|
| |||||||
| حوارات ونقاشات الانمي قسم خاصة بنقاشات مسلسلات الانمي وحلقاتها واسرارها و تحليل جميع الشخصيات وابطال الانمي |
 |
| | LinkBack | أدوات الموضوع | انواع عرض الموضوع |
|
#216
03-20-2015, 01:30 PM
| ||
| | ||
| ؛× الحلقه 11 كآنت حلقه مَ تنوصف بأي كلمه صرآحه , مرت بسرعه ومَ حسيت بالوقت آبد  اضعها من بين افضل تلات حلقات لكلا الموسيمين مجموعين فِ بعض  * قتالو مع آمون كان كَ العاده جميل , ومن كل النواحي , حتى من ناحية الحوار الي دار بينهم كآن جداً جميل زيَ مَ تعودنا من قتالات هالاثنين بالزات آجمل شي فِ القتال كآن ؛ 1 - لمآ كآنيكي بغآ يتحول لِ كاكوجا لكنه يوم افتكر كلام آمون عنو وكيف إنو مجرد غول عآدي زي غيرو + ولإنو مَ كان يبآ يقتل آمون فِ تراجع عن التحول  2 - لمآ جزء من البنايه كان بيطيح عَ محققي السي سي جي بس كانيكي أنقذهم ونظرات التعجب ظهرت عليهم بس بالنسبه لِ آمون فَ إبتسملو ببساطه عموماً كآنيكي كان بإمكانو قتل آمون بسهوله لكنو سألو اكتر من مرا لو يقدر يمر ؛( من غير القتال لأنو مَ كان يبا يأذيه بس آمون رأسو يابس عاد ايش نسوي  ومَ آتوقع إنو آمون مات ابداً لإنو كانيكي ببساطه مش قاتل لحتى يعملها  * كآنيكي ومشهدو فِ الزقاق - آخخ يَ قلبيي - يآخي دا الولد يحتاج لراحه , يحتاج لبريك , يحتآج للسعادهه فِ حيآتو يحتاجني أنا = > بالله سلكو  لا جد مشهدو فِ الزقاق كان مؤلمم , الولد فِ حاله مزريه , مليآن دم , بس مع ذلك كل تفكيرو كان فِ توكآ والمدير يوشيمورا والجميع فِ الانتيكو لا والاكثر إيلاماً ووجعاً لقلبي كان لما جلس  يزحف عَ الارض من كتر ماهوا مش قادر يمشي حتى وإفتكرهم فِ فلاش باك وقال " المدير , توكا تشان , الجميع , الجميع , أنا , أنا سأنقذكم " وجلس يردد " أنا سأنقذكم " وهوا يمد إيدو نآحية المقهى وبعدو أغمى عليه بس من عيونو نقدر نعرف إنو كان يمر بحاله عقليه غير جيده عشآن كدا جلس يقول إنو يبا يحمي الناس من الإنتيكو عَ الرغم من إنو سبق وأنقذ كوما وإيريمي ووداهم لمكآن امن , يعتقد انو توكا وهينامي بأمان بما آن نيشكي قالو هالشي , واخيراً شاف وقابل نيشكي قبل لا يغادر للحرب ؛( فِ مآفي اي سبب عشآن يقول الي قآلو غير إنو حآلتو العقليه سيئه ؛( وجدياً دا شي يحطم القلب , ومؤلم للمشاهده أو حتى السماع دا الولد مَ آرتكب اي خطأ ليستحق الكثير من الألم والوحده الي توصلو للحاله دي ونآ ؟ غير إني أتأثرت ودمعت فِ المشهد دا إلا إن تفكيري الوحيد كآن  " كآنيكي إنتا الوحيد الي بتحتاج للإنقاذ يَ ولدي " => إحساس الآم متعبني آخخ بس , مآفي أي كلمآت تعبر عن مقدآر تقطيع هالشخصيه لقلبي وآلله  * هيدي ظهر مرتين فِ الحلقه والمرتين دي كنت حاطه إيدي عَ قلبي فيهم اول مرا ظهر كنت ببساطه خايفه يموت بما انو الولد مَ لقا غير إنو يكون فِ اسوأ مكان ممكن وفِ اسوأ وقت  بس فِ المرا الثانيه ؛ ربآه , ليآ فتره مَ بكيت بهالشكل , من بعد آرك النمل فِ هنتر :hehehe: لما نسمع صوتو اول حاجا فِ الظلام الدامس وكان شجاع بما فيه الكفايه ليثرثر عن القهوه وصعوبة تحضيرها ويتصرف بشكل عفوي وعادي جداً أمام الغول ذو الشعر الأبيض والمصاب - كآنيكي - وبعدهآ فِ الاخير قال " يو كآنيكي " وإبتسم لصديقو , لو حطينآ اي احد محل هيدي مستحيل يتصرف بهالشكل بموقف زي دا لدرجة انو حتى كانيكي نفسو فِ الحلقه الآخيره من السيزون الاول لما ريزي كانت تلعب بعقلو اول شي فكر فيه هوا هيدي وكيف حتكون ؛( ردة فعلو لو عرف بسرو وجا فبالو إنو هيدي حيغضب منو ويتركو لكن هنا , هنا شفنا العكس تماماً , عكس توقعات كانيكي , عكس تخوفاتو هيدي جازف وخاطر وحط حياتو عَ المحك بسبب كانيكي وفِ سبيل إنقاذو حتى ونا اكتب جالسه آدمع , هييييدي ايش عملت فيا يآخي جدياً دا فوق طاقتي , فوق الي اقدر آتحملو , هيدي من يومي ونا بقول إنك شي جميل ومحظوظ كآنيكي فيك لكن ذس از تو متش مآن ليه إنتا كدا , ليه تغصب الوآحد يحبك بهالشكل اوكي اعترف إني إكتشفت إنو هيدي بيعني لي كل حاجآ تقريباً  * هيديكين واخييييييييييراً , لقد هرمناااا من أجل هذه اللحظه جممال هَ الحلقه , ظهور إريما لآول مرا , الكشف عن هوية البومه ذو العين الواحده  والأجمل من دا كلو إنو أصدقاء الطفوله هيدي + كانيكي إجتمعو بعد مرور عشرومية حلقه بدون لا يتقابلو ولا يعرفو شي عن بعض هيدي مآي سن شاين ايلوفيو يآخي كانيكي فعلاً محتاجك فِ هالوقت بالزات , لا تخليه يرجع يشعر بالوحده هيدوشي لا تسيب ولدي لحالو فِ هالعالم القاسي ارجوك يَ رجل المشاعر ملخبطه والله , يعني معرف انبسط بإجتماعهم الأول بعد مرور عدة شهور او اكون مستعده لحاجات وحشه حتصير وحتخرب فرحتي بهالمشهد الجمميل لإن ايشيدا سينسي مَ يحب اللحظات السعيده ابداً فَ عشان كدا انا مستعده ومهيأه حالي للتراجدي فِ الحلقه الأخيره بس فِ حاجا محيرتني 1 - كيف هيدي قدر يهرب من نورو ! كيف فجأه صار فِ الأنتيكو !! مع إنو اخر مرا نورو لآحظ وجودو بعد أكل سيدو , كيف قدر يهرب ! 2 - وكمان كآنيكي آخر مرا شفناه حالتو كانت مزريه كيف وصل للآنتيكو وكيف لما صحى هناك كان بأفضل حاله ممكنه !! اوكي جدياً , انا مش فاهمه حاجا ! التساؤل التاني ممكن عندي لو إجابه الي هوا انو هيدي لقاه فِ الزقاق وشالو وجابو للإنتيكو واهتم فيه ودا والدليل إنو كانيكي نفسو كان مستغرب يوم قام ولقى نفسو فِ المقهى  لكن التساؤل الاول محيرني صراحه !!  * توكا القلب , توكا الحب , توكا الحياهه , يآلله قديش مبسوطه إنها مَ ماتت او عَ الاقل - حتى الان - بما إني مَ اضمن نجاة احد مع مؤلفنا العزيز :hehehe: حتى لو كانت توكا الي يعشقها هوا شخصياً ؛( عموماً مَ يتهيألي انو توكا حتموت صرآحه , خلاص آحس الخطر الي كان يواجهها مَ عاد زي الأول يعني اول السي سي جي كانت فِ بداية المهمه وكان هدفها الأوحد هوا قتل يوشيمورا ولما قتلوه - وتبين فِ الاخير انه مازال حي - إنتهت مهمتهم إلآ ان ابت إيتو ان تتركهم يعيشو بسعاده وبهناء حتى لو كان لخمس دقايق بس بعد ظهور آريما وقتالو مع إيتو وبعد هروبها مع يوشيمورا + بعد ضياع كانيكي من يدهم وبعد إنسحاب الاوغيري مع قائدتهم خلاص معد فِ خطر عَ توكا  * بس لما كانت تركض وآياتو يراقبها وكان قلق عليها - حتى لو مَ قالها - قديش احب هَ الغبي وتظاهراتو بعدم الإهتمام دايماً = > آياتو إعترف إنك شخص لطيف وخل عنك الغباءء دي تاني مرا فِ الانمي عموماً نشوف فيها آياتو يظهر بشكل عاطفي وحزين , وأول مرا نشوفو يكون بهالمنظر عشان أختو المهم يعني إني حسيت إنو ممكن حتواجه شي سيء ويجي هوا وينقذ آختو بطريقتو الخاصه كالعاده (:2 او بلاش نقول انها حتواجه خطر لكن ممكن يوقفها من شي غبي حتسويه او ممكن يعطيها تهزيئة محترمه وقديش هيا ضعيفه ومثيره للشفقه - بالنسبه لو طبعا - بسبب مشاعرها وبسبب نمط حياتها الي من الواضح انو مش عاجبو ! عموماً بالنسبه لِ توكا ؛ الظاهر إنها رايحه للإنتيكو وممكن تقابل كانيكي وهيدي هناك حيكون شي جميل صرآحه لو حصل بما إنو ولدي كانيكي حَ يجتع بِ أهم شخصين ؛( فِ حياتو بعد عدة شهور عانى فيها من الوحده  Note : آياتو كان Like A Boss وهوا ماشي بين جثث الـ سي سي جي واتباعو من الاوغيري وراه مع الانفجارات الي بتحصل
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر - التعديل الأخير تم بواسطة N A D ; 03-20-2015 الساعة 01:42 PM  |
|
#217
03-20-2015, 01:43 PM
| ||
| | ||
| ^ .. تكمله لردي بمآ إنو مَ كفآني ودا  * سيدو مآي بور بيبي سيدو , وااااي إيشيدا واااي المشكله دوبي الحلقه الي فآتت كنت اتمنى انو مَ يصيرلو شي تجي فِ الحلقه الي بعدها مباشرةً وتسوي فيا كدا , تقتل الكآوآي والظريف والمسيكين والمغلوب عَ آمرو تآكيزاوا سيدو حسبي الله بس :/ كنت خايفه انو نورو حيقتل هيدي من السبويلرز بس طلع بيقتل سيدو يعني لازم فِ كل الاحوال تقطعلنا قلوبنا صح سينباي ؟ تاكيزاوا ولا هيدي آهم حاجا تقتل آحد يَ قاسي = > كلياً خشيت جو - آخخ يَ قلبيي - طريقة موتو كانت أليمه , خصوصاً لما افتكر قبل كم حلقه يوم كتب فِ وصيتو انو مايبا يموت وكان يبكي وكيف انو لما مسكو تاتارا كان يبكي بنفس الطريقه وكأنو عرف انو ميت لا محاله , والله إني جلست ابكي معو , قطعلي قلبي لقطع , اتفتت خلآص ماي بور بيبي سيدو , مَ كان يستاهل الموت ابد فِ مَ بالكم موته بهالشكل الشنيع - متأسفه لسيدو وواجعني قلبي عليه والله - اقتباس:
 # ..  * سوزويا , ماي بور بيبي نمبر 3 بعد كانيكي وسيدو سوزويا ومحاولتو لِ مقاتلة البومه , كان شيء مؤلم للمشاهده ترا دا الولد مَ يأس ولا استسلم آبداً , وكمان آخيراً أدرك كيف يكون الشعور لما يُسلب منك احد , يَ جماعه شيء مؤلمممم الي حصل مع سوزويا , جداً مؤلمم كان يقآتل مع مرشدو - العايله الوحيده الي امتلكها - وفجأه تجي البومه وتقتلو قدام عينو فِ اللقطه دي , نظرات جوزو , بكاء جوزو , صراخ جوزو , كان شيء يلمس القلب بقوه اكتر حاجا عجبني فِ جوزو هوا التطور الملحظوظ بشخصيتو حلقه بعد حلقه , راجعو اول ظهور لو من السيزون الأول لين الحلقه 11 من هالسيزون وحتلاحظو الفرق العظيييم بين شخصيتو القديمه وشخصيتو الحاليه  * جوزو السادي , عديم الرحمه , منعدم المشاعر والاحاسيس , فَ هالحلقه شفنا عكس صفاتو الي اتصف بها قبل شفناه رحيم بِ مرشدو , شفنا مشاعرو الحقيقه تجاهو وقديش هوا حاجا مهمه لو , شفنا أحاسيسو بعد موتو وكيف مَ قدر يمسك نفسو واجهش بالبكاء والصراخ , للأمانه عمري مَ تخيلت إني اشوف جوزو بهالمنظر زي مَ شفتو اليوم صح إني كان عندي إيمان قوي فيه وإنو حيتغير للأفضل لكن أبداً مش إني ؛( اشوفو فِ الحاله دي ؛ ضعيف , مكسور , وحيد , مجنون , يتألم بسبب فقدان العايله الوحيده الي امتلكها ودا الي وجعني و خلاني اتأثر اكثر بمشاهدو  * آوكي اريما سآن المعنى الحقيقي لكلمة بآدآس آريما رهييييب , رآئعع , مثير للإعجآب , عظيييم , بآرز , منتصر * كلها مردافآت لكلمه # GLOURIOUS (:2 حتى إسمو بيعطى أمل للآخرين . مين دا الرجل ؟ يقاتل كَ الوحش ! عندو كوينكي إستثنائي مَ مر عَ الإنمي كلو , ملآمح وجهو ومع إنو جالس يقاتل البومه الإسطوريه إلا إنو كان بآين عليه الملل ! قديش هالشي جممميل ؟ كنت متأكده إنو قوي بسبب الكلآم والإشاعات الي كانت تظهر عنو طوال هالموسم لكن للأمانه مَ توقعت إنو حَ يتمكن من الصمود قدام إيتو بهالسهوله !! لدرجة إني فكرت لوهله , لو إيتو إستمرت بالقتال معو كان زمانها ماتت  بس بعدها تعوذت من إبليس وقولت لنفسي - إهدي لا تتحمسي بزياده -       عموماً بالنسبه للقتال ممكن اقول إنو كآن افضل قتال مر عليا فِ هالسيزون للآن بالإضافه لقتال الكاكوجا كانيكي ضد شينوهارا وأريما سآن شخصيه فخمممه وحطيتو فِ القآئمه لشخصيآتي المفضله من هالانمي حبيت ظهورو , حبيت قتالو , حبيت شخصيتو البآرده , وشخصيتو الواثقه من نفسو حبيتو كلو عَ بعضو بإختصار (:2  * البومه ذو العين الواحده وكونها الكاتبه تاكاتسوكي / إيتو شي مَ استغربتو بمآ إني من حوآلي 6 حلقآت ونا بقول إنها نفسهآ لكن المفاجأه كآنت فِ يوشيمورا وكونو لسآتو عايش بعد مَ الكل ظن إنو ميت !!إنبسطت لمآ شفتو كان لسآ فِ وعيو وقال إسم بنتو بس بنفس الوقت مَ آرتحت لإيتو كلياً ونواياها لأبوها يَ خوفي تعمل حاجا ليوشيمورا سان * شي تاني ؛ إيتو المعروفه بِ إسم تاكاتسوكي والمعروفه بكونها الكاتبه المفضله لكانيكي !!ولدي المحنوس مَ يقدر يآخد قسط من الراحه صح ؟ حتى قدوتو والشخصيه الي تلهمه طلعت فاسده بشكل محد كان يتوقعو طب ممكن أي شخص يعمل لكآنيكي معروف ويقتله لإنهاء معاناتو ؟ ايش الهراء دا !! ايش الحياه الي عايشها ولدي , دي مش حياه كلياً الله يقوي قلبي الحلقه الجايه + بعد مَ انتقل لقراءة المآنجا لإني متأكده إنو الاسوء منتظرني # ..   * اوكي الحلقه الجايه الاسبوع الجاي والآخيره كلياً متحمستلها ومتحمسه لِ لقاء هيدي وكانيكي آكتر شي وتوكا آيش حتعمل وكيف حَ تنتهي الحلقه وهالموسم من طوكيو غول , الشي المفرح إني سمعت إنو موريتا " نفس الي عملت عَ الحلقه 12 من السيزون الآول " هيآ الي حتخرج وتعمل عَ الحلقه دي والي حيكون شي جداً كويس ومطمئن يعني ننتظر شغل جبار الحلقه الجايه وبالنسبه للعنوان فَ هوا " كين " - > الإسم الأول لبطلنآ كآنيكي فِ الظآهر إنها حتكون حلقه منصفه لو , وتكون عنو سواء ماضيه او وقتو مع الآوغيري او تعذيبو من يآموري او حتى آفكارو المهم إنها حلقه شبه كامله عن بطلنا بما إنها مستحيل تكون كلها عنو لإن فِ آسئله يبالها إجابات فِ الحلقه دي :/
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر - التعديل الأخير تم بواسطة N A D ; 03-20-2015 الساعة 02:17 PM |
|
#220
03-26-2015, 01:26 PM
| ||
| | ||
| _ سبويلرز الحلقه 12 والاخيره من إنيمينا الجممميل كلياً مش مستعده للحلقه دي , ولا لنهاية الإنمي كمان [cc=هنا الصور ..]           [/cc] [cc=هنا رأيي =$] # هيدي وكانيكي اتقابلو من الحلقه الي فاتت وهيدي بيعرف إنو كانيكي غول من اول فِ مافيش جديد , لكني متحمسه للقائهم وبقوه # شينوهارا واضح انو مات ولهالسبب سوزويا حزين عليه # اريما مدري ايش جابو صراحه , اتمنى من كل قلبي مَ يقاتل ولدي بس ظهورو فِ الحلقه وبعد مَ انتهت مهمتو شي مقلق وبقوه اريما اعمل اي حاجا بس ابعد عن اولادي فلذات كبدي لا تخربها عليا فِ اخر حلقه # بكاء توكا , اخخ يَ ربي من الصوره قلبي وجعني كيف اجل لا شفت الحلقه فِ الاول قولت ممكن تبكي عشان ولدي مات - ياربي لا - بس بعدها لما ركزت عَ الصوره لاحظت إنو فِ قدامها حاجا مشعه والإضاءه جايا عَ وجهها :waat: وقولت ممكن تبكي لانها لقيت الإنتيكو وهوا يحترق وباقي الصور الي عن الإنتيكو , كانيكي وكوما وايريمي وايتوري واوتا ويومو ؛( كلها فلاش باك من توكا # يومو الظاهر حزين عَ منظر الحب توكا بس دا دليل انو هوا كان يلاحقها من البدايه عشان يتأكد من سلامتها [/cc] يلا هانت باقي خمس ساعات تقريباً لتنزل الحلقه راو :‘( وبعدها بساعه ولا ساعتين بِ الإنجلش :‘(
__________________ - اللهم في كل دقيقة تمر على والدي وهو في قبره أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر - |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| إبداع متفجر ! : هذا العالم خاطئ ! تقرير عن : [ Tokyo Ghoul ] * | ناتسو | NATSU | - تقـارير الأنيميّ | 14 | 10-31-2017 07:05 PM |
| Everything is okay in the end! .. *Tokyo Ghoul | ʂօlმ..ʂმომ | صور أنمي | 3 | 11-10-2014 06:17 PM |
| صور قائدة tokyo mew mew | ميساكي♪ | صور أنمي | 6 | 07-17-2013 07:08 AM |
| صور tokyo mew mew | miku | صور أنمي | 7 | 12-12-2012 07:52 PM |
| tokyo mew mew | @بنت الانمي | أرشيف المواضيع الغير مكتمله او المكرره او المنقوله و المخالفه | 12 | 05-28-2010 11:41 AM |
535Likes
العرض العادي
