|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#102
11-28-2009, 06:20 AM
| ||
| | ||
| الجـــــــــــــــــزء الـــــــــــــــــــرابــــــــــــــــــع والعشرون...والأخيــــــر ابتعد عنـي بعيـــد.. مابي حبـــــك يزيــــــد... الهـــوى شوق وعــــذاب... وانت مــــو داري اكيـــــد طلــــــع الدكتوور واخيــــــــرا..ووجهه وايتفسر... الدكـتور:احنا اللي علينا سويناااه...و......... شذى من غير مقدماات:دكتور قل انها ماماتت الدكتور.الموت حــــــق يابنتي شذى:يعني ماتت؟ الدكتور:لالا المريضه بـ خير مجرد كسور...بس الجنين..للـ اسف..طيحتها كانت قويه..و.. تنفست شذى...بـ رآآحه.. فيصل:طيب نقدر نشوفهاا؟ الدكتور:لا..مو الحين..ع الاقل فيصل:بس ثوواني الدكتور:اصلا هي فاقده وعيهاا...ماراح تقدر تكلمهاا فيصل:مو مشكله بس ابي اشوفهاا.. الدكتور شااف انه يزن..وشكله ناوي يجلس لين الليل وهو على هـ الحال الدكتور:اوكي..خمس دقايق فيصل فررح:مشكوووور... شذى انقهرت منه...هو السبب في مرضها ثمن يدخل..والله خووش.. دخل فيصل...وشاف عبير نايمه الحـــزن واضح عليهاا...كانت نايمه ولاحااسه بـ شي..وشعرها متناااثر على المخده..ومعديهاا برااءه..محليتهاا.. شوق يغمره لها مسك يدهاا..وهو ماسك دمعته لاتنزل... فيصل:عبير تكفين سامحيني........انا ادري غلطت في حقك كثيـــــر..بس ابغاا منك تنسين وتساامحيني........مو بس على اللي سويته على كل شي ارتكبته في حقك.. تكفيــــــــــــن عبير....قومي وحاكيني....ارجعي معي للـ البيت..وانا مستعد اعوظك عن كل شي............. دخلت الممرضه... المرضه:كلاااس...فايف منت.. فيصل مطنشهاا:عبير..الله يخليك كلميني الممرضه:كلاااس مستر...تاايمز اب فيصل:عبير انا احبـك..الله يخليك اسمعيني قومته الممرضه..وهو مسح دمعته احبـــــــــــــــــــــــــك...كانت الكلمه اللي انتظرتهاا عبير...يوم جاا الوقت اللي تسمعها فيه......ماقدرت تسمعهاا... بس بتساامحه؟؟ ناديه وهي تكلم منال.ومعصببه... ناديه:انتي الغبيه من جدك؟؟؟؟؟؟؟ منال:ايه وانا اتخذت هـ القرار..وماراح اترااجع ناديه:وربي انك........افف...وش اقوول...مغفله منال:قولي اللي تقولينه..انا خلاااص ناديه:طيب وش الحلم اللي حلمتيه يافالحه منال:حلم..وبس ناديه:لاحوووول...يعني شقول ميد طلال منال:قولي ان منال رفضت.... ناديه:لاوانتي الصادقه استخفت...احد يعااف طلال؟؟ منال:........................ ناديه:خلاااص...هذا قرارك وانتي حـرّه منال:...... ناديه:انا بسكر تبين شي؟؟ منال:سلاامتك سكرت منال من ناديه وهي تصيـــــــــــــح... خطـوتها هي الصـــح هي استخاارت خلاااص وحلمت وفسرته...وماتقدر تتزوجه لان الشيخ اللي فسر لها الحلم....نصحه بـ عدم الزواج منه... اصلا بـ العقل...مستحيل وحده تتزوج واحد عارف غلطه هي سوتها..لو كان تفكيره متفتح....هو رجل شرقي..وماراح اكوون صفحه بيضااا قداامه... اللي سويته هو الـصــــــــــح!...ولاراح اترااجع مــــــــــــــــــرت الايـــام فيصل كان من الشغل للـ البيت ومن البيت للـ الشغل منى قالت له لايزور عبير...لان نفسيتها تعباانه شوي... كان ياخذ اخباارها من فيصل... طلعت من المستشفى وراحــــت لـ بيت ابوهاا... اللي حتى الحمدالله ع السلااامه ماقالها لها...لاهي مع......."سميره" السبب الحقيقي في ان منى ماتبي فيصل يزور عبير... ان عبير كل ماذكر اسم فيصل قداامهاا..كانت تنهاار..تكتأب ولا تعصب... مو شي سهل انها فقدة ولدهاا..صحيح انها ماشافته بس مهما كان..هو سبب في كل شي....مو بس انهاا سقطت! عنـد فيصل كان يبي عبير تجي للـ البيت بـ أي طريقه.. ابوها اكيد مسفه فيهاا..وهي بهـ الوقت بـ حااجه للـ اهتمام وعناايه كان طالع من غرفته وشااف منى فيصل:منى! منى:هلا فيصل:شفتي ولا كلمتي عبير؟ منى ابتسمت:ايه...بـ خير فيصل حك رااسه:طيب هي في بيت ابوها صح؟ منى بـ ابتساامه لها معنى:ايه.. فيصل:اهاا منى:فيصل...تبي تزورها؟ فيصل:والله ودي بس ماحس اني بكوون ضيف مرحب فيه منى:هي الحين هدت...انا منعتك عنهاا كم يوم عشاان تهدا..تقدر تروح ترااضيهاا فيصل:تهقين بتساامحني؟ منى:اكيـــــد...اللي يحب يساامح.. فيصل:وش درااك انتي اني احبهاا يالفهيمه؟؟ منى:هههههههه...تستهبل ولا تستهبل؟؟...اهتمامك فيهاا..وخوف عليهاا..وكل كمله والثانيه تسأل عنها..وهل هي محتااجه شي ولالا...مايفسر شي؟..بعدين انا اعرفك حتى او ماتكلمت... فيصل:زوجتي وانا حـــــــر منى:بسم الله علي ماقلت شي..جت نوف نمبر توو..خلاااص انت قلت زوجتك فيصل:يلله عااد تراني مو فااضي لك بزور مرتي.. منى:هههههههههه.. دخل فيصل غرفته..ولبس ثوب ابيض وشماغ..وجزمه سودا..(لاتخاافون مو اول ستاار.. ) كان شكله خيـــــــال... ومصلـح السكسوكه..كأنه واحد رايـح للـ زواج... نزل تحت..وهو مبتسم.. بس من جواا شي ثااااااني كان في عزوز وام فيصل ومنى.. ام فيصل:طالع؟ فيصل:ايه ام فيصل:بتروح لـ عبير؟ فيصل:أيه تبين شي؟؟ ام فيصل ماتدري عن شي..تحسب ان عبير رايحه لـ بيت اهلها عشاانها تعباانه..كم يوم وترجع ام فيصل:سلم لي عليهاا..وقل لها لاتطوول ترا البيت موحش بدونها فيصل ابتسم:ان شالله... وطلـــــــــــع! ركب سيارته.. وهو في الطريق..يفكر كيف يراضي عبير... هل بترضى على طوول ولا مهمته بتكوون طويــــــــــــله.. ابستم... مو مشكله...كل شي عشاان عبير يهووون...لو يراضيها بـ طريقة الافلام ابيض واسود... شـــاف محل ورود.. ابتسم على فكرته......ابيض واسود؟؟ مومشكله...البنات يحبوون الرومنيسه.. نزل وشراا بوكيه ورد كبيــــــر جوري احمر... طلع وهو مستاانس... بس هل هذي الابتساامه بتضل على ثغره؟..والفرحه؟.. بترضى عبير؟؟.....ولالا.. طلال:رفضت؟؟ ناديه:ايه طلال جلس...ليش طيب.. ناديه:طلال لاتضيق صدرك..... طلال:طب ليه؟ ناديه:تقول استخاارت وهذا اللي طلع معهاا... طلال:..................... مايقدر يعترض.... ناديه:طلوول...لاتضيق صدرك...في غيرها مليوون ابتسم طلال:ماضاق صدري ولاشي...انا بس تفاجأت... ناديه:اكيد؟....موب شكلك طلال يستهبل:انا قــــــــــوي ناديه ابستم..بس مايقدر يخفي احبااطه وصـل فيصل للـ البيت فتحت له الشغااله واضطر انه ينتظر شوي... ثوانــي ورجعت له .. الشالغه:ماما عبير كلااام هياا نوم غبيه هـ الشغاله...في احد يتكلم وهو نايم..الكذب وااضح.. فيصل:في احد جوا؟ الشغاله:no فيصل:اوكي توه بيدخل بس منعته الشغاله فيصل:وش تبين؟؟ الشغاله:انتا مافي كلام بابا سأد؟ فيصل:اقوول لايكثر...انا زوجهاا.. الشغاله بقره ماتفهم فيصل:هاااااازبنت الشغاله:اووه..سوري مستر.. دخل فيصل.. ورقــــــى الدرجاات وصل لـ فوق..في غرف كثيره..بس أي وحده غرفتهاا؟.. مشى وكان غرف كثيره وااضح انهاا مهجووره.. سمع صوت الشيخ العجمي يقراا قرآآن.. مشـى للـ الغرفه واحساسه يقول له ان عبير ورا هـ الباب... دق البـــــــاب بس مافي رد.. فتحه كان في سيب وع اليمين حمام... دخل جووا..كان النور خاافت...دخل..وشـــــــــــــــــافهاا كانت جالسه ع السرير ومااسكه مخدتها..ودموعهاا تنزل...والكسر اللي كان بيدهاا خف..بس مجبسته نـــــــــــــــــــــاظرهـــــــــــــــــا وهي..تنــــــــــــــــــــــــــــــــــاظره مدري كم مر من الوقت وهم يـتأملون بعض... عبير كل مره تزيد عباراتها...ودموعه تنزل بـ شكل اغزر قــــــــطــــع هـ الجــــــو ابتســــــــــــــــــــامه..من فيصل... اما هي ماردت له الابتساامه اتجه لها.. عبير شدت قبضتها على مخدتها:وش تبي مني بعد؟؟....اطلع..! بس فيصل مارد... قرب منها وجلس ع الارض... كان جالس على ركبه...وعبير فوق السرير.. فيصل بـ حنيه:عبير...شلونك الحين؟ عبير:................ فيصل:انا جاي ابيك تسامحيني عبير:................ فيصل ينااظرها ينتظر منها رد عبير:وعلى بالك اني بساامحك... فيصل:انتي عاارفه..وماأظن يخفى عنك اني كنت جزء من لعبتهم...حطي نفسك في مكااني..انا وقتها انعميت..ماقمت اشوف شي عبير:انت ليش تزوجتني؟؟...مو لو انك مخليني عند ابوي احسن؟؟..عيشتني عيشه ماكنت حتى في احلااامي اعيشها...متزوجين ومو متزجين فيصل:طيب ليش ماتسألين نفسك هـ السؤال؟ عبير خنقتها العبره تبي تبين قويه بس...حصوونها انهاارت.. فيصل:عبير فديتك..مابي اشوف دموعك.. عبير مسحتها:وش يهمك...دموعي مو شي مهم عندك...عبير وشي بـ السبه لك فيصل:تسـأليني من انتي؟... عبير تمسح دمووعها بـ كمها فيصل:انتي حيـــــــــــــــاتي كلها...انفااسي كل دنيتي.... عبير رجف قلبها من كلماته...بس ماصدقته...لازم اكوون قويه..مو عبير الضعيفه انا لازم ارجع مثل اول...قويـــــــه..ارجع عبير الاوليه..كرامتها فـــــــــــوق كل شي..حتى حبها لـ فيصل فيصل:عبير! صحاها من سرحاانها فيصل:طالبك لاترديني... عبير:انت اللي سويتااه فيني موب شويه فيصل:طيب...انا اعترف لك اني غلطاان...مستعد اعترف لـ كل الناااس اني غلطاان..وغلطة بـ حقك بعد...بس لو هـ الشي بيخليك تسامحيني عبير تبي تتكلم بس ماتقدر..دمووعها تمنعهاا..تسمع كلااام قلبها ولا عقلهاا.. فيصل:ارجعي معي للـ البيت انا والكل ينتظر رجوعك عبير:بيت...انطردت منه ماأرجع له.. فيصل أكتأب وجهه...:عبير والله اني آسف..وشلوون اخليك تسامحيني..وربي انا اهم شي عندي الحيـــــن رضــــــاك.. عبير:وين اصرفهاا هذي آسف؟؟ فيصل..شكل مهمتي طويـله..مو مشكله..انا غلطت ولازم اتحمل عبير:مـــــابيك..طلقني.. انصدم منها...الشي الوحيد اللي ماتوقعه منها..انها تطلب الطلاااق..هو نفسه مافكر فيه يوم ظلمها... فيصل:طلااق؟ عبير: سمعتني فيصل:بس.......عبير عطيني فرصه..اثبت لك اني ندمااان على كل لحظه ظلمتك فيهاا... عبير:لاتعطيني امل اكبر من احلااامي...اخاف اطيح على رااسي..وانصدم فيك ثانيه فيصل:انا قد كذبت عليك؟؟..يعني مو مصدقتني عبير:.................... فيصل:الله يخليك افهميني عبير:انا اكرهك...ومابي اعيـش معك الغريب ان فيصل محافظ على هدوءه فيصل:من قلبك؟؟ عبير نــــزلت رآآسها فيصل:ليش نزلتي عيونك؟؟..ارفعيهاا وطالعيني بس ماأهتمت له رفع فيصل راس عبير بـ اصاابعه من ذقنهاا.. فيصل: لاتجاوبيني...بس..مافكرتي بـ امي موضي؟؟..تراها كبيره..وماراح تتحمل..خبر طلاااقنا عبير:.............لاتحااول كانت تحس بـ شي غريب...فيصل يناظرها بكل قوه..عينه بـ عينها..كأن هي الغلطاانه مو هو...... عبير اعترفي......انتي الغلطاانه فيصل:وليش ماأحاول مو انتي زوجتي ودنيتي كلها...انا ابيك ياعبير..الله يخليك ارجعي معي عبير:دربي ماتطووله يافيصل....مو عبير اللي تنطرد من بيت وترجع له فيصل:يعنــــــــــــــــي خلاااص؟ عبير:اللي سمعته...انا من زماان غاسله يدي منك ابتعد عنـي بعيـــد.. مـــــــابي حبـــــك يزيــــــد... الهـــوى شوق وعــــذاب... وانت مــــو داري اكيـــــد فيصل قــــام... فيصل:خلاااص ياعبير...بس اتمنى انك تفكيرين...لو مو فيني فكري بـ امي موضي..منى..وعزوز وسلطان..ونوف..الكل ينتظر رجعتك..حراام تخيبين ظنهم... منى مأمله انك ترجعين معي الليله..بس انا بخليك تفكرين اكثـر حط الورد على السرير... وطلــــــــــــــــع! من طلع فيصل عبير هلت دمووعها...اكثر من اول...انا غبيه غبيه...ليش اطلب الطلاااق....كانت كل كلمه منه صادقه..وماخفى هـ الشي عنهاا.. بس هي فقدة كلمة احبـــــــــــــــــــــــك حتى الحيـن يافيصل مو راضي تقولها... اخذت الورد اللي بـ جنبهاا...ماكان فيها بطااقه بس الجوري نسفه يغني عن الف بطااقه... ركـــــب فيصل سيارته وهو محبط منهاا... و كل شي قال لها يدور بـ رآآسها ظرب ع الدركسوون بقوته..انا الغبي... ليش ماقلت كل شي بـ قلبي... رجعت به الذكريـــــــــات للـ ايام الاولى من زواجهم عبير بدون نفس:السلاااام عليكم فيصل:وعليكم السلام..راح الحيا صح؟ عبير:انا الحين فهمت قصدك يوم قلت لي بالتلفون قلبي ان مو حلال عليك فيصل اكتفى بـ أبتسامه عبير:انت وش تبي من الدنيا؟..انا مااااااااابيك..ياخي خل عندك كرامه قام فيصل واتجه لها...ماكان في أي تعبير على وجهه عبير خاااااافت..:خير وش تبي..وخر عني فيصل:طيب تذكرين لم قلت انك مو حلال علي؟..الحين انتي حلال علي.. عبير:لا مو حلال عليك..طلقني فيصل:من اولها؟..انا لين بغيت اتزوج اتزوج بـ مزااااجي..ولين بغيت اطلق طلقت بـ مزاااااجي بعد..واللي عندك سويه عبير:ياخي اكررررررررهك..انت بالذات ماأطيقك من بد عياااال عمي كلهم فيصل:مشكلتك..المهم جبيبي اغراضك انا بـ السياره ..... ويوم يجيبهاا من الجامعه... فيصل:اووكي وش رايك نرووح نتغدى..ترا حدي جووعان عبير:مافطرت؟؟ فيصل:هع فطرت الساعه 9 تقريبا عبير بققت عيونها:خبــــــل..تدري كم الساعه؟؟..الحين الساعه 3ونص..صار لك 7سااعات ماكلت شي.. فيصل:خايفه علي؟؟ ليت هـ الايـــــــام ترجع..والله اصلحها كلـهـــــا..بس خل توافق ترجع لي... كانت منى جالسه..توصي الشغاله على ماجد.. منى وهي تطلع من عندها:لاحوول..بقره ماتفهم وصلت للـ الصاله ام فيصل:هو!...وراتس تحلطمين؟؟ منى:بلاااها ماتفهم.. ام فيصل:هذا ولدتس انتي الفروض تراعينه وتدارينه.. منى:يووه يمه..انا موب فاضية له ام فيصل:بكيفتس دخل فيصل......... فيصل:السلااام عليكم الكل :وعليكم السلااام رااح فوق.. منى عرفت ان عبير ردته..ورحات ورااه دخل غرفته..ورمى نفسه ع الكنب.. وتنهد بـ صووت دخلت منى من غير لاتدق الباب راحت له وجلست جنيه منى:فيصل؟ فيصل:.......... منى:فيصل شفيك؟؟..عبير مارضت تجي معك هـــز راسه بـ ايجااب منى:انت راضيتهاا فيصل:مابقى شي ماقلته لها...بس هي اللي ماتبيني..شكلها خلاااص عافتني.. منى:لاتقول كذا عبير تحبك..هي بس تتدلع فيصل التفت لها:تطلب الطلاق...تسمينه دلع؟ منى حطت يدها على فمها:طلاااااق؟ فيصل:ايه كلمااتها تردد على مساامعه " لاتعطيني امل اكبر من احلااامي...اخاف اطيح على رااسي..وانصدم فيك ثانيه" " دربي ماتطووله يافيصل....مو عبير اللي تنطرد من بيت وترجع له" طلعت منى من عنده وهي متضاايقه... فكرة تكلم عبير.. اخذت جوالها واتصلت عليهاا ردت عبير وواضح انها كانت تصيح بس تحاول تخفي هـ الشي..منى سوت نفسها مادرت عبير:آلوو منى:هلاا والله عبووره عبير:هلا ميموو منى:اخباارك عبير: الحمدالله منى:وكيف الحيــــأة بـ بعاادي؟؟ عبير:ههههه..وآآثقه ترااك مرره منى:هههههههه...الا يالشينه وينك؟؟..من زمااان عنك..خلاااص ارجعي عبير بـ ثقه:ليش..فيصل ماقال لك؟؟ منى تستغبي:قال لي؟ عبير:اكيد انه قال لك لأنك يامنى عاارفه الساالفه من الاول منى:طيب لاترجعين عشاان فيصل...ارجعي عشااني..وكلنا نبيك عبير:محد يبيني خلاااص.. منى:هذي اللي بتخليني ازعل منهاا.. عبير:ليش ينزعل من الواقع؟؟ منى:يعني تبيني ازعل؟ عبير:اذا الواقع يزعل..ماأقدر اكذب عليك عشاان ترضين منى:خلاااص اوكي...مع السلااامه عبير:مع السلااامه سكرت منى من عبير وهي عارفه ان كلااام عبيرمو من قلبهاا.. هي الى الان متضاايقه من اللي صاار ومصدوومه..ومن تصحي وترجع لـ عقلهاا بـ تلقى كلن حواليهاا.. راحـــــــت لـ غرفة نوف... دخلت.. نوف كانت ماسكه الجوال:هههههههه...اقوول حموود فيه متطفلين هنا منى:مالت عليك نوف:مع السلااامه.."سكرت"...نعـــــــم!... منى:وجـــــع!...اسمعي ابيك تدقين على عبير نوف:وش اقولهاا؟؟ منى:هي مطووله في الرجعه قولي لها ترجع لناا نوف:الششششينه...يعني ماودهاا ترجع لناا؟ منى:لالا مو كذا....انا ابيك تدقين عليها..بـ خبرتك في الحنّه..خليها ترجع نوف تضرب على صدرها:ابشري ماطلبتــــــــي شي منى:هههههههههههه..ورينا شطاارتك اتصلت نوف على عبير.... فيصل كان جالس...فكر ياخذ له دش يمكن يروق بعدهاا.. دخل للـ الحمام..واخذ له دش طويــــــــــــــــل... والذكريـــــأت تروح وتجي به... عبير:في بكره روحه للـ بر؟؟ فيصل:أيــــــه.. عبير:طيب ليش ماقلت لي؟ فيصل:أممممم..ماجا على بالي..او ماسمحت لي الفرصه عبير:لاوالله؟..يعني كل الي بالبيت يعرفون وانا لا؟؟ فيصل:طيب اووكي انا آآسف..ماراح اكررها.. عبير:فيصل انا اتكلم جد فيصل:وانا بعد..صح كان المفرووض اعلـمك..كم عندي من عبير؟؟ عبير:مو لايق عليك ابد فيصل:وشو عبير:انك تكوون رومنسي فيصل:اصيـر لك روميو ان بغيتي عبير:لا شكـرا مابي.. فيصل ابتسم:اووكي..متحملك...عشــــــانك ........ تذكر يوم البـر..يوم كان راكب الدباب فيصل :مادوك تركبين؟؟ عبير:في زوج سمر فيصل:تعالي ماعليك منه انتي لابسه نظاره واللبسي هـ الكـاب .."ويأشر على كابـه".... وماراح يعرفك..وهـو اصلا لاهي بـ مرته عبير:مامعي دباب.. فيصل فحز لها:تعالي معي.. عبير:نعم؟؟.. وناظرت دلال..ههههه فرصه اقهرها.. عبير:أووكي.. وركبت معاه.. فيصل:تمسكي زيــــــن يييييي لالا..أمسك وسط فيصل؟؟..ياماما ابـــــي انــــزل عبير:فيصل ابي انـ.. وأنطلــــــــــــق فيصــــل بسرررررررررررعه..قبل لاتكمل كلامها.. واظطرت انها تتمسك فيــــه.. .... عبير بخووف:فيصل وين احنـا فيه.. فيصل:مدري عبير وخوفها يزيد:فيصل بليز خل نرجع.. فيصل: انا اعرف احنا وين عشان ارجع؟؟ عبير شوي وتصيـــــح:ياربي..انت اكيــــد تمزح وقــــف فيصل..الدباب.. ونــــزل وحاول يتصــــل وهي بعدت...كان وراها طوول الوقت.. جلست تصيح:فيــــــــــــــــــــــــــــــــصل؟؟ جلست تصررخ وهي بـ دموعها:فييييييييييييييييصل؟؟ - عبير؟؟.. ألتفت عبير على فيصل..وركضـــــت له..وضمته.. دفنت راسها بـ صدره.. عبير:لا تتركني..ياويلك...انا خااااايفه..فيصل بلييز خل نرجع.. فيصل:ههههههههههههه شفيك انتي مصدقه اننا ضايعين عبيـرببراءه مو فاهمه:هـاه؟؟ فيصل:فيصل معاك كيف تضيعين؟؟..تعالي!! ركبـــــــوا الدباب ورجعوا للـ مكان المخيم عبير:سخيييييييييييييييييييييييييف.. فيصل:ههههههههههههههههههههههههههههههههههههههههههههه هههههههههههههههههههههههههههههههههههههههههههههه عبير:باااااااااااااااااااااااااااايخ فيصل ولا عنده:هههههههههههههههههههههههههههههههههههههههههه ابتسم على هـ الذكرى الحلوووهـ... ليتها ترجع سكر المويه..ولف عليه الفوطه..طلع من الحمام وجلس يمشط شعره..شاف من المرآيه..دفتر الخواطر...اللي قرآآه كم مرره... مسك جواله...فكر يرسل لها رساله... تذكر يوم عطى جوال عبير لـ منى عشاان ترجعه لها...ع الاقل يكوون عنده فرصه انه يكلمها او يرااسلها... فكــــــــر يدق بس........هو عارف مسبقاا..ماراح ترد رســـــل لها مســــــــــج خايف اتـــــصل وتقولين (دق المزعــــج( وخايف مااتـــــصل واموت من شوقي تدرين ياحبي دقات قلبي ترتجف وضــــاع الكلام وضاعت حروفي ومن حبي لك سميتك بالجوال ("" قلبــــــــــــــــــــــــــــــك"") تدريــــــــــــــــــــــــــن ليــــــه؟؟ لادقيتي علي يطلع عنــــــــدي **قلبك** يتصـــــــــــــــــــــــــل بـــــك لا تسألي عن حاله اللي شكى الهم واللي شكى لك من عنا زود همــــه لاتسألي من فاضت جروحــــــه (الدم( باللي غدى حبـــــك (اسيــــــــر بدمه( رمى جواله..وهو مأمل يلقى رد للـ الرســـــــــــاله... بس شكل انتــظاره بيطوول.. فـتح دولابه..طلع له أي لبس..شي يكوون مريـح... وصله مسج.. رآآح لـ جواله ركــــــــــض... بس مــــاكـــــان من عبيـــــر تنهد...ورمااهـ..كل اللي شاغله الحين عبير...مايبي أي شي خاارج اطاار مشكلته هذي الحين عنــــــد عبيـر قرت المسج..ونزلت دمعتها..سؤال في بالهاا...هو صاادق؟؟.. لـــــحــــــــظـــــه! واذا صـــادق؟؟...انا ماراح ارجع له... ليش يوم تركته صاار حنون..ليش يوم بينت قويه ورميت ضعفي ورااي...صار انســــان ثاني فيصل من يومه طيب... لا..فيصل مجرد انســــان مر علي ولارااح يرجع...انســــــان عادي انســــان عادي؟؟..انتي تكذبين على نفسك؟؟...فيصل كل دنيتك ياعبير لالا..فيصل ولا شي...اكرهه... وش اللي يثبت لك هـ الشي...انتي محتااجه تثبتين هـ الشي لـ نفسك..قبل تثبتين لـ غيرك.. مـــــــــــــــرة الايـــــــــــــام... وفيصل عــــــايش ع الرســــــايل... أخــــر رســــاله كانت.. "توني حسبت حساب بعدك وفرقــاك .. توني دريت اني بدونك ولاشــي .. خليتني ما بين طيفك وذكـــراك ! عذبت حالي ليش "ماترفق" شــوي أرجع لو تأمر علي الروح تفداك ارجع تراني شفت موتي وانا حي" كانت تمسح بعض الرسايل قبل تقراهااا...وكان الشــــوق يغلبهاا...رسايله كانت تخفف عنها شوي... أو تزيــــدها... مع كل رساله لازم دمووع.. مسحت دمعتها تذكــــــرت ان اليوم نوف مواعدتها تمرها ويروحون الســــــواق عشاان بتشتري بعض الاشيــــاء للـ زواجها اللي قرب اتصلت على جـــــوال نوف... لكن مافي رد... اتصلت ع الثــــأبت كانت منى جالسه هي وعزوز اللي كان منسجم في فلم..وفيصل اللي كان ماسك جواله والله العالم وش يقراا.. شافت منى الرقم في الكــــــاشف ابتسمت..هذي عبير.. منى:فصوول! فيصل من غير لاينااظرها:هلا منى:ممكن ترد؟؟ فيصل:وانتي..فوق راسك ريشه؟ منى تتميلح:فصووووول! فيصل:منى ترا وربي مانيب رايق لك منى:حتى لو كاان المتصل....احد! فيصل التفت وفهم منهو هـ الاحد.. منى تلكم عزوز:عزووووز عزوز:خير منى:تعاااااال معي شوي عزوز:لاحوووول...نعم!... قامت منى وجرته... منى:امش الرجال بيكلم عزوز:بناظر الفلم منى:شفـه فووق مسكته وطلعته من الصــــاله.. رد فيصل...بس ماتكلم عبير:آلوو؟ فيصل:هلا والله وغلا عبير:فيصل؟ كانت تبي تسكر بس قلبها ماطاوعها فيصل بـ هدووء ومبتسم:ليش متوقعه احد ثاني؟؟ عبير:وين نوف؟ فيصل:ماأصلح انا؟ عبير: وين نوف؟؟ فيصل:يعني دااقه تبين نوف...وانا؟؟..وين رحت؟ عبير:فيصل! فيصل:قلب فيصل وعمــــــــــــره عبير:.............. فيصل:وهـ بس ياويــــــل حـــالي...عبير الله يخليك سامحيني..وارجعي لي..والله اني كل دقيقه امووت وانتي مو معي عبير:.......... بس سمع شهقاتها عرف انها صااحت فيصل بـ كآآبه:يعني لازم دمووع...كل ماأشوفك او اسمع صوتك لازم تصيحين؟؟ عبير:انت السبب فيصل:عبير!...ليش مو رااضيه تسمعيني.. عبير:خلاااص يافيصل مابي منك شي..طلقني....اكــ... طوط..طوط...طوط..طوط..طوط...طوط....طوط..طوط رمى فيصل السماعه..وراااح بسرررررعه لـ سيـــــأرته ركبها واتجه لـ عبيـــــــــــر... هو مايدري ليه رااح لها...بس داافع قوي دااخله ..شي يأمره انه يروح لهاا...يبي يشوفهاا.. عزوز:انتي وش تبين...هـ الفلم بـ ذاات ناويه تخربينه علي.. منى:اففففف..والله رآآيق نزلت من تحت شافت السمااعه منطوله... ابتسمت اكيد رااح لهاا...اعرف فيصل ماعنده وقــــــــت عند فيصل وصل لها اول مافتحت له الشغاله
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد!  |
|
#103
11-28-2009, 06:21 AM
| ||
| | ||
| انطلــــــــق لـ غرفتهااا.. دق البــــاب.. بس محد يرد نفس ذيك المــــــره دخل.. مر السيب الصغير...ولقاهااا..ع السرير وشكلهاا غافيه...مو في وعيهاا.. اثــار الدمووع على وجهها.. شعرها على وجهها..بـ شكل مهمل وعشوائي.. اخذها وخلااها في حضنه...اكثر شي محتاجته عبير حضن يأويهاا... شــــلـــون لاصاار فيصل.. لمس جبهتهاا...حرارتهاا مرتفعه وليه لا...نفسيتها اثرت بـ شكل سلبي على صحتهااا اتصل ع الدكتوور عشاان يجي يشووف وش فيهاا.. يوم كانت الدكتـوره والممرضه عند عبير طلع فيصل براا.. اتصل على منى منى:هلاوالله..بشر فيصل:منى..ابيك تاخذين لك ملااابس وتجين لـ عبير منى:ليـــــــه؟ فيصل:تعباانه شوي... منى:ان شالله الحين اجيــــك طيراااااان فيصل:يلله انتظرك منى:اوكي سكر منهاا... دقـــــــــايق وطلــــــعت الدكتوره فيصل:بشري يادكتوره الدكتوره:متخفش...مجرد حراره.. فيصل ارتاااااح الدكتوره:ازمه وتعدي على خير فيصل:مشكووره وماقصرتي الدكتوره:دا واجبي طلعت الدكتوره بعد مادفع لها فيصل فلوسهاا.. دخل عند عبير اللي الظـــــاهر ماتدري وش قاعد يصير.. مسكينه كل هـ الاحدااث صارت لها في اياام متقاااربه.. طلع لاتشووفه ثمن تزيد حالتها سوء رن الجرس عرف انهاا...منى! فتحت لها الشغااله..ودخلت على طوول منى:هاه فيصل طمني فيصل ابتسم:بـ خير الحمدالله مجرد حراره منى:اشوى.. فيصل:هي الحين نايمه منى:مسكينه...على بالي صاير لها شي كبير.. فيصل:انا طالع تبين شي؟؟ منى:وين؟ فيصل:اذا صحت وشافتني...بتصيح..انا عارفها منى ابستمت وحطت يدها على كتفه:ان شالله بتساامحك...وتراها تحبك ومثل ماقلت لك اللي يحب يساامح فيصل ابستم ولا قال ولاكلمه وطلـــــــــــــع ركب سيارته... يبي أي شي ينسيه... من زماان عن حمد... دق عليه حمد:هلاااااااا بـ النسيب فيصل:هههههههه..نسيب؟؟.. حمد:اجل؟ فيصل:مدري ليه احسهاا طالعه من قلبك... حمد:اووووف بس...فاهمني فيصل:اقول لايكثر وينك فيه؟ حمد:هنــــــــــــــــــاّ! فيصل:لاوالله؟ حمد:ههههههههههههه..انا في البيت يعني وين؟ فيصل:طيب انا جايك الحين حمد:صــــــــار..بس بستـأذن من نوفتي اول فيصل:افاا...يالخكري....ماهقيتها منك حمد:هههههههههه...امزح... فيصل:يلله مسافة الطريق سكر منه..وهو متجه لـ بيته قامت عبير ولقت منى جالسه على كرسي.. عبير:مـ...منى ناظرتها منى والابتساامه شااقه وجهها.. منى:صحيتي؟؟ عبير:........ منى قامت لهاا..ووقفت عند سريرها اللي كانت ممدده عليه منى:ولواني زعلااانه منك بس موب مشكله... عبير ابتسمت منى:لو بس شفتي فيصل كيف كااان خاااايف عليك..جاب لك طبيبه عبير:فيصل كان هنا منى:يص... عبير:وينه الحين منى:رااح..انا قلت له يروح..لانك ماتبينه عبير:....... منى جلست ع السرير:عبير...يعني ماتبين ترجعين لناا عبير لفت مع الجهه الثانيه مو مستعده تواجه احد:لا منى:طيب...امي..والله لو تدري ان يرتفع عليها الظغط..ويمكن تدخل المستشفى..هذا جزاها انهاا حبتك وخلتك بنتهاا؟؟.. عبير:.................. منى:عبير انتي اختنا كلنـــــــا وفيصل زوجك...وامي امك...لو ماتبين ترجعين عشاان فيصل...ارجعي عشاانا احناا.. عبير:بس انا مابي اشوف فيصل منى:ليه؟ وش تقول؟؟..اخاف اضعف؟...مستحيـــــــل منى:خلاااص اذا على فيصل...انا اتفااهم معه..انتي بـ غرفه وهو بـ غرفه...جلستك هنا مالها داااعي..من بيهتم فيك لامرضتي؟..من بيحس فيك...هنا الكل مزلبك..تعالي وفيصل ماله شغل فيك.. عبير:ودي بس.......... منى:شوفي انا مستعده اكلم فيصل.....يبعد عن طريقك...هو شرق وانتي غرب...بس ارجعي معي لان امي بدت تقلق عبير:بس منى:من غير بس....وش قلتي؟؟ عبير:................. منى:عبيـــــر...يعني مزعلتني..وبترديني؟؟ عبير:خلاااص...انا مواافقه ارجع بس...فيصل مابي اشوفه منى استااااااانست:ابشرري يالغاليه ماطلبتي شي من الفررحه منى لمت اغرااض عبير.. وأتصلت ع الســـواق يجي ياخذهم لبست عبير عبايتها.. منى مافصختها اساسا ^^ ركبـــــــوا مع الســــواق وراحــــوا للـ بيت منى ارسلت رسااله لـ فيصل "ابشرك..وافقت ترجع" بس هو مارد دخلــــــــوا البيت عزوز:هلااااااااااااااا والله وغلاااااااا...تو مانوور البيت عبير:منور بك عزوز:الله مير يسلمتس ويعافيتس عبير:هههههههههههههههههه منى:عبير روحي فوق ارتااحي عبير:وين امي؟ منى:طالعه شوي وبترجع.... عبير:اممممم..ماودي ودي اجلس معاكم مشتااقه لكم مررره منى:وهـ بس... نـــزل فيصل من فوق يوم شاف عبير استااااانس..ابتسم لها بس هي سوت نفسها ماشافته منى:فيصل سمعنا شي من اغنيااتك الجميله عزوز:يرحم امك مانبي رآآشد فيصل:ههههههههه...خلاااص هذي اهديهاا لـ عبير.. عزوز:سمعنـا فيصل يناظر عبير اللي انحرجت:يابعدهم كلـــهم..ياسراجي بينهم.. عزوز:غــــــش غـــــش!...وشو سرجاي وانا مامليت عينك؟؟ منى:اففففف..اسكت خله يكمل فيصل:النــــاس مقامات ياأخوي منى:ماعليك كمل عزوز تكتف وسكــــت فيصل.عطني من دنيــــــــــــاك حبك واترك البــــــــاقي لهم.. منى تصفر:كوووووووووشخه فيصل:خليني اكمل لا........ قامت عبير:انا بروح ارتااح راحـت فوق.. رقت فوق.. عزوز:الظااهر تعباانه شوي منى:ايه فيصل..آآخ بس متى ترضى متى تساامحني.. منى:فصوول انت بعد رح فووق فيصل ناظرها.....خبله انتي اروح فوق؟ منى:اجلس بـ الصااله يمكن تبي شي؟؟ فيصل تنهد:ان شالله... ورقى هو بعد... عنـــــــد عبير.. اخذت لها دش.. ولبست بيجاامه..ولعت الابجوره لانها تستعد للـ النوم منى:عزوز! عزوز:هاه؟ منى:شرآآيك نطلع؟ عزوز:وين؟ منى:مدري امي موضي طاالعه وماراح ترجع الا في الليل..ووونوف مع المستـر سلطان بـ الشركه لان فيصل مزلب الشغل..خل نطلع انا وانت ومجوودي عزوز:ميب شينه.. منى:بسسس راحت تجيب عبايتهاا..ونادة الشغاله عشان تجيب مجود عزوز:يلله؟ منى:يلللله! طلعــــــــوا مادري كم مر من الوقت.....بس الظـــاهر ان الحين السااعه0 1 الليل.. ناظرت الساعه..كانت 11... الظـــــلام دااامس... عبير من يومهاا ماتحب الظـــــلام.. يكمن خــــوف بس اللي تعرفه انها ماتتحمله اخذت شـال ولفته على نفسهاا.. قامت ومشت بـ خطاا بطيئه تخااف تصقع في شي.. صدمة رجلهاا بـ شي قااسي.. عبير:آآآآآآح.. ناظرت نزلت يدها لـ الارض يمكن تعرف وشو...كانت شنطتهاا.. الى الان مافرغت اغرااضها توها جايه اليوم مشــــت وصلت عند البـــــاب..فتحته...البيـــــــت كله ظــــــلااااام... نزلـت تحت كان خوفها يزيد...وصـلت الصـاله..حاولت تولع اللمبه..بس مافي شي.. حاولت مره ومرتين وثلاث.....بس مافي امل تنفتح لايكـــــــــون الكـهرب مطفي؟؟... خاااااافت البيت هاادي... اكيـــــــد الكل طاالع... حســـــــــت بـ خوف ووحشه من البيت...العاده مليااان..الحين مافي الا هي اتجهت لـ باب الفلــــه...البيت من برا كان منوور...نور القمر جلست عند البـــــاب.. تكورت على نفسهاا...الجو كان بارد نوعاا ماا.. جلست والخـــوف يـاكلها...اكيد محد فيه الا الخدم والسواويق.. لحــــــالها في بيت كبير وموحش... نزلت دمعتهاا.. تتذكر اياام اول قبل زوجهاا..كانت لما تناام تفتح الباب..وتولع الابجووره.. الظلام كان عدوهاا.. وهي الحين في البيت الكبير كلله ظــــــلااام مــرت نسمه هواا طيرت شعرهاا... على انه صيف بس بردت لان البيت كاان بلاااط كم مــــــــر عليــــــــــها وهي هنــــــا..! ماتدري - ليش جالسه هناا؟؟..البلاط بارد عليك.. اللتفت للـ الصوت..صوت تحبه وتحب صااحبه فيـــــصل عبير قامت له وظمته وفرغت مافيها من دموع فيصل:عبير الله يخليك...ليش الدمووع؟ عبير:.........فـ...فيصل فيصل:امريني عبير:انا خايفه.......لاتتركني... فيصل:انا هنا عندك..حتى شغلي مارحت له كله عشاانك.. عبير رفعت رااسهاا له ابتسم لها ومسح دمعتهاا... عبير:ابغاا اقولك شي ..بس............."سكتت" فيصل:وشو..امريني يالغلا عبير:انا السبب..ابيك تساامحني.. فيصل مافهم عبير:انا اللي موت الجنين...انا موت ولدي فيصل عقد حواجبه:موتيه؟ عبير:ايه....يوم طردتني حسيت ان كل الابواب تسكرت في وجهي...حسيت ان خلاااص حياتي مالها معني من غيرك...فكرت ....اني... فيصل ينظرها تكمل:........ عبير:انتحر فيصل:تنتحرين؟؟..... عبير هزت راسهاا..ونزلته عشاان مايشووف دمووعهاا..اللي كل ثانيه كانت تنزل كانت تنتظر ضربته..كف...يصاارخ في وجهها...بس رفع راسها وقال بـ حنية الكون كله:تدرين ان الاتحاار حراام؟ كـان اللي قدامه طفله مو بنت ام 20 سنه عبير:ادري...بس والله اني ماكنت افكر وقتهاا..كنت....مدري..أبي ربي يساامحني..ثم انت...انا قتلت نفس فيصل ابتسم:اذا رب العالمين يساامح ليش احناا مانسااامح فهمــــت تنغيزته... فيصل:عبير ارفعي راسك وكلميني عبير:فيصل...... في رااسها سوال يمكن تعتبره غبي...بس في خااطرهاا.. عبير:انت تحبني؟؟؟ هذي فرصته انه يطلع اللي بـ دااخله لين متى وهو يكتم..لازم يقوول فيصل:هذا سؤال؟؟ عبير من غير تحط عينه يعينهاا:جاوبني فيصل: ايه احبــــــــــــــــــــــــــــــــــــــــــــك عبير رفعت راسهاا...ماتدري تبتسم تضحك..تصررخ..مو مستوعبه..تصيح؟؟ فيصل:انتي؟ عبير:انا بعد فيصل:انتي ايش؟ عبير:اللي قلته فيصل يستغبي:انا قلت شي..شكل مع كثرة الصيااح خرفتي عبير:يوووه يافيصل....وانا بعد احبــــك فيصل مسك قلبه:وهـ ياقلبي...ياحلوهااا من احبك..وانا احبك واحبك واحبك واحبك واحبك واحبك... عبير محد مثلهاا في ونااستهاا....كانت كل كلمه منه تروي عطشهاا...تشفى غليهاا..وترضي غرورهاا...تحس انهاا بهـ الكلماات تعووض عن الايــــام اللي رااحت.. ضمهاا فيصل لـ صدره:يعني سامحتيني؟؟ عبير:انت اللي سامحني...مو انا فيصل:لالا انا مااشيل في قلبي عليك....اهم شي انتي عبير:مســـــــــامحتك من زمااان فيصل ناظرها:ياسلااام ومرمطتني كذا ليه عبير:هههههه...عشاان اشوف غلاااتي فيصل:احبــــك ياشيخه... ^^ بـــــــــــــعــــــــد مـــــــــــــرور عـــــدة سنـــــــــــــوات قامت عبير من النـــوم...على صـــوت صيــــــاح خلود..بنتهاا فيصل وهو يقلب على الجهه الثانيه:لاحوول..سكتيهاا ابغاا انااام ناظرته وابتسمت...كل يوم على هـ الحـــــال عطتها مصاصتهاا..وفي ثوااني سكتت.. رااح عنهاا النـــوم.. تذكرت امس يوم تتصل عليهاا شذى بـ شهر العسل.. ههههه...لقت من يحقق حلمهاا..في احد يقومهاا بـ نعوومه مو بـ دفااشه ولا يدعي عليها مثل امهاا.. تذكرت يوم قالت لها انه اول ليله جاب لها ورده..وجلس يداعب خشمهاا فيهاا.. الله يوفقك ياشذى..تستـــــاهلين والله منال الشينه...اخيرا تزوجت واحد اسمه تركي..بس ماكان مثل ماهي متوقعه اكبر منها بـ ع الاقل 5 سنين..كان اكبر منها بـ 7 سنين..بس طيب وحبوب..وسمعته حلووه..ومستوااه المادي...امممممم..مدري بس ماعيشها اقل من العيشه اللي هي كانت عايشتهاا..بس سعيده معاااه..الله يوفقك انتي بعد العنـــــــود ونايف...زواجهم ماتم بـ سووله..بلا والله من كثر شروط شذى..جونيح.. ..مو مشكله...تعبر بهـ الجونيح على قولة شذى لين ماتزوجت سلطان...فضى لهم البيت..نايف ماحب يترك امه وابوه..والعنود تفهم هـ الشي...على قولهتهاا..المكان اللي تكون فيه مرتااح..انا ارتااح فيه... هذي الزوجه ولا بلاااش... اممممم...من بااقي...هيا ومشعل...الحمد الله...ربي رزقهم بـ توأم..ولو ان مشيعل مايتحمل صيااح المبزره...خخخخخ..مثل هـ اللي عندي..مسكينه كوكو كل ماصااحت عصصب...وهـ بس فديت العصبيين ..وعيالهم.. ابتسمت يوم تذكرت كرشة نوفه...خخخخخ..ولا حنة عزوز يبي ناديه..بس انا عبقريه تدورن ليه؟؟...لاني عرفت ان عزوز كان طوول الوقت غرقآآآن لين شوشته بـ الحب...كان يوصفهاا ولا احد عرفهاا..قمت انا بشطاارتي وسألت بناات عمي..اللي جت منهم ذااك اليوم..اثرهاا ناديه..الله يتمم على خير...فصوول متوعد عزوز ان ظبط شغله بيروح هو بنفسه يخطبها له.... نزلت من السرير ورحت للـ الحمام... تذكـــــرت كلام شذى قبل كم سنه...تدون كم مر على زواجي من فيصل؟؟...6 سنين ونص..خخخخ..سريعه الايام صح؟؟...كلها من عمرناا.. الله يساامحك ياثير ويغفر لك ويرحم تدورن ليه..انا وش تذكرت...؟ اثير تزوجت احمد...بس احمد اللي مايخااف ربه من درا ان اثير حـــــامل..المسكينه طااح فيها طق..هي كانت تحااول تخفي حملهاا خايفه من احمد..وولادتها كانت صعبه..وماتحملت..وتوفت وهي بـ النفااس.. بس الله ماراح يغفر للـ الظالمين..اثير كانت حامل بـ توأم..اول ماات اما الثاني فـ عااش حساابك عند ربك ياأحمد : ((واذا الموءدة سؤلت..بـ أي ذنب قتلت)) كانت بنت..احمد سفه في بنته...مايدري ان بنته ولدت بدون ام..وهي الحين محتااجه ابو.. دخلها الحضاانه...وكانت تروح وتجي مع الســـــواق.. بس فعلا الله ماينسى عبااده...انتقم ربي من احمد عرفوا اهله ان السواق اللي مايخااف ربه اعتدى على بنت احمد الصغيره والمسكينه مابلغت لو الـ 6 سنواات... طبعا البنت ماتحملت ومااتت...واحمد عاايش ولا هو عاايش..ماأدري وش حالته الحين...بس ان شالله تاااب.. راكــــــــــان..رجـع من الماينا حامل مرض اللايدز طلعت من الحمام..كان فيصل جالس ويلعب خلود.. فيصل:ليش تأخرتي؟؟.. عبير:تاخرت؟؟ فيصل:ايه خليتين بـ لحالي معهاا...الحرااميه عبير:هههههههههههه...ليش حراميه؟؟ فيصل:سرقتك مني.. عبير احت له وبااسته...:في احد يقدر يرق فيصل من عبير؟؟ فيصل مسك قلبه:وهـــ ياقلبي...مقدر انا خلاااااص صـــــاحث كوكو وخربت الجــــــو قبل يبدا ^^ تمــــــــــــت >...خـــــــــــــلــــــــف الكوالــــــــيس..< (1)عبيـــــــــر البطلــــه...فكرة في شخصيتهاا كثيـــــــر كنت اقراا بعض الروايـــــــات...كثير من الروايات تجي البطله شخصيتهاا ضعيفه ومغلووب على امرهاا.. بس فكرة اني اغير من هـ الشي...فـ حطيت شخصيتهاا قويه اممممممم..ومن افكاري بس..كنت ابي اخليهاا ماتحمل...بس هونت..ياكثر مشااكلهم..كاان ودي اخلي بعد ماتعاالج..وتساافر وتروح وتجي...تحمل بس خل افكااري لي احسن صح؟؟.. ^^ (2)فيــــــــــــصل كنت مفكره اسميه طلال..اممممم..مدري ليه.. بس كان توني مخلصه من روايه اسم بطلهاا طلال.. قلت لا ماله دااعي..اسم فيصل معجبني... فكرة في تركي....بس لا...مافي مثل فيصل حلوو.. وحتى فكرة في خالد..بس مالحب الا للـ الحبيب الاولي مشــــــاعره ماحبيت تظهر لكم على طوول..كان ودي يصير حلكم من حاال عبير...تعيشون الحيره...(3) شــــــــــــــذى فكرة اموتهاا..بس قلت حرآآآم..مالها ذنب... وحده من صديقااتي نصحتني ماأزوجهاا لـ سلطاان..لان ماراح يكوون شي حقيقي لو خليتهم كلهم نهايتهم حلووه.. اامممممم...القصه كلها على بعضهاا خيـــــال× خيـــــــال بس منال هي المسكينه...ماخذت اللي تحبه..
__________________ أفضل تعـريف لذاتك .. أنك لست أفضل من أحد ، ولسـت كأي أحد و لست أقل من أحد! |
|
#105
11-28-2009, 03:00 PM
| ||
| | ||
| تتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتحفة شكرااااااااااااااااااااااااااااااااااااااااااااااااااااااااااا يا أحلى جيرووووووووووووووووووووووووت في الدنيا
__________________ سبحان الله العظيم سبحان الله وبحمده فاضي دقيقتين؟ ادخل هنا وشاركنا هنا مشاركة في دورة عيون العرب لتعليم الفوتوشوب خطوة بخطوة 2 يا كاشفني ღ. ŚḿĨŁę ğĩŕĻ .ღ. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور أنمي رومنسية ومميزة | ميراااالأميرة | أرشيف المواضيع الغير مكتمله او المكرره او المنقوله و المخالفه | 94 | 03-06-2014 06:39 PM |
| أكثر وأجمل وأحلى صور الأنيمي الرومنسية | ميراااالأميرة | أرشيف المواضيع الغير مكتمله او المكرره او المنقوله و المخالفه | 77 | 06-15-2012 06:56 PM |
| الكتب الممنوعة (قائمة) | اقبال | تحميل كتب مجانية, مراجع للتحميل | 130 | 03-02-2009 10:38 PM |
| الرجال معادن ؟؟يذوبون في درجات مختلفة؟؟كيف؟ | samir albattawi | آدم ~ | 5 | 04-27-2007 02:41 PM |
| الرجال والرمانسية | سنيورة أمواج | الحياة الأسرية | 1 | 03-16-2007 11:18 PM |
العرض العادي
