كذبة واحدة لا تكفي - عيون العرب

asmaa sinpay · #1 04-30-2014, 10:52 PM

انا جايبه قصة انمي وجميلة جداااا

اتمنى انكم تقراونها هى طويلة شويه بس جميلة ((هو مش شوية ))

الجزء الأول
=======

[gdwl]
الام:هاروكا..ووجع ان شاء الله, يلا الاكل جاهز له اكثر من ساعة وانتي قاعدة قدام هالبلوى اللي تسمونه انترنت..خلاااااااص قومي والله ان عيونك بتنعمي من كثر ما تطالعين بهالشاشة وملزقة وجهك فيها..انا بس ابي افهم وش تطقطقون عليه وش الشي اللي يخليك تقعدين عليه طول هالمدة..اقول قوووومي يله اخلصي وترى والله لو ما قمتي اني لا احرمك منه بالليل ( اليوم اربعاء يعني حرمان الانترنت كانها بتقفل عليهابغرفة بدون اكل او شرب)..
هذي حالة ام ريم مع بنتها كل يوم مطاق وهواش بسبة الانترنت وما صبر الام على بنتها الا انه البنت باقي فيها خير لامها واخواتها..يعني ما تترك صلاة ولو انه بعض الاحيان تأخر صلواتها..ودراستها ماشية تمام يعني علاماتها كويسة..بالنسبة لوحدة مرابطة قدام هالشاشة !!

وصلنا لهاروكا..هاروكا بنت مملووووحة,عمرها 17 سنة,في ثاني ثانوي !! والكل عارف وش ثاني ثانوي انواااااع التطنيش والوناسة,شعارها في الحياة ( طنش تعش تنتعش ) هي نست مقطع اللي هو وفي النهاية تبتلش,

مرجووووجة الى ابعد الحدود,تحاول باي طريقة انها تصير عربجية على بالها يعني حركة لكن في الواقع ((ماعندها ما عند جدتي)) يعني تخاف من ظلها بس ساعات القوة تجيب معها نتيجة,والاغرب من هذا كللله انها علمي ؟!؟! ((woooooow))
الحين نشوف هاروكا وش قاعدة تسوي على الانترنت...<<الله من اللقافة
طببببعا اول شي تفتحه هاروكا اوول ما تشبك هو الشات وتبدا مغامراتها
وطواااالة اللسان شغالة,اول ما تدخل تبدا مطاق مع فلان وتريقة على فلان وقااااالبة هالروم فوق تحت والبنات ما تقرررررب عندهم على بالها مسوية اخلاق وذوق انها ما تأذي بنات جنسها (ايه هين)
هاروكا: اهليييييييييين شباب وبنات..كيفكم؟؟ هااااه انا متاكدة انكم اشتقتو لي عشان كذا جيت..طبعا هي من اول ما تدخل وهي حااااااااااااااايسة العالم راااااااجة الناس كلهم ما تترك احد الا تضاربه وما يسلم احد من لسانها بس فوق هذا هي تلتزم بحدودها يعني كل الكلام اللي تقوله ما يتعدى المزح والاستهبال..طبعا بعد ما تعبت من كثر ما طقطقت على الكي بورد قررت انها تطلع طبعا مو لله بس لان وراها طلعة من البيت بس قبل ما تطلع كان فيه واحد بنفس الشات يتفرج ويراقب كلام الناس ما لفت انتباهه من كل هالعالم الا هاروكا..ليه ؟؟ وش الميزة ؟؟ هو نفسه ما يدري الى الحين ايش الشي اللي لفته بهالبنت حاول يكلمها بس طبعا ما عنده الجرأة انه يكلمها مع هالناس والعالم,لانه كان متاكد انها ما راح ترد عليه واذا ردت عليه بتهزئه وبتكرهه بالساعة اللي تكلم فيها..فكر وقال انه بيكلمها برايفيت(خاص)
حاول كم مرة يكلمها وهي كل مرة تسكر قبل حتى لو تشوف الاسم..بس لاول مرة ترد عليه..
قال:السلام عليكم..قالت:وعليكم السلام..قالت:معليييييش اسفة والله لازم اطلع تاخرررررررررت والا بيروحون ويخلوووني اشوفك بعدين بالليل بالليل
هو ما يدري وش السالفة !!!!!!!! بس يكفي انه سمع منها كلمة يعني قالت له بالليل!! يعني عطته فرصة حتى لو كانت تصرفه بس هو يبي يستغل اي فرصة.....طلعت هاروكا وهي ما تدري اصلا مين هاللي كلمها بس هي ما تنسى اي اسم يمر عليها كان الاسم (كانامي) !! مين هالشخص ؟

كانامي..ولد عمره 23 سنة تقريبا,متخرج وموظف ببنك,وهالانسان ما عنده اي طموح او هدف بحياته,عايش على الروتين,الدوام من الصبح الى العصر يرجع للبيت ياكل وينام الى المغرب,يقوم يقعد مع اهله واخوانه(ما عنده اخوات)..وبعد المغرب على الانترنت يقلب بالمواقع,والشات وينام وهذي حياته..(ما الومه اذا طفش من عمره).
يتبع......[/gdwl]

**رين سما** · #2 05-02-2014, 08:09 PM

مخالف
ارشيف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صورة واحدة تكفى	polly	أرشيف المواضيع الغير مكتمله او المكرره او المنقوله و المخالفه	19	12-01-2010 10:29 PM
اكذب كذبة في الانمي واللي بعدك يحط كذبة اكبر منها	●ŋŏɑšïƘɑ●	أرشيف المواضيع الغير مكتمله او المكرره او المنقوله و المخالفه	29	11-07-2010 11:10 PM
كذبة امريكيه إنها كذبة المشي على سطح القمر أو حتى الوصول له	wahid_xx	أرشيف المواضيع الغير مكتمله او المكرره او المنقوله و المخالفه	5	04-28-2009 12:03 AM
عانسات»: زوجة واحدة لا تكفي	حمزه عمر	مواضيع عامة	0	10-27-2008 02:57 PM
تكفى وترى تكفى تهز رجال	كفايا جروح	أرشيف المواضيع الغير مكتمله او المكرره او المنقوله و المخالفه	13	03-24-2008 10:18 PM