لايفوتكم عرس عربجي على عربجيه...! - عيون العرب

**مَنفىّ ❝** · #1 01-07-2009, 06:33 PM

)لا يفوتكم عرس عربجي على عربجيه ...)

ابقولكم وش صار في ليله عرس دحيم

المواصفات:

الأسم/ دحيم الدلخ

العمر/ منولد في سنه الطفره

الشكل/ قزم ودب واقرع و وجهه كله خدود ومافيه عيون بإختصار يحوم الكبد

الولد دحيم داش 24 ساعه مشاكل وتفحيط وخرابيط وهجوله

المهم ابوه قرر يزوجه يمكن يعقل الولد!!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه للثمامه يطعسون

وابوه يدق عليه

الأب: الووو دحيم وينك؟

دحيم: هلا والله طالع مع الشباب لثمامه

!!! الأب: جعل تطلع روحك بلا تعال اليوم عرسك

دحيم: طيب العرس في اليل يمديني ارجع المغرب

الأب: اقول امش جعلي امشي العصا على ظهرك

دحيم: طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونهويودونه للقصر

*****>>>دحيم إلا الحين مايدري وش السالفه يبي يخلص بسرعه عشان يلحق على العيال في الأستراحه يلعب بلوت

ويدخلون القصر ويجلسونه في المنصه وهو يقول اروح اجلس عند القهوجيه ابي اتكي معهم واشرب شاهي (والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم: مبرووك منك المال ومنه العيال

دحيم: هلا ايه طيب يكون خير والله ماعندي ولا ريال

( قايل لكم مهوب وجه زواج)

المهم ويدخلونه على الحريم

يوم دخل

(وهو إلي يفتح كشرته (ابتسامه عريضه

ويناظر في ذا البنيات

المهم يوم طقوا الطقاقات إلا هو يطمر ويرقص سامري

ويسحبه ابوه ويقولها اركد لا تفشلنا!!!!

المهم ويجلسه على الكرسي وتجي وحده ترقص عنده وهو إلي يضحك عليها ويقول اوووووه ماتعرفين ترقصين ياالدبه

وانواع الأستهبال والمشكله إلي ترقص امه مسكينه تبي تفرح به مادرت انه مايستاهل

المهم ويقومون البنيات يرقصون عنده وهو يناظر يقول صح ياالرقص مهوب رقص العيال في الأستراحه امحق رقصصص؟

إلا ابوه بصفقه على جبهته

دحيم: طيب خلاص انطم

المهم يوم خلصوا وهو يأخذ العروس ويركبون السياره

المهم مادرا إلا تقوم حصيصه وتقول مابغينا نطلع اقول ماعندك شريط كسراات (شعبي) بشير شنان يعني؟

ملينا من ذا الطقاقات ازعجوني

إلا هو ينبسط على حرمته خبله مثله

المهم تقوله له

حصيصه: دحيم بسألك سؤال؟

!!! دحيم: اسألي

حصيصه: انت الحين تعرف تفحط ؟؟؟

( دحيم: اكيد انا احسن واحد يفحط ( مسوي فنان عندها وهو ماعنده ماعند جدتي

حصيصه: والله ورني ابي اشوفك تفحط

( دحيم: توهق

( دحيم: خليها بعدين موب اليوم ( يبي يصرف

حصيصه: افا شكلك ماتعرف هههههااااي

دحيم: اوريك من إلي مايعرف

وهو إلي يلف هذيك الفه وطراااااخ في الماصوره على طول

والحين حصيصه ودحيم في الشميسي الدور الأول غرفه 123

قسم الكسور

الزياره من 9 إلى 12 ظهرا و 5 إلى 9 مساء

ان شاءالله اعجبتكم القصه

.جنى · #2 01-07-2009, 06:42 PM

اكثر شي عجبني في القصه لمن طقوا الطقاقات قام يرقص ههههههههههه
تسلمين على الموضوع

**مَنفىّ ❝** · #3 01-07-2009, 07:14 PM

الله يسلمك شكرا على المرور الرائع يسلموووووو

moon face · #4 01-07-2009, 07:36 PM

مشكووووووووووره علىّّ...~ الموضوع
يعطيك الف عافيه حبيبتي~~,

**مَنفىّ ❝** · #5 01-07-2009, 07:42 PM

العفووووو ياحبيبتي ويسلموووو على المرور...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خبز التورتيلابالصور لايفوتكم ***	الكيكه	أطباق شهية	15	04-26-2011 01:45 AM
العجينة الأساسية لكل المعجنات في الدنيا والفطاير كمان والبيتزا .. لايفوتكم ..	سمورة	أطباق شهية	27	04-25-2011 02:04 AM
مراحل نمو سحليه مرحله مرحله لايفوتكم شباب ضحك ووناسه على السحالي	اليل الأسود	نكت و ضحك و خنبقة	7	01-30-2009 02:46 AM
حلا المااارس .. لايفوتكم	بنت القصييم	أطباق شهية	3	09-26-2008 11:47 PM