|
روآيــه : عشــآن الحب ؛ الكــآتبه / حب القمــر . . بســم الله السـلآم عليكــم و رحمــة الله و بركــآته كيــف الــحال ؟ إن شــآء الله تمــآم أنــآ عضــوه جــديــده و بمــآ إنــي أعشــق الروآيــآت ، حبيــت أنقــل لكــم روآيــه عظيمــه ، مــرـرهـ مــرـرهـ تجنــن ، مستحيــل تلآقــوا روآيــه زيهــآ .. مــرـرهـ إبــدآآآع ، الأسلــوب ، آلحبــكه ، آلقصــه أبــدآ مــآ لهــا مثيــل ! و فــي النهــآيــه بتفهمــوآ كــل شــي .. بــس والله أتعــب و أنــآ أقــول إبــدآآآآآآآآآآآآآآع ! آســفه إذآ طــولت عليــكم بــس والله من كــثر مــآ إنــو الــروآيــه تجنــن ويــلآ نبــدأ مــع الكــآتبه / حب القمــر . .
...{ مدخــل سحآبة صيف ..! تقدمت الشمس .. لتغطي تلك الأشعه لكي لا تُكشف حقيقة الوآقع ,, ويعم الظلام جميع القلوب ,, ويبتعد الوالدان عن ابنيهما .. ويطغي الخوف قلوب الأخوان ليرتكبا خطأً لا يغتفر .. ويفترق العاشقان عن بعضهما الى الأبد .. بدون وداع أو حوار بينهما يُذكر ..! الجميع في انتظار شروق الشمس التي تٌعد أمراً مستحيلاً .. لينقشع الظلام ,, ويعم النور أنحاء القلوب ,, ويلتقي الجميع .. فَرِحون باللقاء الذي لم يكن بالحسبان .. قد يظنون ان من الإستحالةشروق الشمس مرةً أخرى ..! ويعتادون الظلام .. رغم أُنُوفهم ..! بعضهم من أعتاد ذلك برغبة منه وشوقاً للهمس .. العشق و.. الهمس ,, لا يجتمعون الا في الليل .. يظن البعض أن العشق ليس له طريقاً في وقت النهار ,, كلآ ...! لاتُنصت إليه معشوقي ولا.. تكترث لمآيقوله ,, إرفع رأسك بفخر .. وأمتطي الحب لتعبر جميع القلوب للوصول لقلبي ,, وإن كُنا في وقت النهآر .. ثق تماما بمحبتكـ .....! * صدمة ... حين ينقشع الظلام ليكشف عن حقيقة الوآقع المر صدمة ... حين تكون أعمى عن كل عيوب معشوقك رغم انها واضحه وضوح الشمس صدمة ... حين تكون بحاجه من أحتجت له سابقا وجحدكـ بقسوة صدمة ... حين تفعل مالم تكن تتصور أنكـ تفعله يوما وإن أصابكـ الجنون ! صدمة ... حين تُطعن 3 مرآت من الشخص الذي لطآلما أحببته ,, |
.: الجزء الأول :. " لآ ضـآقت الدنيـآ تذكـر أن لكـ أخت شآرعهـ لكـ بـآب قلبهـآآ " / \ / الله أكبر الله أكبر .. اشهد ان لا اله الا الله .. اشهد ان لا اله الا الله .. رفعت راسي أناظر الساعه لقيتها ست وربع المغرب يالله معقول كل هالوقت جالسه أذاكر ؟ من اول ماقمت من الغذا الين ألحين ؟ بس معذوره السنه هذي ثالث ثانوي هه لو أني نجحت العام كان انا االحين في الجامعه بس ربي ماكتب .. قمت وفرشت سجادتي وكبرت وصليت وكعادتي جلست ادعي لأمي وأبوي " يارب ان محمد ونهى تحت رحمتك رب الطف بهما وارحمهما واسكنهما فسيح جناتك واغفر لهما ذنوبهما واغفر لنا ذنوبنا وارحمنا انك انت الرحيم " .. طويت سجادتي وانا افكر اذا مانجحت ذي السنه ايش حيعمل فيا خالي جاسم ؟ اذا العام سجنني في المخزن ذي السنه ايش ؟ يارب لطفك .. قررت انزل تحت احسن لي من ذا الجو الكئيب لبست حجابي يمكن نايف ولد خالي تحت او التقيه مصادفه ونزلت تحت دخلت المطبخ مالقيت فيه احد مشيت بخطوات للمقلط الثاني كان الباب شبه مسكر طليت بعيني لقيت اخوي فيصل مع نايف ولد خالي يلعبون بلايشتيشن ابتسمت من داخلي والله انهم بزران كبروا وبعدهم عليه .. تأكدت ان حجابي مضبوط ودخلت .. الوحيد اللي انتبه لي خالي جاسم ماأمداني ابي اجلس الا ويتكلم .. خالي : سوير ؟ ليه مارحتين تذاكرين ؟ تبين تسقطين مثل العام ؟ والله ذبحك اقل شي اسويه ابتسمت من داخلي وانا اناظر في يدي اليسرى المحروقه منه : توني بس قايمه من المذاكره وقلت اجلس معكم يمكن ردي خلاه مايتكلم وسكت ويمكن ماله خلق يتناجر مه بزر على قولته .. لفيت راسي اناظر فيصل وهو يتحدى مع نايف .. مليت وانا اناظرهم لفيت على مروى بنت خالي وأمها تذاكر لها ياحظها عندها ام تذاكر لها .. والله هذي مروى ثاني ثانوي أصغر مني بسنتين ولأني جالسه في بيتهم فهي تهزئني أو بالاصح بيت جدي ابو امي .. مروى : سوير !! قومي صعدي كتبي الغرفه .. هذا وانا اكبر منها تتأمر علي لو أصغر منها ؟ : ان شاء الله .. تكلمت مرت خالي : ايه صعدي كتبها مسكينه أكيد تعبانه .. واذا خلصتي انزلي ساعديني في المطبخ .. * هه وكأني شغاله لهم اللي يسمعها تقول ساعديني تقول بس بسوي العصير وفي الاساس انا اللي اسوي كل شي .. اخذت كتبها ونطرت نطره اخيره على نايف لاشعوريا ابتسمت له " يابعدي يا نايف انت الوحيد اللي ترحمني " .. نزلت راسي مستحيه لو في جهاز يسمع اش نقول بأفكارنا عز الله اني بروح فيها .. اخذت كتبها واتجهت للباب وطلعت لغرفتها وحطيت الكتب على المكتب .. والله انها مدللـه تذاكر على مكتب مو انا على خشبتين .. من يوم جيت وسكنت عندهم وهالخشبتين لكل شي أنام واذاكر وعليهم ثيابي .. بس مع ذلك مرتبه غرفتي .. رفعت راسي اناظر بالصوره اللي لازم من ادخل غرفة مروى أناظر فيها .. نايف اخوها ومشعل ولد خالتي وفيصل اخوي شايلها .. ابتسمت على ذي الذكرى بتسألون ويني بقول خالي مارضى اصور معهم ارسلت قبله الى نايف وابتعدت ونزلت تحت وعلى طول للمطبخ استغرقت ساعتين تقريبا وانا أصلح المكرونيا بعدين قليت البرجر والبطاطا في نصف ساعه وصلحت عصير الفيمتو صديقنا في شهر رمضان رغم اننا في شهر رجب تذكرت ان الليله عيد ميلادي ( 2/7 ) يافرحتي محد حتى قال لي كل سنه وانتي بخير ناظرت في الساعه لقيتها تسع واربع وعشرين دقيقه حمدت ربي اني خلصت قبل تسع ونصف ولا قسم بربي ان يذبحني خالي .. اتجهت للباب وطلعت ورحت للمقلط لقيت فيه فيصل متمدد على الكنبه .. قلت له : فيصلووه وين نايف ؟ جاوبني بدون مايناظرني : ليه تسألين ؟ وثانيا انا اكبر منك بسنتين احترميني على الاقل كنت ابي اتكلم بس دخل نايف .. استحيت على عمري جالسه مع رجالين وجيت ابي اقوم مدري اش اقول لعانه من فيصل قال لي .. فيصل : تعالي هذا نايف اللي قبل شوي تسألين وين راح .. والله لو بكيفي قمت وفلعت راسه يبي يحرجني .. رفعت نظري الى نايف لقيته مقطب حاجبينه .. انقذت نفسي قبل يتكلم فيصل وتصير لي سالفه .. قلت : أممم يلا انا خلصت العشا تكلم فيصل بدون نفس : اش طابخه لنا بعد ؟ انقهرت منه يعني جزاتي ؟ بس ابتسمت : سويت مكرونيه و .. قاطعني : اش نووعها ؟ قلت : بالباشاميل .. ابتسم وقال : أحلا أخت والله ابتسمت له : تشكر سمعت نايف يقول : تسلمين ماعرفت ايش ارد عليه ابتسمت المشكله اني احبه وادري انه بيتزوج سلمى بنت خالته لأن ابوه قال .. وادري ان فيصل بيتزوج مروه ياحظه فيصل بيتزوج اللي يبيها .. حسيت بغصه ودمعه على طرف عيني قمت قبل احد يشوفها وحطيت يدي على راسي حاسه بصداع .. حرارتي مرتفعه كثير غمضت عيوني ومريت من الباب حسيت اني صدمت في حد دعيت ربي انه يطلع فيصل .. ثم فتحت عيني لقيت مروه متخصره : عميا انتي ماتشوفين اللي قبالك ؟ المشكله كان صوتها عالي وعلى طول جاء فيصل ولحقه نايف .. فيصل : اش صاير ؟ قالت بعصبيه : دعمت فيني .. غمضت عيوني ونزلت دمعتي على خدي ونزلت راسي وقلت : آسفه بس مصدعه شوي قال فيصل : طيب انتبهي للي قدامك قلت : طيب * ابتعدت عن موقع الجريمه وفيني الصيحه فيصل عمره ماتكلم معي بذي اللهجه بس اذا كانت حبيبته ... خليني ساكته بس .. رحت للمطبخ وحطيت الاكل ورحت لغرفتي رميت نفسي على السرير ونزلت دموعي غصب ليت ابوي عايش او ليتني ادري عن اهل ابوي شي .. كل اللي اعرفه ان اسمي ساره محمد فيصل العلي .. سمعت طرق على الباب .. مسحت دموعي وقلت : مين ؟ انفتح الباب ودخلت مروى وقالت لي : ماتبين تتعشين ؟ قلت : لا مشكوره !! مروى : مره ثانيه ماتبين قولي لاتخليني اصعد لك !! ابتسمت رغم الدموع المتحجره في عيني والله احسن لك تخففين وزن .. هزيت راسي يعني طيب مابكررها .. وعلى طول طلعت .. رتبت وضعي وتغطيت باللحاف وانا افكر ورحت بنومه ماامداني اغمض الا واسمع صوت حد يصحيني .. فتحت عيني وهمست : فيصل !! سمعته يقول لي : ليه ماتبين عشا ؟ بعدها الحره في قلبي فقلت : كيفي .. قال لي بتهديد : اذا مانزلتي قسم لأجيب نايف هنا .. نقز قلبي من ذكر اسمه كيف لاجاء ؟ فيصلوه يعرف نقطة ضعفي واني احبه واكثر من مره قال لي لاتتعلقين فيه هو لسلمى .. قلت له بعناد : ماتقدر .. ولفيت على الجهه الثانيه واعطيته ظهري .. همس لي : بس انا اقسمت .. قلت له : موبكيفك تقسم وقف وقال بتحدي : انا نازل اجيبه وبقول انتي اللي قلتي لي انادي عليه ومابتنزلين الا اذا جاء .. وطلع من الغرفه .. فيصل متهور ويسويها ركضت لجهة الباب وانا اصارخ على فيصل .. لقيته واقف على الدرج قلت له وانا ماسكه راسي : شف فيصل قسم بالله راسي مصدع والله مالي خلق انزل .. اعفيني سمعته يقول : طيب تبيني آخذك الى المستشفى ؟ ابتسمت له وانا مقفله عيوني من التعب : هه لامايحتاج آخذ بندول .. ثانيا انت من وين لك السيـ .. ووقفت ودققت في الوجه اللي قبالي هذا نايف فركت عيني ابي اتأكد ايه والله تلمست على راسي ماشفت غطا لشعري وأركض بسرعه الى غرفتي وانا اشاهق .. صحيح اني ما اتغطاعن نايف بس مهما يكون هو اكبر مني بثلاث سنوات واغطي شعري عنه .. تثاوبت على طول اتجهت لسريري وغمضت عيونب ابي يجيني نوم بس مافيه جلست اسب والعن في نفسي كيف ماانتبهت من البدايه .. انطرق الباب خصرته وسويت نفسي نايمه بس كثر الطرق .. انقهرت وقلت : خير ؟؟ ايش صااير ؟! دخل فيصل وقال : يقولون ان راسك مصدع عسى ماشر ؟! فتحت عيني على آخرها ابي اتأكد انه فيصل مو نايف حتى ماأغلط مره ثانيه .. ولما تأكدت غطيت وجهي باللحاف .. تقرب مني : ممكن اعرف اش فيك قالبه وجهك علي ؟ قلت له : فيصل اذا جاي تسألني فكر في تصرفاتك معي بالاول بعدين تعال واسأل .. والحين ممكن تطلع ابي اناام ؟؟! قال لي : طيب انزلي تعشي معانا .. قلت له : فيني النوم ..! سمعته يقول : خالي جاسم حلف ان مانزاتي ليحرق لك يدك الثانيه فزيت من مكاني يدي الاولى ماتشافت لين الحين بعد يحرق الثانيه ؟ علشان فضيحتي في الخُبر تنتشر بسرعه .. قمت وتحجبت ونزلت وانا كاره نفسي مابي عشا غصب السالفه ؟ ونزلت وجلست معهم .. مرت خالي : ساعه على ماتنزلين ؟ فتحت فمي بس قاطعني صوت نايف : يمه راسها مصدع يكفيها .. تكلمت من غير نفس : ماتشوفين شر قلت : الشر مايجيك كان النوم في عيني قمت وانا اقول : الحمدلله يلا تصبحون على خير تكلمت مرت خالي : لاتصعدين انتظري نخلص علشان تشيلين الاكل .. شر البليه مايضحك ألحين اقول لها راسي مصدع تقول لي لاتنامين ؟ وجع ان شاء الله سمعت فيصل يقول : لااصعدي انا بشيلهم ياقلبي يافيصل والله تحس فيني رغم انك تقهرني الا اني ماعندي احد يسمع لي الا انت مدري انت رحمتني ولا تبي تبين لمروى انك حنون " ان بعض الظن اثم " سكت وصعدت ورحت بسابع نومه .. * * * صحيت كعادتي الساعه اربع الفجر وصليت وضبطت حجابي ونزلت تحت جهزت الفطور حسيت بجوع خصوصا اني البارح ماتعشيت .. ناظرت بالساعه فيه وقت صلحت لي خبز مع جبنه وحطيتهم على الطاوله وجلست آكل .. سمعت صوت في الصاله كنت بقوم بشوف منو بعدين غيرت رايي وثواني بس ودخل فيصل .. وقال : صباح الورد .. قلت له : وش الطاري ؟ مبسوط وشوي وتطير من الوناسه .. ليش ست الحسن والجمال وافقت تتزوجك ؟؟ فيصل : قولي آمين حسيتها طالعه من قلب .. وجع اش لاقي فيها ؟ سكتت فتره ثم قلت : خير اشوفك مبسوط ؟ تقرب وجلس على الكرسي اللي جنبي وأخذ خبزه : كيف ما انبسط واليوم الاربعاء ؟؟ ابتسمت له : بس هذا اللي تذكرته ؟؟ قطب حاجبينه يعني مو فاهم .. قلت : يعني ذا اليوم مافيه مميزات ؟ ناظرني نظره غريبه يعني اش تقصدين ؟ ابتسمت له ثم قلت : ياخي ساعتين ابي اقول لك اليوم عيد ميلادي ضرب على راسه وكنه تو يتذكر : يوهـ اعذريني والله نسيت .. قلت بقهر : لو عيد ميلاد مروى مانسيت .. قال لي بحده : اقلبي سيرة مروى .. وقام .. تكلمت : زعلت ؟ قال بدون نفس : انتي قلتي شي يزعل ؟ انقهرت منه : فيصل بربك مين اللي المفروض يزعل ؟ واذا ضايقتك أحلين اصحي مروه من النوم علشان تنبسط ..! سمعته يقول : لاتصحينها .. قلت له : ليش اش صاير ؟ فيصل : البارح كانت تعبانه وبتغيب اليوم مدري اضحك ولا اصيح إلا غصب تبي تقلدني .. قلت له : ماتشوف شر .. انزين انا بروح أصحي خالي يوصلني فيصل : صحى من الصبح وأخذ مروه المستشفى .. فتحت عيني : وانا مين يوصلني المدرسه ؟ اروح مشي ؟ بسرعه تكلم : شوفي عندك ربع ساعه تجهزين وتصحين نايف علشان يروح معك .. قلت : وانت ؟! قال : اليوم ماعندي محاضرات الا بعد الساعه عشر .. قلت له : طلبتك فيصل تشيل الاكل .. قال : طيب .. كملت : وذا جات مروه قول لها اني عملت لها فطور تاكله .. ابتسم : من عيوني .. ويلا روحي اجهزي .. ركضت لغرفتي ولبست مريولي ومشطت شعري ولبست عبايتي أفتشلت لأنها ضيقه فكرت اروح آخذ من مروه .. ابتسمت .. لأن عباياتها وااسعه علي .. تحجبت .. ورحت لغرفة نايف وصحيته .. جاني فضول ان اسأله .. قلت : عندك شي اليوم ؟ قطب حاجبينه : مثل ايش ؟ قلت : محاضرات ؟! ناظر لساعته ثم ناظر لشنطتي : ايه عندي بلعت ريقي : طيب مروه مع خالي راحوا المستشفى ممكن توصلني ؟؟ ابتسم : ايه طيب .. طلعت من غرفته ورحت لفيصل وقلت له لازم يروح معنا وفعلا وصلت المدرسه وانا في قمة السعاده ودخلت وشفت ريم في وجههي .. ابي اخبركم اني افضل اني ابقى بلحالي من يكون معي شلة أصدقاء .. وقررت امشي معها وفعلا أول مره احس ان فيه بنت طيبه .. لاتلوموني على ذي النظريه بس مرت خالي ومروى مسوين خير والله مشغليني شغاله عندهم .. وانا اللي على قلبي على لساني مو جايه امدح في نفسي بس كيذا طبعي .. قلت لريم : ابي اقول لك شي .. ابتسمت : آمري ؟؟ قلت لها : اول مره احس اني محتاجه يكون عندي صديقات .. ريم مستنكره : ليش انت ماتبين يكون لك ؟! همست : بصراحه كنت مابي .. ابتسمت : طيب اش اللي خلاك تغيرين رايك ؟! جاوبتها : طيبتك وأخلاقك الحلوه .. ابتسمت لي وقالت : استحيت .. ضربتها على كتفها بخفه : تدرين انك دووبه ؟! أكتفت بالابتسامه .. ابعترف بشي ريم غيرت نظرتي في البنات من يومي احب اجلس مع العيال ولا البنات .. رغم اني بنت .. تتوقعون ان صفاتي بتصير بوي ؟ لا أنا بنت وربي خلقني كيذا ومستحيل اتغير واصير بوي .. صحيح ريم اصغر مني بعمر مروى بس طيبه مره وبعد ما اتفقنا اني اتصل عليها في الليل توادعنا .. وطلعت لقيت خالي ينتظرني رحمني من الفشيله مع نايف اللي كأنه سايقي .. ووصلنا البيت رحت وتحممت وصليت بعدين نزلت وعملت لهم الغذا وأنا مرتاحه ومبسوطه .. بعدين عملت السلطه .. وبعد ماتغذينا شلت الاكل ورحت اذاكر ولما صارت الساعه خمس ونصف قمت .. وفتحت التلفزيون على mbc2 ناظرت فلم والله مو ذاكره اش اسمه بس اذكر ان اغلب الوقت كان برحله في البحر .. ياحظها البنت حبيبها يموت على تراب رجلها .. سمعت صوت على طول قفلت التلفزيون .. رفعت راسي لقيته فيصل تنفست بقوه وقلت : أوووف طيحت قلبي في بطني .. قال وهو يضحك : ههههه ليش عاد ؟؟ انا وحش ؟؟ ابتسمت : حاشاك .. وهمست : كنت مشغله التلفزيون بس حسيته كاتم ضحكته لا يفشلني .. قلت : هيهيهي لاتكتم ضحكتك .. ماتخيلته يضحك بصوت عالي وبعدين قال : وجع سارووه .. هههههههه والله انك تفشلين وطّي صوتك ههه لاحد يسمعك .. ههه لا وحجابك ليش لابسته ؟ انقهرت منه : ههاااي مايضحك .. بربك لو دخل نايف فجأه اش تبيني اسوي ؟؟ تكلم : ليش ماتصيرين مثل مروه ماتتحجب عني وناسه اقزها على كيف كيفي محد يقول لي شي .. مجرد طروى اسمها يطلع عفاريتي : وجع فيصلوه انت ماتستحي ؟ وصلت الواحد وعشرين وتقز بنات خلق الله ؟؟! هز كتوفه : والله مو ذنبي هي ماتحجبت بس تصدقين احلا مافيها شعرها طويييل .. وغمز لي ..! فارت اعصابي لأنه يحرني لأن شعري قصير بعدين اعلمكم سالفة شعري القصير .. قلت : بايخه وتفشل وانت لولا الحيا كان قلت لك ماتستحي ابد !! واتجهت للباب بس مسكني من ذراعي ولفني لوجهه .. وقال لي : حطي عيونك في عيوني .. حطيتها في عينه اكيد يبي يحرجني .. كمل : احلفي بربك ماتقزين نايف اذا جلس ؟ نزلت عيوني لأنه كاشفني بس قلت ابرر : بس فيه فرق .. مروى بنت !! لوح بيده : في الدول المتطوره عندهم مافيه فرق بنت ولا ولد عندهم الحب شي عادي .. عندهم ولد الخال يجلس مع بنت خالته بلحالهم عادي .. ابتسمت له : ياخي حنّا في السعوديه أقصد الشرقيه بمعنى اصح الخّبر .. بنت الخال امفروض تتحجب من ولد خالها .. ولو سمحت ابي اروح .. قطب حاجبينه : وجع وين بتروحين ؟ انزين ابقي معي اجلس اسولف مع الطوفه يعني ؟! فلت باستهزاء : اناديلك مروى ؟ قال لي : اففف تدرين انك بايخه تعالي انزين ابي اسولف معك .. ناظرت بفيصل والله محتاجه احكي له من زمان ماحكيت معه فضفضت له همومي .. وسرحت لبعيد وانا اناظر فيصل تخيلته معرس مدري فجأه تخيلت ريم العروسه وراح بالي لبعيد .. فيصل : ساارووه وجع ياحظه نايف ... نقزت : ياجعلك اللي منيب قايله .. آمر ؟ ثانيا غريبه تبي تسولف معي ؟! وين نايف ؟! رد علي : أول شي نايف مو اقرب واحد لي في اخوياي .. ثانيا انتي اختي مو عيب ابي اسولف معك الا اذا انتي تكرهيني .. اشرت له يحكي جلس يوصف لي مروه كيف تعذبه وانه يموت عليها كنت اسمعه باذوني ومن داخلي احترق بالنار من جوا .. فاجأني بطلب غريب : أسالي مروى تحمل لي نفس المشاعر اللي احملها لها ؟؟ والله اني بموت !! لوما الحيا قمت ضربته كف .. ولين الحين يحبها : ليه بالله قالوا لك رئيسة مباحث ؟ ابتسم : لا .. يسمونك المحقق كونان .. ماقدرت الا اني ابتسم ذكرى حلوه لأني من يومي صغيره يسموني المحقق كونان لأن بذكائي أقدر افهم كل شي .. من اهم المشاكل اللي اكتشفتها يوم تعاونت مع نايف وسجلنا كاسيت فيه صوت مروى تكلم رجال ولين اليوم ماندري مين هوا ؟؟ لاحظ سكوتي فـ قال : علامة الرضا سكوت ولا انا غلطان ؟؟ ماحبيت اكسر بخاطره : طيب بحاول ولو اني ما اطيقها ابتسم : يلا اجل دورك تعترفين وين وصلتي مع نايف ؟؟ .. وطيت راسي .. عمركم شفتوا اخو يدري ان اخته تحب ويساعدها ؟ هذا فيصل اخوي متفهم للأمور بحيث مانوصل للشي الغلط أو بمعنى اصح الحرام .. جاوبته : على حطت ايدينك .. استغرب مني : كيف يعني ؟ هزيت كتوفي : يعني مافيه شي اقوله لك ابد .. ابتسم : أشك احيانا انك تحبينه .. ألحين من يومك صغيره لين الحين وماقدرتي تعترفين له ؟ مجنووونه .. عضيت على شفايفي لا اضحك : الحال من بعضه .. وانت جاي لين عندي تبيني اسألها .. كأنه لمح الضكه فيني : مايضحك .. يعني برايك تبيني اروح لنايف أسأله ؟ .. وبنبرة سخريه : نايف اش شعورك تجاه أختي ؟ تبادلها نفس الشعور ؟؟ أصلا كيف اقول له .. ليش ما استحي على وجههي ؟ انقهرت منه : وجع محد قال لك تقول له .. أنا ماأرخص نفسي ثانيا أنا اللي كيف اقول لمروى ؟ تحبين فيصل ؟ انفجر ضحك : هههههههه يعني تردينها لي ؟ ابتسمت وانا من داخلي اضحك : مايضحك .. وانفجرت ضحك .. * الصراحه حسيت اليوم ان فيصل انسان ثاني يحب يضحك ويتكلم ويسولف ويحس ويحب وكل المواصفات الحلوه فيه .. وسط ضحكاتنا سمعنا أذان المغرب راح فيصل المسجد وصعدت انا غرفتي وصليت جلست أفكر متى أسأل مروى ؟ أنا ماأحبها بس لعيونك يافيصل .. انتظرت شوي فجأه طرى على بالي المثل " طق الحديد وهو حامي " ..! طويت سجادتي بشكل يضحك ورميت حجاب الصلاة على السرير ولبست حجابي واتجهت لغرفة مروى وقفت عند الباب ابي ادخل وماابي .. وطيت راسي افكر اش بقول لها .. انفتح الباب ووقفت مروى قدامي .. قالت بسرعه : الله جابك والله ابيك تحلين لي واجب الرياضيات .. الواجبات لين رااسي .. ابي اي احد يضربني على راسي علشان استوعب اللي يصير .. مروى تتكلم بذا الاسلوب ؟ اش صاير بالدنيا ؟ فيصل يسولف ومروى يتحسن حالها .. بدايه حلوه والله .. دخلت غرفتها وعيني على صورة نايف بعدين حسيتها تناظرني قمت وحليت لها الواجب فعلا كان صعب .. انتهزت الفرصه .. وقلت لها بحنان : مروى ممكن اسألك سؤا وماتعصبين علي ؟! ناظرتني بابتسامه .. فتحت عيني على ااخر مو مصدقه .. ثم قلت : احلفي ماتعصبين علي ؟! .. تكتفت : والله .. روعتيني اش صاير ؟؟! نزلت عيوني وسويت نفسي منشغله بالحل : جربتي تحبين ؟؟ .. قالت بسرعه : ليش ؟؟ .. لوحت بيدي يعني بس سؤال .. تكلمت لي : يعني تقدرين تقولين .. ابتسمت لها : طيب اش شعورك لو عرفتي ان فيه انسان يموت على التراب اللي تمشين عليه ؟ ابتسمت ابتسامه عريضه : مين ؟؟! همست لها : قربي اذنك شوي .. فيصلوه اخوي سم انه يموت عليك .. ناظرتني وكأنها مو مصدقه : قولي قسم ... قلت : قسم .. هاا ؟ اش صاير جربتي تحبين فيصل ؟؟ قالت : هو قال لك ؟! قررت أكذب : لا .. بس واضح انك تعذبينه .. أصلا لو يدري اني سألتك يعطيني لساني بين ايديني .. هاا ؟ تحبينه ولا لا ؟؟ جاوبتني بهدوء روعني : بصراحه لا .. أنا اصلا اعتبره مثل نايف بلعت ريقي " والله ماتستاهلين .. يافرحتي اش اقول له ؟ " عطيتها كتابها وابتسمت : خلصت .. يلا ابي انزل اسوي لك العشا .. مابي اسمعها اش تقول فـ بسرعه طلعت من عندها ورحت المطبخ لقيت مرت خالي نقدر نقول انها تسوي شي .. اول ماشافتني بدأت حكيها .. قالت بعصبيه : كل ذا الوقت بالصلاه ؟ لا مو ناويه تعدي الليله على خير .. مسكت اعصابي : لا .. وقلت بهدوء : بس مروى كانت محتاجه أساعدها مسكينه والله .. سكتت عني ولفت تكمل شغلها والله اني شاطره أكذب على الناس .. لوتوفيت مين اللي بيطبخ لهم ؟ ابتسمت على تفكيري وكملت شغلي ولما خلصت ناظرت الساعه كانت ثمان ونصف .. ونااسه يمديني أروح لفيصل بس اش اقول له ؟ لازم أراعي مشاعره .. أطلت تنهيده ورحت للمقلط لقيته مع نايف يلعبون بلايستيشن .. قلت : فيصل لحظه ابيك .. ترك اللي في يده طلع لي : اش صاير ؟ تعبانه ؟؟ ابتسمت له ثم تقربت وهمست له : سألت مروى عنك .. قفل ابتسامته ثم قال : اش قالت ؟! .. سكتت فتره ثم قلت : امم تقول حست باتجاهك مشاعر بس مو متأكده منها .. أستغفرك ياربي على يوم أكذب .. بس كيف أقول له تعتبرك البنت مثل اخوها ؟ .. ابتسم لي : تسلمين والله !! دخلت معه المجلس لأني فاضيه ماعندي شي وأنا ظرهم وهم يلعبون .. تكلم فيصل : تعالي العبي معنا .. قلت بسرعه : ماأعرف .. ثانيا ذي لعبة عيال .. اتجه لي وسحبني : خليها عنك عادي وانا بعلمك صدقيني وناسه .. شوفي يابت .. ذا مكان تحطين فيه الشريط اللي تبين .. مثلا مصارعه .. كرة سله .. أو حتى كرة قدم .. ناظرت نايف ابي اشووف ردت فعله لقيته عادي .. كمل فيصل : شوفي كيف انا مع نايف واذا مافهمتي شي قولي ابتسمت له : طيب يلا ابدي !! سرحت فيهم كيف يقول ان نايف مو اقرب واحد له ؟ مين يعني ؟ معقول فيه حد اقرب من نايف ؟ بس مين يكون ؟ فيصل مايعرف احد !! ابتسمت والله ماكذبوا نايف وفيصل يوم سموني ( المحقق كونان ) .. انتبهت من سرحاني على صوت فيصل .. سمعته يقول : ساروه ووجع اش بك تبتسمين ؟ ايش صاير ؟! انتهزت الفرصه ابي اشوف نايف يذكر : المحقق كونان !! ابتسم فيصل .. لفيت على نايف لقيته عادي والله انه هبل .. ساعتين وانا المح أف بس اف .. مد لي شي مدري اش يسمونه استيت اسألهم : شوفي جربي .. ولف على نايف : خف عليها شوي خلنا نشوف الابداع .. ابتسمت لان فيصل أحيانا يفهم صحيح أنا ابي اعرف مشاعره تجاهي بس مااتلصق فيه .. تونست معهم صحيح تعلمت كيف وأول ماخلصت قمت للتلفون ودقيت على ريم جلسنا تقريبا ربع ساعه وجات مرت خالي علشان العشا قفلت من عندها وتعشينا بعدين رحت انام وراي بكره مدرسه .. يووهـ كيف نسيت بكره الخميس وناسه والله أنا فاضيه اش اسوي ؟ فكرت اروح ارتب المطبخ نزلت وقفلت باب المطبخ حتى آخذ راحتي وفتحت الغطا عن شعري وبدأت التنظيف .. حسيت بهدوء تسللت وسرقت مسجلة فيصل حطيت اغنية ( حبك وجع ) انبسطت عليها وعملت المطبخ وكأنه جديد .. ويوم اني خلصت محتاجه اتحمم قفلت المسجله ورحت تحممت بعدين نمت .. * * * صحيت الفجر وصليت بعدين عملت الفطور ورجعت نمت وماصحيت الا الظهر أول مره انام لذا الحد صليت ونزلت لقيت نفسي فاضيه .. عملت الغذا وطولت فيه .. مر علي خالي وماعلّق أحسن لأن مزاجي مو رايق .. خلصت رحت شربت عصير برتقال ورجعت كملت نومي أدري صايره كله نوم بس يوم الخميس دايم انا معاه كيذا .. صحيت على اذان العصر لقيت مروه نايمه وخالي ومرت خالي طالعين مدري يعيدون ايام الخطوبه هههه .. فيصل ونايف يلعبون .. احيانا أتضايق لانهم دايم يلعبون بس احسن من الهياته في الشوارع .. انقهرت ماعندي شي اسويه .. رحت للتلفون وسولفت مع ريم صديقتي الجديده ويوم اني قفلت كان يأذن وصليت وعملت العشا .. تعشيت ونمت .. ماصار في يوم الخميس شي ابد .. يوم الجمعة كعادتنا نتجمع من الساعه 9 الصبح الى الساعه 9 الليل ويرجع كل واحد بيته .. الساعه تسع وخمس دقايق كان الكل نايم بس انا صاحيه انطرق الجرس وكانت خالتي مشاعل .. يمكن ماقد ذكرتها لكم بس هذي خالتي الوحيده امم عندها ولد واحد اسمه مشعل انسميه مشعل مشاعل اسمه مميز .. اصغر مني بسنه كامله .. المهم مدري اش بها خالتي حلفت علي اني مااسوي شي المهم جلست مع ميشو متضايقين .. تكلم ميشو : وبعدين يعني مع ذا الملل قومي خلنا نصحيهم !! قلت له : والله ليذبحونا .. قم خلنا نصحي فيصل ونايف بس .. رد بسرعه : ومروى ؟؟ وجع الكل يسأل عنها .. انقهرت منه .. وقلت : اش بها مروى ؟؟! قال : خلنا نصحيها .. سحبته من يده وقلت له : قم خلنا نروع فيصل .. نسوي اكشن ابتسم : والله انك جبتيها .. قلت : لحظه بلبس حجابي يمكن يطلع نايف .. سحبه مني : لاتخافين .. يلا نروح رحنا غرفة فيصل وماخلينا شي الا وسويناه صحيح انا اكبر من ميشو والمفروض أقوله عيب بس انا اصلا هبلا مثله . وقفنا عند باب غرفة نايف .. ميشو : خلنا نكررها مع ناايف !! نزلت راسي : لا نايف انا استحي منه .. ادخل انت بروحك مااقدر قطب حاجبينه : بس فيصل بروحه مايسوي شي .. قلت له : خلاص انا بروح اساعد مشاعل اكيد محتاجه .. ضربني بخفه : وجع ألحين صار اسمها مشاعل ؟! هزيت كتوفي : والله مره قلت لها خالتي قالت خليتيني كبيره .. ماشاء الله عليها خالتي مشاعل عندها خفة يد بسرعه تخلص ماشاء الله .. قال ميشو : يمه خلي ذي تساعدك فاضيه .. واشر علي .. خالتي مشاعل : اش ذي ؟ اسمها ساره .. ثانيا عيب تقول عنها فاضيه .. مديت له لساني أحره .. حسيته انقهر .. قال : والله اني فاضي !! ابتسمت وسحبت الكرسي اللي جنبي : تعال ساعدني .. علشان اذا تزوجت تساعد مرتك.. ابتسم ابتسامه عريضه وجلس .. أعطيته الطماطم .. وقلت : شف كيف تقطع تمسك السكين كيذا .. اصبعك السبابه على الحديد شف كيف .. تكلم بغرور : قالوا لك مااعرف ؟ قلت له : انزين طبّق اللي عملته .. فعلا بسرعه تعلم .. قلت بابتسامه : شااطر ميشو .. برطم : وجع انا كبرت .. قلت له : بس انا اكبر منك كيفي ..! انتبهت ان خالتي تراقبنا وهي تبتسم .. استحيت على عمري وسكتت .. قالت بعد فترة : والله لو انك أصغر من مشعل لزوجتك اياه .. وطيت راسي .. قال ميشو : نعـــم ؟؟! .. اجل الحمدلله انها اكبر مني .. خالتي مشاعل : والله ان ساره مافيه مثلها عندي احسن من مليون بنت .. انقهرت منه : اتصدق توني بقولها وااع بس .. ثانيا مين اللي لعب عليك وقال لك انك لو خطبتني بوافق ؟! خالتي مشاعل : اش فيه مشعل ؟ جمال واخلاق ؟! .. تكلم ميشو بدلع : ايه اش فيه مشعل يهبل والله .. رفعت حاجب ووطيت حاجب : يسلم راسك .. مافيه الا كل خير بس مااطيقه ابد .. اليوم اللي اصبح بوجهه اتضايق احس ان فيه شي قاهرني .. ابتسمت خالتي : توم وجيري مابتتغيرون .. اشرت عليه : انت جيري الفاار ..! ميشو : اش الدعوه القطوه فيها خير غبيه كلش .. جاوبته بغرور : المحقق كونان ذا اسمي كيف غبيه ؟! واشرت عليه .. انت اللي بديت تمنيت لو شخصية ميشووو المرحه تكون في صورة نايف ماأقول اني حبيت نايف لشكله بس مااقول ان شكله مو مهم ..! / \ / مقآطع من الجزء القآدم / فيصل : تبين احرق يدك ؟ طيب .. * نايف : طيب ليه بالذات رقمي ؟ * قال بهدوء : اللي اعرفه انك بنت عاقله وتدرين انها الحين عند ربك .. وابوك معها .. ماله داعي كل ذا .. لو الدمع يرجعهم ماترددت .. .: نهآية الجزء الأول :. إذا مــآ عجبكــم اللــون قولــوآ لــي |
.: الجزء الثاني :. "أنت غير النآس عندي .. أنت عندي شي كبير ..! كيف بصبر وأنآ شآيف .. النآس من حولك كثير ؟؟" / \ / بعد ما خلصنا السلطه قمت لغرفتي مدري احس اني متضايقه بس مدري ليه احس ان بسبب سالفة فيل اني خليته يتعلق بأمل أدري انه صعب احكي له الحقيقه الحين .. وقررت اعترف له .. قرار مجنون بس الكل في ذا البيت معتبرني مجنونه .. لبست حجابي وفكرة توديني وثانيه تجيبني نزلت تحت وسألت عنه قالوا لي انه راح الصيدليه يشتري بندول لخالتي .. شكوكي ماخبرت فيها احد .. خالتي فيها شي .. طنشت الموضوع لأني محتاجه افكر اللي اعرفه ان فيصل اذا طلع أول ما يرجع يتحمم حطيت له ورقه " فيصل اذا رجعت ابيك بالغرفه .. سارهـ " .. جلست ربع ساعه محد جاء لبست بيجاما وقررت انام .. تغطيت باللحاف .. انطرق الباب .. طارت مني النومه على طول قلت : بدون استئذان ادخل عادي .. دخل .. ركزت انه ميشو استحيت اني لابسه بيجاما قدامه ونايمه على السرير صحيح اني اكبر منه وفي عاداتنا ما أقدر وعيب اني اتزوجه إلا ان من الخجل اني ما اجلس معه كيذا حتى لو اني ما اتغطى عنه .. اتوقع ميشو حس لي فـ قام وقف .. وقال : انزلي تحت خالي يبيك هزيت راسي .. طلع على طول رحت لبست جينز لأنه اسهل للحركه وتحجبت ونزلت .. تو بس انزل سمعت الأذان غيرت طريقي الى غرفتي وصليت .. رجعت نزلت وتغذينا .. مابقت لي فرصه اتكلم مع فيصل فيها بس لو الساعه واحده الليل ابي اقول له .. رغم ان عمري 19 سنه الا اني احيانا اتخذ قرارات واندم عليها .. اخذت خالتي الى غرفتي وقلت لها السالفه .. خالتي مشاعل : طريقتك حلوه انك تكذبين شوي .. بس ليه بتقولين له ؟! قلت لها : خالتي حسيت بالذنب كيف اني اكذب على اخوي واعيشه بوهم .. رفعت راسي : ووين هذا الذنب قبل تقولين ؟؟ قلت : كنت خايفه أءذي حياته أو يتضايق لأنه يموت عليها من يومهم صغار .. وهذي مشكله كمان .. قالت بهدوء : تبين نصيحتي ؟ .. هزيت راسي .. جاوبت : خلك على حالك ولا تقولين واذا ربي كاتب .. لو كل اهل الخُبر يعارضون مايقدرون .. رديت بتردد : برايك ؟؟ ابتسمت لي .. قلت : تسلمين والله .. قسم اني اعتبرك مثل امي .. ابتسمت لي .. تذكرت : يقولون تعبانه ؟؟! هزت راسها : ادعي ربك يعطيني بنت .. ابتسمت : انتي ماتعتبريني بنتك ؟! .. خالتي لو ربي اعطاك بنت بدل مشعل قلتي ابي ولد مافيه احد يرضى بنعمة ربي ؟؟! خالتي مشاعل : اول شي لا تقولين خالتي .. قلت بعناد : ياخالتي انتي عمرك 35 يمديك تحملين ببنت !! قالت : قد قلت لك انك عنيده وذا الشي المميز فيك ؟؟ كنت ابي اتكلم بس انطرق الباب .. قلت : مين ؟! دخل فيصل وهو يبتسم ثم قال : هه والله انك من العصر الحجري .. ناظرت خالتي لقيتها تناظرني مستغربين .. انقذ حيرتنا فيصل : قصدي التبليغ بالرسااله .. تنفست بقوه : يابويا لو قولت لي من البدايه .. روعتني .. ضحك على لهجتي لأني اموت على اللهجه الجداويه .. وخالتي ابتسمت .. قلبت ملامحه جد : ماكتبتي الرساله الا وفيه شي ؟! خير اللهم اجعله خير ؟؟ ناظرت خالتي مشاعل وكني اقولها صرفي الموضوع .. جلسنا فتره نفكر بكذبه حسيت ان فيصل شاك بالموضوع .. قلت : لاتفهم غلط .. كنت ابي اقول لك شي بعدين حسيت اني بايخه .. قال وهو يتكتف : طيب ايش ؟! .. قلت : كنت ابي تشتريلي مجله وبس .. وطيت راسي وجلست استغفر ربي .. ذي الايام أكذب كثير .. تقرب مني وقال : حطي عينك بعيني .. ماقدرت .. فـ قال : فيه شي صاير ؟؟ لا تخافين انا لا اضرب ولا أحرق الايادي .. تكهرب الجو .. فيصل مصر الا يعرف السالفه .. واخيرا تكلمت خالتي : فيصل انت تصدقني لو قلت لك ؟! اشر لها ان تبدي بالحكي .. قالت : كانت تبي تقول لك شغله بما انك اخوها واقرب الناس لها وجيت انا وفتحت قلبها وقالت لي كل شي .. وانتهى الموضوع .. تكلم فيصل : ولو اني مو مصـ .. انقذتنا جية مروى اللي خلت فيصل يروح وطي .. تكلمت مروى : عمتي زوجك تحت ينتظرك .. قطبت : غريبه مادق علي ؟؟ كملت مروى : الا يقول دق بس ماتردين .. حسيت ان فيصل يبي يتكلم بالغصب .. فقلت : اش بك فيصل ؟! الكل ناظر بعيون فيصل حتى مروى والكل ينتظر الاجابه .. ابتسم : ابد بس متضايق ؟ تكلمت خالتي وهي تعدل لثامها : أفاا ليه ؟؟! قال بهمس : يعني تعب القلوب والعقول والعذاب وكل شي .. * هه الكل عارف بالحكايه يافيصل ماله داعي الرموز والاشارات .. سلمنا على خالتي ونزلت معها مروى بحجة انها بتشيل عنها اغراض .. ناظرت بفيصل لقيته يناظر مكان اللي كانت مروى واقفه فيه .. ياحظك يافيصل انت الرجال تختار اللي تبي .. حبيت اقهره : شخبارك فيصل ؟! ولا رد ولا شي وكأني احكي مع الطوفه رحت ووقفت مكان اللي واقفه بس مدري اش فيه .. قام قلبي يدق .. هزيته : فيصل هل تسمعني ؟! رد علي : أجل أجل لقد سمعتك .. قسم مدري كيف طلعت معي لا والخبله فيصلوه يكمل علي ماقدرت امسك ضحكتي اكثر وانفجرت بقوه من الضحك ..! فجأه طلع فيصل من غرفتي .. غريب امرك يافيصل .. * لبست حجابي نزلت تحت كنت متجهه للمقلط .. سمعت صوت من وراي .. التفتت إلا هو نايف شايل القهوه .. قال : لالا سارهـ لا تدخلين .. تسمرت مكاني بعدين حسيت على دمي وابتعدت .. قلت : خير نايف اش بلاك ؟! تستغربون مني شوي اقول ( اش بك ) وشوي ( اش فيك ) وبعض الاحيان ( اش بلاك ) بس انا بطبعي ما أحب الروتين احب اغير على كل شي حتى اللهجه .. لف لي نايف : ابد هنا فيه ضيوف .. هزيت راسي وابتعدت .. مدري اش حكاية يوم الجمعه هذا .. كل يوم جمعه اول ماتطلع خالتي مشاعل يزورونا ضيوف .. الأغرب من كيذا ان الضيوف يطلعون بعد عشر دقايق وفيصل يطلع بعدهم .. أكون غبيه اذا ما لاحظت فعلا شي غريب .. قربت اذوني ماسمعت شي .. انقهرت ورحت لغرفتي وانا افكر .. معقول الصدف تلعب كيذا ؟! أول ماتطلع خالتي يزورونا ضيوف ؟! ومايطولون ؟! بس عشر دقايق ؟! أنا لازم اسأل فيصل .. طيب .. صعدت غرفتي وفتحت كتبي وشفت اش ناقصني وحليت بعدين رحت غسلت مريولي ومريول مروى ونزلت تحت لفيت البيت كله مالقيت احد .. معقول ؟ كلهم يدخلون إلا انا ؟! مين يعني ؟! رحت غرفة مروى ابي اتأكد لقيتها موجودها ارتاح قلبي يعني حتى مروى .. رفعت راسها :خير ؟! بلعت ريقي الحين اش اقول لها ؟! والله لتنشب في حلقي مثل فيصل ههههااي زوجها كيذا اجل عيالهم كيف ؟ طلعت مني الضحكه .. تكتفت مروى : قلت خير ؟! طرت على بالي اني اقول لها : ابد بس مدري كل البيت وين راحوا .. هزت كتوفها : مدري .. دفتني لبرى وقفلت الباب .. معليه المحقق مشغول ذي الايام بس خليني اخلص من ذا الموضوع وأرجع لك طيب !! أخذت كتابب الكيميا ونزلت تحت اراقبهم على ابو اني اذاكر دقيقتين بالعدد وطلع خالي ومرت خالي .. ذبحني الفضول ابي اعرف اش صاير ؟؟ قلت : خالي !! التفت لي .. قلت : ماتدري فيصل وين راح ؟ لوح بيده : طلع .. بستدرجهم ماتطوف علي : مع نايف ؟! شوي الا ونايف طلع وبيده القهوه والحلا وذي الاشياء تقربت منه وأخذتهم منه ورحت للمطبخ وحطيتهم .. المهم رجعت لكتابي ناظرت الساعه عشر الا ربع .. جلست اتصفح الكتاب .. حضرت الدرس ماجاء فيصل .. ناظرت الساعه عشر وخمس وعشرين دقيقه .. تجولت بنظراتي مالقيت احد معي والانوار مقفوله يعني ناموا ؟ .. رحت وجلست عند الباب الخارجي علشان اول مايدخل فيصل البيت افتح التحقيق .. حسيت بالتعب بس قاومت مابي انام .. صرت اتثاوب بالثانيه مليون مره بس اكابر .. صعدت غرفتي وأخذت كتاب الرياضيات ونزلت وحفظته كله .. وكل شوي اناظر بالساعه أوووف 11 ونصف وماجاء ؟! وين راح ؟! مابقى شي بالدنيا ماسويته .. قلت بنظف المطبخ تذكرت اني البارح منظفته لاحول ولاقوة الا بالله .. دخلت المطبخ شفت القهوه شربت منها علشان ابقى صاحيه .. خلاص قفلت ابي انام رحت للمقلط وجلست على الكنب وماحسيت الا وانا نايمه .. * * فتحت عيوني على صوت الباب ينقفل ركضت لقيته فيصل في البدايه ما انتبه لي .. بعدين يوم انه شافني قال .. فيصل : بسم الله الرحمن الرحيم .. انتي باقي صاحيه ؟! تكتفت : كنت انتظرك ... فيصل عاي تفهمني وين كنت ؟! .. ناظرت بالساعه وكملت : واحده وعشر وانت برى ؟! تكلم : كيفي .. ثانيا انا راجع تعبان مالي خلقك راجء لا تفتحين لي ذي السيره ثاني مره أحرقك كلك مو بس ايدينك ..! قلت له : نعــم ؟؟ ماسمعتك !! ألحين صار لي خمس ساعات انتظرك ... قاطعني : محد ضربك على يدك تنتظريني .. والحين ابتعدي .. عنّدت : مابي كيفي .. قال بعصبيه : تبين احرق يدك ؟ طيب .. خفت يسويها فـ إبتعدت وطلع غرفته تجمدت مكاني اش بلاه ذا ؟ يمكن متهاوش مع احد !! متأكده من ذا الشي .. تثاوبت للمره الالف .. ورحت نمت .. صحيت على الساعه اربع وثلث الفجر وااو نمت كثير رحت توضيت وصليت ورجعت نمت .. صحيت على صوت مروى : ساره يلا قومي نمتي كثير .. ماقدرت ارد عليها احس لساني ثقيل وكلي متكسره .. فتحت عيني كانت الاضاءه على عيني .. رجعت قفلتها ومروى تهزني وانا مو قادره اتحرك راحت عني كملت نومي .. ثواني الا جاء فيصل .. عاد صحيت ويوم شفته تذكرت البارح وبغيت اصيح .. مسكت راسي وضغطت عليه أحسه يفتر .. تكلم فيصل : انتي تعبانه ؟! مارديت .. رجع وقال : ساره فيك شي ؟! تعبانه ؟! يألمك شي ؟! ذي المره قدرت اتكلم بس انا متهاوشه معه فـ سكتت .. رفعت نظري الى الساعه لقيتها خمس الا ربع .. فزيت من مكاني حسيت الكل مستغرب من تصرفي ورحت الحمام عزكم ربي وفرشت اسناني ومشطت شعري ولبست مريولي في وقت قياسي .. ونزلت تحت كانوا يفطرون مالي خلق اي شي طلعت وقفت عند الباب وانا اتذكر فيصل كيف كان معصب خنقتني العبره .. وعلى طول طلع خالي وصعدت ورحت الى المدرسه ودرسنا حصص وانا متضايقه مو قادره اسوي شي اشاركهم بجمل مختصره والكل لاحظ ذا الشي .. رحت واستأذنت في الحصه الرابعه .. ومن حظي ان ريم هاربه من الحصه وطلعنا على طول .. ريم : يووهـ أنا خايفه ..! قلت لها : بيني وبينك حتى انا خايفه اول مرة اطلع والمشكله ماأدل وين بيتنا .. حطت يدها على فمي وقالت : لاتقولين !! هزيت راسي .. قالت : والحل ؟! هزيت كتوفي : مدري .. جلسنا تقريبا فتره نفكر .. بعدين تكلمت ريم :عندي حل ؟! رديت بسرعه : اديني هوا .. ابتسمت : اش يعني ؟! ضحكت : يعني قوليه وخلصيني .. قالت : شوفي انتي تروحين معي للبيت واذا وصلنا ناخذ واحد من اخواني ويوصلك بيتكم .. هااه اش رايك ؟؟ ابتسمت : هو فيه حل غيره ؟! خلاص يلا .. ولو اني متروعه .. وفعلا رحنا .. ولمّا وصلنا .. ابتسمت : طيب .. ادخلي معي ومايصير شي لا تخافين .. عنّدت : لا .. قالت : كيفك بس ناظري عند بيت جيراننا وبتعرفي .. لفيت لقيت مجموعة شباب عندهم كلب على طول دخلت بدون اي تردد .. دخلنا لمجلسهم وجلست انتظر وانا خايفه أول مره أروح اي مكان دقايق وجات ريم وجلست .. قلت : خير ان شاء الله ؟! ابتسمت : بنسولف .. قلت : والله انك فاضيه .. أكيد لأنك في بيتكم ... قاطعتني : أخوي يلبس واذا خلص جانا .. طيب بقول لك خبر .. همست : اذا حلو قولي واذا مو حلو اقلبي وجهك .. ضحكت وقربت مني : انخطبت .. صرخت : احلفي .. حطت يدها على فمي ابعدتها وقلت بهمس : مو كأنك صغيره ؟! ابتسمت : لا تخافين اذا صار عمري 18 يعني بعد سنه الزواج .. انطرق الباب لفيت حجابي وطلعنا .. ركبنا سيارته وحنا ساكتين لأن ريم جالسه بالمقاعد الاماميه وان الخلفيه همست لي : تغطي لحد يشوفك .. همست بنفس النبره : أختنق ما اقدر .. ثانيا ماأعرف كيف !! همست : انزين تلثمي .. تلثمت وانا ساكته بس قولكم انا اختنق اذا حطيت شي على وجهي واحس نفسي مو مركزه الا فيه لا يطيح .. المهم تحركت السياره لجهة المدرسه لأن ماأدل بيتنا الا من جهتها .. المهم .. تكلم اخوها : يلا اوصفي لي بيتكم .. هاذي والله الورطه .. انقذتني ريم : تقولك ماتدل بيتهم تقول اوصفي .. تكلم بهدوء : طيب اش لقبها علشان اروح البيت اذا اعرفه ؟! همست : انا ساكنه في بيت خالي .. جاسم نايف العلي .. قال : وين يصير ذا ؟! والله ذا يا هبل او يستهبل كل شوي يقول وين بيتكم .. تكلمت ريم : طيب ماعندك رقم اخوك ؟! بعترف لكم باعتراف .. انا مخزنه بذاكرتي رقم نايف واتحدى احد يقول غير كيذا .. حافظته من قلب .. قلت : عندي رقم نايف ولد خالي .. ابتسمت ريم : اديني هوا .. لولا الحيا ضحكت .. المهم كتبته في ورقه وجلس الاخ نايف يوصف البيت الى ان وصلنا .. دخلت لقيت محد في البيت .. يوه شكلنا أزعجنا نايف في الكليه .. سمعت صوت في المقلط رحت لقيت فيصل مع نايف .. يافشيلتي الحين فيصل بيحرجني اعرفه .. بس يلا .. تسللت لغرفتي وغيرت ملابسي .. ونزلت تحت .. * |
(( 2 )) * دخلت المقلط ابي ابرر اللي اتصال اخو ريم لنايف بالذات .. قلت : السلام عليكم .. التفتوا اثنينهم يناظروني استحيت وجلست على الكنبه .. تكلم فيصل : سلامات ؟! .. مين اللي ذق على نايف ؟ انقهرت منه : هذا مو شغلك .. رجاءا لا تتدخا .. ناظر بنايف ورجع ناظرني : ليه بالله ؟؟ بدأ العد التنازلي لصبري : هو دق عليك ولا دق على نايف ؟؟ .. خلاص مو شغلك فيه !! اشر فيصل لنايف : اسألها يانايف .. ناظرني نايف : مين اللي دق ؟! وابتسم .. ذبت خلاص : أخو ريم خويتي .. فيصل مستنكر : خويتك ؟؟ اشرت عليه : أنت ماتسألني مو شغلك .. حسيت بالضحكه من الوضع فعلا .. تكلم نايف : وأخو خويتك ذا يدرس معكم في المدرسه ؟! فتحت عيني ذا مستحيل نايف اللي مايتكلم ولا كلمه .. انقهرت منهم اثنينهم ..! وقلت : دام ذا اسلوبك يا أخ نايف أعذرني مابجاوب .. عصب فيصل : غصب عنك تقولين .. مو بكيفك تطلعين مع أخو خويتك بدون لاندري .. اش السالفه ماعندك حد يراقبك أو يحاسبك ؟؟ هنا انفجرت : جب .. مو انا اللي اطلع مع عيال .. واعذرني أقول لك كيفي مو متكلمه معك .. ولو تحرقني كلي مو بس ايدي .. تكلم نايف : قل لا اله الا الله .. فيصل بزهق : لا اله الا الله .. قال نايف : اعذريني لأني تلقفت .. ثانيا ممكن أسأل مين اللي دق علي ؟! قال فيصل : مو ممكن الا غصب .. قال نايف : فيصل !! اسكت .. هااهـ اش اسمه ؟! قلت : قسم بالله ما اعرف اش اسمه .. قال : طيب كيف ماتعرفين اسمه وطالعه معه ؟! انقهرت من اسلوبه : احترم نفسك أول شي ثانيا مو انا اللي اطلع معه !! تكلم بهدوء : طيب اجلسي .. جلست وانا ماسكه راسي لا ينفجر .. كمل كلامه : طيب احكي لنا القصه وحنا بنصدقك .. ارتجفت حسيت شوي واموت من التعب قلت : أنا تعباانه .. وأستأذنت وطلعت من المدرسه .. شفت ريم كمان مثلي واتصلنا على اخوها وجاء لنا .. بعدين قا لي وين بيتكم ؟ .. أنا ماأدله .. سألوني عن الارقام عطيتهم رقمك .. وبس .. تكلم فيصل : طيب ليه بالذات رقم نايف ؟! سكتت عنه .. قال نايف : طيب ليه بالذات رقمي ؟ هنا انحرجت : لأن انا متهاوشه مع فيصل .. ضغطت على راسي : ومالي خلق مشاكل .. قال بهدوء : طيب اش به راسك ؟! الصبح ماتتكلمين واليوم راسك ؟! قلتبهدوء مثله : مدري .. وجيت بقوم مسكني فيصل .. قلت : اتركني انتا مو شغلك فيني .. قال بهدوء : بس انا اخوك .. مالي خلق هواش معه فسكتت وتركت يده وأبعدتها عني وطلعت غرفتي .. رميت جسمي على السرير وفيني الصيحه .. معقول ماعندهم ثقه فيني ؟ اش سويت ياربي ؟ وربي مالي خلق لذي الدنيا .. طيب مروى تكلم عيال مايشكون فيها .. مسكت راسي وجلست ابكي مالقيت اي مبرر يخليهم على طول يشكون فيني .. ناظرت بالساعه عشر بالضبط .. نزلت تحت الى المطبخ وعملت الغذا .. فتحت الثلاجه لقيت الجبنه عملت خبز وجبن أكلتي اللي اموت عليها .. جلست على الطاوله وأكلت .. سمعت صوت فيصل من وراي طنشته .. شفته جلس بالكرسي اللي جنبي قمت عنه وصلحت لي عصير .. قال لي : اعذريني مو قصدي .. قلت : لا تعتذر واعتذارك من الحين مرفوض .. قال بعصبيه : بربك ساره لو حد يتصل ويقول ذا نايف ولد خال ساره .. مابتشكين ؟ دمعت عيني : اذا جاي تصارخ انا راسي مصدع مالي خلق .. تكلم : اعذريني .. قلت : فيصل انت فيك شي ؟! متغير كثير .. كله تعصب .. فيصل : لأني خفت صاير لك شي .. مسحت دمعتي : تشك فيني ؟! لو هي مروى حبيتها على راسها .. صح ولا انا غلطانه ؟؟ فيصل : ألف مرة قلت لك لاتحطين نفسك بمقارنه معاها .. وقلت لك أعذريني وماعاد اشك فيك ثاني .. قلت : طيب ألحين وشكيت .. والبارح وشوي وتحرقني علشان خفت عليك مارجعت .. طيب انا آسفه اذا مره خفت صاير لك شي .. تكلم بهدوء : لا تبكين .. أنا مااحب حد يسألني وين رايح ؟ وليه رايح ؟ ومن فين جاي ؟ كل ذا الموضوع .. واعذريني كنت تعبان .. ابتسمت له : فيصل احبك .. لاشعوريا نزلت دموعي مدري عندي دموع زياده ولا ايش ؟ قال : طيب عذرتيني ؟ رديت : معذور .. جلس : طيب اش حكاية راسك ذا المصدع من الصبح ؟! .. قلت : لأني مانمت البارح إلا الساعه واحده .. كنت انتظرك .. ابتسم لي : وأحلا أخت .. جاوبت : وأحلا أخو .. بالرغم اني مقهوره منه الا انه بكلمتين عذرته .. لأن مالي غيره في ذي الدنيا .. والله احسد مروى عليه صادق حتى بمشاعره مايحب أحد يكون زعلان عليه .. عنده حنان كبير .. بعكس مروى مدري اش لقى فيها والله .. همست له : أقول لك شي ماتعصب !! .. رد بنفس النبره : ايش ؟! .. جاوبت : تمنيتك تتزوج ريم .. بس حسافه انخطبت .. ماتوقعت ردت فعله : ههههههههههههااااي احلفي انتي بس .. مالقيت غير اني اضحك عليه .. * الموهم صليت الظهر وجات مروى طبعا وهزءتني لأني ماقلت اني طلعت وانتظروني وصارت مشكله .. وعدت على خير .. ونمت وصحيت على اذان العصر وذاكرت الين اذان العشا .. صليت وصلحت العشا وتعشيت وغسلت المراييل ورحت نمت .. * مضت الايام عادي مايتغير فيها شي .. يوم الاربعاء اعترفت لي ريم بإعتراف .. تدرون ايش ؟ .. بتتزوج بعد شهر .. بتسافر مع زوجها الى الدمام للأبد لأن وظيفته كيذا .. ألحين يوم اني تعلقت في بنت وصارت كل شي حتى تتنافس مع فيصل في المحبه .. تروح ؟! وماعاد اشوفها ابد ؟! ليه الدنيا كيذا ؟! مضيت يوم الاربعاء كله في الأسئله وريم كمان لأني تقربت لها كثير .. بصراحه كأننا عشاق بيفترقون عن بعض .. بس فعلا بطيبتها مقدر ابعد عنها .. الموهم ما جاء يوم الخميس أحلا يوم تصدقون أكتشفت اني صرت مدمنه بلايستيشن وانا اللي قبل استغرب منهم ؟ .. ونااسهـ .. يوم الاربعاء الساعه ثمان الليل جاتنا ام سامي .. تستغربون لأني ماقد ذكرتها لكم .. هذي اخت ام نايف وجات معاها بناتها سلمى وسلوى وسهام .. اساميهم فلله .. أحمد ربي واشكره انهم مافكروا يسمون مثل اسمي ولا كان قسم لأغير اسمي .. المهم عملت لهم القهوه ودخلتها .. قلت : السلام عليكم !! كلهم : وعليكم السلام والرحمه .. جلست جنب فيصل ونايف وانا ابي اذبح سلمى .. تقز نايف من فوقه الين تحته .. تكلمت سلوى : الا ساره انتي دخلتي اي كليه ؟! قرصني فيصل لا ارد عليهم .. قلت : أممم مادخلت الجامعه باقي ثالث ثانوي .. تكلم فيصل : هاا ياسلمى اش اخبارك ؟ ردت : مبسوطه بشوفة ولد خالتي والله .. قسم لولا الحيا قمت وعطيتها كف .. سكت وانا اسمع كلامهم .. قالت ام سامي : هااه ياوخيتي متى تتقدمون رسمي ؟! ردت : والله ننتظر نايف يوم يخلص على طول بيده الشهاده ونجي لكم .. قمت بهدوء : اجيب لكم الحلا اللي سويته .. وقف فيصل : بروح معك اساعدك .. رحت المطبخ واول مادخلنا قال لي .. فيصل : هدي اعصابك .. لاتسوين فضيحه تندمين على اليوم اللي جابتك امك ناظرته بانكسار : امي ؟ وينها امي ؟ ومين قلك اني مو ندمانه ؟! قال بهدوء : اللي اعرفه انك بنت عاقله وتدرين انها الحين عند ربك .. وابوك معها .. ماله داعي كل ذا .. لو الدمع يرجعهم ماترددت .. مسحت دموعي وكأن كلام فيصل اعطاني ثقة بنفسي .. بعدين قلت : طيب ساعدني اقطع الحلا .. ابتسم : شرايك نرفع ضغطهم شوي ؟! تحمست للفكره : كيف ؟؟! قال : اسمعي .. تبدين مني وتنتهين فيهم وطبعا انا بدوري بمدح فيه يعني كيذا .. اش رايك ؟! ابتسمت من قلبي : من شاور ماعطى .. يلا روح للمقلط وانا وراك .. فكره مجنونه .. بس والله قاهرتني ذي السلمى ماأقول لكم مو حلوه بس مغروره .. صحيح يحق لها بس ماتناظر الناس من طرف خشمها وكأنهم اقل منها مستوى .. المهم قطعت الحلا ووزعته على الصحون ورحت للمقلط .. عطيت فيصل ومريت جنب نايف استحيت من نظراته والله لو خالتي شافته .. قسم لتذبحني .. المهم واخيرا وصلت لسلمى .. قلت بهدوء وكأنه مو صاير شي : بالعافيه حبيبتي حرم نايف .. كح كح .. التفتت وراي لقيته نــــايف !! قلت بجرأه لأول مره : سلامات نايف ؟! جاوبتني سلمى بهمس : يمكن من نظرتي له .. بغيت افلعها بالصحن اللي عندي بس سكتت لأني تذكرت كلام فيصل .. وقلت : يمكن من قزك له .. وابتعدت وانا مبتسمه .. والله كلمه واحده وانفجر عليهم .. المهم وصلت وجلست جنب فيصل اللي كان جنب نايف مباشرة .. فيصل : ولا اروع حبيبتي تسلم ايدينك .. قلت بدلع : مشكور قلبي من ذوقك .. قسم اني مسكت ضحكتي .. وين جالسين حبيبتي وقلبي هههههااي بس والله لو تشوفون وجيههم تموتون ضحك .. رجعت قمت : شوي بقوم انادي مروى .. فيصل : طيب اجلسي شوي كل شوي وتقومين .. نحتاجك .. تكلمت سهام : خذيني معك .. قلت لها وانا مبتسمه : أجل يلا .. صعدنا السلم بهدوء .. ثم تكلمت سهام : عادي سؤال ؟؟ ابتسمت : آآمري ؟! همست : خطيبك اللي كان جالس جنب نايف ؟! والله بغيت اعطيها كف .. والله خطيبي لو يجلس بس يناظرهم ذبحتهم كيف يجلس معهم ؟! ابتسمت : أخوي .. قالت : مبين العلاقه بينكم قويه .. ابتسمت : أخوي الوحيد وأخته الوحيده .. ياحظها فيه مروى .. ابتسمت : الله يوفقهم .. قلت : ليش اخوانك مايسوون كيذا ؟! جاوبت : ياليت لو ربع المعامله .. كملت وانا مبتسمه : تعوضينها مع زوجك ان شاء الله .. سهام غير اخواتها رغم صغر سنها ( 14 ) سنه طيبه كثير .. لو عندي اخو ثاني زوجتها له .. مضت الليله بحلوها وبمرها رغم اني اشك ان فيه حلوها .. المهم ورجع الكل لبيته .. استغربت خالي اليوم ابد ماشفته .. بس احسن لايفتح لي محاضره ( اذبحك اذا مانجحتي ) اللي يسمعه اول مره يقول انه يخاف على مصلحتي بس والله انه غير .. المهم مو جايه أسب في خالي آخر الليل خلني انام وبكره يصير خير .. / \ / مقآطع من الجزء القآدم / همس لنا : ماتعلمون امي ؟ .. هزينا روسنا .. قرب مننا : حبّي !! * قلت بصوت مسموع : اشهد ان لا اله الا الله .. * صرخت : فيصــــل .. فيصــل !! .. .: نهاية الجزء الثاني :. |
.: الجزء الثالث :. " بعض العآشقون يعشقون الهمس أكثر من معشوقهم ..! " / \ / كعادتي في يوم الخميس أقضيه كله نوم بس هذي المره من الصباح صعدت السطح لأول مره ناظرت لتحت .. يمااهـ يخوف الشارع من فوق .. دمعت عيني لأني صرخت يماه .. خليني اتعود على كلمة خالتي مشاعل او خالتي .. كان المنظر رهيب شروق الشمس سبحانك ربي ابدعت في الشروق والغروب كيف ان الشمس تلف الدنيا كل يوم .. مضى الوقت بسرعه وماانتبهت الا والساعه ست ونصف نزلت عملت الفطور ورجعت ولما الجو بدأ يصير حار نزلت بهدوء وتسللت للغرفه ودخلت وقفلت الباب " أوف الحمدلله محد شافني " .. لفيت شفت فيصل صرخت : يمااهـ .. سكتت مو قلت ابي اتعود على خالتي ؟ طيب .. هديت شوي وقلت : وانا اقول ليه الغرفه منورة .. قال بحده : وين كنتي ؟! دخلتي متسلله ؟؟! ليه ؟! قلت : اتوقع اننا اتفقنا بلاها شك .. ابتسم : طيب جاوبيني ؟! .. قلت : مو انت تتضايق لما حد يسألك وين رايح ووين جاي ؟ وليه ؟ ولمين ؟! .. قال لي : لاتقارنين نفسك فيني انا رجال انتي بنت يعني اقل شي يشوه سمعتك .. قلت : خلاص خلاص بقولك .. كنت بالسطح .. ناظرني بتعجب : السطح ؟! ليش ؟! .. وكمل باستهزاء : عندك عصافير طيور شي كيذا ؟! ولا تراقبين الرايح والجاي بس ؟ .. ناظرته : ألف مره قلت لا تكلمني بذي النبره صح ؟!. . قال : طيب ليه كنتي رايحه ؟! تكتفت : تعدل باسلوبك اجاوبك ..! قال بهدوء : طيب اش كنتي تسوين سارونه ؟! ابتسمت : اناظر الشمس تطلع .. طافك فيصل والله وناسه تشوفها تجنن .. همس : متأكــدهـ ؟! ابتسمت له : ناظر بعيوني وتأكد !! اذا كنت صادقه ولا شي ثاني .. ناظرني : طيب ليه ماعزمتيني من البدايه ؟؟ هزيت كتوفي : كنتوا نايمين .. وجلست على السرير : امم بعد الصلاه بالضبط صعدت .. اش رايك بكره من الصبح تصحى ونصعد ؟! رد بسرعه : لا .. صباح يوم الجمعه لازم انام .. ابتسمت من داخلي " ايه لازم ياقلبي علشان السهره تكون صباحي " .. قلت : أجل في الغروب ..! فكر شوي : اش رايك تصعد معنا مروى ؟! قطبت حاجبيني :أووف لازم يعني ؟! غمز لي : لاتخافين معنا نايف ومشعل ؟! هااهـ اش رايك ؟! ابتسمت : ونااسه .. طيب الساعه 4 العصر حنا نصعد .. قال : طيب .. * مضى اليوم بأحداث عاديه تماما وجاء يوم الجمعه وقت الغروب طبعا مروى ومشعل من البدايه كانوا موافقين اما نايف مارضى الا يوم عرف اننا كلنا .. حلو اننا نجتمع مع بعض من بعد ايام الطفوله .. رغم اننا كبرنا بس شي حلو .. ميشو : ابي اعرف الذكي اللي اخترع ذا المكان مين ؟! ابتسمت : ياقلبي يامشعل والله ادري اني ذكيه واجنن وأهبل كمان .. قال ميشو : أقول شي ماتعصبون ؟! فيصل : لاتخاف مانضرب ولانحـ .. قرصته فـ سكت .. قال ميشو يناظرني : شكلك غلط .!! فتحت عيني على آخرها اش به ذا : كيــف ؟! .. قال : لاتناظريني كيذا .. بس قصدي انك الوحيده اللي لابسه حجاب بيننا لو تشيلينه .. قلت : أقلب السيره .. عندي لكم لعبه تجنن .. قالت مروى : وجع كبرنا .. قلت : تهبل قسم انها حلوه .. اسمعوا اسمها الصرااحه .. ميشو : قديمه نعرفها قلت بقهر : وجع غيرك يبي يلعب .. صح فيصل ؟! المهم جبنا علبه المااي .. قال فيصل : انا بلفها .. ابتسمت له وفعلا .. كان " ميشو يسأل فيصل " .. قال ميشو : اعترف لنا بأخطر شي عملته ؟! قال : ماأقدر .. قلت له : عاد حبيبي والله هي اللعبه كيذا .. قال فيصل : قسم اني بوريك يامشيعل .. أمممم .. وهمس : دخنت .. شهقت : أحلف ماأصدق والله فيصل ماتسويها .. قال : والله .. قلت : يلا ميشو لف اللعبه .. " مروى تسألني " .. قالت : أمم اش آخر شي اكلتيه ؟! قلت : هههااي خبز مع جبن اكلتي المفضله .. لين الحين مادخلنا بالمحظور .. المهم مسكت العلبه ولفيتها .. " أنا أسأل ميشو " .. قال فيصل : جاك الموت ياتارك الصلاه .. بردي حرتي .. قلت : اش الشي اللي عملته وندمت عليه ؟ قال بهدوء : شريت لي جوال !! ضحكت : ليش عاد ؟! ابتسم لي : كله فواتير ههههه ضحكت : يلا لف .. " نايف يسأل ميشو " وناسه وأخيرا نايف بيتكلم .. قال : أممم اش السر اللي مستحيل تخبر فيه احد ؟! صفر فيصل : عجيب ياولد الخال .. جاوبه : نتعلم منك ياولد العمه .. ميشو : انت ياحظي قلتها مستحيل اخبر فيه احد .. صح ؟! قال له فيصل : وجع كلنا اعترفنا يلا عااد ؟! ميشو : ماأقدر .. قلت له : ميشو احنا اتفقنا من البدايه يلا عاد بليز جاوب ..؟! همس لنا : ماتعلمون امي ؟ .. هزينا روسنا .. قرب من : حبّي !! مشعل فتح اللعبه وسالفة الحب الله يستر وألحين الكل بيسألون الله يستر .. " فيصل يسألني " .. قلت : هه كل اسراري عندك ياحظي .. احذرك تسأل سؤال كيذا كيذا .. أفتح السواليف تبعك.. هزيت كتوفي : وانت ادرى .. ابتسم : اممم طيب اش الشي اللي يخليك تطيرين من الوناسه ؟! قلت بهدوء : جمعتنا هذي تخليني اطاير في السما .. لفيت العلبه ..كانت فيصل يسألني .. قال : توني سألتها .. رجعنا ولفينا العلبه .. " مروى تسأل نايف " .. يارب تسأله شي خطير .. همست مروى بخبث : كلنا نعرف ان نايف كتوم صح ؟ .. طيب ابي اعرف قد جربت تحب ؟! والله لولا الحيا قمت وحبيت مروى على راسها والله انها جابتها .. انتظرنا الاجابه .. سمعناه يقول : مافيه تغيير السؤال ؟! ياحظي !! أنا ابيك بالطيب بالغصب تجاوب تبي نغير السؤال ؟! قلت : طبعآ لا مافيه وضروري تجاوب كمان .. سكت فتره .. قال ميشو : ها ياولد الخال ؟ عطينا من الآخر .. جربت تحب ؟! همس لنا : ايه .. ناظرت فيصل مو مصدقه مين هذي اللي حركت قلبه ؟! أكيد سلمى هي ماشاء الله عليها حلوه وتهبل كيف ما يعشقها وهو يدري انها بالأول والأخير له ؟! قربت عيني تدمع .. قلت : ابنزل اجيب الشيبسات .. عادي اسألوا ماله داعي تنتظروني .. تصريفه محترمه للي يدري بالسالفه .. المهم نزلت وغسلت وجهي وجهزت ( ليز ) وصعدت .. قال ميشو : طافك سؤال فيصل لمروى عجيب !! ابتسمت : ايـش ؟! همس : نفس سؤال مروى لنايف .. قلت بحماس : طيب اش ردت ؟! قال : أكيد ايه .. هههههه جالسين وسط عشاق .. قلت : وجع متى حد يسأل ذا المهبول يحب ولا لا .. ابتسم فيصل : اش بها ذاكرتك ضعيفه ؟! أول واحد سألناه .. ابتسمت وعطيت فيصل ليز .. صرخ علي : مابي ذا اصفر ابي ازرق هلالي .. ابتسمت : ولا تزعل .. طيب مين كمان هلال لا اتورط ..؟! قالت مروى : انا مالي داعي بذي الشغلات .. ابي الفلفل .. ميشو : ابي الاخضر .. لفيت على نايف : وانت اش تبغي ؟! .. ابتسم : عادي مايفرق عندي .. قال فيصل : أنصحك بالبرتقال .. جبنه فرنسيه رووعه .. قال ميشو : وجع فيصلوه تبي تورط الرجال .. خذ مثله ازرق .. قلت : وانا طبعآ مثل فيصل حبيبي في كل شي .. قالت مروى : نايف خذ مثلي أحمر .. أشر عليه : مابطيقو بنوب .. المهم لفيت العلبه .. " نايف يسأل مروى " .. قال : اش الشي اللي تستحين منه ؟! هه هو أصلا فيه شي تستحي منه ؟! هذي وجهها مغسول بمرق بس نشوف اش بترد ,, جاوبت : لحد الحين ولا شي الا اذا يوم الزواج شي ثاني .. ماقدرت اكتم ضحكتي : هههههههههههههههههههههههااااااااااي ناظرني فيصل : سلامات اخت ساره ؟! جاوبته وانا أضحك : اتخيل يوم زفتك على مروى اسوي فيكم مقلب .. ابتسم فيصل وغمز لي وكأنه يقول " تعجبيني " .. الموهم لفيت علبة الماي .. وقف قلبي .. ورجع يدق بقوه وكأنه طبول .. نـ نـايـف .. يسألنـي ؟! الله يستر بس .. مشكله ياربي ما يسأل سؤال صعب .. لاشعور طلعت مني : ترفق الله يخليك .. قال ميشو : الموت ياتارك الصلاه جاك ..! ضحكت مروى وكملت : رتب الكلمات السابقه لتحصل على جمله مفيده .. ضحك فيصل : مافيه خيارات ياولد الخاله ؟! والله يضحكون وانا واقف قلبي .. فيصل يناظر ميشو ومروى .. وميشو يناظر فيصل .. ومروى تناظر ميشو .. وانا اناظر نايف ونايف يناظرني .. اش ممكن انه يسألني ؟! قال ميشو : سلامات سارونه مارديتي ؟! ابتسم فيصل : أصلا نايف ماسألها علشان تجاوب .. قلت بصوت مسموع : اشهد ان لا اله الا الله .. كلهم ضحكوا واللي يقول لي نايف مايخرع واللي يقول وانا موسامعه غير دقات قلبي .. أحس كل أهل الخّبر يسمعونها .. مروى : ماصارت يانايف اسألها وخلصنا .. ميشو : صادقه مروى خلصونا بأه .. قال نايف : نفس سؤال مروى لي .. تبلعمت : وايش سؤال مروى لك ؟! ضحكت مروى : أموت عليك نايف .. ميشو : ياأخت جاوبي على اعصابنا ترى .. ناظرت فيصل وقلت : ماأقدر اغير ؟! .. قال نايف : لا مافيه طبعا وضروري تجاوبي .. ابتسمت وحطيت عيني بعينه وقلت : ماجربت ولا ابي اجرب .. الكل سكت ويناظرني .. فيصل اللي هو فيصل قام يناظرني مستغرب .. أربكتني نظراتهم .. فـ قلت : عادي الحب مو شي أساسي في الحياه .. عادي !! قال فيصل : بس اللي يجربه مايقدر يتركه .. صح كلامي ؟! قال ميشو : لو كل انسان حب من قلبه .. كان ماانخلقت الدموع .. قالت مروى : لا .. الدموع كمان للإهانه .. ولا كلامي غلط ؟! .. الاهانه والخيانه والذل .. كلهم سوا .. قلت : لا يابنت الخال .. الذل والإهانه والخيانه يجتمعون تحت مسمى واحد اسمه الحب .. ماانخلق الذل الا مع الاهانه في الحب .. كمل فيصل : ينذل النسان مع حبيبته الين تدري .. ولما يخونه ينهان وتنهان كرامته .. مروى : مو كل انسان يمر بذي المراحل اذا كان حب صادق .. قال نايف : يمكن الظروف تجبره على كيذا .. بس مهما صار يظل الحب في القلب .. مايتغير .. فيصل : شي صعب اذا شي ماتتوقعه يصير وغصب عنك تسويه .. لأن القدر حكم عليك .. مروى : شي اصعب اذا وقعت على اعدامك في الحياه وانت تدري ان اعدامك مصير رغم عنك بتواجهه .. قلت : مافيه اصعب من انك تشوف حبيبك مع واحده غيرك يمشي بوناسه .. وانت من داخلك نيران .. ميشو : غلطانه يابنت الخاله .. الصعب انك تشوف اقرب الناس اليك ماخذ حبيبتك .. يبعدها عن انظارك .. كمل نايف : والمشكله ماتقدر تقوله غير الله يوفقكم .. بس الحب مذله .. قلت : ماانخلق الحب الذي يذلني .. ومين يكون حتى يوطي راسي ؟! فيصل : كلنا قلنا ذا الشي بس نهايتنا طحنا فيه غصب عنا .. قالت مروى : الحب عمره ماصار بالغصب .. نايف : النوع المنتشر في ذا الوقت الحب اللي بالغصب .. ميشو : وجع ياناس الله يلعن الحب وأشكاله خلاص اسكتوا تعبت والله .. قلت وانا كاتمه ضحكتي : مافيه تعب يابن الخاله غير تعب وعذاب الحب .. ماقدرت اكتم ضحكتي يوم شفتهم يضحكون وضحكت .. نزلنا تحت وصلينا المغرب .. * * خالتي مشاعل : وين رحتوا فجأه اختفيتوا ؟! فيصل : أبد بس لقينا مصباح علاء الدين وبس .. قلت : قصدك قلنا افتح ياسمسم .. وشفنا عجاييب علي بابا ..! ميشو : لا يمه اصلا حنا سافرنا عبر الانترنيت .. لا يكذبون عليك .. مروى : طاش ما طاش على غفله .. قالت خالتي : وانت يانايف وين رحت ؟! نايف : شفت البطه السحريه .. يااااه انقلبت قمرر .. ام نايف : مين اللي راح جزيرة الواق واق ؟! فيصل : كابتن الطائره اللي وصلنا جزاه الله الف خير .. خالتي : أتكلم جد أنا .. فجأه اختفيتوا ؟! وين ؟؟ ميشو راح لأمه : ماما خفتي علي ؟ قلتي وينه ميشو مالقيتيه ؟؟ جاوبته امه : ايه حبيبي دورتك قلت وينه ؟! وجع مشعلوه وين رحت لا اهفك كف يطيرك مكان مارحت قبل شوي ..! أشر عليها : مصارعه على غفله .. قلت : خلاص بعترف .. كنا فوق السطح .. طافك خالتي ونااسه تمنيتك معنا .. هزت كتوفها : لو عزمتوني رحت .. قال ميشو : عذرا للشباب فقط .. خالتي : وجع ان شاء الله مشعلو انا امك عيب .. جلست مروى : والله طلعت فضايح الله لا يوريك .. مرت خالي : كيـف ؟! نايف : قسم انك يامروى ماتخبين شي ابد .. مرت خالي : احسن منك على طول تبي تقول لأمها .. مو انت ماتخبرني بشي ابد .. قلت : يلا انا بروح غرفتي أتحمم اشوفكم اذا خلصت .. قال فيصل : ماشاء الله قلبي على قلبك توني بروح .. يلا نروح .. ابتعدنا بخطوات عنهم .. قال لي : ليش كذبتي وقلتي انك ماقد جربتين تحبين ؟! حنا اتفقنا من البدايه نكون صادقين .. قلت : اسمع فيصل أنا ماكذبت .. الحب درجات .. أولها الإعجاب وانا لين الحين ماوصلت للحب ليش اكذب على نفسي ؟! ابتسم : قد مرة قلت لك انك عندك اسلوب اقناع درجه اولى .! ابتسمت بغرور : أدري ساره العلي مو سهله .. تشااوو بروح اتحم .. دخلت اتحمم وانا افكر في كل احداث اليوم فعلا شي حلو نجتمع .. طولت وانا في الحمام عزكم ربي ولما طلعت كانت سبع وربع قفلت باب غرفتي لأن مروى على طول تفتحه وافتشل تشوفني بالروب .. فتحت الدولاب لبست برمودا ابيض يجنن وبلوزه سوداء أكمام .. لبست حجاب ابيض .. هه كأني في دول اوروبا مو في بيتنا .. تعطرت ونزلت عملت العشا وميشو عمل العصير فعلا روعه ذا الميشو ياحظها اللي بتاخذه بيساعدها .. لاحظت ان فيصل ماتعشا ولما سألت عنه قالوا لي انه يتحمم .. غريب امره .. صعدت غرفته طقيت الباب محد يفتحه خفت صاير فيه شي ودخلت الغرفه محد .. رحت الحمام شفت الباب شبه مسكر .. طقيته فتح لي الباب .. قال : آمري حبيبتي .؟! قلت : ماتبي تتعشا ؟! ابتسم : يوم الجمعه انا ما اتعشى هنا .. والله لو تدري يافيصل ان كلامك ذا يخوفني .. ناظرني : وين سرحتي ؟؟ ابتسمت : في جمالك العجيب الملائكي .. ضحك : ترى حتى صوتي حلو .. ابتسمت : أدري .. رحت دولابه وطلعت له ملابس عجيبه تشبه ملابسي بالضبط وأعطيته .. قال : حلو تركيبهم ذوقك مره نايس .. ضحكت : حتى ذوق اخوي نايس .. أنا طالعه اخليك تلبس .. باااايو.. سمعته يقول : أممم اذا تعشيتي تعالي لي الغرفه محتاجك .. طيب ؟؟ ابتسمت من ورى الباب : طيب .. نزلت تحت .. أمم لاحظت ان الكل ياكل وهو ساكت اش صاير ؟ معقول وانا صاعده صار شي ؟ طيب اش صار علشان يصير كيذا ؟ ناظرت نايف مستحيل اسأله .. لفيت على مروى .. ادري انها بتقول مو شغلك . رفعت عيني .. وقلت : خير خالتي اش صاير ؟! خالي جاسم : اكلي وانتي ساكته .. والله لولا انه خالي علمته الاسلوب .. أول شي انا ما سألته .. كملت اكلي وانا ساكته ولما خلصوا شلت الاكل .. سمعت خالي يقول : صلحي قهوه .. واجلسي في المطبخ .. ماعلقت على كلامه بس الشي اللي يقهرني اني كل اسبوع اصلح قهوه ولا أدري مين اللي يشربها .. صلحت القهوه سمعت صوت خالتي من وراي .. لفيت لها وهمست : اش صاير ؟! مسكت الفناجيل : اسكتي بس مقهور منك موت .. قام قلبي يدق : ليش ؟! همست : لأنك صعدتي السطح .. فعلا بغى يغمى علي : ياخالتي لا يطلعنا ولا يرضى نصعد السطح ؟! اش ذي الحاله ؟! وطت راسها : قال لي ... وسكتت فهمت قصدها : قصدك قال لك تحرقين السكين ؟! هزت راسها .. كالعاده يقول لخالتي المسكينه هي اللي تحرقه .. المهم خلصت القهوه وانتظرت في المطبخ .. ماجاء خالي .. رحت له وعصب علي المهم صارت الساعه ثمان ونصف وهو ماجاء .. بعد دقيقه واحده بالضبط .. جاء شكله كان يبيه يصير حار علشان احترق .. ماأخبي عليكم اني خايفه لأنه يألم موت بس بنتظر .. دخل المطبخ .. وسحبني من يدي .. وقال : مشاعل هاتي السكين .. اخذني للمقلط .. قدام الكل كعادته عظه وعبره .. هه والله الضحكه صارت تبكيني .. الموهم جات خالتي وهي شوي وتبكي .. ناظرتهم مالقيت فيصل ولا نايف .. قال خالي : أعطيني يدك .. اعطيته يدي المحروقه من قبل .. خالي : لا الثانيه .. قلت بقوه رغم اني خايفه : خالي !! انت شوهت ذي ليه تشوه الثانيه خلها عادي .. خالي : لاتعاندين .. هاتي الثانيه احسن لك .. فيني الصيحه بس قاومت : احرقني كلي بس يدي هذي خلها في حالها .. مرت خالي : لا تعاندين ساره عنادك ماينفعك .. طيب ؟؟! صرخت : فيصــــل .. فيصــل !! .. ولا كأنه أحد ياربي يجي فيصل يارب يارب .. وجلست اتراجف ناظرت بخالتي لقيتها مدمعه .. لا يا خالتي لا تبكين .. أبيك قويه علشان أكون قويه .. لاتبكين ارجوك .. صرخ علي خالي : هاتي يدك وخلصيني .. صرخت بكل صوتي : فيصـل .. ظلت الدمعه على أطراف عيني معانده ماابيها تنزل .. سحب يدي واحترق نصف اصبعي السبابه ماقدرت فريت السكين ماسمعت صوتها .. رفعت راسي لقيت كم ثوب نايف محروقه .. ويد فيصل فيها اثر على خفيف .. بلعت ريقي وركضت الى فيصل .. وهمست لنايف : آسفه .. صرخت مرت خالي : اش سويتي ؟! ناظرها نايف ورجع ناظرني : لا عادي بس كم الثوب .. قلت : فيصل ارجوك ابعدني عنه .. وطى راسه : والله مايهون علي اشوفك كيذا وأسكت بس اذا طلعنا وين نروح ؟ .. وماكمل جملته الا وخالي ساحبني واحترق ثلاثة ارباع الاصبع .. كنت ساكته ماابي ابين له اني اتألم .. بس ماقدرت : يمــــاااااااهـ .. وقف خالي عن الحرق .. والكل صار يناظرني مستغرب تذكرت اني قلت " يمه " .. وطيت راسي ورحت غرفتي خالي ما اعترض دخلت الغرفه وقفلت الباب .. رحت وأخذت قطعة قماش ولفيته فيها ابتسمت صاير مميز اقصر واحد فيهم .. قلت ابي البس الساعه في اليسار .. بس اليسار محروقه وأنا أحب اليمين .. تدرون ليه ؟! لأن نايف يلبس الساعه في اليمين وانا لازم مثله .. الموهم قلت ابخلي الوضع طبيعي غسلت وجهي ونزلت تحت بعد ماقريب مليون نكته علشان اضحك .. الموهم طلعت من غرفتي لقيت فيصل ينتظرني .. ابتسمت : خير فيصل اش بك ؟! أتوقعه مستغرب : تعالي معي الغرفه .. ماتكلمت ورحت معه .. مسوي لي فيها فلم هندي تعالي معي الغرفه .. رحت وراه ودخل وقفل الباب .. قال : يألمك شي ؟! ضحكت بسخريه : ليش بتتصل على الاسعاف ؟! لاتخاف أنا أتمتع بصحه جيده .. قال : أكيد ؟! قلت وانا أشر على عيوني : ناظر بعيوني وتأكد ان كنت غلطانه .. همس : الدموع مغطيه عينك ما اقوى اشوف .. قلت ابي اغير السيره : طلعت خالتي مشاعل ؟! هز راسه : ايه .. ابتسمت : وأكيد ضيوف يوم الجمعه وصلوا صح ؟! ناظرني : اتمنى انك ماتتدخلين فـ أشياء تخصني .. قمت من على السرير واتجهت للباب : طيب انا طالعه .. سلم على أخوياك .. طلعت من الغرفه وانا افكر اش السر اللي يقول لي فيه فيصل لا تتدخلي ؟! * مين ممكن يخبرني ؟.. اللي اعرفه ان ميشو مايدري .. الوحيد اللي يدري هو نايف .. ضروري اسأله وأكيد انه بيخبرني .. ابتسمت من داخلي والله لو خالي دري اني تطفلت .. ليذبحني .. ناظرت اصبعي بألم .. وغمضت عيوني مقهوره منه .. قمت من مكاني غيرت البرمودا الى جينز اسود والبلوزه بيج .. والحجاب اسود .. وطلعت من غرفتي وحطيت اذوني على غرفة فيصل مو مجود أكيد طلع .. نزلت تحت لقيت نايف شايل القهوه ومتجه للمطبخ ..ركضت لغرفتي كيف اقوله ؟ طرت على بالي رسايل العصر الحجري كتبت فيها " الساعه واحده بالليل انتظرك فوق السطح .. سارهـ " .. ركضت وحطيتها في الغرفه على السرير .. ابتعدت بخطوات شفت مروى بتدخل .. المشكله حتى على نايف ماتطق الباب ؟ والله جريئه .. لحقت عليها وقلت : خير مروى فيك شي ؟ بتدخلين غرفة نايف ؟ قالت : انتي شكو ؟! قلت : ابد بس نايف يقول ان فيصل وميشو وخالتي مشاعل ناويين يشربون قهوه من يدك !! ابتسمت : اللي اعرفه ان عمتي ومشعل طلعوا .. تورطت : ايه بس الصراحه قال لي نايف أعلمك وعمتك حبت تذوق فـ قلت اعلمك .. قطبت : هههه اليوم بالذات ؟؟ ضحكت : انا قلت اليوم اعلمك وبكره واللي عقبه الين يوم الجمعه بتكون تحسنت .. شرايك ؟ ابتسمت لي .. مدري سبحانك ربي اش صاير لها رضت بسرعه لهالدرجه تحب اخوها وماترفض له اي طلب ؟ ماأقول غير الحمدلله على النعمه .. والله ان درت عن السالفه ذبحي حلال عند ابوها .. تشغلين بنتي ومن ذا الحكي الله يستر .. ابتسمت : اجل يلا ننزل .. ابتسمت : يلا ..! نزلنا وقابلنا نايف هذا والله اللي ناقصنا .. قالت مروى : لهالدرجه مشتاق تبي تذوق قهوه من ايديني ؟! والله وناسه انت قطب حاجبينه : مين قلك ؟ جاوبته : ليش متوقع ان يصير لي سنتين على ماأعرف توصلني الأخبار .. شوي ويعصب : جاوبيني ؟! حسيتها ترتجف : ساره .. قسم انها ورطه .. ناظرني ابتسمت له واشرت له يكمل عادي .. قال وهو يبتسم : ماشاء الله نشرت اخبار بنت العمه !! مروى : اليوم بتعلم وناسه .. عمتي بتذوق من يديني .. ناظرني رجعت ابتسمت : والله ماينقال لك شي على طول خبرتيها ؟ .. ابتسمت ومشيت .. رحت وعلمتها ولما خلصت قلت لها .. وانا اهمس : واذا ماعرفتي انا اسويها وتقولين محد علمك وانتي اللي صلحتيها أوكي ؟؟ قالت : أوكي .. ناظرت بالساعه وقلت : يووه عشر ومانمنا يلا نروح نناام .. ابتسمت : ايه والله تعبت وانا احاول اتعلم .. / \ / مقآطع من الجزء القآدم / حطيت يدي على فمه : ماعرفتني زين ياولد الخال .. * بلعت ريقي : أعذرني اخوي .. يمكن مشبه علي .. أنا ماأكلم عيال .. ابتسم : مو انتي ساره ؟! .: نهاية الجزء الثالث :. |
.: الجزء الرابع :. العنوآن / معزتك عندي ترى مالها نوع ..! ومكانتك بالقلب ماحد لقاها ,, وغلاك بالقلب صار مزوروع ..! حتى المشاعر ترجمتلك غلاها .. / \ / صعدنا الغرف ولما دخلت اتأكدت ان نايف في غرفته ورحت غرفتي وقلبي يطرق طبول قسم لو درى خالي اني رجعت صعدت السطح .. بس ابي اعرف .. لو يحرق كل اصابعي مو بس السبابه عادي عندي .. ضيعت وقتي في حل الواجبات .. لقيت صعوبه معها بدون السبابه طبعا .. وغسلت المراييل .. ناظرت الساعه 12 الا ربع أف ماجات الساعه واحده .. مسكت المصحف وقريت الروم والعنكبوت ولقمان .. ناظرت الساعه 12 و 25 دقيقه أمم باقي تقريبا نصف ساعه وخمس دقايق كملت قرآن لين صارت الساعه وحده الا خمس طلعت من غرفتي وتأكدت ان مروى نايمه رحت غرفة فيصل لقيته نايم .. غريبه متى جاء ؟ بس الحمدلله .. يوم جيت بطلع .. سمعته يقول : اش بك ؟؟! نقزت : بسم الله الرحمن الرحيم .. باقي صاحي ؟! قال : توني راجع .. خير جايه ذا الوقت بغيتي شي ؟؟ تورطت : ايه ابي الكاسيت اللي عملته انت ومروى قبل 6 سنين .. ابتسم : ليش ؟؟ رديت الابتسامه : ابي اتذكر حرام ولا عيب ؟؟ راح وفتح دولابه وأعطاني هوا .. قال : أمم خليه عندك ويوم اسألك عنه تجيبينه طيب ؟؟ ابتسمت : طيب .. وطلعت وقفلت الانوار ورحت غرفتي ورميت الكاسيت وقفلت الغرفه وصعدت السطح لقيت نايف ينتظرني .. قلت : السلام .. رد : وعليكم السلام والرحمه .. جلست : مستغرب ليه مواعدتك ذا الوقت .. وكمان مستغرب من الطريقه اللي وصلت لك فيها اني محتاجه اتكلم معك .. صح ؟؟! ضحك : من الزمن القدييم .. قلت : فيصل يقول العصر الحجري .. قال : ليش انتي عازمه فيصل معنا ؟! قلت : لالا بس أنا وانت ورجاء الكلام اللي يدور بيننا محد يعرفه .. ابتسم : ممكن سؤال ؟! قلت : آمر ؟؟ قال : ليش قلتي لمروى اني مشتهي أذوق قهوه من يدها ؟! والمشكله خالتك كمان ؟! ليه ؟؟ ضحكت : لأنها كانت تبي تدخل غرفتك وتشوف الورقه .. بعدين مو اصبع اللي ينحرق اليد اللي تحمل الاصابع كلها ..! نزل راسه ثم قال : ابشوف اصبعك .. عطيته هوا .. تعجب : وين راح ؟! ابتسمت : أحترق كله بقى ربع .. هههه صغير مو ؟1 قال : تضحكين ؟؟! رديت : ماعليك مني أعذرني ماكان قصدي تحترق ثوبك بس تألمت بقوه .. قال : لا عادي .. آمري .. رديت بجد : أسمع نايف .. أنا متأكده انك عارف بكل السالفه وانت الوحيد اللي ممكن تساعدني .. اسمع .. تقريبا من سنه لاحظت يوم الجمعه أول ماتطلع خالتي مشاعل أو عمتك مشاعل يزورونا ضيوف صح ؟؟ .. ويطلعون بعد عشر دقايق .. وكمان فيصل يطلع صح ؟! وانت اللي تشيل القهوه وتدخلها وتطلعها .. فيصل مايرجع الا الساعه وحده بالليل .. ممكن تخبرني اش الحكايه ؟! بكون غبيه اذا مالاحظت .. ابتسم : المحقق كونان .. ضحكت : لاتحاول تغير السالفه .. حتى فيصل مو راضي يخبرني ليه ؟! والله مابسوي شي بس اخاف عليه .. سمعته يقول : اسمعي ساره .. تدرين ليه فيصل مايرضى ومستحيل أنا أخبرك ؟! قطبت حاجبيني .. كمل : لأن ابوي أقصد خالك مارضى ومحذرنا أكثر من مره ان نخبرك .. انتي مع مشاعل .. قلت : أنا بالذات ؟! وخالتي ؟! بليز ناايف والله قلبي يدق بقوه .. سمعته يقول : ماأقدر .. ورفع اصبعي : لأن ان قلت بحترق كلي مو بس اصبعي .. اتروعت بقوه : لذي لدرجه السالفه قويه ؟! هز راسه .. قلت : طيب نايف انا متأكده ان محد يقدر يساعدني غيرك ارجوك .. مو فضول مني بس خوف على اخوي وعلى نفسي كمان .. وطى راسه : مستعد اخليك تعرفين بس قسم ان سمعت انك مخبره أحد اني انا والله ... حطيت يدي على فمه : ماعرفتني زين ياولد الخال .. قال : اسمعي لو جيتيني في غير ذي الظروف ماقدرت اسوي لك شي .. قطبت : ظروف ؟! ايش تقصد بذي الكلمه ؟؟ ابتسم وهو يناظر اصبعي : قصدي اني ابقى ساكت وانا اشوفك تنحرقين وأقدر اساعدك .. قلت : الموضوع يخصني ؟؟! قال : ماانخلق الموضوع الا لجلك .. ابتسمت : طيب خالتي مشاعل ليه ماتبونها تعرف ؟1 غريب ذا الحال أنا والموضوع يخصني هي شكو ؟! سمعته يقول : لأن ابوي يدري انها مستحيل تخبي عنك اي شي .. خصوصا ذا الشي اللي يحميك من ابوي ؟؟ قلت بخوف : وغلاة اغلا الناس عندك ان تقولي كيف اقدر ؟؟ قال : اسمعي .. يوم الجمعه الجاي تلبسين عباتك وتتغطين وانا اخليك تدخلين قلت : ماأعرف اتغطى اختنق .. يعني لازم اتغطى ؟! قال : ايه لازم .. قلت : طيب مايصير اتلثم ؟! قال : طيب تتلثمين وتلبسين العبايه وتطلعين من الباب الخارجي للمقلط .. وانا براقب لك الوضع وأول ماتسمعيني رفعت صوتي تطلعين من المكان اللي دخلتي منه .. وبعد فتره تدخلين بدون محد يشوفك .. والله ان درى ابوي عنك قسم ليتوطا بطني ويذبحك .. كأننا في المهمات السريه اللي في الأفلام .. نضحك والله .. بس الله يستر .. رديت : تسلم على التضحيه وربي مابنساها لك.. مشكور وماقصرت .. ابتسم : لا عادي أهم شي محد يدري .. قلت وانا اضحك : لا تخاف انا مو هبلا ماأفهم .. أدري انت الحين تعبان وتبي تنام وانا عطلتك .. سمعته يقول : تصدقين من او يوم صارت السالفه وانا أنتظر متى تسأليني .. أدري فيك تلاحظين كل شي .. قلت : مافيك النوم ؟! اللي اعرفه ان بكره عندك دوام .. قال : أكييد فيني النوم . يلا تسللي وروحي غرفتك وانا بروح وراك .. ابتسمت : طيب .. * ورحت غرفتي وانا ارتجف لأول مره أجلس مع نايف بروحي لا وفي الليل بعد .. والله بس لو درى خالي .. صحيح ان نايف طيب .. اللي ماقدر فيصل يقوله .. هو عمله .. سبحان الله ياحظها سلمى فيه .. انقهرت من ذكر اسمها وضربت نفسي انسيها وفكري في الموضوع ذا .. ايش ممكن انه يكون ؟! رجال خاطبني ؟؟ لا مستحيل لو خاطبني كان خالي ماتردد أني اتزوج يبي الفكه .. طيب اممم وزير ؟ أو أمير ؟؟ لا مستحيل ههههه نايف يقول الموضوع يخصني .. الأمير اش دخله ؟! ليكون حاسبه نفسي اني سندريلا وبيجي يوم وأمير ياخذني ؟؟ والله اني هبلا .. انسدحت على السرير ابي انام ماقدرت تقلبت على يمين شمال ماقدرت طلعت مسجلة فيصل وحطيت الكاسيت وقررت أني اصحى على الساعه اربع علشان محد يشك .. لأن فيصل يدري ان راسي مايصدع الا اذا سهرت .. حطيت الموسيقات الهاديه .. ورحت في سابع نومه .. * * صحيت على صوت المنبه فزيت وغسلت وجهي وصليت بعدين رحت ولبست وتجهزت ونزلت ولاكأنه صاير شي .. تدرون خالي اليوم معاقبني ان أروح المدرسه مشي ؟؟ ههه والله ماأدل .. كتبت الوصف من فيصل وطلعت مشيت تقريبا نصف المسافه .. فجأه توقفت سياره قدامي مبين انها راجعه من المدرسه .. طق لي بوري .. وفتح الشباك : صباح الخير !! .. رفعت انظاري .. رجال ؟ مين ؟ قلت : خير اخوي بغيت شي ؟؟! .. قال : اممم ماذكرتيني ؟ بلعت ريقي : أعذرني اخوي .. يمكن مشبه علي .. أنا ماأكلم عيال .. ابتسم : مو انتي ساره ؟! همست : ايه اخوي آمرني ؟؟ قال : طيب اش بك تمشين ؟! ماتروحين بسياره ولا ايش ؟! افتشلت رغم انه ماله حق يسألني : لا بس قررت اليوم اروح مشي .. سكتت فتره : أخوي شكلك فاضي اعذرني ..! اسرعت بخطواتي ورحت على طول المدرسه دخلت الحصص وفكري مو معي مع نايف والحكايه اللي قال لي عليها كيف ممكن اقدر احمي نفسي ؟! عند الطلعه قابلت ريم خويتي .. قلت : وينك ؟! طول اليوم في الفسحه مالقيتك خير ان شاء الله ؟! ابتسمت : ابد لأني طول الوقت كنت بغرفة الصحه وماطلعت الا توو .. قلت : سلامات ؟! اش بك حبيبتي ؟ صاير لك شي ؟؟ ناظرتني : دلع بنات بس .. قلت لها : أممممم ترجعين معي مشي اليوم ؟! قطبت حاجبينها : ليش ؟ سلامات ؟؟ ناويه تسوين رياضه ؟؟ قلت : عندي لك سالفه .. قالت : لحظه اضبط حجابي واطلع .. طلعنا فعلا .. استغربت منها تلثمت .. تدرون ليه ؟؟ زوجها يقول ان كل اهل الدمام يتغطون .. هه حركه جديده .. الموهم خبرتها بالحكايه مع التشفير يعني ماقلت لها عن نايف ولا فيصل ولا شي .. قالت : شيين وحيدين محد يقدر يعمل فيك اي شي .. الزواج واذا كان عندك فلوس و اشياء كيذا .. كلامها اقنعني فعلا .. ورحت البيت أترقب مجيء يوم الجمعه على نار .. تصدقون ياحظه زوج ريم .. ماشاء الله عليها دلت موقع بيتنا من مره واحده الموهم مضى اليوم عادي وجاء اليوم اللي بعده .. طبعا قالت لي ريم ان اخوها شافني .. فشيله وانا احكي له .. بس الغلط منه على الاقل لو قلي انه اخو ريم .. الموهم لا أشغل بالي فيه .. باقي خمسة ايام ويجي يوم الجمعه .. * يوم الاثنين جاتنا خالتي مشاعل بروحها تقول انها تعبانه وماعندها احد في بيتنها وتحتاج حد يرعاها .. طلعت الى غرفتني ونامت .. احترمت وجودها وماأزعجتها .. خالتي اكيد فيها شي أنا متأكده .. بس اش ممكن ؟؟ يالله عليك يا ساره ماكذبوا فيصل ونايف يوم قالوا المحقق كونان .. أحيانا احس نفسي ملقوفه بس عمري ماسويت شي يضرهم ..! الموهم الساعه ثمان الليل طلعت من عندنا .. رحت ذاكرت لأن طول اليوم ماذاكرت .. الموهم مر اليوم زي اي يوم الا المضايقات اللي من مرت خالي على اصبعي لاتفشلينا وتطلعين ومدري ايش من ذا الحكي .. طبعا أذكر آيه (( واذا خاطبهم الجاهلون قالوا سلاما )) مدري اذا الآيه غير استغفر الله بس ذا اللي اتذكره .. فـ أسكت عنها ولا كأنه صاير شي .. طبعا ريم ماأكتشفت أمر اصبعي الا يوم الثلاثاء هه والله فاضيين الناس .. * |
((2 )) يوم الاربعاء رجعت خالتي وجات عندنا .. قلت لكم صاير لها شي ماصدقتوني .. لازم نكتشف علشان اذا فيه مجال نساعدها .. طبعا حاولت مع خالتي تقول لي .. يمين يسار فوق تحت ورى وقدام ولا قالت شي .. مصيرها تعترف أدري فيها ماتقدر تخبي عني شي .. خايفه صاير لها شي او مريضه .. بس ملامحها كانت عاديه جدا طبيعيه يعني مو متضايقه ولا مبسوطه .. عجيب امرك ياخالتي .. انتظري بس اتفرغ لك ... يوم الاربعاء جاء زوج خالتي مع ميشو وأخذوني علشان خالتي تعبانه بصراحه كنت خايفه ان مايرجعوني قبل يوم الجمعه .. المهم لأول مره أروح بيت خالتي ولابنام عندهم بعد !! زوج خالتي تركني مع خالتي طول الليل والصبح يكون هو مع ميشو .. كنت خايفه يصير لها شي لأني اعتبرها مثل أمي .. الحلو في الموضوع ان ابو مشعل أكبر مني بكثير وبحسبة ابوي فـ ماأتحجب عنه .. وميشو اصغر مني وكمان مااتحجب عنه يعني تقدرون تقولون مااخذه راحتي ..وكأن خالتي مشاعل امي وميشو اخوي .. حطيت القماش على جبهتها وجلست اناظرها .. خلوني شوي اكلمكم عنها .. عندها حنان كبير يشمل الكل مو بس على ولدها الوحيد .. تزوجت وهي تقريبا في ثاني ثانوي وماكملت سنه الا وهي حامل بميشو أضطرت تاكل حبوب منع حمل علشان تكمل دراستها ويوم انها خلصت ماقدرت تحمل .. مسكينه ياخالتي مابقى مستشفى بالخُبر مارحتي له .. الله يعينك .. شلت القماش من على راسها وبدلته وتميت اناظرها .. وادعي ربي يشافيها .. الساعه عشر دخل ابو مشعل وميشو وتطمنوا عليها وراحوا ينامون .. حطيت يدي على راسها وبديت اقرى المعوذات والفاتحه وآية الكرسي وبعض الايات اللي سمعت عنها لها مفعول قوي وسريع .. حرارتها شابة ضو الله يعينها .. الساعه 2 الليل صحيتها علشان تاكل الحبوب اكلتهم ورجعت نامت .. طلع علي الصبح وانا جالسه معها .. رحت صليت ودعيت لها مع ابوي وامي .. ورجعت لسريرها لقيتها صاحيه .. ابتسمت لها .. قالت : صباح الخير .. قلت : صباح الفل .. أصلح لك فطور ؟! قالت : انتي باقي صاحيه من البارح ؟! .. أدري اني لو قلت لها ايه بتقول لي روحي نامي ولاتسوين لي فطور .. فـ حبيت أكذب .. أستغفرك يارب .. قلت : لا طبعا .. قالولك انتي اميره نسهر لجل راحتك ؟؟ رحت نمت وتوني صاحيه .. ابتسمت : لا تكذبين ..! قلت : لا ماأكذب .. تبين فطور ؟؟ ردت : خلي الفطور على جنب .. قولي واللي خلق السما والأرض نمت البارح .. وطيت راسي .. قالت : قسم بالله اني صرت احسن .. روحي نامي .. قلت : قسم بالله مافيني النوم .. غمزت لها : تبين تشوفين الحبيب وحشك ؟! ضحكت : وجع ساروه لا تقولين كيذا .. خايفه عليك .. ابتسمت : نسهر على راحتكم ياخالتي .. انا بروح اصلح لنا فطور وبنادي الحبايب .. طلعت وانا اسمع ضحكتها في اذوني دعيت ربي ان تتشافى قبل يوم الجمعه .. المهم رحت لميشو لقيته مع ابوه نايمين .. تقربت منه وصرخت : ميشوو .. نقز : بسم الله الرحمن الرحين .. اعوذ بالله منك يابليس .. مديت يدي له : البشاره .. صرخ : احلفي أمي صحت ؟! .. قلت : قسم بالله وتضحك بعد .. وقف وطلع .. لفيت لقيت ابو مشعل صاحي فشله شافني اهبّل في ميشو .. قال : خير ساره .. مشاعل صاير لها شي ؟! .. قلت : شف ياخالي انا جاسه اشكي على مرتك .. أول ماصحت اقول لها تبين فطور .. تقول لا روحي نامي .. تدري ليه ؟؟ صارحتني انها .. وهمست : مشتاقتلك مووت لك .. صرخ : صحت ؟؟ قلت : تو الناس .. قام وراح لها .. والله تمنيت لو انا فعلا من ذي الاسره .. المهم رحت وصلحت الفطور وصعدته لهم .. أول مادخلت تكلمت خالتي .. قالت : وجع ساروه اش قايله له ؟ هزيت كتوفي : مو حرام ماأقول له ؟؟ انتي بنفسك قلتي ذا الحكي ولا تنكرين .. ناظرت ميشو وغمزت له .. قال خالي : صدق مشاعل ؟؟ ولعت خالي احمر .. ههههه استحيت على عمري .. وقلت : أخليكم براحتكم .. ميشو : هههههههههههااااي يمه كبرتوا .. خالي : شف الذوق تطلع مو مثلك .. والتفت لي : شكرا وماقصرتي والله لو انك أصغر من مشعل ... كمل ميشو : زوجتك له هههه حفظتها .. قطب خالي : ليه ؟؟ ميشو : لأن أمي دايم تقولها وتقهرني فيها .. الحين انا آخذ ساره ؟ بربك يبه تبي عيالنا كله يضحكون ؟! خالتي : ويضحكون ؟؟! ميشو : اهبل مع هبلا .. قلت بابتسامه : انا طالعه يلا ميشو .. أخذت ميشو وطلعت معه ونزلت اصلح له فطور .. ماأخبي عليكم اني تعبانه وهلكانه بس استحي انام معاهم .. انتبه علي ميشو .. وذا الشي فعلا احرجني وقال لي انام بغرفته عادي .. قسم بالله اني استحيت بس نعسانه .. رحت غرفته .. متغير علي المكان مو قادره انام .. تقلبت بس مو جايني نوم .. قبل شوي كنت نعسانه اش فيني ؟! .. رحت لمكتبته وأخذت كتاب وقريته ولا نعست .. سمعت صوت نغمة راشد " هلي لا تحرموني منه " طنشت اكيد جوال ميشو .. ملزم ذا الرجال إلا يرد غصب .. حطيت راسي على المخده ورحت بسابع نومه .. * * * صحيت على صوت ميشو يصحيني .. قلت : كم الساعه ؟! ميشو : أذن العصر .. فزيت : ياربيه ماصحيتني للظهر ليه ؟؟ ابتسم : صحيتك .. حتى امي قالت اكيد تعبانه خلوها تكمل .. نقزت وتوضيت وصليت ولما خلصت .. قلت : أمك نامت ولا باقي صاحيه ؟! قال : باقي مع الحبيب .. المشكله ماعندي احد اسولف معه قهر .. قلت : تعالي صحيح نت حاط نغمة هلي لا تحرموني منه ؟؟ قال : لا .. ليه ؟؟ قلت وانا ابتسم : والله يوم اني جيت بنام أزعجني كنت بقوم أقول لك عنه .. بس قلت أعاقبه لأنه ماخلاني انام ماخلصت كلامي الا واشوفه ميت ضحك .. جلست أضحك معه بهستريا وماقدرت اوقف عن الضحك .. قال : وين كان االجوال ؟! اشرت له على المكتب .. قال : أووف جوال ابوي خلنا نفتش .. ماأقول لكم ماجاني فضول أعرف مين المتصل بس فكره خطيرهلو عرف خالي اني فتشت في جواله يعني مو حلوه كيذا .. قلت له : مشعلووه لاتسويها .. طنش كلامي وفتحه .. جاني فضول : مين اللي متصل ؟! رفع حاجب : خير اخت ساره ؟؟ سلامات ؟! انقهرت منه : ميته عاد ابي اعرف .. ورحت جهة السرير وجلست على الطرف وانا قالبه وجهي .. جاوبني : لا تزعلين ذي عمتي ليلى اكيد تبي تتطمن على امي .. سكت عنه ورحت غرفة خالتي أسولف معاها .. شوي ودخل ميشو .. وقفت : ابي ابتعد دامه معك .. استغربت خالتي : خير ؟؟! اش فيكم ؟! اش صاير قالبين ؟؟ الصبح اش حلاتكم !! ميشو : لاتزعلين كنت امزح معك خلاص عاد ماصارت .. سكتت عنه ومارديت قسم اني كاتمه ضحكتي لا افتشل بينهم .. خالتي : خير اش سويت بعد ؟؟ طنش سؤال امه وقال : آسف والله مااكررها .. هزيت راسي .. خالتي : مشعل جاوبني اش سويت لها ؟! ابتسمت لخالتي : عادي اخو واخته هوشات عاديه .. ابتسم ميشو : رضيتي ؟! قلت له : بشرط بقول لامك عن السالفه .. وفعلا خبرتها بالسالفه جلست ساعتين تقريبا تضحك علينا .. شي يضحك فعلا .. خالتي : طيب مين اللي كان متصل على ابوك ؟! ضحك : عمتي ليلى تقول توها عارفه انك تعبانه .. قلت لها انك صرتي بخير قالت خبر ابوك انها عازمتنا الليله على بيتهم وبس .. قلت : طيب انا بلم اغراضي واذا ممكن ترجعوني بيت خالي .. ميشو : ليش ياحظي مو رايحه معانا ؟! قلت : عمتك لو عمتي ؟؟ خلاص !! ميشو : ترى قلت لها انك معنا وقالت مشتاقه تبي تشوفك .. هزيت كتوفي : اعتذر لي منها أكيد خالي مبيرضى اني اروح .. هو بالموت رضى اجي عندكم بعد اروح بيت عمتك ؟! ابتسمت خالتي : بس فشله .. طيب تجين معنا وانا اضمن لك ان محد يدري عنك ؟؟ المشكله ياخالتي ان لو خالي درى حرقني او ذبحني وماأدري اي وحده فيهم وماأستبعد يموتني بالحرق .. والمشكله الثانيه اني محتاجه ارجع قبل يوم الجمعه حتى اضبط اموري واجهز لي لثام وعبايه مثل الناس .. بس كيف اقولك ياخالتي كيف ؟؟! ميشو : هاا .. اش قلتي ؟ ترى بنطلع بعد اذان المغرب بنصف ساعه يعني تقريبا ست ونصف .. تجين معنا ؟؟ خالتي : مشعل خلنا بروحنا شوي .. خالتي ياقلبي والله اعذريني ولا تضغطين علي ماتدرين اش قد انا مشتاقه ليوم الجمعه اللي هو بكره .. لوجات عزيمتها في وقت ثاني كان مستعده اروح والله .. خالتي : فيك شي ساره ومستحيه تقولينه قدام مشعل ؟؟ تكلمي الحين .. قلت : ياخالتي افهميني انا مابي اروح لأسباب كثيره أوها خالي .. قالت : طيب اعطيني سبب ثاني يخليني اقتنع ليه ترفضين دعوتها .. رفعت اصبعي لها .. قالت : عادي .. بس اتمنى لو مره تشوفك .. كل مره احكي لهم عنك يشتاقون يشوفونك لو بس نظره .. ابتسمت : قد مره قلت لك انك عندك شي اسمه عناد وانا وارثته منك ؟! قالت : لا حبيبتي انتي ماورثتيه مني .. من ابوك الله يرحمه .. وانفتحت سيرة ابوي .. أول معلومه أعرفها غير اسمه محمد العلي .. كمل ياخالتي ابي اعرف عنه لو شي بسيط .. قلت : اش كمان فيه ابوي ؟! هزت كتوفها : هذا اللي اعرفه .. ويلا قومي البسي عبدالله ينتظرنا تحت .. هزيت راسي .. مافيه اي مجال اتكلم واعرض رايي بكل صراحه ان شاء الله ارجع بيت خالي يارب .. ابي اعرف بس اش الموضوع الخطير .. تأففت من داخلي ولبست الملابس وتعطرت ولبست حجابي وحطيت العبايه على يدي ونزلت فيها .. جلسنا تقريبا ربع ساعه وأذن وصلينا وطلعنا .. أش اقول لكم عن بيت هذي الليلى ماشاء الله الله يزيدهم نعمه يارب .. قسم اني ماقد شفت مثله ولا في الاحلام .. / \ / مقآطع من الجزء القآدم / رد علي : نايف متصل يقول يبيك .. * قال : اش فيك أوقفي شوي خليني أخلص .. همست : خايفه من اللي داخل .. * .: نهاية الجزء الرابع :. |
.: الجزء الخآمس :. " في خاطري لك شي وودي اقوله .. مدري تصدقني او تقول كذاب .. قلبي يحسك دايم الدوم حوله .. مع كل دقه يذكرك يا اغلى الاحباب..!! " / \ / وانفتحت سيرة ابوي .. أول معلومه أعرفها غير اسمه محمد العلي .. كملي ياخالتي ابي اعرف عنه لو شي بسيط .. قلت : اش كمان فيه ابوي ؟! هزت كتوفها : هذا اللي اعرفه .. ويلا قومي البسي عبدالله ينتظرنا تحت .. هزيت راسي .. مافيه اي مجال اتكلم واعرض رايي بكل صراحه ان شاء الله ارجع بيت خالي يارب .. ابي اعرف بس اش الموضوع الخطير .. تأففت من داخلي ولبست الملابس وتعطرت ولبست حجابي وحطيت العبايه على يدي ونزلت فيها .. جلسنا تقريبا ربع ساعه وأذن وصلينا وطلعنا .. أش اقول لكم عن بيت هذي الليلى ماشاء الله الله يزيدهم نعمه يارب .. قسم اني ماقد شفت مثله ولا في الاحلام .. خلنا من الوصف أدري تقولون مشفوحه بس أقول لكم كيفي .. المهم استقبلتنا من عند الباب في البدايه تكلمت مع خالتي مشاعل بعدين لفت علي .. وقالت : مشاعل كثير حكت لي عنك وماصدقت خبر يوم قال مشعل انك عندهم .. ابتسمت : لهالدرجه انا مشهوره والكل يبي يشوفني ؟! ترى استحي .. ضحكت على اسلوبي .. بالصراحه ماكان ودي أستهبل عليها بس بربكم لو حد قال لكم مثل ماقالت مابتتلخبطون وماتعرفون اش بتقولون ؟! ادري اني أهذر كثير بس معليه أعذروني .. ظل الجو فتره صامت .. ثم قلت : الا عمتي انتي ماعندك عيال ؟! ابتسمت : إلا عندي ريم تقريبا عمرها 15 سنه .. قلت : وينها اشتقت اشوفها ؟! قالت : نزلت قبل شوي بس مدري وين راحت .. أصعدي لها غرفتها في الدور الثالث رابع غرفه على اليسار وناسه حتى هنا مافيه عيال والله أمشي على مزاجي .. أخذت أحتياطي لابسه شيله لأن قالوا أخوات ليلي بيجون يشوفوني .. هه والله اني مبسوطه كيف اني مشهوره والكل مشتاق بس يشوفني لو نظره .. المهم وصلت لغرفة ريم مدري ليش تذكرت ريم خويتي اتوقع لأن اسمها مثلها .. طقيت الباب ماردت .. رجعت وطقيته .. سمعتها تقول : مابي اشوف احد زين ؟! بسم الله الرحمن الرحيم .. اللهم سكنهم في مساكنهم .. دخلت طرف راسي .. وقلت : ولا أنا ؟؟ اتوقع انها اخترعت : ليش مين انتي ؟! ابتسمت : واقفة عند الباب ؟؟ قالت بخجل : أعذريني اتفضلي .. جلست : طبعا ألحين انتي علامات التعجب والاستفهام كلها على راسك .. من انتي ؟ ومن وين طالعه ؟ وتعرفيني ؟ الى النهايه بختصر لك معلوماتي .. ساره محمد فيصل العلي .. العمر 19 سنه .. المنطقه الخُبر .. والأهم من كل ذا اني ... قالت : بنت اخت مشاعل صح ؟؟ لحظه بعترف لكم بشي .. تذكرون ان ميشو قال يحب ؟! والله تستاهل ريم حلوه ماشاء الله وصغيره .. أمم أصغر منه بـ 3 سنوات .. حبيت بس تشاركوني أفكاري وتوقعاتي .. بس ريم باقي صغيره وكمان ميشو .. يلا يكبروا وان شاء الله يتزوجوا .. هزيت راسي لها .. وقلت : طيب انتي اش عاجبك بذا الجهاز ؟! مقابلته وتاركتني ترى انا ضيفتكم لاتنسين !! تركت الجهاز وجات تسولف معي ملاحظه انها ماجابت طاري ميشو .. لهالدرجه تستحي حتى من ذكر اسمه ؟؟ حكت لي سواليف كثيره وانا هي تحكي اسمعها بأذني بس بالي مع يوم الجمعه .. بعد فتره نزلنا وقابلت أخوات ليلى كانوا مره نايس معي .. المهم ماصدقت على ربي جاء وقت نرجع بيوتنا صعدنا السياره .. استغربت ان عبدالله رجعني بيتهم ؟؟ برر لي انه ماله خلق يرجعني بذا الليل .. ربي مو كاتب ان اكتشف ذا السر .. * رحت نمت في غرفة ميشو بس ماجاني نوم طلعت من الغرفه لقيت ميشو يناظر التلفزيون .. أول ماشافني .. قال : سارهـ !! ليه مانمتين ؟! ازعجك التلفزيون ؟؟ ابتسمت : لا طبعا بس قلت مافيني النوم واذا تبي تنام بغرفتك وانا اناظر التلفزيون .. ميشو : سلامات ؟! اش بك سارونه ؟! فيك شي ؟ هزيت راسي بـ لا : ولأني عندي ارق فـ حرام انا جالسه على السرير وانت نايم على الكنبه .. ميشو : أصلا مين قلك انو انا نعسان ؟! تكذب على مين ياميشو ؟؟ باين في عيونك انك نعسان .. قلت : وغلاة أغلا الناس عندك ان تقوم وتنام في غرفتك .. ميشو : مابي انام غصب ؟؟ ابتسمت : ياخي صار لي ساعتين ابي افهمك اني ابي اناظر التلفزيون .. ابتسم : اهاا طيب انا بنزل تحت واذا خلصتي ناديني .. قلت : لا رح نام بغرفتك انا بطالع التلفزيون .. لاتنسى انا حلفت .. كأن مافيه حل الا انه يستسلم : طيب اذا بغيتي تنامي تعالي .. طيب ؟؟ هزيت راسي وراح .. جلست على الكنبه وانا أفكر يارب ارجع قبل الوقت يارب .. وماحسيت الا وانا نايمه .. * * صحيت الساعه اربع الفجر قمت وصليت وصحيتهم يصلون .. وأفكاري تاخذني وترجعني .. فعلا حسيت بتعب وتمددت على الكنبه ونمت .. صحيت على صوت ميشو هه صاير الاخ منبه لي .. تكتف : مو قلتي لي اذا تبين تنامين بتقولين ؟؟ قلت : كم الساعه ؟؟ قال : 12 إلا ربع .. صرخت : الليل ؟؟ ابتسم : ايه .. قلت بقهر : أحلف ؟؟ ضحك : ليش عاد ؟! لاتخافين أهبل فيك .. خير ان شاء الله ماتبين تبقين معنا ولا ايش ؟ انحرجت : لا موقصدي بس المدرسه .. أذن الظهر ؟؟ هز راسه .. ابتعدت ورحت صليت أووف نقز قلبي وهو يقول 12 الليل .. خلصت صلاتي وكنت اتراجف مسكت المصحف وقريت الين اني هديت .. نزلت تحت ساعدت خالتي في المطبخ وفعلا تغذوا أما أنا صعدت غرفة ميشو شفت أوراق مبعثره لقافه مني ناظرتهم .. كلمات متشابكه ومدري ايش الظاهر ميشو كان تعبان البارح وقام يهلوس .. تركتهم وانسدحت على السرير .. بقول لكم شغله من يوم الجمعه اللي طاف يوم نايف يكلمني وبالي مو معاي ابد .. كله افكر في السالفه واش اللي صاير .. طلعت من غرفة ميشو ونزلت أشيل الاكل لأني متعوده .. المهم جاء لي ميشو .. وقال : تعالي شوي ..! شلت صحن بيدي : خير ميشوو ؟! رد علي : نايف متصل يقول يبيك .. ارتجفت مسك ميشو الصحن لأنه كان بيطيح .. قال : اشفيك ؟! قلت وانا اتراجف : ولا شي يلا نروح .. ليه اتراجف ؟؟ تسألون صح ؟؟ لأن أول مره نايف يبي يكلمني وبصراحه خايفه يطلع صاير شي لهم .. صعدت معه واعطاني جواله واتصل .. رد نايف : هلا والله .. قلت : نايف !! خير آمرني اش بلاك روعتني ؟؟ ارجوك تكلم .. سمعت ضحكاته : شوي شوي علي بس حبيت اقول سلامات مو ناويه ترجعين البيت ولا اش صاير لك ؟! قلت : والله ابي وذي مشكله ان خالتي ماتدري .. قال : برايك اتصل على عمتي واقول ان ابوي يبيك ؟؟ قلت بغباء : منو عمتك ؟! لاتلوموني ماأفتهم أحيانا لما حد يقول لي عمتي خله يقول خالتك هه انهبلت وجلست .. قال : اش فيك قصدي مشاعل .. قلت : طيب .. أرجوك قبل الليله ابي اعرف بليز .. قال : طيب ألحين ادق عليها وانتي كملي الكذبه عليهم علشان ترجعين .. قلت : طيب بايو .. قفلت الخط ورحت لميشو وقلت له ان خالي يبيني أرجع .. وبعد ربع ساعه نزلت خالتي وقالت شي انقهرت منه خالتي : جاسم يبيك وانا قلت له اني برجعك عند اذان المغرب .. يالله عااد .. هزيت راسي وصعدت جمعت اغراضي وصليت العصر وجلست أنتظر متى يأذن المغرب .. رجع اتصل نايف :: هاا اش صار ؟؟ جاوبت : ابد عند اذان المغرب ابرجع .. قال : طيب حاولي توصلين بسرعه !! قلت : لو بكيفي ألحين جيت .. طيب فيصل وينه ؟؟ قال : كله بغرفته او يلعب معي .. قلت : اهاا .. طيب اقفل الحين بايو .. قفلت الخط .. ذا الشي خلاني أتعرف على شخصية نايف من قريب الله لا يهنيك ياسلمى أووف بس .. توضيت وصليت المغرب ولبست حجابي وجلست انتظرهم تحت .. نزلت خالتي واستغربت مني اني انتظرهم .. قالت : تبين الفكه منا ؟؟ جاهزه من الحين ؟؟ انحرجت : لاوالله لو كيفي جلست اكثر بس قسم ان خالي بيوديني وطي خصوصا اني ماذاكرت ولاحرف الا الرياضيات من ميشو .. ابتسمت : طيب يلا عبدالله ينتظرنا برى .. ماكذبت خبر ورحت السياره سلمت على خالي ابو ميشو وحركنا تقريبا الساعه 8 ونصف وانا ادعي ربي طول الطريق ان الحق .. وصلت البيت تقريبا تسع الا ربع .. قلت : مابتنزلين خالتي ؟؟ قالت : لا بعدين بنيجي .. قلت : اهاا .. يلا مع السلامه خالي بايو خالتي أقصد مشاعل .. ضحكت .. وكملت : تشااو ميشو .. ضحك هوا كمان ودخلت البيت وعلى طول رحت المطبخ لقيت فيه نايف .. قال : وأخيرا وصلتي يلا تلثمي وادخلي صار لهم عشر دقايق داخل وابوي مو موجود وفيصل يلبس .. من الرجفة وقفت مكاني .. قال : ماتعرفين تتلثمين ؟؟ هزيت راس بـ لا .. قال : طيب تعالي بسرعه .. ورحت له وقلبي يطرق بقوه .. مسك طرف الشيله وجاء بيلفها جلست اتراجف لأني قريبه منه مره وانفاسي مع انفاسه .. وكل ماجاء بيضبطه ارتجف وأخرب كل شي .. قال : اش فيك أوقفي شوي خليني أخلص .. همست : خايفه من اللي داخل .. ياحبيبي انا قلببي خايف من قرب انفاسنا وان اللي يفصل بيننا مجرد سانتيمترات خفيفه والله مافيه غيرك يخليني اتراجف ويناقز قلبي لجله .. قال : خلاص .. سمعنا صوت باب المقلط أكيد فيصل دخل أووف ياربيه اش ذا الحظ ؟! تنفست بقوه رغم ان قلبي ماوقف سرعة نبضاته .. همس : لاتخافين عادي الاسبوع الجاي ان شاء الله تكوني هديتي .. هزيت راسي متجهه الى غرفتي .. وذاكرت وحليت واجباتي قسم ان النوم في عيوني انسدحت على سريري ونمت .. * * * صحيت الساعه 11 صلاتي متأخره .. صليت وجلست على السرير افكر والله حسافه لأن خالتي ماجات اليوم فيصل طلع من وقت .. فيني الصيحه .. مثل ماقال نايف الاسبوع الجاي ان شاء الله .. فتحت دفتري وكتبت " يارب نايف يحس فيني " وحطيت جنبه " تاريخ 18/7 يوم الجمعه " قفلت الدفتر ورحت أكلت خبز وجبن كالعاده بعدين رحت غسلت المراييل ورجعت غرفتي لقيت ورقه على السرير " ساره الساعه وحد بالليل بالضبط أنتظرك باسطح .. ولد خالك " ماتتصورون كيف احساسي مزيج خوف على فرحه على حزن .. كل شي .. أخذت الورقه وحطيتها بالدولاب وقفلت عليها .. كنت تعبانه موت ناظرت الساعه باقي وقت شغلت المنبه 1 إلا ربع علشان اصحى زين ونمت .. فعلا جات الساعه اللي بغيتها وصحيت وغسلت جههي وتحممت بسرعه يعني يمكن 8 دقايق بس .. لبست برمودا أسود وبلوزه طويله سوداء والحجاب أكيد أسود ناظرت الساعه متأخره دقيقه كامله تأكدت الكل نايم وصعدت السطح .. قال : تأخرتي كثير .. ناظرت الساعه : بس خمس دقايق .. آمر اش بغيت ؟؟ سمعته يقول : عمتي مشاعل فيها شي ؟؟ استغربت سؤاله : ليش اش صاير ؟؟ جاوبني : لأن غريبه اليوم الجمعه وماجات المفروض تكون من الصبح موجوده .. قلت بغباء : مالومها سهرآنـ .. وحطيت يدي على فمي وسكتت ..! قطب حاجبينه : لاتخافين كملي مااخبر احد .. قلت بهمس : لآن البارح رحنا بيت أخت عبدالله وجلسنا كثير وثانيا هي يوم انها نزلتني قال انها بتيجي يمكن ماقدرت تيجي .. ابتسم : اهاا .. قلت : بس ذا السؤال اللي جايبني علشانه ؟؟ هز راسه بـ لا .. قلت بخوف : ايش ؟؟ سكت فتره : ولا شي خلاص .. قلت : لاتخوفني بروحي خايفه .. تكلم عادي .. وقف : خلاص مو لازم .. ماحبيت أضغط عليه أكثر وسكتت وانا اناظره .. نزل من السطح بهدوء وبقيت بلحالي .. ياربيه يجي يوم الجمعه الجاي على خير بصراحه خايفه منه موت .. ناظرت الى الساعه تقريبا جلسنا عشر دقايق جلست افكر اش كان يبي يقول ؟! يمكن كان بيقول اش السر اللي في يوم الجمعه وخالي مايبيني اعرفه ؟؟ ويمكن بيخبرني مين الضيوف ؟ .. مسكت راسي ونزلت تحت بهدوء الحمدلله محد شافني تسللت وفتحت قفل غرفتي ودخلت ونمت .. * |
((2 )) صحيت على عادتي وصليت ونزلت تحت وصلحت الفطور وصلحت الخبز والجبن رفعت راسي لقيت مروى .. قلت : مروى صلحت لك الفطور وحطيته على الطاوله اللي جنب الفرن .. نزلت راسي وكملت آكل حسيت فيه عيون تناظرني .. مروى ؟؟ قلت : اش فيك مروى تناظريني صاير لك شي ؟؟ الغريب انها تناظرني وساكته بس عينها ترمش .. ارتعبت من المنظر .. صرخت عليها : مروى فيك شي ؟! ولا كأني اتكلم كأني طوفه بس .. صرخت بصوت عاالي : مروى بربك قولي لي اش فيك ؟ دقايق وشفت فيصل .. قال : اش فيك ساره ؟؟ هزيت راسي وأشرت على مروى .. تقرب مني وحط يده على جبهتي ابعدتها على طول .. قال : ساره مع من كنتي تتكلمين ؟؟ همست له : مروى .. واشرت عليها .. قال لي بنبرة تبين انه خايف : ساره فيك شي ؟ محد معنا هنا متأكده انتي ؟! قسم بالله اشوفها واقفه وتناظرني .. حط يده على عيوني وقفلهم وظل يمكن خمس دقايق على ذا الحال بعدين ابعد ايدينه .. وقال : ألحين تشوفينها ؟؟ هزيت راسي بـ لا .. أكيد راحت بربك بتنتظرني ؟! جلس جنبي : ممكن تخبريني اش صاير ؟؟ هزيت كتوفي : ابد والله مافيه شي بس جات مروى ووقفت على راسي المشكله بس تناظرني .. قال : متأكده ؟؟ قطبت حاجبيني : ليش انت مو مصدقني ؟؟ حسيته بحيره مدري اش فيه .. طنشته غصب يبي يكذبني في كل شي حتى الحين .. مدري احيانا أحسه يكرهني عدوي مو اخوي بس يبي يهزءني ويقهرني .. قمت من مكاني بعد ماأنسدت نفسي عن الاكل ورحت تحممت وتمشطت ولبتس مريولي وعباي وأخذت شنطتي ونزلت لقيت الكل يفطر عدا نايف وفيصل .. ظليت ساكته واناظرهم وانتظر خالي يخلص هو مع مروى .. حسيت بدوار في راسي وبخنقه .. قلت : خالي انتظركم برى .. ماسمعت جوابه وطلعت برى .. أناظر اللي رايح واللي جاي .. حبيت اشوف وين وصل نمو اصبعي رفعته باقي على حاله .. ابتسمت بألم وضحكت من القهر .. طرى على بالي اجرب أتلثم .. فعلا تلثمت وطلعت المرايا والله حلوه كيذا قررت ابقى كيذا بس أختنقت ورفعته .. طلع خالي ومروى ورحنا المدرسه مافيه شي جديد مضت الايام عادي .. * * * يوم الثلاثاء طاحت علينا مرت خالي هه مابقول أحسن بقول الله يعافيها .. صحيح ان الدعوه مو من قلبي بس ماأحب ادعي على احد ابد .. طلعت في نفس اليوم يقولون عندها نخفاض في الضغط مدري ايش .. والله لو يتركوني لها رفعت لها ضغطها وزود اذا تبي .. خيبه كبرت وهي بعدها تتدلع على خالي .. وجع ان شاء الله اش عندها نانسي عجرم ؟ هههه رحت لدفتري وكتبت " يارب اتزوج نايف " كعادتي كتبت التاريخ " يوم الثلاثاء 22/7 " حسيت ان طيحتها من حوبتي يوم تقول لي تفشلين مع اصبعك .. بربكم ذا كلام ينقال ؟! تعودت على كلامها تموت وتتشمت في الناس كنت بطبق المثل اللي يقول " عامل الناس كما تحب ان يعاملوك " وبتشمت فيها بس تراجعت من حباً فيها .. إلا خوف اذا قال لخالي وطبعا مابتخليه لازم تضيف بهارات ولمسات أخيره .. * يوم الاربعاء من الصبح أقصد الفجر الساعه 3 صحيت نزلت تحت حسيت نفسي مسدوده عن الاكل طرى على بالي أصوم وفعلا نويت ورحت غرفتي .. أتذكرت كتاب اعطاني هوا فيصل .. يتكلم عن الشعر العربي والخواطر وذي الشغلات فغلا كان روعه .. تعلمت كيف اكتب خاطره ي ربع ساعه .. بعدين طلعت دفتري ابي اطبق ماكان عندي افكار أكتبها قررت أءجلها لين بكره أو اللي عقبه .. ابتسمت من خاطر عقب بكره الجمعه وناسه مالت على ربي بيجي .. انتظرت لين اذن ورحت صليت وتحممت .. كان الوقت بدري حبيت اغير اللوك بتاعي مسكت مجفف الشعر وجففت شعري بعدين رولته ورشيت مثبت .. طلعت ادوات المكياج وأخذت الكحله وقلوس احمر وحطيتهم في شنطتي أذا وصلت بحط .. أووف حسافه مروى معي بالمدرسه .. ايه عادي ماصار شي .. لفيت حجابي علشان محد يشوف شعري ونزلت صلحت لهم الفطور وصعدت تقريبا كان وقت حلو رحت لبست مريولي ووقفت عند المرايا فتحت شعري كان روعه بمعنى الكلمه مروّل على برى جاتني فكره طلعت العدسات ولبستهم قسم اني طلعت حلوه قلت هي خاربه خاربه .. طلعت الكحله وحطيت والقلوس كمان والله صايره كأنني بعرس .. أنطرق الباب خفت .. وقلت : مين ؟؟ دخل فيصل وشهق : اهئ سارونه اش عامله بنفسك ؟! قسم ان شافك خالي ليذبحك .. نقز قلبي من كلامه : هو وينه ؟! قال : هو قالي أصوت عليك لأنك تأخرتي يقول خمس دقايق ان مانزلتي تروحين مشي .. فكره حلوه اروح مشي ولايشوفني .. بس مابي فيصل يحس لي .. قلت له : أوكي ..! طلع من الغرفه وكملت التزيين سبحان الله طالعه قمر لولا الإصبع .. خلني انساه شوي والله اني قمر .. تف تف مايحسد المال الا اصحابه .. رحت لعبايتي ولبستها وتحجبت والله استحي الناس يشوفوني كيذا وخاصةً عيال منطقتنا يقزون الوحده من فوقها الى تحتها قلت ابتلثم ولو أفطس ماعليه أخذت شنطتي ياربيه مرت خالي كيف اتصرف معاها ؟! خففت من القلوس والكحله اكيد بتحسبها طبيعي .. باقي العدسات قالوا ابليس شاطر مدري كيف جات ذي الفكره ان اغمض عيوني طول الوقت على ابو انها تألمني .. تأكدت من حجابي ونزلت .. فكه ماشفتها مريت سمعت صوت .. فيصل : خالي راح عنك لاتتعبين حالك .. ابتسمت له : أدري وذا المطلوب .. وغمزت له .. فتح عينه : تبين تروحين مشي ؟؟ انهبلتي انتي ؟؟ ضحكت : لا بكون انهبلت اذا شافني خالي كيذا .. قال : بس صعبه تروحين مشي .. هزيت كتوفي : لا صعبه ولا شي عادي .. تقرب مني : قومي بروح معك أخاف على كل ذا التزيّن حد يشوفك ويخطفك وتروحين وطي .. ابتسمت : اجل يلا مشينا .. حسيت باحساس غريب فعلا أول مره أحد يخاف علي كيف لين عرفت ان اللي يخاف عليك اخوك اللي مالك غيره .. كانت دموعي بتنزل بس خفت وتراجعت اخاف الكحله يصيبها شي .. تلثمت وطلعت صحيح اختنقت بس احسن من الفشايل قدام ربي وخلقه .. طول الطريق حنا ساكتين وماتكلمنا ولما وصلنا .. قال : اذا حد قال لك انتي حلوه قولي لهم طالعه على اخوي بس هو احلا مني .. ضحكت : افا عليك لاتوصي ان ماخليت كل اللي بالمدرسه يتقربون لي علشانك .. ضحك : طيب انا بروح نايف بيذبحني ان تأخرت .. ابتسمت ودخلت .. تفكيري كله كان مع فيصل بالرغم انه يضحك معي ويسولف أحس انه يخبي عني شي الا اشياء .. دخلت المدرسه ونزلت غطاي واخذت نفس عميق بعد كل الخنقه ذي .. فتحت حجابي ورتبت شعري وحطيت قلوس ودخلت بكل ثقه ان الكل يناظر فيني مو من جمالي بس جرأتي اني اسوي كيذا .. من حظي ان الطابور خلص .. صعدت فصلي .. حتى الابله انعجبت بشكلي وناسه حد يمدحني .. جات الفسحه مريت فصل ريم وناديتها بدلع حتى اكمل وأصير حلوه .. تقربت مني وهي منصدمه اكيد ماعرفتني متعوده على الشعر المبلول .. همست لي : تكلميني ؟! قلت : أجل أكلم جدتي ؟؟ يلا نمشي .. ناظرتني : متأكده انتي مو غلطانه ؟! ضحكت بقوه : ريموه وجع انا ساره .. صفرت : ايه الحلاوة دي يابت ادينا شويا من اللي عندك .. ضحكت بغرور : ياربيه اش ذذنبي اذا خلقتني حلوه والناس يموتون علي ؟؟ قالت : بس تصدقين يوم دخلتي وناديتيني حسيت الكل يناظرني وانا حدي مستغربه .. بس تعالي يا حماره ألحين ماتقولين لي علشان أتزين ؟! تبين يقولون سبحان من خلق وفرق ؟! دول صاحبات ؟؟ ابتسمت : بجد ريم طالعه حلوه ؟؟ ابتسمت : الا تهبلين .. حطي رقم خالك للإستفسار .. ضحكت .. قالت : وين صلحتي شعرك ؟؟ ابتسمت : انا اللي صلحته الصبح .. كل شي انا عملته .. ضحكت : حجزت عندك ليلة ملكتي .. ياربيه ياريم عليك ألحين انا ابي انسى وانتي تذكريني ؟؟ .. * بصراحه انتفخ راسي على البنات كل وحده تسأل عني شعور حلو بس انا مبي غير نايف .. نايف وبس .. وادري انه مستحيل يكون لي أبداً هو لسلمى .. الصراحه تمنيت لو نايف يشوفني كيذا طبعا لو كنا مخطوبين أو على الاقل مملكين على الاقل .. انا استحي حد يقزني أحس ان فيني شي غلط .. تمشينا في المدرسه وانا ادعي ربي مروى ماتشوفني ابد .. وخلصت الفسحه ودرسنا .. بعدين جينا نطلع للبيت .. ياربيه خالي بيشوفني تغطيت وتغطت ريم لأن مروى تعرفها .. شفت سيارة خالي مرت وتعدت أووف الحمدلله أخذ مروى وراح ..! ابتسمت : يلا انا بروح البيت بايو .. قالت : لاتقولين ؟! ألحين بتطلعين الشارع كيذا بروحك ؟ قسم بالله انك امهبولا .. ضحكت بسخريه : يعني ؟! اركب تاكسي ولا ايش ؟؟ سمعتها تقول : أخوي يوصلني كل يوم مو عاجز عن توصيلك يوم واحد .. قلت : لامشكوره أنا أستحي يشوفني كيذ أعذريني ماأقدر أركب معك .. تخصرت : وتروحين كيذا ؟ واشرت علي من فوقي الى تحتي ..! قلت : عندي أهون يشوفني اخوك .. قالت : شوفي مابي اغصبك بس لو حد شافك .. بنت وبروحها في الشارع لا ومتزينا ماأتوقع يطوفها على نفسه .. بلعت ريقي والله كلام ريم صحيح بس مشكله يشوفني اخوها كيذا وماأقدر أتغطى قسم اني أفطس ومو متعوده .. بس اش الحل ؟! اروح معها ولا أروح مشي ؟؟ هو في الحالتين ابمشي والكل يناظرني .. يعني اروح معها ؟؟ فشيله صاير سواقي ذا الاخو .. لعنت نفسي يوم اني عملت كيذا .. كيف مافكرت في ذي الحاله ؟؟ أتكلت على ربي ورحت مع ريم انتظرنا اخوها وفعلا جاء ركبت .. / \ / مقآطع من الجزء القآدم / صرخت : أرجوك .. * قلت بجرأه : اسمعني ارجوك .. باختصار انت كل يوم جمعه تيجي وتاخذ فيصل مين انت ؟؟ ووين تاخذه ؟ وليش كل يوم تاخذه اصلا ؟! * سمعته يقول : انتي مروى صح ؟! .: نهاية الجزء الخامس :. |
.: الجزء السادس :. " يآنآيف كفآيه لاتزيد النآر حطب .. يآنآيف كفآيه لاتشعل بقلبي النآآر .. يآنآيف بيوم وبليلة حالي إنقلب .. يآنآيف شف ذا ينآظرني .. مآتغآر ؟؟ " / \ / بصراحه انتفخ راسي على البنات كل وحده تسأل عني شعور حلو بس انا مبي غير نايف .. نايف وبس .. وادري انه مستحيل يكون لي أبداً هو لسلمى .. الصراحه تمنيت لو نايف يشوفني كيذا طبعا لو كنا مخطوبين أو على الاقل مملكين على الاقل .. انا استحي حد يقزني أحس ان فيني شي غلط .. تمشينا في المدرسه وانا ادعي ربي مروى ماتشوفني ابد .. وخلصت الفسحه ودرسنا .. بعدين جينانطلع للبيت .. ياربيه خالي بيشوفني تغطيت وتغطت ريم لأن مروى تعرفها .. شفت سيارة خالي مرت وتعدت أووف الحمدلله أخذ مروى وراح ..! ابتسمت : يلا انا بروح البيت بايو .. قالت : لاتقولين ؟! ألحين بتطلعين الشارع كيذا بروحك ؟ قسم بالله انك امهبولا .. ضحكت بسخريه : يعني ؟! اركب تاكسي ولا ايش ؟؟ سمعتها تقول : أخوي يوصلني كل يوم مو عاجز عن توصيلك يوم واحد .. قلت : لامشكوره أنا أستحي يشوفني كيذ أعذريني ماأقدر أركب معك .. تخصرت : وتروحين كيذا ؟ واشرت علي من فوقي الى تحتي ..! قلت : عندي أهون يشوفني اخوك .. قالت : شوفي مابي اغصبك بس لو حد شافك .. بنت وبروحها في الشارع لا ومتزينا ماأتوقع يطوفها على نفسه .. بلعت ريقي والله كلام ريم صحيح بس مشكله يشوفني اخوها كيذا وماأقدر أتغطى قسم اني أفطس ومو متعوده .. بس اش الحل ؟! اروح معها ولا أروح مشي ؟؟ هو في الحالتين ابمشي والكل يناظرني .. يعني اروح معها ؟؟ فشيله صاير سواقي ذا الاخو .. لعنت نفسي يوم اني عملت كيذا .. كيف مافكرت في ذي الحاله ؟؟ أتكلت على ربي ورحت مع ريم انتظرنا اخوها وفعلا جاء ركبت .. وقلت : السلام عليكم .. ردوا : وعليكم السلام .. سكرت الباب وانا منزله راسي مابيه يشوفني .. سمعته يقول : وين بيتكم ؟؟ اقسم بربي ان فيني الضحكه هذا كل مره ابركب معه بيسوي لي كيذا ؟؟ ماعنده الا ذي الكلمه .. ضحكت من داخلي وفيني ضحكه ماأقدر اخبيها وطلعتها فعلا بس بأدب .. كأن ريم فهمت قصدي وضحكت .. ولا من ضحكتي اللي تفشل .. قالت : بيتهم جاسم الجابر .. تلقفت وناظرت المرايا ابي اشوف ردة فعله مدري اقول لكم مصدوم ولا ايش .. التزم الصمت .. ووصلت البيت سلمت على ريم وشكرته ودخلت البيت وانا متسلله ووصلت غرفتي الحمدلله رب العالمين .. أول شي سويته شلت العدسات وربطت شعري بعدين مسحت الكحل والقلوس وغسلت وجههي بصابون توضيت وصليت وتحجبت ونزلت صلحت الغذا وصعدت غرفتي .. انسدحت على السرير وانا اتذكر كيف البنات يناظروني .. معقوله انا حلوه ؟؟ أول مره اسمع كلمة مدح من غير خالتي مشاعل ياعمري فديتها .. شوي ودخل فيصل : انزلي تغذي .. ابتسمت : صايمه .. هز راسه بعدين قال : مين اللي جابك هينا ؟؟ قلت بكذب قسم ان قلت له الحقيقه بتصير مشكله : رجعت مشي .. فتح عينه : بروحك ؟! تبلعمت : لا طبعآ .. ريم خويتي رجعت معي .. ماعلق وطلع يااي ونااسه فيصل يخاف علي .. نمت * وصحيت على اذان العصر حليت واجباتي علشان يوم الجمعه اكون فاضيه ابتسمت لأن قرب يجي يوم الجمعه .. قررت اشغل نفسي بالمذاكره وفعلا خلصت ونزلت أصلح لي فطور عملت حلا الفيمتو مدري ليه سميته كيذا يمكن لأن فيه طبقه من الفيمتو .. يكفي ذا فطوري مع بعض الشغلات .. صعدت غرفتي بعد ماخلصت .. وفتحت دولابي ابي اختار ملابس ليوم الجمعه .. اخترت بلوزه بيضاء فيها خربشات بالياباني وفيها الوان كثيره .. رغم اني ماأحب كثر الالوان بس يلا تمشي الحال .. عليها البرمودا الابيض اللي حكيت لكم عنه من قبل .. رحت كويتهم وغسلت عبايتي والحجاب .. جهزت كمان عدساتي والرولات والكحله والقلوس قررت اني أعمل شكل يوم الاربعاء ليوم الجمعه .. ماندري يمكن فيصل يفتشل اذا صرت بذاك المنظر .. وتوضيت وقريت قرآن الين أذن صليت ونزلت صلحت العشا بعدين افطرت .. قررت انزل الحلا بعد العشاء .. صعدت غرفتي وغيرت ملابسي علشان اقدر أتحرك .. رحت المقلط وناديت على نايف وفيصل وقلت لمروى وخبرت مرت خالي وخالي .. جلسنا على الطاوله أكلت اللي بصحني ولما خلصت جبت الحلا الكل أعجبه بس طبعا بعض الناس ماقالوا حتى كلمة " شكرا " .. أتوقع تعرفون مين ياجعلها الماحي يارب .. شلت الأكل وصعدت غرفتي تمددت على السرير وقلبي يدق من بكره واللي عقبه .. و...نمت * وماصحيت الا الساعه 12 صلاة العشا دايم متأخره استغفر الله بس .. صليت وكنت فاضيه أكيد الكل نايم نزلت تحت فتحت التلفزيون مافيه ولا شي .. حطيت روتانا ماعندهم الا غنيتين انقهرت وقفلت التلفزيون نظفت المقلط والمطبخ وغرفتي في ساعه ونصف .. تثاوبت .. كثير صايره احب النوم بس علشان يوم الجمعه لازم انام .. نمت .. وصحيت على الساعه اربع صليت وعملت الفطور رجعت نمت ناويه أصوم كمان اليوم لأن مالي خلق آكل وادري ان طول اليوم بكون نايمه .. صحيت على صوت فيصل يسألني وين حطيت البلايستيشن قهر والله .. أعطيته هوا ورجعت ابي انام ماجاني نوم ناظرت الساعه 11 الصبح صلحت الغذا بعدين رحت لفيصل لقيته بروحه لعبت معه .. ولما جاء نايف قمت وصليت .. عند اذان العشا تقريبا طرت على بالي ان أرسم .. رسمت عيون نايف صحيح ماضبطتها بس تمشي الحال .. وتعتبر انجاز للي ماجربوا يرسموا .. جلست ارسم في عيون الخلايق الين الساعه عشر وربع نمت .. كالعاده صحيت أربع الفجر صليت وقلبي يدق بقوه أحترت أصوم ولا لا بعدين قلت لا .. نزلت تحت صلحت الفطور مالقيت خبز انقهرت يعني يوم فطرت ؟؟ صعدت غرفتي بملل .. قررت أصعد السطح مغامره فعلا .. قفلت غرفتي وصعدت جلست تقريبا ربع ساعه حسيت ان فيه شي لأن قلبي ناغزني نزلت متسلله لقيت مروى تطق باب غرفتي .. قلت : خير مروى ؟! تخصرت : أنتي وين كنتي ؟؟ قلت : كنت تحت ليش اش صاير ؟! قالت : كذابه لفيت عليك البيت كله مالقيتك .. أعترفي صعدتي السطح اليوم ؟؟! جاوبتها : لا طبعا .. يمكن ماشفتيني لأني كنت بالمطبخ بعدين رحت المقلط بعدين الصاله وانتي غريبه صاحيه .. أكيد كنتي نعسانه ..! سكتت وماردت .. بعدين قالت : أمي تقول لك صلحي لها شوربه بسرعه لأنها مشتهيتها .. مالي خلق مشاكل على الصبح هزيت راسي ونزلت عملتها .. يوم صارت الساعه تسع جات خالتي مشاعل وميشو ماكلن لي خلق ورحت نمت أكيد مروى تقوم بالواجب .. تذكرت اني قلت مشاعل وفيصل مشتهيين من يدها قهوه .. فزيت من سريري ونزلت .. من الحظ على طول تكلمت .. خالتي : قلتي لمروى اني مشتاقه اذوق من يدها قهوه ؟؟ عملت لها حركه يعني بليز .. ولما فهمت قلت : ايه مو انتي الاسبوع اللي طاف قلتي ؟؟ ابتسمت وناظرت مروى : تعلمتي ؟؟ ضحكت مروى : تبين تجربين ؟! هزت راسها .. طلعت وطلعت وراها رحنا المطبخ فكرت اني اقول لفيصل علشان مايتكرر السيناريو معه رحت له .. قلت : فيصل قلت لمروى انك مشتاق تذوق قهوة من ايدينها وهي في المطبخ تسويها .. ابتسم : أحلفي ؟! تتكلمين جد ولا ايش ؟؟ ضحكت : مبسوط لذي الدرجه ؟! طيب انا نازله اساعدها .. ابتسم اكثر : تشكرري والله أنك أحلا أخت بذي الدنيا ... نزلت تحت وانا اسمعه يمدحني .. وجع كل ذا حب في اللي ماتتسمى ؟؟ ساعدتها وفعلا كانت مره حلوه القهوه والكل مدحها .. عملت الغذا بعدين صليت الظهر وساعدني ميشو في السلطه .. العصير فيصل اللي عمله .. والله حسيت اني طايره في الجو أحب لما أشوف الكل مجتمع ومبسوط فعلا شي روعه تغذينا بعدين صلينا العصر .. بعدين جلسنا في المقلط القهر ان نايف مو موجود .. كان فيصل منسدح على رجلي ومروى جنب امها وميشو جالس على الارض .. سمعت خالتي تقول : مشعلوه ليش جالس هينا قم يامال اللي منيب قايله قم فشلتنا .. ابتسمت : سيبك منو ياخالتي أحيانا هوا يقفل تفكيره .. ميشو : هيهيهي يعني ينقال لك المحقق كونان جبتيها مع وجهك ؟ قال فيصل : عندك اعتراض ياولد الخاله .. ساره احلا بنت واعقل بنت بالدنيا .. خالتي : صادق فيصل .. قم احسن ما اهفك كف .. ميشو : يمه لا تحرميني من السعاده .. خالتي : ألحين جلستك على الارض عندك سعاده ؟! .. ميشو : يمه يقولون الجنه تحت اقدام الامهات ألحين انا جالس بالجنه وناسه .. مروى : أجل أذا كيذا بقوم أنا اجلس عند رجل امي .. حسيت بغصه الكل يقول أمي الا انا .. الله يرحمها ان شاء الله حسيت ان الدموع تستعد للنزول كتمتها وابعدت فيصل عن رجلي وصعدت غرفتي ,, الكل عندهم ام و أبو الا انا .. لا أم ولا ابو .. نزلت دموعي وكأنها شلال رحت للمرايا وجلست جنبها أراقب الدمعه كيف تنزل وتشق طريقها على خدي .. شي يؤلم الصراحه .. انفتح الباب ودخل فيصل .. قال : تحسستي من الكلام اللي انقال تحت ؟! .. هزيت راسي بـ لا : بس تعبت شوي .. جلس على السرير : لا تكذبين حسيت لك لأني مثلك .. كابرت : أبد فيصل شي تعودت عليه من يوم انخلقت على ذي الدنيا صار عندي شي عادي .. سمعته يقول : لا ساره .. اذا انا الرجال ماتحملت ابد كيف ببنت حساسه مثلك ؟ أنا جلست معها سنتين انتي ولا حتى شفتيها .. كيف ماتحسين بالغصه ؟؟ |
(( 2 )) سمعت خالتي تقول : مشعلوه ليش جالس هينا قم يامال اللي منيب قايله قم فشلتنا .. ابتسمت : سيبك منو ياخالتي أحيانا هوا يقفل تفكيره .. ميشو : هيهيهي يعني ينقال لك المحقق كونان جبتيها مع وجهك ؟ قال فيصل : عندك اعتراض ياولد الخاله .. ساره احلا بنت واعقل بنت بالدنيا .. خالتي : صادق فيصل .. قم احسن ما اهفك كف .. ميشو : يمه لا تحرميني من السعاده .. خالتي : ألحين جلستك على الارض عندك سعاده ؟! .. ميشو : يمه يقولون الجنه تحت اقدام الامهات ألحين انا جالس بالجنه وناسه .. مروى : أجل أذا كيذا بقوم أنا اجلس عند رجل امي .. حسيت بغصه الكل يقول أمي الا انا .. الله يرحمها ان شاء الله حسيت ان الدموع تستعد للنزول كتمتها وابعدت فيصل عن رجلي وصعدت غرفتي ,, الكل عندهم ام و أبو الا انا .. لا أم ولا ابو .. نزلت دموعي وكأنها شلال رحت للمرايا وجلست جنبها أراقب الدمعه كيف تنزل وتشق طريقها على خدي .. شي يؤلم الصراحه .. انفتح الباب ودخل فيصل .. قال : تحسستي من الكلام اللي انقال تحت ؟! .. هزيت راسي بـ لا : بس تعبت شوي .. جلس على السرير : لا تكذبين حسيت لك لأني مثلك .. كابرت : أبد فيصل شي تعودت عليه من يوم انخلقت على ذي الدنيا صار عندي شي عادي .. سمعته يقول : لا ساره .. اذا انا الرجال ماتحملت ابد كيف ببنت حساسه مثلك ؟ أنا جلست معها سنتين انتي ولا حتى شفتيها .. كيف ماتحسين بالغصه ؟؟ أخذت ملابسي ودخلت اتحمم والمويا تختلط بدموعي اش ذنبي اول ماافتح عيني على الدنيا ما أشوف امي ولا ابوي ؟؟ خلصت وطلعت مالقيت فيصل .. قفلت الباب وجففت شعري ورولته .. مشكله اذا نسيت اني انتظر ذا اليوم .. خلصت رحت للكاسيتات اللي عندي واخذت اغنية امي لراشد وحطيتها حسيت اني محتاجه اتكلم .. مسكت دفتر وكتبت :.. أمي ..! يآ أرق الكلمآت .. وأعذبهآ على لسآني .. ياأجمل المعآني .. ويآ أحلاآ الحروف .. أمي ..! يآ نبع الحنآن الصآفي .. كم اشتقت لكِ .. يرآودني الحنين لرؤيتكِ مجددآ .. وتجول بي الأحزآن لذكر اسمك ..! ن :. نبع الحنآن ..! هـ :. همسآت عذبه ..! آ :. أحآسيس مفقودهـ ..! ل :. لحن العشق ..! أمي ..! أرآكي وسط أحلامي حلماً جميلاً .. يبتسم لمبسمي .. ويشاركني أفرآحي والأحزآن .. إن كآن فيهآ أفرآح .. حضن دآفئ ,, يستقبلني في أي وقت ... وأذن صآغيه ,, تستمع لأتفه الأمور وأعظمهآ في حيآتي .. فم نآطق ,, ينصحني ويواسيني .. ويدين مشتاقتين لتقبيلها .. ورجل .., أحتمي عندهآ من النيرآن .. أمي ..! لم أعد أبصر أو أسمع .. هل ترحلين قبل رؤيتي وسماع بكائي ؟! هل ترحلين قبل تقبيلي وحضني ؟! هل ترحلين قبل مسح دموعي ؟! هل ترحلين ؟؟ أظن أنكِ تسمعين حديثي وبكآئي .. ومتأكدهـ تمآماً من عدم استطآعتك للإجآبه .. وإن حآولتي ذلكـ ,, لأنكِ وبكل أسف .. رآآحلــه ...!! ماقدرت اكمل كتابه من كثر الدموع وقفلت الدفتر .. سمعت صوت الاذان صليت ودعيت لها أكيد هي محتاجه أني ادعي لها .. وأبوي كمان .. ياحظك يافيصل شفت أمك وابوك وانا ولا شي .. غسلت وجهي وناظرت الساعه سبع ودقيقه أممم باقي وقت على الساعه 9 .. لفيت حجابي بحيث ماتبين الرولات ونزلت تحت وانشغلت بتحضير العشا شفت خالي يتقرب قام قلبي يدق بقوه منه كان يبي يشيل حجابي .. صرخت : أرجوك .. والله لو انه فتحه قسم لأروح فيها .. ظل يناظرني نظرات غريبه غمضت عيوني أدري انه بيصفعني أو شي كيذا .. فتحت عيني مالقيته قدامي حمدت ربي ورحت المقلط وسألت عنه قالوا انه له نصف ساعه طالع .. معقول ؟! قسم اني مو فاهمه شي .. كيف طالع وانا شفته قسم اني شفته .. ابتعدت عن المقلط وكملت شغلي بعدين جلست على الكرسي وحطيت يدي على راسي بعدين قمت وعملت العصير .. ناظرت الساعه ثمان الا خمس .. الحمدلله خلصت قبل الموعد المحدد .. رحت المقلط لقيتهم متجمعين .. قلت : صلحت العشا .. وينه خالي ؟؟ خالتي : صعد غرفته يتحمم ويرجع .. انتظرناه وفعلا على الوقت المحدد .. أكلت فطاير بس بعدين قمت وصعدت لفيصل .. كويت له ملابسه ونزلت وكأن الموضوع عادي .. مر الوقت بسرعه وجات تسع الا ربع .. اتصل عبدالله على خالتي وقال لها انه جاي بالطريق .. فـ الضيوف جايين في الطريق .. ارتبكت بس حاولت اهدي نفسي صعدت غرفتي بحجه اني تعبانه .. * * ورحت لبست العدسات وحطيت الكحله والقلوس ومكياج خفيف أسود .. فتحت شعري من الرولات ورتبته تقريبا كان جزء صغير من شعري متسلل بجرأه وشقاوه على وجهي .. لفيت الحجاب وطلعت طليت من الدرج لقيت خالتي تودعهم .. دخلت غرفتي وجلست أطل .. شفت نايف .. همست له : نـايف !! أعطاني ظهره وقال : آمري ؟؟! قلت : اذا وصلوا ناديني .. طيب ؟! قال : طيب بس بسرعه لأن ابوي اتصل عليهم .. قلت : انا خلصت بس مابي حد يشوفني على ابو اني نايمه .. سمعته يقول : طيب انا رايح اغير ملابسي .. ابتعد وقفلت الباب وقفت عند المرايا ورشيت عطر أخذت أكسسوار لليد وحطيته باليمين جنب الساعه انتظرت تقريبا سبع دقايق وانطرق الباب .. همست : مين ؟! سمعته يقول : اطلعي برى عند الزرع .. قلت : طيب .. عدلت عبايتي وتأكدت من شكلي وحجابي أقصد لثامي .. تسللت وطلعت تخبيت ورى شجره كبيره .. شوي وطلع نايف لي .. شفته يتلفت يمين ويسار .. همست : نايف .. كأنه سمعني وجاء لي .. قال : جاهزه ؟! قلت : ايه .. رفع عينه بيتأكد وظل فتره يناظرني .. بعدين قال : اقري المعوذات على نفسك لا يحسدونك خلاص يانايف أرجوك انا قلبي يدق بقوه وانت كيذا تزيد سرعته .. مد لي لصقات : خذي ذا لفيه على اصبعك المحترق .. ناظرته : كيف ؟! .. اشر لي ان اعطيه يدي وفعلا لفه لي .. ثم قال : خذي ذا جوالي ابدق عليك اذا طلع فيصل .. قلت : وخالي وينه ؟! ابتسم : لاتخافين قال لي انه عنده شغل .. ابتسمت وأخذت جواله : مشكور .. ابتعد عني وتركني مع خوفي وارتباي .. وأخيرا بعرف السر .. انتظرت شوي ثم سمعت " عشان الحب واللي بيني وبينك .. عشان الحب ... " طبعا رفضت المكالمه ودخلت المقلط .. * * * شفت شاب تقريبا بعمر فيصل ماأتوقع سمع صوت الباب .. قلت : السلام عليكم .. رفع عينه وظل يناظرني فتره استحيت منه .. وقلت : السلام عليكم .. كأنه انحرج : وعليكم السلام .. خير ؟! قلت بجرأه : اسمعني ارجوك .. باختصار انت كل يوم جمعه تيجي وتاخذ فيصل مين انت ؟؟ ووين تاخذه ؟ وليش كل يوم تاخذه اصلا ؟! ناظرني : انتي مين ؟! .. ارتبكت ياربيه اش اقول له ؟ .. سمعته يقول : انتي مروى صح ؟! خيبه فيصلوه مخبر أخوياه عنها وجع ان شاء الله .. سكت فتره .. ثم قلت : ممكن تخبرني وين تاخذه ؟! تكتف : يهمك تعرفين ؟! قلت له : أكيد ..! ابتسم : فيصل عندك روحي اسأليه !! وجع ذا اش فيه ؟! مايفتهم .. ابتسمت وناظرته : أنا ماسألتك علشان تقول لي كيذا انا سألتك ابي اعرف .. ضحك : ليه تسألين ؟! دخلت خصلات شعري بغرور : فيصل عندي اقدر أسأله بس مابيه يحس اني اراقبه .. ابتسم وجلس فتر يناظرني .. قلت مابنزل عيني علشان لا يحس اني منكسره صحيح استحيت بس عادي .. انقهرت : بنتاظرني كثير ؟! قال : اش تبيني اطالع وانتي واقفه على راسي ؟! شوي واقوم اذبحه .. سمعت نايف " فيصل الحين بتروح ؟؟! " اخترعت وقلت : اسمع لاتخبر فيصل اني جيت لك ابدا ارجوك .. سمعته يقول : ليش ؟ هذا اللي برتكب فيه جريمه : مو شغلك واسكت .. وطلعت من الباب وتخبيت ورى الشجره .. شوي وشفته طالع كنت بدخل البيت بس شفت فيصل طلع وراه يعني علشان لا احس يطلع بعده .. تأكدت انهم طلعوا ودخلت البيت صعدت غرفتي لقيت ورقه أول مادخلت على الارض عند الباب مباشره " خبريني بالنتايج انتظرك بنفس الوقت والمكان .. ولد خالتك " تركت الورقه ورحت ضبطت أموري .. / \ / مقآطع من الجزء القآدم / ابتسم : طيب ما اخذتي اسمه رقمه عنوان بيتهم ؟! * سمعتها تقول : ماقالت لك مروى لحد يدخل ؟! * سمعته يقول : اليوم مابتروحين لا انتي ولا مروى المدرسه تفهمين ولا لا ؟! * رفع عينه لي ورجع ناظر الأرض وهمس : مروى .!! .: نهاية الجزء السآدس :. |
.: الجزء السابع :. " يقولون السعآدهـ في الضحكـ .. أقسم ضحكت وماشفت سعآدهـ يقولون دايم العين تفضحكـ .. ولو مآشكـى لهى القلب مرآآدهـ " / \ / شفت شاب تقريبا بعمر فيصل ماأتوقع سمع صوت الباب .. قلت : السلام عليكم .. رفع عينه وظل يناظرني فتره استحيت منه .. وقلت : السلام عليكم .. كأنه انحرج : وعليكم السلام .. خير ؟! قلت بجرأه : اسمعني ارجوك .. باختصار انت كل يوم جمعه تيجي وتاخذ فيصل مين انت ؟؟ ووين تاخذه ؟ وليش كل يوم تاخذه اصلا ؟! ناظرني : انتي مين ؟! .. ارتبكت ياربيه اش اقول له ؟ .. سمعته يقول : انتي مروى صح ؟! خيبه فيصلوه مخبر أخوياه عنها وجع ان شاء الله .. سكت فتره .. ثم قلت : ممكن تخبرني وين تاخذه ؟! تكتف : يهمك تعرفين ؟! قلت له : أكيد ..! ابتسم : فيصل عندك روحي اسأليه !! وجع ذا اش فيه ؟! مايفتهم .. ابتسمت وناظرته : أنا ماسألتك علشان تقول لي كيذا انا سألتك ابي اعرف .. ضحك : ليه تسألين ؟! دخلت خصلات شعري بغرور : فيصل عندي اقدر أسأله بس مابيه يحس اني اراقبه .. ابتسم وجلس فتر يناظرني .. قلت مابنزل عيني علشان لا يحس اني منكسره صحيح استحيت بس عادي .. انقهرت : بنتاظرني كثير ؟! قال : اش تبيني اطالع وانتي واقفه على راسي ؟! شوي واقوم اذبحه .. سمعت نايف " فيصل الحين بتروح ؟؟! " اخترعت وقلت : اسمع لاتخبر فيصل اني جيت لك ابدا ارجوك .. سمعته يقول : ليش ؟ هذا اللي برتكب فيه جريمه : مو شغلك واسكت .. وطلعت من الباب وتخبيت ورى الشجره .. شوي وشفته طالع كنت بدخل البيت بس شفت فيصل طلع وراه يعني علشان لا احس يطلع بعده .. تأكدت انهم طلعوا ودخلت البيت صعدت غرفتي لقيت ورقه أول مادخلت على الارض عند الباب مباشره " خبريني بالنتايج انتظرك بنفس الوقت والمكان .. ولد خالتك " تركت الورقه ورحت ضبطت أموري .. * حسيت بألم في عيني أكيد من العدسات شلتهم وبقيت بمكياجي تذكرت اني ذاكرت يوم الاربعاء أووف قهر .. حطيت الكتب في الشنطه وغسلت المراييل ناظرت الساعه عشر بالضبط حطيت المنبه على وحده الا ثلث وانسدحت على السرير أفكر .. الرجال يقول مروى مبين انه يعرف العيله كلها .. معقول فيصل يخبر الناس عن حبيبته ؟! حتى اسمها ؟؟ خيبه زين اذا ماوزع عليهم صورها .. غمضت عيوني اذا على ذا الرجال عز الله اني مابعرف الا في العيد .. أكلت بندول ونمت على طول .. * * * صحيت على صوت المنبه غسلت مكياجي وحطيت بس كحله وقلوس ورتبت مظهري لبست الحجاب فيصل مو في غرفته اووف والحل ؟! انتظرته الين شفته جاء دخل غرفته كأنه تعبان ماصدقت خبر وصعدت لنايف .. سمعته يقول : دوم متأخره .. ابتسمت : أكيد أتأكد ان كل المخلوقات الحيه نايمين .. جلس على الارض جلست قباله .. اشر علي : احكي لي اش صار ؟! هزيت كتوفي : ماصار شي ابد ..! فتح عينه : كيف ؟! ابتسمت : ذا الرجال يقهرني ما احبه يبط الكبد ويلوعها كمان يستهبل مع وجهه .. اسألي فيصل ومدري ايش قسم بغيت ارتكب فيه جريمه .. ضحك : طيب لو سبيتيه في قلبك أحسن .. قلت : ماتعودت ابتسم لأحد وانا أكرهه ومستعده اعترف له . ابتسم : طيب ما اخذتي اسمه رقمه عنوان بيتهم ؟! اشوي وتطلع عيني : انهبلت انا ولا ايش ؟! علشان خالي يقصف عمري نصفين .. صح !! نزل راسه ياربيه نسيت ان اللي نتكلم عنه ابوه اووف .. قلت : لا تتضايق بس انا بطبيعتي الانسان اللي اكرهه أصرح للكل بذا الشي .. سمعته يقول : طيب اش ناويه تسوين مع الاستاذ ؟؟ ضحكت لتسميته : مدري اروح له يوم الجمعه الجاي ولا اش اسوي محتارهـ ..! قال : تبين رايي ؟؟ هزيت راسي وقلت : ياريت ...! كمل : اسمعي انا مستعد كل ليلة جمعه اراقب لك الوضع بس تعرفين السالفه .. مدري اش اقول والله لولا الحيا قمت وحبيته على راسه معقول هو طيب لذي الدرجه ؟؟ ماقد جلست مره وتعرفت على حياته ابد .. قلت : والله مدري كيف اجازيك .. ابتسم : ولا شي .. سكتنا فتره ثم قلت : حطيت لك جوالك عند الباب شفته ؟ هز راسه بـ ايه .. رجعنا سكتنا لكن ذي المره طولنا واستمرينا في السكوت مده طويله .. رفعت عيني اناظره : تبي تقول شي ؟! هز راسه بـ لا ..! كملت : طيب ناوي تقول شي ؟؟ هز راسه بـ لا ..! سألته : طيب تبي تتكلم ؟! هز راسه بـ لا ..! طفشت .. أتكلم بلحالي انا ؟! قلت : اش فيك بس تهز راسك لا ولا مافيه جواب ايه ؟؟ ولا خلص حكيك ؟! رفع عينه : اش تبيني اقول لك يعني ؟! ابتسمت : خلصت كلامك ؟! هز راسه بـ ايه ..! وقفت : يلا اجل انا بكمل نومي تصبح على خير .. ماسمعت رده ونزلت تحت على طول انسدحت على السرير ونمت .. * * * وماصحيت الا الساعه اربع صليت وكملت نومي .. رحت للمدرسه ورجعت مافيه شي جديد .. عند صلاة العشا كان فيصل يبي يكلمني الله يستر اكيد الاستاذ على قولة نايف خبره بشي .. الطريف في الحكايه اني كنت ارتجف وفيصل مستغرب .. في النهايه كان يبي يفضفض من عذاب مروى .. انا مابقول هي مش حلوه ماشاء الله عليها بيضاء موت صحيح انا فيني سمار على خفيف بس عندي ملامح .. مشكلتها انها تخينه أوي .. قلبت مصري .. أراهن اذا ماوصلت للسبعين او فوق .. كعادتي مضى يوم السبت عادي .. * يوم الاحد ساعدني فيصل في العشا وناسه ذا الفيصل .. علمته كيف يصلح المكرونيه اش اقول لكم ساعتين يستوعب .. مو لأن فيصل مايفهم بس الرجال مايعرفون شي في المطبخ ابد بس بحد ذاته وانا اعلمه كيف تحس ان فيه حد مهتم لك .. يوم الاثنين من الصبح صحيت صليت وأفطرت .. ورحت للمدرسه ولما رجعت تحممت واتجهت للمقلط .. سمعت حد يناديني التفت لقيته فيصل .. قلت : خير فيصل اش صاير ؟! تقرب مني وهمس : اذا ناويه الليله تنامين مقهوره ادخلي ذا المقلط .. ارتجفت : خير مين فيه ؟! ضحك : هههههه لاتخافين بس سلمى ونايف مع بعض .. صرخت : بروحهم ؟! حط يده على فمي وقال : اسكتي لاتفضحينا ايه بروحهم .. تنرفزت : وامها واخواتها وينهم ؟! اشر على جهه معينه : في المقلط الثاني .. صعدت غرفتي وغيرت ملابسي ونزلت تحت تقصدت افتح الباب بقوه عليهم ويوم شفتها ارتبكت ابتعدت .. وقلت : سوري .. سمعتها تقول : ماقالت لك مروى لحد يدخل ؟! ابتسمت : لا والله .. حتى انا اسغربت ليه الباب مسكر اللي اعرفه ان ماعندنا مخطوبين في العيله علشان يسكرون الباب وممنوعندخل .. ما أتوقع لقت رد .. فـ قالت : من الذوق تفتحين الباب بهدوء .. ابتسمت : تامريني ياقلبي كم سمسم عندنا في الكون كله ؟! اتوقع اتنرفزت : سمسم ذا دلعك انتي انا سوسو .. ضحكت : ولو انه اللقب بتاعي بي عادي حبيبتي الحلال واحد .. اعتذر على الازعاج مرة ثانيه كملوا كلامكم ان قطعتكم .. طلعت وسكرت الباب بهدوء والنيران في قلبي تشتعل ودي اكسر راسها .. القهر ان بكره عندي مدرسه ومالي خلق شي .. صلحت العشا وتعشينا بعدين رحت نمت .. * * يوم الثلاثاء رجعت زارتنا خيبه كل يوم رازه الوجه وجايتنا مدري من حلاتها ولا ايش .. تذكرت كيف كان شكلهم وهم يتكلمون ونايف مندمج ويسولف ودي أقطعها قطعه قطعه ولا أشوفها معه .. ضحكت على نفسي .. هي لنايف ونايف لها .. غيرت افكاري الى الرجال خوي فيصل .. لازم ارتب كلام علشان ماأتلخبط ضروري اسأله مين يكون واش سالفته مع يوم الجمعه .. بعد مااتأكدت انها طلعت لقيت نايف طالع أكيد يوصلها كيف يضيع على نفسه ذي الفرصه الذهبيه اللي جاته من السما ؟! انقهرت منه ورحت للمطبخ .. سمعت صوت مروى : سارهـ ..! التفتت لها وابتسمت : آمري ؟! قالت : ابيك تعلميني كيف أصلح حلا !! ضحكت : من عيوني ياقلبو بس ليش حد قايل لك انه يبي يذوق ولا اش السالفه ؟! سمعتها تقول : لا بس حبيت اتعلم .. مروى شوي صارت تغير معاملتها بس اذا جيت اعلمها تصلح اي أكله وبعدين تقلب علي .. المهم خبرتها عن كل شي اعرفه .. مدري هي تغار مني لأني اعرف أطبخ ولا اش الحكايه .. المهم بعدها رحت ذاكرت ونمت .. يوم الاربعاء من الصبح صحيت وصليت ورجعت نمت صحيت على صوت خالي !! رفعت عيني : آمر خالي ؟! قال : ساعه على ماتقومين ؟! الله يستر اش فيه ذا يهزءني ؟! قت : آمر خالي ؟؟ سمعته يقول : اليوم مابتروحين لا انتي ولا مروى المدرسه تفهمين ولا لا ؟! بربكم فيه مره حد يقول للي يربيها لا تروحين المدرسه ؟! اش صاير ؟! تلقفت وقلت : آمر ليش عسى ماشر اش صاير ؟! قال : من غير ليش مو شغلك والساعه عشر الصبح ابيك جالسه والحين انخمدي يامال الوجع .. وطلع من غرفتي .. بسم الله الرحمن الرحيم .. حد متهاوش معه ذا ؟؟ .. أووف ليش افكر فيه بالطقاق .. حطيت المنبه على 9 ونصف وكملت نومي .. * * صحيت على صوت المنبه رحت تحممت لبست جينز زيتيي وقميص ابيض فيه سلاسل بشكل عشوائي .. الحجاب زيتي وتعطرت ونزلت شفت مرت خالي جالسه وكأنها تنتظر شي .. قلت : السلاام .. ماردت .. وجع ذي اش فيها ترى السلام سنه ورده واجب .. همست : اش صاير ؟! قامت بعصبيه وراحت للمطبخ أتروعت من حكايتها جلست مكانها شوي وانطرق الجرس .. اتجهت الى الباب لقيتها سابقتني كانت خالتي مشاعل راحت مرت خالي الى المطبخ أما أنا وقفت اناظر خالتي اش صاير ؟؟ قسم انه فيه شي بس اش ممكن ؟! قلبي ناغزني أكيد حكاية يوم الجمعه لها يد في السالفه .. جلست جنب خالتي .. وهمست : اش صاير لهم ؟! هزت كتوفها : والله علمي علمك اتصل علي جاسم وقال لي تعالي .. ارتعشت : ماقال لك كلمة زياده يفهمك ليش كيذا ؟! هزت راسها بـ لا .. نبضاتي تتسارع مدري بالي مشغول وفكري متشتت أول مرة بالتاريخ يصير لنا كيذا .. ناظرت في الفراغ وسرحت في عالم بعيد .. مرت خالي مبين انها مرتبكه وخايفه وخالي ... ايه صح خالي وينه ماشفته ولامروى ولانايف يمكن نايف في الكليه وفيصل اكيد معه .. اتجهت للمقلط سمعت اصوات رجال !! قلبي يدق بقوه ياخوفي خوي فيصل معاهم بس اش اسوي ؟! كيف اعرف ؟! انتظرت دقايق عن الباب طلع نايف !! استغربت وجوده وليش هو ماطلع للكليه .. صعدت غرفة مروى لقيتها تتزين ؟؟؟؟؟؟ استخفت ولا ايش ؟ نزلت تحت سمعت اني مصحيني علشان اساعد خالتي ومرت خالي في الغذا لأنها عزيمه .. عزيمه الصبح ؟ ومروى ليش غايبه ؟ يعني بس كيذا لأني مابروح هي مثلي ولا ايش ؟! مسكت راسي مصدع مو قادره أقاوم التعب أفكار توديني وغيرها تجيبني دخلت المطبخ وعملنا الغذا لهم كميه كبيره !! شوي وسمعت صوت باب المقلط ينفتح طليت براسي لقيت فيصل !! اش صاير الكل اليوم مو رايح المدرسه ومين الاشخاص اللي في المقلط ؟! كملت شغلي بعدين طلع خالي وسمعته يناديني .. رحت له .. قال : اسمعي سوير أول مايأذن الظهر تصلين وتصعدين غرفتك ولا عاد اشوف وجهك ثاني الا الليل تفهمين ولا لا ؟؟! هزيت راسي .. سمعته يقول : باقي ربع ساعه على الاذان انقلعي من الحين غرفتك .. هزيت راسي وانا مو فاهمه شي من اللي يسوونه صعدت غرفتي توضيت وجلست على سجادتي ادعي ربي مايكون لي دخل في السالفه .. أذن الظهر وصليت ماكان عندي شي اشغل نفسي فيه رحت ذاكرت دروس اليوم وفهمتها من خلال الامثله تقريبا أذن علي العصر صليت ورجعت لمذاكرتي شوي وسمعت طق .. همست : مين ؟! دخل فيصل كانت ملامحه أغلبها حزن أخاف والله صاير شي .. ماصدقت على ربي اشوف حد على طول قفلت الباب وجلست .. وقلت : فيصل بربك اش صاير تحت والله خايفه .. رفع عينه لي ورجع ناظر الأرض وهمس : مروى .!! اخترعت : اش فيها ؟؟ شفته قريب ويبكي .. فيصل يبكي ؟؟ اللي اعرفه ان دمعة الرجال صعب تنزل الا في اشد المواقف وأعظمها يعني فقد الام ولا الابو .. شخص عزيز .. بس مروى باقي عايشه معنا في الحياه وقبل شوي شفتها تتزين يعني اش بلاها ؟! ناظرت فيصل لقيت دمعته على وشك النزول ضميته لصدري حسيته محتاج يبكي ماتخيلت ان اشوف دمعة رجال علشان حرمه !! المشكله مو فاهمه ولا شي من اللي يصير .. ظلينا تقريبا في احضان بعضنا ربع ساعه ويوم انه هدأ ماحبيت اقلّب المواجع عليه فسكتت رغم ان الفضول وانواع اللقافه ذابحيني .. رحت معه ودخل الحمام عزكم ربي وانا وقفت عند الباب اناظره وهو يغسل وجهه رحت واخذت المنشفه واعطيتها له .. وهمست له : اذا بغيت تحكي او محتاج تتكلم في اي وقت باب غرفتي مفتوح في اي وقت .. ابتسم وقال بصوت مبحوح : ربي لا يحرمني منك .. ابتسمت له وطلع انسدحت على السرير اش فيها مروى ؟؟! شوي وشفت فيصل قدامي .. قلت : بسم الله الرحمن الرحيم اللهم سكنهم في مساكنهم يارب لطفك .. من وين طلعت لي ؟! ضحك : الكل تحت متجمعين ليه ماتنزلين معنا .. ابتسمت : خال جاسم حط قانون علي منع التجول الا بعد اذان العشا .. فتح عينه : وبتجلسين هينا بروحك ؟! هزيت راسي بـ ايه .. كمل : طيب ذاكرتي ؟! ابتسمت ابتسامه كبيره : ايه ذاكرت .. سمعته يقول : والله ملل كيف بتجلسين هينا بلحالك تحكين مع الطوفه وتسولفين مع نفسك .. اكيد بتنهبلين طرت على بالي فكره : شف اذا لهالدرجه خايف علي رح جب لي التلفون خلني احكي مع خويتي واذا سألوني قلت اسألها عن حصص اليوم .. ابتسم ودخل يده بجيب الجينز اللي ورى وأعطاني جواله .. قلت له : قلت لك ابي التلفون لو سمحت .. ناظرني : لأن بتصير كارثه لو أخذت التلفون .. مديت يدي وأخذته وقلت : يسلمو .. ابتسم لي وطلع .. ماشاء الله اخوي يعرف الذوق يدري اني ابي اسولف معاها سوالف بنات احترم نفسه وطلع ياحبني له والله .. دقيت رقم ريم تقريبا ماردت ظليت ادق لين ردت .. قلت : هلووو ساره تتكلم وين ريم ؟! سمعتها تقول : يادووبه روعتيني اشوف رقم غريب خفت يكون حد ثاني .. ضحكت : هههههههههااي لو انا عاقله هبّلت فيك .. حسيتها تبتسم مدري ليه : تعالي بعدين ليش حضرة جنابك ماجيتي اليوم ؟ قلت : والله بس كيذا لعانه .. قالت : لا صدق أتكلم عسى ماشر ؟! قلت بخوف : والله مدري اش اقول لك ياريوم !! سمعتها تقول : اش السالفه خبريني والله نقز قلبي وراح في بطني .. ضحكت على تعليقها : هههههههههاااي احلفي انتي بس !! ريوم : لا بجد انا خايفه وقلبي يقرقع وذي تستهبل مع وجهها .. يابت خبريني .. قلبت جد : والله مدري اليوم صحيت على صوت خالي يقول لي لا تروحين المدرسه لا والأجواء في البيت مكهربه مدري اش صاير .. قالت : ياخوفي انخطبتي ..! ماقدرت اكتم ضحكتي : ههههههههههههههه آآخ بطني بمووت من الضحك .. هذا همك ؟! سمعتها تقول : صدق انك فاضيه وماعندك ماعند جدتي .. ألحين انا خايفه عليك وانتي تضحكين ؟! قلت : يابعدي والله .. خايفتن علي ؟! فديتس والله .. تقريبا جلست أسولف معها نصف ساعه ربي يعينك يافيصل على الفاتوره ولو اني ادري انه عنده والحمدلله ماناقصنا شي ابد .. * * صليت المغرب وحطيت المنبه قبل اذان العشا بشوي .. نمت وتقريبا صحيت على الوقت اللي بغيته حسيت بجوع فظيع .. صليت ولبست حجابي ونزلت البيت فاضي رحت المقلط لقيت فيصل .. سألته : وين نايف ؟! قال بدون مايناظرني : حسينا بجوع وقرر انه يروح يصلح لنا اي شي ناكله .. ابتسمت : أجل الباقي وينهم ؟! ابتسم لي : خالتي مشاعل طلعت قبل اذان المغرب ومرت خالي نايمه وخالي عند مروى .. مو قلت لكم صاير شي ؟! من متى خالي يجلس مع بنته المصون ؟! .. مديت له جواله : تفضل ومشكور وماقصرت .. قمت وقفت .. قال : على وين ان شاء الله ؟! ابتسمت وهمست : بيني وبينك انا اليوم لا أفطرت ولا تغذيت .. طلعت من المقلط قابلت نايف عند الباب مريت ورحت المطبخ مو عارفه اش اسوي رجعت المقلط .. وقلت : قيصل ش تبي اصلح لك ؟ سمعته يقول : مثل اللي بتاكلينه .. ضحكت : انا خبز وجبن .. آمر اش تبي اصلح لك ؟! ابتسم : ياحبذا لو يكون مكرونيا بالباشميل .. ضحكت : أيه تآمرني .. ونايف اش تبي ؟! سمعته يقول : لا مشكوره .. قلت : فيصل يقول انك جيعان معقول شبعت من غير ما تاكل ؟! قال : لا أكلت من شوي في المطبخ .. مشكوره .. كيفه والله مايبي .. رحت المطبخ وصلحت المكرونيا .. طرى على بالي اغني وانا اصلحها .. لا شعوريا غيرت صوتي لأصاله : أضيع في ذي الدنيا بلياك .. عني عذولك لا يردك .. أنت آمر ويلي تطلبه ياك .. الا الوداع وصوت صدك .. اقرب قريب الروح تهواك .. والله وربي ما أردك .. وجلست اكررها وانا ادندن على نفسي وطق من زمان عنها ذي الاغنيه قررت اول أخلص أسمعها .. سمعت صوت : قرفتيني مع صوتك ذا اللي لو أصاله سمعته اعتزلت لجل عينك .. صحح اني افتشلت بس انقهرت .. ابتسمت : محد طلب رايك انا عاجبني .. قالت وهي متقززه : وااع والله لو صوتي كيذا انتحرت .. أخذت اسلوب التطنيش وكملت اصلح وعناد لها مابقت اغنيه بالكون الا وقلتها .. المهم خلصت المكرونيا بسلام وقطعت وحطيت لفيصل واعطيته .. قلت ابي اصلح حلا محد ذاقه من قبل عملت كيكه بعدين حطيت طبقه ثانيه شوكولاته بعدين كيك مع بسكويت بصراحه كان شكلها مرة نايس أما الطعم ماذقته .. حبيت اضيف لها لمساتي الخاصه قطعتها 6 قطع وذقت قطعه بصراحه روعه كسرت بسكويت وحطيت على كل قطعه مستطيل بسكويت أخذت الشوكولاته وكتبت على قطعه " فيصل " أعجبتني الفكره وكتبت " مروى " وكمان " نايف " بقت قطعتين خالي ومرت خالي كتبت شخبطات لاتصير لي سالفه .. أخذت " فيصل " و " نايف " ودخلتهم المقلط وأعطيتهم وصعدت لمروى على الاقل تحسن اسلوبها علشان اعلمها كيف تصلح مثله .. لصقت اذني لقيتها تتكلم بصوت واطي هه أكيد تتكلم مع اخوياها الشباب .. ماعلي منها طرقت الباب .. فتحته لي : خير ؟! ابتسمت : ذوقي ذي الكيكه باسمك .. والله لو تشوفون كيف مستغربه تضحكون .. قطبت حاجبينها : مين اللي صلحها ؟! ضحكت : أنا ..! ابتسمت : مشكوره .. ودخلت وقفلت الباب .. قسم انها وناسه رحت غرفتي الساعه 12 وربع تذكرت اني ناويه اسمع الاغنيه وفعلا حطيت الكاسيت وشغلتها .. تذكرت سالفة مروى اليوم قسم انها شاغلة تفكيري هي مبسوطه ولا على بالها أصلا .. وفيصل مدري اش فيه بس مبين انه يوم كان تحت مزاجه عادي ؟؟ اش صاير ؟! سبحان مغير الاحوال .. حسيت بتعب رحت وفرشت اسناني ونمت .. / \ / .: نهاية الجزء السآبع :. |
.: الجزء الثآمن :. " إلى فيصل الغآلي كم أحبكـ كم أهوآك كم أعشقكـ .. يآأحن القلوب وأقسآهآ " / \ / رحت غرفتي الساعه 12 وربع تذكرت اني ناويه اسمع الاغنيه وفعلا حطيت الكاسيت وشغلتها .. تذكرت سالفة مروى اليوم قسم انها شاغلة تفكيري هي مبسوطه ولا على بالها أصلا .. وفيصل مدري اش فيه بس مبين انه يوم كان تحت مزاجه عادي ؟؟ اش صاير ؟! سبحان مغير الاحوال .. حسيت بتعب رحت وفرشت اسناني ونمت .. * * * صحيت الساعه اربع صليت ورتبت شنطتي بعدين اتذكرت ان اليوم الخميس احسن فكه لأني تعبانه ومالي خلق دروس وحصص .. نزلت تحت وصلحت الفطور وصلحت لي خبز وجبن وجلست على الطاوله وأكلت فجأه قام قلبي يدق بقوه مدري ليه تذكرت ان بكره الجمعه مضى ذا الاسبوع بسرعه .. شوي ونزل فيصل وجلس طول الوقت كان ساكت .. قلت : فيصل !! ناظرني .. فكملت : اش بها مروى ؟؟! قال بدون مايناظرني : اش بها مروى ؟؟! ضربت على الطاوله : لاتلعب باعصابي انت عارف عن ايش انا اسألك .. طنشني .. انقهرت منه : لاتلعب بأعصابي بليز ..! قل لي اش فيها مروى .. سمعته يقول : هيا عندك فوق روحي لها ولا أقول لك انتظريها الين تصحى لا تصير مشكله .. متأكده ان برود أعصابه تعلمها من خويه ذا تبع يوم الجمعه ياذاك الرجال يقهرني ويلوع كبدي .. وذا تعلم منه ..! حسيت ان جلستي معه مافيها منفعه فـ قمت من على الطاوله وصعدت غرفتي بقهر صفقت الباب وراي وجلست على السرير .. محتاجه اني ابكي محد يقدر يفهمني وكعادتي كل حزن يدخل فيه اسم امي لو ان امي موجوده مااحتجت اسأل أي حد أو شي يطنشني أحس بتعب نفسي شغلت المسجله على امي وجلست عند المرايا اناظر وجهي واشوف الدموع تنزل بدون توقف حطيت يدي على الطاوله وناظرت اصبعي ابتسمت وسط بحيرة دموعي وتحولتي دمعاتي الصامته الى شهقات .. انا من وين احصلها من خالي ولا من فيصل أو حتى مروى ونايف ؟؟ شوي وسمعت صوت من وراي لفيت لقيته فيصل .. نزلت راسي ومسحت دموعي واتجهت للمسجله.. سمعته يقول بصوت هامس : لا تقفلينها .. ناظرته فتره بعدين رحت الحمام يعز قدركم وغسلت وجهي صابون ورجعت لقيت فيصل باقي .. ناظرني : انتي زعلانه مني ؟! مصيبه يافيصل اذا تعرف اني زعلانه وتسألني ومصيبه اكبر اذا ماتعرف اني زعلانه عليك .. لفيت واعطيته ظهري : انت قلت شي يخليني ازعل ؟! بس طنشتني ولعبت باعصابي وشوي وتذبحني .. لفني لجهته : انتي تدرين اني اكره اي حد يسألني سؤال شوي فيه تدخل على حياتي الشخصيه شلت ايدينه ولفيت بعصبيه : حياتك الشخصيه ؟؟ وكملت بسخريه : ومن متى مروى صارت حياتك الشخصيه اللي ماتسمح حد يتدخل فيها ؟؟ وانت قايل لكل ... انتبهت للي كنت بقوله الحمدلله ماكملت والله لو درى اني دخلت لخويه .. سمعته يقول : ليش وقفتي ؟ كملي لكل مين ؟! قلت بسرعه : لكل الناس .. قال بهدوء : انتي عارفه ان محد يدري غيرك .. لفيت له : يعني قصدك انا اللي نشرت الخبر ؟ ولا من متى انا اطلع واشوف البشر واقول لهم ؟؟! قال : لا تقلبين السالفه وتخليني انا الغلطان .. انقهرت منه : ليش انت متوقع او حاط باحتمالاتك وواثق اني غلطانه ؟! فيصل : لا تفسرين الكلام بكيفك محد غلطان وماله داعي حركات ابزران اذا يبون شي يجربون الزعل !! اذرفت عيوني وقلت بصوت مخنوق : خلاص انا الغلطانه وانا الملقوفه اللي حبيت تفضفض واعرف سبب زعلك وقهرك وضيقتك .. صح وانا بزر كمان .. هزءتني ؟؟ خلصت ؟؟ ممكن الحين تطلع برى لأني زهقت من خلقتك ؟! ناظرني : لا .. هذا اللي بيخليني اذبحه : عاجبتك الغرفه خذ راحتك فيها انا تاركتها لك ويوم تمل منها ناديني اتجهت للباب وطلعت وين اروح وحجابي مو معي ؟ نزلت عيوني على الارض لحد يشوفها واسرعت بخطوات للحمام صدمت .. بحركه سريعه مسحت دموعي ورفعت عيني كان نايف !! ابعدته عن طريقي ورحت للحمام بكيت كل الدموع اللي كتمتها قبل شوي مع فيصل تقريبا جلست كثير ولما ارتحت غسلت وجهي يالله الحين اش اسوي ؟! كيف اطلع ؟؟ شفت المنشفه وحطيتها على راسي رغم انها صغيره الا انها غطت شعري مشيت من جهة المقلط نظرت كان نايف يلعب مع فيصل ولا كأنه صاير شي .. نزلت راسي ومريت .. شوي ومسكني فيصل من يدي .. وقال : هديتي الحين ؟؟ .. صرخت عليه : مثل ماتبيني ماأتدخل في حياتك مو شغلك فيني !! تكلم بهدوء : انتي مو صاحيه .. ابتسمت بقهر : ايه انا مجنونه طيب ؟؟ فك يدي !! قال : مابي .. والله يافيصل اني مو فاضيه لسخافتك وبرود اعصابك .. فكيت يدي منه وبالغلط طاحت المنشفه من على راسي في يده .. ناظرته باحتقار وفي عيني الدموع ومشيت لغرفتي .. قفلت الباب واسندت راسي عليه وجلست ابكي فيصل ليش كيذا ؟؟ مايدري اني عندي مشاعر ؟؟ ولا انعدم احساسي بالاحساس بالحروق .. خلاص بكيفهم فيني ؟؟ ناظرت الساعه تقريبا مضيت وقتي كله مع اللي اسمه اخووي .. تحممت ولبست حجابي ونزلت صلحت الغذا وباقي السلطه غسلت محتوياتها وجلست على الطاوله اقطع الطماطم بهدوء وكأني نسيت كل شي بس الجروح بالقلب يافيصل .. حسيت ان فيه حد يناظرني رفعت عيني لقيت خالي يناظرني بعصبيه .. ارتجفت نزلت السكين على رجلي وانجرحت وخالي كل مجاء له يزيد عصبيه .. يمكن لاني سألت عن بنته .. صرخت : التووبه ياخالي والله ماعاد اسأل صدقني كنت خايفه على فيصل ارجوك والله .. كان خالي بيتكلم بس شفت فيصل جاء فـ سكت خالي .. مابي احتمي في فيصل لأني زعلانه عليه واخاف يعتبرني محتاجه له .. اتجه لي فيصل : اش صاير ؟؟! عضيت على اسناني : مو شغلك .. ناظرت بخالي يتجه الى السكين ويسخنها .. همست : والله ماعاد اتدخل في احد ابد والله .. بس لاتسوي كيذا .. صرخ علي فيصل : سارهـ !! فهميني اش بها رجلك ؟؟ صرخت بصوت هز الدنيا : مو شغلك فيني انا مااحبك اكرهك تفهم ؟؟ وماني محتاجه لك .. خالي !! احرقني عادي ..! شوي وشفت نايف جنب فيصل اتوقع كان معه طول الوقت .. ناظرني فيصل وناظر نايف .. وخالي يتقرب وانا ارتعش الين ماوصل عندي جلست على الكرسي واسترخيت حسيت بيد على عيني خمنت انها يد فيصل ابعدتها بس رجع حطها بعدين شالها .. فتحت عيوني لقيت فيصل جنبي ونايف مقابلني .. فيصل : مع من كنتي تتكلمين ؟؟ كابرت : مو شغلك فيني .. سمعت نايف : تكلمي قولي تصارخين على مين ؟؟ انقهرت : انت كمان مو شغلك .. فيصل : طيب اش بها رجلك ؟؟ طنشته وقررت اكمل السلطه وين السكين مدري .. سمعت فيصل : قصدك السكين ؟؟ هزيت راسي .. كمل : على الارض ! قلت بطريقه آليه : بس هي كانتي على الفرن كيف صارت على الارض ؟؟ ناظرتهم بتعجب ثم رحت للاسعافات وغلفت رجلي .. سمعت فيصل : شكلك تعبانه خلاص روحي غرفتك ارتاحي وانا بكمل السلطه .. صحيح ان فيصل احيانا تطق فيوزاته ويعصب ويصير جلف ومافيه اقسى منه بس في مواقف الحنان حنون .. تضاد كثيره في شخصية فيصل جبان بس فيه شجاعه .. كابرت : قلت لك مو شغلك فيني اتفقنا انك ماتتدخل فيني وانا ماأخاف عليك .. قال : طيب انا اعتذر وماعاد ارجع اكررها .. قلت : خلاص كفايه انت تشك فيني كل يوم في الروحه والجيه .. واليوم تقول لي لا تتدخلين .. بذمتك فيصل انت انسان فيك احساس ؟؟ فيصل : انا جاي اعتذر وحاط نايف لي وسيط اذا تقبلين .. انقهرت من اسلوبه وتخصرت : بصفته ايش ؟! قال : ولد خالك ولأن مروى ماتحبينها خلاص هذا نايف .. وفيصل يقول لك مايكررها ثاني يااغلا اخت .. ابتسمت وضحكت : وساره تقول خلاص ماتقدر تقاوم .. واعذرتك .. فيصل : طيب اصعدي غرفتك انا بكمل السلطه !! قلت : لا عادي اقدر اكملها .. سمعته يقول : وغلاة اغلا الغاليين عندك .. ضحكت على طريقة قسمه .. وقلت : يسلموو .. طلعت من المطبخ ياربيه كيف ان فيصل يزعلني ويراضيني في دقايق وانا الهبلا اصدق بس مشكلته انه اخوي الوحيد .. صعدت غرفتي وصليت الظهر حطيت المنبه على صلاة العصر ونمت .. * * صحيت وصليت ورجعت نمت الى قبل صلاة المغرب بشوي .. المهم غسلت وجهي ولبست حجابي ونزلت بما انه اليوم الخميس فـ عادي اناظر التلفزيون فتحت التفزيون وجلست اتنقل بين القنوات حطيت على روتانا ماعندهم الا " يارب " من حلاتها عاد ظليت فتره بعدين قفلت التلفزيون .. رحت المقلط شفت فيصل .. جلست جنبه .. فيصل : تصدقين خفت عليك تكونين توفيتي ؟؟ غريبة تنامين الظهر وماتصحين الا الحين .. ابتسمت : تصدق وفيني النوم الحين ؟؟ ضحك : ههههههههه بعد ؟؟! هزيت راسي .. سكتنا فتره .. بعدين قال : قولي لخويتك ذي تراها ازعجتنا تقول ماعندها شغل الا تتصل عليك الله يعين اللي بياخذها .. ابتسمت : حرام عليك والله انها روعه ولا تخاف مخطوبه وزوجها يموت عليها .. طيب .. وهمست : وين الساحرات ؟؟ ضحك : هههههه مين تقصدين ؟؟ لاتقولين مروى وامهاا ؟؟! ابتسمت .. فـ قال : طالعين السوق مع نايف .. فتحت عيني : اش الطاري ؟؟ هز كتوفه .. قلت : وانت طول الوقت هنا جالس بلحالك ؟! ضحك : لا أكلم خويتك المخطوبه والله من القهر احط حرتي فيها .. شهقت : اهئ فيصلوه لاتقول فشلتني عندها .. ابتسم : وذا اللي حصل بالضبط !! قلت : يافرحتي فيك والله مبسوط يعني ؟ بربك اش قلت لها ؟؟ اشر على التلفون : اتصلي ايأليها .. اتجهت للتلفون واتصلت والله ماخليت دعوه قدامها الا ودعيتها والله انه فاضي يسولف مع خويتي والله مو صاحي .. سولفت معها ولما شفتهم وصلوا قفلت طبعا انواع السب عند مرت خالي .. قاموس كامل ماشاء الله " مو فاضيه الا للتلفون ومافيك منفعه وانتي وانتي .. " يعني ماكأنها هي اللي بس فاضيه للتهزيء .. صليت المغرب وصلحت العشا تعشيت ونمت .. صايره انام كثير بس سبق وان قلت ان يوم الخميس أغلبه يكون في النوم .. * صحيت الساعه اربع صليت ورجعت نمت ولأني نمت كثير صحيت الساعه 6 الا ثلث غسلت وجهي ولبست حجابي ونزلت .. رحت المطبخ صلحت الفطور وصلحت لي خبز مع جبن اكلت ربع الخبزه وسمعت طرق نعول كرمكم ربي أكيد فيصل أو نايف مستحيل مروى او مرت خالي .. شوي وشفت نايف دخل المطبخ وفتح الثلاجه وطلع عصير البرتقال حط له في كوب ورجع دخل العصير وسكر الثلاجه .. طبعا اراقب تحركاته حركه حركه .. جلس قبالي على الطاوله سويت نفسي اناظر اصبعي المحروق .. سمعته يقول : أراقب لك الوضع الليله ولا مابتنزلين لأنك تعبانه ؟؟ قلت بحيره : والله مدري .. انت اش رايك ؟؟ نايف : تدخلين وماتضيعين الليله علشان تعرفين بسرعه .. قلت : بس ذا خويه يتكلم ببرود مايتكلم ابد يقهر .. نايف : قلت لك واعيد واكرر .. انا مستعد اراقب لك لين تعرفين السالفه حتى لو الين يوم القيامه عادي عندي .. ابتسمت وماعلقت فعلا ياحظها سلمى فيه .. سمعته يقول : هااه اش قررتي ؟؟ .. قلت : فعلا كلامك صحيح .. مشكور وماقصرت .. ابتسم : لا عادي .. حسيت بحرج لأننا جالسين مقابلين بعض والمشكله محد معنا وقفت واشغلت نفسي بترتيب المطبخ .. صعدت الى غرفتي محتاجه حمام منعش على الصبح اخذت الروب معي ودخلت جاني هبال وجلست اغني صدق مهبوله .. مابقى شي في الدنيا الا وقلت ومابقى صابون أو اي شي الا واستعملته .. متأكده انه مضى وقت كثير بس عادي وانا فاضيه ولما خلصت طلعت ورحت قفلت الباب ولبست تنوره بيج مع بلوزه بنيه تعطرت ناظرت الساعه ثمان و35 دقيقه نزلت تحت وما لقيت احد قهر .. دخلت غرفة فيصل لقيته بسابع نومه أخذت كتاب من مكتبته كان يتكلم عن الفن المسرحي يالله تمضية وقت رحت الغرفه لقيتها خنقه .. نزلت تحت في الصاله شوي ونزلت مرت خالي قفلت الكتاب قررت اصعد .. سمعتها تقول : صحي نايف وقوولي له وين الاغراض ؟! قلت بلقافه : اي اغراض تقصدين ؟! قالت : مو شغلك !! والله نسيت انها هي مع بنتها كل شي مالي شغل فيه .. صعدت غرفة نايف .. وجلست انادي عليه وهو ولا عنده .. هزيته : نايف !! سمعته يقول : همممممم جاتني الضحكه فـ قلت : نايف امك تقول لك وين الاغراض ؟ اعتدل في جلسته : أي اغرااض ؟! قلت : مو شغلك .. والله مدري كيف طلعت معي على طول ضحكت وظل هو يناظرني وهو مو فاهم شي .. حبيت ابرر لكلمتي اللي قلتها .. ابتسمت : اعذرني بس يوم سألت امك اي اغراض قالت مو شغلك .. ابتسم : طيب خلاص عرفت .. طلعت من الغرفه وانا اضحك نزلت تحت لقيت خالتي مشاعل مع ميشو .. أول ماشافني ميشو صرخ : ساروه يالدبه وحشتيني !! قلت : والله اذا صدق وحشتك تتصل على الاقل شي كيذا .. اشر على امه : هي السبب تقول .. وهمس : لا تسبب لها مشاكل .. سلمت على خالتي وجلست اقرا .. ميشو : الحين تتركين مشعل وتناظرين الكتاب .. ابتسمت بدون ما ارفع انظاري : كيفي والله !! ميشو : على الاقل جامليني واجلسي معي مو كيذا .. سمعت صوت نايف : مشعل قم رح معي .. ميشو : وين ان شاء الله بنروح ؟! قال له : بنروح المكتبه مدري تشتري كتب لمروى .. ميشو : يلا احسن من ذي كله تقرا .. ضحكت : الله يعطيك العافيه يانايف فكيتني منه .. ميشو : وانا اللي حاسبها اختي صدق ماتستحي .. خالتي : رح بس لا تأخر نايف .. ميشو : تشاووو .. " تشاوو " هذي لها سالفه اللي مخليني ماأقول لميشو الا تشاو .. هو ان يوم رحنا لبيت ليلى قال بالغلط لجدته ام ابوه تشاوو والله مابقى الا ينجو بجلده منها هههه شكله كان يضحك وهي تلحقه بالعصا ماكأنه عمره 18 سنه .. |
((2)) تقربت من خالتي وهمست : خالتي ..! رفعت عينها .. ناظرت يمين ويسار ابي اتأكد ان محد يسمعنا وفتحت فمي ابي اتكلم .. خالتي : خلنا نصعد غرفتك .. والله انك تفهميني ياخالتي اذا كنت ابي اقول شي ومرت خالي ماتسمعه .. وفعلا صعدنا الى غرفتي قفلت الباب وجلسنا على السرير .. قالت : خير ساره ؟! قلت : خالتي أقصد مشاعل ابي اقول لك شي .. مدري كيف اقول بس احيانا اشوف خالي أو مروى قدامي وفجأه يختفوا .. والمشكله متأكده اني اشوفهم بس فيصل ونايف يقولون مايشوفون حد .. انا خايفه .. ابتسمت : لاتخافين حبيبتي عادي اذا كنتي مو نايمه عدل عادي .. قلت : لا المشكله اني انام طول اليوم وماأصحى الا ف اليوم الثاني .. قالت : عادي سارونه يعني كنتي تعبانه او نعسانه او شي كيذا حتى يمكن خايفه من شي تتخيلين حد قدامك .. عادي تصير ..ابتسمت براحه : ربي يريح قلبك مثل ماريحتي قلبي .. ضحكت : وايش كمان ؟؟ قلت : بس هذا اللي كنت بقوله لك خالتي : يعني بس هذا ؟؟ تذكرت : صحيح !! يوم الاربعاء اش كان صاير ؟! والله اني خايف .. قالت : طيب لاتعلمين اشرت لها ان تبدي بالحكي ..! قالت : أهل أم مروى يخطبون مدري مين لمروى وابوها ملزم الا يبي فيصل !! معلومه جديدة ليش ؟؟ هو يدري ان فيصل لين الحين ماخلص دراسته وأكيد عيال خالاتها وخالها مخلصين .. شي عجيب الصراحه أكيد في شي يخلي خالي لاصق بفيصل بس ايش ؟؟ متى يارب اعرف متى ؟؟ والله خايفه كل يوم يطلع شي جديد والله قمت اخاف من بكره اش راح يصير .. قمت انا وخالتي ونزلنا .. بعد فتره صلينا الظهر وصحت مروى وفيصل ونزلوا عند خالتي استغليت الفرصه ورحت اختار لي ملابس الى الليله نثرت ثيابي كلهم تقريبا كلهم متشابهين لان كلهم بلبس عليهم العباة تذكرت ثوب يجنن روعه كان يشبه عباياتي بالضبط حتى احيانا البسه بالغلط وانتبه بعدين انه الثوب .. تدرون كيف شكله ؟؟ ثوب اسود كامل في الاكمام زخارف عجيبه بالاصفر وفي الخصر فيه رباط فيه قروش يعني يشبه الصعيد .. كمان عليه برقع حلو فيه قروش يعني وناسه .. رتبت ملابسي في الدولاب وخليته على السرير وقفلت الغرفه ونزلت والله ان خالتي طيبه صلحت لنا الغذا اليوم .. * تغذينا ولله الحمد بعدين فتحنا التلفزيون على فلم مصري هه اش بهم على المصري اليوم بالذات لأني ناويه البس مصري ؟؟ موذاكرة اسمه بس مبين انه قديم لأن يسرا كانت صغيره .. المهم اذن علينا العصر وحنا نتابعه صلينا ورجعنا له انا بصراحه مليت منه قمت واخذت كتاب فيصل ونزلت .. فيصل : من وين لك ذا ؟! ضحكت : والله الصبح اخذته من غرفة اخووي .. ابتسم : ماحسيت انك دخلتي ؟؟ قلت : دخلت ثواني اخذته وطلعت قال : حلو كملت اقرى الكتاب والكل يناظر التلفزيون بعدين لما خلص خالتي مشاعل مع الكل كانوا يتناقشون عنه هه والله فاضيين .. انتبهت ان الكل مندمج في النقاش ماغير يوزع في الابتسامات رحت له وسحبته من يده وابتعدنا عنهم .. قال : خير اخت ساره ؟؟ ابتسمت : بذمتك ميشو فاهم من اللي يقولونه شي ؟؟ ضحك : لا والله قلت له : طرت على بالي فكره شوي وجايه .. صعدت غرفتي واخذت كاميرا الفيديو ونزلت وصورتهم احسن شي ان مروى مع امها مو موجودين لاتصير لي سالفه .. ميشو : والله فكره ليش مااصير مذيع ؟؟ ابتسمت : يلا بس لا يحسون الا في النهايه .. راح جهتهم وجلس في الوسط بطريقه مضحكه ومسك علبة المويا على ابو انها ميكروفون .. وقال : أم مشعل شوو رأيك بالفلم من ناحية الأصه ؟؟ كانت لهجته السوريه حلوه وبنفس الوقت تضحك .. مشاعل صدقت حالها .. تقول : شف القصه حلوه بس الابطال ماأتقنوا الدور عدل مثلا محمود ياسين كان تقريبا كأنه يقرى من الورق .. التفت لنايف : نايف شو الحدس يلي أعجبك فيا ؟؟ شفت نايف يناظرني ابتسمت له علشان يكمل ولا يحسون .. قال : القصه مثل وجهك .. قاطعه : وشي حلو كتير ولا شو رأيك أستاز فيصل ؟؟ قال فيصل : اذا على وشك يابعدي فـ يشابه انغام قبل عملية التجميل .. ولا اش رايك نايف ؟؟ نايف : صادق فييصل رايحن فيها .. ميشو بقهر : الشرهه مش عليكوا الشرهه علي انا اللي مستضيف القصبي والسدحان !! مسك ميشو علبة المويا : كان معكم مشعل مشاعل من بيت جده .. نشكر مشاعل نايف جابر .. وفيصل محمد العلي .. نايف جاسم نايف .. على قبولهم الدعوه .. وسارة محمد على الاخراج والتصوير .. ناظرت في ميشو : هو اللي اقترح وانا نفذت .. وقف فيصل : قم ياولد الخال الفزعه على الاعداء .. قلت : فيصلووه لاتنسى من يومي صغيره معكم .. ميشو : اجل انا بلحالي .. عز الله اني رايحن فيهاا .. قلت : لحظه اش رايكم نلعب شي هبال يعني صييده كيذاا ميشو : صادقه ساره وحشتنا الالعاب .. فيصل : بس صعب حنا كبرنا مايصير نلعب خلاص اش يقولون عنا ؟؟ ميشو : ولاشي .. يلا عاد فيصل لا تصير معقد .. فيصل : موافق .. ناظر ميشو لـ نايف : نايف نخيتك إلا تلعب معنا .. لوح بيده : لا ماأقدر اش قالوا لك عني ؟؟ مجنون ولاصابني هبال ؟ موصاحي ؟! ميشو : نايف انت كل مرة تقهرنا وماتبي تلعب معنا اش ذا القهر والله وناسه .. قلت : صادق ميشو بليز يلا نلعب فيصل : أشك بعقلك احيانا .. شهقت : ماأحبك ..! قال : يالخبله كنت امزح اعذريني انتهزت الفرصه : بس بشرط ؟؟ سمعته يقول : ايش ؟؟ قلت : تجبر نايف يلعب معنا .. صفر ميشو : والله لو أنك أصغر مني تزوجتك على طول .. مديت يدي له : كفك .. فيصل : هااه اش قلت ؟؟ نايف : لا اعذرني .. وبعد طرق البوكس والعقال والنعل رضى نايف .. قلت : ميشو بيرمي الورق واللي يطلع اسمه هو اللي يصيدنا وهو نفسه اللي بيصور .. نايف : مااتفقنا من البدايه على تصوير .. فيصل : عادي ذكريات بس مانبي تحت نبي فوق علشان لا نتفشل .. اختار ميشو ورقه .. وقال : واحد .. اثنين .. ثلاثه .. وفتحها : سارة بنت خالتي يلا انتي اللي تصيدينا .. هزيت راسي وقلت : يلا نصعد فوق .. وصعدنا مسكت الكاميرا كنت اتعمد ألحق نايف لأنه مايركض مثل ميشو .. وفعلا بالغلط ضربته على كتفه وصار هوا اللي يلاحقنا صحيح ماكنت متعمده بس احسن لأنه مو متحمس .. فعلا صورت كل شي .. ضبطت حجابي ومشيت .. نايف : واحد .. اثنين .. ثلاثه .. والله لأرجعها لك يابت .. بصراحه كان نايف شي عجيب فعلا ميشو كان النكته يتلصق فيني لأن نايف مايقدر يمسكني من ثيابي مثل مايصير مع ميشو وفيصل .. حكرني نايف في زاويه .. وقال : شوفي هو انا صايدك صايدك تستسلمين احسن .. قلت بعناد : حلم ابليس في الجنه .. ودزيت له ميشو .. على طول ميشو تشبث في حجابي من جهه وفيصل من جهه ثانيه وسحبوه .. صرخ نايف : ستوووب انتهت ان شعري طلع بدايته لفيتها عدل .. وضربت ميشو : وجع ان شاء الله انت وياه اش عندكم على حجابي ؟؟ وماحسيت الا بالضربه على كتفي رفعت راسي لقيته نايف وفيصل يصور .. قلت بسرعه : واحد اثنين ثلاثه .. وضربت على فيصل .. لأول مرة نايف يشاركنا انا مع ميشو وفيصل الهبال فعلا اول مرة .. عاداته انه كله جالس ثقيل ماعنده ذي الحركات حمدت ربي اني صورت الاحداث علشان ماينمحى من الذاكره ابد .. بعد ماخلصنا ارتحنا شوي بعدين اذن نزلنا وصلينا .. لاتحسبون ان وجهي مغسول بمرق جالسه بين رجال وألعب .. صحيح استحي لكن عندي شوي جرأه .. بس ماوصلت لحد الوقاحه .. المهم سيبنا من ذا قلت لنايف أول مايجوون يطرق الباب علشان اروح للزراعه وصعدت غرفتي وانا متوتره موت وخايفه هالمره حد يشوفنا .. مدري قلبي كان ناغزني .. المهم الساعه تسع الا ربع صعدت غرفتي وقفلتها طلعت اللي بلبسه وكويته ولبست الثوب وحطيت كحله ماأتوقع ان شعري يحتاج اسوي له شي تحجبت ولبست البرقع فعلا روعه أعجبني شكلي مره .. ناظرت الساعه 9 وعشر يووه نسيت اجهز الكعب والحل ؟؟ فكرت اذا طلعت أروح له .. فكره مافيه غيرها .. انطرق الباب وطلعت وقفلت الغرفه ونزلت للزراعه ورى الشجرة ولبست الكعب انتظرت نايف الين جاء وعلى طول جاء ورى الشجره كعادته موطي راسه .. قال : شوفي ابوي بيجلس معاه شوي تقريبا دقايق وبيترك الباقي علي كالعاده وذا جوالي حطيته سايلنت وذا لأصبعك .. كان لون اللصقات ابيض ..! قلت له : طيب مافيه لصقات لونهم اسود ابي اصير كلي اسود .. رفع عينه وناظرني وابتسم : مالحقت اصبغها طيب البسي البرقع وانتبهي يصير صوت من ذولي .. قلت : لاتوصي ..! ابتسم : حصني نفسك بالمعوذات طيب ؟ قلت : تامر بس يلا روح .. ابتعد عن الشجره ووقفت انا عندها شوي وحسيت الجوال يدق ضبطت نفسي والبرقع ودخلت .. قلت بهمس : السلام عليكم !! رفع عينه : خير اختي اش تبين انتي بعد ؟؟ الشي اللي فعلا ضحكني انه مبرطم مثل الاطفال ..! قلت : أولا أنا مو أختك ثانيا انا اللي الاسبوع اللي طاف جيت لك .. ذاكرني ؟؟ ابتسم : ايه ذاكرك بس متغيره .. خيبه .. وجع ألحين أنا جايه أعرف منه والسر ولا يعلق على شكلي ؟؟ والله اختنقت من ذا اللثام .. قلت : مش ذا موضوعنا خبرني لو سمحت عن اسمك ؟؟ سمعته يقول : مو مخبرك اش بتسوين ؟؟ انقهرت منه : تدري انك فاضي ؟؟ ابتسم ابتسامه عريضه : أدري ..! يابرود الاعصاب هادي : وتدري اني اكرهك ؟؟ سمعته يقول : محد طلب منك تحبيني .. قسم لولا الحيا ذبحته أو أرتكبت فيه جريمه .. قلت بنرفزه : أكرهك كثير .. ضحك : شعور متبادل .. اختنقت من البرقع وهفيت على نفسي : تقهرني سكت فتره توقعت ان ماعنده رد .. وأخيرا ؟! قال : تصدقين كنت بقولها لك بس استحيت على وجهي .. فعلا الحين انحرجت بس قلت بجرأه : هذا اللي بيخليني ارتكب جريمه .. ياخي خلصني وقول مين انت ؟؟! سمعته يقول : انا مو اخوك .. عصبت : مين انت ؟؟ جاوبني : اذا تبين اجاوب على اي سؤال جاوبي قبلي .. قلت : اسمي مروى جاسم العلي .. حسيته فترة يناظرني ياخوفي يطلع يعرف مروى او شي كيذا الله يستر بس ..! قال بهدوء : تركي ماجد عمران .. قلت له : طيب فيه مثل اسمك كثير قل العيله ؟؟ سمعته يقول : عمران !! قلت : ثاني ثانوي ادربي قال : ثالث ثانوي علمي قت : طيب ابي اعرف وين تاخذه ؟؟ قال : طيب ليه تسألين وانا أجاوبك ؟! قلت : بصراحه خايفه عليه .. سمعته يقول : آخذه بيتنا .. انصدمت : بيتكم ؟؟ اش يسوي في بيتكم ؟؟ سمعت صوت فيصل من ورى الباب يتكلم مع نايف .. همست : لاتقول لفيصل اني دخلت طيب ؟؟ وابتعدت وزلقت على الباب اووف وقته .. حاولت اقوم بس ماقدرت .. همست : تعال ياحظي قومني بسرعه . حسيته منصدم ..! قلت : مو حباً فيك بس يلا خلصني لا ييشوفني فيصل .. فعلا جاء وساعدني ركضت واول ماسكرت الباب سمعت صوت فيصل داخل ياخوفي يكون شافني انا من الاول قلبي ناغزني هالمرة صدق لو عرف فيصل رحت وطيب .. تخبيت ورى الشجره وبعد شوي طلع نايف .. قال: هااه اش صار بينكم ؟؟ عرفتي شي ؟؟ شلت البرقع ومسكت رجلي بألم : ايه ..! قال : ايش ؟؟ قلت : ألحين اقول لك ؟! هز راسه بـ ايه ...! قلت : اسمه تركي ماجد عمران .. ثالث ثانوي علمي ياخذ فيصل الى بيتهم ويلوع الكبد .. ضحك : ههههههه طيب اش بها رجلك تألمك ؟! قلت باحراج : ابد بس زلقت عند الباب والمشكه ماقدرت اقوم والأخ يناظرني ويوزع ابتسامات كنه باعلان كرست .. ماتوقعته يضحك بقوه .. حطيت يدي على فمه .. وقلت : اصصصصص لحد يسمعك .. قال : كل ذا الوقت على ذا المعلومات ؟! قلت بقهر : يضيع الوقت وهو يستهبل ويناظر قسم لو بكيفي ذبحته لا ولسانه طويل مايدري اني اكبر منه أقول له كلمه يقول لي عشر من حلاته عاد يقهر .. سمعته يقول : انزين ياخوفي يرجع ويسمعك تقولين ذا الحكي ويقول خلاص مو مخبرك هزيت كتوفي علامة اللا مبالاة : قلت له .. فتح عينه : اش قلتي له ؟! قلت : قلت له اني اكرهه وأكرهه كثير بعد وانه يقهرني وان ودي ارتكب فيه جريمه بس لولا الحيا .. ناظرني : قولي قسم ؟؟ ضحكت : قسم .. لاومتوقع اني زلقت عمدا علشان يساعدني .. نزلت راسي ناظرت بجواله انتبهت لشي جديد حرف " s " ..! اشرت عليها : متى اشتريتها ؟؟ ابتسم ابتسامه عريضه : ذي ادتني هيا سلمى .. قلت بغصه : الله يهنيكم .. شلت الكعب والبرقع والربطه اللي بالخصر ومسكتهم في يدي .. وقلت : يلا انا بروح الحين مرت خالي تفتقدني وتصير سالفه .. رحت متسلله لغرفتي وفتحت القفل ودخلت ورجعت قفلته شلت الحجاب .. سمعت صوت بوري ناظرت من الشباك لقيت سيارة سوداء ابتعدت عن الشباك رجعت سمعت نفس الصوت بقيت فتره عند الشباك شوي وشفت فيصل دخل السيارة السوداء وتحركت .. اكيد ذا تركي .. ابتعدت عن الشباك وأخذت ملابس نوم وغيرت رحت الحمام عزكم ربي ومسحت الكحله وفرشت اسناني وانسدحت على السرير .. تقلبت يمين شمال فوق وتحت ولا جاني نوم .. يابت نامي بس مافيه نتيجه .. افكاري تروح وتيجي على ذا التركي اش عنده فيصل في بيت خويه ؟؟ يمكن يسهرون .. بس اش علاقتي فيهم ؟؟ ماقد سمعت فيصل يحكي عن واحد اسمه تركي ؟! الموضوع يخصني تركي شكوو ؟! وليش بالذات يوم الجمعه ؟! خالي يجلس معه !! طيب ليش يسمح لفيصل انه يروح يسهر وبكرة السبت ؟! والله مو فاهمه شي ابد .. قمت بعد ماعرفت ان مستحيل اقدر انام .. شغلت نفسي بكتبي وواجباتي وتحضير الدروس بعدين قمت واخذت كتاب فيصل وقريت منه شوي ورحت بنومه .. * * * صحيت شفت الدنيا كلها ابيض خفت اني اكون توفيت بعدين انتبهت ان الكتاب على وجهي الحمدلله .. ناظرت الساعه 4 الا ثمان دقائق .. قمت وتوضيت وجلست على سجادتي الين أذن صليت .. حسيت ان مافيني نوم أممم دامني فاضيه خلني استغل الوقت .. تحممت ووقفت قدام المرايا جففت شعري وحطيت فيه جل .. رفعته وحطيت لي خصلات اتميلح قدام الناس فيهم هههه .. حطيت مسكات صغيره لونها احمر حلوه حطيت كحله ناظرت الساعه ست أخذت حجاب حطيته على رقبتي ونزلت تحت صلحت الفطور .. سمعت صوت فيصل : صباح الخير .. ابتسمت : صباح الفل والورد والياسمين ..! قال : انتي ساره اختي ولا وحده غير ؟ ضحكت : يش عندك شك ؟! قال : لا بس تقولين الفل والورد والشعر مغيرك والكحله .. ولا الحجاب مو لابسته وتبيني ما اشك ؟؟ ضحكت : ههههه بربك مو حلوه ؟؟ جلس على الكرسي : الا تهبلين انصحك تتلثمين اليوم لحد يحسدك !! هه والله انك رايق انا ماصدقت افك البرقع البارح اختنقت .. بس حلو تغيير شكل مو كل مرة حجاب هالمرة لثام .. حطيت الفطور .. وقلت : تشاااوو .. .: نهاية الجزء الثآمن :. |
.: الجزء التآسع :. "أحبكـ لأنك أخي الحبيب ,, وأحبكي لأنك أغلآ انسانه ,, وأحبكـ لأنك وحدك من ملكت قلبي وأحبك لأن روحي أحبّتك ! لاآ ترحلي أرجوك ,, لاآ أطيق فرآقك .. لاآ ترفض حبي أرجوك ,, لأنني أموت في فرآقك ! " / \ / صحيت شفت الدنيا كلها ابيض خفت اني اكون توفيت بعدين انتبهت ان الكتاب على وجهي الحمدلله .. ناظرت الساعه 4 الا ثمان دقائق .. قمت وتوضيت وجلست على سجادتي الين أذن صليت .. حسيت ان مافيني نوم أممم دامني فاضيه خلني استغل الوقت .. تحممت ووقفت قدام المرايا جففت شعري وحطيت فيه جل .. رفعته وحطيت لي خصلات اتميلح قدام الناس فيهم هههه .. حطيت مسكات صغيره لونها احمر حلوه حطيت كحله ناظرت الساعه ست أخذت حجاب حطيته على رقبتي ونزلت تحت صلحت الفطور .. سمعت صوت فيصل : صباح الخير .. ابتسمت : صباح الفل والورد والياسمين ..! قال : انتي ساره اختي ولا وحده غير ؟ ضحكت : يش عندك شك ؟! قال : لا بس تقولين الفل والورد والشعر مغيرك والكحله .. ولا الحجاب مو لابسته وتبيني ما اشك ؟؟ ضحكت : ههههه بربك مو حلوه ؟؟ جلس على الكرسي : الا تهبلين انصحك تتلثمين اليوم لحد يحسدك !! هه والله انك رايق انا ماصدقت افك البرقع البارح اختنقت .. بس حلو تغيير شكل مو كل مرة حجاب هالمرة لثام .. حطيت الفطور .. وقلت : تشاااوو .. صعدت غرفتي حطيت قلوس احمر واضح فتحت دولابي ابي عبايتي الحمرا .. لاتاخذون عني فكرة سيئه عبايه حمرا بس فيها من تحت قماش احمر وفي الاكمام لون احمر فـ أسميها العبايه الحمرا وكمان الزرقا والخضرا والأبيض والأسود يعني كيذا .. المهم لقيتها تعطرت وأخذت شنطتي ونزلت مريت عليهم ورحت لجزمتي الحمرا ههههه الفتاه الحمراء المهم لبستها وجلست عند الباب اناظر اللي رايح واللي جاي .. تلثمت طلعت المرايا طالعه اهبل نزلت راسي واتجهت لداخل سمعت صوت بنت تناديني لفيت لقيتها ريم يااي اش ذي الوناسه .. نزلت من السياره وجات لي .. تقول : صباح الفل .. ابتسمت : وجع ان شاء الله اش عندك جايه بدون ماتقولين ؟؟ قالت : والله طرت على بالي أمر عليك اليوم .. خير اش عندك واقفه هينا ؟؟ ابتسمت : انتظر خالي ..! قالت : متغيرة بس طالعه احلا قلت : أدري .. اش رايك اسوي لك مثلي ؟! قالت : طيب كيف ؟؟؟ قلت : شوفي انا اصعد غرفتي وآخذ الكحله والجل والقلوس وكل شي وانزل تحت واحط لك .. فتحت عينها : وين ؟؟ في الشارع ؟؟! ابتسمت : اجل وين ؟؟ قالت : اش رايك بسيارة اخوي ؟! فكرت : شوي صعبه مع خالي .. قالت : لا صعبه ولاا شي .. قولي له بتروحين مشي .. قلت : والله خايفه بس طيب رحت بسرعه واخذت الاغراض وحطيتها في شنطتي ونزلت قلت لخالي كأنه يبي الفكه مني طلعت ودخلت السيارة .. وقلت : السلام .. يلا ريوم بسرعه لايشوفني خالي .. ضحكت : طيب .. ألحين كيف تحطين لي وانا قدام وانتي ورى ؟؟ ابتسمت : صدق هبلا تعالي لي ورى ولاتبين تجلسين مكانك وانا اجي لك ؟؟ سمعتها تقول : لحظه وقف .. قال لها : سايق لك تجلسين معها ورى وانا بلحالي ؟؟ قالت : برايك اش اسوي ؟؟ سمعته يقول : والله مو شغلي .. تأففت : طيب بس شوي اخلص لها وترجع .. قال : لا مافيه .. أوووف ذا بعد يعاند .. فيصل وتركي وذا قسم بالله يقهرون الرجال ..! قلت : طيب اعطينا حل ؟؟! قال : مو ضروري تحطين لها شكلها حلو .. قلت بقهر : طيب مايصير انا مسوية شعري وحاطه مكياج وهي لا .. مايصير .. هز كتوفه : عادي امسحي مكياجك .. قسم لولا الحيا قمت وذبحته : لا والله اعذرني مااقدر امسحه عاجبني شكلي كيذا .. ريم : بليز ارجوك اول مرة وآخرمرة ولا تخاف نحط لك الشنط قدام والله ارجوك .. قلت : وغلاة اغلا الغاليين عندك .. قال بعد فترة : طيب .. وفعلا وقف وظلل السيارة حطيت لها مكياج وجل والشباصات بعدين لبست لثامها ورجعت .. وصلنا الدرسه .. ودخلنا مع بعض كنا روعه اللي يشوفنا يقول اخوات مو خويات صحيح انا اطول منها بكثير بس وناسه .. طبعا الكل علق على شكلنا كالعاده * * وعلى نهاية الدوام جاء لي خالي تشعجت ودخلت كنت متلثمه .. سمعت مروى : انتي مين ؟؟ قلت : سارة بنت عمتك !! قالت : وليش متلثما باذن ربي ؟؟ أووف بتفتح لي تحقيق ليش واش صاير ومتى وكيف أووف بس مُجبرة اني اجاوب على كل اسئلتها اتافهه لايكرشني ابوها وأروح وطي .. قلت : ابد بس حبيت تغيير لوك وثانيا اللثام يحشمني .. كأني أفحمتها في الرد فـ سكتت أحسن مالي خلق لهذرتها الزايده عن اللزوم .. وصلت البيت صلحت الغذا والسلطه وتركتهم ورحت غرفتي تحممت لأني صايرة افشل مع ذا الريحه اللي كها طبخ .. لبست بيجاما وردي خفيفه وناعمه بدون اكمام وتقريبا البلوزة قصيره ويطلع جزء من البطن .. وبرمودا والروب اللي حطيته على اقرب طاوله يمكن احتاجه .. قفلت الباب لحد يشوفني بذا اللبس استحي .. صليت ونمت .. * * * صحيت على العصر وصليت وذاكرت بعدين حطيت المنبه على أذان المغرب وكملت نومي بسلام بدون ازعاج طبعا عارفين من مين .. صحيت وصليت وغيرت ملابسي الى لبس محترم وتحجبت ونزلت جلست شوي اتمشى بالصاله لتخفيف الوزن ههههه المفروض مروى اللي تسوي كيذا لأنها ضعف وزني ثلاث مرات .. بعدين رحت صلحت العشا أكلت انا خبز مع جبن .. أتوقع الكل يتساءل ليش ماافطر وأتغذا أو حتى اتعشى معاهم ؟؟ بكل بساطه لأني احب الانطوائيه .. خلصت جبنتي وصعدت غرفتي ماعندي شي اسويه .. شوي وانطرق الباب كان فيصل دخل .. سولفت معه طبعا تجنبت ذكر سيرة أو حتى اسم مروى علشان مايذبحني .. تطرقنا لأمور عدة حكى لي عن اهم يومياته .. حلو ان بين فترة والثانيه يخبرني بآخر اخباره .. حكيت له عن كل شي تذكرته بعدين اخذ كتابي الفيزيا وجلس يتصفحه لأنه يحب يتذكر ايام الثانوي .. تقريبا الساعه عشر طلع من غرفتي على طول نمت .. * صحيت الساعه اربع يعني كل يوم كيذا صليت وحبيت اتكشخ ويكون عندي لوك مميز يتغير كل يوم او اسبوع يمكن وحده من البنات تخطبني لأخوها أو قريبها هههههه لاتاخذونها جد أنا اهم شي عندي دراستي وثانيا اذا انا تزوجت كيف اعرف سر يوم الجمعه ؟؟ صحيح الزواج حماية لي من خالي .. أووف كيف ماطرت على بالي ان يوم الجمعه وسالفته فيها خطوبه لالا مااتوقع لأن الاستاذ تركي يكرهني مثل مااكرهه ويمكن اكثر بعد .. خلصت كل شغلي وهالمرة عملت لي ذيل بشعري كان حلو لشعري الصغير .. ونزلت لي قذله حطيت كحله وقلوس برتقالي كأنني بزر بذا الشكل بس شي حلو .. نزلت صلحت الفطور ورجعت صعدت كملت شغلي وتعطرت لبست عبايتي واخذت شنطتي ونزلت هذ المرة جلست معهم ولما خلصوا طلعنا رحنا المدرسه .. أعطتني ريم بطاقات لي انا ومروى وخالتي ومرت خالي لحضور زفافها اللي بيكون تقريبا بعد اسبوع وثلاثة ايام .. مو مصدقه اني ماعاد اشوفها .. أعتذرت لها بلباقه لأني ادري مستحيل حد يوصلني .. قالت : نعم نعم نعم ؟؟! حبيبتي انا حاجزة لك مراقفه لي مافيه تعتذرين .. قلت وفي عين دمعه : قسم ماودي اخليك بس ادري ان خالي مايرضى ليه اتعب حالي على الفاضي ؟؟ سمعتها تقول : قسم بالله ان ماجيتي الساعه ثنتين ونصف العصر الصالون لأروح لك قدام خالك واسحبك معي تفهمين ؟! قلت بضحكه : صومي ثلاث ايام اجل .. وفطورك على حسابي قالت بهدوء : هذا وانتي تدرين ان زفتي يوم الاربعاء اللي بعد اللي جاي ومابرجع اشوفك لأني يوم الجمعه بروح الدمام وماتبين تودعيني وتشوفيني ؟؟ تشوفين امي واخواتي الي دوم احكي لك عنهم ؟؟ ماتبين تشوفين كيف انا لابسه الابيض ؟! ماتبين تحضرين ؟! هذا مقدار الصداقه عندك ؟! حتى لو كان ايام قليله اللي عرفتك فيها بس يكفي انك صرتي اعز انسانه بقلبي .. ماقدرت اكتم شهقاتي ونزلت دموعي لا اراديا كيف لا وانا اسمع ذا الكلام ؟؟ قلت بصوت اشبه بالهمس : موبيدي ياريوم .. بس ماودي اكذب عليك واقول بحضر وانا ادري اني ماابحضر . ماكملت كلامي الا واشوف بنت تقريبا بعمر ريم تتقرب مننا مسحت دموعي .. قالت : اش صاير سارة وريم ؟! قلت : ابد بس حز في خاطري ان ريم تتزوج وتروح الدمام .. ابتسمت : ليش انتوا تحبون بعض ؟؟ استسخفت سؤالها اكيد حنا صديقات واكيد نحب بعض بس اكيد تستهبل علينا .. قلت : ايه .. بنفس الوقت سمعت ريم .. تقول : لا ,,! قالت : الحين ايه ولا لا ؟؟ استغربت ليه ريم تقول كيذا ؟؟ قالت ريم : لا طبعا .. ابتسمت البنت وانصرفت .. التفتت لريم بقهر : خير استاذه ريم مين قال لك اني مااحبك كانك ماتحبيني كيفك بس انا اعتبرك صديقتي واحبك .. ابتسمت : حتى انا احبك .. تنرفزت منها كيف تقول للبنت مانحب بعضنا وهيا بعظمة لسانها الحين تقولها ؟؟! قلت : قسم مو فاهمه كيف تحبيني وماتحبيني ؟؟ ناظرتني : اسمعيني سارونه حنا نحب بعضنا حب صداقه اما البنت اللي قبل شوي تسأل عن الحب من النوع الثاني .. قطبت حاجبيني : النوع الثاني ؟! اش تقصدين فيها ذي ؟! قالت : يعني استغفر الله بنت وتحب بنت .. مثل مافي بنات يحبون عيال فهمتي ولا بعد ؟! فتحت عيني على اخرها فيه ناس في ذا الزمن كيذا ؟؟ وين عقولهم ؟؟ واهاليهم يرضون بذا الشي اللي مايرضي ربي ولا رسوله ؟؟ معقوله عقولهم هذي صغيرة لذي الدرجه اللي تخليهم يفكرون بذي الطريقه ؟! والقهر يسمونه تطور ماأقول الا الله لا يعنينا ياخوفي من اللي جاي ام تحب بنتها واخو يموت بابتسامة اخته .. ومدري ايش ..! انتهت الفسحه وانا افكر بذا الشي .. * * * يوم الاربعاء اول مارجعت من المدرسه صلحت الغذا ورحت غرفتي اريح لي شوي عن تعب اسبوع كامل كان قصدي اتمدد على السرير واشغل شريط وافكر مو قصدي انام .. فعلا تحممت وجلست محتارة اي شريط اختار ؟؟ ابتسمت لان فيصل بعض الاحيان يسميني مجنونة راشد كيف مااصير مجنونته وهو يغني كل شي انا محتاجته وكأنه يحس لي ؟؟ غير كيذا صوته حزين مثل ماانا حياتي حزينه ... احسه يغني باحساس غريب صادر من الاعماق .. جلست ادور واحوس لين استقريت على اغنية " وينك حبيبي " غيرت ملابسي الى بيجاما وقفلت علي الباب وجلست افكر وانا منسدحه .. ريم بتروح الدمام وبتتركني وماعاد اشوفها ابد .. الانسانه الوحيدة اللي ساعدتني اني اطلع من الانطوائيه واتعرف على العالم الخارجي .. خلتني اشوف اليوم بشكل ثاني .. ساعدتني بتلوين حياتي بعد ماكانت كلها لون واحد .. اسود × اسود .. الانسانه اللي غيرت مفهومي ان البنات كلهم اكرههم .. الانسانه اللي فتحت لها قلبي من بعد فيصل اخوي .. حسيت بألم لأن كل شي غالي علي يتركني ويروح عني .. أمي وابوي ونايف و... ريم .. بتتزوج ويصر عندها عيال وزوج يحبها ومحد يدوس لها على طرف .. مسحت دمعتي ودعيت لها ان ربي يوفقها .. ونمت .. * صحيت على صوت الباب وكأنه حد يحاول يفتحه وينادي بإسمي خمنت انه فيصل اتجهت للباب بعدين غيرت رايي كيف يشوفني بي بيجاما مثل كيذا تفضح اكثر من تستر .. أخذت القطعه الثالثه العبارة عن روب ورببطته وفتحت الباب .. قلت : خير ..؟! فيصل : ساره !! انتي فيك شي ؟؟ صاير لك شي اعترفي عادي انا اخوك .. روعتينا عليك يابت ,, قطبت حاجبيني : خير ان شاء الله اش صاير ؟ اش سويت انا ؟؟ سمعته يقول : ابدا ماسويتي شي بس نايمه من الظهر الين الحين لا وقافلة عليك الباب ونومك صاير ثقيل مو على العادة .. بس كيذا مايخليني اخاف .. ابتسمت : ليش الساعه كم ؟؟ فيصل : 12 وربع الليل .. فتحت عيني وشهقت : قل قسم ؟؟ والله ماحسيت بنفسي ... طيب اش اكلتوا في العشا ؟! ابتسم : من الله ان خالي ومرت خالي ناموا من المغرب .. ابتسمت : طيب وانت ومروى ونايف ؟! فيصل : ماأكلنا شي .. قلت : لا تقول .. طيب شوي اغير ملابسي أو بتحمم وابنزل لكم أصلح لكم شي تاكلونه .. فيصل : ابشرك مابقى الا انا صاحي الكل نايم .. ضحكت : طيب شوي وجايه .. دخلت الغرفه واتجهت للحمام عزكم ربي بعدين طلعت نزلت مع فيصل دخلنا المطبخ سوينا برجر وجلسنا ناكل بهدوء .. تذكرت ريم وقطبت .. فيصل : اش فيك ؟؟ قلت بدون مااناظره : ابدا ببس تمنيتك تتزوج ريم خويتي .. باختصار لانها تناسبك .. ماحسيت الا بمويا باردة تنكب علي انتبهت ان فيصل مبتسم انقهرت فيه بس سكتت لأني اذا صارخت بيصحى خالي وبتصير سالفة وانا ماأحب كيذا .. احب احسس الانسان بالذنب هين يافيصل اعرف انك حنون وتحبني ناظرته وابتسمت ابتسامه باهته وتحركت من مكاني واتجهت للدرج وبدون اي كلمه ولا حتى ناظرته وانا متأكده انه خايف ألحين وقسم لو ناظرته ماقدرت اكتم ضحكتي ..! سمعته يقول : ساره اش فيك ؟! ماخلصتي اكل ؟؟ قلت بهدوء : ابد بس حسيت بتعب فجأة .. تصبح على خير فيصل : وين ؟؟ مالك ساعه جالسه بترجعين تنامين ؟؟ بغيت أضحك وأخرب مخططي من صوته اللي فيه خوف .. قلت : ابدا بس حاسه اني مدوخه صعدت غرفتي وانسدحت على السرير غطيت راسي فعلا محتاجه اني انام جلست افكر فيصل اش يسوي الحين ؟ ومادريت بعمري الا ونايمه .. صحيت الساعه اربع وغسلت وجهي ومسكت دفتري لأني مابي اطلع واخرب خطتي .. كتبت " يارب أحضر زفة ريم .. 9/8 يوم الخميس " كنت فاضيه رحت للدولاب وأخذت صندوق فلوسي وذهبي وكل شي غالي علي وجلست على السرير وأغلب المجوهرات من فيصل وخالتي وماأذكر مرة ان خالي اعطاني شي المهم حسبت فلوسي واااو عندي فلوس كثير ... أكيد بيكون عندي لأن مصروفي ماأستخدم منه الا 50 ريال بس .. رجعت اغراض وانا مبسوطه بالانجاز اللي سويته .. لفيت حجابي ونزلت صلحت الفطور وبسرعه صعدت علشان فيصل مايشوفني انسدحت على السرير وقفلت التكييف علشان يعرف اني مريضه هههه والله اني مو سهله تغطيت باللحاف مضت ساعه تقريبا وسمعت صوته عند باب غرفتي يطرقها غمضت عيوني وسويت نفسي نايمه .. شوي وحسيت فيه يهزني .. وبهدوء : سارونه .. سارونه قومي افطري .. طنشته وانا من داخلي أضحك الين فتحت عيوني ببطئ .. قال : سارونه حبيبتي يلا قوم افطري .. همست : مشكور مابي فيصل : طيب ليه جالسه بذا الحر ؟؟ ومتلحفه بقووه ؟؟ قلت : برداااانه غمضت عيوني لانه يعرف من عيوني اذا كنت اكذب .. شوي وسمعت الباب يتسكر يابعد عمري والله ماهان عليه يفطر .. سكتت وكأن الجو رايق وغمضت عيوني .. شوي وسمعت الباب ينفتح وسمعت همسته .. فيصل : سارونه فطورك صعدته لك علشان لاتتعبين يلا اجلسي .. قسم بغيت ابكي كيف انه حنون تمالكت نفسي لآخر لحظه .. وهمست : مشكور مابي مو حرام كل ذا الانسان والرقه على مروى ؟؟ قسم ان ماتستاهل ربع ضفره .. شوي وحسيت انه يجلس على السرير وقومني واسندني اعاطني مويه .. فيصل : خوذي .. لمسته كان بارد .. قلت : بارد سمعته يقول : صلحت لك خبز وجبن ادري فيك تحبينه يلا قومي قالها بصوت كله حنان دمعت عيوني بدون قصد همس : يألمك شي ؟؟ والله كلماته تخليني ابكي اكثر واكثر وهو مايدري قلت : لا بس مااقدر اتنفس فيصل : تبين تروحي المستشفى ؟؟ هزيت راسي بـلا .. فيصل : طيب اش تبين ؟! همست : ابي انام دايخه .. ابتسم : طيب والفطور اللي متعب حالي فيه ؟؟ قلت : اعذرني مو مشتهيه .. هز راسه بتفهم وطلع تغطيت باللحاف وبديت ابكي مدري ايش السبب بس في خاطري ابكي .. حطيت المنبه على الساعه عشر الا ثلث وكملت نومي .. * صحيت على صوت المنبه قمت تحممت لأني نايمه بمكان حار .. لفيت حجابي ونزلت تحت أول ماشافني فيصل .. قال : ساره ! ليشش صاحيه روحي كملي نومك !! ابتسمت : لا .. أبي أصلح لكم الغذا ولا ايش ممكن اسوي ؟؟ فيصل : لا تنهبلين انتي تعبانه ومايصير .. طنشت كلامه ورحت المطبخ جهزت الأغراض وانا ساكته وهو يناظرني وفع صلحت الغذا وهو يناظرني مااتحمل نظراته اببد على طول ببكي طلعت الخضار للسلطة وجلست جنبه شوي وسمعته يقول .. فيصل : آسف ماكان قصدي انك تمرضين و ... سكت .. ثم كمل : كلامك نرفزني بصراحه .. ارتجفت من كلامه !! فيصل : فيك شي ؟؟؟! همست له : برداااانه مووت شفته يقوم وراح ثواني ورجع حط علي جاكيته حرام علي عذبته معي .. خلصت سلطة ورحت للثلاجة وطلعت جبن واخذت الخبز وصلحت لي احس انه يناظرني .. رفعت عيني لقيته يناظرني فعلا بقلق .. قلت : لاتخاف الحمدلله صرت احسن ... لاتحط ببالك أكلت وصعدت شفته يتقرب مني ورحت لغرفتي دخل معي .. انسدحت على السرير .. همس : غيري ملابسك مابتقدرين ترتاحين بالجينز .. ابتسمت وغيرت لبيجاما محترمه ونمت .. خلوني احكي لكم شي مااتوقع اني ذكرته من قبل .. ابوي توفى بعد سنتين من ولادة فيصل واهتمت امي فيه عند اهلها يعني ابوها وامها ويوم انه توفى ابوي كانت امي حامل فيني وبعد اسبوعين من ولادتي توفت امي .. أذكر اني يوم كملت سنة أخذتني خالتي لخالي جاسم لأنها حامل ومن يومها وانا عند خالي جاسم أقسم ان خالي ماقصر علي بفلس واحد بس فاقده منه الحنان ماأقول ابه يعاملني مثل بنته بس يحسسني ولو بوية حنان صحيت ولقيت فيصل في وجهي .. ابتسم : مساء الخير !! اكتفيت بالابتسامه : الساعه كم ؟؟ فيصل : تقريبا باقي شوي ويأذن المغرب .. قلت : وااااااااااو نمت كثير .. قال : عادي اليوم الخميس .. كيف نسيت يووه اليوم الخميس وبكره الجمعه ياربيه مابي فيصل مايروح لبيت خويه علشان اني سويت نفسي مريضه ابي اعرف باسررع وقت .. قمت من السرير وغسلت وجهي ورجعت مبتسمه .. فيصل : كيفك ألحين ؟؟ ابتسمت وهفيت على نفسي : حرااانه مووت اتجهت للمكيف وفتحته .. ابتسم : طبتي ؟؟! ضحكت : كيف ماأكون طيبه وفيصل بنفسه يسألني ذا السؤال ؟؟ .. حسيته بيبكي : فيصل اش فيك ؟؟ همس : تعباان .. ضحكت : خيبه تمرض بعدي ؟ تبيني اراعيك ؟ طيب ماطلبت شي اذا ماأهتميت بفيصل اهتم بمين ؟؟ ضحك : لا مشكورة اهبل فيك مابي الا العافيه دامك بخير .. صرخت : أموووووووت فيك فيصلووه ياحماار .. ابتسم : قسم لولا اني حاس بالندم فلعت راسك .. أجل فيصلوه وحمار بعد ؟! أخذته من ايدينه وطلعته برا الغرفه وهو يضحك .. غيرت ملابسي وتحجبت ونزلت اتجهت الى المقلط لقيته فيه هو مع نايف ومروى وخالي ومرت خالي يعني الكل مجتمع كالعاده جلست على الكنبه اناظر فيصل ونايف شوي وسمعت صوت فيصل .. يقول : ساارووه طلبتك !! ضحكت : ههههه عطيتك آمر ؟! ناظرني : عطشان موت ياحبذا لو تجيبين لي كاسة مويا باردة ثلج ابيها .. هزيت راسي ووقفت .. نايف : ياليتت لو تجيبين لي .. ابتسمت : طيب .. رحت المطبخ وجهزتهم حطيت قوالب فيهم ورجعت وأعطيتهم شوي وسمعت .. فيصل : ساارووه طلبتك ؟! قلت : اش تبي بعد صايرة لك اليوم شغاله ماكأني مريضه .. التفتت لي مروى وقالت : اش فيك انا اقول مافيك الا العافيه صحتك مثل الحصان الا اذا تتدلعين شي ثاني ؟؟ قسم بغيت افلع راسها الملقوفه شكوو أخو وأخته بس طنشتها .. قلت : طيب كم فيصل عندي آمر ؟؟ فيصل : تعالي عيب مابي حد يسمعني اش بقول .. تقربت منه واعطيته اذني .. صرخ : وااااااااااااء .. مسكت راسي هين يافيصلوه هذا وانت ندمان تسوي فين كيذا طيب هذي المره مابخليك بس تندم الا تعض اصابعك ندم بس اش اسوي ناظرته وابتسمت شوي ودمعة عيوني مدري عندي دموع زايده زي مايقول فيصل ولا ايش .. صعدت غرفتي وانا متأكدة انه بيلحقني شغلت شريط امي وقفلت الانوار حطيت لي دموع اصطناعيه بالمويا وسويت نفسي اشاهق احس احيانا اني ممثلة بارعه كل شي اسويه الكل يصدقه فعلا جاء فيصل وفتح الأنوار سويت نفسي ماشفته جلس جنبي .. قال : اش فيك زعلتي ؟ ناظرته وهزيت راسي بـ لا .. فيصل : اجل اش فيك قمتي ؟؟ تعبتي ؟؟ همست : لا .. وعصرت عيني ابي اي دمعة تنزل مافيه فايدة لا وشكل فيصل يوحي انه مصدق وخايف ناظرته ونزلت راسي لايشوف ابتسامتي ويعرف اني اكذب .. ماقدرت اتحمل : ههههههههههههههههههههههه ناظرته لقيته يناظرني شوي وقام بيضربني فتحت باب الغرفة وهجيت وهو يلحقني قسم مافيه اخو مثله .. الين تعبت استسلمت : خلاص اهـ أهـ أهـ سوي اللي أهـ أنتا تبيه بس أهـ أهـ .. كنت اتنفس بقوة فـ لذلك رحمني .. بعد اذان المغرب صلحت العشا وفيصل كل مرة يناظرني اضحك هذا وهو عرف اني بس سويت نفسي حزينه وسوى كيذا اجل لو يدري اني كنت اكذب عليه بالمرض ؟؟ بعد اذان العشا الكل نام رحت غرفتي وانسدحت افكر كيف فيصل معي اليوم غير دعيت ربي لا يغيره علي ورحت بساابع نومه .. بما أني نمت طول اليوم فـ أكيد بصحى بدري قمت الساعه 2 ونصف تحممت ورحت لدولابي افكر ايش البس بكره ؟؟ طلعت العبايه الزرقا وسبق وان قلت لا تاخون فكرة سيئه .. أخذت شيله فيها زخارف ورسمات بالازرق والأبيض هلاليه ههه يلا تناسب لبست تنورة جينز أزرق طويله حلوة والبلوزة ابيض علشان شكلي يكون متناسف .. طلعت علبة المكياج واخترت لون ازرق وابيض يعني مكياج خفيف جدا جدا ومرطب مو كل مرة بحط قلوس .. أممم شعري كيف اسويه ؟؟ قررت ارفعه وانزل لي خصلات مبعثره خلاص باقي الجزمة كرمكم ربي نزلت تحت واخترت لي كعب ازرق ماشاء الله علي لا يحسدوني .. رجعت البيت وسكرت الباب انتبهت ان انوار المطبخ مفتوحه يارب ماتكون مروى أو امها أو أبوها يفتحون لي تحقيق وين رايحه ومن وين جايه وليش وكيف .. وان نايف الله يستر وفيصل بيشك فيني ههههههه يارب مايطلع احد .. مشيت بهدوء وبالغلط دعمت في الكنبه وطلع صوت ياربيه هالوقت بالذات ؟؟ قمت الحمدلله محد شافني شوي وسمعت صوت .. خالي : ساره انتي باقي صاحيه ؟؟ التفت شفت نايف أول مرة احس ان صوته يشبه صوت خالي .. وقفت مبلمة قدامه الحمدلله علي حجابي .. قلت : ايه ليش انت اش فيك صاحي ؟؟ هز كتوفه : ابد بس ماجاني نوم قمت .. وانتي ؟؟ ابتسمت : كنت اجهز لي كعب .. وتقربت منه : روعتني .. ماحسيت فيه الا يضحك بقوة حطيت يدي على فمه : اششششش لا تفضحنا .. شوي وقال : لا خلاص سكتت لا أفضحك .. ورجع يضحك كان ودي اجلس مع نايف بس استحي وثانيا لو جلس طول الليله يضحك عز الله ان خالي بيذبحني .. ابتسمت ابتسامه عريضة وابتعدت عنه وانا من داخلي مااتمنى ابعد .. رحت غرفتي ورميت نفسي على السرير وعقلي طاير عند نايف .. لا هو لسلمى خلاص لا تفكرين فيه .. صوت من داخلي يتكرر يذكرني بفيصل دايم يقول " هو لسلمى " .. خنقتني العبرة واتجهت للحمام عزكم ربي غسلت وجهي ورحت للمرايا ارتب شكلي اليوم طالعه حلوه مادري تذكرت أغنية لعبد المجيد على ماأظن " ياارض احفظي ماعليكى حبيب قلبي حضر ..." شوي وانطر الباب حسيت انه نايف لأن محد جالس الا هو وثانيا مروى وفيصل عادي يدخلون بأي وقت .. لبست حجابي ورحت فتحت الباب لقيته نايف مثل ماتوقعت ؟؟ قلت : خير نايف ؟؟ التفت لي : أمممم بصرااحه زهقنا وجالس بلحالي وابي اتكلم مع احد احسن من الجدران .. ومافيه حد صاحي الا انتي .. والله فيفي عبدو ترقص على قلبي صحيح ان مو لجل عيني لأن مافيه حد صاحي غيري بس حلو .. ابتسمت : طيب أقفل غرفتي واجيك .. سمعته يقول بهمس : تقفل غرفتها كأن فيها كنوز الدنيا .. مال قارون وحنا ماندري ضحكت : عيب عليك هههههههههه .. دخلت واخذت المفتاح وقفلت الغرفه نزلت تحت معه على طول اتجهت للمطبخ .. نايف : جيعاانه ؟؟ قلت : امممممم لا بس ابي اسوي لي نص كافيه يعني لعانه .. ابتسم : طيب بساعدك .. قلت : لا مايحتاج بسيط .. نايف : طيب علميني ؟؟! ابتسمت ذا واخته يبوني اعلمهم وفيصل كمان ياربيه لهالدرجه الناس يحبون اكلي ؟! هزيت راسي وقلت : طيب .. شف خذلك كووب وسوي مثلي وأي استفسارات قول ولاتستحي .. هز راسه .. فعلا كنت اشوي شي ويسوي مثلي وماتكلم ولابحرف عكس اخته اللي ليش تسوين وكيف ومدري ايش .. ولما خلصت .. ابتسمت : خلصت .. نايف : بس ؟؟؟؟؟؟؟؟؟؟؟؟ هزيت راسي بـ ايه .. وقلت : ليش انت حاط في بالك أو متوقع انه صعب ؟؟ ابتسم .. قلت : طيب ابي اذوق منك وانت ذوق مني .. نايف : بس اذا طلع مو حلو لا تفشليني وتعطيني هيا بالوجه كالعاده .. ضحكت : طيب بس بقول رايي .. أعطيته كوبي واعطاني كوبه .. قلت : واااو مره نايس .. ناظرته كان باقي ماشرب .. قلت : اش فيك ؟؟ لاتخاف طعمه حلو .. وماحطيت بكوبي شي ابتسم : لاموقصدي بس كنت انتظر رايك .. شرب من كوبي واعطاني هوا وأعطيته كوبه .. شوي وقال : أمممم حلو .. قلت : بس ؟! نايف : تقريبا روعه .. ابتسمت وماعلقت وسحبت لي كرسي وجلست عليه لأني تعبت وانا واقفه .. جلس قببالي وكنا ساكتين .. قلت : نايف ؟؟ رد بدون مايناظرني : همممممم قلت : طيب سولف انت مخليني انزل علشان تبقى ساكت ؟؟ ناظرني : اش اقول ؟؟ قلت : أمممم قول اش تحب واش تكره اي شي بس لا تبقى ساكت .. ماأحب اللي قدامي يكون ساكت لأني هذاره رفع عينه ورجع وطى راسه .. قلت : طيب اي لون تحب ؟ ماحسيت فيه الا وهو يضحك .. أنقهرت : بربك ليش تضحك ؟؟ نايف : مدري بس سؤالك غريب تقولين في الروضه تسأليني كيذا ؟؟ قلت : أحلف انت بس الحين كثّر الله خيري تكلمت .. قال : طب ولا تزعلين أحب اممم الوان هاديه مثلا برتقالي و .. وردي .. انفجرت ضحك مو قادره اسكت .. نايف : ألحين ليش تضحكين قايل لك نكته ؟؟ سكتت : لا بس اول مره في حياتي اسمع رجال يحب لون وردي أو برتقالي العادة بس البنات .. غريب ! نايف : لاغريب ولا شي .. طيب وانتي ؟؟ قلت : أسود قطب حاجبينه : ليش بالذات أسود فيه الوان كثير احلا .. ابدا ذا مو حلو .. العادة البنات كله أصفر ومدري ايش .. قلت : لا أنا غير .. الأسود يرمز للكآبه والحزن والدموع وكل شي حزين .. نايف : لهدرجه انتي حزينه ؟؟ مافيه شي يستاهل تبكين لجله .. ابتسمت : إلا .. مهما كابرت وضحكت مستحيل أقدر اخفي الدموع .. قال : طيب اذا ممكن ليش ؟؟ قلت : تخيل نايف ماتعرفني ؟ " قطب حاجبينه " قلت : طيب تخيل .. تخيل بس بنت أول مافتحت عينها على الدنيا تلاقي امها ابوها متوفين تسمع اللي معها في الروضه امي قال وأبوي شرى .. وهي ساكته .. انطوائيه منعزلة ماتحب تجلس مع احد .. تكره كل البنات والاولاد .. وتحب اخوها اللي يشك فيها في الطالعه والنازله بس تحبه لأن مالها غيره .. تخيلت ؟؟ كل ذا مايستدعي انها تكون حزينه ؟؟ وماخفي كان اعظم .. ناظرني : بس مايبين عليك ابد .. قلت : طيب فكنا من ذي السيرة وخلنا نرجع للألوان والأشياء هادي .. احترم رغبتي وقلب السيرة .. نايف : طيب ايش اقوول ؟؟ فكرت شوي : انا حكيت انت احكيني سولف عن نفسك اي شي ..اشياء ماقلتها لأحد وأعدك ماأقول .. ابتسم : طيب اسأليني وانا بجاوب .. قلت : أمممممم أحكيني اش كنت تسوي يومك صغير أصحابك سوالف كيذا .. المدرسه .. ضحك : هههه طب اسمعي .. أمم أول مادخلت المدرسه حسيت اني كبرت ومدري ايش كنت مبسوط موت .. تركني ابوي في المدرسة وقال لي لاتبكي انت كبرت .. ماكنت اعرف حد ابد .. اتجهت لفصلي كان تقريبا اسمه الريحان كنت اشوف الكل يتزاحم على الاسطر الاولى اتجهت للسطر الأخير انتبهت ان فيه شخص تقولين بلونه بقد ماهو منتفخ .. ضحكت على اسلوبه .. كمل : من باب الرقه والنظافه طلعت كلينيكس ومسحت طاولتي والكرسي .. ألحين رجال طول بعرض أروح للزباله وارمي الكلينيكس ؟ وين البرستيج ؟ شفت في نهاية الصف زبالة عزك الله .. رميتها من بعيد وماصابت الا الدب خوينا .. ماقدرت اكتم الضحكه وانا اشوفه يقول كيذا .. قلت : طيب اش صار ؟؟ ابتسم : اقولك كنت انسان مالي فـ الدنيا في حالي وينقز علي وانا الضعيف وهو المدري ايش وماهمني بذا كله الا المظهر الخارجي جلست اقوله الثوب الله يجزاك خير لاتلمسها وهو جزاه الله خير وعطاه عافيه مايسمع .. وبالنعول تكرمين والضرب والبوكس حتب بعضهم شارك ببعض البصقات وأقطع يدي ان كان احد فيهم داري ليش يضربني .. ضحكت بأعلا صوت عندي : ههههههههههههههاااي ونااسه انت فللله حط يده على فمي : وتقولين اسكت لاتفضحنا ؟ سكتت بس فيني الضحكه وأكتفيت بالابتسامة له .. فكرت اني اقوله عن اني احبه بس هو لسلمى .. طيب خليني اقول احسن من اكبته بقلبي اللي مايتحمل شي ابد قلت بهمس : نايف .. رفع عينه وناظرني ارتبكت بس قلت ضروري اعترف له .. قلت : نايف انا ابي اقول لك شي واتمنى انك ماتزعل مني .. نايف : طيب ايش ؟؟ بلعت ريقي : نايف انا ... .: نهاية الجزء التآسع :. |
.: الجزء العآشر :. " الله يآمكثر العوآطف الله يآمكثر الصدف .. الله يامحلآ لون وجهه يومه ينخطف ..! يسحب كل غلآ مخلوق(ن) في قلبي ؛؛ وكل مشاعر صآدقه من قلبي لقلبه . تنجرف ! " / \ / فكرت اني اقوله عن اني احبه بس هو لسلمى .. طيب خليني اقول احسن من اكبته بقلبي اللي مايتحمل شي ابد قلت بهمس : نايف .. رفع عينه وناظرني ارتبكت بس قلت ضروري اعترف له .. قلت : نايف انا ابي اقول لك شي واتمنى انك ماتزعل مني .. نايف : طيب ايش ؟؟ بلعت ريقي : نايف انا ... سكتت فتره كيف اقولها بس خلاص مو لازم انزل كرامتي وانا ادري انه يموت بهوا سلمى او التراب اللي تمشي عليه ..! هزيت راسي : انسى السالفه !! رفع عينه : أوعدك ماازعل بس قولي .. هزيت راسي : لاخلاص مافيه داعي .. شوي وقمت .. وقلت : طيب انا بروح اتوضى لجل مايأذن الا وانا على سجادتي .. ابتسم : طيب .. مشكورة بجد ونستيني تسلمين .. ابتسمت ابتسامه عريضه وابتعدت ابي اقول لأي احد عن اللي صار لأول مرة في التاريخ نايف يجلس معي ويضحك ويسولف كمان .. في ذي الاياام نايف متغير ميه وثمانين درجة قسم انها وناسه احلا ليلة بالحياة .. رحت لدفتري وكتبت " نايف غير يارب تدوم السعاده عليه " وجنبه التاريخ " 9/8 يوم الخميس ليلة الجمعه الساعه 3:45 " قمت توضيت انتظرته يأذن وصليت نزلت مباشرة وصلحت الفطور وصعدت نمت .. أمنيه ان يجي اليوم اللي اشوف نايف لابس الغترة والبشت وانا بالابيض .. اصارخ لكل العالم واقول اني اموت بهواهـ ..! * * صحيت على صوت ميشو .. قلت : وجع ان شاء الله .. ماتعرف الادب انت ؟؟ تكتف : لا .. يلا قومي تعبت جالس بلحالي .. تأففت : ياربيه صدق حمار وماعندك ذوق شكو تصحيني ؟؟ ميشو : ساروه ياحماره انتي قومي يلا زهقان الكل نايم .. تأكدت ان ميشو مستحيل يتركني الا لما يتأكد اني قمت من النوم .. قلت بملل : الساعه كم ؟؟ ميشو : 11 وعشر .. قلت : طيب اطلع انا شوي وجايه وراك .. ميشو : لاحبيبتي ماتطوف علي يلا قومي .. قلت : مشعلو ماتفهم ؟ اطلع برى ابغير ملابسي واجيك .. قال : طيب قومي قلت : لا أستحي تشوفني بذي الملابس انقلع براا .. ميشو : ابي اشوف اش لابسه انقهرت : أولا انت مو ابوي ولا عمي ولا خالي ولا اخوي .. أو حتى تكون زوجي فـ عيب عليك تفهم ؟؟ ميشو : لأول مرة اتمنى اني اكون زوجك علشان اعرف اش لابسه قلت : مشعلو يلا اذلف بغير وبجيك .. فعلا بعد عناء طويل طلع غيرت ملابسي الى بني تصدقون شفت ملابس عندي وردي واصفر وبرتقالي واحمر مالبست اي وحده منهم .. لأن الالوان القاتمه هي كل حياتي .. بدلت ونزلت جلست شوي مع خالتي وبعد تقريبا ساعه صلينا الظهر .. ميشو جلس مع مروى قلت : خالتي قومي نصعد غرفتنا .. ميشو : لاتخافين مااقط اذني عليك من حلاتها سواليفك قلت : خالتي فيه مثل يقول اللي مايطول العنب خالتي : حامض عنه يقول ضحكت حسيته تنرفز واتجهت ابصعد سمعت صوت مرت خالي تقول : صحي نايف من البارح نايم وما صحى هزيت راسي وصعدت دخلت خالتي غرفتي ورحت غرفة نايف .. وبالموت صحى لأنه مانام شي ابد .. فتح عينه : انتي صحيتي ؟؟ كيف نمتي وصحيتي بذي السرعة ؟؟ قلت : الله يخلي ميشو أقصد مشكل مشاكل ماتركني بحالي .. ضحك على الذكرى " مشكل مشاكل " هذي لها قصه طويلة عريضه ان شاء الله بيجي وقت واقولها لكم .. المهم رحت غرفتي ولقيتها بيدها بطاقة زفة ريم .. قالت : هذي لي ؟؟ ابتسمت : ايه كيف عرفتي ؟؟ خالتي مشاعل : لان مكتوب عليها اسمي .. طيب مين أعطاكي هيا ؟؟ قلت : ريم خويتي .. لك لزفتها خالتي مشاعل : زفتهااا ؟؟!! هزيت راسي ... كملت : طيب ناويه تروحين ؟؟ ضحكت : هه ابشرك قلت لريم اني مابحضر المسكينه حجزت لي معها بالصالون ! تخصرت : ليش بالله منتيب رايحه ؟؟ قلت وانا اجلس : لأن متأكده ميه على ميه مستحيل خالي يرضى فـ ليش اتعب حالي واحرج نفسي وأسأله ؟؟ خالتي : طيب مو انا مثل امك ؟! كيف ماقلتي لي ؟! يمكن اقدر اساعدك !! هزيت كتوفي : اكيد خالي مايرضى لاتعابلين بعمرك خالتي : لا بيرضى غصب عنه ضحكت بسخريه : اعطيك اللي تبين اذا رضى خالتي : لاتتحديني اقدر اسويها .. بعد ماخلصنا سوالف انا وخالتي نزلنا وتغذينا قسم ان خالتي مافيه مثلها صلحت الغذا ! الله يرزقها بنت يارب .. بعد اذان العصر جلسنا عند التلفزيون بطريقة عجيبه كلنا متجمعين حتى مرت خالي شاهدنا فيلم مصري ماشاء الله صارت عادة يوم الجمعه نتابع فيلم .. بصراحه انا مو من هواياتي اتابع افلام قمت رحت غرفة فيصلوه وأخذت كتاب صايرة مثقفه على حساب فيصل كان كتاب لنزار قباني ناسيه اسمه بس اذكر ان فيه قلوب بالاحمر ناسيه والله .. جلست اقرا تحت وطبعآ فيصل ماترك تعليقه على كل صغيره وكبيره بالفيلم .. صعدت غرفتي كويت ملابسي ورجعت .. بعدين صلينا .. يعني تقريبا الكل عارف جدولي .. بعد ماطلعت خالتي رحت كويت لفيصل ملابسه ... ولبست ملابسي وجلست احط المكياج خصلاتي نازلة على وجههي بشكل متناسق .. سمعت صوت البوري يعلن ان تركي وصل .. قفلت غرفتي ونزلت يعني عارفه ان نايف بيجي وفعلا جالي .. قال : خوذي جوالي .. ابتسمت .. فـ كمل : ابشوف اصبعك !! لصقه لي .. رفع عينه وابتسم خقيت على طول .. شوي وراح انتظرت لين دق الجوال على طول دخلت وانا ادعي يارب اليوم اعرف واخلص .. فتحت الباب : السلاام ولو ان السلام لأشكالك حرام .. ناظرني : هلا ..! قلت : بليز خبرني وأوعدك ماعاد تشوف وجهي ثاني .. هز كتوفه : اش اخبرك ؟ قلات : لاتستهبل أولا ! ابي اعرف ليش يوم الجمعه بالذات ؟! قال : لأن فيصل اختاره .. قلت : طيب اش يسوي فيصل في بيتكم ؟! سمعت " عشان الحب واللي بيني وبينكـ ... الخ " رفعت الجوال شفت مكتوب " سلمى " وجع ان شاء الله .. صمت الجوال قلت : هااه خبرني ؟ قال : ايش ؟؟؟ انقهرت بس مسكت اعصابي : فيصل اش يسوي في بيتكم اخاف بيتكم ملاهي أو صالة بلياردو ؟؟ سمعته يقول : هيهيهي ياخف دمك يابت .. فيصل عنده بيتنا جنه تفهمين !! بلمت : كيف يعني ؟؟ شوي وسمعت نفس النغمه أوووف سلمى اش بهاا ؟؟ تركي : ردي ليش حاقره حرام .. انقهرت : جاوب ولا لك شغل فيني قال : فيصل يموت على بيتنا اش دخلني فيه حتى يمكن يحبه اكثر منك انتي .. والله من خفة دمك ولا ايش ؟! قلت : هيهيهيهي بايخه ! طيب ممكن تعلمني سر الجاذبيه ؟؟ تركي : مايدري نيوتن عن بيتنا لو يدري سمى الجاذبيه باسمه .. شوي ودق الجوال : أووووووف اش عندها هذي الا تبي تكلم ؟؟ .. ورفعت عيني له : كمل !! هز كتوفه : اش اقول ؟؟ تنرفزت : قسم بالله اني خاطري اذبحك او افلع راسك بالجزمه .. احكيني اشوف ... طيب عندكم في بيتكم بنات ؟ أقصد أخوات عندك ؟؟ ضحك : هههههههههههههههه لاتخافين ايه عندي بس ابشرك مو احلا منك تصبغت احمر بس قلت : طيب وغلاة اغلا الغاليين عندك ان تقول لي اش يسوي عندكم ؟! تركي : ابد يسولف ويتعشى ويسهر بعدين يرجع قلت : بس ؟؟ هز كتوفه : بس ألحين سر وبعدين كيذا ؟! اش بقى وما سألته ؟ شوي وسمعت صوت نفس النغمه قسم اني منقهره بذي السلمى أولا تقطع علي الحكي مع ذا وثانيا وهو الاهم تتصل على نايف .. أووف سمعته يقول : اش عندك معها ذي ماتبين تردين ؟! قلت : مو شغلك تفهم يعني ايش مو شغلك ؟ وبلا لقافه لو سمحت .. تمنيت يخلص ذا الوقت بسرعه وفعلا طلعت وتخبيت ورى الشجره تقريبا دقايق وشفت تركي بعدين طلع فيصل اكيد نايف بقى بالمقلط دخلت وفعلا كان نايف يشيل القهوه .. قلت : تفضل جوالك عندك 5 مكالمات من زوجتك .. نايف : زوجتي ؟؟ قصدك سلمى ؟ قلت : أكيد قال بدون مايناظرني : متى اتصلت ؟؟ قلت بقهر : يوم اني كنت مع خويكم ذا هو يبط الكبد و... مسكت لساني الحمدلله ماقلت شي عن سلمى ولا بعدين اش بيصير ؟! سكتت فتره ثم قلت : بربك نايف ليه تخليني اتلثم ؟! ابتسم : ماعرفتي ليش ؟! توقعته بيقول أغار عليك شي يعني مابي حد يشوفك وجهزت نفسي للخجل وهزيت راسي بـ لا ..! قال : يجي لك يوم وتعرفين .. أحلف انت بس ! أووف قهر .. قلت : تصبح على خير طلعت بدون مااسمع رده ومشيت لغرفتي قفلت الباب وشلت كل شي اخذت الروب ورحت للحمام عزكم ربي تحممت ولبست الروب طلعت أخذت بيجاما بيج مع بني فتحت شعري جففته انسدحت على السرير حطيت ميوزك هاديه .. تركي وعرفت انه ياخذ فيصل لبيتهم وعرفت تقريبا أغلب المعلومات .. باقي سر واحد ليش تركي بالذات ؟؟ مدري اسأل فيصل ؟ لالا بيسوي لي سالفة ماتنتهي .. غيرت مسار افكاري الى ريم .. خالتي مشاعل تقول اني بروح .. يارب فعلا كلامك ياخالتي يكون صحيح .. لوأن امي موجوده ماترددت لحظه بانها ماتخليني اروح .. مو ملاحظين معي شي ؟ ان كل مره اجلس بلحالي امي تجي بأفكاري ؟ رغم اني ماشفتها ابد بس دوم اقول لو امي باقي موجوده ليش ؟؟ كانت بتنزل دموعي بس منعتها انا الحين نعسانه ومالي خلق ابكي .. بقول لكم شغله عني .. اني اذا كنت نعسانه مالي خلق آكل ولا اتحمم ولا اسولف ولا اضحك ولا ابكي .. بس افكر وانا اسمع شي او اقرى .. لو يقولون لي خالي بيحرقك اذا نمتي وانا نعسانه عادي عندي .. اصلا انا تعودت على الحرق .. بس هل فعلا هذا اسلوب تربيه ؟؟ ضحكت على نفسي كيف ادخل في موضوع واطلع من موضوع ثاني أهلوس هههههه .. ابدي بـ فيصل وتركي وأوصل لاسلوب التربيه .. نمت ! * * * صحيت الساعه اربع وخمس صليت الفجر ونزلت صلحت الفطور كنت جيعانه اكلت خبز مع جبن شربت كاس عصير فراوله ولاعت كبدي متغير طعمه .. صعدت غرفتي ومشطت شعري حطيت لي شباصات ابيض وحطيت بشعري جل كنت روعه حطيت كالعاده قذله اتميلح .. حطيت محدد على شفاتي بالوردي وحطيت روج وردي وخففته حطيت كحله خفيفه ورحت المدرسه مع الاستاذه مروى اللي كل يوم معجبها شكلي خل تخطبني لأخوها ههههههه .. الحصه الثاله كنا فراغ رحت فصل ريم وحضرت معهم حصه اش اقول عن ذي الابله الله لا يبلانا ياناس .. حامل وتنافخ بعد يقولون الجنين ياخذ كل صفات امه اذا كان في بطنها عز الله اانه رايحن فيها ذا ولدها .. أول مادخلت كتبت العنوان ( مظاهر التجديد في الشعر ) بس ناسيه اي عصر الاموي ولا العباسي المهم تبون تعرفون اش تقول ؟؟ طيب تفضلي ياابله المايك عندك :. الابلعه : بسم الله الرحمن الرحيم والصلاة السلام على اشرف الانبياء والمرسلين محمد وصحبه اجمعين ..أما بعد .. اليوم باذن الله تعالى راح ناخذ .. وبصراخ : اللي ورى ريم واللي بجنبها .. ألحين انا سكاته اش بها ذي ؟؟ كملت : عنوان درسنا مكتوب .. طيب اي شي من القديم عندكم تستمرون عليه ؟؟ هااه اللي عند الشباك ؟! وقفت البنت : لا نشتري غيره .. ضحكني ردها بس سكتت وكالعاده حطت اللوم على ريم .. الابله : طيب الشعر كمان في تجديد ومافيه شي يستمر على حاله في العصر الجاهلي كانوا ينظمون على طريقه واحده .. ومع التقدم العقلي الخصب تجدد الشعر ومن اهم الاغراض الللي تجددت المدح .. افتحوا الكتب وحطوا التاريخ أي كتاب يجيني مافيه تواريخ مستحيل اقبله طيب ؟؟ اللي عند الباب اقري .. طبعا البنت قرت مقطع وبعدين قامت ريم تكمل .. ريم : وماينبغي ان يقوم عليه من الاخذ بدستور الشريعه وتقوى الله والعدالة .. يقول ابو العتاهيه في الخليفه هارون الرشيد .. وراعَ يُراعي اللهِ ... قاطعتها : اللهَ كملت ريم : وراعَ يٌراعي اللهَ في امة ٍ .. يدافع عنها الشرِ ... قاطعتها : ركزي ياريم .. مدري الابله اش بها على ريم ؟ حاطه دوبها ودوب ريم وياويل ماتغلط مدري ريم ذابحه لها احد ولا شي .. ريم : يدافع عنها الشرّ غيرُ رقودِ .. تجافى عن الدنيا وأيقن أنها .. مفارقةٌ ليس بدا ...... قاطعتها بعصبيه : ليست ياريم مهوب ليس ركزي لا تخلين العرس ياخذ كل تفكيرك دراستك غير .. وأشرت لبنت تقرى .. أهاااا الحين عرفت ليش تنافخ على ريم الحين هي منقهره منها الظاهر انها ماتزوجت الا بعد الثلاثين المهم مالي دخل فيها بس بجد قهرتني .. الحين الادب يحطون له ابلة مثل ذي ؟ ماصدقت على ربي انتهت الحصه هذا وانا حضرت بس حصه واتنرفزت كيف ريم الله يعينها يلا هذا اخر اسبوع لها في ذي المدرسه كيف ياربي بتحمل فراقها ؟ بعد ماخلصنا ورجعنا للبيت صليت وصلحت الغذا لهم رحت ذاكرت بعدين صليت العصر ورجعت اذاكر ويوم اذن المغرب صليت وصلحت العشا ونمت .. * * صحيت الساعه 11 وربع صليت العشا ونزلت مالقيت احد احسن بعد .. سويت بيض وجبن ههههه احب الجبن اش اسوي يعني ؟؟ اكلته وغسلت الصحون بعدين شربت عصير سيزر برتقال وجزر طعمه رهيب انصحكم فيه اسوي دعايه له ماشاء الله علي .. صعدت غرفتي والله فاضيه .. استخرجت دفتر من دفاتري وبديت اكتب وانا ادندن بأنغام اغنيه :. وردة حمراء واخرى بيضاء .. طفولة مرحه ,, وشقيه بالوقت ذاته ..! لا أحد يفهم من يكون بالنسبه لقلبي .. قبل اكثر من 10 سنوات متتاليه .. و... حبه ينمو بقلبي باستمرار وبدون توقف ..!! إقتحم حياتي فجأه .. واستحوذ على أفكاري ,, وأخذ يحرك مشاعري حيث اراد .. ولا أعلم مالنهايه !! مع هذا المخلوق العجيب .. الرهيب .. الغريب .. واخيرا ... الحبيب .. هل انا احبه فعلا ؟! لااعلم ..! هل هو بالنسبة لي كل حياتي ؟! لااعلم ..! كيف تمكن من الوصول الى قلبي ؟! لااعلم ..! هل هذه النهايه ؟؟ اعتقد حان وقت الافصاح عن بعض مشاعري تجاهه .. أحبه .. نعم وقد أصل لمرحلة الجنون .. ولكنني احبه ؛؛ واعشقه .. واعشق نظراته القاسيه والحنونه بالوقت ذاته ..! هذه وردة حمراء .. تعبّر عن كل المعاني المكبوته داخل قلبي الصغير .. وهذه وردة بيضاء لنبدأ حياة جديدة بيضاء مثل هذه الوردة تماما ! .. سكرت الدفتر كنت افكر مع كل كلمة اقولها حتى اني ابدي بأغنيه وانتهي بغيرها مو مصدقه اني " احب نايف " بكل شي فيني احس ان عقلي بينفجر جديدة ذي الكلمه علي .. انسدحت على السرير وتركت لعيني الحريه بأن تختار النوم او السهر ! * * * يوم الاثنين جاء خالي ابو ميشو وقال ان خالتي تعبانه .. قلت لكم ان فيها شي بس اش فيها .. تصدقون احسن شي ان بكرة مو الجمعه علشان مااتورط .. المهم لبست عبايتي ونزلت ورحت معهم وصلنا عند بيتهم وطق بوري طلع ميشو وامه وصعدوا السياره اكيد رايحين المستشفى .. قلت : سلامات خالتي عسى ماشر اش فيك ؟؟ عين وما صلت على النبي ماسمعت الا صوت ضحكتها متأكدين ان هذي مريضه ؟ خالتي مشاعل : عبدالله ! ماقلت لساره ليه جايه معنا ؟ ليش جايه معهم ؟؟ اش السالفه ؟؟ ميشو : اكيد لا قلت : لحظه انا مو عارفه استوعب السالفه خالتي ومو مريضه سليمه ولله الحمد اش بها كمان ؟! التفت لي ميشو اللي كان جالس جنبي : اسمعي السالفه ان خالتك بتروح معك المول تشترين لك ملابس وذي الاشياء ... فتحت عيني : اش تقول انت ؟! تشتري لي ملابس ؟ ليش ؟! خالتي : علشان زفة خويتك .. قسم خنقتني العبره كيف ياربيه ان خالتي مانست وعدها اني اروح ؟ سندت راسي على كتف ميشو وجلست ابكي بصمت .. ميشو : اش فيك ؟؟ قلت : ابد بس اول مرة احس بحضن حد يحميني .. ابتسم : بالله !! هذا وانا باقي ماحضنتك وتقولين كيذا كيف لو سويتها ؟؟ انصبغت احمر .. سمعت خالتي : مشعل ! اش ذا الكلام اللي تقوله ؟؟ ماعندك حيا انت ؟ ولا وجهك مغسول بمرق ماتحس ؟؟ ميشو : والله مدري عنها تقول حضن وماحضن اكيد انا !! ابعدت راسي عنه : احلف انت بس يعني تركت العالم كله وجيت لك ؟ افهم الكلام يعني حد يهت فيني وطبعا المقصود بذي العبارة مو انت امك ! قال : اقلبي وجهك اجل .. حبيت انرفزه : على اي صفحه ؟؟ ميشو : هيهيهي قديمه ماقدرت اكتم ضحكتي وصرحت فيها للكل .. ميشو : ضحكتي بلا ضروس قولي آمين .. جملته زادتني ضحك .. طبعا وصلنا ومابي اطولها وهي قصيرة واقول كم مول رحنا .. بقول على طول اش شريت .. فستان برتقالي واحمر يوصل لحد الركبة وبعدين بوت لونه بيج يعني تقريبا من درجات الفستان .. طيب الفستان من فوق مفتوح وفيه قبعه مثل الاميرات بنفس اللونين .. اما الاكسسواراات كانت رهيبه ذوق ميشو مثل الاصداف بالبيج .. ماكنت ابي اشتري ساعه بيج لأن عندي بس أصرت خالتي ان يكون كل شي جديد .. وأكسسوار بسيط باليد جنب الساعه طبعا بحطها باليمين كالعاده .. وفي الاذن اصداف روعه ماأتخيل شكلي .. رجعت البيت وتركت الاغراض بالسيارة بعد مااتفقنا ان يوم الاربعاء يجون ياخذوني ونروح بيت خالتي وألبس واصلح اموري .. دخلت البيت صليت المغرب متأخر وصلحت العشا وعلى طول رحت نمت .. * * * ماصحيت الا على صوت المنبه الساعه 12 كامله صليت العشا وذاكرت تزلت تحت اكلت العشا اللي صلحته بعدين رحت غرفتي وتحممت بعدين طلعت جففت شعري بالشيسوار .. ناظرت الساعه 2 و 13 دقيقه مسكت القرآن قريت منه تقريبا جزء عم بالاضافه الى سورة يس ماتدرون قد ايش احس براحه اذا قريت سورة يس اعشقها موت .. انتظرت لاذان الفجر صليت وصلحت الفطور بعدين جففت شعري اطرافه كانت مروله على داخل اخذت اشارب وحطيته بالشنطه أول مااوصل بحطه .. حطيت احمر شفاه تعودت على بساطة المظهر علشان يبرز جمالي هههه الله والجمال صحيح سمرا بس عاجبني شكلي تحجبت وانتبهت ان بعض اطراف قذلتي طالعه ودخلتها وانا انزل الدرج صدمت .. رفعت راسي وابتسمت : روعتني تصدق ؟؟ صفر : ايش هادا الجمال يابت قسم لو شافك .. وهمس : نايف استخف ابتسمت : ياحمار لاتخليني استحي وترى لعلمك تراني مو حاطه كحله ولو تشوف شعري تموت تقول لي ابي زوجتي تشابهك .. تقصدت اقول ذي الكلمه بس فيصل مابين اي اهتمام للي سمعه .. فيصل : طيب افتحي الحجاب ابي اشوف .. قلت : هينا ؟؟ اعذرني مااقدر .. فيصل : ليش بالله .. خلاص انا قلت هينا يعني كيفي .. قلت : لابس لو نايف مر اش بيقول عني ؟؟ ابتسم : بيقول معقول ذا القمر في البيت معنا ؟! ضحكت وسحبته الى غرفتي وفعلا مدح شكلي كبر راسي هههههه .. رحت المدرسه وقررت اهرب من كل اليوم لأنه آخر يوم لريم بالمدرسه ذي وبكرة الاربعاء بيجي زوجها وبيشل ملفها الى الدمام ومابتحضر لان بكره زفتها .. طلعت من اول حصه ورحت لريم وسحبتها تقريبا كل خويات ريم طلعوا معنا رحنا ورى المدرسة بحيث محد يشوفنا .. قلت : والله انا من رايي نخلي اليوم اسبيشل كول بما انه اخر يوم ريم : ههههههههههه شوفي اما تقولين كول ولا اسبيشل .. اسبيشل كول مرة وحده مايصير .. ضحكت : لا يصير لأن اليوم غير .. سمعت بنت : طيب اش نسوي مثلا ؟ قلت : انتوا اختروا نلعب ولا نطبل ونغني ؟؟ سمعت بنت : لانلعب ذي صعبه نغني احلا .. قلت : طيب مين اللي ترشحون اللي تغني ؟! ريم : بصراحه في خاطري اسمع صوتك انتي ؟! البنات : ايه نبي .. ابتسمت لأول مرة أجلس مع مجموعة بنات 6 أو 7 تقريبا .. قلت : ولو اني ادري ان كل اللي هينا بيتضايقون بس .. قاطعتني ريم : الا نبي تغنين .. قلت : طيب اش بخاطركم ؟؟! سمعت بنت صوتها ناعم : نبي بنت النور .. ابتسمت : بس انا مو حافظه الا المقطع الأول .. ريم : طيب اكتبها لك بيدك .. فعلا بديت اغني ولما خلصت الكل كان معجب بصوتي سبحان الله مروى تقول انه مو حلو ابد هههه أصلا انا الخبلا اللي اصدق كلامها .. قلت : اسمعوا بنات الحين نبي نطلع من المدرسه .. شهقوا .. وسمعت بنت : تبين اهلنا يذبحوننا ؟ هزييت كتوفي : اش معني يعني انا اللي اهلي مايذبحوني ؟ نطلع الحين ولما يجي وقت الطلعه نرجع .. اش رايكم ؟؟ البنت الناعمه : فكرة حلوة والله .. ماتوقعت ان كل ذا الجمال وبالنهايه تطلع مرجوجه مثلي .. المهم لبسنا عباياتتنا ورحنا الى الباب كان مقفل أووووف .. قلت : عندي فكرة تعرفون الجدار اللي يطل على برى ننقز عليه .. فكره بجد مجنونه ..! ريم : لا تقولين عاد حنا بنات مو عيال نسوي كيذا قلت : اللي عنده اعتراض يعطينا حل افضل .. الكل سكت .. كملت : طيب يلا .. فعلا طلعنا من المدرسه .. ريم : طيب وين بنروح ؟! فكرت : نروح مطعم أو كوفي ؟؟ شهقت بنت : اهئ لا عاد انا اخاف .. بنت : وانا كمان .. قلت : خلاص انا بروح وانتوا ابقوا هينا .. سمعت البنت الناعمه : انا بجي معك ..! بصراحه ذي البنت الناعمه شكلها مو غريب علي ابد شكلها مرجوجه مثلي .. والله هذا وانا اكبر منهم المفروض اعقلهم .. المهم الكل راح معي الكوفي طبعا رحنا مشي ههههه والله تعبنا وصلنا ودخلنا وجلسنا على اقرب طاوله من التعب على طول فكيت لثمتي والكل كمان تتصورون ليه تلثمنا ؟؟ علشان محد يعرفنا ريم كمان فكت ..! قلت : هييييي ريوم لا يشوفك رجلك تلثمي .. ريم : لا مستحيل .. بس يلا انا ابي اي شي بارد .. والكل اتفق ورحت وفعلا شربنا .. بنت : تعالي ان شاء الله بنرجع المدرسة مشي ؟؟ قلت : طبعا لا .. البنت : أجل كيف ؟؟ قلت بنبرة لا تخلو من السخريه : على حماري طبعا .. أكيد ياعمري بناخذ تاكسي .. شهقوا : لالا انا اخاف .. البنت الناعمه : انا عادي عندي اروح معك .. بنات ! فيها ذي البنت شي متأكدة انها مو صاحيه مثلي .. قلت : خلاص مادام ذي الحلوة معي ماأخاف .. جلسنا فترة ولما صارت الساعه عشر وقفنا وطلعنا .. ننتظر تاكسي مافيه .. مشينا بنرجع للمدرسة وفي طريقي شفت شي لا يمكنن تتصورونه .. شهقت : اهئ ذا فيصل اخوي ومعاه نايف .. سمعت بنت : احلفي ؟؟ يلا نروح لهم ونصعد سيارتهم والله تكسرت .. قلت : احلفي انتي بس اخاف يشوفوني بنات تغطوا .. سمعت البنت الناعمه : اذا انتوا مو رايحين انا بروح وبخبرهم ياخذونكم .. سمعت بنت : ايه الله يجزاك خير وانا بجي معك .. قلت برجا : بليز لا ما اقدر بليز .. لكن لاحياة لمن تنادي .. قلت : خلاص انا بروح وامري لربي .. وقفوا واتجهت لسيارة نايف اللي واقفه عند الشارع .. وتقربت من نافذة فيصل وانا متلثمه : بوووو نقز فيصل : بسم الله منو انتي ؟؟ ضحكت : هههههههاااي احلف برب الكعبة ماعرفتني ؟؟ سكت فترة ثم قطب حاجبينه : ساروووه وجع اش تسوين هنا ؟؟ بصراحه خفت وقلت : أقولك وماتعلم احد ؟؟ بصراحه هربت من المدرسه من الحصة الاولى انا وشلة ريم .. صرخ : كيف ؟! اتروعت : لا تصارخ انا بجنبك ثانيا حنا بالشارع لا تنسى .. قال : طيب فهميني .. قلت بهمس : بصراحه انا جيت علشان توصلني ولأني بصراحه مالي خلق ارجع المدرسة ورجلي مكسرة .. ياحبذا لو توصلني انا والبنات .. أشر على نايف : سيارته مو سيارتي .. أفتشلت .. نايف : طيب تعالوا ناخذ فيكم اجر .. بصراحه ضحكت ورحت لهم .. البنت الناعمه : هااه اش قالوا ؟؟ قلت : يلا هجوم .. مشينا بهدوء ورزانه ورحنا السيارة انقسمنا على مجموعتين بعضنا ورى وبعضنا قدام أحسن شي في سيارة نايف حجمها .. ومشينا .. فيصل : طيب ممكن تفهميني كيف طلعتوا ؟ واصلا ليش طلعتوا ؟؟ قلت : اسمع بماأن بكره .. أأأأي .. حسيت بقرصة ريم .. لف لي فيصل : اش فيك ؟ قلت : ابد سلامتك .. ياربي ريم تنحرج ههههه .. كملت : بماأن بكرة يوم مميز وكئيب فـ حبيت انا مع ريوم وشلتها نطلع من الحصص وفعلا اخذنا الشنطايات ورحنا ورى المدرسة نتسلى بعدين رحنا للباب لقيناه مقفول أقترحت اننا ننقز من الجدار .. سكتت آخذ نفس .. سمعت صوت فيصل : أهئئ !! نقزتي من الجدار ؟؟ انا الرجال ماسويتها كيف بنت ؟ انحرجت : ترى كلنا سويناها مو بس انا .. حسيت بعيون البنات وابتسمت .. فيصل : طيب كملي ؟؟ قلت بجرأة : رحناك كوفي .. فيصل : قسم برب الكعبه ماشفت أجرأ منك .. كيف ماانتبهت انا ونايف لكم ؟؟ همست : تلثمنا .. فيصل : وطبعا فكيتوا يوم جلستوا هينا .. سمعت ريم تهمس لي : ذا اخوك فيصل صح ؟؟ قلت : كيف عرفتي ؟؟ قالت : هذا هو نفسه اللي كلمته ذيك اليوم .. قلت : أي يوم ؟! ريم: لا تصيرين خبلا عاد يوم اطفشه باتصالاتي .. قلت : اييييييييه ماشاء الله عليك .. تمنيت نايف يتكلم وماان لبثت ان تمنيت الا وتكلم .. نايف : طيب خبروني وين بيوتكن ؟؟ ايه هادا الذوق مو اخو ريم " وين بيتكم " هههههههه همسوا لي : ماندل .. والله حالهم من حالي .. قلت بهمس : طيب ألقابكم ؟؟ وفعلا وصلوا بيوتهن بسلام .. بقيت مع فيصل ونايف الين وصلنا البيت صلحت الغذا وصليت الظهر نزلت وجلست في المطبخ شوي ودخلت مروى معصبة .. مروى : انتي وين رحتي ؟! اتروعت من نبرتها : لا تنافخين كل السالفه اني .. كنت تعبانه وطلعت بس .. سكتت أدري انها الحين منقهره بس قلعتها .. طلعت من المطبخ ناديت على فيصل ونايف وجلسنا نتغذى ولما خلصنا شلت الاكل ورحت غرفتي ذاكرت الى اذان المغرب صليت وصلحت العشا ونمت .. * * صحيت الساعه عشر صليت ونزلت صلحت لي خبز مع جبن أكلت وانا مااسمع لأحد صوت أكيد الكل نايم كملت اكلي بعدين صلحت لي عصير برتقال وشربته تذكرت ان علي اختبار اووف كيف نسيت ركضت لغرفة فيصل لقيته بسابع نومة طلعت ورحت الى غرفتي وانا مبرطمة .. تذكرت ميشوو يمكن عارف لها .. رحت واتصلت له كان نايم قفلت وجلست اهز رجلي بعصبيه وقهر والله فيني الصيحه .. باذات الكيميا فيه صعوبه يربيه ومشكله اتصل لريم وهي بكرة زفتها وثانيا هي بثاني .. جاتني دمعه على خدي وعلى طول مسحتها .. قررت اروح لنايف وفعلا طقيت غرفته بس محد يرد ياربيه كيف حتى ذا نايم .. سمعت صوت : خير ساره ؟! التفتت بربكه : ابد بس اذا ممكن تساعدني بشي ؟؟ قطب حاجبينه : ايش ؟؟ قلت : اذا نعسان رح نم ولا تعطل حالك .. طنش كلامي : ايش هو ؟؟ نزلت راسي وقلت : بكرة عندي اختبار كيميا وفيصل وميشو نايمين وريم .... قاطعني : طيب هاتي كتابك واي شي تحتاجينه وتعالي لي المقلط أنتظرك .. ابتسمت : طيب .. رحت غرفتي وقلت لازم انسى اني احبه علشان اعرف اركز وفعلا نزلت فهمني هيا ولما خلصلت .. قلت : مشكور نايف ماقصرت ادري تعبتك معي بس اعذرني .. تسلم .. ابتسم : لاعادي أصلا كنت جالس بلحالي فاضي .. لميت اغراضي وانا مبتسمه واتجهت للباب .. نايف : سارهـ ..! التفت له وهزيت راسي بمعنى آمرني .. ماأخبي عليكم ان قلبي يرتجف .. قال : تعالي اجلسي ابي اكلمك شوي .. رحت وجلست بهدوء .. قال : لا تطالعيني كيذا .. السالفه ومافيها .... سكت فتره : تصبحين على خير !! استغربت منه اكثر من مرة يسوي ذي الحركه اكيد يبي يقول عن تركي .. قلت : متأكد انك كنت بتقول كيذا ؟ هز راسه .. فـ قلت : طيب ماكنت تبي تقول شي عن تركي ؟ قطب حاجبينه : تركي ؟! ليش هو اصلا قالك شي وحبيتي تستفسرين عندي ؟ قلت : لا .. بس هوا دايم يضيع الوقت فـ ياليت لو تقرب لي عن السالفه .. ابتسم : ليش هو اصلا انتي فهمتي منه شي هو كله يسولف .. اش به نايف على " ليش هو اصلا " ههه معجب بالكلمه .. قلت : ايه والله وانا بصراحه ماعندي استعداد انتظر اكثر .. سكت فتره ثم قال : طيب اسأليه مين يكون فيصل بالنسبة له وليه يحبه كثير !! قلت : نعم ؟! متأكد ان ذا الشي اللي بيخليني اعرف ؟ هذا سؤال للأطفال .. ضحك : ههههه أكيد متأكد لأن هذا السؤال بيختصر عليك روحاتك وجياتك بلمت : كيف يعني ؟! نايف : لا تفكرين كثير لأن بكرة عندك كويز .. هزيت راسي وطلعت من المقلط وذهني شارد .. يعني ليه يحبه ؟؟ لأنه خويه .. معقول فيصل يطلع متزوج اخته ؟! قسم لو يطلع متزوج بدون مدري مااكلمه ابد .. بس خالي مُصر الا يزوجه مروى .. وهو يدري ان تركي ليش يجي .. معقول راضي ان بنته تتزوج واحد متزوج ؟ نايف يقول ان الموضوع فيه شي يخصني !! اش صاير ؟ ياربيه احس راسي بينفجر من التفكير .. أو مثل ماقال نايف لاأفكر علشان بكرة عندي اختبار .. صعدت غرفتي ذاكرت الين تعبت رحت نمت .. .: نهاية الجزء العآشر :. |
.: الجزء الحآدي عشر :. " دنيـآ كفـى اللهـ شرهـآ .. تـ خ ــلي كـل قآاسي [ يلين ..! " / \ / هزيت راسي وطلعت من المقلط وذهني شارد .. يعني ليه يحبه ؟؟ لأنه خويه .. معقول فيصل يطلع متزوج اخته ؟! قسم لو يطلع متزوج بدون مدري مااكلمه ابد .. بس خالي مُصر الا يزوجه مروى .. وهو يدري ان تركي ليش يجي .. معقول راضي ان بنته تتزوج واحد متزوج ؟ نايف يقول ان الموضوع فيه شي يخصني !! اش صاير ؟ ياربيه احس راسي بينفجر من التفكير .. أو مثل ماقال نايف لاأفكر علشان بكرة عندي اختبار .. صعدت غرفتي ذاكرت الين تعبت رحت نمت .. * * * لأول مرة احس صوت المنبه مزعج لأني ابي انوم قمت وصليت بعدين تحممت أخذت حجابي وحطيته على كتفي ونزلت لأني مابي اجفف شعري لاني مابعد فكرت اش بسوي فيه .. نزلت بهدوء وصلحت الفطور وصعدت غرفتي الحمدلله نايف ماطلع وقفت عن المرايا وجففت شعري بالشيسوار ورفعته بكليب اسود هه علامة حزن على فراق ريم .. لبست طوق اسود وماحطيت شي بوجهي غير القلوس قررت اتلثم مابي اجد يقول " امس حلوة واليوم ابد " نزلت وفطرت وعلى آخر اللحظات تحجبت ولا تلثمت غيرت رايي هه متقلبة المزاج .. رحت المدرسه وانا كارهه نفسي وماصدقت على ربي وصلت البيت صلحت الغذا وصليت بعدها تحممت ولما خلصت كانت الساعه واحده ونصف .. ياربيه كيف ن اليوم زفة ريوم انسدحت على السرير وماحسيت الا وانا نايمه .. صحيت على صوت مروى !! فتحت عيني : نعم ؟! قالت بنبرة خوف : عمتي مشاعل اتروعت : اش بها ؟؟ مروة سكاته .. قلت : مروى بليز اش بها خالتي مشاعل ؟؟ قالت : مدري مشعل اتصل وقال ساره تبيها امي ضروري .. تنهدت بارتياح اكيد علشان يطلعوني من البيت .. قلت : الساعه كم ؟؟ قالت : 2 وربع .. قمت وغسلت وجهي ولبست ونزلت طلعت مع ميشوو تأكدت ان البطاقات عندي ومحد انتبه عليهم رحت السياره ومرينا على بيت خالتي طلعت مشاعل ومعها الاكياس اللي شريناهم ورحنا الصالون .. قلت : خالتي مابتنزلين معي ؟! جاوبتني : لا أنا بروح عندي اشغال في البيت .. هذا جوالي اذا خلصتي اتصلي على مشعل .. هزيت راسي ورحت الصالون شفت ريم ومعها بنت على طول حضنتها .. قلت : وحشتيني ياحماره هذا يوم وماقدرت اتحمل كيف لو للأبد ؟! حسيت بدموعها على كتفي يااه معقول اني وحشتها ؟ صداقتنا تقريبا ماكملت سنة !! ابتعدت عن حضنها وناظرت باللي جنبها واشرت لها مين هيا ؟؟ ابتسمت : هذي مها اختي اللي حكيت لك عنها .. سلمت عليها وشوي وابتعدت مها وراحت تكمل شعرها .. جلست مع ريم يابعد عمري مسكينه خايفه !! شي طبيعي أصلا تخاف رجال كيذا فجأة ماشافته أول مرة تشوفه تجلس معه بلحالهم ؟؟ .. تستغربون كيف ماشافته ولا كلمته .. أهلها قالوا انهم يبونها تدرسس بهدوء بدون اي شي يشغلها .. طبعا سويت شعري كان كيرلي وحطت لي المزينه تاج فيه كريستال احمر هههه كل شي كريستال عندي .. وبعد ماأذن المغرب لبست عدساتي كانوا شفافين وصلحت المكياج كان هادي وحلو أول مااذن العشا صليت ولبست الفستان وحطيت الكبوس لبست البوت ياربيه طالعه أجنن .. طلعت لريم .. شهقت : لالا ماتروحين كيذا أخاف تغطين علي روحي غيري ملابسك وامسحي المكياج .. ابتسمت : والشعر عادي مااسوي فيه شي ؟؟ ضحكت : لا الكل متعود على شعرك الحلو .. ابتسمت على مجاملتها وماعلقت .. مها : بتروحين معنا ولا مع اهلك ؟ ردت ريم : طبعا معي .. قلت : غلطانه بروح مع خالتي مشاعل .. ريم : لا سارونه بليز الله يخليك روحي معي .. قلت : والله بخاطري بس خالتي بتاخذني .. سحبت الجوال مني وقالت : ايش اسمها خالتك هينا ؟! ضحكت : هذا اصلا جوالها .. وسحبته منها .. ريم وشوي وتبكي : لابليز الله يخليك لا تروحين عني .. قلت : مهاوي عندك .. مها : لاحبيبتي انا مااقدر عليها بلحالي .. ريم : اتصلي على اللي بياخذك القاعه وقولي له لا يجي ولا يتعب حاله .. بصراحه كسرت خاطري قمت واتصلت على ميشو واقنعته طبعا .. اصلا اللي رد ابوه وقال اللي يريحني بجد تمنيت ان مشاعل امي .. اتصلت مها على ابوها وجاء واخذنا للقاعه .. وعلى طول دخلت ريم كان من المفترض تدخل على اغنية " مذهله " بس عناد حطيت زفة راشد واحلامم " مرحبا يا اجمل عروس ..." لاني مجنونة راشد .. ولما جلست حطينا مذهله رحت وجلست معها مااقول ان الكل يناظرني لجل سواد عيني بس لاني مع العروسه .. بعدين انزفت ريم لبرى وطبعا انا ماخليتها سبقتها وطلعت شفت سيارة العريس قررت سلم عليه .. رحت لقيته .. قلت : السلام عليكم .. سمعت صوت اثنين انتبهت لانسان يسوق يوووه ذا اخو ريم .. قلت : ألف مبروك .. ابتسم زوجها : ربي يبارك فيك .. مديت يدي وصافحته كانت يده بارده شوي وجات ريم ساعدتها تصعد ويدها نفس الشي باردة .. همست باذنها : اش فيكم انتي وزوجك ايدينكم باردة ؟ شهقت وهمست : سلمتي عليه بيدك ؟؟ اتروعت ايه ليه ؟؟ همست : ليه يعني ؟؟ عايلته عيب حتى لو كنتي بنت عمته ولا عمه .. حطيت يدي على فمي : لاااااااهـ ! الله يعينك على ذي العيله اجل .. غمزت لي وهمست : يقولون ان زوجي عنده توأم روعه ابقترح عليهم يخطبونك له .. ضحكت : لا بليز انا ابي واحد يفهم للحياه .. وقلت بصوت شوي عالي : دعواتي وامنياتي لكم بقضاء ليلة ممتعه .. احترق وجه ريم تحت اللثام اعرفها تستحي وزوجها ابتسم .. اخوها ماصدق شي وضحك .. همست : اشوف فيك يوم ياساروه .. ضحكت : آمين .. ههههههه وسكتت فترة ثم قلت : ريموه مابي يعدي ذا الشهر الا وكرشتك لقدام .. وطت راسها وقالت : حرك السيارة .. هههههههه اش حلاتها ريوم تستحي ياحظه زوجها فيها .. رجعت للقاعه وكملت رقص ووناسه الساعه تقريبا 3 الا ثلث اتصلت على خالتي ووصلوا .. سعدت السيارة : السلام عليكم .. والتفت لميشو : بليز ميشو ابتعد مالي خلق اروح للباب الثاني .. رحمني والله وابتعد على طول رميت نفسي والاثقال .. خالتي : هااه اتوقع انك تعبانه اكيد رقصتي ؟؟ رديت بلهفه : ايه والله ربي يعطيك مليون عافيه ياخالتي بصراحه شي عجيب بس تصدقين زوجها مادخل للقاعه يقولون محافظين ومدري ايش .. ايه شفت اختها مرة طيوبه وتجنن .. امها تقول اني اشبه ريم شبه مو صاحي انا ماصدقت ... ميشو : آآآآه شوي شوي ماتتعبين انتي اسكتي شوي ؟! قلت : اش حارق رزك ياخي خالتي وحره فيها .. ميشو : طيب اسكتي ريحي عمرك .. سكتت عنه وناظرت من الشباك تقريبا متجهين الى بيت خالتي لا عاد انا ابي اعرف اش سالفة يوم الجمعه واخاف ابقى معهم وماالحق .. قلت : خالي ! عادي توصلني لبيتنا ؟ خالتي : ليش ان شاء الله .. ماتبين تجلسين عندنا ؟! تورطت : لا ابدا خالتي بس اصرف لي ارجع البيت لان تعبانه وابي انام .. ميشو : طيب نامي معنا اش ب بيتنا ؟! قلت : أحلا بيت بس ابي ارجع .. خالي : خلاص براحتك ابتسمت : مشكوور وصلت البيت .. ميشو : تعالي انتي ماعندك مفاتيح ش بتسوين ؟؟ خالتي : قلت لك ارجعي معنا انتي اللي اصيرتي .. شفتي ؟! هزيت كتوفي : لاعادي انقز من الجدار .. ماشاء الله علي مسرع ماتعودت كيف انقز هههه .. شهقت خالتي : انهبلتي ؟! قلت : نوو بس عادي .. ليله سعيدة وجيت بطلع ناداني ميشو : يابرنسيسه الكبوس .. ابتسمت : شكرا ميشو .. خالتي : تعالي متى بيصلحون صورك ؟! قلت : مدري المصورة قالت بعد اسبوعين او ثلاثه .. تصبحون على خير .. ماسمعت الرد وعلى طول التفتت محد يراقبني ونقزت آآي وجع ان شاء الله اللفه تعلقت وجريتها اانشقت لبست الكبوس .. سمعت صوت تصفيق و " براافو " .. لااه اليوم انا راايحتن فيها ..! |
((2)) لفيت على وجهي لقيته نايف مااقول مابدى قلبي يدق من الخوف بس نايف احسن من خالي .. تنفست بقوه وجاء نايف وسحبني من يدي وظل ممسكها والمشكله بدون لفه او حجاب بس العبيه والكبوس .. همست : اترك يدي ..! ساكت ويناظرني .. هزيته : نايف اترك يدي لو سمحت .. قال : مو تاركها أول تخبريني وين كنتي !! ياذا البلشه .. قلت : مو قايله الا لما تفكني قسم يألمني .. نايف : تكلمي أفكك .. قلت : واذا ماقلت اش بتسوي ؟؟ هز كتوفه : بس بصاارخ .. انا اعرف نايف مستحيل يسويها حنون لاقصى درجه فـ أنا متطمنه من ذي الناحية .. قلت : مو متكلمه ويلا صارخ .. سكت فتره ثم تركني واشر على مكان جنب الزرع : خلنا نروح هناك واحكيني وين كنتي .. قلت بخوف : لانايف عيب ..! قطب حاجبينه : وشهو عيبه ؟! قلت : انا بنت عمتك وانت ولد خالي وجالسين بأنصاف الليول لا والأزيد لبسي وبذا المكياج .. ابتسم : دامني اقدر اضبط نفسي وماارتكب جريمه في البنت اللي قبالي واضمن لك مايصير لها شي لو كنت معها بغرفة النوم .. عادي اجلس معك كيذا .. ولع وجهي ذا مايستحي مثل اخته ؟! جلست بهدوء ودخلت شعري داخل الكبوس بحيث مايبين شي .. نايف : احكيني وين كنتي ؟! همست : بس مو تخبر احد حتى فيصل مابيه يدري .. هز راسه واشر لي ابدي بالحكي .. قلت : كنت في زفة ريم خويتي .. قطب حاجبينه : زفتها ؟! اللي اعرفه انك رحتي مع عمتي لأنها مريضه .. جلست فتره على مااستوعبت ان عمته هي نفسها خالتي .. واعيد واكرر انا ماافهم الا اذا قالوا خالتك .. قلت : لا ذي خطه من خالتي علشان اروح .. على خالي .. ابتسم : ماشاء الله ونقزتي من الجدار ؟! طنشت كلامه : اصلا انت ليه صاحي ؟! نايف : ايد بس دايم بالليل ماانوم .. قلت : تصبح على خير بروح غرفتي .. ابتعدت ودخلت البيت ورحت غرفتي شلت العدسات وقفلت باب غرفتي أخذت الروب ورحت اتحمم خلصت ولبست بيجاما صليت بعدين صلحت الفطور ونمت .. * * * ماصحيت الابعد اذان الظهر قمت وكل شي فيني يألمني مو قادرة امشي أكيد لأني بقيت البارح بطوله امشي بالكعب وارقص لا وراسي مصدع الله يستر بس .. صليت ونزلت صلحت الغذا ماقدرت اكلت بندول ونمت ياخوفي امرض وبكرة آخر يوم باذن الله لي مع سواليفي مع ذا التركي ..! ابتسمت من داخلي وانا ادعي الله مايصير نذل ومايقول .. فعلا سؤال غريب " ليه ياتركي تحب فيصل ؟! مين يكون هوا بالنسبة لك ؟"ابد ماطرى على بالي اني اسأل مثل ذا السؤال يالله احس بلقافه لمعرفة الجواب .. بكل بساطه بيقول لأنه خويي .. طردت بسرعه ذي الافكار عني .. ونفضتها عن بالي .. صحيت على أذان العصر حلو صلاتي ماتأخرت صليت ورحت لفيصل محتاجه اتكلم مع اي احد .. مشيت لغرفته كانت فاضيه ياكرهك يافيصل ماتدري اني محتاجتك .. قفلت النور ويوم جيت بطلع قابلته .. فيصل : اش عندك بغرفتي ؟! قلت : هيهيهي فيها كل ثروتك عاد .. جايه ادور عليك .. قطب حاجبينه : ليش بالله ؟! قلت : فيصلوه ياحمار انت ماتحس ؟ لي يومين ماشفتك وذا اليوم الثالث وانت ولا سألت اختك موجودة بالدنيا ولا لا .. ضحك : اشغال والله!! قلت بسخريه : ايه معذور مو لأن الوزير مايعطس الا ويعطيك قبلها بساعه خبر ولا المصانـ ... قاطعني : صدق حماره الحين اش تبين انجزي ؟! قلت : ياربيه على النفس لعلمك اخاص اني مو جايه اسولف معك وانك اذا عرفت السالفه انت اللي بتركض وراي فـ من باب الذوق ان تعدل اسلوبك .. تكتف : وايش السالفه اللي بلاحقك لجلها ؟! اعطيته ظهري وانا ماشيه : عن مروى بنت خالك .. ومشيت لغرفتي فيني الضحكه جد .. صحيح ان مافيه اي سالفة بس حلو احرق اعصابه على مايعرف سكرت الباب واتجهت للمرايا .. شلت حجابي ووقفت اتأمل شعري صار طويل هه تذكرون مرة قلت لكم بخبركم عن سالفة شعري القصير ؟! وانا عند وعدي بس مو وقته الحن تعرفون .. رفعت اصبعي اناظره ماتغير يمكن بس شوي .. فتحت علبة المكياج جديدة لأول مرة استعملها وجلست اصبغ وجهي من الملل أوووف رحت للمسجله وفتحتها على اغنية الحل الصعب .. وبديت اغني معاها .. وانا ادندن انتبهت ان الاغنيه وقفت معقول خلصت ؟! التفت لقيت فيصل واقف جنب المسجله ومبرطم مثل الأطفال .. ماقدرت الا ابتسم حتى وهو زعلان يجنن مو حرام كل ذا الحلا والحنان على مروى ؟! لا والمشكله يحبها .. قلت : خير اخ فيصل ؟! فيصل : تو الناس صباح الفل تو منتبهه على صار لي ساعتين ادق على الطاوله وانتي عايشه جوك ولا كأني موجود أحكي مع الطوفه انا ؟؟ ضحكت : طيب افتح المسجله حلوه الاغنيه خلها تكمل .. جلس على السرير : خبريني اش بها مروى وافتح لك المسجله .. وثانيا ايش السرقات هذي مابقى كتاب بغرفتي الا واخذتيه مابقى كاسيت ومسجله الا وتاخذينها .. ياخوفي تسرقيني بعد ! ضحكت : لا عاد اذا تبيهم اخذهم بس كاسيتات راشد لا والف لا اشتري لك غيرهم ولا تحلم ارجعهم فيصل : تصدقين لو شفت راشد ذا قسم قلت له ارحم حال اختي .. تحمست للفكره : ايه وقول له اموت عليه مهووسه فيه الا انجن على صوره صوته كل شي فيه حلو ويهبل .. ابتسم : لا تموتين علينا .. بس مهما حاولتي تضيعين السالفه لا تحلمين مابي اطلع من هينا الا لما اعرف اش السالفه ؟! قلت بنذاله : بس انا تعبانه وابي انوم .. حط يده على خصره : لا والله !! احكيني اشوف .. هزيت كتوفي : مافيه سالفه ! حسيته تنرفز شوي ويذبحني هه انا اوريك فيصلوه اجل انا تسفهني يومين ماتسأل عني ؟ هييييين ! قال بقهر : لا عاد مصختيها قلت بابتسامه : حط عليها ملح .. فيصل : ساروه لا تستهبلين ولا قسم برب الكعبه اللي فوقي انزل افضحك عند نايف قدام خالي .. فيصلوه الحمار كله يهدد بس طيب امسك عليك شي ومااخليك بحالك غلطتي الوحيده اني ماخليته يحلف علشان مايقول .. قلت : واقسم لك ان مافيه سالفة بس كنت احرق اعصابك لانك ياحمار طنشتني يومين ويوم جيت ابي اسولف معك نرفزتني .. قطب حاجبينه وكأنه مو مستوعب وبعد شوي قام يلحقني بالغرفه وانا اصارخ لحظات حلوة موت ولما تعبت وقفت الهث وهو جنبي .. قلت : فيصل حنا كبرنا اترك حركات البزران على جنب وشف قربت توصل لـ 22 وانت تراكض ؟! فيصل : لاعاد يعني انتي اللي عمرك سنتين قريب تكملين العشرين .. بس الظاهر عقلك مابعد كبر .. اتنرفزت وسكتت وجلست اناظره شكله جنان اكيد يشابه ابوي .. وانا ؟! اشابه امي ولا ايش ؟! قلت : فيصل !! جاوبني : هممممم ؟؟ رفعت راسي : اوصف لي شكل ... ماقدرت انظق الاسم اكيد بتدمع عيني ومابي فيصل يشوف دموعي .. فيصل : أوصف لك ؟! ايش ؟! وطيت راسي : أوصف لي شكل .. أمي !! انتبهت انه يناظرني : سارهـ !! ناظريني .. رفعت عيني وانا ماسكه دمعتي وانا سكاته .. فيصل : انتي كبرتي وماله داعي كل ذا انتي مو بزر علشان اذكرك ان ... كملت وانا خانقتني العبره : ان امي ماعاد ترجع .. أدري بس اوصف لي شكلها حرام يعني ؟؟ ولا عيب ؟؟ وقف : لا مو عيب ولا حرام بس انتي كيذا تنكدين حياتك .. قلت : هه اصلا بدون ماتوصف حياتي منكده .. فيصل بليز كمل .. ثانيا انا مااذكر شكلها كنت بزر .. اسندت راسي وغمضت عيوني .. سمعت صوت الباب يتسكر أكيد طلع ليه مو راضي يخبرني عن شكلها ؟؟ ليش ؟؟ .. أمي فيها شي ؟ ناقصها شي ؟.. * سمعت اذان المغرب صليت ونزلت رحت للمقلط وكالعاده نايف مع فيصل بس مروى وين ؟؟ أكيد بغرفتها .. جلست جنب فيصل قلت : فيصلووه مارد .. رجعت وقلت : فيصلووه ياحمار فيصل : ماحمار الا اللي قايلها .. قلت : أوووه تطور والله وقمت تعرف تتكلم !! رجع سكت .. اش فيه الحمار مو راضي يتكلم معي بس هين انا اوريك هه صايره اهدد اليوم فيه ومااشوف سويت له شي بس انا لك ان ماخليتك تتكلم غصب عنك .. عناد السالفه يعني !! قلت : تصدق طالع متغير ؟! ساكت !! .. انقهرت منه وقمت شوي وسمعت ضوت ضحكه التفت شفته فيصل .. فيصل : ههه سارووه .. ههه حـ ههههه حلوة وانتي معصبه هههههه .. كتمت ضحكتي ولفيت : احلف انت بس .. ماعليه تبي تنرفزني اعلمك مين اكون طيب !! ابتعدت عن المقلط ورحت المطبخ أوووه مروى !! قلت : ماشاء الله مروى اش بتسوين ؟؟ ابتسمت : أحاول اصلح شي قلت : طيب اش حاطه ببالك تسوين ؟! هزت كتوفها : أممممم أي شي .. حلا .. لأأنه ابسط شيي .. قلت : طيب أساعدك ولا مايحتاج تعرفين ؟! قالت : لا مشكورة ... عاد بالذات اليوم فاضيه .. صعدت غرفتي شوي وشفت فيصل سكت عنه .. فيصل : اش فيك زعلانه ؟! أخذت الروب ودخلت الحمام عزكم ربي مليت البانيو مويا باردة وانسدحت افكر .. شي شاغل بالي ذي الايام .. فيصل دايم يناظرني ويتأملني !! صاير شي ؟؟ أو نايف قاله شي ؟! أو حتى مروى وخالي ؟! والله مو عارفه كيف افكر ومن وين ابتدي .. دخلت راسي بالمويا ثواني وطلعته .. مرت في بالي صورة خالتي مشاعل !! معقول تشابهه امي ؟! كيف اني ماسألت خالتي مشاعل عن شكل امي ؟! أكيد تعرفها وحافظه شكلها .. نهال !! هذا اسم امي اللي ماانطقه الا في الاحلام .. ولا مرة قلت أمي أو يمه دوم أقول خالتي !! معقول ان الملجأ الوحيد هلو خالتي مشاعل ؟! طيب ليش ؟؟ ليش انا محرومه من امي وابوي ؟! استغفر الله بس انا اش اخربط ؟! انا مو بزر سنتين علشان افهم !! أنا من يوم انولدت ماشفت امي اشمعنى هذي الايام أحس اني محتاجه لها ؟! ناظرت الساعه ما مضى الا 35 دقيقه فقط نصف ساعه تقريبا وخمس دقايق !! أنتبهت من سرحاني على صوت طرق على الباب تذكرت اني ماقفلت باب غرفتي .. قلت : خير ؟؟ سمعت صوت : قومي اطلعي بسرررعه .. اتروعت : خير فيصل اش صاير ؟؟ فيصل : خالي يبيك بسرعه ويقول ان مانزلتي خلال خمس دقايق يذبحك .. ارتجفت : طيب رح قله جايه .. لبست الروب على عجله وانا افكر اش سويت ؟؟ لحظه ليكون تركي ؟! دق قلبي بقوة تعرفون اذا احد سوي شي خطير يخاف بسرعه .. طلعت للغرفه لبست برمودا زيتي وبلوزة بيج والحجاب الزيتي ونزلت تحت على طول للمقلط .. قلت : فيصل وينه خالي ؟؟! التفت لي : خير ان شاء الله اش تبين فيه ؟! هذا اللي ناوي اذبحه الحين ..! قلت : لاتستهبل علي قبل شوي طارق الباب ليش ؟! قطب حاجبينه : أنـا ؟؟؟؟؟ تنرفزت : وينه خالي ؟! هز كتوفه : من الظهر طالع ..! رحت وجلست جنبه مو مستوعبه هل هو مقلب منه يبي يقهرني ولا ايش ؟! قلت : فيصل فهمني اش صاير .. قبل شوي طرقت علي الباب ووقلت خالي يبيك ركز معي شوي ! فيصل : احلفي انتي بس .. ألحين اطق مشوار لغرفتك ؟! أصلا من يوم تركتك في الغرفه رجعت هنا .. " التفت لنايف " حتى اسألي نايف !! ناظرت نايف .. قال : فيك شي سارة ؟! مااخبي عليكم خفت بس تذكرت كلام خالتي انه عادي اذا انا خايفه من شي اتخيل .. هزيت راسي : ابد بس كيذا .. شوي ودخلت مروى .. على طول قاالت : تعالي افتحي لي الفرن .. هه خيبه ماتعرف تصلح شي ابد .. هزيت راسي ورحت لها شغلت الفرن ورحت غرفتي شلت الحجاب واتجهت للمرايا أخذت البلسم وحطيت لي صار شعري حلو جاف على مبلول .. مشطت شعري وربطته وانسدحت على السرير أحس برعب ورجفه تسيطر على كل جسمي مدري ليه .. ابي انوم .. ناظرت الساعه يعني تقريبا أقل من خمس دقايق على اذان العشا .. رحت توضيت وانتظرت على سجادتي الين اذن صليت وحطيت المنبه على اربع الفجر ونمت .. * * * صحيت فعلا وصليت بعدين نزلت تحت جهزت الفطور وصلحت لي خبز مع جبن تستغربون مني الفطور خبز وجبن والغذا والعشا !! ليش مُصرة عليهم ..لأني احبهم أحب البساطه من الفطور اللي اصلحه كل يوم .. لما خلصت شربت عصير فراوله .. لمحت الاكواب اخذتهم وغسلتهم من جديد وجففتهم .. سمعت صوت تصفير التفت كان فيصل .. لفيت وكملت شغلي كان يهذر على راسي بس مالي خلق اتكلم الحين .. خلصت ورحت غرفتي وكان يتبعني انتبهت انه دخل وفتح الانوار غمضت عيوني بقوة .. وقلت : فيصل قفل الانوار بليز .. سك الباب وأخذ كرسي وحطه قبالي وجلس .. فيصل : اش فيك ؟؟ قلت : فيصل ورحمة امك قفل الانوار تعبانه تفهم ؟؟ راسي مدوخ وابي انوم .. فيصل : ساروه ياحماره قومي تنامين كثير انتي .. تأففت : انت الحمار كل يوم جمعه تنام الصبح شكو اليوم جالس مافيه سهرة ولا ايش ؟! رح نم وانقلع عني .. فيصل : قسم انك ماعندك ماعند جديتي .. قلت : اسمع تبي تجلس هينا حياك ربي بس التزم الصمت ولا ماتبي الباب قدامك وتدله !! وقف : شكلك رايحه فيها .. تصبحين على طراق .. وطلع غمضت عيوني وانا مبتسمه عليه ربي لا يفرقنا عن بعض .. وان شاء الله مهما صار يظل بعين الا اخو في ذي الدنيا .. قفلت عيوني بقوة مابي افكر ابي اناام ..! * |
((3)) * صحيت على صوت صراخ انتبهت انها مروى خير اللهم اجعلو خير .. قلت : خير مروى ؟! قالت : مطوله بالنوم ؟! انقهرت من اسلوبها وطنشت ولا كأني سمعت شي .. مروى : قومي الساعه 12 وربع الظهر !! فزيت وعلى طول غسلت وجهي ورحت للساععه كانت عشر وخمس انقهرت ليش تكذب لبست تنورة سوداء طويله على أطرافها ذهبي وبلوزه ذهبيه اكمام هه تناسق .. أذكر ان عندي ساعه ذهبي من فيصل ماقد لبستها .. فتحتها ولبستها بـ " اليمين " لبست حجاب أبيض وعليه شيله ذهبي ونزلت تحت .. خالتي : مابغيتي تصحين ؟! قلت : أهلا مس مشاعل هاور يو ؟؟ خالتي عاد خرطت لي انجليزي مافهمت منه ولا حرف .. قلت : يس .. سوري .. بليز .. نو .. ثري هاندريد .. معنى الكلام / أجل .. عذرا .. رجاءاً .. لا .. ثلثميه ... خالتي :هههههههههه سلط الله على ابليسك انا مالي خلق اضحك وذي تستهبل .. قلت وانا اجلس : وينه ميشو ؟؟ رفعت ساعتها : تقريبا من عشرين دقيقه طلع مع فيصل نايف .. فتحت عيني : سلامات ؟! وين راحوا ؟؟ هزت كتوفها : يتمشون .. ركضت للتلفون دقيت على فيصل أول ماانفتح الخط قلت : فيصلوه ياحمار ياألعن مخلوق شفته بحياتي ياوجه البوم يامشكله ياجعلك اللي منيب قايله .. تطلع وما تخبرني وجع ان شاء الله .. فيصل : ههههههههههه والله محد قالك تنامين وتطنشيني اليوم الفجر وتحملي نتايج فعلتك .. انقهرت : حمار انته تدري ؟؟! فيصل : حمار اخو حمارة هههههههااي .. قلا : هيهيهي ينقالك خفيف دم بايخه اصلا قل لي وين رحتوا ؟! سمعته يقول : أمممم حنا نمشي بالسيارة !! قلت : شف أول ماترجع حسابك معي فاهم ؟ ويلا بقفل .. فيصل : مافيه بايو ؟! أو مع السلامه ؟! تشاو مثلا ؟! قلت : مالت عليك .. وقفلت الخط صدق مقهورة ألحين هو يبي يطلع ياخذ معه ميشو ليه ؟! لا ومروى صحيتني بعد .. تذكرت اني ناويه أسأل خالتي عن شكل امي اتجهت لها وجلست بهدوء .. قلت : خالتي ابي اطلب طلب وياريت ماترديني .. ابتسمت : آمري حبيبتي ؟؟ قلت بهمس : أبي توصفين لي شكل امي ؟ قطبت حاجبيني : اش اللي ذكرك فيها ؟! قلت : خالتي ذي امي لا يمكن انساها بليز توصفين لي شكلها بليز .. مشاعل : ابد مااذكر شكلها .. موقلت لكم امي فيها شي ؟! كيف الكل مايذكر شكلها ؟! كيف ينسون ؟ ماحبيت أضغط عليها لان مصيري بعرف اذا مو بكرة اللي بعده .. واذا مو اللي بعده بيجي لي يوم واعرف .. هزيت راسي يعني طيب ورحت للمطبخ صلحت الغذا مع خالتي كنت اتجنب اني اتكلم أخاف تزعل شوي وسمعت صوت اكياس رفعت راسي لقيته ميشو أكيد فيصل جاء أنا أعلمه .. كنت بتحرك بس شفت نايف مع فيصل يدخلون المطبخ .. اتجهت لفيصل وتكتفت يعني اني قويه ومايهزني شي قدامه .. قلت : وين كنتوا ؟! خليتها صيغه جمع علشان مايعصب علي .. فيصل : كنا نتمشى عندك مانع ؟! قلت : احلف انت بس .. قصدي ليه يا ... فيصل ماقلت لي ؟! فيصل : وليه ان شاء الله ؟ أخاف ولية امري وانا باقي مدري !! قلت بقهر : مو شغلك .. ماكملت جملتي الا وميشو يضحك واتجه لأقرب كرسي وجلس وفيصل كمان جنبه ويضحكون .. نايف عادي ماتغير شي .. قلت : اش فيك اخ مشكل مشاكل ؟! ماسمعت غير ضحكته ومد يده لفيصل وصفقوا مع بعض .. قلت : آآخ يابطني ارحموني مااقدر تقول القصبي والسدحان لا لا والله مقدر .. وقلت بنبرة اعلا : اش عليه تضحكون ؟! ميشو : والله صادق فيصل ههه .. قطبت حاجبيني وناظرت خالتي كمان مستغربه .. قلت : احكيني ؟! ميشو : أول مادقيتي انفتحت سيرتك على طول فيصل قال بتزعل وبتقول موشغلك فيني لما أكلمها وفعلا .. فتحت عيني على آخرها الحين لهم ساعه يضحكون علي ؟؟ قسم انهم يقهرون .. ناظرت نايف كان عادي رجعت ناظرت ميشو .. تكتفت : طيب اش كمان قلتوا ؟ ميشو بابتسامه : ابداً بس فيصل علمنا كيف تسوين له .. ولف لفيصل : فيصل سوي لها كيف اذا زعلت !! ناظرتهم مو مصدقه ! فيصل مد شفته اللي تحت ومدري كيف كان يناظر بنظرة تضحكني وأعطى ميشو ظهره .. جلست قبالهم وانا اناظر .. ميشو : سارونه اش فيك زعلتي ؟! كنت بتكلم بس لف فيصل له .. فيصل : احلف ياشيخ أنت تصير أنا ؟ ميشو : يلا عاد فيصل .. رجع فيصل ولف عنه فيني الضحكه بس مسكتها .. ميشو : اش فيك زعلتي ماقلت شي انا .. خبريني اش فيك ؟! لف له فيصل وأشر عليه باصبعه السبابه .. وقال : انت مو شغلك فيني .. كتمت ضحكتي لا يوقفون .. ميشو : بس انا اخوك .. فيصل : وياليتك ماكنت أخوي فيصل انت ماتحس ؟! ماتناظر اسلوبك معي ؟! ذي الايام ؟! نسيـ ... ماقدرت اكتم ضحكتي أكثر من كيذا وضحكت بأعلى صوت عندي ماتوقعته يقلدني ابدا والمشكله نفس تصرفاتي .. سبحان الله كيف قدر يمتص غضبي ويخيني أضحك ربي لا يحرمني منه .. رحت وجلست جنبه .. همست : فيني الصيحه .. فيصل : لا تزعلين قسم كنت ابيك تضحكين .. والله كلامه مازادني الا شهقات صحيح ربي حرمني من ام وابو بس عوضني باخو مافيه مثله وخاله تعتبرني مثل بنتها ربي لا يغير علينا .. فيصل : سارونة ترى والله كنت امزح .. قلت : ومين قلك اني شايله بخاطري عليك ؟! قطب حاجبينه : أجل ليش ؟! رميت نفسي بحضنه وجلست اشاهق .. فيصل : اش فيك سارونه تعبانه شي ؟! قلت : فيصلوه ياحمار احبك .. فيصل : بالله كيف تيجي ذي ياحمار أحبك ؟! ثانيا اش حلاتي أهبل .. ضحكت وقمت من حضنه صحيح افتشلت قدام الاوادم احضن اخوي بس عادي عندي مافيه حد غريب .. قمت بهدوء ورحت وغسلت وجهي رجعت لهم وجلست بهدوء موطيه راسي وأفكر .. نايف ,, وفيصل ,, وميشو ,, ومشاعل .. الوحيدين اللي يعرفون كيف انا افكر ويقولون قبل مأأسأل .. ربي لا يحرمني منهم .. فيصل بالذات اللي لو الدنيا جهه وهوا جهه اتجه له بدون تردد .. ماتدرون قد ايش فيصل يعني لي .. فيصل بالنسبه لي انسان يفوق الوصف بكثير كل انواع الحنان عنده .. أقسى حنون .. صحيح تطق فيوزاته احيانا بس يظل اخوي اللي احبه ومالي غنى عنه .. فجأه نقزت صورة تركي قدامي .. بدا قلبي يدق الليله بعرف اش صاير !! يووه ماجهزت لي ملابس .. قمت انتبهت الكل يناظرني .. قلت : هييييي اش فيكم تناظروني ؟! مسويه شي غلط ولا ايش ؟؟! ميشو : ابد بس كنتي جالسه وساكته وفجأه قمتي مو عاجبتك سوالفنا ولا ايش ؟! قلت بسرعه : مين قال ؟! والله لو يدرون اني ماسمعت ولا حرف من اللي قالوه .. ابتعدت لغرفتي وجهزت لي ملابس عاديه تماما .. بلوزة ورديه وبنطلون جينز .. جهزت عبايتي الورديه هه كل الالوان ماشاء الله عندي .. ورحت تحممت ولما خلصت قفلت الباب كويت ملابس وعلقتهم بالدولاب .. مشطت شعري صحيح قصير بس حلو بس بدى ينمو وصل لكتفي أمم فيه لون طبيعي مو بني بس فيه لون المهم ماعليكم منه أخذت لي ملابس بيجاما لبستها صليت وقفلت الانوار وانسدحت .. ماكنت ابي انام بس ابي افكر مااعرف افكر الا اذا كان هدوء والنور مقفل وأحلى شي وانا قريب انوم .. مابي أخبي عليكم واقول مو خايفه من الليله ومجهزة نفسي لأي صدمه .. خايفه من الكلام اللي بقوله تركي واذا عرف خالي اني دخلت .. أو حتى مجرد فكرة اني ادخل لخوي اخوي ولو كان الكل داري ترعبني .. تتوقعون مثل ماقلت من قبل ان فيصل متزوج اخته ؟! يمكن .. بس مااتوقع .. طيب لهالدرجه فيصل يمون عليه ويسهر معهم ؟! ابتسمت من داخلي على لقافتي أقصد حب الفضول مااحب حد يقول اني ملقوفه .. هه الحين انتظرت اسابيع مو عاجزة انتظر ساعات .. انفتح الباب ودخل فيصل وسكر الباب مسكت اللحاف اش لي لابسه ذي البيجاما فتح النور وجلس على طرف السرير يناظرني .. قلت : خير اش صاير اش بك تناظرني كيذا ؟! هز كتوفه : ابد بس غريبه العاده يوم الجمعه تتغذين معنا ؟! قلت : لا مشكور مالي نفس .. فيصل : لاتكونين زعلتـ.... قاطعته : لا مازعلت مجنونه انا ازعل على كيذا ؟ ابتسم : طيب ليه تصيحين ؟! أدري ان قلت له ان الله عوضني عن امي وابوي بيقول لي " انتي مو بزر أفهمك أنهم ماعاد يرجعون لنا " فـ فضلت الصمت .. بعدين قلت : على اسلوبك كيف امتصيت غضبي !! فيصل : متأكده ؟؟ اشرت على عيوني يعني تأكد .. قال : أصدقك ماله داعي .. طيب يلا قومي مشعل يسأل عنك يقول وينها خطيبتي وزوجتي ؟ ضحكت على خبال ميشو يكبر ولا يعثقل مثلي تماما صحيح قالها بسخريه بس الحيا شي اساسي بالبنت مو مثل مروى .. اي جد وينها مروى ؟! قلت : طيب ثواني أغير ملابسي وانزل .. فعلا ماصدقت خبر انه طلع قفلت الباب غيرت ملابسي ونزلت تحت .. أول مانزلت سمعت صوت ميشو .. يقول : هلا والله تو مانور المكان وينك حبيبتي تركتيني بلحالي ؟! قلت : معليه حبيبي أعذرني هههههههاااي ... فيصل : ماتستحين انتي ؟! ميشو : رجاءاً فيصل لا تغلط على مرتي ثانيا احبها وتحبني شكو تتلقف ؟! ناظرت نايف كان عادي والله انه بارد .. حسيت من كلام ميشو اني حمارة ومولعه لآخر درجه والله فيصل مايعديها لو شافني على طول يعلق .. قلت ابي اغير السالفه .. ابتسمت : طيب ابي العب معك ميشو !! ابتسم لي ابتسامه عريضه وقال : وانتي كل يوم جمعه ضروري تلعبين معي ؟ ياربيه أموت مقدر ..خالتي مشاعل تكلمت من بعد ماكانت طول الوقت ساكته .. قالت : مشعل استح على وجهك ذي بنت خالتك تفهم !! قلت : طيب ابي العب .. فيصل : والله بزر .. برطمت : يعني الالعاب بس للبزران ؟! فيه العاب للي بسننا .. عادي والله ؟؟ ميشو : صادقه بنت خالتي .. قلت : أحلا ميشو .. هاه فيصل ياقلبي اش رايك ؟! فيصل : طيب ايش نلعب ؟! ابتسمت : كيفك انتوا اختاروا وانا العب معكم .. مشاعل : طيب القافيه .. ضحكت : يااااااي خالتي بتلعبين معي وناسه والله !! اكتفت بالابتسامه .. فيصل : أجل وين مروى ؟! أوووف في كل شي مروى بس يالله ماعندي حل غيره .. قلت : شوي بقوم أقول لها .. ابتعدت عن المقلط ورحت لغرفة مروى ترددت اطرق الباب بس بعدين حبيت اروعها وفتحت الباب بقوة .. قالت : هييييييييييي قلت : سوري مروى .. جاتني اللقافه : مروى اش تسوين في اللابتوب ؟! مروى : مو شغلك .. وقسم ان قلتي لأمي انك شوفتيني ع اللابتوب ذبحتك تفهمين ؟! هزيت راسي موافقه وجلست جنبها .. قالت : اش عندك ؟! قلت : خبريني اش تسوين ؟ سكتت فتره ثم قالت بصوت هامس : على الشات .. الشات ؟؟؟ كلمه جديدة في قاموسي رغم اني سمعت فيها بس وين مو ذاكره ,, قلت : طيب اش ذا الشات ؟؟ مروى : مو كأنك تسألين كثير ؟ قلت : يلا عاد مروى !! مروى : هذا مجموعه قروبات بنات وشباب يسولفون مع بعض يعني يتعرفون وبس ... قطبت حاجبيني : بس يتعرفون ؟ هزت راسها بـ لا .. ثم كملت : يعني اللي تبي توريه صورتها ايميلها أو حتى رقم جوالها بس اسمها مااقوله !! قلت : طيب اش اسمك ؟! مروى : اش ذا السؤال ؟! قلت : قسم آخر سؤال .. مروى : سالي .. قلت باستنكار : سالي ؟؟؟؟؟؟؟؟؟؟ تأففت : الحين انتي اش تبين رازة وجهك ؟؟ خلصيني ؟! والله نسيت اني جايه مو لجل افتح تحقيق .. قلت : ابد بس نايف وفيصل وميشو وامه آند مي بنلعب لعبه وياليت تلعبين معنا .. قالت : طيب شوي ونازله .. هزيت راسي وطلعت من غرفتها .. كيف اني كنت احسب ان مروى ترقم الشباب بس طلع عندها مصدر كامل وهي جالسه في بيتها أقصد غرفتها .. وانا اقول من وين تجيب ارقامهم وماتقفل من واحد الا ويجي الثاني !! نزلت تحت وكنت سرحانه خفت احد ينتبه وبديت اشاركهم بكلمات مختصره .. * تقريبا بعد نصف ساعه شرفت .. كل ذا الوقت مع اخوياها ؟؟ مالي شغل فيها ولو اني اقدر اقول لخالي بس كيفها مو خوف منها ولا شي بس تكرهني ... هي بروحها كارهتني بعد اسوي كيذا ؟؟ جلست جنب خالتي وقبالها فيصل .. قلت : طيب وصلت مروى ننقسم فريقين يلا اختاروا ؟! ميشو : أممممممم أنا ابي مع امي .. ابتسمت : طيب انا مع فيصل .. وانتي مروى ؟! مروى : مع عمتي .. قلت : أجل نايف معنا يلا اختاروا لكم أسم .. ميشو بعد فتره : نبي حرف m قطبت حاجبيني : ليش بالله ؟! ميشو بفلسفه : أبد بس أنا مشعل وامي مشاعل وذي مروى فـ أفضل شي ان يكون شي مشترك بيننا .. ابتسمت : اجل حنا n بما أنا نايف اكبرنا .. نايف : لالا .. خليا على حرفك لأنك البنت الوحيدة .. ميشو : انتي ماتستحين جالسه مع رجال وانتي بنت .. ياخوفي تصيرين بوي .. انقهرت : والله ماكنت ابي اقول ذا الشي بس انت اجبرتني .. بربك الحين انت اللي مسوي فيها بطل ؟! جالس بين بنات ؟؟! ميشو : بس ذي امي !! قلت : ولاتنسى ان فيصل اخوي .. سكت ميشو .. خالتي : قسم ان مايعرف يسكت مشعل الا انتي .. ضحكت .. ميشو : هاه مااخترتوا اسم ؟! قلت : قلنا حرف n نايف : لا حرفها .. عندت : لا حرفك .. فيصل : وانا طفايه بينكم صح ؟! مااخذتوا رايي أو حتى حرفي .. ابتسمت : حبيبي والله خلاص حرف f ولا تزعل .. خالتي مشاعل : أجل نقول حرف القاف .. بلعت ريقي .. وصفر ميشو : أحلا ماما .. ناظرت فيصل هز كتوفه ونايف ساكت عاد اش نسوي ؟! بديت احط الحروف .. قأ قب قت الين وصلت الى قف عاد تذكرت شي .. صرخت : عرفت ! ميشو بضحكه : ايش ؟؟ قلت : أحم قفا نبكي نمن ذكرى حبيب ومنزل .. وسكتت مو ذاكره شي ناظرت فيصل .. قلت : موذاكره .. مروى : هههههههههههههههه مالنا شغل !! فيصل : بسقط اللوا بين الدخول فحومل .. صرخت : أموت عليك فيصل بعد عمري انته ماترضى تشمت العذال فيني .. وناظرت ميشو بطرف عيني .. ميشو : هااه يمه حرف اللام ؟؟ سكتوا فتره .. مروى : طيب عادي اغنيه ؟؟ فيصل : ايه عادي .. ناظر ميشو مروى وكأنه يقول اش عندك ؟؟ مروى : ليه بس اعيش مابين همي وخوفي .. كثر المحبه فيك والطيب مابان !! صفر ميشو : أحلا بنت من بعد ساره .. ضحكت على كلمته .. مشاعل مبتسمه : حرف النوون .. مسكت نفسي اعدد اغنيات راشد وحده وحده .. ياربيه مو قادره اتذكر شي ياربيه !! سمعت فيصل : تعال نايف اي اغنيه اللي فيها نسي ليالي بيروت ؟ قطبت حاجبيني اعرف ذي الاغنيه بس اش اسمها ناسيه حاولت اتذكر .. شوي وسمعت .. نايف : قصدك شايف نفسه ؟! وسكت فتره وقال : نسي ليالي بيروت لما قالي بحبك موت وهلأ جنبي عم بيفوت ولا كنه شايفني .. ماقدرت من الفرحه ونقزت وبست فيصل على خده .. ميشو : لاماتستحي ابد انتي .. اشرت عليه بحب : أخووي وكيفي .. ويلا تشطر عاد حرف الياء .. مشاعل : ياللي شفت احلامي فيه والتقيت بأحلا جنه ادعي ربي وارتجيه ربي لايحرمني منه .. هااء ..! صفر ميشو : أحلااا أم .. صرخت : هيهات انا انسى هواك ساكن بوجداني .. فيصل : يعزف على اوتار قلبي هيض اشجاني .. قلت : حتى المشاعر حكت لك انت شي ثاني .. نايف : انت المحب اللي لا مايصح تبديلوو .. قلت : أحلا والله حرف الواو .. مروى : واو ؟؟ لا هيا تبديله .. قلت : بس يقولها تبديلوو .. نايف : خلاص عندي حل لا واو ولا هاء .. حرف اللام .. ميشو : يمه حرف اللام أنقذيني .. سكتوا فتره يفكرون .. قلت : هااه مالقيتوا شي ؟! ميشو : اسكتي خليني أفكر .. ثانيا مدري تحبين تخلين لنا حرف اللام .. قلت : ماتبي لام حط وااو .. ميشو : خلنا على مجنوننا أحسن .. طبلت مروى : ليك الواوا بوس الواوا خلي الواو يصح .. لما بوست الواوا شيلتوا صار الواوا بح .. حااء ياعمري .. ناظرت فيصل ونايف .. على طول قال نايف : حبيبي الله يخليك ابي ترجع تريحني .. انا اترجاك لا تنسى ليالي الحب وسنيني .. التفت له : من وين جبتها ؟؟ فيصل : هذي وانتي مجنونة راشد ماتعرفين اغانيه .. نايف : لاتفشلني ترى سارة اللي علمتني هيا .. قطبت حاجبيني : أنا ؟؟! نايف : أيه .. أكثر من مرة أمشي لغرفتي واسمعك حاطتها خلاص حفظتها .. فيصل : ايه عاد انتي أول مانزل الشريط لاصقتن فيها .. رميت نفسي عليه : بالذات ذي الاغنيه عذااااب صوته ياربي احبه يخبلني .. ضحكت خالتي : رحمتك .. ميشو : لاتخونيني ياحماره .. فطست ضحك : ههههههههههااااي قسم وربي انك فللله اموت عليك ميشوو .. قال بطريقه مضحكه : أنا ولا راشد ؟؟ ضحكت : راشد طبعا .. أبيع الدنيا كلها لجل عيونه ..!! ميشو : وانا ولد البطه السوداء ؟؟ ضربته امه : اش عندك تسب فيني ؟! * بصراحه اليوم يُسجل في التاريخ لأول مرة نجتمع انا ومروى بحب صحيح مو حب لكن مو كره .. أذن المغرب وصلينا بعدين تفرقنا وصعدت انا لغرفة فيصل معه واخترت له ملابس كويتهم .. وبعدين نزلت وجلست مع ميشو .. قسم انه مايستحي على وجهه ومغسول وجهه بمرق أجل يقولي زوجتي اليوم ؟ أدري انه يهبل فيني بس انا استحي .. المهم نقلب سيرة ميشوو .. نايف !! اليوم جنان لأول مرة أدري انه يحب اغنية " عشان الحب " ويمكن اكثر مني بعد .. مدري ليه متعلق فيها يمكن مثل الشي اللي يخليني احبها .. ليش لما اسمع ذي الاغنيه بالذات يعورني قلبي وكأن الاغنيه لها قصة تبكي ؟؟ ونقلب السيرة الى فيصل .. صحيح انه دوم معي طيوب واحبه بس اليوم غير لكل الناس .. لما طلعت خالتي لبيتهم جلست بالصالة وبيدي جوال فيصل في البدايه كنت افتش عن اسم تركي بس مالقيته يمكن متعمد انه مايحطه .. أو يمكن تركي أحد الاسماء التاليه هه كأني بحصة عربي .. المهم فيه اسماء غريبه رموز وارقام ومدري ايش يمكن .. انتقلت الى نغماته كلها فرح ماعنده شي حزن ابتسمت ربي يجعل كل ايامك حلوة يافيصل .. سمعت صوت من وراي لفيت كان نايف .. قال : مارحتي لبستي دقايق وجاي .. صرخت : احلف !! ابتسم : والله .. دفيته عن الباب وابعدته وهو يضحك وركضت لغرفتي .. رحت لغرفة فيصل كان يجهز اغراضه كالعاده اللي ياخذها معه وما لبس ولا تحمم أحسن .. رجعت غرفتي ولبست ملابسي رولت قذلتي وصارت روعه حطيت كحله مع مكياج وردي خفيف وهادي كمان لبست برقع وناظرت نفسي بالمرايا ياربيه اهبّل .. عفست الدنيا ادور ساعتي الورديه مالقيتها مو لازم ساعه .. لبست اسواره مكانها .. روعه ذهب .. وحطيت خاتمي اللي من فيصل آخر عيد ميلاد اعطاني هوا .. طلعت من غرفتي متسلله وقفلتها وطلعت برى على طول .. ياخوفي خالي يشوفني .. صحيح هو وينه ؟؟ هه نسيت انه يشتغل ذا الوقت وتارك كل المهمه على نايف !! .. كالعاده جاء نايف وتأكد من شكلي ولف لي اصبعي .. وجواله .. جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت .. قلت : السلاام .. رفع عينه : وعليكم.. قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال .. وقف وصار قبالي .. قال : اسمعيني انتي اول .. أنتي مو مروى صح ؟! بلعت ريقي وبدى قلبي يدق طبول .. هزيت راسي بـ ايه .. قال : أجل انتي مين ؟؟ سلوى ؟ سهام ؟ سلمى ؟ .. ياربيه ! عنده قاموس أسماء العيله واسمي مو موجود .. كنت بتكلم بس قاطعني .. قالي : اسمعي لا تكذبين لاني أقدر بسهوله أعرف .. قلت : اخبرك بس ماتعلم فيصل ؟؟ هز راسه .. قلت : قرب اذنك .. قال : نعم ؟؟أعرفك تعرفيني تهمسينن باذني ؟؟ ياربيه معه ذا يحسبني احبه ولا شي والله حاله .. تقربت منه وهمست باذنه : يعني السالفه عناد ؟؟ مسك يدي وابعدني .. قال : قلت انا مااعرفك ..! انقهرت : خلاص اجل بروح .. وسويت نفسي بروح .. قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك .. دق قلبي وقلت : لا تقول له تكفى .. أنا ساره !! قطب حاجبينه : ساره ؟؟ أخت سامي وسلمى ؟! مو معقول يعرف الكل الا اخت خويه .. قلت برعشه : لالا .. أنا سارة .. أخت فيصل .. / \ / .: نهاية الجزء الحآدي عشر :. |
.: الجزء الثآني عشر :. " الحزن في ×صوتگ ,, أزعج ساكني .. لين صآر ][ الگون من حولي ..حزين ..! غصب عني "حزن" صوتگ هآجني * ليــن خلّى × ξـآاصـي× المع ـنى يليــن " / \ / جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت .. قلت : السلاام .. رفع عينه : وعليكم.. قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال .. وقف وصار قبالي .. قال : اسمعيني انتي اول .. أنتي مو مروى صح ؟! بلعت ريقي وبدى قلبي يدق طبول .. هزيت راسي بـ ايه .. قال : أجل انتي مين ؟؟ سلوى ؟ سهام ؟ سلمى ؟ .. ياربيه ! عنده قاموس أسماء العيله واسمي مو موجود .. كن بتكلم بس قاطعني .. قالي : اسمعي لا تكذبين لاني أقدر بسهوله أعرف .. قلت : اخبرك بس ماتعلم فيصل ؟؟ هز راسه .. قلت : قرب اذنك .. قال : نعم ؟؟أعرفك تعرفيني تهمسينن باذني ؟؟ ياربيه معه ذا يحسبني احبه ولا شي والله حاله .. تقربت منه وهمست باذنه : يعني السالفه عناد ؟؟ مسك يدي وابعدني .. قال : قلت انا مااعرفك ..! انقهرت : خلاص اجل بروح .. وسويت نفسي بروح .. قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك .. دق قلبي وقلت : لا تقول له تكفى .. أنا ساره !! قطب حاجبينه : ساره ؟؟ أخت سامي وسلمى ؟! مو معقول يعرف الكل الا اخت خويه .. قلت برعشه : لالا .. أنا سارة .. أخت فيصل .. كانه مو مستوعب اللي قلته ولا مدري اش سالته .. قال : ساره ؟؟ أخته ؟؟ خفت : ليش شفتني من قبل ؟ بقى يناظرني فتره : متأكده ؟ ترى عادي عندي اسأله !! ياربيه اش هذي الورطه اللي طحت فيها والله ماشفته من قبل .. قلت : ايه بس بليز لاتقول لفيصل .. قال وهو باقي يناظرني : أحاول .. قلت : لاتصير نذل عاد .. وغلاة اغلا الغالين عندك .. هز كتوفه : قلت بحاول و 90 % أقول له .. فيني الصيحه .. شهقت وطاحت دموعي ماحبيت انه يعرف نقطه ضعفي فـ طلعت وعلى طول لفيت ورى البيت سندت راسي وانا اتراجف ودموعي على خدي واحس انها حارة .. شفت ان فيصل وتركي متجهين للباب انتبهت طرف عبايتي طالعه سحبتها بهدوء .. وانا اناظر فيصل كيف انه مو مبتسم ماصدقت خبر شفتهم طلعوا وبديت اشاهق وارتجف .. الله يستر تركي بيقوله .. ليتني مارحت وشفته ليتني ماصرت ملقوفه .. حسيت ان لو درت مرت خالي اني هنا ذبحتني .. ددخلت البيت وانا اتراجف الحمد لله محد شافني وقتها كنت مجنونه وممكن اعترف للكل .. ماحسيت بنفسي الا وانا داخله غرفة نايف شفته عند المرايا .. التف لي : تعالي انتي وين رحتي طلعت مالقيتك ؟ سكرت الباب وسندت راسي عليه وبديت ابكي .. تقرب مني : اش صاير لك ؟! بديت اشاهق بقوة مدري لانه في حضني ولا من قبل شوي ؟؟ مد يده وفتح البرقع ورماه على السرير .. قال : اش فيك تبكين ؟! ماتحركت من مكاني لاني لو بس حركت شي طاح نايف بحضني لانه قريب بقوة .. همس : طيب اهدي .. رغم انه همس الا انه وجهه مقابل وجهي تماما ولذلك سمعته .. قام من عندي واتجه لسريره نزلت عيوني وكملت ابكي رجع لنفس وضعيته واعطاني مويه .. فعلا ريقي جاف شربت منه وباقي ابكي .. شوي شوي سكتت .. نايف : طيب هديتي الحين ؟ هزيت راسي بـ ايه ..! نايف : ممكن تخبريني اش بك ؟! قلت : قلت له اني سارة وقال يمكن يقول لفيصل .. فتح عينه : ليش انتي من قبل ماقلتي له انك سارة اخت فيصل ؟! هزيت راسي بـ لا ..! كملت : قلت له اني مروى .. ناظرني : طيب بس ذي السالفه ؟! هزيت راسي بـ ايه ..! ابتسم ابتسامته اللي تخبلني .. ثم قال : لا تخافين مستحيل يسويها وثانيا لو أنك قلتي له من البدايه انك اخت فيصل انتهت المشكله .. ناظرته : نايف مستوعب انه يقول لفيصل ؟ وفيصل يقول لخالي ؟ واروح فيها ؟! ابتسم : قلت لك ماراح يقول .. ولا تخافين .. قلت : اش اللي يخليك تتأكد ؟ تقرب مني لدرجه ان قلبي صار يطبل .. وهمس باذني : اسرار بعدين تعرفينها .. بلعت ريقي وقلت : يعني اتطمن ؟! هز راسه بـ ايه ..! والله استحيت من وضعي انه كنه حاضني بس ماسك الباب لو بس يترك يده من الباب يطيح بحضني والله لو شافني فيصل وانا بذي الحاله معه ليذبحني .. لا وانا ابكي وهو يحضني وفي غرفة النوم .. وفيصل مايقصر يشك بكل شي ماعنده ثقه فيني .. ناظرت نايف ورجعت ابكي عاد ذي المره لأن كل ذا الانسان يروح لسلمى .. قسم اني خبله مو راضيه فيصل يتزوج مروى ولا نايف وسلمى .. نايف : اش السالفه بعد ؟! كنت بتهور وبقوله بس سكتت .. قلت بهمس : نايف !! قطب حاجبينه : آمري ؟! قلت : نايف أنا .. أنا .. أبي اعترف بس مو قادرة ..! قال : انتي ايش ؟؟ قلت : ولا شي .. حركت يدي وفعلا طاح نايف في حضني شهقت ورجعت ارتجف .. نايف : أنا ... قاطعته : انا اللي تحركت أعذرني ماكان قصدي .. وقفت ورحت غرفتي قفلت الباب وانسدحت على السرير ابكي .. على نايف قبل شوي وخوف من تركي و ... أمي !!! مثل البزران ابكي رغم ان نايف يطمني .. طيب ليه نايف متأكد ؟! يووه ياسارة احمدي ربك رحتي لنايف ولا انتي الحين تصيحين وخايف .. غيرت ملابسي ولبست بيجاما وحطيت المنبه وصليت العشا وعلى طول نمت .. * * * صحيت الساعه 12 وحليت واجباتي وذاكرت .. حطيت الكتب بالشنطه تحممت ولبست برمودا وردي وبلوزة ورديه أكمام هه اليوم كله وردي .. أخذت حجاب وردي ونزلت البيت هادي اكيد الكل نايم .. رحت المطبخ جيعانه لاني ماتعشيت من التفكير اخذت خبز مع جبن أكلته بعدين شربت عصير تفاح ناظرت الساعه 3 الا خمس .. مايمديني انام شوي وبيأذن . رجعت غرفتي ولما أذن صليت .. سمعت طرق على الباب فتحته .. قال : صاحيه ؟؟ قلت بخوف : ايه اش تبي ؟! هز كتوفه : ابد ماجاني نوم الا لما أكلمك .. ارتعشت ياخوفي تركي قال له وانا اعرف فيصل مايعصب لأن الامور ماتنحل بذا الطريقه .. طلعت معه للمقلط دخلنا .. قلت بخوف : فيصل روعتني اش صاير ؟! فيصل : اتوقع تعرفين ليه جايبك هينا فـ ياريت ماتستهبلين .. نقز قلبي ألعن ابو شكلك ياتركي كانك ورطتني مع اخوي .. بلعت ريقي بصعوبه .. قلت : قسم ماكنت ابي اجلس معه بس ... قاطعني : ساره !! أوقفي لحظه عن الحكي ..أنا مو رافض فكرة انك تحبينه بس مو يعني انك تعاملينه وكأنه زوجك .. بسم الله .. تحبينه ؟! ليش تركي مفهمه اني احبه ؟ مالت عليك صدق مهبول وماعندك ماعند جدتي .. لا وكأنه زوجك .. ماعنده سالفه ! قلت : وان شاء الله هو مفهمك اني احبه ؟! فيصل : أنا ادري انك تحبين نايف وانتي بلسانك قلتي بس حركاتك مع مشعل مالها داعي !! تنفست بقوة ألحين كل السالفه على ميشو ؟ قسم قلبي انخرش وصار طبول ..غير العرق اللي تصبب وآخرتها ميشو ؟! تنهدت : أفهم ان كل شي صار قدام خالتك ونايف ومروى وقدامك ماكان فيه كلام عيب نقوله وانت تدري انه كل الكلام اللي انقال على طبقى السخريه والهبال .. فيصل : ساره !! انـ..... قاطعته : لا تتكلم اذا كان ذا الشي يزعجك وتتوقع اني اسوي شي مع ميشو فـ انت غلطان .. أخوي الصغير وانت عارف انه يعتبرني مثل اخته وأكثر .. وثالثا وهو الاهم انو هوا اصغر مني .. واذا كانت شكوكك ماتسمح لك انا اعتذر .. أوكي ؟؟ أقدر أقوم ؟؟ فيصل : ممكن ماتقاطعيني ؟؟ أنا سمعت انك جالسه مع ميشو بلحالكم ولما جات سكتتوا .. تفهمين ؟؟ بلمت : مين اللي جات ؟! فيصل : لا تستهبلين !! اش بلاه ذا مايفتهم ؟! .. قلت : طيب خبرني مين اللي جات ؟! فيصل : بنت خالك .. أهاا يعني السالفه كلها من تحت راسها .. بس ليش ؟! يمكن علشاني شفت انها بالشات ؟ ومافيني اعلم ؟؟ علشان الحين لو قلت كلمه وحده يقولون منقهره لانها فضحكتني .. مدري ذي من ايش عقلها .!! قلت : اسمع ياأخوي المحترم أولا أنا أول مرة اسمع بذا الحكي ثانيا طول الوقت كنا جالسين مع بعض كلنا متى امداني اسوي كل ذا ؟؟ واذا ماعندك ثقه فيني اتوقع عندك ثقه بتربية خالتك .. واعذرني انا بروح انوم .. قمت ورحت المطبخ صلحت الفطور وصعدت غرفتي ياربيه مع ذا المروى اللي مدري؟ .. حاقدة علي .. مدري ؟ تتنرفز لما تشوفني أووف .. حطيت المنبه على 6 الا ثلث ونمت في الحقيقه مانمت كنت افكر ليه بنت خالي تعاملني كيذا ؟؟ .. * المهم أول ماصاح المنبه قمت مشطت شعري وحطيت لي خصلات على وجهي ونفخته من ورى قلت ابحط كحله وابلبس العدسات وفعلا طلعت قمر حطيت قلوس احمر ولبست عبايتي ونزلت طلعت برى .. أنتظر خالي ومروى يخلصون .. فعلا صعدنا السيارة ورحنا المدرسه جلست بلحالي من بعد ريم اللي تجبرني بسواليفها اني اندمج واسولف .. طلعتني من الانعزال ورات عني أحس الدموع متحجرة في عيوني .. لحظه تذكرون البنت الناعمه ؟ حكيت لكم عنها يوم الثلاثاء ؟؟ جات وقالت : اش بك جالسه بلحالك ؟! ابتسمت : اممممم مع مين اجلس وريم راحت الدمام ؟! ابتسمت : يعني مافيه في المدرسه الا ريم ؟؟ وانا ؟؟ مبين انها طيوبه جلست جنبي .. من زمان وانا اقول لكم عندي سؤال يقرقع بقلبي لذي البنت .. قلت : بت اش اسمك ؟! ابتسمت : نجلاء .. وانتي سارة صح ؟! ابتسمت : قد ايش ياربي انا مشهورة .. اكتفت بابتسامتها .. ثم قلت : ابي اسأل سؤال اذا مايضايقك ذا الشي ؟! ابتسمت : عادي حبيبتي آمريني ؟! قلت بهدوء : تذكرين يوم شفتك مع شلة ريم ؟ كنتي جريئه لحد كل شي اقوله تسويينه .. ليش ؟؟ ابتسمت وصمتت .. قلت : اذا ماتبين تجاوبين عادي ... نجلاء : لا ابي اجاوب .. لاني تقريبا كل خواني عيال ولا بنت غيري ماخذه منهم جرأه وحركات صبيانيه بس مو معنى ذلك اني بوي واكثر من مرة اقول للشله يسوون معي كيذا بس مايرضون وسبحان الله انتي من السما .. كيف تقدرين تقنعينهم والله مدري ؟؟! ابتسمت : هه كلهم عيال ؟! بس شكلك يوحي انك بنوته ناعمه ورقيقه .. نجلاء : سالفة طويله عريضه ماله داعي ذا ... قاطعتها : مستعده اسمع .. نجلاء : انا بنت وسط 6 عيال من يومي كنت البس مثلهم واسوي مثلهم غير كيذا اني اشابههم كثير .. أمي مارضت تشوفني البس مثلهم وكل شي مثلهم أخذتني بيت عمي و24 ساعه جالسه مع بناتهم عاد كل وحده أحلا من الثانيه واللي تنعم اظافرها واللي تتمكيج وجلست معهم أغلب سنواتي وانا رجعت .. بنت فيها انوثه بس حركات صبيانيه .. ابتسمت : حلو .. أنا استغربت كيف بنت نعومه تسوي كيذا ؟ نجلاء : وانتي كمان نعومه وجرأه .. ياترى ممكن اعرف اش السالفه ؟! هزيت كتوفي : انا ساكنه في بيت خالي .. مروى معنا باالمدرسه اذا شفتها بقول لك .. أممم عندي اخو واحد ولا اخت فـ ماخذه منه غير اني من يومي مااحب اجلس مع بنات لا تسأليني ليش لأني نفسي مااعرف ليش !! ابتسمت : حلو كمان !! سولفت معاها الين انتهت الفسحه صعدت الفصل وقلبي يرقع مدري ليه ..! * * المهم رجعت البيت غيرت ملابسي وصلحت الغذا بعدين رحت صليت الظهر نزلت وتغذيت وشلت الاكل بعدها ورحت غرفتي .. من حسن حظي اني ذاكرت كل شي وحليت واجباتي .. ونزلت تحت المقلط شفت فيصل ونايف .. قلت : السلااااام .. ماامداني اكمل ذي الجمله الا واسمع الملق يقول " هدف " ابتسمت بغرور وجلست على الكنبه .. حطيت رجل على رجل .. وقلت : شفت جيتي عليك مباركه .. فيصل : 3 وانا 2 وتقولين نتيجه مباركه .. بلعت ريقي اش اللي خلاني اقول كيذا ؟! أدري فيه الحين مابيبقى احد الا وبيقوله اني وجه نحس .. قلت : يعني الهدف لنايف ؟! فيصل : نووو .. لي انا طبعا .. تنهدت : يعني انا وجه خير وجبت هدف .. قال بنبرة ماعرفت افهمها : ولوو تظلين وجه نحس .. قلت : طالعه على اخوي .. فيصل : هااه شوفي كرت احمر من وجهك .. قلت وانا اهز رجلي : جب زين .. شوي وسمعته : تعالي بقولك شي .. دق قلبي الله يستر رحت وجلست في الوسط بين فيصل ونايف ماشفته الا انسدح على رجلي .. قلت : هااه ايش عندك ؟! ضحك : ولا شي .. قلت : ولا شي ؟! فيصل : ههههههه ككنت ابي انسدح على رجلك وادري فيك ملقوفه بتجين .. سكتت عنه وبديت العب بشعره .. قلت : شعرك صار طويل يبي لك تقصه .. فيصل : لا انا ابيه يصيير طويل .. يعني شعر اختي أقصر من شعري .. ضحكت : شف لو تصعد السما وتنزل الارض لوتسوي اللي تسويه اموت عليك .. نايف : بت اعقلي تراه اخوك .. قلت : مو هاذي المشكله .. قطب حاجبينه : اش المشكله انه اخوك .. ليش ؟؟ قلت : لان مرته بتروح وطي كل يوم رازتن وجهي وجالسه معه بصير له زوجته الثانيه حتى انه مايشوف زوجته الا مرة في اشهر .. فيصل : ومين قلك اني بتزوج قبلك ؟! اذا تزوجتي انتي بعدين افكر اتزوج .. قلت : ساعات يسكر خاطري .. فيصل : مين ؟! قلت : زوجي .. لاني احبك اكثر من اي مخلوق .. اتمنى زوجي نسخه أصليه منك بالضبط .. صحيح احيانا تطق فيوزاتك بس مع ذلك اموت فيك .. صفر فيصل : وااناا امووت عليك .. استغربت منه انتبهت انه سجل هدف .. قلت : مبروك ابو محمد !! قال : الله يبارك فيك يا ام .... ايش ؟! قلت : أمممم سارة وبس .. نايف : ابو محمد ؟! معلومه جديدة مين ذا ؟! فيصل : طبعا على اسم الوالد .. قلت بابتسامه : محمد فيصل محمد فيصل العلي ياااااي اسم ولدك يهبل .. فيصل : حتى اسم ولد نايف حلو .. جاسم نايف جاسم نايف جابر .. نايف : اششش اسكت لا تسمعك الوالدة وتصدق .. قلت : ليش ؟ نايف : مين قلك اصلا ان اسم جاسم يعجبني ؟! فيصل : بس اللي اعرفه ان الولد الاول يسمي على اسم ابوه كيف لاصرت الولد الوحيد ؟! نايف : لا حبيبي انا مااحب ذا الاسم وكانه يبي ولد .. يتزوج على امي .. شهقت : اهئ اش تخربط ؟؟ وان شاء الله اي اسم اللي بيكون بدل جاسم ؟! نايف : ناصر طبعا .. قطبت : ليش بالله ؟ ناصر عاد ؟! ابتسم : سلمى عاجبها وانا كمان خلاص .. مااقول لكم مانقهرت بس دامه يحبها شكو اتدخل فيهم خلني ساكته أحسن .. هزيت رجلي بعصبيه وانا اشوف شعر فيصل يطاير .. فيصل : أووووف وقفي عاد .. قلت : وشايف ان رجلي عندك مخده ؟! فيصل : وقبل شوي تقول لي احبك !! قلت : لا تحرف في الكلام ... قام من رجلي وشهق : اهئ نايف مو قالت لي احبك ؟! الحين تنكر .. قلت بضحكه : انا ماقلت احبك !! فيصل : بتجننيني انتي ؟! نايف : يمكن خرفت وماعاد تدري اش تقول .. قلت بغرور : لا ياحبيبي انا قلت اموت عليك مو احبك .. احبك كلمه عاديه بس اموت عليك غير ابتسم : نقز قلبي ياحماره قلت يمكن صرت مااسمع عدل مثل خلق الله .. قلت : لو كل ذي الدنيا تشك انهم يحبونك الا انا تأكد .. نايف : وينك يامرى تسوين لي مثل فيصل .. اكتفيت بالابتسامه .. لما اذن العصر رحت صليت وبعدها نمت .. * * صحيت على اذان المغرب صليت العشا ونزلت صلحت العشا وتعشينا .. بعد اذان العشاا رحت كلمت خالتي ام ريم وطلبت نتها مها .. سولفت معاها تقريبا ساعه الا ربع ولما قفلت دقيت على ريم طبعا ماخليت دموعي وطول الوقت ابكي لها وهي تهديني .. وسط مكالمتي جاء فيصل .. قال : قومي بسررعه قبل ماتموتين !!! اتروعت : لحظه ريوم .. نعم ؟ أموت ؟ ليه ؟ اش صاير ؟؟ فيصل : قلت لك قومي الحين وافهمك السالفه بغرفتي !! قلت : ريوم مدري اش به فيصل شوي وادق عليك اذا ماتوفيت .. ضحكت تتوقع اني امزح وقفلت وصعدت غرفة فيصل ياربيه مايكون تريك له يد في السالفه .. قلت : وصعدنا غرفتك خير اش عندك ؟! فيصل : سلمى آند نايف ..! عاد انا بروحي منقهره من اسم سلمى وبعد يقول سلمى ونايف شوي وارتكب جريمه .. قلت بقهر : اش بهم ؟! ابتسم : طالعين مع بعض !! فتحت عيني : من متى ؟! قال : والله مدري بس قبل شوي تلقفت ورزيت اذني سمعت مرت خالك تقول لبنتها .. قلت : وطبعا انت جاي علشان تنكد علي والله لو مادريت احسن لي .. ضربني على كتفي : صدق حماره الحين جاي واقولك تردين كيذا صدق ماعندك سالفه .. قلت : ابي اطلع من البيت .. شهق : اهئ وين بتروحين ياحظي ؟! قلت : تطلع معي نروح كوفي ؟! شهق .. ضربت كتفه : اش بك تشاهق قسم انك تروعني .. فيصل : انتي انهبلتي ولا ايش ؟! بربك السيارة ونقدر ندبرها طيب والاذن ؟ هزيت كتوفي : قل لهم اني رايحه المكتبه يلا عاد فيصل حاسه اني مخنوقه .. ابتسم : ولو اني ادري اني بروح فيها بس طيب قمت : بقوم اجهز يلا انتظرك .. طلعت من غرفته ورحت لبست جينز اسود وبلوزة سوداء لبست عبايتي وتكحلت .. انتظرت شوي وجاء فيصل قلت : بشر ؟! ابتسم : يلا .. فعلا طلعت معه للشارع .. قلت : ابي اسأل دامك تعرف تسوق ليه ماتشتري لك سيارة ؟! قال : تصدقيني اذا قلت اخاف من الحوادث ؟! قلت : هذا انت الحين تسوق .. فيصل : والله قلبي يتراجف لانك معي وخايف يصير لنا شي .. ابتسمت : يامعقد .. ليش بالله تقول كيذا ؟ فيصل : لأن ابوك توفى بحادث .. ابوي ؟؟؟؟؟؟؟؟؟؟؟ توفى بحادث ؟؟ معلومه جديده ؟؟ ماتوقعت السالفه كيذا توقعت انه توفى عادي بدون اي شي .. طيب وامي ؟! خفت اساله ويتعكر مزاجه .. قلت : خلنا نروح الراشد !! ناظرني : قسم بالله انك جريئه بطريقه مرعبه .. بربك نروح الراشد ؟! هزيت راسي : اي يلا عاد لا تصير حمار .. ابتسم : طيب نروح .. فعلا رحنا الراشد ياحبي لك يافيصل مابقى شي الا وشراه لي ولما طلعنا .. قلت : بصراحه لايق عليك تحمل الاغراض كلها .. فيصل : صدق ماعندك ذوق الحين جزاتي مطلعك ومدري ايش وبعدين كيذا ؟! قلت : والله انك روعه .. سكت فتره ثم قال : ساره !! قلت : همممممممممم ؟ ناظرني : تلثمي !! متأكدين ان ذا فيصل ؟؟ أول مرة يقول لي كيذا !! العاده عنده عادي !! قلت : طيب ليش ؟! قال : ماتشوفين العيال يقزونك من فوقك لتحتك ؟! قلت : انت بس اشر على اللي يناظرني اوريك فيه .. ناظرني : طيب تلثمي .. قلت : بصراحه أختنق .. شبكت ذارعي بذراعه وناظرته وابتسمت .. شوي ووقف واخذ طرف شيلتي ولثمني .. قلت : قسم لو يشوفونا الهيئه يصعدوننا بالجمس .. ضحك : ههههااي اخت واخوها يحبها وتحبه حرام ؟! اكتفيت بالابتسامه .. وشبكت ذراعه معي وكملنا نمشي وصلنا للكوفي وجلسنا ماحبيت اطري له تركي لو امي أو ابوي لانه يتضايق .. قلت : آآآه يليت مروى ونايف معنا .. ضحك : قصدك نايف فقط .. قلت : لا ياحبيب أختك دامك تحب مروى فـ أنا احبها غصب عني .. فيصل : لو ماحنا بمكان عام سويت لك حركه قطبت حاجبيني : ايش ؟! همس : لميتك !!! ضرخت : اهئ علشان المره صدق الهيئه يجون لجلنا .. ضحك بصوت عالي والكل يناظرنا .. قلت : قم بس قم خلنا نرجع البيت تأخرنا .. قال : الساعه كم ؟! قلت : 12 إلا ... صرخ : احلفي ؟! قلت : قسم .. ثانيا كل مرة الناس يناظروننا .. ناظر الكل يناظر .. قال : أوقفي هنا ولا تتلفتين شوي وجاي .. وقفت مكاني وماحسيت فيه الا شايلني .. شهقت : الحين الكل بيناظر من اللقافه .. ابتسم : ادري .. فتحت لثمتي وحبيته على خده ماسمعت الا تصفير وتصفيق ومدري ايش حسيت بالاحراج وكيف الناس ملاقيف .. ياخوفي يتوقعون اننا نحب بعض .. الا أكيد .. همس لي فيصل : قسم ماشفت اجرأ منك .. قلت : أمشي بسرعه .. همس : ماتشوفين البوابه بعيدة ؟! قلت : ولا تزعل حالك .. حطيت يدي حول رقبته بطريقه رومانسيه حلوه ناظرني وابتسم : ترى قسم اسوي حركه اخليهم يفتحون البلوتوث .. ضحكت : لا بلييز مانبي فضايح .. قال : ترى اللثمه طاحت .. تذكرت اني ماحطيتها وانتهزت الفرصه انه بنزلني لاني حسيت بالاحراج الكل يناظر .. قلت : عدلها لي .. قطب حاجبينه : أنا ؟! قلت : ايه انت لاني مااعرف .. وفعلا نزلني ولفها لي وكملنا نمشي .. قلت : تتوقع نايف وسلمى رجعوا ؟! قال : انتي مانسيتي ؟ الحين مطلعك ومدري ايش علشان تنسين والحين كيذا ؟! قسم انك ترفعين الضغط .. قلت : علمتني وشلون احب علمني وشلون ابنسى .. اش اسوي بعمري اذا انا احبك ابتسم : الظاهر يبي لك طراق علشان تصحين اني اخوك .. قلت : لا عاد الحين قبل شوي تشيلني وبوسه والحين طراق هه بس احبك .. فيصل انسان من الخيال لا يمكن في يوم انساه لو مهما حصل شعور حلو ان اخوك يعوضك حنان امك وقسوة ابوك والرومانسه وكل شي حلو .. احس بخسارة انه يتزوج مروى .. صعدنا السياره جلست أدور باشرطته لراشد مالقيت .. قلت : خير ماعندك لراشد ؟ قال : أولا ذي سيارة خالك ثانيا كل اشرطه راشد عندك ولا نسيتي ؟ قلت : أوووف طيب اش الحل ؟! هز كتوفه : دوري اي حد غيره .. فعلا جلست اشغل شريط واقفله مافيه احد بالنسبه لي ينافس راشد .. ولما وصنا البيت .. قال : اسمعي اغراضك الليله بجيبها لك .. ابتسمت : طيب تسلم فيصل قسم مدري اش اقولك بصراحه انت شيييييي .. ابتسم : يلا ادخلي .. وانا بقلط السياره واجيك .. فعلا دخلت احسن ماشفت مروى أو امها دخلت غرفتي وعلى طول نمت .. أحسن شي اذا بغيت تهرب من التفكير النوم .. لا تفكير في نايف .. لا تفكير في تركي .. النوم هو الافضل ..! * * * صحيت الساعه 4 الفجر صليت ماجاني نوم قمت صلحت الفطور ثم تحممت .. جففت شعري ورفعته بشباصه أزرق ونزلت لي خصلات لبست الساعه الزرقاء وحطيت حلقات في اذني صغيره فتحت دولابي آخذ العبايه انتبهت ان اللي شريتهم البارح فيه .. ابتسمت عليه كيف انه ماازعجني .. اخذت الكحله كالعاده وحطيت مرطب .. لبست عبايتي ونزلت .. شفت الكل يتفطرون .. قلت : صباح الخير .. الكل : صباح النور .. ابتسمت وجلست مقابل مروى كانت تقزني مدري معجبها شكلي ولا ايش مو شغلي فيها المهم خلصت الست مروى فطورها وطلعنا وصلنا المدرسه كانت عندنا ابلة غايبه استغليت الفرصه وكتبت واجباتي ولما خلصت جلست افكر في نايف تذكرت يوم حضني حسيت ببروده في جسمي وانا اتذكره كيف ان حضنه حسسني بالامان ان تركي ماراح يقول لفيصل شي .. انعاد على الموقف اكثر من مرة احس بقهر ان نايف لسلمى .. توقعت انه حب طفوله أو لاني محتاجه حنان حبيته .. ماتوقعت اني اكون مجنونته .. انتهت الحصه ووقفت احلامي أخذت شنطتي ونزلت الشارع ماصدقت جاء خالي صعدت معه رجعت البيت صلحت الغذا صليت ونمت .. * * صحيت قبل اذان العصر ذاكرت ثم صليت .. فتحت دفتري اللي حكيت لكم عنه وكتبت " امنيه يارب اتمنى تتحق .. يجي يوم واشوف نايف معي في بيت واحد " وكالعاده جنبه الناريخ " 19/8 " فتحت دولابي واخذت اكياسي وبديت اناظرهم ايه صح شريت لي أو بمعنى اصح فيصل اللي شرالي .. المهم هو انه مجموعة مكياج جديدة روعه بمعنى الكلمه أخذتها وجلست مقابله المرايا اصبغ وجهي انقهرت وغسلته .. المهم اذن المغرب صليت ونزلت صلحت العشا .. قررت اتعشا معاهم اليوم .. انتظرت قربت تيجي الساعه ثمان ونصف ومابعد وصل خالي .. اوووف عاد مايتأخر الا اليوم بالذات ؟؟ المهم اكلت خبز وجبن وصعدت غرفتي .. تحممت بسرعه وبوقت قياسي .. انسدحت على السرير وماامداني اتغطى باللحاف الا واسمع صوت بوري ..ارتعشت صوت سيارة تركي الله يستر قلت مابقوم أطل من الشباك وتلحفت دقائق معدودة وانتبهت ان الباب ينفتح .. رفعت راسي كان خالي .. أشهد ان لا اله الا الله واشهد ان سيدنا محمد رسول الله ..! .: نهاية الجزء الثآني عشر :. |
.: الجزء الثآني عشر :. " عزآهـ يآ ×قلبي× من الهم عزآهـ .. من *يوآسي دمعتي قآال :. خيرهـ .. " وشلون .. "خيرهـ " بـ ξــد فــرقاآهـ ..؟ لاآ تقولوآ { خيره .. خيبهـ كبيرهـ ..! / \ / انسدحت على السرير وماامداني اتغطى باللحاف الا واسمع صوت بوري ..ارتعشت صوت سيارة تركي الله يستر قلت مابقوم أطل من الشباك وتلحفت دقائق معدودة وانتبهت ان الباب ينفتح .. رفعت راسي كان خالي .. أشهد ان لا اله الا الله واشهد ان سيدنا محمد رسول الله ..! خالي : صاحيه ؟! بلعت ريقي الله يستر اش يبي ؟! .. قلت : هممم كنت بنوم .. خير خالي اش بك ؟؟ مروى ؟! أو نايف ؟! ولا فيصل ؟! خالي : اسمعي لك عشر دقايق تلبسين وتكشخين وتنزلين لي تحت قسم ان ماشفتك بعد عشر دقايق تـ .... قاطعته : طيب .. اتجه للباب ثم لف علي .. وقال : ايه لا انسى .. تلثمي وطلع .. أتثلم ؟؟؟ اش السالفه الكل يبيني اتلثم لهالدرجه شكلي مقرف ؟! فيصل وعلشان العيال يقزون .. ونايف !! ايه صح تركي قبل شوي سمعت البوري الله يستر رحت لدولابي .. خالي ماحدد شي معين .. التفتت لملابسي اللي آخر مرة شريتهم فستان تركواز خفيف مفتوح من فوق أكسسوارات كوحلي مع تركواز وكعب واشياء كامله .. جففت شعري بسرعه ونزلت القذله شوي وجاء خالي .. ناظرني كنت لابسه الفستان وارتب شكلي .. قال : انجززي .. قلت : طيب .. طلع من الغرفه ورولت شعري على داخل حطيت كريستال بشعري واخيرا لبست العدسات وحطيت مكياج خفيف بالتركواز وقلوس احمر فاقع حلو امممم اخذت الساعه التركواز وحطيتها باليمين وحطيت اسوارتي اللي حكيت لكم عنها من خالتي .. خاتم من فيصل يوووه اصبعي أخذت اللصقات شوي وسمعت بوري الله يستر .. وجاء لي خالي لما شافني الصق على اصبعي سكت وطلع .. ملاحظه ان كل مرة يدق بوري يجي خالي يارب سترك .. ناظرت شكلي حلوة لبست الكعب وعبايتي وتحجبت تقريبا جزء من القذله طالع بنعومه .. انتظرت ابي اتأكد ان لما يطق البوري يجي خالي وفعلا جاء خالي .. قال : هااه جهزتي ؟! قلت : اش رايك ؟! هز راسه موافقه .. وقال : افتحي بشوف لبسك .. فتحت شافني .. قال : طيب يلا .. قلت : لحظه ماتعطرت .. رحت للمرايا ورشيت لين قلت بس اش عنده خالي ؟؟ نزلنا ورحت عند الزرع .. قال : اطعي بتلاقين اخوك ينتظرك .. يلا انجزي .. هزيت راسي .. قال : تلثمي .! أوووف مانسى السالفه تلثمت ومسكت الطرف كنت نايس وطلعت شفت فيصل متسند على السياره السوداء اكيد حقت تركي .. وفيه شخص مكان السايق خمنت انه تركي .. قلت : هلووووو .. فيصل : مابغيتي يابت ؟ يلا اصعدي .. ابتسمت : طيب .. دام فيصل معي ماأخاف .. دخلت السيارة ... وقلت : السلااام .. تركي : هلا .. وجع ان شاء الله رد السلام مثل الخلق قسم اني محترمه فيصل .. شوي وتحركت السياره .. شوي وسمعت صوت تركي .. يقول : كم عمرك سارة ؟! ضغطت على طرف اللثمه بقهر شكو يسألني كم عمرك ؟ حيالله خوي اخوي ..! سكتت عنه وكأني ماسمعته رجع وقال : سألت كم عمرك ؟! رحمني فيصل : 19 سنه .. قال : أوووه في اي تخصص ؟! قسم لولا الحيا ذبحته رجعت سكت عنه .. فيصل : عندها ثالث ثانوي مرتين .. سمعته يقول : أوووه اش ذا الكسل ؟! كنت برد عليه بس سكتت لا يقول تو تكلمت أو يستخف دمه .. سمعت فيصل : قل ذ الحكي لنفسك عمرك 20 وباقي ثالث ثانوي .. ضحكت من داخلي زين تسوي فيه احلا اخو .. يستاهل اجل يتمصخر علي ؟ قال : لا تفشلني عاد .. بصراحه اختنقت بمعنى الكلمه والظاهر اننا مطولين في السياره .. أوووف يلا اش بيقول عني اكيد اختنقت .. شلت اللثمه انتبهت ان محد انتبه لي احسن بعد .. احس قلبي يدق بقوة مدري ليه ..ليت نايف معي على الاقل يفهمني لو شي بسيط من السالفه ..ابتسمت لذكر اسمه واستحيت ووطيت راسي وبديت العب بكم عبايتي .. نايف سارة .. يااااه اسم حلو لايقين لبعض مش سلمى نايف .. اش ذا القرف ياربيه .. أصلا اسمي كلاسيكي ساره اش حلاته اسمي يدل على الملك أو ملكه أو شي كيذا اسم لدلوعه اصلا ولايق علي .. ساره بنت نهال .. حتى اسم امي حلو رغم اني مااعرف معناه .. سمعت صوت حد يناديني رفعت راسي كان فيصل على طول ارتبكت ولفيت لثمتي .. انتبهت ان خويه يناظرني أوووف بس عادي اذا اهله ناس اوادم عادي اكشف .. فيصل : وصلنا تبين تبقين بالسياره ؟! قاال : ماعندي استعداد ابقي بنات بسيارتي يشكون فيني الناس واشاعات .. بغيت افلعه بأي عجرا .. قلت ابي اقهره : ليش فيصل ماقلت ان لثمتي طاحت ؟! عيب رجال غريب يناظرني !! ابتسم فيصل : كنتي مفسحه وماحبيت ازعجك .. قلت بغرور : ولوو بس فيه عيال يقزون ولا نسيت ؟! اكتفى بالابتسامه اما انا دخلت شعري بغرور .. فتح لي فيصل الباب ومسك يدي ونزلت برنسيسه !! بغيت اشهق يوم شفت ذاك البيت بس خفت يحسبني مشفوحه بس شكل البيت وتصميمه رهيب .. هذا بيت ذا ؟! بس كمان بيتنا حلو وفي ارقى احياء الخُبر .. فتح لنا تركي الباب ودخلت على الحديقه كانت واسعه بس مبين ان محد يهتم فيها .. وبعدين البوابه دخلت لقيت اهل تركي ينتظروننا .. شفت رجال مبين انه كبير بس شكله روعه اكيد ذا ابوه أكيد ذي اللي جنبه امه .. تقريبا 3 بنات اكيد اخواته .. بلعت ريقي وسكتت .. فيصل : السلام عليكم .. قام الجال الكبير وسلم على فيصل اما انا كنت متخبيه ورى فيصل هه وكأني طفله .. استغربت ان البنات متغطيات !! والعبايه على الراس .. المهم شوي وسمعت فيصل .. يقول : يلا اترككم تتعرفون عليها .. يلا امشي انت .. وأخذ تركي وطلعوا البنات كشفوا .. بلعت ريقي من الخوف ألحين كل ذي الضجه علشان اتعرف على اخوات ذا التركي ؟! بغيت ابكي لان فيصل راح عني بس خفت أولا يتوقعون اني طفله وثانيا الكحله تخترب .. شفت الرجال يجي ويسلم علي مصافحه .. ياإلهي ماهذه الورطه بيت لا اعرف احدا فيه .. من الرعب اتكلم عربي فصيح .. قال : اهلا سارة نورتي ! ابتسمت ابتسامه لاتخلو من الرعب والخوف وسكتت .. شوي وقامت المرأه واتجهت ناحيتي : اش اخبارك ؟ الحمدلله على السلامه !! بسم الله الرحمن الرحيم .. وين رحت ؟؟ ومن وين جيت ؟؟ قسم مو فاهمه شي من اللي يقولونه !! بس بصراحه عندي امرأه تسألني أحسن من رجل ولو كان بعمر ابوي هه اصلا انا مااعرف عمر ابوي .. خفت ابكي ويسيل الكحل فـ سكتت .. قال الرجال : تفضلي .. قلت : ثانكس خالي .. ابتسم : ناديني عمي .. طيب ولا تزعل عادي ..! سمعت المرأه : مابتجلسين ؟! ابتسمت مجامله ورحت معاها انتبهت ان حجابي انفك تركته عادي الرجال كبير .. شوي وقالت المرأه : هذي ابلة نهى بنت الكبيره وذي ... لحظه اعذريني ياامرأه على المقاطعه .. ابلة نهى ؟؟ وين جالسين حنا ؟! أبله وعمي ؟! ياخوفي متوقعين اني شغاله وانا مدري ؟! حبست دمعتي وقاومت بس علشان الكحل لا يتعفس .. ماسمعت بقية كلامها ثم سمعت صوت مبين انه ولد .. الكل تغطى عدا الام والاب .. وقال : يلا يبه كل شي جاهز .. وطلع .. كان حجمه صغير المهم ماعليكم منه وخلوني في مشكلتي !! اش اللي كل شي جاهز ؟؟ الله يستر .. قال الرجال : يلا ماتبين تتعشين ؟! نعم ؟! ايش قلت ياأخ ؟! اتعشى ؟! أعرفكم تعرفوني اتعشى معكم ؟ ياربيه احس بقلبي يدق وكأن دقات قلبي كل أهل الخُبر يسمونها .. حبيت ابين لهم اني منيب شغاله واعرف احكي عربي .. قلت : ليش فيصل وينه ؟! قالت وحده من البنات : ليه ماتبين تتعشين وتسهرين براحتك ؟! براحتي ؟! فاهمين شي ؟؟ليش بيتهم فندق وانا مدري ؟ تعال يمكن بيتهم كيذا يستقبلون كل الناس للسهر ؟؟بغيت ابكي الدمعه تعلقت بعيني ياربيه مايسوون فيني شي .. بس مبين انهم طيبين غير كيذا ان لو فيصل أو حتى خالي مو مرتاحين لهم ماوصلوني عندهم .. قلت بصوت مبحوح : ابي فيصل ..! الكل استغرب .. لاااه اتوقع انهم بجد متوقعين اني شغالة .. الرجال : فيصل ؟! هزيت راسي وبديت ابكي .. تقرب مني وجلس جنبي على طول ابتعدت من الخوف .. قلت : وين راح فيصل ؟! الكل يناظرني ياربيه الله يستر مايسوون فيني شي .. قالت نهى : طيب قومي تعشي معنا وبعدين يجي فيصل .. بلعت ريقي .. يقولون عشا ! قلت : لا مابي ابي فيصل بليز والله وغلاة اغلا الغالين ان ماتسوون فيني شي .. صرخ علي ارجال : اش تقولين انتي ؟؟ اش نسوي فيك ؟! ارتعبت من نبرة صوته العاليه الليله مابتعدي على خير .. وطيت راسي لأني ان تكلمت جبت العيد .. سمعت صوت الرجال بعصبيه : دقي على فيصل قولي له يجي يشوف لنا حل مع ذا المصيبه .. بغيت انقز وابوس راسه واخيرا فيصل بيجي .. وفعلا دقت المرأه على فيصل جلست اتراجف الله يستر ان شاء الله يوصل فيصل .. فعلا دقايق وجاء فيصل مع تركي .. ماهمني الغطا وشعري ولا الحاله وتقربت لفيصل عاد سويت فيلم هندي مسكته وأطلقت سراح عيوني ودموعي وماهمني الكحل ولا شي حتى تركي ماناظرته .. ولا لفيت عليهم لاني متأكده اني لو لفيت بشوف وجيههم المستنكره .. نايف يقول الموضوع يخصني ومدري ايش آخرها اتعرف ؟! ياخوفي شغاله أشتغل أو مثلا يأجروني غرفه في ذا البيت .. مسكت فيصل : يلا فيصل نرجع البيت خلاص .. قطب حاجبينه : وين ؟! البيت ؟! ليش تروحين بنجلس هينا !! احلف انت بس .. انا شوي واتوفى من الرعب .. وقفت وعدلت حجابي . وأشرت عيه : اذا انت مو راجع انا برجع لو مشي !! صرخ فيصل : بترجعين من الدمام الى الخُبر مشي ؟! صاحية انتي ؟؟ عاد هنا دوروني ماتلقوني من الخوف .. الدمام ؟! ماقد شفتها ابد .. كل اللي اعرفه انها بالشرقيه .. أهل زوج ريم ؟؟؟؟ قال الرجال : فيصل انت ماخبرتها عن الحكايه ولا ايش ؟ حكايه ؟؟ مو فاهمه .. فيصل : لا يمكن خالي خبرها .. خبرني خالي ؟؟ اش السالفه ؟؟ قلت : فيصل اش السالفه قسم مو فاهمه .. اشر فيصل على الرجال : هذا عمك ..! قلت بسخريه : أدري قالي والمطلوب ؟؟ فتح عينه : أقول لك عمك تفهمين ؟؟ أخو ابوك !! شهقت وحطيت يدي على فمي وطحت بحضن فيصل .. عمي ؟؟ اخو ابوي ؟؟؟ هذا الرجال ؟؟ هذي مرت عمي يعني ؟؟؟ وتركي ؟؟؟؟؟ يصير ولد عمي ؟؟؟؟ طرى على بالي كلام نايف " ليش ياتركي تحب فيصل ؟؟ هوا ايش بالنسبه لك ؟! " بس لحظه مو قال ان اسمه تركي ماجد عمرآن ؟ أما انا ساره محمد فيصل العلي ؟! ناظرت فيصل اببيه يفسر لي . قلت : لحظه ذا عمي وذي ؟؟ مرته ؟! ابتسمت لي : لا ذي اسمها عمتي .. ناظرت تركي اللي حسيته طول الوقت يناظرني اش عنده ؟؟ لفيت على البنات وعمتي لقيتهم متغطيين ..! اش صاير ؟! اشرت على البنات : ذول بنات عمي ؟! ابتسمت : لا بنات عمتك .. اشرت على تركي : وذا الشيئ المقزز يقرب لي ؟!؟! شفته يبي يضحك بس سكت .. فيصل : بالضبط ولد عمتك .. ياذا الفشيله اش سويت انا ؟! الحين اش بيقولون عني ؟ خايفه من اهلي ؟؟ عيال عمي وعمتي ؟؟ سحبني فيصل ورحت اسلم .. تراجعت وقلت :: لحظه ابي الحمامات .. اشر لي فيصل على جهه معينه وفعلا رتبت شكلي وضبطت اموري ورجعت سلمت على عمي وحبيت راسه .. وكمان عمتي .. قلت : العذر ماكنت ادري !! عمتي : المفروض فيصل اللي يعتذر اللي ماخبرك .. فيصل : أبد والله توقعت ان خالي خبرها .. جلس فيصل وجلست جنبه بصراحه كنت ولازلت خايفه .. الكل متغطي !! إلا أنا ؟! صحيح ريم تقول ان اهل زوجها يبونها تتلثم .. بس فشيله اتلثم بعد ماكشفت .. ثانيا مافيه حد غريب وكان على تركي فهو ولد عمتي يعني ايزي .. بس اللي فعلا احرجني نظرات تركي غير كيذا احس ان الكل مستغرب مني .. عمتي : يلا فيصل بناتي يبون يكشفون يعني طردة محترمه .. لابليز لا تروح .. قلت : لا بليز ابقى معااي .. عمي : طيب انا ابي اتعشى معك وبنات عمتك كمان .. كيف ؟! مافيه الا فيصل مع تركي يروحون يتعشون برى قلت : بنات عمتي ؟؟ اش بهم ؟! عمي : يبون يتعشون معك !! تعجبت : طيب يتعشون .. عمي : وفيصل ؟؟ قلت : يتعشى معنا ! قطب حاجبينه وكأنه مستنكر اللي انقال .. عمتي : كيف يعني ياكلون وهم متغطيين ؟! هزيت كتوفي : أبد يكشفون .. تركي : يكشفون ؟؟ أخواتي ؟؟ أحلفي انتي بس ! طنشته وناظرت عمي : بليز عمي ابي فيصل معي بليز ربي يخليك عمتي : طيب وتركي ولدي وانتي ؟! قلت : اش بوو تركي ؟! عمتي : وين يتعشى ؟! رديت : هذا بالذات عاد يتعشى بلحاله .. التفت ابي اشوف ردة فعله لقيته مبتسم وفيصل كاتم ضحكته .. عمتي : منطق غريب مايصير بلحاله ! جاوبت : طيب يتعشى معنا .. عمي : وانتي ؟؟ ياإلهي ماأحل مشكله احد الا ويطلع غيره ؟! .. تنفست بقوه : عمتي باختصار الكل يتعشى مافيها شي عمتي : لا بناتي مايكشفون .. تنهدت : لا اله الا الله الملك الحق المبين .. عمتي من اول يوم عادي وأوعدك فيصل مايناظر طيب ؟! هزت راسها نفي !! قلت : يعني والحل ابي اتعشى معك انتي وعمي وبنات عمتي وفيصل ابيه جنبي .. عمتي : لا .. أووف اش ذا المنطق .. قلت : طيب يتعشون وهم متغطيين ولما نخلص فيصل يطلع مع ذا .. عمتي ناظرت بعمي ورجعت ناظرت بناتها : طيب .. أووووووف مابغينا مشيت مع فيصل .. همس : قسم مافيه احد اقنعها اتعشى مع بنات العمه الا انتي .. ابتسمت بغرور : ولوو أساليب الاقناع كلها متعلمتها من اخوي .. وقلت : طيب بروح اغسل ايديني .. وفعلا رحت .. الطاوله كانت كبيره مره رحت وجلست بين فيصل وتركي كنت آكل بحريه رغم ان وجود ذا المخلوق جنبي يضايقني .. همست لفيصل : ذا مايجلس الا هينا ؟! ابتسم : اصلا ذا المكان اللي انتي فيه مكانه وامه وعمي أماكنهم بس تنازلوا لجل عينك .. همست : طيب مين اللي هناك اشكالهم غريبه ؟! قال : ذول سامر وثامر عيال عمك .. رديت : أهاا .. عمتي : شعرك نزل ..! رفعت عيني : أنا ؟؟؟ هزت راسها أيه .. صح مو كافي اني مو متغطيه بعد شعري ؟ دخلته وكملت آكل .. لحظه بقول لكم شغله عمتي كانت طول الوقت تناظرني مدري يمكن تعتبرني جريئه ولا ايش مدري والله .. كنت احس بنظرات بنات عمتي رغم اني مو متأكده الا اني احس لهم .. لما خلصنا قمت مع فيصل وتركي وطبعا الكل معي ووصلناهم عند الباب أو بمعنى أصح وصلت فيصل .. قلت بهمس : لا تتأخر تراني جديدة وماأفتهم شي .. ضحك على كلمة " جديدة " وقال : لا جديدة ولاشي يلا بايو .. قلت : قلت لك حاول ماتتأخر .. تقرب مني وباسني على خدي .. همس باذني : لاتخافين قلت لك .. رفعت يدي ابي اشوف الساعه .. وقلت : اسمع 12 ونصف مااشوفك أرتكب فيك جريمه .. عمتي : سارهـ !! التفت لها .. قالت : اش به اصبعك ؟! بلعت ريقي : أممممم هذا انا مره كنت أطبـ....... قاطعني فيصل : لا تكذبين ..! فتحت عيني يعني تستر علي الله يخليك .. عمتي : تكذب ؟! قلت : ايه فيصل يمزح ماعليك منـ... حط يده على فمي : السالفه ومافيها ان خالي حرقه لها .. عمي : حرقه ؟؟ ليش ؟؟ قلت : لا عمي بالغلط بس .. فيصل : ساره !! عمي .... حرقه علشان كنا بالسطح قلت : ولا شي عمي بس لانه يخاف علينا .. سحب فيصل يدي اليسار ورفعها : وذي ماتعرفين ليه ؟؟! .. وكمل بسخريه : ولا بالغلط ؟! قلت : فيصل ! رجاءاً لا تتدخل .. فيصل : لا مو متدخل بس لا تكذبين وماأتدخل .. قال عمي بنبرة حسيت انها قهر : خلاص فيصل رح بيتكم وجهز اغراضها بتسكن معي ..!! شهقت : اهئ لا عمي بليز ابي اجلس بالخُبر .. عمي : قلت لا يعني لا ..! ياربيه ابي اجلس قريبه من نايف لا تبعدوني عن اللي حبيته بكل ذره في جسمي .. طيب مو حرام ماتبلغوني قبل حتى أودعه ؟؟ ولا حرام ؟؟! قلت باعتراض : لا ابي ارجع الخُبر عمي : اشششششش بتسكنين هنا بالدمام وولا كلمه !! قلت : عمي انت مو تهمك راحتي ؟! هز راسه بـ ايه ..! قلت : قسم ان راحتي بالخُبر مابي ابتعد عنها .. تكلم تركي : ليش بالله البيت صغير ولا حنا مو مقد المقام ؟! اشرت عليه : انت ولا كلمه .. التفتت لعمي : قسم ان راحتي بالخُبر .. عمي : راحتك حد يحرقك ؟! قلت : عادي يعجبني .. قال : فيصل رح جمع اغراضها .. حسيت ان مهما اقول مو رايح يرضى ... فـ قلت : طيب اغراض بنت اللي يجمعهم صبي كيف ؟! أنا ارجع ! قال : يصير خير .. اتجهت لفيصل وهمست له بصوت مخنوق : شفت ؟! ارتحت اش سويت لي ؟! بسكن بالدمام ؟! تفهم ؟! أنا أحب أسكن بالخُبر كيفي .. أحب لما يحرقني خالي عسل على قلبي تتلقف ليش ؟! همس لي : اذا كان على نايف فـ لا تخافين بتزورينه .. همست : قلتها بتزورينه مو بتسكنين معه .. ليش انت حمار ؟! ابتسم وقال بصوت عالي : لاني كيذا وانتي اختي .. اشرت عليه : انت انسان حمار تفهم ؟ بس تدري مااكون ساره ان ماسويت اللي في بالي ماتتهني بعيشتك يافيصل .. طيب !! ابتسم : اموت على المعصبه انا .. التفت لتركي : يلا تركي .. مع السلامه بايو يا اختي .. وطلع على طول كشفوا .. فيني الصيحه كيف يبعدوني عن الشي الوحيد اللي اتمناه ؟! طيب نايف ؟! وخالتي وميشو ؟! مدرستي اللي اموت عليها .. طيب خالي اش بيسوي ؟! اش بيقول ؟؟ ابتعد عن نايف ؟! واتركه لسلمى .. تاخذ راحتها معه !! وانا بالدمام وهو بالخبر .. طيب اذا سكنت بالدمام !! ريم الشي الوحيد اللي حبيته بالدمام ان فيها ريم .. أنا أهلي فـ اذا من البدايه بيفرقون عن اللي احبه .. غطيت وجهي بييديني وبديت ابكي لاتقولون حساسه بس يمكن ماجربتوا تفقدون ناس تحبونهم علشان ترضين ناس يحبونك .. او يمكن كيذا يبيني اسكن معه لعانه .. عمي بحنان : الحين كل ذا علشان تسكنين بالدمام ؟! مو عاجبينك ؟! قلت : لا عمي مو قصدي بس هناك خالي وخالتي وخوياتي وكمان مدرستي !! مضطره اقول خوياتي ..! جاوبني : طيب هنا عمك وعمتك .. وخوياتك تقدرين تبدلينهم ببنات عمتك .. وكان على المدرسه بتنقلين .. صرخت : لا بليز لا تسويها أرجوك عمي كاني غاليتن عندك .. عمتي : ابي اعرف ليش لاصقتن بالخبر ؟! قلت : لأني تعودت عليها وأحبها ... بعتها خلاص : وفيها نايف ومشعل ومروى وفيصل .. أحبها أموت عليها مستعده كل يوم اجي الدمام بس اسكن بالخُبر .. عمي : اقلبي السيره لا تضايقيني .. قلت : عمي !! قلت لك ما أحب الدمام أبد .. طيب ؟! عمي : بتحبينها .. طيب ماقلتي كم عمرك ؟! ماعندك رد .. أو يمكن عندك بس ماتبي ترد علي .. تقلب السيره .. أنا مو بزر انا افهم .. تنفست بقوة : 19 وطيت راسي كم دمعه اليوم نزلت ؟! كنت اتمنى اشوف اهل ابوي .. بس نايف ..! عمي : ماشاء الله بـ أي جامعه ؟! ياربيه قد ايش يقهرني ذا السؤال .. قلت : باقي بثالث ثانوي .. عمتي : يعني تصيرين بمدرسة نجوى .. نجوى ؟؟؟؟؟؟ .. بلمت : مين نجوى ؟! ابتسمت وحدة من بنات عمتي .. قالت : انا نجوى .. ابتسمت مجامله لها ألحين ذي نهى أقصد ابلة نهى وذي نجوى بثالث ثانوي لا تركي قبلها وهذي أختهم مبين عليها صغيرة ماتعدت 10 سنوات .. ابتسمت : طيب نهى ونجوى آند ذس ؟! ابتسمت نجوى : هذي اختنا نوره .. البنت روعه مرة تجنن براءه ماقد شفت مثلها .. التفت لعمي : طيب وين سامر وثامر ؟! قطب عمي : اش دراك باساميهم ؟؟! ابتسمت : العصفورة قالت لي .. وينهم ابي اسلم عليهم .. نجوى : بليز سارة مالنا خلق نتغطى .. التفت لها بابتسامه : ليش هم كم اعمارهم ؟! نهى : بعمر نورة يعني ثالث متوسط فتحت عيني : بعمر نورة ؟! وتتغطون ؟! منطق غريب بعمر نورة ! يعني مستحيل يتزوجون .. معليه بيقولون نورة وتتغطى رغم ان عمرها صغير .. قلت : وينهم عمي ابي اشوفهم واسلم عليهم .. عمي : تسلمين عليهم ؟؟؟؟؟؟؟؟؟؟؟؟ هزيت راسي بالايجاب : ليش حرام ؟! ولا عيب ؟؟ تراهم اصغر مني .. اختنقت من الحجاب وفتحته وحطيته على كتفي .. شوي وقلت : هاه عمي بتجيبهم ولا لازم بنفسي اروح لهم ؟! عمي ساكت ويناظرني .. وقفت : انا رايحه لهم .. ابتعدت ودخلت المقلط كانوا يلعبون بلايستيشن ياااي ذكروني بنايف .. جلست بينهم : هلوو عيال عمي ..! يناظرون بعض ويناظروني .. قلت : هيييييي الحين وانا ضيفه جديدة عليكم ماتقولون تفضلي العبي شي كيذا ؟؟ لفوا وجيههم عني ..! اش ذا الذوق ؟ مدري اثنينهم يتشابهون مااعرف اي واحد .. أخذت يدي ولفيت وجه اللي على اليسار .. وقلت : اش بك انت وهوا ؟ عاد جاوبني : ليش ماتتغطين ؟! ابتسمت : لأنكم أصغر مني .. قال : بس مايصير .. قلت : لا يصير يلا واحد منكم يعطيني دور بس واحد تكفون من زمان مالعبت بليز .. قام واحد وطلع .. اش بوو ؟! أما الثاني فـ بعّد وجهه وقال : طيب بس تغطي .. قلت : مو متغطيا رين ؟؟ وحبيت اغير السالفه : انت اش اسمك ؟! ابتسم : سامر .. قلت : حلو انا سارة يلا ابي العب معك لا تردني .. ابتسم وفعلا يالله من زمان عن البلايستيشن مع نايف فعلا لعبت معه كره قدم هه مو بوي انا بس لأن فيصل دايم يلعبها .. وعلى آخر لحظه فزت عليه .. التف لي : أووه من متى وانتي تلعبين ؟ ابتسمت : أممم مو من زمان بس العب مع ولد خالي واخوي وتعلمت .. ابتسم ووقف : لحظه بنادي ثامر .. قلت : خذ راحتك .. التفت عند الباب لقيت عمي افسح المجال لولده وجاء وجلس جنبي فهمت انه ناوي يقول لي تغطي وانا بصراحه ماارتاح .. قلت بهدوء : اسمعني عمي عيالك صغار مابعد كبروا .. وثانيا انا اكبر منهم ونهى ونجوى كمان اما نورة لك الحق تقول كيذا لأنها اصغر منهم .. عادي ! عمي : طيب وتركي ؟! قلت : اش بو تركي ؟! عمي : يوم كنا نتعشى .. وغير كيذا تسولفين معه عادي وشعرك اغلبه مبين هذا اكبر منك .. ابتسمت : مستعده فقط اتحجب عنه لاني مو متعودة اتغطى في بيت خالي .. قطب حاجبينهم : ماتتغطين عن عيالهم ؟! روعتني نبرته فـ قلت : طبعا لاني اعتبرهم اخواني .. شكت شوي ثم قال : طيب اجلسي مع بنات عمتك .. هزيت راسي ورحت لهم جلست بين نجوى ونهى وحطيت نورة على حضني .. قلت : باي صف النوري ؟ ابتسمت : سادس ابتدائي .. قلت : وااو وناسه طيب شاطرة ولا كسلانه ؟! ابتسمت وهمست : نصف ونصف .. ضحكت لها ياربيه تجنن .. قلت وانا اناظر نهى ونجوى : طيب تكلموا .. نجوى : اش نقول ؟! قلت : لحظه اول مادخلت قلتوا ابله نهى ليش هي فعلا ابله ؟ وايش تدرس ؟! ابتسمت : ايه صدق .. ابلة عربي بابتدائي .. ضحكت : تدرسين اختك ؟! هزت راسها .. قلت : الحيين بالله حاطين عباياتكم ليه ؟؟ مافيه رجال ولا شي .. ناظروا بعض وابتسموا .. نهى : يمكن بأي وقت يدخل ثامر ولا اخوه أو يمكن فيصل أخوك .. احترمت رغبتهم مالي شغل فيهم .. ثم قلت : طيب نجوى ثالث علمي ولا ادبي ؟! ابتسمت : علمي طبعا .. قلت : وااااو يعني مثلي ماشاء الله كل عليتنا علمي انا وفيصل ونايف وميشو و نجوى .. نجوى : وتركي بعد !! فتحت عيني وكأني توني ادري : صدق ؟ انسدحت على رجل نهى أما هي لعبت بشعري .. أما عمي وعمتي مدري وين راحوا .. بديت اغني : عشان الحب واللي بيني وبينك .. عشان الحب عشان ايامي وسنينك .. ابيك تراجع احساسك وتنسى جروحي وآلامك .. حراام انه بهذا البعد تضيع ايامي وايامك ... سكتت فتره ثم كملت : أدري البعد اثر فيك وتدري البعد ذابحني .. حبيبي الله يخليك ابي ترجع تريحني .. أنا اترجاك لا تنسى ليالي الحب وسنيني .. وحاول لجل .... ماقدرت اكمل وبدت دموعي تنزل لذكرى ذا المقطع بالذات يوم نايف يقولها .. سمعت صوت ماقدرت اميزه : ساره اش فيك ؟! شهقت مو قادرة اتخيل اني ابعد عنه تعودت كل يوم اصحيه من النوم .. كل يوم اصلح له الفطور بيديني .. نسهر الليل .. نسولف .. مرت علي يوم كنا بغرفة النوم ابتسامته و...حضنه بالغلط !! دفنت راسي بحضنها وكملت ابكي أكثر .. حسيت ببياخه الموقف من اول يوم ابكي لهم ومسويه مناحه .. أعطتني عصير من الرجفه بووووش على العبايه .. رفعت راسي وقمت من مكاني وكانت عبايتي مغرقه دموع + عصير .. ياربيه كيف لما اطلع أو كيذا أجلس رميت شيلتني على الكنب ودخلت الحمامات غسلت وجهي وصرت افشل .. مو بذا المعنى بس فرق من شوي والحين .. قلت : نجوى ! جات لي .. قلت : بليز ابي كحله لايبين اني من شوي باكيه .. وفعلا صعدت ورجعت حطيته لي وعطيتها هوا .. عاد عبايتي رايحتن فيها .. دخلت وانا متأكده انهم يناظرون العبايه الأنيقه هههههه ... شلتها .. صفرت نهى : أوووووف اش ذا الحلا .. ابتسمت بخجل : من ذوقك .. مع دعواتي ان فيصل وتركي ماايجون .. لان العبايه رايحتن فيها .. أخذتها نهى وقالت : بروح أعطيه الشغالين .. وفعلا راحت .. نجوى : اش بك ؟! قلت : تذكرت شي يوم قلت ذي .. نجوى : صوتك جنان .. ايه ذي الذوق مو مروى اللي تقول مقرف وجع ان شاء الله .. * سولفت معهم وبعدين جات نهى وشاركتنا شوي وجات الشغاله واعطتني عبايتي أووف ماصدقت جات استحيت على وجهي .. الحمدلله وقتها مادخل ذا التركي .. كنا نسولف شوي ودخلت عمتي وعمي جلسنا نسولف ثم دخل فيصل أحسن تركي مو فيه .. على طول جلس جنبي .. قلت وانا اناظر الساعه : على الموعد المحدد قسم لو تأخرت دقيقه ارتكبت فيك جريمه .. همس : عسى ماسويتي مشاكل ؟! ضحكت : ابشرك سويت مثل قضيه الشرق الاوسط واخيرا حليتها فيصل : كيف ؟! ابتسمت : يبوني اتغطى وانا ياحظي اختنق .. ماسمعته الا فاطس ضحك حطيت يدي على فمه : اسكت لا تفضحكني .. والجميع يراقب .. همست : لا وسويت لهم مناحه الله لايوريك .. ناظرني : ليش ؟! ابتسمت : علشان بيبعدوني عن الخُبر .. بس صدقني ياحمار خلني ارجع البيت وأوريك ان مافرقت بينك وبين مروى !! وثانيا زعلت منك .. ضحك : ساعتين تسولفي وبعدين يوم خلصت زعلت .. اشرت عليه : انت مو شغلك فيني .. وفطست ضحك وفيصل وراي والكل مستغرب حبيت أوضح شوي .. وقالت عمتي : اش صاير ؟! كنت بتكلم بس دخل تركي تحجبت وقلت : ابدا ياعمتي بس بالخُبر لما ازعل على فيصل اقوله مو شغلك فيني وتصير سالفه على ذي الكلمه لا والأخ يقلدني .. ضحكت عمتي : كيف يقلدك ؟! ناظت فيصل على طول برطم مثل ذيك المرة مع ميشو .. وأشر علي : انت مو شغلك فيني .. همس لي : عمي يناظر خصلاتك دخليهم لا تصير لك سالفه .. قلت : طيب قل لخويك ذا يغض بصره شكو يناظر .. هااه اي جهه اللي طالع ؟؟ مسك شعري ودخله شوي وقال : أصل اللفه مهيب مرتبه .. قلت : والحل ؟! هز كتوفه :يعني عدليها .. وفعلا فتحت اللفه وقلت : هااه كيذا ؟ ابتسم .. همست : يلا نرجع الخُبر .. همس : انتظري ... قال : ألحين عمي أروح اجهز اغراضها ؟! وجع ياحمار ..! عمي : لا الليه تروح معك تجمع اغراضها وليلة بكرة انا بجي آخذها .. همست : ياحمار ماأحبك .. همس : وعسى ان تكرهوا شيئا وهو خير لكم .. واسكتي ..! قلت : طيب عمتي ومدرستي ؟! قطب حاجبينه ثم قال : فيصل ياخذ ملفك ونسجلك مع نجوى .. لا ومجهز كل شي بس معليه ياحمار تذكره أجل .. هين ..! ناظرت الساعه وشهقت .. فيصل : بسم الله اش فيك ؟! قلت : واحده !! ابتسم عمي : عادي انتي جالسه في بيتك مافيه فرق لو نمتي .. نعـــم ؟؟؟ ايش قولت ياعمي ؟! اناام ؟؟! وقفت : يلا انا بروح .. فيصل : ومع مين بتروحين ؟! قلت : والله اذا ذا " واشرت على تركي " بيوصلني ولا اروح بتاكسي .. شهق عمي وقالت عمتي : لالا تروحين بتاكسي ؟ قم تريك .. هه احسن يعني غصب عنه يقوم ذي امه .. حط رجل على رجل : لا مو الحين برتاح شوي .. انقهرت منه : هيهيهي أحلف انت بس .. كأن مافيه بالدمام الا سيارتك لو أروح مشي ماارجع معك .. جاوبني : اعتدلي في كلامك أرجعك وانتي حرة .. قلت : وانت الصادق انا حرة .. شف قسم برب الكعبه ماتقوم الحين مااركب معك لو اروح مشي .. عمتي : قم تركي رجع ولد خالك مع بنت خالك .. ابتسم وياشينها ابتسامه : مو قايم قلت بريح وبشوف كيف تروح الاخت مشي .. اناظر اش وراي .. انقهرت من اسلوبه واتجهت لنهى وسلمت عليها وكمان نجوى وعمتي ونورة حبيت راس عمتي وسلمت على عياله ... قلت : مو انا اللي تتحداني انت ومهوب ميتتن على سيارتك .. التفتت لفيصل : بتروح معي ولا اروح بلحالي ؟! رد تركي : لا فيصل بيبقى .. قلت : فيصل كم مرة قلت لك لاتتلقف بس مشكله اذا ماتفهم .. يلا مع السلامه .. طلعت من الباب ياربيه انا اش سويت ؟! أولا ماأدل ثانيا حنا بالدمام مو الخُبر ؟؟ بس مبين ان اهل الدمام طيبين ومايسوون شي حتى انهم يتغطون .. بس كل منطقه فيها الزين والشين .. ياربيه اش لي اقسم ؟! ابتعدت عن الحديقه وانا متلثمه وابتعدت عن البيت لين وصلت شارع عاد لاتسألوني كيف أرجع لأني ماأدل .. وقفت انتظر تاكسي أو أي حد بس مافيه الشوارع فاضيه .. ياربييه شوي وابكي بس لا مو انا اللي اصيح انا قويه ومايهزني شي .. جلست تقريبا ربع ساعه وماشفت شي كملت طريقي وصرت ادخل بشارع واطلع بغيره وقلبي يطرق بنت وبـ أنصاف الليول ومتزينه وبلحالها .. الله يستر ..! .: نهاية الجزء الثآلث عشر :. |
.: الجزء الرآبع عشر :. " تــآاريخ × 19 / 8 .. الطــريق إلـى ..{ الدمــآآمـ ..! " / \ / طلعت من الباب ياربيه انا اش سويت ؟! أولا ماأدل ثانيا حنا بالدمام مو الخُبر ؟؟ بس مبين ان اهل الدمام طيبين ومايسوون شي حتى انهم يتغطون .. بس كل منطقه فيها الزين والشين .. ياربيه اش لي اقسم ؟! ابتعدت عن الحديقه وانا متلثمه وابتعدت عن البيت لين وصلت شارع عاد لاتسألوني كيف أرجع لأني ماأدل .. وقفت انتظر تاكسي أو أي حد بس مافيه الشوارع فاضيه .. ياربييه شوي وابكي بس لا مو انا اللي اصيح انا قويه ومايهزني شي .. جلست تقريبا ربع ساعه وماشفت شي كملت طريقي وصرت ادخل بشارع واطلع بغيره وقلبي يطرق بنت وبـ أنصاف الليول ومتزينه وبلحالها .. الله يستر ..! كملت امشوي وانا مدري من وين بديت .. ناظرت الساعه 2 وربع ياااه ومحد سأل عني ؟! ياربيه !! طيب خلني احاول ارجع البيت .. صوت داخلي يقول اني لا اروح لا أنكسر بس تعبت والله .. اتجهت ابي ارجع البيت وتقريبا نصف ساعه وانا ادور وماقدرت اوصل لشي .. جلست عندالشارع وفتحت وجهي لاني اختنقت بصراحه احس اني تعبت .. يمكن حد يعرف وجهي ويجيني .. قريت آية الكرسى وبعض السور اللي تحفظ الانسان وين ماكان .. حطيت اللوم كله على تركي .. فعلا لو انه قام ورجعني ماصار كيذا .. نزلت راسي ودموعي على خدي وقفت لان البكى مايفيد ورحت امشي .. شفت سيارة موقفه من بعيد أسرعت بخطواتي وفعلا وصلت شوي ووقفت السيارة ونزلت بنت .. قالت : اش بك ؟! ناظرتها وهزيت كتوفي : ماادل بيتنا !! قالت : طيب وين بيتكم ؟! قلت : ابد ماادل .. قالت : طيب ماتدلين موقع البيت ؟! قلت : انا اصلا من الخبر .. شهقت : وجيتي الى هينا مشي ؟! هزيت راسي نفي : لا جايه ازور اهل ابوي وتهاوشت مع ولد عمتي وطلعت .. قالت : تهاوشتي معه ؟! هزيت راسي ..! قالت : طيب خبريني كيف اقدر ارجعك ؟! قلت : عيلتنا العلي .. قطبت حاجبينها : العلي ؟! ودخلت راسها : يمه تعرفين عيلة هنا اسمها العلي ؟! قالت : لا مين ذول ؟! جلست على الرصيف اللي جنبنا موطيه راسي مافيه امل .. هزيت راسي : تسلمين .. وقفت ومشيت .. شوي وشفتها وراي : تعالي خلنا نرجعك الخُبر .. شهقت : لا تتعبين عمرك .. قالت : لا عادي انتي تعالي ولا تخافين على الاقل لو رحتي الخُبر يمكن تدلين بيتكم .. ابتسمت : مشكورة .. سحبت يدي ودخلت سيارتهم يااي قد ايش ان الدنيا صاروا قليلين اللي كيذا .. الحمدلله يارب .. انتبهت ان كلهم متغطين وراكبين مع سايقهم من تحت عباياتهم مبين انهم لا بسين فساتين اكيد كانوا بعرس .. ظليت فتره ابكي والبنت تهدي فيني .. ولما هديت .. قالت : طيب خبريني اش فيك تبكين ؟! قلت : أخاف ماارجع بيتنا .. قالت : لا تخافين بترجعين الخُبر بس اعذريني على اللقافه كيف تهاوشتي مع ولد عمتك ؟! قلت : ابدا بس هوا اللي اخذنا من الخُبر ولما صارت الساعه واحده قلت له يلا قم عاد صار حمار واستلعن قال مافيه روحه حلفت ان ماقام مااركب معه وفعلا ماقام وطلعت .. شهقت : الساعه وحده ؟! هزيت راسي .. شوي وقالت امها : وصلنا الخُبر قولي وين بيتكم ؟! قلت لها ان يوصلوني مدرستي وخلاص لأن حرام الحين اكيد عندهم عرس ومدري ايش تعبانين وفعلا وصلت مدرستي سلمت عليهم وشكرتهم بصراحه لو اسوي اللي اسويه ماأوفي حقهم مشيت الين وصلت بيتنا طقيت الجرس بس محد فيه ياربيه .. رجعت طقيته شوي وفتح لي نايف الباب .. همس : ساره ؟! دخلت وانا تعبانه وعلى اول كنبه جلست .. قال : اش فيك ؟! ووينه فيصل ؟! همست : ماااي .. نقز وراح جاب لي شربت منه .. تنفست بقوة : فيصل بالدمام .. شهق : ناوي ينام معهم ؟! وقفت : لا .. سالفه طويله لا تشغل بالك فيها ... مسك يدي وجلسني .. نايف : احكيني .. قلت : ابدا بس تريك استلعن وقال مو موصلني عاد انا حلفت مااركب معه وطلعت ووصلت .. نايف : كيف ؟! قلت : تقريبا من الساعه واحده الين الحين وانا ادور بالشوارع شافتني بنت ووصلتني .. رميت جسمي على الكنبه .. قال : طيب اتصلي عليهم أكيد قلقانين .. وقفت : والله تريك السبب .. رحت غرفتي وغيرت ملابسي انسدحت على السرير ماهان علي اتركهم قلقانين نزلت تحت لقيت نايف مو فيه احسن علشان آخذ راحتي .. دقيت على جوال فيصل لأني اعرفه .. رد فيصل : ألوووو .. قلت : هلوو ماي براذر مو ناوي ترجع البيت ولا ايش ؟! شهق : ساروه يامال الوجع وينك انتي ؟! قلت : ليش ماشفت الرقم من وين ؟! المهم مو ذا موضوعنا انا داقه اقول ليش تأخرت ؟! فيصل : قسم بالله مافيه ألعن منك .. متى وصلتي ؟! قلت بكذب : أول ماطلعت ركبت تاكسي ورجعت عاد على طول نمت بعدين نقزت من الكوابيس متعودة اني اروح غرفتك مالقيتك ودقيت .. فيصل : ياحماره ..... قاطعته : تصبح على خير .. قفلت الخط لازم اقهره .. انا ماقلت له يجي معي ؟ مارضي كيفه .. ابي اقوله اني اسوي اللي في بالي مايهمني احد .. رحت غرفتي صليت وانسدحت على السرير احس بتعب .. أووه هذي آخر ليله لي في الخُبر .. لا ياربيه .. أووووف مابي افكر .. غمضت عيوني ونمت ..! * صحيت على صوت فيصل .. قمت : خير ؟! فيصل : تدرين ان مثلك حمارة ماشفت ؟! معصب موت .. قلت : تصبح على خير .. وقفني : خير ؟! أولا انقزي لي لما أكلمك ثانيا ايش الذوق ذا ؟ .. رفع صوته : ياحمارة من يوم طلعتي الى يوم دقيتي وانا مع تركي وعمك ندور عليك .. هزيت كتوفي وكملت ببرود : مو ذنبي انت ماجيت معي كيفك .. فيصل : ماتوقعتك بتطلعين فعلا .. رفعت حاجب ووطيت حاجب : والله انا قمت اذا تذكر .. ومو سارة اللي ترجع بحكيها لا تحسبني امزح .. ويلا ابي انوم ابي اتجهز لليله .. وانسدحت على السرير طلع وصفق الباب وراه .. حسيت بالدموع مضطره اكذب مابي أقوله اني طلعت ورحت وجيت .. بس احسن شي ان تركي صار كل اللوم في الدمام عليه كان بخاطري اشوف ردة فعله وهو يقوله فيصل اني وصلت من الساعه اللي طلعت فيها .. شوي ونقزت ناظرت الساعه 5 أووووف ابي اروح المدرسة بماأنه آخر يوم قمت مشطت شعري ولبست مرويولي أخذت شنطتي مع عبايتي ونزلت .. شفتهم يتفطرون غريبه انا اليوم ماصلحت فطور ؟! قلت : صباح الفل .. الكل معدا فيصل : صباح النور .. قلت : ماشاء الله مين اللي مصلحوا ؟! مروى : انا .. ابتسمت : ابذوق وبعطيك رايي بدون مجامله .. صحيح طعمه مو حلو كثير .. بس قلت : حلو تطور .. فيصل طول الوقت ساكته على ابو انه زعلان أول ماشفتهم قاموا قمت معهم وطلعت .. وصلنا المدرسه وجلست طول الحصص سرحانه وأفكر في المستقبل الجديد والحياة اللي راح أدخلها .. في حياتي ماشفت الدمام دايم اسمع عنها من ريم تقول انها حلوة موت وتجنن هه أكيد تجنن مو هي بالسعوديه ؟! تنفست بقوه ووقفت واتجهت للأبله .. قلت : ابلة لو سمحتي بروح للغرف الصحيه .. جاوبتني : ليش ؟ انا اشوف مافيك شي .. قلت : ابلة انا ولا مرة كذبت تعبانه موت .. هزت راسها : طيب .. روّحت فعلا انسدحت على السرير الطبي هذي ثاني مره .. المره الاولى يوم كان عمري 18 يوم اني كنت مريضه بالانفلونزا طبعا مو الطيور ههههه وجاء فيصل مع نايف ياااه قد ايش اشتقت لذيك الايام .. غمضت عيوني بألم خلاص مافيه شي اسمه الخُبر بتصير حياتي كلها الدمام .. غصب عني والله مابيدي حيلة .. غطيت وجهي باللحاف ونمت علشان اهرب من التفكير .. صحيت لقيت وجهي بوجه ابلة نقزت .. قالت : لاتخافين .. بس حبيت اشوفك اذا كنتي تعبانه لأن فيه بنت بتروح المستشفى .. ابتسمت وقمت : لاخلاص ماله داعي .. اتجهت للباب وطلعت فعلا كنت مدوخه رحت للصيدليه واخذت بندول .. رجعت صفي كانت الحصه الثالثه احسن بعد .. طلعت فسحه واخذت علبة مويا وبديت اشرب شفت نجلاء ابتسمت رغم اني مااعرفها عدل الا انها بتوحشني .. سمت ثم قالت : اش فيك سرحانه اللي ماخذ عقلك يتهنى به ..! ابتسمت : لا ماخذ عقلي ولا شي بس أفكر .. خلينا نسوي ذكرى لانه آخر يوم هنا .. نجلاء : ليه ؟! انخطبتي ؟! كللللوش عقبالي .. ضحكت : لا ماانخطبت بس بروح للدمام .. قطبت حاجبينها : الدمام ؟! مع ريم ؟! لذي الدرجه الحب ؟! ابتسمت : لا حبيبتي بروح الدمام مع اهل ابوي وانتهت السالفه يلا قومي نسوي ذكرى .. اتجهنا الى شجرة كبيرة أخذت قلم وردي وكتبت " تاريخ 19/8 .. الطريق الى الدمام " التفت لها .. وقلت : مابتسوين ذكرى ؟! هزت راسها نفي : ليش بالله يوم خطوبتي أوعدك اكتب .. ضحكت معها ثم اخذنا لنا جوله في المدرسه علشانه آخر يوم ولما طلعنا رحت مع سيارة خالي دخلت البيت لقيت فيصل فيه ونايف لا .. قلت : وين نايف ؟! فيصل ساكت ..! جلست جنبه وهزيته : فيصل أكلمك .. التفت لي وناظرني نظرة تحرق ولف .. قلت : فيصل خلاص لاتصير بزر وثانيا مين اللي له الحق يزعل أنا ولا انت ؟! أولا أنا قولت لك تروح معي مارضيت .. ثانيا انت بتبعدني عن الخُبر الى الدمام وانا ساكته تفهم!؟ مين اللي المفروض يزعل ؟ التفت لي : لا والله ؟! وتخليني ألف الشوارع ليه ؟! مابقى شارع الا ورحت له وفي الاخير تدقين وتقولين كنتي نايمه ,, قلت : فيصل !! أتمنى آخر يوم لي هنا يكون حلو مع الكل ومعك على وجه الأخص .. أنا صحيح ماغلطت بس آسفه وماأكررها بس ارضى علي .. وغلاة اغلا الغالــ... قاطعني : لا تحلفين بأغلا الغالين .. قلت : ليه ؟! ابتسم : لأنك انتي أغلاهم .. فيني الصيحه .. تقربت وهمست : مشكله اذا كل مرة اقول ابي اتجاهلك ومقدر .. سكت فتره : صدقيني لمصلحتك انك تروحين للدمام على الاقل أزين لك جالسه هينا وكلك حرق .. سكتت ومارديت .. كمل : طيب شريتي لك شنط واغراض ؟ّ قلت : نوو .. ثانيا انا بروح للدمام مو ابتزوج واللي عندي يكفيني .. وقف : طيب قومي جهزي شنطتك وأنا بتصل على خالتي مع ولدها يجون .. قلت : بس لا تقول لهم !! ناظرني : اجل اش اقول لهم ؟! ابتسمت : على فراش الموت وتبي تودعكم !! ضحك وراح .. صعدت غرفتي تحممت ثم صليت جلست أجهز أغراضي تقريبا كل الملابس ودفتري اللي احبه .. كمان الكاسيتز حقتي لأن كل واحد منهم له قصه مع فيصل يعذبني معهم ويشوقني .. انتبهت لكاسيت مروى وفيصل حكيت لكم عنه من قبل أخذته وأخذت كاسيت ميشو وكمان كاسيتي انا مع نايف ..! قفلت الشنطه ولانها كبيرة قدرت تحمل الاغراض .. فتحت شنط الزينه الصغيره حطيت كريمي المفضل وعطوري والمرطبات والقلوسات مع الكحله .. قفلت الجزء الايمن من الشنطه وفتحت الشمال حطيت ساعاتي كلهم وذهبي والمجوهرات قفلت الشنطة وجهزت علب " مكياجي " ولميتهم بشنطة ايه صح كتبي نزلت لفيصل وقلت : آخذ كتبي ولا لا ؟! قال بدون مايناظرني : أكيد طبعا .. قمت على طول يووه يبي لهم شنطة مع مجموعة شنط المدرسة والعبايات والشيلات وفعلا دخلتهم بشنطه تقريبا اربع شنط 2 حجمهم كبير و2 صغير .. نزلت تحت جلست مع فيصل .. قلت : دقيت على خالتي ؟! فيصل : أكيد .. قلت : ومتي بتيجي ؟! فيصل : تقول عند أذان العصر تقريبا .. ناظرت الساعه مابقى شي .. قلت : طيب نايف يدري ؟! ابتسم : لا طبعا .. بس لا تخافين قلت له يجي .. ابتسمت له : طيب خبرته ؟! هز راسه نفي : مجنون ولا ايش ؟؟ مفاجأه .. ابتسمت : طيب خلني العب معك صار لك ساعتين تلعب بلحالك وهذا آخر يوم .. ضحك : ماسوت علين آخر يوم وآخر يوم طلعتيها من عيني .. قلت بدلع : مو من حقي اتدلع عليك ياحمار ؟! فيصل : شوي لا يسيح نصفك ..! قلت : لا ينقز لك عرق يالمؤدب .. أنزين خلني العب بليز احبك فيصل بس خلني .. ابتسم : طيب ثواني بس يخلص ذا الشوط .. قمت : بسوي لنا كوفي .. ماسمعت ردة علامة الرضا سكوت .. رحت المطبخ صلحت كوبين تعمدت أختار أكواب أحجامها كبيره علشان نجلس أكثر وقت .. ورجعت .. فيصل : في الوقت المحدد .. يلا ! جلست جنبه .. فيصل : ايه قبل انسى من شوي اتصل عمك يقول على اذان المغرب جاي .. هزيت راسي : طيب .. ظلينا فترة نلعب وحنا ساكتين .. قلت : فيصل .. قال : همممم ..؟ قلت : تحبني ؟! ناظرني : لا .. قلت : بس أنا أحبك .. فيصل : مشكلتك مو مشكلتي .. قلت : تصدق ذكرتني بمشكني ؟! ضحك : من زمان عنها .. قلت : ياااي ابي ارقص عليها .. قال : روحي هاتيها اليوم غير .. رحت غرفتي متأكده ان نايف مو موجود فـ أخذت المسجله والكاسيت ونزلت بالمقلط شغلتها وبديت اطق وارقص مع فيصل يااه اش حلاتنا نهبل .. هذي الاغنيه بالذات ترقص اللي مابيترقص عجيبه .. شوي وشفت فيصل سحبني وجلس .. قلت : اش فيك ؟! فيصل : ابد بس تعبت .. ليه انتي ماتعبتي ؟! ابتسمت : لالا طبعا .. قطب حاجبينه : غريبه .. ايه صدق انت بنت لو ترقصين سنه ماتتعبين .. قلت : قل اعوذ برب الفلق منك .. لاتنظلني مع وجعك العجيب ذا .. ضحك : قومي تجهزي دقايق ويأذن العصر .. قمت وفعلا أذن صليت طبعا لما نزلت حصلت لي كم تهزيئه محترمه علشان حطيت المسجله في المقلط أكيد تعرفون من مين !! حتى على آخر يوم تأذيني مع زوجها اللي يتسمى خالي .. المهم قلت لفيصل ينزل الشنط وجلست انتظر خالتي وفعلا جات .. قلت : هلوووو ماي خالة اعذريني الانجليزي ميح عندي ضحكت : هلا حبيبتي .. قلت : هلوو ميشو ياولد خالتي العزيز ؟! تدري انك وحشتني ميشو : احلفي انتي بس ألحين ماسكين خط وجايين علشان كيذا ؟! شوي ودخل نايف : السلام عليكم .. قلت : وعليكم السلام والرحمه .. أسمعني ميشو مع خالتي ابي اسلم عليكم علشان اسافر .. ميشو : تسافرين ؟! اش الطاري ؟! رحله مفاجئه ؟ ليش ؟! قلت : بروح للدمام وبسكن هناك !! خالتي : تسكنين ليش اش صاير ؟! تمزحين ؟! هزيت راسي : للأسف لا .. ميشو : طيب ليه ؟! قلت : بروح أسكن مع اهل ابوي .. شهق ميشو وقالت خالتي : نعم ؟! أهل أبوك ؟ تو الناس مسرع ماوصلهم الخبر انك ماصرتي تشربين الحليب كملتي سنتين ..! قلت : طيب انا ابي اسلم عليكم لأن بعد اذان المغرب بيجي عمي .. ميشو : يالخاينه سارووه مااحبك .. قلت بابتسامه : ليش ؟! ميشو : تروحين وتخليني ؟؟ يمه أنادي على الملاّك ؟! ضحكت : والله بتوحشني انت بالذات كثير .. ميشو : مو موصدق انك بتروحين .. ابتسمت : لا صدق .. نايف طول الوقت ساكت انتبهت انه يناظر التلفزيون ولاكأنه فيه شي ياربيه ليه مايحس ؟! طنشته وجلست مع خالتي وميشو الين اذن صلينا وفعلا جاء عمي .. قلت له ينتظر وسلمت على ميشو حضنت خالتي صدق بتوحشني .. التفت لنايف : مابتسلم علي انت ؟! ابتسم : توصلين بالسلامه .. هذا اللي قدرت عليه ؟! صدق ماعندك احساس ..! قلت : طيب سلّم مثل الخلق .. تقربت منه لأني لو انتظرته مابيجي سلمت عليه يده بارده .. قلت : يدك باردة .. ضحك : يعني يدك اللي دافيه ؟! ابتسمت ومشيت وقفت انتظر بالمقلط يخلص فيصل من اغراضي .. أنا يسلم علي سلام بارد وأدري انها لو سلمى مابقى شي الا وقاله .. وشوي وقف نايف : انا بروح عمتي تأخرت على خالتي .. خالتي : بحفظ ربي .. سلمت عليه وطلع وانا اقول اش بو كيذا رايح يقابل الحبيبة سلمى .. انقهرت ولحقته لبرى وقفت من بعيد اناظرهم وهم يدخلون اغراضي ولما قفلوا دخل عمي السيارة وطق بوري على طول اتجهت له وصعدت .. |
(( 2 )) قلت : السلام عليكم .. رد : وعليكم السلام .. هاا خلصتي كل اغراضك ؟! هزيت راسي ايه .. تحرك وانا لاصقة عيني على نايف اللي واقف عند سيارته شوي اناظر البيت وشوي نايف بشتاق له موت .. عمي : اش عندك تناظرين هناك ؟! ارتبكت : ابدا بس اناظر البيت لآخر مرة عمي : طيب تغطي ؟! لا والله ! بتبعدني عن نايف وماتبيني اشوفه نظره أخيره ؟! مو حرام عليك ياعمي ؟! اش ذي الاناينيه ؟! انتبهت ان عمي يتكلم .. التفت له : خير عمي ؟! عمي : وين سرحتي ؟! اشرت يدي يعني ولا شي .. كملت : ليش اش صاير ؟! عمي : قلت ابيك تتغطين !! قلت : أختنق .. صحيح ابتعدنا عن نايف بس مع ذلك ابي اعاند عمي مو كل شي يبيه يسويه .. عمي : نجوى ونهى ونوره يتغطون عادي .. انتي ليش ؟! قلت : ولا شي بس مااعرف .. وقف السيارة الله يستر والتفت لي : قربي .. قربت اخذ طرف الشيلة لقاها ماتكفي .. قال : عندك شيله غيرها ؟! هزيت راسي بـ لا .. رغم انه عندي بس عناد .. عمي : لكن اذا وصلنا للدمام روحي مع عمتك تشتري لك .. قلت : يصير خير .. كمل طريقه وانا ساكته ماحبيت اشغّل شي لاني ابي افكر في نايف .. أفكر في نايف ؟؟ لا اقلب على نفسي المواجع خليني ساكته أزين لي .. وطيت راسي أحس ان دموعي على خدي تنزل بألم ماتعودت انه يغيب عني حتى لو مايحبني بس وجوده وحده يكفي .. وألحين ؟! نيران تشتعل بقلبي لأني بتركه لسلمى .! غمضت عيوني بقهر وانا اتذكر كيف كانت ماسكه يده ولاصقتن فيها .. أكيد يكون راضي بذا الشي كيف لا وهي الحبيبه ؟ حطيت يدي على وجهي أعيد كل لحظه صارت لي معاه .. أحس ان الدموع تنزل غصب عني .. عمي : اش فيك ؟! لا تجرّح قلبي ياعمي كل ذا وماتعرف اش فيني ؟! ماتدري ان بنت اخوك ذايبه بولد خالها ؟! ماتشوف نظراتها له ؟! همست : ابي كلينكس .. مد يده لورى وأعطاني مسحت دموعي .. أول ماوصلنا ... قال عمي : انتي انزلي وقولي لنورة تنادي على تركي .. ابتسمت : لا عادي انا اروح .. عمي : قلت نورة يعني نورة ..! * بسم الله جزاتي يعني .. هزيت راسي موافقه .. دخلت لقيتهم بالصالة .. قلت : السلام .. ردوا : وعليكم السلام والرحمه .. قلت : النوري حبيبتي روحي نادي على تركي يروح لعمي .. هزت راسها : طيب .. وقفت وراحت .. عمتي : نجيو قومي خلي بنت خالك ترتاح .. هه عمتي تقول تريك ونوير ونجييو ولا مرة سمعتها تقول نهيو ههههههههه .. نجوى : يمه !! نسيتي ان غرفتها فاضيه ؟! كيف تنام على الارض .. عمتي : طيب تنام بغرفتك وانتي تنامين مع نوير .. ابتسسمت : عمتي اولا انا موناعسانه الحين ثانيا وهو الاهم ان حتى لو نمت على الارض اش فيها ؟! عمتي : لاروحي ارتاحي واذا اذن العشا صحيناك .. ابتسمت ووقفت مسكت يدي نجوى ورحنا للدرج .. سمعتها تتحلطم .. ضحكت : اش فيك ؟! ناظرتني : ابد بس انا الوحيدة اللي حقوقي ضايعه بذا البيت .. قطبت حاجبيني : كيف يعني ؟! نجوى : ابد بس الاخت نهى بماانها الكبيره فـ انها مدللـه .. وتركي بما أنه الولد الوحيد كذلك مدلل .. ونوره الصغيره وماخذه كل الدلع .. اما نجوى ضايعه بالقصه .. ضحكت : ههههاااي وقسم بالله انك فلله الحين كل ذا همك ؟! ولاتزعلين انا أدلعك كم نجوى عندي ؟! وصلنا لغرفتها ... قلت : نجوى ..! ابتسمت : آمري ؟! قلت : ابي اشوف غرفتي الحين ..؟! ضحكت : اش تشوفين فيها ؟! مصبوغه فقط .. قلت : يلا عاد .. وصلت لغرفه .. وقالت : ذي غرفة نهى وذي غرفة نجوى وذي لسارة وذي لنوير .. قلت : وعمتي وتركي ؟! قالت : اش ذا اللقافه ياربيه .. لاتخافين بتاخذين راحك لان غرفته بعيد جنب امه دلوعة امه .. ضحكت على اسلوبها ودخلت غرفتي فتحت الانوار فعلا مثل ماقالت نجوى بس مصبوغه .. قلت : ابي انام هنا .. شهقت : ياحظي البلاط بارد ثانيا ينكسر ظهرك معه !! ضحكت : أهبّل فيك انا انام على الارض ؟! استضيفيني بغرفتك .. دخلنا غرفتها مبين ان غرفتها بنوتيه .. ثم جلسنا على السرير .. قلت : متى يوصل سريري ؟! ضحكت : انتي اصلا مااخترتي حتى يوصل .. قطبت حاجبيني : ليه انتوا مااخترتوا لي ؟! ابتسمت : خالي يقول خلها على ذوقها ترتاح فيها .. قلت : مين خالك ؟! نجوى : خالي عمر ؟؟ّ بسم الله الرحمن الرحين ألحين خالها عمر اش دخله فيني ؟! قلت : اش دخل خالك فيني ؟! حطت يدها على جبهتي : اش فيك ؟! خالي هو عمك .. للمرة المليون انحط بموقف محرج على كيذا .. ابتسمت : سوري ايه خالي اقصد عمي اسمه عمر ؟! ابتسمت وهزت راسها .. سكتنا فتره ثم قالت : قسم ما شفت احسن منك ! ضحكت : ليش عاد ؟! همست : انتي الوحيدة اللي تقدرين تفهمين امي ان نتعشى مع فيصل وتركي .. ضحكت .. كملت : لا والأغرب تقولين لعمك مو متغطيا صدق جرأه شهقت : ياحمارة انا ألحين صرت جريئه ؟! شهقت : صدق حماره .. شوفي بقولك شي .. قلت : ايش ؟ ندجوى : البارح لما طلعتي كنتي اول بنت بالدمام جريئه كيذا .. ضحكت : وخييير ؟! نجوى : ماتدرين اش صار ياحظي .. والله حماس اش صار لهم ؟! قلت : هاااه ؟ اش صار ؟ نجوى : أول ماطلعتي من البيت قال فيصل انك مجنونه وممكن تسوينها وانو بيلحقك .. مسكه تركي وقال له ماعليك لا تخاف خلها بتروح وبترجع وبنسخر عليها .. قلت : وطبعا فيصل صدّق ؟! نجوى : طبعا .. وكل شوي ينقز فيصل بروح .. وتركي يقول له ماعليك اصبر صارت ونصف وماجيتي حضرتك عاد ذي المرة قال عمك انه بيطلع وأخوك ماصدق وطلعا الله لايوريك .. انقسمنا لعدة فرق .. ضحكت : ههههههههاااي حلوة ذي فرق .. ابتسمت .. قلت : طيب ايوه كملي ؟! نجوى : الفرقه الاولى تركي وفيصل وعمك يطلعون بسياراتهم .. وعيال خالي سامر وثامر يلفون بالحديقه وبما تحتويها من بيوت وغرف .. الفرقه الثالثه الشغالات يدورون بالغرف .. أما نحن فـ ننتظر علشان لو رجعتي نتصل نخبرهم .. صرخت : الله ! صرت مهمه .. نجوى : بس صدق خبصتينا .. قلت : سوري كملي .. نجوى : آخر مرة تقاطعيني .. هزيت راسي .. كملت : صارت الساعه 2 وربع ومابعد شرفتي .. شوي ورجع عمك وفيصل وتركي بعد مابقى ولا شارع الا ولفوه .. طبعا عمك وعمتك شوي ويذبحون تركي .. المهم عمك المحترم عاقب تركي بأنه يلف كل انحاء المنطقه يدورك وان صارت الساعه 3 ونصف ومالقاك ذبحه حلال ! قلت : أووووف حسافه ليتني مادقيت وذبحوه ضحكت : لا تقاطعين .. حطيت يدي على فمي .. كملت : المهم جات الساعه 3 ونصف ولا ندري عنك واخوك الله لايوريك رايح وراجع وكل شوي يطلع للحديقة ينتظرك .. كسر خاطري : ياعمري فديته قسم رحمته .. نجوى : اصبري بس وبتشوفين .. ضحكت .. قالت : المهم صارت 4 وربع ومابعد درينا شي وبعدين شرفتي ودقيتي .. عاد يوم شاف فيصل الرقم ارتجف وخاف الحين اش اقول لخالي ومدري ايش .. بس قاله عمك لا تخاف المهم رد لوتشوفين عاد بغى يستخف مدري من الفرح ولا انتي اش قلتي له ؟! قلت : تبين تعرفين ؟ هزت راسها بحماس : ايه ؟؟؟؟ قلت : كنت نايمه بالعسل حلمت حلم مزعج العاده اروح لغرفته رحت مالقيته وتذكرت ودقيت لما قلت له عصب كملت : ايه كان مبين عليه .. طيب تبين اكمل ؟ هزيت راسي وابتسمت : ياريت والله .. نجوى : طيب .. عمك قال لاخوك يدقون على تركي بدون مايقولون له شي المهم دقوا اكيد تركي خاف لانه خواف درجه اولى عاد قال لابدورها يعني يقاله ندمان .. المهم بعد الاصرار رجع عاد لصق بأمي .. ضحكت : بزر هههههههههههه وقفت .. قلت : وين ؟؟ كملي ؟! قالت : لاتقاطعين أكمل .. الحمارة صارت تستلعن يلا ماعليه .. قلت : توووبه ياست .. كملت : المهم قال له فيصل عن كل كلامك قسم لو كنتي جنبه اذبحك عاد مابقت كلمه الا وقالها اللي ماتحس اللي ماتستحي والى آخره .. قلت : بصراحه خاطري اشوف شكله !! ضحكت : نصيحه تراه بيذبحك .. قلت : طيب كملي .. نجوى : النهايه ان عمك قال له لو قمت يوم قالت لك ماصار اللي صار طبعا بلع لسانه وسكت قال له فيصل يرجعه ارتاح شوي ثم رجعه .. أقول لك نام نوومه طويلة عريضه من الساعه 6 الى اذان العصر .. شهقت : ولا حس ؟! نجوى : أصلا ماقام الا لما راحت له امي خافت يكون توفى .. ضحكت : وللللل نومه طويل .. هزت راسها باعتراض : لا اذا كان تعبان فقط بس تقدرين تقولين مايصحى الا بالموت حتى لو نام كثير .. قلت : طيب اقفلي سيرة تركي بصراحه زهقت .. ضحكت : سبحان الله حتى هو يوم انه رجع انقهر منك .. ليش تكرهينه مدري !! قلت : بصراحه بارد موت ويقهر ويرفع الضغط ويجيب السكر .. ضحكت : لو يسمعك بس .. تعالي تركي مو بارد ؟؟؟؟ قلت : هيهيهي ماأصدق أجل شهـ.... سكتت يوه انا وعدت نايف مااخبر احد ثانيا لو قلت لنجوى دخلت المقلط بلحالنا بتسوي لي حكايه كيف وليه .. زين اذا ماخبرت عمي .. قطبت : أجل ايش ؟! قلت : ولا شي انسي .. ييلا انا تعبانه ابي انوم ياليت لو تقولين لخالك ابي ملابسي .. ضحكت : ربي لايعمي قلوبنا ذول ايش ؟! ناظرت وشهقت : ذي شنطاياتي اش جابهم هينا ؟! ابتسمت : عمك وتريك .. قلت : بس كنا في الصاله كيف ماشفناهم وهم يدخلون ؟؟ ابتسمت : لاطبعا مابيدخلون من ذا الباب اكيد من الابواب الخلفيه .. قلت : ممكن اعرف ذا بيت مين ؟! ابتسمت : بيتنا .. قلت : يعني بيت عمتي ولا عمي ؟! لازالت مبتسمه : بيتنا وبيت خالي .. قطبت : كيف يعني انا قصدي ذا بيت عمتي وعمي سكن معاها ولا بيت عمي وعمتي سكنت معه ؟! ضحكت : لا ذا بيت جدي فيصل وكلنا ساكنين فيه .. قلت : كيف ماشفت غرف سامر وثامر ؟! ابتسمت : طبعا مابتشوفينهم .. شوفي الدور الاول ذا لكل العيلة والدور الثاني لنا اما الثالث لخالي عمر وخالي محمد الله يرحمه .. قلت : أبوووي ؟! قالت : ايه وكان من المفترض يسكن فيه فيصل بس فيصل رفض لان هنا فيه بنات .. لا احلفي انتي بس ألحين فيصل من متى يستحي على وجهه هو لوح ابد .. أحمد ربي ماقال اول ماجاء يكشفون لي اعرفه فيه لقافه وحب استطلاع .. يموت ويشوف وجه كل وحده ويكتشف معالم وجهها .. زين اذا ماطلب مايتحجبون من الاساس .. بس ادري ليه لاصق بالخبر علشان ست الحسن والدلال الآنسه مروى .. هنا محتشمسين ومتغطين اما هناك لاحجاب ولاهم يفرحون .. وكأنها زوجته .. وماصدق على ربي ان تنفتح سيره علشان يتخلص مني علشان ياخذ راحته معاها .. أطلقت تنهيده ثم قلت : طيب انا بروح اغير ملابسي ثم بنوم واذا اذن صحيني .. هزت راسها وقامت .. غيرت ملابسي وقفلت الانوار وانسدحت على السرير حاولت انام ماقدرت .. يمكن المكان جديد علي أو يمكن من التفكير !! ايه كيف ماأفكر في حياتي الجديدة ؟! تعودت على جدول يومي بالخبر ماتغير الا في الاجازات .. غمضت عيوني على امل النوم وفعلا حصلت اللي ابيه .. نمت وماصحيت الا على صوت نجوى تقول لي اذن قمت وصليت كنت برجع بنوم بس قالت نجوى تبيني أجلس معها مو لسواد عيوني بس محد فيه المهم لبست بنطلون أسود وبلوزه سوداء أكمام وحجاب ابيض عليه شيله سوداء .. نزلت معها .. قلت : طيب ليه ساكته ؟! هزت كتوفها : ماعندي سوالف .. ضحكت : ألحين ياأيتها الحمارة ماصار لك يومين معي مسرع ماخلص حكيك !! ابتسمت : اش اقول ؟! كنت ابي اسأل عن مرت عمي لاني ماقد شفتها ولا حتى ابوها بس يمكن ابوها وامها منفصلين وتتضايق لما اي حد يسأل وياخبر اليوم بي فلوس بكه بي بلاش .. قلت : أحكيني عن نفسك اي شي سولفي .. ابتسمت : اسمي نجوى عمري 18 سنه .... لحظه لحظه يانجوى عمرك 18 ؟! طيب مروى 17 ونجوى 18 وانا 19 وتركي 20 وفيصل 21 ونايف 22 ... صفرت : ياااي حنا روعه .. قطبت حاجبنها : نعم ؟؟ اش الروعه في علمي ؟! افتشلت : اسمعي .. مروى بنت خالي 17 وانتي 18 وانا 19 وتريك 20 فيصل 21 نايف 22 .. قطبت : مين نايف ؟! أحلفي ماتعرفينه ؟ المفروض تحفظين اسمه قبل اسمي .. قلت : ولد خالي ! سكتت فتره ثم قلت : تعالي الساعه 11 وين أخوك ؟! ضحكت : لاتخافين مايجي الا الساعه وحده خوذي راحتك .. شهقت : أحلفى ؟! نجوى : والله .. يوه عاد انا مقرره اتصل على ريم اسألها اسم مدرستها علشان اكون معاها وحتى لو مارضي عمي مو كافي انهم يحددون مصيري بكيفهم .. أبي اجرب ولو مرة وحده بحياتي اقرر شي بدون محد يأثر علي .. وقفت : دقايق ورجاعه .. بأمكانك الصعود الى امك .. ابتسمت لي وعلى طول لغرفة نجوى تعال انا ماعندي جوال نزلت تحت ودقيت بصراحه كنت مفتشله ماصار لهم يومين عارفني واستخدم تلفونهم المهم دقيت عليها رن فتره واخيرا شالته كانت ساكته .. قلت :هلوو ريم ... ريم : ياحماره ياحيوانه تقولين لي بدق لك اذا ماتوفيت خفت توفيتي قسم انك ماتستحين ,, ضحكت : لا اطمنك عدت على خير .. المهم لا انسى ... قاطعتني : أول قولي لي رقم مين ذا ؟! قلت : أممم حنا في بيت خالتي .. المهم ابي اسألك انتي بأي مدرسه ؟! جاوبت : ليش بالله ؟! قررت أكذب علشان تصير مفاجأه : لأن مروى بنت خالي تبي تنقل للدمام عاد قلت كل يوم تشوفينها وتتذكريني .. جاوبت : وليش ان شاء الله انتي مابتكونين معها ؟! قلت : لا طبعا انا شكو ؟! ريم : طيب اختصارا للوقت وعلشان اللي يوصلكم مايتعب مرة وحده علشاني .. قلت : لا مارضى خالي المهم .. قاطعتني : ليه هي تنقل ؟! قلت بضيع السالفه : ألف مرة قلت ماأحب حد يقاطعني .. ريم : لا تحاولين تغيرين السالفه مو علي يلا احكي ؟! ياربيه اش ذا الورطه ؟! سكتت فتره ثم قلت : بس احلفي ماتخبرين احد ؟! شهقت : لالهدرجه السالفه قويه ؟ قسم مااخبر حد .. سكتت افكر بكذبه .. ريم : ايش ؟! قلت : والله مدري اش اقول لك ياريم .. هه اضيع السالفه مع وجهي اكيد بتلصق فيني .. ريم : كيف يعني ؟! قلت : بصراحه فيه ناس مزعجينها وتبي تطلع وقفلي السيرة .. هااه اي مدرسة ؟! تصريفه حلوة بس احسن شي .. مافهمت شي من اللي اسويه .. المهم قالت لي مدرسة وعلى طول قفلت ورحت لنجوى مع دعواتي انها تطلع ذاتها مدرسة نجوى .. أول مرة ادعي دعوة وتتحقق بذا السرعه مو قصدي اقول ان ربي مو رحيم استغفر الله .. قصدي اكيد فيه شي ربي كاتبه على ذي الصدفه الحلوة بس مدري كيف نجوى مع ريم ولايعرفون بعض ابد .. المهم طلعت من عندها كانت قريب تصير واحده .. رحت غرفة نجوى مابي اقابل تريك وجه اللوح .. انسدحت على السرير وغمضت عيوني وفعلا نمت .. يامسكينه يانجوى تنتظريني تحت ..! * * صحيت على صوت نجوى هه صايرة لي منبه طبعا من قبل وانا قلت لكم ان اللي في قلبي على لساني .. قلت : ماشاء الله صايرتن لي منبه .. ضحكت : قومي ياحظي بسررعه .. انتبهت ان هيا لابسه مريولها وبيدها عبايتها وشنطتها .. قطبت : نعم ؟! أولا انا ماعندي مدرسه .. وتغطيت باللحاف : ياليت لو تطلعين !! رفعته عني : قومي اليوم بتسجلين فزيت من مكاني : ومتى بروح ؟! ناظرت ساعتها : الساعه 8 ونصف قلت : طيب ملفي في الخير ؟؟ نجوى : يوووه ياسارة اليوم ولد خالك جاء واعطاه عمي .. بسرعه انجزي وطلعت ! نايف اليوم جاء ؟؟ ليش ماصحوني ؟؟ ابي اشوفه مشتاقه له موت .. ضربت نفسي ليش ماقمت ؟! آآآهـ يانايف لو تحس بربع اللي في قلبي مارحت وتركتني .. لالا اليوم حلو ان شاء الله بس صدق اكيد ناظر شهادتي العجيبه ياربيه ! أصلا نايف مو ملقوف ! المهم رحت تحممت وجففت شعري ناظرت الساعه 6 غريبه تو الناس كيف تروح نجوى بدري .. المهم حطيت فيه جل ونزلت لي قذله حطيت كحلتي وقلوس احمر لبست المريول وتعطرت ونزلت اليوم بشوف ريم وناسه اجل .. شفت نجوى وتركي وعمتي يتفطرون .. قلت : صباح الخير الكل : صباح النور التفت لنجوى : تعالي ياحمارة مصحيتني ليه ؟! تنكدين على المخلوق .. ضحكت : امي قالت ودام كيذا اكيد بتروحون معنا انا وتركي .. نعــم ؟؟ خيييييير ؟؟ ماسمعت ؟؟؟ انا اركب مع ذا القرف ؟؟ ماحبيت افتعل هوشه على الصبح .. فـ قلت وانا اناظره : نو ثانكس .. لم انتهي بعد من تصفيف شعري .. اش عنده يناظرني وهو مبرطم ؟! ياخوفي يبيني اعتذر ولا تحلم يا أخ ..! نجوى : والله اش حلاته .. يلا عاد بليز ؟! قلت : شوفي بروح الساعه سبع وبطلعك من الحصه اش رايك ؟! ابتسمت : فكرة .. يلا تركي انا خلصت .. وفعلا قاموا أما انا كنت جالسه بمكاني .. عمتي : اش فيك ماتفطرين ؟! قلت : بصراحه كنت ادور على الخبز مع الجبن .. عمتي : جبن مرة وحده ؟ العاده محد يحبه ! قلت : لا عمتي انا امووت عليه .. بليز وينه ؟! هزت راسها : بصراحه كل مرة نشتري ونرميه محد ياكله وذي المره اقترحت مانشتري .. اكتفيت بالابتسامه فقط ولا علقت ..! كملت : والله غريبه تبين جبن !! ابتسمت : متعوده ياخالـ.. ياعمتي على الجبن في الخبر لاني اموت عليه .. قالت : لو قلتين قلت لعمر يشتري لك .. عمر ؟! مين عمر ؟؟ ايه صح هذا عمي .. قلت : وينه صدق عمي ؟! ابتسمت : يوصل نوره مع نهى وعياله بما ان مدارسهم قرب بعض .. قلت : اهاااا سكتنا فتره ثم قالت عمتي : ايه الليله بنروح نفصل لك عبايه ابتسمت : لامشكورة عندي .. بادلتني الابتسامه : بس حبيبتي ذي العبايه جديدة على اهلنا .. قلت : اعذريني مااقدر تعودت واوعدك بحاول .. وكملت : المهم انا طالعه غرفة نجوى اكمل شغلي .. صعدت بدون اي كلمه ..! .: نهاية الجزء الرآبع عشر :. |
.: الجزء الخآمس عشر :. " وحشني ][ صوتك ][ بقوهـ ؛؛ وحبك ×دآخلي× جوهـ .. و][ قلبي ][ صآر تحت أمرگ ؛؛ وأنت ** اللي تبي سوهـ ..! " / \ / قمت رولت شعري والقذله رفعتها بكريستال احمر اخذت العباية الحمرا وكويتها وكمان الشنطه الحمرا والجزمه ..موقلت لكم اذا بغيت اصير لون اقدر ههههههه المهم فتحت شعري ياااي روعه اخذت الساعه الحمراء وحلقات ذهب مع خاتم ذهب ابيض علشان مايقولوا بنت فقر .. غمّقت على القلوس والكحله .. لبست مريولي وجزمتي اخذت عبايتي بيدي وشنطتي كمان ورحت لعمتي تحت اول ماناظرتني ابتسمت وسرحت في جمالي خخخخ يمكن علشاني اشابهه امي رغم اني مااعرف شكلها او يمكن اشابه ابوي او حتى شغالتهم ههههه .. قلت : عمتي اش فيك مفسحه ؟! ابتسمت فقط .. قلت : طيب اش رايك ؟! لفيت لها لفه حول نفسي ..قالت : قمر ناشاء الله قمر .. يلا بتصل على عمر يجي لنا .. لبست عبايتي وتحجبت تلثمت حسيت بخنقه كالعاده معليه مع الايام بتعود بس مقدر اليوم .. صعدنا السياره مع بعض كلمات عمتي وتلميحات عمي اني اتغطى .. جلست ورى اتصفح ملفي الجميل اش حلاته والله .. المهم وصنا .. سمعت عمي : سلمى !! التفت له : لا عمي قصدك اسمي سارة مو سلمى .. وجع ان شاء الله حتى هينا يذكروني فيها أوووف معهم ابتسم : اقصد عمتك ..! نعم ؟؟ خيررر ؟؟ عمتي سلمى ؟؟ لا عاد مو حلوة ذي ابد تعودت اقول سلمووه واكره ذا الاسم بس يالله اللي في الخبر غير عن اللي في الدمام .. فرق السما عن الاررض .. عمتي : ان شاء الله .. وقفلت الباب .. قلت : عمي اش قال ؟! ابتسمت : توقعتك تكونين مو معنا .. يقول اسجلك وارجع .. قلت بفرح : يعني بكون هينا طول اليوم ؟! ابتسمت ولا علقت .. ياااااي هين ان ماطلعت ريم من ذا الكآبه وجلسنا ندور هين بس ! وفعلا تسجلت معهم وطلعت عمتي عاد انا على طول سألت وين فصل ريم طلعت السلم وطرقت الباب جلست على جنب بحيث محد يقدر يشوفني طلعت لي ابلتها استأذنت أدخل لريم بس مارضت قلت لها خلاص ورحت فصل نجوى حضرت معهم حصه كنا ورى ومابقى شي الا وسويناه المهم على الساعه 9 طلعنا فسحه كنت اراقب ريم بدون ماتحس الين شفتها جلست عن البوابه تكتب بلحالها تسللت مع نجوى وغمضتت عيونها واشرت لنجوى تتكلم .. نجوى : اللي ماسكه عينك مين ؟! ريم : أمممم أمممم ينقالي اتذكر مافيه الا ضحى .. ضحكت نجوى : نووو فكري ,, حطت يدها على يدي انتبهت لخاتم الخطوبه .. ريم : غريبه يدك ناعمه غير العاده ؟! انفجرت ضحك وفكيتها على طول ناظرتني قطبت حاجبينها فتره ثم ضربت وجهها وابتسمت وعلى طول الى الاحضان ياعشاق .. حسيت بدموعها على كتفي .. تقول : ياحمارة ياحيوانه لو قلتي لي من قبل علشان ماانصدم بغيت اموت والله ! بالموت فهمت كلماتها لانها تشاهق انتبهت ان دموعي صار لها ساعه تنزل لذي الدرجه انا غاليه على أحد ؟؟ يبكي من الفرح لانه شافني ؟ معقول ؟! أتحول بيوم وليلة واصير مهمه ؟! ناس انا واحشتهم ؟! يتمنون يشوفوني ؟! انتبهت ان اغلب البنات رجعوا فصولهم وبقت كم وحدة يتعدون على الاصابع سحبتني ريم ورى المدرسه وجلست ساكته مسحت لها دموعها وابتسمت لها .. ريم : ياحمارة ليش ماقلتين ؟! ضحكت : مفاجأة صح ؟! همست : وحشتيني .. ابتسمت : ذي السنه كووولها بجلس معك لاصقتن فيك ادري اني عله بس تحمليني لاني احبك .. ضحكت : صدق بتدرسين هينا ؟! ابتسمت : بس طبعا مو علشانك !! قطبت : اجل علشان مين ؟! قلت : خلاص حبيبتي مافيه خُبر ولا هم يفرحون .. قطبت : قسم لو انك تزوجتي وماقلتي ماأكلمك ... ثانيتين ضحكت : لاماتزوجت بسكن مع اهل ابوي ومن حظك اني بالدمام شهقت : وناااااااسه اجل قلت : شفتي البنت اللي كانت جنبي ؟! قطبت : لامانتبهت .. ليش بنت عمك ؟! قلت : نوو بنت عمتي .. أحكيني عنك وعن زوجك .. هااه مافيه كائنات حيه في بطنك ؟! وغمزت .. على طول وطت راسها وقالت : لا مافيه .. ضحكت : استغربت يعني كيف مالكم شهرين على بعض وتحملين كنت بقول زوجك مايتركك أبـ .... ضربتني : ياحمارة استحي ياوجه اللوح سكتت عنها وناظرت السما .. قلت : أحلا شي ان زوجك ماعمل لك شهر عسل لاني محتاجتك موت جنبي لانك وحشتيني ياحماره .. فجأه ماشفتها الا وشهقت : تعالي صدق دق الجرس قومي بس لايكرشوننا برى المدرسه .. فعلا قمنا انا كنت فاضيه وانتقل واحضر حصص مع نجوى وريم وطبعا اغلبها سوالف .. الحصه الاخيره كانت مع ريم والابلة من نفسها طردتنا احسن بعد .. ريم : تصدقين ؟! قلت استهبل : ايه اصدق ؟! ضربت كتفي : بلا بياخه .. تصدقين اني لين الحين مو مصدقه انك جنبي ؟ معقول ؟ رفعت قذلتي بغرور : اش ذنبي ياربيه اذا االكل يحبني والله مو ذنبي يعني انا اللي اعرفه البنات يحبون البياض وانا سمرا شكو مااقدر .. قسم مااقدر .. ابتسمت : حماره ها .. الحين انا امدح فيك تقولين سمر اقسم برب الكعبه انك حلوة ضحكت : احلفي واصدقك .. ابتسمت : والله .. ابتسمت : خقيت !! * وقفنا عند الباب بعد ماسمعنا الجرس لبسنا عباياتنا انتبهت ان عبايتها تغيرت صارت على الراس كيفها لا وتتلثم بعد .. والله دامها راضيه انا شكو ؟ لفيت حجابي وطلعت معها انتظر .. ريم : اش عندك واقفه ؟! قلت : انتظر خالي .. ضحكت : قسم انك رايحتن فيها حنا بالدمام مو الخبر ثانيا استحي على وجهك وتغطي الوحيدة اللي كاشفه .. ريم تتكلم بصيغه مبالغه كثير .. كم وحده كاشفه ؟ كثييير ابتسمت : مو شغلك .. سكتت فتره ثم قلت : تعالي خالي في الخبر انا من يوصلني للبيت ؟! ماسمعت الا ضحكتها : يعني مافيه سيارة بالكون الا خالك ؟! افتشلت : ايه صدق وينها نجوى ؟! ريم : مدري .. المهم ملوكي وصل بايو .. سلمت عليها وراحت .. تقول ملوكي اذا ماخاب ظني .. بالله زوجها اش اسمه ياشين اللقافه بس .. وقفت اناظر وينها نجوى مالقيتها حسيت برعب بس طبعا لما تذكرت يوم اني اضيع بحالي هان علي الخوف لان معي بنات .. وقفت انتظر .. بعدين سمعت صوتها من وراي تطمنت .. نجوى : هيييييييييي انتي الحين انا جالسه أدورك من صف الى صف والنهايه تتطلعين برى ؟! صدق ماتستحين على وجهك ... تنفست بقوه : أووووه .. أنا خفت كمان .. طيب ماوصل عمي ؟! والله تعبت وانا واقفه .. قالت : لا تركي مابعد جاء لا ياربيه ! انا بركب مع ذا مستحيل اسويها واروح مشي حلا هو كل مرة اسويها ؟! ثانيا خلني ابين له اني قويه .. طيب نصعد معه وما اتكلم ولا كلمه والبادي اظلم .. نجوى : وين فسحتي مع وجهك ؟! ابتسمت : في تركي اخوك .. شهقت : اهئ ياحمارة ماتستحين على وجهك تقولينها بوجهي ؟! قلت : أولا انا مااعرف اكذب وانتي سألتي وجاوبت .. ثانيا افكر كيف بركب معه وانا اتقزز منه ؟! .. ضربتها على كتفها : انا استحي اكثر منك ياخبله .. نجوى : خلاص بس أكلتيني .. انتي انسانه ولا اروع .. طيب كيذا ؟ ابتسمت : ايوه .. ظلينا فتره ساكتين بعد فتره قالت نجوى : ماتبين ترجعين البيت ؟! ابتسمت : ليه اخوك وصل ؟! هزت راسها ايه : ياليت ماتتهاوشون مع بعض .. قلت : والله اذا هاوشني مابسكت قالت : اضبطي نفسك .. اتجهت للسيارة وصعدت جنبه أما انا ركبت ورى .. ظل واقف عند الباب فتره .. نجوى : ضايع لك شي بالمدرسه ؟! هز راسه نفي : لالا بس فيه بنت اركبت بالغلط وقلت بنتظر يمكن تستحي على دمها شوي .. كتمت غيظي : انا سارة بنت خالك .. ويلا حرك .. جاوبني : يلا حرك .. سايق لك ؟ قلت : ولا تزعل يااخ ممكن تحرك .؟؟ قال : اولا انا مو اخوك .. ضبطت اعصابي : ياولد عمتي المحترم ممكن تحرك لان الشمس حارقتني ؟! سمعته يقول : تتغطين اتحرك ماتتغطين مستحيل امشي .. تبين الكل يناظر سيارتي ؟! على قول نايف الاستاذ ناوي على هوشه ! أوووف منك بس طيب مو انا اللي تمشي كلامك عليها مو قلة حيا وحشمه مني بس عناد ؟؟ قلت : تحرك وانت ساكت قال : مابي .. قلت بهدوء : اسمع انا اعند واحده ممكن تكون قابلتها في حياتك .. الشي اللي مو راضيه فيه مااسويه وكل شي ابيه على مزاجي ومحد يقدر يقول لا فـ اذا تبي تجربني لا تحرك .! قال : مابي .. تغطي أو تلثمي أتحرك ولا ... لاتحلمين ! قلت : تحرك وبلا عناد .. قال : تغطي .. قلت : يعني مابتتحرك ؟! هز راسه مثل الاطفال : للللأ ! قلت : طيب بتشوف .. ناظرت المرايا لقيته مبتسم ومبرطم بنفس الوقت : كيف يعني بتروحين مشي ؟! عادي ترى! قلت : لا حبيب ماما ذي موضتها قديمه تحركت وجلست بالوسط بين نجوى وتركي .. ناظرني : بتسوقين !؟ جاوبت بهدوء : ماهي شينه بس قسم لولا الحيا ان العيال يشوفوننا ويقولون كيف الحرمه اللي تسوق والرجال صافط كان قمت ! سكت فتره وهو يناظرني كأنه يقول اش بتسوين ؟! قلت : أبدا ياولد عمتي بس غصب عنك بتحرك السيارة وتوصلني وانا كاشفه وكيفي .. ابتسم بسخريه وهو مبرطم كنت بقول له ابي اعرف ليه دايم مبرطم علشانه دلوع امه .. قال : اش ذا الحيا ياربيه .. بغيت اهاوشه بس تذكرت كلام اخته وسكتت مديت يدي لجيبه واخذت جواله وهو واخته مدري منصدمين ولا ايش المهم رجعت ورى مكاني ودورت على البحث في الاسماء وحطيت " خالـ ... " ماكملتها وطلع لي " خالي عمر " الحمدلله اني اعرف اسم عمي .. على طول دقيت والاثنين يناظرونني .. رن .. ياربيه رد ياعمي لاتفشلني معه .. انتظرت وأخيرا رد : هلا تركي .. قلت بدلع : هلوو مااي آنكل .. انا ساره بنت اخوك ..! عمي : ساره ؟؟ اش عندك بجوال ولد عمتك ؟ حتى انت ياعمي تشك فيني ؟! في الخُبر فيصل وهينا انت ؟! مو حرام ؟؟ شوي وتخنقني العبره بس مابي ابين لهم .. ابي اكون قويه .. قلت : ابد عمي ولد اختك المحترم مو ناوي يتحرك ويرجعنا البيت مدري الظاهر اننا مو عاجبينه .. فـ ياليت تقول له يحرك لأني .. وبدلع ومياعه : ذبت بالشمس صرخ : ليش واقف ؟! اتروعت : عمي ترى انا ساره مو تـ... قاطعني : اعطيني اكلمه ! ابتسمت بانصار ومديت له جواله .. وقلت : عمي يبيك .. ناظرني واخذ الجوال ياربيه يهزءه .. شوي وشال الجوال عن اذنه وحطه على يده .. مبين ان عمي يصارخ .. بعدين حطه على اذنه .. سمعته يقول : لا خالي بس مو متغطيا .. عمي :.......................... قال : طيب بس تتلثم على الاقل .. الظاهر عمي رجع يصارخ فـ أبعد الجوال عن اذنه .. شوي ورجع : طيب خلاص .. طيب .. وقفل وحرك .. حسيت بالانتصار فعلا .. أحسه مقهور وزاد برطمه ههههه سمعته يقول : من الذوق يابنت خالي ماتاخذين الجوال بدون اذن .. مابقول لكم مافتشلت لان وجهي مو مغسول بمرق مثل مايقولون .. سكتت ثواني ثم قلت : ليش لهالدرجه انت طفران ؟! ماعندك فلوس ؟! تخاف الفاتورة تكون قويه ؟! مسكين ولد عمتي .. فتحت شنطتي وطلعت بوكي ورميته بحظنه الحمدلله اني اليوم حاطه فيه فلوس مثل الناس .. قلت : وأذا تبي زياده ماعندي مانع ولاتستحي عادي انا بنت خالك او اذا تستحي مره قل لوحدة من خواتك عادي اعطيك .. واذا تبي شي تراني بالخدمه كلنا اخوان سكتت آخذ نفس رغم اني كنت ارتجف بس محد كان يعرف مبين علي قويه .. متأكده تماما انه متنرفز .. هو مايطيقني خلقه ذي المره فعلا بخاطره يذبحني .. قال : مين انتي علشـ... قاطعته : ايه نجوى كنت ابي اسألك يوم اني كنت مع ريم ماشفتك وين رحتي ؟! كانت تناظر تركي وهي ساكته مبين ان هي خايفه .. بيني وبينكم انا اكثر .. قلت : نجوى !! ساكته .. أحترمتها وسكتت .. شوي ووصلنا الى البيت طلعت نجوى .. فتحت الباب حسيت بضربه على ظهري لفيت لقيت البوك طايح في السيارة وتركي يناظرني .. ابتسمت بغرور : بلاك ماعرفت مين سارة العلي !!! ماتنزل للأرض لو اش يصير .. كيف لو علشان شي تافه مثل الفلوس ؟! قال : لا تصيرين بزر مو محتاج لفلوسك .. دخلت خصلاتي اللي طلعت بغرور واضح .. ثم ابتسمت : متى آخر مرة فحصت لنظرك ؟! الظاهر ماتشوف زين لفيت عنه ودخلت صدق اني جريئه انا مع نايف بالموت تطلع مني كلمه من الحيا .. رغم اني لو تكلمت مع نايف بالخبر عادي محد بيقول لي شي .. أما هنا ماخذه راحتي وأهاوش ومدري ايش رغم ان الكل ينتقدني .. يمكن عشاني احب نايف استحي منه .. كل شي جايز .. أسرعت بخطواتي لداخل ودخلت ماكان فيه احد بالصاله على طول لغرفة نجوى حسيت بتعب من التفكير كل شي افكر فيه غصب يدخل فيه نايف .. مالقيت نجوى احسن لا تفتح لي سالفه .. توضيت وصليت لأول مرة ارجع من المدرسه وماأصلح الغذا ياااي اشتقت فعلا لروتيني .. المهم فتحت شنطتي ولبست بيجاما أزرق والبلوزة واسعه لاني استحي انام مع نجوى كيذا .. كمان برمودا بس لاصق فيني .. البلوزة كانت ربع كم تقريبا .. انسدحت على السرير حسيت بعدم راحه يمكن عشان نجوى معي واستحيت اغير لبسي .. جلست اتقلب مدري مو جايني نوم يمكن عشان التفكير أو يمكن عشان عدم الراحه .. تأكدت ان نجوى نايمه قمت غيرت ملابسي لبست شورت وبلوزة توب لحد نصف البطن فتحت رباط شعري وقفلت النور .. جلست افكر وانا مغمضه في نايف .. بجد مشتاقه له معليه اليوم الثلاثاء باقي الاربعاء والخميس ويوم الجمعه فيصل بيجي .. ارسلت قبله لنايف .. ماقدرت وفتحت النور .. سمعت نجوى : قفلي النور .. قلت : معليه نجوى ابيه .. تغطت باللحاف وناظرت الساعه 2 الظهر .. غمضت ونمت .. * |
((2)) لأول مرة ابي احكي لكم حلمي .. تقريبا مقاطع مقطعه .. فيصل يروعني وانا احتضر .. المقطع الثاني كنا بالصاله اللي في الخبر اللي جنب المقلط الكل مجتمع وانا احتضر ومحد حاس لي .. كنت احس فعلا اني اموت بس مااشوف ملك الموت اشوف ظلام في كل الوجوه والاماكن .. كنت اتشهد على نفسي صرخت على طول وصحيت لقيت الغرفه مظلمه خفت اني اكون فعلا توفيت قمت متجهه للباب ماأحس اني ماسكته وارتجف وبالموت فتحته على طول نزلت تحت لقيت عمتي وعيالها كلهم متجمعين على طول من شافتني مسكتني وهدتني .. عمتي : نجيو روحي هاتي مويا .. قامت نجوى .. كنت احمد ربي الف مره ان فيه حد جنبي .. شربت مويا وانا اشاهق .. سمعت عمتي تتمتم بكلمات أكيد تقرى علي جلست فترة على ذا الحال ثم هديت كنت اسمع عمتي تتكلم بس مو قادرة اسمع ولا اتكلم على الله القط كلمتين .. وقفت حسيت بدوخه رجعت جلست ويدي على قلبي .. سكتت فتره انتبهت ان تركي معطيني ظهره .. ذا لي ماطلع ؟! انتبهت اني جالسه عند الباب مع ذا اللبس والحاله يارببيه فشله .. وقفت : سـ....ـوري مـ....ا انتبهت ,, وأخذت نفس : آسفه ماانتبهت لتركي .. وركضت لغرفة نجوى وقفلت الباب موقف لا احسد عليه .. فتحت النور .. ناظرت الساعه 6 كامله أكيد اذن .. تعوذت من ابليس ورحت توضيت صليت وذاكرت رتبت كتبي في الشنطه بكرة اول يوم لي في المدرسه الجديدة ابي الكل ياخذ عني فكره حلوة .. بعد ماخلصت ناظرت الساعه كانت 8 ونصف هه ذا الوقت في الخبر الكل مجتمع على العشا .. حسيت فعلا بجوع .. لبست بلوزة أكمام بيضاء .. وتنورة سوداء طويله يمكن حكيت لكم عنها .. لبست ساعتي السوداء تذكرت نايف وانا احطها باليمين ليته يحس فيني .. رحت للمرايا ورتبت شعري لبست حجاب ابيض مع الشيله السوداء صايره البسها كثير .. المهم تأكدت ان شعري مو طالع مالي خلق محاضرات لبست الكعب الابيض وحطيت لي عطر ونزلت تحت .. شفتهم متجمعين على التلفزيون .. ابتعدت عنهم واتجهت للمطبخ .. سمعت عمتي تناديني : ساره !! حسيت اني اتوهم بس يالله نسألها ونشوف .. لفيت : ناديتيني عمتي ؟! ابتسمت : ايه .. ابتسمت : آمريني عمتي كلي إلك ؟؟ ضحكت ثم قالت : تسلمين المهم عمر يقول اذا فاضيه الليله علشان تروحين معه .. أروح معه ؟ سلامات ؟؟ وين بروح بعد ؟! قطبت حاجبيني : سلامات ؟! قطبت عمتي وكأنها تقول اش يعني ؟! .. ابتسمت : اقصد يعني وين بروح باذن ربي ؟! شفت نهى شوي وتضحك .. قلت : اش فيك !؟ نهى : ابد بس كلمه غريبه ..! ضحكت : لا عادي .. لفيت على عمتي : هااه عمتي وين بروح مع عمي ؟! عمتي : تشترين لك أثاث لغرفتك .. ابتسمت : طيب على الساعه كم ؟! عمتي : بعد اذان العشا .. قلت : موكأنه متأخر ؟! يعني يمكن لو الساعه 9 وربع يكون افضل .. ابتسمت : براحتك .. اتجهت للمطبخ انتبهت ان فيه حد وراي قلت مابلف واتجهت للثلاجه وطلعت الجبن لفيت لقيتها نورة .. ابتسمت لي رديت لها الابتسامه .. رحت للخبز وطلعته انتبهت انها تناظرني رفعت راسي لها وقلت : اش بك نورة حبيبتي تناظريني ؟! نوره : ليش عيونك كل يوم ولها لون !؟ افتشلت لان اول مرة اشيل العدسات .. قلت : لا ذا لونها الطبيعي .. نوره : بس امس كان ازرق كيف اليوم صار بني ؟! ضحكت : لا ذي عيوني الاصليه مو بني .. تقريبا بني فاتح !! ابتسمت : يعني مو مثلي اسود ؟! ضحكت : لا انا مميزه كلكم اسود الا انا بني .. لأني من الخبر .. قطبت : بس تركي مو اسود .. اشتغلت عندي اللقافه : ليش تركي اش لونها ؟! نورة : فيها لون مثل الاخضر .. مسكينه تهلوس انا شايفه تركي بس عادي كيفها .. قلت : اهاا .. نوره : طيب بكرة بيتغير لون عيونك ؟! ضحكت واخذت الملعقه : لا خلاص للأبد دايم كيذا .. ابتسمت وراحت حلوة براءة الاطفال كيف انها تستفسر وتسأل .. أخذت الجبن وحطيته بالخبز وانا اغني .. تعرفون اغنية جواد " أذكر بكيفي " بديت اغنيها .. فيصل يسميه ولد العم يمكن علشانه سعودي ونفس لقبنا .. خصوصا عائله العلي كبيرة ومنتشره بكل مكان .. يمكن تستغربون ليه ماغنيت لحبيبي راشد .. بس ابي اليوم حلو ومتأكدة اني لو غنيت لراشد بالغلط بغني " علشان الحب " ومالي خلق ابكي خخخ .. كنت اغني بحريه وتعمدت أني اصير بطيئه في تصليح الخبز الين ما اخلص الاغنيه وفعلا لما خلصت جلست على الكرسي سمعت صوت من وراي : مره جنان .. عرفتها من صوتها ذي نهى .. قلت : قسم شوي واصير احمر بليز وحدة تمدح شكلي والثانيه عيوني والثالثه صوتي .. ضحكت وجلست : ليش مين اللي علّق على عيونك ؟! قلت بابتسامه : نوير اختك .. ناظرتني : والشكل ؟ ابتسمت : طبعا حبيبتي نجوى .. سكت فتره ثم سمعت : مين اللي طرىى نجوى ؟! ابتسمت : لا طريت الـ.. أقصد الطيب عند ذكره .. جلست : اش تقولون عني ؟! همست نهى : بنت خالك تسبّك .. شهقت : اهئ .. خلاص اجل مافيه نومة بغرفتي الليله .. ضحكت : لاتصدقينها قسم كنت أمدحك يابعدي بنت عمتي والله .. ابتسمت : لا صدق اش تقولون ؟! قلت : ياشين اللقافه بس .. اقول ان حبيبتي نجوى تقول اني حلوة .. نجوى : مين قال ؟! شهقت : ياحمارة اليوم قايله .. نجوى : أنا قلت انك حلوة ؟! قلت : ذي اللي بتجنني انتي قلتي لاتنكرين .. نجوى : انا قلت انك تهبلين مو حلوة .. سكتت لحظات لاني تذكرت فيصل يوم اني اقوله اموت عليك ويقول اني قلت احبك .. سبحان الله هناك نايف وفيصل وهنا نهى ونجوى .. حسيت ان دموعي بتنزل موقلت لكم كل شي لازم يدخل فيه نايف بالطيب أو بالغصب ؟! حسيت نفسي بايخه كل يوم وابكي سكتت واكتفيت بالابتسامه .. نهى : وين فسحتي ؟! ضحكت : عند اخوي فيصل ! نهى : غريبه مافسحتي عند اخوك الثاني .. يابت ندري ان ماعندك الا اخو واحد لازم اخوي فيصل قولي فيصل او اخوي .. اختصري حطيت يدي على اذني : انتي اختصري محاضرتك بعدين تعالي سكت وانا اكل جبنتي واستمع لسواليفهم خلصت ووقفت : بروح اتجهز بايو سمعتهم يقولون : بايو صعدت غرفة نجوى طلعت لي لبس جينز كوحلي مع بلوزة طويلة ازرق شلت الساعه السوداء ولبست الزرقاء .. حطيت كحله غامقه وقلوس وردي فيه لمعه رتبت شكلي وحطيت الحجاب .. أحترت آخذ عبايه الفراشه ولا عبايه عاديه .. أخذتهم ثنتينهم ونزلت للصاله لقيت تركي ونهى وعمتي جلست جنب نهى .. قلت : برايك نهى ذي احلا ولا ذي ؟ ناظرت نهى امها ورجعت تناظر عباياتي اشرت على الفراشه : ذي فيها حركات كثيره وزخارف ذيك الا قلبت عبايتي الثانيه .. وقلت : ترى حتى ذي فيها من ورى .. نهى : بس ذي اكثر .. ابتسمت : برايك .. وقفت وطلعت الغرفه حطيت العبايه ولبست الثانيه اللي قالت عليها نهى .. نزلت تحت بكل انوثه كان هدوء غير طقات الكعب على البلاط وصلت وجلست جنب عمتي كنت على يسارها وتركي لاصقن فيها العن ابو الدلع ياشيخ .. رجال طول بعرض جنب امه .. ناظرت تركي لأول مرة عن قرب ايه والله صادقه نوير كيف ذا طفره من عيونه اخضر ؟! امه اسود واخواته اسود وعمي اسود ذا كيف ؟! ايه اشتغل المحقق كونان الحين ربي خلقه كيذا شكو اسأل .. المحقق كونان ؟! نايف وفيصل ؟! ابتسمت على ذي الذكرى .. ابعدت عيني عن تركي رغم انه كان يناظرني بس تو انتبهت من سرحاني لايعتقد اني معجبه بس هههه .. انتبهت ان فيه عين ثانيه تراقبني .. عمتي !! صايره دوم تسرح فيني قلت من قبل يمكن اشابه ابوي .. سرحانه فيني ومبتسمه .. قلت : هلوووو عمتي هل تسمعينني ؟! ابتسمت اكثر : آمري ؟! هزيت كتوفي : ابد بس صار لك ساعه تناظريني لهالدرجه انا حلوة ؟! عمتي : ابي اعرف كل ذا ثقه بالنفس ؟! ضحكت : أووه عمتي تطور تعرفين الثقه بالنفس ومدري ايش !! عمتي : الله يخلي نهى .. قلت : طيب ايش كمان من صفاتي الحسنه ؟! عمتي : لحد الحين ماعرفت الا الثقه والعناد والجرأه ياربيه الكل يقول جرأه ألحين معقول اني بنظرهم جريئه ؟! يمكن ليش لا .. إلا أكيد .. كيف اطلع بلحالي بالليل يمكن لاني متعودة على ذا الشي فـ ماأحس له .. يبي لي شوي حيا بس انا كمان استحي مو مثل مروى مع اخوها .. تذكرت يوم يشوفني انقز من الجدار مع جراته .. ابتسمت على افكاري .. مو قلت نايف كل افكاري ؟! وطيت راسي احس ان الكل يسمع اش اقول في افكاري صدق لو فيه جهاز كيذا تكون اكبر مشكله .. ظليت اناظر بكل مكان بالصاله .. ايه صدق ليش نهى ما تروح معي ؟! تساعدني وتونسني ؟! قلت : أبله نهى ! ضحكت : آآمري ؟! قلت : اش رايك تروحين معي ؟! نط تركي : لا نهى انا ابيها .. همست : ياشين اللقافه بس .. ثم قلت : هااه نهى ؟! لوحت بيدها : معليه مقدر .. خوذي نجوى معك احسن .. قمت من مكاني قبل مايتلقف .. ابي اعرف هو ليش يكرهني ؟! يمكن يتضايق من وجودي في بيتهم .. يمكن لان معاملتي له مو حلوة !! بس غصب عني لما أذكر كيف كان بارد يوم كنت بالخبر .. وهو اصلا من نفسه يكرهني .. كيف ماأكرهه وهو يتمصخر علي لاني رسبت رغم انه رسب مرتين .. كل مره اذكر اني بالدمام اتضايق .. سلمى بالخبر ماخذه راحتها .. ليش أفكر بسلمى الحين خلني في نايف .. أقصد في نجوى .. دخلت غرفتها لقيتها تكتب .. قلت : قومي البسي بسرعه .. قطبت حاجبينها : ليش ؟! قلت بترجي : بليز روحي معي بليز .. سكتت فتره : لو كيفي رحت بس يمكن امي او خالي مايوافقون .. ابتسمت : ماعليك يلا عاد نجوى .. نجوى : أخاف اتفشل معهم .. اتجهت لها : قومي الساعه تسع وخمس لك عشر دقايق يلا .. طلعت من غرفتها علشان اتركها تغير ملابسها ونزلت تحت مالقيت تركي احسن بعد علشان لا ينكد علي .. قلت لعمتي : نخيتك مانخيت رخوم ! ضحكت : عطيتك آمري ؟! قلت : ابي نجوى تروح معي بليز .. سمعت صوت نورة من وراي .. عمتي : نوير وين كنتي ؟! نورة : بغرفتي أذاكر ليش يمه ؟! عمتي : أبد بس ليش نزلتي ؟! رفعت كتاب القواعد : ابي نهى تساعدني فيه .. مسكتها نهى وصعدوا فوق ياحلوهم اخوات .. لفيت لعمتي : نرجع لموضوعنا .. عمتي : اذا هي راضيه كيفها .. قلت : وانتي عمتي راضيه ولا لا ؟! ابتسمت .. همست لها : يقولون السكوت علامة الرضا والابتسامه علامة التأكيد والتشجيع ولا اش رايك ؟! حزت راسها ايجاب حبيت راسها وجلست جنبها .. عمتي : استأذنتي من عمك ؟! وقفت : لا .. وطلعت لجناحه طرقت الباب .. جلست شوي وطلع لي واحد من عياله .. ابتسمت : سامر ؟! قال : لا اخوه .. قلت : طيب مافيه تفضلي حياك البيت بيتك ؟! مسكين اتفشل .. ابتعد عن الباب : حياك .. دخلت وجلست اناظر مبين ان الاثاث فيه لمسات انثويه بغيت اسأل عن امه لاني ماشفتها بس سكتت يوم شفت عمي .. ووقفت .. عمي : ساره ؟! قلت : اذا ماتسمح لي بالدخول عادي ترى اطلع مافيه مشكله لاتسحي .. فتح عينه : الحين انا قلت كيذا ؟! بس استغربت وجودك .. قلت : انا جايه ياعمي وكلي امل ... قاطعني : آمري ؟! ابتسمت : بنت اختك ابيها تيجي معنا .. قطب حاجبينه الظاهر مو ناوي .. عمي : أي وحده ؟! قلت : نجوى ! عمي : مو كأن عندها اختبار ؟! جاوبت بسرعه : لا لا سالتها .. بليز عمي .. ابتسم : اهم شي انها جاهزه .. هزيت راسي : ايه جاهزه .. ابتسم : طيب اسبقيني تحت .. مديت يدي له : طيب اعطيني المفتاح .. قطب : ليش ؟! هزيت كتوفي : ابشغل السياره وبطلعها الى الشارع وبنتظرك .. عمي : تعرفين ؟! ابتسمت : لو ماأعرف مافشلت عمري .. مد يده لجيبه واعطاني هوا .. سلمت عليه واتجهت لغرفة نجوى .. مالقيتها نزلت تحت لقيتها جنب امها .. تخصرت : ألحين انا ادورك وانتي هينا ؟! نجوى : بشري وافق ؟ قلت بغرور : طبعا ! مو قلت لك بتروحين فـ خلاص بتروحين .. صفرت : عاشت بنت خالي .. شميت عطر رجالي أكيد تركي وراي فـ مالفيت .. عمتي : طالع يمه ؟! قال : ايه ماما تبين شي ؟ عمتي : ايه ياليت لو ماتقفل .... قاطعها : أدري يمه مابقفله ومابسرع تبين شي ؟! الظاهر انه جواله اللي مايقفله .. عمتي : سلامتك .. سحبت نجوى : يلا نطلع .. فتح الباب تركي وطلعنا وراه .. ووصلت لسيارة عمي ودخلت ودخلت نجوى جنبي شغلت السيارة .. شهقت : اش بتسوين ؟! قلت : بطلع السيارة .. نجوى : لالا انهبلتي وجلستي ؟! مو بايعه عمري انا .. طنشتها وحركت السيارة وانا اسمعها تتشهد .. ضحكت : وجع ان شاء الله تراني اعرف .. ساكته وتمتم بأدعيه .. طلعت السيارة للشارع .. جاني هبال وحركت ابي ألف حول الفله .. سمعت طرق على الشباك فتحته كان ولد عمتي المصون يقو : خير ؟! ترى بنات الخُبر وبنات الدمام مايسوقون .. قلت : اش عليك انت !؟ سمعته يقول : ابد بس خايف على اختي وسيارة خالي .. عاد لين هني وحدك مااقدر اسكت .. قلت بصوت عالي : اسمع كانك ناوي على هوشه ابقى على ماانت عليه .. اش قالوا لك مااعرف ولا ايش .. ثانيا نجوى راكبتن معي برضاها وعمي يدري .. انت شكو ؟! ورجاءً ياولد عمتي لاتتدخل فيما لا يعنيك .. قسم مدري كيف طلعت مني .. قفلت الشباك وحركت لفيت حول الفله وبماأنها كبيره استمتعت وانا اسوق انتبهت انه يلاحقنا .. الظاهر ماعنده ثقه فيني .. بس ليش مااقول خايف علينا ؟! علينا ؟؟؟ يخاف علي ؟! من سابع المستحيلات .. ليش من سابع المستحيلات مو انا بنت خاله ؟! وذي اخته ؟! مهما كان بيننا من مشاكل يظل ولد عمتي .. رجعت للفله انتبهت انه واقف جنبنا كيفه والله .. طلعت من مكاني وفتحت باب نجوى .. قلت : يلا قومي روى .. قالت : ليش بالله ؟! قلت : ياحمارة اليوم كنتي راكبه قدام مع اخوك خليني ذي المرة انا .. حرام ظُلم .. حسيتها تبتسم من ورى الغطا وابتعدت عنها ونزلت .. صعدت وسكرت الباب .. صعدت شوي وجاء عمي ودخل وجلس مكانه المهم باختصار على طول رحنا تقريبا لفينا 3 محلات الين لقيت اللي ابيه .. أممم لونه بني ممزوج فيه الذهبي بطريقه أكثر من حلوة فيه شبه الحرق أو كيذا حركه حلو بمعنى الكلمه .. كير كيذا فيه اماكن سريه اكتشفتها يعني اذا مابغيت فيصلوه يفتش اخبيهم عنهم هههههههه وناسه .. المهم وصلنا البيت على الساعه وحده ونصف استغفر الله الصلاه متأخره .. نجوى : يااااااي لو كيفي شريت لي مثلك جنان قلت بغرور : ادري وأكيد انا اللي بخليها احلا ابتسمت ودخلنا الانوار كانت مقفوله .. نجوى : يمييي اش ذا ؟! ضحكت : لا حياة امك اكيد نايمين .. نجوى : لان اول مرة اطلع من البيت وادخل الساعه وحده .. سحبتها من يدها وصعدنا غرفتها صلينا العشا غيرت ملابسي وانسدحت على السرير انتبهت انها مو على السرير .. قلت : نجوى ؟! سمعت صوتها : هممممممممم قلت : وينك ؟! نجوى : عند المكتب .. طبعا اللقافه ماتركتني وقمت من مكاني ورحت اتجهت للمكتب وقفت على راسها وجلست اناظرها .. قلت : اش تسوين ياحظي ؟ رفعت عينها : أذاكر ..! ابتسمت : قسم انك فاضيه .. نامي المذاكره مابتطير .. همست : عندي اختبار رياضيات بكرة .. شهقت : لا تقولي .. حطت يدها على فمي : أشششش اسكتي لاتسمعك امي والله تذبحني تقول طالعه ماذاكرتي تخصرت : ليه ماقلتي لي من البدايه على الاقل ماترجيتك تجين معي ..! نجوى : أحد يحصل له طلعه ويقول ابي اذاكر ؟! بصراحه حسيت بتأنيب الضمير !! قلت : ولو لو قلتي سكتت فتره ثم كملت : بكرة بجي عندك وبشوف قسم ان نقصتي اعلم عليك .. عضت شفايفها : صدق حمارة .. مالك شغل ثانيا انا فاهمه ماله داعي .. مشيت الى السرير وقلت : نشوف .! انسدحت على السرير وعلى طول نمت .. * .: نهاية الجزء الخآمس عشر :. |
.: الجزء السآدس عشر :. " لُو × الغ ـلاآ × ينشآافـ ؛؛ في ][ ع ـين مخ ـلوق ][ ... كاآن *الملاآ * شآفوگ في ..{ وسط عيني ..! " / \ / أول ماصحيت ناظرت نجوى لقيتها نايمه والكتاب على وجهها هه مثلي في الخُبر .. ناظرت الساعه كانت 3 معقول ؟؟ مانمت كثير .. يلا احسن .. لبست لبس محترم وتحجبت علشان لو ولد عمتي فيه ماانحرج نزلت الى المطبخ صلحت لي خبز مع جبن أكلته وبعدين شربت عصير برتقال ولما خلصت انتظرت الين اذن صليت بعدين رحت المطبخ لقيت لقيت الشغالات فيه ابعدتهم وصلحت الفطور بعدين صعدت وتحممت بعدين جفت شعري ونفخته من ورى .. أما القذله رفعتها بشباصات .. تكحلت كالعادة والقلوس .. لبست العدسات بعدين غيرت مريولي ناظرت الساعه كانت خمس الا ثلث أخذت عبايتي كانت سوداء بس الاكمام فيها ابيض ومن ورى كانت فيها سلاسل حديد مرتبه .. لفيت حجابي ورحت صحيت نجوى .. رشيت عطر لين قلت بس .. هبال اللهم ياكافي ههههه .. نزلت تحت لقيتهم يتفطرون ( نورة – نهى – أمها ) ..! قلت : صباح الخير ناظرتني عمتي وابتسمت : صباح النور نهى : مبكرة اليوم عسى ماشر ان شاء الله ؟! جلست جنبها : اسكتي بس .. نمت الساعه وحدة ونصف وصحيت ثلاث مدري اش فيني .. نهى : احلفي ؟! انا انام 9 ومااصحى الا على صوت امي ..! اكتفيت بالابتسامه ثم قلت : متى يصحى ولد عمتي ؟! ضحكت نهى .. وقالت عمتي : لا حبيبتي ولد عمتك مايصحى الا خمس ونصف .. قلت : أووووه .. نجوى تو بس مصحيتها الله يستر ماأتأخر .. هزت راسها عمتي علامة اعتراض : لا نجوى بسرعه تخلص .. قولي تركي اللي يتأخر قطبت حاجبيني : لاعاد كلها ثوب واطلع بعد ايش ؟! ابتسمت نورة ولأول مرة تتكلم : لا تركي غير الناس .. يلبس في نصف ساعه .. يتمشط ساعه .. يلبس الشماغ على نصف ساعه .. ثم يتعطر بعشر دقايق .. وفي النهايف يرتب كتبه وينزل ماقدرت اكتم ضحكتي .. عمتي : اش فيك ؟! قلت : اببد ياعمتي بس ولدك عجيب .. بس صراحه مالومه الولد الوحيد في ذا البيت اكيد بيجي مثل خواته وامه .. كيف لو كان امه مدلعته مثلك .. بس يرتب كتبه ذي جديدة ..! اكتفت عمتي بالابتسامه .. شوي وسمعت صوت " صباح الخير " ابتسمت : هلا وغلا نورتي والله حياك اقلطي جنبي .. ابتسمت وجلست جنبي .. قلت : تفضلي .. نجوى : أوووه اليوم مهتمه فيني تصحيني وتفطريني مين قدي ؟! ابتسمت : مو قلت لك بدلعك خلاص كيفي .. سكتنا فترة الظاهر محد يعرف انو انا اللي مصلحه الفطور ابي حد يشكرني .. صدق نذله اسويه لجل يشكروني ويمدحوني هه بس كيفي .. قلت : بعترف لكم باعتراف عمتي : ايش ؟! نهى : خطير ولا ...؟! نورة : الله يستر .. ناظرت نجوى : وانتي مابتقولين لي شي بعد !! سمعت من وراي " صباح الخير " الكل رد : صباح النور ابتسمت نجوى : أُفضل السكوت على كثر الهذرة .. سمعته يقول : أحسن لك على الصبح لاتكثرين هذرة .. والله بغيت اضحك مايدي اش السالفه ويتلقف انتبهت ان نجوى بتتكلم فـ قاطعتها : تبون تعرفون ولا لا ؟! نورة : إلا !! قلت : ماحسيتوا بتغيير طعم في الفطور على غير العاده .. شهقت نجوى وحطت الخبز اللي بيدها .. نهى : ياخوفي حطيتي لنا سم .. نورة ببراءه : يمه يعني شوي واموت ؟! ضحكت بأعلا صوت عندي .. ناظرت تركي لقيته ياكل ومطنش زين اول مرة .. العادة يستغل اقرب فرصه في هوشه .. أحسن بعد .. قلت : لا والله ؟! .. كملت بغرور : اليوم انا اللي صلحت الفطور لكم بدون مساعدة احد .. ولعبت بيديني : بذولي !! فتحت نجوى عينها : ماأصدق معقول ؟! ابتسمت : حلو ؟! كملت عمتي : ماشاء الله حلو ماتوقعت انك تعرفين ماحسيت بفرق نهى : بصراحه شي .. مشكورة ربي يعطيك العافيه .. نورة مبتسممه .. قلت : قسم شوي وينتفخ راسي عليكم .. نجوى : يحق لك .. أكتفيت بالابتسامه .. بعد دقايق قامت نورة مع نهى وطلعوا اكيد بيروحون مع عمي .. وطيت راسي وكملت فطوري ومنعا للأحراج قمت قبلهم علشان لو هم خلصوا ماانحرج .. كني مشفوحه آكل وهم ينتظروني .. وقفت وقلت : نجوى انتظرك برى عمتي : انتظري هينا قلت : لا ابي اطلع ياعمري ياعمتي خايفه علي .. عمتي : لا مايجي تطلعين بنت بلحالك بالطريق انتظري شوي وانا اقول اش بها عمتي ملزمه اجل كيذا القوانين ؟! والله خالي كان عادي عنده اش معنى ؟! قلت : طيب مابطلع عن البيت بس بلف الحديقه .. رفع عينه : ألحين انتي اش حارق رزك ؟ الا غصب تبين تطلعين ؟! حمار قسم بالله مايمضي يوم الا بمشكله .. شكو فيني ؟! عضيت على شفايفي بقهر عمتي : تركي !! أستح على وجهك ذي بنت خالك عيب تكلمها كيذا أحسن آآآحسن !! خله يتعلم الذوق وكيف عندي حد يدافع عني .. وطى راسه ووقف : يلا نجوى .. طلع وطلعت نجوى وراه وناسه كل مرة يتلقف ويعاند يوقفونه عند حده .. صعدنا السياره نجوى على طول فتحت كتابها تذاكر .. أما أنا كنت فاضيه لاشغل ولا مشغله كنت اتجول بنظري في سيارته طاحت عيوني على بوكي !! هه ماشاله ؟! أحسن .. قلت : نجيو !! قالت بدون ماترفع نظرها : همممممم قلت : برايك بكون بأي فصل ؟! نجوى : أتمنى تكونين معي ..! سمعته يقول : لا والله ! علشان الهذرة ؟ انقهرت : ياربيه قد ايش انت ملقوف .. شكوو ؟؟ قال : بصراحه خايف على مستوى اختي انتي راسبه يعني ممكن ترسب مثلك .. قسم لولا الحيا قمت وفلعته ... قلت : خير ؟! ماسمعت ؟! اش قلت ياولد عمتي ؟! اذا انا ذي السنه الثانيه انت الثالثه ناظر حالك ثم تكلم .. نجوى : خلوني اركز بليز ابي اذاكر .. هزيت كتوفي : والله ينطم اسكت .. قال بنفس النبرة : لاتغلطين واسكت .. طنشته لانه مايستاهل اضيع وقتي عليه .. فتحت كتاب الكيميا مدري احس بانجذاب الى ذي الماده .. المهم جلست اذاكر رغم اني مذاكرة من قبل .. وصلنا الى المدرسه ونزلت عرفت ان فصلي غير عن فصل نجوى مااخفي عليكم ضيقي وقهري من ولد عمتي لانه حمار وبيتشمت فيني .. المهم حضرت الحصص الاولى ولما جات الفسحه جلست مع ريوم حكيت لها عن الخبر كيف واش صار فيها بعد ماطلعَت .. وانقضت الفسحه .. الحصه الخامسه كنا فاضيين رحت وحضرت مع ريم حصه .. هه قمت استهبل واشارك بحكم اني رحت عن ثاني ثانوي والله لو اني معهم اخذت الاولى .. بعد ماانتهت الحصه رجعت لفصلي كل الابلات قالوا اني نشاط واذاكر ومبين علي من اول يوم .. أحتاج الكثير من المدح ذي الايام حتى انسى كل همومي اللي في الخبر .. وابتدي صفحه جديدة بالدمام ..! * * انتهى اليوم الدراسي الأخير ورجعت البيت بعد تطنيش كل كلمات ونغرات ولد عمتي بصراحه صرت استحي يمكن لاني مثقله عليهم ومخليته ماياخذ راحته .. بس انا دوم علي حجابي ويدخل بأي وقت بكيفه مااتوقع ان وجودي يضايقه !! رغم اني مدري عن سبب كرهه لي الا اني متأكدة تماما انه يكرهني .. المهم سيبنا من تركي .. رجعت من المدرسه وصليت ونمت .. تغير جدولي عن جدول الخُبر مو قلت الدمام غير ؟! المهم صحيت على اذان العصر صليت ورجعت نمت .. صحيت الساعه 5 تقريبا تحممت وحطيت جل بشعري مالي خلق اجففه أحس بصدع قوي .. لبست تنورة بني طويله تجنن ولبست عليها بلوزه بيج لبست اكسسوارات بني .. مدري اش فيني اتكشخ يمكن ماابيهم يقولون اني مو حلوة .. المهم تكحلت وتحجبت حجاب بني ونزلت لقيتهم بالمقلط .. قلت : السلام عليكم .. الكل : وعليكم السلام .. اتجهت لعمتي اللي كان عن يمينها ولدها وعن يسارها نهى تذاكر لنوره .. قلت : لو سمحتي يانهى ابي اجلس جنب عمتي .. ابتعدت بهدوء .. وجلست .. قلت : آآآآآآآهـ أحس كل جسمي متكسر من التعب مدري اش فيني حطت عمتي يدها على جبهتي : حرارك مرتفعه .. نجوى قومي هاتي مقياس الحراره .. قامت نجوى وهي منقهره صدق رحمتها كله نجوى .. المهم جات وحطت عمتي الجهاز باذني يمكن اغلبكم تعرفونه ... المهم .. قالت : 39 ..! شهقت : لا عاد ..! غريبه اش فيني ؟! نجوى : عادي تصير من التعب او شي كيذا يعني .... قاطعتها نهى : لا تتفلسفين لو سمحتي .. يازينك ساكته .. تخصرت نجوى : تعالي كفخيني بعد !! نهى : لا والله مشغوله خليها وقت ثاني واذا ملزمه أجي الحين .. بصراحه اشتقت لهوشه فـ تحمست .. قلت : يااااي من زمان عن الهوشات .. نجوى : حماره ياربيه .. قلت : ماحمار الا اللي قالها .. ثانيا ياحماره انا بنت خالك و اكبر منك تقولين لي كيذا ؟ احترميني على الاقل ..! نهى : صادقه سوير !! تذكرت خالي دايم يقول لي سوير وطيت راسي وابتسمت باقي اليوم وبكرة ويجي الجمعه مثل البزران انتظر الايام .. مو ملاحظين ان يوم كنت بالخُبر انتظر يوم الجمعه علشان اعرف من تريك وفي الدمام علشان فيصل ؟! .. ياااااهـ أيام مع نايف ! سمعت صوت بس ماميزته : هيييييييي وين فسحتي ؟! رفعت راسي وناظرتهم وحده وحدة .. ثم قلت : مين اللي تكلم ؟! نجوى : نهى !! ناظرتها وابتسمت احس اني دايخه .. وقفت : تصبحون على خير .. نهى : قصدك تمسون على خير .. قلت : اللي هو .. عمتي : لا انتظري كلي لك شي قبل تنامين انتي تعبانه .. ابتسمت : مالي خلق ..! وقفت عمتي : بقوم اجهز لك شي .. قلت : قسم عمتي ماله داعي .. ناظرت نجوى بخبث : نجوى تقوم تصلح لي .! نجوى : كانك ناويه تنتحرين او يجيك تسمم انا حاضره .. قلت : خلاص اجل دام نجوى مابتقوم مابي منها اي شي وبروح انام .. اتجهت لي عمتي وسحبتني وجلستني بين نهى ونروة .. وكملت : انتظري شوي وطلعت بصراحه حسيت ببرد شديد لان التكييف مركز علي .. قلت : نجيو ياقلببي قفلي التكييف قسم اني مثلجه وقفت : من عيوني .. اتجهت للتكيف واخذت جهاز التحكم .. سمعته يقول : لا تقفلينه انا ابيه .. ياثقل دمكـ ..! قلت بهدوء : للو سمحت انا بردانه .. هز كتوفه : مو شغلي والله دبري عمرك .. انقهرت : انت ماتحس ؟! ظل يناظرني فتره الظاهر سرح بـ جمالي خخخ قلت : لا تناظرني كيذا بليز ياولد عمتي المحترم قال : محترم غصب عنك تأففت : أووف اللهم طولك ياروح وحد قال غير ذا الحكي ؟ وقفت نوره : خلاص لا تتهاوشون بجيب لك لحاف سكتت عنه وظليت اناظره بقرف انتبهت انه مبرطم .. هه حتى الحين ؟! ضحكت .. قال : هيهيهي وجهي مكتوب عليه نكته ؟! ضحكت : لا ! لأنك تشابه .. المهرررج قطب حاجبينه غيرت على طول انظاري الى نهى .. قلت : اش تذاكرين لها ؟! رفعت عينها : اكيد عربي لان بنت عمتك الحلوة ماتعرف تذاكر بلحالها .. ابتسمت : اذا تبين اساعدك عليها عادي .. رد : بتجيبين العيد فيها اجل .. الرسووب مؤكد ! التفت لنجوى : ياشين اللقافه ابدا مااطيقها اللهم ابعدنا عن اللقافه والملقوفين .. دخلت نورة واعطتني اللحاف .. ابتسمت لها : احلا نورة قسم انك تهبلين يارب تنجحين وتاخذين الاولى !! ضحكت ببراءه : وقولي يارب يخسرون اعدائي .. ضحكت حتى ذا البزر عندها اعداء .. قلت : يارب يخسرون أعداء نورة يااارب .. ابتسمت وجلست جنب اختها اما انا انسدحت على رجل نجوى انتبهت لنظراته المستغربه مدري ليه .. المهم ماحسيت بنفسي الا وانا في رابع عشر نومه .. ماامداني اكمل ساعه على نومتي حتى سمعت صوت يصحيني .. عمتي : سارة !! حبيتبي انتي تعبانه ؟! جلست : لا ابدا .. ثم كملت : بس رجل نجوى عجيبه تجنن احسن من السرير .. انتبهت ان عمتي تناظر تركي اللي يناظر فيني .. عمتي : نزل عينك ياتركي .. وانتي يا سارة البسي حجابك .. ماكان نازل كثير بس القذله ولان مالي خلق شي قمت واتجهت للغرفه محد تكلم لي وكملت نومتي بسعادة وهناء ..! |
(( 2 )) * * * صحيت الساعه 7 صليت وذاكرت وحليت واجباتي .. لبست لبس محترم وتحجبت ونزلت شفتهم يتجهزون بيتعشون .. اول ماشافتني نجوى .. قالت : صح النوم ! ترى صايرة تنامين كثير .. قلت بهدوء : أخلي بعض الناس ياخذون راحتهم من وجهي واحترم وجودهم .. سمعته يقول : نجوى انتي ماتفهمين ؟! قاطعت كلامه : ياربيه جيعانه موت نجوى : تعالي اجلسي جنبي مشتاقه لك .. غنيت : مشتاقه ليك .. شوق الهوى لروحي .. وحياة عينيك .. دايبه انا روحي .. كنت بكمل بس تعبت هه اكيد خلصت بطارياتي اقصد طاقتي .. المهم نزلوا العشا تعشيت كـ عادتي احب اكل بسرعه واقوم بدري وفعلا قمت .. عمتي : وين ؟! ماكليتي شي .! ابتسمت : تسلمين خالتي بس شبعت .. عمتي : قصدك عمتي .. قطبت حاجبيني : وانا اش قلت لك ؟! عمتي : خالتي .. الظاهر متأثره فيهم !! ضحكت من الفشيله وابتعدت عن المطبخ فعلا لي الحق اني اغلط واقول خالتي يعني 18 سنه مانطقت " عمتي " يوم كملت 19 نطقت ؟ مشكله ويبوني اتعود عليها بعد .. جلست في الصاله اتعبث بالتحف شوي وجات لي نورة .. تقول : ليه قمتي ؟ ابتسمت : لاني شبعت منو .. وانتي حبيبتي ليه قمتي ؟! ابتسمت ببراءه : لان شفتك قمتي قلت يمكن متضايقه .. ابتسمت اكثر مجامله لها .. ثم قلت : اش بك نوران حبيبتي ؟! زعلانه من شي ؟ هزت راسها بـ أيه ..! قلت : ومين اللي مزعلك ؟! وطت راسها وهمست باسم ماسمعته .. قلت : اييش ؟! رفعت راسها : انتي ! قلت : أناا ؟؟ أصلا انا من اول يوم شفتك فيه ماجلست معك كيف ؟ ومتى ؟! نورة : وذا اللي مزعلني دايم مع نجوى .. وانا لا .. ليه ؟! قلت : ومين قلك اني مااحبك ؟! نورة : مبين عليك ثانيا انتي دايم تتكلمين مع نهى وانا ؟؟ مو بنت عمتك ؟! قلت بابتسامه : طيب اذا يرضيك الليه انا انوم معك ؟ اش رايك ؟! ابتسمت ابتسامه عريضه شوي وجات عمتي ركضت لها نورة .. قالت : يمه سارة بتنوم معي الليله !! عمتي : صدق ؟! طيب انتبهي تزعجينها .. حسيت بالدموع في عيني اولا لأن فيه حد يفرح لوجودي معه ويعاتبني اذا تجاهلته .. وثاني شي كلام نورة !! وتصرفاتها !! كيف انها على طول خبرت امها عن سبب سعادتها وامها شاركتها .. وانا ؟؟ يوم كنت بزر ؟! محد يهتم لي ضحكت ولا بكيت .. إلا فيصل و .... نايف !! ايه نايف لاننا كنا دايم انا وفيصل وهوا مع بعض ضد مروى وميشو مسحت دمعتي على ذكريات قديمه وجروح أليمه .. رفعت اصبعي وابتسمت وسط بحيرة دموعي رغم انها ذكرى حزينه معي الا انها احلا شي ممكن يكتبه القدر على موضع محط انظار الجميع ذكرى .. وبكل فخر يعجبني ..! وقفت وسمعت كلمات بس ماقدرت اترجمها .. صعدت غرفة نجوى كنت فاضيه ابي اي شي يسليني مابي افكر لاني متأكدة ان نايف بيجيني في تفكيري وببكي .. فتحت شنطتي ودوّرت كتاب بس مالقيت طلعت من الغرفه الى الغرفه اللي جنبي وقفت عند الباب تذكرت ان غرفة نورة ذي مو غرفة فيصل .. وطيت راسي وابتعدت رجعت غرفة نجوى وجلست اتعبث وادور لي كتاب بس مالقيت .. ناظرت الساعه باقي شوي ويأذن العشا .. توضيت وفرشت سجادتي وجلست اقرى قرآن الين اذن صليت وكملت قرآءه لما خلصت ناظرت الساعه تقريبا 11 وخمس دقايق قمت وطويت سجادتي ونزلت تحت للمقلط .. قلت : نهى ! رفعت راسها .. كملت : ابي كتااب ..! قطبت حاجبينها : ليش بالله ؟! تكتفت : والله زهقانه موت وابي اسوي اي شي مفيد .. هزت كتوفها : عندي كُتب العربي فوق كانك تبينهم ماعندي غيرهم .. تأففت : اوووف بس اش ذا الملل .. انتبهت ان فيه حد يناظرني لفيت لقيت عمتي وتركي .. كان مبرطم .. ضحكت ضحكه طلعت فيها اسناني استغفر الله زي البزران .. عمتي : اش بلاك ؟! ابتسمت : تذكرت شي .. سكتت فتره ثم قلت : قومي نجيو اطلعي معي برى .. شهقت : ليش ؟ ضحكت : ولا شي نشم هوا تغيير جو ..! عمتي : لالالا الحين ليل مايصير تطلعون .. قلت : طيب اعطيني حل واوعدك مااطلع .. هزت كتوفها : اي شي بس لا تطلعون .. اتجهت للباب وانا اتحلطم واراهن ان شفايفي مبرطمه مثل تريك هههااي .. المهم صعدت غرفة نجوى وتحممت بسرعه طلعت ووقفت عند المرايا جففت شعري بعدين جعدته صار مموج رولت اطرافه على جوه ورفعت القذلة بكريستال احمر اخذت مجله من مكتب نجوى وحطيت على صفحه المكياج حطيت لي مثله غير الالوان حطيت كحله مفتوحه مع رموش حطيت لي روج احمر بقوة ولبست حلقات ذهب فيه لون احمر مع سلسله فيها حرفي لبست الساعه على طول تذكرت نايف لاني اقلده ابتسمت وحطيت لي اسوارة ثقيله شوي .. لبست بلوزة طويله احمر وتتعلق على الرقبه بس فيها اكمام .. وبرمودا ابيض .. لفيت حجاب ابيض مع شيله احمر ناظرت شكلي أهبّل .. لبست كعب تكرمون أحمر وحطيت عطر ونزلت بكل غرور هه يحق لي ! صفرت نهى : وينه الفارس اللي على الخيل الابيض يجي يخطفك .. ابتسمت : والله عادي خله يجي لو على سيكل مافيه مشكله .. وضحكت : ولا اش رايك نجوى ؟ نجوى : لو يجي مشي بدون نعل عادي خله يجي .. ولد عمتي : مشافيح على العرس الحمدلله ربي على النعمه بس طنشته وناظرت عمتي لقيتها تناظره وهي رافعه حاجب هه شكلها يضحك قلت : خير ؟! عمتي: اش قلت قبل شوي ؟ مشافيح على العرس ؟! رد بثقه : وانا صادق .. عمتي : مين سمح لك تقول عن بناتي كيذا ؟! نجوى صفقت : عاشت امي .. قلت : انثبري زين .. كملي عمتي .. عمتي : مين سمح لك ؟! ابتسم لها وتقرب لاذنها وهمس كلام وبدأت تضحك عاد انا اشتغلت عندي اللقافه بس فشله اسأل .. جلست وحطيت نوره بحظني وطيت راسي وبديت اتهامس معها .. شوي وانتبهت ان تركي قام احسن علشان اتكلم براحتي .. صعد الدرج وانا متأكده انه لغرفته هه ينقال لي ذكيه اكيد لغرفته .. المهم جلست اسولف مع بنات عمتي .. نورة : موتخلفين بوعدك الليله .. ضحكت : ابدا حبيبتي من لي غيرك ياااقمرر .. ولا انسى ! نجوى : اسرار مع بزر ؟! رفعت عيني : لا مو بزر نوران كبرت .. نجوى : احلفي واصدقك .. قلت استهبل : والله .. كملت نجوى : صدقتك !! شوي ونزل تركي .. أمه : طالع يمه ؟! ابتسم : ايه ماما تبين شي ؟! غمتي : لايمه بس لا تقفل .... قاطعها بضحكه : ماما مو بزر .. بس طيب يلا اخواتي المحترمااات باايو .. التفت لنوره وصعدنا الدرج رحت لغرفتها لاول مرة .. لقيت بوجهي تويتي كبيره بس شكلها جنان مره اعجبتني .. نوره : مابتغيرين ملابسك ولا بتنامين كيذا ؟ ابتسمت : اجل بخليك دقايق تغيرين ملابسك وانا ارجع غرفة نجوى اغير ثواني بس .. ابتسمت لي واتجهت لدولابها ... طلعت من الغرفه ورحت لغرفة نجوى اخذت بلوزه تغطي الصدر اما البطن فاضي مكشوف لبست شورت وفتحت شعري مسحت الميك اب وشلت العدسات رتبت شكلي أمووااه اهبّل .. وطلعت برى وعلى طول دخلت لغرفة نورة لقيتها منسدحه ومقفله النور والاباجورة مفتوحه .. اتجهت للسرير وانسدحت معها .. نورة : ساره !! قلت : همممممممممممم نوره : تقدرين تحكين لي قصه !؟ يابراءة الاطفال اللي تجنني .. قلت : طيب ..اش تبين احكي لك ؟ سمعتها تقول : أرنوب وبطبوطه .. ضحكت : ماأعرفها .. نوره : طيب اش تعرفين وانا اختار ؟! قلت : أمممم ليلى والذئب و... سكتت اتذكر : وذات الرداء الاحمر وأليس في بلاد العجائب سندريلا وسنووايت وسالي ولين المغرورة و... قاطعتني : لين المغرورة ؟! هذي جديدة وين سامعتها ؟! ابتسمت : مدري قريت عنها .. طيب تسمعين ؟! نوره : ايوه .. ولاني ناسيه اغلب الاحداث مابفشل عمري واكتبها .. المهم لما خلصت .. نوره : يااي حلوه .. ابتسمت : يلا الحين تقولين وراي طيب ؟! سمعتها تقول : طيب قلت : أقري آآيه الكرسي اذا تعرفينها تحفظك ؟ نوره : طيب .. مسكت يدها ونمنا ... لأول مرة احس اني منجذبه للبزران ولله الحمد ...! * * * صحيت لقيت الغرفه مظلمه الظاهر اني متغير علي المكان بقوه تسللت بهدوء واتجهت للحمامات عزكم ربي احس بتعب فعلا .. غسلت وجهي بالصابون واتجهت للباب بطلع تذكرت ان يمكن بأي وقت ينقز بوجي تريك عاد مشكله مع ذا اللبس .. أخذت جاكيت من نورة طوييل وطلعت نزلت تحت للمطبخ وشربت عصير برتقال يمكن يخفف التعب طلعت شفت الساعه الكبيرة اللي بالصاله ناظرتها 2 إلا 3 دقايق .. صعدت لغرفة نورة شلت الجاكيت ونمت على طول معها .. صحيت على حد يهزني ويضرب وجههي .. فتحت عيني ذي نجوى ؟؟ قلت : خير يااخت ؟! تخصرت : قومي معي طولتي بالنوم .. همست : الساعه كم ؟! نجوى : 5 الصبح .. وقفت واتجهت للحمام تكرمون بدون ولا اي كلمه توضيت وصليت تعمدت اخفض صوتي لما خلصت علشان لا تسمع اش اقول بدعواتي .. لما خلصت طويت السجادة ورجعت نمت .. طبعا كفوف وطراقات وانا اكابر مالي خلق .. وفعلا تركتني انتبهت ان نوره قامت بس ماعلي بكمل .. ماامداني اغمض عيوني الا بالمويه الباردة الثلج على وجهي وكل انحاء جسمي .. نقزت من السرير وصرخت : نجييو اش سويتي ؟ هزت كتوفها : والله محد قالك لا تصحين .. انقهرت منها واكيد لما اصارخ عليها ماتتوب مالي الا امثل عليها مثل فيصل عاد بديت اتراجف وتلحفت باللحاف .. وقلت : بررد قفلي التكييف ! غطيت وجهي وانتبهت ان التكييف اتقفل شوي .. وسمعت همسها : قومي غيري ملابسك لا تمرضين .. هـه ! على طول صدقت بس احسن خلها تتأدب عني .. شوي وسمعت الباب ينفتح ويتسكر اكيد راحت تجيب لي ملابس وفعلا مثل ماتوقعت جات لي وقومتني بالغصب واعطتني الملابس وطلعت كانوا بلوزة بيضاء بدون اكمام وجينز اسود وجاكيت لحد الركبه يشابه اللي لبسته البارح كثير .. لبستهم ولبست الحجاب اللي جابته لي ونزلت تحت لقيتهم موجودين كلهم .. قلت : صباح الـ آتسو .. أقصد صبـ آتسو .. طبعا كل العطسات كذب .. نهى : خير ؟ مابعد جاء الشتا اش فيك ؟! قلت : أبد بس آتسو .. نجوى : يرحمكم الله .. ناظرتها بطرف عين : يهديكم الله .. حسيتها تبي تضحك .. وقفت وفتحت لي كرسي جنبها وجلست .. سمعتها : أدري فيك تحبين خبز مع جبن فـ صلحت لك ..! هههه نازله عليها الطيبه كل ذا علشان اني مرضت بسببها الله وناسه حد يهتم لي اذا مرضت .. أكلت طرف الخبز وحطيته على الطاوله وحطيت راسي على الطاوله .. سمعت نهى : اش فيك ؟! نوره البارح فتحت التكييف بقووه ولا ايش ؟! رفعت راسي لها وناظرت نجوى بتعب واضح ورجعت لوضعيتي كنت ابتسم من داخلي عليها وعلى شكلها المرتجف من الخوف .. نجوى : اذا تعبانه قومي لغرفتي .. سمعت صوت رجال اكيد ولد عمتي .. يقول : اش ذا الطيبه والحنيه لها كل ذا علشانها تعبانه ؟1 قسم لو انه انا ماسويتي لي وانا الوحيد ..! بغيت اقوم وافلعه بأقرب صحن لازم يتلقف ويبدي رايه المحترم كل يوم يبي ينرفزني .. سمعت نجوى : طبعا .. أولا ذي بنت خالي الوحيدة ثانيا خويتي المقربه ثالثا لأنه .... وسكتت نهى : ولأنه ايش ؟! نجوى : اش حاشرك معنا ؟! رفعت راسي : ممكن هدوء ؟! قال : تعبانه روحي للغرفه .. أووف اش ذا الطيبه من وين طالعه الشمس اليوم ؟! ماامداني انبسط لانه قال كلمه حلوة حتى كمل : عاد حنا نبي نسولف براحتنا .. بصراحه خنقتني العبره انا اش سويت له ؟! علشانه مو ماخذ راحته من قبل ؟! بس مو انا اللي فرضت نفسي عليهم هم اللي جابوني !! غصب عني ..! رفعت راسي وانا احاول بقد مااقدر ماتنزل مني ولا دمعه .. قلت : ماتوقعت ان اهل الدمام كريمين مع الضيوف لذي الدرجه قسم لو اني باقيه بالخُبر لو اكح جاني اخوي مو مثل اهل الدمام .. بصراحه ماتوقعتهم كيذا ! رفع حاجب ووطى حاجب : ترى اللي ماتعرفينه ان ابوك من الدمام وكل اجدادك منها لو تفهمين انك من الدمام مو الخُبر .. ناظرته : لا ياولد عمتي انا ولدت في الخبر وسكنت فيها 19 سنه وكمان امي فيها ولعلمك الخاص اني ولا مرة زرت الدمام الا من اسبوع وماكملت ذا الاسبوع بعد .. فـ كيف انا من الدمام قال باستهزاء : احلفي بقوة واصدقك عمتي : تركي !! استح على وجهك بنت خالك ذي مو اختك لا تطيح الميانه ناظرت عمتي : لا عمتي خه يتكلم ويغرد .. هو اصلا من يوم جيت مو بالعني بالعافيه يعني لذي الدرجه مو قادر يتأقلم مع ذا الوضع انه يطرق الباب قبل يدخل ويتنحنح رغم اني متحجبه وعاطيته الحريه انه يدخل بكيفه .. ترى مو انا اللي فرضت نفسي عليكم واذا مو مستحملني ابدا ترى عادي ارجع الخُبر اعيش براحتي بحيث ماازعج حد .. عمتي : ساره !! اش ذا الكلام على العين وفوق الراس انتي .. قلت : والله مبين ان الاخ ذا الكلام اللي يبي يقوله .. عمتي : لا والله مو قصده يقول ذا الحكي اكيد مايرضى اني اتضايق لاني تعودت عليك وصرتي مثل بناتي .. قلت بسخريه : لا عمتي هوا كيذا مدري مو عاجبته ولا شكلي يروعه كل صباح ولا خايف على البنزين اللي كل يوم يصرفه على روحتي للمدرسه عادي ادفع لك واكثر من مرة قلت لاتستحي اطلب اذا تبي عمتي بنبرة عصبيه : سارة اش ذا الكلام ؟؟ وين جالسين حنا ؟؟ الحمدلله ربي مكرم علينا ومعطينا من خيره مايحتاج سمعته يقول : ايه والله مبسوطه لي بالفلوس اللي عندها ... هذي مريضه بعد !! اشرت عليه : انت مو شغلك فيني .. ووقفت وانا اسمع اصواتهم ينادون بس صمتت .. صعدت غرفة نجوى وتحممت تختلط دموعي بالمويه لو كان ابوي عايش .. احتجت اني اسكن مع بيت عمتي ؟! ولا بيت خالي ؟! لو امي موجودة محد يقدر يقول لي شي .. مو ملاحظين اي شي يدخل فيه نايف أو امي وابوي ؟؟ يمكن لانه اكبر حزن عندي .. نقزت من المويه والله مافيه مثل ذي الفرصه اني ارجع للخُبر لبست الروب وطلعت من الحمام وقفلت الباب غيرت ملابسي وحطيت بشعري جل وتكحلت ولبست حجابي وعبايتي كاانت من تحت فيها طبقات ازرق ومن ورى زخرفة بالابيض والازرق وفي الا كمام لون ازرق وابيض يمكن حكيت لكم من قبل عن ذي العبايه المهم قفلت شنطتي وفتحت الباب ونزلت بكل ثقه لقيتهم بالصاله احسن بعد علشان يشوفوني فتحت الباب الخارجي وطلعت شنطتي ورجعت صعدت وطلعت الشنط البقيه احس بنظرات الكل بس انا خلاص لازم ارجع للخُبر ..! .: نهاية الجزء السآدس عشر :. |
.: الجزء السآبع عشر :. " آهـ ..{ يايمه مآاني × قآدر× أشوف ][ حبيبي مع غيري ..! ولاني × قاآدر× أنساه و..** أحب غيره ؛؛ آهـ ..{ يآآيمه كآني " ذبت بغرامه " .. آآآهـ يآيمه ][ ذبحتني الغيره ][ ..! " / \ / صعدت غرفة نجوى وتحممت تختلط دموعي بالمويه لو كان ابوي عايش .. احتجت اني اسكن مع بيت عمتي ؟! ولا بيت خالي ؟! لو امي موجودة محد يقدر يقول لي شي .. مو ملاحظين اي شي يدخل فيه نايف أو امي وابوي ؟؟ يمكن لانه اكبر حزن عندي .. نقزت من المويه والله مافيه مثل ذي الفرصه اني ارجع للخُبر لبست الروب وطلعت من الحمام وقفلت الباب غيرت ملابسي وحطيت بشعري جل وتكحلت ولبست حجابي وعبايتي كاانت من تحت فيها طبقات ازرق ومن ورى زخرفة بالابيض والازرق وفي الا كمام لون ازرق وابيض يمكن حكيت لكم من قبل عن ذي العبايه المهم قفلت شنطتي وفتحت الباب ونزلت بكل ثقه لقيتهم بالصاله احسن بعد علشان يشوفوني فتحت الباب الخارجي وطلعت شنطتي ورجعت صعدت وطلعت الشنط البقيه احس بنظرات الكل بس انا خلاص لازم ارجع للخُبر ..! عمتي : وين على الله ؟! التفت لها وابتسمت : نايف ولد خالي مايتضايق من وجودي فـ ابرجع للخُبر .. مابي اسمع شي او معارضه وفتحت الباب .. عمتي : لكن الحين صبح .. لا اللي يعجبهم ولا النهار بالله متى اطلع ؟! عاد كيفهم طلعت من البيت وانا سعيدة بالنتصار اللي حققته واخيرا برجع لحبيبتي الخُبر يااااي اشتقت لها واتجهت للبوابه وطلعت للشارع هه متعوده ماشاء الله علي .. احيانا احس اني مجنونه اي شي بكيفي اسويه جرأه قويه .. ياترى نايف اش يسوي ؟ يكلم سلمى ؟ لالا على الصبح ؟! هه اكيد ايه وعادي .. الا احسن له فرق كبير اني اصحيه بصوتي وسلمى بمسجاتها .. وطيت راسي وتحركت .. شوي وسمعت صوت من وراي مااخبي عليكم خوفي بس انا قويه .. يقول : لا تصيرين مجنونه وارجعي .. ميّزت نبرته كان تركي لا مابي حد يوقفني ابي اروح للخُبر .. قال : هييييي انا اكلمك تسمعين ؟! لفيت له : خير ؟! اش عندك ؟ خايف عمي يهزءك ذي المرة بقوة ؟! لهالدرجه واصل فيك الدلع ؟! قاطعني : مو جاي اتهاوش معك بالشارع تعوذي من ابليس وارجعي .. تكتفت : مو راجعه وريني اش بتسوي ...؟! عض على شفايفه : قلت لك ارجعي .. ناظرته : اتوقع انك تسمع .. قلت لك مو راجعه .. تفهم ؟! سحبت شنطاتي ومشيت وقف في طريقي .. قلت : اسمع لا تحلم اي ارجع وهذا انا الحين ببعد عن الدمام خذ راحتك .. كأنه عصب : لا تعاندين .. اول مرة اشوفه معصب بس بصراحه تروعت منه .. شوي ورن جواله حط سبيكر : هلا والله ! سمعت عمي يصارخ : تريك قسم ثم قسم ثم قسم ماترجع معك بنت خالك تشوف وجهي الثاني .. كل يوم متهاوش معها وين جالسين حنا ؟! احترم نفسك تفهم ؟! قال ببرود : والله هي جنبي ومو راضيه .. عمي : مو شغلي ترجع يعني ترجع تفهم ؟! وقفل بوجهه ناظرني وابتسم .. ابتعدت عنه .. سمعته يقول : اش تبين بالضبط ؟! لا تلفين وتدورين ؟! تبين مني شي ؟! هه ! متوقع اني ابي منه شي ..! صرخت بدون ماالف وجهي : ابي ارجع للخُبر توصلني بسيارتك ؟! لفيت ابي اشوف ردة فعله بس مبرطم .. قال : أعقلي ..! اد ذي المرة انتهزت الفرصه عمي مستحيل يخلني اطلع بس بستغل ذلك وشوفوا .. قلت بنبرة مثل البزران : تبيني ارجع معك ؟ّ حسيته حسيته يستهزء فيني وبخاطره يعطيني كف .. هز راسه مثل البزران بـ ايه ..! وظل يناظرني .. رفعت حاجب : أعتذر لي وارجع .. صرخ : نعم ؟! اش قلتي ؟! قلت : قل آسف وارجع .. ولا لا تحلم ارجع .. قال : بترجعين غصب عنك .. قلت : ولا كيف بتحملني ولا ايش ؟! فتح عينه بقوه وصار لون عيونه واضح .. قلت : طلع لو..... وسكتت .. قال : كملي ليش سكتتي ؟! افتشلت بس قلت بغرور : طلعت لوح ! هه قسم مدري كيف طلعت مني لفيت بوجههي لا اضحك ومسكت شنطتي وقلت : اللوم كله عليك انا اعطيتك حل وانت كيفك .. الظاهر انه مو ناوي يعتذر احسن علشان ارجع للخُبر وعاد عندي عذري .. ساعات احس اننا بزران .. هه ساعات احس ان الزمن قاسي ولا يمكن يلين .. وساعات احسن ان الفرح محال ولا يمكن يحين .. ههه متأثره بحبيبي راشد .. كملت طريقي يارب مايعتذر علشان ارجع .. مشيت لنصف الشارع الظاهر مو ناوي يعتذر أحسن .. سمعت صرخه " انا اعتذر " لا ياتركي لا تقولها مابي ارجع وقفت مكاني ومسكت شنطتي بخيبة امل وجع ان شاء الله اش فيه يعاند ؟! مشيت لين وصلت له ووقفت قباله ودخلت خصلاتي بكل غرور .. وقلت : حط في بالك اني مو كل مرة اقبل اعتذارك .. حسيته ساكت ومنقهر وهذا اللي ابيه .. ساعدني في حمل شنطاتي ورجعنا للبيت لقيت عمي مع عمتي وعيالهم .. قلت : هلووو وقف عمي بصراحه اتروعت وصار قلبي يطرق طبول من جوه ! تخصر عمي : انتي موعاجبتك الدمام ولا ايش ؟! سمعت ولد عمتي : ايه خالي قل لها وفهمها كان تفهم .. وجع ياحمار ...! عمي : انت اسكت حسابك بعدين .. التفت لي : اسمعيني ! مهوب حلا كل مرة تطلعين الشارع بكيفك بدون ماتخبرين احد او حد يطلع معك .. ناظرت تركي كان مبسوط مالت عليك ياحمار .. اشوف في عينه الانتصار خيبه ان شاء الله اشوف فيك يوم .. قلت بثقه : عمي !! انا تربيت ماارضى بالذل ولا حد يهينني .. وكرامتي ماتنزل الارض وكبريائي مايسمح لي اعيش مع ناس مايبوني ..وثانيا انا مو ميته الا ابي اسكن بالدمام من البدايه قلت عندي الخُبر احسن لاني تعودت بس احترمت الكل وسكتت وكملت حياتي لكن توصل حد يتلقف فيني بالطالعه والنازله ماارضاها .. ومستعدة اكرر اللي عملته مرة ومرتين وثلاث اذا مافيه نتايج .. اخذت نفس قسم لو اني بمؤتمر صفقولي من الهذرة الزايده .. عمي: مين قلك اني ماابيك ودامني انا مع سلمى نبيك خلاص ! لحظه مين سلمى ؟! ايه صح عمتي .. كمل : واذا على الخُبر مافيه روحه لها علشان خالك يمسكك ومايرضى تطلعين للأبد .. كملت عمتي : هنا افضل لك ولاتحلمين بالرجعه .. قلت : اذا مافيه روحه للخُبر اجلس بالدمام معززة مكرمه ولا احد يتدخل فيني .. هه شحاذة وتتشرط خخخخ ! عمتي : مو كيفك ذا ولد عمتك واكيد يبي مصلحتك .. انفجرت ضحك وجلست على اقرب كنبه قلت : يبي ايش ؟ ماسمعت ؟ ذا آخر واحد يخاف علي المهم مو ذا موضوعنا انا خلاص رضيت .. وحبيت اذله : هوا اعتذر لي وانا سامحته .. ولد عمتي ياليت تصعد شنطاتي .. تمسون على خير صعدت الغرفه وان ااتنافض من الرعب كيف اني قويه ومايهزني شي ووققت الهواش مااعرف امي .. هه ! اصلا انا شفت امي ؟! شلت عبايتي وانسدحت بملابسي .. شوي وسمعت الباب ينفتح دخلت نهى ونجوى وجلسوا قبالي .. قلت : هييييييي لا تروعوني ابي انوم .. نهى : وقسم برب الكعبه منتيب صاحيه نجوى : شاربه شي على الصبح ؟! قلت استهبل : ايوه عصير برتقال نجوى : وقسم انك انسانه من الخيال الحين اش ذا الجراه حد يتكلم مع عمه كيذا ؟ لاو يتهاوش مع ولد عمته ؟ صدق مخرفه ! ضحكت : ابي انوم تسمعون ؟! نهى : تو على الفطور تقول الضيوف واهل الخُبر .. سكتت عنها لان ماعندي رد .. نجوى : تعالي صدق ... قلت : هممممم نهى : صدق اخوي اعتذر لك ؟! تحمست للسالفه ابي اخبر الكل انه اعتذر غصب عنه .. ابتسمت : أكيد اجل أكذب ؟! نجوى بلقافه : اش قال لك ؟! تغطيت باللحاف : تمسون على خير ... ماحسيت الا باللحاف طاير .. نهى : ياحماره لا تحمسيني .. جلست على السرير : خير ؟! نعم ؟! اش تبين ؟! نهى : بس ابي اعرف كيف تركي اعتذر اموت واعرف اش قال .. ابتسمت : ياشين اللقافه بس .. بنت وولد عمتها شكو انتي ؟؟! شهقت نجوى : ياحمارة ولد عمتها يعني اخوي .. اقول احكي بس قلت : ابد بس يوم تأكد اني ماالعب وبروح فعلا قال انا اعتذر نهى : ليش انتي ماكنتي تلعبين بس تخوفينه ؟! قلت : لا طبعا بس بعدي نيوم اتصل عليه عمي رحمته .. المهم انا ابي انوم تغيت باللحاف وماسمعت الا الباب يتسكر ومامضت ثواني الا وانا غارقه بوسط بحر النوم .. ...{ قد ايش اشتقت لك ياانايف ..! * * * صحيت على اذان الظهر صليت وتحممت لبست بلوزة جينز عاديين وجففت شعري ولبست عباية الفراشه من زمان عنها بس مدري ي استحي لما البسها المهم تحجبت تأكدت ان ولا شعره طالعه مني ونزلت تحت قابلت لعيله الكريمه وطلعت لحديقتهم جلست على كرسي وانا اناظر كل شي المنظر يجنن مو قادره اقاوم ابي اقوم واكتشف كل مكان هه لقافه مني .. جلست اتمشى لين وصلت لحوض بالجبس مثبت بالارضيه فيه مويه وورود قسم ان المنظر يهبل .. مديت يدي وسحبت ورده صفراء اتوقع تعرفون ايش يعني الاصفر " الغيره " .. فعلا لو فيه ورد اسود اخذته علشان امي وابوي لكن الاصفر للغيره على نايف من سلمى .. أشياء كثيره اخسرها للأبد أمي وابوي ونايف .! مسكت طرف الوردة وبديت العب فيها وانا اغني : والله مايسوى اعيش الدنيا دونك لا ولا تسوى حياتي بهالدوجود .. دامك انت اللي رحلت كيف ابصبر .. علبعاد وكيف بنثر هـ الورود ؟! اتوقع تعرفونها ذي للجسمي .. حسيت بالدموع على خدي على طول مسحتها يكفي .. دخلت من الباب الثاني بحيث محد يقدر يشوفني اخذت لي دفتر وقلم ذا المكان لا يتفوت لعرض المشاعر ونزلت ورجعت طلعت جلست وقبالي الوردة واكتب :. آهـ يايمه ماني قادر اشوف حبيبي مع غيري .. ولاني قادر أنساه واحب غيره .. آهـ يايمه كاني ذبت بغرامه .. آآآهـ يايمه ذبحتني الغيره ..! آهـ يامه والناس لو تدرين ماترحم .. آهـ يايمه مليون ونّه وآهات .. يمه بعيني شفتها جنبه وتحاكيه .. والله يمه مالقيت الا الجفا والصدات .. حتى الوفا صار خوّان .. حتى الجفا يرحم بعض الاحيان .. حتى فرحي صار احزان .. حتى العطر خان عبيره ..! يمه والله واحلف بربي .. واقسم اني ماحبيت غيره .. يمه والله صرت انا والحزن اخوان .. ثالثنا دمعه كسيره .. آآهـ يايمه ماني قادر على فرقاه .. وربي يمه ذا حب ماهو اعجاب .. والله والله لو انه الحجر بيحس لي .. والله والله قلبي من الجفا ذاب .. ماهو قادر يعيش لحظه .. من بعد فرقى الاحباب .. والله والله عيني تبكي .. محدن يواسيها غير الاهداب ..!! آآآهـ يايمه .. ماني قادر احب غيره .. آآآهـ يايمه .. يايمه ذبحتني الغيره ..! ناظرت الوردة وانا ابكي يمكن لمجرد ذكر اسمه وذكرياته .. أو لأمي اللي مااعرفها .. ناظرت الساعه اللي بيدي لقيتها قريب اذان العصر يلا بقوم قبل يجي لي عمي المحترم وآخذ لي تهزيئه .. قفلت الدفتر ودخلت داخل لقيتهم على حالهم ماتغيروا .. عمتي : ساره وين كنتي حبيبتي ؟! ابتسمت : ابدا بس طلعت برى مابيها تتكلم لي فـ صعدت الغرفه حطيت الدفتر في مكانه ورى السرير حتى محد يشوفه محد بيخطر على باله ذا المكان .. ابتسمت لان بكره بشوف فيصل ياقلبي عليه .. اذن العصر رحت صليت بعدين نزلت تغذيت معهم كانوا ساكتين طول الوقت الظاهر علشان لا تصير مشكله المهم احترمت رغبتهم وماتكلمت .. قمت اول وحده وفتحت التلفزيون على mbc2 وشفت فيلم قمت اطالعه صحيح مو من هواياتي اناظر الافلام بس مافيه شي ملل .. كنت بقوم بس شفت نجوى جات وجلست جنبي تناظره معي رميت عليه اليموت وقمت .. ناظرتني : اش فيك قمتي ؟! ابتسمت : مليت من ذا الفلم والله ماعندي شي اصلحه ! نجوى : ياسبحان الله نفس السبب اللي انا فيه .. قلت : مليت من الفلم بقوه نجوى : وانا كمان واكثر .. قلت : صدق ملل مافيه شي اسويه ؟! نجوى : وانا كمان واكثر .. انقهرت كل مرة اقول كلمه تقول وانا كمان .. قلت : مشتاقه لفيصل اخوي .. نجوى : وانا كمان واكثر .. شهقت : استغفر الله ربي .. حطت يدها على فمها وسكتت .. لحظه ! تعالوا اش رايكم اروح لعمي ؟! والله فكره .. نقزت قالت : على وين ؟! ابتسمت : مآآي آنكل .. صعدت لجناحه وطرقت الباب وجلست شوي انتظر ثم طلع لي عمي .. ابتسمت : عمي انا اعتذر علشان الصبح لاني كنت متنرفزة بقوه ابتسم : كنت متأكد انك بتجين وتبررين .. قلت : يعني مسامحني ؟! ابتسم : ايوه .. قلت : طيب ممكن اجلس مع عيال عمي ؟! قطب حاجبينه علامه استنكار .. قلت : عمي ! هما اصغر مني بكثير ومستحيل اتغطى عنهم نورة معك حق ولو انها صغيره كثير بس اصغر منهم لكن انا ونهى ونجوى شكو ؟! عمي : نهى ونجوى قالوا لك ؟! قلت : لاياعمي ماقالوا بس ارحم بحالهم ماياخذون الحريه 24 ساعه ملازمهم الغطا .. سكت عمي كأنه اقتنع .. قلت : ولاتخاف نتحجب عنهم بحيث ولا شعره تطلع مننا .. سكت فتره ثم قال : بس سلمى .... قاطعته : كان على عمتي اذا شافتك موافق عادي عندها ترانا اخوان .. ابتسم : أسألها بكره واشوف .. قلت : لا اليوم طق الحديد وهو حامي .. ضحك : طيب .. نزلت ونزل معي هو راح لعمتي وتركي وانا جلست مع نوره ونجوى ونهى .. نجوى : أمووت واعرف اش عنده خالي مع امي ؟! ضحكت وسكتت .. نهى : ايه والله من زمان مااجتمعوا .. ضحكت اكثر .. ناظرتني نجوى : سوير انتي تعرفين شي ؟! مدري ليه لازم افضح نفسي كملت ضحك وهزيت راسي بـ ايه ..! تقربوا والتفوا حولي : اش صاير خبريننا ؟! وقفت : انا طالعه فوق اذا عرفتوا خبروني .. رحت غرفة نجوى وجلست اختار لي ملابس لبكره اخذت تنورة جينز لحد الركبه مع بوت وردي وبلوزة وردي توب عليها عليها زي الشيله تغطي يعني كشخه باحترام .. أخذت حجاب وردي وبديت اكويهم شوي شوي وسمعت الباب ينفتح بقوه ودخلت نهى ونجوى .. نجوى : ياربيييه اش ذا الفشله ؟؟! قطبت حاجبيني : سلامات ؟! نهى : لحقي ساروه خالي يقول لاتتغطون عن عيالي ابتسمت : تو الناس توه واصلكم الخبر ؟! شهقت نجوى : يعني انتي تدرين !؟ هزيت راسي بـ ايه .. نهى : قال تركي مافيه حد غيرك نجوى : ياربيه فشله لاول مرة نكشف لهم هزيت كتوفي : انا القرار ماغير فيني شي عادي لا مشكله وحتى لو عمي مو راضي كيفه .. * |
(( 2 )) سحبوني معهم علشان انزل بس حبيت اروح لعيال عمي واقول لهم كلمتين تبون تعرفونهم .. اصبروا شوي .. وقفت وسط الدرج وصعدت بلحالي لجناح عمي طرقت الباب طلع لي واحد منهم .. قلت : السلااام قال : وعليكم ؟! قلت : ممكن ادخل معكم ؟! قال : ابوي موفيه ابتسمت : ادري وعلشان كيذا ابي اقول لكم انتوا شي ضروري تعرفونه .. ابتعد عن الباب ودخلت وسكر الباب .. جلست بالصاله وهم قبالي .. قلت : تدرون ان عمي اللي هوا ابوكم اش قرر ؟! ناظروا بعض : لا ..! قلت : طيب اسمعوني وركزوا معي .. عمي قرر هو مع عمتي اللي هي عمتكم ان نهى ونجوى مايتغطون عنكم شهقوا : احلفي ؟! قلت : قسم .. وعلشان كيذا انا جايتكم ابي اول مرة تشوفونهم ماتجلسون تناظرون فيهم بقوة وماتشيلون عيونكم من عليهم علشان لا يحسون بالحرج وغير كيذا ماتاخذون راحتكم معهم بشكل غير طبيعي .. سامر : ونورة ؟! قلت : لا نورة اصغر منكم فـ عيب .. واتمنى انكم تفهمون اش قلت .. ابتسموا : طيب .. موملاحظين اني ولامرة زرتهم وشفت امهم ؟! بس اش دخلني فيها يمكن تكرهني ؟! استغفر الله ان بعض الظن اثم .. وقفت : انا بنزل تحت .. فتحت الباب لقيت عمي بوجهي .. قطب حاجبينه : سارهـ !! قلت : لحظه عمي لاتفهم غلط انا جايه اقول لعيالك معلومه .. عمي : معلومه ؟! قلت : ابيهم مايناظرون بقوة في نجوى ونهى لايحسون بالحرج وماياخذون راحتهم .. هزيت كتوفي : وبس .. ابتسم : يسلم عقلك اللي يفكر ابتسمت : ولوو .. يلا انا نازله طلعت من جناحهم ونزلت تحت لقيتهم كلهم متجمعين .. قلت : سلاام نجوى : اش دعوه كمليها جلست بملل : ملانه ابي اسوي اي شي ممتع ومفيد ومسلّي نجوى : وانا معك عالخط السريع ناظرتها : خلنا نصلح حلا .. قطبت عمتي : حلا ؟؟ اغسلي يدك مايعرفون ضحكت : طيب خلاص انا بلحالي اصلحه عمتي : ماتعرفين قلت بثقه : جربيني !! تركي : خلها يمه خلنا نشوف الابداع وامانه لو تطلب مساعده ماتساعدونها والشغالين خلهم ينامون الظاهر انه ناوي على هوشه ومابعد تاب .. سكتت عنه ورحت للمطبخ جلست افكر اش اسوي .. مافيه غيره جيز كيك جهزت لي الاغراض وبديت اشتغل من شي الى شي احس بحماس للتحدي علشان يعرف مين انا .. تقريبا ساعه كامله فيذا الحلا .. ولما خلصت انتظرته شوي علشان يخلص تقريبا ربع ساعه وطلعته وزينته غسلت صحون بطريقه مرتبه وقطعت الحلا ووزعته على الصحون خطرت في بالي فكرة اصلح عصير كمان خخخ ياكثر افكاري .. فعلا صلحت عصير كوكتيل ياااي وناسه ابي اشوف وجهه بس .. حطيت العصير باكواب حلوة وبطريقه انيقه وطلعت .. نهى : وصلت وصلت !! تركي : الحين ساعتين بالمطبخ ومدري ايش علشان عصير كوكتيل ؟؟ استغفر الله بس قلت اش ذا الذوق ياخي اول مايبون يقدمون شي يحطون عصير شي بعدين يجيبون مو على طول .. ابتسمت بغرور ورحت للحلا ووزعته ظليت واقفه انتظر ردودهم .. صرخت نجوى : ياحمارة تعرفين وماتعلميني ؟؟ نهى : وادري انها لو علمتك مافيه امل تفهمين ..بس بنت خالي اللي تعرف ناظرت عمتي .. قالت : حلو مره تسلمين واخيرا ناظرت تركي لقيته يناظرني الظاهر مفتشل .. رفعت حاجب : اش رايك ؟! ابتسم : حلو صرخت : ياربيه تسمعون اللي اسمعه يُسجل في التاريخ .. ذا يقول شي مسويته حلو ؟! من وين طالعه الشمس ؟! قال : الغلط من البدايه علي اللي اعطيتك وجه .. قلت : نقطنا بسكاتك ناظر بامه وهو مبرطم ابتسمت له .. جلست على الكنبه نورة : مابتاكلين ؟! قلت : متعوده على طعمه مالي خلق نورة : تسوينه من قبل ؟! ابتسمت : ايوه شهقت نجوى : مااصدق انك تقربين لي لأول مرة بنت في العيله تدل المطبخ سكتت والله .. الله يخلي خالي علمني كيف اسوي اللي مااعرف اسويه علمني اني قويه ومحد يقدر يهزمني لو مين كان .. عرفت ان الحب ضعف والعناد قوة .. اللي ابيه اسويه لو على قص رقبتي انتبهت على صوت نهى : ايش كمان تعرفين !؟ ابتسمت : امممم تقريبا اعرف اصلح اكثر من حلا واعرف اصلح مكرونيا بالباشميل و... تذكرت فيصل وابتسمت .. نهى : ايوه كملي ؟! قلت : امممم اصلح عشا او عذا محترم أقدر .. تركي : احلفي بقوة واصدقك التفتت له : لاتتحداني اعرف انك تخسر ميه على ميه صرخ : ياناس الليله العشا تسويه بنت خالي عمتي : تريك لا عاد اسكت ابتسمت : معليه عمتي الليله واللي بعد الليله مالي خلق ليلة الاحد اصلح .. لان عندي اشغال وقفت : بقوم اتوضى للصلاة صعدت لغرفه نجوى توضيت وجلست على سجادتي قريت قران الين اذن صليت بعدين جلست شوي اذاكر علشان يوم الجمعه بطوله اجلس مع فيصل يخبرني عن كل شي صار معاه بالخُبر من يوم طلعت .. اذن علي العشا قمت صليت ونزلت تحت شفت نورة ونهى ونجوى ملتفين حول التلفزيون .. قلت : اجل وين عمتي ؟! نجوى وهي تناظر التلفزيون : مع تريك عندهم موضوع خاص هه ! كأننا في افلام موضوع خاص ؟! الحمدلله والشكر له .. جلست جنبهم اناظر التلفزيون بصراحه شي ممل جدا .. قلت : نجيو ابي كتاب هزت كتوفها : من وين لي كان تبين اخترع كيفك والله! انفهرت : مو شغلي والله لو من تحت القاع ابي كتاب تفهمين ايش ؟! سكتت وطنشتني .. لمعت في بالي فكرة اني اصعد لعيال عمي العب معهم بلايستيشن .. قلت : نجيو ..؟! نجوى : هممممممم ؟! قلت : تتوقعين عمي بجناحهم الحين ؟! التفتت لي : اش ذي الاسئله البايخه ؟! اكيد حسافه بس .. تصدقون بخاطري اتهاوش مع تركي علشان اضيع الملل اووف قهر .. لفيت عيني للتلفزيون ألحين متجمعين على مسلسل بايخ مثل ذا ؟ .. حطيت يدي على خدي وبقيت اناظرهم بصراحه اشتغلت عندي اللقافه ابي اعرف اش عندها عمتي ؟! مااذكر مرة ان في الخُبر مرت خالي صارت مع نايف بموضوع خاص .. نايف .. نايف .. نايف .. كل شي بذي الحياة نايف مدري متي يحس ذا النايف وارتاح ..؟ وقفت ومحد انتبه لي واتجهت للباب شفت عمتي .. قلت : ياااه عمتي طولتي ابتسمت : امريني بس ابتسمت : قسم ملانه وبناتك العجيبات يقهروني يناظرون التلفزيون وتاركيني واقول ابي كتاب يصمتون قطبت حاجبينها : كتاب ؟!احمدي ربك ان يحافظون على كتب المدرسه .. تكتفت : طيب والحل ؟! سكتت فتره ثم قالت :ماعندي حل ابد .. قلت : طيب ماعندك كتاب حتى لو كان قديم ؟! اي شي ؟! قطبت : يمكن لحظه بشوف واخيرا جاء الفرج ولقيت لي كتاب والله افتقدت مكتبه فيصل .. يارب تلاقي .. قامت عمتي مدري وين راحت المهم انها بتجيب لي كتاب .. شوي ودخل تركي .. قال : نجيو وين امي ؟1 التفتت له والشرر يتطاير من عيونها : وانتوا ماعندكم الا انا نجيو ونجيو ماصارت أمي حاطه مليون شغاله ليش ؟ تناظر فيهم !؟ تعبت كل شي علي يارب متى تحسون وارتاح ؟! بصراحه كنت بضحك بقوه لكن حسيت من نبرتها انها تضايقت لاننا دوم عليها فـ سكتت ..! تركي : وجع ان شاء الله ماتستحين انتي يا ... استغفر الله قلت : معليه نجوى سوري اذا من شوي ازعجتك بصراحه حسيت بالذنب .. التفتت لي : سامحتك وآخر لك مرة تسوينها .. جلس تركي مقابل التلفزيون جنب نهى .. قال : خلصوني وين امي ؟! الكل سكت وماهي الا دقائق معدوده حتى اطلعت علينا عمتي .. يااااي اجنن بالعربي الفصيح المهم سيبنا منو .. تركي : ماما !! وين كنتي قلتي مابتطولين ؟! مابتطولين خير ان شاء الله ؟! ابتسمت له : كنت ادور كتاب لبنت خالك بنت خاله الوحيدة يعني انا يالله واخيرا لقت لي كتاب صدق مجتهدة انا خخخخ .. قلت : هااه عمتي لقيتي ولا لا ؟! عمتي : شوفي مابقولك مالقيت بس كتب مااتوقع لك شغل فيها جاتني لقافه : ليش عن ايش تتكلم ؟! عمتي : اشياء تافهه وبس احترمتها وسكتت بصراحه بخاطري اعرف عن ايش ولان من الفضاوة تلقفت وسألت .. قلت : طيب مافيه شـ... سمعت صوت يقاطعني : ماما !! بصراحه ابي اتهاوش معه اولا لانه قاطعني وذا مو اسلوب ابد .. وثانيا لاني فاضيه كنت بتكلم بس استحيت على وجهي وسكتت مو كل مرة يسوي كيذا تصير هوشه .. عمتي : عيوني لك ؟! ناظرته لقيته يناظرني ثم ابعد عينه عني وجلس يعمل لعمتي حركات بوجهه الظاهر يبي يتأكد اذا كنت اتجسس ولا لا .. ناظرت عمتي كانت شوي تقطب حاجبينها وشوي تبتسم شوي تناظرني وشوي تناظر نجوى .. مدري اش صاير وقفت ابي اقوم لاني لو جلست ثانيه وحده بموت من اللقافه ويمكن اسأل اش عندهم .. تركي : وين مابعد ملينا من جلستك الظاهر مو ناوي يعدي الليله على خير .. لفيت له : اووف انت الوحيد بالذات اللي مالك حق تسألني ناظرته بطرف عيني ثم لفيت على نورة .. قلت : نورة ماتبين تنامين معي ؟! نقزت على طول وحضنتني ياااي حلو الاحساس ان البزران يحبونك .. رفعتها عن الارض وصعدت معها الدرج دخلنا غرفتها خفت حد يتضايق من وجودي معها .. فـ قلت : نوراان مقدر انوم معك الليله معليه ؟! قطبت : ليه ؟! هزيت كتوفي : ابي انوم مع نجوى لانو مابترضى اكيد .. صح ؟! ردت ببراءه : صح !! قلت : طيب تخافين تنومين بلحالك ؟! هزت راسها بلا ..! بوستها على راسها وقلت : تصبحين على خير .. وطلعت دخلت غرفة نجوى وانسدحت على السرير بملابسي كنت ابي انوم فيهم لان مالي خلق اقوم اغير بس ماعرفت انام رحت غيرت ونمت .. * * صحيت لقيت نجوى نايمه جنبي ناظرت الساعه باقي شوي ويأذن قمت غسلت وجهي واتجهت للباب ابي اطلع غيرت رايي ابي البس لبس محترم مو كيذا وطبعا حكيت لكم من قبل عن بيجاماتي .. تذكرت ان الكل اكيد نايم اخذت لي شيله احتياط رغم انها ماتغطي شي ونزلت تحت فتحت التلفزيون على روتانا افلام وبديت اناظره حسيت بحركه من وراي اتروعت وقفلت التلفزيون لفيت مالقيت حد يمكن اتوهم رجعت وفتحت التلفزيون سمعت طرق نعول كرمكم ربي حطيت الشيله على راسي ولفيت لقيت عمتي واقفه الحمدلله مو حد غيرها .. عمتي : صاحيه ؟! هزيت راسي بـ ايه وكملت : وانتي عمتي ليه صاحيه ؟! ناظرتني : نازله اشرب مويا وانتي ؟! قلت : ابد كيذا لقافه .. سحبت المخده من على الكنب وحطيتها على بطني علشان ماتعصب والحمدلله ماانتبهت وصعدت .. اوووف قلبي كان يدق طبول .. قفلت التلفزيون ورجعت لغرفة نجوى لقيت الاذان يأذن رحت للشباك وفتحته وبديت اردد معه ولما خلصت قلت الدعاء " اللهم رب هذه الدعوة ... " اتوقع اغلبكم يقوله اذا سمع الاذان المهم رحت توضيت وصليت طولت صلاتي شوي مع الادعيه كمان .. لما خلصت جهزت لي ملابس ودخلت اتحمم مومصدقه اني اليوم بشوف فيصل حبيبي رغم انه مامضت ثلاثه ايام الا اني اشتاق له خلصت ولبست ملابسي احتشام لآخر درجه بلوزة احمر اكمام شوي واسعه بس مخصره كمان بنفس الوقت .. مع بنطلون جينز طويل وكعب تكرمون احمر مالي خلق اسوي اي شي الحين بشعري بخليه للعصر علشان فيصل .. حطيت كحله فقط وجففت شعري بالمنشفه وتحجبت حجاب ازرق مثل لون الجينز ونزلت ناظرت الساعه الكبيره كانت 5 ونصف دخلت المطبخ لقيت عمتي ونورة قلت : يسعد صبااحكم عمتي : مدري اش يقولون بس يسعد صباحك ضحكت ثم قلت : وين نهى ونجوى ؟! عمتي :مابعد صحوا .. قلت : طيب أصحيهم لك ؟! ابتسمت : ياليت .. سكتت فتره علشان لاتقول عني شي .. سألت : طيب وتركي ؟! ابتسمت : صحيته اتجهت للباب ورحت لغرفة نهى صحيح شوي اتعبتني بس ولا شي قدام نجوى المهم لما تأكدت انهم صحوا ومستحيل يرجعون ينامون نزلت تحت في المطبخ انتظرهم يجون .. انتبهت ان نورة مبتسمه طول الوقت جاتني لقافه .. سالت : اش بك نوران مبتسمه خير ان شاء الله ؟؟ ناظرتني وابتسمت ورجعت تاكل .. ناظرت عمتي : اش فيها ؟! عمتي : والله مدري حتى انا نفس الطريقه خفت بنتي صابها شي جنون او خبال .. سمعت من وراي " صباح الفل " .. لفيت : هلا نجوى : اش دعوة قولي صباح الورد او الياسمين او النجوى عادي ترى .. سمعت صوت من وراها : أو حتى نهى ناظرتهم وضحكت : احلا صباح لاحلا ناس بالدوونيا كوولها .. ارحبن ياغلا الاكوان ضحكات الكل ملت المكان على اللهجه البدويه المخلوطه بالجداوي جلسوا قدامي .. أخذت الخبز وحطيت فيه جبن وانا ادندن بصوت واطي .. سمعت صوت رجولي وراي اكيد انه تركي لانه الولد الوحيد وثانيا علشان هو اللي بقى مادخل " صباح الخير " الكل معدا انا : صباح النور حسيت بعيون تراقبني رفعتها لقيت عمتي .. قطبت حاجبيتي .. عمتي : اول مرة اشوف بنت تفطر بالجبن وتتغذى بالجبن وتتعشى بالجبن ماتملين منه ؟! ابتسمت : ابدا .. اتجه تركي للكرسي اللي جنب امه وهي قربت كرسيها له وهمست باذنه كلام غير مفهوم شوي وماشفته الا شاق الحلق يقول : صدق ماما ؟! ابتسمت : ايه يمه صدق انا مااكذب .. ناظر نجوى بسعادة اللي ماكانت تدري وين ربي حاشرها ثم ناظرني وبنفس الوناسه رجع يناظر نجوى وشوي ويطير من الفرح وكأنه حاصل على جائزة الاوسكار .. أو انه يسوي اعلان لكرست .. بصراحه كتمت ضحكتي من الكلام اللي افكر فيه وثاني شي علشانه مبرطم ويضحك وطيت راسي وضحكت بصوت واطي بس ماقدرت سويت نفسي اكح واعطس مو قادره رغم ان اللقافه فيني .. اش تقول له ؟! كملت فطوري وانا ساكته افكر .. ايه افكر تريك مع عمتي دوم يتساسرون انا اول ماجيت ماكانوا كيذا .. الاغرب يناظروني انا ونجوى اش صاير يعني ؟؟ هه ماكذب نايف يوم انه قال المحقق كونان اتلقف في كل شي .. خلصت اللي في يدي وقمت وقفت .. عمتي : وين ؟! ابتسمت : لا موطالعه من المطبخ بس بسوي لي كوب نص كافيه ابتسمت ولا علقت .. اتجهت للاغراض وبديت ارتبها في الكوب تذكرت نايف فيه تذكرون يوم اعلمه يصلح مثله ؟! بصراحه احس بوناسه لمجرد ذكر اسمه ياترى ممكن نجتمع انا معه ؟! شلت ذي الافكار من بالي واخذت الكوب وجلست .. نجوى : ابي اذوق ؟؟ قلت : تبين اصلح لك غيره ؟! عمتي : نجوى اش ذا ؟؟ شغاله عندك وانا مدري ؟ قولي شغاله بعد !! التفتت لتركي اللي كان يناظر نجوى الظاهر سرحان ولا كان حط تعليقاته بس اش فيني انا مع نجوى ؟! ثم قلت : عادي عمتي انا ونجوى واحد مافيه فرق لو تبي عيوني فداها .. انتبهت ان نجوى تناظرني .. قلت : اش بلاك ؟! ناظرتني وابتسمت لي .. الظاهر مو ناويه تقول اصلح ولا لا .. رحت وصلحت لي .. قلت : نورة تبين مثلي ؟! نورة : لا مشكورة .. سمعت صوت ولد عمتي : انا ابي ..! والله كنت بقوله انا سألت نورة بس سكتت وصلحت له ولي اتجهت له واعطيته هوا ورجعت مكاني .. قال : حلو .. بصراحه انا ذي المره خنقتني العبره في كل شي اتذكره حتى الكل يذكرني فيه .. تذكرون ان نايف قال " حلو " ؟؟ يعني كيف انساه والكل يذكرني فيه ؟؟ بالله مو حرام يكون لسلمى ؟؟ دمعت عيني .. سمعت تركي : الحمدلله والشكر اقول لها حلو تبكي .. يعني " حلو " ماعجبتك ؟! ياربيه مثل البزران .. سكتت عنه يبي هوشه باي طريقه .. جلست اناظر الكوب وانا ساكته شوي وقمت غسلت وجهي احس ان الكل يناظرني .. رجعت وجلست مكاني وانا مبتسمه ماابيه يقول اني ضعيفه ابد .. شوي وقلت : متى بيجي فيصل ؟! قطبت عمتي : ليه يعني بيتغير وقت جيته ؟! قلت : يعني الساعه تسع بيروح ولدك يجيبه ؟! قالت : ايوه .. طيب مافيه مشكله اذا اذن المغرب ابدأ في شعري .. رجع الجو هدوء مثل ماكان قمت من مكاني وصعدت لغرفة نجوى وتأكدت من ملابسي انها موجوده .. كنت فاضيه اخذت " المبرد " وهو عباره عن خط مستطيل يفركون فيه الاظافر ويصلحهم ويرتبهم ويلمعهم << ونعم الوصف خخخ يعني للي مايعرفه .. جلست على السرير افركهم بعصبيه من اللقافه وماحسيته الا منكسر عندي .. قطيته على اقرب زباله تكرمون ضروري اسأل نجوى يمكن تعرف ليه ؟؟! انتظرت شوي وشفت نجوى دخلت على طول اتجهت للباب وسكرته .. نجوى : بسم الله سحبتها من يدها وجلسنا على السرير .. قلت : قولي قسم بالله اذا اعرف اخبرك ؟؟ قطبت : ليه ؟! قلت : قولي ولا عليك ؟! نجوى : قسم اذا اعرف اقول لك .. هااه اش فيه ؟! ناظرتها : مو ملاحظه ان اخوك دايم يناظرني ويناظرك وهو مبتسم ؟! قطبت وهزت راسها بـ لا .. قلت : انا متاكدة كانها خافت .. قلت : لاتخافين ؟؟ نجوى : اش ممكن فيني ؟! ابتسمت : يمكن انخطبتي وحنا ماندري .. ولع وجهها احمر : تتوقعين ؟! ضحكت : يمكن لان خويتي كيذا يوم انخطبت نجوى : طيب على مين ؟! انفجرت بالضحك : هههههههههههااي انا قلت توقعي مو كيذا !! سكتت كأنها انحرجت .. قلت : قولي امين !! رفعت ايدينها : امين قلت : يارب اتزوج اللي في بالي شهقت : تحبين ؟! تبلعمت : لا مو قصدي بس مواصفات اللي في بالي تكتفت : ومين مواصفات اللي في بالك ؟! قلت بابتسامه : فصوووول اكتفت بالابتسامه ...! .: نهاية الجزء السآبع عشر :. |
.: الجزء الثآمن عشر :. " يآ × صُوتَهـ × الدّآفي الحَ ـنُونْ .. وُينِگ ~ أنـآا مِشتآقِلگ ؟! يآا صُوُتْ ؛؛ أعشِقِگ بِِجُ ـنُونْ .. يآا صُوتْ واللّهـ .. |[ فآقِدگ ]|" / \ / مضى الصباح بأحداث عاديه ويوم انه اذن الظهر نزلت للمطبخ صلحت " حلا الفيمتو " ميه على ميه حكيت لكم عنه لاني دايم اهذر عن نفسي .. المهم قطعته وحطيته بالفريزر يجمد .. تقريبا كان الكل مشغول بحل واجباته الا انا .. صعدت لغرفة نجوى وحطيت المنبه على اذان العصر ونمت .. صحيت على صوت المنبه قفلته ورجعت نمت .. عاد ماقدرت انوم وصراخ نجوى مالي المكان .. قمت كان قريب اذان المغرب نقزت صليت العصر ثم المغرب بصراحه كنت نعسانه موت جففت شعري بالشيسوار ورولته حطيت لي مكياج خفيف جدا لبست تنورتي الجينز وبلوزتي الورديه والبوت الوردي وحطيت الحجاب على راسي مع انه بعض خصلاتي طالعه بشقاوة .. رشيت على نفسي عطر اللي يسمعني يقول بتقابل نايف مو فيصل .. لبست ساعتي الورديه وحطيت سلسلة خفيفه فيها حرفي هذي من ميشو يااي وحشني الحماار .. ناظرت ساعتي كانت سبع نزلت تحت وتأكدت ان كل شي مجهز جلست بالصاله مع نجوى .. قلت : نجوى !! مارحتي لبستي ؟! ناظرتني : هي عبايه البسها من الحين ليه ؟! تقربت وجلست جنبها وعيني مقفوله من التعب انسدحت على رجل نجوى وانا افكر وماحسيت الا وانا نايمه .. * حسيت بطرق على وجهي الظاهر ان نجوى تبي تقوم فتحت عيني لقيته بوجهي مبتسم الرؤيه غير واضحه عندي معقول فيصل قدامي ؟ شوي ونقزت لحضنه .. قلت : ياحمار يافيصلوه وحشتني بقوه ياحمار ماتسأل عندك اخت ؟! عاد الفلم مايكتمل الا بالدموع حطيت راسي على كتفه وبديت ابكي ماحسيت الا وهو شايلني عن الارض في البدايه مااستوعبت بس بعدين بديت اضحك من الوناسه .. ربي حرمني من ابوي وامي ورزقني بفيصل .. بصراحه راسي قام يدوخ .. قلت : خلاص نزلني .. هز راسه مثل البزران : مابي .. وبدا يدور فيني .. قلت : ياحمار نزلني تعبت .. ساكت ومطنشني .. رفعت يدي وشديت شعره وانا ادري انه كل شي ولا شعره على طول نزلني وهو يضحك .. كنت اتمايل من الدوخه وفيصل ماسكني ويضحك لما هديت انتبهت ان ولد عمتي مع عمتي موجودين يوه فشله .. فبصل : كيفك عمتي .. عمتي مبتسمه : تمام بشوفتك .. فيصل : كيفك نجوى ؟ نجوى بصوت هامس : بخير انتبهت انها لابسه العبايه اكيد قامت يوم كنت منومه على رجلها بس يوم اني صحيت كنت على رجلها .. اوووه عادي سحبته من يده وجلسنا .. : ياحمار يلا خبرني اش صاير بالخُبر ؟! كأنه فهم اني اقصد نايف .. قال : مافيه شي جديد على حطة يدك !! سكتت فتره وماشفته الا منسدح على رجلي .. عمتي : وانا اقول من وين متعلمه سارة تنسدح على الاراجل آخرها منك !! فيصل : قسم هيا اللي كل مرة تنسدح على رجلي وانا تعلمت منها .. شوي وقامت : بروح انادي على عمر ... تقصد عمي !! بديت العب بشعره .. قلت : ماقصيته ؟؟ فيصل : ماامداني طول الوقت وانا مشغول .. قطبت : مشغول ؟ في ايش ياحظي ؟! يارئيس الوزراء ؟! غمز لي : اسرار ياختي شهقت : ياحمار مااحبك عندك اسرار عني ؟ جلس يطالعني من فوقي لتحتي كأني فهمت يعني يقز مروى .. قلت : لا يكون في ... قاطعني : ايوه ! انفجرت ضحك .. قال : كملي العبي بشعري حلوة السالفه .. تركي : لذي الدرجه حلو ؟! فيصل : لو سمحتي يابنت عمتي العبي بشعر اخوك حرام يتحسر !! بصراحه انبسطت يطلع حرتي فيه .. تقربت منه نجوى وانسدح على رجلها .. قلت : تصدق ؟! فيصل : ايه اصدق !! قلت : يازينك ساكت .. تصدق انك وحشتني رغم ان مالو الا 3 ايام عني ؟! فيصل : اش ذنبي لـ طلعت حلو والبنات يموتون علي ؟! قلت : في ذي صدقت مدري انا معك ليه يموتون علينا الناس ؟! فيصل : لازم تحطين نفسك معي ؟! قلت : مو اخوي ؟! تصدق فيه بنت اعرفها بالخُبر سألت عنك ؟ تقول لي اللي كان جالس معك خطيبك ؟! مو مصدقه ان حلو اخو حلوة .. بغيت اعطيها كف على وجهها .. اعتدل : قولي قسم !! قلت : وقسم بالله .. قطب حاجبينه : أعرفها ؟! قلت : ايوه .. تعرف في الخُبر فيه ناس بالذات اكرههم لانهم ياخذون اشياء مو ملكهم .. ضحك : ايوه اي وحده ؟! قلت : آخر شي .. شهق : أحلفي ماقلتي لي ياحماره .. ضحكت بوجهه .. ثم قلت : صدق اخبار اكبرهم ؟! فيصل : اول ماطلعتي على طول جاتنا اقول لك مع عيلتها الكريمه وسألت عنك .. انقهرت وتمنيت لو كنت معها موجودة اعلمها مين انا .. قلت : واش صار ؟! كمل : عاد بعض الناس اللي تحبهم قالوا لها انك بالدمام .. أكيد يقصد نايف .. كمل : عاد بغت ترقص من الفرحه وصارت مشكله لجل كيذا .. تحمست : ايووه ؟! فيصل : نعود اليكم بعد الفاصل .. انقهرت : ياحمار كمل .. ضحك : ههههه طيب .. طبعا قامت تقول فكه وانا مارضيت تغلط عليك وانا ساكت .. صفرت : عاش فيصل .. دخلت عمتي : اش صاير ؟! ناظرت تركي : قم عن رجل اختك .. كتمت ضحكتي : ايه وبعدين ؟! فيصل : عاد انا قلت لها عقبالك تنقلعين خارج المملكه واوعدك اسوي حفله كامله اذا رحتي .. فراقك عيد ! فطست ضحك : اموت عليك وقسم برب الكعبه احبك هههههه فيصل : بعض الناس اللي تحبهم ساكتين ولا دافعوا عنها .. من الفرحه حضنته .. ياااي وناسه لاول مرة انبسط كيذا .. عمتي : ساره !! انهبلتي ؟! فيصل : هبّلت فيها من زود الحب .. تحبني ياناس افتشلت وابتعدت وطلعت من الصاله الى المطبخ غريبه ماجاء عمي ولا عياله .. أخذت الحلا ورحت له .. قلت : صلحته لجلك .. انتبهت ان عمتي مو فيه مريت من عنده الى نجوى وتركي .. ورجعت جلست جنبه قال : ياي من زمان عن الاكل .. فتحت عيني : اش قلت ؟! ليش صار بالخُبر مجاعه ؟! فيصل : اسكتي بس اش اقول لك متعودين انتي الي تسوين كل شي اول يوم العشا ماتعششينا مالنا خلق الصبح كمان ماافطرنا .. والظهر شرينا من المطعم والليل صلحت لنا مروى بيض .. الصبح صلحت لنفسها فطور يفشل وشحذنا منها وباليالله رضت .. المشكله اذا قلنا بنروح مطعم يقول خالك لاتكسرون بخاطرها .. عاد الفطور بيض والغذا بيض والعشا كمان واذا غيرت حطت مع البيض جبن .. بيض وجبن او جبن بالبيض .. ياخوفي اولد بيض انفجرت ضحك .. تركي : قل قسم ؟! فيصل : لا تتشمت فيني .. قلت : طيب ليه ماقلت لي احسن لك من المذله كل يوم .. فيصل : بصراحه ماخطرت ذي الفكره على بالي .. اعتدلت في جلستي : اسمع اول ماتدخل المطبخ بتشوف 24 صح يتشابهون خذا لاول وافتح الثلاجه بتشوف فيه علبه كبيره موت فيها زيتون اسود حط فيها وخذ صحن ثاني وحط الاخضر .. تشوف على يدك اليمين علبة لبنه بالعسل حط في صحن ... امممم اتجه لنهاية المطبخ في الزاويه ... قاطعني : الزاويه اللي عند الباب ؟! قلت : لا اللي جنب الميكرويف .. قال : اها كملي ؟! قلت : بتشوف اكياس فيها خبز خذ منها ودخلها بالمايكرويف وشغلها على دقيقه ونصف .. واذا خلص بيصفر لك ..طيب تعرف تصلح بيض ؟! فبصل : هيهيهي ضحكتيني اكيد ايه .. قلت : طيب كمان لو تبي تسوي كوفي ؟! فيصل : لا خلاص .. سكت فتره ثم قال : قسم لاذل نايف ذل مو طبيعي اخليه يبوس رجليني لجل يتفطر معي .. شهقت : ياحمار .. تركي : لاتسمعك نورة يتلوث لسانها .. صحيح افتشلت بس طنشته .. قلت : اجل عناد فيك ابعلم نايف الطريقه .. فتح عينه : كيف ؟! هزيت كتوفي : ابد بدق عليه .. فيصل : اتحدااك .. قلت : قلت لك مليون مرة لاتتحداني .. مديت يدي لجيبه واخذت جواله بصراحه مشتاقه موت لصوت نايف .. دقيت على رقمه وحطيت الجوال على اذني .. رنه .. رنتين .. ثلاث .. اربع .. محد يرد !! رجعت دقيت الرنه الثانيه .. نايف : قسم انك مغثه اش تبي فصيل ؟! ابتسمت : أولا اسمه فيصل ثانيا مو مغثه ثالثا هلا فيك رابعا انا ساره خامسا بس .. سكت الظاهر مفتشل : اهلين !! فديته والله ..! شفت فيصل يأشر لي افتح السبيكر فـ فتحته .. قلت : شخبارك من زمان عنك ؟! نايف : يسرك الحال .. شخبارك انتي ؟! قلت : تمام الحمدلله .. سكتت فترة ثم قلت : تعشيت ؟! حط فيصل يده على فمه .. نايف : أمممم احم بصراحه لا .. قلت : ولا افطرت صح ؟! نايف : فصيل قالك ؟! قلت : ايوه وانا علمته كيف يصلح فطور .. وطبعا هو كان يبي يذلك وانا مارضيت حرام لانك تكسر خاطري .. ضحك فيصل .. نايف : يقالك الحين بتصيرين احسن من اخوك ضحكت : طيب تبي تتعلم ولا لا ؟! كنت ادعي بقلبي يارب يقول ايه لاني مابعد شبعت من صوته .. نايف : أكيد .. قلت : طيب .. شرحت له كل شي مثل فيصل ولما وصلنا الى البيض .. قلت : تعرف تسوي بيض ؟ّ نايف : لا والله ! لو اعرف جلست 3 ايام ذالتني عليه مروى ؟! قلت : طيب بعلمك .. رح المطبخ تلاقي شي ابيض كبير اسمه ثلاجه نايف : احلفي بقوة واصدقك .. بزر عندك ؟! فديت المعصب أنا ..! قلت : يعني للتوضيح .. المهم افتح الثلاجه بتلاقي على يدك اليمين بيض خذه ورح غسله بعدين حطه في صينيه وفيها مويه وحطه على الفرن وشغله .. قاطعني : كيف اشغله ؟! قلت : قل قسم ماأعرف .. واصدقك !! نايف : قسم ..! قلت : قويه !! .. شف بتلاقي 5 اماكن .. نايف : ايوه .؟ كملت : وبتلاقي 9 مفاتيح .. نزل الصينيه على اللي بالوسط ولف المفتاح اللي بالوسط .. نايف : همممم وبعدين ؟! قلت : انتظر عشر دقايق وقفله وبس .. نايف : مشكورة ! قلت : ولووو .. يلا بايو نايف : بايو لحظه لحظه .. مابعد شبعت من صوتك انتظر بس .. قلت : نايف !! نايف : آمري ؟! ضحكت : أووه امري بعد اش ذا الذوق مشالله ؟! نايف : والله اذا بنت عمتك وتعلمك كيف تصلح اكل اش بقول لها لازم اعدل اسلوبي .. ضحكت : مو لله يعني .. سكت فتره ثم قال : طيب ايش ؟! قلت : خبرني بالنتايج اذا امكن ؟؟ سمعته يقول : هههههههه طيب ..! ابعدت الجوال وقفلت الخط وحطيته على الطاوله وانسدحت على رجل فيصل هه صايره اتسدّح كثير ! فيصل : وقسم بالله انك حمارة .. قلت بدون مااناظره : طالعه على اخوي فيصل .. بس ليه ؟! قال : اولا كنت ابي اذله ثانيا تكلمين نايـ.... قاطعته لاني ماابيه يتكلم بذا الموضوع اعرف تركي بيسوي سالفه .. قلت : ايه نايف بيدق سكت ولا رد ..! شوي وسمعت " السلام عليكم " الصوت اشبه بالهمس رفعت عيني لقيت نهى تستغربون كيف عرفتها وهي متغطيه بس نبرة صوتها وثانيا نجوى هنا مين بقى ؟ المهم سيبكم من فلسفتي .. كلنا : وعليكم السلام .. جلست جنب اختها واخوها .. اعتدلت في جلستي .. انتظرت تقريبا خمس دقايق وسمعت صوت " السلاام عليكم " صوت عمي ووراه عمتي .. عمي جلس جنب نجوى اللي جالسه جنب تركي اما امه ميه على ميه لاصقتن فيه هه دلع شباب ! عمي : كيفك فيصل ؟! فيصل : مستورة الحمدلله عمي : الحمد لله سكت فتره ثم قال : وكيف الدراسه ؟! فيصل : عالي العال ولله الحمد عمي : وكيف اهلك ؟! قلت بطريقه آليه : تمام ولله الحمد .. ضحك فيصل .. سكتنا فتره ووسط الهدوء بانت اصوات الكورال ورى راشد على اغنية " تنحط ع الجرح " يمكن تعرفونها ... بصراحه حسيت بنظرات الكل حتى فيصل !! رفعت الجوال " ولد الخال " اكيد نايف ابتسمت وحطيت رد .. قلت : هلا والله نايف بملل : اهلين ضحكت : هه اش فيك ياحظي ؟ رد بسرعه : وقسم برب الكعبه اصعب من تصليح البيض عندي مافيه الحين كل شي جاهز بس اطلعه من الثلاجه عدا ذا البيض ؟! شوفي لك تصريفه معه ! فطست ضحك .. احس كل العيون تناظرني .. قلت : هدي اعصابك لا مشاكل مع المطبخ .. قال : لا اي مشاكل الله يهديك ... ربع ساعه حاطه على الفرن ولما جيت اطرقه ينكسر وينظف المطبخ .. ضحكت لاننا في الخُبر نعكس الحكي مثلا اذا شي وسخ نقول نظيف واذا كريه نقول احلا شي .. أو الله لايوريك .. قلت : اكيد مسوي شي غلط .. نايف : لا مثل ماقلتي قلت : طيب حطيت فيه مويه ؟ نايف : همممم كملت : طيب فتحت مفتاح الفرن ؟! نايف : همممم سكتت فتره ثم قلت : طيب متأكد انك حطيته على الفرن ؟! قال : أكيد بزر ماافهم ؟ سكتت افكر ايش كمان !! قلت : طيب فتحت المفتاح اللي بالوسط وحطيته على مكانه ؟! نايف : ايوه فتحته بس المكان اللي بالوسط كان كبير موت حطيته على اصغر حجم .. ماقدرت اكتم ضحكتي : الله يخلف على امك بس .. لو حطيته على المكان اللي بالوسط ماصار لك اللي تقول .. المهم لا تنسى اللي بالوسط وبالهناء والشفاء نايف سكت الظاهر مفتشل خخخ .. قلت بضحكه : اش فيك ؟! همس : مفتشل !! مثل ماتوقعت .. قلت : لاعادي خوذ راحتك .. يلا باايو ابعدت الجوال عن اذني وحطيته على الطاوله وانسدحت على رجل فيصل .. ياربيه الكل يناظرني فشلله .. حاولت اخفف من التوتر والعب بطرف الشيله .. سمعت صوت عمي : سارهـ ..! قلت بدون مااناظره : سم !! عمي : سم الله عدوك بس ... وسكت عاد قلبي يدق بقوه .. لفيت اناظره لقيته يناظر عمتي .. عمتي : مين اللي يكلمك قبل شوي ؟! اهاا قولوا من البدايه .. ناظرتها : واحد يقرب لي .. متعمدة احرق اعصابهم ههه صدق اني حمارة درجه اولى .. سمعت تركي : يابت استحي على وجهك تقولينها بوجههم واحد .. لا ومنسدحه قدامي .. بغيت اقوم افلعه باحد الاواني المنزليه .. ناظرت فيصل لقيته بنظرة وكأنه يقول " اصبري " قلت بهدوء : والله هما سألوني انا مااحب اكذب وقلت الصراحه كمل : ومنسدحه كمان ؟! قلت بلهجه اللا مبالاة : غض بصرك .. تركي : استحي ولد عمتك تكلميني كيذا انا اعرف البنت اللي تستحي مو كيذا تعطينها بوجه اهلك واحد يقرب لي .. رفعت عيني لعمي وعمتي لقيتهم ساكتين الظاهر الوضع معجبهم .. قلت : والله مابعد صرت ولي امري لاانت بعمي ولا خالي ولا حتى اخوي .. ثانيا لو كل الناس يقولون شي وانا اقول شي ثاني يمشي اللي ابيه .. لان ولي امري خالي تفهم وكيفي مزاجي جعلني رقصت قدامك ماتبي تشوفني نزل عينك ولا اسكت .. سمعت فيصل : عيب سارة استحي .. ناظرته لقيته مبتسم همس لي : شوفي شغلك مااوصيك .. بغيت افطس ضحك قسم لولا الحيا ضحكت ..! عمتي : طيب مين ذا اللي يقرب لك ؟! معليه جاي الغثا يابعدي .. حبيت اقهرهم .. قلت : نوني اقصد نايف ولد خالي .. عاد لو تشوفون وجيههم وناسه حدث ولا حرج .. عمي مبين عليه الغضب : اش يبي ؟ قمت العب بطرف الشيله . قلت : اعلمه كيف يصلح له فطور عاد اللي فاتح عينه واللي فاتح فمه واشكال .. عمي : ليش قالوله مطعم ولا ايش ؟ ياناس ليه مو راضيين تفهمون ان انا احبه واللي يطلبه يآمرني جعلني صرت له شغاله كيفي .. قلت بدلع : والله لانو انا اللي كنت اصلح لهم كل شي والكل معجبه اللي اصلحه .. لفيت على فيصل : ولا لا يافصوول ؟؟ ابتسم لي والله انه انسان من الخيال .. تركي بسخريه : ماشاء الله تشتغلين شغاله عندهم ؟ ناظرت عمتي ساكته يعني راضيه اكيد كيف لا وهو دلوعتها .. قلت : خير ؟ والله ماسمعت .. شغاله ؟؟ لا دلوعة ماما انا برضاي اصلح كل شي هوايه عندي والله .. وثانيا اموت على شي اسمه خالي ومرت خالي ولا عاد بنتهم مروى اموت على تراب رجلها .. اخدمهم بعيوني سكت عني الله يستر اش بيقول ورى كل ذا الصمت .. عمي بهدوء : ساره !! ترى ولي امرك هو انا عمك تحولت الولايه لي انا .. بلعت ريقي بصمت .. وبديت العب بطرف شيلتي بعصبيه .. احس برجل فيصل تهتز .. تركي : ياربيه اش ذنبي اذا اللي قدامي ماتفهم ؟ يابت اقولها لك .. اعتدلي مو لي احترمي اللي معك على الاقل ناظرت فيصل .. قال : لا عاد تركي مو لذي الدرجه .. ماتبي تناظر غض بصرك .. قلت بهدوء : نوو مااي براذر .. كان قبل ماادري عن اخبار نايف .. كل يوم بكلمه كيذا تطري على مزاجي .. وكان الاول انسدح على رجلك هوايه .. اليوم بس عناد لك وانا حُره .. اخوي راضي .. ناظرت فيصل خلاص بينفجر ضحك على اشكالهم .. قلت : الا صدق نورة وين ؟! عمتي بابتسامه : تلعب مع عيال خالها .. ابتسمت واعتدلت في بجلستي .. ووقفت وسحبت معي فيصل .. قلت : يلا نقوم نجهز العشا .. مشى وراي بدون ولا كلمه اول مادخلنا المطبخ .. فيصل : بصراحه صرت استحي اجلس معك !! لا يافيصل قسم مو قصدي .. ترقرقت بلورة من الدمع في عيني .. همست : ليه ؟! فيصل : انا الرجال ساكت وذي تدافع عن عمرها سبحان من اعطاك قدرة عجيبه في افحام من حولك .. شقيت الحلق واتجهت اساعد الشغالات .. .. فيصل : اذا ربي بلاني بشي لاسمح الله بتكونين لي محامي .. ضحكت : فداك .. انتبهت انه جلس على الكرسي .. كملت شغلي ويوم خلصت سحبته ودخلنا .. قلت : عمتي ابتسمت : آمري ؟! قلت بابتسامه : مايامر عليك عدو .. بس بنات عمتي يتعشون مع فيصل ولا لا ؟! تركي : لا خواتي بلحالهم وانتي معهم .. طنشته : ايه عمتي اش رايك ؟! ناظرت عمتي : برايهم .. ناظرت بنات عمتي : هاه بنات عمتي اش رايكم ؟1 نجوى بسرعه : اكيد معهم نهى : ايه جمعة الاهل احلا شي .. اتجهنا للمطبخ جلست جنب فيصل وجنبه تركي وبعدين اكيد امه ساعات اشك انه رجال .. المهم سيبنا منو .. همست لفيصل : قلبي يدق بقوة ضحك : لاني قربك ياهبلا قلت بابتسامه طالعه من قلبي : أكيد حبيبي .. كح كح ..! اعطيته ماي .. قال : اش قلتي ؟ ضحكت : لاتستهبل ياحمار ثانيا الف مرة قلت لك انو زوجتك حتتعب معاي ابلصق فيك مثل ماعمتي لاصقه بولدها .. ضحك على التشبيه .. ثم قال : الله يعين حرمتي اجل .. قلت : بنسكن مع بعض حتى واحنا متزوجين انا معاك وزوجتك وزوجي .. نشتري لنا بيت كبير .. سكت فتره ثم قال : ماله داعي البيت جاهز ينتظرك يمكن يقصد جناح ابوي .. خصوصا ان جناح عمي كبير موت فـ أكيد جناح ابوي مثله رغم اني ماشفته .. قلت : حلو اجل نسكن بالدمام فيصل : قصدك الخُبر قطبت : بيت بالخُبر ؟؟ ولنا ؟؟ مااظن نلاقي قال بهدوء : نلاقي .. اش اخبار دراستك ؟ الظاهر فيه سالفه لانه قلب السيره بس ماعليه الخبر اللي بفلوس بكره بي بلاش .. ناظرت الاكل : بخير .. عمي : هااه فيصل اسبوع يالظالم ماتسأل عننا ؟! مو اهلك ؟ فيصل : ابد ياعمي بس طول الاسبوع مو فاضي حتى ان مرت خالي وخالي مايشوفوني الا شوي واطلع من الاشغال عمي : ولو فيصل واذا انت ماتشتاق لنا حنا نشتاق لك .. ابتسم فيصل ولاعلق .. ناظرت عمي ابي اشوف ردة فعله لقيته مبتسم على طول راح بالي انه يشابه ابوي هه بالخُبر اناظر خالتي اقول انها تشابه امي وبالدمام اناظر عمي واقول انه يشابه ابوي وانا اصلا مااعرف الا اسماءهم .. مليت من ذا السيناريو كل يوم اعيد نفس الحكي .. لالهدرجه انا متأثره ؟؟ كيف لا وهم اهلي ؟؟ حتى نايف من اهلي .. الا هو من قلبي .. اذا ماكان من الاساس قلبي .. نايف حب كبير مايوصفه بشر من يوم يومي وانا احبه موت ولا ادري ان كان يدري ولا لا .. انتبهت على ضربه على كتفي لفيت لقيته فيصل .. قلت : خير ؟! همس لي : لاتفشلينا مبتسمه وساكته سولفي .. اتسعت ابتسامتي وقلت : عن ايش تتكلمون ؟! قال : اسمعي وتعرفي .. ايه ياعمي وبعدين اش صار لها ؟! هز كتوفه عمي : توفت !! صرخ فيصل : لا تقول ..! ماتت ؟؟ بسم الله الرحمن الرحيم .. همست : منو ذي ؟! ساكت فيصل ومطنشني .. رجعت وسألت ولا كأني اكلمه انقهرت وقمت من مكاني ولا اثرت فيه حركتي ابدا .. طلعت من المطبخ وفتحت التلفزيون اقلب القنوات صدق مقهورة وطلعت حرتي كلها بالريموت .. حطيت mbc2 وبديت اناظر الفيلم انتظرت ربع ساعه ولاجاء اعتذر صدق قهر .. تابعت الفيلم وفعلا دقايق والكل دخل على طول احترمتهم وقفلت التلفزيون .. انتبهت انه جلس جنبي .. سكتت مطنشته .. اسمعه يسولف مع عمتي وعمي وتركي اتمنى اتكلم واسولف بس انا زعلانه منه الظاهر ولا حتى حس لي لا ويسولف ولا عنده مشاكل .. بصراحه مليت دوم ساكته بس اصبر ان الله مع الصابرين .. فيصل : طافك نايف امس اش سوى .. قسم انه فله .. شدتني سيرة نايف .. تركي : ليه ؟! فيصل : بعدين اخببرك .. انقهرت منه وقلت : ليس اش صاير ؟! عاد ماسمعت الا صوت ضحكات فيصل والكل يناظره .. لا اخوي استخف وانا جالسه .. عمتي : اش فيك فيصل بسم الله عليك ؟! فيصل : عمـ..هههه أقو....ههههه ... أشر لها انه مو قادر .. الظاهر تذكر الموقف اللي مع نايف .. شوي شوي وسكت .. عمي : اقلقتنا يافيصل اش بك ؟! ناظرني : اسألوا اختي اكيد تعرف .. الكل وجه انظاره جهتي واراهن ان بنات عمتي من تحت الغطا يناظرونني .. عمي : قسم خفت عليك .. اش صاير ؟! هزيت كتوفي : والله مدري عنه اش بو لايورطني ..! تقرب مني وهمس : قسم انك رايحتن فيها .. همست : ليه ؟! قال : والله تزعلين واعرف اراضيك .. قلت بقهر : ياسلام يعني اني زعلانه وساكت ؟ قال : بصراحه كنت ساكت واكابر بس يوم شفتك مطنشتني أشكل .. جبت طاري نايف وبس .. ابتعدت عنه وجلست جنب عمي : ياحمار مااحبك .. ابتسم : بس بربك مو اعرف كيف اخليك تتكلمين غصب ؟! وغمز لي .. بصراحه كنت ابي ابكي خخخ عندي دموع زايده .. ابتسمت وسكتت .. قال : عمتي !! انخرست اختي واستخف اخوها .. قلت بسرعه : فال الله ولا فالك بومه ماتنطق بالخير مالت عليك وعلى وجهك .. ابتسم لي .. ناظرت تركي لقيته يناظرني وجع ان شاء الله ابيه يستحي على دمه ولا عنده في ابوو امها حتى .. قلت : هييي ولد عمتي اش بك ؟! تأفف : نعم ؟! قلت : نعامه ترفس عدويني قل آمين ؟ تركي : لوقلتي ترفسك احسن لان مافيه فرق قلت : والله كيفك انا اقصد ناس يعرفهم فيصل بس .. عمتي : وقسم انكم مو طبيعيين اللي يشوفكم يحلف انكم مو اخوان .. الله لايفرقكم عن بعض يارب اكتفينا بالابتسامه .. المهم مضت الليله بوناسه الين جاء يطلع سلمت عليه وعدني اذا كان فاضي يدق علي .. أول ماطلع كانت الساعه وحدة الا خمس مع تركي .. طلعت لغرفة نجوى وفتحت شنطتي تذكرت اني ذاكرت وحليت واجباتي قفلت الشنطه وغيرت ملابسي انسدحت على السرير ابي انام ماجاني نوم .. قريت آيه الكرسي وعلى طول نمت .. * * * صحيت الساعه 4 الفجر صحيت نجوى وصلّت وعلى طول نامت اكيد تعبانه لانها نامت بعدي المهم دخلت اتحمم انتبهت ان شعري صار طويل من بعد آخر السالفه .. تذكرون سالفة شعري القصير ؟! اللي يوم كنت بالخُبر كنت بقولها ؟! وانا عند وعدي .. بس انتظروا شوي .. وصل لبعد اكتافي .. طلعت من الحمام عز قدركم وجففت شعري لفيته على داخل ولاحطيت فيه شباصات ابداً فاضي حطيت كحله غامقه وقلوس أحمر رايح فيها .. ناظرت الساعه باقي وقت فتحت كريم مرطب وحطيته بجسمي يااي يجنن بالفراوله يذبح هه ويني عنه من زمان ؟! لبست مريولي وحطيت عطر احترت البس اي لون انا مو حاطه شباصه .. استقريت على اسود لبست عبايتي السوداء عاد ذي مميزه من تحت فيها لمعات وبالاكمام شفاف .. أخذت حجاب يناسبه ولفيته .. تعمدت انزل قذلتي علشان اطلع غير .. اتجهت لنجوى وصحيتها ولما تأكدت انها قامت اخذت شنطتي ونزلت لقيت الكل موجود عدا نجوى هه اكيد مابتكون موجودة .. قلت : صباح الفل والياسمين والورد والجوري والمسك والريحان والشذا والنهى والنورة والساره وعمتي و .. ولدها .. نهى : بس تكفين .. سحبت كرسي وجلست : كيفي والله وثانيا جزاتي قايله اسمك ؟! ولا اش رايك عمتي ونوران ؟! عمتي : الصراحه الحق ينقال كيفها ! صفرت : عاشت عمتي ولأول مرة في الحياة عمتي توقف ضد نهى تُسجل في التاريخ ياناس .. وينك يانجوى تسمعين ؟! نهى بضحكه : ليه ؟! مسكت خبزة وبديت احط فيها جبن .. وقلت : ابد بس دايم تقول ان نهى امي ماترضى عليها بما انها الكبيرة واخوك بما انه الولد الوحيد .. ونوران لانها الصغيره .. ونجوى بنت البطه السوداء .. قطبت عمتي .. وضحكت نهى مع تركي .. أما نورة تناظر بصمت .. عمتي : لا مين قال نجوى كمان احبها مو بنتي ولا ايش ؟ تمنيت فعلا ان نجوى تكون معنا ومالبثت ان تمنيت حتى سمعت " صباح الخير " .. قلت : هلا والله تعالي اسمعي اش نقول عنك .. قطبت : قسم لو تحشون فيني ارتكب عدة جرائم ضحكت : مثال حي ياعمتي شفتي كيف على طول راح بالها لـ نحش فيها .. أما نهى على طول تقول تمدحوني .. ولا انا غلطانه ؟! همست لي نجوى : اش صاير ؟! قلت : دافعت عنك عند امك وقالت تموت عليك .. نجوى : اش قلتي بعد ؟ قلت : عن انها تحب نهى لانها الكبيرة وتريك الولد الوحيد ونورة الاخيره .. ابتسمت واتجهت جنب امها على طول والى الاحضان ياعشاق .. ابتسمت : رب(ن) حرمني لا يحرمك !! الكل التفت جهتي ... بسم الله اش قلت ؟! عمتي : قسم لو تقولين كيذا ثاني ازعل .. انا مو امك ؟! تركي : لايمه عندي اخوات كثير ماله داعي ذا البنت اللي تقرف التفت له : أووف اللهم طولك ياروح وبعدين معك فقعتلي مرارتي خلني لو يوم مااسمعك تهاوشني أوووف .. رفع حاجب ووطى حاجب : كيـ .. ـفي .. مـزآآ .. جــي ..! قهرتني حركته ناظرت براطمه وفقعت ضحك مدري ليه من يوم كنت في الخبر ايام ماادخل له اشوفه مبرطم مايعجبه العجب ولا االصيام في رجب .. التفت لأمه : يمه !! شوفي لك حل معها تناظرني وتضحك .. تقهر ! ألعن أبو الدلع بس .. قلت : بذمت كل أهلي انك تضحكني .. مدري ليه اذا مقهورة اناظرك واضحك يمكن تذكرني بجيري الفار .. عاد الكل يضحك .. قال : بايخه قلت : الزم حدودك ويلا تأخرت عن المدرسه .. وقف وطلع على طول وراه نجوى .. أتجهت للباب سمعت صوت عمتي : ساره !! التفت لها وابتسمت .. بصراحه كنت خايفه تقولي كلمه تقهرني .. قالت : شعرك طالع .. قلت بطريقه آليه : أدر... أقصد طيب .. دخلته وطلعت رحت المدرسه نجوى وريم اعجبهم شكلي موت المهم درست الين جات لنا الفسحه مريت على ريم كانت مره نايس .. قلت : طالعه حلوة ياحماره .. ردت بغرور واضح : من يوم يومي وانا اجنن .. رفعت يدي ولعبت بقذلتي : طالعه علي .. بس لاتحاولي تقلديني .. قالت : ملوك قال لي اسوي كيذا وهوا ساعدني .. بس تصدقين فيه شي ناقصك .. قطبت : ايش ؟! قالت : أظافرك مو مرتبين .. قلت : كيف يعني ؟! ردت : بالمبرد ..! قلت : تصدقين كسرته ؟! ايه صدق اقول لك ولد عمتي يناظرني ويناظر اخته والبسمه من بدايه حلقه لنهايته مدري اش به ..! ردت : أكيد وحدة منكم انخطبت .. قلت : قلت لنجوى ذا الحكي على طول .. سكتنا فتره ثم قالت : سيبنا منو الاهم متى بتطلعين تشترين مبرد ؟! رديت بملل : لا يمكن اطلع! محد يقدر يطلعني .. ابتسمت : ولا تزعلين بكره يكون عندك .. ابتسمت : لا عادي مااحتاجه .. مايحتاج ! ضحكت : أصلا بخاطري أطلع وبتحجج فيك .. ضحكت : قولي من البدايه وانا اقول اليوم طيبه اكيد مو لوجهي .. سكتنا فتره ثم قلت : بخاطري اطلع من المدرسه .. قلت : قسم اذا طلعتي وبقيت لأذبحك تراني ملانه حدي يابعدي تحمست للفكره : وناخذ معنا نجوى بنت عمتي .. قالت : ياليت .. قلت : طيب مااكون بنت امي ان ماطلعت .. المهم الحصه الرابعه بدايتها تطلعين للحمامات ونتلاقى طيب ؟! قالت : أوكي .. بصراحه وحشتني ايام الهروب والمغامرات والمدري ايش بس تصدقون خايفه نجوى أو شي .. خصوصا انها ميه على ميه مو متعودة .. وينك يانجلا وينك بس .. مضت الفسحه على خير ولما جاء وقت الحصه الرابعه دق الجرس واتجهت للباب شفت ابله الرياضيات وضحى أووف قهر .. قالت : خير سارة ؟! قلت : لو سمحتي ابي اروح الحمامات تكرمين .. هزت راسها نفي : لا .. هيا ماتطيقني خلقة بعد اطلب منها طلب ؟ هين بس .. قلت : ابله قسم مااكذب .. قالت : قلت لا يعني لا وادخلي مكانس.. دخلت الفصل وانا مقهورة معليه طيب .. شوي وجاتنا ابلة الكيميا وقفوا عند الباب انتهزت الفرصه وقلت للفصل : بنات اذا سألكم ابلة وضيح انا تعبانه قولوا ايه من الحصه الاولى طيب ؟؟ وانا اوعدكم اضيع لكم الحصه اذا تبون .. صرخوا : تكفيييين ! قلت : لاتسمعكم .. المهم طيب على راسي لاتنسون انا تعبانه موت .. اتجهت لمكاني وحطيت راسي على الدرج على ابو اني تعبانه كان قلبي يرقع مدري ليه .. يمكن خوف من المستقبل خخخخ .. شوي ودخلت : السآم عليكم رفعت راسي وقلت للي بجنبي بهمس : قولوا وعليكم السآم .. ضحكت : طيب .. ومسرع ماقالوها هه علشان تتعدل .. سمعتها : اش بها ؟! سمعت بنت : تعبانه .. بنت غيرها : من الحصه الاولى .. وبنت : ومريضه بالاسهال .. وبنت : والامساك .. وغيرهم : ومصخنه .. وبنت : وحرارتها طقت الاربعين .. قسم بغيت اضحك كل ذا علشان يضيعون الحصه ؟! سمعت طق كعبها الظاهر جايتن لي .. قطبت ملامحي على ابو اني مريضه .. رفعت لي راسي : وش فيتس ؟! ميريضا ؟! سكتت عنها حطت يدها الضعيفه على وجهي .. ملاحظه حنا نعكس الحكي اذا معفن نقول حلو .. اذا سمينا نقول ضعيفه .. قالت : لا مافيتس الا العافيه تتميرضين .. سمعت بنت : ابله في الفسحه كنت معها طاحت علي بس رشيت عليها مويه وصحت .. قالت : روحي للحمامات بس لاتتأخرين .. بغيت افلعها احلفي ياشيخه انتي بس .. معليه ان ماطلعت من المدرسه برضاكم هين .. حطيت يدي على فمي يعني برجع .. مسكتني من يدي وسحبتني للحمامات عاد قمت ابلع مويا واطلعه هه خُبره بذي الشغلات .. عاد شفنا ريم .. ريم : سارة ؟؟ اش بك ؟! صرخت عليها الابله : صوّتي على النيرسات .. انصاعت ريم لكلامها عاشت ساره ههههه وماهي الا دقائق حتى شفتهم مقبلين نحوي وسحبوني انا مع الابله وبدوري سحبت ريوم هه يعني تواسيني .. دخلوني الغرفا لصحيه وسدحوني على السرير .. أستغليت انشغال الجميع وهمست لريم : طلعي نجوى بأقرب فرصه .. هزت راسها .. بديت اصارخ : ابي فيصل .. هاتوه لي ابيه فيـ... وغمضت عيوني وسكتت .. سمعت صوت : اش بها ؟! ريم : أكيد اغمي عليها .. كان بخاطري افتح عيني واشوفها وهيا خايفه .. قالت : قبل شوي قالت تبي فيصل .. خطيبها ؟! ريم : لا ذا اخوها .. قالت : طيب خله يجي لها .. ريم : لا وين .. بالخُبر .. سكتت فتره ثم نطقت : طيب امها أو أبوها يجون لها ؟! بغيت ابكي اي انسان على طول يقولون له ابوك او امك متوقعين اني ماانجرح بكلامهم ؟ بغيت ابكي وماحسيت الا بعطر على وجهي .. سكتت عنهم .. شوي وسمعت الابله : طيب حد يقرب لها ؟! ريم : انا مااعرف ارقامهم نجوى اكيد تعرف .. قالت : ومين نجوى ؟! رشه عطر ثانيه على وجههي .. ماسمعت الا صرخه الابله : روحي هاتيها بسرعه .. لذي الدرجه انا مهمه ؟! عاد كل مرة يرشون على وجهي عاد بصراحه مليت وفتحت عيني ببطئ يعني تو صحيت .. بانت لي الرؤيا ان نجوى مع ريم واقفين .. الابله : كم رقم بيتهم بسرعه خل حد يجي .. نجوى : اخوي بالمدرسه وخالي بشغله .. الابله : والحل ؟! ريم : أدق على زوجي يجي لي معهم ونجوى تطلع توصف بيتهم !! الابله : اش تنطرين ياحافظ يلا .. ريم : حاضر ابله .. وراحت .. عاد نجوى قامت تسوي مناحه الله يستر بس المسكينه الظاهر ريم ما قالت لها .. شوي وساعدوني النيرسات البس عبايتي .. نجوى : انا بظل هينا مااقدر عندي حصص .. شف الحمارة هذا وهي ماتدري اني اتمصخر لو تدري اش بتسوي ؟؟ تفضحني ؟؟ المهم نزلنا تحت بمساعدة النيرسات وانتظرنا لين جاء ملوك هه ودخلت مع ريم وودعنا النيرسات ... زوجها : اش صاير ريوم اقلقتيني عليك ؟! ريم : ابد بس هربت بمساعدة اللي وراي قسم كنت طفشانه .. صفر : احلفي ؟! انتبهت ان ريم اتروعت .. قالت : ليه بالله ؟! قال : أمووت عليك ريوم عاد مديري مارضى يطلعني الا لما سمع عن مرتي وحالتها .. ضحكت مع ريم حتى هو بعد ضايقن خلقه .. قلت : طيب وصلوني بيتنا وخذوا راحتكم بالبيت .. تعمدت اناظر ريم محترقه اما زوجها مبتسم شوي .. وسمعت همسها : اشوف فيك يوم يارب .. قلت : قولي آمين .. زوجها : طيب ماقلتي وين بيتكم ؟! حسيت بضحكه لانها كلمه اخو ريم .. قلت : ريوم تدله .. وفعلا وصفت له ودخلت البيت شفت البيت فاضي أحسن رحت المطبخ وخليت الشغالين وصلحت غذا محترم لا تنسون متحديه مع تريك ومو مخبرته الا اذا ذاقه .. وصيت الشغالين وحذرتهم يقولون لأي أحد ثم قطعت السلطه قلت لهم انهم ماشافوني وصعدت غرفة نجوى شوي وسمعت الاذان أول مرة اسمعه وانا مو في المدرسه .. صليت ودعيت ربي بدعائي المعتاد الذي سبق وان ورد ذكره .. طويت السجاده وجهزت لي برمودا ابيض وبلوزه حمرا حطيت كحل وقلوس مثل الصبح لفيت الحجاب الابيض مع شيله شفافه عليها احمر حطيت لي خط مكياج احمر واكسسوارات احمر وابيض والساعه احمر واسوارة باليمين والشمال فاضي .. والله من الفضاوة .. لبست الكعب الاحمر وانا مبسوطه .. ناظرت الساعه باقي شوي وتيجي نجوى نزلت تحت للصاله وفتحت التلفزيون على روتانا سينما وبديت اناظره وانا مفسحه والتكييف يضرب فيني ياسلام وناسه واللهـ .. والله ماناقص الا الفصفص ناديت على الشغاله وجابته لي هه كأني اميره خخخ قمت آكل فصفص وانا منسدحه وكل وحدة من جهه بس معليه نهايتي بنظفه ..! .: نهاية الجزء الثآمن عشر :. |
.: الجزء التآسع عشر :. " جَآلِسْ ~ لْحَالِي ولَحَآلِي ؛؛ هزّنّيْ |[ الشّوق ]| وْذِكرْتِگ ,, يَعنِي ** مَعْ ـقُولَهـ ياآ غَآلِي *.. گل هَذآ وْمَاآ * وَحشْتِگ ..؟ غِيبتِگ × طآلتْ × لِيآلِي ,.,؛ يآا عَسَى خِيرْ و.. عَذرتِگ .!" / \ / ودخلت البيت شفت البيت فاضي أحسن رحت المطبخ وخليت الشغالين وصلحت غذا محترم لا تنسون متحديه مع تريك ومو مخبرته الا اذا ذاقه .. وصيت الشغالين وحذرتهم يقولون لأي أحد ثم قطعت السلطه قلت لهم انهم ماشافوني وصعدت غرفة نجوى شوي وسمعت الاذان أول مرة اسمعه وانا مو في المدرسه .. صليت ودعيت ربي بدعائي المعتاد الذي سبق وان ورد ذكره .. طويت السجاده وجهزت لي برمودا ابيض وبلوزه حمرا حطيت كحل وقلوس مثل الصبح لفيت الحجاب الابيض مع شيله شفافه عليها احمر حطيت لي خط مكياج احمر واكسسوارات احمر وابيض والساعه احمر واسوارة باليمين والشمال فاضي .. والله من الفضاوة .. لبست الكعب الاحمر وانا مبسوطه .. ناظرت الساعه باقي شوي وتيجي نجوى نزلت تحت للصاله وفتحت التلفزيون على روتانا سينما وبديت اناظره وانا مفسحه والتكييف يضرب فيني ياسلام وناسه واللهـ .. والله ماناقص الا الفصفص ناديت على الشغاله وجابته لي هه كأني اميره خخخ قمت آكل فصفص وانا منسدحه وكل وحدة من جهه بس معليه نهايتي بنظفه ..! شوي ودخلت نجوى وهي تتأفف ووراها ولد عمتي شالت حجابها وجات بتصعد الدرج عاد الله لايوريكم يوم شافتني .. شهقت : اهئ ساروة لاتمرضين التكييف بوجهك .. ثانيا لا تاكلين ذا كلي اكل صحي أو روحي ارتاحي .. انفجرت ضحك بقوة الين شفت عمتي .. عمتي : ساره ؟! قلت بضحكه : ايه عمتي ليه تغيرت ؟! نجوى : شوفي يمه اليوم شفتها بالغرف الصحيه مغمى عليها و.... شهقت عمتي : قومي بس قومي برد عليك .. ناظرت تركي : وانت ماتبي تقول شي ؟! هز كتوفه : اكتفي بالمشاهده .. قلت : بصراحه بصراحه كان مالي خلق اكمل الحصص عاد على حصة الرياضيات الابله قهرتني اجل انا تقول لي لا تروحين الحمامات قلت بوريها وسويت نفسي مريضه .. عاد نجوى كنت بطلعها معي بحكم صلة القرابه بس خبله ..! شهقت عمتي وقالت نجوى : ياحمارة لاتهربي من المدرسه تضيع عليك حصص .. هزيت كتوفي : ماعندي مشاكل دارستهم من قبل .. نجوى : لا استخفت وجلست .. وعمتي لاتزال بصدمتها سحبتها وجلستهم حواليني .. عمتي : وانا حسبالي بس تركي اللي يهرب .. طلعتي انتي مثله .. أكره شي ااسمه مقارنه مع ذا .. قلت : لا عمتي ذا راسب السنه راسب .. بس انا يوم مايضرني شي فيه .. تركي : ترا ساكت عنكم لحد الحين كله اهانات .. قلت : أصلا لو عندك حكي قلته بس افحمتك بردي .. سكت ..! نجوى : بالله كيف طلعتي ؟! قلت : اتفقت مع ريوم من الفسحه نهرب مثل الخُبر وطلعك معنا عاد طلعت معها علشان توصلني .. عمتي : توصلك ؟! قلت : قصدي زوجها يوصلنا .. تخيلي عمتي زوجها يقول لها أحسن شي اكم طلعتوا لان مديره مو راضي يطلعه ؟؟ عمتي : ياسلام هي مع زوجها يهربون وتهربين معهم .. هزيت كتوفي : عادي كان خالي ماعنده مشاكل ونايف يوصلني .. تركي : بلحالكم ؟! عاد انا ادري اهم شي عنده اتغطى ويتغطون خواته هذا بناته الله يعينهم .. فـ حبيت اقهره .. هزيت كتوفي : عادي واحيانا معنا ريوم .. عاد الله لايوريكم شكله وقام .. عمتي : غير ملابسك وانزل تغذى .. ناظرني : مشكورة يمه ماابي .. وجع الحين متعبه حالي ياحمار ..! ناظرت عمتي : تعال تغذى مانستغني عن لقافتك .. ناظر امه .. وامه ناظرتني .. ونقز لغرفته .. لفيت لامه : زعل ؟! نقزت امه وراه .. لفيت لنجوى : فاهمه شي من اللي يصير ؟! نجوى : ولا ابي افهم .. وراحت فوق .. بسم الله الرحمن الرحيم ماتوقعته حساس لذي الدرجه خيبه الظاهر انه باقي بزر .. تذكرت خالي ومرته دايم يقولون لي بزر يمكن لانو دايم العب بس انا اهم شي بالدوونيا عندي وناستي .. حطيت الفصفص على الطاوله وصعدت لغرفة نجوى شفت عمتي شاقة الحلق بسم الله بين المغرب والعشاء يفعل الله مايشاء .. سبحان مغير الاحوال جاتني لقافه بصراحه بس سكتت وطنشت ومثل مااقول ياخبر بفلوس بكره بي بلاش .. غيرت طريقي الى تحت ورحت اتابع الفيلم عاد انتهى واااي كان بخاطري أشوف النهايه .. المهم كان تامر حسني يغني وانا ادندن معه مدري اغنية اسمها " أول مرة تحب " ولا ايش الظاهر كيذا .. المهم خلصت الاغنيه وقمت ورحت للمطبخ رحت ورتبت الصحون باقي نهى ونورة غريبه الكل جاء قبلهم أو يمكن ماانتبهت انهم دخلوا لان احيانا تطق فيوزاتي ومااشوف اللي قدامي .. المهم صعدت الى غرفهم وناديت عليهم وعلى نجوى ترددت اقول لتركي بس تراجعت صايره اعطيه وجه دايم ماصارت علشان انه اسوي كل ذا .. جلست اناظر الفيلم اللي بعده كوميدي أحسن .. وبدت النظافه على اصول سبق وان قلت ان اقصد قمة الوساخه كل قشر بجهه والحاله لله .. نزلت نجوى : استغفر الله اش تسوين ؟! اش ذا ؟! قلت بلا مباللاة : عادي اقدر انظفه متعوده نجوى : الحمد لله رب العالمين كملت : والصلاة والسلام على اشرف الانبياء والمرسلين .. حفظتها من الابلات .. نجوى : كيف تعيشين كيذا ؟؟ هزيت كتوفي : مو شغلك كيفي .. احترمت نفسي وقمت نظفته بعدين جلست آكل بنظام الين بعدين جاتني نورة تقول يلا .. قفلت التلفزيون ورحت معاها جلست جنب نجوى وانا ساكته وبخاطري اقول للكل اني مسويتهه بس ابي اسكت دام الكل ماقالوا فيه تغيير يعني ماحسّوآ بالفرق .. صفطت الملعقه ورحت حطيت لي عصير فراوله وجلست جنب نجوى .. قلت : تبين مثلي ؟! نهى : مدري كيف تستحملين الخبز مع الجبن وعصير الفراوله .. بغيت اقول مثل ماتتحملون تركي اخوك بس احترمت نفسي وسكتت .. رفعت عيني لتركي لقيته يناظر نجوى وشاق الحلق مااقول لكم ماجاتني لقافه بس معها خوف مدري ليه ؟؟ .. المهم سيبكم من قلبي من عرفته وهو كله يناقز .. لما شفت الكل خلص .. قلت : بصراحه ابي اعترف باعتراف ..! الكل ناظرني كأني مسويه جريمه عظيمه يُعاقب عليها القانون .. قلت : بصراحه انا اليوم اللي صلحت الغذا .. شهقت نهى .. وقالت نجوى : كذابه مااصدقك .. نورة : قولي قسم ؟؟ ضحكت : لالهدرجه مصيبه ؟؟ وقسم بربي .. نجوى : متاكدة يمه ان ذي بنت خالي ؟! طفره والله .. ناظرت تركي وانا رافعه حاجب وموطيه حاجب : علشان يعرف اخوك ان مهوب انا اللي تتحدوني .. ولا كلامي غلط ؟! الكل سكت حسيت بسعادة فعلا كيف ان الكل ماحس بغلط وفرحه ممزوجه بالانتصار على ثاني اكبر اعدائي .. أولهم سلمى !! تركي : تصدقين نجوى ؟! بصراحه حسيت بنظراته خبث الله يستر .. هزت راسها : هممم كمل : ياخوفي تطلع مروى هي بنت خالي انا ماصدقت ان ذي بنت خالي الا لما حلف لي فيصل سبحان الله يتشابهون بقوة حتى الناس ماتفرق بينهم .. هم انفسهم احيانا يغلطون .. ولا كلامي غلط ؟! حسيت من نغزاته انه يقصد يوم كنت ادخل له المقلط حسيت فعلا بقهر ووطيت راسي انا اذا كنت مقهورة أبكي او مفتشله ابكي ناظرت بيدي وبالضبط اصبعي صغير بس بدا يكبر شوي . . تذكرت الموقف وبدا ينعاد علي وانا اقول لنايف " آسفه " وأنا أصرخ " يمه ! " دموع خالتي مشاعل .. همسات فيصل .. نظرات مرت خالي .. السطح مع نايف .. دروس الكيميا اللي شرحها لي واخيرا حضنه ...! أول شخص لجئت له من بعد ربي هو نايف .. قربه مني وهو يشيل البرقع .. ياترى باقي محتفظ بالبرقع ولا رماه باقرب زباله .. لا ياساره لا .. مو الحب اللي يخليك ضعيفه انتي قويه مايهزك شي .. مين كان اللي تنزل له دموعك ؟! بس ذا نايف تفهمون ؟؟ مُستثنى من القاعده .. لأنه نآيـف ..! حسيت بغصه هو عايش متهني وانا اتعذب ولايدري عن اخباري خنقتني العبره .. وقلت : أحم لاتغير السالفه اش رايك ؟! عمتي : الحق ينقال بصراحه اكثر من روعه .. متأكده انتي اللي صلحتيه ؟؟! ابتسمت : أكيد وترا محد ساعدني حتى السلطه .! تركي : شوي لاينقز لك عرق .. هو ليش يكرهني ؟؟ عشان ماعنده شي ؟ يسلي نفسه باعصابي ؟! ليش هو حمار مايفهم ؟! وقفت : تمسون على خير ؟! واشرت عليه : عادك انت طبعا جعلك ماتصحى الا شعرك قالب يارب .. ابتسم والكل ضحك ماعلي منهم صعدت غرفة نجوى بملل بالخُبر ماكان فيه وقت ملل ابد طيب اش الحل ؟! والله وجبتها مافيه الا عيال عمي والبلايستيشن .. ضبطت حجابي وصعدت طقيت الجرس طلع لي واحد منهم على طول عرفته : سامر صح ؟! ابتسم : حياك ! دخلت جوى البيت على طول رحت للصاله لقيت اخوه ينتظره بالبلايستيشن يااي ذكروني بنايف وفيصل .. جلست : وين ابوكم ؟! سامر : نايم كنت بسأل وأمكم بس اكيد دام ابوهم نايم امهم نايمه .. قلت : طيب انا حد ابو اللي جاب امي ملانه .. تسمحون العب معكم ؟! بلييز والله بليز .. ناظروا بعض وفسّحوا لي مكان بالوسط على طول نقزت وجلست بينهم قلت : بما ان آخر مرة ثامر اللي قام فان اليوم سامر ينتظرنا ابتسموا .. بديت العب معه بهدوء تام ولما اشوفه متحمس أحطstop .. ثامر : ياربيه ليش تسوين كيذا حرام .. قلت : أبد بس بعدل حجابي .. ثامر : ايه هين قابليني بس .. سكتت عنه وكملت العب عاد ذي المره عندي الكره واروح والمشكله من الحماس الف مع الكره والمدري ايش كني افحط .. وصلت 19 ! بصراحه زهقت من الحجاب ثانيا انا مااتحجب عنهم شلته وحطيته على اكتافي .. واخيرا انتهت المباراة .. صفرت بصوت واطي : عاشت ساره .. ضحكوا .. ثامر : حظك اليوم ! قلت بسخريه : هيهيهي لقط وجهك يابن عمي بس .. بنت تفوز عليك ؟! ثامر : لاتنسين ان ذي البنت اكبر مني بكثير .. قلت : بس ماتعلمت الا بوقت متأخر ابتسم : وطبعا بتفهم بسرعه لانها اكبر مني والعقول غير .. بصراحه افحمني واعجبتني ثقته في الرد قلت : ثامر هل تتزوجني ؟! فتح عينه .. ضحكت : اهبّل فيك ..! بس بصراحه اول مرة حد يفحمني الله يخلي اصحاب العقول يارب .. لعبنا كثير واكثر من مرة فازوا علي بس بصراحه تونست معهم .. قلت : طيب ممكن اذا ملانه اجي عندكم ؟! ابتسموا : حياك ! وقفت : يلا انا تأخرت قوود باي .. وصلوني لعند الباب وطلعت نزلت تحت على الساعه 3 العصر صليت بعدين ذاكرت وحليت واجباتي وعلى طول نمت .. * * * |
((2)) صحيت على صوت خمنت انه نجوى كيف لا وهي صايره المنبه .. قلت : نجوى يامال اللي منيب قايله اذلفي بس .. سمعت صوت : لا قومي انا نهى .. فركت عيوني بحركه مضحكه : لا اصدق ماتراه عيني هل هذه ابله العربي نهى ؟ جلست على السرير : خير ؟؟ محد يقولها لي الا انتي خير اش ذا السخريه ؟! اعتدلت في جلستي : لان اول يوم جيت لكم فيه قالت لي امك ابله نهى خفت تعصب علي فـ صرت اسميك كيذا .. ضحكت بصوت عالي حتى امتلت الغرفه بصوت ضحكاتها .. حطيت يدي على فمها وقلت : وجع ان شاء الله اسكتي فضحتينا .. ثانيا خير اش تبين جايه مزعجتني ؟! وقفت : ماتبين تصلين ؟! طقت الساعه 9 وانتي نايمه شهقت وحطيت يدي على فمي مو معقول اول مرة اسويها من صلاة العصر لين الحين لا انهبلت .. فزيت من مكاني ورحت توضيت استغفرت ربي لان صلاتي متأخره غيرت ملابسي الى لبس محترم وتحجبت ونزلت لقيتهم يجهزون العشا قلت : هلوووو نجوى : يامرحبا بمن لفانا ضحكت وجلست جنبها : ياحبك للمصخره علي .. نجوى : ليه تفهميني غلط ؟! ناظرتها : بنت عمتي واعرف طبعك .. وينها عمتي مااشوفها ؟! نورة : شوي وجايه حسيت بالتقصير ناحيه نورة فـ قمت وجلست جنبها .. قلت : اش بها حبيبتي ؟ ناظرتني وابتسمت .. همست لها باذنها : وحشتيني موت موت موت موووت ضحكت : وانتي اكثر نجوى : اش بكم تتهامسون ؟؟ ناظرت نورة وغمزت لها : أسراار نجوى : بربك نورة كم عمرك ؟! نورة بفخر : 9 سنوات نجوى : بالله ساره من 19 الى 9 كم بينكم ؟! عشر سنوات يالظالمه وتسولفين معها ؟؟ انهبلتي ؟! قلت بهدوء : بقولك شي تدرين اعرف بنت متزوجه واحد اكبر منها بـ 10 سنوات وانا عند ربي صادقه ثانيا اش بها نوران مو حرام محد يسمع لها ؟! أعطيها حقها .. وكملت بدلع : لذي الدرجه تغارين علي ؟! فديت اللي تموت علي انا بس .. ابتسمت نجوى وسكتت شوي وشفت عمتي قمت من مكانها .. عمتي : لامايحتاج ابي اجلس جنب نجوى قلت : لا مشكورة مابي اجلس جنب ولدك نجوى : شف الحمارة يوم امي تقول تبي تجلس جنبي ... قاطعها اخوها : ترى مو انا اللي بموت واجلس جنبك .. ناظرته بطرف عيني ووقفت : نهى تعالي جنب اخوك وانا بروح عند نجوى وعمتي فعلا ذا اللي صار كعادتي آكل بسرعه واخلص اول وحده واقوم .. رحت الغرفه واخذت كتاب الكيميا وبديت اذاكر شوي ودخلت نهى : قومي لايفوتك .. جاتني لقافه : ايش ؟! اتجهت للباب : انزلي وتعرفين .. تركت الكتاب ونزلت للصاله الكل موجود ابتداء من عمتي وانتهاء بنورة .. قلت : خير اش صاير ؟؟ نجوى : لحقي خالي متصل يقول الليله توصل غرفتك بلمت : خالك ؟! مين خالك ؟! نهى : يابروود أعصابك يعني عمك !! افتشلت وغيرت الموضوع : بتوصل غرفتي ؟! ياااي وناااسه وجلست جنب نهى ونجوى .. نوره : سارة اش لونها غرفتك ؟! قلت : حزري ايش ؟! نورة : أحمر ؟! هزيت راسي بـ لا ..! نورة : أزرق ؟! هزيت راسي بـ لا ..! نورة : طيب أصفر ؟! قلت : قربتي شوي .. نورة : طيب قولي ؟! نجوى : ياربيه اش ذا اللقافه اش تبين بلون غرفتها استحي يابنت على وجهك انا مدري كيف خوياتك متحملينك قسم لو انا منهم من اول يوم أكرهك ناظرتها نورة كانها مو مستوعبه وعلى طول نقزت على فوق قلت بقهر : نجوى اش سويتي ؟ نجوى : اش سويت ؟! قلت بعصبيه : سلامتك ياروح امك لاتقولين ذي بزر ماتفهم يعني ماعندها احساس ابدا .. قدري مشاعرها ! ثانيا هيا تكلمني اش لقفك ؟ معليه نجوى انا احبك بس ماتقولين لنورة كيذا بدل ماتحمدين ربك ان رزقك اخت ؟! وقفت نجوى : تصبحون على خير قلت : حتى لو كلامي يزعلك بس ذا الصدق سفهتني وصعدت تنفست بقوة يمكن لاني جربت انجرح اكثر من مرة بسبب مرت خالي ومروى علشان دوم يقولون لي موشغلك .. مابي بزر تتعلم كيذا .. سمعت صوت : انبسطتي زعلت نجوى .. رفعت راسي : مين اللي تكلم ؟! نهى : تركي !! قلت : أووف مو رايقة لك .. عمتي : ولو سارة ماتعصبين على نجوى قسم شوي وانفجر وجع محد يحس بذا البيت ؟! .. قلت بقهر : بذمتك عمتي مبسوطه على اللي صار ؟! نورة بزر اكيد عندها حب استطلاع مالمفروض نعصب عليها بعدين تفقد ثقتها بنفسها والله العالم بعدين اش يصير لها .. سكتت عمتي الظاهر افحمتها قمت رحت لغرفة نجوى لقيتها مبرطمه قلت : نجوى !! رفعت راسها : اذا جايه تهزءين وفري كلامك .. جلست جنبها وقلت بهدوء : نجوى حبيبتي ذي بزر لاتعصبين عليها مهما قالت .. البزر يتعقد من كلمة لا .. تقول لا تصلح لا ولا ... علميها باللطف لانك قدوتها ولا غلط كلامي .؟! نجوى : بس مو تهزءيني اصغر عيالك ؟! قلت : لو اني مااحبك واحب نورة مااهتميت بس انتي خويتي ونورة بزر والبزران احباب الرحمن ضحكت نجوى .. قلت : فديت مبسمها .. صافي لبن ؟! ضحكت : حليب ياقشطه ..! قلت : يلا ننزل .. نزلنا تحت وحنا مبتسمات .. نهى : مسرع ماتراضيتوا ؟! ضحكت نجوى : هوا اصلا حنا تزاعلنا حتى نرضى ؟! قلت اغني : الله لايجيب الزعل و .... نسيت الباقي ههه ! ضحكت نهى وعمتي ابتسمت .. سمعنا طرق الجرس اكيد وصلت غرفتي .. وقفت : بروح اشوفها .. ومشيت للبوابه وقف تركي بوجهي : خير ؟! ماعندنا بنات يطلعون للرجاجييل كيذا .. قلت : بس ذولي اكيد مو سعوديين .. قطب : ايش ذا المبدأ ؟! يعني اي رجال مو سعودي مهوب رجال ولا ايش ؟! فتحت عيني : ابعد ابي اشوف غرفتي .. عض على شفايفه : يمه شوفي لك حل مع ذي .. عمتي : سارة !! أصعدي مع نهى ونجوى انقهرت فعلا واخذت نهى وصعدنا نهى راحت غرفتها ونجوى دخلت معي .. أخذت لي عبايه ولثمه ورحت لغرفتي لقيت تركي عندهم وهم يركبونها .. قلت : لا السرير تحطونه هينا .. أما هينا المرايا .. انتظرتهم يسوون اللي ابيه ثم كملت : وذي الأدراج تحطونها في ذيك الزاويه .. تركي : اقول لو تتركين الزاويه فاضيه و الادراج جنب المرايا أحلا ! قلت : طيب وابي هينا تحطون الدواليب ابيهم كلهم جنب بعض طيب ؟! تركي : خلصتي ؟! قلت : اش حارق رزك ياخي كيفي غرفتي وانا حره .. تركي : بس هينا رجال وانتي البنت الوحيدة .. قلت : بالله انت اش مهنتك مو ولد عمتي ولا مو معتبر نفسك رجال ؟! حسيته مقهور .. فـ قال : بس انا ولد عمتك مو اخوك .. هزيت كتوفي : ماتفرق معي ! قال : بس انا مو اخوك ... افهمي .؟! حسيته يبي يفتح محاظره او فلسفه عظيمه .. قلت : خلاص ولا يهمك انا بطلع واذا طلعوا اترك الباب مفتوح لان ريحتها تقرف قطب : مابتسكنين هينا الليله ؟! قلت بقرف : وااع تبيني افطس ؟! المهم انا رايحه .. دخلت غرفة نجوى .. وصليت ناظرت الساعه 11 ونصف انتبهت ان نجوى نايمه تصدقون اول مرة اشوفها نايمه ؟؟ العاده انام قبلها .. ناظرتها فاتحه شعرها ونايمه بهدوء وبسلام وببراءه .. ابتسمت لها ورحت على مكتبها فيه ورد ومدري ايش .. بنت عمتي رومانصيه خخخخ بس تصدقون احس ان اللي بياخذها محظوظ امه داعيه له بليله القدر .. مدري نقزت عندي صورة سلمى مدري ايش تسوي الحين مع نايف ؟! أكيد .. طيب فيصل يدافع عني ولا ايش ؟ قمت من الكرسي ونزلت تحت جلست مع عمتي كانت ساكته وتناظرني احسها تتأمل عجائب خلق الله فيني .. بخاطري يوم اسالها ليه دايم تناظرني كيذا وبذي الطريقه قلت يمكن نسخه من ابوي او امي ..! ماحبيت اضيق خلقها واقول لها عن سيرة امي او ابوي فـ سكتت .. ظلينا طول الوقت انا معها ساكتين الين مليت صعدت غرفة نجوى واراهن انها انتبهت لي سارحه فيني ولا تدري عن شي .. اخذت كتاب من كتبي وبديت اذاكر واحضر رغم اني ذاكرت بس استرجع المعلومات .. ناظرت الساعه كانت 12 ونصف وطيت راسي وكملت اذاكر مر علي مثال مدري ايش فيه نورة عاد نقزت المسكينه اكيد مانامت .. ناظرت الساعه وحده وخمس دقايق .. ضبطت حجابي لان بذا الوقت يرجع تريك .. وطلعت من الغرفه بهدوء مريت على غرفة نورة ترددت اطرق الباب ولا لا بس سمعت صوت بكيها وتقول : والله والله ماكان قصدي شي بس اسأل مدري هيا ليه تسوي كيذا معي .. المسكينه تشاهق كسرت خاطري ياربي رحمتها .. سمعت صوت : معليه يمكن ضايقتيها بشي او راسها كان مصدع سمعت نورة : انت ماتفهم ؟! اقول لك اتكلم مع سارة بنت خالي هي شكو ؟! انتفضت ..! ذا صوت رجال مستحيل تركي !! رحت لغرفة نجوى وغسلت وجهي الظاهر مثل الخُبر يصير فيني كيذا .. حطيت يدي على راسي مثل مايسوي فيصل قمت مريت على غرفتها لقيتها هدوء ولا صوت بصراحه كان قلبي يقرقع قمت اتوهم اشياء غريبه .. اتجهت لغرفة نجوى وكملت نوم بهدوء وراحه بال .. * * صحيت الساعه 4 صليت الفجر بعدين تحممت بعدين رحت جففت شعري حطيت فيه جل وخليته مموج بعدين حطيت كريستالات فضي حطيت العدسات والكحله والقلوس وردي لبست مريولي ورشيت عطر بعدين رحت صحيت نجوى والله كانت نعسانه وماشافت شكلي بس معليه انا مابطير ههه .. لبست حجابي ناظرت شكلي اهبل كانت الشيله مومرتبه وطالعه اجنن فيها .. مسكت عبايتي بيدي وكمان شنطتي ونزلت محد في البدايه انتبه لي بس يوم قلت " صباح الخير " الكل التفتت عاد يااي وناسه الكل معجب بشكلي .. قلت بغرور : حلوة ؟! نهى : على غرفة الانعاش يااخوان بمووت .. ضحكت عليها وجلست اصلح لي خبز مع جبن واكلت نصفها ونجوى مابعد جات بسم الله الرحمن الرحيم انتظرت شوي حتى اقبلت علينا لو تشوفونها بس لالا اخاف تحسدونها .. قلت وانا اطبل على الطاوله : دلوعتي كل الحلا فيها .. احترت انا مدري شسميها .. في حسنها كن البدر ضاوي .. اخت القمر محدن يساويه .. ايه دي الحلا يابت غطيتي علي ياقمر !! نهى : أحم أنا القمر اللي نجوى اختي ؟ اكتفيت بالابتسامه ..! عمتي : لا مهوب انتي .. رفعت نهى حاجب : وماال مين ؟! أيقنت انها بتقول تركي ..! عمتي : أخوك تركي أما عاد تركي قمر احلفوا عل ىالمصحف ايه صدق البوم في عين امه اييييش ؟؟ رفع عينه : نعم يمه ؟! ابتسمت عمتي له : اللي ماكل عقلك لايتهنابه افففف مع ذا الدلووعه كملت : بجد نجيو طالعه تهبلين عذاب مو صاحي ! نجوى : صدق ؟! قلت : فيه مرة كذبت عليك ؟! هزت راسها مثل الاطفال : لا .. المهم افطرنا ولما الكل خلص لبست عبايتي وقلت : يلا نطلع .. وقف تركي وناظر امه .. عمتي : تغطي ساره .. لفيت عليها : ليه ؟! فتحت عينها : حبيبتي انتي متزينا عيب كيذا .. قلت : قسم اختنق مقدر ابد !! عمتي : معليه جربي اليوم .. قلت : سوري ماي آنت آي كانت .. اذا قدرت أتلثم ولا اعذريني .. طلعت وعلى طول سيارة تركي صعدنا وحرك بدون مايتكلم ولا كلمه .. شوي وسمعته : حاولي تتلثمين .. بصراحه افتشلت وتلثمت .. ناظرني : لو تفكي اللثمه احسن .. والله احسن جات منه مو مني المهم وصلنا المدرسه ودرسنا بغيت احط لوحه للاستفسار عني .. المهم انتهى اليوم الدراسي بدون اي شي جديد البنات شكروني بقوه على حصة الرياضيات اييييه ماقلت لكم ابله وضيح صارت تخافني لو اقول لها واحد ضرب واحد يساوي خمسه تقول ادري خخخ ..! .: نهاية الجزء التآسع عشر :. |
.: الجزء الع ـشرون :. " يآ قَلبِي ..{ إِفْهَمْ مَآلِي × غِيرهـْ .. ~ بـِ دِنْيآايْ ,؛ ويآرُوحِي !! تَكفِين × دِخِيلِگ × لاآ تِفَآرِقِينَهـْ .. أخآف *بِالغَ ـلطْ * مَرّه // مآا يِصِير وَيّآايْ ..! تِحْ ـلِفينْ إِلا مَايِجِيگْ .. ~ وْ|[ قَسَمْ ]| إلاآ تِجِينهْـ .!" / \ / المهم انتظرت برى سيارة ولد عمتي ماشفت ريم ولا نجوى مدري وينهم المهم اول ماجاء انتظر تشوي بعدين صعدت ابحترمه واسكت مالي خلق هوشاته .. قال : بنت خالي !! قلت : همممممم قال : تلثمي .. رفعت عيني : قسم مو فاهمه عليك شوي تلثمي شوي فكي اللثمه ماصارت ... قال بصوت حاد اول مرة اسمعه : قلت تلثمي !! كنت برد عليه بس سمعت طرق على الشباك فتحته كانت ريم .. ريم : هااي قلت : هلا وينك يابت قسم لفيت الدنيا قلبتها مالقيتك ريم : نسيت اقولك ذي اللي قدام سيارة ملوك حطيت الاكياس فيها وهذا هم .. قلت : ياعمري والله انا خفت نسيتي بعدين مين يشتريلي ؟! اموت عليك ريم : ادري انتبهت ان فيه كيسين .. قلت : خير ؟؟ اثنين ؟! حد قالك ان فوفي يرتب اظافره ؟! فطست ضحك : لا مو فوفي اقصد نجوى قلت : اهااا ريم : ايه لاانسى ملوك يقول لك تسلمين بقوة بعد قطبت : ليه باذن ربي هزت كتوفها : مدري والله روحي اساليه قلت : وش وراي فتحت الباب احسن شي انه مااعترض .. رحت للسيارة اللي قدامنا مباشرة وطقيت الشباك فتحه .. قلت : هلوو ابي اسالك تقل لي تسلمين .. خير ؟! ابتسم : ماقالت لك ريوم ؟! قلت وانا العب بطرف الشيله : لا تقول اسأليه .. قال : انقذتيني من مشاكل الوظيفه وطلعت كملت سهر مع ريوم ضحكت بقوة : مو صااحي سمعت بوري وراي اكيد تركي تجاهلته شفت ريم .. قلت : بعدين اخبرك بشي ذكريني .. أوكي ؟! هزت راسها مبين من ملامح عيونها انها ابتسمت من تحت اللثام .. رحت لسيارة تركي وانا احضر لي كلام اعرفه بيمسكني تهزيئ .. صعدت صرخ : ساعه !! سكتت عنه حرك .. قلت : نجيو ..؟ نجوى : خير ؟! مديت لها الكيس : ذا من ريوم لك نجوى : لي انا ؟! قلت : اجل لجدي فيصل ؟! مسكت المبرد وحطيت رجل على رجل وبديت ارتب اظافري والمعهم وكل شوي اناظر المرايا القاه محترق هه احسن .. بصراحه رحمت بناته يلبسم 34 عبايه غير الملابس المحتشمه .. قال : تغطي احسن لك قلت بعناد : كيـ...ـفي مزآآآ جي على راحتي مو شغلك فيني .. ابي ارجع له حركته .. قال : ماتستحين ؟! قاطعته : قبل لا اشوف وجهك كنت استحي .. تذكرت مروى هه حتى عدوك يوحشك .. قال : معليه الحين تغطي عيب !! مابقول لكم بصراحه ماافتشلت بس مين هوا يتحك فيني ؟! وولد عمتي !! وخير ؟؟يعني يقاله يخاف علي !! قلت : اولا اختنق ثانيا ماتعودت بالخُبر اتغطى .. قال : اللي ابيك تفهمينه يابنت خالي انك من الدمام مو من الخبر حسيت من نبرته سخريه .. فـ قلت بنفس النبرة : صدق !! تصدق طول عمري احسب نفسي من الخُبر ؟!تدري ليه ؟! لاني ولدت في الخُبر وكبرت فيها ولاول مرة ازور الدمام .. لوقلت فيصل دمامي معليه لانه ولد فيها بس مالك حق تقول اني من الدمام .. احترمت نفسي ونزلت رجلي ولفيت حجابي وضبطته .. قلت : عاجبك كيذا ؟! لف علي : مش بطاله قلت : مو كيفك غصب عنك حلوة ولا شايف نفسك ابيض يعني خلاص احلا مني تأفف : لا اله الا الله وحد قال عني كيذا يابت ارحميني افهمي ابتسمت لنهايه النقاش الحاد خلاص يكفيها هوشة اليوم خل لبكرا شي اهاوشه فيه .. وصلنا البيت ودخلت شفت نورة تذكرت البارح لازم الليله اتأكد ماكذب نايف المحقق كونان صعدت غرفة نجوى بعد مامريت على غرفتي ريحتها الله لايوريك دخلت وغيرت ملابسي صليت صلاة ربي احس بنعاس على طول نمت .. * * * صحيت قبل اذان العصر نزلت شفت الكل مجتمعين فيه رحت جلست مع نجوى اسولف معها واحشتني .. وصعدت غرفة نجوى وانتظرت الصلاة صليت وذاكرت تقريبا على اذان المغرب صليت ونزلت تحت جيعانه موت اول ماشفتهم تجمعوا جلست معهم تصدقون واحشني انسان ؟! لاتقولون نايف ولا فيصل ولا خالتي ولا ميشو .. تدرون مين ؟! راشد الماجد وحشني صوته بقوه خخخ وحبه داخلي جوه ! قلت : عمتي !! عمتي : نعم حبيبتي ؟! قلت : ابي مسجله ؟! قطبت ملامحها وبان على الجميع التعجب .. حطت ملعقتها وقالت : ليه ؟! ابرقص معها بعد ليه ياعمتي ماتدري اش يسوون بالمسجله ؟! قلت : عندي كاسيتز بخاطري اسمعهم .. هزت راسها بـ طيب وكملت عشا .. كان الجو هادي ومافيه حد يتكلم خلصت كعادتي اول وحدة اقوم .. صعدت الغرفة وذاكرت خصوصا بكره عندي اختبار بصراحه شاغله بالي قضية نورة بس معليه كل شي وله ان شاء الله حل .. اذن العشا صليت وجلست شوي بغرفة نجوى بعدين نزلت على وقت نزلتي سمعت صوت الباب .. قلت : مين اللي طالع ؟! عمتي بابتسامه : تركي .. ابتسمت مجامله .. عيب المرأة تبتسم بوجهي واطنشها واخصرها .. جلست جنب نورة ابي اتكلم من اللقافه بس قلت : نورانو ابتسمت : نعم ؟! قلت : ابي اطلب منك طلب ياريت ماترديني .. نورة : امري بس ؟! قلت : ابي انوم الليله معك في الغرفه .. صرخت : بجد والله ؟! حياك الغرفه غرفتك انتي داخله وانا طالعه ابتسمت براحه انتظرت شوي وصعدت معها ماكان فيه اي شي نمت بسلام .. * صحيت الساعه 4 صليت وذاكرت احس بتأنيب الضمير اول مرة مااذاكر بس نا احضر اول بأول وماعندي مشاكل او صعوبه .. قريت دعاء وبعدين تحممت طلعت افكر اش بسوي بشعري فكرت ثم قررت ارفعه .. جففته بالشيسوار ورفعته نزلت لي خصلات كالعادة كحله مع قلوس بصراحه ابي احتشم اليوم كل يوم تهزيئه بالطالعه والنازله لبست مريولي ولفيت الحجاب باحترام .. طلعت اقل عبايه عندي مطرزة .. كلها اسود بس في الاكمام شوي زخارف صحيح مخصرة بقوة لكن مع ذلك محتمه .. المهم رشيت عطر لين قالت العطر ارحميني بس ونزلت تحت تصدقون ماحسيت لنورة وهي تقوم ؟! المهم سيبنا منو رحت لغرفة نجوى لقيتها مو فيه ..نزلت تحت ابي اكل جبن مع خبز بس تذكرت معلومه ان الجبن يجعل الانسان كثير النسيان .. المهم افطرت ورحت للمدرسه تقريبا كان عندنا الحصه الاخيرة فراغ حليت كل واجباتي ماشاء الله علي اشتغل اوقات الفراغ بالشيء المفيد ههه المهم انتهى اليوم باحداث طبيعيه .. رجعت البيت صليت وذاكرت لاحظوا اني ذاكرت من بدري اليوم المهم بعدها رتبت كتبي في الشنطه .. اليوم الاحد ياااي احب يومين عندي الاحد والثلاثاء مدري ليه ؟! المهم نزلت تحت بعد اذان العصر وجلست مع الجميع كانت سوالف عاديه فلانه سوت كيذا وفلانه قالت ... بس تصدقون من اول يوم دخلت ذا البيت ماشفت ابو تركي مدري هو منفصل ولا ايش ولا الكل قال له اني مااستحي وخاف .. كل شي يجوز .. وسط الكل اتجهت للتلفون ودقيت على صديقي العانس هه مثل ماقلت من قبل اني مااخبي شي بقلبي اعطيها بالوجه .. أول مارد قلت : اهلا بالعانس شخبارك ؟! الكل سكت وصار يناظرني توترت واضطربت .. فيصل : خير ياختي محد عانس الا اللي قايلها اجل قربتي تطقين العشرين ومحد طق بابك ؟! ياختي استحي شوي ضحكت : سخيف ! والله ناظر عمرك انت مع خويك كان هو على الاقل خاطب انت ولا شي عاد مدري كيف انت .. عيلتنا كلها اول ماتوصل ثالث ثانوي اعرست وانت 22 ومابعد صار شي .. فيصل : لي اسبابي والله قلت بسخريه : بالله ايش ؟ قال : أولا وهو الاهم انك باقي مااعرستي واخاف تنشبين في حلقي .. قلت : وجع ياحمار .. كمل فيصل : ثانيا انا اللي ابيها ما بعد خلصت دراسه واخاف على مستقبلها ثالثا انا ابي اثبت نفسي واكون اصرف عليها وكل شي تبيه اقول من عيوني مو اقول بطلب فلوس من خالي او عمي .. صفرت : يارب ان ترزقني بـ... سكتت قسم ان كملت قالوا ماتستحي .. فيصل : بايش ؟! قلت : مو شغلك حكي بنات المهم ياحمار اش تسوي ؟! قال : ابدا اناظر التلفزيون وآكل فصفص .. ضحكت : معك احد ؟! قال بملل : لا كانت مروى فيه بس دق جوالها .. سكتت مدري اش اقول اعترف له انها مابعد تابت عن العيال ولا ايش .. فيصل : سوير ابتسمت : تصدق ذكرتني بخالي .؟! فيصل : الله لايوريك قالب البيت فوق تحت صلحوا وقوموا بس يتأمر مايقوم يسوي لنفسه شي قلت : مالت عليك ذا خالك يابومه قال : طالع على اختي .. سكتت عنه .. فيصل : ايه اش لونك بعد ؟! قلت بهبال : أبيض فيه سمار على خفيف .. فيصل : ابي اعرف هذي عقدة ولا ايشش ؟ متعقدة من بشرتك روحي صبغيها .. قلت : هيهيهي بموت مو قادرة ععلى خفة دمك .. اصلا كل الناس يموتون عليها يحصل لهم اصلا وثانيا انا احب الاسمر اكثر من الابيض صفر : قصدك نايف ؟! ابتسمت بخجل : ياحمار ياوجه القرف يامقزز يامحترم اسكت عني . فيصل : يوه ! اختي انحرجت بخاطري اشوفك بس قلت : مين قلك اني انحرجت من كلامك ؟! فيصل : قابليني بس ضحكت من الفشيله .. قلت بغير السالفه .. قلت : اش طبخت اليوم ؟! قال : يوه طبخت بيض بالجبن !! فطست ضحك : روح اكله صرخ : يووه نااايف !! قلت : اش فيه "؟! قال : مالت عليك قايل لي اصحيه .. باايو ابتسمت : بايو قفلت الخط ياعمري يانايف متعود انا اللي اصحيه وطيت راسي وانا اتذكر حكي فيصل رغم انه مايحرج بس ذكر اسم نايف بلحاله يلخبط كياني كله .. قال ايش قال طبخت بيض بالجبن ..! نجوى : ممكن تسلفيني من بنك الابتسامات اللي عندك ؟! قلت : لا .. عندي بعد خمس دقايق دعاية كرست نجوى : هيهيهي بايخه .. قلت : هيهيهي طالعه عليك نجوى : ادري قلت : وانا ... وضحكت نهى : استغفر الله بس انهبلت وجلست كملت ضحك بهستيريا .. نهى : هيي اش بك ؟! ناظرت تركي وفطست اكثر مدري مسجله نكته على وجهه ولا ايش .. نجوى : اللهم سكنهم في مساكنهم ماقدرت اسكت .. تركي : عاد بنت خالي ضحكت ايش يسكتها ؟! ضحكت اكثر لانه صاير يناديني بنت خالي وانا اقول ولد عمتي حطيت راسي بين ايديني ابي اسكت وبطق النعول تكرمون بالموت سكتت الجو صار هادي والكل يناظرني تقريبا 3 دقايق على ذا الوضع قلت : اللهم اني اعوذ بك من الخبث والخبائث فطست نجوى بضحكه غريبه وتبعتها نورة ونهى .. عمتي : انهبلوا بناتي وجلسوا والسبب بنت اخوي ناظرت عمتي واكتفيت بالابتسامه ورحت لعالم ثاااني كله احلام مع نايف .. مدري مجرد ذكر اسمه احس بطني يألمني ودوخه وهستيريا وجنون .. كيف لا وهو حبيبي منذ الصغر ؟ حلوة ذي منذ الصغر .. لفيت نظري الى تركي اللي موطي راسه الظاهر يفكر .. ناظرته سبحان الله مدري هو فعلا يشبه نايف بالملامح ولا من زود حبي اشوف الكل يشابهه نفس رسم العيون ذي العيون اللي ذوبتني بحبها عيون نايف وضحكة نايف وهمس نايف وبسمة نايف وسلمى نايف !! مو قادرة استوعب ان نايف لسلمى رغم انه يوم صار عمري 12 خبروني بالخبر الصاعقه .. انه لسلمى وبس ..! بس مايمنع اني احلم فيه وانا جنبه يشاركني كل ضحكه وحزن والم ..! سمعت صوت : هيييي انتي اش فيك ؟! عرفت من الاسلوب انه ولد عمتي القرف سكتت وخصرته .. شوي وشفته يناظر امه : ماما ! كيف تسمحين لها تناظرني ؟! ملييت منه ومن حكيه ومن دلعه .. يابوي انت كبرت وباقي عند امك ؟! وقفت وصعدت غرفة نجوى صليت المغرب ثم جلست بالغرفه ملانه موت فكرت اجهز اغراضي وارتبم بدولابي وغرفتي .. وفعلا فزيت ورتبت الشنط ورحت غرفتي فتحت الشباك وقفلت الباب وبديت ارتب اغراضي وانا ادندن باغنيه راشد " المسافر " ياناس فديت ذا الصوت وراعيه .. انتبهت ان فيه مسجله على الكومدينه حلو كيف ما انتبهت لها من قبل ؟! المهم رتبت كل اغراضي بالغرفه اخذت معطر جو بخاخ ورشيت بالتكييف وانتشرت الرائحه الزكيه في كل مكان كرز يجنن .. اذن علي العشا وانا مابعد خلصت صليت بغرفة نجوى ورجعت لغرفتي لا تستغربون بس اذكر انه مستحب ابدي بصلاة الفجر .. رجعت لغرفتي وكملت ترتيب اغراض رحت غرفة نجوى آخذ كتبي سمعت صوت نهى تقول : وينك انتي ساعتين يالظالمه صاعده لخالي وأور بالغرف ؟! ابتسمت : آمريني بس ؟! نهى : امي تقول ماكليتي شي من الصبح انزلي تبيك خصوصا ماتعشيتي معنا .. قلت بابتسامه : ابد مو مشتهيه سحبتني من يدي ونزلت ناظرت الساعه 9 نصف .. حلو يمدي قلت : السلام عليكم .. الكل : وعليكم السلام والرحمه جلست جنب عمتي وقلت : آآآهـ بس آهـ تعبانه موت ياعمتي عمتي : لااا ؟! سلامات اش بك قلت : مدوخه موت واحس جسمي مخدر ومتكسره بقوة ومو قادرة افتح عيني من النعس عمتي : طيب وصيتهم يصلحون لك خبز مع جبن تاكلينه ! ماحبيت اكسر خاطرها .. فـ قلت : تشكرات كثيرات يااحلا عمه والله وتعرفين ان اسرع طريق لقلب سارة الخبز مع الجبن .. ضحكت عمتي .. قلت : طيب خلهم يعجلون لاني مشغوله كثير الكل ابتسم .. فعلا وصل الخبز مع الجبن اخذت نوران بحضني واتمصخر عليها امد لها واشيله عنها .. وقفت : كراميت فوق كل شي ! صفرت مع تصفيق : أووه عاشت نوران من وين متعلمتها تجننين ابتسمت بقوة : صدق ؟!! قلت : أكيد مين ألفها لك ؟! ناظرتني وابتسمت : انتي تقولين قلدتك .. لعبت بطرف انفها : اها يعني كل شي اسويه تقلديني ؟! هزت راسها بـ ايه ..! قلت : هين أجل .. سكتت فتره ثم حطيت صينيه الاكل على الطاوله : الحمدلله .. يلا تصبحون على خير يلا نوران نجوى : ساره !! وين ؟ قسم ماصرت اشوفك قلت : بصراحه رتبت غرفتي وبخاطري انوم فيها من الحماس ابي انوم من وقت نجوى : يالخاينه ماقلتي لي ؟! قلت : هذا انا قلت لك حياكم باي وقت الغرفه غرفة بنت خالكم ابتسمت نهى .. صعدت السلم مع نورة حسيت بحركه خلفنا لفيت كان تركي اكيد يبي يطلع طنشته ورحت غرفة نورة وحطيتها ورحت غرفتي أكمل ترتيب صارت غرفتي تجنن لاني أضفت عليها لمسات فنيه مني صارت تهبل .. واخيرا خلصت باقي العطور والكريمات وفعلا رتبتهم على جنب المرايا .. ناظرت يدي شفت الساعه 12 ونصف يوم ! تأكدت من ان شنطتي كامله وانسدحت على السرير ولأول مرة دعيت من داخل نفسي يجي اليوم اللي اختار مع نايف غرفتنا هه الحلم الوحيد اني اتزوج نايف ومو حرام اني احلم بأي إنسان .. غمضت عيوني وانا احلم بنايف أحلام يقظه شيء ماتذكرته الا وهو نورة قمت بدون حتى ماالبس حجاب ومشيت بهدوء لغرفة نورة حطيت اذني على الباب ماسمعت شي ابد هه الظاهر انا خرفت كنت بفتح الباب بس غيرت رايي دخلت غرفتي ونمت براحه لاتوصف وانا احمد ربي ان نورة مابها شي ..! * * * |
((2)) صحيت كعادتي الساعه 4 صليت وتحممت بعدين جففت شعري على داخل وماحطيت به شي حطيت لي كريم ولبست مريولي جلست ساعتين عند مرايتي اناظر بشكلي واقول اش ناقصني واخيرا تذكرت الكحله هه صدق خبلا حطيت لي على خفيف ومرطب احمر لبست حجابي واخذت شنطتي وعبايتي وطلعت من غرفتي وقفلتها بالمفتاح .. على قول نايف مال قارون فيها هه لعانه مني .. نزلت تحت لقيتهم كلهم .. قلت : صباح الجوري ؟! الكل : والنور قلت وانا اجلس : يوه نجوى اليوم صاحيه بدري اش صاير بالدنيا ؟! نجوى وهي تأشر على عمتي : من الصبح مصحيتني قهرر ابتسمت وصلحت لي جبن واكلتها شربت من عصير الفراوله وقمت شوي وقام تركي .. قال : وجع استحي يلا قومي لاتسمنين ! نجوى : مو شغلك فيني عاد انا بغيت اموت ضحك بس ياخوفي يقولون مهبولا .. طلعت معه ولحقتنا نجوى اغلب شي كان يسولف مع نجوى اما انا موطيه راسي واناظر باظافري ياقلبي يجننوا .. المهم وصلنا للمدرسه في الفسحه نزلت كتبي معي وحليت الواجبات اللي اعطونا هما اليوم مع ريم وانا استمع لسواليفها كل شي ملوك وملوك ودي اعرف اسمه بس خخخ ملقوفه مابتغير .. أول مارجعت من المدرسه صليت وسويت لي نص كافيه فتحت التلفزيون اناظره حطيت على قناة مااذكر اش كانت بس المسلسل سعودي مو ذاكره اسمه خخخ لاني اول مرة اشوفه .. كنت احس بالملل كنت بذاكر بس تذكرت اني ذاكرت .. يوم شفتهم بيتغذون حبيت اقوم معهم منها اسولف ولاني من زمان ماجلست معهم قفلت التلفزيون ورحت المطبخ دخلت وجلست جنب نجوى .. عمتي : واخيرا تنازلتي وجلستي معنا ؟! قلت : يحق لي اتدلع مو عمتي وبناتها ؟! وابتسمت .. نجوى : وجع ان شاء الله شهقت : اهئ عمتي صرقت كلمتي يامال الصواريخ بس نجوى : بنت وبنت خالها يعين عادي ناظرت نهى وانا مبتسمه .. نهى : خير ان شاء الله ؟! قلت بطرب : معجبه مغرمه ! نهى : مالت عليك سكتت فتره ثم قالت نجوى : ياربيه ملانه حدي نهى : تصدقين ان الملل اللي عندك لايساوي ولا حتي يقارب مقدار الملل عندي ؟! نورة : مابقى شي اقوله بعد نهى : بالله اش نسوي ؟! نجوى برجا : تركي طلبتك طلعنا والله مليت نورة : ايه تكفى نهى : قسم ملانين مو كيذا يابنات ؟! نورة & نجوى : كيذا ياختي تركي : بالله وين اطلعكم ؟! نهى: اي مكان بس نطلع تركي : بس بشرط نجوى : اللي تبيه آمر ؟ أشر علي : بس ذي ماتروح معنا وناظر امه وابتسم .. امه ابتسمت .. ونجوى ونهى نورة على وجيههم علامات تعجب .. مااخفي عليكم قهري منه .. قلت بغرور : اصلا مين قلك ابي اطلع معك احمد ربك مستحملتك اروح معك المدرسه ولو بغيت اروح .. اروح غصصب عنك بس حرام مواعده عيال عمي سكت وناظر امه دلوع امه .. وقفت : الحمدلله سمعت صوت : اخذيني معك لفيت : مين اللي تكلم ؟! شفت نورة مقبله عندي وكأنها تقول انا .. قلت : يلا رحلة ممتعه صعدت مع نورة واول ماوصلنا دخلنا غرفتها .. قلت : ليه ماتبين تروحين ؟! هزت كتوفها : بس كيذا قلت : بس متأكدة انك راضيه ابتسمت وراحت لدولابها تطلع لها ملابس .. احترمتها ورحت غرفتي طلعت لي جينز اسود اسهل للحركه مع بلوزة ابيض اخذت شيله سوداء علشان ابطلع فوق ويمكن يمر تركي .. ولفيتها بعجله ورحت لنورة لقيتها متحجبه ومخلصه ابتسمت لها وتحركنا نبي نصعد سمعت صوت تركي : لحظه ! لفيت .. قال : لا تروحين يقصدني ولا يقصد نورة ؟! .. قلت : خير ؟! تركي : نوير تعالي معنا تو تقولين ملانه بقوة ! نورة ناظرتني .. قلت : عادي نوران مافيه مشاكل روحي معه همست : بس انا ابي اروح معك ! ابتسمت بانتصار : خلها على راحتها حسيته منقهر طلعت لجناح عمي وطرقت الباب .. طلع لي ثامر قال : اووه ساره ؟ وانا اقول ليه البيت منور ابتسمت : ذا نور نورة يابعدي ناظر نورة وصرخ : سويمر المزعج جاتنا حسيت ان نوران بتبكي .. قلت : ثامر !! اذا تبيني انا لازم معي نورة وماادخل بدونها .. ولعلمك تركي بيطلع مع اخواته قال لها قالت تبي تيجي .. كيذا تستقبلها ؟؟ انحرج وابتعد عن الباب : حياكم سحبت نورة ودخلنا قلت : يلا انا بسولف مع ثامر واحشني بقوة نورة : وانا ؟! قلت بابتسامه : مع سامر تلعبين راحت فعلا وبقيت مع ثامر احسه كثير يشابهني مو بالشكل بس صفاته وطريقة كلامه واسلوبه أو حتى افكاره .. قلت : اش بك على نوران ؟! هز كتوفه : ولا شي قلت بهدوء : كيف ولا شي ؟ معليه ثامر مو تحقيق بس ذي بنت عمتك قال : بصراحه لو تبين الصراحه ذي دلوعه موت ابتسمت : بس ؟! قال : غير كيذا دوم تحالف مع سامر ضدي .. قلت : طيب وانا معك ! ابتسم : بجد ؟! قلت : وانا بنت عمك .. سامر ونورة عندي اقترراح جديد حلو نورة : ايش ؟؟ قلت : انا مع ثامر وسامر مع نورة ونشوف مين يفوز طيب ؟! ابتسموا علامة رضا .. ذكروني يومنا صغار بالخبر انا مع نايف وفيصل وميشو مع مروى .. شفتهم يتهامسون اخذت ثامر وبديت اهمس واسوي حركات تقهرهم شفت نورة ترسم في الهوا حرف T وتحطه في مستطيل استغربت حركتها ..T ؟؟؟ مين بذا الحرف ؟؟ تركي ؟! ايه مافيه غيره ..شفت سامر يضحك .. اش تقصد ؟! قمت وسحبت ثامر .. قلت : وين غرفتك ؟! قطب حاجبينه : ليه ؟! قلت : بصور فيها .. ابي اسولف معك فتح عينه : في غرفتي انا ؟! يووه نسيت اننا بالدمام مو بالخبر .. قلت : لاتناظرني كيذا يلا نروح سحبته الين وصلنا لغرفته ودخلنا بصراحه كنت ابي اساله عن امه بس مدري دايم اتراجع باللحظه الاخيره .. المهم دخلنا جلست على السرير اما هو جلس عند المرايا .. قلت : اش فيك ؟! حسيته مرتبك ومدري ايش الظاهر فيه شي يمكن لاني معه هنا .. قلت : كانك منزعج خلنا نطلع ثامر : لا عادي ابتسمت : اكيد ولالا ؟! ابتسم بخوف : اكيد قلت : طيب فكر معي ايش رايح يكون اسم مجموعتنا ؟! سكتنا فتره .. ثم قلت : نبي شي مشترك بيننا يبين اننا قدها ظلينا نفكر فتره .. ثامر : العلي اش رايك قطبت حاجبيني كيف راح عن بالي ان اللقب مشترك ؟؟ سبحان الله عقله ولا اروع لااله الا الله . ابتسمت : يسلم عقلك .. طيب اول شي راح نسويه نذلهم قال : ممم كيف ؟ قلت : نلعب بلايستيشن بتحدي انهم يقولون قدام عمتي والبنات مو قد التحدي !! صفر : وااااو وقفت ورحت للمرايا وشلت الشيله ورتبت شكلي .. ناظرته : حلوة ؟! سكت .. يوه صدق حنا بالدمام طلعنا برا وجلسنا معهم .. قلت : اش رايكم نلعب تحدي بلايس ؟! تذكرت نايف بذي الكلمه لانوو دايم يقولها .. سامر : بس حنا 2 وانتوا 2 كيف ؟! ثامر : الشوط الاول علي والثاني على بنت عمي وانتوا بكيفكم .. صفر سامر : يلا .. قلت : اشششش لايصحى ابوكم .. هز كتوفه : مو فيه قلت : طيب العلي ضد ايش ؟ ناظروا ببعض وسكتوا .. قلت : ايش ؟ سامر : نورة .. نورة : لا سامر .. سامر : لا نورة .. نورة : لا ..... قاطعتها : خلاص العلي ونوره .. قلت : والفريق اللي يخسر يلف حول البيت بما فيه عمتي وعيالها وعمي ويقول مو قد التحدي .. فعلا كان الشوط الاول انا وسامر وانتهى لهم .. قلت : الظاهر حنا اللي بنقولها ياثامر .. حسيته خايف .. قلت ارفع معنوياته بهمس : نورة ماتعرف يلا عاد ناظرني بنظره ماخُفي علي معناها .. قمت جنبه : وانا معك .. فعلا مثل مابغينا وفزناا .. صفقت : يجوز يجوز ثامر : اللي مايعرف العلي كملت : يقول يجوز ثامر : هذا العلي هذا العلي كملت : دايم يفوز ثامر : دايم قلت : يفوز للمعلوميه فقط :. هذه جُمله تُقال في الملاعب السعوديه او في بعض الاحتفالات بفوز احد الفُرق ..! رفعت حاجبيني ورقصتهم بطريقه مُضحكه من الفشيله ضحكوا .. ناظرت الساعه وشهقت : اذن المغرب ؟! فزيت ورحت صليت ونورة كمان .. بعدين قلت : يلا ننزل نورة : مابتتحجبين ؟! يوه صدق وين شيلتي ؟ ايه في غرفة ثامر ولد عمي .. رحت واخذتها بالغلط شفت على الدولاب محفور اسمه Thamer Omar .. ثامر عمر ؟؟ يبدي بحرف T ؟؟ يعني نورة وسامر يقصدونه ؟؟ اخذت الشيله باقي اعرف اش يقصدون بالمستطيل نزلت انا ونورة وعيال عمي سامر علشان ينفذ العقاب مع نورة وثامر وانا نتمصخر عليهم .. نزلنا تحت شفت عمتي جنبها ولدها ونهى ونجوى بعباياتهم وجنبهم اكياس اول ماشافوا عيال عمي تحجبوا .. عمتي : نورة !! وين كنتي ؟! ناظرتني وابتسمت .. قلت : معي في بيت عمي يلا نفذوا.. نهى : ايش ؟! نجوى : اش السالفه ؟! خخخ هذا نجوى الملقوفه اللي اعرفها لازم السالفه قلت بغرور : اللي فاز ثلاثه اثنين .. والعقاب تشوفونه يلا قولوا .. ساكتين ومفتشلين .. قلت : ثامر مساكين رحمتهم خلنا نخفف العقاب الى جمله غير .. ثامر : قولوا الله يخلف على عقولنا بس .. ضحكت ومديت له يدي : كفك بس .. يلا اختاروا .. سامر : موقد التحدي زين ؟ قلت : ونوران ؟! نورة : مو قد التحدي .. واتجهوا للدرج من الفشيله .. قلت : لاتنسون باقي عمي عمر هااه بديت اهمس له عن مخطط اخر وهو يردد : الله يعينهم بس عمتي : حرام عليك سارة بنتي هذي ترا ماارضى قلت : وانا مو بنت اخوك ؟؟ وذول مو عيال اخوك ؟! بس هي موافقه مو شغلي تركي : الحمدلله وله الشكر والحمد والمنه .. بزر ! حسيته يستهزء فيني بغيت ابكي .. قلت بحدة : كاني برايك بزر فـ هذي وجهة نظرك انت محد يشوفها غيرك لان كلن يرا الناس بعين طبعه .. قبل تتكلم ناظر بحالك لاصقن بامك وانت طول بعرض دلوعه ولله الحمد .. عمتي : ساره اش ذا الحكي عنه ؟ قلت : معليه لاتدافعين عنه صدق انه ولد بس هو الغلطان يقولي بزر ؟! اللي بيته من زجاج لايحذف الناس بصخر افحمهم ردي ..! كملت : واذا ماترضين اعتذر ك انتي بس هو لا والف لا .. ناظرته عمتي وابتسمت .. اما هو مبرطم كالعاده بس مبين ان فيه ابتسامه جانبيه يمكن سخريه او شي .. همس لي ثامر : انزين لاتطيح هيبتي قبل شوي انتي بزر اجل انا اش بيقول ؟ ياخوفي يجبلي رضاعه ضحكت : اوكي اشوفك قام وسلم على على عمتي وراح فوق .. قلت : هممم بنات عمتي اش شريتوا ؟! اشرت نجوى : شوفي .. قمت وشفتهم .. قلت : روعه بس ليه كله وردي ؟! نهى : للبنات وردي ... قاطعتها نجوى : بصراحه ذا المخلوق مارضى ناخذ شي غير الوردي .. قطبت : ليه بالله ؟! نجوى : مدري والله يمكن يحبه .. يحبه ؟؟! يحب اللون الوردي ؟؟ نايف كان يحب الوردي .. قلت : مدري كيف تيجي ذي اغلبا لعيال يحبون وردي .. أذكر مرة قالي ولد خالي انه موته الوردي ... ناظرت نهى : هيهيهي لاتكتمين ضحكتك .. ضحكت : لاتقولي عاد وردي ؟! ابتسمت : وبرتقالي .. بس تصدقين ولامره شفته لبس وردي اوبرتقالي نجوى : يستحي ..! هه ايش ماسمعت ؟؟ يستحي ؟! اقسمي بقوة واصدقك !! نايف مثل مروى اخته لاحياء ابدا وكان هو رجال اكيد جريء ومافيه حيا ذي بنت ياناس عمركم شفتوا بنت ماتستحي ؟! الحمدلله رب العالمين .. سولفنا شوي وتركي ساكت .. لما صارت الساعه 9 قلت بروح انوم قلت : تصبحون على خير الكل عداه : وانتي من اهل الخير .. ناظرته : باقي زعلان ؟! قال مثل الاطفال : ايه ! ضحكت : احسن .. ورحت لغرفة نورة لقيتها بالعسل نايمه رحت غرفتي ونمت .. * * |
((3)) صحيت الساعه 2 ونصف رحت صليت بعدين انتبهت انه مااذن هه انهبلت وجلست .. لبست عبايتي ولفيت الحجاب ونزلت لبرا البيت في الحديقه وصلت عند الباب وخفت ورجعت لغرفتي وقسم وكنت بالخبر فيصل ذبحني بالشك .. حطيت المنبه على الساعه 4 ونمت .. صحيت على ذاك الوقت قمت صليت مره جديدة خخخ وتحممت حطيت كريمي المُفضل جلست عند المرايا افكر اش اسوي بشعري اليوم ؟! حطيت جل بشعري وخليته مبهدل بطريقه روعه حطيت مسكات علشان مهما سويت القذله ماتتحرك لونهن سماوي .. ولبست المريول حطيت عطر واخذت شنطتي وعبايتي ونزلت .. " صباح الطفش والزهق " عمتي : صباح النور والبنور .. جلست : بالله وين نهى ونجوى ونورة ؟! عمتي : نجوى مابعد خلصت ونوره ونهى راحوا .. جلست على شمال عمتي بملل .. قالت : اش بك ؟! ضحكت : مالي خلق اروح المدرسه تركي : لازم تروحين ملقوف ولله الحمد والمنه ..! عمتي : معليه اليوم الاربعاء يخلص بسرعه .. همس لها تركي .. سمعتها : لا ممنوع ولفت لي : خوذي عصير فراوله .. ابتسمت وانا افكر بجملتها " لا .. ممنوع " كلمتين لكن كبيره اش يعني ؟! هه قبل شوي اقول عن تريك ملقوف والحين اكثر من ملقوفه .. سمعت نجوى : صباح الطفش ضحكت عمتي : صباح النور .. قلت : سبحان من خلق نفس الجمله اللي قلتها .. وسعي صدرك وانبسطي عيشي يومك يختي جلست جنبي .. قلت : تصدقين البارح صحيت على 2 وصليت الفجر ؟!صدق خبلا حطت يدها على راسي : شاربه شي ؟ ابعدت يدها : موصاحيه !! بس متعوده اصحى الساعه 4 وجدولي مايتغير نجوى : الروتين زهق موت ابتسمت : ماجربتيه .. يلا انا خلصت وقفت وراي وطلعنا معه صعدنا سيارته .. قلت : نجيووو قالت : همممممم قلت : أحس بالانتعاش .. قالت : بين المغرب والعشاء يفعل الله مايشاء .. توه طفش قلت بوناسه : شي حلو انك تناظر السما الصافيه والهواء المنعش .. نجوى : ماجربت قلت : تلثمي وبتشوفين نجوى : لا مابي احترمتها وسكتت وصلنا للمدرسه اول مادخلت بقيت انتظر ريم لان مابعد بدأت الحصه الاولى شفت بنت تقربتني وجلست : صباح الفل ناظرتها : تكلميني ؟! ابتسمت : ايوه .. ابتسمت بفشيله : صبباح النور .. قالت : اش اخبارك ؟! اعرفها تعرفني تقول شخبارك بس يلا ماوراي شي .. قلت : تمام بقوم وانتي ؟! ابتسمت : الحمدلله بخير .. همست : وحشتيني بقوة قلت : نعم ؟؟ قالت : وحشتيني عاد هينا ماقدرت اللقافه ذابحه ابو امي .. قلت : انتي مين ؟ ماتعرفيني وتقولين كيذا .. قالت : إلا اعرفك مو انتي ساره محمد فيصل العلي ؟! هيا اول مانطقت اسمي عرفت انها تعرفني تتوقعوا مين تكون هذي ؟! قلت : ايوه غيره ؟! قالت : 19 سنه ثالث ثانوي علمي تسكنين مع اهل عمك اصلك بالخُبر ومعك بنت عمك اقصد عمتك وعندك صديقه واحده اسمها ريم .. بلعت ريقي بسم الله الرحمن الرحيم تقربلي ؟! ولا ايش ؟ ابتسمت علشان اخفي الخوف .. قلت : ماشاء الله وماتعرفين كم اخو وكم اخت عندي ؟! قلت اخت يمكن تتخربط قالت : اخو واحد بس واذا ماخاب ظني اسمه فيصل بلعت ريقي .. قلت : مااذكر اني شفت شكلك من قبل مين تكوني ؟! ابتسمت .. بصراحه قهرتني بس اللقافه ذابحتني ابي اجلس اسالها مين هيا قلت : والنهايه ؟! هزت كتوفها بابتسامه : ولا شي .. شوي وجات 3 بنات ووقفوا على راسي .. قالوا : يوه جالسه معها !! ابتسمت البنت لهم .. وحده منهم : تو بس راجعه من عندها قلب وقف ابتسمت انا لهم يمااه يخوفون .. قلت : ماخبرتيني مين انتي ؟! وحده منهم : واحده ... قاطعتها : بعدين اخبرك .. سمعت صوت من وراي : صباح الفل والورد بلعت ريقي مين هذي بعد ؟! لفيت شفتها ريومتي .. قلت : يوه ريوم ريم : واو تجنني تهبلين موت قلت : بغرور : ادري سمعت صوت تصفير : مغرورة ! لفيت شفتها وحده من البنات الثلاث قلت : معليه بروح مع ريوم اشوفك بالفسحه وسحبت ريوم قبل مااسمع ردها .. ريم : من ذول ؟! تنفست بقوة : اووه انا نفسي ما اعرف جات وجلست جنبي قالت صباح الخير قلت صباح النور وقالت اش لونك عاد شفت البنت طاقتها سوالف معي قلت لها ماتعرفيني .. قالت الا .. الله لايوريك مابقى الا تقول لون باب بيتنا ايش .. ضحكت : طيب مين ؟! قلت : مدري قالت بعدين ريم : اشتغلت عندي اللقافه اعرف .. تعالي يمكن تخطبك قلت : خير ؟؟ ماسمعت .. والله ؟ صدق ؟ اتخبلت ريوم وجلست .. مو صاحيه ! ريم : بالله تجنن كيف اخوها ؟! اذا خطبك وافقي قلت : يجيب الله مطر بس قالت : مافيه باذنك ماي ؟! قلت : ولا عصير بعد ريم : هيهيهي اقصد مافيه امل ؟! كتمت ضحكتي : ولا ريم بعد ريم : أوووف ايه صدق على طاري الاسامي يقول ملوك اذا طلعت بنت نسمينها ملاك قلت : واااع اش ذا الاسم اش حلات ساره .. ياخوفي تطلع قرده ريم : وجع .. بس كمان ملاك حلو قلت : والله الناس اذواق .. ياحمارة لايكون حامل ؟! سكتت فتره ثم قالت : الظاهر كيذا .. قلت : يعني ايش ؟! ريم : انا شاكه واليوم بروح احلل وتطلع النتيجه .. صفرت : واخرا بصير خاله ياربيه واخيرا حطت يدها على فمي : لحد يسمعك بس ابتسمت لها بحب وسكتت مااتخيل ريوم حامل وبيبي .. قلت : مو ملاحظه انك حملتي بسرعه ؟! صار وجهها احمر كامل .. ضربتني بخفه وضحكت عليها .. المهم دق الجرس ورحنا للحصص والغثا درست ودرست ودرست قسم تعبت المهم وقت الفسحه بحثت عن البنت اللي تعرفني مالقيتها مدري وين راحت .. انشقت الارض وبلعتها ولا ايش .. مدري ! * المهم سيبنا منها الحصه الاخيره ماكان لي مزاج احضر جهزت اغراضي من الحصه السادسه ومريت على ريم ونزلنا تحت صحيح الباب مقفل بس ننقز اش ورانا ؟! ريم : اقسمي بقوة ! قلت : ياحماره يلا .. ريم : طيب ولو طلعت حامل ؟؟ ثانيا انا خلاص تزوجت مافيه اناقز كبرت خلاص اضطريت انتظر الحصه الاخيرة تنتهي وعلى طول طلعنا انتظرت شوي وشفت نجوى جلسنا على كراسي الانتظار ننتظر شوي وجاء تركي ووراه مباشره زوج ريم مسكتها ووصلتها لسيارة زوجها .. قلت : قود افتر نون زوجها : قود افتر نون .. وبدا يخرط انجليزي وانا ولافاهمه شي واخيرا سكت .. قلت : واااااااو ترا ( واو ) كلمه انجليزيه هه اثبت لكم مهارتي بالانجليزي .. زوج ريم : مبين انك فاهمه قلت : جزاتي اساعد ريم بعد شهقت ريم : احلفي عاد .. تصدق تقولي انقزي معي من الجدار ؟! قال : مو صاحيه .. قت : هيييي عيب سمعت طرق بوري تركي عناد وقفت .. ريم : ياحمارة بيهزءك قلت : ادري.. اصلا انا واقفه هينا معكم عناد فيه بس .. لا البارح يقول زعلان عند جدي ريم : ياخبله ! قال : ولللل مسرع ماتزوجتي اذكر بزفتي كنتي عازبه ضحكت : حلوة عازبه لا ذا ولد عمتي رجعت سمعت طرق البوري ولا كأنه حد يطرق .. قلت : ايه صدق يقولون بتصير ابو ؟! ابتسم : ادعي ربي اول حفيد في العيله ريم : اول حفيد في العيلتين عيلتنا وعيلتكم صفرت : وناسه انتوا اجل .. قال : اقلبي وجهك بس قلت : على اي صفحه ؟! ريم : هيهيهي الفهرس قلت : مالت عليك ومتزوجه بعد .. قال : تدرين انك عطلتينا ؟! قلت : لا بليز ابي اطفش ولد عمتي شوي ريم : لا عادي حياك تفضلي ضحكت : لازوجك مايستقبل سمعت صوت كرهته بكل ذرة من مسمعي : السلام .. قلت : صدق يعني اروح ؟! زوجها : ايه حياك ريم : اصلا وناسه تركي : خير اخت ساره صافطه علي زوجها : وبالمره تشوفين النتايج بعد اي نتايج ؟؟ الحين تشوفون نتيجه ذي المعركه الطاحنه يابعدي .. ريم : ايه يلا لا تصيرين حمارة قلت : مدري لفني تركي : خير ؟! اش ذا ؟ اقول تراني منيب سايق لك ابتسمت : جيت والله جابك انا بروح مع ريوم قال : خير ؟! ماسمعت تروحين ؟! قلت : ليه فيه مانع ؟! تركي : ايه ..! رحت لسيارته وهو يناظرني صعدت لكرسيه واخذت جواله رحت لزوج ريم وسحبت جواله وبأصابع مرتجفه دقيتع لى عمتي .. ولاترد .. دقيت على عمي .. دقه ثنتين الين رد .. فتحت سبيكر : هلوو عمي .. عمي : بسم الله ساره ؟ وين تكلميني ؟! قلت : جوال ريم .. المهم عمي ممكن اروح مع ريم وزوجها بيتهم ؟! عمي : لا ليه تروحين ؟! ناظرت تركي لقيته مبسوط .. قلت : عمي حرام ابي اروح عمي : لا مافيه اعطيت زوج ريم الجوال واشرت له يكلمه .. قال : السلام عليكم عمي : وعليكم السلام قال :لو سمحت يعني وتكرمت تخبرنا ليه ماتبيها تروح ؟! عمي : لاماتروح .. قال : طيب ليه ؟! لاتخاف ياعمي ترا عيلتنا معروفه وما نسوي فيها شي عمي : مو على كيذا تزعجكم .. شف ! عمي انا اخر عمري ازعج ؟؟ قال : لا هي بتبقى مع امي وزوجتي وانا بطلع ماتزعجني سكت عمي .. صرخت : مشكور عمي قال : بس العصر اشوفك قلت : ايه طيب .. بايو ما انكل وقفلت .. قلت : يااي مشكور ملوك تسلم .. تركي : ايه بوسيه بعد عادي ترا قلت بجرأة : لا ريم تغار على زوجها المهم خوذ ذا جوالك .. قود باي ولد عمتي صعدت السيارة وانا مبسوطه ..! .: نهاية الجزء الع ـشرون :. |
.: الجزء الوآحد والع ـشرون :. " ورحلتُ إلى ×المآضي× البعيد .. لأُثبت لـ *قلبي *أنني اُحبه .. وعدت إلى الحآضر القريب .. لـم ~ ألقَ أيـــةُ ..{ مح ـبه ,؛ " / \ / صعدت السيارة وانا مبسوطه ..! قال : وقسم باللي خلق ذي القمر زوجتي انك مجنونه قلت : انت ماتعرفه مثلي في البيت 24 ساعه كله يعارض حتى اتفه الامور لا والمصيبه انه وحيد امه .. دلوعتها ريم : لاااا رحتي فيها من عمتك اجل قلت : لا عادي لاتشيلي همي ! ريم : تلاقينه الحين محترق قهر ضحكت عليها .. المهم وصلنا ونزلنا اما زوجها راح يخليني على راحتي شفته بيت كبير معقول كل ذا لريم ؟ الله يهينها قلت بلقافه : بالله ذا بيتك ؟! ضحكت : لا طبعا انا عندي جناح فوق تنفست بقوة : قولي من البدايه شهقت كل ذا لك وناسه ! ضحكت ودخلنا بيت ابو زوجها من غير محد يحس وصعدنا لجناح ريم دخلت على طول حذفت عبايتي وشنطتي وكل شي قلت : ابي بيجاما قالت : روحي الغرفه قلت : هيي اصحي ترا غرفتك انتي متزوجه عيب .. استحت وراحت جابت لي بيجاما واراهن ان ذي استر وحده فيهم لبستها وصليت .. ريم : يوه فشله اش بتاكلين ؟! قلت : عادي خبز وجبن .. اخذت جوالها خمنت انها بتدق على زوجها .. سحبته منها : ريم انا جايه عناد لتركي مو علشان اتغذى !! ريم : طيب وانا جيعانه .. قلت : حلفتك وغلاة رجلك ان ابي اطبخ من زمان ماطبخت ! ريم : لا سارة الا ذي رميت جوالها على الكنبه وسحبتها .. رحت عند اقرب مرايا رتبت شكلي وفعت شعري بكليب غير الخصلات اللي سقطت سهوا .. رتبت البيجاما ودخلت المطبخ ووراي ريم .. قلت : سوف نحضر الآن مكرونيا لاني مشتهيتها .. وبذوقك هيا لاول مرة تعالي هزت راسها : بعد الولادة باذن ربي ضحكت وطلعت كل شي احتاجه ثم جلست على الكرسي والاغراض على الطاوله سمعت طرق الجرس قامت ريم توقعت انه زوجها بس طلعت خالتها ام زوجها سويت نفسي ماانتبهت وكملت شغلي الين سمعت : السلام عليكم استحيت وقمت سلمت عليها : وعليكم السلام .. ناظرتني : اش تسوين ؟! يووه ياخوفي ماترضى حد يدخل مطبخ ولدها الله يستر بس ريم : قولت لها ياخالتي لا تدخل عاندت عاد مدري اش اسوي لها .. شاطره ريم ماتدري اش تسوي لي خخخ ..! خالتها : طيب روحوا وانا بكمل .. قلت : لا والله تكفين بخاطري اصلحها من زمان ماصلحت سكتت عني وجلست عن شمالي وريوم عن يميني .. ريم : خالتي ! .. ملوك اللي دق عليك وقال لك ؟! قالت : لا انا سمعت ان عندك خويتك واعرفك ياريم ماتعرفين تسوين شي قلت : معليه خالتي انا بعلمها اليوم ورفعت حاجبي لها انقهرت .. خالتها : اش اسمك انتي ؟! قلت : سارة العلي .. قطبت حاجبينها : العلي قلت : ايه سارة محمد فيصل العلي .. قالت : صدق !! قلت بخوف : ليه خالتي تعرفيننا ؟! قالت : اممم تقريبا ولد عم جدك متزوج بنت خالت امي .. هه فك اللغز على قول المثل ياخال ابوي حك ظهري قلت : اهااا هذي الكلمه يعني مافهمت .. كملت : اول مرة تزورين ريم صح ؟! قلت : ايه كنت معها في الخبر بالمدرسه بعدين نقلت ورحت معها قالت : غريب قليل اللي يصير كيذا وفي ابتسمت لها : لا مو القضيه كيذا لاني سكنت عند اهل عمي .. بصراحه مالي خلق تجرحني وتسأل عن ابوي .. فـ كملت : لان امي وابوي متوفين قالت : الله يرحمهم ووقفت ورحت للفرن وشغلته وجلست معهم .. وقفت خالتي : اجل دام خلصتي كل شي مالي دخل .. انزل واخليكم براحتكم قلت : لا عاد خالتي ماتبين تذوقين المكرونيا ؟! ابتسمت : مرة ثانيه ان شاء الله لا ناويه مرة ثانيه بعد ؟! قلت : لاخالتي اجلسي .. ريم : بليز ! ابتسمت وجلست رحت وصلحت عصير وحطيته بالثلاجه واتجهت لكرسي بجلس .. ريم : ساره حبيبتي هاتي لي مويا خالتها : لا والله !! في بيتك تراها .. ريم : لا عادي خالتي طايحه الميانه ! خالتها : لا والله مايجي ضحكت من داخلي .. ورحت جبت مويا ,؛ وقلت ابي اقهرها : تبين شي قبل اجلس ؟! ناظرتني بقوة .. ابتسمت لها .. بعد شوي طلعت المكرونيا وحطيته بالصحون وعلى الطاوله وبدينا ناكل .. أكلت خالتها اول لقمه وانا انتظر رايها .. قالت : حلو تسم يدك قلت بخجل : تسلمين خالتي ريم تناظرني بقوة وكأنها مو مصدقه اني ساره ههههه ..! قالت : ماشاء الله مبين انك متعودة تصلحينها .. ابتسمت : ايه من يومي بمتوسط قالت : بعمر ريم ؟! قلت : لا اكبر منها بسنتين .. قطبت حاجبينها : كيف تيجي ؟! قلت : عندي ثالث ثانوي مرتين .. ابتسمت لي : الله يوفقك .. وقفت : يلا اترككم .. همست لي ريم : خلنا نروح معها بوريك اخو زوجي .. قطبت : اخو زوجك ؟! همست : تذكرين ليلة الزفه قلت لك عنه حلو يلا نروح .. فرصه لاتعوض وناسه .. ريم : خالتي .. لفت لها .. فـ كملت : بنوصلك .. عادي ؟! ابتسمت .. رحت ولبست عبايتي وريم لبست عبايتها والفروقات العشره انا لاصقه فيني وهيا واسعه انا على كتوفي وهيا على راسها انا متحجبه وهيا متلثمه .. المهم نزلت معها وانا اتخيل شكله المهم انفتح الباب .. سمعت : يمه !! وين كنتي دورت عليك مالقيتك قزيته من فوقه الى اخمص قدميه ايه حلو ابي اتكلم علشان ينحرج فـ قلت : يلا خالتي انا بصعد مع ريوم .. ناظرته كأنه متعجب مني او مفتشل او لبسي مو عاجبه نزل راسه .. خالتها : لا سلامتك تسلمين .. سكرت الباب بهدوء وصعدت وانا اضحك بقوة مو قادره اسكت .. ريم : حرام عليك قلت : احسن له سكتت فتره ثم قلت : قلبي يدق طبول خايفه اش يصير ببيت عمي اعرف تركي عنيد بقوة ومايرضى حد من البنات يطلع ريم : بصراحه خفت قلت : تصدقين كل الرجال اللي اعرفهم عنيدين ؟ تركي ونايف وفيصل وزوجك واخيرا اخوك .. تذكرين ؟! ضحكت بقوة : اش جاب طاري اخوي بعد ؟! قلت : مدري ذكرته بس اذكر انه يقهرني بقوة .. ريم : صدقيني هوا كيذا يتعامل مع الكل واللي يعانده يكون اعند بزياده بس الشي اللي مايقدر عليه هو انه يستحي بقوة من اي بنت وبس فتحت عيني : وين دارسه كل ذا ؟! قالت : مالت عليك .. قومي نتابع فيلم ولو سمحتي صلحي بوب كورن قلت : مالت عليك انتي في بيتك واخدمك .. رحت اصلح البوب كورن ويوم خلصت رحت لريم لقيتها جالسه تتابع ... قلت : يالخاينه ماانتظرتيني قالت : طولتي جلست اتابع وانا منسدحه على رجل ريم وهي متحمسه له اما انا بس ابكي لان المشاهداللي تأثر على طول ابكي عليها بدون نقاش .. المهم انتهى الفيلم نهايه حلوة قمت ورتبت الصاله لاننا قلبنا عاليها واطيها ناظرت الساعه شوي ويأذن العصر تجهزت ولما اذن صلينا الحين برجع لبيت عمي والله يستر .. قلت : يلا دقي على زوجك صاير سايق لي بس معليه قالت : اش رايك نخلي اخو ملوك يوصلك تحمست : كيف بالله ؟! قالت : لحظه بس .. ودقت على زوجها : هلا ملوك .. شف اذا اتصلت عليك امك توصل خويتي قل مااقدر طيب ؟! " ضحكت " توقع ليه ؟! ابي اوريها اخوك .. كيذا .. والله كيذا .. لا مايجي .. فجأة صار وجهها احمر اكيد لاعب فيها ابن اللذين امنوا : طيب .. قلت طيب لما تيجي نتفاهم باي .. قفلت وابتسمت : انا حامل .. صرخت : احلفي !! ابتسمت : والله قلت : كيف عرفتي ؟! ابتسمت بخجل : تو ملوك قال بصراحه طقت علي اللقافه ابي اعرف اش اسمه ذا زوجها .. قلت : ريوم عادي أسألك سؤال ؟! قالت : آمريني بس ؟ قلت : اش اسمه زوجك ؟! قطبت : ليه ؟! قلت لكم اني صريحه .. قلت : لأن دايم تقولين ملوك واستغرب اش ذا الاسم اللي دلعه ملوك ؟! ابتسمت : مالك .. قلت : اووه حلو اسمه سكت فتره ثم قلت : يلا نروح لخالتك .. سحبت شنطتي ونزلنا ودخلت ريم ومدري اش قالت وطلعت ومعها اخو زوجها بجد عليه طول يذبح خخخ لو اني مااحب نايف حبيته خخخ صعدنا السيارة انا وريم ورى وامه قدام ماشاء الله العيله كلها من اجلي .. قال : يمه وين بيتها ؟! خالتها : وين بيتكم يمه ؟! ريم : دق على مالك يدل بيتهم وفعلا اتصلوا بس مالك لا يرد الظاهر ينفذ اوامر ريم .. المهم قال : طيب ماتعرفين محل تجاري مبني جنبه ؟! قلت : هممم هو يبعد عن المدرسه حوالي ساعه الانصف ودقيقه .. ضحكت ريم .. قال : يعني امشي من مدرستكم ساعه الا نصف ودقيقه ؟! قلت : لا شف انت بس وصل عند المدرسه وانا الباقي اعرف .. وفعلا وصلنا وانا اوصف لها المهم وقف عند بيت مايقع على الخريطه .. قال : ذا بيتكم ؟! قلت : لا .. مشى بيت ثم رجع وسأل : طيب ذا ؟! قلت : لا .. سكت فتره ثم قال : مافيه بيت العلي بذي المنطقه الا ذولي البيتين .. قلت : خلاص انزل هينا واسأل اي حد اشوفه .. ريم : مو صاحيه لاتسمع لها وفعلا حرك لمحت بيتنا .. قلت : ستوب ذس از ماي هاوس .. ضحكت ريم ونزلت .. قلت : بايو ريم مع السلامه خالتي وولدها .. مع دعواتي ان تدعون اين مااموت ! ضحكت ريم .. خالتي : ليش ؟ قلت : ها ؟ بس كيذا كلنا معرضين لخطر الموت .. بايو دخلت الفله شفت بوجهي تريك .. طنشته وصعدت الدرج .. سمعته : تصدقين لو تأخرتي دقيقه وحده ذبحتك ؟! صحيح انقهرت بس طنشته .. وصعدت لغرفتي على طول غيرت بيجاما ريم هه رايحة فيها ذا البيجاما ماتناسب بنت لازم متزوجه .. كتبت واجباتي وذاكرت واخيرا اليوم الاربعاء رتبت كتبي ليوم السبت علشان اخذ راحتي مع فيصل ياني مشتاقه له .. اذن علي المغرب صليت وانسدحت على السرير ابي انوم ماامداني اغمض عيوني الا اواسم حد يصحيني فتحت عيني كانت نورة مااقول لكم ماانقهرت بس معليه ذي بزر .. ابتسمت : آمريني نوران نورة : تركي يقول ... لا اله الا الله الملك احق المبين اش يبي بعد ؟! قلت : ايش ماسمعت ؟! نورة : تركي يقول فيه بنت تبيك على التلفون وطلعت فزيت اكيد ريوم .. مالي خلق اغير البيجاما غسلت وجهي ولبست عبايه وحجاب ونزلت اتجهت للتلفون وقلت : هلا وغلا امداك تشتاقين لي ؟ تو راجعه من بيتكم .. سكتت .. قلت : ألوو ريوم فينك سمعتها : انا مو ريم .. قطبت حاجبيني : اجل مين ؟! وناظرت نورة وتركي لانهم الوحيدين اللي معي بالصاله .. قالت بهمس : امداك تنسين ؟! انا اللي الصبح عندك .. سكتت فتره وقلبي يدق طبول كنت ابي اسأل من وين جاء رقمي عندها بس سكتت اللي عرفت كل معلوماتي سهل تجيب رقم التلفون .. قلت : اش تبين مني انتي ؟! همست : ولا شي قلت وانااتراجف : طيب ليه داقه ؟! قالت بهدوء : ابي اسألك يوم السبت ان شاء الله في الفسحه امممم .. وسكتت .. قلت : بلا مقدمات وقولي ! همست : عادي اكون معك بلحالنا بالفسحه ؟! دق قلبي : اش تقصدين ؟! قالت : اقصد ان ريم ماتكون معنا .. قلت بخوف : لا بس ريم اكثر من اختي عادي .. هي فعلا اكثر من اختي لكن مو ذا السبب الحقيقي .. السبب هو اني اخاف منها ومن شلّتها .. قالت : لا مايجي هذا اذا تبين تعرفين مين اكون .. قلت بتردد : طيب بس كيف اعرف وينك ؟! همست : بكون بلحالي جنب الشجرة اللي جنب المويا .. قلت : طيب موعدنا يوم السبت .. مدري ليه حسيتها تبتسم .. قلت : تبين شي ؟! قالت : لا مشكورة قلت بسرعه : اجل باي .. وقفلت الخط وانا ارتجف اولا من كلامه وثانيا من تركي ياخوفي يفتح تحقيق ..دقيت على ريم رد علي زوجها .. قالت : الووو قلت : هلا وين ريم ؟! تأفف : يالله ماتملين منها خليني شوي معها .. قلت وشوي وابكي : مالك بليز اعطيني هيا وقسم ضروري والله والله .. قال بهدوء : اش فيك لاتصيحين اهبل فيك .. خلاص اسف .. خوذي ذي خويتك .. حسيت بنظرات تركي وزاد قلبي طرق .. طمني صوت ريم تقول : هلا سارونه .. قلت : مصيبه ياريم ونزلت على راسي .. ريم : ايش فيه خبريني ؟1 روعتيني ؟! قلت : تعرفين البنت اللي الصبح .... قاطعتني : ايوه اش بها ؟! انا اول ماشفتها قلت وجهها مايبشر بالخير قلت : من شوي اتصلت علي وتقول ابي اشوفك يوم السبت بدون ريم والله ارعبتني ان نبرة صوتها كله همس تنفست بقوة : واش قلتي لها ؟! قلت : أبدا اكيد بوافق مضطره يعني مافيه خيار ثاني غصب عني سكتت فتره ثم قالت : اذا ريّحتي بقول لك شي قلت : ايش ؟ جاوبت : لا مهوب ذا الحين انتي خايفه .. تنفست : قولي لا اذبحك .. ريم : ملوك يحتاجني .. قلت : هه هه هه بايخه ! ايش انجزي ؟! ريم : خالتي اول ماوصلنا البيت مسكتني تحقيق من وين عرفتيها وايش .. وكيذا وليش كم عمرها اقولك شوي وتقولي اش برجها .. عاد لما سألتها ليش تخيلي اش قالت ؟! قلت بسرعه : مايبي لأبو امها كلام بتخطبني .. صفرت : ايوه تقولي تهقين لوخطبتها بتوافق .. قلت : ايش قولتي لها ؟! ريم : عاد سويت نفسي مدري ايش وقلت والله مدري يمكن تكمل دراستها .. نسيت نفسي : لو تخطبني اواافق بدون شك بصير جنبك طول اليوم .. ايه صدق اش اسمه ؟! ريم : الظاهر همام .. قلت : ولو ان الاسم يقهر بس يالله شكله يجنن عذاب يخقق يشق الراس .. موافقه .. ايوه كم عمره ؟! ريم : اممم هو توأم مع مالك يعني تقريبا 24 سنه قلت : يوه بعمر نايف ولد خالي .. ريم : أقول لك تقولي لا تقولين لحد ابد وبالخصوص لها وانا ولا عندي في ابو امها قلت بسرعه : موافقه .. ماحسيت الا بالتلفون ينقطع الخط أكيد مالك هين بس .. لفيت لقيت تركي حاط يده على التلفون .. صرخت : ياحمار اش سويت ؟! قال ببرود : لا تعصبين اول شي استحي تقولين ذا الحكي ثانيا اش ذا رايحه لخويتك ولا رايحه تنخطبين وعلى طول موافقه وخالي ؟! ماله راي ؟! بروده نرفزني بس ماعليه مو انا اللي يقفل الخط عندي ماحبيت ابين له اني مقهورة .. فـ قلت : ابي اعرف انت اش دخلك فيني ؟! تركي : ابدا بس لا تعطينها كلمه اول خالي يعرفه .. انقهرت : اولا انا كنت استهبل عليها ثانيا اش ذا الذوق تقفل بوجهها ؟! سحبت يده ودقيت على ريم .. قلت : معليه ريوم في بعض الناس جنبي ماعندهم ذوق .. قالت بملل : لاتقولين ولد عمتك ؟! قلت : ايه .. المهم مسيبنا منو اش اخبار بعض الكائنات الحيه ؟! ضحكت : هو كائن حي يابعدي .. قلت : يمكن يكونون توأم مثل زوجك وخطيبي ؟! ضحكت : خلاص صار خطيبي ؟! قلت : اهبل فيك ياحماره بس كسذا .. اجل انا آخر عمري آخذ لي واحد من الدمام مو صاحيه ولا ايش ؟! ريم : ليش بالله ؟! قلت : وقسم يقهرون وثانيا لو تزوجت واحد من الخبر ميه على ميه بسكن بالخُبر وناسه .. ريم : يعني اش اقول لها ؟! سكتت فتره ثم قلت : هيا اصلا اش قالت بالضبط ؟! ريم : قالت لمحي لها على خفيف وشوفي رايها .. ابتسمت : لمحي لها على خفيف اني بكمل دراستي .. ريم : ياحماره ليه ؟! قلت : لا ريم اولا انا بكمل وانا طموحاتي توصل اني ادرس واتوظف واكون شي ناجح ثانيا ابي واحد من الخُبر .. ريم : ترا ذبحتينا بالخبر كل شي تبينها .. قلت : لأني اموت على ترابها .. انتبهت ان نورة واقفه على راسي .. ابتسمت : اش بك نوران ؟! نورة : تقول امي جهزنا العشا يلا قلت : طيب .. ريم قود باي سلميني على الكائنات الحيه .. ضحكت : يوصل بايو قفلت الخط وناظرت تركي : اتمنى لو يوم واحد تتصرف بعقلانيه .. لفيت على نورة : نوران بروح اغير ذي العبايه اختنقت منها وبنزل .. نورة : بس كيذا احلا .. ابتسمت : لا والله ؟! لاني لابسه بيجاما يابعدي بروح اغير وانزل مو تاكلين .. وضحكت وصعدت الى غرفتي لبست بمودتي الابيض ياناس اموت على ذاا لبرمودا ولبست بلوزة بيضا اكمام حطيت عطر ولفيت حجاب الابيض وخذت الساعه وطلعت مشيت على الدرج وانا احاول البس الساعه بس كيف وانا امشي .. وقفت ولبستها وكملت طريقي الى المطبخ .. دخلت : السلام عليكم الكل : وعليكم السلام نورة : مااكلت انتظرتك .. ابتسمت ورحت جلست بجنبها : اموت عليك .. جلست آكل وانا افكر مين هذي البنت اللي تعرف عني كل شي انا ماكملت شهر في ذا المدرسه ؟! مين يعني ؟! مااخفي عليكم اني لاول مرة اخاف رغم ان كأن احد يقولي لاتخافين كـ عادتي قمت من بدري وغسلت فمي وصعدت غرفتي شوي وصليت العشا وعلى طول بسابع نومه .. لاتفكير يشغلني ابدا !!! * بما اني نمت من بدري اليوم فـ اكيد بصحى بدري تتوقعوا الساعه كم صحيت ؟! الساعه 2 بالضبط .. نزلت تحت وفتحت التلفزيون روتانا كليب بصراحه لوعندي رقمهم دقيت وقلت تعاقدوا مع راشد الماجد واحشني صوته فزيت لاني تذكرت ان فيه مسجله بغرفتي قفلت التلفزيون وصعدت واخذت شريط قسم مو ذاكره اسمه بس تقريبا اخر كاسيت المهم على اغنيه الحب خالد .. مدري اسمه راشد المهم سيبكم منو صحيح الاغنيه حلوة بس مو احلا من الحزينات لان راشد صوته حزين .. حطيت اغنيه المسافر بدون شعور بديت ابكي عليها بقوة لفت انتباهي مقطع " يالله ياقلبي تعبنا من الوقوف .. مابقى بالليل نجمه ولاطيوف .. " إلى لما قال " يلا ياقلبي سرينا .. ضاقت الدنيا علينا " فعلا راشد مبدع اصلا الابداع يتعلم من راشد .. هه مو جايه احكي لكم عن راشد لاني لو كتبت من اليوم لبكره مابكتفي .. المهم سمعتها حوالي 8 مرات وقفلتها فتخت دفتري بحزن وكتبت " ورحلتُ إلى المآضي البعيد .. لأُثبت لقلبي أنني اُحبه .. وعدت إلى الحآضر القريب .. لم ألقَ أيةُ محبه " مدري ليه طرت على بالي ذي الكلمات قفلت دفتري ورحت الحمام يعز قدركم وغسلت وجهي ناظرت الساعه كانت 3 إلا ربع .. رحت توصيت وفرشت سجادتي وبديت اقرا قران رغم الخوف اللي بقلبي من يوم السبت الا اني تطمنت تقريبا .. ظليت كيذا لما اذن صليت ودعيت دعائي " اللهم ان محمد ونهال ..." طويت سجادتي وفتحت دولابي لبست جينز اسود وبلوزة بني حطيت كحله ولبست حجابي كنت بحط قلوس بس شفايفي رايحه فيها حطيت مرطب وعطر لبست كعب عادي تماما ونزلت البيت كان فاضي طلعت الحديقه لاحظوا شي يوم كنت بالخُبر بالذات يوم الخميس اصعد السطح وبالدمام انزل للحديقه مو قلت ان الدمام غير ؟؟ حتى حيآتي تغيرت يومني جيت وسكنت هنآا ..! .: نهاية الجزء الوآحد الع ـشرون :. |
.: الجزء الثآني والع ـشرون :. " هُو أَنْتْ ×نَىـآدِيِتْ× ..؟ وَإِلاّ ألصُوُتْ خَيّلـْ~ لِي .. يَاآ مَنْ ** ضُلُوعِيْ إِذَاآ نَاآدِيتـْ سِمْعَ ـنّگ ,؛ إِشْتَقْتـْ لِگ حِييلْ ]~ و... وِدّيْ "أَسْألَگْ" ... قِلّيـْ ,؛ إِشْتِقْتـَ لِيْ ..؟ وإِلاّ طُيُوفـْ ..{ ألشُوقِ مَاآجَ ـنّگْ .؟ " / \ / بما اني نمت من بدري اليوم فـ اكيد بصحى بدري تتوقعوا الساعه كم صحيت ؟! الساعه 2 بالضبط .. نزلت تحت وفتحت التلفزيون روتانا كليب بصراحه لوعندي رقمهم دقيت وقلت تعاقدوا مع راشد الماجد واحشني صوته فزيت لاني تذكرت ان فيه مسجله بغرفتي قفلت التلفزيون وصعدت واخذت شريط قسم مو ذاكره اسمه بس تقريبا اخر كاسيت المهم على اغنيه الحب خالد .. مدري اسمه راشد المهم سيبكم منو صحيح الاغنيه حلوة بس مو احلا من الحزينات لان راشد صوته حزين .. حطيت اغنيه المسافر بدون شعور بديت ابكي عليها بقوة لفت انتباهي مقطع " يالله ياقلبي تعبنا من الوقوف .. مابقى بالليل نجمه ولاطيوف .. " إلى لما قال " يلا ياقلبي سرينا .. ضاقت الدنيا علينا " فعلا راشد مبدع اصلا الابداع يتعلم من راشد .. هه مو جايه احكي لكم عن راشد لاني لو كتبت من اليوم لبكره مابكتفي .. المهم سمعتها حوالي 8 مرات وقفلتها فتخت دفتري بحزن وكتبت " ورحلتُ إلى المآضي البعيد .. لأُثبت لقلبي أنني اُحبه .. وعدت إلى الحآضر القريب .. لم ألقَ أيةُ محبه " مدري ليه طرت على بالي ذي الكلمات قفلت دفتري ورحت الحمام يعز قدركم وغسلت وجهي ناظرت الساعه كانت 3 إلا ربع .. رحت توصيت وفرشت سجادتي وبديت اقرا قران رغم الخوف اللي بقلبي من يوم السبت الا اني تطمنت تقريبا .. ظليت كيذا لما اذن صليت ودعيت دعائي " اللهم ان محمد ونهال ..." طويت سجادتي وفتحت دولابي لبست جينز اسود وبلوزة بني حطيت كحله ولبست حجابي كنت بحط قلوس بس شفايفي رايحه فيها حطيت مرطب وعطر لبست كعب عادي تماما ونزلت البيت كان فاضي طلعت الحديقه لاحظوا شي يوم كنت بالخُبر بالذات يوم الخميس اصعد السطح وبالدمام انزل للحديقه مو قلت ان الدمام غير ؟؟ حتى حيآتي تغيرت يومني جيت وسكنت هنآا ..! جلست على الكراسي اناظر الشمس تشرق انبسطت بقوة على الجو لانه ناوي يبرد رحت للمويا وبديت ارش على الورود لفيت كل الحديقه ورشيتها اكثر من مرة كـ تعويض لان محد يهتم لها حاطينها زينه .. ناظرت الساعه كانت خمس الا .. دخلت البيت لقيت بس عمتي صاحيه اول ماشافتني قطبت الله يستر .. ابتسمت وجلست جنبها ولاتزال علامات الاستفهام عى وجهها .. قلت بابتسامه : اش تسوين ؟! هزت كتوفها : انتظر .. قطبت وقلت مثل الاطفال : اش تنتظرين ؟! واخيرا ابتسمت : صحيت ولدي وانتظره ابي نفطر .. قلت : وبناتك ماعندك فيهم صح ولا لا ؟! ضحكت .. قلت : قسم ارحمهم كل الدلع له ابتسمت : ماجربتي لانه ولدي الوحيد بس مايمنع اني اموت في بناتي كمان بنفس الوقت بصراحه كنت بقول اش تحبين فيه بس تذكرت ان اليوم في عين امه غزال .. قلت بابتسامه : يصير افطر معكم ولا جلسه خاصه اُسريه ؟! ردت بسرعه : لالا عادي بالعكس ننبسط معك قلت : من قلبك ؟! ضحكت : لا مو لذي الدرجه ترا ولدي عندي طول الوقت يعني ماأرد بنت اخوي علشان ولدي .. ابتسمت اول مرة تقول بنت اخوي .. ياإن ذا اخوها شاغل تفكيري بقوة المصيبه مااعرف عنه اي شي .. انتبهت على صوت تركي يصبح على امه بالخير اتجهنا للمطبخ وهي تسولف معه وانا ولا عندها في ابو امي .. قلت : نحنو هنا .. قال : ندري من زمان انك هينا .. لفيت على عمتي : بصراحه بصراحه ياعمتي ... قاطعني : ايه نبي الصراحه .. طنشته : بصراحه ياعمتي بخاطري بكره نسوي ... قاطعني : لا يمه لاتسوين .. انقهرت منه ولفيت له ابي استغل نقطه ضعفه علشان يفتشل بقوة .. قلت بقهر وانطلاقه باللغه الانجليزيه : Can you remain silent for 5 minutes plass? " تقدر يعني لو سمحت تكرمنا بسكوتك خمس دقايق ؟ " سكت فتره وظل يناظرني وهو مبتسم واقسم لكم مافهم ولا شي .. لفيت على عمتي : ايه عمتي ابي بكره يصير يوم مميز .. حط يده على خده وكأنه مندمج : ايه وبعدين ؟! ضحكت عمتي بقوة وانا مقهورة الظاهر قبل شوي ماانحرج انه مايفهم .. هين ياتريك .. قلت بهدوء : I want to talk little with your mother .. " اتكلم مع امك ! " شهق ولفت له عمتي : اش بك ؟! هه الظاهر خايفه عليه ..! اشر علي : مدري يمه الظاهر تسبك بالانجليزي ومحد فاهم لها .. فتحت عينها : بالله كيف دريت ؟! قال : والله يمه سمعتها تقول لي يور ماذر يعني امك .. وانا ماعندي الا ام وحده يعني انتي .. لفت لي : صدق ؟! قلت له : بس ذا اللي فهمته ؟! ابتسم هه الظاهر من الفشله .. لفيت على عمتي : اغسلي يدك منه السنه راسب .. تركي : بصابون ولا من غير ؟! قلت : هـ هـ هـ ألعن ابو التصريفه بس مسكين مفتشل .. سكت فتره ثم قال : ون .. تن .. هذولي توأم .. كتمت ضحكتي .. كمل : بعدين ثري .. واللي بعدها اما سيفين ولا فور .. بس خلنا نقول سيفن ونخلي الفور لعشا بكره .. لاول مرة بحياتي ابي اضحك والسبب ولد عمتي .. عمتي : لا اله الا الله من وين طالعه الشمس ؟ تركي يعرف انجليزي ؟ لا مااصدق .. قلت بضحكه : لو بس تدرين ياعمتي اش يقول .. عمتي : يقول حكي مو صاحي ؟! قلت : يقول الارقام لا ومو مرتبه وقسم لو اجيب نوران تقولهم بسرعه .. المهم عمتي نبي بكره فلله قطبت : ليه ؟! قلت : لان بكره يجي فيصل ونبي حفله مو صاحيه .. وبالذات برا في حديقة منزلكم .. هزت راسها نفي : لا لا كان عليك انت كاشفه بس بناتي ؟! قلت : بليز ماي آنت .. تركي : ايه يمه ارجوك قت : لا اله الا الله صدقوني اليوم مضيعه الشمس وطالعه غلط .. قمت من مكاني وحطيت يدي على جبهته : مصخن ولد عمتي ؟! ابعد يدي : ليه بالله ؟ جلست : لاول مرة ولد عمتي يوافقني على شي .. هاه عمتي اش رايك ؟! قالت : وانتي ميه على ميه بتكشفين .. وبناتي ؟ لا يعني لا .. بناتي وكشفوا عن عيال عمر بعد فيصل ؟! ناظرتها برجا .. عمتي : لا .. سكتت فتره ثم قلت : طيب انا عندي براقع يلبسونهم بس الليله .. عمتي : دام عندك براقع ليه ماتلبسينهم ؟! وناظرت ولدها .. قلت : بصراحه اختنق بقوة واحس ان شكلي غلط .. وقلبت السيرة : اش رايك بس الليله .. حلفتك بغلا تركي ! قال : احم .. ايه يمه لا تردينها تحلفك فيني اكتفت عمتي بالابتسامه ثم قالت : بس بشرط ! جاوبت بسرعه : ايش هوا ؟! قالت : انتي تلبسين مثلهم وماتزيدين عليهم ولاتنقصين .. قلت : عمتي ليه البس برقع ؟! هم علشان فيصل وانا ؟! عمتي : علشان ولدي تركي .. يالهي اش ذا القهر بس والله حافظ شكلي وبعد ؟! تركي : كان علي يمه فـ انا شفتها بجميع الاشكال كاشفه ومتلثمه ومتنقبه .. وناظرني حمار يقصد في المقلط .. كمل : والله ماناقص الا بدون حجاب .. طيرت عيوني : لا ياماما ذي بس بالاحلام ناقصه تربيه مااتحجب عن ولد عمتي ؟! ناظر عمتي وضحكت .. وقفت : الحمدلله .. يلا انا بروح من ذا الحين ارتب الطاولات برى وبعدها بصلح حلا واي شي يناسب بصلحه ! عمتي : لاتتعبين حالك الشغالين فيه .. ابتسمت : عمتي لأ .. ذا فيصل يعني اخوي الوحيد واغلا شي بالدنيا يعين مايستاهل يشوف شي مني ؟! ابتسمت : الله يوفقك .. طلعت برا ادور مكان حلو مناسب لجلسه واخير قررت عند حوض الورد كان فيه خمس طاولات اخذت اربع منهم مقابل الحوض على شكل الرقم 6 ثنتين افقي وثنتين عمودي .. قررت على كل طاوله راح تكون عليها نوع من الاكل مثلا الطاباق الرئيسيه والمعجنات والحلا والمشروبات وبما ان الطاولات كل وحده طولها اكثر من متر فـ ان شاء الله يكفي .. اخذت الطاوله الخامسه والاخيره وحطيتها بعيد عنهم شوي .. حسبت عدد الافراد .. اممم تقريبا ثمانيه انا مو غلطانه ؟! حطيت 3 بالطول وواحد بالعرض و 3 بالطول وواحد بالعرض وباذن الله التنظيم كالآتي :. الثلاث الاخوات مقابل انا ثم فيصل ثم تركي .. وعمي بلحاله وعمتي بلحالها .. دخلت البيت ورحت المطبخ ورحثت عن شمعه الين لقيت وحده على شكل صدفه اخذتها وحطيتها برا اممم ايش كمان ؟ ايه مسجله علشان تكمل الجلسه ونبي ميوزك هاديه صعدت غرفتي وبديت اجرب الكاسيتز الين لقيت طبعا المسجله بكرة بنزلها .. رحت لدولابي واخذت 3 براقع واحد لنهى وواحد لنجوى والثالث لي حطيتهم على السرير نوير خلها تكشف .. حطيت لي جدول في بعض انواع الحلا يستغرقون وقت كبير علشان تصير جامدة فـ بصلحها من ذا الحين .. نزلت المطبخ وصلحت " حلا الشوكولاته بالايس كريم " هذا شيي .. امم صلحت جيلي بجميع انواعه وكمان ايس بالفانيلا اما الباقي فـ بكره باذن الله .. اذن علي الظهر صليت وبديت افكر اش بنسوي كمان مسكت ورقه وقلم كتبت " بيتزا " بمااني مشتاقه لها .. و "حلا الانناس " وايه بصلح كوكتيل و" شاورما لحم & دجاج " اممم ايه " كباب وكبه " هه توأم .. امم ايه ضروري يكون معه بطاطا وسلطه ولازم خبز ايه الخبز متوفر .. بعد نبي ايش يحب فيصل ؟! جلست ساعه اتذكر الين عرفت ابيتزا الايطاليه موته كيف نسيته ؟؟ ايه بدق على المطعم يزين لنا ورق عنب عائلي كبير يااي بنكون فلله .. رحت اعطيت الورقه للشغالين وعلشان اذا شي ناقص من الحين والحمدلله كان كل شي جاهز قلت لهم يبدوا فيهم من الصبح وان شاء الله انا بكره بصحر من بدري واساعدهم .. دقيت على المطعم وقلت لهم بكره بعد اذان المغرب علشان يكون كل شي جاهز .. صعدت غرفتي اختار ملابس لبكرة اخذت تنورة سوداء طويله مع بلوزة ابيض اخترت عبايه مخصره بقوة وغسلتها بعد مو ناقصه تعربلني قدام فيصل .. جاء وقت الغذا قلت بنزل معهم بسولف .. وفعلا جلسنا .. قلت : بنات بقول لكم شي خطير جدا جدا .. نورة : لا تقولين طابخه الغذا ؟! ضحكت بقوة : مو مو كيذا اممم اتفقت مع السيدة سلمى العلي ان بكرة تكون مثل الحفله العاديه البسيطه بمناسبه قدوم فيصل .. نهى : الحين فيصل كل يوم جمعه يجي ليه حفله ؟! ضربتها نجوى : ياحماره خلنا ننبسط .. حرام والله لاتركي راضي يطلعنا ولا ... قاطعتها : واتفقت مع السيدة ذاتها انكم بتلبسون براقع .. شهقوا .. قلت : لا تخقافون بوصي فيصل مايناظر ولا يحرجكم .. نهى : طيب كيف ناكل ؟! ابتسمت : اثقبوا لكم في فمكم .. عمتي : اجل يكشفون ازين لهم .. قلت بحماس : ايه يكشفون .. عمتي : على جثتي .. قلت : لا لك طول العمر يارب .. المهم خلاص وقت الاكل تفتحون البراقع وتاكلون بدون مايشوفكم .. نجوى : مسوين اجرام نخاف؟! قلت : لا عاد لاتصيرون مُعقدين بس وقت الاكل يابعدي والباقي فلله .. بس بقول خبر مُحزن .. نورة : لاتقولين خالي مو راضي ؟! قلت : لا وانتي الصادقه امك تقول البس برقع مثلكم .. نجوى صفرت : يعيش الحق ياناس .. لفيت على تركي : بالله مو حافظ شكلي ؟! هز راسه مثل الاطفال ايه ..! قلت : بس امك تقول لاتصيرون شادّين .. سكتنا فتره ثم قلت : وراح يكون برا بالحديقه .... نهى : بس فشله مع فيصل .. والله يانهى مو خايفه الا من فيصل يقزكم من فوق الى اخمص قدميكم والله اعلم .. صرخت : يوه نسيت !! عمتي : ايش ؟! قلت : والله مو قصدي بس انا مع فيصل وبنات عمتي وعمي وعمتي وولدها ثمانيه والله نسيت بالغلط وقسم .. ابتسمت عمتي : عارفه مو لازم تقسمين .. فزيت .. قالت : وين ؟! قلت : بجهز لهم كراسي طلعت برى واضطريت اغير واحط جنب عمتي كرسي اضافي وكرسي اخر جنب عمي وتتغير السالفه تبون تعرفون التنظيم ؟ بكره اخبركم .. دخلت ورحت لجناح عمي بخبرة طقيت الباب شوي .. بعد شوي ماطلع لي احد .. قلت ابجلس دقيقه محد طلع فـ ... ماكملت جملتي الا وعمي بوجههي مبتسم .. قال : كنت عارف انها انتي .. ضحكت : ليه ؟! قال : محد يزورني غيرك .. قلت : بالذات ذا الوقت عندي شي ضروري عمي اسمع عمي بكـ... قاطعني : تفضلي .. افتشلت ودخلت جلسنا .. قلت : اسمع ياعمي الكل موافق وباقي انت نبي بكره العشا برا بحديقتكم .. قطب .. قلت : لاتخرب فرحتي ياعمي .. من الصبح وانا ارتب وانظم ارجوك اول طلب لي لا تردني ابتسم : وسلمى وبناتها ؟! جاوبت : عمتي قالت معليه بناتها يلبسون براقع .. عمي : براقع ؟؟ من وين ؟! قلت : احم .. احم من .. من عندي وقالت كمان انا مثلهم .. حلو ؟ ابتسم : خلاص .. قمت ورحت حبيت راسه : وقسم احبك ياعمي .. المهم ,؛ خبرت عيال عمي وانا متحمسه لبكره بقوة .. نزلت تحت لغرفتي ووقفت عند المرايا افكر اش بسوي بشعري بس صدق ماراح يطلع غير عيوني .. قررت فقط احط جل بشعري وكحله في عيني ومرطب .. جهزت كعب عالي بقوة لونه اسود فيه كريستالات ابيض يلا يمشي مع اللبس .. اخترت لي ذهب راح يكون بيدي اليمين الساعه لازم شي اساسي مثل نايف وخاتم بالسبابه وآخر بالابهام واسواره وخاتم باليسرى .. مدري اذا تعرفون عطر " ايلي " هذي لبكرة وناسه أذن علي العصر قمت وصليت بعدين نزلت اناظر التلفزيون معهم والله اناظر وانا صافطه عليهم وافكر في بكره .. بصراحه مشتاقه بقوة له .. نقزت لغرفتي وبقيت على السجاده الين اذن المغرب صليت وانسدحت على سريري مو قصدي انوم بس اريح شوي وبالغلط غطست بنومي .. صدقوني مو قصدي انوم بس النوم سُلطان ..! * * * صحيت على الساعه 12 شهقت يوم شفت الساعه ورحت صليت ..صلاة المغرب اتعبّد واتزهّد وسابقتها ومتجهزة والعشا رايحه فيها .. استغفر الله ربي كملت انسدحت وحطيت المنبه على الساعه 4 ونمت .. على طول صحيت وصليت الفجر قمت بحيويه ونشاط واخذت البراقع ورحت غرفهم بهدوء وحطيتها نزلت تحت اكلت خبز مع جبن على السريع ورحت مع الشغالين اساعدهم محد صحى اليو مالا عمتي تساعدني المهم اكثر من مرة تقاطعنا للصلاة والحمدلله كل شي صار جاهز على الساعه ست ونصف المغرب .. يالله باقي ساعتين ونصف يارب يمديني اتجهز رحت غرفتي وتحممت حطيت جل مع كحله ومرطب ولبست كل شي العبايه والحجاب وباقي البرقع لبعدين .. رشيت عطر ونزلت للحديقه أُشرف على كل شي الحمدلله كل شي مرتب حسبت عدد الكراسي مع عدد الافراد هه ياخوفي غلط .. ايه عشرة وحنا عشره .. حطيت المسجله خطرت في بالي فكرة في اغنيه تنفع يحطونها في المتحف اسمها .. بدايتها " ياارض احفظي ماعليكي " بحطها وبعدين الميوزك طول السهره .. رحت غرفة نجوى لقيتها متبهدله ساعدتها باللي اقدر عليه وقلت لها بضبط لها البرقع اذا بغت نهى خالصه بس تتدرب على البرقع خخخ .. صوت بوري طلعت كان المطعم اخذته ورتبته خيبه جات الساعه 8 ونصف وماراح تركي لاخوي .. المهم على الساعه 9 وربع راح .. ضبطت الاغنيه وحطيت عليها ثامر اول مااشر له يفتحها .. لبست نهى وساعدت نجوى على البراقع .. سار وظيفته يبقى برى لين شاف سيارة تركي يجي يخبرنا .. انا مع عمي وعمتي وبناتها بنكون حلقه عند الباب بصراحه ابي اشوف ردة فعله بقوة .. المهم مابشوقكم اكثر جاء لنا سامر وتضبطنا اول مادخل فيصل اشرت لثامر وبدت الاغنيه .. يا أرض احفظي ما عليكي .. حبيب قلبي حضر .. يا أرض احفظي ما عليكي .. اليوم طالع قمر...! حسيت ان فيصل مستغرب بقوة ويناظر بالبنات وحده وحده الين استقرت عينه علي رفعت البرقع ومديت له لساني والى الاحضان ياعشاق حسيت فعلا ببكي كيف لا وهو اخوي اللي احس له قبل يتكلم ويحس لي من قبل مااناظر له ؟! حسيت بيد ساعدتنا انتبهت انها يد عمي ورحنا باتجاه الكراسي .. قلت : احم هنا راح يكون عمي وجنبه فصول .. في جنب فيصل انا وفي مقابلي راح تقول نهى وجنب نهى نجوى وجنبي ثامر يعني ثامر قبال نجوى .. وجنب ثامر اخوه وقباله نهى .. راح يكون قبال عمي عمتي وطبعا ولد عمتي لو مايشوف امه جنبه يموت يجيه انهيار عصبي فـ راح تكون جنبه .. اتجهت للمسجله وشغلت الميوزك .. فيصل : بالله سارونه انتي اللي زينتي كل شي ؟! قلت : لا مو كل شي بس فكرة واخراج سارة العلي فيصل : ماتغيرتي ولا بتتغيرين .. بالخُبر بالسطوح والدمام بالحدايق .. عمي : بالسطوح ؟! فيصل : ايه والمشكله على طول نروح معها واكثر من مرة هي اللي تصير الضحيه .. قطب عمي : بالله كيف ؟!! فيصل : من يومنا صغار .. فرقتين كل وحدة ضد الثانيه .. انا ونايف وساره .. والفريق الاخر مروى ومشعل تقريبا هي كانت بس اللي تفكر لنا وتسوي لنا مخطط ومدري ايش ونايف اطلق عليها اسم المحقق كونان .. سمعت ضحكه من البنات بس ماعرفت مين اللي ضحكت .. قلت : خبرهم عن امجادي ياخوي .. ضحك .. عمي : ههه ليش اش مسويه ؟ فيصل : اممم انا كنت البطل في الفريق ونايف الرئيس بما انه اكبرنا بقول لكم موقف بتعرفون ذكاء ساره .. مشعل مع مروى متفقن انهم يوسخون المطبخ ويقولون حنا الثلاثه تطوف علي ذا القصه بس تطوف على اختي ؟ فتّنت عند خالتي مشاعل وثبتت عليهم الجريمه والعقاب ينظفون المطبخ .. عمي : هه تستاهل والله المحقق كونان ابتسمت من تحت البرع .. فيصل بابتسامه : مرة وحده اللي تغلبوا علينا بس ناي اخذ بثارنا .. عمي ضحك بقوة : ايه .. فيصل : اممم مدري يمكن يوم كان عمرها 18 مدري اش سوت لمشعل اقولك من القهر اللي فيه اشترى علبه علك وحلاو وعد ان مضغه جيدا حطه بشعر اختي جات لنا انا ونايف وتعاوننا وقصينا شعرها .. ناظر تتركي لقيته رايح فيها لو تحطون عليه عشا ينشوي عليه .. عمتي : ليه ماكانت تتحجب ؟ فيصل : لا طبعا .. اصلا ماتحجبت عنه الا بدايه ذي السنه احتراما لانها بتطق العشرين ..! سكتت وناظرت تركي خلاص منقهر تخيلوا لو قلت له بس نجوى بالغلط هاه بالغلط شافها فييصل ذبحها وهي ماشافا .. عمي : وبعدين ؟! فيصل : الليل اخذتها خالتي وقصته لها بوي والحين مدري اذا صار طويل ولا لا .. ضحكت .. نروة : سامر خلاص اعتزلنا .. ضحكت بقوة اكثر .. وابتسم تعلى الذكرى من داخلي الحين مروى تغيرت بقوة يافيصل ماصارت الحلوة اللي نتهاوش بدقيقه وثواني نتراضى ..! فيصل : اما مشعل ذا قصه نايف مرة طلع معها للبقاله كانت 12 سنه تقريبا وانا بقيت بالبيت علشان ادافع عنهم شهق تركي : بالله فيصل ؟! بلعت ريقي .. فيصل : ليه ؟ عمتي : 12 سنه ؟! اجل لو تدرين اني صعدت السطح مع نايف ودخلت المقلط لولدك قبل مااعرف مين هوا اش سويتي ؟! فيصل : هممم .. مشعل قال لخالي ومرته واول مارجعت نجت باعجوبه .. ومن يومها وهي تسميه مشكل مشاكل اسمه مميز مشعل مشاعل عمتي : كم عمره ؟! فيصل : اصغر منها بسنه .. بس طبعا يوم صار عمره 15 سنه قالت خلاص نسميه ميشو تركي : بربك فيصل وكل شي تنفذون اوامر بنت ؟! ماخفت علي نبرة السخريه في كلامه يارب فيصل يعطيه كلام يحطمه ناظرت فيصل فهمني .. قال : كيف لا ؟ وهي دلوعتنا انا مع نايف وطلباتها اوامر .. وابتسم .. تركي احترق .. فيصل : الظاهر الليله بنقضيها في الحكي عن سوير عمتي : هذا وانت توك داخل ورومنسيات ومدري ايش وبعد كل ذا سوير ؟! بصراحه رحمتها لو تدري انها من الامس ترتب وتصلح ومدري ايش .. صدق ماتستحي ! ناظرني ابتسم ابتسمت له بس تذكرت ان علي برقع قهر بس .. المهم قام الكل وتعشينا وبعدها افترقنا نتمشى بالحديقه نهى مع نجوى يتمشون الفرصه لاتُعوض .. وعمتي مع ولدها وانا مع فيصل .. اما عمي مع عياله على الطاوله .. حلو كل انسان مع اقرب الناس له .. فيصل : بقول لك شي ابتسمت : ايش ؟ قا : احبك بقوة .. دمعت عيني .. فتح البرقع : لاتبكين بصراحه انا اللي ابي ابكي وين القى مثلك ؟ على طول اتزوجها .. جاوبت بسرعه : نجوى ماجد عمران شكت فتره وهو مقطب .. خفت من ردة فعله وقلت : فيصل انا خايفه بقوة همس : ليه ؟ قلت بخوف : وقسم مدري عن السالفه يوم الاربعاء جات لي بنت وجلست جنبي سلمت ورد السلام واجب قالت لي شخبارك قلت انا مااعرفك ومدري ايش .. عاد قالت اسمي وعمري واشياء كثيرة ويوم الاربعاء اتصلت تقول تبيني يوم السبت .. فيصل : طيب اول ماترجعين من مدرسه دقي علي احكيني اش صار .. ابتسمت ابتسامه رضا .. ثم كملت : وقسم يافيصل اني ماقد شفتها علشان اعرفها .. ابتسم : ماجابت طاريي ابد ؟! قلت بسرعه : ايه سألتها ماتعرفين عدد اخواني واخواتي قالت عندك اخو واحد اسمه فيصل ضحك : بس وصلتي خير معجبه فيني هههههههه ضحكت بخوف : والله خايفه قربني له : دامك مع اخوك بنت امها اللي تقدر عليك حسيت بفخر انه جنبي ولاتستغربون ان قلت بامان وطمئنينه حسيت بعطش بقوة اتجهت لمكان عمي وشربت مويا شفت نجوى والله فره يتقرب منها رحت لها قلت : نجيو تعالي معي نجوى : ليه ؟؟ قلت : ماعليم كني تعالي وانتي ساكته يلا وسحبتها رحت لفيصل لقيته يلعب بجواله قلت : مُفاجأه نجوى موافقه تمشي معنا قرصتني نجوى اما فيصل رفع راسه لي متعجب غمزت له ابتسم وجلست بالوسط وشبكت يد بفيصل والثانيه لنجوى .. قلت بالبدايه بخلي نجوى تتكلم بطبيعتها بعدين نسولف قلت : ايه صدق نجوى اش رايك فيني ؟! همست : حمارة بقوة الظاهر فيصل سمعها على طول ضحك .. قلت : ليه ذا ولد خالك عادي نجوى : معليه ياحمارة حسابك عندي همست لفيصل : تكلم قول اي شي فيصل : عادي ترا اذا تبين سارة تروح عادي ابقى معك وجع ياحمار البنت تستحي ..! قلت : اخليكم على راحتكم بروح لعمتي قالت بسرعه : خوذيني معك .. قلت : ترا فيصل ماياكل .. وابتعدت وانا مبسوطه شي حلو اضر عصفورين بحجر واحد اولا اتخلص من مروى ثانيا لان مروى تعتبرة اخوها ثالثا نجوى تستاهله .. ابتسمت بخبث وناظرت ورى موطيه راسها وفيصل يهذر .. الله يوفقكم .. يعلم الله اني مابخاطري لكم الا السعادة رحت لعمتي وتركي ونهى قلت : اجل وين سامر وثامر ونوران ؟! ابتسمت عمتي : راحوا ينامون .. عمتي : وين فيصل ؟ ارتبكت : أأأأ مدري ! نهى : طيب و... عرفت انها تقصد نجوى .. قلت بسرعه : اي هعمي انا بقول لك شي قطب : ايش ؟ بلعت ريقي ياربيه اش اقول ؟ .. قلت : بروح لفيصل ابتعدت بسرعه ورحتلهم كانوا ساكتين .. قلت : هلوو فيصل يلا نجوى ماما تبيك .. قامت بسرعه وفيصل ابتسم رجعتها ورحت لفيصل .. قلت : هاه خبرني اش صار ؟! هز كتوفه : جايبه لي وحده ماتتكلم ابد والله اهذر ولا تتكلم قلت : خجوله بقوة وتستحي .. غمزت له اقصد مروى ضحك .. قلت : طيب اش رايك فيها؟؟ فيصل : مدري بس غريبه شوي تضحك وشوي مستحيه انا ابي بنت مثلك وتشبهلك ابيها جريئه لما اقول لها لا تناقشني وتشبهلك بالطول والعرض وملامح الوجه ولون البشره ولون العيون وكل شي فيك اذا موجودة مستعد اخطبها شلت البرقع : صدقني مافيه مثل نجوى .. سكت كأنه مايبي يجادلني .. طلع كعادته الساعه 12 ونصف طلعوا الشغالات ينظفوا اخذت المسجله معي وصعدت غرفتي فكيت العبايه وحذفتها على اقرب مكان وبديت اتأمل نفسي ماينلام فيصل لو طلب وحدة مثلي مو غرور بس شي حلو افتخر فيه .. ياااه بكره السبت الحمدلله حليت واجباتي شوي وماشفت الا الباب ينفتح وتدخل نجوى لااحم ولا دستور .. تخصرت : لو كنت اغير ملامبسي ؟! لوت يدي : انا ياحمارة تتركينيم ع اخوك بلحالنا ؟! سحبتها وجلسنا على السرير .. قلت بجرأة : نجوى . أحلفي باللي خلقك ان فيفي عبدو مارقصت على قلبك وانتي مع فيصل ؟! سكتت .. ابتسمت : عادي انسي .. همست : ياحمارة لكن احرجتيني معه .. قلت : انا متعمدة اسوي ذي الحركه سيبنا من ذا .. تحبين فيصل يانجوى ؟! وطت راسها : أشوف فيك يوم ياسارة ضحكت : امين يارب وقفت : يلا بروح انام غمزت : تنامين ولا تفكرين باخوي ؟! صرخت : حمارة .. وطلعت من الغرفه فديتك نجيو هذولي البنات ولا بلاش يستحون مو مثل مروى مو جايه اسب فيها اخر الليل .. قررت انزل تحت رتبت شكلي انا متأكدة ان تركي مو تحت ليه اتحجب نزلت تحت وانا رافعه تنورتي السوداء الطويله شفت الانوار مقفوله ناظرت الساعه وحدة ودقيقتين وصعدت متجهه لغرفتي بنوم سمعت صوت ضحكه ماكانت عاليه بس الصوت قريب مني اتبعت الصوت واكتشفت انه جاي من غرفة نورة .. مشيت والمشكله الكعب كان يصدر صوت .. شلته وقربت اذني بس تضحك انهبلت نوران وجلست رجعت غرفتي وغيرت ملابسي الى شورت وبلوزة خيوط لنصف البطن عادي انا بلحالي ومستحيل تركي يدخل او احد من عياال عمي .. فكيت رباط شعري وانسدحت على السرير افكر في نايف كيف اني كنت كل يوم اشوفه والحين ولاشي ولاحتى صوته المميز .. اصلا كل شي فيه مميز الطول الرشاقه سماره اللي يخبلني بقوة هذا حلمي .. والله انام احسن قفلت الابجورة ورحت بعالم الاحلام .. * * * |
((2)) صحيت الساعه 4 الفجر صليت بعدين تحممت جففت شعري بالشيسوار وحطيت فراشه صغيره على جنب حطيت الكحله وقلوس احمر ناظرت الفراشه كانت اخضر وزهري قررت البس اخضر لبست مريولي ولبست الساعه الخضراء فتحت دولابي وقلبته فوق تحت مالقيت العبايه الخضراء ..طلعت عبايه الفراشه ولبستها لفيت حجاب فيه ورد على الاطراف رشيت عطر واخذت شنطتي واتجهت الى الدرج ناظرت الساعه خمس وخمس يلا باقي وقت رحت غرفة نورة كانت بالحمام تكرمون .. معقول صرت اتوهم ؟ واسمع اشياء غير مو جودة ؟ طلعت ورحت لغرفة نجوى لقيتها مقفله المكيف ومتلحفه بقوة .. تقربت منها وهمست : نجوى ! بس ترتجف ارعبني المنظر وتركت شنطتي ونزلت لعمتي اللي كانت بلحالها وقلت لها .. فعلا رحنا قاست درجه حرارتها وساعدتها انا تلبس العبايه وطلعوا شفت نورة تلحقهم اش صاير ؟! الله يستر نزلت تحت وجلست على الكرسي وفي حظني شنطتي سمعت طرق نعول خمنت انه تركي لان الكل طلعوا وفعلا دقائق ودخل المطبخ .. قال : صباح الخير قلت : صباح النور قطب : اجل وين امي ؟! هه دلوعه ماما .. قلت بملل : امك طلعت مع نجوى ونهى ونورة مع عمي وعياله الى المستشفى لان نجوى تعبانه جلس على لكرسي وهو ساكت صلح له خبزة مع جبنه هه لانه متعود امه اللي تصلح له كل شي فـ مايعرف .. اكل نصفها وقام طلع رحت معه وركبت جنبه وانا ساكته مابي هواش اليوم .. حسيت بنظراته لفيت له : واللي يرحم امك حرك وبلا سخافه قال : اولا انا تركي مو فيصل تركبين معه بلحالك قلت : بالله يعني اروح مشي ؟ سكت وكأنه يفكر ... قلت : بالله انت ولد عمتي ولو امشي بلحالي مشكله .. قال : طيب تغطي حطيت يدي على حلقي : أحس بخنقه تأف : طيب تلثمي هزيت كتوفي : مااعرف ناظرني وهو مقطب ومبرطم .. وقال بنبرة سخريه : والله ؟ يعني ماتعرفين ؟! بس اذكر اني مرة شفتك بالخُبر متلثمه ولا انا غلطان ؟! اكرهك ليه دايم تذكرني ؟ .. قلت ببرود : وانا كان نايف ولد خالي اللي يلثمني .. كانه انصدم : يلثمك ؟! ابتسمت : وقسم ..! سكت فتره كانه يبي يستوعب .. قلت : يالله حرك الشمس بتحرقني .. قال بجد : مااقدر احرك وانتي مو متلثمه لانك قدام معي وثانيا سمعتي .. تأففت وانصعت لأوامرة وتلثمت وبقيت ماسكه طرف اللثام مثل اول مرة ركبت معه مع فيصل .. لفيت له : حلو شكلي ؟! ناظرني نظرة رضا ولف يسوق وهو ساكت اول مرة نروح بدون هواش طول الطريق .. لفيت عليه وبديت اناظرنه وقسم نفس عيون نايف نفس كثافة الرموش الفرق الوحيد ان ذا عيونه اخضر ونايف مايل للعسلي .. عيلتنا خُرافيه بجد انا فيه شوي بني خخ ونايف عسلي وذا اخضر فيصل مثلي .. بس تصدقون احلا شي نايف ياقلبي ؟ انتبهت على صوته : مطوله تتأمليني ؟! مُعجبه ؟! قلت : هيهيهي لا مُغرمه ..! بانت على طرف شفايفه ابتسامة سخريه .. لفيت اناظر الشباك ناظرت الساعه قربت تصير ست غريبه العدة نوصل قبل .. حسيت بقلبي يدق بقوة لما تذكرت ان اليوم بشوف البنت الله يستر سندت راسي وانا اتنفس بقوة مدري كم صار لي على كيذا بس انتبهت على صوته همست : وصلنا ؟! هز راسه وابتسم .. فكيت اللثمه ونزلت ودخلت وقلبي طبول .. اول ماشلت عبايتي سمعت " صباح الفل " الله يستر لفيت لقيتها ريم تنفست بقوة : صباح السكر والجالكسي ابتسمت : اش بك ؟! قلت : اليوم بعرف وخايفه بقوة .. ريم : لاتخافين هيا بنت مش ولد يعني مافيه مانع تجلسون بلحالكم وابتسمت تطمني بس وين ياريم .. يلا عادي ! ماصدقت خبر دق الجرس صعدت فصلي الحصه الاولى رياضيات ياقهر ذا الوضيح كل يوم اذاكر وماتقومني .. الحصه الثانيه احياء مافيها اي شي جديد والثالثه ادب اول ماطق الجرس طلعت مرايا وناظرت شكلي مرتب الحمدلله سميت بالله ونزلت تحت رحت شريت لي مويا وشربت منها ورحت لذاك المكان اللي قالت عنه أحس انه منعزل عن المدرسه الله يستر .. قريت بسم الله 11 مرة وجلست على صخره وانا العب بالرمل برجلي وفكرة تاخذني وترجعني سمعت صوت " صباح الورد " ارتعبت رغم انه كان اقرب للهمس .. ابتسمت رغم التوتر : صباح الياسمين تأخرتي . ابتسمت .. خيبه بتمضي الفسحه على توزيع الابتسامات وجع ان شاء الله مليت من الانتظار قلت : اتوقع اني جايع اعرف مين نتي ؟ سكتت فتره ثم قالت : انا ندى .. ندى ؟؟ وخير يعني كم ندى بالمدرسه ؟ ابتسمت : كملي ؟! قالت : 18 سنه ثالث ثانوي ادبي اول وحدة اعرفها ادبي .. قلت بابتسامه : ماهمني ياحبيبتي ايش اسمك المهم من وين عرفتيني .. همست : من نجوى نجوى ؟؟؟؟؟؟؟؟ قلت بتعجب : ابي اعرف ليه يعني تبين تسوين احصائيات ولا ايش ؟! وطت راسها .. قلت : ايش قالت بهدوء : بصراحه انا ... وسكتت لا بالقطاره قد ايش ذكرتني بتركي تقهرني ذي النوعيه ابتسمت : ايوه ؟! قلبي يطق بقوة .. همست : انا .. انا احبك قالت احبك ولا انا غلطانه ؟؟ قسم لولا الحيا عطيتها كفف على وجهها بس تمالك اعصابي .. قلت بهدوء : ايش ؟؟ قالت : احم .. انا احبك انتي وجعع بكل قواة عين تقولها .. تنفست : وووو..؟ وطت راسها : ابيك لي ! استغفر الله ربي حتى بالدمام فيه ناس كيذا ؟؟ بالله اش اقول لها ؟ قلت : كيف يعني ؟! حسيتها بتبكي خخ ياحرام رومانسه بزياده .. قالت : ابيك ي انا ندى وبس مابيك تكلمين غيري ابد ابيك لي تنفست بقوة : ندى حبيبتي انا مو جايه المدرسه احب لي بنت وموضوع اني احبك حب صداقه هذا اقصى حد عندي .. ردت : بس ان ااحبك تفهمين ؟! لعنت نفسي الف مرة انا جايه المدرسه وشهوله اتزين بعد ؟ لعانه وخبلا بعد .. ياذا الورطه ياناس قسم قهر ابتسمت : ممكن تفهميني اش بتستفيدين مني ؟! تحبين رجال ممكن تتزوجينه وانا ؟؟ جاوبت بسرعه : مستحيل اتزوج اوعدك بس ابقي معي .. وقفت : بس ان ابيجي يوم واتزوج فيه .. خلاص البنت بكت : والله بغيت اموت يوم سمعت انك تحبين ريم كيف تتزوجين ؟؟ وفتحت لي ازرار مريولها : ناظري ؟! شفت شيء لايُصدق البنت راسمه في حلقها حرفي غير السلسله اللي فيها اسمي بغيت انجن عليها اش ذي البنت ياربي ؟؟ استغفر الله .. خخخخخ شسوي بعمري لاصرت حلوة واجنن بالخلايق ؟؟ شوي وشفتها مطلعه لي كيس خمنت انها هديه خخخ .. وفعلا مثل ماتوقعت ندى : طيب خوذي ذي شريتها باسمك ! ابتسمت : من صديقه لصديقه ولام ن ندى العاشقه ؟ قالت : مستحيل تكونين صديقتي بيوم .. هزيت راسي باعتراض : مااقبلها ..! قالت : أرجوك افهميني لو مرة .. أووه بعد تقول افهميني لو مرة خخخ .. ناظرتني برجا : بليز بصراحه كسرت خاطري وبخاطري بيني وبينكم اعرف اش فيها .. اخذتها وابتسمت لها قلت : طيب انا بقبل ذي المره بس اتمنى من كل قلبي ماتفكرين تحبين بنت ..! ندى : مستحيل احب غيرك .. بصراحه جاتني الضحكه بس سكتت .. قلت : مستعده احبك حب صداقه لاغير سكتت .. قلت : متى ما بخاطرك تكونين صديقتي حياك بأي وقت .. ابتعدت عن المكان قالت : موافقه بس اكون معك ابتسمت : طيب مضت الفسحه معها وصعدنا مع بعض استغربت من تصرفاتها كيف ان بنت تحب بنت المهم ماعلي منها .. خلصنا وطلعت على طول قبل اشوف اي حد انتظرت تركي الين شفته على طول صعدت .. قال : تلثمي .. تلثمت وانا ساكته فجأة تذكرت شكلها وهي تقول " انا احبك " وفطست ضحك مو قادرة ياناس ابي هوا .. سمعته : انهبلتي بنت خالي ؟! قلت : احم لا ابدا تذكرت شي .. سكت ثم رجعت اضحك .. قال : بعد اش فيك ؟ تذكرت شي ؟ هزيت راسي وانا اضحك الين ربي افرجها ووصلت المنزل الحين خوف ومدري ايش وفي النهايه سالفه حب ؟؟ دخلت البيت ورميت كل شي على جنب ورحت لغرفة نجوى ابي اتطمن عليها شفتها مو فيه الله يستر دخلت غرفتي وغيرت ملابسي وصليت ونزلت تحت لقيتها منسدحه على رجل امها بالصاله وامها تلاعب خصلاتها .. قلت : السلام عليكم .. خير نجوى ان شاء الله طبتي ؟! ابتسمت .. جلست على الكنبه واسندت ظهري .. قلت : ياحمارة اقلقتيني عليك .. قالت بهمس : اتدلع .. قلت بدلع : اتدلع .. مالت عليك قلبي نقز من مكانه .. ناظرت عمتي كانت تناظر ولدها وسرحانه فيه .. مدر ليه احس ان فيه لغز في السالفه كل واحد من افراد ذا المنزل يسرح في حد كل واحد وله قصه لازم اعرفها لقافه خخخ تثاوبت .. نهى : نعسانه ؟! حسيت من نبرتها انها مستغربه .. قلت : بقوة بعد .. قطبت : مو عاداتك .. قلت : ايه بقاوم وبروح اكتب واجباتي بعدين بنوم عمتي : لا روحي نامي اريح والليل اكتبي واجباتك قلت : ماتعودت اصير كسلانه مثل .. الله لايبلانا ناظرني تركي وهو مبرطم وقفت : يلا قود باي صعدت لغرفتي وكتبت واجباتي وذاكرت ماصدقت على الله خلصت على طول انسدحت ونمت .. * * * .: نهاية الجزء الثآني الع ـشرون :. |
.: الجزء الثآلث والع ـشرون :. " مِنْ يُقولـْ~ إنيّ لِغِ ـيرَگْ ..؟ أنَاآ لِگْ مَاآنِي لِغِيَرگْ ,؛ آنهـْ ** مِتْعَ ـلّقْ مَصِيرِيْ .. يآ ×حَبِيْبِي× فِي ~ مَصِيرَگْ ..! / \ / صحيت عى اذان العصر صليت ورجعت نمت الى الساعه خمس المغرب قمت وغسلت وجهي ولبست برمودا زيتي مع بلوزة ابيض كلها خربشات بالياباني .. ولقيت الحجاب الزيتي حطيت كحل ومرطب وعطر ونزلت شفت نهى مع نورة وجنبهم كتب ونجوى منسدحه وتركي يلعب بجواله .. قلت : السلام .. الكل : وعليكم السلام .. جلست جنب نهى ونروة اناظرهم .. عمتي : اتصل فيك فيصل يقول يبيك قولت له نايمه .. انتبهت : متى اتصل ؟! عمتي : تقرييبا بعد الغذا .. سكتت فتره ثم قلت : ماقال لكم اش يبي ؟! هزت راسها نفي واشرت على التلفون وكأنها تقول دقي عليه .. على طول رد : هلا .. قلت : اهلين مسرع مااشتقت لي .. فيصل : لا والله ياحماره خوفتيني عليك مع البنت طبعا اللقافه ماتركتني هااه اش صار ومين تكون ؟ قلت استهبل : أي بنت ؟يؤؤ خرفت اخوي ؟! جاوب بسرعه : ياحمارة انا على اعصابي .. اش قالت ؟ قلت : تخيل انا خايفه وبعدين تطلع سالفة حب ؟! كانه تحمس : اش قالت قلت : ياسارة ان ااحبك تفهمين ؟ افهميني لو مرة بحياتك .. صرخ : تحبك ؟! انا حسبالي تحبني مالت عليها بنت مع بنت وين صارت ذي ؟ قلت : وجع فقعت اذوني لا والهديه اللي مدري وش تبي .. ضحك : قولي قسم ؟! قلت : والله قال : ألحين تروحين تفتحينها وانا على الخط يلا قلت : نور تقدرين تروحين غرفتي بتشوفين كيس احمر هاتيه .. ابتسمت وراحت احس كل العيون تناظرني .. شوي ونزلت نورة والانظار حول الكيس .. قلت : فيصل معي ؟ رد : ايوة قلت : المقدمه كيس احمر مدري مخربط عليه حكي بالانجليزي واختك تدري ماتفهم شي ضحك : ايوه كملي كملت : سيبنا منو .. مربع لونه احمر كبير شكله يجنن .. صفر : أوه احمر حب ياقلبي قلت : اشش لاتقاطعني .. المهم داخل المربع يوجد ورد مجفف ورساله محروقه قال بلهفه واضحه : ايش مكتوب .. قلت وانا اغني : بتحدى العاالم وانا وياك .... قاطعني تصفيره : لاعادي ذي تموت عليك قلت : خيبه ياحمار استحي .. المهم يوجد صندوق صغير .. شهقت : مو معقول .؟! قال : ايش ؟! ضحكت : تخيل سلسله مدري وش نوعها حرف n ؟؟ فيصل : ليش تعرف انك تحوبي نايف ؟! رديت : لا ياغبي اسمها .. فيصل : ايش اسمها ؟! قلت : مو شغلك المهم .. يوجد شموع صغيره لحظه ايه فيه قلب احمر اسمع اش مكتوب .. من عاش بالدنيا بلا حبيب عاش فيها بمثل الغريب ضحك .. قلت : هااه اش رايك !؟ فيصل : انصحك البسي السلسله .. قلت : مايب لابو امها كلام .. ولبستها .. رجع يضحك .. قلت : مالت عليك مو رومانسي اب ياحمار الله يعين اللي بتاخذها بس امها داعيه عليها بليلة القدر .. سكت فتره : ايه صدق سلمي على حبيبتك .. قلت : الحب مو غصب .. مو كيفيك .. صفر : ماتخونين نايف ابد ! ولع وجهي : ياحمار ياوجه البوم عيب استحي على وجهك تدري انا الغلطانه اعلمك لا وكل شوي تصفر مالت عليك يلا بقفل .. وقفلت شوي ورجع التلفون يدق .. قلت : نعم ؟! فيصل : تدرين لو ماقفلتي بقفل قبلك ؟! وقفل في وجهي .. ضحكت على خباله وجمعت الاغراض داخل الكيس .. عمتي : ساره ..! ناظرتها وابتسمت : آمريني بس ؟! قالت : معليه اعذريني تلقفت وسمعت المحادثه بينكم بس اللي مافهمته ايش حكي الحب والخرابيط ؟ ضحكت .. كملت : لا وذي كمان اشرت على الكيس .. قلت : بصراحه ياعمتي بصراحه ؟! نجوى بحماس : ايه قلت لها : اش لقفك ؟! نهى : انجزي ضحكت : ذي من شخص يحبني الكل سكت عمتي تناظر نهى وتركي .. ونجوى تناظرني .. قلت : لا تفهموا غلط !! الكل ساكت ومبلم انحرجت لا يتوقعوني لوفر ولا شي كيذا .. قلت : فيه حد بالمدرسه يحبني ! ننجوى : مين هوا ؟! هذي المريضه بعد .. قلت : قصدك مين هيا .. وحدة وبس خلاص .. تركي : خير وحده تحبني وين جالسين حنا مافيه بنت تحب بنت يا ... بنت خالي .. عمتي : صادق تركي كيف ؟1 قلت بقهر : تشكون ؟! شي جديد والله .. مافيه ثقه خلاص ؟! ولا انعدمت الثقه ؟! كنت على ووشك ابكي فعلا يعني مااخلص من فيصل الا ويجوا اهل ابوي ويكملونها ؟! تركي : والله اللي يشوفك يتوقع اي شي .. هنا قفلت معي .. صرخت عليه : انت مخلوق من ايش ؟! ماتفهم ؟! مو علشان اللي رباني خالي تقول ذا الحكي انا متربيه ومستحيل اخون ثقة اهلي .. وكملت بسخريه : هذا اذا فيه ثقه .. الكل ساكت .. عمتي : ساره ايش ذا الكلام الله يهديك ؟ الكل عارف انك متربيه واحسن تربيه بعد .. قلت بهدوء : والله حكي ولدك مايدل على كيذا .. عصبت عمتي : الكل راح يفهم غلط صدق كلام تركي فيه غلط .. بس معقول ذا من بنت ؟! وصلت عندي للاتش .. وانا متأكدة لو بقيت بجرحهم أخذت الكيس بعصبيه صعدت أول درجه .. لفيت : تمسون على خير ! صعدت السلم بقهر ورحت توضيت وصليت ركعتين لعل وعسى اخفف العصبيه اخذت المصحف وقريت كم آيه .. هديت بقيت على السجادة الين اذن المغرب صليت وانسدحت على السرير مابي انزل كافي اهانات مابي افكر في اي شي .. نقزت صورة نورة بوجهي .. يوه صدق البارح سمعتها تضحك ؟! انا لازم اشوف حل لذي السالفه بس كيف ؟! أروح اسألها ؟! يمكن تنكر ؟! أقول لأمها ؟! لا لا والف لا والله اخاف تذبحها ؟ أقول لمين ؟! لا مااقول لاحد الا لما اتأكد بعدين لكل حادث حديث .. بس كيف اتأكد ؟! مالي الا أراقبها بس كيف ؟! يالله ! انام الليله بالصاله اللي فوق واي شي اقدر اشوفه منها .. أوكي هذا مخططي .. حطيت المنبه على اذان العشا ورحت بنومه .. لا تفكير في نورة لا تفكير في ندى لا حقد على تركي .. النوم هو الحل الافضل ..! * * * مثل مابغيت صحيت وصليت كنت ابي انزل بس تذكرت ان تركي فيه وبيكرهني زياده فيه ايه صدق هو يطلع ذا الوقت طلعت من غرفتي متسلله ورحت للمقلط ميزة ذا المقلط انه يطل على الدرج الاول اللي لتحت والدرج الثاني لبيت عمي .. طليت من طرف الشباك انتظرت كثير الين صعد ناظرتالساعه عشر وخمس ابي احسب له كم يستغرق في لبسه .. انتظرت وانتظرت لما طلع ناظرت الساعه وشهقت اهئ 11 الا ربع ! والله البنات يخلصون قبله اول ماشفته نزل رحت للدرج الين شفته طلع تعمدت انزل بعده ورحت حبيت راس عمتي .. قلت : انا اسفه على كلامي .. ابتسمت : انا مو زعلانه كلامك صدق .. تركي زودها شوي .. أيه شوي ..! قلت بهدوء : عمتي اقسم لك ان الهديه من بنت معانا في المدرسه وقسم انا مثلك تفاجأت و... قاطعتني : انسي السالفه .. احترمت وجودها ورغبتها وقلبت السيرة نهى : نعسانه موت قلت : انا شبعانه نوم نهى : اش عليك طول اليوم نايمه .. اكتفيت بالابتسامه .. وصعدوا الواحدة تلو الاخرى وبقيت انا مع ععمتي وفت : يلا ابصعد متحمسه اعرف سر نورة .. عمتي : سارة ..! لفيت .. قالت : اتمنى ماتاخذين بخاطرك على تركي لانه ماخذ حجم كبير من الدلع ويغار على كل قريباته .. اصبري عليه ! ابتسمت وصعدت لغرفتي اخذت لحاف وانسدحت بالصاله ناظرت الساعه 11 وخمس .. تغطيت باللحاف لما سمعت صوت عمتي صاعده يارب ماتنتبه لي مدري هيا انتبهت ولا لا المهم ماقالت شي يمكن شافتني وسكتت ويمكن لا .. المهم انتظرت كثير وقلت بقوم بس قلت لا .. انا جالسه هينا الين يأذن .. كل شوي اناظر الساعه جات 12 ونصف وماصار شي بس صدق تركي يجي الساعه وحده لازم اقوم .. صوت من داخلي كان يقول لا اجلسي تغطيت باللحاف شميت ريحة عطره وبديت اسمي بالله الين سمعت صوت باب يتسكر عرفت ان ههوا ناظرت الساعه وحده الا خمس ياربيه ماصار شي شوي وسمعت باب ينفتح خمنت انه باب نورة تغطيت باللحاف وطلعت فقط عيوني ناظرتها كانت لابسه بنطلون جينز وبلوزة حمرا بلعت ريقي الله يستر .. شفتها قفلت غفتها بهدوء وصعدت درج بيت عمي !! لما تأكدت انها راحت كشفت انا متأكدة ميه على ميه الله يستر بس .. اخذت لحافي ورحت غرفتي وانسدحت وانا افكر ايش عندها نورة في بيت عمي ؟! بدذا الوقتت ؟ وليه تقفل غرفتها ؟! وليه اصلا تروح ؟! طيب ايش اسوي ؟! واهلها يدرون ؟! ا مااظن لو يدرون ماطلعت بالليل .. طيب يمكن شي ضروري ؟! وكم يبي لي علشان اعرف ؟! أسألها ؟ لا يمكن تنكر .. ياربيه اعطيني حل .. غمضت عيوني مابي افكر فيها ابي افكر بأي شي .. نقزت صورة فيصل يااه نجوى تحبه صدق انا لازم احاول اقرب نجوى لفيصل نجوى تحبه ثانيا تستاهله لانه يهمني سعادة اخوي بس كيف اقربه ؟؟ اووف كل شي يبي له حل قمت من السرير بعد ماايقنت ان مستحيل انوم ناظرت الساعه وحدة وثلث رحت الحمامات تكرمون وتحممت انتبهت ان السلسله باقي علي .. بلبسها طول العمر .. طلعت وجففت شعري ابي فكره جديدة جلست العب بشعري كل شوي آخذه لورى وارجعه قدام .. فكرت اسوي خطه فعلا نفخت شعري على خفيف ورولت الاطراف على برى وحطيت لي خصلات بشكل مبعثر يااي اجنن وينك يانايف تشوف شكلي بس تعاف سلمىوكل اخواتها .. ضحكت على كلامي ورحت حطيت لي كريم بكل جسمي ولما خلصت اخذت المبرد وبديت ارتب اظافري .. ناظرت الساعه باقي وقت كثير اش اسوي ؟! مالي الا احاول انوم .. حطيت المنبه على الساعه 4 ونمت .. صحيت قبلها بربع ساعه لان النفخه ماخلتني انام مضبوط رحت توضيت وبقيت على سجادتي الين اذن صليت وقمت رحت لبست مريولي ورتبت شكلي حطيت كحله غامقه واحمر شفاه ورشيت عطر ناظرت شكلي برضا ياحلاتي اهبّل .. لبست عبايتي وحجابي واخذت شنطتي ونزلت قلت : صباح الخير الكل : صباح النور جلست : لاول مرة الحق على نورة ونهى ابتسموا .. اخذت خبزة وحطيت فيها جبنه .. عمتي بملل : ساره !! ماتملين ؟! ناظرتها وضحكت .. نهى : أحط لك حليب ؟! هزيت راسي نفي : مابطيقوا بنوب جلسنا فتره حتى رن جوال نهى على طول سحبت نورة وقاموا خمنت انه عمي .. أخذت كاسة مويا وبديت اشرب منها .. سمعت " صباح الخير " قلت : والانوار .. ياهلا والله بنجوى ابتسمت وجلست جنبي .. همست لي : طول عمري اتمنى يكون عندي بنت خال او خاله بعمري وبعد مافقدت الامل طلعتي لي .. قلت : ربي لا يفرقنا .. سمعت عمتي : يارب ناظرت نجوى وسرحت اتخيلها مع فيصل على الكوشه بالابيض وفيصل مبسوط وبرضاه دعيت في جوّاي " يارب يجي ذا اليوم ويجي اليوم اللي اشوف نايف معي " مشكلتي احبه بقوة لذي الدرجه اتمناه زوج ؟؟ ابتسمت من داخلي اي بنت تحب تتمنى اللي تحبه معها على طول ضحكت بسخريه يكفي ياسارة هوا لسلمى اصحى .. انتبهت على يد نجوى تسحبني سلمت على عمتي وطلعت .. صعدت السياره والكل ساكت احسن بعد .. ووصلنا المدرسه ورحت على طول لريم وخبرتها عن ندى عاد الله لايوريكم شكلها يوم عرفت شوي وتموت من الضحك .. قالت : طيب اش بتسوين ؟! هزيت كتوفي : الشور للثور لو تنبحين يابقرة .. ريم : مارضوا ؟! خبرتها بالسالفه من طقطق للسلام عليكم وتوقعتها بتضحك بس الظاهر محترمتني .. المهم طلعت من المدرسه مع نجوى نهاية الدوام وصعدنا مع تركي والصمت اللي رحنا فيه ذاته رجعنا فيه .. وصلت البيت ورحت صليت وغيرت ونزلت تغذيت معهم وكان بالي ونظري مركز على نوران خفت تشوف شي او تلاحظ فقلبت لنهى صدقوني نهى لغز كبير ماينفهم .. احسها تضحك بس من جواتها تبكي مدري ليه بس مابي اضغط عليها علشان تفضفض لي يمكن اختها اقرب لها .. خلصت وقمت رحت حليت واجباتي ونزلت تحت معهم سوالف عاديه لولا نظران الحقد اللي كان مصدرها تركي .. مدري ليه يكرهني رغم اني ماسويت له شي يقهره المهم سيبنا منو وخلنا نعيش حياه طبيعيه .. اذن العصر صليت وبقيت بغرفتي مالي خلق شي ابد رحت للمرايا وبديت اناظر السلسله هذا حرف حبيبي نايف ولاتستغربون ان قلت لابستها علشانه بس .. * |
((2)) المهم مضى اليوم باحداث عاديه ووصلنا لليل وهو الموعد لمعرفة سر نوره بعد اذان العشا نقزت ونقلت اغراضي وانسدحت ناظرت الساعه باقي وقت قمت ونزلت تحت وسلمت ورميت جسمي على الكنبه : يااااه اشتقت للخُبر كنت متعمدة اقهر تركي ناظرته لقيته يناظر امه ومدري يسوون حركات غريبه لفيت لاني لو بقيت اناظرهم بموت مناللقافه نجوى : اش اللي بالخُبر مو في الدمام ؟! رديت بسرعه : أهل امي عمتي : وهنا اهل ابوك .. والله ان الكل غالي بس كان تبين الصراحه اعرف اهل امي ولا اعرف امي واعرف اهل ابوي ولا اعرف ابوي .. بس الفرق ان اهل امي عشت معهم فتره اطول وذكريات اكثر وكل طفولتي معهم .. قلت بابتسامه : عزاي الوحيد ان لي اهل هنا .. ناظرت اصبعي انت السبب في بُعدي عن الخبر اانت .. والله اني رحت من خذمه اهل بيت خالي وجيت الى الشك وقسم ان جرح اليد احلا من جرح القلب صدق اهل ابوي ولامرة ضربوني بس اكثر من مرة يجرحوني .. صدق لقيت حنان بس كمان بالخُبر حنان خالتي ونايف .. هربت من الخُبر الى الدمام غصب عني ..! سمعت نهى : الليله الاثنين ؟! عمتي : ايوه .. فزّت للدرج .. نجوى بلقافه : اش عندك ؟! صعدت ولا عندها في نجوى بصراحه حتى انا بخاطري اعرف بس ياخبر الحين بفلوس بعد شوي بي بلاش .. شوي ونزلت نهى متجهه لتركي .. قالت : رح انسخ لي ذي الورقه ميه وخمس وعشرين انفجعت : ليه بالله ؟! نهى : بكره عندي اختبار يلا تركي حط رجل على رجل : مابي نهى بعصبيه : تريك يلا قم بس لاتعاند .. رفع حاجب : كيفي شوي وتبكي : يلا عاد سكت فتره ثم قال : بشرط نهى : اللي تبيه .. تركي : تقولين أخوي احلا واحد ميه وخمس وعشرين مرة .. فطست مع نجوى ضحك .. تركي : خلهم ينفعونك لو تموتين اجل .. انا مستمرة بالضحك .. نجوى : لا تركي عاد نهى : يمه دايم يذلني .. عمتي تناظرني وتضحك .. نهى : تركي والله احبك يلا بس .. يهز رجله : مافيه .. ناظرتني عمتي : ماعندك حل ؟! ضحكت : ليه بالله حلال مشاكل مثلا ؟! قطبت : غريبه العاده تسوين المستحيل علشان بنات عمتك .. سكت فتره ثم قلت : لاتذلين نفسك اعطيني هيا اصعد دقايق لعيال عمي نورة بسرعه : بروح معك نهى : لا عيب بعدين تشوفين الاختبار طسي .. والله يانهى انك بريئه وعلى نياتك ياحبيبي نورة بتروح تشوف واحد من عيال عمي بس مين ؟! قلت : لا مافيه .. رحت لنهى واخذت الورقه بغرور وصعدت لعيال عمي اعيتهم هما وطلعوا اثنينهم اكتشفت ان فيه باب في جناحهم ينزلك للحديقه على طول لأول مرة ادري نزلت وجلست .. تركي : اببي اعرف انتي طالعه ملقوفه على مين ؟! عمري ماتوقعت ان يكون عندي بنت خال بذا اللقافه .. أخو واخته شكوو ؟ ابتسمت : وانا عمري مااتوقعت يكون واحد يقرب لي يذل اخواته يمكن لاني تعودت ان فيصل يسوي اللي انا ابيه وطلبات مروى عند نايف اوامر .. شددت على كلمه نايف علشاان ينقهر .. ناظرت عمتي كاتمه ضحكتها مدري ليه تضحك ؟؟ نهى : اش قالوا ؟؟ قلت بغرور اصطناعي خخخ : اكيد ينفذون من دون نقاش .. نهى : اموت عليك سارة .. تركي ناظر امه اللي بدورها ضحكت بقوة اما تركي ابتسم .. دق الجرس اتجهت للباب .. صرخ : لحظه ! وقام هوا .. انتهزت الفرصه ورحت جلست لاول مرة عن يمين عمتي خخخ عناد له .. فعلا جاء وكان يقرا الاسئله بصوت عالي علشان نورة تسمع .. كنت اضحك على تصرفاته هو مع نهى يذكروني فيني دايم اتضارب مع فيصل .. .. واخيرا اعطاها هما وجاء بيرجع مكانه .. هه انصدم والله لو تشوفون شكله تقول عجوز ماكلين عشاها خخخ تكتف : خير بنت خالي .. ذا مكاني ؟؟ ابتسمت بنصر : مافيه جلست قبلك اذا تبي .. أشرت مكان جنبي : هنا واما اذا ماتقدر على بعاد امك تعال عن شمالها .. قال : قومي .. عندت : مافيه ولاتحلم نهى : عاشت سارة كرر : قومي احلا لك .. ترى قسم ماتشوفين اللي يسرك .. قلت بسخريه : اصحى انا بنت خالك ماتقدر تسوي فيني شي .. ناظر امه .. ناظرتها كانت عاديه جدا احسن مو معصبه آخذ راحتي .. عمتي : تركي تعال هينا جنبي وخل بنت خالك ضحكت باعلا صوت علامة النصر .. وقفت : خلاص تعال كسرت خاطري .. كل نظرا تالحقد كانت بعيونه ونظرة ماقدرت افهمها هي كره ولا غضب ..! شفت نورة تتثاوب سبقتها : تشااو تذكرت شكل ميشو وجدته تلاحقه بالعصا وفطست ضحك .. نجوى : موصاحيه .. قلت : والله تذكرني بميشو اقصد مشعل وللد خالتي .. جدته تلحقه بعصا وانت جنب امك .. تصبحون على خير صعدت بسرعه قبل لا احصل تهزيئه عالمييه ورح تالمقلط انتظره يصعد ويطلع .. ورحت على طول نمت بالصاله كانت الساعه تقريبا 11:45 هه لان الساعه اللي علي الكترونيه ودقيقه لابعد الحدود جدا جدا .. شوي والكل صعد بديت اردد الايه " وجعلنا من بين ايديهم سداو من خلفهم سدا فأغشيناهم فهم لا يبصرون " سورة يس .. يقولون ان ذي الايه تخلي اللي قدامك مايشوفك مثل قصه النبي يومه يهاجر .. هه وكأني مسويه اجرام اخاف واختفي .. المهم انتظرت كالعاده الين جات الساعه وحده الا ربع شرف الاخ تركي رددت الايه والحمدلله ماشافني بدى قلبي يدق بقوة الله يستر الحين الظاهر نورة بتصعد لاهل عمي .. انتظرت دقايق وسمعت صوت طرق نعول على طول تغطيت وانا اناظر من الطرف .. أهئ هذا واحد من عيال عمي دققت في ملامحه هذا سامر ولد عمي !! معقول ؟؟ ايش يسوي عند نوره ؟! ناظرني فتره الله يستر ماانتبه لي ثم دخل الغرفه وانقفل الباب !! ايش اللي يصير ؟ انا اتوهم ولا ايش ؟ معقول اللي يصير بذا البيت .؟ يعني البارح نورة راحت عنده واول يوم كان عندها ؟ معقول هوا يزورها بغرفتها وهيا تزوره بغرفته ؟! قمت بتكاسل ورحت غرفتي حطيت المنبه على الساعه أربع ونمت وانا نايمه احس اني مو مرتاحه صحيت وفكيت رباط شعري وبقيت اتقلب .. وقسم سالفة نورة شاغله بالي .. ضروري اقول لعمتي لا اكيد بتذبحها خصوصا انهم عندهم عيب تشوفه وتبقى معه بلحالهم كيف لو بغرفة النوم ؟! بس هما بزران مااقول غير الله يستر .. سمعت صوت الاذان رحت للبلكونه وفتحتها وبديت اردد مع الاذان واقرى الدعاء " اللهم رب هذه الدعوة ... الدعاء " رحت توضيت وصليت بقيت فتره على السجاده واقرى سورة يس دعيت لامي وابوي وقمت تحممت وطلعت لبست السلسله حطيت لي كريم بجسمي وكريم بشعري وبقى مبلول على جاف ومبهدل بطريقه حلوة .. حطيت كريستال بني على شكل قوقعات .. حطيت الكحل وحطيت محدد بينك وخربشته في شفيفي بطريقه حلوة .. مدري ايش اللي خلاني ابرطم طالعه دلوعه بقوة وكأني بزر أو بمعنى اصح طفله .. لبست مريولي وعبايتي ولفيت الحجاب ونزلت شفت نهى طالعه حسافه مالحقت عليها .. جلست جنب عمتي اتفطر شوي ونزل تركي كان يسولف مع امه وانا بالي مهوب معي ابد .. اش بو سامر مع نورة ؟! واش يسوي بغرفتها ؟ وليه اصلا يروح لها ؟؟ مسكت راسي لاينفجر وقمت متجهه للصيدليه اخذت بندول وجلست مكني انتبهت ان نجوى جات اكيد ماانتبهت لان راسي مصدع جلست على الكرسي فيني النوم ياناس .. عمتي : ساره اش بلاك شوي ورحتي للصيدليه وبندول والحين مسندره راسك اش بك حبيبتي ؟! قلت بتعب : تعبانه بقوة .. اكتفت بالابتسامه لما شفت نجوى وتركي قايمين قمت وسحبت شنطتي صعدت بسرعه وحطيت راسي بين ايديني وماحسيت بنفسي بعدها ابد ..! صحيت على طرق بوجههي مابانت عندي ملامح ذا الشخص ركزت بقوة ذي نجوى .. قالت : اذا تعبانه ارجعي البيت .. وقفت : لامشكوره .. تركي : لا عادي اوصلك .. ناظرته لاول مرة احس انه حنون !! أكثر من مره يشوفني تعبانه يعرض خدماته بسرعه وينسى اني اكبر عدو له .. معقول امه ربته على كيذا ؟ المهم سيبنا منه .. دخلت المدرسه شفت ندى قبالي ابتسمت بوجهها كانت تتأملني وانا اطوي عبايتي يوم خلصت رحت لها ومشينا .. أغلب الوقت كنا ساكتين .. قطعت الصمت : نعسانه بقوة .. ندى : ليه الساعه كم نمتي ؟! قلت : اممم وحدة تقريبا وصحيت 3 وربع شهقت : اهئ لا والله لو انا مكانك مااحضر اليوم .. وبطوله اكون منومه ابتسمت بسخريه : عندك انتي ياحبيبتي انا عمتي ماترضى تخاف على المستقبل اكتفت بالابتسامه .. تستحق اني اكون صديقتها لكن لا والف لا واعارض ومستحيل اقبل اكون ... حبيبتها ..! * مضت الحصص بسرعه وفي الحصه الثالثه كيميا غمضت عيوني وحطيت رايب على الطاوله ونمت .. ماحسيت الا بطرق اش بهم الناس يطقوني ؟! خخخ انتبهت انها ريوم ساعدتني اقوم وانا اترنح الين جلستني مكاني وكملت نومي وناسه الفسحه كلها نوم .. يعني تقريبا ساعه الا ربع نوم .. وصحيت لما سمعت الجرس رتبت اموري وقمت غسلت وجههي ياحسافه الروج اللي راح .. أخذت المرطب دايم احمله وحطيت لي انقضت الحصص على خير ونهايه الدوام طلعت بسرعه حتى ماشفت ريم كل همي اشوف سيارة تركي وعلى طول صعدت انتظرنا فتره حتى شفنا نجوى .. قلت مابفشل عمري وانوم بالسياره اصبر شوي اول ماوصلنا على طول الى غرفتي غيرت ملابسي وتوضيت وصليت اقولكم ماحسيت بنفسي الا وانا نايمه على السجاده وبجلال الصلاة ..! يمكن تغيرت حياتي وروتيني وجدولي تغير مكان نايف بقلبي فيه مثل يقول بعيد عن العين بعيد عن القلب .. يمكن تعبت من نايف يمكن حسيت بقلبي يميل لشخص آخر بس تأكد يانايف تظل معزتك بقلبي تسوى كل البشر .. إلا شخص وآحد لحد ألحين ماأدري من يكون ..! .: نهاية الجزء الثآلث الع ـشرون :. |
| الساعة الآن 11:05 PM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011