ماأعرف لقبة ولاأبغى أعرف عمرة أظن 16 وهو كمان من التحالف ويقود وحدة من الكاندام السروقة من زافت في الحلقة الأولى ماأعرف كثير عنه بس إللي واضح إنه لامبالي نهائية إلا بستينغ وستيلر ونيو يسوي أي شئ عشان يحقق إللي يبغاه أو إللي يطلبة منه ستينغ أو ستيلر أو نيو هو كمان أظن عندة مشكلة لمن أحد يجيب سيرة أمه ماأدري ليش وهو في المعركة زي الوحش يقتل ويستمتع بالقتل مع إنه شكله مايقول كذا لمن زافت تاخذ ستيلر عندهم يقرر نيو وإللي معاه يمسحوا ستيلر من ذاكرة أويل وستينغ عشان فقدها لايأثر عليهم ولمن يكونوا خارجين للمعركة أويل يقول لستينغ هو يحس كأنه ناسي شئ لكن مايعرف إيش هو وفي هذي المعركة يموت وطبعا إللي قتلة شين
شخصيته لامبالي هذا إللي أعرف وإللي ظاهر لي وهي يقدر يكون لطيف مع إللي يحبهم بس وهو خارج المعركة يعني في الحالة العادية يكون كأنه أهبل مايعرف شئ ويستشير ستينغ كثيرا

ستينغ

كمان أعرف لقبة ولا أبغى أعرفه عمره أظن 17 لأنه شكلة أكبر منهم وهو كمان من التحالف ويقود وحدة من الكاندام المسروقة من زافت في الحلقة الأولى وكمان هو ماأعرف كثير عنه بس أنا ما أحبة مرة يموت في المعركة إللي سارت بين زافت والتحالف لمن يقود نفس المركبة الجديدة إللي قادتها ستيلر وماتت هو لمن ستيلر قادت هذي المركبة هو طبعا ماكان فاكرها لأنهم مسحوا ستيلر من ذاكرته فيسأل نيو بإعتراض ليش هي تقود هذي المركبة الجديدة وأنا لا ونيو يقلة لأنها أفضل منك طبعا إللي يقتلة شين كمان هو كمان يهتم بالستيلر وأويل ونيو
شخصيته متحكم جدا شايف نفسة ماأدري على إيش هو في أغلب المعارك يواجه أثرن وطبعا مايقدر عليه يحب القتل ويتمتع بيه خاصة لمن يأخذ مركبتة الجديدة

هذول الثلاثة يستخدمهم التحالف في القتال وهم أقوياء زي المنسقين عشان يأخذون شئ زي المخدرات ولازم يأخذونهم يوميا وينامون في مكان غريب ثلاث سرر جنب بعض ومغطاية بعد كل معركة يدخلو فيها ويسترجعوا قوتهم وعشان كذا زافت ماقدرت تعالج ستيلر لمن كانت عندهم فاضطر شين إته يهربها عشان ماتموت

نيو لورانوك ميو لي فلاغا

عمره 30 سنه وهو واحد من جنود قوات التحالف وهو وراء عملية سرقة الثلاثة كاندام من زافت وهو كمان المسئول عن ستيلر وستينغ وأويل ويهتم بهم هو يضع قناع لأنه وجهه مشوه هو مشوه كثير مافي غير خط في نص وجهه وسبب هذا الجرح هو إنه نيو هو نفسة ميو من الجزء الأول هو في الجزء الأول انفجرت مركبته وعلى أساس إنه ميت لكن جيبريل وكم واحد معاه أخذوه وعالجوه وإظن إنهم مسحوا ذاكرته أو إنه هو نتيجة للحادث فقدها في الجزء الأول تكون له علاقة مع موريو وبعد مايسقطة كيرا في هذا الجزء تاخذه الأركأنجيل وتهتم بيه وموريو تستغرب الشبة فيسوا تحليل للحمض النووي ويلاقوه مطابق لحمض ميو لكنه نيو فاقد الذاكرة فمن يصحا ويلاقي موريو قدامه يبدأ يسخر ويتكلم وكأنه أول مرة يشوفهم تتأثر موريو وتخرج تبكي وهو مستغر من إللي حصل وكلهم ينادونه ميو وهو يعصب عليهم ويقول أنا نيو في الحلقة 42 لمن زافت تهجم على أورب تقرر الأركأنجيل إنها تخرج وتدافع عن أورب بعد ما انتهوا من التصليحات تأخذ موريو ميو وتقوله إنت خلاص جراحت إتعافت فلازم تروح لأن إحنا خارجين للمعركة وإنت يمكن تتضرر منها وتعطيه نفس الطيارة إللي كان يقودها في الجزء الأول لكنه وتقوله أنت لست ميو وتروح وهي تبكي ولمن تبدأ المعركة يجي ويدافع عن الأركأنجيل ويقول لموريو أنا أسف للتدخل لكن أنا أكره هذي السفينه منيرفا وقبل مايقفل يقول أنا الذي يجعل المستحيل ممكننا وهذي جملة كان ميو يقولها دائما في الجزء الأول وقالها قبل ماتنفجر مركبته وفي الحلقة 43 تصاب طيارته ويطلب من موريو إنها تدخلة الأركأنجيل وبس ينفتح المدخل يفتكر لمن موريو أعط أمر بالفتح ولمن دخل هو الأركأنجيل وهذا يشوشه شوي وفي الحلقة 49 تطلق منيرفا مدفعها الرئيسي بإتجاه الأركأنجيل والأركأنجيل ماتتحرك عشان تحمي سفينه لوكس الأبدية لكن ميو يحمي الأركأنجيل بمركبته ويفتكر لمن هو دافع عن الأركأنجيل في الجزء الأول وانفجرت مركبته لكن هذي المرة ما انفجر عشان مركبتة هذي أقوى من الأولى وبكذا ترجع له ذاكرته هو يأخذ في هذا الجزء بعد ما انضم للأركأنجيل مركبه أكاسكس حقت كاغالي إللي ماقدرت تخرج معاهم للفضاء وهو يساعد أثرن في تدمير مدفع قداس أرواح الموتى
شخصيته لطيف ساخر دمه خفيف يعني في الجزء الأول هو كان يعطيهم الأمل ويخفف عنهم وفي هذا الجزء تقريبا كان زي كذا لكن مو مرة واضح لأنه في البداية كان ضدهم بس شخصية مرة حلوة يمزح كثير وهو يحب موريو من الجزء الأول وفي الجزء الثاني بعد مايحمي الأركأنجيل ويفتكر يقول لموريو لمن ننتهي من هذي المعركة نحن سنكون معا

موريو راميوس

هي كابتن الأركأنجيل عمرها 28 في الجزء الأول كانت من التحالف لكن في نصه إنضمت مع سفينتها لحماية أورب وسارت محايدة مع كيرا وأثرن ولوكس وكاغالي في الجزء الثاني هو تكون رئيسة قسم من أقسام الصيانة وتشرف على إصلاح منيرفا وتقابل تاليا على إنها عاملة صيانه وتغير إسمها وتخليه ماريا أظن مو متأكدة بس مو مهم وهي من هذا اللقاء بدأت تحترم تاليا وتاليا تحترمها ولمن تعرف تاليا إنها هي نفسها كابتن الأركأنجيل تستغرب وموريو في الحلقة الأخيرة بعد ماتسقط منيرفا تحيي الكابتن تاليا بينها وبين نفسها وفي وحدة من الحلقات تقابل كيرا على السطح وتسأله في إيش يفكر وهو يقول إنه يفكر إذا كان إللي يسويه صح ولا خطأ إذا كان عليه إنه يواجه أثرن مرة ثانية وهي تهون عليه وتقول إذا كنت تشوف إللي تسويه صح فهو صح
وفي هذا الموقف هي كانت كأنها أم له أو أخته الكبيرة وهي تحب ميو مرة وبكت لمن عرفت إنه مات وبكت أكثر لمن عرفت إنه حي وما اتعرف عليها وماقدرت تتحمل تقعد معاه في الغرفة فخرجت وهي تبكي لكن ملياريا تحاول تهدئ عليها وفي الحلقة 43 بعد المعركة تخرج لللسطح وتلاقي ميو وهو يبدأ يعرف عن نفسة ويقول إنه هو بدأ يفقد الثقة في نفسه ويقولها أنا أحس كأني أعرفك شئ في يعرفك ماأدري إيش هو لكن هذا كان السبب لأني رجعت وما ذهبت بعيدا وهي تصدم لمن تسمع هذا الكلام وتفرح مرة لأنه رجع لها
شخصيتها هادئة وواثقة من نفسها هي كابتن ممتازة جدا تتعاطف مع جنودها وخاصة كيرا مع إنه إللي يشوفها في الجزء الأول ويشوفها وهي تعطي الأوامر يقول إنها قاسية لكنها القسوة ماقربت منها وأنا عني شخصيا أحبها وتعجبني مرة مرة مرة وإللي ماتعجبه موريو ياويله مني وهي تحب ميو لي فلاغا مرة مرة مرة أنا ماكنت أتوقع إنها تحبه لهذي الدرجة إلا لمن شفتها تبكي عليه

ملياريا

عمرها 18 سنه وهي صديقة كيرا من الجزء الأول ولمن انتهت الحرب أظن إنها بدأت تشتغل كمصورة لأن عندي صور لها وهي تصور ولمن تقابل أثرن لمن أثرن كان يحاول يقابل كيرا وكاغالي تقول إنها ممكن تتدبر موعد بينهم وتتطلب منه يقابلهم في المكان المحدد وهي تكون حاضرة الاجتماع بين كيرا وكاغالي وأثرن فترجع مع كيرا وكاغالي للأركأنجيل وترجع لشغلها القديم تكون على علاقة بديركا بس في هذا الحزء مو موضحين إنه كان في شئ بينهم لكنها لمن ترجع للأركأنجيل تتصافح مع مردوخ وهو واحد من عمال الصيانة في الأركأنجيل من الجزء الأول وتقول إني تخلصت من ديركا وهذا يدل على إنه كانم في علاقة بينهم وهي في الجزء الأول كانت تحب توري وهو كمان صديق كيرا لكنه يموت وأثرن هو إللي قتلة إنتقام من كيرا إللي قتل صديقة نيكول
شخصية ملياريا كمان حلوة وتعجبني هي قوية ومتسامحة لدرجة إنها سامحت أثرن وسارت من أصدقائه مع إنه هو إللي قتل توري في الجزء الثاني ماكان لها دور مهم زي في الجزء الأول

هو حارس كاغالي الشخصي من الجزء الأول وهو دائما معاها ماعدا لمن راحت الفضاء مع أثرن وهو كمان إللي أخذ أثرن وميرين للأركأنجيل بعد مافجر شين مركبتهم وهو عرف هذا الموضوع لأنه كان يتجسس على زافت