بسم الله الرحمن الرحيم ..
رواية" وحيدة اهلها وحبيب قلبها "
من تأليف : مرام العشق ..
روايتي قد تكون مضحه ولاكن الرومانسيه هي ما تحتل هذه القصه .. الكبرياء الحقد الغضب الجهد الحب العشق السلام الضحك ..
كل مافي هذه الروايه .. استمتعوا بها
@@@@@@@@@@@@@@@@@@@@@@@@@@@@@@@@
شخصيات القصه ..
العائلة الاولى .. عالئلة محمد
رامـا :. ملكة جمال يعني جميله ماااره وبنوته ونااعمه عيونها عسليه وشعرها اقرب للون الاشقر بيضااء وخدودها ورديه وجمسمها نحيل ونحيف .. عمرها " 17"سنه..

محمد :. ابو رامـا .. طيب ويحب الشغل وما يترك وقت يجلس مع اهله..

وفـا :. ام رامـا .. شخصية طيـــبه وحــنونه وكريــمه وحلــوه هي كبيره بس اللي يشوفها يقول عمرها 20..
^^^^^^^^^^^^^^^^^^^^^^^^^^^^^^^^^^^^^
العائلة الثانيه .. عائلةعبدالرحمان << خوال رامــا..
ليــنه :. حلووه ونااعمه عيونها سوداء مااره وبشرتها بيضاء وشعرها اسود وتحب اللون الوردي حتى غرفتها وملابسها وكل شي لها وردي .. وهي بنت خال رامــا .. وعمرها 17 سنه ..

نواف :. اخو لينه .. يطيع امه وابوه طاعتة عمياء طيب وحنون عيونه قريبه من اللون الازرق بشرته بيضااء وشعره نفس شعر اخوه خالد بني فاتح وعمره 22 سنه..

عبدالرحمان :. ابو لينه.. طيب وحنون مرررره يحب اولاده وبناته وزوجته بختصار كل العائله ..

آميره :. ام لينه .. طيبـــــه وحنونه وتحب الاثاث والكنب يعني تحب تهتم بالبيت عشان الضيوف ..

دانه :. اخت لينه .. شخصية عصبـــيه وكل يوم تعصب على اختها واذا ما لبوو اوامرها تجلس اتعصب وتزعل وما تكلم احد .. تحب الكوول والايمو شكلها يجنن ومعجباتها كثااار .. يعني بختصاار مدلـــــــــــــــــــــــعــه .. وعمرها 19 سنه ...

عبدالعزيز :. اخو لينه .. ويحب رامــا ويموت فيها من يوم كانوا صغار .. مؤدب وعلى طول يفهم يعني ما يحتاج وقت الامتحانات يذاكر بس يفهم من شرح الاستاذ << قولوا ما شاء الله وعمره 20 ... جميل وانيق ونحيل ووسيم ويهبل ويذنن ..
%%%%%%%%%%%%%%%%%%%%%%%%%%
العائله الثالثة .. عائلة ابراهيـم << عمام رامــا ..
خالد :. ولد عم راما.. نشيط ويحب يركض جسمه رياضي وعنده عضلات جميل وعيونه عسليه شعره بني فاتح ابيض وكل البنات يموتون عليه ويموتون على الارض اللي يمشي عليها .. وعمره 20..

ابراهيم :. ابو خالد .. عصبي ويحب يصارخ على اهله ومربيهم تربيه 100% اخلاق وادب بس مشكلته العصبيه ..

حليمه :. ام خالد .. طيبه وحنونه وتساعد الكل وطباااخه ماهره عندها محل تبيع فيه طباخها ..

شروق :. اخت خالد .. متكبرررررررررره تحسب نفسها حلووه .. هي حلوه بس مو مرره كسلااانه بالدراسه .. كشخه وكول وحركاتها تجنن بس مع كذا ما توصل لجمال رامــا عمرها 19شيطانيه ومدلعه وتسوي اللي براسها ..

لميس : اخت خالد ,, كسلااانه بالمدرسه وتاخذ علامات موش كويسه .. دلوووعه وبنوته وخفيفة ضل تحب المزح والضحك والدردشه بس تسولف كثيير وتحب الكلام حتى ابلاتها على انها كسلانه يحبونهاا .. صديقة رامــا بالمدرسه وبنت عمــها ... عاديه عيونها سوداء كبيره ورموشها ماشاءالله كثيره وبشرتها بيضاء وصافيه وشعرها اسووود كثيير وطويل وناعم ...
مهند :. اخو خالد .. عمره 14 سنه دايم يحلم انه يسوق سياره ويفحط مع اصدقائه ودايم يقوله ابوه السنه الجايه اذا نجحت اشتريلك سياره .. عيونه عسليه على بنيه وبشرته بيضاء بس فيها سمار خفيف من الشمس وشعره بني قريب من الاسود ..

$$$$$$$$$$$$$$$$$$$$$$$$$$$$$$$$$$$$$
العائله الرابعه .. عائلة طلال..

عبيـر :. ما عندها شخصيه وبس تقلد البنات الثانيات وتغار منهم عيونها بنيه صغيره وقليله روموشها بشرتها سمرا وشعرها اشهب قليل وخشن .. يعني بختصاار " واااااااااع " قبيحه
بس حضها حلوو وعمرها 20..

ريـم :. اخت عبير .. كسلااااانه بالمدرسه ودايم الابله تهوشهاا بس تحب الفللله والرجه وحياتها بدون " نـــت " لا تساوي شي .. ودائم شعارها" حياة بلا نت تساوي الموت"عيونها سوداء بس اكبر من عيون اختها عبير وعندها رموش وشعرها قليل وخشن مثل اختها وعمرها 18..

سلمى :. ام عبير .. عصبيه وشخصيتها اقوا من شخصية ابوهم وتربي بناتها كويس ..

طلال :. ابو عبير .. شخصيه ضعيفه يخااف من سلمى زوجته لانها عصبيه وشكلها مخيــف عبــده تكرونيه وشووووشه بس مو مره سودا.... وطلال طيب وحنون ويحب بناته وبناته يحبونه اكثر من امهم ..

###################################
الاعائله الاخيره .. عائلة فيصل ..

ياسر :. ولد يحب التطنز ما يترك احد الا حاط له عياره يحب المزح والضحك لاكن اكثر شي الضرب ما يستغني عن الضرب ابد ابد ابد يدور المشاااكل عشان يتضارب .. عيونه عسليه وبشرته بيضاء وشعره بني غامق .. عمره 13..

عمر :. ولد مثل اخوه ياسر بالضبط يحب التطنز والمزح لاكن اكره شي عنده الضرب طفش من الضرب لان اخوه دايم معذبه هههههههه عيونه عسليه وبشرته بيضااااااء مره مره وشعره بني مايل للاسود وعمره 9 سنوات..

　
علي :. عكس اخوانه تمام يكره التطنز ويكره الضرب ودلووووع مااااره بس يصيح اذا محد جابله شي ,اجهزته لا تعد ولا تحصى كثاااار .. عمره 6 سنوات..

　
فيصل :. ابوهم طيب وحنون ومثل ياسر وعمر يحب التطنز والضحك بس يكره الضرب ويكره المشاكل << اكيد ما فيه احد يحب المشاكل هع هع..

هيا:. امهم .. دلوووعه على انها كبيره بس صوتها ناعم وتحب تغني وتنشد والكل يمدح صوتها ..

@@@@@@@@@@@@@@@@@@@@@@@@@@@@@@@@@@@@@@

خلصة الشخصيات وترا القصه غريـــبه ومنوعه .. رومنسيه على كوميديا على عصبيه على حزن ..
بعد ما شفنا شخصيات القصه خلونا نبداء بالاحداث الحماسيه هع ..

رامــا : ماما ممكن اكلم لينا بنت خالي بجوالك ماعندي رصيد بجوالي ..
ام رامـا : طيب بس ترا هذي آخر مره تكلمين من جوالي
رامــا : طيب طيب ان شاء الله ..
*********************************************
ودقت بالجوال على بنت خالها وصديقتها لينه ..
رامــا : هــآي لينه .. كيفك ؟؟
لينه : تمام وانتي ؟!
رامـا : تمام .. اقول لينه وش رايك تجين اليوم عندنا بالبيت والله وناااسه شريت شريط اغاني طقاقات تعالي نفللللها ونستانس ..
لينه : والله ودي بس مافيه وسيله مواصلات ..
رامـا : ليه !..
لينه : ماما وبابا الحين نايمين وسواقنا مسافر وعبدالعزيز طالع برا البيت..
رامـا : والله ودي اخلي سواقنا يجيك بس ما استأذنت من بابا ماما وهم الحين نايمين..
لينه : اجل خلاص مافيه امل للاسف..
رامـا :لا فيه امل بدق على لميس بنت عمي وبخليها تجي بسواقهم وبطريقها تمر بيتكم لاننا كلنا نفس الحي ونفس الشارع
لينه : اشوا يعني فيه امل بس اذا ما وافقت واذا ما كان عندها وسيله مواصلات واذا...
قاطعتها رامـا وهي تقول :تفائلوا بالخير تجدوه بس لينه..
لينه : ok الشغاله تناديني قلتلها تسويلي كوفي بــاي..
رامــا : ok روحي بسرررعه قبل ما تبرد كوفي وانا برد لك اذا دقيت ..على لميس..
لينه : طيب .. تيييت ..
&&&&&&&&&&&&&&&&&&&&&&&&&&&&&&
(( خلونا ننتقل الان لعائلة ابراهيم عم رامـا))

كان خالد جالس عند التلفزيون يقلب بالريموت بين القنوات ودخل عليه مهند ..
مهند : يوووووه طفش ماااره ..
خالد : وش فيك انت معصب ..
منهد : طفش النت باايخ وما يوصل بسررعه ..
خالد : طفشاان ..؟!..
مهند : اي مرررره ..
خالد : طيب خلنا نطلع نتمشى ..
مهند : الله يخليك انا ابي اسوق بس شوي لو سمحت الله يخليك ..
خالد يبي يرفع ضغطة : لا لا لا السواقه بس للكبار مو للبزوره ..
مهند وهو معصب : عاد الي يشوفك يقول من صغير انت بزر انت ..
خالد يبي يقهر مهند : لو كنت انا بزر مثلك كان ماعطوني سياره وماشترولي اشياء كبار ..
مهند : ياشيخ انا ادري انك اكبر مني بس انا اعقل منك..
خالد بداء يرفع ضغط مهند ويقهره .. و مهند من العصبيه قام عشان يتضارب معاه ..
مهند : يا بزر والله لوريك يا زفت يا............ << وبدو يتضاربون هع هع ..
دخلت عليهم لميس وهي تقول : يا متخلفين انت وياه خير وش هل ازعاج ماما وبابا نايمين مافيه رحمه ..
خالد : انقلعي انتي مالك دخل ..
مهند : اي والله اكره الملاقيف ..
خالد : وانت بعد انقلع معها الي يشوفك يقول ابد ما يتلقف تراك اكبر ملقوف شفته بحياتي..
مهند : الله اكبر من حلاتك عاد تجيب المرض يا قليل الادب اعلم وش سويت امس اعلم ..
خالد كان خايف ان مهند يعلم عليه وقال : عادي علم ما يهمني
مهند : ما يهمك طيييييييب ..
خالد : لالا لا تعلم الله يخليك اصلن انا ما ادري انت عن وشو تتكلم تعال قلي بأذني ..
لميــس : هيه هيه انت وياه وش فيكم مهند تكلم ..
مهند : خالد انا برحمك هذي المره ومني معلم بس ابهددك كل يوم..
خالد والبسمه ارتسمت على وجده وهو يقول بقلبه الحمدلله ..
لميس : مهند اكتشفت ان ماعندك شخصيه .. لو كان عندك ..شخصيه كان ما خفت من خالد اذا علمت لا تخاف من عضلاته ترا القوي بالعقل اقوا من القوي بالعضلات خلك ذكي ..
مهند قال بنفسه اي والله ولميس صادقه ليه اخاف من خالد انه يضربني معني اقوى منه طيب طيب بتشوووف وقال : لميــس ترا خالــد صـــرق مــن غــرفتــك الجــل اللي كنتي تدورينه لك اسبوووع ... وسكت شوي وقال : وصرق شــريط الفديو حقك .. واكل الاسكريم اللي سويتيه .. وكسر حصالتك واخذ فلوسك وطير الشوز حقك بالشارع .. واخذ الزلاجات حقاتك وكسر كفرتين من كثر مايلعب .. والحلى الي سويتيه للحريم هو الي اكله ..
لميس كانت منصدمه ومعصبه وقالت : الله ياخذك يا خويلد يا زفت ياعنز يا ......
.. وقامت عليه وتضربه وهو من التعصيب جاء خالد ضرب مهند ومهند ضرب خالد ولميس ضربت مهند بدون قصد جاء مهند ضرب لميس ولميس ضربت خالد وبدوا الثلاثه يتضااااربون ..
وبعد 10 دقايق دخل عليهم ابوهم وكلللللهم هربوا من الخوف وعدة على خيرر ..

(( شروق ولميس هم بغرفه مشتركه وشروق تحب عبدالعزيز اللي مادرا عنها وتكره رامـا لان عبدالعزيز يحبها وهي تحبه.. ))

دق جوال لميس وكان بالغرفه الي كانت فيها شروق ودق الجوال مره ثانيه وثالثه ورابعه وعصبت شروق من الازعاج وجت تبي ترد لقت مكتوب " رامــا "ردة شروق وهي تقول بكل غرور : هـــآآآي
استغربت من الصوت رامـا وقالت : هايات
شروق : عرفتيني !
رامــا سكتت شوي وقال بعقلها اكيد هذي شروق : اي شـروق ؟؟؟
شروق : اي انا شروق اللي مافيه احلى مني هههههههههه
رامــا : هاهاهاها .. مرره واثقه ..
شروق : ليش حبيبتي ماا اكون واثقه دوري بنت بالدنيا احلى مني .... مالقيتي صح !!
رامــا استغربت من اسلوب شروق بالكلام وتحسبها تمزح وقالت : تصدقين موتتيني من الضحك ..
عصبت شروق وقالت بصوت عاالي : ليش اموتك من الضحك انتي اصلن غايره مني وكل يوم تقلديني بكل شي اسويه اوف منك طفشتيني ..
رامــا وهي مو مصدقه قالت : ترا انا رامــا ماعرفتيني ..
شروق : انتي تحسبينني غبيــه عشان ما ادري اصلن اكتشفتك انك غيوره ودلوعه والناس ما يطيقونك ..
رامــا وهي معصبه : شروق احترمي الفاضك تراك قلتي شي مو هيـن لو سمحتي وين لميس ..
شروق تبي تقهر رامــا وقالت : عارفه وين لميس لميس لما عرفت ان انتي الداقه عصبت وقالت وش تبي هذي المخلوقه كررريهه اكرهها طبعاً انا قلتلها يووه ما الومك الصراحه انتي مااره شايفه نفسك ..
رامــا : ok انتي تحسبيني اصدق هل حركات اللي تسوينها مدري ليش تكرهيني انا ماسويتلك شي ..
شروق : اممم انتي ماسويتي شي صح بس مدري ليش ما اطيقك ياختي انتي غريبه مدري وشلون الناس تتحملك اووف..
رامــا عصبة وقالت بقلبها انا اوريك يا شروقوه : اسمعي اسمعي هيه انتي من جد يعني قليلة ادب ووقحه ايش ذي الوقاحه الزايده اللي فيك تصدقين انك تبادليني نفس الشعور انتي تكرهيني وانا اكرهك انتي ما تطيقيني وانا ما اطيقك .. ولا هميتيني اصلن من انتي ! ع العموم انا مو مصدقتك وعارفه ان لميس ما قالت شي من الي قلتيه مالت عليك يا وقحه .. بـــآي..
يوم سكرت رامــا الجوال شروق استغربت وانصدمة وما كانت مصدقه معقووله رامــا المؤدبه قالت لي هذا الكلام لا لا انا مو مصدقه يووووه ماكنت متوقعه ابد بس انا اوريك يا راموه ان ما خربت عيشتك ما اكون انا شروق ..

(( ما قلنالكم عن عبدالعزيز , عبدالعزيز يحب رامـا وهي تحبه بس المشكله ان رامـا من النوع الخجول اللي ما يحب يعترف بشي يعني هي ماتدري انه يحبها ولا هو يدري انها تحبه
لاكن شروق داريه انهم كلهم يحبون بعض وعصبة لانها تحب عبدالعزيز وقالت ابخرب علاقتكم ببعض وبخليكم يكرهوون بعض وبعدين بتجيني يا عبدالعزيز وتخطبني وتتزوجنيي وما يتدخل اي احد فينا << وجـــع تقهرررر قولوا آميـــن انها ما تسوي الي ببالها وتخرب كل شي ))

عبدالعزيز كان جالس بحديقه عاديه يشم الهواء مع صديقه محمد ويتمشون ويسولفوان ويستانسون ..
عبدالعزيز : مليت من هذي اللعبه تجيب المرض بااايخه ..
محمد : حراام والله انها تجنن ..
عبدالعزيز : اقول يالله خلنا نتمشى مليت من الجلوس ..
محمد ولد صاايع وزاااحف وكل ما شاف بنت راح يغازلها وهذا اللي يقهر عبدالعزيز ..
محمد وهو يصفر : ياسلام على هذول البنات كل وحده احلى من الثانيه ..
عبدالعزيز : بس ياصايع بعدين انت وش دراك انهم حلوات تراهم متغطيات يعني ما تشوفهم ..
محمد : عزوز انت احمق ما تشوف اجسامهم وعيونهم المكحله ومشيتهم الدلوعه وشناطهم الرائعه يعني كل هذا وما تبيهم يصيرون حلوات يلا يلا وراي خلنا نعطيهم ارقامنا ..
عبدالعزيز : بلا قلة ادب يلا قدامي .. وهو يمسك اذنه ..
محمد : اي اي لا اذني يوووه اي اي ..
عبدالعزيز : انت بنت انت وش ذا الكلام عييييب عليك ياولد عييييب ..
محمد : يووه ما افتكينا من محاضرات عمي تجي انت اليوم كنت اسولف بالجوال مع صديقي تركي وجاء عمي وعطاني محاضره بالياله سلمت منها ..
عبدالعزيز : هاهاهاهاهاهاها والله بعذره فيك .. ليه ما تمشي وانت ساكت ..
محمد : فكنا يا مطوع عااد ...

^^^^^^^^^^^^^^^^^^^^^^^^^^^^^^
في بيت ابو ليـنه ..

لينه وهي تكلم رامـا بالجوال ..
لينه : يوووه ترفع الضغط هذي شروق ..
رامــا : وريتها شغلها وسبيتها سب ..
لينه : كفوو والله ..
رامــا : هع هع والله احس ان صدري بااارد ارتاااح واااو ..
لينه : ايه خليك كذا ..
رامـا : قهر لميس اخت شروق ..
لينه : اي والله لميس فرق عن اختها لميس حبوبه وطيبه و.......
رامـا : اي والله وانتي صادقه .. اقول لينه فيه اتصال ثاني من جوالي اكلمك بعد شوي برب..
لينه : ok تيت ..
%%%%%%%%%%%%%%%%%%%%%%%%%
رامـا : الو ..
لميـس : راما والله والله والله انا اسفه اختي غبيه ما تفهم مدري شفيها..
رامـا : ولا يهمك خلاص انا بنسى وبعدين انا ما سكتت عنها ابد ..
لميـس : اي كذا خليك قويه ..
رامــا : افااا عليــك..
لميس : وشفينا صرنا اولاد خليك قويه على افاا عليك على هل كلمات ..
رامــا : لا ياشيخه يعني البنات مايقولون افاا عليك بس الاولاد .. المهم خلينا من هل موضوع وش صار بتجين للبيت ..
لميس :ماما قبل شوي قامت من النوم وقالت انا بروح مع السواق وحده من صديقاتي طايحه بالمستشفى ..
رامــا : سلامات ماتشوف شر ..
لميس : الله يسلمك ..
رامــا : طيب الحين وشلون تجين للبيت
لميس : اخوي خـالد هو الوحيد اللي يقدر يوديني بس اخاف ما يوافق ..
رامـا : لالا يوافق بس انتي قوليله ..
(( لميس كانت جالسه بالصاله عند خالد ومهند .. خالد يحب رامــا ماااااره مررره من يوم كان صغير وعمره 10 بداء يحبها بس ما اعترفلها ولا قالها ولا شي ))
لميس تكلم خالد ورامـا تسمع من الجوال : خالد الله يخليك ودني بيت رامـا ..
خالد : لا ..
لميس : لا تنسى انك صرقت اشيائي يلا عقاب لك ودني ..
خالد : لو تموتين ماافيه بعد ما طلعتيلي جروح بيدي اوديك تخسين ..
لميس وهي تكلم رامـا بالجوال : سمعتي يقول لا ..
رامـا : ok اعطيني انا اكلمه ..
لميس : خالد خذ ..
خالد : من اللي يبي يكلمني ؟؟ ..
لميس : انت خذ وتشوف ..
خالد وهو طفشان وماله نفس : هااتي .. الو
رامـا : هلااا خالد .. لو سمحت خالد خل لميس تجي بيتنا الله يوفقك والله اذا خليتها تجي بعطيك جائزه ماااره حلوه الله يوفقك هاااه وش قلت ..
خالد الي كان منصدم رامـا حبيبت قلبه هي اللي تكلمه وما رد ولا قال شي ..
رامــا : هيه هيه ياحضناا سمعت ان السكوت علامة الرضى يعني وافقت يلا انا استناكم بروح اغير ملابس بااااي ... وسكرت ..

لميس كانت خايفه من وجه اخوها شكله مااره منصدم وغريب وقالتله : خالد شفيك ؟؟..
خالد : هاه لالا ما فيني شي يلا روحي اللبسي عباتك بسررعه اذا تأخرتي ترا بروح 123 انطلقي ..
بعد 10 دقايق لميس جهزت ومرة على بيت لينه عشان تاخذها ووصولوا عند بيت رامــا..
(( لينـه تحب خــالــد اخـو لميـس .. بـس هو مادرا عنها من زمااان ومن يوم كانت صغيره ودايما المواقف الحلوه تجمع بينهم وهو يوم كان صغير وعدها انه راح يخطبها ويتزوجها ويجيبون الولاد ويعيشون مع بعض وما يتزاعلون ابد لينه ما نست هالوعد الي صار يوم كانت اعمارهم حاول 6 سنوات لاكن هو على طول نسى وما فكر في هذا الشي ..))
رامــا : ياهلا ويا مرحباا تو ما نور البيت..
لينــه : منور بوجودكم..
لميـس : ادري انه نور بس مو من لينه مني انا اول ما خطوت.. الخطوه الاولى نوووورة الدنيااا..
رامــا : يا شيخـه من قاال اصلن ما فيه احد ينور بيتي لا انتي ولا ..هي
لينــه : اجل ليش قلتي تو ما نور البيت ..
رامــا : مدري ابصير سنعه واحيي بالضيووف..
لميس : يلا وين مكان المطبخ..
رامــا وهي تأشر : هذاهو باب المطبخ .. بس ليــش !؟؟
لميـس : ابي اسكرريم ..
رامــا : خلص .. خلصته كله امس كنت سهرانه ع النت وخلصته ..
لينــه : ليـــه ! .. يااادوووبااا قهرر كنت افكر فيه كل امس ..
رامــا : لميس اتذكر اني عطتك اسكريمات كثييره ليش ما جبتيها ..معك
لميس : اسألي خالد .. الحمار كلاهم كلهم ..
لينه : عيييب لا تقولين حماار ..
رامـا ولميس : هاهاهاهاهاههاهاهاهاهاهااههاهاهاهااها ..
لينــه : ماايضحك ..
رامــا : والله اني كنت داريه انك تحبينه بس الحين خلاااص تأكدت ..
لميـس : رامــا .. توك تدريـن انا من زماااااااااان دااريه ..
لينــه : اووف انتم مملات ..
رامــا : الله اكبر عاد اللحين صرنا مملات .. اقوول لميــس انتي من تحبين والله ما نعلم احد ..
لميس : والله ودي يصير عندي قصت حب بس مع من ياحضي كل واحد اقبح من الثاني ..
رامــا : لالا واضح انك تحبين احد حتى لو ما نعرفه اهم شي اسمه واقولك انا من احب ..
لميس : ما يحتااج ادري من تحبين ..
لينه : اي وااضح..
رامــا : طيب يلا يا شطرات انا من احب ..
لميس : هو يبداء بحرف الـ " عــبــد " ..
لينــه : وينتهي بحرف الـ " عــزيـــز "..
راما وعصبت من اسلوبهم وقالت : اول شي من قالكم اني احب عبدالعزيز ثاني شي كلمة عبد هي مو حرف عشان تقولون يبداء بحرف وحتى عزيز كلمه وليسة حرف انتم ما تعرفون قواعد كله تغشوون مني بالاختبارات مني جالسه عندكم يا غشاشات ..
لميس : علينا علينا نسمع احلامك بالليل اذا نمتي عندنا كله عبدالعزيز وعبدالعزيز ..
لينـه : انا يوم اكتشفت انك تحبينه ما صدقت رحتله وسولفتله عندك ابخليه يحبك ..
رامــا : تبون الصدق ..
لينه + لميس : اصلن ندري وش الصدق بس يلا قولي ..
رامــا : صح عليكم احب عبد العزيز ..
لينه ولميس وهم ميتين من الضحك : هاهاهاهاهاهااهاهاهاهاهاهاهاهاهاهاههااهاهاههاها هاهاها
رامــا : استغفر الله العلي العضيم وش ذا التخلف ليه انتم منصرعات فيه شي يضحك بالله ..
لينه ما قدرت تتكلم من الضحك ولميس تحاول بس ما تقدر : هاهاهها انتـ...ي هاهاها ت..ضحـ هههههههههههههههههههه
رامــا شافت اشكالهم وهم يضحكون وضحكت عليهم وعلى اشكالهم : هههههههههههههه
.. وبعد ما خلصوا من الضحك وعيونهم تدمع قالت لميس : لينه ما تلاحضين شي غريب ..
لينه : الا ملاحظه في شي غريب ياربي وشو ..
رامــا وهي خاايفه قالت : يمممه وش فيكم ..
لميــس و لـــينه : وش دخلك تظحكين معانا ..
لينــه : اي ليه تضحكين معانا فيه احد صاحي يضحك على نفسه ..
رامــا : اوف ريحتوني احسب ان القاتو خرب ..
لميس : احلى تقولين قاتو احلى من متى ؟..
رامــا : انا اصلاً من زمان حضريه ..
لينه : انتي وياها وش دخل الحضر والبدوو .. نحن بالبيت ما نقول كيك نقول قاتوو ..
رامــا : يا شيخه سمعت اختك دانه ما تقول لا قاتوو ولا كيك تقول كعكانيه << هههههه كعكانيه ..
لينه : بس هي نحن ما نقول كعكانيه والله هي لحالها ..
لميس : الا على طاري دانه وش صارلها من زمان عنها ..
رامــا : لا لا الله يخليك قبل امس كنت عندهم بالبيت كنت لابسه ملابس ورديه وبيضاء وما سلمت من التعليق بس تقول مسوين دلوعات وش ذي الالوان .. وجلست تتكلم ..
لينه : ههههههه حتى انا دولابي حق الملابس اذا فتحتيه تلاقينه رصاصي واسود وهذي الالوان مدري شفيها تكره الدلوعات والبنوتات ..
لميس : انا اخر مره شفتها بعزيمة عمي كانت لابسه ايموو شعرها مخليته كدش ومغطيه عين وفاتحه عين وبلوزتها سوداااء بس عليها جمجمة هيكل عضمي وحزام فوشي ونعاال فوشييييه كان شكلها خطيرررر كلهم انهبلوا عليها ..
لينه : والله معجبات اختي بالمدرسه كثاااااار تخيلي فيه بنات بالمدرسه يجوني يقولون عطي اختك ذي الرساله يقهرررررررررررررون والله احس اني بصيح انا اللي ما جتني ولا معجبه وما صدقت جت وحده كانت بتعطيني رساله احسبها من المعجبات قالتلي عطيها اختك ..

رامـا : هههههههههههههههههههههههههههههه ..
لميس : ايه ايه اضحكي يا راما انتي معجباتك اكثر شي يمكن المدرسه كلها معجبه فيك ..
لينه : ايه صح مررره كثار معجباتك اكثر من حقات اختي .. اصلن دانه اختي ما صار عندها معجبين الا عشانها كول وكشخه ..
لميس : فيه وحده تعرفني لاني امشي معاك بالمدرسه قالتلي ياااحضك تمشين مع رامــا و تجي الثانيه وتقول اي والله يا حضك وسوو دويره علي وهم يقولون يا حضك وكثير منهم اعطوني ورود وقالوا اعطيها لراما وقوليلها اسمي مو تنسين واذا طلعت تشوفني اختي شورق جايه من الزحمه واقولها هذول معجباتي واتدلع ..
رامــا : اكره المعجبات .. والله امرررراض وبعدين اعجبتي بوحده منتي متزوجتها ولا صايره صديقتها ولامنها اي شي بس كذا تخلف ..
لينه : اي والله وانتي صادقه ..
الشغاله نسرين : ماما تعالي سوي سوف هدا مافي اشتغل << اعرف اقلد اصوات الشغالات ..
رامـا: وشو اللي ما يشتغل ..
الشغاله نسرين : مافي معلوم ايس اسم هوا..
رامـا : اقول بنات انا رايحه اولع الفرن ما تعرف تولعه ولا تعرف ..اسمه ..
البنات : ههههههههههههههههههههه..
$$$$$$$$$$$$$$$$$$$$$$$$$$$$$$$$$$$$$$$$$$$
خلونا ننتقل للعائله المرعبه عائلة " طلال "
عبيـــر بصوت عاال : مــــــا مــــا ..
ام عبير : وش تبين ..
عبير : ابي اروح ابو ريالين فيه عندهم مناكير فوشي يجنن..
ام عبير : سمعت ان السمرا ما ينفعلها المناكير ياكويحه << وش هل ام يا كويحه يعني يا تكرونيه ..
عبير : ما علي كل اللي بالمدرسه حاطينه حتى صديقتي قهررتني الحين يحسبونني فقيره ..
ام عبير : روحي عادي ما يهمني بس مني معطيتك ولا قرش ..
عبير : عادي اخذ من بابا..
ام عبير : طيب ليه جايه تستأذنين مني تعالي هنا وش هل شعرر مشطيه ..
عبير : حتى لو مشطته بيصير كذا الا الابد خشن ويجيب المرض .. ماما ابي كريم للشعر ..
ام عبير : روحي خوذيه بسرررعه لا تفشليني الحين يجون صديقاتي ..
عبير : طيب .. يمه ..
ام عبير وبدت تعصب من طلبات بنتها : خييييييييييييير ..
عبير : ابي عطرك الازرق بس اتعطر فيه وارجعه ..
ام عبير : خذيه بس اسكتي ازعجتيتني ..
عبير : طيب .. يمه ..
ام عبير : وصــــمه انشاء الله تعالي .. فصخت جزمتها تبي تضرب بنتها ..
عبير : لالالالالالالالالالالا ماماا خلاص ابروح ..
ام عبير : يلا انقلعي ..
(( عبير وريم بغرفه وحده )) ..
دخلت عبير غرفتها وكانت معصبه يوم شافت الغرفه وصخه وقالت لاختها ريم : قومي نضفي ..
ريم بكل هداوه : نو ..
عبير : خيييير لا تنسين ان اليوم عندنا ضيوف من الضيف عاد بنات عمك وتعرفينهم بيجلسووون الين بكرا وبنتهم كل معتاد بتنام عندنا تحسبنا ميتين عليها ..
ريم : طيب وش اسوي ..
عبير : قومي نضفي بيشوفون الغرفه ..
ريم : مو انا اللي وصخت الغرفه ..
عبير : بتنضفين ولا وش لون ..
ريم وبدت تعصب : هي هي تحسبيني خايفه منك اسمعي اذا ماما عصبت عليك وضربتك مو تجين تطلعين حرتك علي يالله انقلعي بعدين يا متخلفه انتي ما تبين بنت عمي تنام هينا صح .. طيب خليها تجي وتلقى الغرفه متوسخه ننضفها عشان خاطرها وهي اصغر مننا ..
عبير : اوف اوف وش ذا الطفش ..
ريم : انا بروح عند بابا قالي تعالي ..
عبير : ابي لابتوبك بس شوي على بال ما تجين ..
ريم : نو بالله عليك شوفي شوشتك بالمرايه وشوفي بشرتك وسوادك وعينك كنها عيون بريصي ثاقبه زيني نفسك الحين يجون على الاقل تنخطبين ونفتك منك << بريصي يعني وزغه..
عبير : كلي تبن مالك دخل فيني..
راحت ريم عند ابوها ..
ابو عبير : يابنت جيبيلي مويه ليش تأخرتي
ريم : الحين انت مناديني من اخر الدنيا جيت انا بحوستي وخليت شغلي وكسرت الدنيا وانا اركض ونزلت من الكرسي بسرررعه احسبه شي مهم اخر شي بس ماء .. ترا البيت مليان شغلات زز
ابو ريم : يلا يلا روحي جيبي ماء انا قاصد اتعبك ابخليك تتعبين وتنحفين صايرتلك كرشه هل ايام وخدودك ما فيه اكبر منها ..
ريم : احلف ! يوووووووه لالا انا اسوي حميه كل هل ايام اخر شي اسمن بدال ما انحف ..
ابو ريم : بسرعه حلقي نااشف ..
راحت ريم جابت الماء ..
(( يووومه وش ذي العائله ... ))
... الحين حنا اتعرفنا على عائلة رامـا .. وتعرفنا على عائلة لينـه .. واتعرفنا على عائلة لميس .. اتعرفنا على عائلة عبير .. خلونا نكمل وندخل على عائلة " فيصل "
كان ياسر جالس يضرب المخده ..
عمر : هي هي انت وش فيك ..
ياسر : معصب وقاعد اضرب ..
عمر : من وشو معصب ..
ياسر : تخيل فزت بكل المراحل بالسوني وفيه مرحله صعببببببه عجزت وانا احاول ويم حليتها خلاص الحين اخلص جاء واحد وطلق علي بارصاص ومتت الحين من اللي بيعيد الحلقه اووف ..
عمر يحاول ييقهره : هههههه مسكين .. ويسوي حركات بوجهه تقهر ..
ياسر قام على عمر يبي يضربه عاد تعرفون ياسر يحب الضرب
وكلهم يتضاربون ودخل عليهم علي اصغرهم واعقلهم ويفك بينهم هههههههه متعود ..
ياسر : وخر وخر خلني عليه..
عمر : خوفتني يلا تعال ..
علي : ااوص ماما وبابا بالصاله اذا دروا موب موديننا للملاهي اليوم
ياسر وعمر : الملاهي ! ليش حنا بنروح الملاهي ..
علي : ايه امس جلست اصيح صياااااح عند ماما وبابا ابيهم يوافقون والحمدلله وافقوا بس قالوا بشرط انا قلت وشو قالت قل لاخوانك اذا ما تضاربتوا بتروحون وتلعبون كل الالعاب ..
ياسر : الله وناااااسه ودي اللعب قطار الموت..
عمر : انا ودي اللعب الصحن الدوار ..
علي : انا بختثار ودي اللعب كل الالعاب ..
وسكتوا شوي بس ما قدروا يستحملون ودهم يتضاربون وقال ياسر : اسمعوا نبي نتضارب بس بدون صوت محد داري نقفل الباب ونسكر الدرايش ونتضارب ..
(( ترا علي ما قنع ابوه وامه انهم يودونه الملاهي ولا هم رايحين للملاهي بس علي فكر بحيله يقدر يخلي ياسر وعمر ما يتضاربون فيها ))
قال عمر : يلا يلا انا ما عندي مانع بس بدون صوت ..
علي : لالالا انا بعلم ..
ياسر : ما تقدر تعلم لان اذا علمت مت رايح الملاهي ولانك اذا علمت بنذبحك ..
علي عصب منهم وقال: بكيفكم تضاربوا انا بطلع اقول لماما هم قاعدين يتضاربون واصلن انا ما احب الملاهي لانها حقت اطفال واذا فيه اللعاب كبار فأنها بتكون للي اكبر مني يعني انت ويااه
ياسر : اقول عمر انت كم عمرك ؟؟ ؟؟
عمر : 10 ..
ياسر : اقووول لا تكبر نفسك انت عمرك 9 ..
عمر : يعني تدري اجل ليه تسأل..
ياسر : ابتأكذ ..
عمر : طيب انت كم عمرك ؟؟
ياسر : 15..
عمر : كذااااب لا تكبر نفسك عمرك 14 ... وادري انك بتقول طيب اذا كنت تدري ليه تسأل تراي سألتك ابي اتأكد ..
ياسر : سخييييييييييييييييييييف ... وانت علي كم عمرك ..
علي : 6 سنوات ..
ياسر : اشوا ما كبرت نفسك ..
علي : تحثبني ثخيف مثلك انت وخوك ..
ياسر وعمر ضربوا علي ضرب وكلهم صاروا يتضاربون ..
دخل عليهم ابوهم وعصب عليهم وقال عقابكم ما فيه طلعه من الغرفه يووم كاامل حتى جهازك يا ياسر باخذه حتى السوني هاتوه ..
ودخلت عليهم امهم وقالت تستاهلوووووون..
@@@@@@@@@@@@@@@@@@@@@@@@@@@@@@@@@@@@@@@@

والحين تعرفنا على كل اللي بالقصه لاكن بقي احد ما تعرفنا عليه هو نواف اخو خالد هو بأمريكا يكمل دراسته هناااك وبيرجع بعد كم سنه ..

الجزء الثاني ..
في بيت رامــا ..
لميس : ما تلاحضون اننا طولنا جلسنا 9 ساعات ..
لينه : اي والله وانتي صداقه ..
لميس : يوووه يلا يلا حنا ماشين..
رامــا : لا وين اقعدوا والله طفش اذا رحتوا خلوكم هيناا..
لميس : ودنا بس نستحي من امك وعمي ..
لينه : اي والله نستحي من خالتي وابوك..
رامـا : لميس يابنت عمي لينه يابنت خالي كلكم تقربونلي وزي اخواتي خلوكم قاعدين عادي اصلن ماما وبابا بيطلعون مشوار مع بعظ خلوكم ..
لميس : اممم طيب خليني ادق على خالد اقوله..
لينه : انا بدق على السواق اسمحولي والله تأخرت وبعدين انا عندي مشاريع مهمه لازم اخلصها بوكرا بالمدرسه اذا الابله ما شافتها ياويلي ..
راما ولميس وهم يشوفون بعظ وقالوا: يووووووه نسينا المشروع حق العلوم بكرا تفتيش ياويلنا ..
رامــا : بسررعه اطلعوا براا ما حليت شي ولا فتحت الشنطه مدري وش علينا ..
لميس ولينه : هههههههههههههههههههه اه بس ياناكرة الجميل
لينه : لا وابشرك بكرا علينا اختبار انجليزي ..
لميس وهي تصارخ : يووووووه بسرررعه بدق على خالد يجي
رواحوا لينه ولميس لبيوتهم وكانت الساعه 12 بالليل ..
انطلقة رامـــا لغرفتها تذااااكر وتذااااكر وتذاااكر وتذاااكر وتذاااكر << علق الجهاز على كلمت وتذاااكر ..
وخلصت من المذاكره الساعه 6 الفجر يوم جت تبي تنام الا دق جوالها ..
المتصل : الــو ..
رامــا : الو .. من معاي ..
المتصل : هلا راما كيفك ..؟
رامـا : الحمدلله بس من معاي ..؟
المتصل : انا "عــبـــد الـــعـــزيــــز"
رامـا مو مصدقه ومو مستوعبه وشلون عبدالعزيز حبيبها يدق على جوالها وبهل وقت وقال وهي ترتجف وصوتها متقطع : هـ ـ ـ لاا عـ ـ ـ بـــ ـ ــد الـ ـ ـ ـعـ ـ ـ ـزيـــ ـ ـ ـز
عبدالعزيز : اسف لاني دقيت بالهلوقت بس لينه قالتلي دق على رامــا خلها تقوم من النوم لاني قلتلها ابدق عليك الين ما تقومين وهي نامت وانا ما ودي اخليك تتركين اختبراتك ودراستك
رامــا : اهاا طيب شكراً ..
عبدالعزيز : لا عادي .. اممممم..
رامــا : فيه شي تبي تقوله ..
عبدالعزيز : هاه ايه بس .. لينه محد يقدر يوصلها المدرسه لان سيارتي مع صديقي وسواقنا مسافر ..
رامــا : ok عادي انا امر على بيتها وتجي تركب معي ..
عبدالعزيز : مشكووره وما قصرتي ..
رامــا : ههههه لا عادي انا ما سويت شي ..
عبدالعزيز : مشكوره ويلا فمان الله..
رامــا : فمان الكريم ...
ويوم سكر عبدالعزيز الجوال راما ابتسمت وتذكرت ايام زماان يوم كان عمرها 9 سنوات وعبدالعزيز عمره 12 كان يصحيها من النوم عشان تروح المدرسه وكانت من اوول تحبه .. وهي قاعده تفكر جاها نووم لانها ما نامت ابد وكل الليل ..
ام رامــا : رامــا يلا اصحي من النوم يلا مدرسه ..
رامــا : ماما بس 5 دقايق الله يخليك ..
ام رامــا : ولا ثانيه وحده يلا قدامي ..
رامــا : اااااااااااه ماما بس شوفي مافيه رحمه ما نمت كل الليل ..
ام رامــا : ايه ايه جالسه ع النت والخربيط هذي وترقصين وتناقزين ولا فكرتي براستك انتي ولينه ولميس ..
رامــا : وش فايدة هل كلام خلااص اللي فات مات ابي اناااااام ..
ام رامــا : قالت تبين اسوي الطريقه اللي كنت اسويها لك اول ..
رامــا : عادي سوي اللي تبينه ما يهمني ابي اناااااااام ..
ام راما رحت وجابت مويه باااارده وقالتلها : هاه اسوي اللي ابيه عادي ..
رامــا : لالا لالا ماما والله والله بقوم خلااص هاه صحيت وصرت نشيطه بروح اخذ شااور والبس وازين شعري وافطر وانزل ..
ام رامــا : ايه كذا خليك قويه وتطيعين كلام امك ..
رامــا : ماما ممكن سؤال ..
ام رامــا : هاااه وش بغيتي..
رامــا : وش دخل القوه بالموضوع ..
ام رامـا : هاهاها مدري بس كذا قلتها ..
رامــا : ههههههههههههههههه ..
(( راحت رامــا وخذت شااور سريع ونشفت شعرها ومشطته .. شعرها نااااعم وقصدته خطيييره راحت لبسة مريول المدرسه والشرابات والجزمـه وكانت مطقمه بالون الفوشي وهو احلى لون يجي عليها رفعت شعرها وربطته ربطة ذيل الحصان والربطه فووشيه ولابسة سلسال فوشي وحلق فوشي وجزمتها فوشيه وصااير شكلهاا جنااان يهبل مع عيونها العسليه وشفايفها الورديه وبياضها ولون شعرها تهبببببببببببببل كل من شافها ذكر الله ودايم يجونها بنات ويقولنلها وين بيكم لانهم يبغون يروحونله ويخطبونها ودائماً كلمتها العروفه مخطووبه عشان يسكتوون .. كل ما لبسة لون تصير احلى واحلى يعني بختصاار مافيه احلى منها بالدنيا كلها ))

يوم خلصت ونزلت تفطر مع امها وابوها ..
رامـا : بابا ابروح مع السواق ..
ابو راما : لالا مايصير تركبين مع السواق لحالكم ..
رامـا : لالا مو الحالنا .. لينه بتجي بعد لان محد يقدر يوصلها وقالتلي اذا مافيه مانع وصليني انتي وانا مابي احرجها ..
ابو رامــا : طيب انا اوصلكم وش فيها ..
رامــا : لالا بيتها بعيد وما ودي اعطلك عن شغلك ..
ابو رامـا : خلاص اللي تشوفينه ..
ام رامــا : اليوم العصر ابي اروح للسوق ..
ابو رامــا : ليه !..
ام رامــا : والله امس شفت غرفة رامــا كل الملابس طاايحه ع الارض وملابسها مرره قليله وكلها معيوده ولا تنسا اننا بنروح للشرقيه بعد اسبوعين وما يصير تلبس عند خوالها شي معيود..
رامــا : والله يا ماما حرام عليك انا ملابس قليله كل الدولاب مليان وشريت دولاب ثاني وصار مليان وحطيت بدروج الغرفه ولا زال ملياان بعذري بعد احط بالارض لان ما فيه مكان ..
ام رامــا : بس بس يابنت اليوم لا تقفلين غرفتك لاني بدخلها وباخذ ملابس نتصدق فيها واشتريلك غيرها ..
ابو رامــا : اي والله من زمان ما تصدقنا ..
رامــا : طيب ماما سمعتك قبل شوي تقولين شرقيه ما شرقيه وش السالفه ..
ام رامــا : ايه بنسافر بعد اسبوعين للشرقيه بوقت الاجازه حقت مدرستكم ..
رامــا : يوووه ما احب اروح هنااك خلني جالسه بالرياض هينا اريحلي ..
ابو رامــا : خلاص بكيفك اجلس هينا بس ترا لينه ودانه وعبدالعزيز وياسر وعمر وعلي كللهم بيجون بتجلسين هينا لحالك ..
رامــا : اهاا احسب بس حنا اللي نروج ok انا بروح ..
ابو رامـا : يلا يلا رامـا مشينا ..
رامــا : بابا نسيت ابروح مع السواق ..
ابو رامــا : ايه صح يلا بسرعه اركبي تأخرتي ..
.. ركبت راما السياره وقالت للسواق ودني لبيت لينه بسرررعه ووداها السواق وركبت لينه وقالتلها يوديهم المدرسه ..
راما ولينه يسولفون وهم قاعدين بالسياره ..
لينه : تدرين اني كنت قايمه يوم دق عليك عبدالعزيز بس قلت ابخلي نفسي نايمه عشان يدق وتسمعين صوته ..
رامـا : بس يا وصخه وش قلت الادب ذي ..
لينه : هذا جزاي خليتك فرحااانه ..
رامـا : خلاص كلي تبن ..
لينه : احسن احسن مني مخليته يكلمك مره ثانيه ولاني مسولفتله عنك ولاني قايله شي يخصك وبخليه يكرهك ..
رامــا : هاه لالا سوي مثل كذا كل يوم بس اسمعي لازم تقولين لي عشان اتجهز مو تسوين لي كذا من دون ما ادري ..
لينه : لالا حبيبتي انا حررره ..
رامــا : يوووه خلاص سوي اللي تبينه ..
(( مدرسة بصف ثالث ثنوي وللي يشوفها يقول توها بالبتدائي من شكلها مرره بنوته ودلوعه ونااعمه .. مدرستهم الثنويه الثلاثون وبجمبهم مدرسه للمتوسط اسمها التسعه والعشرون وبجمبهم الابتدائي الواحد والثلاثون وكل المدارس لاصقه عن بعض ))
استغربت رامــا وليــنه ان السواق وقفهم عند مدرسة الابتدائي وقالت : لالا محمد مافي هينا مدرسة انا ..
السواق محمد : فين اجل ..
رامــا : امشي قدام شوي ..
السواق محمد : وقفهم عند المتوسط ..
رامــا : لالا الثنويه مدرسة الثلاثون ..
السواق محمد استغرب هي بالثنوي ؟؟ وقال : طويب مداام
ووقف رنزلوا البنات ..
والحمدلله اختربروا الانجليزي وهم داخلين علمي واعطوا استاذة الكيمياء المشروع المطلووب ونجحوا كلهم حصلوا على علامات ممتاازه ..
###################################
شكلنا نسينا شروق ما ادراك ما شروق ... نذله وخسيسه وحقيره عندها خطه جهنميه يوم درت ان عبدالعزيز بيسافر للشرقيه مع اهله واهل راما قالت ابروح معاهم وبقنع بابا وابوها دايم يوافق وامها نفس الشي << تقهررر وش تبي ملقووفه هذول عيال وبنات خال وخاله مدري وش لقفها تجي صح تكرهونها ... يارب بس انها ما تسوي شي يخرب علاقة عبدالعزيز براما آميـــــــن .. قولوا آمييييييييييين ..
خلونا ننتقل لعبير وعائلتها المرعبه ههههههههه ..
عبير بصراااخ : طـــــــــــــــــــفـــــــــــــــــــــــــش ..
ريم بصرااخ مثلها : مـــــــــــــــــــرررره..
ابو عبير : مــــــــررره..
ام عبير : انا طالعه بروح لاهلي بجلس عندهم اليوم كله وراجعتلكم ..
عبير ابتسمت وهي تحمد الله وقالت : صدق مااماا بتورحين طيب وش رايك اذا رحتي ما تقفلين غرفة الحريم..
ريم : ايه ايه ماما الله يخليك لا تقفلينها ..
ابو عبير : اي والله لا تقفلينها خليهم يستانسون فيها ..
ام عبير : الحمدلله انكم قلتولي نسيت اقفلها ادري انكم تبوني افتحها عشان تخلصون حلاو جواهر اللي شريته لعمانكم بس الحمد الله انكم ذكرتوني ..
ريم وهي معصبه من عبير تقول : عبيييير كله منك ليش تكلمتي لو انك ما تكلمتي كان نست تقفل الغرفه ..
عبير : وانتي شكلك نسيتي انك تكلمتي معاي ..
ريم : انا اصلن ما كنت متذكره بس انتي ذكرتيني ..
عبير : طيب انتي قلتيها ما كنت متذكره يعني فتحتها ولا ما فتحتها انتي بتنسين منتي مهتمه ..
ريم : هي هي خييييير تحسبيني غبيه مثلك يا عنز انا كنت داريه ان ماما بتفتح غرفة الحريم وبتنسى انها تسكرها بس يوم قلتي قلت بدون ما ادري بس كلمت ايه الله يخليك ..
عبير : لا احسن عطيني كف ..
ريم : ترا عادي اقدر اذبحك مو بس اعطيك كف ..
عبير : يلا جربي يلا هاه ..
وبدائوا بصراااخ هل عائله اللي ما تضحك ابد ..
وقالت امهم: بـــــــس خذوا المفتاح لا بارك الله فيكم ولا بالساعه اللي دخلت فيها هل بيت ..
ابو عبير : هاه ما سمعت لالا وش قلتي ..
ام عبير : لا انت الثاني تعال اضربني ..
ابو عبير: ههههههههههههههههههههههههههههه..
ام عبير : وش هل بيت المتخلف بنتين يتضاربون ويصارخون والابو بدال ما يفكهم يضحك وش هل عيشه هذي بطلع انا الحين قبل ما اصير مثلكم .. وطلعت..
(( يووووووووووه عائلتهم ما تبتسم ابد ))
&&&&&&&&&&&&&&&&&&&&&&&&&&&&&&&&&&&&
من زماان عن عبدالعزيز
كان جالس عبدالعزيز عند التلفزيون ولقاه بايخ مافيه مسلسلات ولا شي شاف توم وجيري وقال خلني اشوفها وش وراي ..
دخلت عليه دانه وهي تشوف وش كبره يتفرج ع توم وجيري ..
دانــه : وش تسوي ..
عبدالعزيز : اتفرج تلفزيون ..
دانه : ادري بس غير انا متابعه مسلسل تركي ..
عبدالعزيز : مابي اغير ..
دانه : مو على كيفك ..
عبدالعزيز : لو كنتي تبين المسلسل وتبين تشوفينه بشررط .. والشرط انك تقومين تجيبين لي مويه ..
دانه : طيب ..
عبدالعزيز : بسررررررررررررعه ..
دانه وهي قاعده تنادي الشغاله : سيتي ؟؟ سيتي ..
الشغاله سيتي : نعم ماما ..
دانه : انا كم مره اقولك لا تقولين ماما ..
الشغاله سيتي : نعم امي ..
دانه : لا تقولين لا ماما ولا امي انا اصغر منك ..
الشغاله سيتي : نعم مدام ..
دانه : لا حول ولا قوة الا بالله خلاص ناديني بس دانــــه مايحتاج كل هذا ..
الشغاله سيتي : نعم ماما ..
دانه وخلاص عصبة : يعني ما فيه امل .. روحي جيبي مويه ..
الشغاله سيتي : ماما انتي ابغا مويه برد ولا نوص ونص ..
دانه وهي تسأل عبدالعزيز : وش تبي مويه بارده ولا حاره ..
عبدالعزيز : ومن قال اني ابي من سيتي قومي انتي جيبي ..
دانه : يووووه ..
عبدالعزيز : خلاص خلاص لا تجيبين شوفي المسلسل انا اصلن رايح المطبخ ابسويلي قهوه ..
.. Coffee دانه : طيب قول لسيتي تسويك

عبدالعزيز : لالا انا ما احب الا قهوتي ..
دانه شافت مسلسل .. ميرنا وخليل .. اللي تموت فيه << وانا بعد امووت فيه ..
###################################
نسينا لميس وشروق ..
لميس : شووشوو..
شروق : وش تبين ..
لميس : سلاامتك حبيبتي ..
شروق : غريبه شوشو على سلامتك وحبيبتي .. خير وش تبين ..
لميس : ما ابي الا سلامتك بس ابي شي وااحد يا احلى واغلاا ..شوشو بالدنيا..
شروق : من الحين اقول لا..
لميس : طيب انتي تدرين وشو ..؟
شروق : لا يا حضي ما ادري واذا كنت ادري مابي اعطيك ..
لميس : طيب حتى لو كان شي بااايخ..
شروق : خلااااص يامزعجه وش تبين خيييييييييير..
لميس : ابي البلوزه الفوشيه اللي مرسوم عليها هيكل عضمي بالاسوود وعليها جماجم ..
شروق : تدرين هذيك البلوزه بكم ..
لميس : لا والله مدري بكم ..؟
شروق : كم تتوقعين ..؟
لميس : امممم 100 ريال تقريبا ..
شروق : لا ..
لميس : وش دخلني الحين بكم سعرها بس ابيها ما ابي ادري سعرها كم ااوف..
شورق : انتي للحين تفكرين فيها خلاااص افقدي الامل ما فيه مستحيل لو تموتين صديقاتي وهم صديقاتي واغلا وحده فيهم ما عطيتها عشان اعطيك انت يلا اقلبي وجهك بسرررعه ..
لميس : طيب طيب اوريك والله ابوريك اذا طلبتي شي لو تموتين ما اعطيك ..
شروق : اصلاً وش اطلب منك انتي كل اللي عندك عندي واذا صار فيه شي عندك ومو عندي يصير خااايس يعني ما فيه شي اطلبه منك ولاني مفكره ..
لميس : اهاا طيب صح كل اللي عندي اشياء خايسه .. ماراح اعطيك دفتر التحضير اللي شكله يجنن واذا رحنا بعد بكرا الملاهي مني معطيتك ولا قررش وبتجلسين منتي لاعبه ولاني جايبتلك عشاك ولاني معطيتك المقلميه البرتقاليه ولاني مخليتك تجلسين على لبتوبي لان لبتوبك خرباان وما يشتغل ولينه بنت خالة رامــا بتجيب اشياء تجنن يعني شبصاات ومنكير ومن هل اشياء وماراح اعطيك شي وبعاملك بأسلوب خااايس عشان تجيني وتعتذرين مني وتعطيني البلوزه على طبق من ورد وذهب ..
شروق : الله الله كل هذا عشاان بس بلوزه .. خلاص روحي خذيها بس ترجعينها ..
لميس : انا اصلاً اذا بغيت شي يجيني تفهمين ولا افهمك ..
شروق : والله مو عشانك عشان الاشياء اللي تهبل ما تروح عني ..
لميس : خلااااااص اوف انتي ازعجتيني ابروح اخذ البلوزه اصلاً البلوزه مو لايقه عليك انا جسمي مرره حلو وبصير عارضة ازياء انتي عندك كرررشه هذا كبرها ..
(( وراحت لميس لبسة البلوزه الفوشيه ولبسة بنطلون ماسك لونه اسود لبسة باروكه ايموو وجزمه فووشيه خطيرررررره وما شاء الله عليها جسمها مااره حلو .. اتفقوا رامــا ولميس ولينه يروحون للملاهي لانه يوم نسائي ويلبسون ملابس ايموو وكول شرحت لكم شكل لميس وملابسها خلوني اللحين اشرحلكم شكل لينه .. لبسة باروكه مثل لميس وبلوزه مخططه ببنفسجي واسود وبنطلون برموده اسود وجزمه بنفجيه والشرابات واحد اسود والثاني بنفسجي ولبسة طوق على شعرها مخليها تجنن ومسوين كلهم شكل ايموو .. والحين شكل رااماا اللي كل الموجودين بالملاهي انجنوا على شكلهاا وكل وحده تجي عندها وتسلم عليها والكل يشوف شكلهاا ما شاء الله جمالها جمال مو طبيعي كانت لابسه اسود ورصاصي وفوشي البلوزه سووودااء وتعرفون الهيكل العضمي اللي اغلب الناس يسمونه جمجمه مع العضمتين اللي جايه معه المهم بلوزتها سودااء ومرسوم عليها هيكل عضمي بالفوشي والرصاصي وما لبسة بنطلون لبست تنووره شكلها غريب قصييره الين فخذها ولبسة استرش اسود لون التنوره اسود ورصاصي وفيها فوشي شوي وجزمتها خطيييييييييييييييره لونها فوشي وشرابها واحد رصاصي وواحد اسود وشعرها مثلهم لابسه باروكه فووشيه غريب شكلها مررره يجنن ... وشروق المتخلفه اللي كلكم تكرهونها لبسة بنطلون جنز برموده وبلوزه ورديه وفاكه شعرها ولابسه طول وجزمتها ورديه مع ابيض وشرابتها بيضاء يعني شكلها عادي << قاهرتني تقههههرررر اااه ودي اقتلها .....
بالملاهي ..
رامــا : الله نفسي اكل فشاار ..
لميس : يا سلاام خلونا ناكل ..
لينه : انا ما ابي ..
لميس : ليش !....؟؟؟
لينه : كله زييت ويسمن وما يعجبني طعمه ومايشبع ..
رامــا : كرهتيني فيه اخر مرره اكل ههههههههههههههه ..
لميس ولينه : هههههههههههههههههههههه ..
لينه : خلونا نلعب بقطار الموت ..
راما ولميس : يلا وناااسه << ياحضهم ودي ارووح ..
وبعد ما خلصوا من اللعبه لعبوا الصحن اللي يدور ومرعب وبعدين لعبوا الصحن الدوار وبعدين الشوايه ورجعوا لعبوا قطار الموت وتزلجوا ع الثلج ولعبوا السفينه وشافوا سينما مرررعب ودخلوا عالم الاسماك وعالم الطبيعه وعالم الرعب ولعبوا بالنطيطه ودخلوا بصورون ولعبوا تصادم السيرات وكرروا بعظ من الالعاب واشتروا اشياء كثييره وجلسوا الا الفجر الساعه 6 وكان يوم الخميس يعني اجازه ..
ام رامــا : رااماا يلا يلا مشينا بنروح البيت طولنا من الساعه 6 المغرب الا الساعه 6 الفجر جالسين يلا قوموا ..
ام لينه وام لميس : يلا يلا قوموا يا بنات تأخرنا ..
وراحوا البيت بس كان ببال شروق فكره جهنميه قالت ابي احاول اتقرب من لينه بنت خالة رامــا عشان اخوها عبدالعزيز ودايم ابزور بيتها مع لميس عشان اذا جاء من بكرا يشوفني قاعده ويستانس << وااثقه انه بيستانس من زينها عاد .... شروق بتحاول تخرب العلاقه بين لينه وراما بتخليهم يكرهون بعظ مررره بس يا ترا هل بتنجح خطتها وكانت مفكره بخطط كثييييييره وكل خطه اقوا من الثانيه هل بتنجح خططها ؟ << قولوا لا وانشاء الله يصير لا ..

شروق كانت صاحيه الساعه 9 الصبح ما نامت من رجعت للملاهي وما قلنا لكم وش سوت بالملاهي ... شروق ما تدري وش تسوي بالملاهي لانها ماتبي تلعب مع راما ولينه ولميس وقالت خلني اللعب لحالي وحست بالطفش وقالت مررره طفش مدري وش اسوي لازم احد يلعب معي بس وشلون ما لقت حل ابد راحت قعدت تسولف مع الكباار يعني ام راما وامها وام لينه .. ام لينه دقة ع عبدالعزيز عشان يجي ياخذهم من الملاهي وراحوا الكبار يتمشون وخلوا جوالتهم وشناطهم وكل شي راحت شروق اخذت جوال ام لينه ولقت اخر مكالمه رقم عبدالعزيز سجلته بجوالها ورجعوا البيتهم وجلست تفكر ادق عليه ولالا ..

شروق وهي تكلم نفسها لازم ادق عليه اليوم الجمعه وبدق عليه الساعه 11 اقوله قم صل صلاة الجمعه وبقوله كل يوم جمعه بقومك ..
جت الساعه 11 ودقت شروق ع جوال عبدالعزيز << وقااحه وملقوفه وش دخلها مالها دخل ..
شروق تنعم صوتها : هلاااا عبد العزيز ..
عبدالعزيز استغرب من صوته ومن هذي اللي داقه علي بهل وقت وقال : اهلين من معااي ..
شروق بكل جرائه : معقووله عزيز ما عرفتني ..
عبدالعزيز : لا ماعرفتك من معااي..
شروق : عزوز من تتوقع انا مين ؟
عبدالعزيز وبداء يعصب : بسرررعه من معااي ..
شروق : يووه انا شروق العسل << من وين عسل الا بصل الله ..ياخذها
عبدالعزيز : مين شروق .. لايكون هذي حركات قلة ادب بسرررررعه من اللي عطاك الرقم ومن انتي ..
شروق عصبة من اسلوبه وقالت : يعني معقوله ما تعرفني شفت اختك لينه انا اكون اغلاا صديقاتها اخذت منها رقمك بس انا ما كنت ابه هي اللي اعطتني عشان اصحيك لصلاة الجمعه ..
عبدالعزيز : اهاا اسف معليش بس اسلوبك هو اللي... وما كمل ..
شروق : اسلوبي الي ايش ؟؟..
عبدالعزيز : ولا شي خلاص مع السلامه ..... طوط طوط طوط وسكر الخط..

اول ما سكر عبدالعزيز راح بسرررره عند لينه يبي يقولها ليش تعطين شروق رقمي ..
وكانت رامــا ببيت لينه داخل غرفة لينه وتحسب ان عبدالعزيز راح لصلات الجمعه ما تدري انه يتأخــر وحتى لينه تحسب ان عبدالعزيز بالمسجد ..
رامــا كانت لابسه بنطلون برموده جنز سماوي وبلوزه بيضاء مرسم عليها سبونج بووب بالاصفر وجزمه بيضاء وشربات صفر وفاكه شعرها وفيه شباصات بيض وصفر وصايرره نااااعمه وبنوته وتجنن .....
راما ولينه يسولفون وفجئه دخل عليهم عبدالعزيز وكان معصب وبعدين انصدم يوم شاف راما وفته عيونه بقوه وما قدر يطلع من الصدمه يوم شااف جمالها وشكلها وراما اللي كانت خايفه وتدور على جلال او اي شي تتغطى فيه وهو مبتسم ومنصدم مدري وشلون اخلاه يفيق هو صوت لينه وهي تصارخ وتقول يا وصخ اطلع براا اطلع بسرعه ووقف عند البااب ورامــا كان ودها تصيح
رامــا وعيونها فيها زعل وكنها بتصيح : يوووووه
لينه : مادرا عادي لاتزعلين وبعدين ليش تزعلين عادي هو ما شافك كان منزل عينه
رامـا : لا والله شافني وما نزل عينه ابد ابد ابد
لينه : هههههههههههههه شكله والله يموت ضحك مستانس على منصدم
رامـا وباين انها تبي تصيح
لينه : شفيك انتي ! .. ترا الموضوع ما يسوا
رامــا : ياليتني حاطه روج ومكحله عيوني ولابسه ملابس كشخه ومزينه شكلي
لينه : ليــش !!
رامــا : الحين شافني وانا بهل حال وشكلي يجيب المرض وش بيقول الحين يقول يووه ماتوقعتها كذا احسبها حلووه قهررررررر
لينه : هي هي انتي انا احسب انك تصيحين من الحياء انه شاف وجهك وما ودك ولد يشوف وجهك اخر شي تصيحين عشان شكلك واااع
رامــا : احلفي
لينه : على ايش
رامــا : على ان شكلي واااع
لينه : تدرين ان شكلك كذا يهبــل الي ماينهبل
رامــا : جامليني بس جامليني
لينه : كلي تبن يعني ليش اكذب !
رامــا : احلفي
لينه : والله شكلك حلوو
عبدالعزيز الي كان واقف عند الباب ويسمع سواليفهم وقال بقلبه آآآآآه يـاقلبي بتجنني هذي البنت هبلتني خلتني مهبووول خلااص انا بنتحر ما اقدر اتحمل كل هل جمال والدلع والانوثه والنعومه وتقول شكلي وااع لا لا مو مصدق تهبببببل خلاص هبلتني
شافته من بعيد دانه وقالت : ياوصخ قاعد تتسمع على اصوات البنات وتشوف سواليفهم
عبداالعزيز : اااوووص
دانه : لا صدق شفيك واقف هينا اعرفك ما تسوي هل حركات
عبدالعزيز : آآآآه ياقلبي
دانه : هيييييييه انا قاعده اكلمك ولا اكلم نفسي
عبدالعزيز : واي واي بروح انتحر الحين
((قلنالكم اول دانه عصبيه ))
دانه شاتت عبدالعزيز وقالت : يا متخلف انا اكلم نفسي
جاء عبدالعزيز وقال : وش تبين انتي رافعه ضغطي بكل مكان
دانه : اعوذ بالله من غظب الله رح صل صلاة الجمعه مع الجماعه واسمع الخطبه مو تسمع سوالف البنات وتبي تدخل عليهم بعد لالا وين صرنا بكندا
عبدالعزيز : بس بس احترمي اللي اكبر منك ..
دانه : ياليل كم مره اقول مني محترمه اللي اكبر مني الا بس ماما وبابا
عبدالعزيز : اول شي حنا مو بالليل 2 شي المفروض ما تفتخرين انك ما تحترمين اللي اكبر منك 3 شي خير ان شاء الله ليش ضربتيني 4 شي من قالك اصلن انك تحترمين امي وابوي انتي ما تحترمينهم
وراح .....
خلونا الحين نروح للثلاثي المرح .. ياسر وعمر وعلي
يــاسر وهو يغني اغنية تامر حسني : اسكتي مش الحياه من غيرك طلعت احلى وانا كنت فكرها فبعدك حتكون صعبه وموش سهله ...
عمر وهو يتطنز عليه : هاهاها صوتك يجنن ليش ما تغني وتشتهر
ياسر : هييييييه انت تجاملني ولا جاد
عمر : لالا طبعاً جاااد يهبل مررره صوتك كنه صوت ..
ياسر : شفيك سكتت كنه صوت من
عمر وهو ميت من الضحك : كنه صوت تكرونيه على هنديه كله صرااااخ يوجع الاذن
يااسر : يا كلللللللللللب .. بعدين محد طلب رأيك .. واذا يزعجك صوتي فهو عاجبني وبغني عناااد وهو يغني اغنية جوزيف : خليكي الله يخليكي عمري الجاي بشوفه فيك بدي انتي تربي اولادي وتكوني ....
قطع اغنيتها ((علي)) وهو يقول: هي انطم صوتك يوجع الاذان
ياسر : مابقى الا البزوره يتكلمون يلا يلا اقلب وجهك يلا
علي : اصغر عيالك انا
ياسر وهو يستهبل : تخسي تصير اصغر عيالي انت شبشب عيالي
علي : بطل قلة ادب ولا تاخذ كلام من الناس فكر بعقلك احسنلك وجب كلمات انت اللي تخترعها مو تاخذ من غيرك .. او اسف نسيت ان ما عندك عقل .. انا بطلع ماما قالتلي اجيب من البقاله اشياء مع صديقي هو تحت عند الباب اذا ماما او باابا قالوا وين علي قولوا راح مع صديقه وبيجي المغرب الساعه 6 او 7 مفهووووم ..... (( وطلع من البيت ))
ياسر : علي هذا صاير له شخصيه ويرد ع الكلمه الوحده 20 مرره
عمر : لازم نأدبه
ياسر : خلنا نسوي خطه
عمر : يلاا
^^^^^^^^^^^^^^^^^^^^^^^^^^^^^^^^

ويـن الردوود ؟؟؟؟

والله الروايه باقي بارتاتها حمااااسيه مرره حلووه

الردووود ؟؟؟