|
|
#26
02-21-2015, 11:40 PM
| ||
| | ||
| ارجووووكي ترى مرررة حمستيني وبدي اعرف شو راح يصير
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
|
#27
02-22-2015, 11:59 AM
| ||
| | ||
| (( الفصل الثامن )) " ببيت ليان ...... كانت ليان بغرفتها تذاكر بعدين ملت وطلعت عالصالة كانت امها و نواف قاعدين بالصالة يسولفون .." ام ليان : ليون تعالي اسمعي اخوك نواف يبي يتزوج .. و الله وكبر .. ليان : ايه الله يهنيه .. و آلف مبروك مقدماً .. أم ليان و نواف :هههههههههههههههههههههههه .. نواف : ههههه أي ابي اتزوج بس ما في عروس تخبرين لي عروس حلوه و اخلاقها زينه ؟ ليان : خخخخخخ ليكون قالوا لك اني خطابه .. نواف : هههههههههههه حلوه اش فيك انا قاعد اتكلم جد .. ليان : يعني انت ما عندك حبيبة ؟ نواف : هههههههههه من جد اليوم تنكتين واجد ودمك مره خفيف .. و ين عايشيين حنا بتركيا ؟.. قالو لك لميس و يحي و لا مهند و نور ؟ ليان : اش دخل تركيا و لميس و مهند .. انا اسألك بجد اغلب البنات اللي اعرفهم عندهم اللي يحبونه إلا أنا طبعاً .. نواف : يا سلام و الله و قمتوا تحبون ؟ هههه لااا و مبرئه نفسك بعد .. ليان : وش فيها يعني لو حبوا بعدين لو عندي احد احبه كان قلت .. اللحين اخلص علي .. معقول ما عندك وحده تحبها ؟ شفتها بالصدفة ؟ حبيتوا بعض من الطفولة مثلاً ؟ نواف : لأ ما عندي .. ليان : أففف سالفتك معقدة من وين بجيب لك وحده تحبها اللحين خل امي تدور لك على أي وحده بنت الجيران مثلا او من بنات الحاره او بنات خوالي اللي بالرياض اللي هو ... ام ليان : طيب ليون اش رايك نخطب له من خوياتك ؟ ليان : هااااااا .. لا ابعدوا عن خوياتي .. ام مليان : ليش هم فيهم شي مو زين ؟ ليان : اش هالكلام يمه لو فيهم شي مو زين ما كنت رح امشي معهم و انتي ما كنتي رح تسمحين لي اصلاً.. أم ليان : أجل بنخطب إلهام .. و لا تقولين لا .. ليان : إلا بقول لأ و مليون لأ بعد .. لأن إلهام شبه مخطوبه و بعدين اش معنى اخترتي إلهام ؟ ام ليان : لأنها اقرب وحده لك و انتي تحبينها كثير غير جمالها اللي ما شفت مثله ما شاء الله عليها .. بس بما انك تقولين انها شبه مخطوبه فا رح ناخذ شهد اجل .. ليان : و شهد بعد لأ ..هي بعد شبه مخطوبه .. ام ليان : انتي تقولين كذا عشان ما ناخذ من خوياتك ..؟ ليان : لا والله مو عشان كذا والله هذا الصدق .. شوفي اذا تبين اخطبي له هديل لكن ما اضمن لك اياها لأنها عندها عم اللي هو ابو شهد و احنا من عاداتنا البنت لولد عمها فما ادري .. ام ليان : طيب احنا بنجرب بنخطبها و بنشوف .. و ش رايك يا نواف ؟ نواف : الله يقدم اللي فيه الخير .. ------------------------------------------------------------------------ " في المدرسة كانت المعلمة تشرح و إلهام أبدا ما كانت معها لدرجة ان المعلمة نادتها و هي ما سمعت .. و بعدها طلعوا عالفسحة " ليان : لهو وش فيك اليوم ما كنتي مركزه ابد ؟ إلهام : ما ادري اش اقولك أنا كلمت ابوي امس و قلت له اني ابي اروح لكندا بس مو أكيد قلت له ان وحده من خوياتي عندها اخت و عزمتني حبيت اني اروح معها .. ليان : هاا .. وش قال رفض ؟ هذا اللي تفكرين فيه ؟ إلهام : لاااااااااااا .. الله لا يقولها و يرفض لا هو وافق على طول و قال ما في أي مشكلة بس كنت قاعده افكر باللحظة اللي بشوفه فيها و اش راح اقولها من امس وانا افكر .. تصدقين حتى اني مواصلة ما نمت .. ليان : إلهام حبيبتي ترى بقى للإختبارات النهائية اسبوعين و هي اللي بتحدد مستقبلنا تكفين طلبتك ركزي بهالفترة شوي هذي فترة مراجعات و هي مهمة كثير و لا تنسين لسا عندنا القدرات و التحصيلي انسي سالفة إبراهيم هذي شوي .. إلهام : ما اقول غير ..... ألهانـي عـــن حبــــك دنيـــاي و زمــــانــي يــالغـالـــي ترانــــي مـــا غيــــرك حبيــــت دوم الحــــزن ساكنـــي مــدري اش بلانـــي بغيبتك يا عمري نسـيت الدنيــا و سـهيـــت ابيـــك ترجـــع لـــي ابيــك بـس عـــشــانـي و إن كنت ادري انك مـا تبينــي ولو رضيت حبيتـــك مـــو بــإيدي لا تـعذبنـــي كفـانـــي انـا مـــا اشكــي الحــال غير لنفسي شكيـت وأدري انــك مــا تـذكرني عشــان تنسانــي مــا الومــك لــي صــديت عنــي او اجفيــت مــا عمـــرك حبيتني يــوم و لا رح تهوانـي ادري والله لا تــقـــول لـي اشلـــون دريـــت انــا اللــي تمــنـيـــت اشــوفــك لــو ثوانــي انــا اللــي عشـت لاجــل حبـك و مــا نسيـت حظـــي الــعاثــر بطريــقـــك انــت رمــانــي و لا لـــيش حــبيتــك هــالــكثــر وتــعنـيــت مــع اني ادري انا البنت اللي مـــا تتمنـانـي ولانـــي اللــــي حـبيتهــا و بــهـــا تـغنيـــت قلبك مــا غير الهــم و الــضيــــم اهـــدانــي والله ما الوم الا نفسي ليش انت اللي هويت خلهــا علــى الله ربــــي بحبـــك ابتــــلانــي جزاتــي حبيــت اللــي ما يبينــي و انتهيــت ليان : واو اش هالقصيدة جنان .. مين كتبها ؟ إلهام : أنا كتبتها و هذي القصيدة كتبتها فيه هو .. ليان : احلفي ! انتي اللي كاتبتها .. من متى وانتي تكتبين قصايد ..؟ إلهام : أي لا صدقي انا اللي كتبتها و بديت اكتب من يوم حبيته .. ليان : بس فيها كلام مو مفهوم شكلك مره متعذبه بحبه .. إلهام : من ناحية العذاب فكل حب لازم يكون فيه عذاب .. و شو الكلام اللي ماهو بمفهوم ؟ ليان : ليش قلتي (و إن كنت ادري انك مـا تبينــي ولو رضيت ) اش دراك انه ما يبيك ؟ إلهام : يمكن ما يبيني ما ادري أو يمكن قلت كذا حتى اعلم نفسي بالحقيقة و اعودها عشان لا صارت صدق يكون عذابي سهل .. ليان : ليش قلتي (مــا عمـــرك حبيتني يــوم و لا رح تهوانـي ادري والله لا تــقـــول لـي اشلـــون دريـــت ) اش دراك انه ما عمره حبك ؟ إلهام : البيت اش يقول ؟ يقول (ادري والله لا تــقـــول لـي اشلـــون دريـــت) هذا اللي اقدر اقوله لك .. " قاطعوهم شهد و هديل بجيتهم " هديل : وينكم انتو درنا عليكم المدرسة كلها و بالأخير انتو هنا .. ليان : هههههههه أي زين اللي لقيتونا .. " شهد تغمز لليان بمعنى اش فيها إلهام .." " ليان ردت عليها بإشارة كالعاده متعذبه.." شهد : لهو اش فيك ؟ إلهام : لا و لا شي بس قاعده احسب الايام ومتى بيجي 15 / 8 .. هديل ( تهمس لشهد ) : شوشو خويتنا من جد راحت فيها .. " يوم عن يوم قربت الاختبارات بقى لها يومين خميس و جمعة والكل استعد خصوصا للي لهم اخر سنة بالثانوية لأنها نقطة التحول في حياتهم إما يكملون أو يقعدون بالبيت .." ------------------------------------------------------------------------ " جا اليوم المنتظر يوم الاختبارات ....... " شهد : بنات يلا شدوا حيلكم نبي ننجح بمجموع حلو يأهلنا .. هديل : عندي أمنية و حده بس اننا نكون بكلية وحده .. ليان : لا تخافين لهو بتخلينا بكلية وحده بالطيب او بالغصب مو صح لهو ؟؟؟ " إلهام أبداً ما كانت معهم كانت مشغولة البال لأن حفل ابراهيم قرب بقى له 3 أسالبيع .. كانت تقول بخاطرها .. ماهو خطا لازاد شوقي وحنيت .. ولاصارت أيامي بدونك نكاده..الشوق ياخلي عماني وحنيت .. وعشت في قربك حياة السعاده .. لوهو بكيفي أنا كان شديت .. يمك رحال القلب وأرخي عناده .." ليان ( تناديها ) : لهو .. لهو .. لهو .. إلهام : هااااا .. ناديتيني ؟ اش تبين ؟ ليان : صح النوم وين شردتي بنختبر بعد شوي و اذا دخلتي بهالحالة اتوقع مارح تكتبين شي بورقة الاختبار .. إلهام : لا لا تخافين أنا ذاكرت زين .. و واثقة من نفسي .. هديل : ان شاء الله خير خل تختبر و نخلص .. " دخلوا قاعة الاختبار و كلن دخل بهمه معه " ------------------------------------------------------------------------ " اخر يوم بالاختبارات إلهام اصرت تكلم نور و تعرف منها اش صار و اذا هم نووا يروحون كندا و لا لأ .." إلهام : نور اش قررتي بتروحين كندا و لا لا ..؟ نور : أي ان شاء الله اختي دقت على ابوي و قالت له يجي و يجيبني معه .. سألني ابوي اذا حابه اروح ووافقت على طول عشان خاطرك بس .. إلهام من شدة فرحتها ضمت نور بقوة : تسلمين يا بعد قلبي انتي .. " نور راحت فيها .......... شكرتها إلهام و على طول راحت لليان .. " ليان : هااا بشري اش قالت ؟ إلهام : ''حبيبي''لوغبت عني انت غالي و''هاجسك''وإن ضاق روحي له وسيعه.. دام''محبوبك''يعزك لاتبالي و''الزمن''لومايطيعك لاتطيعه.. قلتلك''الروح''ترخص دون غالي ''أنت''عندي تسوى هالعالم جميعه.. رح أشوفه ان شاء الله رح تروح نور مع ابوها و انا بروح يلا هانت بقى اسبوع ... لكنه طويييييل بالنسبة لي .. ليان ( من الصدمة ) : انتي صار كلامك كله كذا شعر ولا انا يتهيء لي ؟ اول مره اشوف احد يحب مثلك مع انك ما تعرفينه .. إلهام : يكفي كلامك عنه .. بعدين معروف ان اللي يحب يصير كلامه اشعار و قصايد.. ليان : أي بس أنا ما اشوف شهد مثلك .. شهد ( وجهها صار احمر ) : لا تدخلوني انا بالسالفة رجاءً .. إلهام : يا حليله اللي يستحي .. اتوقع شهد تقول فيه اشعار بس بطبعه هي خجولة تستحي تقول قدامي عشان ما اروح اقول له بس انا عادي اللي يبي يدري يدري ما يهمني .. هديل : ههههه انتوا حفله الحمدلله اللي ما حبينا انا و ليان بعدنا بعقلنا .. إلهام و شهد : هههههههههههههههههههههههههههه .. شهد : رح يجيكم يوم و تحبون .. إلهام : ليون بسألك .. قولي لي لو أنا رحت و كلمت إبراهيم بحفلهم تتوقعين بيعتبرني وحده بدون اخلاق .. يعني رح يحتقرني .. ليان : ما ادري اش اقولك صحيح هو متحفظ لكن .... والله ما ادري .. إلهام : طيب إلين وقتها يصير خير .. شهد : هاا و ش قررتوا تسوون الاسبوع الجاي ..؟ هديل : تعرفون ان اختبار القدرات يوم الاحد لنا كلنا فقررنا نسوي الحفل يوم الخميس وش رايكم ؟ إلهام : حلو قبل سفرتي .. وش رايكم يعني ودي لو تخلون الحفل يوم الاربعاء احسن لأني بسافر الجمعة الصباح .. هديل : خلاص و لا يهمك يصير .. إلهام : تسلمين لي يا هدول .. ليان : طيب ما تدرين متى حفل رائد ؟ إلهام : يوووووووه صح ذكرتيني و هو راح عن بالي اصلاً .. لكن و الله ما ادري اخر مره كلمته قال ما يدري بس اليوم برجع البيت و اكلمه .. ان شاء الله ما يكون يوم حفله نفس يوم حفل برهوم .. " فعلاً رجعت الهام عالبيت و دقت على رائد على طول " إلهام : الو هلا باخوي هلا بالغالي .. رائد : غالي هاا غالي و لا تدقين علي .. إلهام : لا و الله مو كذا انت تدري ان الأسبوعين اللي راحوا كانوا كلهم اختبارات .. رائد : هاا و ش سويتي بالاختبارات ؟ رفعتي راسنا و لا ....؟ إلهام : أي أكيد أفا عليك انا اللي ارفع روسكم لا تفكر انك انت العبقري الوحيد ترى حتى انا عبقريه ... رائد : هههههههههههههه أي يالعبقريه .. إلهام : رئود متى حفل تخرجك .. ؟ رائد : يوم السبت الجاي بتحضرونه صح .. ؟ إلهام : أكيد و احنا نقدر و ما نحضره .. بس المشكلة ان كان عندي رحلة يوم الجمعة على كندا عشان حفل اخت خويتي يوم الاثنين عزمتني وانا كنت بروح بس خلاص عشانك رح اغير الرحله .. رائد : غيريها على بريطانيا و أنا رح احجزلك من هنا على كندا أوكي ؟ إلهام : أوكي طبعاً .. يلا اشوفك على خير .. " بعدها دخل خالد عند إلهام كالعادة .. " إلهام : انا غيرت موعد الرحله من كندا الى بريطانيا عشان حفل رئود .. يوم السبت الجاي .. خالد : اجل انا بعد بغير موعد رحلتي مثلك ؟ إلهام : أي رحلة ؟؟؟ خالد : مو انا كنت بروح على كندا معك لانو سبحان الله طلعت اخت خويتك بنفس جامعة برهوم .. عشان كذا كنت بروح معك و حبيتها تكون مفاجأه .. بس رائد خربها .. إلهام : أي زين انه خربها عشان ادري اش تخطط له من وراي .. خالد : هههه مقبوله منك .. ما قلتي لي متى حفل شلتكم يا بنات الشرقية ..؟ إلهام : انت حق مصالح قول انك تبي اتعرف متى الحفل عشان تشوف شهوده قول كذا من اول .. خالد : أي كذا يلا قولي لي متى الحفل ..؟ إلهام : كانوا بيخلونه يوم الخميس بس انا قلت لهم يقدمونه يوم الاربعاء عشان السفر و وافقوا .. خالد : تمام حلو .. [color="rgb(65, 105, 225)"](( الفصل التاسع )) " ببيت ليان .. " ام ليان : ليون بعد اسبوعين بعد ما ينتهي هذا الشي كله رح نروح و نخطب خويتك هديل .. ليان : ايش !! يعني السالفة جد .. ام ليان : اجل كنا نمزح مثلاً .. اسمعيني ابيك تكلمينها هي اول ابيك تسوين أي شي المهم انهم يشوفون بعض طبعاً بعد ما تكلمينها دقي عليها اليوم و روحي عندها و بيوديك اخوك نواف و بيقعد مع اخوها بدر .. هو جا من الرياض صح ؟ ليان : أي قبل يومين جا .. ام ليان : تمام اجل يلا روحي دقي على هديل و التقي فيها و اخوك يلتقي مع بدر و لا اقولك اطلعي انتي و اخوك على أي مول و دقي عليها خليها تجي هي و اخوها كذا حلو يلا انتي تصرفي .. " امها كانت تخطط ان بدر يفكر بليان و نواف يفكر بهديل و لازم يشوفها و ليان يا غافلين لكم الله .. " ليان : طيب يمه طيب .. " اخذت ليان جوالها و دقت على هديل " ليان : ألو هلا هدول اش اخبارك ؟ هديل : اهلين هلا و غلا انا زينه انتي اشلونك ؟ ليان : الحمدلله أنا بخير .. اقول ابي اسألك اش رايك نطلع مع بعض انا و انتي و اخوك بدر و أخوي نواف لأن اخوياشتاق لاخوك بدر من زمان عنه فقلت خلونا نطلع مع بعض نتقابل انا و انتي بالمول انا و انتي نمشي مع بعض و اخوانا مع بعض منها يشوفون بعض و منها نآخذ راحتنا لحالنا هاا اش قلتي ..؟ هديل : ممكن اوافق بس بشرط .. قولي لي اش معنى قلتي لي انا ما قلتي حق إلهام يعني هي اقرب لك مني ..؟ ليان : لأنو انا و انتي ما نحب ما عندنا حبيب مارح نكون سرحانين لما نسولف ههههههههههه امزح معك بس لأني ابيك بسالفة ... هديل : ههههه اذا على كذا طيب بكلم اخوي و بشوف و برد لك خبر انتي متى بتطلعين ..؟ ليان : على الساعة 7 تقريباً .. هديل : زين قدامنا ساعتين رح اكلمه اللحين وبشوف و بعدين رح ارسل لك مسج طيب .. ليان : اوكي أستناك .. " طلعت هديل من غرفتها عشان تكلم اخوها بدر " هديل : بدر عندك مشاوير اليوم ؟ بدر : لأ .. ليه تسألين ؟ لا تقولين لي تبين السوق .. هديل : لا لا .. ابيك توديني المول من تو كلمتني ليان خويتي قالت اجيبك و اجي اخوها بيجيبها و يبي يقعد معك هو يعرفك و انت تعرفه اخوها نواف تذكره ؟ بدر : ايه أي اذكره اكيد كنا اصحاب ايام الثانوي و هو معنا بالشله .. طيب ليش لأ نروح .. بس معقول خويتك تبيني اجي عشان هالسبب و بس ؟! هديل : اش قصدك ؟ بدر : يعني مو يمكن تبي تشوفني مثلا و اذا اعجبتها تحبني .. هديل : اش هالكلام ما اسمح لك هذي خويتي و انا اعرفها مثل ما اعرف نفسي و لا يمكن يكون قصدها كذا .. بدر : ههههههه اش فيك عصبتي انا امزح.. هديل : هذا مو شي ينمزح فيه .. على بالي بعد نسيت سديم بهالسرعة .. بدر : سديم زواجها بعد شهرين تتوقعين اني بستناها مثلا انا خلاص نسيتها من قالك اني ما نسيتها هي ما تستاهل حبي اساساً .. هديل : معليه يا خوي صدقني رح تلاقي اللي احسن منها .. الف وحده تتمناك بعدين بيني و بينك انا ما حبيتها اصلاً و ما كنت اواطنها .. بدر : خلاص اتركي الهذره اللحين بلى ما نحش بوحده ما تستاهل و روحي اجهزي للطلعة .. هديل : الطلعة بعد ساعتين .. بدر : زين انا بقضي مشوار كله ساعة و راجع ابيك تكونين جاهزة اتفقنا .. هديل : اتفقنا .. " ارسلت هديل مسج لليان تبشرها بالموافقة " ------------------------------------------------------------------------ " ببيت شهد ...... " شهد : (إنت الغلا كله) وإنت السؤال الصعب وإنت حله.( وإنت خيال الروح وإنت ظله وإنت عزيز للقلب وإنت خله. وإنت سواد العين والبياض كله. وإنت وإنت .. وإنت سرقت العقل والفكر كله ) صحيح انا ما اطريك قدام الناس بس يا خالد حبك بالقلب استناك استناك استناك .. " قطع حبل افكارها اخوها راكان ... " راكان : شهد وش تسوين .. قاعده تكلمين عمرك ؟ انهبلتي ! شهد لفت عليه برعب : خوفتني يا شيخ .. انت من متى هنا ؟ راكان : توني دخلت .. بقولك ما تبين نحضر حفل تخرج اخوي وليد ؟ شهد : إلا اكيد من بيروح معنا ؟ راكان : انا و انتي و تركي و ابوي كلنا يعني .. شهد : تتوقع اختي منال رح تجي ؟ راكان : ما ادري و ما اعتقد .. اذا تبين كلميها و شوفي .. شهد : طيب .. ما قلت لي متى رحلتنا ؟ راكان : حصلت رحلة يوم الجمعة مع خالد هو حجز لنا اصلاً .. شهد ( باستغراب ) : مين خالد ..؟ راكان : خالد اخو خويتك ولد فيصل .. شهد: و ليه بيروح بريطانيا ؟ راكان : اش هالسؤال الغبي ! بيروحون عشان اخوه رائد نسيتي انه مع اخوي وليد بنفس الجامعة و بعد بنفس الكلاس و انهم اصحاب ..؟ شهد : يووووووه صح اشلون راحت عن بالي يا الله .. ( قالت بخاطرها : يعني رح نكون بنفس المكان و رح يشوفني ماني مصدقة ..) راكان : هييييه وين سرحتي ؟ شهد : لا و لا مكان .. راكان : طيب متى حفلتكم ؟ شهد : حفلتنا يوم الاربعاء تصدق انهم قدموها عشان سفر الهام في النهاية طلعنا احنا بنسافر معهم بعد ههههههههههه .. راكان : ههههه لا زين موعد حفلتكم حلووو .. ----------------------------------------------------------------------- " طبعاً راحوا بدر و هديل عالمول اللي تواعدوا فيه و ليان و نواف بعد كانوا موجودين البنات قعدوا بمكان و الشباب بمكان قريب منهم " هديل : هذا احنا طلعنا مع بعض يلا قولي اش عندك و ليش سويتي هالجمعه هذي .. ليان : اسمعيني اول امي تبي تخطبك حق اخوي نواف و قالت لازم انتي تشوفينه عشان كذا سويت هالحركة وقالت لي خليها تجيب اخوها معها عشان تصفى النفوس و يتقربون من بعض اكثر .. هديل ( سكتت للحظة من الصدمة ما استوعبت بالبدايه ): انتي ما عندك لف و دوران قلتي الكلام مره وحده و فاجأتيني .. انا متأكده ان امك ما قالت لك تقولين لي كذا .. ليان : ما احب حركات اللف و الدوران ما عندي الا اقول بسرعة اللحين جاوبيني اش رايك ؟ هديل : من جدك انتي انا حتى ما اعرفه .. ليان : طالعي وراك .. " هديل بردة فعل طبيعية لفت و شافت نواف قاعد مع اخوها .." ليان : هاا شفتيه يلا اللحين وش رايك ؟ هديل : اش دعوه بهالسرعه بقول رايي و من نظره وحده .. لكن فكرتي الاوليه عنه انه حلو و وسيم و ما في عليه كلام و الف بنت تتمناه اش اقولك يعني غير كذا ؟ بس اذا تبيني اوافق احكي لي كل شي عنه .. ليان : ابشري ما طلبتي شي .. بس قولي لي اول ابوك بيقبل و لا انتو عندكم سياسة البنت لولد عمها .. هديل : لا ما اظن ابوي من هالنوع حتى عمي عادي عنده .. ليان : حلو اجل اسمعي اش بقولك عنه عشان اذا ربي كتب نصيب تكونين فاهمه اخوي زين ............... ---------------------------------------------------------------------- " الشباب كانوا مره منسجمين مع بعض ... " نواف : ها اش تشتغل اللحين بعد الجولة بالرياض .. بدر : و الله جولتي هذي كانت دراسة ادارة اعمال و أنا اللحين اشتغل مع ابوي بالشركة إلين يجي و لد عمي وليد عندنا مشروع مخططين له من زمان هو درس ادارة اعمال ببريطانيا و انا هنا بالرياض و ان شاء الله خير .. نواف : ان شاء الله .. بدر : و انت .. ؟ نواف : أنا درست هندسة احس ما استفدت شي و اللحين انا اشتغل مع ابوي بعد .. بدر : طيب اسمع مشروعنا الجديد رح نحتاج فيه لمهندسين وش رايك لو تدخل شراكة معنا ؟ نواف : فاجأتني انت بصراحة عرضك مرة حلو ابستشير ابوي و ان شاء الله اني معكم .. بدر : على خير ان شاء الله .. تذكر أيام الثانوي ........( إلخ و من هالكلام ) " أخذوا يحكون قصص لبعض عن ايام الثانويه .. و اكيد نواف كان يطالع هديل مو تعتبر خطيبته " --------------------------------------------------------------------- " بجلسة البنات ....... " هديل : طيب دام كذا اش رايك انتي تاخذين اخوي و انا اخذ اخوك و بكذا يكون لنا عشاق مثل شهد و إلهام ؟ ليان ( انتي ما تدرين ان اخوك هذا عذبني بدون ما يدري انا كنت احبه أي كنت احبه إلين سمعت انه يحب سديم من ايام المتوسطة وانا احبه بس اللحين فات الأوان ما عمره رح يحبني ) : لا ااااااا من جدك انتي انا ما رح اقبل .. هديل : ليه ..؟ ليان : يا انك نسيتي او انك تتناسين .. هو يحب سديم .. هديل : لا صدقيني هو نساها ما عاد في قلبه لها شي بعدين زواجها بعد شهرين قبل لا نطلع تكلمنا بهالموضوع صار يكرهها بشكل مو طبيعي .. ليان : مستحيل يكرهها هي حبه الأول و ما اعتقد انه رح يقدر يحب غيرها .. هديل : صدقيني ما عاد تعني له شي .. ليان : رح اوافق على اخوك بحالة وحده بس اذا اعترف انه يحبني .. هديل : بس هو اشلون يحبك و هو ما شافك ؟ ليان : مو مشكلتي .. غير كذا ما عندي .. " هديل بخاطرها زين رح اخليه يشوفك و انتي ما تدرين يمكن تعجبينه " " بعدها رجعوا البيت ليان طول الطريق ما افتحت فمها بكلمه نواف تعب و هو يسألها بس هي قالت له اذا وصلنا بعلمك اش صار.. ووصلوا " نواف : هاا ليان خليتيني على اعصابي يلا قولي لي .. ليان : خل امي تجي اول ما لي خلق اكرر السالفة مرتين .. " و جت امهم .. " نواف : هاا هذي امي جت يلا قولي .. ليان : يمه نواف البنت موافقة اذا تبون تخطبونها روحوا .. نواف : من جد تتكلمين ماني مصدق على طول وافقت صح ؟.. أدري انا ماحد يرفضني .. ليان : لأ مو على طول نشفة دمي و هي تسألني عنك .. نواف : احكي لي بالتفصيل اش قالت .. ليان : ألحين ما لي خلق ( راحت ليان غرفتها وصكت على نفسها الباب ) .. نواف : اش فيها هذي .. يمه ليكون هي ما تبيني اخطب خويتها ؟ ام ليان : لا يمه مو كذا خلك منها انا اتفاهم معها بعدين .. المهم اللحين الف مبروك .. نواف : الله يبارك فيك يمه .. ابوي يدري ؟ ام ليان : أي كلمته و ما عنده مانع .نواف : الله يبارك فيك يمه .. ابوي يدري ؟ ام ليان : أي كلمته و ما عنده مانع .. نواف : الحمدلله الله يقدم اللي فيه خير .. [color="rgb(65, 105, 225)"](( الفصل العاشر ))[/color] هذي الكلمات تعبر عن اللي بداخل ليان .. شوف غيري حتى لو قلبي يبيك شوف غيري أنا ما أنفع معاك انت تلقا من يحبك ويشريك وأنا بلقاء من ينسيني غلاك ياحرام الوقت ضيعته عليك ياخساره القلب باحساسه شراك لاتفكر اني بندم واجيك قلبي اليوم ما همه رضاك لاتتأثر لو عيوني ترتجيك لايهمك حتى لو بتعب وراك يا حسافة وقت ضيعته عليك " أخذوا النتايج و اختبروا القدرات الكل نجح و كانت نسبهم حلوه انتهى كل شي بس بقى الحفل الكبير حفل النجاح و التخرج من الثانويه اللي اعدوه لهم اهاليهم و كان بقصر احتفالات كبير حضروالحفل طبعاً اهالي الشلة و اللي يعزون عليهم .. إلهام وشهد كانوا ينتظرون السفرة على احر من الجمر و دار حديثهم بالبدايه عن السفر .... " إلهام : والله و طلعتي معي بنفس الطيارة يا شوشو .. شهد : أي سبحان الله تصدقين اني حتى نسيت ان اخوك رائد مع اخوي وليد بنفس الجامعة .. ؟ ليان : يا حظه اللي ماخذ عقلك و نساك .. شهد : ما حد ماخذ عقلي .. ليان : لا تكابرين كل شي صار معروف .. بعدين لا تطولون بالسفر لانو بعد اسبوعين من اليوم في عندنا مناسبة حلوه .. " هديل تغمز لها تسكت .." ليان : خلينا نقول مصيرهم رح يعرفون .. هديل : لأ لا تقولين شي اذا تذكرين بذاك الحفل هم كانوا مخبين علينا فما يضر اذا خبينا عنهم شوي و خليناهم على اعصابهم .. شهد : هههههه هدول .. والله و صايره تخبين اسرار علي .. معليه .. هديل : هههههههه وحده بوحده .. إلهام : اللحين احنا نبي ننبسط فكونا من الكلام اللي ما منه فايده .. ليون حب حياتي ما جا صح ؟ ليان : سؤالك ابدا مو في محله .. وين يجي و هو حفلهم الأسبوع الجاي ما الومك والله ما بقى فيك عقل .. إلهام : رغم كل العيووون اللي "معي" وأدري "يحبوووني" أحس بغيبتك كني "وحيد" ولا معي إنسااااااان !¡ يحاكوني يبون أنسى فراقك ؟؟هم يحسبوني ؟؟ أفكر بااااالكلام اللي يقولونه عن النسياااااااان يحاكوني وأنا سارح ولاأسمعهم يحااااااكوني !! أجاملهم وأنا عقلي"معاك" وخافقي سرحاااان _ يهل الليل وألقاهم مثل كل ليلة <خلوووني> وحيد وكلهم ناموا وأتم بوحدتي¥ سهران ¥ وحيد أبقى مع دمعي مع همي مع ¥ شجوني ¥ وأحس بخافقي كوكب مخاليقه {قهر وأحزان} ليان : كل هالرد .. صايره مره شاعريه ان شاء الله بس يطلع يحبك مثل ما تحبينه .. إلهام : حتى لو ما كان رح ابقى احبه طوووووول العمر .. شهد : الله يعينك و يساعدك .. " هديل سوت خطة عشان بدر يشوف ليان بدر ما كان يدري و ليان بعد ما كانت تدري هديل دقت على بدر على انه يستناها عند الباب بعد 5 دقايق بعدين راحت حق ليان ... " ليان : وين رحتي ؟ هديل : جتني مكالمة ورحت .. ليون تعالي ابيك بسالفة بيني و بينك .. شهد : و قامت بينكم الاسرار من قدكم .. هديل : ايه اسرار .. ليون امشي نطلع برى مارح تسمعيني هنا من الازعاج .. " ليان بدون تردد راحت معها و طلعوا و قعدوا على الدرج برى " ليان : هاا اش تبين ؟ هديل : انتي من جدك كنتي بتقولين للبنات عن الخطبة ؟ ليان : يعني جايبتني عشان هالشي على بالي سالفة خطيرة .. هديل : أي هذي خطيرة جاوبيني .. ليان : أي حسيت انه ما فيها شي .. " بهذي اللحظة وصل بدر شافها و بدقة بعد لأنه كان قريب يعني جا من اللفة وهم كانوا قاعدين هناك ع الدرج شافها و هي بكامل زينتها .. و جت عينه بعينها .." بدر ( بخاطره ): يا الله ما احلى هالعيون وش هالجمال ما عمري شفت مثله هذي احلى من سديم بمية مره .. اش هالنظره اللي بعيونها نظرة انكسار و كأنها تعرفني و كأنه تقول لي شي .. ليان ( بخاطرها ) : شفتك و جت العين بالعين شفتك يا حبي اللي راح والله انتظرتك طول هالسنين و اللحين بس زال الجراح " بعدين انتبهوا على انفسهم و ركضت ليان على داخل كانت ترجف و عرقانه حتى دموعها طاحت هذا اللي حبته و نسته ما قدرت تنساه لكنه قدرت تخبي حبها ببراعه " هديل : اش فيك سرحت بالبنت ..؟ بدر : من هذي ؟ هديل : هذي ليان خويتي .. عجبتك ؟ بدر : ما لك شغل اذا اعجبتني أو لأ .. بعدين ليه ما قلتي لي ان خويتك قاعده معك .. هديل : هاا .. ما كانت قاعده معي .. و قبل لا انت تجي بشوي هي جت بعدين انت تأخرت على بالي هونت تجي .. بدر : طيب هذاني جيت اش كنتي تبين .. هديل : هاا ( انتكبت هديل ما فكرت بالتصريفه ) .. تصدق نسيت خلاص انت روح اللحين واذا تذكرت رح اقولك اوكي .. يلا باي .. ------------------------------------------------------------------------ " بهذي السالفة انتهت الحفلة و كالعادة الكل كان تعبان لكن الصباح رباح .. بس بهذي الليلة هالمرة اثنين جافاهم النوم اكيد عرفتوا مين ليان وبدر .." " ليان طول اليل قاعده تجادل نفسها .. " ليان : اشلون بيجيني النوم بعد ما شفتك بعد كل هالسنين كل ما اتذكر اني حبيتك اكره نفسي .. اصلاً اعتبره حب طفولة .. بس انا احبه ..لا مو حب كان اعجاب و انتهى مع الوقت .. لا ما انتهى اجل يوم شفته ليش صار فيني كذا .. اول كنت اتمناه يشوفني يمكن يحبني .. لكن اللحين حتى لو شافني حتى لو حبني انا نفسي طابت منه .. من صدقي انا اللحين اكيد الكلام هذا من ورى قلبي .. مو يعني انه شافني اللحين معناها رح يحبني .. طيب اش معناتها النظرة اللي بعيونه .. حتى لو اكيد ما رح يحبني هو يحب سديم .. يا قلبي انساه انساه انساه ارجوووووك انساه .. و كفايه عذاااااااب .. " مثل ما كانت ليان بجدال مع نفسها بدر برضو كان يجادل نفسه " بدر : انا اعرف ليان من قبل ايام كانت تجي بيتنا لكن ولا مره شفتها ما توقعتها بهالجمال شعر اسود مثل سواد الليل و طويل عيونها يا عيونها مثل عيون المها و لا نحافتها سبحان اللي خلقها ولا ملكة جمال .. ( انتبه على نفسه شوي ) أنا ليش قاعد اقول عنها هالكلام و اتغزل فيها صحيح البنت حلوة بس .... اش نظرة العتاب و الانكسار اللي كانت بعيونها و كأنها تعرفني و أنا سويت لها شي .. لا شكلي اتخيل .. بس أنا مشكلتي افهم بنظرات العيون افهم فيها زين .. احس ان ودي ارجع اكلمها .. ابي افهم اش كانت تقصد بنظراتها الحاره لي ؟! .. يلا مع الوقت ان شاء الله اكيد رح اعرف .. بعدين يمكن تكون ليان هذي هي حبي اللي ادوره من زمان .. يلا ما حد يدري .. اخ يا عيونها بس جننتني لحظة ما شفتها.. ------------------------------------------------------------------------ " في صباح اليوم الثاني ببيت هديل .. " هديل : يمه سويت نفس ما خططت و خليت بدر يشوف ليان .. ام هديل : طيب اش صار ؟ هديل : والله ما ادري .. بس انا اللحين بروح اسأله و اعلمك وش صار .. " راحت على غرفته ...... " هديل : اش فيك ؟ مبين عليك سهران ما نمت طول الليل .. بدر : ايه سهران قاعد افكر .. هديل : تفكر بليان صح ؟ بدر : بدون لف و دوران .. أي .. فيها .. هديل : ههههه حلوه الصراحه .. ما عندك لف ودوران و هذا اللي يعجبني فيك.. بدر : أنا اللي بقلبي على لساني ما احب اللف و الدوران .. هديل : نفس ليان انت تشبها يا اخي .. بس عجبتك صح و حبيتها شكلك .. بدر : مو على طول بس فنظرتها شي محيرني ما خلاني انام عندي احساس و كأنها تعرفني من قبل ما ادري اشلون اشرح لك بس احساسي ما يخيب .. يا ليت تسألينها و تسحبين منها الكلام ابي اعرف .. كلميها اليوم .. هديل : اشوي شوي علي خلني افهم .. اكلمها في وشو ؟ بدر : أسأليها عني .. ما ادري انا حاس انه في شي .. هديل : أوكي اصلاً احنا و الشلة رح نجتمع اليوم و رح اشوف .. بدر : تكفين طلبتك لازم تكلمينها و لا رح يجافيني النوم للابد .. هديل : اووف لهالدجه .. طيب قلنا لك خلاص رح اشوف اش اقدر اسوي .. ------------------------------------------------------------------------ " اجتمعوا الشلة في شاليه إلهام الأربع بنات بس كانت جمعة وداع لـ( إلهام ) و ( شهد ) عشان سفرهم لبريطانيا .." شهد : هاا .. اش رايكم بحفل تخرجنا امس .. هديل : واااو فعلاً و لا اروع .. لهو اش احساسك وانتي بتقابلين حبك أخيراً ؟ إلهام : ههههههه حبي حلوه حبي هذي بس صدقتي فيها .. اما عن احساسي يعني احساس حلو ما ينوصف .. هديل : حتى شوشو رح بتشوف حبيب القلب .. شهد : لا تجيبين طاري ابد .. إلهام : هههههه أي صح نسيت اننا بنروح مع بعض بريطانيا شوشو رح اخليك تقابلين خلود .. شهد : خلي خالد بعيد عني .. هديل : يا حليلكم والله هالسوالف خلوها بعدين ببريطانيا عاد كل وحده و شطارتها .. اللحين ابي ليون بسالفة بيني وبينها و انتوا اقعدوا دبروا مقالب لبعض .. إلهام : كأن الأسرار كثرت هالأيام ..؟ هديل : خليكم بحالكم زين .. ليون يلا تعالي نتمشى بالحديقة .. " طلعت ليان و هديل عالحديقة .. و الملاحظ انه بهذي الجمعه ليان ما كان لها حس هي بعد مشغول بالها.." هديل : ليون ابسألك و جاوبيني بصراحة .. انتي في مشاعر بقلبك لأخوي بدر ..؟ ليان ( سكتت شوي تفكر ) : اشلون طرا على بالك هالسؤال ..؟ هديل : اخوي بدر قال لي .. ليان : قالك ؟! اش دراه اصلاً ؟ اقصد اش قال لك بالضبط ؟ هديل : ما قال غير انه يحس انه في شي فيك .. ليون ترى اخوي يفهم بلغة العيون مو مدح له بس لأني اعرفه اذا كان فيني شي و حاولت اخبيه ما فيني اخبيه .. ممكن اخبيه على الناس كلهم الا هو ما يتخبى عليه بس يطالع بعيوني يفهم اش فيني عشان كذا هو طلب مني اكلمك و افهم اش فيك ؟ حس بعيونك نظرة عتاب وانكسار على قولته .. ليان : ما فيني شي .. خليه يتطمن .. هديل : ما تحسين انه في رابط بينكم لا ورابط قوي بعد .. ليان : انتي تحاولين تخليني احبه ..؟ هديل : لا مو كذا بس احكي لي يلا لا تخبين ما في شي يستاهل يتخبى .. ليان : تبين تعرفين يعني .. اوكي دام انه ما في شي يستاهل يتخبى رح اقولك ..اخوك بدر انا كنت و لاحظي قلت كنت .. كنت احبه موت و هذا كان بأيام المتوسطة مره جيت عندكم و رحت المطبخ ابي ماي او بالاصح كنت رح ادخل المطبخ بعدين شفته هناك بالصدفة بس هو ما شافني من يومها حبيته حسيت في شي يجذبني له مع اني شفت شباب كثير بعايلتنا بس هو لماً اشوفه غير احساسي له غير .. وقعدت اتأمله و اعد السنين إلين اخلص الثانوي واعلن حبي له هههه قلت يمكن يطلع يحبني .. لكن قبل لا يصير هالشي انصدمت انه يحب بنت خاله سديم و كرهته من يومها . اعذريني ع الكلمه.. كنت اتمنى اكون حبه الأول لكن خلاص حتى لو حبني اللحين رح يكون تأخر و تأخر كثير بعد .. هديل : يا الله كل هذا مخبيته بقلبك و ما احد يدري ليش كتمتي هالشي ليش ما فتحتي قلبك لأحد أقلها لـ إلهام اقرب وحده لك .. ليان : لأني نسيته خلاص ما كنت ناويه افتح جروحي لكنها انفتحت غصب عني يوم شافني ذاك اليوم و شفته صح كانت بعيوني نظرة عتاب و نظرة قويه بعد اعاتبه على الليالي اللي قضيتها افكر فيه و انكسرت من جوى لدرجة اني حسيت انه ماحد رح يحبني بحياتي .. عل كل خلاص اللي راح راح وما ابي ارجع اتذكره .. هديل : اه يا ليون يا حيف على صداقتنا بس اللي ما حسينا فيك ولا وقفنا معك و انتي كنتي بأمس الحاجه لنا .. ليان : لا مو غلطتكم انا ما بينت هالشي و قدرت اخبيه .. يلا تأخرنا على البنات خلينا نروح اليوم نودعهم .. هديل : يلا .. (( الفصل الحادي عشر )) شهد : هاا .. خلصت أسراركم ..؟ هديل : أي خلصت بس ان شاء الله بعد ما ترجعون من سفرتكم بالسلامة رح تعرفون كل شي.. إلهام : أي ان شاء الله .. إلا وش رايكم انتو بعد تسافرون معنا منها نتسلى و نقضي اجازتنا مع بعض .. ليان : لأ انا ما اقدر اروح امي ما رح ترضى عندنا هنا اشغال .. هديل : و أنا بعد امي ما رح ترضى .. شهد : أي من قدكم عندكم امهات .. ليان : يا الله .. والله ما قصدنا نزعلك .. شهد : لا عادي ليش الزعل .. إلهام : شوشو أنا بعد ترى حالي من حالك أمي ما لها وجود بحياتي .. شهد : ليش ؟ إلهام : كله بفرنسا ما تستغني عنها و اذا جت هنا حالها حال الطوفه .. هديل : ما يصير تقولين عن امك كذا .. إلهام : هذي الحقيقة .. خلوها على الله و اللحين خلونا ننبسط بعد ساعتين انا راجعه عالبيت ورانا قعده من الصبح .. اه شوشو انا و انتي رح نصير جنب بعض بالطيارة زين ؟ شهد : اوكي .. من اللحين الاخت تفكر ههههه .. ----------------------------------------------------------------------- " جا اليوم المنتظر للبنتين يوم السفر قاموا بالصباح ... مبسوطين كلٍ بيشوف حبيبه .. " ببيت إلهام ..... خالد : يلا ما خلصتي يلا بنتأخر .. أي و لا تنسين دقي على شهد شوفي مشت و لا لسا يعني اخاف تنسى .. إلهام : ههههههههههههه تنسى ؟! قل كذا من اول منت بجاي عشاني جاي عشان تتطمن اذا شهد بتروح .. ايه معليه هذا الحب و ما يسوي .. خالد : عن الهذره الزايده و يلا خل نمشي انتي اصلاً اللي مأخرتنا .. على فكرة ترى ابوي بيجي معنا و هو اللحين بالصالة يستناك .. إلهام : تحكي الصدق .. الله ماني مصدقة اخيرا بيقعد معنا لو شوي .. عقبال ما تجي امنا و نجتمع كلنا ببريطانيا .. خالد : أي .. يلا خلصينا .. إلهام : خلصت يلا امش .. " راحوا على المطار و عائلة شهد و صلوا قبلهم .. " إلهام : خلود شوف شهد و أهلها وصلوا خلينا نروح لهم .. خالد : طيب .. " جت إلهام ركض لعند شهد كانت مره مبسوطه حتى ما استحت من اخو شهد راكان .." إلهام : شووووشووووو بعد قلبي هلا و غلا .. شهد : ما اصدق لهالدرجة شوق .. إلهام : تقدرين تقولين بس أنا مبسوطه .. ( و بكل جرأه كلمت راكان ) : أخوي راكان شف خالد يستناك هناك اذا تحب تروح .. راكان : أي بروح ليش لأ واضح انها طرده .. إلهام و شهد : ههههههههههههههههههههههه .. شهد : اش هالجرأه اول مره تكلمين اخوي .. لا و عادي عندك الظاهر .. إلهام : بالسعوديه ما كنت اقدر بس اللحين رايحين على بريطانيا و يكون بعلمك اول ما ادخل الطياره بنسى اني سعوديه ههههه .. و بشيل الغطا بعد .. شهد : هههههه اصلاً انتي من متى تتغطين ؟ اللثمه اللي مسويتها اللحين تسمينها غطا .. إلهام : هههههههههههههههههه .. شهد : انا اللي متغطيه زين و رح اشيله على طول ما رح انتظر الين نوصل ما كل اللي معنا بالطيارة رايحين على لندن ما يفرق يعني .. إلهام : أي و انتي صادقه ما يفرق .. اسمعي النداء هذي طيارتنا .. انا ابروح اشتري لي شي اشربه اكل الطيارة مو حلو .. انتي اسبقيني على الطيارة و لا تخلين احد يقعد جنبك انا ابقعد اوكي .. شهد : اوكي .. بس اذا ما عليك امر قولي لراكان يجي لأني انا و تركي لحالنا .. إلهام : طيب طيب و لا يهمك .. " راحت إلهام جنب ابوها و اخوها و راكان " إلهام : راكان اختك تبيك .. راكان : طيب أنا رايح .. " و راح " خالد : ليش ما رحتي معها على الطيارة ؟ إلهام : لأني ابي اشتري .. تجي معي .. خالد : لا ما اقدر .. إلهام : يلا عاد سوي شي عشاني لو مره .. أبو إلهام : حبيبتي أنا موجود و أنا ابروح معك .. إلهام : يا سلام احسن انت تعال انت تسوى خالد و طوايفه الساعه المباركه اللي تجي فيها معي .. أبو إلهام : هههههه يا بعد كلي تسلمين يا الغاليه يا روحي انتي .. ابقول لا تزعلون مني لأني صرت بعيد عنكم هالأيام صدقوني يا عيال مشاغل و لا انتو ما تهونون علي .. إلهام : يا يبا العمر يخلص و المشاغل ما تخلص .. لكن خلينا اللحين مبسوطين فيك .. بعدين نحكي بهالموضوع .. " شرت الهام اللي تبي تشتريه و ركبت الطيارة لقت راكان اخو شهد قاعد جنبها .. هو كان قاعد مؤقت يدري ان إلهام بتقعد جنب اخته .. هو كان مقعده وراهم على طول جنب اخوه تركي .. المهم جت الهام و شافته .. و شوفو اش صار.." إلهام (طبعاً بعد ما شالت الغطا او اللثمه ان صح التعبير الاخت تبرت من السعوديه صارت من اهل برى المهم .. ) : ما شاء الله انت اش مقعدك هنا ؟ راكان ( مصدوم ما عمر احد تجرأ و كلمه بهذي الطريقة خاصه البنات و بنفس الوقت اعجبه جمال هالبنت بالذات عيونها ) : تكلميني انا ؟ إلهام : ههههه انا وين قاعده اطالع اللحين ؟ ( بجد إلهام ما عندها عينها بعينه و بدون اية خجل ).. راكان : هههه اطالعيني .. إلهام : ههههه ( ضحكة غباء نقدر نسميها ) معناته أي اكلمك انت .. راكان ( محتر من جواته ) : طيب لا تعصبين علي أللحين أنا كنت رايح اصلاً انا قاعد وراكم بس قعدت مع شهد عشان ما احد يقعد هنا او يتعرض لها .. " قام راكان و وجهه صار احمر عيونه بالأرض حس ان كرامته انهانت لا و من بنت .." شهد : انتي من جدك اشلون تكلمين واحد ما تعرفينه بهذي الطريقة .. إلهام : بس أنا اعرفه اخوك .. ليكون زعل ..؟ شهد : أكييييييييد .. إلهام : يا الله ما قصدي ازعله امانه اعتذري لي منه .. شهد : انتي اعتذري بنفسك بما انو عندك الجرأه تكلمينه .. هذا هو ورانا .. إلهام ( لفت على ورى ) : راكان زعلت مني ؟ راكان ( ماني مصدق نفسي هذي اللي ما كان يطلع صوتها يوم كنا بالسعوديه اللحين مطيحه الميانه معي و بقوه ) : لا ليش ازعل .. إلهام : عالعموم أنا آسفه ما قصدت ازعلك او اهينك .. راكان : ما صار شي .. إلهام : اه على فكرة اخوي يبي يقعد جنبك ياليت تقول لتركي يبدل معه .. يعني تركي بيصير يقعد جنب ابوي اذا ما عندكم مانع خالد حاب يسولف معك عشان تمضون الوقت بس .. راكان : طيب عادي اللحين يبدل اخوي .. صح تركي ؟ تركي : و الله دامك ما تبيني جنبك ليش اقعد ؟ راكان : ههههه لا يا حبيبي انا ما قلت كذا انت سمعتها .. تركي : طيب خلاص خلاص ما عندي مانع .. إلهام : تمام .. " رجعت إلهام و لفت على شهد ...." شهد : و الله ما عرفتك .. معقول انتي بهالجرأه و احنا ما ندري ؟ إلهام : مو جرأه هذا شي عادي .. شهد : بعدين تعالي ليش قلتي له ان اخوك يبي يقعد معه .. إلهام : أي لأنه يبي يقعد معه .. شهد : مو انتي جبتيها من عقلك حبيتيه يكون وراي .. إلهام : أفا عليك انتي تقولين عني كذا ما توقعتها منك .. شهد : خلاص خلاص صدقتك مع اني عارفه ان لك ايد بالسالفه .. إلهام : ما قلتي لي ليش ابوك ما جا معكم .. شهد : ابوي حكايه طويله .. من يوم توفت امنا من 12 سنه ما قام يقعد معنا واجد دائما يقولي انتي تشبهين امك حلوه مثلها و يقولي انتي تذكريني فيها .. احسه يوم يشوفني يحس بحزن بداخله بس مو ذنبي اني طلعت اشبه امي .. بعدين هو عنده شغل و بيلحقنا على طيارة الساعه 9 بالليل .. إلهام : متى يمديه يرتاح ؟ شهد : لا تخافين على ابوي متعود على مثل هالسفرات .. إلهام : أهاا.. " و بنفس الوقت كانوا خالد و راكان سوالف .. " راكان : اختك هذي جريئه و بقوه .. لاتزعل اذا تكلمت عنها .. خالد : لا عادي اعترف انها جريئه خاصه برى السعوديه بالسعوديه تشوفها اهدى شوي و ما لها حس .. راكان : ههههههههههههه كل السعوديات كذا .. شفت اش سوو اول ما ركبوا الطيارة شالوا الغطى .. خالد : ههههههه عادي شف هاذيل الحريم كل ابوهم سعوديات و شفهم شالوا الغطى عادي انت على بالك بيتغطون ببريطانيا خلهم لا يتغطون بس يا ويلهم اذا شالوا الحجاب .. راكان : أي يا ويلهم .. ما رح اسمح لشهد انها تشيل الحجاب .. خالد ( يرفع صوته عشان شهد تسمعه ) : راكان اسمع بقولك بعض المسجات الرومانسيه اسمع .. ((عهد قطعته لو مضى العمر "ما انساك" إلا.... إذا... صادفت... (لحظة وفاتي) جايز..)أغيب، أفقدك وأتناساك) جايز...)تغيب وتنسى حبي وغلاتي) بس.. انت تدري كيف أنا أحس معاك؟؟؟؟ وتدري وجودك.. اكبر ...طموح بحياتي ؟؟)) " عند البنات .." إلهام : سمعتيه تراه يقصدك .. شهد ( ضحكت ضحكة حياء ) : اسكتي بس .. إلهام : ههههههههههههه ( ولفت على خالد ) الله الله يا حظها من تقول فيها هالكلام .. شهد : إلهام يا الله انتي مره ما تستحين .. " عند الشباب .. " خالد : شفت هذي اختي ما تستحي مطيحه الميانه .. و المشكله ما احد يرضى عليها يعني اني اخر العنقود .. هي دلوعة ابوي و اكثر شي رائد و دلوعتي بعد بس مو قدهم .. راكان : ههههههههههههه من جد اختك اتضحك .. " بعد ساعات وصلوا على مطار لندن .. " إلهام : احنا او بالأصح خالد حجز لكم بنفس الفندق اللي بننزل فيه ترى اخوك راكان عنده خبر بهالشي .. شهد : ما شاء الله توك تتذكرين تقولين لي .. إلهام : ما جا على بالي اقولك ما توقعته شي مهم لك .. شهد : أي هين .. إلهام : المهم احنا بنركب بهذا التاكسي و انتوا بتكونون ورانا اوكي .. شهد : أوكي يلا خلينا نروح بس تعبت وتلفت اعصابي ابي انام اشوي و اريح .. إلهام : طيب .. و انا بعد تعبت .. ------------------------------------------------------------------------ " هناك بالسعوديه اتفقوا هديل وليان يطلعون يتمشون مع بعض .. " هديل : الله المكان هذا حلو تعالي خلينا نقعد هناك المكان فاضي .. ليان : يلا .. هديل : تتوقعين اوصلوا على لندن ؟ ليان : ما ادري اتوقع أي .. هديل : يا الله يا ليت لو اخوي راح لندن يدرس مو بالرياض كان انا اللحين رحت معهم .. ليان : هههههههههه كان يمديك تروحين بس انتي ما رحتي .. هديل : أروح اش اسوي ؟ ليان : يكفي انه ولد عمك .. لا تنسين احنا بنجي انخطبك بعد اسبوعين اذا الله احيانا كلمي امك من اللحين .. هديل : احس بإحراج .. بعدين اكلم امي اش اقولها ؟ ليان : كلميها عادي ولا تبيني انا اكلمها .. هديل : لا لا خلاص ابشوف طريقه و أكلمها .. اللحين اش رايك ادق على شوشو اسألها اذا اوصلوا و لا .. ليان : لا انا اقول خليها بالليل يعني حتى لو وصلو رح يكونون تعبانين و يمكن ناموا ما نبي نزعجهم ..و لا تنسين فرق التوقيت .. هديل : إذا انتي شايفه كذا خلاص بالليل بالليل .. " سكتوا شوي بعدين ........ " هديل : ليون بخصوص الكلام اللي قلتي لي اياه عن بدر ذاك اليوم بالشاليه ما تزعلين اذا حكيت له اللي صار لك ؟؟ ليان : لأ إلا هالشي لا تقولينه له ما ابيه يعرف .. هديل : مو انتي قلتي انتهى كل شي معناته ما في داعي نخبي .. ليان : تكفين يعني اذا قلتي له اللحين اش بيصير ..؟ هديل : ما تدرين يمكن تتغير اشياء واجد .. ليان : براحتك اذا حبيتي تقولين له قولي له اصلاً ما عاد يهمني شي و ما اعتقد انه رح يتغير أي شي ( طبعاً ليان كانت تقول هالكلام من ورى قلبها كانت تتمنى تتغير أشياء مو شي ) .. هديل : خلي الموضوع علي بس انتي لا تفكرين كثير .. [/color] |
|
#28
02-22-2015, 01:50 PM
| ||
| | ||
|
يعطيك العافيه يا رب
|
|
#29
02-22-2015, 02:49 PM
| ||
| | ||
|
مرحبااا شكرا ع الرابط ما شاء الله فصل احلى واطول من الثاني اتمنى تنزلين الباقي بسرعه لا تنسيني مع السلامه
__________________  |
|
#30
02-22-2015, 04:04 PM
| ||
| | ||
|
حبيبتي بارت ثاني عشان خاطري وبارت عشان عيوني وبارت عشان الحماس وبارت عشان التشويق شو رايك  حب0حب0حب5 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
