|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#6
02-15-2008, 10:45 PM
| ||
| | ||
| رد: قصه حب سعوديه رومنسيه قصه حب سعودية رومنسية رومانسية قصص حب سعودية قصص حب رومنسية الجزء السابع وصلوا الجازي وراشد بيتهم نزلت الجازي من السياره ومشت وهي متكيه على راشد دخلوا وكانت أم راشد وبو راشد ينتظروهم بالصاله ... أم راشد قامت على طول تسلم على الجازي... أم راشد:كيفك ياالغاليه؟؟ الجازي بصوت تعبان:أفضل بوراشد:الحمدلله على سلامتك يابنتي الجازي:الله يسلمك يبه راشد:ها يالجازي بتركبين غرفتك ولا بتجلسين هنا؟؟ الجازي:لا لا بركب غرفتي ركبت الجازي غرفتها مع أهلها..الجازي شالت عباتها ونامت على السرير عشان ترتاح... بوراشد:يالله أنا رايح الشركه ماتشوفين شر يالجازي ولا تعبين نفسك الجازي:الشر مايجيك..إنشالله أم راشد:تبين تاكلين شي؟؟ الجازي:لا يمه مالي نفس راشد:أوكي انا بروح الجامعه تأخرت باي أم راشد:مع السلامه..(تطالع الجازي)يالله حبيبتي إرتاحي ألحين أنا تحت إذا تبين شي ناديني الجزي:طيب نزلت ام راشد ونادت على راشد قبل لا يطلع... راشد:يس مام أم راشد:راشد ياولدي إيش فيها إختك ليه جاها الإنهيار؟؟ راشد:والله مدري بس خلها ترتاح وإذا صحت إنشالله نعرف كل شي أم راشد:طيب أخذ له شاور وغير ملابسه نزل عشان يفطر بس ماكان له نفس أخذ له كوب نسكافيه وجلس قرب الشباك إلي بالصاله... بخاطره:كيف راح أقول للأهل بالي صار..أكيد بشكون لأني مارحت لها بالمستشفى والوالده أكيد بتجبرني أروح لها العصر........ الله يستر يارب يعدي هالموضوع على خير نزلت ولقته جالس بالصاله... بيان:صباح الخير عبدالعزيز:صباح النور.....ماعندك مدرسه اليوم؟؟ بيان:إلا بس مارحت لأني كنت مع الجازي بالمستشفى ...إلا ماقلت لي انت عرفت إن الجازي جاها إنهيار؟؟ عبدالعزيز:أيوى قالي مساعد قبل شوي..كيفها ألحين؟؟ بيان:نعم ليه انت ماكلمتها؟؟ عبدالعزيز إرتبك:ها..لا..خفت أزعجها أكيد نايمه بيان:امممممممممم أفضل من البارح وهي رايحه للمطبخ دارت تكلمه... بيان:على فكره أنا والوالده رايحين لهم العصر.....(قطعها) عبدالعزيز:لالالا مقدر أروح معاكم عندي شغل بيان مستغربه:أوكي براحتك وهو صاعد لغرفته تقابل مع أمه إلي كانت نازله... أم عبدالعزيز:عزيز متى صحيت؟؟ عبدالعزيز:قبل شوي أم عبدالعزيز:طيب أكيد وصلك خبر عن الجازي متى راح تروح لها؟؟ عبدالعزيز:مدري أنا مشغول اليوم يمكن بكره أروح أم عبدالعزيز:إيش هالشي إلي بيشغلك عن خطيبتك؟؟ عبدالعزيز بخاطره:سابقاً.. وأخيراً صارت خطيبتي سابقاً...... شغل وبس عن إذنك يمه وفي الجامعه وصل راشد وراح له عزام إلي كان ينتظره من فتره طويله... عزام:انت وينك تأخرت؟؟ راشد:كنت أجيب الجازي من المستشفى عزام باستغراب:الجازي...ليه إيش فيها؟؟ راشد:مدري بس أمس جاها إنهيار عصبي ونقلناها المستشفى عزام:أهااااااااا وكيفا الحين؟؟ راشد:أفضل عزام:الحمدلله على سلامتها راشد:الله يسلمك وفي ذا الوقت جى مساعد... مساعد:مرحبا راشد راشد:هلا هلاوالله مساعد عزام:أووووف راشد بخاطره:ياربي بيتهاوشون طالع مساعد عزام بنظرات إحتقار... عزام:كم مره قلت لك لا طالعني بنظراتك السخيفه هذي مساعد:نعم.. شف نظراتك بعدين تعال تكلم عزام:تدري إنك تافه وحقير مساعد بغرور:كلن يرى الناس بعين طبعه عزام رفع صوته شوي:إيش قصدك؟؟ راشد:بس انت ويها هذا وقته تتهاوشون طالع مساعد عزام بنظرات إحتقار وقال لراشد:الله يعينك على مابلاك راح مساعد وعزام كان معصب فيه حيل.. والظهر رجع نايف بيتهم... نايف يصارخ:يمه...يمه طلعت له الخدامه:يس نايف نايف إخترع:اعوذ بالله انت من وين طالعه.......وينها أمي؟؟ الخدامه:مع الجازي فوق نايف:طيب ياشين الحلايه إقلبي وجهك راح نايف غرفة الجازي... نايف:السلام الجازي وأمراشد:وعليكم نايف:الحمدلله على السلامه الجازي الجازي:الله يسلمك نايف:يالله خرعتونا عليها هذا هي مثل الحصان أم راشد:الحمدلله يوم قامت بالسلامه نايف:إرتحت ألحين يام رشود أم راشد:أكيد إرتحت دام الغاليه بسلام الجازي:يابعد عمري والله يايمه نايف:يالله إقلبوها فيلم هندي أم راشد:الله يغربل إبليسك شوي ويدخل راشد... راشد:مرحبا الكل:هلا راشد:كيفك ألحين الجازي؟؟ الجازي:بخير أم راشد:طيب انا بروح أشوف الغدا نايف:تفضلي خذي راحتك البيت بيتك راشد والجازي:ههههههههههههه راشد:الجازي ممكن سؤال؟؟ الجازي:تفضل راشد:إيش إلي صار ليه جاك إنهيار عصبي؟؟ اول ماسمعت الجازي السؤال تذكرت عبدالعزيز وهمها إربط لسانها وماعرفت كيف بترد إرتبكت وشبكت أيدينها بعض موب عارفه إيش تقول راشد ذكي ومستحيل تمشي عليه إي حجه... الجازي:لا ولا شي سبب تافه نايف:سبب تافه جاب لك إنهيار إيش هالسبب؟؟ الجازي:لا بس .........حملت ماده كنت أحبها نايف وراشد:نعم إنهيار عصبي عشان حملتي ماده نايف:تنكتي انت الجازي:ليه؟؟ نايف بمسخره:ياكبرها عند الله تحملين ماده وبس يجيك إنهيار عصبي لا بصراحه أهنيك على قلبك القوي مفروض تروحين بغيبوبه ولا تموتين يبعد الشر عنك طبعاً الجازي:تتمسخر على وجهك راشد كان ميت من الضحك على نايف نايف وهو طالع:ما أقول إلا الله يعينك على مابلاك راشد سكت شوي وقف عند الطاوله إلي كانت محطوطه عليها صورة الجازي مع عبدالعزيز في الملكه... راشد:مدري ليه إحساسي موب مصدقك يالجازي الجازي بخاطرها:آآآآآآه ياراشد لو أقدر أقولك إلي بقلبي لو أثقدر أقولك إن حياتي إنتهت إن قلبي مات بفراق عبدالعزيز ... أقول إن عبدالعزيز صدمني اكبر صدمه بحياتي عيشني بحب خيالي راشد:الجازي وين وصلتي؟؟ الجازي وهي حابسه دموعها:لا معاك راشد:طيب بخليك ترتاحين باي الجازي:باي طلع راشد وسكر الباب وراه وإنهارت الجازي بدموع ماقدر تمسكها أكثر من كذا وهو تذكر الايام إلي طلعت فيهم مع عبدالعزيز ولما مسك يدها في البحر..طلع كل هذي حركات مصطنعه عشان لا يحسسني إنه مايبيني.. أكرهك ياعبدالعزيز أكرهك أما عبدالعزيز فكان جالس بمكتبه في الشركه وحامل هموم الدنيا كلها... عبدالعزيز:إلي أبيه صار وفسخنا الخطبه وانتهت علاقتي مع الجازي...هذا إلي كان مفروض يصير من زمان حرام البنت تعطي قلبها لواحد ميقدر غلاته..الجازي تملك أحلى قلب لكن للأسف موب قادر أحفظه وأغليه حرام إنها تعطيني حبها وأغلى ماعندها وأنا أبادلها بحب وهم مستحيل يصير حقيقه دخل مشعل مكتب عبدالعزيز... مشعل:مرحبا بومتعب عبدالعزيز كان فكره مشغول وماأنتبه لمشعل..مشعل تقرب من عبدالعزيز... مشعل:عزوز.......بومتعب.........ياهوووووو وينك؟؟ عبدالعزيز إنتبه:هلا هلاوالله بوبندر مشعل:هلا فيك وينك انت ماتنشاف؟؟ عبدالعزيز:والله مشغول مع الجامعه والشركه مشعل:مشغول بالجامعه والشركه ولا مع الحبايب؟؟ عبدالعزيز نزل راسه وهو مضايق...مشعل إنتبه لعبدالعزيز إنه مضايق... مشعل:عزيز إيش فيك؟؟.......انت بعدك على حالك مع الجازي؟؟ ماتغيرت مشاعرك ناحيتها؟؟ عبدالعزيز بصوت مضايق:والله مدري إيش أقولك يامشعل مشعل:خير ياعزيز إيش فيك تكلم؟؟ عبدالعزيز سكت شوي وتنهد:لا ولا شي يالغالي لاتشغل بالك.........إلا ماقلت لي كيفه بندر؟؟ مشعل عرف إن عبدالعزيز يحاول يغير الموضوع فما حب يضغط عليه... مشعل:بخير........مجنني هو وعزاموه عبدالعزيز:هههههههههههه الله يعينك كان في السياره راجع لبيتهم وحاط أغنية محمد عبده"الأماكن"ومشغول تفكيره وكانه بعالم ثاني ... عزام:ياربي من هالبنت المعذبتني صورتها موب رايحه عن بالي كل مابي أنساها يرجع لذاكرتي الموقف إلي صار بيني وبينها بالملكه ولما شفتها في بيتنا..أحسها دخلت قلبي وعذبته... يمكن تكون بنت خالتي إلي فضحتني امي بها ... لا لانو ويه أذكر إن هذيك موب حلوه هذي كلمة قمر هاينه عليها....كيف بعرفها الحين هذيك المره لما سألت حلا حسيتها شكت بشي...أوووووووووف وصل بيتهم ودخل لقى أمه وحلا وهيا جالسين بالصاله... عزام:السلام عليكم الكل:وعليكم الستلام جلس عزام جنب أمه... عزام:يمه عرفتي بالي صار للجازي؟؟ أم مشعل وحلا وهيا إخترعوا وطالعوا عزام بخوف... أم مشعل:الجازي بنت عمك .......إيش فيها؟؟ عزام:مدري بس اليوم راشد بالجامعه قالي إن جاها أمس إهيار عصبي ونقلوها المستشفى أم راشد وقفت ويدها على قلبها:إنهيار عصبي..........ليه إيش صار؟؟ عزام:آي دونت ناو حلا:وانا أقول بيانوه ليه مجت المدرسه اليوم هيا:طيب وكيفها الحين؟؟ عزام:يقول راشد افضل أم مشعل:الله يستر عليك يابنتي .......خلني أدق على أم راشد وأشوف إيش فيها راحت أم مشعل تكلم أم راشد وراحت معاها هيا...طلع بندر من المطبخ وكان فمه وملابسه ويدينه كلهم شوكلاته راح لعمه عزام إلي كان نايم على الكنبه وحط على وجهه الشوكلاته عزام حس بشي غمض عينه حيل ورفع حاجب... عزام:إيش هذا؟؟ حلا دارت تطالع عزام وشافت وجهه كله شوكلاته... حلا:هههههههههههههههههههههههههههههههههههه عزوز قم طالع وجهك فتح عزام عينه ولقى بندر واقف قدامه وكله شوكلاته ويضحك رفع بسرعه... عزام:وجع يوجعك ياغبي كذا بندر مع حلا وعزام عصب... بندر:هههههههههه عزاموه يدحك عزام قام بيضرب بندر وراح بندر ورا حلا وحلا تحاوزل تمسك عزام وتبعده عشان لايضربه... عزام:يالتعبان...عزاموه أصغر عيالك أنا حلا وهي تضحك:عزاموه ماعليك منه جاهل بندر يضحك جات هيا وشافتهم... هيا:بندر إيش فيك كذا؟؟ بندر:ماما تبين شوكلاته هيا شافت عزام ومسكت ضحكتها لأنه كان معصب شوي... هيا:إيش سويت بعمك؟؟...ههههههههههههههههههههههههههههههههههه عزام:تضحكين إيه إضحكي إضحكي هيا:سوري عزام بس شكلك يضحك ههههههههههههههههه بندر:ههههه عزام بيبي عزام ضرب بندر:بيبي وجهك دخل مشعل وسمع بندر وهو يبكي... مشعل:إيش فيه شيخكم يبكي؟؟ عزام يقلد صوت مشعل:إيش فيه خروفكم يبكي راح بندر لبوه وهو يبكي... مشعل:ليه ملابسك كذا ليه تبكي بابا؟؟ بندر:عزام دربني مشعل:عزاموووووووووووووووووووه كم مره قلت لك لا تضرب ولدي هههههههههههههههههههههههههههههههههههههههههها عزام تذكر أيام الطفوله ليه وجهك كذا؟؟ههههههههههههههههههههههههههه هيا وحلا:هههههههههههههههههههه عزام:إسأل ولدك الغبي عزام ركب غرفته وهو راكب مر على بندر وضربه... مشعل:هي وخر يدك ركب عزام غرفته وراحت حلا تشوف أمها .... هيا:زين كذا عصبت عمك.......يالله تعال غير ملابسك وخذ لك شاور بندر:بس هو وأنا؟؟ هيا:ههههههههه تفضل والعصر كانت أم عبدالعزيز واقفه عند الدرج تحت وتنادي بيان ... أم عبدالعزيز:بيااااااااااان ...بيان يالله تأخرنا بيان وهي نازله:أوكي أوكي جيت يالله وهم طالعين كان مساعد داخل... مساعد:يمه وين رايحين؟؟ بيان:وانت إيش دخلك؟؟ مساعد:الباب......... بعدين انت ماحد كلمك أم عبدالعزيز:بس بتتهاوشون.........رايحين بيت عمك راشد مساعد:أهاااااااااااااا أوكي سلموا لي على الجازي أم عبدالعزيز:الله يسلمك.............إلا ماقلت لي وينه أخوك ؟؟ مساعد:إي أخو....................أووه عزوز مدري عنه؟؟ أم عبدالعزيز:طيب إذا شفته قوله يجي لنا بيت عمه بو راشد يشوف الجازي وبلاه يتحجج مساعد:اوكي طلعت أم عبدالعزيز ومسك مساعد بيان وكلمها بصوت خفيف... مساعد بهمس:لاتفرحين راشد موب في بيتهم بيان ضربت مساعد على صدره:بااااااااااااايخ وسخيف مساعد:ههههههاااااااااااااووووووووو وصلوا بيت بوراشد وفتحت لهم الخدامه الباب وكانت أم راشد نازله... أم راشد:ياهلا هلا والله أم عبدالعزيز:هلا يام راشد إيشلونك؟؟ أم راشد:بخير الله يسلمك....(تطالع بيان)كيفك يمه بيان؟؟ بيان:تمام الحمدلله خالتي أم راشد:تفضلوا حياكم الله أم عبدالعزيز وهي تجلس:وينها الجازي؟؟ أم راشد:تغير ملابسها الحين تنزل بيان:خالتي إذا تعبانه نركب لها حنا أم راشد:لا حبيبتي تحسنت حالتها كثير أم عبدالعزيز:الحمدلله بعد شوي جوا أم مشعل مع هيا وحلا.. نزلت الجازي وسلمت عليهم وجلست جنب أم عبدالعزيز ... نايف وهو يركض بسرعه على الدرج... أم راشد:ياحافظ بشويش يانايف نايف:سلام طنطات الكل:وعليكم السلام أم مشعل:إيشلونك نايف؟؟ نايف:هلا خالتي تمام الحمدلله أم عبدالعزيز:وكيفك مع المدرسه؟؟ نايف:ماشي الحال نضيع وقت بيان:تضيع وقت قل تنهم تنقرف موب تضيع وقت نايف:هههههههه إي والله هم وبين هالمدرسه أم راشد:أجل أخوك راشد وينه؟؟ نايف يطالع بيان:والله مدري يمكن طلع...يالله أنا طالع باي وهو طالع يغني عشان يقهر بيان... نايف:ياحبايب ياحبايب ليش خلي اليوم غايب والله ماسهر معاكم لين أشوفه ياحبايب حلا والجازي يضحكون عليه وبيان عصبت... بيان بخاطره:طيب يانايفوه أوريك. الجزء الثامن صار إلي كان يتمناه عبدالعزيز وقطع علاقته مع الجازي بس للآن ماحد يعرف بهذا الشي إلا هو والجازي ومساعد.. من راح يتكلم قبل ويخبر الأهل بلي صار عبد العزيز ولا الجازي كيف بتعيش الجازي بعيده عن قلبها وحياتها والشخص إلي ساكن بقلبها من صغرها.. عبدالعزيز إلي عمره ماحب الجازي ولا فكر يحبها رغم إنه معترف بجمالها وأخلاقها... وفي الليل كان جالس عند المسبح إلي بالفيلا ودق جواله... مساعد:أووووووف هذي إيشتبي مني؟؟...................هلا وجد:هلا والله كيفك؟؟ مساعد:تمام وانتي؟؟ وجد:ماشي الحال.............غريبه توقعتك بدق علي مساعد مستغرب:ادق عليك.......وله ادق؟؟ وجد:لا بس قلت يمكن تكلمني عشان تعرف كل شي عني وكيف عرفتك و.... سكتت وكمل مساعد... مساعد:وحبيتك......... بتقولين وحبيتك صح؟؟ وجد:أمممممممممممم........مدري مساعد انت شكلك موب مصدق كلامي مساعد:أي كلام؟؟ وجد:إني احبك وأعرف كل شي عنك مساعد سكت شوي:........................لا مصدق من قال موب مصدق وجد:مساعد أنا..........أنا موب بس أحبك أنا اموت فيك انت كل إلي بقلبي مساعد يضحك بسخريه... وجد عصبت:إيش فيك انت لهذي الدرجه مغرور أقولك أحبك وانت تضحك بمسخره مساعد:طيب وين شفتيني عشان حبيتيني؟؟ وجد:كذا مره وكذا مكان شفتك في بيتكم وبرا بيتكم مساعد:ماشالله ودخلت بيتنا كمان وجد:كيف مادخلته.....أقول لك أنا أعرفك زين مساعد:أهااااااااا...طيب ليه خايفه تقولي من انت؟؟ وجد:ومن قال إني خايفه؟؟ مساعد:قولي من انت؟؟ كيف عرفتيني؟؟ وجد:موب وقته بعدين تعرف.....إلي أبيك تعرفه إني أحبك أحبك يامساعد.......مساعد انت تحب؟؟ في بقلبك أحد؟؟ مساعد بغرور ينرفز:لأ.......بس لا تحطين أمل إني ممكن أحبك وجد شوي وتبكي من غرور مساعد وإسلوبه في الكلام معاها فقالت تسكره افضل من مايجرحها أكثر... وجد:اوكي باي مساعد:باي...............تحبني وتشوفني كذا مره ........سخافة بنات وفي جهه ثاني كان نايف جالس مع فهد في سيارته ويجهزون للموقع على النت... نايف:أوووووووووووووووف رجع نايف راسه على الكرسي وغمض عينه... فهد:إيش فيك؟؟ نايف:ناثينق فهد بخبث:بكره الموقع راح يكون جاهز وراح نفتحه نايف دار يطالع فهد ورجع راسه وغمض... نايف:الله يستر فهد:نايف إيش فيك ليه خايف كذا؟؟................ماكنت أعرف إنك جبان كذا رفع نايف راسه وهو رافع حاجب ومعصب... نايف:ماحد جبان غيرك واحترم نفسك فهد:اوكي أوكي ريلاكس لا تعصب في ذا الوقت دق جوال نايف وكان ماجد المتصل... نايف:فهدوه مابي اسمع لك همس فاهم فهد:ليه؟؟ نايف:أششششش.........هلا ماجد ماجد يصارخ:يالتعبااااااااااااااااااااااااااااان نايف مخترع:هاااااااااا إيش فيك؟؟ ماجد:كيف تطلع ولا تقول؟؟؟................أنا ميت من الزهق نايف أخذ نفس وهدأ:خرعتني ياغبي ماجد:وينك؟؟ نايف إرتبك:ها..ممع..مع عزاموه إيه عزام ولد عمي ماجد:طيب ليه مرتبك؟؟ نايف:لا ولا شي ماجد:أوكي مشيها لك هذي المره..لكن إن عدتها مره ثانيه لاتلوم إلانفسك نايف:هههههههههههههههههههههه أوكي ماجد:قود نايت نايف:قود نايت فهد:مابيفضحنا إلا إرتباكك نايف يصارخ:يازفت عارف خطورة إلي قاعدين نسويه السالفه موب هينه بكره إذا انتشر الموقع على بالك اهالي البنات راح يسكتون فهد:وكيف بننكشف وماحد عارف إن حنا أصحاب الموقع نايف:على بالك الكل غبي مثلك مايعرفون يفكرون حبيبي الشرطه إذا يبونك يطلعونك من تحت الأرض مسوي لي نفسك شجاع وزاعم روحك فهد:نايف تراك غلط بزياده نايف:أقول شاااااارب وخلنا نرجع الوقت تأخر فهد كان معصب حيل من نايف بس ماكان يبي يتهاوش معاه لأن عارف إن نايف أقوى منه بالكلام فسكت ومشى... بعد يومين من حادث فسخة الخطبه ...الجازي كانت جالسه بغرفتها..وطق الباب.... الجازي:تفضل راشد:مرحبا الجازي بابتسامه ناعمه:هلا راشد راشد:مارحتي الجامعه؟؟ الجازي:لأ تعبانه مالي خلقها...........نايفوه راح المدرسه؟؟ راشد:أكيد من قده اليوم يوم الأحلام عنده الأربعاء الجازي وراشد:هههههههههههههههههههههههههههههههههههههههههههه هههههه راشد:الجازي ممكن سؤال؟؟ الجازي:شور وات؟؟ راشد تنهد وكأنه متردد يسأل ولا لأ...الجازي إنتبهت له... الجازي:راشد إيش فيك؟؟ راشد:الجازي صاير شي بينك وبين عبدالعزيز؟؟ الجازي إنصدمت من سؤال راشد وسكتت موب عارفه تتكلم الكلام كله ضاع منها مافي إي كلمه تسعفها من هالموقف... راشد:إيش فيك يالجازي؟؟ الجازي:لا بس متفاجئه من سؤالك ليه تسأل؟؟ راشد:لا بس...............ماشفته جاك بالمستشفى ولا بالبيت الجازي:لا هو كلمني........ايوى كلمني كذا مره بس لأنه مشغول كثير عشان كذا ماقدر يجي راشد موب مقتنع بكلام الجازي:طيب وين دبلتك؟؟ الجازي بارتباك:ما.......مدري يمكن نسيتها بالحمام لما أخذت شاور راشد:أوكي إذا كلمك عزوز سلمي عليه الجازي:الله يسلمك راشد طلع وشوي إقتنع بكلام الجازي....وعبدالعزيز جالس بالمجلس وجى له مساعد... مساعد:هاي عبدالعزيز:هايات جلس مساعد شوي وكأنه يبي يقول شي بعد شوي تكلم.... مساعد:ماصار شي بينك وبين الجازي؟؟ عبدالعزيز:لأ......... من ذاك اليوم لا كلمتها ولا كلمتني مساعد:مطوله حالتكم كذا؟؟ عبدالعزيز:إيش قصدك؟؟ مساعد:قصدي إن أهلك كل يوم عن ثاني يشكون بأمركم عبدالعزيز:وأنا راح أقطع شكهم............وأقول لهم مساعد منصدم:إيش انت صاحي................كيف بتقول لهم عبدالعزيز:خلاص يامساعد أنا مليت من هالموضوع وبقول لهم وأريح نفسي مساعد:انت عارف إيش بسوي أبوك لو قلت له عبدالعزيز:يعني إيش بصير بهزئ وبشرشح وبعدين بيسكت مساعد:صح بيسكت لكن بعد مارتجع للجازي عبدالعزيز:نو ويه مساعد:أبوك لازم كلمته تمشي على الكل ياعزيز وصدقني مستحيل يسكت لازم يرجعكم لبعض عبدالعزيز يرفع صوته:أوووووه مساعد أنا عمري 23سنه يعني رجال ومستقبلي وحياتي راح يمشون بكلمتي موب بكلمة أبوي مساعد بسخريه:وين هالكلام قبل ماتخطب الجازي؟؟ عبدالعزيز:قصدك لما خطب أبوي الجازي.........أنا ماكنت عارف بشي ابوي فاجئني لما قال لي إنه كلم عمي بالموضوع يعني ماكان بيدي أسوي شي مساعد:عزوز لا تستعجل فكر شوي عبدالعزيز طالع مساعد وتنهد..وفي المدرسه كانت بيان جالسه مع أشواق... بيان:أشواقوووه أشواق فكرها مشغول فماردت على بيان أصلاً مانتبهت إن بيان تكلمها... بيان تضرب أشواق:أشواقوه وجع إنشالله أشواق:أممممممممم إيش تبين؟؟ بيان:صار لي ساعه أكلم الجدار ليه متردين؟؟ أشواق:إيش كنت تقولين؟؟ بيان:لا والله....أقول من إلي شاغل عقلك؟؟ أشواق بخاطرها:آآآآآآآآآآآآآه ولد عمك يابيان ولد عمك إلي معذبني.............لا ولا شي أشواق تقوم وهي ماسكه يد بيان تقومها... أشواق:يالله ملينا وحنا جالسين خلنا نتمشى شوي بيان تقوم:أوكي كانوا ساكتين ويتمشون بالمدرسه... أشواق:بيان بسألك عن شي بس بليز لاتفهميني غلط أوكي بيان:أوكي أشواق:وعد؟؟ بيان:أي براميس يو أشواق:إيش رايك بالحب؟؟ بيان:والله قايله إن فيك شي أشواق:لالا لا يروح فكرك لبعيد هذا مجرد سؤال بيان:أهاااااااااااا........آآآآآآآآآآه ه ه من الحب ومن عذابه أشواق تبتسم:كيف شعورك أول ماحبيتي راشد؟؟ بيان:راشد...........أووووووووه سهرني الليل هالولد عذبني ماضاقت عيوني النوم من حبيته دايم أفكر فيه مايروح عن بالي وكل مره أشوفه أحس إن قلبي يبي يطير له ويقول له احبك أشواق:الله الله ياعيني......(بخاطرها)يالله نفس الحاله إلي أنا فيها عزام موب مفارق بالي وموب قادره أنام من التفكير فيه معقوله حبيته هذا هو الحب إلي تكلم عنه بيان يمكن ليه لأ بيان:يالله بدت الحصه بسرعه لانتأخر أشواق:يالله وفي الظهر نايف كان طالع من المدرسه مع ماجد وجايين بيركبون السياره إلا وصوت ينادي نايف... فهد:ناااااااااااايف نايف:هلا فهد ماجد:أووف هذا وقته......بنتظرك بالسياره نايف:أوكي فهد:الليل لازم اشوفك نايف:ليه؟؟ فهد:عشان نفتح الموقع نايف بسخريه:بجد والله فهد:أجل ألعب معاك نايف:أوكي نو برابلم راح نايف لسياره ركب وكان ماجد معصب حيل... ماجد يصارخ:كان لاجيت نايف بسخريه:ليه أنا تأخرت؟؟ ماجد:انت إيش فيه بينك وبين فهدوه.......بعده يسألك عن الإختبار؟؟ نايف:ههههههههههههههه تتمسخر...لامابينا شي ماجد:إيه واضح نايف شغل المسجل على أغنية(آشر-Yeah)ورفع الصوت... نايف:تونس ياولد اليوم الأربعاء (يصارخ)ونااااااااااااااااااااااااااااااااااااا ااسه ماجد:هههههههههههههه الله يثبت عقلك مشى نايف مسرع حيل وصل ماجد بيتهم وهو نازل إلتفت لنايف... ماجد:متأكد إن مابينك وبينه شي؟؟ نايف إرتبك شوي:ها..لالا مابينا شي دونت ووري ماجد إبتسم:أوكي باي نايف:باي نزل ماجد... نايف:أقوله..........لالا ماجد اكيد بعصب صاحبي وأعرفه.........بنشوف بعد مانفتح الموقع إيش بصير(تنهد)الله يستر وصل بيتهم دخل نايف ورمى الشنطه وراشد كان نازل..نايف يطق صبع ويغني... نايف:سهرتنا لليله خلوها صباحي... راشد يغني مع نايف... راشد:ويش رايك الليله نسهر سهر ثاني...... نايف:أوكي موافق راشد يسلم على نايف:مبروك عليك يوم الأربعاء نايف:الله يبارك فيك راشد ونايف يضحكون بصوت عالي ويغنون...إلا ويجي بوراشد وهو معصب منهم... بوراشد:خير إنشالله ليه هالصريخ؟؟ راشد:ها..هلا يبه نايف:إيه..هلا هلا بوراشد:ليه الصريخ صاحيين انتوا؟؟ راشد:أنا أدري عن ولدك دخل وهو يصارخ بروحه أقوله إسكت موب راضي نايف:لاياشيخ أنا ولاانت راشد:انت نايف:لاانت وتهاوشوا... بوراشد يصارخ:هه انتوا إيش فيكم دايم اهواش بس انت وياه راشد ونايف بصوت برئ ماكأنهم مسويين شي:سوري بوراشد:وين أصرفها هذي سوري نايف:يبه بنك الرياض فاتح تبيني أوصلك راشد:ههههههههههههههههههههههههههههههههه بوراشد:بجد باايخ إقلب وجهك غرفتك نايف وهو يرفع شنطته:أوكي داد بس لاتعصب اليوم الأربعاء بوراشد:تراك بليتنا بيوم الأربعاء اليوم الأربعاء وبكره الخميس خير إنشالله نايف:لا يبه يوم الأربعاء غير هذا اليوم.........................أقول باي راح نايف وبوراشد يطالع راشد بهزئه بس أنقذه جواله إلي دق... راشد:عن إذنك يبه بوراشد:حسبي الله عليكم من عيال بتجننوني كانت بيان جالسه في الصاله مع مساعد ويدق التلفون بيان كانت نايمه على الكنبه... بيان بصوت نايم:مساعدوه رد على التلفون مساعد:سوري بيان:يالله عاد تعبانه مساعد:قلت لك سوري بيان قامت وهي معصبه... بيان:يادب...............آلو حلا تصارخ بفرح:هااااااااااااااااااااااي بيانووووه بيان:بسم الله هااايات ليه تصارخين؟؟ حلا:بقول بس بشرط بيان:إيش؟؟ حلا:تعزميني على عشا بيان:أوكي ......... إيش صاير؟؟ حلا:قولي من بيجي الرياض بالأصح السعوديه بيان:من؟؟ حلا تصارخ:وجدااااااااااااااااااااااااااااااااااااااااا اان بيان تصارخ مع حلا:وررررررررررررررربك كذابه متى؟؟ حلا:مدري يمكن بكره ويمكن إلي بعده بيان:وأخيراً بنشوفها الغبيه وانت من قالك؟؟ حلا:رسلت لي على الإميل...........وين بتعشيني؟؟ بيان:كل واحد يتعشى في بيته يالله قلبي وجهك حلا بحزن:بياااااااااااااااانوه تأدبي تعشيني يعني تعشيني بيان:أمزح بعشيك أووووووووووف.....إيش رايك نتعشى في بيتنا كل هم بيطلعون الليل؟؟ حلا:اممممممممممممم أوكي أشوفك الليل باي بيان:باي مساعد:ليه تصارخين؟؟ بيان:صاحبتي بكره بتجي السعوديه مساعد:ليه هي وين كانت؟؟ بيان:بدبي مساعد وهو قايم:عشان كذا تصارخين بجد بياخه بيان:الشره على الغبيه إلي قالت لك مغرووووووووووور (بنوقف لحظه عند وجدان......وجدان شخصيه جديده صاحبة بيان وحلا الروح بالروح بس من قبل سنه ظروف شغل إبوها خلتهم يسكنون بدبي والآن بيرجعون وجدان بنت تعجز من كثر ماتقول إنها قمر أخلاق وذوق وملامحها جداً جذابه وبالذات عيونها)... من هذي الشخصيه الجديده(وجدان)؟؟ إيش مصير علاقة عبدالعزيز والجازي؟؟ فهد ونايف بيفتحون الموقع ولا لأ وكيف بتكون ردة فعل نايف؟؟ انتهى الجزء الثامن وهذا مالدي حاليا ولو استجد شي راح انزله لكم طبعا القصه منقول nokia sa |
|
#7
02-16-2008, 07:28 AM
| ||
| | ||
| رد: قصه حب سعوديه رومنسيه |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سعوديه كافره !! لعنة الله عليها .. | ستالايت | أرشيف المواضيع الغير مكتمله او المكرره او المنقوله و المخالفه | 19 | 05-27-2014 11:52 PM |
| غرور وكبرياء قصه سعوديه | تئلمت بس تعلمت | أرشيف المواضيع الغير مكتمله او المكرره او المنقوله و المخالفه | 4 | 01-25-2009 06:44 AM |
| طفلة سعوديه عمرها 14 عام اسلم على يدها الكثير | jasy | أرشيف المواضيع الغير مكتمله او المكرره او المنقوله و المخالفه | 3 | 05-30-2007 01:35 PM |
| طفله سعوديه عمرها 14 سنه اسلم على يدها الكثير تعالوا نتعرف عليها وندعي لها | rghd | أرشيف المواضيع الغير مكتمله او المكرره او المنقوله و المخالفه | 7 | 05-30-2007 01:35 PM |
العرض العادي
