|
|
#56
02-19-2008, 07:52 PM
| ||
| | ||
| رد: غلا °¨*~¤¦ الفصل السادس ¦¤*~¨° عمر انصدم من الموقف وايد .. صج غلا صارت مو من نصييه بس هو لين الحين يحبها جفف دموعه بيده وكان شكله يقطع القلب حواجبه كانت مايله لتحت وعلامات الحزن مرتسمه عليه .. تنحنح وغلا كانت توها مبدله لابسها تنوره عاديه وبلوزه لفت شيلتها وكانت تحاجي الخدامه وتمشي لين الباب مو منتبهه من !! عمر كان يشوفها ينطرها تخلص كلامها انتبهت للباب وسكتت تعرفون لما تكونون بنفس حالتها؟ تمشون وماتدررون من اللي ينطركم ،، بس تشوفونه ينربط لسانكم .. غلا: ع .. عمر ! عمر: أي عمر.. هاي غلا (يكابر باللي داخله اونه فرحان) نويتي تخلينااا ! غلا غصب عليها عيونها دمعت وتتكلم معاه .. غلا: هه ايه خلاص .. عمر : اييه الله يوفقكم انشالله .. غلا : ......... (عورت قلبها هالجمله ، شكثر كانوا متمنين يكونون لبعض بس .... ) خالد كان طالع مع رفيجه بمطعم تيك اوي وقاعد مع رفيجه لكنه بعالم ثاااااااني بعيد عنه خالد كان يفكر ويقول (( دام امي جبرتنا حرام هاليتيمه انكد عليها وازيدها واقلب حياتها جحيم ، بس موعاجبتني هالشغله اخوي يحبها وانا مادري شلون افففف )) رفيجه (خليفه) : اوووووووه ،، الووو وينكم ؟ خالد انتبه له : ها ، كاني وياك ويني بعد خليفه : أي يبا شعليك قريب تدش القفص الذهبي خالد : أي ذهبي الا قول الخشبي المحترق خليفه : ههههههههههههههههه الله يقطع ابليسك ياخلود ، هونها وتهون ياخووي ماكو شي يسوى خالد : اييييييه ( يتنفس) وانت قلتها ماكو شي يسوى !! << شقصدددك؟ طلعوا من بعدها وراحو افترو شوي وخالد لاعن خير الزقاير . رجع البيت شاف عمر حده استانس عمر كان بالصاله لكن شكله حزين مو مشغل ولاشي بس ضوو الابجورات ومطفي التلفزيون وهاااادي المكان بروحه قاعد عمر كان مثمن ريله فوق الكرسي وموطي راسه يصيح . خالد مانتبه انه يصيح خالد : هلا والله، هلا ابوووي، هلا وغلا، هلا بعمر، هلا بخلف هلي والله عمر انتبه ان خالد وصل ومايبي يشوفه يصيح سوى روحه يعطس .. خالد : يرحمممك الله .. عششششت ياولد امي وابوي ( ههههههه شعنده ذي! ) عمر : ههه هلا خالد .. خالد عرف شفيه عمر وانه كان يصيح .. خالد : والله اليوم ياعمير مرينا معرض سيارات ، شي مو طبيعي يبي لنا روحه والله عمر : لا يبا وراك عرس الله نسيت ! خالد مارد على اخوه ونزل راسه وهو يحك قفاه .. راح خالد داره وقعد يرتبها شوي بعد بكل الحالات هو معرس لازم يغير !! عمر كان صاعد لداره شافته غلا وعمر كان يبي يودعها بس مو عارف شلون .. قعد عمر بداره وكل شي ظلام بس ابجورتين مولعين والجو حزيييييين دخلت غلا شم عمر عطرها وارتفع جسسسمه ونزل عمر لف عليها وهي طالعتها قعدوا يطالعون بعض قرابة الدقيقتين بدون كلام .. ! عمر : ارتاحي .. قعدت غلا على كرسي المكتب وهو على كرسي ثاني بعيد .. عمر استخف حس انه مايعرف ينطق حرف واحد عمر يكح ...!.. غلا: انا باجر رايحه لبيت ابوي العود انشالله لين يوم العرس ( هالجمله قالتها بعد ماحست ان روحها طلعت من وراها ) ، عمر حس ويهه بدى يعرق من القهر .. عمر : انشالله ، الله يوفقكم ويهنيكم .. (حس فيه رعشه بجسمه وهو يقولها ) غلا صاحت عمر وهو يتكلم وصوته يتراقل دموعه تطيح جنهم بلور على خده عمر : عاد ها (يصيح) ماوصيج على خالد اخوي ترا طيب حييييييل ، يحب ياكل ههه مثلي لاتكدرين بخاطره دايمآ صارحيه مايحب أي حد يخش عنه شي ، (يصيييح ويتكلم بصوت مرتفع قوي .. ) بس هاا خالد مو مثلي رسام بس صوته احلى مني (ماتمالك نفسه عمر جدامها وقعد يصيح) غلا قطت روحها على الطاوله تصيييح وتشاهق خالد كان طالع يشرب ماي وسمعهم قرب لين الدار وبعدين رجع خطوتين ورا وقال لنفسه انا مالي شغل رد داره ، بس حيل غار على غلاا وماعرف شنو هالشعور اللي فيه عمر : غلا لاتنسيني غلا ماكانت تبي تطول بالقعده ، هي على ذمة خالد !! غلا : لا والله عمري ما نسيتك ،، خلني على بالك عمر لا شعوريآ : انتي بروحي قبل عقلي وعيوني .. غلا ظحكت له طلعت ،، لفت له ،، وتكلمت بصوت ناعم حزين .. غلا : عمر عمر مسك قلبه مثل كل مره من قو النبض اللي يجيه من يسمع اسمه منها عمر : سمي غلا : آخر طلب .. عمر : عيوني لج .. غلا : غن لي .!. عمر سكر عينه ونزلت دمعته : مااااااطلبتي يابنت عمي .. سكتوا شوي وطلعت غلا وقفت بره تسمعه وهو صاد يغني ودموعه تطيح عمر : لحظه يابقايا الليل لحظه مابقى بي حيل بالهدى ياليل حسيت اني بنحرم شوفي مقدر اوادع قطع من يوفي قال الودااع لحظة ودااع قال وهلت الدمعه وسال ((يصيح هو وغلا )) الكحل فوق السواطر كل دمعه من عيونك اشتريها بألف خااطر ... عمر كان صوته طالع بهاليوم حزيييييين صج يكسر الخاطر بس حلو ودافي مثل كل مره .. سكت عمر وشهق بصيحته وقفل باب داره وغلا تسندت على الطوفه تصيح طلع لها خالد ومسكها وهي تصيح غلا نست انه خطيبها وقعدت تصيح وهي لامته ودخلها دارها وحطها على سريرها وطلع .. ثاني يوم الصبح غلا ودوا اغراضها وجاها عمها سعد بس مانزل نطرها بره وراحت ركبت معاه وراحوا للبيت العود ... غلا كانت وايد حزينه وزعلاااانه وفرحانه كل شي متلخبط فيها فرحانه لان خالد ريلها ومتظايقه لان حبيبها محد !! خالد ريال بمعنى الكلمه ولو انه يستعبط افضل من مايكون نكدي يحب الروح المرحه يحب الظحك مايحب الزعل ويستاهلون بعض (كللللوش ههههههههه ) نزلت غلا ودخلت البيت بدلت وخذت راحتها وايد تغدوا وبعد الغدا قعدوا يسولفون مع بعض هي وعمتها وعمها لان يدتهم راحت تنام تغريد: زين عيل وين تبين تروحين تجهزين غلا استحت من السؤال لانه انطرح وعمها موجود سعد كان يفتح قرطاس الحلاوه وياكله ويطالعها وهو مرفع حاجب بنظره خبيثه يعني ههههه سعد : همممم ، وين ! غلا ماردت عليهم بس تتبسم مفتششششششششله حدها .. قعدوا ساكتين يفرر سعد بالقنوات ويظحكهم شوي تمغط وراح ينااام .. تغريد : ماقلتي لي وين تبين ؟؟ غلا : مادري عمتي كيفج .. تغريد : مب انا العروس ترا .. غلا : هههههه عمتيييييييي تغريد : والله كل ماقلنا لج شي كيفكم كيفكم .. غلا : ههههههههههههه . سكتوا شوي .. غلا : عمتي متى ريلج بيرد ؟؟ تغريد : كم اسبوع وبيرجع انشالله .. غلا : بالسلامه انشالله .. (( تغريد ريلها كان مسافر بشغله دوره 3 شهور وحاول انها تروح معاه بس كانت حامل وكان خطر عليها )) .. المهم .. غلا قررت انها تتجهز من لبنان وباريس .. اول اسبوع لها ببيت يدها .. كانت قاعده تحط مناكير على اظافرها وتدندن بروحها .. رن موبايلها شافته .. رقم غريب .. !! ردت يمكن حد يبيها لان طول ..! غلا بصوتها الناعم : الووو ! خالد : هلا غلا غلا تصرقعت خالد متصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ غلا: أ أهلين هلا خالد .. خالد : شخبارج ؟ غلا: الله يسلمك انت شخبارك خالد : حمدلله تمام شخبار عمي وعمتي والكل غلا : بخير يسلمون عليك .. خالد : هههه الله يسلمهم قعدوا من هالسوالف المعتاده شمسوين ومادري شنو خالد : اقول غلا ! غلا : هلا .. خالد : فاظيه باجر ! غلا : اكيد . خالد : عيل بعد المغرب انشالله امر بيت ابوي غلا : انشالله ، ناطرينك .. خالد : انشالله ، يلا توصيني بشي؟ غلا : سلامتك خالد : يسلمج ، ديري بالج على نفسج غلا استتتتتتتتتتتتتتتتحت صج من هالجمله : انشالله ،، مع السلامه خالد سكر حس شكثر غلا مستحيه منه من كلامها مبين تسكت وترد ولا تظحك هههه يحليلها والله .. آآآخ الله يعينا انشالله .. طلع زقاره وقعد يدخن طفاها وطلع .. دخل عليه ابوه وخالد اهتز لمن شاف ابوه بالدار خالد ( اوف شنو بعد شصاير؟ الله يستر ) : هلا يبا تفضل سعود قعد على الكرسي يبي يحاجي ولده سعود : يبا خالد خالد : سم يبا .! سعود : يايبا لاتشيل بخاطرك على اللي صار منا ، احنا ماسوينا هاي الا لانه شفناه فيه الخير لك ولها ولمصلحتكم ثنينكم ، باجر تعيش وياها وبتعرف وبتقول ابوي قال وتدعي لنا .. خالد : يبا أي خير الله يسلمك ، خير ! وحالة اخوي عمر!!! شلون تصير خير؟ يبا انا حاولت اقنع نفسي باللي يصير لكن نفسي مو راظيه، يبا احس انه حرااااااااااااام حراام تعرف الحرام هذا اللي احسه حرام اخذ وحده واتهنى معاها وقلبي يفرح وياها وعمر اخوي قلبه يتقطع ويحترق وخاطره فيها صعبه يبا صعبه ، اوف . سعود : ياولِدي كلامك لابيجدم ولابيأخر كل شي صار وانتهى انتوا الحين لبعض انت رجلها وهي حرمتك خالد انغص من الكلام : انشالله يبا قعد يسولف معاه ويتفهمون لكل شي .. سعود ولطيفه حسوا ان خالد ولدهم ظحكة البيت كله راح صح كلامه صعبه يرجع .. وعمر دلوعها صار ينفر من القعده وياها بس يسلم ويطلع داره نادر ماياكل وياهم .. عمر كان قاعد بداره ويرسم كل شي يرسمه يدل على حزنه .. راسم نار تذوب قلب ( هاهاهاها ) والنار ماسكتها ايد حرمه ( لطيفه ) .. بال شوفوا شلون عبر عن مشاعره امه ماسكه لقلبه النار لطيفه طقت باب دار عمر ودخلت عمر شافها قام عن كرسي مكتبه معصب وسوى روحه بيروح يتسبح لطيفه : ماتقولي شفيك ؟؟؟؟؟؟؟؟ عمر : مافيني الا سم شربتيني اياه ، بولي اتسبح يمه وخري الله يخليج لطيفه : اخ ياعمور انا امك تحاجيني جذيه ! عمر : على عيني وراسي انج امي ، لكن ام (ماعرف شيقول ) ..... ولاشي يمه اسف وحقج على راسي من فوق .. طلع وراح تسبح .. لطيفه ظاقت الدنيا عليها بحالة ولدها مكتأب حزين منجرح ومبين عليه .. |
|
#57
02-19-2008, 07:53 PM
| ||
| | ||
| رد: غلا .* ثاني يووم *. خالد لبس ثوبه ونسف الغتره من الزين حط له شوية دهن عود وتعطر وكان محلق ومعدل نفسه نزل لقى عمر بالصاله منسدح تفاجأ ماتوقع يلقاه ومتى يوم بيروح لحبيبته ؟!؟! عمر : ياشيخ ، وين رايح ؟ خالد : ههه هلا عمر شلونك اليوم ؟ لطيفه جات تبخر ولدها وخالد وده يلعن الساعه اللي طلع فيها من داره .. لطيفه تبخره وعمر نقزه قلبه وفهم عمر : ماقلت لي وين بتروح لطيفه : رايح لخطيبته بعد وين رايح ! خالد طالع اخوه بنظرات مكسوره وعمر يتظاهر انه فرحان عمر : أي أي شغل عدل ، الله يهنيك انشالله عمر قام بيروح خالد : وين وين ؟ عمر : لا بس شوي راسي مصدع بنام بس ترجع وقظني عشان نسولف خالد : ماطلبت يابعد عمري خلاص روح نام انت لطيفه راحت وخالد راح لعند اخوه يحاجيه عمر : بس ها مو تروح ايدك فاظيه خالد : هههه انشالله ظحكوا لبعض وخالد حب راس اخوه قبل لايروح وطلع كان خالد طالب باقة ورد كبيره أرظيه وصلت للبيت العود مع اذان المغرب كان شكلها فظيييييييع ورد احمر وعليه لمعه .. غلا كانت قاعده تسكر شغابتها لما جاتها الخدامه تقولها ان خالد وصل كانت لابسه تنوره بنيه لين الركبه ولبست معاها دلاغ شبك وبوت ولابسه بدي تايجر دانتيل ظييق وعلى الاطراف الدانيل اسود .. خالد كان يموت بالتايجر هههه كانت مسويه شعرها عادي نفخه بسيطه واطرافه ملفلفه شوي خالد كان واقف وارتبك لمن شافها وهي بعد وايد قراب هالمره وبروحهم !! @@ ماعرف شيسوي مد يده وسلم وقعدوا غلا كانت تسولف معاه وتظحك وخالد يظيييييييع ، كان يطالع شعرها حلووو يميل لما تتحرك وانتبهت له لما سكتوا غلا : شفيك خالد ! خالد : ها لا ولاشي :d غلا : =) خالد : أي صج وصل البوم صور الملجه ( احترق) غلا : صج وينه ؟ خالد : ماجبته والله غلا : اهاا خالد : هههههه لا كاهو معاي غلا ( يحليلك ) ، خالد حس انه بدا يملق ماعرف شيسوي حده مرتبك اول مره يقعد هالقعده ماطوولو وايد قعدوا يشوفون الصور وكل شوي تدقر يده بالغلط وتلف الصوب الثاني وهو بعد خخخ مساكين .. عمر كان بدار ويغني بصوت واطي عمر : حرمتينا من الغالي يادنيانا حرمتينا بقت كلمه بخواطرنا بعدنا لا ماقلناها وعلى غفله من الفرحه يافرقانا سرقتينا حكايتنا مع الغالي بعدنا ماكتبناها لنا غنوة فرح عيت ظرفوك لاتخلينا نغنيها وهو ياما بصوته قال وغناها رسمنا الحلم لعيونه وبالغنا بآمانينا اثارينا نعيش اوهام بنتعب ماوصلناها ترى تو القلوب صغار ترى تو العشق فينا حبايب مابعد شفنا الدموع وماذرفناها.. على صوت الخطى الغضه البريئه حزن جيتينا حكيايتنا وامانينا كأن مابديناها!! عمر كان يغنيها على غير لحنها على لحن حزين ،، خلصها وقام قعد يتنفس .. فكر لأول مره ! خالد اخوي ليش يدخن ؟؟ أكيد واجهه ظرف صعب ودخن!! يمكن طالع لابوي ؟؟ بس ليش هم الاثنين يدخنون وانا لا؟ |
|
#58
02-19-2008, 07:53 PM
| ||
| | ||
| رد: غلا °¨*~¤¦ الفصل السابع ¦¤*~¨° غلا : هههههههه أي اليوم العصر السفره عاليه : ياسلاام وين انشالله ؟ غلا : ليبانون ههههههه عاليه : خخخ الله يخسج أي شعليج ماخذت لج واحد اف ياربي شنو ذذذذذي سلفيني غلا : ههههههههههههههههههههههههههههههههههههههههههههه ه عاليه : تتظحكين بعد مالت عليج يالخايسه بتوحشيني وايد والله غلا : حياتي والله ، وانتي اكثر والله عاليه : انزين غلووويه حبيبتي انا بسكر الحين لان الشيخ اخي الغالي يبي النت اوكيه ! غلا: ههه اوكي حبيبتي ، يالله خلي بالج على نفسج .. عاليه : وانتي بعد عمري يلا تبين شي ؟؟ غلا: سلامتج يالحلوه ماتبين شي انتي من هناك عاليه : ريل هههههههههههههههههههه غلا : هههههههههههههه انشالله يلا مع السلامه عاليه : بايات سكرت من عاليه وقعدت تشوف البيت ملللل ملللل مللللل غلا كانت بتسافر معاها عمتها وبتخلي خالد وعلي عند فاطمه اختهم والخدامات لانها مظطره غلا محد وياها يسافر غيرها .. وبيروح عمهم سعد بعد .. لبسوا وعلى وقت الطياره جهزوا وصلوا للمطار وركبوا الطياره |
|
#59
02-19-2008, 07:54 PM
| ||
| | ||
| رد: غلا °¨*~¤¦ الفصل الثامن ¦¤*~¨° بعد اربع ساعات وصلوا لمطارسوريا وراح سعد يخلصهم وتلاقهم الشوفير ( أمجد ) ووصلهم لين السياره اللي تنقلهم لقلب لبنان .. غلا كانت تعبااانه من طول الطريق .. كانت مغمضه عينها وترن بأذنها اغاني عمر اللي غناها تذكرت لما كان يغني وهي ترد عليه الله أياام حلوه مرت مثل لمح البرق .. والحين ماتعرف حتى خلفية حياتها مع ولد عمها خالد شلون بتكون ؟؟ خالد وسيم ورجال بمعنى الكلمه ألف بنت تتمناه غيري .. بسس يمكن اقدر اسعده! بس انا احس اني خاينه اكبر خاينه فالعالم .. بكون على ذمة واحد واحس قلبي مع غيره .. اييه الله يعيني واقدر اعيش حياتي بالطريقه اللي ارضي فيها ربي .. هزتها عمتها تغريد تغريد : يلا حبيبي وصلنا غلا: اوكي نزلت ريلها بكل هدوو من السياره رفعت عينها وشافت الفندق اللي نازلين فيه فخم والمبنى عالي طالعته بعيونها وكانت الاضواء لاعبه لعبه فيه عكست على عيونها وتمت عيونها تلامع وقفت حذا عمتها وعدلت شيلتها .. العم سعد وتغريد قرروا ان رحلة لبنان تكون مثل رحلة استجمام لهم .. مايبون يحسبون الوقت وكم باقي على الرده وكم بندفع يبون كل شي ريلاااكس وبهدوء .. غلا مادرت عن هالتخطيط انتظرت باللوبي هي وعمتها وقعد سعد يسوي الحجز وكل شي خلص ورجع لهم .. سعد : ها تبون ناكل ولا نريح ؟ تغريد : اكلنا فالطياره ، انا عن نفسي شبعانه ابي اروح اكلم عيالي سعد يقلدها : ابي اروح اكلم عيالي ، الله والعيال شواذي واختهم الغوريلا خلفي لنا خلفه سنعه تغريد : افا ياسعد هاي اخرتها عيالي شواذي سعد : ههههههههههههههه والله ولا هالخايس عليوي آخ ودي افقصه تغريد : جب عاد كله ولا عيالي بعد عمري ولهت عليهم تصدق مادري الحين خلود شلونه .. غلا : خلاص عمتي نرد الدار انا بعد راسي شوي مصدع ونريح سعد : اوكي عيل ، ترا حجزنا سويت وبآخر طابق غلا وشوي وتصيح : عممممممممممي الله يهداك اخر طابق عاد سعد : شسوي انا هاي اللي لقيته .. تغريد : اففففف الله يعين امشي غلا ركبوا اللفت وسبقهم البوي للسويت دخلت غلا وحذفت روحها على السوفا اللي بالصاله .. تحس الصداع بيذبحها خلاص مب قادره تستحمل بعد .. حاست بشنطتها لقت اخر حبة بندول خذتها وشربت ماي دخلت دارها سكرت الباب وسندت راسها على الكبت وحشتني ياعمر وحشتني كلك طولك عرضك سوالفك ككل شي حتى طفارك لي نزلت دموعها ومسحتهم فصخت شيلتها وبدلت وحطت راسها بهدوووء على المخده مسحت على ويهها لانه حرر وايد من الدموع اللي تنزل عليه ونامت .:.:. على المغرب قعدهم العم سعد ونزلوا تعشوا فمطعم اسمه برج الحمام المطعم كان روعه بالليل قعدوا وحذاهم شلال والشلال حاطين فيه الجح والشكل روعه سعد قعد يصور بموبايله لانهم ماجابوا كيمرة فيديو .. سعد يحرك الموبايل على غلا السرحانه ولمع الماس دبلتها بالكام سعد : هذي غلانا ،، شوفوها كله تتبسم شبه مجنونه غلا : هههههه ، عمي سعد يلف على تغريد سعد : هذي تغريد أختي الغاليه هههه بس لاتخافون ماتغرد تغريد : هههههه سعد بسك سعد : اييه لنا الله غلا تذكرت سفرتهم لفيينا طول الطريق خالد كان يصور ويستعبط ومايدرون شنوا اللي كان ناطرهم بردتهم لقطر .. الله يستر الجو وناسه اليوم شينطرنا فقطر ؟؟ سعد وكانه كان يكلمها من مده سعد : غلااا شفيج وين رحتي؟ غلا: وياكم عمي سعد : زين شبتاكلين ؟ غلا تطالع المنيو كان مغلف بالشفاف وقاعده تختار تحس انها معطلتهم الريال واقف ينطر طلبها اخيرآ طلبت غلا : تاشر له بيدها على المنيو : باخذ الصفيحه هاي مع هالطبق لو سمحت الجرسون : شوبدك تشربي مدام ؟ غلا استحت ليش مدام الله يهداك توني : اشرب سفن-اب الجرسون : عنا سبرايت متلو ،، أمر تاني ؟ سعد : لامشكور بس توصى فالكباب الجرسون : تأمرني غلا : ههههههههه كباب هني بعد ياسعد سعد : يلا جب شنو سعد حاف جي غلا: عممممممممممممي سعد : ياويلي من البنات انا ، جب يلا جب معصب لين الحين غلا : ههههههههه تغريد : باجر وين بنروح ؟ سعد : هاي والله أوامر تجي من البق بوس مسس غلا غلا: مادري؟ سعد رن موبايله طلع رفيجه وقعد يكلمه .. تغريد : باجر نوديج تسوين لج الفستان وكم واحد معاه وتحجزين لج لشعرج ومكياجج غلا: بل عمتي من الحين تغريد : انشالله يمديج انتي غلا : انشالله .. جا الطلب وحطوه سكر سعد من التليفون وقعدوا يتعشون وهم متلذذين فالأكل لان حدهم جواعه .. تمشوا شوي فطريق وكان الجو بارد شوي رحوا لشارع الحمرا وكان شوي يعج بالناس نزلوا من السياره وفضلوا المشي تشروا من الزين وغلا خذت لها كم لبسه وطبعآ كامله من كل شي طلعوا من اخر محل وكانت عتبته رفيعه نزل سعد قبلهم ونزلهم وحده وحده مروا على محل يبيع حلويات وشرت تغريد بوظه من عندهم وغلا شرت منها ماكانت متشجعه حيل هي وعمها بس بإصرار تغريد شروا . رجعوا الفندق وحطت تغريد الاكياس بدارها ونامت .. ناموا وثاني يوم راحوا لنفس السبا وسعد المسكيين حمد ربه ألف مره ان لقى واحد من ربعه بلبنان ومعاه شله طلع معاهم هاليوم للجبل وبيرجع لهم قبل لايتأخر الوقت راحوا السبا وسووا كل شي هناك مساجات برامج للبشره للشعر كل شي بدار خالد كان قاعد معاه عمر ويسولفون عمر : والله افكر اكمل دراستي بس وين مادري خالد : ادخل احدا هالجامعات عمر : خالد خالد : رروح خالد انت عمر : خالد بقولك شي بس مابيك تزعل ولاتشيل بخاطرك علي خالد : افا عليك يابوسّعود عيب هالكلام عمر ظحك له : غلا امانه عندك ترا لاتزعلها بيوم ترا هي حساااسه موت من أي شي تزعل وتصيح حاسب وتذكر انها يتيمه وأحسن لها .. خالد حزن أكثر على أخوه : افا عليك بعيوني لاتوصيني عمر :صج اني احبها بس يمكن انها كان ممكن تكون من نصيبي بس حظك دومه أحلى مني الله يهنيكم وراح داره خالد حس لوبيده طلق غلا وارتاح بس شيسوووووي افففففففففف تدرون عمر شلون حالته صارت؟ كل يوم يقعد يذكر غلا ويصيح تخيلوا ترى دمعة الرجال مهما نزلت تظل غاليه عليه ومن العار انها تنزل بالساهل بس غلا مو أي حد غلا كل حد ودموع عيونه كلها تسوى ثرى ريلها آآآخ ياغلا شدعوى مو مصدق هنت عليج ؟ هانت عليج حلاوة ايامنا! الله شلون قدرتي . عمر فكر بعقله ادري مو بكيفج ، ادري غاصبينج اييييييه ياغلا الله يحفظج انشالله ماقدر اسوي لج أي شي غير اني ادعي لج اذكريني بالخير كل ماطريت عليج مثل ماانا بسوي قعد يصيييح عمر مو مصدق نفسه انه هو اللي يصيح وكل مشاعره تنتفض بكل دمعه غلا بهالوقت تحس قلبها تعبان ماتدري من شنو .* ماتغير شي غير الحب زاد ، لهفة العشاق قايدها البعاد توصلك لو بيني وبينك بلاد *. عاليه كانت بدارها توها مسبحه اختها الصغيره وطلعتها من الحمام لبستها وطلعتها مع اليهال تلعب .. شافت ساعتها ماكان الوقت متأخر وايد اتصلت على غلا تطمنوا على بعض |
|
#60
02-19-2008, 07:55 PM
| ||
| | ||
| رد: غلا بعد اسبوع .. كان سعد مخطط اسبوعين  ايام بلبنان واسبوعين ايام بفرنسا وقالوا له انهم يبون دبي وخلاها اسبوع بعد واسبوع بيوديهم الكويت .. كل شي صار بسرعه ولقى الحجز وتدبر كل شي بعد طلبات بنته الغاليه مستحيل يردها .. غلا كانت ترتب كل اللي شرته بالشناط تذكرت لما دخل عليها عمر وقعدت تلهي روحها خلاص مب مستحمله بعد . تشيل وتحط ودموعها تطييييييييييييييير مسكيينه والله رايحه تجهز ودموعها ماوقفت غلا حست انها صج محتاجه لامها فهاللحظات شهقت بصيحتها وطاحت على الاغراض وصاحت نزلوا وراحو لمجمع وتشرت منه غلا بعد آخر يوم لهم بلبنان راحت غلا وجربت فستان العرس وطلع يبي له شوية تظبيط بعد واعتذرت انها ماتقدر تستلمه عقب يومين اتفقت مع خياطها بفقطر كان لبناني بعد انه ييوصله الفستان ويشوفه ويبقى عنده ولين رجعت قطر تاخذه .. فهاليوم خالد وامه كانوا رايحين يخلصون دزة غلا .. لانها شوي تأجلت بحكم ظروف . طقم العرس كان هدية المعرس لها الثانيه غير البيت الطقم كان بيتصمم لها بس صمموه على الستايل الملكي الفخم . الطقم كان كله الماس وبالنص كان الحجر يعكس الالوان حفروا فيها اسم ( غلا خالد ) طبعآ هذا شافت امه انها حركه حلوه ممكن تفرح غلا خالد ماناقش امه لان خلاااااااص طلع على لسانه شعر من هالسالفه << ويع شهالتشبيه انا بعد ! المهم .. الخاتم ماعرفوا مقاس غلا والدبله عندها وهي مسافره احتاروا شيسوون لما ردوا البيت لطيفه نبشت بأغراضها وخذت خاتم لها وودوه وسوو عليه الطقم كان قصه اسطوريه لحاله مع الشغابات والاسواره والخاتم حتى انهم عطوا غلا خبر ان بيركبون لها على الطرحه منه والفستان فراحت غلا وكنسلت كل شي وبطيبة المصمم اقتنع وقالت له بالفلوس بتسوي فستان ناعم عشان الطقم وسوى لها فستان حريرر فيه شغل نااعم مايبين عشان العقد بيكون نازل على الفستان منه ومن الطرحه وماكان محتاج فستان كله شغل سوى لها بقصه عرايسيه انثويه حيل .. طلعت من المصمم وراحوا قصوا لها شعرها بعد مووووت ونزاع مع عمتها خلوه مقصص وفلوووو طاير يعني القصه طلعت عليها تجننننننن وتغريد سوت بشعرها خصل افتح من لون شعرها شعرها كان لونه عنابي غامق تغريد كانت جميله مسعد ياخذ منها الحلاه عيونها لوزيه ولونها غامق وشعرها لونه حلو وايد وبيضا مجكنمه حيل... شرت لها غلا من لبنان كم طقم وساعتين مع خواتم يصلحون ينلبسون لمناسبات شرت لها خلخال الماس كله الوان الالماس ملون يعني فقرتهم ههههههههه .* اليوم الثاني *. سكرت غلا حزامها وسندت راسها لانهم بيحلقون لباااريس .. وطبعآ تغريد قالت لهم باريس بس بيشترون منها مايبون طلعات ولاشي سعد : والله حلفي عااااااد تغريد : بيروح علينا الوقت وماسوينا شي غلا : عمتييييي باقي وايد وناستنا اهم شي تغريد : لا حبي ،، كفايه ان رحلة لبنان تمغطتوا فيها كثر ماتبون بس عاد سعد : يالله من النسواان صج صج (يطالع غلا وتغريد وكل وحده متخصره له وجنها بتكفخه طالع ان مافيه غيره ريال هههه تخرع ) صج انهم يعني عليهم مخ مادري شلون يفكرون يجيبون الحل بسرعه وكل شي زين تغريد : كل شي زين ها سعد : ايه ايه زين (( رحلة فرنسا كانت معظمها تشري وتجهيزات..... إلخ )) راحوا دبي وراحت غلا مع عمتها ودارو بالمحلات وشروا بعد عبايات جلابيات وشرت لليلة الحنا اللي ماكانت تبيها لانها تكره الحنا تختنق من ريحته .. كانت جلابيتها رووووعه سوتها باللون التقليدي الاخضر والذهبي وطلعت عليها فنانه لانها بيضه والشعر اسود . سعد : غلاااااااااااي انا بخليكم لين خلصتوا دواره عفيه دقوا علي ميت جوع غلا: عمي وانا بعد جوعانه سعد : خلاص عيل نروح ناكل تغريد : انتوا وايد فاجين تدرون ؟ سعد : ويلي من الحار بحار تغريد تعوي بوزها : ويه .. نزلت غلا ووقفت عند الفاترينا سعد : لااااا عفيه اكل اكل ، غدا غلا كانت تشوف لبسه فظيعه حيل تصلح لسهره ماتتطوف غلا تناجيه بعينها سعد : واللي يسلمج لي بطني صفاراات انذار علي (ياشر جنه بياكل) اكل اكل تكفيييييين تغريد دزتها ودخلتها المحل وسعد عصب مشى عنهم وراح قعد بالمطعم وكل وخلص وطلع اتصلت له تغريد مارد طرش لها مسج لاخلصتوا دقوا علي عشان نطلع الفندق وردت تتصل له بس مايرد هههه من قلب عصب هو بعد عجبته كم شغله وخذاها له ودخل محل مجوهرات وخذ طقم لغلا هديه لها كان الطقم حلوو وايد الماس ونازل منه لولو اسود وابيض والشغابه غرريب شكلها سعد كان طول عمره يحب الاشيا الغريبه جي يعني يهوى المغامره.. << تحسون شدخل؟؟ نكمل رجعوا الفندق وسعد طول الطريج صاخ كان هو الي يسوق لانه يدل دبي ماله داعي سواق . وتغريد طول الوقت تنقز تغريد ويتظحكون سعد يوطي صوت المسجل : خير انشالله في عرض لمسرحيه وانا مادري؟ تغريد وغلا يظحكون بصوت واطي بعد رفع حاجب وعلى على اخر المسسسسجل حده غلا: آآآآآآآآآآي عمي حرام عليك وط الصوت سعد : ماسمع ،، أعلي.؟؟ اوكيي انشالله ورفع الصوت وصارت السياره تصدر صوت عالي يلفت نظر السياير الماره تغريد بجديه : وط على الصوت سعد لاتخلينا فرجه للناس .. سعد طفاه وسكت ياكل اظافره .. نزلوا الفندق وهو ماشي جدامهم وهم يتمخطرون وتغريد تبي تقهره تغريد: اقط الفاين؟ غلا: لاعمتي حرام يتعور اذا طاح تغريد : وي فديته لا كله ولا الفاين سعد لف عليهم وهو مجتف يده : حلفوا بس غلا شبكت ذراعها معاه : بعد عمري والله ياعمي سعد حن قلبه بسرعه : الحين ها جان طنشتي بعد غلا: اووش مو هني لارحنا فوق عفيه مانبي نسوي مسرحيه ركبوا ووصلوا للدار باست غلا راس عمها واعتذرت وتغريد فجتها معاه بنكته ورظى سعد جر غلا وسدحها وسوى روحه يبقسها ههههه ثاني يوم نزلوا يتريقون وغلا تحركت شيلتها لورا وبان شعرها وهي تتريق سعد : وشو وشو شنو هاي بعد غلا تخلبصت : شفيك عمي؟ سعد : غطي شعرج يلا يلا يلا غلا : هههههه شفيك والله ماانتبهت آكل سعد : اسكيوزمي لاتبررين تغريد : سعد اليوم ابي اروح اغير جهازي مليت منه علوي لاعب فيه لعبه سعد : طلعي له موبايل بروحه وفكي عمرج تغريد : يلا روح ياهل اطلع له موبايل لا عمري ادلعه أي بس مولهالحد ياهل وطايش مايعرف شيسوي سعد : يايبا الكل صار عنده جوالات حطي له واحد خليه يستقبل بس تغريد : ماعلينا من علاوي توديني اشتري ولا؟ سعد : ههه انشالله وانا بعد بالمره اغير غلا : وانا بععععد سعد : فديت اللي قاط روحه غلا : افااا ( وهي زعلانه) سعد : يلا عاد بدينا أي أي صيحي أي أي غلا ظحكت من قلب : هههههههههههههههههههههههههههههههه خلصوا وقاموا ركبوا السياره ونزلوا اول شي لمجمع الوافي وهم تشروا الخوات ومن بعدها طلعوا وراحو للسوق وغيروا اجهزتهم وكل شي طلعوا من السوق وراحوا لمطعم شافوه قريب وشكله حلو تعشوا فيه ورجعوا للفندق .. بقطر ..... خالد كان داخل توه للبيت ماوقف السياره عند ممر السيارات اللي ينتهي عند باب البيت حطها بالمواقف الخاصه لها طلع من السياره وهو يدخن .. ويدندن على انغام اغنية ميحد حمد والزقاره بحلجه خالد : ياحبيب الروح بكتب لك وصاتي ، إن غديت اليوم في حبك جتيل ، انشدك بالله لاطفت برفاتي لاتخلي دمعة عيونك تسيل .. فتح باب البيت وسلم على امه وابوه ومحاضره قصيره وطفا زقارته .. راح لداره وتذكر عمر اخوه يكلم نفسه وهو يبدل .. خالد : اوله صج اني متيس ، 3 ايام ماشفت عمور ، ياويلي والله اني منعفس فووووق تحت (يلبس الجلابيه ) بس شسوي اخاف اروح ويتكدر بشوفي سكت وقعد يمشط شعره وتعطر مشي حافي فالبيت ههه وراح لدار عمر بس اللي لفت انتباهه دار غلا انجذب لها شاف الباب مردود وكأن ضوو شموع ، ابجورات!! معقوله ؟ غلا هني ؟؟ ماقدر يمسك نفسه اكثر تجدم بخطوته خالد وفتح الباب انصددددددم ومن هول الصدمه قط نفسه على تسنيدة الباب فاتح عيونه الوسيعه على الآآآآآآخر وحلجه بعد مو مصدق عينه باللي يشوووفه شنو هااااااااااي؟ اليي اشوفه صج ؟ اكيد احلم !!!!! مستحيييييييييييييييييييييييييل اووووووف والله وطاح الفاس بالراس وانشق الراس بعد تتوقعون خالد شنو شاف بدار غلا ؟؟ حريجه ؟ غلا ردت الدوحه؟ ولا امه تحط لها عمل؟؟؟؟؟؟ |
 |
| مواقع النشر (المفضلة) |
| |
العرض العادي
