|
| |||||||
| قصائد منقوله من هنا وهناك قصائد مختاره بعنايه و أعجبتك ,منقوله من شبكة الإنترنت او من خارجها |
 |
| | LinkBack | أدوات الموضوع | انواع عرض الموضوع |
|
#1
02-04-2014, 04:57 PM
| ||
| | ||
| أجمل شعر عن العراق الجريح [align=center][tabletext="width:100%;background-color:burlywood;border:4px double blue;"][cell="filter:;"][align=center] السلام عليكم كيف الحال أخوتي وأخواتي ألآعزام ؟؟ أتمنى أن تكونوا جميعاً بخير ؛ مل مني القلم ومن القلم مليت عمت عينه قلمنه الما نفع شِعره تعب حته الشِعر ويه العراقيين وصار بحال اهلنه وبالعراق ادره رسمت حروف العراق برسم فنان وجمعت اربيل والانبار والبصره وگلت لازم حروفي توحد الخوّان ما معقوله هيچ تصير فد مره ورديت ولگيت دموع عالوجنات حروف الي رسمتهه اليوم متطشره كردستان تحچي بزودهه وتگول احنه العاصمه وبغــداد متأخره والبصره تگول احنه نريد اقليم ومن نفط العراق الكُم فقط عُشره وشفت للفتنه والله العراقيين دون حروف جر يا ناس منجرّه مذبوحه المحبه وناس تكره ناس سويه الي يحب والقابض الجمره حته الورد ما يرضه بعد بالماي من دمنه تريد الورده والشجره رقم جبنه قياسي بالقتل والموت وصرنه اول شعب نص اهله متهجره نهر دجله يـا ناس من الجثث غرگان خلي نمد ادينه لدجـــــــــله وانجرّه على جثثنه ادور هالفضـــــــــــائيات ياهو الي يصــــور ياخذ الاجــــــره معصوبه العـــــيون مچتفه الايدين وانواع الرصاص يچوب بـــــصدره لا اهله اجوي وچــــــــفّنوا بچـــفان مجــــهوله الـــهويه ومن درة بأمره اذا امّه الــــحنونه الصايمه برمضان ما اكــــلت اكلهه وبقت تـــــــنتضره تنــــــتضره يرد وتريد تحــجي وياه اثاري العيـــــــــد لازم ينگطع مهره لان باعت ذهبهه بشارع الصياغ حته تزوج ابنهه الما فرح عمره ما نامت بقت سهرانه كل اليل ايا ليل العراق الما بزغ فجره وما جاهه صبر طلعت تدور عليه مثل طلعة حمامه بعينهه العبره وما شافت ابنهه وجاهه ملك الموت تعرف شنهي يعني تموت بالحسره ؟؟ معناها الفرح صاير مثل رجال شايل ورده بيده وخنجر بضهره معناها عراقك كاتل ومكتول سوده گلوبهم وعقول مفتره وكل هذا ويگلي احنه العراقيين سنه وشيعه عشنه الحلوه والمره !! لا والله چذب احنه العراقيين سنه وشيعه مثل الضره عالضره ملينه الچذب وليمته وليا دوب واقع حال لازم نخضع لامره ملينه الچذب وليمته وليا دوب قصايدنه اجت للناس متأخره نعم خوان احنـــــــــــــــــــــه نعم خوّان احنه وياك آني بهاي بس مو من بعد تفجير سامرّه بعد تفجير سامرّه العراقيين مثل فلم الرعب ودمايته الحمره مو فتنه صحيح الصايره ابّغداد سونامي الفتن بغداد منتشره قتل مو عالهويه هواي متوهمين صارت عالاسم گص راسه ويشمره واليگلي تبالغ انته حيل بهاي جبت حجه ودليل وياي هالمرّه اتحده بكر واتحده ابو الخطاب افن واحد البيهُم يوصل الثوره واتحده على واتحده هم حسين اذا فلوجه طبهه ومنكسر ضهره صـــــــــفر كل النتايج للعراقيين بس بالفتنه جابوا عشره من عشره هذا يگول سني ناصبي اغتالوه وهذا يگول شيعي رافضي نكفره ضلّوا بهالسوالف يا خزي ويا عار واسرائيل علگت نارهه الــــــكبره يول وين الــــــــشرف گدامكم بغداد شــــــگّوا ثوبهه واخذوهه متأسره غتصبوهه الكُفر ... ما تسمعوهه تصيح آنه ام الــــــــــــشرف واليوم مو عذره بعد والله ما يــــــــــــــنفعنه قيل وقال لات كـــلشي انتهه وانكــــسرت الجرّه مرحوم الـــــــعراق استشهد من سنين يا وسفه صفـــت أشلائه مـــــتنثره متنـــثره بمزابل يمـــهه كوم چلاب اكلت من لــــــحومه وما درت سرّه صــــير وياي بس هالمره اترجاك عيب من الــــــــــــعراق اليوم نتبرّه صعبه بمزبله جثة الــــــــعراق تصير خلي نشــــــــــيله منهه وندفنه بگبره اتمنــــــــــــــــــــــــى ان تنال اعجابكم طبعاً انا من قريتهة اجيت أبجي في امان الباري ورعايته سلوى ..~ [/align][/cell][/tabletext][/align]
__________________  آللحن ألآخير + زهرة الوآدي! = ألقابي  |
|
#2
02-04-2014, 11:29 PM
| ||
| | ||
|
يارب يفرج هم العراق ويجمع شملها وينزل الامن والرحمة عليها دعواتنا معكم ومع المسلمين اجمعين الله يحفظك اختي SAV_NAZ and مجنونة سايا like this. |
|
#3
02-10-2014, 04:23 PM
| ||
| | ||
| شكراً جزيلاً لكي أختي العزيزة على كلامك الجميل و وقفكم معنا ربي ينصر بلاد المسلمين ويوحد جمعنا يارب تسلمين أختي على مرورك العطر نورتي الموضوع وشرفتيني بأطلالتكِ
__________________ آللحن ألآخير + زهرة الوآدي! = ألقابي |
|
#4
02-10-2014, 04:35 PM
| ||
| | ||
|
[align=center][tabletext="width:70%;background-image:url('http://vb.arabseyes.com/backgrounds/8.gif');background-color:darkred;border:2px groove firebrick;"][cell="filter:;"][align=center] شعر جميل اثر بيه و صحيح كل اللي مكتوب صدك موضوع مؤثر و محزن لكنه حلوو شكراً عالموضوع تحياتي تقبلي مروري [/align][/cell][/tabletext][/align] سارة محمد منصور and SAV_NAZ like this.
__________________  يشرفني ان تكونوا من الذين يقرأن قصتي الحالية بـين ستار الحاضر و المستقبل هنا  http://3rbseyes.com/t486689.html التعديل الأخير تم بواسطة مجنونة سايا ; 02-10-2014 الساعة 04:49 PM |
|
#5
02-10-2014, 04:45 PM
| ||
| | ||
| أهلاً أختي الكريمة نورتي الموضوع بحضورك الجميل تسلمين أختي وربي لا يوفق الي كان السبب وحتى انا أثر بية الشعر حيل العفو ولو منورة الموضوع مجنونة سايا likes this.
__________________ آللحن ألآخير + زهرة الوآدي! = ألقابي |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| خرج الاسد الجريح من عرينه ...ليقاتل المحتل واعوانه ..وكشفت قناة الجزيره والعربيه . على انها قنوات امريكيه بامتياز ؟ لانها غضت النظر عن العراق | لـواء | حوارات و نقاشات جاده | 23 | 03-15-2011 01:23 AM |
| العراق الجريح والقائد الخادع | ملاك سالم | مواضيع عامة | 0 | 01-13-2011 10:25 AM |
| بيان السيد الحسني الصرخي حول الانتخابات في العراق الجريح | خالد القاسمي | نور الإسلام - | 0 | 11-30-2009 10:18 PM |
| مجموعة قصائد لأحمد مطر شاعر العراق الجريح المبعد من العراق بسبب قصائده | راشد | قصائد منقوله من هنا وهناك | 0 | 01-01-2008 12:26 PM |
12Likes
العرض العادي
