|
.: الجزء الرآبع والع ـشرون :. " قَلْبِيّـ ~يُوّصّلْ لِِگْ سَلاّآمَهـْ وِيِتْبَعَ ـهْ قُوْلِهـْ .. مَشْگُوُرْ عَلَىْـآ ×الْزّلْزَـاْآلْـ× ـآلليّ حَصَلْ بِآلْجُوفـْ~ وِ ... يُقُوُلـْ // أَگْتِمْ گلّ حُبْـ][ خَآفِيّ وِوِدّگْ تُقُوْلَهـْ أَبْتِسِمْـ وَآَنّآاْ بَفْهَمْ .. لاّآ تِعْ ـلِنـْ وِتِعَآاْنِدْ ـآلظُّرُوْفـ .. " / \ / مضت الحصص بسرعه وفي الحصه الثالثه كيميا غمضت عيوني وحطيت رايب على الطاوله ونمت .. ماحسيت الا بطرق اش بهم الناس يطقوني ؟! خخخ انتبهت انها ريوم ساعدتني اقوم وانا اترنح الين جلستني مكاني وكملت نومي وناسه الفسحه كلها نوم .. يعني تقريبا ساعه الا ربع نوم .. وصحيت لما سمعت الجرس رتبت اموري وقمت غسلت وجههي ياحسافه الروج اللي راح .. أخذت المرطب دايم احمله وحطيت لي انقضت الحصص على خير ونهايه الدوام طلعت بسرعه حتى ماشفت ريم كل همي اشوف سيارة تركي وعلى طول صعدت انتظرنا فتره حتى شفنا نجوى .. قلت مابفشل عمري وانوم بالسياره اصبر شوي اول ماوصلنا على طول الى غرفتي غيرت ملابسي وتوضيت وصليت اقولكم ماحسيت بنفسي الا وانا نايمه على السجاده وبجلال الصلاة ..! يمكن تغيرت حياتي وروتيني وجدولي تغير مكان نايف بقلبي فيه مثل يقول بعيد عن العين بعيد عن القلب .. يمكن تعبت من نايف يمكن حسيت بقلبي يميل لشخص آخر بس تأكد يانايف تظل معزتك بقلبي تسوى كل البشر .. إلا شخص وآحد لحد ألحين ماأدري من يكون ..! صحيت على صوت اعرفه تماما حزروا فزروا مين يكون ؟ مهوب نجوى ولا نهى ؟؟ معقول نوران ؟! لا ابدا ذي عمتي .. عمتي : ساره انتي تعبانه شي ؟! قطبت : ابدا الساعه كم ؟! شوي وقالت : 3 ونصف قمت وتوضيت من جديد وصليت العصر أخذت شنطتي ونزلت تحت .. كالعادة الكل مجتمع احسدهم بصراحه اغلب الوقت يكونون مع بعض ليه مااكون مثلهم ؟ بس انا غريبه عليهم حتى لو بنت خالهم بس تركي فيه !! دخلت ورميت جسمي على الكنبه : آآآآهـ احس اني تعبانه بقوة .. ابتسمت عمتي وقامت مدري اش بها .. مسكت الشنطه وفتحتها وبديت اكتب واجباتي .. نجوى : سوير طالعتها مستغربه لانها اول مرة تناديني كيذا وابتسمت لان الوحيد اللي يناديني كيذا هوا خالي جاسم ابتسمت : نعم نجيو ؟ ضحكت : طافك الظهر النقاش الحاد السياسي بين امي ونهى كل وحده ماتدري وين ربي حاشرها وتتفلسف تحمست : بالله كيف ؟! كانها اندمجت معي : أقولك كل وحدة تتكلم عن شي نهى عن فلسطين وماما بلبنان والله مدري كيف يفهمون لبعض .. قبل مااصدر اي ردة فعل او ضحكه رن التلفون مديت يدي ورديت .. من طبعي مااتكلم الا اذا اتكلم اللي ع الخط .. قال : ألو قلت : وعليكم السلام ورحمة الله وبركاته كانه ضحك : احم وين تركي ؟! قلت : ليه بالله ماتدق على جواله ؟! قال : جواله مقفل انحرجت : ثواني .. تر ... ولد عمتي ! لك التلفون قطب : بالله الجوال اش وظيفته ؟! قلت : وجع اش دخلني تعال .. تقرب من التلفون وكشف الرقم .. همس : قولي نايم .. قطبت غريبه حتى هينا يستخدمون ذا الاسلوب مو بس بالخُبر .. قلت : ماتعودت اكذب .. تافف : مو شغلك وخلصي رفعت التلفون عن يدي : مو فيه .. قال : طيب خبريه اني سألت قلت : طيب .. قفلت التلفون وكملت اكتب واجباتي شوي وجات عمتي وبيدها اكل وتلحقها الشغاله .. مااقول لكم ان الموضوع ماأثار اهتمامي بس تجاهلته .. احس بنظرات مصدرها عين الجميع الله يستر .. عمتي : شوفن تجربه نهى ونجوى بالمطبخ .. شهقت .. قال تركي : قولوا للمستشفى في حال حدوث اي طوارئ .. التفت على نجوى لقيتها ناويه على نيه خخخ .. قالت : انت بالذات لاتذوق كيفي قال ببرود : يعني بتوفى وابي اذوق مالت عليك .. ابتسمت بحب : شكلها مره نايس وحتى لو انا الطعم مو حلو يكفي انها من ايدين بنات عمتي نهى : شف الذوق ابتسمت واكلت قطعه كان طعمها صدق مش ولا بد بس احلا بكثير من طبخ مروى مدري هيا كيف تصنع الحلا مخلوط عجيب من كل بستان زهرة وياليت من كل بستان من كل زباله حشره خخخ صفرت : حلو ماارااا تسلمين .. تذكرت ميشو دايم يعلق على ( ماااراا ) واكثر من مرة يستهبل عليها وتركتها فتره علشان لايعلق بس رجعت لها .. ابتسموا حبيت اقهر تركي قلت : بصراحه طاف نصف عمر اللي ماذاق منها .. ولا لا ياعمتي ؟! اكتفت بالابتسامه .. تركي : حد قالك ياسارة انك حماره ؟! نجوى بسرعه : حلو البيت ساره حماره قلت : قبل حماره من متى الميانه ياولد عمتي ؟! ماحمار الا اللي قايلها واذا شايفني حماره فـ حماره بنت خال حمار .... قاطعني صوت الضحكات افتشلت وبلعت لساني وكملت اكتب واجباتي تحاشيا لنظرات الجميع .. * لميت اغراضي وصعدت الغرفه بدون مااناظر حد وراهن ان الكل كان طول الوقت يناظرني .. سيبنا من كول دا .. توضيت وانتظرت الصلاه لين اذن صليت وبقيت بغرفتي الين جات نهى تقول االعشا مااخفي عليكم جوعي الشديد لاني من البارح مااكل شي صحي .. لبست بلوزه اورنج وتنورة بيضا طويله فيها سلاسل جنان لبست حجاب ابيض عليه شيله اورنج بنفس الدرجه .. والساعه كمان دايم اتذكر نايف وانا البس الساعه وذا دليلي اني مانسيته .. رشيت عطر ونزلت تعشينا وبعدها رحنا للمقلط نتابع مسلسل كوميدي احترت انه يكون اماراتي او كويتي المهم انه خليجي الكل منخرط بدوامه ضحك وانا اناظرهم بطرف عيني كيف يضحكون .. طاحت عيني على نوره !! كيف نسيتها طول الوقت معليه انا الليله لها بس اذا تاكدت شكوكي ايش اسوي ؟! الله يستر مايكون بينهم شي والله بالعقال على ظهورهم لو بينهم شي .. لا هي مرحومه ولاهي عايشه .. هي نورة .. ضحكت بقوة وحسيت ان الكل يناظرني .. سمعت نجوى : اش بك تضحكي ؟! انحرجت : لا بس ... قاطعني : تذكرت شي .. ديت : وهو كذلك .. احس بقلبي يدق انا لازم اسأل نورة بس يمكن تنكر مين يقدر يحلها معي ؟! نايف ومو فيه .. وفيصل ؟؟ لاذي سمعة بنت عمته وثانيا لو بينهم شي ايش اقول ؟! بعدين لما اتأكد لكل حادث حديث .. مر وقت العا وصلينا وتركي ماطلع اش به ابي اصعد انوم بالصاله لا والمصيبه نورة قامت تنام معليه قبل الساعه وحده اكون موجوده .. ناظرت الساعه 11 وخمس وعشرين لا الظاهر الليله مو ناوي يطلع وانا اش علي منه كيفه هو حر قمت واتجهت للدرج انتبهت انه جنبي يصعد بغيت ابوسه على راسه لأول مره يفهم .. دخلت الغرفه وانتظرته يطلع لما سمعت ان امه توصيه يفتح جواله ولا يسرع ...الخ * غيرت ملابسي الى بيجاما ازرق مثل الثوب القصير بس فيه ذيل طويل بس الرجل مكشوفه من فوق كان ستان ومدري ايش المهم نقلت اغراضي وانسدحت اخذت معي كتاب فيصل سبحان الله ماحطيته الا لجل ذا اليوم بس ضروري ارجعه حرام سسرقه خخخ قريت منه حتى يوم سمعت صوت عمتي والبنات يصعدون ماحسيت بس سمعت كيف تيجي مدري .. ناظرت الساعه وحده الا ربع .. سمعت طرق نعول لفيت على غرفة نورة بس انصدمت ان تركي واقف قدامي مدري ايش اغطي ولا ايش .. تحجبت باللحاف .. قال : أوووه اش عندك هينا ؟! هزيت كتوفي : تغيير جو .. قال بسخريه : بالله !! سمعت صوت قفل نورة كأنها بتطلع ماحسيت بنفسي الا ساحبه تركي وادزه داخل غرفتي .. قلت : لا تطلع .. سكرت الباب بهدوء بسرعه وتلحفت شفت نوران طلعت بقيت ادعي يارب مايستلعن ويطلع .. أول ما تطمنت عن نورة قمت بفتح لتركي الباب تذكرت اني مو متلحفه او متغطيه ومع ذا اللبس ياذا الفشيله ساحبته لغرفة النوم بذي الملابس والمصيبه الاعظم بدون حجاب .. تحجبت باللحاف وفتحت غرفتي لقيته بوجهي .. قلت : أنا آسفه ماكان قصدي حسيته متوتر : لا عادي ... الظاهر خايف اكون عرفت .. مالي الا تركي اخبره يمكن يقنعني ان الكل داري او شي وارتاح .. قلت : انا بصراحه عندي موضوع شاغلني حبيت تشاركني فيه ياليت لو تسمعه .. فتح عينه : بغرفتك ؟! قلت بسخريه : أجل بغرفة جدي فيصل ؟! سكتت فتره اناظره ثم قلت : يووه كيف نسيت اننا بالدمام ؟! حسيته بيفتح لي محاضرة عن اني من الدمام ..! فـ قلت : انتظرك بالمقلط العلوي .. اشر علي : كيذا ؟؟ بذي الملابس ؟! .. وكمل بسخريه : والحجاب ؟! افتشلت : طيب اغير ملابسي واجيك .. ناظرني بحده : لما اكون مع بنت خالي بلحالنا بتكون خلوة ولما تكون بنت خالي بملابس كالعاده والحجاب رايح فيها .. مشكله !! أقترح عليك تتلثمين وتجين مثل ماتعودت بالخبر .. أبتعدت عن الباب لداخل الغرفه حسيته ارتبك .. قلت : أوكي انا مو متلثمه كيفي ولو تعرف ان الموضوع عن اختك .. اشرت عليه : انت تركض وراي .. ناظرني فتره ثم اتجه للباب : انتظرك بالمقلط .. ابتسمت بنصر : سكر الباب وراك .. اول ماتطمنت انه طلع فتحت دولابي واخذت بلوزة سوداء وبرمودتي الابيض لبست حجاب اسود اخترت لي كعب مناسب مايطق ورشيت عطر ورحت بكل شموخ وكبرياء للمقلط تركت الباب مفتوح لايفتح لي محاضره ويفقع لي خشتي وجلست قباله نظراته كلها خوف وحماس ليعرف السالفه يناظرني بصمت ,, قلت : تتأمل عجائب خلق الله ؟! كم يبي لك فيها ؟! سكت .. قلت : كم يبي لك خلصني ؟! تركي : اسمعي بنت خالي .. انسي الحواجز اللي بيننا وكل شي صار وتكلمي في السالفه اللي جايبتني علشانها .. كان فيه صوت داخلي يقول مثل ماكان يعاند بالخبر عاندي وصوت اخر يقول ذي بنت عمتك اتركي العداوه لو شوي .. رفعت حاجب : متحمس تبي تعرف ؟! قال : اتلفتي اعصابي .. سكتت فرته ثم قلت : قل وقسم باللي خلقني مااضر البنت ناظرني بخوف وبراءة اطفال : ليش مين البنت ؟! طنشت كلامه واصريت : اقسم لي .. تركي :وقسم باللي خلقني مااضر البنت .. قلت : حلو .. الحين ضمنت واقدر اقولك السالفه طبعا مستغرب ليه نايمه باالصاله والمصيبه ان لي 3 ايام انام بالصاله .. نفذ صبره : بدون مقدمات .. قلت : لا ضروري لان المقدمه بتوصلنا لحل .. ثانيا لاتقاطعني .. انا كنت اراقب اختك نورة فتح عينه : ليش اش صاير ؟! قلت : اششش اتركني اكمل .. تذكر يوم الجمعه ليلة السبت ؟! تركي : من يوم انولدت لين اليوم مليون ليلة سبت جات اي وحده ؟! قلت : اللي قبل ذي .. هز راسه .. !!! كملت : مريت لغرفة نورة سمعت صوت وشكيت واليوم تأكدت .. تركي : لو سمحتي تكلمي بسرعه لاتلعبين باعصابي .. ذوق ياولد عمتي من اللي ذقته معك افهم معنى انك تحرق الاعصاب بقوة .. ببرودك !! هزيت راسي : أوكي .. سامر يكون مع نورة كل ليلة .. ووطيت عيوني : بغرفة النوم ! فز من مكانه متجهه للباب .. سحبته من يده : تريك انا مو قايله لك علشان تخرب كل مخططاتي انا ابيك تساعدني نعرف اش نوع العلاقه اللي بينهم ناظرني بقوة .. ارتعبت : أدري انها اختك بس اصبر شوي .. حسيته بدى يلين ويقتنع سحبته وجلسته .. كملت بهدوء : خلنا نفكر بعقلانيه وهدوء سكت فتره ثم قال : تسألين نور .. رديت معترضه : لا لا أكيد تنكر لازم دليل .. بديت افكر كيف اتصرف لازم يكون شي دليل ضدها علشان تعترف او اولا نتأكد اذا كان بينهم شي .. ناظرته : ولد عمتي !! رفع عينه .. كملت : عندي حل .. جاوب بسرعه : ايش هو ؟! قلت : أذكر مرة سجلت مع نايف ولد خالي كاسيتات لمروى .. ماحبيت اكمل وافضح مروى انها تكلم عيال .. كملت : واللي اتذكرها ان كانت فيه مسجله صغيره لكن تسجل كل شي .. تركي :بس كيف نحصل على ذي المسجله ؟ أقصد من وين نشتريها ؟! ابتسمت ودق قلبي بقوة : ندق على نايف ولد خالي يعطينا هيا كلها ليلة وحدة اللي بناخذها .. يااه فرصه وجات لعندي .. أكون غبيه اذا طيرتها لازم استغلها ..! تركي : مو مشكله ندق عليه بكره .. قلت بوناسه : أوكيه اول ماارجع من المدرسه أكون بانتظارك هنا هز راسه موافقه واتجه للباب .. قلت : ولد عمتي !! لف علي .. قلت : أصحى تقول لامك او اي حد الا لما نتأكد اعرفك دلوعه ماما ابتسم : لاتشيلي هم .. وقفت : تصبح على طراق .. ضحك !! مدري ليه حسيت من نبرة ضحكتة في شي تغير بالكون كله ! مو بس في دآخلي ضحكة بريئه مدري .. ولا سمفونيه جديدة ؟؟ تنهدت بشرود وطردت الافكار هادي من بالي اللي ماتجي وراها الا الهم !! ابتعدت ورحت غرفتي قبله غيرت ملابسي وانسدحت على السرير افكر في عدة امور .. أولها واخيرا قلت لحد وارتحت نصف الهم راح مني الحمد لله ان تركي فهم السالفه .. نقزت لي صورة نايف ابتسمت وبدى قلبي يدق بقوة هذا وهو طيفه وانا ارتعش كيف لو صدق ؟! .. ابتسمت من جواي وغمضت عيوني افهموني ياناس مابي افكر .. .: نهاية الجزء الرآبع والع ـشرون :. |
.: الجزء الخآمس والع ـشرون :. "سَگبْ لِي أَرْوَعْ ×إِحْسَآاْسَهـْ × وأَعْطَاْآنِيّ // مِقْبَضْ ـآلدّلّهـْ .. وَأَنَاآ أَقَهْوِّيْهـْ مِنْ گِيِفِيّ مَزَآجٍ *نٍ* يِطْرِبـْ ~ أَوْزَـآاْنَهـْ .!" / \ / صحيت على صوت المنبه وقمت توضيت وصليت ثم تحممت حرصت في الفتره الاخيره تبقى السلسله دايم معي .. حطيت لي كريم بجسمي وفكرت ايش اسوي بشعري .. جففته بالمجفف وزينته مثل الذيل حطيت لي كريستال وردي وكحله ومرطب ياربيه كني طفله ابتسمت برضا ولبست مريولي احسن شي اني هينا لا اصلح فطور ولا اغسل ملابس وكأني اميره بس مع ذلك ارضى اعيش هناك شغاله بس جنب نايف .. لبست عبايتي وتحجبت اخذت شنطتي رفعت يدي اشوف بشوف الساعه تذكرت اني مالبست رجعت واخذت الساعه كانت خمس وخمس حلو .. رحت غرفة نوره كانت منسدحه بسلام الله يستر ماأكون اتوهم بس انا شايفتها بعيوني يوه ياساره انسي .. نزلت تحت اشعر بجوع فظيع انتظرت شوي مابي كل يوم اكل جبن ابجرب اكلهم انتظرت لما سمعت " صباح الخير " قلت : أهلا عمتي انا اليوم قبلك لأول مرة تُسجل في تاريخ العائله ابتسمت وجلست .. قلت : صحيتي نور ونهى وولدك ؟! كملت بابتسامه : ونجوى كمان .. صفرت : من وين طالعه الشمس ؟! سمعت " صباح الخير " لفيت كانت نهى ونورة .. قلت مع عمتي : صباح النور والخير والسكر .. بدأوا يتفطرون وبديتا تفطر معهم .. عمتي : اليوم طالع غير سارة تنزل من قدرها وتفطر معنا ؟! انحرجت : لا عمتي مو سالفة غرور بس امووت بالجبن حتى اسألي فيصل بعد .. مدوختهم بالخُبر .. سمعت " السلااام " قلت : يوه نجوى كمليها على الاقل انبسطي .. عمتي : ماناقص الا تركي .. حسيتها طالعه من قلب سكتت وابتسمت ..! سمعت .. " صباح الزفت " سمعت عمتي : الطيب عند ذكره تو اقول ماناقص الا شوفتك جلس جنب امه ابي اعرف ذا باقي بزر ولا ايش ؟! ابتسمت من جواي لان خالي دايم يقول " سوير البزر " هــــــه !! كل شي بالخبر يتغيير بالدمام .. تحاشيت اني اناظر لتركي مالي خلق لنظراته بعد البارح .. تفطرنا بهدوء لين قامت نهى ونورة : يلا خالي برا يقولون خالي !! مثلي بالخبر بس انا ابوي متوفي وهم ؟! وقف تركي : يلا يمه طالعين .. وقفت على طول ووراي نجوى .. تعمدت امشي ببطئ علشان نجوى تسبقني وفعلا وصلت للسياره قبلي وصعدنا تعمدت ابقى ساكته طول الطريق علشان تبقى علاقتنا حلوة علشان نورة .. المهم وصلنا ونزلت استغربت طلب نجوى نجوى : ابي اشوف البنت اللي تحبك ؟! قطبت : ليه ؟! نجوى : اممممم بس كسذا !! قلت : سوري آي كآان نوت ! قطبت : ليه ماتقدري ؟! ابتسمت : لانك تعرفينها ولاتطيح من عينك يلا قود بااي .. هربت منها الى ريم على طول قلت : اهلا بأم الاجيال الجديده .. ضحكت : اهلا برفيقتي العانس شهقت : مالت عليك بس .. ايه صدق شخبار الكائنات الحيه ؟! ابتسمت : اليوم اول موعد علشان يتأكدون .. شهقت : موعد وتجين المدرسه وقسم انك هبلا ضربت كتفي : ماهبل الا اللي قايلها .. انا لو هبلا كان نمت وراح ينقصونني لكن بستأذن الساعه 9 يعني قبل الفسحه ضحكت : الله يخلي العقول لأصحابها .. * مشينا تقريبا الين دق الجرس صعدنا دخلت الفصل وانا مشغول بالي بقوة على نوران ياربيه اليوم بكلم نايف ياناس تسمعون ؟ هذا نايف !! يارب يخلص اليوم بسرعه مالي خلق .. مر قدامي آخر مره شفته فيها سلام بارد وكأنه ماصدق خبر بس الليله اللي قبلها استقبلني بغرفة نومه ومسح دموعي ايش هادا التناقض ؟ يمكن يحس بالعطف تجاهي بس عمري مااشتكيت له .. ماصدقت انتهت الحصه الاولى وابتدت الثانيه مدري ليه احس الوقت ضدي .. دقات قلبي صارت مليون بالثانيه ابي بسرعه يمر الوقت بس خايفه من اللي جاي .. انقضت الحصص الاولى وجات الفسحه طبعا ريم استأذنت اخذت كتاب ونزلت فيه رحت شريت لي مويا بصراحه ماقدرت اقاوم الجالكسي واشتريت رحت وجلست وانا فاتحه الكتاب ووالله لو ح دشافني انفشل لاني فاتحه الكتاب ومفسحه .. انتبهت على صوت خمنت انها ندى وفعلا .. قالت : ماشاء الله لذي الدرجه الشطاره توصل فيك انك تنزلين الكتاب معك علشا نتحفظين الفهرس ؟! افتشلت : لان فيه فكره شاغله بالي .. ضحكت .. بديت اسولف معها علشان يضيع الوقت تطرقنا لامور عدة وصلنا يها الى جميع انحاء المملكه ويوم انتهت الفسحه سلمت عليها وودعتها وصعدت لفصلي الابله تشرح وعقلي طااير ولا ادري ايش تقول .. ماصدقت خبر انتهى اليوم الدراسي على طول لبست عبايتي بس تريثت قليلا خخخ انا دائما اذا خايفه اتكلم عربي فصيح مدري كيذا تيجي معي .. الين شفت نجوى تودع خوياتها طلعت معها فعلا صعدنا بهدوء الا صوت نجوى : ايش اقولك ياتركي اليوم صار شي عجيب بالصف تتوقع ايش ؟! التفت لها تركي .. كملت : أقولك من صعوبة الاختبار فيه بنت نزلت للإداره تدري ليه ؟! ضحك : هو اصلا ايش اختبارك ؟! ردت بسرعه : أحيااء .. البنت اللي بجنبي مو صاحيه تقولي وتأشر وتكح وتعطس ولما فقدت الامل اني اعلمها كتبت اسماء عيلتها خخخ تركي مندمج : ونزلت الاداره ؟! قويييييييييه ! نجوى : وقسم .. ضحك : ياما سويتها اكتب اسمي واسماء غيري واستهبل بس ماوصلت للاداره .. نجوى : تريييييك ! تركي : أصلا يحط لي الصفر وهو نايم .. وااي لذي الدرجه متدلع على امه ؟! صدق كسل خيبه هنا متدلع وانا هناك حرق مافيه تفاهم وجع ان شاء الله انا الأونثى الرقيقه يحرقوني وذا يباركون له ؟! مالت بس مالت على حظي .. أخذت دور المستمع لسواليفهم لان مالي خلق اشاركهم وثانيا مابي اسكت وافكر في نايف يكفي خلاص ..! وصلنا البيت علشان لايحسبني مرجوجه طلعت بهدوء ورحت غرفتي تحممت وصليت رحت للمقلط لقيت تركي فيه .. ابتسمت : تأخرت ؟! قال : بقوة .. يلا انا بدق وانتي كلميه ! قطبت : غريبه انت تبيني اكلم ولد خالي ؟! صايبك شي ولد عمتي ؟ ابتسم بسخريه : لا .. بس لو انا تكلمت وش اقوله ؟ ابي مسجلتك ؟! انكتمت وانا احس دقات قلبي كل الخُبر يسمعونها اقصد الدمام مو راضيه استوعب اني بالدمام لحد الآن !! تركي : أدق ولا ...؟ ابتسمت بخوف : دق .. وانا معك ! فتح السبيكر ودق على نايف .. دقـــــه ..! دقتيــــــــــن ..!! وو .. ثـــلاث ..!!! الظاهر مايرد على الارقام الغير مسجله ياعمري عمره .. شوي وسمعت : ألو .. بلعت ريقي : هلا .. قال : وعليكم السلام ورحمة الله وبركاته مين معي .. انحرجت وسكتت بس تعال مافيه الا شخصين اللي على طول يحرجون الواحد .. اما انا أو ... ميشو .. قلت : ميشو ياحمار ياحيوان .. نسيتني ؟! سكت فتره ثم قال : ساره ياحماره وحشتيني بقوة وينك يالقاطعه ؟! قلت : أحم معك نايف ؟! ميشو : وجع ان شاء الله مااشتقتي لي .. بعدين تعالي جوال مين ذا اللي دقيتي منه ؟! وقسم لو تكوني تزوجتي غيري اذبحك .. افتشلت بس ضحكت : ميشو ابي نايف .. ميشو : لاتعصبين ولا شي نايف نازل للبقاله شوي وجاي .. ايه والله صدقت امي يوم تقول نسيتينا ..! ناظرت تركي كان عادي .. ميشو : ذا نايف وصل .. قلت : ميشو لاتقوله مين انا ميشو : طيب .. سمعته يتمتم بكلمات اكيد قاله .. نايف : ألوووو ابتسمت هذا هو نايف من يومه لازم يطول حرف الواو ..!! قلت : احم الو .. هلا نايف ..! نايف : مين ؟! همست : بالله ماعرفتني ؟ سكت فتره ثم همس : ساره بنت عمتي ؟! ابتسمت لانه ذكرني : ليه تقولها بهمس وكأنك مو واثق من اجابتك صح ساره نايف : وحشني هبالك .. بس هبالي يانايف بس هبالي ؟ وانا ماوحشتك ؟! ناظرت تركي كان متغير بملامحه مافهمت المغزى منه .. قلت : احم نايف بطلبك شي .. نايف : آمري ؟! قلت : ابي مسجلتك الصغيره محتاجتها نايف : كيف يعني اجيبها لك الدمام ولا ايش ؟! قلت : إلا إذا تقدر .. نايف : بسس ذا ؟! قلت : ايوه .. نايف : طيب العصر اكون عندك أشوفك طالعه تستقبليني مو تطل لي وحده من بنات عمتك واتوهق .. بلعت ريقي وناظرت تركي اعرفه اكيد معصب علشان اخواته .. قلت : أحم اوكي الساعه كم ؟! نايف : امممم3 يناسبك ؟! جاوبت بسرعه : أكيد .. انحرجت : أقصد ايه ..! ياعمري حتى لو مو فاضيه افضى لك ..!! نايف : أوكي .. قلت : نايف !! قال : هلا ..؟؟! رديت : بقفل .. سكت فتره ثم قال : مافيه مشاكل بحفظ ربي .. قفلت وناظرت تركي على طول وقف واتجهنا للباب .. قال : والله اسلوب يقول لك وحشني هبالك !! لاهـ ! الظاهر ناوي على مصيبه كالعادة .. قلت : ليه مركز على ذي غريبه نايف قال هبالك وميشو قال وحشتيني ليه مو ميشو اللي علقت عليه ؟! ابتسم ابتسامه جانبيه : النبره يابنت خالي .. ماتصدقون على قد حجم الخوف حجم السعاده معقول في حد يحس ان نايف يفتقدني بقوة ؟! ابتسمت من داخلي واتجهت لغرفتي واسندت راسي على الباب ياااي ناظرت الساعه مايمدي لازم اجهز .. قفلت الباب مابي حد يدخل واخذت الروب ودخلت اخذت شور على السريع ورحت عند المرايا مدري ايش السر اللي خلاني افتح المسجله على اغنيه " دلوعتي " لمجنوني راشد وبديت اجفف شعري رغم ان الشيسوار صوته قوي الا اني كنت اردد معه .. خلصت ورولت شعري على جوه ونزلت لي قذله حلوة ماحطيت بشعري شي ابد حطيت كحله مع خط لونه وردي لاني اعرف ان نايف يحب الوردي .. فتحت الدولاب محتاره ايش البس لازم وردي اخذت بلوزة ورديه ربط عالحلق ولبست سلسله فيها حرفي خفيفه بقوة وبرمودا وردي كمان .. أخذت كعب وردي يطق .. وجهزت عبايتي الورديه اممم كانت كلها زخارف ومن فوق عند الصدر فيه كريستال وردي ينن وتكون مخصره ونازله الى نهايه الظهر تتوسع شوي .. اخذت حجاب فيه ورد ولبسته طالعه اجنن .. تعمدت انزل خصلات شعري بطريقه مرتبه علشان اصير طفله مااعجبني شكل شفايفي وحطيت احمر شفاه غامق .. ماناقص الا الابتسامه أخترت احلا عطر احبها " Boss femi " ورشيت منها اخذت الساعه وحطيتها باليمين وحطيت خاتم هديه من خالي موذاكرة المناسبه .. ناظرت شكلي برضا وبديت الف واشوف نفسي .. |
((2)) ليتك يانايف تحس رغم فرحي الا اني ارتجف ناظرت الساعه باقي نصف ساعه تقريبا مابي انزل وتصير لي سالفه جلست خمس دقايق ومليت ونزلت لقيتهم بالصاله اول وحده انتبهت لي نهى قالت : اهئ ساره وين رايحه ؟! الكل ناظرني بدون استثناء .. ارتعبت بس قلت : بستقبل نايف جاي للدمام !! نهى : ايش ؟؟ لا ناويين على شي .. ناظرت تركي عادي ولاهامه شي .. رجعت اناظر نهى .. قلت : ليش سمعتيني اقول رايحه لمرقص ؟! رايحه لنايف ! عاد ذي المره تكلمت عمتي : وين رايح ذا النايف ؟! قلت : ابد بس بيمر للدمام وبيجي يزور بنت عمته .. فيها شي ؟! لو تدري ياعمتي انه جاي لجلي ايش تسوين ؟! ولا المصيبه علشان نتأكد من العلاقه اللي بين بنتك وولد اخوك !! .. عمتي : جاي للدمام !! جلست : ايه عمتي بيمر بيتكم شوي .. ناظرت الساعه باقي ربع ساعه بالضبط وتكمل 3 انتظرت شوي والكل ساكت ويناظرني ؛؛ خفت عمتي تقول لا بس مستحيل تسويها عندي سند قوي دلوعتها خخخ .. ايقظني من احلامي صوت جرس الهاتف .. رد تركي : هلا .. تمام اخبارك ؟! وماسمعت بقيت المحادثه لاني سرحت خخخ شوي وتركي ناظرني : ولد خالك .. حاولت اكون طبيعيه ماابين خوف ولافزعه ورحت للتلفون وجلست .. قلت بهمس : الووو نايف : هلا ساره صار لي ساعه واقف عند الباب خايف اطق الجرس وينزعجون وحرقتني الشمس .. ابي اتكلم طبيعي علشان يخف التوتر قلت بمرح : يانصاب اي شمس الساعه 3 ؟؟ ضحك : طيب اطلعيلي .. قلت : طيب طالعه رديت السماعه مكانها بهدوء واتجهت للباب تمنيت ان يكون حد معي وربي استجاب دعوتي بس حط لي تركي الله يستر .. طلعت معه وانا ساكته شفت تقريبا شخص من بعيد متسند على سيارته اكيد نايف ..! أسرعت بخطواتي له .. قلت بلهفه : هلا نايف . نزل نظارته انا هينا ذبت خلاص .. قال : اهلا ساره هذي المسجله .. اخذتها : مشكور .. قطبت : ليه مسوي بعمرك كيذا ؟! لف كله : حلو مو ؟! ياعمري لو تسوي بشعرك اللي تسويه تطلع حلو ناظرت لتركي اللي كان يراقب من بعيد ورجعت لنايف .. قلت : ايه حلو بس ذا لوك شبابي .. ضرب كتفي : ليه قدامك معجز ولا ايش .. ثانيا علشان يكمل التركيب كيف سياره كيذا ولوك محترم ؟! لفيت اناظر سيارته كانت فعلا شبابيه لونها قريب من البنفسجي ومكشوفه مافيها الا كرسيين هه ماعنده حل وسط اما كبيره موت ولا صغيره .. شهقت : شريت جديده ؟ نايف : تناسبني ؟! قسم لولا الحيا قلت كل شي حلو عليك .. قلت : روعه ابتسم : تاخذين لفه فيها ؟! بغيت ابوس راسه على ذا الاقتراح بس سكتت عيب لايتوقع اني مرجوجه .. ابتسمت وهزيت كتوفي : براحتك .. قال : طيب اصعدي .. تذكرت شي : ايه صدق لحظه شوي بستأذن من عمتي .. قطب : عادي ولد خالك ضحكت بسخريه : ذ الكلام بالخبر مهوب بالدمام .. دقايق .. تركت الكيس عنده ورحت لجوه شفت تركي .. همس : كول دا علشان يعطيك شي ؟! طنشته ورحت لعمتي .. قلت : طلبتك ! قطبت : ايش ؟ ماورى ذا العبوس خير ياعمتي .. بلعت ريقي : ابي اطلع مع نايف .. شهقت نجوى .. لفيت لها : اشششش ماالك دخل .. سكتت فتره تناظرني وانا اناظرها بنظرات ترجي .. قالت : طيب بس مايأذن الا وانتي معنا .. قلت : اوووكي .. وطرت للبوابه وصعدت جنبه .. ماحسيت الا شغل الديسكو بقوة .. قلت : ليش بالله ؟! صرخ : مااسمعك ؟! قلت : ليش بالله ؟ أشر على اذنه يعني مايسمع .. مديت يدي وقفلت المسجله .. قال : ليش ؟! هزيت كتوفي : مو لازم .. نايف : لا ضروري علشان اصير شبابي .. ضحكت .. ابتسم : ممم وين تبين نروح ؟! قلت : والله ماادل مكان هنا .. نايف : طيب كلنا بالهوا سوا بلف فيك لين اوصل لمكان حلو سكتت وبقيت اناظره ياعمري يجنن بالشعر ذا .. نايف : عاجبك ؟! قلت : لا والله كنه كهربا 220 قارصتك .. ناظرني وابتسمم وكمل يسوق وكملت اتأمله واخيرا وصلنا لمجمع مو ذاكره اسمه اصلا من الفرحه .. نزلت معه ومشيت جنبه شعور حلو تكون جنب اللي تحبه دخلنا مع بعض وانا بطير من الوناسه .. بس قلت أعقلي يابت عيب .. نايف : خلنا نروح للملابس .. ابتسمت : يلا .. رحت معه ودخلنا محل معين بديت امشي بين الملابس وهو وراي لين استقريت على بدله بحري رهيبه بلوزة مفتوحه من الصدر وبعدين اطرافها مو متساويه يعني اكيد البطن مايتغطى وبرمودا جنان وفيه زنار فضي نايف : اعجبتك ؟! ابتسمت : رهيبه .. سحبتها ورحت بحاسب ابعدني وحاسب مكاني بصراحه افتشلت بس والله انا ماضربته على يده الا يدفع .. ـآحسن وفر خخخخ .. ناظرته : نطلع ؟! ابتسم نايف : طيب ! فعلا طلعنا ولفينا اكثر من مكان وهو على السايلنت الين سمعت نغمته " عشان الحب واللي بيني وبينك ... الخ " قال : طيب انا بروح هناك اكلم واجيك هزيت راسي موافقه واول ماشفته ابتعد دخلت محل عطور رجالي شفت عطر تخبل على طول شريتها ماعندي وقت شريت منها 2 علشان وحده له والثانيه اتذكره فيها .. شريت كمان لميشو وسرعه طلعت ورجعت مكاني شوي وجاني : تأخرت ؟! ابتسمت : لا .. بس يلا تعبت من الكعب هز كتوفه : مشكلتك .. يلا نروح كوفي .. قلت بلهجه اطفال : لا نايف والله تعبت رجلي تألمني بقوة .. ايه صدق رجلي يانصابه هه اصلا انا خايفه اجلس معه !! نايف : أشيلك ؟! رفعت عيني له ورجعت وطيتها .. قلت بهجة اطفال : ايه ... اقصد لا تكفى تعبت ! نايف : طيب لاتموتين علينا .. ابتسمت له وطلعنا للسياره صعدت جنبه بكل فخر واعتزاز .. ناظرت الساعه الله يستر 7 ونصف !! 4 ساعات معه كيف ماحسيت .. سكتت وناظرته احسه يبي يقول شي فـجأه قام قلبي يدق من الفكره اني اعترف له .. ايه لازم اقول مافيه احلا من ذا الوقت همست : نايف ..!!! قال بدون يناظرني : هلا .. احسن شي انه ماناظرني لانه لو التفتت بتراجع عن قراري .. قلت : ابي اقولك شي واتمنى انك ماتزعل .. التفت وهو مقطب : ايش ؟! بلعت ريقي : واتمنى انه مايأثر في علاقتنا كـ قرايب .. نايف : ايش ؟ قلت : أحلف ماتزعل ؟! نايف : والله ..! بلعت ريقي : نايف من يومي بزر وانا احمل مشاعر لـ .. واحد !! قطب والتفتت : واحد ؟! هزيت راسي بـ ايه ..! كملت : ووو .. أكتشفت اني انا يانايف .. انا " وطيت راسي مابي اناظر بعيونه " أحبك .. رفعت عيني له ابي اشوف ردة فعله .. خلني اوصف لكم شكل نايف قبل مااقول له ملامحه هاديه وبرود وكأنه مو مهتم لما قلت ناظرني .. ابتسم : سبحآن من حط القلوب عند .. بعضها .. ناظرته مو فاهمه .. نايف : سبقتيني فيها .. سكتت ابي استوعب هل هذا فعلا نايف ؟ .. بلعت ريقي : اش تقصد ؟! صرخ : حتى اناااا ياااسااراااا احبك حسيت ؟؟؟؟ أني ملكت الدنيا بـ كلمته ..! حسييت ؟؟؟؟ بأن كل حلم في حياتي طار .. وصار حلمي الوحيد !! حسيت ؟؟؟ ان ربي خلقني علشان احبه ..!! حسيت ؟؟؟؟؟ بشعوور .. غريب ... محد .. حسه .. قبل .. كذآ !!!! يَآاْ عُيُونـْ × الْگُوُنْ × غِضّيـْ * بِآلْنّظَرْ * وِإِتْرِگيِنَآا .. ـآِثْنِيِنـْ ..{ ـعِيِنـْ ~ تِحِگِيِ لِـ"عِيِنـْ " .. إِتْرِگيِنَآا .. ـآلْشّوُقْ :. مَآخَلّاآ فِيِنَآاْ حَظَرَ .. بَلّاآ خُوُفـْ بـِ نِلْتِقِيْ ؛؛ وٌ...بَلّآا حِ ـيْرَهْ بـِ نِلْتِقِيّ ]~ حطيت يدي على فمه : اشش لاتفضحنا ناظرني : تعبير عن المشاعر فقط لاغير .. ناظرته بحب وابتسمت شوي ووقفنا عند الاشاره .. ناظرني : مو مصدق ..! ناظرته : ولا انا ؟! .. اعطيني كف استوعب نايف : لا عيب قبل كنت ولد خالك الحين تغير الوضع عيب .. ابتسمت وانا اتأمله .. قلت : اش حاط بشعرك ؟! نايف : اش فيك على شعري والله حلو .. قلت : بيني وبينك اول ما شفته اخترعت .. تعرف توم وجيري لما يخترعون يوقف شعرهم خفت مااعجبك شكلي واخترعت منه ضحك : يجنني هبالك .. براااءتك .. كل شي ..! احس قلبي بيوقف بتجي لي سكته قلبيه من الفرحه .. بس كأننا ناسيين شي .. سلمى .؟! لا مو طاريتها لايتعكر مزاجه .. صوت من داخلي يقول اطريها لازم تعرفين مصيرك .. قلت : نايف .. ناظرني .. كملت : ووو .. سلمى ؟! عقد حاجبينه ومشى : أي سلمى ؟! يآ برود الأعصاب هادي ..! سكت فتره ثم قال : قصدك بنت خالتي ؟ هزيت راسي بـ أيه .. بالله عليك يا نايف اقصد سلمى عمتي ؟! .. قطب : اش بها ؟! حسيت بقهر من برود اعصابه : نسيت ياول دخالي انها ... حط يده على فمي : لا مانسيت .. بس افهميني سلمى بنت خالتي فقط ! مستحيل اتخيل نفسي زوجها .. وفي نفس الوقت ماأتخيلت تبوسين وتنومين مع غيري .. بس انا .. نايف وبس ..! وطيت راسي من الاحراج وجع ذا مايستحي ؟! يقول نايف وبس .. قسم لولا الحيا قلت له انت ماتستحي بس حرام جو رومانسي خخخ .. رفعت ساعتي وشهقت : أذن العشا ؟! قال بدن يناظرني قال بدون يناظرني : ايه قلت : يافرحتي فيك والله .. عمتي بتذبحني قالت لايأذن الا وانتي هنا وحطيت يدي على فمي : يوه ماصليت !! ضحك .. قلت : والله فاضي .. وقف عند مسجد : انا نازل اصلي بتنزلين معي ؟؟ جاوبت بسرعه : اكيد نزلت من السياره العجيبه ودخلت المسجد كان فيه مجموعة بنات يصلون رحت توضيت وصليت معهم العشا ثم المغرب .. بقيت شوي عند السجادة استغفر ربي علشان الصلاه متأخره لين جالي نايف رحت معه .. صعدنا السياره وجلسنا ساكتين انا افكر ايش اقول لعمتي .. قال : والله شغلتي بالي مع عمتك ترا انا ولد خالك ضحكت : لاياولد خالي ذا بالخبر .. بالدمام ممنوع .. عقد حاجبينه : كيف يعني ؟ تحمست للسالفه : اسمع .. بالخبر اطلع معك بلحالنا عادي لان الكل واثق من نفسه لكن بالدمام ممنوع اطلع مع تركي بلحالنا .. ممنوع اكشف عن عيال عمي الصغار .. ضحك : اجل الله يعينك على عمتك .. بتذبحك ! ضحكت : لا تخاف لقيت حل ناظرني ورجع يسوق : ايش ؟؟؟ قلت بضحكه : والله عمتي قالت لا يأذن الا وانتي هنا عاد انا بقول حسبتك تقصدين اذان الفجر .. ضحك : هبلا ومجنونه قلت : اصلا عمتي طيبه معي بس تريك اللي يعلق بالطالعه والنازله نايف : سيبك منهم ! خلنا ننبسط ! مد يده للمسجله ورجع الازعاج كان شكله متناسق جدا ومناسب للسياره وشكل الوجه وصلنا عند الباب شفت تركي واقف من بعيد .. قلت : يميييي مو قلت لك !! ضحك : طنش تعش تنتعش !! قلت : تبتلش .. بالله نايف من متى وعندك ذا المثل ؟؟ سكت وابتسم انحرجت ووطيت راسي .. أخذت عطره واعطيتها هوا .. نايف : ايش هادي ؟؟ هزيت كتوفي .. طل من طرف الكيس وناظرني : متى شريتيها ؟ ابتسمت : يوم تكلم .. حلوة ؟؟ همس : تجنن ! ناظرت تركي ورجعت اناظر نايف : وذا لميشو هز راسه باعتراض : لا بس انا ! ابتسمت له ونزلت .. قال : ساره !! لفيت .. نايف : نسيتي المسجله افتشلت ورحت اخذتها يااه والله لو نسيت المسجله ليصلح مني تريك شاورما .. الحين رايحه وراجعه وانسى ؟؟ اخذتها على طول شغل الديسكو لما وصلت لأول درجه للبيت !! ناظرت تركي لقيته يراقبني لازم اقهره لفيت على نايف كان واقف بالسياره وحاط نظارته على شعره .. طالع شيي !! لازم اقهر تركي .. طبعت بوسه على يدي وطيرتها لنايف .. ضحك ومد لسانه لي كأنه يقول مو عاطيك مثلها .. ناظرت تركي .. يناظر نايف بنظرة خوف .. ضياع .. تشتت .. وحية وتساؤل ..بس لييييه الله اعلم ؟؟ برطمت مثل الاطفال واراهن اني صرت مثل براطم تركي خخخ .. حسيت بحركه وراي كان نايف قال : اصحي تركي يقولك يبي يشوف الاكياس اللي عندك ؟ قطبت : ليه ؟ نايف : بعدين تعرفي !! ابتسمت له وصافحته بلل شفايفه برواقه وباس خدي استحيت من حركته وناظرت تركي شوي وودخلت البيت كان واقف الظاهر يبي يتكلم مع تركي مريت من جهة تركي قال : باقي وقت كان جلستي شوي اسرعت بخطواتي الى فوق وطنشته..! .: نهاية الجزء الخآمس والع ـشرون :. |
.: الجزء السآدس والع ـشرون :. "ـآسْألِگْ بِالْلـّې خٍلْقْ « حٌبّگْ » .! يِسْرّېْ بِكّلْ شٍرْيَآنـْ~ گييّفْ تِقْدَرْ "تِنْسٍحبْ" وً.. ۶ـيُوْنٍېـّ تِنَآدّيْ طُيُوْفٍگْ ..؟ تِصْرَخْ .. ۈِتِجْرَحْ ~ ثِمٍ*ن* تِرْجِعْ لِيّ × نَدْمـّآان ؟ ۈلّـاآ أَدْرٍېّ ۈٍشْ ېصٍييّرْ بِـ عْ ـيُوْنٍېّ يُوۈمـٍ تِشُوْفِگْ .! أَحِسسّهآ تِبْتٍسّمْ ! وٍ .. تِرْمٍشّ ! تِحْ ـفًظْ *ضِحْكِتِگ* بِحَ ـنًآاْنٍ ,؛ تِرْسٍمـْ مِلـّاآمٍحْ ≈ طِفْلْ تَآيٍـﮧْ فٍيـّ « شُمُوخْ » إٍنْسّآنْ ]~ " / \ / ناظرت تركي .. يناظر نايف بنظرة خوف .. ضياع .. تشتت .. وحية وتساؤل ..بس لييييه الله اعلم ؟؟ برطمت مثل الاطفال واراهن اني صرت مثل براطم تركي خخخ .. حسيت بحركه وراي كان نايف قال : اصحي تركي يقولك يبي يشوف الاكياس اللي عندك ؟ قطبت : ليه ؟ نايف : بعدين تعرفي !! ابتسمت له وصافحته بلل شفايفه برواقه وباس خدي استحيت من حركته وناظرت تركي شوي وودخلت البيت كان واقف الظاهر يبي يتكلم مع تركي مريت من جهة تركي قال : باقي وقت كان جلستي شوي اسرعت بخطواتي الى فوق وطنشته .. دخلت غرفتي رميت الاكياس على السرير وحذفت عبايتي والشيله كمان ورحت للشباك شفت طرف نايف فقط ركضت لغرفة نورة بما انها جنب غرفتي اكيد بيكون نايف فيها واضح رحت وفعلا كان يتكلم مع تركي اسمع صوت الديسكو وانا فوق .. كان عادي يضحك ويبتسم ويسلف وكأن الميانه طايحه ؟! بس ... ليه ؟ وشعنى هالمرة عادي يسولفون ولا فيه شي غريب ؟! تركي اللي ماافهمه .. ونايف الكتوم .. الله اعلم وش وراهم هالاثنين !! بقيت اتأمله الين صعد سيارته سمعت صوت بالغرفه لفيت كانت نورة قالت : ساره ؟؟ ارتبكت : هلا نوران .. قطبت : آمريني ؟ اش بهم الناس يقطبون بوجههي ؟؟ حطيت خصله ورى اذني : ابدا بس حبيت اخذ شور بغرفتك اذا ممكن .. وهزيت كتوفي : تغيير جو .. ابتسمت وطلعت سكرت الباب تنفست بقوة وطليت من الشباك مالقيت حد لانايف ولا تركي اووف .. اخذت عمري بطلع من غرفتها بس تذكرت اني قلت لها بتحمم عندها يلا اش وراي رحت للحمام تكرمون مليت البانيو صابون ودخلت فيه وقلبي يطرق بقوة احلا يوم بحياتي لحد الان مو مستوعبه نايف وانا !! يمر قدامي شريط يوم اقوله كل شوي كلمته " مااتخيلك تبوسين وتنامين مع غيري " ابتسمت بخجل وكأنه تو قايل ذا الكلمه .. تذكرت اول مرة يرسل بوسه وطريقته فعلا محرجه وجريئه فجأة نقزت من البانيو وتذكرت كلمة نايف // " بعدين تعرفي " ياخوفي حاط شي بالاكياس قمت على طول ولفيت علي الروب واتجهت للباب بس شفت تركي بالصاله ناديت : نجوى يا نجوى .. نجوووى ! لف علي ثم رجع لحيث كان .. قال : خير ؟؟ قلت : ناد لي نجوى تركي : مافيه .! صرخت : نجوىىىىى .. يانجوى فينك ؟ شوي وشفتها جات .. تركي : ماتسمعين امي تناديك ؟ قلت : نجوى ؟ صرخ : روحي لامك الظاهر خافت وراحت .. صرخت : تريك اش سويت ؟؟ طنشني دخلت وسكرت الباب وانا مقهورة منه اش اسوي ؟؟ معقوله البس الثياب اللي كنت لابستها ؟ لا واااع اش ذا الوصاخه ؟ رحت لدولاب نورة كان مقفول وش ذا ؟ ليه تقفله ؟ مال قارون على غفله .. طاحت عيني على بيجاما لي تذكرت متى يوم لبستها يوم انوم معها اخذتها ولبستها صدق عاريه والحل ؟؟ خطرت في بالي فكره اخذت اللحاف وتحجبت فيه ومشيت بسرعه للباب كان باقي ناظرت شكلي اوكي مو ظاهر فيها شي وطلعت بسرعه ابي امر للغرفه .. فجأه ما حسيت باللحاف ..! لفيت كان تركي حاط رجله على اللحاف .. شهقت كأنه استوعب ولف .. استغليت انه مايناظرني .. وصرخت عليه : ياحمار ياحقير ياواطي ياسافل يامنحط يامقزز يالحثاله يامحترم .. لاتسألوني كيف جات معهم بس من القهر والعصبيه .. ركضت للغرفه بسرعه وغيرت ملابسي الى لبس محترم وطلعت من الغرفه لقيته على وضعيته حاط رجل على رجل وماسك جواله .. أخذت لحاف نوران ودخلت الغرفه ورجعت اللحاف مسكت قلبي الين الحين يدق كيف لا وانا باقي ماعرفت اش صاير بالكيس ؟؟ رحت بسرعه فتحته كان فيه سي دي !! حطيته على السرير واخذت المسجله وحطيتها في مكان مخفي وحطيت التوقيت الساعه وحده الا خمس .. رحت لغرفتي انا مااعرف اشغل سي ديهات وثانيا لو عرفت ماعندي لابتوب .. والحل ؟؟ اللي هنا مافيه الا تركي ونهى ايه نهى .. حطيت السي دي على المرايا وطلعت بسرعه احسن شي ان تركي مهوب بالصاله نزلت تحت لقيت نهى ونجوى وتركي بالمطبخ مالت عليك تريك ..! قلت : نهى طلبتك ! قالت : عطيتك بس ايش ؟ قلت وانا العب بطرف الشيله : اممم ابي اللابتوب حقك قطبت : ليش ؟ هذي والله الورطه .. تركي : لسانك اكله القط ؟ قسم لولا الحيا قمت وذبحته .. ناظرته من فوقه لتحته ولفيت على نهى : عندي سي دي ابي اشوف وش به .. ابتسمت : في الغرفه على المكتب .. والله افتشلت اقول لها مااعرف اشغله .. قلت : احم مااعرف اشغل السي دي .. سمعت ضحكة تركي طنشته بحديثي بس ماقدرت اطنشه في داخلي رغبه اني ابغى اناظره حتى لو كانت باحتقار !! .. نهى : طيب هاتي السي دي وافتحه .. جاوبت بسرعه : لالا انتي علميني بس .. نهى : اوكي قمت معها لغرفتها وجلست على السرير وانا مشتاقه بقوه اشوف ايش يحمل ذا السي دي .. نهى : شوفي تضغطين هنا ويطلع لك ذا تحطين فيه السي دي .. قلت : ايوه وبعدين ؟؟ التفتت : طبعا ذا السي دي لاختبارات بما اني ابلة عربي .. ابتسمت لانها مو قادرة تنسى وظيفتها مرة وحدة بالبيت ناظرت كان فيه فايلز كثير مبين ان لها سنوات كثير بذا المهنه ..! قلت : مبين ان لك سنوات بالتدريس .. ضحكت : من عمري 23 وانا ادرس كيف ماتصير لي خبره جاني فضول : ليه انتي كم عمرك ؟؟ نهى : 29 او 30 استغربت ...! كيف انها مو متزوجه لحد الان بس سكتت يمكن تتحسس من ذا الموضوع الا اكيد .. ابتسمت لها وسحبت اللابتوب لغرفتي وانا في غاية السعادة قفلت باب غرفتي واخذت السي دي ودخلته وركبته مثل ماعلمتني نهى .. فتحت ماي كومبيوتر مايُعرف بـ جهاز الكومبيوتر كان اسم السي دي ساره ياعمري عمره .. فتحته كان مثل عروض السينما كان شريط فيلم قديم وفيه اغنيه كان اغلبها صور لي طبعا يومي صغيره وكلهم بعدسة خالتي لان خالي ماكان يرضى اصور معهم يعني بموت واصور بكاميرته خخخ.. المهم سيبنا من كول دا شفت صوره قديمه موت يوم كنت سنتين او 3 تقريبا وجنبي فيصل ونايف نلعب بالرمل وانا بالوسط .. هذي الصورة الوحيدة اللي جمعت بيني وبين نايف وفيصل ثلاثتنا .. بقول لكم صورة فعلا دمعت لجلها عيني كانت خالي يحرق لي عند الركبه رجلي آآح .. فتحت الجينز اللي لابسته شفتها باقي .. احلا ذكره تدرون ليه انحرقت ؟؟ لاني طلعت مع نايف سوبرماركت .. انتهى عرض الصور وانحطت خلفيه حلوة صورتي متحجبه مااذكر متى .. وكلمات :. " كنا صغار وكبرنا ..! برائتنا في ابتسامتنا .. حملنا احلا الذكريات .. واجمل الاحاسيس البريئه .. والحب الطاهر .. معنا ! " اشتغلت اغنيه عشان الحب تغيرت الصورة الى صورة فيها نايف ينحرق بنفس اليوم اللي انحرقت فيه وبنفس المكان .. " حلوة الذكريات ..! لو تذكرك باغلا الحبايب ~ حلو ةالذكريات ..! لو تفكرك بالحبيب الغايب ~ حلوة الذكريات ..! بين اللي في هواه ذايب ~ حلوة الذكريات ..! ولو كانت اعظم المصايب .. تبقى حلوة الذكريات ]~ " " احيانا اتمنى اني اكون راشد الماجد واحيانا احبه لانك تحبيه واحيانا اغار منه بقوة .. عرفت مسبقا انك تحبين ذاا لاغنيه .. فـ أنا كمان حبيتها .. مجنونك ! " ارحمني يانايف شوي شوي والله والله مو قادرة اتنفس ابي هوا معقول ؟؟؟ انا مع نايف ؟ لي انا بلحالي ؟ يقول مجنوني !!! ياخي افهم اني اموت فيك .. ابي اصرخ للعالم واقول ياناس حسوا فيني ماتشعرون بحجم السعاده اللي انا فيه .. بديت احمد ربي واشكره قمت من على السرير واللابتوب مفتوح رحت وتوضيت وصليت ركعتين سكر مين كان يصدق ان نايف يكون لساره مجنونته ومجنونها ؟؟ سجدت لربي سجدة طويله نزلت فيها دموع كثيره دموع فرح طبعا ارادة ربي محد يقدر يوقف بطريقها ..! يارب انك تكملها على خير ..! قمت واخيرا وغسلت وجهي ورحت اناظر نايف بحب نفس الملامح ماتغيرت من يومه صغير ماكمل 8 سنوات الا وانا اموت على ترابه معقول يحملم عي نفس المشاعر .. قفلت السي دي واخذته للادراج المخفيه سبق وان حكيت عنها شفت دفتري كتبت " مين كان يتصور نايف لي ؟؟ الشكر لك يارب " قفلت الدفتر ورحت للابتوب وحطيته بغرفة نهى ونزلت تحت وانا اغني سعاده تفوق الوصف .. قاطعني صوت عمتي : ساره فيك شي؟؟ |
((2)) ونزلت تحت وانا اغني سعاده تفوق الوصف .. قاطعني صوت عمتي : ساره فيك شي؟؟ فيني اشياء ياعمتي مبسوطه لان ولد خالي يحبني مثل ماانا احبه .. اكتفيت بالابتسامه وجلست حطيتت نوران بحضني وطحت فيها تبويس .. قلت : اموت عليك نورة انتي احلا وحدة بالدنيا من بعدي والله عمتي : ساره !! ذبحتي بنتي ناظرتها بعيون تشع منها السعاده .. وقلت : احبهاا نورة : ماما اتركيها لها فتره ماجلست معي تستغربون ليه اقول كذا باختصار لولا ربي ثم نوران ما طلعت مع نايف وعرفت .. وهذا اللي يخلين اقول كيذا .. سكتت وانا اسمع سواليفهم .. نهى : ايه يمه العصر اتصل علينا خالي يقول روحي له يبيك .. قطبت عمتي : ليه ماقلتي من البدلايه الحين يعصب .. نهى : مدري انا قلت لتركي قطبت عمتي : اش دخله ؟؟ بغيت اتلقف وارز وجههي واقول لانه مايقدر يسيبك لحظه بس سكتت نهى : يوه يمه يبيكم اثنينكم نجوى : امانه يمه خبريني اش صار سكت فتره اكيد تركي قاله عن سالفة نوره .. حمار !! عمتي : انثبري زين حكي بيني وبين خالك اقصد اخوي اش دخلكم ؟؟ نجوى برطمت : يمه طيب ليه تريك دايم معك ؟ تركي : لاني ولدها نجوى : انت ولا كلمه .. يمه حرام دايم تريك ونجوى ؟ مو بنتك ؟ .. عمتي : يوه يانجوى فكيني .. تركي ناظرني : يمه ماعصبتي عليها ؟؟ قسم لولا الحيا واني في بيتهم عطيته كف على وجهه اخليه مايعرف اسمه .. عمتي : ايه صدق ساره .. تأخرتي كثير وين رحتي ؟ قلت : احم بصراحه نايف على قوله وحشته بقوة اخذني لكوفي نسولف وبعدها رحنا المجمع وشرالي اشياء احتاجها وخلاص !! ناظرت وجه تركي ابي اشوف ردة فعله وهو اللي مايرضى على أي بنت تقرب له .. مضطره اكذب علشان اقهره .. بس كان مبتسم على جانب ..؟ اقسم انه غريب !! قطبت عمتي : تسولفون ؟ ابتسمت : ايوه عمتي : بس انا قولت ترجعين قبل الاذان حان وقت استخدام عذري العجيب قلت : مو عمتي قلتي قبل اذان الفجر انا جيت قبل الاذان ضحكت نهى وقال تركي : تفكرين بمزاجك انتي ؟ عمتي : تركي !! سكت احسن زين تسوي فيه يستاهل عمتي : انا قلت للأذان يعني اذان المغرب .. سكتت فتره كأني اتذكر : ايه عمتي يوم يأذن كنا بالمسجد نصلي تركي : بالله ! عمتي : تركي .. قال : خلاص يمه ! خخخ مثل الاطفال يحتمي بظهر امه مالت عليك رجال طول وعرض ماهي رجوله ياولد عمتي .. عمتي بهدوء : بس ولو ساره مايصير يجي الليل وانتي مع ولد خالك .. قلت بنفس نبرتها : عمتي نايف طيوب حلو لاتتوقعين شي غلط منه !! تركي : من ناحيه حلو فهو يعجبك بتحرره بالجينز مخصر وبالبلوزة رايحه فيها.. صرخ : هذا محترم ؟؟ انقهرت منه اللي يسبه حبيبي .. قلت : اسمع ياتركي .. تغلط علي معليه من باب الميانه مع بنت خالك .. تسبني تأذيني توصل بك الحقارة انك .. ولا ماله داعي اقول .. وكول ذا وانا ساكته بس تتجرأ على واحد من اهل امي مضطره اني مااحترمك لانه مهما كان يقربلي والله لو اني بمؤتمر صفقوالي خخخ.. ومع ذلك ماشفى غليلي فيه اجل من يكون يسب نايف ؟ لو تحسون بمدى الكره اللي حملته لتركي بس !! تركي : اجل بالله عليك فكري بس تنزلين من السياره و... انا الرجال استحيت منها سكتت لاني فهمت اش يقصد صدق انا استحيت منها بس طيب ياتركي .. قلت بقهر : اذا كان هوا فـ كنت متحجبه ولابسه عبايه وساتره عمري لكن قمة الوصاخه انك تدوس طرف اللحاف وانت عارف ان لو عندي ملابس لبستها .. بالله ناظر نفسك قبل تسبه .. قاطعني صوت عمتي : بس !! طفايه بينكم انا مافيه احترام ولا شي .. وثانيا ايش الكلام اللي اسمعه .. وصااخته ايش ياتركي ؟ ناظرني : تبين اسوي مثل نايف ؟! ولا بلاش تستحين ؟ ماخفي علي كانه يهددني صدق قلبي قام يدق اجعلك القهر ياتريك .. ناظرته وابتسمت .. عمتي : اش صاير .. وايشبه نايف ؟ ناظرته بتهديد واضح تسوي اقول وانا مو خايفه منه ولاعشرة مثله .. عمتي : كيف سوى نايف ؟ ابتسم لامه وناظرني وهو رافع حاجب : استحي اسويها لان مايسويها الا الوصخين امثاله .. هنا انفجرت : اوكي اسمعي ياعمتي .. دخلت غرفة نورة استأذنت منها اتحمم هناك كيفي اتحمم بالمكان اللي يريحني .. ولما خلصت فتحت الباب شفت ولدك بالصاله معطيني ظهره ناديت على نجوى وفعلا جات قال انك تبينها اوكي معليه عديتها بمزاجي .. ولبست البيجاما ولحفت باللحاف علشان اغطي وتعرفين بيجاما ماله داعي اوصف .. طلعت داس على طرف اللحاف وانكشف .. بالله مو ذا الوصاخه ؟! شهقت عمتي والكل استغرب .. عمتي : معليه تركي دواك عندي .. ايوااا ياعيني عليك ياعمتي أحبك .. ناظرني بقوة وطلع الدرج .. يييييس ! وقفت عمتي : نهى روحي ناديلي تركي انتظره بالمقلط .. تعالي معي ساره .. هه كأننا افلام ومسلسلات بس مااخفي عليكم الخوف من المواجهه اللي راح تصير .. معليه نايف ادري غلطان بس تركي غلطه اكبر .. مشيت بثقه الى المقلط مع عمتي كنا ساكتين الين جاء تركي ناظرني وحول نظره لامه .. عمتي : اجلس ياتركي وقل وش سوى نايف ؟ ناظرني سكتت طالعته بطرف عيني وبغرور واضح دخلت خصلاتي .. عمتي : يلا اشوف تركي : مااعرف يمه عمتي : كيف ماتعرف يعني ؟؟ مو انت شفته ؟؟ ولا مو ناوي تقول ؟ قل بهدوء : يمه انا مااعرف طيب ؟ ولو اعرف مو اناا اللي اسويها سكتت وكتمت غيظي .. عمتي : تركي لاخر مره اقولك وش سوى نايف ؟؟ سو مثله ! حسيته خلاص بيبكي بس ليه مدري : اعفيني يمه مااعرف ! لفت علي : وش سوى نايف ياسارة ؟ بلمت : انا ؟؟ اقصد مدري مو تركي قال ؟ يطبق ! عمتي : مو عيب عليكم تتهاوشون ؟ وطيت راسي .. كملت : اللي عمرها 19 ومدري ايش واللي عمره بالعشرين رايحن فيها .. مافيه احترام ؟ اخر عمرنا نتعامل بالوصاخه ؟ مافيه احترام ؟ ولد عمتك وانتي بنت خال حتى لو ماعرفت وش به نايف يكفيني اللي سويته ياتركي عيب من متى نتجرأ على بنات خالنا ؟ قد مرة قلت لك اني تحسفت انك تربيتي ؟ لو ماجد اللي رباك تزين اخلاقك ! الظاهر تقصد ابوه اللي هو ماجد .. ناظرتني : وانتي ساره !! اتركي اهل امك والخبر .. انتي بالدمام وضروري تكونين مثل اهل الدمام اهل ابوك !! سكتت فتره ثم قلت بهدوء : كيف انسى قوليلي طيب ؟ تربية خالي ومو ذنبي اوصل 19 وتتغير حياتي من الخبر للدمام .. ولاني اعتبر العيال اخواني مافيه مشكله عمتي : بس هم مو اخوانك ولو تقدم لك واحد منهم تقدرين تتزوجينه ! قلت : حاولت اكون من الدمام .. حاولت بس ماقدرت كل مرة اقول انسي اتصرف بعفويه بتربيتي .. لو كانت امي موجدة وابوي كمان بتربى بالخبر لاني بكون عايشه فيها.. رفعت عيني لتركي موطي راسه ويسمع او يفكر ويفكر بايش الله اعلم .. عمتي : طيب انا حاطتكم قدوة لنورة تصرفوا لو مرة بسلامه .. معليه عناد اخت لاخوها بدون تجاوز حدود هه تقول قدوة لنورة واحنا ماندري ايش بينها وبين سامر ولد عمي .. قمت من مكاني على ابو اني المؤدبه اللي سمعت المحاضرة واقتنعت وندمت مديت يدي له : اخوي .. رفع عينه وناظر عمتي : بنت خالي !! مُصر انه يكون ولد عمتي يمكن يستعار من كونه اخوي .. بس كيفه ! وقفت عمتي : طيب انا رايحه لعمر وطلعت .. بقيت اناظر تركي باشمئزاز رفع عينه وناظرني .. قمت وقفت واتجهت للباب .. قال : وش سويتي بغرفة نورة ؟ ضحكت بقوة : لا تخاف مانسيت .. وطلعت .. ليه اضحك صح ؟ لاننا مثل الاطفال هواش ومدري ايش وبالنهايه صلح ..! أو حتى يمكن لنبرته اللي تغيرت وكأننا نمثل قدام الكل العداوة ! دخلت غرفتي واتتجهت لشنطتي ياربيه طول اليوم ماذاكرت قررت انسى كول شي صارا ليوم علشان اركز وفعلا ذاكرت كانت الساعه 11 ونصفف حلصت ورحت انسدحت على السرير قفلت الانوار وبقيت افكر في نورة ايه صدق انا مشغله المسجله ماله داعي افكر فيها .. خلني افكر في نايف !! ابتسمت من داخلي صدق ماله حق يبوسني وقلة ادب بس من نايف شي ثاني .. حقدت على تركي .. هه نايف يبوسني وتركي يدوس على الطرف ويكشف علي .. ليه كل مرة يزيد كرهي لهذا الشيء اللي يسمونه تركي ؟! يمكن لانه يحتقرني .. أو يمكن ليه ماسألت يتفاوت درجات الكره له شوي كثير واحيانا احسه بريئ مايستاهل ويتصرف بعفويه ! فزيت من سريري ناظرت الساعه كانت 12 ونصف لبست عبايتي لان مالي خلق اغير وتحجبت اخذت النسخه الثانيه من عطر نايف ونزلت فيها تحت مالقيت حد .. وبقيت انتظر تركي لانه مهما كان ولد عمتي .. جلست على نصف الدرج وبقيت انتظره .. انتظرت شوي لين شفته دخل يقول الجينز مخصر والبلوزة رايحه فيها اش تسميه ياتركي اللي لابسه .. لو تقصّر البرمودا بعد شوي يكون احسن ؟؟ في البدايه ماانتبه لي بعدين لما صعد شافني على طول عقد حاجبينه : صاحيه ؟ وقفت : انتظرك ؟! ناظرني فتره : مممم وش تبين ؟! طريقة كسره للتاء والباء عجيبه شكيت انه من الشرقيه هع ! قلت : احم ابي اقولك لاتحط نايف في بالك .. تبقون اخوان .. ناظرني فتره بشك مدري ليه .. ثم قال : انا قفلت السيره وانتي فتحتيها .. وهز كتوفه : ومو شغلي فيك ! مديت له الكيس قطب .. ياناس اش بكم الكل يقطب في وجههي ؟! تركي : ايش هادا ؟! ابتسمت : شريتها لك ! سكت فتره يناظرني وكأنه يبي يدخل بعقلي ويعرف وش افكر به .. ثم قال : آسف مااقبل هدايا من بنات خالي ضحكت : ماعندك الا بنت خال وحده .. طيب انا اعطيت نايف وذا لك مو عيب تكسر خاطري ؟ ابتسم واخذها .. همس : تشكري ! قلت بنفس نبرته : تصبح على خير ظليت فتره واقفه وكأن شي خلاني اكون جامده ابتسمت نص ابتسامه له حسيت بالخجل من نفسي فعلا هادا انسان ويظل انسان ! هربت بسرعه قبل أتجمد كُليّا او اموت ضحك كيف انه مبتسم ومبرطم ودي اعرف السر في اللي جالس يسويه .. المهم تركي وخلاص ماحسيت بالذنت تجاهه صلت غرفتي وقفلت الباب الساعه وحده وخمس هه اكيد سامر راح لنورة .. شلت عبايتي وحجابي حذفتهم على الكنب انسدحت على السرير وسط الظلام افكر اليوم الثلاثاء وبكرة الاربعاء باقي الخميس والجمعه يجي فيصل .. اقوله ؟! لا اكيد بيقول هادي متهورة بس انا ماتعودت اخبي شي عن فيصل .. لا لزوم اسكت وانكتم مو كل شي ينقال لذا الفيصل بعد يسوي لي فضيحة بالخبر و الدمام .. ارسلت قبله لنايف واستسلمت للنوم ..! ـآحلاآمـ سعيدة سآرونه .. * * * صحيت ناظرت الساعه 4 الا ربع غريبه اش صاير فيني يمكن على قول المثل " ابي شرالي معطفا فلم انم من الفرح " هه اقصد " حبيبي قالي كلمة فلم انم من الفرح " خخخ حتى الامثال ما سلموا مني .. قمت وتوضيت بعدين رحت رشيت شعري بالبخاخ يعني سويته كيرلي طبيعي رفعت القذله مالي خلقها وحطيت الكحل والمرطب ولبست مريولي وحجابي واخذت عبايتي في يدي وجنبها الشنطة وطلعت قفلت غرفتي ونزلت شفت عمتي .. قلت بابتسامه : صباح الفل ابتسمت : صباح النور .. اووه صاحيه بدري حطيت شنطتي : منيب قادرة انوم تقلبت يمين يسار فوق تحت مافيه فايده الظاهر جاني ارق ابتسمت واتجهت لباب المطبخ .. قلت : وين ؟! عمتي : بصحي تركي قالي ربع ساعه بس ضحكت عليه : بقوم أذيه عنك عمتي .. انا بروح حسيتها انصدمت اييي وش سويت انا ؟ هزبت من نظراتها رحت لغرفة نور لقيتها بالحمام اخذت المسجله وقفلتها دخلت غرفة تركي وعلى طول فتحت المسجله تسجل .. رحت لسريره وقلت : تركي يامال الوجع قم ! سااااااااكت ! قلت : تريك ياقهر يامقزز ياوجه الموزة يلا قووم .. سااااااااكت ! تذكرت نايف ياسبحان الله تركي ونايف يتشابهون تركي عيونه اخضر ونايف مايل لبني يعني .. ونايف حنطي على سمار خفيف .. وتركي ابيض ناصع خخ يتشابهون بالملامح وغير كيذا ان اثنينهم عنيدين واثنينهم فيهم وصاخه خخخ والمصيبه اهديتهم نفس العطر .. معقول ساويت بين تركي ونايف ؟! تركي اللي اكرهه ونايف حبيبي ؟!! صرخت : تركيييي مابتقوم للمدرسه ؟ الظاهر ناوي ترسب ياحلاتك يوصل عمرك كيذا وانت بالثاانوي سااااااااكت ! ضحكت حتى وهو نايم مبرطم هه الظاهر الحلم مو عاجبه .. اخذت كوب المويا وغطست فيه يدي ويديت اقطر على وجهه .. قطب حاجبينه .. قلت : الظاهر يبي المويا على وجهه .. قربت من اذونه وصرخت : تركي ! مسكين تروع واول مافتح عيونه لقاني بوجهه عقد حاجبينه وتغطى باللحاف .. قت : تركي يلا قوم .. تركي : اطلعي من الغرفه .. كتمت ضحكتي : طيب بس قوم .. تركي : قولتلك اطلعي .. ابتسمت : طيب .. طعت من الغرفه وانا اضحك اكيد لابس شي غلط مثلي انحرج .. دخلت الغرفه حطيت المسجله بالدرج وقفلت الغرفه ونزلت تحت شفت الكل موجود عدا تركي جلست جنب نجوى أحس بنظرات عمتي تاكلني يمكن علشاني صحيت تركي وقسم اني بالخبر مرت خالي تقولي صحي نايف وخالتي تقولي صحي ميشو ويصحيني واصحيه عادي اش معنى ؟! يوه ياساره نسيتي انك بالدمام مهوب بالخبر ؟! .: نهاية الجزء السآدس والع ـشرون :. |
.: الجزء السآبع والع ـشرون :. " فِيْ خَــاطريْـّ // زَحمةْ حَگيْ .! وفِيْ قَلبٍيْ لِگْ ..مِشَارٍِيهْ وَعَتبْ.. ! وفي گِـلْ مـَـرَه ْنلَتِقيـّ :. دَمعَيْ ~ يِعَانِقْ *ـآلــْهَـدَبْ * " / \ / كملت فطوري خبز بالجبن وانا منكتمه اسمع لسواليفهم راح بالي الى نورة .. ياترى ايش تقول لسامر ؟! صحيت على صوت " صباح الخير " ابتسمت من داخلي لا اضحك .. وقلنا : صباح النور .. كان يناظرني بنظرات غريبه مزيج حقد على قهر وكل شي .. جلس جنب امخ وحط راسه على االطاوله .. نهى : وش بك ؟! قال بدون مايرفع : نعسان وتعبان موت ! عمتي : نجوى هاتي مقياس الحرارة .. صار وجه نجوى احمر .. انقذت الموقف : انا قايمه ارتاحي نجوى .. وقفت سمعت صوت : نازله عليك الطيبه .. قلت وانا ماشية : انت ولد عمتي ولا نسيت ؟ ناظر امه فهمت من نظراته ترجي بس ليه الله اعلم ؟؟ ابتسمت له امه : ارتاح حبيبي ! رحت وجبتها وبديت اتأمل عمتي .. تقول : تركي ابعد يدك خلني احطها باذنك .. تركي : مابي ! عمتي : يلا تركي .. تركي : مافيني شي غصب ؟ خلاص يمه عمتي : الحين متعب سارة زرايحه ومدري ايش واخرها ماتبي ؟! ليه تتعبها نجوى : احسن مو انا ابتسمت وكتمت ضحكتي .. رفع راسه : انتي انكتمي يابلوى نورة بسرعه : حلوة نجوى بلوى نجوى بغيض : ونورة فورة كملت : وهذا كوكي ضحكت نجوى بنصر .. وقالت نهى : لا حرام تركي مو كوكي ***مدري بصراحه انتم وش تسمونها بس يعني كوكي // دلوعه + خكري + عنيد + بسلامتكم يعني ماعنده ماعند جدتي منيره هع مو جدتي انا طبعا هادي ! نجوى : لا سلامتك كل ذا الدلع ومهوب كذا رفع راسه لها وناظرها بحدة ثم رجع نظره لي .. وقال : وساره حماره ! ضحكت : تمون ياولد العمه .. نهى : انتي اللي بديتي وانا مع اخوي نجوى : انا مع بنت خالي .. نهى : ياحمارة ذا ااخوك نجوى وهي تاخذ فطيره : والله مااستفدت منه الا الأوامر يانجوى صلحي ويانجوى زيني .. تركي : ايه وكل مرة تنفذين ماكأنك تآكليني بقشوري قلت : بس صراحه عمتي اذا جات تبي تقول شي ماتقول ياسانددي تقول يانجوى ساندي = شغالتها الخاصه تقريبا تركي : بس بنتها وكيفها .. هزيت كتوفي : مو شغلي بس الحق ينقال مدلعتك على حساب نجوى نهى : هيهيهي كم الحساب نجوى ناظرت عمتي لقيتها تتأملنا بابتسامه .. قلت : هيهيهي بايخه ! ناظرت عمتي وهي تقيس له يا إني اشتقت أشوف امي تقيس لفيصل واغار منه ! ماانتبهت الا على صوت نجوى تقول : يلا ساره قمت معها وصعدنا للسياره وانا ساكته مالي خلق اتكلم ابد وصلت المدرسه ورحت لريوم وانا شاقه الحلق .. ريم : خويتي كل الحلا فيها .. احترت انا مدري شسميها .. في حسنها كنها لمبة محترقه .. خوية ريم محدن يساويها .. ضربتها على كتفها : محد لمبة محترقه الا ولدك ان شاءا لله .. ريم : ايه الحلاوة دي وايه الابتسامه دي وليه كول دا ؟! كملت : وايه البقرة دي ؟ وايه اللقافه دي ؟ ياختي قولي ربي يسعدك .. ابتسمت بحب لي واخذتني نلف حول المدرسه واول مارن الجرس صعدنا الحصه الاولى كنت مفسحه لا الظاهر رسوب ذا السنه شلت السلسله وبقيت اتأملها .. نايف ! بتسمت ودخلها بجيبي ماصدقت جات الفسحه نزلت وجلست مع ريم طاقينها سوالف .. رحت وشريت لي فطاير وجلكسيات وكأني بمجاعه أكلتهم مع ريم .. ريم : انتي بالمدرسه وملوك بالبيت ياناس والله بصير سمينه بقوة .. ضحكت : أحسن لا يقول ولدك مو شايف خير .. صفقت يدها بوجههي : مالت عليك بس ضحكت .. ريم : الحمدلله على النعمه بس أول مرة اشوف بنت يصفقون لها كرامتها ويدعون عليها وتضحك .. ابتسمت : ريم انا مبسوطه بقوة ذا احلا يوم بحياتي كوولها ريم : الله يهنيك قلت : ريم الله يخليك طلعيني من المدرسه اليوم ارجوك .. ريم : لا وبعدين بنتي تتحمل الكسل ؟ قطبت : بنتك ؟ اش عرفك ؟ اصلا مايتحدد جنسه الا في الرابع او الخامس كيف لو الثاني ؟! هزت كتوفها : مدري احساسي كيذا ابتسمت : اذا بنت ايش ؟ شف اللقافه على اصول ؟! ناظرتني : ملاك قطبت : واااع لو طلعت شينه الله يعينها بس ضربت كتفي : كيف شينه وانا امها وملوك ابوها ؟! ابتسمت : ملاك مالك .. حلو الاسم وضحكت .. ريم : ليه بالله ؟! قلت : تقلدين على خالتي مشعل مشاعل يابعدي وحشني بقوة ضحكت .. انقضت الفسحه بحلوها ورحنا لفصولنا وانتهى الدوام بدون أي شي جديد .. * ووصلت البيت بهدوء طلعت لغرفتي غيرت ملابسي وصلت ونزلت تحت معهم .. صلحت لي خبز وجبن والكل ياكل حطيته بصحن وقطعته لـ 3 قطع وبديت آكل رفعت عيني لتركي لقيته يناظرني بارتباك واضح وخوف اكثر وانا متأكدة ان عيوني مثل عيونه بالخوف اللي يستر بس .. كل شوي ارفع عيني القاه يناظرني خلصت الجبنه سلام وقفت ناظرته علشان يصعد وراي ونسمع الشريط .. سمعته يقول : الحمدلله .. انا بنوم ماما تبين شي عمتي : اصحيك لصلاة العصر ؟ تركي : لا ان شاء الله اكون صاحي .. صعدت صعد وراي .. قلت : اقفل غرفتك وتعال المقلط .. تركي : لا .. اقصد ذا الحين ظهر ويمكن بأي لحظه حد ينتبه .. عقدت حاجبيني : وين يعني ؟! هز كتوفه .. سكتت فتره ثم قلت : مثل ماقلت لك اقفل غرفتك ولا تخاف مهوب غرفتي ولا المقلط .. هز راسه وراح .. اخذت المسجله وقفلت غرفتي ورحت معه من الباب العلوي اللي على طول لحديقتهم وجلسنا على الدرج .. قلت : قل بسم الله تركي كانه اتلفت أعصابه : لا اله الا الله بسم لالله .. يلا شغلي تعبت شغلته :. كان صوت الباب ينفتح ويتسكر .. سامر : تأخرت ؟! نورة : لا .. سامر : اش بك تقولينها بدون نفس .. انتي زعلانه شي ؟؟ نورة : ..... سامر : نور معي ؟ .. انتي زعلانه ؟! نورة : قلت لا .. سامر : والله كيفك بس تصدقين حلوة كيذا وانتي زعلانه ؟! نورة : ..... سامر : طيب حبيبتي بروح للحمامات أغير دقايق نورة : ..... ناظرت تركي لقيته شوي ويذبحني الله يستر بس .. شوي وسمعنا نورة : جهزتهم لك اذا مااعجبوك ... قاطعنا سامر : اكيد عاجبني مو ذوقك ؟ نورة : ..... سامر : ..... نورة : ..... سامر : نور لفي علي .. نورة : لا مااعرف انام على جهة اليسار سامر : طيب بدلي معي نورة : لالا خلاص .. سامر : نور انتي زعلانه صح ؟ وربي ماسويت لك شي .. اش فيك ؟ نورة : خلاص انت ماسويت شي يزعل ليه شاغل بالك ؟! سامر : لانك متغيره .. نورة : اش دراك ؟ سامر : يوه نور كان قصدك علشان ثامر انتي عارفه وش به وكان قصدك علشان ابوي فـ ... قاطعته نورة بضحكه : زين يعني تدري .. خلاص اعتذر واسامحك سامر : ياشيخه وربي اسف نورة : خلاص سامحتك .. يلا تصبح على خير سامر : وين وين وين ؟؟ لاتلفين خليك بوجهي وانتي من اهله حبيبتي .. انتبهت ان تركي وقف مسكت طرف الجينز حقه .. قلت : تركي اهدأ ! عارفه انها اختك بس بالعنف ماراح نحصل على نتيجه .. تركي : مع اختي تفهمين ؟! أختي !! قلت : ولانها اختك اجلس خلنا نفكر في حل .. قاطع افكارنا صوت جرس أو منبه سحبت تركي وجلس .. سامر : نور وينها ملابسي .. نورة : ..... سامر : نور .. يانووور اصحي .. نووور نورة : ياسامر ياحبيبي رح دورهم .. سامر : طيب قومي ساعديني مبسوطه كذا مريحه ! نورة : ..... سامر : ..... نورة : مدري شف بالدولاب يمكن تلقاهم سامر : وربي دورت عاد قومي دوري معي منسدحه ولا كأنه صاير شي .. نورة : شف مصحيني من نومي ياحمار وانت لابسهم ! سامر : ادري بس مو حرام انا تقلب نومتي واصحى وانتي لا ؟ ضحكت نورة : وربي حيوان ! سامر : بدون ماتقولين نوم العافيه مالت بس ! نورة : طيب نانتبه على عمرك كأنك يعني مسافر .. ورح يلا بنوم .. سمعت صوت بوسه ناظرت تركي مولع خلاص رايح فيها .. سامر : يلا حبيبتي بروح .. وسمعنا صوت قفل الباب شوي وسمعنا صوت عمتي : نورة يلا قومي صلي .. نورة : ..... عمتي : نورة يلا قومي .. نورة : طيب طيب قمت .. عمتي : ومو تنامين بعد خلاص يكفي تجهزي للمدرسه .. نورة : طيب .. وسمعنا صوت الباب يتسكر .. صوت مويا وبعدين صوتها وهي تصلي بعدين دخلت الحمامات وانقطع التسجيل .. سمعت : تركـي ..... على طول قفلت المسجله .. ناظرني : شغليها .. قلت مثل الاطفال : لا مابي خلاص خلنا نلقى حل لنورة .. تركي : مافيه شغليها .. قلت : اش دخلك خلاص ..؟ تركي : والله انا سمعت اسمي .. كيف تجي ايش دخلك ؟ قلت : مافيه تركي الا انت انثبر زين ؟! سحبها من يدي وشغلها .. سمعنا : يامال الوجع قم تريك .. ياقهر يامقزز ياوجه المورة يلا قم .. تركيييي مابتقوم ؟! الظاهر ناوي ترسب ياحلاتك يوصل عمرك كيذا وانت بالثانوي .. ناظرني وبوجهه الضحكه انحرجت .. سمعنا صوت ضحكتي مالت علي بس يارب مااكون قلت شي غلط انا اش اللي قرفني وخلاني اسجل ..؟ سمعنا : الظاهر يبي المويا على وجهه .. تركيييييييييي ... تركي يلا قوم .. وكان اخر شي ضحكتي وانقفل التسجيل دوروني ماتلقوني ناظرني : اش عندك مسجلته انحرجت ووطيت راسي يعني مفتشله ولو اني مااظن بي حيا هع تركي : أساليب التعذيب بالمويا ومدري ايش .. عاد وجهي رايح فيها واسب والعن فيه وفيني الحين اش اللي قردني وخلاني اسجل ؟! تركي :والله حلو تصحين ولد عمتك .. كنتي بالخبر تصحين نايف ؟! شوي واقوم افلعه بالكعب على راسه ويعتدل .. ناظرته : انسى السالفه وخلنا نفكر في نورة .. رجعت له ملامح القهر الظاهر كان يبي ينسى .. شوي ووقف سحبته وجلسته .. ناظر يده .. اش عنده بعد ؟! تركي : من الاخلاق ماتمسكيني انحرجت : آسفه مو قصدي بس كنت امنعك من انك تتهور .. تركي : التهور رايح يصير لو مسكتي يدي .. انحرجت واصبغ وجهي بالاحمر .. ثم قلت : احم قولي وش نسوي ؟! ناظرني : اسألي نورة .. جاوبت بسرعه : مو صاحي .. تركي : ليه مو صاحي ؟ بالعكس علشان نفهم حجم العلاقه ولوين كانت الحدود .. خلنان حط النقاط على حروفها من غير اخطاء .. علشان نفهم السالفه سكتت افكر في كلامه والله صدق اسالها واستدرجها .. وقفت : اوكي يلا نرجع .. * |
سحبت المسجله وطلعنا ورحنا للصاله اللي تحت اول من انتبه هو عمتي : تركي !! قلت : وسارة بعد !! ضحكت عمتي : مو قلت بتنام ؟! هز كتوفه : ماجاني نوم وخلاص .. راح جنب امه وجلس اما انا اخترت لي مكان بلحالي منفرد .. قلت : ياااه عندي غرفتي ابد مو مرتبه .. ناظرت نورة : نوراان حبيبتي تساعديني فيها ؟ نجوى : سيبك منها بزر آمريني وانا معك تركي : لا نجوى ابقي .. ونورة تروح مع بنت خالك .. لفت له نجوى بقهر : اش دخلك انت انا مع بنت خالي محد طلب رايك يالملقوف .. تركي : اتلمي يابت واصحي ترفعي صوتك على اخوك الكبير واحترمي .. وعناد لك مافيه طلعه لفوق .. ضحكت بيني وبين نفسي .. نجوى : يمه ماتسمعين ولدك اش يقول ؟! راضيه ؟! ناظرت عمتي كانت تناظر تركي شوي وقالت : كل الرضا .. لفت علي : تكلمي ساره ليه منكتمه ؟ قلت : الشور للثور لو تنبحي يابقرة .. ضحكت نجوى : صادقه سارة انت ثور .. تركي :يكون مكتشفه شي جديد ! انتي البقرة ! ضحكت على خبالهم ورحت همست لنجوى : سيبك منو محترق منك .. لا تشااوو صعدت مع نورة وقلبي يدق طبول وصلت لنصف الدرج او ثلاث ارباعه لفيت على تركي لقيته يناظرني بخوف واضح تنفست بقوة الله يقدرني واعرف وش بها .. دخلت معها غرفتي وقلت : رتبي السرير اذا ممكن نورة مبتسمه لي .. سويت نفسي منشغله بترتيب الدواليب .. وقلت : نوراانو نورة : همممم احترت مدري وش اقول : ابي اسألك اش صار عى سامر ولد خالك معك ؟! ناظرتني وهي عاقدة حاجبينها .. نورة : ليه اش صاير ؟! ابتسمت : مدري احس من نظراتكم شي كبير لاتخافين مااسوي لك مصيبه انا بنت خالك وصديقتك كمان .. نورة ابتسمت : طيب اقولك وماتخبرن حد ابد ؟! ابتسمت وسحبتها الى الكرسي وقلبي طبول خايفه تعترف بكل شي وتصير مشكله وخايفه ماتعترف .. سكتت اسمع حكيها .. قلت : معك تكلمي ..! * * طلعت من غرفتي وانا قلبي يدق بقوة كنت بطلع بس سمعت الاذان يأذن قمت وصليت رحت بعدها غيرت ملابسي ونزلت تحت الكل بدون استثناء موجود .. قلت : السلام عليكم .. الكل انتبه علي وقال : وعليكم السلام .. جلست جنب نهى وانا اناظر تركي اللي صاير قبالي .. احسه شوي وينفجر يبي يعرف بسرعه .. لفيت نظري لنجوى ثم انسدحت على رجل نهى وانا انظر بتركي .. والكل يسولف وانا مو معهم واذا ماخاب ظني فـ هو مايفهم شي من اللي يقولونه سوالف بنات هذا اذا كان منتبه لهم بس .. بدرت مني التفاته الى نورة ماكأنه صاير شي تسولف .. بزر لاتلومونها .. اشرت له بدون محد ينتبه كأني بتفق معه على موعد .. لاني مافهمته اش يقول ولا هو فاهم شي .. طاحت عيوني على جوال نجوى .. سحبته وحطيته تحت رجلي وادور اسم تركي الين لقيته ارسلت " بعد العشا يناسبك ؟! " وارسلتها وعلى طول مسحتها ورجعته مكانه .. سمعت صوت " عشان الحب واللي بيني ..." رفعت عيني لقيت الكل يناظر تركي هه مسكين نغمته سوت رجّه .. فتح المسج ثم ناظرني والكل يناظر ثم قال : ايوه ! انتقلت الابصار منه لي بلعت ريقي الله يستر اش ذا القهر منه .. قلت : احم وش عندك ولد عمتي ؟! تركي : ابد بس بالغلط طلعت كلمة خلاص عاد لاتناظرون لفوا وجيهكم .. نجوى : من حلات وجهك عاد .. تركي ساااااكت ويناظرني وربي لو بقيت بنفضح وقفت : انا رايحه اكتب واجباتي .. نجوى : بالله اليوم الربووع اتركيهم ليوم الجمعه .. قلت : امممم والله ماتعودت .. نجوى : طيب لا تصعدي غرفتك اكتبي هنا .. اش رايك بالفكره ..؟ ابتسمت : مش بطاله .. ويلا دامك اقترحتي روحي هاتي الشنطه .. نقزت وجابتها جلست على الكنب حاطه رجل على رجل واذاكر وهم يسولفون على راسي .. نهى : طافكن اليوم عجائب الدنيا السبع .. وناظرت نورة بسم الله ليكون نهى تدري .. نورة : هيييي لاتناظريني كيذا يعني يقالك بتحريني يعني .. نجوى : اش صاير؟! نهى : تخيلي نجيو اليوم عيال خالي يتهاوشون مع نورة مين اللي يصعد جنب خالي .. نجوى بحماس : وبعدين ..؟ للحظه فكرت ان ذا اللي مزعلها من سامر بس تذكرت انه التسجيل كان البارح والموقف اليوم الصبح !! رفعت راسي : مين خالك ؟؟ نجوى : انهبلتي بنت خالي ؟؟ سكتت فتره لاستوعب وافتشلت والله ماافتهم لازم يقولون عمك نجوى : وبعدين اش صار ؟؟ نهى : عاقبهم خالي وولا واحد فيهم صعد قدام قطبت نجوى : ترك قدام فاضي ؟؟؟ ليه هوا سايق لكم ولا ايش ؟! نهى : صدق خبلا انا اللي صعدت ياااي لاول مرة اصعد مع خالي قدام او بشكل عام قدام مع واحد ضحكت نجوى : هيي لاتفشلينا انا ولله الحمد كول يوم اصعد جنب تركي عادي الامر .. تيكت ايزي .. ماخفي علي من نبرتها غرور الحين نهى بتتفشل .. قلت : وانا ولله الحمد طول حياتي ماصعدت قدام الا مرتين مرة مع فيصل ومرة مع ولد عمتي تركي : قصدك ثلاث الامس مع نايف .. ولا ماتعتبرينه ..؟ والله لولا الحيا قمت وضربته بالدفتر على راسه لازم ينرفزني بس مابي اسوي مشاكل فـ سكتت .. شهقت نهى : لحظه ارجعوا ورى .. تقولين مع تركي ؟؟ متى ؟ وكيف ؟! مااظن قالت لي نجوى نجوى : إلا قولي من متى فيصل يسوق سيارة ؟؟ ضحكت : اختاروا اقول لكم .. صعدت جنب تركي ولا فيصل اول ..؟ نجوى : سيبك من تركي .. فيصل مسكينه ماتبي حد يصعد جنب فيصل قبلها ! قلت : ممم تقريبا قبل لا اعرفكم بيوم واحد فقط .. تجولنا حول اماكن عدة بالخبر بسيارة خالي الثانيه ! وهزيت كتوفي : وبس .. عمتي باهتمام : وكيف جنب ذا ؟ قلت : يوم تغيب نجوى نجوى : ياحظك بس سكتت فتره ابي استوعب ليه تقول كيذا بعدين ضحكت في داخلي اكيد باقي تفكر بـ فيصل خخخ ! وطيت راسي للدفتر وبقيت احل الواجب .. نجوى تحب فيصل ولد خالها ونورة تحب سامر ولد خالها وسارة تموت على تراب رجل نايف ولد خالها .. نايف ؟!! آتسعت ابتسامتي وانا اتذكر نايف ياحظ كل من حبت ولد خالها .. معقول ولد الخال صار اكثر من ولد العم ؟! العادة مانسمع بنت الا حبت ولد عمها .. غريب ! ابتسمت اصلا نايف مميز حتى بحبه تدرون ليه ..؟ لآنه نايف ! انتبهت ان كتبت نايف بالدفتر بدون لا احس مسحتها على طول قبل حد يشوفها وابتسمت .. ناظرت الكل كانوا يناظرون التلفزيون بالتحديد mbc مسلسل ليلى تقريبا او ليالي .. المهم اللي هو ناظرت تركي كان مسند راسه وقافل عيونه .. حسيت برعب فعلا لان العادرة اللي يتنفس يرتفع صدرة وينخفض ذا ساكن .. همست : تركي فيك شي ؟! ناظرت الكل مشغول بالتلفزيون ولا حد مهتم .. رجعت اناظر تركي .. وهمست تاني : تركي انت تعباني ؟! فتح عينه وابتسم : لا ابدا .. بيني وبينك افكر ! سكتت لاني لو تكلمت على طول بقوله والله يستر لا ينفجر على نوران .. وطيت راسي وكملت اكتب ومن كتاب لكتاب والكل يناظر التلفزيون ويعلق انتهى المسلسل وبعدها بفتره مو قصيرة اذن المغرب قمت وتوضيت استغربت ان الكل يصلي بالمقلط !! غريبه اول مرة ادري .. طلعت من المقلط لقيت تركي على حاله ناظرته كانه طفل بملامحه فيها براءة غير متناهيه حتى بعض تصرفاته لبزر واللي فعلا يثبت انه بزر البزران دايم مبرطمين .. اتجهت لغرفتي وصليت نزلت وجلست مكاني الصالة فاضيه عدا من تركي خفت صابه شي .. مو خوفا عليه بس بعدين اش اسوي بنوران ؟ وحتى لو خفت عليه .. يظل رغم جميع المشاكل ولد عمتي ..! انتظرت شوي وجات عمتي بلحالها .. ناظرت تركي وقطبت واتجهت مسرعه له .. وهمست : تركي حبيبي تعبان شي ؟! تركي ساكت .. شدني الموقف وبقيت اناظرهناظرتني عمتي ورجعت له .. همست : تركي !! فتح عينه وقطب .. عمتي : تعبان ؟؟ تركي : ليه اش صاير ؟! بغيت اضحك خيبه الحين امك شوي وتموت متروعه وهو اش صاير ؟! مايدري عن الدنيا .. عمتي : لا بس شفتك وتروعت تركي : ابد افكر .. همست له امه كلام غير مفهوم .. هز كتوفه وبانت ابتسامه قال : مو ذنبي وربي ! رجعت تهمس له اموت واعرف اش يقولون ..؟ لقافه مو طبيعيه .. شوي وضحك وابتسم لامه اخذت كتبي وصعدت الدرج لاني ان بقيت شوي بسألهم اش عندهم مدري انا طالعه على مين ملقوفه .. كملت حل واجباتي وجلست عند المرايااناظر اصبعي لين الحين ماكبر .. فتحت المسجله على اغنيه مااذكرها وبديت افكر انا لازم اخذ نوران تنام معي بالغرفه وضروري اقول لها .. فتحت دفتري وكتبت " حسافه ياماما انتي مو جنبي .. احكي لك كل هم بقلبي اشكي وافضفض لك همومي .. تشاركيني فرحتي بحبي .. " ابتسمت وانا اناظر وجهي بالمرايا معقول اشبه لامي ؟! ولا لا ؟؟ * * بعد صلاة العشا نزلت تحت كانت الساعه 10 تقريبا يوم نقوم من العشاء .. اخذت نوران وصعدتها لغرفتي .. قلت : نوران تدري انو حرام تنومين مع ولد خالك ؟ سكتت .. كملت : طيب الليله حتنامس معي دلحين حاتوكتبي ورقة لسامر تحكيلو فيها انك حتنومي معي .. طيب ..؟ سكتت فتره وراحت استغربت منها ومن تصرفها شوي وجات ومعها اوراق وبدت تكتب .. وبعدين قالت : خلاص اصعدهاله ؟ قطبت واخذت الورقه وقريتها ضحكت عليها وقلت : أوكي بس امسحي حبيبي .. برطمت : بس لازم اكتبها .. اخذتها وصعدتها لسامر حتى البزران يقولون حبيبي خخخخ والله جيل معفن .. دخلت غرفة سامر وحطيت وطلعت صادفت ثامر .. قلت : اممممم ثامر عمي هنا ؟ ثامر : لا هو راح وقال دقايق ويجي .. انتظريه اذا تبينه .. جاوبت بسرعه : لالا خلاص طيب لاتقوله اني ابيه طيب ؟! ثامر : ليه ؟! قلت بربكه : مو لازم خلاص .. يلا تصبح على خير .. طلعت قبل اسمع رده ورحت لغرفتي .. شفت نوران باقي مانامت .. ويييييه الحين كيف اقول لاخوها ؟ بس تصدقون انها الوحيدة اللي تبرد لي لقافتي .. قلت : نورانوو ممكن سؤال ؟! ابتسمت .. قلت : انا من جيت لهنا ماشفت ابوك وينه ؟! مسافر ولا كيف ؟! ابتسمت : ولا بتشوفينه لانه متوفي .. مااقول لكم ماانصدمت بس الاحراج كان اكبر .. قلت : طيب وام سامر ؟! كمان متوفيا ؟! هزت راسها بايه ..! نورة : ابوي يوم انه توفى جينا هنا وسكنا مع خالي لما كبر تركي قال خلنا نرجع بس امي رفضت وخالي كمان زعل عليه .. قلت : والدور الاول والثاني لكم .. صح ؟ نورة : ايوه الاول لنا كولنا خالي عمر وامي وخالي محمد الله يرحمه يعني ابوي ؟! .. قلت : طيب ..؟ قاطعني صوت طرق الباب اكيد تركي لان الكل على طول يدخل .. طنشت .. قلت : طيب غرفتي كانت فاضيه ولا ايش ؟! ولا يعني فيه حد يزوركم من قبل ؟ نورة : لا مو فاضيه كانت لتركي بس يوم انك جيتي خالي قال البنات مع بعض وتركي يرتبون له غرفة المخزن جنب امي .. المخزن ؟؟؟؟؟ مرقدامي شريط يوم انا بثالث متوسط وانا مقفول علي المخزن ممنوعه من أي زيارة لمدة شهر كامل !! وياويلي ان صرخت جاني يحرقني .. منعزله عن العالم مدري وش صار ابد .. قاومت كثير وبينت لهم اني مرتاحه هه كأني بسجن والتهمه ماجبت النسبه بالضبط اللي يبيها خالي .. هذا وانا لا ام ولا ابو ومايرحمني كيف لو امي معي ؟ كان ذبحني .. وطيت راسي ونزلت مني دمعه مقهورة ! انتبهت على صوت نورة : اش بك ؟! قلت : احم وين وصلنا ؟ للمخرن ؟ قطبت : الحين متعبه عمري وواحكي لك واخرها ماتسمعين .. صدق حماره ! ابتسمت .. انقهرت وسحبت اللحاف وتغطت : تصبحين على خير وقفلي النور وكان تبين تنسدحي ولا بسلامتك .. قلت : نوران زعلتي ؟! ساكته ولاكني احكي معها .. قلت : والله تذكرت شي .. ساكته .. رحت جهتها وفتحت اللحاف لقيتها نايمه ؟؟؟؟ كتمت ضحكتي مسرع مانامت .. رحت للدولاب ولبست بلوزة حمرا طويله مع برمودا جينز والكعب والحجاب ورتبت مظهري ورطبت شفايفي ورحت لتحت مافيه صوت الظاهر يوم الخميس يكون الكل نايم بدري .. رحت للمقلط وسكرت الباب .. تركي : ساعه ؟! خوفي كان مانعني من الابتسامه او حتى الضحكه كيف يتقبل تركي الرد ومو اي واحد هذا تركي اذا انا وهي انا اللي عدوته ومايحب حد ابد يقرب كيف لو اخته ؟ تركي : تكلمي اش بك ساكته خبصتيني ؟ سكتت وناظرته وتنفست بقوة .. تركي : ماتخبريني اش صاير ؟! اش حدودها معه ؟! قلت : والله .... وسكتت بأي طريقه ياتركي اقولك ؟! تركي : والله حرام عليك بموت تكلمي ..! قلت وعيني بالارض : لا تستبعت ان جيت لك يوم وقلت لك حامل ! وقف : ايش حامل هادي ؟! سحبته وجلس جنبي : اسكت الحين مدري وش اسوي بذا الوررطه .. مصيبه لو حد عرف وربي ! انفتح الباب بقوة شهقت وطاح قلبي : عـ...عـمي ؟! بلعت ريقي عساه ماسمع شي .. والله ملامحه تدل على انه سمع كل شي الله يعينك يانورة .. ناظر تركي بحده .. واذا كان يناظرنا كذا واكيد توقعنا احنا الاثنين كيف راح تكون ملامحه اذا عرف ان ولده ...؟ .: نهاية الجزء السآبع والع ـشرون :. |
.: الجزء الثآمن والع ـشرون :. " تعآلـ~ وْخذ من ..{ أورـآقي .! قصآيد ! گلهآ × تذگآر × تدفّي ][ ليلگ ][ ـآلبآارد ,؛ إذآا // ضيّعت عنوـآني !~ " / \ / رحت للدولاب ولبست بلوزة حمرا طويله مع برمودا جينز والكعب والحجاب ورتبت مظهري ورطبت شفايفي ورحت لتحت مافيه صوت الظاهر يوم الخميس يكون الكل نايم بدري .. رحت للمقلط وسكرت الباب .. تركي : ساعه ؟! خوفي كان مانعني من الابتسامه او حتى الضحكه كيف يتقبل تركي الرد ومو اي واحد هذا تركي اذا انا وهي انا اللي عدوته ومايحب حد ابد يقرب كيف لو اخته ؟ تركي : تكلمي اش بك ساكته خبصتيني ؟ سكتت وناظرته وتنفست بقوة .. تركي : ماتخبريني اش صاير ؟! اش حدودها معه ؟! قلت : والله .... وسكتت بأي طريقه ياتركي اقولك ؟! تركي : والله حرام عليك بموت تكلمي ..! قلت وعيني بالارض : لا تستبعت ان جيت لك يوم وقلت لك حامل ! وقف : ايش حامل هادي ؟! سحبته وجلس جنبي : اسكت الحين مدري وش اسوي بذا الوررطه .. مصيبه لو حد عرف وربي ! انفتح الباب بقوة شهقت وطاح قلبي : عـ...عـمي ؟! بلعت ريقي عساه ماسمع شي .. والله ملامحه تدل على انه سمع كل شي الله يعينك يانورة .. ناظر تركي بحده .. واذا كان يناظرنا كذا واكيد توقعنا احنا الاثنين كيف راح تكون ملامحه اذا عرف ان ولده ...؟ تركي : خالي انا .... قاطعه صوت الكف ورب البيت هز البيت عارفين لما حد يضرب الثاني بكل قوته من الحرّه ؟ من قوة الكف طاح على الارض بحركه سريعه اخذته وحطيته على الكنب .. واتجهت لعمي قلت : عمي تـ... عمي معصب وطايره شياطينه : ايش به تركي كمان ؟! ايش اقولكم انتم الاثنين ؟! مصطلح جديد وربي بذا العيله .. لف يدي بقوة لو اني مو متعوده على كيدا من خالي كان صرخت من الاالم .. ناظرت تركي وتروعت من شكله ماسك راسه : خالي افهم ... قاطعته : تركي اش بك ؟ تعبان شي ؟؟ لف يدي بقوة : انتي ولا كلمه ! لو استمريت بذا الضعف وتركي ساكت نروح وطي .. وحنا نروح الضحيه بدل نورة ! ابعدت يد عمي بقوة .. وحطيت عيني بعينه ياويلي بس : ايش ولا كلمه ؟! اعطاني ذاك الكف اللي لو ترفعون اصابعكم قلت العدد سالب 22 وثلاثة ارباع .. وقفت : مابي اتعدى حدودي واصارخ .. بس جد ليه تعطيني كف ؟! تحول وجهه من لونه الطبيعي الى الاحمر القاتم .. عمي : لك عين تتكلمين انتي معه ؟! وطي راسك يابت وانكتمي حلو والله ز.. قبل لاينطقها حطيت يدي على فمه : انا اكبر ياعمي من اني اغلط كذا .. ممكن بعد اذنك تجلس شوي .. وانا افهمك ؟؟ ناظرني بحدة وابعد يدي .. عمي : وش تفهميني ؟! ناظرت تركي اللي قال : قل لا اله الا الله ياخالي واجلس .. تنفس بقوة وجلس قبالنا وجنبي تركي .. عمي : مممم ؟ ليه سويتم كذا ؟! قلت : قل ياعمي وقسم منيب مسوي شي بالبنت ولا الولد ! ابتسم بسخريه : هه يعني خلاص تروحين كذا بدون مايصير لك شي معه ؟! طنشت كلامه لانه قهرني : قل ياعمي ! اخذ نفس : وقسم منيب مسوي بهم شي .. تنهد تركي : خالي السالفه مو سالفتي انا مع ساره السالفه لنور اختي وسامر ولدك ! فتح عينه : ايش ؟! قلت : اهدأ ياعمي .. نورة كول ليله تنوم مع سامر .. وانا متأكدة وتركي كمان يدري واعترفت لي نورة .. وكول دا علشان نبي نخبرك .. سكت وظل يناظرني أنه يبي يعرف اصدق من كلامي .. شوي ووقف وكأنه تأكد اني صادقه .. قلت : اهدأ ياعمي واجلس ! سحبته وجلس .. تكلم تركي : خالي لو اننا بدينا باسلوب كذا كان ماعرفنا شي ولما نوره تكبر نفهم المصيبه على لسان رجلها .. سكت فتره يناظر تركي .. ناظرني تركي يعني تكلمي .. قلت : حنا ياعمي جايينك نبي حل لهم وانت اللي تامر به . تركي : الحل هو ان نوره تملك على سامر وبدون عنف لان خلاص مابيفيد شي .. سكت فتره يتأملني .. قلت : عمي ترا انت حلفت ماتسوي بهم شي وتوقعت انك بتسوي بس مالي شغل انت اللي بتصوم 3 ايام .! سكتت باقي يناظرني : ودي لو اسمع خلاص نملك لهم ! عمي مقطب : كيف عرفتم ؟! تركي : والله انا جاتني ساره قالت لي اما كيف عرفت هيا بجنبك .. تحولت انظاره الي شوي ويحرقني بنظراته ...! بلعت ريقي : مريت جهة غرفة نورة وسمعت وجاتني فتره انوم بالصاله واكتشفت وقولت لتركي علشان نقولك بطريقه تتفهم فيها السالفه .. استغربت ردت فعله انه ابتسم .. قلت : موافق ؟! عمي : لو ادري ان اخوي عنده بنت كذا وربي جوبتها معنا من يوم انولدت .. ابتسمت : يعني موافق ؟! ابتسم : ايوه .. سبحان الله اثنينكم عقولكم نظيفه بس كيف ترسبون مدري .. قلت وانا اهز كتوفي : انا عن نفسي كان عندي ضغط نفسي من خالي والتهديد قبل أي شي ينتج الخوف والربكه من العقاب يسوي كول شي .. عمي : يقنعني اسلوبك .. لف على تركي : ماتبرر انت ؟! ابتسم لنا : كسل ! ضحك عمي : ومفتخر بعد .. حد قالك عندك اسلوب ؟! قلت : يوه كثير .. ابتسم : لوعندي ولد بعمرك زوجتك له .. كنت بوطي راسي بس قال : اتمنى ماتطلعين من ذا العيله .. يارب مااطلع صدق من عيلة امي واتزوج نايف ! ناظرت عمي كان يناظر تركي بابتسامه رد له تركي اينتسامه مثلها .. بكون اغبى غبيه لو مافهمت وش يقصدون انا اخر عمري اخذ هذا الشيء اللي يسمونه تركي ؟! قلت : ايه عمي متى تقول لعمتي ؟! عمي : بكرة باذن الله .. ظل فترة يتأملني صدقوني اشبه ابوي .. شوي وناظر تركي الظار يحسب الفروقات هه .. عمي : ماكنت ادري وجيتكم هايج ماكان قصدي شك لاني واثق فيكم انتي ياسارة وانت ياتركي بالذات انتم .. بس اللي يسمع حكيكم يفهم غلط .. ماهقيت ان محمد تكون عنده بنت تلاحظ اكثر من الرجال .. وناظر تركي بنص عين .. ضحكت من داخلي عمي طايح فيني مدح وتحطيم في تركي .. يبرد حرتي فيه !! عمي : نسيت الشي اللي جايك علشانه بحكايتكم .. واحسن شي انكم مع بعض لاني ابيكم اثننينكم بسالفة .. شدد على كلمة سالفه .. اتروعت وناظرت تركي بتعجب !! لف على تركي : بلاش تذكر سالفة ولد خالها دامني راضي .. " ابتسم " ساره مسؤوله مني انا ! ابتسمت من داخلي الحكي اللي ماقدرت انا اقوله لتركي وصل له عن طريق عمي .. عمي : انسى كل عداواتك مع ولد خالها .. عداوات ؟! ايش صاير فاهمين شي ؟! عمي : انا دقيت على خالها وقولت له يجي مع اخته وعيالهم مشعل مع نايف ومروى .. شدد على كلمة مشعل مع نايف .. عمي : خلها تشوف عيال خالها دامها متحجبه .. واصريت على نايف يجي رغم انه ماكان يبي ... قسم لولا الحيا قمت وحبيته على راسه اموت عليك عمي والله تفهمني .. اتسعت ابتسامتي : خلاص عمي سيبك منه .. بس سؤال متى يجون ؟! ابتسم عمي : اش بك مستعجله يوم الجمعه ان شاء الله .. ايه صدق خالك ومرته مابيجون ولا خالتك ماسألت عن السبب انتي اسألي اذا تبين .. قلت بخيبه : افاا ماشاعل ليه مابتجي ؟! سمعت ضحكة عمي : انا قولت لفيصل يقول لها بس مدري قال مابتجي .. وقفت : طيب .. تصبحون على خير .. على فكره عمي نور معي بالغرفه لاتحاول تروح لها غرفتها تذبحها .. ابتسم : تصبحين على خير .. طلعت من المقلط متبدله مشاعري .. من خوف من ردة فعل تركي ممزوج بتوتر كيف نقول لعمي .. الى فرحه ان عمي مُصّر ان نايف يحضر علشان يتعرف عليه ! دخلت غرفتي وغيرت ملابسي انسدحت على السرير افكر وبعد 3 دوخات ومع طرق النعول نمت .. * * * صحيت وناظرت الساعه 2 ونصف واااو من الساعه 11 .. لبست عبايتي ونزلت تحت فتحت التلفزيون فيلم في روتانا بصراحه مااعجبني .. لفيت على سينما art كان فيلم ليلة البيبي دول تابعت نصفه وبعدين قفلت التلفزيون وصعدت غرفتي فتحت الدولاب ابي احلا شي .. نايف & ميشو & فيصل .. مع هذا الطقس احتاج ملابس دافيه .. اخذت بدله تركواز بلوزة طويله وزنار برمودا نفسهم فيه سلاسل وجاكيت صغير .. ابتسمت يا عمري عمره هادي نمن فيصل من حبيبتي الخبر .. تذكرت يوم شريتها يوم طلعت مع فيصل .. اخذت سلسله طويله لفه مرتين وبوت طويل ابيض وحجاب ابيض وشال التركواز .. كويت الملابس وعلقتهم في الدولاب ناظرت الساعه وشهقت صدق ذوقي صعب ويحتاج الكثير من الوقت .. رحت توضيت وصليت صحيت نور صلت ورجعت نومت كنت بصحيها بس تذكرت ان اليوم الخميس خلها تنوم براحتها .. ناظرتها فتره وتثاوبت وانسدحت معها ونومت .. ايام الخبر طول يوم الخميس نايمه ! صحيت على صوت نهى تقول اقوم افطر قمت وغسلت وجهي ياحسافه ماتهنيت بنومتي .. لبست لبس محتشم هع ولفيت حجابي رطبت بشرتي ونزلت شفت الكل يتفطر .. قلت : صباح الخير ؟؟ الكل : صباح النور .. جلست جنب نجوى وانا ساكته .. نهى : اش بك ؟! رفعت راسي وهزيته نفي .. نهى : ماتاكلين ؟! ابتسمت : رجيم ! شهقت نهى : اهئ رجيم يعني ماتاكلين شي ؟! تركي : عاد انتي مستحيل تنزلين كيلو واحد رغم انك تحتاجين لرجيم قاسي جدا .. قمت للثلاجة وطلعت تفاحه وانا اسمع نهى : ابي اعرف انت وش عليك مني ؟ ولا يعني علشانك زي هادي اختك نجيو مبسوط لنا ؟! طنشها .. نهى : ايش هادا ؟! ابتسمت : للرجيم .. نهى : تفاحه ؟! بالله ايش الجدول ؟! قلت : الصبح نصف تفاحه الغذا تفاحتين والعشا تفاحه .. مع الاكثار من المويا .. وخلال اسبوعين فقط .. نجوى : اهئ انا كنت في البدايه بسوي معك بس يوم طلع كيذا قلت خلاص .. ابتسمت : انتي مايحتاج انا بس نهى كأنها متحمسه : ايه بسوي معك تركي : يوم واحد بس وبتقولين مااقدر سكتت اخذت السكين وقسمت التفاحه بالنصف واعطيت نهى قطعت التفاحه لخمسة اقسام وبديت آكل .. عمتي : من الجبن الى التفاح مدري انتي مخلوقه من ايش .. ناظرتها واكتفيت بالابتسامه ظلينا فتره ساكتين شوي وسمعت نهى : مايصير آكل تفاحه كامله ؟! ضحك تركي : مو قلت لك ماصدقتيني .. نهى : ايه جالسين بمجاعه حنا آكل نصف تفاحه ؟! قال : والله محد ضربك على يدك الا تسوين .. اللي يبي الصح كملت : لا يقول آآح ! قمت من كرسي واخذت مويا وشربته رجعت مكاني .. نجوى : ماتلاحظون الجو بدا يبرد ؟! نوره : ايه صدق بس والله البرد القارص احسن من الحر الشديد .. صفرت نجوى : والله تطور البرد القارص ! نهى : والله نجيو دايم تحطمينها .. ثانيا احم انا ابلتها وعلمتها هيا .. نوره : لا والله اعرفها من قبل نهى : لاتكذبين ذا وجه وحده تعرف عربي ؟! لا تنكري فضلي عليك .. نجوى : من علمني حرفا صرت له عبدا .. سمعته : منيب عبد لغير ربي نهى : ايه صدق بس المعلمات .. قاطعتها نجوى : حطب جهنم .. نهى : اهئ ياحماره اختك وحده منهن .. نجوى : انتي يابعدي غير ابتسمت نهى .. كملت نجوى : انتي لوح كامل حجم عائلي الكل ضحك بدون استثناء .. شوي وناظرتني نهى : عندي جهاز مشي تبينه ؟! قلت : لا اش اسوي به ؟! نهى : انا ماابيه والله جديد حتى باكياسه .. يمكن تحتاجينه قلت : مااتوقع .. نهى : خلاص بحطه بغرفتك وجربيه اذا مااعجبك خلاص .. ابتسمت ها ووطيت راسي وكملت اقطع باقي التفاحه لقطع صغيره بقوة وابلعها .. شوي ووقفت : صحيني للأذان نجوى .. اذا ممكن ! عمتي : لاتعتمدي عليها اكثر من مرة ماتصحيني .. قلت : انا عندي منبه بس احيانا تطق فيوزاته ويصير الصوت واطي .. نهى : عندي منبه ! ابتسمت : وش رايك اسكن معك بالغرفه بعد ؟ كل شي حقك اخذته .. ابتسمت .. كملت : اللي يكون صاحي يصحيني .. اشوفكم على الظهر باذن الله .. طلعت لغرفتي وشبكت المنبه وافكار تاخذني وأفكـ... ماكملت الجمله الا وانا بنومه ! * صحيت على ذاك التوقيت لقيت نهى ونجوى على راسي .. ابتسمت ورحت صليت وهن بالغرفه يوم اني خلصت ابتسمت لهم .. قلت : نورت الغرفه .. نجوى : بنورك .. نهى : بنسوي معك تحدي صدق احس بالمبزرة احيانا اذا سوينا كذا بس من خلقتي احب اتحدى هع .. كملت نهى : تكملين الرجيم للأسبوعين ووأقل شي تنزلينه 3 كيلو .. ابتسمت : طيب .. نجوى : وطبعا ذا الميزان يلا اوزني .. مشيت ووقفت .. نجوى : يعني تقريبا 49 حسيت بالفشله صدق قلت : يلا نجيو اوزني وقفت وشهقت : ياحمارة ليه 46 ؟ نجوى : يلا نهى .. مشت بغرور على ابو انها اضعف وحده فيننا .. صعدت نهى .. ناظرت : 84 فاصله اثنين تقريبا 84 .. شهقت .. قلت : اوكي التحدي رايح يبدي اليوم اخذت ورقه وكتبت اليوم / الخميس والتاريخ ... شوي وقلت : تعالن بيدخل شهر رمضان الاسبوع الجاي الاحد ؟ هزن كتوفهن : مو شغلنا .. ابتسمت كملت ورفعت ووقعوا .. نهى : هذا الجهاز ابتسمت وغيرت ملابسي ونزلت معهم الكل متجمع .. قال : نومك ثقيل .. طولتن ! ناظرت نهى ترد عليه .. نهى : لا حرام عليك والله اول ماصحيناها قامت بس صلت ولبست ومدري ايش وسوالف .. نجوى : ايه والله سكتت كأنهن أفحمنه .. ابتسمت بنصر ورحت للثلاجة اخذت تفاحه ! نهى : تفاحتين ياقلبي حنا إذا .. ابتسمت بفشله لاني نسيت .. ورحت جلست بجنب نورة وقبال عمتي .. قطعت التفاحه واكلتها مااقول لكم اني خلاص شبعت يعني من الرشاقه اني ما آكل بس انا اغلب الاوقات مااتغذى .. يعني عادي ماتفرق معي .. قمت وشربت مويا عمتي : سارهـ !! لفيت لها بابتسامه .. كملت : ناويه تذبحين عمرك مع ذا الرجيم قلنا معليه بس تفاحه يالظالمه ؟! ابتسمت وهزيت كتوفي : تيكت ايزي ! كملت المويا اللي في يدي ورحت للتلفزيون قناة ميلودي فيلم سهر الليالي هذا تابعته مليون مرة حفظته خلاص .. شوي وجات نهى جلست تتابع معي وهيا سايلنت استغربت منها العادة الكل يجي .. لفيت لها : وين الباقي ؟ نهى : امي راحت تنام وتركي كمان ونورة بعد اما نجوى تصلح عصير .. فتحت عيني : غريبه .. نهى : لا غريبه ولا شي اعرفي اذا نام تركي خلاص الكل ينام امي ثم نورة وحنا ابتسمت ورميت عليها الريموت ووقفت واتجهت للباب .. وقفني صوتها : وين رايحه ؟! رحت لها وسحبتها ورحنا لنجوى قلت : أوووه تطور ممكن اذوق ؟ رفعت راسها وابتسمت .. نهى بسرعه : لا لا انتي مسويه رجيم .. ضحكت : شف تبي تشربه بلحالها ياختي نجوى معك وقت ماتبين قولي لها وتصلح لك .. حطيت لنصف الكاس وشربته وابتسمت .. اما نهى اخذت كاس والمكاس ذا جا وراه كاس والكاس وراه كاس .. ماقدرت اكتم ضحكتي لفت لي نهى وناظرتني بطرف عينها ثم قالت : حلو بس فيه مويا زايده .. هنا ماقدرت اكتم ضحكتي وضحكت نجوى : شف الحمارة الحين صار لك ساعتين تشربينه ! نهى : صدق ماتفهم .. يوم انك شفتيني كذا يعني اعجبني بقوة ماله داعي تسألين شوي وقالت نهى : يلا تمسون على خير نجوى : خوذيني معك .. وصعدوا ..! غريب اول ماينام تركي ينام الكل ؟! ابتسمت بسخريه مو دلوعة امه ؟! صعدت غرفتي وتقلبت على السرير مافيني نوم قمت وفتحت الجهاز وشغلت المسجله وبديت امشي وجنبي كاس المويا كول شوي اشرب منه .. وانتهت الاغنيه وابتدت اخرى .. المهم على اذان العصر قمت وصليت ورجعت حسيت اني خلص تعبانه .. حطيت المنبه على صلاة المغرب ونمت .. صادقه نهى ينام تركي الكل ينام غصب عنه .. اش السر اذا حتى انا مشى علي ذا القانون .. الله أعلم ..؟ * * |
((2)) صحيت وصليت ثم نزلت كالعاده لقيت تركي صاحي ويناظر التلفزيون قلت : سلام قال بدون مايناظرني : وعليكم قلت : اجل وين عمتي ؟! ناظرني : نايمه قلت : والبنات كمان ؟! هز راسه بـ ايه ..! رحت وجلست لقيته يناظر روتانا كليب مليت وطفشت تقول ماعندهم الا ذا الاغنيات كول يوم يعيدونهن ويحطونهن .. قلت بملل : حط أي شي غير كذا .. بليز ولد عمتي قال بدون يناظرني : عاجبني انقهرت : ايوة كيف مايعجبك والبنت منسدحه على السرير ؟! ناظرني : هيهيهي قالت البنت متزوجة يابنت خالي .. ثانيا مو انا اللي اناظر ذا الاشياء عشان اشياء انتي تعرفيها قلت : طيب اثبتلي وشيله .. تركي : مافيه امل .. سكتت فتره انتظر الفيديو ينتهي شوي وجاء تامر .. صرخت : ياقلبيي ! توه بس بسم الله بيتكلم تغيرت القناة .. انقهرت منه وطنشته لانه حمار بس احسن غير القناة حط mbc2 انبسطت وسكتت فيلم تقريبا فيه زوجه خاينه زوجها مع واحد شافته بالصدفه ياااي يجنن ذا الواحد يحق لها بس حرام ولدها اش ذنبه ؟! شوي وغير القناة لانه حمار وبدأ يقلب القنوات ويتنقل بينهم طاحت عيني على فيديو راشد مو ذاكرة اسمه بس كان يمشي وهو لابس الجاكيت الاسود خخخ وقسم ناسيه .. قلت : بليز ارجع على راشد .. لف لي : لا شوي وابكي : بليز وغلاة امك عندك بس حطه رفع حاجب : عيب ثانيا راشد مو حلو كثير .. بغيت اقوم افلعه واصفعه كف .. قلت : أحلا منك .. عاجبني .. قال بدون يناظرني : باختصار منيب حاطه ابد لو تموتين .. قهرني : إلا .. تركي جب الريموت ناظرني وهو رافع حاجب : تبين تناظرينه اصعدي فوق ليه حاطين لك بغرفتك اجل ؟ قلت : لا اللي انت تناظره مو الكل يبيه لف يمينه ويساره : هاا ياشباب تبون راشد ؟ ودي اصفعه بس .. قلت : يلا لا تصير سخيف ..؟ لف وناظرني وهو رافع حاجبه : وش دعوه ! أصعدي فوق ولا ماأعجبتك الجلسه الا يوم شوفتيني بصراحه تدورين المشكله ! هزّتني ثقته : لا والله مو علشان كذا ! رمش بعيونه : أجل اعطيني سبب واحد غير أنك بس تبين تعاندين وش تبين بالضبط ؟ سكتت ادور سبب فعلا انا ليه جالسه وفوق التلفزيون وش وظيفته ماانكر اني جلسست علشان تركي فيه بس ليه ؟ قمت وانا بذهولي صح كلامه وشهوله جالسه غير له ؟ بس ليييه مدري !! رحت غرفتي وانسدحت مقهورة وسرعان ماانبسطت بكرة ياناس اشوف نايف .. شغلت اغنيه مدرس اش اسمها خخخ الظاهر لعبد المجيد فيها مطع " ماقدرت اصبر وجيتك قبل موعدنا بساعه والغريبا ني لقيتك تنتظر قبلي بساعه " وبديت افكر في نايه ياترى اش يسوي الحين ؟!يمكن يفكر فيني مثل ماانا افكر فيه .. اييه صدق مروى لازم ابين للكل ان علاقتي معها طيبه ماابيهم يكرهونها من اول يوم مهما كان فـ هادي مرت اخوي ولو اني مااحب اطري اسمها .. ابتسمت مرت اخوي واخت حبيبي لازم احبها .. فتحت دفتري وكتبت " بكرة اشوف حبيبي بعذوبه .. تصهر الجليد وتذوبه " حطيت جنبه التاريخ " 20/8 يوم الخميس " قفلت الدفتر وبقييت اناظرة كول شي فكرت فيه حطيته فيه رغم انه بحجم الكف بس يساوي كنوز الدنيا .. تعودت اتم اسراري واحطها فيه افرح بلحالي وابكي بلحالي فيه اعطيته قُبله ورجعته مكانه انتبهت ان الاغنيه خلصت ابتسمت وشغلت كاسيتز اللي صلحته مع نايف واركز في كول كلمه فيه .. اذن المغرب صليت ونمت ضروري انوم عشان بكره اكون بكامل النشاط .. فيصل & نايف & ميشو & مروى ..! أحلام سعيدة مس سارة برفقة نايف ..! * صحيت قبل الاذان بربع ساعه غسلت وجهي وفتحت البلكونه اناظر الكون مظلم .. سمعت الاذان بديت اردد معه حسيت بالهوا البارد قفلتها ورحت اصلي .. المهم اني خلصت صعدت على الجهاز وبديت امشي بقوة وبسرعه ابي اصير ضعيفه رغم اني كذلك لكن عناد ابي اصير اقل من نجوى واكون هبلا اذا نسيت التحدي يعطوني اللي ابيه اش ابي اكثر من اني اطلب وهن ينفذن ؟؟! بعد ربع ساعه عطشت شربت مويا وقررت اننزل تحت لبست عبايتي ونزلت شفت نجوى تذاكر ونورة منسدحه عند تركي وهو يناظر التلفزيون .. قلت : السلام عليكم .. الكل : وعليكم السلام .. قلت : نوران نايمه ؟! لفت نجوى : ايه اش عندها ؟ تركي صعدها غرفتها تركي : ... الظاهر اصيب بداء الخرس .. نجوى : تركي تسمعني .؟ ولاكنه حد يتكلم معه .. رحت له بحركة سريعه اخذت نوران انتبه : خير ؟! عديت الدرج وانا مطنشه دخلت غرفتها ونومتها بقيت اتأملها وانا العب بشعرها سبحان الله نوران الوحيدة اللي تشبه اخوها ملامحه طفوليه وهيا كمان مااقول نهى ونجوى شراسه مبين انهم على عيلة ابوهم .. نوران تشبهله بقوه خصوصا انه بنت خخخ .. قفلت النور ورحت لهم تحت قلت : فيني النوم بس مالي خلق اناام نجو : عادي انسدحي وبترتاحين قلت : احس بسعادة لا يمكن تتصورينها بكرة اشوف اهلي ياناس وحشني ميشوو وخبالنا حتى نايف كان يستهبل وفيصل كمان بس ميشوو غيير .. ناظرتني : ليه هو كم عمره ؟ ابتسمت : بعمرك .. أي انسان يشوفني معه بقول وقسم لو انك اصغر منه زوجتك هوا .. نجوى : يؤيؤ تخيلي تتزوجينه ؟ فشله اصغر منك .. ابتسمت : ادري وذا الورطه انتبهت ان تركي قام رحت وهمست لنجوى : بكرة مروى تيجي ابيك تهبلين بفيصل مابيها معه .. قالت : لا استحي .. انقهرت منها وعصبت .. قلت : انا ابيك لع مابيها لان فيصل يستاهلك انتي مش هياا .. ابتسمت لي غمزت لها وصعدت غرفتي كانت الساعه 11 الا ربع يووه غريبه ذا الوقت عمتي ونهى نايمات ؟! اخذت كراسة الرسم عمري ماجربت ارسم لا شعوريا بديت ارسم فيصل صدق ماطلعت لوحة فنان وابداع بس حلوة للمبتدئين او اللي مايعرفون بالرسم شي .. كتبت من فوق " ابي انسان قبل احكي يفهمني .. يمسح دموعي وينسيني العبرات .. احبه ووحده للي يهمني .. واقول انت احلا مافي الحياة .. ألجأ له ان جرحي يألمني .. يواسيني ان جرحتني الذكريات .. ابي انسان يصدق ان علمني .. واذا حكى حكى فيني بالذات .. متى مااحتجت حضنه يلمني .. على طول ينسيني الماضي اللي فات .. ابي انسان يفهمني .. قبل يسمع صدى الونات " كان الخط اكثر من رائع ابتسمت للصورة وبوستها .. قمت من التعب وانسدحت على السرير حطيت المنبه على الساعه 4 ونمت .. صحيت مثل مابغيت صليت ونزلت فتحت على قناة فنون بلاس .. انسدحت على الكنبه وبدون شعور نمت .. انتبهت على صوت عمتي فتحت عيني وابتسمت لها قامت تهذر على راسي مافهمت ولا كلمه وقفت وغسلت وجهي رحت لهم المطبخ اتجهت للثلاجه اخذت تفاحه وحطيتها على الطاوله مالي خلق آكلها حطيت راسي على الطاوله اسمع سواليفهم نجوى : واخيرا تحقق حلمي مين قدي ياناس سمعت نهى : بالله ايش ؟! نجوى : كيف ماافرح وانا اليوم ان شاء الله بشوف مروى ونااسه .. نهى : الحمدلله والشكر له اش معنى مروى ؟! نجوى : ساره حكت لي كثير عنها نهى : ايه صدق ساره ... وسكتت عمتي : ساره معنا ؟! رفعت راسي وابتسمت : فيني النوم .. نجوى : ماتشبعين نوم انتي ؟! مالي خلق اتكلم كملت نومي نورة : ساره اقطع لك التفاحه ؟! وقفت وغسلت وجهي وجلت معهم نفطر .. خلصت فطور صعدت الغرفه وصعدت على الجهاز ربع ساعه بعدين دخلت اتحمم مليت البانيو صابون وجلست فيه ابي اصحصح بعدين قمت حطيت شامبو وصابون ورغوه و... الخ .. طلعت من الحمام يعز قدركم وانا احس بالبرد رحت للدولاب ولبست بيجاما شتويه جففت شعري بالمنشفه وبقيت افكر ايش اعمل فيه ؟! فتحت المسجله على " وش جاه محبوبي " لمجنوني رااشد وحطيت الصوت على اخر شي عشان اسمع فتحت الشيسوار وبديت .. انفتح الباب ودخلت نهى ونجوى مدري كانوا يتأملوني .. خلصت تجفيف ولفيت لهم .. قلت : هيييي اش عندكم تناظروني ؟! نجوى : اقولك بس ماتزعلين ؟! ابتسمت : انا اخر وحدة في ذا الدنيا ممكن ازعل .. ايش ؟ نجوى : انتي تشابهين اهل امك كثير رغم اني ماشفتهم بس ماخذه من بيت العلي الطول .. ابتسمت .. نهى : انا كلي على عيلة عمران حتى اختي بعد نجوى : لا انا طولي حلو على اهل امي .. نهى : ليه عمران مهيب عاجبتك ولا ايش ؟! نجوى : ابد مااحبها .. بس ناظري عيلة امي طول ورشاقه ناظري بنت خالك وشلون مو انا ملت علي قلت : كل واحد مايشوف الا الناقص به يادووب تراك تخبلين .. اكتفت بالابتسامه ولفيت على المرايا وبديت ارول شعري ياعمري بدا يكبر .. رشيت سبريه وجلست جنبهم .. نجوى : وش ناويه تلبسين ؟! قمت وفتحت الدولاب واستخرجت البدله التركواز .. نجوى : تجنن ابي بسرعه تيجي الليله عشان اشوفك واشوف اللي ببالي .. ضحكت : ايه وش ناوين انتن ؟! نهى : تعالي معنا ونوريك .. لفيت الحجاب وصايره افشل كأن بلونات داخل الحجاب .. مريت بسرعه لغرفة نهى كانت تنورة بني قصيرة وبلوزة بيج ورباط بالحلق بني اعجبتني بقوة وبديت اتخليها فيها .. راحت نجوى شوي وجات كان فستان احمر نعوم قصير مفتوح .. قلت : موكأنه برد وذا صيفي ؟! سكتت فتره ثم قالت : لا عادي مع البوت ماراح ابرد .. ابتسمت : وكيف الشعر والتزيين ؟! نهى : انا بروح للصالون اجفف شعري وبس نجوى : خوذيني معك .. وانتي ساره ؟ ضحكت : شف !! الحن من ساعه اجفف قدامكن علشان اروح للصالون مالت بس .. سكتت فتره ثم قلت : اه صدق متى بتروحون ؟! نهى : بعد اذان العصر .. ابتسمت : حلو وانا بفتح الرولات بعد اذان المغرب طيب وش بتسوون ذا الحين ؟! نجوى : والله امي بتسوي كل شي ماعلينا يمكن شي الا نناظر التلفزيون .. برطمت : وتخلوني بالغرفه بلحالي ؟! نهى : انزلي معنا قلت بقهر : متأكده بيتمصخرون على حجابي .. سحبوني ونزلنا وصدق توقعي اول مانزلت شافني وضحك .. كتمت غيظي وجلست .. تركي : بنت خالي حد ضاربك على راسك ؟! لفيت له واشرت عليه : انت مو شغلك فيني .. ناظر امه وهو مبرطم : يمه خوذوها للمستشفى .. وصلت عندي للاتش : اقول نهى مابتاخذون تركي للمشغل معكم يصلح شعره ؟ و بالمره يحطون له ميك آب ؟! لف لي : هييي انا مو بنت .. رجال !! فتحت عيني : صدق ؟! حسيته خلاص شوي ويرجمني بالتحف .. حطيت رجل على رجل وبديت اناظر التلفزيون معهم بكل غرور احس يعني بيذبحني كتمت ضحكتي .. سبحان من جعل فيني حب لاشوفه متنرفز .. نهى : وطبعا انت اللي بتاخذنا للمشغل ؟! ناظرني : بس هادي ماتروح معكم .. ضحكت : لاتخاف انا اعرف اصلح لنفسي كول شي والدليل ذي البلونات وابشرك اخواتك كمان يصير لهن كذا .. فتح عينه : اجل ماتروحون ! ظليت فتره اناظره وهو فاتح عينه .. قلت : مو حرام تكسر فرحتهم ؟! ناظرني :يطلعون الشارع كيذا ؟! وين جالسين به حنا ؟! ناظرت عمتي اطلب نمنها ان تتكلم .. عمتي : ايه هي مرة وحده .. يلا تركي .. قال : مافيه ! نهى: يلا عاد وربي احبك .. عمتي بابتسامه : زي ماتقولين وغلا اغلا الغالين .. لف لامه : واسطات الغالين ! جاني فضول اضطراري ليه ماقالت وغلاتي وغلا وحده من اخواتك ؟ خخ محقق !! صفرت نهى : اموت عليك وعلا الغاليين انا .. وطيت راسي وانا مبسوطه اليوم فيصل يجي .. قلت : نورانوو لا تروحين .. انا بصلح لك .. نوره : صدق ؟! ابتسمت : اكيد ! مدري ليه مشتاقه لهووشه وبالذات معه ..! قال : لا هييي تلعبين باختي .. رفعت حاجب : لا تتحداني عاد ! اخذت نوران لغرفتها .. قلت : وش ناويه تلبسين ؟! هزت كتوفها : مدري ! اتجهت لدولابها بوناسه لقيته مقفول .. تذكرت يوم ابي ملابس منه والقاه مقفول لفيت لها : اش بوو مقفول ؟1 راحت للسرير ورفعت المخدة واخذت مفتاح اش صاير ؟ همست لي : ذا فيه ملابس سامر ولد خالي .. يؤيؤ اش تسوي ملابسه فيذا ؟! .. سكتت وبديتت اختار ملابس لها اخذت بدله وفكيت عمري .. اذن الظهر رحت صليت ونزلنا تغذينا بتفاحتي قلت لنورة تتحمم ورحت انا لغرفتي امي والله احس نفسي هبلا او انجنيت انتظرتها لين جات وجففت شعرها بدون شي هي تجنن كيف لو اضفت لمساتي احم احـم .. جلسنا مع بعض سوالف .. قلت : عندي لك مفاجأة تجنن .. قالت برحه : ايشش ؟! ابتسمت : اقول لك مفاجاه تخص سامر ولد عمي اوكي بكرة تعرفي .. عقدت حاجبينها : سامر ؟1 قلت بهمس : ايوه ولا تخافين دام بنت خالك معك .. ابتسمت وكأن كلامي اعطاها الامان اللي تدور عليه في عيوني .. سكتت فتره ثم قلت : تحبينه ؟! ابتسمت ووطت راسها بخجل براءة اطفال ياعمري عليها .. قلت : طيب يدري ؟! هزت راسها بالايجاب واابووي راح المستحى انا اللي انا ماقدرت اقول وجع خخخ ابتسمت : ووش قال ؟! رفعت راسها : حاله حالي ..! ضحكت عليها .. اذن العصر رحنا صلينا ظلينا في غرفتي مابي تركي يشوفها الحين ابيه شكل نهائي .. رحت غرفتها واخذت ملابسها ورجعت ابي اكويهم .. قلت : غني لي .. نوره : مااعرف .. قلت : طيب غني معي .. نوره : احم ابي اغني اغنيه يحبها سامر لنوال عادي .. قلت : اكيد عادي وش اسمها ؟! نورة : عادي ! ضحكت : اييه يلا .. بدت تغني بمرح ووناسه قاطعنا صوت الباب .. قطبت واتجهت لنورة ركضت وقلت بهمس : توزّي .. قطبت .. كملت : بعدين تعرفي .. فتحت الباب كانت عمتي .. عمتي : نورة عندك ؟؟ قلت : امم ايوه ليه ؟! عمتي : يلا تركي ينتظرها صار له ساعه ؟؟ قلت : لالا خلاص ماباقي لها الا المكيااج بعد صلاة المغرب .. قطبت : امداكم ؟! طيب وينها ؟؟ ابتسمت : خليها مفاجأه ردت لي الابتسامه وراحت قفلت الباب وطلعت نورة .. قالت : مفاجأه ؟! ابتسمت : ايوه علشان مرة ثانيه مايسخر علي اخوك .. ويستهزء بقدراتي .. نورة : انتي ليه دايم تعاندينه ؟! هزيت كتوفي : لانه يعاندني .. طيب الساعه كم عندك ؟! رفعت يدها : باقي كثير .. كملت اكوي ولما خلصت حطيتها بدولابي جنب ملابسي جلست على السرير معها نقرا كتاب مع بعض استغربت ان نورة منطلقه بالقراءة ماشاء الله عليها طالعه على بنت خالها بعد على مين أخوها ؟! استمرينا نقرأ بدون ماندري الساعه كم .. يوم قرب يأذن المغرب رحنا توضينا ونتجهز للصلاة يوم اذن صلينا ولبسنا .. ضبطت شعرها طاحت عيني على السلسله حرفي حكيت لكم عنها من قبل شلتها ولبستها نورة .. قطبت : عندي ذهب !! ابتسمت : ناظري الحرف .. ناظرت وضحكت وعلى طول الى حضني .. حسيت بدموعها .. همست : نورة لا تبكين خلاص .. نور .. ساكته .. همست : طيب خربتي كول شغلي يلا قومي .. رفعت راسها وراحت غسلت وجهها وجففته .. قلت : طيب انا البس N وهمست : اذا حد قالك ليه لابسه ذا الحرف قولي علشان ساره وانا اقول عشان نورة طيب ؟! ابتسمت ورحت معها للمرايا حطيت لها مكياج بنوتي ناعم من تأليفي طبعا خخ بس حلو مدري ذا المهارات من وين تطلع خخ .. حطيت لها وردي ونزلت قذلتها كانت تجنن .. جلست تناظر حالها بالمرايا وانا حطيت لي تركواز مع كوحلي مدموجين وكحله بسيطه وقلوس احمر غامق .. فتحت الرولات ورتبتهم حطيت لي كريستال تركواز ولبست اكسسواراتي هه لابسه سلسلتين وحده ذهب والثانيه اكسسوار .. لبست الساعه اما نورة تلبس ذهبها مع الصندل .. لاحظت انها ماتلبس كعب دايم كذا يمكن ماترتاح والله كيفها .. لبست كعب خيوط ولبست الزنر ياحلاتي طبعا سبق وان وصفت بدلتي .. اخذت شيله تركواز ولفيتها بعجله ونزلنا .. كانت عمتي بالمقلط بلحالها ..دخلت نورة وبدت تستعرض خخ عمتي :لا اله الا الله قل اعوذ برب الفلق لا اله الا الله ربي يحميك من كل عين .. ونورة تستمع وهي مبسوطه .. دخلت الظاهر ماانتبهت لي عمتي لاني واقفه عند الباب .. عمتي : قمر ماشاءا لله قمر وينك ياتركي تشوف نور بس .. قلت : عمتي صار لي ساعه ماتشوفيني ؟؟ رفعت راسها : اوه نهى ونجوى تعالوا لبنت خالكم دخلت وانا مبسوطه لفيت لهم بغرور وابتسمت .. خقوا خخخ .. سمعت صوت : احم احـم ! لفيت الحجاب بهدوء لا تخترب كشختي .. دخلت تركي : هاه نهى يلا افتحي اشووف اش صار .. فتحته هيا مع نجوى صرخت : لا اله الا الله نجيووو هذا انتي ؟ رفع حاجب : لا تحسدينهم .. نهى ترقع : ياخوفي حنا نحسدها .. ناظرني : اييه المكياج يعمل عمايله ..! شوي واقوم افلعه .. جات له نور : ناظرني تركي بالله مو حلو ؟! شالها ورفعها عن الارض وطاح فيها تبويس : تجنني ! نورة : يعني حلوة ؟ تركي يقلدها : اممم اكيد نورة : اجل ساره فازت عليك لانها هيا اللي زينتني .. قسم لولا الحيا قمت وحبيتها على راسها .. ناظرني : لانك تشبهين لي مايحتاج تزينك .. قلت بغرور : هيا صدق حلوة بس لا تنكر ان لمساتي اعطتها شكل آخر .. ابتسم وجلس .. تركي : طالعه حلوة .. اتجهت الانظار لتركي لقيته يناظر نجوى وقفت نجوى : حلو ؟؟ ابتسم : لو وردي احلا .. نجوى : يؤيؤ بكرا البس لك وردي اجل .. قلت : انا لو البس وردي لو اغير كل شي لوردي مايتغير كلامه دايم تحطيم ترا انا مو ميته علشان اسمع رايك بس تعلم الذوق ناظرني : لو تتركين عنك اللقافه اتكلم معك قلت : هيهيهي بالله عمتي مين الملقوف فينا انا ولا هو ؟ ابتسمت عمتي : اثنينكم .. ابتسمت ولفيت على نهى .. قلت : اول مرة اشوفك كاشخه سبحان الله سمعت عمتي : يلا رح ياولدي البس وتزين لا تتأخر كتمت ضحكتي يقولون تزين !! لف لي : لا تكتمين ضحكتك .. فطست ضحك على طول صعد .. ابي اسكت مو قادره والله انه رايح فيها وش يزين ؟! ياخوفي يحط له مكياج بعد خخخ ... بس صدق ماالومه لانه عايش في بيت كله بنات شي طبيعي يصير مثلهم .. ناظرت الساعه 7 كامله باقي نصف ساعه ويجي احس بربكه مو طبيعيه وكأني اول مرة اشو نايف مع ميشو .. بس اليوم تتغير النظره من بنت عمته الى حبيبته .. بعد ربع ساعه نزل تركي انتبتهت له بالثوب وشعره باين من انه طالع من شور .. مبهدل على وجهه .. طالع غير !! |
((3)) لف يناظرني بطرف عينه وجلس جنب امه وهو مبتسم & مبرطم .. دخل عمي وعياله ناظرت نورة بسرعه لقيتها بتاكله من نظراته يازينها يوم كانت متغطيه .. عمي : السلام عليكم .. كلنا : وعليكم السلام ناظرنيو ابتسم : الظاهر مبسوطه .. قلت بوناسة : والله احس الارض مو شايلتني .. حلوة انا ياعمي ؟؟ ابتسم وهز بـ أيه .. عمي : سلمى وين بتجلسون ؟ عمتي : انا اقول لو انتم تجلسون بالصاله وحنا بالمقلط ا للي ورى احلا عمي : والله ماهيب شينه .. قلت : ليه انا مابشوف نايف ومشعل ؟! الكل صار يناظرني .. عمي : الا بس شرط تتحجبين .. عقدت حاجبيني : حافظين شكلي .. عمي : ذا شرط ومستحيل اتخلى عنه تركي : نصيحه لا تتدخلين .. عندت : عناد لك ابي ادخل ياعساني متلثمه بكيفي .. رفع حاجب : صح صح متلثمه .. فهمت لايش يقصد ياكرهي لك ولد عمتي ..!! طلع عمي بعد تره ومعه العيال كلهم وقفت عمتي ورحنا يالبنات للمقلط اما انا صعدت غرفتي وبديت اناظر شكلي ولبسي مكياجي رجعت احط عطر مدري فيه شي ناقص ؟؟ بس ايش ؟ سمعت بوري طليت كان نايف وميشو وفيصل ومعهم بنتين .. ارتعشت مو مصدقه رحت للقران واول سورة فتحتها قريتها شوي وجاتني نورة .. تقول : يوه ياساره وربي قمر .. خالي يقول كانك تبين تدخلين لهم انجزي .. ابتسمت بخوف لها وطلعت .. رتبت شكلي وضبطت الحجاب ونزلت بهدوء أول انسان التفت نايف طاحت عيني بعينه معقول نظرات شوق باردة لذاا لدرجه ؟! طرق الكعب والكل انتبه نزلت بسرعه اول واحد كان ميشو .. سلمت عليه .. ميشو : ياحمارة وحشتيني ؟! ابتسمت : وانت وحشتني مارا ابتسم : والله مايناسبك دلع بزياده زي كذا فيصل : يازينك ساكت .. اختي اصلا كل الدلع فيها .. نايف : اللهم لا اعتراض .. ابتسمت وناظرت عمي ملامح عاديه .. الحمدلله سامر و ثامر يسولفون بصوت واطي مابي اناظر تركي .. سلمت على فيصل .. يطق قلبي بقوة ورجلي وقفت الظاهر خلص بنزينها .. تحرك نايف وسلم علي ارتعشت مدري من برودة يده ولا من قربه .. همست : الظاهر بردان ؟! ابتسم : ايوة .. ابعدت يدي وجلست جنب سامر وثامر وقبالهم .. ميشو : متأكدين انها ساره بنت خالتي ؟ قلت : وش شايف ؟ ميشو : أولا ضعفانه بس صاايرة احلا ناظرت عمي ساكت وهادي .. ميشو : والله ياخوفي تبدلت بوحده ثانيه ايه انا اعرف ان شعر ساره قصير ولين الكتف اكشفي اتأكد .. على طول ناظرت عمي شوي حاقد حاجبينه .. لفيت على تركي كان يناظرني بزي القرف .. هذا انا وانا بنت خاله كذا كيف لو بناته ؟! قلت : احم حتى انت تغيرت مشيعل ميشو : حاقده على اسمي .. نايف : اذا كنت انت مشعل مشاعل بالبيت بس نويف بنتي احلا .. ابتسمت : واو مرة نايس .. طيب واذا صبي نواف .. ابتسم .. ميشو بدلال مو لايق : سوير قريب يصير عندك بنت خاله ! ناظرته بصدمه مو معقول واخير !! اكتفى بالابتسامه انبسطت لانها حامل واخيرا اتحقق حلمها يارب تطلع بنت يارب .. ناظرت عمي لقيته يناظر الباب وكأنه يقول انتهى الوقت .. وقفت وصافحت ميشو : يلا اشوف وجهك على خير عقد حاجبينه : اشتقت لك اجلسي شوي ابتسمت : ابي اطلع اجلسم ع مروى رحمني اخي .. سلمت على فيصل اللي كان مبتسم ابتسامه مدري وش قصده فيها .. انتقلت لنايف وهمست : يدك بارده .. ابتسم بعراضه تجنن : الجو بالدمام غير .. ناظرت تركي اللي كان يناظر نايف وكأنه يبغي يدخل بعقله .. سمعت صوت ميوزك هاديه ترك يدي نايف واخذ الجوال .. تركي بلقافه : مين ..؟ رفع عينه بابتسامه غريبه ظهرت للتو : هادي سلمى ! رفع له تركي حاجب وعض على شفته .. اما انا .. سلمى ؟؟؟؟؟ اييه صدق نسيت انها زوجته بلاك ياخويا تقولها وانت مبتسم ..؟ رد : اهليين .. ايش ..؟ والله ماسامعك .. لحظه .. رمى الجوال على فيصل .. نايف : قل لها اننا عند ساره رفع عينه تلقائي لتركي اللي هز راسه برضا ورقّص حاجبه لما انتبه لنظراتي المتساءله قال : حلو والله تكلم بنت خالتك كذا عادي ..؟ نص ابتسامه على وجهه نايف .. وعمي ساكت وكأن معجبه الوضع .. فيصل : اولا لاتصارخين وحنا عند ساره ونايف مو فيه ومع السلامه ضحكت في قلبي احسن .. ناظرت نايف وانا مبرطمه الحمار يكلمها .. لفيت واتجهت للمقلط سمعت صوت نايف : سارهـ ..؟ لفيت له وانا على حالي مبرطمه .. ابتسم : طالعه قمر .. دق قبي وابتسمت : عيونك الحلوة .. ياويل حالي انا انت كلك على بعضك تجنن .. قبل ما الف متجهه للمقلط شفت تركي يناظر نايف بحيرة وتساءل وضياع وو.. اشياء كثيرة مافهمتها ! رفع له نايف حاجب وهو يناظر الثوب برضا وابتسم له .. اما تركي اللي ابتسم بخفه ورجع يناظرني بقلق ورجع يناظر نايف اللي هز راسه وهو متكدر بـ لا ..! تنفس تركي براحه وناظرني وهو رافع حاجب .. طلعت بسرعه الكل كان منشغل ليه انا بالذات اللي شفتهم ؟ وش بينهم علشان يسوون كذا ؟ وليه اصلا ناظروني من الاساس ؟ رحت المقلط وسلمت : السلام عليكم الكل : وعليكم السلام .. مشيت بغرور ومديت يدي : اخبارك مرت خالي ..؟ رفعت راسها وتوقف الزمن وازدادت سرعة نبضات قلبي وصببت عرقا واحس الكون كله وقف صرخت : مشاعــل ؟؟ والى الاحضان ياعشاق ولاتخلو هذه المشاهد من المشاعر المؤثرة والدموع المتحجرة شاعره على غفله هع ! قلت : وحشتيني بقوة خالتي مشاعل : والله اللي يوحشك تسألين عنه بديت اشاهق وانا بحضنها اللي وربي ماعوضني حد عنه ! همست : مو مصدقه .. ظليت على ذا الحال كثير مدري كم بالضبط الين سمعت خالتي مشاعل تقول : خنقتيني بموت ابتعدت : لا .. ولا تموت بنتك ناظرتني : قالك فيصل ! ابتسمت وهزيت راسي ببراءه لا ..! قطبت : اجل مين ؟ ابتسمت : ميشووو .. سلمت على مروى .. همست باذني : ابي أسألك قلت : ايش ؟! همست : اللي بجنب عمك بالصاله مين ؟ قلت : قصدك التوأم ؟؟ هزت نفي .. قلت : ذا تركي ولد عمتي وذا أمه .. ابتعدت ومسحت دموعي وجلست .. قلت : يالخاينه اجل انا اخر من يعلم انك حامل ؟! ابتسمت : انا الخاينه اللي رحت الدمام ونسيت اهل الخبر ؟ قبل كم يوم بس عبد الله يقولي بالله مين احلا الخبر ولا الدمام لما سألته ليه يقولي الظاهر خلاص التهت عنا .. قلت : ياعمري عمره ! رمت علي الكلينكس : عييب استحي زوجي .. ضحكت : قسم لولا الحيا فلعت راسك .. خالتي : تسوينها في مشااعل خويتك ؟! قلت : الله مايهون بس الظروف تحكم .. عمتي : ساره !! اش بك تقولين مشاعل حاف .. مافيه خالتي ؟ ترا عندها ولد كبير لا تنسينها خالتي : سيبك انا اللي قولت لها بعدين ذا الولد اصغر منها وانا باقي ماكبرت علشان خالتي عمتي : اجل من بكرا انا سلمى مروى : وتركي ؟ كتمت ضحكتي الظاهر ناويه تشبكه .. خيبه مايكفيها العيال اللي عندها ؟! اتخيل شكل مروى مع تركي خخ نجوى : ايه سارة خلاص سلمى مروى : ايه صدق انتم ماعندكم الاا خو واحد ولا ايش ؟ عمتي مبتسمه : ايوة ولد واحد وسط ثلاث بنات مروى : ايه وانا اقول بلاه ماتزوج للحين دام ان عنده ام كيذا .. ايوووة عاشت مروى .....!! تميلحي بعد بس والله افتشلت من لقافتها ابيها تسكت .. خطرت في بالي فكرة .. قلت : لالا هو متزوج اقصد خاطب بنت عمه !! الانظار كولها اتجهت لي .. نهى : بنت عمي ؟؟ ماعندنا ؟؟ ياذا الورطه .. قلت : اجل بنت عمته مدري مين اللي قلتيها يانجوى .. سكتت وهي مقطبه ناظرت عمتي لقيتها كاتمه ضحكتها حبيت اغير السالفه فوق تحت يمين يسار مافيه سالفه .. وقف مخي حسبي الله على الظالم خخ .. قلت : ايه صدق خالتي بأي شهر انتي ؟! سكتت فتره ثم قالت : الشهر الثاني .. بدايته ! قلت : حلو اجل ولد رييم لبنت مشاعل .. قطبت : ريم حامل ؟! ابتسمت : معي بالمدرسه كمان .. ضربت راسها : ايه صدق هيا بالدمام .. قلت : ياااي مشاعل بس تدرين انا مع ريم ونجوى ياحلاتي معي ريم وبنت عمتي وناسه .. نجوى : حلم وتحقق ان يكون عندي بنت بعمري تقربلي .. مروى : وووو حلمتي بيوم تكون زي كذا ؟ رفعت عيني لها ببراءه خنقتني العبرة كيف تقول كذا ؟ طيب قدام اهلي اللي هنا ؟! ضغطت على يدي خالتي مشاعل دوم تحس بي .. نجوى : لا صراحه .. تمنيت لو ربع منها .. مدري وشلون اشكر ربي ! الحين فعلا بصيح رفعت عيني لعمتي وناظرتها ببراءة وابتسمت وربي ان بنتك زي بلسم ! مروى : وو ماشاء الله زوجه اخوك كم عمرها .. هه ناويتن صدق عليه .. الكل سكت .. قلت : مممم يعني باول ثانوي .. بنات عمتي مقطبات الظاهر مستغربات والف علامه استفهام وتعجب على وجيههن وعمتي كاتمه الضحكه .. بس صراحه اذا بتفشلني مع اهل ابوي وتكلمه تصير مشكله .. مروى : اول ثانوي ؟! انقذني صوت التلفون على طول رحت له .. قلت : ألوووو سمعت صوت تركي : هلا لاطريت الـ ... خليني ساكتة .. كمل : نادي امي ..؟ قلت : لحظه .. سمعته : لحظه ساره مو تقولين انا .. قلت : طيب عمتي التلفون .. راحت له اما انا جلست مكاني شوي وقفلت عمتي مااستغرقت ثواني اصلا .. شوي وقالت : نجوى الله يخليك روحي المطبخ وقولي ..... تقاطع الكلام باذني بس ماتقاطع بالحقيقه لان خالتي جنبي مشاعل : بقولك سر خطير .. تحمست : ايش ؟ مشاعل : اول قولي كم لي ؟! سكتت فتره ثم قلت : اللي تبين بس ايش ؟ خالتي مشاعل : قربي اذنك .. بصراحه تحمست ياذا اللقافه بس خخخ .. قربت اذني ماسمعت الا الصرخه .. التفتت : فجعتيني .. سمعت نغمه لفيت لقيت مروى مرتبكه استأذنت وطلعت اكيد واحد من اخوياها ويييه اش علي منها .. لالا كيف اش علي ..؟ هادي لفيصل وثانيا اخت نايف .. لحظه بقول لكم شغله لاتحسبوني قلت ان تركي متزوج لعانه لا مهوب انا اللي اسويها .. صدق برتاح منهم بس السبب الرئيسي فيصل .. ماابيها تكلم تركي وبعدين لما يتزوجها فيصل يناظره تركي بعين ثانيه حتى لو ماناظره وقال بقلبه !! سبب ثاني مدري ليه يمكن احس ان مروى ماتستاهل تركي ! رغم اني احسه مايستاهل بس بالذات مابي حد يقرب حتى صوبه ...! سمعت خالتي : وايش كمان ؟! عمتي هزت كتوفها : تلقينها ماتدري اش صاير بعد ! نجوى : لالا مو كل الحريم كيذا فيه بعضهم مايتجرأ عليها .. نهى بسرعه : الا كوولهم .. خخخ وانا مثل الغبي بينهم سكتت وافكر مدري اتنقل من فكرة الى فكره شوي وسمعت : ايه صدق كم عمرها ؟! خاللتي : مدري .. كم ساره عمرها ؟! ابتسمت بغباء : مين ؟! خالتي : مروى .. رفعت عيني لعمتي مبتسمه فرصه اقطع مكالمه مروى حرام انا احب اخوي .. رحت لها .. وقلت : لحقي مروى .. عمتي تسأل كم عمرك .. فتحت عينها : صدق .. بعدين اكلمك .. وجات معي تركض وجع كول دا من اجل تركي ..؟ خالتي مشاعل : جيتي وربي جابك كم عمرك .؟ مروى بابتسامه : 17 سنه ! الكل ابتسم مدري اش كانوا يقولون .. المهم قمنا ورحنا نتعشى .. فتحت الثلاجه واخذت تفاحه خالتي : اش بك حبيبتي ؟ ابتسمت : اش صاير ؟! خالتي : اابد بس مطلعه تفاحه !! ضحكت نورة : رجيم .. الكل احترم رغبتي وسكت ..! رفعت عيني لقيت نايف بالصاله واقف عند الدرج لان فيه زجاج عاكس اقدر اشوف اللي برا من غير مايشوفوني .. وقفت : دقايق .. خالتي : وين ؟! ابتسمت : ثواني وجايه .. طلعت بسرعه ورحت لنايف لقيته معطيني ظهره واسمعه يهذر ياخوفي استخف .. نايف : افهمي ياسلمى ايوة .. اوووه الظاهر يكلم سلمى طقيت كتفه لف لي وابتسم : بعدين اكلمك .. وقفل .. قلت : اش بك ليه ما رايح تتعشى معهم ..؟ نايف : ليه تسألين ؟! يآبرود الاعصاب هادي ..! ابتسمت : لانك تهمني .. ابتسم بضحكه : صدق ..؟ حبيت انرفزة خخ لاني حمارة .. قلت استهبل : ايه اكيد مو ولد خالي ..؟ عقد حاجبينه وقرب وجهه وبدا يلعب طرف انفي بأنفه .. همس : بس ولد خالي ؟؟ بس ؟؟ ابتسمت باحراج شوي وسمعت : نايف انا اصلا ... وماسمعت صوت بعدها .. لفيت لقيت تركي يناظرني ويناظر نايف ويرجع يناظرني ويرجع يناظره .. رسم ابتسامه على فمه وداعب طرف انفه بحركه مافهمتها .. ناظره نايف وهو عاض شفته السفلى شوي ويطلع منها الدم وهز راسه بـ لا .. للمرة الثانيه ! رفع له حاجب وبان رسم عيونه الطفوليه البريئه تناظره وأنها تنكر اللي إنقال للمرة الثانيه بس ايش ؟! نايف : احم .. ايش ..؟ قال وهو يناظرني : لا بس .. " وناظره بقرف " أسأل بلاك طولت ! بقرف اكبر كان بيتكلم نايف بس ... " عشـــــان الحب واللي بيني وبينك .. " قطبت وسحبت الجوال لقيت "سلمى " قلت : اوكي رح تعشى ! قال وهو يناظر تركي : وسلمى ..؟ تركي : اووه وناسه اجل تكلمها ! ماخفي علي نبرته المستهزئه .. نايف يبرر : لا بس يعني دقت ! انقهرت وقسم لولا الحيا كسرت الجوال بالجدار على راس نايف ودقت تردي ؟! كول شوي سلمى سلمى ؟! اووف !! ابتسمت : اتركها ابي اكلمها .. ابتسم وحط الجوال بيدي وشدد على كلامه بصوت شوي عالي : شكرا بنت عمتي ! لف له تركي وناظره اللي كان جالس على الكنبه وبيده جواله .. ق لبت نايف ودفيته وهو يضحك والجوال لايزال يرن أوكي سلمى انا لك .. ناظرت تركي يلعب بجواله .. جلست على الدرج وتجهزت ورديت .. سلمى : هلا حبيبي شفتك تأخرت ودقيت .. بغيت افلعها الحمارة هين .. لكن بصبر ان الله مع الصابرين .. قلت : احم هلا حبيبتي اخبارك وحشتيني ؟ سلمى : مين ؟! قلت بضحكه : يووه ياسلمى امداك تنسين صوتي يعني انتقالي للدمام يغيرني ؟! سلمى : سارهـ ؟! ابتسمت من جواتي : ايوه .. أخبارك ؟! سلمى : يسرك الحال .. خخخ لو يسرني بالمقبرة يابعدي ..! قلت : الحمدلله .. سلمى : وين نايف ..؟ جاتك خيبه قولي أمين .. قلت : ممم ناايف يتعشى تبين اقوله شي ؟! سلمى : ايوة يدق علي .. حلو والله علشان اشوف نايف .. احم السبب اللي يخليني اكلم سلمى اولا انه ابي اطفرها ثانيا علشان اضمن اشوف نايف وبكذا تسهل علي المهمه .. كمان علشان اسولف تمضية وقت لا غيـر ..! قلت : طيب حبيبتي تبين شي ثاني ؟! سلمى : لامشكورة مو تنسين .. ابتسمت : لا أفا عليك بس يخلص عشا اقوله سلمى : ايوه قولي له تقولك حبيبتك بالعافيه .. حبك برص يقرصك قرص قولي امين بس .. صكيت على اسناني : طيب انا بقفل بايو .. قفلت الخط وانا منسده نفسي كل يوم اكره سلمى اكثر ليه تاخذ مني نايف ؟! هه اصلا حتى لو ماكانت موجوده سلوى فيه .. انتبهت على مروى قبال .. ابتسمت : نعم مروى ؟! مروى : ابد بس ابي اقولك ان سلمى لنايف .. .: نهاية الجزء الثآمن والع ـشرون :. |
.: الجزء التآسع والع ـشرون :. " فِيْـ *غِ ـيْبِتَڪْ* تِعِبْتـْ ـآردّدْ ..., عْ ـلّىآ [ شِفَآايّ ] .! ـأنْتـ ـآلْوّحِيْد .. آللّي أَحِسّسه فِهَمـْ لِيّ ..؟ تِڪفَىْآ إلّـآا مِنْ × جِيْتـِ .. ڪـِلّي مٍ ـنّ ـآقْصّاآي ,؛ ـإفْرِدْ يِدِيْنِڪْ يَالْغً ـلاّآ وِ..ـآبْتِسِمـْ ليّ ~ " / \ / قفلت الخط وانا منسده نفسي كل يوم اكره سلمى اكثر ليه تاخذ مني نايف ؟! هه ! اصلا حتى لو ماكانت موجوده سلوى فيه .. انتبهت على مروى قبال .. ابتسمت : نعم مروى ؟! مروى : ابد بس ابي اقولك ان سلمى لنايف .. دق قلبي اش صاير .. قطبت : اش تقصدين ؟! ابتسمت وهزت كتوفها معقول تدري ؟! شفتها تبتعد لحقتها ولفيتها لي وماسمعت الا الشهقه .. حسيت بالصفعه على خدي : وش فيك ؟ انتبهت للحظه .. لقيت نفسي ماسكه تـ...تركي !! ابتعدت بسرعه وانا متعجبه اش اللي جابه عندي .. قال : اش بك يامجنونه ؟! سكتت وانا مو مستوعبه ولا فاهمه شي .. وبصعوبه تكلمت .. قلت بخوف : اش صاير ؟! ابتسم وماخفي علي انها سخريه ..! تركي : احفلي بقوة .. ماتدري اش سويتي ؟! سكتت فتره اش سويت له ذا بعد لا يتوقعني وصخه ولا شي ! قلت بخوف : ايش ؟! امتحت ملامحه ولف واعطاني ظهره وقال : اصحي انا تركي مو مروى ! سكتت فتره معقول انا مثل ماتقول خالتي اني اذا خفت من شي يصير كيذا ولا هو صدق سأل ؟ بس مع كول الناس الا تركي .. ياناس الا تركي !! قلت ابي ابرر موقفي معه : اعذرني مو صاحيه هاليومين تخيلتك مروى .. مشى للمقلط : لا عادي .. سكتت فتره وجلست على الكنب وراسي بين ايديني اش فيني ؟! من زمان ماصار لي كيذا ؟؟ ليه الكل يكذبني انا شفت مروى .. بس فيصل ونايف يقولون غير ذا الحكي .. حتى تركي !! سمعت صوت : سارة مابتتعشين ؟! رفعت راسي لقيتها مروى .. خفت تطلع غير .. قلت : اضربيني على راسي استوعب .. وقفت : مو صاحيه ! وراحت للمطبخ جلست اناظر مروى يااه وحشني ايام " مو شغلك " هي مع امها .. وحشتني لقافتها صدق حتى عدوك يوحشك .. بس مروى مهي بعدوتي اولا بنت خالي ثانيا مرت اخوي ثالثا اخت رجلي مستقبلا خخ خلاص رسمت رآح الحيا مروى وحده .. والله مافيه فكه منها .. نفضت الافكار من بالي ورحت .. خالتي : يوه طولتي قولتي ثواني بس .. ابتسمت .. نهى : اش فيك سارة انخرستي ؟! ابتسمت اكثر مابي اتكلم لان لو تكلمت بفضح عمري .. حسيت بحد يهزني ناظرت كانت نوران ابتسمت وحطيتها بحضني وبديت اكلم معها التفاحه .. قلت : مشاعل ! لفت لي بابتسامه : امري ..؟ قلت : اخبار الخُبر .؟ سكتت فتره ثم قالت : والله فاقدتك .. قلت : أخبارها بدوني ؟! خالتي : بصراحه لاول مرة يوم جمعه احس فيه .. مليت كول يوم نروح ونجلس فقدت ضحكتك سواليفك هبالك حتى ازعاجك لي .. ابتسمت : هادي مدح ولا ايش ؟؟ بس معليه عادي تمونين .. طب اخبار خالي ومرت خالي ؟؟ نطت مروى : رايحين ملح .. قطبت : سلامات ؟ كيف يعني ؟! مروى : مثلا مثلا يصحون الصبح على فطوري لان فطوري بالنسبه لفطورك ولا شي فـ رايحين ملح .. نجوى : عندك تجارب بالمطبخ ؟ مروى : يووه كثير وجميعها باءت بالفشل .. لا اله الا الله باءت بالفشل مرة وحده ياعين على اللغه ..! ضحكت نجوى .. وقالت نهى : كولنا بالهوا سوا جميعها باءت بالفشل .. بعذر نهى على العربي لانها ابلة عربي ..! عمتي : مدري الطفره هادي كيف جات .. سبحان الله خالتي : أي والله .. سكتت فتره افكر في الكلام .. فعلا انا ليه اعرف غير كل العيله ؟ ظليت افكر لين وصلت لين وصلت لنتيجه .. خالي !! علمني خالي اصلح كول شي لنفسي قوة محد وصل لها دمعتي ماتنزل ابد صدق اني تربيت وكلي حروق لكن وصلت لنتيجه بذا التربيه .. حسيت بطرق التفتت .. خالتي : وانا طاقه مشوار من الخبرا لى الدمام علشان تسرّحِي ؟؟ هزيت كتوفي : ماعندي سوالف ؟؟ خالتي : طب احكيني كيف هنا مع بنات عمتك عيال عمك تركي او عمك او عمتك ..؟ ابتسمت : عمتي وبناتها قبالك يازينهن يهبلن .. عمي ويكون منزله بالطابق الثالث وعنده ولدين توأم .. ابتسمت لي : طب وتركي ؟ ناظرت مروى لقيت اذنها تقل يأجوج ومأجوج جادعتن اذنها معنا .. قلت مثل الاطفال : مأاحبه .. ضحكت بخفه : وش مهبب لك كمان ؟! قلت : المحبه من الله .. وماجعل ربي بيننا محبه .. ضحكت : اكيد فيه سبب ايش هوا ربي يعلم .. هزيت كتوفي : مااعرفه ! سمعت نهى : انا اعرف السبب ..؟ الكل التفتت ويناظرها وينتظر الاجابه خفت تركي خبرها عن الخُبر لاتنسين ياساره ان نايف محذرك ممنوع تقولين الله يستر .. نهى : لان تركي به عناد ماهوب طبيعي ومتعود الناس في ذا البيت على كيفه .. كملت خالتي : وساره اعند طبعا .. واللي يعاندها تعاند .. " ضحكت " الله يعينكم على بعض ! ناظرت نوران للحظه صار لها فتره من يوم جلست عندي وهي تناظرني شكيت ان بها شي .. همست لها : اش بك حبيبتي ..؟ همست : ايش المفاجأه عن سامر كتمت ضحكتي كلن على همه سرى .. همست : قولتيها مفاجأه .. بكره تعرفي وابتسمت سمعت صوت نجوى : جوال فيصل ذا ..؟ هزيت نفي : لا نايف .. شهقت مروى : اهـئ .. غريب اول مرة يسمح لحد اماانه العب به خلنا نشوف .. أي والله كيف ماخطرت ذا الفكره على بالي ؟ مسكت الجوال وعلى طول من الاستيديو الى الصور جلست اتصفحها ذا ميشو وفيصل ونادر مايكون صورة لنايف .. بس اللي شغل بالي اغلب الصور لـ ...تركي !! شفت وجه بالصورة مهوب غريب علي اممم .. يوه ذا الين الحين ماتزوج ؟ قلت : مروى ؟! مروى : آمري ..؟ يوه تطور بعد العاده هيا اللي تآمر والله وناسه ياحبني لك تريك دام مروى تتسنع لاجلك .. قلت : باقي سامي ماتزوج ؟ للمعلوميه اللي ناسي سامي = ولد خالتها = اخو الكريهه سلمى .. هزت راسها نفي : لا .. ولا اتوقع .. عمتي : ليه هو كم عمره ؟ مروى : طق الثلاثين .. شهقت نجوى وقالت نهى : والله ؟ عيلتنا مايطقون ثالث ثانوي الا مملك .. غريب ..؟ خالتي : ممم وحنا كذا بس ذا مميز .. نجوى بحماس : ليه عاد .؟ مروى بكبر وكأن اللي تتكلم عنه اخوها بسم الله على اخوها بس خخخ .. تقول : اولا لان وظيفته كـ طيّآر او كابتن بمعنى اصح ماتسمح له لانه من مكان الى مكان .. ثانيا هو دائما يستمتع يكون وسط اخواته وبحكم انه شخص مزاجي شوي مروق ومعصب الا كثير يعصب .. فـ لحد الان مالقوا له عروسه .. عمتي : سبحان الله كأنك توصفين ولدي ..! خالتي : لييييه عاد وش به ؟ عمتي : الحال من بعضه مزاجيات يعني .. بس دوم تلقينه مروق وماعنده جد ابد .. ونفس الحاله طق 21 ومالقينا عريسه .. نطت مروى : وبنت عمته ؟! اووف قهر لازم تخرب خطتي .. قلت : لا بنت عمته غير بصراحه تجنن وهو انا متأكده انه يبيها اخلاق ماشاء الله .. مو كيذا عمتي ؟! احسها خلاص بتنفجر كتمت كثير .. عمتي : ايه صدق .. خالتي : انا صراحه ولدي اذ خلص الثانوي يشتغل على طول ان شاء الله ويتزوج .. نهى : والجامعه ؟ ومستقبله ؟ خالتي : هو صدق يحتاج للجامعه بس انا ايبي ازوجه بسرعه واشوف عياله صبرت كثير .. الكل ابتسم .. قلت : عمركم شفتم جده ماطقت الارربعين ؟ قاطعني صوت خالتي : قولن امين .. صرخت بمبزرة : امين بس ليه ؟ خالتي : ياجعل مااوصل 36 الا وكولكم تزوجتم .. ويارب ترزق ولدي ببنت الحلال .. افتشلت لاني صرخت بس عذري معي ماكنت عارفه .. خالتي : يارب تتزوجين اللي في بالي قولي امين ؟؟ لفيت : انا ؟! خالتي : ايوه .. جاتني لقافه بس : من اللي في بالك اعرفه انا ؟! هزت راسها باعتراض : لا عيب مايصير باقي بزر .. قلت برجا : وغلا عبودي ياميشوو ! ماحسيت الا بالضربه على كتفي لفيت : أي قولي مين في بالك وخلصيني ؟! خالتي وهي نافخه ريشها خخ : وفيه حد يستاهلك غير مشعل ..؟ قلت : ولو انه اصغر مني بس .. مممم موافقه .. هزيت كتوفي باستهبال وكأني مستحيه خخ .. شهقت نهى : ياحمارة اصغر منك .. خالتي : وش فيها عادي كثير بنات تزوجن من اصغر منهن مو حرام .. ولا عيب ثانيا سنه وحده وهو عادي .. بلعت ريقي هو من صدق تتكلم خالتي ولا تدافع بسخريه ..؟ نهى : لالا مااحسها حلوة .. هزيت كتوفي : اصلا انا عاجبني ميشو ابي واحد مثله او مثل فيصل واذا حصل نايف بعد عادي .. عمتي : وتركي ..؟ ماابي واحد مثله غصب السالفه ؟ .. ناظرتها : عادي يعني شخصيته حلوة .. حطي عينك بعيني ساره .. بالله اش ذا الشخصيه اللي تتكلمين فيها ؟؟ .. لاصقن بامه !! ابتسمت عمتي برضا تحب أي حد يمدح ولدها .. ناظرت بجوال نايف فيه حرف سلمى بغيت اشيله بس تذكرت انه حرفي فـ خليته خخخ نذله بجد .. جلسنا سوالف بدون احساس الى الوقت لما صارت الساعه 12 ونصف دق جوال مشاعل المهم تلبسوا وقرروا يطلعون عاد يلا وقت نشوف نايف .. سلمت على مروى وخالتي بعد من جد حسيت اني تأثرت متى يرجعون يزورون .؟ رحت للعيال وسلمت على ميشو .. سلمت على فيصل ..ورحت لنايفي انا وبس ..! تحاشيت اناظر لمخلوق معين مااعرف ليه بس نظراته تحسسني اني حماره .. او يمكن مالي وجه ..؟ همست : ترى لعبت بجوالك ... رفع حاجب بمهاره : ادري .. وتوقعت تسوين كذا .. لان بك لقافه موب طبيعيه .. مديت برطمي زي بزران : مااحبوبك ياحمار .. قرب من اذني وهمس : عادي مو مهم " رمشت بعيوني " عادي يصير لي حب من طرف واحد ! أعطيته جواله وانا اناظره برمش وكأني احفظ طريقته في كل شي في داخل خلايا مخي اللي حلفت ماتحفظ صورة لغيره ..! الحقه بنظراتي الين اختفى عن انظاري .. تنهدت بهدوء وجلست .. سمعت عمي ينادي على عمتي شوي وجات هيا مع بناتها .. عمي : ابد بس ابيك معي فوق .. الظاهر يقول لها عن نوره .. سامر : نصعد معك ..؟ عمي : ايه انتم اصعدوا لغرفكم وانا بروح مع سلمى مقلطها .. نورة : ماما خوذيني معك .. استغربت ان عمتي شالتها وصعدت للدرج اتمنى لو يوم اكون بمكان نوررة واحس وش هي تحس به .. جلسوا جنبي نهى ونجوى وتركي قبالنا .. نجوى : تدرون ايش القهر ..؟ نهى بملل : ممم ؟ نجوى : انك تجلس وتسهر وبكره وراك دوام وقسم قهر اووف .. هزيت كتوفي : انا من ناحيتي ذاكرت من يوم الاربعاء وعاد يعني .. نجوى : يارب متى اتزوج بس .. نهى : ياشيخه !! وش الرابط بين الزواج و المدرسه ؟ نجوى بفلسفه : اذا انخطبت وتزوجت اكيد بيقولي رجلي افصلي ونرتاح مدري طرى على بالي صورة نجوى مع ميشو ايوة صدق هي بعمره ! قلت : لقيت لك عريس .. قالت بسرعه : على يدك .. مين .؟ قلت بابتسامه : ميشو ولد خالتي .. فتحت عينها وكانها مو متوقعه اقول كذا الظاهر توقعت اقول فيصل .. نجوى بخيبه : مالت عليك ماسمعتي امه قبل شوي وتقول انتي له ؟! قلت : ايه صدق خلاص لي .. ظلينا فتره ساكتين مدري هي ماعندها سالفه وتبي تحكي ولا وش فيها ذا الخبله .. نجوى : تعالي صدق ياحماره .. قلت : ماحمار الا اللي ... قاطعتني : انقالت له .. اخوي مو متزوج ليه تقولين كذا ؟! بغيت اشلح نعلي وانتم بكرامه واحذفها فيه .. قلبت السيره على طول : ايه صدق نهى ماقولتي ايش اريك في مروى ؟؟ نهى ناظرتي وكأنها تقول موب وقت سؤالك .. وكأنها محتاره تجاوب علي وتخصر نظرات اخوها ! ناظرته بدقه بعيون مخفيه كان مصغر عيونه وكأنه يفكر في شي شوي ورفع راسه لنجوى : اها .. وو ..؟ نجوى هزت كتوفها : عادي يعني مروى سألت ليه انت باقي ماتزوجت قالت ان عندنا بنت عمتن لك .. نهى : حنا ماعندنا بنات عم ولا عمه .. كملت نجوى : ولا خخال ولا خاله .. اااقصد وحده بنت خال .. هه ماتعودت ! ابتسمت بدلع احس انه موب لايق : شي حلو صراحه اكون دلوعتكم .. ناظرني بنظراته وكأنه يطلب مني تبرير للي قلته لمروى ليه يتعامل معي باسلوب النظرات ؟ قلت : اسباب خاصه .. رفع حاجب وكأنه يقول وخير يعني وش دخلني انا ..؟ تنهدت : لان مروى خطيبة فيصل خير يعني تسأل عنك انت ؟! سكت وكأن ردي افحمه او مايبغى يتناقش في موضوع زي كذا حسيته متضايق نوعا ما بس ليه مدري .. هربت من كول شي وقفت : يلا تصبحون على خير .. نهى : وانتي من اهله .. صعدت غرفتي بوناسه وغيرت ملابسي وانسدحت على السرير وانا مقفله النور وفاتحه بلكونه يجي لي منها هواء طبعي ونور طبيعي .. وش حب من طرف واحد يانايف وانا جنيت باسمك ؟؟ غمضت عيوني وانا مبتسمه ابي الليله تكون مسجله بكاسيت متى مابغيتها شوفتها .. وماحسيت الا وانا نايمه .. * * * صحيت الساعه اربع على صوت المنبه اول مرة احس انه مزعج قمت وصليت ثم تحممت حطيت جل بشعري واخذت الطوق ولبسته شف الكسل عاد .. لبست المريولولبست العبايه ونزلت اكلت نص تفاحه وشربت مويا يااني احس بجوع فظييع .. المهم طلعنا ورحت لمدرستي احداث عاديه تماما ورجعت للبيت .. وصليت ونزلت اتغذى معهم .. يعني اللي يسمعني يقول بطب على الاكل وانا بسلامتي تفاحه ! " نورة انخطبت على سامر ولد خالها وانا موافقه ! " لما سمعت الشهقات تعليق على كلام امهم ابتسمت نص ابتسامه وناظرت نورة بثقه وقلت : ادري ..! نجوى : اوف بس كول شي هادي تعرفه .. تركي : اعرف بس راعيت مشاعرك لا تحقدين علي زياده نجوى بقهر : ييي حمار .. نهى : سيبك منهم فكري بالكلام نورة وسامر كيف تجي ؟! نجوى : والله مدري عجزت اترجم .. ثواني بطيئه واستوعبت نجوى : شف الحيوانه وش تنخطب وقبلها تنثين ..؟ تلاشى الافراد من على الطاوله وكانت كلمة نجوى اخر كلمه ..صعدت لغرفتي وفي بالي ليتني مع نايف ! ايقنت ان السعادة هي نايف ونايف هو سر السعاده ..! * * * ارتسمت ملامح الفرحه على الوجيه لما نطقت باخر كلمه : مبروك اجل .. شعور بالسعاده لما تجمع بين قلبين وتساعدهم حسيت بحد ينقز بحضني وكانت نورة !! حسيت بالالم فعلا انها الحين مملكه وقدام كل الناس زوجة لـ سامر .. نورة انا احبك لانك طفله .. صحيح اسلوبك مو ذوق تنقزين لي ورجلك جنبك لكـن .. انتي غير ! * * |
((2)) اليوم الاول لشهر رمضان المبارك رجعت من المدرسه وعلى طول لغرفتي كانت الساعه واحدة تقريبا صليت وكتبت واجباتي ثم اخذت كتاب ربي وقريت نص الجزء الاول وان شاء الله الباقي بعد الفطور .. نفس الروتين بالخبر هنا ! طلعت بعدها من غرفتي الكل نايم رحت تحت مافيه حد الا الشغالة تصلح الفطور كان بخاطري اساعد بس للاسف انا تعبانه موت .. صعدت غرفتي وغيرت ملابسي وانسدحت على السرير والانوار مقفوله والهوا البارد طبيعي شديت على قبضه لحافي وتلحفت من فوقي الى تحتي لما حسيت بالدفئ .. ماحسيت الا وانا نايمه ..! صحيت على صوت المنبه صليت العصر ورجعت نمت صحيت بعدها على صوت نجوى مافهمت ولا كلمه رحت الحمامات يعز قدركم وتوضيت وجلست انتظر الاذان يأذن ويومه اذن صليت ثم تحممت هذي انا عاداتي في الخُبر مشطت شعري على السريع وتحجبت ونزلت الكل كان فيه نجوى : ياليل! تو الناس .. ساعتين تصلين ؟! ابتسمت ورحت طلعت تفاح وعلبة مويا وحطيت التمر قبالي وكم شغله خفيفه .. شربت مويا على نهاية فطوري وانا اسمعهم يتجاذبون اطراف الحديث اشوف الكل ياكل بسرعه معقول صاروا مثلي .؟ قمت وغسلت سمعت نجوى بصوت عالي : سوير روحي افتحي التلفزيون واقضبي الكونترول بسرعه ابتسمت : مابي قامت بسرعه ووراها تركي يغسلون اشوفهم فعلا يتسابقون .. نجوى : سوير ارجوك .. تركي : لا .. لا تروحين .. مدري ليه حسيت ابي اعانده ورحت على طول بما اني غسلت قبلهم وقضبت الكونترول !! شوي شفتهم مقبلين ناظرني بقهر اما نجوى جلست جنبي : والله احبك بنت خالي ! قلت وانا اناظر التلفزيون : مهوب جديد .. تركي جلس قبالنا شوي وجات نهى ونورة وعمتي .. وتجمعنا بالصاله .. نجوى : بنت خالي حطي الراي .. رفعت حاجب : مابي عاجبتني ذا القناه .. ماسمعت الا الضحكه ومو أي ضحكه اعرفها وحافظتها عن ظهر قلب .. غمضت عيوني وبلعت ريقي سوير ركزي لا يروح عقلك يمين ولا شمال ..! ضغطت على الكونترول .. من شده اللي احس بوه من عواصف فـ قلبي ..! حط رجل على رجل وعيوني تناظره : لو سمحتي .. الام بي سي ... رفعت حاجب : واللي يقولكم ابي اناظر سكوب ..؟ نهى حطت يدها على فمها تضحك وعمتي مبتسمه .. عمتي : والله مانفع معهم الاا انتي .. ناظرت وجه تركي ووجه نجوى يكسرون الخاطر .. نجوى : لا تصيرين شريره ذا اليوم اول يوم برمضان .. تركي : ايووه قلبي على قلبك نجوى .. نجوى : بليز حطي الراي .. قلت : طيب ..! رمش بعيونه فتره : نعــــم ؟؟ ترا انا اكبر منكن نزلوا على الام بي سي .. كان يقولها ببطئ شديد وكأنه قاصد يبطئ حركات قلبي ! نجوى : مين معي على الراي ؟؟ نهى : معك ياختي .. نجوى : وذا مع ام بي سي مع وجهه من معه ؟ رفع حاجب : الباقي طبعا ..3 على واحد بسلامتك بنت خالي .. حركت اصابعي بحط الام بي سي بس فجأة طلعت فيني النخوه وقلت : وانا على الراي اذن تنكتمون ولا نفس .. يازين سكوب .. ضحكت نهى : يازينك زيناه .. تركي وقف وكأن كرامته تمنعه : بلا في اشكالكم يازين غرفتي .. وقفت قبله ورميت الكنترول على الكنبه اللي قبالي وقلت : تحاكموا مو شغلي .. صعدت الدرج وكملت قرآن .. * * كنا بالصاله كالعاده بعد الفطور والكنترول بيد تركي اما عليه حركات اذا جاء فاصل بالام بي سي يحط على الراي لقطه ويرجع يعني حرّه .. طبعا نهى ونجوى حفظا لكرامتهم صعدوا لغرفة نجوى يناظرون الراي وبقيت انا مع تركي ونورة .. أووف واخيرا بكرا الاربعاء .. رن التلفون ردت عمتي رزيت اذني يومني سمعتها ترحب ومدري ايش .. عمتي : صدق ؟ الحمدلله على سلامتكم اجل .. لا والله مابغيتم تجون .. نورت والله الدمام .. خلاص تم .. إلا وشخباره ؟! سكتت عمتي وانا اشوف ابتسامتها تكبر وتكبر .. شوي وقالت : لا احنا اهل والله واذا ماشالتكم الارض تشيلكم عيوننا .. طيب .. طيب .. هه طيب .. ايه فمان الله .. وقفلت .. تركي لف لامه : من ذاه ؟ ياويلي ويلاه الحمدلله في حد مثلي هنا بنفس اللقافه .. عمتي بابتسامه : ام ناصر .. تركي : لاآ ! متى الوصول ..؟ عمتي : اليوم الفجر .. ايه ليله بكرا معنا .. يآ أن نهى بتفرح ..! عاد هنا فيني لقافه مو طبيعيه .. همست لنوره : من ذا اللي تفرح له نهى ؟ همست لي : ناصر ولد عمي ولد عمها ؟! .. همست : ليه تفرح ؟! همست لي : اكيد انهم متصلين علشان ياخذون موعد للخطوبه .. خطووبه ..؟ زاد فضولي : مخطوبين ؟! هزت راسها بـ أيه .. أشرت لها تسأل امها متى الموعد نورة : ماما متى رايحين يجون ؟ عمتي بابتسامه : ليلة بكرا ان شاء الله .. الظاهر انه متعجّل .. نقزت على طول لغرفة نجوى وفتحت الباب بقوة وقفلته وتسندت عليه وانا اتنفس .. لفت نجوى : خيير ..؟ تقربت منهم ومديت يدي لنهى : البشااره ؟ قطبت : وش صاير ؟! رمشت بعيني : قلت اول البشاره ؟! نفذ صبرها : اللي تبين بس اذا شي يسوى ..؟ قلت : عاد انتي وذوقك اذا تسوى ولا لا .. احم ليلة بكرا نجوى : أيـــــه ؟؟ لفيت لها : بلا لقافه انتي وذا تبين تسمعين بعد تعطيني بشاره خخ نهى : انجزي ..؟ قلت : رايحين يجون ناس يحددون ملكه الظاهر .. نهى بلمت : خير ان شاء الله ؟ صرخت : ناصر ولد عمي اقصد ولد عمكم .. نقزت على طول وكانها مهي بمصدقه اللي اقوله واحضان وتبويس ومدري ايش .. ابعدتها عني : خير ؟ على بالك كذا ابنسى البشاره ؟! قالت بابتسامه واسعه : اللي تبونه نجوى : بصراحه انا بخاطري بساعه منك لونها برتقالي اعجبتني .. نهى لفت لي : وانتي ؟! ناظرت بالثريا يقالي مستحيه : براحتك ؟! طلعت من الغرفه ودقايق وجات رمت على نجوى كيس نهى : عاد انا مدري أي ساعه تقصدين خوذيهم حلالك .. رمت علي اللابتوب : تخربينه بالعافيه .. شهقت ! انا قلت لها امزح يعني لو تعطيني ريال بقبل فيه .. حسيت اني شوي وابكي كنوز الدنيا وربي ماتسوى عندي لمّة بينهم او ضحكه من بنات عمتي .. بجد صراحه احرجتني ..! قلت : هيي شكرا مااحتاجه .. رفعت حاجب : عندي غيره كثير متوزعين بانحاء المملكه .. المدرسه والبيت وغير كذا عندي كومبيوتر .. قلت : بس ذا ياحلوة جديد ومدري ايش وثانيا انا مااعرف بوه شي .. نهى : والله تخربين على الواحد وناسته .. طلعت من الغرفه على طول لفيت على نجوى اللي كانت تتعبث بالساعات .. نجوى : ياحظك على ذا اللابتوب والله لو اني داريه قلت ابيه .. ابتسمت لها : مايغلى عليك .. نجوى : لا كيذا تجيني سكته قلبيه شكرا ماابيه عليك بالعافيه .. ناظرته كان اسود الشي اللي فعلا جذبني له حرف n .. ياعمري نايف ! خخ وربي اني خبلا .. فتحته كان بوه كاميرا من اصله وناسه .. رفعت عيني لنجوى : من متى وهم مخطوبين ؟! رفعت عينها : من يوم انولدت نهى قال جدي ناصر .. ناصر لنهى .. طق عرق اللقافه : ليه قال كذا ؟! شافهم يحبون بعض ؟! ولا وش صاير ؟! نجوى : ناصر اسم جدي ونهى اسم جدتي ولان جدي يحب جدتي قال ناصر لنهى .. قلت : وناصر يحب نهى ؟! نجوى : بصراحه انا مادخلت جوه قلبه يمكنه كان يحبها بس مابين بس لما قال جدي كذا تعلق بها .. ابتسمت : اهاا .. ليه هو كم عمره ؟؟ ناظرت بالثريات : امممم هو اكبر من نهى بـ 5 سنوات يعني أممم 34 سسنه .. شهقت : اهـئ طق الثلاثين من زمان ؟! وينه فيه توه يملك ؟! ابتسمت : لانه دلوعة امه وابوة الوحيد بس .. مو مثل تركي عنده اخوات ناصر لا اخوان ولا اخوات .. عاد اول ماخلص الثانوي راح برا وتوه راجع .. اها وانا اقول ليه تقول عمتي الحمدلله على السلامه .. يلا الله يوفقهم .. طلعت من غرفة نجوى ورحت لغرفتي يااه نهى ونور بيتزوجون اللي يحبونهم .. ونجوى ؟! يارب حنا باول رمضان ان تزوج نجوى باللي تحبه .. رفعت عيني للابتوب يبي لي احطه في مكان بس وين ؟! امم يوه ساره اسكتي مطفوقه عليه .. قريت قران ونمت .. * * صحيت على صوت المنبه صليت ونزلت والله جيعانه استغفر الله هذا وكأني أمن على ربي كانت نهى ونورة مو فيه جلست معهم انتظر ولد عمتي ينزل يوم ان شفته رحنا معه للسياره وصلنا للمدرسه وجلست مع نجوى لاول مرة بلحالنا .. قلت : يااه مابقى غيرنا يانجيو عوانس .. وكانك انتي لفيصل انا يامسكينه عانس تنهدت : ياليتني صدق له .. ابتسمت : انتي ماتوثقين فيني ؟! مو انا قلت انه لك ؟! وانا وفيصل ايش ؟! ابتسمت لي : واحد !! قلت : وان شاء الله بسوي كل شي اقدر عليه لجلكم .. ناظرتها .. بعيونها شبه دمعه نجوى كثير رومانسيه وذا اللي تستاهل اخوي مااقدر اقول مروى ماتستاهله بس ليه اظلمها معه ؟! نجوى : مدري بدونك ايش كونت عملت ؟! صدق اني من يوم انولدت اتمنى يكون عندي بنت عم او خال تكون خويتي للابد مانتفارق بس عمري ماتوقعت تكون عندي اكثر من كذا يوم اني فقدت الامل يكون عندي طلعتي انتي .. ليه تو نشوفك ليه تو نعرفك ؟! وينك انتي من زمان ؟! ابتسمت وكاني ماودي اقول لها عن أي شي لان نايف قالي مااخبر حد لانه ساعدني .. قلت بمرح : كنت انتظر حد يكتشفني .. بتسمت لي ورحنا لريوم هه كملت 3 شهور ياعمري عمرها .. بعد مارجعنا من المدرسه صليت ونزلت معهم على صوت نجوى : والله ياخاينات تروحون انتي ونوير وانا ابقى بلحالي ؟! تركي : وانا ايش ياختي ؟ وبنت خالك ؟! والله انتي حماره .. جلست جنب نورة .. نجوى : افهم يا اخي صدق انك اخوي بس ذول اخواتي .. ! هه صادقه نجوى الخوات مايتعوضون ببنت خال !! تركي : ترا انتي تجرحيني كيذا بذا الكلام يعين انا اللي ابموت علشان اكون معك ..؟ قرب من امه : الله يخلي سلمى العلي ! مو لما اقول تركي غريب لاتلوموني مره بزر ومره مايع مره بنت ومره صايع .. مدري عنه ذاه ..؟! نهى : تركي يابعد عمري انت ماجهزت ؟! بعد الاذان بيجي عمك وولده ؟! انتبهت لنهى لافه شعرها .. تركي : هين بقول له تتغزلين بغيره والله ان يذبحك .. نهى : والله حرام عليك ارحمني شوي وجاوب على السؤال واحد هو .. جهزت ثوبك ؟! رفهع حاجب : منيب بزر عند رجلك .. اكيد جاهزة .. نجوى : طيب متى ان شاء الله تلبس ؟! رد بدون يناظرها : لا اعرستي .. نجوى بقهر : كل تبن .. تركي : صايم ! ضحكت من داخلي عليهم .. شوي وقامت نجوى : بقوم اصلح شعري .. نوران : خوذيني معك .. صعدوا ورى بعض .. ناظرت نهى : بيشوفك ؟! فتحت عينها : اكيد لا .. قلت : لا مو قصدي يعني .. مم نظره شرعيه ؟! نهى بعد تفكير : مااظن .! عمتي : ايوه جهزي نفسك تشوفينه لا بعد تفشلينا .. هزت راسها : ان شاء الله .. عمتي : وانتي ساره ؟! ماتقومين تتجهزين ؟! نهى : طيران لغرفتك والله ابي كل شي جاهز .. قلت بلا مبالاه : يؤسفني اقول منيب جالستن معهم .. نهى فتحت عينها : سوير ..! * * * لبست وجيت بطلع يوه صدق تركي فيه اخذت شيله وحطيتها على راسي الحمدلله ماشافني لان فشله مع ذا اللبس نزلت كان فيه عمتي بالمقلط ومعها وحده معطيتني ظهرها .. قلت بنعومه مااذكر اني استعملتها قط : السلام عليكم .. اتجهت وسلمت عليها وجلست تقز فيني .. كانت في غايه الذوق والجمال مبين انها اصغر من عمرها .. قالوا : وعليكم السلام والرحمه .. جلست جنب عمتي وانا اوزع ابتسامات وكأني في دعاية كرست .. قالت ام ناصر : ماشاء الله من ذاه البنت ؟! تلاشت ابتسامتي ! اصلا انا من البدايه ماكنت مقرره انزل وذاه الكلمه تحسسني اني منيب ببيت عمتي .. عمتي : هادي ساره بنت اخوي .. ام ناصر : ماشاء الله باي صف ؟ ابتسمت لها : ثالث ثانوي .. ان ناصر : اجل بعمر نجوى بنتك ..؟ ياان ذا السؤال يقرفني .. انقذتني عمتي : لا ساره جايه بالوسط بين تركي وبين نجوى .. نازله سنه .. قالت : يعني مثل تركي ..؟ البنت ماقالت شي اقصد ام ناصر بس انا يقرفني لما يحطوني بمقارنه مع تركي !! ضحكت من داخلي اواسي نفسي وانا صادقه انا ارفع منه بالمستوى .. ام ناصر : الله يوفقك.. شحطت ابتسامتي وقمت بعد مااستأذنت .. ابتسموا لي سمعتهم يتكلمون عني بس طنشت صعدت لغرفتي وجلست عند المرايا معقول انا وحيده ؟ طيب ليه ؟! صدق ان بنات عمتي متوفي ابوهم بس عندهم عمتي ؟! .. وعيال عمي متوفيه امهم بس عمي فيه .. طيب ليه ؟! حسيت نفسي غبيه الحين صار لي 19 سنه اسمع اهانات من خالي جات على كلمات عفويه ؟ شي طبيعي تسأل من انا عادي ! وطيت راسي وشلت الساعه وانتقلت تدريجي الين خلصت .. ! .: نهاية الجزء التآسع والع ـشرون :. |
.: الجزء الثلاآثـون :. " هآتِ ـآلقَلَّمَـ و.. ـآاكَتَبَ مَنّ * الشَعَرَ* بَيْتِيّن ..؟ لأهَلْـ~ القِلْوب آلَمَُخَلِّصه .., فٍيـّ غَلاَهـآا !! يَشْبه غَلاَهَمَّ // شَجَرَة التُوْت و.. الٍٍَّتِيـن ! ـآللي يــزوَدَّ " ظَلها" في ..؟ حلـأإآهاآ .!" / \ / صعدت لغرفتي وجلست عند المرايا معقول انا وحيده ؟ طيب ليه ؟! صدق ان بنات عمتي متوفي ابوهم بس عندهم عمتي ؟! .. وعيال عمي متوفيه امهم بس عمي فيه .. طيب ليه ؟! حسيت نفسي غبيه الحين صار لي 19 سنه اسمع اهانات من خالي جات على كلمات عفويه ؟ شي طبيعي تسأل من انا عادي ! وطيت راسي وشلت الساعه وانتقلت تدريجي الين خلصت .. ! * * * رجعت من المدرسه صليت وقريت قران يعني كالعاده .. دخلت بنت بس ماشفتها لاني كنت معطيه الباب ظهري لما خلصت طويت جلال الصلاه والتفتت كانت نهى !! جلست قدامها .. قالت :انتي زعلانه شي ؟! عقدت حاجبيني : زعلانه ؟! مين اللي طلع هادي الاشاعه ؟! نهى : بصراحه بنت خالي من يوم ماجات مرت عمي وانتي بغرفتك ماتضحكين الا قليل يعني قلت لو انك زعلانـ... قاطعتها : انا اخر وحده ممكن انها تفكر تزعل .. نهى : اكيــــــــد ؟! قلت : اكيدين .. نهى : طيب انا ونور بنتزوج فـ يعني اثبتي لنا انك منتي بزعلانه فـ خلنا نتعلم منك بعض الحلا .. وهي تنتظر يعني بالمطبخ .. ابتسمت : اغير واجيكم .. غيرت ملابسي الى احتشام وتحجبت ونزلت للمطبخ شفت نورة ونجوى ونهى .. ضحكت : ليه قاطه معهم ؟! نهى : شوفتي حتى بنت خالي تقوله .. برطمت نجيو .. قلت : لا ان شاء الله تتزوجين ذاا السنه قولي امين .. صرخت : امييين ! هه ماتستحي ذا البنت ابد خخ .. وانا اللي اقول خلني اجيب مروى تتعلم منها !! قلت : وش تبون اصلح لكم ؟! نهى : امممم أي شي على ذوقك بس هاا ترى شي يعجب ناصر ! ابتسمت وبديت اجهز الاغراض على الطاوله بس سمعت صوت : ممكن ادخل ؟! رفعت عيني للباب كان تركي ! ابتسمت لا شعوريا لشكله وهو واقف يستأذن مني ! ابتسمت بعراضه : اكيد حياك ! دخل وجلس بجنب نهى .. نجوى : ليه قاط مع الحريم ؟! تركي : اولا كيفي .. ثانيا ابي اتعلم عندي حب استطلاع .. ثالثا مهو بشغلك .. رابعا ابي اساعد زوجتي .. شهقت نهى .. وقالت نوره : اشلللع على ذاه الاخبار تتزوج ؟ تركي : اشاعات ! نجوى : اجل ليه قاط معنا دامك منت بمتزوج ؟! نوره : سيبك منها لانها قبل شوي نهى قالت لها قاطه مع المخطوبات .. جات تقولها لك .. نجوى : ياحماره .. تركي لف لي : نسمعك ! بديت اتحرك ببطئ وكأني ماابغى ذاا الجمعه تتفرق او يمكن استرق النظر الى غيري بدون قصد ! أتعمد اتحرك كثير .. اتعمد انطق اسماءهن .. اتعمد حتى اخذ برايهن بس علشان اسمع رايه ... هو ايش اللي احس بوه لهادا الطفل ..؟ رفعت عيوني له بعد ماخلصت تزيين بس بقى شوي الكريما اللي فوق احطها .. كان بس يناظرها وعلى وجهه احلا ابتسامه .. ابتسمت اكثر عليها .. واول مارفع عينه تلقائي عملت نفسي منشغله بالكريما ..! لاتسألوني ليه .. لاني اصلا ماادري !! هو مين تركي علشان اتغير .. او مين انا علشان أغيّر شي في تركي ..؟ خلصت وكان شكلها روعه لانه ذايب ! شوي ووقف تركي : شكرن .. قال ذا الكلمه وطلع نجوى على طول اخذت الحلا وبدت تاكله ولا همها حد شوي وجاء تركي ووقف عند الباب يناظرها انا ولع وجهي احمر عمري ماشفت موقف كيذا يصير قدامي نهى ونورة نزلوا روسهن و...بقت نجوى تاكل ولا همها شي ..! تركي :احـم .. امي تقول كانكم بتطلعون تجهزون لملكه نهى ومره وحده لو لقيتوا شي لجهاز نورة ! نجوى اول ماسمع تصوته قطت الملعقه ومسحت فمها بمنديل وناظرته ولا كأنه سوت شي ! نهى : الليلة ؟ تركي : عادي بكيفكم انا فاضي الليله .. قلت : ايه احسن علشان اذا مالقينا شي يمدي وقت .. تركي : خلاص الليلة ان شاء الله نروح مممم على الساعه 8 ونصف فاضيين ؟! الكل سكت والسكوت علامة رضا .. شوي ولف يبي يطلع ورجع لف يناظر نجوى .. تركي : ماتقدرين يعني تنتظريني اطلع علشان تاكلين ؟! والله مهو بطاير فشلتينا ! وراح ونجوى ولعت احمر ورجعت تاكل .. نهى : وجع ماتستحين ؟! نجوى : عادي اصلا انا استغربت لها يومين معي وتركي مادري ! فتحت عيني .. قالت : لا تستغربين انا بالذت دايم معه كيذا .. ونزلت راسها تاكل اصلا مبين من وجهها انها ميته من السحى .. قلت بغير الموضوع : افيدكم علما بان الرجيم حقي خلص !!! نطت نهى على نجوى وسحبوني لغرفة نهى .. نجوى : يارب انها مازادت ولا نقصت علشان ماتتأمر علينا .. شهقت : شف النذلة ويروح تعبي على الفاضي ؟1 جات نهى بالميزان ونجوى مغطيه عيونها .. شوي وصرخت : أأحلاااا ! ناظرت نجوى وصرخت : لا حرام صرتي اضعف مني .. اشرت لها بسخريه : دوب خخخ ! نجوى : منيب رادة عليك لان بعدين ترفعين الطلبات علي .. نهى : وجع لا تذكرينها .. قلت : ترا فيه ورقه لاتنسون انتم موقعين بها اممممم ابيه اش ياربي ؟! نجوى : ترفقي ياساره ببنات عمتك .. نهى : وهي صادقه مو اغراب .. بنات عمتك منك وفيك .. ابتسمت يبون يذكروني بصلة القرابه علشان اخفف .. قلت بضحكه : في المشمش انا ماصدقت .. سكتت افكر وش ابي ؟! .. قلت : اللي تامره عمتي انا موافقه فيه .. نهى سحبت نجوى للباب ., نجوى : وش رايك مهو بذا الحين عند الفطور علشان تترفق على بناتها .. ابتسمت : ولا أي مشكله ! * * * نجوى : يمه حنا بناتك ترا ! عمتي تناظرني وهي مبتسمه وانا هزيت كتوفي : سلمت لك امرهم واللي تبينه سويه هن بناتك .. ايه ولا انسى ترا مابه عفو ! سكتت عمتي تفكر وماورى ذاا لتفكير الا شي عظيم عاد انا طلعت منها .. تركي : امانه يمه اذبحيهن طلبات نهى : لا مافيه الا طلب واحد لكل وحده .. لفيت لها : نعــــم يختي ؟! انتم قلتم اللي ابيه يعين مليون مليونين ثلاثه ومتى مابغيت بكيفي .. تركي :آحسسن !! نجوى بقهر : ياحمار اشوف بك يوم تركي رفع حاجب : اولها تبوسين راسي وتقولين مااكرر يااخوي الكبير .. نجوى : مهو بكيفك .. عمتي : سوي اللي يبي ذا الحين قدامي .. حط رجل على رجل وراحت له نجوى وباست راسه .. وقالت بملل متدلع مايلوق الا لها : سوري ! ضحكت بقوة : محد قالك تتحديني .. امانه عمتي ذليها شوي .. عمتي : تشيلون الاكل اذا خلصنا .. نجوى بملل : وبعد ؟! عمتي : تغسلونهم وتجففونهم .. نجوى صار وجهها يضك كنها شحاذه .. قلت : ولاتكدرين خاطرك بس يابنت عمتي عندي فوق ريال ابعطيك هوا .. نهى : اشوف فيك يوم ياساروه يابنت خالي .. عمتي : اعتذري لها .. اول مرة عمتي تقول لنهى كذا .. قالت : آسفه .. ابتسمت بلعانه : ماسامحتك ! نهى بقهر : وش اسوي لك يعني ؟! رفعت حاجب مثل تريك : بوسي راسي أخوك مهو بأحسن مني ولانتي احسن من نجوى .. سمعت ضحكة عمتي وتركي يتمتم وش ذا التقليد ! ليه احب اقلده هو بالذات .. مدري !! عناد فيه والله .. وجات باست راسي .. نهى : وبعد ؟! عمتي لفت لولدها : تبي شي ؟! تركي برحمه مدري يتصنعها ولا صدق : لا شكرن .. ناظرت الساعه 8 الا عشر قمت وحمدت ربي وصعدت للغرفه وتحمت ولما خلصت تمشطت بسرعه انتبهت لوجود الكيس اقصد الجوال فتحته وشغلته شكله جنان اكيد مو ذوق نايف ؟! كنت باخذه معي بس لا محد يدري عنه هنا ولو انه مهو بعيب عادي خالي شراه لي ! نزلت شفت عمتي تعطي نهى الكارد .. وطلعنا اول ماوصلنا شفت وحده مشبهه عليها متلثمه ومع حرمه كبيره ورجال .. قلت : ريم ...؟؟ رفعت عينها لي : ساره ؟! وش تسوين فيذا ؟! قلت بسخريه : عادي زيي زيك .. جايه ارقص .. بجهز لملكة نهى سمعت المرأه : وشلونك ساره ؟ ناظرتها : بخير ربي يسلمك وشلونك ياخالة ؟! قالت : تمام ربي يسلمك .. نهى : ايوة مااوصيكم ملكتي على الجمعه ببيتنا لزوم تنورون .. هه نهى قاطه بس تبي تتكلم .. ريم : اكيد بحضر حتى ولو ماعزمتوني .. تركي : مطولين عند الباب ؟! قسم ولولا الحيا صفعته كف على وجهه .. رصيت على اسناني : تبي تدخل ولا بسلامتك ! ناظرتها : امانه ياخالة تتركين معنا ريم يعجبني ذوقها .. خالتها : بكيفها بس خلها تنتبه لحالها .. ريم : مدري ماشاورت مالك ! ناظرت مالك : امانه ... وسكتت ابتسمت له مسكين انحرج وطى راسه خخخ الظاهر يقز من تحت خخخ قلت : دقي عليه ذا الحين تكفين ! خالتها : لا عادي بس خلها تنتبه لحالها ولا تتحرك كثير والسلم الكهربائي ولا تقرب جنبه .. ريم بهمس : والله مهوب لي علشان الحفيد الاول .. ابتسمت : ولا تزعلين بخليها تمثال كالعاده .. ناظرتني بحقد .. خالتها : يلا مااطول .. يلا همام .. قلت : مع السلامه خالتي .. ذابحني الادب والله اسلم عليها .. رفعت عيني لتركي معصب يمكن لان وقفته كثير سحبت ريم ودخلنا جميعا .. تركي سحب نورة : اذا خلصتن اتصلن على جوالي ! سحبت ريم نشتري لما خلصت ناظرت الساعه باقي وقت رحنا للكوفي اللي بجنبهم وجلسنا شريت لي عصير فريش وريموه كوكتيل مالت عليها تبي تحرني .. ريم : الله محد قالك تشترين قبلي قلت : ياحيوانه وذا العصير اللي لك ؟! هزت كتوفها : مو شغلي .. ورحنا وجلسنا كنا ساكتات .. قلت : مرني نايف ! شرقت : كح كح .. نعــم ؟ وش صار ؟! قلت بخوف : والله مدري اعطاني جوال يقول من ابوي ! ريم : علشان ايش ؟! قلت : دقي لرجلك قولي له انك بترجعين معي وفعلا دقت وساعتين تتميلح معه لين وافق .. ناظرت الساعه وانا اشرب عصيري وشرقت : ريموه والله ان تركي يذبحنا .. ريم : لييه ؟! قلت وانا اوقف والم اغراضي واغراضها : تأخرنا عليهم يلا .. المهم طلعنا عند الباب لقيناهم فيه .. تركي : لا والله لو بقيتن شوي هنا مهو باحسن ؟! قلت : قل بصيغة المفرد تراها متزوجه ! حسيت بريم تقرصني الين اليوم تستحي لا قال حد متزوجه خخخ .. تركي بسخريه : لا بالله ! على تبين انتي معها .. وراي بسرعه ! سكتت وريم تقولي : ياحيوانه ليه تتكلمين وتقولين متزوجه ثانيا ربي ياخذك دام ذا ولد عمتك .. ضحكت . قالت : مجنونه ولله الحمد .. طبعا كالعادة هوشه على قدام ونور مع تركي بكرسيه حلت لها الجلسه بـ حضنه ! انتصرت نجيو وصعدت نهى ورى عاد انا وريم جينا بنصعد شوفنا شي ! مليون وربع مية الف طعش دوب خخ .. قلت : بالله كيف اجلس ؟! لف تركي وناظر : عادي شيلي أي واحد وحطيه بحضنك قصه هي ؟1 قلت : لا والله ؟! والشنطه وش وظيفتها ؟! تركي : واغراضكم فين احطها ؟! ريم خزتني ودخلت حطت الدوب بحضنها ودخلت وراها وحطيت دوب ابيض احمر جنان بحضني والاعبه .. سمعت نجوى : اذا وصلتم صحوني تركي : ماتصحين ! نجوى : اذبحوني لين اقوم .. ريم : لا توصين حريص .. نهى : وانا بعد .. المهم مشينا ولا به صوت ابد .. سمعت تركي بهدوء : نور بتنامين ؟! نورة : ايوة نعسانه .. تركي : اجل روحي ورى عند بنت خالك حبيبتي ..! نوران : لا تركي ابي معك قلت : مالت عليك والحين تتركيني ؟! نوران : لا بس لان انتي طيبه وكل مابغيت انوم معك .. بس تركي لا زفر بهدوء : بس مااعرف تنامين كذا .. طيب اذا وصلنا تنومين معي بالغرفه ؟! نور بسرعه : اكيد .. تركي :بس نور الحين لازم تروحين ورى معهم .. نوران : طيب .. وقفت السياره وجات ورى معي بحضني هي والدوب .. كملنا نمشي والجو يعمه الصمت حلو والله طلعت مثقفه وانا مدري .. المهم اننا وصلنا وقفنا عند الباب ساعتين ومحد قام الحين بالله كيف اقوم ونور ؟؟ قلت : ريموه قوومي .. ياوجع رييم ! ولا حياة لمن تنادي .. صرخت : نهىىى !! فزت على طول وفتحت الباب ونزلت وراحت شف النذله .. قلت : رويم قومي .. ولا فيه فايده .. قلت : نجيو ياحيوانه وجع قومي .. طلع اخوها وراح لها اعطاها ضربه على كتفها وقامت نزلت شوي وجاء لعند الباب اللي انا فيه وفتحه قال : فيه مشكله ؟! قلت ببراءه : نور نايمه وكيف اطلع ؟! سحبها مني وشالها .. قرصت ريم وصحت اخيرا وطلعنا .. قلت : اعطيني نور وانت رح قفل السياره .. قال : لا ! انا بدخلها معي وانتي اقفلي السياره ممكن ؟! قلت : طيب بس ولو اني نعسانه ! ابتسم ودخل داخل .. صعدت ريموه جنبي.. ريم : ياحيوانه تسوقين ؟! قلت لها : انطمي ايه ساعتين اصحيك ماتصحين .. ريم : ماحسيت ! المهم مشيت فيها ودخلتها ثم قفلتها ودخلنا داخل شفت عمتي جلست معها ريم .. قلت وانا اصعد الدرج : ريموه سوي لي عصير ريم : طيب .. خخخ صدق اني حماره عقابها لكن .. صعدت ورحت لغرفة تريك وطقيت الباب وجع الظاهر نام .. فتحت الغرفه وطليت نور منسدحه على السرير اتجهت لطاوله اللي على اخر الغرفه وحطيت المفتاح .. يومني جيت بطلع تفاجأت بوجوده بصراحه ماعرفته لانه بنت خخخ .. بذمتكم غرفة كلها دوب وريش وجاي ببيجاما سماوي على طول فتح عينه قلت : أأأ .. المفتاح أشرت عليه هز راسه افتشلت وطلعت وانا اتنفس وجع ذاه مايستحي يطلع كيذا ؟! الله اعلم مين اللي مايستحي داخل غرفة الثاني خخخ ..؟ نزلت تحت لهم .. عمتي : ساره ! كيف تآمرين على خويتك وانتي تدرين انها حامل ؟! هذا وانتي صاحبة البيت المفروض تضيفينها .. ناظرت ريم بنص عين : والله يومني رحت شقتها روحي ياساره وسوي ياساره ابتسمت لي عمتي ووقفت : اخليكم براحتكم .. قلت : لا تسلمين عمتي بنرقى فوق .. ابتسمت لي وصعدنا حنا الثلاثة .. عمتي اتجهت لغرفة تركي تتطمن على فلذة كبدها وحنا دخلنا غرفتي ريم انسدحت على السرير : الله وناسه غرفتك جنان .. ابتسمت لها شوي واعتدلت بجلستها : ممم وينه جوالك ؟! انقلب لوني ورحت ادوره لقيت مكالمه من رقم غريب قالت ريم : يووه ذاه رقم ضيا ؟؟ هزيت راسي بملل من وين جابت رقمي ...؟؟ دقيت عليها ومن اول دقه ردت : هلا والله قلت : اهلين فيك .. سؤال بس ضيون بالله من وين جوبتي رقمي ؟؟ سكتت فتره ثم قالت : ممممم عادي !! خفت من ردها وعلى طول تنهدت بقوة وقلت : ضيـآا !! ضيا : وهذا الموضوع اللي دقيت لجله بس تراني انا هبه موب ضيا ! سكتت وهزيت راسي وكأني ابي استوعب شوي ورديت قلت : من جدك انتي ؟؟ هبه : ايوه وانا هبه لان ضيا جنبي لكن .. والله مدري وش اقولك دق قلبي .. الله يستر .. قلت : ايييه ؟؟ هبه : سارونه .. تقولك ضيا لو ماتبين توافق والله وربي ماتوافق بس اهم شي ماتزعلين عقدت حاجبيني .. توافق ؟؟ على ايش اصلا ؟؟ قالت : هي من البدايه موب مقتنعه وبتزيد اذا قولتي لا .. نفذ صبري : اييه ليش ؟؟ هبه : اشهد ان لا اله الا الله وان محمد رسول الله .. بقوول قسم لولا الحيا قمت وفلعت راسها بشويش تحرق اعصابي ذا البنت .. ريم تناظرني وكأن لها علم بالسالفه .. بس ايش ؟؟ قلت : هبه وقسما بربي لو أنـ ... قاطعتني : ضيا انخطبت وش شعوري ذا الوقت ودي اقوم افلع راسهن الثلاث .. ضيا .. ريم .. وهبه !! الحين كل ذا الضجه وتوافق وماتوافق على خطوبه ؟؟ قلت : والله مدري وش اقول ودي اسوي اجرام بس حرام اتسجن سنين عليكن .. سكتت .. فـ كملت : الحين مخوفيني على كذا .. والله ماعنكم ماعند جدتي !! هبه بلعثمه واضحه : المشكله موب فيذا على .. دق قلبي من جديد والله لو انها جورج قرداحي ماسوت كيذا خير وش عندها ؟؟ قلت : هبوووه ردي احسن ريم سحبت من عندي الجوال وبدت تخربط حكي وشوي وقفلت ؟؟؟ والله خفت وش السالفه وايش بها ضيا وخير مخطوبه .. الله يبارك لها ..؟ لفيت لريم : خير ...؟ ريم : اقولك بس ماتزعلين ولا تعصبين تنهدت : ايوة انجزي بس .. ريم : واذا تضايقتي تقولين وضيا غصب عنها ترفض ..؟ ماكنت مقتنعه بكلام ريم بس ابي اسمع وش وراها .. هزيت راسي بـ ايه ..! ريم : البلا موب في الخطوبه باللي خاطبها .. بلعت ريقي وعقدت حاجبيني : مييين ..؟ ريم : هو انتي وسلمى ماتصالحتوا لحد الحين ..؟ هنا وبس قف قلبي انا وسلمى ..؟ القاسم المشترك بيني وبين سلمى .. نآيف ..! هزيت بـ ايه ولا أدري وش تحكي عنه وكل سمعي مركز على كلمه واحده وهي اسم غليته بكل ذره فيني ينتظر بس اسم .. نايف ! قلت : انجزي يالريم تراي وصلت للاخر .. غمضت عيونها : سااامي اخو سلمى .. وقف مخي ! حسبي الله عليهن هن الثلاث وجع ان شاء الله ماكان يمنعني من ذبحها الا شي واحد ألهاني .. فرحتي انه موب نايف .. وفرحتي لـ ضيا .. قلت : موافقه .. رمت علي المخده : وجه موب انتي المخطوبه ضياا ههه .. ابتسمت بسعاده لا توصف .. وبدينا نتقلص بشويش .. بس يارب دعوه صادقه من قلبي مهما يصير .. مانفترق عن بعضنا .. لو تزوجت كل واحده من منطقه او حتى قاره !! المهم ان نايف لي انا ووبس .. اما الباقي بكيفهن .. أول مره احس ان نايف لو خطب بموت .. ابتسمت لذكراه ربي يحرسه ..! * * تحدد وقت زواج نورة ونهى وبيكون بعد كم شهر يعني .. اشوفهن يروحن ويجهزن ونجيو تقط وجهها معهن .. ساعات احسها تناظر بالاشياء وتسأل عنها وبعدين تتركهن .., الظاهر يدور فـ بالها .. انها اذا تزوجت حافظه الاماكن بالضبط .. وانا اقولك يانجوى باذن الله تلحقينهم .. ايه والله مابقى غيري انا ونجيو كلهن تزوجن .. والله يانجوى ثم والله .. مآلك غير فيصـل أخوي .. وأنا عمري مآقولت كلمة ثمن غيرتهآ .. وانا وراك يافيصل الين من نفسك تقول ابي نجوى تكفين ياسـاره ..! وغلاآك يافيصل لخليك تترجآني علشانها .., .: نهاية الجزء الثلاآثون :. |
.: الجزء الوآحد والثلاآثون :. " يآ قَلبِي ..{ إِفْهَمْ مَآلِي × غِيرهـْ .. ~ بـِ دِنْيآايْ ,؛ ويآرُوحِي !! تَكفِين × دِخِيلِگ × لاآ تِفَآرِقِينَهـْ .. أخآف *بِالغَ ـلطْ * مَرّه // مآا يِصِير وَيّآايْ ..! تِحْ ـلِفينْ إِلا مَايِجِيگْ .. ~ وْ|[ قَسَمْ ]| إلاآ تِجِينهْـ .!" / \ / اليوم مثل ماوعدتك يانجوى وهذا انتي تتوسطين اخواتك بفستانك الابيض وهن مثلك يخزي العين يانجوى حرستك باسماء ربي وحصنتك بمعانيها .. ناظرتني بامتنان وابتسمت بهدوء ولفيت عيوني لنور بنفس النظرات اللي عند اختها .. ابتسمت اكثر واحس اني بصيح .. فوق ان الثلاث اليوم بيتزوجون اليوم زفة فيصل ..؟ مشيت وانا منزله عيوني واصطدمت رفعت عيني كانت عمتي حسيت بالعبره وانا اشوفها ترحب بذا وتهلي بذاك ولا منتبه لي اصلا ..! وليت ظهري متجهه لبرا بس وقفني صوتها لفيت .. قالت : ساره حبيبتي وانتي رايحه تجيبين عبايتك جيبي عبايتي .. هاه خوذي المفتاح رقم 7 عقدت حاجبيني : ليه مين اللي بيدخل ؟ وتتغطين انتي ؟ ابتسمت : عم البنات .. ابو ناصر .. واخوي عمر وولدي تركي .. هزيت بـ أها .. ومشيت .., لبسنا العبايات وظليت عند المرايا اتأكد ان حجابي .. ثم رحت عند اقرب كرسي للكوشه انتظرهم يدخلون صار لي فوق الاسبوعين ماشفت عمي ولا تركي .. انشغلت كثير .. بس تركي وشلون شكله ذا الحين ؟ تقول عمتي ان البارح انه زاد حلا .. يوم غيّر حلقته .. ماامداني افكر اكثر حتى دخلوا على موسيقى صاخبه من قلبي انا اناظره بقوة مستحيل ذاه تركي .. الثوب والغتره معطينه هيبه ورزة اكبر من عمره .. والاكثر حلقته وابتسامته لما شفته يبي يلتفت غيرت نظري لعمي وابو ناصر وكل واحد متجه لمساره .. عمي متجه لبنت اخته ومرت ولده نورة .. وابو ناصر .. لبنت اخوه ومرت ولده نهى .. وتركي لاخته نجوى ....! وقفت بثقه مهزوزة متجهه لبرا اركض واسابق دمعتي لا تنزل وانا اشوفهم يطلعون وكل واحد ماسك اقرب وحده له .. جلست على الدرج كان بعيد عن البوابه وانا اناظر نهى وهي تخرج وعمتي تلمها الين تغطت وطلعت مع عمها يعني تزوجت نهى ناصر ! .. ثواني بان عمي مع نوره واستلمتها عمتي .. وماتركتها تبويس وتحضنها وتتكلم معها بصوت شهقات يوصلني .. دفنت راسي بين ايديني ودموعي جري وكل وحده تجر اخواتها حتى تكونت .. ليه اهلي بالخبر ماحضروا ؟ وينها مشاعل ؟ او مروى ؟ او حتى وربي تكفيني مرت خالتي ام نايف .. حتى ريم .. من تعبها ماجات واحس نفسي غريبه رغم ان اليوم عرس اخوي وبنات عمتي وولد عمي .. الكل اهلي .. حسيت بحد يرفع راسي كان عمي ابتسمت وانا ابعثر دموعي باسى من جديد وباصابع مكسوره من الالم لصقتها بدموعي وجففتها .. عمي : وشبك ؟ فيه بنت تبكي بزفة اخوها ؟ عز عليك فراق فيصل ؟ ماراح يروح بعيد كلها كم شهر وراجع .. هزيت بـ لا .. وبديت اتكلم بخنقه : نجوى موب غير عن اخواتها ياعمي .. كل واحد يزف البنت لولده عداها .. عمي ترا ابوي يكشف عليهم زي مانت تكشف عادي يدخلهم ..! اشر على نجوى : ناظري هي راضيه بكيفها .. ثانيا ماحز بخاطرها وعادي وكان على غير عنهن فـ كان خالها قبل ابو زوجها .. ماهي غير ..! طاحت دمعتي : بس انا كمان ماني بغير عنهن .. رفع حاجب وابتسامه جانبيه : تبين تعرسين ؟ هزيت لا وانا ازم شفتي : شفهم عندهم ام وعيالك عندهم ابو وناصر الكبير اكبر مني بـ 11 سنه وعنده ام وو .. ماينقصني عنهم شي ليه انا كذا ؟ عمي : ليه انتي لزوم ابو رجلك يدخل ..؟ خـــــــــالي ؟ يدخــل ؟ ويسوي هـوشه ؟ ويسحبني من شعري لاني اخذت من سلمى نــآايف ..؟ وسلمــــى .. تشمت فيني ؟ ارتعشت بقوة على صوت عمتي لولدها .. وقلت برعب : لا ماابيه يدخل ولا ابيه اصلا .. ابتسم بعراضه لما شاف تركي مقبل علينا .. قال : هاه تركي وخواتك اعرسن حتى البزر نوير وانت ؟؟ سكت فتره ثم كمل : ولا ليتك اعرست معهن ..! شهقت عمتي : عميير عن الحسد .. وبعدين خله يعوضني ثم يتزوج اهتزت اركاني .. تركي يتزوج ..؟ طايب ساره بكيفه ترتاحين من الهواش .. لا تركي بزر ماينفع يعرس .. سوير ناظريه وشلون ! رفعت عيني له وانا اتنفس بقوة ارتعش فكي : لا تركي .. رفع عينه : نعـم ..؟ ناظرت عمتي : لا ! بعدين ابقى بلحالي .. لا تتزوج ابتسم عمي : وحنا معك مايفهمـــون ..؟ تركي لا ولا .. لا يعرس ! قلت : لا انت مابتعرس اجل ابقى البنت بلحالي ..؟ بعراضه اتسعت ابتسامه عمي وناظر تركي اللي رافع حاجب .. وقال : ماهو يابنت اخوي يوم يعرس تركي بنفس اليوم يكون عرسك .. اختفت ابتسامتي .. ليه محد يفهمني اني لنايف بس تركي ! انا مابيه زوج لانه يقهر .. وبنفس الوقت مابيه يتزوج ابد ...! رفع طرف شماغه : طايب خالي خلكم مع بزركم هادي فيصل ينتظر برا .. " لف لعمتي " بس يمة خلاص ماهي برايحه لمكان .. كله لفيصل ولد اخوك تركتها عمتي ودموعها على خدها ونظرات حب اول مره اشوفها عن قرب لنجوى همست : وانا من يبكي يوم اتزوج ؟ هــه ! هو انا بتزوج اصلا دام سلمى موجوده ؟ اختفوا عن انظاري ودخلت عمتي واطراف ثوب تركي تتجاوز الباب بهدوء وتلحق جسده وتسحب معها اشياء مني !! " ســـــــــــــــارهـ ! " لفيت لمصدر الصوت وارتعشت من شكلها وهي واقفه ولابسه عبايتها الظاهر طالعه كملت : وينك فيه انتي من الصبح وانا ادور عليك ..؟ بلعت ريقي وش تبي فيني مرت خالي ؟ تو بتكلم .. سمعت صوتها : وبعدين وراه الكحله سيّاله " رقصت حاجبها " تبين تعرسين ..؟ قاطعنا صوت جوالها سحبتني وانا زي الحيوان مايفهم ماشيه وراها .. تفاجأت بسياره خالي واقفه .. جمدت اطرافي : السلام .. رد بدون نفسس : وعليكم السلام .. تجرأت قدامه : شخبارك خالي .. رفع حاجب : بخير ماشه احوالنا .. هزيت راسي خيبه ماعنده ذوق يسأل عني .. خالي : وشخبارك بالدمام ..؟ ظليت اناظره فتره .. سمعته : منتي بناوية ترجعين ..؟ خفت اقول ايه وييقول مابيك ويفشلني واقول لا ويحرقني .. قلت : والله براحتك ..! اشر لي : طيب اصعدي .. عضيت على شفتي وصعدت االجو هادي لين وصلت .. رحت طيران لغرفتي وبديت اناظر كل ركن وزاويه فيها بشوق احب هادي الغرفه فيها لمسات دلع مدري ذوق مين ..؟ مره قلت لخالي بغيرها عصب وقال غيري البيت كله الا هادي الغرفه .. والسبب مدري ! رميت جسدي ونمت ..! * * * كنت اصلح الفطور وانا اغني مانمت شي بس لزوم اسوي شي .. ارتعشت وش ردة فعل عمي .؟ الله يستر .! " أحـــم .! " رفعت عيني ورمشت لثواني ولفيت ورا الثلاجه بربكه واضحه واحس قلبي بيطير من مكانه ياناس نايف وراي ومبتسم بعد ! حنى ظهره لي ينناظرني على طول ابعدت عيني وقلت بلهجه مبزرة : أرجاك ! ابعد خصلات ورى اذني : وراك مخترعه ماني بمسوي شي رمشت بعين وجع وشبه مايستحي ؟ ولا انا اللي صار تفكيري غلط ههه ..؟ حرك اصابعه على رموشي برقه فتحتها .. ابتسم : طايب ليه مع ذا الصبح صاحية تصلحين فطور .. بشويش على فستانك .. سندريلا على غفله ..! همست : نايف وش تقول ! حرك اطراف اصابعه ورفعني بخفه يبعد خصلات التفت على كتوفي .. همس : اقول ابيك ..! ارتجف فكي وانا اسمع تنهيده تخرج من اعماقه .., وطار قلبي يوم حسيت به يحرك شفته على مناطق مكشوفه ماغطاها فستاني ..! عضيت على شفتي ليه ماني بقادره امنعه وكأنه حس ناظرني ليحرر شفتي من الالم مرر اصبعه بعذوبه .. وهمس : سمعتيني وش قلت ..؟ هزيت نفي .. قال : تنتظريني على ذا الشهور .. شهر او اثنين اخلص الجامعه ؟ عقدت حاجبيني .. كمل : يعني ابيك .. مم تكونين حلالي انا .. لنايف ! رمشت فتره من صدقه ذاه ؟! حطيت يدي على جبهته : بك شي ..؟ زفر : ولا شي .. شكرن خلاص .. قلت بسرعه : صاحي انت ..؟ حسيته انقهر من استهبالي : لا ماني بصااحي وانا اشوفك كذا .. ناظرت لبسي وناظرته : لا .. يعني وش حلالك .. وسلمى ..؟ رفع الصوت اعلا من الهمس : ياليل ذا السلمى ..! حطيت اصبعي على فمه : اوبس لو حد يسمع .. مسك كتوفي وهزني : اذا انتي منتي براضيه تفهمين .. وش تبين اقولك ..؟ سكتت اناظره .. كمل بهدوء : سارونه حبيبي انا سألتك سؤال .. لو تقدمت لك توافقين ..؟ رغم احراجي قلت بـ ابتسامه : افكر ..! دف وجهي وكأن اعصابه تلفت : وش تفكرين ايه ولا لا ..؟ ضحكت بهدوء .. حوط وجهي بين ايدينه : مممم ..؟ اول مره احس بقرب نايف لهادي الدرجه اشوف بعيونه الصدق .. وطيت عيوني : طيب اكيد شهرين ..؟ صراحه يعني .. " همست " لو اكثر بفز لخالي واطلبك منه .. ارتسمت ابتسامه حلوة على وجهه وتنهد .. بعثرت نظراتي لما سمعته : بس ابيك تلبسين ذا الفستان صباح زفتنا .. حلو عليك ..! " ســارهـ ! يـآ ســــــــارهـ ..؟ " رفعت عيني برجفه .. وراه خالي ..؟ وقفني بشويش : عادي مابوه شي ...! سحبني قدام الفرن وراح للثلاجه ثواني وسمعت خالي : ياسلام عليك .. لف نايف : لييه وش فييني ؟ زفر خالي : مهوب انت .. حرك بصره للمطبخ : ليه هو فيه حد غيري ؟ اشر خالي علي وانا اناظره بطرف عيوني .. وكأني مااسمع .. لفيت .. ناظرني نايف وعقد حاجبينه : ساره بنت عمتي ؟ من متى وانتي هنا ؟ " وطي عيونه " آسف مانتبهت دوبني صحيت من النوم .. مشى للباب وتعدى خالي وطلع .. اما انا مدري وش اقول .. اضحك على نايف ؟ ولا .. اخاف من خالي ! ومن طرف خشمه قال : عمك بيجيك ذاا لحين ! قال كلمته وطلع وبقيت بذهولي بذا السهوله رضى ؟ ولا وش صاير ؟! ركضت لغرفتي وتجهزت حتى طلعت لعمي اللي كان ساكت وقفني عند باب عمتي ونزلت بهدوء .. حتى ماسألني ليه رحتي .. تركته ودخلت البيت يمكن اكون بطير من الفرح .. سجدت لربي الحمدلله اللي جعل نايف من نصيبي .. ربي تممها على خير ..! * * * |
((2)) شهر مضى شهر من عمري .. وانا انتظر اغلا اثنين على قلبي كله .. انتظر نايف .. يتخرج وصورته ماتفارقني ابد .. حتى بنومي اشوفه احلا فارس .. يمكن في البدايه خفت اني اقوله اني احبه بس شكرن ياربي سهلت اموري معه .. ويارب تبعد سلمى .. انا موب حقوده علشان اقول يصير فيها شي .. مهما يكون هي مو ذنبها اول ماتكبر يقولون لها انتي لـ نايف .. ولا هو ذنبي وانا احبه قبلها .. ودام نايف اختارني انا .. الله يوفقها مع غيره ..! صحيح اني مااحبها مره لانها تحب تعاندني وتغايضني بأنها لنايف .. انا صحيح مااحب اتزوج واحد فيه غيري يحبه لكن دامني انا اللي حبيته قبلها .. انا اسفه سلمى مااقدر اتخلى عنه دامه اختارني صدقيني لو اختارك رغم حزني بكون سعيدة لك لكن ماعندي شي اقوله اكثر من كيذا .. الله يوفقك ..! وانتظر فيصل الشخص الثاني .. اللي باقي له كم اسبوع ويرجع من شهر عسله مع نجوى .. مع نجوى اللي انا متأكده مليون بالميه انها معيشته على احلا عيشه .. سعيدة جدا لاني قربتها لك وكمان قربت نوير وعلمتها وشلون تصلح الغلط .. فيه شي يقول مدري وشهو مثل ولا حكمه خخخ المهم ياحظ من وفق راسين بالحلال ..! واااهـ يارب متى اكون مع نايفي .. فيصل من يوم ملك على نجوى معاد صرت اشوفه مغير الا يوم الجمعه ولقطات هاه يعني .. بالساعات مرتز عند نجيو احسن من مروى صحيح نسيت اقولكم شي يمكن حدث صار وو شبه نسيته رغم اني حزنت لاني ماحضرت .. ميشو تملك على مروى وسمعت يعني والله اعلم انهم مابيسوون عرس والسبب مدري يمكن فيه شي حكمة لام نايف بس مو مهم عندي .. بس اخاف انا بعد زفتي تصير كذا .. لالا اكيد نايف الولد الوحيد مستحيل مايسوون له فرح ولا موب أي فرح .. الكل يحضره .. بس حتى لو ماصار عرس اصلا موب لازم كلها مظاهر تنتهي وتبقى البنت واخلاقها .. و... وو... ووو... مضى شهر ..! شهر كامل .. يعني ثلاثين يوم بالتمام والكمال .. وانا على نار انتظر متى يارب اخلص ثانوي .. حطيت كل جهدي هادي السنه بس علشان اتخرج من الثانوي .. انا موب كسلانه بس ظروفي اللي امر فيها غصب عني تخليني ارسب وبعدين فيها تكرار للمعلومات ومااتوقع اني غبيه لهادي الدرجه يعني ماقدرت احفظ اللي قبل .. ممم كل يوم وفي كل حصه عيني على الساعه متى يارب تجي الحصه الاخيره ويجي تركي .. يمكن تسألون ليه تركي بقى يوصلني يمكن علشان عمي عنده شغلات بـ أبها صراحه شكيت ان عمي متزوج واحده يعني كل يومين طاقها لابها وعادي ولا كأنه بوه شي ولما يرجع الوجه منور .. استغفر الله يعني وش العيب لو تزوج ليه بيوزي مرته عننا .. اكيد اشغال بس احب استهبل شوي يمكن اضيع وقتي .. البيت فاضي ابدا مول ولا احد فيه الا بعض الاحيان اذا طفشت للاخر اصعد لثامر ولد عمي استحي صراحه ارز وجهي عند سامر ونوره بدون عزيمه خلهم بكيفهم ولو انه لو عليهم والله لنا شهر كامل ولا شفت وجههم اصلا زين اذا ارسلت نوير رساله بس .. ههه مابحسدهم الله يوفقهم ويتمم على كل المحبين يارب ..! * * ناظرت الساعه اووف وراه تأخر ذاه .. حرقتني الشمس برا والبنات شوي ويروحون .. ثواني وشفته على طول رحت .. وصعدت السياره ورميت كتلة جسدي وعلى طول تلثمت واطلقت آهـ صغيره .. لف علي : وش فيك انتي بعد .. هزيت كتوفي : ابد .. مير اني احس اني تعبت طول الشهر ماطلع منها الا نجوى مسافره ومبسوطه وانا هينا اكرف .. ولا نهى اجازة وطيران .. ونوير مع ذا الوجه مقابله سامر ومرتزتن له .. نص ابتسامه انرسمت على وجهه : انزين لا تحسدينهم طلع من وذاني بخار : وش احسدهم هادي غبطه .. غبطه افهم يعني اتمنى الشي عندي بس يتم عندهم .. رفع لي حاجب وحرك السياره : انتي روحي افحصي تأكدي انك بنت .. وجهك مغسول ابد طاح وجهي من كلمته .. الحين دامه اعتدل وصار رجال الحين بيكبر راسه .., ظليت فتره اناظره الحمدلله اللثمه خافيه ابتسامتي اللي ظهرت فجأه .. قلت : جزاي افضفض لك .. سكت عني وطنشني ياكرهي لك تريك لاصرت كذا احس ودي اذبحك .. ومشينا بهدوء وانا اشوفه بطيء جدا احسن علشان يضيع وقت ويمر الشهر الجاي ونخلص .. مليت من الهدوء .. قلت : واختك حضرتها ماهي بجايه علشان الاختبارات ..؟ ناظرني ورجع يناظر الطريق وهو رافع حاجب : ليش أي اختبارات ؟ كتمت ضحكت شوي لمدة ثواني ثم ماقدرت وناوي ينجح مع وجهه ذاه .. ويسألني أي اختبارات بعد ..!! ضحكت بخفه : اما عاد ! وش أي اختبارات .. نسيت الثنوي يعني اختبارات ومابقى شي ترا .. كأنه تذكر وتفشل بنفس الوقت .., لف بوجهه وهو مبرطم وطفولي .. تفاجأت لما مرينا على البقـّاله ووقف .. لف علي : تبين شي ..؟ ناظرته فتره ثم قلت : ممم لا .. مممم يصير انزل معك .. رفع حاجب وفتح الباب ثم لف علي : على تبن ! ضحكت بـ مبزرة عليه ماكان قصدي اقوله كذا بس مليت احس نفسي لاصقه بالكرسي بالساعات اوف بس ..!! ناظرت ساعتي وجع ايه مايبيني انزل علشان ياخذ راحته ويتجول هنا وهنا .. واتوقع انه يتفشل من شكل البرنسيسه اللي هي انا بنت خاله .. هـــه ! مع وجهه يبي لي اعطيه طراق يلفه حول نفسه مرتين .. لالا .. موب طراق لا صار رجال نسيت صح .. يبي له مممم .. ههه مايبي له شي ..! شفته جاء ودخل رمى علي الاكياس وطاحوا بحظني على طول ناظرتهم ورفعت عيني له وهو مطنش ولا عنده فيها وش فيه صاير دفش خخ قلنا تغيّر وصار رجال بس موب كذا .. ظليت اناظره يمكن الفت انتباهه شوي بس ولا أي حركه تعرفون قسم لولا الحيا اعطيته طراق .. ولا لف .. قلت بقهر : خير ..؟ مد يده لي ولا هو يناظرني وكانه يقولي افتحيلي شي .. ماانكر اني انقهرت بس حسيت بسعاده فتحت الكيس بهدوء وبديت اناظر وش به شفت شي بس كتمت ضحكتي لاني بسويها فيه اخذت مصاص احمر وفتحته وحطيته بيده .. ولا انتبه اصلا وش اخترت له وعلى طول دخله بفمه .. شوي وشاله وناظره ورفع حاجب بنص ابتسامه .. هنا على طول ضحكت عليه مدري ليش يمكن لان شكله كـ بزر يناسبه .. لف علي : بزر عندك تعطيني ذاه ..؟ هزيت كتوفي بمكر : تراك انت اللي شاريه موب انا .. عقد حاجبينه فتره كأنه يفكر بـ عذر .. ثم قال : ايه شريته للبزير اللي بجنبي .. سكتت فتره استوعب .. ثم شهقت : اييش ..؟ ولا كأنه قال شي رجع المصاص لفمه وكمل يناظر الطريق .. ابتسمت داخل نفسي على شكله وكأنه بيبي والله بيبي مسويه فيها انجليزي يعني لا والله شكله جونان خخخ .. طق علي عرق العناد .. سحبت المصاص من فمه وفتحت الشباك بشويش وكبيت على المصاص مويا يقالي اغسله ورجعت قفلتها .. فكيت لثمتي وحطيته بـ فمي .. عقد حاجبينه مستنكر اللي سويته ماانكر حسيت بفشله بس كيفي .. قال : وراك فكيتي اللثمه .. ووجع .. ماقال ليش اخذتيه من فمي ولا علق اصلا على اني غسلته وكأني اقول اتقرف اكل من بعدك ولا شي .. مافكر الا باللثمه ..! قلت : ابي اكل .. رجع يناظر الطريق : وخير يعني ماتعرفين تاكلين الا لما تفتشين .. طايب تبين تاكلين شي كلي شي يناسبك .. طق عرق النذاله : موب انت اللي قلت انك شاريه لي .. شفت شبح ابتسامه انرسمت على شفته لف علي وسحب المصاص وحطه بـ فمه .. وقال : هاتي ..!! فتحت عيني على الاخر غريب حتى اصلا ماغسله او شي رغم انه يعني انا نفسي انقرف لا اكلت شي ثم تركته وارجع اكله بدون اغسله .. كيف لو من شخص ثاني ..؟! والشي الثاني انه سحبه عادي وكانه طايحه الميانه .. هـه مو كني قبل شوي سحبته ..؟ قلت بقرف : يعع ..! شاله من فمه ورجع يدخله .. يسوي حركات مبزرة وكنه يحسرني او يتلذذ بوه .. قلت : لا من جد جراثيم فمي على فمك .. رفع حاجب بدون مايناظرني : مزآج سعودي .. ابتسمت ووطيت راسي وش قصده يعني .. سوير ماقصده شي .. لا تشغلين بالك .., بديت افتش بالاغراض اللي جابهن ابغا اشغل نفسي بشي .. غير التفكير .. سحبت ليز ازرق زي نايف اول مره وبديت اناظره وكاني محتاره افتحه ولا لا .. رسيت على اني افتحه وفعلا بديت اكل في الواقع كنت بس ابغا اجرب اكل وانا بالسياره يمكن بس كذا مزاج سعوديات خخ يعني ودي اكل زي تركي او اجرب شعور شفت اكثر من مرة مروى او سلمى او حتى فيصل ونايف يسوونه وانا لا .. يمكن ربي كاتب اول مره اسويه مع تركي ..! مر على بالي سؤال بس خفت اني طيحت بوه الميانه بقوة لما اسأل .. سميت بالله وقلت : ولد عمتي ..! ولا كانه معي الظاهر سرحان وهو مييّل اصلا طريق ثاني غير عن الطريق اللي حفظته للبيت .. يمكن عنده مشوار ثاني .. او يمكن من السرحان .. في ايش .. مدري !! رجعت كررت : تركي ..! شوي حسيته انتبه .. بس موب لدرجه قويه : هاه .. بلعت ريقي الظاهر اني صحيته من سرحانه قايله اني ملقوفه .. انزين وش دخلت بوه انتي .. سكتت عنه وهو سكت شوي كأنه انتبه كُليّا وناظرني ورجع يناظر الطريق .. تركي : قلت هاه ..؟ مدري أي جرأه اللي جاتني اول مره احس نفسي فيها اصلا انا مع نايف بالـ يالله اتكلم كلمتين ولولا ان ميشو اصغر مني كان والله ماتجرأت اقوله شي .. يمكن استحي او يمكن احب انعزل .. بس الحين تعودت على الناس والجلسات .. وفجأه كذا يروحون نهى ونوره ونجوى ولا .. فيصل بعد !! قلت : مم يعني انت سحبته بطاطس ودخلتها في فمي كأني بطول الوقت والسؤال .. وكملت : انت ليش مبرطم ..؟ مرت ثانيه وثانيتين .. ومرت الثالثه وتلتها الرابعه .. ظنيت انها مرت دقيقه اصلا ..!! وهو ماتفوه ولا بأي كلمه شفت علامات خيبه على وجهه او تضايق مثلا .. عضيت على شفتي بهدوء وتلثمت وكاني اخفي احراجي منه .. وقلت : خلاص انسى السالفه .. وقف السياره وناظرني فتره ووجهه صاير غير ابد استحيت اكمل اناظره ووطيت عيوني .. حسيت فعلا اني انثى .. مشاعر الخجل اللي جاتني من نظرة رجل ..! قال : وش مبرطم ..؟ بلعت ريقي بس ابتسمت من داخلي انا اخاف منه خخ وفتشت مره جديدة وبرطمت : يعني كذا .. شفته ابتسم اووف اشوى الحمدلله ماقال شي غير انه ابتسم .. انتظرت الاجابه منه بس ولا شي وشوي اطلق ضحكه قويه رجت كل الدنيا ثم حرك السياره مره جديدة ولازالت ضحكته تردد صداها على عقلي .. وملامح ضحكته لاتزال موجودة ..!! شوي وقال بهدوء : اول مره حد يسألني كذا !! رجعت اكل بطاطس وهمهمت كأني اقوله قل الاجابه : همممم ..؟ قال : طايب ليه انتي حاجبك مكسور كذا ..؟ تفاجأت سؤال وضحكت اقلد : اول مارا حد يسألني كذا ..! ابتسم : مارا ...؟! اكتفيت بالابتسامه على وجهي طريقة التقليد لدلع الراء .. احسها تلوق له اكثر .., تنهدت : ممم حاجبي كذا لانه كذا .. خلقة ربي وربك يعني .. وشلون يعني تبيني اغيرها ..؟ كأنه موب مهتم لكلامي : لا بس نفس طريقة سؤالك طايب يعني وشلون اغيره انا .. خلقة ! فتحت عيني وكأني منصدمه موب معقول يعني هو كذا ..؟ وانا اللي من يومني بالخير احسه مبرطم ومايعجبه العجب ولا الصيام في رجب ...؟ مرت لحظات صمت ثم قال : ليه ماقولتي اني ميّلت الطريق ..؟ سكتت لان ماعندي جواب .. لاني حسيت فعلا المفروض اقوله .. همهمت بخفه : عادي حصل خير .. سحب الشيبس : هاتي ذاه .. سحبت المصاص : وهات ذاه .. عقد حاجبه بقرف : وينها اللي تقول يععع وقرف اطلعه من فمي ثمن ارجعه ..؟ سكتت ولفيته بالكلينيكس وحطيته بدرج السياره : فيك خير ارجع كله .. وكأني اقوله بس ابغا اقهرك .. سكت عني حسيت نفسي طيحت الميانه وام الميانه سكتت لين وصلنا للبيت .. ورميت كلمة مدري وشلون طلعت مني وكأني ابرر لنفسي واحط حدود لقلبي لا يميّل .. قلت : تراك بايخ مارا .. نص ابتسامه وشفته حرك .. توقعت بينزل للبيت بس راح .. وعيوني تلحقه .! تشيعه بنظرات بريئه هو من صدقه موب مبرطم ولا بس انا اللي اتخيل .. دخلت البيت وعلى اول مرايا مرايا المدخل ناظرت حاجبي .. هو صدق مكسور .. تحسسته برقه وابتسمت .., اول يوم في حياتي اعيشه زي كذا مااخاف شي .. اول مره مااخاف ان عمتي تعصب علي زي لما طلعت مع نايف .. اول مره احس ان خالي مستحيل يقدر يمنعني اني اضحك على راحتي .. اول مره احس .. اني ضايعه ! جاتني عمتي بقلق باين على وجهها .. وقالت : وينه تركي ..؟ بلعت غصه : راح ! مشيت وكأني اقول دامه راح انا كمان بروح .. اكرهك تركي والله اكرهك ..! * * * مسكت جوالي بملل الساعه طقت الست مغرب وانا قدام الكتاب مليت ياناس ايوه قلت بنجح بس موب لذا الدرجه احبس نفسي .. طايب لو نزلت وش يصير مابوه لا نجوى ولا نهى ولا حتى نوير من جد ملل .. ابتسمت لذكر ريم .. صح هي اللي بدت تعلمني وشلون اكون اجتماعيه واطوي الانطوائيه خخخ صايره امزح بس احس ان مزحي ثقيل واستهبالي طينته ماتنطاق ابد .. حسيت نفسي ودي اكل شيبس ليز مدري ليه .. ههه اتوحم على غفله .. استغفر الله قمت اهلوس .. قمت للمرايا وتركت كتبي اوف بكرا الاربعاء واخيرا يارب احس ان مايمضي شهر الا وانا هنا متوفيه .., طرق على بابي ودخلت عمتي ابتسمت بهدوء بابتسامه خفيفه .. عمتي : عسى ماعطلتك ..؟ هزيت بـ نفي .. كملت : مليت وانا تحت قلت بعد اذنك بـ بقى معك .. هزيت راسي بالايجاب بوناسه وجلست .. حسيت ماعندي أي سالفه وعمتي تناظرني ..!! حبيت ابدي : نجوي ميب جايه للاختبارات ..؟ حطت يدها على جبهتي وكانها تسألني انتي صاحيه ..؟ بس سؤالها تغير لما شالت يدها عمتي : بنت اخوي انتي متأكده انك جالسه معنا بالبيت ..؟ عقدت حاجبيني باستغراب .. وش صاير ؟ قالت : نجوى فصلت خلاص معاد تبي تدرس .. هو فيصل ماقالك .. ابتسمت لذكره : هو انا صرت اجلس معه كله عند نجيو من يوم ملك .. تنفست بسعاده وبدعوه حسيتها طالعه من قلب : الله يوفقهم ان شاء الله .. أمّنت بـ سرّي على دعاءها ..! شوي وابتسمت : غريب ماقالك لانه فصلها له فتره موب يوم ولا يومين .. والاغرب اخوك وماقالك .. واخته وماقالت له .. فهمت ان تركي مايدري هه .. مع سرحانه اليوم ايقنت انه موب معنا بالبيت .. قلت بضحكه : احسن عشان اذا رسب تركي ذا السنه يلقى من يجلس معه .. تفاجأت انها رضت بالتنكيت اللي قلته على ولدها رغم انها ماترضى عليه .. بس سكتت يمكن ضحكت مجامله لي او يمكن انا بس الللي احس نفسي ثقيلة دم .. قالت : لا يارب ينجح ويفكني .. " تنفست " اوف ماظني يخلص الجامعه الا وروحي طالعه معه .. اول مره عمتي تقولها همهمت احثها على التكمله .., كملت على طول وكان السؤال جاء بوقته : ماصدقت انه دخل الثانوي 9 سنوات دراسه واقول خله بس يخلص الثنوي ويعرس ويفكني ابغا اشوفه معرس موب عجله بس اتطمن عليه .. سكتت لاني حسيت بهمها شوي .. هو ليش مايحس لها ؟ وش ناقصه .. ماعنده ضغط مثلي .. بالعكس مريحته على الاخر .. ابغا اسأل هو ليش يسوي كذا ..؟ ابتسمت : بس والله لو انه ماينجح ذا السنه والله لأزوجه ولا عندي فيه .. والله ماناقصه شي عن غيره ! ابتسمت : حتى ميشو ولد خالتي اعرس يعني ممم هو اصغر مني بسنه وهو ماكمل اصلا الثالث .. خالتي اللي يهديها طايب تبين تعرسينه انتظري شوي .. الا تبي تقلد فيصل بكل شي .. قالت : خالتك مشاعل ..؟ عقدت حاجبيني : ليه هو فيه غيرها ..؟ ضحكت وهزت بـ لا ..! قلت : ايه احسب بعد وانا مااعرف .. ابتسمت بخفه لي حسيت بسعاده لاني اعيش بهدوء وسلام ولا أي شي يخوفني ..! * * نزلت من الدرج بحماس وانا الف حجابي بسرعه ووسحبت لي فطيره على السريع ولحقت الباب وان اقول لعمتي : صباح الخير .. بدون مااسمع ردها طلعت وانا امشي ببطئ متعمده لجل اخلص الفطيره ولين وصلت رتبت لثمه وصعدت بسيارة تركي .. قلت : آسفه .. هز راسه ومشى .. مدري وش به ذاه ماافطر الظاهر ماله نفس .. باين على وجهه انه متضايق من شي لانه بزر يظهر على وجهه وش يبي ..! كنت بسأل بس لا يكفي طيحت الميانه اكثر من كذا .. بس فيني لقافه .. لقافتي المفروض على كل الناس الا ذا الانسان اللي بجنبي .. الافضل اني ابتعد عنه بكل شي .., وصلت المدرسه وريموه الحيوانه موب فيه قهرتني يقالها تعبانه ومواعيد .. وقضى اليوم بملل ورجعت للبيت على طول تحممت وصليت ولا اكلت شي على طول بديت اذاكر لين تعبت ونمت بدون مااحس لنفسي اصلا .. * |
((3)) ~ تِح ـس بـآللي ـآحسسْ بـّهـ .. ـآحسّ ـآلدنيـآإأ مٍنْقلبهـْ .. لـآإ ـآلليـ ـآحببّهـ يح ـبّني .. ولـآإ ـآلليّ يح ـبني ـآإأحبـهـٍ ]~ نزلت من الدرج بحماس وانا الف حجابي بسرعه ووسحبت لي فطيره على السريع ولحقت الباب وان اقول لعمتي : صباح الخير .. بدون مااسمع ردها طلعت وانا امشي ببطئ متعمده لجل اخلص الفطيره ولين وصلت رتبت لثمه وصعدت بسيارة تركي .. قلت : آسفه .. هز راسه ومشى .. مدري وش به ذاه ماافطر الظاهر ماله نفس .. باين على وجهه انه متضايق من شي لانه بزر يظهر على وجهه وش يبي ..! كنت بسأل بس لا يكفي طيحت الميانه اكثر من كذا .. بس فيني لقافه .. لقافتي المفروض على كل الناس الا ذا الانسان اللي بجنبي .. الافضل اني ابتعد عنه بكل شي .., وصلت المدرسه وريموه الحيوانه موب فيه قهرتني يقالها تعبانه ومواعيد .. وقضى اليوم بملل ورجعت للبيت على طول تحممت وصليت ولا اكلت شي على طول بديت اذاكر لين تعبت ونمت بدون مااحس لنفسي اصلا .. * صحيت على عمتي كنت بنص وعيي وقمت على السرير .. يمكن شي عادي عند الغير انه حد يصحيه يروح للسرير بس عندي انا شخصيا غير .. اول مره احسس بوه .. ماصحيت الا على اذان العصر صليت ورجعت اكمل نومي هه بكرا الخميس وش علي انا ..؟ لما صحيت على طول تروشت بسرعه وشسورت شعري ولبست تحجبت بسرعه ونزلت وانا مبتسمه تضاءلت ابتسامه الوناسه ليوم الخميس او مضى شهر ويومين وحلت محلها ابتسامة صدمة ..!! فتحت عيني ورجعت سكرتها .. قفلتها زي مايسوي لي فيصل من قبل ورجعت افتحها .. ورجعت افرك .. جالي وهو يضحك ببسمة مابوه مثلها .. فيصل : وذا استقبال مع ذا الوجه .. وانا باقي بصدمتي وش صاير وش اللي رجعه : انت وش جابك .. تحرك للباب وكانه يقول خلاص بطلع .. ناديته : وين رايح ؟! تعال ..! لف لي شالني وانا على الدرج وهو مبتسم : والله انتي بزر من جد وحشتيني .. كان يلف فيني وكأني فعلا بزر يمكن طولي الشي الوحيد اللي مخرب علي اني بزر خخ صدقت انا .. لما نزلني تنفس : وجع سمنتي .. فتحت عيني بقهر : محد قالك تشيلني .. ابتسم بس .. تلفتت يمين وشمال : وينها نجوى ..؟ قال : ماعليك منها عندها سالفه مع امها .. هزيت راسي ببلاهه : طايب خلنا نروح لهم .. غمز : اقولك سالفه خاصه .. عقدت حاجبيني : طايب عادي انت تكشف على نجوى .. شوي وشفته فطس ضحك : والله منتي بصاحيه !! سكتنا فتره وناظرته ورحنا جلسنا بالمقلط : وانت بعد قل لي سالفة خاصه وانا امك .. ماابتسم ولا حتى جاملني وقال شي .. فتح حجابي : انتي باقي بزر ترا .. عقدت حاجبيني ورفعت احدهم : ايييه .. اقلقتونا بذا البزر وجع والبزر مايكبر ..؟ هز راسه بـلا وبرضه على نفس وجهه .. مديت يدي لوجهه : افرده يشيخ وفكنا .. ولا تفكر بتخليني انسى ليش انت راجع بدري .. يعني موب طرده بس .. من جد فيصل وش صاير ..؟ ابتسم وأخيرا : راجع لك .. اشتقتلك .. نجيو اقلقتني وحشوني اهلي قلت حتى انتي وحشتيني .. تلاشت ابتسامتي .. من لي غيره .. ومن له غيري ..؟! هو اهلي .. وهو الحين كأنه يقولي انتي ياساره كل اهلي .. رجعت ابتسمت بس بالغصب : ايوة ..؟ همس بوذني : وترا نجيو بالغلط حامل .. فتحت عيني له وضحكت من الفرح : احلف ماصدقك هز راسه بـ ايه : من قدك بتصيرين عمه .. قلت بوناسه : انت قدي .. لانك يكون عندك عيله ويكون .. الله فيصل وناسه من جد يعني انا اصير العمه تخيل شكلي عادي مااتغطى في بيتك يعني لما ازروك عادي حتى اذا كبرتم عيال اخوي .. فيصل : ليه انتي متضايقه كذا يعني حجاب بالخبر وحجاب بالدمام .. هزيت نفي : عادي المفروض غيري اللي يتضايق .. لاني جالسه معهم ..! رفع حاجب وكأنه محتقرني او بالاصح محتقر كلماتي .. قلت اضيع الموضوع : ليتك بقيت فيه لين تولد .. ابتسم : لا والله شفت مشعل ولد خالتي مع مرته وانا صراحه رجال سعودي مابيه يناظر حريمتي .. ضحكت في داخل نفسي ورسمت ابتسامه .. كمل : ووو .. شي ثاني لزوم احضر ملكة نايف .. عقدت حاجبيني وانا من داخلي مبتسمه سرحت بعالم ثاني .. هو من جد اللي يصير لي ..؟! احس نفسي بحلم ..! كمل بابتسامه غريبه : ماتبين تعرفين على مين ..؟ ابتسمت بس وهزيت راسي بـ ايه ..! فيصل : سلمى !! هنا وبس ..!! هنا ووقف مخي .. هنا وحسيت بالدنيا تلف فيني بقد ماتكرر اسمها ..!! هنا .. حسيت اني صحيت من نومي او الحلم اللي طلع بالنهايه كابوس ..! هنا .. سمعت صدى يتردد اخر جملة سمعتها من نايف متوجه لي ..! ثارت براكين الغيره والقهر وخمد بركان الحب المتوجه لنايف .. في سؤال واحد .. هو نايف متعمد يرفعني فوق علشان تكون الطيحه قويه ..؟! اطلقت زفره واحده بس تلتها تنهيدات وكأني اطلّع كل هم مكبوت داخل جسدي ونفسي .. احس الدنيا تدور وتلف وتوقف .. بس عند نايفي انا !! بلعت الغصه بصعوبه ماكان عندي موضوع افتحه ابغا اغير كل شي ابغا انسى كل شي ابغا اعيد الاحداث وامسح سؤالي او اسحبه قبل فيصل يجاوب .. يافيصل ليش رجعت ..؟! فكري يبي يغير مسار الكلام لانه يتعب كذا .. والله يتعب ..! رسمت ملامح بسمه خفيفه : هو مادريت انا وش ناوية ادخل لما اتخرج .. تخيل فيصل ابغا اكون ممم نيرس وعع انقرف اذا شفت نيرس فلبينيه احس ودي افلعها بالجزمه .. خلنا نصير وطنيه .. لما شفته ساكت ولا علق .. كملت : ايه واخذ الاجر انا على كل مريض حسنات وببلاش .. ههه وان شاء الله الحمل الجاي لنجوى انا اعطيها تعلميات ولا تتعب عمرها وكل يوم موعد .. شفته يناظرني وكانه ماسمع اصلا وش قلت .. ويفكر بس بملامحي اللي يناظرها بدقه ..! وقفت .. لا ساره شوي شوي ولا تبكي قدام فيصل .. تهتز صورتك قدامه ..!! وقفت ببسمه : هو انا ماضيفتك ههه والله اني مااستحي اجل بنت خال مرتك وجالسه معك .. وليت ظهري بسرعه للمطبخ وانا حابسه دموعي وبديت اجهز بربكه الصينيه والاكواب .. فتحت الثلاجه اطلع عصير وحلويات او ضيافه وفواكه .. رفعت عيني للسما كاني اثبت دمعتي في عيوني .. ماتطيح دمعتي ..! طرـآخ ..!! صوت زجاج انكسر ارعبني شكله على طول حنيت ظهري الملمه برقه مكسوره .. زي احساسي !! حسيت به يلفني بحضنه : وش فيك ..؟ ناظرت الزجاج وكملت ألمه : والله فيصل هو اللي انكسر موب انا اللي تركته .. شفته كانه يبلع ريقه بالقوة وكأن منظري ضايقه : مصدقك ! لما حسيت بحراره دمعتي بتتخطى عيوني .. على طول وطيت راسي بعذر الملم الزجاج رغم اني اطلق تنهيدات الالم داخل نفسي .. ماابغا فيصل يتضايق اكثر هو تعود مايشوفني ابكي .. ليش اهز صورتي ..؟! مااشوف شي بس احس بعبراتي منظر دموعي اللي يتناثر علشان نايف .. وعشان الحب اللي عشته !! سمعت يتكلم بحدة : ساره ! همهمت لاني مابي ارفع راسي .. قال : شوفي يدك وش بها ..؟! غمضت عيوني ورجعت فتحتها وكررت ذا العمليه اكثر من مره كاني ابي اشوف .. بس ماقدرت .. رفع راسي وهو مبتسم ويمسح دموعي : من البدايه ماكان لك .. صح ..؟ لا كان لي والله لي .. سكتت ..!! فـ كمل : اجل لا تصيحين عليه .. مايستاهل صح ..؟ بلعت ريقي وانا اناظره .. شوي وقلت : مو عشانه .. ومنهو هو اصلا لجل ابكيه ..عادي لا راح ولا جاء .. بس " همست " يدي تألمني ..! ابتسم بابتسامه باهته : احلفي طيب ..؟ بلعت عبرتي بتعب .. وكتمت وراها الشهقه اللي كانت بتولد على لساني حملت بها من جوف قلبي .. وقلت : منت بمصدقني ..؟ هز بـ النفي مسحت دموعي بـ كفّي .. وقلت : كيفك والله .. " رفعت حاجب " من يومك ماتصدقني .. قل انك تحقد على جمالي .. عادي ترا بصدقك .. لانك ماتكذب ..! نزل عيونه : هـ المره بكذب عشانك .. رفعت حاجب : نعـم ..؟ هز نفي وتنهد بنذاله : جزاك تسوين لي عصير مره جديده .. " ولا حتى تذكرني .. شف اللعانه طايحه لها ساعه عند رجلي وربي اغار " لفيت لعند الباب وابتسمت : ياهلا والله يقولون ان الاخت حـ.. حط يده على فمي وهمس : اشش عمتي فيه .. ابتسمت عليه وكانه يحسسني اني اغلا من أي انسان علشان كذا يقولي عن شي .. ماقاله لحد ابد ! سمعت عمتي : وراك تصيحين ..؟ قمت بسرعه وتعديتها : دموع الفرح ياخالتي .. سمعت فيصل : قصدك عمتي .. مشيت بسرعه للسلم لاني تعبت وانا اكتم ابغا اصيح بس ماابغا صورتي تنهز وقلت : اللي هو .. ماتفرق معي ..! صح منهو نايف علشان ابكي عليه ..؟ واحد عادي مر بحياتي لاني بأول من صار لها كذا ولا هو اخر من قالها .. منهو هو يعني ..؟! هو نايف .. اللي من يومني بزر وانا بجنبه ومريت معه مراهقتي ..! هو نايف .. ولد خالي اللي المفروض الكل يسويها عداه هو .., هو نايف .. اللي عاش معي كل لحظه الم .. خلا دمعتي صعب تنزل .. هو نايف .. الوحيد اللي يحسسني اني ممكن احلم باي وقت .. هو نايف .. اللي قالها بلسانه .. وانا ساره اللي بقيت انتظرهـ ..!! يمكن خلاص راح شهر من عمري على الفاضي .. بس اظل ساره .., وليت ساره حديد ماينكسر .. ياليت !! شهقت اول ماخلصت من الدرج بس سمعت : ساره ..؟ حلو انك جيتي معليش لحظه محتاجك .. تنفست بقهر وكأني بفرغ كل الشحنات في الانسان اللي قبالي .. اللي ماناظرني حتى وشاف دمعتي وفهم انه مفترض يسكت لان صوته يقرف .. اللي فاضي بس علشان يتشمت .. وفاضي يرتز على اللابتوب ..! وشكله الهادي ينرفز اكثر .. فـ قلت : لا معليش يبي لك كف على وجهك لجل تفهم اني ماني بفاضيه لك ولا عمري بكون فاضيه لك افضى لكل الناس ولا لك انت .. منهو انت اصلا ...؟ رفع حاجب وناظر بطرف خشمه مركز سيلان دموعي .. بركان وتفجر ليش ذاهـ مايحس ابد ولا يقدّر ..؟ مسحت دموعي وحطيت يدي قباله : ايه ياتركي هادي دموع ساره بنت عمتك اللي انت تكرهها .. انبسط سوي حفله وقل للكل يحضرون .. موب علشان يقولون لي اهدي .. علشان يفرحون معك .. تونّس على راحتك واجلس كذا " اشرت على طريقة جلسته " رجل على رجل ولا اوصيك تراك بالصاله وغرفتي هناك مسافه بسيطه .. " صرخت مدري ليش " ارفع ضحكتك علشان انقهر اكثر ..! مسحت دمعتي ومشيت على طول الى غرفتي قفلت الباب ورميت نفسي .. جسد ! " عشـــــــآن الحب واللي بيني وبينك .. عشـــــــــآن الحب عشان ايامي ... " قطعت الاتصال بسرعه يكفي ياراشد لا تزيد همي .. حطيت رقم نايف على طول كنت بتهور واتصل بس ليش ارخص نفسي .. بس برسل مسج واحد .. يمكن كلام بس موب انا اللي كتبته .. تلقائي اصابعي تتحرك لتكتبه .. " حضنـك .. وحده اللي دفـّآاني ..! رغم أنه كآن بالغلط .. بس دفـّآاني ..!! كيف ترحل ..؟! وتنسى حبي .. وتنسآني ..؟! وتحب غيري ..؟! تبدلني أنآا .. بـ إنســآن ثاني ...؟ أنت مآ ترضى تشوفني .. مع إنسسآن ثاني .., كيف أقدر أشوفك واخفي عنك احزاني ..؟ وأناآ قلت لك قبلهآ .. إن آلحزن .. عنوـآا ني ..! قآلي قلبي أنك .. تخون ..! و.. تجرح ..,؛ غير إنك .. أناني ..! مآنت بشــر .. ـآنت شي ثاني ..! ~*~ أمــآنه حبيبي لا تبكي يوم دفاني .., ترآ دمعتك تبكيني .. أبد وربي مآتوـآسيني .. وإستأذن كل من يعزيني .. إنك تجيني .. و... تنسيني .. هم*ن* سكن فيني ..!! وقبل لحظة دفــآني .. إستأذن من دفـّاني ..,؛ تشيل الغطا اللي غطاني ..! تـرـآهـ .. مـآا دفـّآني .., و.. تبقى بين أحضآني .. لو تدري بس إن حضنك .. وحده آللي دفـّآني ..! " ** إنسسـآان ثآني / بقلمـي :. مون لوف ..! ضغطت ارسال ورميت الجوال في .. مكان مدري وينه ..! ضميت رجلي بهدوء وكاني متخذه وضعية البكاء بس غيرتها خلني اذاكر وانجح .. بس هالمره موب عشانه عشان نفسي .., مسكت اول كتاب طاح بيديني وبديت اذاكر مابقى شي على النهائيات ولا كأنه صار شي انسي .. خربشات ....؟! احتفظ فيها الزمن في كتاب الكيميا بس انا امسك ممحاة واغير الاحداث .. لانها حياتي انا .. مابضيع شهر كمان علشان ابكي فيه .. ماحد في هـ الدنيا يستاهل ..! سمعت جوالي شفته رقم حفظته مليون مره موب بعقلي بقلبي حتى حطيت رفض ثواني ووصل مسج على طول حذفته .. كذبه يانايف ..؟ أذن الفجر وانا اذاكر صليت ورجعت كنت بتجهز للمدرسه بس تذكرت انه اليوم الخميس احسن بعد .. لما جاء الصبح محد ازعجني واحسن بعد مابي شي من احد .. صارت الساعه سبع ونص وانا بيدي كتابي يمكن ذاكرت بس موب كل الوقت أترك مجال شوي اتنفس وغير مجال للتفكير لا ..! وقفت بسرعه ورحت تحممت ومشطت شعري وجففته بالشيسوار طليت من الباب شفت عمي يصعد لجناحه اكيد وصل من ابها اووف وقته يعني .. دخلت وغيرت ملابسي .. لبست جينز اسود وبدي رمادي طويل أطرافه اسود لبست بوت خيوطه توصل لنص الساق ورفعت اطراف الجينز ربطت شعري بخصلة من شعري ونزلت خصلات متطايحه حطيت كحله وقلوس بسيط .. ورحت لميت بوكي وجوالي وعطري واغلب الاشياء اللي ممكن احتاجها بشنطة سوداء صغيره كيوت .. لاني بنت ..! اخذت عبايتي ونزلت على الدرج وانا الف حجابي وبيدي عبايتي سمعت صوت كحه رفعت عيني لقيته تركي شرق بالمويا الظاهر عمتي مانتبهت لي على طول ناظرته .. سحبت منه علبة المويا وهي قلقانه عليه ..! عمتي : وش فيك تركي ..؟ رفع عينه لي واحتد صوته : وين رايحه انتي بذا الصبح ومع مين اصلا ؟! ناظرتني عمتي مصدومه يمكن لان ولا مره بحياتي سويتها بس اليوم فعلا محتاجه اطلع وماابغا أي جنس مخلوق معي .. رفعت حاجب : ذا شي موب شغلك .. هو فيصل لونه قالي كذا مابسمح له .. انت " اشرت عليه " وش تطلع ؟ صغّر عيونه : اجل منتي بطالعه مغير رجلي على رجلك .. زفرت بملل ومشيت مطنشته ابدا وانا البس عبايتي وقفت عند طاولته وتوكيت عليها بيديني وانا مصغره عيوني مدري ليه سويت كذا .. قلت : حدك انت ولد عمتي وانا ماني بمراهقه .. رفع حاجب : بس بزر .. ماانكر انه قهرني .. هنا نسيت نفسي ووجود عمتي اصلا .. قلت : مع احترامي لك تراك محسس نفسك انك شي بذا الدنيا وانت .. حست فمي واخرجت صوت بمعنى طل ..! طرـآاخ ..,؛ أحح حسيت ان خدي حار بالموت تنفست ولا كأنه همني رفعت يدي وطراخ على وجهه .. صرخت : اصحى ! شفت عمتي متضايقه بس محترمه وماتدخلت .. طلعت على طول من الباب يمكن جنون اللي انا بوه بس كيفي بديت اتجول ايوة اتجول ياه كل ذاه عندنا بالدمام ..؟ مشيت وكل مكان اوصل له ادخله واشتري أي شي بس كذا .. الف بالاسواق واتمشى بالطريق ولا حد يمنعني فعلا حسيت نفسي ضايعه .. ومو أي ضياع ..! ناظرت ساعتي وشهقت موب معقول يوم اطلع كانت الساعه ثمان وربع .. والحين 12 الا ثلث .. تلفت يمين وشمال يالله انا ويني فيه .. تنفست الحمدلله معي جوال ههه ناظرته جنون لاني ماشحنته يلا بقى بوه شوي بطاريه عادي حصل خير .. شفت اتصالات كثير من رقم البيت وجوال عمتي بس طنش تعش .. دخلت بقاله شريت لي علبة مويا وبقيت اشرب منها بشويش .. واخيرا تعبت مسكت جوالي ادق على مين .. لا مااحسس تركي اني محتاجه له .. قفلته بسرعه ودخلته مكانه بالشنطه .. مشيت وخشمي رافعته اخر الحلول اني ادق لك ياتركي .. !! وبديت اخبط وبقدرة قادر وصلت للبيت وتفاجأت لما شفت عمي وتركي وعمتي فيه ماانكر اني انصدمت بس سويت نفسي ماشفت حد على طول رميت الاكياس على الكنبه وفكيت نص حجابي لاني شفت تركي حتى لو سويت نفسي ماشفته .. ومشيت وفتحت التلفزيون واحس نظراتهم تاكلني ولا كأنه معي حد .., شفت ظله يتجه لي وسحب الريموت ورماه وتفتت غطاه والبطاريه تناثرت على الارض وطلع صوتها .. رفعت عيني له وعدّلت حجابي .. قال : انتي صاحيه ..؟ حست فمي ببرود : وش رايك ييعني ..؟! كمل بهدوء ارعبني : وش رايك انك تكونين محترمه .. موب عشاني صح منهو انا عشان اقولك يمكن لاني مااحب تطلعي بذا الشكل الغير اخلاقي كلمة وقلتها .. بس الافضل انك تعتدلي .. بلعت ريقي حسيت نفسي وحده ابد واطيه ومنحرفه بعد .. ناظرته وبلعت غصه ... تمتمت بهمس : يقالي نسيت يعني ..! عقد حاجبينه وكانه انصدم من حركاتي شوي اصيح وشوي مبسوطه شوي قويه وشوي ....؟! تنفس وطلع فوق : الحمدلله خلاص ياخالي رجعت حصل خير .. اول مره احسه فهم اني تعبانه مره .. وقرر يريحني اليوم .. قمت بكرامة مهدوره من نايف وتركي ودخلت غرفتي صليت الظهر وبقيت بالغرفه قريت قرآن يمكن ارتاح وبعدين انسدحت غمضت عيوني في تفكير .. هـــــه !! نايف يملك وانا احط حرتي بتركي .., صحيح تدخل كثير بس والله كانت نبرتة تبان انه ماقصده شي .. اول مره احس نفسي ظالمه حد ماني بقادره اعيش ابد .. الله لا يسامحك يانايف قلبت حياتي تحت فوق ..!! قمت على طول ولبست حجابي ورحت لغرفة تركي وبدون سابق انذار دخلت يمكن مانتبه انه انا .. قال : قولت ماابغا .. غريب تركي احيانا جواله كله بيده واحيانا مرتز على التلفزيون .., واحيانا على لابتوبه ..! سكرت الباب : وش اللي ماتبغا ..؟ رفع عينه وانفتحت على الاخر حسيت به طاح وجهه وعلى طول سكر لابتوبه ورجع رفع عينه لي وكانها تقول لي نظرته .. وشتبين بعد ..؟! تهزيء هالمرة ولا طراق ثاني ..؟! تلعثمت لاني بس حسيت اني انثى وهو .. رجل ..! نسيت كلامي اللي رتبته وبديت اتكلم : تقدر تقول لتركي ولد عمتي اني اسفه ..؟ رفع حاجب : على ..؟ قلت : على اخلاقي الزفته اللي من البارح مطلعتها فيه .. قلّه صحيح انه انا يعني ممم تعديت معه بس تراه تلقف شوي .. هز راسه بـ أها .. وقال : لا تحطي ببالك عادي .. حسسني اني وحده ماتحس .. واني وحده ماتفهم وش الشعور .. لما بس سامحني على طول .! تمنيته شوي يقهرني ..علشان احس بطعم انها طلعت روحي ألين ماسامحني ..! ليش احسه متقدم علي بخطوات بالطيبه .. ليش قلبه ابيض كذا ..؟! قلت : الحين وش فيك .. شال لابتوبه وحطه بالشنطه : الحين منهو اللي يتلقف بالثاني .. زميت شفتي ايه ذاه تركي اللي اعرفه .. قلت : انت البارح قلت محتاجلي .. لين دحين تبيني اساعدك ..؟! قال بدون يناظرني : لا شكرن اخلاقك زفته مااحتاج لك شي .. قادتني رجلي والله ماكان قصدي شي لفيته لي : ابوس رجلك يعني ..؟! فتح عينه وظل يناظر يدي وين ويناظرني وطيت راسي و.. شلت يدي : اسفه صايره اتصرف بغرابه ..! قال : حصل خير .. تمللت : تركي ناظرني ..! لف علي بزفره : افهمي انك جالسه في مكان غلط .. مع انسان غلط .. في وقت غلط .. بلبس غلط ..! ناظرت لبسي ماكان به شي رفعت عيني له وطاح وجهي .., وطيت راسي واحس ان وجهي تلون حسيت اني بنت لما استحيت ! وعضيت شفتي ابتسمت بحيا مدري من وين جبته .. ورفعت عيني ورمشت اكثر من مره .. رآح فتح دولابه ودخل الحمام .. كان مفترض بي اني اطلع بس تفاجأت انه طلع بسرعه وهو لابس ثوبه وابتسم ووجهه احمر مولع ابد ..! حسيت وجهي صار صغير مارا وش بيتوقعني الحين .. سمعت كلمته او كانوا كلمتين بس ظلوا بوذاني فتره .. قال : تسمعين بنت خالي ؟! هزيت بـ ايه وقلت : اسمعك .. قال : احلفي ماتتضايقين طايب .. عشان اتطمن على نفسي .. ابتسمت : لهالدرجه الموضوع يضايق ..؟! هز كتوفه : انتي غريبه يمكن باي لحظه تعطيني كف على وجهي .. عضيت شفتي حمار على الاخر هـ الانسان .. ابتسم : الحين حنا موب فيذا السالفه .. بس احلفي ..! قلت : مااوعدك .. بس اوعدك مااسوي شي وافكر بعقل .. عقد حاجبينه : هو انتي اصلا كم عمرك ..؟! رفعت حاجب : ممم تقريبا عشرين .. سمعت تمتمته : يعني انا الحين عمري مممم 22 " ناظرني " تقريبا ..! سكتت اسمعه .. قال : انتي اصلا وش تقربين لي ..؟ ههه وراه على "انتي اصلا " خخ ..؟! قلت : بنت خالك .. هز راسه : يعني انا بن عمتك .. أهاآ .. رفعت حاجب : هو انت اصلا وش تبي توصل له ..؟! ابتسم بخفه : لانك ساره لزوم احط ذا الكلام .. هزيت راسي وتمتمت بصوت عالي : يعني انت تركي .. اها ..! سمعت ضحكته وطى راسه ونزف شعره الامامي شوي ورفع راسه .. وقال : طايب امي ماجات لك من قبل كم يوم ..؟! هزيت راسي بـ ايه : إلا .. قال : ماتحسين بن خالتك ذاه متهور مع وجهه وهو كذا .. حتى لو يحبها ؟! انقهرت منه .. وش فيه ذاه على اهل امي لا والاكثر القهر محتاجلي ومدري ايش وعلى ميشو ..!! زفرت : اولا موب شغلك في اهل امي ثانيا يحبها .. ثالثا بكيفه خالتي راضيه ومشعل راضي .. مالك ياقاضي ؟! رفع حاجب : غريب ! يعني مروى وخالتك عادي بعد راضيين ؟! هزيت راسي : اكيد ..! هز راسه بـ اها وبعد فترة صمت .. قال بهدوء : طايب ! " ناظرني فتره " عمتك راضيه وتركي راضي .. وانتي ؟! ضحكت بخفه : عناد موب راضيه .. بس على ايش .. حسيته وده يعطيني كف على وجهي .. سكتت افكر بكلامه وتضاءلت ابتسامتي بسكون هادئ رفعت عيني له كان يراقبني يرصد كل تحركاتي او حركات وجهي وتعابيره .., بلعت ريقي بقوة وهزيت راسي اعيد كلامه .. صح ووو ... انا ؟! بس انا ايش وتركي ايش ؟! رفعت عيني ورجعت وطيتها ورسمت ابتسامه خفيفه على شفاي ليه انا اللي يصير لي كذا ؟ ليه نايف وتركي ؟ هو قصده واضح بس اخاف ... ايوة اخاف اتعلق بتركي وارجع انكسر .. نايف موب بس كسرني ..! نبرة نايف نبره ولا احلا وباين بها الصدق حتى تركي بس اخاف يطلع زي نايف .. كالعاده تركي يسوي المستحيل عشان يصير زي نايف يتعادلون دايما ..! شوي وسمعته : اها .. خلاص عادي مافيها شي .. " وابتسم بطفوله " تظلين بنت خالي ! ماانكر ملامحه اللي تغيرت غير ابتسامته اول مره احسه هادي .. دايما يخليني اندم على أي قرار اتخذه .., قلت : اول مره احسك هادي بـ .. ممم رجوله يعني .. واول مره احس نفسي مممم " ابتسمت " بنت معك !! رفع حاجب بمهاره ماا اتقنها الا .. تركي .., انت ياتركي بس نزل ذا الحاجب وقسم بالله تكون احلا شي .. الظاهر نصيبي موب مع نايف وتركي البديل .. تنهدت بقوة .. تنهيدة من اعماق قلبي .. خرجت من جد من جوفي ..! وهزيت راسي بهمس انثوي : رآضيـه دامه راضي ! رفع راسي بيدينه .. وحضن وجهي بكفينه .. وهو يهمس بهدوء : طايب احلفي .. وطيت راسي موب حيا زي مااي حد يتوقع احس بتافهه الزمن نايف يروح ويجي تركي مكانه .. تركي ؟! مسكت ايدينه بهدوء وابعدتهن وانا اطلق تنهيده خفيفه .. وقفت بهدوء انسي نايف خلاص وابدي مع تركي مذكرة جديدة وحياة جديدة .. اطوي صفحات نايف او بعثريها .. احرقيها ان حصل وتزوجتي تركي ..! فتحت الباب ورجعت لفيت ناظرته وانا بعيوني دمعه فعلا ودي اطلعها ابتسمت بهدوء : وآللهـ رآضيـــه ! طلعت لأرجع لغرفتي خرجت ساره المكسورة من نايف .. ورجعت ساره اللي جمعها تركي ..! تنهدت بقوه لين طاحت اخر دمعه .. سلمى تاخذ نايف اللي تحبه وساره تاخذ تركي اللي في حياتها ماتمنت تجلس معه ثانيه واحده كل قرن ..! بعطيك فرصه ياتركي بس مابعطيك قلبي الا لما فعلا .. تكون لي قدام الكل .. وقتها اوعدك اسلمك كلي .. من اول تفكيري الى اخر ممشاي .. واحلف لك مااغير مساري الا لك ..! بس صدقني ياتركي لو تطلع زيك زي نايف .. والله ثم والله عمري مارح اسامحك .. افهم هـ الشي ..! مسحت دمعتي بسرعه وفتحت دفتري الصغير وكتبت بهدوء متعمده اني ابطيء حركة يدي لاني ماعندي تخطيط وش بسوي بعد شوي .. او ان صح التعبير .. مااعرف وش اسوي بكره .. معاد فيه نايف انتظر الشهر علشان يخلص ..!! " بتكون اكبر فـ عيوني ياتركي لو كنت بكلمتك ! " ..! مسحت دمعتي اليتيمه بيديني انا .. من متى اصلا وحد مسحهالي ..؟ منهو نايف اصلا ؟! هو فيه واحد بالدنيا اسمه نايف ويقرب لي ؟! اصلا مين اللي حدد بكتابي .. نايف ؟! منهو نايف مااعرف حد بذا الاسم .. معقول جدي نايف ابو امي ذاكر معي .. لا موب معقول هو متوفي اجل مين ؟! ههه يمكن تركي .. يمكن ! * * .: نهآية الجزء الوآحد والثلاآثــون :. |
.: الجزء الثآني والثلاآثون :. " مآإ بُقىآإ لٍيّ غِييّرْ دَمْعٍ وصُوـوّتٍ حْ ـزٍيّنـْ~ و.. [عٍييّنٍ] تِرجّىإآ لٍقْآاهـ وقْلبٍ مِنْحٍبْطّ .! بًعْ ـّد مْاآ قٍاآلـْ~ رـآإحْ أرْجعٍ بْعدٍ شًهرّييّنـْ~ ـأعْلٍنْ :. دٍفّاآنٍيّ بًعْ ـدٍ مآعدّيتـْ ـآلوـوّسًطّ .., مٍنْهُوُ گآرٍهيّ .. وٍمٍنْهُو عآشٍقيّ مٍنْ سِنّيينـْ..؟ مْشلوـوّلـْ~ عًقليّ وـآلفٍگرْ عٍ ـندّهـْ ـإآخْتٍلْطّ .. يُوْـومـ// تٍلـّآإشِىآ إلْحٍلْمـّ عزّـآنيّ ـآلْونٍيينـْ~ گآاْنـ إخْتٍيّآارٍگ مـْ آلْبدّـآإيّهـ ... غٍ ـلْطّ .! " / \ / أخذت لي شور بسرعه وطلعت وبديت اشسور شعري بهدوء رغم اني احس باعصار جوه قلبي وكيف مايكون ونايف يملك على سلمى .. نايف لي انا مخلوقه من ضلعه وشلون تجي سلمى وتاخذه بكل هدوء ..؟ هــــه !! سلمى تاخذ نايف ومايبيلها كلام تبي تحرني باي شكل من الاشكال وانا اخذ تركي .. تركي عاد مالقيت الا هو ماانكر اني بيوم نظرت له باحساس غريب بس عمري ماتمنيته زوج لاني مااحسه يلوق لي مو كبرياء ولا شي لكن في شي اسمه معقول وشي لا معقول .. وللأسف تركي طلع شي فوق اللا معقول ..! تركت الشيسوار بعد ماقضيت ولميته بـ عود خفيف قفلت النور وقفلت الغرفه ابي اختلي بطيوف نايف ظليت حاضنه رجليني بتعب واحس بيغمى علي والله موب ايدي كيف اتخيل نايف ماسك يد سلمى وانا لا يديني بتركي او بالاحرى فاضيه لاني لحد الان ماعرفت هل تركي صادق ..؟ اطلقت تنهيده ماقد طلعت مني وزفرت بعدها بـ آهـ صغيره من جوه قلبي .. " يـــــارب .. أنك تساعدنـــي ! " .., غمضت عيوني بألم كبير تركي مو سيء لدرجه ماتخليني اطيقه بس انا ربطت صورته بشكل انسان مايع يكرهني بشكل عام ليت كل الناس تفهم ان نايف لي او ليته هو نايف نفسه يفهم قد ايش انا احبه .. ضغطت على يديني اللي كانت محيطه برجليني لما شفت فيصل يدق علي لا تهتز صورتي قدامه انا ساره اللي مابكيت يوم على اقصى شي ابكي على نايف ..؟ المشكله انه نايف مو غيره والله تهون لو قالوا لي خالك بيلعنك لين تتفلين العافيه بس وش بيدي يانايف انت ادرى اني ضعيفه قدامك !! سمعت طرق على الباب كان صوت نوره جاتني الصيحه من جد صدق انا غريبه ليت كان معي ابوي او امي على الاقل مااحس اني مثقله على احد ولا انا بالخبر او بالدمام احس ان الكل يحتقرني يكرهني وحتى يشك فيني رغم اني والله ولا مرة جاء لساني على لسان رجال غريب ولاقد سولفت معه هو تركي وهو ولد عمتي وانا باليالله اسولف معه .. زفرت تكفين ساره انسي ان تركي عدوك احسن والله مابتقدرين تعيشين ..! غمضت عيوني استعيد كل لحظه قضيتها مع نايف من اول يوم فهمت فيه وشهو نايف بالنسبه لي لين اليوم يمكن قلبي يتعمد يذكرني عشان اكره نايف بس وشلون ياقلبي .. قلي وشلون أنسى وكل شي يذكرني بـ شي لين اذكره غصب طول عمري وانا عايشه معه والغرفه جنب الغرف .. وتقول انسي ؟ نايف انت بس ارجع والله عادي مسامحتك حتى لو كنت تحب سلمى بس تكفى لا تخليني احس بالحزن نايف انت ماتدري انت ايش بالنسبه لي ماتدري انك جزء من قلبي .. ماتدري اني انا بدونك يعني ... ولا شي ..؟ وعلى صوت راشد باغنية عشان الحب تمتمت له " تصبح على خير " وعلى وضعيتي نمت ! شي مو سهل يانايف اني افقد احساس حبك اللي مصبرني طول عمري .. شي مو سهل اني اكتشف انك ماتحس باللي حولك .! * * * صحيت على صوت جوالي ناظرت الساعه كانت الفجر مره بس مابعد اذن ابتسمت نص ابتسامه لما شفت فيصل متصل 23 مره .. صح مايستحق نايف اني ابكي دام فيصل اخوي موجود .. وآهـ يافيصل !! ليتني اقدر افضفض لك او ليتني اقدر أوصف لك أنا بـ أيش حاسه جوايا .. قمت بهدوء متسلله وغسلت وجهي ورحت عند السجاده انتظره يأذن واول ما أذن صليت .. طويت الجلال بـ بطئ يمكن لاني مدري وش ذا الفكره اللي تشغلني هو من صدق تركي يقول انه يبيني ولا بس كذا زياده جروح ؟ واصلا كيف اعيش معه كيف مافكرت بها وانا بلحظه زعل وقهر حبيت أثبت لنايف اني اكبر من ازعل على فراقه .. أحاول اثبت له حقيقه انا نفسي مو قادره اصدقها ! انسدحت على السرير رغم اني جيعانه لكن فشله صراحه مالي داعي وانا نازله واناظر بتركي احس اني مفتشله مره من كونه يناظرني مقارنه باللي كانت معه يوم الخميس .. واصلا نفسي مسدودة عن الاكل كيف لا وخبر ملكة نايف ماصار له يوم .. بس صدق الحين نايف ملك ولا لا ؟ مايهمني وشهوله أسأل عنه وهو ماكلف نفسه علشان يقولي على الاقل حس على نفسه ودق يبين لي انه زعلان وهو مملك والله مابسوي شي بس ماأتوقع اني اكرهه زي مالحين اللي صاير ! ماعندي شي اسويه ابد .. ناظرت الساعه كانت خمس الا ثلث ظليت فتره اراقبها وهو تمر ثواني من يصدق أنها تذكرني بنايف ؟ ايه نايف ! اناظرها يوميا شهر كامل واحسها تعاندني تمتع بشوفتي وانا أتألم متى يقضي ذا الشهر واكون ملك لـ نايفي .. ماهقيت انها بتقطع المدة عشان تقولي صححي معلوماتك ياساه انتي اذا ماكنتي لتركي مابتكونين لغيره .. تهقون لو امي فيه رضت لي باللي يصير من ابن اخوها الوحيد ؟ ولا ابوي رضى اللي يصير لبنته من ابن اخته الوحيد ؟ ولا لو فيصل يدري قد ايش انا ضايعه بين تركي ونايف .. رضى باللي يصير لأخته الوحيدهـ ..؟ يمـّـه !! والله محتاجه لك أحس اني اموت بالثانيه الف مره ومرة .. يمه والله مابي منك شي غير تضميني بشويش وتقولين دامني جنبك محد يقدر يلمس شعره واحده منك حتى لو ماكنتي تقدرين تمنعينهم خليني احس ان عندي ام تلفني بحضنها كل ماضاقت بي الدنيا .. بس يوم واحد بس ابي احس فيه .. مسكت دمعتي بس ماقدرت امسك الزفرات اللي احسها تحرقني .. احسها تطلع من جوفي حاره زي مرارة نزع الروح .. رفعت بصري للسما ارسم شكلي وجنبي امي نهال ايه امي نهال وهي تدق لبوي وينك فيه يامحمد تأخرت علينا في بيت اخوي جاسم .. لو اني عشت بعيد عن نايف ماتعلقت فيه قد كذا .. ويجي لي ابوي يوم ويقولي ياساره ترانا بنخطب لفيصل نجوى بنت عمتك سلمى واطير لنجيو اقولها وبعد شهور من زواجهم تحمل وتولد وتجيب محمد وابوي يطير فيه لانه حفيده !! الحقيقه الوحيده هو محمد ولد اخوي متى يارب اشوفه لانه ولد فيصل وغلاه من غلا فيصل شكل فيصل اصلا مايوحي انه متزوج هه ابتسمت بخفه اتخيل شكل فيصل وبين ايدينه محمد وانا واثقه ان كل شي فقده فيصل بيعوض عياله فيه .. زمان لما كنت بالخبر تقريبا بمتوسط كنت اقول اذا كبرت وتزوجت بجيب لي ولد واحد عشان مااموت في الثاني ويظلون اثنينهم بدون امهم اخاف عليهم قبل مااعرف هم عيالي وعيال مين ؟ يمكن رسمت في خيالي صورة نايف يمسك بيدين ولدي انا .. رفعت بصري للسما يـــــارب ليه كل شي فيه نايف ؟ معقول ولا شي فيه تركي ؟ ولا شي فيه فيصل ؟ ولا وين راح مشعل ومروى وسلمى وسلوى وسهام ؟! هــــــــه !!! سلوى وسلمى وسهام اكيد يجهزون للعرس .. ومروى طايره فيهم من مكان للثاني مبسوطه لانه تزوج وسلمى وكسرني صحيح انها بنت خالتها واقرب لها مني لكن عارفه ان هدفها كله انها تتقهرني .. رغم انها ماتدري عن شي اسمه حبي لنايف بس تحس انها تزوجت وسلمى اللي اصغر مني بعد تزوجت وبنات عمتي من اكبرهن لاصغرهن تزوجن واخوي واخوها ومشعل ولد خالتي .. تحسني شاذه من بينهم .. هو صحيح اني غير بس والله رزقي موب بيدها وبعدين خلاص يكفي من قالها ان همي كله على الزُواج صحيح اني اتمنى نايف جنبي على طول بس فيه طريقه ثانيه انه يظل بالخبر واظل معه وانا بنت عمته وهو ابن خالي ! حسيت راسي مصدع اكلت حبتين منوم وغفيت .. أصعب إحسساس بذا الدنيا لما تحس أنك مو حاسس بـ شي أبد ! * * * ناظرت الساعه ماني بنازله اليوم الجمعه عناد كذا رميت حجابي لاني كنت بطلع من الغرفه بس لا ماني بطالعه يكفي ضايقت ناس كثير بوجودي .. ظليت فتره حتى سمعت طرق وصوت فيصل اسمحلي يافيصل مااقدر اطلع لك واضايق غيري ولا انت تدخل وتشوف حالتي كيف ! مااحب اشوف نظرة شفقه منك انت بالذات .. ولا نظرة قهر وكلمة نايف مايستاهل .. رغم اني متأكده انه مايستاهل داخل نفسي بس مااحب احد يقولها وبالذات من اقرب لي من روحي .. فيصل ! مضى اسبوع وانا كل يوم أذاكر ماده ايه مابي أرسب لجل نايف .. أسبوع المذاكره زي مانسميه حنا ممم يعني مافيه مدرسه ويكون قبل الإختبارات باسبوع .. أحس اني نسيت اصلا منهو نايف بقد مااشغلت نفسي وان شاء الله اجيب النسبه اللي ماجبتها وانا احب نايف يعني أثبت للكل أن نايف ماهز فيني شعره أو بالأحرى فرقاه غيّر أمور للأفضل .. رغم ان داخلي يثبت العكس ..! وعموما أنتهى ذا الاسبوع على خير ولا مره طلعت من الغرفه باختصار للي يوميا اسويه لجل مااطلع أو أقابل حد انوم من بعد صلاة العشا لين الفجر أنزل بسرعة أسوي لي خبز وجبن واصعد خخخ يذكرني بايام حلوة ذا الخبز لاني اذا متضايقه مره آكله ولأني دايما متضايقه دايما آكله .. طايب بكمل جدولي وبعد كذا اتحمم وأذاكر طبعا الباب مقفول لين اذان العصر وفتره راحه بين صلاة العصر والمغرب اشبك نت رغم ان ماعندي شي أسويه بس يعني كذا تمضية وقت .. اذان المغرب اصلي واناظر التلفزيون واذاكر طبعا اسمي اني فاتحه الكتاب واقرا بس التلفزيون لجل مااحس بالملل رغم اني أجزم بالمليون اني مااحس بالفراغ لأني تعودت ابقى بلحالي .. وعموما اليوم الجمعه وبكرا السبت اول ايام الاختبارات .. بصراحه فقدت الامل ان تركي يكون صادق لانه مضى اسبوع ومحد تكلم معي خخ الحلو اني ماتعلقت فيه .. |
((2)) رفعت راسي على الطرق من على الكتاب ومارديت احس اني انكسر كل مره حد يطق الباب بالذات لاصارت .. نجوى : ساره تكفين أفتحي الباب والله ارحميني او ارحمي حالك واخوك يالله ساره قديش قلبك مافيه رحمه .. انا اللي قلبي مافيه رحمة ؟ ولا قلب نايف اللي داسني بدون حتى مايناظرني ..؟ نجوى : أنتي بس قولي لي منهو اللي مزعلك وقسما أجيبها تبوس رجلك وتعتذر .. شكرن نجوى ماابي نايف .. هــــه !! يعني اللي يسمعني بيموت نايف الا يبي يبوس رجلي .. مو المشكله اني كنت تحت رجله وبـ بوسها !! سمعتها : ماني بقايمه وهاه جالسه لين تفتحين .. أغسلي يدك يانجوى أنا متاكده انك بتقومين قبل مو لأنك بتملين إلا لأني موب فاتحه الا بكرا اروح للمدرسه أختبر وأرجع لقوقعتي .. سمعت صوت فيصل يتكلم مع نجوى وكأني فهمت انه يبيها تقوم أكثر شخص أتعذب وانا قافله الباب هو فيصل .. انا مابي اضايق حد بوجودي وهم اكيد بيتعودون على اني مقفله الباب ويتعودون على غيابي .. سمعته : سوير وأقسم باللي رفع السما وثبّت الأرض لو ماتفتحين أكسره .. بحّته .. كلامه .. نبرة الخوف .. والشوق .. حتى حدّه صوته تكسرني من غير ماتحس !! سكتت لأن ماعندي رد وكل اللي سويته قفلت كتابي وانسدحت على السرير الحمدلله اني مقفله النور يعني اني نايمه تلحفت أبي انوم .. لما سمعته من جده بيكسر الباب بلعت منوّم وثواني تسلل لي النوم .. يمكن من الغباء لما اتهرب من الواقع ومشاكلي .. بس ماعندي لها حل .. قرص ينومني 8 ساعات وأشوف كاني صحيت لهم !! * * * أنتبهت وأخيرا على طرق على وجهي ورشّات مويا فتحت عيوني ورؤيه غير واضحه .. سمعت صرخة نجوى : يمه صحت !! ليه وش صاير هه !! هم يقصدونني ولا يقصدون حد غيري ..؟ ظل يناظرني فيصل فترة وانا عيوني كذا خخ يعني نص صاحيه نص نايمه ثواني ورجعت غمضت عيوني أسمع صوت بكا وأسمع صوت فيصل بس ماافهم وش صاير لاني نعسانه .. وأكثر شي أحس فيه وأسمعه بكل وضوح صوت ضحكة من نايف .. هو من جدهـ نايف هنا ولا أنا من الهلوسه أسمعه ..؟ أحس بسرعه مضى الوقت لما فتحت رغم اني يوم انوم الظهر والحين اشوف ظلام والمشكله نفس التجمع هم راحوا ورجعوا ولا ظلوا معي ..؟ فتحت عيوني بنشاط ماأظهرته ولبست قناع الخمول .. شفت فيصل .. شفت عمي .. شفت عمتي .. ونجوى .. وسامر .. ونورة .. ونهى .. وثامر .., بس ماشفت لا نايف ولا تركي ولا ظل واحد منهم ..! ملتفين على السرير حولي وكأني بروي لهم الوصيّه خخخ إحساس ان عندك أهل يخافون عليك ويحبونك .. نجوى : ساره تسمعيني ..؟ سكتت مدري ليه لأني لو نطقت بسأل هو نايف وينه .. هو تركي وينه ..؟ شفت عمي يحرك أصابعه على عيوني وكأنه يتأكد اني أشوفه رجعت غمضت عيوني ورجعت صفعات فيصل لين فتحتها من جديد .. عمتي : وش فيك يابنت اخوي وش اللي صار لك ؟! ظليت أرمش من نبرتها ابي اصييح .. سمعت صوت نهى : كذا ياساره تخوفيننا عليك .. بالله كم صار لك مقفله الباب ..؟ نطت نوير وجلست جنبي ذا البنت مغسول وجها زي بنت خالها خخ .. همست لي : تبين تعرسين ...؟ نص أبتسامه انرسمت على وجهي هو مافيه شي يستاهل ان الانسان يزعل لجله بعيون كل الناس الا الزواج ..؟ شفت سامر مرتين خخخ غمضت عيوني بقوة ورجعت فتحتها مدري حسيت اني انهبلت بعدين تذكرت ثامر خخخ والله مهبولا .. نبرته المميزة : قومي بس حلت لك الجلسه منسدحه والكل حولك .. إيــــــه يافيصل حلت لي الجلسه .. أيه واعترف لك اني تمنيت اقضي عمري كله كذا وانتم حولي .. وأحس فيكم تخافون علي .., أضمن لنفسي اذا توفيت حد يصيح بجنازتي ويمشي وراها .. يفقدني ويحس أن لمكان خالي بدوني !! من حقي أحس لأنني بشر ..! حسيت به يعدّل جلستي ياناس قديش احبه ذا الإنسان .. يمكن لأنه مر بـ نفس ظروفي يحس لي وش ابي قبل احكي .. مسح على شعري ورفعه لي وهو مبتسم ساعدني أقوم وتدلعت كم مره ومسويه نفسي بـ طيح .. لجل بس يبقى جنبي ..!! سمعت عمتي مدري هي تكلم بالجوال ولا ايش : معليش تركي بنت خالك صحت هالحين انتظر شوي وبطلع لك .. أكرهك تركي ! لـأن عمرك ماراح تحس فيني ..! دخلت الحمام وغسلت وجهي وطلعت شفت بس فيصل ولا كأنه موجود أفتح الدولاب وأختار لي ملابس وأرجع للحمام ألبس ثم أطلع وهو يناظر وبس .. فيصل : بالله ساره كل ذاه لجل نويف ولد خالك ..؟ ناظرته ورجعت أنسدحت .. تمتمت : لجلك انت ولجل غيرك ..! تقرّب مني .. وبنظرة تساؤل قال : نعـم ؟ هالحين انا وغيري قلنالك سوي كذا ؟ هزيت لا وانا مبتسمه : عشان أشوفكم بجنبي واحس ان فيه حد يجبني من جد .. مو نايف اللي يخليني اسوي كل ذاه .. انتم !! رفع حاجب وضرب راسي بقهر : وجع سوير اسبوع كامل تتغلين لجل كذا مااقول الا مالت عليك وعلى وجهك ذاه اللي كنه أنغام قبل عملية التجميل أبتسمت .. كمل بزفرة : لا تضحكين يا.. قهر !! تقربت منه ولميته بقوة لاني بس اشتقتله .. همست : قديش أحبك يافيصل .. سمعته يهمس : وجع آند مالت بس أبتعدت وش به ذاه .. لقيته مبتسم ضحكت لاني احبه شفته ضحك لي !! فيصل : قومي نجيو قرّبت تولد وهي بالشهر الأول كل يوم مسويه عزا عليك ابتسمت يالبّى قلبها نجوى ايه هاذي مرت الاخو ولا بلاش سحبني : قومي بس عطّلتي بن عمتك على الاكل رفعت حاجب ايه ذاه تركي اللي اعرفه بس يبي اي شي يقهرني ولا من متى إلتزم بـ مواعيد أكل .. قمت صليت العصر والمغرب والعشا ثم نزلت مع فيصل شفت بنت متنقبه تتقرب مني وهمست لي : ياحيوانه بغيت اولد وانتي ولا تدرين عقدت حاجبيني لاني عرفت منهي : ايه هين ! ضربت يدي : إحترمي اللي أكبر منك بس .. فتحت عيني بقوة هاذي نهى ووجع طلعت حامل ليكون انا كنت بغيبوبه وانا مدري..؟ وجع كلهن حوامل يوهـ أستغفر الله مايحسد المال الا اصحابه الله يتمم على خير ويرزقهن الذريه الصالحه يارب .. جلست على يسار فيصل وجنبي ثامر اللي كان مبتسم رديت له الابتسامه مره بريء هالانسان .. فيصل شوي يلف علي وشوي يلف على نجوى يتطمن اننا ناكل أحبه مررره !! سمعت : ماتعلمتي ان من تواضع لله رفعه ؟ وشهوله جالسه فوق يعني انا اللي فوق مستواكم ؟ هــه !! أيه ماتغيّر تركي أبد .. قلت : لا .. تعلمت أن من الذوق ماأتكلم وانا على الأكل .. رفع حاجب ياكرهي لك انت فكني شوي ... قال : يقولون انك مريضه خير ..؟ رميت الملعقه بقهر : ياخي فكني أسكت صوتك قرف وجهك قرف كلك قرف أرحمني خلني أمسّي على وجه أتفاءل فيه شفت فيصل يضحك ولما ناظره .. قال : لاتناظرني كذا ايه صدق انت اللي جبته لنفسك شفته قام : اذا أنت اخوها كذا مااقول الا الله يكون بعونك يانجوى .. ولا انتي ضامن لك تعنسين .. قهرني ودي افلعه مايتوب عني .. ابتسمت رغم اني اغلي داخلي الله ياخذك ياتركي كانك بتجنني بي .. هو انا كنت احلم يوم اعتدل معي ؟ أيقنت هـ الحين انه ماكان إلا يبي يزيدني جروح ! * * * اليوم أول يوم لنا اختبارات احس اني أموت في الثانيه مليون مرة اخاف اني ماانجح ذا السنه وبعدين وش يفكني من خالي إلا ترجعين للخبر .. ووشلون أرجع وسلمى بتكون فيه ومبسوطه مع نايف رجلها لا والقهر اني بس اناظر والله لجل من اول يوم تزورهم فيه ذبحها على يدي .. الحيوانه عليها عيون تشق الراس أزرق موب مثلي مالت بس .. موب حسد والله انا مااكرهها بس تقهرني لانها تاخذ شي موب لها .. وعموما اخذته وطلعت انا الدخيله عليها !! طلعت برا البيت بعد مااكلت لي خبز بسرعه وركض لبرا لقيت فيه سيارتين عمي / تركي .. كنت متجهه لسيارة تركي لاني تعودت بس غيّرت مساري نظرة تركي لي الحين غير وفشله صراحه وبعدين احس ان علاقتي فيه متوترة مرره فـ ماله داعي ارز وجهي واصعد معه .. طقيت شباك عمي .. وقلت : عمي ممكن اصعد معك .. ابتسم لي : اكيد !! الحمدلله مافشلني اجل وقال لا ياحوبي لك عمي بس .. صعدت ورا ثواني وجاء ثامر لما مر عمي على سيارة تركي اللي قدامه على طول وطيت راسي يازعم اني اذاكر سمعت عمي يقوله وهو ينافخ وانتظرت ومدري ايش وجع ان شاء الله .. اختبرت وخلصت الحمدلله بس على النعمه احس ان الاسئله زفت الله يعين ان شاء الله اعوّض بكرا .. وعموما انقضت اسبوعين بالتمام واليوم آخر يوم اختبارات وصلت وهـ بس دخلت غرفتي وانسحت بمريولي والحاله حاله خخ ونمت !! أصلن مدري وشلون نمت .. بس المهم اني نمت .., * * * اليوم تطلع النتايج على النت يالله احس بروحي تطلع على مااوصل لـ أسفل لان الكل متجمعين يــــــــارب استر .. مدري أحس اني تمام في بعض المواد ونص نص في غيرها يارب ان تسهل اموري مررة تعبانه نفسيتي .. فيصل : اقول سوير دامك واثقه من نفسك انزلي وعادي .. " بغمز " محدن حارقك .. لقلت : يلا عاد ! يعني مابنزل الا عشان كذا .. سكتت فتره لو مانجحت هـه !! تصير لي سالفه من اهلي هنا واهلي بالخبر ومن فيصل .. ولو نجحت احس انه مايتغير شي عند أحد أبد !! بيني وبينكم احس اني راسبه ذا السنه بس اخاف اصرّح بذا الشيء ويقول فيصل لو قلتي وانا اعلمك وانا وانا .. وكأنه مايدري وش كنت فيه من حالة صعبه !! .: نهاية الجزء الثآني وآلثلاآثون :. |
.: الجزء الثآلث والثلاآثون :. " عج ـزت ـآلقىآ منهوـو ـآلليـ آنـآإ مخلوقتن من ضلع ـه ـآلأعوـوج !" / \ / اليوم تطلع النتايج على النت .. يالله ! احس بروحي تطلع على مااوصل لـ أسفل لان الكل متجمعين يــــــــارب استر ..! مدري أحس اني تمام في بعض المواد ونص نص في غيرها يارب ان تسهل اموري مررة تعبانه نفسيتي .. فيصل : اقول سوير دامك واثقه من نفسك انزلي وعادي .. " بغمز " محدن حارقك .. لقلت : يلا عاد ! يعني مابنزل الا عشان كذا .. سكتت فتره لو مانجحت هـه !! تصير لي سالفه من اهلي هنا واهلي بالخبر ومن فيصل .. ولو نجحت احس انه مايتغير شي عند أحد أبد !! بيني وبينكم احس اني راسبه ذا السنه بس اخاف اصرّح بذا الشيء ويقول فيصل لو قلتي وانا اعلمك وانا وانا .. وكأنه مايدري وش كنت فيه من حالة صعبه !! نزلت خطوة خطوة لين وصلت جلست بعيد ابي أطول وقت لجل اقرا نتيجتي جلست جنب فيصل اللي بعده نجوى ووراها نهى ثم عمي وثامر وسامر ونورة ثم تركي وعمتي يعني باختصار متجمعين ورا بعض إلا من مساحه بين نورة وتركي لان سامر كل شوي يزّحف نورة جنبه خخ .. كنت اناظر تركي وهو بيده لابتوبه وقلبي يطق بقوة وش شعوري وانا راسبه أحححح بس ان شاء الله انجح .. شوي وشفت عمتي قربت منه وهو ابعد اللابتوب عن امه .. وهو يقول : تكفين الا هاذي لاتناظرين .. عمتي : لييه ؟! تراني ماني بمسويه لك شي بس بشوف .. تمتم بصوت واضح : مو المشكله في انك تشوفين !! ثواني وهز راسه وكأنه يقول زين .. عمتي : ايه عساك نجحت ..؟ تركي وهو مبتسم : إلا .. من فرحة عمتي نطت فيه ومدري ايش وشوي وتبكي .. غريب ! هــــــه !! يمكن ماتوقعته ينجح .. يمكن !! فيصل : واخيرا عاد .. طايب كم نسبتك .. ابتسم برواقه : مشفره .. سكتت ..!! انتظرهم يخلصون احتفالهم فيه لانه نجح وش فشيلتي وتركي ينجح وانا ارسب ياويلي أجل ..! لما شفت الكل استقر رحت للمساحه الفاضيه وجلست بهدوء .., وانا اقول : ممكن ؟ هز راسه بـ ايه مسكته وانا ابلع ريقي يارب ان تستر علي بس .. حطيت اللابتوب على رجليني شفته شاله .. قال : يسبب العقم .. نص ابتسامه يعني سخريه شلته ورجعت احطه : منهو اللي قال قبل شوي بتعنس .. خلاص ..! سمعته يقول : بلا تفاهه .. حط لي مخده على رجليني وفوقها اللابتوب وهز راسه برضا يعني كذا افضل .. قلت : أقلب وجهك شوي خلني بشوفه .. رفع حاجب ولف .. بديت أحط رقمي بـ بطئ وخوف مره لين قضيت حطيت اينتر لف على طول تلقائيا وبدون شعود طويت شاشة اللابتوب ! سمعته : وجع وش ناوية على لابتوبي انتي ! قهرني : تبي غيره عندي فوق اللي احلا منه .. ولف وجهك .. ثواني ولف رجعت فتحته .. وانا اقول : لو تلف مره جديدة أوريك ماني بفاضيه ترا .., ساكت عني واحسه مستتفهني مره بس حاس بشعوري متوترة .. وفتحت الصفحه اخيرا واحس مرا لدهر كله لين شفتها .. والله وربي شفتها وماصدقت صرخت وغطيت وجهي بس لما شفت تركي بيلف على طول ابعدته عنه مدري ليه سويت كذا احس ان فيه حد يتحكم بتصرفاتي موب انا ساره !! فيصل : وش فيك ..؟ أغلقت الصفحه وانا اناظر بوجيههم واحد واحد هو من جد اللي انا اشوفه هو اسمي ترا !! حطيت اللابتوب عند تركي ووقفت وانا مره مبتسمه ! ودي اسجد سجدة طويله من متى وانا اجيب ذا النسبه ؟ فيصل : نجحتي ؟! هزيت راسي بـ أيه ..! سحبت جوالي وانا اق الرقم ذاه لاول مرة في حياتي واطلبه بالاسم .. فيصل : وش فيك .. كم النسبه ؟! بدون ماارفع عيوني : لحظه اول بقول لخالي اني نجحت وبقوله النسبه .. رحت عند السلم وبقيت انتظره يرد على نار واحس ان الثانيه مرة بطيئه .. طــــــوط .. طــــــوط .. طــــــوط .. طــــــوط .. طــــــوط .. خمس رنّات بالعدد .. وأخير رد بدون مايتكلم .. قلت بهدوء : ألو .. سمعته : نعـم ..؟ بلعت الغصه بسرعه ماابي اكدر فرحتي .. قلت : السلام عليكم .. رد : وعليكم السلام .. أحس نفسي ارتجف خخخ : شخبارك خالي ..؟ قطع كلامي كله بقوله : خيــر ..؟! بلعت ريقي احس اني بموت على ماقلتها .. قلت : خالي .. هو .. اليوم طلعت النتايج .. هو انت مادريت ..؟ نبرته كأنه يقولي أنجزي .. خالي : إلا .. وش عندك بعد ..؟ همست : خالي انا نجحت .. ماكملت جملتي إلا واسمعه يقول : والله ؟! لا هاذي يبي لها حفله مرره كبيرة تليق فيك .. الحمدلله فتحت عيني وناظرت الجوال متأكدين ذاه رقم خالي .. قديش يارب احبه خالي .. صحيح يقهر بس احبه يظل خالي !! سمعته : وكم نسبتك .. قبل ماأرد سمعته يقول : حلوو والله .. مبروك حبيبتي .. لحظه شوي .. رد يكلمني بنبرت الجافه : الو .. ايه خلصي وش عندك .. حسيت اني بصيح من جد .. هــه !! عمر الدنيا ماتتغير أبد .. لا تركي ولا نايف ولا خالي !! بلعت غصه : هو .. مين اللي بجنبك ..؟ سمعته يزفر : سلمى ونجحت .. طاحت دمعتي ماكان يقصدني !! قلت وانا اكتم عبرتي : اييه مبروك .. وكم نسبتها ...؟ خالي بفخر : 93 ماشاء الله عليها كامله والكامل الله .., هـ المرة فعلا احس نفسي بصيح مااقدر اكتم واحبس الشهقه اللي تطلع عفويه ..,؛ 93 ويبي يسوي لها حفله !! قلت بسرعه : حتى انا نجحت .. خالي انا 97 والله !! سمعته : ايه زين اعتدل مستواك عن قبل .. ابتسمت : ايه الله يبارك فيك .. ظلينا فتره ساكتين الا من صوت شهقات مصدررها جوفي .., تطلع بصوت مسموع ماقدرت اتحكم فيه .. أو أكتمه !! سمعته : وش عندك بعد ..؟ هزيت راسي بـ ولا شي وكأنه قبالي .. وقلت : لا شكرن بس قلت اقولك .. سكتت فتره يوم ماسمعته تكلم .. قلت : ايه انا بروح اقول لفيصل من فرحي نسيت اقول لحد ابد .. توصي شي خالي ..؟ قال : لا .. وسمعته قفل طاحت دموعي سييل .. هو ليه كذا ؟ عشانها زوجة نايف ؟ والله مااطلبه شي غير يقولي مبروك ! ابي احس انه مهتم اصلن في نتيجتي هو يسأل سلمى .. وانا اللي اجي له بنفسي اقوله .. تركت كل اللي يسألونني .. بس عشان اقوله ..!! أول مرة ادري أن 93 في بعض الاحيان تصير اكثر من 97 .. حسب مقدار الشخص ..,؛ مسحت دمعتي ورجعت وانا مبتسمه وكأني طايره .. فيصل : هاه وش صار ..؟ ابتسمت : أبد .. إنبسط مرره حتى قالي مبروك !! ظل يناظرني فتره كأنه يدور الصدق بعيوني على طول وطيتها .. عمي : وحنا مالنا رب ..؟ ابتسمت : إلا شدعوه .. بس يمكن لاني حالفه اقول لخالي قبل .. ممم نحجت وش اقول بعد ههه ..؟ عمتي : ايه الف مبروك حبيبتي .. وعسى النسبه حلوة .. ابتسمت وانا اوقف ناس فعلا تستحق انك تقول لها تعطيك كلمة طيبه .. وقفت متجهه للسلم : فيصل عنده الرقم .. نجوى : وين ..؟ ابتسمت : ممم بدق على ريم بشوف وش صار عليها ممم .. عقدت حاجبينها : موب هي بثاني ..؟ ابتسمت : إلا بس يعني اقولها .. فيصل : طايب تعالي خلني اعرف وش ناوية تدخلين وش بتسوين وش المخطط ..؟ قلت : سبق وان قلت لك ان تذكر تمريض باذن الله .. لفيت اناظر تركي اللي لوى فمه وكان الكلام موب عاجبه ..!! حط اللابتوب على رجل نجوى وقام ورى امه اللي قامت قبله .. عناد ركضت وصعدت فوق قبله ههه كأننا بـ سباق يعني .. وصلت لغرفتي وريم على طول ردت .. تقول : يالشييييينه وينك فيك ابي اعرف وش صار عليك ..؟ ابتسمت لها بحب : إلا نجحت الحمدلله يارب .. وانتي وش صار عندك .. سمعتها : أيييه نجحت .. الحمدلله !! قلت : الحين بالله وراك تقولينها كذا ليه موب عاجبتك النسبه ولا وش القصه ..؟ ريم : إلا .. بس تعرفين زي ماقلت قبل ابوي مررة على الدراسه ومااعجبته النسبه .. بالله وحده متزوجه وحامل وتبينها تنتبه اصلن ملوك قالي عادي لو رسبتي .. يعني عادي بس ابوي الله يهديه مضخّم الموضوع رغم اني نجحت !! قلت : بس تكفين صايرة تهذرين كثير ارحمي نفسك على اخر شهر .. ريم : ايه صدق بقولك خبر .. عمتي ملمحتلي تبي وحده من خوياتي وش رايك على مين اقلب الصفحه .. ضحكت : حلوة اقلب الصفحه .. نجلا وخلاص لاخوك .. وضيا لسامي .. عندك هبه وسما وجيهان وفلوة .. ريم وهي تضحك : مالت بس .. سماا معهن على القصيمي .. عقدت حاجبيني : القصيمي ...؟ ريم وهي تضحك : ايه صدق انتي ماكنتي معنا يومنا باول ثانوي .. ابد بس انه قام يرطن وكل شوي يصفر وسما ماقصرت .. ضحكت على طول لأني اتخيل شكلها : اماااا !! ريم : لا جد لمين اللي تصير زوجه اخو زوجي خخخ ابتسمت ولا علقت .. كملت : ايييه صدق الليله بيتجمعون عند نجلا يقالهم محتفلين مدري ايش .. بتجين ..؟ قلت بتردد : مااتوقع !! ريم بقهر باين : وجع ؟؟ وش فيك انتي ؟ ملكة نجلا ماحضرتي وشبكة ضيا وهالحين بعد ؟ وش ذا الغرور ..؟ قلت : وجع .. لا موب القصد بس يعني مااتوقع ان فيصل فاضي لي ولا تركي طايحه الميانه ولا عمي يعني باليالله بنت اخوه وش ذا الميانه ريم : لا تقولين كذا انا وانتي بالدمام وبمرك .. ابتسمت نص ابتسامه : عمي وعمتي يناظرونني يعني وشسمه .. ريم وهي تضحك : يعني فهمت يقالي .. قلت : لا بس تعرفين الدمام وشلون يناظرني عمي افتشل من نفسي مرره .. ريم : خلاص انتي بس جهزي لك ملابس وترتبي وعلى اخر لحظه قولي لأهلك واكيد يوافقون ولو يعني قالولك موب فاضيين لك خلاص انا امرك .. فتحت دولابي وانا اختار : ايه هين ..! ريم : مو ماتجين والله ان ماجيتي .. ماحبيت انها تحلف لان تسعين بالميه مااحضر ,؛ فـ قلت : لا تحلفين ان شاء الله اروح معك .. ريم : طاايب بقفل .. سيس .. ابتسمت : سيس قفلت منها وسحبت الروب ..! سمعت " أحـم " لفيت وانصقعت لما شفت عمي جالس .. بلعت ريقي ... عساني ماقلت شي غلط ؟ عساني ماسبيت احد ؟ الله يستر ..! ابتسم : وش فيك ماصاير شي .. ممم خويتك ؟ ودي استهبل واقول خويي بس اخاف يصدقني وتصير ورطه .. هزيت راسي بـ ايه .. قال : ممم تتجمعون ؟ هزيت راسي للمرة الثانيه بـ ايه ..! ناظرني وقال : تبين تروحين ..؟ سكتت اخاف اقول لا ويقول احسن وصدق ماأروح .. واخاف اقول ايه ويقولي كلي تبن !! قال : انتي تبين صح سمعتك .. خلاص طيب لو قلتي لي انا مااقولك شي عادي خلاص بوديك .. قاطعته : بس هو .. في الخبر ..! سكتت فتره كأنه ماأعجبه .. ثم كمل : والخبر يعني وين رايحين الرياض ..؟ ابتسمت : شكرن عمي .. ابتسم .. ثم قال بعد فتره : طيب اجلسي وش فيك واقفه بسولف معك .. بسم الله الرحمن الرحيم ..؟ من متى وانا طايحه معي الميانه ؟ انا عمي مااعرفه الا اذا .. سويت شي غلط على حد قوله ..؟ جلست بهدوء .. ابتسم : عمتك هي اللي مرسلتني ترى .. هــــــه !! وش اني يارب مسويه هـ المرة لـ تركي اللي مو راضي يخليني اعيش !! نص ابتسامه أحثه انه يكمل .. قال : مرسلتني لان تركي ولدها !! وانا قايله ماورى كل ذا السوالف الا تركي ياكرهي لك تركي كانك تبط كبدي لا تدلعت كثير .. وجع !! ناظرني وهو مبتسم : مفترض يجي لك فيصل لكن .. مدري وش به فيصل .. بعـد هـ المره فيها فيصل ؟ ليكون علشان عانس يوم قبل شوي .. يالله أحس ودي افلعه ذا الانسان فوق اني كارهته على سخافته على قبل اسابيع ..!! رفعت حاجب بمهاره مُكتسبه وناظرته يعني آمر ..؟ قال : تركي خطبك !! تركي خطبك !! تركي خطبك !! تركي خطبك !! تركي خطبك !! وش شعوري هـ الحين ؟! تلقائيا ماحسيت بفسي الا ونازلة أسفل وانا اقولكم شعوري .. وقفت متخصرة قدامه وهو يناظرني بعجب وعمي واقف عند الدرج .. من القهر سحبت الريموت من يد نجوى وعفوي بديت اضربه فيه على كتفه وعلى راسه بشكل جنوني ماتخيلت نفسي اسويه .. قلت بقهر : انت تلعب معي ولا وش قصتك ؟! ياخي اثبت على شي وفكني شوي كارهني ومو طايقني ابد وقبل ... قاطعني انه حط يده على فمي وكأنه يمنعني وخايف من اني اقول ؟ يمكن لان عاداته اللي تربى فيها ماتسمح له يسوي كذا ..! قال : هيي انتبهي شوي ! قهرني : إلا منتبهه بس ياخي فهمني انت وش سالفتك بالضبط ؟ معك انفصام بالشخصيه ؟! نجوى : ســـــاره ...؟! ناظرني : لا .. يابرودكـ !! من القهر اللي فيني رميت الكنترول وانفك غطاه خخ مسكين ذا الريموت مرره ماتصير اقل هوشه الا ولازم يصير به شي ..! قال : وش فيك أنتي مجنونه ..؟ مصيبه ياتركي اذا ماتعرف وش فيني .. هو يلعب معي مره يقولي ابيك ومرة كذا فجأة قالب وجهه ومره يقول لفيصل وش السالفه ..؟ رفست الكنبه بقهر : آآي مرررهـ !! هزتني نهى من كتوفي : وش فيك انتي ؟ وش قايل لك تركي ؟! أشرت عليه : هو يقولك !! هز كتوفه : ماهو بشغلي جالس عند امي ناويه على مشكله !! فتحت عيني : أحلف منت بمسوي شي !! نورة : وش صاير ؟! اشرت عليه وانا ساكته وهو اشر علي يعني باختصار الولد ناوي فعلا مشكله ! عمتي : ماصاير شي .. قلت : إلا صاير عمتي اذا استخفيت وطقيتها للطايف في شهار وقتها بيصير فيه شي ...؟ سمعته : مو لازم شهار بالضبط .. تلقين عندنا بالشرقيه كثير .. شعور ان ودي افلعه كل شوي له حال ذا الانسان .. قلت : وتقولين عمتي ماصاير شي ..؟ نجوى : طيب دامه صاير شي .. وش صاير ..؟ قلت : أسألي امك .. عمتي : عادي اقول ماتنحرجين ..؟ هزيت بـ لا وحنيت ظهري ألملم قطع الكنترول اللي طاحت مني وانا أسمع .. عمتي : ابد اخوك يبي بنت خالك .. نهى بدلاخه جدا : وشلون يعني ..؟ عمتي : يعني يبيها .. يتزوجها .. ارتعشت وش يتزوجني بعد ! وسمعت الشهقه على طول .. نجوى : ماااالت عليك سوير .. لميته وجلست على الكنبه ولا كأنه صاير شي خخ ابي افهم اللا مبالاة من وين جات لي ..؟ نهى : يااهـ الحين من قبل شوي بس على كذا .. ياحظك سوير ! رغم اني مافهمت ليه قالت ياحظك بس سكتت خخ .. نوره : الله ساره بتصيرين مرت اخوي ..؟ لفيت لها بقهر : طلل أصير مرت اخوك مابقى الا هي والله ! ناظرت تركي ورفعت حاجب لقيته يناظرني مو مستوعب وش اقول اشر لي باصابعه يعني لفي بذاكرتك لورى .. وحط على اصابعه 4 يعني أربع اسابيع .. من قبل أربعه اسابيع قلت له .. موافقه عليك !! أشرت له مثله بس 2 يعني من قبل اسبوعين انت قلبت اخلاقك علي .. سكت فتره يناظرني وكأنه مو مستوعب وش قلت .. قلت : إيه طل اصير مرت اخوك مشّي بوزك .. سمعته يقول : نفسي لو مره في حياتي اشوفك تستحين على اقلها حطي اصبعك بـ فمك واصعدي لغرفتك .. قلت : السكوت علامة رضا وانا مو راضيه .. نغزني فيصل .. سكتت عنه ولا كأنه فيه حد يتكلم .. قال : يحصلك اصلا !! ظل يناظرني بنفس النظره اللي شفتها عنده قبل أربع اسابيع او شهر .. وهو يقول : سوير .. إثبتي وخلصي ! سكتت فتره ثم قلت وانا الف للتلفزيون : أفكـر !! سمعته : اذا حولكم شي تخافون عليه ابعدوه .. اثبتي انتي على شي وفكيني !! رفعت له حاجب وكأني بردها له : كل تبن بس !! ماانكر اني احس بالاحراج من نظرته اللي انقلبت مية وثمنين درجه بس مدري ليه ابي اتكلم ياخي فيني حكي كثير مكبوت والمشكله مايطلع الا وقت تركي فيهـ !! قمت بهدوء كأني اقوله هذا انا مستحيه .. لفيت وناظرته وصعدت السلم لقيت عمي ظل فتره يناظرني طاح وجهي !! عمي : وش صـــــــاير ..؟ أطلقت ضحكه قويه مرره رجت العالم كله وهزيت كتوفي يعني مدري .. وقلت : مافيه شي يثبت على حاله !! هو في شي أصلن ... يدوم على حاله ..؟! أثتت فعلا أن المثال اللي ينقال حقيقي .. دوام الحال من المحآل .! * * |
((2)) ناظرت ملابسي وشكلي بشكل عام بدلة فضي تنورة اطرافها موب متساويه وبلوزة كت مره نايس ..! شعري مفتوح عادي ومرتب بدون أي شي فيه كحله وقلوس عاديين تماما .. ابتسمت لشكلي والله خسرتني يانايف موب لجل شكلي وبس .. مااتوقع تلقى اللي من جد تحبك وتخاف عليك لذا الدرجه .. مابقول مابتصونك بنت خالتك .. لكن مستحيل تقدر تعيش معك مثلي ..,؛ للأسف يانايف .. تركي طلع متقدم عليك بكثير ..!! شكرن لأنك أعطيتني فرصه حقيقيه لجل أثبت بقناعه أن تركي فعلا يستحق أكثر مما تستحقه أنت !! لبست عبايتي وتحجبت حملت شنطتي ونزلت بهدوء وطقات كعبي خفيفه وكلاسيكيه .. وكأنها ترحب فيني لأني .. سآره العلي ! وصلت لبرا الحمدلله ماشفت تركي وطلعت الى سيارة عمي ياسلام جلست قدام واخيرا ياناس شوفوني تراني قدام خخخ ! والله اني هبلا من جد بس والله قهر مااصعد الا في المناسبات .. وعموما احترمت نفسي ورميت الغطا يمكن عشاني اعرف ان تركي مابيسمح لي لو تزوجته ان اكشف فـ أحتفظ بكرامتي احسن .. انتبهت لنظرات عمي وهو مبتسم .. وكأن الشي ذاه مرضيه وبقوة ! سمعت جوالي وكانت ريم على طول رديت .. وقلت : وجع وش ذا الشوق يابت والله مسافه واكون عندك .. ريم : مالت عليك تراك ماخذه بنفسك مقلب .. لا بس قلت اوصف لك البيت ماظني قد رحتي ! هزيت بـ ايه وكأنها قبالي ..!! والله ريم كامله عقل واخلاق وتربيه وحلا ماشاء الله ياحظه مالك فيها .., أعطيت الجوال عمي : هذي ريم توصف لك ! فتح عينه وكأنه يقولي من متى طايحه الميانه بيني وبين ريم .. رديت على ريم ,؛ وقلت : اقول جيبي رجلك بس .. واعطيته عمي اللي ارتاح نفسيا خخ .. صدق عمي ليه مايتزوج بعد وفاة زوجته .. هو صحيح ماقد حكى لي او حكى قدامي عنها .. أو حتى احد من بنات عمتي او عيال عمي مايتكلمون ابد ..! بصراحه حنيت اني اكون المحقق كونان واعرف وش صاير ..؟ معقول ماتت مقتوله .. أو يمكن صار لها شي حادث .. خخ سوير بطلي هبل حنا موب في أوروبا .. لا ومن زين الفكره بعد مقتوله متأثره بالافلام مررهـ ..! كان عمي هادي مره ومايناسب طبيعتي اللي تموت في شي اسمه هذرة فـ سكتت بملل مابي افكر في تركي خلني كذا افضل .. لأن التفكير بتركي ماله نهايه ! وصلت عند نجلا وانتظرنا شوي او مانتظرت على ما بديت ارتب شكلي جات هبه وكملنا بالضبط .. ريم : بنات بقولكم شي والله ماحبيت اختار قبل أقولكم .. خالتي ام مالك تبي تخطب واحده منكم لولدها .. فلوة شهقت وقالت جيهان : مالت عليك وانتي اللي تخطبين لرجلك ؟! غصت ريم بالماي : ووجع لاتخليني اولد عليك يلا عاد .. عنده توأم ياحظي ! سكتوا فتره شوي وقالت فلوة : مدري ! ريم : نجلا وسما وضيا خلاص .. باقي هبه وجيهان وفلوة هاهـ ..؟ هبه : مدري أنتي تقولين أخو رجلك .. يعني مع احترامي لك دمامي تكرمين .. كان ودي افلعها .. وش جانا من اهل الخبر مغير البلا .. والله اهل الدمام بلسم وربي ..! ريم : عن الغلط عاد .. هبه : لا من جد يعني انا كمان استبعديني مستحيل آخذ دمامي .. ناظرت ريم جيهان اللي فهمت على طول .., وقالت : أحس صعبه شوي زي ماتقول هبه .. بس يمكن مدري اذا اخلاقه حلوة .. ريم بسرعه قاطعتها : أكيد حلوة وشدعوه انا والله مابي لكم الا الخير وبعدين اكيد من عيله محترمه ولا لو ماكان انا اصلن مااخذت اخوه .. والله انه طيب وحلو و " رقّصت حاجبينها " رومانسي ! ضحكت فلوة : بالله ريم ابيه .. جيهان نطت : ايه صح فلوة يمكن لأني ابي شي مميز .. سما : مثـل ؟ قصيمي مثلا ؟! جيهان : مالت بس .. أقول ورا ماتكرمينا بسكوتك .. قصدي يعني مافيه مثله حد يشبهله يعني .. سكتت افكر يعني ثامر ولد عمي لو خطب ممكن بنت ترفضه لجل كذا خخ ..؟ والله تفكير بايخ مره ! ضيا : أقول ليه مايكون لـ سوير بما انها اكبرنا ؟ سكتت فتره .. قالت ريم : هو صراحه امي اول واحده شافتها كانت سوير بس سوير بعد ماتبي دمامي ! بلعت ريقي شوي وقلت : لا ! هو أنا أبي دمامي .. فلوة : خلاص اجل لك .. ريم رمت المخده على فلوة : وش هو فستان شارينه وتتقاططون فيه ؟! قلت : لحظه فلوة لا تفهميني غلط .. هو بصراحه انا " غمضت عيوني " أنخطبت وشكلي بوافق ! شرقت ريم للمرة الثانيه وقالت وهي تأشر علي : والله هاذي البنت تبي تموتني .. ابتسمت نجلا : وعلى ..؟ بلعت ريقي الشي اللي مريحني ان محد يعرف تركي .. قلت : تركي بن عمتي سلمى .. ابتسموا وبس .. عدا ريم اللي قالت : بن عمتك ؟! ماغيره اللي ... قاطعتها : ايوة ! شهقت بقوة : أما منتي بصاحيه من جد .. ولا مابي دمامي بعد ومالقيتي غير تركي ..؟ قلت بضيق : تركي مو سيئ يمكن أنا اللي كنت اشوفه سيئ ! نجلا : بالله ساره وش فيه بن عمتك .. ريم وش صاير ؟! ريم وهي تناظرني : والله ولا أكذب من يوم سكنت بالدمام وهي كل يوم .. تهاوشت معه .. حتى احيانا بنص الشارع عادي تجي لهم قدامي .. وغير كذا لما قلت لها عن اخو مالك تقولي لا دمامي !! هبه : لا ساره تكفين مانبيك تتطلقين .. جيهان : وش تتطلق انتي مع وجهك .. أكيد ماتوافق ! قلت : وليه مااوافق بالله .. بن عمتي تراه وغير كذا .. مدري وش اقول يمكن أنا من جد تخيلته خلاص لي .. ريم : صليتي استخارهـ ..؟ تنفست بقوة : مدري .. أقصد ايه الظهر .. بس مدري المشكله اني مرتاحه .. سما : أجل توكلي على الله ! سكتت فتره مابي افكر فيذا الموضوع ابد .. قلت أقلب السيرهـ : ايه على من رسى الرجال ..؟ هبه أشرت على فلوة . وجيهان قالت : فلوهـ ! ضيا : يالله بنات مااصدق من جد حنا خلاص اعرسنا ؟! هبه : تكلمي عن نفسك حبيبتي .. انا بخلل عند أمي بالقوة ! ضحكت ريم بهدوء وهي حاطه يدها على بطنها .. ريم : واللهـ أحبه يتحرك .. نقزت ضيا ووراها نجلا وجيهان وهبه يتحسسونه ! اما انا ابتسمت ..! هو بيجي يوم وأتحسس أنا ولا بظل كذا طول عمري ..؟! الله يحفظ لك ياريم رجلك وبيتك ولا يفرقكم عن بعضكم .. اللهم آمين ولا يحرمه منكم ! * * ناظرت الساعه لما دق عمي كانت 11 ونص ياي مر الوقت بسرعه .. طلعت بعد فتره مازينت غطاي .. وصعدت السيارة بهدوء .. وقلت : تأخرت ..؟! ابتسم لي عمي : لا عادي ! سكتنا فتره حرك عمي السياره وبدينا متجهين من الخبر للدمام .! أذكر اول مره اتجهنا كنت متوترة مره .. وكأني كنت ادري انها نهاية الحبل بيني وبين نايف .. زفرت بقوة وزفرت معه كل هم يارب تسهل ! عمي : وش فيك ؟! وش فيك ....؟ وش فيك ....؟ وش فيك ....؟ صح انا وش فيني أصلن .. كل ذاهـ لجل تركي ؟! كل ذاهـ عشان بس أفكر هو تركي يناسبني ولا لا ؟! كل ذاهـ .. عشان افكر نايف متى يملك لجل املك قبله .. كأني اقوله .. أقدر أعيش بدونك ؟! هو أنا من جد أقدر اعيش بدونه .. ولا هو كلام أبي أثبته لنفسي ؟! عمي : متضايقه لجل تركي ؟! ناظرته بـ سكون ورجعت اناظر الطريق بهم .. وقلت : مدري ! أحس أن ودي أقول ايه .. بس احس انه مو صدق ! عمي : حنا حياتنا مخططه بالقلم والمسطره وبدقه عجيبه .. أنتي من نفسك بتوافقين ..! ناظرته بعجب من كلامه اول مره اسمع فيه بحياتي ..,؛ كمل : أكبر من في عيلة بني عمران كان ناصر بديهيه سريعه أكبر بنت بتكون له .. تشوفين هم متزوجين ؟ نجوى بنت عمتك كانت لـ ثاني أكبر واحد يقرب لها أخوك فيصل .. ونوير بنت اختي يمكن كانت لـ ثامر لانه اكبر من اخوه بكم دقيقه بس قضاء وصارت لـ سامر ! سكتت .. هو من جد حياتنا بالمسطره والقلم ؟ طايب وحبي لنايف وحب فيصل لمروى ؟ ايش كان ؟! خربشات بسيطه على الهامش زي مايقولون ؟! قلت : صح !! حتى نايف أخذ سلمى .. ومروى أخذت مشعل .. بس أنا ..! عمي : ساره انا مااقولك الكلام ذاه لجل اقولك غصب عنك توافقين انا والله لو ماشفت تركي يناسبك والله ياساره انا من نفسي اقوله لا انت اقل منها .. ساره تركي كان الوحيد اللي كان يعيش حياته وهو يدور من البنت اللي تخططت بالمسطرة له .. يمكن انتي كمان بالخبر تدورين !! سكتت افكر في كلامه .. فعلا صحيح بس الغلط اني شبهت عليه بـ نايف ! كمل : أول ماجيتي أجزمت أنك له .. بس اللي خلاني اتراجع مشاكلك اليوميه معه .. لين ماجاء هو بنفسه وقالها ماتصدقين قديش فرحت له .. لانه بياخذك انتي ! سكتت فتره .. أجزمت ؟! هو يعني حياتي مخططه بالدمام وانا احسبها مع نايف بالخبر ..؟ ولا حياتي كانت بالخبر .. ولما جيت هنا تغيرت ؟! عمي : عمتك سلمى كانت لـ بن خالها ماجد .. وعمر كان لبنت عمه .. و قاطعته : منهي بنت عمه .. مااعرفها ! ناظرني ولف يكمل يسوق : أول مره حد يسألني .. أفتشلت بقوة : اها .. موب لازم تقوله اجل .. عمي : لا عادي وش فيها .. بنت عمه خالد " ناظرني وابتسم " وإسمها خالده ! فتحت عيني أستغفر الله ! اول مره اسمع بذا الاسم وش خالدهـ ..؟ ابتسم : عادي خذي حقك في انك تستغربي .. بس ماتت خلاص معادها فيه ! ناظرته فتره هو حزين لو يقولها مبسوط لو أيش .. عجزت أفهم ملامحه وعجزت استوعب نبرته وأحللها ..,؛ قلت بفضول : وشلون ماتت ؟! عمي بدون مايناظرني : عادي وهي تولد بـ سامر .. فتحت عيني : ولا تزوجت بعدها ..؟! هز راسه بـ لا .. ثم قال : أختها .. أنوار ! سكتت فتره ..! هو من جد كل ذاه يصير لـ عمي وانا حتى توني ادري ؟! وشلون أصلن أخذ أختها ؟! قوى قلبها ؟! قلت : ووينها فيه .. انوار ؟! قال بدون اهتمام : طبيعي في بيت اهلها متطلقه ! قلت : غريب ! ماقد زرتهم ولا حد حكى لي عنهم أبد ! أبتسم وأخيرا .. فـ حبيت أقلب الموضوع : ايه ومنهو بعد عمر ؟! كنت أقولها بـ بساطه .. قال : محمد أبوك ! رمشت عيني بسرعه .. وكأني متشوقه أعرف منهو ذا الانسان اللي اسمه ابوي ولا أعرفه ..؟ أذني نفسها تشوقت تعرف منهو .. وكيف .. وليه ؟! قلت : ايه ؟! قال وبدون يناظرني : عادي تزوج امك ؟! قلت بسرعه : تقربله ؟! هز راسه بـ لا ..! وسكتت فتره دامت يمكن ممم أربع دقايق ..,؛ وانا متحمسه مره عشان اسمع وشهو اللي بيقوله .. حتى لو كان شي بسيط .. المهم أتعرف على هذا الانسان وبس ! عمي : الأفضل أنك تنسين .. وتفكرين بس في تركي .. رجع لي الهم مره جديدة ,؛ صح مفترض اني ماافكر بغير تركي .. حتى لو كان أبوي ! * * وصلت البيت ودخلت اما عمي راح يقلّط سيارته .. مسحت وجهي بيديني بتعب .. مشيت بهدوء لقيت أنوارالمقلط اللي بعيد مرره شغاله .. يمكن لو ماكان قلبي حاس انه تركي .. كان والله مارحت ولا حتى طليت .. لاني عارفه مافيه غيري معه في ذا البيت .. كنت أدور تركي بشويش بعيوني لين وصلت له وهو عاطيني قفاه .. ابتسمت بهدوء وانا أسمعه .. تركي : أسمع أنت بس .. يالله لحظه بس فرصه وحده اذا ماتستوعب الكلام اللي بقوله هالحين خله ليوم بكرا .. إيوة كذا .. ابتسمت وانا اسمع تنفسه وهو ساكت .. شوي وقال : يالله ! طايب بقولك .. انا قفلت معي وبروح انام وياجعلني ماقوم إلا وانت فاهم لو تصير معجزه بس ! كان ودي اروح للي يكلمه واقوله يشيخ افهم وفكنا .. أبتسمت بس وانا اسمعه يضحك ..! تركي : طايب .. تصبح على خير .. قفل .. كان بيلف بس على طول مشيت بسرعه .. سمعته : بت ! توزيت ورا الباب رغم انه جنبه مباشرة .. ليه توزيت ؟ انا نفسي مدري ! يمكن انانيه ابي اسمعه واشوفه .. بس هو لا ! شفته يتلفت وهو عاقد حاجبينه .. شوي وسمعته يتمتم : يقالي بفكر من ذا البنت اللي بالعبايه ومافيه غيرها ! كتمت ضحكتي بس لانه يتمتم لنفسه .. ويقصدني ..!! طلعت بسرعه وانا مبتسمه : ايه صح مافيه غيرها .. يمكن امك ! رفع حاجب لي .. ليه احييه متناقض مره ؟ ليه احس ان كل شي فيه حلو ..؟ ليه هالحين بالذات ؟! قلت : عادي شفت النور مفتوح وصادف انك تقفل وانا بروح فوق .. عقد حاجبينه لما شافني بعبايتي : هو انتي وين كنتي ..؟ رفعت حاجب : غريب ! خالك ماقالك ..؟ ولا انا يومني سمعته يكلم حد غيرك ..؟ سكت فتره ثم قال : اها .. اهم شي تقولينها وانتي نافشه ريشك علي زي كذا .. اللي مدري وش تحسين به ! قلت بعفويه : الحين انا اللي نافشه ريشي ؟ أنا اللي مغرورهـ عليك ؟! ولا انا اللي متناقضه ؟! ماجاوبني الا بجمله بسيطه وهو متجه للسلم ..! يقول : تصبحين على خير .. راقبته بهدوء وهو يصعد ويسفهني .. هو من جده انسان واحد ولا هو اثنين وانا مااحس ..؟ لما صعد اول أربع درجات .. قلت : هو صدق حنا حياتنا مخططه بالقلم والمسطرهـ ..؟ ماتوقعته يلف وبنظره زي كذا متعجب من الجمله .. قال : اييش ؟ هزيت راسي بـ ايه وانا عند باب المقلط ثونيي وشفته يرجع ويجي بوجهي .. قال : قلت ايش ؟! هزيت كتوفي : خالك عمر يقوله ! نص ابتسامه يتيمه على وجهه .. مدري وش الهدف منها !! تركي : كل ذا الدنيا حياتها كذا .. لو تأملت شوي .. عقدت حاجبيني .. كمل : لا تناظريني كذا ايه وانا عند ربي صادق .. كنت متردده اقول اللي بخاطري .. بس قلته : بس انت ماكنت لي .. هز كتوفه : يمكن اكون لك .. ويمكن مااكون لك .. هذا حسب تفكيرك انتي ورايك .. بس لو فكرتي بالعقل بس خط مستقيم مايلف يمين ولا شمال من الخبر للدمام ! رمشت بعيوني بـ مبزرة زي مايقول فيصل .. وناظرته .. قلت : بس انت ماكنت تعرفني .. لولا اني دخلت لك .. ولا كنت اصلن متوقع اني انا ساره لو واحد بالميه ! تنفس بزفير : هو صح كلامك .. لولا بعض لقافة الحريم ماعرفتك .. قاطعته : ماكانت لقافه اكثر مما كانت خوف على اخوي .. رفع حاجب : اها .. يعني بالعقل تركي ذاه اللي كان بالمقلط موب ولد عمتي وكان واحد ابي اعرف منهو ؟ هزيت راسي بصدق : ايه .. واحد مااعرفه يصير لخوي خويه ! نفس وضعيته : ايه صح وانتي ماكنتي ساره .. " ناظرني " كنت مروى وصرتي ساره ! عضيت على شفتي بقوة ... هو ليه كذا ؟! حرر شفتي : أقول لا تضيعينها ! هزيت بـ ايه : كنت مروى لأن ساره توها إنخلقت من يومين ! كنت مروى بنظر نايف أخته .. وتوني انخلقت ساره لـ تركي مو لأي احد غيرهـ ! رفع حاجب وبنبرة سخريه : ايه مروى .. وداخله لين خوي فيصل بن عمتها .. صح قالت لي انها مروى .., أصريت : ايه مروى .. هز راسه باستفهام : وليه كانت مروى ؟! قلت بسكون : لانك لو فكرت فيها بعقل مروى مابقى أي احد الا ويعرفها لانها ترتز بكل مكان .. لكن ساره هي اخت فيصل .. " ابتسمت له " حتى اهلها مايعرفونها ! ميّل راسه : ممم اها ..بس حلو خلاص عرفوها .. رغم انها كان مفترض انها تكون ساره وتقول انا ساره أخت فيصل بثقه لـ بن عمتها .. قلت : وانا وش يعرفني انك بن عمتي ؟ ولا اصلن ان عندي عمه وعم ؟! انا من يومي بزر مااعرف الا خالي وخالتي وعيالهم صعبه صراحه اعرف اميّز ولد عمتي ! تركي : ابفهم شي هو ليه الكذب .. انا قلت لك تركي تقولين ساره .. وقلت .. قاطعته : تراك قلت ثالث ثانوي ماقلت انك لك سنتين فيه .. ورقصت حاجبيني له وكأني أقوله واحده بوحده .. ابتسم : بس ماقلت انا ثامر ! قلت بقهر : انا كنت مروى .. وساره اليوم بس انولدت .. قال بهدوء نبرته : ايوة اليوم انولدت .. وتكونت من ضلع تركي الأعوج ! من ضلع تركي الأعوج ..؟! تركي ؟ يعني كأنه يقولي أنتي انخلقتي مني .. يعني لي ! ناظرته وبعيوني نفس الكلام اللي ترجمته قبل شوي .. رد علي : تلفين يمين .. ولا تلفين شمال .. تغرزين .. ماتبعدين عني ! ابتسمت لكلمته " تغرزين ! " .. رفعت حاجب : تراني قلت لك بفكر ماقلت طايب ! ناظرني فتره ثم لف متجه للسلم مرة جديدة .. وهو يقول : مااتوقع بتعترضين على حكمة ربي في انه خلقك مني .. فـ بقناعتك انتي بتقولين إيه ! صار يصعد على السلم وانا اقوله : كنت ابيك تعطيني جواب للي قاله عمي هو صحيح حنا بالقلم والمسطره ؟ مادريت انك بتعطيني سؤال مدري اسأل مين عنه .. هو أنا ياتركي من جد من ضلعك ؟! ساكت عني ومطنش لين تلاشى عن عيوني ..,؛ كيف نكون بالقلم والمسطرة .. وحب فيصل لمروى ؟! والمهم حبي لنايف اللي كان بيغير كل المخطط .. اتفاجئ انه كان خربشات على الهامش ؟! صح .. هي كانت خربشات .. حبي لنايف خربشات .. أنا بيدي مسحتها ,؛ يوم مستحت كتابي الكيميا !! طايب .. هو من جد انا من تركي ؟! ربي خلقني منه ..؟! وانا اللي عجزت القى اللي انا انخلقت منه وكان تركي ؟ تركي ؟ تركي بن عمتي .. اللي اكرهه ؟! تركي كان ضامن الاجابه ويجزم اني بوافق .. ليه ؟! معقول تركي يدري اني مو بس مخلوقه من ضلعه .. كلي انخلقت منه ..! حتى اقل شي شرايينه !! .: نهاية الجزء الثآلث وآلثلاآثون :. |
|
((2)) وقفت بشموخ ورحت للمرا اللي تعرضني كامله وشهقت .. هو كل ذاه انا ؟! مررهـ متغيرهـ بالفستان الأبيض .. أحسس أني مرهـ غير .. حتى تصميمه ثقيل .. بس حلو دامه ذوق تركي ! كنت أحس كل شي فيني يلمع كل شي يلفت .. أحسسن خخ ! يمكن شوي حاسه بـ خجل بس أبد مره موب حاسه بتوتر زي مايقولون رغم انه مفترض أحي لأني .. بنت .! " ماشبعتي من نفسك انتي .. مره مغروره ! " لفيت كانت مروى .. الحين هاذي وش جابها أبفهم ..؟! لكن انبسطت لما شفتها مره رزّهـ لجل إذا حد سألني وين اهلك أشر له على مروى بكل ثقه كانت من جد حلوة .. لولا أنها كانت .. ولا بلاش .. الصراحه ودي أقول أيه .. لو تضعف شوي والله تصير حلوة مررهـ .! وعموما موب شغلي فيها أنا مبسوطه وما أبي أخرب فرحتي .. كم مررهـ بنزف .. هي ليلة واحدهـ !! جات عمتي بسرعه وهي تمتم فهمت تقرى علي .. أحبها عمتي لانها مرره تحسسني أني بنتها .., بعد ماخلصت .. قالت : يالله حبيبتي انا بسبقك .. والله قمر مايبي لك شي .. بنزل وإذا دقيت لك أنزلي .. هزيت راسي بـ ايه ..! عمتي : تبين ارسل لك حد من البنات ..؟! هزيت لا بابتسامه .. وقلت : شكرن ! هزت راسها ونزلت اما انا ظليت .. تحسون حياتي بتتغير كثير ... لو كانت امي فيه ..؟! هـــه ! أصلا كيف شكلها ..؟ وش أحس به أنا مع ذا الوجه .. فيصل من بدايه اليوم وهو يقولي إنسي وانا أمك وأبوك وخالك ..!! هــه !! ماقال عمك .. لأنه واثق أن عمي بيكون أول شخص ! وعموما ... نزلت .. كنت ألف بشويش وأسترق النظر لغيري .. كأني أبي أسمع وش يقولون عني .. حلوة ؟! وصلت ومابغيت إنكسرت رجلي كل شوي واقفه وبكعب مع وجهي ..,؛ كان ودي اشلح الكعب بس لا فشله .. تعرف شعورك أول مره تجلس بين حشد تحس انك مسوي شي غلط والكل يناظر فيك خخخ ..!! وأخيرـآا .. لما إستقريت وهدت رجلي رفعت عيوني بشويش على اقرب طاوله كانت فيها ريم وخالتي مشاعل ..!! كان ودي اقوم واقولها خالتي مره وحشتيني بس سبقتني .. لمتني بقوة .. وحسيت بها تشاهق وتزفر وكانها مقهورهـ .. هو ايش صاير الكل مقهور ؟! لهالدرجه مايبوني لـ تركي ..؟! قلت : مشاعل ! وش فييك ؟! ابعدتني : ألف مبروك ياغلا مشاعل .. الله يوفقك إن شاء الله ! قلت : تبكين .. ليييه ؟! خالتي مشاعل : مرهـ ساره أول مره اتخيلك او أشوفك بالأحرى كذا .. آسفه يالغلا ماحضرت الملكه .. سكتت فتره .. فـ كملت بابتسامه صفرآ : لأني أسقطت .. قبل ماتشهقين خلاص إنسي بس تبرير وعذر ! هزيت راسي بـ ألم الله يعوضها خير ..! نزلت شفت ريم جنبها وبين إيدينها بنتها ملاك مالك خخ مره حلو الاسم من جد .. أشرت لي على بنتها يعني ماأقدر أقوم وأنا أشيلها .. بس إبتسمت ..! على نفس الطاوله مروى .. رغم انها ما كانت مهتمه إلا تناظر جوالها .. بس إسمها حضرت ولازم أشكرها !! " مبـــروك ! " رفعت عيني كانت سلمى !! مدري وش أوصف شعوري ودي أعطيها كف على وجهها وبنفس الوقت أقول شكرن حضرتي .. بالله وش ذا النفس يلا موب شغلي .. هزيت راسي بابتسامه : الله يبارك فيك .. عقبالك تنزفين ..! صكت على أسنانها بقهر .. ومشت بدون ماترد .. وش فيها ذي نايف وعندها خير ؟! نظرت وين وصلت كانت عند امها وخالتها أم نايف اللي تقزني .. جنبها سلوى حالها من حال مروى .. وسهام الوحيدة اللي مبتسمة لي ياحبي لها ذا البنت !! شفت ضيا تجي لي بوناسه وهي تهز راسها على الطق وكأنها تحاول ترقص ..! لمتني : مبروك سارونه الف مبروك .. طالعه قمر مره مو غريب عنك ذا الحلا .., إبتسمت لها .. وإبتسمت لغيرها .. هبه .. سما .. فلوة .. جيهان .. نجلا .. اللي عيونه حلوة يشوف كل الخلق حلو .. واللي قلبه أبيض يحب كل الناس ..,؛ و.. شفتها تمشي بدلع لايق عليها وتلتفت لي وترسل بوسات .. كانت نجوى !! و.. شفت بيدها الجوال بس ترفع عيونها وتبتسم لي بين فتره والثانيه .. كانها تقولي ناصر وانتي ! اما هي .. فـ من أول ماشفتها وهي مرتبشه .. شوي هنا .. تلتفت لها ثواني تلقاها هناك .. تسلم على هاذي وبناتها .. وتبوس هاذي وخواتها .. وتصافح هذي وحريم عيالها .., وتلتلفت لي بين فتره والثانيه .. بابتسامة رضا لأني أنا زوجه ولدها ! شفت حد يأشر لي من بعيد رفعت عيني كانت نهى تسلم على بنات وجلسوا معها لما تاكدت منهن طاح وجهي لآسفل القاعه مررهـ ..! أححح .. الإستاذه وضحى .. دلال .. ليلى .. موضي .. أسماء ..! ونخبه كبيرة من أروع الإستاذات اللي ماقد شفتهم يضحكن .. اليوم شفتهن !! عضيت على شفتي بحيا .. ودي أعرف وش يحسون به وطالبتهم عروسه ..؟! شفتها ترقص بـ فن .. في البدايه ماعرفتها لأنها طالعه مره طويله .. هي نفسها نورهـ زوجة سامر ولد عمي ! " مرهـ حلوة أعطيني شوي من هـ الحلا ! " شقهت لما رفعت عيني : مهووي ياقهر من جد وينك ؟! ابتسمت بدلع : هذا أنا .. وش رايك ؟! قلت بابتسامه : سمعت نجلا تقول انها ... قاطعتني : يوه نجلا هاذي فضحتني مره .. اصلا موب موافقه على اخوها .. ضحكت لها .. مشت على طول .. هاذي مها أخت ريم ورجل نجلا اللي إلى الآن ماأعرف اسمه خخ !! شفت الكل يتغطى / يتلثم / يتحجب .. وكأنهم كذا يعلنون لي أن تركي جاي ياخذك لعنده على طول ..! ناظرت نجوى وكأني أقولها محارمك محامي تكفين تعالي معي .. بس شفتها تكلم بالجوال ووجها احمر وشوي متعجبه وتلبس عبايتها .. نجوى مايحمّر وجهها إلا من فيصل .. بس وش كان يقول لها ؟! حتى عمتي لبست عبايتها .. بسم الله الرحمن الرحيم ..! إنفتح الباب .. دخل .. بس ماكان تركي ..! ولا كان نايف .. ولا كان فيصل .. ولا كان بشر حاله حال أي خلق الله .., كان زي الملاك بالسما .. زي الحور بالجنه .. زي الشي اللي عجزت ساره توصفه ..,؛ الله ! علىآ من صوّر رسم ذيك ـآلعيوـون .. ... .. ... .. ... منهو بآلخلق مآتمنى لو بس يشبه لهآإ ..؟! من ـأول مآإنظرت وأناإ تحكمني الظنوـون .. ... .. ... .. ... هو لجل عينك زحّفت ـآلحور عن محلهآإ ..؟ ناظرته وقلبي مرره يطرق .. سوير وش فيك اهدأي شوي أنتي عادي .. يعني ذا تركي .. موب أول مره تشوفينه ..!! ساره .. انتي تهاوشتي معه تذكرين ..! ســـــــــــــارهـ ..! وقفت له تلقائيا رغم ان فيه اكثر من شخص وراه بس ولا منتبه ساحبه على الكل .. وقفت مو لانه رجلي وواجب أوقف واحترم ..,؛ وقفت .. من الصدمه .. هو كل ذا لي .. ملكي بلحالي فيه ؟! الله يحفظه لي .. الله يحميه .. ويحرسه !! شيّن أصعب مـ آلخيال وأقرب للجنون .. .. ... .. ... .. ... كيف ـآناإ سمحت لعيوني تعبر عن ذلّهآ ..؟ وكيف برضاإ وقناآعهـ حكت لك العيون ؟! .. ... .. ... .. ... وكيف أزعجك صمت دموعن قلبي هلّهاإ ..؟ نظرتي فعلا كانت تقوله تركي من جد أنت روعه !! كان شكله وهو يخطي بهدوء وابتسامه احلا شي بالكون .. كله على بعضه كان روعه ..! ودي أقوله تركي تغطى .. ماابي حد يشوفك .. انت لي بس .. أنا !! كان يناظرني انا وحوله مليون بنت وبنت كاشفات وكل بنت تقول للقمر انزح وراك ! كيف انه ناظرني انا بس .. مو لاني عروسته .. لاني افهم نظرته .. لأنها تشبه نظرتي له .. أحبــه !! من بين كل ـآلخلايق بين ألفٍ ومليون .. ... .. ... .. ... يمشي تجاآهـ [ نصه آلثاني ] و.. يقلّهآإ أشريك آناإ يآحب من بين كل هـ الكون .. ... .. ... .. ... أشريك أناإ يآنظرهـ .. والله ما أملّها ..! وطيت راسي بخجل لما شفت ابتسامته تتحول إلى رفع حاجب .. مو بس إنحرجت .. ولا خجلت .. أحس ان وجهي إلتهب فعلا .. هو تركي .. كان كذا من أول لما يرفع حاجب ؟! بلعت ريقي بصعوبه .. أحس ان كل اللي بالقصر يناظرون فيني !! أحس .. ألوان وجهي كلها طاحت .. تحت رجله هو ! ايه يمشي بثقه .. من يومه كذا تركي .. بس هالمره افهم أن ثقته مو غرور ..! كان شي هيبه .. شي شموخ .. مدري ! اللي أعرفه هالحين شي واحد أن تركي .. غيير ! يآصآحب آلسمو شف قلبها كيف مفتون .. ... .. ... .. ... علّمـ كل هآلناإس منهو أنت بالنسبه لهاإ لوّح بيدينك لكل من هآإم بـ طي الجفون .. ... .. ... .. ... قلّهـ ترـآإ مآلك أمل مجنون أنآ في ظلهآ ! كان باقي أقل من أربع خطوات بطيئه حتى يوصل لي .. أحس اني فعلا مجنونهـ يوم إني كنت أفكر بس أني أوافق ولا أرفض ..؟ فكري تشوش لما خلاص وقف عندي .. وطيت راسي .. أكثر من ما كان .. هو إحسسآس بالخجل .. بالخوف .. بالحب .. مدري ! حسيت بأطراف أصابعه ترفع وجهي بشويش .., يجبرني إني اناظرهـ .. عششـآإن يتأكد غني اموت فيه ! كأنه يقولي بنظرته الليله انتي لي .. قدام كل الناس .. مدري وش أرد غير أوطي راسي يعني ياتركي يكفي ذليتني بعيونك كثير ..! رجع يرفع راسي .. بس هالمره باس راسي وابتسم بهدوء .. ويهمس بعيونه لي مرهـ أحبك ! في خلال هالشهرين بس اللي مضوا حسيت اني بموت لو تركته لحظه .. بالذات لما يردد علي أحبك .. إحسساس مره حلو ..! بديت اناظر خالتي مشاعل .. وعمتي .. وبنات عمتي كأني أقولهم تكفون إبعدوه ولا قسمآ أجيب العيد .! لين وقف بجنبي .. إرتاحت نفسيتي .. لأني ماأتوقع عيوني ترجع تجي بعيونه ! حكي نظرـآتٍ من عيونٍ .. إلىآ عيون ,؛ .. ... .. ... .. ... تنهيدة [ صبيّهـ ] ضيّعتهاإ .. وسط أهلهاإ ! تآإهت بـ عينك ومـ آلحلاـآ قآمت تخوـون .. ... .. ... .. ... إعشقت عيونك أكثر .. يآسيدي تغفر لهآ ..؟ ** صآح ـب ـآلسسمو .. بقلمي :. مون لووف ! كنت بجلس من التوتر لولا اني شفت عمي وفيصل و...خآلي !! بلعت ريقي الله يستر من جد .. سلم علي عمي عادي مافيه شي وقالي : مبروك .. ابتسمت بخجل : الله يبارك فيك .. فيصل دف خالي لقدامه وكأنه يدري أنه بيقولي كلام يقهر .. وهو يطيب خاطري ! ناظرني ثم ناظر تركي .. وسلم عادي .. كان بيمر لتركي .. بس قلت : الله يبارك فيك ! لف لي ورفع حاجب ..! ورجع لف لـ تركي وهمس له بكم كلمة بغيت اموت وش يقوله ؟! هز تركي راسه بـ إيه .. تعدّاهـ خالي .. وطلع .. سمعت : هيي اللي ماكل عقلك .. التفت له وابتسمت اكثر بغيت اصيح .. فيصل : وش فيك صايره دلوعه مره مايلوق لك الا العربجيه ترا !! شوي وجات عمتي لولدها ... خنقتني العبره : فيصصل من جدك انا الليلة ... قاطعني : وش رايك يعني ؟! أقول ترزّني بس ! هزيت راسي بـ ايه بس طاحت دمعتي غصصب .. مسحتها بسرعه ولميت فيصل بقووة ..,؛ كل شي رتبته زمان اني اقوله لفيصل وأمسك دموعي ليلة زفتي نسيته .., سمعته يهمس لي : بنت ! تراك غلطانه تركي جنبك والله ان تجي لك هالحين ... قاطعه صوت نجوى : ساره ! وش عندك أقول قومي بس .. إيه فيصل .. قمت من عنده وانا أضحك .. قال : وربي أنك بزر ! لفته نجوى لها بـ أنانيه : أقول فيصل أنت ليه جاي ؟! عمتي : مبروك يابنت اخوي الله يوفقك ..! إبتسمت بحب يالله قديش أحبها ! .. يمكن مرّ قرن وانا مدري عن حالي .. لين قالوا واخيرا بطلع .., كان فيصل زي اللي يمشي معي بنفس الخط وهو يتكلم مرة وكانه يخفي انه مره متأثر ..! فيصل والله أحس لك .. لأني مثلك بـ ليلة زفتك ! بس الفرق انك رجال وعيب تبكي .. مشكله يافيصل انك ماتعبر عن مشاعرك هاليوم بالذات !! وصلت لبرا وشفت خالتي ومرت خالي سلمت عليهن ومشاعل صاحت ..؟! من جد تراني متعجبه ..! يعني يمكن انا وفيصل متأثرين شوي وبعقولنا شي جنون ..؟! بس اشوف الكل بيصيح .. أخاف اني جايه بالغلط عزا ..؟! هـــــــه !! زي ماهو فرح تركي وساره .. عزا نايف بـ قلبي !! لبست العبايه وتلثمت بسرعه وطلعنا وصلت لسيارة فيصل تذكرني بـ أيام التقضيه للزفه !! " مبـروك ! " لف له تركي وإبتسم ومد يده وصافحه .. شفته رص على يده وهو مبتسم إلا طاير من الفرحه .., لف لي : مبروك بنت عمتي ! تمنيت لو إني ماتلثمت .. لو يعيد الزمن واللهـ لـ أتغطى ..! هو نايف متعمد يجي لجل يقولي لا تنسيني .. ولا انا اللي أحسه يقصدني بكل شي ..؟! قلت : الله يبارك فيك .. عقبالك ..! إبتسم بقوة .. شوي لا تموت من السكته .. متشقق الاخ ولا حاس بـ شي أبد .., نايف : إيه الله كريم !! وولى ظهرهـ رايح لسيارته ومشى ..! تلاشى من عيوني ..,؛ يمكن أحسن انه مشى لجل أحس أنه .. راح من حياتي !! خله يروح ويبتعد عن كل هالدنيا مابي اشوفه حتى لو صدفه لأني أبي أعيش حياتي مع تركي بـ سلام .. والسلام .. والحب .. والصدق .. والوفا .. ما أحس انهم بيجتمعون مع نايف .. بعد ماطاح من عيوني !! * * * يمكن بالنسبه لأي إثنين عشاق ينتظرون اللقا أطول .. يمكن بالنسبه لـ إثنين يكرهوا بعض .. يمكن بالنسبه لـ إنسان فاضي .. يمكن بالنسبه لـ إثنين ألتقوا صدفه .. يمكن يكون أطول وقت ! ـآلوقت ..! يمكن تضيعه بـ أي شي إذا كنت مرهـ فاضي .. أما بالنسبه لي أنا .. كان أقصصر وقت في حياتي عشته وأحس ان الدنيا كلها تحس باحساسي لأني من يوم زواجي لين اليوم وانا في راحه تامه أشبه ما أكون بـ الملكة .. اللي تصحى على ملامح بريئه .. هاديه .. صادقه .. كلها حب .. وأنام على صوت أشبه مايكون بموسيقى كلاسيكيه تجذب كل من حلولها .. عشان كذا أقول إني ملكه .. وش أبي أكثر من كذا ..؟ تركي .. صار كل شي بـ حياتي بمعنى الكلمه .. أعيش له وعشانه .. أحس بنظرته الصادقه تلفني وين ماكنت وإبتسامته لوحدها كافيه إني أعيش بدون وعي لـ مدهـ قرن ! قبل شهر ..,؛ رجعنا من العمرهـ من الأرض الطاهره ويديني بـ أيدينه ونظرهـ علي .. ونظري بـ الأرض ! سبحان الله كيف أنا صرت أستحي ما أقول أن وجهي كان مغسول لكن الحين أستغرب كيف ما أستحيت وأنا مع نايف .. مع تركي .. مع أي إنسسان مر على حياتي مهما كان حجم تأثيره علي .. يمكن لأني أحس أنه رجآل وانا بنت معه بـ تقديرهـ لي وكاني شي عظيم ما بيتكرر مرتين في هذي الحياه ! ثلاثه شهور من الزواج وانا أسعد إنسسانه في الحياه .. أحس ان محد في الكون بـ سعادتي .. يمكن ظنيت بـ يوم أن اسم السعاده ومفهومها مرتبط بـ نايف .. بس اليوم تتغير وجهة نظري للأبد أن تركي هو الوحيد اللي يقدر يسعدك حتى لو كان هو نفسه متضايق .. بإحساسه الصادق ! اليوم الجمعه .. والوقت المغرب على الساعه ست ونص والمكان كان مملكتي ! أيوهـ .. مملكتي اللي ضمت أغلا إثنين .. فيصصل وتركي ..! مملكة إنقسمت جزء لي مع نصفي .. وجزء لـ فيصل مع نصفه اللي أكيد بـ تكون نجوى ..! ما كان الإنقسام إلا في الدور الثاني أما بالاسفل كانوا الأربعه يلتقون يوميا على كل وجبه ياربي منهو بـ هالحياه أسعد مني .. يارب لك الحمد لا أسألك إلا دوامها .., كنت منسدحه على بطني وانا مبتسمه وأسمع تمتمة مصدرها فم تركي اللي كان عند المرايا يجفف شعره من المويا .. ودي أقوم له وأقوله لا توقف كلام وإرفع صوتك إحكي طول اليوم والله ما أقولك إسكت ! شوي وإرتفع صوته : نمتي ..؟ هزيت بـ لا وكأنه يناظرني . ثم قلت : لا ! سمعته يتمتم : طآيب حبيبي قومي هـ الحين لجل إذا أذن تكونين صآحيه " ولف يناظرني " بنشاط ! هزيت بـ الإيجاب .. وإتجهت للحمام تكرمون .. أحبهـ ..! يمكن ربع ساعه وخرجت لقيته على جلسته زي ماكان .. أحسسن عشان لا يطوفني أي حركه يصدرها ..., وطلعت أصلي المغرب .. ولما قضيت طويت اجلال ورجعت أنوم على بطني وأنا مبتسمه وكأن باقي على وضعيته كان ودي أساله ليه صار لك فتره واقف بس يمكن يتأمل في نفسه خخ .. لا تفهمون غلط القصد أنه يحب كذا يتأكد مافيه ولا نص غلط .. رغم إن حتى الغلط منهـ ... يكون صح ! حبيت أبدي .. وقلت : صليت ..؟ هز راسه بـ إيه وهو لايزال على وضعه .. عقدت حاجبيني : متى ؟! إبتسم هـ المره وشفت إنعكاس إبتسامته على المرايا .. وقال : قبل شوي وأنتي بـ الحمام .. رفعت حاجب : مِدَاك ؟! لف لي : ماشاء الله مؤمنه بنت خالي كم ساعه صلاتك .. بالله كلها ثلاث ركعات ! سكتت أناظره بابتسامه ..!! كمل : إلا إذا كنتي تقرين سورة آل عمران في الركعتين هذي مشكلتك .. لازلت على وضعي : وشمعنى آل عمران ليه مو سورة البقرة .. تراها أطول بـ كثير ! ضحك بهدوء وهو يهز كتوفه : مدري كذا تطري علي .. قلت : يعني موب مقصوده عشان اللقب ؟ إبتسم وهو يقوم من عند المرايا ويفتح الدولاب : لا والله .. بس أدري ان وجهك موب وجه حفظ سورة البقرة قلت يمكن تصير معجزة وتحفظين سورة آل عمران .! فتحت عيني .. وعلى طول قال : لا تقلبينها جد والله امزح معك ! هزيت بـ إيه ..! وإنسدحت على بطني زي ماكنت وتغطيت كلي باللحاف عدا وجهي عشان اتنفس الهوـآ اللي يزفره بشكل أسرع .! وغمضت عيوني وأنا أسمعه : وش فيك .. ماقمتي تلبسين .. تعبانه ؟! هزيت بـ إيه ..! قال وهو يناظر إنعكاس صورتي بالمرايا : وش فيك .. تروحين المستشفى ؟! هزيت راسي بـ لا .. قال : طايب ..؟ هزيت كتوفي : وبس كذا لا تتعب عمرك .. عادي ..! شفته جلس معي : لا جد وش فيك اذا تعبانه عادي قولي " رفع حاجبه ورقّصهـ" تستحين ..؟ مدري يمكن عشان أخفي إحراجي ضحكت .. ويمكن لأن كلامه فعلا يضحك ..؛ قلت : أستحي إلا شوي ! سمعته : طايب قومي مايضرك شي قبل مانمر على أمي نلف نشوف وش بك .. مسوي فيها بطل أفلام مع وجهه .. وجع سوير أستحي ذاه رجلك .. قلت : ماله داعي أعرف وش فيني .. فتحت الدرج بـ إحراج كبير ورميت عليه التحليل بـ إبتسامه ..,؛ ورجعت تغطيت كلي حتى وجهي .. ولا كأني رميت قنبله عليه .. هـــه !! مو تصدقون قنبله بس شي شوي مره يفجع ! شوي وشلح اللحاف : وش ذاه ؟! هزيت كتوفي يعني مدري .. وقال : متى ..؟ همست له : تبي الصدق ولا بن عمه ؟! سكتت فتره ثم قال : إذا كان الصدق يفجع أعطيني بن عمه .., غمضت عيوني : ماتعودت اكذب .. من شهرين وشوي ..! ماسمعت أي صوت وعشان كذا فتحت عيوني لقيته يناظرني بعجب ومره .. قال : بالله ! هزيت بـ إيه : والله .. وش فيك ؟! رفع حاجب : يالظالمه كم مره لمحتلي امي كذا وأنا ساكت ولا حتى أصلن حبيت أقولك شي لأني أحس أصلن .. مدري وش أقول بس ماتكفي ..! طاح وجهي وش فيه ذاه صار وجهه مغسول أبد ..؟ بس إبتسمت .. يقول ماحبيت أقولك ! لأنه يحسس .. مو زي غيرهـ .. لأنه يعرف إني أكيد بنحرج مع الكل لو إنقالت لي وأنا لسهـ ..! يحس .. ويفهم .. أن الإنسان إذا حب ما يضايق حبيبه مهما صار .. لو كان بعدهـ هو راحت حبيبه ! قال : أحلفي طايب .. قلت : تركي وش فيك ؟ والله هاهـ شف ذا وتأكد .. ظل فتره يقلّب فيه وكأنه مستتفهه خفت يكون فيه شي أو متضايق بس من إيش ؟ ورفع عيونه لي وظل فتره كأنه يتأمل عجائب خلق الله فيني .. وطيت عيوني مو إحراج ... يمكن لأني أحس بصيح وش فيه ؟! " أحبـك ! " رفعت عيني هز راسه وهو مبتسم بـ أيه شهقت بهمس عشان ضحكتي تبان .. ودي أقوله أنا ياتركي اللي أحبك ودي أقوله أترك كل الدنيا .. خلني بلحالي فيك .. هذي غيرهـ ياتركي ... والغيره يعني حب ! قلت : متضايق ؟ هز راسه بـ ايه ! وما مداني أقول شي .. حتى كمل : عشان ماقلتي بس ولا انا طاير ! تمتمت : ماسألتني ! فتح عينه وبان لونها : بالله ساره يعني لازم أسألك لجل تقولين .. وش ذا القانون وو .. إن شاء الله فيصل سألك قبلي وقلتي له ..؟ قلت : ممم هو لجل ماأصير كذابه والكذاب يروح للنار .. أن يعني هو سأل بس أنا كذبت عليه .. رفع حاجب لمده ثواني ورقّصه .. ثم قال : باللهـ .. ويروح النار .. شغل نصب ! إبتسمت وانا اقوم انهي حصه الحب عشان أبدي حصه جديدة .., أتعلم فيها كيف تركي لاصار مبسوط من قلب وش يسوي وش يقول ؟! .: نهاية الجزء الرآبع وآلثلاآثون :. |
.: الجزء الخآمس والثلاآثون :. " مٍشْگلّهـْ لـّآا صٍرّـرتـْ تٍجْ ـهًلـ .. فٍيّ |[حَيْآإتٍگْ ] |وّشْ تِبّيْ ..؟ مٍشْگلّهـْ لـّآا صٍرّـرتـْ تٍدّرـرّيْ .. بسّ صَعْ ـبٍ*ن* تُوـوّصًلٍهـْ .!" / \ / " أحبـك ! " رفعت عيني هز راسه وهو مبتسم بـ أيه شهقت بهمس عشان ضحكتي تبان .. ودي أقوله أنا ياتركي اللي أحبك ودي أقوله أترك كل الدنيا .. خلني بلحالي فيك .. هذي غيرهـ ياتركي ... والغيره يعني حب ! قلت : متضايق ؟ هز راسه بـ ايه ! وما مداني أقول شي .. حتى كمل : عشان ماقلتي بس ولا انا طاير ! تمتمت : ماسألتني ! فتح عينه وبان لونها : بالله ساره يعني لازم أسألك لجل تقولين .. وش ذا القانون وو .. إن شاء الله فيصل سألك قبلي وقلتي له ..؟ قلت : ممم هو لجل ماأصير كذابه والكذاب يروح للنار .. أن يعني هو سأل بس أنا كذبت عليه .. رفع حاجب لمده ثواني ورقّصه .. ثم قال : باللهـ .. ويروح النار .. شغل نصب ! إبتسمت وانا اقوم انهي حصه الحب عشان أبدي حصه جديدة .., أتعلم فيها كيف تركي لاصار مبسوط من قلب وش يسوي وش يقول ؟! بعد ثلاث شهور .. يآلله !! من يصدق إني احس الزمن يركض مره .. قبل أمس بس قلت لتركي اني حامل واليوم أشوف بطني بدا يكبر مره .. تحسست نهال بـ ابتسامه ..! نهول باقيلك أربعه شهور وتطلعين تكفين لا تتعبيني ! أحس بالخوف من أني أموت وانا أولد أو بعد كم إسبوع من الولاده اموت .. وأترك نهال بلحالها زي ما امي تركتني .. اللي كان مطمني إني لو تركتها عند خالها فيصل ما بيحرقها لأنه حنون .. صحيح فيه قساوة مدري من وين بس مهما يكون كان يتعذب معي في كل مره .. وتركي معها بس انا أخاف ولا مره في حياتي عشت كذا خوف ومرة توتر ..! نجوى باقيلها شهرين .. ونهى كمان ! اما نورة فـ كانت كل يوم على صوت الاذان نفس الدعاء تكرره يارب تحمل .. مدري ذا البنت كيف تعيش ؟! هـ الحين هي دوبها أول متوسط وكذا كيف ياربي بعد كم سنه ؟! مممم انا دخلت تمريض تركي أدري انه يتضايق بس زي مانقول واحده بواحده مثل ما شغله إختلاط فـ انا بعاند .. هه !! سوير أصحي ذاه تركي رجلك موب تركي بن عمتك .., وعموما اليوم جمعه وبصراحه شكلي اليوم بنفضح من ذا البطن ..! لحد الآن محد يدري واحسن بعد صراحه يمكن مم مدري ليه أصلن انا نفسي .. على قولهم لامني جيت بولد بقولهم تراني جبت كذا .. اتخيل الشكل بس خخ !! وصلنا لبيت عمتي ودخلت وأنا مبتسمه بـ إبتسامه الكل تعود عليها من يوم تزوجت تركي .. إبتسامة راحه تدل على قد إيش انا مبسوطه معه .. على الساعه عشر كنا متجمعين بـ الصاله .. عدا قلب نهى اللي كان مع ناصر اللي مع امه وابوه .. يمكن زي ما عمتي ماتقدر تفارق تركي رغم ان عندها عيال غيره .. بس ناصر وحيد اكيد امه تدلعه مره وأبوة مايردّه ..,؛ فـ غصب عن نهى تدلعه ... ومو غصب دامها تحبه ! الحديث الغالب كان الحمل .. وذا اللي يخليني أتوتر بـ زياده .. نجوى بدلع مره : فيصل بليز حبيبي لامني جيت بولد إدخل معي .. أخاف ! إبتسم فيصل وهو يمسح وجهه : مدري على حسب مزاجي ذاك الوقت .. نجوى : بليز .. مو مزاجك ! هــــه !! تضحكني نجوى رغم انها تدري أن فيصل مستحيل يردها وكيف اذا كان يبي يوقف جنبها ؟! نهى بشماته : احسن ويارب مزاجه ذاك اليوم نار يختي .. " بغرور " أما ناصر هو اللي قالي بدخل معك .. عمي : بتولد عليك نجوى هالحين .. ضحك فيصل : لا خلك للحين نقضي له .. عمتي : يوه ماقضيتوا انتم ؟ من أول شهر لين هـ الحين ولا قضيتوا منه ؟! نهى : أيه يمه أول واحد .. واكيد يتدلل .. نوره : أنتظري بس على الثاني أو الثالث على يوم الولاده يقضون .. نجوى : أسكتي انتي بس .. نهى : يارب أني اولد قبل ذا البنت لجل يكون ولدي الحفيد الأول .. عمتي : ولد ..؟! هزت نهى كتوفها : مابقول عناد ! ناظرت تركي شفته متملل مره وكانه مستتفه العالم اللي يحكون كذا أحبه بكل حالاته ..!! إنسدح على رجلي وصار يناظر كل واحد يتكلم بملل باين من عيونه .. حركت أصابعي في شعره وغاصت في كثافته شفته ابتسم نص ابتسامه .. احبهـ ! نجوى : وجع أن شاء الله وش تولدين قبلي وانا حملت قبلك ..؟ نهى : نعم نعم ؟ ماسمعت ؟ أنا اللي أكبر منك يعني لزوم أولد قبلك .. نجوى رفعت حاجب : طسي فيذاك بس .. عمي مبتسم : أقول بس .. نوير تراني متحمس لهوشتك مع زوجة الأخ الثاني بعد كم سنه ! نورة : يوه ياخالي أكيد انا بحمل قبلها وبولد .. لأن ذا " واشرت لـ ثامر " انسان بارد جدن ! ثامر .. ماكان معطيها اهميه ويناظر اللابتوب مدري وش فيه ذا الاخ .. ولا لو كان منتبه لها جاب فيها العيد ! عمي : نوير أنتي بس أحملي والله تكملين وتدرسين وتجيبينه عندي .. عمتي أبتسمت : وانا أكرر كلام اخوي ياساره .. عقبالك أنتي ونور .. أول مره عمتي تصرح يمكن عشان بتكمل نص سنه على زواجنا وانا بنظرها ماحملت من حقها تسأل ومن حقي إني أبتسم بهدوء ..! وأقول : إيه .. الله كريم ! شفت تركي رافع عينه لي ورافع حاجب .. تركي بليز وطي ذا الحاجب لا وقسما اجيب العيد وأقول .. بان لي ان تركي ساكت طول ذا الفتره وماقال لحد .. لبى قلبك ! ظل فتره على حاله على طول أبعدت عيوني بس غصب عني ضحكت .., قلت : لا تناظرني كذا ! غمض عيونه : وش اسويلك يعني .. قلت : ايه خلك كذا وش زينك وليت تنوم احسن بعد .. فيصل : بت أستحي ! تركي وهو لايزال على وضعه : ياخي وش دخلك انت والله اختك كذا معجبتني .. رفعت حاجب لفيصل وطقيت بلساني : بس ! ماهميتني اجل .. سمعت ضحكة عمي اللي خلاص احترق وجهي عشانها .. اما عمتي كانت تبتسم بسعاده لي وكانها تقولي شكرن لأنك تقدرين تركي وتعرفين انه غالي علي ! عمي يقلب السيره : نوير وسوير قومن بس جيبولي شي كذا بارد .. وبالمره الثنتين اللي بجنبي .. عمتي : ساره لا ! ناظرت تركي بـ شك لو انه قالها .. هز راسه بـ لا : والله لا ! ناظرت عمتي باستفهام : خلك أنتي دام تركي منسدح .. رفعت حاجب .. يآسلام ! وعششان تركي منسدح على رجلي أصير أميره ولو ما إنسدح بآلطقاق .. طايب واللي يقول اني حامل حالي حالهن ..؟ قلت : لا وش دعوه عمتي يطس فيذاك تركي ولا تقومين انتي .. كان ساكت تمنيت لو بس يطلع ردة فعل تخليني أبتسم غصب عني ..! عمتي باصرار : لا خلك انا بقوم .. يومني شفتها مُصره إلا تبي تقوم قلت خلني أقول لها يمكن لأني شفتها قد أيش تتمنى متى أحمل .. حرام كذا والله أني قاسيه إلا شوي خخ ! قلت : لحظه اجل بقولك شي .. قرصني تركي ضربت وجهه بهدوء وأنا أسمع عمتي : أنا ؟! حسيت بتركي يرجع يقرصني .. رجعت وضربت وجهه وانا أقول : إيه انتي .. لين خرّبها تركي وضرب كتفي رجعت وضربت وجهه .. عمي : بس يابزر انتي معه .. أشرت عليه : هو اللي بدا مدري وش فيه ..؟ رفع حاجب : مدري وش فيهـ ..؟ قلت : إيه مدري وش فيه كيفي عمتي وأنا حرّه وبعدين " تلفتت " مامعنا غريب ..! قال : طايب يا أم مامعنا غريب .. " حط يده على فمي " تراها حامل ! ورفع حاجب لي : إحترقي بس " مد لسانه لي " قلته قبلك ! يمكن يظن اني مقهوره مايدري اني إبتسمت بسعاده بس عشان الحركه العفويه اللي طلعت منه .. عمتي : صدق اللي تقوله ؟! هز تركي راسه بـ أيه : والله يمه ! رفعت عينها لي وخلاص أحسها ماتقدر تقفل فمها من الابتسامه .. وطيت راسي يقالي مستحيه شوي .. مالت بس خخ ! عمتي : تسمع يافيصل اللي يقوله بن عمتك وأختك ؟! من جدهم ؟! يوـوهـ ! بسم الله على عمتي الظاهر بتنهبل ..! فيصل رفع عينه لي : أحلفي طايب .., رفعت حاجب وأنا خلاص بالموت كاتمه الضحكه : والله .. لحظه كذا ساكتيني يتظرون عمتي تستوعب .. شوي وقالت : متى صار ذا الحكي ؟! إبتسمت : فايف منث .. عمتي : إيشش ؟! قلت : خمس شهور لحد الآن .. هـ المره تكلم فيصل : إيييش ؟! وش ذا النذاله وحنا معك بـ بيت واحد وغير كذا أول واحده عرفت بحمل نجوى .. أنتي من جدك ولا تستهبلين ؟! عمتي ناظرت تركي اللي غمض عيونه وكانه ماشاف نظرة العتاب فيه .. قالت : طايب وانا كم صار لي بالله ياتركي أسألك وانت تقول لا ؟! والله مابحسدكم بالعكس والله فرحت .. يالله حسيت ان قلبي انكسر من كلمتين قالتهم عمتي .. الأولى " لا " اللي كذب فيها تركي على أمه لجلي .. والثانيه " مابحسدكم " وش قصدها يعني .. توقعت اننا كذا ؟ ليه تفهم غلط ..؟ كملت : وآخرها قبل شوي يالظالم .. نهى : مالت على اللي ماخذها تريك بس سسوير يامال العافيه ليه ماقلتي ؟! عمي باستفهام : كيف كذا ؟! نوره : من جدك انتي ؟! ثامر رفع عينه من اللابتوب : وش فيكم عادي يمكن صارت لها ظروف ؟! نجوى : أما غريب .. ليه طايب ؟! سامر وهو رافع حاجبه : عادي شي طبيعي انها متزوجه .. بس مالك حق ماتقولين لـ عمتي .. من جدك تاركتها خمس شهور تسأل ؟! هز فيصل ثامر : ظروف ؟ وش ظروفه يابن الحلال ؟! ليه الكل يسأل ..؟ بالله امانه هم يسألون عشانه بن تركي ولا لجلي انا ؟! ليه كل أنسسان يسأل سؤال ؟ هم يبوني اجاوب أنا ولا أرجع وأسألهم بسؤال ؟! هم من جدهم ؟! ولا يستهبلون ؟! هي وش ظروفهم عششان أبرر لهم أنهم يسألونني كذا ؟ هم ليه ماقالوا .. ياسارهـ مبروك عليك عقبال تولدين ..؟ هم يحسون ... باللي احس به ؟! ولا الإحساس شي بعيد كل البعد عنهم ..؟ قلت : طايب ليه أقوله دام محد سألني ؟! فيصل بسرعه : بالله ما سألتك انا ؟! عمتي : ولا انا ؟! هزيت كتوفي : ليه أغير فرحتكم بنجوى ونهى عادي ! فيصل بحزم : أحلفي طايب بس .. ومامداك خمس شهور أبد .. إلا اليوم يوم تقوله عمتي ؟! تركي : بسم الله خلاص ماصار شي وبعدين انا قلت لها .. كيفي ! هدوء .. بعد ماكان ضجة بالتساؤلات ! بعد كلمه تفوه بها تركي " كيفي ! " هو كيفه هو غير عن كيفي انا ؟! انا قلت كيفي .. بس لاني البنت كيفي أقل بكثير من كيفه هو الرجال ! عمتي إبتسمت اخيرا : طايب يا أبو كيفي .. ليه كيفك ماسمح لك الا اليوم ؟! تركي الوحيد اللي يمتلك المفعول الخاص اللي يخلي عمتي تبتسم حتى لو كانت متضايقه .. لأنها ولدها ! تركي إبتسم : مدري عاد صراحه انا ما عرفت إلا بعد شهرين وشوي كيف بنفس اليوم أقوله يعني انتم تدرون مثلي .. لا مايصير هو لان ولدي انا ! عمتي : ولدك ؟! تركي إبتسم : هو مارحنا عشان أعرف حلو يوم تولد اعرف .. " رقّص حاجبينه " بس سآرتي .. الظاهر انها تعرف ..! سآرتي ..؟! صح انا سارته وانا كلي ملك له .. أصلن شرف لي ان تركي قآلها .. أيه انا سارتهـ .. وسآره بنت عمة نايف .. سآره غير تمامآ ! عمتي بلهفه : هاه ساره وغلا تركي أن تقولين .. نجوى بقهر : ماعليك يمه اتحداك تقوله بتنتظر قبل يوم من ولادتها وتقوله .. مارديت .. لفيت لعمي : هو أنت باقي تبي شي بارد ؟! هز بـ أيه بـ أبتسامه حلوة .. أبعدت تركي عن رجلي نطت عمتي وجلستني .. وهي تقول بـ إبتسامه : لا والله ماتقومين إذا كان تركي منسدح على رجلك وما رضيتها لك .. تقومين يابنت اخوي وعندك حفيدي انا .. لا والله ماتقومين ! همست لتركي : امك ليه كذا ؟ تحب تخليني أصيح ؟! هي متعمدهـ ..؟ سكتت فتره ثم تمتمت : ولا عفوي تقول أنتي بنت أخوي ومثل بنتي ودام امك موب فيه انا امك .. بس لأن تركي رجلك ؟! ضغط على يدي وهو مبتسم : وش امك أنتي الثانيه موب فيه .. ووش تركي رجلك .. عشانك يالبايخه مارضتها تقومين .. مالت عليك بس .. أثبتي فعلا انك حامل حسّاسه مررهـ ! ضربت وجهه ووبس وانا مبتسمه كـ تعبير لـ كلمه " طس بس " لأني ما أقدر انطقها لهـ .. لأنه رجآل ! نجوى : يمه وش ذا التفرقه بيني وبين سوير ..؟ عمتي بحنان : يمه مافيه فرق زي ما انتي فرحت لك بحملك لزوم أفرح لـ ساره .. نجوى كأنها تبي تفحم عمتي بالرد : طايب ليه أغلب الوقت تقولين لي قومي وهي لا ؟! عمي لف لنجوى : بالله نجوى هذا انا محترمك انتي مع اختك وقلت لها ونوره .. صار شي ؟! عمتي : بالله بنتي ! تبيني أقوم واخدمك بعد .. قوليها عادي ؟! نهى : لا يمه موب القصد .. لكن قولي تركي رجلها ولازم ماتقوم ولها مميزات ..؟ عمتي : يعني هي مو بنت اخوي ؟ يعني ما أحبها إلا عشانها مرت تركي ؟! وش شغل المبزره ذاه اللي عندكم هذا بدال ماتفرحون لها ؟! احبك يآ عمتي ! لأنك تفهمين إني ما أحب حد يحبني عشان تركي رجلي أو فيصل أخوي .. وأحب ولدكـ ..! مو عشانه رجلي .. ولا أبو شي انا احمله وإسمي أمه .., ليه احب تركي ..؟ لأنه بـ بسـآطهـ تركي ! نور بدلع : يمهـ بقييت بلحالي .. عمتي بحب : يوه يانوره لجيتيني لازم اعرستي يعني ؟ والله من حنتك عمر قام يحن ! شفت سامر يبتسم لها وهو يشدها له ويهمس لها لين ابتسمت ووطت راسها بحرج .. الله يهنيهم ! ناظرت تركي وهمست له : لك أربعه شهور وبعدين معاد تتسدح .. " رقصت حاجبيني " تجي غيرك .. غمض عيونه بقهر : أنتي سآرتي وتتسدح هي .. تطس فيذاك بس .., للمرهـ آلثانيه سارتي .. تمتمت له : إيه بس هي بزر .. لف وجهه وجسمه كله وصار وجهه مقابل بطني .. غمض عيونه .. ثم بعد فتره قال : بزر ولا موب بزر المهم لما تولدين ماتتغيرين علي .. ليتك تفهم شي وآحد بس .. أنك أنت الوحيد اللي مستحيل أتغير عليك مهمآ صار لي أو لك .! * طبعاآ في اليوم اللي بعده مباشرهـ .. تفاجات بوجود عمتي وشغالتها مع نجوى بالمطبخ .. نجوى .. كانت متضايقه كثير عشان أمها توها تفرغت وجابت الشغاله .. رغم أننا مانتحتاج أصلن .. بس تحس بالتفرقه على قولهآ أن الشغاله ماجات إلا يوم درت امها إني انا حامل .. نجوى ..! بليز يامرت أخوي .. بليز يابنت عمتي .. بليز يا أخت رجلي .. بليز ياخويتي ..,؛ خليني أحس إن عندي أم بس في ذا الأربعه الشهور .. وأحس بـ إحساس إني طفله بين ايدين عمتي قبل ما أولد ونهال تاخذ مكاني .! * * الحياة بتمشي سواء تزوجت سما .. أو ولدت نجوى ولا ولدت نهى وبظل انا يبقى لي شهرين .. سواء ملكت فلوة على همام .. سواء نهى توقفت وظلت بـ بيت عمتي ومعها نجوى بدون شي إسمه مدرسه ..! ومع كل آللي يصير أتحسس يوميا نهآل في كل وقت وكل دقيقه .. موب بس انا اللي أتحسس .. جزء مني يتحسسها معي .. يحسسني إنه جنبي ..! فيصل في خلال الشهرين اللي طافوا وكانوا باقيين لـ نجوى .. إختلاط مشاعر .. مبسوط .. خايف .. متحمس .. وتعبان ..! أما ناصر فـ كنت أسترق النظر لتصرفاته بنفس الفتره مع نهى كل جمعه ..,؛ تغطي على ملامحه الخوف على نهى اللي مستغله الفرصه وماخذه حجم كبير من الدلع ..!! أكثر من مره لما أروح لنهى اللي ساكنه مع عمها .. ألقى مرت عمها تخدمها ..! ناصر .. وامهـ .. طايرين بـ نهى آم الحفيد خخ .. وعمتي .. فرحتها منقسمه بين نجوى ونهى لأنه خرجوا منها بالسلامه ..! هذا المختصر أو الملخص بـ اختصار بـ اللي صار في شهرين كاملين .. وعشان شوي أخليكم تعيشون جو بسوي مقارنه مع فيصل وناصر .. في قبل الولاده وبعد الولادهـ .. فيصل .. قبل الولاده بكم يوم كان مختبص بس مسوي فيها الثقيل بس مايقدر يخبي لأنه واضح .. ناصر .. خاربها وكل الناس داريه عنهـ .. فيصل .. يوم الولاده كان نفسي أصوره لجل إذا شافته نجوى تحس قد إيش هو يحبها .. ناصر .. كان يردد عليها طول ماهي تولد .. كلمة أحبك .! فيصل .. بعد الولاده ماانتظر دقايق حتى راح يشوف القطعه اللي منهـ .. ناصر .. ظل قرابة الساعتين يناظر فيها ! فيصل .. الآن يعني كل ثلاثه ايام او يومين يجلس مع نجوى ويخربها بعض الاحيان ويبقى جنبها للفجر ويروح دوامهـ .. الله يهنيهم .. ناصر .. صحيح ماكان يجي كثير إلا أنه قال لـ نهى شي مره فله .. إنه لاقضت من الأربعين مع أمها تمام الشهرين باقي عشرين يوم تقضيهم عند أمه ! فيصل .. إنه لـ حيوان ! لا تسمعون لـ كلامه لانه مايقول إلا السخافه .. صار يرمي خيط وخيط .! ناصر .. محترم نفسه ! وفاهم أنه بيجيب العيد مع لخبطة كلامه بالفرحه فـ ياكل تبن ويسكن خخ .., ونجوى .. ماخذه راحتها على كفوف فيصل اللي تعودت انها ماتحملها الا بالراحه .. لين ولدت وجآبت سمي أبوي .. محمد بن فيصل بن محمد العلي ..! ونهى من يومها وناصر شايلها .. وضامها بين جفونهـ .., لين ما ولدت .. وجابت .. نجود بنت نآصر بن جلال عمرآن ..! أما أنا .. منتظرهـ الشهرين آللي بقوا لي على جمر تركي يشاركني فيهـ ..! * بحط جدولي بسرعه بما أني الظاهر اليوم بولد عشان اكون سويت خير قبل ما أولد وجدول تركي بعد بالمره .. على ما أحس أن فيه حد يسمع ونيني المكتوم .. أصحى الصبح أصلي وعلى طول اتحمم وأشسور وبعدها أكوي ملابسي هه !! كل يوم لزوم أشوف نهال كيف شكلها باللبس .. وعموما أصحي تركي وهو يروح يتحمم .. وأنا أنزل أصلح الفطور مع نجوى اللي كل يوم تدلع لي شوي خلها تحمد ربها الحين هي كملت شهرين على الولاده وانا على شهري الاخير .. مالت بس فيصل الحيوان مدلعها .. وعموما أصعد بعدها وألبس ألقى تركي نزل تحت نفطر بسرعه ونروح .. الشي اللي كان متعبني جدن أن من الساعه ثلاث ونص العصر إلى ممم 11 ونص الليل هو بشغله أحس اني فيذا الوقت احتاجه اكثر من أي شي .. حبيبي ! مايرجع إلا وتعبان مره وأنا بس أصحى أناظره أحرسه من أن أي مخلوق كان ياخذه مني .! ربي لا يحرمني منهـ ..! لحظه ... لحظه ! نهيل أصبري بكمل الجمله قبل ما أصرخ لانها ونّهـ ولادهـ .. وإذا كانت نجوى ونهى يوم ونهـ الولاده صآحوا " يمهـ ! " .. أنآ ! صحت " تركي ! " .. * * |
((2)) حسيت بشي بشعري يتحرك انا نفسي موب طايقتها ووش ذا .. بكل بساطه مديت يدي وضربت راسي .. سمعت حد يتأوه يالله متكسره مره رفعت عيني بس شفته تركي حتى الإبتسامه ماقدرت أطلعها وكاني بـ موت .. يمكن أتمنى إني أموت قبل لجل أشوف امي وأبوي .. بس ألحين أبي أعيش .. لـ تركي ! رجع وحط يده بشعري : الحمدلله على السلامه .. أول شي سويته حركت يدي على بطني اتأكد إني ولدت .. وين راحت النفخه ..؟ ناظرته باستفهام .. قال : أقولك ولدتي وش تبين بعد .. " رفع حاجب " إلا إذا يمديني أنسدح فيه ..؟ غمضت عيوني أحس اني معرقهـ مرره وشعري لاصق في وجهي والحاله حاله ,؛ و.. الاخ مو فاهم إني حاسه نفسي قرف .! تمتمت : إترك شعري مره .. قرف ! إبتسم : ممم هو أنا إحترمتك شوي وجاملت بس دامك قلتيها أحسن .. رفعت عيني بـ تعب حتى إبتسامه ماإبتسمت .. قال وهو مبتسم لي : ماتبين تشوفين وش جبتي ؟! وديـ بس تعبانه .. يعني حتى عيوني أحركها بتعب .. هو كل الناس تحس كذا مثلي ..؟ هزيت راسي بـ لا .. مط الياء : لييييهـ ..؟ سكت فتره ثم كمل : قلت انتظرك وآخرها كذا ؟! " ناظر ساعته " يالظالمه حد ينوم فوق نومه أربع ساعات ؟! غمضت عيوني بس سكت هو .. لأنه يحس ! سكتت فتره ثم قلت : أمك .. عرفت ؟! سمعته يتمتم بـ سكون : لا ! قلت يمكن انك قايله لحد تقولين له قبل قلت ما يضرني شي .. هزيت بـ إيه : أيه قل لمك لا تزعل ! سكتت فتره ثم كملت : وثمن فيصل .. " خنقتني العبره " تركي بموت ! ضغط على يدي يعني لا تقولين كذا .. تنهدت : تركي والله ماتحس هالمره ما أحس ان بي جسم إلا عشان أتألم فيه .. واللهـ بموت ! حط أصبعه على فمي : أشش .. " مسح على شعري " نامي وبس .. ولعاد تقولين كذا ! ظليت كذا فتره أول مره احس اني حياة إنسان .. فيصل ماقصر ..! إلا أني كنت عرافه يجي يوم ويتزوج وهذا شي حقه وحياته وهو بكيفه .. وخالتي مشاعل .. عارفه انها متزوجه بس كانت أمي .. وديـ أقولك ياتركي أنك شي غير .. شي مدري وشهو لكن أحس فيه ..! فتحت عيوني : وش جبت ؟! إبتسم : صباح الخير .. جبتي نهال ! سكتت ..! طول عمري توقعت أن بنتي يكون إسمها نهال بنت نايف جابر .. زي أمي .. نهال بنت نايف جابر .. هـ المره يعني صارت نهال بنت تركي بن ماجد عمران ؟! زفرت بـ العبره وكأني أطلعها ساره نايف موب لك خلاص تركي هو رجلك لعاد تتذكرينه بـ شي .. من جدك ساره تفكرين فيه وهو تركك ؟! وراح لـ سلمى ؟! ساره هو مملك وانتي متزوجه .. وعندك بنت وزوج ..! سمعته يقول : تعبانه ؟! ضغطت على يده وهزيت راسي بـ أيهـ .. أيه ياتركي أنا تعبانه وللأسف ما أقدر أقولك وش فيني .. لأن اللي فيني من غيرك ..! تركي من جد أنا متزوجتك ولا انا أحلم ..؟ ونهايه الحلم بـ صحى وأنا مادخلت المقلط .. ولا عرفت اهلي بالدمام ..؟ وعندي خالي ومرته وبنته يحبونني .. والأهم من كل ذاه نايفي أنا .. يبيني مايبي سلمى ..؟! ليتهـ يكون حلم .. ليته بس ! لأني احس أني أبيك ياتركي وأبي نايف .. لأن نايف حقيقة لي .. وأنت غصب عنك لي لأني أحبك .. واللهـ إني مو انانيه وأبي كل شي لي .. بس في شي يقولي انتي لـ تركي .. وش يقولي انتي لـ نايف ..! سمعته بـ هدوء : سآره وش فيك ؟! إبتسمت : جب لي نهال بس .. رفع حاجب لي : تراك ماجبتي نهال .. ناظرته : إييش إييش ؟! قال وهو ماشي للباب : جبتي ماجد .. قلت بتعب : كيف ؟! سمعته يتمتم : لا أمزح معك جبتي نهال موب ماجد .. بـ تعب : تركي انا وش جبت ؟! لف لي : إصبري شوي بجنن فيك .. عشان تعرفين منهو اللي بعد شهرين وشوي تقولين له .. انا طيب عشان كذا بخليك بعد ساعتين وشوي .. شفتي قد إيش أنا طيب ؟! وراح .. هو أنا وش جبت ؟! أنا احس انها نهال لأن أول كلمة قالها اني جبت نهال .., ظليت فتره لين شفته جاي ومعه نيرس المشكله فاتشه مالت عليك تركي لو كانت فلبينيه على الاقل أرحم لي رغم إني ما أحب أشوف فليبينيه وجع .. أحس أني بصير مثل نجوى : ترركي إبتعد لاتصير جنبها .. شفت وجهه يقلب ألوان .. وكانه إنحرج من البنت اللي ولا هامها .. هــــه !! موب بس عندنا بالخبر حتى هنا فيهـ ! حط إصبعه على فمه يعني أشش .. هذا اللي احس فيه غيره على تركي ؟ يعني انا أحب تركي ؟! رغم انه قدام عيوني بس ما أبيه جنبها كيفي رجلي وانا كيفي .. لين وصل والحمدلله .. قال : شوفي قد إيش انا طيب خليتهم دقيقتين بس .. مدري أي قوة اللي جاتني وقمت وأبي شوف وش جبت .. أبي أشوف شي ملكي انا لأني حملته معي ! وقف بوجهي : لحظه إنتظري عشان تصير دقيقتين وشوي .. كان ودي أفلق راس ذا البنت وجع .. يختي رجال وحرمته وش عندك انتي ..؟! لين حطها بالوسط بيني وبينه وهو بجنبي وهنا أيقنت انها بنت كانت زي القمر .. بنتي أنا !! كانت ترمش الظاهر توها بتصحى .. لفيت له : تشوف ؟! هز راسه بـ أيه .. شوي ورجعت ناظرته : زي عيونك .. ليه مو مثلي .. عشان عيونك أخضر .. حتى عيوني حلوة .. رفع حاجب لي .. لين شفتها .. كانت نسخه أصليه من تركي بـ كل شي ..! ناظرته بشهقه : تركي تشبهلك .. كيف ماتشبهلي وهي بنت ؟! ضغط على يدي وتمتم : وش قصدك وجهي وجه بنت ؟ فضحتينا تراك جبتي ولد ..! ولد ..؟! يعني انا جبت ولد .. وإسمه ماجد بن تركي ؟! ناظرته بنفاذ صبر : بالله تركي أنا وش جبت .. " بدلع أحس أنه موب لايق خخ " تعبت أفكر ..! قال وهو يناظره مدري يناظرها : بالله سآره يشبهلي يعني ماجد ولو تشبهلك كانت نهال .. بـ ظهر إصبعيني حركتهم على خده وتحسست شعره .. هذا اللي كان في بطني ؟! رفعت عيني للنيرس كانت واقفه على راسي .. سمعتها تهذر وتركي يناظرها يالله ودي أفلع راسها بأقرب زهريه عشان تحترم وجودي .., شوي وشفتها طلعت .. زفرت : أوف واخيرا حست على دمها وطلعت .. إبتسم وهو يناظر جواله : لحظهـ ! أدق لمي أقولها عشان تحبني اكثر منك .. أنا اللي قلت لها عن حملك وانا أقولها عن ولادتك .. ناظرته .. وقسسم بالله بزر .. بالله وشهوله تحبني اكثر وهو ولدها ..؟! نص إبتسامه : حط عام .. هز بـ إيه ! وانا أسمع الرّنات وقلبي يطرق ليه كذا مدري .. اترقب وش بتقول عمتي .. سمعتها : هلا وغلا من قدي تركي بنفسه داق لي ..؟ نعــم ؟ وأنا أقول وراه أيام زمان كله جنب أمه آخرها هي اللي تخليه غصب خخخ ..؟! همهمه من فمه ثم قال : ممم شلونك يمه ..؟ صوتها بـ حنان : بخير يا امي بخير .. وش فيه صوتك كذا ضعيف ؟ تعبان ؟! بغيت انقز لها وأقول وأنا وش وظيفتي لا ماعرفت متى يتعب ..؟! ناظرني : لا .. بس سآره بجنبي وتبيك فتحته عام ! قلت : شلونك يمه ؟! عمتي : أهلين .. هلا والله .. الحمدلله انتي يمه وش أخبارك عساك موب تعبانه بس ؟! حطيت يدي على فمه : يمه أنا ولدت .. فتح عينه لي وضرب كتفي بخفه : يمه انا بقولك .. عمتي : إيه يمه تراني ماسمعت وش قالت بنت خالك مدري وش به الخط .. قل وش قالت ؟! رقّص حاجبينه لي : سارتي ولدت .. كتمت ضحكتي عمتي تعامله كنه بزر لين سمعتها تضحك .. ومخربطه ومدري إيش والحاله حاله خخ .. شوي وقالت : جبها .. بقولها كلمتين .. أعطاني هو وشلت السبيكر .. قلت : أيوة .. عمتي : يمه ساره اول الحمدلله على سلامتك مهما كان وش جبتي .. وشي ثاني يمه لا تزعلين عشان قبل شوي والله إني سمعتها منك .. فطست ضحك : أدري .. ههه من جدك عمتي حاسبتني بزر مثل تركي ؟! ماكان منتبه لي وبين ايدينه ماجد .. عمتي : أشش لا يسمعك بس .. وبعدين تراك بزر اكثر منه .. شهقت : وأنا دوبني وآلده وبزر ؟! عمتي : أجل تومان جيري ؟! سكتت فتره أتذكر وفطست ضحك : يمه ! سمعت صوتها موب واضح : إيه أظني فيذا .. قم ننزل .. قلت : عمتي ؟! فتره ساكته لين سمعتها : يمه أنتي أي غرفه ؟! فتحت عيني مسرع ماوصلوا ؟! قلت : غرفه ممم " بديت أتلفت على الجدارن .. لين لقيت على السرير " ميه وسبعه .., قفلت مني شوي وشفتها داخله والحاله حاله بين ايدينها شفت تركي على طول غطى وجه ماجد ..؟! جلست عمتي بعد ماحطت الورد .. الله ! اول مره حد يهديني كذا يعني ورد كبير .. بس والله ورده واحده من تركي تساوي كل ذاه ..,؛ أحلا سوير صرتي رومانسيه خخ ..!! وبدت تحط الأغراض ومدري إيش .. لين جات لي ولمت علي وباستني .. وسلمت على تركي .. جلست ثواني وجاء عمي معها .. قالت : الحمدلله على سلامتك .. وطلعتي منها .. إبتسمت بس .. صح طلعت منها .. بس أمي ماطلعت منها ! قالت : هاه وش جبتي ؟! تركي : وانا يمه مالي الحمدلله على السلامه عشان سارتي ؟! ابتسمت له : الحمدلله على سلامة سارتك .. وش جبتي مره منتظره .. كنت بتكلم بس ناظرني تركي وقال : نهال يمه .. نهال ! عمي : الحمدلله على السلامه بنت اخوي .. وانت مالك الحمدلله على السلامه .. قلت بسرعه : خلاص خذ الحمدلله على السلامه اللي قالها لي .. ناظره فتره ثم قال : أنت ما أحبك لا تشوف بنتي .. كتمت ضحكتي والله وربي ذا بزر .. ناظرني عمي : لا تكتمينها عادي .. كشفت عن ماجد وحطيته عند عمتي أما تركي ناظرني كنه يقولي لا تقولين لها .. ووقف وبيده جواله يمكن بيدق على فيصل أخوي .. زي ماقلت له .., ظلت تناظر مجود وتمسح على راسه .. مسرع مانام .. هـه ! هو أصلن صحى كلها رمشتين عشانه عرف إن اللي بتشوفه أمه وأبوهـ ..,؛ باست راسه وظلت فتره عيونها متعلقه فيه حسيتها عرفت مدري ليه .. بس ناظرتني : صحت ؟! هزيت إيه : قبل شوي ورجعت .. بسرعه مامداني .. عمتي : تشوف ياعمر وش بها حفيدتي ؟! عرفت شي واحد .. اننا كلنا بزران وقت الفرحه ..! يمكن تركي فعلن بزر ومتدلع ومايع رغم اني ماأرضى حد يقوله لكن هذي حقيقه .. ألحين أوكي أعتدل بس بعض الحركات العفويه ما تروح .., عمتي وعمي أشكالهم من الفرحه .. وكأنهم ماقد شافوا برز رغم ان قبل ماجد .. نجود ومحمد ..! تصرفات عمتي كانت فعلن تدل على انها بزر .. كلنا بزران وقت الفرحه .., ظلينا فتره لين جاء فيصل ونجيو ومحمد ولين الكل تجمع بـ الغرفه ملتفين حول ولدي انا ..! نهى : يالله تركي هاذي بنتك ؟! قال : وش رايك يعني ؟! نجوى : أبيها سوير لـ ولدي محمد .. بن خالها وبن عمتها .. أولى ! فيصل : أيه اكيد .. بنت اختي ! نوره : شوفي يمه بتفتح عيونها شوي كيف ترمش .. ثامر : دام من اولها كذا كل حركه سويتوا لها حفله " ناظرني " أبشري يابنت عمي بنتك دلوعه .. نجوى : شوفي نوير وش تسوي تبي تفك من اللفه .. سمعت تركي بسرعه : لا .. أقصد ممم دوبها النيرس تقول لا تشيلون اللفه تبرد .. عمتي : إيه دامه كذا خلها .. نهى مطت شفايفها : يمه حتى نجود تسوي كذا .. تركي : ودي أفلق راسك مدري ليه .. ألحين بنتي انا نفس نجود بنتك .. معليه نهى شوي " رقّص حاجبه " نهال تركي ماجد .. خطين تحت ماجد .. نهى ناظرتني وابتسمت : بسكت عنك إحترام لـ بنت خالي وبنتها .. نوره تهز نهى وعيونها على مجود : شوفي عيونها .. سامر : الله مره حلوة الله يخليها .. رفع عمي عيونه لي : ماتشبهلك ..؟! فيصل ظل فتره يناظر لا شكله يفهم .. رفع عينه لتركي : بالله ! أحس انها تشبهلك نسخه أصليه مُصغره .. عض تركي على شفته السلى وهو ساكت .. كمل فيصل : أقولك متاكد أنها بنت اختي معك ولا جبتها بلحالك ؟! تمتم لي بصوت محد يسمعه : خل اخوك يطس احسن وقسما ... قاطعته بهمس : محد قالك تقول بنت ! ثامر : هـ الحين ذا البنت بنت تركي وساره ؟! ناظره سامر : إيه بالله مشكله ..! عمي وباقي عيونه على مجود : أيه أثبتوا أنكم عيالي .. نفس الإحساس .. هـ الحين ساره البزر وتركي البزر يجيبون نهال البزر ؟! نجوى : صح مشكله ! كتمت نهى ضحكتها : ما اتخيل شكلك تركي وهي بيدينك .. نجوى هزتها : لا انتي بس تخيلي شكلها بيدين ساره خخ توحفه ! فيصل : عشان تثبت انها بنت تركي نسخه أصليه .. الشكل لا كبرت خخخ ! ناظرت تركي .. وقلت : طسسوا بس وجيبوا ولدي .. سمعت ضحكة فيصل : كسرتي خاطري أختي حبيبتي .. ترقع وجهها عشان لايقولون البنت تشبه لبوها ! شفت نجوى ضحكت ونهى مابان لانها متلثمه بس صوت كتم الضحكه باين ! سحبت شهادة الميلاد ورميتها على فيصل : مالت عليك ياوجع شف هاه .. ماجد بن تركي ..! أول مره عمتي ترفع عينها رغم أنها كانت رافضه تسمع أو تشوف غير ماجد أو نهال زي ماكنت تتوقع .. قالت : إييش ؟! قلت بثقه : أيه عمتي شوفي هاه والله ماجد موب نهال .. لما توجهت كل الانظار لتركي ولي .. قال : كيفي أنا ! صح .. للمره الثانيه كيفه هو .. أكثر بكثير من كيفي أنا .. لأنه الرجال ! سمعت عمتي : ماجد .. بن .. تركي .. بن .. ماجد .. عمران ! وإبتسمت بان لي من صوتها العبره .. هو كل الناس تحس مثل اللي أحسه ؟! بـ عمتي ...؟ أول مرهـ بـ محمد ولد أخوي .. وهـ المرهـ بـ ولدي ! وكانها تحسب عدد الغالين اللي ماتوا ! تقول هذا بدال اخوي وهذا بدال رجلي .. وسبحان الله نفس الأسامي .. كنت بنقز لها واقول تكفين ياعمه ! قولي لي .. هو محمد ولد أخوي يشبه لبوي نفس مايشبه لفيصل ؟! عمتي .. هو ماجد ولدي يشبه لـ رجلك زي مايشبه لـ تركي ؟! هو أبوي لو كان فيه بيقول لـ بن فيصل يشبهلي ولا بيقول يشبه لبوه ؟! ولا أبو تركي بيقول لـ ولده حفيدي يشبهلي ولا بيقول يشبهلك ..؟ هم ماتوا صح ادري بس .. الله عوضنا فيهم .. ولا أدري هم يشبهون لهم ولا لا ..؟! بوسه واحده من عمتي على جبين مجود ولدي وهي تتمتم يمكن مايفهم حركة شفاها غير تركي لانه ولدها .., ثم انا لأني احس باللي تحس فيه .. بنات زي بعض ! حركة شفاها .. " ياماجد شف ذا بن تركي ولدك .! " .. * * لما مضت أول يومين أيقنت أن محد من اهل الخبر بيزورني .. دقيت على خالي .. يمكن ماعرف ..؟ ألين رد .. قال : نعم ؟! أبتسمت الحمدلله محد معي بالغرفه عمتي راحت تنام .. قلت : مم شخبارك خالي ؟! رد : الحمدلله .. " وكرر " نعـم ؟! قلت : هو .. خالي انت ماعرفت إني ولدت ؟! سكت فتره ثم قال : ولدتي ؟! صوته كان مره مقهور وده يفلقني .. بغيت أصيح عليه هو الوحيد اللي أحس أبي أتقرب له مهما يصير .. قلت : أيه خالي .. انا ولدت ..قبل يومين .. سمعته : إيه عندي خبر .. طآيب .. وزيارة المريض موب واجبه ؟! وصلة الرحم موب واجبه ؟! ومشاركة المسلمين الفرحه موب واجبه ؟! وجبر الخواطر موب واجبه ؟! لو بـ كلمة مبروك ؟! والله راضيه لا تقوللي الحمدلله على السلامه .. بس قل مبروك ماتكلفك شي والله ! بلعت العبره بس ماقدرت اكتم الشهقه .. لين قال : وش جبتي ؟! بحد ذاته سؤاله نساني وش كنت مرتبه أقول .. خالي .. هو الوحيد اللي ما أقدر امزح معه بـ كذبه تدوم لـ خمس ثواني .., قلت بلهفه : جبت ماجد .. جبت ولد ياخالي .. بحدة رد علي : ليه ولد ؟! هزيت كتوفي كانه قبالي : مدري .. هو كذا ..! سكتت فتره ثم قلت : بس .. توصي شي ؟! سمعته : لا .. بس خذي ام نايف قوليلها وش جبتي بس .. هو من جده خالي ؟! على طول قلت : شخبارك مرت خالي ..؟ سمعتها : الحمدلله وانتي ؟! إبتسمت : الحمدلله .. مرت خالي انا جبت ماجد .. سمعتها مستنكره : ماجد ؟! قلت : إيه ماجد بن تركي .. مره حلو ! مرت خالي : أهاا !! زين الحمدلله على سلامتك .. إبتسمت : الله يسلمك ويخليك .. سكتت فتره ثم قلت : بقفل تبين شي ..؟ كانت فتره ساكته ثم قالت : لا .. بس مشاعل بجنبي خذيها تبيك .. مشـــاعل ..؟! لي فتره أصلن ما كلمتها ولا درت عني أصلن .. خالتي مشاعل : يوه سوير والله لك وحشه .. وجع مالت عليك لا ودوبك تقولين ولدتي ؟! ضحكت : والله آسفه بس مره كلها يومين .. سكتت فتره : ساره تدرين انا وين ؟! دق قلبي .. الله يستر ! .. قلت بـ بطئ خايفه من الاجابه : لا .. هو .. أنتي .. وين ؟! خالتي : ساره انا بالمطار .! سكتت فتره استوعب وش قالت .. ثم قلت باستفهام : لييه ؟! خالتي مشاعل : حبيبتي هو انتي مادريتي ؟! أنعزلتي عننا أول مارحتي للدمام وهـ الحين يومك تزوجتي ماتدرين عن اخبارنا ولا ندري عن اخبارك ؟! وش فيها خالتي ؟! ليه الكل يعاتبني انا ؟! وهم ؟! طايب انا غلطانه وما سألت لهالدرجه مرتاحين مني مايسألون ؟! طايب انا هـ الحين داقه لهم وبنفسي أقولهم رغم انه شي موب واجب علي ..! قلت : هو أنتي وين رايحه ..؟! خالتي مشاعل : موب معقول ياساره ماقالك فيصل .. بنقز لـ الغربيه مع عبد الله انتقل هناك .. سكتت .. لأني أصلا ما أعرف وش يقولون .. ولا أعرف أقول شي ! إنربط لساني على كلمة واحده .. وقلتها : وين فيه بالغربيه ؟! خالتي مشاعل : جدهـ يا ساره .. جدهـ ! سكتت فتره ثم قلت : الله يوفقكم .. ممم توصين شي ؟! خالتي : سلامتك حبيبتي .. وانتي توصين على شي من جده ..؟! إبتسمت .. ليه هي الوحيده اللي تسألني ؟! وترد لي السؤال .. تبين شي ..؟! توصين على شي ..؟! قلت : سلامتك .. قفلت منها وناظرت الساعه كانت ثمان وربع .. إبتسمت بس ياطول الوقت اللي يكون فيه تركي موب معي ..! * * * |
((3)) " ـآإهـْ ! لُوـوّ آرٍجع بِِـ عُمْـرٍـرّيـْ .. گمـّ سِنّهـْ ..؟ گـآإن آصييّر .. إنسسْـآإن ثـآإنٍيّ .. مٌوـُوّ ـآنـّآْإ ! " بعد ثلاث سنوات .. آخر سنه لي دراسه .. وآخر سنه لتركي دراسه ..! نجيو هـ السنه تاخذ ثالث بس مابتكمل الى الجامعه لانها بس تبي تحمل شهادة الثانويه لجل ترضي فيصل .., ونهى على حالها .. وناصر كمان .. ونجود اكيد حالها من حالهم .. نوير صارت بثالث متوسط .. الظاهر انها بتجيب العيد وبتنشر بالجرايد " ياناس أبي احمل ! " .. هــه !! الغريب أن شكلها مايوحي انها بـ ثالث .. ولا أصلن يوحي انها متزوجه .. فما بالك لو تحمل خخ ؟! سامر وثامر بالجامعه .. سامر دخل على الحاسب .. وثامر دخل طب .. يمكن لأن نسبة ثامر أكثر بكثير من نسبة سامر .. طبيعي لأن سامر متزوج خخخ ماعندي شي بس قلت اهذر ..!! ومروى .. طبعا هي موقفه على نص ثالث ثانوي الفصل الاول وبعدها خلاص .. ولحد الآن تبي تحمل .. الله يرزقها يعني ما أحب الشر لأحد أبد .. وبعدين مهما كان هي بنت خالي ورجلها بن خالتي ميشو .. يا انه وحشني بجد .. أقول ولا ماني بقايله ولا يجيلي تركي يجيب العيد فيني ..,؛ خالتي ورجلها على آخر حال عندها بس يقولون ان فيه مشروع حمل .. هه وش فيهم الناس ..؟ يارب تجيب خالتي بنت للحين أذكر امنيتها وانا في الخبر .. مرت خالي وخالي .. محد فيهم زارني أصلن .. فقدت الأمل لما مضت ثلاث اسابيع ومحد زار .. يمكن حسيت بالنقص بس تركي .. يملاهـ غصصب عني ! عمتي .. مافيه جديد يعني بس أكثر شي مجود عندها .. خخ الأم والأب غير فاضيين للمبزرة خخ .., لا والله جد .. ترا طول الصبح تعبانه وتركي بشغله .. وهو عندها .., ريموه القهر يقولون انها حامل .. إن شاء الله تولد هي ومشاعل .. لما حملت هي بملاك خالتي أسقطت .. يمكن خيره .. الله يتمم على الجميع ..! ضيا أعرست على سامي .., حضرت شوي ولان ماجد كان باقي مرة باللفه طلعت من بدري .. وفلوة سكنت بالدمام وللتذكير عشان همام .. احلا سحبناها معنا خخخ .. سما .. طقتها مشوار للقصيم سنه وشوي وبعدها رجعت للخبر .. الحمدلله بس .. نجلا ورجلها اللي إلى الآن لم أعرف إسمه مالت علي خخ .. عندهم ولد إسمه طويل فـ لم أحفظه خخ ..!! هبه وجيهان .. الأولى مخطوبه وقريب تملك .. والثانيه باقي .. سلوى أعرست من سنتين على ممم ما أعرفه لكنه واحد من عيال خالتها .., وسهام صارت بالجامعه مدري وش تدرس .. بس بيني وبينكم كل فتره والثانيه .. أسمع اخبارها .. أما اختهم الكبيره سلمى .. وبن خالتي انا .. لا تسألونني عنهم ..!! لأني ما أعرف أي شي عنهم .. كل مره احاول أسأل فيصل الحيوان مايقول لي .. أو عن الكذب سألته مرتين وسفهني فـ إحترمت نفسي وسكتت .. ومعادني سألت ! لحظه لحظه صار عمري 22 .. وناسهـ ..,؛ أيه مجود يبي يقولكم كم عمره خخ .. قلت : طايب أنت كم عمرك .. تعرف الأرقام ؟! هز راسه بـ أيه .. وأشر بيدهـ ثلاثهـ .. قلت : طيب والماما ؟! هز كتوفه ببراءه .. فديته .. لحظه معلومه ترا حنا بـ الإجازة وبعد الإجازة بتكون آخر سنه لي .. سمعت صوت صراخ نجوى : بتجنني انت يمه ؟! حبيبي لعاد تسوي كذا .. والباقي مافهمته .. شوي وطلع محمد وهو يضحك من المطبخ وعيون مجود تلاحقه .. مجود ..!! هادي .. منطوي .. متدلع وللأسف مايتدلع إلا إذا ماكان فيه حد .. يعني مثال يشوفني اناظر التلفزيون وتركي منسدح للأسف على رجل سآرته .. فـ أنه يتأكد ان نجوى وفيصل ومحمد موب فيه أو نايمين وينقز لنا خخ .. والأهم من كل ذا ليس ملقوفا .. حطوا خطين تحت ليس ملقوفا خخ .. أما محمد ..!! فـ انه فوضوي .. يسوي مصايب بسبب اللقافه أكيد دام نجوى أمه وساره عمته .. وطبعا نجوى في اول سنتين تحملت بس هـ الحين توصل به مصايب من جد .. مثلا .. يوميا أسمع صراخه وينوم غصب مع فيصل ونجوى خخ .. بس طيوب مره قصده دائما شريف بس بالعكس تصير المصايب .. نجود .. خجوله وبس .. ولاصقه بـ أبوها ..! كان محمد يناظر مجود ناوي مشاغبه لكن الأخ اللي جنبي للأسف بارد فـ لف لي اكمل آخر حرفين له .. ومحمد راح عند أبوه اول ماجاء .. نجوى طلعت والعفريت راكب راسها لكن لما شافت ابتسامة فيصل للأسف خقت خخ ماشاء الله ذكي ولد أخوي يفهم وش يسكت نجوى خخخ .. نجوى : تعبان ؟! هز راسه لها : مرهـ احس بدوخ .. إبتسمت له بحب : طايب قم رح فوق وانا بلحقك .. هز راسه وقام ومحمد لحقه شكل فيصل وهو يشيله كان روعه جدن ! ناظرتني نجوى وكأنها تقولي تكفين كملي تنظيف المطبخ والصاله .. طبعا اليوم عليها خخ كاننا حريم رجل على قولتهم بس حنا كذا مقسمينها .. هزيت راسي بـ أيه .. إبتسمت لي وراحت ..,؛ وتلاشت وبقيت انا وماجد .. ناظرته : طآيب .. تعرف هـ الحين حرف الواو ولا باقي ؟! سكتت فتره ثم أشر لي عليه : ذاه ؟! هزيت راسي بـ ايه وأنا مبتسمه وكانه مسوي إنجاز .. قمت معه ونظفنا للأسف اللي عمله حمود .. وبعد ماخلصنا ناظرت الساعه كانت تسع ياي باقي فتره على مايجي تركي شلت مجود وصعدنا فوق سدحته بغرفته مشكلته مايسمح لي أمارس عليه دور الام ..! مثلا ما أقراله قصه زي مانجوى تقرا لمحمد ويلزمها غصب كل يوم ,؛ مايتكلم زي ما محمد يتكلم .. محمد يسولف وعادي وعايش حياته .. مجود أكثر شي بس يناظر الناس خخ .. جد والله شوي احيانا إذا تعود على الإنسان عادي معه .. نوير تخليه يهذر كثير أصلن هو يحبها مره .. فيصل إذا سأله يجاوب عادي .. وتركي وانا هذا شي أكيد ,؛ لين نام .. نزلت تحت .. مره المكان فاضي ..! من الفضاوة قمت اخربط بالمطبخ .. أقضي وقت اكثر م ساعه وانا انتظرهـ .. ما أحب يجي وهو مره تعبان ويلقاني نايمه .. وش ذا الإحساس اللي عندي ..؟ سمعت صوت باب ينفتح رافعت راسي .. معقوله تركي جاء هـ الحين ؟! ولا فيصل ولا أحد من عيلته .. قمت بسرعه غسلت يديني تاكدت من شكلي حلو ما احب تركي يشوف مني عيب ابد .. عادي ! جينز وبلوزة عاديه تماما وشعري مرفوع عادي بس مرتب فتحت الدرج بسرعه ورشيت عطر وطلعت شفته .. رحت له وانا مبتسمه : وش فيك .. راجع بدري .. تعبان ؟! أشر لي بيدينه يعني بـ شويش .. وإبتسم : لا .. بس ساره حبيبتي تكفين تاكدي المقلط تمام ! عقدت حاجبيني وأنا أقول : أكيد تمام ..! نص إبتسامه : الله يخلي ولد اختي حطم الرقم القياسي ثواني ويخلص الأمور .. ضحكت له بهدوء .. قال : بصعد دقايق كذا بتحمم مرره قرف .. هزيت له راسي ورحت على طول .. طبعا ما عصبت لاني عارفه ان الأخ محمد بزر بديت أرتب والحاله حاله .. يعني أثبت انه بزر .. بعد كذا ارتحت شوي ورحت جبت لي المكنسه شفت تركي فتح الباب الخارجي للمقلط وبيده جواله .. أحبك تركي .! وقال لي : بسرعه حبيبتي ! شغلت المكنسه وبديت انظف بسرعه والحمدلله محد دخل .. فصلت المكنسه وبديت أرتب قطعها على الجوانب ولما خلصت وقفت شفت الباب الخارجي للمقلط طبعا .. انفتح الحمدلله وصل تركي على النهايه ولا كان أبلش كيف أشيلها ..؟! بشويش طويت المكنسه وأنا أسمع انفاسه .. يالله قلبي طربق مره خخ .. قلت : ممم خلصت .. رفعت عيني له بشويش وانا مبتسمه .. كان غير .! شكلهـ .. ملامحه ..,؛ لبسه .. شعره .. حركته ..,؛ وقفته .. طولهـ ..,؛ صحيح اني حفظته .. بس هـ المره غير عن كل مره .! متغير .. حتى نظرته غير .. كان خيالي ! ذابت إبتسامتي وانا أشوفهـ .. صرت احرك شفايفي بس أبي احكي بس ما أقدر .. وطى عيونه .. وانا على طول دفيت المكنسه بعجله وطلعت ! كان غير .. ماكان نايف وبس ..! كان نايف .. يحمل معه بقايا من حبه .. جمعها بين ايدينه بنظرة وحده حتى لو كنت احسها إحتقار ! نايف .. اللي لي أربع سنوات وانا ما أدري عنه شي .. نايف .. اللي ماكلف نفسه بواجب إني بنت عمته يزور بس يشوف ولدي .. أو حتى ولد فيصل .., نايف .. اللي آخر مره شفته فيها كنت بين إيدينه .. بس هـ المره كان مو نايف .. ماكان نايف اللي يحب ساره كان نايف اللي يحتقرها .. وغصب عنه يوطي عيونه لانها موب من محارمه .., شفت تركي دخل للصاله من الباب اللي برا وهو مبتسم وقفل الجوال .. ناظرني : خلصتي ..؟! إبتسمت بتزييف : يوه لي فتره طالعه .. ليه انت فيه حد بيجي لك ؟! رفع حاجب بـ ابتسامه : بالله ! ترا احرجتيني كذا ما أقولك نظفي إلا لجل كذا ؟! .. بس هو .. بصراحه إيه ..! رفعت حاجب : خلاص فهمت لا تنحرج بس .. أسويلك شي ..؟! سكت فتره ثم قال : ممم تروحين تنومين وترتاحين فوق .. يمكن لأني مطول ..! ناظرته : عشان كذا طلع من شغلك ؟! تركي : ممم أيه ولا .. يعني نص ونص .. إرتاحي باين انك صاحيه وتعبانه .. هزيت بـ ايه .. قال وهو متجه للمقلط : ومجود وينه فيه ؟! ناظرته : فوق صار له فتره نايم .. من بدري هـ المره .. أبتسم وهو يدخل بهدوء ..!! كان ودي أقوله لحظه ياتركي هو ذا الإنسان اللي انت تنتظرهـ ..؟! حبست دمعتي ورمشت بسرعه ساره لاتبكين عادي نايف وانتي زوجة تركي عادي وش حصل يعني ؟! ساره .. عادي هو نايف .. يعني منهو ..؟! ساره .. ليه قلبك صار يدق حتى قبل ماتشوفينه ؟! ساره .. قلبك كمان يدق مع تركي .. ليه ؟! ساره .. نايف مايساوي تركي أبد .. ساره انتي لـ تركي .. نسيتي انك سارته ؟! وصلت للمطبخ .. تركي أنت من جدك تقولي أرتاحي فوق ؟! كيف ياتركي أرتاح .. كيف ؟! نايف معك يتنفس هوا الدمام .. وما يفصل بيني وبينه إلا أنت ! وأنا أبيك ياتركي بس لو تفهمني .. هو وش اللي احس فيه لـ نايف ؟! تركي والله نسيته .. بس .. مدري وش اللي خلاني أذكرهـ ..؟ وبذا الطريقه والتفكير .. حتى إحساسي له ! طاحت دمعتي ..!! ليـه ..؟! أنا طول عمري اوفي لغيري ..! شمعنى هـ المره موب قادره انسى منهو نايف ..؟! ساره كيف تفكرين بـ نايف ؟! هو مملك .. وانتي متزوجهـ .. عندك ولد .. ساره لك أربع سنوات متزوجه .. كيف تذكرينه ؟! دخلت المطبخ لميت الأغراض اللي نثرتها .. ورجعت نتثرتها بعبث طفولي .., ورجعت لميتها وكأني أضيع الوقت .. ودي ادخل لنايف أقوله ليه رجعت ؟! وش رجعك ؟! وعشان إيش راجع ؟! هو انت تبي تعكر حياتي وتلوثها بـ تفكيري فيك ..؟! فتحت الثلاجه طلعت العصير .. وحطيته بالأكواب ورحت لباب المقلط وبيدي الصينيه ..! رفعت يديني بس توقفت لما سمعت ضحكه مصدرها نايف ..! نفس الضحكه اللي حفظها قلبي لك .. مسكت نفسي لا أصييح ..,؛ سمعت صوت تركي : إحترم نفسك بس .. وشف لي غيره .. كان يضحك .. تركي أنا سارتك .. كيف تضحك مع اللي جرحني ؟! سمعت نايف : قابلني بس .. وشوي وضحك .. تضحك يانايف .. ولا تحس فيني ؟! كمل : المضطهدين في الأرض .. سمعت صوت تركي يضحك أعرف أميز بينهم .. وهذي مشكله ! على الأقل .. كنت بقول كان صوت تركي يوم يتكلم نايف وعشان كذا دق قلبي ..! تركي : وقف لحظه .. وقف ! سمعت نايف : هاهـ .. ورجع يضحك .. وكأن الأمر طبيعي عندهـ ..! نايف : شف هم موب المضطهدين بـ الأرض هم شسمه .. تركي : إيه شسمه .. والأثنين يضحكون ويصادف دمعتي بتنزل .. ليه كذا ..؟! أبي أقطعه عليهم بسرعه .. على طول طقيت الباب ورتبت شكلي .. شوي شفت تركي فتحه وهو مبتسم لي ..,؛ قال : يوهـ تعبتي نفسك .. شكرن حبيبتي .. الله يعطيك العافيه .. إبتسمت له .. وسكر الباب وظليت انا واقفه أسمع .. سمعت نايف : ماشاء الله صاير ذوق ..؟! تركي : طول عمري .. نايف : أيه باين آخر مرهـ .. وتلتها ضحكه تقاطع كلامه .. وتقاطع قلبي عند مفترق طريقين .. نايف وتركي ! نايف : لا جد وش طاري عليك .. رازني هـ اليومين ..؟! سمعت تركي يقول : والله مدري حالي حالك .. أنطرق الباب وشلته وجيت .. نايف : نجوى ؟! تركي وهو يضحك : إحترم نفسك .. نايف : نجوى .. نجوى .. نجوى .. نجـ.. وفطس ضحك .. نايف : شف شكلك بس .. عادي هاه قل مروى مروى مروى .. وضحك بسرعه معه تركي .. تركي : شف شكلك بس كنك ذا الـ شسمه .. نايف : ايه شسمه .. تركي : لا جد شسمه ذاك .. نايف : قلي أسمه وأنا أقولك .., وانطلقت ضحكته معهـ ..! نايف : لا جد منهو اللي صلحه لا تقول مجود ترا ما أصدقك .. ليه يقول الكل ومطنش إسمي .. لهالدرجه أنا طايحه من عينه ..؟! تركي : لا .. بنت عمتك ..,؛ نايف : أها قله من البدايه .. ساره بنت عمتي .. وينها فيه خلني أسلم عليها .. طاحت دمعتي .. تسلم علي ..؟! تركي : أحترم نفسك وش ساره ..؟! نايف : أقول .. شسمه ذاك أيه ساره .. ساره .. ساره .. شوي وقال : وش فيك لا تاظرني كذا عادي بنت عمتي ما احفظ أسمها ؟! تركي : أما ! من طوله كله أربع حروف .. نايف : أيه عاد ههه .. بس وش يعني ساره ؟! حآلي ..؟! هـ الحين لا تسألوني عن حآلي .. لأني وآثقه محد بيفرح لهـ ..؟! تسأل وش يعني ساره ؟! تعال يانايف .. وخلني أنا بلساني أقولك بس ..! تركي : وجع .. لما أسألك وش يعني سلمى وتجاوب بقول .. نايف : إحترم نفسك .. وضحك .. هم كذا ..! نايف يضحك ويقول لتركي إحترم نفسك وكأن سلمى اللي شسمه .. طاحت دمعتي وأنا مبتسمه .. اللي شسمه ؟! نايف : أيه صدق نسيتني وش كنت بقولك .. ياخي والله قهر لي يومين أبي أقوله ومنت بمعطيني فرصه .. تركي : عن ...؟! نايف : لحظه بشرب عصيري .. سمعته : ياكرهك لا صرت كذا بس .. " عشـــان الحب واللي بيني وبينك .. عشـــــان الحب عشان أيامي وسنينك .. أبيك تراجع إحساسك .. وتنسى جروحي وآلامك .. حرام أنه بهذآ البعد .. تضيع أيامي وأيامك ! " تركي : أحلا أشتغلت سلمى .. لا ترد .. نايف : لا بـ رد .. حرام ..! تركي : ماشاء الله هذا اللي توه يقول ماتعطيني فرصه .. لا ترد .. نايف : ياخي إشتقت لها وش عندك ..؟! إبتسمت نص إبتسامه ..! صح إشتقت لها .. صح حلوة السالفه .. تركي : والله ان رديت .. خلصني وش تبي تقول ..؟! نايف : أقول قم بس أنا ما أحب أجلس بـ بيت حد .. سمعته : ودي ألعن سلمى بس ماودي أجرحك شعورك خخ .. تركي ..! لا بتجرح شعوري لو بقيت على ذا الحال مع نايف .. لا تلعن سلمى بس تحسّب ..! نايف : مدري احس بخنقه كذا .. شوي وسمعته : والله ماني بجالس .., تركي : لا تحلف خلاص .. لما سمعت ذا الكلمه على طول مشيت بسرعه لفوق .. وش الشي اللي يجمع تركي بت نايف .. غير إن ذاه بن عمتي وذاه بن خالي ؟! لحظه ! نايف وش يبي يقول لـ تركي ؟! عني انا ؟! كلامهم غريب .. وسواليفهم أغرب .. أول مره أسمع تركي يقوله ..!! ووش نجوى .. وسلمى .. وساره .. ومروى ؟! شوي وجاء لي تركي .. إبتسمت وأنا موطيه عيوني لا يشوف دمعتي .. ناظرني : مانمتي ؟! هزيت راسي بـ لا ..! قال : طايب معليش أدري مره أني صاير بايخ بس .. شسمه ممم .. خنقتني العبره بس لأني أذكر صوت نايف يقولها .. هزيت راسي بـ ايه ! خلاص ياتركي لا تبرر انك بتروح .. نايف قبلك راح .. وطلع من حياتي بدون أدني أهتمام لي أو تبرير ! رغم اني احتاج تبريره حتى لو كان كذب ..,؛ قلت وأنا أوقف وما أعطيه وجهي : أصلن أنا بروح انوم .. طلعت الدرج وأنا أسمعه : تصبحين على خير .. تلحفي وإذا كنتي مره خايفه أفتحي الأنوار أو خوذي معك مجود .. بس تراني اول ما أوصل يطس لـ شسمه .. أيه غرفته .. وإذا كنتي تبين ... قاطع كلامه نغمة جواله .. صمته او رفض ورفع راسه لي : شسمه وش كنت أقول ؟! إيه .. أنا بطلع تبين شي وأنا راجع ..؟! هزيت راسي بـ لا : سلامتك مشكور .. سكتت فتره وانا بـ صييح ..! بس حرام هو صار له ساعه سوي كذا وسوي كذا وخايف علي وانا ما أقوله شي .. فشله صراحه وش يحس فيه ..؟ قلت : وانتبه على نفسك .. سق بشويش حتى لو كنت متأخر على شي .. ولا تكلم بالجوال كثير لجل مايصير لك شي .. وإفتح جوالك وطمني لاصار لك شي أو ناوي تتأخر .. " رفعت عيني له " وشسمه لا رجعت صحيني .. رفع لي حاجب وهو مبتسم يمكن عشاني صرت مثله .. قال : ايه شسمه .. ضحك لي ومشى رايح لـ نايف .. والله يستر .! صعدت ورحت الغرفه المشكله أننا بـ إجازة .. وماعندي شي أسويه ..! فتحت الدولاب ونثرت الملابس كل أبوها .. وبديت أرتبها بهدوء وببطئ شديد .. رغم تزاحم الأفكار ..,؛ نايف وتركي .. من أول يوم شفتهم وهم ممايطيقون وجيه بعضهم .. وكل واحد يحتقر الثاني ..؛ وأول زيارة لأهلي بـ الدمام كانوا غريبين يبتسمون وألفاظ حركيهـ غريبه ..؟ ودي أسأل تركي عنها بس أدري انه مابيجاوبني .. و .. لأن تركي غريب ونايف كتوم عمرهم مابيقولون لي شي .. ولا بعرف ! واليوم ..!! أول مره حد يزورنا هنا من الخبر .. ويكون نايف .. ويومين يبي يقوله شي ؟! وش يجمع بينهم إلا أنا هم مايقربون لـ بعض وأصلن أهل أمي واهل أبوي كله هواش ومشاكل بس مدري ليه ؟! ودي أسأل فيصل بس مشكلة فيصل أن مو كل شي يعرفه يقوله ! تهقون نايف يقول لـ تركي عني ؟! لا وين .. عنده أربع سنوات زواج وتوه يفكر أصلن يقوله ؟! وانا وش دراني يمكن كانوا كذا علاقه سطحيه .. وهـ الحين نايف يبي يخرب حياتي ؟! هو ليه مايتركني ؟! كيف يتجرأ ويقول لـ تركي ؟! عندي إحساس ان الموضوع يخصني بس أنا والله أحب تركي .. أما نايف ماعندي جواب لأني نفسي ماأدري وش اللي أحس فيه لما أشوفهـ .! مغبر يانايف ! على أيام الخبر .. أيام الحرمان ..؛ أيام القسوه والخوف .. والتعب .. أيام حبك بلحالهـ .., بس قبل أربع سنوات آسفه تركي أخذ مكانك .. ومدري اليوم وش صاير لي ؟! الثياب كثار مره وأنا نعسانه على الآخر .. دخلت الحمام وتركتهم وبعدين غسلت وجهي صار لي كثير وانا بس أرتب والمشكله بس أفكر بـ نايف وش يقول ..؟! طلعت من الحمام ورجعت أكمل ثوني .. وشفت تركي دخل على طول تلقائيا رفعت عيني للساعه الكبيره واحده .! ليه واحدهـ ؟ نايف كانت أوراقه كلها بالخبر على الساعه واحده بالسطوح .. وتركي كنت أواعدهـ بالمقلط على الساعه واحدهـ ..؟! ليــه ؟! وكيـف ؟! ومتى ؟! وهل هي مقصودهـ ؟! رفعت عيني لهـ .. حتى ماسلم وكأنه داخل على كفار ..! في خلال أربع سنوات عرفت لا شفته كذا أن نفسه بـ خشمه .. كان يناظرني وهو عاقد حاجبينه ومن طرف عينه ..,؛ شوي ومشى وإنسدح على السرير أو رمى نفسه بـ الأحرى .. بالثوب .. وسرعان ماغمضت عيونه وأنا مدري هل هو نام ولا لا ؟! لفيت على الثياب وانا حابسه دموعي .. نايف الله ياخذك أنت وش قلت له ؟! عن ماضي قرف إسمهـ أيام حبك ؟! عن ماضي إنكسارات وخلل وغير إنتظام في دقات آلقلب .. سببه أنت ؟! تقولهـ .. أنا وعدتها وبعدين وبكل فخر أنا رحت لسلمى وأنت اخذتها ؟! تقولهـ .. تذكر يوم شفتها تبكي ومقطعه نفسها من كثر البكى ؟! كان عشاني ؟! مشّيت خشمي بـ ظهر يدي اليسرى ورتبت الملابس بسرعه .. وطلعت من الغرفه بعد ماقفلت النور ..! نزلت تحت للمقلط مزيج .. من عطر تركي ونايف .. ظليت أرتب كل الغرف وبعدين ناظرت التلفزيون بـ ملل .., عمري ماكان التلفزيون مهم عندي .. ليتني مثل نجوى أول حب لها أخذته .. مو القصد إني أبي نايف .. لو بس أرجع سنين وأشوف تركي قبله واتزوجهـ بس .. لأنه هو اللي يستحق لانه لملم شتاتي بعد ماكنت ضايعه عند نايف ! ما انكر إني وسط حبي لنايف كنت اميل لتركي كثير .. بس مدري وش كان ذا الاحساس ..؟! ونفس ذا الاحساس اللي أحسه فيه لنايف هـ الحين .. هو إييش ؟! ليتني .. مثل نهى عرفت منهو اللي لي عشان لا اتجاوز حدودي مع غيرهـ ..! او ليتني مثل ثامر ضارب بالحب الحيط .. أو يمكن يحب بس مايبان لاحد .. صحيح انا مابان .. بس فيصصل !! ليتني كنت رجال أقدر أعيش زي ما أبي .. وآخذ منهي اللي أبيها ..! أو .. ليتني مجود .. كل همهـ الماما كيف والماما متى ! أوأصلن ماعندهـ هم ..! * * صلحت الفطور وشفت نجوى نازله .. فتحت عينها وهي نعسانه تتاكد شافتني أحضر الفطور .. نجوى : ساره ؟ وش تسوين ؟! إبتسمت : صباح الخير .. أبد أصلح الفطور .. أقولك روحي نامي وقبل مايصحى فيصل بشوي على دوامه أصحيك .. روحي نامي .., قالت بقهر نعسان معصصب لانهم مصحينه .. نجوى : الشيخ محمد صاحي .. يفطر إنفطرت كبدي منه ..! إبتسمت لها وأنا أقول : جيبيه لي مجود مابعد صحى ومابصحيه إلا بعدين .. ناظرتني : أحلفي ؟! ناظرتها فتره ثم قلت : إذا تبين ما أغصبك ولا تزعلين .. نجوى : لا لا تغيرين رايك بليز والله مانمت من فيصل البارح .. عادي أجيبه لك ؟! هزيت راسي بـ إيه : شكرن ساره صلحتي الفطور وبجيب لك محمد وبتصحيني .. الله يريحك زي ماريحتيني .. صعدت وأنا تفكيري مع جملتها .. الله يريحك ؟! يـالله ماتدرين قد إيش كنت محتاجه زي ذا الدعوهـ ..! نزل محمد وأنا أسمع صوت نجوى تطرده .. من يصدق هذي نجوى اللي أول يوم شفتها كنت بصيح من الخوف ؟! هذي نجوى اللي كل يوم تقولي أحب فيصل ؟! هذي نجوى اللي مطفشه امها ؟! هذي نجوى اللي كل كلمة والثانيه رايح حقي بـ الدلع ؟! هذي نجوى .. كبرت وكبر معها الهم ؟! مسكت حمود ونزلته وغسلت له وجهه وهو يهذر على راسي ..؛ صدّعت منه بس احترمته لا يتعقد ولد اخوي .! حمود : بس لكن أنا أبي عصير مابي حليب .. هــــه !! حلوة " بس ولكن " مع بعض من فمهـ .! هزيت راسي بـ لا : لا وش عصير انت مع وجهك .. شف مالك إلا حليب .. أجل تبي مجود يصير أكبر منك ؟! فتح عينه : مجود يشرب الحليب ؟! هزيت راسي بفخر : لأن مامته تحب الحليب .. الله يرحم أيام بس ! سوير بديتي بالنصب على البزران ..؟ حليب ؟! يعع الحمدلله بس حدي من مجموعة الحليب .. الجبن ! حطيت له شوي وشفت تركي نزل جلس على الكرسي وحط راسه على الطاوله وهو ساكت .. ودي أقوله ياتركي وش فيك ؟! ودي أقوله لا تتضايق لو مهما صار .. أنا معك لآخر العمر .., ودي بس ما أقدر .. أفطر حمود .. وتركي لا يزال راسه على الطاوله ..! هزّه حمود : خالي ! قسسم لولا الحيا قمت وبست راسه ذا المحمد والله انه يفهمني ..! رفع عينه له : هاهـ ..؟! حمود : الماما تقول الصباح لازم يصحون .. لا تنام .. غمض عيونه وطنش كلام محمد .. رجع يهزه .. زفر تركي وهو ساكت ..!! محمد وكما تعلمون انه مشاغب مره فـ رجع يهزه ,؛ لين شال تركي راسه من على الطاوله .. وزفر بصوت مسموع : ياخي فكنا ! مابقى الا قوانين أمك تمشي علي ..؟ ظل يناظره محمد وشوي وفطس ضحك .. قال : يعني عادي أنام ؟! تركي خلاص وصل حده .. مدري وش به ؟! سويت نفسي مشغوله بـ تجفيف الكاسات ومحمد يهذر .. شفت مجود نزل رحت وأخذته غسلت وجهه ورجعت أفطره مع محمد .., يعني ممم حطيت لهم قبالهم وهو يعني يفهمون .. وكملت أجفف ..! محمد : هالحين خالي لو أنا نمت تهقى أمي تعصب ؟! زفر تركي : وليه تعصب خير وش عندها ؟! محمد هز كتوفه : مدري هي كله تقوللي ماتنام الصبح عشان ماتطفشني بالليل .. هو صحيح لازم أنام بدري ؟! هز راسه تركي ورجع إنسدح على الطاوله : إيه وتسكت هالحين .. محمد : أمي تقول ماتنام الصبح .. لاتنام .. إبتسمت من داخلي أسترق النظر له !! محمد : خالي قوم وأفطر وأشرب الحليب وبعدين رح تشوف اتلفزيون والله تروح النومه .. زفر : يارب ألهمني الصبر .. ناظرت الساعه ونقزت لفوق حيث مقر جوالي خخخ ماسكه معي الفصحى .. دقيت على نجوى ولما شفتها رفضت فهمت انها صحت .., ونزلت على طول وصادف نزولي صوت زجاج ينكسر ! يوهـ !! كيف نسيت أن محمد مع ماجد ؟! وهم بزران ؟! الله يستر بس ! رفعت أطراف تنورتي الطويله عن الزجاج ,؛ اللي واصل بعيد لين جيت بدخل شفت تركي يناظرني كذا .. يعني كأني مسويه شي غلط .. يالله والله نسيت أنهم كذا بلحالهم مشاكل ! زفر ومشى للباب دعم كتفي ولا أهتم .. ناظرته بقهر رفع لي حاجبه ومشى .. لـ وين .. مدري ! حبست دمعتي وحنيت ظهري ألملم الزجاج الله ياخذك يانايف ! ناظرت محمد والتفت لماجد اللي جالي على طول .. قلت : مجود انتبه الزجاج ..! ركضت بسرعه لداخل المطبخ ما أبي يصيبه لو جرح بسيط ومسكت محمد معه .. يتشبثون بحضني انا ويحتمون فيني أنا .. وأنا أدورمنهو اللي يحميني .., همست : لا تخافون ماصار شي .. بس ليه رميتوا الاكواب حلو كذا أتعب أنا ؟! هز كتوفه مجود وهو مبرطم طبيعته تسمع صوت شهقاته وهي مكتومه ودموعه تنزل .. أما محمد بدا يصيح مره من جد ..!! قلت : ليه كذا ؟! محمد : والله عمتي هو خالي اللي عمل كذا والله ! هــه !! يبررون لي .. بطريقهـ طفوليه .. يعني معقول حد يخاف مني انا ؟! مسحت على راسه : والله مصدقته .. هو معصب معليه .. ماصار شي .. هو انتم صار لكم شي ؟! هزوا بـ لا ..!! ناظرت محمد اللي فلت من حضني وراح لجهه مدري وين .. لفيت كانت نجوى تلملم الزجاج وفيصل واقف وجنبه محمد .. سمعت فيصل : منهو اللي عمل كذا .. وقفت ومجود بين إيديني .. وقلت : والله موب أنا ! دوبني أقول بـ طفوله يبررون ..! هو معقول أنا أخاف من فيصل كذا لدرجه أتساوى مع البزران ؟! سمعته : خالي .. رفعت نجوى عينها بعجب : تركي اللي عمل كذا ..؟ " ناظرتني " وشهوله طيب ؟! إبتسمت وهزيت كتوفي وانا أبلع الغصه بالقوة .. فيصل : ليه ؟! ليــه ..؟! رح يافيصل أسأل ذا السؤال نايف .. وهو بيجاوبك .. ليه يانايف تقلب مزاجهـ ..؟! وقف قبالي : وش صار ؟ انطقي سارهـ ...؟ لف لولده يكمل له .. هز كتوفه : هو لان معصب ..!! عقد حاجبينه باستنكار : معصصب ؟! قلت أبرر بسرعه : يومني صعدت شوي كان محمد شوي متلقف .. والله رحت بس لجوالي ورجعت شفته كذا ! ناظره فيصل بحده مما جعله يرتمي بين أحضان أمه من الخوف .. ومجود يدفن راسه بحضني .. طايب وأنا ؟! طاحت دمعتي والله عجزت اكتمها من البارح .. والله عجزت ! رفع عينه لي فيصل على طول مشّيتها بيدي .. فيصل : وش فيك أنتي بعد ؟! وش صاير لك معه ؟! منتي بـ على بعضك ؟! مارديت وصعدت مع مجود ..! الحلو أن محد انتبه لدمعتي غير فيصل .., لا تهتز صورتي عند ولد اخوي وولدي أنا اللي مابكيت عند احد أبكي قدامهم ..؟ ولا نجوى بعد ماابيها تشوفني كذا .. تعودت ساره قويهـ .! شفت تركي طالع من الغرفه .. الحمدلله إني مسحت دموعي ناظرته من فوقه لتحته .. منهو أنت ياتركي ؟! شفته بيمشي للدولاب .. قلت له بقهر : رح لملم اللي كسرته أنت ! و.. ثم تعال لملم اللي كسرته أنت وقبلك كسرهـ نايف ..! رفع عينه يناظرني وهو رافع حاجبه .. ورجع لف للدولاب .. وكأنه يقول ماهميتيني .., مدري وش أخذ وشفته طلع من الغرفه بدون أي صوت .. هو كذا أعرفه من اول يوم عرفتهـ .. عنآد طفولي ! مسكت مجود وبديت اهدي فيه لين نام بين احضان أمه .. وش سويت فيني يانايف .. هو مره وحده تجي .. كل البيت ينقلب ؟! من أكبرنا فيصل إلى آخر شي مجود .. عمرهـ نظامنا ماكان كذا .. على قول عمي ماشيين بالمسطره والقلم ..! وأنت يانآيف ..!! خلقت لك طريق يتصل معنا .. بس مدري هو من جدك بتواصل معنا للنهايه لين نفترق ؟! إستمر على تواجدك في حياتي .. أو .. لا تستمر يكفي اللي حصل اليوم .. واللي سمعه تركي منك .., يجبر تركي .. إنهـ ينفصل عني .. وإذا مو اليوم .. انا اجزم لك أنه قريب .., اللهـ يآخذك يآ نايف .! .: نهاية الجزء الخآمس وآلثلاآثون :. |
.: الجزء السآدس والثلاآثون :. " آسْمعٍ ـگْ ..,؛ گمّل ... كلـّاآٍمِگْ ..!! بع ـد [ آحبگْ ] ..؛ آييش قلت ..؟!" / \ / عقد حاجبينه باستنكار : معصصب ؟! قلت أبرر بسرعه : يومني صعدت شوي كان محمد شوي متلقف .. والله رحت بس لجوالي ورجعت شفته كذا ! ناظره فيصل بحده مما جعله يرتمي بين أحضان أمه من الخوف .. ومجود يدفن راسه بحضني .. طايب وأنا ؟! طاحت دمعتي والله عجزت اكتمها من البارح .. والله عجزت ! رفع عينه لي فيصل على طول مشّيتها بيدي .. فيصل : وش فيك أنتي بعد ؟! وش صاير لك معه ؟!منتي بـ على بعضك ؟! مارديت وصعدت مع مجود ..! الحلو أن محد انتبه لدمعتي غير فيصل .., لا تهتز صورتي عند ولد اخوي وولدي أنا اللي مابكيت عند احد أبكي قدامهم ..؟ ولا نجوى بعد ماابيها تشوفني كذا .. تعودت ساره قويهـ .! شفت تركي طالع من الغرفه .. الحمدلله إني مسحت دموعي ناظرته من فوقه لتحته .. منهو أنت ياتركي ؟! شفته بيمشي للدولاب .. قلت له بقهر : رح لملم اللي كسرته أنت ! و.. ثم تعال لملم اللي كسرته أنت وقبلك كسرهـ نايف ..! رفع عينه يناظرني وهو رافع حاجبه .. ورجع لف للدولاب .. وكأنه يقول ماهميتيني .., مدري وش أخذ وشفته طلع من الغرفه بدون أي صوت .. هو كذا أعرفه من اول يوم عرفتهـ .. عنآد طفولي ! مسكت مجود وبديت اهدي فيه لين نام بين احضان أمه .. وش سويت فيني يانايف .. هو مره وحده تجي .. كل البيت ينقلب ؟! من أكبرنا فيصل إلى آخر شي مجود .. عمرهـ نظامنا ماكان كذا .. على قول عمي ماشيين بالمسطره والقلم ..! وأنت يانآيف ..!! خلقت لك طريق يتصل معنا .. بس مدري هو من جدك بتواصل معنا للنهايه لين نفترق ؟! إستمر على تواجدك في حياتي .. أو .. لا تستمر يكفي اللي حصل اليوم .. واللي سمعه تركي منك .., يجبر تركي .. إنهـ ينفصل عني .. وإذا مو اليوم .. انا اجزم لك أنه قريب .., اللهـ يآخذك يآ نايف .! * * في الليل كان تركي مطنشني يمكن عشان أثبت له أني أقدر أعيش من دونه اناظره بعدم اهتمام بس عمري ماتوقعت تركي يطنشني .. انا تعلقت فيه صارت حياتي بين ايدينه كيف كذا ؟! زفرت الله يعين وبس .. فيصل كان كثير يلمح لي وكأنه يقولي متزاعلين وأنا أنفي .. رغم عن داخلي يأكد بقوة إن هذا الشي بيترك فجوة كبيرة ولا أدري هي بتترقع بعدين ولا الفجوة بتتحول إلى إنفصال نهائي ..؟! بس أبي أعرف وش قال له نايف ؟! بس والله .. اللي خلاه ينقلب ميه وثمنين درجه ؟! بس أبعرف والله موب مسوية شي .. هه !! وأتكلم كأني أقدر أمس شعره واحده من نايف .. يارب انك تعديها على خير .! يارب أنت الوحيد اللي تعرف قد إيش أنا تعبت في حياتي .. يارب ما أطلب منك الا أن تخلي لي تركي وتبعد عني نايف .. بس يارب ما ابي من بعد رضاك الا رضى تركي .. بس يارب .. سهل عندك وشي كبير عندي أصلن مبنيه حياتي عليه .. يارب انك تسهل ..! ناظرت ساعتي كانت ثلاث الفجر قمت من عند مجود بعد ما بست راسه أكيد تركي وصل ونام بعد خلني انا بعد أرتاح .. مدري يايمه وشهي حياتك .. مصيري أنا ومصيرك ومصير تركي بيد نايف ولا أدري هو يدري ولا لا ؟! رغم أني عندي شك فـ انه مايبي يرحم ولا يخلي رحمة ربي تنزل ..! هو كان طيب بالخبر بس مدري وش اللي خلاه كذا ؟! طلعت من غرفة مجود وفتحت باب الغرفه بشويش ودخلت شفته منسدح على ظهره وعاقد حاجبينه إبتسمت بخنقه وتنهدت مشيت بسرعه وفتحت الدولاب أخذت اللحاف وإنسدحت على الكنبه أحس اني أبد مو مرتاحه .. بديت أفكر .. لو أني من جد إنفصلت عن تركي وين بروح ؟ وكيف أصلن بعيش ومعي مجود ؟! بس يمكن مايشرفه إني انا أربيه ؟! يعني ممكن ياخذهـ ؟! يارب لا .. فيصل خلاص تزوج مستحيل أثبت نفسي فيه حتى لو كان أخوي .. ومستحيله رجعتي للخبر مع تواجد نايف لا ومعه سلمى ؟! وأكيد مابروح أرز وجهي عند عمتي وولدها مطلقني .. حتى لو كانت هي عمتي والطلاق شي عادي .., يارب وين أروح ؟! بلعت الغصه .. البنت لازعلت على رجلها نقزت لبيت أبوها وأنا ؟! من لي يارب غيرك ؟! تنهدت نايف مافكر وش اللي بيصير فيني ؟! أحس راسي بينفجر من كثر التفكير .. كل سؤال يطلع جوابه ألف سؤال .. لو أني قلت لتركي من قبل حتى مانملك من يوم سألني والله ماشلت هم .. بس وش أقول ؟ على أقلها بيعطيني كف على وجهي لأني بنت خاله .. تركي اذا كان يغار على أبعد قرايبه كيف لو زوجته وسبق ورددها علي كثير .. هم كل الرجال كذا ؟! خالي .. عصبي وماعنده تفاهم أبد .. وعمي .. أغلب الأحيان يكتم قهره مني .! نايف .. مدري وش أقول عنه بس كان طيب بس صار غير هو والله وعدني وأنا وفيت وأنتظرته بس راح وماتركني ..! وتركي .. على أقل شراره تجي علي تفرقع الدنيا عمري مابنسى من كان تركي ..! وفيصل .. أحسه حنون بس يقهر أكثر من مرة قلته أقسى حنون أشوفه مع نجوى ومحمد حلو ومعي ليه كذا ؟! هم كل الرجال كذا ؟ ولا معي بس أنا ؟! ماجاني نوم وإنتظرت الأذان ونزلت بعدها أصلح الفطور وفيه خير ولد عمتي خله يصحى بلحاله ويجهز لنفسه أي شي أنا بعود نفسي على الانفصال .. بس أنا أحبه وما أحب أقط نفسي على أي أحد والله يستر ..!! شفت فيصل نزل وخير وسيلة للدفاع الهجوم بسأله عن نجوى قبل ما يسألني عن تركي .. قلت : صباح الخير .. وينها فيه نجوى حلا هو كل يوم أصلح عنها " رقصت حاجبي " لا تقول نايمه وتعبانه مابصدقك ترا .. إبتسم : بسم الله الرحمن الرحيم .. أقول بشويش علي .. صحيتها ومدري .. قلت : أها .. وحمود وينه فيهـ ..؟ ناظر السقف فتره وعلى كذا سمعت " صباح الخير " .. مارديت بس لما شفت فيصل بيرد قلتها معه .. وكملت أناظر بـ فيصل : إيـه ؟! فيصل : والله مدري بعدين هذي موب وظيفتي .. عندك نجوى إسأليها .. وأنتي وينه فيه مجود ؟! سكتت فتره ثم قلت : قلت بصحيه بس مدري حسيته كذا نعسان .. قلت بصلح الفطور ثم بصحيه ..! إبتعدت عنه وصعدت لمجود وهو نايم .. همست باذنه : مجوود .. مجوود .. أصحى ! فتح عينه وعقد حاجبينه وبدا يرمش بـ براءه .. إبتسمت لا شعوريا .. قلت : يلا قم ياروح الماما ! قام بكسل وهو ساكت مشيت وراه لين دخل الحمام غسلت وجهه وطلعت معه غيرت ملابسه ونزلت وأنا ماسكة يده وامشي بـ بطئ لجل يقدر يمشي معي .. لين وصلنا الكل موجود .. تركي على حاله منسدح على الطاوله أبفهم وش هـ الشعور اللي عنده ؟! ومحمد هـ المره ساكت خخ محترم نفسه خايف من فيصل .. فيصل أخوي أنا ! قلت : صباح الخير .. سمعت صوته الهادي : صباح الخير .. إبتسمت مره أحبه لأنه ولدي لازم يقلدني بكل شي .. سمعتهم : صباح النور .. فيصل يفطر محمد معه ونجوى جالسه بس كذا ماتبدي الا لما يبدي فيصل .. هه ! هو ليه أنا ماأقدر أصير مثلهم ؟! ويدوم الحب معي ؟! ليه في كل مره أحب أفششل ؟! جلست مجود وجهزت أكله قدامه ثم طلعت الجبن وحطيت الخبز وبديت أدهن .. فيصل زفر : أوف مع ذا الجبن ! إبتسمت له .. ودي أقوله ياخي يقولون أنه ينسي .. خلني أنسى ! ناظرتني نجوى : لا شف انت بس لا جلست وشلون .. والله بتطلع بعده عصير فراوله ! رفعت راسي لها : على تبن بس كيفي .. بديت أقطع الخبز أجزاء وفيصل يراقبني مدري وش عنده ؟! فيصل : أول مره أشوف حد ينجذب لشي مافيه مميزات أبد ..؟ إبتسمت له بهدوء ورجعت آكل بغصه .. تركي إيه انت تهمني وما أقدر أشوفك كذا وما أسويلك شي ..! نجوى : تركي وش فيك ؟! قسم لولا الحيا بغيت أقوم وأبوس راسها .. رفع عينه لي ورفع معه حاجب ولا كأني أشوفه .. شوي وقال : مافيني شي .. وش فيني ؟! نجوى : شف حالك أنت بس ؟! كأنه تضايق من سؤالها ؟! .. زفر : مافيني شي .. إرتاحي ..! نجوى مُصره : ماني بـ بزر تركي من جد وش فيك ؟! شفت مجود قام قلت بسرعه : وين ؟! سمعته : بروح أناظر التلفزيون .. تسمحين ؟! سكتت فتره ثم قلت : بس إذا جيتك عشان آخر حرف تقوم على طول .. طايب ؟! هز راسه بـ أيه وأنطلق .. هه ! يومني بعمره مااعرف شي إسمه تلفزيون .. أما جيل متطور خخ ! أما محمد فـ قام على طول ونجوى أصلن ما أنتبهت له لأنها مركزة مع تركي .. همهمة من تركي : مافيني شي .. نجوى : والله لقول لأمي .. تنهد تركي وبس .. ناظرتني نجوى : وش فيه ؟! سويت نفسي كنت سرحانه ودوبني إنتبهت .. عقدت حاجبيني .. ثم قلت : منهو اللي وش فيه ؟! رفع لي فيصل حاجب طنشته مالت موب فالح الا بـ التهزيء .. شوي وعقدت حاجبيني بنبرة خوف : لاتقولين مجود ؟! وش شايفه عليه ؟! نجوى : لا .. " أشرت على تركي " أقصد رجلك ! رجلك ؟! لا أبشرك معادهـ رجلي ! تنفست براحه مصطنعه : يوه أقلقتيني حسبته مجود .. متعمده أقوله كذا .. وقدامه بعد !! عشان يعرف انه ولا شي .. أثبت له شي انا نفسي موب قادره أصدقه .. فتح لي فيصل عيونه .. ما أنكر إني خفت فـ قلت شوي أبرر بدون ما اهين كرامتي .. قلت : هذا هو قدامك يعني وش بيكون مثلا فيه ؟! رجال يقدر يعيش ! لفت له نجوى : بالله وش فيك ؟! شفت نظرة فيصل لي وكأنه يقولي .. شوفي نجوى خايفه عليه وهو أخوها وأنتي رجللك وكذا ؟! تمتم لها : مافيني شي .. نجوى : إنزين عشان أصدقك قم كل شي .. ولا أكييد فيك شي .. رفع راسه وكأنه كذا خلاص صار وجهه باين أنه معصب أقرب شي كاس رماهـ على نجوى اللي وطت راسها وهي تشهق .. حسيتها بتصيح : وش فيك ؟! مسح وجهه : يالله ! ورجعت تقول وش فيك .. فكيني ! ناظره فيصل : وش فيك جايتك حاله على ذا الكاسات ؟! رفع عينه له : تبي أشتريلك غيرهن ؟! ماطلبت اليوم يكونون معك .. فيصل : طايب من خيرها أصصلن تسأل عليك ؟! مسح وجهه باين أنه مره تعبان .. وقف بسرعه وقال : اذا تبيني أثبت لك لما أرمي عليك مثلها عادي .. نجوى : أنت وش فيك ؟! ليه صاير كذا ؟! أما أنا قمت وشلت الزجاج وأنا ساكته ولا كأنه صاير شي .. فيصل : حاسبي .. رفعت عيني : وش قالولك بزر ؟! فيصل : بسم الله وش فيكم أنتي ورجلك نار اللهم ياكافي ؟! قلت أقلده بـ إتقان بدون ولا ضحكه : إذا تبيني أثبت لك وأرمي عليك كاس عادي ! حسيت بـ شي ينكسر تحت رجلي وبدت رجلي تنزف رفعت عيني بشويش لين شفته رافع حاجب بغيت أصيح من القهر بس سكتت مو ساره اللي تصيح .. المشكله نظرة فيصل لي وله بعجب .. في الحياة كلها ماصارت قدامه .. أما نظرة نجوى اللي كانت تترقب وش بسوي .. رغم أن رجلي تألمني ولا كأن شي .. سحبت كاس بهدوء ورميته تحت رجله كل قصدي بس أسوي مثله ولا أبي يصير فيه شي أبد والحمدلله .. قلت : لا عاد تركي شوي خربتها ! ترميها على نجوى وتسكت لك شي .. وترميها على ساره شي ثاني .. ناظر قبل ماترمي ..! سمعت شهقة نجوى .. وفيصل قال : ساره ! حتى تركي نفسه متعجب من كلامي .. رفع حاجب : ثاني مره لسانك كذا يجرب يقول أسمي وبس " مط الحروف " أقصصه ! إرتجفت من داخلي .. هو يحس أني بلوث إسمه ؟! لف للباب .. وأنا قلت : ماجابته أمه اللي يقصه لي .. مابقى إلا أنت .., مشى مطنشني لين طلع كنت خايفه يصيرله شي .. بس خلاص ساره هو بنفسه يحسك قرف وشي ملوث .. كان هذا أول تمهيد لـ فيصل إني ممكن اتطلق ! نجوى : ساره .. خذي لفي رجلك .. إبتسمت بهدوء : وشسمه .. إيه شكرن .. وتحولت إبتسامتي إلى قهقهه بصوت خيالي ماقد حد وصل لهـ .. فيصل : ساره .. وش فيك ؟! لازلت أضحك : تبيني أرمي عليك شي .. كاس ؟! لا والله ودي بس بخلي إثنين لبكرآ ! هزني : مجنونة أنتي ؟! رفعت له حاجب وتغيرت ملامح وجهي إلى جمود .. وقلت : طس فيذاك بس .. طلعت من المطبخ ورحت لمجود .. قلت : مجود يلا قم حبيبي جب دفاترك وأقلامك .. وأنا بحسب لك .. نقز بسرعه وأنا سويت نفسي يعني اناظر الساعه أحسب له .. شوي وحسيت به يلفني .. قال بهدوء : بالله ساره وش صاير بينك وبين تركي ؟! هزيت كتوفي وانا مبتسمه .. فيصل : هو يومه كان بن عمتك ماسويتيها هـ الحين ؟! وش اللي قلب حالك ؟! وش اللي قلب حالك ؟! وش اللي قلب حالي ياخوي غير تواجد نايف هـ الفتره بحياتي ؟! ولا أدري .. هي أزمة وتعدي ولا هو للأبد كذا .. أو بالأحرى لين أتطلق ويرتاح ..؟! وش اللي قلب حالك ؟! رح إسأل تركي .. ونفس إجابته بتكون إجابتي ولا تطمح أنه يكون غير .., لأن السبب هو نفسهـ ..! وش اللي قلب حالك ؟! أنت يافيصل .. تعرف بن خالك وتعرف وين يسكن فيه .. إيه رح له وقلهـ نايف أنت وش سويت بـ حياة اختي ؟! إيهـ قلهـ .. نايف أختي وش سوت لك عششان تقلب حياتها تحت فوق ؟! نص إبتسامه على وجهي : عادي ..! فيصل هز كتوفي : لا مو عادي .. مو انتي ساره اللي قبل يومين مع تركي .. وش فيك ؟! ماكنت أبي أشكي له .. لان حلقات كبيرة من سلسله حياتي مفقوده عند فيصل ..! هو مايدري إني لما بالخبر جلست مع نايف .. مايدري إني دخلت لـ تركي .. مايدري إني طلعت مع نايف .. ولا يدري اني قلت له أحبك .. ولا يدري أني ظليت فتره مع تركي ليليا .. مايدري إن كلامه يوم رجع من شهر عسله مع نجوى كان كبير .. مايدري أن نايف وعدني .. مايدري أني دريت قبل الكل ان تركي يبيني .. مايدري أن شبح الماضي ونايف .. كابوس موب كيفي أنساه او أتحكم بـ تواجدهـ ! شوي ونزل مجود رحت له بسرعه .. أهرب من واقعي إلى واقع طفل دوبه يتعلم الحروف ..! قلت : الله ! بسرعه وصلت يلا آخر حرف ونخلص .. جلست معه وإنسدح على بطنه وإنسدحت جنبه رفع رجلينه وصار يرّقصهم بـ براءهـ ..,؛ رسمت له حرف الياء أكثر من مرة ثم رسمت له وبدا يرسم عليها لين صار يعرف يكتبها .. ويرددها ..! عششان يعرف يكتب إسم أبوهـ كامل ! ناظرني : ماما يعني الياء مافيه بعده حد ؟! هزيت راسي بـ لا : ممم لا آخر شي .. وخلاص .. قال : طايب .. وش آخر رقم ؟! إبتسمت : ماما الحروف بس هي اللي يصير لها آخر شي .. مافيه آخر رقم .. ناظرني فتره ثم قال : طايب ليه مايصير الـ 30 آخر رقم ؟! هـــه !! طموحه صغير .. على قد عمرهـ ! قلت : طايب انت قد إيش تحبني ؟! سكت فتره ثم قال : ممم شي كبير ما أعرف إيش هو .. إبتسمت له لميته بقوهـ .. همست له : أحلف انك تحبني طايب ؟! إبتسم لي : والله ! ضغطت عليه : وانا أحبك ماما أكثر شي فيذا الدنيا .. ولا أحد يقدر يبعدك .. حتى لو كان تركي نفسه ! إبتعد عني : منهو تركي ؟! تركي ؟! هو اللي جمعني من بعد بعثرت نايف .. ثم رجع بعثرني ..! هو اللي .. ملكني من أول كلمة قالها لي .. يقصدني فيها انا كـ ساره وبس .., هو اللي وعدني مايتركني طول عمرهـ .. هو اللي .. قال مابيتركني مهما صار إلا إذا أنا قلت له ماأبيك .. هو اللي بكيت قدامه بعد فيصل .. وهو اللي أنا أخاف أنه يضيع .., هو اللي قال أني أنا سارتهـ .. وبس ! هو سبب وجودك .. وانت ناتج جمع حبي وحبهـ .. وتسألني منهو تركي ؟! مفترض انت يامجود اول إنسسان يقول انه يعرف منهو تركي ! إبتسمت له : ماتعرف منهو تركي ؟! هز راسه بـ لا .. قلت : طايب تعرف منهي ساره ؟! سكتت يناظر السقف ثم هز راسه بـ لا .. هه ! محمد ولد أخوي أول شي حفظه فيصل ونجوى ..! قلت : طايب .. وتعرف منهو ماجد ؟! عقد حاجبينه فتره .. ثم قال : أنا ؟! هزيت راسي بـ إيه وانا مبتسمه .. قلت : طيب منهو تركي ؟! سكت يفكر ثم قال : مدري ! قلت : تركي هو نفسه البابا .. زي ما أنت إسمك مجود وماجد هو إسمه البابا وتركي ! ناظرني بحيره : وأنتي وش إسمك الثاني ؟! إبتسمت له : ساره .. برطم زياده : مو حلو ! رفعت حاجب : ويعني ماجد وتركي اللي عاجبك ؟! هز راسه بـ إيه .. ثم قال : أنتي إسمك الثاني ممممم مجود .. إبتسمت له : مو حلو مجود ؟! سكت فتره كأنه يدور له رد : طايب ليه انا أسمي مجود ؟! إبتسمت : لأن تركي قالهـ .. كمل كلامه : وليه إسمه تركي ؟! ضحكت : لأن ماما سلمى تقولهـ .. سكت فتره : وأنتي وش قلتي ؟! ضحكت بقوة : ممم أنا قلت نهال .. عقد حاجبينه : منهي نهال ؟! إبتسمت : وحده مره حلوة وتجنن زي القمر .. وتحبك مرهـ وكل يوم تقولي أسلم عليك .. مجود : وينها فيه ؟! ضحكت : موب فيه .. هي مممم " أشرت له على بطني ".. هنا ! سكتت بـ حيره وكأنه مايبي يدخل نفسه بمتاهات .. ثم قال : طايب أنا وش أقول ؟! إبتسمت : أنت أذا أكلت وسمعت كلام الماما والبابا تكبر بعدين يصير عندك حد يقولك بابا .. فتح عينه : بس انا مجود .. " وكأن الحكايه أعجبته " طايب ايش إسمه ؟! ههه ! هذا وهو اللي يسألني وأنا وش أقول ؟! إبتسمت : أنت تقول حلو إسم تركي خلاص تسميه كذا .. لف يكتب وأنا أناظره شوي ورجع لي وانا جالسه على الكنبه وجلس بحضني .. وهو يقول : ماما متى أشوف نهال ؟! إبتسمت وهزيت كتوفي .. هز راسه وقام .. هه ! يسألني وينها فيه ؟! نهال ؟! أصلن مافيه نهال ولا ظني بيجي يوم وأشوفها فيه .. لأني بعد موقف اليوم أكيد الطلاق وخلاص معادني بمتزوجه أصلن منهو اللي يفكر بمطلقه لا وعندها ولد ..؟! نفضت هـ الأفكار من بالي .. وقلت : قم حبيبي تتحمم عشان بالليل تروح لماما سلمى ..,؛ * * أعطيته له وقلت وأنا بطرف خشمي : أنتبه لايصير له شي .. رفع حاجب : ياسلام ! وأنتي ؟! بلعت ريقي وش عندهـ : ماني برايحه كيفي تعبانه .. سمعته : لا مافيه بنات يبقون بلحالهن انجزي ألبسي ولا قسما ... قاطعته : أنا تعبانه وكيفي .. شي راجع لي وبعدين امك مابتسأل علي عندها انت ومجود .. وليت ظهري انتظره يقول لي أنا بسأل عنك بس ولا شي .. الظاهر كلامي صح ! طلعت وانا أسمعه يقفل الباب .. مدري هو خوف علي .. ولا يحسبني بطلع ؟! رغم ان عندي نسخه ! أول ماطلع حسيت بالوحده كان ودي أروح له وأبوس رجله أنا أحبك تركي سامحني .., صعدت فوق .. ألحين صرت بلحالي ومحد معي .. مو أول مره .. جلست كثير بالمخزن بالشهور وعادي متعوده مابيغير فيني شي ومو انا اللي أدق عليه لو فيني الموت لجل يرجع لي ..,؛ رميت جسمي على السرير وكأنه ماصدق أقوله كذا تركني .. غمضت عيوني وانا هـ الحين بلحالي عادي أبكي .. هه ! خلاص معادني بـ بكي أحس مهما يصير ما بـ بكي .. سحبت الروب ودخلت أتحمم أدري أني أبكي بدون صوت .. أدري أن دموعي تصب اكثر من المويا .. أدري أن تركي عمره ما حس .. زي نايف ! وقفت عند المرايا اللي بالحمام وانا مبتسمه وبريق الحزن بـ عيوني .. متى برتاح ؟! إبتسمت وأنا ألف خصله على إصبعي .. بللت شفايفي بلساني لما طاحت دموعي وكأني أذوقها !! ظليت كذا فتره وما أسمع إلا صدى الونات اللي تطلع من جوفي وتتبعها التنهيدات كـ أغنيه ماتنتهي .., مسحت وجهي وطلعت بتعب ولا درى تركي عن حالي حتى ولا سأل وشلون بلحالها .. إتجهت للدولاب بتعب يلا عاد يعني هم اللي بيرجعون هـ الحين .. أخذت نفسي وإنسدحت على السرير .. ونمت .. على موسيقى كلاسيكيه داخلي بـ نبض قلبي تتلاشى كل ما أحس أن تركي بـ يتركني .. ومو بس تتلاشى .. إلا يوقف القلب ! فتحت عيوني بـ بطئ أشوف فيصل وأشوف خالي وأشوف نايف !! ظليت فتره أرمش وانا أشوف الثلاثه يتحركون قدامي .. هم وش جابهم لغرفتي ..؟! همست : خالي ؟! غمضت عيوني زي ماكان فيصل يسوي لي فتره ثم رجعت فتحتها شفته واقف بلحاله ..! قال : قومي البسي .. رجعت انسدحت : موب رايحه ! فتح الدولاب وأخذ لي ملابس حتى ماظني ناظرهم وحطهم على الكنبه واتجه للباب .. وهو يقول : خمس دقايق بس .. وبرجع ! نص إبتسامه ناظرت الساعه .. خيبه ماصار لهم شي طالعين .. كيف رجعوا ؟! عناد تركت الملابس وبديت اختار لي لبس حلو .. خلصت ولبست بديت أشسور شعري بـ رواقه وأنا مبتسمه بتعب الظاهر عمري ما بلقى اللي يفهمني أبد !! دخل ورفع حاجب وظل متكي على الباب ويناظرني .. أحس إني بصيح هو ليه متعمد يناظرني ؟! رفعت عيوني بعد فتره يمكن شال عيونه بس باقي مدري وش عندهـ ؟! وطيت عيوني ورجعت أكمل .. أحس بحراره بوجهي مجرد بس أذكر أن تركي يناظرني ..,؛ خلصت ولله الحمد وهو يراقبني كيف البس العبايه وألملم أغراضي بالشنطه .. كنت أتعمد أطول فتحت الثلاجه وسحبت علبة البندول وحطيتها بشنطتي .. وطلعت من الغرفه ونزلنا تحت رحت للمطبخ أخذت علبة مويا ورميت غطاي وطلعت معه .. كنت خايف اصعد جنبه وخايفه اصعد وراه .. سميت بسم الله وش صار فيني أستحي كثير من تركي ؟! أول ماصعدت ومشى سحبت الغطا أكلت حبتين ونظره علي لين شربت مويا ليه أحس أني كذا تعبانه .. كل ذا عشان تركي ؟! ليه أحس إني هـ المره غير .. يوم كان نايف اللي راح كنت متأكده إني برجع ساره .. بس هـ الحين .. لاآ .. ضربتين بـ الراس توجع ! خلصت وتغطيت وأسندت راسي وأنا أحتري متى توقف السياره لين وقفت .. طلعت على طول وكأني خايفه طول ما أنا معه أتهور واعتذر .. رغم إني غلطانه .. أدري ! نزلت ودخلت البيت وعلى طول كشفت أدري هـ الحين ناصر مو فيه عند امه وأبوه .. ودخلت وسلمت على عمتي اللي كانت تناظرني فتره .. ثم قالت : وش فيك بسم الله عليك ؟! تعبانه ؟! هزيت راسي بـ لا .. ورحت سلمت على عمي اللي كرر علي السؤال : وش فيك ؟! إبتسمت وجلست على طول وغمضت عيوني : معليش أحس أني قرفانه من نفسي حتى ! " يحق لك ! " ناظرته بطرف عيني احس طاح وجهي .. قدام الكل ياظالم ؟! رجعت غمضت عيوني بـ ألم .. وسكتت عنه .. شوي وحسيت بشي علي فتحت عيوني كان مجود .. إبتسمت له .. قال : ماما ليه ماجيتي بالمره معنا ؟! ليه دوبك جايه ؟! رجعت غمضت عيوني .. وسكتت أسمعه .. مجود : ماما بسألك ..؟! إبتسمت بس وهمهمت بتعب .. مجود : هو باقي كثير وتطلع نهال ...؟! بلعت ريقي ولا فتحت عيوني .. قلت : ليه تسأل ؟! وأي نهال ثانيا ؟! سمعته : نجود تسأل ..! سكتت عنه بس لما حسيت ان محد يتكلم عرفت أن مجود جاب العيد .. سمعت عمتي : ساره ؟! فتحت عيوني بـ بطئ شفتها مبتسمه : نهال ؟! أول شي سويته رفعت عيني لـ تركي اللي مرسومه على فمه نص إبتسامه .. قلت : ماعليك متأثر بالحكايه اللي قلتها له من زمان .. عمي : وش حكايته ؟! إبتسمت : عادي قصه وقلته إسم .. نهى : يوهـ ليتها حقيقه .. مليت أبي حد يحمل .. بيبي جديد ! رفعت لها حاجبي : على تبن ! ضحكت بـ هدوء لي : ليت لو جد أنا .. يارب ! نورهـ نطت : جميعا ! رسمت إبتسامه على شفاهي : لا تجمعين .. عمتي : يوهـ ساره ليه .. مجود كبر عادي ! هــه ! المشكله ماتدرين أني بنفصل ولا والله أنتي من نفسك تقولين لنوره لا تجمعين ! نجوى : الحمدلله بس .. خلها تكمل ذا السنه اللي بقت .. موب حالتي حتى ثالث توني باخذها .. عمتي : والله هي خلها تولد والله آخذهـ .. سكتت ورجعت غمضت عيوني .. سمعته : قومي إنسدحي فوق .. جايه هنا تنسدحين ؟! فتحت عيني بـ بطئ وإبتسمت بـ سخريه : أنت اللي جيت لي .. موب شغلي .. عمتي بحنان : يوه ساره وش فيك ماتبين تجين .. والله إنك واحشتني .. إبتسمت : هو يقول .. " هزيت كتوفي " وش جايه تنسدحين .. ألفاظك ..! حسيت بعيون عمي وفيصل .. كيفه عاد هو اللي بدا من أول مادخلت وهو طايح فيني ..! شفته يناظر الزهريه وكانه معجبته السالفه .. قلت : إذا في غيرها ثانيه لي جبها وإذا مافيه لا تتعب نفسك .. شفته صك على أسنانه بهدوء وقام وجلس جنبي وهو مبتسم .. قال : أحلفي سوير منتي بحامل ..! فتحت عيني له .. سبحان مغير الأحوال .. هو وش فيه إنفصام زي ماقلت من قبل ولا وش السالفه ؟! هزيت نفي .. إبتسم : لا جد بالله مو صايره حساسه مره ..؟! رفعت عيني لفيصل اللي قال : أيه والله .. قم خذها للمستشفى تحلل .. تمتمت له بصوت مايسمعه الا هو : غصصب هو ؟! إبتسم أكثر وهو يتمتم : على تبن ! أطلقت ضحكتي وكأنه قايل لي شي مره حلو .. أيوة للحين كلام نايف ماراح مفعوله .. همست له : قم تراك واقف لي هنا .. رفع لي حاجب وزحف جنبي أكثر .. حسيت بـ قلبي كذا يطرق أدري انه يسوي كذا لجل يصلح الصورة اللي صارت عند فيصل ونجوى وعمتي وعمي وغيرهـ .. بس مايدري انه كذا ببوس رجله أكثر ..؟! وقفت وأنا ماسكه راسي الصداع كل شوي يزيد وأحس الوجيه منقلبه .. أرمش باليالله عشان أتأكد من اللي قبالي .. ألف مرهـ .. هو خالي هنا ؟ ونايف ؟! عمتي : ساره وش فيك ؟! يمكن ماكنت بـ التعب اللي يخليني اطيح .. بس يمكن إشتقت لـ شي إسمه تركي يكون جنبي ..؛ حطيت يدي على راسي وزفرت بقوة .. وغصب إلا خليت نفسي أفقد توازني .. لين طحت ..! على صدرهـ ..,؛ يضمني أنا بحنان .. رغم انه قرفان مني ..!! بس هو كذا حنون على كل الناس ! ليت حنانه يشمل إنه يغفر لي .. بس الماضي ..! سمعت عمي : وش فيها .. خذها ياتركي للمستشفى .. مسكت راسي ودي أضحك بس كتمتها ورجعت وقفت لين حسيت بـ حد يمسكني يد .. ثانيه غير تركي .. هو نايف ؟! رغم إني أدري أنه موب نايف بس مدري ليه نفضت يدي وكأني خايفه حتى من خياله !! سمعت بكى مميز .. مقفول الفم وماتسمع الا صوت الشهقات المكتومه .. فتحت عيوني : مجود حبيبي معليش .. يدك بارده ! هـه ! حتى لو كان مجود ولدي تظل يد تركي .. ودفى تركي .. تفوقه بالملايين ! أتجهت للباب وتركي ماسكني ومعي مجود .. سمعت عمتي : تركي بالله أترك معي مجود .. تركي بدون مايناظرها : وش اتركه يمه .. خله معنا ..! شفت عمتي قبالنا : أسألك ياتركي بغلا ساره أن تخليه .. جاتني الصيحه .. غلا ساره معاد نفسه اللي قبل يومين .. إختلطت الموازين ياعمتي بعد جيّه نايف !! سكتت فتره : يمه أبيه .. سمعتها : ساره قولي له .. سكتت هو أقدر أكلمه زي قبل عادي ؟! عشان أصرّف الموضوع غمضت عيوني بتعب .. سمعت عمتي : شفها ياتركي تعبانه خله معي .. فتره ماسمعت له صوت .. شوي وسمعته : مايضايقك ؟! عمتي بسرعه : أبد .. وش ذا الحكي ياتركي ماتستحي تقوله لمك ؟! يلا حبيبي رح شف وش فيها بنت خالك بالسلامه ياساره .. وطمنوني ! سكتت .. لان ماجاء دوري اتكلم .. سلم على امه ومشى فيني للسياره .. يساعدني على أني أمشي الطريق ! بالله تركي .. أنا مو محتاجه هـ الحين تمشيني بذا الطريق .. انا أبيك تمشيني معك .. وين ما تروح ..! شوي وجلست وحرّك السياره أحسها متعاطف معي رغم انه زي ماقال يحق لي أقرف من نفسي .. فتحت عيوني بشويش .. ثم قلت : لا تروح المستشفى مافيني شي .. مطنش الأخ .. الظاهر ماسمعني .. قلت : تركي لا تروح المستشفى ! لف لي وهو رافع حاجبه : نعـم ؟! قلت : الله ينعم عليك .. أقولك لا تروح المستشفى أنا مافيني شي .. سكت فتره ثم قال : وكل ذاهـ ..؟! هزيت راسي : يروح لا نمت ! قال : ممم بس نتطمن لا رحتي .. ومايضرك شي .. قلت : وأنا أقولك لا تتعب نفسك .. هز راسه : بكيفك ! مشى فيني لين وصلت دخلت بسرعه ورحت الغرفه غيرت ملابسي بيجاما عاديه تماما وإنسدحت على الكنبه .. جاني صوته : وش فيك ؟! فتحت عيوني وناظرته : وش فيني ؟! بدون مايناظرني وهو متجه للسرير ويرفع طرف اللحاف بهدوء .. قال : مدري تسأليني أنا .. وش فيك نايمه هناك ؟! رفعت عيوني له وأنا مخي متعطل أنتظر وش بيقول بعد !! تركي يأكد كلامه : أولا انتي تعبانه ثانيا وش ذا التصرف يعني رايحه تنامين هناك ؟! هزيت كتوفي بدون رد .. وناظرت السرير وكأنه أستفسرهـ .. ياتركي من جدك تبيني انوم على السرير ؟! رفع حاجب : لا تناظريني .. من جد وش فيك أنتي انهبلتي ؟! قمت بهدوء .. هو وش فيهـ ..؟ مايفهم أني أبي أتعود على فراقه ؟! مايفهم أني ما أبي أضايقه بوجودي ..؟! شوي ورجعت جلست .. وقلت : هنا مرتاحه .. ظل يناظرني فتره تركي .. أرجوك .. وطي عيونك .. ولا قسما تنزل دموعي ..! ولا كانه يفهم لغة عيوني .. ولا كأنه بيوم قراها وكآنت أسمه .. ولا كأنه بيوم عرف وش يعني لاصارت عيوني كذا .. هو يستهبل علي ؟! ولا يستهبل علي ؟! الظاهر أنه يستهبل علي !! إبتسمت له وخلاص أحس العبره خانقتني .. قلت : خلك معي صريح .. متى .. سكتت فتره وأخذت نفس : متى تبي تطلقني ؟! |
((2)) ظل يناظرني فتره تركي .. أرجوك .. وطي عيونك .. ولا قسما تنزل دموعي ..! ولا كانه يفهم لغة عيوني .. ولا كأنه بيوم قراها وكآنت أسمه .. ولا كأنه بيوم عرف وش يعني لاصارت عيوني كذا .. هو يستهبل علي ؟! ولا يستهبل علي ؟! الظاهر أنه يستهبل علي !! إبتسمت له وخلاص أحس العبره خانقتني .. قلت : خلك معي صريح .. متى .. سكتت فتره وأخذت نفس : متى تبي تطلقني ؟! فتح عيونه وجلس قبالي : نعـم ؟! عيدي أشوف وش تقولين ؟! وش ذا السؤال ؟! زي المعصب .. زي اللي منقرف .. زي تركي بن عمة ساره ! طاحت دموعي : والله تركي ولا تحس أنك كذا جارحني .. عادي قلها .. ظل فتره يناظرني .. قلت : عارفه أنك مابتستمر معي .. خلنا نكون واضحين .. زي ما أنت منت بمتحمل تواجدي ومنقرف مني .. أنا .. " مسحتها بظهر يدي " ما أطيقك أبد ! تركي : أيووهـ ! بنظرك يعني حنا كذا واضحين ؟! هزيت راسي بـ إيه .. وكملت : لا تخاف مجود .. " رفعت عيني " مدري هو يبقى معي ولا معك ؟! كملت بسرعه : ويعني لو كنت بنت خالك وش بيصير تنقلب الدنيا لو تطلقنا ..؟! عادي منت بآخر واحد مـ ... قاطعني : سآره ! رفعت عيوني وطبقه الدموع ما تخليني اناظره تمام .. هز كتوفي : أنتي وش فيك ؟! أبعدت ايدينه : بعد اللي عرفته وسمعته .. ماظني انك بتبقى معي ..! رفع حاجب : و.. وش اللي سمعته ؟! تسألني أنا ؟! رح ياتركي وأسأل نايف .. هو وش قالك بالضبط .. هو وصف لك كل شي ..؟! ولا قالك .. نقاط رئيسيه وما مدآهـ إلا وأنت طلعت ؟! صرخت بتعب : خلاص ! والله يكفي .. وش تبيني أعيدهـ ؟! هزني : ساره أنتي وش فيك ؟! أييش سويت لك عشان تقولين كذا .. وغيرهـ .. وش اللي أنا سويته عشان تنقلبين كذا ؟! وش فيك ؟! والله لو تعطيني سبب يقنعني اللي تبينه يصير .. قفلت فمي وبدت تطلع مني آهات صغيره .. ثم قلت : أنا اللي أنقلبت ولا أنت .. فتح عينه : أنا ؟! هزيت بـ إيه .. وكملت : تركي لا تقلب السالفه .. منت بطايقني ادري ولا أنا .. " طاحت دمعتي " أصلن أنت قرف ! ظل فتره يناظرني .. ثم زفر بهدوء .. تركي وطي عيونك أضعف قدامها !! سمعته : بالله انتي أنهبلتي ؟! وش سمعت ووش عرفت ؟! سكتت .. كمل : أما غريبهـ آنتي ! رفعت عيني له : اللي سمعته من .. " شهقت من البكا " من .. شسمهـ .. ليـه ؟! ليهـ موب قادره أقول .. نآيف ؟! ليـه ؟! هو لذآ آلدرجهـ الإسم صعب مررهـ ..؟ إبتسم لي : أيهـ .. شسمه ذا اللي شسمه ؟! هزيته : تركي لا تستهبل علي .. قاطعني : أنتي اللي مدري وش فيك .. كم يوم لك وأنتي كذا ؟! سكتت وقلت ياتركي متضايقه من شي .. يمكن انه فيك .. انت وش سويت .. قلبتها فوق تحت يسار ويمين .. والله ماسويت لك شي ؟! ظليت أناظره أحثه أنه يكمل .. تركي : إلا إذا أنا قلت شي بدون قصد .. بس وش الشي اللي قلته يخليك تسوين كذا ؟! ناظرته بحذر : يعني أنت .. وو .. أنا أقصد اني ما أنقلبت .. أنت اللي أنقلبت .. فتح عينه : أسألك بالله ياساره وش اللي سويته ؟! كتمت شهقتي : أنت .. يومك طلعت .. وبعدين انت رجعت .. كانت الساعه واحده .. وكنت أنا أرتب الملابس .. وأنت دخلت .. بس ماسلمت .. كنت تناظرني بـ قرف ! سمعته : لا تصيحين .. هـ الحيين أنا عشاني ماسلمت عليك يعني منقرف منك ؟! بالله ساره بزران حنا ؟! ناظرته أنتظره يقولي وش قاله نايف بالضبط .. بس مارد ! تركي : طايب هاه .. السلام .. كذا حلو ؟! بس دموعي تنزل ولا أسمع نفس لصوتي مكتوم .. زي كل مره ! مسحها : لا تصيحين وقفي خلاص .. هـ الحين كم صار لك عشان ماسلمت ..؟! طايب سلمي أنتي .. سكتت أناظره باستفسار .. ثم قلت : حتى تصرفاتك .. تحلف ياتركي انك ماقلت لي لعاد تقولين أسمي ؟! إبتسم لي : والله بزر أنتي .. ورجلك بزر مثلك تصدقين ؟! شفته يضحك بقوه وأنا أمسح دموعي وبس اناظره .. كمل : يعني اللي يسمعك انتي ماقد بعدها قلتيه ..؟! كمل يضحك ولا كأني قدامه أبكي ..,؛ قلت : أنت انقلبت إيه وأنا بعدك .. مو بس انت اللي تنقلب علي .. تركي : يعني أنتي تبيني أطلقك عشان أنتي قلبتي وجهك ثم انا قلبت وجهي .. وعشاني ماسلمت عليك ؟! ناظرته : أنت مستتفه الموضوع مره .. زفر بضحكه : يعني بالله واحده صار لها فتره ماتكلم رجلها ورجلها شوي غبي وخربها يعني ياساره ماتهميني ولما يكلمها تقوله أنت قلبت وجهك علي وطلقني هـ الحين .. لعبهـ هي ؟! سكت فتره ثم ضحك : لا والحلو بالسالفه مخططه وين بيروح مجود وكيف بيعيش .. ناظرته فتره ثم قلت بحذر : أنت يومك طلعت .. طلعت مع مين ؟! سكت فتره : متى ؟! قلت : يوهـ تركي .. أنت رجعت من بدري ثمن دخلت للمقلط وبعدها ماشفتك إلا وأنت راجع لي بالغرفه .. انت طلعت مع مين ؟! إبتسم لي : عادي يعني وش فييه .. تختلف لو أني طلعت مع أي أنسسان ؟! قلت : لا أكيد قايلك شي وقلبك علي .. حسيت به يشد على ايديني : وش يقلبني عليك الله يهديك .. محد يقلبني عليك .. وكأني حسيت بالفرحه .. هو معقوله تركي الدمامي ماتأثر لـ كلام نايف ؟! يعني نايف ماقدر يقلب حياتي ؟! واللي صار زوبعهـ بسيطه مني انا .. في أعتقادي تركي اللي بداها ؟! شديت عليه : طايب احلف ما أثر فيك كلامه ..؟ سمعته : منهو ذاهـ ؟! وأي كلام أصلن ؟! ناظرته بشك : يعني هو أصلن أصلن أصلن ماقالك شي ؟! إبتسم : أصلن أصلن أصلن ! أي شعور اللي أحسس بوهـ هـ آلحين ؟ غير ان آلروح رجعت للجسد .. غير أن تركي رجع ورجعت معه نبضاتي ؟! غير أن تركي ما يعرف شي عن ماضي الخُبر ؟! غير أن سارهـ رجعت .. تلم تركي معها ! همست له : مرهـ أحبك تركي .. أرجوك لو مهما تسمع .. مهما تعرف .. ماتنقلب حتى لو كان صحيح .. والله ما أقدر كذا .. حتى لو قلت لك طلقني عناد فيني لا تطلقني .. جننتني يابني آدم .. شدني لهـ : مهبولا انتي أطلقك ؟! هو انا بالموت أخذتك بـ سهولهـ كذا ؟! أبتعدت وأنا أبتسم له .. يمكن ظلمت نايف .. هـ المره بس .. لأن طول عمري احسن فيه الظن ! إبتسمت لتركي بحب .. إيه ياتركي أحبك ولعاد تروح عني .. حتى لو انقلبت .. أحبهـ لأنه يحسسني اني مره غاليه عليه .. ولا وش قصده من أنه يقولي " بالموت أخذتك " ..؟ هز راسه : قومي أنتي تعبانه .. ناظرته أستأذنه أرجع أشاركه مملكته .. هز راسهـ .. لأنه فهم لي !! أنسدحت بـ أبتسامه .. قال : أيوهـ انسدحي ولا تروحين المستشفى .. قومي بشوف وش فييك .. إبتسمت له : مافيني شي هاهـ .. زي الفل ! رفع حاجب .. ضحكت ..ظل فتره يناظرني لين سكتت وهديت من الضحك .., قلت : قلي ياتركي وش اللي يخليني أتعب غير أنك تتجاهلني وتخصرني ؟! ورضاي ماهو بـ شي صعب غير أني أشوفك راضي عني ..! رمى نفسه وهو مغمض عيونه : ونهال وش سالفتها ؟! " فتح عيونه وناظرني " من جدك انتي ؟! طاح وجهي : لا وش من جد .. مجود سألني وقلت له .. ناظرني : وش سألك ..؟ قلت بلعانه وانا ألف وجهي : وش دخلك انت ؟! لفني وهو مبتسم : جد وش سألك ؟! هزيت كتوفي : سالفه طويله .. مالك فيها ! غمض عيونه : إلا أبي أسمعها .. أهذري لين الفجر مره أشتقت أسمعك .. إبتسمت ومسويه فيها الدلوعه اللي مره خخ : أتعب كذا ! قال وهو قافل عيونه : أيووهـ .. كذا النبره مضبوط .. إبتسمت وإعتدلت حطيت راسه على رجلي وأنا مبتسمه .. وهمهمت له : همممم وش أقول ؟! قال : عادي .. معقوله البنت ماتعرف وش تسولف ؟! قلت : مدري يعني ما احس عندي شي أقوله ! سمعته بهدوء : غني ! سكتت فتره : ماني براشد على غفله .. سمعته : وجع ما أحبه مرهـ ذا المخلوق .. ياكرهي له بس .. ثقيل دم مرهـ ! ما أرضى على راشد بس كمان اللي يقوله تركي .. فـ قلبت السيره : وش تبيني أغني ..؟ حسيته بينوم مره : اللي يجي منك حلو .. سكتت بـ حيره مره وش أغني ؟! وش الشي اللي يناسب مقام تركي .. وش الشي اللي يخليني اطلع بصوره حلوة .. لما يقولون ساره غنت لتركي ؟! همست لهـ : أنا والشوق .. يطول ليلي وأنت تغيب .. أنا والعين .. نسأل فين أغلا حبيب ..؟ إبتسمت وأنا أمسح على عيونه بـ سكون : أنا ألبي ينادي ليك .. وروحي .. تروح ليك .. يوقف بيآ الزمان .. وأستنى شوف عينيك ! غمض عيونك ياتركي كذا .. وأنا بقفلها على آخر شي .. خلني أحلم أن مهما يقول نايف مستحيل تصدقهـ .. خلني أحلم انك معي بعد عشرين سنه جنب مجود اللي بيدينه بنت الحلال .., خلك كذآ ! خلني أقدر أناظرك على رآحتي زي ما أبي بدون ما أخجل وأوطي عيوني ..,؛ تمتمت لهـ بجوآتي .. أحبك يآتركي ! * * لما صحينا لصلاة الصبح كان مهلوس مره حبيبي والله .. قلت له : تركي مابتقوم ؟! تمتم لي : عادي الإثنين واحد ..! إبتسمت : طآيب ؟! تمتم : رضت خلاص .. قلت أجاريه : ومنهي اللي رضت ؟! على نفس الوضعيه : سارتي .. إبتسمت : وسارتك زعلانه كانت ؟! تمتم بـ اختصار : مدري وش بها .. سكتت فتره .. وكأني متحمسه لـ السؤال اللي أبي أسأله مرهـ .. يمكن لأني أبي أعرف الجواب من تركي بدون مايحس .. وكانها جات الفرصه .. قلت : تركي وش يبي منك نايف ؟! تمتم وهو يكرر الاسم : نايف ؟ نايف ؟ ممم نايف ؟! لما بدا ينخفض صوته قلت بسرعه : نايف بن خال سارتك ؟! سمعته : نايف خويي ؟! مايبي شي ! إبتسمت نص إبتسامه : لا .. تركي أقولك نايف بن خال سارتك .. بسم الله كأنه مره شارب شي : ونايف بن خال سارتي نفسه .. لللا تصيرمهبول ! بلعت ريقي بجمود ملامحي .. نعـم ؟ وش يهلوس تركي خويه ؟! قلت : طايب وش يبي منك ؟! كان يتمتم بصوت واطي نكست راسي له وبهدوء قلت : إييش ؟! رجع يتمتم بس ما أفهم له .. لاول مره في حياتي أحس ان تركي يتكلم وهو نايم .. يمكنه تعبان ؟! شلحت طرف اللحاف .. ثم ابعدته وغطيته وقمت وتوضيت وصليت .. أوقف .. وأركع .. وأسجد ! إيهـ أسجد لك يآملك .. يآعزيز .. يآ لطيف .., أبعد عن حياتي نايف ..! * * * رفعت عيني له : وش ذاهـ ؟! إبتسم لي : رضوتك ! رفعت له حاجب بـ إبتسامه .. ربي لايغير علينا ..! قال : بس طبعا فيهـ خبر موب حلو بالنسبه لك لكن مره روعه بالنسبه لي .. سكتت .. وش الشي اللي ما أحبهـ وتركي يحبهـ ..؟! كمل : مجود موب رايح معنا ! رقّص حاجبه .. وقفت ولفيت بسرعه .. وانا أقول : بالله ! سمعته كأنه يرجاني : سآره .. لفيت له : بالله وين يروح ولدي ؟! ما أقدر فشله مع عمتي والله .. وبعدين حنا بـ أجازه خلها تستمتع باجازتها .. وش ذا الانانيه ؟! ناظرني برجا .. قلت : فشله ! قال : واللي يقولك هي اللي قالت لي جبه عندي .. والله ساره شوي وتبوس رجلي حرام كذا .. رفعت حاجب : أحلف طايب ؟! رد بسرعه : وقسما ! قلت : صدقتك بس مافيه مجود لازم يروح معنا ! زفر بقهر : كنت واثق أنك مابترضين .. أجل أنتي بتجهزين ملابسه وملابسك وملابسي .. وهز كتوفه : وإذا ماتبين خلاص مايروح مجود .. إبتسمت له : مش بوزك غصب عنك يروح ! تمتم بسكون : أما بنت خال ! * مرت الـ 24 ساعه بسرعه وصرت أنا وعيلتي الصغيره في الجو .. ومسرع ماوصلنا لـ بلاد الطليان ! أول مره أروحها .. ههه أستغفر الله أنا من كم سنه بس اول مره أركب الطائره .. تقريبا من زواجي .., وصف وش كانت الطائره ووشلون جلست ومتى اكلت مالي خلق خلني شوي يصير عندي خصوصيه .. خخخ إيه حرمه سنعه سوير ماتطلع أسرار بيتها ! وصلنا الفندق ومجود خلقة كان نايم وتركي سدح نفسه بلبسه ونام .. أخذت مجود وسدحته ورجعت لتركي تحممت بسرعه ولأني نمت طول ماكنا بالجو طلعت ورحت أجفف شعري ودي اكشخ شوي يعني ما أقول اني مهمله نفسي بس جد من طيب نفس تركي اللي ماقالي غيري شوي .. لفيت أطرافه كان مره طويل ودي أقصه بس خله دامه معجب تركي .. شوي بوصف لبسي وأحس نفسي كني بطلع خخ وجه فقر لا هو موب وجه فقر هو يعني أني ماتعودت ألبس كذا لأني ما أرتاح .., ممم لبست بدله كانت فوشيه مره حلوة .. برمودا حلو على اطرافه فضيّه وبدي أبيض مميّل على الفضي وجاكيت كت قصير فوشي رهييب .. أصلن القماش نفسه كان روعه ! لبست كعب فضي ونزلت خصلات ورفعته رحت آخذ جوله بس كذا مزاج .. بعدين صحى تركي أحلى الأيام فعلن لما أعيش مع تركي ! باختصار كنت أعوض لفتره اللي عشتها بدون تركي رغم انها مره قليله بس أحسها مره طويله وثقيلة دم مره .. وعموما ..! مجود .. كان مبسوط لانه معي انا وتركي وماخذ راحته بما ان محد فيه مانعرفه .. تدلع كثير .. وسهر معنا كثير .. ونام بحضني كثير .. ولمّه تركي كثير .. وأقلقني عليه كم مره ! وتركي .. أفعاله كانت تدل أنه مرتاح معي .. ودي أقوله عشان ما أخاف مره ثانيه بس أستحي من عيون تركي .. وش أحسس فيه وأنا أقولها له .. دام الماضي إندفن بنفسه .. ليه انا أسوي نفسي المدري أيش وأرجع أحييه من جديد ؟! تركي ... كان ولا يزال شي حلو .. وما يتغير حتى مع تغير الطقس .. حتى مع تقلب المناخ ! أما أنا ..! الشكرلله اللي خلاني أرتاح كذا .. كثير ماعندهم نص اللي عندي .. أنا عندي أخو يحبني ويعزني .. عنديـ عم طيوب وبين فتره والثانيه يدق يتطمن علي .. وعندي عمة تحب راحتي وتحسسني انها مو بس تحبني عشاني زوجة تركي ولا ام ماجد .. لاني سآره ! و..عندي ولد يسوى كل الدنيا عندي بس لا منه ضحك .. مليان براءه ! عنديـ رجل .. ولا كل الرجال .. أعجز حتى انا وشلون ياربي أوصفه .. هو جماله ؟ هو دلاله ؟ هو براءته ؟! وعندي بنات عمة وعيال عم .. يفتقدوني كثير ..,؛ و..عندي خالة .. ما أدري عنهآ من يوم ماراحت جدهـ ! وش آبي اكثر من كذا يارب .. الشكر لك ! اليوم .. كملنا ثلاثه أسابيع من وصلنا إلا يوم .. أحسسها كذا مرت بسرعه ولا حسيت فيها أصلن .. طبعا اليوم مقررين نطلع كـ العاده يعني .. ياسلام ! صايره أميره ماشاء الله علي خخ .. لولا مجود اللي فعلن ملك خخ .. جد أما شايلته أو شايله تركي .. او إذا الإثنين مره تعبانين .. غصب عنهم يبقون بالبيت لأن مجود ماله خلق يمشي خخخ .. كيفهـ .. مو هو ولدي ؟ خله ياخذ راحته معي .., ناظرت الساعه كانت سبع إلا ثلث المغرب طلعت مع تركي وبين إيديني مجود مشينا للمصعد ... لكن ...!! أووف .. من جد أحس أني مقهوره لا شفت المصعد كذا فيه احد خخ وكأنه باسمي خخ ..,؛ وعموما سميت بالرحمن ومشيت متجهه للدرج شفت تركي واقف عند المصعد .. كتمت ضحكتي : حرام عليك والله .. لف وهو مبتسم : وش عندك عادي .. يعني ننزل حنا على رجلينا وتعب .. وهم كذا بالراحه ؟! خلهم يتعطلون عند كل دور ..! إبتسمت له وأن أمشي أراقب خطواتي : مررهـ وحشتني الدمام .. همهم لي يعني كملي أسمعك .. قلت : يعني جد فيصل ونجوى ونهى ونوره حتى عيال عمي .. سكت فتره ثم كملت : طبعن عمتي وعمي شي ضروري .. دخل يده بجيبه : تكلمينهم ؟! أفتشلت مرره .. يعني بقول شي أحس نفسي أصير مره خجوله لا صرت مع تركي لي فتره يعني لما مره مشتاقه لفيصل وله كذا يومين او ثلاثه ماكلمني أقول مقدمه طويله وعريضه وأذب بشويش اني أبي أكلمهم وتركي يفهمها .. وهـ الحين يسوي لي كذا صراحه طاح وجهي .. قلت : أما ! لا خلني أشتاق لهم شوي .. ناظرني فتره أحس وجهي احترق .. وطيته وأنا أقول : وش قصصدك ؟! هز كتوفه : ماقصدت شي عادي .. إلا أنتي حساسه .. إبتسمت له وأنا أسمع تمتمات من فم إنسان أحبه أحمله بيني ايديني .. قلت بتعب : مجود ياروحي انت وش تبي انت قلي بس ؟! سمعته بهدوء : تعبت وحنا نمشي .. سمعت تركي : وقفي وقفي بس .. إيش قلت ؟! تعبت ؟! أنت قل قسما وانا بصدقك .. مجود : قسما ! كتمت ضحكتي .. كمل تركي : هـ الحين امك شايلتك وانت ماشي كذا عادي طاير بالهوا وبعدين تعبت ..؟! سمعت بكاه المميز المكتوم .. ضحك له تركي : ياخي أبكي زي الناس أفتح ثمك وخلني أسمع صافره مره قويه .. خلني أحس انك بزر سعودي ! سكت مجود .. نزّلته وحنيت له ظهري : شف بعييد مره على مانوصل للسلم أتحمل شوي .. أول ماشفته برطم على طول شلته مايهون علي .. شفت عيلة يطلعون وبيدهم أغراضهم الظاهر راجعين للسعوديه خخ احسب كل الناس سعوديين حالي حالهم .. لا بس أشكالهم بالثوب .. طبعن مشوا قدامنا كانوا رجال وحرمة عادي .. شوي ووقفوا وكأنهم ينتظرون حد يمكن لقافه جد اناظر وأراقب بس عادي .. شوي وشفت رجال يطلع ويمشي معهم .. يمكن الشي اللي خلاه يلتفت صوت كعبي .. شهقت وشددت يدي اللي مشبوكه مع تركي .. همست لما عرفت منهو : خالي ؟! كنت أحسس اني بصيح .. سويت نفسي أبد ما شفته ومشيت بسرعه وأبي اتخطاهم .. لين وقفني صوته : سـآره ؟! لفيت .. والثلاثه يناظرون فيني .. أم نايف ونايف .. وخآلي ! بلعت ريقي لما حسيت بتركي يمشي تجاههم وخالي يمشي كنت أحس نفسي بصييح مرهـ ! أول صوت كان صوتي : شلونك خالي ؟! كان قبالي .. موطي عيونه .. ومسوي كأنه مشغول بالي بيدينه .. وهو غصصب عنه مايرفع عينه لأنه موب من محارمي وحتى لو كنا وين ماكنا .. نبقى سعوديين ! ناظرني بدون نفس : بخير .. إبتسمت وأنا أكتم دموعي .. لفيت لمرت خالي بصوت هادي : شلونك مرت خالي ؟! هزت راسها بـ أيه .. وياليتها طولتني بالحكي عشان ما أسلم على نآيف ! بلعت ريقي : وشلونك نآيف ؟! كيف طلعت مني ؟! كيف أصلن قلت أسمه ؟! كييف ؟! كيف فتحت الياء بدل ما أخليها ساكنه ؟! كيف أسأله عن حالهـ .. وهو ما سأل عن حالي ؟! كيف سألته .. كيف سمحت لنفسي أكلم رجال .. وأنا بجنب تركي شابكه يديني فيه ..! رفع عينه ورفع معها حاجب : ماشي حالي .. وآنتي وش أخبارك ؟! آلوحييد اللي سألني .. ليه ماصرت زي امك وأبوك وسكتت ؟! هزيت راسي بـ إبتسامه ولا كانه صاير شي .. قلت : الحمدلله .. مره تمام ! خالي : وش عندك هنا ؟! إبتسمت وأنا أكتم دمعتي .. بديت أرمش بسرعه .. طايب ليه تسأل ؟! تسألني وكأنك ماتعرف ؟! بس تبيني اتكلم ؟! أبتسمت وانا أهز كتوفي .. أنقذني تركي : عادي يعني ! رفع نايف عيونه لـ تركي وهو رافع حاجب وعيون خالي تراقبه .. نايف بنص إبتسامه : كيف يعني عادي ؟ رفع تركي حاجبه زي نايف بالضبط : عادي يعني .. هو انت تبي تقرير متفصّل مرهـ وش صار ؟! طاح وجهي .. هو تركي وش يهلوس ؟! نايف بنص ابتسامه يعني سخريه : لا وش أسويبه .. خله لك .. سمعت مرت خالي : ماجد ذاه ؟! إبتسمت لها وعيون خالي / تركي / نايف .. كانت على مجود .. لفيت وجهه لها وهو يناظرني .. قلت بابتسامه : ماما هذي مرت خالي .. قلها وشلونك .. ناظرني فتره هزيت له راسي يعني إيه احثه يسلم .. همس بهدوء : وشلونك ؟! إبتسمت : الحمدلله .. وانت وش أخبارك ؟ مبسوط ؟! كنت مفجوعه أول مره بالحياه مرت خالي تكون كذا .. اما غريب ..! هز مجود راسه بـ أيه .. هه يختصر ! لفيته لخالي وانا أقوله : وذاهـ .. خالي جاسم .., ناظره فتره وضغط على يدي .. نفس الإحساس يامجود .. إستمد قوتك من أبوك .. لأني منهارهـ ! مد مجود له يده : شلونك ؟! مريّح نفسه على الآخر .. ماينطق أسماء خخ .. ضغط خالي على يده وهز راسه بـ ايه .. ثم قال : وأنت ؟! إبتسم له مجود .. لفيته لنايف اللي كان يناظره وهو مبتسم وكنهم أول مره يشوفون بزر .. ناظرت مجود : وهذا نايف ولد خالي .. وهذآ نايف .. اللي قد حكيت لك عنه بالقوه .. وقد حكت لك عنه ضلوعي .. لما كنت بجوآتي ..!! همس لي : ولد ذاه يعني ؟! هزيت راسي بـ أيهـ .. عقد حاجبينه : وش أسمه ؟! نص إبتسامه هو مجود حبيبي أنت متعمد تقول كذا .. ولا عفويه زي أي شي غيرهـ ؟! كتمت عبرتي : نون .. ألف .. ياء .. وفيهـ .. كان مره متدلع الاخ وماخذ راحته : مره طويل إسمه .. رفع له نايف حاجب : بالله ! هاه قلها نايف عادي .. نايف .. نآ .. مجود هز راسه بعناد لا .. خلصني يامجود وقلها .. نايف : إلا تبي تقولها .. نايف .. قلت بنفاذ صبر : قلها عادي .. شفني .. نايف .., مجود : نايف ! ناظرني : على فكره ترا طريقة النطق غلط مره .. خله يحفظه بطريقه حلوة .. سكتت أناظره وانا ماسكه دمعتي .. رفع لي حاجبه ونص إبتسامه على فمه .. وكانه يحكيلي قصه قد تناسيتها ! قال : يعني قوليها صح عشان يقولها صح .. حاولت .. بس ماقدرت .. شدّيت على شفاهي .. بس ما طلعت البسمه .. و..حاولت أنطق أسمه .. حاولت وأنا أناظره .. ولأن عيونه تعكس عيوني .. ذابت الحروف بوسط شفاي ..! هزيت راسي وأنا أصرّف : ما أعطلكم .. ناظرت تركي .. وهمس له باستفهام : نمشي ؟! هز راسي لي وهو مبتسم .. تمتم لي : فكي يديني خلاص مره يألم ترا .. ولا كانه قال ولا كأنه شكى لي ..؛ وليت ظهري وأنا محترمه تركي ومابكيت .. أصلن ليه أبكي عادي ! سمعت خالي : سارهـ ! لفيت وأنا مبتسمه : نعم خالي آمرني .. تبي شي ؟! هز راسه بـ أيه : أبي مجود ! أبي مجود ...؟! ما أبتعدت كثير .. لفيت له وأنا أكرر : أبي مجود ؟! سكت يناظرني بنظراته اللي ترعبني .. قلت : كيف يعني ؟! مرت خالي : أيه بالله أبيه .. حس البيت فاضي بدون مروى .. ليت لو ربي يرزقها ..؟! رمشت بعيوني .. وأنا أسمع تركي : أجل عجلي بـ نايف ! رفعت عيوني لهـ .. أحكي له القصه اللي مايفهمها غيرهـ .., خالي : إيه خله يرجع معي للخبر ..! كنت بصرخ فيه وأقوله لا .. كيف أصلن ياخذه ؟! هو بزر .. مايفهم شي .. أدري انه هادئ ومايتحرك .. أدري انه بالموت لا طلعت منه كلمه .. بس كيف ؟! بصراحه .. أخاف خالي يحرقهـ ! مسحت فمي بالمنديل اللي معي باضطراب .. وقلت وأنا أناظر تركي : مدري ! كنت أناظره برجا وكأني أقوله قل لا عشان محد يقدر ياخذ ولدي مني ..؛ إبتسم تركي : يضايقكم .. ناظرته فتره ثم ناظرت خالي اللي هز نفي : ماعليك ! مرت خالي ناظرتني ومدت يدها له : تجي معي للخُبر ؟! تشبث فيني .. خالي رفع حاجبه : والله لو أننا موب بشر ..؟ قلت بسرعه : الظاهر مابعد تعود .. إيه لامنه تعود جبته .. أيه طلل !! خالي هز راسه بـ أصرار : عادي يتعود .. ناظرت تركي أستنجده .. ناظرني بمعنى أرتاحي .. وين أرتاح وأنا أشوف خالي ياخذه من بين أيديني وأنا أعرف وش بيصير ؟! قلت : لحظه أجل .. رحت بسرعه أركض مايهمني أي شي متجهه بسرعه بشيل أغراض مجود ما أبيه يحتاج شي ..! ما أبتعد شوي حتى تعثرت بالكعب .. جالي تركي : وش فييك ؟! حرّك رجلي .. ونيت : يألم تركي مره .. تركي : وش بتجيبين ؟! لمجود ؟! هزيت راسي بـ أيه وأنا أقوم بصعوبه .. أما هو تلاشى عن عيوني .. مشيت أناظر مجود اللي كان مبرطم وويبكي وهو قافل فمه بدون دموع .. رفع له خالي حاجب : تتدلع ؟! حسيت نفسي بصيح خلاص .. وأنا أشوف مجود كأنه يقولي تحطيني عندهـ وأنتي ماصدقتي أرتحتي ؟! جاء تركي بشنطته الصغيره وأعطاها مرت خالي اللي لفت .. ومشوا وقلبي على مجود ..! رحت بسرعه ووقفت ورى خالي وأنا أقوله : خالي ! غصب عن الكل يلف لالف خالي لي .. إبتسمت له وانا أحبس دمعتي .. قلت : مجود .. هو بشرته بيضا .. وسكتت موب عارفه انطقها بتواجد عيون نايف وعيون خالي .. إبتسمت : أرجوك وغلا أغلا غالي .. والله مايصير فيه شي .. رفع حاجب وكأنه موب فاهم : وش تقصدين ؟! إبتسمت له ومررت طرف أصبعي على عيوني أمسح الدمعه قبل ماتطيح وانكسر .. قلت : أبد بس قلت .. يمكن بالغلط .. أو .. يعني بالغلط يحترق ! ظل فتره يناظرني .. كنت خايفه مره ومشدده على يد تركي .. وكأني أطلب منه يخليني أقوى من كذا ! نايف وطي عيونك .. أو لا تناظرني ولا كأنك قلت شي ..! رفع لي خالي حاجب بعدها ولفوا .. يمشون بطريق أنا أعرفه .. ومشوا ! كتمت شهقتي : مايحبني ! إبتسم لي تركي : وش فيك صرتي زي مجود .. طايب وخالك مايحبك .. خيير ؟! ناظرته : أخاف على مجود .. أنت ماتخاف عليه ؟! شدد على يدي : وش بيسوي له يعني ؟! عادي .. ناظرته باعتراض : لا موب عادي .. أخاف يحترق وبعدين ولدي يخاف ويتعقد وينهبل .. رفع لي حاجب : ويعني انتي اللي متعقده ومهبولا ؟! سكتت ولا رديت .. هو مايحس وشلون لما يكون شي نار ويلسعهـ .. ولا قد جرب إحسساس الذل والقهر .. و ماجرب يكتم الدمعه ويحبسها .. هو أصلن حس انه بـ يوم بيبكي ؟! مسح لي دمعتي : لعاد تبكين خلاص .. لا تخافيني لو يصير فيه شي مممم .. ساره هو ولدي يعني لو صار فيه شي أنا مابرضى بس ما يحق لخالك أصلن .. هزيت راسي بـ أيه .. وكأني أتطمن من كلام تركي .., مسكني وهو مبتسم : والله وناسهـ .. ليت لو كل مره خالك ياخذه ويفكني .. أوف أسبوع كامل ! أدري أنهـ يخفف عني كذا ..! وأدري قد إييش تركي يحب مجود .. بس مدري قد أيش خالي يحبه .. وهو أصلن يحبه ؟! * |
((3)) أبتسمت له وتمتمت وأنا لافه : مممم ؟! سمعته : لفي علي وش أكلمك وأنتي معطيتني ظهرك .. لفي ثم قولي ! لا ياتركي ما أقدر .. أحسسن حل أقولك بنفسي قبل ما يقولك نايف .. لو أشرحلك كل شي أهون بكثير من أن نايف يعطيك المختصر .. ما أقدر ألف أخاف أضعف قدام عيونك .. عيونك بس ! لفني بهدوء : وش فيك حبيبتي ؟! تبين شي ؟! هزيت راسي بـ أيه .. كمل : آمري بس .. وش تبين ؟! جاتني الصيحه كيف يقولي كيذا ؟! أنا يمكن ما أستاهل .. ولا يمكن بنظري انا لأني أعرف نفسي من يوم فهمت على ذا الدنيا ..! رفعت عيني بهدوء : حبيبي لو سألتك .. هو وش الشي اللي ممكن يخليك تطلقني ؟! زفر : يوهـ ساره وانتي وش فيك .. " ناظرني بشك " أنتي تبينه عشان كذا تلمحين له ؟! شهقت : معاذ الله وش أبي فيه .. بسس حبيت أسأل .. اتجنبه يعني .. إبتسم : كلك كذا حلوة ولا تغيرين أي شي ولا تتجنبين أي شي .. أبيك زي ما أنتي ساره ! نزلت دمعتي : طايب لو قلت لك شي ؟! مسح دمعتي وهو يتمتم : وشهو ذا الشي اللي يبكي سارتي ؟! بلعت غصتي : منهو أنت عشان أحبك ؟! رفع حاجب : أفآ ! قلت أبرر : معليه .. أخطيت ودي يعني .. لو أقول .. " زفرت " أو خلاص ! كنت بهرب من نظراته البريئه .. ما أبي أضعف يكفي ! شدد على كتوفي وكانه يقولي أسمعك ..! ناظرته بتساؤل : ليه أنا .. ليه مو غيري ؟! ليه ساره بنت خالك ؟! إبتسم لي بـ سكون : نفس السؤال أسأله نفسي كل يوم وكل دقيقه .. ليه ساره .. ليه مو غيرها ؟! ناظرته ببراءه : يعني ما تعرف ؟! سمعته يتمتم : اكذب عليك لو قلت لك ما أعرفه ! ناظرته : وشهو ياتركي وشهو ؟! أيهـ .. لو كأن صعب تلقاه بتوكل على الله وبقولك .. ولو كان عادي ....؟! تنهد : هـ الحين وش فيك على ذا الأسئله ؟! سكتت فتره ثم قلت : أبعرف غلاي ياتركي .. يحق لي ؟! إبتسم : قبلها أسالك بالله ياساره تصدقين لو تجاوبين ؟! هزيت راسي بـ ألم .. خايفهـ يقولي وش كنتي تبين تقولين .. خايفه ! همس لي : هو أنتي تحبينني ؟! رفعت عيني له .. أناظره .. أحفظ ملامحه للمره المليون .. وطيت عيوني : سؤال ما أتوقع أني أنا ساره يسألني تركي .. " رفعت عيني " مشكله لاصرت ماتعرف غلاك ياتركي .. مشكلهـ .! هز راسه بتفهم : صح مشكله لا سألتني سارتي وش قد غلاي ! سكت فتره .. ثم قال : ناتج جمع ساره بـ تركي .. مجود ! ناظرته يكمل : وناتج تكرار ساره وتركي .. مجود .. نهال .. وسلمى .. ومحمد .. ووو " إبتسم " أعداد كثيره ما أحفظ أساميهن .. كتمت العبره وهزيت بـ أيه .. ناظرني : وناتج لما ينقسم تركي على ساره يبقى نصفهـ ! رفعت عيني له : نصفه ؟ هز راسه : لا تسأليني لـ مين نصف تركي الثاني ما بجاوبك .. قلت بغيره : بنت هي طآيب ؟! إبتسم أكثر : أنا شي أكبر من انك تسأليني ذا السؤال ! سكتنا فتره .. قلت : وناتج طرحي من حياتك ياتركي ؟! ناظرني : أعيش .. بس ميت ! طاحت دمعتي .. تعيش ياتركي تعيش .. جعلني ما أكون موجودة بعدك ! ما أتخيل الحياه .. إبتسمت الله يخليك لي ..! إبتعدت للباب وأنا أبتسسم .. تركي + سآره = ماجد .. تركي × سآره = عيالنا .. تركي - سآره = ولا شي ..! وهذآ أكثر شي عجبني .. لأني وثقت أن تركي مستحيل يتركني !! و ... تركي ÷ سآره = شيـ مآ فهمته .. يمكن يجي اليوم اللي أفهمه .. معقوله تركي كآن يحب ؟! إبتسمت .. للمره الألف سآره أقولك لقافتك على كل الناس إلا تركي .. حتى لو كان رجلك .. مستحيل يقولك .. تركي كذا الشي اللي أنت ما تكتشفه بنفسك مايقولك ! يمكن يجي اليوم وهو اللي يقولي .. أنا واثقه من ذا الشي .. زي ما أنا جيت وبقوله هو بيجيني يوم ويقولي !! وآثقهـ ..! * * * بين أيديني أغراضي الباقيه ناظرني فتره وطيت عيوني ووقفت بس أنتظره هو يقولي يلا !! سمعته : وش فييك ؟! رفعت عيني ورجعت وطيتها لما إصطدمت بـ عيون تركي . هزيت كتوفي : نتأخر ؟! إسترقت النظر له من خفيف شفته مبتسم بشويش مشى تجاهي .. قد إيش أحبك تركي ! شبك يدي بيدهـ : لا مانتأخر هـ الحين يجي بن خالك .. رفعت عيني له وتمتمت بهمس : لييهـ ..؟ لييهـ ..؟ لييهـ ..؟ وبعد لييهـ ..؟! ليهـ نآيف ؟! ليهـ مو فيصصل ؟! ليهـ موب عمي ؟! لييهـ أنت آللي تجيبه عندي غصصب ؟! لييهـ ..؟ إبتسم وهو رافع عيونه يناظر وكانه يدور على سيارة نايف .. سمعته : وش اللي ليه ؟! أخوك تدرين انه موب فاضيلنا .. سكتت مو لأني ماعندي رد .. لأني شفت سيارة نايف توقف عندنا وضرب بوري وهو مبتسم .. قال : الحمدلله على السلامهـ .. بلعت الغصه ولفيت بعيوني أناظر الفراغ .. كنت بروح له أشوف مجود بس خفت .. أيه خفت من نايف .. وخفت من نفسي ! رحت له بهدوء بتثاقل لما شفت تركي مشى وصعد بجنبه وعادي يتكلمون !! طليت من الشباك : وينه مجود ؟! رفع عينه لي .. بس رمش ! بسس رمش .. عادي كلنا نرمش .. بس حتى الرمش منه غير .. بـ بطئ مررهـ وكأنه يقصد اللي يسويهـ .! إضطربت وكررت سؤالي : وينه فيه مجود ؟! رفع حاجب لي وكأنه محتقرني .. طنشت .. قال : وين بيكون فيه يعني بالخُبر ..! ناظرت تركي اللي كان ساند راسه وقافل عيونه ويتنهد بين فتره والثانيه .. قلت بخوف : تركي وش فيك ؟! قال وهو باقي على وضعه : إصعدي ياساره خلنا نخلص ! همست له : تعبان ؟! هز راسه بـ لا وهو مبتسم : إنجزي علينآ .. شوفي كم صارت الساعه متأخر كثير .. فتحت عيني ورمشت : بتروح شغلك اليوم ؟! " بتعب " لييهـ ..؟! إبتسم : ترا باقي كاستين عندنا لا تخليني أسويها بسس .. سكتت فترهـ وانا مبتسمه .. الكاستين ! هو رماني بوآحده .. ثم أنا رميته بالثانيهـ .., سكتت فتره هو من جده تركي يخليني أصعد مع نايف ؟! قلت باعتراض : لا ماني بصاعدهـ .. بدق لأي أحد يجي لي .. مابي أصعد فيذا السياره .. تنهد بتعب .. وذابت معه كل عروقي .. ثم إبتسم بنص إبتسامه : حبيبتي أنتي .. وش اللي موب عاجبك بس .. إصعدي خلنا نخلص .. مسكت جوالي باعتراض .. وقلت أصرّف : أبي مجود وأنت بتروح للدمام أنا أبي مجود .. شوي وناظرني نايف : ترا بوي بيجي لك .. موب طاير ذا المجود .. أنقهرت منه قسم لولا الحيا قمت وفلعت راسه : كييفي .. ولدي .. وانا كيفي ..! قال وهو يشغل السياره : أجل فمان الله ماتلزمينني لجل انتظرك .. شفت ملامح الضيق على وجه تركي مستحيل أصعد .. قلت : خلاص أنا لو ياعساني أدق لفيصل ! شوي ووقفت سيارة قدام سيارة نايف .. أعرف سيارة مين ! سمعته بزفرهـ : وش عندك هنا أنت ؟! كان يناظره بنظرات غريبه مره .. نايف كأنه يصرّف الموضوع بـ انه مره منشغل .. هه !! كأنه خايف يواجه أبوهـ .. هو وش صاير أصلن ؟! معقوله خالي بنفسسه جاي لي ؟! هه !! أصحي سوير يمكنه جاي عشان نايف . موب ممكن إلا أكييد ! خالي بحدهـ : موب انا قلت لك انا بجي ؟! رفع عينه باين أنه شوي منحرج على مرتبك على شي زي كذا !! نايف يهز كتوفه : مدري كذا حسيت اني فاضي .. وما أطول عليك بروح وو .. " ناظرني " خذ بنت أختك أنت مقلقتني أبي مجود وأبي مجود .. ماصارت ولدك ..! رفع له خالي حاجب : مقلقتني ؟! أضربت .. هو خالي يعرف عني شي ؟! الله يستر مع ذا الوجه اللي هو أنا ! نايف إبتسم له باين أنه متضايق .. الظاهر عشان خالي يمكن يعرف شي .. أو يمكن شي انا ما أعرفهـ !! أشر لي وهو يمشي : هذا خالك .. ومشى .. ومعهم قلبي ولا أدري هو عشان تركي .. ولا ...؟! أوف سوير أصعدي بس .. صعدت بهدوء وإنصقعت من اللي معنا .. شلته بشوق وهو نايم .. بديت أمسح على وجهه : مجود .. مجود حبيبي أصحى .. فتح عيونه بانزعاج وظل يرمش ببراءه كأنه موب مصدق أن اللي معه أنا .. أمهـ ! فتح عينه بقوه : ماما أنتي وينك فيه ؟! طولتي ؟! إبتسمت له : يوهـ مجود مره وحشتني حنا دوبنا وصلنا للشرقيه .. كنت اتأكد بـ بصري أن مافيه حرق أبد ..! مجود : طآيب .. وينه فيه البابا ؟! داعبت طرف انفه بهدوء : ممم وينه فيه البابا ؟! يعني ماتدري ؟! هو بشغله .. فتح عينه : يعني حنا نسيناك ؟! إبتسمت على تفكيره : تخيل عاد ! .. لا هو انا بقيت فيه وأنت رحت للخُبر .. هو أعجبتك الخُبر ؟! هز راسه بـ أيه : مرره حلوة .. قلت باستفسار : وو .. وش أعجبك .. وش صاير .. أحكي لي ! سكت يناظر خالي اللي منشغل .. وأكثر شي شد انتباهي .. يده صايره بيضا من الشد على الدركسون .. خفت وقلت : طآيب .. نم حبيبي ألين ما نوصل البابا يقول بنروح لماما سلمى .. فتح عينه بقوة وبان لونها أكثر : صدق ؟! هزيت راسي بـ أيه .. على طول رمى نفسه علي بديت امسح عليه لين حسيته خلاص مره بينوم ..! لين وصلنا طبعن على طول مافيه تفاهم فتحت الباب .. وطلعت .. قلت : شكرن خالي .. مجود مصحصح الأخ : شكرن خالي .. كان وضع خالي عادي بس حسيته عصصب مره وبدون حتى مايسكر الباب مشى .. لين صار يلف وصفق ! هو وش صاير ؟! يلا عادي بكيفهم .. دخلت وأنا مره مشتاقه لعمتي وعمي .. ونجوى ونهى .. نورهـ .. وغيرها كثير ! شهقت عمتي يومنها شافتنا وجات بسرعه : الحمدلله على السلامه .. سلمت علي وتحضنني .. وش صاير ؟! وبعدها مسكت مجود وهي مره مبسوطه وشوي تبكي من الفرح .. كانت غيير ! قلت بخوف : فيه شي عمتي ؟! عمتي : وحشتيني يا امي وحشتيني .. وأنت مره فقدتك ..الحمدلله على السلامه .. " وكأنها دوبها تنتبه " وينه فيه تركي ؟! إبتسمت لذكر إسسمه : أبد بس .. تدرين يعني رايح شغلهـ .. " ضحكت " ما نكفيك يمه ؟! إبتسمت لي بحب : لا والله تسوون الدنيا بس تركي مالي غنى عنه .. تدرين وأنتي مجربه ! إبتسمت وأنا أسمع نوير .. لمتني بقوة : ياوجع يوجعك يا.. ساره مابشتّم فيك لان مجود روح عمته فيه بس والله وحشتيني .. إبتسمت لها بحب : خنقتيني ! نوير برفع حاجب : مافيه مشروع ؟! عقدت حاجبيني : أييش يعني ؟! سمعت ضحكة نهى وهي جايه : يختي على البراءه .. نوير تستفسر عن الشي الذي " رقّصت حاجبيها " لا تمتلكه هي بقوه ! عصصبت نوير : أحترمي نفسك بس مالت عليك ثمن على رجلك ثمن على نجود البايخه .. نجود .. كـ أي بزر سعودي متدلع .. بان الصوت كيف .. نهى : خير تبكينها وأنا أبلش .. نوير تقلدها : بنتك وانا أبلش ؟! " لفت لي " فيهـ مشروع صح ؟! شفت نهى تتكلم مع نجود بس طنشت عادي خخ .. شوي وراحت ! نجوى وهي تضحك : مشاريع على ذا الشهر موب بس مشروع .. عمتي وهي شايله مجود : أستحي يابت ! نجوى بقهر : أيووهـ تكلمت أم الحفيد ورددت كلامها أمي .. يمه تراني أنا بنتك .. أبتسمت .. أم الحفيد ! راحت عمتي وطنشت الكل بس .. بيدها ولي العهد ! دخلت بسرعه شفت عمي وناصر على طول تغطيت .. أصلن ناصر ماناظر .. لأنه يدري اليوم نوصل ..,؛ سمعته : الحمدلله على سلامتك أم ماجد .. إبتسمت .. أنا أم ماجد ..! قلت : الله يسلمك .. ناصر : وينهم ماجد وتركي أجل ؟! قلت : مجود عند عمتي .. وتركي تعرف رايح شغلهـ .. عمي عقد حاجبينه : وشهوله يروح ؟! هزيت كتوفي : مدري ياعمي وش طاقن بمزاج ولد أختك .. جلست نهى جنب ناصر أما أنا أستأذت ورحت مع نجوى ونوره للمقلط شفنا فيه عمتي .. جلسنا فتره أنا كنت بس ساكته .. مدري أي شعور اللي خلاني أمسك جوالي وأدق لتركي .. على طول رد : يآ شسمه .. هلاآ .. وأهلين .. وغلا .. ومسهلا .. ويامساء الورد .. ويا شسمه بعد . إبتسمت : كل ذاه لي ؟! سمعته يتمتم فتره ثم ضحك : آييش ؟! حسيت أن الدم تجمع بوجهي من القهر .. هـ الحين يتركني انا عشان نايف ؟! تمتمت : ولا شي ! سمعت نبرته شوي شوي .. وكأنها تذوب بشي ..! تركي : وش فيهآ غلا تركي .. متضايقه من شي .. أو لييت شي في بالي ..! إبتسمت بس وأنا أناظر وجيه البنات كلن ملتهي بحاله .. همست : وشهو الشي .. يمكنه صح ..؟! سمعت همهمته : ليت لو يوم تقولين أشتقت لك .. أحبك .. شي زي كذا لو بالغلط ! إبتسمت بخجل وكأنه قبالي : مممم ؟! كمل : يعني تحسسيني أني لاصقن بوجهك طول العمر .. يعني بالشرقاوي غثهـ .. إبتسمت .. وآلله ما مليتك لو تبقى بوجهي .. أصلن حلم عندي ! وليتني أقدر أقول ذا الحكي عند تركي .. همهمت : مممم ؟! سمعته : وش ممم قولي شي .. مدري أي هبال اللي جاني : منهو اللي بجنبك ؟! زفر : ولا أحد .. تلقفت بس بشويش .. همست : وينه فيه بن خالي ؟! سكت فتره ثم قال : تسأل عن بن خالي وأنا .. طآيب يا سآره ! ذابت إبتسامتي .. مو قصدي ياتركي أسألك عنهـ .. قلت أصرف : جد وينك فيه .. سمعته يتكلم بـ بطئ : واللهي دوبني وصلت وو .. يعني خرجت من السياره ودخلت ..! سكتت .. كمل : مدري وش عنده أخوك كان موقف بجنب بن خالك .. بلعت ريقي الله يستر .. قايله أنا فيه شي ولا ليه أدق وأسأل ؟! تخيلي سوير يقولهـ .. وفصيل يجيب فيني العيد ؟! نفضت الأفكار من بالي : ممممم وبعد ؟! سمعته : وش بعد ؟! همست له : أتكلم ياتركي لين بكرا والله ما أقولك أسكت .. بس أتكلم ..! همهم بسكون : هممممم .. حسيت أني بذوب ومره تهورت .. قلت : أيهـ بس كذا .. توصي شي ؟! سمعته كنه يعاتب : سوير انتي ليه كذا .. خليني أعيش معك جو لو يوم واحد بذا الحياه .. طاح وجهي .. قلت : وش فيك اليوم أنت ؟! سمعته يزفر : ولا أي شي .. أنت وينك فيه ؟! أبتسمت .. أحبه لما يحسسني أنه شوي زعلان .. قلت : أبد مع أمك وأخواتك .. سمعته : وبن عمي وينه ؟! بلمت : منهو بن عمك ؟! حسيته يبتسم مدري ليه : بن عمي يعني ناصر .. خيبه بس وش فيني أنا والله أني رايحه فيها .. ليه ما أفهم لما حد ينسب الشخص له ؟! قلت : مدري الظاهر أنه طلع .. مدري نهى هنا ولا نهى ماتخليه .. تركي : ممم حلو أجل .. سكتنا فتره .. قلت : تركي من جدك فيصل عند نايف ؟! همهم لي .. قلت : أها ! طايب توصيني بشي ؟! زفر : لا .. إبتسمت : أنتبه لنفسك .. وترفق بمشيك بشويش .. الجو يبرد شوي لو أحتجت شي برسله لك .. سمعته ضحكته : حلوهـ ترسلينه .. تسلمين ! سكتت وقفلت بس كذا تطمنت على تركي .. بس أشغلني نايف وش عنده مع فيصل ؟! مدري ليه ماني بمرتاحه ..؟! نايف وفيصل عادي يعني أيام الخبر كانوا حلوين يعني بس .. مدري وش براس نايف .. والله يستر ..! سمعت عمتي : وينه رجلك عنك يفكني من شرك ؟! نجوى : تطمني يمه ناصر وفيصل وسامر موب جايين .. وكأنك تبين تسألين سوير وش صار معها ؟ صح يمه أسالي حنا معك .. عمتي عصبت : شايفتني ملقوفه مثلك ؟! يارب بنتك تطلع مثلك وتذوقين الجنون على يدها !! أبتسمت نجوى : يمه تتوقعين وش اسم بنتي ؟! يمه على اسمك .. سلمى .. فيصل يقول نهال بس قلت لا خل نهال لساره أمها وأنا أمي كمان .. سكتت وأنا أسمع نبرة نجوى الصادقه العفويه .. وهـ بس ياحظك فيصل .. أبتسمت لها عمتي : ومتى تيجي نهال ومتى تيجي سلمى ؟! قطت نهى : إذا جاء جلال .. عمتي تجاريهم : ومتى يجي جلال ؟! نورة : لا جاء عمر .. عمتي : ومتى يجي عمر ؟! إبتسمت نوره : قريب أن شاء الله .. رفعت لها حاجب : نووير أنتي .... قاطعتني : ياليت ! نهى : تركدي بس لاتصيرين مطفوقه يعافك رجلك .. تنهدت وإنسدحت على رجل أمها .. سكتنا فتره حسيت بوخزه بقلبي عضيت على شفتي الله يستر دام فيصل مع نايف .. قلت : نجووود ناظرتني .. قلت : توقعي أيش جوبتلك ؟! إبتسمت وهزت كتوفها .. تجنن ذا البنت .. نهى : لا تخلين بنتي تصير كذا على طول اعطيها " ضحكت " متشوقه أشوف وش جايبه .. إبتسمت : باقي بسياره نايف ولد خالي .. رجع لي الوخز بسم الله اللهم أجعله خير .. لفيت اناظر عمتي اللي تلاعب نوير كنها بزر .. ورجع لي الوخز !! تركي أكيد به شي .. بس أنا دوبني كلمته ..؟! عمتي : ساره وش بك انقلب لونك ؟! ناظرتها بصدق : مدري وخزات ! عمتي : سمي بالله بس وتعوذي من ابليس .. مسكت جوالي : اعوذ بالله منه .. ودقيت ! أحس اني بموت على ما يرد ..,؛ ناظرت الساعه كانت عشر وربع .. يارب تركي يرد علي على الاقل اتطمن .. سمعت : مسرع ماطرا لك الشوق .. تنفست : تركي أنت بك شي ؟! سمعته : لا ! حبيبتي جنيتي ؟! باقي بس ممم شوي وأجي عندك .. سكتت وأنا أناظر عمتي .. سمعته : عارفه لو أننا جالسين الليله بس .. حلو ؟! قلت بهمس : ليه ؟! سمعته : منتي عارفه تاريخ إييش اليوم ؟! طايب بقولك .. قاطعته وأنا أتذكر التاريخ : إلا ! ملكتنا .., سمعت نبرته اللي تجنني : حلو تذكري .. قمت لما شفت نظرات نجوى : أكييد ممم كان ودي اسويها شي مفاجأة .. بس حسافهـ .. حسيته يبتسم : ممم تسهرين معي الليله ونصرّف مجود ؟! حسيت بوجهي يولع : مممم وش ناوي عليه ؟! سمعته : على نهال تجي .. وطيت راسي بخجل وكأنه قبالي : ترفق ! تنهد وطلعت منه آهـ صغيره .. همست له : وش فيك .. سلامتك ؟! سمعته : أحم وعليكم السـ... طوط .. طوط .. طوط ! رجعت إلى الصاله .. هه اخلاق حبيبي بس معذور اكيد دخل عليه حد .. نجوى برجه : هاه تطمنتي ؟! ساعه كامله عشان كيذا ؟! قلت : أحلفي صارت 12 ؟! ضحكت : شكيت ترا انك داقه لجل الشوق ومافيه نغزات أبد .. أنقلب لوني وجلست وبحضني مجود : مدري يانجوى مجود وبحضني نايم ماصايبه شي وتركي دوبني قفلت منه " ضغطت على قلبي " مدري ليه ذا النغزات اجل ..! نهى : الليله ذكرى يوم ملكك تركي ؟! إبتسمت بهدوء .. هو ملكني صحيح من يومها !! هزيت راسي بـ أيه : وش دراك ؟! نهى بضحكه : صراحه موب قوه ذاكره مني سمعتك تقولين وذكرت .. أبتسمت بخجل .. نجوى : ناويين على شي أنتي معه ؟! عصبت عمتي : قدامي ياناقصة الحيا ماتستحين انتي ؟! وش مدخلك بينهم .. برطمت : يمه اخوي وبنت خالي ! إبتسمت .. جايتك تهزيئه يابعدي .. عمتي بدأت بالمحاضره أكتفيت بـ اني أفتح جوالي وأقفله .. ورجع الوخز للمره الرابعه حبست أنفاسي فتره من الفكره اللي طرت لي .. مانقز قلبي إلا لشخصين بحياتي نايف أو تركي .. نايف ؟! إذا ماكان تركي يعني ....... ؟! لاآإ ! ساره أنتي ماتحبين نايف .. كلك لتركي وش تبين بنايف ؟ لا يحبه قلبك ياساره .. هذي خيانه وشلون قلبك باقي يفز له ؟! بلعت غصه ممزوجه بحيره وآهات .. يعني نايف صابه شي ؟! ياويلي ! سكتت فتره .. اخاف على نايف ؟! ناظرت نجوى : تاخذين مجود ؟! سمعت عمتي : إيه آخذه .. حطيته عند عمتي .. نجوى : أيه مجود و... طلعت من المقلط ورحت للصاله وأنا كاتمه الدمعه .. دقيت على فيصل : هلا ! قلت بهدوء : أهليين .. وينك فيه باقي مع نايف ؟! سمعته : لا لي فتره تاركه .. لييه ؟! طنشته : وينك فيه اجل ؟! قال : والله أفكر أروح للاستراحه .. تبين شي ؟! يلعن أبو المقدمات .. قلت : رح لنايف وشف وش به .. كرر كلامي : وش به ؟! قلت : رح أنت وشفه قلبي موب متطمن أبد .. همس : صاير شي عندكم ؟! مسحت دمعتي : لا بس .. تخيل فيصل حسيت بوخزات بقلبي والله ماهي بطبيعيه ! صرخ فيني : مهبولا أنتي ؟! أكيد تركي .. على طول كذا نايف ؟! تفهمين وش تقولين أنتي ؟! نزلت الدمعه ومسحتها : أفهم يافيصل وياليتني أنهبلت .. وياليتني ما أفهم ! تركي بخير ومجود كمان .. من بقى ؟! سألني بنبره شك : تحبين نايف ياساره ؟! تنهدت بـ ضياع : مدري يافيصل .. مدري ! كأنه عصصب فيني : وبكل قوة عين مدري ؟ مفترض يامدام تتأكدين وبكل ثقه تقولين لا .. مافكرتي بتركي وحياته اللي منقلبه عشانك انتي وولدك ؟! تفاهاتك أنك باقي تحبين ولد خالك ... قاطعته : فيصل تكفى رح شف وش به ! عنّد : موب رايح .. ومحد يسمع كلامك وياليتني مارديت ولا سمعت ذا الرد .. بكل بساطه مدري ! تنفست : طيب سلام ! قفلت ورجعت بعد ما مسحت دموعي .. ساره وش تفكرين فيه ؟! نايف اللي أرخص قدرك وتركي اللي رفعه للسما ..! أي ميزان عادل اللي تقارنين نايف بتركي .. وتساوينه فيه ؟! ومهما حبيتي نايف أو غيره تركي رجلك وأنتي كلك ملكه .. ناظرتني عمتي أخذت مجود كأني مبرمجه وحطيته على رجلي وبديت أهز توتر .. نسيتي جروحك وشلون أهانك وأخذ سلمى ؟! نسيتي شهور الإنتظار ؟! نسيتي إتصالاته لـ تركي وجيّاته وروحاته .. وش هدفه غير يهدم حياتك بـ أنانيه ؟! مسحت دمعتي بكل هدوء .. وبكل صدق أكرهك يانايف قلتها مليون مره ولكن يشهد ربي ذا المره صدق ومستحيل أحب غير رجلي اللي جاني بكل حب الدنيا .. عمتي : وش بلاك ناويه بكى ؟! رفعت عيني : مدري ؟ ناظرتني بخوف : تركي ولدي فيه شي ؟! شوي وأبكي : مدري ؟! طفشت مني : وش بك ياساره ؟ ناظرتها ووطيت عيوني : مدري " تنهدت " الله يستر من اللي صايبه شي ؟! عمتي : تطمنتي على تركي ؟! هزيت أيه : وفيصل كمان .. سكتنا فتره ثم ناظرت الساعه بعد فتره يووهـ .. 11 وثلث .. أسندت راسي على الكنبه وطرت لعالم ثاني بـ أفكاري معقوله لحد الآن مانسيته ؟! معقوله ان قلبي باقي يفز له ؟! نايف أنت وش سويت فيني ؟! أرجوك أطلع من بالي والله لي فتره ماذكرتك لاني أحب تركي .. بس دام تركي مافيه شي من غيرك اللي فز قلبي له ؟! الموضوع ببساطه ينتهي بسؤال واحد والإجابه مقسومه .. مستحيل يكون مجود وهو بحضني .. تركي أو نايف ؟! لما صارت الساعه واحده الا .. هزيت مجود : حبيبي أصحى نومت كثير طلع أبوك من شغله ماتستحي يقابلك مشتاقلك وأنت نايم ؟! مجود ..! الشي اللي قاطعني وخز بقوة وبدا قلبي يطرق بقوه وتنفست بسرعه وانا أناظر عمتي اللي تناظرني بخوف .. إذا رجعت البيت مع تركي بسلامه أكيد باقي أحب نايف .. كنت أدعي بسري ما أرجع يصيبني حرق أنجلط أطيح من طولي .. المهم ما أرجع وتكون خيانه لتركي ..؛ شوي ورن جوالي كنت بفز له باخذه من نوير بس مجود معي .. نوره : تركي ! سحبته بلهفه : آلو .. سمعته : شوفي دقايق وأكون عندك أمر اسلم على أمي والله حتى خمس دقايق ماتجي ألقاك عند الباب .. كتمت دمعتي يعني نايف ؟! همست له : ليييهـ ؟! تنفس برواقه : مشتاقلك ! عضيت على شفتي نزلت دمعتي على طول مسحتها وهمهمت : هممم ؟! سمعته يمط الحروف : هاذي كل السالفه ! ضحكت بهدوء والعبره خانقتني .. همست : ماعندك سالفه أجل ! سمعت ضحكته .. فز لها قلبي وصار يدق : أيه ماعندي سالفه ؟! ما أحبك ! ضحك .. وفجأه قفل الخط بوجهي .. غمضت عيوني بـ ألم وغطيت وجهي أشاهق بس حابسه الدمعه المتعلقه .. لأن تركي مايحب يشوفها ! حسيت بعمتي : وش فيك يابنت أخوي ؟! وتركي وماجد معك ؟! بلاك ياعمتي ماتدرين يعني نايف باقي أحبه .. هزيت نفي ولبست حجابي ورتبت عبايتي .. ورتبت ملابس مجود النايم وجلست انتظره وقلبي طبول .. أناظر الساعه تأخر !! شوي ورن جوالي على طول رديت : أهليين .. والله جاهزه ولا تعصب .. أطلع لك ؟! سمعت فيصل : ساره ! أفتشلت ناظرت الرقم يافشيلتي بس يقول عني مو مسجله رقمه .. قلت : نعـم ؟! كان ساكت اكيد نايف فيه شي .. ناظرت عمتي : فيصل اهلي بالخُبر فيهم شي ؟! ساكت ! نفذ صبري : أحكي أرجوك ! سمعته : لا والله يا أختي البلا مهو بنايف .. سكت فتره ثم قال : البلا بتركي ! شهقت برجفه : وش به ؟! سمعته : أهدئي والله أن سمعتك تبكين .. هزيت أيه : طيب طيب .. بس قل ! فيصل : بمرك هـ الحين نروح له بالمستشفى مره ! كتمت شهقتي بس لجل مايقفل : وش صابه يافيصل ؟! همس لي : ووو .. هو .. واحد وسيارته .. وو .. على الكراسي الأماميه .. ثم تركي و... أنفجعت لاني حللت الكلمات وترجمتها : وأنت وينك .. وهو وينه ؟! أشرت لي نجوى مين .. طنشتها .. كمل : نايف ينتظر المرور مع الرجال .. كررت سؤالي : هو وينه ؟ تركي ؟! فيصل : جاي لك باخذك له .. قفلت الخط وزي المبرمجه لبست البرقع .. يعني انا أحب تركي ؟! يعني مو نايف ؟! تركي ؟! مسكتني عمتي : حلفتك ياساره بغلا مجود وش به ولدي ؟! مسكت عبرتي وقلت أمط الحروف وكأني اخفف تأثيرها القوي : حادث ! شهقت .. سمعت بوري لفيصل أخذت مجود وهربت منهم .. كفايه ! صعدت بجنب فيصل وعلى طول حرك .. قلت بلهفه : فيصل شفت تركي ؟! هز راسه بـ ايه : يبيك أنتي .! بلعت الغصه وش قصدك ؟! تركي مستحيل يموت .. شي بداخلي يأكد لي .. مدري وشهو ؟! بس احس فيه ..! تركي .. و.. حبيبي ..! يوم أني الحين سلمت لك كل خليه وشريان وتاكدت من حبي لك وكرهي له ؟! ناظرت مجود النايم مايدري وش بها امه ولا أبوه .. وقفنا وعلى طول نزلت وفيصل معي .. سمعت صوت نايف على طول لفيت .. قال : الدور الخامس .. العنايه المركزه .. الغرفه ميه وإثنين وعشرين .. هزيت بـ طيب ودخلت المصعد مقدرين انه رجلي ومحد جاء معي .. مسكت مجود لما إنفتح الباب .. كم رقم الغرفه قال نايف ؟! كنت حابسه دموعي لا أبكي .. شفت النيرس : أكس كيوز مي .. ناظرتني : آمري ؟! قلت برجفه : ممم تركي .. غرفته وين ؟! ناظرتني فتره : تركي أييش ؟! مع وجهي كم تركي بـ الدنيا ؟! .. قلت : تركي بن ماجد بن ناصر عمران .؟! قالت : شوفي تمشين خط مستقيم أول لفه عندك على اليسار العنايه .. ثاني غرفه تكون بوجهك .. مشيت أركض لين وصلت فتحت الباب شفت النيرسز ومعهم الدكتوره .. قهرني ! أجل الغرفه كلها بنات ؟! وصلت للسرير بهدوء زي ما أشرت لي الدكتوره .. أنصعقت من شكله .. ماكان تركي .. معقوله اللي عمل الحادث موب تركي ؟! هذا مو تركي .. تركي أبيض وهذا ...؟! صوت الأجهزة يرعب بشكل كبير وكأنه يدق مع دقات قلبي .. أشكال الأجهزة .. اللي موصله فييهـ ..! وشكل الغرفه وفيهآ دكتوره وبيدها أوراق .. تناظرها وترجع تناظر تركي ! تناظر تركي اللي كان متمدد .. وأحس فيهـ لأني منهـ .., صوت الجهاز .. يندمج مع ونات تركي العفويه .. الطفوليه .. اللي تدل على الألم .. تمتزج معها عشان تكون موسيقى كلاسيكيه .. حزينه ! شكل النيرسز الثنتين .. وهن يناظرن تركي وبس ..!! نزلت دموعي وأبعدت البرقع .. وتقربت له : تركي ! كان ساكت ناظرت الدكتوره اللي فهمت : يحس لك لا تخلينه يتكلم .. حطيت مجود على الكرسي وقربت أكثر ومسكت يده أحسسه بوجودي أكيد يعرف يدي ! همست بخنقه : حبيبي سارتك جات آمرني بس .. وأنا كلي لك ؟! سمعت صوته الواطي متقطع : بقولك شي .. ناظرتهن اللي فهمن : إذا صار له شي أضغطي هنا أي صوت من أي جهاز .. هزيت أيه وطلعن .. قلت : لبيهـ ياروح سآره ؟! سمعت همسه : بس .. احبك ! سكتت فترره ودموعي على خدي .. أمسحها وتجي غيرها !! قلت : هممم حبيبي .. وانا بقولك شي .. أدري موب وقته بس لزوم تعرفه لانك رجلي .. شفته يحاول يحرك حاجبينه وكانه مستكلف يقول وشهو ؟! شوي وبدا يفتح عيونه بـ بطئ .. على طول حطيت يدي عليها : تكفى لا تناظرني ما أتحمل ياتركي نظراتك البريئه .. ما أتحمل نظرات العتاب ليه خبيت عليك .. بس والله كثير نويت أقول لك .. نظراتك الشي الوحيد اللي كان بوجهي " همست " آسسفهـ ! أخذت نفس ثم كملت بدموعي : حبيبي .. شي واحد خبيته عنك توقعته مابيهم لكن أثر كثير على حياتنا .. ممم صدقني ياتركي ماحبيته بقدك ومثل ماهو تأكد أني أحبك بخليك تتاكد .. لو قلت أموت فيك مابتكفي .. كنا بالخُبر ياتركي ما أعرفك .. ويشهد الله لو عرفتك ماحبيته .. تسامحني ياتركي ؟! أبوس رجلك قل مذورة ياسارتي !! .: نهاية الجزء السآدس وآلثلاآثون :. |
.: الجزء الأخير :. " عشـآإن آلحب ..! " / \ / ((1)) " حبيبي .. مهلاآ قليلاآ .. ضُمني بين يديك .. أجعل أحضانك موطني .. أشتقت أن تضمني .. أما أشتقت لتقبيلي ؟! " همست بخنقه : حبيبي سارتك جات آمرني بس .. وأنا كلي لك ؟! سمعت صوته الواطي متقطع : بقولك شي .. ناظرتهن اللي فهمن : إذا صار له شي أضغطي هنا أي صوت من أي جهاز .. هزيت أيه وطلعن .. قلت : لبيهـ ياروح سآره ؟! سمعت همسه : بس .. احبك ! سكتت فترره ودموعي على خدي .. أمسحها وتجي غيرها !! قلت : هممم حبيبي .. وانا بقولك شي .. أدري موب وقته بس لزوم تعرفه لانك رجلي .. شفته يحاول يحرك حاجبينه وكانه مستكلف يقول وشهو ؟! شوي وبدا يفتح عيونه بـ بطئ .. على طول حطيت يدي عليها : تكفى لا تناظرني ما أتحمل ياتركي نظراتك البريئه .. ما أتحمل نظرات العتاب ليه خبيت عليك .. بس والله كثير نويت أقول لك .. نظراتك الشي الوحيد اللي كان بوجهي " همست " آسسفهـ ! أخذت نفس ثم كملت بدموعي : حبيبي .. شي واحد خبيته عنك توقعته مابيهم لكن أثر كثير على حياتنا .. ممم صدقني ياتركي ماحبيته بقدك ومثل ماهو تأكد أني أحبك بخليك تتاكد .. لو قلت أموت فيك مابتكفي .. كنا بالخُبر ياتركي ما أعرفك .. ويشهد الله لو عرفتك ماحبيته .. تسامحني ياتركي ؟! أبوس رجلك قل مذورة ياسارتي !! سمعته : أها !! مدري هو قال أها ولا قال آهـ ! سمعت صوته الواطي : ولجل كذا كل يوم والثاني متى تطلقني ؟! حسيت بكل شموخي ينهد .. بست يده : والله ياتركي ماقلت لك أحبك إلا وقد نسيته حتى قبل نملك .. وكان على حبك أيه ياتركي أحبك .. وأعشقك .. " همست " أرجاك تسامحني ..! سكتت فتره ثم كملت : تكفى أفهم أني أحبك ومستحيل أتخلى عنك .. تكفى .., ساكت عني .. قلت : حبيبي .. تسمعني ؟! باقي هو مطنش ولا أيش ؟ .. كملت : تركي أحبك لا تخليني بعد ماتركت قلبي ياخذ راحته معك أيه أحبك ولآخر يوم لي أحبك وأكرهه بكل ذره فيني .. إذا موب عشاني ياتركي عشان مجود .. ولو يهون عليك " مسحت دمعتي " خل خاطر كلمة احبك اللي بلساني نطقتها قبل شوي .. عشآن الحب ياتركي عشانه .. " همست " لا تتركني ..! حسيته يضغط على يدي وكانه يقولي أنا معك .. ويحسسني بوجوده .. سمعت صوت جهاز بديت أناظر وين مكانه كان على رجله ضغطت بسرعه وعلى طول جانني شفتهن منشغلات شوي .. وهدن .. ناظرتها : وش به .. بيعيش ؟! هزت كتوفها : كل شي بمشيئة ربي .. 50 بالميه يعيش .. بس لو عاش يكون .. " ناظرتني " مايتحرك ! فتحت عيوني من الصدمه غمضتها ونزلت دموعي .. قالت : لا تخافي ممكن بعدها يسافر ويرجع زي ماكان بس مانقدر نسوي له شي وهو لحد الآن بين الصحوه وبين الإغماء !! هه ! تقول طبيعي .. رحت له بجنون : وربي راضيتن فيك لو فيك كل بلا بذا الدنيا لا تتحرك ولا تسمع ولا تتكلم ولا تشوف .. يكفيني أحساسي بـ أنك معي تحوطني .. وتشم الهوى آللي سارتك تشمه .. ضغط على يدي غمضت عيوني حابسه دمعة جديدة من تصوّر المنظر .. تركي وعلى كرسي ؟! طلعت مني شهقه رجع وضغط كأنه يقول لا تبكين .. قلت : مسامحني ؟! ساكت .. ناظرت النيرس : ليه مايتكلم معي ؟! وطت عيونها وبس .. نزلت دموعي : قل مسموحه تكفى .. أطلق آه صغيره .. ناظرتهن : يقول آهـ !! طاحت الدمعه .. سكتت .. ماعندي رد .. ولا عندي سؤال .. ولا عندي أي شي ممكن أحكي فيه ! ناظرت مجود اللي نايم ببراءه ونزل دمعتي بـ سكون .. همست : تذكر وش وعدتني فيه ؟ ليلة ملكتنا .. قلت ما بتخليني .. حتى بـ أيطاليا .. حتى يومنا بـ مكه .. ويوم رحنا للمدينه كمان .. قلت مابتخليني تذكر ؟! مسحت دموعي بباطن كفي : شف تركي هذي دموعي .. سارتك تبكي قم ياتركي وامسح دموعها قم ياتركي ما أتحمل أكثر من كذا والله الكل راح وخلاني .. تتركني أنت بعد ؟ مستحيل تنفصل روحي عن روحك ؟! هذا مقدار الحب عندك ؟! بس عشان شي صغير .. تافه ؟! موب كبير إلا عندك " صرخت فيه بتعب " رب العالمين يغفر ليه انت لا ؟! أكبر منه ؟! " تمتمت " وش تبي قلي وأنا أسويه .. دفنت راسي بصدره بهدوء : قم أصفعني زي هذيك المره تذكر ؟ .. قم باقي كاسة أكسرها تحت رجلي .. قم وخلك تركي الدمامي اللي مطفش بنت خاله .. أنت بس قم وقل مسامحني ! هزيته : قم ياتركي لا تتغلى كثير .. سمعت صوت : مآمـآإ !! ناظرته بعيوني اللي تدمع ومسحتها : مجود صحيت ؟ كان يتجول ببصره المكان سحبته وحطيته جنب تركي وشبكت ايدينهم .. قلت : مجود قل للبابا يسامحني .. ناظرني بـ براءه : قل له يسامحني .. سمعته : بابا تركي .. سامح ماما .. مره تبكي ! ناظرته كان عاقد حاجبينه وكأنه موب ناويي يسامحني .. مشّيت أنفي بـ ظهر يدي : ساره تحبك .., تمتم لي بصوت مره واطي باليالله سمعته .. وكأنه يهمس لـ شي صغير مره .. تركي : حتى أنا أحبها ! إبتسمت بـ أمل : طآيب .. مسامحني ؟! خفف من شد يده علي .. همس : تركي مايحاسبك على شي راح .. لأنه يحبك ! طاحت دموعي من الفرحه .. وش أقول ..؟ ووش أسوي ؟! ناظرته : أجل قم معي .. الليله أنت ملكتني .. وكل ليلة مالكني .. والله كلها أربع سنوات من يوم زفتنا والله جننتني فيك .. " ناظرت الساعه 4 إلا ثلث " تذكر كنت ذا الوقت طالعه منك وصاعده لغرفتي تدري وش كنت أسوي ؟! كنت اناظر صورتك بـ سلسال .. ونمت .. تدري وش عليه نمت ؟! على صوتك وذكراك .. تدري وش همست فيه لك ؟! بيني وبين نفسي مستحيل يكون نفاق .. همست أحبك !! حسيت بـ يد علي رفعت عيني كانت نيرس : أستغفري الله وأدعيله يمكن ربي يرحمه ! رمشت بسكون : وش قصدك ..؟! إبتسمت لي بأمل : ما أقول شي بس .. يعني .. حنا ماعندنا أي شي نسويه وما نقدر نسوي أي شي وتطلع مضاعفات .. أو حتى وهو كذا .. يعني .. لو ربي قال أنه يبقى أو .. يسلم أمانته .. فتحت عيني .. هي وش تخربط ؟! هي وش تقول ؟! هي وشلون تتجرأ وتقول عن تركي كذا ؟! طاحت دمعتي على يد تركي : تسمع وش تقول عنك ؟! ميب صاحيه ! سمعت صوت فيصل : ساره انتي باقي هنا ؟! رفعت عيني كان معه نايف معطيني ظهره ولاف على تركي ومميل عليه وكأنه يسمع وش يقول له .. ناظرت فيصل وإبتسمت له : مافيه أمل .. ولا فيه نهال ولا محمد .. إلا فيه ولدك مم ولا فيه تركي ولا ساره ولا نايف .. الكل مافيه !! ناظرني : تفاءلي يامجنونه .. ناظرته بقهر : إيه بجن .. أيه ماتشوفه كيف ؟! مجود ناظر البابا بيعيش ؟! سكت يناظرني بـ براءه .. لف نايف وناظرني فتره ثم طلع .. رجعت دقات القلب باضطراب وهدوء مره كذا ومره كذا .. سمعت الدكتورة : أبعدوا .. أبعدوا فيه أمل .. الأمل بربي كبير .. بهدوء طلعت وبين أيديني مجود اللي أخذه فيصل .. وطلعنا وتركنا تركي بلحاله !! وأحس قلبي تجدد وكأنه ينتظر هذي الكلمه أن تركي بيعيش .. سمعت فيصل : لو تركي فيه مايسمح لك تكشفين وشعرك كذا .. قطعت قلبي كلمته .. إلا هو حي بإرادة ربي عندي ثقه .. لفيت حجابي عدل وبقيت أنتظر ومجود يلاحقني بنظراته رايحه وجايه .. طولوا ؟! أنتظرت ربع ساعه ثم قررت أروح أشوف بس بشوف ماني بمسويه شي .. تحركت متجهه للغرفه بس تفاجأت من ظهور الدكتورة اللي أبتسمت لي .. رجعت لها الإبتسامه باطمئنان .. أبتعدت عني وراحت لفيصل شوي وشفت نايف جاي بهدوء وسحب من فيصل مجود مدري ليه بس كيفه موب شغلي رغم اني ما أرضى يتلوث ولدي بس ألحين ماني بفاضيه له .. كانت واقفه تتكلم مع فيصل .. شفته ممرضتين وممرض واحد يدفون سرير .. تلاشت إبتسامتي اللي كان مطمنني أنه موب تركي .. ان غرفة تركي ماكان بها ممرض .. رحت للدكتوره أسمع وش صاير .. لقطت كلمة واحده : يطلبك الحل !! كل تفكير بهذي اللحظه عندي وقف رحت أركض للسرير الأبيض اللي مزين باللون الأحمر وكشفت كنت بناظر الوجه لولا صرخة فيصل : ساره ! رفعت عيني له بهدوء وش به ذاه ماني بمسويه شي بس بشوف كانه تركي ولا لا .. ماودي اناظر .. ماودي انفجع .. لا موب تركي .. موب أبو ماجد .. واحد ما أعرفه ولا يقربلي .. ناظرت نايف اللي كان شايل مجود غمضت عيوني ووطيت راسي ثم فتحتها .. وناظرته وأرتعشت ووقفت كل شعره بجسمي .. انشل مخي كان عندي أمل واح بس تلاشى .. وجهه البريئ .. الطفولي المبتسم .. والمبرطم !! تمتمت : مدري ياتركي انت تقلد لماجد بآلبراءه ولا هو اللي يقلدك ! تحسست مكان أول كف أعطيته له وآخر كف لأني ما تجرأت .. تحسسته بحنان وأنا أبلع الغصه .. همست له : تركي أنت مت ؟! وين روحك تلمني وتمسح دموعي ؟! ماكملت جملتي إلا وطحت بدون احسساس ..! وكان آخر صوت سمعته صرخه مجود .. تعلن ضياعه .. وكأنه حس أنه معاده بيشوف أبوه مره جديدة .. تعبير طفولي تقليد لأبوه ..! طحت من طولي لأني كتمت كثير .. لأني ماقد بكيت .. لأني كنت أطنش كل هم .. لين تراكم علي ..! فقدتكـ يآ أعز آلنـآإس .. فقدت آلحب وآلطيبهـ .. وآنآإ من لي بـ هـ آلدنيآإ .. سسوآكـ ! إن طـآإلت آلغ ـيبهـ ..؟! * فتحت عيوني بـ بطئ شديد كان ظلام مره باين انه المغرب تجولت ببصري كانت غرفتي اللي بالخبر ؟! كان نور بسيط شفت منه كل شي .. غرفتي .. ألواحي آلخشبيه آللي أذاكر فيها .. نفس كل شي بحياتي بالخبر .. ناظرت كوم الملابس المبعثره عند الدولاب وكل شي .. المنبه .. كتبي لثالث ثنوي .. شخبطاتي .. كتب فيصل .. كاسيتز راشد .. ناظرت ملابسي عادي بيجاما ! فتحت النور وارتعشت لما شفت فيصل ساند راسه على الكرسي وشكله نايم .. وش صاير ؟! عقد حاجبينه وناظرني إبتسمت له كنت أول سؤال بسأله هو وش صاير ..؟! إبتسم لي : صحيتي ؟! هزيت راسي بـ أيه .. وبديت أناظر الغرف بشكل أوضح كل شي زي ماكان .. هو انا كنت أحلم ؟! هو كل اللي صار حلم ؟! هو اني لقيت أهل بوي حلم ؟! زواجي ؟ وزواج فيصل ؟ مجود ؟! كل شي كان حلم وانا هنا بسس زي ماكنت .. أدرس .. وأشتغل هنا .. وأحب نايف ؟! إرتعشت بسرعه كم صار لي نايمه ؟! ناظرت فيصل : هو أنا صحيت ؟! سكت يناظرني فتره هه ! أحسه أنهبل يومني قلتها له يعني كأنه يقولي وش رايك ؟! سكتت وبس .. هو وش الحلم ووش الحقيقه ؟! وش آخر شي حقيقه وصلت لها ؟! ووش الحلم ؟! أنا هنا جالسه بالخبر وملابسي اللي ألبسها وحياة طبيعي .. بس وش الحلم ؟! همست : انا كم نمت ؟! كنت أسمع تمتمته " شهر .. وو شهرين .. لا هو .. 3 شهور ونص .. ممم مدري هو كملت أربعه ؟! " فتحت عيني : أييش ؟! ناظرني بهدوء : وش قلت أنا ؟! سكتت هو أنا أتخيل يعني ؟! ولا أيش ؟! ناظرت فيصل : كم التاريخ ؟! سكتت يناظرني ويناظر التقويم دوبني بسحبه حسيته يسحبه مني : وش تبين فيه انتي ؟! أرعبتني نبرته كانت مره حاده .. وش عنده ؟! هو صدق أنه زعّل مروى ؟! هه ! صدق هو ألحين موب متزوج نجوى .. نجوى ؟! ناظرته فتره ثم قلت : بس بشوفه .. هز راسه بـ لا .. وش فيه ذاه صاير كأنه بزر ؟! قلت : أبيه ! هز راسه بـ آلنفي القاطع يعني خلاص أنا قلت لا يعني لا وتاكلين تبن .. مدري وش اللي خلاني أصرخ فيه : وأنا قلت لك أبيه يعني أبيه باخذه يعني باخذه .. تفهم ؟! أنفتح الباب بقوة .. ودخل هو زي ماكان .. هيبه .. ملامح شموخ .. وقسسوهـ ! ناظرني بحده وكأنه يناظر يديني يبي يحرقهن .. ناظرت يديني مباشره ماشفت أي آثآر ؟! يعني أيش ؟! مامضت أربع سنوات زي ما أنا متوقعه ؟! خفت من نظراته وعلى طول سحبت اللحاف وانا أتمتم له بصوت مسموع .. أبرر له صرختي : موب انا خالي اللي صرخت .. أحرقه هو والله بنوم ولا عادني بقايمه بس .. لا تحرقني ! غمضت عيوني على طول حسيت بـ شي ينغرز بآيديني مدري هو أنا احس ولا أيشش .. وبسرعه نمت ! وديـ أشوف تركي مره جديدة بالحلم .. ودي أسأله هو أنت بتموت بالنهآيه صدق ولا أنا صحيت قبل ينتهي الحلم بـ فتره موب هينه ؟! * حسيت بنور فوق راسي عقدت حاجبيني بسرعه بحركه بديهيه .. وفتحت عيوني أحس أني مره تعبانه وبس أبي انوم .. مدري وش فيني ؟! الظاهر أحسب ان الحلم يتكمل و.. مجود ؟! خخخ والله اني أحلم كثير أجل انا اتزوج وعندي ولد .. لا جد ليت لو صدق ..! بس اللي أبي أحذفه الدمام .. خلاص أنا بروح للدمام كذا وبسأل عن عيلة عمران يمكن صدق ؟! شفت .. خالتي مشاعل .. وشفت مرت خالي .. وخالي .. فتحتها وانا مبتسمه هو خالتي ماراحت لجدهـ ؟ ومشعل ماتزوج مروى ؟! إعتدلت وأنا أبعد شعري بعدوء وأنا مبتسمه ودي أقول لميشو وحشتني ياحيوان .. هه طول الحلم ماشفتك خخ من جد وحشتني خالتي مشاعل ووحشني الكل حتى خالي .. سمعت همسه : نهال .. انتي صحيتي ؟! رفعت عيني كان خالي اللي همس فيها سكتت أفكر .. نهال ؟! شفت مرت خالي مبتسمه : نهال قومي .. قربت مني خالتي مشاعل وهي موب قادرة تقفل عيونها أو ترمش : نهال انتي بخير ؟! نهال ؟! هذا إسم امي .. كيف ؟! أنا أسمي ساره ؟! وشلون يقولون لي نهال ؟! هو أنا نمت كثير لدرجه اني غيّرت إسمي من نهال إلى ساره ؟! وشلون نهال ؟! لا الكل متفق ان أسمي نهال !! أنا كم نمت ؟! وشهو الحقيقه ؟! أنا اللي أذكره كان إسمي ساره معقوله كل اللي كان من أول حبي لنايف من أول شي قلته هنا كان كله حلم وأنا أسمي نهال ؟! كنت أبي أي أنسسان أسأله .. منهو انا ؟! ساره او نهال ؟! شفت ميشو نقز وجلس بجنبي على السرير : وجعاهـ إن شاء الله وش ذا النوم ؟! ناظرته بسؤال : كم صار لي ؟! ميشو يحسب على أصابعه : أنتي ماكنتي مريضه يوم تنومين .. كيف يعني ؟! نفذ صبري : كم نمت ؟! سكت عني .. هو صدق اني في كل مره أصحى انوم لي فوق الشهر ؟! بلعت ريقي نهال وش تفكرين أنتي ؟! شفت التقويم سحبته وإنصدمت من التاريخ اللي واقف عندهـ 19/8 .. أذكر هذا التاريخ .. أذكر كتبته في دفتري الصغير .. بس وش كان وعلى ايش كتبته ؟! هو إنتقالي للدمام ولا أييش ؟! مسكت راسي أبي أذكر بدون تشويش .. إلا للدمام .. ناظرت السنه وإنصعقت .. غريب ! أنا ذا التقويم نقلته معي للدمام بس كيف هـ الحين ألقاه موجود والأغرب أني أشق الورقه .. وشلون ؟! بلعت ريقي .. سمعت مرت خالي : إش فيها أختك ؟! رفعت عيني .. كانت تناظرني .. هو خالي يطلع أخوي ؟! ولا وش صاير ؟! هو أنا تزوجت أبوي محمد وجبت نفسي ولا وش القصه ؟! فطست ضحك على الفكره .. وش فيني قمت أخربط ؟! كان يناظرني بإجرام وكأنه يبي يذبحني .. هو أخوي ؟! من جدهم ذولي ؟! ناظرت مشعل .. وذا يطلع بن أختي ؟! كيف طيب ؟! هو محرم لي يجلس جنبي كذا ولا لا ؟! إحتياط مسكت حجاب قريب ولبسته كان يناظرني خالي مدري أخوي بتعجب .. الله يستر ..! مسكت التقويم بعنف وشقيت الأوراق ونثرتها قدامي كيف مضت أربع سنوات بالحلم وهنا نفس كل شي ؟! طردت الفكره من بالي وناظرت ميشو اللي قال : وش فيك .. وربي لك وحشه والله لو أنك تتغلين .. أول جمله نطقتها بعد كل ذا الصمت : ليت لو جنبك ورقه وقلم ..! ناظرني بعجب وشوي وقام راح لكتبي وأخذ لي ورقه وقلم ورجع جلس جنبي .. أول ماحطيت القلم بالورقه ناظرها ميشو على طول خبيتها عنه أحترم نفسه وشال عينه .. كتبت .. مشعل ولد خالتي مشاعل = ولد أختي .. مشاعل خالتي = أختي .. مرت خالي = مرت أخوي .. وناظرت خالي اكيد انه أخوي أجل .. طايب لهنا أنا فاهمه ولله الحمد .. شوي ودخل فيصل اللي ناظرني بغرابه .. صح منهو فيصل ؟ معقوله ولدي خخ .. لا موب معقوله أكيد فيه شي غلط ؟! يمكن يطلع يصير لي بس أيش ..؟! ناظرته : أنت منهو ؟! رفع عينه لي وبدا يرمش بسرعه مدري وش فيه : أنا ؟! هزيت راسي بـ أيه .. وش فيه صاير إستيعابه بطيئ والكل يناظرني .. وش صاير بالدنيا ؟! أنا نهال ولا سارهـ ؟! نهال زوجة محمد وأم فيصل وساره .. ولا ساره زوجة تركي وأم ماجد ؟! مسحت وجهي بتشتت وضياع وش فيهم الناس علي كذا ؟! .. ناظرت مشعل : وانت وش إسمك ؟! فتح لي عينه .. شوي ولف على أمه : وش فيها الأخت ؟ مضيعتني انا ..؟! هو مشعل وش كان ؟ معقوله كان له دور كبير في حياتي وأنا مدري ؟! سكتت بإحراج مدري ليه .. ناظرت فيصل اللي كان يتكلم مع خالي مدري أخوي مدري وش يطلع المهم كان يتكلم معه بس يتهامسون مدري وش يقولون ؟! اكيد يقصدني لأنه كان يناظرني وخالي بس يهز راسه .. شوي وطلع فيصل .. ناظرتني خالتي فتره مدري أختي المهم اللي كانت خالتي فتره ثم طلعت مع خالي وبقى ميشو مع مرت خالي .. مرت خالي أبعدت ميشو بعنف وكأنها تمون عليه عمرها ماكانت كذا .. غريب ! يووهـ ساره كان حلم .. أقصد يووهـ نهال ! كانت مبتسمه لي وهي جالسه جنبي ولمتني بقوهـ وأسمع بكاها : نهول حبيبتي ماصدقت أنك بتصحين .. وحشتيني ..! فتحت عيني بقوه هو أنا نهال من جد .. طايب منهي ذا المرأه اللي أذكره أنها كانت مرت خالي .. ناظرت التقويم وناظرت ميشو اللي أشّر لي باي وخلك معها .. وقفته بصوتي : لحظه ! أنا كم صار لي نايمه ؟! إبتسم لي : واللهي على حسبي أنا لك أربعه شهور ونص طقيتي الخمسسه ..؟! شهقت .. مستحيل والله لوني من أهل الكهف .. هو يمزح معي ولا يستهبل علي لما شافني كذا مدري وين الله حاطني فيه ؟! ميشو بالحلم كان عادي يتمهزى .. بس مدري هـ الحين وشهو ؟! شوي وطلع ميشو من عندي : بكره بجي لك حبيبتي مو تنسين .. أرسل لي قبله بالهوا وهو يضحك لي وطلع .. هو وش صاير .. هو ولد أختي .. ولا بن خالتي .. ولا شي ثاني ما أفهمه ؟! المشكله طايحه الميانه قدام ذا المرأه .. هي وش تقرب لي ؟! أبتعدت عني وهي مبتسمه وقامت : والله ماودي أقوم بس تعرفين العيال لا مني قضيت رجعت لك .. فتحت الباب وجات بتطلع ودخل فيصل مدري منهو المهم انه فيصل اللي كان .. بس مرت خالي ؟! والعيال ؟! نايف ولدها .. اللي هو حبيبي واللي ضايقني بزواجي من تركي ؟! ومروى .. اللي تزوجت مشعل وتركت فيصل ؟! شفت فيصل تقرب مني : وش فيك تناظرينني كذا ؟! والله لو أني قاتل لك حد ! إبتسمت بعدم إطمئنان .. كل شي تغير بس غرفتي وأغراضي .. ناظرته : أمانه منهو أنت ..؟! كان بيده كوب دوبني انتبهت له مدري عادي كذا بس ماكان يشرب منه .. غريب ! أحس أني ضايعه .. ودي أسأله أنا لحد وين وقفت ؟! مجود وتركي صدق ولا حلم ؟! صرت أخلط بين الحلم والحقيقه ؟! معقوله أنا كذا ولا تغيرت ؟! وش صابني ؟! رفع لي حاجب : منهو أنا ؟! وش فيه يكرر كلامي ؟! قلت : أيه .. منهو أنت ؟! إبتسم نص إبتسامه وطرق براسه بالجدار وجاء لي وش فيه ذاه مهبول ؟! مد لي الكوب : تشربين ؟! خفت بصراحه منه .. مسكته بهدوء وظليت اناظر وش داخله كان عادي شاي بالحليب .. حطيته عنده : امسك لحظه بقوم أغسل وجهي ثمن أشربه .. أصر علي : إلا هـ آلحين تشربينه وأنتي كيذا .. خفت وش صاير ؟! خنقتني العبره ومسكت الكوب وشربت منه بشويش ثواني وحطيته عنده وقمت أستفرغ يعع وش حاطلي فيه ذا ناوي يذبحني ؟! طلعت من عندها وأنا ماسكه راسي من الألم ورجعت لسريري .. سمعت صوته : أشربي ؟! رفعت عيني له وهزيت بـ لا .. صرخ علي : بتشربين غصصب ! وش فيه ملزم علي .. صرخت عليه : وأنا قلت ما أبي .. أرتعشت من صراخه : إلا ! .. حسيت أني ماسكه دمعه مدري ليه هي كانت بتنزل ؟! هزيت له بـ لا .. شفت خالي جاء : وش صاير أنتي معه ؟! هزيت راسي بخوف .. وهزيت كتوفي وأنا أناظره بهدوء .. سمعت فيصل : موب راضيه تشربه ؟! بلعت ريقي لما شفت نظراته .. سبحان من أعطاه نفس النظرات اللي بالحلم .. خفت بسرعه سحبت الكوب كنت أحس أني بصيح من الخوف .. من القهر !! شربت من الكوب وهو يناظرني بمراقبه .. رفعت عيني له بابتسامه : حلو .. تسلم إيدك ! لايزال على وضعه .. رجعت وشربت بقرف ورفعت عيني له : بكمله والله بكمله لا تخاف بس لاتناظرني كذا ! لا يزال .. وش فيه مايفتهم ذاهـ .. رجعت وشربت لين أنقرفت وبديت أحس نفسي أهلوس : هو منهو اللي صلحه ذاه ؟! سمعت فيصل : أنا .. وش فيه ؟! مسكت راسي : وش حطيت فيه أنت ؟! ناظرني : عادي شاهي .. وحليب .. ليه وش فيه ؟! مديته له : ذوقه ! صرخ علي خالي : لا ! وش فيك أنتي ؟! بلعت ريقي وطاحت دمعتي على طول مسحتها رغم اني متاكده أنهم ألأثنين انتبهوا لها .. أبتسمت لهم : لا تزعل نفسك والله خلاص محد يشربه غيري .. " خنقتني العبره " كل يوم خله يسوي .. عادي ! شفته عقد حاجبينه وطلع .. أما فيصل لحقه .. ظليت فتره أحس نفسي متخدره .. هو وش حاطين لي .. هو أنا من ؟! هو حلم ولا حقيقه ؟! لين غفت عيوني .. ودي أسأل أي أنسسان بس سؤال .. أنا نهال بنت نايف .. ولا ساره بنت محمد ؟! الكل يقول أني نهال .. بس عندي قناعه تقولي أنتي ساره ! صحيت على طرق بوجهي : بنت أصحي .. فتحت عيوني وإبتسمت له ياحوبي له ذا الميشو والله محد فاهمني غيره .. قال : إييش حلت لك الجلسه كذا .. قومي بس .. إبتسمت له وبس وأنا لا أزال منسدحه ..! قال : شوفي بروح خمس دقايق ألقاك خلصتي .. وجع في شكلك مره تتغلين ترا .. مالت عليك بس ! إبتسمت له وطلع .. قمت بهدوء وسكرت الباب وقفلته فتحت الدرج اللي بجنبي شفت أشياء كثيره .. أهمها أوراق كانت أغلبها عن مواعيد أذكر فيه شي زي كذا بس إييش مدري ؟! رجعت وحطيتها بالدرج سمعت الباب ينفتح ولما ما أنفتح صرخه فيصل : أفتحي ! خفت ولا تكلمت وناظرت ملابسي يمكن عندهم ضيوف ؟! رحت بسرعه وأخذت لي شور بسرعه أحس قرف مره .. وأخترت لي ملابس وسط الضجيج اللي برا أخذت لي بلوزة بيضا عاديه زخارف بسيطه على الأطراف وأكمام .. لفيت عليها شآل أسود وربطته .. أحلا نهيل متزينه خخخ .. لبست لي تنورة سوداء طويله فيها أجراس صغيره حلوة لبستهن وأنا أسمع صوت فيصل وخالي .. شوي حسيت الباب ناويين يكسرونه .. هو انا قبل أنوم وش سويت ؟! فتحته بخوف وإبتعدت .. فيصل زفر : وش فيك أنتي .. روعتيني ؟! ناظرته وكأني أسأله وش انا سويت .. كمل : لعاد تقفلين ذا الباب والله لو أشوف انك ... قاطعه صوت خالي : لا تحلف بس .. " لف لي " تحجبي وانزلي .. وراح وبقى فيصل واقف كأنه يراقبني وش صاير ؟! يالله أحس راسي بينفجر محد راضي يفهمني وش صاير ؟! ليهـ طيب .. أنا وش سويت ؟! أخذت لي حجاب أبيض ولفيته علي وقفت عند المرايا شكلي مره حلو .. نفس ساره اللي بالحلم خخ .. مسكني فيصل وقفل النور وطلعنا لتحت وأنا ساكته مره .. نزلت .. شفت مليون ألف أنسان .. فتحت عيني بقوه وإرتعشت .. ناظرني فيصل بحنان : وش فيك ؟! هزيت كتوفي : وش صاير أصلن ؟! هز راسه بـ النفي مدري ليه ونزلت .. شفتهم .. أيه شفتهم .. عمتي .. ونجوى .. ونهى .. ونورة .. وعمي وعياله .. وشلهـ كبيره .. نفضت يدي من عند فيصل ونقزت فوق اللي لحقني فيصل .. فتحت الدرج وبديت ألخبطه أدور على الورقه اللي كتبت فيها من اللي قابلتهن .. عشان اعرف .. هزني فيصل : أنهبلتي أنتي ؟! سكتت عنه لين لقيتها بجيب البيجاما اللي كنت لابستها .. أخذت معها القلم ونزلت بهدوء .. قال فيصل : السسلام عليكم .. قلدته خخ : السلامه عليكم .. الكل رد بدون إستثناء .. كنت خايفه مره وأحس الدنيا كلها تناظرني .. كل اللي بالحلم شفتهم .. يناظرونني ! جلست جنب فيصل اللي كان مشدد على يدي شوي وتتقطع بين أيدينه من قوة الشد .. سمعت عمتي : نهال ؟؟ فتحت عيني على آخرها يعني من جد صدق أنا نهال ؟! هزيت كتوفي وضحكت .. لما شفت نظرات الكل أستحيت على وجهي وكتمت الضحكه .. حتى سالت دموعي بقد ما كتمت .. مدري ليه انا أضحك .. بس كذا .. مزاج ! سمعت خالي : بت ! أرتجفت وسكتت .. شوي وقام فيصل مدري وين راح وأنا أناظره .. شفت ميشو جلس بجنبي .. طنشته رغم أني حمدت ربي أنه هو اللي جلس جنبي .. أرتاح لذا المخلوق كثير سبحان الله .. رفعت عيني لنجوى : أنتي أييش أسمك ؟! خنقتها العبره : أنا ؟! خفت وش فيها ؟! يمكن مريضه .. وأصلن ليه كل مره أسأل حد هـ السؤال يردده علي ..؟! لفت على عمتي وصارت تبكي مره .. غريب كيف الكل متحجبات .. بنات عمتي يتغطون مره وش صاير ؟! شوي وجاء فيصل : وجع قم انت .. ناظرني ميشو : نبي نسألها أول .. منهو اللي تبينه يجلس جنبك ؟! سكتت بس وأنا أناظرهم ولا فاهمة شي .. سمعت : أنجزوا علينا .. رفعت عيني لمصدر الصوت كانت هي .. زي ماكانت .. ولا تغيرت .. الحلم كان مدموج بالحقيقه .. شخصيات حقيقيه بقصه غريبه أغرب من الخيال نفسسهـ ..! كانت مروى .. أخت نايف اللي لحد الآن أدورهـ هو ومآ ألقاه .. أبي أقوله نايف وش صاير .. لأني متأكده هو الوحيد اللي بيصدق معي .. أو عن الكذب .. خلنا نكون واقعيين .. لو كان فيه واحد أسسمه نايف كان تواجد اليوم .. ولو كان فيه واحد إسمه تركي .. تركي ؟ سكتت فتره سويـ.. نهال بسس ..! شفت بـ يد فيصل ألبوم فتحه وجلس بجنبي وهو مبتسم .. كانت صورة بنت حلوة مره .. لابسه فستان تركواز قصير وجالسه على جدار مدري شي كرسي المهم لونه بيجي .. شعرها حلو مره ذيل حصان ولها قذله موب متساويه .. كانت تناظر شي بس موب واضح .. أبتسمت : الله ! مره حلوة .. أبتسم لي فيصل .. ورفع لي مرايا وصرت اناظر وجهي .. عقدت حاجبيني وش فيه ذا المخلوق ؟! ناظرني بابتسامه : حلوة اللي هنا " يأشر على المرايا .. انهبل خخ " معجبتك ؟! هزيت راسي بـ لا .. وفطست ضحك .. شد علي فيصل الشي اللي خلاني أسكت .. قلت : أيه حلوة .. بس موب كثير .. لا تصدق عمرها يعني خخ .. أبتسم : هذي أنتي " يأشر على الصورة " أنتي ! رفعت عيني له ببلاهه وش يخربط هذي انا ؟! مسكت الصورة أدقق شوي وبديت أقارن بيني قبل وبين هالحين .. سمعت فيصل يقولي : وش فييك ؟! تمتمت بدون ما أناظره : كييف ؟! كيف هذي أنا وهذي أنا ؟! فيصل : تكبرين ! لا ياشيخ ! حسبت أني أصغر كل ما جاء لي ! هزيت راسي بـ أيه .. أبعد الصفحه .. قلت : أنا وش أسمي ...؟! عض على شفته وهو يتمتم : ما سألت إلا ذا الحين .. والله مصيبه ! سكتت بس وإبتسمت .. ناظرني عمي : سآرهـ ! رفعت عيني على طول إبتسم لي عمي .. صدق هـ الحين أنا ساره ولا نهال ؟! ماعلقت يلا مصيري أعرف خخ .. شوي وقلب فيصل الألبوم .. بالله جايبه عشان صورة ؟! سكتت .. قال : شوفي " أشر على خالتي " هذي خالتك مشاعل .. " وعلى ميشو " وولدها مشعل .. هزيت راسي بـ أيه ماجبت جديد خخ .. كمل وهو يأشر على خالي : وذاهـ خالك جاسم وعنده بنته مروى " أشر عليها " هذي ! كانت تتأفف وكأن الوضع موب معجبها .. وش صاير وش فيها ؟! هزيت راسي بـ أيه .. كمل : مشعل بن خالتك مشاعل .. متزوج من مروى بنت خالك جاسم .. رفعت له حاجب بضحكه ما قدرت اكتمها .. أعطاني نظره جمدتني : أيه ؟! زفر بهدوء .. ثم قال وهو يأشر على مرت خالي : هذي زوجة خالك وأم مروى .. مروى مين ؟! ناظرته وش فيه ذاه يستهبل علي ولا يستهبل ؟! أنهبل أخوي ؟! قلت بطريقه مجنونه : مروى بنت خالي جاسم زوجة مشعل ولد خالتي مشاعل وبنت الحرمه اللي واقفه هناك .. بس منهي مروى ؟! عض على شفته وصفع راسه بالجدار .. كنت بفطس ضحك بس سكتت هو يستهبل علي ؟! قلت أرحمه شوي : أيه أيه .. هذيك .. هز راسه بـ أيه وهو راضي .. ودي أسأله وين نايف أخوها ؟! كمل : شوفي هذولي أهل أمك .. وألحين بجي لك لأهل أبوك .. طآيب ؟! هزيت رآسي بـ أيه .. نشوف آخرها معك يافيصل .. أشر لي على عمتي : هذي عمتك سلمى .. الثلاث اللي جنبها .. الأولى نهى بنت عمتك ثم نجوى ثم نوره .. متزوجات .. بغيت انط عليه وأقوله أيه نفس اللي أعرفهن .. بس وين تركي ؟! قال وهو يأشر على عمي : هذا عمك عمر ماعنده إلا توأم بس سهل تحفظينه .. شوفي هذاك سامر واللي بعده ثامر .. اللي هم عيال عمك عمر .. وش تبي توصل له يافيصل .. كني بزر تحفظني كل ذاه ؟! ناظرني : لهنا طايب ؟! هزيت راسي بـ ايه .. كمل : سامر اللي هو هذاك متزوج من نورة بنت عمتي سلمى .. وينها نوره ؟! فطست ضحك والله أنه فيه شي .. يحسبني بزر ؟! صرخ فيني خالي : أصحي ! بلعت ريقي وإبتسمت : بسس .. كنت " سكت أدور كذبه " يعني قلت لو لو .. يعني لو تطلع .. نهى اللي متزوجه سامر ؟! مدري ليه قلت كذا يمكن عشان أصرف .. هز راسه خالي بزفره .. كمل فيصل : تعرفين منهو أنا ..؟! سكتت بـ حيره .. أخاف أقوله أيه فيصل ويطلع موب هو رغم ان الكل نفس اللي اعرفهن .. بس أخاف أقول لا .. ويتمهزي فيني .. لما ماشاف مني رد .. قال : أنا فيصل أخوك وزوجتي هناك .. تشوفينها ؟! إبتسمت لي نجوى .. رديت لها الإبتسامه .. ناظرني : طايب فهمتي كل ذاه ؟! هزيت راسي بـ أيه وانا مره عقلي موب معي .. هو وش اللي صاير يخلي الكل يقولي نهال .. ويخلي فيصل يسوي كل ذاه .. ووين نايف بن خالي .. هو ماقاله .. ولا تركي .. معقوله الإثنين هذولي هم الوحيدين اللي موب موجودين صدق ؟! ولا وش صاير .. سمعته : بنت وين وصلتي ؟! هزيت راسي بـ النفي .. شوي وقامت مروى : يووهـ أنا مليت جعلها ماتحفظني ليوم الدين .. صعدت فوق وعيوني تلاحقها .. حسيت بخنقه ماتغيرت ! همس لي فيصل : ماعليك شايفه نفسها ومغرورة .. من زينها ليت لو واحد من عيال خالتها أخذها والله تورط بها مشعل .. فتحت عيني ودي أقوله فيصل هذي اللي كنت أنت تحبها .. همست له : بس هي وش سوت لك عشان تقول لها كذا .. تمتم لي بهدوء وهو مبتسم : أسكتي سوالف ذا البنت .. خلنا ساكتين بس .. ناظرته باستفهام .. همس : شوفي خالك متورط فيها قال لـ بن اخته اللي هو مين ؟! أشرت عليه ثم أشرت على مشعل .. أجاريه لجل أفهم كل شي .. هز راسه : وبما أني أنا الكبير قال خلاص أنت تحجزها ثمن لا جاء لها نصيب غير عيال خالتها زوجتها .. ههه كل يوم أدعي يارب تلقى لها النصيب بس مافيه .. قلت يلا يافيصل مالك إلا تتزوجها .. سبحان الله رحمني مشعل .. كنه يدري ..! سكتت .! صدمهـ .. شي يوقف المخ .. ويصعب التفكير فيه ! هو كل ذاه حصصل وأنا مدري .. كل ذاه كان بين خالي وفيصل .. كل ذاه ؟! هو من جد فيصل ماكان يحب مروى ؟! وكل السوالف كذب ؟! نفاق علي انا ؟! ليهـ طيب ؟! سكتت وأنا أناظره شوي وقال : أحـم .. أكمل لك .. شفته فتح ألبوم الصور وقلب أول صفحه اللي كانت صورتي يومني بزر .. وبانت الصورة .. بانت .. وليتها مابانت .. بانت .. وبان معها كل شي .. عرفت أفرق بين الحلم وبين الحقيقه .. عرفت أييشش كان .. بس للاسف ماعرفت أيش صار ..؟! ناظرته بلهفه وكأني أستغبي عليه : وذاه وينه فيه ؟! إبتسم لي : مايصير تشوفينه عيب .. ناظرت وجيه الكل واحد واحد .. أبي أسأل .. هو حرام أشوف كل ذا الناس .. وتركي لا ؟! كان ودي أقوله أعرفه ذاه رجلي .. أبو ماجد !! ناظرني : ذاهـ تـ... قاطعته بسرعه بصوت مدري كيف طلع : تركي بن عمتي سلمى .. رجلي ! سكتت يناظرني مصدوم .. والكل نفس حالته .. هو أنا جبت العيد بكلامي ؟! هو موب رجلي ؟! إلا وشلون كل شي عادي إلا تركي .. بقى نايف .. ومجود ولدي أنا !! صرخ فيصل وهو يضحك : وقسمن بالله وربي واللي رفع السما أنها ماهي بمجنونه .. والله صاحيه ! سكتت .. مبهوته .. موب عارفه ايش أقول .. هو كل ذاه عشاني يحسبون أني مجنونه .. ليه طيب ؟! ناظرته فتره ثم قال : تذكرين ساره ؟! هزيت راسي بـ أيه .. أبتسم لي .. همست له : هو وينهـ ..؟! لازال على ابتسامته : مايجوز يالغلا تفكرين فيه .. لأنه طلقك ! فتحت عيني بصدمه رهيبه .. هو آخر مقطع من الحلم كان كذب ولا أيش صاير ؟! بسس سكتت وأنا مبتسمه .. خله يطلقني أستاهل اللي جاني ليهـ أقوله عن نايف ؟! قصدي أكون شفافه مع وجهي ؟! عادي أتطلق .. عادي .. المهم أن تركي نطق لي مسموحه .. المهم أصصلن أنه عايش ! آكل تبن .. المهم أن تركي بخيير ! سكت فتره فيصل .. قلت : طايب أبي أشوفه ..؟! عقد حاجبينه : أقولك مطلقك تقولين لي بشوفه ؟! وجع سوير .. إبتسمت بإحراج : لا يعني .. هو أنا مو عندي ولد ؟! هز راسه بفرحه بـ أيه .. قلت : وينه فيه ؟! قاطعني صوت واحد يغني وداخل ومعه .. معه قطعه مني رغم أنه هو الثاني قطعه مني .. كان يهز راسه مثل البزران مع مجود وهم يغنون عادي .. زي ماهو .. بالحلم .. أو بالحقيقهـ .. لأنه ماكان حلم .. آخر مقطع كان تخيلات بس أو من هول الصدمه قمت أجيب حكي مدري من وين .. وتركي موجود بس مطلقني .. عادي تحصل في أرقى العائلات ! رفع عينه لي حسيت برجفه .. خنقتني العبره من نظراته لما رفع لي حاجب .. نفض مجود يده وجاء يركض لي اللي حضنته .. باحسساس أم .. أم فقدت امها .. أم فقدت طعم البسمهـ .. يكفي ياماجد أن أبوك موجود .. يكفي عشان تعيش بعز طول عمرك !! حضنته وأنا خانقتني العبره احس نفسي كتمت كثير .. رفعته لي بشوق : حبيبي وحشتني مرره ! ناظرني بـ براءته : مره وحشتيني .. وينك فيه أنتي .. بـ إيطاليآ .. لا تقلب المواجع ياماجد .., خل الجروح على زي ماهي .. خلي كل شي .. ولا تسألني إلا عن نفسي ..! لا تقلبها وتألم امك .. ليه أنت تحب تعاندني .. ليه تحب تقلب علي كل شي يألمني ؟! ليهـ أنت بآلذات أحس بطعم المراراه لا جات منك ؟! هزيت راسي بـ أيه : أيوة .. كنت بـ أيطاليا .. مع أبوك .. تمنيتك معنا .. زي المرة اللي طافت ..؛ ناظرني وبرطم وبدا يبكي بـ بكاه المميز .. ناظرته : خلاص ناخذك المره الجايه .. فيصل بحده : أقولك طلقك تقولين المره الجايه .. مهبولا أنتي ؟! رفعت عيني له بـ أبتسامه .. آخر ماتوقعت أسمعها منك أنت يافيصل .. هو أنت ما تدري أن لو تركي أخذه وبس أخذ روحي معه ؟! آخر شي توقعته منك ! إبتسمت له وبس .. وديـ أسأله هو ليهـ طلقني .. عشان نايف ..! رفعت عيني لهـ بقهر وإحتقار العالم كله بعيوني .. قلت لمجود : وينه أبوك ؟! فيصل بحده : ساره ! طنشته وناظرت لمجود اللي أشر لي على نايف اللي ظل يناظره فتره .. مجود : قصدك هذا ؟! صكيت على أسناني بقهر : لا يخسى ذاه أبوك ! رفع حاجب : يعني أنا اللي يشرفني تكونين أم ولدي .. خالي : نايف .. خل بنت عمتك بحالها .. أعتدل بوقفته وهو رافع لي حاجب : طايب بقولك .. ترا حكي الفضاوة ذا اللي انتم تألفونه لها مايمشي عندي بالصدق .. ترا رجلك متوفي .. أكتفيت بـ الإبتسامه .. لأني أدري .. أنه كذاب مهما صار ..! نايف : أقولك متوفي تضحكين ؟! والله أنك مهبولا .. تركي أبو ماجد مات .. أفهمي ..! ناظرته وناظرت فيصل اللي كان واثق من اجابته .. قلت : كذاب ! رفع حاجب وصغّر عيونه : موب من مصلحتك تكذبيني .. مجود وينه أبوك ؟! ناظره فتره وهو حيران .. شوي وهز كتوفه : بـ شغلهـ ! أصدق منهو .. آخر شي كان أذكره تركي مات .. ونايف يقوله ..! وفيصل يقول أن تركي مطلقني .. وأنا صدق قلت له شي يمكن عشانه يطلقني .. وثقة فيصل والكل راضي ! ومجود .. يقولها .. بـ شغلهـ ..؟! مسكت راسي .. الأفضل أني أصدق نايف لأن الثقه اللي بعيونه كآنت أقوى من ثقة فيصل ..! إبتسم له بـ ألم وهزيت رآسي بـ أيه : أيه أذكر .. بس أبي أسلي نفسي وأقول أن تركي موجود .. مو لازم تكون يانايف أنت اللي تذكرني بكل شي مو حلو ! طاحت دمعتي : مو لازم ! رفع لي حاجب .. متبلد من الإحسساس هـ الإنسان .. قلت : خل فيصل يعرفني بـ أهلي من جديد .. واعتبر نفسي اليوم أنولدت من جديد .. بس مو سارة زوجة تركي .. ولا سارة بنت أخت جاسم .. ساره أخت فيصل !! هزيت كتوفي وأنا مبتسمه .. ومشّيت دموعي بظهر كفي : عادي .. يعرّفني فيهم .. أهم شي مايذكرك أنت عشان ماتكون لك علاقه بالسالفه وتصعد زي أختك .. ولا يذكر تركي إلا أنه أبو " ناظرت مجود " أبو ولدي .. أدري أنه مات موب لازم تذكرني .. تبيني أبكي ؟! ألطم ؟! مو ساره اللي تبكي .. طاحت دمعتي وأنا مبتسمه : عادي .. ساره أصصلن ماتبكي " هزيت راسي تأكيد " ساره قويه .. فيصل يقوله كثير لي .. حتى تركي .. فـ أنت غصصب عنك تقول لي ما أبكي ..! رفع لي حاجب : تراك وحده عقلها طاير مع أحترامي لك .. ما أقدر أحاكيك آسف يعني .. بس قلت أسوي فيك خير وأقولك أحسن مايجننك فيصل زياده .. رحمتك ! صعد السلم وعيوني تلاحقه بـ أبتسامه .. فيصل ياخوي .. أشر على نايف وقل لي وهذا نايف ولد خالك جاسم .. قل لي كيف كنتي تحبين شي قذر زي كذا ؟ كيف حبيتي إنسسان مايحس لك ؟! كيف ؟! وتقول يانايف رحمتك ؟! ليه مارحمتني يوم قلت لك احبك .. ليه ما سكتت عني وصديت ؟! ليه مارحمتني يوم ملكت على سلمى أو كلفت على نفسك وقلت لي بنفسك أنسي السالفه أنا أبي سلمى ؟! ليه مارحمتني ليلة زفتي ؟! ليه أنت أصلن حضرت ؟! ليه مارحمتني وأنت رايح وجاي مع تركي ؟! ليه مارحمتني وانت تقول أشتقت لسلمى وتبي ترد عليها ؟! ليه مارحمتني وأنت تسكت وما قلت عن تركي أي شي ؟! حتى لو كان صدق ؟! ألحين جاي ترحمني ؟! ربي أرحم منك يانايف .. آسفه موب محتاجه إلى رحمتك .. شكرن ولد خالي ! إبتسمت لفيصل بحب : طنشهـ .. وكمل مابقى حد ما قلته لي ؟! هز راسه بـ أيه : النايم فوق .. المرتاح .. المبسوط بالحياه وفالها على الآخر " ضحك " ولدي محمد ..؛ ضحكت له بجنون : اللي جبته من هذيك بنت عمتي سلمى .. أييش قلت أسمها ؟! طاحت دمعته وهمس : نجوى .. نجوى .. أخت تركي ! سبحان مافرق بين نجوى وبين مروى .. أخلاق .. وجمال .. وتربيهـ .. وحب .. حتى في الإخوان .. سبحان من أعطى مروى أقرف إنسسان .. وأعطى نجوى إنسان كانت كلمة إنسسان قليله بحقه ..! إنسان إسمه رجلي .. إنسان إسمه يلملمني .. إنسان إني ما أصدق انه طلقني .. أصدق فيهـ الموت ولا طلقني ! لأنه قالها .. مستحيل يطلقني إلا إذا أنا طلبتها منه ..,؛ مرت دقيقهـ .. ودقيقتين .. وثلاث .. والكل ساكت .. لين نزل نايف .. متجه للباب الخارجي .. ناظرني فتره وكأنه ناوي يزيد جروح .. قال : غريبه .. أنتي متأكدة انك تحسين ؟! أقولك رجلك مات ومبسوطه ؟! على الأقل نافقي .. ولا ترى ما أصدق خمس شهور ونص نايمه يقالك تبين تقضين العدة بسرعه ؟! إبتسمت له وبس .. وهزيت راسي بـ أيهـ : قلت لك ساره ماتبكي ! طلع وهو يحط نظارته الشمسيه على وجهه .. إبتسمت له ووقفت : أنا بصعد حد يبي شي ؟! سكتت فتره محد يتكلم ووجيههم فيها شي من الحزن مره .. وكأنهم ودهم يبكون .. إبتسمت بخنقه : ترا حتى لو حد قال يبي شي يوفر على نفسه لأني مابسويه ..! أطلقت ضحكه وسحبت معي مجود وصعدنا لفوق لغرفتي اللي كانت زي ماهي .. ماتغير شي ! رحت ساره ورجعت ساره .. بس رحت ساره وأنا كارهه النقل للدمام ورجعت ساره اللي كارهه الخُبر .. رحت ساره .. ههه كنت اناظر نايف وأسأله ليه يدك باردهـ ؟! ورجعت ساره أناظر نايف وأقول ليه مشاعرك جلييد ..؟! رحت ساره ههه نقدر نقول عآنسس خخ .. ورجعت ساره .. أرملهـ .. وبين أيدينها طفل ! رحت ساره وأنا متندمه على لقافتي وتطفلي على تركي بـ المقلط .. ورجعت ساره .. وأنا متندمه على كل لحظهـ سلمت لنايف أصدق أحسساسي ..! رحت ساره محروقهـ .. ورجعت ساره مجروحهـ .. في كلا الحآلتين .. ميتهـ ! مسكت مجود بعد ماقفلت كل الأنوار وإنسدحت معه على السرير .. همست له : أحكيلك قصصهـ ..؟! * صحيت الصباح وتحجبت ونزلت تحت تركت مجود رغم اني خايفه عليه مره بديت أنظف المطبخ على الساعه تقريبا أربع ونص صراحه فشله ساكنه معهم كذا وبس .. وخلصت منه طبعن وبديت أصلح لهم الفطور .. زي العاده يعني .. لما خلصت قمت بهدوء شفت مرت خالي منصدمه مني .. كأن نظراتها عطف : يوهـ ساره وش تسوين ؟! أنا أصلحه عادي .. لو شافك خالك وش بيقول ؟! أكتفي بالابتسامه .. كملت : خلاص لعاد تسوينه لو صابك شي ؟! إبتسمت .. تتوقع إني مجنونهـ ..؟! قلت : وش يعني بيصيبني ..؟ أنحرق عادي .. متعودهـ ..! إبتسمت لي بـ ألم وصعدت السلم صحيت مجود فطّرته قبل ماينزل نايف وصعدت معه بعدها و بقيت جالسه معه أونس نفسي فيه .. أو عشان أصدق ان فيه شي ملكي .. هو ولدي ومحد يقدر ياخذه مني أبد ! على آخر الضحى نزلت وصلحت الغذآ قبل مرت خالي ثمن صعدت وجلست مع مجود اللي كان مبسوط بالمطبخ .. رجعت معه وبقينا لين حسيته خلاص يبي ينوم .. ونام ..,؛ جالي على العصر فيصل .. قلت : ليهـ ...؟! إبتسم : وش اللي ليه ؟ مع أحترامي بس صدق سوير تراك صاير شوي يعني ههه .. رفعت حاجب : وش قصدك ؟! قال : شوفي عن الكذب بس جد ساره كنتي قبل حلوة وضعيفه وهـ الحين شوي يعني ههه ممم أقولك يعني مع الولادة وكذا .. بس تراني حجزت لك وكلها 3 شهور لا تخافين .. شهقت : يوه فيصل وش 3 شهور صعبه .. وبعدين يعني ... قاطعني : حبيبتي انتي وش صعبه عادي .. انا بجي لك على أذان العصر ونرجع لأذان العشا .. سكتت فتره ثم قلت : ومجود يبقى طول ذا الفتره بلحاله .. إفرض صار له شي ؟! إبتسم فيصل لي : أكيد فكرت .. عمتي أكيد تبي تشوفه وهو يبي يشوفها مهما كان هو حفيدها وما أتوقع تخافين لو بقى مع عمتي ؟! ناظرته فتره ما أحب لما يبتعد عني مجود .. بس هزيت راسي بـ أيه .. قالي : ترا بدت اليوم بسس طوفي اليوم .. وبكرا بجي لك لا تنسين ..؟ هزيت راسي بالإيجاب .. قال : أيه وشخبارك عساك مرتاحه هنا ؟! هزيت راسي بـ أيه : الحمدلله .. هز راسه بـ رضا وطلع .. كيف مافكرت بـ يوم أن تركي ممكن يموت وأرجع أعيش هنا ؟! كنت أظن الشي الوحيد اللي يفرقني عن تركي هو الطلاق .. لأني حسيت أن مات من عندي غالين كثير ..! أنسدحت على السرير ومجود كان يفتح عيونه ثم يقفلها وكأنها نعسان مره .. شوي وقمت من على السرير خلني أسوي شي مُفيد على الأقل خخ .. سمعته : ماما .. وين بتروحين ؟! ناظرته بهدوء : ممم مدري بسوي لي شي .. مدري ! سكت فتره ثم قال : أبي أنوم .., إبتسمت : موب مريحك النوم هنا ؟! تتعود حبيبي .. ناظرني وهو يرمش : أبيك .. إبتسمت له : كيف يعني ..؟! قال وهو يأشر بجنبه : تجين هنا وتنومين معي .. ماما لا تروحين أخاف بلحالي ..؛ إبتسمت له بهدوء .. حلو أن فيه حد يطلب تواجدي !! إنسدحت جنبه والنور رايح على وقت المغرب شفته سدح راسه على صدري وغمض عيونه ومشدد على تواجدي .. إبتسمت له وأنا أمسح على شعره بهدوء لين حسيت به نام .. نام عادي ولا كأنه فاقد أبوه .. وهو بين أيدين أمه بس اللي مكسوره .., شددت على قبضتي لهـ بس حسيت أنه أرخى وكأنه نام من جد يعني وغاص بالحلم .. لازلت أمسسح على راسه لين أنفتح الباب بقوة شفته عقد حاجبينه رفعت عيني شفتها .. إبتسمت لها .. كانت معصبه لأول مره تسويها وتدخل غرفتي .. قالت : إن شاء الله بتسكنين هنا ؟! ناظرتها فتره .. زي ماهي مروى بنت خالي .. ما تتغير .. سكتت يعني مدري .. قالت بقهر : ياسلام ! قلت بهدوء : أنتي متزوجه ريحي عمرك مابتشوفينني ..؟! فتحت عيونها : تطرديني مع وجهك أنتي ؟ وش فيه لسانك صاير كذا ؟! إبتسمت وأنا أدفن مجود بحضني أكثر .. زفرت : صدق وش نرجى من مهبولا ..؟! أكتفيت بالابتسامه لين طلعت .. قهرتني ماسكرت الباب أووف .. قمت بعد ما أبعدت مجود لفت أنتباهي شكله وهو واقف عند الدرج ويناظرني بعجب أكثر إبتسمت بغصب وسكرت الباب ورجعت لعالمي اللي يشاركني فيه مجود .. تنهدت الله يعينني .. صدق فيصل يوم قال لي أفك العالم من وجهي من العصر لين العشا .. يعني بعدها أنوم وما أصحى إلا على أربع الفجر أصلح الفطور واصعد ممم أوف ليتني صحيت قبل لجل أكمل دراستي موب اتوقف ذا السنه .. مم أوكي فرصه أجلس مع مجود .. لين الظهر أصلح الغذا وأرجع على العصر أطلع .., سمعت صوت الأذان قمت وصليت غيرت ملابسي .. وتحجبت وأنا أناظر الساعه هه !! يلا قبل يعصب خالي تأخرت .. ناظرت مجود وفتحت له نور الأباجوره ونزلت شفت مرت خالي .. إبتسمت لها .. قلت : خله بسويه .. هزت راسها بـ لا .. أصريت عليها أيه أنا موب جالسه هنا بس كذا خخ .. قلت : إلا .. لا تخافين والله أني بعقلي والله أفهم .. ولو تبين تصدقينني أجلسي بس ناظريني إذا شفتي أي حركه تغيرت بس غلطه أذبحيني .. ناظرتني بهدوء : حاشاك يانهال من الجنون .. وشبها مُصره على أني نهال ؟! قربت منها وشلته من يدها وأنا اكمل وهي تراقبني .. قالت : تشبهين لها !! رفعت عيني : نعـم ؟! هزت راسها بتأكيد : تشبهين لأمك .. كثير ! عقدت حاجبيني بإستفسار عن المخلوقه الغريبه اللي ياما سألتهم عن شكلها ولا قالوا .. قلت : أشمعنى اليوم تقولين ؟! إبتسمت : زي لما رجعت لـ هنا بس الفرق بسيط .. قاطعتها : جنوني صح ؟! تراني عاقله والله ! هزت نفي : وانا واثقه من هـ الشي .. غير أن فيصل وساره .. وأنتي ولد بلحاله ..! إبتسمت وبس خايفه أسأل كثير وتعصب علي بس والله ودي حد يسولف لي كذا .. انا تعبت مره .. كملت شغلي وبدون ما أناظرها وكأنه الامر موب هامني .. رغم أني بتقطع على ما أعرفه .. قلت : ممكن سؤال مررهـ تافه ..؟! سمعت ضحكتها : إيه ممكن .. لفيت لها وكأني بشوف وش يصير لها بعد سؤالي .. قلت : أسألك بالله لو كان عطف علي تراني ما أحب كذا وأدري أنه عطف .. ماله داعي عادي والله موب ناقصني شي .. وكانه على أني أرمله وقصدك صغيره على كذا والله ماشكيت .. بس مابي عطف ! إبتسمت نص إبتسامه ولا ردت .. كملت شغلي والله أني ملقوفه وشي سخيف ومالي فوائد بذا الحياه .. سمعت صوت بكى .. أعرف ذا البكى من وين يجي .. لفيت له وتركت شغلي : وش فيك ؟! ناظرني وهو يبكي بدون دموع بس كذا بكى مكتوم دلع بين قوسين خخ .. مجود : ليه رحتي ؟! ناظرته : يووهـ تراك تنوم كثير مجود أشتقت لك .. تبي ترجع تنوم ؟! هز راسه وهو مبرطم بـ لا .. أخذته وحطيته على الطاوله وأنا أشغل الفرن .. قلت : شف شوي وبغسل وجهك .. وش تبي تاكل ؟! سمعته كأنه يفكر بصوت عالي : مممم وش أبي ؟! مم وش أبي ؟! " رفع صوته " مثلك .., إبتسمت وأبعدته لما حمى الفرن غسلت وجهه وفمه .. وجلست معه ناسيه تواجد مرت خالي أو متناسيه .. كان يهز راسه زي البزران كذا عادي وشعره يتحرك وهو يتمتم بكلام بزران .. قلت له : شعرك طويل .. هز كتوفه : قولي للبابا يقصه .. إبتسمت له بـ سكون : ليه ما أنفع أنا أخذك معي يقصونه ؟! فتح عينه : جد عادي ؟! هزيت راسي له : أكييد .. شف لا جاء خالك فيصل أقوله ونروح أنا معك تقصه .. سكت فتره : ليه أقصه .. معجبني كذا ..؟ رفعت له حاجب : تبي تصير بنت مع وجهك ؟! شفته إبتسم ولا قال شي .. شوي وقمت أخذت الجبنه وبديت أدهن .. وأنا أتمتم معه بنفس لحن الأغنيه .. لين جاء خالي بلعت لساني وسكتت بس مجود ماسكت وكمل كلامه .. بسرعه دهنتها وأعطيتها له خله يسكت ويرحمني من نظرات خالي يمكن للآن يتوقعني مجنونه ؟ بدا ياكلها وهو يحرك رجلينه وهو جالس على الطاوله .. خلص أكله قمت وغسلت له .. وش أسوي هـ الحين ؟! قمت وطلعت الأكل وبديت أرتبه على الطاوله وخالي ومرته يراقبونني بس كذا مدري ليه ؟! المهم ماعلي منهم رتبته وتفاجأت لما شفت مروى فيه .. هي تطلقت ولا وش السالفه خخ ؟! المهم ماعلي وأنا لازلت ارتب الاكل على الطاوله وضاربه بالدنيا عرض الحائط أو بالأصح ضاربه بنظراتهم .. شوي وكملت وجاء نايف خلصت ولله الحمد شلت مجود واتجهت للباب .. وقفني صوت خالي : على ويين ؟! قلت بدون ما ألف له : بصعد مجود .. تبي شي خالي ؟! سمعته : إيه .. ما أكلتي أنتي ..؟! ليه أحس انهم يعطفون علي كثير .. ما أحب هذا الشي .. قلت : لا شكرن يكفيني .. شكرن خالي ..! طلعت فوق وأنا مع مجود .. يلا من الفضاوة نشوف نسى بذا الشهور الحروف ولا لا .. كنت أرسم الحرف ثمن هو يقوله .. وأحيانا أقوله يرسم أحد الحروف .. منسدح على بطنه ورافع رجلينه أحس كل معاني البراءه بحركاته العفويه .. لين نعست مره بس يلا بواصل لين أذان العشا .. وللأسف نمت قبل وراسي على دفاتر مجود والقلم بيديني .. وكأني أنا اللي كنت أتعلم الحروف ..! رفعت عيني برجفه من الصوت اللي كان عالي .. كان خالي ومعه زوجتهـ .. بسم الله الرحمن الرحيم .., أنتبهت أن راسي على حضن مجود والدفاتر والأقلام مجود يشيلهم باين أني بس غفيت .. وقفت بسرعه احترام : نعم خالي .. تبي أصلح لك شي ؟! سكت فتره ونظرات القهر يبعثها لي أنا وش سويت عشان كل ذاه يصير لي ؟! قال : أنتي بتروحين بكرا من العصر لين الـ... قاطعته : فيصل قاله .. لو تبيني ما أروح والله ما أروح .. وكأني إمتصيت غضبه بذا الكلمات : ليه ماقلتي ؟! ناظرته وسكتت لا يقولي أرد الكلام عليه بعد وطول لسان ما أحب المشاكل خلني بحالي أحسسن .. سمعتها جايه : وش صاير ؟! وش مسويه ؟! ياحبها للشماته !! إبتسمت وهزيت كتوفي .. ناظرت أمها : يمه وش صاير ؟! ناظرتها : مو شغلك وروحي .. لا تتدخلين بشي مالك فيه .. روحي بس .. كنت بضحك شماته أجل جايه تتمهزى فيني ؟! بس سكتت لا ينقلب الموضوع علي وأجيب العيد !! ناظرتني بقهر وراحت .. كان يناظرني بمراقبه خفت صراحه ذكرني قبل أيام الحرق أححح .. وطيت عيوني فتره أبيه يروح يفهم .. أما يقول شي يبيه أو أنه يروح .. وجع بسس ..! شوي وقال : وش فيك انتي ؟! رفعت عيني له ماكان يقصدني الحمدلله يكلم مرته .. شوي ولف لي : أنتي تبين تروحين ؟! قلت بسرعه : اللي يرضيك .. هز راسه : لا قلتي تبين تسوين شي قبل قولي لي حتى لو كان تافه كذا .. هزيت راسي بـ أن شاء الله .. طلع بهدوء وسكر الباب .. ناظرت مجود وضحكت كان خايف حبيبي والله .. قال : متى نرجع عند عمتي نجوى وخالي فيصل ؟! جلست معه : حبيبي معادنا راجعين .. لأن البابا موب معنا مايصير نرجع .. ناظرني بسؤال : وينه فيه البابا ؟! إبتسمت : ماما راح لمكان بعيد مره موب بـ السعوديه مانقدر نروح له .. مجود : بسس انا أبي أروح معه .. مسكته بخوف : بسم الله عليك حبيبي أنا اللي أروحه موب انت وش تروحه تفجع قلبي عليك .. ماعندي غيرك .. لعاد تقول ذا الحكي ثاني مره والله لأزعل عليك .. سكت وكأنه خايف أني زعلت .. أبتسمت أطمنه : معليه أنت إذا كبرت مررهـ بعدين أقولك هو وين راح .. سكت ولا أصر أصلن أنه يبي يعرف .. هو كذا مايتلقف ولا شي .. الحمدلله أنه كذا والله لو أنه زي محمد ولد اخوي كل يوم مصيبه يجيب العيد فيني مع خالي ومروى .. هم بس يبون شي عشان يصارخون ..! سمعته : مرره مافيه شي أسويه .. ناظرته بضحكه أول مره يقول ذا الكلمه : وش تبي تسوي مثلن يعني ؟! ناظر السقف : أبي ممم أي شي بس مرره ما اجلس كيذا .. إبتسمت لفكرتي : وش رايك نلون ؟! هز راسه بتشجيع للفكره وقمت بسرعه اخذت الألوان ودفتر الرسم وبدا يلون وأنا بس أخليه يتحرك مثلن يعني أقوله ياخذ لون يغير كذا .. وبالمره خله يعرف الألوان .. صحيح يعرف بس يخبط شوي خخ .. وشلون أملي حياتك يامجود وأنا نفسي حياتي فاضيه ؟! مابي أحسسك ولو بلحظه أنك فقدت شي أسمه أبوك بس قلي لو أنا ماحسستك .. انا منهو يرحمني بعد ربي ؟! كيف أقضي حياتي ؟! ناظرته : قم حبيبي نبي نقوم نصلي .. سكت وقام معي توضيت قدامه وساعدته ثم وقفته بجنبي وأنا ألبس جلال الصلاة كان يناظرني كانه يبي .. قلت : للبنات حبيبي بس .. سكت وأقتنع بديت أصلي كان يناظرني ويسوي مثلي لما خلصت بديت أعلمه .. وقفته : شف توقف كذا وتناظر بالأرض ماترفع عينك عشان ربي يقبلها منك .. كان يسوي كل شي أحبه لأنه مايعاند كثير .. لما خلص أبتسمت له وخليته باقي على السجاده .. قلت : قل وراي أنا بقوله ثمن أنت .. هز راسه بـ أيه .. قلت : يارب .. لفيت له لما ماسمعت صوته شفته يقوله بينه وبين نفسه يتمتم فيه .. يلا أحسن خخ .. كملت : يارب .. أن محمد .. ونهال .. " بلعت الغصه " وتركي .. تحت رحمتك .. رب ألطف بهم .. وأرحمهم وأسكنهم فسيح جناتك .. وإغفر لهم ذنوبهم وإغفر لنا ذنوبنا .. وإرحمنا إنك انت الرحيم .. سكتت وأنا أتمتم بيني وبين نفسي : اللهم آمين .. شوي والتفت لي : ماما .. موب نهال البنت الحلوة ؟! متى تجي ؟! خنقتني العبره : يمه راحت مع أبوك .. سكت فتره ثم قال : ومحمد ماما يعني ولد خالي فيصل ؟! قلت : لا يمه بسم الله عليه .. عسى ربي يطول بعمره .. " اختصرت عليه " بس ماما تركي اللي قلته هو نفسه أبوك .., إبتسم لي جاتني الصيحه يسأل عن نهال ؟! هــه !! يمه ليه سؤالك مايجي إلا وقت صعب ؟! ليه ماقلته بايطاليا ؟! ليه هـ الحين ؟! ليييهـ ؟! قمت معه طويت الجلال وهو تلقائي بدا يطوي السجاده .. خلصت معه رحت أفرش أسناني وهو معي يقلدني خلصت معه وقفلت النور وإنسدحت بحياة ممله .. همست له : تبي تنوم أنت ؟! هز راسه بـ لا : مافيني نوم ..؛ قمت وفتحت النور : قلي وش تبي تسوي أنت والله أسوي لك ..؟! سكت وهو يهز كتوفه : أي شي .. تقومين نناظر التلفزيون ؟! مدري وش أرد .. بس يمكن أزعج حد .. وأنا أصلن هنا موب متعوده على كذا .. يلا نجرب كلها حرق خخ .. يهون لجل مجود .. قمت معه غيرت ملابسي وتحجبت ثم نزلت معه رحت للصاله وفتحت له التلفزيون وجلست على الكنبه وأسندت راسي عليها .. أما هو سدح راسه علي يناظر .. بسس وش يناظر ؟! بلعت العبره وحبست دمعتي .. تومان جيري ؟! أنسسي ساره لا تعيشين كذا تكونين حزينه طول عمرك .. أبدي صفحه جديدة مع نفسك أنسي كل ماضي .. طبقت جفني ونمت براحهـ .. صعب جدن انك تعيش بـ حياة ممله تدري أن بكرا زي اليوم .. واليوم زي أمس وأمس زي اللي قبله ..! إنتبهت على صوته فتحت عيوني وعلى طول ناظرت الساعه كانت 3 ونص الفجر .. ناظرته وسكتت .. سمعته : إذا بتنامين روحي غرفتك .. هزيت راسي وشلت مجود النايم معي .. خالي صاير مره حنون .. صحيح أتضايق كونهم يحسونني شوي واحده تحتاج للعطف بس حلو أنك تعيش وسط ناس كذا .. صعدت وأنتظرت الأذان وصليت ثم نزلت أصلح الفطور ومجود مره يغفي بس مايبي ينوم بلحاله .. صعدت بعدين معه ونمنا .. توحشني أيامك ياتركي بالذات لا ضاق صدري .. أحس اني محتاجتك عشان أبكي عندك وأنت بس تهمس لي " وش اللي مزعل سارتي ؟! " .. |
* ((2)) " حين تُكشف جميع الحقآئق .. نبتسم لأنناآ فهمنآ مع ـنى آلحيآهـ .! إعشقني ! " صحيت على الساعه 12 الظهر أووف والله أني صايره انوم كثير خخ .. غسلت وجهي وتحممت بسرعه صليت ولبست ونزلت وأنا شايله مجود أخذته وسدحته بالصاله وأنا بالمطبخ شفت مرت خالي سلمت واخذت كل شي عنها لين خلصت حاولت قد ما أقدر أني أخلص بسرعه .. صلحت عصير ولما قضيت كنت مره جايعه شربت مويا بسرعه قبل أي حد ينزل .. مااستغربت لما ما شفت مروى اكيد بـ بيت رجلها .. اخذت مجود وصعدت فيه وكملت نومي لين صحاني فيصل كانت على الساعه 2 .. قمت وحممت مجود ثم تحممت انا ولبست ملابسي كنت أسمع فيصل يسألني متى يبني أروح معه لجل أشتري ملابس .. طنشته فاضي الأخ خخ .. لبست عبايتي ونزلت تحت سلمت عليهم كانوا موجودين عدا مروى .. كنت امشي وأنا موطيه راسي ورى فيصل وشايله مجود لين وصلت ربطت برقعي وطلعت معه .. لين وصلنا نزلت وسلمت على عمتي كنت أتعمد أني اتكلم كثير وأطول شوي الكلام والسؤال عن احوالهم بس عشان تتأكد أني موب مجنونه .. أخذت مجود بلهفه وهي مبسوطه ورحت .. أول مره بحياتي أروح ذا الاماكن .. وبدينا بالتمارين .. كنت كثير أسرح وتنبهني وشوي احيانا تعصب علي لين احترمت نفسي وبديت أركز معها ..؛ أفهم أن فيصل يبيني ما أفكر بأي شي بالحياه .. حتى لو كان وش بسوي بكرآ ..! * صعدت السياره وزفرت : أووف وأخيرا خلصنا ياخي 3 شهور ملل والله .. إبتسم لي ولا علق .. شفته يمر على أماكن غريبه .. قلت : ليه حنا موب راجعين لبيت خالي ؟! هز راسه بـ لا : بوديك شوي كلها شوي وتخلصين .. سكتت عنه احس نفسي منقرفه من نفسي فاجأني لما وقفني عند صالون .. وقال : أدخلي وقولي حجز بإسمك تلقينه .. لامنك قضيتي دقي لي .. سكرت الباب ومشى .. مدري وش عنده الاخ ؟! فعلن دخلت ولقيت زي مايقول أول شي دخلت وتحممت ثم لما طلعت صليت .. فاجأتني بشي بس اخذته شي حلو اعجبني رغم اني مدري وش صاير .. كان فستان فضي فيهـ رباط فوشي بالنص قصير وحلو .. وأكسسواراته جنان حتى البوت الفوشي كان توحفه .. بعدها شسورت شعري ورتبته بحركات خفيفه وحطت لي مكياج ناعم مره .. لما خلصت قالولي انه مخلص كل شي ودافع حيوان ذا الأخ عليه طلعات تقهرني فعلن .. دقيت له واول ماجاء .. صعدت بقهر : خير ؟! وش عندك أنت ؟! كان ساكت ومطنشني .. ظليت آكل بروحي من القهر لين وصلت لبيت خالي دخلت وعلى طول كشفت .. ناظرته : خيير ؟! إبتسم لي : أكشفي بشوف .. رفعت له حاجبي : كاشفه .. هز نفي : لا .. قصدي كلك بشوف وش صار فيك ؟! وش آخرها معك يافيصل ؟! هو أنت تظن بعد أني مجنونه ؟! ولا وش السالفه ؟! شلت عبايتي ووقفت له وكأني أستعرض .. ناظرني بـ أعجاب : والله خطيرهـ ! رفعت له حاجب : ممكن تفهمني وش السالفه ؟! كمل وهو مبتسم برضا : وربي كذا أحسك ساره نحفانه ومتزينه .. صرخت فيه : وش السالفه ؟! أبتسم لي : بتحضرين زفة خويي ..! فتحت عيوني على آخرها : أييش أييش ؟! كملها : عادي .. بتحضرين زفة خويي .. رفعت حاجب : لا يشيخ ! أحسبه شي ثاني .. أولن أنا ما أحضر أفراح ولا زفات ولا ملكة ولا حفلات ... قاطعني : إييه باين .. " رقّص حاجبينه " زفة ريم .. عضيت على شفاتي حيوان نايف ! قال يبرر : عادي إعترفت لي خالتك مشاعل .. سكتت لأول مره أظلمهـ .. قلت : ولو .. أنا ما أحضر .. ثانيا من صلة القرابه .. ثالثا .. أنا رجلي متوفي ما أقدر أحضر .. بالله وش شكلي بسس .. ناظرني : انهبلتي انتي ؟! كم صار له ؟! يكمل سنه ... وأنتي عمرك لحد الآن 24 حتى ماكملتيها مو حرام تدفنين نفسك بس تربين مجود ؟! حابسه البزر معك وش ذا الأنانيه ساره تبينه مثلك مره منعزل ؟! سكتت أناظره .. وقلت بهدوء : لا تحاول تقلب السالفه .. طلعه لزفة خويك ماني بطالعه .. رفع حاجب : إلا بتطلعين .. قهرني كيف كان يتكلم بنبره واثقه : ياخي موب بالعافيه هو كيفي .. سمعت صوته وهو نازل : يكفيك عاد فيصل تراك مره صاير متشدد عليها اما تسوين وإلا بسوي .. خلها بس ..! رغم أنه قهرني لأنه تلقف بـ شي ماله دعوه فيه بس فيصل أفحمه ردهـ ..!! ناظرني فتره ورفع حاجب وكأنه يقول غصب تبين تروحين .. زفرت وصعدت السلم وغصب عناد دفيت نايف .. الغريب أني سمعت فيصل لاف للبوابه الخارجيه وهو يقول : هلا عمي .. صعدت السلم أيهـ بالله إنهبل أخوي .. عاندت غيرت ملابسي إلى بيجاما سماويه برمودا عادي مع بلوزة عاديه مسحت وجهي من الماكياج الخفيف اللي بسرعه راح .. ودخلت يدي بشعري وبديت احركها بـ حركه دائريه .. نشوف يافيصل أروح لزفة خويك ولا لا ..؟ رميت البوت كل فرده بجهه وإنسدحت على السرير .. سمعت صوت فيصل دخل الغرفه رفعت راسي على طول له إنصدم من شكلي كيف كان .. شوي وإبتسم : وش مسويه بعمرك ..؟! قهرني يابروده بسس : في الحلم حبيبي أروح لزفة خويك ... قاطعني : طالعه حلوة مره .. شديت شعري بجنون جالي وفكها : وش فيك أنتي ؟! ناظرته : موب رايحه وكيفي تحلم أنت أفكر بسس أروح .. منت بصاحي !! إبتسم : خلاص مابتروحين .. قلت : غصب عنك موب كيفك .. ناظرني : أصصلن ماعندي حد بيعرس الليله .. نصب في نصب .. فتحت عيني هو إنهبل الأخ ولا وش سالفته ؟! سألته : أجل ياوجه الموزه وراك شايلني من الصالون خلني انوم عندهم شوي لين زفة بكرا .. ضحك : أقولك مافيه زفات ولا شي .. ناظرته بحيره : أجل وش القصصه .. فيصل انت تبي تجنني ؟! إبتسم وهو يهز راسه بـ لا .. شوي وسمعته يقول : أبي نايف يشوفك انتي .. أنتي ساره زي ما أنتي ! شهقت وفتحت عيوني على آخرها هو إنهبل الأخ .. إلا أنهبل الله ياخذك يافيصل كانك تبي تجنني .. وقفت بوجهه أصارخ : منت بصاحي انت ؟ بعقلك شي ؟! وش يشوفني زي ما أنا ؟! لازال على وضعه ولا كاني قلت شي : أيه زي ما أنتي ماتغيرتي .. سواء تزوجتي تأرملتي تطلقتي .. المهم انك كذا حلوة .. ولا كان عندك ولد .. ولا كأنك أصصلن تزوجتي .. ساره بنت عمته نهال نفسها .. ويصرّ عليك ..! فتحت عيني : وش يصر عليك أصر عليك إبليس إلا تروح معه للنار ؟! ضحك : وش أصر عليك أبليس .. مايبيني ما أفيده بشي .. ناظرته هو من جده عادي يضحك ولا كانه قايل شي ؟! ناظرته : فصيييل ووجع وش يصر عليك ؟! إبتسم لي : نايف خطبك ..! نايف خطبك ..! نايف خطبك ..! نايف خطبك ..! نايف خطبك ..! والصدى بدا يتردد بكل الغرفه .. تسألوني وش ردة فعلي ..؟! والصدى بدا يتردد بكل الغرفه .. تسألوني وش ردة فعلي ..؟! أنا أقولكم .. دفيت فيصل بعنف لين طاح على الكنبه وفتحت الباب وركض لتحت .. شفته زي ماهو جالس يناظر التلفزيون وجنبه خالي ومرته وعادي ولا كانه مسوي شي .. سحبت منه الكنترول بقهر وبديت أضربه فيه وكأني أطلع شحنات القهر اللي فيني ..!! ناظرته : أنت أييش ؟! أنت أييش ؟ منت بشر والله منت بشر ؟! ماتحس .. صايبك عطل بـ مخك ؟! تلعب معي أنت ؟! إلا تلعب معي .. ياخي أثبت على شي خلني أفهم أنت وشهو بالضبط ؟! تستهبل علي ولا ماتفكر بعقلك ؟! أنت بالضبط وش تبي مني .. عجزت أفهم لو مره أن أنت تبي شي معين أو حتى ... قاطعني صوت فيصل : سآره ! لفيت له بقهر : وأنت الثاني وش عندك من مصايب بعد .. غرد حبيبي خذ راحتك ..! ناظرني : انتي وش حالة الإستهبال اللي تجيك كل مره حد يخطبك .. وكأنه ذكر تركي بشكل غير مباشر حرّك فيني السكون .. ورجعت هاديهـ .. كل مره حد يخطبك ؟! ناظرني : وش الجنون اللي يصيبك ؟! يومك بالدمام نفس ذا الكلام والحركات تسوينها لتركي واليوم لنايف ؟! سكوـون ! و.. صمت .. وحيرهـ .. وخوف ..! واكثر من إحساس مقدر أوصفه .. هو ليه صدق انا أسوي كل ذا ؟! ناظرته بـ ضياع وتشتت وكاني أقوله أنا نفسي مدري .. تصدق ؟! هو كل شي سويته لتركي لازم أسويه لنايف ؟! بسس تركي يستاهل أشياء كثيره وجد سويتها له .. أما نايف بالحلم .. هو من جده بعد كل ذاه راجع بكل عين قويه ويقولها ؟! مايستحي على وجهه ذاه ؟! ناظرت فيصل اللي كمل : عندك حالة جنون انتي .. أو عُقده من طروى الزواج ؟! سكت بس اناظره .. ثم قلت بتردد : هو .. اللي ليه مايثبت على شي ؟! فيصل : منهو هو ؟! ووش يثبت أنتي مع وجهك ؟! طايب ونقول تركي قايلك شي ونايف ؟! ناظرته : مدري .. هو مايثبتون ..! نفذ صبره : على إييش ؟! سكتت فتره ثم قلت : هم كذا مدري ليه يسوون معي .. والله فيصل ماقد ضايقت حد فيهم .. فجأه يقولون ثم يقلبون ثم يرجعون ثم يقلبون ثم .. مدري وش يصير لأن تركي قطع كل ذاه ومات .. صح .. هم يقولون يبونني .. ثم يقلبون علي وحركاتهم تحس فعلن انهم نادمين علي .. ثم يرجعون يخطبونني .. ثم فجاه كذا .. يقلبون علي ويزعلون ..! هزني من كتوفي : في بعقلك شي أنتي ؟! وش يقلبون وش يثبتون ؟! إرتعشت بس : مدري .. فيصل : ركزي معي وش فيك أنتي ؟! سكتت فتره حتى طاح الكنترول من يدينيبعد الرعشه الثانيه .. تمتمت بضياع : مدري أفهمك يافيصل ولا افهم نفسي ؟! نقزت على طول لم السلم وصعدت للغرفه .. وشلون ؟! هو من جد نايف خاطبني ؟! وسلمى ؟! ولا فيصل أجبره ياخذني ؟! ولا سلمى تبيني اوافق ثمن ترجع تاخذه وكأنها تقولي هو لي غصب عنك .. تحسبني بتضايق يعني ؟! هي ما عرفت منهو نايف بالنسبه لي ؟! ولا عرفت منهو اللي سكن بقلبي ؟! ماتدري أني أحب تركي ؟! هي ماتدري ؟! تنهدت .. نايف وامه وأبوه كل نظراتهم الحين عطف .. ولو رجعت لهم مطلقه والله ما أتوقع يناظرونني كذا .. مقوله عطف علي .. بسس نايف تفكيره عمره ماكان كذا !! هه ! سوير وش فيك أنتي ؟ تصدقين نايف ؟ أو أصصلن هو كان معك على حقيقته ؟! نايف يحب سلمى .. بس مدري وشهو تبريرك يانايف للي كل اللي تسويه ؟! فوق كل نظراتك ترجع لي ؟! هو أنت تستهبل ؟! ولا تستهبل ؟! الأكيد انك تستهبل !! أنفتح الباب بقوة وفزيت .. ناظرني فيصل : وش فيك أنتي ؟ ليه انقلبتي كذا ؟! ناظرته : وتقول ان نايف خاطبني وماتبيني انقلب ؟! فيصل : مو هذا اللي تبينه ؟! أقلقتيني فيه .. حتى يوم وفاة تركي .. مقلقتني مدري احبه ولا لا ... قاطعته : يوم وفاة تركي الله يرحمه كانت نغزات .. وأنت بنفسك عشت معي ذا الوقت .. أنت يافيصل موب غيرك وعرفت أن تركي كان المقصود .. ونايف .. شي عادي مر ولا أعطيته أهميه .. نص إبتسامه : أيوه باين .. لو كان كذا قلتيها بلسانك وبثقه أنك ماتحبينه .. أنتي منتي بمتأكده من مشاعرك .. لا تكذبين على نفسك .. بلسانك قلتي مدري ! بعتها خلاص وش فيه موب راضي يفهمني : أيه كنت احبه شي من الماضي .. وكنت أظنها بس أنا مافهمت لنفسي .. أيه حبيته بس لما ملك على سلمى كرهته من قلبي .. رفع حاجب : غريبه ! يملك من هنا وتكرهينه ..؟! انفعلت : حركته بايخه جدن ومايسويها غير اللي مثله وأقل منه وظني مافيه أقل منه للأسف .. ناظرني بشك : وش حركته .. سآره ؟! بلعت ريقي : أنهـ .. ملك على سلمى .. رفع حاجب وكأنه يناظر عيوين عشان يفهم الصدق من الكذب : من البدايه وأنتي تدرين انه موب لك وش تغير ؟! ساره وش فيك ؟! وطيت عيوني : ودامه موب لي وراه جاي لي .. عطف يعني ؟! بالله فيصل وبكل سعاده جاي لي تقولي خاطبك .. ترضاها لاختك بس عشان ترتاح مني .. الله عليك يافيصل كاني مضايقتك بشي قله ولا تخليه بخاطرك .. من يومني صحيت وربي ماطلبت منك ولا شي ولا من أي أحد .. لييه ؟! سكت كأنه تأثر من كلامي : وش اللي ليه ياساره ؟! همست له : ليه تبيني آخذ واحد متزوج ؟! أو مملك لأني ماسمعت عن زفته ! ناظرني : ترا نايف ... قاطعته : لا تقولي طلق سلمى لأني مابصدقك .. قال بدون اهتمام : هو أصصلن ملك عليها عشان يطلقها ؟! فتحت عيني : أييش أييش ؟! ناظرني : أيه ماملك .. وكذبت عليك عشان أبعده لأنه موب لك وماتتعلقين فيه .. سكوـون ! ولا صوـوت .. ولا نفسس .. ولا أي حركهـ ..! ولا أي ردة فعل .. حتى بتعابير الوجهـ .., ولا أي حرف طلع بالغلط .. ولا أي رجفه ولا توتر .. ولا خوـوف ..! وكأن الحروف ذابت مني .. زي ماذابت إبتسسامتي .. وكأن العقل دوبه يترجم كل كلمه نطق فيها فيصصل بلا مبالاهـ .. وكأنه مايدري وش بيصير فيني .. بسس لما يتفوّهـ فيها .. هو صدق اللي يقولهـ ..؟ هو نآيف .. هو نآيف .. هو نآيف .. نفسسهـ نآيف ..؟ وكل آللي تغير بالسالفه كلها كلام فيصصل ؟ ونايف نفسه نايف .. ونايف هو وأنا ..؟! صرخت وطاحت دموعي : كيييييف ؟! ظل مبهوت : وش فيك ؟! صرخت بجنون : كيف ؟! كيف أنت بس فهمني .. كيف ؟ وليه ؟ ومتى ؟ وهل ؟! و ... أنا ؟! كيف تكذب يافيصل ؟ وليه تكذب ؟! ومتى طلبت منك تبعده ؟! وهل هو ضايقك بشي ..؟! هز كتوفي : ساره وش فيك ؟! وكأنه خاف علي ان ترجع لي جنون .. مايدري أن الجنون دوبه بدا مع أول كلامه !! مشّيت دموعي بطرف كمي : قل تمزح معي .. ولا تقول نايف ماملك .. قل تمزح .. قل غير ذا الحكي .. ناظرني بشك : وش فيك ؟! وش صاير ؟! فهمي أخوك وخذي أجر .. طاحت دمعتي بـ ألم : هو أنا قلت لك فيصل أبي أبعد نايف ؟! عشان تسوي كل ذاه عشاني ؟! ناظرني فتره .. كملت : تدري فيصل لو بس ماقلت أن نايف ملك .. تدري وش كان يصير ....؟! هز راسه بـ أيه : بتبتعدين عن نايف .. كررت كلامي : مافكرت وش كان بيصير ؟! فيصل : كل اللي فكرت فيه كيف أبعده وبأي طريقه كانت .. والحمدلله وانتي كذا تمام .. إنزلقت دمعتي على يده اللي على كتوفي وشهقت بـ ونّهـ .. وتقولهآ بكل بسساطه ..؟ بلعت العبره : تمام ؟ أيوه تمام يافيصل .. تمام وأنا أترك نايف وأتزوج .. أيوه تمام شهر من عمري ضاع وأنا أنتظرك وأنتظره .. أنتظرك ترجع من شهر العسسل تقولي وش رايك بنجوى وأفرح معك أنك معها مرتاحين وأهم شي منت متضايق من إختياري .. شهر يافيصل تفهم .. شهر والله أعده يوم يوم ولحظه بلحظه وكل رمشه تروح من عمري وأنا أنتظر .. تدري وش أنتظر ؟! سكت يناظرني بإسستفهام .. إسترسلت : أنتظر نايف يوفي بوعده ويجي زي ماوعدني .. تنتظرين ياساره شهر ولا شهرين أخلص بس واجيك ؟! تنتظرينني .. أبيك ياسآره ..! مشّيت دموعي : وأنت ؟ ليه قلتها ؟ وليه تركي قالي أبيك ؟ وليه قلت له أيه ؟ ليه عجّلت بالملكه ؟ وليه حبيته ؟ ليه كرهت نايف ؟ ليه احتقرته ؟ بسس عشان أخوي فيصل يرتاح بسس ؟! فتح عينه لي وكأنه يستوعب وش قلت .. أشرت بـ ألم على نفسي : مدري كيف يافيصل أوصف لك اللي جواي .. مدري وشلون اخليك تفهم وش أحسس فيه .. مدري أي كلمه أقولها عشان تحس ..! كتمت الشهقه اللي تحولت إلى آهـ صغيره : أستحي أنزل لنايف .. وربي مستحيه بعد كل اللي صار وبكل عين نازله له .. بكل عين أرفع عيوني له وأقول تخسسى تكون رجلي وأبو ماجد .. ما ألومه لو ناظرني كذا .. بنظره الخاينه ..! همست له : لييه يافيصل ضايقتك بـ شي ؟! ظل يناظرني فتره .. أدري ماعنده تبرير .. أدري ماعنده حكي .. فيصل : سآره .. أنا ... وسكت ! وطيت عيوني وأنا اهز بـ النفي .. تمتمت : أمششي .. امشي يافيصل لا تطيح من عيوني .. أمشي ! كان واقف بس يناظرني وكانه إستجاب لي وخرج .. وخرجت معه روحي !! نايف .. حبيبي .. اللي وعدته .. بعد ماهو وعدني .. ماجالي وسألني ياساره ليه تزوجتي تركي ؟ ماسألني ولا طلب مني عذر ولا تبرير .. وش تحسس فيه يانايف وانت تكتم كل شي ؟! حتى علي انا ماجيت وبررت ؟! هه ! بنظره انا اللي اخلفت .. وانا الخاينه .. وهو .. جاي لي بعد أربع سنوات من وعده عشان ينفذه ويقولي خلني احسسن منك .. وش رجعك يانايف تبي تزيدني جروح يكفيني يانايف .. يكفيني !! تنهدت بهدوء .. وتركي .. لو ماقالها فيصل .. بس خلني اتخيل .. ردة فعل تركي لو قلتها ؟! أروح أعتذرر لهـ ويقولي أنا راضي وامي راضيهـ وأنتي .. وأقولهـ أنا آسفهـ يآتركي .. رآضيهـ بشي وآحد هو حب نآيف .. واخرج من عندهـ .. وأعيش مع نايف وتركي يتزوج أي بنت بالحياهـ .. وتنسيه ساره وسنين ساره .. وانا مع نايفي اللي وعدته وقلتها له أني انا اللي أبيه .. ليت لو يرجع الزمن أربع سنوات بسس .. وشلون اناظر نايف بذا الطريقه وهو اللي ساكت ومكتم كل شي بقلبه ؟! بلعت الغصصه يآإهـ ! قد إييش كذبه بسيطه غيرت فيني أشياء كثيره والمشكله لو أنها علي بس عادي .. أثرت على كثير من حولي ! نايف .. اللي مالوثه الزمن اللي ظل على وعده أربع سنوات على وعدهـ .. أربع سنوات من عمره .. 27 سنه بدون زواج .. بس عشان يقولي انا أوفي حتى للي خآنني .. نايف اللي ماتغير .. زي ماهو ! سمعت صوت عمي : ياولد ! عضيت على شفتي ونقزت بسرعه وتغطيت باللحاف .. سمعت الباب يفتح وصوت خالي : هذا هي .. عمي : الظاهر نايمه .. خلاص أجي لها يوم ثاني .. خالي باصرار : وش تجي لها .. النايم مايصحى مايطير النوم ..؟! شديت على اللحاف .. خالي وعمي مايجتمعون إلا على مصيبه لا في بغضهم لبعضهم تمام ولا مع حبهم تمام ! سمعت خالي : بنت ! لحاله صوته العادي يفزعني من وسط نومي .. وشلون لا قصد يصير حاد ؟! مو قايمه وش عندهم من مصايب هـ المره ؟! شوي وسمعت صوت الباب الظاهر فيصل .. كملت ..! سمعت خالي : وش فيها اختك موب عادتها تنوم هـ الحين ؟! فيصل : مدري عاد قبل شوي كنت معها .. ومدري خرجت فتره لما جلسست معكم .. مدري ! عمي : وقلت لها ؟! فيصل : أيهـ .. بس ماردت بـ أيه ولا .. لا ! شديت على اللحاف وش بهم ؟! مدري هم يقصدون نايف ؟! مستحيل أوافق وتركي ؟! ومشكله لو ارفض يعني بعد أربع سنوات يرجع لي وأرجع أرفضه .. نارين يانايف .. أقل لسعه من واحده منهم .. تحرق كل الدنيآ !! شوي وماحسيت إلا باللحاف طاير مني .. فزيت من الرعشه وانا مره خايفه وباين من عيوني اللي تراقب خالي .. وفكي اللي يرتجف .. وحتى من الحروف اللي ضاعت ! أول شخص طاحت عيوني عليه كان عمي .. طآيب انا يانايف آسسفهـ بخليك انت ترفضني لان مشكله لو رفضت .. أنا ما أستاهلك بالذات لاصار عندي اخو مثل فيصل .. وأنا مجنونهـ .. وعلى ربي الأجر !! إبتسمت له : وش فيك أنت ؟ ماتعرف تسحب اللحاف بشويش ؟! ياخي ترقّى شوي .. ورجعت إنسدحت رغم البركان اللي داخلي كان خامد ورجع ناشط .. عمي : طآيب .. قومي بكلمك .. غمضت عيوني بتعب : تعبانه مره وأحس جآيتني مرضه .. رح وشف ولدك يمكنه محتاج شي .. " برطمت " تركي مره تعبانه رح لمه وشف كانه يبي شي ..! شفته كأنه متأثر .. ناظر خالي وتمتم : قلت لك نجيها وقت ثاني .. انا ثابته عند كلمتي مستحيل أوافق ولا أطلع أي رده فعل أيه ولا لا .. خالي : بنت ! أرتجفت ورحت على طول ورى عمي بسرعه : تركي شفه .. وشلون يانايف تدخل هنا ؟! خالي صارت عيونه تررعب من الشرار اللي يتطاير منها .. وصرخ فيني : بنت أصصحي .. مديت له لساني : موب صاحيه وألحين اطلع كيفي .. " ناظرت عمي " تركي قل له يطلع ما أحبه لا يجي هنا ! عمي : فيصل شف ذا المصيبهـ ..! إبتعدت عنه وأنا اناظره وهمست : تركي انا مصيبه " خنقتني العبره تلقائيا " وش سويت لك .. أول مره تقولها لي .. تركي ضايقتك ؟! عمي إبتسم وباين عليه مره يبي يبكي عمي حسساس مره ومايقدر يشوف كذا .. سحبني فيصل إلى الحمام ودخلني : فيصصل تبي تموتني ؟! فيصل وين ماخذني انت ؟! دخل معي ووقفني عند الشور وعمي وخالي عند الباب .. أول شي صب الدش على فمي .. برودة الجو مع برودة المويا .. مع برودة المشاعر ..! أبي انزّل راسي بس ماسكه مضبوط أبي اكح .. أبي نفس .. سمعته : من اللي عند الباب ؟! قلت وانا أكح : نايف و... قاطعني بحركته انه زاد المويا : من اللي عند الباب .. يحسبني مجنونه وبصحى كذا ! غمضت عيوني كفايه دخل بها كثير : نايف و... كنت أبي امثل عليه اني مره تعبت لما قالها للمره الثالثه : ساره من اللي عند الباب ؟! بسس كنت بمثل مادريت أني من جد بـ طييح مسكني بسرعه وبدى يجرني لبرا بين الصحوة والحلم .. أول شي صابني هوا بارد من نفحات التكييف ماحسيت إلا بنفسي لميت على فيصل رغم ان ملابسي مبلوله أدور الامان بحضن سبق وتركني بـ وقت ما أحتجت له .. وأرجع له لأنه أخوي ! ثيابي مره بارده وأحسس أني بموت هـ اللحظه ..تمر علي أشيء كثيره .. أيامي بالخبر .. والمقلط .. والدمام .. أيام القهر .. أيام الإنتظار .. صدمتي .. زواجي .. ولادتي .. ظهور نايف من جديد .. وزعل تركي .. إيطاليآ .. وفآة تركي .. وألحين .. خطوبهـ نآيف !! جلس فيني وأسند راسي على رجل عمي وجاء لي باللحاف وحطه علي ولفني فيه بس وش يفيد مع التكييف ؟! شهقت ثمن كحيت لين شفت بعيوني كيف سيلان الدم من فمي هو من جد اللي أشوفه ولا أنا فعلن مجنونه ؟ جات لخالي الفهامه وراح قفل التكييف ..؛ عمي بعتب : قلي ياجاسسم يستاهل مشوار للدمام منك كل هـ المجهود ؟! شف البنت كيف ؟! فتح خالي عيونه بسخريه : لا ! يالرقيق .. أمسك دموعك لين نآصل بس ولا أقولك جنبك فيصل كلينيكس ؟! عمي : ماني بوقتك ولا قسسمن ... سمعت فيصل يتمتم لي وأنا اكح : ساره انتي مره قويه قومي .. قومي أخوك يحبك ! ودي أقوم من عنده ما أبيه .. ما أبيه ما أحبه .. بغض النظر عن حياتي .. حياة نايف وحياة تركي !! حضنه بارد ! سمعت صرخه خالي : حدودك إلا أم فيصل .. طبقت جفني وريّحت راسي على فيصل .. وش بها هـ المره أم فيصل بعد ؟! عمي : والله ماجبتها من عندي .. بسس كلام الصدق دايم كذا معك .. سمعت خالي : نهال على راسك من فوق مو انت اللي تلوثها ولا الحقير أخوك .. ولا عشره مثلكم .. وش بهـ ابو فيصصل بعد ؟! ووش بها مرتهـ ..؟ شد علي فيصل وهو يهمس : قومي ساره لا تموتين أبيك .. محد يحسس لي غيرك ..,؛ ركزت مع خالي وعمي رغم إني موب قادره .. بس 24 سنه وانا انتظر متى يتكلمون وأسمع لو شي بسيط عن أثنين مدري هم من .. بسس اللي اعرفه انهم امي وأبوي ! عمي : تاج على الواطيين امثالكم .. سمعت شي يطيح : محد واطي غير أخوك .. ونهال بغرفتها مالها فيهـ ..؛ عمي باندفاع مره : وش وش دخلها فيه ؟ من اللي راحت لمه ؟ من اللي تستعرض له كل ماتشوفه ؟! لا لا باين من بنتها .. باين أخلاق ! هـه ! حتى بنتهآ .. ووش سوت امي أصصلن ؟! خالي : ساره غير ونهال غير ... قاطعه عمي : نفسس التربيه .. شف بنت أختك وشف أمها .. غير ان ساره يومها تزوجت تركي رضت ونهال حاطه براسها .. سواء ياجاسم .., سكت خالي فتره ثم قال : تغلط على نهال أرضاها لانها مو تربيتي انا .. بس إلا ساره خل حد ياطى لها طرف وربي وجلاة قدرهـ يفقدون وجهه بنفس اليوم ! كنت بقوم وأقوله .. خآلي أنت من جدك ؟! أول مره خالي يتكلم عني .. طول عمره معتبرني بزر ! بسس وش اللي يصر عليه خالي ؟! كمل : مغير أخوك راضي تسبه ليوم الدين ماهمني .. وولد اختك أسمح لك ! كنت بصييح .. أنا وامي .. وتركي وأبوي ؟! عمي : والله انهم يسوونك ويسون كل أهلك .. تعيب محمد أنت يحصل لك نصه ؟! شرف لأختك ترفعه انها تزوجته بس .. وتركي ماغلط والله يبيها وياخذها بالحلال .. خالي : أنتم اللي تربيتكم على رحمة ربي .. وش جاب اخوك لغرفة اختي ؟! ولا تركي يستاهل ياخذ ساره ؟! وش به خالي ؟! أرضى ياخالي تسبني بسس إلا تركي ! يكفي والله مابي أعرف دام أن الكتاب واضح من عنوانه كذا .. أمي .. وأبوي ؟! لييهـ طيب ؟! خالي يتمهزي : حلو والله مصطلح إغتصاب رجل على يد أمرأهـ .. فجعتني كلمته كييف ؟! .. سمعت عمي : كان بيكون برضا أختك .., خالي بنرفزة من هـ الطاري : وكنت متوقع انه يكون ؟! كنت متوقع ان نهال ماعندها أهل ؟! ماعندها أخو ؟! كنت بصييح مرهـ ليه يمه ؟! ليهـ ؟! عمي : فهم نفسك .. تبي ترجّع نهال غصصب ؟! بنتها بنفس الغرفه ؟! تحب تستعيد ماضي القرف لامها ؟! شد علي فيصل وهو يتمتم : حبيبتي قومي والله مايصير إلا اللي تبين ! خالي هدى : أثبت لك .. أن لو كنت انا ولي امر نهال موب أبوي نايف والله ماخليتها .. عمي : بالله ! وذا التربيه الناجحه يعني ؟! حرق .. كرف .. ذل .. حتى البكى ممنوع ؟! خالي : أمنعها .. من انها تقرب جنب شي أسسمه حب .. أشغلها .. أبعدها .. أعزلها ياعساها ماقربت لم أحد المهم .. سآره تكون بخير ! خنقتني العبرهـ .. خالي من جدك أنت ؟! بس هذآ قصصدك ؟! والله لو قلت لي ما أقرب ! عمي : إلا قصصدك تخفيها وتعزلها .. بس عشان ما أشوفها وأقول تشبه لامها .. صرخه فيصل صار قلبي منها يطرق : الله ياخذك أنت معه بس أوجعتم راسي .. عمي يكمل : ولو أن تخسى أم فيصل قدام سآرهـ ..! ولا أي نفس مني .. ومتجمع الدم عندي عند موطن واحد .. وسط حلقي بدال الدموع والشهقات ! فيصل بهدوء يتمتم : وش تشبه لها ؟! وش ياعمي تشبه لها ؟! وش ياعمي انت شفت أمي وشفت اختي أسألك بالله كانك شفت براءه على وجه أمي قل لي .. شفت الطفل كيف مرره بريئ كل شي منه عفوي حتى الغلط منه حلو وبسم الله على اختي من الغلط .. أسألك بالله كانك شفت ياعمي حتى بـ خالده ولا انوار ولا أخواتهن من يومهن مراهقات كانك شفت واحده منهن بعز مراهقتها ماسكه كتاب صحه ولا خيول قل لي ! سكت عمي .. وسكتت معه انفاسي ..! فيصل : أنتم إييش ؟! يهنالك ياخالي تروح مسافر شهرين وأنت متخيل منظرها بالمخزن وتدري انها متكورة على نفسها وبس ؟ يهنالك تشوف على جسمها حرق يميزها عن باقي البنات ؟ وأي بنات ؟! وأي بنات ؟! اللي مثلها محد يشوفه هذا ان فيهـ حد مثلها .. تكسسر قلبي لا سألت خالي عنده صورة لأمي ؟! بس صورة ؟! تشكي لها لاضاقت بها الدنيا حتى مني .. حتى مني لاقسيت موب بـ أيدي بس اخاف .. اخاف تغلط بـ البراءه مع أي مخلوق يرتجف عند براءتها ! ونّت الأرواح يافيصل كانك ماقد جربتها .. تعال وإسسمعها عندي ..؛ فيصل : ودي أقولها ياسآرهـ لفي على نفسك بالمرايا وتشوفين نهال .. بس أخاف اظلمها وين أمي ووينهاآ ؟! هذي مو دموع فيصل اللي تسيل على وجهي .. هذي قطرات مويا .. فيصل مايبكي .. فيصل مايبكي ! كمل بنبرة مليانه عبرات : ضحكت لي يوم إنحرقت وإبتسمت .. ليه الحرق أبفهم بس ؟ ليه هي بالذات ؟ ليه مو أنا ؟ كلنا صعدنا موب بس هي .. أيه نعم هي اللي قالت بس كلنا وافقنا .. تحرمها الطفوله ياخالي لما تلعب ؟! بالذات لاصارت مع نايف .. أو مع تركي .. أو حتى مع مجود ! كح يعدل صوته : ووش اللي يخلي تركي مقلقنا أبيهآ أبيهآ ؟! هو فيه بنت زي اختي ؟ ولا وش اللي يخلي نايف فوق كل اللي صاير .. أيه أرمله وعندها طفل أيه وحزينه .. أيه وتكرهه .. وش يبي .. وش يبي ؟! خالي بحده : يبيها لأنها له .. من يومها له وتركي ماله وجود أصلن وأكبر دليل أنه توفى رآح .. عشان تبقى لنايف .. زي كلمة أمها وكلمة أمه من اول ماجاها الطلق .. إن جات بنت ترها عندك ياليلى وعند ولدك ورجلك .. عندك ولا ظني ببقى لهآ وما آمن إلا عندك ! ليلى ؟! منهي ليلى أصصلن ؟ مرت خالي ؟! إسسمها ليلى ؟! أم نايف إسمها ليلى ؟! وكانت مع أمي يوم تولدني ؟! وأنا امانتها ؟! وأنا أصصلن لـ نايف ؟! من الأسسآس هو لي وانا لهـ ..؟! وكل اللي صآر خربشات ؟! وش الخربشات حبي لنايف ولا حبي لتركي ؟! ولا حيآتي مرسومه على خربشات من الأساس ؟! أبسسط شي يمسحها ...؟! خالي : ولجل كذا ما أعطيتك لها يوم جيت تاخذ لبوك فيصل .. خذ فيصل كانه يشبه لاخوك بس خل عندي سآره وكان فيصل مكتوب عندكم لنجوى مهما صار مع مروى .. ساره مكتوبه هنا مع نايف لو عندها بدال ماجد من تركي ألف .. تسمعني وش يعني ألف ؟! عمي بحده مره : إلا ساره لتركي .. خالي صرخ فيه : أصححى ! وش لتركي بن اختك مات ومابقى لها إلا نايف .. ودي أمسح دموع فيصل بس .. فيصل : هه ! من القهر على أختي .. ههه وش اللي يخلي نايف يصر عليهآ ؟ وش اللي يخلي تركي يبيها لو تصفعه بدال الكف ألف ؟! خالي بحسره : يبيها .. ويحبها .. عمي : ماظني بعد زواجه معها ماعرفت وانت ساكنن معهم .. ولا أزيد على كلمة خالك إلا مايبي غيرها ! فيصل : أووهـ أجل تعرفون الإجابه والله .. من متى ؟! خالي بقهر : من يومها ملكت .. ومن يوم تلميحاته معها يومها بالمتوسط ..,؛ فيصل : ولا قلت تبي تعرف وشهوله يبيها ؟ ههه وش بها ساره زود على سلمى ؟ ولا أنقص من ساره بس سلمى كذا الحلوهـ اللي وش تبي قالت لها امها لبيهـ ..؟ حاول تقوله ينسى روحها أو ينسى وجهها .. أو حتى ينسى ضحكة الألم لاجات من فمها .. قله وش يصير فيك لا شفت ساره بتبكي ولا انت بقادر تجي لمها ؟! صرخ خالي عليه : فيصل خلاص .. كل ذاه أدري عنه مو لازم تعيده .. وهي لهـ ..! عمي : أقسسم لك أن روحها من تركي .. ولا رد مني لاني حسسيت ان عقلي طآر مع الأرواح الإثنين مع أمي وأبوي .. سوالف جديدة رغم تواريخها القديمه .. 26 سنهـ على كل شي صار ..,؛ ليت 26 سنه كانت تعيد بكرا وخلني أحذف كل شي ما أبيهـ .! سمعت شهقه : وش مسوين بالبنت ؟! صوت ليلى خخخ .. أو مرت خالي بمعنى أصح أول مرة بالحياه أعرف إسسمها ! ولا قد خطر على بالي أسأل أصلن يمكن خلاص حلوة مرت خالي .. يمكن تحسسها حآف لو قلت ليلى ..؟! صوتها مره رايح بكى : وش مسوين ؟ وأنتم ما أشوفكم إلا مسوين مصآيب ؟! حسبي الله عليكم كانكم بتذبحون البنت وتفجعون قلبي ..! ليييهـ ؟! وكيف خالي ومرت خالي يدافعون عني ؟! هم كذا على طول ولا بس عشان يبان قدام عمي ؟ ولا .. عشان نايف ؟ سمعته تتحسب : حسبي الله عليكم ونعم الوكيل .. سمعتها : يممهـ .. " سكتت فتره ثم قالت " وش ذاه .. سوير هذي ؟! سمعت شهقة مرت خالي اللي تلتها : ايه ساره وليتها موب هي ! مروى : والله يمه احلفي هذا ساره بنت عمتي .. احسسن يعني خلاص بتموت معادني بشوف شكلها .. يووهـ يا أنها سخيفه بجد .. أحسسن بعد نرتاح شوي مافيها شي حلو أبد من زينها تصير مرت أخوي بعد .. صرخت خالي : مروى ! وكأنها خافت سمعت الباب يتسكر .. فتره ساكتين ودي أقول لفيصل كفايه لا تبكي ياخوي تقطع قلبي عليك ! شوي ورجع إنفتح وحسيت بمرت خالي : ساره .. ساره يا أمي قومي .., شوي وسمعتها : وش فيها ماترد ؟! وش فيني ما أرد ؟! هو عندي رد عشان أرده ؟! هو بقى بـ ذا الكون سالفه عشان أقولها ؟! ولا بقت صدمة أنصدم فيهآ ؟! وتسسألين وش فيني ما أرد ؟! فيصل : طقها جنون يا أم نايف .. وكأنها فهمت وشهقت : وش فيك فيصل هذا وانا أرجى بك الخير ترحم بها وتسوي فيها كذا ؟! فيصل : مدري وش فيها ماترد علي .. من يوم طلعتها وهي كذا .. مرت خالي : وتاركها كذا تموت بين أيدينك ومنت بمسوي لها شي ؟! قل لي أقلها بس وش يكلفك يافيصل ؟! وش قايلين لها أنتم ؟! عمي بضييق : هي صحت عشان نقول لها ؟! مرت خالي بقهر : صوتكم واصل عندي تحت وتقولون وش ماقلتم ؟! والله أن صار بها شي .. هزتني : ساره .. قومي يكفيك نمتي كثير .. بدت تضرب وجهي وصوتها كل ماجاله يتهجد : لا تروحين وتفجعينني زي ماراحت نهال وفجعتني .. مالحقت أنسساها إلا وأنتي .. قومي يا أمي .. " سكتت فتره " وش فيها ماترد ؟! فيصل بحنان : مدري ودي أشيلها بس اخاف تتعب أكثر .. مرت خالي بعتب : وتتركها كذا تموت .. قم معي بشيلها !! فتحت عيوني وبديت أرمش بـ حركة سكون و... شفتها ..,؛ زي لما تتخيل شكل حد خايف عليك .. زي لما تقتنع ان شخص مايحبك وهو يتقطع عليك .. زي لما تعرف كل حقيقه .. ودك تحذف شي وتعرف أشياء قبل يفوت كل شي ..! ودك تحذف ماضي نهال .. وودك تعرف حبهم لك وأنك أنت لنايف .. والله لو ادري ماهمني شي ..! بس وش يفيدني كل ذا الندم ؟! وانا قلتها ماني براجعه لنايف لو كان موتي .. وانا مجنونه وش يبي فيني ..؟! إبتسمت لي : قومي يا أمي غيري ملابسك يجيك برد .. وكلي لك شي يمكنك تعوضين نفسك نحفتي ! رجعت وغمض عيوني أحذف صورة مرت خالي اللي ماتحبني وأبدلها بـ صورة الأم الثانيه .. أو الاولى لأن أمي أصصلن ماشفتها ! بدت تهزني بشويش .. رجعت وفتحت عيوني حطت يدها على راسي : شف مريضهـ .. قم معي يافيصل .. ظليت فاتحه عيوني أشوف بس موب واضح شالني فيصل وأنا بلحافي بس وقفت ومشيت إلى سريري مرة أبي انوم ودي انسسى كل اللي سمعته .. ألحين بس عرفت لامني سألت عن حد منهم ليه مايجاوبونني .. صح أفضل لي ما اعرف .. ليتني ظليت للابد ما أعرف !! جات لي على السرير : وش فيك ؟ قومي بتطمن عليك ..؟! سكتت فتره ثم تمتمت : بنوم بس ! قربت أذنها : إييش ؟! غمضت عيوني .. أبي أنام ما أبي أفهم شي .. بس انوم ..!! شالتني بشويش : تعالي بس تحممي بمويا دافيه ثمن تلبّسي شتوي تحررين .. قمت بانصياع .. هو فيه حد يحصل له حد يخاف عليه ويرفض ؟! تحممت بسرعه سآره أنسي كل اللي سمعتيه محد بيأثر عليك وانا مُصره على قراري بربّي مجود ولا بتزوج ! خرجت بعد مالبست ملابسي اللي جهزتها لي وانا مبتسمه رغم الالم اللي أحس فيه .., ورجعت للحافي .. سمعتها : لا لا .. وقفي .. خوذي ذا اللحاف بس .. إبتسمت بس وأنا اتلحف فيه .. خالي بحده : بتنومين سوير ؟! إبتسمت من داخلي .. خالي يحبني !!!! أول مره احط تعجب بذا الحجم أربع ورا بعضهن .. الاولى .. لأنه فوق كل الحرق والقساوة .. يحبني ..؛ الثانيه .. كيف يقدر يوزي كل حبه ودفاعه اللي سمعته قبل شوي تحت القسسوه ؟! الثالثه .. ليهـ مع كل حبه لي يبيني أكون له نهال .. رغم انه يفرّق بيني وبينها ! و.. الرآبعهـ .. آهـ تطلع من جوف القلب كيف يحبني ويسب أغلا أنسسان على قلبي ؟! رفعت راسي بتعب : إذا تبيني أقوم والله ما أنوم .. ناظرته مرت خالي وهز راسهـ .. وجالي على السرير أول مره احس بالحنان بقرب خالي !! قال : بقولك شي ثمن بطلع .. هزيت راسي وكنت بعتدل بس وقفتني يده : كلها كلمتين أنسدحي .. لو أبيك تقومين قلت لك قومي بس أهجدي لا ترتجين .. هزيت راسي بـ أيه .. كيف يغير نبرته بين دقايق ؟! قبل شوي كانت عادي حلوة وأحلني مره ترعب !! هزيت راسي : أسسمعك ! خالي : تذكرين وش قالك فيصل قبل تنومين ؟! هزيت راسي بـ لا .. هه ! بس أبي أضيع وقت ما أبي أرفضه ثمن وش بيقول عني ؟! هز راسه : ولدي نايف تعرفيه تراه يبيك يصونك .. جلستك معها بـ بيت وأنت أرملهـ وعارفه أن مافيه شي يثبت لو قال حد عليك شي .. طاح وجهي وش فيه خالي ماخذ راحته بالكلام مرره ! خالي : أيه وأنا أقولك أنتي ماعدتي بكر .. وهو يسترك من كلام أي حد .., كنت بفتح فمي بقول بس كلمة " خله يفكر ! " بس قاطعني : ما أطلبك جواب إلا بعد فتره .. وقام ولا كانه قال شي وطلعوا .. واحد واحد .. وتركوني .. بلحالي !! هم من جدهم نايف يبيني وانا كذا ؟ هو الحكي ذاه كله موب كذب ؟ يعني امي وأبوي و..؟! زفرت سوير خلاص يكفيك .. أعتدلت بجلستي .. ولا من جده خالي يبيني أفكر ؟! أنا عندي قناعه ومستحيل تتغير وانا قلتها لامني قلت شي مستحيل أغيره ولا في شي زي كل الناس يكسرني أنا انكسسرت مرتين ويكفيني .. مافيني حيل على الثالثه وأصصلن ماظني بتجي .. أدري ان نايف مو ذنبه بس بظلمه معي لو تزوجته .. وشي صعب فوق انه ولا قد ملك ولا قد تزوج انا أرمله وعندي ولد .. وغيره أنا تزوجت وحبيت بعده وهو لا يزال .. ظنكم برتاح معه وحتى لو انا إرتحت هو يرتاح ؟! مستحيل أظلم ولد خالي معي ..!! قمت بهدوء ورحت لبداية السلم الى أسسفل شفتها تكلمه .. مروى : والله ليه منت بمصدقني والله شفتها تبي تموت خلاص .. مالك غير سلمى .. شفت عمتي شددت على مجود اللي كان يناظر بهدوء وكأنه مندمج ولا يدري هم أصصلن من يقصدون .!! نايف : احكي للصبح ماني بسامعك .. مروى بقهر : كيفك .. ولو أني احسس أول مره ساره تسوي خير فينا وتفكنا .. كان يصعد للسلم بس وكان الكلمة وقفته حطيت يدي على فمي شفته سحب أقرب زهريه ورماها على الأرض قريبه مره منها شفت مجود إرتعش وبرطم وكأنه متضايق .. نايف : كلمة بعد والله مايحصللك طيب .. شفت فيصل داخل على المقلط الظاهر عند عمي وخالي .. وبالمره مرت خالي جلست مع عمتي ولا كانه شي صاير ولا كأني قبل شوي سمعت حكي وحكي !! صعدت بسرعه لأن نايف بدا يصعد ودخلت الغرفه بديت أشسور شعري ودي انزل لمجود بس ما أقدر .. خلصت شسوار غيرت ملابسي الظاهر اني ناويه أنزل .. وربي أشتقت لولدي حبيبي لبست لبس عادي تنورة بيضاء طويله وبلوزة زيتي تحجبت بالأبيض وبديت أرتب نفسي وطلعت .. ناظرت الساعه موب كأنه متأخر شوي ؟! ييلا ماعلي .. ناظرت غرفة نايف وحسيت اني ببكي .. هو نايف كان من جد يحتقرني ؟! من جد كان يدق على تركي بس يبي يخرب علي ؟! مشيت بخطوات متردده طرقت الباب ومحد رد خفت ضايقته بس خلاص انا أبي أبدي من جديد وأفهم كل شي ومابقى غير ليهـ نايف كان مع تركي ؟! رجعت وطرقته بس ولا رد .. فتحت الباب بشويش شفت الغرفه ظلام الظاهر موب فيه تضايقت كثير كم يبي لي عشان أعرف كنت بطلع لولا أني أنتبتهت لتواجده على السرير والظاهر انه نايم .. مشيت بهدوء وفتحت نور بسيط ورحت للسرير رفعت الغطا بشويش ولا كانه حد معه أبد .. مدري وشلون أصحيه .. همست : نايف ! ولا كانه حد معه مره رايح بالنوم .. وكانه شريط يمر علي في يوم من الأيام دخلت وكنت نفس الشي موب عارفه وشلون أصحيه بس كان خجل لاني أحبه .. واليوم خجل لأني جايه له واليوم خاطبني وغيره نظراته ونظراتي ..!! هزيته : نايف كيف تنوم .. قم مابقى غيرك يفهمني وش صاير ؟! فتح عيونه وباين انه مره نايم شوي وفتحها على آخرها وهو يناظرني .. عقد حاجبينه : سآره ؟! هزيت راسي بـ الإيجاب .. وكملت بتعب : قم يانايف مابقى غيرك يفهمني ويبرر لي كل شي ! رفع حاجب وش فيه الأخ ؟! .. شوي وقال : وش أفهمك ؟! كنت مستحيه مره بس مسويه نفسي الإيش خخ : قم وانا أعلمك .., كان نعسسآن رحمته : خلاص موب لازم كمل نومك .. قام بهدوء للحمام تكرمون وقال بدون مايناظرني : خلاص قمت مايجيني نوم .. إنتظريني تحت وبجي .. صراحه أفتشلت بسس بالله ماتحسون انه غصب خاطبني ؟! والله جد يفتح عيونه والنفسيه والاخلاق وش فيه ؟! عموما مالي دخل تلقفت لين قال كفايه .. بس ودي ادخل راس نايف وأفهم وش يبي ياصل له ؟! شوي وإنفتح الباب .. كان فيصل وعلى طول إتجه لباب الحمام تكرمون وبدا يطرقه .. فيصل : نويف إنزل ألعب معي مرره ملل ياخي وش ذا الحياة الملل ..! إبتسسمت بس .. وش يحس فيه فيصل وهو يرجع زي ماكان .. وش يحس فيه نايف ؟! شوي وسمعت فيصل يضحك : طآيب أنجز علينا .. لف وفتح عيونه على آخرها .. على طول قلت : كنت جايه بسأل نايف سؤال وقلت أنتظره وهو بالحمام ! هز راسه : مصدقك .. شوي وقمت بطلع .. قال : أنتظريه شوي وطالع .. موب ساكن جوه هو .. بلعت ريقي : كنت بقوله انتظره أسسفل بس خلاص لا طلع قل له ..؟! فيصل : بالله سوير وشهو سؤالك ؟! إبتسمت نص إبتسامه : أبد عآدي .. طلعت .. فيصصل ؟! ما انكر ان يومني سمعت أنه كذب ومره كل اللي صار عشان كذبه منه ماكان عندي نيّه أسامحه .. بس وربي يومني سمعت كلامه وكيف كان يتكلم عني أنا ولهجته وتأثره مره بغيت أبكي .. كنت بقوم له واقول له فيصل خلاص لا تبكي مسموح ..!! نزلت تحت سلمت على عمتي وأخذت مجود : يا انك مرره وحشتني .. برطم : ليه أجل ماجيتي لنا ؟! رفعت حاجب : يآسسلام وتبيني انا اللي أجي لك ؟! ليه موب انا امك انت تجيني .. مجود : بس موب كل مره انا اللي أجي لك تعالي لي انتي .. قلت : لا يشيخ ! انت بس قل قسسمن وانا بصدقك .. وأنت وين حسبالك تروح يعني ناوي تسكن فيذاك ؟! وأنا ؟! لا ومصدق نفسسه موب كل مره أجي لك .. إبتسم لي لميته على طول : مرره وحشتني لعاد تروح عني .. يوم كامل ماشفتك .. كانت عمتي تناظرني مبتسمه .. قلت : وش بك يمه ؟! إبتسمت وبس : مدري يمه وش فيني ! قلت على طول : كانه على مجود خله معي .. والله ماقصدت أزعجـ... قاطعتني : والله لو ربي يفكك من ذا الحكي تكونين حلوة .. قلت بإنزعاج : أجل وش فيك ؟! موب معقوله كذا من هنا لين الحزن بدون شي ؟! إبتسمت كامل لي .. شوي وجات مرت خالي على طول قمت ولا تحس اني سمعت منها شي أبد وقمت بصعد .. شفت فيصل ينزل ونايف وراه يقفل الكبك لثوبه .. وطيت راسي ومشيت .. نايف : هاهـ سآرهـ يقول فيصل تبين شي ؟! رفعت راسي وهزيت راسي : أبي أسألك .. " ناظرت فيصل " مدري ! فيصل : ياكرهك سوير لاصار عندك شي تخبينه علي ؟! إبتسمت نص إبتسسامه ومشيت مع نايف لين المقلط الخارجي .. سمعت فيصل : لا تطولين ! كنت ساكته مره اول ماراح فيصل وينه لساني .. خخ مدري وش فيني ؟! سمعت همهمه صغيره منه .. رفعت عيني له : نايف بالله أبي أسألك ومابي غير اللي كان في خاطرك وقته ! هز راسه بـ أيه .. قلت : ليه كنت تروح لتركي ؟! لييهـ ..؟! ووش اللي كنتم تفهمونه من نظرات كل واحد للثاني ؟! رفع حاجب : وتسألينه بصفتك أييش ؟! ليه يعاملني بذا الطريقه ؟! هو أنا وش قلت له .. قلت : بصفتي زوجة تركي .. إبتسم بهدوء : ووو.. ؟! قلت : بسس ذاه سؤالي .. أرجوك تجاوبني ..؛ نايف : ماطلبتي .. بس بعد أسألك كانك ترضين ؟! كنت خايفه يسألني ليه تزوجتي خايفه مره ماأحب يكون فيه شي حاجز لو بسيط بين نايف وفيصل أو أي إثنين بسببي !! هزيت راسي بـ أيه .. قال : هو تركي ماقالك ولا مره أي شي كذا ؟! قلت : ماقد تكلم لأني أصصلن مابديت وقلت له شي .. تركي موب كل شي يعرفه يقوله .. بسس أنت يمكن فيه أمل تجاوبني ..! إبتسم : أهآ ..! سكت تفتره وانا أناظره يعني يلا جاوبني .. قال : بقولك كانك عادي تسمعين .. هزيت راسي بـ أيه وانا مستعده تقوله لي كامل .. قال : اللي بقوله لا هو غريب عليك ولا شي تستنكرينه أنتي تعرفينه بس بعطيك من اللي كنت انا أشوفه .. يمكن أنتي شفتي شي بسس من نظري غير !! هزيت بـ أيه .. بدى وهو مبتسم : في كل مره أقول بتجي لك يانايف ساره وتسألك عن كذا وتجين .. صح تذكرين ؟! هزيت راسي وانا ساكته بـ أيه .., وشلون ما أذكر وأنا بنفسي اللي رايحه لك أسألك وين يروح فيصل ؟! قالي : قلت له ياتركي ترى سآره بنت عمتي موب غبيه يمشي كل شي عليها بس كان يعرفك اكثر مني .. تركي متقدم علي بـ أشياء كثيره ..! سكتت وانا أبيه يبدي ثم قلت : أبدي من أول شي لآخر شي خلني أسستوعب .. هز راسه .. سكت فتره ثمن قال : تركي أصغر مني بسنتين وما أعرفه إلا إنه الإنسان اللي صادفته وأنا بمتوسط وعرفته ومادققت اصصلن باللقب لانه ماقد مر علي .. وعرفته .. كان أحلى شي ممكن تتوقعين تشوفينه تسمين عليه باسم الله بالطلعه والنزله كامل والكامل ربي .. اللي لما اتكلم معه زي لما اتكلم مع نفسي .. علاقتنا حلوة مغير يومه جاء اول مره بالثانوي ياخذ فيصل .. ياهي قويه ياساره وانا أشوف أبوي كيف معه وأشوف خاله كيف معي .. سكتت اناظره أبيه يكمل .. هو من جده نايف ؟! إبتسسم : باقي مشوار ماعليك .. كيف يكون تركي أقرب من لي .. إنسان يكرهه أبوي وليه ؟ عشانه من اهل أبوك ؟! ماتمشي عندي وقلت له أنا معك لو مو بس أبوي .. صعب تتركين شي أنتي تبينه .. قالي طيب بس مالنا بسوالف أبوك وخالي مشيها يانايف .. " ناظرني وهو مبتسم " مشيتها ! سكت كأنه يتذكر : أحلى شي لما انتظر متى يارب يجي الجمعه لان بعض الاحيان ماودي أروح للدمام وما أرجع إلا الفجر تحسسين صعبه .. بعكس لما يكون بالخبر أتعمد شوي أعطل فيصل لأني احس بالراحه لما يكون معي بالخبر .. ولأن أبوي من يومني بزر محلفني لو يصير اللي يصير ماتقول ان عندك بنت عمه فـ انا مطنش السالفه .. سكت وهو يناظرني بابتسامه .. قلت : أيه قل وش بك سكتت ؟! ساكت ويناظرني وهو مبتسم .. وش بيقول نايف ؟! قلت بتعب : وش تبي تقوله يانايف .. لا تناظرني كذا أسمعك ..؟ بانت على وجهه إبتسامه حلوة : قلت له ياتركي انا احب .. وأول مره اعترف لحد فيه وتورطت لما سألني عنها .. وشون أقوله أن هي بنت عمتي وأبوي محلفني .. ووشلون أقوله وانتي بنت خاله .. ووشلون اكذب عليه وانا ما احب ذا الحركه ؟! طاح وجهي ألحين ساعه يناظرني عشان يقول كذا ؟! كمل : قلت انك سلمى أختصر على نفسي أمور كثير أنتي أسمك بس سلمى والباقي كلك سآره .. كان يضحك كثير علي .. شي حلو لما يقولي شف ذا الحرف أعجبني وذكرتك .. شف ذا وش شفت قلت إلا تشوفه معي .. ومشت السالفه سنين وانتي سلمى .. على أقل شي تسوينه .. ياتركي تراها سوت كذا يقولي تراك بزر " وكأنه ماسك العبره " مايدري انه أكثر مني !! وكانه يقلب المواجع علي ..,؛ هز راسه : ماعلينا .. قلت له تجيني بنص نومي تقولي عندك شي محاضرات تراني بروح معك ويقول لي لاتعطيها وجه مرره وإحترم نفسك كثير وأفهم انك منت برجلها .. " رفع عينه لي " لما أقولك أن تركي متقدم علي بـ أشياء كثيره ! هزيت راسي يعني كمل .. ماودي يوقف أبد خله يقول متواصل .. نايف : جيتيني انتي وقلتي تبين تعرفين .. وش أسوي قولي لي أقول لتركي ترا عندك بنت خال وانا اللي أبيها ووو .. لا صعبه ولا أجي لك وأقولك ترا إسسمه تركي ويطلع بن عمتك وتراه كذا وكذا ؟! وش رايك بس وش أسوي ؟! حسيته بإحراجه هذيك اللحظه يالله صدق أني ملقوفهـ ..! نايف : ماعليك أيام مضت لا تذكرينها إلا بالحلو .. قلت لك ما أنكر اني كنت بموت وماتدخلين بس دامك تبين أنا من يدك اليمنى لليسرى وكأني أساعدك تحبينه واساعده يحبك .. يقولي يانايف بنت عندكم طويله ومتلثمه وصوتها حلو بس لو تعتدل أخلاقها .. " زفر " ذا البنت يانايف دخلت لي اليوم مدري شف لي من ؟ وبالليل تقولين لي انتي ياكرهه !! سكتت يآآإهـ ! أيآم مرت بسرعه وكأنها برق .. ليتهآ ترجع ! ناظرته : لاتقطع يانايف أرجوك ..! نص إبتسامه تجبره أنه يكمل : أسبوع .. وإسبوعين .. لين قالي أبيها .. أبيك تعرفلي من إلا أبيها .. كنت أضحك معه ودي أقوله ياتركي ذا البنت اللي قلت لي لا تعطيها وجه ذا البنت اللي قلت وجهها مغسول ذا البنت اللي قلت لي تراها واحده تافهه .. وش رايك بكل اللي قلته قبل ألحين تغيره وتقول أبيها ؟! حسيت بدمعتي علقت رمشت بسرعه مابيها تنزل .. لين كمل : وانا ممشي الأمور بهدوء أسمع منك واسمع منه وقدام الأثنين انا مدري عن السالفه .. لين جالي يقولي بقولك بس والله ولا تزعل تراها تقول انها اختك ! ماكنت أبي أقوله أختي وكذا وكذا .. بس يمكن لانه تركي اللي سألني أسمح له يعرف أوصافك .. قلت له موب اختي تراها .. أنت تقول اوصافها كذا وانا أقولك أوصافها كذا .. ولانه تركي ولان مروى تكشف يشوفها ويعرف .. يرجاني يانايف شفها لي جنيت أبي اعرف وانا ساكت اتقطع بس لين قد وقالك وانتي قلتي له أنك ساره .. وش يحس فيه نايف وانتي جايه له هو لانه نايف تقولين تراني خايفه .. ووش يحس فيه نايف لما يقوله تركي تراها بنت عمتك .. بدون مايعاتبني ولا أي شي ..! بلعت الغصه وانا اناظره .. شوي وقال : لما اقولك ان تركي متقدم علي بـ أشياء كثيره ! سكتت اناظره اتعبتني يانايف ليه توقف ؟! أتعبتني !! نايف : ونقلتي عندهم كنت عارف انه آخر يوم أشوفك فيه ومع ذلك طلعت ولا كأني مهتم وش يعني بنت عمتي تنقل للدمام وش فيها عادي .. تروح مايهمني .. " نص إبتسامه " وصرتي عنده وانا بالخُبر وأنتم الإثنين بالدمام .. لما يقولي سوت كذا وكذا .. ودي انطق له وأقوله وش رايك منهو البزر فينا ؟! يقولي تقهر بس أحبها .. ولأنه تركي كنت آكل تبن وأسكت .. يقولي بغيره تخيل راجعه البيت ومعها أحمر وشي وكذا .. هو غيران ويشكي لي وأنا غيران بس أشكي لمن ؟! ناظر السقف وكأنه مايبي يتأثر بذكرى تركي .. صعب يانايف ننسى تركي ! كمل بعبره : قالي تراها تبي تدق لك تبي منك شي .. أنتبه تغلط يانايف وأقوله طيب وكأني ما أبي أي شي يأثر فيني آخذ مشعل بن عمتي ولا كانك اليوم تدقين ولا كأنك أنتي ساره .. ويرد مشعل .. وش تبيني أقولك ياساره وش تبيني أقولك ؟! أقولك مرره مرره وحشتيني ؟ " نص إبتسسامه " ويقولي سامحني تراني قلت شي لها بس أبي اعاند .. وشهو ياتركي .. يقول يومك قلت لها وحشني هبالك عصبت عليها أقول كانه صوت واحد يحبها .. لاشفتها العن فيني شوي أمسح فيني الأرض عادي ماتفرق .. هه ! هو يدري أني أبيك انتي ؟! مسكت دمعتي وأنا اقفل عيوني .. أذكر هـ الأحداث بالضبط بالتمام ولا بها نقص ..! وكيف أنسى ؟! وكيف أنسسى أصلن وشي كان من الماضي ..؟ ولايزال ينحكى لي ! بس .. بصورة مادريت عنها !! نايف : تدرين وش أحس فيه لما تقولينها ؟ ودي أقولك ساره أنا اللي أحبك تهورت وقلتها حسيت نفسي أوطى إنسسان بالحياة .. رغم أني انا اللي عرفتك قبله وانا اللي حبيتك قبله بس مهما يكون هو تركي .. لما أصرّ علي خاله يقولي إلا تجي يقولي هـ المره عندنا ياسلام ! ناظر بالسقف بابتسامه : يعرف نظرتي ويعرفني منهو أنا ويعرف كيف اعيش وشلون مايفهم نظرتي لك " ناظرني " تسألين وش كان يقولي بالإشاره ..؟ ناظرته .. سنين على ذا اليوم .. اكلت بنفسي يومني شفتهم بس وش يقول .. هزيت راسي بـ إيه .. قال : كان يقولي تبيها ؟! وأهز راسي بـ لا .. ما أرخصك لا والله بس إذا انتي لي لو يصعد للسما وينزل للأرض لي .. ولو أنت له لو أصعد للسما وأنزل للأرض له .. ما أرخصك ولا أنتي بشي كلن يقطه على الثاني بس من الغلا ياساره .. وغلاك وغلا تركي شي وغلا كل الناس شي ثاني .. وطيت عيوني وهو يكمل : يتأفف لي ياخي والله انها قرف وتقهر تنام كثير وماتطلع إلا باليوم مره مرتز بالصاله ماتنزل شف لها صرفه .. أقوله نظامها على الساعه أربع الفجر تلقاها تصحى وبعدين ترجع من المدرسه وتذاكر وبعدين .. " باينه العبرة فيه " كل جدولك أحفظه أنا واعطيه له وكانه شي لازم نحفظه ..! بلعت غصتي وأنا أرمش لاتبكين ساره لاتبكين ..! شوي وقال نايف : يقولي اليوم شفتها نايمه بالصاله خفت اجيب العيد ورحت .. وأنا نايف لما أشوفك أناظرك .. " ناظرني " لما أقولك تركي متقدم علي بـ أشياء كثيره .. إبتسسم لي : كان ودي أقسمك نصفين نص لي ونص ثاني لتركي .. تركي يبيك ولو أنتي عرفتيه انتي من نفسك تبينه .. وبنفس الوقت انتي تقولين تبين نايف ونايف يبيك بس مايقدر ياخذك وتركي ؟! كتمت دمعتي أول مره حد يفتح قلبه كذا ! بالذات لا كنت تعرف القصه كامله وتعرف كل شي بس يقراها حد لك من نظره !! وبالذات لاصارت الشخصيات .. أنت ورجلك وحبيبك !! كح يعدل صوته : بزفة أخواته أقوله وراك ياخي ما أعرست معهم .. كان ضايق مره يقولي وين مشوار ذا البنت .. وانا هه ! .. أظني تعرفين .. " ناظرني خنقتني العبره " عان الله قلبي وقلبه !! مسكت الدمعه ومشّيتها بكمي بسرعه وهزيت بـ أيه .. كمل : طول شهر كامل وأنا أفكر وشلون أقول لتركي ؟ لو اني قلت له أسمها ساره وبعدين كملت وقلت تراها تقربلي يعني بشويش .. وبنفس الوقت مايهون علي .. ولا تهونين ! ناظرته كل ذا بقلبك يانايف ولا تقوله ؟! نايف : انقلبت الدنيا فوق تحت .. كل مافي الأمر مرسله لي شي مدري تقصدينني فيه ولا إييش ..؟! حياتي .. وحياة تركي وحياة سلمى وحياة أبوي وأمي وحياة فيصل كلها بس على إشارة منك جربتي مرة تبكين وقدام تركي ؟ يجي يقولي تبكي .. وأربطها بعقلي وش فيها البنت وش واصل لها من حكي ؟ وأسال فيصل بشويش وينقلب ويروح لبوي وأبوي لمي وأمي حالتها معي .. تكسر قلبي بنت خالتي !! سكتت .. صح تكسر القلب سلمى موب ذنبها لاصحت على الدنيا ويقولون أنتي لنايف ! نايف : رحت لبيت خالتي وسط خوالي تراني واحد تشرفه سلمى لكن مايبيها .. لو جاها حد لاتردونه ! خنقتني العبره .. كل ذاه سويته يانايف وماقلت ؟! ناظرته .. كمل لي بإبتسامه : وتركي يقولي .. يانايف ساره تبكي تفهم وش يعني ؟ نايف تقولي أفرح عشان أنا أبكي نايف هي ليه كذا ؟ .. تسسألني أنا ياتركي ؟! رح أسألها .. الليله متضايق عشانك واللي بعدها مبسوط وش فيك ؟ يقول أحبها ! سكتت لاني اعرف تماما وش يقصده هو .. أعرف وش يقصد لاني أنا عشتها !! أعرف انه صعب .. علي وعليك يانايف ! بسس وش أقدر أقوله يانايف غير : أسمعك ! إبتسم لي : تحددت ملكتكم هو .. كان ودي أقوله تركي خلاص وقف لا تكسر قلبي رح قل ذا الحكي لغيري الله يهنيك بس رح .. أقوله لاوقعت ساره دق لي وبجي لك .. وأروح .. عشاني كتمت كثير وأبي أتنفس أبي أفكر فيك لآخر مره قبل ماتصيرين متزوجه .. تملكين عليه وانا اللي أقوله بشهد ؟! تملكين ؟! ويملك تركي ؟! بالله من يبقى لي ؟! يمكن كنت سبقته بسس مدري وش اللي غير رايك ..؟ فتحت فمي كنت ببرر له بدون ما أجي بـ طروى فيصل .. حط إصبعه على فمي : ولا أي شي عادي مضى !! ناظرته بعبره .. كمل لي : وتركي اخذك .. لما أقولك ان تركي متقدم علي بـ أشياء كثيره ! انكسر قلبي يرددها كثير .. ويكسر قلبي في كل مره .. وكل كسر يكسر معه كسرين .. واحد لنايف .. وواحد لتركي !! ظليت فتره ساكته انتظره ولما رفعت عيوني كان مبتسم .. هزيت راسي بـ أيه .. بس ظل ساكت .. وش فيك يانايف هـ المره ؟! قل لي .. يمكن أحس ان مصيبتي تهون عند مصيبتك .. قل لي وأعتبرني تركي ! ناظرني بـ إبتسامه حلوه : تذكرين زواجك ؟! ماظني بتنسين شي زي كذا .. تذكرين كل لحظه عندك مع الحريم .. وتركي يردده في اغلب الأحيان .. وانا اردده بس بيني وبين نفسي .. واقف بعيد لايشوفني أبوي ولا فيصل ولا خاله واناظره بس وأرسم له أحلا إبتسامه والغصه ماأقدر ابلعها .. امانه تركي الليله من جد زفتك على ساره ؟! هو تبيني أفرح لك ولا أفرح لها ؟! غمضت عيوني أذكر كل مشهد فيهـ .., أذكر كل لحظ وكل نظره وكل رمشه لتركي لاني أحب ذاك اليوم .. أحبه لان فيه كنت لتركي قدام كل الناس ! وأحبهـ لأني كنت لاول مره مبسوطه ومقتنعه باللي يصير لي .. رفع حاجب بإبتسامه : يقولك من الفجر صاحي ويدق لي يقول لي نايم ؟! وين انام ؟ وفكره رايحه وفكره جايه وأنتي الفكره الوحيده اللي ما أقدر أكلم تركي فيها حتى قبل ملكتكم .. أقول له وشخبارك .. يقولي مدري ودي اتكلم مع أحد بس شوي أحسس ماودي اتكلم معك .. وكانه يحس لي أنه يوجعني كذا .. يقولي بقولك بس والله أن تخيلت الشكل .. أسمعه ولاتفكر فيه .. وأقول له طيب واحط قدامي مليون فكره يقولي نايمه جنبي حلوة وناثره شعرها مره طويل وألحين تقلب علي سدحتها على رجلي ولا انتبهت من نومها .. " إبتسم لي " يشهد ربي ياساره حطيت قدامي صور مليون بنت عشان ما أتخيلك وتختلط عندي الصور .. بس والله ماحسيت بنفسي إلا واتخيلك والله ياساره حسيت ودي أسسوي شي أوقف نفسي بس صرخت على تركي خله يوقف ! تنهدت بـ آه صغيره .. هو تركي كذا ؟! وهو نايف من متى وهو كذا ؟ عشان انا اكون كذا .. وتركي يكون كذا ؟! هو نايف من جده يتكلم ؟! هو فيصل وينه يسمع كلام نايف ؟! والله لو يسمعه يبوس رجل نايف إلا يوقف ..! ناظرني : هو يقصد ولا كذا عفوي زي كل مره ؟! يعني يقولي ترا ساره زوجتي وحلال علي وحرام عليك ! إبتسمت بـ ألم رد لي الإبتسسامه : يقولي بقول لك شي يانايف وربي ماقدرت أكتمه عنك .. وش فيك ياتركي .. سآره حامل .. إلا ياتركي ما أصدق انت أصغر مني وعندك كذا .. وإييش ومبروك ووو .. " إبتسم " مبروك لك ماقلتها لك ! هزيت راسي بـ أيهـ أحسس بصييح خلاص .. كان يغير نبرته بين فتره والثانيه وكأنه متخيل الموقف قدامه ويوصفه لي ..! يحسسني أني تركي .. وهو .. نآيف !! أربع سنوات ودوبك تقولها ؟! .. ناظرته وهز راسه : يقولي اليوم رايحه تولد خايف يصير لها شي متخيل نايف ساره تولد ؟! أخاف .. مو بس أنت اللي صحيت وخايف .. ومن يومها وانا أقول نايف يكفي هي متزوجه هي تبي تركي هي لو تبيك ماتزوجت .. هي غلطت يومها قالت لك كذا .. نايف كيف تفكر كذا وهي زوجة تركي ؟! مريت له وانا مبتسم وكاني أجرب نفسي وش يصير فيني لما يقولون ألحين بالضبط بتولد ؟! كان بس يناظرني نايف تهقى وش يصير ؟! وش تحس فيه ؟! ووش تتألم مره يعني ؟! مايصير ماتحس ؟! وأنتي تولدين وهو رايح لك وانا .. رايح شوف قطعه صغيره أشوفك فيها وأشوف تركي فيها ..! خنقتني العبره ودي أقوله أسكت مابيك تكمل لي شي .. بس ودي أعرف كل شي مابقى غير تكمله ذا القصه ويوضح عندي كل شي ومن كل الأطراف ..!! ناظرته يعني لاتوقف يانايف على طول قله لاتوقف تحسسني بتطلع روحي لا زفرت أنت !! قلت : كملها يانايف ولا توقف ..؛ إبتسسم وهو يناظرني بهدوء : تمشي بـ بطئ الأيام والله وتركي يقولي وش رايك أسوي لها كذا ولا كذا .. ولا وش أقول .. ولا وش أغيّر .. ودي يصير كذا .. وساره ودها يصير كذا .. قل لي وش اسوي لاصار كذا لمجود ؟! تنهد وطلعت منه آهـ صغيره : وحكي أنتي نفسك عشتي فيه .. وش ذكرني فيك انا ؟! أنا قلت انك مرت تركي من أربع سنوات وأقول خلاص لاقالك تركي اسكت وقل كذا وعادي ممشيه حياتي .. ليه رحت معه ؟! ليه شفتك ؟! ليه سمعتك ؟! ليه قلتي كذا ؟! وكأني دوبني أستوعب انك متزوج تركي .. " ناظرني " يعني ياساره كنتي ترددين عليه ذا الكلمه كل يوم ؟! غريب ! صدق انكم متزوجين بس ماقد فكرت كذا ! سمعته : أحلا شي لما أشوف أي رقم أقوله سلمى .. أقوله احبها .. وليتني لو أقدر أرجع لها .. ليتني فكرت شوي ألحين كذا ماأقدر أرجع وأقول لسلمى أبيها عشان انسسى ولا أقدر أقولك أنتي .. كنت بصيييح من نبرته تغيرت مره ..! وكأني وصلت للي أبيه بالضبط .., قلت : أييهـ كل حكيكم سمعته .. بس ليهـ طلعتم ؟ هو انت أصصلن وش تبي تقوله ؟! إبتسم يقلدني : ليه طلعنا ؟! هو أنتي تخليني بـ حالي ؟! أحسس كل مره اناظر شي أشوفك فيه .. ووش أبي أقوله أعتذر منه على كل شي .. تركي انا آسسف مهما يصير ومهما تسمع عني والله انا نايف وعمري ماقلت لك شي كذب .. وش فيك يانايف أنت تبي ساره ؟! رفع عينه للسقف وكانه مايبي يبكي لذكر الموقف .. أو لذكر تركي .. ماتفرق ..! ورجع يناظرني : ليه تقولها ؟! يانايف كانك تبيها والله ولا آخذها وأنت تبيها .. نايف متاكد ان اللي تبيها سلمى ؟ نايف متى تملكون " حسيت به يبلع ريقه بصعوبه " يانايف متى تملكون أبي أشهدلك ملكتك ! إبتسمت له خلاص بـ صييح .. نايف : ولا تفكرين أني لما تركتك له أني مرخصك ولا تفكرين ان لما قال لي لو تبيها يرخصك .. بس الغلا ياساره انا أبي اعطيك له لأنه يستاهلك ولأنه تركي .. وهو يحس لي ويفهمني !! ناظرته : أيوهـ .. ورجع لي وقالب وجهه " إبتسسمت " ومن صباح ربي كسر زجاج ..! إبتسم بضحكه حزينه : ههه وهو يقولي هي اللي قالبة وجهها .. " تنهد شوي ثم ناظرني " يومها قلت ببعد تركي عني ما أبي يصير لعلاقتكم أي شي .. عادي من متى وأنا مع حد .. تعودت بلحالي !! إبتسمت بغصه وهو بادلني نفس الابتسامه .. وكأننا الإثنين نذكر شي حنا مرينا فيه .. قال : أبتعدت .. وقلت يانايف قل لبوك وامك جو السسعوديه ماينطاق .. والصحيح ان أبي اخليكم ما أبي يصير لكم شي .. أنتم عندكم حب حلو " أبتسسم " وولد حلو وعيله حلوة .. خنقتني كلمته مره .. وينها العيله يانايف ؟! كمل : ليه كذا ؟! ليهـ أنتم كذا ؟ هو انا اترك لكم السسعوديه عشان أصدف بكم بغيرها ؟! أول مره بتواجدك بوي يركز علي أدري أن الكل يدري أني أبيك أنتي .. بس كيف أنتي ماتدرين مدري ! والغريب كيف تركي ماسكك كيف كنتي تناظرين لي وكيف تناظرني أمي .. كان ودي أقول لبوي لاتقولها تبيه بس وش أقول ؟! ودي أقول لاتركي لا مابيه لاتذكرني .. ودي ! مسكت دمعتي وقفلت عيوني بسس اتذكر وش صار .. نايف : اذا بتصيحين بوقف ..! فتحت عيوني وإبتسسمت : كملها يانايف مابقى إلا " خنقتني العبره " إلا أسبوع مع تركي ! إبتسم بتماسك : يدق لي بعدها .. نايف انتبه له تراها مره بتموت " ناظرني " مافيني حيل أشوفها كذا تتعبني .. ومجود ؟! أحبه لأنه ولدك وولد تركي وولدي لانكم الإثنين مني أنا ! ناظرته على طول كمل لي : ومجود .. ومجود .. ماتركته لين ماحفظ إسسمي بس مو نايف .. أبوهـ ! لما قالها أول مره قدام تركي رفع لي حاجبه " ناظرني " وتعرفين تركي لا رفع حاجبه طبعن .. خنقتني العبره .. همست : أعرفهـ .. أعرفهـ ..! نايف : يقول لحد يسمعك بس ويشك بالولد بس متعلق فيك والله لو يقولها لحد اجيب فيك العيد أنا أتعب وذا على طول من الفضاوة " ضحك لي " يقوله أسمحلك تقوله أي شي .. قل له ماما بس بابا لا .. ماما محد يشك فيها .. بس بابا صعبهـ شوي ! كنت بصيح من الألم يكسرني نايف ألف مره .. مره عشان اللي طاف مع تركي .. ومره عشانه مع تركي !! كمل لي : يوم بترجعون رحت وراح أبوي ما أبيه يشوفني كاني يعني هه ! أو يمكن لانه يعرفني يقولي متزوجه بس يمكن مايفهم ان نيتي لتركي ! كان يقولي لو أنك معجّل ببنت عمتك موب هذا ولدك ؟! ناظرني : وأكثر شي يعصبه لاقال ولدك خالي .. تتنطط الشياطين قدامه .. هه ! ويقولي لونك متزوج موب ذاه يقولي جدي ؟! وطيت بصري للأرض ساره بليز لاتبكين .. يكفيك بكيتي كثير ..! خلي راحتك شوي .. تكفين ! ناظرته .. كمل : لما شافني كانه يتعمد يخليني أرد عليه .. يتعمد يذكرني فيك بس ليهـ ؟ مدري ! ورجعت معه للدمام وانتي رحتي مع ولدك .. وطول الطريق وتركي ضايق .. نايف هـ الحين ماتدري أنت ان ساره تخاف من أبوك ؟! وأقوله تنرفز صراحه .. ويسكت وكانه صار مكاني .. أنتي وهو .. وتركي أنا وأنتي .. إبتسمت بهدوء وبدت تتلاشى إبتسامتي اعرف النهايه .. وليتها تتغير .. ياليت ! وليت لو كل شي نبيه يصير على طول .., نايف : كنت مع فيصل وتركته ثم جيته قبل يخلص وأقوله ترا الليله ملكتكم .. ويقولي لاتشغلني أدري بس خلني أخلص أنشغل كذا ما أعرف أركز .. كنت أرددها عليه وارددها على نفسي .. لين طلعنا كان طريقي للخبر وطريقه لك .. بس توقف طريقه لك .. " رفع عينه " ولا توقف طريقي لك لانك بالخُبر !! هنا وبس ..! هنا وطاحت كل دموعي .. يكفي ياساره ..؟ وش يهدّيني غير تركي وبس وينه ذا التركي خله يهديني ؟! ناظرت نايف اللي كان قبالي ورجعت ناظرت اللي وراي .. نايف : ولا أقولك أي شي ياساره تهمني راحتك .. ناظرته وانا امش دموعي : صعبه يانايف صعبه .. فوق اني أ... قاطعني : وأنا عرف كل شي وكل شي تعرفينه انا اعرفه .. بس مو كل شي اعرفه تعرفينه ! ناظرته : يعني ؟! نايف : تعرفين اني أحبك ؟! سكتت فترهـ ثم قلت : إذا قصصدك ليهـ وعدتي ثمن .. قاطعني : موب ذاه قصدي .. ناظرته : بس أنا ذاه قصدي .. وأنا أقولك أنا ماأخلفت .. زي لما تركي يحسبني قالبه وجهي عليه وأنا أحسبه قالب وجهه .. أنت تحسبني أخلفت .. وأنا حسبتك أخلفت .. ويشهد ربي يانايف ماكذبت عليك ! إبتسسم لي : والله مصدقك ..! طاحت دموعي : ودامك تعرفني وتعرف اني مستحيل أسويها ليه راجع ؟! تبي تكسرني يانايف مره جديدة ؟ نايف انا ماصدقت تركي يلملمني .. نايف انت حكيت القصه بلسانك انت هو انت دريت وش كان بقلبي ؟! سكت يناظرني بس .. قلت : مره تركي قالي أن فيه حد يشاركني بـ قلبه ولما سألته بنت ياتركي مارد علي ويقولي لا .. وأنت يانايف أكيد تعرف نفسك .. لانك تقول أن تركي وأنا منك انت .. وانا أقولك .. أنت وتركي !! طاحت دمعتي ومشّيتها : إلا هذي يانايف إلا أنك ترجع عشان توفي لي وعدك .. أخاف ! هز كتوفي : إلا نايف ماتخافين منه .. إلا نايف لو كل الناس تقولك أيه نايف تسمعين منه ولا تسمعين من غيره .. مو معقوله ياساره ماتفهمين قد إييش غلاك في قلبي .. همست له : المشكله أدري وش غلاي .. والمشكله أدري وش غلاك .. وتركي يعرف وش غلاك في قلبي وقلتها له .. لأنك ثاني شخص بليلة وفاة تركي كنت احسه .. نغزات ونغزات .. أما تركي او نايف ! ناظرني : ونايف يبيك أنتي .. مايبي أي شي والله ياساره ما ألومك ولا بشي تسوينه بس يكفي تواجدك في حياتي .. وانا ما أطلب منك شي غير تواجدك ..! ناظرته بتعب : يهون عليك تركي ياخذ شي وانت تجي تاخذه بعده ؟! كانه تعب من ذكر تركي كثير : أيه يهون لأني حبيتك قبله .. ويهون لان مستحيل حد يصونك غيري .. ومستحيل مجود يعيش بدون تركي وبدون نايف .. ما أقولك عشان أضعفك انتي تفهمين منهو نايف ! إبتسم لي فتره وظلينا ساكتين .. قالي : ممم تبين شي بقوم ..؟! هزيت راسي بـ لا : شكرن ! قام وعيوني تلاحقه .. هو كل ذاه بقلبك يانايف وانا ما أحس له ؟! هو انت كتوم زي ما أنت ليه هـ المره لما سألتك قلت لي ؟! هو عشان تذبحني ؟! وقفت وراه وانا أهمس : تذكر لما قلت لك .. حضنك وحده اللي دفاني ؟! رغم انه كان بالغلط بس دفاني ؟! لف لي بإستفهام .. قلت : كان مفترض أقولك أنه كان بارد وتركي الدافي .. إبتسم نص إبتسامه : لأني لو جربت الدفى ياساره بس الدفى موب الحراره تنصهرين انتي .. موب لانك بسهوله تنصهرين من قوة الحراره ! سكت فتره ثم قال : وتركي ماصار يناظرك إلا لما تزوجك ودفاه ترآ شي طبيعي .. بس أنا .. لا ماكنت زوجك ! " ناظر بعيوني " لما أقولك ان تركي متقدم علي بـ أشيآء .. مفترض انك تصدقيني ..,؛ ناظرته : بوسط حبك يانايف كان تركي شي مدري وشهو .. وبوسط زواجي انت صرت شي مدري وشهو .. ليه ماتثبتون على شي أنتم .. اما أنت او هو ؟! ظل فتره يناظرني وطيت عيوني .. وانا أهمس له : وقبل لحظه دفاني .. إسستأذن من دفاني .. تشيل الغطى اللي غطاني .. تراه مادفاني .. وتبقى بين أحضاني .. سكتت فتره وانا أناظر بعيونه اللي ياما توهتني .. ياما ! عيونه عذاب 24 سنهـ .. مهما قلت أكرهك يانايف فـ اني أذوب عند اول كلمة تتفوهـ بها .. حتى لو كانت إحتقار ..,؛ لإني أفهم أن عيونك شي .. وكلامك شي مختلف !! تكسرني يانايف بكلامك .. وتأسرني بآبتسامتك .. وللأسف انك تعذبني بنظراتك كثير ! همست له أكرر : تراه مادفاني ! لميته لين حسيت بـ أصابعي تشابكت مع ضلوعه .. أبي أحس بالامان بـ أي طريقه .. أبي احس اني ثابته على شي هو انا لمين لتركي ولا لنايف .. صحيح تركي مات بس كيف .. معقوله آخذ نايف ولا أظل على ذكر تركي ؟! أحس بتشتت وضياع .. ولما احس بذا الإحساس أحتاج لشي .. زي نايف أو تركي ..! شديت على نايف : أيهـ أحبك يانايف .. بس ما أقدر أظلمك معي .. حتى لو كنت تدري بسس انت اول مرة تتزوج وانا .. عندي ولد .. أيهـ أحبك وعشان الحب ما أقدر أظلمك ! سمعت همسه : وانا قلت لك مايهمني سواء كنتي بكر ولا لا .. ولا يهمني عندك ولد ولا عندك بنت .. المهم أنك بعد ماتزوجتي تركي ترجعين لي موب لغيري ..! شديت عليه أكثر : ما بكون لك .. ولا بكون لغيرك .. بكون لنفسسي ..! شد علي : مُصره على أنك تكونين كذآ .. وانتي على رآحتك .. آللهـ يوفقك ..., مآتدري يانايف قد إييش حسيت أني مآ احسس !! بس لكلمتك .. أحبك لانك شي مآ يزعل مني وشي أكيد أنه صآدق .. همس لي : حنا بشر مايفرقنا القدر عشآن يجمعنآ البششر .. لأنناآ بششر يفرقنآ البششر عشآن يجمعنآإ القدر .. ثقي تماما أني بظل انتظر متى يجمعنآ القدر ! هزيت راسي .. حسيته بيبعد شديت عليه .. خلك معي يانايف .. خلني أحس أني بحضنك أقدر أبكي ! ودي أبكي لين مآ يخرج كل هم بداخلي ..,؛ |
* ((2)) " حين تُكشف جميع الحقآئق .. نبتسم لأنناآ فهمنآ مع ـنى آلحيآهـ .! إعشقني ! " صحيت على الساعه 12 الظهر أووف والله أني صايره انوم كثير خخ .. غسلت وجهي وتحممت بسرعه صليت ولبست ونزلت وأنا شايله مجود أخذته وسدحته بالصاله وأنا بالمطبخ شفت مرت خالي سلمت واخذت كل شي عنها لين خلصت حاولت قد ما أقدر أني أخلص بسرعه .. صلحت عصير ولما قضيت كنت مره جايعه شربت مويا بسرعه قبل أي حد ينزل .. مااستغربت لما ما شفت مروى اكيد بـ بيت رجلها .. اخذت مجود وصعدت فيه وكملت نومي لين صحاني فيصل كانت على الساعه 2 .. قمت وحممت مجود ثم تحممت انا ولبست ملابسي كنت أسمع فيصل يسألني متى يبني أروح معه لجل أشتري ملابس .. طنشته فاضي الأخ خخ .. لبست عبايتي ونزلت تحت سلمت عليهم كانوا موجودين عدا مروى .. كنت امشي وأنا موطيه راسي ورى فيصل وشايله مجود لين وصلت ربطت برقعي وطلعت معه .. لين وصلنا نزلت وسلمت على عمتي كنت أتعمد أني اتكلم كثير وأطول شوي الكلام والسؤال عن احوالهم بس عشان تتأكد أني موب مجنونه .. أخذت مجود بلهفه وهي مبسوطه ورحت .. أول مره بحياتي أروح ذا الاماكن .. وبدينا بالتمارين .. كنت كثير أسرح وتنبهني وشوي احيانا تعصب علي لين احترمت نفسي وبديت أركز معها ..؛ أفهم أن فيصل يبيني ما أفكر بأي شي بالحياه .. حتى لو كان وش بسوي بكرآ ..! * صعدت السياره وزفرت : أووف وأخيرا خلصنا ياخي 3 شهور ملل والله .. إبتسم لي ولا علق .. شفته يمر على أماكن غريبه .. قلت : ليه حنا موب راجعين لبيت خالي ؟! هز راسه بـ لا : بوديك شوي كلها شوي وتخلصين .. سكتت عنه احس نفسي منقرفه من نفسي فاجأني لما وقفني عند صالون .. وقال : أدخلي وقولي حجز بإسمك تلقينه .. لامنك قضيتي دقي لي .. سكرت الباب ومشى .. مدري وش عنده الاخ ؟! فعلن دخلت ولقيت زي مايقول أول شي دخلت وتحممت ثم لما طلعت صليت .. فاجأتني بشي بس اخذته شي حلو اعجبني رغم اني مدري وش صاير .. كان فستان فضي فيهـ رباط فوشي بالنص قصير وحلو .. وأكسسواراته جنان حتى البوت الفوشي كان توحفه .. بعدها شسورت شعري ورتبته بحركات خفيفه وحطت لي مكياج ناعم مره .. لما خلصت قالولي انه مخلص كل شي ودافع حيوان ذا الأخ عليه طلعات تقهرني فعلن .. دقيت له واول ماجاء .. صعدت بقهر : خير ؟! وش عندك أنت ؟! كان ساكت ومطنشني .. ظليت آكل بروحي من القهر لين وصلت لبيت خالي دخلت وعلى طول كشفت .. ناظرته : خيير ؟! إبتسم لي : أكشفي بشوف .. رفعت له حاجبي : كاشفه .. هز نفي : لا .. قصدي كلك بشوف وش صار فيك ؟! وش آخرها معك يافيصل ؟! هو أنت تظن بعد أني مجنونه ؟! ولا وش السالفه ؟! شلت عبايتي ووقفت له وكأني أستعرض .. ناظرني بـ أعجاب : والله خطيرهـ ! رفعت له حاجب : ممكن تفهمني وش السالفه ؟! كمل وهو مبتسم برضا : وربي كذا أحسك ساره نحفانه ومتزينه .. صرخت فيه : وش السالفه ؟! أبتسم لي : بتحضرين زفة خويي ..! فتحت عيوني على آخرها : أييش أييش ؟! كملها : عادي .. بتحضرين زفة خويي .. رفعت حاجب : لا يشيخ ! أحسبه شي ثاني .. أولن أنا ما أحضر أفراح ولا زفات ولا ملكة ولا حفلات ... قاطعني : إييه باين .. " رقّص حاجبينه " زفة ريم .. عضيت على شفاتي حيوان نايف ! قال يبرر : عادي إعترفت لي خالتك مشاعل .. سكتت لأول مره أظلمهـ .. قلت : ولو .. أنا ما أحضر .. ثانيا من صلة القرابه .. ثالثا .. أنا رجلي متوفي ما أقدر أحضر .. بالله وش شكلي بسس .. ناظرني : انهبلتي انتي ؟! كم صار له ؟! يكمل سنه ... وأنتي عمرك لحد الآن 24 حتى ماكملتيها مو حرام تدفنين نفسك بس تربين مجود ؟! حابسه البزر معك وش ذا الأنانيه ساره تبينه مثلك مره منعزل ؟! سكتت أناظره .. وقلت بهدوء : لا تحاول تقلب السالفه .. طلعه لزفة خويك ماني بطالعه .. رفع حاجب : إلا بتطلعين .. قهرني كيف كان يتكلم بنبره واثقه : ياخي موب بالعافيه هو كيفي .. سمعت صوته وهو نازل : يكفيك عاد فيصل تراك مره صاير متشدد عليها اما تسوين وإلا بسوي .. خلها بس ..! رغم أنه قهرني لأنه تلقف بـ شي ماله دعوه فيه بس فيصل أفحمه ردهـ ..!! ناظرني فتره ورفع حاجب وكأنه يقول غصب تبين تروحين .. زفرت وصعدت السلم وغصب عناد دفيت نايف .. الغريب أني سمعت فيصل لاف للبوابه الخارجيه وهو يقول : هلا عمي .. صعدت السلم أيهـ بالله إنهبل أخوي .. عاندت غيرت ملابسي إلى بيجاما سماويه برمودا عادي مع بلوزة عاديه مسحت وجهي من الماكياج الخفيف اللي بسرعه راح .. ودخلت يدي بشعري وبديت احركها بـ حركه دائريه .. نشوف يافيصل أروح لزفة خويك ولا لا ..؟ رميت البوت كل فرده بجهه وإنسدحت على السرير .. سمعت صوت فيصل دخل الغرفه رفعت راسي على طول له إنصدم من شكلي كيف كان .. شوي وإبتسم : وش مسويه بعمرك ..؟! قهرني يابروده بسس : في الحلم حبيبي أروح لزفة خويك ... قاطعني : طالعه حلوة مره .. شديت شعري بجنون جالي وفكها : وش فيك أنتي ؟! ناظرته : موب رايحه وكيفي تحلم أنت أفكر بسس أروح .. منت بصاحي !! إبتسم : خلاص مابتروحين .. قلت : غصب عنك موب كيفك .. ناظرني : أصصلن ماعندي حد بيعرس الليله .. نصب في نصب .. فتحت عيني هو إنهبل الأخ ولا وش سالفته ؟! سألته : أجل ياوجه الموزه وراك شايلني من الصالون خلني انوم عندهم شوي لين زفة بكرا .. ضحك : أقولك مافيه زفات ولا شي .. ناظرته بحيره : أجل وش القصصه .. فيصل انت تبي تجنني ؟! إبتسم وهو يهز راسه بـ لا .. شوي وسمعته يقول : أبي نايف يشوفك انتي .. أنتي ساره زي ما أنتي ! شهقت وفتحت عيوني على آخرها هو إنهبل الأخ .. إلا أنهبل الله ياخذك يافيصل كانك تبي تجنني .. وقفت بوجهه أصارخ : منت بصاحي انت ؟ بعقلك شي ؟! وش يشوفني زي ما أنا ؟! لازال على وضعه ولا كاني قلت شي : أيه زي ما أنتي ماتغيرتي .. سواء تزوجتي تأرملتي تطلقتي .. المهم انك كذا حلوة .. ولا كان عندك ولد .. ولا كأنك أصصلن تزوجتي .. ساره بنت عمته نهال نفسها .. ويصرّ عليك ..! فتحت عيني : وش يصر عليك أصر عليك إبليس إلا تروح معه للنار ؟! ضحك : وش أصر عليك أبليس .. مايبيني ما أفيده بشي .. ناظرته هو من جده عادي يضحك ولا كانه قايل شي ؟! ناظرته : فصيييل ووجع وش يصر عليك ؟! إبتسم لي : نايف خطبك ..! نايف خطبك ..! نايف خطبك ..! نايف خطبك ..! نايف خطبك ..! والصدى بدا يتردد بكل الغرفه .. تسألوني وش ردة فعلي ..؟! أنا أقولكم .. دفيت فيصل بعنف لين طاح على الكنبه وفتحت الباب وركض لتحت .. شفته زي ماهو جالس يناظر التلفزيون وجنبه خالي ومرته وعادي ولا كانه مسوي شي .. سحبت منه الكنترول بقهر وبديت أضربه فيه وكأني أطلع شحنات القهر اللي فيني ..!! ناظرته : أنت أييش ؟! أنت أييش ؟ منت بشر والله منت بشر ؟! ماتحس .. صايبك عطل بـ مخك ؟! تلعب معي أنت ؟! إلا تلعب معي .. ياخي أثبت على شي خلني أفهم أنت وشهو بالضبط ؟! تستهبل علي ولا ماتفكر بعقلك ؟! أنت بالضبط وش تبي مني .. عجزت أفهم لو مره أن أنت تبي شي معين أو حتى ... قاطعني صوت فيصل : سآره ! لفيت له بقهر : وأنت الثاني وش عندك من مصايب بعد .. غرد حبيبي خذ راحتك ..! ناظرني : انتي وش حالة الإستهبال اللي تجيك كل مره حد يخطبك .. وكأنه ذكر تركي بشكل غير مباشر حرّك فيني السكون .. ورجعت هاديهـ .. كل مره حد يخطبك ؟! ناظرني : وش الجنون اللي يصيبك ؟! يومك بالدمام نفس ذا الكلام والحركات تسوينها لتركي واليوم لنايف ؟! سكوـون ! و.. صمت .. وحيرهـ .. وخوف ..! واكثر من إحساس مقدر أوصفه .. هو ليه صدق انا أسوي كل ذا ؟! ناظرته بـ ضياع وتشتت وكاني أقوله أنا نفسي مدري .. تصدق ؟! هو كل شي سويته لتركي لازم أسويه لنايف ؟! بسس تركي يستاهل أشياء كثيره وجد سويتها له .. أما نايف بالحلم .. هو من جده بعد كل ذاه راجع بكل عين قويه ويقولها ؟! مايستحي على وجهه ذاه ؟! ناظرت فيصل اللي كمل : عندك حالة جنون انتي .. أو عُقده من طروى الزواج ؟! سكت بس اناظره .. ثم قلت بتردد : هو .. اللي ليه مايثبت على شي ؟! فيصل : منهو هو ؟! ووش يثبت أنتي مع وجهك ؟! طايب ونقول تركي قايلك شي ونايف ؟! ناظرته : مدري .. هو مايثبتون ..! نفذ صبره : على إييش ؟! سكتت فتره ثم قلت : هم كذا مدري ليه يسوون معي .. والله فيصل ماقد ضايقت حد فيهم .. فجأه يقولون ثم يقلبون ثم يرجعون ثم يقلبون ثم .. مدري وش يصير لأن تركي قطع كل ذاه ومات .. صح .. هم يقولون يبونني .. ثم يقلبون علي وحركاتهم تحس فعلن انهم نادمين علي .. ثم يرجعون يخطبونني .. ثم فجاه كذا .. يقلبون علي ويزعلون ..! هزني من كتوفي : في بعقلك شي أنتي ؟! وش يقلبون وش يثبتون ؟! إرتعشت بس : مدري .. فيصل : ركزي معي وش فيك أنتي ؟! سكتت فتره حتى طاح الكنترول من يدينيبعد الرعشه الثانيه .. تمتمت بضياع : مدري أفهمك يافيصل ولا افهم نفسي ؟! نقزت على طول لم السلم وصعدت للغرفه .. وشلون ؟! هو من جد نايف خاطبني ؟! وسلمى ؟! ولا فيصل أجبره ياخذني ؟! ولا سلمى تبيني اوافق ثمن ترجع تاخذه وكأنها تقولي هو لي غصب عنك .. تحسبني بتضايق يعني ؟! هي ما عرفت منهو نايف بالنسبه لي ؟! ولا عرفت منهو اللي سكن بقلبي ؟! ماتدري أني أحب تركي ؟! هي ماتدري ؟! تنهدت .. نايف وامه وأبوه كل نظراتهم الحين عطف .. ولو رجعت لهم مطلقه والله ما أتوقع يناظرونني كذا .. مقوله عطف علي .. بسس نايف تفكيره عمره ماكان كذا !! هه ! سوير وش فيك أنتي ؟ تصدقين نايف ؟ أو أصصلن هو كان معك على حقيقته ؟! نايف يحب سلمى .. بس مدري وشهو تبريرك يانايف للي كل اللي تسويه ؟! فوق كل نظراتك ترجع لي ؟! هو أنت تستهبل ؟! ولا تستهبل ؟! الأكيد انك تستهبل !! أنفتح الباب بقوة وفزيت .. ناظرني فيصل : وش فيك أنتي ؟ ليه انقلبتي كذا ؟! ناظرته : وتقول ان نايف خاطبني وماتبيني انقلب ؟! فيصل : مو هذا اللي تبينه ؟! أقلقتيني فيه .. حتى يوم وفاة تركي .. مقلقتني مدري احبه ولا لا ... قاطعته : يوم وفاة تركي الله يرحمه كانت نغزات .. وأنت بنفسك عشت معي ذا الوقت .. أنت يافيصل موب غيرك وعرفت أن تركي كان المقصود .. ونايف .. شي عادي مر ولا أعطيته أهميه .. نص إبتسامه : أيوه باين .. لو كان كذا قلتيها بلسانك وبثقه أنك ماتحبينه .. أنتي منتي بمتأكده من مشاعرك .. لا تكذبين على نفسك .. بلسانك قلتي مدري ! بعتها خلاص وش فيه موب راضي يفهمني : أيه كنت احبه شي من الماضي .. وكنت أظنها بس أنا مافهمت لنفسي .. أيه حبيته بس لما ملك على سلمى كرهته من قلبي .. رفع حاجب : غريبه ! يملك من هنا وتكرهينه ..؟! انفعلت : حركته بايخه جدن ومايسويها غير اللي مثله وأقل منه وظني مافيه أقل منه للأسف .. ناظرني بشك : وش حركته .. سآره ؟! بلعت ريقي : أنهـ .. ملك على سلمى .. رفع حاجب وكأنه يناظر عيوين عشان يفهم الصدق من الكذب : من البدايه وأنتي تدرين انه موب لك وش تغير ؟! ساره وش فيك ؟! وطيت عيوني : ودامه موب لي وراه جاي لي .. عطف يعني ؟! بالله فيصل وبكل سعاده جاي لي تقولي خاطبك .. ترضاها لاختك بس عشان ترتاح مني .. الله عليك يافيصل كاني مضايقتك بشي قله ولا تخليه بخاطرك .. من يومني صحيت وربي ماطلبت منك ولا شي ولا من أي أحد .. لييه ؟! سكت كأنه تأثر من كلامي : وش اللي ليه ياساره ؟! همست له : ليه تبيني آخذ واحد متزوج ؟! أو مملك لأني ماسمعت عن زفته ! ناظرني : ترا نايف ... قاطعته : لا تقولي طلق سلمى لأني مابصدقك .. قال بدون اهتمام : هو أصصلن ملك عليها عشان يطلقها ؟! فتحت عيني : أييش أييش ؟! ناظرني : أيه ماملك .. وكذبت عليك عشان أبعده لأنه موب لك وماتتعلقين فيه .. سكوـون ! ولا صوـوت .. ولا نفسس .. ولا أي حركهـ ..! ولا أي ردة فعل .. حتى بتعابير الوجهـ .., ولا أي حرف طلع بالغلط .. ولا أي رجفه ولا توتر .. ولا خوـوف ..! وكأن الحروف ذابت مني .. زي ماذابت إبتسسامتي .. وكأن العقل دوبه يترجم كل كلمه نطق فيها فيصصل بلا مبالاهـ .. وكأنه مايدري وش بيصير فيني .. بسس لما يتفوّهـ فيها .. هو صدق اللي يقولهـ ..؟ هو نآيف .. هو نآيف .. هو نآيف .. نفسسهـ نآيف ..؟ وكل آللي تغير بالسالفه كلها كلام فيصصل ؟ ونايف نفسه نايف .. ونايف هو وأنا ..؟! صرخت وطاحت دموعي : كيييييف ؟! ظل مبهوت : وش فيك ؟! صرخت بجنون : كيف ؟! كيف أنت بس فهمني .. كيف ؟ وليه ؟ ومتى ؟ وهل ؟! و ... أنا ؟! كيف تكذب يافيصل ؟ وليه تكذب ؟! ومتى طلبت منك تبعده ؟! وهل هو ضايقك بشي ..؟! هز كتوفي : ساره وش فيك ؟! وكأنه خاف علي ان ترجع لي جنون .. مايدري أن الجنون دوبه بدا مع أول كلامه !! مشّيت دموعي بطرف كمي : قل تمزح معي .. ولا تقول نايف ماملك .. قل تمزح .. قل غير ذا الحكي .. ناظرني بشك : وش فيك ؟! وش صاير ؟! فهمي أخوك وخذي أجر .. طاحت دمعتي بـ ألم : هو أنا قلت لك فيصل أبي أبعد نايف ؟! عشان تسوي كل ذاه عشاني ؟! ناظرني فتره .. كملت : تدري فيصل لو بس ماقلت أن نايف ملك .. تدري وش كان يصير ....؟! هز راسه بـ أيه : بتبتعدين عن نايف .. كررت كلامي : مافكرت وش كان بيصير ؟! فيصل : كل اللي فكرت فيه كيف أبعده وبأي طريقه كانت .. والحمدلله وانتي كذا تمام .. إنزلقت دمعتي على يده اللي على كتوفي وشهقت بـ ونّهـ .. وتقولهآ بكل بسساطه ..؟ بلعت العبره : تمام ؟ أيوه تمام يافيصل .. تمام وأنا أترك نايف وأتزوج .. أيوه تمام شهر من عمري ضاع وأنا أنتظرك وأنتظره .. أنتظرك ترجع من شهر العسسل تقولي وش رايك بنجوى وأفرح معك أنك معها مرتاحين وأهم شي منت متضايق من إختياري .. شهر يافيصل تفهم .. شهر والله أعده يوم يوم ولحظه بلحظه وكل رمشه تروح من عمري وأنا أنتظر .. تدري وش أنتظر ؟! سكت يناظرني بإسستفهام .. إسترسلت : أنتظر نايف يوفي بوعده ويجي زي ماوعدني .. تنتظرين ياساره شهر ولا شهرين أخلص بس واجيك ؟! تنتظرينني .. أبيك ياسآره ..! مشّيت دموعي : وأنت ؟ ليه قلتها ؟ وليه تركي قالي أبيك ؟ وليه قلت له أيه ؟ ليه عجّلت بالملكه ؟ وليه حبيته ؟ ليه كرهت نايف ؟ ليه احتقرته ؟ بسس عشان أخوي فيصل يرتاح بسس ؟! فتح عينه لي وكأنه يستوعب وش قلت .. أشرت بـ ألم على نفسي : مدري كيف يافيصل أوصف لك اللي جواي .. مدري وشلون اخليك تفهم وش أحسس فيه .. مدري أي كلمه أقولها عشان تحس ..! كتمت الشهقه اللي تحولت إلى آهـ صغيره : أستحي أنزل لنايف .. وربي مستحيه بعد كل اللي صار وبكل عين نازله له .. بكل عين أرفع عيوني له وأقول تخسسى تكون رجلي وأبو ماجد .. ما ألومه لو ناظرني كذا .. بنظره الخاينه ..! همست له : لييه يافيصل ضايقتك بـ شي ؟! ظل يناظرني فتره .. أدري ماعنده تبرير .. أدري ماعنده حكي .. فيصل : سآره .. أنا ... وسكت ! وطيت عيوني وأنا اهز بـ النفي .. تمتمت : أمششي .. امشي يافيصل لا تطيح من عيوني .. أمشي ! كان واقف بس يناظرني وكانه إستجاب لي وخرج .. وخرجت معه روحي !! نايف .. حبيبي .. اللي وعدته .. بعد ماهو وعدني .. ماجالي وسألني ياساره ليه تزوجتي تركي ؟ ماسألني ولا طلب مني عذر ولا تبرير .. وش تحسس فيه يانايف وانت تكتم كل شي ؟! حتى علي انا ماجيت وبررت ؟! هه ! بنظره انا اللي اخلفت .. وانا الخاينه .. وهو .. جاي لي بعد أربع سنوات من وعده عشان ينفذه ويقولي خلني احسسن منك .. وش رجعك يانايف تبي تزيدني جروح يكفيني يانايف .. يكفيني !! تنهدت بهدوء .. وتركي .. لو ماقالها فيصل .. بس خلني اتخيل .. ردة فعل تركي لو قلتها ؟! أروح أعتذرر لهـ ويقولي أنا راضي وامي راضيهـ وأنتي .. وأقولهـ أنا آسفهـ يآتركي .. رآضيهـ بشي وآحد هو حب نآيف .. واخرج من عندهـ .. وأعيش مع نايف وتركي يتزوج أي بنت بالحياهـ .. وتنسيه ساره وسنين ساره .. وانا مع نايفي اللي وعدته وقلتها له أني انا اللي أبيه .. ليت لو يرجع الزمن أربع سنوات بسس .. وشلون اناظر نايف بذا الطريقه وهو اللي ساكت ومكتم كل شي بقلبه ؟! بلعت الغصصه يآإهـ ! قد إييش كذبه بسيطه غيرت فيني أشياء كثيره والمشكله لو أنها علي بس عادي .. أثرت على كثير من حولي ! نايف .. اللي مالوثه الزمن اللي ظل على وعده أربع سنوات على وعدهـ .. أربع سنوات من عمره .. 27 سنه بدون زواج .. بس عشان يقولي انا أوفي حتى للي خآنني .. نايف اللي ماتغير .. زي ماهو ! سمعت صوت عمي : ياولد ! عضيت على شفتي ونقزت بسرعه وتغطيت باللحاف .. سمعت الباب يفتح وصوت خالي : هذا هي .. عمي : الظاهر نايمه .. خلاص أجي لها يوم ثاني .. خالي باصرار : وش تجي لها .. النايم مايصحى مايطير النوم ..؟! شديت على اللحاف .. خالي وعمي مايجتمعون إلا على مصيبه لا في بغضهم لبعضهم تمام ولا مع حبهم تمام ! سمعت خالي : بنت ! لحاله صوته العادي يفزعني من وسط نومي .. وشلون لا قصد يصير حاد ؟! مو قايمه وش عندهم من مصايب هـ المره ؟! شوي وسمعت صوت الباب الظاهر فيصل .. كملت ..! سمعت خالي : وش فيها اختك موب عادتها تنوم هـ الحين ؟! فيصل : مدري عاد قبل شوي كنت معها .. ومدري خرجت فتره لما جلسست معكم .. مدري ! عمي : وقلت لها ؟! فيصل : أيهـ .. بس ماردت بـ أيه ولا .. لا ! شديت على اللحاف وش بهم ؟! مدري هم يقصدون نايف ؟! مستحيل أوافق وتركي ؟! ومشكله لو ارفض يعني بعد أربع سنوات يرجع لي وأرجع أرفضه .. نارين يانايف .. أقل لسعه من واحده منهم .. تحرق كل الدنيآ !! شوي وماحسيت إلا باللحاف طاير مني .. فزيت من الرعشه وانا مره خايفه وباين من عيوني اللي تراقب خالي .. وفكي اللي يرتجف .. وحتى من الحروف اللي ضاعت ! أول شخص طاحت عيوني عليه كان عمي .. طآيب انا يانايف آسسفهـ بخليك انت ترفضني لان مشكله لو رفضت .. أنا ما أستاهلك بالذات لاصار عندي اخو مثل فيصل .. وأنا مجنونهـ .. وعلى ربي الأجر !! إبتسمت له : وش فيك أنت ؟ ماتعرف تسحب اللحاف بشويش ؟! ياخي ترقّى شوي .. ورجعت إنسدحت رغم البركان اللي داخلي كان خامد ورجع ناشط .. عمي : طآيب .. قومي بكلمك .. غمضت عيوني بتعب : تعبانه مره وأحس جآيتني مرضه .. رح وشف ولدك يمكنه محتاج شي .. " برطمت " تركي مره تعبانه رح لمه وشف كانه يبي شي ..! شفته كأنه متأثر .. ناظر خالي وتمتم : قلت لك نجيها وقت ثاني .. انا ثابته عند كلمتي مستحيل أوافق ولا أطلع أي رده فعل أيه ولا لا .. خالي : بنت ! أرتجفت ورحت على طول ورى عمي بسرعه : تركي شفه .. وشلون يانايف تدخل هنا ؟! خالي صارت عيونه تررعب من الشرار اللي يتطاير منها .. وصرخ فيني : بنت أصصحي .. مديت له لساني : موب صاحيه وألحين اطلع كيفي .. " ناظرت عمي " تركي قل له يطلع ما أحبه لا يجي هنا ! عمي : فيصل شف ذا المصيبهـ ..! إبتعدت عنه وأنا اناظره وهمست : تركي انا مصيبه " خنقتني العبره تلقائيا " وش سويت لك .. أول مره تقولها لي .. تركي ضايقتك ؟! عمي إبتسم وباين عليه مره يبي يبكي عمي حسساس مره ومايقدر يشوف كذا .. سحبني فيصل إلى الحمام ودخلني : فيصصل تبي تموتني ؟! فيصل وين ماخذني انت ؟! دخل معي ووقفني عند الشور وعمي وخالي عند الباب .. أول شي صب الدش على فمي .. برودة الجو مع برودة المويا .. مع برودة المشاعر ..! أبي انزّل راسي بس ماسكه مضبوط أبي اكح .. أبي نفس .. سمعته : من اللي عند الباب ؟! قلت وانا أكح : نايف و... قاطعني بحركته انه زاد المويا : من اللي عند الباب .. يحسبني مجنونه وبصحى كذا ! غمضت عيوني كفايه دخل بها كثير : نايف و... كنت أبي امثل عليه اني مره تعبت لما قالها للمره الثالثه : ساره من اللي عند الباب ؟! بسس كنت بمثل مادريت أني من جد بـ طييح مسكني بسرعه وبدى يجرني لبرا بين الصحوة والحلم .. أول شي صابني هوا بارد من نفحات التكييف ماحسيت إلا بنفسي لميت على فيصل رغم ان ملابسي مبلوله أدور الامان بحضن سبق وتركني بـ وقت ما أحتجت له .. وأرجع له لأنه أخوي ! ثيابي مره بارده وأحسس أني بموت هـ اللحظه ..تمر علي أشيء كثيره .. أيامي بالخبر .. والمقلط .. والدمام .. أيام القهر .. أيام الإنتظار .. صدمتي .. زواجي .. ولادتي .. ظهور نايف من جديد .. وزعل تركي .. إيطاليآ .. وفآة تركي .. وألحين .. خطوبهـ نآيف !! جلس فيني وأسند راسي على رجل عمي وجاء لي باللحاف وحطه علي ولفني فيه بس وش يفيد مع التكييف ؟! شهقت ثمن كحيت لين شفت بعيوني كيف سيلان الدم من فمي هو من جد اللي أشوفه ولا أنا فعلن مجنونه ؟ جات لخالي الفهامه وراح قفل التكييف ..؛ عمي بعتب : قلي ياجاسسم يستاهل مشوار للدمام منك كل هـ المجهود ؟! شف البنت كيف ؟! فتح خالي عيونه بسخريه : لا ! يالرقيق .. أمسك دموعك لين نآصل بس ولا أقولك جنبك فيصل كلينيكس ؟! عمي : ماني بوقتك ولا قسسمن ... سمعت فيصل يتمتم لي وأنا اكح : ساره انتي مره قويه قومي .. قومي أخوك يحبك ! ودي أقوم من عنده ما أبيه .. ما أبيه ما أحبه .. بغض النظر عن حياتي .. حياة نايف وحياة تركي !! حضنه بارد ! سمعت صرخه خالي : حدودك إلا أم فيصل .. طبقت جفني وريّحت راسي على فيصل .. وش بها هـ المره أم فيصل بعد ؟! عمي : والله ماجبتها من عندي .. بسس كلام الصدق دايم كذا معك .. سمعت خالي : نهال على راسك من فوق مو انت اللي تلوثها ولا الحقير أخوك .. ولا عشره مثلكم .. وش بهـ ابو فيصصل بعد ؟! ووش بها مرتهـ ..؟ شد علي فيصل وهو يهمس : قومي ساره لا تموتين أبيك .. محد يحسس لي غيرك ..,؛ ركزت مع خالي وعمي رغم إني موب قادره .. بس 24 سنه وانا انتظر متى يتكلمون وأسمع لو شي بسيط عن أثنين مدري هم من .. بسس اللي اعرفه انهم امي وأبوي ! عمي : تاج على الواطيين امثالكم .. سمعت شي يطيح : محد واطي غير أخوك .. ونهال بغرفتها مالها فيهـ ..؛ عمي باندفاع مره : وش وش دخلها فيه ؟ من اللي راحت لمه ؟ من اللي تستعرض له كل ماتشوفه ؟! لا لا باين من بنتها .. باين أخلاق ! هـه ! حتى بنتهآ .. ووش سوت امي أصصلن ؟! خالي : ساره غير ونهال غير ... قاطعه عمي : نفسس التربيه .. شف بنت أختك وشف أمها .. غير ان ساره يومها تزوجت تركي رضت ونهال حاطه براسها .. سواء ياجاسم .., سكت خالي فتره ثم قال : تغلط على نهال أرضاها لانها مو تربيتي انا .. بس إلا ساره خل حد ياطى لها طرف وربي وجلاة قدرهـ يفقدون وجهه بنفس اليوم ! كنت بقوم وأقوله .. خآلي أنت من جدك ؟! أول مره خالي يتكلم عني .. طول عمره معتبرني بزر ! بسس وش اللي يصر عليه خالي ؟! كمل : مغير أخوك راضي تسبه ليوم الدين ماهمني .. وولد اختك أسمح لك ! كنت بصييح .. أنا وامي .. وتركي وأبوي ؟! عمي : والله انهم يسوونك ويسون كل أهلك .. تعيب محمد أنت يحصل لك نصه ؟! شرف لأختك ترفعه انها تزوجته بس .. وتركي ماغلط والله يبيها وياخذها بالحلال .. خالي : أنتم اللي تربيتكم على رحمة ربي .. وش جاب اخوك لغرفة اختي ؟! ولا تركي يستاهل ياخذ ساره ؟! وش به خالي ؟! أرضى ياخالي تسبني بسس إلا تركي ! يكفي والله مابي أعرف دام أن الكتاب واضح من عنوانه كذا .. أمي .. وأبوي ؟! لييهـ طيب ؟! خالي يتمهزي : حلو والله مصطلح إغتصاب رجل على يد أمرأهـ .. فجعتني كلمته كييف ؟! .. سمعت عمي : كان بيكون برضا أختك .., خالي بنرفزة من هـ الطاري : وكنت متوقع انه يكون ؟! كنت متوقع ان نهال ماعندها أهل ؟! ماعندها أخو ؟! كنت بصييح مرهـ ليه يمه ؟! ليهـ ؟! عمي : فهم نفسك .. تبي ترجّع نهال غصصب ؟! بنتها بنفس الغرفه ؟! تحب تستعيد ماضي القرف لامها ؟! شد علي فيصل وهو يتمتم : حبيبتي قومي والله مايصير إلا اللي تبين ! خالي هدى : أثبت لك .. أن لو كنت انا ولي امر نهال موب أبوي نايف والله ماخليتها .. عمي : بالله ! وذا التربيه الناجحه يعني ؟! حرق .. كرف .. ذل .. حتى البكى ممنوع ؟! خالي : أمنعها .. من انها تقرب جنب شي أسسمه حب .. أشغلها .. أبعدها .. أعزلها ياعساها ماقربت لم أحد المهم .. سآره تكون بخير ! خنقتني العبرهـ .. خالي من جدك أنت ؟! بس هذآ قصصدك ؟! والله لو قلت لي ما أقرب ! عمي : إلا قصصدك تخفيها وتعزلها .. بس عشان ما أشوفها وأقول تشبه لامها .. صرخه فيصل صار قلبي منها يطرق : الله ياخذك أنت معه بس أوجعتم راسي .. عمي يكمل : ولو أن تخسى أم فيصل قدام سآرهـ ..! ولا أي نفس مني .. ومتجمع الدم عندي عند موطن واحد .. وسط حلقي بدال الدموع والشهقات ! فيصل بهدوء يتمتم : وش تشبه لها ؟! وش ياعمي تشبه لها ؟! وش ياعمي انت شفت أمي وشفت اختي أسألك بالله كانك شفت براءه على وجه أمي قل لي .. شفت الطفل كيف مرره بريئ كل شي منه عفوي حتى الغلط منه حلو وبسم الله على اختي من الغلط .. أسألك بالله كانك شفت ياعمي حتى بـ خالده ولا انوار ولا أخواتهن من يومهن مراهقات كانك شفت واحده منهن بعز مراهقتها ماسكه كتاب صحه ولا خيول قل لي ! سكت عمي .. وسكتت معه انفاسي ..! فيصل : أنتم إييش ؟! يهنالك ياخالي تروح مسافر شهرين وأنت متخيل منظرها بالمخزن وتدري انها متكورة على نفسها وبس ؟ يهنالك تشوف على جسمها حرق يميزها عن باقي البنات ؟ وأي بنات ؟! وأي بنات ؟! اللي مثلها محد يشوفه هذا ان فيهـ حد مثلها .. تكسسر قلبي لا سألت خالي عنده صورة لأمي ؟! بس صورة ؟! تشكي لها لاضاقت بها الدنيا حتى مني .. حتى مني لاقسيت موب بـ أيدي بس اخاف .. اخاف تغلط بـ البراءه مع أي مخلوق يرتجف عند براءتها ! ونّت الأرواح يافيصل كانك ماقد جربتها .. تعال وإسسمعها عندي ..؛ فيصل : ودي أقولها ياسآرهـ لفي على نفسك بالمرايا وتشوفين نهال .. بس أخاف اظلمها وين أمي ووينهاآ ؟! هذي مو دموع فيصل اللي تسيل على وجهي .. هذي قطرات مويا .. فيصل مايبكي .. فيصل مايبكي ! كمل بنبرة مليانه عبرات : ضحكت لي يوم إنحرقت وإبتسمت .. ليه الحرق أبفهم بس ؟ ليه هي بالذات ؟ ليه مو أنا ؟ كلنا صعدنا موب بس هي .. أيه نعم هي اللي قالت بس كلنا وافقنا .. تحرمها الطفوله ياخالي لما تلعب ؟! بالذات لاصارت مع نايف .. أو مع تركي .. أو حتى مع مجود ! كح يعدل صوته : ووش اللي يخلي تركي مقلقنا أبيهآ أبيهآ ؟! هو فيه بنت زي اختي ؟ ولا وش اللي يخلي نايف فوق كل اللي صاير .. أيه أرمله وعندها طفل أيه وحزينه .. أيه وتكرهه .. وش يبي .. وش يبي ؟! خالي بحده : يبيها لأنها له .. من يومها له وتركي ماله وجود أصلن وأكبر دليل أنه توفى رآح .. عشان تبقى لنايف .. زي كلمة أمها وكلمة أمه من اول ماجاها الطلق .. إن جات بنت ترها عندك ياليلى وعند ولدك ورجلك .. عندك ولا ظني ببقى لهآ وما آمن إلا عندك ! ليلى ؟! منهي ليلى أصصلن ؟ مرت خالي ؟! إسسمها ليلى ؟! أم نايف إسمها ليلى ؟! وكانت مع أمي يوم تولدني ؟! وأنا امانتها ؟! وأنا أصصلن لـ نايف ؟! من الأسسآس هو لي وانا لهـ ..؟! وكل اللي صآر خربشات ؟! وش الخربشات حبي لنايف ولا حبي لتركي ؟! ولا حيآتي مرسومه على خربشات من الأساس ؟! أبسسط شي يمسحها ...؟! خالي : ولجل كذا ما أعطيتك لها يوم جيت تاخذ لبوك فيصل .. خذ فيصل كانه يشبه لاخوك بس خل عندي سآره وكان فيصل مكتوب عندكم لنجوى مهما صار مع مروى .. ساره مكتوبه هنا مع نايف لو عندها بدال ماجد من تركي ألف .. تسمعني وش يعني ألف ؟! عمي بحده مره : إلا ساره لتركي .. خالي صرخ فيه : أصححى ! وش لتركي بن اختك مات ومابقى لها إلا نايف .. ودي أمسح دموع فيصل بس .. فيصل : هه ! من القهر على أختي .. ههه وش اللي يخلي نايف يصر عليهآ ؟ وش اللي يخلي تركي يبيها لو تصفعه بدال الكف ألف ؟! خالي بحسره : يبيها .. ويحبها .. عمي : ماظني بعد زواجه معها ماعرفت وانت ساكنن معهم .. ولا أزيد على كلمة خالك إلا مايبي غيرها ! فيصل : أووهـ أجل تعرفون الإجابه والله .. من متى ؟! خالي بقهر : من يومها ملكت .. ومن يوم تلميحاته معها يومها بالمتوسط ..,؛ فيصل : ولا قلت تبي تعرف وشهوله يبيها ؟ ههه وش بها ساره زود على سلمى ؟ ولا أنقص من ساره بس سلمى كذا الحلوهـ اللي وش تبي قالت لها امها لبيهـ ..؟ حاول تقوله ينسى روحها أو ينسى وجهها .. أو حتى ينسى ضحكة الألم لاجات من فمها .. قله وش يصير فيك لا شفت ساره بتبكي ولا انت بقادر تجي لمها ؟! صرخ خالي عليه : فيصل خلاص .. كل ذاه أدري عنه مو لازم تعيده .. وهي لهـ ..! عمي : أقسسم لك أن روحها من تركي .. ولا رد مني لاني حسسيت ان عقلي طآر مع الأرواح الإثنين مع أمي وأبوي .. سوالف جديدة رغم تواريخها القديمه .. 26 سنهـ على كل شي صار ..,؛ ليت 26 سنه كانت تعيد بكرا وخلني أحذف كل شي ما أبيهـ .! سمعت شهقه : وش مسوين بالبنت ؟! صوت ليلى خخخ .. أو مرت خالي بمعنى أصح أول مرة بالحياه أعرف إسسمها ! ولا قد خطر على بالي أسأل أصلن يمكن خلاص حلوة مرت خالي .. يمكن تحسسها حآف لو قلت ليلى ..؟! صوتها مره رايح بكى : وش مسوين ؟ وأنتم ما أشوفكم إلا مسوين مصآيب ؟! حسبي الله عليكم كانكم بتذبحون البنت وتفجعون قلبي ..! ليييهـ ؟! وكيف خالي ومرت خالي يدافعون عني ؟! هم كذا على طول ولا بس عشان يبان قدام عمي ؟ ولا .. عشان نايف ؟ سمعته تتحسب : حسبي الله عليكم ونعم الوكيل .. سمعتها : يممهـ .. " سكتت فتره ثم قالت " وش ذاه .. سوير هذي ؟! سمعت شهقة مرت خالي اللي تلتها : ايه ساره وليتها موب هي ! مروى : والله يمه احلفي هذا ساره بنت عمتي .. احسسن يعني خلاص بتموت معادني بشوف شكلها .. يووهـ يا أنها سخيفه بجد .. أحسسن بعد نرتاح شوي مافيها شي حلو أبد من زينها تصير مرت أخوي بعد .. صرخت خالي : مروى ! وكأنها خافت سمعت الباب يتسكر .. فتره ساكتين ودي أقول لفيصل كفايه لا تبكي ياخوي تقطع قلبي عليك ! شوي ورجع إنفتح وحسيت بمرت خالي : ساره .. ساره يا أمي قومي .., شوي وسمعتها : وش فيها ماترد ؟! وش فيني ما أرد ؟! هو عندي رد عشان أرده ؟! هو بقى بـ ذا الكون سالفه عشان أقولها ؟! ولا بقت صدمة أنصدم فيهآ ؟! وتسسألين وش فيني ما أرد ؟! فيصل : طقها جنون يا أم نايف .. وكأنها فهمت وشهقت : وش فيك فيصل هذا وانا أرجى بك الخير ترحم بها وتسوي فيها كذا ؟! فيصل : مدري وش فيها ماترد علي .. من يوم طلعتها وهي كذا .. مرت خالي : وتاركها كذا تموت بين أيدينك ومنت بمسوي لها شي ؟! قل لي أقلها بس وش يكلفك يافيصل ؟! وش قايلين لها أنتم ؟! عمي بضييق : هي صحت عشان نقول لها ؟! مرت خالي بقهر : صوتكم واصل عندي تحت وتقولون وش ماقلتم ؟! والله أن صار بها شي .. هزتني : ساره .. قومي يكفيك نمتي كثير .. بدت تضرب وجهي وصوتها كل ماجاله يتهجد : لا تروحين وتفجعينني زي ماراحت نهال وفجعتني .. مالحقت أنسساها إلا وأنتي .. قومي يا أمي .. " سكتت فتره " وش فيها ماترد ؟! فيصل بحنان : مدري ودي أشيلها بس اخاف تتعب أكثر .. مرت خالي بعتب : وتتركها كذا تموت .. قم معي بشيلها !! فتحت عيوني وبديت أرمش بـ حركة سكون و... شفتها ..,؛ زي لما تتخيل شكل حد خايف عليك .. زي لما تقتنع ان شخص مايحبك وهو يتقطع عليك .. زي لما تعرف كل حقيقه .. ودك تحذف شي وتعرف أشياء قبل يفوت كل شي ..! ودك تحذف ماضي نهال .. وودك تعرف حبهم لك وأنك أنت لنايف .. والله لو ادري ماهمني شي ..! بس وش يفيدني كل ذا الندم ؟! وانا قلتها ماني براجعه لنايف لو كان موتي .. وانا مجنونه وش يبي فيني ..؟! إبتسمت لي : قومي يا أمي غيري ملابسك يجيك برد .. وكلي لك شي يمكنك تعوضين نفسك نحفتي ! رجعت وغمض عيوني أحذف صورة مرت خالي اللي ماتحبني وأبدلها بـ صورة الأم الثانيه .. أو الاولى لأن أمي أصصلن ماشفتها ! بدت تهزني بشويش .. رجعت وفتحت عيوني حطت يدها على راسي : شف مريضهـ .. قم معي يافيصل .. ظليت فاتحه عيوني أشوف بس موب واضح شالني فيصل وأنا بلحافي بس وقفت ومشيت إلى سريري مرة أبي انوم ودي انسسى كل اللي سمعته .. ألحين بس عرفت لامني سألت عن حد منهم ليه مايجاوبونني .. صح أفضل لي ما اعرف .. ليتني ظليت للابد ما أعرف !! جات لي على السرير : وش فيك ؟ قومي بتطمن عليك ..؟! سكتت فتره ثم تمتمت : بنوم بس ! قربت أذنها : إييش ؟! غمضت عيوني .. أبي أنام ما أبي أفهم شي .. بس انوم ..!! شالتني بشويش : تعالي بس تحممي بمويا دافيه ثمن تلبّسي شتوي تحررين .. قمت بانصياع .. هو فيه حد يحصل له حد يخاف عليه ويرفض ؟! تحممت بسرعه سآره أنسي كل اللي سمعتيه محد بيأثر عليك وانا مُصره على قراري بربّي مجود ولا بتزوج ! خرجت بعد مالبست ملابسي اللي جهزتها لي وانا مبتسمه رغم الالم اللي أحس فيه .., ورجعت للحافي .. سمعتها : لا لا .. وقفي .. خوذي ذا اللحاف بس .. إبتسمت بس وأنا اتلحف فيه .. خالي بحده : بتنومين سوير ؟! إبتسمت من داخلي .. خالي يحبني !!!! أول مره احط تعجب بذا الحجم أربع ورا بعضهن .. الاولى .. لأنه فوق كل الحرق والقساوة .. يحبني ..؛ الثانيه .. كيف يقدر يوزي كل حبه ودفاعه اللي سمعته قبل شوي تحت القسسوه ؟! الثالثه .. ليهـ مع كل حبه لي يبيني أكون له نهال .. رغم انه يفرّق بيني وبينها ! و.. الرآبعهـ .. آهـ تطلع من جوف القلب كيف يحبني ويسب أغلا أنسسان على قلبي ؟! رفعت راسي بتعب : إذا تبيني أقوم والله ما أنوم .. ناظرته مرت خالي وهز راسهـ .. وجالي على السرير أول مره احس بالحنان بقرب خالي !! قال : بقولك شي ثمن بطلع .. هزيت راسي وكنت بعتدل بس وقفتني يده : كلها كلمتين أنسدحي .. لو أبيك تقومين قلت لك قومي بس أهجدي لا ترتجين .. هزيت راسي بـ أيه .. كيف يغير نبرته بين دقايق ؟! قبل شوي كانت عادي حلوة وأحلني مره ترعب !! هزيت راسي : أسسمعك ! خالي : تذكرين وش قالك فيصل قبل تنومين ؟! هزيت راسي بـ لا .. هه ! بس أبي أضيع وقت ما أبي أرفضه ثمن وش بيقول عني ؟! هز راسه : ولدي نايف تعرفيه تراه يبيك يصونك .. جلستك معها بـ بيت وأنت أرملهـ وعارفه أن مافيه شي يثبت لو قال حد عليك شي .. طاح وجهي وش فيه خالي ماخذ راحته بالكلام مرره ! خالي : أيه وأنا أقولك أنتي ماعدتي بكر .. وهو يسترك من كلام أي حد .., كنت بفتح فمي بقول بس كلمة " خله يفكر ! " بس قاطعني : ما أطلبك جواب إلا بعد فتره .. وقام ولا كانه قال شي وطلعوا .. واحد واحد .. وتركوني .. بلحالي !! هم من جدهم نايف يبيني وانا كذا ؟ هو الحكي ذاه كله موب كذب ؟ يعني امي وأبوي و..؟! زفرت سوير خلاص يكفيك .. أعتدلت بجلستي .. ولا من جده خالي يبيني أفكر ؟! أنا عندي قناعه ومستحيل تتغير وانا قلتها لامني قلت شي مستحيل أغيره ولا في شي زي كل الناس يكسرني أنا انكسسرت مرتين ويكفيني .. مافيني حيل على الثالثه وأصصلن ماظني بتجي .. أدري ان نايف مو ذنبه بس بظلمه معي لو تزوجته .. وشي صعب فوق انه ولا قد ملك ولا قد تزوج انا أرمله وعندي ولد .. وغيره أنا تزوجت وحبيت بعده وهو لا يزال .. ظنكم برتاح معه وحتى لو انا إرتحت هو يرتاح ؟! مستحيل أظلم ولد خالي معي ..!! قمت بهدوء ورحت لبداية السلم الى أسسفل شفتها تكلمه .. مروى : والله ليه منت بمصدقني والله شفتها تبي تموت خلاص .. مالك غير سلمى .. شفت عمتي شددت على مجود اللي كان يناظر بهدوء وكأنه مندمج ولا يدري هم أصصلن من يقصدون .!! نايف : احكي للصبح ماني بسامعك .. مروى بقهر : كيفك .. ولو أني احسس أول مره ساره تسوي خير فينا وتفكنا .. كان يصعد للسلم بس وكان الكلمة وقفته حطيت يدي على فمي شفته سحب أقرب زهريه ورماها على الأرض قريبه مره منها شفت مجود إرتعش وبرطم وكأنه متضايق .. نايف : كلمة بعد والله مايحصللك طيب .. شفت فيصل داخل على المقلط الظاهر عند عمي وخالي .. وبالمره مرت خالي جلست مع عمتي ولا كانه شي صاير ولا كأني قبل شوي سمعت حكي وحكي !! صعدت بسرعه لأن نايف بدا يصعد ودخلت الغرفه بديت أشسور شعري ودي انزل لمجود بس ما أقدر .. خلصت شسوار غيرت ملابسي الظاهر اني ناويه أنزل .. وربي أشتقت لولدي حبيبي لبست لبس عادي تنورة بيضاء طويله وبلوزة زيتي تحجبت بالأبيض وبديت أرتب نفسي وطلعت .. ناظرت الساعه موب كأنه متأخر شوي ؟! ييلا ماعلي .. ناظرت غرفة نايف وحسيت اني ببكي .. هو نايف كان من جد يحتقرني ؟! من جد كان يدق على تركي بس يبي يخرب علي ؟! مشيت بخطوات متردده طرقت الباب ومحد رد خفت ضايقته بس خلاص انا أبي أبدي من جديد وأفهم كل شي ومابقى غير ليهـ نايف كان مع تركي ؟! رجعت وطرقته بس ولا رد .. فتحت الباب بشويش شفت الغرفه ظلام الظاهر موب فيه تضايقت كثير كم يبي لي عشان أعرف كنت بطلع لولا أني أنتبتهت لتواجده على السرير والظاهر انه نايم .. مشيت بهدوء وفتحت نور بسيط ورحت للسرير رفعت الغطا بشويش ولا كانه حد معه أبد .. مدري وشلون أصحيه .. همست : نايف ! ولا كانه حد معه مره رايح بالنوم .. وكانه شريط يمر علي في يوم من الأيام دخلت وكنت نفس الشي موب عارفه وشلون أصحيه بس كان خجل لاني أحبه .. واليوم خجل لأني جايه له واليوم خاطبني وغيره نظراته ونظراتي ..!! هزيته : نايف كيف تنوم .. قم مابقى غيرك يفهمني وش صاير ؟! فتح عيونه وباين انه مره نايم شوي وفتحها على آخرها وهو يناظرني .. عقد حاجبينه : سآره ؟! هزيت راسي بـ الإيجاب .. وكملت بتعب : قم يانايف مابقى غيرك يفهمني ويبرر لي كل شي ! رفع حاجب وش فيه الأخ ؟! .. شوي وقال : وش أفهمك ؟! كنت مستحيه مره بس مسويه نفسي الإيش خخ : قم وانا أعلمك .., كان نعسسآن رحمته : خلاص موب لازم كمل نومك .. قام بهدوء للحمام تكرمون وقال بدون مايناظرني : خلاص قمت مايجيني نوم .. إنتظريني تحت وبجي .. صراحه أفتشلت بسس بالله ماتحسون انه غصب خاطبني ؟! والله جد يفتح عيونه والنفسيه والاخلاق وش فيه ؟! عموما مالي دخل تلقفت لين قال كفايه .. بس ودي ادخل راس نايف وأفهم وش يبي ياصل له ؟! شوي وإنفتح الباب .. كان فيصل وعلى طول إتجه لباب الحمام تكرمون وبدا يطرقه .. فيصل : نويف إنزل ألعب معي مرره ملل ياخي وش ذا الحياة الملل ..! إبتسسمت بس .. وش يحس فيه فيصل وهو يرجع زي ماكان .. وش يحس فيه نايف ؟! شوي وسمعت فيصل يضحك : طآيب أنجز علينا .. لف وفتح عيونه على آخرها .. على طول قلت : كنت جايه بسأل نايف سؤال وقلت أنتظره وهو بالحمام ! هز راسه : مصدقك .. شوي وقمت بطلع .. قال : أنتظريه شوي وطالع .. موب ساكن جوه هو .. بلعت ريقي : كنت بقوله انتظره أسسفل بس خلاص لا طلع قل له ..؟! فيصل : بالله سوير وشهو سؤالك ؟! إبتسمت نص إبتسامه : أبد عآدي .. طلعت .. فيصصل ؟! ما انكر ان يومني سمعت أنه كذب ومره كل اللي صار عشان كذبه منه ماكان عندي نيّه أسامحه .. بس وربي يومني سمعت كلامه وكيف كان يتكلم عني أنا ولهجته وتأثره مره بغيت أبكي .. كنت بقوم له واقول له فيصل خلاص لا تبكي مسموح ..!! نزلت تحت سلمت على عمتي وأخذت مجود : يا انك مرره وحشتني .. برطم : ليه أجل ماجيتي لنا ؟! رفعت حاجب : يآسسلام وتبيني انا اللي أجي لك ؟! ليه موب انا امك انت تجيني .. مجود : بس موب كل مره انا اللي أجي لك تعالي لي انتي .. قلت : لا يشيخ ! انت بس قل قسسمن وانا بصدقك .. وأنت وين حسبالك تروح يعني ناوي تسكن فيذاك ؟! وأنا ؟! لا ومصدق نفسسه موب كل مره أجي لك .. إبتسم لي لميته على طول : مرره وحشتني لعاد تروح عني .. يوم كامل ماشفتك .. كانت عمتي تناظرني مبتسمه .. قلت : وش بك يمه ؟! إبتسمت وبس : مدري يمه وش فيني ! قلت على طول : كانه على مجود خله معي .. والله ماقصدت أزعجـ... قاطعتني : والله لو ربي يفكك من ذا الحكي تكونين حلوة .. قلت بإنزعاج : أجل وش فيك ؟! موب معقوله كذا من هنا لين الحزن بدون شي ؟! إبتسمت كامل لي .. شوي وجات مرت خالي على طول قمت ولا تحس اني سمعت منها شي أبد وقمت بصعد .. شفت فيصل ينزل ونايف وراه يقفل الكبك لثوبه .. وطيت راسي ومشيت .. نايف : هاهـ سآرهـ يقول فيصل تبين شي ؟! رفعت راسي وهزيت راسي : أبي أسألك .. " ناظرت فيصل " مدري ! فيصل : ياكرهك سوير لاصار عندك شي تخبينه علي ؟! إبتسمت نص إبتسسامه ومشيت مع نايف لين المقلط الخارجي .. سمعت فيصل : لا تطولين ! كنت ساكته مره اول ماراح فيصل وينه لساني .. خخ مدري وش فيني ؟! سمعت همهمه صغيره منه .. رفعت عيني له : نايف بالله أبي أسألك ومابي غير اللي كان في خاطرك وقته ! هز راسه بـ أيه .. قلت : ليه كنت تروح لتركي ؟! لييهـ ..؟! ووش اللي كنتم تفهمونه من نظرات كل واحد للثاني ؟! رفع حاجب : وتسألينه بصفتك أييش ؟! ليه يعاملني بذا الطريقه ؟! هو أنا وش قلت له .. قلت : بصفتي زوجة تركي .. إبتسم بهدوء : ووو.. ؟! قلت : بسس ذاه سؤالي .. أرجوك تجاوبني ..؛ نايف : ماطلبتي .. بس بعد أسألك كانك ترضين ؟! كنت خايفه يسألني ليه تزوجتي خايفه مره ماأحب يكون فيه شي حاجز لو بسيط بين نايف وفيصل أو أي إثنين بسببي !! هزيت راسي بـ أيه .. قال : هو تركي ماقالك ولا مره أي شي كذا ؟! قلت : ماقد تكلم لأني أصصلن مابديت وقلت له شي .. تركي موب كل شي يعرفه يقوله .. بسس أنت يمكن فيه أمل تجاوبني ..! إبتسم : أهآ ..! سكت تفتره وانا أناظره يعني يلا جاوبني .. قال : بقولك كانك عادي تسمعين .. هزيت راسي بـ أيه وانا مستعده تقوله لي كامل .. قال : اللي بقوله لا هو غريب عليك ولا شي تستنكرينه أنتي تعرفينه بس بعطيك من اللي كنت انا أشوفه .. يمكن أنتي شفتي شي بسس من نظري غير !! هزيت بـ أيه .. بدى وهو مبتسم : في كل مره أقول بتجي لك يانايف ساره وتسألك عن كذا وتجين .. صح تذكرين ؟! هزيت راسي وانا ساكته بـ أيه .., وشلون ما أذكر وأنا بنفسي اللي رايحه لك أسألك وين يروح فيصل ؟! قالي : قلت له ياتركي ترى سآره بنت عمتي موب غبيه يمشي كل شي عليها بس كان يعرفك اكثر مني .. تركي متقدم علي بـ أشياء كثيره ..! سكتت وانا أبيه يبدي ثم قلت : أبدي من أول شي لآخر شي خلني أسستوعب .. هز راسه .. سكت فتره ثمن قال : تركي أصغر مني بسنتين وما أعرفه إلا إنه الإنسان اللي صادفته وأنا بمتوسط وعرفته ومادققت اصصلن باللقب لانه ماقد مر علي .. وعرفته .. كان أحلى شي ممكن تتوقعين تشوفينه تسمين عليه باسم الله بالطلعه والنزله كامل والكامل ربي .. اللي لما اتكلم معه زي لما اتكلم مع نفسي .. علاقتنا حلوة مغير يومه جاء اول مره بالثانوي ياخذ فيصل .. ياهي قويه ياساره وانا أشوف أبوي كيف معه وأشوف خاله كيف معي .. سكتت اناظره أبيه يكمل .. هو من جده نايف ؟! إبتسسم : باقي مشوار ماعليك .. كيف يكون تركي أقرب من لي .. إنسان يكرهه أبوي وليه ؟ عشانه من اهل أبوك ؟! ماتمشي عندي وقلت له أنا معك لو مو بس أبوي .. صعب تتركين شي أنتي تبينه .. قالي طيب بس مالنا بسوالف أبوك وخالي مشيها يانايف .. " ناظرني وهو مبتسم " مشيتها ! سكت كأنه يتذكر : أحلى شي لما انتظر متى يارب يجي الجمعه لان بعض الاحيان ماودي أروح للدمام وما أرجع إلا الفجر تحسسين صعبه .. بعكس لما يكون بالخبر أتعمد شوي أعطل فيصل لأني احس بالراحه لما يكون معي بالخبر .. ولأن أبوي من يومني بزر محلفني لو يصير اللي يصير ماتقول ان عندك بنت عمه فـ انا مطنش السالفه .. سكت وهو يناظرني بابتسامه .. قلت : أيه قل وش بك سكتت ؟! ساكت ويناظرني وهو مبتسم .. وش بيقول نايف ؟! قلت بتعب : وش تبي تقوله يانايف .. لا تناظرني كذا أسمعك ..؟ بانت على وجهه إبتسامه حلوة : قلت له ياتركي انا احب .. وأول مره اعترف لحد فيه وتورطت لما سألني عنها .. وشون أقوله أن هي بنت عمتي وأبوي محلفني .. ووشلون أقوله وانتي بنت خاله .. ووشلون اكذب عليه وانا ما احب ذا الحركه ؟! طاح وجهي ألحين ساعه يناظرني عشان يقول كذا ؟! كمل : قلت انك سلمى أختصر على نفسي أمور كثير أنتي أسمك بس سلمى والباقي كلك سآره .. كان يضحك كثير علي .. شي حلو لما يقولي شف ذا الحرف أعجبني وذكرتك .. شف ذا وش شفت قلت إلا تشوفه معي .. ومشت السالفه سنين وانتي سلمى .. على أقل شي تسوينه .. ياتركي تراها سوت كذا يقولي تراك بزر " وكأنه ماسك العبره " مايدري انه أكثر مني !! وكانه يقلب المواجع علي ..,؛ هز راسه : ماعلينا .. قلت له تجيني بنص نومي تقولي عندك شي محاضرات تراني بروح معك ويقول لي لاتعطيها وجه مرره وإحترم نفسك كثير وأفهم انك منت برجلها .. " رفع عينه لي " لما أقولك أن تركي متقدم علي بـ أشياء كثيره ! هزيت راسي يعني كمل .. ماودي يوقف أبد خله يقول متواصل .. نايف : جيتيني انتي وقلتي تبين تعرفين .. وش أسوي قولي لي أقول لتركي ترا عندك بنت خال وانا اللي أبيها ووو .. لا صعبه ولا أجي لك وأقولك ترا إسسمه تركي ويطلع بن عمتك وتراه كذا وكذا ؟! وش رايك بس وش أسوي ؟! حسيته بإحراجه هذيك اللحظه يالله صدق أني ملقوفهـ ..! نايف : ماعليك أيام مضت لا تذكرينها إلا بالحلو .. قلت لك ما أنكر اني كنت بموت وماتدخلين بس دامك تبين أنا من يدك اليمنى لليسرى وكأني أساعدك تحبينه واساعده يحبك .. يقولي يانايف بنت عندكم طويله ومتلثمه وصوتها حلو بس لو تعتدل أخلاقها .. " زفر " ذا البنت يانايف دخلت لي اليوم مدري شف لي من ؟ وبالليل تقولين لي انتي ياكرهه !! سكتت يآآإهـ ! أيآم مرت بسرعه وكأنها برق .. ليتهآ ترجع ! ناظرته : لاتقطع يانايف أرجوك ..! نص إبتسامه تجبره أنه يكمل : أسبوع .. وإسبوعين .. لين قالي أبيها .. أبيك تعرفلي من إلا أبيها .. كنت أضحك معه ودي أقوله ياتركي ذا البنت اللي قلت لي لا تعطيها وجه ذا البنت اللي قلت وجهها مغسول ذا البنت اللي قلت لي تراها واحده تافهه .. وش رايك بكل اللي قلته قبل ألحين تغيره وتقول أبيها ؟! حسيت بدمعتي علقت رمشت بسرعه مابيها تنزل .. لين كمل : وانا ممشي الأمور بهدوء أسمع منك واسمع منه وقدام الأثنين انا مدري عن السالفه .. لين جالي يقولي بقولك بس والله ولا تزعل تراها تقول انها اختك ! ماكنت أبي أقوله أختي وكذا وكذا .. بس يمكن لانه تركي اللي سألني أسمح له يعرف أوصافك .. قلت له موب اختي تراها .. أنت تقول اوصافها كذا وانا أقولك أوصافها كذا .. ولانه تركي ولان مروى تكشف يشوفها ويعرف .. يرجاني يانايف شفها لي جنيت أبي اعرف وانا ساكت اتقطع بس لين قد وقالك وانتي قلتي له أنك ساره .. وش يحس فيه نايف وانتي جايه له هو لانه نايف تقولين تراني خايفه .. ووش يحس فيه نايف لما يقوله تركي تراها بنت عمتك .. بدون مايعاتبني ولا أي شي ..! بلعت الغصه وانا اناظره .. شوي وقال : لما اقولك ان تركي متقدم علي بـ أشياء كثيره ! سكتت اناظره اتعبتني يانايف ليه توقف ؟! أتعبتني !! نايف : ونقلتي عندهم كنت عارف انه آخر يوم أشوفك فيه ومع ذلك طلعت ولا كأني مهتم وش يعني بنت عمتي تنقل للدمام وش فيها عادي .. تروح مايهمني .. " نص إبتسامه " وصرتي عنده وانا بالخُبر وأنتم الإثنين بالدمام .. لما يقولي سوت كذا وكذا .. ودي انطق له وأقوله وش رايك منهو البزر فينا ؟! يقولي تقهر بس أحبها .. ولأنه تركي كنت آكل تبن وأسكت .. يقولي بغيره تخيل راجعه البيت ومعها أحمر وشي وكذا .. هو غيران ويشكي لي وأنا غيران بس أشكي لمن ؟! ناظر السقف وكأنه مايبي يتأثر بذكرى تركي .. صعب يانايف ننسى تركي ! كمل بعبره : قالي تراها تبي تدق لك تبي منك شي .. أنتبه تغلط يانايف وأقوله طيب وكأني ما أبي أي شي يأثر فيني آخذ مشعل بن عمتي ولا كانك اليوم تدقين ولا كأنك أنتي ساره .. ويرد مشعل .. وش تبيني أقولك ياساره وش تبيني أقولك ؟! أقولك مرره مرره وحشتيني ؟ " نص إبتسسامه " ويقولي سامحني تراني قلت شي لها بس أبي اعاند .. وشهو ياتركي .. يقول يومك قلت لها وحشني هبالك عصبت عليها أقول كانه صوت واحد يحبها .. لاشفتها العن فيني شوي أمسح فيني الأرض عادي ماتفرق .. هه ! هو يدري أني أبيك انتي ؟! مسكت دمعتي وأنا اقفل عيوني .. أذكر هـ الأحداث بالضبط بالتمام ولا بها نقص ..! وكيف أنسى ؟! وكيف أنسسى أصلن وشي كان من الماضي ..؟ ولايزال ينحكى لي ! بس .. بصورة مادريت عنها !! نايف : تدرين وش أحس فيه لما تقولينها ؟ ودي أقولك ساره أنا اللي أحبك تهورت وقلتها حسيت نفسي أوطى إنسسان بالحياة .. رغم أني انا اللي عرفتك قبله وانا اللي حبيتك قبله بس مهما يكون هو تركي .. لما أصرّ علي خاله يقولي إلا تجي يقولي هـ المره عندنا ياسلام ! ناظر بالسقف بابتسامه : يعرف نظرتي ويعرفني منهو أنا ويعرف كيف اعيش وشلون مايفهم نظرتي لك " ناظرني " تسألين وش كان يقولي بالإشاره ..؟ ناظرته .. سنين على ذا اليوم .. اكلت بنفسي يومني شفتهم بس وش يقول .. هزيت راسي بـ إيه .. قال : كان يقولي تبيها ؟! وأهز راسي بـ لا .. ما أرخصك لا والله بس إذا انتي لي لو يصعد للسما وينزل للأرض لي .. ولو أنت له لو أصعد للسما وأنزل للأرض له .. ما أرخصك ولا أنتي بشي كلن يقطه على الثاني بس من الغلا ياساره .. وغلاك وغلا تركي شي وغلا كل الناس شي ثاني .. وطيت عيوني وهو يكمل : يتأفف لي ياخي والله انها قرف وتقهر تنام كثير وماتطلع إلا باليوم مره مرتز بالصاله ماتنزل شف لها صرفه .. أقوله نظامها على الساعه أربع الفجر تلقاها تصحى وبعدين ترجع من المدرسه وتذاكر وبعدين .. " باينه العبرة فيه " كل جدولك أحفظه أنا واعطيه له وكانه شي لازم نحفظه ..! بلعت غصتي وأنا أرمش لاتبكين ساره لاتبكين ..! شوي وقال نايف : يقولي اليوم شفتها نايمه بالصاله خفت اجيب العيد ورحت .. وأنا نايف لما أشوفك أناظرك .. " ناظرني " لما أقولك تركي متقدم علي بـ أشياء كثيره .. إبتسسم لي : كان ودي أقسمك نصفين نص لي ونص ثاني لتركي .. تركي يبيك ولو أنتي عرفتيه انتي من نفسك تبينه .. وبنفس الوقت انتي تقولين تبين نايف ونايف يبيك بس مايقدر ياخذك وتركي ؟! كتمت دمعتي أول مره حد يفتح قلبه كذا ! بالذات لا كنت تعرف القصه كامله وتعرف كل شي بس يقراها حد لك من نظره !! وبالذات لاصارت الشخصيات .. أنت ورجلك وحبيبك !! كح يعدل صوته : بزفة أخواته أقوله وراك ياخي ما أعرست معهم .. كان ضايق مره يقولي وين مشوار ذا البنت .. وانا هه ! .. أظني تعرفين .. " ناظرني خنقتني العبره " عان الله قلبي وقلبه !! مسكت الدمعه ومشّيتها بكمي بسرعه وهزيت بـ أيه .. كمل : طول شهر كامل وأنا أفكر وشلون أقول لتركي ؟ لو اني قلت له أسمها ساره وبعدين كملت وقلت تراها تقربلي يعني بشويش .. وبنفس الوقت مايهون علي .. ولا تهونين ! ناظرته كل ذا بقلبك يانايف ولا تقوله ؟! نايف : انقلبت الدنيا فوق تحت .. كل مافي الأمر مرسله لي شي مدري تقصدينني فيه ولا إييش ..؟! حياتي .. وحياة تركي وحياة سلمى وحياة أبوي وأمي وحياة فيصل كلها بس على إشارة منك جربتي مرة تبكين وقدام تركي ؟ يجي يقولي تبكي .. وأربطها بعقلي وش فيها البنت وش واصل لها من حكي ؟ وأسال فيصل بشويش وينقلب ويروح لبوي وأبوي لمي وأمي حالتها معي .. تكسر قلبي بنت خالتي !! سكتت .. صح تكسر القلب سلمى موب ذنبها لاصحت على الدنيا ويقولون أنتي لنايف ! نايف : رحت لبيت خالتي وسط خوالي تراني واحد تشرفه سلمى لكن مايبيها .. لو جاها حد لاتردونه ! خنقتني العبره .. كل ذاه سويته يانايف وماقلت ؟! ناظرته .. كمل لي بإبتسامه : وتركي يقولي .. يانايف ساره تبكي تفهم وش يعني ؟ نايف تقولي أفرح عشان أنا أبكي نايف هي ليه كذا ؟ .. تسسألني أنا ياتركي ؟! رح أسألها .. الليله متضايق عشانك واللي بعدها مبسوط وش فيك ؟ يقول أحبها ! سكتت لاني اعرف تماما وش يقصده هو .. أعرف وش يقصد لاني أنا عشتها !! أعرف انه صعب .. علي وعليك يانايف ! بسس وش أقدر أقوله يانايف غير : أسمعك ! إبتسم لي : تحددت ملكتكم هو .. كان ودي أقوله تركي خلاص وقف لا تكسر قلبي رح قل ذا الحكي لغيري الله يهنيك بس رح .. أقوله لاوقعت ساره دق لي وبجي لك .. وأروح .. عشاني كتمت كثير وأبي أتنفس أبي أفكر فيك لآخر مره قبل ماتصيرين متزوجه .. تملكين عليه وانا اللي أقوله بشهد ؟! تملكين ؟! ويملك تركي ؟! بالله من يبقى لي ؟! يمكن كنت سبقته بسس مدري وش اللي غير رايك ..؟ فتحت فمي كنت ببرر له بدون ما أجي بـ طروى فيصل .. حط إصبعه على فمي : ولا أي شي عادي مضى !! ناظرته بعبره .. كمل لي : وتركي اخذك .. لما أقولك ان تركي متقدم علي بـ أشياء كثيره ! انكسر قلبي يرددها كثير .. ويكسر قلبي في كل مره .. وكل كسر يكسر معه كسرين .. واحد لنايف .. وواحد لتركي !! ظليت فتره ساكته انتظره ولما رفعت عيوني كان مبتسم .. هزيت راسي بـ أيه .. بس ظل ساكت .. وش فيك يانايف هـ المره ؟! قل لي .. يمكن أحس ان مصيبتي تهون عند مصيبتك .. قل لي وأعتبرني تركي ! ناظرني بـ إبتسامه حلوه : تذكرين زواجك ؟! ماظني بتنسين شي زي كذا .. تذكرين كل لحظه عندك مع الحريم .. وتركي يردده في اغلب الأحيان .. وانا اردده بس بيني وبين نفسي .. واقف بعيد لايشوفني أبوي ولا فيصل ولا خاله واناظره بس وأرسم له أحلا إبتسامه والغصه ماأقدر ابلعها .. امانه تركي الليله من جد زفتك على ساره ؟! هو تبيني أفرح لك ولا أفرح لها ؟! غمضت عيوني أذكر كل مشهد فيهـ .., أذكر كل لحظ وكل نظره وكل رمشه لتركي لاني أحب ذاك اليوم .. أحبه لان فيه كنت لتركي قدام كل الناس ! وأحبهـ لأني كنت لاول مره مبسوطه ومقتنعه باللي يصير لي .. رفع حاجب بإبتسامه : يقولك من الفجر صاحي ويدق لي يقول لي نايم ؟! وين انام ؟ وفكره رايحه وفكره جايه وأنتي الفكره الوحيده اللي ما أقدر أكلم تركي فيها حتى قبل ملكتكم .. أقول له وشخبارك .. يقولي مدري ودي اتكلم مع أحد بس شوي أحسس ماودي اتكلم معك .. وكانه يحس لي أنه يوجعني كذا .. يقولي بقولك بس والله أن تخيلت الشكل .. أسمعه ولاتفكر فيه .. وأقول له طيب واحط قدامي مليون فكره يقولي نايمه جنبي حلوة وناثره شعرها مره طويل وألحين تقلب علي سدحتها على رجلي ولا انتبهت من نومها .. " إبتسم لي " يشهد ربي ياساره حطيت قدامي صور مليون بنت عشان ما أتخيلك وتختلط عندي الصور .. بس والله ماحسيت بنفسي إلا واتخيلك والله ياساره حسيت ودي أسسوي شي أوقف نفسي بس صرخت على تركي خله يوقف ! تنهدت بـ آه صغيره .. هو تركي كذا ؟! وهو نايف من متى وهو كذا ؟ عشان انا اكون كذا .. وتركي يكون كذا ؟! هو نايف من جده يتكلم ؟! هو فيصل وينه يسمع كلام نايف ؟! والله لو يسمعه يبوس رجل نايف إلا يوقف ..! ناظرني : هو يقصد ولا كذا عفوي زي كل مره ؟! يعني يقولي ترا ساره زوجتي وحلال علي وحرام عليك ! إبتسمت بـ ألم رد لي الإبتسسامه : يقولي بقول لك شي يانايف وربي ماقدرت أكتمه عنك .. وش فيك ياتركي .. سآره حامل .. إلا ياتركي ما أصدق انت أصغر مني وعندك كذا .. وإييش ومبروك ووو .. " إبتسم " مبروك لك ماقلتها لك ! هزيت راسي بـ أيهـ أحسس بصييح خلاص .. كان يغير نبرته بين فتره والثانيه وكأنه متخيل الموقف قدامه ويوصفه لي ..! يحسسني أني تركي .. وهو .. نآيف !! أربع سنوات ودوبك تقولها ؟! .. ناظرته وهز راسه : يقولي اليوم رايحه تولد خايف يصير لها شي متخيل نايف ساره تولد ؟! أخاف .. مو بس أنت اللي صحيت وخايف .. ومن يومها وانا أقول نايف يكفي هي متزوجه هي تبي تركي هي لو تبيك ماتزوجت .. هي غلطت يومها قالت لك كذا .. نايف كيف تفكر كذا وهي زوجة تركي ؟! مريت له وانا مبتسم وكاني أجرب نفسي وش يصير فيني لما يقولون ألحين بالضبط بتولد ؟! كان بس يناظرني نايف تهقى وش يصير ؟! وش تحس فيه ؟! ووش تتألم مره يعني ؟! مايصير ماتحس ؟! وأنتي تولدين وهو رايح لك وانا .. رايح شوف قطعه صغيره أشوفك فيها وأشوف تركي فيها ..! خنقتني العبره ودي أقوله أسكت مابيك تكمل لي شي .. بس ودي أعرف كل شي مابقى غير تكمله ذا القصه ويوضح عندي كل شي ومن كل الأطراف ..!! ناظرته يعني لاتوقف يانايف على طول قله لاتوقف تحسسني بتطلع روحي لا زفرت أنت !! قلت : كملها يانايف ولا توقف ..؛ إبتسسم وهو يناظرني بهدوء : تمشي بـ بطئ الأيام والله وتركي يقولي وش رايك أسوي لها كذا ولا كذا .. ولا وش أقول .. ولا وش أغيّر .. ودي يصير كذا .. وساره ودها يصير كذا .. قل لي وش اسوي لاصار كذا لمجود ؟! تنهد وطلعت منه آهـ صغيره : وحكي أنتي نفسك عشتي فيه .. وش ذكرني فيك انا ؟! أنا قلت انك مرت تركي من أربع سنوات وأقول خلاص لاقالك تركي اسكت وقل كذا وعادي ممشيه حياتي .. ليه رحت معه ؟! ليه شفتك ؟! ليه سمعتك ؟! ليه قلتي كذا ؟! وكأني دوبني أستوعب انك متزوج تركي .. " ناظرني " يعني ياساره كنتي ترددين عليه ذا الكلمه كل يوم ؟! غريب ! صدق انكم متزوجين بس ماقد فكرت كذا ! سمعته : أحلا شي لما أشوف أي رقم أقوله سلمى .. أقوله احبها .. وليتني لو أقدر أرجع لها .. ليتني فكرت شوي ألحين كذا ماأقدر أرجع وأقول لسلمى أبيها عشان انسسى ولا أقدر أقولك أنتي .. كنت بصيييح من نبرته تغيرت مره ..! وكأني وصلت للي أبيه بالضبط .., قلت : أييهـ كل حكيكم سمعته .. بس ليهـ طلعتم ؟ هو انت أصصلن وش تبي تقوله ؟! إبتسم يقلدني : ليه طلعنا ؟! هو أنتي تخليني بـ حالي ؟! أحسس كل مره اناظر شي أشوفك فيه .. ووش أبي أقوله أعتذر منه على كل شي .. تركي انا آسسف مهما يصير ومهما تسمع عني والله انا نايف وعمري ماقلت لك شي كذب .. وش فيك يانايف أنت تبي ساره ؟! رفع عينه للسقف وكانه مايبي يبكي لذكر الموقف .. أو لذكر تركي .. ماتفرق ..! ورجع يناظرني : ليه تقولها ؟! يانايف كانك تبيها والله ولا آخذها وأنت تبيها .. نايف متاكد ان اللي تبيها سلمى ؟ نايف متى تملكون " حسيت به يبلع ريقه بصعوبه " يانايف متى تملكون أبي أشهدلك ملكتك ! إبتسمت له خلاص بـ صييح .. نايف : ولا تفكرين أني لما تركتك له أني مرخصك ولا تفكرين ان لما قال لي لو تبيها يرخصك .. بس الغلا ياساره انا أبي اعطيك له لأنه يستاهلك ولأنه تركي .. وهو يحس لي ويفهمني !! ناظرته : أيوهـ .. ورجع لي وقالب وجهه " إبتسسمت " ومن صباح ربي كسر زجاج ..! إبتسم بضحكه حزينه : ههه وهو يقولي هي اللي قالبة وجهها .. " تنهد شوي ثم ناظرني " يومها قلت ببعد تركي عني ما أبي يصير لعلاقتكم أي شي .. عادي من متى وأنا مع حد .. تعودت بلحالي !! إبتسمت بغصه وهو بادلني نفس الابتسامه .. وكأننا الإثنين نذكر شي حنا مرينا فيه .. قال : أبتعدت .. وقلت يانايف قل لبوك وامك جو السسعوديه ماينطاق .. والصحيح ان أبي اخليكم ما أبي يصير لكم شي .. أنتم عندكم حب حلو " أبتسسم " وولد حلو وعيله حلوة .. خنقتني كلمته مره .. وينها العيله يانايف ؟! كمل : ليه كذا ؟! ليهـ أنتم كذا ؟ هو انا اترك لكم السسعوديه عشان أصدف بكم بغيرها ؟! أول مره بتواجدك بوي يركز علي أدري أن الكل يدري أني أبيك أنتي .. بس كيف أنتي ماتدرين مدري ! والغريب كيف تركي ماسكك كيف كنتي تناظرين لي وكيف تناظرني أمي .. كان ودي أقول لبوي لاتقولها تبيه بس وش أقول ؟! ودي أقول لاتركي لا مابيه لاتذكرني .. ودي ! مسكت دمعتي وقفلت عيوني بسس اتذكر وش صار .. نايف : اذا بتصيحين بوقف ..! فتحت عيوني وإبتسسمت : كملها يانايف مابقى إلا " خنقتني العبره " إلا أسبوع مع تركي ! إبتسم بتماسك : يدق لي بعدها .. نايف انتبه له تراها مره بتموت " ناظرني " مافيني حيل أشوفها كذا تتعبني .. ومجود ؟! أحبه لأنه ولدك وولد تركي وولدي لانكم الإثنين مني أنا ! ناظرته على طول كمل لي : ومجود .. ومجود .. ماتركته لين ماحفظ إسسمي بس مو نايف .. أبوهـ ! لما قالها أول مره قدام تركي رفع لي حاجبه " ناظرني " وتعرفين تركي لا رفع حاجبه طبعن .. خنقتني العبره .. همست : أعرفهـ .. أعرفهـ ..! نايف : يقول لحد يسمعك بس ويشك بالولد بس متعلق فيك والله لو يقولها لحد اجيب فيك العيد أنا أتعب وذا على طول من الفضاوة " ضحك لي " يقوله أسمحلك تقوله أي شي .. قل له ماما بس بابا لا .. ماما محد يشك فيها .. بس بابا صعبهـ شوي ! كنت بصيح من الألم يكسرني نايف ألف مره .. مره عشان اللي طاف مع تركي .. ومره عشانه مع تركي !! كمل لي : يوم بترجعون رحت وراح أبوي ما أبيه يشوفني كاني يعني هه ! أو يمكن لانه يعرفني يقولي متزوجه بس يمكن مايفهم ان نيتي لتركي ! كان يقولي لو أنك معجّل ببنت عمتك موب هذا ولدك ؟! ناظرني : وأكثر شي يعصبه لاقال ولدك خالي .. تتنطط الشياطين قدامه .. هه ! ويقولي لونك متزوج موب ذاه يقولي جدي ؟! وطيت بصري للأرض ساره بليز لاتبكين .. يكفيك بكيتي كثير ..! خلي راحتك شوي .. تكفين ! ناظرته .. كمل : لما شافني كانه يتعمد يخليني أرد عليه .. يتعمد يذكرني فيك بس ليهـ ؟ مدري ! ورجعت معه للدمام وانتي رحتي مع ولدك .. وطول الطريق وتركي ضايق .. نايف هـ الحين ماتدري أنت ان ساره تخاف من أبوك ؟! وأقوله تنرفز صراحه .. ويسكت وكانه صار مكاني .. أنتي وهو .. وتركي أنا وأنتي .. إبتسمت بهدوء وبدت تتلاشى إبتسامتي اعرف النهايه .. وليتها تتغير .. ياليت ! وليت لو كل شي نبيه يصير على طول .., نايف : كنت مع فيصل وتركته ثم جيته قبل يخلص وأقوله ترا الليله ملكتكم .. ويقولي لاتشغلني أدري بس خلني أخلص أنشغل كذا ما أعرف أركز .. كنت أرددها عليه وارددها على نفسي .. لين طلعنا كان طريقي للخبر وطريقه لك .. بس توقف طريقه لك .. " رفع عينه " ولا توقف طريقي لك لانك بالخُبر !! هنا وبس ..! هنا وطاحت كل دموعي .. يكفي ياساره ..؟ وش يهدّيني غير تركي وبس وينه ذا التركي خله يهديني ؟! ناظرت نايف اللي كان قبالي ورجعت ناظرت اللي وراي .. نايف : ولا أقولك أي شي ياساره تهمني راحتك .. ناظرته وانا امش دموعي : صعبه يانايف صعبه .. فوق اني أ... قاطعني : وأنا عرف كل شي وكل شي تعرفينه انا اعرفه .. بس مو كل شي اعرفه تعرفينه ! ناظرته : يعني ؟! نايف : تعرفين اني أحبك ؟! سكتت فترهـ ثم قلت : إذا قصصدك ليهـ وعدتي ثمن .. قاطعني : موب ذاه قصدي .. ناظرته : بس أنا ذاه قصدي .. وأنا أقولك أنا ماأخلفت .. زي لما تركي يحسبني قالبه وجهي عليه وأنا أحسبه قالب وجهه .. أنت تحسبني أخلفت .. وأنا حسبتك أخلفت .. ويشهد ربي يانايف ماكذبت عليك ! إبتسسم لي : والله مصدقك ..! طاحت دموعي : ودامك تعرفني وتعرف اني مستحيل أسويها ليه راجع ؟! تبي تكسرني يانايف مره جديدة ؟ نايف انا ماصدقت تركي يلملمني .. نايف انت حكيت القصه بلسانك انت هو انت دريت وش كان بقلبي ؟! سكت يناظرني بس .. قلت : مره تركي قالي أن فيه حد يشاركني بـ قلبه ولما سألته بنت ياتركي مارد علي ويقولي لا .. وأنت يانايف أكيد تعرف نفسك .. لانك تقول أن تركي وأنا منك انت .. وانا أقولك .. أنت وتركي !! طاحت دمعتي ومشّيتها : إلا هذي يانايف إلا أنك ترجع عشان توفي لي وعدك .. أخاف ! هز كتوفي : إلا نايف ماتخافين منه .. إلا نايف لو كل الناس تقولك أيه نايف تسمعين منه ولا تسمعين من غيره .. مو معقوله ياساره ماتفهمين قد إييش غلاك في قلبي .. همست له : المشكله أدري وش غلاي .. والمشكله أدري وش غلاك .. وتركي يعرف وش غلاك في قلبي وقلتها له .. لأنك ثاني شخص بليلة وفاة تركي كنت احسه .. نغزات ونغزات .. أما تركي او نايف ! ناظرني : ونايف يبيك أنتي .. مايبي أي شي والله ياساره ما ألومك ولا بشي تسوينه بس يكفي تواجدك في حياتي .. وانا ما أطلب منك شي غير تواجدك ..! ناظرته بتعب : يهون عليك تركي ياخذ شي وانت تجي تاخذه بعده ؟! كانه تعب من ذكر تركي كثير : أيه يهون لأني حبيتك قبله .. ويهون لان مستحيل حد يصونك غيري .. ومستحيل مجود يعيش بدون تركي وبدون نايف .. ما أقولك عشان أضعفك انتي تفهمين منهو نايف ! إبتسم لي فتره وظلينا ساكتين .. قالي : ممم تبين شي بقوم ..؟! هزيت راسي بـ لا : شكرن ! قام وعيوني تلاحقه .. هو كل ذاه بقلبك يانايف وانا ما أحس له ؟! هو انت كتوم زي ما أنت ليه هـ المره لما سألتك قلت لي ؟! هو عشان تذبحني ؟! وقفت وراه وانا أهمس : تذكر لما قلت لك .. حضنك وحده اللي دفاني ؟! رغم انه كان بالغلط بس دفاني ؟! لف لي بإستفهام .. قلت : كان مفترض أقولك أنه كان بارد وتركي الدافي .. إبتسم نص إبتسامه : لأني لو جربت الدفى ياساره بس الدفى موب الحراره تنصهرين انتي .. موب لانك بسهوله تنصهرين من قوة الحراره ! سكت فتره ثم قال : وتركي ماصار يناظرك إلا لما تزوجك ودفاه ترآ شي طبيعي .. بس أنا .. لا ماكنت زوجك ! " ناظر بعيوني " لما أقولك ان تركي متقدم علي بـ أشيآء .. مفترض انك تصدقيني ..,؛ ناظرته : بوسط حبك يانايف كان تركي شي مدري وشهو .. وبوسط زواجي انت صرت شي مدري وشهو .. ليه ماتثبتون على شي أنتم .. اما أنت او هو ؟! ظل فتره يناظرني وطيت عيوني .. وانا أهمس له : وقبل لحظه دفاني .. إسستأذن من دفاني .. تشيل الغطى اللي غطاني .. تراه مادفاني .. وتبقى بين أحضاني .. سكتت فتره وانا أناظر بعيونه اللي ياما توهتني .. ياما ! عيونه عذاب 24 سنهـ .. مهما قلت أكرهك يانايف فـ اني أذوب عند اول كلمة تتفوهـ بها .. حتى لو كانت إحتقار ..,؛ لإني أفهم أن عيونك شي .. وكلامك شي مختلف !! تكسرني يانايف بكلامك .. وتأسرني بآبتسامتك .. وللأسف انك تعذبني بنظراتك كثير ! همست له أكرر : تراه مادفاني ! لميته لين حسيت بـ أصابعي تشابكت مع ضلوعه .. أبي أحس بالامان بـ أي طريقه .. أبي احس اني ثابته على شي هو انا لمين لتركي ولا لنايف .. صحيح تركي مات بس كيف .. معقوله آخذ نايف ولا أظل على ذكر تركي ؟! أحس بتشتت وضياع .. ولما احس بذا الإحساس أحتاج لشي .. زي نايف أو تركي ..! شديت على نايف : أيهـ أحبك يانايف .. بس ما أقدر أظلمك معي .. حتى لو كنت تدري بسس انت اول مرة تتزوج وانا .. عندي ولد .. أيهـ أحبك وعشان الحب ما أقدر أظلمك ! سمعت همسه : وانا قلت لك مايهمني سواء كنتي بكر ولا لا .. ولا يهمني عندك ولد ولا عندك بنت .. المهم أنك بعد ماتزوجتي تركي ترجعين لي موب لغيري ..! شديت عليه أكثر : ما بكون لك .. ولا بكون لغيرك .. بكون لنفسسي ..! شد علي : مُصره على أنك تكونين كذآ .. وانتي على رآحتك .. آللهـ يوفقك ..., مآتدري يانايف قد إييش حسيت أني مآ احسس !! بس لكلمتك .. أحبك لانك شي مآ يزعل مني وشي أكيد أنه صآدق .. همس لي : حنا بشر مايفرقنا القدر عشآن يجمعنآ البششر .. لأنناآ بششر يفرقنآ البششر عشآن يجمعنآإ القدر .. ثقي تماما أني بظل انتظر متى يجمعنآ القدر ! هزيت راسي .. حسيته بيبعد شديت عليه .. خلك معي يانايف .. خلني أحس أني بحضنك أقدر أبكي ! ودي أبكي لين مآ يخرج كل هم بداخلي ..,؛ |
((3)) " غُصنٌ من آلعبرآإت يسسد جوفي .. حين تتلاشى أضلاآعي بين أحضآنك ! " سمعت : أيووهـ كذآ تمآإم .. رفعت عيني لفيصل وهو رافع حاجبه .. سكتت عنه وطنشته همست بإذن نايف : لاتنتظرهـ عندي ثقه انه مآبيجي ذآك آليوم .! أبتعدت بهدوء وناظرت فيصل اللي قال : أنت يبيك أبوك .. وأنتي تبيك خالتي .. طلعت بهدوء .. كملت عشآن الباقين يكملونها أكثر .. بس ماني بمتزوجه لان عندي قناعه لايمكن أغيرهآ رغم ان نايف كسرني كثير .. وبكيت عشآنه كثير .. وعانيت منه كثير .. بس أظل ساره أم ماجد وأرملهـ تركي !! سلمت على خالتي اللي كانت جالسه جنب عمتي .. أحس نفسي مره صغيره أصغر شي .. يعني هنا عمي وعمتي وخالي وخالتي ومرت خالي وفيصل ونايف وأنا .. رغم تواجد مجود بحضن عمتي وأنا جلست جنب عمتي وكأني أقولها يرضيك ياخذني حد بعد ولدك ؟! فيصل رافع لي حاجبه : لا صراحه بعد اللي شفته بقول مبروك مليون .. رفعت عيني له : وفر على نفسك العنا ياخوي ولا تقوله .. مايصير شي !! زفر بقهر : أنتي وش تبين بالضبط ؟! ناظرته وهزيت بـ النفي : ماتقدر تجيب اللي أبي لا تتعب عمرك تسمعه .. كانه مُصرّ : وش تبين ؟! إبتسمت : أبي اللي ماقدر حد يجيبه .. خالي ومرت خالي .. وخالتي وعمي وعمتي .. وأنت يافيصل .. وحتى تركي غصب عنه ماقدر يجيبه .. ناظرني فيصل : ونايف ؟! نص إبتسامه : جآبهـ ... قاطعني : خلاص أجل مايهم وشهو دامه جابه ! ناظرته : بس أنا ماكملت .. أيه نايف جابه بس مدري هو بيتم على طول ولا لا ..! عمي : وشهو ياساره ؟! ناظرته : حد يوفي .. لا وعدني يجيب وعده .. تركي صحيح وعدني أنه معاد يتركني ويبقى معي بس رآح ! فيصل بقهر : لا بتتزوجين أعطيتك وجه ترا زيادهـ .., أحبهـ آقسسى حنون ..! القسسوهـ من اهل امي وآلحنآإن من أهل أبوـوي ..,؛ هزيت بـ النفي .. فيصل : غصب عنك ! نايف : ماتمشي عندي الغصب .. لاصار الشي مايبيك .. ياهـ نايف انت ليه كذا ؟! وتقول أن تركي متقدم عليك بـ أشياء كثيره ؟! وانا احسس أن الإثنين متسآويين .. وكان نآيف بنظره بسس تفكرني بكل شي مضى رجعني زي ما انا ! قد إييش يارب انا أنانيه ليه انا كذا ما أقدر أقدّر الناس ؟! قلت : طآيب وأنا رآضيهـ .. نايف : ماله داعي .. رفعت عيني له ورفعت حاجب : موب كيفك أنا يمشي عندي الغصب ! ظل فتره يناظرني ناظرت فيصل وقمت متجهه له بعد ماشلت مجود من عند عمتي بصعده معي .. لما مريت على فيصل همست له : المرهـ الأولى تدخلت بحياتي وطيرتني للدمام وجبت العيد .. والمره الثانيه كذبت وإنقلبت موب بس حياتي حياة كثير معي .. وهذي المرة الثالثه ولا أزال أحترمك .. بس صدقني يافيصل المره الرابعه آسسفهـ ما اقدر أحترمك ..! سكت عني أما أنا صعدت وبين إيديني طفلي .. سمعت عمتي : متى ياساره تبين تملكين ؟! بلعت الغصه من فم عمتي غير ! .. قلت : اللي يناسب نايف .. أو يناسب فيصل .. صعدت إلى غرفتي وبديت أناظرها غرفة امي .. أبتسمت قفلت الأنورا وفتحت الأباجوره وسدحته معي بتعب يوم كامل .. بديت أمسسح على شعره .. مجود ! تدري يامجود أن أمك بتتزوج ؟! تدري انها بكذا بتنسى تركي .. أدعي ان نايف يكون زي ماتمنيت ويبقى معي وآفي لي .. مجود حتى قبل ما تجي أنت .. هو وعدني واليوم نفذ وعده وانا وعدت واليوم وفيت رغم إني ماكنت ناويه .. بس صدقني يامجود الحياة مع نايف صعبه جدن لدرجه غريبه ما أقدر أوصفها لك .. اللي وفى طول هـ السنين يعني ثابت على حبهـ وبلسآنه يا يمهـ قالهآ لي .. وهنآ المشكلهـ أني مستحيل أقدر انسسى أبوك .. واخاف أظلمه المشكله كل مآ قلت له شي قآلي رآضي ! مدري يآيمهـ هو انآ بتزوج وبرتآح هـ المرهـ ..؟ ولا بتطلق ؟! وبصير إنسسآنهـ فآشلهـ في آلحب ..؟! يمهـ انآ حبيت نآيف بـ ذآ الغرفهـ من يومي .. وحبيت أبوك بآلدمآإم .. ظنك يمهـ لآ تزوجت .. منهو اللي بحبهـ ..؟ الاكيد إني أحبك ياآمجود ! * دخلت البيت بسرعه على السرير تعبانه مرره واما مرت خالي كانت مبسوطه فيني .. تحب تكون مع زوجة ولدها .. هه ! أقول سوير موب كأنك خربطتي شوي ؟! هو انا لحد الآن ما ملكت والملكه بتكون بنفس ليلة الزفة شي حلو والله .. أريح لي وله يقولون الخطوبه يعني تجي على تعارف .. نايف لي فوق الشهرين ماشفته يكون أفضل عشان ما أتعقد زياده خخ .. وعموما الليله بنوم تمام وبكرا المغرب بذا الوقت يعني أكون اتجهز عشان يزفونني .. ريّحت شوي ثم قمت تحممت وصليت ثم لفيت حجابي ونزلت شفت مرت خالي بالمطبخ إبتسمت لها .. قلت : بالله مرت خالي وش وظيفتي دامك كذا ؟! ناظرتني : وظيفتك تجلسين عشآن ترتاحين وعشآن نايف .. قلت بتعب : مرهـ ترآ أبي أسسوي شي مآعندي شي أسويه لين مآ يجي وقت نومي .. ناظرتني بـ إبتسامه : أنتي بس تروحين هـ الحين تنومين وأصحيك على الأذان تصلين وترجعين تنومين ما يجيك نوم لا أذن العشا .. بس لاصار متواصل أفضل .. إبتسمت بس وجلست : أحسس ملل أنوم أنوم أنوم ومجود ينوم ينوم ينوم ... كملت مرت خالي : وخالك ينوم ينوم ينوم .. وخالتك تنوم تنوم تنوم .. ونايف ممم طالع طالع طالع إبتسمت على شكل مرت خالي تقلدني .. أحبهآ ! علاقتي معها مره حلوة بس في أوقات رجاءً لحد يصير جنبها .. طبعن لاصاروا اهلها فيه تقول انها ماتبيني يعني عشان ماتصير مشاكل هي فهمتني ذا الموضوع وعادي وقالتلي انها مبسوطه لما قال نايف بس بنفس الوقت ماتبي تصير سالفه مع أهلها .. المهم أنها قدامي كذا .. وش يريحني غيرهـ ..؟! اما خالي قصصه ثانيه .. أثبت فعلن أنه مختلف .. يعني أول مره بالحياة يجي لي خالي تبين شي ولا ناقصك شي .. فاجاني مره جالي الغرفه وقالي كل ذاه موب لانك بتتزوجين نايف .. وقالي لانك ساره ! أدري انه يحبني وللأسف مادريت إلا بذآك آلييوم .. وعموما .. دخلت غرفتي وتوضيت وصليت ركعتين قريت سورة العنكبوت مدري ليه كذا قلت بقراها .. ثم إنسدحت مع مجود حبيبي يامجود سكتت فتره ثم قمت .. رتبت له ملابس لـ شهر .. حبيبي ! والله أدري انك بتحتاجني كثير بس ضروري يمه يحس نايف انه متزوج موب كله أنت .. إبتسمت له .. بتبقى شهر مع محمد والله ان صرت مثله .. أخاف والله ..! بعد أذان العشا صليت ثم نمت .., عجزت أفهم الحيآهـ .. لأن الحيآهـ أصصلن مآتبي احد يفهمهآإ ..! يمكن تحب آلمفآجأت .. بسس للأسف انآ مآ احبهآ إذآ كآنت سيئهـ لدرجه قوـويهـ ..! صحيت على صلاة الصبح كانت مرت خالي مصحيتني قمت وصليت ورجعت بنوم وفعلن حطيت المنبه على أذان الظهر أبي أنوم كثير أبي أنسسى أني بتزوج الليلهـ ..؛ وصحيت ولله الحمد زي مابغيت رحت بسرعه صليت ثمن أخذت مجود أحممه ثمن تحممت لبست الروب وطلعت كان جالس عند المرايا ويتمشط بهدوء .. أبتسمت له ورحت .. قلت : وش فيك ؟! ناظرني وهو ساكت ورجع يناظر المرايا ثم هز كتوفه : ولا شي .. أبتسمت له : أكييد ؟! هز راسهـ بـ أيه وهو مبتسم جمعت أغراضنا أغراضه هو وأغراضي اللي احتاجهن لليلهـ .. وقفت عنده وحنيت ظهري له .. قلت : تدري حبيبي الماما وين بتروح اليوم ؟! هز راسه بـ لا .. قلت : بتروح عند نايف .. تذكر من نايف اللي شفته بايطاليا .. وبقيت عندهم واللي كان معك طوال الأيام اللي كنا فيها بـ أيطاليا ..؟! هز راسه بـ أيهـ .. قلت : انا بروح عنده وببقى عنده أن شاء الله .. سكت فتره وثم قال : ومجود ؟! إبتسمت له : ومجود يجي معي طبعن ونجلس مع نايف ونحبه وما نضايقهـ .. طآيب ماما ؟! هز راسه بـ أيه .. ثم قال : ومتى نروح لنهال والبابا ؟! إبتسمت له : حبيبي هـ الحين نايف تقوله بابا .. وتركي اللي هو البابا مع نهال البنت الحلوه بيجي يوم حبيبي ونروح عندهم .. ناظرني بنفاذ صبر : متى طآيب ؟! تنهدت : حبيبي أنا ما أدري ولا أنت ولا نايف ولا فيصل ولا عماتك .. بس ربي اللي يدري .. أهم شي هـ الحين إذا صليت تقول يارب ترحم البابا وماتضيّق عليه وتسكنه بالجنه ومعه نهال وأبوي أنا .. ربي يبعد عنك ذا اليوم حبيبي ويخليه لي أنا قبلك .. ناظرني وهو ساكت .. قلت : وحنا بنروح مع مين ؟! مجود : مع نايف .. بسته ولميته بشتاق لك ياتركي .. بشتاقلك يامجود .. وبشتاقلك يآ سآره زوجة تركي ..! قمت بهدوء لما شفت مرت خالي جات لي إبتسمت لها بإحراج ورحت بسرعه لبست .. طبعا ملكت بالبيت ثمن بروح للقصر .. مرنا فيصل معه نجوى ورحنا للقصر وصعدنا للجناح وبديت أنا .. كل بين فتره والثانيه أناظر مجود وأبتسم له .. جاء لي : ليه تسوين كذا ؟! إبتسمت له : معجبك لذا الدرجه يعني ؟! هز راسه بـ لا : مو حلو .. فتحت عيني : طآيب شفني لامني قضيت وقل لي حلوة او لا .. ظل فتره يناظرني .. قلت له : تبي شي أنت ؟! هز راسه بـ أيه .. قلت له : وش تبي بس ؟! نآظرني : أبي خآلي فيصصل .. صعقتني كلمته : نعـم إييش تبي ؟! كأنه خاف .. حبيبي .. قلت : ماسمعتك حبيبي وش تبي ؟! سكت فتره ثم قال : أبي خالي فيصل .. تحيرت معه : وشلون يعني ؟! يجي لك وياخذك ؟! هز راسه بـ لا : أبي عمتي نجوى تجي معه ومحمد يجي معهم .. ناظرته بابتسامه : ياسلام وأنت تبي تتعلم أصول الشراسهـ منه ؟! إبتسم بتعب : مليت مررهـ .. لفيت شعره على إصبعي بدلال : ياكثر ماتقول ذا الكلمه يامجود .. قل مره مره وناسه .. نافق على الأقل .. شفته ضحك وهو يأشر على الجآنب الأيسر من شعره : تكفين يمه أبي تسوين كذا هنا .. ضحكت عليه : طآيب وذاه اللي ياخذ الملل ماطلبت شي .. بديت ألف من كل جهه متناسيهـ وجود العالم من حولي وأبدي أضحك معه بضحكات عفويه تخرج كذا .. " إيه بالله صآدقه يزفهآ ولدهآ ! " رفعت عيني كانوآ سلمى ومروى أكتفيت بـ الإبتسامه .., رغم ان الكلمه مرهـ جرحتني مو حساسيه بس يمكن لأني تحملت من هـ الثنتين بالذات كل شي .. عشان مرت خالي مستعده أسسوي اللي تبيه أنا أرضي اللي يحبني بـ أي شكل لو شي أنا أكرهه ..! شفت خالتي جايه لي : لا إله إلا الله عليك سوير تهبلين .. جاتني ريم ومعها ملاك وولدها .. قلت بضحكه : أهليين أم طلال .. وشلونك وشلون العيال عساهم بخير ؟! قهقهت بصوت عالي : مايناسب أبد أحس ضيا يمكن يلوق لها شوي رزينه .. بس أنا طلل ! إبتسمت لها .. ضيا وهي جايه بفستانها الأخضر وتلف : وش رايكن فيني بالله خالتي ام سامي مادعت لولدها بليلة القدر ؟! أشرت لها : هذي الرزينه ؟! أبتسمت وبس .. شوي وكملنا كولنا كنت مبسوطه بس لان الكل من حولي مبسوط .. اليوم بس عرفت ليه بزفتي على تركي كانوا أهلي بالخُبر مقهورين عشانهم مايتمنون لي تركي ويفضلون عليه نايف .. اليوم بسس ..! سما : بالله سوير وين بوه فستانس ؟! ضربتها فلوة : أسمها وينه فيه فستانك .. ولا تميلين كلامك يابنت .. قلت وانا مبتسمه : شوفي مممم مدري أسألي خالتي مشاعل .. سحبتها ومشت معها .. جلست جنبي ريم : متوترهـ كذا ؟! إبتسمت لهآ .. حلا هو ياريم كل مره أتوتر ؟! حلا هو بكل مره ؟! قلت : ماني برايحه عند حد بروح عند ولد خالي .. صحيح شوي خايفه بسس ممم مدري وش أقولك .. شفت مرت خالي تناظرني بابتسامه .. هي من جدها راضيه ولدها ياخذني ..؟ ليهـ أحس أني ناقصه يعني نايف أول مرة يتزوج هو حتى لو مطلق ما اتوقع حلوة .. بس يمكن على قولها مع أمي .. إبتسمت بسخريه ليتني ماعرفت ! وعموما قمت أول ماخلصت مرت أحس كلي متنومه أخذتني خالتي مشاعل .. إستغرب بالبدايه بس بعدين وقفتني عند فستان أبيض ناعم مره .. خالتي : لأني مشاعل أقدر أقولها لك وأدري أنك ماتتحسسين .. ساره يا أمي أنتي قد ولبستي الأبيض بس نايف أكيد يبي يشوفك فيه أي أنسان يحب يشوفه حتى لو هو أصر عليك ماتلبسينه .. أكيد محترم أنك ماتبين .. هزيت راسي بـ أيه ..! مسكت الفستان ولبسته كان مره حلو وناعم حتى أطرافه موب مرره يعني لاصق فيني مرره بس تحت فيه كم شي حلو والتاج والألماس .. أحس كثير علي يانايف ! لبسته وناظرت نفسي بالمرايا وشهقت .. غمضت عيوني أقارن بين الصورتين كلهم ساره بالأبيض بس الفرق أني هـ المره لنايف والمره اللي طافت لتركي .. لما أقول أنه لازم يتساوون مع بعض ..,؛ وقفت عند المرايا فتره شوي وجاتني ضيا ونجلا وريم وفلوة ومشاعل .. شهقت فلوة .. وضربتها مشاعل : أقول لاتحسدينها بسس .. ضيا : ياسلام سوير بالله ألحين أنا زوجة بن خالة رجلك ؟! دفتها ريم : من النسب يعني الطوييل مرره .. حدك حبيبتي أنا اول واحده عرفتها يحق لي أجلس معها أكثر .. مشاعل متخصره : لا حبيبتي نايف موصيني ممنوع الإقتراب أو اللمس حتى النظر " رقّصت حاجبها " للحاسدات مدري الناس اللي يشاهقون .. فلوة : ألحين انا بحسدها ؟! حرام عليك والله أحبها .. قل أعوذ برب الفلق تفووووهـ .. فتحت عيونها مشاعل : أقوول أنتي فاضيه أول تحسدين ثم تشهقين ثم تبصقين ؟! يختي بسس .. فلوة صغّرت عيونها : والله أني حلوة ومتزوجه وعادي عايشه أقول أبتعدي ياخالتيي شوي .. جات لي ومسحت الروج صرخت فيها خالتي : فلييو أتقي شري بس الليله ما أبي اكدر مزاجي .. بالله هـ الحين وش أحط لها .. والمزينه وراحت ؟! نجلا بهبل : عندي حل حلو مرره .. تشيلين الروج من فمها إلى فم سوير .. مشاعل بقهر : مالت وش نشيل فيه ؟! شوي وجات فلوة وهي بيدها الروج وحطت لي .. ناظرت خالتي مشاعل بنص عين : بالله هـ الحين احلا ولا اللي قبل .. ناظرتني خالتي وهي شاقه الحلق ومبسوطه : أيه عاد الله يهديك قولي لي تراني بسوي كذا .. مخليتني أعصصب .. الله يهديك بسس .. شوي وجات ليلى خخخ أقصد مرت خالي والله مبسوطه عرفت الإسسم .. خالتي مشاعل : بالله ياأم نايف .. لما أقولك يجي تمام على ساره ماتقولين لا ويمكن ونقيس .. إبتسمت لي مرت خالي وباين على وجهها الرضا .. لفيت لنفسي وإنحرجت لما شفت روجي الأحمر بلمعته الفضيه وطيت راسي .. شوي ونزلن البنات وبقيت أنا بلحالي .. خالي يبي يزف ولده حاله حال أي إنسسان .. بس مدري أحس موب حلوة كل يومين انزف خخخ .. بعض الأحيان احس اني أضحك من القهر والله مو حرام أني انزف مرتين ؟! نايف يقول اللي تقوله ساره وذا شي مره يحرجني .. بالذات لما قالها آآهـ يانايف ! طبعن مستحيل أمنعه من شي في حياته يمكن مره .. او يمكن أنا أموت ولا يطلقني مع وجهي انا اطري الطلاق وأنا بنزف لأسسفل .. هه ! ناظرت وجهي بالمرايا وأنا مبتسمه ..! تركي اللية زفتي وزفة خويك وأقرب الناس نايف .. الليلة ياتركي بصير لغيرك .. ولا أدري بيستمر زواجي أو لا ..؟ صحيح .. تراني أرسلت لك بطاقه مع أختك يمكن لأني أتمنى انك حضر .. تعال وشوف سارتك وشلون صارت سارة نايف .. تركي أنا أحبك بس بعد احب نايفي .. وأحب مجود لانه ولدي بس مدري ياتركي هو جد بيصير لمجود اخوان من الام ولا بيبقى وآحد ؟! تركي تغار من كيس أحمر وماتغار اليوم زفتي ؟! وحشتني ! ويشهد الله انك وحشتني وصرت أتلفت من لمكان أدور على طيفك ! تركي .. وكأنه أمس زفتنآ .. واليوم زفتي على نايف .. ليهـ حنا الثلاثه من بعضنا ؟! إبتسمت يمكن خيرهـ تواجدي مع نايف .. إبتسمت أكثر .. سمعت : ياسلام ! رفعت عيني شفتها وإبتسمت كانت نجوى خنقتني العبره اول ماشفتها وهي ماسكه مجود .. وطيت راسي له .. وقلت : هاه وش رايك حلوة ؟! إبتسم لي وهز بـ الإيجاب : زي اللي بالتلفزيون .. إبتسمت : بالله مجود قل الصدق من أحلا أنا ولا هن ؟! أشر علي شلته بحب .. تركي هذي قطعه منك أنا أشيلها اليوم وشالها أمسس نايف واللي قبله أنت ..! تنهدت سمعتها : طالعه قمر .. إبتسمت بعبرهـ لهآ تركتني مع ولدي وراحت .. مجود تفهم وش يعني اني أتزوج ؟! ناظرته : مجود تعرف نهال البنت الحلوة ؟! هز راسه بـ أيه .. قلت له بغصه : يمكن هـ المره تجي .. يمكن موب أكيد ! ناظرني : والبابا طآيب ؟! مسحت عليه بغصه : البابا معاده راجع .. نايف تسميه البابا لأنه يحبك .. هز راسه بـ أيه .. جات لي مروى وأمها أبتسمت لي .. قمت وقفت من طولي .. مروى : متعوده يمه ماله داعي كل يوم حد يوقفها .. وينزل معها .. إبتسمت لها .. مرت خالي كانها تصرفها : إنزلي تأكد من أبوك وأخوك وولد عمتك .. هزت راسها بـ أيه .. مرت خالي بصوت عالي عشان تسمعها : وجيبي لي معك واحده من البنات ليت لو ضيا مرت ولد خالتك .. أبتسمت لها وبس .. قالت لي : ماعليك يمه أهم شي تملين عين رجلك ولا يهمك كلامها وإحسبي نفسك ماسمعتيه أبد .. ولا كأنها أصصلن تكلمت .. لميتها بقوة لاول مره ..! ألمها لاني محتاجتها بجد .. لأن الكل تركني .. وأنا ما أتحمل اكثر ..,؛ همست لها : مرره أحبك مرت خالي .. إبتعدت عني وهي مبتسمه : وأنا أحبك طآيب .. ونآيف يحبك .. وخآلك يحبك .. قلت بسؤآل : هو لييهـ ؟! إبتسمت : لأنك ساره بنت نهال .. ولانك ساره مرت نايف .. ولانك ساره ! ترددت ثم قلت : ليه بنت نهال ؟! ناظرتني فتره ثم قالت بعبره : لأنها أغلا أنسسانه عندي .. ولانك تشبهين لها كثير تذكرينني بشكلها مره بس الفرق شي بسيط .. ناظرتها .. قالت بضحكه : أمك دلوعه مرره وبيني وبينك مرت خالك كانت كذا بس يومني كبرت قلت راحت علي .. اما أنتي هاديه مايبان عليك أنتي دلوعه ولا شي .. وفيه بعض الناس يقولون أنك مره بووي .. فتحت عيني بقوة : مالت عليه ما أحبه .. ضحكت : أشش لاتسمعك مروى تحسينها بتخنقه من كثر الغيرهـ .. " وبألم " تخاف يلتفت لغيرها ومابعد حملت وخالتك صابره ياعمري رغم أنها مازوجته مبكر إلا تبي تشوف أحفادها .. إبتسمت ودعيت لها بسري .. يارب ان ترزقها ..! سمعت جوالها شوي وجات ضيا واخذت مجود اللي ظل يناظرني فتره .. مو بيدي يامجود امك صارت لغيرك بس الاكيد يامجود ان مافيه ولا شي يخليني انسى تواجدك .. لانك أساسي بحياتي ..! إبتسمت له بـ حيرهـ .. وناظرت مرت خالي اللي ناظرتني وهي تتكلم وفتره كذا ووقفت وهي مبتسمه .. وهي تتمتم : الحمدلله اللي خلاني أشوف ولدي وهو ينزف لعروسته .. إبتسمت بعبرهـ هذآ أصعب شي بآلحياهـ .. وانا متى أشوف ولدي ينزف لعروسته ؟! وهو انا بدوم له ؟! يارب طول بعمري واشوف مجود على أقلها بالثانوي وأحسه رجال جد .. إنزفيت لتحت الوحيده اللي كانت تناظرني بقهر هـ المرهـ كانت سلمى .. تكسر قلبي سلمى صح هو موب بايدها ولا من كيفها تقول أبي كذا بس جد .. أنا لما إنقال لي ان نايف ملك عليها بغيت أجن .. هه ! اللي يسمعني يقول إني ماجنيت خخ ..,؛ وعموما جلست أخيرن وأنا راسمه إبتسامه على وجهي وبديت زي ماكنت بزفتي على تركي .. اناظر اللي حولي وأشوف كل وحده .. لاني ما أحس فيه شي جد يستاهل أني أسويه إلا كذا .. على الاقل لو واحده قالت حضرت أقدر أقولها إيوهـ شوفتك كنتي كذا ولا كذا رغم اني اشك ان فيه حد يسألني أو مثلن أذكر انه كانت لابسه كذا ولا مسويه شعرها كذا ..! ناظرتها بـ ألم صحيح انها رزه بالمظهر وأفتخر انها هي .. لكن أحسس أنها تكرهني ومو معطيتني بال إلا أنه زفة اخوها .. كانت فعلن روعه .. الله يهنيك يامشعل مشاعل ..! وشفتها تناظرني بإبتسامه عريضه وتحس الدنيا مو شايلتها عكس هذيك المرهـ .. أبتسمت وبس .. يارب أن ترزقها بنت يارب ليهـ كل مره تضيع لها البنت ؟! طبعن نعرف من اللي تبي بنات .. خالتي مشاعل .. او زي ماتحب نسميها .. مشاعل حاف ! وشفتها مع بنتها تسلم علي من بعيد وجالسه جنب نفس الناس هذيك المره بس الفرق هـ المره كانت مبتسمه بشويش .. أبلهـ نهى ! وهنا قدامي تحرك خصرها يمين والثانيه تحركه يسار .. كانت فلوة وكانت هبه .! كأن ودها تقوم ترقص بس الحمل يمنعها .. هذي سمآ زوجة القصيمي ..,؛ لفيت لهآ وهي جالسه وتناظرني وكأنها ترصد حركاتي وإبتسمت .. هي زوجة أخوي .. وأنا .. أم ولد اخوها ! كانوا جنبها الإثنين على الطاوله ومعهم ريم ومعهم نجلا .. نجلا زوجة أخو ريم وإلى الآن مدري وش إسمه خخ .. وعموما .. ترا جيهان كانت مبسوطه جدن بالحياه هنا .. وعايشه تتقفز خخ .. وضيا تنتمي إلى عائلة أم سامي وماتقدر تقوم .. عارفه الظروف ومقدره .. يكفي تواجدها ..! كانت تشوف كل واحده حامل وتتحسر على حالها وانا بس مبتسمه لها .. هو فيه غيرها اللي من كثر ماتحن صار عمي يحن عليها .. يانورهـ متى يجي حفيدي ..؟! شفتها جايه على نفس المره اللي طافت صعدت وسلمت علي .. همست لها بضحكه : نجلا تسأل تقول وينها زوجة أخوي ..؟! زفرت : اوف مع نجلا .. مررهـ يآلله ما أبي اخوها كيفي .. رفعت حاجب : أقول ترا زوجة اخوك هنا وأختك هنا مسج واحد او غمزة تطيرين .. ضحكت لي بدلع وراحت جلست جنب نوره مم يمكن من عمرها تقريبا .. ومعهم بنت .. أحبها .. رغم انها جايه بنت لناس تقريبا ما أحتك فيهم .. سهآمـ .! شفتها مبتسمه وهي تناظر مرت خالي وخانقتها العبرهـ .. وتناظرني وهي كاتمه دمعتها عشاني أنا .. ومبتسمه ادري أنها موب من قلبها بس إسسمها مبتسمه .. تناظر مرت خالي وكأنها تقول أنا كنت بيوم هنا كيف تاخذين مكاني ..؟! وكأنها تردد .. كيف .. كيف يالليلى تاخذين مكان سلمى ؟! وكيف .. كيف نايف ياخذ مكان تركي ؟! وكيف .. كيف .. مروى تاخذين مكان بناتي ..؟! و.. كييف .. كيف خآلك ياساره ياخذ مكان أخوي عمر ؟! وكانها تبلع الغصه وهي تقول .. كيف .. كيف كل شي مايتغير إلا أشكال الوجوه ؟! كتمت العبرهـ وهزيت رآسي بـ أيهـ يعني أفهمك يايمه ! هزت راسهآ بـ لا وكانها تقول ماتفهمينني .. وإبتسمت يعني انا مبسوطهـ عشانك ..! حسيت نفسي بـ بكي .. أمس تشوفني مع ولدها واليوم مع غيرهـ !! على هناك كانوا مع بعض .. هي .. لابسه فستانها الأسود وتتمايل فيه بكل رقه واناقه .. هي حلوة وتستاهل كل خير .. وإن شاء الله ربي يعوضها .. نايف مو رجلهآ .. نايف صار رجلي انا ..! والله وبالله ماهي غيرهـ على نايف .. قد ما أرحمها لا تتعلق فيه .. ودي اكسبها بس انا متأكده من الرفض ..,؛ ظليت أناظره فتره وهو بس يناظرني وكان محد بالقصر غيري .. وكانه يقولي يمممه ! يناظرني بعيونهـ آلخضرآ بتعجب هي أمي ليه لابسه كذا ؟! هي أمي وين بتروح ؟! وألف سؤال وسؤال .. أدري أنه يتجول بعقله .. يمه أنت منت أحسن مني ولا أحسسن من أبوك .. يمه أبوك أبوه متوفي .. وأنت أبوك متوفي .. بس الفرق بيني وبينك .. إني بدون أم وبدون أب .. وانت يمه ربي يطول بعمري وأشوفك شي ماقد صار .. أحبك لأنك شي عاش معي الفرحه والحزن والألم .. نفس ماصار بزفة تركي الكل تحجب او تلثم او تبرقع او تغطى المهم عرفت ان نايف جاي .. جهزت تنفسي أعرف ضعفي قدام نايف نفس ضعفي قدام تركي ..! أبتسمت وأنا أشوفهـ .. وإذا قبل قلت ان تركي زي الحور .. فـ أن نايف زي الهوآ لمآ يمر .. كلن يحتآجهـ ..! زي آلشي آللي يمشي بـ بطئ وعيونه عليك .. شي ما أعرف إلا له مسمى وآحد .. نآيف ! الله ! علىآ من صوّر رسم ذيك ـآلعيوـون .. ... .. ... .. ... منهو بآلخلق مآتمنى لو بس يشبه لهآإ ..؟! من ـأول مآإنظرت وأناإ تحكمني الظنوـون .. ... .. ... .. ... هو لجل عينك زحّفت ـآلحور عن محلهآإ ..؟ سكتت أناظره أحسس أني بموت بس لمجرد فكره أن نايف اللي كان جاي .. يعني نايف يشوفني كذا ؟! إرتعشت بخوف .. مو من نايف .. من هيبتهـ .. هو لي ؟! زي ماقلت لتركي هو لي ؟! يارب كانك أخذت مني تركي هذيك المره يارب أنك تخلي لي نآيف ..! يارب تحميه من كل عين .. وطيت عيوني بشويش وكأني بس أبي أناظر بنايف ..,؛ اللي كان فعلن يناظرني أنا ! أيه بالله أنه شي ما أقدر أوصفهـ .. أول مره أشوف نايف كذا .. هو معقول عشان الزفه ولا شي ثاني ..؟ مايخفى علي أنه متضايق مرهـ عشان تركي موب موجود !! شيّن أصعب مـ آلخيال وأقرب للجنون .. .. ... .. ... .. ... كيف ـآناإ سمحت لعيوني تعبر عن ذلّهآ ..؟ وكيف برضاإ وقناآعهـ حكت لك العيون؟! .. ... .. ... .. ... وكيف أزعجك صمت دموعن قلبي هلّهاإ ..؟ كآن ودي أقوم له وأوقف له أقوله نآيف انت وش تسوي بنفسك عشان تطلع بكل ذآ آلشكل .. تحسين أنه شي لك .. سبحان الله كيف ذاهـ نايف واللي كان قبل كم شهر يحكي لي نآيف ! شفت سلمى تناظرهـ .. هو صحيح ماودي تتعذب .. بس هو رجلي .. وكيفي .. ما أبيه يناظر أي احد بس أبيه يناظرني أنا وبس .. هو فعلن سلمى وغيرها كثير حلوآت وكل بنت احلا من الثآنيهـ .. بس كان يناظرني انا .. وجهي انا .. وفسستآني أنا .., وكأنها بمثابة المُفاجأه له اني ألبس الأبيض .. أفهم نظرتهـ .. وسبق وترجمهآإ لي ..! من بين كل ـآلخلايق بين ألفٍ ومليون .. ... .. ... .. ... يمشي تجاآهـ [ نصه آلثاني ] و.. يقلّهآإ أشريك آناإ يآحب من بين كل هـ الكون .. ... .. ... .. ... أشريك أناإ يآنظرهـ .. والله ما أملّها ..! وطيت رآسسي يكفي سوير هذا نايف انتي حافظه شكله وش بعد ؟! نظرته كانت كلهآ حب تحرجني فعلا .. لانهـ رجآل وانآ أنثى ..! كل شي بآلحيآهـ كآن موجود بناآيف .. هو كل النآس تشوفهـ كذآ ..؟! نآيف آلييوم وآلله طآلع غيير .. أدريـ آنهـ حلو .. بس من جد ودي أقوله نآيف آليوـوم طآلع .. غير عن أي شي بآلكون ! أحسهـ مبتسم بـ رضآ .. وعيونه تبتسم بـ حب ورفعة أنفهـ .. كآنت زي آلفخر .. يعني أن سآرهـ صآرت زوجتهـ .. يآصآحب آلسمو شف قلبها كيف مفتون .. ... .. ... .. ... علّمـ كل هآلناإس منهو أنت بالنسبه لهاإ لوّح بيدينك لكل من هآإم بـ طي الجفون .. ... .. ... .. ... قلّهـ ترـآإ مآلك أمل مجنون أنآ في ظلهآ ! يمشي بـ بطئ وكأنه يمشي على قلبي أنا قلب سآره .. لمآ حسيت انه قرّب مره .. خفت .. سآرهـ إشبك أهدأي مو هذآ نآيف اللي أول حب لك ..؟ وش فيك عآدي مآيسوي لك شي .. عآدي ! عيونهـ كآنت تنطق بشي أكبر من الحب .. كآنت عشق أبدي ..,؛ نآظرت بالأرض بسرعه .. لييهـ احس أن حتى نظرته اليوم غير .. لييهـ ..؟! كآن ينآظرني يعني مرهـ أحبك مرهـ طآلعه غير .. أنتي سآرتي أنا ! رديت لهـ آلنظرهـ بإبتسآمهـ خجل ووطيت رآسي .. عيونهـ .. كآنت شي غيير مرهـ .. وكآن شكل تركي جآي ملامح موب خليجيهـ أبد .. فـ نآيف .. بشرته آلبرونز .. عيونهـ .. رسمهآإ ولونهآ آلرجوـولي .. غير لمسهـ كلمة أحبك آللي تبآن .. هو جد آللي أقرآهـ ويقرآهـ آلكل بـ عيونه ..؟! لين حسيت فيه وآقف قبالي مرهـ بذآ السرعه وصل ؟! مسك كتوفي وبآس جبيني .. ثآنيهـ .. ثآنيتين .. وثلاآث .. وأربع .. ومليون .. لين أبعد فمه وهو يبلل طرف شفاهه بلسآنهـ .. وطيت رآسي مررهـ يآرب إحرآج !! حكي نظرـآتٍ من عيونٍ .. إلىآ عيون ,؛ .. ... .. ... .. ... تنهيدة [ صبيّهـ ] ضيّعتهاإ .. وسط أهلهاإ ! تآإهت بـ عينك ومـ آلحلاـآ قآمت تخوـون .. ... .. ... .. ... إعشقت عيونك أكثر .. يآسيدي تغفر لهآ ..؟ ** صآح ـب ـآلسسمو .. بقلمي :. مون لووف ! أول مره أحسس أن خالي كذا مبتسم إلا طاير كيف مايكون وهو يزف ولدهـ ..؟! سلم علي وبآرك لي .. عكس لما كنت مع تركي .. سلم علي عمي وعلى طول طلع .. سبحآن الله كل شي ينقلب بنات عمتي اللي كانن طآيرات شف هـ الحين أشكالهن .. صحيح مبسوطات لي بس .. موب زي اخوهن .. وشف يارب اهلي بالخُبر .. مبسوطين .. فئتين ماتغيروا ..! أهل سامي عدا ضيا وسهام طبعن .. نفس الحآله قهر .. والله موب إستهبآل أو شي بس جد وش فيهم ؟! وخويآت ريم .. نفس آلوضع مآخذينهآ فللهـ على الآخر ..,؛ مرت خآلي مبسوطه وجايه له ووو ... ؟! شوي وجآت لي مروى وأعطتني العبايهـ أستغربت بسس أكيد مآتبي تضيع على نفسهآ هذي الفرصه دآم أن ماعندها غير أخو وآحد ..! ودي لو تعتدل بسس مالهآ رجى ! لبستهآ ونآيف معي .. يسآعدني حتى بآلأكسجين اللي أتنفسسهـ ! طلعت من القصر ووقفنا عند سيآره فيصل لما أقول كل شي ماتغير .. ليهـ محد يصدقني ..؟ أنتظرت فتره .. تدرون وش أنتظرت ؟! مو بزفتي على تركي شفت نايف جآي يسسلم علي وعلى تركي ويبارك لنا ؟! وينهـ تركي ؟! وينه اليوم يجي يبارك لنا ؟! ودي أشوفه .. وديـ ّ ! خنقتني العبرهـ وين أشوفهـ ؟! توني بصعد سمعت صوتهـ ورفعتهـ هـ آلمره من جد طآحت دمعتي ..؛ وش يامجود تجي مكآن أبوك ؟ تجي بنفس الطريقهـ ؟! وتجي عشآن تقولي : مبروك ! إبتسمت من جوهـ .. : الله يبارك فيك .. سكتت فتره ثم قلت : عقبالك ..,؛ أبتسم لي بـ براءهـ تشبه تركي في كل شي من شكل من مشيه حتى البراءهـ ..! شد على يدي نآيف نآظرتهـ بآبتسامه ولا كأنه صآير شي .. ما أبي احسسه بالنقص أبد ..,؛ بآين انه يبلع آلغصهـ معي .. وتحسس يآ نآيف مثلي ؟! بلعت ريقي يارب تعدي ذا الليه بدون بكى مافيني أكثر .. تعبت يارب تعبت ..! صعدت السياره وانا أناظر مجود ..! لين تلاشى ..! وصلنآإ وفيصصل نفس كل شي .. لما أقول مافيهـ شي جديد .. وكان الاحداث تنعاد علي أنا ..,؛ وصلنآ للفندق نزل نآيف ونزّلني معه وكأني اميرته كآن مبتسم لي .. تدرون وش الشي الوحيد اللي ماكنت احس فيهـ وحسيت فيه مع تركي ؟! لما جاء نايف وسلم علي كنت أحس بخنقه من جد وهذآ اللي خلاني أحس أني اخونهـ .. بس هـ المرهـ .. طبيعي .. دآمني فكرت بنآيف آلمره آللي طافت اليوم .. لـ تركي ..! دخلنا طبعن أول شي سويته رحت أبي أفكك شعري وقفت عند المرايا وأنا بسس مبتسمه بس لجل نايف مايحس بشي .. مهما يكون هو ظل وافي بوعدهـ !! فكيتها وأنا مبتسمه وقمت بعدها وانا موطيه رآسي أخذت ملابسي ودخلت أتحمم .. ما انكر إني كنت اتعمد أطول .. ماودي أشوف نايف وهو كذا .. هو مبتسم أدري وأدري وش بقلبهـ .. بس حنآ الإثنين فآقدين تركي .. تركي ليهـ أنت مت ؟! وحشتني ! لما طلعت كنت مبتسمه ومسحت آثار الدموع وإنصصدمت من الشي اللي شفته .., ناظرت نايف كان منسدح بالثوب على الكنبه عآدي ومغمض عيونه .. صحيح أنا طولت بسس موب لذا الدرجه .. وبعدين وش شعورك وأنتي طالعه ليلة زفتك وتشوفين رجلك منسدح .. بالله ماتحسين فيك شي ناقص ؟! طآحت من خصلاتي قطرة مويا وإنسآبت على عيون نآيف تقوله أصصحى يآ نايف سآره معك .. إبتسم لي : سآرهـ ؟! هزيت رآسي : وش بك ؟! تعبآن ؟! هز نفي : تلقين أكلك ... قآطعته : أنا أسألك نآيف بالله وش فيك ..؟! ناظرني وهو مبتسم : وش فيني ؟! طآح وجهي وش أفهمه : يعني .. وش فيك ؟! يعني .. " ناظرت نفسي " وش فيني يانايف ناقص ؟! كانه فهم علي وإبتسم : حبيبتي أنا وش قلت لك .. مو قلت يكفيني تواجدك ؟! همهمت .. قال : وأنا إنسسآن متنآزل عن ذآ الششي .. " رفع حآجب " إلا إذآ جآء برضآك أنتي ومآيكون أي شي .. يكون تبين نآيف .. وانا عآدي عندي لو العمر كلهـ كذآ .. سكتت فترهـ .. إبتسم لي : أرفعي رآسك .. " رفعته " تفهمينني أنك تبين يكون حآلنآ حال أي أثنين متزوجين عآدي الأمور طبيعيهـ ؟! سكتت فترهـ .. بس كمآن كذآ يكون حآلنا ؟! تبسّم بحلا وهو يلف على الكنبه : تصبحين على خير .. أبعدت خصلتي ورآ أذني وحنيت ظهري له : نآيف ! سمعت همهمه منه .. قلت : قم أنت نم على السرير .. عآدي .. سكت عني .. وش فيهـ .. معقوله فيه ناس كذا ؟ بس يهمهم تواجد الزوجه كذا يناظرونها ؟! نايف مريحني من كل شي .. وذآهـ آللي يحسسني بـ الأنانيه ..! رحت واخذت لحآف وغطيته به وانا أهمس له : نآيف قم طيب لاتنوم بالثوب .. وكانه مايسسمع وش قلت .. وانا رحت ولبست بيجاما عآدي وإنسدحت على السرير .. دفنت رآسي بـ المخدهـ .. وصوت صدى ضحكه تركي أول مآطلعت ليلة زفتنآ .. كيف كآن ينآظرني أو انا آللي كنت احس كل شي يخليني اخجل .. خنقتني العبرهـ .. تركي أنت وينك ؟! وحشتني .. ووحشت كل اللي عرفوك .. ليهـ رحت وخليتني .. والله عندي أهون اني أتزوج من بعدك ..! هه ! هو من جد تركي رآح ومعآدهـ رآجع ..؟ ولا هم يسستهبلون علي ..؟ شهقت من البكا .. يهنآلك ياتركي .. يهنآلك ولدك يبقى كذا ؟ أنا أدري ان نايف مايقصر معه .. بس وجودك .. هو إسمه مآجد بن تركي .. مو مآجد بن نآيف .. يهنآلك يآتركي .. يهنآلك سآره تنوم كذا .. ونآيف رآيح هنآإك ؟! يهنآلك حبيبي .. إن أمك تناظرني وتنآظر نآيف وتقول لنآ مبروك بدل مآكآنت تقول لنآ أنا معك ؟! يهنآلك كل شي صآر معك يصير مع خويك .. وولد خآلي .. وحبيبي ؟! يهنآلك يآتركي .. وأسألك بالله كآنه يهنآلك .. يهنآلك أختم قصتي وأنت منت بـ فيهآ ؟! يهنآلك .. أول جزء وآخر جزء مآ يحملون لك شي ؟! يهنآلك اني أشتآق لك .. إني أشتآق لك .. وإن يشتآق مجود لأبوهـ ؟! وربي يآتركي .. وربي .. إشتقت احط إسمك وأكتب حوآرآتك واكتب كلامك .. همسك .. براءتك .. كل شي ! شهقت للمرهـ الثآنيه .. يآتركي شف حآلنآ من بعدكـ ..! حسيت بالنور يفتح وجآلي يلمني : وش بك يآروح نآيف ..؟! شديت عليه : تركني يآنآيف تركني ..! شهقت من الألم : يومني متزوجته قلت له أني أحبك .. والله يانايف قلتها له .. وشلون يقدر يشوف حآلي معك كذا وهو سآكت ؟! " شهقت وطآحت دموعي " إذا أنت مآهنى لك بآل كيف هو ..؟ أكثر إنسسآن يغآر ..؟! لمني بقوهـ : حبيبتي .. هو رآح موب كيفه .. وإذآ تبين تذكرينهـ إذكريه بالخير مآتقولين عنهـ كذا .. حسيت بـ الإحرآج كيف أني بليلة زفتي أقول لنآيف كذآ .. همست له : أحتاجلك أنت .., تمتم لي : كلي لك وش تبين أنتي بس ؟! ضغطت على يدي : مشكله يانايف إذأ ما كنت ادري وش أبي ..,؛ لين هديت بشويش .. أبعدني : حبيبتي .. تركي مآيفيدهـ بكآك شي غير دعآك لهـ .. بسس ! نآظرته بإحرآج : نآيف .. أفهمني هـ المرهـ .. أنا موب قصدي شي .. نآيف اللي أبيك تفهمه بس تواجدي كذآ معك .. مآ يريحني .. نآظرني : وش اللي موب مريحك ..؟! ناظرته : تسويهـ ؟! هز رآسهـ بإيهـ .. همست لهـ : أنت تنوم هنآ وانا مالك دخل فيني .. إرتخت ملامحه : ليهـ يآسآرهـ وربي مرتآح .. وبعدين آلبنت آللي مثلك مآتنوم كذآ .. إبتسمت له : وربي مآبكيت إلا عششآن كذآ .. أنا نمت كثير يومين منومه .. إرتاح أنت خلني أجرب أخدمك .! هز رآسسهـ نفي .. نص إبتسآمه : آيوهـ خلك نآيم على آلكنبهـ عآدي بسس ترآك قلت بتسوي آللي أقوله .. ولو سمحت تغير ذآ الثوب أصصلن شكلهآ موب مريح .. طلعت من آلغرفه وأنا مبتسمه .. وقلت : تصبح على خير .. قفلت النور وطلعت .. خلاص سآره لعآدك تجيبين طآري تركي على لسآنك .. على الأقل خله يتهنى .. أحسسه تعبآن من شي ودي أروحله وأقوله عليك الله يانآيف وش فيك ؟! إنسدحت على الكنبه بـ آلصآله .. كنت احآول تغفي عيوني .. بس وين .. وين ونآيف جوهـ ؟! لين أذن آلفجر أيقنت مآ بيجيني نومـ ..,؛ وشلون أصصلن يجيني ونآيف جوهـ .. وتركي .. مدري ؟! أتعبتني يآتركي .. في أول أيآمنآ بآلخبر .. وأول أيآمنآ بآلدمآم .. وأول أيآم زوآجنآ .. وأول أيآم عزآكـ ! ورغم أني كنت موب صآحيهـ .. بس أحسس !! * جهزت أغرآضي وقمت معه وأنا أقفل العبآيهـ وهو مبتسم لي .. ولا كأننا عرسآن ..! كيف مر علينا شهر ..؟! يمكن لو تزوج وحده غيري يكون أفضل بكثير .., جلست على الكنبه وتنهدت طلعت مني آهـ صغيره .. سمعته : وش فييك ؟! إبتسمت ودي أطيّح الميآنه شوي بسس مآتعودت ذآ نآيف .. هزيت كتوفي : مدري وديـ أسسوي أشيآء كثيرهـ بس مدري وشهي .. رفع حآجب .. ضحكت بخفهـ : جد نآيف ودي أسسوي شي سخآفهـ .. لازآل على وضعه : أييهـ ..؟! إبتسمت : لا تنآظرني كذا وانا أكمل لك .. أبعد نظره وصآر ينآظر يديني : أييهـ ..؟! مدري احسس ودي جد اطيح الميآنه يمكن لان تركي أنا تعودت انه مثلن يعني أتطآقق معه وشي زي كذآ .. أما نايف من يومي أستحي أرفع عيني .. قلت بهمهمه تعب : يوهـ نآيف وش فيك ؟! برطمت : جد وش فيك تستهبل علي ؟! رفع حآجبه بـ إبتسآمه : لييهـ مآيحق لي ؟! بصرآحه ادري انه مآيقصدهآ بسس يمكن لأني متحسسهـ من آلسآلفه .. يعني حتى ينآظرني مآيحق لهـ ..؟! ناظرته فتره ثم جلست بجنبه وهو يناظرني .. قلت : نآيف بقولك شي .. هز رآسه يعني إيه أسمعك .. قلت : نآيف صآر لنا هنا كثير وما أتوقع حآلنا يصير حلو فـ... قاطعني : وفري على نفسك وقولي وش تبين بالضبط ؟! نآظرته فترهـ : أقول أن أنا معك .. " وطيت عيوني " تواجدنا مع بعضنآ غير لائق أبدن .. يمكن عشآني أسأت اللفظ قآل : إييش إييش ؟! نآظرتهـ : تغليني ؟! رفع حآجب بنص إبتسآمه : وش رآيك ؟! نآظرتهـ : اجل بطلبك ثآني طلب بحيآتي كلهـ .. وبعدهآ مآبي شي .. إبتسم : وأنا قلتهآ لك من قبل كلي لك وش تبين انتي بس ..؟! عضيت على شفتي : تطلقني ..! سكت فترهـ ينآظرني وكأنه يستوعب الموضوع من جد .. شوي وقال : طآيب ممكن أعرف ليهـ ؟! وش اللي مو عآجبك ؟ بلعت الغصه : كل شي .. كل حياتنا .. أساسها غلط .. تواجدنا مع بعضنا بحد ذاته غلط .. نايف أنت منت بقادر تقولي لا .. وانا ما أقدر أقولك أيه .. نايف كذآ تحسسني بآلذنب .. قآطعني : وأنا ماشكيت لك .. وربي مرتاح .. ناظرته : بس ما أحس أني قآدرهـ أريحك .. هزني من كتوفي : سآره كل اللي يريحني انك تتواجدين معي بـ أي مكآن .. لانك زوجتي ! يآهـ كم مرهـ تمنيت أسمعهآ منهـ ..؟! إبتسمت بـ ألم : وأنا ماتعجبني تواجدي كذا .. وبنفس الوقت ما أقدر أخلي تواجد أكثر .. أفضل لك ثم أفضل لي ..! ناظرني فتره ثم قال : طآيب أحلفي تبين تتطلقين .. حسبته يستهبل ورفعت عيني كان عادي جاد بملامحه وربي ودي عشان أريحك .. إبتسمت : وربي ودي فيهآ .. ونرتآح .. رفع حآجب وصآر ينآظرني من فوق لتحت : إفهمي ياساره انه مايرضيني .. بس دآمه يرضيك " رفع عينه وهو مبتسم لي " فـ أنتي طآلق .. حسيت بـ الألم .. لما وطى عيونه كأنه يقولي ماعدتي زوجتي ..! قلت : صدقني أريح لك وأريح لي .. قآل وهو يقوم : تكلمي على نفسك .. تقومين ؟! قمت ورآه وأنا موطيهـ رآسي .. لو حد قآلي أنك بتتزوجين نآيف ثمن بتطلبين الطلاق وربي حلفت انه كذاب !! قمت أسحب رجلي ورآي لين قفلت الباب وتركنا الذكرى هنآ .. جينآ متزوجين وتطلقنآ ! صعدت معه وانا ساكته شوي وقال : انتظري كم يوم ثمن تكلمي فيه .. أو فترهـ ..! هزيت رآسي بـ أيه .. وصلنا عند فيصل .. وقفت وقلت له : شكرن نايف .. على كل شي .. صدقني لو تزوجتك وأنا بظروف أفضل وربي أني أطير .. بس لكونك رجلي ! إبتسم وو يهز رآسه .. سكرت الباب ونزلت دخلت البيت أول شي أستقبلني طيوف تركي ! تركي أنا تطلقت .. لأني ما أقدر أظلم خويك وبن خالي !! مرتآح ياتركي هـ الحين ؟! مرتآح ؟! اهم شي راحتك ترا لا يهمك أنا .. ولا يهمك حد .. أهم شي أنت ! شفت نجوى : ياهلا ومسهلا .. وينهـ رجلك ؟! اكتفيت بالابتسامه : وينه مجود ؟ أشرت لي فوق وصرخت : مجووووود مفااااااجأهـ ..! شوي ونزل بهدوء عكس الأخ محمد اللي نزل على طول .. هه ! يحسب المفاجأه لهـ !! حضنت مجود بقوه : قد إييش وحشتني .. وش أنت بمسوي لامك عشآن تشتآق لك ؟! نآظرني : حتى أنتي .. شوي وشفت فيصل مبتسم : صبآح الخير عروستنآ .. وطيت رآسي مو إحرآج .. كنت أبي أضحك بسس مسكت نفسي ..! ولا كأن فيه حد .. همست : مجود مرره أمك تحبك .. فيصل : وينه نايف ؟! هزيت كتوفي .. فيصل بعتب : وش ذا ياساره ماتدرين وينه ؟! سكتت فتره ثم قال : وبعدين وراه مانزل معك ؟! ناظرته وبعتها خلاص : وليه ينزل أصصلن وش دخله هو فيني ؟! فتح عيونه بقوة : وش دخله ؟! أنهبلتي أنتي ؟! هزيت بـ لا وأنا مبتسمه : فيصل أنا بقولك شي .. سمعت نجوى : يلا حمود ومجود بسرعه معي خلنا نطلع فوق .. قلت : نجوى ؟! وش فيك تحسبينني غريبه عليك ؟! قالت بحرج : عندك مع أخوك سالفه خاصه .. قلت أخذ العيال وأمشي فيهم .. تاخذون راحتكم .. والله أن ذا البنت ذوق .. هزيت إيه : بس أنا بعد أبيك تسمعين .. عادي .. ناظرت فيصل : وأنا بقولك ياخوي شي .. نايف طلقني ..! سكت فترهـ .. سكون .. ولا أي صوت .. شوي وناظرني كانه يتأكد من الصدق بعيوني .. وكأنه فهم أني صادقهـ.. ناظرته : والله ! كأنه عصصب : طبعن أنتي اللي طلبتي لأن نايف مستحيل يسوي ذا الحكي الفاضي .. هزيت راسي بـ أيه .. صرخ : والله ماتستاهلين نص واحد من نايف .., قلت أدافع : أيهـ طلبته لأني ما أحب أظلمه معي .. زوجته ومو زوجته من حقه يطلب شي ومن حقي اطلب طلاقي منهـ .. ماسويت غلط .. مسك جواله : بدق على نايف يرجعك انتي مهبولا .. قلت : مابرجع ! بدون مايناظرني : موب كيفك مابرجع .. الطلقه الأولى هذي .. مسكت الجوال منه وشلته .. ناظرته بهدوء : تذكر يافيصل وش قلت لك ؟! سكت يناظرني .. قلت : قلت لك المرة الرابعه انا أسفهـ ما بقدر أسوي اللي تبيه .. مو خوف انك تدق على نايف ولا يرجعني .. نايف مابيرجعني لأنه عارف ان هذا ابيه ونايف مايفرض نفسه ! سكت يناظرني .. سحبت مجود : نصعد فوق ..؟ سمعته بهدوء : أنزلي تحت لا تنامين فوق .. ربي كثر الغرف غصب فوق ؟! هزيت راسي بـ أيه مالي خلق أجادله .., ورحت انام بتحت .. ادري ان نايف متضايق من اللي سويته بس وربي أفضل له من يدفن عمره ينتظرني ! في اليوم الأول .. فرآغ .. خمول .. كسسل .. تعب .. ومآلي خلق أي شي .., صحيح اللي سويته موب قليلي بس وربي يرتاح كذا وعقبال أسمع خبر زفافه .. على بنت الحلال اللي تناسبه أو مثلن على سلمى .. لأنها لحد الآن تبيهـ .., الله يوفقك يانايف وين ماتكون ..! الصبح نآيمه بطوله خخ .. لين على عشر قمت وناظرت التلفزيون فتره .. سخافه أناظر أفلام خخ .. بعدين قمت بعدها ورحت سويت لي جبن .. ياناس أبي أنسسى .. على الظهر .. ساعدت نجوى عشان تصلح الغذا وبعدين حطيته ورجعت لغرفتي منعزله عن العالم ! العصر نايمه .. لين المغرب صليت وجلست منسدحه على الكنبهـ لين العشا .. تحسسوني وحده فاضيه ماعندها شي أبد .. حياه ممله من أول يوم ..! في اليوم الثاني .. ماتغير شي .. كسولهـ وتعبآنهـ .. اللهم بديت اكمل مع مجود الأرقام بعيد .. الصبح أفطرت وبعدين أنا اللي شلت الأكل .. على الظهر مسكت الأطفال حمود ومجود وبديت معهم مبسوطه ألعب لين مليت رحت ساعدت نجوى .., العصر بديت أناظر فلم عربي الظاهر مصري خخ من الملل أصلن ماركزت وش صاير .. المغرب .. نآآآآآيمهـ والله من زين الأحلام بس نصهآ كوابيس على نايف .. ما أنكر أني خفت بس إسمي أني نمت ومالي دخل بنايف !! يفز قلبي كثير أخاف يصير لنايف شي .. أخاف لانني مازلت أحبهـ واخاف عليهـ ..! العشآء صحيت وبس جلست مع مجود وبعدين خلدنا إلى النوم خخ أحلا شي لما أتكلم عربي فصيح مع أني طلل فيهـ .. وحشتني نهى .. بقول لنجيو تجيبها وتقول يعني اني زايرتهم اليوم عشانها وكذا .. موب عشان شي .. بس خلاص نايف قال ما اقولها بس أبرر تواجدي لفيصل ! وجاتنا نهى ونجود يالبى قلوبهن هـ الثنتين وربي توحفه .. وديـ بنوير خخ .. خلاص بكرا أخليها تجي ..! في اليوم الثالث .. كنت احسس بضيق بالتنفس موب طبيعي وطرق قلبي أبد موب طبيعي .. أحس بالذنب تجاه نايف لاني قلت له يطلقني .. واحس بالذنب اني أجلسس معهـ .. يعني بالله متحملني كذا ومريحني وأقوله يطلقني والله أني هبلا .. يلا ما أتحسف على الماضي خلاص شي ماضي ومر علي .. ونسيته ونسيت معه كل شي !! على الصبح نايمه خامده وفاكه العالم من شري .. الظهر يقولون جات عمتي قفلوا علي الباب لجا ما أطلع وتطلع فضيحتي خخ .. والعصر بعد نايمه من الملل .. صحيت بعدين وبديت كذا أفكر بـ نايف .. أحبهـ بسس ما أبي أعذبهـ معي .. أحبهـ بسس أحب يكون مرتآح كمآن .. وادري ان رآحتهـ قربي .. بس قربي لنايف مستحيل لانه شي مضى .. ومستحيل أرجع لجل أتطلق مرة ثانيه ..,؛ المغرب جاتني حالة إستهبال غريبه وبديت انقز على الحبل خخخ .. أدري اني مجنونة بعض الأحيان بس جنوني موب أي جنون .. جنون أصلي بلدي سعودي خخخ صدق ترا خبال بنات السعوديهـ لا جاء يطري بس .. تجي لهم طلعات غريبه .. مثلا على المغرب نقز على الحبل .. على العشاء خامده ونايمه ولا كاني جيت البيت خخ .. في اليوم الرابع .. بسس طول اليوم متمدده وأفكر بنايف .. ساعات أقول أني ظلمته وساعات أقول لو عطيته فرصه وساعات أقول ليتني شوي حسسته بتواجدي .. مليت عليه .. بس المشكله يقولي ماابيك إلا برضاك .. وذا شي صعب .. واني اكون كذا مع فيصل بذا الحياه الملل شي أصعب .. أمضيت طول اليوم تفكير وآكل ونوم ومجود .. خخخخ أحس أني بنتفخ خخ .. لا جد وجهي حلو عادي يلا .. منهو بيناظر بـ عانس خخخ .. ثمن أرمله ... ثمن مطلقه ؟! صراحه أحس نفسي توحفه خخ توحفه ولا زهريه خخ سوير يابايخهـ .., ودي أسوي شي .. بس مدري .. أسويه ولا لا خخخ أدري حتى أنا حفظت جملتي أني أقول ودي أسوي شي بس مدري وش هو .. بس هـ المره أدري والليله بجلس مع نجوى نتناقش فيه .. وفعلا ..! فتحت عيونها : أحلفي طآيب .. ناظرتها بضيق : والله ودي بس أخاف يردني لما روح له ..؟! دفت وجهي : سوير بلا سخافه جد حبيبتي ترا أستر لك عند رجلك .. زفرت : نجوى أفهمي .. أنا أخاف .. أروح ويردني .. وعشان كذا أقولك لاتقولين لفيصل .. سكتت بحيره موب فاهمه .. قلت : أفهمك .. ألحين انا بروح لنايف يمكن يقولي طايب ويرجعني ويمكن يقولي لا وأرجع هنا .., نجوى بدلاخه : وليه ماتبين فيصل يدري ؟! زفرت : يوه يانجوى أنا أقولك لما يرجعني ممكن فيصل يكون لو سويتي كذا ولو وأنت تدري ان لو ماتفيد شي فـ قلت أشوف أن رجعت حصل خير مارجعت .. عادي ! إبتسمت : أجل من الصباح تصحين .. دفيت وجهها : تستهبلين مع وجهك وشغله يامال البلا .. شهقت : داوم ؟! هزيت بـ أيه .. قالت : مسرع ؟! ضحكت : بالله وش تبينه يسوي يقابل الجدران يقطعها ويرجع .. ناظرتني : طيب قولي لي كم يخلص عشان أصرف فيصل وأفضى لك .. أبتسمت .. لبى قلبك نجيو .. أحبك يالغلا وربي تستاهلين كل خير بذا الحياهـ .. ضحكت : وش فييك يلا قولي متى يخلص ؟! قلت : ممم على العصر والظهر يعني ممم 3 ونص قوليها أربع .. إبتسمت : حلو أجل .. تروحين على أذان العشا .. هزيت بـ أيه .. نجوى : وتبدين بشعرك وملابسك على المغرب والمكياج والزينه كلها لبعد أذان العشا .. إبتسمت لها .. أحبك يانجوى لأنك شي مايتكرر مرتين في الدنياآ ..! في اليوم الخامس .. يوم العودهـ خايف نايف يرفضني والله لأستخف لو قالها .. ألحين أنا أذبح عمري وبعدين يردني ؟! من الصبح وأنا مشغله نفسي بالطبخ والتنظيف .. نظفت المطبخ أربع مرات .. والصالة ثلاث مرات والمقلط حوالي المره الخامسه هذي .. والحمامات ثواني وأرجع .. وغرفتي ولا مره خخخخ ! ماعندي توازن بالتنظيف وأحلا شي فيني والله .. وعموما على العصر نجيو صرّفت فيصل وراح ينوم .. الله يستر .. بدينا نبحث عن سيارات لين لقيت قلت بروح بس أخاف بلحالي خخ .. وينها سوير اللي طالعه بنص الليل بس متهاوشه مع ولد عمتها ؟! وينها سوير .. اللي يوم طقت براسها راحت لزفة خويتها ضاربه بقوانين خالها عرض الحائط ؟! وينها سوير .. اللي مايقولون صفاتها إلا ويقولون جريئهـ ..؟! أيام الجنوـون !! من المغرب رحت وتحممت وجففت شعري بالشيسوار .. نجيو أختارت لي ملابس .. كان فستان أورآنج خخ مسويه أنجليزي يعني .. عموما قصير حلو مفتوح خيوطه حلوه .. فيه كسرهـ تحت وأطرافه حلوة موب مرتبه .. فيها لون أحمر .. وكعب حلو أنيق خخ .. أكسسواراتي كانت بالأحمر وعلى أذان العشا صحى فيصل ياليل ! وجع مالقى يصحى إلا هـ الحين لو تأخر شوي بس .. عموما قفلت الباب وكاني نايمه صليت وحطيت لي كحله عادي وروج أحمر أحس أني مره انحرج لما أسوي كذا .. رتبت أغراضي بشنطتي .. ورشيت نفسي عطر .. قمت بهدوء ودقيت على التاكسسي .. ولين جاء صعدت بعد ماسميت باسم الله .. لين وصلت لعند شقهـ نآيف ,؛ إرتجفت يدي وأنا أحط المفتاح ودخلت بهدوء كانت مرتبه عادي باين أنه بس ينوم فيها .. مريت على المقلط كانت أنواره مفتوحه بحثت عنه بنظري بس ماشفته .. قفلت النور ورحت لغرفة النوم ..,؛ شفتهـ !! كان منسدح على السرير بدون مايتغطى حتى كسسر قلبي مرهـ ..! رحت بهدوء ورميت عبايتي على الكنبه ورشيت الدنيا عطر .. خنقتني العبره فعلن بس أسكتي سوير موب وقته عبراتك اللي ماتخلص من بدا ذا الجزء .. مشيت بهدوء وفتحت نور بسيط إضاءه حلوة وإنسدحت معطيته ظهري .. أدري وربي أنه غلط أدري ..! ساره اهدي اللي وراك نايف .. وين تخطيطك اذا تزوجت نايف واذا تزوجت نايف ؟! هذا هو نايف بس موب زوجك .. غمضت عيوني ومسحت دموعي وريّحت أعصابي .. ضغطت على اللحاف أكثر لما سمعت شهقه خفيفه مني .. من يصصدق ساره اللي سوت اللي تقدر واللي ماتقدر عشان تاخذ نايف ثم تتطلق منه ؟! غمضت عيوني أهدي ساره .. كل مافي السآلفهـ نايف وراك .. عآدي ! ونمت .. لا تسسألونني كيف لاني أصصلن مدري ..,؛ صحيت على صوته وتحسسه لوجهي وكأنه يتأكد اني صدق .. فتحت عيوني وابتسمت .. همست : صحيت .. حبيبي ..؟ أبعد عيونه : أنتي حقيقه ولا أييش ؟! كان معتدل على طرف السرير بيني وبينه مساحه كبيره .. اعتدلت بابتسامه مزيفه وحوطته بيديني .. وانا اتمتم : وش رايك أنت ؟! شكله بالبيجاما ولا مهتم أصصلن .. شعره المبهدل المتناثر بدون إهتمام .. والنور على بشرته البرونز .. يقطع قلبي أكثر !! تفاجأت سؤاله : وش جابك ؟! قربت لأذنه بتعمد أن يسمع إضطراب انفاسي : الشوق ! وكملت بهدوء : كذا تستقبلني ؟! بعثر نظره : ساره ماعدتي زوجتي الحين أنا معك منفصـ... حطيت أصبعي على فمه وهمست : كل ذاه مايهمني ! نفض يديني وكأنه دوبه مستوعب : ودامك عارفه وشهوله جايه ..؟ كان يبعثر نظره .. أما أنا رفعت راسه بـ أصابعي : مااشتقت لي ؟ وتقولي وشهوله جايه ؟ طآيب والله أشتقت لك مررهـ .! ناظرته فتره وهو يناظرني مره متعجب يمكن أول مره يشوفني بالجرأة اللي يسمونها وقاحهـ ! أدري وربي أدري ! قربت وجهي منه وأنا بموت ودي أوطي عيوني من الإحراج .. ناظرت عيونه ثم ناظر شفاهه وكررت النظرات لما ركز عيونه على شفايفي مررت لساني عليها ثم عضيتها .. تدرون وش يعني الحقارهـ ؟ يعني أني أسويهآ ..! مشكله لاصرت أدري عن الشي .. ثم أسويه .. أدري أنه غلط أدري أنه حرام .. وربي أدري ! قربته لي لين حسيت بأنفاسه تتلخبط .. كنت أحس أني مع كتلة جليد مره ماتحس ..! أبعدت وجهي بعد التلاحم اللي بس من طرفي أنا .. وناظرته بعذوبه .. فاجأني سؤاله : ليه تسوين كذا ؟ ما انكر إحراجي من نفسي قبل إحراجي من سؤاله .. بارتعاشه مررت طرف إصبعي على شفاهه .. همست وأنا أمط الحروف : لأني أبيك ! أبعدني : ساره انا ماعدت رجلك يعني لا ... قاطعته : مو كل مرة لزوم تعيد .. أفهم أحبك .. أبيك .. بالحلال بالحرام مايهمني .. لاتظنون مرخصه نفسي لا والله بس اللي يومني حلاله ماقرب لمي هـ الحين بالله بيقرب عاد ؟! فتح عينه : تدرين وش يعني حرام ؟ لاتظنين محد معنا بذا الشقه يعني مامعنى رب !! هزيت كتفي بميوعه أحسها موب لايقه خخ : أنت اللي منت براضي بالحلال .. يمديك ترجعني ,؛ سكت يناظرني بخوف مدري ليه يمكن خايف ما أكون صادقهـ ؟ وتحس يانايف ..؟ إنسدحت على رجله وأنا أناظر السقف : مو أنت تقول لين أجيك برضاي .. هذا رضاي .. حسيت به حط راسي على المخده وقام .. وهو يقول : وقت ماكنا متزوجين ! أعتدلت بجلستي وأنا أناظرهـ .. نايف : بس الحين أنا ماعدت ولد خالك تدخلي غرفته .. ولا رجلك بكفيك تدخلين وتطلعين .. أنا طلقتك ! تمسكه برايه خلاني أفكر .. كيف فكرت إني أتطلق ..؟ اعتدلت ورحت له : وأنا مو ساره بنت عمتك ولا زوجتك ولا أي شي .. بس ساره الذايبه بك لو تذكر ! سمعته تنهد : ساره تستري ما أقدر أتكلم معك بذا الوضع .. وبعدين وش كلامه هـ الحين ؟ تعرفون إحساس الذل وإنكسسآر الكرامه ؟ غلطتي إني قلت له يطلقني إييش متوقعه منه ؟ يرحب فيني ؟ نايف رجال مهمها يكون مايحب ينرفض أو حد يفرض رايه كذا ! ليه الظروف تلعب معي كذا ؟ ابتعدت للباب معلنه نهايتي كان بيتعلق قلبي فيه من جديد .. لفيت بمحاوله أخيره : نايف ! رفع عيونه وناظر عيوني مباشره .. كملت : ليه تعاندنا الظروف ؟! لما تجيلي خاطب أرفض .. ولما أجيلك متزوجه تنام وترفض .. لما تجي لي على الطلاق لا ياساره أرفض .. لما أجيك بنفسي ناسيه شي إسسمه كرامه " كملت بخنقه " بس أبيك أنت .. ترفضني .. ظنك بتجيني يوم أنت بعد كذا نادم وأرفضك ؟ هز نفي : لا .. رفعت عيني بعبره .. كمل : لأني مابندم .., إبتسمت وطاحت دموعي وكملت بعبره : صح أنت هالمره صح .. وأنا ما أطلبك جيّهـ ولا ندم " همست بضييق " بس قدّر ظروفن مريت بها .. وحس أني آحبك ! تحولت بلحظه من ذل إلى كبرياء .. مو غلطتي يانايف إني تزوجت تركي ! لفيت على الباب وأنا أمسسح دموعي ومعها بقايا كرامه ضاعت .. وإعصار بقلبي يمر ويعصره .. ويكسسرهـ .. ينزف بسس محد يهتم له ..! حسيت به لفني ومسح دموعي عرفت أنه جاي لي ندم .. قال : لاتبكين ..! بعد إييش ؟ أنت تتذكر قبل شوي .. وش قلت ؟ كسرتني ! نفضت يده بقهر وقرف .. وقلت بحده رغم شلال الدموع : لو تحلف برب السما والأرض أن باقي لي شوي غلا عندك مابصدقك .. الحين بس حسيت أن كل كلمه وحرف قلته لي كذب .. صدق الظروف وكذب الناس ظلمك بس كل كذب وراه كذب ! ناظرني بهدوء : أنا ماكذبت ... حطيت أصبعي على فمه بسخريه : كذبه جديده ؟ ايه صدقت هالحين لما قلت انك ماقدرت تنساني لما تزوجت .. طاحت دموعي .. صرخت : تقول أن لك أربع سنوات منت بقادر تنسى والحين خمسه أيام .. ميه وعشرين ساعه قدرت تحول الحب إلى كره .. ما أصصدقك ! كملت بخنقه : وهذا أنا بس ... قاطعتني حركته ماقاطعني كلامه .. قرّب من شفاهي هـ المره ناوي يمزجها معي .. ناوي حضن يدفيني ما انكر اني ذبت معه .. وأنا بس أحس أن اناسه نفسها أنفاسسي ..! ظليت فتره ودي ابعد بس لمى أرخى شوي نفضته على طول .. رفعت حاجب علامة كبرياء رغم ترجمة الدموع للذل .. همست : قلت لك لما تجيني المره الجايه برفض ..! ناظرني وهو رافع حاجب راسم احلا ابتسامه تدوخ .. حتى عيونه إبتسمت لذا الابتسامه وهي تناظرني .. ربطت شعري بخصله من شعري وفتحت الباب مره جديده بس هالمره راجعلي كبريائي .. حسيت بشعري انفتح من جديد لمني من وراي وقرب شفاهه من أذني .. همس لي : موب كيفيك تدوخينني كذا ثم تطلعين .. لفيت وناظرته برعشة قهر : أنت فاكر نفسك أييش ؟ لا حبيبي موب على كيفك .., نفس ابتسامته : أهم شي وأنتي تقولي حبيبي قبل شوي ترتعشين .. ناظرني وكأنه أول مره ينتبه لملابسي من تحت لفوق فهمت .. قلت : كان قبل شوي برضاي والاثم عليك وعلي الحين غصب الاثم لك بلحالك ياولد خالي .. أول ماحسيته أصصلن مطنش وش قلت ومقرب عادي عندهـ ماتفرق لصقت بالباب ارتجف فكي .. جزء يقوللي هذا نايف حبيبك .. جزء ثاني يقوللي لا ! تراجعت لورا بلعت ريقي لازالت نظراته علي أبعدت خصلاتي ورى أذني بربكه وناظرته تحدي رغم انه عارف بخوفي .. اسند يده للباب وهز كتوفه : والله محد يلومني جايه لعندي آخر الليل وأنتي برضاك لابسه كذا !! أعرف أنه مستحيل رغم ترجمة نظراته غير هـ الحكي ..! قلت : ماتقدر !! تقرب أكثر وزادت رعشتي تحركت لين صرت بالزاويه غمضت عيوني وأنا أحس بيدينه .. لما فتحت عيوني شفت يدينه على خيط الفستان وبكل خفه قطعه ! والتفت للآخر لين قرب يطيح الفستان مسكته وارتجف فكي ببراءه وطاحت دموعي .. سمعت همسه : أكون واطي لو سويتها .. تنفست براحه بس كمل : بس حبيبتي شكلك كذا يساعد ! ارتجف فكي أكثر : يعـ...ـني ..؟ إبعد شعري إلى جهه وحده من كتوفيه وقرب من اذني ..,؛ وهمس بكلمه أو نقول جمله ريحت قلبي من ان يصير شي يغضب ربي .. وكسرت قلبي من جديد تحسسه بالألم ..! كلمه تعلن إني تحولت من مطلقه إلى متزوجه مره جديده .. زوجة نايف ! ابتعد وهو يبتسم : ابيك توثقين لو كل ذا العالم يقول ممكن اسويها تحلفين اني مااقدر مع غيرك .. كيف معك انتي ؟! وطيت راسي بخجل ودموع مره جديده دموع حزن وفرح رفعت راسي بربكه وحيا .. وقلت : كنت واثقه انك ماتقدر .. رفع حاجب : باين خوفك .. بس ! ليه جيتي دامني ما أقدر ؟ قلت بخجل : لأني أحبك ! ابتسم ماانكر اول ايام زواجنا كان يبتسم بس ذا المره براحه أكثر .. قال : ماكنت ناويها ارجعك لما قلتيها كذا لاني ماحسيتها من قلبك بس الحين غير لما شفتك .., وتحس يانايف ؟ نايف : بس بسألك ليه لبستي كذا لاتقولي عشان الحب بضيع الدنيا عادي .. ابتسمت : إلا عشان الحب اللي ترجيتني ارجع عن كلامي .. عشان الحب اللي توهني .. عشان الحب اللي باين بعيونك وأدري به يضعفك لو تشوفني كذا متوقع بذا السسهوله أسلمك نفسي ؟ لاتتوقعني ما أخاف من ربي بس أنا واثقه مليون بالميه أنك مابتقدر .. لأنك نايف .. وعشان الحب اللي تحمله ترجعني ولو ماكنت واثقه فيك مالبست كذا ..! ابتسم برقه وحنان : جد أصصدق تحبين نايف ؟! إيه صدق يانايف رجع قلبي لك بس فيه بعض الكسور لا يمكن يقدر يصلحها الزمن .. انرسمت ملامح خجل أكثر وانغرست هذي المره .., رفعت يدي للخيط ابي اربطه من الربكه ماعندي شي أسويه .. حط يده عليه .. وهمس لي : خله ! لا أتعب أفكه مره جديده ! |
(( 4 )) " عششـآإن آلحب يآحبيبي .. آحبكـ ! " عشان الحب .. ممكن نعمل أشياء كثيره متهورين بها مو شرط عشان حبنا للحبيب يمكن عشان الاخت زي فيصل .. يمكن عشان الام زي عمتي وتركي .. يمكن عشان بنت الاخت زي خالي .. الكل تورط معهم بس بان خوفهم علينا عشانهم يحبوننا .. ما انتهت قصتي لحد الآن دام أن السنوات تمضي ..! مررت على صفحات كتابي لين وصلت لآخر صفحه ..,؛ بعد 16 سنه ..!! إسمحولي قبل أختم قصتي أكتب آخر ورقه من دفتري لأن حسيت أن كل شي في هذي الصفحه أكتمل وصار واضح بالنسبه لي ! وش صار في 16 سنهـ لأبطالي .. لأهلي .. لخوياتي .. لقريباتي .. وحتى لو أي شخص مر علينا بالقصه ! ~ عمتي .. سكنت بـ بيتها حياة عاديه تعيش عشان الحب الصله اللي بينها وبين كل اللي يحبونها وتحبهم .. تنتظر كل جمعه بشوق لجل تشوف مجود اللي طلباته أوامر ! ~ عمي .. يمكن عشان الحب اللي حمله لخالده زوجته وأم عيال عمي ماقدر يكمل حياته مع أختها .. أكتشفنا أن أنوار كانت تنتظر بس اليوم اللي يجمعها بعمي عمر .. وعشان الحب رجعها .. فهم من تجربتي ان اللي مات مايرجع وتمشي الحياه بدونه رضينا ولا رفضنا .. صار عنده بنت عمرها 13 سنه إسما ساره العلي .. شي حلو عندي بنت عم وحيده وبإسمي .. ~ نهى وناصر .. أم جلال وأبو جلال .. أهنيهم على حياتهم وحبهم اللي دام من يومهم بزران صدق انا موب معهم ساكنه وأكيد به خلافات بس بحكم عقل نهى أجزم أنها تنحل .. وعشان الحب اللي بينهم .. يستمرون ! ~ نجيو وفيصل .. مممم مدري وش أقول عنهم ذولي بس .. أقول خلها لبعدين بالفصل .. ~ نوره بنت عمتي وسامر ولد عمي .. صار عندهم عيال يجننون .. طريقة نوره غلط بس سامر قدر يغفر لها .. عشان الحب العظيم اللي تحمله له .. وعشان الحب اللي هو يحمله لها ..! ~ ثامر ولد عمي .. مصاايب بما أنه العازب الوحيد .. أقولكم شي .. خله بعدين بقولكم بالفصل الأخير .. اممم مين أهل الدمام بعد ؟! ~ أييه صدق ريم نسيتها هي من أهل الدمام خخ .. تواصلي معها بين فتره والثانيه ماألومها منشغله بـ بيتها وعشان الحب والصله اللي معي تواصلني .. عشان الحب مو شي ثاني .. ~ فلوة .. صارت أقرب واحده لريم بما انها زوجه اخو رجلها .. عشان الحب تتواصل معي ..! ~ ندى .. ندوي .. من اللي نساها ؟! سألت عن أخبارها طول ذا الفتره بس تفاجأت قبل كم سنه يعني كذا خمس سنوات منتشر الخبر انها ولدت .. يووهـ البنت تزوجت وحملت وولدت وانا دوبني أدري خخ .. وش كانت تتوقع مني وهي تدري ان هذي النهايه ؟! ماكنت قاسيه يومني رفضت .. بس عشان الحب ومصلحتها كل شي عادي ! ~ ممممم أبلتي الغاليه وضحى .. تهنيني بكل عيد .. وتهنيني بكل نجاح .. وبكل ولادهـ خخ ! وأبلاتي الباقيات واللي أعرفهن .. نهى تتواصل معهن .. سعيدة جدن بالحياه وهي كذا ! أيوه خلصنا كذا اهل الدمام فيما عدى نجوى وفيصل وثامر خخ .. صدق ما أعرف أوصف حالهم خخ ! وأبششركم ترا فيصل ونجوى وثامر .. ناقلين للخُبر .. يآسسلام ! أهل الخبر .. أول شخصيه واهمها .. ~ خالي .. بكل قوة زي ماعرفته خبرني بكل شي وان كل شي حصل منه عشان الحب .. يقول ان الحرق يسويه لما كنت أذكره بشي نهال تسويه وكانه كان يحاول يسوي مني نهال بس بطريقه حلوة .. وأعتذر عشان الحب يدوم ! ~ أما مرته .. او ليلى خخ لليوم وأنا مبسوطه أني عرفت الإسم .. يمكن لاني تعودت أقولها مرت خالي ولا قد خطر على بالي أسأل .. مرت خالي .. حاطتني بعيونها عرفت وقتها قيمتي عندها وعرفت عشان الحب اللي بينها وبين أمي وعشان الحب لت خالي صارت قاسيه .. ~ مروى .. هي ما أخطأت بـ شي او تعرضت لي إلا بالكلام .. فـ ما أتوقع يصير لها عقاب او شي .. صدق قسوه بس زي امها وأبوها .. كيف تعاملني طيب وهي تشوفهم كذا ..؟ حياتها حلوة مع أبو عبدالله رجلها أحس الاسم طويل على ميشو خخخ عشان الحب اللي تحمله له ماتغلط علي وعادي معها وعشان الحب لاخوها تكلمني وتتطمن علي .. تأسفت كم مره وكل مره أقولها يامروى مسموحه .. العلاقه بيني وبينها حلوة يعني لاشفتها اخبارك وكذا بس ماتوصل لصداقه .. حلوة كذا الحياة .. وميشو أو لحد يسمعني من عياله ويجيب فيني العيد .. أبو عبدالله خخ سعيد جدن بتواجد مروى معه اللي عشان الحب تحملها وعلمها كيف تكون وسط الناس تمام ! ~ خالتي .. حياتها مكرسه مع زوجها وبنتها ميشيل .. ذا البنت تحب إسمها مره وكل عيالها جايين كذا .. بنتها دلوعه مره قاهرتني اخذت مكاني خخ عمرها تقريبا 14 سنه خخ .. أيوهـ نبدي بشله ريم .. ريموه حسبناها بالدمام مع الآنسسه فلوة خخ أقصد ام شسمه خخ ~ نجلا .. مم انا ماعرفتها إلا يوم راحت ريم .. البنت الطيوبه وعندها بنت طيوبه .. وعشان الحب أتواصل معها .. أسعى دائما اني أعرف أسم رجلها خخ .. مدري والله تجيني الحكه لاذكرته وقالت أبو الوليد يختي قولي أسسمه خخ .. ~ هبه .. مممم هي تزوجت اوكي يعني بس حياتها مدري .. مشكلتها متهورة وعلى أقرب شراره تهدد حياتهم الزوجيه بس عشان الحب حياتها تستمر .. ~ سما .. ياليل ! فوق ان لهجتها انقلبت لانها تعودت على أهل رجلها ثلاث سنوات .. بس لما رجعت صارت زي الخلق مع بعض الأخطاء خخ .. جد وش مطيرها الحيوانه للقصيم خخ ؟! عشان الحب .. رجعت للخبر .. بس عشان الحب لاهلها ولـ كل اللي يحبونها ! ~ جيهان .. كنا نسميها عانس لانها بقت بلحالها رغم أنها بعد ما أعرست هبه بكم شهر أنخطبت .. ماقلت لكم تزوجت وخلفت ومدري وش صار .. عشان الحب علاقتنا ببعض ماتتفرق ! ~ سلمى .. آهـ من سلمى .. خلها بس على جنب مع فصيل وثامر ونجيو خخ .. ~ سلوى .. موب قلت لكم معرسه على واحد من عيال خالتها .. أكيد خلفت عادي يعني خخخ .. ~ وسهام هذي أخبارها توصلني بالتمام وعشان الحب .. تتقرب مني .. وتقرب اختها مني .. أو الأختين ! يناس ذكروني من بقى .. أحسن ماأقفل القصه وحد يزعل ..؟! ~ أم سامي وولدها سامي عشان الحب لنايف .. متحملينني خخ .. سامي عادي معه يعني وش دخله بس ام سامي وجع إن شاء الله خخ .. ~ مها ياويلي من مها اخت ريم .. بنت الين آمنو تحب واحد وطايحتن فيه مالت عليها وعلى اللي تحبه خخ مدري تسمح لي أطري أسمه ولا تغار ؟! أظن خلصنآ .. اليوم وبعد 16 سنه .. أنا وش ذاه سوير تاكدي متاكده ان عمرك 38 بصيح كبرت مره خخ أحح بس اول مره ادري اني عقلت وصرت كبيره .. نايف مقرب يطق الواحد والأربعين اححح كبرنا مرره خخ ! صار عندي عيال .. مرهـ يجننون .. يمكن ماتعرفون إلا مجود احسن بعد خلني أعرفكم فيه بشوبش معي .. أحبهم أكثر حتى من أي شي عدآ شي واحد إسمه أبوهم خخ .., سوير أستحي .. يلا بسم الله .. المذكره الأخيره .. تاريخ 16/1/1431 من بعد هجرة آلرسول إلى آلمدينهـ .. ودآمنآ ذكرنآهـ صلوآ عليهـ .., تم ترجمة التاريخ وفقا لان الظروف ماتسمح أكتب تاريخ بالانجليزي خخ .. صحيت الساعه أربع بس مو على طوت المنبه .. ولا على صوت نايف .. على صوت جوالي ناظرت الإسم والله ذا البنت ماتستحي داقه على الخلق ذا الوقت .. خخ مطيحه معي الميانه وعادي خخ .. وعموما رديت لاني اعرفها إذا مسكت على الخط ماتتركهـ .. قلت بصوت كله نايم : ياليل المزعجين اللي مايستحون وجيهم مغسوله بمرق ياليل القهر .. سمعت صوت ضحكتها .. احبها ! مو ريم .. ولا نجلا ولا ضيا ولا فلوة ولا هبه ولا جيهان ولا سما .. ولا نجوى ولا نهى ولا نوير ولا أي أحد ! هذي سلمى بنت خالة نايف .. أيهـ سلمى ولا حد يستغرب الكلام معها بهدوء وأعتذاري عشان الحب يتعمق ورزّة وجهي لها كل يوم خلتها تجاملني لين علمتها منهي ساره العلي .. أيه اعتذرت على شي ما أخطيته .. وهي إعتذرت كثير وأنا .. مسامحتها ! سلمى : تراه أذن كثر الله خيري داقه أقولك وأصحيك لاتطوفك الصلاه .. تأففت : ياسلام وانتي كل يوم صاحيه ذا الوقت وتصحيني والله لأسويها يوم وأقفله .. قالت باستهبال : عادي عندي رقم ولد خالتي .. قلت بعناد : وبقفل جواله .. وش عندك بعد ؟! ضحكت : تلفون بيتكم .. يازيني والله أرج البيت كله عشان تردين .. وهقوتي ماتقدرين تفصلين كل التلفونات أحلى ياسلمى من بكرا بسويها .. زفرت بضحكه : اخلصصي وش تبين ..؟! قالت : وش أخلصي ياأخلاق .. بالله من اللي المفروض تدق على الثانيه انتظرتك البارحه عشان رجلي جاء تباركين لي ومادقيتي .. قلت أدق أقولك وبالمره تروعت قلت صاير لك شي .. يلا قولي لي مبروك .. قلت بنفاذ صبر : الحمدلله على سلامته ماطول كلها إسبوع ؟! شهقت : سوير .. الله ياخذ بليسك وش تبينه اطول من كذا لا حبيبتي انا تعبت بلحالي .. ضحكت بهدوء مابي نايف ينزعج .. قالت بصوت عالي : نااااااايف ! صكيت أذني .. هي ماتنادي رجلي وولد خالتها .. هي تنادي رجلها وولد عمها ! بنت الذينآ لافه على نايف ولد خالتها وولد عمها محترق قلبه .., قلت : وجعاه .. يامال البلا وش فيك .. همست بحيا : أصبري شوي بقولك متوقعتني بخبي يعني .. " شوي واعتدل صوتها " يختي فيه ناس مايستحون على وجيههم .. قلت بعناد : من ؟ انتي ؟ أيه بالله أصدق ..! قالت : أييش أييش ؟! توقعتها سمعتني فـ سكتت .. بس قالت : لا جد أرفعي صوتك وقولي ؟! قلت : نايف نايم مابصحيه .. أيه وش بعد .. أسمع صوت شي ينوكل خخ .. قلت : تاكلين ؟! وش تاكلين ؟! سمعت ضحكتها : خلني اغذي المخلوقات الحيّه أيه وش عندك .. وبعدين صحي رجلك وتكلمي بصوت عالي خله يقوم يعبد ربه بس .. عاندت : موب شغلك اخلصي وش تبين ؟! قالت بتعب : سوير مليت أبي أروح مكان حلو .. قلت أستهبل : تعالي بيتنا يازينه والله .. الله يخلي رجلي بس .. سلمى : أنتم تقلدونا .. ليه لاصقين فينا ؟! مافيه مكان تحطون بيتكم فيه إلا جنبنا ؟! قلت أستهبل زياده عليها : وش أسوي أحب أطل عليكم من الشباك وأرصد حركاتكم خخخ .. سمعتها : بلا هبال علي .. قومي صلي .. أبعدت طرف اللحاف بهدوء ما أبي أزعجه .. وقلت : وانا قايمه .. خلاص لا خلصت بدق عليك .. سمعت همسها : أسستح شوي بصلي ثم بجيك .. فتحت عيوني : سلمى ! ماصليتي ؟! يأمرون الناس بالمعروف وينسون أنفسهم .. سمعتها تهمس لي : ساره مدري وش فيه ذاه اليوم .. ودي أقوم أصلي الحين بس مرتز عند باب الحمام فشله أطلع كذا باللبس قدام عيالي .. وصلت عند بابا الحمام وأتكيت عليه : أقولك طسي الله يجزاك خير .. أمشي جنبه عناد السالفه .. سمعت شهقتها : أسسستح .. طوط .. طوط .. طوط .. طوط .. طووط ..! ناظرت الجوال بإبتسامه .. أيقنت أن رجلها مسوي شي .. إبتسمت بقلبي يارب أنك تسعدها ! دخلت الحمام ثم طلعت كنت أمشي كذا زي مايقولي مجود بطريق خخخ .. جد تعرفون البطريق لامشى أنا كذا .. تحسست بطني بابتسامه ورحت عند نايف .. همست : نايف ! كررتها اكثر من مرهـ لين فتح عيونه .. قلت : تراه أذن ! هز راسه بـ أيه ولا تكلم ولا كلمه وقام تلقائي وأنا أراقبه لين دخل الحمام .. أبتسمت ورحت صليت .. بعدها قمت تروشت ثم تمشطت بسرعه ورفعته .. أيه تمام شكلي ونزلت أسفل وبديت أصلح الفطور بوناسه وانا فاتحه باب المطبخ اللي يطل على الصاله الكبيرهـ .. ممم مالي خلق اوصف البيت اللي يبي يشوفه يزورني طبعن لاتصدقون صدق ماتنعطون وجه خخ .. المهم وأنا أطل شفت نواف نازل يركض متجه للمقلط .. قلت : نوآف ! لف لي وناظرني .. قلت : حبيبي رح جب الجرايد من برى لجدك .. كانه اتضايق بس هز راسه بـ أيه هو كذا مايقول لا .. رحمته : خلاص رح كمل شغلك بعدين جبها .. ناظرني بامتنان وراح المقلط شفته طلع منه وهو شايل كتب واقلام ويصعد فوق بسرعه .. هزيت كتوفي بابتسامه .. عادي ..! كملت أصلح الفطور .. لين سمعت " صبآح الورد " لفيت بـ أبتسامه حلوة .. قلت : صباح الـ ممم مدري كل يوم شي تقوله قضى كل شي .. صباح النور .., ناظرني بعتب : ساره وش قلت ؟ لا تصلحين شي صح ؟! إبتسمت : لا تخاف مايأثر على الحمل .. حتى لو بالشهور اللي كذا الأخيره .. زفر وشفته جلس على الكرسي وحط راسه على الطاوله : موب القصد كذا .. عليك انتي .. وقفل عيونه وش به الأخ .. شكله كان توحفه ! قلت بدون اناظره : شكلك كانك حد من العيال غصب يروح للمدرسه .. " وبرقه " مو عجوز .. همهم بسكون : مره تعبان أبي انوم بأي طريقهـ .., وكانه دوبه انتبه لكلمتي شهق : وش عجوز ؟ " صغّر عيونه " واللي يقولك أن الرسول ماجاه النبوه إلا كذا ؟ وأصصلن ذا الحين عقلي كامل ! أبتسمت وأنا احط الأكل وأوزعه على الطاوله : وأنا ما أشوف إلا زاد عقلك خفه .. قال بطريقه مضحه : أما عآد ! إبتسمت وانا ساكته ثم لما خلصت جلست : طآيب رح جب الجرايد من برى .. رجع وسدح راسه : لمين بعد ؟! قلت : لبوك .. الحين بس عرفت مقوله أن اللي بعمره يتابعون سياسه وجرايد .. عقبالك ! ضحك : عناد موب قايم .. رفعت حاجب : وش رايك انا بعد اللي أقوم ؟! سمعته : تسسوين خير .. قلت بتعب متدلع مرهـ : نويف قم رح جب الجرايد .. سمعت : صباح الخير .. رفع عيونه وظل فتره يناظرها شوي ولف لي وعلى فمه إبتسامه .. وقال : وش قلتي ؟ ناظرته : رح جب الجرايد ! هز نفي .. وهو يقول : الجمله كآمله ! سمعت نهال : وش قلتي يمه ؟! مطنشها : سآره عيدي ! سمعت : السلام يآصباح الزفت .. ناظره نايف .. على طول غيّر كلامه كانه خاف خخ : أقصد ياصباح الزهق .. قصدي الملل ممم قصدي صباح الفطور .. أو المدرسه الجميله .. أأأ أقول لازم يعني صباح شي ؟ ضحكت بهدوء لفني نايف : وش قلتي ؟! كرر زي أبوه : وش قلتي ؟! نايف مطنش وناظرني بـ أبتسامه يحثني أقول : هآإ ؟! قال : يمه وش قلتي ؟! لف له نايف وأعطاه نظره خلته يموت مكانه : آسسف خلاص .. ناظرته بـ إبتسامه : وين اخوانك يمه ؟! لفني نايف : ساره لا تعاندين وش قلتي ؟! قلت : عادي وش قلت ؟ رح جب الجرايد .. فيها شي ؟! رفع حاجب : ياسلام ! والجمله كذا كامله ؟! مافيها شي ناقصص ؟! سمعت نهال : نواف قبل لاتسلم وفر على نفسك محد يرد عليك .. لفيت عليه : ممم هـ الحين فضيت نواف ؟! إذا أيه رح وجب الجرايد .. أبتسم وقام .. نايف : أجلسس أنت محد طلب منك .. فتحت عيني : أييش أييش ؟! عاند : وش قلتي ؟! ناظرته : نايف مصخن انت اليوم ؟! راكبك جني أسمه وش قلتي ؟! إبتسم : قولي كبرتي ومعاد صرتي تعرفين وش تقولين ..؟ سمعت شهقه لفيت ماعرفت من مصدرها بس اللي عرفته الثلاثه يتابعون بـ أندماج .. قلت : نآيف ! " صغّرت عيوني " ترا أصصغر منك وذاكره بالحرف وش قلت وعناد موب قايله .. " رفعت حاجب " مو انت تقول منت بجايب الجرايد ؟ أنا مابقول ! شفت بنيد جايه .. سمعتها على طول : تبين أجيبهم يمه ؟! هه ! ماتدري وش السالفه .. ! لف عليها نايف ورفع حاجب : تعالي مكاني وش رايك بعد ؟! وطت راسها بـ أحراج .. قال : إلا تعالي ملزم عليك إلا تجين .. قلت بتعب : وش فيك منت براحمني ولا مخلي رحمة ربي تنزل ؟! نايف : إذا ماكنت خرفتي فـ مافيه غير شي واحد يمنعك " رقّص حاجبه " عرفتي انك قلتي شي غلط وخايفه مني ! نص أبتسامه : يآسسلام ! ودامه غلط ليه تبيني اعيدهـ .. " ضحكت باستهبال " مصدق نفسك اخاف منك .. سمعت ضحكه اعرفها نهيل .. وقال نايف : أيه باين منتي بقادره تنطقين بها .. قلت أعاند : أقدر .. هز كتوفه بـ أبتسامه تدوخ : طيب أثبتي لي .. نهال : أصصلن يمه وش قلتي ؟! قلت بضحكه : أخاف تطيح هيبتك قدام عيالك بسس .. رفع حاجب : وطي صوتك اجل .. تورطت : موب قايله .. رقّص حاجبه : أجل يآ " مطهآ " سويير ..! فتحت عيني أدري يبي يستفزني بسوير وطيت راسي بحيآ وهمسست بـ بحة دلع : نويف .., ظل يناظرني فتره وانا مبتسمه بخجل .. رفع حاجب وكانه نسى نفسه : سنين على آخر مره سمعتها ! شهقت نهيل : يوهـ يمه قلتي وش يبي أبوي .. ماسمعت ؟! ياكرهي لذا البنت لاتكلمت بدلع ودي أفلع راسها خخ ملقوفه ودلوعه ومايعه .. بس احبها ! هزيت كتوفي وأنا أضحك : كذا جات عفويه .. من القهر والله .. يلا هـ الحين قم رح جب الجرايد .. جلس بتعب وهو يناظر نواف : قم يابوي جبها .. فتحت عيوني : ياسسلآم ! وفوق كل ذاه وبعدين تقوله هو .. أكتفى بـ الإبتسامه وهو يقوم ويأشر لنواف يجلس .. ناظرت جآسم : وين اخوك ؟! هز كتوفه : يمه أرجوك لاتقولين رح شفه هو بينزل أكيد بس يتعبني معه .. ناظرته فتره ثم ناظرت بنيد اللي قالت : أقوم يمه ؟! هزيت راسي بـ أيه على طول قامت .. ناظرته : شف الذوق ليتك تتعلم شوي بس .. مطنش وضارب بالدنيا عرض الحائط ..,؛ بنيد شي راقي .. يعني تعرض خدماتها ومثقفه مرره خخ شكّيت أنها بنتي انا .. يعني صدق عندي شي أحب أني أقرا كتب بس كل وقتي مرتزه على الكتب ما أرحم نفسي .. مستحيل ! شوي وشفتها نازله وهي مبتسمه : كان يتحمم يمه .. وقلت له قال شوي ونازل .. جلست شوي وجاء نايف أعطاني الجرايد حطيتها قبال كرسي خالي على الطاوله وظليت دقايق وشفت خالي جاء لنا ووراه مرت خالي .. على طول قلت : صباح الخير .. هز راسه لي بـ أبتسامه .. وقالت مرت خالي : صباح النور يمه .. وش مصحيك انتي أصعدي أبقي مرتاحه .. أبتسمت : وش حرمته يمه مخليه البيت كذا وصاعده أرتاح .. ناظرتني وإبتسمت .. فز جسوم وباس راس خالي : صباح الخير .. إبتسم خالي بعراضه .. ياكرهي لـ ذا الولد مطفوق ويسوي بلاوي بس خالي يحبه ! وكررته بنيد ثم نواف .. ناظرت نهيل بملل : وش فيك اليوم بعد ؟ أمس رجلك واليوم ؟! تتدلع مع وجهها خخ مابسبها لانها تشبهلي .. تميّعت وهي تناظر خالي : جدو يعني ما أحبك إلا إذا بست راسك ؟! أنا أحبك مررهـ .. يآسسلام ! وخالي شاقه وجهه البسمه ولا كانها قايله شي وعادي والأمر طبيعي .. قسم لولا الحيا فلعت راسها .., بدوا يتفطرون وأنا بس أراقبهم وانتظرهـ ينزل .. كل يوم لازم متاخر .. بسس احبه ! شوي وشفته دخل بـ أبتسامه وهو يقول بهدوء : صباح الخير .. وعلى طول جلس وماترك لهم فرصه يردون .. جلس وهو يحوس بالثوب مدري وش بها لين خلص رفع راسه وصار يجول بنظره وكأنه يبحث عن شيء كان بين إيديني .. مرت خالي : يالله ساره ! ناظرها نايف : مقرفتني بذا الجبنه .., كنت بس مبتسمه .. ودفيت الجبن لمجود اللي أبتسم بس .. حطه جنبه والتفت لجواله اللي بيده ثم حطه على الطاوله وبدا يدهن بهدوء وانا أراقبه وأراقب نايف .. وأراقب الباقي .. يكفيني أشوف عيلتي الحلوهـ يتفطرون وربي أحس نفسي شبعت ..,؛ شوي وشفت نواف كعادته يمسح فمه ويدينه بالمنديل لين جاء بيقوم نط قبله جسوم وصار جنب خالي وسحب الجريده بطفاقه مره .. وهو يقول : أرتاح ياخوي وأنا اللي أقرا .. رفع حاجب نواف وناظر خالي اللي هز راسه لنواف بـ أبتسامه .. أول ماقاله : إنا لله وإنا إليه راجعون ... إلى آخره جدي موب لازم أقوله أنت حافظه .. " بدا يقرا " توفي في صباح هذا اليوم .. شوي وناظر خالي بملل : الله يرحمهم جميعن .. نلف على ممم تبي جدي الأعراس ؟ قل لا .. أحسن لأني ما أحب ذا الحكي الفاضي .. قام نواف بهدوء واخذ الجريده : بسم الله .. توه بسم الله بيقرا سحبها منه : أنا أبي أقرا عشان جدي يحبني اكثر منك " مد لسانه " واعدني يشتريلي سياره قبلك .. فتحت عيني لما شفت شكل نايف وهو رافع عينه والشرر يتطاير منها .. أحس بينه وبين جسوم عداوه ! يمكن لأنه أخذ مكانه عند خالي .. ما أغلا من الولد إلا ولد الولد .. أيه بالله ان ذا المقوله صادقه .., نايف : أييش أييش ؟! بلع ريقه جسوم وبانت من الحنجره لما أرتفعت : أقصد .. أستهبل مع جدي .. وإبتسم وسكت .. كسر خاطري ياعمري ! سكت عنه نايف .. ثم فتره وقال بهدوء : ترزّن وعن الطفاقه وأنا حاضر لك .. ماتبي .. والله محد يجيب لك ..! جسوم يصغّر عيونه : ياسلام ومجود أنت اللي تلحق وراه وغصب شريت له ؟! بنيد وهي تشلح نظارتها : تحط عقلك أنت بعقل مجود ؟ شف هو بـ سنه ثانيه جامعه وأنت بسم الله دوبك أول ثانوي .. وبعدين أنت مطفوق ! ليهـ مجود مايدافع عن نفسه ويقول كلام بنيد .. هو كذا هادئ .. مايتكلم إلا عند الضروره ! عض على شفته بقهر : أجل عناد منتي براكبتن معي .. بنيد وهي تناظر الكتاب : الله غني عنك ! عجبتني كلمتها صراحه خخ .. شوي وأنقهر مره : مابقى إلا بنات الإبتدائي " يأشر عليها بضحكه " نونو ! كنت بضحك بس أحترمت بنيد اللي مطنشه ولا كانه هامها أبد .. نايف : لا عقلت قلي .. ناظره جسوم : والله يبه والله ما أعرف .. مدري ليه كل الناس يقدرون عداني أنا وحد من ذا العيله .. هو صراحه مدري من يقصد كنت أبي أعرف .. يعني مستحيل مجود .. بسس ؟! ناظرته فتره شوي وقالت نهال : أنت الوحيد لا تقصدني .. هز كتوفه : أنتي اللي فضحتي عمرك وأنا كاتم وساكت .., ناظرت نهال مرت خالي بدلع : تشوفين ياجدهـ ..؟! مرت خالي ضايعه بينهم .. هذي نهال بنت نايف جابر .. إسم أمي ودلع أمي وكل شي أمي إلا التربيه ! وهذا .. جاسم بن نايف جابر .. الغالي عند رجلها .. وغير كذا الحفيد ! سكتت وهي تناظرني يعني شوفي لك صرفه .. قلت : أسكتم بس .. سكتنا فتره ومحد متكلم الله وناسه أقول كلمه محد يتكلم خخ والله أني بزر ما أفهم شي .. رفع خالي عيونه لي : ولد عمك ذاهـ .. رفعت عيني : أيش ؟ .. أي واحد ؟! خالي بقهر : وفيه غيرهـ ؟ " ناظر نواف " أقرا لها يابوي .. نواف بهدوء : الدكتور ثامر العلي يرزق بـ طفله الرابع .. " رفع عينه لي " العنوان ذاه والموضوع .. رزق الدكتور ثامر عمر العلي بـ طفله الثالث أتفق هو مع حرمه المصون بـ تسميته عبدالرحمن و... خالي بقهر : وذاه مانسمع إلا حريمته حامل أو ولدت ومايحطونه إلا بالمقدمه وبالأحمر وعريض .. نص الصفحه عشان ولدت خيير ؟! لاتزال العداوه بين أهل أمي واهل أبوي يمكن ماتبان قدام الناس بس لحد الآن أقرب شراره .. خالي يطري أبوي وعمي يطري امي .. ووالله مايطيح السب كله إلا علي أنا وفيصل .. الحمدلله يرحموننا ومايقولون قدام حد من الأحفاد ! بنيد : أيه ياخالي لاتنسى هو ... قاطعها : ذبحتونا بذا الدوا نسمع به ولا شفنا مرضه ؟! بنيد : لأن الكل راح للمستشفى يتطعم .. وأنت ياجدي رحت معنا ! أفحمته بنيد .. للمعلوميه بنيد تبي تصير دكتوره زي ثامر ولد عمي لأنه مره شآطر بذا الأمور .. تقط احيانا لما يجي يزورني وتجلس معه ويبدي يقولها كذا يصير لما نسوي كذا وهي تطير .. أما ثامر غالبا ما أشوفه يناديها بـ الدكتوره .. ويرجى متى تروح للجامعه ويذاكر لها ! عششان الحب اللي يحمله لي وعششان قلبه مافيه أي كره لي أنا ! إبتسمت : لو على مها ياخالي كل سنه .. مها يعني أخت ريم وهذا اللي تحبه مالت عليها طايب قولي لي وانا بقوله غصب ترتز له بالمستشفى ! ظلينا فتره ساكتين بعد ما أمرت انا نسكت خخ .., شوي وسمعت جسوم : زهق وحنا ساكتين .. أشّرت له البندري : أشش .. عاند وناظرني : يمه وش بتجيبين ؟! سكت عنه بـ إبتسامه .. قال : جد ترا لارحتي تولدين ترا مابنتبه لأخواتي .. بنيد بدون ماتناظره : الله ... قاطعها : غني عني .. حافظتها وجالسه تردد مافيك كنترول أنتي ؟! " ناظرني " وش يمه بتجيبين ؟! نهال : جد يمه أييه نبي بنت ونبي مممم نبيها يمه سهى حلو مره الإسسم معجبني .. ناظرتها وهزيت راسي بـ لا : لو جات بنت مالها غير نوف .. جسوم : ولو ولد ؟ هزيت كتوفي : مدري مافكرت .. ناظرني : اجل أكييد بنت لانك فكرتي بـ الإسسم .. نهال : يمه مانبي نوف ملينا .. نهال .. نواف .. ونايف .. وبعد نوف ؟! جسوم ولاول مره يلتقي معها براي : أيه يمه يطقمون ! قلت : عادي .. نهى بنت عمتي رجلها ناصر وبنـ... قاطعني جسوم : بناتها نجود وانجاد ونجد .. وعيالها جلال وجابر .. ملزمين على النون .. وشهوله مكملين بالجيم أجل ؟! غريب ! وش دخل جسوم بـ نهى ؟! أما انه غرييب جد ؟! أبتسمت : لان أبو ناصر أسمه جلال .. شف العيال كلهم بهم جيم .. ناظرني : بالله يمه ماتقولين لها تاخذني أكمل معهم الطقم ؟ جاسم جابر ونايف قاط بالغلط .. وكأنها زلة لسسان ما انتبه لها ويقولها كذا .. الله يعينك ياجسوم من نايف خخ .. رفع له حاجب : منهو اللي قاط ؟! قال بدلاخه : نايف .. " انتبه " نواف طبعن .. أنت يبه شف يعني ممم " سكت يدور له كذبه " مثلن أنا أسمي جاسم نايف جابر وجدي مثلي .. انقذه خالي : منهو اللي مثل الثاني ؟! ناظره بـ أبتسامه حلوة : لأني انا أتكلم عن نفسي فـ أقول انت مثلي بالواقع انا مثلك ! خالي ؟ تعالوا بسس شوفوا وجهه ..!! مبسوط يموت في شي أسمه حفيده .. وإذا كانت ميوعه نهول عند مرت خالي عسل .. وطلبات مجود عند عمتي أوامر .. فـ كلام جسوم عند خالي درر رغم أنه مايقول إلا كلام زي وجهه خخ ..؛ واللي رايحين .. نواف والبندري !! نهال : يمه نبي محمد لو جاء ولد .. هه ! طبعن نسيت أقولكم .. محمد بن فيصل العلي له نهال بنت نايف جابر .. أسسم أمي وأبوي .. وماجد عمران .. له سلمى العلي بنت فيصل .. أسم عمتي ورجلها .. ناظرت الساعه كان باقي وقت يفطرون لفيت اناظر مجود شفته يقطع الخبر صغار صغار بملل وهو ساكت وشوي يناظر جواله وشوي يكمل يقطع لين رن على طول ناظره ورد بهدوء .. وهو مبتسم : أهللين " يصفر بنطق السين دلالة على الوناسه " سوسو العلي .. شوي واخذ الشوكه وهو ياكل الخبز الصغير وهو يهمهم بهدوء وهو مبتسم وهز راسه وكأن المتصل يشوفه ! شفته يتكلم بهدوء ناظرته وهو يحرك شفاته عشان أفهم خخ .. مجود : والله قلت بدق لك بس خفت تطلعين نايمه ولا مشغوله .. " أبتسم " وربي انتظرك ! شوي وفتح عيونه على آخرها وبان بقوه لونها الفاتح : سلمى !! أول ماقالها لفت نهول وهي فاتحه عيونها .. أنتظرته يخلص وحط جواله وهو مبتسم وبدا يحركه الشوكه .. نهال : وش سوسو العلي ؟! قلت أبرر بسرعه : نهال ! أستحي يمه أخوك الكبير .. وبعدين أنا ممكن حد يقولي سوسو العلي .. ناظرتني : بالله يمه ! وانت جالسه معنا .. إسستهبال هو تدقين له ؟! وبعدين سمعته يقول سلمى " رفعت عيونها " أعتررف مجود وش تقول لسلمى بنت خالي فيصل ؟! يامكثر لقافتها ذا البنت !! رفع عينه وكأن الامر ضروري يحتاج منه يبذل مجهود عشان يتكلم : وش سلمى بنت فيصل ؟! نهول تغمز : أعتررف بسرعه ! رمش بـ بطئ : أمي .. عادي .. نهول بزهق : لا والله إستهبل على غيري .. هذا أمي قدامك .. وش فيكم متفقين انت تقول هي وهي تقول أنت ؟! أما سلمى ماتستحي .. أجل أنا لاصقتن جنبها بالصف وتكلمني يوميا وماتقولي ..؟! مجود عرف أن عقلها شوي منه طاير من الصدمه : أقصد جدتي يعني .. نهول : أيهـ وأنا بصدقك .. أصصلن جدتي إسمهآ ليلى .. آححلى ! غريبهـ أنا ماعرفته إلا يوم قربت أطق الـ 24 وهي كذا بالجاهز تقولها ؟! مجود زهق منها : جدتي أنا .. أم تركي أبوي .. أفهمي ! طاح وجهها وقالت بدلع مايناسب المصيبه : آسسفه نسسيت ! سكت عنها ووقف وهو يناظر نواف اللي على طول فز معه .. أما جسوم كان يستهبل وجالس يناظره .. جسوم : تبي شي ؟! مجود : ماتبي تقوم .. ظني أنت معي ؟! هز راسه وكأنه يبي ينبّـه نايف : لا أبوي اليوم مايبيني أروح يقولي بروح معك نشتري لك سياره لأنك عقلت .. صح ولا انا غلطان ؟! انتظر رد نايف بس مانطق ولا كأنه مهتم له أصلن .. مجود صدقه وباين انه ماكان معنا أصصلن بعقله .. شوي وهز راسه : خلاص أجل .. تبين شي يمه ؟! أبتسمت له : لا بس أنتبه وانت تمشي بشويش وانتبه لنفسك وأخوانك .. نقز جسوم لما شافه مشى : أقول ماصدقت ما أجي لا حبيبي بجي معك عشان أبوي يصدق أني ترزّنت .. ناظرت نايف كان يناظر بناته ينتظرهن يخلصن لين قامت بنيد : ماتشبعين أنتي .. وقفت نهول برشاقه : شوفي بسس " لفت لها " حلوة غصصب عنك ! هزت راسها بنيد وهي تلبس نظارتها : يلا لا نتأخر .. مشيت لـ بنيد وسحبت النظاره .. تقهرني لا لبستها هي ماتحتاج بس يقالها تقلد ثامر ولد عمي ! ناديته : نايف ! لف لي وهو مبتسم .. تقربت لمه : ممم اليوم يمرونني نجوى وسلمى وضيا مرت سامي ولد خالتك ومروى .. رفع حاجب : يعني ؟! سكت وأنا منحرجه كيف أقولها .. وكأنه فهم : يعني أصرف نفسي قصدك أها .. الساعه كم طآيب ؟! قلت : ممم هو العيال بيكونون يذاكرون عشان تعرف الإختبارات مقربه وو .. " ناظرته " أنت مدري على الساعه مممم .. إستحيت كيف ياربي أقولها ؟! فشله يعني صراحه .. ناظرني بإبتسامه وكانه يقرا عيوني وطيتها .. قال : اها قصدك راجع من شغلي ؟! إبتسمت بحرج مرهـ .. يعني واحد راجع بينوم أصرفه لييهـ ؟! ضحك : طآيب خلاص ولا يهمك .. منحرجه وكذا .. طلع وهو يضحك أما انا طايح وجهي صراحه .. بس الحمدلله عدت على خير ..! رحت بشيل الاكل شفت مرت خالي ساعدتها رغم أنها تضايقت لأني على قولها بالشهر الثامن ! أما خالي كـ عادته أنتظر فتره ثم راح لشغله .. وبقيت أفكر وش أسسوي لين مايجون ؟! تروشت بعد ماصلحت الغذا ورتبت كل شي لبست بلوزة طويله أشبه ماتكون بفستان الحمل بس قصيره هي بلوزة طبعن خخ .. عموما لها تنورة قصيره حلوة من نفس اللون بنفسجي .. ربطت خيوط بعد الصدر فضيه وأكسسواراتي فضيه شسورت شعري ورولته رتبت وجهي بـ كحله وقلوس بسيط وعادي نعل الحمل .. رتبت شكلي ونزلت أول من جاء سلمى خخخ .. شهقت : سوير تجنني .. قلت : لا تحسدينني بس .. أدري أدري اجنن .. حتى أنتي .. وقفت بغرور : لو ماني بحامل جبت فيك العيد .. إبتسمت : وينهم فيه العيال ؟! وكانها تبسّمت لذكرهم : الريم نايمه ومعها أخوها أحمد .. ومهوي وسوير عند مرت عمي .. ناظرتني : بالله هذي عبايتك ؟ لاتقولين بتطلعين وأنا قطيت ؟ ضحكت : لا بس لامنه فيصل جاء مع نجوى بطلع أشوفهم .. رفعت حاجب : يمكن يجيبها ولدها ؟ ضحكت : لا هي قايلة لي بيخرجون كلهم البنات بيجون عشان بناتي والعيال مع ابوهم .. يمكن يبقون مع عيالي .. ويمكن يمشون مع فيصل ..! ضحكت : مايلوق ترا لا قلتي عيالي .. أبتسمت : أحـم حسسيني مره أنك كبرتي وعقلتي .. جلست معها : ونايف ؟! تستهبل : رجلك مدري وينه بس رجلي بالبيت .. قلت : هيهيهي ماتضحكين ترا .. شوي وفتحت الباب نهال ودخلت وهي تتمشى يمين ويسار ووراها البندري اللي أنتبهت .. همست لي : وراها بنتك كذا ؟! ضربتها : وجعاه قولي آمين مابها إلاا العافيه .. " ناديت " نهوول .. لفت ودوبها انتبهت : معليش يمه بتروش مرره أحس قرف وبنزل .. كيفك خالتي .. ومشت قبل حتى ترد .. لما جات مروى كانت معها بنتها الوحيده شروق والباقي ولدين اكيد مايبقون معنا خخ .. وجات ضيون واللي جابها الوليد خخخ طبعن ولدها .. ومامعها بنات لأن أصلن ماعندها ..! واخيرن شرفت حرم الإستاذ فيصل .. على طول لبست عبايتي نادتني البندري وقالت بتطلع معي تسلم ونهول طبعن أكيد عششان شي نعرفه خخ وطلعنا .. قلت : كيفك ياخوي ..؟! رفع عينه وناظرني فتره : أهليين .. وينك فيه أنتي الجمعه اللي طافت ؟! رفع عينه وناظرني فتره : أهليين .. وينك فيه أنتي الجمعه اللي طافت ؟! إبتسمت بس .. قال : هممم وشخبارك بعد ؟! أبتسمت : الحمدلله تمام .. لف على نهول : وشلونها مرت ولدي ؟! إبتسمت وهي ترف بعيونها : تمام الحمدلله .. وأنت ؟! هز راسه لهآ .. لفت تناظر سيارته : وشلونك ولد خالي ..؟! والله أنها ماتستحي على وجهها .. تلقف عمر طبعن جاي على الأشهر الأخييره فـ صار بأول ثانوي مفترض أنه يصير بثاني خخ .. عمر : أهليين بنت عمتي وشخبارك .. أنا تمام .. نازله عليك الاخلاق تسلمين علي .. نهول أنحرجت : الحمدلله انا بخير .. شخبارك محمد ! أيووهـ وصلنآ .. ناظرها : أهليين هلا وغلا .. عاش من شافك وينك فيه ماتنشافين .., رفعت حاجب لفيصل اللي بس إبتسم لي ..قلت : شخبارك عمر ؟! أنحرج : اهلين عمتي وشخبارك الحمدلله تمام وشخبار العيال الحمدلله تمام وشخبار أبو العيال الحمدلله تمام وشخبار ولد خالي ؟! ضحكت : شمعنى ولد خالك اللي تسأل ؟! عمر : اللي مايبان إلا بالسنه حسنه .. إبتسمت .. سمعت محمد : وشخبارك عمتي عساك طيبه ؟! طبعن محمد نعرفه وهل يخفى القمر خخ جنن العالم على ماعقل .. بعمر مجود بس أكبر منه بشهرين تقريبا .. الكبر شين ينسّي خخ .. قلت : الحمدلله تمام .. لفيت خلاص ناويه أروح .. سمعت عمر : بنننت ! لفينا حنا الثلاث وكأنه إنحرج لما شافني لفيت .. بس قال : ليهـ جايه دام مابتسلمين كمال العدد ؟ ولا ماتبين تزعلين أمك ؟! سكتت عنه بنيد : شخبارك ... قاطعها : الحمدلله تمام .. وانتي ؟! بنيد : شخبارك خالي ؟! ياعندها ذا البنت فوق كل ثقافتها ماتحب حد يقط عليها .. أبتسم فيصل : ياحلوك خالي اجل ؟! إبتسمت له وراحت اما نهول نظرة نظرة آخيره للحبيب العاشق وثم راحت خخ .. أبتعدت ودخلت للبيت شفت نجوى ياحلوها .. قلت : هـ المره ماحملتي مثلي ؟! ضحكت : لا والله .. العنود طبعن بعمر بنيد .. العنود : وشلونك عمتي ؟! هزيت راسي : الحمدلله تمام .. وانتي ؟! هزت راسها بـ أيه : البندري فوق ؟! قلت : أييه .. تقدرين مافيه عيال .. لفيت على سلمى وقلت أقلد أخوي : وشلونها مرت ولدي ؟! طاح وجهها وهزت راسها .. نجوى : بشويش على بنتي ياساره .. ضحكت : والله أسألي رجلك وش قال لبنتي خلاص .. وولدك عمير شوفي وش قال .. سلمى : الحمدلله تمام .. أشرت لها : نهال فوق تقدرين .. باين أن سلمى بعمر نهول .. وصعدت لها طبعا .. لفيت لنجوى : ماعندك بنت بعد أسلم عليها ؟! رفعت حاجب : ليهـ أنتي عندك بنت ثالثه ؟! ضحكت وقالت مروى : يمكن .. يعني واحده للحين ماجات تصير بنت ؟! ضيا : أييهـ صدق .. الله يرزقني بغثا البنات خخخ .. اللهم آمين .. قلت : وينها شروق أول ؟! مروى بسرعه تبي تعرف : فوق مع بنتك .. قلت : بنييد ؟! مروى : يووهـ لاتطولينها أيه .. قلت : بقولكم بس لأن مروى أخت نايف وسلمى وضيا خوياتي ونجوى مرت أخوي وبنت عمتي .. بس لو سمعتها طالعه بصراحه مابي نايف يدري عناد .. ضحكت ضيا .. قلت : موب نوف تراه طلال .. صفرت نجوى : أحححلا .. رميت عليها المخده : وجع أسكتي لحد من البنات يسمعك ونجيب العيد والله .. سلمى : حسسافه مثلي ولا قلت يلا بحجزها لولدي .. خلاص بقنع نايف يسميه طلال .. إبتسمت وبس .. وديـ أرجع صغيره بعمر البندري او نهال .. ودي أعرف وش يتكلمون فيه .. ودي ! بقينا نسولف عادي ولا كأننا متزوجات وعندنا عيال طولنا خخ أحلا شي تواجدك وسط اللي تحبهم ويحبونك تظل شفاف معهم ماتنافق ولا تجامل .. تستهبل .. وتمزح .. ولا أي شي يضايقهم ..! لأنهم يفهمون أنك ماتقصد إلا أنك تتكلم معهم .. أششتقت تسمع سواليفهم بـ معنى أصح !! بعد المغرب .. سلمى : جالسه على قلبك مو قايمه .. قلت أستهبل : فكيني يختي أحفظي موية وجهك وطسي لبيتك .. رجلي مسكين عشان حتى ماتتضايقون مصرفته .. طسسي .. قالت تحرني : كسسر خاطري .. ورجلي ياعمري غاطس بنوم عميق بعد يوم شاق .., نجحت أنها تثير القهر عندي : أجل خلك ماتضرينني .. بدق له .. قالت تعاند : ماتاخذين راحتك لأني هنا .. صكيت على أسناني : ويقالها خويتي بعد .. طلل ! ضحكت لي : سوير وش فيك ؟ والله أستهبل معك ألحين قايمه .. تراني زعلت على الطرده .. شوي ومن صدق قامت لحقتها : سلمى ..! لين جات تفتح الباب : حلفتك بغلا عيالك إلا ماتزعلين كان قصدي أستهبل معك .. وبعدين أنتي بديتي تقهرينني بكلامك والله حياك عادي .. ساكته عني .. لفيتها : سلمى آسفهـ ولا تزعلين .., رفعت عينها بضيق : أنتي ماتعتذرين ! وكاني فهمتها تقولي عادي .. لانها يوم أعتذرت أول مره على طول سامحتها بدون حتى ما أعاتب ! تضايقت : لا انا أكلمك لأني ساره خويتك .. وانا أستهبل معك وكانك زعلتي ... قاطعتني : لا مازعلت " ضحكت " سوير من جدك انتي عندك عيال وانتي كذا ؟! والله بزر .. وطلعت كذا بتركض .. خفت عليها حامل حرام : سلمى بشويش لا تطيحين ما بلحقك .. لفت علي وهي مبتسمه : أحبك مرهـ ! طلعت وانا مبتسمه لحقتها بعيوني لين وصلت دخلت ودقيت لنايف فتره بعدين رد علي .. إستحيت لما سمعت صوته نايم : آلووو .. أحب نآيف لما يمط الواو في ألو .. من يومه وهو كذا ! قلت بهمس : نايف وينك فيهـ ..؟ سمعته يكح يعدل صوته : أبد .. ناقصك شي ؟! هزيت نفي كانه قبالي : لا .. بس قصدي .. تجي .. نايف : لا خلاص ببقى هنا .. كنت أبي أسأله وين خفت انه متزوج ولا شي بس أستحيت .. قلت باصرار : لا تعال .. إشتقت لك .. سمعته يكح : حد فيهـ ..؟ قلت : لا .. بتجي ..؟! سمعت همهمه منه إبتسمت أحسسن .. قلت : أنتظرك ! قفلت وانا مبتسمه شفت العيال وراي طاح وجهي مسرع ماوصلهم الخبر أن يرجعون ! توزعوا على الصاله شفت بين أيدين جسوم كتاب نهول ...؟! ناظرته : وش بتذاكر موادها ؟ ولا تبي تذاكر لها ؟! هز راسه بالنفي وبيده جواله : فاضي لها .. " شوي وقال " نهيل أنزلي تحت أبوي يبيك وشكله معصب ويمسح بكرامتك الأرض .. وعلى طول قفل .. مدري وش ذا النذاله اللي تنزل عليه فجأه ! نزلت بعد فتره نهال ومسويه نفسها البريئه وماسكه كتابها وتمشي على الدرج وكأن لولا أن أبوها يبيها مانزلت تبي تذاكر .. أيه من الشطارهـ عاد ! شوي ووقفت نهال تهمس لي بخوف : وينه أبوي .. شوي ودخل نايف ظل يناظرني فتره شوي ورفع حاجب بنص إبتسامه وطيت راسي .. ناظرت جسوم بضحكه شفته منفجع .. قال يصرف : نهال حبيبتي .. تراني غلطت وقلت لك أبوي بس تراها الماما .. " ناظرني برجا " أمي قصدي .. عصبت : كذاب .. أنت تقوله معصب والله أنتبهت .., راح فيها الأخ .. نايف تنهد ثم قال بحده : قل لي أنت متى تعقل ؟! لما يتكلم نايف بحده عيالي يخافون ويرتجفون .. وانا .. أحس أني أذوب لانه رجآل ! ناظرت نايف يعني ترفق به سكت عنه وإبتسم بحنان : يابوي والله ما أحب أعصب عليك .. بس لاتخليني أنت أعصب بـ أفعالك .. جسوم يبرر : والله كان قصدي تنزل " يأشر على كتابها " تذاكر .. تخيل كتابها بـ بيت خالي ! شوي وقال : والله عقلت ! إبتسمت بس ولفيت عليه بسرعه وانا أهمس له : وين كنت فيهـ ..؟ عقد حاجبينه : عادي .. والله بارد ولا يدري .. بعتها : سمعت صوتك نايم .. " بلعت ريقي " نآيف أنت متزوج ..؟! سكت فترهـ ينآظر عيوني هبلا أنا والله أقوله ذا الكلام !! بلعت ريقي وناظرتهـ فترهـ .. ثم إبتسم وهز رآسهـ بـ أيهـ ..! حسيت العبره وقفتلي بنص حلقي لاراضيه تبلع ولا راضيه تطلع .. شديت على يدي اللي كانت ضاميه يدي الثانيه .. ثم حركتها ومشّيت انفي وأنا مبتسمه .. كان بس يناظرني وكأنه يراقبني ويشوف وش ردهـ فعلي لما قالي .. أبتسمت أكثر وانا أضغط على بطني .. أو على طلال .. طلال تحس لي زي ماكان مجود يحس لي ؟! طلال تحس لي لاتعبت ؟! وتحس لي وأنا احكي لك ؟! رفع لي حاجب .. أبتسمت بعبرهـ : للأسسف أني ما أقدر هـ المره أطلبك تطلقني .. ظل فتره يناظرني .. مسحت دمعتي .. ساره لا تبكين .. لا تبكين ! ناظرني بإسستفهام .. همست : لاني جربت وشلون اتطلق منك .. جربت كيف الحياه بدونك ..! إبتسمت له أكثر ووليت ظهري وصعدت بهدوء ولا أبي احرك سكون ولا ينتبه لي حد من العيال .. كذآ ! أول ما إنسدحت على السرير طاحت دمعتي .. وتطلع معهآ الآهـ ..! اتخيل شكل نايف مع أي بنت .. مهما كانت .. ما أتخيل ! يمكن لأني من يوم ماتزوجت نايف وانا ماأتخيله إلا لي أنا .. وليتني تخيلت قبل .. شهقت من البكى .. أقول لفيصل ؟ عشان يتهور ويتدخل في حياتي .. هـ المره عندي غيري .. عيالي .! ولا أقول لأمي .. ولا أبوي ..؟! الأفضل أحكيلك أنت ياطلال .. لأنك داخلي .. وأكيد تحس بآللي داخلي ..,؛ نآيف ..! يهنآلك تنزل تحت أنت وتبقى .. وتبقى سآره فوق تبكي عليك وأنت ولا تدري ؟! يهنآلك يانايف .. وانا حامل تقولي كذآ ..؟! يهنالك .. أعيش طول عمري كذا .. مدري كيف أعيش .. تحصيل حاصل ؟! يهنآلك حبيبي .. يهنالك يانايف أختم القصه حزينهـ ..؟! يهنآلك .. أن الأجزاء آللي أذكرك بالخير قليلة مرهـ .. والباقي كلها لا ؟! وأسألك بآلله يانايف .. يهنالك تتزوج ..؟! مسكت جوالي بشهقه وأول رقم .. عند منهي اللي أقرب لي من روحي .. سلمى : ولا تحاولين تراضينني .. ولا تفكرين اني زعلت اصصلن .. يعني مشتاقة لي .. تكفين قولي أيه ؟! شهقت ببكى : سلمى ! تروعت : وش فيك ياساره ؟! بكيت بعذاب : مو فيني ياسلمى مو فيني .. " همست " في ولد خالتك ..! سمعتها : نايف ؟! وش فيه ؟! طاحت دمعتي بإنحراف السيلان لما إنسدحت : والله ياسلمى يومني دقيت له يومك طلعتي سمعت صوته نايم .. ضحكت : بالله ساره بس كذا عادي ..! بكيت : وش عادي ..؟ وأنا دوبني سألته نايف انت متزوج قالي .. أيهـ ..؛ سمعت شهقتها : أحلفي قالك إيه .. وشلون وانتي ؟! شهقت بونّه : ما تسأليني تسألينه هو .. ما أتخيل شكله أبد ..! سكتت فتره ثم قالت : خلاص حبيبتي ولا تبكين .. ولا تزعلين نفسك .. مصيره يعرف قدرك ! بس سآكته وش أقول أصصلن ..؟! سلمى : أهم شي ماتتهورين زي المره اللي طافت .. أنتبهي يالغلا ولا تقربين لم الطلاق .. أنتي موب بلحالك .. عيالك وشلون يتشتتون .. ماترضينها .. سكتت .. أسمع كلامها .. أسمع لها .. ومفترض انها تسمع لي .. بس الأفضل إني أسمع لها ..! لاني مدري .. وش بقول .. ولا أصصلن ماآعندي رد لو قآلت وش بتسوين ..؟ كملت : وغير كذا يا أمي انتي حامل .. أنتبهي تغلطين .. انتي ماقصرتي بس الغلط من ولد خالتي .. والله تفشلت منه حتى ولو كان ولد خالك .. سكتت فتره ثم كملت : لاتبكين أهم شي .. أمسسحي دموعك وعادي عيشي طبيعي .. أهتمي فيه أكثر أسألي عنه أكثر ولا تضايقينه .. وهو من نفسه بيرجع لك .. ولا تذكرينه بأي شي خلك سآره .. حتى لاتبكين قدامه ! بكيت أكثر .. من كلامها وبس .. تأثرت ! قالت : أيه ساره لاتبكين قدامه .. وأبكي عندي أنا .. لاشافك تبكين يعرف أنتي تبينه مره ويتمادى شوي شوي .. أما أنا مابسويلك شي .. شهقت وماقدرت أكتم دمعه تعلقت بعذاب ولا قدرت انزلهآ .. ومسحتها قبل تنزل ! سمعتها خلاص بتبكي معي : ساره أسألك بالله يكفي بكى قطعتي قلبي مره .. أول مره أشوفك كذا ! مسحت دموعي بكفي : آسفه سلمى يمكن ضايقتك .. سلمى : لا والله ماتضايقيني .. قلت : بقفل تبين شي ..؟! سمعتها : لا حبيبتي في أمان ربي .. وانتبهي على نفسك .. حطي قدامك عيالك وحبك .. أنتبهي تتهورين ! هزيت راسي بـ أيه .. وقفلت .. وأنقفلت معها باب السعاده اللي ممكن كنت أفتكر يجيني ! تنهدت وقمت بتعب مسحت وجهي ولميت شعري رفعته وقمت صليت العشا .. غيرت ملابسي لبست بلوزة بيضآء خربشات فيهآ بالذهبي .. وتنورة طويله لونهآ أسود بهآ سلاسل ذهبيه .. جددت وجهي بـ المكيآج وبـ إبتسآمه مزيفه .. ناظرت شعري ربطته ذيل حصآن ونزلت بهدوء وأنا مبتسمه .. رغم أن العبره وآقفهـ ..! شفته يناظر عياله والله شوي وأبكي مره جديدة .. ناظرني فتره وكانه يسأل وش فيك لابسه كذا ومغيره ..؟ جلست وانا مبتسمه وأنا أسمع جسوم يقول بملل : يمممممهـ .. رفعت راسي له .. على طول قال : وش فييك ؟! عقدت حاجبيني : وش فيني ؟! ناظرني : متضايقهـ ..؟! بلعت ريقي بصعوبه وهزيت راسي بـ لا .. ظل يناظرني فتره ثم هز كتوفه .. قلت : وش تبي كنت ؟! رجع ولف علي : ملل .. ومجود طالع .. إبتسمت : قل ماجد زي مايقولك جاسم .. وأحترم نفسك وش تطلع ..؟ برطم : أفاا .. وأنا أقول يمكن تقنعين أبوي يوافق .. أبوي مايردك ! إبتسمت أكثر .. ثم قلت : لا وش تطلع أنت عندك إختبارات .. قال بقهر : حتى مجود .. أقصد ماجد .. ضحكت له بـ ألم : خلاص أوعدك لاقضيتم من الإختبارات ... قاطعني : قولي بتقنعين أبوي نسافر بلاد غير عربيه ! إبتسمت .. وش أقنع فيهـ ..؟! قلت : لا وش أقنع أبوك يمكن مشغول .. شف ممم قل أنت وش تبي ما أعرف كذا .. ولا تقول " أقلده " بلاد غير عربيه .. ماوديـ .., مسك كتابه : أجل بحقد على أخواني .. رفعت حاجب : ليييهـ ..؟ لف لي وكانه من فتره ينتظر السؤال ذاه : وش اللي ليه يايمه .. مجود طالع ومبسوط ولا كل شوي يدق لي " يقلد صوته " جاسم مابتجي .. أدري مو قصده شي بس أنقهرت هو شاف أبوي وهو مارضى ويرجع يدق يسستهبل علي يعني .. والأخ نواف شوفي .. لفيت عليه ورجعت ناظرت جاسم : وش فيه ؟! قال بقهر : وش فيه ؟! يبط الكبد وكل شوي أسكت خلني بذاكر .. لا وقبل شوي يقولي أبوي لو ماعقلت والله ولا تحلم بشي إسمه سياره .. وعشان أنقهر أكثر يشتري لنواف .. إبتسمت له وأنا أحط يدي على طلال : خلاص أجل أعقل .. حبيبي والله أبوك يخاف عليك .. أنت مطفوق ومتأكده بتطلع الفجر وبترجع لليل .. وأدري نص الأيام مابتروح المدرسه .. ساعد أبوك يوثق فيك وتعقل .. ماقلت لك أبقى عاقل " ضحكت " مهما يكون يوحشني هبالك ! إبتسسم لي بقوهـ : ياحوبي لك يمه .., شفت نهال فزت أنتبهت جوالها بيدها ناظرتها إبتسمت لي وهي تلفه توريني الأسسم .. كلنا عندنا بجوالاتنا إسسم سلمى ! مجود عندهـ عمتي سلمى .. وانتي عندك سلمى بنت فيصل خالك .. وانا عندي سلمى ممم هي روحي ! رديت لها الإبتسسآمهـ .. رآحت وظليت أراقب نايف كان بين فتره والثانيه يجي له جاسم ويجلس معه يخطط بكتابه ويفهمه .. وليته يفهمني .. ليهـ بسس ؟! شوي ورمى جسسوم كتابه بالهوا وطآر .. جاسم : وأخيرن خلصت الرياضيات .. فتحت عيني : متى مداك ..؟! طاح وجهه : لان عندي بكرا أختبار بس في جزئيه .. والله ذاكر لي أبوي هـ ألحين يصير أروح ؟! نايف : لا مايصير .. فتح عينه : والله وربي ذاكرت ! هز راسه نايف بـ أيه : أدري بس ماتروح خلاص جات العشا .. ذاكر مره من بدري وأنا أخليك .. شوي وجات نهال وهي تضحك : أحسسن بابا .. إبتسم لها .. شوي ورمت عليه كتاب : خذ ذاكر ذاهـ خخ .. كان مقهور منها بس أخذهـ ..,؛ غمضت عيوني وأسندت راسي على الكنبه .. حسيت به .. مو لشي .. لأن قلبي طرق بقووهـ .. فتحت عيوني على طول خنقتني العبره .. همس لي : وش فييك ؟! إبتسمت .. ساره لاتبكين : عادي ! ناظرني : تعبانهـ ..؟ دامك قلتي لي كذا .. أفهم أنك معادك صرت تحس لي ! هزيت بـ أيه : تعبت من اليوم .. " ناظرته " تبي شي أنت ؟! هز بـ لا .. ناظرني : طآيب مستحيل بس كذا .. بعتها : أييه فيني .. " خنقتني العبره " ليهـ تزوجت .. قلي والله مابقولك شي بس قلي .. أنا وش فيني .. رمش بعيونه : وش فيك ساره ..؟ همست له : قل لي انت ليه تزوجت ..؟ ناظرني : لأني احبك ! طآحت دمعتي على طول مسحتها : أها .. صح تحبني تروح تتزوج .. الله يعطيك ألف عافيه أجل ! ناظر عيوني على طول وطيتها .. مسح مكان الدمعه : يعني أفهم يومك دقيتي تقولين تعال إشتقت لك كان كذا عشان تتأكدين .. قلت : أيهـ .. والغيرهـ والششوق .. يعني حب ! همس وهو يمسح على عيوني برقه : طيب وأنا أحبك وين المشكلهـ ..؟ إبتسمت : عادي .. صح يحق لك أربعه غيري نسيت .. رجعت أسندت راسي .. حسيت به يهمس بـ أذني : وش تحسين فيهـ وأنتي مخليتني طآير كذا وانا أشوف بعيونك قد إييش متضايقه عشان بس قلت كذا .. أيه متزوج .. متزوج من روحي .. سآرتي ! فتحت عيني ورمشت : أحلف طيب .. فتح عيونه : ماتصدقينني ؟! إنحرجت : لا .. بس صوتك كان صوت وآحد نايم .. وين كنت فيهـ ..؟ إبتسم : في بيتنآ القدييم .., تلاشت إبتسامتي .. شوي وقلت : أحلف طيب منت بمتزوج ؟! قال وهو يحرر شعري : والله .. مجنون أنا أحب بنت وأتزوج عليهآ ..؟! قسسم لولا الحيا لميته ومايهمني حد .. بس أدري بيمسكونها علي أبتسمت بـ رآحه .. أحبهـ ..! تأكدت من شي وكآنت الحقيقه اللي ماقبل الأخيره اللي أكتشفها .. سلمى نسست نايف والدليل أنها كانت خايفه علي أنا وتقولي لا تتطلقين ولا لو غيرها على طول تنتظر كذا وتقولي تطلقي ! ناظرته بـ أبتسامه : أحبك كثيير ! ناظرته فتره ثم لفيت على عيالي .. أشوفهم وبس .. سمعت نواف : أششش خلونني أحفظ .. نفحات الصبآ ومهد الخزامى .. نجد ياموطـ.. قاطعه جاسم بقهر وهو يقلده : نفحات الصبا ومهد الخرمى نجد ياموطن الإباء سلاما .. مالت عليك موب حفظ هذي بسس دراسه .. رفع له نواف حاجب : أنا أدرس موب لجل أنجح وبس .. عشان أستفيد ! جاسم : ياخي موب حفظ .. نهول بضحكه : لقط وجهك ياخوي .. قلت : ذاكروا وبس .. هزت نهال راسها وبدت تخط بالقلم الظاهر وهي تذاكر تخط .. ناظرت البندري اللي كانت متمدده على الكنبه وبيدها كتاب .. قلت : أنتم موب تقويم ؟! إبتسمت : إلا .. جسوم : شف الدفره بتبدي إجازتها ! قالت : إلا كتاب طب شفته بالمكتبه وأخذته .. إبتسمت : ماشاء الله دكتوره ؟! قالت بـ أبتسامه : إن شاء الله .. غمضت عيوني وأنا مسده راسي على الكنبه على صوت عناد جسوم لأخته .. وغفيت ! صحيت لقيت نفسي نايمه على كتف نايف قمت بفشله ناظرت حولي الكل نايم بالصاله قمت بهدوء أنكسسر ظهري خخ الظاهر صدق صرت عجوز .. مريت على أول شخص وهمست : جسسوم ! جاسم ولدي .. 16 سنه أول ثانوي نومه ثقيل إبتسامته المرحه تعطيك أمل في الحياه أسلوبه الدفش يخليك ماتصدق أن اللي نايم ألحين هو نفسه .. بهدوء وملتف والكتاب على راسه كان كتاب الأدب رفعته على الصفحه كانت قصيدة " بانت سُعاد فـ قلبي اليوم متبول " شفتها شاطب على سعاد وكاتب فوقها نجد .. فتحت الصفحات ونفس الشي في شعر جميل بثينه .. شاطب على بُثين وكاتب نجد .. وكل الصفحات نجد ونجد ..؟! مين نجد ؟! يبان من القلوب وكلام الغزل نقدر نقول مُجاراة شعريه على نجد ؟ أبي أفهم اللي حط المنهج ذاه يستهبل ولا أيش مايدري أنهم شباب فاضيين ؟! ولا مين نجد ؟! على آخر صفحه لقيت .. نجد نآصر عمرآن آحبكـ .. فتحت عيني من الصدمه نجد بنت نهى ؟ كيف ماتذكرتها ؟! ناظرت جسوم مصدومه .. عشان كذا لما قال نواف قصيده عن نجد قاله موب حفظ .. الولد يغار حتى على الإسسم .. هه ياحوبي لك ولا يبان عليك صدقني والله لأذبح عمري لين تاخذها .. همست : بمر أخوانك وبرجع لك .. ويلا قم ! إتجهت لنواف .. نواف ولدي 14 سسنه ثاني متوسط ترتيبه في الدفره بين أخوانه الاول ثم البندري ثم ماجد ثم نهال ثم جسوم .. وجسوم حتى الأخير حرام فيه .. نواف ولدي غيير هادئ منطوي .. مايحب يرفض أحد حتى لو كان به ضغوط وإلتزامات عليه .. فتحت كتابه بحماس وكاني متشوقه أكتشف عالمه .. مرتب وكامل ونظيف .. فتحت دفتره وبديت أفر لقيت رسم بنت ما أمداني أفهم وأحلل الصورة بعقلي إلا وإسمهآ تحت .. آلعنود آلعلي .. ناظرت نواف .. العنود ؟! وربي ماخطر على بالي أبد هه ! والله وطلعت فنان بالرسم صدقني وعد أنت لبنت خالك .. والصبآح لو ربي يبقيني بدق على طول لنجوى أقولهآ ..! همست برقه : نواف قم ..! إبتعدت عنه إلى نهال .. نهال بنتي 15 سنه .. ثالث متوسط .. دلوعه وجرئيه .. أحيانا ودي أفلع راسها إذا تدلعت لأني ما أحب بطبيعتي الدلع الزايد .. لما تتدلع علي او تبرطم احس ببراءتها فعلن .. رفعت كتابها وطويته بدون ما أقراهـ عارفه كل شي عنها لأنها ورقه بيضاء كل شي تحكيه لي وأهم حياتها محمد ولد خالها أو خطيبها نقدر نقول ! حتى بطريقة نومها دلع وبرستيج .. همست : نهوول ..! إتجهت لآخر شي .. وهمست : البندري ! البندري بنتي 12 سنه سادس إبتدائي .. اللي يسمع حكيها يقول أنها كبيره ويحلف أن عمرها نهاية العشرين واللي يشوف حجمها الصغير يقول حتى ماتفهم الحروف .. مره سألتني ليه ما أدلعها وأقول لها بنيد .. الظاهر تكره ذا الدلع ولما قلت لها مافيه غيره قالت قولي يالبندري زي ماتقولين لنواف يانواف .. ولما قلت إسسمك طويل قالت أنتي تنادين جدتي مرت خالي وبقد الحروف .., كتومه بقوه وطموحها تكون زي ثامر ولد عمي .. هاديه ورزينه ودي أقتحم عالمها الخاص ولو مره لأعرف مشاعرها على وين متجهه ؟! تحركت اخيرن لنايف .. وهمست : حبيبي ! فتح عيونه بـ أبتسامه : صآحي من يوم قمتي .. همست : وليه ماقمت ؟! نايف بـ إبتسامه : وحشتني حبيبي من لسآنك ! قام بهدوء وإتجه لنهال وشالها وشكل شعرها وهو يتمايل بدلع خلاه يبتسم مر على جاسم وأول ماناداه على طول صحى شبك نايف يده معه لانه يتمايل .. رحت للبندري وشلتها سمعته : يكفيك أأ .. " وناظر طلال " يكفيك ... كملت : طلال ! ناظر عيوني على طول وطيتها وانا مبتسمه رحت لنواف وعلى طول شبكت يده بيدي ويده الثانيه مع أخوه جسوم وصعدنا .. تعددت الأشكال والمُبتغى وآحد ..! نزّلت البندري ونايف نزّل نهول وكل واحد إتجه لغرفته رحت غيّرت ملابسي ورفعت شعري وإتجهت للباب .. سمعت نايف : ويين ؟! إبتسمت له : نم .. يمكن أطول ..! طلعت من جناحنا ورحت لغرفة جسسوم كالعاده الحاله حاله وهو منسدح على الكنبه بثوبه جهزت له بيجاما وقومته لبس وإنسدح على السرير تنفست متعبني لزوم ألحفه أنا .. غطيته وبسته قفلت النور وطلعت لغرفة نهال .. كانت تدور بالغرفه وتفتح الدواليب والأدراج .. قلت لها : نهال وش فيك ؟! قالت وعيونها باقي فيها النوم : يمه كان فيه ورقه صغيره لونها أخضر فيها إسسمي وعمري مالقيتيها ؟! إبتسمت .. تهذي ! رحت لمكتبها واخذت ورقه خضرآ وكتبت .. رحت لها : هذي ؟! رفعتها : أيه .. قلت : يلا أجل نامي .. قالت : لا يمه بعد شوي تجي نجوى مرت خالي وسلمى ومحمد مدري يمه وش ألبس .. إبتسمت وطلعت لها بيجاما : ألبسي هذي وفعلن لبستها وسدحتها على السرير وغطيتها وأنا أسمعها تقول : الحين يمه يجي محمد يمه وربي أحبه حتى هو مره قالي كذا .. أول مابست راسها على طول سكتت طلعت بعد ماقفلت النور أتجهت لغرفة نواف .. كان مغير ومنسدح ومتغطي وقافل النور بست راسه ووطلعت .. مشكلة نواف كذا يسوي كل شي لنفسه مايتعب حد .. أحيانا أنسى أن عندي ولد إسمه نواف موب بالضبط بس مريحني ويسوي كل شي لنفسه ..! رحت للبندري كانت منسدحه وتناظر السقف كعادتها إذا حد صحاها ماتنام إلا بالشده .. رحت لها وسدحت راسها على رجلي وأنا أمسسح على شعرها وهي ساكته .. سمعتها فجأه : يمه بقولك شي .. بس لاتعصبين .. أحسك ماتهتمين لي يمه زي نهال .. همست : ممم وليه لا ؟! سمعت صوتها خلاص بتنوم : مدري ليه يمكن عشانها الكبيره .. بس أنا الصغيره يمه .. سكتت فتره : وش بعد يالبندري ؟! قالت : يمه هو ليه كذا قليل ادب ؟! فتحت عيوني بقوه : منهو يمه اللي تقولين عنه كذا ..؟ همست بصوت نايم مررهـ : عمر ولد خالي فيصل .. يمه متخيله أنه يجي لي يقولي يحبني .. يمه أنا احبه بس ماأحب يكون معي كذا .. مره قالي أنا بدخل الطب وأبيك معي .. يمه عندت وقلت له لاتقلدني رغم أني ماكنت أبي أدخل طب .. بس عشان مايقولي أقلده .. يمه بروح معه عشان مايناظر يمين ولا شمال .. والله يمه أخاف عليه .. يمه بعدين لاصار عندي بنت بسميها ساره .. خلاص بان لي أنها نامت بس تهلوس : يمه فيه شي بعد بقوله لك قالي نواف بس وربي ماتقولينه له ولا تزعلين .. قالي أنا أحب أمي بس أخاف أقولها وتفهم بس إني أحبها .. يقول يمه هو يحب أبوي بس لأنه رجلك رغم أنه مايصارخ عليه ودوم يهتم به .. يمه صدق حنا نحبك .. تخيلي فيه بنت معنا ماعندها أم ولا أبو و... قاطعني سيلان الدموع .. حطيت أصبعي بـ فمها : أشش سكتت .. مسحت على راسها وبستها وطلعت .. دخلت آخر شي على جناح مجود .. عالمه الخاص ! |
دخلت آخر شي على جناح مجود .. عالمه الخاص ! ماجاء ؟! ناظرت الساعه 3 إلا ربع جلست على السرير ماله داعي أقرى أي شي لأنه مايحب أي أنسسان يتدخل فيه وإحترام لرغبته .. ساعات أحسه يموت على تراب سلمى وساعات أحسه مايطيق إسمها .. مزآجي ! ظليت انتظر أذن صليت ورجعت ولا هو فيه الساعه صارت 5 الصبح .. كنت بدق عليه بس فاجأني دخوله .. قفل الباب ووقف عند المرايا شلح ساعته وشال الطوق من شعره على طول تناثر .. أبعده وزفر .. فجأه شفته يدخل يده بشعره ويحركه بحركه مستديره .. ضحك بخفه لما وقف وشاف شكله ومسح وجهه بـ إبتسامه .. أشر لنفسسه بالمرايا : أششش .. ورجع ضحك وإتجه للحمام مد يده لجيبه الخلفي ونظره لقدام للحمام وطلع جواله ورماه وراه وطاح على السرير .. كتمت دمعتي وأنا أشوف أحب لونين عند أبوه لابسهن الأحمر والأبيض .. نفس الملامح والشكل والعيون والبشره والصوت والتصرف وكأن روحه أنتقلت لولده .. قلت بصوت مكتوم : ماجد ! لف على طول وناظرني وهو فاتح عيونه .. ناظرته من فوقه لتحته ومسحت دمعه قبل لاتنزل : أنت وش لابس ؟! سكت يناظرني .. هزيت راسي بـ أبتسامه حزينه : قل لي .. فسّر تكفى .. وش اللي أنت مسويه ؟! ناظرني ولما شاف حالتي فضّل الصمت .. قلت : أنت أييش ؟! ليه كذا ؟! أنا وش سويت لك ؟! مدري يا مجود وشلون أوصف لك وش صار بي يوم شفتك كذا ..! قاطعني : اهدي يمه خلاص ألحين اغير بس لاتعصبين .. هه ! مصيبه يامجود منت فاهم أي شي .. ناظرته : وبكل بساطه أغيّر ؟! ليه غير عن أخوانك رغم أني أهتميت بك أنت وفضلتك أنت .. لما الكل يقولي لا وأنت تقولي أيه أقول طيب .. ما أقولك كذا كذا منّ .. لأنك ولدي قطعه مني .. أول قطعه ! أختل توازني جاني ومسكني : أجلسسي يمه وخلاص معادني لابس كذا بس أرتاحي تكفين .. ضحكت بحزن : بس تدري طالع حلو ؟! ناظرني فاتح عيونه وكانه مستغرب من كلامي .. هزيت بـ أيه : بس لا تقلده كثير .., رفع حاجب وكانه فعلن تركي نفس ملامحه وحركة الإستفزازيه .. يتجسد به عشان يخنقني .. مسكته وأنا أتذكر نبرة تركي : ياروح الماما ! ناظرته مبرطم ببراءه مسكت دموعي لا أبكي وضحكت .. همست : تشبه له ؟؟ عقد حاجبينه : ميين ؟! حركت شفاتي " أبوك ! " بس أحبالي الصوتيه ماطاعت تقوله ..؛ عقد حاجبينه : أول مره تقولين !! إبتسمت وبديت أرمش بسرعه لاتطيح دموعي .. أشرت عليه : لأنك بهذا الشكل نسخه أصليه منه .. ناظر نفسه فتره بعجب : كذآ ؟! هزيت إيه : مدري يامجود أنت تبيني أبكي ولا أيش .. تجمعت الدموع بعيوني : أنا نسيته وش اللي خلاني أذكره ؟! مسك كتوفي : أهدي يمه ! تنفست بسرعه : من يوم ولادتك وأنا أقوله ياتركي يشبهلك وكل واحد يمر يقول يشبه له .. يمكن ربي كتب انك ماتشبهلي ولا بشي حتى اطباعك عشان كل مره أنسى .. أشوفك .. هذا تركي كيف أنسسى ؟! مشّيت أنفي بظهر كفي : حتى وأنت ترمش .. يرحم أمك فكني .. خلني أعييش .. غمضت عيوني فتره ثم كملت : مرة انت سألتني كيف شكله .. تبي تشوف صورته .. بس ناظر بالمرايا .. عماتك نسى أو تناسوا .. 17 سنه مرت وجسمه تحت وروحه فوق ولا أي أحد قادر ينزل أو يطلع لأننا بالوسط ..! مسحت عيوني لاتطيح دمعتي : تدري لو أمك سلمى شافتك كذا وش أول شعور بتحس فيه ؟! بتقولك ياتركي لاترجع تغيب .. وأنا أقولك ياتركي وين وعدك وانت تقول انك مسامحني ؟! " كملت بهمس " ياتركي ماجد كبر صار يشبه لك صار نفس حالك أم بدون أب .. ألحين حسيت بعمتي لما تدلعه وتطنش الباقي كانت إذا نام تنام وراه وقبل يصحى بساعه تكون صاحيه تستقبله .. تدري أنه متدلع وتشوف شكله لما ينسدح على رجلها تشوف شكله وهو بنت وتقوله تجنن .. صكيت أسناني : لما تشوف غيرته على بنت خاله تجيلي .. ساره لاتسوين كذا توقف معه حتى بوجه عمي .. لما أشوف نغزاتهم ساره ماتطلع من العيله أقول فال الله ولا فالكم .. وياليتني ماوافقت .. ياليتني ماحبيتهـ ..! مسحت دموعي : يقول سارتي ماتبكي مهما صار .. صورتك وأنت متشبث بثيابه وكأنك تقوله بابا لا تموت أحتاجك .. لاتفجع قلب الماما .. صورته وهو نازل معي من الطائره ويديني بيدينه .. بليلة عيد ملكتنا نحتفل بموته نرقص على لحن الدموع ياتركي ليه مبرطم حتى وأنت ميّت ؟! مشيت أنفي بظهر كفي : أول مره أنا بكيت جد من قلب أنت ياماجد صرخت .. أنت ! يقول لاتبكي وبكيت .. وقتها ياويل مايسمع صوتك بس تبكي يجلس معك .. ناظرت السقف أداري دمعتي : كانت آخر حروف نطق بها كانت لي أنا .. يقولي يآروحي لأني أحبك .. ودامني روح تركي فـ أني فوق معه .., نزلت عيوني كان مبتسم وماسك دمعته مسحتها له وهمست : طلبتك لاتبكي انت أقوى .. الحين حسيت بشعور فيصل .. لمآ أقوله أوصفلي أمي أو أبوي .. وبإحسساس عمتي وهي تدلع تركي .. وبـ إحساس خالي وهو يقولي انتي أقوى .. وإحسساس تركي وهو تطلع روحه ..! مسح دموعه باترجاف .. همست : لا عاد تلبس كيذا تفجع قلب أمك عليك .. وطى راسه : آسسف .. قلت بغصه : ماتوطي راسك ماعندي عيال يوطون روسهم .. رفعه وإبتسم وظل مكانه أما أنا طلعت من غرفته وتركته خلفي واقف .. دموعي ماطاحت إلا عند نايف وتركي مستحيل أطيحها عند عيالي .. مسحت دموعي ومسحت معها بقايا الذكرى بكل ألم .. الظاهر ياتركي ذكراك معي لين أموت ..! طاحت دموعي تلقائيا سيل بس لأني تذكرت شكل تركي وهو يشيل مجود يومه كان قطعه .. وكيف كان يتكلم معه .. كيف لما جينا نبي نسافر لـ إيطاليا يقولي ما أبيهـ ! أعذرني يانايف المشاعر ماتتبدل بين لحظه وثانيه ..! أعذرني لأني ماأقدر انسى تركي حبه جرى بشراييني وتخطى كل شي ممكن ينسيني .. قد شفت حد ينسى روحه ؟! فيهـ شي معقول .. وفيهـ شي لا معقول .. بس حب تركي تخطى اللآ معقول !! أعذرني يانايف وسامحني لو خنتك بتفكيري .. لعلمك بس حتى تركي خنته بتفكيري فيك .. لأنكم قلبي ! وهذي آخر حقيقه ومن بعدهآ صآإر كل شي من حولي وآضح ! بس حبيت أقولك ياتركي أن أستأذن منك بغير معادلاتك اللي قلتها لي يومني بعترف لك .. أنا بدونك يعني نايف .. وأنا بدون نايف يعني انت .. سآره – تركي = نآيف / سآره – نايف = تركي .., وناتج جمعك أنت معه يعني حياتي .. نآيف + تركي = سآرهـ .. وتكرار أو الضرب انت ونايف يعني عيالي .. نآيف × سآره = عيآلي .. تركي × سآره = مجود ..! أما القسسمه فـ أعذرني ياتركي رغم أني مقسومه بينك وبينه إلا اني ما أقدر انقسم .. بس هـ المره بـ أقسم بالله أنكم اختلطتوآ بدمي ..! أعتذرت لك يآتركي وأنت تموت وماسامحتني إلا عشان الحب .. ولأن كل شي لازم أساويك بنايف .. أقول اعذرني يانايف .. أعذرني .. وغلاة أغلا الغالين .. وغلا عيالي منك من جاسم لـ طلال .. وغلاي أعذرني ..! عشان نصف قلبي اللي تمثل بحبك .. وعشان النصف الثآني حب خويك ..! عشان الحب اللي جمعنا .. واللي ضحينا كثير لجله ! عشآن الحب اللي حلفتك فيه يانايف لما كنت بضلوعي وكذب علي فيصل ..! عشآن الحب اللي حلّفت فيه تركي وما سامحني إلا لجله ..! عشآن الحب اللي لما قلته لي وافقت عليك يآنايف ! عشآن الحب ..! عشآن الحب ..! عشآن الحب يآنايف .. أعذرني ! .: نهاية الجزء الأخير :. ~ The End my sttory |
وـخلصـت ـآلـروإيـهـ .. إنـ شــآء الله تـ عجبكم ! وـقولـوـآإ لـيـ رأيكـم . إنـ شــآء الله قـرأتـوـهآإ بعــد 15 سنـهـ .. أهـم شــي تقــولــوــآإ ليـ رأيكــم ..! وإذآ عجبتكـمـ لـآ تنسـوـآإ تدعـوآ لـي _^ |
أوـوحــح .. 185 مشــآإهـدهـ ولــآ أحــد فكــر يــرد !! طيــب لـآيك وـآحد عـ آلأقـل ..! |
ليــش كـذآ ليــش .. 205 مخلــوـوق بشــري شــآف ـالـرـوآيــه بـس ليــهـ محــد رد !! |
| الساعة الآن 07:21 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011