|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#11
05-01-2009, 03:42 AM
| ||
| | ||
| رد: معذبة قلوب الرجال رواية رومنسية مره أسفه على تأخير  الجزء الثالث .......:وش هالكلااااام وانا ابوتس الخطبه ماصار لها الا اسبوعين ونص؟ هيا:يبه تكفى لا تغصبني..تكفى ام طلال:بس يايمه ليش...ليش ماتبين مشعل؟؟.هذا ولد عمتس هيا:انا ماااااابيييييييييه خلاااااص.. طلال هو الوحيد اللي كان هادي:هيون..انتي بس قولي لنا السبب..مانقدر نروح ل عمي ونقول ترا بنتنا ماتبي ولدكم ..مو حلوه بحقنا انا وأبوي صح ولالا؟ هيا تقوي قلبها لأن ماترضى على ابوها وطلال:مالي شغل..مابيه يعني مااااابيه..انتهيييييينا ام طلال بدت تعصب وش هالدلع:بتقوووولين ولا شلون؟..ولا ترا بنقول لهم يعجلون بالعرس هيا خااااااااااافت:لالا..انا مابي مشعل مايناسبني طلال:من وين تعرفين الرجال؟..انا اعرفه يناسبك ونص ابوطلال:بتقولين..ياأنتس حرمتن بتقولين ولاترا..مثل ماقالت امتس..بنعجل بالعرس هيا صااااحت بشكل يكسر الخااااطر:يمه يبه طلال..افهموا..انا مشعل مابيييه ابوطلال:شيافه على الرجال شي؟؟؟ هيا ماتقدر تقول شي مهما صااار هذا مشعل اللي حبته..آآخ يامشعل ليتك تحس:لا ابوطلال:اجل؟ هيا:.............. طلال:هيووون..تكلمي ام طلال:مافيها شي..وانا اقوووول عجلوا بالعرس هيا:لاااااااااااااا ام طلال:ماعليك منها دواها عندي طلال يبي يساعدها:يمه وشو عرسه..الملكه اول..مهوب عرس ابوطلال خاف لاتشوه صورته عند اخوه وعند غيره..فقال خل اعجل بالعرس خاف ان هيا تقول ل مشعل انها ماتبيه..وتصير بنته مطلقه ابوطلال:انا اقوووول الملكه بعد اسبووووع..والعرس بعدها بيووم ...........:شذى وصمخ قومي قامت عليتس القيامه.. شذى:أستغفر الله..يمه وش هالدعاااوي وبعدين توني قايمه ام نايف:قومي طيب..اعوذ بالله جدار منتيب تسمعين؟؟؟ شذى:ان شالله.."ونااااظرت الساعه لقتها 8"..يوووه يمه محاظرتي 9ونص ام نايف:أيه..مهو انتي لازم قرن عشان تقومين شذى:وه..بس متى اتزوج ام نايف:شف!..تبي تعرس بنت اللذين..انتي لو بتعرسين والله ان يرميتس رجلتس من ثااااني ليله شذى:ليه...وش فيني زينه اهبل..طالعه على امي ام نايف:لايكثر هرجتس قومي بس نرجع بالأحداااث كم يوم..يوم وصول فيصل لل مصر وصل لل حي اللي عمه عطااه ايااااه..وسأل عن بيته لين مادله واحد ..واخيرا..هو عند الباب..رن الجرس.. المفاجأه فتحت له وحده..في الاربعين من عمري الحرمه:أيه..يابني عاوز ايه بسم الله لاسلاااام ولاكلاااام فيصل:هذا بيت سعد مح....ولا اقولك شكلي غلطااان في نفسه:وين انا غبي طاق على بيت مصاريه واقول سعد محمد الله يرحم حالي بس الحرمه:لاءه..هو دا المكان..انتا مين..وانا هندهو لك..أأوله مين؟ فيصل استغرب..عمي سعد؟..هذا البيت..طيب من ذي؟ فيصل:انتي مين؟ الحرمه:انا زوغتوه؟..أألوه مين حضرتك فيصل.بعد بعد..متزوج..:قولي له واحد الحرمه:واحد؟.."كانت بتعلق بس سكتت"..حاضر..تفضل دخل فيصل للبيت..كان فخم وحلوو..ومن ذووق خليجي جلس بالمجلس دخل عمه..وكان على باله انه احد يعرفه ماتوقع........فيصل بيجي سعد:فيصل؟؟؟ فيصل:وعليكم السلاااام ورحمة الله وبركاته سعد جلس وحاول يبين طبيعي بس راحت عليك فصل ملكع وفاهمك زين سعد:وش جابك؟ فيصل..بسم الله حتى انت لاسلام ولا كلام؟..:جيت عشان الشغل..ومره وحد اسوي لك مفاجأه..بس طلعت احسن مني..فاجأتني بصراااحه.. متزوج؟ سعد:فيصل وانا عمك..لاتقول لأحد انا مخبي هالخبر حتى عن بنتي فيصل استغرب:ليش؟..وش يمنعك تعلم سعد:انا مراعي شعور عبير... أحتريها لين تتزوج عشان اعلن زوااااجي فيصل جته فكره فيصل:يعني انت ماتبيني اعلم؟؟ سعد:ايه وانا عمك توك تصير عمي..بدت المصاااالح!! فيصل يحك ذقنه:بس انا عندي شرط سعد..تتشرط انت ووجهك هذا وانا عمك : تشرط فيصل بجرأه:ابي بنتك عبير على سنة الله ورسوله سعد:عبير؟...فيصل اظن عبدالله قال لك فيصل:ادري..بس انت ماتخااااف على بنتك؟..ترا اذا جلست ترد الناس كذا..بيقولون بنت سعد اكيد وراها سبب لهالرفض..وانت فاااااهم قصدي فيصل تعمد يستخدم كلمة "بنت سعد"..عشان يلمس وتر حساس عند عمه كمل:وبعدين من متى عندنا حريم يرفضون..ولا لهم راااي.. سعد:ان شالله عطني فرصه..انا اسااسا بكره راااجع للرياض..وبقول لها فيصل:حلو..يعني اجيب الملاّاااك بكره او بعده؟ سعد وشو ذا وراه مستعجل؟..: خلها بعده احسن.. عبير:طفششت برجع للبيت..ملل بالجامعه متى اعطل شذى:ماصار لنا ثوااااني طالعين من المحاضره اجلسي شوي معي عبير:مابي معليش مالي خلق يالله باي شذى: على راااااااحتك !!....باااااي وراحت للبيت في نفس الوقت طلع فيصل من بيت عمه وهو مبسوووط عكس عبير اللي طلعت من الجامعه وضايق خلقها..ماتدرين ان اشياء بالطريق لك ياعبير وصلت للبيت..ورن التلفون.. وراحت ترد من هاللي بيتصل..يهالوقت..خل ارد وأشوف عبير:آلووووو ........:الووووو عبير عرفت صاحب الصوت... عبير:هلا ...."ورصت"...فيصل فيصل:هههههه والله كشخه عرفتيني؟ عبير:شفت عاااد..المهم تر اابوي مو هنا..مساافر..يالله باي فيصل مطنش كلامها:كيفك ماقدرت الاانها ترد..صوته....اخ ياناس كيف اقولكم : تمام فيصل:اخبااااار الجامعه عبير:اقول عاد ترا عطيتك وجه فيصل:ههههههههههههههههههههه..طيب ولد عمك انا..ولي الحق اعرف اخبارك وقريب ان شالله..بكون عارفها اول بأول ياقلبي عبير:فيصلووووه..عيب عليك فيصل:خلاص خلاص آآآآسف..الكلمه طلعت بوقت غلط..ان شالله لين صار حلال علي اقولها..قلتها..يالله باي عبير مافهمت:وش تقصد؟؟؟؟ فيصل:ابوك يقولك كل شي..يالله ياقل..اوف..قصدي عبير..باي وسكر عبير مستغربه منه مررررره..وشو معنى "أن شالله لين صار حلال علي اقولها..قلتها" غريبه..ذا الخبل مايدري وش يقوووول..الحمدالله والشكر بس راحت لغرفتها ونااامت..ونفس الوقت فيصل اللي راح لشقته يطلب الرااااحه في مكااااان ثاني.. مشعل:انت شتقول ياطلال..لاتقول تمزح افرشك ترا طلال:ههههههههه والله شفيك الملكه بعد اسبوووع مشعل:ربي استجااااب دعائي..انا من زمان قايل لكم خير البر عاجله بس انتوا الله يهديكم طلال:خلاااااااص..هالمره سمعنا كلامك..ارتحت؟ مشعل:آآآآآآآآخ ياقلبي عليها يتصير حلال علي طلال:اقول انثبر ترا في عزوبيه هنا..بعدين هذا اللي هامك حلال عليك؟ مشعل:تبيني ألجئ للحراااام؟ طلال:لا الله يرحم والديك مشعل:اجل احط حرتي كلها ب..ه..احم قصدي مرتي طلال:قلة حيا!!...ناس ماتستحي ولا بتقول هيا وهي توها ماصارت زوجتك مشعل:ههههههههههههههههههههههههههه..ان شالله لين جت المزيونه بتقول هالكلام طلال علامات استفهام بوجهه:من المزيونه؟ مشعل:زوجتك الحلوه طلال:أقووووول احترم نفسك..ولا تحكي عن مرتي اللي لين الحين مدري من هي مشعل:من هي؟..أكيد تعرفها ولا كان ماعصبت كذا..يالله..يالله قووول طلال:اذا عرفتها قلت لك عنها.. مشعل:خلاص وبشوفها مره وحده اذا هي مزيونه ولالا..تعرف ولد عمي ماأرضى تاخذ شيفه طلال:عشان يصير اخر شي تسويه بحياتك ان شفتها مشعل:ههههههههههههههههههههههه شفيك انا خايف عليك أخاف تاخذ شينه.. طلال:مالك دخل ان شالله لو أخذ اشين وحده بالدنيا..ماعليك مني مشعل:هههههههههههههههههه امووت ع اللي يغارون.وخواتهم هههههههههه طلال:هذا اهم شي عندك خواتهم..بس خلك على هيا وبس يعني الباقي لاتقرب منهم مشعل:ههههههههههههههههههههههههه ابرار وهي تلكم هيا بالتلفون:هيون..انتي فهمتي السالفه منه؟..قولي طيب يمكن ماكان يقصد هيا وهي تصيح:والله والله اني سااامعته كان مع نايف يقول .."ايه خاطب بس هذا مايمنع ان لي حبيبه"....وش معناااه ..وش معنااااه ياأبرار أبرار:م..مدري شقولك يا هيا..بس يمكن يلعب يمزح مع نايف..ماتدرين هيا:آآآآآآه يالقهر..وشو يمزح..اصلا انا الغبيه..انا اللي انخدعت فيه أبرار:طيب شوفي هو وش يقصد بهالكلام لاتحكمين على الرجال من خلاال كلمه رماها من غير شعور هيا:لااء..انا بخليه يعرف قدري زين..مو هيا اللي تطيّح اللي يخدعها أبرار:هيا تراك تخووووفين..انا بديت أخاف منك.. ابرار تعرف هيا لم تكون مقهوره او معصبه..تقول كلام مو قده او مستحيل تسويه هيا من النوع الطيب الخلوق الهادي..يعني مستحيل تضر احد حتى لو تكرهه..ف شلون شخص تحبه قامت عبير من النوم وهي مانامت اساسا الا ساعه ونص..وهي متعوده تنام الى المغرب...قامت من سريرها بتثااااااقل..وتحس بغلقه(ضيقة خلق)..هذي حال اللي نام بالنهاااار..وهذي حال عبير..راحت خذت لها دش ينعشها..ونزلت تحت بتاكل لها شي بس ماكانت تشتهي أي شي..المهم كالعاده راحت للحوش تدور يمكن تغير جو وهي تتفرج على القمر...والنجووووووم من حووووولها جلست تفكر بحالها عبير مو اول مره تفكر بحالها بس هي كذا تحس نفسها ..غير..غير عن الناس..بس مو لل أحسن..لل أشين..عبير بنت جميله..من كل النواحي..كل بنت ممكن انها تتمنى شكلها..وكل ولد يتمنى منها انها بس تعطيه فرصه عشان يبين لها حبه او اعجااااابه..يمكن تقولون تبالغ بس الزين زين خخخ غير الشكل..ابوها رجل اعمال كبير مثل ماذكرت..ف اللي ماراح يتقرب لها عشانها عبير بيتقرب لها عشانها بنت سعد بن محمد..وهذا واقع لازم تعترف فيه محد يبيها لأنها عبير..هي اصلا محد بيعرفها الا اذا جلس معها وعاشرها ولاعبير مغروووووووره..ولسانها طووووووويل..وماتنتحارش جلست دور وتدور وتدور..وأخيرا ملت..دخلت جواا..فكرت تفتح النت.. فتحت ايمليها..لقت 3اون لاين..شذى  من صديقاتها..عطتهم بلوك عشانها مالها خلق لأحد..ووكلمت شذى
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#13
05-11-2009, 12:55 PM
| ||
| | ||
 الجزء الراب4ع مشعل كان في حالة صدمه هيا؟؟ ليش؟؟ رجع طلال لل سياره اول مادخل..يقول في نفسه ان شالله ماسمع ان شالله ماسمع... مشعل:وش فيها هيا؟ طلال:هااه؟؟..انت سمعت؟ مشعل:سمعت ايش؟..انا اقول ليش تصيح؟؟ طلال:لالا ابد دلع بنات.. مشعل:طلال!..انا موب برز تضحك علي طلال:ياخي تعبانه شوي..وبس مشعل:متأكد؟ طلال:يعني اكذب؟؟ مشعل:بسم الله عليها..في عدوينها طلال..الحمدالله ماسمع ومشوا كملوا طريقهم.. نزلت من السياره..الساعه 11الا ربع..اول مره ترجع من تمشيه بهالوقت العاده تتأخر دخلت لل بيت..الصاااااله فاضيه..البيت كبير وموووووووحش دائما كذا...بيت كبير مايعيش فيه الا ابو وبنته والخدم بس شنقووول راحت ل غرفتها... ماتدري شتسوي.. دخلت لل نت.. فتحت ايمليها مافي اون لاين..كلهم اوف لاين آآآآآآآآخ..ملل فتحت لها احد موقع الدردشه على انه هي مو من هالنوعيه ماتحب الشات ولا تفهم بالأساليب حقته دخلت بأسم.."طفشااااانه حتى الملل" خخخخ ماكان في ناس كثير يعني حول ال 4 طفشااااانه حتى الملل: Hello evry body عذبتني بصمتك: هلا والله طفشوونه طفشااااانه حتى الملل: هلا بك عذبتني بصمتك: كيفك..؟؟ طفشااااانه حتى الملل: تماام..u؟ عذبتني بصمتك: انا تمام..سلااااامتك من الطفش طفشااااانه حتى الملل: الله يسلمك عذبتني بصمتك: وسعي صدرك هذا حال الدنيا طفش×طفش طفشااااانه حتى الملل: ماكذبت والله..انا من عرفت نفسي وانا طفشااانه عذبتني بصمتك: اقول يالغلا..ممكن خاص طفشااااانه حتى الملل: اوك!..بس انا ماعرف كيف عذبتني بصمتك: اوكي..."وعلمها" بعد مادخلوا خاص عذبتني بصمتك: كذا احسن عن اللخبطه طفشااااانه حتى الملل: صح عذبتني بصمتك مالاحظ أي حماااااس: شكلك جد طفشاااانه طفشااااانه حتى الملل: ماتشوف النك؟ عذبتني بصمتك: الا..بس وسعي صدرك الدنيا ماتسوى طفشااااانه حتى الملل: اذا ماتسوى ليش نشيل همها؟ عذبتني بصمتك: طيب تقدرين تففضين لي طفشااااانه حتى الملل: اوك.. عذبتني بصمتك: اسمعك طفشااااانه حتى الملل: انا انخطبت اليوم..وأبوي عطا الرجال كلمه!!..وأنا مااااابي..ماأبي اتزوج عذبتني بصمتك: ليش ماتبين تتزوجين؟ طفشااااانه حتى الملل: توني صغيره عذبتني بصمتك: كم عمرك؟..انا اعطيك بالعشرين..صح؟ طفشااااانه حتى الملل: 19سنه عذبتني بصمتك: العمر كله طفشااااانه حتى الملل: يسلموووو..المهم هذا مو اول خاطب يجيني..انا من وصلت الثنوي والخطاطيب عندي كثااااااار عذبتني بصمتك: ليش ل هالدرجه حلوووه؟ طفشااااانه حتى الملل: مابي امدح نفسي او اعطي نفسي اقل من قدري عذبتني بصمتك: اوكي..كنتنيو طفشااااانه حتى الملل: بس انا مسغربه من ابوي..اول مره يغصبني على شي..وبعدين ليش هالخاطب بالذاااات عذبتني بصمتك: يمكن مريش وعنده فلووووووس كثير طفشااااانه حتى الملل: مااأعتقد ابوي مايهمه هالشي..وبعدين..اذا مريش على قولتك..ابوي مو ناقصه شي...انا مااااااااابي اتزوووج عذبتني بصمتك: بس انتي في سن يسمح لك بالزواج..واذا استمريتي بالرفض..سمعتك بتروووح وطي طفشااااانه حتى الملل: ممكن..بس انا مايهمني جلست عبير على هالحال اخر شي طفشت..وقالت بتطلع بس الاخ حاول فيها عشان تاخذ ايميله..عبير ماكانت موافقه بس قالت خل اخذه..يمكن استفيد..ولو ان مافي امل نستفيد منه بس يالله وطلعت بعد ماخذت ايميله نزلت من الدرج..لقت ابوها سعد:هلا عبووور بس عبير ماردت وأتجهت لل مطبخ تدور شي تاكله سعد:شدعووووه!! عبير ماعطته أي اهتمااااام وراااااحت راحت لل مطبخ.. امممم..مافي شي..والحين الساعه 12وربع..اقدر اطلب.. طلعت من المطبخ..شافت ابوها في وجهها..كانت بتغلف وجهها ب تعابير الزعل..بس..كان الشرر يتاطاير من عيونه.. سعد:لين حاكيتك..تردين فاهمه؟؟؟؟؟ عبير:لين صرت بنتك..وتعرف ش.. ماخلها تكمل..مسكها من شعرها.. صرخت عبير سعد:هذاك أياام اول لم كنت معطيك حريتك..الحين انتي تعتبرين متزووووجه وماراح يصبر عليك زوجك وانتي ب هالشكل عبير وهي تصيح:واحسن انا مابيه يصبر علي..اكررررررررررررررهه سعد بسخريه:زوجك انا ماأحبه بس شنسوي لازم عبير:ليه تزوجني اياااااه اذا تكررررهه..وليش لازم وشو اللي يجبرك سعد:السمعه عبير:سمعه سمعة أيش؟ سعد حس تكلم اكثر من اللازم:سمعتك يابقره..الناس بدت تاكلني.. وترك شعرها ودفها ع الدرج بعصبيه..... سعد:رووحي فوق ومن بكره تجهزين ل عرسك..يالله ورااااااح أبو عبير صار عصبي مررررره..معد صار الابو الحنون اللي مايقول لا او على تفكير عبير...ابو بالأسم رقت لغرفتها..ودموعها على خدها اول مره احد يضربها... اول مره تحس انها منبوذه يمكن يمكن تستغربون كلمة ((منبوذه))..هذا شي صحيح..عبير منبوذه ماعندها ام..وكل بنات عمها لهم ام..او خالات ع الاقل هالشي تحس فيه يعني فرضا لم يطلعون ل مكان..كل وحده تنتظر امها عشان تجي تقول لها يالله..بس هي لا تنتظر متى تطق براسها..وتقول لل سواق يالله يمكن حتى ابو..ابو بالآسم..بأسم انها بنت سعد وبس وهالشي مو ملموس عمره ماعرف مستواها..او وش تحس فيه.. ميته..حيه زعلانه..معصبه فرحانه..طفشانه قيمتها مثل قيمة هالخدم اللي بالبيت وصلت ل غرفتها..ورمت نفسها بالسرير واخيرا نامت وبدون أكل مرت اليومين بطيئه على عبير وشذى عرفت بالسالفه وصارت هي اللي تجهز ل عبير مع منال والعنود وابرار اما هيا تعرفون ليش ماشاركت..لأنها ب مثل حالة عبير ابو عبير نشر خبر خطبة عبير.........ل فيصل عبير:نعم فيصل..هو اللي خاطبني شذى:هذا اللي سمعته..الناس كلها درت ان فيصل خطبك وانتي المعنيه بالمووضوع ماتدرين؟؟؟؟ عبير:انا خلقه مابي اتزوج ويصير العريس ذا؟؟؟؟..آآآآآه يالقهر..بموووت بنتحر شذى:اليوم شوفتك ولاتدرين؟..عبير من جدك؟ عبير:وانا وش دراني..على بالي واحد غريب ماجا على بالي انه من عيال عمي شذى:حتى ولو هذا خلاص بيصير زوجك لازم تعرفين من هو عبير:اوووووووووهوه..شوشو خلااااص سمعوا صوت ابو عبير جاي سعد:شلونك شذى؟ شذى:الحمدالله عمي..شلونك انت؟ سعد:الحمدالله ماشي الحال...عبير! عبير:نعم! سعد:ترا رجلك جاي الحين..تجهزي عبير:.............. ورااااااح عبير:يقهر!..تغير 180درجه شذى:ألاحظ هالشي..المهم البسي يالله فيصل بالطريق عبير:مااااااااااااابي شذى:عبوور قلبي يالله عبير:نو وييييييي!! في مكان ثاني كان بيركب سيارته ...........:يعني سويتهاااا؟ اللتفت له:ايه..انا قايل لك عبود لاتتحدا عبدالله:ياخي حراااام عليك انا احبهاااااا فيصل مسك نفسه:عبيّد تشب ولا كلمه..هذي الحين زوجتي تفهم؟..وانت اللي جبته ل نفسك عبدالله:ماراح اسااااااامحك ابد فيصل:انا قلت لك انت اللي جبته ل نفسك.. وركب سيراته وراح ......:عبير وبعدين معك؟؟؟؟؟ دخل ابو عبير:خير وش هالصوت..صوتكم واصل لأخر الدنيا شذى:لا عمي بس انا وعبير تنشاور ف اللبس سعد:ذا اللي معك زين يالله لبست عبير تنوره جينز شوي واسعه..وتي شيرت ارونج مع زيتي..وخلت شعرها مفكوك لأن مالها خلق كلش تتزين ل فيصل بس كانت حلوه نزلت ولقت ابوها واقف عند اخر درجه ويهز وباين عليه التوتر عبير استغربت منه وش هالتوتر عبير:يبه؟ سعد كأنه صحا:هاه؟..يالله يالله رجلك يحتري تحت عبير ليش يكلمني بهالطريقه هذا جزاي خايفه عليك؟..لاو صار رجلي؟؟..:ان شالله كملت الدرجات كانت تمشي ورا ابوها بس فجأه وقف عبير:وش بيه وقفت؟ سعد:ادخلي انتي انا ماراح ادخل عبير:ليش؟..لازم محرم ومايصير كذا سعد:اقوووووووول ادخلي..قال ايش قال محرم هو اصلا محرم لك دخلت عبير وهي معصبه من معاملة ابوها لها..بس انا اوريكم..مو عبير اللي تنغصب ع الزواج.. دخلت وهي براسها شي!! دخلت ولا حتى سلمت ووقفت ف النص فيصل:وعليكم السلام ورحمة الله وبركاته عبير رفعت حاجبها:احد سلم عليك انت؟ فيصل:لا محد بس قلت يمكن سلمتي وانا ماسمعت..يعني تعرفين البنت لم تستحي عبير فهمت قصده:ه ه ه..ظريف مررره فيصل:تسلمين هذا من ذوووووقك عبير:اقول فيصل..ترا انا والله مابي اتزوج يعني لو سمحت قل ل أبوي انك هونت يوم شفتني فيصل:تبين الصدق انا يوم شفتك هونت..يعني ماتوقعتك كذا عبير:شلون يعني؟ فيصل:كنت موقعك غير...بس طلعتي اشين من اللي انا اتصوره عبير انقههههرت:طيب مادام كذا..قل ل أبوي انك هونت فيصل:لا مبادءي ماتسمح لي ارجع ب كلمتي عبير:ومبادءك تسمح لك تاخذ وحده ماتبيك؟ فيصل ابتسم:حريمنا مالهم راااي عبير:وش هالتفكير الرجعي؟..كم عمرك انت؟ فيصل:26 سنه وشهرين وخمس أيام عبير انقههههرت منه يستظرف الاخ مرت لحظة صمت فيصل:خلاص اطلعي شفتك عبير طيرت عيونها :نعم؟ فيصل:لاحووووول..اقول اطلعي الا غصب تستعرضين..شفتك خلاااص عبير:والله انك قليل ادب فيصل:مو أكثر منك طلعت عبير وهي حدها مقهوووووووووووووووره تفوووور من القهر راحت لل غرفتها.. ورمت نفسها ع السرير..وتحاول تمنع دمعتها من انها تنزل شذى:عبوره شفيك؟.......شصار؟ عبير:أكرررررررررررررررررررررررهه..ماأطيقه..ياناااا ااااااااااااس شذى:وش صار طيب قولي لي وقالت لها شذى:اوف اوف اوف..هذي شوفه ولا حرب؟؟ عبير:شوفه ب عينك.. شذى:ههههههههه طيب وش اسمها عبير:تستظرفين؟؟؟؟؟ مر يومين وعبير ماتطلع من البيت..والناس تدق عليها تبارك لها ب (الزوااج) حتى مابعد تم العرس ولا الملكه تباركوون؟..اجل بعد العرس وش بيصير..وه شذى:امممممم مابقى شي..اشتريت لك بجايم..وملابس رسميه وسبرو ..وشنط..وساعات..واشتريت لك فساتين وفي فستان شفته اذا تبينه لو بتحطين عرس..واشتريت لك شنط سفر حلوووه ل شهر العسل عبير:............. شذى:عبير عبير:........... شذى:عبووووووور!!..هييييي!!..وين سافرتي عبير صحت:نعم؟ شذى:سمعتيني تو؟ عبير نزلت دمعتها:مابي والله ماااااااااااااابي..محد قد غصبني على شي..ليش يجي الحين يغصبني ع الزواج؟ شذى ضمتها:عبووووووووووره حبيبتي..والله ماتسوى عليك..ماتدرين وين الخيره فيه؟ عبير:خيره؟..وين الخيره ب زواجي من فيصل..حتى كلمت زواجي من فيصل تعور القلب شذى:مو ل هالدرجه عبير:ل هالدرجه وأكثر..ليش يبي يتزوجني..هو مايحبني..يمكن ب يذلني شذى:عبدالله خطبك وانتي عارفه انه يحبك..يعني المانع هو الحب؟ عبير:آآآآآآآآآآه..ياعبدالله..ياليتني واااافقت..على الاقل هو بيحبني وبيحترمني .......:آآآآآه ياعبير رحتي عني..الحمار اخذك مني طق طق طق عبدالله:ادخل!! دخلت ام عبدالله:عبدالله يابوي..ماتبي اكل عبدالله:لا مابي شي ام عبدالله:براحتك.. وطلعت عنه.. عبدالله:آآآآه..يالقهر..احبها ياناااااااس..بس والله ماأخلي الحمار يتهنى فيها..ماخذها غصب رن الجرس شذى:هذول اكيد منوله وعنوده عبير:قولي لل شغاله تفتح لهم شذى:اووووووكي بعد شوي طل وجه منال:hellllllo عبير:هلا وجت العنود: اهلين عبووووووره جلسوا يسولفون ويختارون لبس ل عبير..طبعا عبير ماشاركت في شي..لأنها ماتحس نفسها عروس منال:عبور ليش فيصل ب الذات؟ عبير:لاني مابيه العنود:هههههههههههه شلون لأنك ماتبينه شذى:عبوره!..اقووول منال:تحبينه؟ عبير:وععععععع..مالقيتي الا ذا؟ العنود:اجل؟. عبير:مدري لاحد يسأل منال:بكيفك طق..طق عبير:أدخل دخل ابو عبير:كيفكم بنات؟ الكل:الحمدالله ابو عبير:عبير يالله تجهزي..الناس جت..والملاّك بعد عبير:........... شذى:أ..أان شالله عمي.. طلع ولا علق منال:عبوره الاموره..يالله البسي عبير:مابي العنود:ابوك قال لك عبير تنهدت عطتها شذى لبس مرررره حلوووو كان اللبس عباره عن فستان اسود نعووووم كت..وحزام على شكل فيونكا تحت الصدر وسوت شعرها كيرلي..حطت مكياج خليجي شبه خفيف طبعا كل هذا غصب عنها ..عشان ابوها حرق جوالها..وزياده على كذا المعازيم لازم تتكشخ المعازيم هم كلهم زوجات عمانها اللي من جدتها ..يعني عمانها من جدات ابوها ماجوا لآنها عزيمه صغيره شذى:اوووووووووه..طالعه تهبلين عبير:مو عشان شي عشان المعازيم بس نزلوا وجلسوا يسلمون على الناس عبير لم نزلت تفاجأت المعازيم كثاااار لا والاكثر من كذا..في عزيمه لل رجال.. ابوي مخطط ل كل شي..وهذا اللي قهرها ام نايف:ما شالله وش هالزين وش هالحلاووه عبير بحيا:تسلمين خالتي ضمتها ام نايف:والله ياعبير تسنتس بنيتي(كنك بنيتي) عبير مسكت دمعتها شذى:يمه!..وانا؟ ام نايف:انتي روحي جيبي العصير منال والعنود:ههههههههههههههههههههههههههههههههه شذى:يوووووووه..طيب وراحت تجيب العصير جلسوا سوالف وضحك عبير بطنها يعورها من الخوف التوتر..ومن القهر احاسيس كثيره تحس فيها..هي كانت تهدد وتتوعد..انها ماراح تمشي هالزواج بطيب..بس هي ماسوت شي..ماحاولت تخرب هالزواج دخل ابوها..:احم ياولد!!! تغطوا الحريم ابو عبير:عبير امشي ابيك راحت عبير..:نعم راحت معه لل مجلس الرجال..بس طبعا عبير وقفت عند الباب سعد:انتظري هنا وانا برجع راح بعدين رجع ومعاه كتاب سعد:وقعي هنا عبير:ابوي والله مابي..والله مابي سعد يرص على اسنانه:ترا ان ماوقعتي بوقع انا عبير:......... سعد:وقعي!! وقعت ف المكان اللي أشر عليها سعد:انتظري هنا راح ورجع بعد شوي سعد:روحي لل مجلس الثاني رجلك يحتريك هناك.. عبير:رجلي؟؟ وش كثر تعور هالكلمه راحت وسمعت ابوها يقول لل بنات عمها يشيلون الاغراض حقتها رجعت لهم عبير:يبه لا مو كذا..طيب انا ابي حفلة زواج سعد:رجلك يسوي لك..وبعد انا بسوي لك بعد..بس انتي روحي وفكيني خنقتها العبره.. دفها ابوها:وش تحترين..يالله رووووووووحي عبير:طيب اوووووف راحت لل مجلس دخلت لقته جالس ومتكشخ ويلعب ب جواله..كان شكله حلو بس هي ماأهتمت طبعا انتبه لها توه بيتكلم..بس عبير بدون نفس:السلاااام عليكم فيصل:وعليكم السلام..راح الحيا صح؟ عبير:انا الحين فهمت قصدك يوم قلت لي بالتلفون قلبي ان مو حلال عليك فيصل اكتفى ب أبتسامه عبير:انت وش تبي من الدنيا؟..انا مااااااااابيك..ياخي خل عندك كرامه قام فيصل واتجه لها...ماكان في أي تعبير على وجهه عبير خاااااافت..:خير وش تبي..وخر عني فيصل:طيب تذكرين لم قلت انك مو حلال علي؟..الحين انتي حلال علي.. عبير:لا مو حلال عليك..طلقني فيصل:من اولها؟..انا لين بغيت اتزوج اتزوج ب مزااااجي..ولين بغيت اطلق طلقت ب مزاااااجي بعد..واللي عندك سويه عبير:ياخي اكررررررررهك..انت بالذات ماأطيقك من بد عياااال عمي كلهم فيصل:مشكلتك..المهم جيبي اغراضك انا ب السياره وطلع ولا ترك لها مجال تتكلم او تعارض راحت لل صاله وهي مقهووووووووره شذى:هااااه وش صار؟ عبير:يقهر اكررررررررررهه شذى:تراني ركبت اغراضك..سوري عبير بس ابوك قال.. منال:وهذي عبايتك عبير:انتوا معي ولامعه؟ شذى:هذا ابوك..وهو عمي..مانقدر نقول لأ انتي تفاهمي معاااااه دخل ابو عبير وعطااااها تهزيئه محترمه..ف الاخير ركبت مع فيصل!! وراحت معه في السياره شغل فيصل اغنية باودعك وفيصل يغني بصوت واطي معه عبير:يا قدمك فيصل:كيفي!! عبير:طيب انا قلت شي؟ فيصل:اسمعي الحين احنا بنروح ل بيت وفي ضيوف.. عبير:لحظه لحظه..وش ضيوفه؟..انا مالبست شي زين فيصل: عزيمه صغيره مو شي عبير:حتى لو على الاقل استعد نفسيا فيصل:اقول عبير روقينا عبير:طيب ليش عزيمه..على ايش ياحسره..وبعدين بيجلسون يقولون وين بترحون شهر العسل..ووين بتسكنين..ومتى مدري وشو..انا مااااااالي خلق فيصل:بسيطه..قولي بنطق بالرياض..وبسكن مع اهل رجلي عبير:نعم نعم نعم؟؟؟..لا ياحلووووو..انا بسكن ب فله لحااااااالي..يكفي انك ماخذني غصب وبعدين انا ابي ارووووح شه..أأ.ابي اسافر فيصل ابتسم.. عبير:ممكن اعرف انت ليش تبتسم؟؟ فيصل:مزااااج..انا كذااحب ابتسم مو زيك عبير:انا ابتسم بس لل شي يستاهل موب انت كذا بدون سبب فيصل:لازم الواحد يكون مبتسم دايم حتى لو بدون سبب..الابتسامه في وجه اخيك صدقه عبير سكتت..ولا تكلمت...لان السالفه مافيها مناقر..قالت خل اسكت فيصل:هذااحنا وصلنا..
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#14
05-11-2009, 12:58 PM
| ||
| | ||
| رد: معذبة قلوب الرجال رواية رومنسية مره الجزء ال  امس..عبير سكتت..ولا تكلمت...لان السالفه مافيها مناقر..قالت خل اسكت فيصل:هذااحنا وصلنا.. ضرب فيصل بوري لل بواب..وفتح الباب الكبير.. دخلت سيارة فيصل جوا البيت شافت عبير البيت كان كبير وفخم..والحديقه مرررررره حلوووه..وكانت كل الكشافات مولعععه ومنووور البيت مررررره..وصل فيصل عبير ل عند الباب و كانت بالاستقبال اخته فيصل:نوف حبيبتي دخلي عبير جوا انا بروح لل رجال نوف:اوووووووكي وراح فيصل نوف ابتسمت ل عبير:اخباااااار مرة اخوي؟ عبير..يععع مرة اخوي؟؟..:تمام انتي كيفك؟ نوف :انا تمام نوف...بنت مرحه وحبوبه..تغلب عليهاالشقاوه واحينا البثاره اذا جت تستلعن ..شعرها بني يوصل لأخر كتفها..متوسطة الطول ونحيفه..عمرها 19 ب عمر عبير عبير:انتي اخت فيصل؟ نوف:ايه انا اخته نوف..وفي منى وسلطان وعزوز عبير:اهااا دخلوا جوا.. ....:اهلا وسهلا ومرحبا..اكيد مرة اخوووي نوف:هههههه اسمها عبير استغربت مرة اخوكم وماتعرفون اسمي.؟؟..والله خووش عبير ابتسمت:اهلين البنت:انا اسمي منى اخت فيصل عبير:ما شالله والنعم منى:ماعليك زود..تعالي امي تبي تشوفك منى..نفس الشي حبوبه وطيويه..بس طالعه على فيصل مزاجيه..وااللي براسها بتسويه..متزوجه من طيار بس دايم عند اهلها لآن زوجها يسافر..وعندها ولد اسمه ماجد عمره 3..عمرها 24 عبير تعرف فيصل بس ماتعرف اخوانه..لانهم مايجونهم في أي مناسبه..ومقاطعين ابوهم واهله..لل سبب..بتعرفونه بعدين دخلت عبير لقت حرمه كبيره ف السن..وباين عليها طيبه وحنونه ام فيصل:هلاا والله ب مرة ولدي عبير:هلا فيك وسلمت عليها.. دخلت عبير عند الحريم وسلمت عليهم..وحده وحده بس لفتت نظرها وحده..سلمت عليها بدون نفس..بس هي ماأهتمت..ياكثر الناس اللي تكرهها طبعا نوف كانت تعرف عبير على كل الموجودين..وهذيك كان اسمها..دلال خلصت عزيمتهم على خير جلست عبير مع موضي ام فيصل..ونوف..ومنى.. موضي:والله ياعبير مابقى حرمه الا سألتني من انتي بنته؟..واذا عندتتس اخت ولالا عبير:سألت عنهاا لعافيه منى:المشكله عارفين ان فيصل يصير زوجها..ليش يسألون ام فيصل:يسألون اذا عندها اخت او لا نوف:وووووووو..فيصل ب يسوي سالفه.. منى:اقول انثبري..سؤلوا عنها ماخطبوها وه نوف:وانتي وش عليك ياأم كرشه منى:انحف منك نوف:على الاقل انا رشيقه..مو انتي الدبه منى:دبه بعينك.. نوف تغني:دبه كريشه ب ريالين لازم تلبس سروالين.. منى رمت عليها المخده:كووووووولي تبن يالشينه عبير وموضي:هههههههههههههههههههههههههههههههههههههههههههه هه هههههههههههههههههههههههههههههههه - ضحكوني معاكم!! نوف:فصوووووووولي جا فيصل:السلام عليكم الكل :وعليكم السلام فيصل:اخباااركم بعد العزيمه؟ نوف:اوووووف تعب.. منى:واضح التعب..الاخت جالسه مع عبير ولا سوت ولا شي نوف:ايه لازم اعرفها على الناس..هذا مايدعوا الى التعب؟؟ جلس فيصل ب جنب عبير ..عبير ودها تسطره وتخليه يقوم بس عيب في امه ام فيصل:عساك انبسطت اليوم؟ فيصل:مرررررره..سلطان والله انه نشمي..ماسك العزيمه من اولها لين اخرها ام فيصل:و عبدالعزيز؟ فيصل:كل شوي يرن جواله..اخرتها طلع نوف:قليليليل الحيا منى:قليل الحيا مو قليليليل الحيا عبير:هههههههههههههههههههههههههههههه فيصل ابتسم بس ام فيصل:خلاص بزران موب حريم انتوا رن جوال فيصل:آلووو..هلا سلطووووني...انا جوا..ادخل مافي احد..يالله وسكر عبير:اجل انا بقوم فيصل مسك يدها وجلسها:وين؟ عبير..غبي..:بقوم مو اخوك بيجي؟... فيصل:طيب؟ عبير:لاوالله؟ ام فيصل:عادي يابنتي اخوك عبير:لا مو اخوي...ولا هو محرم لي دخل سلطان:السلام عليكم الكل الا عبير:وعليكم السلام عبير تبي تغطي وجهها أي شي المهم مايشوفها ام فيصل عرفت عبير وش تحس فيه:ماعليك يابنيتي هذا اخوك من الرضاعه عبير:هااااااااه؟؟ ناظرت فيصل..يعني فيصل اخوي من الرضاعه؟؟..والله القهر جد جد قهههههر عاد اصير مطلقه..اووووووف بس يالله ماراح اعيش معاه..انا عندي من عيال عمي يصيرون اخواني من الرضاعه بس فيصل واخوانه ابداااا..ماتوقعت ام فيصل اخيرا تاكلمت:لالا بس عزيز وسلطان ونوف ومنى..اما فيصل ف لا يوووووه خساره عشان يطلقني وراتااااح عبير:شلون؟ نوف :انا اقولك..كان يامكان في قديم الزمان كان في واحد اسمه خالد..تزوج وحده اسمها جواهر..وجابوا فيصل..وماتت جواهر الله يرحمها وتزوج خالد اخت جواهر..وجاب منها منى وسلطان وعزوز..و احم احم..نووووف....وموضي اللي هي زوجة خالد..رضعت وحده اسممها عبووووووره..فهمتي؟ عبير:اهااا..يعني فيصل اخوكم من ابوكم؟ منى:بالضبط... سلطان:ماسألتي ليش يسمونها ام فيصل؟.. عبير:ايه صح..ليش؟ ام فيصل:لانهم خلاص تعودوا.. عبير كانت مستغربه من فيصل...ساااااكت الكل جالس يفهمها الا هو يقهر ودي اكفخخخخخخخخخه!! سلطان...شاب هادئ..على نياته بس فيه حركات نذاله شوي...يشبه فيصل لحدا ما..اسمر شعره كيرلي خلقه خخخ..متخرج ويشتغل مع فيصل..عمره 23 ام فيصل:فيصل يمه خذ مرتك وروحوا ارتاحوا فيصل:ان شالله باس راسها و..و وراه عبير استغربت من نفسها ماعمرها باست راس احد.. واللي فاجئها ان ام فيصل باستها على خدها.. ام فيصل:ماوصيك على فيصل يامي نامي زين وتغطي زين نوف:ههههههه الله يهديك يمه موب صغار هم سلطان:وين ينامون مافي نوم الليله..صح فصول؟ فيصل فهم عليه:اقوووووول تلايط لايجيك كف يعدل وجهك نوف ومنى:ههههههههه سلطان:هذا جزاي..خلاص انا ماأحبك فيصل يتريق:لاتكفى حبني المهم طلعوا فوق دخلوا لل جناح..عبير عجبها الجناح مررره..ماتوقعت انها في يوم بتعيش ب جناح ب هالفخااامه..كان الجناح عباره عن..صاله وحمام..وزي المطبخ الصغير..وغرفة نوم كبير وغرفة ملابس وغرفه زايده لل أي شي..يعني كان كبير وتقدر تعتبره شقه... راحت شافت غرفة النوم..حلووووووه..كبيره مره وفيها درجتين صغار وفوقها السرير..والسرير كبير وفخم فيصل وهو وراها:عجبك؟ عبير وهي تناظر:خطيره..ذووووق فيصل:تسلمين عبير يععع انا وش اقول..اللتفت له:ذوقك؟ فيصل رفع حاجبه:ايه؟..ليش؟؟ عبير:اجل هونت موب حلوووو الجناح فيصل:امشي أوريك غرفتك نعم؟؟..غرفتي؟؟..وهذي وشي؟؟.. مشت وراه.. دخلت غرفه فيها سرير..وكنب كانت حلوه نوعا ما وتغلب عليها البساطه..طبعا وحده مثل عبير البسيط مو شي عندها عبير:نعم نعم نعم نعم؟؟؟..انا عبير بنت سعد أناااام هنا؟؟..لالا ياعمري..انا بنام هناك وانت تنام هنا فيصل:نو نو ياحلو..انا هناك وانتي هنا.. عبير:لالا يابعدهم انت هنا وانا هناااااك فيصل:لا يعني لا عبير:وانا بعد مااااااااابي فيصل:قول لي بالضبط وش الجزء اللي مافهمتيه من كلمة..لا عبير:لالالالا نوف:يمه عبوره نست جوالها ام فيصل:روحي وديه لها..بس طقي الباب اول.. نوف:هههه وش شايفتني؟..طيب بروح وراحت عبير:انا ابي هناااااااك بنام هناك فيصل رفع حاجبه:يعني معي؟؟ عبير:لالا ياحلووووو..انت هنا وانا هناك فيصل:شوفي مو لأنك صرتي زوجتي ف صرتي لازم تنومين معي بنفس الغرفه؟..ولا شريكة حيااااااااااتي..ياحلووووووووه انا ماراح انام معك الا لم احس برغبه ف النوم معك..اندر ستود عبير:لا موب اندر ستود..انا ماراح أنام معك..انت نم هنا وانا هنااااااك وبعدين انا موب على كيفك؟؟.. طقت الباب.. فتح لها فيصل:هلا نوف نوف:هع هلا فصول..عبير نست جوالها فيصل ينادي عبير:عبيييييييير!!..عبووووووووره قلبي تعالي قلبي؟؟!..عبير استغربت من هالكلمه عبير:هااااااااااه؟؟ يوم شافت عبير نوف ارتبكت:ه..هلا نوف نوف مدت الجوال:خذي جوالك نسيتيه عبير:يوووووه تصدقين مادريت..مشكووووووره فيصل وهو يناظر عبير:يالله انا بروح انوووووم تصبحون على خير وراح بسررررررعه عبير انقهههههرت نوف:اوكي انا بطلع عبير:لالا اجلسي معي انا ماراح انووووم نوف:طيب وش وراااااي وجلسوا ضحك وسوالف نوف:هههههههه حلوه..احسها شذى فله عبير بكآآآآآبه:من جد..مثل اختي نوف:انتي بأي جامعه؟ عبير:الملك سعود ..انتي؟ نوف:انا بعد..ف أي قسم وسنه كم؟ عبير:اول سنه..داخله فنيه نوف:اهااا..انا بعد اول سنه..وداخله ادارة اعمال..انتي ادبي؟؟ عبير:ايه نوف:حلووو..اذا شي تحبينه..ان علمي وبغيت امووووت عبير:اهاا نوف:اجل اخليك لان ورانا بكره جامعه عبير:يووووووه تصدقين نسيت..يالله مابقى الا اسبوعين ونعطل نوف:ايه والله ونااااااااسه عبير:هههههههههههههه نوف:يالله..good night عبير: good night طلعت نوف من غرفتها..راحت عبير لل غرفه الكبيره..جت بتفتح الباب..بس فيصل مقفله..اوووووف..راحت لل غرفه الثانيه..كانت الغرفه عااااااديه مرررره يعني حلوه لكن مو في فخامة هذيك..انتبهت ل شنطها اللي مبعثره في كل مكان راحت وجلست عليها ترتبها..اول مره ترتب اشياءها..شافت ملابس جديده..رسميه ولانجري..آآخ منك ياشذى..على بالك بلبس ذا عند فيصل؟؟..لو يموووت خلصت ترتيب ملابسها..ولبست بيجامه حرير..ب أكمام طويله كانت هذي البيجامه الوحيده الطويله...والساتره جلست على السرير تحس ب الملل..يالله كل شي متغير علي..حتى الملابس..انا لازم بكره اروح لل سوق..ماعندي الا حبتين..والباقي كله حق عزايم...ماقدرت تنام اول ليله ...مستنكره المكان..وزياده انها جايه مغصووووبه ..اوووف ..طفش طفش طفش ...طلعت لاب توبها..احبك ياشذى..تعرفين اني ماأستغنى عن لاب توبي دخلت بس مافي احد اون لاين الا...عذبتني بصمتك..لاكنها ماكلمته...طلعت على طول قبل لايقول لها شي...مالها خلق تحاكي احد هي اصلا لو ب بتكلم احد بتكلم شذى وبس.. قررت انها تنزل تحت..ناظرت الساعه لقتها 3ونص..امممم مو مشكله اذا احد سألني وين رايحه بقول ابي أكل لي شي......حلوووو حل نزلت..كانت الصاااااله هااااااديه..ومافيها احد...طلعت برا بالحوش تمشى.. بس ماكملت النص ساعه وحست بجوووووع..يوووووه انا طول اليوم ماأكلت شي وجالسه اقاوم جوعي دخلت لل مطبخ.. بس تفاجأة ب واحد..شاب طويل..شعره اسود..لابس برموده جينز وتي شيرت اخضر شافته من ورا عبير:أ..أ ماعرفت وش تقول هذا مو سلطان..ولا فيصل..لالا مو فيصل..فيصل فوق نايم كان جالس يغني: على قد ما شفت وعشت وايه .. ايه ايه جربت أكتر من اللي نفسي فيه .. ايه ايه جيتي إنتي بسرعة يا بنت الإيه .. ايه ايه ببساطة كده قلبي قدرتي عليه .. ايه ايه ابتسمت عبير عليه وهو الاخ ولا حاااس باللي يصير ويستهبل..:وان تو..واااان تو هنا عبير ماقدرت وجلست تضحك عبير:ههههههههههههههههههههههههههههههههههههههههههههه ه هههههههههههههههههههههههههههههههههههههه ههههههههههههههههههههههههههههههههههههههههههههه اللتفت لها وهو متفاجأ .....:بسم الله من وين طلعتي عبير:هههههههههههههههههههه جنيه هههههههههههههههههه بصعوبه قالتها من الضحك الشاب:ه ه ه..يعني صوتي ماعجبك؟؟ عبير:ههههههههههههههههههههههههههههه الشاب:انتي مرة فيصل صح؟؟ عبير حلت بدال الضحكه ابتسام باهته:أيه الشاب:ياسلاااااام..طاقه الميانه معي..يعني لو اني مو أخوك بتجلسين معي؟ عبير عرفت انه عبد العزيز اللي حكوا عنه اليوم:لالالا انا داريه انك عزوز طبعا هي تكذب عزوز:احم احم..ادري وهل يخفا القمر.. عبير:ههههههههههههههههههههههههه وآآآآآآآثق من نفسك مرره عزوز:اذا لم اثق في نفسي ب من اثق..المهم عاد تراني عطيتك وجه..وخري مناك بصلح عشاااااي عبير تناظر الساعه:الساعه الحين..3 عزوز:انا ماأكلت شيي عبير وهي تجلس:اجل الله لايهينك ابي معاك..سوو لي..اممممممم عزوز:بعد بعد..تتشرطين انتي وذا الوجه.. عبير:هاااااه كن السالفه موب عاجبتك..ترا..... عزوز:لالا يحرم امك ماني نااااقص عبير استغربت انا ماهددت لين الحين..:ناقص ايش؟ عزوز:يجي فيصلوووووه..ناقص تكفييييخ..الحين اسوي ان بغيتي مفطح عبير:هههههههههههههههههه لالا سوو لي زيك عزوز ضحك بعدين قعد يصلح له ساندويتش جبن..لكنه لم جا بيقطع الساندوتش جرح اصبعه عزوز:آآآآآآآآآآآآآآآآح..اوووتش..يعوووووور الله ياخذك عبير راحت له:هههههههههههههههههه وانا وش دخلني..انت اللي ماتعرف دفته:وخر خل عمتك تعلمك.. عزوز:طيب يالله عمتي نشوف عبير وهي تقطع الساندويتش..طبعا هي بعد ماتعرف بس تبي تحس ان لها وجود جلست تقطع..وعزوز كان قريب مرررررره منها مما خلاها تنحرج عبير:آآآآآآآآآآي..."حطت اصبعها في فمها"..امممممممم.. عزوز:ههههههههههههههههههههههههههههههههههههه هههههههههههههههههههههههههههههههههههههههههههههههههه هه ههههههههههههههههههههههههههههههههههه عبير:أيه..اضحك.. عزوز:شوفي حتى نفس مكان الجرح..طقمنا انا وأنتي عبير انتبهت وضحكت:ههههههههههههههههههههههههههههههه صلحت عبير الساندويتش اما عزوز راح يجيب بلاستر من فوق.. عزوز...عمره 22..مرح وخفيف دم وطيب وحبوب..يطيح الميانه مع الشخص من يشوفه كنه يعرفه من زمان...الكل يحبه..قلبه قلب طفل..و وجهه برئ بيبي فيس بس عيوووووونه حاده..وسيم..اسمر نوعا ما.. دخل:شوفي مالقيت الا حق مجودي..مرسوم عليه صورة..ويني ذا بوه عبير ابتسمت: يالله مو مشكله حطت عبير البلاستر..وعزوز نفس الشي..وناظروا بعض:هههههههههههههههه هههههههههههههههههههههههههههه وراحوا لل صاله.. وجلسوا ياكلون عزوز:توني اعرفك اليوم وطيحت معك الميااانه عبير:ههههههههههه عادي انا مابي احس اني غريبه عزوز:أفاا...هذيك امك..واحنا اخوانك..وفيصلوووه الشين زوجك..خلاص محد غريب عبير استغربت:فيصلووه الشين..ليش؟ عزوز:ههههههههه امزح..هههه..لاتقولين له يسطرني عبير:تخاف منه؟؟..ههههههههههههه ومرت لحظة..صمت اخيرا تكلم عزوز عزوز:ليش مانمتي؟؟ عبير حست بكآآآآآبه..تذكرت..ابوها جمعها مع هالانسان اليي تكرررررررهه من كل قلبها..الحين احس اني عايشه وموب عايشه..ودها تصيح ودها تصرررررخ.. والله قهر..وقسم بالله قهههر..وتبيني انوووووم؟؟ عزوز:ول ول ول..كل هالتعابير لأني جبت طاري النوم؟ عبير حست ب نفسها:ايش؟ عزوز ب جد:انتي بينك وبين فيصل شي صح؟ عبير..بسم الله ذا الجني:هاه؟..وش بيني وبينه مثلا؟ عزوز ابتسم:هااااااه؟؟..علينا..يالله عبوووور انا فاهمك عبير:الحمد الله والشكر توك اليوم عارفني تقول فاهمني؟؟ عزووز ضحك:ههههههههه ..ألمهم وش بينك وبينه عبير:وانت وش اللي يخليك تقول كذا عزوز:اول شي نزلتك اليوم..باين ان فيصل كلش موب يمك..وبعدين لم جبت طاري النوم تقلب وجهك..والحين لم سألتك ارتبكتي..قولي لي تراني فااااهم فيصل زين..هو بااااااااااارد..بس تراه طيب عبير بدون اهتمام:السالفه ومافيها..انا ماحب اخوك عزوز:نعم نعم نعم؟...اخوووي؟..حراااااام عليك عبير حست انها ندمت على كلمتها.. عبير:أ..أ..عزوز لاتفهم غلط..لين الحين ماتأقلمت معه..يعني طبعه شوي صعب عزوز:امداك تعرفين طبعه؟ عبير:ايه..ولد عمي لاتنسا عزوز موب مقتنع:اهاا عبير خلصت اكلها..:اوكي انا بروح انااااام عزوز:اوكي..وسلمي على اخووووويا قولي له العذر والسموحه اليوم مانفعتك عبير:ههههههه ان شالله عزوز:يالله تصبحين على خير عبير:وانت من اهله ورقت فوق وأول ماحطت راسها نااااااااامت طلع الصبح..فتحت عينها على صوت ....:عبوووور قومي يالله تاخرتي عبير:هممممم.. .....:يالله قومي..عبيّر يالشينه قوووومي عبير فتحت عيونها لقت نوف..:نعم نوف:يالله قومي قامت عبير... نوف:انا بنزل وانتي الحقيني..موب تنومين؟؟ عبير:اوكي نزلت نوف..وعبير دخلت الحمام..شعرها كان كيرلي من امس..وفي اثار الكحل ف هي بس رتبت شعرها..ومسحت اثار الكحل..وحطت مكياح خفيف..عشان تروح اثار كحل امس ولبست تنوره وبلزوه المهم شي ينفع لل جامعه ونزلت..لقت طاولة الاكل الكل كان جالس عليها عبير:السلام عليكم الكل:وعليكم السلام ماكال في مكان الا قدام نوف..يعني ووونااااسه..ماراح اجلس بجنبه.. جلست وجلست تاكل سلطان:الحمد الله ام فيصل:ليش ياسلطان ماكلت شي سلطان معليش عندي شغل.. فيصل:طيب انا امسكه بدالك انت كل تراك ماتاكل.. سلطان:لالا ماله داعي..يالله مع السلاااامه وطلع قامت ام فيصل عشان بتروح تاخذ لها غفوه ك العاده مابقى الا عبير وفيصل ونوف وعزوز عزوز:يالله عشا امس ماكان حلوووووو ابتسمت عبير عرفت وش يقصد..فيصل لاحظ ابتسامة عبير بس مافهم فيصل:عشا؟.. عزوز:أسأل مرتك..قل لها كيف كان عشا امس نوف:عبووور شسالفه؟ عبير ناظرت عزوز.. عزوز:انا امس طبخت لها مفطح نوف وعبير:ههههههههههههههههههههههههههه عبير:مفطح عااااااااد...نصاب سانويتش جبن وانا اللي صلحته نوف:انتوا تلتقون من ورانا؟؟ عزوز:لقيت من هو يسولف معي..ويقدر مشاعري الرقيقه المرهفه فيصل:وهذي اللي تقدر مشاعرك ليش ماتقدر مشاعر زوجها؟؟ عطته نظره..بس حسسته انه انتصر عزوز حس ان ماله داعي:فصول وش فيك وانا اخوك نوف:أي جد انت صرت مرره ماتتقبل المزح.. فيصل:والله في مزح عن مزح عزوز:طيب خلاص خل نغير الموضوع.. جلسوا فيصل وعزوز ضحك وسوالف...وفيصل كل شوي يرسل نظرات ل عبير.. اخر شي عزوز:الحمد الله.. نوف:بتطلع؟؟ عزوز:ايه.. نوف:طيب من يودينا لل جامعه عزوز:السواق..نسيتي ان معااك عبير نوف:اوكي..انقلع عزوز راح ولا رد طبعا الكل استغرب منه بعدين راح من وراها ومعط شعرها نوف:آآآآآآآآآآآآه ياحمااااااار عزوز:اجل سي يو انا بنقلع نوف:مردوووووووووووده عبير تضحك عليهم:ههههههههههههههههههه.. اما فيصل ولا كن شي صاير عنده راح عزوز..وجلسوا يسولفون نوف:اقول عبوره..كيف كانت حياتك اول عبير..تسأليني عند ذا..:كيف يعني؟ نوف:يعني قبل الزواج كيف كان روتينك عبير تناظر فيصل اللي ماعطاها أي اهتمام..بس ماتدرين ان اذنه وتفكيره مع السالفه..:اممممممم..عادي نوف:عبيرووووووووه احتسي.. عبير:ههههههههههههههههه كنك عمتي فوزيه ههههههههه نوف:هههههههههه يالله تكلمي عبير:اممممممم..روتين عادي يعني مافي شي مثير..اروح لل جامعه..ولما ارجع للبيت انام..واقوم المغرب..واجلس لاشغل ولا مشغله..واذا عندي اختبار جلست اذاكر نوف:هههههههههه عليك روتين عبير ابتسمت.. فيصل:الحمدالله.. نوف:هههههههههه انت من زمان مخلص توك تقول الحمدالله فيصل ابتسم لها:ه ه ه..لابس حبيت اعلمك اني بقوم نوف:هههههههههههههههههههههه لا احنا بنعرف فيصل:اوكي طيب سلاامز نوف:بايو وطلع نوف:وش رايك نطلع؟؟ عبير:وين؟ نوف:يووووه عبوووور..نروح لل جامعه عبير:توني باقي ساعه على محاضرتي نوف:وانا نص ساعه؟؟ عبير:اوكي بدق على شذى تجي تجلس معي لين بدا المحاضره.يالله راحت عبير تجيب عبايتها دخلت غرفتها..لم دخلت وقفت عند الباب... ناظرت هالغرفه..اذا دخلتها تجيها كآآآآبه - ليش واقفه هنا؟؟ عبير:وانت وش عليك فيصل بدون اهتمام..:مدري قلت يمكن مضيعه الغرفه ناظرته بحقد وقهر..يالله شكثر اكرررررررررررهك عبير:انا بطلع فيصل.. كان واقف عند الباب.. ومادها طول الباب ..وصاد عليها الطريق.. عبير ترص اسنانها لاتقوم تفصخ الجزمه وعلى طووووول على وجهه عبير:انا قلت لك بطلع..ماتفهم عربي؟؟ فيصل وهو يمد يده على طول الباب:اطلعي احد ماسكك؟؟ عبير:لاياشيخ؟؟..قل لي كيف اطلع وحضرتك مسكر علي الطريق فيصل:اوووووه معليش آسف.. ودخل وسكر الباب وراه عبير:هيييييييّ..بروح لل جامعه فيصل وهو يقرب منها..:واذا قلت لك مافي جامعه؟؟ عبير بدت تخاف من قربه هو يقرب وهي ترجع..شوي وتوصل لل جدار عبير:موب على كيفك فيصل:............... عبير:فيصل وخر!! فيصل:................ وصلت لل جدار وهو مررررره قريب منها.. عبير..:فيصل ابعد عني فيصل:انا اقولك لو قلت مافي جامعه..وش بتسوين؟؟ عبير ضربته على صدره بس ماتحرك..حجر ذا موب ادمي عبير:فيصل وخر نوف تنتظرني تحت فيصل:مالي شغل..... رن جوالها..والمتصل نوف.. عبير بصعوبه طلعت جوالها..لانه لاصق فيها عبير:..أ..آلوو......هلا نوف.........اوكي ثواني وطالعه...سلاااام وسكرت حاولت تختصر المحادثه في ثواني لانها ماتقدر تكلم نوف وذا لاصق فيها واخيرا فيصل تركها... فيصل:وش بينك وبين عزوز عبير:أخوي؟ فيصل:وش قصة العشا والبلاستر..كلكم نفس المكان عبير:نشجع نفس الفريق وش عندك؟؟ فيصل:اقول اطلعي بس عبير طلعت لساانها له اما فيصل ولا عنده فيها طلع وهي طلعت بعده.. وركبت مع نوف عبير دقت على شذى بس ماترد..واخر شي قالت..دواك امك انا بدق عليها تصحيك ودقت ....:آلو عبير:الو..هلا نايف..كيفك؟ نايف:انا تمام انتي كيفك..وكيف الزواج؟؟ عبير:والله الحمدالله..المهم وين شذى؟ نايف:شذى نايمه ك العاده عبير:امممممممم..طيب امك؟ نايف:امي طالعه... عبير استغربت وش مطلعها الصبح..بس تذكر انها تحب طالعات الصبح كثثير عبير:طيب معليش تقوم شوشو..قول لها اني الحين برسل السواق اوكي؟ نايف:من عنوني عبير..لاحوووول..:تسلم عيونك..يالله سلام نايف:مع السلامه نوف:من ذا؟ عبير وهي تدق على رحمه:ولد عمي...نايف نوف:نايف..اهاا عبير:الوو..رحمه.....شوف روح بيت ماما شذى..ودي جامعه..انتا معلوم؟؟ ........يالله سورعه وسكرت وهي تبتسم نوف:هههههههههههه حلوه ماما شذى عبير ابتسمت اكثر:كانت شذى تتنرفز اذا قلت ماما شذى..ههههههههههه وصلوا لل جامعه..نوف راحت لل محاضرتها..اما عبير جلست ربع ساعه لين وصلت شذى شذى:ياربييييييييه منك مقومتني.. عبير:وش اسوي اشتقت لك شذى ضمتها :وانا بعد جلسوا سوالف وضحك..عبير ماقالت ل شذى أي شي عن فيصل..لانها ماتبي تعور راسها.. شذى:هاااااه؟؟..بشري تأقلمي على الوضع ولالا؟ عبير:اهله حبووووووووووووووبين مررررررررره نوف هنا بعرفك عليها ان شالله..اذا طلعت مر اليوم كله سوالف وضحك لم طلعت عبير من محاضرتها او اختبارها اللي ماذاكرت له ابد التقت ب نوف نوف:اهلين!! عبير:هلا نوف كيف الامتحان؟ نوف:وه..بالمووووووووت عرفت احل عبير:هههههههههههههههه وانا بعد.. التفت نوف على شذى...:انتي شذى صح؟ شذى ابتسمت:ايه...نوف؟ عبير:هههههه ماشالله عرفتوا بعض؟ نوف وشذى:ههههههههههههههههه نوف:جنيه شذى:هههههههههههههههههههههههههه وجلسوا سوالف وضحك اخر شي طلعوا عبير ونوف مع السواق..اما شذى راحت مع سواق عبير وصلوا لل بيت ماكان بالصاله الا عزوز وسلطان نوف:هاااااااااااي ماي برذراااااااات سلطان يكلم عزوز:وش هذا الشي؟..برذرات؟ عزوز:مدري يمكن اكله هنديه ولا شي؟؟.. نوف:سخييييييييييييييييفين عبير وهي تجلس:هههههههههههههههههههههههههههه نوف:انا بروح اغير ملابسي و انااااااااام اما عبير تكت معاهم سلطان :وانتي ماراح تنامين؟ عبير:لا مابي.. عزوز:خبله امس نايمه 3ونص كانها موب 4..ومافيك النوم عبير بدون اهتمام:مابي..كيفي سلطان:طيب طيب..لاتزعلين..ماراح نقول شي..همممممم"وحط يده على فمه" عبير:هههههههههههههههههههه خبل..لالا ماراح ازعل سطان:احسن شي عبير :وش تناظرون عزوز:فلم يتكلم عن فتاة احبت شابا لكن الشاب لم يعطيها وجه..ف انتحرت الفتاة..وبعدها سلطان:يرحم امك اسكت!!...مافي من اللي قلته صح عزوز:وش قصدك من الفصحه ولا من القصه؟؟ سلطان:كل شي..!! عبير:ههههههههههههههههههه والله انكم نكته عزوز:لازم كل يوم على هالحال جلسوا يتفرجون على الفلم وعزوز كل شوي جاي لهم ب تعليق يقهههههههر سلطان:اووووووووووووووف..عزيّز..ترا بالعقال..اسكت عزوز:مالك شغل انا اكلم عبير..المهم عبير شفتي هذي..بتموت..اللي تو كان لابس اسود هو اللي بيقتلها عشاااااااان........ عبير وسلطان:أسككككككككككككككككككككككككت عزوز:وشو؟ سلطان:درينا انك شفت الفلم..لاتحرقه علينا عزوز:انا بقول لكم عشان ماتتفاجاون عبير:لانبي نتفاجئ عزوز:هههههههههههههههههههه المهم اكمل..عشانها هي سلطان :ترا والله ان ماسكت ب الزنووووووبه على راسك..اسكت عزوز:هههههههههههههههههههههههههههههههههه ههههههههه هالفلم من زمااااااااااااااان نازل..توكم تناظرونه؟ سلطان :ايه انت تناظر الفلم قبل لاينزل عزوز:ايه عشان يصير موب مشفر عبير ضربته:قلة حيا.. عزوز:ههههههههههههههههههههههههههههههه ههههههههه انا ادري عنكم...هالفلم من سنه او اكثر نازل عبير:طيب انت وش حارق رزك؟؟...انا ابي اشوفه عزوز:الحمدالله والشكر... خلص الفلم وراحت عبير لل غرفتها وغيرت ملابسها لبست بنطلون جينز..تي شيرت احمر مخطط بالابيض كان عادي مرررررره بس حلوووو عليها..طبعا تحممت وساح شعرها ف ربطته وطلع الذيل ستريت نزلت عبير:السلام عليكم الكل:وعليكم السلااااام نوف:تعالي تعالي عبووووووووووره..امي تقول بنسوي لك عزيمه..او عرس ام فيصل:عرس عبير:لا مايحتاج.. على ايش ياحسره ام فيصل:لالا مايصير بنسوي لتس عزيمتن زينه..والعزيمه بعد اسبوعين..لان في عزيمتن انا كنت بسويها..(عزيمتن=عزيمه) عبير:الله ..خالتي وش هالعزايم ام فيصل:اول شي انا امتس مو خالتتس..ثاني شي..الله لايلومني..من غلااتس يامي عبير ودها تنفجر ودها تصيح اول مره تحس انها محط الاهتمام عند اهلها عبير:مشكووووووووووره يمه الله يازين هالكمله..يمه!! جلست بجنبها:طيب وليش كل هالعزايم..تكفي عزيمة العرس خخخخ سلطان:ايه اسمها عرس انتي لين الحين ماسويتي عرس فيصل:بتسوون زفه وذاالخرابيط؟؟ عبير...ياشينك ياشيخ ام فيصل:ايه وبتنزف انت بعد فيصل:اووووف مشواااار عزوز فاهم الطبخه:فيصلووووه كل شي عشان عبير يهون..صح؟ فيصل ناظر عبير..وألتفت على عزوز:صح عبير...صح..من زينك قايلها غصب نوف بدلع:مااااااااااامي حياتووووو!! عزوز:ماااااااالت عليك موب وجه دلع ابد نوف:مالك شغل"وترز لسانها" ام فيصل:وش تبين؟ نوف:خل نطلع والله طفش ام فيصل:وين اختك منى نوف:يوووووه مامي منى راحت ل بيتها زوجها رجع ام فيصل:طيب روحي مع عبير..وخذوا معاكم عزوز لاشغل ولامشغله عزوز:ياخذوني معاهم ولاانا اللي اخذهم معاااااي؟..بعدين انا مواعد بدر ولد خالتي نوف:والله مواعد بدر؟..اجل خلاص نطلع معااااااكم عبير:لاوالله ااذا في احد غريب ف السالفه ماراح ارووح فيصل:من قال انك بتروحين اساسا عبير ماااااتت قهر ودها تموته بس امه ..وه.. اكرهه نوف:لاياعيوني...لاتقول تخليها تجلس وماتطلع؟؟ فيصل:والله كيفي زوجتي وانا حر..."ولف يده عليها" عبير ودها توخر يده بس آآآآآآآآخ يالقهر..ناظرت عزوز وهو كان مبتسم عزوز:اقول يالاخو عندك جناح وش كبره فيصل:كيفي رح اطلع مع بدر ولد خالتك عزوز:ليش مو ولد خالتك بعد انت؟ فيصل:الا..بس انا مثل ماقلت لك كيفي سلطان:وانت كل دقيقه والثانيه كيفي وكيفي..ولا اذا غيرت ..انا حر فيصل بيقهره:انا حر كيفي ههههههههههههههههههههههه نوف:ههههههههههههههههههههههه سلطان:ياثقل دمك ياشيخ عزوز:انا اشهد.. نوف:وانا بعد ناظروا عبير..وش اقول.. وش اقول ...وش اقول... عبير:وانا بعد نوف وسلطان:هههههههههههههههههههههههههههههههههههههه بس مو مثل عزوز:هههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه كان يضحك من قلب حتى فيصل شك انه انجن فيصل:الحمد الله والشكر عزوز:ههههههههههههههههههههه هههههههههههههههههههههههههههههههههههههههههههههههههه ه عبير بدت تضحك على ضحكه:هههههههههههههههههه هههههههههههههههههههههههههههههه فيصل:انتوا الاثنين فيكم شي..الله لايبلانا نوف:هههههههههههههههههههههههههههه هههههههههههههههههههههههههههههههههههههه فيصل:انتي بعد؟ المهم مر الوقت وجا بدر ولد خالت فيصل ودخل بس كان بالحوش عشان يسلم على ام فيصل نوف وهي تطل بالشباك حق الصاله نوف:ياربيييييييييييه ياملحه بس وه عبير:وش تسوييييييين؟ نوف:بسم الله من وين طلعتي انتي؟ عبير:منهو ذا اللي ياملحه نوف سحبت عبير:شوووفي بدر ولد خالتي ناظرت عبير رجال طويلل وكان جالس يضحك ل أم فيصل..كان وسيم نوعا ما وطويل اطول من عزوز ب شبر تقريبا خخخ عبير:كم عمره؟ نوف:كبر سلطان بس علاقته مع عزوز قويه..حتى سلطان بس هو أكثر شي مع عزوز عبير:أهاا فيصل:وش تسوون؟ التفتوا عبير ونوف..ماكان في احد بالصاله وش جابه ذا نوف:بسم الله..وش تبي انت؟ فيصل:وش تناظرون؟ عبير:مانناظر شي..يعني منعتني من الطلعه بتمنعني اني اجلس عند الشباك فيصل برد ماتوقعته عبير:لاياقلبي انتي عارفه اني مابيك تغيبين عن نظري ولا ثانيه عبير..........وش يبي ذا..يعععععع انا قلبه..بنتحر نوف:نحن هنا..ترا توني عزوبيه فيصل:لاانتي عاااااااااانس نوف:نعم نعم نعم؟؟...انا عانس؟.. فيصل:وش رايك نزوجك بدر ولد خالتي؟ نوف:يالله انا ماعندي مااااااااااانع ابداااا فيصل:انتي احد قال لك ان ماعندك ادب ابد..يالشفووحه نوف:هههههههههه لا..بس قد قالوا انك طالعه على اخوك فيصل:مين عزوز ولاسلطان؟ نوف:فيصل فيصل:ه ه ه..تبطين ..اصلا الناس تقول ان منى طالعه علي نوف بدون أهتمام:هذا كلام الناس فيصل:عبير امشي معي فوق ابيك!! عبير:وشو؟ فيصل:فوق نوف:فوق يعني ماتفهمين فوق فيصل :أقووول نوف انثبري في مكان ثاني ........:هااه؟..اخبااااااااارك؟ عزوز:تمام والله بدر:وكيف مرة اخوك تأقلمت ولا جنيه زي اللي يصير ف المسلسلات عزوز:لاااااااااا عبوووووور جنيه حرام عليك بدر:هههههههه اشوفك تدافع عنها عزوز:اكيد..هذي اختي بدر:المهم وين تبي نروح؟ عزوز:خل نتمشى ولا نروح لنا مجمع نرقم بدر:هههههههههه ماعندك وقت عزوز:ههههههههههههههههههههه بدر:لامابي ارقم انت عارفني..خل نروووح اممم عزوز:نرقم بدر:ترا بيجيك كف يعدل خشتك عزوز:ههههههههههههه طيب وش رايك نمر نوف وعبير ودهم يطلعون بدر:طيب يالله دق عزوز على نوف طبعا ماصدقت خبر..بس باقي مهمة اقنااااع فيصل ..راحت نوف ل أمها نوف:مامي ام فيصل..الله يستر:نعم نوف:أبغا عبير تجي معي بطلع مع عزوز ام فيصل:اناماعلي منها قولي لها؟؟ نوف:ايه مو هو فيصل الشييين يقول لا ام فيصل:مادام قال لا خلاااااص نوف:طيب ليش ..ماممي بلييييز قولي له هو يسمع منك...بلييييز ام فيصل:وشو بليييييسه..ماأقولك الا الله يخلف علي بس..انزللللللعي منااك يالله نوف:يوووه طيب.. وراحت لل غرفة عبير لعلا وعسى يوافق هالفيصل في نفس الوقت .....:انا قلت لك مااااابي انااااام ف هالغرفه..ماأبيها فيصل ب للامبالاه وهو يتفرج ع التلفزيون:مافي نومه معي لاتحاولين عبير ميته قهر اصلا من جت وهي شغلتها انها تنقهر:انا انوم معااك؟..كثر منها..انا انوووم في حظيره ولا انا معاااك فيصل:الغرفه ذيك احسن لك من الحظيره..ياحلووووه..ولو اني اشك عبير؟؟..:تشك؟..في ايش فيصل:انك حلوووه عبير:وليش مامليت عينك يالاخو..؟؟ فيصل:انا مدري كيف تقدمت لك صدق اني طيب عبير:هاااااااااااه؟ فيصل حس انه لحس مخها..:ولا شي.. طق..طق صوت طق الباب..فتحت عبير الباب وكانت نوف نوف:هاي عبوره عبير:هايات نوف :وين فيصل عبير:هنا..."وتنادي"..فيصل!!..تعال نوف تبيك!! جا فيصل:هلا نوف:امممم..معليش تخلي عبير تروح معي..تكفىىى فيصل:وين؟ نوف:بطلع مع عزوز وبدر بليييييز فيصل عقد حواجبه:لا نوف:يوووووه منك فصوووول.. فيصل:قلت لا يعني لا..انتي وهي ماتفهمون معنى كلمة لا؟. عبير:طيب وان قلت لك اني ابي اطلع؟ فيصل يحاوط يده على خصر عبيرر:ياقلبي ياعمري..انتي ماتعرفين وش كثر اتعذب لم ادخل الغرفه ولا ألقاك.. عبير...يععععع..الله يحوم كبدك نوف:احم احم!! فيصل قرب ل عبير اكثر...:نوف حبيبتي..روحي ل حالك انا ماأقدر اجلس بالبيت الا وعبير معي نوف:أأ..أ.بس..انا..ابي اروح معاها عبير:فيصل ابي ارووووح..ماطلعت من كم يوم ابي اوسع صدري فيصل:لا..انا ناوي اطلع عبير اليوم نوف:اهاا..قل كذا من الاول..اووووكي باي عبير كان ودها تتكلم تفهمه ان ماله دخل يقيد حريتها..بس قربها منه ويده اللي ملفه على خصرها..كانت مقيدتها نفسيا اكثر من ماهي جسديا..لم يكون أي رجل قريب منها تحس انها انشللللت طلعت نوف..وخلتهم فيصل تركها على طول:شفتي اني اتحكم فيك؟. عبير:مووو داااااايم..انا محترمه اختك.. وراحت ل غرفتها..وجلست عالسرير بعصبيه..بس اللي ماتوقعته انه لحقها..وجلس بجنبها عبير رفعت حاجبها:خير؟؟ فيصل ب كل هدووء:يعني مو محترمتني؟ عبير:...لا..لانك انت اساسا ماأحترمت نفسك..ف ليش احترمك فيصل:وممكن تقولين لي ليش ماأحترمت نفسي؟ عبير:لانك اخذتني غصب وانا ماأبيك فيصل ب لامبالاه:حسيته تحدي..انتي ترفضين كثير..ف قلت بجرب حظي عبير بققت عيونها خير وش شايفني تجرب حظك فيصل حس براسها كلام كثيييير بس تكلم قبلها:البسي عشان نطلع عبير:مابي.. كانت تظن انه بيسكت عبير ماتدري انه جد..بس ماااااأحبك اكررررهك واطلع معك؟؟ فيصل:قام وراح لل دولاب حقها..وطلع لها لبس.. ورمااه لها..:البسي هذا.. عبير صدت من الجهه الثانيه:ماااااااابي.. فيصل اتجه لها:تبين البسك ترا ماعندي مانع.. عبير:مابي مابي مابي فيصل:اوكي.. وقرب منها ل درجه خلتها تصدق انه من جد بيسويها ويلبسها.. عبير:وش سوي هييييييّ.. فيصل:بلبسك مو انتي تبين وأخذت اللبس منه بعصبيه..:قلت لك مااراااااااااااااح اللبس فيصل:ترا جد اتكلم الحين والله افصخك مايردني شي عبير:لالا يرحم امك اطلع خلاص اعرف البس فيصل:طيب يالله انتظرك وانا بعد بلبس ناظرت اللبس اللي مطلعه لها ماكان حلوو..ضحكت عليه شكله مطلعه أي كلااام وبس ..والله ثقيل دم على خبل على......كل الصفات اللي تعبر عن ثقالة الدم فيه دخلت اللبس ولبست قميص ابيض وبنطلون جينز..وربطت شعرها..كان شكلها مررره عااااادي..بس حلوو طلعت ولقت فيصل توه طالع من الغرفه..كان لابس برموده جينز تحت الركبه على طول..وبلوزه بيضا مكتوب عليها بالازرقDKNY..وجزمة All star..كحلي..كان شكله مرررره حلووووو تحسفت من قلب لآنها ماتزينت مثله..وش فرقه عني..بس يالله شكله خطييييير بس لو انك مو فيصل.. فيصل:وش تناظرين؟..من زمان ماشفتيني؟ مسكت نفسها لا تبتسم كلهم جينز وابيض عبير انتبهت على نفسها..وخذت عبايتها..ولبستها.. نزلوا تحت.. ام فيصل:على وين؟ فيصل:بنطلع تامرين شي؟ ام فيصل:سلامتكم فيصل:تبين تجين معنا؟ ام فيصل:هههه لاوشو له اجي بكلف عليكم..بعدين وش يحشرني بينك وبين مرتك خل اجلس في ذا اصرف لي فيصل:أفااا عبير:يمه عادي والله بنفرح بيجتك ام فيصل:لا اصلا خالتتس ام احمد بتجي عبير ماتعرف من هذي:ان شالله خيرها بغيرها.. ام فيصل:صح ويالله وسعوا صدوركم فيصل:ان شالله.ياأحلى ام عبير لاحظت ان فيصل لسانه حلووو مع كل الناس الا هي..من زينك فيصل ناظر عبير وابتسم:يالله عبير :يالله وطلعوا..طبعا كل هذا كان تمثيل عند ام فيصل رن جوال عبير: عبير:آلوووو .....:هههههههههههههههههههههههههههههههههههه هههههههههههههههههههههههههههههههههههههههههههههههههه مسكييينه سوآآآآها فيك اخوي النشبه عبير: ههههههههههه على تبن انا اصلا ماكان ودي..بعدين وش عليك طلعت وافتكيت منك عزوز:بس رحت مع نوف لل مووووول..حرمه عبير:ههههه وش فيها الحرمه عزوز:هههههههههههه قد قال لك احد انك فلللله..محد صح عبير استحت منه صحيح اخوها بس ماتعودت:الا كثير عزوز:ياحبي لك الغرور يقطر منك..بس مو حلو كثرته عبير:مزااااااجي..المهم عاد عطيتك وجه يالله باي وسلم لي على نوف وتعذر لي منها.. عزوز:ههههههه ان شالله عبير:ليش تضحك عزوز:قالت لي نوف وقالت انك مع الخقه ماعرفتي تتكلمين.. عبير:انت انساااااااان سخييييييييف..يالله بااااااي.. عزوز:ههههه بااااااياااااااات ياأسخ..احم قصدي ياأحلى مرة اخووو..واخت وسكرت منه فيصل:من هذا؟ عبير:عزوز.. فيصل:اهاا..
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور أنمي رومنسية ومميزة | ميراااالأميرة | أرشيف المواضيع الغير مكتمله او المكرره او المنقوله و المخالفه | 94 | 03-06-2014 06:39 PM |
| أكثر وأجمل وأحلى صور الأنيمي الرومنسية | ميراااالأميرة | أرشيف المواضيع الغير مكتمله او المكرره او المنقوله و المخالفه | 77 | 06-15-2012 06:56 PM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| الرجال معادن ؟؟يذوبون في درجات مختلفة؟؟كيف؟ | samir albattawi | آدم ~ | 5 | 04-27-2007 02:41 PM |
| الرجال والرمانسية | سنيورة أمواج | الحياة الأسرية | 1 | 03-16-2007 11:18 PM |
العرض العادي
