|
|
#541
10-15-2012, 12:53 AM
| ||
| | ||
| جيهان نزلت راسي لتحت وانا ألوم نفسي.. ام راكان تشوفني ألبس عباتي:على وين؟؟ جيهان معليش يالغاليه راكان جاه النوم ولاتنسين ان بكره دوام عنده.. ام راكان تشوف ساعتها:تو الناس والله.. بس مابه خلاف..انتبهي لنفسك ياقلبي.. وبعد السلام.. ركبت السياره..وكان الصمت سيد الموقف..وكنت ابا افتح فمي بس معرفت وش اقول له.. وسرعان ماصلنا للبيت.. دخلنا للغرفة.. جيهان جمعت قواي:راكان.. راكان وهو يشلح ثوبه وقاطعني:انا بنام بالمجلس.. جيهان بصدمه:وليه بالمجلس..؟؟ راكان ببرود:بكيفي.. وفتح الدولاب وطلع اللحاف والوساده وطلع من الغرفة.. جيهان تنهدت بقهر من حالي:مالت علي بس.. كان منعته مو واقفة كذا..اوووف بسس.. تسطحت بالسرير وتمنيت انه يدخل بس ولا حاجة..ومن الهدوء نمت.. ركان كنت اناظر بالباب قولت يمكن بتدخل وتعتذر لي او أي حاجه تعملها..او تناظرني او تتحجج با أي حاجه بس ولا حاجه.. قمت من بقهرمن الكنب ورحت للغرفة فتحته بقوة شفتها متكورة ورايحه بالنوم.. ونايمه بدوني وقتها صدق انقهرت .. اقتربت منها وبحده:جيهان..جيهان.. جيهان:......... راكان مسكت كتفها وهزيتها إلا تطيح لي سماعات اذونها..!!! جيهان بطلت عيني بسرعه وبخوف:بسم الله.. راكان بصمت نسبي:كنتي حاطه السماعات بذونك من البداية.. جيهان ببرائه:أي..ليه..؟؟ >>ههههههههههه موقف محرج هع.. راكان(كل هالصراخ بالاخير حاطه السماعات بذونها..آآخ وش اقول لها احيين..) وبتفكير سريع:ابد بس جيت بسألك كان غسلتي ملابسي..تدرين دوام علي بكره.. جيهان بعدم اقتناع:أي غسلتهم الصبح! بس هذا ألي جاي مشانه.. راكان بثقه:اجل ليه اجي ياحظي..عشان اشوف وجهك المعفن.. جيهلت بقيت عيني:انا وجهي معفن يا آخ صايع..!! راكان شهق:انا صصايع.. جيهان بابتسامه عريضه:انت احمد ربك اني لحد الآن معك..ولا انا المفروض متطلقه منك ومفتكه.. راكان بابتسامه ثقه:حتى لو طلبتي الطلاق ووسطتي عمك سعود او يوسف حلمي اني اطلقك.. جيهان لفحت بشعري وبدلع وبثقه:ومن قال لك اني بسيب حد يتوسط لي..انت بنفسك بتطلقني بكل اقتناع.. راكان هزتني ثقتها القويه:وليه هالثقه يابنت.. جيهان جلست بطلع من طرف السرير:انا اقول لك يا آخ صايع..انت من زمان كان ودك تطلقني بس الله يهديها الخاله خلود..منعتك كوني صغيره..وطالمه انا قايمه بحقوقي وزود وانت تريد تطلقني..!!! فا اكيد سبب تافهه بطلقني عليه..ولاتنسى ان مابه حد يثق بالآخر.. راكان حاولت اتمالك اعصابي:ومن قال لك اني ناوي على طلاقك..وبعدين انا قلت لك من بالبدايه مكنت اعزك ولا حاجه..بس احين لا وانا مقتنع فيك..وفي عنادك وسخافتك.. جيهان عضيت شفتي من القهر:اجل انا سخيفه وعنيده هآآآه..تيب تيب.. راكان باندفاع:بدل ماتتأسفين مني جالسه تتوعدين.. جيهان بقيت عيني وكفت يدي:وانت خليت احد يتأسف من البدايه على طول متهجم.. وعصبي مرةة..المفروض تسيطر على عصبيتك المفرطه.. راكان بهدوء:انا عصبي صح..بس مو مثلك..!! جيهان بثقه:ليه واآيشبني ان..!! وحطيت رجل على رجل وناظرته وتنهدت بصمت:تذكر با ايام الخطوبه وش قلت لك؟؟ راكان ناظرتها:.......... جيهان كملت بثقه:تتعب لو معي تلعب.. راكان بقيت عيني على كلامها.. تتعب لومعي تلعب.. تتعب لومعي تلعب.. تتعب لو معي تلعب.. جيهان قمت من السرير وحطيت عيني عليه:انت تظن اني ميته فيك واني ميته على شوفتك..اسمح لي اقول ل كان ظنونك خايبه..محتليت ولاملكت حاجه فيني..واظن ان احنا متعادلين..\راكان با اندفاع:جميل..جميل..كل واحد منا حط النقط على الحروف..على مظن وكل واحد عارف قيمته عند الثاني.. جيهان بابتسامه:واظن كمان..ان كذا اتفاهمنا.. راكان ببرود عكس مشاعرة:وبكذا اقدر انام بسلام.. جيهان انسدحت وتلحفت:أي زين.. راكان طلعت من الغرفة ورقعت الباب بقوة..ماا تحبني.!! قالت ماتحبني انا مصدق..!! وليه متحبني وش فيني انا..بنشوف بكره ردك تحبيني او لا؟؟ محدن قدر ينام.كل واحد منهم يفكر بخطه يجعل الثاني يحبه..!!! كلامهم متقطع وكل واحد يريد يثبت قوله ومشاعره با أي طريقه..!!! اول مسمعت صوت اقدام يم الباب انسدحت بالسرير وغمضت عيوني.. ودخل ولبس ثيابه وعطر حاله وبعد متجهز طلع من دون حتى مايطالعني.. ودام هالحال لطيلة شهر رمضان.. راكان يحاول با أي وسيله يكلمها ونفس هالشيء جيهان.. تدعي ان للبيت ناقص حاجه ولا لا.. راكان يطلب منها التنظيف ويتهمها أن البيت وسخ بس مشان يتكلم معها.. وكان يجي ينام معها بحجه أن الكنب يعور جسمه..والحقيقة هي أنه أدمن على حضنها ووجودها معه..=) رنيم ومرام ويوسف وعلي ملكوا بس عقد قران وكان شرط خليفة أبوهم أن يتم زواجهم بشرط معاشهم يجي له هو أول با أول.. ريم تعاني من الوحام والتعب خصوصا أنها ببداية شهورها.. هاجر انتقلت لبيتنا..بيت اهلي..وهي تربي ولد فهد.. أم فهد أجرت العملية لرجلها..وحالها تمام التمام بعدها..ما صارت رجلها تعورها زي قبل ..وتحس براحه بيها عكس قبل تماما.. أم ريم بين الفترة والأخرى تطمن على بنتها ريم وتعطيها نصائحها وخبرتها اللأزمة وتحسن الحال بيبنهم بسبب حملها =)) .. بينما بدرية دقت على ولد عمها ألي زاعمةة انه يريدها..عطها طاف وهي تدق عليهـ وهو عافاها ولا عاد يريدها بعد معرف معدنها عدل.. ^ ^ ^ لبستـ برمودا بيج على تي شيريت من ورى قبعة ومن الصدر مكشوف شوي وجيب من بطنها زي السبورت تي شيرها بلون التركواز الجذابـ..وعليهـ حلق دائري طويل تركواز واساور عريضة.. وتسبحتـ بالعطر ومكياج ناعم مرة وصندل زحـف بيج..وفردت شعري.. غالية تنهدت:مدري أيشبو نايف..إلا يريدني اتعلم اطبخ..وانا مو حلو طباخ ياجيهان.. جيهان با أبتسامه:تعجبيني صراحتك فديتكـ..بس انتي تدرين ليه هو جايبك لعندي..!! مايريد حد يتكلم عنك أو يقول غالية ماتعرفـ تطبــخ ومن هالكلامـ صح..؟؟ غالية باندفاع:أي اكييد.. جيهان بحب:وانا بساعدكـ والطباخ مهوب صعـب حبي..وطالمة ان آخر يوم بالشهر الفضيل بنفلها فــل.. غالية قامت وحضنتني مرة:فديتك بس.. جيهان مسكت يدها ودخلنا بالمطبــخ.. *وبالمجلس.. راكان ونايف بصدمه كبيرة:كييف..؟؟ طلال بتوار:زي ماسمعتوو.. نايف بصدمة كبرى:انت أكيد قصدكـ روعه مو روان صحيح..!! طلال بجدية لازمة:لا..أنا قصدي روانـ.. راكان بتفكير:أنت تدري أن روان ارملة وعندها ولد صح..؟؟ طلال هز راسه بـ نعم:أي ادري..وأريدها بعد.. راكان:وتدري انها هي أكبر منكـ بـ خمس سنوات؟؟ طلال بثقه:أي ادري وادري وادري وأنا مصر اريدها.. نايفـ ناظر أخوهـ.. راكان:الصراحة انت فاجئتني مرة..ما توقعت انكت جاي عشان كذا..أنا مالي راي بهالموضوع الرآي رآي ابوي مو أنا..هو المتكفل بيها وهو ابوها.. طلال:أنا ادري وفاهمـ مغزاكـ..بس انا حابـ أسمـه راي روان بالموضوع..كانها موافقة أو لا.. نايف:نسأل عنكـ وبعدين نقولها كانت موافقة أو لا..لاتزعل مني بس هذا زواج مو لعبة..ومهما كانـ نعرفكـ لزوم نتأكد.. طلال بأندفاع:لا لا أبد ذا حقكم..وانا بروح اليوم وبفاتحـ أبو راكان بالموضوع.. راكان:اللهـ يسهل.. . . . وبالمطبــخ.. جيهان:حركي وحركي لاتروحين عنها..إلا بعد ماتحطين المويا على الشوربة.. غالية با اهتمام:طيب.. وتميت اعلمها الشوربة وطريقة لف السمبوسة البداية استصعبت المساله ولكنها سرعان ما تعلمتها..والرز الأبيض سهــل بس هي ماتعرفه والدجاج كمان تعلمت كيف تبهرهـ وتقطعه =)) |
|
#542
10-15-2012, 12:55 AM
| ||
| | ||
| وبالمطبــخ.. جيهان:حركي وحركي لاتروحين عنها..إلا بعد ماتحطين المويا على الشوربة.. غالية با اهتمام:طيب.. وتميت اعلمها الشوربة وطريقة لف السمبوسة البداية استصعبت المساله ولكنها سرعان ما تعلمتها..والرز الأبيض سهــل بس هي ماتعرفه والدجاج كمان تعلمت كيف تبهرهـ وتقطعه =)) وكانت السفرة الأخيرة تشمل الرز والدجاج بالفرن والشوربة والسمبوسة باللحمـ وتبولة وحلآ..وبث =)) غالية بتوتر:اخاف ميعجب نايف.. جيهان:أي حاجة منكـ اكيد بيحبها صدقيني فديتكـ.. غالية ببرائه:تتوقعين؟؟ جيهان بثقه:أكيد نبضي.. غالية باابتسامه حب:دائم تطمنيني الله يطمنكـ يارب.. جيهان مديت لها الملعقة:أقول كلــي بدل هالهذرة.. غالية خذت الملعقة وكلت.. . . . نايفـ بصدمة:أقول بس ذا مو طباخها ابد..أكيد جيهان هي الي طابخه انا متوكد.. راكان بثقهكجيهان ما تطبـخ كذا انا اعرفها..وأعرف نفسها عدل بالطبــخ.. طلال ونايف ناظروا ببعض وضحكوا.. طلال بضحكه:أعتقنا لوجه الله يالمتيم.. نايلإ:ههههه فديت الواثق انا بس.. راكان:أي بالله وأنا صادق..أعرفـ طباج مرتي زين..وتلايطوو بس.. وبعد الفطور الشهــي والتحلية.. ساعدتني غالية على غسل الصحون وهي مبسوطة من ردة فعل نايف لطباخها وهو يحلف فيها بالجوال كانت هي الطابخه أو انا.. هههههه مهوب مصدق انها تعلمتـ.. وراحوو.. غالية ضمتني:أشوفكـ حبي بكرهـ بالأستراحة.. جيهان با ابتسامة:بإذن الله..فمان المولــى.. كان الساعة 10 إلا ربــع باللليل.. لبست بجامتي الكرزية الشورت ومسحتــ مكياجي ورفعتـ شعري بتركهـ وقطيت نفسي بالسرير.. ودقائق دخل راكان.. جيهان عدلت جلستي:أجل حب نايف طباخ غالية فديتها.. راكان:.......... جيهان كملت:هي متحمسه لفكرة الطبخ بعد منجحتـ با أول مرة..الاساس تصير مرة مالح ومره ماصخ ومرة مزبوط..كدا بالبدايةة..وبعدين بتصير شيف بسم الله عليها.. راكان:........ جيهان قمت قباله وبهمس:راكان وينك؟؟ راكان ناظرته:منت على بعضكـ..آيشبك؟؟ راكان انسدح بالسرير:وليه أقولن لك..طالمة انتي وانا مقتنعين ان منكلمـ بعض إلا لضرورة.. جيهان تنهدت:الوضــع ألي احنا بيهـ مو حلو..متوترة مرة..كنا كل واحد فينا ينتظر تنازل من الثانب..وأن كل هالزعلة عشان اني قلت لكـ أني محبك..أنا أعزكـ زي ماتعزني.. راكان بقهر:لا المفروض تحبيني..وين كلامكـ قبل.. جيهان طيرت عيوني لفوق:ذاكـ كلامـ.. راكان مسكت يدها وشديت عليهم:ما كان كلامـ كنت احس فعلا أنكـ تحبيني وأحين محس بهالشيء..أحس أنكـ تسوين واجبكـ كونكـ زوجة وبس..عكس قبل..وين جيهان القديمة.. جيهان ناظرته بهدوء:ليه جيهان القديمة تحبكـ طالمة أنت ماتحبها هااه..ولاتريد حب من طرف واحد..جيهان راحت وولتـ ايامها..وزي ما قلتـ أنا أسووي واجباتــي وبس.. راكان:طيب مو من حقوقي أني اطالب.. جيهان قاطعته:وانا ما منعتكـ أبد..أنت الي ما تريد ولا تنكر..!! راكان اقتربت منها زود وناظرتها بحده:لأني محس أنك جيهان ألي عزيتها واغليتها وألي شاركتـ معها كــل حاجة تخصني..فـ مقربتـ منكـ..وان قربتـ أخذه مو طيب منكـ.. جيهان خذت نفس عميق:وش ألي مشغلنـ بالك..ما قولت لــي..؟؟ راكان تنهدت بصمت:لزوم أقول لكـ.. جيهان:اعتباراً اني زوجتكـ.. راكان(مو اعتباراً انك زوجتي وبس..انتي كل حاجة في راكان قلبه وعمره ولاوحهـ..آآآه بس)تنهدت وجلست على السرير وانا مقابلها:طلال خويي يريد روان حليلة لهـ.. جيهان با اهتمام:ايووة.. راكان با انفعال:وعادي عندك.. جيهان:وآيش المشكلة بالموضوع.. راكان رجع شعره لورى:طلال زي عمري 25 سنهـ وروان ارملة وعندها ولد وأكبر منهـ بخمسس سنوات.. جيهان ببرود:تيب منيب شايفة مشكلة بالموضوع..وغزا قصدكـ عن الكبر فالرسول صـلى الله عليهـ وسلمـ تزوج خديجة رضى الله عنها وهي أكبر منهه مو بخمس سنوات وبس..!! وحتى لو كان طايش روان بتنصحة وترشده والله بيتمم عليهم على الخير.. راكان:........... جيهان مسكت يده وبحنان:ويا راكان أنت صديق طلال وادرى بطبعة وأسلوبهـ وكل حاجة بيه..وعمـي حمود وأخوانكـ مهوب مقصرين بيسالون عنه..الرأي الأول والأخير لـ روانـ.. راكان اقتنعت بكلامها المنطقـي طريقة أسلوبها شدني مرة ما كان لي رآي بعد كلامها.. جيهان بابتسامه عريضه:والله أني فرحت مره..روان تستاهل كل خير ..ياالله تسعدها وتحفضها يا رب .. راكان بذهول:دعائك من قلب والله.. جيهان جلست جنبه وباحماس:اكيد ذي رواني...فديتها بس وربي انها عسل..هادي اختي الي ماجابتها امي.. طالمه تدافع عني من وراي وبحضوري وتوقف ضد الكل عشاني... الله اكبر بس... راكان نزلت راسي وبابتسامه: فعلا روان تحبك حيل...حتى انها بكت وهي تصر علي اني اراضيك.. جيهان بحب: مدري كيف هالمخلوقه الطيبه... راكان ناظرتها: يمكن لأنها عانت ألي عانتيه أنتي .. جيهان تنهدت: الحمد لله ان اللع فكها منهم..اجل ماطلبو اهل زوجها بحضانه الولد... راكان بحده:أي النذول طالبوو.. بس والله مايصير ألي يريدونه اشتكوا وصارت مشاكل..بس الحضانه الحق بيها هي روان أختي...وكان يشوفونه بين مناسبات وبس... جيهان باستغراب: وليه تيب بالمناسبات ؟ راكان بابتسامه:لان غازي يعمل لهم شقاوه لما كانوا ياخذونه عندهم وكسر تحفهم على قولتهم تحف شارينها من باريس.... جيهان فقعت من الضحك:هههههههههههههههه من جد.. راكان : والام بخيله مرة اعوذ بالله منها بس.. وسكتنا شوي... جيهان ألتهيت بيدي وان اشوف أصابعي.. راكان ناضرتها وانا اشوف مدى نعومتها وجمالها وبياضها على بجمتها الكرزي شكلها كان جذاب ويسحر ويسيب الواحد غصب يناضرها... اقترب منها زود وبهمس: اشتقت لك.. جيهان ارتبكت من انفاسه وناضرته بضياع... راكان مسكت يدها وبستها:انا قبل الطالب بحقوقي وانتي ماتمنعيني ولا احس انك معي وكنك ماتريديني..واذا كان بتسوين زي الايام الي فاتت منيب مقرب لك... جيهان طيله شهر الخير كان يطالب بحقوقه واعطيه بس بدون نفس وكان يتذمر من هاشىء...بس صعبه اعطيه من رضى نفس وهو مايحبني ورافض انه يعترف بهاشىء... نزلت راسي.. راكان من سكوتها عرفت ردها وتنهدت وقمت ومسكت يدها: يلاج وجو ننام...ورانا بكره يوم حافل وقومه لصبح... جيهان هزيت راسي بنعم.. وانسدحت معه كالعاده نام بصدري وضميته لي زود وبست جبينه وضربته من ورى لما نام.. . . . روان وروعه تنهدو بهم.. ام راكان بصدمه: وربي لحد الان مصدوم ان اروى تسوي كل ذه... روان: وليه تنصدمين؟؟ بها لزمن كل حاجه جايزه.. نايف دخل: روان تعالي شوي أختي... روان قامت : ان شاء الله...راحت معه للمجلس وباهتمام: امر يا أخوي.... ابو راكان التفت لها: انا الي طلبت انه يناديك... روان: خير يبه... ابو راكان : خير ان شاء الله... تدرين ان اخوي راكان طلال كان جاي هنا وتوه طالع.. وهو طالب يدك .. روان بصدمه : كييف؟؟ ابو راكان : هو طالب يدك.. وانا اعرف طلال وهو رجال والنعم فيه..لكن الشور الأول والأخير لك يابنتي.. روان بعدم استيعاب: بس يايبه طلال زي عمر راكان وهو ولد وأنا أرمله وعندي ولد بعد.. ابو راكان :وهذا راكان خذ جيهان وهي أرملة وهو ولد..وإذا عن العمـر يا بنتي الرسول صلى الله عليه وسلم تزوج خديجة رضي الله عنها وهي اكبر منهـ كثير.. روان سكتت.. أبو راكان:أنتي فكري يابنتي زين ولكـ مهله كمـ يومـ أستخيري وشوفي نفسكـ موافقة أو لا.. . . . باليوم التالي.. أول يوم للعيد الفطر.. على الساعة 7:30 أم فهد:جهزتـي يا هاجر.. هاجر وهي تأخذ شنطة البيبي:أي يمه خلصتـ.. أم فهد:علامه تأخر فهد.. هاجر با أبتسامه:أحين بينزل بالغالية.. ونزل فهد وهو يعدل شماغة:يلا على السيارة لا نتأخر على الأستراحة ولا بتزعــل جيهان.. أم فهد دخلت السيارة وخذت الشنطة.. وجات هاجر بتطلــع من البيت إلا بيد فهد.. فهد با ابتسامه:وش هالزيــن ياقلبي.. هاجر بحيا:عليكـ طالعهـ.. فهد عض شفته:آآخ بس..لو مكنا بنطلع كان..آآه بس.. هاجر بضحكه:يلا نروح لتزعل جيهان صح.. فهد بهمس:أحبكـ والله.. هاجر بحب:وأنا أموتـ فيكـ.. وبكـى الولد الي بحضنها.. فهد وهاجر:هههههههههه.. هاجر ضمته بصدرها:فديت سعود انا..حتى هو زعل.. فهد:هههه يلا قلبي.. وركبوا السيارة ووصلوا للأستراحة.. وكان به عوائل كثيرة.. كلنـ جاء وحضر.. |
|
#543
10-15-2012, 12:56 AM
| ||
| | ||
| وركبوا السيارة ووصلوا للأستراحة.. وكان به عوائل كثيرة.. كلنـ جاء وحضر.. كنت لابسه فستان لنصف الساق أكمامه حاير موديلها بدوي وبه خطوط.. بالطول باللون الوردي والأاخضر الضفدي والأصفر الباهــت.. وصندل عالــي وردي وبه فيونكة مـن ورى مزينة بالفصوص الفضية.. وعملتـ بف شعري كبيرة شوي ولبست تاج وردي به فيونكه على جنب وحلق طويل ناعمـ وخاتـمـ وتعطرتـ بعطري المفضـل فيرزتشي.. ومكياجي كان عند عظمة الجفن المتحركـ بلون الترابي الباهتـ ورسمتـ عيني كارسمة القطة ومن تحتـ عيني بلون الأخضـر الجذابـ وكحـل وكثفت الماسكارا البلاكـ..وعدسات تركواز وحبه خال بخدي قريبة من شفتـي وحدد حواجبي أكيد وغلوس لامــع باللون الوردي الهادئ.. <<ده كان لبسي للعيد الفطر من جد رووعهـ مرة =)) واغانــي تعتلــي المكانـ.. أم راكان بهمس:من ذي ألي عندها ولد؟ جيهان بابتسامه:هادي مرتـ أخوي ..هاجر..زي منتي عارفهـ طلق بدريه والولد عند أخوي.. أم راكان:اها ماشاء اللهـ..نفسيتها حلوة..وكلامها عسل.. جيهان بنفس ابتسامتي:أي مرة فديت روحها..توقعت اني قلت لكـ.. ام راكان بتفكير:مدري واللهـ يمكن قلتي ويمكن لا..نسيت واللهـ.. وسكتنا شوي.. أم راكان با اهتمام:أها..أنتي كيفك مع راكان يابنتي؟؟ جيهان:الحمدلله يالغالية تمام التمام.. أم راكان تنهدت براحة:أي الحمدلله.. ومر الوقـت بسرعة وعرفتـ من البنات عن اروى..وقولت اللهم لاشماته..اللهم لا شماته.. **قولووها معي قرائــي.. اللهم لاشماته.. لا لا لا تتشمتون على أحد لأن اللهـ قادر على أن يشفيكمـ ويبتليكم.. وطلعت أتمشــى مع روعه و روان.. وبين السوالف.. روان بحيره:والله أني محتارة مرة.زأقول أي او لا.. جيهان:أنتي استخرتي..!! روان باندفاع:أي بعد اذان الفجر وقبله مرات وتكرار وحسيت براحه بس أحس أني مشوشة مرة.. جيهان مسكت يدها:لا تحاتين او تحطين ببالكـ موضوع العمـر او موضوع انه ولد وأنتي أرملة..هادا نصيبكـ يا رواني.. روان تنهدت براحة:طيب.. روعه بتمتمه:أنا بعد تقدمـ لي عاصـم.. جيهان بفرحه:جدد..!! روعه:أي..لما عملت المشكلة نادين بذا اليومـ فاتح عاصم ابوي بالمجلس.. جيهان بحماس:تيب..ووش ردك؟؟ روعه:إلى الآن ما رديت بس أكيد برفـض.. جيهان بستغراب:ولييه..؟؟ روعه وهي تمشي:ما ابا اتزوج واحد برا الرياض وبعيد عن أهلي..وأنا الصراحة ما اريده بكلا الحالتين.. جيهان:......... روعه:منيب مرتاحة له هو واهله..صحيح عمتي خوله منفتحه وأسلوبها حلوو..بس انا ما اريده.. جيهان با اهتمام:وليه تيب؟؟ شايفه عليه حاجة؟؟ روعه بصدق:ما احبهـ ولا مرتاحه له ولا أبا الغربه أنا.. جيهان التفت لها:هادي حياتكـ وأنتي ادري بيها وطالمة أستخرتي ولا أرتحتي خلاص..والله يقدمـ ألي فيه الخير.. روعه با أبتسامه:أي.. **ليس كــل قصــة حـب تنجــح بالواقــع..!! عاصـم حبهـ لروعه بااتــ حلماً.. راكان حبه لأروى مــن طرفـ واحــد.. بدرية حبها لفهد كان حبـ مصلحه ودمار بعد.. والله يعلـــــم ونحـــن لا نعلـــــم.. والخيــرة فيما اختاررها اللهـ.. ورجعنا للأستراحة وتغدينا وكان كبسه لحمـ محمر مــع حشوة روعهـ.. وجلست بجنب ريمـ بعد الغداء الطيب..وكنت سرحانهـ.. ريمـ مسكت يديكوش ألي تفكرين فيه جهوونه..؟؟ جيهان ألتفت لها وتنهدت:براكان.. ريم:وليه علامه..؟؟ جيهان ألتفت لها:يا ريمـ..أحس أن مايحبني.. ريم با أبتسامه:ومن قال لك؟؟ جيهان بحزنـ:ماقد مرة قال انه يحبني..نفسي أسمعها منهـ.. ريم بنفس ابتسامتها:تصدقين جيهان..أنتي تذكلايني با أحد أعرفه حق المعرفة.. جيهان:........ ريم:كانت تبا تسمــع كلمة لو مرة بحياتها وهي كلمة احبكـ..!! وحاولت تطر من زوجها هالكلمة وتطلع منهـ الكلام بالغصبـ بسي للأسفـ مابهـ امل..ومرتـ الأايامـ وجاءزوجها بنفسه قالها لهت وطلعت مــن قلبهـ..وحست ان له نغمة غريبة وهو ينطقها..هو صحيح نظرياً أن هي مجرد كلمة لا تؤدي ولا تجيب..بس احنا يالحريمـ نحب نسمعها من ازواجنا.. جيهان هزيت راسي بـ نعمـ.. ريمـ كملتـ بحالمية ومالت راسها شوي:والاهمـ ان الحـب بالأفعال لا با الأقوال..تحسين با أهتمامه ولتعبتي يكون جنبكـ..لبغيتي حاجة يعمل المستحيل عشان انتي خاطركـ فيها..وهل راكان كذا..!! جيهان:أي هو كدا ريم.. ريم:طيب حلو ماشاء اللهـ أجل يحبكـ..وتأكدي من هالشيء.. جيهان بشوق:بس نفسيتي أسمعها منه ريمـ..طالمة يحبني ليه مايريد يقولها لي..؟؟ (وبغيرة)هذا هو يقولها لأروى وش معنــى أنا..آووف بس.. ريم:ههههه فديت الغيران أنا بس.. جيهان مديت بوزي:وانا مراح أعبرهـ ولا أعطيه وجه غلا لما يقول أحبك.. ريم ضحكت على حماسها وكلامها ومسكت يدي:تعرفين من الي ذكرتيني بيها..هي انا.. جيهان بستغراب:صدق..!! ريم با ابتسامه:أي باللهـ ..وبعدين صار يقولها لي لما شبعت هههههه.. جيهان بفرحه:بنشوفـ السيد الآخ صايــع بيقولها أو لا.. ريم:بلغيني أن قالها أو لا.. جيهان:ههههه تيب.. بالمجلس.. راكان كنت أفكــر وين نروح مع جيهان لأول يوم عيد..أبا أخليها مبسوطة معي مهمت وش كان.. وطبعاً أستشريت فوزية دريــع أوه اقصد طلال خويي هههههههه.. دقيت عليها بس عشان أسمـع صوتها واتحجج أني دقيت عليها بالغلط.. وركبت السيارة.. راكان لبست نظارتي ريبان والتفت لها:وين حابه تروحين..؟؟ جيهان بتفكير:مدري..أنت مو هلكان يعني..ما تريد تأخذ قيلوله.. راكان باندفاع:لا..لا أبا هالعيد يكون بنسبة لكـ غير.. جيهان بستغراب:وليه..؟؟ راكان باابتسامه:لأنـ اول عيد بيكون واحنا مع بعض.. جيهان رديت له الأابتسامه:تيب..مابه خلاف..بس وين بنروح على هالظهر..ناخذ قيلوله وبعدها على المغربـ نطلــع.. راكان برفـض تام:لا لااا.. جيهان مديت بوزي:لا تكفــى.. راكان:يعني انتي تعبانة..!! جيهان باندفاع:أي وأبا أريـح شوي.. راكان خذت يدها وبستها:ما طلبتي حاجة.. وسرعان ماوصلنا شقةة.. وعلقت عباتي ومسحت مناكيري الوردي..وشفته يعلق شماغة وركضت لهـ وبطفولة:شوف ريكوو..خالتي وعمي حمود عطاني عيديهـ.. راكان خذتهم من يدها وبا ابتسامه:ماشاء اللهـ..كنهم بس اربعين..!! جيهان خذتهم من يده:حتى لو عشرة ريال..أنا راضيه الأهم انه معيدو علي.. راكان با ابتسامه عريضة ضميتها بصدري بقوة وبست جبينها:فديت القنوع يا ناس.. (وبا اندفاع) أي صح تذكرت حاجة كنت ناسيها.. جيهان:وش هي..؟؟ راكان حطيت يدي بجيبي وطلعت المحفظة ومديت لها:هاذي عديتكـ..دائم انسها هالأشياء..السموحة يا نبضي.. جيهان بصدمه:بس ذا واجد.. راكان حطيت يدي على شفتها:ولا واجد ولا حاجة..تستاهلين أكثر روحي..بس بالعيد الأضحـى منيب مقصر.. جيهان ناظرت بالـ 500 ريال ألي بيدي:بس ياقلبي راتبك ما يشجــع أنك تعطيني كذا.. |
|
#544
10-15-2012, 12:58 AM
| ||
| | ||
| راكان حطيت يدي على شفتها:ولا واجد ولا حاجة..تستاهلين أكثر روحي..بس بالعيد الأضحـى منيب مقصر.. جيهان ناظرت بالـ 500 ريال ألي بيدي:بس ياقلبي راتبك ما يشجــع أنك تعطيني كذا.. راكان:خبركـ اول أحين 7 الأف استلمـ ..وراح يزيدوني ان شافوني مجتهد.. جيهان:ماشاء اللهـ..أهم حاجة البركة..مو بالكثرة.. راكان:أي الحمدلله.. جيهان مسكت يدهـ وعطيته بجامتهـ:يلا اشلــح ثوبكـ منشان ننامـ.. راكان:بس مالي مزاج لنومـ.. جيهان بزعل:لازمـ ننام ولا بزعــل.. راكان شلح ثوبه ولبس بجامته على السريع:إلا زعلكـ ما أقدر عليهـ.. جيهان(والله وطلعت تحبني مرة راكان بس مردكـ راح تقولها واليومـ بعد..) ونام بصدري وضربت بظهرهـ لما حسي تبا انتظامـ انفاسهـ وقمتـ بشويش ومسحتـ مكياجي وفتحت الدرج بشويش وطلعت البلونات واللوازمـ ورحتـ للمجلس وجلست أنفــخ بالبلونات لما حسيت نفسي انقـطع.. وحطيت الشموع بطاولة المجلس وبجانب البلازمت وطبعا ما ولعتهم وطلعت وقفلت المجلس ورجعت لسرير وغفيت معهـ.. . . . كانت مترددة تدق أو لا.. خصوصاً بعد مسوت فيهم..وشوهت السمعة.. ومقدرت تجرأ تدق عليهمـ.. وفتحت اللأب بدل هالطفش.. ودخــل عبد العزيز وشافـ اللاب بحضمها وسحبه من حضنها وبحده:من قال لكـ دخلي اللاب.. أروى ناظرته بتعجب:علامكـ وش سويت أنا طيب..؟؟ عبد العزيز جلس جنبها:أسمعي يا بنت الناس..لابتوب أنسي وجوال بلاك بيري مافي وطلعه بهالعباية الي تسمينها عباية أنسي وكلية ما تكملينها خلاص.. أروى بقت عينها:لا والله..وليه هالشروطط؟؟ عبدالعزيز قام من السرير:زي متعرفتي وقدرتي تكلميني بالمنتديات وبالمســن وبالفيس بوكـ وبالتويتر أخاف يجي أحد ويكلمكـ وتكلمينه زي ما كلمتيني..والكلية لأنكـ كنتي تنتظريني هناكـ ويمكن أنتي تميلين لهـ زي ماملتي لي.. أروى منصدمة من كلامه:نابه ثقه فيني ياعزوز.. عبد العزيز:به ثقه أكيد..بس لزوم تطيعين زوجك وتتخلين عن هالأمور عشاني..(ويم الباب) وطالمة انتي ما تعرفين الطباخ تعلمي من امي الطباخ.. أروى كفتت يدها وبدلع:مستحيل اطبخ وأنا ما ابا أتعلمـ وطالمة أمكـ تعرفـ الطبخ خلهـا تسوي لنا وترسله لنا بالغرفة.. عبد العزيز رفع حاجبه:أمي مهيب خدامة لكـ..ويلا على المطبــخ..وأنا ما اصريت عليكـ أنكت تدخلين بالمطبخ طالمة أنكـ عروس بس دحين خلاص خذتي شهر وشوفي واجبات زوجكـ..وسالفة أني اودري ملابسي بالمغسلة انســي..قومي أنتي غسليهم..لزوم أحافظ شوي.. أروى ماعجبها كلامه:بس أنت معاشكـ 20 آلاف يعني زين وليه تخليني انا أغلسهمـ..!! عبد العزيز بضحكه هستريه:ههههههههههههه هههههههههههههه ضحكتيني واللهـ.. أروى:!!!! عبد العزيز:أنا لو صـل راتبي لـ 4 آالاف يكون احسن.. أروى بصدمة كبرى:وليه كم رآتبكـ اجل..؟؟ عبد العزيز:آلفيين  00 ريال..أروى بقت عيونها:كيييف..!! وليه مقلت لي من البداية.. عبد العزيز با ابتسامه سخرية:مو قلتي لي انكـ تحبيني وبترضيــن تعيشين معي حتى لو بكوخ واو ما اشتــغل.. اروى بصدمة:أي ذا كلامـ مو واقـع ومكنت أدري أنكـ بتأخذين هالكلامـ جد.. عبد العزيز:لا يكثر بس..ويلا ساعدي أمي..على التنظيف مسكينة انهدت حيلها من التنظيف مع أختي.. ودخل للتوليت ورقع الباب وهي بصدمتها وبحسرتها.. وجلست تبكي على حضهااا.. **علاقاتـ النتـ أو الغير مشروعة الي تصير من ورى الأاهــــل..دائماً تكوونـ فاشلةة 100% .. بالبداية سعادة وفرح وبالأخير تعاســه وشـــــــكـ وحزنــ..!! . . . وبعد صلاة المغربـ.. طلــع يشوف اهلهـ وأنا ادعيت أن فيني النومـ وقولت له تأخر عاتي.. لأني باخذ فترة بالنومـ.. أول مطلعـ نقزت من السرير واخذت دوش سريــع لنصــف جسمي.. ولبستـ فستاني على السريــع.. كان الفستان الي شريته وانا بشهر العسل.. قصير بنصــف الفخذ باللون الاحمر الكرزي وحزامـ من الخصـر ضعيف بلاكـ وبجهة توب وجهة حمالات كان ناعم مرة..ومن تحت كان ماسكـ علي مرة.. لبست عليه ذهبي وصندل عالي بلاكـ.. وتكحلتـ بكـحل عربــي وعدساتـ بندقي فاتـح وبلاشـر مشمشي وغلوس ثابتـ أحمر غامق جذاب وكثفت الماسكارا البلاكـ..وتسبحت بالعطــر ليدي مليوون.. ودهنت يدي باللوشن.. ودقيت عليه بعد مخلصتـ ولا رد علي.. وكان الساعة 8:30 ودقيت ولا رد وحذفت جوالي على جنب لأنهـ مارد علي.. ولما دق علي قفلت جوالي من القهر.. أو بمعنــى اصــح ادعــي القهـــر والحجة عشان الزعــل هع.. وحطيتـ على قناة وناسهـ وجات اغنية......... <<مراح اقولها منيب ناقصة آثم يالمزيونات =)) وجلست ارقــص عليها لمــا أنتهتـ الأغنية.. وجلست على الكنبـ وسمعت فتحه الباب وقمت على طول من الكنب وطلعت من المجلس وجاء بوجهي وناظرته من فوق لتحت بقهــر وعطيته ظهري وصرت اتدلع بمشيتي وأتمخطر.. راكان أول مشفتها جمدت مكاني ومن قمة جمالها مقدرت اتحركـ من مكانــي ولما خزتني بنظرتها مدري وش جرى لي..آآخييه بس على عيونها..وباندفاع:جيهان.. جيهان كملت مشيتي وخذت معطر الجو مـن الغرفة وهو وراي وابـخ بالجوو.. راكان باندفاع:وربي متأخرتـ..أنتي لما دقيتي كنت أنا بالتوليت..ولما شفتـ أتصالكـ دقيت وبعدها انتي قفلتيه...وجيت لكـ طيران.. جيهان(هههه فديتك بس..اي ادري انكـ ما تأخرتـ بس لزوم اجيب حجة لزعلي)ولا عبرتهـ وجلست اعطر وهو وراي يبرر موقفة.. كتمت بسمتي وانا مدعيه الزعــل ودخلتــ للمجلس.. راكان جيت قبالها ومسكت يدها:تكفين جيهان لا تزعلين مني.. جيهان جلست على الكنب وحطيت رجل على رجل متعمدة ولفحت بشعري وانا اناظره بدلع:وليه مزعل..؟؟ راكان ناظرت للمكان والانوار الخافته ريحه المكان كرز وبلونات والتفت لها بلعت ريقي من حلاها:لأنكـ غالية علي.. |
|
#545
10-15-2012, 01:00 AM
| ||
| | ||
| راكان ناظرت للمكان والانوار الخافته ريحه المكان كرز وبلونات والتفت لها بلعت ريقي من حلاها:لأنكـ غالية علي.. جيهان وأنا اناظر يدي الي فيها مناكير احمر:وليه أنا غالية؟؟ راكان:لأني انا اعزكـ ولكـ مكانة بقلبي كبيرة ولاتنسين أنك مرتي.. جيهان با أبتسامه:وليه وليه وليه..وحتى لو انا مرتكت مو شرط تعزني ويكون مكانه لي بقلبك..!! راكان جلست جنبها وحطيت يدي على فخذها وبعدت يدي:جيهان ليه تعاميني كذا أنتي.. جيهان ألتفت له بدلع وحطيت يدي على خده وبمياعه شديدة:ليه أيشبها معاملتي لك؟؟أنا اشوف أنها عسل على عسل.. راكان دخت على جمالها ودلعها ولمستها.. جيهان بنفس دلعي:ولما عرفتـ أنكـ ما تحبني قلت أتغير أحسن لي.. راكان باندفاع:وليه تتغيرين..وبعدين من قال لكـ أني محبك..!! جيهان(أي أي قولها تكفــــــى)وببرود شديد:تصرفاتك تدل على هالشيء.. راكان خذتها بحضني ولفيتها قباليكجيهان بلاكـ ماعرفتي أنتي وش بنسبة لــي..أنا مو أحبكـ..أنا ميت فيكـ انا اعشقكك..انا احبكـ مرة ياجيهان..ومتوقـع اني بحب او حبيت أحد زي ماحبيتكـ انتي..!! وحتى خيشة البصــل ما حبيتها زي حبي لكـ.. جيهان:......... راكان بكــل حب وشوق وصدق:وربي أنا أحبكـ وأموتـ فيكـ..لما تزعلين أتضايق من نفسي ولما تريدين حاجة وانا ما اقدر عليها أحس بشعور مو طيب والله..احس أني مستاهلكـ ولا استحـق اهتمامكـ نبضـي.. جيهان:......... راكان:انا حتى صوتكـ ما احبـ حد يسمعهـ غيري..ولا ابا حد يشوفكـ..كرهتـ يوسفـ مررة وحاولت أقنـتع نفسي أني اتقبله كونه ولد زوجك اليابق والحمدلله اقتنعت بس مو مرة..وأبو يوســف آآآخ بسس الله يرحمه بس لما افكر أنكـ كنتي لغيري قبل يجن جنووني.أمووت الف موتهـ.. جيهان دمعتـ عيوني بلا شعور.. راكان اقتربت منها وبستـ دمعتها وبهمس:لا تبكين طالمة أنا معكـ.. جيهان ضميته مرة:وانا اموتـ فيكـ راكان..وليه خبيت عني كل هالمشاعر.. راكان دخت بريحتها العطرة وبست كتفها:لأني خفت أنكت تغترين زي مغترت علي خيشة البصــل.. جيهان:لا تقارني بيها رجاءاً..ولا صدقـ بتضايق.. راكان حوطت يدي بخصرها وقربتها مني:بس هالدلوعه لما عرفتـ أني أزعل لتضايقت قالت خلاص هذا رفيجي.. جيهان بضحكه دلع:ههههههههه.. راكان بست خدها:وربي اعشقكـ.. جيهان بحيا:وأنا أموت فيكـ واللهـ.. راكان ناظر بالمكان:الصراحة اذهلتيني مرة.. جيهان بحماس:يعني عجبكـ ريكوو.. راكان:أي مرة.. جيهان بمكر:آآه بطني يوجعني..مدري أيشبوو.. راكان بخوف:بسم الله عليكـ قلبي.. جيهان قمت من حضنه بشويش وانا ادعي الآلمـ:آآآه يضرب مرة ريكوو.. راكان بخوف:وش السوات طيب..؟؟ جيهان أتكيت عليه بدلــع:مرة يجعني..لدرجة اني معرفـ امشي.. راكان شالني على طول وأخفيت أبتسامتــي الخبيثة.. ولما دخلني الغرفة نزلت وسكرت الباب وبضحكه:كمشتكـ.. راكان:بسم الله..علامكـ مو تعبانة..!! جيهان اقتربت منه وبدلع:منيب تعبانة بس اتدلع عليكـ.. راكان بخبثك:أي زين انك مو تعبانة.. جيهان فهمت نظراته ومغزاه من كلامهـ ورحتـ لعند الباب:هذا ان قدرتـ تمسكني ياشئــي (ياشقي).. وطلعت من الغرفة اركـض وهو رواي ومن الحماس صرتـ اصارخ.. ولصقني على الجدار وبا أبتسامة عريضة:كمشتك احين.. جيهان مديت بوزي:أمداني تحركـ إلا مسكتني و.... مقدرت أكمل كلامــي لأنهـ تركـ قبلة بشفتــي.. و......................................... ................................................... ................. ^,* ........................ ريــم وسعوود حياتهمـ سعيدة وللهـ الحمد..وجابت تؤم ولد وبنت سمتهم عزامـ وسهامـ..والسنه الثانية حملت مرة ثانية وجابت تؤم بعد سبحانهـ كنا ربــي عطاهاا بعد صبرها الطويل وجابت ولدين سلطان وحمد.. وقصتهم واقعية أخذتها مــن قصة وحدة بمنطقتنا العيوونـ..=)) * * حنان وإبراهيمـ كانت الأم المثالية لبنتهـ.. وحملتـ وجابت تؤم ولدين وربي كافئها بعد صبرها على أبوها الظالمـ.. * * رنيمـ ومرامـ زواجهم كان بيومـ واحد وعمتـ الفرحة بقلوبناا.. رنيم حملتـ من أول شهر لهاا ومرامـ بعد 3 شهور حملتـ.. والحمدلله يوســف مبسوط من رنيم مرة وعجبته حيل..ونفس الشيء مرامـ سعيدة مرة مــع علــي.. الله يسعدهم يارب.. * * ونجـــي لأبو زياد(خليفة) لما زوج بناتهـ صار ياخذ معاشهم اول با اول.. ومن شدة بخله حرمـ نفسه من الكهرباء والأكــل عشان يوفر الفلوس..!! وبعد 4 شهورر فقط من زواج بناتهـ.. توفــي بسبب الجووع.. وبعد وفاته تمـ معرفه أن المال ألي عنده بالبنكـ حوول أمثر 8 ملايين..!! وهادي القصة واقعية 100% أخذتها مـن فتاة من جازان كانت تحكي قصتها لشيــخ..وهي تبكي وتقول قصتها وجاتني الفكرة اني اكتبها في روايتي.. * * ام فهد مبسوطةة مرة من هاجر والحمد لله بعد عمليتها لرجلها صارت أحسن من أول.. وهاجر كانت الأم المثاليةة لسعود.. وبعد 7 شهور جابتـ بنت حلوة يقولون ان فيها شبة مني :$ هع وسمتها غلا.. فهد على الآن يتاســف لأمه بسبب معاملته لها بالسابق.. ولأن ام فهد طيوبة سامحتهـ .. وقصة فهــد مع ام فهد واقعية 100% حصلتـ عندنا بمنطقتي العيون زي ماقلت لكمـ..ومثل هذه الأمور تحصلـ بكــل بلدة وبكل منطقة.. * * بدرية جاتها حالة نفسية ومكانها المناسبـ أكيد المصحــةة النفسية..لم تتحمل كونها مرفوضة لدى ابن عمها..!! جاتها صدمة قوية وأستخفت مرة وحدة.. وهذه نهاية كـــل ظالمـ وكااذبـ آشــر.. * * نايــف وغالية مبسوطين ولله الحمد واتفقوا أنهم ميجبون عيال هالسنة..=)) شريفة ومشاري..الحمدلله..حالهم ماتغير..شريفة صراخ بصراخ عليهـ..ومــع مرور الشهـور تحس حالهمـ ولله الحمد..وحملتـ أخيراً..محملت من قبل كونها تعاني مــن اكتئاب حادد..ولما تحس حالهم حملت على طول سبحان اللهــ.. روعهـ تزوج واحد مـن برا العائلة..وهي سعيدة مرة معهـ ولله الحمد.. روانــ تزوجت طلالـ وهي سعيــدة مرة معهـ..وكــل ماتجمعنا احس فعلاً ان السعادة والبهجة باين على وجها..وحملتـ مباشرة وجابت ولد وسمتهـ راكان على حبيب قلبي ريكو :$ * * ابو راكان معاملتها معي تغيرت زي منتوا شايفين..وابو راكان مبسوط مرة با احفادة.. اللهـ يرضــى عليهم يارب.. * * بنسبة للعائلة الكويتية.. ألي كانوا ضيوف شرفـ بروايتي.. كــل شهرين أو مناسبة نروح لهمـ.. * * * بنسبةة للعمة خولة.. مازلت تعيد بتربيه بناتها من اول وجديد.. الثقة أمــر مهمـ..ولكــن ان زادت عن حدها قد تنقلب كاررثةة..!! نادين تزوج رجال ملتزمـ ومن الهيئة..وشديد معها مرة وكرها بعيشتها.. الأهمـ أن بلاكـ بيري ما عندها وصار عندها بدل عنه (جوال ابو لمبة) ويخب عليها بعد.. ميرنا تزوجت واحد وعاشت بسعادة معهـ وألمــى كملتـ تعليمها..وقالت انها بتكمله بالخارج..بس العمه خولة كانت لها بالمرصاد وقالت كمليها بالسعودية ولا جلسي بالبيت.. قال شو قال بالخارج قال..!!! عاصــم حزنـ كثير كونـ لما روعه رفضتهـ..ولكــن الحياة لا تقف على احد..تزوج ولله الحمد وجابـ بنت وهو سعيد مع حرمتهـ.. =)) قصة خوله وعيالها واقعية وكثيرة جداً بمجتمعنا..فا أردت أن اطرحها للأفادة منها.. * * اروى وعبد العزيز.. زي ماقلتـ وراح اكرر ان العلاقة الغير شرعية تكون غير مرطية بالنهايةة.. تندمتـ لأنها تزوجتهـ لكــن لا ينفــع الكلامـ والندمـ الآنـ.. وصارت ست بيت لا دراسة ولا حاجة مسلية غير التنظيــف.. وأم عبد العزيز علمتها الشغل صــح..!! وعطتها العين الحمراءء.. وجابت ولد ألي كان بالزنــى..!! وشكله لا يبشر بالخيرر ملامحة غريبة..ومدري كيف استغفر الله بس.. وفاطمة كملت دراستها.. وعبير حملتــ بعد مبعدت عنهمـ بشقة بروحها وجابت ولد وسمته محمد.. ودحين حست بالسعادة بعد مبعدت من هالعائلة..!! أم عبدالله وأبو عبدالله تمو مقاطعين بنتهاا لحد سنهـ تقريبا وبعدهاا رضوا عليهاا..!! أنا توقعت أنهم مراح يرضون عليها..بس سبحان اللهـ هذا ماجرى.. القصة واقعية 100% وأروى اعرفها حق المعرفة..حصلتـ هذه القصة بالأاحساء.. وسمعت من كمـ يومـ أنها أنجبت طفلة.والصراحة ما شفتها..!! اللهـ يهديها لصراطه المستقيمـ.. * * * أناا وريكوو الحمدلله حياتنا با أفضــل حال.. وطبعا الحياة لا تخلآ من الحزن والسعادة والمشاكــل =)) وجبت بنتين وولدين<<طبعا مو تؤم =)) كل واحد بالحالو ههههههههه.. ودحين عرفــ مقصد ريمـ.. كلمة أحبكـ لا قولاً وانما معنــى.. ولا فائدة من القول طالمة هو قول..!! وقصة جيهان واقعية من البداية وبعض المواقف الحزينة حلصــت لي.. والبعض منها مــن تأليفي ياعسسولاتــ.. واتمنى أني منسيت احد من الشخصياتــ =)) وتمـــت بحمدللهـ ورعايتهـ.. رواية تتعبـ لو معـــي تلعب../للكاتبة ساندرا.. لا احلل ولا استبيح ألي تنسب الرواية لها أو تنقل روايتي دون ذكــر اسمي.. فمــان المولـــى ^,^ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية ؛مشهـور..؟ ويعني مشهور تلعب بـمشـآعري..؟ لآيََ حبيبي منت معذور؛× | єяιкα | أرشيف المواضيع الغير مكتمله او المكرره او المنقوله و المخالفه | 13 | 11-21-2011 03:33 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
