محتوى الروايات ! / دعوة لـ النقاش ؛ - عيون العرب

**CN blue** · #1 06-02-2013, 03:16 PM

,’

آلسلـآمـ عليكمـ ’

شخبآركمـ .. ؟ يآرب طيبين

آحمـ آحمـ ..

آنآ ترددت في تنزيل هـ آلموضوع ..

ويعلمـ آلله نيتي [ آنآ لـآ آقصد آلتجريح ولـآ آلسب ولـآ آي شيء من هذآ آلقبيل ] !

بس مجرد شيء يدور في خآطري وحبيت آنكمـ تعرفونه ..

وآبي آشوف هآلشيء .. هو عآجبكمـ آو نآقدين عليه مثلي !

آلروآيآت شيء وطفينآ فيه كلنآ .. ونحبه ونقرآه بكل شغف

ويعتبر عند بعضنآ هوآيآت وتفريغ عوآطف .. وآحنآ بنآت وآتوقع فآهمين لبعض

بــس !

في آشيآء حبيت آتكلمـ عنهآ .. وهنآ خطآبي موجهه للكآتبآت آلآفآضل !

عآرفين آن آلكتآبه موهبه .. وموهبه حلوهـ .. وصعبه ومو كل آحد يتقنها

وبهآلآليآمـ .. صآر آلكل يكتب [ صغير - مرآهق - كبير ] ..

وكل آحلآمهمـ آن روآيآتهمـ توصل لآبعد مدى !

وهذآ طبعاً شيء حلو .. ومرغوب فيه !

لكن !

في بعض آلآشيآء تستفزني كَ [ قآرئه ] !

خلونآ نمسك ذي آلآشيآء حبه حبه ونتقبلهآ بصدر رحب ..

* ( آلجمآل آلآخآذ ) ..

عندكمـ ذي آلنقطه مرررهـ مزمنه ويبي لهآ علـآج جذري آتوقع !

يعني تجيك آلكآتبه بروآيتهآ ( 10 ) آبطآل مثلاً .. يتفآوتون من آلبنآت وآلشبآب

تعآلوآ للوصف كلهمـ سمـ آلله عليهمـ ملكييين جمآل ! :lolz:

وتعآل خذ آلعبآرآت آللي جنب كل شخصيه ( ملكه جمآل - ملآك نآزل من آلسمآء - عليهآ حلـآ موب طبيعي .... آلخ )

وتطووول ذي آلعبآرآت .. سوآء بوصف بنت ولـآ ولد !

يعني بصرآحه مدري .. هل آلكآتبه تحآول آثبآت آن كل آللي بآلعآلمـ مزآييين ! آو تحآول تقول آن آللي مآيملك آلجمآل آوت !مستحيل يحب ؟!

لـآ لـآ .. خلونآ وآقعيين شوي .. آلله خلق آلزين وآلعآدي وآلشين .. ليش نجي نسطر كلمآت آلمدح آلخرآفيه !

آوكي آلبطل حلو آلبطله حلوهـ .. آمنآ بآلله ! .. لكن يجيك كل آلشخصيآت جمييلين !

مدري همـ آوروبيين ولـآ وش آلسآلفه .. حتى آلـآوروبين فيهمـ آلشين و آلزين ..

بهآلنقطه آقصد آن آلحب لمآ يكون جميل مو شرط يتوفر [ جمآل آلمظهر ] .. !

تعآلوآ شوفو ( عبله ) .. حبت آسسمر عببببببد !

و حبهمـ آللحين ينضرب فيه آلمثل ! .. يعني مو شرط لمآ تبين روآيتك بشكل حلو تخلينهمـ ملكيين جمآل ..

وتحسبين آن كل مآ زآد جمآل شخصيآتك زآد جمآل روآيتك ..

خليهمـ عآديين مملوحين .. وآحد منهمـ مزيون .. بس مو آلكل عآد !

ولـآ تعآلوآ للـ وصف ..

آلخشمـ سلة سيف وآلشفآيف توت وآلجسمـ آلوآو وآللي مدري وشو ..

تحلفون آن آبطآل كل آلروآيآت يتشآبهوون !

ولـآ وآحد ومتسلفينه كل آلكآتبآت ..

نجي للنقطه آلثآنيه ..

* ( آلغنآء آلفآحش ) ..

عآد ذي هآلآيآمـ طآفيين فيهآ .. وآلله آن آلروآيه آللي آشوف فيهآ هآلفشخره ( آسسكرهآ ) !

بجد شيء مآيستآهل آقرآه .. كله آستعرآض .. يصيفون بآوروبآ ويلبسون آلمآركآت ولهمـ فلل وعقآرآت سآكنيين بآلقصور يلعبون بآلفلووس .. !

خير مآل ( قآرون ) ,, ولـآ وش آلسآلفه ؟!

آوكي صح في طبقآت مخمليه ويتمتعون بهآلآشيآء .. بس آنآ لمآ آكتب قصة حب .. مو شرط همـ آغنيآء ..

وليته غنآء عآدي .. غنآء تآريخي !

كل شيء عندهمـ وكل شيء لهمـ ..

وطآفين آن آلعآئله لهمـ شركه ! وتعآل شوف كمـ عآئله بآلروآيه ..

وشوف كمـ روآيه لهمـ شركه .. يعني مآشآءآلله بسمـ آلله كل آلعآلمـ عندهمـ شركآت !
ولـآ ترآ مآتحبين آلـآ آذآ صرتي غنيه ولـآ حبيبك غني خخخخ

آذكر لكمـ روآيه قريتهآ آلجآكوزي مطلي ذهب خخخخ سلـآمآت يآ آمـ آلشبآب .. حنآ بآلدنيآ ترآ !

ولـآ آلكبك آلمآس .. ترآ آلرجل مآيحل له يلبس غير آلفضه .. آذآ مآتدرين يعني ..

بجد بجد وصلنآ مرحله خرآفيه من آلغنآء آلكآذب .. وليس آلفآحش !

نجي للنقطه آلثآلثه وآلآخيرهـ ..

* ( آلصدف آلعجيبه ) ..

هذي هييين من زمآن موجودهـ .. تقولين آلقدر مآعندهـ آلآ هآلآثنين جالس يلعب فيهمـ هع ! :7ayaty:

آن طآحت مآشآفهآ آلآ هو .. وآن غرقت مآ آنقذهآ آلآ هو .. آن صآحت مآمسح دموعهآ آلآ هو !

ولـآ جآء يشغل آلرآديو .. سمـ آلله عليه .. مآتطلع آلآ آغنيه تجرحه .. و على العووق !!

معليش نحلمـ ونعيش احلامـ بس ترآ آلدنيآ مو بهآلصدف آلعجيبه آلخيآليه !

كل شيء له وآقع ملموس نحسه ونعيشه ..

***

ذي آلآشيآء ترآ مآتقلل من قيمة آلكآتبآت ومدى حبكتهمـ للروآيه وروعة آسلوبهمـ ..

حلو آن آلآنسآن يكتب ولكن آلآحلى آنه يكتب شيء وآقعي

في نآس حلوين .. في نآس آغنيآء .. وفي صدف !

بس مو كلهمـ يتسخرون للآنسآن مرهـ وحدهـ .. ومو كل آلنآس تملك هآلآشيآء ..

ولـآهمـ شرط لنجآح علـآقه حب .. !

آدري طولت عليكمـ .. وآدري آلبعض ممكن مآيحب آلنقد آو مآيتقبله !

لكن هآلشيء مآكتبته آلآ بعد 4 آو 5 سنين من آلقرآءهـ .. وآلروآيآت تتنآول نفس آلآشيآء آللي ممكن تحبط آلعمل آلآدبي .. آكثر من آنهآ ترفعه !

من هآلموضوع حبيت آبين للكآتبآت آلآشيآء غير مرغوبه بآلروآيآت من وجهة نظري الشخصيه ..

وآتمنى آقرآء روآيه ( وآقعيييه ) بعيدهـ آشد آلبعد عن آلخزعبآلـآت آلدنيويه ..

ولـآ آقصد آحد معين بكلـآمي .. كلـآمي هذآ موجه للجميع دون آستثنآء

آعتذر مرهـ ثآنيه على لقآفتي آو آسلوبي .. ولكن وآلله هآلشيء لكمـ ولنجآحكمـ ..

آن آصبت فمن آلله وآن آخطئت فمن نفسي ومن آلشيطآن

لكمـ ودي :7b:
,’

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليتني أعود معقدة....ليتني أعود صفحة بيضاء	ملكة المنتدى	مواضيع عامة	4	03-19-2012 09:53 PM
اروع الروايات	**سيلينا**	أرشيف المواضيع الغير مكتمله او المكرره او المنقوله و المخالفه	1	01-07-2011 04:35 AM
ليتني ما قلت أحبك .. ليتني لك ما حكيت ,,!!	عـربجيه كـيوت	أرشيف المواضيع الغير مكتمله او المكرره او المنقوله و المخالفه	8	10-28-2010 01:38 PM
دعوة للنصر والعزة دعوة لنصرة غزة	ودخيارى	محاولاتك الشعرية	4	02-11-2009 04:37 PM
كيف يكون النقاش هادف ومقنع لطرفي النقاش	غرور انثى	حوارات و نقاشات جاده	16	04-26-2007 09:00 PM