|
| |||||||
| مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة |
 |
| | LinkBack | أدوات الموضوع | انواع عرض الموضوع |
|
#46
03-23-2019, 12:23 PM
| ||
| | ||
 -- أمس وأنا بالسوق مع الأهل مر من جنبنا واحد من ذوي الاحتياجات الخاصة، لما شفتو أتدكّرت شون من The Good Doctor ، نفس حركات التوحّد و يخاف الإزعاج وكِدا، وكان أعتقد منهار من شي أو زعلان من أهلو مدري بس كان وجهو أحممررر كِدا، كرهت مشهد إنو الناس إللي حولو يطالعو فيلو كأنو واااوو دا مريض لازم نبعد عنّو!، ولا كمانَ في ناس يحمدو ربّهم بصوت عالي كأنو يقولو: أنا بصحة إنتَ مو بصحة.. كونو إنسان فهو واحد منّا، مهما كانت المشكلة إللي فيلو مفروض ما نعتبرو شي غريب وندّي نظرات كِدا يحس إنّو مختلف عنّا، وحتى وأنا أعتبرو عادي قعدت أشك في نفسي هل دا الشي إلّلي أسوّي يريّحو؟!، ولا أنا زيّي زي باقي الناس؟!. أمي تعبت نفسيًا لما شافتو وقعدت تدعي لو وكِدا، حاولت أقول لها ماما ترا دا شي طبيعي في ناس كِدا عادي، حاولت أخلّيها تعتبرو بدون مشكلة ما يعاني شي، تعتبرو زيّنا زيّو كِدا بس أمي أنهارت قعدت تبكي أهخخ  ، هدّينا امي بعدين سمعتها تدعيلو بهمس كِدا فرحت أدعي أنا كمانَ من قلبي.. بعد ما عدّينا الوضع و كلو تمام عيوني قامت تدمع من كُتر المنظر أحس كنت أبا أساعدو بس مو عارفة كيف كنت أبا أسعدو، هو كوّيس إنو كنت مُغطّية وجهي فكمّلت بكا وأنا أمشي بالسوق. فكرة إنو في ناس لسّه يشوفو ذوي الاحتياجات الخاصة شي غريب عن مجتمعنا مفروض تنقرض خلااص!.. تبا تشكر ربّنا ع العافية أشكرها في سِرّك مو كِدا قدام الشخص كِدا حيحس بالحزن ترا حيتضايق!، تراهم بشر عندهم مشاعر!. أيّا كان الله يسهّل ع الجميع ويسعدهم.. # ميّوم - |
|
| مواقع النشر (المفضلة) |
| |
540Likes
العرض العادي
