:glb:

في صباح يوم جديد كانت السماء صافيه والجو عليل وكانت الساعه 2:30 اثنين ونص .. كانوا كل البنات صاحيات ما عدا ندى ..

رامـا : ندووش عذبتيني قوومي يلاا ..

لينه : ندى يلا قومي عشان نلعب بالدبابات .. يلا قبل ما يخلص الصبح ..

ندى وصتها كله نووم : كم الساعه ؟

ريم : الساعه اثنين ونص .. يلا قوومي ..

ندى : روحوا العبوا انا ما فيني بناام ..

عبير : يلا خلاص نمتي كثير قووومي ..

ديمـا بعصبيه : يلااااا قوومي طفشتيناا .. عمي قال ممنوع تلعبون الا والكل موجود قومي ..

دانه : يلا ندى قوووووومي ..


فجأه دخلت لميس الغرفه ..

لميس : وش فيكم جالسات ؟؟؟

رامـا : ندى مو راضيه تقوم ..

لميس : ندى قومي ولا اسوي الي ببالي ..

ندى بتعب وودها تناام : هااااااااااااااااااه

لميس : بعد من واحد الى ثلاثه اذا ما قمتي بسوي الي ببالي ..

لميس : واحد ..

ندى لا حياة لمن تنادي .. ناااااايمه ..

لميس : اثنين ..

لميس : اثنين ونص ..

لميس : ث ثااااااا ثاااالااااا ثااااالااااااثه ..

(( راحت لميس وجابت جيك مويه باااااااارده ورمت المويه كلها على ندى وندى حالتها حاله .. ومعصبه وتصاارخ وتهاوش .. روقت شويه ورجعت لها الأبتسامه من جديد والكل توجه عشان يلبس بنطلون عشان يركبون الدبابات على راحتهم .. اشرحلكم ملابس البنات ..

رامـا .. كانت لابسه جنز سكيني رمادي فاتح وبلوزه لونها رمادي غامق ومرسوم عليها بالفوشي .. والجزمه "وانتوا بكرام" لونها فوشي .. ومسويه بشعرها قرنين على فوق والربطات فوشيه وطالع شكلها كيــــ^_^ـــوت ..

لينه .. كانت لابسه جنز اسود عادي وبلوزه حمراء مرسوم عليها بالأسود .. وجزمتها الله يكرمكم حمراء وفاتحه شعرها المستدل على كتوفها بكل نعوومه .. وطالع شكلها جنااان ..

لميس .. كانت لابسه جنز طيحني بيج وبلوزه بدون اكمام بنيه ساده مافيها شي بس مرره حلوه .. ورابطه شعرها ذيل حصان على ورا بربطه زيتيه .. وجزمتها الله يكرمكم رياضيه لونها بيج والشراريب زيتيه .. وطالع شكلها خووقاااااق ..

ندى .. كانت لابسه جنز برمودا سماوي وبلوزه صفراء نص كم ساده مو مرسوم عليها شي .. ومجعده شعرها .. وجزمتها وانتوا بكرامه نفس حقت المدرسه يعني سوداء ومن قدام ابيض وحبالها سودا اكيد تعرفونها ..

دانه .. كانت لابسه جنز سكيني اسود وبلوزه سوداء مرسوم عليها جمجمه في النص بالأبيض.. وفاتحه شعرها ومنزله خصل بسيطه من سعرها على عينها اليسرى .. ولابسه جزمه سوداء .. وصاير شكلها شيقووي خطيييير مره يجنن ..

ديمـا .. كانت لابسه جنز عادي ازرق .. وبلوزه فوشيه نص كم .. وجزمتها الله يكرمكم فوشيه .. وفاتحه شعرها ولابسه طوق فوشي وصاير شكلها يذذذذذذذنن ..

سحر .. كانت لابسه جنز سكيني موف غامق .. وبلوزه رصاصيه مرسوم عليها بالموف .. وفاتحه شعرها وحاطه شباصه صغيره قدام لونها موف .. وجومتها وانتوا بكرامـه رصايصه وشراريبها موف .. وشكلها مرررره حلوو ..

ريم .. كانت لابسه برمودا ابيض وبلوزه ورديه مرسوم عليها هايدي بس بطريقه حلوه .. وجزمتها وانتوا بكرامه ورديه .. ورافعه شعرها بربطه ورديه ..

عبير .. كانت لابسه جنز عادي كحلي .. وبلوزه سوداء مرسوم عليها الخنفسانه الحمراء المنقطه تعرفونها الخنفساء الي لونها احمر وتطير ومنقطه بأسود .. المهم كانت مرسومه ع البلوزه .. وجزمتها " وانتوا بكرامه " حمراء .. ورابطه شعرها زي اختها ريم بس بربطه سوداء .. وطالع شكلها يهببببببل ..

جوري .. كانت لابسه جنز طيحني ازرق .. وبلوزه رماديه مرسوم عليها بالأخضر .. ولابسه جزمه الله يكرمكم خضراء وفاتحه شعرها وحاطه فيونكه على شعرها لونها اخضر .. وطالع شكلها مره مره مره حلوووو ..

(( بقي بنت ولا نسيت وحده ؟؟ اذا كنت ناسيه بنت فأعرفوا ان مالها دور مهم في هذا البارت ؟؟؟ اصلا ما اتوقع اني ناسيه وحده ))

$$$$$$$$$$$$$$$$$$$

عند الشباب ..

زياد : بنات اخر زمن قال ايش قال نبغى نلعب بالدبابات .. مايعرفون يسوقونها ..

عبدالعزيز : اما ما يعرفون اخواتي دانه ولينه والله انهم احسن من سواقتي بالسياره وبالدباب ..

زياد : هههههههههههههههه ..

فجئه دخلت رهام عليهم ..

رهام : اقول انت ليش ما جاء إياد ؟

زياد : ومين انتي يا اموره ..

رهام : اموره بعينك لا عاد اسمعك قايلها تراني كبيره تفهم ولا افهمك ؟؟؟؟؟ ..

زياد : هـــئ وجــع بزارين ويطولون لسانهم .. لسانك يبغالك قص ..

رهام : اقول انت يا الثاني ابي جواب وراه إياد ما جاء ؟؟

عبدالعزيز حب ينرفزها : طيب انتي مين يا شطوره ؟

رهام : لاحوووووول .. انا رهام ..

عبدالعزيز : هــــئ رهاام .. انتي رهام حبيبة إياد ؟؟؟

رهام استحت بس ما حبت تبين : انت وش قاعد تخربط .. قلي وينه ؟؟

عبدالعزيز : ههههههههااي زيووود تدري مين الأموره الصغنطوطه هذي ؟؟

زياد : ميـن الأموره هذي ؟

عبدالعزيز : حبيبة إياد .. صح كل ما شفنا اياد نلاقيه قاعد يغني اكثر حاجه بحبها فيكي هو ده ااااااااه هو ده ..

زياد : آ آ آ آ آ قلبك .. هههههههههههههههههههه ..

عبدالعزيز : ترا المقصود بالأغنيه السعنتووته هذي ..

زياد : ههههههههههههههههههههههههههههههههه ..

رهام : يوووووووووووووووووه قولولي وينه وخلاااص ..

فجأه دخل ياسر ..

ياسر : اهلا بالسعنتوته الصغيووره .. زعلان ليه يا أمر << يا قمر ..

رهام : ترا والله اعلم عليك إيـاد ..

ياسر : لحضه لحضه انا ابي افهم وش دخل اياد بالموضوع ؟؟

رهام : انت الي وش دخلك في ام السالفه .. اقلب فيسك .. صدق انك ما تعطى وجه ..

ياسر : وجــع من زين فيسك انتي تجيبين البلى ..

عبدالعزيز : انقلب الولد قبل شوي يغزل في البنت الحين يسب فيها ..

زياد : من جد ..

رهام : ما اسمحلك تقول كلام مثل كذا ..

ياسر : لا الله يخليك اسمحيلي .. تحسبيني ميت عليك تراك واقفتلي في ذا << وهو يأشر على حلقه ..

رهام : طيب اذا كنت اقهرك اقلب وجهك عني ما ابي اشوفك يا اخي ..

ياسر : عناد ابجلس هنا وبتربع .. عندك مانع ؟؟؟؟

زياد : لا داوس ..

ياسر ورهام اعطوا زياد نضرره كالمعتاد تشبه هذا >> -_-"

رهام : ايه عندي مانع ..

ياسر : ووشهو مانعك ؟؟؟

رهام : ابي اتكلم بشي خاص وانت ما ابيك تسمعه ..

ياسر : اجل السالفه فيها سر .. عناد منيب راايح .. والله الخيمه مهيب خيمتك ابي اجلس فيها أليـــــــن ما اشبع ..

رهام : اللهم طولك ياروح ..

عبدالعزيز : لحضه يا سعنتووته .. ملاحضه بسيطه فقط من متى وانتي تعرفينا عشان تقولين لنا اسرار ؟

رهام : اصلا من قال اني بقول معاكم اسرار .. مالت عليكم .. جاوبوا على سؤالي لأذبحكم ..

زياد : عزوز ما تلاحظ اننا ساكتين لست الحسن طول الوقت .. هيه هيه يا بزره انتي .. عطيني قفاك بسرعه لأذبحك واتوطاك .. ترا انا اذا عصبت عصبت ..

رهام وهي تتطنز وتقلد صوت زياد : ترا انا اذا عصبت عصبت .. الصراحه خوفتي .. اسمع ترا مافيه قوه بالدنيا هذي تقدر تتقاوا علي انا اذبحك واكسرك واشويك واعذبك تعذيب تفهم .. قلي وين اياد للحين اوريك شغلك يلاااااا ..

عبدالعزيز وزياد : ههههههههههههههههههههههه

ياسر : ماشاءالله توني ادري انك اقوا وحده بالعالم ..

رهام : ليش تبي تجرب وتتأكد ؟؟

ياسر : وليش لأ خليني اجرب ..

(( جات رهام لعند ياسر واعطته كف ))

رهام : مره ثانيه لا تستخف فيني ..

ياسر مصدوم وماسك خده الي انصفق فيه ..

(( وطلعت رهام من المكان الي جالسين فيه ))

@@@@@@@@@@@@@@

عند البنات ..

رامـا : ترا اخاف اركب دباب ..

دانه : يووه دللع احسن شي الدباب ما يخوف ولا شي ..

لينه : من جد .. انا ابي الدباب الأسود ..

ندى : وااااااع كل الدبابات ابو اربع كفرات .. انا ودي بالي فيه كفرتين ..

لميس : هههههههههههههه بالبر تبين ابو كفرتين .. ياشيخه فكينا .. يلا خلونا نركب ..

ريم : سامحنا ما نقدر نلعب ..

عبير : يعني امي خايفه يصير فينا شي قالت ممنوع اللعب ..

ديمـا : لا تقولونها .. والله قهر .. يعني اليوم اخر يوم بكره نمشي .. وما شبعنا منكم ولا شي .. حتى يوم رحنا للمطعم ما جيتوا معانا ..

عبير : اسفين بس وش نسوي ..

جوري : ااااااخ بس من امكم ذي اااااااااخ ..

لميس : ليه ما تلعبون من دون ما تدري ..

ريم : لالا ياويلنا ما نقدر ..

عبير : لا سامحونا .. اصلا انا ما ودي بالعبه مو عشان امي ..

ريم : نخاف نركب الدباب ..

رامـا : خلاص اذا مو عاجبتكم الدبابات .. انا كمان ماراح العب وراح اجلس عندكم ..

عبير : لالا يارامـا .. انتي انبسطي .. وحنا بنجلس نتفرج عليكم وانتم تسوقون الدبابات ..

رامـا : طيب اذا ما تعرفين تسوقين الدباب اركبي وراي ..

عبير : لالا ما نقدر امي مو راضيه ..

ريم : خلاص عاد يلا انبسطوا .. تعالي عبير ندخل ..

(( ودخلوا ريم وعبير الخيمه ))

جوري : امهم ذي انا ما اطيقها بعيشة الله ..

لينه : جووري ههههه عيب ..

جوري : مو كأنهم بناتها تعاملهم معامه زفت .. وش ذا .. حارمتهم من كل شي .. ما عندهم لا جوال ولا جهاز ولا اي اي اي اي اي شي ..

(( وكل وحده من البنات اخذت لها دباب .. ما عدا سحر قالت انها ما تبغى تلعب تخاف يصير معاها شي .. ))

لميس : بنااات وقفوا .. وش رايكم نسوي سباق ؟؟

رامـا : يلا قداااااام ..

لميس : اوكي .. انا ابي اتسابق مع وحده سريعه وتعرف تسوق كويس مو اي خرابيط ..

دانه : انا معاك ..

رامـا : حتى انا اعرف اسوق ..

لينه : لالا انا اكثر وحده تعرف تسوق ..

ديمـا : ههههههههه انا ترا ما اعرف ..

لميس : خلاص نسوي فريق .. انا ولينه ودانه فريق .. ورامـا وندى وديمـا فريق ..

سحر : وانا الحكم ..

رامـا : لالا وراه انا فريقي زفت ولا وحده تعرف تلعب ..

ندى : هــئ انا ما اعرف اللعب ؟؟

رامـا : ههههههههههههههههه ..

ديمـا : ولا وتضحك .. الحين حنى ما نعرف نلعب .. الحين نوريك الشغل .. ان ما فزنا عليهم ..

رامـا : هههههههههههههههههه .. اوكي بس بذبكم اذا ما فزنا ..

ندى : وانا اعطيك حبل الشنق .. عشان تشنقينا اذا متنى ..

رامـا : اوكي ..

(( وفجأه جو زياد وعبدالعزيز .. والمراهقين كلهم .. ))

ندى بعصبيه : خير خير ؟؟ وش جايبكم .. ما فيه لعب انقلعووووا ..

زياد : هـــــئ هذي بدايتها .. يووماااء

ديمـا : مافيـــه لعب تفهموووووت ..

عبدالعزيز : وليه ان شاء الله .. عناد ابي العب وافحط واخرب لعبتكم ..

لميس : يووووه خلاص خذوا دبابات واذلفوا عننا ..

زياد : نبي نلعب معكم سباق ..

رامـا : ايه ايه خلوهم يلعبون .. زياد تعال معي فريقي تراه شين .. ولا وحده تعرف تسوق ..

زياد : هههههههه طيب ..

لميس : لالا مافيه ليش فرقكم 4 وحنا فريقنا 3 ..

عبدالعزيز : انا اجي معاكم ..

لميس : تعرف تلعب ؟؟؟

عبدالعزيز : وش شايفتني ..

لميس : ترا بذبحك اذا خسرت ..

عبدالعزيز : لا تخافين منيب خاسر ..

سحر : يلا موب انا الحكم .. يعني انا الي اختار مين يسابق مين ..

الكل : يلا ..

سحر : اختاار .. ديمـا تسابق لينه ..

رامـا : اذبحك ياديمـا اذا خسرتي بذبحك بذبحك ..

ندى : وانا بساعدها بذبحك .. يا ويلك تخسرين ..

لميس : لينه نعتمد عليك ..

دانه : نبي نفوز ياويلك تخسرين ..

لينه : افاا عليكم ..

سحر : خلاص لا تقرقرون .. يلا لينه وديمـا وقفوا عند الخط .. الي يوصل للجمبل البعيد ذاك ويرجع هو الفايز ..

ديمـا : هـــئ مررره بعيد ..

سحر بنص عين : عندك اعترااض ؟؟؟

ديمـا : ههه لالا الله يسلمك ما عندي اعتراض ..

سحر : يلا وقفي انتي وياها ..

ديمـا : وشلون امشي فيه طيب ؟؟ظ

رامـا : عز الله .. من الحين اقولكم لا تزعلون بنخسر .. الأخت ما تعرف تشغله اجل وشلون تمشي فيه ..

ديمـا : يوووه ما اعرف وش تبوني اسوي .. علموني ..


رامـا : فيه زر احمر هنا .. اضغطيه .. وبعدين هنا فيه شي ينسحب اسحبيه .. وبعدين اضغطي على المكابح .. وهذا الدركسون تلفين فيه .. اسمعي تراه زي السياره بس هذا اصغر .. اذا ما تعرفين مره قوليلنا عشان ما يتفجر الدباب وانتي فيه ..

ديمـا : لالا ماراح يصير شي .. بس اسمعوا ترا يمكن ما افوز ..

ندى : اكيد منتيب فايزه ..

ديمـا : ههههههههه طيب يلا ..

(( توجهوا ديمـا ولينه للخط الأحمر وهو خط البدايه .. ))

سحر : 1 ... 2 ... 3 .. انطلاااااااااااااق ..

(( انطلقت لينه وبعدها ديمـا .. وكانت لينه سابقه ديمـا .. ))

ديمـا : لينه لينه دبابي يطلع دخاااان ..

لينه وقفت دبابها : يووووووه بسرعه انزلي .. من جد يطلع دخان؟؟؟

ديمـا : تعالي شوفي ..

(( نزلت لينه من دبابها وتوجهة لدباب ديمـا ))

ديمـا بنذاله : صادووه .. باااااااي بروح اسبقك ..

وانطلقت ديمـا ولينه معصبه .. ركبت دبابها .. وكانت ديمـا مبتعده عن لينه بكثير ..

ووصلوا للجبل بعد 5 دقائق وديمـا متقدمه على لينه ..

لينه في قلبها .. طيب طيب يا ديمـا انا اوريك .. صارخت لينه وهي تقول : ديمـاااااااااااااا الحقيني

ديمـا : ياشخيه ادري وش بتسوين بتكذبين علي .. منيب مصدقه ..

وكملت طريقها وبعد 10 دقيقه فازت ديمـا في السباق .. وبعد ديقيه جات لينه ..

لينه : مافيه غش غش هي الي وقفتني وقالت ان دبابها يطلع دخان ..

ديمـا : حتى انتي خدعتيني بس ما صدقت

رامـا : والله ما علينا اهم شي انها فازت ..

سحر : انا الي اقرر اذا فازت او لأ ..

ندى : طيب قولي لنا مين الي ارح يفوز ..

سحر : بما ان ديما خدعت لينه ولينه خدعت ديمـا فالنتيجه تعادل .. فيه احد عنده اعتراااااض ؟؟

الكل : لالا الله يسلمك ..

سحر : الحين راح اختار لميس ضد ........

لميس : ابي وحده قوويه وتعرف تلعب ..

زياد : انا انا قووي اختاريني ..

سحر : انا الي اقرر تفهمووون .. لميس ضد زياد يلا ..

لميس : يافريقي من الحين اقولكم حنا فايزين ..

زياد : صح صح ترا هم الي بيفوزون ..

رامـا : اكسرك .. بجد بكسرك .. ياويلك تخسر ..

زياد : يوماااء .. طيب طيب ..

(( توجهوا زياد ولميس للخيط الأحمر الذي يعلن بدأ المنافسه وتقدما جميعها بالسرعة نفسها ولكن لسوء الحظ << تكلمي زي العالم للحين بالعقاال .. .. طيب طيب .. ولكن طارت طرحة لميس في الهواء ووقفت الدباب .. ))

زياد : ليش وقفتـ.........

(( ماكمل جملته لما شاف شكلها حتى هو وقف الدباب حقه وجلس يناضرها ))

لميس : زياد خلاص .. رووح ..

زياد مفهي .. مايدري وين الله حاطه .. يناضرها طول الوقت وهذا الي خلا لميس تنحرج .. نزلت من الدباب وراحت تجيب طرحتها وهي تدعي ان الله ياخذ الطرحهه الي بس تطيح .. وزياد يشوفها وهو مبسووووط ..

لميس : هيــــــــه انت فرصه روح للجبل قبل ما اوصل .. يلا عشان تفوز .. رووح .. لا تجلس تناضرني ..

زياد : وشلون تبيني اروح واخلي هالحلو لحاله هنا ..

لميس انحرجت : هيييييه انت جالس تغزل فيني يا وصخ اذلــــــف .. يلا ابي اشوف طول ضهرك ..

زياد : هههههه ..

لميس : زياد روح .. او خلك هنا بس لا تشوفني ..

(( مسكت لميس طرحتها وهي تنفضها من الغبار .. وحطتها على راسها وتلثمت فيها .. وركبت دبابها .. وزياد لسه قاعد يشوفها .. ))

لميس : اجلس هنا أليـــــن ما تشبع انا راايحه ..

زياد : ههههههههههههههه .. الحين انا ابي افهم ..

لميس : ايـش !!

زياد : انتي متلثمه في طرحتك اما يدك كلها فاتحتها وش الفايده من الغطى ..

لميس : هههههههههههههه انا في مسطلحاتي الخاصه .. اهم شي اغطيه هو وجهي اما اليد والرجل بكيفهم ..

زياد : هههههههههه على كيفك ..

لميس : هههههههههههههه .. شكلنا مطولين هنا .. انا بسبقك ..

زياد : هههههه لا انا بسبقك اخاف رامـا تذبحني .. لميس ممكن تجاوبين على سؤالي الي بعد شويه اسألك اياه بدون حرج ؟

لميس : ليش سؤالك محرج ؟

زياد : امممم شويه ..

لميس : ههههههه لالا مابي اجاوب عليه ..

زياد : لـا لالا مو مره محرج بس شويه ..

لميس : اي سؤال يحرجني ما اجاوب عليه ..

زياد : عشاني ..

لميس : لالا ..

زياد : عشاني .. عشان خاطري .. يهون عليك ازعل ؟؟

لميس : يووه طيب انت قول السؤال وانا اشوف اذا كنت ابي اجاوب عليه جاوبتك واذا لا منيب مجاوبه طيب ؟؟

زياد : طيب ..

لميس : طيب وشهو سألك ؟

زياد : انتي انتي تـ تـحبيني ؟؟؟

لميس : هم ؟؟؟؟؟

زياد بحرج : الي سمعتيه ..

لميس بحررج : منيب مجاوبه ..

زياد : ليـه ؟؟

لميس : كذا ..

زياد : لالا من جد ليه ؟

لميس : كذا مابي

(( وقف زياد دبابه قدام دباب لميس ولميس وقفت دبابها بسررعه عشان ما يصير حادث .))

لميس : انت مجنوون ؟؟؟

زياد : ايه مجنون ..

لميس : يووه لا من جد ليش سويت كذا ؟

زياد : كذا ..

لميس : كذا ؟؟؟

زياد : ايه كذا .. مو انتي ما جاوبتي على سؤالي وقلتي كذا .. انا منيب مجاوب على سؤالك وبقول كذا ..

لميس : بس انت تعرف اجابتي .. انت ما قلت هذا السؤال الى عشان تحرجني .. وانت عارف اجابتي ..

زياد : ومين قالك اني عارف اجابتك ؟؟

لميس : انا قلت لنفسي .. بعدين تتذكر لما كنا في المستشفى قلتلك الاجابه ..

زياد : ابي اسمعها الحين ..

لميس بحرج : ههههههههه ..

زياد : ممكن اخذ رقم جوالك ؟؟

لميس : هم ؟؟ رقم جوالي ؟؟

زياد : اي ايه ..

لميس : وليش ان شاء الله ؟

زياد : بس كذا .. عشان لو احتجتي شي يكون عندك رقمي اتصلي فيني ..

لميس : طيب .. مو الحين بعدين ..

(( واخيرا وصلوا للجبل .. وكانت السرعه نفسها .. زياد يقدر بكل بساطه يسبقها لاكنه ماحب يقهرها .. ))

لميس : ليش دبابي بطيئ ..

زياد : والله انتي البطيئه ..

لميس : لالا .. تبادل ؟؟؟؟

زياد : طيب ..

(( نزل زياد من الدباب ولكن لميس تركته وراحت وهو يضحك على نذالتها .. ))

ركب زياد دبابه وقال في قلبه : اذا كذا انا اوريك هههههههههههه ..

(( دعس زياد ع البانزين واسررررررررررع .. وسبق لميس .. ولميس تصارخ وتقول دبابي بطيئ .. وصل لنهاية السباق وفاز .. ))

رامـا : ههههههههههههههه فزنا واخيرا ..

ندى : مين قدنا ..

دانه : انتم بس انتم بس اختاروني .. وأوريكم الشغل ..

زياد : اصلا انا من زمان اقدر افوز .. بس ما حبيت اكسر بخاطرها .. سوت نذاله فيني وخلتني انزل من الدباب عشان نتبادل دبابات .. وسبقتني .. وقلت هيـــــن وسبقتها .. هههههههههههه ..

(( وصلت لميس .. ))

دانه وهي تقلد صوت لميس : لا تخافون من الحين اقولكم فايزين " ورجعت لصوتها الطبيعي " وين كلامك .. خسرنا ..

لميس : البلى مو مني البلى بالدباب ..

سحر : انا الي راح اقول النتيجه .. يجب علينا ان نتأكد من صحة كلام لميس ثم نشوف من الفائز .. عبدالعزيز تفضل بركوب دباب لميس وانضر اذا كان بطيئ ام لا ..

عبدالعزيز : حسناً ..

(( ركب عبدالعزيز دباب لميس .. وساق فيه وكانت سرعته صاااروخ مره سريع .. ونزل من الدباب ..))

سحر : اذا سوف اقول النتيجه 2 لفريق رامـا لفريق لميس ..

رامـا وديمـا وندى وزياد يقامزون وينططون ويصرخون من الفرحه .. والفريق الثاني كله سب في لميس خخخخخخخخ ..

سحر : حسنا حسنا .. الأن سوف اختار .. عبدالعزيز ضد دانه ..

دانـه : لالالالا .. انا بروح اشرب مويه مرره عطشانه .. خلي عبدالعزيز يلعب مع وحده غيري امـا انا انافس ندى ..

(( ندى غمزت لرامـا بعيونها .. ورامـا انحرجت ودنقت راسها .. ))

سحر فهمت على دانه وقالت : حسنا اذن سوف اختار عبدالعزيز ضد رامـا ..

عبدالعزيز ابتسم من قلبه : دانـــــه شووووكراااان ..

دانه : هههههههه استح ياولد ..

عبدالعزيز : طيب طيب .هههههه ..

رامـا ركبت الدباب وهي مستحيه ومدنقه راسها ..

عبدالعزيز ركب دبابه ..

سحر : واحد .. اثنين .. ثلاثه .. انطلاااااااق ..

محمد : لحضه وحنا موب مختارينا ؟؟؟

سحر : انتم مافيه لعب ..

ندى : انتم ح يعني حيطه مافيه لعب ..

ياسر مسك خصره : لا والله ؟؟؟؟؟

لميس بنص عين : عندكم مانع ولا وشلووون ؟؟؟

عبدالوهاب : ماشاءالله .. حنا نتعذب ونترجا أبائنا واجدادنا ونتعذب واذا وافقوا انتم الي تاخذون الدبابات .. خير ان شاء الله .. مافيه انتم الي المفروض مافيه لعب ..

لميس مسكت عبدالعزيز مع اذنـه : هاااه وش قلت عد كلامك ما سمعت كويس ؟؟

عبدالوهاب خاف : هههه لا سلامتك ..

لميس : سلامتك وبس ؟؟؟؟؟

عبدالوهاب : اي .. وش تبغيني اقول ؟

لميس : قول سلامتك عمتي لميس ..

عبدالوهاب : بس انتي موب عمتي ؟

لميس زادت في الألم وشدت على اذنه اكثر ..

عبدالوهاب : آآآآآآآآي .. طيب طيب .. سلامتك عمتي لميس ..

لميس فكت اذنه : ايه كذا .. تسنع .. فيه واحد يبي يجرب اقطع اذوونه ؟؟؟

المراهقين : لالا عمتي لميس ..

لميس : يلا اذلفوا اذلفووا ..

المراهقين : طيب ..

(( وذلفوا ))

$$$$$$$$

عند رامـا وعبدالعزيز ..

عبدالعزيز : ماشاءالله سواقتك جيده في الدباب ..

رامـا : هههه موب بس الدباب .. حتى السياره .. تتذكر لما سقت في السياره ..

عبدالعزيز : ماشاءالله .. ايه اتذكر ..

رامـا : قهر بكره بنمشي ..

عبدالعزيز : وش رايك ناخذ استراحه بسيطه ..

رامـا : لالا والي يسلمك .. مرره حر ..

عبدالعزيز : طيب يا حلوه ..

رامـا : هههههه .. عبدالعزيز ممكن توقف شويه ؟

عبدالعزيز : اذا بتسوين نذاله وتتركيني عشان تفوزين منيب موقف ..

رامـا : ههههههههههه لالا والله بس وقف شويه .. حتى انا بنزل ..

عبدالعزيز : اوكي ..

(( نزل عبدالعزيز ونزلت رامـا .. ))

عبدالعزيز : على فكره ملابسه مرره حلوه ..

رامـا : مشكوور ..

(( طلعت رامـا منديل لونه وردي هي الي مخيطته مكتوب عليه عبدالعزيز بالأنجليزي على زاوية المنديل ومخيط عليه شكل ورده مرره حلوه .. رامـا رفعت نفسها عشان توصل لجبين عبدالعزيز .. ومسحته لأنه كان فيه عرق شويه .. ومسكت يده وحطت فيها المنديل ..

رامـا بحرج : اذا حسيت بحر هذا المنديل سويته لك ..

عبدالعزيز ماصدق على الله .. على طول شال رامـا ودار فيها وهو مبسوط ويضحك بأعلى صوته .. وهي نفس الشي ..

رامـا : هههههههههه عبدالعزيز نزلني بليــز ..

عبدالعزيز : لالا مافيه اليوم انا بكيفي اسوي الي ابغاه فيك ياقلبي انتي ..

رامـا : ههههههههههههه نزليني آآآآ اخاف اطيـــح ..

عبدالعزيز : ماراح يصير فيك شي دامك معي يا حلوه .. ياقمر .. ياعسل .. ياقشطه .. يا احلا رامـا في الدنيا وهـ احبـك احبك احبــــــــــــك ..

رامـا بحرررج : ههههههههههه وانا بعد .. بس نزلني .. تخيل جو الحين وشافونا بي هالمنضر ..

عبدالعزيز : وهـ ياقلبي اكسر الي بيقول شي اذبحه عشان عيونك الحلوه .. وبعدين انا وش مسوي .. كل الي قاعد اسويه اني شايل مرانتي حبيبة قلبي وخطيبتي وزوجتي المستقبليه ..

رامـا بحرررررج : اذا خطبتني وتزوجتني ذاك الوقت سو الي تبيه بس الحين ..

(( وعبدالعزيز ما تركها تكمل كلامها صار يدوور فيها ويغني وهي ميته ضحك ومتمسكه فيه بقووه .. ))

@@@@@@@@@@@@@

عند البنات والشباب << المشكله مافيه الى شاب واحد "زياد" خخخخخخخ ..

ندى : ليه تأخروا ؟

سحر : لا اعلم ..

لميس : لحضه لحضه .. ما تحسون في شي غريب هنا ..

لينه : انا حاسه بعد ..

(( لينه ولميس شافوا سحر كلهم بنفس النضره .. ))

لميس : خيييير سحرووه خيررر ؟

لينه : ساعه تتكلمين بالفصيحه خير ؟

لميس : عايشه الدور .. مصدقه نفسها انها حكم ..

لينه : مسكيـــــنه .. ارحمك ..

لميس : اذا شفتك تتكلمين كذا ...

لينه : اتوطاك ..

لميس : واذبحك ..

لينه : واقطعك ..

لميس : واشويك ..

لينه : واوزعك ع الذياب الجوعانه ..

سحر : يوماااااااااااااء ..

زياد : بل بل بل بل .. كل هذا ؟؟؟

سحر : خلاص ماعاد بتكلم وبسكر حلقي .. واذا تبون اعتزل عن صفتي الحكم ترا اعتزل ..

لميس : لالا لاتعتزلين بس تسنعي ..

سحر : تامرين امر هههههه ..

لميس : ايش ايش ايش ؟؟؟ ما سمعت ؟؟؟ عيدي عيدي ؟

سحر : تامرين امر ..

لميس : هـــئ وتقولينها بكل وثووق ..

سحر : وشوو .. وش تبيني اقوول ؟؟

لميس مسكت اذن سحر ..

لميس : قولي تامرين امر عمتي لميس .. وتامرين امر خالتي لينه ..

سحر : آآآآآي .. طيب .. تامرين امر عمتي لميس ..

لينه : وانا؟؟؟؟؟؟؟

مسكت لينه اذن سحر الثانيه ..

سحر : آآآآآآآي ..

لينه : قولي اسفه خالتي لينه .. وتامرين امر خالتي لينه ..

سحر : آآآي .. طيب طيب .. اسفه خالتي لينه .. وتامرين امر خالتي لينه ..

(( وتركوا اذوونها ))

ندى : هههههههههه صارت اذنك حمرا ..

ديمـا : ما تلاحضون انهم تأخروا ؟؟

سحر : بما اني انا الحكم اطلب من احد المراهقين انه يروح يشوف وش قاعدين يسوون ست الحسن والدلال واجل الحسن الدلال .. مهند او واحد منكم .. مين الي يروح يشوف وش قاعدين يسوون ؟

ماجد : انا بروح .. وباخذ معي جوالي عشان اصورهم واثبت لكم صحت كلامي ..

سحر : احسنت .. انطلق .. آآآ قصدي بسرعه روووح ..

##############

عند رامـا وعبدالعزيز .. واخيرا نزلها .. وهي ميته ضحك .. وركبة دبابها لكن عبدالعزيز ما حب يترك هالفرصه تروح عنه جاب مسمار وفش الكفر .. وماجد وصل وشكل الكام ع الفيديو .. بس رامـا وعبدالعزيز ما شافوه

عبدالعزيز : رامـا .. دبابي مو راضي يشتغل ..

رامـا : لا تفكر تخليني انزل وتسوي فيني نذاله وتسبقني ..

عبدالعزيز : هههههههه لا تخافين مراح اسوي شي ..

(( رامـا نزلت وشافت الكفر ))

رامـا : يوووووه معدوووم مرره ماتقدر تمشي فيه ..

عبدالعزيز : والعمل ؟

رامـا : مدري .. دور حل .. انا رايحه

عبدالعزيز : لالالا وشلون تروحين وتتركيني؟

رامـا : مدري وش اسوي لك ..

عبدالعزيز : مافيه الا حل واحد ..

رامـا : والي هو ؟

عبدالعزيز : اركب في دبابك ..

رامـا : وانا ؟

عبدالعزيز : وانتي معاي ..

رامـا : هـئ .. لالا انا عندي فكره وشرايك تتصل على زياد تخليه يجي .. واذا جاء تخليه يركبك معاه ..

عبدالعزيز : لالا انا مابي لميس تذبحني اذا خسرت وش اسوي ..

رامـا : طيب انا راح اكون هنا على بال مايجي ..

عبدالعزيز يدور حل : هااه لالا ما يجي اصلا زياد ناسي جواله ..

رامـا : طيب دق على لينه او دانه ..

عبدالعزيز : حتى هم ناسيات جوالاتهم في الخيمه ..

رامـا : لالا انا شايفه دانه معاها جوالها ..

عبدالعزيز : بس يوم قالت انا بروح اشرب مويه نسته ..

رامـا : طيب دق على اي وحده ..

عبدالعزيز : ما عندي ولا رقم من البنات ..

رامـا : وانا ناسيه جوالي ..

عبدالعزيز : مافيه غير اننا نركب في دباب واحد ..

رامـا : طيب .. يلا ..

(( وركبوا الدباب .. رامـا هي الي تسوق وعبدالعزيز وراها .. عاد هو ما صدق خبر .. تمسك في رامـا كوويس .. كأنه حاضنها على ورا .. وماجد لا زال يصور ومستمتع
بالفلم الهندي .. ))


في نص الطريق كان فيه صخره ماشافتها رامـا ودعست بالدباب عليها .. وعبدالعزيز ماصدق على طووول حضنها بقوووه .. وهي مستحيه وعلى بالها انه حاضنها ومتمسك فيها كذا خايف انه يطيح << مسكينه على نياتها ما تدري انه قاصد خخخخ .. وكملوا الطريق ووصلوا للجبل ورجعوا .. والسيد ماجد لا زال يصور .

############

توقعاتكم ..

تحياتي .. شفايف توت ^^