أسئلة بتجلط - عيون العرب

الأمورة مايلي · #1 08-09-2008, 08:45 PM

مرحبا :
اليوم حبيت ورجيكم بعض الأمثلة عن الأسئلة البايخة اللي بنستعملها بحياتنا اليومية و تفضلو :

متصطح بتختك ونايم ومطفي الضو ومتغطي بالبطانيةبيجي واحد من أهلك بيفتح الباب ويقول :

شو نايم ؟؟*
*لأ !! عم ارقص.. بس الوضع بيوحي إني نايم*

**
*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:
هه إجيتوا ؟؟؟*
*لا والله لساتنا عالطريق، في عجئة بشارع بغداد!!!!*

**
*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،
بيجي حدا من أهلك بيسألك،
شو رايحلك شي مشوار !!؟؟*
*لا والله طالع عالأسطوح صلّح صحن الديجتال*

**
*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
وجهه علائم الإستغراب والدهشة:
بدك تحكي بالتلفون؟*
*لأ شو إحكي !!! بس كنت عم جرب صوت طنة الأرقام **
*

حاطت راسك ونازل بهالكتب والدراسة، بيجي أبوك أو أمك...:
عم تدرس؟*
*لا والله ...!! عم غير زيت للسيارة*

**
*مذيعة بيوم العيد عم تلف بالشوارع وتلطي ع كم مواطن وتسأل
وبنفس الوقت هي بتجاوب:
شو بتساوي اول يوم العيد ؟ أكيد بتروح بتزور الأهل والقرايب *
*لا والله بالعادة بفكر العب شدة وماروح لعندهم *

**
*بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة
بيئلك: واحد ؟*
*لأ 60 واحد ؟ ورجعلي الباقي **

*أشّر بأصبعته الكريمة لتكسي، وفعلاً وقفلو العينتين، بيسأله:
فاضي؟*
*لأ ... عندي 10 طلبيات، بس وقفت حيونة*

**
*بدك تنزل من الميكرو: عاليمين زكاتك.... بتتلقى الرد:
نازل ؟؟*
*لا والله بس عم جرب صوتي
منقول
لا تنسو الردود

mous_tapha · #2 08-09-2008, 08:56 PM

ههههههههههههههههههههههههههههههههههههههههههههههههه
شو هاد الاسئلة لى تفور الدم
مرسي على الموضوع

الأمورة مايلي · #3 08-09-2008, 09:11 PM

مرسي على مرورك العطر الأحلى من الموضوع

**ظل الكيو كو شن كاي** · #4 08-09-2008, 09:17 PM

مشكور
كلام عراقي 100%
لم اكن منتبه على هذا الكلام الى الان

الأمورة مايلي · #5 08-09-2008, 09:31 PM

مشكور لمرورك وانتبه المرة الجاية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كتاب مجموعة أسئلة تهم الأسرة المسلمة	متخصص برامج	تحميل كتب مجانية, مراجع للتحميل	0	05-01-2008 10:38 PM
أسئلة حول الرافضة ؟؟؟؟؟؟؟؟؟؟؟	خديجه	نور الإسلام -	10	02-27-2007 04:42 AM