اوك
اخيرا اجا وقت اطرح مشكلتي، يعني هي مش مشكلتي هي مشكلة ابني
عندو عادة لما يكون بالمجتمع ما بيحكي، اذا حدا سألو سؤال بسطل، يمكن المشكلة لان نحن ما كتير منطلع من البيت فما بيختلط بالعالم
بس حاليا الولد صار روضة تالتة يعني سنة الجاي اولابتدائي، والمعلمات عم يعانو معو كتير، يعني اذا بدو يدخل الحمام ما بيحكي، اذا بدها تسمعلو قراءة ما بيقرا كرمال هيك ما بتقدر تحطلو علامات عالشفوي، وهني محتارين وانا محتارة معهم، خايفة اذا اصرو عليه ليحكي يعمل ردة فعل عكسية ويصير ينفر اكتر، واذا تركوه براحتو ياخد مجدو ويتعود على السكوت مترح ما يكون، فما الحل؟ كيف بدي شجعو ليحكي؟

__________________

واااااااو جد مشكله ابنك بتخوف هيك اخوي كان وهوي صغير

هو ماكان يحكي وبظل بالبيت ما بقبل يطلع منو حتى

لهيك ماما شو عملت صارت طلعوا على الحارة من وهو صغير تخلي يندمج مع لولاد يلعب

معهم كرة بنانير ع الدراجات وهاي الشغلات وشوي شوي صار يتعود على الي حوليه ويطلع

برا ويلعب معهم بعدها ماما صارت طلعوا مثلا توخذو ع السوق وتودي هون وهون مع الوقت تعودد

وصار يندمج مع الكل واذا بدك تشجعي اكتر مثلا قوليلو رح اعطيك حلويات رح زدلك مصروفك

ترى انا هيك اذا حدا بدو يقنعني بس حلويات او يزدولي مصروفي وبمشي زي الساعهخ

حاولة معاه هيك وطلعي من البيت وخلي يلعب مع لولاد يلي قدو ورح يندمج هيك بسرعه معهم

هاي فكرو مش غلط وهيك في اعضاء عندهم فكر اخرى ويمكن افضل

يعني هو في البيت بيحكي عادي ، يتكلم لو تركتيه مع الأطفال ؟

__________________

الصراحة
انا ابني بيلعب مع اولاد عمومتو واولاد خوالو، بس اذا مع اولاد الجيران ما بيلعب، مش لان بيستحي او هيك بس بحسو عندو اهتمامات تانية، يعني مرة طلعت لعند الجيران وكاين في ولاد كتير من كل الاعمار، الاولاد قعدو يلعبو مدرسة، جلسو الكل ووحدة صارت تعمل حالها المعلمة بينما ابني قاعد لحالو عم يلعب بالتراب، رحت لعند البنت وطلبت منها تلعب ابني معهم قالتلي اوك، راحت لعندو لتاخدو لعند الباقيين صار يبعد عنها ويعترض، قلتلها خلص اتركيه ما بدو يلعب، يعني المشكلة هو ومزاجو يعني الولد اذا ما كان كتير بيعرفو ما بيلعب معو ولا بينبسط باللعب معو، وبالمدرسة نفس الشي، بتقلي المسؤولة عنهم الملعب انو ما بيلعب مع الاولاد بيلاقي شي يتسلى فيه لحالو، ولما تحكي معو ما بيرد، بس اول السنة كانت قايلتلي معلمة العربي انو مرات بيحكي معها حسب مزاجيتو، يعني اذا هو اجا عبالو يحكي معها مرات بيحكي واذا هو ما جاي عبالو ما بيحكي، اما فكرة اني جبلو شي مقابل انو يقرا بالصف فكرة عجبتني ويمكن يمشي حالها، لان هيديك السنة المرشدة الاجتماعيةةالي بالمدرسة ضلت تحكي مع ابني وما كان يرد عليها لحد ما قالتلو انو بدها تجبلو سيارة، سالتو اي لون بدو اياها قالها ازرق، سألتو عن الدواليب قالها اسود، فيمكن اذا هيك يمكن يمشي حالو، بقول للمعلمة انو تخبر ابني انو جبنالو لعبة سيارة واذا خبرتنا انو قرأ بالصف منعطيه اياها؛) فكرة جملية

__________________

معنا بيحكي عادي، مع الاولاد الي بيعرفهم كمان وبيلعب وكل شي، حتى الكبار بيحكي معهم هادي اذا بيعرفهم منيح، بس المشكلة مع الناس الي ما بيعرفها، بس اظن بالصف بيحكي مع رفقاتو اذا حكو معو، مرقت فترة كنا نبعتو عالدكانة ليشتري غراض لحتى نقوي شخصيتو، فاذا ما كتبتلو ورقة ليعطيها لصاحب الدكانة يروح لهونيك ويسطل، اما اذا بكون انا رايحة معو بيعلق علي لحتى انا اطلب الشي الي بدو يشتريه...

__________________