|
|
#21
06-25-2014, 08:17 PM
| ||
| | ||
| البنات جالسين بالصاله طافين الشباب دخلوا عليهم راشد: سلامات وش جاكم طفيتوا؟ ريناد: ميتين جوع ياسر: الحمدلله والشكر شوفوا الثلاجة مليانه اكل كولوا منها رنا: اكل الكفار هذا ما نبغاه مرام: صح لسانك رنا: احم اعرف اقول شعر صح؟ لميس: الحمدلله على نعمة العقل سلطان: مسوين فيها ما تاكلون الا من بلدكم مها: ايه حنا فينا شهامه ورجوله ما ناكل الا من بلدنا صقر: وش دخل الشهامه بالاكل من بلدك مها: يا غبي الاكل من الشهامه صقر يمثل انه متفاجئ: اوووه ما شاء الله توي اعرف هالمعلومه مها: تثقف مني يالجاهل سلطان: الدجاج اكل كفار بعد؟ البنات: اييه سلطان: والخبز؟ رنا: اذا كان من بلد كفار يعني انه اكل كفار يعني ما يصلح ناكله ياسر: انتم وقانونكم الغبي اقول دقوا على مطعم اصرف لميس: ايه والله مرام: لا لا ذولا بعد كفار مها: موب مشكله لو كانت بيتزا رنا: لا لا ما راح آكل اكل كفار ريناد: الجوع كافر ماعلي دقي دقي بس رنا: كذا تخونون بلدكم؟ لميس: لا يكثر هرجك بس رنا: طيب مرام: مشكله ما اعرف انقليزي ولا كان دقيت رنا: كم ماخذه؟ مرام: 2ونص رنا: انا 2 ريناد: انا ماخذه 1 ونص مرام: ترى لميس اذكانا ماخذه 4 رنا بلعت ريقها: ما شاء الله كيف قدرتي؟ ريناد: جد وشلون حصلتيها؟ لميس حطت رجل على رجل: احم هذي الخبره حبيبتي رنا: وانتي مها ما قلتي كم؟ مها ابتسمت بقوه: متأكدين تبون اقول لكم؟ البنات نقزوا عندها: ايه مها: احم وبفخر 10 البنات طلعت عيونهم: اهههب مها: وجع قولوا ما شاء الله لا اصير غبيه راشد في نفسه  كنت قايل اني ما حبيت درج الحمدلله)سلطان: لاا ما نبي الفتري قولوا النهائي البنات لفوا عليه: هذا النهائي الشباب انصدموا راشد: كييف لا تكفون صقر يربت على كتف راشد: ما عليه ما عليه تكبر وتعقل وتصير اذكى لميس: مها انتي دقي بما انك ذكيه بالانقليزي مها كبر راسها: احم اوك ريناد: اطلبي ثلاث مها اتصلت: Hello darling ؟؟؟؟؟؟ ضحك: Hi what is your request?( مرحبا ما هو طلبك؟) مها: وش تقول انت؟ ؟؟؟؟؟؟: what? مها: اقول محمد سجل Three بيتزا نق نق ؟؟؟؟؟؟: pizza what?(بيتزا ماذا؟) مها: نقانق يعني ما تعرف الحمدلله والشكر ياسر: hot dog يالغبيه مها: اااء بيتزا بيتزا ايه صح بيتزا hot hug(اظن فاهمين) ؟؟؟؟؟؟ضحك: Really?(حقاً؟) مها: اااا yes yes ؟؟؟؟؟؟: ok I will send hug with pizza(حسنا سأرسل عناق مع البيتزا) مها: yes thank you yes bye ؟؟؟؟؟: bye(وسكر) ياسر: يااااا بنت ال..... مها شهقت: يالي ما تربيت شنو سويت ياسر: فشلتينا الله يفشلك راشد منبطح على الارض ويضربها: لييش يصير لي كذا ليش سلطان يضحك: ههههاااي سمعتوها وش تقول هوت ولا خلوني ساكت احسن اذا تبين اعطيك انا عادي مها: وش تخربطون انتم راشد عطا سلطان نظرة اوريك شغلك بعدين سلطان قمط فجأة رن التلفون مها: يا ويلي ردو انتم قسم توهقت قبل شوي ياسر: مستتحيل بعد الفضيحه الي سويتيها صقر قام ورد ؟؟؟؟؟؟: Sorry Where home?(اسف اين المنزل؟) صقر وصف له المكان وسكر ريناد: تعللمي تعلمي من عمك صقر يالي ما تفقهين بشي مها: اخر من يتكلم انتي يا اوم واحد ونص بعد ماوصل الطلب واكلوا راشد: شرايكم نمشيكم بالمول اليوم ؟ مرام: اماا عاد لميس: اححلف مها: تكفى لا تقول انك تمزح ترى كان بخاطري من زمان راشد: تبون يعني ولا ما تبون؟ البنات: نبي ياسر مسح وجهه: لا تقول نمشيكم قل امشيكم ما راح اطلع ذولا سلطان همس له: يا غبي فرصه لنا ياسر: وش فرصته سلطان: البنات اذا طلعوا بيتحجبون صح؟ ياسر: ايه سلطان: يعني بنشوف وجيههم صح؟ ياسر: ايه(سكت شوي بعدين استوعب) اييييه كفو والله يا ابو عراده والله انك صديقن منتاز سلطان: وش عرادته انت بعد؟ ......................................... في بيت محمد شهد: يمه كولي مشاعل: مابي شهد: يا يمه ما يصير الي تسوينه في نفسك مشاعل تبكي: انتي مستوعبه ان بنتي الي من لحمي ودمي ضاعت مني مرتين افهمي يا شهد انا امها شهد: قعدتك بدون اكل ما راح ترجع اختي يا يمه انتي الي افهمي مشاعل: وش اسوي يا بنتي قولي وش اسوي شهد: مالك الا الدعاء وربك ما يرد دعوة عبد محتاج خصوصا وانتي امها فدعوة الامهات مستجابة ان شاء الله مشاعل: مشكوره يا بنتي شهد ابتسمت: ترجع لك بالسلامه يا رب ........................................ في بيت صالح<اكيد اشتقتوا لهم عبدالرحمن: يمه انا طالع للاستراحه مع الشباب خلود عصبت: الحين بنت عمك مخطوفه وانت تطلع وتنبسط عبدالرحمن: يعني قعدتي بترجعها مثلا؟ ام عبدالرحمن: الله ياخذ روح من كان السبب بخطفها عبدالرحمن بلع ريقه: روح عاد مره وحده قويه يمه ام عبدالرحمن شايشه: ايه يستاهل الكلب ابن ال..... امه ما عرفت تربيه هالسافله عبدالرحمن في نفسه اول مره اسمع احد يسب نفسه)ام عبدالرحمن: اكيد انت مو من هالنوع صح؟ عبدالرحمن توتر: هاه ايه اكيد افا بس انا ولدك تربيتك(وطلع قبل ما تدعي عليه اكثر) (ودعو عبدالرحمن من الحين يمكن يموت ما اضمن) ........................................ في المول مرام: الله يجزاك خير شرينا ماركات الدنيا انا ولا مره شريت ماركه لميس: من جد انا من زمان ودي بهالعطر والله وطلع من هالخطفه فايده راشد: اسكتوا بس الله ياخذكم فلستوني مها: ما عليكم ما عليكم هو كريم وحنا نستاهل صح؟ راشد توهق: هه ايه صح تستاهلون ههههههه بعيد عنهم شوي .......: ريان ريان بالله شف ريان: نعم؟ .......: شف ذوليك البنات المتحجبات ريان شهق: ماجد لا يكون معجب بوحده منهم ماجد: لا يا ابن الحلال ريان: اجل؟ ماجد: تشوف ذاك الطويل اطولهم(يقصدون صقر) ريان: ايه ماجد: البنت الي يمينه ريان: الي مفحجه؟ ماجد: ايييوه بالزبط ريان: وش فيها؟ ماجد: ما تذكرك بأحد؟ ريان اخذ وضعية التفكير: كأن هالشكل مر علي ماجد: حاول تذكر ريان: ااممم ماجد: يالغبي يالي ما منك فايده يالجاهل يالمجنون ريان: خير خير خير وش تبي انت؟ ماجد: ناظر رككز تشبه خالتي مشاعل ريان: ايييه والله شلون؟ ماجد: وكنها تبي تشبه شهد ريان: ياخي انت مره فاضي تدقق وتشبه ماجد: بس والله تشبه لها بتصل على خالتي بكرا اقول لها بتستانس من زمان تدور اشباهها الاربعين هي ريان: فيها منها بس مو نسخه منها ماجد: بس تعتبر تشبه لها ريان: والله انك فاضي ......................................... بعد ما رجعوا وناموا من بكرا العصر الباب يطق البنات توازنوا: ادخل راشد دخل لميس: افا يا ذا العلم شفيه وجهك كذا؟ هذا وانا موجوده راشد: بنات فيه شي بقوله لكم مرام: قول عساه خير راشد: اااء بنات ريناد: يه خلصنا راشد:............... البنات كلهم: اييييش! انتهى البارت هذا البارت كاتبته خصيصاً لهذي الجميله (الَمٌكيْـفٰ) هدية شكر ههههههه صح قصير شوي بس سلكوا هههههه الأسئلة: رايكم بالبارت؟ اكثر جزء اعجبكم؟ ايش تتوقعون قال راشد للبنات؟ اكتفي بهذي الأسئلة انتظروني للبارت الجاي^^ |
|
#22
06-26-2014, 12:44 AM
| ||
| | ||
| رايكم بالبارت؟ ممره حلوو اكثر جزء اعجبكم؟ ككله ايش تتوقعون قال راشد للبنات؟ اممم يمكن صار شي في واحد من الشباب او بيسافر ننتظر جديدك كلي احساس .. |
|
#23
06-26-2014, 02:20 PM
| ||
| | ||
|
السلام عليكم ورحمهه الله وبركاتهه كيفك ان شاء الله بخير  ما هذا الجمالل التي تراهه عيناي الانن  باااارت ولا اروعع  هههههههههه مت من الضحكك لمَّ تكلموا عن درجاتهم بالانجلش ههههههههههههههه ولا يوم قالت مهاا 10 احسبهه بالفتري ما توقعتهه بالنهائي هههههههههه :lamao: والله البارت تحفهه وخوقاقي  كل يومم يزيدد حبي لروايتكك وكح كح ما توقعت ان هالبارتت لي خصيصاً انا خلاصص معت من الحياء  يا حبيلك بسس حب1 احبتس نجي للاسئلهه  رايكم بالبارت؟ جمييل جدا وتحفهه وووييهببل وووخقهه مثلكك  اكثر جزء اعجبكم؟ يوم يتكلمون عن درجاتهم بالانجليزي ويوم تكلم المطعمم ههههههههههه :lamao: ايش تتوقعون قال راشد للبنات؟ قال انه بيساافر وبيترك مهاا بس لا تعلمونها اني ابسافرر متشوقهه جداً للبارت القادم في حفظظ الرحمن
__________________ - - يَ ربْ جَنةة تُلملمْ شِتآتنآ !سبحآن الله وبحمده , سبحآن الله العظيم . .  - تمْتعوْآ بَآلآستغْفآر / .. حتىِ يَتعْلىِ حزنكَم ! . . وْتنزلَ رحمْآت آلإله عليكَمِ ♥♥’ [ آسَتغفْرِ آلله وْآتوْبَ آليههْ :/ْ 2013 - 2015 . |
|
#25
07-25-2014, 10:30 AM
| ||
| | ||
| اعذروني على التأخير آسفه انا راح انزله الحين عشاني بكون مشغوله بعدين وما راح اقدر انزله البارت العاشر الباب يطق البنات توازنوا: ادخل راشد دخل لميس: افا يا ذا العلم شفيه وجهك كذا؟ هذا وانا موجوده راشد: بنات فيه شي بقوله لكم مرام: قول عساه خير راشد: اااء بنات ريناد: يه خلصنا راشد: بكرا الصبح برجعكم اجمعوا اغراضكم البنات: اييييييش! رنا: اما عااد ريناد: قل قسم مرام: كذااب مها: قولوا لي مو حلم لميس: لا لا مابي ارجع اجدعوني بلندن بس ووصل باقي البنات طلعه من لندن مافيه راشد: قعده هني مافيه مها: ووديني يا محلا دقة الشامه يا ولد راشد: اليوم بوديكم مطعم تتعشون ريناد: يقالك رومانسي يعني توادعنا راشد: اقول عضي على شحمه زين اني بوديكم تاكلون رنا: اكل الكفار هذا ما نباه لميس رمت عليها مخده: انتي اسكتي بتكنسلين الطلعه يا بقره رنا: بس اكل الكفا... مرام مسكت راسها وهبدته بالارض: ولا كلمه يا قبيحه رنا: ب ب بس اكل مها رفستها: خلاص عاد رنا: حرام عليكم على كل الضرب الي جاني بس بضل اقول اكل الكفار هذا.... راشد رما عليها لحاف: نبيه نبيه وصكي حلقك جعله ما يفتح البنات كلهم لفوا عليه: تتجرأ يا حقير راشد توهق: بس بس انتم ضربتوها بعد ريناد: لا تبسبس مرام: حنا اوك لكن انت لااا راشد: ترى ما اوديكم مطعم ولا ارجعكم مها: لااااا خلاااص، (تضرب رنا) وانتي يا زفت ما تبين تاكلين انطقي بهالغرفه ابرك ما نبيك معنا اصلا ريناد: صح كلام مها مرام: ايه من زينك لميس وازنت جلستها: الحين سؤال راشد: تفضلي لميس: اي مطعم بتودينا؟ راشد: انتم شرايكم؟ مرام: اقترح نروح مطعم فرنسي لميس: لا لا لا لا حبيبتي بنروح مطعم ايطالي ريناد: خلونا نروح مطعم بحريات راشد وباقي البنات: ييييع ريناد: نعم؟ راشد: ناقصين حنا ريحة سمك انتي ووجهك مها: انا اقترح نروح مطعم وجبات سريعه بلا هالخمبقه حقتكم الي مالها داعي مرام: اعترفي مشتهيه برجر مها شهقت: يمه وش دراك؟ مرام غمزت لمها: خبرة السنين حبيبتي تؤ توك ما عرفتيها مها: واااااو رنا: انا اقول نروح مطعم صيني من زمان عن الاندومي وذا لميس: توك تقولين اكل كفار وما اكل كفار رنا مسكت بطنها: الجوع كافر يا عيال راشد: اقول بنات محد رد عليه راشد: بنااات محد رد عليه راشد: يا عياال البنات: سم راشد: الله يخلف المهم بعطيكم جوال اتصلوا فيه على اولياء اموركم وطمنوهم مها: ونااااسه راشد: ابي اطلب منكم طلب البنات: وشو راشد: ممكن ما تبلغون عني؟ ولو سألوكم الشرطه قولوا انكم ما شفتوني ولا تدرون من انا ريناد: وليش يسألونا الشرطه؟ وش يعرفهم؟ راشد: سالفتكم بكل جريده اكيد الشرطه تدري يعني وش تتوقعون مثلا مرام: الله اشتهرنا اشتهرنا يا بنات الحين لو ننزل بالمطار بيجونا المعجبين نوقع لهم مها: الا قولي بيجون الدفاع المدني على هالسالفه لميس: ايش دخل الدفاع المدني؟ مها: الدفاع المدني لو بياره(اكرمكم الله) فايضه جوك راكضين تقولين شبت حريقه في بيت منيره رنا: جو المطافي قالوا يا كافي مرام: الشرطي حافي راشد: يااا قدمي انتم هذي اذكر امي الله يرحمها كانت تنشدها لي تحسبني احبها ريناد: بس راشد انت خاطفنا كيف ما تبينا نقول لهم عنك زياده على كذا تاجر مخدرات راشد: انا اذيتكم؟ جاوبوني اذيتكم؟ البنات: لا راشد: حتى مشيتكم وحطيت لكم غرفه وما اهنتكم مره فأنا بس بطلب منكم ما تقولون عني شي مرام: ابشر وربي بسماه ان اسمك ما يطلع من فمي لشرطه او غيرهم ريناد: بس يا مرام مرام: لا تقولين بس الرجال ما قصر معنا وما قرب منا حتى وتبيننا نفضح فيه؟ صاحيه انتي؟ مها: انا على كلام مرام الرجال ما سوى شي ريناد: بنات من متفقين معه انتم انا ولا مرام رنا تحك راسها: ااء بصراحه انا مع مرام لميس: انا مع مرام ريناد: شفيكم يا بنات ما تبون تحمون بلدكم من هال..... مرام سدت فمها: ما هقيت هالكلام بيطلع من فمك مها: ريناد تكفين عشان خاطري لا تبلغين عنه اذا لي مكانه عندك لا تبلغين عنه راشد: (مها تدافع عني يا وييل حالي يبي لي ادخل الانعاش) ريناد: طيب خلاص طيب اووف ...................................... عند ام مها (مشاعل) مشاعل: الو هلا ماجد ماجد: هلا خالتي اخبارك؟ مشاعل: ماشي الحال ماجد: عندي لك خبر بتطيرين من الفرحه لو سمعتيه مشاعل تحمست: وشو ماجد: لقيت وحده بلندن تشبهك مشاعل احبطت: اييه على بالي بتقول شي ثاني ماجد: وشو هو؟ مشاعل: سالفه ما تعرفها ماجد: خاله اقوول لك تشبهك مره حتى تصدقين كنت بروح اناديها على بالي شهد مشاعل: وانا وش علي منها؟ ماجد: تصدقين حسبتها بنت لكم ما ندري عنها مشاعل تفكر: بنت لنا اييه بنت لنا بنتي هذي بنتي ماجد مشكووور مره ما قصرت يلا باي ماجد ما فهم شي: عفوا باي مشاعل: محمممد حموود الحق الحق بشاره جتني بشااره يا عالم محمد: شفيك تصارخين وش فيه؟ مشاعل: بنتي لقيت بنتي عرفت مكان بنتي يا ناس(وصرخت)<انهبلت محمد نط: قولي والله مشاعل: والله بلندن بسرعه حول البحث للندن محمد راح يركض برا خالد: يمه شفيك تصرخين مشاعل: لقيينا مها بنتي لقيناها خالد سجد سجدة شكر: اخيرا لقينا اختي اخيرا بتزوج شوق ريم متكتفه عند الدرج: شوق مين يا حبيبي لا تقول بنت عمي خالد: من قال اني بتزوج شوق انا قلت؟ انا؟ ابدا ما سمعته حتى ريم: اوه واضح شهد ضمت امها: مبروك يمه حبيبتي قلت لك بترجع مشاعل: الله يبارك فيك وه الدمعه بتنزل ....................................... في بيت ام مها (فوزية) سارا: يمه جوالك يرن فوزية: مابي ارد ردي انتي منيره: يمه يمكن شي عن مها فوزية ردت: الو هلا من معي؟ مها: هلاااا والله مامي فوزية: مهاا انتي مها صح؟ مها: لا حصه فوزية: وش بغيتي يا حصه اعرفك؟ مها ضحكت: وانتي صدقتي؟ انا مها بنتك ما عرفتي صوتي فوزية: مها ايه والله مها حبيبتي شلونك ؟ وينك؟ سوا لك شي الحقير؟ مها: لا حوول بتقضين رصيد الرجال على هالأسئلة فوزية: هذي جزاتي اتطمن عليك مها: المهم انا متصله بقول لك شغله وحده وبس فوزية: وشو بترجعين؟ مها: لا لا مو هذا الي بقوله فوزية: اجل؟ مها: بكرا بيدفنني الي خاطفني انا متصله عشان اودعك فوزية بكت: يمه مها ويينك قولي مها شهقت: يمه تبكيين؟ امزح معك كنت بقول شغله ثانيه فوزية: الله يقطع شرك يا حيوانه ترى بسكر الخط مها: لا لا لا بس كنت بقول اني بكرا الصبح بمشي فوزية: تمشين لوين؟ مها: ارجع للرياض فوزية: اححلفي مها: يعني اكذب؟ المهم ومتى ما وصلت وصلت وهذا واستقبلوني بالمطار بس عند الطيارات الخااصه مو الي تبع الدوله هذي فوزية: خاصه؟ مها: ايه حبيبتي الخاصه تغيرنا حنا الحين اححم فوزية: مع اني ما ادري طيارة مين هذي لكن في أي مطار مها: طبعا في مطار الـ مطار الـ فوزية: مطار ال ايش؟ مها: والله مدري انتم دوروني ومتى ما لقيتوني تعالو استقبلوني فوزية: قولي والله مها: حبك ماجد عبدالله عطاك ريال وقال يالله فوزية: يا سمجك مها: ادري المهم بكرا نتفاهم بأي مطار باي فوزية: مع السلامة توصلين بالسلامه مهاا: الله يسلمك فوزية: بنات مها بترجع بكرا منيره صرخت سارا: وجع اسكتي منيره: هذي صرخة الفرحه انتي وش عرفك سارا: صرخة نعجة ذي مو صرخة فرح منيره: وجع فوزية: بتصل على مشاعل اقول لها سارا:يلا فوزية اتصلت: السلام عليكم مشاعل: وعليكم السلام فوزية ومشاعل: ابشرك مشاعل: انتي اول فوزية: مها اتصلت علي قبل شوي وقالت انها بترجع بكرا مشاعل: مها مها اتصلت هي قالته بنفسها؟ فوزية: ايه هي مشاعل: بتنزل على اي مطار؟ فوزية: وانتي وش عرفك انها برا؟ مشاعل: تو جتني خبريه من ولد اختي يقول انها موجوده بلندن فوزية: يلا مع السلامة مشاعل: مع السلامة ........................................ مشاعل: محمد رييم خالد تعالو بسرعه الكل جا محمد: خير وش صاير؟ مشاعل: كنسل البحث كنسلله خالد تفاجئ: وليه يكنسله؟ مشاعل: مها اتصلت على الي ربتها تقول انها بترجع بكرا ريم: مها! مها بنفسها مشاعل: اييه فهد نط عند امه: يعني بكرا بتجي عندنا؟ مشاعل: يا ليت بس ما اقدر اجبرها انا الغلطانه من البدايه شهد تنزل من الدرج: هي تدري عنك اساساً؟ مشاعل: لا لكن بكرا بروح انا وابوكم للمطار وراح اقول لها ان شاء الله محمد: هاه لا لا انتي روحي لحالك مشاعل: وليه ان شاء الله؟ محمد: مدري كذا ما احس اني مستعد اقابلها يعني انتي افهميها عاد شهد: مسوي فيها مستحي يبه محمد لف على شهد ورمقها بنظراته<<متعوب عليها شهد تخبت ورا امها مشاعل: اقول بتجي وانت ما تشوف الجاده اجل تبيني اروح لها لحالي محمد: لازم يعني؟ مشاعل: ايه لازم انت ابوها محمد: طيب طيب مشاعل: احد منكم بيجي؟ خالد: انا رجلي على رجلك ريم: وراكم وراكم مشاعل: انتي مستأذنه من زوجك اصلا ريم: لا بس هذا زوجي حبيبي ما يرفض ولا يعصب علي شهد: وععع فهد: وبنتك وينها ان شاء الله ريم: سوسو؟ بالبيت محمد: تاركه بنتك لوحدها بالبيت! ريم: لا معها المربيه شهد: الله يخلف فهد: يمه انا بروح شهد: ايه ايه وانا بعد مشاعل: لا انتم خلوكم عند دروسكم بس شهد: ميييشوو يلا عاد مشاعل: ميشو بعينك امك انا فهد: متى انتم بتروحون؟ مشاعل: تقول انها بتجي بكرا يعني بتاصل بعد بكرا على وقتنا لا لا اجل لا انت ولا هي ولا انتم كلكم بتاصل الصبح وقت دوامات مافيه ما راح تروحون ريم: لاااااااا خالد: يبه عطني اجازه يوم واحد تكفى ريم: ايه يبه انا بعد محمد: ريم مو مشكله لكن انت لا خالد: لييه؟ محمد: ابيك تمسك مكاني بدالي لأني بروح خالد: ابو سلطان موجود ما يقصر محمد: ما اثق بأحد غيرك خالد: تأكدوا انكم تجيبونها هنا فاهمين مشاعل: لا يكثر هرجك بس ........................................ عند البنات لميس: ايطاالي ريناد: ماا فيه بنروح بحريات مها: يا غبيات وجبات سريعه ابرك رنا: اقول طسي انتي وياها وياها بنروح صيني مرام: يلا بس فرنسي يعني فرنسي الشباب طفشوا صقر: ورا ما نسوي قرعه وفكونا البنات: ايه والله خلطوا اوراق عليها المطاعم وسحب راشد ورقه وفتحها رنا: بشر راشد: صيني رنا: حبتييين لميس ضربت الطاوله: انا لا يمكن انا اتعشا اندومي وصراصير لعلكم للمر لعلكم تعقلون ريناد: انا ايضا اتفق معها في رأيها وانا لست ابي اتعشا اندومي ياسر: حسنا ما رأيكن ان نعيد القرعه لعلها تكون ليست اندومي مرام: كلام وجيه يا أبا زنوبه ياسر: وجع رنا: لاااااا مافيه ما راح نعيد الكل: اسكتي بس مها: سلطان انت طلع الورقه سلطان: وليه انا؟ مها: راشد ما عنده حظ خلطوا الاوراق وطلع سلطان ورقه وفتحها البنات: بشر سلطان: فرنسي مرام: يييس لميس وريناد: اهون من صيني مها: لا لا ابي برجر انا مرام: يا غبيه المطاعم الفرنسيه عندهم مكيفات سبلت مها: اما عاااد مرام: جعلك ما تصدقين مها: مشينا لميس: عاد تعرفون انتم مطعم فرنسي زين هنا؟ راشد: ايه ايه بس انقلعوا للسياره من العصر تتهاوشون على المطعم (البنات رفضوا ينفصلون فأخذوهم بسياره كبيره) صقر الي يسوق ويمينه راشد مها وريناد ومرام بالمرتبه الثانيه ورنا ولميس بالمرتبه الثالثه مها: انا الي بقول وانتم قولوا لا لميس: لا لا انا الي بقول ريناد: ما حزرتوا لا انتي ولا هي انا مرام: يلا بس انا اكبركم يعني انا اقول البنات: طيب مرام: وصلنا ولا لا البنات: لا مرام: وصلنا ولا لا البنات: لا راشد رمى عليهم علبة مناديل: اسكتوا فضحتونا يالبزران مرام: وصلنا ولا... ما دروا الا ضاربه روسهم قدام عشان صقر سحب بريك فجأه صقر معصب: يمين بالله والله العظييم ان ما سكتوا لا انزلكم هنا ريناد ضحكت: قل قسم مستانس بصندقتك ذي يا شيخ لو فيك خير نزلنا صقر لف عليهم البنات ضربوا ريناد: انا تبنا لله صقر كمل الطريق ريناد بهمس: ليش ضربتوني مها: تبين نموت اليوم زين بيرجعونا بكرا لا تقلبين الفرحه عزا لا اكوفنك بعد ما وصلوا المطعم وجلسوا ريناد معها المنيو وتحاول تقرا: ياسر بالله وشو هالطبق باين عجيب ياسر ضحك: لحم خنزير تبينه اطلبيه رنا: والعياااذ بالله لحم خنزير حنا ما ناكله راشد: مها انتي وش تبين مها اخذت وضعية تفكير: وش ابي انا وش ابي اااا ايوه ابي فول وخبز تميس راشد ضرب وجهه: مافيه امل جاهم نادل طلقه يعني خقه مرام تكت: هلاا والله تسلم لي هالطله لميس تكت معها: i love you (مالي خلق احطه انجليزي فبحطه بالفصحى) النادل رفع حواجبه: ماهو طلبكم؟ رنا: وش يقول ذا؟ سلطان: وش بتطلبون مها: محمد ابي برجر اوك؟ مرام غمزت: كم رقمك يا حلو لميس: طسي بس بيعطيني انا بس الرقم مرام: احلاامك بيعطيني انا رنا: هااه اطلب اكل عادي موب اكل كفار راشد طلب لهم اكل وبعد ما خلصوا جتهم النادله: اليوم نقدم الكحول مجانا ماذا تفضلون؟ لميس: مرام اكيد هذي الي اغرت ذاك الحلو وخلته ما يعطينا الرقم مرام عصبت: يالي ما تستحين ولابسه لي تنوره لنص الفخذ يالكافره ريناد: تغطي يا مره تستري صقر: كلا شكرا راحت ورجعوا في الفله راشد: مها تعالي شوي ابيك مرام صفرت: يا عييني راشد: كولي تبن بعد ما راحوا مها: وش بغيت؟ راشد: اااء مها انا بسألك سؤال مها: تفضل راشد: نفترض مثلا لو يعني لو جيت اخطبك بترفضيني؟ مها تفاجأت: ليش تسأل هالسؤال شقصتك؟ راشد: لا بس فضول وهذا مها: طبعا برفضك راشد حاول يمسك اعصابه: والسبب؟ مها: ما اتزوج تاجر مخدرات(وطلعت) صقر دخل عليه: هاه وش ردت وش قالت؟ راشد لف على صقر: صقر وش رايك اترك التجارة؟ صقر انصدم: راشد انت تبكي؟ قول انه تراب ولا اي شي راشد: ليش ما قد شفتني ابكي؟ صقر طلع معصب: مهاااا راح لغرفة البنات وضرب الطاولة الي قدام مها مها: بسم الله الرحمن الرحيم صقر: انتي وش قلتي لراشد جاوبيني وش الي خلاه بهالحاله مها: قلت برفضك وقلت ما اتزوج تاجر مخدرات ليش؟ صقر: ولك وجه تردين علي يا##### مها: انت قلت اجاوبك صقر: ولا كلمه انتي ما تستحقين راشد اصلا مها: هو الغلطان يوم حبني مرام: مها وش هالقسوه؟ ما توقعتك كذا مها: يووه يعني غصب احبه غصب(وطلعت) رنا: وش السالفه لميس: كنت متوقعه ريناد: وش متوقعه انتي بعد لميس ابتسمت بحزن رنا: مجنونه تبيني اوديك دكتور نفسي؟ الحمدلله والشكر لميس انسدحت: وانتهت قصة قيس وليلى مرام: الله يعين راشد لميس: من جد من بكرا بعد ما وصلوا المطار او بعد بكرا (اوقاتهم مختلفه وش اسوي عاد) مها تنزل: يمممه وينك مننور عبود ريناد: اسكتي يالفضيحه فشلتينا مرام: بنات حنا لازم نروح للدار ومها بيجوها اهلها بعد شوي البنات راحوا بعد عشر دقائق من الانتظار<برضو متعوب عليها فوزية ضمت مها: مها حبيبتي جاك شي؟ سوا لك شي الحقير؟ مها: اصلا ما شفته فوزية: كيف يعني ما شفتيه؟ مها: مدري اول ما قمت بعد ما انخطفت لقيت نفسي بجناح فيه غرفة نوم ومطبخ وكل شي كان فيها وكان يكلمني من جهاز يطلع صوت مدري وش يسمى وامس مدري قبل امس قال انه بيرجعني وبس وهذاي عندكم فوزية: يعني ما عمل لك شي الحقير الي ما يخاف ربه؟ مها: لا لا اصلا انبسطت هناك احمد: الحمدلله على السلامه يا بنيتي مها: الله يسلمك فوزية: وش هالشنطة الي معك اخبرك مخطوفه مو مسافره مها ترقع: ايه هذي هدية اعتذار من الي خاطفني فوزية: انتبهي لا يكون فيها قنبلة ولا شي ثاني مها: ليش نمثل بفلم اكشن حنا فوزية: ما استغرب يحط قنبلة مها: يمه انتي مكبره الامور وهي صغيره فوزية: لا ماهي صغيره مها: يبه وين الباقين؟ احمد: ما جو وراهم مدارس مها: انا ما درست ثلاث شهور وهم ينكرفون احمد: مستانسه يعني؟ ترى الاختبارات قريبه مها: لمااذا لماذا لماااذا فوزية: اقول اسكتي مشاعل ركضت لمها وضمتها: بنتي حبيبتي انتي بخير؟ اسفه والله اسفه ادري غلطانه وغلطتي كبيره سامحيني مها تضحك: يمه من هي ذي؟ شكلها مخبطه بيني وبين بنتها مشاعل بعدت عنها ومسحت دموعها فوزية: مها بصراحه يعني كيف اقول يا الله مدري احمد انت قل احمد يحك راسه: مها ااء فوزية امك وهذي بعد امك مها: وانا امكم كااااك مشاعل: مها حنا نتكلم من جدنا انا امك مها: تخسين فوزية بصراخ: مها احترميها هذي امك الحقيقيه مها: وانتي وش تصيرين مثلاً؟ فوزية: انا مجرد وحده تبنتك مها انا مو اا مو مو امك انا بس ربيتك مها نزلت دموعها: تمزحين صح؟ احمد: لا ما تمزح يا مها والرجال الي تشوفينه قدامك هذا ابوك فوزية تهمس لمشاعل: يا ويلي قلنا كل شي مره وحده احس بيصير لها شي مشاعل: لا بسم الله عليها لا ان شاء الله مها: ااه يعني يوم تقولين لي هالكلام ذيك المره كان من جدك؟ انا مستغربه من البدايه ما عندكم صور لي وانا صغيره يعني مو اهلي انتم؟ يعني كذبتو علي فوزية: لا مها ما كان قصدنا نكذب عليك مها صارت تضحك بصوت عالي محمد فتح عيونه على وسعها: مها فيك شي؟ مها! فجأه طاحت مها مغمى عليها فوزية: كله منك ليش قلتي لها الحين مشاعل: انتي الي قايله اول ما نرجعها بنقول لها فوزية: كان المفروض نقول لها واجب علينا نقول لها مشاعل: وعشان كذا قلنا لها بعد ما نقلوا مها المستشفى محمد: انا برجع خلوكم عندها احمد: انا بعد برجع اذا خلصتي دقي علي بعد ما راحوا احمد ومحمد مشاعل وفوزية دخلوا على مها فوزية: مها حبيبتي مشاعل: الحمدلله على سلامتك صحيتي؟ مها لفت وصارت تناظر فوزية بعدين تناظر مشاعل وترجع تناظر فوزية فوزية ومشاعل توتروا مشاعل: مها تبين شي؟ اجيب لك مويه؟ مها: ابي اطلب منكم شغله وحده وبس مشاعل وفوزية: تفضلي مها: اطلعوا برا فوزية: بس يا مها مها بصراخ: قلت لكم اطلعوا برا برا مشاعل وفوزية طلعوا ورجعوا البيت مشاعل دخلت البيت ريم: هاه بشري مشاعل: انتي وراك ما جيتي معنا هذا وحنا سامحين لك ما تروحين للشركة ريم: وش اسوي نمت وعجزت اقوم مشاعل قصت لريم السالفه كلها فهد: يا حياتي يا مها مشاعل: بسم الله متى جيت؟ فهد: توي جاي مشاعل: لا يكون مستأذن فهد: لا بس ما كان عندي الا محاضره وحده خلصتها وجيت ريم: بروح لها اليوم تجي معي فهد فهد: اوك مشاعل: لا انت لا تروح فهد: وراه مشاعل: تهبل فيها ما تدري هي انك اخوها فهد: عادي تدخل ريم اول تفهمها الموضوع وانا ادخل بعدها وعادي مشاعل: ما شاء الله مزبط وضعك فهد: مره ....................................... العصر في المستشفى ريم دخلت على مها: السلام عليكم مها: وعليكم السلام مين انتي؟ ريم: مهوي حبيبتي ابيك تسمعين السالفه كلها مها استغربت: اي سالفه؟ ريم: انتي بس اسمعي واتمنى ما تقاطعيني وتتفهمين مها: اوك يلا ريم حكت لها القصه كامله مها غمضت عيونها: يعني انتي اختي؟ ريم: ايوه بس انا ما دريت عن السالفه الا من ايام مها ابتسمت: هلا ريم ريم استغربت: غريبه رحبتي فيني وامي طردتيها مها: صح امك طردتها لاني ما ادري وش القصه بس الحين دامي عرفت القصه ما عليه هذي امي بعذرها ما ابي اغضب ربي ريم استانست: يعني بتجين عندنا؟ مها: لا طبعا مو بهالسهوله ريم: لييش تحمست تصيرين معنا مها: معليش ما اقدر استغني عن عائلتي الي ربتني بس بصير ازوركم بين فتره وفتره ريم: اوك اذا تسمحين يعني مها: اسمح؟ ريم: فهوود ادخل فهد دخل مها غطت وجهها: وجع اطلع فهد جلس: ما قلتي لها عني انتي وخشمك؟ ريم ابتسمت: مها هذا اخوك فهد مها لسا مغطيه وجهها: اخوي؟ ريم: ايوه اخوك عادي افتشي مها توخر الطرحه شوي شوي فهد: من الستر الزايد الي فيك اقول هاتي (وسحب طرحتها) مها: وجع عطني طرحتي فهد: شلونك؟ مها: الله يعين بس فهد ضحك مها: نعم وش يضحك؟ فهد: شهد نمبر 2 ريم ضحكت: من جد حتى انت لاحظت مها: الحين انتم تنادوني مها وانا ضايعه بعد ما سميتوني صح؟ ريم: ايه مها: وشو اسمي؟ لا يكون مها بعد؟ ريم ضحكت: لا لا مو مها مها: اجل وش سميتوني؟ فهد: سميناك لمياء مها كشرت: وععع وش هالاسم ريم: وانتي صدقتيه مها: الله يقطع شرك حسبالي سميتوني لمياء جد ريم: لا سميناك لولو مها: ووعع وش هالاسامي انتم فهد: وانتي صدقتيها؟ حنا سميناك شذى اصلا مها: كنه اهون شوي بس ما احبه ريم: وانتي صدقتيه؟ هذا اسم اختي الصغيره ما يجي نسمي ثنتين بنفس الاسم مها عصبت: اووووه خلاص عاد بتبتلون تسوون كذا انقلعوا برا فهد: يلا عاد مها نمزح معك مها: انت كل تبن فهد رن جواله: هلا خويلد هلا خالد: يا الخاين رايح انت وريم وما علمتوني فهد: لازم يعني نعلمك؟ مالك داعي تجي بتوحش البنت بشكلك خالد: كل تبن تراي بالمستشفى جاي لكم فهد سكره بوجهه: ريم وش نسوي ريم: وشو؟ فهد: خالد جاي لنا ريم: وش يبي ذالنشبه اووف فهد: هذاه بالمستشفى مها: من هو خالد ريم: هذا اخوك الكبير اكبر واحد مها: وراكم ما تبونه فهد: عشاننا ما نبيه خالد دخل: السلام عليكم فهد وريم: يا ليييل مها: وعليكم السلام خالد جلس: كيف حالك؟ مها: تمام خالد: ما صار لك شي يوم انخطفتي؟ سوا لك شي؟ تعرفين من هو؟ شفتيه؟ فهد: خف على البنت شوي ماكلها بأسألتك الي مثل وجهك خالد يرمش: يعني اسألتي جميله ريم: يا شين الثقه فيك مها: لا ما صار لي شي لا ما سوا لي شي لا ما اعرفه ولا شفته خالد قلب وجهه: خساره بس والله لو كنت اعرفه ما خليته بحاله مها بلعت ريقها: ( بعذره راشد خايف نبلغ عليه الدنيا وحشه) فهد: مسوي فيها تهدد؟ مها: انتم وراكم تكرهونه؟ ريم وفهد: من قال اننا نكرهه؟ مها استغربت: بس انا اشوف من كلامكم انكم تكرهونه ريم: لا لا ما نكرهه بس حاقدين عليه مها: قولي قسم ما تفرق ريم: لا فيه فرق مها بحقد: على طاري الحقد والكره والانتقام والتهديد فهد: وشو؟ مها تطقطق اصابعها: فيه احد للحين ما ذبحته خالد توزان: من هو بس مها: الي كان السبب بخطفي خالد قام: مشينا تعالي معي مها: لا ابوه قلبه ضعيف ما ابيه يجيه شي لما يعرف حقيقه ولده ريم: وانتي شعليك من ابوه مها: انا اعز ابوه فهد: طيب من هو ابوه؟ مها: اخاف اقول تروحون تذبحون ولده خالد شمر اكمامه: لا ما راح نذبحه بس بنسوي له مساج مها: وااو احلف لا انا بتفاهم معه لحالنا بعدين فهد: تقابلين رجاجيل ياللي ما تستحين مها: اقول اسكت بس الا انتم كم اعماركم ريم: 26 سنة خالد: 23 سنة فهد: 20 سنة مها: يمه كلكم كبار توحشون ريم: لا احس تونا صغار مها: متزوجة؟ ريم: عندي بنت مها: ما شاء الله وانت خالد متزوج؟ خالد: ان شاء الله قريب نتزوج انا وشوق مها: انت وشوق! ريم تناظره نظرات حاده: انت وشوق! فهد بصدمه: انت وشوق! خالد: يمه اكلتوني ما قلت شي ريم: قلت انت وشوق للمره الثانيه خالد يضحك: تسمعين من خشمك انتي ما قلت شوق قلت بس بتزوج قريب مها قربت منه: تحبها؟ خالد حمر وجهه: وجع وش الي احبها لا من قال هه انا ما احبها ابدا مها: اووه ايه ايه ما تحبها اسفه غلطت ريم متنرفزه: خالد ترى ان اخذت شوق لا انا اختك ولا اعرفك فهد: لو اخذتها لا تكلمني ما اعرفك خالد قام: مع السلامه(وطلع) مها: حراام ليش قلتوا كذا ريم: انتي تعرفين من هي شوق؟ فهد: ووه يا كرهي لها مها: ليش تكرهونها؟ ريم: شايفه روحها ودايم نفسها بخشمها وعمرها ما احترمت الي اكبر منها فهد حاط يده على خده: وانا ساطرتني كف مها: اححح ريم: ما بعد عرفتيها اذا صار فيه عزيمه بتشوفينها مها: من قال اني بحضر عزايمكم؟ ريم: ما راح تحضرين! مها: طبعا لا انا خل اتعود عليكم اول فهد: يعني اذا تعودتي بتحضرين؟ مها: طبعا لا ما احب العزايم اصلا ريم: يلا عااد مهاا مها: ما قلتوا لي وش اسمي؟ ريم: عمشه مها قامت بتطلع برا: انا الغلطانه معطتكم وجه شكلي ما راح ازوركم ابد ريم مسكت مها: مها ههه نمزح معك شفيك تعالي ريحي اسفه فهد: سبحان الله طبعك ذا الغثيث ريم رفعت حاجب: ما كأنك انت الي بدا بهالتسيمج ذا فهد: اصلا مها ما تزعل مني صح؟ مها: اقول كل تبن فهد جلس بالزاويه: وكلتني تبن مرتين مها تكرهني مها: مجنون اخوك؟ ريم: لا لا معليك منه بس فيه انفصام مها: الله يشفيه ريم: آمين فهد: غريبه دايم تنفع هالحركة مع شذى ليش ما نفعت مع مها شكلي بغير فيها شوي يمكن تنفع مها: ليش شايفني كبر اختك ذالبزر فهد: وراه منتي بزر انتي؟ مها وقفت على السرير واشرت على فهد: هي انت فهد: سمي مها: ترى بيني وبينك اربع سنين بس لا تقعد ت ت ت تسوي روحك كبير وعاقل هاه فهد اخذ مها على جنب: اقول مها مها: هاه فهد: فيه وحده عند الاستقبال ابيك تشبكينها لي وذا وضبطي الوضع معها مها شهقت: انت نسونجي؟ فهد: ققصري حسك لا تسمعك ام اربع اذان ذي ريم: وش تتساسرون فيه مها وفهد: مالك دخل فهد: لا مو نسونجي بس اعجبتني وناوي اخطبها بعد ما اتخرج مها تغمز: اوووووه علينا فهود فهد استحى مها: بس تهقا ابوك يوافق؟ تعرف يعني ابن صاحب شركة كبيرة وموظفة استقبال صعبه يعني فهد: ليش ما تقولين ابوي ولا اخوي ليش تقولين ابوك اخوك؟ مها: ما تعودت ترى زين فيني قدرت افتش لك انت واخوك واسولف معكم من اول يوم اشوفكم فيه بعد تبيني اناديكم بأبوي واخوي صعبه تراي انسانه ما اقدر اتكيف مع كل شي بسرعه ومو كل شي عندي عادي فهد: طيب شفيك اكلتيني مها: ما قلت لي ابوك بيوافق؟ فهد: ايه ما عليك اذا كنتي انتي بتقولين له بيوافق مها: وش معنى انا بالذات؟ فهد سحب تفاحه من السله: انتي حاله خاصه بعايلتنا اتحداك لو قالو لك لا مها: يا حيواان اتركها هذي هديه من الدكتور تركي تاكل منه ليش فهد: الدكتور تركي مين؟ مها مستحيه وتلعب باصابعها: الدكتور الخقه الي جابوني عنده فهد طير عيونه: دكتور خقه مها: نعم ليش طيرت عيونك؟ ترى حتى انت خاق على البنت الي بالاستقبال لا تنكر فهد سرح: يا لبييه عيونها تذبح مها: اكيد الدكتور تركي احلى منها ريم تهز رجلها: تراي انتظر هنا مها: من هي البنت كيف بعرفها؟ فهد: مدري من هي بس تراها تلبس نقاب وعيونها حلوه وبيضاء مها: ما شاء الله قازها قز انت ووجهك ريم: ما ودكم تخلصون؟ مها: اقول انت وياها ريم وفهد: هلا مها: اطلعوا برا من غير مطرود فهد: افاا ليه؟ مها: ازعجتوني بنام اطلعوا ريم وفهد قامو بيطلعون ومها استلقت على السرير<تاعبه عليها فجأه يطق الباب مها تغطت: ادخل دخل الدكتور تركي: السلام عليكم الكل: وعليكم السلام تركي: كيف صحتك بخير؟ مها: ايه انا بخير بس احس مكتومه شوي وراسي مصدع فهد وريم انصدموا: كذابه مها: دكتور انت كم عمرك؟ تركي ضحك: ليش تسألين؟ مها: فضول فهد: ( ناويه عليك مو فضول) تركي: 30 سنة مها خاقه: ما بين عليك حسبتك 27 تركي: بس يا مها اعتني بصحتك تراك جيتينا مرتين مغمى عليك مها: ايه الصدمات بحياتي ما تركتني بحالي ريم: ( من متى تعرف تكذب) تركي: انتبهي لنفسك مها: ان شاء الله الا دكتور تركي: هلا مها: صديقتي تزوجت واحد اكبر منها ب15 سنه انا استغربت منها تركي: عادي فيه بنات كثير كذا فهد: ( تلمح يعني تزوجني غبي ولا يتغابا) مها: دكتور عندي سؤال شوي شخصي اذا ممكن يعني تركي: تفضلي بس على حسب السؤال مها: متزوج؟ تركي: ايه متزوج مها: اما عااااد فهد وريم ضحكوا مها: خلاص دكتور مع السلامه انا بخير الدكتور تركي طلع مها تهز ريم: لييش كذا لييش كل ما خقيت مع واحد اكتشفت انه مو من نصيبي لييش فهد يضحك: كأنه رفض غير مباشر مها: ياا الله يا رب تصير ام عيون متزوجه فهد: استغفري يا حيوانه مها: لحظه وش قصده رفض غير مباشر؟ ريم: الدكتور تركي مو متزوج بس عشان يفتك منك ورا ما تفهمينها من نفسك مها: ذاك نسونجي وهذا رفضني ريم وفهد: من النسونجي؟ مها بحقد: عمر الززفت تخييلوا يكلم بنات ويطلع مع بنات وانا حبيته بكل صدق واخلاص بس جعله المر ما يستاهل احد يحبه ريم تهمس لمها: ترى عيال عماني كلهم مزز اذا تبين يعني مها استانست: احلفي ريم: بس انتي احضري عزايمنا ولا كيف تشوفينهم مها: انا قررت احضر عزايمكم فهد: وش قلتي لها عشان توافق؟ ريم: سر المهنه مها: والحين برا لو سمحتوا ريم وفهد طلعوا مها نامت وبعد نص ساعه منيره: قوومي قومي قومي قومي مها نزت: بسم الله الرحمن الرحيم منيره: هااي مها: وتبن روعتيني حرام ترويع المسلم ترى منيره تستهبل: انتي مسلمه؟ توي ادري صراحه مها بصراخ: منييررره عبدالله: هاه شلونك؟ مها: بخير فوزية: جبت لك قهوه مها: ايييه كفو يمه راسي حده مصدع سارا: وانا جبت لك الشوكولاته الي تحبينها مها تبوس سارا: يا لباك انا عارفه هالوجه وجه خير مو وجه النحس منيره ذي منيره: الحين صرت وجه نحس هذا وانا جايبه اللاب ومحمله فيه افلام نتابعها انا وياك وبنام عندك مها: اختي حبيبتي انا من زمان اتسائل وش سر حبي لك منيره: مصلحجيه مها: وانت يا تبن ما جبت شي؟ عبدالله: لا مها: وانت يبه؟ احمد: لا مها: برا اشوف احمد: افاا تطردين ابوك؟ مها: لا ما طردتك بس قلت برا احمد: قولي قسم فوزية: الحين انتي بخير وراك ما تطلعين من المستشفى؟ مها: ابي اجلس بالمستشفى اخذ فترة نقاهه منب مطوله يومين وطالعه لا يزورني احد من عماني منيره: وراه اخبرك تموتين عليهم مها: هين انا اموت عليهم بس مابي احد يزورني علقوا ورقة على الباب الزيارة ممنوعة فوزية: حشا والده موب مغمى عليك مها: بنام اطلعوا الكل طلع ما عدا منيره مها رجعت نامت بعد اسبوعين فوزية: مها مشاعل تبيك عندها اليوم مها: وش القصه؟ فوزية: مدري اتصلت تقول ضروري تجين اليوم مها تحك راسها: يمه ما تعودت اشوفهم كذا واكلمهم فوزية: معليه تتعودين مها صعدت فوق ولبست بنطلون سكيني اسود وقميص كحلي وربطت شعرها ذيل حصان راحت مع السواق ودخلت الفله شهد تزغرط: هلاا باختي هلا مها دخلت وشالت عبايتها: شهد؟ شهد: ايه شهد تصدقين تشبهيني مها: كثير قالو مشاعل مختبه: هلا مها هلا مها: اهلين شفيكم كذا مختبين وحالتكم حاله ريم تبخر المكان: ما دريتي؟ مها: وشو؟ ريم: فيه عزيمه اليوم شهد شهقت: مها لابسه بنطلون وقميص واليوم عزيمه كبيره مها: اححلفي ورا ما علمتوني ريم: يممه وراك ما قلتي لها مشاعل: نسيت شهد سحبت مها: تعالي مها: وين؟ شهد: غرفتي يعني وين راحوا مها وشهد غرفة شهد شهد تطلع ملابسها: شوفي بعطيك فستان لي وجربيه وان شاء الله يكون المقاس مزبوط مها: اوك شهد عطت مها الفستان: يلا يلا بسرعه البسي مها: طيب اطلعي كيف البسه شهد طلعت برا مها: خلصت ادخلي شهد دخلت: حلو زين الحين تعالي ازبط شعراتك مها: كيف بتسوينه؟ شهد: طبعا راح اسرمكه وبس ما يمدي اسوي لك تسريحه مها: خلاص انا اعرف انتي روحي ساعدي امك مسكينه مغير تراكض شهد: اوك سرمكيه زين مها بدت تسرمك فجأة عبدالعزيز دخل: شههد عطيني لابتوبي مها: شهد تحت عبدالعزيز: يمه من انتي؟ مها: شايف جني قدامك عبدالعزيز: لاا يكووون اختي؟ مها: مدري من انت اصلا عبدالعزيز: اخو شهد انا عبدالعزيز مها: ايه اجل انا اختك عبدالعزيز: ذيك الضايعه؟ مها: ايه الله يلجك اطلع برا عبدالعزيز: اوك بتسكنين عندنا؟ مها: لا جايه ازوركم بس عبدالعزيز طلع مها خلصت من شعرها ونزلت شهد: حلو خلصتيه ريم: مهوي بليز روحي قومي البزران مها: وين غرفهم؟ ريم: انتي بس دوري على الغرف والي تشوفينه نايم قوميه مها صعدت فوق اول غرفه فتحتها لقتها فاضيه فتحت ثاني غرفه لقت فهد نايم مها تطبل على الباب: فهد قم فهد صار يتقلب: اووه شهد انقلعي مها: مها انا مهااا فهد قام: اوه مها هلا مها: قم عندكم عزيمه اليوم وللحين نايم فهد: يا ليل ابو لمبه الا ما قلتي عرفتي من هي الي بالاستقبال مها: هذي سلمك الله اسمها تهاني عمرها 24 سنة متزوجة وعندها بنت عمرها سنة فهد: خساره راحت علينا الحلوه مها: اخبرك تحبها فهد: لا بس خقيت عليها مها: المهم قم تجهز فهد يتثاوب: ايوه ايوه بس اطلعي وسكري الباب وراك مها فتحت الستاير وخلت الباب مفتوح وسكرت المكيف وطلعت فهد بصراخ: مهووووي مها انحاشت: يا ويلي فتحت غرفه لقت خالد: تتكشخ لمن خالد: اهلين مها مها: ما جاوبتني خالد: للعزيمه مها: للعزيمه ولا لشوق خالد: ترى عبود من امس نايم روحي قوميه مها: بتصرف يعني طيب طيب طلعت وفتحت غرفه لقت بزر نايم مها هزته: هي انت قم لا استجابة مها صرخت: قققم عبدالرحمن قام يفرك عيونه: وشو المدرسه؟ مها: الله يخلف لا فيه عزيمه اليوم قم تروش والبس عبدالرحمن: من انتي؟ مها: انا اختك مها عبدالرحمن: ما عندي اخت اسمها مها مها: لا انا جديده عبدالرحمن: اهاا مها: وش اسمك عبدالرحمن: دحوم مها: دحوم قم تروش بيجون ناس اليوم عبدالرحمن: طيب مها طلعت وفتحت غرفه لقت واحد نايم بالارض مها تربعت عنده: قم انت لا استجابه مها تصرخ: ققم لا استجابه مها هزته ما قام مها: حشا ذا ميت مها سطرته كفوف لين قام عبدالله: يمه يرحم امك اتركيني بنام مها: يمه بعينك مها انا قم فيه عزيمه اليوم وانت للحين نايم عبدالله قام: يا ليييل وش تبين مها: قلت فيه عزيمه ما تسمع عبدالله: بصفتك مين تجين تقومين الامير عبدالله مها: اختك الكبيره عبدالله: وااو ايه اختي الكبيره ما عندي اخت اسمها مها انا(سكت فتره) مها: شفيك؟ عبدالله: انتي اختي ذيك مغيرها؟ الي تونا نلقاها مها: ايه صباح الليل توك تنتبه المهم قم ضبط عمرك عبدالله: اوك مها: من اخوانك وخواتك؟ عبدالله: ريم وخالد وفهد وشهد وعبدالعزيز وعبدالرحمن وشذى مها: كم عمرها شذى؟ عبدالله: ثلاث سنين مها: اخييرا خلصت مقومتكم وه نزلت تحت وساعدت وبعد ما خلصوا رن الجرس وكل شوي تجي عايله ورى عايله لين امتلى البيت مها سلمت على الكل وجلست شوق تأشر على مها: مرة عمي وش جاب هذي الزباله لبيتكم مشاعل عطت شوق كف: احترمي نفسك شوق ركضت برا تبكي بعد ما فشلتها مشاعل قدام الكل ام شوق: السموحه يا ام خالد تعرفين بنتي عاد مشاعل جلست: لا بنتك تجاوزت حدودها غدير تغز امها: يمه قلت لك لا نجيب شواقوه معنا بتفشلنا ام شوق: ما توقعت بتغلط على بنت محمد مها: ريم ريم: هلا مها: تعالي برا شوي ريم ومها طلعوا ريم: شفيك؟ مها: وين المزز الي تتكلمين عنهم ريم: بقسم الرجال مها: كيف بشوفهم طيب ريم: نقول لدحوم يصورهم مها: واذا فضحنا؟ ريم: ما راح يفضحنا يا بنت الحلال بعد ما راح عبدالرحمن وصورهم ورجع مها خاقه: يهبلون كلهم ريم: جيبي بحذف صورة زوجي ويا ويلك تخقين عليه مها: من زينه ريم: امسكي مها ترمش: من هو ذا الصاروخ ريم: فيصل! لا لا هذا لا تفكرين فيه حتى مها: ورااااه شهد طلعت لهم: هذا الي شايف نفسه ماشي ولا معبرني يتلفت هنا وهناك ولا كنه شايفني مها: عاشو ريم: على قولة شهد هذا شايف روحه بزيااده ومو معبر ولا وحده من بنات عماني مها: كل ذالبنات ولا ملت عينه ولا وحده شهد: ايه مها: طيب يمكن يقع في غرامي ما تدرون ريم وشهد ضحكوا مها: ليش شايفيني شينه ريم: وانتي كل من خقيتي معه لزقتي فيه خليك من فيصل وبس تراه جد بيفشلك شهد: خوذي لك رائد ولا اياد يعني ناس على قد حالك مها: تتطنزين انتي ووجهك ريم: انا اقول خليك من عيال عماني لانهم ما راح يعبرونك وتلزقي بصديق فهد شهد: يوووه عاد صديق فهد هذا شي ثااني مها: من هو؟ شهد: هذا سلمك الله صديق فهد بالجامعه مها: اقصد وش اسمه ريم: مشعل على ما اظن فهد: كأني سمعت اسم مشعل مها: بسم الله الرحمن الرحيم ريم: وجع هذا قسم حريم انقلع فهد: جيت اخذ القهوه ريم: ايوه القهوه تعال اعطيك اياها شهد: لحظه وعزوز وينه؟ فهد: يقول انا بقهويهم وانت جب القهوه اصلا ابرك ما ابي اقهوي مها: وخالد وينه؟ فهد: معيي يجي يشيل معي يقول بتخرب كشختي ريم: عطه كف بدالي بليز فهد: ابشري بعد ما خلصت العزيمه وبعد ما رجعت مها للبيت او باختصار بعد سنتين مها: يمه ما خطبني احد للحين؟ فوزية: لا اكيد احد معطيك عين سارا: طيب اعترفي انك شينه وخلصنا مها: كولي تبن انتي الشينه منيره: خليها مع نفسها مستانسه عشانها تزوجت حمد ولد عمي مها: يمه ابيك بموضوع خاص بيني وبينك فوزية: وش عندك؟ مها: خلي هالثنتين يطسون اول منيره: طرده يعني مها: ابي اكلم امي اطلعوا منيره وسارا طلعوا مها: يمه انا كنت افكر بهالموضوع من سنه فوزية: وشو هو؟ مها: ابيكم تحذفوني من دفتر عايلتكم واصير مع عايلتي الحقيقيه فوزية انصدمت: وليش؟ مها: امزح معك يا حلوة اللبن كنت بقول شي ثاني فوزية: ما تتوبين انتي مها: يمه انا ابي ادرس بالجامعه الامريكيه بدبي فوزية: المختلطه لا لا حلمي مها: يمه انا خلاص قررت وما راح اسمح لاحد يمنعني فوزية: بس يا مها مها: يمه حققي امنيتي ذي بس على الاقل فوزية: بفكر مها: تسلمين لي يا احلى ام بالدنيا الأسئلة: أعجبكم البارت؟ أكثر مقطع أعجبكم؟ تقييمكم للبارت(ممتاز-جيد-مقبول-سيء)؟ مها بتروح لدبي ولا لا؟ أخطاء إملائية؟ انتظروني للبارت الجاي وكل عام وانتو بخير مقدما تقبل الله صيامكم وقيامكم انا ممكن استغرق اسبوعين لحد ما اكتب البارت الجاي لأني بكون مشغوله بالعيد وبعدها بسافر فاعذروني كلي احساس .. and jojo1344 like this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
