عبدالعزيز : اوووش زياد نايم ..

لميس : الله ياخذكم انطموا ..

ندى : اوووهوووه بدينا ..

لميس : لا من جد انطموا ..

البنات : طيب ..

(( وجلسوا طول الوقت ساكتين وخايفين انهم اذا تكلموا تذبحهم لميس ههههه .. مرت ساعه وهم ساكتين .. سحر وديمـا ولينه ناموا .. ودانه تسمع اغاني بسماعة جوالها .. وراما وندى يسولفون مع بعض برسائل الجوال .. اما لميس كانت حارسه اي احد يتكلم تذبحه .. وعبدالعزيز دايخ وفيه النووم من الهدوء ويسوق وحالته حاله .. فجأه صحى زياد .. ))

..زياد وهو يتثاوب : ااااااااااااه كم الساعه

..لميس : صباح الخير زياد .. الساعه 9 الصبح

..زياد : صباح النور .. انتي ما نمتي؟

..لميس : ايه مانمت

..زياد وهو يتألم : آآآآآآآه يا رقبتي

..لميس بخوف : وش فيك زياد عسى ما شر

.. زياد حاول ما يخوف لميس : لا ما فيه شيء انا ما انتبهت نمت على رقبتي

..عبد العزيز : اكيد توجعه رقبته نايم عليها ساعتين2

..لميس : لا زياد اكيد مافيه شيء ان شاء الله

.. زياد فرح : وانتي صادقه يالميس رقبتي ما توجع

..عبد العزيز : خلونا نغير الموضوع ونقول شيء ثاني

لميس : مثل ايش ..؟

..عبد العزيز : وانا وش عرفني


..فجأة قامت سحر وقالت : ليش ما نلعب انسان حيوان

عبد العزيز ولميس وزياد مع بعض : اعوذ بالله من الشيطان الرجيم بسم الله الرحمن الرحيم..

..لميس : وش قومك بسم الله

..عبد العزيز : انتي تسمعيننا طول الوقت ؟

..زياد : شكلك قايمه طول الوقت

سحر بأستغراب : وش فيه ليش وش كنتم تسوون تراني كنت احلم وش صاير ؟ ليش
خايفين؟

لميس : لا بس كنا نبي نلعب لعبه وانتي قلتي لنا وش نلعب

وعبد العزيز يدور راما بالمرايه وحسب لميس هي راما

لميس : هي هي تراني مني راما راما هنا بجنبي

زياد : كاشفينك ههههههههههههههههههههههههه

سحر : خخخخخخـ اي والله كاشفينه

عبد العزيز : ايه بكيفي اشوفها على راحتي .. وانت يا زياد ادري انك تشوف لميس طول
الوقت .. وانتي يا لميس تشوفينه طول الوقت ..ت
رمـا : هههههههههههه ..

لميس استحت : يا وصخ وش ذا الكلام
..

..زياد : وانت حول تشوفني وتشوفها

..عبد العزيز حب يحرجهم : تراني ادري انكم تحبون بعض

..لميس انحرجت

..وزياد فرحان لأنه عرف انها تحبه

..عبد العزيز بخبث : وليش يا زياد فرحان وانتي مستحيه اكيد انه هذا الصدق

ندى : اكيد وبس

..لميس : انت شغلك معي بالبر

..زياد : وانا بساعدها

رامـا : وانا بساعد عبد العزيز

.........عبد العزيز : اوووهوووه على الغرام والعش

..ما كمل جملته الى ببكس من لميس على راسه

..عبد العزيز : آآآآآآآآآح

لميس : تستاهل

زياد : حتى انت ورامـا .. طالعين منها .. تراكم مصختوها ..

سحر : ما ادري من اشجع

لميس وزياد : شجعينا

عبدالعزيز : شجعيني انا ورمانتي ..

رامـا : شجعيني انا وعزووزي

سحر : لا انت ولا هو ابي اشجع نفسي

الكل : ههههههههههههههههههههههههههههههههههههههههه

سحر : هههههههههههههههههههههههههههههههههههههههههه

@@@@@@@@@@@@@@@@

في البر .. وبالتحديد عند خيمة البنات .. كانوا جوري وريم وعبير يسولفون مع بعض

جوري :ههههههههههههههههههههههههههههه

ريم : ههههههههههههههههههههههههه

عبير : بعدين كسرت البنت

ريم : وانتي يا جوري قولي لنا عن مغامراتك

عبير : نبي اكبر مغامره سويتيها

جوري : امممممممممـ طيب يوم انا كنت بالمتوسط قلت لأمي ما ابي اروح المدرسه
وقالت الى غصب بتروحين وقلت انا بس ماما فيني حساسيه وقالت امي اقول بتروحين غصب يعني غصب وراحت عني وانا فكرت وفكرت وفكرت ولقيت فكره وجاء الفجر وكان لازم اروح للمدرسه ويوم طلعت تمشيت وقلت ابي اهرب من المدرسه وهربت وجيت لبيت بنت عمتي وقلت لها السالفه وضحكت وطلبت منها اجلس الى الساعه 12 الظهر ووافقت
وانا من غباائي رحت البيت الساعه 10 وقالت ليه جايه مبكر وقلت هم قالو لي وامي ما صدقتني وانتهت المغامرد

عبير وريم : هههههههههههههههههههههههههههههههههههه ..

ريم: هذي اكبر مغامره لك؟

جوري:هههههههه ايه .. تراني منيب راعية مغامرات ..

ريم : يووه لو تدرين عن الي تسويه عبير.. قوليلها ياعبير كم مره هربتي قولي ..

عبير : اممممم مو كثير 25 مره بس ..

جوري : بس ؟؟؟؟؟؟؟ .. ماشاءالله وتقولين بس .. يعني بالله 25 مره هربتي يووووه ما تخافين ؟؟

عبير : المره الأولى والثانيه كنت خايفه بس بالثالثه يعني اما الرابعه لا مره عاجبتي ماخفت ابد .. والبااااقي كله ما خفت فيه ..

جوري : ماشاءالله عليك .. طيب ما انكشفتي ولا مره ..

عبير : يووه انكشفت 3 مرات ..

جوري : كيف ؟؟

عبير : امي هي الي علمت علي .. انا كل ما هربت اروح لبيت الجيران .. ومره من المرات ما دريت ان ماما كانت موجوده هناك اول ما دخلت لقيتها موجوده .. علمت المدرسه علي والمره الثانيه .. كان فيه يوم امهات في المدرسه انا سويت نفسي ام وهربت من المدرسه لاكن امي كانت حاضره ومسكتني وودتني عند المديره .. والمره الثالثه كان علينا طبخ ومره ما نفسي احضر الحصه قررت اني اهرب من المدرسه لأني كنت طفشانه حدي كنت ابطلع شافني الحارس وقال من انتي قلتله انا معلمه ومدري وشو وطبعا تركت شنطتي بالمدرسه عشان ريم تاخذها .. بس فجأه وانا كنت امشي ماما شافتي ومسكتني وودتني للمديره كتبت 3 تعهدات ..

جوري : كل مره انكشفتي فيها امك هي الي علمت عليك .. انا بجد مستغربه كيف ام تسوي ببنتها كذا وتعلم عليها ..

ريم : يمكن تسوي فينا كذا عشان نصير مؤدبين وما نعيدها ..

جوري : انا تصورت كذا .. بس بمثل موقف فيه تعهد وفصل واشياء مثل كذا .. ما يصير تعلم ..

عبير خانقتها العبره : هي من الأساس ما تبينا ندرس ..

جوري : ايـــــــش !!

ريم حبت تغيير الموضوع : وش رايكم نشم شوية هواء مليت من الخيمه ..

جوري : ايه صح يلا خلينا نقوم ..

(( جو بيقومون لاكن ام عبير قالت ))

ام عبير : على وين .. اجلسوا ولا تخلوني استخدم اسلوبي الثاني ..

عبير : بس يمه حنى طالعين للبر عشان نشم الهواء مو ننحبس ..

ام عبير : انثبري انتي وياها للحين اوريكم .. يلااااا ..

ريم : بس يمـ....

ام عبير اعطت ريم كــف ..

ام عبير : وانا وش قلتلكم هااه ؟؟

عبير مسكت ريم وراحوا جلسوا بعيد .. وجوري منصدمه من الي قاعده تشوفه والحريم مفهياااات ..

ام عبير تكلم الحريم : معليش يا خوات بس بنتي ريم قالت شي ما ينقال .. وحبيت اربيها شويه .. اسفه ع الأزعاج ..

جوري : بس هي ما قالت شي .. قالت انها تبي تطلع تشم هواء .. وين المشكله ؟؟

ام عبير : يابنيتي انتي .. هذول البنات ما ينفعون لك .. صدقيني راح يخربونك .. اتركيهم بحالهم .. ولا تدافعين عنهم ..

جوري : شكرا ع النصايح بس ما طلبتها منك .. ماعمري ولا بحياتي شفت ام تسوي ببناتها مثل سواتك .. الله لا يذوقني الي يضير ببناتك من ورا عمايلك ..

ام جوري : جووري .. اعتذري عيب الي قاعده تقولينه ..

جوري : مني شايفه عيب بكلامي كل الي اقوله صدق .. انتي ما سمعتي شكاوي البنات منها .. وبس لمجرد ان البنت طلبت انها تشم هواء صفقتها كف .. بنات بالجامعه واعمارهم بالعشرينات ما عندهم جوال ..

ام عبير : يا ام سامي .. سكتي بنتك .. تراها قلت ادبها علي ..

جوري : وما عندك القوه تسكتيني فيها .. جيده على ضرب بناتك اما انا ما تقدرين لي ..

ام جوري : سامحيني يا ام عبير .. وش اسوي ببنتي دللناها .. وما عاد ينفع الحين .. جوري يابنتي اعتذري ..

جوري : اسفه .. بس قلت هالكلمه لأن ماما طلبت مني اقولها .. لاكن صدقيني مو طالعه من قلبي ولا تساوي شي ..

ام عبير فتحت عيونها بقوه .. وعصبت ..

وجوري اخذت جلال تتغطى فيه .. وطلعت برا الخيمـه ..

###################

في البـر .. وعند المراهقين ..

ماجد : زهـــــق ..

مهند : قلق ..

عبدالوهاب : طفش ..

ياسر : وش نسوي ؟؟

محمد : ياليتني رايح مع زياد وعزوز وخالد ..

ماجد : الأوراق طفشت منها والسوالف طفشت منها .. والمشي بالبر طفشت منه .. والهوشه مع البنات طفشت منها .. وش اسووي ؟؟؟

عبدالوهاب : انا عندي فكرررره ..

الكل : وشهي ؟؟؟؟؟؟؟

عبدالوهاب : نروح للرجال .. وكل واحد يقول لأبوه .. نبي دبابات .. ونقنعهم .. واذا وافقوا نفلللللللللللللللللللللللللللها .. وش رايكم ؟؟

مهند : والله جبتها ..

ياسر : عااش وهووب عااش << وهووب تدليعة عبدالوهاب ..

محمد : فكره ممتازه ..

@@@@@@@@@@@@@@@@@@@@@

في سيارة عبدالعزيز ..

ندى : عزوز الحين انا ابي افهم .. حنى رايحين على محل جوم اكرمك الله ولا البر ؟؟

عبدالعزيز : لا بنروح البر ..

لميس : هـــــئ بنروح البر ؟؟؟ وانا ؟؟؟

عبدالعزيز : ههه خلاص زياد اعطاك جزمته اكرمك الله ..

لميس : طيب انا صار عندي جزمه لاكن زياد ؟؟؟

زياد : وش شايفتني دلوع وحساس ويخاف ان الشوك ان الرمل يجي رجلينه .. عادي ترا مافيها شي .. طول عمري امشي بدون جزم الله يكرمك ..

لميس : بس الشوك ؟؟؟

زياد : لا تخافين ماراح يصير في روجولي شي ..

رامـا : عبدالعزيز

عبدالعزيز : عيونه ..

رامـا : تسلم عيونك .. متى نوصل ؟

عبدالعزيز : هذانا وصلنا بعد دقيقتين ننزل من السياره ..

ندى : هـــــئ شوفوا شوفوا .. البزارين ماعهم دبابات ..

لميس : هــــــئ ابي انزل اعلعب يلاااااا ونااااااااسه ..

ديمـا صحيت من النووم : ااااااااااااااه .. متى نووصل ؟؟

سحر : صباح الخير .. كل هذا نوم .. يلا انزلي ..

ديمـا : انزل ؟؟؟

ندى : هههههههههه مضيعه الأخت .. يلا وصلنا انزلي ..

ديمـا : هيه هيه شوفوا دباباااات ..

رامـا : شفناها قبلك .. لا تخافين بنلعب فيها .. يلا انزلي ..
(( ونزل الكل من السياره .. وتوجهوا البنات للخيمه وسلموا على جوري واهلها وجلسوا يسولفون شويه وقالوا للحريم ان شروق اصيبة بحادث سياروه وهي مافيهاشي وهدوهم وجلسوا ياكلون شزيه لانهم ما اكلوا واتوجه الكل على سريره ونام .. ونفس الشي عند الرجال .. وحتى المراهقين ناموا من التعب واللعب .. اما الرجال والحريم الكبار ماناموا .. << ما تلاضون ان الدنيا انقلبت صاروا الرجال ولا الحريم يسهرون والشباب والبنات ينامون بدري خخخخخ .. ))

&&&&&&&&&&&&&&&&&&&

وراح اقولكم في البارت الجاي وش راح يصير في البر والمواقف المحرجه والمسليه ..
وايش صار لما ركبوا الدبابات وكيف كانت الأجواء ان شاء الله كل هذا في البارت القادم .. انضروني ..

وشكرا على حسن المتابعه ..

توقعاتكم ..