|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#11
06-29-2013, 07:41 PM
| ||
| | ||
| ملاك الوفاء likes this. |
|
#12
07-02-2013, 01:08 AM
| ||
| | ||
|
شو هالنهايه المفجعه نهايه جدا حزينه قلبتلي مزاجي خصوصا اذا كان للاولاد نصيب من هذا الحزن بس انا ما اعرفت شو دخل الجيران بالقصه انا فكرتهم رح يساعدو البنت ملاك الوفاء likes this. |
|
#13
07-04-2013, 12:40 AM
| ||
| | ||
 البارت الرابع مها وهي تلبس عباتها رن جوالها : الووو؟ تركي بعصبيه : ساعه انتظرك براااا .... اخلصي (توه يجي بس يستهبل عليها) مها وحست ان دمها يغلي : وش ساعه ؟؟؟ وليش ما اتصلت علي اول ما جيت ؟؟ تركي : يوووووووووووووه ترى ماني بفاضي وتركت كل اشغالي وجيتك ... بتنزلين والا احرك؟ مها : لالالا الحين جايتك ... باي سكرت الخط وهو مات ضحك عليها نزلت بسرعه بسسسسسس تعثرت وطاحت من على الدرج....... وقعدت تصيح وتبكي ... البيت مافيه الا هي والخدم مها بصراخ تنادي الخدامه ودموعها على خدها : أميييييييييييييييينه ... أميييييييييييييينه ... جات الخدامه ركض وشافت مها وهي ماسكه رجلها وتصيح : بسرعه نادي تركي برااااااااا ... اااااااه يارجلي ركضت الشغاله برا وهي مرتبكه شافت سيارة تركي وهو جالس جواتها يقلب في الجوال راحت له ولما شافها : اووووف اكيد بتتعذر مها الحين ... يوم طلع من السياره الشغاله : بابا مدام مها يطيح من فوق درج..... تركي : ايش؟؟؟؟؟ ودخل ع طووووول وشافها وهي تصيح من الألم (طبعا من شافته زادت صراخ زي الاطفال) شالها وركبها السياره وحرك للمستشفى ................................ محمد : الو؟ خالد : هلا؟؟؟؟ محمد : بدون مقدمات ... ابي ارض ومبلغ 300 الف ريال الليله والا باجي واخذ حنان خالد : وش هالكلام يا محمد ؟؟؟ تساومني على بنتك؟؟؟ محمد : عاد هذا اللي عندي ودامك تبيها جهز لي اللي قلته لك الليله أو جهزها هي عشان اخذها خالد : بس اتفاقنا كان على أرض ؟؟؟ ما اتفقنا على الفلوس محمد : البنت غاليه وانا ماراح افرط فيها بسهوله (يقولها بتريقه) خالد :............. محمد : عندك لليل وبس ... سلام سكر الخط نجود انقهرت لأنها خايفه تخسر الأرض بسبب تفكير زوجها وطمعه ولكن ( وافق شنٌ طبقه) خالد عنده اراضي والله مغنيه بس انقهر من محمد وقرر ياخذ معاه مأذون شرعي وياخذ ابو تركي وتركي ويملك للبنت قبل لا يطمع ابوها زياده ... وأخذ جواله واتصل على ابو تركي ابو تركي في الشركه : هلا والله خالد : هلا بك ابو تركي شخبارك ؟ ابو تركي وحس ان خويه متضايق : الحمد لله انت شخبارك ؟؟ عسى ماشر مو عاجبني صوتك؟؟؟ صاير شي؟ خالد : مدري وش اقولك يا ابو تركي بس الله يعلم انك اخوي اللي ماجابته امي وعندي موضوع بخصوص الوليد وحنان ابي اكلمك فيه ابو تركي ترك الورقه اللي بيده وأشّر للسكرتير عشان يطلع وطلع ابو تركي : وش فيك خالد ... تراك انت بعد مثل اخوي وبيننا عشرة عمر واذا اقدر اساعدك ابشر بعزك وانا اخوك خالد : ماتقصر والله .... لازم اشوفك الحين الكلام بهالموضوع ماينفع الا لما اشوفك ابو تركي : الحين ما اقدر عندي اجتماع خليها بعد صلاة العشاء خالد : ابو تركي ادري انك بالشركه بس لو الأمر يستاهل التأجيل ما اتصلت عليك وانت بشغلك ابو تركي : لهالدرجه؟؟؟ ابشر بعزك انا انتظرك تعال لي الشركه خالد : ربع ساعه وانا عندك سكر الخط وقعد ابو تركي يفكر وش الموضوع اللي ما يتحمل التأجيل ويخص ولده وحنان وبدأ يفكر لا يكون الوليد مسوي شي؟؟؟ لالا أصلآ البنت ما كملت اسبوع عند خالد والوليد ما يعرفها ... اتصل على السكرتير : الو عبد الاله السكرتير : سم طال عمرك؟ ابو تركي : أجّل كل الاجتماعات واذا جا خالد الـ.... دخله علي ولا احد يدخل علينا بعده.. السكرتير : ابشر طال عمرك وسكر الخط ..................................... حنان وهي جالسه تناظر للمرايا وتمشط شعرها الحرير (شعرها طويل وأسود وناعم وطوله الين خصرها) عيونها وساع وعسليه وشفايفها ورديه ورقيقه ... خشمها طويل وحلو ... قعدت تناظر لملامحها بدقه وترفع شعرها عن عيونها ام تركي : حلوه بسم الله عليك بس يبي لك شوية تغيير التفتت حنان بسرعه لوراها وخافت : مين انتي؟؟؟ ام تركي : ماتتذكريني؟ انا ام تركي صديقة امك الله يرحمها وجيتك لما كنتي بالمستشفى حنان دمعت عينها لما سمعت (امك الله يرحمها) ام تركي لاحظت هالشي : حنان انا جايه ابي اخذك معاي البيت ... ابيك تساعديني .... حنان منحرجه : اساعدك بشنو يا خاله؟ ام تركي بأسلوب يجذب ولطيف : بيجون ضيوف وانا ماعندي اللي يساعدني وشوفة عينك انا مره كبيره في السن ... هاه بتجين والا امشي ؟ حنان : طيب اقول لخالي ام تركي : خالك مع زوجي وهو قايل له اني باخذك ... لا تخافين حنان بنظرة خوف : و ... وين بيتكم؟ ام تركي : انا جارتكم يا قلبي .... يله وين عباتك؟ حنان أشرت باصبعها على السرير واخذت ام تركي العبايه بدون لا تعطي حنان فرصه للنقاش وساعدتها في لبسها واخذتها لبرا وكان السواق والجوهره بالسياره ... (طبعا ام تركي عرفت بسالفة محمد وخالد ... ابو تركي فهم الموضوع واتصل على ام تركي عشان تجهز البنت) الجوهره انتبهت ان امها جايه ومعاها بنت مع انها تعرف ان هالفيلا مافيها الا نوره ونوره ماتت وولدين توأم اللي هم اولاد جارهم خالد وزوجته ماتت من خمس سنوات ام تركي وجنبها حنان جلسوا وكانت الجوهره تناظر في حنان وتحاول تعرف من هالبنت الجوهره : يمه منو هذي؟ ام تركي : حنان .... خطيبة الوليد حنان بردت رجولها وماقدرت تقول ولا كلمه ... ام تركي هي ام الوليد اللي اختاروه لها بدون مقدمات ... حست بضياع وانها مثل السلعه اللي باعوها وبدت تبكي بحرقه وبنفس الوقت تذكرت ابوها وزوجته وتذكرت كلام خالها ان هذا هو الحل الوحيد اللي يفكها من ابوها ومرته ... حست ان تفكيرها انشل لدرجة انها عجزت تتكلم وتقول لا انا ما ابي هالارتباط..... الجوهره تناظر فيها من فوق لتحت : بس شكلها مو شي يمه وانتي مجرجرتني من الصباح نشتري ملابس وعطور و.. و... و... عشانها؟ ام تركي بعصبيه : بنت ؟؟؟؟؟ اياني واياك تكررين هالكلام مره ثانيه فهمتي الجوهره بقهر : وانا صادقه ... الوليد ولدك وعارفته ما يملى عينه بنات الهاي كلاس شلووون بوحده مثل ذي؟ ام تركي : جوجو ؟؟؟؟ هين انا اعلم ابوك واسكتي لا تشوفين شي ما يسرك .. مابي اسمع حسك فاهمه؟ الجوهره : يوووه طيب طيب باسكت بس اللي ابيكم تعرفونه انه مستحيل يرضى وانتم حرين ام تركي : مالك دخل ومحد طلب رأيك وخليك فحالك الجوهره انقهرت ان امها هزأتها قدام وحده غريبه ومو من مستواها وسكتت بس كلامها كان منطقي لأنها تعرف اخوها كل هذا صار وحنان مغطيه وجهها وتبكي بصمت وكانت تفكر في نفسها اذا تعامل اخت الولد كذا شلووون الولد نفسه ... .................................... الوليد : وش هالمصيبه اللي انا فيها ؟؟ انا ؟؟ انا اتزوج وحده ماعرف عنها أي شي؟؟؟ وليش ؟؟ لأني غلطت غلطه بسيطه؟ تركي (متكي عند الشباك ويناظر السياره اللي طلعت منها امه والجوهره وحنان) : ليتها جات على غلطه وحده .. شكل الوالد مختار لك شي على مستوى يناسب سواتك الوليد : وش تقصد ؟؟ الحين انا جايبك توقف معاي مو تتشمت فيني .. حتى الوالده من قالت لي الموضوع حلفت ما تكلمني اذا خربت عليهم هالزواج؟؟؟ تركي يدقق في حنان : ............... الوليد : تركي.. تركـــــــــي ... انت معاي؟؟ تركي يناظر لأخوه ويرجع يناظر من الشباك وبصوت هاااادئ : تعال شوف عروسك الوليد فتح عيونه من الصدمه وتسمر مكانه شوي : عروسي؟؟؟ تقدم ناحية تركي و طل من الشباك بس مالحق يشوفها لأنهم دخلوا تركي : روح شوفها بس انتبه لا تشوفك الوالده وتسوي لك مصيبه ... طلع وما اهتم له ورفع جواله يدق على مها عشان يتطمن عليها الجوهره صدمت في كتفه وهي داخله غرفة الوليد بعصبيه وما انتبهت لتركي اللي ناظر لها باستغراب الجوهره للوليد بتقرف : وعععع ... وش هالبنت اللي اختارتها امي لك .. لا شكل لا ستايل لا منظر ولا مظهر ... وفوق كل ها عليها ريحه وع وع وع ... الله يعينك عليها مدري شلون بتتحملها (الجوهره كلامها كله مافيه أي شي صحيح وكان هدفها تخرب هالزواج) الوليد مصدوم : من جدك انتي؟؟؟؟؟؟؟؟؟؟؟؟ الجوهره : يووووه يووووه لو تشوفها بس مقرفه مره يا الوليد انا بصراحه ما هنت علي بس امي زعلت علي يوم ناقشتها بالموضوع الوليد : لااااه انا رايح اكلم امي ............. وطلع الجوهره ارتسمت على شفايفها ابتسامة النصر اللي لاحظها تركي وفهم تفكير اخته الوليد راح يدور على امه اللي كانت في غرفه خصصتها لحنان وكانت تنتظر حنان تخلص الشاااور الوليد يطق الباب وتفتح له امه : نعــــــــــم (زعلانه منه) واعطته ظهرها الوليد منقهر من مصيره مع بنت بهالمواصفات زي ما رسمتها له اخته : يمه ... تكفيييييين .... انا ولدك لاتضيعيني مع بنت ما ابيها ام تركي : الولييييييييييد ... قصر صوووتك ولا تناقشني بهالموضوع الوليد باسلوب يائس : يممممممممه ... أرجوووك لا تـ.... ام تركي : الوليد قلت لك لا تناقشني والا والله العظيم أزعل عليك ولا انا امك ولا اعرفك الوليد هنا عرف انه مافيه امل ابد وطلع وهو ساكت ومنقهر من اللي صاير وكيف بيعيش مع انسانه ما اختارها بنفسه طلعت حنان وقامت ام تركي تساعدها وتجهزها وتلبسها بالفستان الأرجواني كان مره روعه عليها والميك اب كان متناسق وتدرجاته الذهبي مع الارجواني والروج وردي خفيف شعرها تركته على طبيعته مع شوية لمعات كرستال منثوره عليه وموجت اطرافه ام تركي عجبتها حنان حيل بس من جواتها ابدا ماكانت مقتنعه بهالزواج ولاهي قادره تكسر كلمة زوجها الجوهره تتصل على مها تبي تشكي لها من اللي صار مها : جوجو وانتي وش عليك قلبي ... منو بيرتبط انتي والا اخوك؟ بعدين هذي امرها بسيط مررررررررررررره الجوهره بتركيز : وش تقصدين ؟ شلون امرها بسيط ؟ مها : مثل هالأشكال .. مالهم كلمه ولا رأي ... ما تقدر ترفع عينها وبتظل مكسوره لأن اخوك ما يبيها واهلك فرضوها عليه .. العبي على الحبلين .. قدام اهلك انتي جوجو اللي تحب زوجة الوليد .. من وراهم عاد ما راح اعلمك انتي أدرى الجوهره وبدت الأفكار تروح وتجي براسها : بس ... مها : ولا بس ولا غيره انتي سوي اللي قلت لك عليه لأن خالتي (ام تركي) لو شافتك ضد رأي ابوك بتزعل منك وبتخسرين ابوك بعد الجوهره : ايييييه والله انك صادقه .. اجل يبي لها تخطيط من الحين وش اللي يبي لها تخطيط من الحين؟؟؟ (كان صوت ابو تركي) الجوهره ناظرت لأبوها بخوف : هاااه ؟؟؟ هلا يبه ؟؟؟ انا كنت اكلم مهاوي عشان المحاضرات والمواد (وابتسمت مع انه باين انها مرتبكه) تعرف يبه انها الامتحانات على الأبواب ابو تركي : الله يوفقك .. وين امك؟ الجوهره : مدري يبه شفتها مع خطيبة اخوي من شوي راح ابو تركي يشوف وش صار مع حنان الجوهره بهمس ويدها على قلبها : يمممه بغى يوقف قلبي ... الو مهاوي؟ وجع سكرت الخط؟؟؟ مها من سمعت صوت عمها سكرت الخط من الخوووف ابوتركي من ورى الباب : ام تركي جهزتوا ؟ بسرعه خالد ينتظرنا تحت ام تركي تلبس عباتها : ايه خلصنا بس بأشوف ولدك الوليد ابو تركي : لا انا بأروح له ام تركي خافت تصير مشكله وطلعت مع حنان وراه ابو تركي يطق باب غرفة الوليد والمفاجأه ان الوليد فتح له الباب وهو لابس ثوب وشماغ ومتكشخ ومتعطر ابو تركي يناظر ولده وساكت الوليد : شفيك يالغالي ؟ مو لايق علي دور العريس ابو تركي بصرامه : الوليد.. انا ما ابي الا مصلحتك ومابي اسمع مثل هالكلام الوليد : وانا قلت شي يالغالي افا بس ( وحب راس ابوه وطلع) ابو تركي يناظر ام تركي واثنينهم حاسين انه فيه شي ورى هالأخلاق نزلوا وراحت حنان مع خالها بسيارته وابو تركي وام تركي والوليد بسياره وصلوا لبيت شكله كأنه مهجور ... طق خالد الباب وفتح محمد وناظر فيه من فوق لتحت ... خالد يهمس : ان ما استقبلت ضيوفك بأدب وفكيتنا من المشاكل .. والله العظيم ماتشوف ريال واحد ولا تشم ريحة الأرض محمد : ................. شوي جا ابو تركي والوليد .. الوليد يناظر للبيت ولمحمد باحتقار وتقرف مو متخيل ان اللي واقفه وراه على بعد كم متر هي من هالبيئه وبتكون بعد دقايق زوجته ... سلم عليهم محمد بدون نفس وتصنع الأخلاق ودخلهم البيت وناظر لحنان وخزها بنظره ... حنان كانت تناظر له ونزلت دمعة خوف على خدها من انه يغير رأيه ويمنعها ما ترجع مع خالها ... عرفت ان خالها معاه حق باللي قاله من هدفه من هالزواج .. مسكت يد ام تركي وضغطتها بقوه وتخبت بشويش وراها .. ام تركي ناظرت لها : وشفيك حنان ؟؟ حنان ساكته بس شهقت وبكت وحاولت تكتم دموعها وهمست لأم تركي : خالتي .... تكفين لاتخلوني عنده تكفين .. اشتغل عندك خدامه لو تبين بس لا تخلوني عنده ام تركي بغت تصيح وتأثرت حيل .. هنا بس حست بمعاناة حنان .. وقد ايش تعاني وقاست من ابوها لدرجة انها خافت منه يوم ناظر لها .. مسكت يدها وقالت لها : حنان .. انا أمك حبيبتي من هاللحظه دامك بتصيرين زوجة ولدي ومنا وفينا .. وتأكدي اننا ماراح نتركك هنا ابدا .. تعالي حبيبتي وراسك مرفوع محد بياخذك مننا بس حنان تسمرت رجولها وترددت ناظرهم الوليد وجا لأمه : يمه وشفيك؟ ام تركي : مافيه شي روح مايصير تجي وانت ما ارتبطت بالبنت للحين الوليد : يمه ؟؟ انا اللي بأرتبط ممكن اعرف وش فيه ؟ حنان مدنقه ومتخبيه ورا ام تركي وتحاول تكتم دمعتها وخوفها ام تركي : قلت لك مافي شي يله امش لا تسوي للبنت مشكله الحين الوليد استغرب و شك بالموضوع ومشى ودخل ام تركي تناظر لحنان واخذتها ودخلوا البيت واستقبلتهم نجود احلى استقبال (هي تبي تتصنع حسن الأخلاق وانها طيبه وحبوبه عشانها عرفت انها كسبانه من ورى هالزواج) ساره جات ركض وضمت حنان اختها اشتاقت لها حيل وجلست جنبها حنان بطرف طرحتها مسحت دموعها ونجود لما شافت كشختها انقهرت وسكتت ماقدرت تقول شي لأن ام تركي كانت تراقبها شوي جا المأذون واتفقوا الرجال على كل شي وأملكوا للوليد على حنان نجود شوي وترقص من الفرح وحنان كانت تبكي وتمسح دموعها وتتحجج انها تمنت لو امها معاها والحقيقه انه فيه سر كبييييييييييييير ورى هالدموع والخوف مشى المأذون وجا محمد واخذ حنان عشان تروح تجلس مع زوجها الوليد حنان دخلت على ابو تركي والوليد اللي قطعها بنظراته من فوق لتحت يتأملها من راسها لرجولها وخالها مبسوط حيل لأنه خلصها من محمد ونجود حنان تمشي بخطوات هاديه وواضح انها مو متزنه يعني زي اللي تترنح وبس وصلت للوليد ابتسم وقال لها بنبرة خبث : مبروك يا ... يا زوجتي رفعت عينها بعينه وانتبه للدموع اللي صحته من افكار توديه وتجيبه وانقلبت ملامحه استغراب من اللي شافه .. كل هالحزن والألم والمعاناه اللي شافها بعيونها برمجت تفكيره ولخبطته ... راح لعالم ثاني ما صحاه منه الا كلمتها اللي شقت صدره : أ...أنا...خـ...ايفه... وطاحت مغمى عليها.......... ياترى وشهو السر اللي مخبيته حنان ومعذبها كل هالعذاب؟؟ راح نعرف بالبارت الخامس اعتذر لكل من يتابع الرواية لأن البارت قصير هالمره..... دمتم بـ ود
__________________  |
|
#14
07-11-2013, 05:50 AM
| ||
| | ||
|
شكرا جزيلا على هذه القصة يا ملاك الوفاء الله يعين حنان شكلها بتواجه صعوبات كثيرة، لكن الحمد لله أنها مرت الأمور على خير و تزوجت الوليد و ارتاحت من أبوها الخبيث محمد!، ما شاء الله!، تبقى القصة من نسج الخيال و حنا حرين في اختيار شخصيتنا المفضلة و اللي نكرهها لكنها أعجبتني! ملاك الوفاء and Snow White like this. |
|
#15
07-11-2013, 06:43 AM
| ||
| | ||
| اقتباس:
شكرراً على مرورك و ردك أخي :wardah: Yaiba Kurogane likes this.
__________________ |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ][يحس فيني ... قبل لا أحكي ! عن إللي بـ خاطري و فيني ..~ | غزل! | أرشيف المواضيع الغير مكتمله او المكرره او المنقوله و المخالفه | 4 | 12-13-2011 12:40 PM |
| هااي صباآايآاآ اخبااركم ياا عسل المهم >>> معرف احط مقدماات ل الصبااياا اللي تكلمو معي وسولفو معي أَو اي شئ قوولوو لي ايش الحلوو فيني (= واللي مو حلو فيني )= وبصدق وانااآ مرااح ازعل ok واللي بتقوولي شئ ما تبي احد يشوفه ترسلي على الخااص وعلى ر | العزاصلي وذاتي تكرار الدعايه عن منتدى آخر | حوارات و نقاشات جاده | 2 | 08-05-2011 08:26 AM |
| ’’مو گل من طآلعني ‘‘معجب فيني’’يمگن مضيع آلقمر ومشبه ‘‘القمر فيني | ƒεεłŋġ | حواء ~ | 20 | 06-30-2011 06:16 AM |
| انشودة وين أروح وقلبي ماليه الجروح زادت الطعنات فيني وما بقى فيني ابوح مبكيه ومؤلمه | بتول الشرق | خطب و محاضرات و أناشيد اسلاميه صوتية و مرئية | 0 | 05-07-2011 12:55 PM |
62Likes
العرض العادي
