|
| |||||||
| Manga Space كل ما يتعلق بالمانجا حلقات تقارير اخبار و فعاليات منقولة او مرسومه بأيدي الاعضاء, مانغا سبيس |
 |
| | LinkBack | أدوات الموضوع | انواع عرض الموضوع |
| |
|
#1
06-22-2015, 09:23 PM
| ||
| | ||
| - تشابتر 33 , كان جميلل كالعادهه  =)وزي مَ قولتو احداثو كانت حماسيه ومهيئه لأحداث اكبر  #  ساساكي مازال مصر عَ النكران إنو هوا وكانيكي = واحد  صح إنو زيَ مَ قالت هينا , شخصياتهم تختلف وذكرياتهم كمان تختلف :nop: بس مع ذلك مَ زالت مؤمنه إنو كلاهما نفس الشخص حتى لو اختلفو  وطبعا دا الشيء هوا الصحيح وبدون شك , بغض النظر عن كلام كلاً من : ساساكي وكانيكي وإنو هما شخصين مختلفين لكن هالشي ناتج عن " إنكار " وعن كراهيه من كانيكي , وخوف من ساساكي عموماً .. اعتقد إنو كل الي يبغاه " ساساكي " هو البقاء فِ حالة نكران يعني لا نيشيو قدر يقنعو , ولا هينامي واخيراً كانيكي زاتو مَ قدر يقنعو !! اتسائل مين الي حيقنعو فِ تقبل نفسو والواقع دا فِ الاخير !شخصياً اتوقع إنها توكا لإن فِ الجزء الاول تقريباً صار نفس الشي لما كانيكي ترك الإنتيكو للبحث عن الدكتور كانيو وشكل مجموعه مكونه من بونجو وجماعتو , تسوكياما , هينامي وغاب اشهر عن الانتيكو ومع إنو يوشيمورا + يومو حاولو معو ولإقناعو للرجوع بس مارضي ومَ اقتنع إلا بعد مَ قابل توكا , وقتها كانيكي قرر يرجع للإنتيكو واول مارجع لمقرهم كلم جماعتو وقلهم إنو يبا يسرح المجموعه لإنو خلاص قرر تركهم والرجوع للإنتيكو فَ من الي حصل فالجزء الأول واضح إنو كانيكي يتأثر بتوكا اكتر من غيرها  ولهالسبب اتوقع نفس الشي حيصير مع ساساكي بما إنو توكا تعتبر الاقرب لكانيكي بالإضافه لهيدي طبعا الذي مازال مفقوداً   الشي الجميلل والي جد خلاني ارتاح بعد مَ اكتئبت من المحادثه الي دارت بين هايسي وهينامي وقديش صغيرتي كانت حزينه وقطعت قلبي , إنو هايسي فِ الاخير وبعد مَ طلع من غرفة الإستجواب جلس يفكر فِ نفسو ويقول : " هل هذا يبدو صحيحاً ؟ " " إذاً ماذا عليَ ان افعل ؟ " " هل اريد أن انقذها ؟ " " لماذا انا اساعد غولاً ؟ " " لا , ربما الامر ليس له علاقه بذلك .. لماذا عليها الخوض فِ كل هذا ؟ " هايسي حبيب آلبي ياخي إنتا شي جميلل لا جدياً , هايسي واضح إنو حيساعد هينامي , الي قالو يدل عَ هالشي  بغض النظر عن طيبة هايسي حتى فِ تعاملاته مع الغيلان , لكنو ابداً مَ إتردد ناحية غول قبل كدا ولا فكر يساعد غول , لكن هينامي بالنسبه لو إستثناء  والشي دا إن دل عَ حاجا , فهوا يدل إنو كانيكي لو علاقه بالأمر دا وإنو حيتصرف قريب وهوا الي حينقذ أختو الصغيره لكن عموماً .. وقت هايسي فِ السي سي جي صار اقل , اتوقع حيكمل معهم لأرك قادم وخلاص مَ اتوقع إنو حيبقى معاهم اكتر من كدا , من خلال سير الامور فِ التشابتر دا  نجي للشي التاني الي هوا , الاوغيري + وضع اياتو قبل كل حاجا , الاوغيري عليكم اللعنه طيب , كمية حقاره فيهم مش طبيعيه ابد : ) !! تخلو عن هينامي بهالسهوله ؟ تاتارا وإيتو تباً لكم  ..طبعاً البقيه زي , ميزا وناكي واكيد اياتو مازالو متمسكين فِ صغيرتي هينا ونفسهم يساعدوها خصوصا اياتو , حاول مع تاتارا بس ماش المعفن حيفضل معفن اياتو كن  الي لفت إنتباهي اكتر شي هوا تطور شخصية اياتو , امانه الولد إتغير للأفضل كتير اياتو صار يهتم بِ الناس الي حولو , قبل كدا فِ ارك المزاد انقذ ناكي وإتخلى عن مكانو وبسبب هالشي فشلت مهمة الاوغيري فِ حماية البيغ مدام , ودحين جا الدور عَ هينامي يبا ينقذها بأي شكل وجالس يحاول مع قادة الاوغيري عشانها اياتو فخوره فيك يَ ولدي = > وممكن التغيير الي حصلو كان بسبب ساتشي ؟ بما إنو تاتارا إتكلم عنو وقال لأياتو إنو جاب " الجُبن " من ساتشي دا الشي معناتو : 1- تاتارا مَ كان من محبي ساتشي 2- ساتشي واياتو فِ وفاق جيد , وهالشي منطقي إنو اياتو كان يتدرب مع ساتشي ولهالسبب الولد صار معضل اكتر بما إنو ساتشي كان دايماً يركز عَ التدريبات البدنيه لجسدو عشان يكتر من عضلاتو , وحالياً نفس الشي صاير مع اياتو + صار اقوى بكتير من الأول وترقى لرتبة SS الجميل فِ الامر إنو قبل التايم سكيب لِ تلاته سنين , اياتو كان فضولي ناحية ساتشي وكيف إنو صار فِ رتبة SS والحين هوا صار بهالرتبه شي تاني , الاوغيري لطالما تخلت عن كتير من رجالها وتركتهم يموتون !!بس لمجرد " التمويه " و " التضليل " , اولاً لما إقتحموا سجن الغيلان " كوكوليا " والان , رفضهم فكرة المحاوله لمساعدة هينامي اثبت هالشي وإنهم يتخلون عن تابعيهم بسهوله : ) وطبعاً هالشي مش عاجب اياتو ولا هوا راضي عنو ..لما قال لِ تاتارا : " ياموري , الإخوه بين , جميعهم الذين ماتوا .. هل كل شخص فِ الاوغيري قطع مستبدله بالنسبه لك ؟ " وتاتارا رد عليه وقالو : " هذا صحيح ,الكلاب الضاله يجب ان تتصرف مثل كلابٍ ضاله " هالكلام يثبت لأياتو إنو حتى هوا حيتخلون عنه وإنو هوا مجرد " قطعه يمكن إستبدالها " ولهالسبب مَ اشوف اياتو حيستمر مع الاوغيري لين نهاية المانجا , اساساً السبب الوحيد الي خلاه ينضم لهم كان ليصير أقوى ويحمي توكا , بس حالياً مَ صار يحتاج للاوغيري عشان يحميها الولد صار قوي جداً وبإمكانو حمايتها بعيداً عن الاوغيري  تاكيزاو سيدو دا الشخص كل مَ اشوفو احس إني حبدأ ابكي تلقائياً , يحزن يحزن يحزن ايش مَ كان الي يسويه , سواء قطع رؤوس زملائو السابقين ووشبههم بِ اناناس طازج او قولو إنو طعم المخ يشبه طعم المربى , مازال يحزني واتعاطف معو مرا ياخي عموماً سيدو لما جلس يسخر من مشاعر اياتو وقالو هالعباره : " كما ترى , رؤية غيلان فِ الواقع يعتنون ببعضهم البعض إنه لأمر مفرح وذلك يجعلني اريد اكل بعض الحلويات " سيدو , واضح إنو مازال متأثر بالي تعلمو من السي سي جي الحقيره إنو الغيلان عباره عن وحوش بلا قلب وواضح إنو مازال يمتلك عقليتهم وصار يشوف نفسو من ضمن الوحوش الي اوهمتو السي سي جي عنهم سيدو مفكر نفسو إنو وحش برضو وشايف إنو شي غريب يكون " للوحش " مشاعر افتكرت فِ ارك المزاد لما كان يلقي خطاب عن الوحوش , القتله والموت , لزميلو السابق من السي سي جي قبل لا يقتلع رأسو , دوبي استوعب إنو كان يشير لنفسو واضح إنو سيدو بيشوف حالو وحش بلا قلب ومَ يهتم لأحد دا غير حالتو العقليه الي فِ مهب الريح واللهي إنو يقطع القلب ياخي , ليش كدا إيشيدا سينسي  اخيراً بالنسبه للمحقق كيجيما الي ظهر لساساكي وقالو إنو حيكون شريكو فِ المهمه الجديده قبل كل حاجا المهمه الجديده واضح إنها حتكون عن تسوكياما وعائلتو بالتحديد كاناي بما إنو من اصول المانيه زي مَ إتكلمو عنو المحققين + حضر المزاد وحارب الغيلان والمحققين ولذلك عندهم اثار من كاجونه , عموماً زي مَ اتفقنا قبل كدا إنو هالارك حيكون للدراما كوين وعائلتو بالنسبه للمحقق دا فَ صراحه شكلو يثير الشكوك , وواضح إنو كان يراقب ساساكي  ومحادثتو لهينامي ولهالسبب علق عليه وقديش عندو علاقات وثيقه مع الغيلان من اولها الراجل دا مَ ارتحتلهوش عموماً اول مَ شفت الرجال دا جاء فبالي منظمة ' V '  والمنظمه دي بإختصار يُشتبه فيها وإنها عندها تعاون وثيق مع السي سي جي : ) .. بما إنها منظمه فاسده ومع ذلك عمرها مَ وقعت تحت رادار السي سي جي  !!وعملائهم يقومون بِ قتل كلاً من الغيلان والبشر الي يشعرون إنهم حيشكلو تهديد للـ التوازن فِ العالم !! يوكينا , زوجة يوشيمورا كانت تعمل وتبحث عن المعلومات المتعلقه فيهم وقُتلت !! لذا واضح جداً إنهم يمتلكون شيء كبير للتستر عليه :nop: شي تاني إنو العجيز يوشيمورا الحب كان يعمل مع المنظمه دي إزا مَ خاب ظني ذُكر هالشي فِ ماضيه فِ تشابتر 119 عموماً .. هما ظهروا عدة مرات فِ الجزء الأول ومعروف عنهم إنهم يلبسون معاطف سوداء طويله + قبعه سوداء تماماَ نفس الي لابسو المحقق الي ظهر لساساكي لذلك اعتقد إنو منهم او عَ الاقل فِ صله بينهم للآن مَ نعرف شي اكيد عن هالمنظه وهدفهم بالزبط غير إنهم يرغبون فِ " الحفاظ عَ التوازن " فِ العالم وبذلك عندهم عمال نظافه يقتلون كلاً من البشر والغيلان , لكن عموماً المنظمه دي اكيد مش من الأخيار
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر -  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فخآمة اسطورية ~ نَقاشْ أَنيميّ Tokyo Ghoul * | مَنفىّ ❝ | حوارات ونقاشات الانمي | 321 | 12-18-2017 02:21 PM |
| إبداع متفجر ! : هذا العالم خاطئ ! تقرير عن : [ Tokyo Ghoul ] * | ناتسو | NATSU | - تقـارير الأنيميّ | 14 | 10-31-2017 07:05 PM |
| Tokyo ghoul / I’m a ghoul !! | PP.T | صور أنمي | 17 | 12-13-2015 07:42 PM |
| بهاء متفرد:- ليست الغيلان وحدها..من تفسد هذا العالم | جميع حلقات Tokyo Ghoul √A | ρsүcнσ | Anime Space | 8 | 04-23-2015 10:13 PM |
| Everything is okay in the end! .. *Tokyo Ghoul | ʂօlმ..ʂმომ | صور أنمي | 3 | 11-10-2014 06:17 PM |
1634Likes
العرض المتطور
