنيا حيل ضاقت فيها ، شي ماسك على قلبها و ودها تعرف شهالشي ؟ هي ماتحب عمر بس شوفته تحرك مشاعر ميته بعدين من يشوف عمر شلون مايطيح فيه ؟ عمر جذاب أكثر من خالد ، خالد حلو و مزيون ، بس عمر فيه ملامح حاده لو تصد عنها يشدك قلبك عشان ترجع تشوفها .. غلا كانت تناظر خالد اللي يده ماخلت من الزقاير اللي تلحق بعضها و تشوف فعمر لمعة عيونه الطافيه و تشوف يده و ابتسمت لما شافتها تذكرت شكثر كانت تشوفها و هو يرسم و لما يدق على عوده و لما يمسك نايه ولا لما مسكتها؟ لفت وجهها و كانت تبي تخشه عن عمر خالد : يالله ، على البركه ، من نويت تاخذ ؟؟ عمر : علشان جذي انا جاي للغلا ,.! غلا انتبهت لهم : لي انا؟؟ خالد: ليش؟ عمر : ابيها تختار لي من تطيح عينها عليها خالد : و ليش ماتخلي امي ؟ عمر : انت ماتعرف امي؟ تبيني آخذ المها و مثل ماغصبتك تغصبني خالد فتح عيونه على كلامه عمر : آسف ماقصدت ،، خلاص انا استأذن ، يلا نشوفكم على خير غلا قامت و سحبت خالد معااها و قفوا عند الباب معاه و هو يتصدد عن خالد اللي شاف الشرار من عيونه يضرب بعينه .. |
|
#283
04-16-2008, 01:40 PM
| ||
| | ||
| رد: غلا عمر : خلاص ننتظركم الخميس عيل .. خالد : يصير خير انشالله عمر : انشالله .. يلا مع السلامه خالد : سلم ،، الله وياك عمر طلع و هم سكروا الباب وراهم و شاف عيال خالد بالحوش يلعبون .. قعد معاهم شوي ، يحس لما يقعد معاهم يحس نفسه مع غلا مايدري ليش؟ عمر يفقص مريم : انتييي اكبري واطلعي مثل اممممج عشان آخذج زين؟ مريم كانت تظحك عليه عمر : هههههه و تظحكين يابنت خالد سعد : شفيييييييك؟ عمر : آسسف عمي ، ماقصدت الظحكه سعد : ايي عمر: اييييي سعد يدور فمخابي عمر عمر : شتدور شتدور؟ سعد : قبل كانت عندك نظاره؟ وينها الحين .. عمر عباله نظارته الطبيه ، طلعها من مخباه الصدري : كاهي سعد يأشر بيده : لالا كانت سوودا عمر رجع بذاكرته لايام راحت و تذكر .. عمر يبتسم له ابتسامه مكسوره : ضاعت حبيبي ( يحب راسه ) يلا سلم على ابوك سعد : انشالله ، مع السلاااامه عمر : فمان الله وسكر عنهم الباب و ركب سيارته .. شغل الليت و دور فسيدياته شي عشان يشغله مالقى شي يعجبه .. شغل الموجود و مشى بسيارته .. تعلمت اني اسامح و اعدي زلة الأيام .. تعلمت ارضى بالواقع ولا اتبع سنى الأحلام .. ولا أتمنى .. ولا استنى .. ولا ودي تعنيني .. ! عمر : انا شاللي خبصته عندهم؟ من قال اني بخطططططططب من قال ابي غيرج ياغلااااا رن موبايله بس ماشاف حتى الرقم وسكره و حذفه بالسياره ووقف عند البحر . قط عقاله و حط غترته على جتفه و القحفيه على راسه .. قعد على صخره كبيره و راسه بين يدينه قعد يفكر باللي ذكره فيه ولد خالد و بشوفة غلا قلبه ولع بكل شي يطري على البال ،، مشتاق لها ، ماشافها ، ماكلمها .. هملت دموعه من عينه و حط ايديه على عيونه عمر ( شنو محتاج مثلج ياغلا ، يابختك ياخالد ، عندك من يحبك ، من تحبه ، من لاضاق صدرك لقيته اوسع لك من هالدنيا ، ايده على جتفك ، تشوفه ، قريب منك ، ريتج لي ياغلا .. ) ----------------------------- خالد : يلا غلا ..! غلا : وين يلا ؟ خالد : عازمج ! غلا : لالا خالد انت اليوم تعبان ولازم ترتاح خالد : راحتي ويااج غلا : ماعليه خالد نطلع باجر ارتاح اليوم ، شفت قلبك شلون كان الظهر اكيد بعدك تعبان خالد : يلا غلا بترديني يعني ؟ غلا تنزل راسها خالد : صدقيني لو تعبان بقولج غلا ترفع عيونها وهي تقول فقلبها( انت لوتدري بس ! ) خالد : ادري فيج.. يالله عمري خل نطلع عشان مانتأخر .. غلا : انشالله غلا ماطولت وهي تلبس بدلت ملابسها ولبست عباتها كحلت عيونها و عدلت شكلها شوي و هي تحس ان مالها خلق لا للطلعه ولا للتعدل ..! خذت شنطتها و فتحت الباب تشوف فيصل و سعد لان مريم معاهم مالقتهم ، أكيد فالحوش .. نزلت على الدرج وهي تدور خالد بعد محد غلا : خالد ؟؟ خالد كان طالع من المطبخ وفيده الكوب و يشرب قهوته خالد وهو الظحكه مبيعه عمر عنده : عيوووووون خالد انتي غلا ماتدري ليش انحرجت منه ، و عمر لازق فمخها .. ابتسمت له وصدت خالد : انا ادري اني وسيم بس اني اظيع العقل ، مادري غلا : هههه لا تظيع ماتشوفني ظعت !! ( تشيل الكوب من يده و تحطه على الطاوله )) خالد يعض على شفته : يعني ممنوعه القهوه بعد ؟ غلا : من زمان ممنوعه ، بس انت ماتطلع و مشت عنه خالد شرب آخر رشفه بسرعه قبل لاتلتفت عليه غلا : شفتك خالد شرق فيها غلا : ههههههههههههههههههههههههههههههههههههههههههههه هه خالد يكح : آه ياام عين ظيقققققه ، حاسدتني على قهوتيي غلا : هههههههههههههههههه خالد : ظحكي ظحكي يبا ، شعلييييييج غلا طلعت معاه و شافوا فيصل وسعد ومريم خالد : ياسلام عليكم ، ذبتوا من هاللعب مريم قامت وهي تشيل فعمرها تبي تروح له خالد : يالمتينه شوي شوي غلا : خااالد لاتقول لها جذي ، وتعقدت باجر؟ خالد يشيلها عقب ماتدربحت : ماتشوفينها صايره كوره تمشي و تطيح مافيها عظم غلا : هههههههههههههههههه خالد كان يبالغ فوصفه لمريم |
|
#284
04-16-2008, 01:40 PM
| ||
| | ||
| رد: غلا خالد : يلا غلا ..! غلا : وين يلا ؟ خالد : عازمج ! غلا : لالا خالد انت اليوم تعبان ولازم ترتاح خالد : راحتي ويااج غلا : ماعليه خالد نطلع باجر ارتاح اليوم ، شفت قلبك شلون كان الظهر اكيد بعدك تعبان خالد : يلا غلا بترديني يعني ؟ غلا تنزل راسها خالد : صدقيني لو تعبان بقولج غلا ترفع عيونها وهي تقول فقلبها( انت لوتدري بس ! ) خالد : ادري فيج.. يالله عمري خل نطلع عشان مانتأخر .. غلا : انشالله غلا ماطولت وهي تلبس بدلت ملابسها ولبست عباتها كحلت عيونها و عدلت شكلها شوي و هي تحس ان مالها خلق لا للطلعه ولا للتعدل ..! خذت شنطتها و فتحت الباب تشوف فيصل و سعد لان مريم معاهم مالقتهم ، أكيد فالحوش .. نزلت على الدرج وهي تدور خالد بعد محد غلا : خالد ؟؟ خالد كان طالع من المطبخ وفيده الكوب و يشرب قهوته خالد وهو الظحكه مبيعه عمر عنده : عيوووووون خالد انتي غلا ماتدري ليش انحرجت منه ، و عمر لازق فمخها .. ابتسمت له وصدت خالد : انا ادري اني وسيم بس اني اظيع العقل ، مادري غلا : هههه لا تظيع ماتشوفني ظعت !! ( تشيل الكوب من يده و تحطه على الطاوله )) خالد يعض على شفته : يعني ممنوعه القهوه بعد ؟ غلا : من زمان ممنوعه ، بس انت ماتطلع و مشت عنه خالد شرب آخر رشفه بسرعه قبل لاتلتفت عليه غلا : شفتك خالد شرق فيها غلا : ههههههههههههههههههههههههههههههههههههههههههههه هه خالد يكح : آه ياام عين ظيقققققه ، حاسدتني على قهوتيي غلا : هههههههههههههههههه خالد : ظحكي ظحكي يبا ، شعلييييييج غلا طلعت معاه و شافوا فيصل وسعد ومريم خالد : ياسلام عليكم ، ذبتوا من هاللعب مريم قامت وهي تشيل فعمرها تبي تروح له خالد : يالمتينه شوي شوي غلا : خااالد لاتقول لها جذي ، وتعقدت باجر؟ خالد يشيلها عقب ماتدربحت : ماتشوفينها صايره كوره تمشي و تطيح مافيها عظم غلا : هههههههههههههههههه خالد كان يبالغ فوصفه لمريم .. خالد : اووووه ،، نسيت جوالي فووق غلا : أي صح مادري من اتصل لك بعد خالد : من ؟ غلا : مادري مارديت خالد : ليش؟ غلا : رقم غريب خفت حد من الشغل ووو .. " تطالع الارض " خالد : زين انا بجيبه انتي سبقيني السياره غلا : انشالله ..! خالد فتح باب الدار ودوره لقاه على الكمدينه .. مسك جهازه وشاف ورده على الكمدينه خالد " ههههههه ورد بعد " .. خالد كان مفكر غلا حاطتها المسكين مايدري ان حتى غلا ماتدري عن الورده ؟؟!! طلع خالد و قعد يشوف المسجات ومنو متصل اول مسج كان فاضي ، ثاني واحد مسج شعر ، الثالث (( خالد رد )) .. خالد شاف الرقم مايعرفه ولا مر عليه .. اتصل خالد .. خالد : الوو ! ريما اللي كانت حاطته على السبيكر و غاليه عندها : الو؟؟ خالد : من متصل الشيخه ؟ غاليه بصوت واطي : زين جذي يالفشله انتي ريما تأشر لها سكتيي : انا متصله خالد : خير ، تبين شي؟ ريما : انا ابي عمر؟ خالد : عمر؟ أي عمر؟ اخوي؟ ريما : أي خالد يهز راسه : وانتي من؟ وشتبين تتصلين لتلفونات تدورين عمر ؟ ريما: لاني ادري انك اخوه خالد : اللهم طولج ياروح ، زين خلصي شتبين ؟ " خالد وصل لعند غلا " ريما : انا ابي عمر شلون احصله خالد : نطري ،،،،، غلا كلميها هذي اللي جات بيت ابوي ، تفاهمي معاها انا ببطها معاها ، اعصابي راحت فيها .. غلا تعقد حواجبها : الو؟ ريما : الوو ! غلا : خير الشيخه ، تبين منو ؟ ريما :انتي منو ؟ و شهالتليفون اللي يبي يرد عليه ههههههههههههههههه غلا : احشمي عمرج حبيبتي ، و مالج شغل بهالرقم ريما تقاطعها : سمعي انا ابي عمر و مالقيت غير هالطريقه اوصل له فيها غلا (والله خوش) : حبيبتي سمعيني عمر خطب ، واقولج ثقلي على العالم شوي وهالرقم لاعادج تتصلين عليه ريما : شنو؟ صبر ، عمر خطب؟ غلا : أي خطب مع السلامه وسكرت فوجهها غلا .. غلا تدور خالد ماحصلته فالحوش غلا : سعد وين ابوك؟ سعد : دخلل غلا : زين خلاص انتوا بعد دخلو يلا .. دخلتهم معاها و شافت ان مريم مو معاهم ، أكيد خذاها خالد .. غلا شافت ان خالد تغير مزاجه و خلاص اكيد مايبي يطلع ، راحت معاهم لفوق و شافته بالغرفه التحتيه مع مريم كان قاعد على الكرسي اللي ماعطيه ظهرها بس تشوف يد ممدوده فيها زقاره .. غلا : انت هني خالد ؟ خالد ينزل يده اللي رفعها عشان يدخن فيها : أي هني غلا : كنت بقولك ان ........... خالد يقاطعها : خلاص نأجل الطلعه غلا : انا كنت جايه اقولك جذي خالد ماعبر وجودها و رجع لزقارته .. غلا : خالد لاتدخن هني ، اطلع بالحوش خالد : ليش بالله؟ غلا : مو زين لمريم خالد يطفي زقارته غلا : امشي مريم غلا خذتها و لحقت اخوانها اللي سبقوها وتسبحوا ، تمت معاهم بالدار لين نامو وهي تتذكر خالد .. الله يستر ، شكله ثواني ويهييج مره وحده .. وطت النور و شالت عباتها و راحت لدارهم ، حطت عباتها على الكرسي شكله خالد لين الحين تحت ، غلا نزلت بسرعه خافت لايكون صار له شي ، لانها طولت شوي ، وهو مايحب يقعد تحت .. المهم :. |
|
#285
04-16-2008, 01:41 PM
| ||
| | ||
| رد: غلا خالد كان لين الحين نفس الوضعية .. راحت ووقفت جدامه غلا ، اشوى كان صاحي غلا : شفيك خالد؟ خالد من غير نفس : مافيني شي غلا ترجع خصل شعرها ورا اذنها : بس شكلك تعبان خالد يناظرها كأنه يقول لها بس تعبان؟؟ غلا : و زعلان ؟؟ خالد : وتسأليني اذا زعلان ولا ؟ المفروض يامرتي تعرفين بروحج غلا استغربت من طريقته : بس ! شاللي زعلك ؟ انا سويت شي زعلك خالد يفز من مكانه مر وحده ويظحك باستهزاء : ههه لا كلش ، انا حالي وحال الكرسي واحد غلا : خالد انا مافهم شتقول انت؟ شسويت لك خالد يقرب من غلا وهو يصرخ لين رصها بالكبت خالد : غلا انتي شنو ؟ مانج حاسه فيني تمثيل و لا صج؟؟ تدرين ان صارت فكرتي عن وجودج مع عمر حساسه حييل ، وهو اللي مايقدر يترك طبعه الحلو معاج عاذرينه لكنج انتي ، أي والله شقالت ؟ قالت بشوفتك ، عبري هاللي قاعد بحسبة رييلج غلا : لا خالد ، صدقني و غلاتك ماكنت اقصدها لما قلتها ، انا طلعت مني عفويه والله خالد ، انت لاتفكر بهالطريقه لاتتكلم بهالطريقه ، انت جذي تخوني ياخالد ، تخوني فيك ، وهذا اللي مستحيل يطلع مني خالد : اوووووه غلا وطلع عنها وهي منذهله من اللي صار؟ شسويت انا ؟ كل هذا على كلمه غلا تداركت الوضع و لحقته للدار غلا وهي شوي وتنفجر بدموعها : اسمعني خالد خالد : خلاص غلا مابي اسمع شي غلا : لازم تسمع و تفهم خالد ركت ملامحه : اسمعج غلا : صدقني خالد ، بكل هاللي يسويه عمر ، بكل كلمه يقولها يبي يستفزني فيها ماتقدر تشد اذني له ، شلون يشدني غيرك وانا وياك؟ صدقني خالد انا خذتك لاني مابي عمر، لاني ابي انسى عمر ، لاني ماشفت حياتي مع عمر ! خالد كان تعبان من داخله و كلام غلا لمس قلبه من داخل لكن عصبيته مايقدر يتركها غلا : خالد قبل كل شي راجع كلامك راجع تصرفك اللي بتسويه خالد : انا آسف غلا انفطر قلبها : لاتتأسف خالد . خالد : غلطت مو لازم اتأسف غلا وهي ترص على عيونها : مادري مادر.... خالد : شفيج غلا؟ شفيج غلا : ماادري خاااااالد بموت ، خاصرتي تذبحنيي ( و غرقت فدموعها وهي تصرخ بالعوار ) .. انفتح باب الطوارىء و السرير ينقل غلا و خالد يلحقهم لين ماتسكر الباب فوجهه .. خالد رفس الباب برجله لكن ماقدر يدخل و سند راسه عليه خالد : كله مني ومن هالزفت اعصابي و سخافتي ، سامحيني ياغلا غلا اللي غابت عن الوعي و غسيل الكلى بدو لها فيه خالد كان واقف ورايح راد على الباب وريجه ناشف يبي يدخن بس ممنوع لازم يطلع .. خالد يحط يده فراسه اللي ماعليه الغتره ، يحسه بينفجر من الصداع مرت ساعه بالظبط و طلع الدكتور اللي تبعه خالد لغرفته .. الدكتور : أكيد زوجها ..! خالد : أي زوجها، شفيها غلا ؟ فيها شي ؟ تعبانه ! الدكتور : احنا الحين سوينا لها غسيل كلى ، بس احنا شاكين فشي و بنسوي له الفحوصات حتى نتطمن خالد : شنو هالشي ؟ الدكتور : ماقدر اقولك عنه قبل مانسوي الفحوصات خالد يشد على شفته من القهر: خلاص ، مشكور ، يعطيك العافيه و طلع عنه ، وراح لغلا و الممرضات كانو لين الحين معاها الممرضه : بدون ازعاج ، تعبانه ولازم ترتاح خالد يهز راسه للمرضه بطاعه اليوم الثاني .. قامت غلا و شافت خالد على السرير اللي غلبه النوم و رقبته ملتويه وهو نايم تبي تمد يدها تعدلها لكنه بعيد وخايفه تقعده لين الحين محد من اهلهم عرف لان خالد ماقال لهم .. .* بعد 3 اسابيع *. عمر قام على صياح موبايله عمر : الووو ، هاااااه من منصور : الوو السلام عليكم ! عمر فج عيونه توقع حد من ربعه : وعليكم السلام منصور: عمر انت ؟ عمر بن سعود ؟! عمر : أي انا عمر بن سعود ، من معاي ؟ منصور : انا منصور اللي وافيتك بامريكا ووو ......(قعد يعد له السالفه) عمر : ايي عرفتك ، اهلين هلا والله ، شلونك شعلومك ؟ وينك عنا ! منصور : انا موجود تم عمر يسولف معاه ويتذكر ايام امريكا وكل المواقف اللي مرت و جية غلا و خالد فيوم تخرجه .. عمر وهو يكلم منصور كان في خط جايه بس مارد عليه .. سكر منه عمر وتم منسدح على سريره .. دخلت عليه امه .. ولاول مره ابتسم لطيفه : ها عمير اشوفك قاعد عمر ولين الحين مبتسم : أي توه رفيجي متصل ، طير النوم من عيني لطيفه : بتطلعون ؟ عمر : لا كنت اعرفه يوم سافرت و متصل يسلم و يسأل .. لطيفه : أي يحليله ، انزين قولي عمر : آمري لطيفه : صج الخبر اللي سمعته عمر : أي خبر ؟ لطيفه : تبي تخطب عمر : مادري يمكن لطيفه : و شلون ماتقول لي عمر : انا قلت ادور البنت بعدين اقول لج لطيفه : حاط وحده فبالك؟ عمر بكل حرقة قلب : آآخ يمه ، حطيتها و حطيتها و مارضت توخر عن بالي لطيفه : من هذي؟ عمر : غلا لطيفه بققت عيونها : شنو؟؟ انت وبعدين وياك؟ شهالكلام ذي ، ماخلصنا من هالسالفه ياعمور عمر : انزين انزين .. بس خلاص لطيفه : صدقني ان مايزت عن هالسوالف بتشوف شي مايعجبك ، انت شبلاك ، ماتحب اخوك؟ عمر : احبه ؟ شلون ماحبه؟ احبه و احب .... احب هله احبه والله احبه ، احب عياله احبه لطيفه : اوهو زين زين ، اسمعني بنخطب لك المها عمر : تخسي لطيفه : شنو ، شنو تخسي؟ استح بنت خالتك هذي عمر : مابيها ، شنو يمه عبالج بتقدرين علي !! اسمحي لي و قام عنها عمر و دخل الحمام ،، رجع فتح بابه عمر : يمه خل يجيبون لي اكل بتسبح وبتريق بداري ،، ماعليج امر يعني (يغمز لها) .. لطيفه هزت راسها من عمر بعد مادخل ، عافس حياته عافس عيشته و عمره كله شمسويه فيه هالغلا ؟ طفت لطيفه المكيف و فتحت الدرايش و هذا اكره شي عند عمرر .. راحت عند مكتبه بترتب هالاوراق اللي منثره على المكتب و حول المكتب وواصله لين سريره .. شالتهم و حطتهم على المكتب بدون ماتقراهم لان شكلهم يتعب العين مشخبط وراسم و اشيا مالها آخر .. طلعت و قالت للخدامات يودون له ريوقه .. و بعدها بشوي طلع عمر من سبوحه عشان يلبس و شاف ان امه مرتبه السرير و فاتحه الدريشه عمر يزعق من داره : يمه ،، اووووه ليش تسوين جذذذذذذي لطيفه : بس بس اسكت (كانت تتكلم فالتليفون) عمر تم يتحندى وهو يسكر الدرايش ويشغل المكيف .. لبس ملابسه و صلى ركعتين و دخلت عليه غلا وهو يقرى القرآن .. كانت جايه و خالد يدري بس جايه تسأله عن الخطبه و تعرف شيبي .. قعدت فالصاله مع لطيفه اللي كانت غير عن كل مره مع غلا ، تتظحك و تتغشمر و تسولف .. شاغلتها مريم وراحت لعمر وقعدت عنده ، شافها وتوقع انها جايه مع اخوانها لانهم ساعات يجونهم كم ساعه ويرجعون بيتهم .. و قعد يقرى وهي حذاه .. |
 |
| مواقع النشر (المفضلة) |
| |
العرض العادي
