|
|
#76
10-19-2013, 02:16 PM
| ||
| | ||
| كيف الحال يا بنت؟؟ يوووه الباارت كالعااده حلوو كتيير كتيير‘‘ نوو نوو جموون نست عبييد!! لآ لآ ’ يلآ مش مشكله يمكن تكاابر<هعع عندها أمل ميرآل اسم حلو يمكن أسمي به بنتي<بدري عذا الكلآم,,أستحي طييب اليوم مابه توقعات بس بجاوب على الأسئله وبرووح إنتهـــــــــــــــــــــى , كيف طاوعك قلبك ان تضعي هذه الكلمه؟؟<هع قلبت دراما مين ابو مهدي ؟ ممم يمكن الجيران ولآ أحد من قرايبهم وآيش يبي ؟ يبي ييزوج ولده لوحده من المزيوناات×جمون,ناديه,نائله,أو ميرال توقعآتكُم ؟ , قِرآءة مُمتِعَه   مابه توقعاات أستمتعت حقاً<قلبت فصحى فمان الله خيتووو#
__________________ لي الفخر أن أكون من بلد لن يركع إلآ لله   أكتملت الروايه إللي أنقلها، http://vb.arabseyes.com/t422415.html إعترافات آخر الليل لـ(جامعة الأحزان) |
|
#77
10-20-2013, 05:31 AM
| ||
| | ||
| السلام عليكم البارت جميل جميل جميل بالثلاث حيل عجبني ،، بالاخص الي صار لجمانة احسن انها نست عبدالله لان صدك ما يستاهلهة مثل ما قلت بتعليقي السابق هو ما يستاهلهة.. خير3 واريد اعرف شنو كان يسوي بالجوال الفضول راح يقتلني .. وبالنسبة لجولنار وعبد العزيز مسكين عزوز وبعد جولنار مسكينة بس اعتقد جمانة مراح تسكت.. نائلة وابراهيم لا الحمدلله الامور تمام وايضا نواف ونادية بس نايف المسكين هههه ما كان له نصيب باجتماع العشاق واعتقد الي كان يناظر جمانة بلهفة هو نايف .. محمد حيل عجبني هههه م عليج بكلام عزوز واعطي لمحمد اجمل بنت بالرواية لان هذا الولد دخل قلبي هع  ابو مهدي انا ظنيته يريد يزوج جمانة   خفت وقلت ي حظج ي جمانة بس الحمدلله شكله يريدها لولده بس ما اظن تكمل لان جمانة اعتقد لها مؤيد م ادري او نايف المسكين هذا .. وشنو بعد ..؟!  أي تذكرت مشكوووورة جمون ع الرابط والبارت الجميلة ،، أبدعتي بطرح البارت وتسلسل الاحداث كان جميل جدا .. مع السلامةة وبأنتظار البارت القادم
__________________  آللحن ألآخير + زهرة الوآدي! = ألقابي |
|
#78
10-20-2013, 03:13 PM
| ||
| | ||
|
هاي موضوع رائع.
__________________ انا لم اعشق سواك انت ($** |
|
#79
10-20-2013, 04:35 PM
| ||
| | ||
| سلامز مين ابو مهدي ؟ وآيش يبي ؟ عم جمانه يبي يخطبهاه لولده توقعآتكُم ؟ مخي مفضي شسمه انتي لازم تصلحين بين عزوز و جولنار << تخيلي عاد ما تصلح بينهم الحين اهل عزوز يعرفو بماريا !؟؟ في أمان الله
__________________ |
|
#80
10-23-2013, 11:46 PM
| ||
| | ||
| [ALIGN=CENTER][TABLETEXT="width:100%;background-image:url('http://im41.gulfup.com/J28LW.gif');"][CELL="filter:;"][ALIGN=center]  البآرِتْ التآسِع !* [ الرياض - الشركةة ] بعد التعآرُف جولنار : نورتن الشركة =) نآئله : النور نورك بعدي جلسن ع الكنب , نادية : الله الله ذا مكتبك يَ جمين جمانه : يب يب شفتي قد ايش انا خطيره v,v نائله : ياله عقبالي جولنار : ترآ لك مكان لو تبين :d نائله : هههههههههههههههههه الله لو ترضى امي دآيركت بأجي :$ جولنار : مكانك ترآ جاهز لو تبين تعآلي جمانه : انا رآيحه اشوف شعلي وش مَ علي و انتن سولفن جولنار : طيب رآحت جُمآنه , جولنار التفتت لنائله : إنتي حيل معها ؟ نائله : يب جولنار بتردد : تعرفين بعبود ؟ نائله بهدوء : يب عبدالله ولد خالي ! جولنار : اللحين هو عندكم ؟ نائله : هي نسته خلاص جولنار : شدراك ؟ نائله : أعرفها و اصلاً اعترفت هي جولنار بقلبها [ أتمنى يكون صدق ! ] . . . [ بعد سآعتين ] جمانه اخيراً خلصت من تنسيق حفلة استقبال ! بصوت عالي : فهد دخل شاب , طويل عريض أسسمراني التفتت له , سكسوكة ثقيلة [ سوداء بالمره ] إبتسامة سسآحره , مَ قدرت توخر نظرها عنه الشاب : أحمم جمانه : احم , من انت ؟ الشاب : معاك حسن السكرتير تبعك جمانه ردت له الابتسامة : اهلين أخوي حسن حسن : بغيتي شي ؟ جمانه قامت : اءء خذ الاوراق ذي و عطها لفريق التنسيق اللي بيروحوا ينسقوا حسن : إن شاء الله جمانه : يعطيك العافيه حسن : يعافيك طلعت جمانه , فتحت ع البنات : اووووووووووووويلي جولنار من ذا :$ جولنار : بسم الله شفيك ؟ جمانه : حسن جولنار : اها ههههههههههه السكرتير جمانه : عليه جمال مب طبيعي ماشاءالله جولنار : اسمراني -.-" جمانه : ملامحه تخخخبل لدرجة نسيت انه اسسمر خخخخخخخخخ نادية : ارركدي يَ بنت جمانه : هههههههههههههههههههههه كلي تبن نائله : والله كأنك شايفه جن جمانه : طيب اسسفه انسه نائله -.-" نائله : ههههههههههههه إي اعقلي نادية : يلآ لازم نرجع و إلا بيكسر راسي نايف جولنار : تشرفت بمعرفتكن حبآيبي نائله : الشرف لنا جولنار : بنتقابل اكيد لما شركتي تنسق حفلة تخرجكن :d جمانه : وناسه انسق حفلتي  نادية : ههههههههههههه ودعن جولنار , و ركبن السيآرة , . . [ بيت ابو نواف ] عزيز : لازم اروح ! نواف : ليه :/ عزيز : تاخر الوقت v,v" نواف : اففف , طيب باخذ لك طريق طلع نواف و عبدالله تو جاء طلع عزيز و قبل يركب السيآرة , انصدم باللي قدآمه لما كشفت عن وجهها ! كأن الزمن توقف , هي نفسها ! جمانه صديقة جولنار اما جمانة فَ من الصدمة حتى الغطوه نستها و تمت تناظره [ عبدالعزيز ! ] عبدالله قبل يدخل ششافهُم , صغر عيونه و هو يدقق بنظراتهم لبعض !! عبدالله : جمانه ادخلي جمانه صحت على صوته , التفتت له و بسرعه دخلت ووراها نائله و نادية مستغربات !! و قبل تدخل طلع تركي , مَ كان اقل دهشه من عزيز و المصيبه نطق : جمانه جمانه بان على ملامحها الخوف , و تركي فهم إن اهلها مَ يعرفون فَ رآح و هو للحين ملتفت لها , و جمانه للحين عيونها بعيونه نواف : جمون اختي شرآيك تضمينه ؟؟ عبدالعزيز بقلبه [ اخته !!!!!!!!! ] , جمانه جرتها نائله و دخلن عبدالعزيز و تركي ناظروا بعض و ركبوا السيآرة , . . [ الكويت ] ميرآل فرحآنه لانهم يجهزون الشناط عهد ع الجوال : يَ حظج بتروحين له =( ميرال : ااسكتي بس للحين مَ عرفتيه عهد : هههههههههههههههه سلميلي عليه ميرال : ييومه تخيلي والله تذبحني امي عهد : ياااربي ليتني اقدر اكلمه =( ميرال : اوووه انقلعي بجهز نفسي عشان اشوف هذي جمانه عهد : هههههههه طيب فصلت ميرال و ناظرت الجوهره الجوهره بنص عين : يَ حليلج لهدرجة بتشوفينها ؟ ميرال : بشوف احلى مني ؟ الجوهره : متأكده انها احلى منج ميرال : ااسكتي يَ حقيره انا احلى وحده :$ الجوهره : يييع ميرال طنشتها و كملت تجهيز , . . [ السعودية - الريآض ] جولنار تو رجعت من الشركةة : ممميته تعب -,-" ماريا : مااامااا جولنار : رووح ماما ماريا سكتت فجأه وهي تنآظر الباب جولنار ناظرت و بصدمة : يُبه ! ابو مؤيد ببطئ : من ذي ؟ ام جولنار بهدوء : ماريا بنت جولنار ابو مؤيد : بنت جولنار ؟ ام جولنار : بنتك مَ سقطت ابو مؤيد : كيف مَ عرفت ؟؟ ام جولنار بقهر : لان حضرتك مَ شفتنا إلا حوالي خمس مرآت هالسنتين !! كملت : رحنا سنه عند اهلي بالمغرب و السنه الثانيه ماشاءالله زوجتك ام مؤيد كأنها بنوته صغيره طول وهي حامل مَ تركتها ابو مؤيد : كانت بخطر يَ ام جولنار ام جولنار : خطر ولا مو خطر مَ كان المفروض تهمل بنتك كذا ! ابو مؤيد ناظر ماريا : ايش اسمها ؟ جولنار : مآريا ابو مؤيد : ع اسم امك جولنار : هي اللي بقت معي و مَ تركتني =( ابو مؤيد عصب و رآح عنهُم ام جولنار بقهر : ماشاءالله من ولدت السوسه خالتك متغير ابوك جولنار : حيل متغير =( جلست بحزن , ام جولنار : مَ عليك حبيبتي انا جنبك منتي بحاجته جولنار إبتسمت : الله لا يحرمني منك ام جولنار إبتسمت و حضنت بنتهَا , . . [ بيت ابو نواف ] جمانه جلست و تتنفس بسرعه و بقلبها [ اخووياااء نواف ؟؟؟ اكيد عايض معرفهم على نواف =( يَ ويلي كان علموا !!! ] نائله بإستغراب : جمانه فيك شي ؟ جمانه : لا نادية : شفيك تنحتي بالرجال ؟ جمانه بترقع و بدون شعور قالت : ييهبل ماشاءالله :$ محمد وراهُم : يهبل بعينج زين جمانه : بسم الله محمد : هههههههههههههه نايف معصب نائله : شفيه ؟ محمد : يُقول عزيز و تركي ليه يناظرون جمانه كذا و نواف يُقول جمانه اللي تناظرتهم وهو يقول لآ هم ناظروها نادية : ههههههههههههههههههههههههههههههه و بعدين ؟ محمد : و بعدين قال عبيد لانهم منصدمين وحده من عايلتنا كاشفه و هي كمان انصدمت بوجودهُم و اكيد خقت !!! نائله : ههههههههههههههههههههههههههههههههههههههههههههههههههههههههههههههههه خبل ذا عبيد محمد : مدري عنه هههههههههههه جمانه : و إبراهيم ؟ محمد : برهوم ع الصامت ! نادية و نائله ناظروا بعض عشآن نايف و سكتن ! [ بالنسبه لعزيز و تركي ] تركي : جمانه نفسها *-* عبدالعزيز : صديقة جولنار تصير اخت طليقها ؟؟؟؟ تركي : يعني !!! عبدالعزيز بقهر : هي اللي زوجت نواف بجولنار ااككيد !! تركي : زين منها عبدالعزيز : وش زين ؟ يعني مَ تعرف ان جولنار تهمني ؟؟؟؟ تركي : بس مَ كانت تعرف انكم قرايب و تبي تستر على صديقتها بسرعه ! عبدالعزيز : لازم اكلمها تركي : اقول عزيز ترا اهلها مب مثلك و مثلي ! لو يشوفونها تكلم واحد بيذبحونها عبدالعزيز سكت , . . [ بيت ام مؤيد ] ابو مؤيد سرحآن بجولنار و بنتها و مب معهُم ! ام مؤيد : شفيك يَ بو مؤيد ؟ ابو مؤيد : مافيني شي مؤيد : يُبه يُمه انا طالع تبون شي ؟ ابو مؤيد : وين رايح ؟ مؤيد : انا و عايض بطلع ابو مؤيد : طيب ام مؤيد : انتبه مؤيد : طيب -.-" ام مؤيد التفتت لابو مؤيد : انا عارفه ان فيك شي ! ابو مؤيد : متضايق شوي ام مؤيد : من رحت لهم و انت متضايق دخلت الجده عليهُم : إي والله تضايقت حيل ابو مؤيد -.-" : اي سالفه عاديه ام مؤيد تناظر الجده و رجعت نظرها لابو مؤيد : ليه مَ تطلقها ؟ ابو مؤيد التفت بسرعه : هااا الجده : إي يَ وليدي والله السنه اللي طافت بدونهم تهبل خلها تروح لاهلها و بنتك انت ترسل لها مصروف شهري و تفتك منهم و من وجع رآسهُم ابو مؤيد : لا مسستحيل الجده : يَ وليدي انت تزوجتها غصباً عنك مو برضاك و للحين و انت مَ تقعد إلا عند ام مؤيد انت مَ تحب ماريا ام جولنار ! ابو مؤيد : إي مَ احبها بس بنتي :/ الجده : يووه بنتك كبيره و قلتلك ترسل لها مصروف ابو مؤيد تذكر بنت جولنار , بقلبه [ جد بنتي كبيره !! ] ناظر امه : بفكر الجده إبتسمت : رآح ترتاح والله . . [ الجوف ] انس تو دخل البيت ام ابراهيم : لو تأخرت زيادة احسن انس : يُمه الساعه 7 -.-" ام ابراهيم : انت من الظهر طالع وين كنت ؟ انس : رحت تغديت عند خويي و بعدها رحنا نلعب كوره v,v ام ابراهيم : خويك من ؟ فواز صح انس : يُمه فواز زين ام ابراهيم : فواز ذا بيوديك بداهيه والله مو زين ! انس : انتي مَ تعرفينه تحكمين عليه من ابوه ام ابراهيم : والله و انا امك انا اعرف ان من خلف مامات و اكيد بيطلع على ابوه انس : لا صدقيني هو بوادي و ابوه بوادي ام ابراهيم : عسى بس مَ يسوي فيك شي انس : وش بيسوي يعني -.-" ابو ابراهيم دخل : السلام ام ابراهيم : وعليكم السلام انس باس راس ابوه : هلا يُبه و عليكم السلام ابو ابراهيم : وين كنت على الغدا ؟ انس ناظر امه , ام ابراهيم بسرعه : كان عند سلطان ابو ابراهيم : إييي شلونه ؟ انس : الحمدلله تمام يسلم عليك ابوه ابو ابراهيم : الله يسلمه , زين هالرجال لا تصادق الا ولده و انا ابوك انس : احم طيب يُبه كمل وهو يقوم : استأذنكم بروح لغرفتي ابو ابراهيم : طيب رآح انس و بقلبه [ ليت امي مَ تعلمه -.-" ] . . [ حايل - بعد ساعات ] ميرال تسلم على جدتها : اخبارج جده ؟ الجده : الحمدلله بخير و إنتي ؟ ميرال : الحمدلله تمام الجوهره : الله جده اشتقت للأقط اللي تسوينه الجده : ههههههههههه سمي الجوهره اخذت : تسلمين ميرال تناظر الجوهره بنص عين : يع مو حلو الجوهره : شعرفج انتي ؟ بنت اكسفورد ميرال : ههههههههههههههههههه الجده : يَ حليلتس يَ ميره ميرال : ميرال يَ جده مو ميره -.-" الجده : مالتس اسم عندي إلا ميره ميرال =( : بكيفج ! ام ميرال : يُمه ترا باجر بنروح للرياض الجده : إي تركي بيملكون له ام ميرال : متى ؟ و على منو ؟ الجده : امه تقول على بنت جيرانهُم ام ميرال : حلوه ؟ الجده : والله يَ بنيتي تجيب الكريهه ! ام ميرال بحسره : اااخخخ لو ياخذ ميرال احسن ميرال افتت بسرعه : يُمه وش لو ياخذني ام ميرال : انتي تعرفين هذا منو ؟ ميرال : لا منو ._." ام ميرال : تعرفين عايله الـ....... ميرال : إإي ام ميرال : هذا يصير ولد رفيجهُم يعني كلهُم اغنياء ميرال : وش عرفكم فيهم ؟ ام ميرال : جدته تصير اخت امي بالرضآعه ميرال : يَ وويلي و تروحون لانهم يقربون لنا بالرضاعه -.-" الجده : أكيد و انا جدتس يمكن ياخذونتس ولا ياخذون الجوهره الجوهره : أمين انا =( ميرال : يُمه انا مابي اخذ من السعودية الجده : ليه ؟ ميرال لآن بيتدمر مستقبلي =( جنسيتي مو سعودية الجده : إذا اخذتي ولدهم ماله داعي مستقبل ميرال ._." , الجوهره : ماعليكم منا انا ابيهم v,v . . [ الرياض - بيت ابو نواف ] ام ماجد : باجر بتجي اختي و امي ام نايف : يَ هلا فيهم ام نواف : يَ حليلها هند سوالفها تهبل ام ماجد : هههههههههههههه إي والله تهبل ام نايف : هي اللي بنتها دكتوره صح ! ام ماجد : إي هي ام نايف : ماشاءالله كملت بإستغراب : وراكم مَ زوجتوها عبدالله بدال بنت الجيران عهد ؟ ام ماجد : إسألي اخوج !! والله انا مَ ابي عهد بس غصب ام نواف : يووه اخوي يجيب الضغط , ابك فيه احد يترك العايله و يروح بنات الجيران ؟ ام ماجد : مدري شنو يفكر فيه ! البنات كانن يسمعن ع الصآمت , نادية : أقول خاله ام ماجد ام ماجد : هلا نادية : بنتها كم عمرها ؟ ام ماجد : 25 كبركم نادية : يَ حليلها جمانه : بيجون هينا ؟ ام نواف : أكيد ام ماجد : و نحضر كلنا ملجة تركي و برجع معهُم لحايل و بالعيد اجي اعيد عندكم نائله : تركي من ؟ ام ماجد قالت لهم وش يقرب لها و قالت اسمه الكامل جمانه : يدرس باكسفورد صح !!! ام ماجد عقدت حواجبها : اي شدراج ؟ جمانه : احم لانه مر علي هالاسم بس مَ شفت صاحبه ام ماجد : إإيي هو =) جمانه بقلبها [ بتحضرين ملكته *-*" ] نائله : كلنا نحضر :/ ام ماجد : إي عشان تونسن مع ميرال و تونسن انفسكن نادية : وناسه :$ . . [ استراحة الشباب ] عبدالعزيز : يَ المعفن مَ قلت لي انك بتملك -.-" تركي بفهاوه : ولا انا كنت اعرف  نواف : لا والله -_- تركي : قسم بالله دقت علي امي و قلت اوك بنملك وش ورانا عبدالعزيز : بتطلع من حيآة العزوبيه ! عبدالله : يَ حمار مَ كنت ادري ان جدتك تقرب لجدتي -.- تركي : تعال تعال يَ قريبي عبدالله يبعد عنه : انقلع -.-" تركي : كيفك ولا ترا حضني يهبل v,v نايف : خله للعروس نواف : ههههههههههههههههههههههههههههههههههههههههههههههههههههههههههههههههههههههههههههههههه كفك نيوووف نايف : ههههههههههههههههههههههههههههههههههههه عزيز : هههههههههههههههههههههههههههههههههههههههههههههههههههههه تركي : اصلاً عادي , و اكيد مَ راح يحصله إلا هي انتم ووجيهكم مَ تستاهلوني ! عبدالله : صراحه ماكو جبهه v,v تركي : كل تبن -_- عبدالعزيز : بعد بُكرا الملكة ها تركي : يسسس ! نواف : هاا قول لهم يخلون لنا صحن من العشاء لحالنا v,v تركي : إلا صحون و يجيبونها هينا عشان نبلع نايف : تعجبني يَ تريك تركي : كح كح انا اهبل عبدالله : صدق عمره ! تركي : إنت ذابحتك الغيره من اليوم تدمر جبهتي عبدالله : اغار منك ؟ تركي : و حيل كمآن v,v عبدالله -_- . . . [ الرياض - بيت ابو نواف ] الكحل - المسكرآ - الروج - الشآدو - الحواجب - الغلوس - الكحل الداخلي : الحمدلله كاملات نادية : مَ ترتاح هالانسانه إلا ولازم معها مكيآج جمانه : اطلع شيفه يعني ؟ نائله : إنتي حلوه بدون مكياج :/ جمانه : و احلى بمكياج نائله تاخذ خطاط الحواجب : جيبي بس بعدل حواجبي نادية : انا كأني اثيوبيه منحاشه xD جمانه : إنتي اساساً اثيوبيه نادية : ههههههههههههههههههههههههههههههههههههه كككلبه انا خقق جمانه : كثري منها ههههههههه نائله : هههههههههههههههههههههههههههههههههه . . ام جولنار و مآريا نايمات مَ في إلا جولنار بالصاله , تفكر بعبدالعزيز* طق البآب , فتحت و لقت أبوها! جولنار : يُبه ! ابو جولنار دخل : امك نايمه صح جولنار : إي ابو جولنار : زين ابي منك تفسير لكل شي جولنار : طيب نطلع للحديقه ؟ ابو جولنار : طيب جلسوا ع الكرآسي , ابو جولنار : كيف جبتيها و ربيتيها و انا مَ ادري ؟ جولنار : مثل مَ قالت ماما مَ كنت تجينا ولا نشوفك ! ابو جولنار : لما اجي وين تخشينها ؟ جولنار : عند الخدآمات ! ابو جولنار : ليه مَ قلتيلي و انا ابوك ؟ مَ عمرك خبيتي عني ! جولنار : بابا انا خفت تقول لخالتي ام مؤيد =( ابو جولنار : طيب و إن عرفت ؟ جولنار : لا بتنشر الخبر و بيدري جدي و مَ ادري وش بيسوي فيها  ابو جولنار : حبيبتي انتي ليه تخجلين منها ؟ ترآ مَ جبتيها بالحرام ؟؟ ترا انتي تزوجتي يَ جولنار و إنتي اللي تطلقتي ! جولنار : خايفه ابو جولنار : لا تخافين و انا ابوك ولو ابوي مَ رضى انا بقف معك و ضده جولنار : بتقف ضد جدتي كمان =( ابو جولنار : صدق هي امي بس انتي بنتي !! انتي اللي رجعتي شركتنا ! إنتي اللي انقذتينا يَ جولنار جولنار ضمت ابوها : لا تتركنا مره ثانية ابو جولنار تذكر كلام امه [ انه يطلق ماريا ] ضم جولنار و بقلبه [ تبيني ارفس النعمه برجلي يَ يُمه ؟؟ مَ جاني منها إلا كل خير , ربت بنتها احسن تربية , مَ تركتني و راحت عند اهلها !! الشركة بأسسم بنتها و مَ استغلت هالشي , و تبيني اطلقها ! ] قطع عليهُم دخول سيآرةة عبدالعزيز ابو مؤيد : هلا عزيز عزيز جاء عندهم : هلا بك اخبارك ؟ ابو مؤيد : الحمدلله تمامم عزيز ناظر جولنار , : انا داخل تامر على شي ابو مؤيد : سلامتك عزيز إبتسم : الله يسلمك دخل عبدالعزيز , و ابو مؤيد ناظر جولنار : هالولد صاير غريب جولنار : ليه ؟ ابو مؤيد : مَدري مَ يجي إلا اخر الليل و إذا تجمعنا يبقى ساكت و سرحان جولنار إبتسمت : يمكن يحب ابو مؤيد : هههههههههههههههههههههه لو يحب ماله غير حصه جولنار عورها قلبها : طيب و إن كان مَ يبيها =( ابو مؤيد : من يبي يعني ؟ كمل بإبتسامة ندم : لو مَ رفضتوا بعض و تزوجتوا كآن اللحين انا اسعد انسان جولنار زاد عوار قلبها =( : خلاص بابا الله كآتب هالشي ابو مؤيد : الحمدلله على كل حال جولنار رجعت لحضن ابوها و بقلبها [ و كآن انا اسسعد أنسانه ]. . . [ مِن بُكرآ ] ليتك معي ساهرن ليل الهوى كله مانوم انا وانت لجل الحب سهران ذا كان صوت جمانه تغني و تسوي شاي للفطور مَ انتبهت للي واقف بعيد و يسمعها , كملت تغني : ترآ السهر مع حبيبك يبري العلّه , لا صرت شفقن وهو عليك شفقآن دخلت نائله : الله الله يَ العاشقه إنتي جمانه : ههههههههه ذا سابقاً لو سمحتي :d نائله : ههههههههه إي صصح ابو نواف : جمانه نائله سلمت على راسه : اخبارك خالي ؟ ابو نواف : الحمدلله بخير التفت لجمانه : تعاالي ابيك جمانه :/ : طيب التفت لنائله : يُمه شيبي نائله : مدري روحي شوفي رآحت جمانه عند ابوها : هلا يُبه ابو نواف : جايينك خطآب جمانه *-* : ها , من ؟ ابو نواف : عمك ابو مهدي يبيك لمهدي ! جمانه : مهدي !!! ابو نواف : إي من و انتم صغار لبعض ! جمانه : بس امي و امه مَ متقاطعات ابو نواف : الليلة بتجي تتسامح منها عشانك جمانه مَ تدري شتقول و سكتت ابو نواف : انا قلتله إننا موافقين لاننا من و انتم صغار موافقين على هالشي , و الملكة امك و امه يتفقون جمانه : طيب ابو نواف إبتسم : روحي افطري جمانه : طيب رآحت جمانه , و تفكيرها كله بهالسالفه [ انا انخطبت ؟؟ امي ذا اللي تتمناه من زمان !! ابوي موافق ! بيتسامحون ! الملكة قريب اكيد !!! ] دخلت المطبخ ووجها واضح عليه الصدمة و جلست على الكرسي و للحين شآرده الذهن !!! نائله : بسم الله فيك شي ؟ جمانه مَ ردت تنأظر تحت الطآوله ! نائله : جمووون نادية دخلت : شفيها ؟ نائله : مدري رآحت لابوها و اللحين كأنها شافت جني !!! نادية هزت جمانه : هيه جمانه التفت لهن : همم نائله : شفيك ؟ جمانه : ولا شي و كملت بهدوء : أنخطبت ! نادية إبتسمت : مين ؟ جمانه : مهدي ولد عمي نائله : تسامحوا ؟ جمانه : إي بيتسامحون الليله من امي نادية : طيب زين و اخيراً انخطبتي يَ العازبه :d جمانه إبتسمت : إي بس مهدي :/ نائله : ليه شفيه ؟ جمانه : مدري مو متقبلته ! نائله : ارفضي ! جمانه : أبوي عطاهم موافقتنا نادية -.-" : طيب هو يحبك من وانتم صغار ! حرآم يعيش مع غيرك نائله : و إنتي خلاص القلب فاضي هع يمكن من معاملته لك تحبينه جمانه بقلبها [ ليت !! ] : مدري نائله : فكري ترا والله بيسعدك نادية : و ترآه ضضابط :$ جمانه إبتسمت مَ علقت ! إنتهــــــــى توقعآتكُم + قِرآءةة مُمتِعَه  [/ALIGN][/CELL][/TABLETEXT][/ALIGN]
__________________ *,   |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| كأس العصير .. وجهة نظر لكل زوجين | *النجمة الثاقبة* | الحياة الأسرية | 9 | 12-17-2012 08:13 PM |
| صور انواع العصير | جرح الزمان. | مواضيع عامة | 2 | 04-26-2012 09:26 PM |
| قصص عن تكفير العشير | الفراشه المؤمنه | نور الإسلام - | 1 | 02-15-2012 05:58 PM |
| العصير السحري | الدلوعة 2008 | أطباق شهية | 19 | 04-12-2009 09:54 PM |
| كب العصير على اي واحد | انس الشهري | أرشيف المواضيع الغير مكتمله او المكرره او المنقوله و المخالفه | 1 | 08-10-2007 11:25 PM |
العرض العادي
