إنقآم فتآة لصديقتهآ المتوفاه - عيون العرب

**sωєєτ αиɢєℓ** · #1 10-31-2011, 04:41 PM

بسم الله الرحمن الرحيم

مساءكم \فل ياسمين
وصباحكم\ بيض وجبن وزعتر

هذي روايه قريتها في احد المنتديات اعجبتني كثيييير والله

وقلت ماأبغاها تفوتكم

وهذي الروايه صديقة اختي تكلمت عنها عند اختي وأختي عاد قالت لي

وجذبني كثير العنواااااااااان

شلوووون الروايه نفسها

والله يوم اقراها مره اضحك حيييييييييل

ومرة العبرة تاكلني حيييييييييل

وانتوا اقروها وحكموا

واتمنى اتمنى اتمنى

ان عدد الشاهدات = عدد الردود

طلبت كل ممن يمر ذالموضوووع انكم تقرونها من البداية إلى النهاية

تدرون انا وش سويت عشان اقراها نسختها عندي في الجهاز في برنامج الوورد

عشان إذا طفيت النت أقعد أتسلى فيها

وش رايكم تسوون مثلي كككككككككك

بس والله يوم قريتها تخيلوا من قريتها وإلى الحين هي على بالي والله
قصة فتاة تنتقم لصديقتها المتوفاة

قصة رائعة فاقت الوصف

يالله نبدأ بسم الله

<إنتقام فتاه لصديقتها المتوفاه>
يوووه يانجد خلصينا ادخلي بسرعة ما صارت< كانت جمله قالتها سارة لصديقتها نجود بالجوال وسارة جالسه على النت وتبغي نجود

تدخل معها>
نجود/ سوير وش عندك اشغلتيني خليني اشغل الجهاز
اصبري
سارة بحماس/بسرعة تكفين قبل ما يطلع
نجود بسخرية /يالله يالله من يعني توم كروز دخل المنتدى
<{طبعا نجود وسارة صديقات الروح بالروح نجود قعده
اهلها بس انها زاحفة عمرها بحياتها ماتكدرت أو ضاق
صدرها ولا فارقتها الإبتسامه وهذا اللي محبب الناس فيها
لكن فيها ميزة انها ما تغلط على أحد بس يا ويل اللي يغلط عليها
وكان فيها صفه غريبة جدا وهي الانتقام مهما كانت النتائج

وكانت جميله وكانت عارفه هالشئ عشان كذا تثق بنفسها

ثقة كبيره- أما سارة جارت نجود من الصغر
ووحيدة أمها و أبوها عشان كذا تتدلع وعليها جاذبيه قاتلة و شخصية
لكن مشكلتها أنها مغامرة وتخاف لحالها ودائما تحتاج لنجود
وتعشق الملاسن والمجادلات لأنها عارفه أن عندها نجود
بدافع عنها ولأن نجود لسانها سليط مع سخريه قويه عشان
كذا صاروا ثنائي مدهش مايفترقون ابد>
نجود/ هاه شوفيني دخلت وينه فتى الشاشة
سارة في المنتدى مع نجود/ شوفية بنك الملتاع وحاط صوره
خالد عبد الرحمن
نجود/ واثق من نفسة ولد الرشيد
سارة/ نجد عن الملاسن لا تخربين العلاقة توني مظبطتها
<كانت سارة ما تنادي نجود إلا نجد تختصر اسمها
زي الأمريكان>
نجود/ أها بس قال علاقة قال أنا متأكدة انه غني
وعنده فلوس صح ؟
سارة/ إذا ما خاب ظني صح
نجود/ أقول الذيب مايهرول عبث
<كانت نقطه النزاع بينهن هو الزواج سارة تقول أبي أتزوج
واحد غني ونجود تبي واحد تحبه وسارة تقول لنجود افلقيني
بقاموده لو أخذتي واحد تحبينه يا سندرلاء
ونجود ترد عليها\
اها بس انتي اللي زواجك زواج مصري مبني على الطمع

وما تزال المشكلة قائمة بينهم إلا ان تنتهي بدعوتين
سارة/ جعلك تأخذين واحد ما تحبينة يا رب واحد تكرهينه موت
نجود/ جعلك تنحرمين الرجال الغني يا رب>
نجود/ طيب هالحين بحوس مريره واعرف من اي صنف

من الرجال
سارة/ يا ويل حالي صديقتي صارت من المروجين وش صنفه
أنتي و خشتك
نجود/ اها بس أنطمي و خليني أشوف شغلي
سارة/ أصبري بقولك شئ
نجود/ هاه وش عندك يا حظي
سارة/ لاتستخدمينهن تكفين
نجود/ هن وش ؟
سارة/ جملك المعهودة
<يالله يالله – و اها بس>
نجود/ اها بس لو تفرقعين ماراح أتخلى عن قيمي وأسلوب
العرب
سارة/ هههههههه عارفه مافيه فايدة
حاولت نجود تقرأ تعليقات الملتاع فريسة سارة الجديدة وكونت
انطباعها انه مرح ومثقف قامت نجود تشن حربها

نجود/ الله يرحمك يا أبو نواف كل من هب ودب سمى باسمك
والله يعزك يا بو نايف صورتك صارت مع كل زول
<طبعا نجود تقصد الملتاع بس بكلام مبطن>
الملتاع/ الله يرحمه بس من زود حب الناس له تسمو بلقبه
وحطو صورت الغالي بو نايف
نجود/ خير ياملتاع المرتاع ليش تكلمني أنا هرجتك
الملتاع/ ليه أنا كلمتك أصلا ولا ما فيه بالمنتدى غيرك
نجود بعد طيحة الوجة/
أها بس لو انك في ديرتي كان البندق برأسك على وقاحتك بس يا خسارة على الصورة اللي أنت حاطها يااا.
........
الملتاع/ ههههههههههه شكلك تمثلين مسلسلات بدوية
نجود/ ليه ما شفتني معه جنب الغدير قبل ما نعاود لأهلنا
الملتاع/ هو مين ؟
نجود/ رشيد عساف.
الملتاع/ههههههههههههههههههه
نجود/ شكلك معهم
الملتاع/ هم مين ؟
نجود/ أعلان سنسوداين
أنت و خشتك مع هالضحكه تقول ضحكة ضب سكران
الملتاع/ هههههههههههههههه<ومازال ميت من الضحك>

هذه جزئية بسسيطهـ من القصصهـ لو لقتي تفآعــل أإحط البآقي

ترآآ القصصهـ منقوول للأإمآآنهـ ..

**нɑὼɑʝѕ -** · #2 10-31-2011, 05:53 PM

واااااااااااااو روعة :waat:
تسلمي حوبي :a7eh:

الفراولة الحمراء · #3 10-31-2011, 06:11 PM

وااااااو مرررررة روعه :a7eh:
تسلمي غناتي على القصة ..بس القصة احلة منك لو انتي الاحلى..؟
طبعا انتي مووو
المرة الثانية نبي قصص من تأليفك مو روحي فرفري بالنت
بس ماشاء الله القصة جميلة و اني ماقريتها من قبل يعني يوم قريتيها وعجبش اكيد فكرتي انش تحطيها لنا عشان تعجبنا احنا بعد تسلمي غناتي ع الفكرة و القصة الجميلتان
والى اللقاء

**sωєєτ αиɢєℓ** · #4 10-31-2011, 07:23 PM

يسلمو ع المرور يآ أ‘عزآئي

uchiha_sasuke · #5 11-01-2011, 12:23 AM

كمليها لو سمحتى:madry:
القصة روووعة:madry:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ْ ~ لكل فتآة ~ ْ	مودا	أرشيف المواضيع الغير مكتمله او المكرره او المنقوله و المخالفه	10	08-27-2013 10:49 PM
نهآية فتآة ..	عِقْد لُؤلُؤ	حواء ~	7	01-21-2012 01:44 PM
فاينما تولوا فثمة وجه الله	bilalco	لوحات فنية و خط عربي	6	02-16-2011 04:45 PM
فتآة قتلها البلوتوثـ..	يارا علاء	أرشيف المواضيع الغير مكتمله او المكرره او المنقوله و المخالفه	9	07-15-2010 01:07 AM
قادة الكيان الصهيوني ارتكبوا جرائم حرب فتمت محاكمة البشير	fares alsunna	مواضيع عامة	0	03-04-2009 11:03 PM