وقالوا خلاص هذا زوجك وحلال تشوفينه ويشوفك قالت لا تحاولون هذا موضوع لانقاش فيه

راحوا قالوا لمنصور إنها رافضه عطاهم الشبكة ومشى هو

وأهله وفي السيارة قال منصور/ هاه يمه بشري عسى أعجبتك
تدخلت أخته مرام اللي بالثانوي/ أعجبتها وبس أهلك فتحوا فمهم بالبنت
منصور وهو مستانس/ صدق يمه
الأم/ أي والله ما عليها كلام بسم الله عليها
قالت أخته تركية اللي بعمر نجود/ بس هي ليش رفضت تطلع لك
منصور/ يمكن مستحية
مرام/ أنا قررت أسوي زيها
منصور/ تسوين وش
مرام/ أكرش المعرس وأقول نزل شبكتك وفارقني
كل اللي بالسيارة ماتوا من الضحك
منصور/ افاااا يعني هي كرشتني
مرام/ وهل في ذلك شك ؟
وانتهى حوارهم عند كذا


وفي بيت نجود كانت جالسه بغرفتها تفتح الشبكة وكانت الشبكة ما عليها كلام
تأخذ العقل وانتبهت نجود إن فيه ورقة تحت الشبكة فتحتها لقت رسالة موجهه لها من منصور مكتوب فيها
"" مساء الخير لأحلى عروس بالدنيا
مساء الخير للي سكنت
قلبي ووجداني
صح انكسر قلبي يوم
رفضتي تطلعين لي بس
ما عليها أتحمل شموخك
ومثل ما صبرت شهور على
فراقك أصبر كم يوم لحد
ما تصرين ببيتي وقدام عيني
يا نور قلبي وترى خاتمي
معك بالشبكه ما راح البسه إلا
من يدك ليلة العرس ان شاء الله
وهالحين اقول لك تصبحين
على خير يا أغلى إنسانه""


بعد ما قرت الرسالة لاحظت نجود أن وجهها حار وكانت بدت تحس بالندم لأنها وافقت

لكن كل ما حست بتراجع تفتح دفتر سارة وتتمسك برأيها أكثر وأكثر
الموضوع الأصلى من هنا: منتديات غرور بنات http://vb.grorbnat.com/showthread.php?t=129509




يوم عيد الأضحى كان بعد ملكتها بأسبوعين
وصبح العيد جابت الشغالة باقة ورد كبيرة حيييييل وعلبة شوكلاتة كبيرة وكيس فخم
سألت أمها الشغالة/ من جاب هذا
قالت/ فيه واحد سأل عن بابا خالد وقلت ما في قال عطي هذي نجود وراح
ونادت الأم نجود/ تعالي شوفي منصور وش جايب
نجود يوم سمعت اسم منصور تصلبت عظامها وراحت
شافت ورد كبير حيل حيل وعليه بطاقه مكتوب فيها
"كل عام وأنت بخير يا قلبي"
وكان وجهها يقلب احمر و افتحت الشوكلاتة وذاقت منها وعطت أمها منها وأعجبها طعم الشوكلاه
بعدين افتحت الكيس لقت صندوق ذهب بحجم الكف مبطن بمخمل أخضر وبوسط
الصندوق سلسال ذهب على شكل قلب ومكتوب اسم نجود ومنصور على القلب
يوم شافتة أمها صايحت/ شكل الرجال شاريك ومتعلق فيك
نجود تقول بنفسها/ بيندم الغبي


وفي بيت ابو منصور جاء منصور يسلم على أمه
الام/ وين رحت ياولدي
منصور/ رحت أودي عيدية زوجتي
مرام/ وكالعاده كرشتك صح
منصور/ ورى ماتنطمين انتي ووجهك
مرام/ عادي قلي لا تستحي
هي كرشتك قدام اهلها وما استحيت جت علي أنا ترى أنا أختك سترك و غطاك قول لي وأروح
اسنعها لك وأخليها حرمه ظفره
منصور/ تهبين ماعاش من طول لسانه على نجود
تركيه/ شكلك رايح فيها
منصور بتنهيدة/ يالبى قلب منصور
تركيه ومرام يتصايحون/ هذا وهي ماجت اجل لو تجي وش بيصير
منصور يضحك/ ههههههههههه بدينا شغل حموات من الحين
يوم العرس .. جت نجود حاله مايعلم فيها إلا الله قلق وتوتر
والناس حولها كلن لاهي بشغله والعرس كان بالرياض


وفي الليل دق خالد على أمه يقول لها ترى ها الحين جايين نزف العروسه
يوم درت نجود كان تقعد تبكي واحتاست و أمها تحاول تهديها والكوافيره تهديها عشان
ما تخرب الكحل و المكياج


وصل المعرس وأهله وجلس ينتظر العروس تدخل عليها قامت المصورة تصورة مع
أمه و خواته وشغلت أغنيه الزفة وكانت بأسم منصور و نجود
دخلت نجود وكانت بين أخوانها الأثنين زافينها ويوم شافتة نجود تسمرت بمكانها ما كانت تتوقع يكون شكله
كذا الحق يقال ابن الناس مزيون وعليه شخصيه وتحس ان تحيط فيه هاله من السلطه

__________________

ڼآضر ڼجٷم ٱلسمٱء .. يعڼي ڀثقه ٱعلى آ مڼ مستَٷٱڪ ..

لٱ يجي ڀڀٱلڪتَقرڀ صٷڀي لٱ ٷٱلف لٱ ..

تَذڪر ڪل مآ جيتَ تَتَڿيل ٱڼي حتَى آ في ڿيٱلڪ مٱ ٱڀيڪ ..

لٱ تَلمٷڼي لحڀي ٱلزٱيد لٱڼفسي .. قٷلٷ تَستَٱهلي يٱلۼلٱ ..

لٱڼي ڀڜڪليٷلٷڼي ٷڜعري ٷٱڼٱقتَي .. يعڼي ملٱٱڪ ..

ونفس رده الفعل أصدرت من منصور كان يبتسم ويوم دخلت وقف وعيونه ماتنزل عنها وتقريبا زي اللي
متنح بس تدارك نفسه ورجع يبتسم لها
بس نجود شدت ثوب أخوها ورجعت على وراء كأنها بتنسحب لاحظ منصور رده فعلها واستغرب بس
خالد تدارك الوضع و ابتسم وقال لنجود تقدمي
جلست جنب منصور وهي تحس برجفة ورعشة قاموا أخوانها يصورون معها وتذكرت سارة يوم
تقولها لازم أخذ صوره بينكم أنتي ورجالك ونزلت دمعاتها بسرعة وبكثافة
واطلعوا الرجال ينتظرونهم بالسيارة
وهي تلبس عبايتها ساعدها منصور بلبسها ونجود مازالت تتذكر سارة والدموع تنزل من عيونها

بس بصمت شاف منصور دموعها كان يمسحها بيده ونجود يوم شافت معاملته معها كان تبدأ تشهق

وتبكي مثل الطفل وتبكي وترتجف وتحاول تمسك نفسها بس ترجع تبكي واللي يشوفها تبكي يحس أنها طفل
قام منصور يضحك من طريقة بكيتها وقعد يضمها لصدره ويقول لها/ جودي خلاص والله لو
بنهاجر ( بنسافر ) متى ماحبيتي تشوفين أهلك ابشري من عيوني
نجود امسكت نفسها وبعدت نفسها عنه وقامت تناظره بعيون مليانة دموع
قال منصور/ لو بتناظريني كذا على طول حرام مااتحرك من مكاني
قالت مرام/ هذا وأنا اقول بقلدها لا و الله هونت طلعت رخمه
قاموا يضحكون حتى نجود تضحك ودمعها على خدها
طلعوا للفندق عشان حاجزين غرفه للعرسان




وفي الغرفه دخلت نجود مع منصور وأول مادخلوا
قال/ اسألك بالله كم عمرك
نجود استغربت من سؤاله وسكتت
منصور/بالبطاقه 23 سنه وأنا اللي أتوقعه إنك 19 الله يحفظك
المهم تعالي غيري ملابسك
ودخلت نجود تغير وطلب عشاء وما كلت وهو حاول يغصبها بس هي رفضت


في صبح العرس كانت نجود ما نامت ومنصور كان نايم وانتظرت لين يصحا
قام طلب فطور وجلسوا بعد الفطور يتفرجون على التلفزيون وكان واضح انهم مرتبكين قال
منصور/ وش رأيك نطلع لأهلنا لأن الغداء عندهم
نجود وافقت بهزه من رأسها
قال منصور/ أجل روحي اجهزي عشان نروح
قامت نجود تلبس بعد ما لبست قعدت تزين شعرها و مكياجها
الموضوع الأصلى من هنا: منتديات غرور بنات http://vb.grorbnat.com/showthread.php?t=129509
دخل منصور وهو لابس ثوب وقعد يمشط شعره ويناظر في نجود و شلون تزين وحس أنها انحرجت منه
قال/ أقول نجود وين الخاتم
نجود ناظرت فيه مستغربة
قال/ خاتمي اللي قلت راح البسه من يدك بما أنك ماخلتيني البسك الشبكة
قامت نجود وطلعته من العلبة وعطته الخاتم مد أصبعه لها
قال/ دخليه بأصبعي
دخلت نجود بسرعه وبارتباك
ثم راحت تكمل زينتها وهو جلس يضحك
بعدين قام وطلع علبه من الدرج وعطاها نجود
وقال/ صبحيه مباركه ياعروسة
نجود ما تدري شتسوي أخذت العلبه وراحت تجلس
قال/ خلصتي
قالت/ أيه
قال/ أخيرا تكلمتي كنت أحسبك طرمااا
سكتت ماردت عليه وبنفسها تقول من سوء حظك أني موب طرمااا



بسكمم خلآآصص بلآآ طمعع خخخخخ:lolz:

__________________

ڼآضر ڼجٷم ٱلسمٱء .. يعڼي ڀثقه ٱعلى آ مڼ مستَٷٱڪ ..

لٱ يجي ڀڀٱلڪتَقرڀ صٷڀي لٱ ٷٱلف لٱ ..

تَذڪر ڪل مآ جيتَ تَتَڿيل ٱڼي حتَى آ في ڿيٱلڪ مٱ ٱڀيڪ ..

لٱ تَلمٷڼي لحڀي ٱلزٱيد لٱڼفسي .. قٷلٷ تَستَٱهلي يٱلۼلٱ ..

لٱڼي ڀڜڪليٷلٷڼي ٷڜعري ٷٱڼٱقتَي .. يعڼي ملٱٱڪ ..

وآآآآآآآآآآآآآآآآآآآآآآآآآآآآآآآآآآآآآآآآه ه ه ه ه
كرستيناآآآآآآآآآآآآآآآآآآآآآآآآآآآآآآ حطي كماآآآآآآآآآآن باآآآآآآآآآآرت بليز حبيبتي عسولتي وكل إشي حلو حطي بدي اعرف شو رح تعمل نجود في هاداآآآآآآآآآآ الحقير النذل ياآآآآآآآآآآ كرستين بليز بليز