فرقاك واقع مـرّ ووصالـك احـلام

والواقع اقرب من بلـوغ الحقيقـه

مليّت وانا اعشّـم اوهـام باوهـام

واحـمّـل التفكـيـر مالايطيـقـه

مااقول لك جسمي غدا جلد وعظـام

ولااقول عينـي بالمدامـع غريقـه

مجرّد اني ضايـق الصـدر مـادام

وصلك ماهو وصل العشيق لعشيقـه

مرّات اقول :اصبر عسى الوصل قدّام

ومرّات اقول: انسى الوصال بحريقه

كم من سنه بنعيش؟ واعمارنا ايـام

وايامنـا ماهـي وجيـه ٍ طليـقـه

ماذوّقتنـا غـيـر لـوعـات وآلام

وتوّسع صـدور الحزانـا بضيقـه

اتعلمّـك كيـف الرياجيـل تنضـام

وتحسب حساب الثانيـه والدقيقـه

البارحه يوم اغلـب النـاس نيّـام

قلت آآآآآآه ثم فكرّت بافضل طريقه

خذت القلم من هاجسٍ بالحشا حـام

ومدّيت له كف الصديـق لصديقـه

اروي معاطيش الصحايف بالاقـلام

ابغى الورق من حبري يبـلّ ريقـه

يفشّ غلّ اللي بصدري مـن العـام

ويفكّ شفـرات الجـروح العتيقـه

والخاطراللي صام وافطر على صيام

مافيه شي ٍ عـن طموحـه يعيقـه

ماقد نظرت لحجم الاشيـا والارقـام

الورد يغنـي عـن جمالـه رحيقـه

انـا كـذا حـازم وجـازم وعـزّام

والشوك ماردّ الجمل عـن طريقـه

امـا توّفقنـا بتحقيـق الاحــلام

والا الصبر علـى مـرار الحقيقـه

__________________
مزاجَي بسيط لا اتصُنع ايّ شعَور احُب العفويہَ بكل شيء ۈاكره
المُجاملاتّ لا اؤمنَ بثقافُة الإنتقام،! لكن أؤمن بمبُدأ كما تديَن تُدان