|
رواية سراب حياتي..بقلمي ..مقدمة.. كلماتي..كانت تنتقد كثيرا..احلامي كانت تتحطم كل يوم..ثقتي بنفسي تزعزعت وطموحاتي تقابل بلامبالاة فكرت يوما من الايام أن اتنازل عن كل شيء..لكن كان صوت يناديني ويقول لي ارجعي واطلقي العنان لكل كلماتك وخطي مايدور في خلدك وتحدي العالم بأسره من اجل احلامك .. حاولت ان اخرج تلك الكامات اليائسه والمهزومه..حاولت كثيرا وفشلت لكنني لم أيأس ومازلت احاول واحاول.. واكتشفت في نهاية الأمر أن يأسها وعجزها كان مجرد سراب.. اسرعت وبدأت في قراءة كل نقد وإهانة وجهت إلي فنطقت كلماتي.. هذا كان((سرآب حيأتي)).. ملآحظه :هذه الرواية من وحي الخيال ..والشخصيات ايضا من وحي الخيال لكن الرواية تحكي عن واقعنآ الذي نعيشه ولااقصد بها تشويه صورة اي مجتمع جاري تنزيل البارت الاول:7b: |
**الجزء الأول** جآلسة على التلفزيون وبصوتهآ العربجي: آآآهـ لبى رادوي بس لو في واحد سعودي زيـه وش كآن بيصير آآآخ بس قطع عليهآ احلامهآ وهو يقول :وانآ مو عآجبك ؟ قمر والله اني قمر بس تواضعي جابرني اني اعيش مع اشكآلكم .. فعلا كآنت ملآمح ثامر طفولية بس جذابة بشكل غير طبيعي وابتسامته على قولته تدوخ بنات الديره سديم اللي قطعت عليه اعجابه بنفسه وقربت عنده مرآ وهي تهز اكتآفه:ثامر ثامر ثآمر بطفش:نعم وش تبين؟ سديم:تخيل يشوفني رادوي وجي يخطبني آآآ.... ثامر اللي قاطعهآ :اولا فارس احلامك متزوج وثانيا تحسبينه بيناظرلك وانتي ووجههك تحسبين نفسك بنت اصلا سديم وهي ناوية تطقه بس متعوده على اسلوبه:انقلع بس بيجي اللي احلى منه وتشوف يا يا ..(وبنبرة استهزاء) ياقمر ..وراحت وخلته ****************** وفي بيت ابو خالد اللي كان متزوج من روسيه وجاب منها بنت وبعدها ماتت (كآثرن) اللي تزوجها بعد قصة حب عظيمة ..تأثر ابو خآلد كثير بس اللي خفف عليه حزنه انو عنده لورا وهي من ريحة الغوالي ..كآن ابو خالد يشوف فيها زوجته اللي حبها وكانت كل شيء بحياته لورا:كآنت نسخه من امها من ناحية الجمال والرقه الغير عاديه ومن ناحية التفكير المنطقي وعقلانيتها اللي تفتن وتشد كل اللي يتكلمون معها ويعرفونهآ بعد موت كآثرن تزوج ابو خالد من (مهآ) اللي كان يكنٌ لها كل احترام لكن عمره ماحبها زي كاثرن مها:ماتفرق بين لورا وبين عيالها وكانت لورا بالنسبة لها زي بنتها واكثر بس لورا كانت متعلقه بأمها كثير ومستحيل احد يآخذ مكان امها،وكانت تعامل مها على انها مجرد مربية وللاسف كانت كل محاولات مها علشان تتقرب من لورا تفشل بس مها بقلبها الكبير مافقدت الامل ولسه مستنيه يجي يوم وتقولها (مـــآآمــآآ) ابو خالد رجل اعمال معروف وكان عايش في قصر واسع وحلو مرا بس على جماله كانت الحياة بداخله لاتطاق ******************** في مكآن آخر..مكآن كله قذاره وقرف وصوت الاغاني عالي والضحكات تتعالى راكآن:اقول سلطون ليه ماتعطيني هذيك اللي عندك نتسلى فيها شوي سلطان:والله لوعلي كان عطيتك بس بتفضحني بنت الـ..... ..وسرح في عالم ثاني راكآن بإستغراب :بنت الـ إيش ؟؟ سلطآن بعد ماصحى من حلمه:هآآآآآ !! بنت ..بنت الحقيره ..ورجع سرح مرا ثانيه @ نهآية البارت @ |
**الجزء الثآني** في صبآح يوم جميل ومع أشعة الشمس الذهبية ودفء مفتقد ..كآن يشرب قهوته وفي باله الف فكره وفكره جت من واره وحاوطت عيونه بإيدينهآ وبصوتهآ الرقيق :Good morning وخر ايدينهآ بحنان :Good morning ياقلب داد انتي لورا:ليه الحلو جالس لحاله ؟؟ محمد:والله ياقلبي لقيت كل البيت نايم قلت اشرب قهوتي وبعدين امر الشركه لورا:داد بليز انا اعرف انو في حاجه اكبر من كذا انت من كم يوم مو عاجبني محمد :كالعاده غلبتيني ..مااقدر اخبي عنك لورا بخوف :داد خوفتني ؟؟ محمد:والله يالورا لي كم يوم احلم بـ...بأمك الله يرحمهآ ..وغرقت عيونه بالدموع لورا بنفاذ صبر :ايوا ؟؟ محمد:حلمت انها قالت لي خلي بالك على لورا ولاتتركها تراها تمر بمشاكل ولاتصدقها اذا قالت انها مبسوطه وتمام لورا:اوووه داد فكرت انو شيء كبير خوفتني محمد:لورا لورا وهي مغمضه عيونها وتتمنى انو عيونها ماتفضحها:What ?? محمد:انتي من جد مبسوطه وماعندك مشآكل ؟؟ لورا: داد انا مبسوطه ويعني ايش بيصير فيني !! عن اذنك ..وراحت وخلته محمد كان قلبه مو مرتاح لكلام لورا بس حب يمشي الموضوع مها:صباح الخير على الغوالي محمد ارتبك :هلا هلا صباح النور مها:اقولهم يجهزون الفطور؟ محمد:براحتك مها ابتسمة ابتسامه عريضه وراحت على الفطور محمد ومها ولورا على السفره نزلو الثنائي المرح وبصوت واحد :صبااااااااح الخيييير سيلا وخالد كانوا الثنائي المرح ..سيلا عمرها :16 سنه وخالد توأمها الجميع:صباح النورر محمد اللي كان يحب هبالهم وروحهم الحلوه:ياصباح النور على احلى اثنين سيلا وخالد:باسو راس امهم وابوهم وجلسو جمب بعض كالعاده خالد تلقى نظرة جادة من لورا وبلع ريقه وكمل اكله محمد :مها مها:هلا محمد:وين راكان مااشوفه على الفطور مها:اي والله وينه؟؟ خالد:ماجاء من امس محمد وهو معصب:وينه !! طلع لي بفن جديد والله مها:ياحسرتي على ولدي لايكون صاير له شيء خالد وهو يحاول يرقع السالفه وحاطي يده على راسه ويحك شعره :لابس صديقه بالمستشفى ونغز سيلا علشان تصرف معاه لانه حس نفسه تورط ومحد اقتنع بكلامه سيلا:امممممم اي صحح هو مرا كان يحكيلي عن صديقه حرامم يتيم ماعنده احد (وبدت تمثل دور الحزن والتأثر) ياحياتي هو مقطوع من شجره محمد:طيب ليه مايتصل فينا على الاقل ماينشغل بالنا عليه خالد: آآآآآ احم ماحب يزعجكم في الليل وارسل لي مسج محمد:زين انا بروح مكتبي وبعدها بمر الشركه..لورا تبين شيء ؟ لورا ماتحب ابوها يفرق بينها وبين اخوانها: No dad سلامتك طبعا سيلا وخالد ولعوا من حركة ابوهم بس مها كان الوضع عندها عادي محمد وهو بيطلع للشركة والكل جالس في الصاله بما انه اليوم خميس ومافي مدارس:لورا اليوم مريني بالشركه ابيك بموضوع لورا:بس انت عارف اليوم مرا ماينفع انا مشغوله لانو كم مصمم بيجي اليوم ولازم اقابلهم وزي ماتعرف بكرا العرض الخاص فيني ولازم اسوي كل التجهيزات محمد:اوكي اشوفك بالليل لورا:دآد زعلت؟ وفجاءه انفتح الباب.. سيلا وخالد بدهشه راكااان وركضت سيلا عنده آآآآهـ يااخوي كم اشتقت لك وضمته راكان مستغرب سيلا وهي ضامته بهمس :اسمع تراك كنت عن صديقك وفجاءه قاطعها محمد:وين كنت؟؟ راكان وهو يحاول يتحرر من سيلا اللي ضمتته بقووه:امممم خالد:ايوه وكيف صديقك ان شاء الله صار زين راكان:اي صديق؟؟ آآآهـ اي اي صديقي اممم اي صديقي آآ... مهآ:اي صديقك وش فيه؟ راكآن:والله صديقي يعني لسه حالته مومستقره ولسه في العناية المركزه مهآ:لاحول ولاقوة الا بالله محمد: الله يكون معه ..زين انا بطلع يلا باي الجميع:باي لورا اللي لحقته: dad I love you محمد: ياعمري انتي me too وطلع ..تذكر ايامه مع كاثرن اللي كانت مستحيل تخليه يطلع الا تبوسه وتقوله احبك السواق:بابا ايش مشكل ؟ محمد:هآآآآ !! لا لا مافي مشكل ..وتوجه لسيارته ******************** قامت سديم من النوم ولقت ثامر جالس على التلفزيون سديم وهي تتثائب:في فطور ؟؟ ثامر:لافي غدا هههههههههههه سديم :ياشين اللي يستضرفون ثامر:لانو دمك ثقيل سديم:اي صح صح بس يلا ابي فطور تراني جوعانه ثامر:روحي قولي لنورا تسويلك سديم:ثامر بقولك شيء ثامر:وش فيك ؟؟ سديم:اللحين ليه نحنا نعامل نورا كذا ؟؟ وحتى اذا جينا نسال عنها ابوي مايرد علينا ويقول سكروا الموضوع ثامر:اول مرا فحياتك تسألين سؤال فمحله..صدق ليه؟؟ سديم:اكيد في سر ولازم نعرفه والله نحنا في البيت هذا كأننا غريبين ثامر:ايش رايك نفاتح بابا بالموضوع سديم:اوكي وافقت ثامر:اذا جاء نتفاهم معه..بس كيف نبدآ ؟ سديم:ثامر تسمع صوت بطني ثامر عصب وضربها بالمخده اللي جمبه:اصلا استغربت كيف سديم وتفكر بجديه سديم:وهي تركض وتفحط: تحسبني ثامر ؟؟ ثامر رمى عليها المخده: يلا يلا بس روحي لاتموتين علينا وحذري نورا تطلع برا المطبخ علشان لاتلتهمينها معه بـــالمــطــبخ سديم :صبآآآآح الخـ.... وفجاءه سكتت ..لقت نورا تبكي من قلب وشكلها مرا يحززن..نزلت عندها بالارض ومسكت ايدها :نورا حبيبتي فيك شيء؟؟ نورا وهي تمسح دموعها:لامافيني شيء يلا روحي افطري دخل سلطان المطبخ ولقاهم مع بعض ..مسك شعر سديم سلطان:انا ماقلتلك لاتجلسين معها ولاتكلمينها بس الظاهر كلمتي بتصير ثنتين في هالبيت ..وصار يطق ويصررخ ويهاوش ثامر دف ابوه بقوه وسلطان شوي وكان بيطيح .. ثامر: ابي افهم ليه تكره نورا وتعاملها كذا ؟؟ @نهآية البارت@ |
ليه محد رد :( ..اللي بيتابع الرواية بليز يرد علشان انزل البارت الثالث |
روووووووووووووووعة :okiko: تسسّلمي :wardah: :wardah: |
اقتباس:
شكرآ حبيبتي ..يسلمك ربي |
العفو حياآتي زانا بانتظارك لا تتأخري :okiko: |
اقتباس:
ان شاء الله البارت شوي وينزل ^^ |
**الجزء الثالث** سلطان :مسك ثامر من تيشيرته:لو فتحت هذآ الموضوع مرآ ثانيه ..انت واختك بالشارع ولا اعرفكم ولاتعرفوني سديم:ليه يبه كذا ..نحنآ مو اولادك؟؟(وضحكة ضحكة سخرية) ههه ههه .لاصح انت ناوي تتبرى مننا وهذا كله علشان مانبي نصير زي الغربيين في هالبيت ..تسكر وماقلنا شيء تطلع بالايام وماقلنا شيء تسافر بالاسابيع والشهور وماتسأل سكتنآ وتجيب بنآ.. هنآ سلطان فقد اعصابه وعطاها كف قووي سديم نآظرتله بإستحقار لا بالله رجال والله انك رجاااااال ..وطلعت وخلتهم ثامر كآن الطرف الساكت لانو ولا يوم حاول يفكر ليه ابوه كذا نورا كان الوضع عندها عادي لانها متعوده على الاشياء هذي سلطان رجع طلع مرآ ثانيه ويقول فنفسه:ليتكم تحسون فيني ليتكم وتعرفون وش اللي قتل فيني الحياة وانا بعز شبابي بعد يوم وفي المدرسة سديم :ابوي مد يده علي وقال بيرمينا فالشارع..يعني بيتبرى مننا ..هذا ونحنا بس سألناه ليه تعاملها كذا ..اجل لو قلناله مين هي وش بيسوي ؟ رزان :ياحياتي انتي ..امممم طيب يمكن هو مايبي يصدمكم بالحقيقه او لسه ماجى الوقت المناسب رزان وهي تلوح بيدها هلووو وين رحتي سديم: لو كنت ولد .. رزان:وهي مستغربه:نعم!! سديم رزان انا قررت قرار رزان :الله يستر من قراراتك ..اطربينا ياستي ..وش عندك؟ سديم:انآ قررت اصير بويه رزان :بـ.. بـ..بويه!! سديم:ايه علشان ابوي مايقدر يطقني مرا ثانيه رزان :انتي يااستخفيتي او تستهبلين سديم:انآ جاده ومرآ بعد رزآن:مآاحس انو بيتغير شيء اكيد بتبقين سديم الضعيفه بعين ابوك والبنت اللي دايما مذلوله ومستحقره سديم:لا لا مآعليك انا بتصرف..يلا عن اذنك رزآن :باي ..عز الله استخفت هيام:بوووووووووووو رزان:يقلع شكلك خوفتيني هيام:يلا الباص جاء ياجوليت زمانك رزان طقتها: انقلعي بس صدق فراغه ماعندك سالفه الا الحب هيام:الحب بايين فعيونك لاتنكرين هذا الشيء وركضت رزان فصخت جزمتهاوضربتها على ظهرها: يلا يلا قدامي هيام: اتاري الحب خلاك تنسين صديقاتك وما تشوفين الا روميو رزان :سكتت لانو بالها ابدا مو مع هيام وهبالها *********** في بيت ابو خالد لورا: اخخخ امس كان يوم متعب بشكل غير طبيعي راكان بهمس:ان شاء ايامك الجايه كلها بتصير تعب سيلا :ايش ؟؟؟ راكان:انتي خليك فحالك مالك دخل سيلا قامت وفي راسها الف فكره بغرفة خالد سيلا:انا سمعته والله سمعته خالد:مااظن في عداوات بين لورا وراكان سيلا:والله مدري بس انا مارح اكذب اذني واصدق ظنوني خالد:مالنا دخل فيهم وياخبر اليوم بفلوس بكرآ ببلاش سيلا:بس هذي اختنآ !! خالد:اختك انتي بس انا نفسي في اليوم اللي تفارقنا فيه سيلا:وليه كل هالحقد؟ خالد:ابوي وامي مادروا عننا كل همهم لورا..ابوي ماالومه بس امي !!هذي وهي مو بنتها راكان فتح الباب بقوووه :سلام خالد بلع ريقه:هلا هلا راكان:سيلا اطلعي برآ وسكري الباب وراك سيلا :طيب وطلعت :افففف والله مدري وش فيهم هذول استغفر الله بس ***************** بعد ماوصلت البيت كانت الساعه تقريبا 5 سديم:مفاجاءه ثامر منطط عيونه مايدري يصدق اذنه ولا عينه سديم طقته بعربجه:هيه انت تراني من اليوم اخوك ثامر:سديم وش سويتي فنفسك !! صاحيه انتي !! سديم:ايش رايك باللهي (وهي ترفع اكمامها او بالاصح وهو يرفع اكمامه) علشان مايقدر يمده يده مرآ ثانيه ثامر مستغرب من اللبس وقصة الشعر والمشيه وكل شيء ..وتندم على اليوم اللي سأل ابوه عن نورا :والله انهبلتي يابنت سديم:انهبلت ..ماعاد اسمع الياء هذي ..ايه انهبلت عندك مانع ثامر لسه مو مستوعب سديم:اقول افتح المباراة بسرعه ********* راكان:خلاص فهمت؟ خالد:احس اني بورطك راكان حط يده على كتف خالد: انت قدها خالد :ان شاء الله *********** في شركة ابو خآلد محمد في مكتبه يوقع بعض المعاملات والاوراق ومعاه السكرتير السكرتير يوسف:ابو خالد محمد:سم يوسف:سم الله عدوك بس في سؤال محيرني ..اللحين الكل يناديلك ابو خالد مع انو اكبر اولادك اسمه راكان محمد:لانو ابوي الله يرحمه كان يسميني ابو خالد بس امه اصرت تسميه راكان لكن انا ضليت ابو خالد ولما جاء خالد كل الناس صاروا ينادولي ابو خالد يوسف :اها طيب الوفد بيوصل الساعه 4 محمد:الحمد لله انك بلغتني (وهو يشوف فساعته اللي تشد كل من يناظرها لانها فخممه جدا) باقي حوالي ساعه يوسف:اووه الوقت يمر بسرعه محمد:اذا طلع الفود اتصل على لورا وقولها تمرني يوسف:تآمر طال عمرك ..شيء ثاني ؟ محمد:لاسلامتك ************** في المدرسة سيلا :بليييز تيتشر انا ماابي اروح هناك الاستاذه:حبيبتي هذا طلب امك مو من عندي ..تقدرين تروحين فصلك سيلا انهارت من البكاء ودخلت فصلها الجديد وبعدها ماعادت تشوف شيء وبعدها ماشافت الا ولد واقف فوق راسها وبهمس :سلامتك خوفتيني عليك @نهآية البارت@ |
:wardah: :wardah: :wardah: :ha3: |
:looove: :looove: :looove: :looove: تسسّلميي يا قمرر |
**الجزء الخآمس** سيلا راحت لغرفة خالد سيلا :خالد قووم بسرعه ..قوم يلا لاتسويلي فيها نايم انا ادري انك مو نايم بس تتهرب يلاا قووم خالد:نعم وش تبيين لازم تقومين الواحد من نومته اففففف سيلا:انت وراكان حرقتو الملابس اللي مصممتها لورا صح ؟؟ خالد:صاحيه انتي ؟؟يلا انقلعي بسرعه خليني انام سيلا مستغربة ولاعمره خالد كلمها بهذا الاسلوب والشك اللي داخلها زاد:اسمعني ياخالد والله والله لو كان لك يد فهذا الشيء مارح اسكت ..وطلعت خالد عض على شفايفه بندم:انا وش اللي قالي ادخل نفسي بشيء اكبر مني ..اللحين لو ابوي درى وش بيسوي ؟ ...خليني اتصل على راكان يمكن يدبرني :الوو خالد:راكان صارت مصيبه راكان :وش فيك ؟؟ خالد:سيلا شكلها عرفت بالموضوع وجت تهددني راكان :لايكون اعترفت خالد:لا مااعترفت بس والله اني خايف تفضحنا راكان:سيلا خليها علي لاتشيل هم خالد :اوك يلا باي راكان:باي ************* ثامر :سديم طلال:طلاااال لوسمحت ثامر:طيب ..طلال ابوي ماجاء من هذاك اليوم طلال:كيفه مو بحاجته ثامر:ماعندنا فلوس في البيت وش نسوي من وين نعيش طلال:يوووه هذي ماحسبت حسابها ثامر:لو علي انا بروح عند صديقي اجلس معه..بس انتو ؟؟ طلال:طيب وش نسوي ؟؟ ثامر:دقيقه افكر ..امممم ..ممكن تروحين عند رزان وكمان هي ماعندها اخوان طلال:اي والله صددق "وجت على باله سيلا وابتسم" طلال:ثامر عندي صديقه ثانيه احسن من رازن اذا وافقت بروح عندها ممكن ؟ ثامر:مدام تعرفين البنت وماعندها مانع روحي طلال باسس اخوه بقووه :شكرا يااحلى اخوو بالدنيا ثامر : يعععع وخري عني اللحين اللي يشوفنا يقول شاذين طلال:هههههههههههههههه نورا:دووم الضحكة ياحلوين ثامر منطط عيونه طلال:اكشششخ ياحركات نورا:شكرا ..خلصت شغل وقلت ابدل ملابسي واجي اجلس معكم ..طبعا اذا ماعندكم مانع ثامر: تفضلي منوووره نورا:تسلم ثامر:صحح سديم اوووه قصدي طلال ..ونورا وين بتروح ؟؟ طلال:يووه والله راحت عن بالي ..مستحيل نخليها بالبيت لحالها ..خلاص تجي معاي نورا: ويين؟ ثامر:ياطويلة العمر ابوي شكله مو ناوي يجي ومابقى عندنا فلوس وقررنا انو انا اروح عند صديقي وسديم تروح مع صديقتها وانتي معاها وطبعا هذا لوقت مؤقت بس نورا:بس انا تعودت على البيت ثامر :وحتى نحنا تعودنا عليك وعلى البيت بس وش نسوي وزي ماقلت هذا مؤقت بس نورا:طيب مو مشكله ثامر اللي ماشال عيونه من نورا ..اول مرا يشوف جمالها دايم فالمطبخ ووجها شاحب ودموعها على خدها ..المكياج ابرز جمالها وكانت مع بساطتها الا انها جذابة بشكل غير طبيعي كانت عيونها متوسطة ولونها عسليه وبشرتها حنطيه وفمها متوسط وشعرها طويل لنص ظهرها ولونه اسود ..اسلوبها فالكلام وخجلها الغير طبيعي وعيونها اللي دايم فالارض هي اللي شدت ثامر لها طلال:يااخي العزيز طلال طقه على ظهره بقووه ثامر:نعم خير وش تبين طلال:ماودك تتعشى؟؟ ثامر: لاماابي بروح انام طلال:غرييييييييييييبه اخوي الدوب مايبي يبلع بالعاده اربع وعشرين ساعه تآكل ثامر :سديتي نفسي بدفاشتك ..يلا نورا تصبحين على خير نورا بصوتها الرقيق:وانت من اهل الخير نوم العوافي ثامر بنفسه اكييد بتصير احلى نومه مدامي بغمض عيوني على صوتك *********************** رجع راكان كالعاده الساعه 4 بالليل وراح لغرفة سيلا يتسحب فتح الباب شوي شوي وتسحب لين وصل لدرجها لقى كيس احمر اخذه وراح برآ الغرفه يلآ ياست سيلا ورينا كيف رح تهددينا بعد كذا وابتسم وراح لغرفته **في المدرسة ** طلال :رزان شوفيها باللهي ماتهبل ؟؟ رزان:والله عرفت تختار مرا حلووه ماشاء الله طلال:بس كيف اقولها ؟؟ رزان:قولها ابيك شوي وصارحها بكل شيء بقلبك بدون مقدمات وبدون خجل طلال:اممممم والله اني محتار رزان:طلال والله مافي حل غير كذا ولو جلست تكتم بتتعذب كثير طلال:اوكي اوكي ..انتي اللحين روحي عند هيام وانا بروح لها رزان :اوكي **************** بالبيت ثامر كالعادة جالس على التلفزيون نورا:صباح الخير ثامر:ياصباح الحب نورا مستغربه ماتعودت ثامر يكلمها كذا:احم ..تبي فطور ؟ ثامر:جيبيه هنا ودي افطر انا وياك نورا:لا..لا ثامر:لييه؟ يلا لاترديني تكفين نورا انحرجت:طيب بس دقايق وراحت تجيب الفطور نورا:انا وصلت ثامر:هلا هلا نورا:هلا بكـ ثامر:تبين هذي القناة ولا اغيرها ؟ نورا:لا عادي ثامر:اوكي نورا:ثامر ممكن طلب؟ ثامر:آمري ..تدللي نورا استتحت :مايآمر عليك عدو بس يعني انا دايما ..احم ..اذا طلعتو اكون طفشانه واحاول اشغل التلفزيون بس مااعرف ثامر:هاتي ايدك نورا: نعممم !! ثامر:مو تبين تعرفين كيف يشغلونه هاتي ايدك نورا بعد تردد مدت ايدها ثامر مسك ايدها وصار يعلمها من وين تشغل ومن وين تغير القناة نورا مو لم الشرح ميته حياء ..وثامر حاسي انه طايير من الفرح ثامر:اعيد؟؟ نورا:لا فهمت ثامر :طيب من وين نشغله ؟ نورا:هذي او هذي "وتأشر" ثامر:ياحبيبتي هذي علشان تتحكمين بالصوت او ..."واستوعب كلمة حبيبتي "احم اي يعني ... نورا لاحظت الكلمه وانتبهت بعد انو ضيع الكلام فحبت تساعده: اي اتحكم فإيش ؟؟ ثامر:اممم تتحكمين تتحكمين بالصوت ..وهذي "ياشر" علشان تفتحينه وصار يعلمها الاشياء الباقيه ثامر :اممم نورا ممكن سؤال نورا فنفسها اكييد يبي يسألني مين انا ثامر:ممكن ؟ نورا :تفضل ثامر: احم ..امممم ..مافكرتي تتزوجين فيوم من الايام ثامر :اممم نورا ممكن سؤال نورا فنفسها اكييد يبي يسألني مين انا ثامر:ممكن ؟ نورا :تفضل ثامر: احم ..امممم ..مافكرتي تتزوجين فيوم من الايام ؟ نورا انصدمت وكأن سؤال ثامر جاها على الجرح:هههههههههههههه ومين اللي يفكر يتزوج خـ..خدآمه ثامر تندم انه سألها ثامر:طيب انتي وين اهلك نورا هذا اللي كانت خايفه منه :اممم احم امي ماادري وينها .. ثامر:وابوكـ ؟ نورا توهقت :ابوي ..ابوي ثامر: وش فيه ابوك ؟ نورا:آ ....آ ..الله يرحمه ثامر:مييت ؟؟ نورا: اي اي ميت من زمان ثامر: لاحول ولاقوة الا بالله..طيب انتي كيف جيتي عندنا هنا نورا ترقع السالفه :يووه الساعه صارت 1 لازم اروح اسوي الغدآ وقامت ثامر مسك يدها وجلسها :نورا احكيلي كل شيء ولاتخافين انا مارح اقول شيء نورا بإرتباك: وش ..وش اقولك مافي شيء ثامر قرب منها:واذا قلتلك اني اعرف كل شيء نورا رجعت كم خطوة ورآ لانه مرا قرب منها :وش تعرف اصلا مافي شيءعلشان تعرفه ونزلت دموعها ثامر حس انو في سر كبير بس اللحين مو وقته وخصوصا انو بعد شوي بيروح يجيب طلال:خلاص خلاص امسحي دموعك واللي اعرفه مارح اقوله لأحد لاتخافين نورا:لسه تقول اللي تعرفه مااافي شيء علشان تعرفه وركضت للمطبخ هذا المكان الصغير اللي كان زي الصديق والاخ اللي تشكيله همومها ..جدرانه هي اللي كانت تسمع معاناتها من هي صغيره..وتمسح دموعها وتوقف معها بالمواقف الصعبه..هذا المكان هو اللي يعرف سرها الكبير ويعرف انها انظلمت ورح تنظلم طول حياتها وتدفع ثمن غلطة غيرها نورا وهي تبكي من قلب :ياااارب كون معي انت الوحيد اللي عارف اني ماسويت شيء اتعاقب عليه بس حسبي الله على اللي كان السبب ***************** في المدرسة طلال مآسك ايد سيلا :طيب انتي وش بتسوين سيلا:والله مدري ياطلال مدري..مشتته مدري وش بسوي طلال:سوي اللي يقولك عليه قلبك ويرضي ضميرك سيلا وعيونها مليآنة دموع:اللي يقولي عليه قلبي اني مااضر اخواني واللي يرضي ضميري اني مااظلم لورا طلال:طيب اللحين اذا قلتي انو اخوانك هم اللي حرقوا التصماميم وش ممكن يصير ؟ سيلا:مدري ياطلال والله مدري انا ماابي ادخل بموضوع مااعرف وش عواقبه وماابي اصير انا بعد ضد اخواني طلال:اسمعي ياقلبي انتي خلي الموضوع ماشي اللحين وبعدين نشوف اذا بتقولين ولا بتسكتين سيلا:طيب طلال:بس اهم شيء لاتزعلين عمرك سيلا:آآآآخ ياطلال والله اني محظوظه فيك طلال ضمها وهو يمسح على راسها:لبى قلبك والله انا اللي محظوظ فيك رزان:اموووت انا على الحب طلال:وش تبين انتي يالدوبه رزان:سلامتك ياروميو بس الحق على اخوك ولاترا بتسرقه وحده من البنات ..كلللهم طلعوا يناظرون طلال:احم احم ادري انه خقه رزان تسوي نفسها بيغمى عليها :خققققه وبس طلال ضربها:شكلك انتي اول من طلعتي تشوفينه رزان:مالت عليك انت واخوك من زينكم طلال وهو يرفع حواجبه:اعترفي انك خاقه ترا الاعتراف بالحق فضيله رزان:هههههههههه والله انك ماخذ مقلب فنفسك سيلا وهي تناظرلهم:ههههههههههههههههههههههههههه والله انكم تووحفه طلال سلم على سيلا:هههههههه يلا ياعمري انتي.. باي رزان حطت يدها على خصرها :وانا جدار مايسلمون علي طلال:هههههههههههههههههه لا انتي اللي فالقلب بااي يالدوبه رزان:باي اشوفك بكرا طلال:اوكي باي *************** بالسيارة ثامر:علمت صديقتك انك بتروح عندها؟؟ طلال:لا كانت عندها مشكله وماصارت فرصه علشان اقولها ثامر:طيب بس ترا بالكثير يومين وبنروح طلال تنهد وفنفسه (كيف بروح عندها وانا ماقلتلها عن مشاعري) ثامر يتذكر كلام نورا ..مين بيتزوج خـ..خدامه .ثامر فنفسه:انا يانورا راضي فيك انا احببكـ طلال:هيييييييييييييييييييه انت وين رايح ثامر:هآآآآه ..هلا وش بغيت ؟ طلال:فوت البيت ياغبي ثامر:والله؟ طلال:لاامزح وش رايك يعني ..ارجع ارجع بسس ثامر:آسف والله مآانتبهت طلال:فيك شيء ثامر:لاابد بس افكر باللي جاي طلال:آآآهـ بس مددري وش بيصير فينا ثامر: ربك يحلها @نهاية البارت@ |
**الجزء السادس** في القصر لورا:بابا انا مرا محتاجتلك لاتتركني محمد:حبيبتي انتي ..خلاص ياقلبي اكييد انه واحد حاسد ويبي يخرب عليك شغلك ..وهذا دليل على نجاحك لورا:بس وش اسوي اذا رجعت سويت تصاميم ثانيه وحرقوها ولا خربوها(لورا صح كانت عاقله ومنطقيه جدا بس طبيعتها زي الاطفال) محمد:من اليوم دآر الازياء مارح يخلى من الحراس اوعدك لورا وهي تمسح دموعها: والله مدري من دونك وش كنت بسوي محمد:ولو ياقلبي انتي بنت الغاليه جت كلمة محمد على قلب مها زي السهم:ولا عمره حسسها انه يحبها ودايما يفرق بين عيالها ولورا محمد:مها مها:هلا محمد:خليهم يجهزون الغدآ مها:حاضر ..وفنفسها:مايكلمني الا عن الاكل والله مو حاله استغفر الله بسس الشغاله:مدام مها:نعم الشغاله:في مشكله ؟ مها:لا بس قولي للطباخ يسوي الغدا الشغاله:اوكي مدام ****************** على الغدآ خلص اكله بسرعه وقام ..الحمد لله مها:مااكلت شيء راكان:لا الحمد لله شبعت ...سيلا اذا خلصتي تعالي غرفتي ابيك ضروري سيلا شرقت :كح كح ..احم ..ط ..طيب خصلت اكلها وهي خايفه وبعد تردد ..راحت غرفة راكان ..طقت الباب بشويش :بسرعه ادخلي سيلا:السلام راكان:هلا سيلا:وش بغيت يااخوي العزيز راكان :اسمعيني مارح اسوي مقدمات وخرابيط ..انا وخالد نحنا اللي حرقنا التصاميم واذا تبين تعلمين امك او ابوك اوحتى الشرطة بكيفك بس ابيك تشوفين هذا قبل لاتروحين سيلا وهي ترتجف ..مدة يدها واخذت الكيس ..وصارت تناظر فيه خايفه تفتحه راكان:يلا افتحيه سيلا وبعد تردد :طيب بفتحه ..وبدت تفتحه شوي شوي سيلا:ايش هذا ياحقيييير ودموعها نزلت كأنها شلالات ماتعرف وش مصيرها ووين اخرتها راكان:والله حبيت اخذ لك كم صورة وانتي مع حبيب القلب سيلا اعطته كف قوووي:للدرجة هذي وصلت فيك الحقاره.. راكان حط يده مكان الكف:انا تعطيني كف ياللي ماتستحين..ومسكها من شعرها ..والله لدفعك الثمن غالي وبرجعلك هذا الكف اضعاف يلا قومي اذلفي من غرفتي ومسكها من بلوزتها ورمها بره سيلا بصوت مخنوق:حسبي الله ونعم الوكيل فيك ************ في يوم جديد وبحسره شديده على الماضي الأليم ..والخوف من المستقبل المجهول في المدرسة طلال:هلا حبي سيلا:اهلين طلال:فيك شيء؟؟ سيلا:ابد مافي شيء طلال:متأكده ؟؟ سيلا:قلت مافي شيء يعني مافي شيء طلال:طيب هدي ..حصل خير..ابيك بموضوع واتمنى ماترديني سيلا:كلي لك طلال:لبى قلبك بس ..احم ..نحنا نمر بظروف صعبة مرآ واللحين لازم نشوف لنا بيت نعيش فيه بس اللحين ظروفنا ماتسمح نشتري بيت او حتى نستأجر ..واخوي قال شوف اي وحده من صديقاتك تجلس معها كم يوم ..بس مدري لو انتي ماعندك مانع يعني اجلس معك كم يوم ؟ واذا في احراج او ماتقدرين عادي بروح مع رزان بس انا اخترتك انتي لاني.. لاني احبكـ سيلا استحتت مرا وخدودها صارت وردييه:اكييد مافي مانع اذا ماشالك البيت اشيلك بعيوني طلال:تسلمين ..بس ماعلقتي على آخر كلمه ؟؟ سيلا فزت من مكانها وصارت تفرك ادينها:اممم وانا بعد طلال مو متوعق ابدا انو مشاعره وصلتلها :وانتي ايش ؟ سيلا لفت عليه وعيونها فالارض:احبكـ طلال مو مصددق شالها بسرعه وضمها وصار يدور فيها وبصوت عالي:والله اني احبببببببببببببك سيلا:يامجنون اسكتت لاتفضحنا طلال :مدام حبك فضيحه ياريت الفضايح تلازمني دووم سيلا:ياحلوك وياحلو كلامك طلال غمز لها وابتسم سيلا:طلول طلال:ياحلو طلول وهي طالعة منك..آمري تدللي سيلا ذااابت من كلامه:في سؤال وفي شيء بقوله لك وابيك تساعدني طلال بإهتمام:وشو !! سيلا:السؤال:متى بتجي عندنا ..اليوم ؟ طلال:لابكرا ان شاء الله سيلا:وااااي ونآآسهـ مرا مرا مرآ والله بينور البيت طلال:بس انا مو لحالي سيلا:مين معك؟؟ طلال:معاي وحده سيلا:ادري انها وحده ..امك ؟؟ طلال:لاتقدرين تقولين المربيه سيلا:تشرفون وتنورون ..انت بتنام معي والمربيه بيصير لها غرفه جمبنا على طول طلال:مرا شكرا ..اي وش الشيء اللي بتقولينه لي ؟ سيلا تذكرت مهاوشتها هي وراكان امس وغصب عنها نزلت دموعها طلال:حبيبي ليه تصيحين ؟؟ سيلا حطت راسها على كتف طلال:تخيل راكان مركب لي صور مع ولد ويقول بيفضحني اذا علمت عليه طلال فز من مكانه :نعمم !! سيلا:زي ماسمعت ..واحد حقير وتافه يبي يغطي على جريمته بجريمه اكبر منه طلال:طيب سيلا حبيبتي ماينفع تقولين شيء خلاص اسكتي ..مع انو السكوت مايرضي احد بس مدام كلامك فيه ضرر على حياتك وش تسوين يعني مظطره تسكتين سيلا :المشكله اني تغابيت ومديت ايدي عليه طلال بإستغراب:مديتي يدك عليه !!! سيلا:ماقدرت اضبط اعصابي انت لو شايف الصور كان عذرتني طلال:طيب هو وش كان ردة فعله سيلا:قال بيرد لي الكف اضعاف ..واكيد انو مو قصده بيطقني شكله ناوي على شيء كبيير طلال:يوووه طيب انتي ماعندك ولادليل على انو الصور هذي مركبه سيلا:دليل ؟؟ زي ايش يعني؟؟ ..امممممم اي صح صح عندي تسجيل على موبايلي طلال:وش فيه هالتسجيل؟ سيلا:انفتح بالغلط وانا عنده يوم يوريني الصور طلال:طيب مسجل كل شيء صار بينكم سيلا:اي اي اعتقد طلال:طيب ليش خايفه هذا اللي عندك يقدر يثبت عليه كل شيء سيلا مو مصدقه انها ممكن تطلع من هذي الورطه:والله ؟ طلال:اي والله سيلا ودموع الفرح على خدها:انت احلى انسان شفته بحياتي انا احبببببك اثير:من كم يوم كانت تصيح تبي ترجع بفصلنا وشوفيها اللحين حتى سلام ماتسلم ريناد:صدق اللي قال اللي لقى احبابه نسى اصحابه اثير:بس مردها لنا وتشوفين ************** في بيت سلطان :نورا تسمعين انا احبك.. انا احبك واموت فيك انتي الوحيده اللي قدرت تاخذ تفكيري وتسرق قلبي ..لاتخافين انا راضي فيك وابي اتزوجك نورا:ماينننفع مايننفع ثامر: وليه ماينفع ..ماتحبيني ؟ نورا:مو على كذا ..بس والله ماينفع ثامر:ليه ابوي سوالك شيء تعرضلك ؟؟ نورا: لا لا بس ماينفع ثامر:ليه ماينفع ؟؟ لازم يصير في سبب مقنع نورا:قلتلك ماينفع يلا تأخرت على سديم روح جيبها ثامر عصبب :طيب بس اكييد برجع افتح معك الموضوع نورا فنفسها ياحسرتي ..وش بيسوي اذا درى اني (.....) في اليوم التالي :هلا والله بالغلى تو مانور البيت طلال:منور بأهله واصحابه سيلا:تفضلوا .. سيلا:دآد هذي سديم صديقتي وهذي نورا محمد:هلا والله بالحلوين نورا وطلال:هلا بك سيلا:داد بيجلسون فترة عندنا محمد:ان شاء الله العمر كله مافي مشكله منوورين يابناتي طلال:تسلم ياعموو مها وهي نازله :هلا سيـــ ....وانصدمت نورا ماتدري هذا حلم ولاعلم ..صوتها كان يرجف:ماما؟؟؟؟؟ |
:okiko: :okiko: :okiko: |
:okiko::okiko::okiko::okiko::okiko: |
اقتباس:
|
اقتباس:
شكرا على مرورك :madry: |
اقتباس:
يسلمك ربي ياقلبي |
**الجزء السابع** نورا ماتدري هذا حلم ولاعلم ..صوتها كان يرجف:ماما؟؟؟؟؟ مها:نورا ؟؟؟؟؟ "" نورا ماتغيرت من الطفوله كثير لسه ملامحها اللي كلها برائة ماتغيرت" محمد:تعرفون بعض ؟؟ نورا من الصدمة صارت تضحك :خليتيني اعيش بالفقر وانتي جالسه فكل هذا العز مها:انا ..انا نورا:انتي ايش !!!انتي مو بششر !! كيف هنت عليك ؟؟ كيف تنامين كل هالسنين ..لسه ماصحى ضميرك؟؟ محمد وسيلا وطلال الكل مصدوم ومو فاهم شيء نورا:مين اللي خنتي زوجك معه ..مين ابوي؟؟ ..وصارت تناظر فمحمد ..لايكون هذا ..هذا الي بعتي شرفك علشانه هذا اللي هانت نفسك عليك علشانه محمد ماستحمل ينهان اكثر من كذا وراح عند مها ومسكها من يدها بقوة :مين هذي ووش هذا الكلام اللي تقوله ؟؟هاا ممكن تفهميني؟؟؟ ونزلت لورا وراكان بسرعه بعد ماسمعوا الصراخ اللي تحت نورا: تبين اقولهم ياامي الكريمه ولاتقولين انتي ؟؟ تبين اقولهم عن معاناتي اللي عشتها بسبب غلطتك دمرتيني ..عيشتيني بفقر وذل سلطان علشان رغباتك الرخيصه مها صارت تبكى بأعلى صووت:كفايه كفايه ماابي اسمع شيء نورا:جرررحتك؟؟ مافكرتي قبل لاتروحين عنده وش بيصير فيني مافكرتي ..ابيك تذوقين شوي بس من اللي ذقته محمد قرب من نورا :هدي يابنتي هدي واحكي لنا الموضوع ..وانتي يامها اطلعي فوق وشغلي معك بعدين فجاءه دخل خالد واستتغرب من الناس اللي عندهم..أشر لراكان بمعنى مين ..ردله راكان بالاشاره بمعنى تعال وانت ساكت راح خالد وقف جمب راكان محمد:لورا روحي جيبي لها عصير ولا مويه تشربها لورا:اوكي داد ..جابت المويه وشربت نورا وبعدها جلسو كلهم نورا:لوسمحت ممكن تكون م..مها معنا وانا اتكلم محمد:مافي مشكلة .....خالد...خالد خالد:هآآ ؟؟ محمد:روح نادي امك خالد:وليش انا ؟؟ سيلا:انا بروح اناديها محمد:انتي اجلسي هنا ..خالد روح نادي امك خالد:طيب طيب ..وراح وبعد دقايق نزل هو ومها والارض تدور فيها محمد:اجلسوا كلكم ..جلس الجميع .. وبعدها قال محمد:يلا يابنتي قولي السالفه من البداية نورا شهقت شهقة قووية ومسحت دموعها انا من عمري 9 سنين وانا خدامه اكنس واطبخ .. حتى المدرسة مادرست ..حتى الاكل آكل فضلة وحتى اللبس ألبس لبس مشقق وهذا كله ليه ؟؟؟؟؟ علشان ست الهانم المصونه خانت زوجها وحملت وجابتني وماكفاها هذا كله رمتني لزوجها (سلطان) وراحت تزوجت واحد غني ..تعرفين يمه وش كان بيسوي فيني زوجك تعرفين ؟؟ كان بيبيعني لصاحبه بالفلوس بس انا هربت منه ولو ماهربت كان زماااني ..... وبدت تصيح الكل منصدم ..خالد فنفسه:معقووله امي تسوي كذا !!!!!! كنت بين اخواني ولاشيء ولاشيء دايما اشوف ثامر وسديم يطلعون ..ويروحون المدرسة ومتعلمين وانا مقبوره بالمطبخ مها شهقت :مو اخوانكـ ..ثامر وسديم مو اخوانكـ نورا:نعم !!! كـ.. كيف مو اخواني ؟؟ مها:سلطان كان متزوج قبلي وحده وتزوجني علشان اربي عياله ..يعني انا مو ام سديم وثامر وهم مو اخوانك نورا:ماشاء الله وبعد عيشتيني مع ناس مااعرفهم والله انك أم عظيييمه مها:انا غلطت ومافي احد معصوم عن الغلط..والله اني كنت ادفع الثمن غااالي نورا :ههههههههه اي واضح من البيت اللي انتي عايشه فيه والملابس اللي اللحين لابستها ..انتي عشتي حياتك وتزوجتي وجبتي عيال ..بس مافكرتي بالحيوانه اللي جبتيها على الدنيا علشان تصير خدامه وهذا كله علشانك مافكرتي وش بيصير يوم تروحين عند هذاك الحقير ..صح محد معصوم عن الغلط بس انتي غلطي مرتين اول مرا انتي عارفتها مايحتاج اقولها والمره الثانيه انك خليتي وحده بريئه تتحمل اخطائك وخدعتي واحد علشان يتزوجك مها قامت تقرب من نورا ...وفجاءه طاحت.... سيلا:ماااام وش صاارلك وبدت تحاول تقومها ..محمد كان مصدوم ماقدر يتحرك من مكانه وكأن كلام نورا شل كل جسمه راكان اتصل على الاسعاف بسررعه وجآء الاسعاف ونقلوا مها على المستشفى الكل راح على المستشفى الا محمد كان مصددوم لدرجة انه ماتحرك فيه ساكن ************************ في المستشفى راكان قرب من نورا :لو صار لأمي شيء والله لتدفعين الثمن غالي خالد:راكان هي مالها ذننب بس امي هي اللي .... راكان قاطعه :هي اللي ايش ؟؟تبي تصدق هذا الكلام على امك ؟؟ ..وانتي لاترمين بلاويك على الناس ولو شفتك مرا ثانيه اعرفي انه اخر يوم بحياتك خالد :رااااااااااااااكاااان البنت ماغلطت وامك معترفه بهذا الشيء راكان:وانت بعد لو ماسكت والله لتصير نهايتك على ايدي سيلا:خلاااااااااااااااص ماابي اسمع ولاصوت ..انتو ماعندكم قلب ماعندكم مشاعر امكم بين الحياة والموت وانتو تتهاوشون ..وصارت تبكي طلال ضمها بقووه:خلاص ياقلبي لاتصحيين ان شاء الله بتتعافى وبتصير زي الفل سيلا :ان شاء الله ان شاء الله طلع الدكتور الكل ركض عنده راكان:بشرني يادكتور ؟؟؟ @نهاية البارت@ |
**الجزء الثامن** طلع الدكتور الكل ركض عنده راكان:بشرني يادكتور ؟؟؟ الدكتور:انت بتقربلها ؟؟ راكان:اي اي انا ولدها الدكتور:مامتك اتعرضت لصدمه اوويه (قويه) راكان ناظر لنورا:كيف وضعها اللحين الدكتور:في وحده اسمها نورا ؟؟ نورا ودموعها ملت عيونها:اي انا الدكتور:مامتك محتاجه تسمحيها دا اللي فهمتوا من كلمها ..صح ؟؟ نورا:اي صح الدكتور:اتمنى انك تدخليلها وتقوليلها انك مسمحاها بس طبعا هي مش حترد عليك لانها فغيبوبه نورا ساكته راكان:شكرا دكتور الدكتور:العفو الكل يناظر لنورا ومستني منها جواب نورا وبعد ماحست انو الكل مستني قرارها:مستحيل اسامحها مستحيل سيلا:تكفين يانورا تكفين .."ونزلت عند رجولها" حياة امي بين اديك نورا:مارح اسامحها طول عمري ..كل حياتي وانا عايشه يتيمه وهي عايشه سيلا كانت على الارض وبعد ماسمعت كلام نورا صارت تصيح بصوت عالي راكان انقهر من نورا :والله لو خليتوني اموت هذي الحقيره وارتاح منها خالد مسكه:راكان مالك دخل فيها هذا الشيء راجعلها ..واخذه بعيد علشان مايتعرض لنورا راكان:آآآآخ يالقهر آآآخ لورا:ياجماعه وجودنا هنا مارح يغير شيء بالموضوع ..أنا من رأيي انو بس واحد يجلس مع مها والباقي يرجع يطمن داد راكان:اصلا هذا اللي انتي تبغينه ..تبين امي تموت علشان يخلالك الجوو لورا:استغفر الله بس..مارح ارد على كلامك خالد:خلاص انا وراكان بنجلس وانتو روحوا مع السواق سيلا:مستحيل اخلي امي طلال:حبيبتي زي ماقالت لورا وجودك مارح يغير شيء ..خلينا نرجع البيت يمكن نقدر نقنع نورا سيلا:طيب وطلعوا ********* في السيارة سيلا فحضن طلال ودموعها ماوقفت نورا تقطع قلبها على سيلا بس مستحيل تتراجع عن قراراها حتى لو كان ثمن هذا حياة مها ************ في القصر كانت نورا فغرفتها اللي كانت مرا حلوه وفخمه كانت هذي الغرفة من تصميم لورا وكانت غرفتها السابقة بس انتقلت لغرفة قريبه من غرفة الملابس اللي دايما تشتغل فيها نورا :آآآهـ والله اني محتآجتلك ياثامر طلعت من غرفتها وتوجهت لغرفة سيلا طقت الباب بشويش ..وفتحت لها سيلا سيلا:تراجعتي عن قرارك؟؟ نورا:لا بس كنت ابي طلال سيلا انقهرت منها :طيب طلال جآ عندها بسرعه طلال:هلا وش بغيتي ؟ نورا:ابي جوالك بكلم ثامر بموضوع ضروري طلال:طيب دقيقه اجيبه دخلت الغرفة ..سيلا: وش تبي ..طلال:تبي تدق على اخوي تقول تبيه بموضوع ضروري ..سيلا:اها طلع واعطاعها الموبايل :تفضلي نورا:معليش ممكن تتصل لاني مااعرف طلال:اوكي..امسكي نورا:...مايرد طلال:هاتي اجرب مرا ثانيه..يلا امسكي رد نورا:شكرا وتوجهت لغرفتها نورا وهي مشتاقه لصوته:الوو ثامر:هلا مين معي؟؟ نورا:انا ..انا نورا ثامر فز قلبه:هلا نورا ..آمري ..طلال صايرله شيء؟؟ نورا:لا لا ..انا ابيك فموضوع بس ماينفع على التليفون ثامر:خير ؟؟ نورا:ابيك بكرا تمرني بيت صديقة طلال وتدق علي اذا وصلت لاني ماابيك تدخل البيت ثامر:اوكي..اي ساعه؟؟ نورا: اللي يناسبك ثامر:9 الصبح زين ؟؟ نورا:اي زين ..يلا باي ثامر :باي ثامر طآآآآآر من الفرحه وراح عند صديقه سامي ثامر:سامي سامي سامي :ياليل وش تبي انت ؟؟ ثامر:قوووم ابيك بشيء ضروري جدا جدا سامي:ووش اللي ضروري جدا جدا ؟؟ ثامر:نورا سامي من سمع اسم نورا طير عيونه :وش فيها ؟؟؟ ثامر:تقول تبيني بموضوع ضروري بكرا سامي:احلى ياحركااات اكييد ماقدرت تقاوم كل هالجمال ثامر استحى :ان شاء الله سامي :هههههههههههههههههه اول مرا اشوفك مستحي بس ودي اشوف مين اللي قدرت تآخذ تفكيريك ثامر:آآآهـ ياسامي لو شفتها بتعذرني والله بتعذرني سامي :ان شاء الله اشوفها وانت جمبها معرس ثامر:يااارب ياارب ..الله يسمع منك سامي وهو يناظر في السقف:آآآهـ ياحلوو الحب بسس ثامر طقه:اقول انت لسه محد قدر يحرك مشاعرك من البنات اللي تكلمهم ؟؟ سامي :لا لا هذول بس للتسليه ثامر:سامي من زمان وانا ودي اكلمك بهذا الموضوع سامي:وشو ؟ ثامر:حرام عليك تلعب ببنات الناس تراهم مو لعبة عندك سامي:والله ماسويت شيء بس اكلمهم بالجوال او على الشات ثامر:حتى ولو ..تحسب انو بطريقة هذي ماتجرحهم ..تخيل انو وحده من البنات بعد ماتتركها تكره كل الشباب وتحسب كل العيال مثلك ولاتتزوج ..ترضاها على اختك هيام ؟ سامي:اممم والله كلامك صحح ..لااكيد ماارضاها ثامر:مو المهم انو تسمع الكلام المهم انو تقتنع فيه وتبدأ تطبقه سامي :ابشر ..لك علي اتركهم كلهم ثامر:هذا صديقي اللي اعرفه ******************* فبيت سلطان دخل وهو مشتاق لهبال ثامر وسديم سلطان دخل البيت ونفسه يحضن سديم ويعتذر منها لانه مد ايده عليها سلطان:ثامر ...سديم ..غريبه وين راحوا ؟؟ : نوير ..يامال الصممخ ويننك؟؟ دخل المطبخ مالقاها ..وينها هالحقيره وين راحت ؟؟ دخل غرفتها مالقاها:غريييبه ..يمكن راحوا يشمون هواء..وجلس على الكنب وفجاءه طاحت عينه على ورقه فتحها وبدأ يقراها بسم الله الرحمن الرحيم نحنا طلعنا من البيت لانو ماعندنا فلوس واستنيناك كثير بس شكلك للأسف من جد تبريت مننا ..ونحنا فمكان آمن لاتخاف علينا ولدك..ثامر نزلت دموع سلطان غصب عنه..كل الناس تخلوا عنه ..اول شيء زوجته اللي كان يحبها اكثر من اي شيء فالدنيا واللحين عياله اللي مابقى له فالدنيا غيرهم ******************* فالقصر لورا كالعادة مع ابوها لورا:داد متضايقك؟؟ محمد:والله مدري من وين جتني هالمصيبه لورا:تتوقع مين ابو نورا؟؟ محمد:مدري يابنتي مدري لورا:لاتشيل هم ..اهم شيء صحتك يابعد قلبي محمد باس راس بنته:آآآهـ لوكانت امك معي اللحين لورا ماتحب ابوها يتكلم عن موضوع امها وحبت تغير الموضوع وهي تسوي نفسها زعلانه:وانا ماأكفي ؟ محمد:ياعمري انتي والله انتي تكفيين وزياده بس انا ماابي اشيلك همومي فوق همومك لورا :داد من جد كذا رح ازعل منك وش همومي وش همومك ..انا وياك واحد محمد باس يد لورا:وانا يحصلي اصير لورا الحلوه لورا:اي تبي تنسيني بكلامك الحلو ..بس انا لسه زعلانه منك محمد:خلاص تراني مااقدر على زعلك لورا باسته على خده:وانا بعد مااقدر ازعل منك يااحلى شيء حصلي فحياتي *************** فغرفة سيلا سيلا:طيب ماتقدر تقنعها طلال:انا مو مره قريب منها سيلا:طيب اخوك ثامر ؟؟ طلال:اعتقد انو اخوي ثامر يحبها وهي بعد تحبه هذا اللي فهمته من نظراتهم لبعض سيلا:تمآآم طيب ممكن تكلم اخوك ثامر يقنعها طلال:ليش ماتكلمينه انتي ؟؟ سيلا:كيف؟؟ طلال:انا اقولك ..امسكي موبايلي وكلميه سيلا:طيب يلا طلال:يلا بس لاتعلمينه اني انا اللي قلتلك اتصلي عليه ..سوي نفسك انتي من نفسك اللي اتصلتي ..اوكي ؟ سيلا:اوكي..بس لو كلمته من موبايلي احسن علشان مايطلع لك علاقه بالموضوع ابد طلال:والله فكره اوكي حبيبي خذي الرقم 05........ سيلا:اوكي ..يلا ولاصوت علشان اعرف اتكلم طلال:اوكي سيلا:الووو :هلا والله فديت هالصوت سيلا:ثامر ؟؟ :طوايف ثامر انتي سيلا قفلت التليفون وهي مرا مصدومه طلال:لييه قفلتي ؟ سيلا:أخـ.. أخـوك من النوع هذا ؟؟ طلال:من اي نوع ؟؟ سيلا:من النوع اللي يغازل البنات وكذا طلال مات ضحك :اتريك مو هين يااخوي ..شكلي بروح اتعلم منك سيلا غارت وطقته بقوه:وانت تسويها طلال وهو يضحك من قلب على عقلها الصغير:معقوله وانا عندي هالقمر سيلا:مااصدق طلال:سوسو خلاص لاتقلبينها نكد اللحين.. والله مارح اكلم غيرك ومارح احب غيرك والله سيلا:خلاص صدقتك ************* ثامر:مين كنت تكلم يالدوب سامي:ماقدرت اقاوم الصوت صراحه ثامر:لايكون هذي نورا سامي:مدري ثامر:وش قلتلها سامي:بس بس قلتلها فديت هالصوت ..وعلى طول قفلت شكلها مرآ بريئه ثامر عصبب مرآ:كييييف تقولها كذا ...عطيني الموبايل علشان اصلح الغباء اللي سويته قبل شوي سامي:ياحبيلي لهالنورا غيرتك ميه وثمانين درجه ثامر:اقول اسكت اللحين مو رايق لك ثامر :الوووو سيلا:هلا ثامر:مين ؟ سيلا:انت اللي متصل ..مين انت؟؟ ثامر:انا ثامر معليش قبل شوي انتي اتصلتي علي وصديقي رد وآسف اذا كان ازعجك سيلا انحرجت لانو كان ثامر قممة فالذوق والادب والاحترام :احم لا لا عادي ثامر:آمري اختي وش تبين سيلا:والله يآاخوي انا صديقة طلال آآم اقصد سديم ثامر:هلا هلا سيلا:بس بغيتك فموضوع ثامر:تكلمي اختي اسمعك سيلا:والله ياأخ ثامر فالحقيقه يعني انا ماكلمتك الا اعرف انو انت الحل الوحيد انك تقنع نورا ثامر:نورا !!!! ووش دخل نورا بمشكلتك سيلا:حياة امي تتوقف على كلمة بس من نورا ..ام نورا هي امي امممم يعني نحنا ماكنا نعرف انو عندنا اخت بس اول ماجت نورا مع طلال قالتلنا كل شيء وبدت تعاتب امي انو هي تخلت عنها واللحين امي ....ونزلت دموع سيلا ثامر:واللحين امك وشو ؟؟ سيلا:واللحين امي بين الحياة والموت ويقول الدكتور انو لو ماسمحتها نورا يمكن حالتها تسوء ثامر:لاحول ولاقوة الا بالله..طيب انتي ماتعرفين مين ابوها سيلا:لا لسه مانعرف ثامر:طيب يااختي انا اكلمها وربك يعين سيلا:تسللم مرا يااخوي وان شاء الله اذا امي قامت بالسلامه لك اللي تبي ثامر:وش تقولين انتي كفايه انو استقبلتوا طلال ونورا فبيتكم سيلا:قصدك استقبلنا طلال بس لانو نورا صارت من اصحاب البيت ثامر:تبين شيء ثاني ؟؟ سيلا:لاشكرا باي ثامر:باي ************ فغرفة محمد حصة:وكيف بتتصرف اللحين ؟؟ محمد:والله مدري ياأختي ماكنت حاسب حساب هالشيء حصة:مافي حل الا تسكت وماتتكلم ..لانو هذا الشيء بيأثر عليك محمد:وهذا اللي كنت ناوي اسويه @نهاية البارت@ |
**الجزء التاسع** نورا مسحت دموعها:مافيني شيء قلتلك روح ماتسمع رووووووووحالصبح كانت تمشي وتجي فغرفتها وهي مرا مرتتبكه :انا غبيه انا غبيه مين اللي قالي اكلمه .واذا سألني ليه هو بالذات اللي آخذ رايه وش اقول ؟؟؟؟ دخل طلال غرفتها بدون مايطق الباب:ثامر على التليفون نورا:شكرا ..الوو ثامر:معليش تأخرت نورا:لاعادي يلا دقايق ونازله ..قفلت السماعه وايدها ترررجف "تكلم نفسها" نورا خلاص بلاخوف كانت خايفه انو تلقى احد وصارت تتسحب لين وصلت الباب ولمحت سيارته من بعيد..وصلت لسيارته :ممكن تمشي ثامر:هآآ ..طيب بعدو عن القصر شوي ..نورا:وقف وقف هنا ثامر:اوكي ..وش الموضوع ؟؟ نورا: ثامر انا بقولك مين انا ..مو هذا اللي كنت تبي تعرفه ثامر مسوي فيها غبي ومايعرف :ميين؟؟ نورا:انا اكون بنت مهآ ثامر:مهآآ !!!!!!!!!!! نورا:تعرف انو مها زوجة صاحب القصر هذا كله ثامر ماهمه مها ولاهمه اي شيء بس همه نورا اللي حبها طلعت اخته ؟؟؟؟؟ نورا:واللحين هي بين الحياة والموت ..وانا مو قادره اسامحها والله مو قادره ثامر ساكت نورا:وبعد مافكرت ..قلت بآخذ رايك لاني اعرف انو انت بتقولي وش الصح وماعندي شك برأيك ثامر:مالي دخل نورا:كيف مالك دخل مو انت اللي قلتلي انك تحبني ولا غيرت رايك؟؟ ثامر ساكت ماهو قادر يستوعب نورا انصدمت اكثر منه واعطه كف :انا اكرررهك ونزلت من السيارة ركضت بالشارع وعقلها مو معاها مو مستوعبه انو حتى اللي حبته يتخلى عنها !!!! بعد شوي صحت على نفسها :يويل قلبي وين انآ ؟؟؟ من وين كان الطريق؟؟ وبدت تحاول ترجع لنفس المكان اللي كان واقف فيه ثامر وبعد ساعتين :الحمد لله الحمد لله واخيرا لقيته دخلت بسرعه وحصلت محمد في الصاله محمد:بنتي نورا:نعم محمد:وين كنتي نورا:والله هذا اللي ناقص تسألني وين رحت وين جيت ..آآخر زمن والله ..وطلعت محمد عوره قلبه:حسبي الله عليك يامها حسبي الله عليك نورا ركضت لغرفتها وقفلت عليها الباب ..طلال لمحها وراح عندها طلال:حبيبتي نورا:ماابي اشووف احد طلال:حبيبتي بس قوليلي وش فيك نورا:وش تبي مني قلتلك ماابي اشوف احد "وبدت تصيح" ماابي اشوف احد خلوني بحالي ..اصلا انا محد يحبني فالدنيا هذي طلال:كيف محد يحبك يعني !! افتحي الباب وخلينا نتفاهم طلال:طيب براحتك نورا رمت المخده على الباب:ربي يقلعك انت واخوك وابوك ومها وككل الدنيا اكررررهكم *************** ثامر صار يدور فالشوارع كأنه مجنون ومافي على باله كلمة "الا انا بنت مها ..انا بنت مها" رن تليفونه ..بس هو ماصار يسمع شيء من بعد كلمة نورا ********************* نزلت عندهم وهي خلاص تعتبر انو انتهت حياتها ..لانو ثامر كان كل حياتها وعمرها :انا وافقت سيلا:من جدد ..وركضت عندها بتضمها نورا دفتها:وخري عني ..يلا خلينا نروح المستشفى ولاترى بغير رأيي سيلا:يلا طلال يلا لورا تكفون خلينا نروح بسرعه لورا:ربي يجزاك خير يانورا والله قلبك كبير ..يلا انا بروح ابدل *********** فغرفة سيلا طلال:مدري والله وش فيها من الصبح وهي كذا سيلا:هي مو اخر شيء كانت مع ثامر ؟؟ طلال:اي كانت معه سيلا:جربت تتصل عليه ؟؟ طلال:اتصلت بس مايرد ..انا متأكد انو صار بينهم شيء كبييير..بس اموت واعرف وش صار بينهم ؟؟ سيلا:مصيرنا بنعرفه ********** في المستشفى دخلت على امها وبصوت مخنوق:مآمآ انا مسامحتك ..."مسكت ايدها" الكل ينتظرك بس انتي قومي بالسلامه ..حياتي فداك يالغاليه بس انتي ارجعيلنا بالسلامه وطلعت.. سيلا:خلاص ؟؟ نورا:انا سويت اللي علي ..رجعوني البيت طلال مسكها من يدها:انا بعرف كل شيء ..وش اللي صاير عليك يانورا نورا ماتبي تشوف اي شيء يذكرها بثامر:انقلع عن وجهي مارح اقولك شيء..بسرعه انا بروح البيت خالد:يلا امشي انا بروح معك البيت نورا:يلا وطلعوا مع بعض في السيارة :ليه سامحتيها نورا:ليه ماكنت تبيني اسامحها؟؟ خالد:لا مو على كذا بس انا مستغرب امس كنتي مصرره على رأيك نورا تذكرت ثامر وغصب عنها نزلت دموعها:كذا بدون سبب خالد:نورا تصيجين ؟؟ نورا:انا خلاص تعبت خالد:نورا انا اخوك قوليلي وش اللي مضايقك؟؟ نورا وهي تمسح دموعها بسرعه:مافي شيء مافي شيء خالد مسكها من ايدها وقرب لها مرا:لاتخبين عني شيء واوعدك مارح يطلع لأي احد ..يلا نورا قوليلي كل شيء نورا:قلتلك مافي شيء خالد:ترا والله اذا كتمتي بقلبك مارح تستفيدين شيء نورا:وانا ابي اكتم بقلبي مالك دخل انت ..وبعدين تعال لاعاد اشوفك تناديني اختي هذيك مو امي وماتشرفني اصلا خالد مايرضى شيء على امه:تراني ساكتلك من الصبح بس الا امي نورا:ههههههه وهذي ام اصلا خالد عطاها كف :لاتجيبين سيرة امي على لسانك فاهمه ؟؟ نورا زادت في الصياح:مو مستبعده اللي تسويه لانك تربية مها خالد:وانتي لقيتي تربية مها وقلتي لا ؟ حدك تربية شوارع نورا انقهررت منه ونزلت بسرعه خالد اللي نزل وراها :ماكنت ابي اغلط عليك ياأختي بس انتي اللي حديتيني على كذا نورا راحت غرفتها بسرعه لورا فتحت الباب:اوووه سوري نورا بس هذي كانت غرفتي وكان في شيء ابي آخذه منها نورا:خذي راحتك لورا جلست جمب نورا:نورا انا مارح اضغط عليك او حتى اتدخل في خصوصياتك واسألك وش اللي مضايقك بس انتي لو حابه انك تقوليلي انا على أمرك فأي وقت نورا رمت نفسها فحضن لورا لورا:ياحياتي انتي ..اكيييد زعلوك عادي لاتهتمين ..حتى انا كانوا يعاملوني كذا ..بس مع الايام بيتعودون عليك نورا:لورا انا خسرت كل شيء فحياتي امي ..وابوي ..واللي كنت احسبهم اخواني ..وحتى الأنسان الوحيد اللي حبيته فحياتي تخلى عني لورا:ممكن اعرف مين هو ؟؟ ممكن اقدر اساعدك نورا:ثامر ..ثامر ..هو اخو طلال لورا: ثامر ؟؟؟؟ طلال؟؟ نورا:معليش قصدي اخو سديم لورا:اهآ ..وهي عندها أخ ؟؟ نورا:ايوا ..هو عرض علي الزواج من قبل بس انا رفضت لاني كنت احسبه اخوي من أمي ..ويوم كنت بروح آخذ رأيه فموضوع مها وبعدها كنت بقوله اني موافقه عليه ..تخلى عني وقالي انا مالي دخل لورا:اوووه .."ورن موبايل لورا" ..حبيبتي اللحين يتكلمون معي من الشغل بعدين نتناقش اوكي ؟ نورا:اللحين انا تعبانه بنام خليها بكرا لورا:اوكي ..تصبحين عى خير ********* برآ الغرفه :اهلين كندا كندا:اهلين ..شو اخبارك ؟ لورا:انا تمام .. وانتي كيفك ؟ كندا:نحمد الله ..شو كنت بدي ألك "اقولك" لقيت مصمم بيعقد كتيير ووافق على كل شروطنا بس هو حابي يقابلك لورا:مافي اي مشكله ..حددي معاه موعد بكرا الساعه 4 كندا:ماشي ..يلا بشوفك لورا:سيا بيبي ********* لورا اللي كانت مستعجله خالد:لورا ممكن شوي لورا:نعم خالد:ممكن تجلسين شوي بكلمك لورا:تفضل خالد:انتي تعرفين مين ابو نورا لورا:لا مااعرف خالد:لازم نعرف مو ؟؟ لورا:اي لازم نعرف بس مو اللحين خالد:وش تتوقعين ابوي بيسوي اذا امي طلعت من المستشفى ..بيطلقها ؟؟ لورا حاسه فيه لانها فقدت امها وهي تقريبا فنفس عمر خالد:لاتقول كذا ان شاء الله مايصير الا كل خير خالد:ان شاء الله ..تبين شيء ؟؟ لورا:ليه مانجلس نسولف شوي خالد:عن ايش ؟؟ لورا:عن حياتك خالد مستغرب من لورا اول مرا تحاول تتقرب منه:امممم مو مشكله لورا:اشوفك انت وسيلا مو مرا هذي الايام مع بعض..صاير شيء ؟؟ خالد:لا بس علشان المشكله هذي والاوضاع شوي ملخبطه وصديقتها لورا:لا من قبل المشكله هذي ومن قبل صديقتها وانتو مو عاجبيني خالد:لا لا مافي شيء لورا:مع اني مااقتعنت بس بمشيها خالد:لا اقتنعي لانو مافي شيء غير اللي قلتلك عليه لورا:اوكي انا عندي مقابله بكرا ..عادي تجي تساعدني وتوريني وش ألبس ؟؟ خالد:وانا وش دراني بذوق البنات لورا:عادي خليني اشوف ذوقك يمكن يطلع حلو خالد:طيب لورا:يلا امشي معي فوق وطلعوا خالد:لورا لورا:قلبها خالد:لبى قلبك ..اممم اقول ليه ماتنادين سيلا ونورا و..وسديم يعني يجون يساعدونا نشوفلك لبس ومنها نطلعهم من هالجو الكئيب لورا:اممم فكرره..طيب انت روح الغرفة وانا بجيبهم خالد:اوكي بس لاتطولين لورا راحت وهي متحمسه ..لقت سيلا وطلال يحوسون فالمطبخ لورا:وش تسوون يامحتالات طلال:والله جعنا شوي قلنا نشوف شيء ناكله لورا:طيب انا ابيكم فغرفتي شوي ممكن سيلا:اوكي دقايق ونجي لورا:يلا انا بروح انادي نورا طلال:مارح ترضى لورا:عندي طرقي الخاصه ..اقدر اجيبها لورا عند غرفة نورا ..طقت الباب بشويش فتحت لها نورا ..هلا حبيبتي لورا:حبيبتي ممكن تجين غرفتي شوي نورا:دقايق بس لورا:يلا انتظرك وبعد دقايق نورا :يلا ..ومسكت ايد لورا وراحوا سوى وفغرفة لورا سيلا وطلال وهم يتسابقون :انا بوصل قبلك :لاانا اللي بوصل وتشوفين طلال فتح الباب بقووة ودخل ..فجاءه تصنم فمكانه سيلا:قدرت تسبقني ..ههههههههه...هـ ..هـ.. ياشين الفشله ..انت وش جابك هنا خالد انحرج:لورا ماقالتلكم لورا:لا ماقلتهم..شوفوا ياحبايبي انا بكرا عندي موعد مع مصمم ازياء مشهور وابي اكشخ وانتو لازم تساعدوني طلال:خلاص خلي كل شيء علي نورا:من اللحين اقولك مدام الشغل عند طلال اعرفي انو المصمم بيهرب طلال اخذ الجزمه ورماها على نورا:اسكتي انتي بس شغلي معك بعدين خالد مستغرب من اسم طلال بس بنفس الوقت عجبه ستايل وشخصية طلال سيلا مسويه نفسها زعلانه:نورا ترا كل شيء ولا طلولي نورا:ههههههههههههه خلاص كل شيء ولازعلك انتي وطلولي حقك لورا:ههههههههههههههههه خلاص كلنا بنتساعد..يلا شوفوا ابي شيء كلسك ونعومي سيلا:كل دولابك كلاسك ونعومي ماجبتي شيء جديد خالد:انا من رأيي هذا مرا بيطلع حلو طلال ضرب خالد:احللللى ياذووق انت ..اي لورا ألبسي هذا مرا حلووو وكيوت خالد استحى من حركة طلال بس يبي يدق الميانه معه:احم احم طول عمري ذووق طلال وهو يسوي نفسه طفشان:ياليل ماينمدح احد في هالبيت لورا:ههههههههههههههه اقسم بالله اشكالكم تووحفه مع بعض..وانتي يانورا وش رايك نورا:انا رأيي تلبسي اي شيء اسود من هذولي مرا بيطلع حلو ..اي هذا ..هذا مرا كيوت لورا:ياااربي حيرتوني سيلا:انا رأيي من رأي نورا طلال :شوفوا الخاينه سيلا:لاتسويلي فيها زعلان اللحين ..ماسويت شيء عطيت رأيي طلال:مين قال زعلت ..تبي تخلقين مشاكل من راسك لورا:طيب الرأي القاطع لداد بشوف وش رأييه وفجاءه دخل محمد محمد:وش كنتوا تقولون عني اعترفوا لورا:كنت بآخذ رأيك بكرا عندي موعد مرا ضروري مع مصمم مشهور البس هذا ولا هذا محمد:هذا طلال:يااااااااااااااااااااااااااااااااااااااااي محد طاح وجهه خالد مات ضحك على طلال لانو من جد اسلوبه كان حلو طلال :فزنآآآآآآآ"وضم خالد" الكل انصدم من حركة طلال طلال يبي يرقع الموضوع:عن اذنكم برد على موبايلي سيلا انقهههرت مرا لورا ترقع:هههههههههههههههههههههههههه مرا هالطلال شيء صراحه طلال فغرفة سيلا:يوووويلي وش سويت انا ؟؟؟؟؟؟؟؟ ..اكيييد سيلا عصبت من اللي سويته احسن شيء اسوي نفسي نايم فتحت الباب بقوه :كـ كيف تسوي كذا ؟؟؟ طلال:والله ماكنت اقصد بعدين وش المشكله هو ولد وانا ولد سيلا:انا وياك فاهمين هذا الشيء بس هو مو فاهم طلال قام ومسك ايدين سيلا:والله ماكنت اقصد والله سيلا:انا عارفه انك ماقصدت بس مرا ثانيه انتبه لانو مو كل الناس فاهمين انك ولد طلال:ابشري ..بس اهم شيء انك راضيه عني "وباس ايدها" ********* فغرفة لورا :هلووووو خالد:هآآآآ وش تبين ؟؟ لورا:هههههههههههه ياعممري استحى محمد:هههههههههههه ياحلوك وانت مستحي ياخالد خالد ارتفع ضغطه :اصلا مااستحيت لورا:بااااين مرا روح شوف خدودك كيف حمممره خالد استحى وطلع محمد:ياحلوهم بسس لورا:اي والله ياحلوهم.. محمد:وش رايك بسديم لورا:قصدك طلال محمد:اي طلال ولاسديم كله واحد لورا:اممممم حلوه ماشاء الله عليها وفرفوشه وحبوبه وتدخل القلب محمد:اي والله بس احس لو تطول شعرها وتغير ستايلها كان احلى لورا:اي والله صادق..ونورا ؟؟ محمد بلع ريقه:وش فيها ؟ لورا:ماتبي تعرف مين ابوها ؟؟؟؟ @نهاية بارت@ |
:okiko: :okiko: :okiko: :okiko: :ha3: :wardah: :wardah: |
اقتباس:
شكرا على مرورك ياعمري ^^ |
**الجزء العاشر** فغرفة لورا :هلووووو خالد:هآآآآ وش تبين ؟؟ لورا:هههههههههههه ياعممري استحى محمد:هههههههههههه ياحلوك وانت مستحي ياخالد خالد ارتفع ضغطه :اصلا مااستحيت لورا:بااااين مرا روح شوف خدودك كيف حمممره خالد استحى وطلع محمد:ياحلوهم بسس لورا:اي والله ياحلوهم.. محمد:وش رايك بسديم لورا:قصدك طلال محمد:اي طلال ولاسديم كله واحد لورا:اممممم حلوه ماشاء الله عليها وفرفوشه وحبوبه وتدخل القلب محمد:اي والله بس احس لو تطول شعرها وتغير ستايلها كان احلى لورا:اي والله صادق..ونورا ؟؟ محمد بلع ريقه:وش فيها ؟ لورا:ماتبي تعرف مين ابوها ؟؟؟؟ محمد:اللحين مو وقته اذا طلعت مها من المستشفى يصير خير لورا:طيب ليه مازرت مها ؟؟ محمد:بكرا بزورها ان شاء الله ..تروحين معي ؟ لورا:لا انا عندي موعد محمد:الله يسعدك ويوفقك ان شاء الله لورا:آآآآمييين ويسعدك ان شاء الله محمد:يلا انا أستأذن ..تآمرين على شيء؟ لورا:سلامة عمرك ..تصبح على خير محمد:ربي يسلمك.وانتي من اهل الخير لورا تفكر :يوووه مدري اقولها ولا ....لازم اقولها وجهة نظري .."قامت وتوجهت لغرفة نورا..طقت الباب بخفيف" :تفضل لورا:هلا نورا:اهلين لورا:بس كنت بقولك شيء بعد مافكرت بموضوعك انتي وثامر..يعني يمكن انتي مافهمتي عليه ..ولا يمكن هو فاهم الموضوع غلط فأنا اشوف لو تكلمتو مع بعض بيصير احسن ..حرام تخسرون بعض بسبب سوء تفاهم و يمكن يكون بدون سبب نورا:اممم كلامك صح ..بس خايفه انصدم مرا ثانيه ويطلع من جد مايحبني لورا:مارح نخسر شيء نورا:افكر لورا:خذي راحتك ..يلا عن اذنك انا بروح انام نورا:تصبحين على خير لورا:وانتي من اهله ********** في الصباح لورا وهي تفرك عيونها مدت إيدها واخذت صورة امها :Good Morning mom ..الله يرحمك ياأحلى أم بالدنيا "وقامت وكلها نشاط" طلعت من الحمام ..oooOh god خوفتيني نورا وبإبتسامه عريضه:صباح الجوري لورا:ياصباح النور ..وانا اقول ماي روم منوره نورا:لبى قلبك..النور نورك ..لورا انا فكرت بكلامك وقررت اعطي ثامر واعطي نفسي فرصه ثانيه ..انا بتكلم معاه وبسمعه لورا قربت عندها:هذا اللي كان نفسي اسمعه ..وتأكدي انو مستحيل تندمين على هذا الشيء نورا:ان شاء الله ..طيب ممكن تروحين معي ؟؟ لورا:اوكي ..انا عندي موعد بعد كم ساعه واذا خلصت ان شاء الله بمرك ونروح عند ثامر نورا:مرا مرا شكرا مدري كيف اشكرك لورا:ولو ياقلبي نورا:تحبين اساعدك بشيء ؟؟ لورا:لاحبيبتي تسلمين نورا:اجل انا استأذن لورا:اذنك معك طلعت نورا وفقلبها تدعي انو ثامر مايتخلى عنها ويعوضها عن امها وابوها اللي انحرمت منهم ..نزلت وحصلت محمد اللي كان كالعاده يقرى الجريده :ليه ماجيتي افطرتي معنا يابنتي نورا:لامااشتهي محمد:تعالي يابنتي ابيك فموضوع نورا:هلا محمد:اجلسي جمبي .."جلست نورا وهي خايفه" محمد بعد تردد:انتي تعرفين مين يكون ابوك؟ نورا:لا محمد كان هذا الشيء حمل وانزاح من صدره:زين .. :هلا والله بنور عيني لورا:اهلين يااحلى داد فالدنيا نورا وهي تشوفهم كيف قريبين من بعض :حسبي الله عليك يامها ..خليتني اعيش بدون أب وأم لورا:اسفه اليوم ماجيت على الفطور بس امس نمت متأخر محمد:لاعادي ..نوم العوافي ************** في المدرسة اثير:غريبه لها كم يوم ماجت ريناد:احسن المدرسة منووره اثير:اصبري والله لأوريها ..بخليها ترجع لنا زي الكلبه .نشوف بنت الفقر هذيك وش بتنفعها فيه ريناد:شكلك ناويه على شيء اثير:اي ناويه بس خليني اقلب الموضوع في راسي وبعدين اقولك **************************** في بيت ابو سامي سامي:وين راح الولد هذا ..لاحس ولاخبر هيام:حتى طلال ماجآ المدرسة من كم يوم سامي:ان شاء الله خير هيام:ان شاء الله ******************** طلعت من البيت وهي متفائله انو هذا المصمم بيكون فاتحة خير عليها بالسيارة :الووو لورا:الوو اهلين كندا:اهلين آنسه لورا لورا:في شيء كندا:لا بس المصمم عم ينتظرك لورا:انا قريبه كندا:ممتاز يلا بشوفك لورا:اوكي باي فدآر الازياء "دخلت وفصخت عبايتها وهي بكآمل اناقتها ..كانت لابسه فستان فوشيا لتحت الركبه وكالعاده كان شعرها ويفي ومع مكياج نهار خفيف جدا ..كانت طالعه كلسك بس على بساطتها كانت طالعه روووعه" :مرحبا انسه لورا المصمم عم يستناك جوآ لورا:اوووه صح نسيت اسأل عن اسمه :ليث ..اسمي ليث لورا انحرجت من نفسها :اهلين تشرفنا ليث :الله يزيدك شرف لورا كآنت متنحه مع الجمال والكشخه وريحة العطر والجمال والذوق والاسلوب الراقي وكل شي" ليث:مابدك تقوليلي تفضل لورا:اوووه سوري تفضل تفضل ليث:يزيد فضلك جلسوا وبدو يتناقشون بالشغل لورا:طيب الاسبوع الجاي مناسب ليث:اي كتير مناسب لورا:طيب المبلغ ؟؟ ليث:اعتبريه هديه تعارف لورا:لامااقدر لازم هذا شغل يااستاذ ليث ليث:خلص حطي المبلغ اللي بيعجبك لورا:استاذ ليث احب اوضح لك نقطه انو انا مااحب العب بالشغل واحب يمشي شغلي زي الساعه لايتقدم ولايتاخر ليث بنفسه ههههههه باين من الخساره اللي خسرتيها قبل كم يوم:امممممم طيب خلص انا بقدر المبلغ وبردلك خبر لورا:اوكي ليث:يلا مع السلامه "ومد يده" لورا :مع السلامه ليث انحرج وسحب يده :بشوفك لورا:كندا تعالي بسرعه كندا:حاضر طقت الباب ودخلت :شو في لورا:انتي تعرفيني مااحب اشتغل مع اي احد ..ابي معلومات كامله عن هذا اللي اسمه ليث كندا:بتأمري امر ..اي شيء تاني ؟؟ لورا:لا سلامتك..يوووه تأخرت على نورا..كندا انا بروح اللحين اذا في شيء ضروري كلميني كندا:الله معك ********************* في القصر دخلت وحصلت نورا وطلال وسيلا بالحديقه لورا:مرا اسفه بس الموعد ماخلص الا هلق طلال وهو فاقع ضحك:هههههههههههههههههههههههههه هلق هههههههههههه سيلا :هههههههههههه متأثرره لورا انقهرت من الحركه ماتحب يخرب برستيجها قدام اي احد:اوووف وش اسوي كندا سوريه والمصمم اليوم بعد طلع سوري مدري لبناني سيلا:الله يخلف اصلا محد يشتغل فالازياء سعودي الا انتي مدري وش اللي محببك فهذي الشغله لورا:لاني غير طلال:ماشاء الله لورا عندها رد لأي شيء لورا:ترا كبر راسي ..امشي نورا لايكبر راسي اكثر طلال:هههههههههههههههه ..وين رايحين ؟؟ لورا:بنروح المول سيلا:خذونا معكم لورا:لا المبزره مافي لهم طلال:احسن مانبي ..خلينا انا وسيلا نتنفس هوى شوي سيلا فهمت قصد طلال واستحت نورا:يلا باي طلال وسيلا:باي بالسياره :يوووه خاييفه لورا:انا جمبك لاتخافين نورا:ان شاء الله خير وصلوا بيت ابو سامي :متأكده هذا هو البيت نورا:اي متأكده لورا:طيب يلا ننزل دقت الجرس :انا بفتح :انقلع انا بفتح :روحي انتي يمكن يكون ثامر :اففففففففففف طيب بروح فتح الباب وانصدم :هلا نورا نورا:هلا سامي..ثامر موجود ؟؟؟ سامي:هو مو عندكم ؟؟ نورا:لاموعندنا سامي:من امس ماشفته نورا:يمكن يكون فبيت سلطان سامي:دورته هناك وماحصلته نورا:يحسرت قلبي وين راح ..اكيد انا السبب "ونزلت دموعها" لورا:حبيبتي انتي مالك ذنب ..لاتخافين بنلقاه ان شاء الله نورا:وين نلقاه يعني ؟؟ ويين ؟؟ لورا:نورا فكري بالعقل وين بيروح وين بينام اكيد بيرجع هنا او بيروح عند ابوه ..ان شاء الله يرجع قريب نورا:ان شاء الله لورا:مشكور اخ... :سامي لورا:مشكور اخ سامي ..واسفين على الازعاج سامي:ولو ..عادي البيت بيتكم لورا:يلا نورا ..امشي معي وركبوا السيارة نورا:هذا اللي كنت خايفه منه...اذا صار له شيء مارح اسامح نفسي ابدا لورا:نورا اذا كان صايرله شيء فهذا قدره وانتي مالك دخل فيه نورا:لوماكنت فهمته غلط وحكمت عليه بدون مااسمعه ماكان راح وتركني لحالي لورا عرفت انو مستحيل تقتنع نورا بكلامها وهي بهذي الحاله :خلاص حبيبتي ان شاء الله يكون بخير بس انتي ادعي له نورا:ان شاء الله ان شاء الله يسمع منك ربي ********************** وصلوا القصر ودخلت نورا بسرعه لغرفتها لورا قابلت طلال وخالد وسيلا يسولفون وضحك وفله وقررت تروح تجلس معهم سيلا:تو مانور البيت لورا:منور بوجودكم ياحلوين طلال:وين نورا ؟؟ لورا:اظن طلعت غرفتها..غريبه ماشفتوها خالد:اكييد مرت بسرعه وماانتبهنا ..روحي ناديها تجلس معنا لورا:هي قالت تعبانه بتنام خلوها على راحتها ..اي انتو وش عندكم تضحكون ضحكوني معاكم سيلا:اللي راح المول مافي له ضحك خالد:ههههههههههههههههههه اي صححح طلال:والله انكم مبزره اهم شيء مافي له ضحك ههههههههههههههههههههههههه لورا:ياحبيلي لك ياطلال دايما معي طلال يبي سيلا تغار صار يقرص خد لورا:وفي احد يشوف هالقمر هذا ومايصير معه دايما لورا:هههههههههه خلاص خقيت سيلا وهي تقلد لورا:خلاص خقيت ..استغفر الله بس خالد:ههههههههههه ياحوبيلي للي يغارون ..اقول سيلا مردك لأخوك سيلا وهي فحضن خالد:ياحبيلك بسس طلال يسوي نفسه مايغار:الله يخليكم لبعض ***************** قامت من النوم حست نفسها نامت سنه كامله ..فتحت عيونها بس ماشافت شيء ..حاولت تفتح مرا ثانيه بس برضو ماشافت شيء :وش فيني انا ..حاولت تمشي شوي بس طاحت ..صارت تصارخ تبي بس يكون حلم وتقوم منه بسرعه @نهاية البارت@ |
رووووعة |
راااااااااااااائع شكرا ^^ :okiko: :wardah: :wardah: :ha3: |
اقتباس:
تسلميين ياعمري..شكرا على مرورك |
اقتباس:
تسلمين ياعمري على المرور ..^^ |
الجزء الحادي عشر** دق الجرس بتعب هيام:اففففففف اربع وعشرين ساعه الباب يد ...ثا..ثامر ثامر:اخخخ ياراسي ..اهلين هيام هيام:وش اللي سوى فيك كذا ..ادخل ادخل سامي:ثامر وش اللي سوى فيك كذا ؟؟ ووين كنت ؟؟ ليه ماجيت امس ؟؟ ثامر بتعب:اللحين كل هالأسأله بجاوب عليها سامي:هيام بسرعه روحي جيبي له مويه دخلو المجلس ثامر:انت تصريفاتك واضحه ..وش دخل المويه اللحين ؟؟ وش تبي تقول ؟؟ سامي:نورا جت هنا ثامر قام على حيله:آآآخ .. نورا ؟؟ سامي:اي نورا ..اموووت انا على الحب ..يوم قلتلها انك ماجيت من امس قطعت نفسها من الصياح ..بس صراحه ماألوومك خقه خقه هي واللي جت معها ثامر:طلعت اختي سامي يحاول يستوعب:مين اختك !!! ثامر:نورا سامي:باللهي هذي كذبة ابريل ولا ايش ..بس انا اللي اعرفه انو نحنا اللحين مو فأبريل ثامر:لا هي اختي ,,هي اللي قالتلي هذا الشيء سامي:هي قالتلك انا اختك ثامر:قالتلي بنت مها ..ومها هذي كانت زوجة ابوي سامي:وش دراك يمكن هي بنت مها بس مو بنت سلطان يمكن ابوها واحد ثاني ثامر:مااعتقد سامي:اي طيب انت وش اللي سوى فيك كذا ثامر:يوم قالتلي انها بنت مها ماقدرت استوعب صرت زي المجنون امشي فالشوارع وسويت حادث سامي:لاحول ولا قوة الا بالله ..اسمع ترا الخقه اللي معاها تقول عطيني خبر اذا جآ ثامر ..الحمد لله لقيت سبب علشان اكلمها ثامر:والله انك خبل ..انا ماابي اشوف نورا خلاص كل شيء انتهى سامي وهو يقلده:كل شيء انتهى ..اقول اسمع مو على كيفك بتكلمها وبتعرف اذا كانت اختك ولا مو اختك ..بعدين على كيفك تبي تتزوجها ولا ماتبي هذا شيء راجعلك ثامر:ان شاء الله ..اللحين اكرمنا بسكاتك ابي انام سامي:نام نام ماعندك غير النوم ..انا بروح اكلم القمر هذيك علشان احدد معها موعد ثامر:لا تتصل بكرا بنروح عندهم القصر ومنها نكلم نورا ومنها اشوف طلال سامي :افففففففف طيب طيب يلا انخمد نام ثامر:تصبح على خير سامي:وانت من اهله "وفنفسه" مدري اكلمه اللحين عن ابوه ولا اخليها بعدين " ****************** في القصر طاح منها الكاس وركضت لغرفة نورا ..شافت المنظر اللي نزل عليها زي الصاعقه ..شافت نورا تحاول تتحسس الاشياء علشان تقدر تمشي ركضت لتحت ماحصلت ابوها ..طلعت الحديقه حصلت لورا وطلال وخالد جالسين وبنفس متقطع:تعالوا شوفوا نورا مدري وش صايرلها اسرعوا لغرفة نورا وكلهم انصدموا لورا نزلت دموعها بس حبت تبين انها قويه قدام اخوانها ..مسحت دموعها بسرعه وقربت من نورا:حبيبتي وش فيك نورا:مااشوف شيء مااشووف خالد:انا بتصل على ابوي لورا:أمسكي ايدي خليني اطلعك سريرك ..قامت نورا بمساعده من لورا اللي كانت ماتدري من وين تجيهم هالمصايب خالد طلع برا الغرفه ولسه مااستوعب اللي شافه :الوو :يبه يبه بسررعه تعال محمد:وش صاير ؟؟؟ خالد:مدري نورا تقول ماتقدر تشوف محمد :بنتي ...بنتي وسكر خالد مستغرب من كلمة محمد:معقوووله "واتجه لغرفة نورا" سيلا تبكي فحضن طلال ..وطلال اللي يفكر بأخوه ثامر وش بيسوي اذا سمع الخبر؟؟ ..لورا كانت ماتبي احد يصيح علشان مايحسس نورا انها صارت عاجزه محمد اللي طلع بسررعه من المستشفى ..حسبي الله عليك يامها والله لو صار لبنتي شيء مارح ارحمك وصل القصر ودخل بسرعه..كان فنفسه كلام كثير يبي يقوله لنورا بس اول ماشافها ماقدر يقول ولا شيء لورا:داد الحمد لله انك جيت نورا صرخت:خلاااااص ماابي احد يكلمني اطلعوا كلكم ..كفايه مابي احد يعاملني بشفقه انا اقوى منكم كلكم ..يلا برآ ..برآ محمد اشر لهم على اساس يطلعون برآ الكل طلع برآ وراح على غرفته ولورا ومحمد توجهوا لمكتب محمد لورا:داد وش ناوي تسوي محمد:اللحين خليها تتقبل الوضع واكيد بنسافر برآ علشان تسوي عمليه لورا تفكر فنفسها اكيييد ورآ اهتمام ابوها سرر كبيرر:اوكي انا بروح اخلص كم شغله وبنام تصبح على خير محمد:وانتي من اهله *************** خالد:اي فجاءه كذا وبدون سبب راكان:احسن قلعتها خالد:حرام عليك هذي اختنا راكان:مو اختنا ولاتنسى لسه ماتأكدنا من امي ان بنت الفقر هذي تصير بنتها خالد:طيب طيب انا اللحين لازم اسكر باي راكان:باي خالد فنفسه ""اخخخ بس لو تدري ياراكان مين ابو نورا " ******************** الصبح :قوم قوم بسررعه ثامر:اخخ وخر عن ايدي مكسوره سامي:يلا بسرعه بنروح ثامر:اشوفك متحمس اكثر مني سامي:اكييييييييد بكون متحمس مدامي بشوف القمر هذيك ثامر:حمستني اشوفها ..يلا يلا قايم سامي:بسرررعه لاتتطول ثامر:طيب طيب وبعد نص ساعه .. سامي:يلا بسرعه هذي السرعه اللي انت تعر..وسكت ..انت صديقي المنتف اللي اسمه ثامر ولا انا اتخيل ثامر:لا لا انا ثامر لاتخاف ماتحولت ..باللهي وش رايك بالكشخه سامي:شيء صراحه ..بسم الله عليك لايعطونك عين ثامر:يلا افرح وانت ماشي بالشارع قول هذا خويي سامي:اقول لاتصدق نفسك بس يلا خلينا نروح ثامر:مشكله اللي مايعترفون اني خقق سامي:اطلع اطلع لااشوتك اللحين وارجعك ثامر المنتف ثامر:لا لا تكفى انا في قمة اناقتي ماابي دفاشتك تخرب كل شيء سويته"فعلا كان ثامر انييق جدا بالرغم من بساطة ملابسه لكن جماله وذوقه وشخصيته كان تعطيه جاذبيه غريبه" ************* في القصر دخل طلال على نورا وكان يبي ينسيها انها ماتشوف يبي يعاملها زي اول وكأن ماتغير شيء قرب من عندها :حبيبتي يلا الساعه صارت 10 يلا قومي نورا:مين ؟؟؟ طلال:انا ..انا نورا اللي بدت تتأقلم مع جوها على الرغم من الألم الكبير اللي داخلها:اصبرر انا بقول انت انت طلال طلال:ياحبيلك اي انا طلال ..يسعدلي صباحك يلا حبيبتي قومي علشان تفطرين معنا نورا:وصباحك ..دقيقه بس طلال:طيب خذي راحتك نورا اللي حاولت تمشي كم خطوه قدام بس طاحت:طلال ممكن تساعدني وتوصلني للحمام طلال:امممم بناديلك سيلا نورا اللي فهمت قصده: طيب راح طلال ونادى سيلا :سيلا روحي ساعدي نورا سيلا:طيب وتوجهت لغرفة نورا :صباح الخير نورا:صباح النور سيلا:يلا امشي معي نورا:يلا وهم نازلين نورا طلبت من سيلا انها تخليها تحاول تمشي لحالها علشان تتعود فتحت الباب الخدامه ثامر شاف نورا اللي كان فرحان انو بيشوفها بس شافها وهي عاجزه وماتقدر تشوف شاف نور عينه انطفى النور من عيونها وبصوت مخنوق:نورا نورا قدرت تميز الصوت بالرغم من انه كان مرا خفيف وركضت وهي تحاول توصل للصوت :ثامر ثامر اللي نزلت دموعه بدون مقدمات .وضم نورا :ثامر ليه رحت وخليتني ثامر:والله ماكان بإرادتي ..انا مرا اسف نورا: لاتخليني انا احبك ثامر:لاتخافين مارح اخليك والله ببقى جمبك طول العمر نورا حاولت توصل لخده وتمسح دموعه ..يلا خلاص بدون صياح ثامر استحى ..شاف كل العيون تناظر فيه ..وماحس الا طلال طاييير ونط وضممه :لببببى قلبك مشتاقلك مرا ثامر:وانا اكثر يالخبل من زمان عنك سديم:لو مو نورا ماكان سألت ولاجيت يالحيوان "وضربته على كتفه" ثامر:والله دايما فبالي وعقلي معاكم نورا يلا بعرفك على اخواني "ومدت ايدها" ثامر مسك ايدها ومشى معاها هذي سيلا صديقة طلال وتصير اختي فنفس الوقت ثامر :تشرفنا سيلا اللي ماهي مع ثامر :الشرف لي وهذي لورا "واشرت على خالد" ثامر ماحب يفشلها :تشرفنا لورا ردت:الشرف لي نورا:ومدري وين خالد خالد:انا هنا نورا:ايوا هذا خالد ثامر سلم عليه :هلا خالد .انا ثامر خالد:هلا تشرفت بمعرفتك سامي :كأنكم نسيتوني محمد:وانا بعد نسيتوني نورا:اييه صح وهذا عمي محمد ثامر:هلا والله "وسلموا على بعض" محمد انجرح من كلمة نورا بس ماحب يبين:هلا والله ثامر:وانا اعرفكم وهذا صديق عمري سامي سامي:مابغيت ثامر:هههههه اقول اجلس وانت ساكت جلس سامي بعد ماسلم على الكل ثامر اشر لطلال وابعدو شوي ثامر:طلال طلال:هلا ثامر:متى صار كل هذا ؟؟ طلال:امس ثامر:لاحول ولا قوة الا بالله..طيب عندك فكره انو نورا اختنا او لا ؟؟ طلال:اختنا !! مين قالك هالكلام ؟؟ لا مو اختنا ..هي صح بنت مها بس ابوي مايصير ابوها ثامر والفرح باين فعيونه:الحمد لله الحمد لله..يلا خلينا نرجع طلال:يلا رجعوا للصاله :ثامر ثامر:هلا نورا:ابيك بموضوع ضروري ثامر:اوكي"ومد ايده وبعدوا شوي " نورا:انا مو موافقه ثامر:مو موافقه!!! ليييه؟؟ نورا:وش اللي يجبرك تعيش مع انسانه زيي..وتآخذ وحده تخدمها بدل ماتخدمك ثامر:انا راضي..على قلبي زي العسل نورا:حبك لي اكبر هديه فحياتي وهذا يكفيني ..بس الحب شيء وحياتك شيء ثاني ثامر:وش هذا الكلام ..الحياة بدون حب ولاشيء وانا بدونك مو عايش نورا:انت اللحين بترفض عرضي..بس دورلك على بنت الحلال وانا بكون فرحانه وتأكد انا كذا بصير مرتاحه ثامر:انا احبك ومارح اتزوج غيرك "ومسك يدها ورجعوا" سامي:انا ادرس هندسة حاسوب اخر سنه محمد:نفس مجال راكان ولدي سامي:خليني اصادقه بدل الدافور هذا ماعنده غير الطب والجراحه ثامر:وانت محصل ..لك الشرف انو انا صديقك الكل ضحكوا على هبالهم وجوهم الحلو ثامر:يلا نحنا نستأذن محمد:بدري ثامر:من عمرك ..يلا مع السلامه واسفين على الازعاج محمد:مع السلامه ..لورا وصليهم للباب لورا:من عيوني ومشت معهم لين الباب لورا وهي تلوح بيدها:مع السلامه سامي:مع السلامه وان شاء الله نشوفك مرا ثانيه اتجهت لورا لداخل القصر وهي فرحانه من قلبها لنورا محمد:لورا تعالي اجلسي ابيكم فموضوع ضروري @نهاية البارت@ |
**الجزء الثاني عشر** :ثامرمحمد:لورا تعالي اجلسي ابيكم فموضوع ضروري لورا جلست :تفضل محمد:امكم بدت تتحسن ..وانا ماابي اذا جت تفتحون معها سالفه نورا علشان ماتنتكس حالتها مرا ثانيه نورا:طيب انا ابي اعرف مين ابوي ..وهذا الشيء اكييد من حقي محمد:انا اعرف مين ابوك سيلا:تعرف وساكت لورا:مين محمد:انا الصدمه حلت على الجميع نورا:معقوله انت ..وليه ماخليتني اعيش معك ورضيت بنتك تعيش مع واحد غريب محمد:انا ماكنت ادري ..بس يوم جيتي هنا عرفت انك بنتي نورا:طيب اقدر اقولك بابا "نورا كانت تقولها زي الاطفال لانها هذي اول مرا تقولها فحياتها" محمد:اكيييد "تعالي يابنتي " نورا قربت شوي شوي ..حست ايد انمدت لها مسكت ايد ابوها وجلست بحضنه وهي مو مصدقه " لورا حطت إيدها على خصرها:لا كذا انا بديت اغار محمد:هههههههههه ياحلووك بس "تعالي انتي بعد" لورا:لاخليها تشبع فيك اللحين بس انا بنفرد فيك بالييل محمد:ههههههههههههه طيب لورا:اي صح عرضي بعد كم يوم ..نورا طلال سيلا كلكم لازم تجوون خالد:طيب انا بجي ..بركبلي باروكه واسرق لي ملابس من سيلا واجي سيلا:خلاص بعطيك فستان قصير تلبسه طلال وهو ميت من الضحك:هههههههههههههههههههههههههههههه اتخيل شكلك خالد انقهر من سيلا وطلال:انقلعووا بس محمد:ياحليلكم ..اي اسمعوا عيد ميلاد راكان بكرا لازم نسويله بارتي حتى ولو كان عائلي وبسيط سيلا:اي لازم نسويله ..بس البارتي بيصير بكرا ومارح يمدينا نجهز لورا:لو تساعدنا كلنا بنخلص بأسرع وقت نورا:صحح محمد:انا بحجز الاكل والـTorta لورا:وانا علي الديكور سيلا:وانا علي الديجه طلال:وانا علي ادبرلكم قاعه حلووه خالد:وانا وش اسوي؟؟ لورا:انت يكفي طلتك الجميله خالد:طيب والهديه نورا:انا اقول لونشترك كلنا فهديه حلوه وكبيره يطلع احلى محمد:اي والله..وش تقترحون ؟؟ سيلا:اكييد سيارة لورا:داد نقدر ندبر سيارة بالسرعه هذي محمد:اي نقدر انا اللحين بسوي اتصالاتي وادبر سيارة..بس انتو قولولي اخوكم اي لون يحب خالد:الاسوود يعشق الاسود محمد:اوكي ان شاء الله سيارة سوده واحدث موديل سيلا:وااااي وناسه عندنا بارتي بكرا طلال:اممم الفله سيلا:يلا قوموا بنات خلينا نشوف وش نلبس خالد:تبوني اجي معكم علشان اختارلكم طلال:هههههههههههههه اشوف الشغله عجبتك خالد:اي مرا طلال:امشي طلعوا نورا ولورا وسيلا وطلال وخالد فوق فغرفة سيلا لورا:انا من رأيي تلبسين هذا سيلا:هذا حلو بس ماابي البسه ماارتاح فيه خالد وطلال بنفس الوقت:هذا لورا:هههههههههههههههههه انتو دايما ذوقكم زي بعض طلال يحاول يصرف الموضوع:انا احس هذا احلى ولايق على البارتي سيلا:اي هذا حلو ..خلاص اجل بلبس هذا..وانت ياطلال وش بتلبس طلال وهو يفتح دولابه:امممم بلبس هذا البنطلون وهذا التيشيرت حلو ؟ خالد:اكشششششششششخ مرا حلوو طلال وهو يرز نفسه:عارف اني كشخه مافي داعي للإحراج سيلا:هههههههههههههههههه ياحلو الواثق بسس لورا:يلا باقي انا ..امشوا معي غرفتي نشوف وتوجهوا كلهم لغرفة لورا خالد:لورا الفستان هذا بيلبق لنورا خليها تلبسه لورا:اي هذا اللي بقى من تصاميمي اللي حرقوها حسبي الله عليهم..نورا البسيه بتطلعين البرنسيسه تبع البارتي خالد انصصدم من كلام لورا وسيلا تذكرت موضوع التسجيل اللي فموبايلها نورا وهي تتحسس الفستان :مدام ذوق خالد اكييد بيطلع تووحفه لورا:كأني مو انا اللي صممته نورا:اكييد ذوقك مااششك فيه ..بس قلت نرفع معنويات خالد شوي خالد:يحليلك يانورا الوحيده اللي تحسين فيني سيلا وهي تدور بالدولاب:هذا مرررررررررا حلووووو طلال:اووول مرا تختارين شيء حلوو .اي لورا هذا مرا كيوت لورا:خالد وش رايك؟؟ طلال:اكيد رأيه من رأيي صحح ؟؟ خالد:اممم اي حلووو لورا:خلاص قررت البسه..باقي انت يامستر خالد خالد وهو راز نفسه:انا لو جيت بالبجامه بطلع حلو مايحتاج طلال رمى عليه المخده:ياكرهيلك بسس خالد:ههههه وياحبيلك بسس سيلا:من المفروض نعزم عمتي وعيالها صحح ؟؟ لورا:اي هذي راحت عن بالي محمد :بس انا ماراحت عن بالي ..عزمتها وتقول بتجي طلال:يلا لازم نروح ننام علشان بكرا ورانا يوم طوويل محمد:اي والله يلا تصبحون على خير وكل واحد اتجه لغرفته فغرفة سيلا.. :لازم اقولها طلال:قوليلها بس مو اللحين سيلا:مصيرها بتعرف طلال:ياسيلا ياحبيبتي اللحين والله مو وقته اسمعي مني وخليها بعدين سيلا:طيب طيب ..تصبح على خير طلال:وانتي من اهله ************ ثامر:نععععم ..وش تبي ؟؟ سامي:هذاك اليوم رحت عند ابوك اسأل عنك ولقيت ابوك رجع سلطان القديم وصار يصلي ويروح المسجد ويقرى قرآن ثامر:من جد ؟؟ سامي:اي والله ..واول ماشافني قالي ابي عيالي يرجعون عندي ..عيالي الشيء الوحيد اللي طلعت فيه من الدنيا وابيهم حولي ثامر:آآآآآآخخ وأخيرا سامي:لازم ترجعون بيتكم ..مع اني ودي تعيش معي طول العمر انطق الباب سامي:تفضل هيام:تبون عشآ ثامر:تعالي يااخت صديقي العزيز ..وش اخبارك ؟ هيام استحت ماتعودت احد يسأل عنها:هلا ..تمآم ثامر:اختك محلووه والله ..ربي يسعدها سامي:احم احم طالعه لأخوها هيام:اكييد طالعه عليك سامي:شوف الناس السنعه مو زيك فشلتني عند الناس اليوم ثامر:اقول هيام باللهي كيف متحمله هذا هيام:اسلك ثامر:هذا حتى التسليك ماينفع معه هيام:احم تراه اخوي العزيز ماارضى عليه ثامر رفع ايدينه:خلاص استسلمت سامي:هههههههههههههه من اول شيء لاتتفلسف ..هيام حبيبتي روحي جيبي العشآ هيام:من عيوني "وراحت" ثامر:ماشاء الله يابخته اللي بيآخذها سامي:والله مدري وش بنسوي بعدها ثامر:ايش رايك اتزوجها اسكن معكم هنا سامي:ههههههههههههههههه اتخيل شكلك انت وهيام مراا مو لايق ثامر:هههههههههههههه اي انا مو لابق معي الا نورا سامي:لين اللحين مصمم انك تتزوجها ثامر:اكيد سامي:والله انك روميو ....وش رايك بسيلا؟ ثامر:مادققت ..بس ماشاء الله كلهم حلوات سامي:اي ماشاء الله ..وانا من زماان اشوف نورا اقول انها حلوه مو زيكم ياالشيان هيام:مين الشيان سامي:انتي هيام:حرام عليك انا شينه سامي:احلى شينه فالدنيا هيام:هههههههههههه حلووه احلى شينه فالدنيا ..زين رضيت يلا تفضلوا الاكل جاهز سامي:شكرا هيام:ثامر ليه طلال ماصار يداوم في المدرسه ؟؟ ثامر:عند صديقته شويه مشاكل فالبيت سامي:صديقته ..ولااخت حبيبت القلب ثامر وهو مستحي :الاثنيين هيام:تبون شيء ؟؟ سامي:لاشكرا هيام توجهت لغرفتها ..انصدمت من الكلام ماعمرها فكرت بإحساسها تجاه ثامر بس هي دايما تحب تهتم فيه وتسأل عنه .."تكلم نفسها" ليه انا انزعجت ؟؟لايكون احبه وانا ماادري.."بس ابعدت هذي الفكره بسرعه عن بالها" ***************** في القصر كل واحد سوى الشيء اللي عليه الساعه 6 العصر :يلا اللحين لازم ندبر خطه يجي فيها لورا:يوووه كييف بنجيبه خالد:امممم لقيتها خلوها علي لورا:وش بتسوي خالد:مالك دخل اشياء عيال اهم شيء اني بجيبه ..يلا روحوا تجهزوا سيلا:لاتدخلنا بورطه ..متأكد انو الشيء اللي بتسويه بينجح خالد:اعتمدوا علي طلال:نشوف دق موبايل لورا بنغمتها الروسيه الرومنسيه :الوو اهلين عمتي حصه:هلا والله بقلب عمتك..فكرتوا كيف رح تجيبوا راكان على البارتي لورا:خالد بيتولى هذا الموضوع لاتخافين حصه:الحمد لله زين بنتي تبين مني شيء لورا:لابس لاتنسين تجيبين أمجاد وخوله معك اوكي؟ حصه:اوكي يلا حبيبتي باي لورا:باي..اليوم رح نعرفكم على بنات عمتي مرا حبوبات طلال:ونااسه لورا:يلا انا بروح الصاله علشان اشوف الديكور كيف بيصير طلال:اروح معك لورا:لاانت البس وتجهز طلال:الله والتجهيز عاد كله بنطلون وتيشيرت مافي شيء لورا بإبتسامه:اوكي مافي مشكله يلا طلال:يلا وطلعوا للقاعه فالسيارة طلال وهو مغمض عيون لورا:يلا وصلنا ..امشي شوي شوي لورا:متحمسه اشوفها طلال فتح عيونها :ايش رايك لورا وهي تدور ومنبهره:وااااااااو مرا كششخه طلال:من جد ؟؟ لورا:والله حتى مااحس انو يبيلها شيء زياده..بس لو كانت هذي الكراسي يمين شوي طلال:غيري على كيفك لورا:طيب يلا ساعدني "وبدوا يشيلون ويحطون ..وطلعت القاعه شيء" طلال:اخخخ تعبت لورا:بس شووف مرا طلعت حلووه طلال:تبين الحق انتي ذووقك مرا حلوو ..طلعت احلى من اول بكثير لورا:شكرا "ناظرت فساعتها "يووويلي مابقى شيء امشي يلا خلينا نطلع طلال:امشي ***************** فالقصر كانت سيلا دايما تحب تخلص بدري وكعادتها كانت مخلصه بدري وجالسه فالحديقه دخلوا طلال ولورا طلال نغز لورا:تشوفين اللي اشوفه لورا:وااااااو مرا طالعه حلوه فزت سيلا عندهم وهي تدور بفستانها الاسود القصير واللي فيه شريطه فوشيا من ناحيه الخصر مع شعرها الاستريت ومكياج اوفر طالعه مرا حلووه :وش رايكم طلال :صراحه شيء ..روووعه سيلا ضمتته:علشان عيونك تشوفني اكيد بطلع حلووه لورا حبت تنسحب :انا بروح اجهز نفسي سيلا:طلال يلا انت بعد روح جهز نفسك لانو مابقى وقت دق جوال طلال :الووو طلال:هلا خالد خالد:كل شيء تمام بعد ساعه بيصيرراكان بالقاعه طلال:زييين ..مرا شكرا خالد:العفوو ..يلا باي طلال :باي وهم ماشين لقوا نورا تمشي "كانت نورا طالعه اكثر من روعه فستانها غريب بس حلو ولابقلها شعرها على طبيعته وماحطت مكياج بس كانت مرا حلووه ونعومه طلال:احللللى مرا طالعه حلوه نورا:طلال !!! تسلم سيلا:الله يحميك ..خقق وربي نورا:شكرا سيلا:طلال ماودك تعزم سامي وثامر طلال:اي والله صح نورا:عطيني انا بتكلم طلال:دق على ثامر وخلى نورا تكلم سيلا وطلال راحوا غرفتهم على اساس طلال يتجهز ونورا كانت بالحديقه :الوو ثامر:هلا والله نورا:اخبارك ثامر ؟ ثامر:اللحين انا تمام نورا:وقبل ؟؟ ثامر:تمام بس مشتاق نورا استحت:اسممع اليوم عيد ميلاد راكان ومسوين له حفله ولازم تجي انت وسامي ثامر:انتي بتروحين نورا:اكييد ثامر:اجل انا بجي نورا:يلا اشوفك بالحفله ثامر:باي ثاااامر صااار يصاااارخ:بشوفها بشووفها سامي:نورا !!! ثامر:اي تقول اليوم عيد ميلاد اخوها ومسوين بارتي سامي فرررح انه بيشوف سيلا وصار يرقص :هلا عاشوا ..يمين يساار ..يلا ياصديقي العزيز تعال ارقص معي ثامر:سلااامااات سامي حب يرقع الموضوع:اليوم عيد ميلاد صديقي راكان ثامر:اهم شيء الصداقه اللي مدري متى صارت سامي: بتصير ان شاء الله ..اقول اي ساعه ؟؟ ثامر:بعد ساعه سامي:يلا ماعندنا وقت *************** في القصر تقابلوا سيلا وطلال وهم مستعجلين مع لورا اللي كانت لابسه عبايتها لانو تأخرو مرا لورا:طلال مرا طالع كششخه صراحه سيلا:اددري ..انتبه بس لايآخذونك مني طلال:محد يقدر يآخذني منك..لورا ليه لابسه العبايه بشوف وش لابسه لورا:اي صح نسيت اوريكم ..فكت العبايه سيلا حطت ايدها على خصرها:باللهي لعبتوا علي بكم كلمه وبعدين طلعتوا احلى مني طلال تنح لانو من جد لورا كانت طالعه حلووه بشكل غير طبيعي لورا:ها وش رايك طلال:اصبري اصبري اللحين لو قلت خقه مايكفي ولو قلت رووعه مايكفي ولو قلت تحففففه مايكفي وش اقول لورا استحت وحمرت خدودها:تسللم ..يلا امشوا نطلع ..بدق لداد اشوفه :الووو لورا:داد وينك ؟؟ محمد:انا فالقاعه ..ماشاء الله ذوق طلال مرآ حلو لورا:اي والله ذوقه مرا روعه.. يلا نحنا شوي وجايين ..عمتي ومعاذ والبنات وصلو ؟؟ محمد:اي كلهم وحتى خالد..بس معاذ ماجآ يقولون مسافر الصين لورا: يروح ويرجع بالسلامه ..خالد ؟؟بسم الله جني ماشفناه ..يلا حبيبي نحنا ثواني ونصير عندكم محمد:اوكي لورا:يلا بنات يقولون الكل وصل ..وين نورا نورا:انا هنا لورا ضمتتها :ياحلوك ..ماشاء الله ..اليوم بيخقون بنات عمتي نورا:شكرا من ذوقك ************** في القاعه طلال:خالد خالد "وتأشر" خالد:هلا طلال:وش هذي الكشخه مرا طالعه حلو ماشاء الله خالد:احم ادري ..وانت بعد طالعه خقق سيلا وهي تدور طلال ..سحبت ايده :يلا تعال اعرفك على بنات عمتي هذي امجاد وهذا طلال امجادعمرها20 سنه كانت نحيفه وطويله ومملوحه وسمرآ لابسه فستان احمر لفوق الركبه مع تسريحه بسيطه ومكياج بسيط كانت تآآخذ العقل طلال:ماشاء الله كلكم حلوين امجاد:هلا تشرفنا طلال:والله الشرف لي وهذي خوله خوله كان عمرها 17 سنه وكانت مو طويله ولا قصيره مليانه شوي جسمها حلو لابسه فستان ابيض طويل ومسويه شعرها استريت مع مكياج اوفر وكانت طالعه كيووت مع انها ماتهتم بالمظاهر طلال:ياهلا والله فرصه سعيده خوله بصوتها النااعم:اهلين.. انا اسعد طلال:ياحبيلك كيووت سيلا ضربته على بطنه علشان تبين له انها تغار طلال:آآآهـ..ههههههه حبيبتي سيلا انتي احلى منهم لاتخافين **************** راكان وصله المسج وعلى طول حركه سيارته :اكيييد في مصيبه وصل جمب القاعه ولمح وجه خالد من بعيد وهو يأشر له نزل من السياره وهو مو فاهم شيء :يلا بسررعه ادددخل راكان:وش في ؟؟ خالد وهو يمشي:مصيبه مصيبه راكان:وش فيك ؟؟؟ خالد:ادخل وانت تشوف بعينك راكان كان خايف وكلام خالد زاد خوفه دخلوا القاعه والجميع كان يغني Happy Birthday to You Happy Birthday to You Happy Birthday (راكان) Happy Birthday to You قربت من عنده لورا وقدمت له هديه اختارتها على ذوقها: كل عام وانت اجمل أخ فالدنيا راكان:دقيقه بس خلوني اضرب الحيوان هذاك "وراح عند خالد ..خالد يركض منه خايف ..مسكه وضربه ضربه خفيفه ..بغيت تموتني من الخوف" راكان راح للورا وبوسها :تسلمين سيلا ركضت وضمت راكان :كل عام وانت اممم وانت اهبل واحد فالبيت "وقدمت هديه باين انها فخمه وصاحبتها ذووق" راكان:تسلمين وكل سنه وانتي تنهبلين معي زياده محمد:كل عام وانت سالم ..انا هديتي مو هنا هديتي فالبيت راكان باس راس ابوه:انت اكبر هديه محمد:تسلم طلال اللي ابتسم ابتسامه عريضه:مع اني مااعرفك بس كل سنه وانت سالم واعطاه هديه راكان اللي مسك يد طلال بالغلط وهو مايدري وانحرج:اممم تسلم وان شاء الله بنعرف بعض اكثر الايام الجايه كثيره طلال:ان شاء الله نورا اللي انصدم فيها الكل لانو من اول مادخلو على القاعه وهي فالحمام ماتبي احد يشوفها مشت ببطئ الى ان وصلت لراكان:كل سنه وانت بخير يااخوي هذي هديه بسيطه ان شاء الله تعجبك راكان اللي انصصدم من حال نورا:احم تسلمي ..اكيد بتعجبني اذا منك نورا:شكرا حصه:كل سنه وانت احلى ولد اخ في الدنيا وقدمت له هديه كبيره وباين عليها انها غاليه مرا ..هذي هديه اشتركت فيها انا والبنات ان شاء الله تعجبك راكان باس راسها:تسلمين امجاد:كل سنه وانت بخير راكان:شكرا تقدمت بكل هدوء ونعومه:كل سنه وانت بخير راكان:آآآآآ..احم تسلمي لي :كأنوا تأخرنا طلال:بدددري ثامر:معليش ..تقدموا لراكان وسلموا عليه وقدموا له هديه بسيطه راكان:ماتعرفنا طلال :هذا ثامر اخوي..وهذا سامي صديقه راكان:هلا تشرفنا وبدوا بتقطيع الكيكه ...ورقص وهبال وفلله غير طبيعيه سامي ماشال عينه عن سيلا أمجاد :اقول سيلا مين هاذي ؟؟؟ سيلا:هآآآآآه امجاد تصارخ:اقولك مين هاذي؟؟؟ سيلا :هاذي سالفتها طويله بس هي اختي امجاد:من امك وابوك ؟؟؟؟ سيلا:اي اي ..اقول امشي خلينا نرقص وبعدين اقولك السالفه ثامر اكتفى انه يجلس ويناظر لنورا البنات كانوا مسوين جو حلو فلله ورقصص وهبال وراكان ما شال عينه عن طلال خوله مسكت سيلا من ايدها:شوفيه كيف يناظرلك سيلا اللي لاحظت لنظرات سامي لها ..احمم اقول خليني اروح ارقص بعدين نتفاهم خوله وهي تضحك :اوكي طلال همس لراكان:تعال ابيك شوي راكان ابعد عن الحضور كم خطوة طلال:عارف انو مو وقته بس مالقيت فرصه الا هذي راكان:وش تبي تقول ؟؟ طلال:سيلا ماسكه عليك تسجيل راكان:تسجيل ؟؟ طلال:تتذكر اليوم اللي هددتها بالصور انفتح التسجيل بالغلط واتسجل كل اللي صار بينكم راكان:وهي ناويه تعلم صح طلال:اكيييد..انا بساعدك وبمسح التسجيل راكان:شكرا ..بس وش اللي يخليك تساعدني ؟؟ طلال تورط:امممم علشان عارف انو لو علمت عليك انت مارح تخليها فحالها راكان اللي فاهم على طلال وتصريفته مامشت عليه:اممم مااحس نفسي اقتنعت طلال:احمم ليه ..ليه ماتقتنع ..سيلا صديقتي وانا ماابيها تضرر راكان قرب من طلال مرا:صديقتك صديقتك ..على العموم شكرا ياحلو"وطبع بوسع على خده ..ورجع " طلال تصنم فمكانه ربع ساعه تقرييا @نهآية البارت@ |
يعطيكي الف عافية القصة رائعة جدااا اسفة عالتأخر بالرد بس صرلي يومين عم اقرا فيها مشكورة جداااا انتظر القادم تحياتي |
:okiko: :okiko: |
اقتباس:
هلا ياقلبي ..يعآفيكـ يآرب ..ولو ياعمري اهم شيء طلتك الجمييلهـ العفوو ..^^ |
اقتباس:
شكرا على مروركـ ^^ |
*الجزء الثالث عشر** :بليز عمتي خلي خوله وامجاد معنا الليله حصه:حبيبتي بكرآ عندهم مدارس سيلا:واذا مدارس يعني ؟؟يغيبون حصه:انا بعطيك فكره حلووه ..نجيكم يوم الاربعاء واخليهم عندكم سيلا تعرف انو عمتها مستحيل توافق لانو مستقبل بناتها اهم شيء عندها:طيب بس لاتسحبين حصه وهي تمسح على شعر سيلا:لامارح اسحب راحت سيلا تطمن على طلال سيلا:طلول..طلال فيك شيء طلال:هلا راكان سيلا وكل علامات التعحب فوق راسها:راكان؟؟؟؟ وش دخل راكان في الموضوع طلال:اممم هو قبل شوي كان يكلمني وبعدين مدري وين راح وحسبتك راكان سيلا:اها ..طيب قوم يلا بنروح مع لورا ونورا طلال:طيب راكان وعمي ؟؟ سيلا:بيروحون بسياره ثانيه طلال:اها طيب يلا سيلا اللي ماعجبها سؤاله الكثير عن راكان:طلال ممكن يوم من الايام تتركني ؟؟ طلال مايدري وش يقول مايبي يجرح سيلا بكلامه وفنفس الوقت مايبي يكذب عليها:اممم نرجع البيت ونتكلمك في الموضوع سيلا نزلت دموعها ماتوقعت يصير رده كذا ابدا طلال مسك ايدها:حبيبتي سيلا:فك ايدي ولاتقول حبيبتي ...خلاص ردك وصل طلال حاول يهديها بس للاسف ماعطته فرصه وراحت خوله كانت تراقب اللي صار من بعيد ..اتجهت لطلال ..وفجاءه سمعت صوت من وراها :مالك دخل فيهم خليهم اصلا العلاقه هذي غلط من الاول خوله:خالد؟؟؟؟؟ خالد:انتي شايفه اللي يصير بينهم صح ؟؟ خوله :احم ..امم لا اكيد مو صح خالد:اجل خلاص مالك دخل بالموضوع تزاعلوا ولا تراضوا خوله سحبت نفسها:طيب طيب تسحب لدورة المياه بعد ماتأكد انو الكل مشغول ومحد شافه :سيلا سيلا وهي تمسح دموعها بسرعه ماتبي احد يشوفها:هلا مسك ايدها ولفها بسرعه لين ماصار وجهها لاصق بوجهه سيلا خافت:وش تبي مني :ماابي منك شيء بس مااحب اشوف دموعك فكت ايدها بسرعه:انت مين اصلا علشان تحب ولاماتحب :اسمعيني زين يمكن ماتتقبلين كلامي او حتى مايعجبك بس بعدين اكيد بتقولين انو كلامي صح ميه بالميه ..طلال فالحقيقه بنت وحتى لو حاول يغير نفسه فالنهايه مصيره بيتزوج واكيد بيتركك فأحسن من اللحين يتركك بدل ماتتعلقي فيه اكثر سيلا حست كلامه مقنع :بس هو ليه يسوي فيني كذا انا احبه :انا قلتلك اكييد بعد كم سنه بيتزوج وعلاقتكم اصلا غلط من البدايه مافي علاقه بين البنت والبنت الا الصداقه والاخوه اما حب وخرابيط مستتتحيل..واكيد بعد كذا كل واحد بيشوف نصيبه"وغمز لها" سيلا كانت معجبه جدا بأسلوبه وطريقته فالكلام لحقته بسرعه :سامي سامي:هلا سيلا:مرآ شكرا انت اكثر من أخ سامي:لاماابي اصير اخوك سيلا بعفويه:ليش ؟؟ سامي:اممم مافي شيء اكثر من كذا؟؟ سيلا وهي مو فاهمه قصده:اممم صديقي سامي مد يده:لي الشرف اني اكون صديقك سيلا صافحته:والله الشرف لي ياصديقي العزيز سامي ومن داخله يضحك على اسلوبها العفوي:يلا قلبي خلينا نرجع سيلا:تكفى سامي اذا بتخليني يوم من الايام من اللحين قولي ماابي انصدم فيك زي ماانصدمت فطلال سامي قرب عندها :انتي مجنونه ..انا .. سيلا:انت ايش؟؟ سامي:انا ..انا مستحيل اتركك سيلا مسحت دموعها بسرعه ..ممكن آخذ رقمك علشان اذا احتجت لك اكلمك سامي:اكييد يلا سجلي عندك 05....... سيلا اتصلت عليه:يلا سييف رقمي سامي:اوكي سييفته سيلا:يلا نروح سامي :انا بطلع اول وانتي تأخري شوي وبعدين اطلعي سيلا: ليه عادي مافيها شيء صديق وصديقته "ومدت ايدها"يلا سامي شبك ايده فإيدها بتردد ومشوا خالد لقاهم فوجهه ..كان يناظر فإيدينهم بإستغراب:سيلا يلا ينتظرونك سيلا:اسففه تاخرت وراحت..يلا باي سامي سامي بلع ريقه :باي خالد:صديقك ينتظرك ياروميو سامي راح بدون مايقول ولا شيء مشى شوي لين حصل ثامر :وين كنت؟؟ سامي:امشي بعدين اقولك مشوا وقابلوا محمد برآ يودع حصه وبناتها :عمي محمد:هلا ثامر:نحنا بنروح محمد:الله معكم..حتى نحنا بنروح ..خالد يلا خالد:اوكي اتجه محمد وخالد وراكان للقصر وثامر وسامي راحوا لبيت سامي *********** في القصر وبالتحديد فغرفة سيلا :بكرا برجع البيت سيلا كان قلبها بيتقطع بس تسوي نفسها مو مهتمه:بكيفك طلال انقههر منها:لاتعامليني بهذي الطريقه سيلا حبت تكمل بإسلوب الامبالاة علشان ينقهر ويحس فيها:بكيفي طلال مسك ايدها بقوووه:لامو بكيفك ..تفهمين كلامي غلط وبعدين تزعلين سيلا نزلت دموعها ماتعودت احد يعاملها بهذي الطريقه حتى امها وابوها محد مد يده عليها :آآآخ فك ايدي ..اي بكيفي مالك دخل فيني اللي بيني وبينك انتتهى ..تفهم طلال انقهر منها وحب يتبع نفس الاسلوب حقها:احسسن ابركها من ساعه اصلا ..وهو يرتب ملابسه اخذ جواله ودق على ثامر :ثامر تعال بسرعه ثامر:وش فيك ؟؟ طلال:مافي شيء تعال بس ثامر:بس نحنا اتفقنا على بكرا طلال:مالك دخل تعال وبس ثامر:طيب طيب لاتاكلني شوي وانا عندك طلال:انتظرك ..وكمل ترتيب اغراضه سيلا :خذ هذول ماابي اي شيء يذكرني فيك طلال:انتي بتشليني انا تركتك صح ..بس انا لسه صديقك سيلا حست انها مكبره السالفه:بس هذي الاشياء تذكرني بعلاقتنا خذها احسن طلال:افففففف عنيده..جيبيها سيلا:على فكره انا بكرا بروح المدرسه ..انت بتروح طلال:اممممم مدري سيلا فنفسها "انا غبيه كنت ابي ابين له انو الموضوع عندي عادي قمت بينت اني مهتمه فيه ..غبييييييه:انا بنزل تحت طلال سكت ومارد عليها قفل شنطته بسرعه ونزل لقى فوجهه راكان كان يحاول يمر بس كل شوي يقرب يخبط فيه :يااااليييل خلاص يلا مرر بسرعه :وين رايحه طلال:وين رايح لو سمحت راكان:سألت سؤال وين رايحه طلال: ولي امري وانا ماادري راكان:اي ولي امرك طلال:وبصفتك مين ان شاء الله راكان:بصفتي حـ...وانصدم من وجه سيلا سيلا:بصفته حبيبك اللي تركتني علشانه ياسيد طلال او بالاصح ياآنسه سديم راكان:سيلاروحي غرفتك ولاتدخلين بشيء مايخصك ..يلا سيلا "والله لفضحك ياراكان" وراحت راكان:لاتهتمي لكلامها طلال:وخر من وجهي راكان وهو يمسح على شعره بطريقه مستفزه:حبيبتي انا مااحب هذي الطريقه "وشد شعره"تتكلمين مع كل الناس كذا الا انا فاهمه طلال:اخخخخ وخرر عني راكان:خليك حلوه معي علشان اتعامل معك زين طلال:مالت عليك ومالت على اليوم اللي تعرفت على اختك فيه راكان:لا لا نحنا ماتفقنا على كذا"وشد شعره اكثر"اقولك من اللحين انا مو سيلا علشان تتحكمين فيني وتعلين صوتك علي :رااااااااااااكاااااااان فكهاااااا طلال:تكفى ياخالد خليه يفكني ..فكني يامتتخلففف راكان:اقولك كلميني زين خالد ركض بسرعه ومسك راكان من ثوبه :اقول فكها مسوي نفسك بهاذي الحركات رجال "ودفه بقووه" طلال:انا غبي اني حبيت واحد زيك ..وساعدتك وماخليت سيلا تفضحك ياخااين راكان:وانا وش ذنبي انا بعد حبيتك وماابيك تروحين البيت..وانا اسلوبي كذا وانتي رفعتيلي ضغطي وانتي تعاندين ..كنت ناوي اليوم اصارحك بكل شيء بس انتي ماعطيتني فرصه خالد الصدمه كانت باينه على وجهه طلال:صرت اكره الرجال كلهم.. بس يستقون علينا "وصار يبكي بصوت عالي" خالد مسكه من ايده:خلاص هدي نفسك راكان طلع غرفته بسرعه خالد:امشي معي الحديقه.. بالحديقه خالد:ابي منك طلب عارف انو مو وقته بس بقولك لانو يمكن مانتقابل مرا ثانيه طلال:نعمم خالد:احم..سديم ..اقصد طلال ..ترا كذا مو صح يعني اللي تسوينه فنفسك مو صح انت مو مقتنع باللي تسويه صح ؟؟ طلال:اي مو مقتنع بس قولي ياخالد لو انت مكاني ..ابوك كل ماصارت مشكله يجي ويطقك ؟؟وحتى الانسان الوحيد اللي حبيته وبعد ماخدمته يجي ويطقك وكل واحد يستقوى عليك وش بتكون ردت فعلك ؟؟؟ خالد:مدري وش بسوي بس كمان مستحيل اغير نفسي علشانهم وهذا انت اللحين وانت طلال راكان مد يده عليك يعني مافرقت..بس انت استحمل وش تسوي يعني هذا قدرك طلال:صادق والله خالد:لاتزعل اللحين ابوك اكيد عرف قيمتك ومستحيل يمد يده عليك..وانت بعد اعذره اكييد من همه ومن اللي سوته امي فيه طلال:والله انو كلامك صحح..انا برضى بالواقع انا سديم اللي تكره العيال ومستحيل تصير ولد فيوم من الايام خالد يضحك عليها:هههههههههه طيب ماتحسين انك تسبين العيال وانا جالس سديم:لا انت غير خالد فرح من قلبه:احم احم ..والله اني بفقدك مرا سديم:حتى انا ..بس لاتخاف اكيد بزوركم وبجي اطمن على نورا..يويلي نورا خالد: وش فيك؟؟ سديم:ماقلتلها اني بروح خالد:امشي انا وياك نقولها سديم :اوكي راحوا لغرفة نورا طقت سديم الباب بشويش نورا:تفضل دخلوا الاثنين نورا:طلال؟؟ :قصدك سديم نورا:وش اللي تغير سديم:اشياء كثيره ..انا فكرت فيها انا سديم ومستحيل يتغير هذا الشيء نورا:والله هذا الصح والحمد لله انك رجعتي سديم اللي تعودت عليها سديم:انا بروح نورا:وين ؟؟ سديم:برجع بيتنا نورا:وسلطان؟؟ سديم:ابوي ندم ومردنا له هذا ابونا ومستحيل نتخلى عنه نورا:برجع معكم خالد:افا يانورا للدرجه هذي ماتبين تجلسين مع اخوانك نورا:لا والله ياخالد انا احبكم اكثر من اي شيء فالدنيا بس انا تعودت على سديم وثامر سديم:انتي تعودتي على ثامر بس انا مااظن نورا طقتها:انقلعي بس ..والله مو قصدي خالد:اقول بس اجلسي هنا ابوي لو درى بيزعل نورا:خلاص بجلس كلو ولازعل بابا دق موبايل سديم:يلا حبايبي انا بروح سلمولي على لورا وعمي نورا:لاتقطعين زوريني تكفين سديم:وانا اقدر على فرقاك ياحياتي اكييد بزورك..يلا ياخالد باي وشكرا على كل شيء خالد:باي ..العفو ماسويت شيء يلا انا بنزل معك نزلوا مع بعض :بشتاقلك خالد استحى:وانا بعد ..يلا باي وسلميلي على ثامر سديم:من عيوني توجهت سديم للسيارة :هلا ثامر:اهلين"وحرك السيارة"وش صار؟ سديم:بكرا اقولك السالفه اللحين مالي خلق ثامر:زين ..بس ترا اليوم بنروح عند سامي وبكرا بنرجع البيت سديم:ماتفرق ********** في القصر :يااااالله وين راح التسجيل ..وش اسوي انا اللحين @نهاية البارت@ |
روعة مبدعة ما شاء الله عليك خليك كذا انشاء الله داااااااااااااائما |
**الجزء الرابع عشر** طقت باب غرفتها بس ماردت عليها :اكييد نايمه خليني بكرا اقولها "وفجاءه انفتح الباب" :سيلا سيلا:هلا لورا:بغيتي شيء حياتي ؟؟ سيلا:اممم اي بغيت اكلمك بموضوع مهم لورا:تفضلي "دخلوا الغرفة" سيلا كانت متردده وخايفه مرا وكل ماتذكرت نظرات راكان والصور اللي عنده يزداد خوفها زياده لورا:حبيبتي سيلا وش فيك؟ سيلا:ابي اقولك مين اللي خرب تصاميمك لورا:ادري سيلا:تدرين ؟؟ ومين اللي قالك ؟ لورا:خالد..وكمان قدر يجيب الصور اللي عند راكان سيلا:جد ؟ لورا:اي جد ..ومدام عندك أخ زي خالد لاتخافين من راكان ولا غيره آآآهـ بس كان نفسي يصير عندي اخ يحللي مشاكلي ويوقف معي خالد:وانا مو اخوك سيلا وهي مغمضه عيونها:يممممه بسم الله الرحمن الرحيم خوفتني لورا مسكة ايده:اكييد انت اخوي واحلى اخو في الدنيا خالد:والله وناسه اليوم حسيت اني مشهور لورا:ههههه ومين حسسك انك مشهور ؟؟ خالد:مالك دخل سيلا فهمت قصده وسكتت سيلا:خالد مرآ شكرا على كل شيء خالد:ياحبيلي والله اني بطل لورا:اطلع من غرفتي مااحب غرورك يدخل غرفتي "وفجاءه دق موبايل لورا" لورا:وووعععع هذا ليث احسن شيء اسوي نفسي نايمه سيلا:ردي ردي اكييد خق عندك لورا ضربتها على يدها:اقول روحي بس قال ايش قال خق خالد:لورا ردي يمكن في مشكله لورا:طيب برد بس اسكتوا ولاحرف سيلا بدت تغني:آآآآآآآآآآآآهـ ..يمديكم على الاوبرا لورا:افففففف منك ..احسن شيء اطلع برآ سيلا:اطلعي اطلعي ولاتنسين تسلميلي على حبيب القلب طلعت لورا وردت :مرحبآ لورا:اهلين ليث:ليه ماعم تردي على تليفوناتي لورا:معليش كنت مشغوله ليث:مارح طول بس انا عندي اقتراح لورا:متصل في هالوقت تقترح علي شيء اعتقد اقتراحاتك ممكن تتأجل شوي ليث:لا..هاد الشيء مابيتحمل اي تأجيل لورا:تفضل ..اسمعك ليث:انا كان بدي نأسس شركة كبيره بستفيد من خبراتك وبتستفيدي من خباراتي شو قلتي ؟؟ لورا من جد محتاجه لشريك لانو ماتقدر تشيل الشغل لحالها وخصوصا بالظروف هذي:مو اشوف تصاميمك بالاول اذا عجبتني او لا ؟؟ ليث:لسه ماشفتيهم ؟اوكي على العموم بدي تردي علي بأسرع وقت ممكن لورا:اوكي ليث:take care لورا:you too bay دخلت الغرفة وعلامات الفرح باينه فوجهها سيلا:متى قال بيجي يخطبك لورا:بكرا لورا:بالسرعه هذي لورا:يحبني مايقدر يتحمل خالد اللي عارف انو لورا تستهبل كان شوي ويضحك بس ماحب يخرب عليها مقلبها سيلا:وانتي بتوافقين ؟؟ لورا:اكييييييد ..وفي احد يقدر يرفض انسان بجمال وذوق واسلوب ليث سيلا:آآآهـ حمستيني اشووفه هنآ خالد ماقدر يمسك نفسه وفقع ضحك على غباء سيلا:هههههههههه والله انك خبله سيلا:لييه لورا:اللحين انتي مصدقه انو بيجي يخطبني سيلا:لايكون مقلب لورا:ههههههههههه وش رايك يعني ؟؟ سيلا:اكرهكم ..وانا ووجهي عشت الدور خالد:بقوووه لورا:ههههههه والله انك شيء..اقول يلا روحوا ناموا بكرا وراكم مدارس خالد:اقوول ترا يمدحون التمثيل سيلا:انا بكرا بروح خالد:لاتكفين لاتروحين ماابي اجلس لحالي في البيت لورا:خالد ترآ هذي اخر سنه ولازم تشد حيلك خالد:طيب طيب بروح..يلا سيلا امشي سيلا:يلا..تصبحين على خير ياآنسه لورا لورا:وانتي من اهله يامدام سيلا سيلا:وعع تخيلي اني متزوجه خالد:الله يعين زوجك وشلون بيتحمل خبالتك سيلا:زعلت لحد يكلمني دقيقه كامله لورا:خالد وسيلا بسرعه اطلعوا برآ اففف مزعجين خالد:طيب طيب "واتجهوا لغرفهم " :سيلا سيلا:لسه مامرت الدقيقه.....يلا خلصت وش تبي ؟؟ خالد:وش اللي بينك وبين سامي ؟ سيلا:مابيني وبينه شيء مجرد صداقه خالد:بس نظراته لك تقول غير كذا سيلا:انا مالي دخل بنظراته انا بالنسبه لي هو مجرد صديق خالد:ترآ مااقصد شيء بس تدرين اني ملقوف وحبيت اعرف سيلا:لاتخاف انت اول واحد بيعرف لو صار شيء..وسديم ؟ خالد وهو يحك شعره:وش فيها سديم ؟؟ سيلا : امشي نجلس "وجلسوا" سيلا:شوف ياخالد ترآ طلال اقصد سديم طلعت من حياتي بشكل نهائي صح انصدمت شوي بس اللحين هي مجرد صديقه بالنسبه لي ..انا ملاحظه انك مهتم فيها بشكل كبير خالد:احم مدري ليه اهتم فيها بس مااعتقد اني احبها يمكن اشفق عليها ..وبعدين هي تحب راكان سيلا:بس انت انقهرت يوم عرفت انها تحب راكان صح ؟ خالد:تبين الصراحه انقهرت وبقووه بعد وكنت ابي اقتل راكان واقتلها ..سوت كل شيء علشانه حتى انها غدرت فيك علشان راكان سيلا:غدرت فيني ؟ خالد تورط:لا ..لا..مدري سيلا:مسحت التسجيل صح ؟؟ خالد:اي مسحته..بس تكفين لايطلع هذا الموضوع سيلا:ماألومها صراحه انا لو كنت مكانها بسوي اي شيء علشان اللي احبه خالد:انا اللي مستغرب منه راكان..شكله من جد يحبها سيلا:الله يهنيهم خالد:وانا؟ سيلا:اللحين انت حيرتني معاك تحبها ولاماتحبها ؟؟ خالد قام من مكانه:اي احبها واموت فيها بعد"وراح" سيلا:عز الله اخواني انهبلوا "وراحت لغرفتها" ********* بالصبح كانت تدور على ابوها :داد واخيرا لقيتك محمد:هلا صباح الخير ..وش اللي مقومك بدري لورا:صباح النور..ابي العقود والاوراق حقت دار الازياء محمد:تلقينهم فمكتبي ..دوري بالدرج اللي على اليمين تلقينهم هناك لورا حبت ابوها:شكرا يااحلى داد فالدنيا راحت للمكتب..وصارت تدور بين كميه هائله من الاوراق :واخيرا لقيتهم ..وفجاءه لمحت دفتر احمر :يوووه هذا الدفتر اللي كان دايما مع مام قبل لاتمون "فتحت اول صفحه من الدفتر كان مكتوب فيها بخط حلو مرآ (الى ابنتي العزيزه لورا) :غريبه ..ليه داد خبى علي هذا الدفتر ..واخذته وطلعت لغرفتها *في الغرفة* بدت تقلب فالدفتر شوي وقررت تقراه الى ابنتي العزيزة لورا..اردت ان اجعل خطي يحكي لك عن حكايتي لاني لن استطيع ان احكي لكي عنها تقابلنا انا ووالدك في احد المطاعم بروسيا كنت اعمل هناك وفي نفس اليوم الذي كان يتناول فيه العشاء هناك قام المدير بطردي امام كل الحاضرين لاني اوقعت بكأس من غير قصد ..انحرجت كثيرا ..فتقدم الي والدك وأعطاني كرته لأعمل معه ..وفي يوم من الايام دعتني الحاجه الى العمل معه وسافرت الى السعوديه ببعض النقود التي اخذتها من صديقتي ..عملت معه واعجبت به جدا واحبني واحببته واجهنا الكثير من المتاعب لنحافظ على علاقتنا وقررنا ان نحارب العالم بأسره من اجل حبنا ..تزوجنا وانجبناك ..احببناك كثيرا وتعاهدنا على ان نربيك تربية جيده قرأت عن الاسلام كتب باللغه الروسيه وتعلمت اللغه العربيه ..اسلمت وشهدت ان الله لا اله الاهو ..فعلت كل هذا من اجل محمد لألا يواجه متاعب مع اهله لكنني فوجئت بخيانته لي كرهت الدنيا ..كنت اتمنى الموت ..لماذا اعيش والذي كان يزين حياتي ويضيئها تخلى عني بكل بساطه تخليت عن اهلي وبلدي وديني وكل شيء من اجله والآن سأتخلى عن حياتي كلها من اجله ..ولاتنسي بأنني احبك ..ونصيحتي لك :لاتجعلي الحياة تهزمك ولاتتخلي عن كل شيء من اجل رجل ..هذه نصيحتي لك ياابنتي الجميله ..ولاتنسي ان تدعي لي بالرحمه والدتك:كاثرن نزلت دموع لورا على الدفتر ... :معقوله ..معقوله مام انتحرت وبسبب مين بسبب ابوي ..آآخ يامام ليتك اخذتيني معك وريحتيني سمعت احد يطق على باب الغرفه ..مسحت دموعها بسرعه وخبت الدفتر لورا:تفضل :مستر محمد يقول فطور لورا:اوكي ثانكس نزلت وعلامات التعب والصدمه باينه على وجهها وبدون ولاكلمه توجهت للباب محمد:وين رايحه ؟ماتبين تفطرين لورا:لاشكرا "وطلعت" برآ القصر :سايمون سايمون:نعم لورا:ممكن توديني دار الازياء سايمون:اكييد "وفتح لها باب السيارة" لورا:شكرا فالسيارة حست انها ضايعه ماتدري وش تسوي وجت على بالها ريما لورا:الوو ريما:هلا قلبي ..كيفك ؟؟ لورا:مو تمام ابدا ريما:وش فيك حبيبتي عسى ماشر ؟؟ لورا:انتي فاضيه ريما:اي فاضيه وحتى لو مشغوله افضالك لورا:تسلمين ..ممكن تمريني فالدار ريما:من عيوني نص ساعه وانا عندك لورا:شكرا ..باي ريما:باي لورا استوعبت انهم واقفين ساعه عند الدار :اوووه سوري ماانتبهت "نزلت واشرت لسايمون بمعنى باي" ******************** فبيت سلطان كان الباب مفتوح كالعاده..دخلوا وهم خايفين من ردت فعل ابوهم لانو كل يوم له رأيي وأول ماشافهم سلطان نزلت دموعه وهو يقول:انتم عيالي اكييد ولا اللي اشوفه حلم سديم اللي ركضت عند ابوها بسرعه وضمته:لانحنا عيالك وانت مو فحلم سلطان:اكييد مارح تتخلون عني صح ؟؟ ثامر:وش تقول يايبه اكييد مارح نتخلى عنك وجلسوا مع بعض ورجعوا ايام زمان الحلوه بس اللي كان ناقصهم مها @نهاية البارت@ |
اقتباس:
تسللمممين ياعمررري انتي ..هذا من ذووقك وربي..ان شائء الله بس انتو ادعولي اني اتوفق بروايتي الثانيه ^^ |
بارتيين روعة مجهود رائع بالتوفيق تحياتي لك |
اقتباس:
تسلمي ياعمري ..اشكرك على مرورك الرائع ^^ |
| الساعة الآن 02:58 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011