|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#6
09-01-2007, 09:36 PM
| ||
| | ||
 رد: قصتي الأولى (الزمن طبعه كذا) قصه طويله من اجزاء الفصل الأول: ياسر :حياالله ولد عمي تو مانورت الشركه ... ناصر: الله يحيك والشركه منوره بأصحابها.. ياسر:وش تشرب ... ناصر:انا مو جايك عشان اتقهوى انا جااايك بموضوع وأملي فيك كبير.. ياسر بأستغراب :تدري اني اذا اقدر ماراح اقصر وش مو ضوعك.. ناصر بتوتر:الصراحه بالنسبه لخطبتك لخالتي اتمنى تعيد التفكير بالموضوع .. ياسر :وليش انشاءالله انا كلمت ابوها واخوها ورحبوا بالخطبه .. ناصر بأنفعال :بس البنت رافضه .. ياسر الي حاط رجل على رجل قال بكبرياء: ماتهمني موافقتها ,,أهم شي أهلها موافقين .. ناصر:كيف ترضاها على نفسك تزوج وحده رافضتك... ياسر:اعيدها لك للمره الثانيه موافقتها أو عدمها ماتعني لي شي . ناصر:هذ آخر كلمه عندك .. ياسر بغرور:ومستحيل اتنازل عنها.. ناصر اللي يبغى يحرجه:ماتوقعتها منك ياولد عمي كنت اتوقع إن كرامتك فوق كل شي... ياسر بكبرياء:لأنك ماعرفتني للحين زين ياولد عمي ... ناصر:وعمي وش رايه .. ياسر:بدون تلميحات أنا رجال وأبوي ماله كلمه علي ,,وأبوي بدون شك ماراح يعارض لأنها هذي حريه شخصيه .. ناصر:والوالده بعد بتوافق وتعتبرها حريه شخصيه .. ياسر:ياولد عمي ياناصر أحب اقولك اني مو من اللي يمشي على كلام الحريم,,وهذي حياتي وأنا حر فيها ... ناصر:يعني مصر تعيد الماضي.. ياسر وهو يشغل سيجارته :هذا الموضوع اللي كنت بتكلمني فيه .. ناصر اللي فهم تلميحه وقف وقال:ايه هذا الموضع وقبل ماطلع بقولك كلمه خلها على بالك زين خالتي مو سهله وصدقني ماراح يدفع ثمن هذا الزواج الفاشل من قبل يبدأ غيرك ...وطلع,, ياسر وبعد ماطلع ناصر طلع زفر بقهر :ولا أناهين ,,واذا ماخليت خالتك اللي تهددني فيها تركع عند رجلي مثل الجاريه ماكون ياسر ال........ سالي وهي ماسكه بطنها:هههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه,,,ياي مو قادره اوقف ضحك وش هذي نكتت الموسم ,,اخخخخخخخ عيدي ماسمعت من خطبني ,,هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه... وبعد ماتمالكت نفسها :آآآآي بطني حسبي الله عليك ياولد فطوم كله منك خليتني اضحك لين اوجعني بطني ,,وناظرت بأختها :آآه قلت لي ياسر ولد فاطمه خطبني ... أم ناصر بملل:ايه خطبك بعدين اسمه ياسر ولد ابراهيم متى بتتركين عنك قلة الأدب ... سالي انفجرت ضحك من جديد :ههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه.. أم ناصر :حسبي الله عليك من بنت اسكتي فضحتينا كل هذا ضحك ماشوف بالموضوع شي يضحك ... سالي ناظرت بأم ناصر ورجعت تضحك ,,,ويوم شافت نظرات أم ناصر العصبيه .. رفعت يدها تهديها :خلاص بسكت,هههههههه,, والله بحاول,,ههههههههههه,, بس مو قادره امسك نفسي ,,هههههههههههههههههههههههههههههههههههههههههههههههه ههههههه.. سالي اللي حاطه يدها على صدرها اللي اوجعها من كثر الضحك خصوصاً أن فيها ربو من كانت صغيره يروح ويرجع : كححححححححححححححححححححححححححح,,كححححححححححححححححححح ح.. أم ناصر وهي تمد لها كأس الماء:شفتي كله من الضحك ... سالي بألم :آآآآآآآه احس بضيق .. أم ناصر:تروحين للمستشفى .. سالي اللي تمددت على الكنب وسكرت عيونها:لا مايحتاج ... وبعد دقائق أم ناصر :كيفك اللحين ... سالي :يعني أحسن شوي بس للحين أحس بوخزات بصدري ... أم ناصر:طيب وش قلتي بالموضوع .. سالي بتعب:اووووووووه صدق ماعندك سالفة تشوفيني تعبانه وتسألين عن موضوع عارفه ردي عليه .... أم ناصر بتوتر:بس أبوي موافق ... سالي :طيب خليه يتزوجه .. أم ناصر بعصبيه:سالي بدون قلة أدب ... سالي :اوووووووهوووو ترا صجيتيني أكيد لااا مابي اتزوج ماتفهمون ... أم ناصر:سالي افهميني الموضوع يتعلق بشغل ابوي ,,وابوي وسعد موافقين خلاص رايك مايغير شي .. سالي قفزت واقفه وقالت :خليهم يحاولون يغصبوني على شي والله لفشلهم بخلق ربي ,,,والله ثم والله لو مابقى رجال غير هالياسر ماتزوجه ,,وبلغ أبوك هالكلام لو بغى ينفضح على آخر عمره خليه يجبرني على ولد أمه ... وطلعت فوق ... هزت أم ناصر راسها بأسف وخذت جوالها بتدق على أبوها ... أم ناصر:السلام عليكم أبو سعد :هلا وعليكم السلام ,,وش أخبار واخبار أختك وعيالك ... أم ناصر:الحمدالله كلنا بخير .. أبو سعد :هاه بشري كلمتي سالي .. أم ناصر بحزن :كلمتها وليتني ماكلمتها ثارت جنونها وجلست تهدد وتوعد لواجبرتوها على الزواج بتفضحنا ... أبو سعد اللي عصب :وش هالكلام أختك ذي متى بتترك قلة أدبها ,,اسمعي خلاص حنا ردينا عليه وقلنا أنا موافقين والملكه الخميس الجاي ,,عقلي أختك لايعقلها العقال ... أم ناصر:الخميس الجاي مو كأنك استعجلتو .. أبو سعد :لأستعجلنا ولاشي أنتي ماتدرين كم نخسر كل ماتأخرنا برد عليه ,,حنا اتفقنا نملك ونوقع العقود بنفس الوقت .. أم ناصر:الله يسوي اللي فيه الخير ... أبو سعد:لاتقولين لها شي أنا ليلة الملكه برسل سعد يجيبها وهو يعرف كيف يتصرف معها ... جلست سالي تتصل لين ماقفل كررت المحاوله عشرين مره وكان يدق لين يقفل وماحد يرفعه حست بالقهر ورجعت تتدق لين اتعبت وحست بالنوم ,,انسدحت على السرير ورجعت تحاول .. وهج :محد راد عليك لاتعبين نفسك ... سالي :اووووووف مالك دخل تحت أمك وهنا أنتي واللي يسلمك اطلعي وخليني .. وهج :طيب الحين ودي افهم تتصلين عليه وش بتقولين له .. سالي بسخريه :بذكره هو من..! واهله من..! شكله ناسي وذكرى تنفع المؤمن ,,,وابيه يفهم أن الشمس اقرب له مني .. وهج :سالي بليز لاتصرفين تصرف تندمين عليه طول عمرك ,,ترا ماجابه لك الا هاللسان اللي متبري منك ... سالي:انا أقول اللي ابي وأسوي اللي أبي ومحد له حق ياحسبني ولايعترض على كلامي تفهمين .. وهج:طيب خلاص سوي اللي تبين بس لاتزعلين نفسك .. ناظرت فيها سالي نظرات غامضه ورجعت لجوالها ... سالي: يالله متى يردددددددد الزفت هذا ااااااااااااااااااف رددددددددددد ياحقيررررررر اااااااااااااااف ,,الحين الحيوان هذا ليش مايرد(رن رن رن ................) اف ولله حاله...متى بس يرد الله ياخذه ويريح العالم منه صدق اته حقير يا ناس هو قد سالي هههههههههههههههههه يقول بيتزوجني هههههههههههههههههههههههه ولله نكته هههههههههههههههههه نفسي اسمعها منه يقولها بالسانه هههههههههههههههههههههههه والله مشكله مره واثق من عمره .. وهج :سالي وش فيك استخفيتي وش هالضحك .. سالي وهي تضحك:هو اللي استخف يوم خطبني ,,بس تصدقين يعجبوني الناس اللي عندهم طموح .. وهج اللي مستغربه حالة سالي :سالي انتي خايفه من تهديده صح ... سالي بنرفزه :أخاف منه هههههههههههههههههههه,,ضحكتيني بعدين عن أي تهديد انتي تكلمين . وهج :الكلام اللي قاله يوم رجعنا من السوق ... سالي ناظرتها بغرور وقالت :اذا كنتي خوافه مو ذنبي ولاتحسبين ولد عمك هالخايس يخوفني ولايهز شعره من راسي ... وهج :الله يهديك .. الساعه 9 بالليل بمكتب ياسر .. ياسر:اوووووف ,,متى بيخلص هالشغل المتراكم مو كنه اسبوع اللي أخذت فيه اجازه ارجع والقى كل هالاشغال على راسي ... طلع جواله من درج مكتبه بيتصل على سعود اللي رجع العصر لجده بيشوف اذا كان وصل لقى 56مسد كول من جوال سالي اللي محول مكالماته على رقمه وآخر مكالمه من نصف ساعه ... ياسر:وش عندها ذي وش اللي طرانا على بالها ... اتصل على سعود وقاله أنه وصل ... رجع لشغله بس عجز يركز كل تفكيره بسالي ليش ماتصله بالأخير أخذ جواله ودق عليها.... (رن رن رن رن رن ......)لين انقطع ,,, نزل الجوال ورجع لشغله كمل شغله أي كلام لين خلاص تعب من التفكير انتبه لساعه اللي على الجدار كانت 11 ونصف ... جمع اوراقه بفوضويه وحطها بالدرج المكتب ,,اخذ جواله وطلع وقفل مكتبه ,,جلس يمشي بمرات الشركه الخاليه من الاضاءه إلى القليل منها ,,,ركب سيارته ورجع يتصل بالسالي (رن رن رن ..,كان بيقفل بس جاه صوتها اللي مليان نوووم :نعم ... ياسر اللي استغرب منها:........ سالي :هممممممممممم,,مين ... ياسر:سالي .. سالي اللي للحين مغمضه عيونها:ايه مين .. ياسر يكلم نفسه :وش من غبيه ذي ماتشوف الرقم طالع عندها,, اوووف شكلها مسطله من النوم ... ياسر:وش تبين متصله .. سالي :هاه ,,انا متى ,,ااااااااف قفل بنام ... ياسر :اصحي اللحين كلميني زين ... سالي اللي ماتدري الله وين حاطها:ياقلبي ياروحي ياحياتي أنت قفل اللحين بنام ,,هممممم حلو النوووم ..وراحت بسابع نومه ... ياسر اللي تخدر من كلامها جلس يناظر بجواله لين طفت اضاءته ,,حرك سيارته وهو زي المسحور لدرجه أنه طاف الدوار اللي قدام بيتهم ثلاث مرات .. نزل عن دكان قريب من بيتهم يشتري سجائر ويوم طلع نسى سيارته ورجع للبيت مشي ,,, وصل البيت وبدال مايروح لغرفته راح المطبخ .. ياسر وهو يضرب راسه :اووووووف أنا وش جابني هنا ... فتح ياسر الثلاجه وطلع عصير تفاح اللي كان جنبه خل ,,, صب له نص الكأس شغل سيجارته وجلس على الطاوله بيشرب اول ماذاق طعمه رجعه بالكأس ومن الطعم الاذع اكتشف أنه بدل مايصب عصير تفاح أخذ خل التفاح جلس ياسر يشرب ماء لين حس أن طعم بدا يخف ,,طلع غرفته وهو يحس أنه دايخ اول ماحط راسه على المخده جلس يسترجع الكلام اللي قالته له سالي وصورتها وهي تفك اللثمه وتضحك كل ماقفل عينه شافها قدامه ياسر بصوت مسموع :ماني مصدق أنها تعرف تقول كلام حلو حسبي الله عليهاطيرت عقلي بصوتها الناعس ... ياسر بعصبيه حط المخده على راسه وهو يقوووول:الله يحرمك النوم مثل ماحرمتيه عيني ,, وانقلب على الجهه الثانيه :متى يجي يوم الخميس ,,وبتنهيده : يابعدك يالخميس ... جلست تقلب الجوال بيدها وتكلم نفسها:معقوله كلمته أمس وأنا نايمه لا أنا اكيد اتخيل ,,مثل اشياء كثيره تخيلتها وهي ماصارت بالواقع مثل السعود اللي شفته هنا بالرياض وهو بأمريكا ,,صح صح انا اتخيل ماكلمته ... وهج اللي ملت من حالتها:طيب روحي للمكالمات المستلمه وشوفي اذا فعلاً اتصل ورديتي عليه ولا هذا واحد من أحلامك .. سالي :لا أجلس كذا مادري افضل من أني ادري اني كلمته وانا نايمه .. وهج :طيب جيبي خليني أشوف .. سالي :لا مستحيل وشوفي وش بسوي ..دخلت على المكالمات المستلمه ومسحتها كلها ... وهج :احسن بعد ,,وطالعت بساعتها :وش فيها عبير تأخرت .. سالي :يمكن ماجات ,,وش تبغين فيها مأكفيك انا ... عبير من وراها :لا ياشيخه تكلمين فيني من وراي ,,اجل خلاص برجع الفطور اللي اشتريته لك ... سالي اللي ميته جوع على غداها أمس :لا انا ماقصد اللي فهمتيه انا....... عبير:أكيد ماراح تقدرين تقولين كلمتين على بعض لأنك ماتعودتي تقولي كلمات طيبه كل كلامك هواش وطنازه ... سالي وهي تجر الكيسه منها:أقوول جيبي بس ... عبير:يمه انتبهي بس لاتاكلين القراطيس بعد ,,مو جوع هذا اللي يسوي فيك كذا .... نزل تحت وغترته على كتفه ,, شاف أبوه جالس يتقهوى ويقرأ الجرايد ناظر بساعته وشافها عشر استغرب وجود أبوه هالوقت فالبيت ... ياسر سلم على ابوه ووقف بيطلع ... أبو ياسر :وين بتروح اجلس شوي ابيك ... رجع ياسر وجلس على الكرسي اللي قدام أبوه :آمر طال عمرك .. أبو ياسر اللي نزل الجريده قال بجديه:وش سويت مع شركة صالح .. ياسر:صالح من .. ابوياسر: ليه فيه غيره صالح ال...... جد ولد عمك .. ياسر وهو يحاول يهدي نفسه:للحين ماسوينا شي بس اتفقت معهم بنوقع يوم الخميس ... أبو ياسر:زين سويت ذي الناس اللي ينوثق بشغل معها ,,,كنت خايف لاتدخل بمغامرات مع شركات صغيره وتوهق عمرك ... فاطمه :لاتخاف على ياسر هذا ولدي ذيب مثل أبوه ... طالع ياسر بأمه وابتسم وهو يقول بداخله :الله يستر منك لودريتي ولدك الذيب وش ناوي عليه ... فاطمه :مادريت يابوياسر.. ابوياسر بأستغراب :ادري عن ايش ..؟؟ فاطمه بشماته :يوم الخميس ملكة بنت أختك على ولد عمها ... أبوياسر:وش قاعده تقولين انتي من جايبه هالكلام ..؟؟ فاطمه بأنفعال:من وين بجيبه ,,أم سالم اتصلت تعزمنا على ملكة ولدها .. أبو ياسر:بس هذا مايصير حنا متكلمين على البنت من يوم كانت صغيره وحاجزينها لياسر.. ياسر بهالحضه شرق بالشاي اللي يشربه وجلس يكح لين دمعة عيونه .. فاطمه وهي تمد له كاس مويا:بسم الله وش فيك أنت الثاني لاتكون تبغيها... ياسر:لا ,,لأبيها ولابي غيرها انا اللحين مافكر بالزواج (لاياشيخ ومن اللي بيملك يوم الخميس ههههههههههههههههههههههههههههههههههههههههههه) أبوياسر:تبيها ولا ماتبيها ,,هذا مايصير كيف أختي تكسر كلمتي وتزوج بنتها ومن وراي .. فاطمه اللي كانت تبيها من الله :اللحين مو وقت التشره البنت راحت فحال سبيلها والله يوفقها ولدك ألف بنت تمناه ,,وعنده بنات خالته اللي يسون فاتن وطوايف فاتن,,هاه يمه وش قلت .. ياسر :اللحين ماني مستعد للزواج .. فاطمه :طيب لاتزوج اللحين بس خلني اخطب لك قبل ماتطير البنت من يدينا ... ياسروهو يوقف وبأبتسامه لأمه :سوي الي تبينه يمه ... سالي :يالله وهج بنطلع دقيت على راجو واللحين هو برا .. وهج بصراخ:وشووو على كيفك انتي تصرفين انا ابغى أحضر المحاضره .. سالي وهي تجرها توقفها :امشي بس خلي عنك العناد هذا ,,عادي ماعمرنا غبنا عندها... عبير:بتطلعون وأنا .. سالي :انتي اجلسي اكتبي المحاضره عشان ننقلهامنك .. عبير بقهر:انشاءالله عمتي سالي انتي تامرين أمر ... سالي :يالله عاد عبير ياما نقلتي مني ماقلت شي ,,بعدين احمدي ربك احط يطلب منك المحاضره انتي وخطك اللي تقل جرت دجاج .. عبير :أنا خطي مثل جرت الدجاج .. سالي :لا أنا .. عبير:اذا أنتي مافيه شك ... وهج وهي ترفع نظرها لسماء:الله يكملكم بعقولكم ... عبير:ليه وش شايفتني ناقصه ,,ادعي لخالتك هي اللي محتاجه دعوه مثل هذي .. سالي اللي طفرت من هم :وهج بتجين ولابروح لحالي .. وهج :خلاص بجي معك ,,والله يعين على أمي اذا شافتنا راجعين بدري.. سالي :ولا يهمك خلي هذا علي بس انجزي عطلتين ... دخلن البيت اللي كان فاضي مع الباب الخلفي طلعت وهج فوق وسالي راحت للمطبخ اللي كان فيه أم ناصر وناصر وكان يتكلمون عن سالي جت بتدخل بس يوم سمعت كلامهم اللي انصدمت فيه وقفت تسمع... ناصر:مستحيل اشاركم باللي ناوين تسونه ,,تدرين هذا وش يسمونه يمه خداع استغفال ... أم ناصر:حنا نبي مصلحتها وماقدامنا اللا هالطريقه ولاتبي ابوي يخسر فلوسه وسمعته بسبب دلع ساليووه .. ناصر:مهما قلتي هذا مايبرر لكم اللي ناوين تسونه ,,هي حره ماتبي تزوج وبعدين هي مو بضاعه عشان جدي يبيعها ولا هذا تصرف واحد عاقل ... أم ناصر:ناصر اللي جالس تكلم عنه هذا جدك اللي عايشن بخيره ,,ولاتنسى وقفته معنا بعد وفاة أبوك ... ناصر:مساعدته لنا ماتعني أنا نوقف معه على حق أو باطل ,,اللي يسويه جدي هذا شي مايرضي الله ... أم ناصر:كيف يعني منت مودي سالي للقصيم مثل ماتفقت مع أبوي ... ناصر:لا ,,ومو كنتم متفقين أن سعد هو اللي يجي يأخذها ... أم ناصر:أنت تدري باللي بين سالي وسعد ... ناصر:يمه افهميني أنا مأقدر اكذب على خالتي واقول أن جدي مريض,,أنا اصلاًمو راضي بالموضوع الخطبه من بدايته تبغيني اكذب .. أم ناصر:بتودين أنا وسالي يوم الاربعاء ولاتراني غضبانه عليك ليوم الدين .. ناصربانفعال :يمه وش هالكلام حرام عليك تجبريني على شي مابغاه ... أم ناصر وهي توقف بتطلع :هذي اخر كلمه عندي ..وطلعت .. سالي أول ماحست إن أم ناصر بتطلع ركضت على طول وتخبت ورى طاولة التلفزيون ... شافت أم ناصر وهي طالعه فوق لغرفتها ... دخلت على وهج وهي سرحانه وتعض أصبعها السبابه ... وهج :وين الفطور ..؟؟ سالي :هاه ,,لقيت ناصر وأمك بالمطبخ فرجعت ... وهج الي جالسه على الكمبيوتر:مالت عليك وكل هالوقت وش تسوين ... سالي:اووووف هو تحقيق ,,خلاص قلت لك لقيتهم بالمطبخ ورجعت ... وهج جلست تكلم بس سالي ماكانت تسمعها لأنها سرحت تخطط لأهلها وكيف بتوقعهم بالحفره اللي حفروها لها ... فاطمه:على وين العزم ..؟ ياسر اللي كان لابس جينز اسود وتي شيرت بيج كت ماسك على جسمه :بروح القصيم عندي شغل ... فاطمه بتريقه :عمتك بتزعل وبتأخذ بخاطرها لودرت أنك ماحضرت ... ياسر:ولو يمه وأنتي وين رحتي سلمي لي عليها وباركي لها ولفاتن بنيابه عني ... وجلس ينادي: ميرري,, ميررري ... فاطمه :وش تبغى فيها ..؟ ياسر:ابيها تطلع ثيابي وتعلقها بالسياره ... فاطمه :بتروح بري .. ياسر :ايه انشاءالله .. فاطمه بحنيه :انتبه لاطريق .. ياسر :انشاءالله لاتخافين علي ولانسيتي اني ولدك الذيب ... فاطمه :اطلع أنت وأنا اخليها تلحقك بالثياب .. ياسر وهو يحب راس امه :اجل يالله مع السلامه .. أول ماركب سيارته طالع بشكله بمراية السياره ومرر يده على ذقنه :يابيله تنعيم ,,لازم اطلع اليوم صدق معرس,, وأمي تبني احضر ملكة بنت عمتي طيب وأنا من يحضر بدالي ملكتي هههههههههههههههههههههههههههههههههههههههههههههههههه ههه هههههههههههههههههههههههه.. جابت له ميري ثيابه وغترته وعلقهم بشبابيك السياره اللي ورى ... راح بالبدايه للحلاق بعدين اخذ طريق الرياض القصيم وطار بسيارته... وبسيارته يصدح محمد عبده برائعته ليلة خميس ... ليلة خميس طرز بها نور القمر شط البحر نصف الشهر.. و الليل من فرحه عريس ليلة خميس... كانت نايمه على سريرها الملوكي وعيونها معلقه بالسقف ,,الخطه ماشيه زي ماتبي أول ماجت سوت نفسها متفاجئه بالموقف ,,وعملت نفسها راضيه بالواقع خصوصاً بعد ماهددها سعد,, تحس نفسها وكأنها بالسجن كبير وحراسها كثير ,,,اليوم الكل ماجتمع أخوانها من أبوها كلهم حاضرين وعيالهم ,,,خالاتها وجدتها جو من حائل وجالسين بيت أمها وأختها المصون اللي كانت طرف كبير بهالعبه رمتها وراحت عند أمها ولا كأنها سوت شي ,,, يعني كل شي مرسوم ومخطط له من أيام بس هي اللي ماتدري ولا كأن العنز اللي بيبيعونها اليوم هي ... دخل عليها سعد وطالعها بنظرات تهديد وقالها تنزل معه علشان يسألها الشيخ وتوقع على العقد ... وهم ينزلون بالمصعد سالها سعد :غريبه ماتوقعت هالدواء منك توقعتك تكسرين على الدنيا .. سالي بميوعه :تبغاين أكسر الدنيا حاضره ماعندي مانع .. سعد :لا خليك على هدوئك تهبلين بهالطريقه ... طلب منها سعيد توقف عند الباب ودخل هو للمجلس اللي كان جالس فيه الشيخ مع حمد أخوه .. اشر عليه سعد يطلع ,,فطلع .. سعيد :ياشيخ البنت عند الباب .. تقرب الشيخ من الباب ومد لسالي الدفتر وقال :يابنتي اذا كنتي موافقه على هذا الزواج وقعي بالمكان المخصص ... سالي :اوقع لاماراح اوقع لأني ماني موافقه ... الشيخ اللي تفاجيء اول مره يصيرمعه مثل هالموقف :ماذا تقولين يابنتي هداكِ الله ... سالي براءه :اقولك انا ماني موافقه ... الشيخ :يابنتي اعيد عليكي هالسؤال هل أنتي راضيه ... سالي بملل:لا مو راضيه غصب اوافق .. الشيخ بعصبيه :مالذي اسمعه يأخي الفتاة غير راضيه ..اذاً هذا الزواج لايمكن اتمامه .. سعد اللي مصدوم توقع تسوي أي شي الا هذا :ياشيخ واللي يطول عمرك ماعليك منها هذي بزر ماتعرف مصلحتها.. الشيخ :آسف يأخي لا ستطيع أن إن امضي بهذا العقد من غير رضى العروس ,,والآن اسمح لي أن انصرف ,, وتأكدوا مره اخرى من رضى العروس حتى لاتضعوا أنفسكم بمثل هذه المواقف ,,,وخافوا الله في بناتكم فهن أمانه في أعناقكم سيحاسبكم الله يوم القيامه على ماتفعلونه بهن ,,عن اذنك ..وطلع الشيخ ... فتح سعد الباب اللي كانت سالي واقفه عنده بس ماكانت فيه,,, طلع يركض فوق وجنون الدنيا كلهاتناقز قدامه اليوم قاتلها قاتلها ,,,فتح باب غرفتها اللي كانوا شايلين منه المفتاح ولقى الغرفه فاضيه بس باب الحمام مقفل .. جلس يدق على الباب بقوه وكأنه بيخلعه :افتحي ياحيوانه افتحي الباب بعد سواد وجهك بتوزين عنا ذابحك اليوم ذابحك افتحي ,,وهو يطق الباب بقوه لدرجة أن كل اللي بالبيت تجمعوا عليهم مرة ابوه أم حمد :سعد الله يهديك وش فيك صوتك واصل تحت فضحتنا قدام الناس ... سعد وهو يضرب يده بالجدار:ليه هو في فضيحه أكبر من الفضيحه اللي حطتنا فيها السافله هذي .. أم حمد اللي انصدمت بكلامه عن أخته :سعد هد اعصابك وفهمنا وش صار... بس سعد ماهدى بالعكس زاد بضربه على الباب ومابقى كلمة لعن و سب وشتم بحق أخته إلى قالها ... على فكره سالي داخل الحمام كانت جالسه تسوي ميك آب ... مسكه حمد اللي فهم من الشيخ اللي صار:ياسعد امش معي خلها عنك لاحقين عليها بس اللحين خلنا ننزل نتدارك الموقف قبل مانفضح قدام الرياجيل أنا كلمت أبوي وفهمته الموضوع وهو اللحين ينتظرنا بالمجلس تحت .. سعد بيأس:وأبوي وش بيسوي خلاص انفضحنا ياحمد أختك نزلت روسنا بالقاع .. حمد:أنت انزل معي اللحين لايسمعونك الحريم وننفضح صدق .. نزل معه سعد وهو منزل راسه وهموم الدنيا كلها على راسها ... دخل على أبوه اللي كان جالس بالمجلس وحالته سيئه وشكل الضغط مرتفع عنده .. حمد :يبه الله يطولنا بعمرك هد بالك ومايصير الا اللي يرضيك ... ابوسعد :وشلون ياحمد .. حمد :إن اتصلت على شيخ ثاني واللحين هو جاي بالطريق .. سعد :والشيخ الثاني وش بيسوي مثل مافضحتنا بالاول بتفضحنا بالثاني ,,بعدين كيف بنفسر لارياجيل اللي بالمجلس اللي قاعد يصير ... حمد بهدواء:اول شي ماراح يصير شي قادمهم نجيب ياسر هنا ونملك .. سعد :والحيوانه اللي مقفله على عمرها كيف بنطلعها .. حمد بحقد :عمرها ماطلعت خلها تخيس بالحمأم ,,الشيخ اللي اتصلت عليه يملك بدون مايسأل العروس يعني مجرب لمثل هالحالات ,,والتوقيع أي وحده من البنات ولاأمي توقع بدالها ... ياسر وبعد ماملكوا وعلى العشاء جالسه بينه وبين نفسه :الصراحه أنا مانصدمت باللي صار بالعكس كنت متوقع منها أي شي كنت بنصدم صدق لو استسلمت وماحاولات تفركش هالزواجه ,,بس شكل أخوانها صدق معصبين ومتفاجئين وكأنها غريبه عليهم ومايعرفونهازين ,,وأن الغريب احس نفسي اعرفها أكثر منهم ,,بس شكلها الليله بتأخذ علقه محترمه ... ياسر وهو طالع من العشاء وراجع للخيمه انتبه على ناصر اللي كان يكلم ورى الخيمه مايدري ليه راح له ,, ناصر يوم شاف ياسر جاي لمه قفل من اللي كان يكلمه أوبالاحرى اللي كان يكلمها لأنه كان يكلم سالي ويعلمها باللي صار :انبسطت بعد ماسويت اللي براسك ,,مو قلت لك البنت ماتبيك ,,ليه تحط نفسك بموقف زي هذا ... ياسر وهو يشغل سيجارته:مو وقت الحساب اللحين خالتك وصارت زوجتي ... ناصر طنشه وجلس يلعب بجواله ... كمل ياسر يوم شاف ناصر ساكت :افضل لك ولها ترجعها اللحين الرياض قبل مايفضون لها خوالك لأني ماتوقع يمررون اللي صار على خير... ناصر:قلت لها ,,وتقول أن محد يهمها ... ياسر وهو يطفي برجله السيجاره بعد مارماها على الارض:وانت بتسمع كلامها ,,سعد شكله موناوي على خير ينتظر الرياجيل اللي عنده يطلعون ويلتفت لها,, عن اذنك واتمنى تسوي اللي قلت لك عليه ,,ودخل الخيمه ... نهاية الفصل الاول من الجزاء الثامن ... هاه وش رايكم بالاحداث المثيره اللي صارت ..؟؟ ابي تعليقاتكم على حركة سالي الجريئه برفض.. عاشقة ديرتها مشاهدة ملف هويته أرسل رسالة خاصة إلى عاشقة ديرتها أوجد المزيد من مشاركات عاشقة ديرتها أضف عاشقة ديرتها إلى قائمة الصداقة 08 - 08 - 2006, 03:34 AM رقم المشاركة : 102 maybe brokeN ~::~ مراقب المنتديات الترفيهية ~::~ رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- يسلمك ربي ...........على الجزء.... والف مبروك... maybe brokeN مشاهدة ملف هويته أرسل رسالة خاصة إلى maybe brokeN أوجد المزيد من مشاركات maybe brokeN أضف maybe brokeN إلى قائمة الصداقة 08 - 08 - 2006, 04:05 AM رقم المشاركة : 103 لون عيونك .+[ جرح نشط ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- مشكووورة على البارت الرووعة وألف مبروووووك التثبيت لون عيونك مشاهدة ملف هويته أرسل رسالة خاصة إلى لون عيونك أوجد المزيد من مشاركات لون عيونك أضف لون عيونك إلى قائمة الصداقة 08 - 08 - 2006, 03:17 PM رقم المشاركة : 104 كلي براءة .+[ جرح برونزي ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- ألف ألف مبروك على التثبيت والبارت جنان الله يعطيك العافية عجبني موقف سالي يستاهلون ليه يغصبونها إذا مايبون الفضيحة......وقهرني ياسر رفع ضغطي شلون يتزوج من ورا أهله ....... صح إنه كبير وشوره في راسه بس ذولا أهله ومن حقهم يدرون ويحضرون... وأبوها وإخوانها هانت عليهم بنتهم يبيعونها بهالطريقة حتى ماهتموا لعدم وجود أهل ياسر. بعدين شلون يصير الزواج صحيح وهي مش موافقة والتوقيع مش توقيعها؟ عالعموم ننتظر البارت الجاي على نار ودمت بألف خير -------------------------------------------------------------------------------- التعديل الأخير كان بواسطة : كلي براءة بتاريخ 19 - 11 - 2006 الساعة 09:19 PM. كلي براءة مشاهدة ملف هويته أرسل رسالة خاصة إلى كلي براءة أوجد المزيد من مشاركات كلي براءة أضف كلي براءة إلى قائمة الصداقة 09 - 08 - 2006, 09:36 AM رقم المشاركة : 105 الجمراوية .+[ جرح مشارك ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- السلام.. اني اوافق الاخت كلي براءة ما يصير يغصبوها على شيء هي ما تبي ويالله ننتظر التكملة ومبروك على التثبيت تحيتي.. الجمراوية مشاهدة ملف هويته أرسل رسالة خاصة إلى الجمراوية أوجد المزيد من مشاركات الجمراوية أضف الجمراوية إلى قائمة الصداقة 10 - 08 - 2006, 11:53 AM رقم المشاركة : 106 ولا كل البنات .+[ جرح مشارك ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- كنت متوقعه هالحركه تعجبني سالي وانا ان اللي صار لها يوم ابوها وامها ينفصلون اهو اللي كون هالشخصيه ننتظر البارت الجاي وتسلم اناملك عشوق ولا كل البنات مشاهدة ملف هويته أرسل رسالة خاصة إلى ولا كل البنات أوجد المزيد من مشاركات ولا كل البنات أضف ولا كل البنات إلى قائمة الصداقة 12 - 08 - 2006, 01:47 AM رقم المشاركة : 107 ولا كل البنات .+[ جرح مشارك ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- هلالا شخباركم الساعه 8 شفت عشوق شابكه وكانت بالمنتدى وطلعت انا ما في بارت اليوم؟ جمراويه ما شاء الله لي احين صامده تنتظرين البارت ولا كل البنات مشاهدة ملف هويته أرسل رسالة خاصة إلى ولا كل البنات أوجد المزيد من مشاركات ولا كل البنات أضف ولا كل البنات إلى قائمة الصداقة 12 - 08 - 2006, 08:19 PM رقم المشاركة : 108 عاشقه ديرتها .+[ جرح برونزي ]+. رد : قصتي الأولى (الزمن طبعه كذا) قصه طويله من اجزاء,,, -------------------------------------------------------------------------------- اهلين كيفكم آسفه على التأخير ... لأني ماقدرت أدخل المنتدى لأن فيه مشكله حصلت بالاسم راسلت لأداره وماردوا علي فسجلت بالاسم هذا ,,واللحين تفضلوا الجزاء ,,, الجزاء الثامن الفصل الثاني ... رجعت تغسل وجها للمره العشرين لعل وعسى تصحى من هالكابوس اللي عايشته ,,, ناظرت صورتها بالمرايه كان وجها أحمر من كثر ماغسلته وعيونها تدمع من الماء اللي داخلها وشعرها القصير لاصق على جبينها ,,,سالي تكلم نفسها:معقوله اللي قاعد يصير قبل دقايق بس كانت جالسه مبسوطه اتفنن بالمكياج وسعد برا يحترق ,,,كيف انقلبت المعادله وصرت أن اللي قاعده احترق ,,,اشعر بالقهر وقلت الحيله احس إن حبل التف حول رقبتي يخنقني وأنا مو قادره ابعده عني أول مره احس اني ضعيفه مابيدي شي ,,,كيف يزوجوني غصب عني ..ياربي ليش اللحين بس غصبوني يامانخطبت ماعمرهم فكروا يغصبوني ليه هالانسإن بذات يجبروني على الزواج منه ,,ياليتهم غصبوني على أي أحد الاهذا ,,يالناس ياعالم تاريخي معه غير مشرف هذ اماتزوجني عشإن شي واحد بس إنه ينتقم مني ..أنا,,أنا,, صرت متزوجه كيف مايصير أنا اللي أكره مأشوف الرجال كيف اتزوج ,,للحين ماني مستوعبه أن اني طحت بالفخ اللي رسمت لأهلي ,,أكرهم ...أكرهم ,,,عمري ماكرهتم كثر ماكرهتم اللحين ,,هم سبب كل العذاب اللي عشته من يوم فتحت على الدنيا الا هاليوم هم سبب شقاي بهالحياه ويقولون ليه طالعه قليلة أدب وقحه ماحترم أحد ماهو انا لقية أحد يربيني ويعلمني الخطأ ,, ياسبحان الله :يرمون الخزف على الارض يقولوا ليه يتكسر.. يلوموا الجرح بقدامي وطريقي ممتلي اشواك ... لا ياربي أنا ليش حظي كذا ,,يعني الا متى بعيش بعذاب .... وبنبرة حقد طالعه من جواة قلبها :حرام ليش أنا بس اتعذب لازم كل اللي حوالي يتعذبون مثلي ويشربون من نفس الكأس ,,,بتشوفون كلكم أن ماقلبت حياتكم نكد كل اللي ساهم فهذا الزواجه راح ينوله من الطيب نصيب ,,وأولهم أنت يازوجي العزيز ياسر !!! طلعت من الحمام وفكرت الانتقام ورد الاعتبار مسيطره على تفكيرها فتحت دولابها وسحبت عباتها وشنطتها ,,وطلعت جوالها واتصلت على ناصر ... طلع ناصر من المجلس بعد ماشاف رقم سالي لأنه استنتج وش تبي فيه ماعارض رغبتها بالرجعه للرياض ,,طلع بسرعه للمواقف منغير مايودع جده وخواله حتى مايعطيهم فرصه يفكروا بايذاء سالي أو منعها من الرجعه معه ... من يوم دق جوال ناصر وطلع عرفت من المتصل فطلعت وراه بدقايق وبعد ماودعتهم ,,وهذاني اشوفها قدامي تمخطر بمشيتها وكأنها تقول يارض هتزي ماحدا قدي ...وكالعاده العباه ولاكلفت نفسها تصكها والطرحه على أكتافها ولا كأنها جالسه تمشي بقسم الرجال وممكن بأي وقت يطلع أحد ويشوفها ,,,شكلها ماكنت منتبهه لي لأنها الواضح عليها سرحانه ,, :خالتي سالي ,,خالتو سالي ... سالي بنرفزه :تخلخلت عظامك من متى صرت خالتك .. بسام:اوووه خالتي ,,عمتي كله واحد المهم غطي وجهك .. سالي: وش قلت ياولد أبوك ؟! ,,تأمر على خواتك مو علي ... بسام :اقولك غطي وجهك غبيه انتي يمكن يطلع رجال ويشوفك .. سالي بعصبيه :بساموه حل عني لأطلع سوايا ابوك فيك ,,ومره ثانيه حتى لو شفتني طالعه بدون عبايه ماتكلمني فاهم ,,ولفت على الجهه الثانيه ورجعت طرحتها على وجها وشافته واقف يناظرها ويبتسم بأنتصار ,,,حست أنها بتنفجر من الغيض اذا ماطلعت حرتها فيه ,,وبحركه غير اراديه حملت حصاه متوسطه الحجم من الحوش الترابي وراحت تلحق ياسر اللي طلع للمواقف طلعت وكان المكان مظلم شافت ناصر موقف سيارته بعيد واقف عندها يكلم ومعطي الباب ظهره يعني مايشوفها دارت بعيونها على السيارات الموجوده وفجاه اشتغلت وحده من سيارات واشتغل نورها عرفت أنها سيارته وبكل قوه تمتلكه رمت فيها الحصاه على شباك المقعد اللي جنب السائق ,,وكملت طريقها لسيارة ناصر وركبت ورى بدون ماتكلم .. ياسر :الحيوانه بغت تكسر زجاج الشباك حسبي الله عليك ,,ولاتدرين ليته كسرتيه عشان أطلع بعدين من عيونك وعشان يرتفع الثمن اللي راح تدفعينه ... ناصر:الوو,, هلايمه ,,ايه ,,طيب حنا ننتظرك برى اطلعي ,,يمه واللي يخليك اطلعي مالي خلق انزل اسلم على أحد ..وبعد ماقفل .. ناصر:سالي انزلي معي سلمي على جدتك وخالاتك ... سالي سافهته .. ناصر:سالي يالله عن الدلع كلها عشر دقايق انزلي سلمي على جدتك وخالاتك ... سالي بأنفعال:ناصر بتنزل أنزل أنا رجلي ماراح تمشي شبر برا السياره .. ناصر نزل وصك باب السياره بقوه ... طلعت سالي جوالها من الشنطه وهي تحس أنها مخنوقه ودقت الرقم ... وهج :الو هلا سوسو .. سالي بيأس:وهج خلاص زوجني له ... وهج بصدمه:كيف مستحيل ,,حسبي الله عليهم ذولا مايحسون ,,, سالي بألم:من زمان توك تدرين ,,وهج ماني قادره اصدق اللي صارلي ... وهج بحقد:اكرهم ليه يسوون فيك كذا ذولي مو أهل ذولا أعداء ... سالي :حتى أنا اكرهم والله لخليهم يندمون ,,وهج احس بختنق وش اسوي .. وهج وهي تبكي : خلاص مابيدك شي تسوينه ... سالي وهي تشوف ناصر وامه جايين :خلاص وهج بعدين اكلمك ... أم ناصر اللي ركبت قدام :السلام عليكم .. طبعاً محد رد .. أم ناصر :ليش مانزلتي تسلمين على جدتي وخالاتي هو جاين من حايل عشانك وآخر شي تسوين فيهم كذا .. سالي معطيتها أكبر طاف .. أم ناصر:ليه ماتردين القطو أكل لسانك .. سالي تأففت بقهر .. أم ناصر:الله يهديك,,ويعين المسكين اللي ابتلى فيك .. سالي :ناصر شغل الfm ... أم ناصر:وأنتي هذا اللي فالحه فيه سمع الاغاني .. ناصر اللي مل :خلاص يمه هدي ,,هي اللحين متضايقه لاتزيدين عليها ..وشغل لها الfm ياسر اللي نشوة الانتصار مسيطره عليه اتصل بالسعود اللي يحسه أقرب انسإن له أقرب له حتى من أخوانه بس حس أنه اخدعه ياربي وش بتكون ردة فعله لو درى أحسن شي مأقوله اللحين .. سعود :ياسر وصمخ وش فيك ماتصل عشان تسكت .. ياسر :هاه ,,وش قاعد تقول .؟؟ سعود:لا والله شكلك أبد مو صاحي ,,,حبيبي روح كمل نومك واذا صح صحت ارجع كلمني ..وقفل .. ياسر وهو يناظر بجواله :حسبي الله على بليسك مدري وش فيه ذا استخف مستحليها هاليومين كل شوي صاك بوجهي بس عادي يمون النسيب...وجلس يضحك بقوه .. جنى بخوف: وهج وجع وش فيك تبكن ... وهج تبكي .... جنى :وهج قولي طيحتي قلبي ,,امي ناصر وسالي صار فيهم شي لايكون صارلهم حادث ..!! وهج بانفعال:فال الله ولا فالك ,,بس ...ورجعت تبكي .. جنى :اوووووف الله ياخذ ابليسك تكلمي ,,قسم بالله أنك تقهرين .. وهج وهي تكلم وتشهق :سالي خلاص تزوجت ياسر.. جنى بصدمه :سالي ,,ياسر ..انتي وش قاعد تقولين .. وهج :حرام عليهم ليش يسون فيها كذا,, ليش يغصبونها على شي ماتبيه .. جنى :وهج ياسر وش دخله بالسالي أنا مو فاهمه شي من اللي قاعده تقولينه .. وهج باستغراب :أنتي ماتدرين أن ياسر خطب خالتي سالي ..؟ جنى بصرخه :مين خطب سالي .. وهح :ياسر ياسر ,,واللحين خلاص صارت زرجته .. جنى:وهج تكلمي معي بوضوح ماني قادره استوعب .. تنهدت وهج وجلست تقولها السالفه ... جنى وهي ماسك راسها:مستحيل مو قادره اصدق اللي قاعده تقولينه ... وهج :لا صدقي ,,خالتي باعوها وبأبخس الاثمان ... فاطمه اللي داخله البيت والابتسامه شاقه الحلق :خوش ملكه الصراحه ماقصروا أهل المعرس بس شيخه اللي يشوفها يقول هذا عزى بنتها مو ملكتها .. بسمه :حتى فاتن ماكانت فرحانه وبس تبكي ,,لدرجة أن خوات سالم انتبهوا لها وجلسو يسألون ليش تبكي .. فاطمه بطنازه:مسكين أمها اللي خلتها تعلق بالوهم ,,بس حامض على بوزها تأخذ ولدي .. بسمه :اقول يمه أنتي من تبغين ياخذ ياسر ..؟ فاطمه اللي انبسطت على السالفه :أخوانك كلهم أبغاهم ياخذون من بنات خواتي وأخواني ,,حتى أنتي لو بيدي زوجتك لواحد من عيالهم .. بسمه بداخلها:لاتكفين يمه,,الا أنا طلعيني من مخططاتك أنا ماراح أخذ الا نايف ولو على جثتي .. فاطمه :وش فيك سكتي ياحليلك يابسوم تستحين .. ريان :بسوم تستحي كثرولي منها .. فاطمه :ماشاءالله من وين لافي يالهايت .. ريان عشان يغير الموضوع :اوش اوش ,,وش هالكشخه والله منتي هينه يأم ريان .. فاطمه :اسمي أم ياسر لوكنت ناسي ... ريان :والنعم فيك والخيبه بياسر .. فاطمه بعصبيه :ريان ومرض لاتقول عن أخوك كذا والله لوأنه عدوك .. ريان وهو يحرك يديه :طيب هدي ,,لو هو اللي متكلم عني كذا ماقلتي شي .. فاطمه:هو أخوك الكبير ويقول اللي يبي .. ريان :يمه بليز مللتيني بهالجمله أخوك الكبير,, أخوك الكبير ,,مدري وش مسوي لكم هالياسر أنتي وأبوي ياخوفي يكون ساحركم .. بسمه :كل هالحقد على ياسر عشان ماخلى أبوي يشتري لك سياره جديده .. ريان :ايه مو على كيفه ..هو كل شهرين مغير سيارته وأنا لي سنه ماغيرت سيارتي .. فاطمه :أنت ليش ماتفهم السيارات اللي يشتريها أخوك من حر ماله ماشحدها من أبوك مثلك ,,بعدين سيارتك جديده ليه تغيرها مالها ست شهور من اشتريتها .. ريان بحسد :ايه ماهو ولدك المدلل ماترضين عليه ,,ليه ماتصيرين مثل عمتي شيخه لو يطلع عيونها نايف تعطيهن له .. فاطمه بكره :وقطيعه مالقيت الا الثور المدلل ولد عمتك تبغى تصير مثله ,,أنا مدري وش محصله من وراه أمه هذا كبره وللحين ياخذ مصروفه منها بندر اللي اصغر منه تخرج وتوظف وهو للحين يدرس.. ريان :وهذا اللي هامكم الشغل ,,اصلاً ليش يتعب نفسه ويشتغل وفلوس أبوه ماتحرقها النيران وعمتي ماهي مقصره عليه .. بندر اللي توه جاي :السلام عليكم .. الكل :وعليكم السلام .. بندر:وأنت مالك سيره الا عمتك ولدها ,,وبعدين من الصبح ادق عليك ليش ماترد ؟! ريان:جوالي مافيه شحن مقفل .. بندر:على العموم أبوي متحلف فيك وده بس يشوفك عشان يقصبك ... ريان :ياليل الزفت ,,وأبوك ماعنده غيري يطلع ضيقه فيه .. فاطمه :وأبوك وينه ماجاء .. بندر:الشيبان كلهم بعد العشاء راحو ديوانية أبو سالم ... ريان :ماقلت لي وش فيه الشايب علي .. بندر اللي فصخ شماغه وعقاله ورماه على بسمه :صفطيها ,,برايك وش يبي فيك يعني بيصور معك.. ريان :بدون تريقه .. بندر: يبغاك تروح معنا للملكه ,,,هو من يوم درى أن ياسر مسافر عصب ... فاطمه :اللي يسمعك يقول مسافر يلعب ماكأنه مسافر شغل .. ريان بغيره :أكيد ماترضى عليه حبيب القلب .. بندر :يووه أنت للحين على هالغيره ,,عيب عليك رجال وش كبرك وتغار .. ريان :ايه أنت خلك طيب كذا لين يسرق حلالنا .. فاطمه :حسبي الله عليك من ولد استح على وجهك اللي تكلم عنه هذا أخوك .! بندر:الغيره اللي تكلم مو هو .. ريان :واللي يسلمكم غيروا الموضوع ,,هذ مركب قرون استشعار لوكان بأخر الدنيا يسمعكم ويجي ... ياسر اللي واقف على الباب :من هذا !!..السلام عليكم .. الكل :وعليكم السلام .. فاطمه وهي تغايض ريان :هلا والله بولدي نور عيني .. بندر وبسمه :ههههههههههههههههههههههههههههههههههههههههههههههههه ههههه. ياسر بأستغراب وهو ينزل جواله ومفاتيحه على الطاوله اللي بينه وبين بسمه : وش فيكم تضحكون ؟! بندر وهو يطالع ياسر بأعجاب:ياخطير من وين جاي على هالكشخه ,,الثوب اسود والغتره اللي يشوفك يقول معرس ,,بس ليه شلت السكسوكه,بس تبقى حلو .. ياسر اللي ارتبك يوم سمع كلمة معرس :ماقلت شي جديد ادري أني حلو وسيم ,,وماحتاج شهادة أحد .. ريان بصوت واطي بس سمعه ياسر :انتبه لاتطير .. فاطمه :هاه يمه اشوفك رجعت بدري من القصيم ..خلصت شغلك ؟ ياسر :ايه الحمدالله خلصت ,,وعشان يجس نبضها :توقعي يمه من شفت هناك ؟! فاطمه :والله ماعرف أحد بالقصيم ..من شفت ؟! ياسر بنبره غريبه :ناصر ولد عمي .! فاطمه بنرفزه :وين شفته اللي ماينسمى .. ياسر:بيت جده .. فاطمه :وأنت وش موديك عندهم .. ياسر:شغل والشغل ماله دخل بالخلافات العائليه ,,وبعدين أنا مفكر أخذ منهم .. فاطمه اللي تحسبه يمزح :ليه لاقي عندهم اللي تليق بياسر ولد أبراهيم ال....... بسمه بنبره لها معنى :يمكن عاجبته سالي المتمرده .. فاطمه بعصبيه وصراخ :أنتي كيف تسمحين لنفسك تكلمين أخوك بهالطريقه .. بسمه :لوكان ماهو معجب فيها محط صورتها خلفية شاشته ... ياسر بهالحضه حس أن الهواء اللي بالصاله تبخر ,,كل اللي بالصاله سكتوا ينتظرون رد ياسر على اللي قالته بسمه !! بسمه بتريقه :وش فيك ساكت ليه ماترد ,,الا ماقلت من متى تعرف بنت ال............ كف على وجها سكتها ,,بسمه :تظربني عشان ...... ياسر وهو يتنفس بسرعه :واقص لسانك اذا سمعتك تكلمين عنها بالشينه,,,سالي .....وسكت ثواني مرت كنها ساعات على الموجودين :زوجتي واللي يمسها يمسني وبصرخه ارعبت بسمه: فاهمه !!! فاطمه :أنت وش قاعد تقول استخفيت ..كيف زوجتك .؟ ياسر :زوجتي يعني زوجتي تزوجتها ,,ماتفهمونها ذي بعد رحت لأهلها وخطبتها وافقوا واليوم ملكنا فهمتي وش يعني زوجتي يمه .. فاطمه بذهول وصدمه :تتزوجت من ورانا هذ آخر تربيتي فيك ... ياسر :يمه أنا ماسويت شي حرام تزوجت واعتقد الزواج حلال,,وبليز يمه لاتكبرين الموضوع انا توني اليوم مالك يعني ماخبيت عليكم شي .. فاطمه :ليه تبغي لين تزوج ويجيك عيال بعدين تخبرنا ... ياسر:اعتقد أنا كبير بما يكفي عشان أخذ قرارتي بنفسي .. فاطمه :طيب تبي تزوج قولي وانا ازوجك اللي تبيها .. ياسر:طيب ماصار شي أنا تزوجت اللي ابيها,, واعتقد سعادتي هي اللي تهمك ... فاطمه وهي تمسك راسها:سعادتك مع سالي ,,عاد مالقيت الا سالي اللي سيرتها على كل اللسإن .. ياسر:يمه ارجوك لاتغلطين,, وبعدين لوكانت سيرتها على كل اللسان زي ماتقولين ماكان كل هالعالم اخطبوها.. فاطمه :ذولا ناس فارغين يدورون على الجمال ,,,ماتهمهم الاخلاق والتربيه هذي وحده متمرده مايملى عينها أحد ,,وحده مالقت أحد يربيها ,,أهلها تاركينه على كيفها,,والله لو كانت متربيه بملجأ ماكانت هذي أخلاقها ... ياسر:يمه ارجوك كفايه ,,,خلاص سالي صارت زوجتي وكل الكلام اللي قاعده تقولين ماعاد ينفع ,,فلو سمحتي ريحيني وريحي نفسك وصكي هالموضوع ... فاطمه :بكل برود جاي تقولي صكي على الموضوع ولا كأنك مسوي شي .. ياسر وهو يطلع الدرج :أنا تعبان بروح أنام بكره نتفاهم ...وأختفى .. فاطمه اللي جلست على الكنب بتعب :الله يجازي اللي كان السبب ,,عين وماصلت على النبي ,,أكيد هذي حوبة شيخه وبنتها ,ولاولدي العاقل ياسر يرتكب غلطه زي كذا .. بندر :يمه هدي بالك ,,اللي صار مايسوى كل للي تسوينه بنفسك .. بسمه بحقد :لاتقول مايسوى اصلاً أنت وش فهمك أخوك بيسوينا مصخره قدام الناس على آخر الزمن .. بندر:أنتي تستكين مو أنتي سبب كل هذا ,,وبدال ماتهدين أمك جالسه تزيدينها.. ريان اللي جالس ولاهمه بس ماحب يفوت فرصه قال يتشمت :ايه مو هذا ولدك المثالي ,,شوفي وش سوى تزوج بدون شوركم .. بندر بصرخه :ريان ,وهي مو ناقصتك أنت بعد .. ريان اللي ماسك باب الصاله :ايه مو كلمة الحق صايره ماتعجبكم ..مع السلامه وطلع .. فاطمه :خلاص أنتم اطلعوا لغرفكم اتروكني لحالي .. بندر بأعتراض :بس يمه ... فاطمه :بندر خلاص قلت لك اطلع غرفتك ... نزل بندر راسه وطلع فوق .. ياسر اللي نايم على سريره :انبسطي ياسالي هذاني من بعد ملكتنا بثلاث ساعات بس تهاوشت مع أمي ,,اووف والبركه بسوسه بسمه حطتني بموقف محرج تستاهل الكف اللي جاها تحسبني ضربتها عشان الكلام اللي قالته عن سالي أن ضربتها لأن ماتوقعت أختي يطلع منها كلام زي كذا !! ورفع جواله واتصل عليها بس للأسف كان مغلق .! طالع باسمها على الشاشه :لا المرجوجه ماتناسبها ,,شكل بنت أختها خريش عشان كذا مسميتها المرجوجه ,,بس هي ابد مولايق عليها الرجه .! هي اللي يليق عليها وكتب (الملسونه ) .. وطالع بجوالها اللي كان على الكرسي :أنت وجودك خطر ماجبتلي غير المشاكل ,,ولف بنظره على الغرفه لين انتبه على شنطه فوق الدولاب نزلها وحطه فيها بعد ماغلقه .. سالي :ماتفهمين مابي اروح جامعه,, ماني رايحه لها ... وهج بحزن :سالي ويعدين معك لك اسبوع اللحين مارحتي الجامعه ترا ماليت وأنا احظرك ... سالي :وليش تحظريني انا طلبت منك,, بعدين خلاص جامعه ماني مكلمله .. وهج :سالي يالله قومي لاتشمتين العذال فيك .. سالي : وهج بليز اطلعي سببتيلي صداع بحنتك ,,اطلعي مابي اسمع شي من نصايحك .. اخذت وهج عباتها وشنطتها وقفت على الباب كانت بتكلم بس غيرت رايها وطلعت ... ناظرت الساعه اللي على الجدار كانت 9 ونص يعني داوم اتصلت على الشركه اللي اخذت رقمها من الاستعلامات لاكن قالوا لها أنه سافر من يومين .. ظربت الجوال بالجدار وصرخت بقهر :جعلك ماترجع ,,الله يأخذك لازم تسافر بهالوقت .. أم ناصر اللي سمعت صوت الكسروجت بتشوف مصدر الصوت:وش سوى لك الجوال عشان تكسرينه .. سالي :اصلاً كل اللي صارلي وقاعد يصير لي أنتو السبب فيه يعني لو فقدت عقلي أنتو السبب .. أم ناصر:ياكافي وش هالكلام ,, كل هذا عشان زوجناك بالغصب ,,طيب حنا نبي مصلحتك اللي ماعرفتيها ولاراح تعرفينها بيوم .. سالي :ومصلحتي ماتكون الا مع الحقير هذا من كثر الي خطبوني ماجبروني الا على هذا,,كله عشان مصلحتهم مو عشان مصلحتي زي ماتقولين,,واوعدك اذا ماخليته يطلقني ماكون سالي .. أم ناصر بخوف من تحدي سالي :سالي خلي الخبال عنك وش يطلقك أنتي خبله تبغين تفظحينا ... سالي :وأنتم وش دخلك تنفظحين أنا اللي بطلق مو انتي .. أم ناصر بتهديد :سالي والله أن ماعقلتي لعلم أبوي وسعد عليك ... سالي وهي تضحك بسخريه :ومن قال أني اخاف من هم لو أخاف ماسويت اللي سويته يوم الخميس ,,بس لأني عارفه أن ماوراي رياجيل الا طرطنقيه يمشون على كلام الحريم .. أم ناصر بعصبيه :أن خلاص ماعاد تحمل قلة أدبك ,,قسم بالله يالسالي أن ماعقلتي وخليتي عنك قلة الادب هذي مالك جلسه فبيتي ... سالي بعدم مبالاه:عادي مو أول مره انطرد ,,انطردت قبل من بيتي أبوي ,,وطردتني بعدها أمي ,,يعني أنت بتطلعين افضل منهم ... أم ناصر بالندم :سالي حبيبتي أنا ماقصد ,,انتي تدرين أني مستحيل اطردك ,,خلاص سوي اللي تبنه أنا مالي دخل ... سالي بداخلها :لو كان عندي ملجأ ثاني غير بيتك كان ماسكت بس وش اسوي مالي غيرك ,,أنا لازم يكون عندي مكان اروح له لاتسكرت الابواب بوجهي وعشان يكون عندي هالمكان لازم يكون معي فلوس .. أم ناصر :وش فيك ساكته ,,يالله أنزلي معي نفطر .. نزلت سالي وهم يمشون مع الدرج قالت سالي :الا صدق ماعطيتوني نصيبي من الصفقه .. أم ناصر بأستغراب:وش صفقته ؟! سالي :لاتسوين نفسك مو فاهمه ,,الصفقه اللي بعتوني فيها بالرخيص .! أم ناصر :اووهوو علينا أنتي متى بتفكينا من هالسالفه ..وجلست على الطاوله . سالي اللي جلست قدامها :ابي مهري .!! أم ناصر اللي ماطرى على بالهاهالموضوع :طيب بكلم سعد واسأله ..وجلست تأكل .. سالي :كلميه اللحين .. أم ناصر :لا العصر أحسن .. سالي باصرار :وأنا اقولك اللحين .. رفعت الجوال واتصلت ... أم ناصر :مايرد .. سالي :حاولي مره ثانيه .. أم ناصر :مايحتاج أحاول أكيد مشغول خليه العصر ارجع اتصل عليه .. اخذت سالي الجوال منها وجلست تتصل عليه لين رد .. سعد :الوو. سالي سوت مالت على الجوال وعطته أختها :خوذي رد .. أم ناصر:الو ,,هلا سعد ,,وش اخبارك واخبار العيال ,,,ايه الحمدالله حنا كلنا بخير ,,ناصر ايه ايه اسمعك ,,من ..ايه انشاءالله ..وبعد مانتبهت لسالي اللي من الصبح تأشر عليها تدخل بالموضوع ,,أقول سعد ياسر ماعطاكم مهر لسالي ,,وشو ..كيف..طيب وانتم ليه ماقلتو له ,,طيب طيب المهم لاتنسى تقوله ,,سالي اللي فهمت الموضوع أخذت منها الجوال .. سالي:اسمع هي كلمه ورد غطاها ابي نصف مليون ريال تكون بحسابي قبل الاربعاء .. سعد :وليه انتي من وين طلعت يلي .. سالي:طلعت من بطن أمي.. سعد :من يون اجيب لك نصف مليون ,,الرجال ماعطانا لك مهر ,,,وهو اللحين مسافر .. سالي :والله زي مابعتني ادفع الثمني ,,ولاشاطر بس بتوقيع الصفقات .. سعد: لاتخافين ماني بسارقك بس اصبري لين الرجال يرجع ويعطينا مهرك .. سالي بعصبيه :أنت غبي ماتفهم اقولك ابي الفلوس اللحين تقول بعد مايرجع انشاءالله يرجع بكفنه,,والله لوجاء يوم الاربعاء ومالقيت المبلغ بحسابي لسويلكم فضحيه تكلم فيها الناس السنين ,,وصكت السماعه بوجهه .. نهاية الجزاء الثامن ...... وإنشاء الله أن تعجبكم أخواني وبارك الله فيكم وأرجوا من المشرفة غرور انثى أن تعطيني رأيها والباقية بعدها ومع التحيات .gif "flowr") stev
__________________ حاكم العشاق وما كنت ممن يدخل العشق قلبه و لكن من يبصر جفونك يعشق أغرك مني أن حبك قاتلي و أنك مهما تأمري القلب يفعل يهواك ما عشت القلب فإن أمت يتبع صداي صداك في الأقبر أحبك حُبين حب الهوى وحباً لأنك أهل لذاكا حاكم العشاق |
|
#7
09-01-2007, 10:32 PM
| ||
| | ||
| رد: قصتي الأولى (الزمن طبعه كذا) قصه طويله من اجزاء
تسلم اخوي على القصه وتسلم اناملك وعد مني اني اقرءه واعطيك راي رغم اني قرايت جزء بسيط الاانها قصه رائعه متسلسله بقام رائع وانشاء الله نشوفك كاتب كبير اخوي في عيون العرب تقبل تحياتي
__________________ رحلة الألف ميل تبدأبخطوة متى وجدت الإرادة والصبر زالت الصعاب احسن وسيلة للتغلب على الصعاب اختراقها لانعرف قيمة مالدنيا حتى نخسرة ليس الفخر أن لانسقط بل أن ننهض كلما سقطنا |
|
#8
09-01-2007, 10:51 PM
| ||
| | ||
| رد: قصتي الأولى (الزمن طبعه كذا) قصه طويله من اجزاء
مشكورة أختي على المرور وأنهو مسلي أختي إنشاء الله يعجبك أختي وإشاء الله أصير كاتب  مشكورة على القرأه كما وعديني ولسه في أجزاء وبعدين نكملها بعد أن تقرأوها لأنها طويلة مشكورة أختي  مشكورة .gif "thanks")
__________________ حاكم العشاق وما كنت ممن يدخل العشق قلبه و لكن من يبصر جفونك يعشق أغرك مني أن حبك قاتلي و أنك مهما تأمري القلب يفعل يهواك ما عشت القلب فإن أمت يتبع صداي صداك في الأقبر أحبك حُبين حب الهوى وحباً لأنك أهل لذاكا حاكم العشاق |
|
#9
09-03-2007, 08:38 AM
| ||
| | ||
| رد: قصتي الأولى (الزمن طبعه كذا) قصه طويله من اجزاء
__________________ حاكم العشاق وما كنت ممن يدخل العشق قلبه و لكن من يبصر جفونك يعشق أغرك مني أن حبك قاتلي و أنك مهما تأمري القلب يفعل يهواك ما عشت القلب فإن أمت يتبع صداي صداك في الأقبر أحبك حُبين حب الهوى وحباً لأنك أهل لذاكا حاكم العشاق |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصتي مع الزمن | الجريح | أرشيف المواضيع الغير مكتمله او المكرره او المنقوله و المخالفه | 4 | 11-07-2008 01:58 PM |
| نبوءة أم صدفه رقميه | حمزه عمر | نور الإسلام - | 5 | 08-24-2007 04:05 PM |
| كلمات يجب الحذر منها | حمزه عمر | نور الإسلام - | 30 | 05-13-2007 12:32 PM |
| نبوءة أم صدفه رقميه | حمزه عمر | نور الإسلام - | 2 | 04-28-2007 07:06 AM |
العرض العادي
