|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#1
06-03-2006, 03:02 PM
| ||
| | ||
 سامحنــــــــــــــــــــــــــي.....^_^  سامحنيالجزء الاول  عائله بو عبد الرحمن بو عبد الرحمن عنده ثلاث اولاد وبنت وحده: اكبر واحد عمره 25 متزوج وعنده ولد عمره سنتين واسمه محمد . اما ولده الثاني اسمه خالد وعمره20 يدرس في كليه الشرطه اما ولده الثالت عمره 22 واسمه سلطان ويدرس برع. اما البنت عمرها 18 تدرس في الصف الثالث الثانوي اسمها ميثا عائله بو مايد بو مايد اخو بوعبد الله واصغر عنه . بومايد عنده ولدين وبنثين اكبر واحد مايد وعمره21سنه ؟ والولد الثاني اسمه خليفه عمره17 سنه واما البنات وحده اسمها مريم وعمرها 20 والثانيه اسمها شما وعمرها 15 سنه الجزء الاول.. المكان المدرسه ميثا كانت قاعده في الصف سرحانه واتفكر الابله : ميثا ميثوه وتنقز ميثا من مكانها : ها ابله الابله: اشفيج سرحانه بعدها الحصه الثالثه ميثا: اسمحيلي ابله امصدعه اشوي راسي ايعورني الابله : سلامات ما تشوفين شر ميثا : الله يسلمج وشوي ويدق جرس الفسحه فطوم : ميثوه بلاج انتي صدق راسج ايعورج ميثا: لا سكتي عني شو راسي فطوم: هيه اكيد ميود ماخد عقلج وتفكيرج ميثا: هههه ليش ما يستاهل يعني من بعيد كانت قاعده شيخه وتسمع كلام ميثا وفطوم شيخه : اخ يالقهر شو شايفه نفسها هاي ميود ايحبها ولد خالتي ايحبني انا مب انتي اتيين اليوم وتاخدينه عني فطوم : يلا ميثوه نطلع برع قبل ما يدق الجرس بيت قوم بو عبد الرحمن الكل قاعد يتريا مثوه اتيي من المدرسه علشان اجهزون الغدا وشو يدق الباب ودش ميثوه ميثوه: السلام عليكم الكل : وعليكم السلام اما محمد ولد عبد الرحمن كان قاعد فوق امه ومن شاف ميثا قام على عالطول محمد: عموه ميثا ميثا : ها حبيبي محمد : تليني ميثا :هه اوكي بشلك محمد: عموه وين الهلاوه ميثا : ها الى انت تبغيه : ما يبت لك اليو اسمحلي يلس محمد يصيح وسار عند امه ام محمد: بس ماما بابا بيبلك اليوم حلاوه ام عبد الرحمن: يلا ميثوه سيرى سبحي وتعالى تغدي بسير بقولهم يجهزونه اوكي ميثوه : اوكي امايه ... قعدو كلهم على الغدا ويلسو يلست ميثا اتسولف عن المدرسه خالد: يلا انا الحينه بخليكم بو عبد الرحمن : وين ابويه وين بتسير تو الناس خالد: الحينه مايد بيمر علي بنسير نتمشي شوي ميثا من سمعت اسم مايد ابتسمت بوعبد الرحمن خليه يدش انزين يقعد شوي يتقهوى خالد : اوكي بشوفه طلع خالد حج مايد حالد : هلا ميود اشحالك مايد : الحمدلله خالد : يلا دش اقرب مايد كان خاطره يدش مايد : ما عليه المره اليايه خالد : يلا عاد ابويه قال دش يترياك دش مايد الصاله وسلم على بو عبد الرحمن وام عبد الرحمن وعبد الرحمن ويوم وصل ويا ميثاء ابتسم مايد: هلا ميثوه اشحالج ؟ ميثا: الحمدلله ثمام ماش الحال اشحالك انت؟ مايد: ماشي الحال : شخبار الدراسه وياج . ميثا:اوكي بس تدرى الرياضيات يالله يالله افهمه مايد : ما عليج بنت عمى انا بشرحلج الى ما تفهمينه ولا نسيتي انا اوكي بالرياضيات ميثا: لا تكلف على نفسك ولد عمي مايد: ما عليج بنت عمى يوم برد انشاءالله بشرحلج خالد: احم اشوفها طالت وشمخت هاااا ولا نحن ما عندنا شور يوم برد بشرحلج قفط ويه ميثا وقامت بتظهر مايد: بنت عمى وانا حر . ولا عندك مانع عمى بو عبد الرحمن: لا ولدي ما عندي مانع دام انك بتسوي خير خالد: يلا ميود خلنا نظهر تأخرنا مايد" اوكي . يلا عمى برخصتك ؛ يلا مع السلامه بو عبد الرحمن: الله يحفضكم طلعت ميثا فوق حجرتها ويلست تسترجع ذكرياتها يوم كانو صغار ميود دوم كان واقف بصف ميثا يوم كانوا يلعبون كره ويوم حد يغلط عليها دوم يكون هو يدافع عنها. وتحط اغنيه حربي يامن اخدت القلب والروح وياك لا تفتكر في يوم ابعد واخليك ما دقت طعم الحب ياشوق لولاك كل الهنا شفته بنظرات عيني واتقول بخاطرها يا ترى ميود يحبني اه ياليت اقول الى بقلبي لميود ليثك ياميود اتقول انك اتحبني وشوي ادش عليها امها ام عبد الرحمن: ميثوه اربيعتج فطوم تبغيج عالتيلفون ميثا: انشاءالله امايه يايه ميثا: هلا فطوم فطوم: هلا ميثوه اشحالج عساج مرتاحه ميثا: الحمدالله فطوم: اقولج كتبتي واجب الفيزيا ميثا: اي واجب متى عطتنا الابله واجب فطوم: شو نسيتي . هيه صح نسيت انج كنتي سرحانه في الحصه : الى ماخد عقلج يتهنابه ميثا: سكتي عني فطوم بروحي بطير من الفرحه فطوم: ليش؟ ميثا: اليوم ميود يا بيتنا فديته فطوم: اها جيه السالفه ميثا : لا بعد يمكن ايي عقب ويشرحلي رياضيات فطوم:اونه اونه يا حظج ما ادرى شو بيكون موقفج ميثا: والله ما اعرف شكلي ما بفهم شي بيسلس بطالعه يسلت ميثا اتسولف ويا فطوم وشوي يدش اخوها خالد ومايد ميثا من شافتهم ارتبكت وبندت عن فطوم مايد: هلا ميثوه ها انشاءالله جاهزه ياي علشان اشرحلج رياضيات ميثا : هيه .لحظه بيب اكتابي اوكي؟ سارت ميثا ويابت كاتبها خالد : يلا عيل ميود بسير برقد . خد راحتك البيت بيتك طلع خالد حجرته علشان يرقد مايد: ها ميثوه شو الى انتى مب فاهمتنه قعد مايد يشرح حج ميثوه تقريبا ساعه عقب روح عنهم سار البيت بيت بو مايد دش مايد البيت وشاف اخوانه خليفه ومريم وشما وابوه وامه قاعدين سلم عليهم وقعد يسولف وياهم بو مايد: ها ميود وين سرت اليوم مايد : والله رحت بيت عمي وعقب طلعنا انا وخالد نتمشي بو مايد: اشحالهم مايد: والله كلهم بخير الحمدالله وقعد وياهم يسولف مريم: بصوت واطي.. اقول ميود اشحال ميثوه مايد: الحمدلله بخير؟ليش يعني تسالين مريم: ماشي والله بس حبيت اسأل مايد يقول بخاطره ياربي متى بقول حج اهلي اني ابغي مثوه ........... راح مايد حجرته يرتاح وشوي يرن تيلفونه رقم غريب؟ ويرد مايد: الو المتصل: الو السلام عليكم مايد: هلا منو وياي المتصل : انا شيخه بنت خالتك مايد: ها خير شخوه شو مستوي خالتي فيها شي شيخه: الحمدالله ما فيها شي ؟ بس حبيت اسألك مايد: خير اسألي شيخه: انت شو بينك وبين ميثا مايد: ليش يعني تسأليين سامعه شي شيخه : لا بس سمعت اشاعه اتقول انك قاعد اتراكض ورا بنت عمك وهيه ما عاطتنك ويه مايد: مثل ما قلتي اشاعه والكلام مب صدق شيخه: اقول مايد مايد: قولي شيخه: مايد ويلست اونها اتصيح مايد استغرب منها ليش هاي اتصيح مايد: خير شيخه اشفيج شيخه: انت ما فيك احساس مايد انا احبك مايد:؟؟؟؟؟؟ شيخه: ليش سكتت مايد:اتحبيني من متى ها الكلام شيخه: من زمان بس انت ما تعطيني ويه ليش انا اشفيني ناقصني شي؟؟ مايد: لا حشي ما فيج شي محشومه شيخه: والحل مايد مايد: شوفي شيخه خلى عنح ها الكلام وسيرى رقدي وراج مدرسه اوكي شيخه وهيه معصبه اوكي باي وبندت التيلفون مايد: اشفيها هاي استخفت اونها اتحبني هاي ما خلت حد وما حبته حتى ولد خالى قالته اتحبه الحمدلله انا عندى ميثوه فديتها والله محد يسواها .................................................. .............. اليوم الثاني كان يوم الاربعاء طبعا الكل مستانس ياجر اجازه ردت ميثوه البيت وهيه مستانسه وتغدت وسارت ترقد ... العصر اتصلت بو مايد حج اخو بو عبد الرحمن وقعد يسولف وياه واتفق وياه انهم باجر يطلعون رحله للمزرع(عوافي) قامت ميثوه من اللرقاد ونزلت تحت وشافت امها وابوها وسلمت عليهم ام عبد الرحمن: اقول ميثوه باجر انشاءالله بنسير رحله ويا قوم عمج بومايد ميثا وهيه مستانسه: والله واخيرا بنظهر مكان ام عبد الرحمن: هيه جهزي حالج من وقت ميثا: اقول امايه بسير حج مرت اخوي بقعد وياها هيه اهنيه ولا طلعت ام عبدالرحمن |: لا ما طلعت سيرى شوفيها سرات ميثوه بيت اخوها عبد الرحمن وماخده وياها حلاوه حج محمد دقت الباب وفتحتلها مرت اخوها موزه موزه: هلا ميثوه زين يتي ملانه ميثا: افا عليج مرت اخوي لو دقيتي لي وبتشوفيني طيران وياج موزه : هههههههههه ميثا : وين حمودي يايبتله حلاوه موزه: والله حمود راقد الحينه ميثا : يلا يوم يقوم من اللرقاد بعطيه موزه: ها اكيد خبروج عن الرحله باجر ميثا : اكيد محد يخبيلي شي بها البيت الخبر يوصلني اول باول وشوي يدش عبد الرحمن عبد الرحمن: السالم عليكم ميثا وموزه: وعليكم السلام موزه: ها عبدالرحمن اشوفك راد من وقت اليوم عبد الرحمن لا بس راد علشان اخد الدراجات بوديهم يبغيلهم تصليح شوي ميثا: الله دراجات بتودونها وياكم الرحله عبدالرحمن: هيه. انشاءالله تبين تركبين ميثا: وها يباله سؤال عبدالرحمن: يلا ماشي بنات يركبون درجات وطلع عنهم .................................................. ...... في اليوم الثاني كان الكل مرتبش يجهز حج الرحله واكثر وحده فيهم ميثا انتظرونا في الجزء الثاني وشو الى راح يصير بين ميثا ومايد......^45^ |
|
#5
06-29-2006, 03:11 PM
| ||
| | ||
| مشاركة: سامحنــــــــــــــــــــــــــي.....^_^
اسمحولي تراني اتأخرت عليكم وهاكم الحين بنزللكم جزئين  -------------------------------------------------------------------------------- الجزء الثاني....... راحوا قوم بومايد وبو عبدالرحمن الرحله للمزرع وقعدوا في مكان حلو كله عشب؛ البنات قاعدين روحهم اما الحريم قاعدين يجهزون الغدا ويسولفون والشباب يلعبون بالدراجات وبو عبد الرحمن وبومايد قاعدين يسولفون ميثا: اقول بنات شو رايكم انسير نركب الدرجات شما: هيه والله وناسه مريم: ها اذا خلوكم الشباب تركبون ميثا : ما عليكم بسير اقردن خلوف علشان اركبنا الدرجات راحوا البنات صوب الشباب ميثا: ها خلوف اشحالك؛ خليفه: الحمدلله بنت عمى ميثا: شو رايك تتحداني بركوب الدراجه خليفه: اها جيه السالفه انا اقول شوفيها بنت عمى يايه اتسلم اتاريها تبغي تركب الدراجه : يال قلبو ويهكم ما شي دراجات وروح عنهم شما: طاع ويهه قفطنا ههههههههههه ميثا : ما عليه انا براويه تعالوا بنات سارت ميثا صوب اخوها خالد ومايد خالد: ها خير انشاءالله اشوف العصابه يايه مريم: انا ما يخصني هاي ميثوه وشما يبغون يركبون الدرجات خالد: يلا ماشي ميثا: والله حرام حلال عليكم وحرام علينا مايد: يلا ما عليه بنت عمى فالج طيب تعالى ركبي دراجتي خالد: هيه محد امدلع ميثا غيرك شما: وانا مالى رب يعني خالد: تعالى ركبي دراجتي ركبت ميثا الدراجه وكان شكلها اضحك وهيه راكبه اما مريم ما طاعت تركب علشان ما تعرف اتسوق خالد: ها مريوم ليش ما تبغين تركبين مريم: والله ودي بس ما اعرف اسوق خالد: افا عليج تعالى انا بركبج وياي مايد: ها شو بتركبها وياك خالد: بنت عمى وكيفي ؛ على قولتك يت شموه عقب ما شبعت اما ميثا بعدها ماشبعت دواره بالدراجه خالد: يلا مريوم ركبي وياي مريم: لا اخاف وتطالع اخوها مايد مايد: يلا ركبي استانست مريوم من خاطرها مب علشان الدراجه علشان ولد عمها الى تحبه من كانت صغيره ركبت مريوم الدراجه ويا خالد عقب وقف الدراجه وقعدوا ويا بعض خالد: اقول مريوم ودي اقولج شي بس لا تفهميني غلط مريوم استحت ونزلت راسها: قول خالد لا تستحي خالد: مريوم انا احبج من زمان وانتي اتعرفين ها الشي وودي اتقدملج اذا ما عندج اي مانع مريم:؟؟ خالد: ها شو قلتي قامت مريوم من مكانها: خالد والله انا ما عندي مانع وروحت اما مايد قاعد يتريا ميثوه لين ما ترد مايد: ميثوه بسج ميثا: خلاص الحينه يايه مايد: انتى محد يعطيج ويه ميثا:والله دراجه ولد عمى الله لا يحرمني منه هوه عطاني اياها ابتسم مايد من خاطره : تسلمين بنت عمى يا وقت الغدا واتغدوا كلهم وقعدوا يسولفون اما مريم كانت سرحانه ميثا: اشفيج مريوم مريم: ماشي شما: هيه اكيد سرحانه اتفكر بخالد مريوم: سكتي ما يخصج ميثا :ههههههههههه شما: اقول شو كان ايقولج خالد يوم كنتوا بروحكم . الصراحه كنت اراقبكم مريوم: انتى ما تيوزين ميثا: ها والله هههههههههه شو كان يقولج مريم : ماشي مر الوقت بسرعه وردوا قوم بومايد وبوعبدالرحمن البيت ........ المسا عقب صلاه العشا كانت ميثا قاعده ويا امها في الصاله اتشوف التيلفزيون وشوي يدش عليهم خالد اقول ميثا لبسي شيلتج مايد ياي وياي ميثا: اوكيك دش مايد وسلم على مرت عمه وقعد يسولف وياهم ؛ وشوي يرن تيلفون خالد اربيعه داقله وظهر برع علشان يرمسه اما ام عبدالرحمن سارت اتيب عصير مايد: اقول ميثوه شخبا ر الدراسه ميثا: تمام : اف بس متى بنفتك وبنخلص مايد: ها انشاءالله تبين اتعرسين قفط ويه ميثا ميثا: منو بياخدني ياحسره مايد|: شو انا مب مالي عينج يعني ميثا تمت ساكته وما عرفت شو تقول مايد: ميثوه بلاج سكتي اشفيج انا ما قلت شي واتعرفين اني انا اباج ونحن محيرين لبعض من كنا صغار ميثا: يعني انت الحينه تبغيني بس علشان ترضى اهلك مايد: لا انا ابغيج برضاي ودشت عليهم ام عبدالرحمن ويايبه العصير وياها ام عبدالرحمن: شخبار اهلك مايد مايد: تمام ربي يعافيج ميثا: يلا انا بخليكم الحينه بسير اذاكر عندي امتحان ام عبدالحمن: يلا الله يوفقج تم وياهم مايد لين الساعه 9 وروح البيت ............ اما بالنسبه لميثوه ما عرفت اذاكر عدل كله تفكيرها بمايد واتقول بخاطرها مايد يحبني يعني ؟؟ ليش ما يقولها ياليثك قلتها وريحتني لو تدرى يا مايد اشكتر احبك موت ............................ اليوم الثالي (في المدرسه) حصه الرياضيات كانت الابله اتوزع اوراق الامتحان الابله : ماشاءالله عليكي يا ميثا جبتي درجه حلوه اوي ميثا: صدق ابله الابله : اه مريم بصوت واطي: هذا كله من فضل مايد ابتسمت ميثا : اكيد فديته الله لا يحرمني منه شيخه سمعت الكلام واتقول بخاطرها لا بعد ياي بيتهم علشان يشرحلها ما عليه يا ميثا انا ما فرقت بينج وبين ميود ما اكون شيخوه انتهي الدوام المدرسه والكل رد بيته ........... مرت الايام والشهور وانتهى العام الدراسي وميثا دشيت الجامعه هيه مريوم وشخيه وصدقاتها اما بالنسبه لخالد فخطب بنت عمه مريم .................................................. ............ ( في الجامعه) ميثا قاعده بروحها في المكتبه ملانه لان مريوم عندها كلاس وشوي ادش عليها شيخه شيخه: هلا ميثوه اشحالج ميثا: الحمدلله شيخه: شو اتسوين بروحج قاعده ميثا: والله مريوم عندها كلاس شيخه : افا عليج لو قلتيلي بيي وياج ميثا: تسلمين شيخه: اقول ميثوه اشحال مايد ميثا: الحمدلله : ليش ما تسيرين بيتهم؟ شيخه : لا امي اتسير بس مثل ما تدرين الحينه الجامعه والدراسه شغالتني ميثا: ايوا شيخه : تعالى انسير نقعد ويا الكمبيوتر شوي ميثا : اوكي شيخه قعدت ويا الكمبيتور وفتحت ايميلها شيخه: شوفي ميثوه شورايج بها الشاب ميثا: ماشاءالله حلو منو ها شيخه: لو قلتلج عنه شو بتقولين ميثا: ليش منو ها شيخه: ها اخو اربيعتي يقربلي من بعيد : احم هو بالصراحه مره شافج وياي وانعجب فيج ميثا: انعجب فيني ؟؟ شيخه: هيه شفتي عاد ماشاءالله عليج انتى حلوه بتحصلين مليون واحد ينعجب فيج ميثا: ما ظنيت اني حلوه بهاي الدرجه شيخه: اقول ميثوه عطيني ايملج ميثا: اوكي وعطتها الايمل مر الوقت وردت ميثا من الجامعه راحت ميثا تقعد ويا الكمبيوتر علشان اتسوي بروجكت وفتحت الماسنجر واتشوف حد ضايفنها ميثا: هاي اكيد شيخوه وسوت موافق وحصلتها اون لاين ( احبك موووت) هلا والله هلا باالمزايين ميثا: الله بلاج علي اشوفج انقلبتي علي ( احبك موت) لا والله انتى اكيد ما عرفتيني ميثا: شيخوه الدبه منو غيرج ( احبك مووت) لا مب شيخه ميثا: منو عيل (احبك مووت) والله انا واحد شفت ايميلج ويا شيخه وخدته ميثا: وبأي حج تاخد ايميلي اسمحلي بسويلك بلوك ( احبك مووت)...: لحظه لحظه اشفيج انتي ما عرفتيني شكلج انا الى خبرتج عني اليوم شيخوه وراوتج صورتي ميثا: هاه هذا انت يعني ( احبك مووت)...: اسمعيني الصراحه انا من شفتج مره ويا شيخه كله تفكيري فيج طول الوقت ميثا: اها وانزين والطلوب ( احبك موت)..: اشفيج انتي ما تحسين ميثا: لا عندي احساس بس ما عندي شي اقوله حجك ( احبك مووت)..: ما عليه مع الايام بتعرفيني زين ميثا: يلا انا الحينه بظهر باي ( احلك مووت)..: يلا انشوفج بعدين بااي طلعت ميثا من الماسنجر وبخاطرها ها شو من صدقه اونه انعجب فيني ها ما اعرفه وقال عني جيه اما مايد عمره ما قال لي ها الكلام .......................... اما من الطرف الثاني كانت شيخوه اتكلم جاسم جاسم: هلا شيخوه شيخه: ها كلمت ميثوه جاسم: هيه كلمتها شيخه: شو قالت جاسم: يلا بعده ما صار شي شبخه: يلا مثل ما قلتلك ابغيك ادمر هاي البنت جاسم: ولا يهمج بس الى اتفقنا عليه شيخه: ولا يهمك الى تبغيه مني بعطيك جاسم: اكيد / يعني بطلعين وياي شيخه: انشاءالله بس اتنفد الى قلتك عنه جاسم : انشاءالله .................................................. . مرت الايام وزادت مكالمات ميثا ويا جاسم على الماسنجر وعرفت عنه كل شي وهو بعد عرف عنها كي شي ميثاكانت قاعده على الماسنجر اتكلم جاسم جاسم: اقول ميثا ميثا: لها جاسم: انتي اتحبيني ميثا:................. جاسم : ردي علي ؟؟ اما انا والله احبج مووت تمت ميثا ساكته اتفكر بمايد ليش ماتكون انت مايد ليش ما اتقولي ها الكلام ولا انت ما تحبني جاسم: ميثوه وينج ميثا: هلا وشوي ادش عليها امها وهيه مستانسه ام عبدالرحمن: ميثوه اخوج سلطان رد من السفر نقزت ميثا وراحت تركض تحت واتشوف اخوها سلطان وتلوى عليها ميثا: فديتك اخوي اشتقتلك وايد سلطان: وانا بعد ميثا: اشحالك سلطان: تمام . ماشاءالله كبرتي ميثوه وحلوتي ميثا: اكيد بحلو مب انا اختك سلطان : هههههههههه طلع سلطان فوق يرتاح شوي اما عقب العشا اتجمعت العايله بو مايد وبو عبدالرحمن يايين ايسلمون حج سلطان مايد كانت عينه على ميثا. اما ميثا ما كانت امسويتله اي سالفه كانو الحريم يسولفون ويا بعض ام عبدالرحمن: اقول ام مايد شو تجهيرزاتكم حج بنتكم ما باجي غير شهر للعرس ام مايد: والله كل شي تمام . وعقبال ما نفرح ببنتكم ميثا ومايد انشاءالله ميثوه من سمعت هاي الرمسه عالطول طلعت فوق ام مايد: بلاها البنت شكلها استحت هههههههههه ام عبدالرحمن: ما عليج منها ام مايد: انشاءالله عقب عرس مريم وخالد بنخطب ميثوه ام عبدالرحمن: على بركه الله طعت ميثا فوق واتقول بخاطرها يخطبني ليش هو ما يحبني جاسم هوالى يحبني وفتحت الماسن ولاقت جاسم اون لاين جاسم: هلا هلا بالمزيونه ميثا: اسكت بروحي ما لي خلق جاسم: اشفيج قولي ميثا: السالفه طويله جاسم: ليش شو مستوي ميثا: ولد عمي خطبني جاسم: اها وانتي تبينه ميثا: انت شو اتقول هو ما يحبني جاسم: ميثا ممكن طلب ميثا : ممكن جاسم: عادي اكلمج ولو مره بحياتي علشان اتفاهم وياج ميثا:لا ما اقدر جاسم : علشاني والله بسمره ميثا: اوكي وعطته الرقم جاسم على طول اتصل جاسم: الوو ميثا: هلا جاسم: عاش من سمع ها الصوت ميثا: لا والله جاسم هيه ماشاءالله عليج صوتج حلو ميثا: ما يهم جاسم: اقول ميثا ارد واسألج مرع ثانيه انتي اتحبيني ميثا: هيه احبك وعمري ما قلتها حج حد جاسم: خلاص عيل انحل الموضوع ميثا: اي موضوع جاسم: موضوع ولد عمج ميثا : كيف جاسم: دام انا وانتى انحب بعض ارفضي ولد عمج وانا بتقدملج ميثا: قول والله جاسم: وها يباله حلف بعد |
|
| مواقع النشر (المفضلة) |
| |
2Likes
.gif "thanks")
كل الشكر لأبو نجم للتوقيع المذهل
العرض العادي
