[align=center][tabletext="width:70%;background-image:url('http://im40.gulfup.com/wsuvt.gif');"][cell="filter:;"][align=center]

الفرق بين الرجال والحرمه اذا رجعو من عزيمه

أولاً :المرأهتتحدث مع أختها

المرأه: يوووه فاتك نص عمرك..
توني جايه من العزيمة

أختها: وش حطوا؟

المرأه: يو يو يو ، حطهم يجنن، ما فيه شي ماحطوه
، أول شي الشاهي، فناجيلهم تجنن مزخرفه ومسكاتها ذهبيه ،
بعدين القاتوه مدري من فين جايبينها طعمها يجنن
وحاطينها في صواني خربزيه وفيها نقط صغيييره لونها أخضر
،والمكسرات تموووووت ، حاطين كل كسرة في كيس!
والا العشاء ياربيييييه يهبببببل

(ويستمر وصف الاكل ساعة ونصف)

أختها: جت ساره ؟

المرأه: ايوه جت، يالله لبسها يجنن،
لابسه فستان وردي مطرز بكرستال بني ،
لبسها من جد ياخذ العقل

أختها: لايكون نفس اللي لبسته قبل 5 سنوات؟

المرأه : لا لا هذيك المره لابسه فستان أحمر
مو وردي ولا كان فيه كرستالات

اختها: أجل شكلها لابسه فستان بنت عمها أريج
لاني شايفه اللبس هذاعليها في عرس بنت خالتي

.

المرأه: ايو والله، يووووه يخزياه، والله انها ماتستحي ؟
لا وأريج تدرين ايش لابسه ؟ اليوم لابسه لبس يقررررف

شكلها اشترته من محل أبو ريالين

أختها: وجزمتها؟

المرأه:ما أدري ماشفتها،

تصدقين طول العزيمه وانا احاول اشوف جزمتها لكن ماقدرت،
حتى اني يوم طفشت في الاخير رميت شنطتي تحت الكرسي حقها
على بالي ما ادري ونزلت راسي اخذ الشنطة عشان اقدر اشوف الجزمة
بس ماقدرت،الكلبة لبسها كان طويل مرة ومغطي رجولها
اختها: اكيد جزمتها زي لبسها معفن ..
هي دايم كذا ذوقها خايس ...طيبومكياجها كيف كان؟
المرأه: وععععع ، مكياجها مخليها اكبر
من امها، تخيلي حاطة روج بني، شكله كأنه ديرما مو روج،
والله المسكرة بعد يووووووووه مالها داعي، ما ادري مين النذلة اللي حاطه لهاا المكياج
، شكلها زوجة ابوها
اختها: طيب وتسريحة الشعر
المرأه:حقت مين؟ ساره والا اريج؟
اختها: كلهم
.
المرأه: تسريحة ساره حلوة،
حاطة شباصة فضية وبكلة وردية،
ومشابك برونزية والشعر صابغته بلون كحكحي لكنه يهببببل،

اختها: كحكحي؟ يعني ايش؟

اختها:ماتعرفين الكحكحي يالبدويه؟
هذا لون جديد للصبغات ،
اذا شفتيه تجيك الكحه من زينه حتى سألتها وين مصلحه شعرها فيه
ورفضت تعلمني النجسة،
اما اريج تسريحة شعرها باييييخة،
شفتي تسريحة خدامتنا جيناتا وهي تغسل المواعين؟
نفسها بالضبط

اختها: على طاري الخدامة؟
خدامة اريج وش لابسه
..
المرأه: الخدامة لبسها عادي،
لكن جزمتها خقااااااااااااق ، تهبل ماكأنها جزمة خدامة،
لونها اسود وعليها خيوط فسفورية

اختها: صدق والله؟ هذي مو جزمة اريج؟

المرأه: اي والله؟
وانا اقول وين شفت هذي الجزمة ..
هذي جزمتها قبل عشرطعش سنة،
اتذكرها شكلها عطتها الخدامة بدل ماتكبها في القمامة.

ويستمر الحش إلى صلاة الفجر
----------------------------------------
ثانياً:الرجل يتحدث مع أخيه

الرجل: السلام عليكم،
توني جاي من العزيمة وترا كلهم يسلمون عليك كثيرالسلام

اخوه: الله يسلمك ويسلمهم
انتهت المحادثة

[/align][/cell][/tabletext][/align]

__________________
خير

ask.fm/NiCoL3_3

مرحبا..
------------------
أكره شي عندي الحش حق النساء...خلاااص أش دخلكم بأمها وبنت عمها وشغالتها
وربي شي يقهر..
أما الرجال مولذا القصر..حديثهم قصيييير مره
ياطخو ياأكسر مخو
المهم شكراً على هذا الموضوع الحلو بأنتظار جديدك

اقتباس:
المشاركة الأصلية كتبت بواسطة نِدَآءُ آلرُوؤحْ
مرحبا..
------------------
أكره شي عندي الحش حق النساء...خلاااص أش دخلكم بأمها وبنت عمها وشغالتها
وربي شي يقهر..
أما الرجال مولذا القصر..حديثهم قصيييير مره
ياطخو ياأكسر مخو
المهم شكراً على هذا الموضوع الحلو بأنتظار جديدك

هههههههههههههه حتى انا تعالي شوفويني كيف اصفق الي يحش ، الحمد لله ماعمري حشيت باحد

نورتي

__________________
خير

ask.fm/NiCoL3_3

مقارنة لطيفة الله يعطيك العافية بس ترا أحياناً يصير العكس.

هههههههههههههههههههههههههههههههههههه
هيك ضبطا اعملها ههههههههههههههههههههههههههههههههه اجيب حتى صلاة العشاء بس مو حتى الفجر

__________________